رواية كلام الناس نار كاملة جميع الفصول بقلم مريم احمد

رواية كلام الناس نار كاملة جميع الفصول هي رواية من كتابة مريم احمد رواية كلام الناس نار كاملة جميع الفصول صدر لاول مرة على موقع التواصل الاجتماعى فيسبوك رواية كلام الناس نار كاملة جميع الفصول حقق تفاعل كبير على الفيسبوك لذلك سنعرض لكم رواية كلام الناس نار كاملة جميع الفصول

رواية كلام الناس نار كاملة جميع الفصول

صرخت بغضب و هي بتقول

همس..يعني ايه الكلام ديه!!! 

قالها موسى جدها بهدوء

موسى...اهدي يا بتي و اسمعيني

همس...معيزاش اسمع اي حاچه يا چدي

قال ابوها بعصبيه

مرتضى... و احنا من ميتى و احنا بنعتمد رأي الحريم اصلا يا ابوي

اضايق موسى و قاله

موسى... و انا محبش ان حفيدتي تبقى زعلانه مني يا مرتضى 

نزلت دموع همس بزعل و هي باصه لأبوها بحزن كبير

قال مرتضى لموسى

مرتضى.. تزعل ولا تمـ.ـوت من زعلها حتى برضو البنت اهنيه ف الصعيد ملهاش كلمه واصل

بص موسى لحفيدته بحزن عليها و سكت

مسكت همس دموعها بقوه و قالت لأبوها

همس... يمكن اول مره ارفضلك طلب يا ابوي بس لحد اهنيه و لا... انا مهتجوزش زين مش بعد دا كله اتجوز واحد فاشل زيه استحاله

زعقلها مرتضى بغضب و هو بيقول

مرتضى... يعني ايه الكلام دا دي عاداتنا و تقاليدنا البت تتجوز ابن عمها

همس... و انا مش جماد عشان اسكت لا انا بني ادمه و دي حياتي... انا الي احدد اعيشها كيف مش حد تاني 

كان لسه مرتضى. هيروح يضربها بس وقفه صوت موسى و هو بيزعش بغضب بإسمه

موسى... مــــرتـــضــى!!! 

بصله مرتضى و هو مضايق جدا من همس 

موسى... اياك تمد يدك على بنتك تاني

كمل بزعيق

موسى... سـااااامـع!! 

مرتضى... امرك يابوي.... عن اذنك

و خرج و سابهم

فضلت همس تعيط بقهر و حزن 

موسى.... خلاص يا بنتي متبكيش 

بس همس فضلت تعيط جامد و هي زعلانه من معاملة ابوها ليها

موسى... ابوكي بيحبك والله هو بس عايز مصلحتك

بصتله همس بقهر و قالتله

همس... مصلحتي..؟؟!!  

كملت بجنون

همس.... دا انا مشوفتش حد في حياتي فاشل زي زين

سكت موسى بحزن و متكلمش

كملت همس و هي بتقول

همس... دا انت بقالك سنين بتتحايل عليه ينزل يتابع المزرعه و هو رافض 

موسى... مش عايزك تزعلي من ابوكي يا بنتي

همس... مفكرش فيا اني ابقى خلاص المفروض اشتغل و احقق حلمي لا عايز يجوزني ابن عمي الفاشل المستهتر عشان التقاليد دا لسه بياخد مصروف من عمي يا چدي!!!! 

موسى... خلي بالك هو لو كان بيهتم بالتقاليد اكتر منك كان قعدك من العلام مكنش خلاكي اتعلمتي واصل

بصتله همس و سكتت

همس... و انا مش هسيب حلمي ولا شغلي عشان تقاليد الصعيد يا كدا يا ههرب و محدش هيعرفلي طريق

......... سبحان الله

كانت رهف بنت عم همس واقفه جمب السلم و سمعت كل دا 

راحت بسرعه لأختها و هي بتقولها

رهف... سمعتي الي انا سمعته!!! 

قالتلها ورد بسخريه

ورد... ليه كنتي شايفاني واقفه بتصنت عليهم زيك 

رهف... اتلمي يا ورد و متنسيش اني اختك الكبيره

ورد... كام مره اقولك حرام انك تتصنتي على حد اكده

رهف... خلصنا بقى اسمعي

سدت ورد ودنها و قالتلها

ورد... مش هسمع منك حاچه هما لو عايزين يخبرونا هنعرف منهم 

بصتلها رهف بصيق و قالتلها

رهف... انتي غريبه اوي يا ورد

ورد.... ليه عشان بتقي ربنا بقيت غريبه!! 

في الوقت دا جت امهم و هي بتقول

نعيمه.... مالكوا انتوا الاتنين بتتخانقوا ليه

ورد... كالعاده بنتك بتتصنت على چدي و همس و جايه تقولي الاخبار 

بصت لأختها بضيق و قالت بسخريه

ورد... خلوها تشتغل جـ.ـاسوسه اكرملها

اضايقت رهف جدا منها و نعيمه الي قالت لورد بغضب

ورد... اتلمي يا ورد و اتحدثي عن اختك زين 

قامت ورد و قالت

ورد... و على ايه كل دا انا قايمه اصلا

رهف... يكون احسن

هرجت ورد و نعيمه راحت لرهف و هي بتقولها

نعيمه... احكيلي انا ايه الي حصل

رهف... سمعت كدا ان عمي مرتضى هيچوز همس لزين ولد عمنا بس همس مش موافقه عشان زين فاشل و مستهتر و اكده و قالت انها هتهرب لو عمي فضل مُصر على رأيه

فرحت نعيمه جدا و قالت

نعيمه... حلو اوووي الكلام ديه

رهف... ياريتها تغور من اهنيه بقى و تخلصنا منها

نعيمه... هتغور..متقلقيش

ابتسمت رهف بخبث و قالت لأمها

رهف... شكلك بتفكري ف خطه 

بصتلها نعيمه و قالتلها

نعيمه... الي هقولهولك تسمعيه و تنفذيه بالحرف الواحد

رهف... سامعاكي

.... لا اله الا الله

خرجت ورد من الاوضه لاقت همس بتعيط و رايحه على اوضتها

راحتلها ورد بسرعه و هي زعلانه عليها

ورد... همس

كانت همس هتقفل باب اوضتها بس لما لاقت ورد فتحت الباب و قالتلها و هي بمسح دموعها

همس... تعالي يا ورد

دخلت ورد و قالتلها

ورد... مالك بتعيطي ليه

عيطت همس اكتر و حكيتلها و ورد الي زعلت جدا عشانها و قالتلها

ورد... متزعليش من عمي هو بس عايز مصلحتك

همس... الكلام دا يتقال لو كان زين واحد ناجح ف شغله لكن دا فاشل مش عايز حتى ينزل يتابع شغل المزرعه بتاعة چدك

زعلت ورد جدا و قالت

ورد... بس استحاله تهربي يا همس 

همس... انا قولت لچدي يا يقنع ابويا اني اكمل ف شغلي و احقق حلمي او ههرب القرار ف يده

ورد... بس برضو متنسيش ان ف النهايه دي عادتنا يا همس يعني صعب چدي يقنع عمي بحديثك ديه

راحت همس جابت الشنطه الي جمب الدولاب و حطتها على السرير و هي بتقول

همس... يبقى خلاص نختصر كل الهم دا و اهرب

ورد... و هتروحي فين بقى

همس... معايا شوية فلوس هقعد بيهم ف اي لوكندا و على م اشوف شغل 

اتنهدت ورد بحزن و قالتلها

ورد... طب استني يا همس و نشوف مش يمكن عمي يقتنع بكلامك 

اتنهدت همس بزعل و قالت بحزن

همس... و افرضي مقتنعش!! 

ورد.. على الاقل نبقى حاولنا لأخر لحظه

هزت همس راسها و هي الدموع ف عينيها

.... سبحان الله و بحمده سبحان الله العظيم

في شركة الحفناوي لتصدير الفاكهه و الخضروات

كان مالك قاعد ف مكتبه بيتابع شغله كويس 

قطع تفكيره خبط على الباب الزجاجي

بص على الباب لاقاه زين اخوه

هز راسه لزين بمعنى انه يدخل المكتب

دخل زين و قعد قدام المكتب و مالك الي قال بسخريه

مالك... ايه اخيرا فكرت ف مستقبلك و جيت تدور على شغل ف الشركه..؟ 

زين... اكيد لا

بصله مالك بزهق و قاله و هو بيعيد كلام اخوه بس بسؤال

مالك... اكيد لأ..؟؟؟ 

هز راسه يمين و شمال بأسى من اخوه. رجع بص للاب توب تاني يشوف شغله

زين... مش هتسألني جاي ليه..؟ 

رد عليه و هو لسه بيتابع شغله 

مالك... اكيد جاي تاخد مصروف م البيه ممعهوش فلوس

اتعصب زين جدا و قاله

زين... مالك لو سمحت انا مسمحلكش تتكلم معايا اكده 

اتعصب مالك هو كمان و قاله

مالك... و عايزني اتكلم معاك كيف بقى واحد فاشل زيك يفرح جدا اني مضيع وقتي و بتحدث معاك اصلا

زين... تمام 

سكت مالك و مردش عليه

قاله زين بضيق

زين.... عايز فلوس

مالك... لأ

بصله زين بغضب و قاله

زين... نعم...!! 

قاله مالك بهدوء

مالك... م هو انا مش اتعب و اهتم بالشركه و ف الاخر انت تيجي تاخد مصروفك زي الطفل 

اتعصب زين و قال

زين... دي فلوس ابوك اصلا

مالك.. فلوس ابويا الي ادهالي عشان احقق مشروعي و افتح الشركه الي بفضل الله نجحت لكن انت عملت ف حياتك ايه بقى عايش عاله على اهلك بتاخد من كل واحد فينا مصروف 

اضايق زين منه جدا و قام خرج و ساب الشركه كلها

اتنهد مالك بضيق من اخوه و رجع كمل شغل

.... الحمدلله

بليل كانوا كلهم متجمعين معادا همس الي كانت قاعده ف اوضتها بتعيط و هي زعلانه من معاملة ابوها ليها

موسى... بنت عمك فين يا ورد

ورد... ف اوضتها يا چدي مش عايزه تنزل واصل

مرتضى... سيبوها براحتها برضو الي انا عايزه هيحصل

اضايقت ورد جدا منه و قالت

ورد... يا عمي دي بنتك الوحيده سيبها تحقق حلمها و تكبر شغلها و تنجح و لو عايز تجوزها جوزها حد ناجح ف شغله زيها مش معلش يعني بياخد مصروف شويه من عمي و شويه من اخوه

مرتضى... انتي كمان بتتحدثي و بقى ليكي كلمه يا بت متولي

اضايق متولي عشان بنته و قال

متولي.. بنتي حره يا مرتضى تقول رأيها زي م هي عايزه ابوها مماتش عشان تزعقلها اكده

سكت مرتضى بغضب 

سمعوا صوت الغفير  و هو بيقول بصوت عالي

الغفير.... يا موسى بيه يا موسى بيه

خرج موسى و مرتضى و وليد و متولي و هما مخضوضين

موسى... يا ايه يا زفت انت

الغفير.... زين بيه اتـ ـقتل  ووووو

يتبععععع

↚

مسكتها من شعرها بغل و قهر و هي بتصرخ فيها. و بتقولها

فرحه... شايفه يا وش الهم يا وش الفقر الواد اتقتل  يا وش الهم

صرخت همس و هي بتحاول تبعد ايد مرات عمها المؤلمه عن شعرها

همس... سيبي شعري يا مرت عمي و انا ماالي هو انا الي قتـ ـلته!!! 

سابت فرحه شعرها بغل و همس الي مسكت شعرها بوجع من قبضة مرات عمها

قالتلها فرحه بقهر

فرحه... اتـ ـقتل  بسببك انتي

همس... انا مليش دعوه روحي شوفي ابنك اتخانق مع مين و قتـ ـلته 

قالت فرحه بجنون

فرحه... برضو بتقولي مليش دعوه

مسكت نعمه ايد فرحه و هي بتبعدها عن همس و بتقول

نعمه.... خلاص يا فرحه البقاء لله خلاص ياختي عشان متتعبيش

نزلت دموع فرحه بحزن على ابنها الي مات

و همس الي فضلت تعيط جامد و قفلت باب اوضتها

....... سبحان الله و بحمده سبحان الله العظيم

تحت كانت فرحه قاعده بتعيط بحزن

قالها وليد جوزها الي كان برضو زعلان على ابنه

وليد... خلاص يا فرحه بقى كفاياكي عياط ادعيله بالرحمه

فرحه... كله من وش الهم الي فوق دي

وليد... حرام لما تقولي اكده استغري ربنا

فرحه... يوم م اتكلمتوا في موضوع جوازهم الواد اتقتـ ـل و مات

كملت بعياط

فرحه... ياريتها هي الي كانت ما.تت 

      .......

عدى كام يوم العزا و كانت همس ف اوضتها مش بتنزل عشان مرات عمها متسمعهاش كلام زي السـ ـم تاني

كانت قاعده سرحانه و هي مش عارفه تزعل على ابن عمها الي مات و لا تفرح انه مات و خلصت منه 

خبط الباب 

همس... اتفضل

اتفتخ الباب و ظهرت ورد بنت عم همس

همس... تعالي يا ورد

دخلت ورد و قعدت جمبها

ورد... هتفضلي حابسه نفسك ف الاوضه اكده على طول!!! 

همس... معيزاش انزل اديكي شوفتي مرت عمك ضربتني ازاي كأني انا الي قتـ ـتلها ابنها مثلا

ورد... معلش يا حبيبتي متزعليش منيها انتي عارفه انها كانت بتحب زين جدا و زعلت عليه

همس.... انا مااالي تضربني انا ليه

ورد... متزعليش طيب

نفخت همس بزهق و قالت ورد

ورد... يلا تعالي انزلي افطري جدك مستنيكي 

هزت همس راسها و حطت الطرحه على راسها و نزلوا

....... 

اول م دخلوا اوضة السفره و فرحه شافتها اتغيرت معالم وشها للغضب و قالت

فرحه.... انتي ايه الي جابك يا بت انتي غوري اطلعي على اوضتك

زعق موسى بإسمها بغضب و هو بيقول

موسى.... فـــرحـــه!!!!! 

سكتت فرحه بخوف و موسى الي قال

↚

موسى... تعالي يا همس يا بنتي

راحت همس و قعدت و ورد قعدت جمبها

قامت فرحه و خرجت و سابت اوضة السفره

همس... هو انا مالي طيب هو انا الي قتـ ـلته

موسى... خلاص يا بنتي كملي اكلك

بص موسى لمالك و قاله

موسى... بعد الفطار تعالى المكتب عايز اتكلم معاك

هز مالك راسه باحترام و قال

مالك... حاضر يا جدي

.......

بعد الفطار كان موسى في مكتبه خبط الباب و دخل مالك الي قال

مالك.. جيت اهو يا جدي

موسى... اخبار الشركه ايه

مالك.. كله تمام الحمدلله

موسى... انا فخور بيك اوي يا مالك يابني

ابتسمله مالك و قاله

مالك.. انا الي فخور انك جدي يا موسى بيه

ضحك موسى و قاله

موسى... انت طبعا عارف ان همس بنت عمك كانت هتتجوز زين اخوك الله يرحمه

اتغيرت تعابير وش مالك كلها للجمود لما حس انه فهم جده هيقول ايه و قاله

مالك... الله يرحمه

كمل قبل م جده يقول اي حاجه

مالك.... و انا مليش دعوه بتقاليد الصعيد يا جدي و مش هتجوز همس

ضرب موسى ايده على المكتب بغضب و قال

موسى... و انا هنا كلمتي سيف على رقبة الكل و لما اقول هتتجوز همس يبقى تسمع الكلام

مالك... و انا مش عيل صغير عشان يقول حاضر و نعم و بس يا جدي

قاله موسى بغضب

موسى... خلاص اعتبر نفسك محروم من الورث و اعتبر الشركه الي فرحان بيها دي اتقفلت 

بصله مالك بصدمه و غضب و قاله

مالك... انتوا بتعملوا فينا كدا لييه!!!!! 

موسى... الي عندي قولته

هز مالك راسه بغضب و قال

مالك... تمام حلو اوي 

و سابه و خرج

اتنهد موسى بحزن و زعل على حفيدته 

موسى..... سمحيني يا. همس يا بنتي

....... 

كانت همس قاعده لوحدها و هي شايفه الكل متجمع حوالين فرحه و بيحاولوا يهدوها و يقنعوها انها تبطل عياط و تدعي له بالرحمه

جت ناديه عمتها و قعدت جمبها و هي بطبطب عليها

بصتلها همس و سكتت و ناديه الي قالتلها

ناديه... حقك عليا. يا حبيبتي متزعليش منها

ابتسمت همس و قالتلها

همس... لولا انّي مراعيه الحاله الي هي فيها كنت جبت حقي ف وقتها

ناديه... لا يا حبيبتي متقوليش اكده و متزعليش 

هزت همس راسها بمعنى ولا فرقالي 

و سكتت

بس اتنفضت ف مكانها هي و الكل لما سمعت صوت مالك و هو بيقولها بغضب جحيمي

مالك... تروحي انهارده لجدك و تقوليله انك مش عايزه تتجوزي سااامعه انا مش ناقص وجع دماغ و لو معملتيش الي قولتلك عليه يا همس مش قادر اقولك الوش الي هتشوفيه مني هيبقى عامل ازاي 

كمل بغضب اكبر..اتنفضت في مكانها على اثر صوته الغاضب

مالك.... ساااااامعههه وووووو

يتبععععع

↚

وقفت بغضب و قالتله بعصبيه

همس... و انت مين اصلا عشان تتكلم معايا اكده...؟ انت تتحدث معايا عدل و مش انت الي تقولي اعمل ايه و معملش ايه انا حره 

و عادت كلامها تاني بحده اكبر و هي بتقول

همس.... مش انت الي هتقولي اعمل ايه و معملش ايه يا مالك... ساامع

اتعصب منها جدا و قال بصوت عالي

مالك.... م انت لو ابوكي كان عرف يربيكي زين مكنتيش كلمتي ابن عمك الكبير اكده لكن هقول ايه انتي متربتيش من اساس

قالتله بحده و غضب

همس... اخرس قـ ـطع لسانك انا ابويا رباني احسن تربيه و عشان انا متربيه مش هسيبك تتحكم ف تصرفاتي و  تقولي اعمل ايه و معملش ايه انا مش عيله صغيره 

قامت فرحه بغضب و قالتله

فرحه... جرا ايه يا بت مرتضى انتي هتعلي صوتك على ولدي ولا ايه م تتأدبي بدل م اخلي ابوكي يجي يضربك جوز قلمين على وشك و يربيكي من الاول و جديد

حست همس بوخذه ف قلبها من جملة مرات عمها الاخيره لأن فعلا ابوها ديما بيعاملها وحش جدا و حتى مش بيهمه انه بيعاملها بالمعامله دي قدامهم

فاقت من شرودها على صوت عمتها الي بتقول

ناديه... خلاص خلصنا روح يا مالك على شغلك

بصت لمرات اخوها و قالت

ناديه... و انتي كمان 

رفعت فرحه حاجبها بغضب و استنكار، فـ كملت ناديه و قالت

ناديه... احنا ف ايه ولا ف ايه اترحمي على ابنك الي مات بدل م تزعقي للبت اكده

بصت فرحه لهمس بغل و غضب و متكلمتش

و همس الي قالت لعمتها

همس... انا طالعه اوضتي يا عمتي 

هزت عمتها راسها و قالتلها

ناديه... طيب يا بنتي

قامت ورد و قالت

ورد... تعالي يا همس انا كدا كدا كنت طالعه انا كمان

هزت همس راسها و طلعت هي و ورد

..... سبحان الله و بحمده سبحتن الله العظيم

في اوضة همس 

كانت قاعده بتعيط بحزن 

ورد.. خلاص بقى يا همسه متزعليش 

بصتلها همس بزهول و قالتلها

همس... مزعلش...!!!! 

سكتت ورد و هي مش عارفه تقولها ايه و همس الي كملت بزهول اكبر و هي بتقول

همس... طيب قوليلي مزعلش ازاي و هما عمالين ياخدوا قرارات لحياتي من غير حتى م ياخدوا رأيي

بصت لـ ورد و قالتلها بحزن

همس... دي حياتي انا يا ورد حياتي انا ليه هما يخدوا قرارات لحياتي انا مطلبتش منهم دا 

اتنهدت ورد و هي مش عارفه تقولها ايه و همس كملت و هي الدموع في عينيها و بتقول

همس... اشمعنا انا طيب الي بيتحكموا فيا و ف حياتها

بصت همس لورد و قالتلها

همس... ليه مش بيتحكموا ف حياتك او حياة رهف... ليه انا ليه

ورد... حقك عليا انا يا همس اوعي تزعلي 

قالتلها همس بجمود

همس... انا فعلا مش هزعل و انا هعرف ادافع عن حياتي كويس اوي

قفلت ورد حواجبها باستغراب و قالتلها

ورد.... يعني ايه

مسحت دموعها و قالتلها بجمود

همس... يعني مش هسمح لحد انه يتحكم ف حياتي يا ورد

قالت جملتها و خرجت من الاوضه 

خرجت ورد هي كمان و هي بتنادي عليها بس همس مهتمتش و خبطت على باب المكتب 

قالتلها ورد بصوت واطي عشان موسى ميسمعهاش

ورد... بتعملي ايه يا همس

بس همس مردتش عليها حتى لأنها سمعت صوت جدها و هو بيسمح بدخول الطارق 

.... لا اله الا الله

كان قاعد في المكتب و هو بيتابع اخبار المزرعه بتركيز لحد م خبط الباب 

موسى... اتفضل

اتفتح الباب و دخلت همس 

قالها موسى اول م شافها

موسى... تعالي يا حبيبة جدك 

قربت همس من المكتب و قعدت على الكرسي الي قدام المكتب

لاحظ موسى ملامح وشها الي زعلانه ف قالها

موسى... شكلك زعلانه 

بصتله همس باستغراب و قالتله

همس... انتوا بتعملوا فيا كدا ليه يا چدي... هو انا لعبه في ايديكوا تقولوا هنجوزها زين وافقت وافقت موافقتش تخبط دماغها في الحيطه... و لما رفضت عشان زين الله يرحمه كان بني ادم فاشل و بياخد فلوسه من ابوه ابويا غضب مني... كأنه مثلا مـ صدق يرميني... و دلوقتي لاقيتك مقرر اني اتجوز مالك اخوه لأن زين اتوفى و هي دي تقاليد الصعيد.. طب و انا 

كملت بقهر

همس... انا قراراتي في حياتي ايييه... مليش اني احقق احلامي و يبقى ليا شركتي زي م ساعدتوا مالك انه يبقى ليه شركتوا...؟ 

كان لسه موسى هيتكلم بس همس قطعته لما قالت بحزن و.  قهر

همس... انا عايزه اسألك سؤال واحد بس..

سكت موسى و متكلمش،  كملت همس و قالت

همس.... هو اشمعنا انا لا بجد اشمعنى انا.. 

مسحت دمعه نزلت من عينيها و قالتله 

همس.. يعني لبه مثلا مش رهف ولا ورد الي تتحكموا ف حياتهم ليه انا.. 

موسى.. اسمعي يا همس دي تقاليد الصعيد و انتي بت الصعيد يعني تمشي على تقاليدنا من غير حتى انك تعترضي ولا تزعلي 

همس...  و انا مش عبيد يا چدي عشان تقولي اسمع كلامكوا و انتوا بتتحكموا فيا من غير م اعترض انا مش اقل من اي حد لأ انا متعلمه و معايا شهاده زيي زي مالك بالظبط و ان كنتوا هتتحكموا. ف حياتي على كيفكوا و مش هتساعدوني اني احقق حلمي و يبقالي شركه يبقى هغور من اهنيه و ههرب و هشتغل لحد م يبقى معايا شوية فلوس اقدر منيهم أأسس شركه صغيره و برضو مش هعمل غير الي انا عايزاه و شايفاه صالح ليا

اتعصب موسى منها جدا و قالها بغضب

موسى... انا شكلي دلعتك يا بت انتي لما فضلت اقول لأبوكي ميضربكيش لكن الظاهر انك لازم تضربي لحد م تتربي يا بت مرتضى 

نزلت دموع همس بس بسرعه مسحتها و قالت

همس... تمام يا چدي يبقى انت الي اخترت متبقاش تزعل مني بقى لما ف يوم تصحوا متلاقونيش

موسى... دا انا اقتـ ـلك قبل م تفكري تعمليها

↚

همس.. يكون تحسن على الاقل ارتاح من الهم الي انتوا معيشني فيه بسبب تحكماتكوا ف حياتي

ضرب موسى المكتب بغضب و صرخ ف وشها بزعيق و هو بيقول

موسى... غــــوري عـــلـــى اوضــتــك و ايــاكــي اشــوف وشــك واصــل!!!! 

هزت همس راسها بتوعد و قامت خرجت من المكتب 

رمى موسى كل الي على المكتب على الارض بغضب كبير و هو مضايق جدا من همس

..... اللهم صل و سلم و بارك على سيدنا محمد 

خرجت همس من اوضة المكتب و هي حاسمه قرارها

راحت على اوضتها لاقت ورد مستنياها هناك

اول م ورد شافتها قامت وقفت و قالتلها

ورد... ايه الي حصل

همس.. ههرب 

اتصدمت ورد من رد همس و قالتلها

ورد.. نعم..!!! 

همس... مش هما الي اختاروا اكده خلاص 

حست ورد انها مش فاهمه اي حاجه و قالت لهمس

ورد... اهدي و فهميني في ايه و ايه الي حصل و قولتي لجدك ايه

اتوترت همس من كمية الاسئله الي ورد سألتهم كلهم ف وقت واحد و قالتلها 

همس... م تهدي انتي في قطر بيجري وراكي

ضحكت ورد و قالت 

ورد... م انا مفهماش منك اي حاجه واصل

ابتسمت همس بس رجعت اختفت ابتسامتها لما افتكرت كلامها مع جدها

لاحظت ورد حزن همس ف قالتلها عشان تشجعها انها تتكلم

ورد... سامعاكي

اتنهدت همس بحزن و حكت لورد كل حاجه

ورد... و انتي فاكره هروبك هو الحل..؟ 

همس... عايزاني اعمل ايه يعني عايزاني اشوف حياتي و هما بيقرروا اعمل فيها ايه و اسكت..؟ 

ورد... اكيد في حل تاني بس مش تهربي 

سكتت همس و بصت قدامها بشرود ف ورد قالتلها

ورد.. يا همس انتي لو هربتي زي م بتقولي كدا هيعرفوا مكانك انتي ناسيه اننا من عيلة كبير الصعيد!!! 

بصتلها همس و قالتلها

همس... مش ناسيه و برضو هعمل الي انا شايفه انه صالح لحياتي 

قالتلها ورد بزهق

ورد.. انتي حره بقى انا نصحتك و خلاص 

بس بصتلها و قالتلها بتحذير

ورد.. بس لو مالك عرف بالي انتي ناويه تعملي ديه مش بعيد يدفنك مطرحك

اتعصبت همس جدا و قالتلها

همس... ليه يعني هو مين اصلا عشان يقتـ ـلني

ورد... هو مين..؟!!!

كملت بسخريه و كأنها بتفكر همس

ورد.... هو ولد عمك و خطيبك 

قالتلها همس بغضب 

همس.. كان.. كان هيبقى خطيبي  لو انا مش ههرب لكن انا ههرب و مش هخليلهم فرصة انهم يتحكموا ف حياتي يا ورد

..... استغفر الله العظيم واتوب اليه

بعد كام ساعه كانت همس فيهم استنت لحد م الليل ليّل و كان الكل نام

قامت و جابت شنطه يادوب تعرف تلم فيها حاجتها

حطتها على السرير و لمت كل حاجه 

ورد... متأكده من الي ناويه تعمليه دا يا همس

هزت همس راسها و قالتلها

همس... ايوا

ورد... انا خايفه عليكي

ابتسمتلها همس و قالتلها

همس... متخافيش 

هزت ورد راسها و همس خدت شنطتها و نزلت بالراحه على سلم البيت عشان محدش يسمع صوتها

و ورد الي راحت هي كمان اوضتها على محدش يحس بحاجه

حطت همس الشنطه على الارض بزهق لما افتكرت تليفونها الي نسيته

طلعت جابت التليفون و نزلت تاني جرت شنطتها و راحت ناحية باب البيت

فتحت الباب بس اتصدمت لما لاقت قدامها مالك الي اول م شافها و فهم انها كانت هتهرب ملامح وشه كلها اتحولت للغضب و قال بصوت عالي

مالك... عـلـى فـيـن يـا مـحـتـرمـه!! 

بلعت همس ريقها بخوف و رجعت خطويتين لـ ورا

دخل مالك البيت و رزع الباب و قالها بغضب جحيمي

مالك... عايـــزه تــهــربــي يــا قـلـيـلـة الـربـايـه!!! 

...... استغفر الله العظيم واتوب اليه 

كانت ورد قاعده ف اوضتها و هي زعلانه جدا ان همس هربت مكنتش عايزاها تسيبهم و تمشي و كانت ف نفس الوقت مضايقه جدا من اهلهم لأن هما السبب

بس اتنفضت من مكانها و قامت وقفت بفزع لما سمعت صوت مالك الغاضب و هو بيزعق لهمس

خرجت بسرعه من اوضتها و نزلت تحت

بس اتصدمت و بلعت ريقها بخوف لما  لاقت الكل كمان موجود و واضح على ملامحهم الصدمه و في منهم الي شمتان 

قالت نعيمه ام ورد بخبث عشان تضايق مرتضى من بنته

نعيمه... عايزه تهربي يا همس.. مش كفايه ولد عمك الي مات كمان عايزه تهربي اخص على تربيتك

بصتلها همس بغضب و كانت لسه هتتكلم بس صرخت بوجع لما لاقت ايد مرتضى ابوها بتنزل على وشها بقلم خلاها وقعت على الارض  ووووووو

يتبعععع

↚

صرخت بقوه بسبب القلم الي نزل على وشها من قوته وقعت على الارض 

حطت ايدها على خدها بصدمه و بصت لأبوها بدهشه كبيره

ملحقتش تفوق من صدمتها و دخلت ف صدمه جديده لما لاقت ايد ابوها بتقبض على شعرها بقوه لدرجة انها قامت وقفت 

صرخت بوجع و هي بتقول لأبوها 

همس... سيب شعري يا بابا شعري هيتقطع ف ايدك

زقها مرتضى و هو بيسيب شعرها و قالها بصوت غاضب

مرتضى... عايزه تهربي يا همس

اتدخلت ورد بسرعه لما لاقت عمها متعصب كدا و قالت

ورد... لا لا يا عمي تهرب ايه بس دي همس عاقله استحاله تعمل اكده ابدا

قال مرتضى بغضب

مرتضى.. اخرسي مسمعش صوتك

بصت ورد لـ همس بلوم و عتاب و كإنها بتقولها انا حذرتك

كان لسه مرتضى هيضرب همس بس وقفه صوت مالك الي قال

مالك... خلاص يا عمي.. 

بصله مرتضى و قاله

مرتضى.. سيبني اربيها

مالك... لا خلاص هي عيله و اكيد متقصدش

اضايقت همس جدا منه و قالتله بغضب

همس... انا مش عيله انا عندي 24 سنه و متخرجه كمان

ضحك مالك بصوته كله و دا ضايق همس اكتر لأنه بيستهزء بكلامها

قال وليد بحده

وليد... خلاص خلصنا كل واحد يطلع على اوضته

مسكت ورد ايد همس و قالتلها

ورد.. يلا يا همس

بس همس كانت نفسها تـ ـقتلهم كلهم 

عادت ورد كلامها تاني و هي بتشد ايد همس و بتقول

ورد... يلا يا همس بقولك

هزت همس راسها و طلعوا

..... استغفر الله العظيم واتوب اليه 

في اوضة همسكانت راحه جايه و هي هتموت من الغيظ

قالتلها ورد بزهق 

ورد... م تقعدي بقى خيلتيني

بصتلها همس بغيظ و قالت بسخريه و هي بتعيد كلام مالك 

همس... خلاص يا عمي دي عيله و اكيد متقصدش... حيوان

ضحكت ورد على شكل همس و همس الي قالتلها بغيظ

همس.. انتي بتضحكي على ايه يا عديمة الدم انتي

ضحكت ورد اكتر و هي شايفه غضب همس و دا طبعا غاظ همس جدا 

بصت حواليها و هي بتحاول تدور على حاجه تحدف ورد بيها لحد م لاقت فازه على الطربيزه 

خدتها و كانت هتضرب ورد بيها بس ورد قامت بسرعه و هي بتقولها بخوف

ورد... اهدي يا همس مالك يا قلبي اهدي يا حبيبتي و سيبي الفازه الي ف يدك دي

بصتلها بقرف و حطت الفازه تاني على الطربيزه

حمحمت ورد و قالت

ورد.. احم.. ناويه على ايه..؟ 

كانت لسه همس هترد عليها بس قاطعها صوت خبط الباب

راحت همس و شافت من الشاشه مين لاقيته جدها 

فتحت همس الباب و قالتله باحترام

همس.. اتفضل يا جدي

قالها موسى بغضب

موسى... عقابا للي انتي عملتيه يا همس كتب كتابك على ابن عمك بكره و ابقي وريني بقى هتهربي ازاي

قال كلامه و مشي و همس الي فضلت مصدومه من كلامه

راحت ورد لهمس و حاوطت كتفها وهي بتحاول تواسيها

قفلت همس الباب و هي مش عارفه تعمل ايه 

ورد.. همس انتي كويسه..؟ 

بس همس مردتش عليها ابدا كل الي كانت بتعمله انها بتعيط بحزن كبير

ورد... يا عمري انتي خلاص كفاياكي عياط بقى خليكي قويه و مش اي حاجه تعيطك اكده

بصتلها همس و قالتلها بقهر

همس... كل احلامي ضاعت يا ورد خلاص مفيش شركه هتتعملي مفيش اي حلم هيتحقق يا ورد خلاص 

ورد... لا طبعا متقوليش اكده و بعدين مش معنى انك هتتجوزي انك كدا خلاص كل احلامك راحت

ابتسمت همس بسخريه و قالتلها 

همس.. بتضحكي عليا ولا على نفسك

سكتت ورد بحزن و بعدين قالتلها

ورد.. يا همس انتي ليه ديما كدا ليه ديما عايزه تني على حالك و خلاص انتي ليكي حظوظ كتير اوي انتي مش واخده بالك منيها 

سكتت همس و مردتش عليها ف كملت ورد و هي بتقول

ورد... يعني مثلا انتي كملتي تعليمك و كمان دخلتي الكليه الي حلمتي بيها و اتخرجتي كمان يعني معاكي شهادة تعليم كامله و ف الاخر زعلانه عشان مش هتشتغلي احمدي ربنا عندك انا و رهف اهو محناش كملنا تعليمنا و عايشين عادي يعني الي اقصد اقولهولك انك حققتي كذا حلم من احلامك مش لازم كل احلام تتحقق يا همس

بصتلها همس بدهشه و قالتلها

همس... صح انتي صح ازاي الواحده اهنيه ف تحقق كل احلامها لا طبعا الولد بس الي يكمل تعليمه و يشتغل كمان 

اتنهدت ورد بزهق منها 

.. استغفرالله العظيم و اتوب اليه..

في اوضة مالك 

كان وليد ابوه موجود  و مالك الي بيحاول يقنعه انه ملوش دعوه بتقاليد الصعيد دي و هو بيقول

مالك... يا ابويا انا مااالي كانت هتتحوز اخوي و مات انا مالي بقى

زعق وليد ف وشه بغضب و هو بيقول

وليد... يعني ايه انت مالك يعني انت هتمشينا كلنا على كيفك ولا ايه

مالك... اااه عشان دي حياتي و انا الي اقرر امشيها كيف مش حد تاني

وليد... انت هتقول نفس الحديث الماسخ بتاع بت عمك ولا ايه

↚

مالك... طب حلو انها قالت نفس الكلام ياريتكوا بقى تفهموا ان التقاليد دي خلاص ماتت و اتدفنت

خبط وليد عكازه على الارض بغضب و قال

وليد... انت تسمع الي نقولك عليه و انت ساكت فاااهم... و اعمل حسابك بكره كتب كتابك على بت عمك

مستناش يسمع رد ابنه و خرج 

و مالك الي من كتر غيظه مسك الفازه الي كانت على الطربيزه الي جمبه و حدفها ف الحيطه و هو بيتوعد لـ همس

..... سبحان الله و بحمده سبحان الله العظيم

تاني يوم الصبح 

صحيت همس و صلت فرضها و خرجت. من اوضتها لما حست انها جعانه

نزلت كانت رايحه ناحية المطبخ بس وقفها الصوت الي بتكرهه و هو بيقول

مالك... خير يا عروسه صاحيه بدري زي بقيت الخلق يعني 

ردت عليه همس بسخريه هي كمان و هي بتقوله

همس... ااه يا عيني الناس كلها صاحيه بدري و مبسوطه بقى انهارده فرحي و المفروض اكون اسعد واحده 

كملت بغيظ

همس... ميعرفوش اني اتعس واحده.. كفايه اني هشوف وشك  

قالت كلامها و دخلت المطبخ بسرعه لأنها خافت من ردة فعله لأن مالك معروف عنه غروره و عصبيته 

دخلت المطبخ و وقفت جمب الباب بصت تشوفه مشي ولا لأ بس اتنهدت براحه لما لاقيته باين عليه الغضب

و راحت عملت ليها فطار خفيف و طلعت اوضتها

بس اتصدمت لما لاقت نعيمه و رهف موجوده هناك 

همس... مرت عمي..؟ 

هزت نعيمه راسها بتأكيد و هي بتقول

نعيمه... اه مرت عمك

ابتسمتلها همس بزهق و رتحت قعدت على الكنبه

قالت رهف بغيظ من تجاهل همس ليها 

رهف... خير مش شايفاني..؟؟ 

مثلت همس انها مخدتش بالها من وجود رهف 

 شهقت بصدمه و اسف و هي بتقول

همس... يا عمري ازاي مشوفتكيش 

رفعت رهف حاجبها بغيظ و همس الي تجاهلتها تماما 

قالت نعيمه بغضب

نعيمه... و ازاي يعني مشوفتيهاش

همس... امم مش عارفه ممكن اكون افتكرها هوا او حاجه

رهف... نعممم..؟ 

قالتلها همس بتصحيح

همس... لا حبيبتي اوعي تزعلي افصد يعني انك خفيفه على قلوبنا زي النسمه

بصت همس لمرات عمها و قالت 

همس... مش كدا يا مرت عمي 

ابتسمتلها نعيمه بغضب و قالتلها 

نعيمه... كدا يا حبيبتي

همس... طيب ممكن بقى افهم سبب الزياره السعيده دي

رهف... انتي بتطردينا يعني ولا ايه

همس... اعتبريها كدا

قامت نعيمه و هي بتقول

نعيمه... تكرمي يا محترمه 

و بصت لرهف و كملت

نعيمه... يلا يا بتي

بصت رهف لهمس بغل و همس الي ابتسمتلها باستفزاز 

زعقت نعيمه بغضب لبنتها و هي بتقولها

نعيمه... مش قولتلك يلا يا رهف

رهف... طيب يا اما جايه اهو 

و همس الي اول م خرجوا قفلت الباب بغضب و هي مضايقه جدا

.... سبحان الله و بحمده سبحان الله العظيم 

بليل كانوا كلهم متجمعين و المأذون موجود 

و مرتضى الي قال لرهف

مرتضى... اطلعي يا رهف اندهي لهمس يلا

هزت رهف راسها بضيق و طلعت 

بس معداش دقايق و لاقوها نازله و هي بتصرخ و بتقول

رهف... الحقني يا عمي همس مش موجوده  ووووو

يتبعععع

↚

بليل كانوا كلهم متجمعين و المأذون موجود 

و مرتضى الي قال لرهف

مرتضى... اطلعي يا رهف اندهي لهمس يلا

هزت رهف راسها بضيق و طلعت 

بس معداش دقايق و لاقوها نازله و هي بتصرخ و بتقول

رهف... الحق يا عمي همس مش موجوده 

قام مرتضى وقف بزهول و هو بيقول 

مرتضى... نعمممم!! 

قال موسى بغضب 

موسى... يعني ايه الكلام دا

هزت رهف راسها يمين و شمال بعدم معرفه

ابتسم مالك بسخريه و قالهم

مالك... عن اذنكوا

و خرج من البيت 

...... سبحان الله العظيم 

طلع بالعربيه و هو متعصب جدا و ساق على سرعه عاليه 

فضل يضرب الدريكسيون بايده بغضب و هو بيقول 

مالك... مش مالك العزيزي الي يتحط ف الموقف داااا... 

كمل بتوعد و غضب

مالك... حاضر يا همس ان مخليت ابوكي يربيكي من اول و جديد مبقاش انا مالك العزيزي

...... لا اله الا الله محمد رسول الله 

كانت ماشيه بسرعه و هي بتبص وراها كل شزيه تتأكد هل في حد شافها ولا لأ

كملت طريقها لحد م وصلت عند بيت صاحبتها

خبطت الباب مره و اتنين محدش فتح 

كانت هتمشي بس سمعت صوت الباب و هو بيتفتح و ظهرت صاحبتها الي اتفجئت اول م شافتها

داليا... همس...!!!!! 

قالتلها همس و هي بتبص ناحية الطريق العمومي تشوف في حد من اهلها جيه ولا لأ

همس... دخليني يا داليا بسرعه

وسعت داليا الطريق لهمس و قالتلها بعدم فهم لأن المفروض ان دلوقتي كتب كتابها

داليا... تعالي 

دخلت همس باحراج و داليا خدتها و راحوا قعدوا للكنبه 

اتكلمت همس بأسف و هي بتقول

همس... انا اسفه يا داليا اني جيت على فجأه كده 

قالتلها داليا بضيق

داليا... ايه الكلام العبيط الي بتقوليه دا يا همس

كملت بعدم فهم 

داليا... انا بس م فاهمه هو مش المفروض دلوقتي كتب كتابك..؟ 

همس... داليا محدش يعرف غيرك انا معرفتش حد 

داليا... انا مش فاهمه حاجه و ايه الشنطه الي معاكي دي

قالتلها همس بحزن

همس... انا هربت

شهقت داليا بصدمه و قالت

داليا... ايه الي انتي عملتيه دا يا همس انتي اتجننتي

همس... اااه مش هما الي اختاروا كدا خلاص 

داليا... اهدي و فهميني

همس... هما مش عايزيني أأسس حياتي يا داليا مش عايزيني اشتغل ولا عايزين يبقى ليا شركه يا داليا 

داليا... ايوا يا همس بس مكنتيش تهربي دول زمانهم بيدوروا عليكي ف البلد 

همس... انا بس عايزه ابات عندك هنا انهارده و بكره الصبح همشي

هزت داليا راسها و قالتلها

داليا... تنوري يا حبيبتي 

ابتسمتلها همس و داليا خدتها و دخلتها اوضتها 

داليا... خليكي هنا على م اجهزلك اكل 

قالتلها همس برفض تام

همس... لا لا تسلم ايدك

داليا... في ايه يا همس!!! 

همس.. انا مش عايزه اي حاجه غير ان الوقت يعدي بس و الصبح يطلع عشان امشي 

كانت لسه داليا هترد عليها بس سمعت صوت الباب 

داليا... اصبري هروح اشوف الباب

قالتلها همس بفزع

همس... لا يا داليا 

ضحكت داليا و قالتلها

داليا... اهدي يا بت دي امي 

همس... هي خالتي مش هنا..؟ 

نفت داليا و هي بتقولها

داليا... لا 

و راحت فتحت الباب و لاقت امها الي اول م شافتها صرخت ف وشها بغضب

هند... سنه عشان تفتحي الباااب

خدت منها داليا شنط الخضار و قالتلها

داليا... معلش ياما حقك عليا

لاحظت هند شنطة همس الي موجوده، بصت لداليا و قالت

هند... هو في حد اهنيه..؟ 

هزت داليا راسها و قالت بصوت واطي

داليا... ايوا همس 

قالتلها هند بزهول

هند... همس مين همس العزيزي..؟ 

داليا... ايوا ياما و وطي صوتك

هند.. و ايه الشنطه دي 

حكتلها داليا بسرعه و هي خايفه همس تسمع 

و هند الي اتغيرت تعابير وشها للغضب و الضيق

..... لا اله الا انت سبحانك اني كنت من الظالمين

كانوا قاعدين ف الريسبشن كلهم و هما مصدومين 

قالت فرحه بغضب

فرحه... عشان لما نقول ان دي بت متربتش تبقى تصدق يا مرتضى 

زعق وليد جوزها بغضب و هو بيقول

وليد... اخرسي يا وليه انتي 

قالت فرحه قبل م تقوم

فرحه... و على ايه زعيقك دا.. انا طالعه احسن

↚

قالها متولي بزهق

وليد... غوري

طلعت فرحه و هي مضايقه جدا من همس 

و ورد الي كانت زعلانه جدا. و هي بتفتكر الي همس قالته

~فلاش باك~

في اوضة همس كانت ورد موجوده و هي بتقولها

ورد... ايااااكي يا همس تعملي الي ف دماغك دا احمدي ربنا انها المره دي عدت على خير لكن لو عملتي الي ف دماغك و هربتي تاني  هيـ ـقتلوكي يا همس

قالتلها همس بغضب

همس... و احنا هنا لازم نقول حاضر و نعم و بس من غير حتى م نقول احنا عايزين نعمل ف حياتنا ايه 

ورد... بس متهربيش يا همس

همس.. انا خلاص خدت قراري

اتنهدت ورد بحزن كبير و سكتت

~باك~

فاقت على صوت جدها الغاضب و هو بيقول

موسى... انتي كنتي عارفه يا بت انتي

سكتت ورد و متكلمتش

زعقلها مرتضى و قال

مرتضى... يعني كنتي عارفه

قالتله ورد بضيق

ورد... لو سمحت يا عمي متزعقليش 

مرتضى... انتي هتقوليلي اتحدث كيف ولا ايييه

قاطعه صوت متولي الغاضب الي قال

متولي... مـــرتـــضـــى!! 

سكت مرتضى و متكلمش و ورد الي قالتهم قبل م تقوم

ورد... عن اذنكوا

و طلعت على اوضتها

...... سبحان الله و بحمده سبحان الله العظيم 

خرجت همس لما لاحظت غياب داليا 

ابتسمت بهدوء لما شافت هند و قالت

همس... كيفك يا خالتي

بصتلها هند و ابتسمت بضيق و قالتلها 

هند... الحمدلله يا بتي 

قالتلها همس باحراج

همس... انا متأسفه على الازعاج الي عملته دا

سكتت هند و مردتش عليها و طبعا دا احرج همس جدا

لاحظت داليا احراج همس ف قالت بسرعه

داليا... احراج ايه بس يا همس دا ماما بتعتبرك بنتها التانيه

و بصت لأمها و قالت

داليا... صُح ولا ايه ياما

هزت هند راسها و قالت

هند... صُح

ابتسمتلها همس و قالت

همس... ربنا يباركلنا فيكي يا خالتي

قامت هند و قالت

هند... انا نسيت اجيب حاجه هروح اجيبها على طول مش هغيب

قالتلها داليا.... اجي معاكي

ردت عليها بضيق

هند... لا خليكي مع صحبتك

و خرجت من البيت 

بصت داليا لهمس الي كانت الدموع ف عينيها و قالت

داليا... حقك عليا يا همس هي متقصدش 

همس... لا لا انا الي متأسفه على الازعاج دا

داليا... بطلي تقولي بقى كلامك دا يا همس

ابتسمتلها همس و هي بتتمنى ان الوقت يعدي بسرعه

..... سبحان الله و بحمده سبحان الله العظيم 

كانوا قاعدين و هما بيحاولوا يفكروا همس راحت فين لحد م قطع تفكيرهم صوت خبط الباب

راحت نعيمه فتحت الباب استغرب لما لاقت هند قدامها بس قالتلها

نعيمه... اتفضلي يا هند نورتي

ابتسمتلها هند بضيق و دخلت

قالتلها نعمه باحترام

نعيمه... تشربي ايه يا حبيبتي

قالت هند بضيق

هند... ولا اي حاجه انا بس جايه لهمس

اتوتره كلهم و معرفوش يقولوا ايه

ف كملت هند و هي بتقول

هند... طيب ليه تحطوا نفسكوا ف موقف بايخ زي دا و كمان تزعجونا ببنتكوا

قالها موسى باحراج

موسى... هي همس عندكوا..؟ 

بس اتصدموا كلهم من رد هند الي احرجهم جدا و زود غضبهم من همس 

هند... ايوا عندنا جت على فجأه كدا بشنطتها... اتمنى تربوا عيالكوا كويس يا سيادة العمده وووو

يتبعععع

↚

صرخت بألم لما لاقت قلم نازل على وشها بغضب

خطت ايدها على خدها و بصت لأبوها بأسف و زعر و هي بتقوله

همس... انا اسفه يا بابا 

بس مرتضى مسمعهاش اصلا و ضربها قلم تاني بقوه و هو بيقول بغضب

مرتضى... بــتــهــربــي يـا هـمـس.. بـتـهـربـي يـوم كـتـب كـتـابـك 

قالتله و هي بتعيط و حطه ايدها قدام وشها في محاوله انها تحمي وشها من ضرب ابوها ليها

همس... مش هعمل اكدا تاني انا اسفه 

مسكها من حجابها بغضب و هو بيقول

مرتضى.. خليتي الست تيجي تهزأنا ف بيتنا

كمل و هو بيشدد ايده على حجابها و ايده الي ماسكه راسها راحه جايه بيها 

من كتر قسوته افتكرت ان شعرها اتقـ ـطع

مرتضى... خلتيها تقول علينا اننا معرفناش نربيكي... رايحالهم بدون اذننننننن و بتزعجيهم ليييه

كمل بقسوه و هو بيحدف راسها لورا و بيسيب حجابها

مرتضى... م تردييييي

حطت ايدها على حجابها في محاوله انها تخفف ألم راسها و قالت بعياط

همس... انتوا الي عايزين تهدوا احلامي و مش عايزين يبقى عندي شركه

نزل بقلم على وشها و هو بيقول بزعيق

مرتضى... تــقــومــي تــهــربــي!!!! 

نزلت دموعها بحزن و هي بتقول 

همس... انتوا الي خليتوني اعمل كده

مرتضى... تمام حلو اوي يا همس و عقابا للي انتي عملتيه دا اعتبري احلامك فعلا اتهدت عشان مالك ابن عمك كان اصلا كلم شركة البناء عشان يبدأوا يبنولك شركه ليكي و كانت دي هتكون مفاجأه ليكي بس انتي الي اختارتي 

بصتله همس بصدمه كبيره و هي حسه انها هتمـ ـوت من كتر صدمتها

كان لسه هيمشي بس هي مسكت ايده و قالتله و هي دموعها بتنزل بغزاره

همس... بابا قولي انك بتكذب عليا

نفض ايده بغضب و قالها بقسوه 

مرتضى... لا مبكدبش و انتي الي اختارتي يا همس و برضو جوازك انتي و مالك هيتم

قال كلامه و سابها بتبكي بقهر و خرج

قعدت على الكنبه بضياع و هي بتعيط جامد بحزن كبير و بتفتكر

~فلاش باك~

كانت قاعده مع داليا و هي بتقولها بحرج لما لاحظت غياب هند

همس... داليا هي خالتي اتأخرت صح..؟ 

بصت داليا على الساعه الي محطوطه على الحيطه و قالتلها

داليا... شويه ايوا

قالتلها همس بخوف

همس... كنت ملاحظه انها متضايقه من وجودي 

كملت بخوف اكبر

همس... هي ممكن تمون راحت بيتها و قالتلهم اني هنا

قفلت داليا حواجبها بقلق لما فعلا حست ان امها عملت كدا، بس حاولت تطمن همس و قالتلها و هي بتاخد التليفون 

داليا... هكلمها اشوفها فين

هزت همس راسها 

بس ملحقتش داليا حتى انها ترن على امها و لاقت الباب بيخبط

قالت لهمس بابتسامة 

داليا... اهي جت

و قامت فتحت الباب 

بس اتصدمت لما لاقت مرتضى ابوه همس و امال عمتها كمان

بصت لهمس بخوف و رجعت بصتلهم تاني

زقتها امها بغضب و هي بتقول

هند... اوعي من سكتها اكده

بعدت داليا و هما دخلوا 

و همس الي اول م شافت مرتضى وشها شحب زي الاموات من كتر خوفها و قامت وقفت و هي بتقول بخوف. و الدموع ف عينيها

همس... بـ بابا هفهمك... ااا. انا.... 

قاطعها مرتضى بحده و هو بيقول

مرتضى... كلامنا ف البيت كفايه قلق للناس اتفضلي

بصت همس لعمتها و كأنها بتقولها ساعديني بس اتصدمت لما لاقت نظرات عمتها كلها غضب ليها

و بكل هدوء مسكت شنطتها و طلعوا و هي عارفه انها انهارده هتتقتـ ـل بسبب هروبها من البيت 

كانت طول الطريق دموعها بتنزل بخوف و حزن حقيقي و هي مش عارفه ردة فعل ابوها هتكون ايه لأن بالتأكيد دا هدوء ما قبل العاصفه

دخلت البيت و طلعت على طول على اوضتها مستحملتش حتى انها تبصلهم و تشوف نظرات غضبهم ليها

و اول م طلعت اوضتها لاقت ابوها جيه 

~باك~

نزلت دموعها بحزن كبير و هي بتفتكر كلمة ابوها

"مالك كان كلم شركة البناء عشان يبنوا الشركه الي كنتي بتحلمي بيها لكن انتي الي اختارتي" 

عيطت بحزن كبير لدرحة انها مكنتش قادره تاخد نفسها من كتر شهقاتها لأن كله كوم و ان حلمها هي الي هدته بنفسها دا كوم تاني 

.... سبحان الله و بحمده عدد خلقه و رضى نفسه و زنة عرشه و مداد كلماته

خرج مرتضى من اوضة همس لقى ورد ف وشه 

و ورد الي كانت زعلانه جدا على همس و قالتله

ورد... ليه كدا بس يا عمي

قالها مرتضى بغضب 

مرتضى... اخرسي يا بت 

سكتت ورد ف كمل مرتضى بغضب

مرتضى.. اياكي تدخليلها يا ورد لو عرفت انك دخلتي اوضتها مش عارف ردة فعلي هتكون ايه

اضايقت ورد جدا من مرتضى و راحت لأوضتها 

.... لا اله الا الله وحده لا شريك له له الملك وله الحمد وهو على كل شيئ قدير

قالت رهف لأمها بشماته

رهف... شوفتي يا اما

قالتلها نعيمه بفرح

نعيمه... تستاهل

رهف... كنت هفرح اكتر لو كان ضربوها بالنـ ـار بس مش اشكال ملحوقه

بصتلها نعيمه بخوف و قالتلها 

نعيمه... دا انتي ايه الغل دا كله

قالتلها رهف بضيق كبير 

رهف... سيبيني ساكته يا اما... سيبيني ساكته احسن

قالتلها نعيمه بضيق

نعيمه... يكون احسن برضو 

.... لا اله الا انت سبحانك اني كنت من الظالمين 

عدى كام يوم كانت همس حابسه نفسها ف اوضتها كل يوم ورد بتروح تحطلها صنية الاكل و ترجع تلاقي الاكل زي م هو او ناقص حاجه بسيطه اوي

ورد.. كل يوم يا همس على كدا..!! 

↚

مردتش همس عليها بس دموعها هي الي ردت 

قعدت ورد جمبها و قالتلها

ورد... كفاياكي بكى بقى يا همس

و كأن جملة ورد زادت عياط همس 

سكتت ورد بحزن على همس 

ورد... هروح اعملك كوباية لمون طيب

قالتلها همس بصوت كله حزن

همس... مش عايزه اشرب حاجه

اتنهدت ورد بحزن عليها و قالتلها 

ورد... م هو اكده مش هينفع يا همس انتي كدا بتموتي نفسك

بس همس مردتش عليها و نزلت موعها و هي بتندم انها هربت و هدت حلمها بإيديها

اتنهدت ورد و خدت صينية الاكل و خرجت 

...استغفر الله العظيم و اتوب اليه عدد خلقه و رضى نفسه و زنة عرشه و مداد كلماته 

كانت داخله المطبخ و عشان تشيل الاكل الي همس مأكلتهوش بس سمعت صوت فرحه و هي بتقول لسخريه

فرحه... كل يوم ع الحال ديه... 

قالها موسى باستغراب 

موسى... في ايه يا فرحه؟؟!! 

قالت فرحه بضيق

فرحه... كل يوم الوكل يترمي في الزباله مش حرام كدا يا حاج

سكت موسى بضيق و ف نفس الوقت حزن جدا على حفيدته

كملت فرحه و هي بتقول

فرحه... مش كفايه جابتلنا التهزيق من الناس لا و كمان بتعاقبنا بعدم اكلها

قال موسى بغضب

موسى.... اخـــرســـي يــا فــرحـــههه!!!! 

سكتت فرحه بضيق  قال موسى لرهف

موسى... اطلعي يا بت اندهي بت عمك 

هزت رهف راسها بطاعه و طلعت و هي بتتمنى انها تلاقيها ميـ ـته

فرحه... انا قايمه احسن لو شوفتها مضمنش ردة فعلي على عدم تربيتها

سكت موسى بضيق منها و همس نزلت هي و رهف 

قالت همس باحترام 

همس... ايوا يا جدي

قال موسى لرهف

موسى.... روحي انتي على اوضتك

رهف... خليني عشان لو احتاجتوا اي حاجه

قالها موسى بحده

موسى... قـولـت اطـلـعـي عـلـى اوضـتـك

مشيت رهف و هي مضايقه لأنها كانت عايزه تعرف هو هيقول لهمس ايه

بص موسى لهمس و قالها

موسى... اقعدي يا بتي واقفه كل دا ليه

قعدت همس بحزن و هي الدموع في عينيها

موسى... ابوكي خبرك مش اكده

هزت دماغها و هي باصه ف الارض و الدموع في عينيها

موسى... ينفع الي عملتيه دا

بصتله همس و قالت

همس... عملت كدا عشان ادافع عن احلامي و اقدر احققها لكن انتوا لو كنتوا قولتولي مكنتش ههرب يا جدي

قالها موسى بضيق

موسى... للأسف متعلمه و معاكي شهاده بس تفكيرك محدود و اهبل

دمعت عيون همس بحزن ف كمل موسى و هو بيقول

موسى... لو كنتي فكرتي واحد ف الميه بس كنتي هتلاقي ان اكيد مش بعد م علمناكي لحد م دخلتي الكليه و خدتي شهادتك و بقيتي مهندسه هنقول على شغلك لأ... 

كمل باستفهام و ضيق و هو بيقول

موسى... هو احنا هنكره اننا نفتخر بيكي و و بكونك منهدسه..؟ 

قالتله همس بحزن

همس... يا جدي انا.... 

قاطعها و هو بيقول

موسى... انتي جبتلنا الكلام و التهزيق من الناس... خليتي واحده تيجي لحد بيتنا و تقول لعمدة البلد انت معرفتش تربي حفيدتك و تخليها تسمع كلام اهلها... 

نزلت دموع همس بندم و قالت لجدها بحزن كبير

همس... حقك عليا يا جدي انا اسفه 

بس موسى بص قدامه بحزن و مبصلهاش حتى 

قالت همس و هي الدموع في عينيها

همس... متزعلش مني يا جدي 

و موسى الي مقدرش يشوفها بتعيط بس ف نفس الوقت كان زعلان منها جدا ف قرر انه يقوم و يطلع اوضته

فضلت همس قاعده ف الصاله بتعيط و هي حاطه ايدها على وشها

فضلت كدا اكتر من ساعه لحد م سمعت صوته الي بيقول بسخريه

مالك... فعلا اكبر عقاب للأنسان هو الندم

حطت ايدها على حجابها تتأكد انه محكم قامت عشان تطلع اوضتها و هي بتقول بغضب

همس... ملكش دعوه بيا سامع

سمعت صوته الحاد و هو بيقول بغضب

مالك... شكل القلمين الي عمي ضربهوملك مربوكيش بس ملحوقه كدا كدا كتب كتابنا كمان يومين ساعتها بقى هتعملي لكل كلمه حساب عشان لو اتكلمتي بس يا همس باسلوب معجبنيش هتلاقي ايدي نازله بقلم على وشك عشان تتربي

اتعصبت جدا منه و قالتله بغضب

همس... طب ابقى وريني بقى هضربني كيف و انا ف ثانيه هكون كسرالك يدك ووووو

يتبعععع

عيب الشوم

بقلمي مريم احمد

تفتكروا ردة فعل مالك هتكون عامله ازاي😂😂😂

↚

مالك... شكل القلمين الي عمي ضربهوملك مربوكيش بس ملحوقه كدا كدا كتب كتابنا كمان يومين ساعتها بقى هتعملي لكل كلمه حساب عشان لو اتكلمتي بس يا همس باسلوب معجبنيش هتلاقي ايدي نازله بقلم على وشك

قالتله بغضب و عصبيه

همس... طب ابقى وريني بقى هتضربني كيف و انا ف ثانيه هكون كسرالك يدك

اتعصب منها جدا و كان لسه هيضربها بس لحقتها ورد الي كانت رايحه للمطبخ و سمعت كلام همس 

 راحت بسرعه شدتها من ايدها قبل م مالك يضربها او يتعصب عليها

ورد... يلا يا همس تعالي عشان عمي عايزك

بصتلها همس بغضب و قالتلها

همس... لا استني بس اما نشوف البيه دا هيضربني كيف

قال مالك بعصبيه

مالك... انتي اصلا بت متربتيش عشان لو كنتي متربيه مكنتيش هتعلي صوتك عليا اكده

قالت همس بغضب

همس... و انت بقى لما تفكر تعلي صوتك على واحده ولا تضربها تبقى انت كدا الي متربـ

حطت ورد ايدها على بوق همس تمنعها انها تكمل كلامها عشان مالك ميتعصبش اكتر من كدا

قالتلها ورد بغضب حاولت تخفيه

ورد... انجري قدامي و اخلصي

بصتلها همس بغضب ف كملت ورد بحده

ورد... يــلاااا!!! 

سكتت همس و متكلمتش و طلعوا 

..... سبحان الله و بحمده سبحان الله العظيم 

في اوضة همس 

كانت راحه جايه بغضب و هي حسه انها هتمـ ـوت من كتر غيظها

ورد... م تقعدي بقى خيلتيني

وقفت همس مكانها و قالتلها

همس... كنتي سيبيني اربيه على الكلمه الي هو قالها..

كملت بسخريه و هي بتقول

همس... قال يضربني قال 

كملت بقهر اكتر

همس... قاال انااا متربتش!!!  

قالتلها ورد بزهول

ورد... دا انتي تحمدي ربنا اني جيت 

قالتلها همس بغضب

همس... كان هيعمل اييييه يعني هيضربني مثلا

ورد... مثلا

همس... طب ياريتك م كنتي جيتي يا ورد عشان ساعتها كان هيبات و ايده متجـ ـبسه

خافت ورد منها و قالتلها بزهول

ورد... دا انتي الواحد يخاف منك ميخافش عليكي

ضحكت همس غصب عنها و ورد كمان ضحكت

...... استغفر الله العظيم واتوب اليه عدد خلقه و رضا نفسه وزنة عرشه و مداد كلماته

نعيمه... معرفتيش جدك كان عايز همس ليه

اضايقت رهف جدا و قالتلها

رهف... لا يا اما لما جيت اقف اسمع راح قايلي اطلعي اوضتك.. 

نعيمه... م انتي الي غبيه واقفالهم اكيد هيحسوا انك عايزه تسمعي كلامهم 

رهف... اكيد مش غبيه الدرجادي يعني يا اما انا قولتله خليني موجوده عشان لو احتاجتوا شاي ولا حاجه

قالتلها نعيمه بغضب

نعيمه.... انتي حماااره يا بت

رهف... في اي يا اما!!!! 

نعيمه... من امتى الحب دا... دا انتي مبترضيش تجيبي كوباية المايه لنفسك.. دا انتي تمـ ـوتي من العطش ولا انك تخدمي حد ولا تخدمي نفسك حتى

اضايقت رهف جدا و متكلمتش

نعيمه... انا هقوم اشوف لو كانوا خلصوا كلام ولا لا و اهو ع الاقل الحق اسمعلي حاجه 

هزت رهف راسها نعيمه خرجت وقفت جمب السلم و سمعت همس الي كانت بتزعق لمالك و لما سمعت صوت بنتها ورد و هي بتقول لهمس انهم يطلعوا راحت على اوضتها على طول و هي بتبتسم بخبث

...... لا حول ولا قوة الا بالله العلي العظيم

تاني يوم كانوا كلهم قاعدين بيفطروا و همس الي كانت زعلانه لأن جدها مكنش بيتكلم معاها 

لاحظت رهف زعل همس و حبت تضايقها اكتر و  قالت بصوت واطي عشان محدش يسمعها غير همس 

رهف... معلش بقى. يا همس جدو مبيتكلمش معاكي بصراحه ان جيتي للحق انتي كان حلال فيكي تتطخـ ـي بالنار عشان تبقى تهربي تاني

بصتلها همس و ابتسمت و قالتلها بنفس نبرة الصوت 

همس... انتي بالذات متتكلميش يالي كنتي بتاخدي فلوس من ابوكي ع اساس انك رايحه الدرس و ف الاخر تروحي تجيبي بيهم اكل من بره و انتي عارفه ان مرت عمي كانت منبهه عليكي انك متكليش من بره عشان جرثومة المعده يا معفـ ـنه 

بصت رهف لأمها بسرعه تشوفها سمعت ولا لا و بعدين بصت لهمس بغضب 

همس... لا لا متبصليش اكده اه احسن اعيط

كملت بتهديد و هي بتقول

همس... و انا ايه الي هيخليني اعيط م انا اقول لمرت عمي اسهل

و بصت لنعيمه و كاانت لسه هتندهلها بس رهف قالتلها بسرعه

رهف... اسكتي شويه... خلاص انتي ايه محدش يعرف يهزر معاكي

بصتلها همس بسخريه و قالتلها

همس... يا سلام؟ طب م انا كمان بهزر

قالتلها رهف بضيق

رهف... طب خلصنا 

هزت همس راسها و هي بتبتسم بانتصار بس اختفت ابتسامتها لما سمعت صوت نعيمه و هي بتقول لمالك

نعيمه... صحيح يا مالك 

بصلها مالك و قالها

مالك... اتفضلي يا مرت عمي

قالت نعيمه بضيق مصطنع

نعيمه... كنت معديه امبارح و سمعت صوت همس. و هي بتزعقلك 

اتغيرت ملامح مالك للغضب و الضيق 

قال موسى بغضب

موسى... ايييييه!!! 

همس... طب مش تعرف الاول البيه قالي ايه و  انا زعقت يا چدي ولا هو انا على طول الي غلطانه

قال موسى بغضب

موسى... بس صوتك ميعلاش على ولد عمك و جوزك

همس... لسه متكتبش كتابنا عشان يبقى جوزي و بعدين لما البيه يهددني انه هيضربني يبقى اعلي صوتي عليه و اربيه و اعرفوا ازاي فكر انه يضربني كمان

سكتوا كلهم بزهول من كلام همس و مالك الي ملامح وشه زادت غضب 

و موسى الي فرح جدا بحفيدته بس ف نفس الوقت محبش يبين دا و رسم بمهاره ملامح الغضب على وشه

ابتسم مالك و بص لمرتضى و قاله

مالك... عشان لما نقولك ان همس متربتش تصدق يا عمي

ابتسمت همس هي كمان و بصت لوليد و قالتله

همس... ابقى ربي ابنك يا عمي و عمله ان بنات الناس مش عبيد عشان يضربهم ولا يهزقهم و ف الاخر يسكتوا

كملت بابتسامة و هي بتبص لفرحه و نعيمه

همس... تسلمك ايديكوا على الاكل

و قامت و طلعت اوضتها

خبط مالك ايده على الطربيزه بغضب و راح شغله

و على عكس توقعهم لاقوا موسى بيضحك جامد من قلبه و دا طبعا خلاهم يستغربوا جدا 

قالت امال باستغراب

↚

امال... مالك يا ابوي؟ 

قالها موسى بابتسامة 

موسى... فرحان بهمس

ابتسمت امال و مرتضى قاله

مرتضى... دي بت متربتش

موسى... بالعكس دي بت بميت راجل و مبتسبش حد يهينها و انا فخور بيها

..... سبحان الله و بحمده سبحان الله العظيم 

عدى يومين و جيه يوم كتب كتاب همس و مالك 

كانت همس قاعده ف اوضتها و هي مضايقه جدا 

ورد... يا بنتي افردي وشك دا

همس... ملكوش دعوه بيا و الا ههرب تاني

قالتلها ورد بهدوء و هي بتحاول تقنعهاا

ورد... حبيبتي مالك بني ادم طيب بس انتي الي عنيده و انا حسه انك لو بطلتي عندك دا هيرجع يكلم شركة البناء تاني و هيبنولك الشركه الي كنتي بتحلمي بيها

بصتلها همس و قالتلها

همس... تفتكري يا ورد

ورد... ايوا طبعا انتي بس بطلي تردي عليه و قوليله حاضر بدل م تعندي

اتعصبت همس و قالتلها بغضب

همس... يعني ايه يعني اسيبه يزعقلي ولا اييييه

ضربت ورد كف و كف و هي بتقول

ورد... يا بنتي ارحميني بقى انتي ايييه دا انا لسه بقولك بطلي عند و زعيق

نفخت همس بغضب و ضيق 

كملت ورد و هي بتقول بنفاذ صبر

ورد... من الاخر يا همس انتي لو فضلتي تعندي كدا مش بعيد مالك يضربك بجد و انتي عارفاه لما بيتعصب و خلي ف بالك هو خلاص هيبقى جوزك يعني محدش هيقوله انت ضربتها ليه ف نصيحه مني كفاياكي عند بقى 

بصتلها همس بحزن و هي متأكده ان كلام ورد صح 

............. لا اله الا الله محمد رسول الله 

بعد ساعه كان الكل متجمع و ناس من اهل البلد جم عشان يباركولهم 

كان المأذون موجود و بالفعل تم كتب كتاب همس و مالك 

و راحوا قعدوا على الكرسيين الي كانوا معمولين مخصوص ليهم و في حواليهم زينه و ورود

و همس الي متمنعش انها كانت فرحانه بس حاولت تخفي دا بس مالك لاحظ و قالها

مالك... بتداري فرحتك ليه معقوله بتحبيني و مش عايزاني اعرف

ابتسمت همس عشان الناس ميلاحظوش انهم بيتخانقوا و قالتله

همس... دا انا عندي امـ ـوت ولا اني افكر احب واحد مغرور زيك

هز مالك راسه و قالها

مالك... ماشي يا محترمه يا مؤدبه

سمعته و اضايقت جدا بس لاقت ورد معديه من جمبها راحت قالتلها

همس... ورد استني

و قامت و هي مستغليه ان الفستان طويل و مداري الجزمه عشان الناس متاخدش بالها و داست بكعب جزمتها على رجل مالك  الي قالها بألم

مالك... مش تخلي بالك يا همس....

كمل بألم و هو بيبص على جزمته الي كعب جزمة همس علم فيها بالرغم من انها جلد

مالك.... كعب جزمه دا ولا شنيور

ابتسمتله بشماته ف عرف انها كانت قاصده 

كان لسه هيرد عليها بس سمع صوت واحده جارتهم الي قالت لهمس

اخلاص... لا بس كويس يا بت يا همس ان لسه عايشه بعد م حاولتي تهربي اصل معروف عندينا ف الصعيد ان الي تهرب تتقـ ـتل على طول

ابتسمتلها همس و كانت لسه هترد بس اتصدمت هي و ورد لما سمعوا صوت مالك الي قال

مالك... انا الي قولتلها تهرب 

بصوله الكل بصدمه ف كمل بابتسامة 

مالك... مالكوا مستغربين ليه انا وقتها الي قولتلها تهرب لأن عمي و ابويا مكنوش عايزين كتب الكتاب يبقى في دوشه و ناس كتير و احنا كنا عايزين نعزمكوا ف مكنش في حل غير انها تهرب عشان نوقف كتب الكتاب و نعمل كتب كتاب تكونوا انتوا موجودين فيه

ابتسم موسى على حفيده الي بالرغم من انه كذب الا انه محبش حد يحرج مراته 

بس اتصدموا كلهم تاني لما سمعوه بيقول

مالك... و دلوقتي بقى حضرتك لازم تعتذري لهمس عشان كلامك ليها

ابتسمت اخلاص لهمس بضيق و قالتلها

اخلاص... حقك عليا

ابتسمت همس بثقه كبيره و قالتلها

همس... اسفك مقبول يا طنط

قالت ورد لهمس بصوت واطي

ورد... دا شكل مالك بيحبك جدا

فرحت همس بس قالت لـ ورد بضيق

همس... تؤ تلاقيه بيعمل كدا عشان صورة العيله متتهزش 

بصتلها ورد بضيق و نفاذ صبر 

بس سكتوا كلهم لما سمعوه صوت زين و هو بيقول

زين... الف الف مبروك يا اخوي وووووو

يتبععععع

↚

زين... الف الف مبروك يا اخوي

اتصدموا كلهم من وجوده.. هو مش المفروض مات..؟  طب مين الي دفنـ ـوه دا..؟ 

و الي صدمهم اكتر و اكتر مالك الي قام اول م شاف اخوه و ابتسم بفرحه و قاله

مالك... الله يبارك فيك يا زين 

قال زين لهمس

زين... مبارك يا بنت عمي

من كتر صدمتها معرفتش ترد عليه حتى

قالت واحده من المعازيم باستغراب 

فتحيه... ايه دا هو مش المفروض ووو

قاطعها مالك لما قال بحده خفيفه و كأنه بيمنع اي حد انه يتكلم 

مالك... هاتوا كوباية شربات لزين بيه 

و عدى كام ساعه و الناس مشيت و كانوا كلهم متجمعين في الصاله 

و ف ثواني كان موسى ضارب زين بالقلم على وشه 

حط زين ايده على خده بألم و بص لجده و متكلمش

مسكه مالك من رقبته بغضب و قاله

مالك... ضحكت عليا و فهمتنا انك ميت يا حـيـواااان!!! 

حاول زين يحرر رقبته من ايد مالك الي كانت خانقاه

قالت فرحه بغضب و هي بتحاول تشيل ايد مالك من على رقبة زين

فرحه... خلاص يا ولدي هتقتل اخوك اكده 

زقه مالك بغضب و قال بصوت عالي

مالك... عــمــلــت اكــده لـــــيـــــههههه!!! 

قال زين بغضب

زين... مش زين العزيزي الي يسمع كلام التقاليد 

ضربه وليد بالبوكس بغضب و قاله

وليد... تــقــوم تــحــرق قــلــبــنــا عــلــيــك يــا حـيـوان 

قالت فرحه بسرعه و هي بتحاول تمنعهم انهم يضربوه 

فرحه... خلاص يا وليد محدش يمد يده على ولدي سامعين

قال وليد بغضب

وليد.. دلعك ليه دا هو الي فشله 

سكتت فرحه و هي متأكده انه معاه حق 

موسى... كله يروح على اوضته

و بص لزين و قاله

موسى... و انت تعالى على المكتب

هز زين راسه و متكلمش و الباقي طرع على اوضته

.... لا اله الا الله

كانت همس قاعده ف اوضتها و هي مضايقه جدا و ورد و امال عمالين يقولولها انها تهدى 

قالت همس لعصبيه

همس... شوفتي يا خااالتو.. راجع بعد م خلى الناس كلها تقول ان انا الي قتـ ـلته

ورد... خلاص يا همس متزعليش اهو الناس كلها هتقلب وشها عليه عشان مرضاش يسمع كلام جدي

امال... متزعليش بقى و متضايقيش نفسك يا همس

هزت همس راسها بغضب و سكتت

..... سبحان الله و بحمده سبحان الله العظيم

راح مالك لأوضة ابوه عشان يتكلم معاه بس شاف ابه طالعه و ف ايدها كركديه قالها مالك باستغراب

مالك... في ايه بابا ماله

قالت فرحه بضيق

فرحه... اتعصب و ضغطه علّي معرفش انا اخوك مستنيه يمـ ـوت ولا ايه

قال مالك بحزن

مالك... هو جوا..؟ 

هزت فرحه راسها

مالك... طب ادخلي انتي اديله الكركديه ع م اكلم الدكتور 

هزت فرحه راسها و قالتله

فرحه...طيب يا بني

 و دخلت لـ وليد

اتنهد مالك بغضب من زين و نزل راح للجنينه عشان يكلم الدكتور

...... لا اله الا الله

قالت ورد بزهق لما فقدت الامل هي و عمتها انها تهدي همس و تخليها متتعصبش

قالت همس بضيق

همس... سيبوني ف حالي

امال... يا بنتي افهمي انتي كدا حقك رجعلك 

قالت همس بغضب

همس... و امه الي جابتني من شعري و فضلت تقول انتي الي قتـ ـلتيه

قالت امال بزهق

امال... و اهو جوزك و عمك و جدك ضربوه و جابولك حقك

هزت همس راسها بعدم اقتناع و قالتلهم

همس... انا داخله البلكونه

هزت ورد راسه و قالتلها

ورد... طيب

و دخلت همس البلكونه 

كانت واقفه ف البلكونه بتشم هوا يمكن غضبها يروح بس زادد غضب اكتر لما لاقت زين واقف بيتكلم ف التليفون و من الواضح انه شافها 

لأنه قفل المكالمه و لاقيت تليفونها بيرن 

نفخت بغضب لما شافت ف الشاشه اسمه

بس ف النهايه ردت لأنها مهمه كانت هي عصبيه ف هي برضو مش قد عصبية مالك

همس... عايز ايه

جالها صوته الحاد و هو بيقول

مالك... اتكلمي عدل يا روح امك 

اتعصبت همس منه و قالتله

همس... ملكش دعوه بأمي ساامع

مالك... لا دا انتي عايزالك قلمين ع وشك بقى... تمام.. اخلص بس من موضوع زين و ابويا دا و وقتها محدش هيقولي انت بتضرب مراتك ليه

اتغاظت همس جدا و قالتله بقهر

همس... طب ابقى فكر بس يا مالك ف يوم تضربني و انا وقتها هكسر الفازه على دماغك عشان بعد كده متفكرش انك ممكن تضربني تاني

اتكلم بغضب لدرجة انها سمعت صوته من سماعة التليفون و من الجنينه

مالك... طب ادخلي من البلكونه و اياكي تدخلي البلكونه تاني يا همس

من زعيقه افتكرت انها واقفه ف البلكونه بشعرها تلقائيا حطت ايدها على راسها تتأكد انها بالطرحه 

و لما اطمنت قالتله بضيق 

همس... متزعقليش

مالك... طب اتلمي و ادخلي من البلكونه بدل م اسمعك الزعيق على حق

↚

قالت همس بضيق

همس... خلاص 

و قفلت معاه و رجعت اوضتها 

لاحظت امال و ورد غضبها 

امال... مالك

قالت همس بغضب

همس... بدأنا التحكمات بقى

ضحكت ورد و امال لما عرفوا ان مالك زعقلها عشان دخلت البلكونه

قالت همس بغضب

همس... انـتـوا بـتـضـحـكـوا!!!!!!! 

قالت ورد و هي بتحاول تتحكم ف ضحكتها

ورد... خلاص متتعصبيش

..... استغفر الله العظيم واتوب اليه 

تاني يوم كان الكل قاعد بيفطر بعدزم خلصوا فطار راحت همس تعمل الشاي و ورد و رهف كانوا هما كمان واقفين ف المطبخ 

قالت همس لـ ورد

همس... مالك احط لمالك قد اي سكر

ورد... بتسأليني و محسساني اني اخته مثلا

قالتلها همس بزهول

همس... مش انتي الي ديما كنتي بتعمليلهم شاي!!!! 

ورد.. طيب طيب اهدي 

همس.. هدينا اخلصي كليني اصب الشاي 

ورد... معلقتين سكر تقريبا 

هزت همس راسها و قالتلها

همس... طيب 

و بالفعل خلصت الشاي و خدت الصينيه و خرجت و ورد هي كمان خطت صينيه الشاي التانيه

قالت همس بابستامه

همس.. اتفضلوا الشاي

و بدأوا يوزعوا الشاي على الكل و طبعا زين مكنش موجود من الصبح 

و ف الاخر اتبقت كوباية مالك 

كانت همس رايحه تقعد بس وقفت مكانها لما موسى قالها

موسى... مش تسألي على مالك يا بنتي عشان تديله كوباية الشاي

قالت همس بتلقائيه

همس.. و انا اديله كوباية الشاي لحد عنده ليه كان شايفني خدامه

سكتوا كلهم بزهول راحت ورد لحقت الموقف على طول و ضحكت و قالت

ورد... ديما همس تحب تهزر كدا 

و ادت لهمس كوبايه الشاي بتاعة مالك و قالتلها

ورد... اكيد هتلاقيه ف الجنينه روحي اديله الشاي بقى 

بصتلها همس و هي رافعه حاجبها باستنكار راحت ورد قالتلها بحده خفيفه

ورد... يلا

هزت همس راسها بابتسامه مجبروه على رسمها و قالت

همس... حاضر

و راحت للجنينه بالشاي 

لاقت مالك واقف بيتكلم ف التليفون 

راحتله و مدت ايدها بكوباية الشاي بضيق و قالت

همس... الشاي

بس هو مردتش عليها اصلا و فضل مكمل المكالمه

اضايقت جدا من تجاهله ليها و راحت علت صوتها شويه و قالتله

همس... الــشــاااااي

بصلها بحده اخرستها و قفل المكالمه و هي كانت عماله تدعي انه ينسى او ميقفلش المكالمه دلوقتي 

خد منها كوباية الشاي بحده و همس كانت لسه هتمشي 

راح قالها

مالك... مــكــانــك

بصتله همس بخوف و قالتله 

همس... نعم

ابتسم مالك بسخريه و قال

مالك... دا احنا بنخاف اهو 

قالتله همس بضيق

همس... نعم

ابتسم و هو بيقولها بحده

مالك.. لا اتكلمي عدل

ابتسمتله همزت راسها عشان تخلص من الحوار و قالتله

همس... نعم

مردتش عليها و داق الشاي و بالرغم من انه كان كويس و مظبوط الا انه رسم على وشه تعابير الضيق و الاشمئزاز ببراعه

بصتله همس باستغراب هي متأكده انها عملت الشاي زي م هو كان قايل لـ ورد

همس.. في ايه

قالها مالك بضيق

مالك... حتى الشاي مبتعرفيش تعمليه انتي ايه يا بت انتي فاشله كدا ديما فالحه بس تردي على الكل و متعمليش اعتبار لحد وووووو

يتبعععع

↚

قالها بضيق 

مالك... حتى الشاي مبتعرفيش تعمليه انتي ايه يا بت انتي فاشله كدا ديما فالحه بس تردي على الكل و متعمليش اعتبار لحد

اتصدمت جدا من كلامه و اضايقت جدا جدا بس طبعا حاولت تخفي دا 

ابتسمت و قالت 

همس... حلو ابقى اعمل لنفسك الشاي بعد كدا 

و كانت هتمشي بس هو مسك دراعها بسرعه عشان متمشيش 

نفضت دراعها من ايده و بصتله بغضب

قال مالك بحده

مالك... في واحده تقول لجوزها ابقى روح اعمل الشاي انت لنفسك...

هزت راسها بتأكيد و قالت 

همس... ايييوااا

هز مالك راسه بغضب و قالها بهدوء عشان ميتعصبش عليها 

مالك... و انتي كدا شايفه ان دا احترام ليا طيب يعني ينفع اقولك اعمليلي شاي ولا قهوه و تروحي تقوليلي لا 

همس... م انت لما تبقى عيل بتتلككلي على اي حاجه و انا متأكده ان الشاي معمول مظبوط يبقى تستاهل 

ضحك مالك و هو خلاص هيمسك دماغها يخبطها ف الحيطه من كتر عصبيته منها 

مالك... دا انتي حلال فيكي تكسير دماغك الي كلها عِند دي 

اتعصبت جدا و قالتله

همس... نــــعـــــمممم

و ف ثواني كانت ورد جت بسرعه لما سمعت صوت همس الغاضب 

ورد.. في ايه

قالتلها همس بغضب

همس... بيقولي هكسر دماغك

كانت ورد لسه هتتكلم بس لاقت مالك قال بهدوء تام 

مالك... انا مقولتش كدا انا قولت حلال فيكي تكسير دماغك الي كلها عند 

كمل باستفزاز و هو بيحاول يضايق همس اكتر و يخليها تتعصب

مالك... و بعدين حتى لو كنت قولت اني هكسرلك دماغك خير هتعملي ايه يعني

طبعا همس من كتر عصبيتها حست ان الدم بيـ ـغلي ف دماغها 

حاولت تاخد حقها لأنه وصلها لمرحة انها من كتر عصبيتها عينيها بقت محمره و قالتله بابتسامة 

همس... حاضر انا هوريك حالا هعمل ايه

و خدت كوباية الشاي الي ف ايد ورد 

داقت الشاي فيها و قالت لـ ورد بابتسامه

همس... تحفه يا ورد تسلم ايدي

كانت ورد بصالها و هي مش عارفه همس ناويه على ايه بس مره واحده شهقت بصدمه و حطط ايدها على بوقها لما همس دلقت الشاي على مالك و طلعت تجري بسرعه

و مالك الي طبعا مسك التيشيرت و هو بيحاول يبعده بسبب الشاي الي همس دلقته عليه 

معرفتش ورد تقول ايه و راحت بسرعه هي كمان لهمس 

.... استغفر الله العظيم الذي لا إله إلا هو الحي القيوم واتوب اليه 

دخلت همس القصر بسرعه و هي بتبص وراها كل شويه بخوف كبير تشوف مالك جاي ولا لا 

وقفت تاخد نفسها بعد م اتأكدت ان مالك مش جاي 

بس صرخت برعب لما لاقت ايد بتقبض على دراعها

قالت بصوت شبيه للبكاء 

همس... انا اسفه اني دلقت الشاي بس انت الي انسان مستفز 

حطت ورد ايدها على بوق همس تمنعها من انها تتكلم و قالت

ورد... شششش انتي ايه 

اطمنت همس لما لاقيتها ورد

همس... هو انتي

سابت ورد دراع همس و قالتلها بغضب

ورد... ايه الي انتي نيلتيه دا

دمعت عيون همس بحزن ممزوج بالغضب و قالتلها

همس... هو الي انسان مستفز 

بس اتنفضت برعب لما سمعت صوت رجله و هو داخل القصر 

و بسرعه راحت لجدها 

استغرب موسى و قالها

موسى... في ايه يا بت

قالتله همس بسرعه

همس... اي حاجه مالك هيقولها يا چدي كذب متصدقهوش ماشي

فهم موسى انها عملت كارثه و قالها بزهق

موسى... عملتي ايييه يا مصيبه 

هزت همس راسها يمين و شمال و هي الدموع في عينيها

جيه مالك و قال بغضب و هو بيشاور على التيشيرت الي كان اتحول لونه من الازرق للون الشاي 

مالك... ينفع اكده يا جدي 

موسى... اي يا مالك الي دلق الشاي عليك اكده

شاور مالك على همس بغضب و قال

مالك... الطفله الي انا متجوزها 

بص موسى لهمس و هي هزت راسها يمين و شمال بنفي

قال مالك بغضب

مالك... لولا انها جريت كان زماني رزعتها قلمين على وشها

قالت همس بغضب

همس... نعم يا روح امـ.... 

ضحكت ورد بسرعه عشان تلحق همس و بتقول لجدها 

ورد... معلش يا جدي هي همس كانت بتهزر و لما حست انها غلطت و انها مكنش ينفع تدلق الشاي عليه طلعت تجري بسرعه ليك عشان تخليك تقول  لمالك ميتعصبش يعني و تفهمه انها كانت بتهزر 

سكت موسى شويه و بعدين قال لهمس

موسى... هتعقلي امتى 

ابتسمتله همس و قالتله

همس.. م يا جدي ورد قالت اني كنت بهزر 

موسى... الهزار حاجه و الجنان حاجه يا بت مرتضى

ورد... خلاص يا جدي معلش هي مش هتهزر اكده تاني

موسى... دلوقتي اعتذري لجوزك

قالت همس بضيق

همس... ليه يعني انا كنت بهزر عادي

عاد موسى كلامه بحده اكبر و هو بيقول

موسى... قولت اعتذري يبقى تعتذري

همس... اعتذر و تخلوني اشتغل...؟ 

موسى بحده.... هــــممممـــسسسس

قالت همس لمالك بضيق

همس... اسفه

بس مالك مردش عليها،  ف قال موسى

موسى... خلاص يابني اعتبرها عيله و خدها على قد عقلها

همس... اييييه

موسى... مقولناش حاجه.. يلا قومي شوفي كنتي هتعملي ايه

همس... طيب 

و قامت طلعت اوضتها و ورد هي كمان طلعت

قال مالك لجده

مالك... دي لو واحده لسه ف حضانه مش هتبقى اكده

ضحك موسى و قاله

موسى... اياك تزعلها ولا تضربها ف يوم

مالك... حاضر هستني لما المره الجايه الاقيها بترميني ف وشي بماية نا.ر

ضحك موسى و بعدين قاله

موسى... معلش يابني

اتنهد مالك بتعب و قاله

مالك... هقوم انا بقى عشان اروح الشركه

هز موسى راسه و قاله

موسى... ماشي يابني

.... سبحان الله و بحمده سبحان الله العظيم

 كانت همس قاعده ف اوضة ورد بعد م ورد ندهتلها

همس... نعم... خير

ورد.. ايه مالك مضايقه اني جبتك تقعدي معايا ولا مضايقه اني فاهمه

قفلت همس حواجبها و قالتلها

↚

همس... مش فاهماكي

ورد... امم عايزه تفهميني يعني انك مبتحبيش مالك

قالتلها همس بحده و كأنها بتحذرها

همس... وردددد!! 

قلدتها ورد و هي بتقول بحده هي كمان

ورد... همسسسس!!

همس... طب بصي بقى يا حلوه عشان متفضليش تقرفيني

بصتلها ورد و هي بتسمعلها باهتمام

ف كملت همس و هي بتقول

همس... انا مالك دا اصلا بكرهه مش بس مبحبوش و كمان هخليه يطلقني ف بطلي بقى كلامك دا

قالتلها ورد باستفزاز

ورد... طيب كويس كدا كدا ليا واحده صاحبتي كانت بتحبه و زعلت اوي لما كتبتوا كتابكوا 

مسكت تليفونها و كملت باستفزاز اكبر و هي بتقول

ورد... هكلمها بقى اقولها انكوا غالبا هتطلقوا 

شدت همس منها التليفون بغضب و هي بتحاول تجيب رقم البنت دي و قالت بغضب

همس... اسمها ايه الزباله دي

خدت ورد منها التليفون و قالت

ورد... متشتميهاش الحب مش بـ ايدينا و هي بتحبه عادي

اتعصبت همس اكتر و قالتلها 

همس.. اديني عنوانها

قالت ورد بخبث و هي هتموت و تضحك

ورد... ليه...؟ 

همس... عشان اروح اديها قلمين على وشها و اخلي امها تربيها

كملت ورد بخبث اكبر و هي بتقول

ورد... انتي ايه الي مضايقك اوي كدا انتي مش قولتي انك مش بتحبيه..؟ 

اتعصبت همس اكتر و اكتر و قالت بسرعه من غير م تاخد بالها من كلامها

همس... يا ستي كنت بكدب عليكي

ضحكت ورد و قالت بانتصار لانها خلت همس تعترف

ورد... يعني بتحبيه اهو 

خدت همس المخده الي كانت على الكنبه جمبها و راحت ضاربه بيها ورد و خرجت و سابتها

...... استغفر الله العظيم واتوب اليه عدد خلقه و رضا نفسه وزنة عرشه و مداد كلماته

عدى وقت و كانت همس واقفه ف المطبخ هي و  فرحه و امال بيعملوا الغدا

و طبعا كانوا بيعملوا الاكل الي مالك بيحبه و بدل م كانت همس هي الي مجرد بتساعدهم في الاكل هما الي بقوا بيساعدوها و خلوها هي تعمل الاكل

قالت همس بضيق

همس... عارفين ف الاخر هيقولي ان اكلي وحش

قالت. فرحه بضيق

فرحه... انا ابني مش ظالم يا حبيبتي 

همس... ابنك مش ظالم فعلا هو مستفز بس

ضحكت امال و قالت

امال... يا بنتي اتلمي 

همس... طيب تمام هتشوفوا انه فعلا هيقول كدا

فرحه... اما نشوف 

و بالفعل خلصوا الاكل و جهزوا السفره و كان مالك رجع من الشركه

اول م دخل من باب البيت شم ريحة الاكل ماليه المكان و من كتر جمال ريحة الاكل حس انه جاع 

قالت فرحه بابتسامه لما شافته 

فرحه... حمدلله على السلامه يا ولدي

ابتسملها مالك و قالها

مالك... الله يسلمك يا امي

فرحه... الاكل جاهز على السفره و مستنيينك

هز مالك راسه و قالها

مالك... حاضر هطلع بس اطلع اللاب و نازل تاني

هزت فرحه راسها و دخلت اوضة السفره

قالت همس

همس... جيه البيه...؟ 

بصلها موسى بحده من كلامها على جوزها راحت هي قالت لما لاحظت بصته

همس... ايه... بتبصلي كده ليه... انا بقول البيه حاجه حلوه يعني هو انا قولتله الزباله مثلا

ضحكت ورد و زغدت رهف ف كتفها  هي كمان عشان تضحك

و بالفعل ضحكت ورد و رهف عشان يقللوا من حدة الجو 

دخل مالك ف الوقت دا و قال

مالك... السلام عليكم و رحمة الله و بركاته

ردوا كلهم السلام و بدأوا ياكلوا 

قال مالك بابتسامه و هو فاكر ان فرحه و نعيمه و امال الي عملوا الاكل

مالك... تسلم ايديكوا على الاكل

بصت همس لفرحه و كأنها بتقولها هتشوفي ان كلامي صح دلوقتي، و بعدين قالت

همس... انا الي عملت الاكل انهارده

سكت مالك و هو مبهور من جمال الاكل و عكس توقع همس تماما قالها بابتسامه 

مالك... تحفه تسلم ايدك 

ابتسمت فرحه بسخريه و هي بتبص لهمس الي كانت مضايقه جدا

فرحه... تسلم يابني 

..... لا اله الا الله

بعد شويه كانت همس و رهف خارجين بصواني الشاي و زعوا على الي موجودين و قعدوا

و كانت همس قاعده جمب رهف 

قال موسى بابتسامه

موسى... احلى كوباية شاي شربتها

ابتسمت همس و قالتله تسلم يا جدي

حب مالك يرخم عليها و قال

مالك... انتي بتتكلمي ليه اصلا رهف الي عامله الشاي 

اضايقت همس جدا بس ف نفس الوقت حبت تتحكم ف غضبها عشان جدها و ابوها ميزعقولهاش 

ابتسمت و قالت

همس...  انا اصلا ااي عامله الشاي مش هي و حتى لو هي انا و هي واحد

حب مالك يرخم عليها اكتر و قالها

مالك... لا مش واحد همس و رهف اتنين اهو 

همس... معنى كدا ان الشاي الي بعمله وحش..؟ 

قال مالك متأكيد

مالك... ميتشربش

وليد... م انت طفحت كوباية الشاي كلها اهو و هي الي عاملاها ولا هو اي خناق و خلاص

ضحكت همس ان وليد احرج مالك بس رجعت اتعصبت تاني لما مالك قال 

مالك... شربتها عشان حرام تترمي 

قالت همس بتلقائيه و غضب

همس... تصدق انك عيل مستفز

كان لسه مالك هيرد عليها بس قال متولي بسرعه قبل م يتخانقوا

متولي... خلاااااص خلصنا مش عايزين خناق

و طبعا فرحه اضايقت جدا عشان ابنها و قالت الكلام الي خلى همس تحس ان قلبها اتكسر مليون حته و دموع الدنيا كلها اتجمعت ف عينيها

فرحه... لا خلاص ليه هي اصلا لو كانت امها معاها و ربتها كويس عمرها م كانت تتكلم كدا ابدا ووووو

يتبعععع

↚

استأذنت همس منهم و طلعت على اوضتها بعد م كلام فرحه ليها و معايرتها ليها بـ ان امها مش معاها 

نزلت دموعها بكسره و حزن و هي حسه ان قلبها اتكسر لـ مليون حته 

قامت فتحت الدولاب و طلعت من تحت الهدوم صوره كانت ليها هي و امها 

كانت همس عندها 3 او 4 سنين، قد ايه هي شبه امها جدا

نزلت دموعها بقهر جامد و قالت

همس... ليه تعملي فيا كدا ليه سيبتيني ليه 

سمعت صوت خبط على الباب شالت الصوره بسرعه و راحت دخلت الحمام تغسل وشها 

خرجت لاقت الباب مفتوح و مرتضى قاعد على السرير

راحتله و رسمت على وشها ابتسامه جميله 

همس... و انا اقول المكان نور ليه 

ابتسملها مرتضى لأنه عارف مهما عملت و بينت قد ايه هي بتضحك ف فهي برضو قلبها مكسور من فراق امها و من كلام الناس

مرتضى... اوعي تزعلي نفسك

ضحكت همس عشان تبينله ان الموضوع عادي اولا ثانيا معرفتش تخفي دموعها ازاي غير انها تضحك عشان متعيطش

همس... يا بابا م انت عارف ان الموضوع مش فارق معايا..

كملت بـ ابتسامه ظهرت كلها حزن

همس... هي اختارت هيا و انا مش زعلانه 

بالرغم من ان مرتضى ساعات بيزعقلها بس دا مش هينكر حبه ليها هو عارف قد ايه هي كانت محتاجه وجود امها و تؤامتها في حياتها 

طبطب مرتضى عليها و قالها

مرتضى... احنا كلنا هنا بنبحبك و. لو كنا زعقنالك ف يوم كان بسبب خوفنا عليكي يا همس

ابتمست همس و قالتله

همس... انا عارفه يا حبيبي

ابتسمت و هي بتحاول تخرج صوتها طبيعي عشان ميبانش انها بتعيط

همس... ااا انـ.. اناا بـ بس

مقدرتش تكتم دموعها اكتر من كدا،  نزلت دموعها بغزاره كبيره و فضلت تتكلم و. هي شهقاتها توجع قلب اي حد سامعها 

همس... انا بس صعبان عليا نفسي يا بابا.. 

كملت و هي الحروف بتتقطع بسبب شهقاتها

همس... ااا ازاي جالها قلب تقعد عشـ عشرين سنه من غير م تسأل عني 

بصت لأبوها و قالت بقهر

همس... طب هيا..؟ هيا ليه مسألتش عني يا بابا.. ليه دا انا كنت بحبها جدا و كنت ديما بحبها تكون ف اي مكان انا موجوده فيه.. 

ابتسمت و قالت

همس... بس هي نسيتني 

نزلت دموع مرتضى على حالة بنته و همس الي فضلت تعيط اكتر و اكتر و هي بتفتكر كلام فرحه 

مرتضى... حقك عليا انا يا بنتي ربنا يعلم احنا بنحبك قد ايه و امال بتعتبرك بنتها مش بنت اخوها

هزت همس راسها و قالتله

همس.. انا عارفه 

مرتضى... طيب تعالي يالا ننزل

هزت همس راسها عشان متزعلش ابوها و نزلوا

.... سبحان الله العظيم 

نزلت همس و هي بتتمنى ان محدش يفضل يحسسها بالشفقه ولا يقولها معلش و متزعليش لأنهم كلامهم دا اصلا مش هيخليها تستفيد بأي حاجه غير انه هيزعلها اكتر

نزلت و هي بتتمنى ان ورد او رهف ميفضلوش كل شويه يبتسمولها و كأنهم بيقولولها متزعليش 

قال موسى بفرحه

موسى... جيتي يا همسه

ابتسمتله همس و قالت

همس... جيت يا جدي

ابتسم موسى و قالها

موسى... تعالي اقعدي جمب جدك يا حبيبتي

راحت همس و فعدت جمب جدها 

قال مرتضى 

مرتضى... عايزين نجيب حلويات 

انتهزت همس الفرصه انها تهرب منهم و من نظرات الشفقه الي شايفاها ف عيونهم و قالت

همس.. شوفوا حابين تاكلوا ايه و قولولي

قالت امال

امال... يا بسبوسه يا كنافه

ابتسمت همس و قالت

همس... عشانك انتي هعملك الاتنين 

ضحكت امال و قالتلها

امال... حبيبة قلبي انتي

همس... نص ساعه ساعه الا ربع بالكتير و تكون الحلويات جاهزه

ورد.. هاجي اساعدك

همس... لا خليكي انا لو احتاجتك هنادي عليكي

هزت ورد راسها و قالتلها

ورد... طيب

و راحت همس للمطبخ تعملهم الحلويات الي هما عايزينها

اتنهد موسى بحزن و قال لفرحه بضيق

موسى... عارفه يا بنت المليجي انتي لو زعلتي حفيدتي تاني مره و لو بكلمه حتى هعمل فيكي ايه 

بصت فرحه على الارض و سكتت

قال موسى للكل بحده

موسى... اياكوا حد يزعلها سااامعين

هزوا كلهم راسهم بهدوء و طاعه

جيه مالك من بره و هو شايل شنطه شفافه و ظاهر منها قطه صغننه لونها ابيض ف بيچ و عينيها عسلي و جميله اوي كانت بتنونو و صوتها الصغير طالع 

قال لمرتضى

مالك... همس فين 

مستناش مرتضى يرد عليه و راح نده عليها

مالك... همس... هـــمــــس 

خرجت همس من المطبخ بسرعه لما سمعت صوته

راحتلهم و استغربت لما سمعت صوت قطه 

ابتسملها مالك و رفع ايده الي فيها شطنة القطه ناحية وشها و قال

مالك... بصي جبتلك ايه

صرخت همس بفرحه و قالت

همس... دييييي لـــيــــاااا انــاااا!!! 

هز مالك راسه بتأكيد و هو بيبتسم على فرحتها

خدت همس منه الشنطه بسرعه و راحت قعدت جمب جدها و هي عينيها اتبدل من حزن لحماس

فتحت الشنطه و خدت القطه و قالت لجدها

همس... بص يا جدي جميله ازاااي

ابتسملها موسى بفرحه

بصت لمالك و قالتله

همس... شكرا اوي اوي يا مالك بجد... شكرا اوي اوي

ابتسملها مالك و هو شايف قد ايه فرحت جدا بالقطه

فضلت تطبطب عليها بحب كبير و القطه كأنها حست بالامان و سكتت 

قالت فرحه بضيق

فرحه... ايه يابني الي انت جايبه دا دلوقتي تقلبلنا البيت كله بشعرها الي هيفضل يقع ف كل حته

زعلت همس و حضنت قطتها كأنهم هياخدوها منها 

قال مالك بهدوء

مالك... انا اعمل اي حاجه عشان بس همس هتبقى فرحانه و بعدين انا جايبلها تطعيم عشان شعرها ميقعش يعني مش هتإذيكي ف حاجه

سكتت فرحه و هي مضايقه جدا 

و همس الي ابتسمت لمالك بامتنان كبير و فرحه 

نزلت القطه و هي بتكتشف البيت و همس كانت فرحانه بيها اوي كأنها طفله فرحانه بهديه حد جابهالها

قالت امال بهزار

امال... يـعــنــي مـش هـنـاكـل الـكـنـافـه و الـبـسـبـوسـه ولا ايـه 

ضحكوا كلهم و مالك قال

مالك... بتعملوا حلويات

قال موسى بفخر و هي بيشاور على همس

موسى... حفيدتي القمر هي الي بتعملهالنا 

قال مالك لهمس

مالك... انا طالع المكتب اشتغل عشر دقايق ربع ساعه بالكتير اوي و الاقي طبق محطوط قدامي على المكتب 

هزت همس راسها بطاعه 

اضايق انها مضايقتش و حب انه يضايقها ف قال بحده

مالك...ســـامــــــعــــــــه!!! 

بصتله همس بحده و خدت السكينه من طبق الفاكهه و قالتله بنفس نبرة الصوت

همس... ولااااااا

مالك من كتر زهوله معرفش ينطق و كلهم ضحكوا معادا فرحه الي كانت مضايقه جدا بس ف نفس الوقت متقدرش تتكلم عشان موسى 

امال... يلا روحي كملي الي كنتي بتعمليه

ابتسمتلها همس و قالتلها

همس... حاضر 

و فعلا دخلت المطبخ تكمل الحلويات

....لا اله الا الله 

عدى شوية وقت كانت همس خلصت فيهم الحلويات و خرجت هي و باقي البنات الاطباق

همس... قولولي بقى رأيكوا

موسى... تحفه من غير م نبدأ ناكلها حتى 

همس... والله يا جدي انا بحبك جدا

موسى.. و انا كمان يا روح جدك انتي

اتخضت همس لما سمعت صوت مالك الغاضب و هو بيقول

مالك... انا مش قولتلك تطلعيلي طبق

قال وليد بزهق من صوته ابنه العالي

وليد... وطي صوتك دا البت لسه جايبالنا الاطباق اهو 

ناوله طبق و قاله

وليد... امسك طبقك اهو اسكت بقى شويه

مالك... اذا كان كده ماااشي

و بعدين قال

مالك... ايه دا يا همس

بصتله همس و قالتله

همس... ايه كله قال حلوه

↚

مالك... كدبوا عليكي يا حبيبتي دي وحشه اوي وفيها سكر زياده

خدت امال منه الكبق و قالتله

امال... احسن... عنك م طفحت 

همس... لا ازاي لازم كل حاطه اعملها يقولي كلام زي السم 

خد مالك تاني الطبق و هو مبسوط ان همس شاطره كدا ف كل عمايل الاكل 

قال موسى لهمس 

موسى... لولا اني عارف انه بيحبك و بيحب يرخم عليكي كان زمانه قمت اديته قلم على وشه 

قال مالك بضيق

مالك... مين دي الي بحبها ولا انتوا خلاص قررتوا كدا 

زعلت همس جدا و ورد لاحظت دا ف قالت و هي بتحاول تغير الموضوع

ورد... قوليلي بقى بتعمليها ازاي بتخليها تحفه كدا

ابتسمت همس و قالتلهم الطريقه و كلهم كانوا بيسمعوها باهتمام

..... سبحان الله الحمدلله لا اله الا الله 

بعد شويه كانت همس قاعده هي و جدها ف الجنينه قالها موسى 

موسى... اوعي تصدقي كلام الواد الاهبل الي اسمه مالك دا

قالتله همس باستغراب و هي بتبينله انها مش فاهمه هو بيتكلم عن ايه

همس... على ايه يا جدي

موسى... انه مش بيحبك انتي و هو و احفادي كلهم انا حافظكوا كلكوا لأن انا الي مربيكوا.. الواد مالك بيحبك زي م انتي كمان بتحبيه

ابتسمت همس و سكتت

موسى... عندي ليكي مفاجأه

بصتله همس باهتمام و قالتله

همس... ايه هي

موسى... لا مقدرش اقولك بقى

همس... لا قول

موسى... يا بنتي و ختبقى مفاجأه ازاي

همس... طب ليه قولتلي طيب

قال موسى... ان شاء الله اول م هتصحي بكره هتلاقي المفاجأه موجوده 

همس... يا حدو م انا كدا مش هعرف انام من كتر تفكيري ف ان ايه هي المفاجأه 

ضحك موسى على حفيدته و برضو مرضاش يقولها ايه هي المفاجأه رغم انها اتحايلت عليه كتير

.... استغفر الله العظيم واتوب اليه عدد خلقه و رضا نفسه وزنه عرشه و مداد كلماته 

في مكان تاني ف القاهره تحديدا في فيلا عادل الشناوي

كانت واقفه بنت نسخه من همس كأنها هي 

كانت بتصرخ بغضب و بتقول

هيا.... قــــولــــتتت مـــــششش رايــــحــــــهههه ف حــــتـــــهههه

قال عادل جدها بهدوء

عادل... يا حبيبتي افهمي جدك كلمني و قالي ان اختـ... 

قاطعته هيا لما قالت

هيا... انا مليش جد غيرك متقولش جدك دي 

عادل... طيب يا بنتي دلوقتي اختك قلبها مقهـ ـور

قالت هيا بغضب

هيا... انا معنديش اخوات

اتعصب عادل جدا منها و قالها

عادل... لا عندك اخت و مش بس اختك لا دي تؤامتك و هي مقهوره انكوا مبتسألوش فيها 

هيا... و هي عايزانا نسأل فيها ليه يعني هي مين دي اصلا عشان نشغل دماغنا بيها دي مجرد بت جاهله و فلاحه 

عادل بغضب... اتــلـــمـــي يــا هـــيـــا و اتــكــلــمـــي عـدل عــن اخـــتــك

هيا... خلاصة الكلام يا جدو انا مش هروح ف حته انا مش بت فاضيه و جاهله زيها لا خالص انا عندي شغل و شركه لازم اديرها بنفسي اوكيه

قال جدها بغضب

عادل... و انا قولت كلمه يبقى تتنفذ

جت رانيا على صوتهم و قالت

رانيا... في ايه يا بابا 

كملت و بصت لبنتها و قالت

رانيا... في ايه يا هيا صوتكوا عالي ليه بس 

هيا... يا مامي جدو عايزني اروح للهانم الي ف الصعيد عشان قال ايه بتعيط و زعلانه 

سكتت رانيا و متكلمتش 

عادل... و انتي بتقولي ليها ليه هي كدا كدا جايه معاكي

قالتله رانيا بزهوا

رانيا... اروح فين يا بابا لا طبعا مينفعش

عادل... يبقى بنتك تروح 

كانت لسه هيا هتعترض بس قال عادل بحده

عادل... بكره الصبح هتلاقي عربيه جدك باعتهالك هتاخدك من قدام الفيلا هنا لحد قصر جدك الي ف الصعيد

.... لا اله الا الله محمد رسول الله 

جيه تاني يوم و تقريبا همس منامتش اصلا خدت قطتها و نزلت بسرعه لجدها و هي بتقوله

همس... فين المفاجأه يا جدي يلا الصبح جيه

موسى... دلوقتي تلاقيها جت

ضحكت همس و قالتله

همس... من و انا صغيره و انت لنا كنت تعملي مفاجأه كنت تقولي نفس الكلام

ضحك موسى و قالها

موسى... و ف الاخر كانت بتيجي المفاجأه ولا لا

هزت همس راسها بتأكيد و قالت

همس... كانت تيجي

بس اتنفضوا من مكانهم و القطه هي كمان اتخضت و طلعت تجري من صوت مالك الي جالها من الصاله و كان بيقول

مالك... انــا مــش بـكــلـمـك يـبـقـى تـردي عــلـيـا

خرجوا بسرعه يشوفه في ايه 

كان مالك مديهم ضهره و كمل بزعيق

مالك... م تــردي ولا اطـرشـتـي

قالت همس باستغراب 

همس... مالَك يا مالك بتزعق ليه..؟ 

استغرب مالك و بص وراه لما سمع صوت همس اتخض و رجع بص تاني قدامه لاقاها اختفت

رجع بص تاني لهمس لاقاها بتبص قدامها بزهول 

بص مالك مكان م همس بتبص لاقاها شايفه واحده نسخه منها بالظبط 

عرف انها اختها و فورا بص للأرض و استغفر ربنا انه بص لـ وش هيا 

دمعت عين همس و من كتر انها مش مصدقه ان اختها قدامها قالتلها

همس... انتي مين..؟ 

حاولت هيا ترسم ابتسامه على وشها 

مدت همس ايدها لـ وش اختها تتأكد بس انها مش بتتخيل 

دمعت عينيها بفرحه و حضنت اختها و هي دموعها بتنزل بغزاره

و هيا الي كانت مضايقه جدا من همس و قرفانه منها عشان بس عايشه ف الصعيد 

ابتسمت هيا  و قالتلها بزهق

هيا... خلاص يا حبيبتي انا موجوده اهو 

بعدت همس و قالتلها

همس... انتي جيتي عشاني

هزت هيا راسها بتأكيد من غير حتى م تبتسم 

و طبعا كلهم لاحظوا دا و زعلوا جدا عشان همس

قالت همس و هي بتبص ناحية باب البيت بلهفه

همس.. اومال فين ماما.. 

قالتلها هيا بضيق

هيا... مجتش 

زعلت همس جدا و قالتلها بصوت كله حزن 

همس.. ليه يا هيا هي مش عايزه تشوفني

سكتت هيا شويه تفكر و فعلا لاقت ان لو كانت رانيا عايزه تشوف الي اسمها همس دي كانت جت ف قالتلها

هيا.. لا 

دمعت عيون همس و بصت لجدها بكسره و بعدين بصت للأرض

قال مرتضى بسرعه عشان همس متعيطش و تزعل

مرتضى... لا هي اكيد متقصدش كدا يا بنتي

هيا... لا حضرتك هي فعلا مش عايزه تشوفها اصل كانت عايزه تشوفها كانت جت معايا كدا كدا انا الي ماسكالها الشركه و هي فاضيه يعني لو كانت حابه تشوفها كانت جت

زعل مرتضى جدا على همس الي عيطتت اكتر

مرتضى... هي قالتلك كدا..؟ 

زهقت هيا من كمية الاسئله الي بيسألهالها ف قالت بقلة زوق

هيا... معلش بس هو حضرتك مين... يعني لو مش ملاحظ عمال تسألني و تتكلم معايا كأنك ابويا مثلا

ابتسم مرتضى على تربية بنته الي رانيا ربتهالها و قال

مرتضى... م انا فعلا ابوكي ولا هي امك مورتكيش حتى صوره ليا 

اتصدمت هيا من كلام مرتضى و راحت قالت بنفس اسلوبها الوحش

هيا... لا للأسف معرفكش اساسا 

كملت و هي بتشاور على همس

هيا... و بعدين عادي يعني كدا كدا مش فارقه كلها يومين بس قعدهم هنا عشان النونه الي بتعيط دي و همشي ولا كأني جيت تاني وووو

يتبعععع

↚

هيا... كدا كدا مش فارقه معايا اهو كلها يومين ههقعدهم هنا عشان النونه الي بتعيط دي و بعدين همشي تاني ولا كأني جيت من اصله 

اضا.يق الكل من اسلوب هيا ف الكلام و موسى الي قالها بـ ـغضب 

موسى... اسمعي يا بت انتي انتي مش ضيفه انتي حفيدتي و لما هنلاقيكي ناقـ ـصه تربيه يبقى هتاخدي بالجـ.ـزمه على دماغك عشان تتربي 

بصت همس لجدها بزعل من الكلام الي قاله و هي خايفه هيا تمشي بعد م قال موسى كدا

بس هيا كانت مـ.ـضايقه جدا من كلام موسى و قالت

هيا... هو انت جايبني هنا تهز.قني ولا ايه بالظبط

خافت همس اكتر لما حست من كلام هيا انها هتمشي فعلا راحت قالت

همس... خلاص يا جدي هي متقصدش هي بس مش عارفانا لسه و مش عارفه اسلوبنا ف الكلام بيبقى ازاي

موسى... المفروض ان احترام الكبير موجود ف كل حته مش ف الصعـ.ـيد بس يا بنتي

همس... معلش يا جدي 

سكت موسى عشان همس متزعلش و بعدين قال لـ رهف

موسى... خدي بنت عمك و طلعيها اوضتها يا رهف

هزت رهف راسها بطاعه و هي لو عليها اصلا كانت قامت قتـ ـلت هيا 

رهف... تعالي

طلعت هيا. مع رهف و رهف وديتها الاوضه الي جمب اوضة همس

رهف... اتفضلي

قالتلها هيا بهدوء... ميرسي

و دخلت هي و رهف الاوضه

رهف... اوضة الهدوم اهيه و عندك هنا بلكونه و هي شباك و الحمام  اهو 

هزت هيا راسها و قالتلها

هيا... تمام

كانت رهف هتمشي بس قالتلها بحده

رهف... تاني مره تتكلمي مع اختك عدل و متزعليهاش سامعاني 

قالتلها هيا بسخريه

هيا... اعتبره تهديد دا ولا ايه

رهف... سميه زي م تسميه المهم اني قولتلك 

كملت بتهديد اكبر و هي بتقول

رهف... و خلي بالك انا و ورد اخواتها و منقبلش دمعه واحده من عينيها تنزل 

كملت بسخريه

رهف... و لو احنا كلنا مش فارقين معاكي ف اديكي شوفتي مالك جوزها عصبي ازاي و دا بقى مبيقبلش ان حد منينا يزعلها بكلمه حتى لو هزار و مين م كان بيزعقله عشانها.. انا قولت اقولك بس عشان تعملي حسابك و حساب كل كلمه هتقوليهالها 

قالت كلامها و خرجت و سابت بنت عمها ف زهول من كلام رهف 

هيا... معقوله الكل بيحبها اوي كدا

كملت بلا مبالاه

هيا... تولـ ـع اصلا اهم كلها يومين و هغور من القرف دا 

...... استغفر الله العظيم واتوب اليه 

ورد... متزعلش مني يا عمي بس بنتك اسلوبها زفت اوي 

قالها متولي ابوها بغضب

متولي... اتلمي يا ام لسانين 

قاله مرتضى بهدوء

مرتضى... سيبها يا متولي تقول الي هي عايزاه 

متولي... بس متقولش اكده

قالت ورد بغضب من هيا

ورد... انا مغلطش ف حاجه هي فعلا متربتش اساسا

متولي... برضو متقوليش اكده

قالتهم همس بهدوء عشان تمنع خناقهم

همس... خلاص يا جماعه انا كمان معجبنيش اسلوبها بس هنعمل ايه كفايه انها جت و انا مبسوطه بوجودها 

كلامها معجبش مالك تماما

كملت همس و هي بتقول لأبوها

همس... متزعلش منها يابا 

هز راسه بمعنى عادي

مرتضى... اهي تربية امك 

زعلت همس لما ابوها جاب سيرة امها و افتكرت ان هي حتى مهانش عليها تيجي تشوف بنتها بعد عشرين سنه مشافتهاش

مالك... اعمليلي شاي يا همس و هاتي ع الجنينه 

قال كلامه و خرج

همس... حد فيكوا عايز شاي؟ 

موسى... اعمليلنا يا بنتي

متولي... قومي يا ورد مع اختك

قالتله ورد قبل م تقوم

ورد... حاضر

و دخلت هي و همس المطبخ 

عملوا الشاي و خرجوا الصواني بره و وزعوا الشاي

موسى... يلا خدي كوباية مالك 

همس... حاضر يا جدي

و خدت الكوبايه و راحت للجنينه

لاقيته واقف بيتكلم ف التليفون 

راحته و مدت ايدها بالشاي و قالتله

همس... الشاي

هزلها مالك راسه و شاورلها على الطربيزه 

بس هي اصلا مخدتش بالها كانت سرحانه ف امها و اختها

قفل مالك المكالمه و خد منها كوباية الشاي

فاقت من تفكيرها و قالتله

همس... شوف لو مش حلوه قولي و انا هقول لـ ورد تعملك واحده غيرها

ابتسملها و قالها

مالك... عمري م شربت من ايدك كوباية شاي و طلعت وحشه ابدا

استغربت همس و قالتله

همس... اومال ليه كل مره كنت بتفضل تقول انها مش حلوه و اني فاشله

مالك... عشان بحبك و انتي متعصبه 

سكتت همس بكسوف و ف نفس الوقت كانت حسه ان قلبها طاير من الفرحه... معقوله بيحبها..؟؟؟ 

قالها و هو بيشاور براسه على الطربيزه و الكراسي الي كانوا موجودين

مالك... اقعدي عايز اتكلم معاكي شويه

هزت همس راسها بطاعه و قعدت 

و هو كمان قعد على الكرسي التاني

مالك... اسمعيني ف الي هقولهولك دا 

بصتله همس بتركيز و هو قال

مالك... مش عايز فرحتك برجوع اختك تنسيكي كرامتك

سكتت همس بضيق لما عرفت هو هيتكلم عن اي

كمل مالك كلامه و قال

مالك... حسسي اختك انك مش هتموتي من غيرها هي معاملتها مش حلوه يا همس

قالتله همس بدموع و انفعال

همس... لا يا مالك هموت من غيرها انت مش متخيل انا كنت بحبها ازاي و انا صغيره ز هي كمان بس انا مش عارفه ايه الي خلاها كدا اكيد مش هسيبها تمشي بعد غياب 20 سنه مشوفتهاش اكيد هفضل قاعده معاها حتى لو هتعاملني وحش 

اتعصب مالك جدا من عندها و قال بزعيق 

مالك... الي اقولك عليه يتنفذ سامعههه

قالتله بغضب من صوته العالي و هي دموعها نازله

همس... متزعقليش يا مالك

سكتت شويه يحاول يتحكم ف غضبه و بعدين قال

مالك... بصي يا همس هي طول م هي شايفاكي اكدا هتتخنق و هتعاملك وحش لكن انتي حسسيها انها مش فارقالك من اساس حتى لو مكنش دا صح و هتشوفي ان هي بنفسها الي هتيجي تتحدث معاكي 

هزت راسها باقتناع و قالتله

همس... حاضر

ابتسملها و هي قالتله

همس... هروح اشوف جدي

هز راسه و هي مشيت 

.... سبحان الله و بحمده سبحان الله العظيم 

عدى وقت و كانوا عملوا الغدا و كل دا هيا منزلتش اصلا 

موسى... اطلعي لأختك يا همس ناديها عشان تيجي تاكل

هزت همس راسها و قالتله

همس... حاضر يا جدي

و طلعت لـ هيا

.... استغفر الله العظيم واتوب اليه عدد خلقه و رضا نفسه و زنة عرشه و مداد كلماته 

كانت هيا قاعده على الكنبه ف اوضتها فاتحه اللاب توب بتاعها و بتشتغل 

خبط الباب بس هي مخدتش بالها

خبط الباب تاني مره و اتنين و تلاته و برضو مخدتش بالها

بس مره واحده لاقت همس قدامها بتقولها 

همس... يلا عشان تتغدي

اتعصبت هيا منها و قالت

↚

هيا... انتي ازاي تدخلي الاوضه من غير م تخبطي على الباب 

همس.. انا على فكره خبط مره و اتنين و تلاته و انتي الي مردتيش و افتكرت نمتي قولت اصحيكي بس 

اتنهدت هيا بضيق و قالتلها

هيا... طيب 

قعدت همس جمبها و قالتلها

همس... انا بعرف اتحدث كيفك اكده 

كملت بتبرير

همس... عشان لو انتي يعني مضايقه من طريقة حديثي عشان صعيديه يعني

هيا... بجد... برافو 

ابتسمتلعا همس و قالتلها

همس... ميرسي 

هيا... اه بجد كلميني كدا عشان انا اصلا طريقة كلامكوا دي بتعصبني جدا

ضحكت همس و قالتلها بلهجة القاهره

همس... ليه بس دي الصعيد جميله اوي يا هيا انتي لو كنتي عيشتي هنا كنتي هتححبيها جدا

ضحكت هيا بسخريه على كلام اختها و قالتلها

هيا... حبيبتي انتوا هنا مدفونين حرفيا 

هزت همس راسها يمين و شمال برفض و قالت

همس... كلامك كله غلط يا هيا عندك انا اهو متعلمه و معايا شهاده

بصتلها هيا بزهول و قالتلها

هيا... بجد انتي بجد متعلمه

ابتسمت همس بسخريه على تفكير الناس عليهم و قالت

همس... ايوا و متخرجه من كلية هندسه كمان 

صرخت هيا بفرحه و قالتلها

هيا... زيي!! 

ابتسمت همس و اتمنت ان اختها كانت تفضل معاها عشان يروحوا المدرسه و الكليه سوا

لفتلها هيا اللاب و قالتلها

هيا... انا كنت لسه بشتغل اهو 

بصت همس على شاشة اللاب بفرحه و هي من جواها كانت بتتخيل ان دي شركتها و دا شغلها هي

هيا... قوليلي بقى اسم شركتك ايه

اتوترت همس و معرفتش تقولها ايه.. 

همس... تعالي طيب الاول ننزل عشان هما كل دا مستنيينا و بعدين نتكلم

هزت هيا راسها و قالتلها

هيا... تمام

و فعلا نزلوا عشان يتغدوا

و ملاقوش غير اخر كرسيين هما الي موجودين و كانوا جمب بعض

قعدت همس و جمبها هيا و بدأوا كلهم ياكلوا 

خلصوا الغدا و شالت همس و ورد و رهف الاطباق و هيا الي كانت قاعده ماسكه تليفونها و من الواضح انها بتتكلم شات مع حد 

غسلت همس المواعين و رهف نضفت باقي المطبخ هي و ورد

قالت ورد لـ همس بهزار

ورد... طبعا مالك هيقولك اعمليلي شاي و بعدين يفضل يقول وحش 

ضحكت همس و قالتلها بفرحه

همس... لا قالي ان ولاا مره عملتله فيها شاي و كان وحش

رهف... ايه دا ايه دا هو شكله بيحبك ولا ايه

ابتسمت همس و قالتلها

همس... مش عارفه انا لما قولتله ليه كنت بتفضل تقول اني فاشله و مش بعرف اعمل شاي قالي انه بيحب يشوفني مضايقه

ورد.. ايه العبط دا ازاي بيحبك و ازاي بيحب تكوني مضايقه و متعصبه

ضحكت همس و هزت راسها يمين و شمال و قالتلها

همس.. معرفش

رهف... بصوا خلونا متفقين ان مالك لو مكنش بيحبك عمره م كان وافق انكوا تكتبوا كتابكوا اساسا

كانت لسه همس هترد عليها بس جت هيا و قالتلهم

هيا...  انا عايزه كوباية مايه

ادتلها رهف كوبايه و قالتلها و هي بتشاور على مبرد المياه

رهف... اتفضلي 

خدت هيا منها الكوبايه و هي مضايقه و همس كانت خلصت المواعين و جابت صينيتين حطت فيهم كوبايات عشان تعمل الشاي

همس... اعملك شاي معاهم يا هيا

هزت هيا راسها برفض و قالتلها

هيا... لا لا 

همس.. تمام

خرجت هيا و ورد و رهف كانوا مضايقين منها

رهف... هي فاكرانا خدامين ولا ايه

ورد...  ع الاقل تعزم علينا انها تساعدنا ف اي حاجه حتى

همس... كبروا دماغكوا 

و عملت ليهم الشاي و خرجوا

قعدوا كلهم و فضلوا يتكلموا و هيا قالت لهمس

هيا... مقولتبليش يا همس اسم شركتك ايه 

بصت همس لجدها بحزن بس مالك قال

مالك... لسه شركتها بتتبني اما تتبقي ان شاء الله و تقرر هتسميها ايه هتبقى تقولك

قالت هيا لهمس بانبهار

همس.. انتي ليكي شركه لوحدك!!!! 

ابتسمت همس و دا اكد لـ هيا سؤالها بس ف الحقيقه همس اتبسمت حزن على شركتها الي ضيعتها بايديها

هيا... خلاص نبقى نعمل شراكه بقى

هزت همس راسها و قالتلها

همس... ان شاء الله

رن تليفون هيا و كانت رانيا قالت

هيا... عن اذنكوا هقوم اكلم ماما

قالت همس لأبوها الي كان قاعد جمبها

همس.. عايزه اكلمها يا بابا

سكت مرتضى و هو مش عارف يقولها ايه بس ف النهايه قالها

مرتضى.. روحي كلميها

ابتسمت همس و قامت راحت لـ هيا الي كانت ف الجنينه

قالتلها همس بهدوء

همس.. ممكن اكلمها

سكتت هيا شويه و بعدين قالت لـ رانيا

هيا... مامي همس عايزه تكلمك وووو

يتبعععع

↚

راحت همس لـ هيا الجنينه و لاقيتها بالفعل بتكلم مامتهم

حست قلبها بيدق جامد كل م تسمع هيا بتقول كلمة "يا مامي" 

مكنتش عارفه قلبها بيدق فرحه ولا حزن ولا ايه بالظبط 

مكنتش عارفه الدموع الي ف عينيها دي دموع فرحه ولا دموع كسره و حزن 

همس... هيا..؟ 

بس هيا شاورتلها بإيديها انها تستنى شويه

و بالفعل سكتت همس و متكلمتش بس ضرب قلبها الخوف لما حست من طريقة كلام هيا الاخيره انها هتقفل المكالمه خلاص 

قالتلها بلهفه

همس... لا لا استني

بصتلها هيا بزهول و قالتلها

هيا... في ايييه!!!! 

شاورت همس على التليفون و هي عينيها مدمعه و قالت بصوت باين فيه قد ايه هي عايزه تعيط

همس... عايزه اكلمها

كملت بـ استإذان لما لاقت ملامح الزهول على وش اختها

همس... ممكن..؟ 

اتنهدت هيا بضيق و قالت لأمها الي كانت لسه معاها على التليفون و بتسألها في اي

رانيا... في ايه يا هيا..؟ 

هيا... سوري يا مامي 

رانيا... طيب انا هقفل دلوقتي عشان... 

قاطعتها هيا لما قالت

هيا... لا لا استني دقيقه 

رانيا... قولي في ايه

قالت هيا بتردد

هيا... هـ همس عايزه تكلمك

سكتت رانيا و هي مش عارفه تقول ايه ف الوقت دا همس جالها احساس انها مش عايزه تكلمها و صعبت على هيا جدا ف ادتلها التليفون من غير م تسمع ردها حتى

خدت همس التليفون بتردد و قالت بصوت مهزوز من العياط

همس... ألو...؟ 

مجالهاش رد ف قالت

همس... ازيك يا ماما 

و قد ايه كلمة "ماما"  بقالها سنين مقالتهاش، حست ان قلبها هيقف من كتر فرحتها لما قالتها 

مجالهاش رد تاني ف قالت

همس... ماما..؟ 

استغربت هيا هي متأكده ان رانيا على الخط 

خدت هيا من همس التليفون و قالت 

هيا... الو..؟ 

جالها صوت رانيا الغاضب و هي بتقولها 

رانيا... انتي بتحطيني قدام امر واقع يا هيا...؟ 

سكتت هيا و مكنتش عارفه ترد عشان همس

كملت رانيا و هي بتقول

رانيا... اخر مره تعملي كدا سامعه انتي مسمعتيش ردي عليكي عشان تديها التليفون 

مثلت هيا ان الشبكه ف المكان هنا وحشه و بعدت عن همس شويه عشان تعرف تتكلم

هيا... ليه يا مامي تعملي كدا بس..، انتي متعرفيش هي م صدقت ازاي انها هتكلمك 

سكتت رانيا و هي مش عارفه تقول ايه

هيا... لو سمحتي انا هرجع دلوقتي و هديها التليفون و كلميها عشان كدا مينفعش حتى المره دي بس 

رانيا... اوكيه... بس هي المره دي بس يا هيا بعد كدا متديهاش التليفون تاني انتي فاهمه

هيا.... حاضر

و راحت لهمس و اديتها التليفون 

خدت همس منها التليفون و قالت

همس... الو يا ماما.. 

قد ايه كلمة ماما بتخنق رانيا و بتضايقها، بس ف نفس الوقت حاولت تخلص من المكالمه دي و قالتلها 

رانيا... ازيك يا همس

دمعت عيون همس و قالتلها

همس... انتي وحشتيني اوي

سكتت رانيا شويه و بعدين قالت

رانيا... و انتي كمان يا حبيبتي

همس... هو حضرتك مجيتيش مع هيا ليه... انتي مش عايزه تشوفيني..؟ 

رانيا... معلش يا حبيبتي مشغوله شويه ف الشغل

همس... ايوا بس هيا قالت انها هي الي مسكه الشركه بتاعتك و انك فاضيه 

اتنهدت رانيا بضيق و قالتلها بحده خفيفه

رانيا... طيب ممكن اخلص بس الشوبينج الي بعمله دا و نبقى نتكلم 

هزت همس راسها و كأن امها شايفاها و قالت بصوت ضعيف من كتر الحزن الي هي حسه بيه

همس... طيب.. هيا معاكي

و ادت التليفون لـ هيا و دخلت القصر و هي دموعها على خدها

قالت هيا لأمها

هيا... هو حضرتك قولتلها ايه خلتيها تعيط كدا..!! 

زعقت رانيا ف وشها و هي بتقول

رانيا... هــيـــا انــا مـــش نــاقـصــه كــمـــان عـــياط و دلــع كــفــايــه اوي انــي كـــلـــمـتـهـا

هزت هيا راسها و قالتلها

هيا... تمام... سلام 

حست رانيا انها اتعصبت جامد و خافت بنتها تزعل منها ف قالتلها

رانيا... هيا حبيبة مامي انا مكنتش اقصد اتعصب

هيا... حصل خير 

رانيا... زعلانه..؟ 

قالتلها هيا برفض

هيا... لا

ابتسمت رانيا و قالتلها

رانيا... انا هقفل بقى دلوقتي

هيا.. تمام

و قفلت المكالمه و دخلت القصر

بس استغربت لما ملقتش همس و سألت عليها

هيا... اومال همس فين

قالتلها ورد بحزن

ورد.. طلعت اوضتها

اتنهدت هيا بحزن عليها و طلعتلها

..... استغفر الله العظيم و اتوب اليه

كانت همس ف اوضتها بتعيط جامد و ابوها زعلان عليها جدا

مرتضى... اهدي يا حبيبتي و قوليلي مالك طيب حصل ايه

صرخت همس بقهر و حزن

همس... مبتحبيش يا بابا مبتحبنيش انا معرفش عملتلها ايه عشان تعاملني اكده 

اضايق مرتضى جدا من رانيا و قالها

مرتضى... قولي طيب حصل ايه 

حكيتله همس الي حصل و هي قلبها مكسور 

همس... يا ريتك م سمحتلي اني اروح اكلمها 

خبط الباب و دخلت هيا الي اول م شافت مرتضى و ملامح الحزن على وشه حست انها زعلت 

مسحت همس دموعها بسرعه عشان هيا و هيا الي قالتلها

هيا... معلش اني دخلت بعد م خبطت على طول 

هزت همس راسها يمين و شمال و قالتلها

همس... مفيش حاجه عادي

قربت هيا منهم و قالت لهمس و هي بتحاول تخليها متزعلش

هيا.. متزعلش معلش هي بس ماما مشغوله شويه

و كان رد همس صادم جدا بالنسبالهم لما قالت

همس... مش فارقه معايا اصلا انا عملت الي عليا و كلمتها.. مكنتش متوقعه منها اي حنيه او كلمه حلوه ليا هي واحده سابت بنتها عشرين شنه من غير م تسأل فيها 

بصت هيا لـ مرتضى و هي مش عارفه تقول ايه و مرتضى قال لـ همس

مرتضى... اوعي تزعلي نفسك انتي عارفه بابا بيحبك قد ايه و مبيحبش يشوف دمعه واحده من دموعك و مش هسمح لحد انه يزعلك مهما كان مين 

بصتله همس بابتسامه و هي فرحانه اوي بوجود ابوها معاها

كمل مرتضى لما قال

مرتضى... اوعي تعيطي طول م انا عايش لما امـ ـوت ابقي عيطي براحتك دا لو مالك سمح لحد انه يخليكي تعيطي يعني

ابتسمت همس و اتربت ف حضن ابوها و هي بتحمد ربنا على وجوده ف حياتها

بصتلها هيا و هي كانت بتتمنى ان مرتضى كان موجود ف حياتها كدا

دمعت عينيها لما افتكرت زمان لما كان يرجع من الشركه جايبلهم حاجات حلوه كتير 

لاحظ مرتضى دموع بنته مسك ايديها و قربها منهم و حضنها هي كمان زي م كان كل يوم لما يرجع من الشغل يجروا الاتنين عليها و يحضنهم 

مرتضى... انتوا الاتنين احلى حاجه ف حياتي مش عايز اشوفكوا بتعيطوا ابدا 

و بدل م كانت همس هي الي بتعيط بقت هيا هي الي بتعيط جامد 

اتخض مرتضى لما شاف بنتوا بتعيط قالها بقلق

مرتضى... مالك يا هيا

همس... بتعيطي ليه 

خدت هيا منديل و مسحت دموعها و قالت لأبوها بحزن

هيا... انا اسفه يا بابا... اسفه اوي 

مرتضى... على ايه يا بنتي

هيا... اسفه اني اتكلمت مع حضرتك بأسلوب وحش لما جيت و اسفه اني من ساعتها متكلمتش معاك و لا قولتلك قد ايه انا عشت طول السنين دي مستنيه منك مكالمه واحده الاقيك بتطمن عليها فيها يا بابا 

اتصدم مرتضى من كلام بنته و قالها

مرتضى... انا يا بنتي متصلتش عليكي ولا مره!!! 

↚

هزت هيا راسها بتأكيد و هي بتعيط 

مرتضى... هقول ايه م كله بسبب امك

بصتله هيا بعدم فهم ف كمل مرتضى

مرتضى... كل فتره كنت بحاول اكلمك بس امك مكنتش بتوافق نهائي و ساعات كانت بتكذب عليا و تقولي انها هتقولك و انتي تبقي تكلميني

هيا... الكلام دا محصلش

مرتضى... عشان هي كذابه و هتفضل طول عمرها كذابه

همس.. انا مش فاهمه حاجه 

مرتضى... خلاص يا بنات متشغلوش بالكوا

قالتله هيا بكسره و حزن

هيا... ماما قالتلي انك مبتحبنيش و بتحب همس اكتر مني عشان كدا اخدها هي و سيبتني و قالتلي انك لو كنت بتحبني مكنتش عملت كدا ابدا 

اتصدمت همس من الكلام الي سمعته عن امها و قالت

همس... طب انت ليه يا بابا مفضلتش تقولي انها بتحب هيا اكتر مني عشان كدا خدتها و سابتني ليه كنت ديما تقولي انها بتحبنا احنا الاتنين ليه معملتش زيها

سكت مرتضى و هو مضايق جدا من رانيا 

هيا... ياريتني كنت اقدر اقعد معاكوا اكتر من كدا 

قالتلها همس بخضه

همس... انتي هتمشي..!! 

هزت هيا راسها و قالتلها

هيا... كنت ناويه اقعد معاكي يومين بس للأسف في اجتماع مهم جدا للسركه و لازم احضره

دمعت عيون همس و قالتلها

همس.. لا يا هيا خليكي

هيا... انا كدا كدا همشي بكره الصبح مش دلوقتي 

همس... يعني انتي جيتي تقعدي يوم واحد بس بعد غياب عشرين سنه

سكتت هيا و بعدين قالت لأبوها

هيا... ايه رأيكوا تيجوا معايا

قال مرتضى برفض

مرتضى... لا طبعا مينفعش

هيا... ليه بس يا بابا دا جدو هيفرح بهمس اوي 

قالتله همس بابتسامه 

همس... ممكن توافق 

سكت مرتضى شويه و بعدين قالها

مرتضى... روحي استأذني مالك هو كدا كدا شركته ف القاهره خليه ياخدكوا و هو رايح الشركه

فرحت همس جدا و قالتله

همس... بجد يا بابا

كمل مرتضى بتهديد

مرتضى... بس ترجعي معاه و هو راجع من الشركه ملكيش بيات بره 

هيا... ليه بس يا بابا

مرتضى... خلاص يبقى متروحش اصلا

هيا... لا لا خلاص 

و بصت لهمس و قالتلها

هيا... روحي يلا قولي لمالك 

هزت همس راسها و نزلت 

و هيا ابتسمت لأبوها بحب و نزلوا هما كمان 

..... سبحان الله و بحمده سبحان الله العظيم 

كان مالك قاعد معاهم بس ماسك التليفون ميتابع اخبار الشركه

جت همس و قعدت جمب عمتها و قالتله

همس... مالك 

قالها من غير م يبصلها

مالك... روحي اعمليلي قهوه

اضايقت جدا من. تجاهله ليها و قالتله بغضب

همس... هو ايه دااا

قاله موسى بزهول

موسى... يابني طب اسمعها الاول 

بص لجده و قاله

مالك... لأ القهوه الاول

قال مرتضى لـ همس

مرتضى... معلش يا بنتي هي غلطتي انا اني قولتلك تسأذنيه... روحي يا حبيبتي مع اختك بس ابقي تعالي اخر اليوم

ابتسمت همس بفرحه هي و هيا عكس مالك الي اتعصب و قال

مالك... ليه و هي رايحه فين بقى

خافت همس احسن مالك يرفض بس اتصدمت هي و الكل و ضحكوا على رد ابوها لما قاله

مرتضى... روح اعملي فنحان قهوه 

رفع مالك حاجبه باستنكار و قال

مالك... هي بقت كدا

مرتضى... اه

بص مالك لـ همس و قالها بحده

مالك... على فين 

خافت همس بس قالتله بشجاعه مصطنعه

همس... فنجان القهوه لـ بابا الاول 

ضحكوا كلهم معادا مالك الي هز راسه و قالها

مالك... ماشي هقوم اعمل القهوه لـ عمي بس برضو ملكيش مرواح ف حته

قال كلامه و دخل المطبخ و همس الي بصت لأبوها بحزن 

مرتضى... خليه يقول الي يقوله 

هيا... بابا خليه يوافق

قال موسى لـ هيا بعدم فهم

موسى... هو في ايه يا بنتي

هيا... انا همشي بكره عشان عندي اجتماع مهم جدا و قولت لبابا اني اخد همس معايا عشان جدو هيفرخ اوي لما يشوفها و بابا وافق بس مالك رفض

موسى... لا خديها 

قالتله همس بخوف من مالك

همس... بس يا جدي

قاطعها موسى لما قالها

موسى... قولت روحي 

ابتسمت همس بفرحه كبيره هي و هيا

....... استغفر الله العظيم واتوب اليه عدد خلقه و رضا نفسه و زنة عرشه و مداد كلماته 

تاني يوم كانوا كلهم متجمعين على الفطار 

قال مالك قبل م يقوم يروح الشغل

مالك... تسلم ايدكوا على الفطار

فرحه... تسلم يابني

بص مالك لـ همس و قالها

مالك... لو عرفت انك خرجتي من البيت بدون اذني مش عارف ردة فعلي هتبقى ايه

كلامها مرعبهاش هي بس لا دا رعبها هي و اختها و كل الموجودين معادا موسى و ابوها 

وجه كلامه للكل و قال

مالك... يلا مع السلامه

 قام مشي

كانت همس هتقوم تطلع اوضتها و هي الدموع ف عينيها بس منعها ايد ابوها الي مسكت ايدها على طول و خليتها متتحركش

ساب مرتضى ايدها و قالها

مرتضى... كملي اكلك

هزت راسها يمين و شمال و قالت

همس.. الحمدلله شبعت 

موسى... كملي اكلك و ملكيش دعوه بكلام الواد دا

قالت فرحه بغضب

فرحه... يعني ايه يعني ملهاش دعوه بكلامه يعني تكسر كلام جوزها ولا ايه

قالها وليد بغضب

وليد... لما ابويا يتكلم تخرسي يا فرحه

سكتت فرحه بضيق و غضب و هيا قالت لـ موسى

هيا... خليها تيجي معايا يا جدو

موسى... م هي هتروح معاكي يا حبيبتي 

همس... طب و مالك

موسى... يخبط دماغه ف الحيطه

.... لا اله الا الله وحده لا شريك له له الملك وله الحمد وهو على كل شيئ قدير

في فيلا عادل الشناوي

كانوا قاعدين على الفطار

قالت رانيا

رانيا... هيا هترجع انهارده

استغرب عادل و قالها

عادل.. بالسرعه دي!!! 

هزت رانيا راسها و قالتله

رانيا... في اجتماع مهم جدا للشركع 

كملت بضيق.

رانيا... انا اصلا مش عايزه بنتي تفضل هناك كتير 

عادل... كلمتي بنتك..؟ 

رانيا... اه يا بابا لسه كنت مكلماها من شويه و قفلت معايا عشان الفطار

عادل... مقصدش هيا

قفلت رانيا حواجبها و قالتله

رانيا... اومال قصدك مين

عادل... قصدي بنتك الي بقالك عشرين سنه مسمعتيش صوتها حتى

اتنهدت رانيا بزهق و قالتله

رانيا... كلمتني امبارح

عادل.. و بعدين

رانيا... ايه الي وبعدين قعدت تقولؤ وحشتيني يا ماما و قد ايه هي زعلانه اني مروحتش و كلام من دا

اتعصب عادل جدا و قالها

عادل... هو انتي ايه الجحود الي ف قلبك دااا

اتصدمت رانيا من غضب ابوها و قالت

رانيا... انا عملت ايه

قام عادل بغضب و خرج للجنينه

..... سبحان الله و الحمدلله و لا اله الا الله و الله اكبر

رن على هيا و ردت عليه 

عادل... انتي فين دلوقتي يا هيا

ردت عليه هيا بابتسامة و قالتله

هيا... خلاص يا جدو ف العربيه اهو

↚

عادل... تعرفي تجيبي اختك معاكي

قالته هيا بابتسامة فرحه

هيا... هي جت كدا كدا

فرح عادل جدا و قالها

عادل.. اديها التليفون

هيا.. جدو عايز يكلمك

خدت همس منها التليفون بتردد و هي خايفه 

همس.. الو

بس اطمنت لما سمعت صوت جدها و هو بيقولها بحنان

عادل... عامله ايه يا حبيبة جدو 

ابتسمت همس بفرحه و قالتله

همس... الحمدلله و حضرتك عامل ايه وحشتني اوي اوي

عادل... و انتي كمان متتخيليش فرحتي لما هيا قالتلي انك جايه 

همس.. بجد يا جدو يعني حضرتك مش مضايق

قالها عادل بنفي

عادل.. لا لا اوعي تقولي كدا

كمل بحزن. و هو بيقول

عادل... بس هقولك حاجه

همس.... اتفضل 

عادل... لو عايزه تحسي بحنان امك تعالي و اتعاملي معانا على انك هيا 

نزلت دموع همس بحزن و قالتله

همس... بس. هيا عندها اجتماع

عادل... امك مش هتاخد بالها اصلا هي اساسا كل الي يهمها الشوبينج و بس

هزت همس راسها و قالتله

همس... حاضر

....... سبحان الله و بحمده سبحان الله العظيم 

عدى وقت و راحت همس على الفيلا

هيا... انزلي و ادخلي البيت عادي خالص و انا هخلص الاجتماع و هاجي على طول

هزت همس راسها بابتسامة و نزلت و هيا مشيت على الشركه

بصت همس على البيت من بره و دخلت 

خبطت على باب الفيلا و فتحتلها الخدامه 

سمر... اهلا بحضرتك يا هيا هانم

ابتسمتلها همس و دخلت 

اول م دخلت شافت جدها نازل من على السلم 

قد ايه شكله اتغير 

جريت عليه و حضنته و هي بتقول

همس... جدو

حضنها جدها و قالها

عادل... حمدلله على سلامتك يا حبيبتي

خرجت همس من حضنه و قالتله

همس.... ماما فين 

عادل... راحت النادي مع صحابها و شويه و جايه

همس... ايوا بس انا لازم امشي ع العصر كدا عشان المق اوصل

عادل.. متقلقيش هتلحقيها بإذن الله

ابتسمت همس و هزت راسها

لاحظت البوم الصور الي كان عادل شايله 

قالتله بابتسامة 

همس... دي صورنا زمان..؟ 

هز عادل راسه.. ف قالتله

همس... انا موجوده ف الصور

عادل... طبعا

همس... ممكن اشوفه 

اداها عادل الالبوم و خرجوا قعدوا ف الجنينه

فتحت همس الالبوم و هي مع كل صوره بتفتكر اكتر و اكتر شافت صوره كانت ف نفس الجنينه الي هي و امها كانوا فيها ف الصوره الي عندها و مكان الصوره دي متشال من الالبوم 

عادل.... الصوره دي ضايعه بقالها سنين و مش لاقينها

قالتله همس بحزن

همس... معايا

عادل... بجد!!!! 

هز همس راسها و قالتله

همس... خدها قبل م امشي من عشرين سنه عشان كل يوم ابصلها و انا مستنيه ماما تيجي تزورني

حزن عادل جدا عليها و قالها

عادل... مش عايزك تزعلي من امك يا همس

هزت راسها يمين و شمال بحزن و قالت

همس... عادي

في نفس الوقت دا سمعت صوت امها و هي بتقول بفرحه

رانيا... هـــيـــــااااا

مهمهاش انها ندهت على اختها مش عليها كل الي همها انها شافت امها بعد عشرين سنه مشفتهاش 

ملامحها اتغيرت شويه لكن لسه زي م هي جميله بنفس  ملامحها الي ف الصوره 

جريت عليها و حضنتها جامد و رانيا هي كمان حضنتها بحب كبير.. يمكن لو كانت عارفه ان دي همس الي بقالها عشرين سنه مشفتهاش مكنتش هتحضنها كدا مش عشان هي همس مش هيا لا.. دا عشان حبها لـ هيا الكبير الي زي م كانت بتقولهم زمان "بحبكوا قد البحر و سمكاته" 

رانيا... وحشتيني اوي يا روحي

غصب عنها ردت عليها و قالتلها 

همس... و انتي كمان اوي اوي يا ماما بقالي سنين كتير اوي اوي مشوفتكيش

استغربت رانيا من كلام هيا بس اتصدمت لما ادركت ان دي مش هيا بنتها 

زقتها رانيا و قالتلها بحده و قرف

رانيا... انتي ايه الي جابك هنا امشي اطلعي بره ووووو

يبتععععع

↚

زعقتلها رانيا بغضب و هي بتقول

رانيا... انتي بتعملي ايه هنا.. ايه الي جابك هنا اصلا امشي اطلعي بره 

بصتلها همس بصدمه كبيره و هي مش مستوعبه ردو فعل امها الي بقالها سنين مشافتهاش 

زعقت رانيا اكتر و هي بتقول

رانيا... سمعتييي

اتكلمت همس و هي الدموع ف عينيها و قالتلها

همس... هـ هو حضرتك مش فرحانه انك شوفتيني؟؟؟ 

قالتلها رانيا بكل قسوه و غضب

رانيا... هفرح ليه يا حبيبتي انا اصلا مستغنيه عنك 

اتصدمت همس من كلمتها و بصت لجدها الي هو كمان كان واقف مصدوم جدا

بس اتنفضت همس بخوف لما سمعت صوت مالك الي قال

مالك... هي اصلا مش عايزاكي ف حياتها انتي واحده سيبتيها عشرين سنه مسألتيش فيها و مع ذلك بتحبك و جاتلك واحده غيرها كانت كرهتك لكن انتي مش مقدره النعمه الي انتي فيها و لعلمك بنتك التانيه لو عرفت انك زعلتيها مش هتقعد معاكي ثانيه واحده و هتجيلنا هناك عارفه ليه 

كانت رانيا مصدومه من كلامه و مش عارفه مين دا 

و مالك الي كمل كلامه بقسوه و هو بيقول

مالك... عشان شافت الفرق ف المعامله بين ابوها و امها شافت قد اي ابوها بيحبها زيها زي همس بالظبط زي م يكون الاتنين كانوا عايشين معانا مش همس بس لكن انتي... 

كمل كره كبير و هو بيقول

مالك... انتي خساره فيكي كلمة ام 

و بص لـ همس الي كانت بتبصله بحزن كبير و الدموع ف عينيها و قالها

مالك... يلا عشان نمشي

هزت راسها بتأكيد و خدت شنطتها و بصت لجدها و قالتله 

همس... سلام يا جدو 

ابتسملها جدها و قالها

عادل... هبقى اجيلك 

بص لمالك و قال

عادل... دا بعد اذنك طبعا

ابتسمله مالك و قاله

مالك... بيتنا مفتوح لأي حد يحب مراتي و يقدرها يا حاج 

وجهه كلامه لهمس و قال

مالك... يلا

هزت همس راسها و بصت لأمها نظره اخيره كأنها بتودعها 

و رانيا الي اول م شافت همس بتبصلها بصت للناحيه التانيه على طول 

دمعت عين همس لما شافت امها بتبعد نظرها عنها و مشيت هي و مالك 

..... استغفر الله العظيم واتوب اليه 

اول م خرج من الفيلا اختفى قناع الهدوء الي كان على وشه و اتحولت تعابير وشه كلها للغضب 

ركب العربيه و همس كانت لسه واقفه ف الشارع خايفه جدا من عصبيته هي عارفه انها غلطت لما كسرت كلامه لكن ف النهايه كانت فاكره انها هتروح تشوف امها الي هتفرح بموجودها زي م همس كانت فرحانه 

زعق مالك بغضب و هو باصص قدامه على الطريق 

مالك... هـتـفـضـلـي عـنـدك كـدا كـتـيـر

اتنفضت من مكانها برعب و فتحت باب العربيه بسرعه و طلعت 

قفلت باب العربيه و هي باصه من الشباك مش عايزه تلف وشها و تشوف شكله المرعب و هو متعصب 

دور العربيه و طلع بالعربيه و هو متعصب جدا 

كانت همس طول الطريق بتدعي بخوف انه ينسى و يسامحها بالرغم ان محدش فيهم كان بيتكلم اصلا بس دا كان سبب كافي انها تترعب 

فضلت كدا لحد م خرج من الكومباوند و بقى على الطريق العادي 

قالتله همس بخوف حاولت تداريه

همس...وقف العربيه يا مالك

بس هو مسعلهاش اصلا ف عادت كلامها تاني و هي بتقول

همس...من فضلك 

 ركن العربيه على جمب و هو بيحاول يتحكم ف عصبيته 

قالتله همس بخوف من غير م تبصله 

همس... انا اسفه

ابتسم بسخريه و مردش عليها 

كملت همس و قالت 

همس... عارفه اني غلطت لما كسرت كلامك وو

قاطعها لما قال بحده

مالك... لينا كلام ف البيت اكيد مش هنتكلم ف الشارع يعني

هزت همس راسها و هي خلاص اتأكدت ان مالك مش هيعدي الموضوع

طلع بالعربيه و هو بيفتكر كلام امه

فلاش باك

كان ف الشركه بيتابع شغله لاقى امه بترن 

ساب الورق الي ف ايده و رد عليها 

مالك... اي ياما

بس معداش ثواني و احمرت عينيه من كتر الغضب و العصبيه لما سمع امه بتقول

فرحه... مراتك الانسانه المحترمه كسرت كلمتك يا مالك و برضو راحت عند امها و انت عارف الفرق بين هنا و القاهره قد ايه يعني طريق سفر و مع ذلك مهمهاش و راحت برضو دي لو كانت متربيه مكنتش عملت كدا و كانت احترمك كلمتك لكن دي مشافتش بربع جنيه ربايه و مبتحترمكش ولا بتحترم حد 

قال مالك بصوت كله غضب

مالك... ماشي يا امي اقفلي دلوقتي 

ابتسمت فرحه بشماته و قالتله

فرحه... انا قولت اقولك عشان تبقى عارف بس

هز مالك راسه و قالها

مالك... تمام سلام يا امي

فرحه... سلام يا حبيب امك 

و قفلت و هي فرحانه جدا

قالتلها نعيمه بشماته

نعيمه... قالك ايه

فرحه... صوته اضايق اكيد هيضربها قلمين على وشها يربوها

باك

وقف بالعربيه قدام شركته و قال

مالك... انزلي

قالتله همس باستغراب

همس... احنا جينا هنا ليه

مردش عليها و نزل اضايقت من تجاهله ليها و نزلت هي كمان 

 طلعت معاه للشركه و شافت كمية الموظفين الي كلهم كانوا شغالين بجديه كبيره 

دخل المكتب خد الورق الي كان سايبه و همس كانت بره المكتب بتشوف قد ايه الشركه تحفه و جميله 

ابتسمت بفرحه لما تخيلت ان دي شركتها 

فاقت على صوت مالك الي قال للسكيرتير 

مالك... الغي اي اجتماع انهارده يا مؤمن 

هز مؤمن راسه باحترام و قاله 

مؤمن... تمام يا مستر مالك

بص لهمس و قالها

مالك... يلا

هزت راسها و مشيوا 

كانوا ف طريقهم للصعيد و همس كانت زهقت من سكوته الي مخليها خايفع اكتر ف اتكلمت بلنفعال و هي بتقول

همس... بـطّـل تـعـامـلـنـي عـلـى انـي هـوا يـا مـالـك!!! 

ضحك مالك من قلبه و دا خلاها تستغرب جدا و قالتله بزهق

همس.. هـو انـت بـتـضـحـك عـلـى ايـه؟؟؟ 

مسك دراعها بغضب و قالها و هو بينقل نظره بينها و بين الطريق عشان ميحملش حادثه

مالك... صــوتـــك مــيـعــلاش عــلـيـا بـدل مـا ادفـنك مـكـانـك

بصت قدامها بخوف من عصبيته 

ساب دراعها بغضب و هي بسرعه حطي ايدها مكان قبضة ايده ف محاوله منها انها تقلل من وجع ايديها و قال بسخريه

مالك... و بعدين اي الي مزعلك اوي كدا اني معتبرك هوا م انتي عملتي نفس الحاجه و كسرتي كلامي

قالتله بخوف و هي عينيها مدمعه

همس... هتضربني..؟ 

ضحك بسخريه و قالها

مالك... لا متخافيش 

كمل بتساؤل

مالك... عجبتك الشركه..؟ 

هزت راسها و قالتله

همس... اوي... شكلها جميل اوي

هز مالك راسه و مسك تليفونه و دخل على المعرض و جاب صور لشركه لسه بتتبني و ادالها التليفون

قالتله همس باستغراب لما شافت المبنى 

همس... اي دا!! 

مالك... مهونتيش عليا لما لاقيت اختك بتسألك عن اسم شركتك و وقتها خرجت للجنينه كلمت شركة البناء لتاني مره و خليتهم يكملوا الشركه 

بصتله همس بفرحه كبيره و حزن ف نفس الوقت 

بس ف ثواني كان واخد منها التليفون و رن على رقم مدير الشركه و استمى شويه لحد م جاله الرد

ابتسم مالك بمجامله و قاله

مالك... اهلا بـ حازم بيه

حازم... ازيك يا مالك 

مالك... بخير الحمدلله 

فهم حازم انه بيكلمه عشان الشركه و قاله

حازم... مش عايزك تقلق خالص الشركه زي الفل

↚

قاله مالك الحمله الي خلت همس تبص ناحية الشباك عشان تداري دموعها عنه 

مالك... لا لا معلش الغب كل حاجه خلاص و الحساب ان شاء الله انهارده بليل يكون متحولكوا

استغرب حازم جدا بس قاله

حازم... امرك يا مالك 

ابتسم مالك و قاله

مالك... تسلم و قفل المكالمه

كان سامع صوت شهقاتها الي بتحاول تكتمها عرف انها بتعيط 

و من كتر عياطها جالها صداع و نامت 

اتنهد مالك بضيق و قال

مالك... انتي الي عملتي كدا مش انا

.... استغفر الله العظيم واتوب اليه 

عدى وقت كانت صحيت همس و هي حسه بصداع رهيب 

لاقت نفسها ف العربيه لوحدها قدام بيتها 

نزلت من العربيه و بصت حواليها تشوفه راح فين بس ملقتهوش 

صعبت عليها نفسها لما جيه ف بالها انه سابها ف العربيه و دخل البيت 

دمعت عينيها بس ف ثواني خدت ازازة المايه الي كانت ف ايدها و شربت ف محاوله منها انها متعيطش

و دخلت القصر

حمدت ربنا انها ملقتش حد قاعد ف الريسبشن و طلعت بسرعه على اوضتها المكان الوحيد الي تقدر تعيط فيه براحتها

اول م دخلت اوضتها قفلت الباب و قعدت على الارض ورا الباب و فضلت تعيط جامد بقهر على امها الي فاجأتها بـ ردة فعلها و على حلمها الي لتاني مره اتهدم و على مالك الي زعل منها و اختها الي مش هتشوفها تاني بعد الكلام الي مالك قاله لـ رانيا الي اكيد هتمنع هيا انها تكلم همس تاني

فضلت تعيط جامد بقهر و حزن و هي حسه ان قلبها هيقف ف اي لحظه من كتر حزنها

عدى يجي ساعه و هي لسه بتعيط بس الباب خبط مره واحده

قامت دخلت الحمام تغسل وشها و نشفته كويس عشان ميبقاش في اي اثر يشكك الناس انها كات بتعيط

خرجت لاقت ابوها قاعد على السرير

اول م شافها قام و قالها

مرتضى... احكيلي يا حبيبتي 

هزت راسها يمين و شمال و متكلمتش

خدها مرتضى و قعدوا على الكنبه و قالها

مرتضى... قولي يا حبيبتي ماما لما شافتك و جدو كان ايه ردة فعلهم 

سألها بابتسامه...فرحوا صح؟ 

دمعت عينيها و هزت راسها يمين و شمال برفض

اتصدم مرتضى و قالها

مرتضى... حصل ايه

همس... جدو فرح و كان مجهزلي البوم الصور بتاعنا زمان بس ماما لما جت و شافتني افتكرتني هيا و حضنتني و كانت مبسوطه بس لما عرفت اني همس زعقت فيا جامد و طردتني 

اتسعت عينيه من كتر صدمته ازاي دي ام 

نزلت دموعها اكتر و قالت

همس... هو مين. الي قال لـ مالك اني روحت عندها يا بابا

هز راسه يمين و شمال و قالها

مرتضى... معرفش.. بس لي بتقولي كدا

قالت همس بابتسامه 

همس... لاقيته جيه ف الوقت الي ماما طردتني فيه و قالها قد اي انا بحبها و انها متستاهلنيش و دافع عني

ابتسم مرتضى بفرحه لـ بنته بس اختفت ابتسامته لما قالتله بقهر و هي دموعها نازله

همس... و احنا ف الطريق عدى على الشركه يجيب منها ورق و قالي اجي معاه دخلت الشركه و كانت تحفه اوي اوي يا بابا كنت بتخيل لو كانت دي شركتي جاب الورق و نزلنا قالي حلوه الشركه قولتله جدا راح وراني صور لشركتي الي كانت بتتبني و قالي اني مهونتش عليه لما هيا سألتني عن اسم شركتي و يومها كلم شركة البناء عشان تكمل الشركه 

نزلت دموعها بحزن اكتر و قالت

همس.. و كلم قدامي مدير الشركه و لغى كل حاجه يا بابا

زعل مرتضى جدا عشان بس اتفاجئ لما لاقاها مسحت دموعها و قالتله بابتسامه 

همس... انا كدا كدا مش زعلانه على الشركه اصلا اتعودت من امتى بحلم بحاجه و بتكمل انا كل زعلي بس اني بفكر انا عملت ايه ليكوا كلكوا عشان تكرهوني كدا انـ انا معملتش حاجه لحد ولا اذيت حد 

كملت بتساؤل و لهفه

همس... قولي و انا صغيره اذيت ماما..؟  كسرت اي حاجه هي كانت بتحبها مثلا

هز راسه برفض ف قالت و الاحباط مرسوم على وشها

همس... طب ليه كرهاني كدا بس..؟؟ 

فكرت شويه و قالت 

همس... طب مرت عمي وليد و مرت عمي متولي انا زعلتهم ف حاجه..؟ انا مش فاكره اني خليتهم يضايقوا مني عشان يكرهوني كدا

كملت بحزن

همس... حتى مالك سابني ف العربيه لوحدي صحيت لاقيت نفسي لوحدي يا بابا سابني لوحدي 

عيطت و هي بتقول.

همس... انا ليه محدش بيحبني 

قالها. مرتضى بلهفه

مرتضى... اوعي تقولي كدا يا همس اوعي 

قالتله همس بحزن

همس... انا حسه اني لو مُـ ـت محدش هيزعل عشاني يا بابا.. بالعكس حسه انكوا هترتاحوا مني

من كتر خوفه من فكرة انه ممكن يفقدها صرخ فيها بعصبيه و هو بيقول

مرتضى.. همس انتي اتجننتي ايه كلامك دا

قالتله همس بقهر

همس... كفايه اوي اوي ان ماما قالتلي بالنص كدا " انا اصلا مستغنيه عنك"

مرتضى... تولـ ـع لكن انا مش مستغني عنك انا بحبك اكتر من اي حاجه ف الدنيا انتي كل دنيتي يا همس انتي الحاجه الوحيده الي انا بحبها اكتر من نفسي 

قالتله همس... تعالى نمشي من هنا يا بابا تعالى نروح مكان مفهوش حد غيرنا انا مش عايزه اشوف اي حد تاني خلاص

_طب. و انا!!! 

بصت همس لـ مصدر الصوت و لاقيته موسى جدها 

ابتسمت و قامت راحتله و هي الدموع ف عينيها

موسى... ههون عليكي تمشي و تسيبيني!! 

هزت راسها يمين و شمال برفض و قالت

همس... تعالى معانا

موسى... اوعي تزعلي من اي حاجه ف الدنيا يا همس مفيش اي حاجه تستاهل ابدا تزعلي نفسك عشانها 

هزت همس راسها و قالتله بابتسامه 

همس... حاضر

مسك موسى ايدها و قالها

موسى... تعالي يالا عمتك عامله الكيكه الي بتحبيها 

ابتسمت همس و قالتله

همس... مش عايزه اكل يا جدو انا فعلا دماغي مصدعه و عايزه ارتاح شويه 

هز راسه و قالها

موسى... ماشي يا حبيبتي بس وعد لما تصحي تنزلي على طول

هزت همس راسها و قالتله

همس... حاضر

...... لا اله الا الله وحده لا شريك له له الملك وله الحمد وهو على كل شئ قدير

في فيلا عادل الشناوي رجعت هيا و هي مستغربه ليه همس مش بترد على تليفونها بس ف النهايه خلت القصر 

ابتسمت هيا ليهم بس استغربت لما لاقت جدها قاعد زعلان و رانيا باين على وشها الغضب

راحت هيا و قعدت معاهم و هي بتقول باستغراب

هيا... في ايه 

بصت لجدها و قالت بابتسامه 

هيا... همس فين! 

جالها صوت امها الغاضب و هي بتقول

رانيا.... انتي ازاي تسمحي لنفسك انك تخدعيني كدا

هيا... انا عملت ايه غلط دي بنتك و هي من حقها انها تشوف امها زي م حضرتك من حقك انك تشوفيها 

اتعصبت رانيا اكتر و قالت

رانيا... هي متفرقليش اساسا انا اصلا معتبراها ميتـ ـه من زمان 

اتصدمت هيا جدا و قالت

هيا... يعني لو همس جرالها حاجه مش هتزعلي عشانها!!! 

بس اتصدمت هي و عادل صدمة عمرهم لما قالت رانيا بقسوه

رانيا... م تولـ ـع 

اتعصب عادل جدا و قال

عادل... في ام تقول على بنتها كداااا!!!! 

سكتت رانيا بزهق و هيا قالت

هيا... واضح ان حضرتك طردتيها

هزت رانيا راسها بتأكيد و قالت بابتسامه

رانيا... بالظبط

هزت هيا راسها و قالت

هيا... تمام انتي مش عايزاها خلاص براحتك بس انا عايزه اختي يا ماما و هروحلها و هعيش معاهم هناك على الاقل بابا قدر وجودي و مقاليش كلمه تزعلني لو عوزتيني ابقي تعالي هناك زوريني ووووو

يتبععععع

↚

هزت هيا راسها و قالت

هيا... تمام انتي مش عايزاها خلاص براحتك بس انا عايزه اختي يا ماما و هروحلها و هعيش معاهم هناك على الاقل بابا قدر وجودي و مقاليش كلمه تزعلني لو عوزتيني ابقي تعالي هناك زوريني

اتعصبت رانيا جدا منها و قالتلها 

رانيا.... اي الكلام الي انتي بتقوليه دا يا هيااا

هزت هيا كتفاها بعدم فهم لعصبية امها و قالت

هيا... مالك يا ماما انا مقولتش حاجه غلط انا عشت معاكي تلاته و عشرين سنه خليني بقى اروح اعيش مع بابا و اختي!!! 

صرخت رانيا ف وشها بغضب و هي بتقول

رانيا... غـــــورييييي!!!!! 

قالت كلامها و طلعت و سابتهم 

بصت هيا لجدها بعدم فهم و قالت

هيا... انا مش فاهمه حاجه 

قالها عادل بقلة حيله

عادل... ولا انا 

هيا... انا فعلا هروح لـ همس و بابا يا جدو هشوف بس الشركه الاول و ارتب اموري و هرجع تاني

هز عادل راسه و قالها

عادل... ماشي يا حبيبة جدو

ابتسمتله هيا و قالتله

هيا... احكيلي بقى عملت ايه لما شوفت همس

ابتسم عادل لما افتكر حفيدته قد ايه هي جميله و طيبه و حكى لـ هيا قد اي هو فرح لما شاف همس 

..... استغفر الله العظيم واتوب اليه عدد خلقه و رضا نفسه و زنة عرشه و مداد كلماته 

خرج مرتضى من اوضة همس و نزل تحت بغضب جحـيمي و هو بيدور على مالك 

صرخ بعصبيه و هو بيقول بغضب

مرتضى.... مــــــالـــــك!!! 

جيه وليد باستغراب من صوت مرتضى الغاضب و قال

وليد... خير يا مرتضى في ايه يا اخوي

بس مرتضى مردش عليه اصلا ولا سمعه حتى كل الي كان بيتردد ف ودنه صوت همس و هي بتعيط و بتقول 

"سابني يا بابا لوحدي"  ... "كلم مدير الشركه و قاله يوقف بناء شركتي"... 

عاد نديهه تاني و هو بيقول بغضب اكبر

مرتضى... انــت يـا زفـت يــالـي اسـمـك مـاااالـك

جيه مالك باستغراب و قاله

مالك... خير يا عمي في ايه

زعق مرتضى بغضب و هو بيقول

مرتضى... في انك زباله و انا غلطان اني قولت امك اكتر واحد بيحب همس و مش هيزعلها ف يوم ولا هيخليها تعيط و تحس انك ضدها و ضد احلامها 

فهم مالك ان مرتضى بيتكلم عن الشركه 

مرتضى.... ازاي تسمح لنفسك انك تاخد بنتي لشركتك و توريها قد ايه الشركه تحفه و ف الاخر تقهرها و تكلم شركة البناء تزقف بناء شركتها هااااا

قال مالك بغضب من همس

مالك... و هو كان ينفع انها تكسر كلمتي و تروح مع اختها القاهره و انا قايلها لأ

قاله مرتضى بغضب

مرتضى... ابوها و جدها موافقين يبقى انت رأيك ميهمناش بالذات لو كانت رايحه تشوف امها

رد عليه مالك بنفس غضبه و هو بيقول

مالك... اتفضل خليها تحكيلك امها قالتلها ايه و طردتها ازاي من البيت ولا كأنها بقالها عشرين سنه مشافتهاش 

قال وليد بغضب

وليد... صـوتــك مــيــعــلاش عـلــى عـمــك يــا مـالـك

قاله مرتضى بسخريه

مرتضى... سيبه اصله فاكر نفسه كبر خلاص و يقدر يزعق براحته ميعرفش اني ممكن انزل على وشه بقلم يربيه من اول و جديد 

سكت مالك بغضب و متكلمش كمل مرتضى كلامه بغضب و قال

مرتضى... ازاي تسيب البت ف العربيه لوحدها زي الكلبه و تدخل البيت؟؟؟؟ 

بصله مالك بزهول و قاله

مالك... محصلش!! 

قاله مرتضى بغضب

مرتضى.. لا حصل انا بنتي متكدبش 

قال مالك بحنق من اسلوب عمه

مالك... انا مسبتهاش انا لما جيت لاقيت بوابة البيت مقفوله ف نزل عشان اعرف ادخل العربيه البيت و لما دخلت البيت لاقيت مياه الري مغرقه الجنينه روحت عشان اقفلها بدل م الزرع يبوظ و رجعت عشان ادخل العربيه البيت ملقتش بنتك اصلا و تلاقيها افتكرت اني سيبتها لوحدها 

سكت مرتضى و هو حاسس ان غضبه هدي شويه لما مالك قاله انه مسبهاش لوحدها بس رجع اتكلم تاني بغضب و قال بهديد

مرتضى.... لو خليت بنتي تعيط تاني يا مالك انا مش ضامن ردة فعلي وقتها هتبقى ايه و هنسى انك ابن اخوي سااامع.. عشان ابوها لسه مماتش عشان تزعلها بالمنظر دا و تخليها تعيط و حتى لو ابوها ما.ت ملكش ان انت تزعلها اصلا

هز مالك راسه و قال بضيق

مالك... حاضر يا عمي

طبطب وليد غلى ضهر مرتضى و قاله

وليد... حقك عليا انا يا مرتضى انا هربيه

قاله مرتضى بحده تمنع النقاش

مرتضى... انا قولت الي عندي يا وليد ابنك لو زعّل بنتي تاني مش هعمل اعتبار لحد

هز وليد راسه و قاله

وليد... ماشي يا مرتضى

.... لا اله الا الله وحده لا شريك له له الملك وله الحمد وهو على كل شيء قدير

تاني يوم صحيت همس غ الساعه 6 كدا و قامت اتوضت و صلت الصبح و هي بتدعي ربنا يخفف الم قلبها و حزنها

اتأكدت ان طرحة الاسدال لسه محكمه على راسها و دخلت البلكونه تشم الهوا النقي قبل م الناس تصحى و تلوثه بالبنزين و غيره من الملوثات الي بتغير نقاء الهوا

دمعت عينيها و هي سامعه صوت العصافير بتصوصو 

افتكرت كل الي حصل امبارح من كلام امها ليها و اختها الي خلاص مش هتشوفها تاني و. شركتها الي اتهدت و مالك الي رماها ف العربيه و مسألش فيها حتى 

نزلت دموعها بألم و حزن حست ان الارض مش شيلاها و انها بدأت تدوخ من كتر عياطها ف قعدت على النبه الي كانت ف البلكونه و سندت راسها على السور و هي بتبص للسما و بتدعي عن حزها يروح 

جت قطتها و طلعت قعدت جمبها 

و همس الي لاحظت وجودها بسبب صوت نونوتها 

بصت همس جمبها و ابتسمت لما شافتها خدتها و باست راسها و فضلت تمسح على راسها بحنان 

نونوت القطه بحب لـ همس و هي مبسوطه 

و كأنها عرفت ان همس زعلانه و جت تخفف عنها حزنها 

دمعت عيون همس و قالتلها بصوت كله حزن 

همس... شوفتي يا دوما محدش بيحب همس ازاي شوفتي همس منبوذه من كل الناس ازاي و محدش عايزها 

كملت و الدموع بتنزل من عينيها بغزاره

همس... حتى امها مش عايزاها 

كانت القطه بصالها بتركيز و كأنها بتسمعلها بجد فضلت همس تعيط شويه و بعدين بصت للقطه و ابتسمتلها و قالت

همس... انتي اكيد جعانه و انا من زعلي مخدش بالي ان اكلك فضي 

حطتها على الكنبه و قامت و هي بتقول 

همس... هروح احطلك اكلك الي بتحبيه

و خرجت من البلكونه و القطه راحت ليها و كأنها مش عايزه تسيبها لوحدها و هي زعلانه كدا

خدت نزلت همس المطبخ و اتفاجئت لما لاقت القطه طلعت قعدت على طربيزة الاكل الي ف المطبخ 

قالتلها همس بقلة حيله

همس... لو مرت عمي شافتك هنا هترميكي بره يا دوما 

خدت اكل للقطه و قالتلها و كأن القطه فاهماها

همس... يلا تعالي نتطلع

و بالفعل نزلت القطه و راحت معاها 

عدى وقت كانت همس قاعده ف اوضتها منزلتش بالرغم من انها سمعت صوتهم صحي الا انها فضّلت انها تفضل لوحدها، اصلها هتنزل لمين..؟  هتنزل عشان فرحه و نعيمه يفضلوا يشمتوا فيها ولا عشان مالك يتكلم معاها باسلوب وحش 

خبط الباب و هي مردتش كانت فاكره انها كدا هتمنع الي ع الباب انهم يدخلوا الاوضه 

بس اتنهدت لما لاقت الباب بيتفتح و ظهر منه مرتضى و ورد و رهف 

جم و ورد قالت بهزار

ورد... انا قولتلك انها صاحيه يا عمي و انتي الي مصدقتنيش

ابتسم مرتضى و قال لـ همس

مرتضى... يلا يا حبيبتي انزلي معانا عشان الفطار

قالتله همس برفض لأنها فعلا مكنش عندها اي طاقه انها تنزل و تقعد مع حد 

همس.. لا يا ابوي شكرا معيزاش اكل 

قالت رهف برفض 

رهف... يعني ايه الكلام ديه لا طبعا هتنزلي و هتاكلي يعني هتنزلي و هتاكلي 

همس... يا رهف مش جعانه مش عايزه اكل خلاص متتغطوش عليا

قالتلها ورد بزعل

ورد... لو منزلتيش تاكلي يا همس مش هاكل اني كمان و انتي عارفه اني عندي انيميا 

اتنهدت همس بقلة حيله و مرتضى قالها بابتسامه

مرتضى... يلا يا حبيبة بابا

هزت همس راسها و نزلت معاهم

..... لا حول ولا قوة الا بالله العلي العظيم 

نزلت و اول م موسى شافها قالها

موسى... تعالي يا هموسه

راحت همس ليه و هي بتجبر نفسها انها تبتسم زي كل مره بتبقى زعلانه و بتبينلهم انها عادي و مش زعلانه اساسا بس مش عارفه ليه المره دي حسه انها مش عارفه حتى تبتسم بجد حسه ان الابتسامة نفسها مش عارفه تبتسمها من كتر حزنها 

راحت همس و قعدت جمب جدها و هي بتقوله بابتسامه 

همس.. صباح الخير على عمدة الصعيد كلها 

ضحك موسى و قالها

موسى... صباح النور يا حبيبة جدو

ابتسمتله همس و بصت قدامها و سكتت

لاحظ موسى سكوتها و قال للكل ف محاوله منه انه يخليها متزعلش

موسى... ايه رأيكوا نفطر ف الجنينه انهارده

رحبوا كلهم بالفكره معادا همس الي مكنتش سامعاهم اصلا كل الي كانت سمعاه كلمة امها و هي بتقولها

رانيا... " ما تغوري انا اصلا مستغنيه عنك "

كانت بتتردد ف بالها كل شويه بصت حواليها عليهم و هي شايفاهم مبسوطين و بيضحكوا محدش فيهم قادر يحس بيها ولا حد قادر يخفف عنها زعلها 

خدت كوباية المايه الي جمبها لما حست انها مش قادره تتحكم ف دموعها اكتر من كدا و انها خلاص هتعيط

شربت مايه و بالفعل حست ان غصة حزنها راحت شويه 

ابتسمت بانتباه لما لاقت موسى بيقولها

موسى... ايه رأيك با همس...؟ 

قالتله همس بأسف

همس.. معلش يا جدي مخدش بالي كنتو بتتحدثوا عن ايه 

زعل جدا مرتضى عشانها و قالها

مرتضى... اننا نفطر المره دي ف الجنينه

هزت راسها بابتسامه و قالتلهم

همس... الي تشوفوه انا عن نفسي معنديش مشكله 

قال موسى بابتسامه 

موسى... طيب يلا روحي يا ورد انتي و رهف هاتوا الوكل من المطبخ حولوا على الجنينه

كلهم قاموا عشان يروحوا الجنينه و ورد و رهف الي هزوا راسهم بطاعه و راحوا للمطبخ و همس كانت هتروح معاهم تلهي نفسها احسن من انها تفضل قاعده ساكته كدا لا عارفه تبتسم و تبين انها طبيعيه ولا عارفه تعيط

قال موسى باستغراب

موسى... راحه فين

قالت همس بصوت حاولت تبينع طبيعي و مش حزين

همس.. احم.. هروح اساعدهم

قال موسى برفض

موسى... لا تعالي معانا عايز اتحدث معاكي شويه

هزت همس راسها بقلة حيله حتى انها تلهي نفسها عن تفكيرها و حزنها رفضوه و مقبلوش و كأن كل شئ حواليها ضدها

راحت همس و قعدوا كلهم ف الجنينه حبت فرحه انها تضايقها ف قالتلها

فرحه... ايه يا همس شكلك زعلان مالك هي امك ضايقتك بكلامها ولا ايه..؟ 

حست انها عايزه تعيط.؟ اول مره تبقى كدا!! كانت على طول بترد على اي حد يزعلها ليه مش عارفه ترد المره دي 

عادت فرحه كلامها تاني و قالت

فرحه... مردتيش ليه

كملت بدهشه و خوف مصطنعين و قالت

فرحه... اوعي يا بت تكون ضايقتك بجد

هزت همس راسها يمين و. شمال برفض و قالت بابتسامه

همس... لا لا خالص مقلتش حاجه ضايقتني

هزت فرحه راسها بضيق و قالت

فرحه... اومال مالك كدا قاعده ساكته و مبتتكلميش مالك ايه الي مزعلك

هزت راسها يمين و شمال برفض و قالت

همس... مفيش حاجه مزعلاني يا مرت عمي متقلقيش

اضايقت فرحه جدا لأنها كان نفسها همس تعيط او يبان زعلها هي متأكده ان امها زعلتها 

قال موسى لـ همس بابتسامه

موسى...عندي ليكي مفاجأة

ابتسمت همس و قالتله

همس...و طبعا مش هتقولي عليها

ضحك موسى و قالها

موسى... لا هقولك 

همس... اي هي بقى

قال موسى... هروح المزرعه انهارده و انتي بتحبي تروحي هناك و تشوفي الخيول هاخدك معايا

فرحت همس جدا او دا الي ظهرته ليهم يعني و قالت بفرحه مصطنعه عشان محدش يسألها تاني مالها و زعلانه من ايه

همس... بجد يا جدي

هز موسى راسه بفرحه انه قدر يخرجها من حزنها و قال

موسى... طبعا 

ابتسمت همس و قالتله

همس... شكرا يا جدي

و طبعا مالك الي كان قاعد ماسك تليفونه بيتابع. اخبار الشركه و هو ف الحقيقه كان مركز ف كلامهم و هو متأكد مليون ف الميه ان همس لسه زعلانه من كلام انها اذا كان الكلام مكنش ليه و مجرد انه سمعه حس بخنجـ ـر ف قلبه اومال هي بقى الي المفروض الكلام اتقالها من اكتر واحده حبتها ف الدنيا بالرغم من انها اتخلت عنها الا انها برضو مكرهتهاش

زعل ا من نفسه انه خدها الشركه عشان يقهرها و كلم شركة البناء توقف شركتها زعل جدا عشانها 

 بس سمع موسى قال تاني

موسى... عندي ليكي مفاجأه كمان

ابتسمت همس و قالتله

همس... هتقولي اي هي ولا لأ 

قالها موسى بدون مقدمات

موسى... شهر بالكتير ان شاء الله و هتبقي قاعده ف مكتبك ف شركتك بتتابعي شغلك يا بشمهندسه همس العزيزي

نزلت دموعها بفرحه كبيره و هي مش مصدقه الي بتسمعه بس افتكرت مالك و بصتله لاقيته بيبتسم بفرحه ليها ف اتأكدت انه مش هيرفض و فرحت جدا 

↚

قالت همس لجدها بفرحه

همس...انا مش عارفه اشكرك ازاي يا جدو

قالت نعيمه بزهق

نعيمه... م خلاص بقى خلونا ناكل ولا هنقضيها عياط

قال متولي بغضب

متولي... و انتي مالك يا نعيمه هو كان حد قالك متفطريش

اضايقت نعيمه جدا و معرفتش تخفي غلها و بصت لـ همس و قالت بحقد

نعيمه... احسن من بناتي ف ايه دي عشان تدلعوها كل الدلع دا و تعليم و شهاده و جامعه و شركه كمان هااا احسن من بناتي ف ايه

خاف مرتضى جدا على بنته و متولي الي من كتر احراجه من غل مراته معرفش حتى يرد

قالت ورد بزهول

ورد... اي الي انتي بتقوليه دا ياما!!! 

قالتلها نعيمه بغضب

نعيمه... اسكتي انتي متتحدثيش فاهمه

خافت امال جدا على همس و قالت لـ نعيمه

امال... اعوذ بالله منك... انتي هتحسدي البت!!! 

ضحكت نعيمه بسخريه و قالتلها

نعيمه... احسدها..؟؟؟  على ايه على لقب المهندسه..؟ 

كملت بسخريه اكبر و هي بتقول

نعيمه... دا الي بيصلحوا التلاجات و الاجهزه الكهربائيه بيقولولهم يا بشمهندسين 

قال موسى بغضب

موسى... اومال مضايقه ليه بقى... 

نعيمه... انا مش مضايقه ولا حاجه يابا انا بس مستغربه مش اكتر هؤ و اختها الاتنين اتخرجوا من كلية هندسه و انا بناتي الاتنين هما الي مش مكملين تعليمهم ف العيله 

حس مرتضى ان قلبه بيـ ـتعصر من كتر خوفه على بناته  

كانت كل دا ساكته مبتتكلمش بس مستغربه نعيمه لكن خلاص هتفضل ساكته لحد امتى حست انها لازم تتكلم و تقول الي جواها يمكن ترتاح راحت قالت بكل هدوء

همس.. انتي غريبه اوي يا مرات عمي شويه تحسديني و شويه تتريقي عليا

بصتلها نعيمه بغل و همس كملت كلامها و قالت

همس... بتحسديني على ايه على الحاجه الوحيده الي بتفرحني 

كملت بسخريه و هي بتقول

همس... لا و ايه كل شويه اتعشم بيها و بعدين الاقي اتصال بيلغيها.. 

كملت بتساؤل و هي بتقول

همس... محسدتش بناتك ليه على وجودك ف حياتهم محسدتهمش ليه انهم عاشوا حياتهم و امهم بتحبهم و بتسأل عليهم... انتي نفسك مشوفتيش ليه اني بقالي عشرين سنه مقولتش كلمة ماما و هيا الي برضو بقالها عشرين سنه مقالتش كلمة بابا.. لا المهم ان بناتك يبقوا احسن اتنين و خلاص..

كملت بزهول

همس... يا مرت عمي دا انتي لو شوفتيني بمـ ـوت قدامك كدا هتحسديني و تقارني بيني و بين بناتك و تقولي ما.تت هي الاول ليه

قالوا كلهم بسرعه... بعيد الشر عنك

ابتسمت همس و قالتلهم

همس... لا بالعكس يا جماعه الموت مش شر

بصت لنعيمه و قالتلها قبل م تقوم

همس... متنسيش تبقي تحسديني بقى 

و قامت دخلت القصر 

بص مرتضى لأخوه بغضب كبير جدا و متولي الي مكنش عارف يبصلهم بعد كلام مراته لـ همس

قام مرتضى و راح لـ همس 

..... سبحان الله و بحمده سبحان الله العظيم

دخل القصر لاقاها قاعده ف الريسبشن و القطه يتلعب بالورقه الي همس كرمشتهالها 

كانت باصه للقطه و بتبتسم عليها و هي شايفه قد ايه هي جميله سبحت ربنا على جمالها و فاقت على صوت ابوها الي جيه قعد جمبها و كانت لسه هيتكلم راحت همس قالتله بسرعه قبل م يقولها متزعليش 

همس... مش عايزاك تقلق عليا انا كويسه و مش زعلانه من كلام مرت عمي

افتكرها مرتضى انها بتتخنق من كلامه و راح قالها

مرتضى... انتي بتتضايقي من كلامي معاكي يا همس!! 

بصتله همس بزهول و قالتله بدهشه

همس... انا!!! 

هز راسه و هو خايف تكون بنته بتتخنق من كلامه راحت همس قالتله بسرعه

همس... ايه الي بتقوله دا بس يا مرتضى انا اضايق منك ازاي بس انا بس مش عايزاك تزعل عشاني انا و انت كدا كدا عارفين انها مبتحبنيش ف هنزعل ليه بقى 

هز مرتضى راسه و قالها بضحك

مرتضى... مش هحاسبك على مرتضى الي قولتيها دي

ضحك همس و قالتله

همس... طب احسن مرتضى 

ضحك هو كمان و قالها

مرتضى... ماشي يا بشمهندسه 

..... لا اله الا الله وحده لا شريك له له الملك وله الحمد وهو على كل شئ قدير

كانت هيا ف الشركه خبط الباب قالت

هيا... اتفضل

دخلت سلمى صاحبتها و هي بتقول

سلمى... خير يا هيا هانم

بصتلها هيا باستغراب و هي شايفاها رايحه للكرسي الي قدام المكتب 

هيا..  ايه يا سلمى

سلمى... مش هتيجي تتغدي معانا ف مره ولا ايه.. 

كملت بلوم و هي بتقول

سلمى... خلي عندك شوية دم دي ماما كل مره تفضل تقولك تيجي تتغدي معانا و انتي الي مبترضيش

اتنهدت هيا بزهق و قالت

هيا... انتي شايفه اني فاضيه يعني يا سلمى..!! شايفه اني بروح اكل اصلا!! دا البريك الي باخده ف الشغل هو العشر دقايق الي بين كل اجتماع و التاني و بعدين انا مش ناقصه تأنيب ضمير كفايه اوي بقى

حست سلمى من طريقتها انها زعلانه من حاجه ف قالت باستغراب

سلمى... في اي مالك

انتهدت هيا بقلة حيله و حكت لـ سلمى الي اتصدمت جدا و قالتلها

سلمى... انتي عندك اخت!!! 

اتعصبت هيا جدا منها و قالت 

هيا... دا كل الي فارق معاكي

سلمى... اكيد لا بس عشان اول مره تقوليها يعني ديما كنتي بتقولي انك معندكيش اخوات

كملت باهتمام و هي بتقول

سلمى... طيب دلوقتي ايه الي مضايقك؟ 

هيا... مضايقه من معاملة ماما ليها ايا كان همس ملهاش دعوه بالي حصل ولا بطلاقهم و ماما هي الي غلطت لما سابتها تقع ف البسين لحد م كانت هتغرق و تمـ ـوت 

سلمى... عشان كدا باباكي اخد اختك و سابك

هزت هيا راسها و قالت بتصحيح

هيا... الي عرفتوا لما روحت هناك ان بابا كان عايزنا احنا الاتنين نروح معاه بس عشان هي متبقاش لوحدها

قالت سلمى باستغراب

سلمى... ايوا بس لحد دلوقتي مش عارفه اي سبب كره طنط رانيا لـ همس اختك

هيا... هي شايفه ان لو مكنتش همس قربت من البسين مكنتش هتقع و مكنش بابا طلقها و كنا هنعيش كلنا سوا زي اي حد...و حبت بقى تعاقبها عشان خلتني اعيش من غير ابويا بانها متكلمهاش طول العشرين سنه الي فاتوا عشان تحسسها بغلطها 

حست ان سلمى مش مجمعه الكلام الي قالته راحت قالت بزهق

هيا... من الاخر محمله همس اللوم و عشان كدا بتعاملها وحش ك عقاب ليها يعني عشان هي الي قربت من البسين و وقعت 

سكتت سلمى شويه و بعدين قالت

سلمى... اسفه ف الي هقوله بس مامتك قلبها حاجد اوي اوي يا هيا ايه دا بجد هو في كدا ..؟!! 

سكتت هيا بحزن و هي بتقول. جوا نفسها

هيا... اومال لو عرفتي انها كل دا كانت مفهماني ان بابا بيكرهني و بيحب همس اكتر مني كنتي عملتي ايه

..... استغفر الله العظيم واتوب اليه عدد خلقه و رضا نفسه و زنة عرشه و مداد كلماته 

في قصر الشناوي 

كانت رانيا مبسوطه جدا بعد وجود اختها الي جت هي و ولادها 

رانيا... بس مينفعش كدا بجد ازاي تقعدوا كل الفتره دي متجوش

ابتسمت شيماء و قالت

شيماء... معلش بقى انتي عارفه ساره مكنتش خلصت امتحانات و مكنش ينفع نيجي و نسيبها ف البيت لوحدها عشان هي بتخاف 

ابتسمت رانيا و قالت

رانيا... المهم انكوا جيتوا

قالت شيماء بفرحه

شيماء... دا انا فرحانه اوي اني شوفتك يا بابا 

ابتسم عادل و قالها

عادل.. تعملي ف حسابك انك هتقعدي معانا لحد م كلية البت دي تبدأ ابقوا وقتها ارجعوا تاني

ضحكت شيماء و قالتله

شيماء... الي تشوفه يا بابا حاضر

ابتسم عادل بفرحه بموجود بناته و قال باستغراب

عادل... اومال عمر فين مجاش ولا ايه

شيماء... لأ جاي هو بس كان ف الشغل

هز عادل راسه و قالها

عادل... الله يعينه.. 

....... لا اله الا الله محمد رسول الله 

بليل كانت همس لسه بتحاول انها تبقى طبيعيه كانت واقفه معاهم ف المطبخ بيجهزوا الغدا بعد م رفضت انها تروح المزرعه مع جدها و فضّلت انها تقعد تساعدهم ف الاكل 

كانت نعيمه مضايقه منها جدا انها ردت عليها و كانت بتفكر ف انها ازاي تنتقم منها 

كانت بتدعي عليها من كل قلبها و هي شايفاها بتضحك مع ورد و هما بيهزروا

استغلت نعيمه ان محدش واخد باله و خدت برطمان الشطه و حطت منه ف خلطة الرز و قالت لـ همس

نعيمه.. شوفي كدا يا همس الرز ملحه كويس ولا ايه عشان لو كدا نعمل ورق العنب على طول قبل م جدك و مالك يجوا

هزت همس راسها بطاعه و خدت معلقه و داقت الرز بس معداش ثواني و فضلت تكح جامد جدا لدرجة ان عينيها دمعت و وشها احمر و ورد مكانتش عارفه تعملها ايه جابتلها مايه بس همس مكنتش عارفه حتى تاخد نفسها عشان تشرب

ابتسمت نعيمه بشماته و هي شايفاها بتمـ ـوت قدامها بسبب انها عندها حساسيه من الشطه وووو

يتبععع

↚

كانت نعيمه مضايقه من همس جدا انها ردت عليها و كانت بتفكر ف انها ازاي تنتقم منها 

كانت بتدعي عليها من كل قلبها و هي شايفاها بتضحك مع ورد و هما بيهزروا

استغلت نعيمه ان محدش واخد باله و خدت برطمان الشطه و حطت منه ف خلطة الرز و قالت لـ همس

نعيمه.. شوفي كدا يا همس الرز ملحه كويس ولا ايه عشان لو كدا نعمل ورق العنب على طول قبل م جدك و مالك يجوا

هزت همس راسها بطاعه و خدت معلقه و داقت الرز بس معداش ثواني و فضلت تكح جامد جدا لدرجة ان عينيها دمعت و وشها احمر و ورد مكانتش عارفه تعملها ايه جابتلها مايه بس همس مكنتش عارفه حتى تاخد نفسها عشان تشرب

ابتسمت نعيمه بشماته و هي شايفاها بتمـ ـوت قدامها بسبب انها عندها حساسيه من الشطه

بصت ورد لأمها و قالتلها

ورد...انتي حطيني شطه ف الرز يا ماما

قالت نعيمه بكل هدوء

نعيمه...ايوا

اضايقت ورد و قالتلها باستغراب

ورد طب ليه دا يا ماما م انتي عارفه ان همس غندها حساسيه من الشطه

قالت نعيمه بغضب

نعيمه...و انا كنت امها يعني عشان احفظ ايه الاكل الي الهانم مبتحبوش و عندها حساسيه منه

رفعت ورد حواجبها بصدمه من كلام امها 

و همس الي كانت خلاص الحكه هديت شويه بعد م شربت مايه

بصت همس لنعيمه و قالتلها بدهشه

همس انتي ازاي كدا..ايه كل الحقد الي فـ قلبك ليا دا 

قالتلها نعيمه بسخريه

نعيمه...و انا هضايق منك انتي ليه يعني فاكره نفسك مين

همس...يا ستي مضايقه مني اوي كدا عشان خلصت تعليمي احنا فيها اهو روحي قدمي لبناتك على الكليه الي هما عايزنها بس متفضليش مضايقه مني كدا مع ان اصلا ميفرقليش اذا كنتي مضايقه ولا لا

قالت كلامها و خرجت من المطبخ 

و نعيمه الي كانت هتموت من كتر الغيظ و قالت بصوت عالي عشان همس تسمع

نعيمه...انا عيالي احسن منك على الاقل متربيين زين و ميتكلموش بالاسلوب العفش دا مع حد يا متربيه

فضلت ورد بصه لأمها بزهول و بعدين هزت راسها يمين و شمال بعدم تصديق و خرجت من المطبخ

.....لا اله الا الله وحده لا شريك له له الملك و له الحكد يحيي و يميت و هو على كل شئ قدير

في شركة هيا

كانت قاعده ف مكتبها بتتابع شغلها و فجأه الباب خبط 

هيا....اتفضل

اتفتح الباب و دخلت سلمى الي اول م هيا شافتها قالتلها بهزار 

هيا...لااااا انا ورايا شغل قد كده و مش فاضيه لي رغيك

بس سلمى مهمهاش الكلام اصلا و قعدت على الكرسي الي قدام المكتب و قالت

سلمى...انا و ماما نفسنا نشوف همس اختك

اتصدمت هيا منها و قالتلها

هيا....هو انتي مبتعرفيش تحفظي سر ابدا

قالتلها سلمى بضحك

سلمى....يا بنتي بقى دي ماما يعني

هزت هيا راسها و قالتلها بسخريه

هيا...و لحقتي تقوليلها امتى بقى يا سلمى هانم و انا لسه معداش على كلامي ليكي ساعه 

ابتسمت سلمى و قالت بكل بساطه

لما خرجت من المكتب رنيت عليها و حكيتلها و قولتلها يا ماما كلمي طمط رانيا و خليها تعامل همس كويس

سابت هيا الورق الي كان ف ايديها و قالت بخضه

هيا...انتي قولتي لطنط كدا 

هزت سلمى راسها بتأكيد و قالتلها بأستغراب

سلمى...ايوا في ايه يا هيا مالك

اتعصبت هيا جدا و قالتلها

 هيا...في ان ماما مش هتسكت يا سلمى و مش بعيد تكلم همس و تقولها كلمتين يزعلوها 

سلمى...هتكلم همس ازاي و هي ممعهاش رقمها اصلا

اتعصبت هيا زياده و قالتلها 

هيا....انتي فاكره ان دي حاجه صعبه على ماما يعني

سكتت سلمى و هي كش عارفه تقول ايه 

قالت هيا ....اتصلي ب طنط قوليلها متقولش ل ماما

هزت سلمى راسها بطاعه و هيا بقت تلم حاجتها بسرعه عشان تلحق تسافر لأبوها و اختها قبل م امها تمنعها

....استغفر الله العلي العظيم و اتوب اليه عدد خلقه و رضا نفسه و زنة عرشه و مداد كلماته

طلعت همس اوضتها و قعدت على الكنبه بضيق و قطتها اول م شافتها دخلت الاوضه راحتلها جري و طلعت قعدت جمبها على الكنبه

بصتلها همس بابتسامه و قالتلها

همس...انتي بتحبيني زي م انا بحبك ..؟ 

اتنهد بحزن و بعدين قالت

همس انا محدش بيحبني غيرك انتي و بابا و جدو 

دمعت عينيها و قالت بحزن كبير

همس..حتى مالك لما مرات عمي فضلت تحقد عليا على الفطار متكلمش ولا قالها حاجه

ابتسمت و قالت

همس..و تلاقي هيا دلوقتي نسيتني هي كمان 

نونوت القطه و هي بتبصلها و كأنها بتقولها متزعليش

ابتسمت همس عليها بس لاقت تليفونها بيرن 

خدته من على الطربيزه الي جمبها و اتفجأت لما لاقت اسم هيا مكتوب على الشاشه

فتحت المكالمه بسرعه و قالتلها بحب و لهفه

همس...هيا

ابتسمت هيا عليها و قالتلها

هيا...انا راحيه دلوقتي البيت هاخد الاوراق بتاعتي بتاعة الشركه و جايه

استغربت همس بس فرحت ان اختها هترجع تاني 

همس...بجد يا هيا هتيجي

هزت هيا راسها بتأكيد و قالتلها

هيا...ايوا يا حبيبتي 

قالت همس بخوف

همس..طب و ماما..؟

هزت هيا راسها يمين و شمال برفض و قالتلها

هيا...متشغليش بالك 

همس..حاضر

هيا....بابا عندك..؟

قالتلها همس برفض

همس...لا ف المزرعه مع جدو 

هيا...طيب لما يرجع ابقي سلميلي عليه 

ابتسمت همس و قالتلها

همس...حاضر

اتنهدت هيا بحزن عليها و قالتلها

هيا....همس مش عايزاكي تزعلي من ماما 

ابتسمت همس بقلة حيله و قالتلها

همس...عادي اصلا من امتى و انا حسه بوجودها ف حياتي يعني 

هيا...طب م انا كمان مكنتش حسه بوجود بابا ف حياتي يا همس

هزت همس راسها و قالتلها

همس...اه بس في فرق كبير يا هيا انتي ماما فضلت تكرهك فينا لحد م كنتي ناسيانا اصلا لكن بابا عمره م قالي عنكوا غير كل خير عشان كدا كان عندي امل و لو واحد ف الميه بس انها تكون بتحبني بس عادي اصلا انا كدا احسن كتير على الاقل مش هفضل زعلانه و كل م ازعل هفتكر انها اصلا بتكرهني و اني مش فارقه معاها 

سكتت هيا بحزن على اختها و بعدين قالت

هيا...انا قدام البيت يا همس هبقى اكلمك تاني

هزت همس راسها و قالتلها

همس...تمام

.....استغفر الله العظيم و اتوب اليه عدد خلقه و رضا نفسه و زنة عرشه و مداد كلماته

دخلت هيا الفيلا و اتفجأت بوجود خالتها 

هيا...ايه دا شيمو هنا دا احنا مش بنشوفك غير كل سنتين مره ولا حاجه

ضحكت شيماء و قالتلها

شيماء...اهو جيت اهو و هقعد معاكوا كام يوم 

ابتسمت هيا و بصت لساره و قالتلها

هيا...ازبك يا ساره

اكتفت ساره انها هزت راسها و مردتش عليها 

و هيا الي اضايقت جدا بس حبت توصل لخالتها فكرة ان بنتها قليلة الذوق راحت هزت راسها يمين و شمال بعدم تصديق و بصت لخالتها و قالتلها

هيا...حقك عليا يا خالتو بس انا لازم اسافر دلوقتي

استغربت رانيا و قالتلها

رانيا...تسافري تروحي فين و سايبه خالتك..؟

ابتسمت هيا و قالتلها 

هيا...م حضرتك عارفه انا رايحه فين 

اتعصبت رانيا جدا و قالتلها

رانيا...سفر عند ابوكي و اختك لأ يا هيا فااااهمه

ضحكت هيا بعدم تصديق لكلام امها و قالت

هيا...لا انا مش فاهماكي بجد

اتنرفزت رانيا جدا و قالتلها بغضب

رانيا...احسن و اتفضلي على اوضتك و اياكي تروحي لحد سامعه

هيا...مش فاهمه هتمنعيني يعني اني اروحلهم

اتأففت ساره و قالت بزهق

ساره...م خلاص بقى يا هيا اسمعي الكلام و خلاص

بصتلها هيا بعغضب و بعدين قالتلها بنفس اسلوبها

هيا...لا يا روحي خليكي ف حالك انتي و ملكيش دعوه

نفخت ساره بغضب و متكلمتش

بصت هيا تاني لأمها و قالتلها

هيا...مفيش حد مهما كان مين هيمنعني من اني اروح لأبويا اوكيه؟

قالتلها رانيا بغضب

رانيا....هما يومين بالظبط و الاقيكي رجعتي

هزت هيا راسها بالموافقه و طلعت

اضايقت ساره جدا منها و حبت انها تخلي رانيا تتعصب من هيا  ف قالت

ساره..بجد يا خالتو مش فاهمه حضرتك ازاي سايباها كدا تكسر كلامك 

كملت باستفزاز و هي بتقول

ساره...دا انا لو ماما قالالي على حاجه لأ استحااله اكسر كلامها ابدا

اتعصبت رانيا من هيا جدة بس سكتت

↚

.....لا اله الا الله وحده لا شريك له له الملك و له الحمد يحيى و يميت و هو على كل شئ قدير

نزلت همس اول م سمعت صوت ابوها  راحتله

ابتسم مرتضى و قالها

مرتضى...من و انتي صغيره و انتي ديما اول م تسمعي صوتي تيجي على طول 

ابتسمتله بحب كبير و قالتله

همس...انت احسن مرتضى 

قالت فرحه بدهشه

فرحه...شوفوا البت بتقول لأبوها مرتضى ازاي 

ابتسمتلها همس و قالتلها بكل هدوء

همس...اهو انتي بنفسك قولتي يا مرت عمي "ابوها" يعني انا حره و هو لو كان مضايق كان قالي مقولهوش اكده 

بصت لأبوها و قالتله

همس...صُح ولا ايه يا مرتضى..؟

ضحك مرتضى على بنته و قالها

مرتضى...صُح يا حبيبة بابا 

ابتسمت همس و قالتله بفرحه

همس...هيا بتسلم عليك و كانت عايزه تكلمك بس انت كنت ف المزرعه

فرح مرتضى جدا و قالها

مرتضى...هبقى اكلمها 

قالتله همس بفرحه

همس...هي اصلا هتيجي 

فرحوا كلهم برجوع هيا معادا نعيمه الي كانت مضايقه جدا

كانوا كلهم قاعدين بيتكلموا و بيهزروا لحد م جيه مالك الي كان لسه راجع من الشغل

في الوقت دا اتغيرت تعابير وش همس من الفرحه للحزن و الزعل 

فرحه...قومي يلا جهزوا السفره عشان الغدا

راحت همس للمطبخ على طول من غير ولا كلمه ولا حتى استنت ورد و رهف لما يروحوا هما كمان و كأنها عايزه تهرب قبل م تعيط

قالتلها رهف باستغراب

رهف...مالك يا همس انتي زعلانه من حاجه

هزت همس راسها يمين و شمال بنفي و قالت

همس...لا انا تمام 

قالتلها رهف بشك 

رهف...متأكده..؟

و همس الب غصب عنها من كتر الضغط ف الاسئله اتنرفزت و قالت بعصبيه خفيفه

همس ..في ايه يا رهف هو تحقيق م قولتلك كويسه و مش زعلانه من حاجه !!!

اتفجأت رهف من ردة فعل همس و هزت راسها و هي زعلانه 

خدت الصينيه الي كانت مليانه بأطباق اكل و خرجت لأوضة السفره 

اتنهدت همس بحزن و ندم و خرجت هي كمان راحت لرهف

كانت لسه رهف هتخرج من الاوضه بس لاقت همس بتشدها من ايدها بالراحه عشان متمشيش و قالتلها بندم

همس.... حقك عليا مكنتش اقصد اتعصب 

هزت رهف راسها بهدوء و قالتلها

رهف...انا بس كنت بطمن عليكي

ابتسمتلها همس و قالتلها

همس....يلا روحي اندهيلهم على م اروح احط اكل لـ دوما و اجي

ضحكت رهف و قالتلها

رهف....خلي مرت عمي تقـ ـتلك

قالت همس باستغراب و قلة حيله

همس...انا معرفش هي بتكرهها اوي كدا ليه 

ضحكت رهف و قالتلها

رهف...معرفاش 

.......لا اله الا الله وحده لا شريك له له الملك و له الحمد يحيى و يميت و هو على كل شئ قدير

في فيلا عادل الشناوي 

كانت هيا قاعده مع جدها ف الجنينه 

عادل...اخبار الشركه ايه

هيا...زي الفل الحمدلله 

عادل...متتخيليش انا فخور بيكي قد ايه يا هيا 

ابتسمت هيا و قالتله 

هيا...انا بحبك اوي يا جدو 

عادل...و انا كمان يا حبيبة جدو 

ابتسمت هيا و سكتت ف عادل قال

عادل..ايه هتروحي عند همس فعلا

هزت هيا راسها و قالتله

هيا...ايوا بصراحه شوفت فرق المعامله الي بابا كان بيعاملني بيها و الي ماما كانت بتعامل همس بيها و زعلت جدا من ماما حقيقي بس خلاص بقى 

عادل...لا متزعليش يا حبيبتي و روحي لأبوكي و اختك هي بس لما اتعصبت عليكي كان عشان مش عايزاكي تسيبيها 

هزت هيا راسها و قالتله

هيا...انا ممكن افضل هناك و همس هي الي تيجي على انها انا و وقتها ماما هتعاملها كويس

هز عادل راسه بنفي و قالها

عادل...لأ اختك المره الي فاتت اتلغبطت و عرفتها انها همس 

هزت هيا راسها و قالتله

هيا...ما هي برضو صعبانه عليا يا جدو

عادل...اكيد في حل تاني 

.......لا اله الا الله وحده لا شريك له له الملك و له الحمد يحيى و يميت و هو على كل شئ قدير

بعد الغدا كانت همس بتعمل الشاي و رهف بتغسل المواعين و ورد كانت واقفه معاهم

ورد...همس ايه الي مزعلك

همس...مفيش حاجه يا ورد

قالت رهف لـ ورد

رهف...خلاص يا ورد هي كويسه 

هزت ورد راسها بالنفي و قالتلها

ورد....كويسه ازاي يعني انتي مش شايفاها عامله ازاي و بعدين طول الوقت ساكته و مبتتكلمش

خدت همس صينية الشاي و خرجت من غير ولا كلمه 

قالت رهف لـ ورد بلوم

رهف...قولتلك خلاص

قالتلها ورد بعدم فهم

ورد....هو في ايه

هزت رهف راسها يمين و شمال بعدم معرفه و قالتلها

رهف...معرفش بس لما سألتها قبل الغدا اتعصبت عليا 

ورد...اكيد كدا في حاجه مزعلاها

.....لا اله الا الله محمد رسول الله 

خرجت همس بصينية الشاي و وزعت الشاي عليهم كلهم بس اتبقت كوباية مالك الي مكنش موجود

موسى...مالك هتلاقيه ف الجنينه

هزت همس راسها و خرجت بـ الشاي من غير ولا كلمه 

....سبحان الله و بحمده سبحان الله العظيم

راحت للجنينه لاقيته واقف بيتكلم ف التليفون

راحتله و هو اول م لقاها جايه قفل المكالمه

مدتله ايدها بالشاي و قالتله

همس...اتفضل

خد الشاي منها و قالها

مالك...مالك في حاجه مزعلاكي..؟

ابتسمت جوا نفسها بسخريه على كلامه و كانت لسه هتمشي بس هو وقفها لما قالها بحده

مالك...انا مش بكلمك..!!!

قالتله همس بسخريه

همس...لا بجد انت ازاي كدا يعني 

مالك...قوليلي مين الي مزعلك

همس...انت الي مزعليني

قالها بدهشه

مالك....انا عملت ايه؟؟؟؟

ابتسمت بسخريه و قالتله

همس...ولا اي حاجه انتي بس سبتني ف العربيه و هديت الشركه بعد م كانت خلاص قربت يخلص بناءها و كمان سايب مرت عمنا تحقد عليا عشان تعليمي شويه و تعايرني شويه ان عيالها احسن مني  و متكلمتش...الكل دافع عني يعتبر و انت فضلت ساكت عادي 

استغرب مالك جدا من زعلها هو كان لسه بيكلم سمسار عشان يشوف فيلا لأنه اضايق من حقد الكل لهمس و انها كل شويه تزعل بسبب كلام امه او كلام نعيمه كان بيدور على اي حاجه تخليها عايشه زي بقيت الناس من غير مشاكل و خناقات

و فضل ساكت بزهول من كمية المواقف الي زعلتها منه و متكلمش بس كان عقله هو الي بيسأل و بيقول "ازاي عمي مقلهاش انه كان بيفتح بوابة البيت عشان كدا سابها ف العربيه...؟" "ازاي مقلهاش انه زعقله و بهدله عشانها..؟ "

افتكرت انه ساكت استهزاء بكلامها و قالتله بدون اي مقدمات

همس...مالك ياريت تطلقني ووووو

يتبععععع

↚

قالت همس بقوه...طلقني يا مالك

بصلها بدهشه و غضب هو عينيه محمره من كتر العصبيه و الغضب 

صرخ ف وشها بغضب و هو بيقول

مالك...عــيــدي كــلامــك تــانــي كــداااااا

قالت له همس بقوه و غضب هي كمان و هي بتقول

همس ..بقولك طلقني انت واحد مبتدافعش عني و سايب الناس كلها عماله تحقد عليا و تضايقني عشان الشركه شويه و يعايروني شويه عشان امي بتكرهني و مبتحبنيش ...؟

كملت بغضب و قهر

همس...انا اصلا مهمكش يا مالك و متفتكرش اني هنسى اسلوبك معايا ف الكلام و كرهك ليا ها...مش معنى اني كنت بسكت ف الاول احتراما لجدي انك تفتكرني هسكت و اسيبك تعاملني بالاسلوب دا و  تسيبني ف العربيه و تلغي قرار بناء الشركه بعد م اتبنت و كانت خلاص قربت تخلص 

كان مصدوم من كلامها ازاي زعلانه منه بسبب الشركه و اصلا موسى كلم شركة البناء و بتبنيلها بدل الفرع اتنين ازاي لسه زعلانه منه و هو بيدور على فيلا حلوه عشان يبعدها عن غضب أمه و مرات عمه

ابتسم بسخرية على تفكيره الغبي لما استوعب أنها اصلا متعرفش أنه بيدورلها على فيلا عشان تبقى عايشه زي اي انسانه طبيعيه من غير كرهه و حقد من الناس الي حواليها 

و طبعا همس افتكرت أنه بيضحك استهزاء بكلامها و دا خلاها تتعصب جدا و اتكلمت بغضب 

همس...انت فاكر نفسك مين عشان كل م اقول كلمه تفضل تستهزأ يا مااالك هااا انت مين انت دا انت ولا حاجه يا مالك انت حرفيا ولا حاجه ايه يعني صاحب شركات تصدير الفواكه و الخضار مين يعني في غيرك انجح ف شغلهم عنك و مش مغرورين زيك ف  بطل بقى تبقى مغرور و بتستهزأ بكلام كل الي حواليك 

كان ساكت تماما و مصدوم من كلامها الي بيسمعه و بيسمع معاه صوت تكسير قلبه 

للدرجادي هي شايفاه انسان مغرور..!!!! للدرجادي هي مضايقه منه لدرجة انها تتهمه أنه بيستهزأ بكل الي الناس..!!!

قالت له همس بضيق

همس ...ياريت تفهم انك زينا كلنا و أن مفيش اي فرق بينا و بينك يا مالك 

قالت كلامها و مشيت و سابته مقهور و هو بيحاول يستوعب كمية الصدمات الي سمعها

...... استغفر الله العظيم و اتوب اليه عدد خلقه و رضا نفسه و زنة عرشه و مداد كلماته

طلعت همس بسرعه على اوضتها و هي بتحاول تتحكم ف غضبها

لاحظت ورد أنها مضايقه ف طلعتلها بسرعه 

خبط الباب بس همس مكنتش حبه أنها تتكلم مع حد عشان متتعصبش و يزعلوا منها 

و ورد الي هبطت تاني بس برضو همس مردتش عليها ف دخلت ورد 

بصتلها همس بغضب و قالتها

همس...انا سمحتلك تدخلي اوضتي يا ورد..؟؟؟؟

استغربت ورد جدا من أسلوب همس الي اول مره تتكلم بيه كدا و قالت 

ورد باستغراب...مالك شكلك مضايقه و قولت اجي اشوفك في ايه انتي اتخانقتي انتي و مالك ولا ايه..؟؟

بصتلها همس بزهول من كمية الاسئله الي سألتها و قالت بسخريه

همس ..ايه يا ورد هانم بتحققي معايا ولا ايه 

قالت لها ورد بضيق و استغراب

ورد...في ايه يا همس انتي بتتحدثي أكده ليه..؟؟؟؟

صرخت همس ف وشها بغضب و هي بتقول

همس...هو ايه دا الي يتحدث أكده ليه انتي هتعلميني اتحدث كيف ولا ايه يا ورد

فضلت ورد ساكته من صدمتها ومتكلمتش ،و همس الي كملت كلامها و هي بتقول

همس...اول و اخر مره تدخلي اوضتي من غير اذني يا ورد

كملت و هي بتشاور على الباب

همس...اتفضلي اطلعي برا

قالت لها ورد بصدمه

ورد...انتي بتطرديني يا همس..!!!!!

قالت همس و هي بتأكد كلام ورد

همس ..الله بطردك يا ورد و اتفضلي بقى ولا عايزه تطردي تاني...؟؟؟

ابتسمت ورد بسخريه و قالتها

ورد...لا و على ايه كتر الف خيرك 

قالت كلامها و خرجت و همس راحت قفلت الباب جامد لدرجة أن الڤازه الي كانت محطوطه على الطربيزه الي جنب الباب وقعت على الأرض انكسرت لمليون حته زي قلب مالك و ورد

.....لا اله الا الله وحده لا شريك له له الملك وله الحمد وهو على كل شئ قدير

خرجت ورد من اوضة همس وراحت لأوضتها الي كانت قدام اوضة همس على طول 

كانت لسه هتقفل الباب عشان تعيط براحتها من غير م حد من أهلها يسمعها و يعرفه أن عياطها بسبب همس و يزعلوا منها 

بس برقت عينيها بصدمه لما شافت همس بترزع باب اوضتها ف وشها بغضب 

نزلت دموعها بحزن على معاملة صديقة عمرها ليها و قفلت هي كمان باب الاوضه و فضلت تعيط جامد 

.... استغفرالله العظيم الذى لا اله إلا هو الحي القيوم و اتوب اليه عدد خلقه و رضا نفسه و زنة عرشه و مداد كلماته

تاني يوم الصبح كانت هيا بتلم حاجتها ف شنطة سفرها عشان تروح لأبوها 

خبط الباب و هيا افتكرتها رنيم الخدامه

هيا...تعالي يا رنيم 

افتح الباب و دخلت ساره سكتت هيا بغضب عشان متتخانقش معاها و يحصل مشكله

و ساره دخلت قعدت على الكنبه و هي بتقول

ساره...ياااه للدرجادي مش طايقانا يا هيا و اول م جينا قررتي تمشي

اتنهدت هيا و هي بتحاول تتحكم في غضبها 

رسمت على وشها ابتسامه و قالت

هيا...معلش يا حبيبتي شويه و هبقى ارجع

ساره...ايوا بس عمر جي  انهارده يا هيا 

هزت هيا رأسها و هي بتقول بترحيب

هيا ..ينور طبعا البيت بيتكوا

ساره...يعني انتي حتى هتمشي من غير م تكوني موجوده و ترحيب بوجوده يا هيا ...دا ايه قلة الذوق ديلحد هنا و هيا كانت جابت اخرها و اتكلمت بغضب و هي بتقول

هيا...اتلمي يا ساره و اتكلمي معايا عدل انا سكتالك من الصبح 

قامت ساره بغضب و خرجت من الأوضه

و هيا الي حاولت تتحكم في غضبها عشان خالتها متزعلش

.... استغفر الله العظيم من كل ذنب عظيم و اتوب اليه عدد خلقه و رضا نفسه و زنة عرشه و مداد كلماته 

عدى وقت كانت ساره ف النادي مع صاحبها

قالت نجلاء باستغراب و زهق

نجلاء...ساره أنا مش فاهمه منك حاجه احنا مالنا احنا ببنت خالتك فلاحه ولا مش فلاحه

سكتت ساره بنفاذ صبر و أيلا قالت لنجلاء

أيلا...نفسي ف مره تبطلي غبائك دا 

نجلاء...بطلي كلامك دا يا أيلا اوكيه..؟

قالت ساره بغضب

ساره....هو في ايه انتوا الاتنين انتوا هتتخانقوا ولا ايه 

قالت نجلاء بغضب و هي بتبص لـ أيلا بضيق

نجلاء...مش شايفه طريقة كلامها عامله ازاي

اتكلمت ساره بحده و هي بتقول

ساره...خلاص خلصنا 

سكتوا و ساره كملت و هي بتقول

ساره...دلوقتي انا سمعت أن هيا عايزه تقنع خالتو أن همس تيجي هنا القاهره 

نجلاء..و طبعا انتي هتساعدي هيا أنها تقنع طنط رانيا عشان تبقي كويسه و طيبه و مش زي م هيا فاكراكي 

ابتسمت ساره بفخر و قالت

ساره...بالظبط كدا 

قالت أيلا باستغراب و هي مش فاهمه 

أيلا...ايوا انتي برضو بتقوليلنا كل دا ليه يا ساره

ابتسمت نجلاء بسخريه و قالتها

نجلاء...انا برضو الي غبيه..؟ 

تجاهلتها أيلا و بصت لـ ساره بمعنى قولي ف قالت ساره 

ساره...احنا بقى لما همس تيجي هنا هنخرجها معانا و انتوا الاتنين هتبقوا موجودين طبعا 

ابتسمت نجلاء بخبث و قالتها

نجلاء...و طبعا انتي عايزانا نفضل نقلل من ثقتها في نفسها عشان فرق الطبقات و مستوى المعيشه و كدا و نندمها انها جت هنا 

ابتسمت ساره بتأكيد و قالتها

ساره...برافو عليكي 

..... سبحان الله وبحمده سبحان الله العظيم

دخلت همس المطبخ لما عرفت أن ورد هناك

لاقيتها واقفه بتعمل كوباية شاي و هي سرحانه من الواضح من ملامح الحزن الي مرسومه على وشها أنها زعلانه جدا

قالت همس بابتسامة و هي بتحاول تتكلم معاها عشان متزعلش منها

همس...عرفتي منين اني عايزه اشرب شاي 

بس ورد مردتش عليها ومدتلها كوباية الشاي و قالت بهدوء

ورد ..اتفضلي

قالت كلامها و خرجت من المطبخ 

اتنهدت همس بحزن و بصت لـ كوباية الشاي الي على الرخاميه و خدتيها و خرجت 

......لا اله الا الله  محمد رسول الله

راحت همس لعمتها و قالتها

همس...عمتي مشوفتيش ورد..؟؟؟

هزت امال رأسها يمين و شمال بعدم معرفه و قالتها

امال...لا يا حبيبتي ممكن تلاقيها ف اوضتها

هزت همس رأسها و طلعت لـ اوضة ورد

خبطت على باب الأوضه بس ورد مردتش عليها و كانت متأكده أنها هي 

فتحت همس الباب و دخلت بصتلها ورد و متكلمتش

راحت همس و قعدت جنبها على الكنبه

حطت قدامها كوباية الشاي و قالتلها

همس...اتفضلي الشاي انا كنت بهزر

هزت ورد راسها بنفي و قالت

ورد ...شكرا

سكتت همس و متكلمتش و كذلك ورد 

قالت همس باستغراب لما شافت سكوت ورد

همس...انا دخلت الاوضه من غير اذنك مش مضايقه

ابتسمت ورد بسخريه و بصتلها و هي بتقول

ورد...لا يا همس مش مضايقه عشان انا بحترمك و بحبك زيك زي رهف اختي بالظبط و استحاله مهما اكون زعلت منك اني اطردك من اوضتي يا همس 

حست همس بالاحراج من كلام ورد ليها و قالتها

همس...حقك عليا انا مكنت اقصد ازعلك انا بس كنت مضايقه شويه 

هزت ورد راسها و سكتت ، ف قالت همس

همس...مش هتسأليني كنت مضايقه ليه..؟؟

بصتلها. ورد و قالتها

ورد...سامعاكي

ابتسمت همس بفرحه و امتنان لـ ورد و قالتها

همس...طلبت من مالك يطلقني 

اتخضت ورد جدا و قالتلها 

ورد...ليه كدا يا همس دا بيحبك 

ابتسمت همس و قالت بسخريه

همس...بيحبني اااه 

ورد....ايوا يا همس بيحبك و لو حد بيزعلك انتي عارفه بيزعقله و بيزعله ازاي عشانك و مهما كان مين 

قالتلها همس بانفعال و غضب

همس...معملش كدا لما نعيمه فضلت تضايقني بكلامها عن امي ليييه فضل ساكت ليه و متكلمش ولا قال كلمه واحده 

سكتت ورد بعدم معرفه و بعدين قالتلها

ورد...بس برضو يا همس لما امه زعلتك هي و مرت عمي هو مسكتش و كان عارف انك نفسك تجيبي قطه بس خايفه من امه و هو مهمهوش و جابهالك عشان تكوني فرحانه 

سكتت همس بتشتت ف ورد كمبت كلامها و قالتلها

ورد...همس مش عايزاكي تزعلي من مالك و ايه يعني في خناقات عادي م دا الطبيعي مش كل خناقه بقى هتقوليله عايزه تطلقي 

هزت همس راسها و ضميرها بدأ يأنبها على كلامها لـ مالك

.....استغفر الله العلي العظيم الذي لا اله الا هو الحي القيوم و اتوب اليه عدد خلقه و رضا نفسه و زنة عرشه و مداد كلماته

خدت هيا شنطتها و نزلت 

↚

و اول م نزلت لاقيت عمر جيه و الكل بيسلم عليه

ابتسم و قالتله 

هيا...حمدلله على السلامه يا عمر 

عمر...الله يسلمك يا هيا 

وجهت هيا كلامها لأمها و هي بتقول

هيا...باي يا مامي

اتحرجت رانيا و قالتلها

رانيا...هتمشي ..!!

هزت هيا راسها بتأكيد و امها قالت

رانيا...ايوا يا حبيبتي بس عمر لسه جاي مينفعش تمشي كدا على طول

هيا...الكلام دا يتقال يا مامي لو هما ضيوف لكن دا بيتهم هما مش غرب 

وجهت كلامها و قالت

هيا...عن اذنكوا 

و مشيت 

اتنهدت رانيا باحراج و قالت

رانيا...بعتذر جدا هي اكيد متقصدش ....

قاطعتها شيماء اختها لما قالت

شيماء....حصل خير مفيش حاجه

ساره...اكيد يا خالتو عايزه تشوف اختها برضو 

قالت رانيا بغضب

رانيا...متجبليش سيرتها يا ساره

ابتسمت ساره و قالتلها

ساره...ليه كدا بس يا خالتو 

سكتت رانيا و متكلمتش 

....لا اله الا الله محمد رسول الله 

في بيت أيلا كانت بتكلم نجلاء ف التليفون و هي بتقول 

أيلا...تفتطري ساره لبه مضايقه اوي كدا من اخت هيا يا نجلاء.؟

قالتلها نجلاء بعدم معرفه

نجلاء...لا معرفش 

أيلا...بس لازم نعرف

قالتلها نجلاء بزهق

نجلاء...أيــلااااا خلينا يا حبيبتي نعمل الي ساره قالت عليه و نخلص احنا مش ناقصين مشاكل 

هزت أيلا راسها و قالتلها

أيلا....اوكيه

....سبحان الله و بحمده سبحان الله العظيم 

عند سلمى راحت لـ مامتها الي كانت ف الجنينه بتشرب فنجان قهوه 

سلمى...ايه يا مامي 

ابتسمتلها نسرين و قالتلها

نسرين...ايه يا روحي

سلمى....انتي كلماي طنط رانيا بخصوص همس..؟

هزت نسرين راسها برفض و قالتلها

نسرين...لا ليه.؟

سلمى...ولا حاجه بس متقوليش ليها اوكيه

نسرين...هو في ايه يا سلمى انا مش فاهمه حاجه

كلنت لسه سلمى هترد بس سكتت لما سمعت صوت عربية قاسم اخوها 

سلمى...قاسم جيه بعدين نتكلم

هزت نسرين راسها و قالتلها

نسرين ..تمام

قامت سلمى طلعت اوضتها بس لاقت قدامها موده مرات قاسم 

اتنهدت بزهق و كانت لسه هتطلع اوضتها بس وقفتها موده لما قالت

موده...مالك يا سلمى يا حبيبتي اضايقتي ليه لما شوفتيني

بصتلها سلمى بضيق و قالتلها

سلمى...شكلك عايزه تتخانقي يا موده و انا مش فاضيالك الصراحه

زعقت موده و هي بتقول بغضب

موده...اه لا دا انتي شكلك بس عايزه تتربي

اتعصبت سلمى جدا و قالتلها

سلمى...احترمي نفسك يا موده انا ساكتالك من الصبح و مبرضاش ارد عليكي عشان قاسم ميزعلش مني لكن كلمه كمان هاقوليها و هتضايقني مش هيهمني حد فاهمه

ف الوقت دا جيه قاسم و نسرين 

و قاسم الي قال بغضب

قاسم...في اييه 

عيطت موده بسرعه و هي بتقول

موده ..معملتش حاجه يا قاسم مجرد بس اني قولتلها انتي اضايقتي لما شوفتيني راحت متخانقه معايا 

اضايق قاسم جدا و قال لـ سلمى بغضب

قاسم.. ليه كدا يا سلمى 

قالت سلمى لـ موده بعدم تصديق

سلمى ...انتي ازاي ممثله كدا 

اتكلمت نسرين لما لاقت قاسم هيرد على سلمى و هيتخانقوا

نسرين...خلاص حصل خير 

وجهت كلامها لـ موده و هي بتقول

نسرين...معلش يا حبيبتي هي بس عندها ضغط شغل انتي عارفه 

قالت موده و هي لسه بتعيط

موده...بس متعاملنيش بالاسلوب دا يا ماما انا معملتش حاجه يعني

نسرين...معلش يا موده

.....استغفر الله العظيم و اتوب اليه

ف الصعيد

كانوا كلهم قاعدين بيتكلموا بعد الفطار قال موسى

موسى...انا مش فاهم انا شغل ايه دا الي يخلي الواد مالك ينزل من غير م يفطر يعني 

سكتت همس بحزن لما عرفت ان مالك زعل من كلامها 

وليد...معلش يابا م هو برضو دا اخر الشهر و الشغل كتير و لازم يكون موجود ف الشركه ديما

قال موسى بغضب

موسى...بس كان يفطر قبل م ينزل

بص وليد لـ زين ابنه و هو بيقول

وليد...عقبال و الاقي زين مهتم بشغله اكده

زين...على فكره انا قولت لـ مالك يشوفلي شغل عنده ف الشركه 

زغرطت فرحه و هي مبسوطه و قالت

فرحه...جدع يا زين 

ابتسم بسخريه و سكت 

اتكلمت همس و قالت

همس...هيا جايه انهارده

قالت ورد بفرحه

ورد...بجددد

هزت همس راسها بتأكيد و نعيمه الي بان على ملامح وشها الضيق قالت لـ ورد

نعيمه...انتي و اختك من بكره الصبح تنزلوا تقدموا ف الكليه الي انتوا عايزنها

قال متولي بسخريه

متولي...مش انتي الي قولتي كفايه تعليم كدا و مش لازم الكليه ...؟

قالت نعيمه بغضب

نعيمه...و بقولهم ينزلوا يكملوا تعليمهم يا متولي 

فرحت ورد و رهف جدا 

و همس الي فهمت انها اضايقت منها هي و اختها 

...لا اله الا الله محمد رسول الله

بعد شويه كانت همس واقفه بتحضر الغدا هي و امال 

امال...يلا عايزين نخلص الاكل قبل م اختك تيجي

همس....حاضر يا عمتي 

ابتسمتلها امال و قالتلها

امال...على قد م كانت معاملتها ليتا وحشه على قد م حبيناها اوي فكريتني بـ نور بنتي

ابتسمتلها همس و قالتلها

همس...ان شاء الله نور ترجع بالسلامه و كلنا نتجمع تاني زي زمان

ابتسمتلها امال بفرحه و رجعت همس تكمل الاكل

ف الوقت دا سمعوا صوت مالك قالت امال باستغراب

امال...رجع بدري انهارده يعني

همس...تلاقيه عشان نزل الصبح بدري ف رجع بدري ساعه

هزت امال راسها باقتناع و لاقوا مالك دخل المطبخ 

مالك...ازيك يا عمتي 

ابتسمت امال و قالتله

امال...الحمدلله يابنس انت اخبارك ايه و اخبار الشركه ايه

مالك. .الحمدلله ادعيلي

امال...بدعيلك يابني ربنا معاك 

بص مالك لهمس الي كانت واقفه بعيد عنه بشويه 

و كان مرسوم على ملامح وشها كلها الاسف عن كلامها 

حط مالك مفتاح على الطربيزه الي جمبه و امال قالت باستغراب 

امال...ايه المفتاح دا يا مالك

مالك...مفتاح فيلا همس 

استغربت امال اكتر و همس الي قالت

همس باستغراب....مش فاهمه

مالك...جبتلك فيلا عشان عارف ان امي و مرت عمي نعيمه بيضايقوكي ف قولت اجيبلك بيت ليكي احسن من وجع الدماغ دا

زعلت اكتر لما لاقيته بيقولها كدا كانت لسه هتشكره. بس هو قاطعها لما قال

مالك...انا مكنتش ساكت يا همس على كلام مرت عمي عشان كنت مبسوط انها بتحقد عليكي او بتضايقك انا بس كان عقلي مشغول لأني كنت مكلم السمسار عشان يشوف بيت و كان كل شويه يبعتلي صور لكذا فيلا كنت عايز اجيبلك فيلا كويسه

دمعت عينيها بندم انها اتعصبت عليه و قالتله انه مغرور و بيستهزأ ديما بكلام الي حواليه 

بس بصت لعمتها بصدمه و خوف و هي عيونها مدمعه و كأنها بتقولها اتصرفي لما سمعته بيقول 

مالك...و حاضر يا همس هطلقك افضى بس من ضغط الشركه و الشغل و هتلاقي ورقتك وصلالك لحد عندك ووووو

يتبععععع

↚

اتكلم بجمود و قال

مالك...اول م افضى من ضغط الشركه و الشغل هتلاقي ورقة طلاقك وصلالك لحد عندك 

بصت همس لـ عمتها بحزن و هي عيونها مدمعه و كأنها بتقولها اتكلمي 

قالت امال بخضه و قلق

امال...ليه يا مالك يا ابني ..ليه عايزين تطلقوا

ابتسملها مالك و قالها

مالك...معلش يا عمتي همس شايفه اني مش بحبها و مش بدافع عنها لما امي بتفضل تضايقها هي او مرت عمي نعيمه و هي بنفسخا الي طلبت الطلاق و انا استحاله ارفضلها طلب

اتكلمت امال و هي بتقول

امال...لا طبعا هي متقصدش اكده و بعدين يا ولدي هي معاها حق احنا كلنا استغربنا كمية الحقد و الكره الي نعيمه بتكرهه لـ همس اكيد همس هتكون زعلانه لما شافتنا كلنا بندافع عنها الا انت كنت ساكت 

كان لسه مالك هيتكلم و يقولها ان كان عقله مشغول بالفيلا بس هي قاطعته لما قالت

امال...عارفه انت هتقول ايه بس برضو خلينا متفقين ان هي مكنتش تعرف انك بتدورلها على فيلا تقعد فيها و عشان كدا لازم تعذرها برضو و متزعلش منها دي همس و بعدين من امتى يعني و احنا بنسمع كلامها عشان اول م تقولك طلقني تروح تطلقها على طول 

شاف مالك دموع همس الي كانت ف عيونها رجع بص تاني لـ عمته و قالها

مالك...هي الي قالتلك اكده..؟

هزت امال راسها يمين و شمال بنفي و هي بتقول

امال...لا يا بني ولا اتكلمت اصلا 

حب مالك انه يضايق همس ف قال

مالك...اصلا كلمتها مش مهمه بالنسبالي 

اتعصبت همس منه جدا  رغم زعلها عشانع و قالت بغضب و هي بتمسك السكـ ـينه الي جمبها على الطربيزه

همس...هي مين دي الي كلمتها مش مهمه

ضحك مالك عليها و هو فرحان ان خططه نجحت و امال الي قالتلها بسرعه و خوف

امال...سيبي يا بت السكـ ـينه من يدك انتي اتعبطي ف عقلك ولا ايه

قالتلها همس و هي لسه ملامح وشها كلها مرسوم عليها الغضب

همس...لا خليني اهدده اني هموته و اشوف كلمتي مهمه ف للبيت دا ولا لا

خدت منها امال السكـ ـينه و قالتلها

امال...يا ستي هددينا براحتك بس من غير قـ ـتل 

......لا اله الا الله محمد رسول الله

في القاهره كان عادل و بناته و احفاده متجمعين ف الجنينه 

قالت ساره لـ عادل

ساره...ايه رأيك يا جدو نجيب همس و هيا و كمان نكلم خالو ممدوح يجي هو و طنط زينه و اولادهم كمان و نكون متجمعين كلنا سوا

اول م رانيا سمعتها سابت فنجان القهوه من ايدها و قالتلها بحده

رانيا...مش فاهماكي يا ساره انتي بتتجاهليني يعني ولا ايه...؟؟؟؟

مثلت ساره الاستغراب ببراعه و قالتلها

ساره....ليه بتقولي كدا يا خالتو 

قالت رانيا بسخريه

رانيا...لا اصلي شايفاكي بتقرري يعني ان همس تيجي و انتي عارفه اني مش عايزاها تكون موجوده 

قال عادل بغضب خفيف

عادل...هي مقررتش هي بتقترح و بعدين البت الي انتي مش عايزه تشوفيها دي تبقى بنتك يا رانيا و زيها زي هيا بالظبط و اظن ان انا و انتي و الكل عارفين انك انتي الي غلطتي لما كنتي هتسيبيها تغرق و تمو.ت و انتي ولا على بالك كل الي كان فارق معاكي الشوبينج و صحابك و بس 

دمعت عيون رانيا و قالتله

رانيا...هي الي كانت بتستعبط هي عارفه انها مبتعرفش تعوم بتروح للبسين ليه بقى...؟؟؟

قال عادل بغضب

عادل...دي كانت طفله عندها ٣ سنين انتي مستوعبه الي بتقوليه ..؟؟؟

سكتو رانيا بغضب و متكلمتش و ساره الي قالت بحزن مصطنع

ساره.. سوري يا جماعه انا مكنتش اقصد اني اضايقكوا و يحصل خناقه

قال عادل بهدوء

عادل...لا يا حبيبتي انتي صح و بنات خالتك هيجوا و قالك ممدوح و عيلته هيجوا برضو و كلنا هنتجمع

قالت رانيا بضيق

رانيا...قصدك كلكوا معادا انا 

اتعصب عادل جدا و قال

عادل...كلنا و انتي هتكوني موجوده يا رانيا و هتعاملي بنتك معامله كويسه زيها زي هيا اختها بالظبط

سكتت رانيا بغضب و متكلمتش

.....استغفر الله العلي العظيم و اتوب اليه عدد حلقه و رضا نفسه و زنة عرشه و مداد كلماته

كانت أيلا ف النادي بتفكر ف كلام ساره و هي مستغربه اوي ليه ساره عايزه تضايق بنت خالتها اوي كدا 

جالها رساله على التليفون من رقم غريب بتقولها 

" ابعدي عنهم يا أيلا "

بصت أيلا للتليفون باستغراب و هي مش فاهمه حاجه و مش عارفه دا رقم مين 

بس اتفاجأت لما جالها رساله تانيه بتقول

" متستغربيش انا اعرف كل حاجه عن حياتك "

خلصت قراءة الرساله دي و لاقت رساله تانيه بتتبعتلها على طول و بتقول

" متتأخريش بقى ف النادي و روحي لـ مامي احسن تزعقلك و كأنك لسه أيلا الطفله الصغيره "

خافت أيلا من الرساله الاخيره بالذات و بصت حواليها لاقت المكان حواليها الا حد ما فاضي مفهوش غير اطفال صغيره بتجري و امهم بتضحكلهم 

سمعت صوت بيعلن عن وصول رساله تانيه بتقول

" متخافيش و متبصيش حواليكي عشان محدش يقول عليكي مجنونه "

و اخيرا بعتتله و هي الخوف متملك منها لدرجة ان ايدها كانت بتترعش 

_" مين...؟؟؟ " 

-."مش مهم تعرفي انا مين المهم اني حذرتك انك تبعدي عنهم و يا أيلا "

ضحكت بسخريه و هي بتقنع نفسها ان دا رقم شخص متطفل و عملت بلوك على طول و خدت شنطتها و قامت مشيت

....استغفر الله العلي العظيم الذي لا اله الا هو الحي القيوم و اتوب اليه

بعد شويه كانوا كلهم متجمعين على الغدا و هما مبسوطين برجوع هيا 

قال موسى بفرحه

موسى...البيت كان وحش من غيرك يا هيا اتعودنا على وجود اتنين همس ف البيت 

ضحكوا كلهم و هيا قالتله

هيا...اهو رجعت اهو و كش هقعد معاكوا يوم ولا اتنين لا دا انا هقعد معاكوا شهرين تلاته لحد م تزهقوا مني 

قال مرتضى بحب

مرتضى...محدش يقدر يزهق منك يا حبيبتي كفايه انك رجعتلنا تاني

قالت هيا بابتسامه

هيا...طيب طلاما كدا بقى يبقى لازم تاخدي المزرعه انا و همس زي زمان 

ضحك مرتضى و قالها

مرتضى...انتي لسه فاكره

قالتله هيا بتأكيد

هيا...اكيد طبعا

كملت بابتسامه و هب بتقول

هيا...اصلا معايا صور لينا كلنا زمان لما كنا بنفطر هناك 

ابتسم موسى و قالها

موسى...بكره هنفطر ف المزرعه يا جماعه

ابتسمت هيا و همس بفرحه 

و فرحه الي قالت بضيق

فرحه...و لازمتها ايه يعني م احنا عندنا سفره اهي و بيت و بنفطر ولا هو تعب و خلاص

كان لسه وليد هتكلم بس ابتسم همس و قالت

همس...اي حاجه هيا عايزاها هنعملها و لو حضرتك مضايقه و مش عايزه تروحي المزرعه خلاص تقدري تفطري هنا و احنا هنروح بكره المزرعه

ابتسم مالك على همس و متكلمش

و فرحه الي اضايقت جدا و قالتله

فرحه...بدل م انت فرحان انها بترد على امك قوم اضربها قلم على وشها يربيها

كان لسه مرتضى هيتكلم و الغضب عميه بس سبقه موسى الي قال بكل هدوء 

موسى...انا حفيدتي مقالتش حاجه تضايق اوي اكده ولا انتي الي اضايقتي انك هتفضلي اهنيه لوحدك و كلنا هنخرج بكره و نروح المزرعه 

قالت فرحه بغل و هي بتبص على همس الي كانت قاعده بتبصلها بإنتصار

فرحه...واضح ان الهانم هتنسينا تقاليدنا و ان مينفعش ترد على حماتها و مرت عمها اكده 

قال وليد بضيق

وليد...البت مقالتش حاجن لكل ديه يا فرحه انتي الي مضايقه منها و حبيتي تزعليها ف اسكتي احسن 

قالت فرحه بغضب قبل م تقوم و تسيب الاكل

فرحه...لا و على ايه كل ديه انا قايمه احسن 

استغرب الكل منها و هيا الي قالت لـ همس بصوت واطي عشان محدش يسمعها غيرها

هيا...حماتك دي شكلها عقربه

ضحكت همس و قالتلها

همس...بس انا مش بسكتلها الي زي دي لازم تردي عليها عشان متفتكرش انك هبله و تضايقك اكتر و اكتر

قالتلها هيا بفخر

هيا...جدعه يا بت يا همس برافو عليكي

....لا اله الا الله وحده لا شريك له له الملك و له الحمد يحيى و يميت و هو على كل شيئ قدير

كانت أيلا قاعدخ سرحانه ف الرساله الي جتلها و هي مش عارفه مين ممكن يكون مراقبها 

قالت امها باستغراب

↚

ميرال...ممكن افهم مالك

بس أيلا مردتش عليها اصلا ولا حتى كامت سامعاها

بصت ميرال لبنتها التانيه باستغراب ف قالت سوزي لـ أيلا بصوت عالي شويه عشان تاخد بالها منهم

سوزي....يــا بــنــتــي ؟؟؟

بصتلها أيلا باستغراب و قالتلها

أيلا....بتقولي حاجه يا سوزي

قالتلها سوزي بسخريه.

سوزي...اساسا

نفخت أيلا بضيق و قالتلها

أيلا...اخلصي يا سوزي و قولي في ايه 

قالتلها ميرال بضيق

ميرال...انا الي كنت بتكلم يا أيلا مش سوزي

بصتلها أيلا و ابتسمتلها و قالتلها

أيلا...قولي يا مامي في ايه معلش مكنتش مركزه

ميرال .. ايوواااا م هو دا الي انا بسألك عشانه

قلت أيلا حواجبها باستغراب و قالتلها

أيلا...مش فاهماكي

ميرال...يا حبيبتي انتي من ساعة م جيتي و انتي سرحانه كدا ولا مركزه معانا خالص ايه الي مزعلك

أيلا...مفيش حاجه با مامي اكيد لو في اي حاجه هاجي و اقولك اكيد

هزت ميرال راسخا بقلة حيله و قالتلها

ميرال...طيب يا بنتي بس خليكي متأكده انا موجوده ف اي وقت حبيتي تيجي تحكيلي ايه الي مزعلك

ابتسمتلها أيلا بحب و قالتلها

أيلا...اكيد

قالت ميرال بتحذير

ميرال...باباكي قرب يجي من الشغل اتمنى انه ميشوفكيش زعلانه كدا عشان ميضايقش و انتي عارفاه لما بيتعصب البيت كله بيبقى نكد ازاي

هزت أيلا راسها و قالتلها

أيلا...اوكيه حاضر

ابتسمتلها ميرال و سوزي 

.....سبحان الله و بحمده سبحان الله العظيم

كانت همس و ورد و رهف و هيا كلهم قاعدين ف اوضة همس 

قالت هيا بابتسامه

هيا...يا همس انتي مش ناويه تقوليلي اسم شركتك بقى ولا ايه

قالتلها همس بقلة حيله

همس...مش لما تتبني الاول

استغربت هيا و قالتلها

هيا...هي كل دا لسه مخلصتش

هزت همس راسها يمين و شمال بنفي 

استغرب هيا اكتر و قالتلها

هيا...ازاي..؟

ورد...اتخانقت هي و مالك عشان كسرت كلمته و برضو سافرت معاكي القاعده و خو راح مكلم شركة البناء و نهى كل حاجه

اتصدمت هيا من الي بتسمعه بس اطمنت لما رهف قالت

رهف...بس جدو عشان ميزعلهاش كلم شركة البناء و خلاها تكمل الفرع الي كان بيتبني و كمان بدأت ف بناء فرع جديد

ابتسمت هيا و قالتلها

هيا...واضح ان جدو ميحبش يزعلها ابدا

ضحكت همس و قالتلها

همس...لا ابدا 

قالت هيا لـ رهف و ورد

هيا....طب و انتوا متخرجين من كليات ايه

سكتوا و متكلموش و دا خلى هيا تستغرب بس همس قالت

همس...هما اصغر مننا ب خمس سنين يا هيا لسه مخلصين ثانوي السنه الي فاتت

ابتسمت هيا و قالتلهم

هيا...قدنوا بقى ف الكليات الي انتوا حابينها و بلاش تتأخروا 

هزت ورد راسها بابتسامه

.....سبحان الله و بحمده سبحان الله العظيم

كانت فرحه قاعده مضايقه جدا من. همس جت نعيمه و قعدت جمبها على الكنبه و قالتلها

نعيمه..انتي هتفضلي ساكته على ردودها دي 

قالت فرحه بغضب

فرحه...اهو اديكي شوفتي لما جيت اتكلم كلهم اتعصبوا ازاي

قالتلها نعيمه بسخريه

نعيمه...عشان غبيه 

بصتلها فرحه بغضب و استغراب ف كملت نعيمه كلامها و هي بتقول

نعيمه....هي ردت عليكي عشان اختها يبقى انتي بقى لازم تنتقمي من اختها مش منها 

قالتلها فرحه باستغراب

فرحه....ايوا يعني اعمل ايه مش فاهمه

ابتسمت نعيمه و قالتلها

نعيمه...هي بكره الصبح المفروض انها هتروح القاهره عشان اجتماع للشركه 

قالت فرحه بعدم فهم

فرحه....ايوا و بعدين يعني

نعيمه...ايه الي و بعدين هنبوظلها فرامل العربيه طبعا

هزت فرحه راسها يمين و شمال بعدم اقتناع و خوف و هي بتقول

فرحه.....لا طبعا دي ممكن تمو.ت انتي عايزه توديني ف داهيه

فكرت نعيمه ف انتقام تاني و. قالتلها

نعيمه...خلاص يبقى مفيش غير انك ترمي زيت على السلم مثلا و هي وقتها هتقع و محدش هيعرف ان انتي الي ليكي يد ف الموضوع

فكرت فرحه شويه ف كلام نعيمه 

و نعيمه. الي قالتلها

نعيمه...دي احسن طريقه تنتقمي منها و وقتها لما دراعها يتكـ ـسر هتبقي خدتي حقك

ابتسمتلها فرحه و قالتلها

فرحه... موافقه ووووو

يتبععععع

↚

تاني يوم الصبح كانوا البنات ف المطبخ بيحضروا الفطار 

قالت ورد بغضب لـ رهف الي كانت سايبه الاكل على النار و مش مهتميه بـ ريحة الحريقه الي ف الاكل 

ورد بغضب....انتي اتهبلتي ف عقلك يا رهف سايبه الاكل يبوظ كدا !!!

قالا رهف بعدم اهتمام

رهف....و انا هعرف منين يعني انه اكده بيتحرق شايفاني كنت شيف مثلا

قالتلها ورد بسخريه

ورد...مثلا 

اتكلمت هيا و هي بتحاول تلطف الجو عشان ميحصلش خناقه

هيا...خلاص يا جماعه حصل خير كويس ان الاكل متحرقش يعني

سكتت ورد و هي مضايقه جدا من رهف

و همس خدت صينيه حطت فيها الاطباق و خرجت

اتطلمت هيا و هي بتشاور على طبق و بتسأل بعدم معرفه

هيا....ورد هو ايه دا 

قالتلها ورد بابتسامه

ورد...دي مسقعه

قفلت هيا حواجبها باستغراب و هي بتقولها

هيا...يعني ايه..؟

ابتسمت رهف بسخريه و خدت الشاي و خرجت 

و ورد قطعت لقمة عيش من العيش الي كان محطوط على طربيزة المطبخ و حطت ف العيش مسقعه

مدت ايدها لـ هيا و هي بتقولها بابتسامه

ورد...اتفضلي

خدت هيا منها اللقمه بتردد و ورد الي قالتلها

ورد...كليها يا هيا دي حلوه اوي اوي

كلتها هيا و معداش ثواني و ظهرت على ملامح وشها الانبهار و قالت

هيا...دي طلعت جميله اوي اوي يا ورد

ضحكت ورد و خدت بقيت الحاجه و قالتلها

ورد...طيب يلا عشان نفطر

و خرجوا عشان يفطروا

.....سبحان الله و بحمده عدد خلقه و رضا نفسه و زنة عرشه و مداد كلماته 

اتجمعوا كلهم على السفره و موسى الي قال بزهول

موسى...مش قولنا هنروح المزرعه ...!

قالت ورد بعد م افتكرت

ورد...اه صح 

ابتسمت هيا و قالتلهم

هيا...مش مشكله خلاص خلونا نفطر انهارده هنا

ابتسمت فرحه و قالت بسخريه

فرحه...ياريت اختك كانت عاقله كده زيك و مش بتزعل غلى اقل حاجه

بصتلها هيا و ابتسمت و هي بتقول

هيا...بس الغدا هيبقى ف المزرعه

ضحكوا عليها لما فهموا انها بتضايق فرحه و فرحه الي كانت هتموت من غيظها و بصت لـ نعيمه بغضب 

و نعيمه الي بصتلها بمعنيى انا قولتلك الحل و انتي الي خايفه

بصت هيا لـ جدها و قالتله

هيا...انا عندي اجتماع ف الشركه عايزه ارجع على المزرعه على طول مش ع البيت ماشي

ابتسم موسى و قالها

موسى...طلباتك كلها اوامر يا حبيبة جدو

ابتسمت هيا بفرحه كبيره و نعيمه الي قالت بخبث

نعيمه...بس يا حاج بدل م همس تزعل ولا حاجه اصلها كانت هي الي طلباتها اوامر مش هيا

ابتسمتلها همس و قالتلها

همس... لا متقلقيش يا مرت عمي انا مش زعلانه اهم حاجه بس انتي الي متبقيش زعلانه اصلك دلوقتي بقيتي بتزعلي لو مجرد انك سمعتي اسمنا 

بصتلها نعيمه بغضب و قالتلها

نعيمه...قصدك ايه يعني قصدي اني غيرانه منيكم ولا ايه..؟؟؟؟

ردت عليها همس بكل هدوء و هي بتقول

همس... لا يا طنط معقوله حضرتك بتكرهينا يعني..؟

كملت هيا و هي بتقول بضحك لـ همس 

هيا... اكيد لا يعني 

ضحكت همس و نعيمه الي قالت بضيق

نعيمه...اكيد

.....سبحان الله و بحمده سيحان الله العظيم عدد خلقه و رضا نفسه و زنة عرشه و مداد كلماته

بعد م خلصوا فطار كانت همس قاعده ف اوضة هيا الي كانت بترتب ورق الصفقه الجديده عشان الاجتماع 

قالت همس بحزن

همس...انتي هتتأخري..؟

هزت هيا راسها يمين و شمال بنفي

هيا...لا لا كلهم اربع خمس ساعات كدا

قالتلها همس بحزن

همس...ليه كل دا

هيا...هعدي على البيت اسلم على مامي و جدو عشان ميزعلوش اني روحت القاهره و مروحتلهمش

قالتلها همس باحباط

همس...ماما مش هترضى تخليكي تيجي هنا تاني

هزت هيا راسها يمين و شمال بنفي و قالتلها

هيا...لا يا بنتي انا سايبه كل حاجه تبع شغلي هنا اهو مخدش بس غير الورق الي تبع الاجتماع بتاع انهارده 

سكتت شويه و بعدين قالت لـ همس بحماس

هيا...م تبجي معايا يا همس

هزت همس راسها برفض بسرعه و قالتلها

همس...لا طبعا استحاله

قالتلها هيا بحزن و احباط

هيا...ليه كدا بس دي حتى خالتو شيماء هناك و ساره و عمر تعالي دول هيفرحوا اوي يا همس

همس...اجي ازاي يعني يا هيا اولا مالك مش هيوافق ثانيا مش مستنيه اتهزق من ماما تاني 

كملت بسخريه و هي بتقول

همس...لا و المره دي هيبقى التهزيق قدام العيله كلها

بس هيا فضلت مصره ان همس تروح معاها و قالتلها 

هيا...لا يا همس هتيجي مش كنتي عايزه تشوفي شركتي خلاص يبقى تعالي بقى 

ضحكت همس و قالتلها

همس...اهدي طيب انتي هتعيطي

بصتلها هيا و ابتسمت على كلامها و همس الي قالت

همس...طيب روحي استأذني مالك اكيد مش هيقولك لا لكن انا لو قولتله مش هيوافق و هنتخانق

قالتلها هيا برفض

هيا...لا طبعا انتي مش فاكره زعقلي ازاي اول مره جيت هنا استحاله اكلمه اصلا

ضحكت همس و قالتلها

همس...هو بس عشان كان متعصب و كنا متخانقين و افتكرك انا لكن انتي هتروحي تقوليله انك هيا 

قالتلها هيا برفض

هيا...لا برضو مش هتكلم معاه يا همس استحاله 

سكتت همس بغضب و متكلمتش 

و هيا الي قالتلها

هيا...روحي انتي ع انك انا

قالتلها همس بغضب

همس...انا مش هكذب و اقوله انا هيا 

هيا...مش هتقوليله انك هيا

قالت همس بضيق

همس...و هيعرف منين اني هيا يا ذكيه

ردت عليها بسخريه و هي بتقول

هيا...هتقوليله ممكن يا مالك همس تيجي معايا الشركه و وقتها هيفتكر ان انتي انا

هزت همس راسها باعجاب لفكرة اختها

.....سبحان الله و بحمدك اشهد ان لا اله الا انت

نزلت همس للصاله و لاقتهم كلهم موجودين قالتلهم 

همس...هو مالك راح الشركه..؟

هزت موسى راسه بنفي و قالها

موسى...لا 

همس...اومال هو فين

وليد...تلاقيه موجود ف الجنينه

هزت راسها بابتسامه و قالتله

همس...تمام شكرا يا عمي

و خرجت راحت الجنينه و هي بتدعي ان خطتها تنجح

.....استغفر الله العظيم و اتوب اليه  

اول م خرجت للجنينه شافته واقف بيتكلم في التليفون و هو باين انه متعصب 

فضلت واقفه بعيد لحد م يخلص المكالمه 

و بالفعل اول م خلص المكالمه راحتله و هي بتقوله

همس..ازيك يا مالك

قالها مالك بابتسامه و هو لسه باصص للتليفون

مالك...ايه يا همس 

همس...كنت عايزه استأذنك ان همس تيجي معايا الشركه انهارده بس هي خافت تقولك 

ضحك مالك بخفه بسخريه و متكلمش

و همس الي افتكرته مش هيوافق ف قالتله

همس...موافق ولا ايه...؟

قال مالك و هو لسه متابع الشركه من التليفون

مالك...قوليلها لأ

زعلت همس و قالتله

همس...ليه كدا بس يا مالك خليها تيجي الشركه دي شركة اختها يعني..!!

ساب مالك التليفون و وجهلها كلامه و هو بيقولها

مالك...عشان لما تيجي تفكري انك بتذاكي عليا تعرفي اني مش حمار 

اتوترت همس جدا انه يكون فهم انها مش هيا و قالتله

همس...مش فاهمه 

زعق ف وشها بغضب و هو بيقول

مالك ...مش فاهمه ولا بتستعبطي يا همس 

بصتله همس بزهول انه عرف انها مش هيا بس حاولت تكدب شكوكه و قالتله

همس...همس فوق اصلا 

زعق ف وشها اكتر و هو بيقولها

مالك...انتي لسه بتكدبي...؟؟؟؟؟؟؟

اتوترت اكتر من صوته العالي و قالتله بخوف

همس...طب طب انت عرفت منين اني همس طيب

مالك...اتفضلي على اوضتك و عقابا ليكي على كذبك دا منتيش راحه ف حته يا همس

دمعت عينيها و قالتله

همس...يا مالك انا اسفه بس 

قاطعها بحده و هو بيقولها

مالك...سمعتي قولتلك ايه..؟؟اتفضلي على اوضتك

دخلت همس البيت من غير ولا كلمه و مالك الي ضحك عليها و خد تليفونه و راح الشركه 

....سبحان الله و بحمده سبحان الله العظيم

كانت هيا مستنياها على باب الجنينه و سمعت صوته و هو بيزعق و فهمت انه رفض 

راحتلها همس و هي بتعيط و كانت لسه هتقول لـ هيا انه مش موافق بس هيا قالتلها

هيا...من غير م تتكلمي زعق و رفض صح

قالتلها همس بتأكيد و قهر

همس...صح

اتكلمت هيا بغضب و هي بتقول

هيا...دماغه عايزه الكسر زي امه

ظهرت تعبير القلق على وش همس الي بلعت ريقها بخوف 

بصت هيا وراها باستغراب و اتفاجئت لما لاقت فرحه الي ظاهر على وشها معالم الغضب

قالتلها هيا باستغراب

هيا...مالك يا طنط في حاجه مضايقاكي..؟

فرحه...هو مين دا يا حبيبتي الي دماغه عايزه الكسر زي امه...؟؟؟؟؟؟

ابتسمت هيا و قالتاها بتساؤل

هيا...معلش هو حضرتك مالك...؟

ضحكت همس غصب عنها و فرحه قالت بغضب

فرحه...هو ايه التربيه الجميله دي 

ابتسمتلها هيا و قالتلها 

هيا...ميرسي لـ حضرتك يا طنط 

و بصت لـ همس الي كانت بتحاول تكتم ضحكتها و قالتلها

هيا....يلا تعالي 

و مشيوا و سابوا فرحه واقفه هتموت من غلها 

قالت فرحه بحقد

فرحه...حاضر يا هيا ان م خليتك تندمي على اسلوب كلامك معايا دا مبقاش انا فرحه الفاروق

.....سبحان الله و بحمدك اشهد ان لا اله الا انت

في اوضة همس كانت زعلانه ان مالك مش موافق انها تروح مع هيا ف هيا قالتلها

هيا...خلاص يا همس تعالي من غير م تقوليله و اكيد مش هيعرف

قالتلها همس بزهول

همس...انتي اتجننتي يا هيا عايزاني اخرج من غير م اقوله

قالتلها هيا بغضب

هيا...مش هو الي مش موافق !!!!

ردت عليها همس بسخريه

همس...ف اقوم خارجه من غير م هو يوافق

نفخت هيا بزهق و قالتلها بفرحه

هيا...عندي فكره

قالتلها همس باهتمام

همس...ايه هي

هيا...هروح اقول لـ جدو و جدو يكلمه و يستأذنه و هو اكيد مش هيرفض لـ جده طلب

هزت همس راسها و قالتلها

همس...اوكيه

و نزلوا هما الاتنين راحوا لـ مكتب موسى

سبحان الله و بحمده سبحان الله العظيم عدد خلقه و رضى نفسه و زنة غرشه و مداد كلماته

خبطت هيا على باب المكتب 

سمعت بعد ثواني صوت موسى و هو بيقولها

موسى...اتفضل

دخلت هي و همس و موسى رحب بيهم جدا و هو بيقول

موسى...تعالوا يا حبايب جدو 

راحوا و قعدوا على الكرسيين الي قدام المكتب و موسى الي لاحظ ان همس كانت معيطه و قالها بقلق

موسى....مالك يا حبيبتي ايه الي مزعلك بس !!!

كانت لسه همس هتتطلم بس هيا قالتله بسرعه

هيا...مالك باشا زعقلها

اضايق موسى و قالها بضيق

موسى...ليه كدا بس

هيا...عشان راحت استأذنته انها تيجي معايا الشركه و بعدها نعدي على البيت نسلم عليهم عشان كمان خالتو موجوده هناك

اخد موسى تليفونه الي كان قدامه على المكتب و قالهم

موسى..انا هكلمه دلوقتي اتصرف معاه

ابتسمت هيا بفرحه و بصت لـ همس و قالتلها

هيا ...خلاص بقى كفايه عياط مالك دا ايه دا 

....استغفر الله العظيم و اتوب اليه عدد خلقه و رضى نفسه و زنة عرشه و مداد كلماته 

كان ف مكتبه ف الشركه بيتابع شغله باهتمام و هو مركز ف الورق الي قدامه 

قطع تركيزه صوت تليفونه الي كان بيرن 

اخده و ابتسم اول م شاف اسم جده على الشاشه 

↚

رد عليه و قاله بسخريه

مالك...ايه هي لحقت تشتكيلك مني

جاله صوت جده الغاضب و هو بيقول

موسى...ازاي تمنعها انها تروح مع اختها الشركه و ازاي اصلا تمنعها انها تروح تسلم على اهلها كمان

انتبه موسى للجمله الاخيره الي جده قالها و قاله باستغراب

مالك...هي كانت هتروح لأهلها ...؟

افتكر موسى انه هيوافق و قاله

موسى...ايوا 

بس جاله صوت مالك الغاضب و هو بيقول

مالك...الهانم مقالتليش اصلا انها هتروح لـ مكان تاني غير شركة اختها 

قاله موسى بغضب

موسى...هو انت ادتها فرصه تقولك م انت زعقتلها على طول اول م قالتلك انها هتخرج من البيت

مالك...مقالتلكش بقى زعقتلها ليه

قاله موسى بنفي

موسى.. لا

ابتسم مالك بسخريه و قاله

مالك ...متفقه مع اختها انها تيجي تستأذني انها تروح الشركه على انها هيا مش همس

طمل موسى كلام و هو بيقول بكل سخريه 

موسى...و طبعا انت رفضت 

ابتسم بسخريه و قاله

مالك... اه طبعا عشان لو كانت قالتلها ع اساس انها همس عادي مكنتش هرفض اصلا و كنت هوافق عادي 

بص موسى لـ همس بلوم و همس الي ندمت انها سمعت كلام اختها 

قال موسى...خلاص يابني معلش سماح المره دي 

سكت مالك و متلكمش و موسى قاله

موسى...متزعلش منيها انت عارف همس بتحب تهزر

قاله مالك بهدوء

مالك...ماشي يا جدي

ابتسم موسى و. قاله

موسى...هقولها تروح مع اختها بقى ماشي

قاله مالك بهدوء...ماشي بس قبل م الساعه تيجي 8 تكون ف البيت 

موسى...حاضر هقولها 

مالك...تمام هقفل انا دلوقتي عشان الشغل 

موسى...ماشي يا بني مع السلامه

مالك...سلام يا جدي

و قفل السكه 

بص موسى لـ همس و قالها

موسى...روحي بس قبل الساعه 8 تكونوا هنا

ضحكت هيا و قالتله

هيا...لا لا دا قبل م الساعه تيجي 8 بكتير اوي اصلا مش هنتأخر 

ابتسم موسى و قالها

موسى...ماشي 

قالتله همس بشكر و ابتسامه

همس...شكرا يا جدي

موسى...الشكر لله وحده يا بنتي 

قالت هيا باستعجال لـ همس

هيا...انجزي بقى عشان كدا هتأخر على الشركه و الاجتماع

هزت همس راسها و خرجوت من الاوضه

.....سبحان الله و بحمده سبحان الله العظيم 

عدى وقت كانت هيا خلصت شغلها ف الشركه و رايحين لبيت جدهم

قالت همس بقلق

همس...هيا انا مش هاجي معاكي انا هفضل قاعده هنا ف العربيه لحد م تسلمي عليهم 

قالتلها هيا برفض و هي باصه للطريق

هيا...لا يا همس من فضلك بقى ايه و بعدين مش عايزه تشوفي خالتو شيماء ولا ايه

قالتلها همس بحزن

همس...خايفه يا هيا ماما تقولي كلمه تحرجني بيها قدامهم

قالت هيا برفض

هيا...متقلقيش انا كلمت جدو و عرفته انك جايه معايا

هزت همس راسها و هي حسه بحزن و قالتلها

همس...طيب

...سبحان الله و بحمده سبحان الله العظيم

بعد شويه كانوا وصلزا البيت قالتلها هيا بابتسامه

هيا ...يلا 

هزت همس راسها و نزلت من العربيه هي و هيا و دخلوا البيت

اول م هيا خبطت لاقت رنيم فتحت الباب 

قالتلها رنيم باحترام

رنيم...حمدلله على السلامه يا هيا هانم 

ابتسمتلها هيا و دخلت بس استغربت رنيم و بصت لـ هيا تاني تتأكد انها مش بتتخيل

قالتلها همس بابتسامه

همس...انا همس اختها 

هزت رنيم راسها بابتسامه و قالتلها

رنيم...حمدلله على سلامة حضرتك اتفضلوا

دخلت همس و هيا و همس الي كانت متوتره جدا و خايفه من ردة فعل امها

كان عادل معدي رايح للجنينه و اتفاجئ لما شافهم 

ضحك و قالهم

عادل...جيتوا بسرعه دا انا كنت فاكركوا لسه ف الشركه

ضحكت همس و قالتله

همس..لا كلمناك و احنا ف العربيه

هز عادل راسه بابتسامه و هيا قالتله بهزار

هيا...قول انهي واحده فينا همس و انهي هيا

ضحك عادل و قالها

عادل...معروفه يعني الي مصدعانا برغيها طول الوقت الي هي انتي هيا و التانيه همس

ضحكت همس و قالت لـ جدها

همس...معاك حق يا جدو هي فعلا رغايه اوي

ردت عليها هيا بحزن مصطنع

هيا...بقى كدا طيب مش هرجع معاكي البلد يا همس

زعلت همس و قالتلها

همس...ماشي انا اصلا كنت عارفه انك هتعملي كدا 

قالتلها هيا بسرعه لما لاقيتها زعلت

هيا...انتي زعلتي ليه انا كنت بهزر

بصتلها همس بعدم تصديق و قالتلها

همس...عادي براحتك لو عايزه تفضلي هنا ماشي

قال عادل بهزار

عادل...لا خديها معاكي هناك البيت هادي من غيرها

ضحكت همس و هيا 

هيا..ماشي يا جدو 

جت رانيا على الصوت و فرحت بوجود هيا

راحت لـ همس الي افتكرتها هيا و حضنتها و هي  بتقول بفرحه

رانيا...حمدلله على السلامه يا روح مامي 

ابتسمت همس بهدوء و هي بتحاول تقنع نفسها ان رانيا اكيد كان قصدها هيا مش همس 

و بالفعل شكوكها اتأكدت لما لاقت رانيا بتقولها

رانيا...كويس انك جيتي احسن البيت وحش من غيرك 

ابتسمت همس باحترام و قالتلها بهدوء و هي بتشاور على هيا

همس...انا همس يا ماما هيا اهي 

هزت رانيا راسها و متكلمتش و راحت لـ هيا الي كانت بصالها بزهول من انها حتى مقالتش لـ همس ازيك 

ابتسمتلها رانيا و خدتها من ايدها و مشيت للمطبخ و هي بتقول

رانيا...تعالي بقى بصي عملتلك صينية البطاطس الي بتحبيها لما عرفت انك جايه 

بص عادل لـ همس و قالها بشفقه

عادل...حقك عليا انا متزعليش

قالتله همس و خي بنحاول تتصنع الاستغراب و  عدم الفهم

همس...ازعل من ايه يا جدو

قالها عادل بحزن

عادل...عشان ماما يعني

هزت همس راسعدها يمين و شمال بنفي و هي بترسم ابتسامه على وشها و بتقول

همس...لا خالص عادي مفيش زعل ولا حاجه

هز عادل راسه و هو مضايق جدا من رانيا و قالها

عادل...تعالي يلا يا حبيبتي خالتك جوا تعالي سلمي عليها

هزت همس راسها بابتسامه و قررت انها هتتعامل كأنها شخص غريب او ضيفه عشان محدش يكون مضايق منها

....استغفر الله العظيم و اتوب اليه عدد خلقه و رضا نفسه و زنة عرشه و مداد كلماته

في المطبخ كانت هيا مضايقه من مامتها جدا و رانيا الي كانت بتوريها الاكل الي عملته ليها و قالتلها

رانيا...ها ايه رأيك بقى 

ابتسمت هيا و قالتلها

هيا....تسلم ايدك الاكل شكله تحفه

رانيا....تسلمي يا حبيبتي

قالتلها هيا باستغراب و هي بتحاول تتحكم ف غضبها 

هيا..مامي ممكن اعرف انتي بتعملي كدا ليه

قالتلها رانيا باستغراب و لا مبالاه

رانيا...مش فاهماكي

هيا...لا حضرتك فاهماني كويس و عارفه اني قصدي على همس

ردت عليها رانيا بضيق و هي بتقول

رانيا...اممم طيب بصي حبيبتي عشان تبقي فاهمه انا اصلا ساكته كل دا عشانك و عشان جدو ف خليني اتعامل معاها زي م احب عشان متعصبش عليها قدام الكل و اخليها تروح و هي مكسور قلبها مليون حته

بصتلها هيا بزهول و قالتلها

هيا...هي لسه قلبها هيتكسر لـ مليون حته ..!!

ابتسمت و قالت بسخريه

هيا....دا كفايه اوي انك مسلمتيش عليها لما جت 

هزت رانيا راسها بلا مبالاه و قالت لـ هاجر 

رانيا...ودي الغدا على السفره يا هاجر

هزت هاجر راسها بطاعه و قالتلها

هاجر...حاضر يا رانيا هانم

بصت رانيا لـ هيا و قالتلها

رانيا...تعالي معايا

راحت هيا مع رانيا الي خدتها و راحوا قعدوت ف الجنينه

....سبحان الله و بحمده سبحان الله العظيم

اول م همس دخلت الصالون قامت شيماء و قالتلها

شيماء...حمدلله على السلامه يا هيا 

ابتسمت همس و قالتلها

همس...انا همس هيا راحت مع ماما المطبخ 

سكتت شيماء بزهول و همس الي مدتلها ايدها تسلم عليها و قالتلها

همس...ازي حضرتك يا خالتو 

حضنتها شيماء و قالتلها بفرحه

شيماء....يا حبيبتي يا همس وحشتيني اوي اوي 

و همس الي من كتر زهولها بترحيب خالتها ليها سكتت متكلمتش

قالتلها شيماء بفرحه و هي ماسكه ايدها

شيماء...وحشتيني اوي يا همس انتي زعلانه مني ولا ايه 

هزت همس راسها يمين و شمال بنفي و قالتلها بصوت واطي

همس...خايفه اكون مضايقاكوا من وجودي بس

قالتلها شيماء بزهول

شيماء...ايه دا ازاي يعني نيقى مضايقين من وجودك يا حبيبتي دا احنا بقالنا عشرين سنه مشوفناكيش مين مضايق من وجودك بس

دمعت عيون همس و قالتلها بحزن و صوت واطي

همس..ما..ماما

قالتلها شيماء باستغراب

شيماء...مالها ماما..دي زمانها مبسوطه بوجودك اوي

هزت همس راسها بنفي و قالتلها

همس...لا بالعكس هي مش بتحبني يا خالتو

بصت شيماء باستغراب لأبوها الي كانت نظراته كلها حزن و شفقه

قالت شيماء ...ازاي بس يا حبيبتي تقولي كدا اكيد ماما متقصدش كدا

قالتلها همس بدموع

همس...لا قصدها انا جيت هنا من كام شهر و زعقتلي و طردتني و المره دي قولت لـ هيا اني هستناها بره ف العربيه بس هي اصرت اني اجي معاها عشان اسلم عليكوا

سكتت شيماء بحزن و هي مش مستوعبه ان ممكن. رانيا تعمل كدا

فضلوا كلهم ساكتين لحد م جت ساره و قالت

ساره...مامي انا خارجه انهارده مع صحابي

بس سكتت لما لاقت همس فرحت جدا و قالتلها

ساره..انتي همس ولا هيا..؟

هزت همس راسها بابتسامه و قالتلها

همس...انا همس 

مدتلها ساره ايدها و قالت

ساره...انا ساره 

سلمت همس عليها و ساره قالتلها

ساره...ايه رأيك تخرجي معانا انهارده انتي و هيا

كانت لسه همس هترفض بذوق بس سبقتها هيا لما قالت

هيا...موافقين

بصتلها همس و قالتلها 

همس...هيا انا مش هينفع اتأخر

قالتلها هيا بزهق

هيا...همس الساعه لسه اتنين الضهر 

سكتت همس و هي خايفه تتأخر عشان مالك

و هيا الي قالتلها 

هيا...كلميه و قوليله اننا هنخرج

هزت همس راسها و قالتلها

همس...تمام

هزت همس رأسها و قالتلها

همس...اوكيه

و راحت للشباك و اتصلت بيه عشان تقوله

جت هاجر و قالتلهم

هاجر ..الاكل جاهز على السفره يا عادل بيه

هز عادل راسه و هاجر مشيت

قالهم عادل...يلا يا جماعه عشان نتغدى

مشيوا كلهم. و هيا راحت لـ همس و هي. مستنيه تسمغ ردود همس عشان تعرف اذا كان مالك وافق ولا لا

هيا...رد..؟

هزت همس راسها بنفي بس معداش ثواني و لاقت صوته

مالك...الو يا همس

قالتله همس بابتسامه

همس...ازيك يا مالك

مالك...الحمدلله ،ايه روحتي عند جدك

هزت همس راسها و قالتله

همس...ايوا كنت عايزه استأذنك بس اني اخرج مع ساره و هيا و اصحابها 

سكت مالك و متكلمش و همس الي قالتله بسرعه

همس...مش هنتأخر الساعه 8 هنكون ف البيت 

قالها مالك بابتسامه

مالك...ماشي يا ستي بس لو عرفت انك اتأخرتي عن 8 انسي انك تخرجي تاني

همس.. لا لا ان شاء الله قبل الساعه 8 كمان هنكون ف البيت

ابتسم مالك و قالها

مالك...يلا روحي شوفي اهلك 

ابتسمت و قالتله

همس...اوكيه سلام

مالك...سلام

و قفل 

قالتلها هيا بابتسامه

هيا...وافق صح

هزت همس راسها و قالتله بتأكيد

همس..صح

هيا...تعالي يلا بقى نتغدى احسن انا هموت من الجوع

....سبحان الله و بحمده سبحان الله العظيم

بعد ساعه كانت أيلا و نجلاء قاعدين ف الكافيه مستنيين هيا و همس و ساره 

أيلا...هتجنن و اعرف ساره مضايقه من همس كدا ليه

هزت نجلاء راسها بعدم اهتمام و قالتلها 

نجلاء...معلش يا أيلا 

كانت لسه أيلت هترد عليها بس سمعوا صوت ساره و هي بتقولهم

ساره...هااي

بصولها بابتسامه و قاموا عشان يسلموا عليهم

ابتسمت همس لـ أيلا الي مدتلها ايدها و قالتلها

أيلا....هاي انا ايلا

ابتسمتلها همس و سلمت عليها و قالتلها

همس...و انا همس 

و كذلك سلمت على نجلاء و قعدوا

قالتلهم نجلاء بابتسامه

نجلاء...تشربوا ايه

ابتسمت همس و قالتلها

همس...اي حاجه

قالت هيا لـ همس

هيا...انا هاخد ايس كوفي تحبي تشربي ايس كوفي انتي كمان

هزت همس راسها و قالتلها

همس...اوكيه

بصت ساره لـ نجلاء و نجلاء قالتلها

نجلاء...الايس كوفي دا بيبقى قهوه مثلجه 

ابتسمت همس و قالتلها

همس...حبيبتي انا اكيد عارفاها

قالت ساره بزهول

ساره...مش معقول يا نجلاء كفايه معلومات بقى عرفنا امك مثقفه جدا

بصت لـ همس و قالتلها

ساره...معلش هي كدا ديما

هزت همس راسها يمين و شمال بلا مبالاه و قالت بابتسامه

همس...سيبيها براحتها اكيد مش مضايقه منها يعني

جيه الجارسون و نجلاء قالتله الطلبات و مشي 

قالت أيلا لـ همس

أيلا...طيب احكيلنا يا همس عن نفسك

همس...ايه بقى الي انتوا مش عارفينه عني م هيا موجوده اهيه ولا قصدك احكيلكوا عن الصعيد 

هيا...همس اكيد أيلا مش قصدها كدا 

همس...اكيد انا مزعلتش حتى لو كان قصدها كدا

بصت لأيلا و قالتلها

همس...الصعيد جميله اوي يا أيلا يبقى عندك بين و مزرعه و كدا

ضحكت نجلاء و قالت

نجلاء...و بهايم بقى و بقر و زريبه و كدا صح 

ابتسمت همس و قالتلها

همس...اه البقر الي انتي و اهلك بيشتروهم من السوبر ماركت عشان تتغدوا و تعرفوا تعيشوا 

سكتت نجلاء و معرفتش ترد و الباقي ضحك 

جيه الجارسون بالطلبات و قعدوا شويه و بعدين همس قالت لـ هيا

همس...يلا يا هيا عشان نلحق نوصل

هزت هيا راسها و ساره قالتلهم

ساره...ايه دا لسه بدري 

ابتسمت هيا و قالتلها

هيا....يبقى نخرج تاني ان شاء الله

قالتلهم ساره...طيب تعالوا اوصلكوا حتى

هزت همس راسها و اول م خرجوا قالتلها همس قبل م تركب العربيه

همس...لما تفكري تسلطي صحابك عليا يا سرسوره عشان يحسسوني اني اقل منكوا عشان اختلاف المحافظه عشان العقد النفسيه بتاعتك دي ابقي فكري قبلها مليون مره مين هي همس العزيزي اوكيه وووو

يتبعععع

تعديل المقال