رواية ما خبأه الواقع كاملة جميع الفصول بقلم ليل السيد
رواية ما خبأه الواقع كاملة جميع الفصول هي رواية من كتابة ليل السيد رواية ما خبأه الواقع كاملة جميع الفصول صدر لاول مرة على موقع التواصل الاجتماعى فيسبوك رواية ما خبأه الواقع كاملة جميع الفصول حقق تفاعل كبير على الفيسبوك لذلك سنعرض لكم رواية ما خبأه الواقع كاملة جميع الفصول
رواية ما خبأه الواقع كاملة جميع الفصول
- يابني فرحك بكره علي واحده تانيه غيري فوووق
= اقسم بالله انتي بس قوليلي موافقه وأنا ابوظ كل الي معمول ده بس انتي ردي عليا ابوس ايدك
- زين الي بتعمله دي مينفعش ابدا خلاص كل الي بينا خلص انا كنت بنت عمك ولسه بنت عمك وبس فاهم انا بنت عمك وبس
= أنتي كدااابه انتي اكتر واحده عارفه انا حبيتك قد ايه وعارفه انتي كمان بتحبيني قد ايه
- كنت يزين كنت لكن دلوقتى انت فرحك بكره خلاص وأنا بجهز فستاني الي هحضر بيه فرح ابن عمي زين
= ليلي أنتي السبب في كل ده وانتي عارفه
- زين مراتك كلمتني قبل كده وطلبت مني ابعد عنك خالص بتقولي انا مقدره قربكم لبعض وانك بتعتبريه اخوكي بس زين كل قعدتنا انا وهو مش بيحكي غير عنك زين مثبت شاتك واتساب حاطط wallpaper الفون صورتكم وانتوا صغيرين مش بتتغير حطي نفسك مكاني
انا فعلا لو مكانها مستحيل مشكش ان في حاجه هي عندها حق
= ليلي أنا لسه بحبك انتيا السبب في اني ادخلها حياتي علشان انساكي ومعرفتش بشوفك فيها دايما ليلي وافق ومتظلمناش احنا الاثنين
قالها بصوت منكسر
ليلي وهي تتجه لباب الغرفه
- انا اسفة يازين انت زي اخويا وبس كل الي بينا ده كان ماضي وخلص
جذبها زين من معصمها بقوة ودفع ظهرها علي الحائط وحاصرها بذراعيه واقترب منها كان لا يفصل بينها سوا عدة سنتيمترات لا تذكر وقال بصوت رجولي حاد وعيون كادت تشتعل من الغضب
= أنتي لو موافقتش مش هتكوني لحد غيري حتي لو انا كنت اتجوزت غيرك حطي ده في دماغك علشان كل الي فات عمره ما كان ماضي انتي ناسيه احنا كنا عاملين ازاي سوا
فلاش باااك
زين ابن عمي وأنا ليلي احنا من اصل صعيدي لكن طول حياتي انا وأهلي واحنا في القاهره إنما زين صعيدي وباقى اهلي كده وكل حياتهم في الصعيد بس مش صعيد المسلسلات العبيط ده لا ابدا هما ناس عاديه جدا زينا لكن بيختلفوا في بعض الحاجات البسيطه جدا
- يابابا زين مين الي جاي يبات عندنا النهارده انا بخاف منه بجد ده عمره ما عاملني كويس وكل ما اسافر عندهم يزعق فيا ويتريق علي شعري ده بيقولي اقوله يا ابيه هو عبيط
= معلش يا ليلي جايب تحاليل واشاعات عمك علشان نعرضها علي دكاترة هنا ونطمن عليه اكتر وهيقعد كام يوم المهم بس خليكي كويسه وبطلي عبط
- تمام ينور يبابا
قالت جملتها وهي تتجه لغرفتها متذمره
بعد وقت ليس بطويل سمعت صوت ابي يعلو خارج غرفتي
* حمدلله علي السلامه يحبيبي اتفضل يا أم ليلي زين وصل
^ حمدلله علي السلامه يابني اتفضل عملالك شوية حاجات بتحبها والله هتاكل صوابعك وراها اتفضل ادخل ارتاح وغير ليلي رتبتلك الاوضه وأنا اول ما احط العشاء علي السفره هندهلك
= تسلمي يمرات عمي ربنا يخليكي عن اذنك
* فين الزفته ليلي
^ شكلها نايمه هدخل اشوفها
^ ليلي ليلي منتي صاحيه اهو
ابن عمك وصل روحي سلمي عليه
- انتي مش قولتله يدخل يريح خلاص لما يريح
^ احترمي نفسك يقول انتي مش طيقاه روحي خبطي ولو قالك اتفضل ادخلي بكوباية العصير دي اكيد هفتان من السفر قوليله حمدلله علي السلامه واخرجي جهزي معايا السفره
- يووووه علي شغل الرسميات ده
لملمت شعرها بعشواية بالقلم وعدلت ملابسها الغير منهدبه بالمره وعشوائيه اكثر من شعرها
فين العصير الي هدخله
^ انتي هتخرجي من اوضتك كده بنظرة احتقار
- والله انام ومتشوفوش وشي
^ خلااااص خلاااااص قوووومي منك لله قومي يمعفنه
اخذت العصير وذهبت بغضب اتجاه غرفته فهي غرفة نوم زاده في المنزل بسبب زيارات اهل ابي المتكرره من الوجهه القبلي لأسباب متعدده
طرقت الباب بقدمي نظرا لاني ممسكه بصنية العصير وبعض الكيك بكلتا اليدين بعد وقت اقل من الدقيقه فتح الباب
= اتفضل يعم...
ليلي ازيك كبرتي ماشاء الله اتفضلي
- شكرا يزين ماما بعتالك دول وبتقولك حمدلله علي السلامه سلااام
التفت علي صوت ضحكته مره آخري
انت بتضحك علي ايه
= لسه عبيطه زي منتي
- زين احترم نفسك عيب تقول عني عبيطه انا عندي١٧ سنه دلوقتى وفى ثانويه عامه
= بجد وعامله ايه في الثانويه ياستي وناويه علي ايه
- مش عارفه والله انا عايزاه ايه بس عمك ومراته كالعاده عايزين طب يعني فربنا يسهل
= وليلي عايزاه ايه
- مفكرتش قبل كده دايما عايزاه الي هما عايزينه وبس بكسل افكر في أحلام مش هتعجبهم وفي الاخر مش هحققها
= مش زمان كان نفسك تدخلي هندسه زيي واول ما قدمت فيها وجيبوا علشان تباركولي قولتيلي نفسي ادخل هندسه انا كمان
- ده كنت لسه في ابتدائي احلام عبيطه وخلاص
= عمر أحلامك ما هتكون عبيطه بس انتي حطيها في دماغك لو احتاجتي اي حاجه انا موجود بعرف اشرح علي فكره
- واو بتعرف تشرح فيزيا
= طبعا يابنتي دي لعبتي
- حلو كل كويس بقا علشان ابقى استغلك يلا اشوفك علي الاكل
ضحك ضحكه خفيفه وانا خرجت من غرفته وجهزنا الاكل انا وماما علي السفرة وبعدين بابا نادي عليه كان شكله تعبان وعايز ياكل بسرعه علشان ينام وده الي حصل فعلا
^ شكلك تعبان يابني محتاج تشرب حاجه ولا هتدخل تريح
= شكرا يمرات عمي اه مرهق شوية من السفر والسواقه هدخل اريح علشان نازل بدري للدكتور
* هاجي معاك علشان تكون عارف من دلوقتى
= مفيش داعي يعمي تسيب شغلك انا هروح بكره اطمن واجي اطمنك بنفسي
* شغل ايه يابني بس مش وقته
= والله مفيش داعي صدقني كده كده بابا مش معايا يعني انا هعرض الاشعات علي الدكتور وبس
* تمام يابني ادخل ريح يلا تصبح علي خير ولو احتاجت اي حاجه انا موجود والبيت بيتك
= تسلم يعمي تصبحوا علي خير يجماعه
استيقظت ليلي في اليوم التالي وتناولت فطورها بشكل سريع واستعدت لدورسها
- ماما هتاخر النهارده عندي حصص برايفيت بعد السنتر
^ تمام يحبيبتي ربنا يوفقك سلام
كان يوم طويل للغايه عادت الي البيت في نهايته
دخلت البيت ملقتش حد خالص او تقريبا كل واحد في مكان بس مش في الصاله ناديت بصوت عالي
- ماما انا جيت
^ الاكل عندك يا ليلي في المطبخ
دخلتلها الاوضه
- في حاجه حصلت ولا ايه!!!
^ لا يابنتي زين لسه مرجعش اصلا وبابا بياخد دوش وهينام زين رن عليه قاله ان كل حاجه كويسه بس هو هيتاخر علشان هيقابل صحابه وبس فلما يجي بقا خليكي صاحيه علشان تسمعي الباب لانه مش معاه مفتاح
- تمام يماما تصبحوا علي خير
^ وانتي من اهله حبيبتي
بعد تلات ساعات بالظبط كنت زهقت من المذاكره وقومت أقف في البلكونه شوية
بصيت علي الجنينه بتاعة بيتنا الصغيره لقيت زين قاعد فيها وحاطط ايده الاتنين علي راسه وجسمه بيتهز كده اتخضيت علشان شوفته بيعيط
لبست الجاكت بتاعي واتسحبت وطلعت بهدوء علشان ماما متحسش بيا وتقلق
فتحت الباب وخرجت من البوابة لقيته قاعد ومش حاسس بيا ولا شايفيني كان بيعيط بصوت مسموع
قعدت جنبه بهدوء وحطيت ايدي علي ضهره وبصوت هادي
- انت كويس!!!
جسمه اتنفض بخضه ولقيته قام بسرعه وبيمسح وشه
= اه اه كويس متقلقيش كنت لسه هرن عليكي علشان تفتحي البوابة معلش سهرتك
مسكت ايده قبل ما يتحرك وقولتله تاني
- انت كويس في حلجه حصلت ممكن تحكيلي ومحدش هيعرف وعد
فضل باصصلي شويه وبعدين قعد بقهر تاني فضل ساكت وباصص في اللاشئ وبيتنهد بحزن رددت كلامي مره تاني
- في حاجه حصلت مش كويسه!
= بابا عنده كانسر وحالته متاخره جدا وانا مش عارف اتصرف ازاي ومش عارفه اقولهم ازاي حاسس ان حد ضربني علي ضهري بحديده تقيله اوي قطمهولي انا خايف اخسره ماليش غير انا وامي واخواتي البنات خايف يسبلي كل الحمل ده لوحدي ويمشي هشيل البيت كله لوحدي ازاي هقدر استحمل فراقه اصلا حاسس بالعجز والدكتور حسسني بالعجز اكتر
كنت مصدومه وهو بيتكلم مش عارفه اقول ايه عمو هلال غالي عندي زي بابا بالظبط هو صاحبي مش عمو دايما بيسمعني ودايما بيحب يقعد معايا كنت بعيط وزين بيتكلم وبعدين بصلي وحط ايده علي ضهري
= كل حاجه هتكون كويسه بس انتي ادعيله وادعيلي ياريت محدش يعرف حاجه لحد منا الي اعرفهم
- انا مش مصدقه بجد اكيد في امل لازم يجي هنا ويبدأ علاج وكلنا حواليه اهو
= بابا لو عرف الي عنده مستحيل يوافق ياخد علاج اصلا هيقولك أعذب نفسي ليه انا عندي صحه كده كده الأعمار بيدي الله ليلي ده بيكون عنده دور برد وبيرفض ياخد المضاد الحيوي هياخد كيماوي
قولت بنفي سريع
- اه طبعا هياخد وانا مش هسيبه غير لما يبدأ علاج هو بيحبني مستحيل يسيبني لوحدي ويرفضلي كلام انا هقنعه وهكون دايما معاه ده صاحبي الوحيد مستحيل اسيبه
ابتسم زين
= هو كمان بيحبك اوى يلا علشان الوقت اتأخر والجو برد
- انت كده مكنتش مع صحابك زي ما ماما قالت كنت لوحدك صح
= لا يعنى مش بالظبط كنت بلف بالعربيه بفكر في حل ومش عايز ارجع وعمى صاحى علشان ميتكلمش معايا في تفاصيل
- همم يعني اكيد ماكلتش برضو يلا يعم هتبرع واعملك مكرونه بالوايت صوص مش علشان انت ابن عمي وكده تؤتؤ ده علشان ماما عامله اكل مش بحبه وانا كنت مكسله اعمل اكل لنفسي كنت شايفه الموضوع مش مستاهل
= أنتي طول عمرك يا ليلي مش بتهتمي باكل وتكسلي وتختاري انك تنامي جعانه اسهل
- بس لما الموضوع يكون مرتبط بحد تاني غيري بحس ان لا لازم اكل علشان الحد التاني ده
يلا بس علشان تساعدني
= يلا يا ستي
دخلت المطبخ وهو دخل يغير وبعدين قالي هاجي وراكي
بدأت اظبط واشوف كل الي هنحتاجه
- زين ممكن اسألك سؤال
= اه طبعا
- لما بنسافر البلد في الأعياد والإجازات العيله ماشاء الله مليانه بنات كتير في سني واكبر مني كنت بشوفك بتعاملهم كلهم كويس من واحنا صغيرين وبتعاملني انا وحش جدا وتتعصب عليا دايما وتزعقلي وتتريق علي شعري وشكل انا بجد يا زين كنت بكره اروح البلد بسببك مع اني بحب اوي باقى ولاد عمي وقرايبي بس وصلتني ان اكره البلد واعيط كل مره لبابا علشان منروحش
- = يااه انا وحش اوي كده
وانا بحط اللبن علي الدقيق واقلب علشان اعمل الصوص وهو مركز معايا
- بصراحه انا
= كل الحكايه ياستي اني كنت بضايق منك علشان مش بتحبى تقعدي غير مع الشباب يعني تبقى العيله كلها متجمعه وكل البنات والستات جوا مع بعض وانتي الوحيده الي سيباهم وقاعده معانا احنا بره تهزري مع ده وده يحضنك وده يقولك روحك حلوة يا ليلي وده معرفش ايه ليه متقعديش زي كل بنات العيله جوا ليه متلميش شعرك الي دايما سيباهولى علي ضهرك وعملته وعملاهولي كيرلي وده يلعب فيه وده يقولك حلو وده لايق عليكي ولبسك كان كله عريان وده برضو كان بيضايقني
- علشان انا بحب شباب العيله اكتر كلهم صحابي
وشعري انا بحبه كده مش بحب المه ولبسي انا كنت لسه صغيره مرفوع عني القلم يعني لبسي مش هتحاسب عليه كنت طفله لسه بس انت كنت بتحاسبني
= ايه بحب شباب العيله دي انتي عبيطه
- ايه عبيطه دي والله بجد فعلا بحسهم كلهم اخواتي انا كان نفسي اوي يكون عندي اخوات اكبر مني علي فكره بقا بجد هما كلهم صحابي وبيكلموني دايما حتي عمر ابن عمك محمد كل يوم يكلمني بجد اكتر حد أصيل فيكم كلكم دايما بيسأل عني
= عمر!!! وده بيكلمك يقولك ايه ان شاء الله
- اهو شوفت طريقتك مستفزه ازاي مش هقولك ويلا المكرونة خلصت كل
= مش هتاكلي معايا
- اصل دوقت المكرونه كتير فشبعت
= انتي عبيطه مش هاكل غير لما تاكلي
- يووووه هاكل هاكل كل انت بس
هتعمل ايه في حوار بابا هلال "ده عمي الكبير هلال باباه هو كلنا بنقوله بابا علشان هو أكبر واحد في العيله"
= مش عارف يا ليلي
- اجي معاك البلد طيب علشان اقنعه يجي يسافر معانا تاني هنا ونبدأ العلاج
= ركزي بي انتي السنه دي في دراستك ومتشليش هم انا هعرف اظبط كل حاجه متجي نشوف الفيزيا بتاعتك دي بتقول ايه
- ليه السيره دي بس اغسل الأطباق يلا وانا هروح ادور علي الملخصات ونبقا نذاكر في البراندا
= أطباق!!!! اغسل!!!
- متتاخرش سلام
سيبته ودخلت الاوضه بسرعه علشان اهرب من المواعين اكتر حاجه بكرها في حياتي
بعد وقت مش طويل كنت مستنياه في البرانده
لقيت عامل كوبايتين شاي وجاي واحده بنعناع علشان هو بيحبه وواحده من غير نعناع علشان عارف اني بكرهه
- جدع والله راجل محترم
= الله يكرم اصلك وريني بقا ياستي الي مش فاهمه
كريشووووف في حد مش بيفهم كريشوف ده اسهل حاجه
- طب سهلها يبشمهندس
قعدنا ما يقارب الساعتين يمكن اول مره افهم في حياتي واحس ان الفيزيا فعلا سهله
- شكرا يا زين انا فهمت
= كويس والله يلا روحي نامي علشان الوقت اتأخر
- مش محتاج حاجه انت طيب
= لا لا متقلقيش هدخل انام انا كمان
- تصبح علي خير
= وانتي من أهله
صحيت تاني يوم علي صوت بابا العالي في الصاله وهو بيزعق في زين
^ انت مجنون يزين مجنوون ولا عايز تجنني
↚
= يعمي اسمعني انا الي هنزل البلد واجيبه مش هينفع انت تنزل الدكتور طمني والله طمني متقلقش
^ رجلي علي رجلك ده اخويا وانا عارف انه مش هيوافق يجي معاك بسهوله انا الي هجيبه
= يعمي افهم ليلي دلوقتى ثانويه عامه مش ومش هينفع تسيبها هي ومرات عمي في البيت كله بطوله كده لوحدهم وهي مش هينفع تسيب حصصها وكل حاجه وتنزل معاك البلد مش وقته
^ احنا كلها يومين تلاته وليلي بتعرف تذاكر اولاين عادي متشلش همها وبعدين دروس اي ومذاكرة ايه دلوقتى هو ده وقته
خرجت علي صوته وواقفين انا وماما ساكتين مستنين النقاش ده يخلص
- بابا انا قولتله امبارح والله اجي معاك انا نفسي مش عايزاه اسيب بابا هلال لوحده بس هو موافقش
^ ادخلي يا ليلي اناي وناهد جهزوا شنطتكم وانا هروح افول العربيه واسحب فلوس
= طب ليه عربيتك ما عربيتي موجوده
^ لا علشان واحنا راجعين من البلد مش عارفين مين الي ممكن يرجع معانا انت ابقى خد ليلي معاك علشان متسوقش المسافه دي كلها لوحدك وانا وناهد هنكون وراك علي الطريق
= الي تشوفه يعمي
في أقل من ساعة كنا خلصنا انا وماما الشنط لان كده كده لينا لبس وكل حاجه برضو في شقتنا الي في الصعيد بناخد بس الحاجات الضرورية
ركبت مع زين العربيه واتحركنا كان متعصب ومضايق وخايف أنا مش بحب زين ومش برتاح معاه بس بعد اول مره شوفته فيها وهو ضعيف وبيعيط علشان قلقان علي بابا بدأت احس ان زين الي دايما بيزعق ويشخط ده مش حقيق وفي زين تاني حنين كان نفسي من زمان يكون حنين عليا واعتبره زي اخويا الكبير بس هو من زمان وهو بيكرهني لاسبابه التافهه الي قالها واحنا في المطبخ
= اشغلك تكيف العربيه علشان تنامي
- لا مش بحب ريحة تكيف العربيه بتخنقني سيب الشباك مفتوح وانا مش بعرف انام وانا مسافره بخاف من الطريق
= متخافيش وأنا معاكي
- ليه أن شاء الله هتمنع عزرائيل يقبض روحي
= يخربيت لسانك اسكتي حرام عليكي احنا علي طريق
- زين بما اننا لتاني مره بس نكون لوحدينا وانت صريح معايا ممكن اسلي طريقي معاك بشوية أسئلة مش لطاااف ابدا
= هتقوليلي مرات عمي واخواتك مش بيحبوني ليه
بصتله بزهول
- ازاااي عرفت
= مطبيعي لسه سألني انا بكرهك ايه اكيد الدور علي امي واخواتي
بصي ياستي امي مش بتكرهك ابدا والله هي بس انتي عارفه ان من زمان في خلاف بينها وبين مامتك وهما الاتنين مش بيحبوا بعض فهي مش شيفاكي غير بنت ناهد
واخواتي عكسك في كل حاجه انتي حد فرفوش العيله كلها بتحب وجوده وبيستنوا وجودك علشان يتجمعوا شباب وبنات حد اجتماعي حد بيعرف يتكلم ويحكي ويضحك ويعاشر ناس كتير في وقت قليل مش اخواتي بس لعلمك بنات العيله كلها بيجوا وقت ويحقدوا عليكي لما بيلاقوا شباب العيله كلهم مش بيهزروا وتعاملهم حلو غير معاكى لكن هما كمان ببحبوكى والله وبيفرحوا لما بتجي وتجمعيهم
- انا كان نفسي بس كلهم يكونوا اخواتى
= قولتلى بقا عمر بيسأل عنك كل يوم
- عمر ده اكتر واحد أصيل فيكم بجد بيكلمنى دايما
= طيب ياريت تخفى كلام معاه بقا
- انت عبيط يا زين
زين بعصبيه.. اتمنى تعدلى لسانك ومتنسيس فرق السن إلى بينا
- اسفه مكنش قصدى
حطيت سمعاتى فى ودنى وسندت راسي على الشباك اراقب الطريق علشان ميتكلمش معايا تانى
بعد ساعات مش عارفه قد ايه وصلنا قبل ماما وبابا
اول ما نزلت من العربيه رنيت على ماما
- ايه يا حبيبتى فينكم احنا وصلنا
ناهد.. نص ساعه كده وندخل على البلد حمدلله علي سلامتكم
- الله يسلمك يحبيبي توصلوا انتوا كمان بالسلامه يارب
ناهد.. أمين يا لوله يلا ادخلى سلمى على قرايبك
- حاضر يماما سلام
اول ما دخلت البيت زين ناد بعلو صوت
= يجماعه يالى هنا
هلال.. حمدلله علي السلامه يبشمهند... ليلي حبيبيتي
جريت على بابا هلال حضنته جامد
هلال.. ايه المفاجأة الحلوة قوى دى وحشتنى يا ليلي
- وانت اكتر يا قلب ليلي وحشتنى وحشتنى كتير
كل إلى في البيت نزلوا وبدأت اسلم على كل ولاد عمى وباقى اعمامى ومراتهم
بابا عنده تلات اخوات ولاد غير واخت بنت وحيده عليهم
بابا حسين وهلال ومحمد وضياء وعمتو الوحيده إلى بموت فيها واتسميت علي اسمها ليلي
بابا هلال مراته لطيفه عندهم زين ونورا الكبيره متجوزة واتنين أصغر منى منار وجني
عمى محمد ومراته هناء عندهم علي وياسمين وعمرو
عمى ضياء ومراته كوثر عندهم محمود وانس
عمتو ليلي وعمو محمود عندهم عمر صاحبي وقمر اختى وحبيبتي وحاتم
دى عيلتي الكبيره جدا
بعد أقل من ساعه كان اهلي وصلوا
وفي نفس الوقت في مطبخ المنزل الكبير زوجات عمي وبناتهم
وكالعادة طبعا كنت انا البنت الوحيده الجالسه وسط أعمامي واولادهم في الديوان بجانب عمي هلال أضع راسي علي صدره واحضنه بشده خوفا من فقدانه في اي لحظه ينظر زين لي دائما خوفا من اتفوه باي شئ قبل الوقت المناسب
دخل ابى وامي المنزل وقام الجميع للترحيب بهم وفي وقت قصير جدا كانت مائدة الطعام مليئه بالكثير من الأصناف جلست جميع العائله حول المائدة وتناولوا الغدا في أجواء عائليه محبه لقلبي كثيرا هذا يضحك وهذا يتحدث عن ذكري فاتت بنات عمي يتسامرون بصوت منخفض ويضحكون ويطلبون مني انا أظل معهم مده طويله ولا اذهب بسرعه وهناك من يجلس في عالم آخر لا يأكل ينظر لصحنه بمشاعر مجرده يحمل هم مرض والده وكيف عليه أن يخبره ويقنعه بالعلاج بعد وقت انتهينا من الغدا وقمنا نحن البنات بتجميع الأطباق والقيام بلازم
حسين.. اعملونا شاي وهندخل اوضة المكتب انا واخواتي علشان هنتكلم في موضوع محدش يجي من الشباب غير زين
ضياء.. في حاجه ولا ايه يا حسين
حسين.. هتعرف دلوقتى
↚
اعملينا شاي يا قمر
قمر بنت عمتي ليلي واخت عمر
قمر.. عيوني يا خالي
في غرفة المكتب
حسين.. دلوقتى يا اخويا نت عارفه انك كبيرنا كلنا ومحدش فينا يقدر يفرض اي حاجه عليك واي كلمه بتقولها لحد فينا تمشي حتي لو مش علي هواه اهم حاجه انك طلباتك كلها تتنفذ علشان كلنا عارفين انك مش بتكون رايد غير مصلحتنا
هلال.. في ايه يا حسين لازمته ايه الكلام ده كله عاد
حسين.. ضياء انت ومحمد انا وزين والد اخوكم عايزينك تساعدينا نقنع اخوكم يسافر معانا مصر ويبدأ علاج
هلال.. علاج ليه وانا فيا ايه عاد
ضياء.. متنطق يا حسين اخوك ماله
زين.. التحليل والاشاعات بتقول ان حضرتك عندك سرطان يا بابا ولازم ننزل مصر نكشف تاني ونبدأ علاج يعني مينفعش حضرتك ترجع الخليج وشغل هناك تاني دلوقتى كفايه غربه لحد كده احنا مش محتاجين فلوس تاني خالص معانا الي يكفينا العمر كله وزياده احنا محتاجينك انت ومحتاجين حسك وصحتك لو مش خايف عليا انا ومش شايل همي انا بناتك لسه صغيرين معشوش معاك عشر سنين علي بعض كل سنتين تلاته بتنزلهم تلات شهور وترجع انا عارف انك بترفض العلاج بس علشان خاطر بنات يا بابا لازم توافق
محمد.. سرطان ازاي يا زين سرطان ازاي ايه الى عند اخوك يا حسين متنطق وتقول ان كلام الواد ده غلط
حسين.. مع الاسف يا محمد صح ولازم نسافر علشان نكشف تاني ونعرف في اي مرحله ونبدأ علاج صح
هلال بهوجا.. خلصتوا كلام خلصتوا تنظير عليا انا مش هدخل السموم دي جسمي ابدا مش هدخلها ولو هموت هموت هنا علي فرشتي مش في المستشفيات
كنا في المطبخ وسمعنا صوت بابا هلال العالي جرينا كلنا ناحيه اوضة المكتب محدش اتجرأ بفتح الباب حتي الشباب الا أنا فتحته وكلهم جم ورايا
- بابا انت هتسافر علشان انا مش همشي من هنا من غيرك وهتسافر وتبقى كويس علشاني وعلشان كل العيله الكبيره الجميلة دي بص عليهم كلهم قلقانه ازاي شايق دول كلهم مش هيبقوا حاجه من غيرك حياتك مش ليك لوحدك احنا كلنا لينا حق فيها
لطيفه.. محد يفهمني حاجه سموم ايه ومستشفيات ايه ابوك ماله يا زين
هلال.. بيقولوا عندي سرطان يا لطيفه
وضعت يدها علي صدرها بفزع... يلهوي سرطااان
وبتقول مش عايز اروح مستشفيات رجلي علي رجلك من بكره الصبح انتوا لسه بياخدوا رأيه
عايز تسيبني انا وبناتك لمين لابنك ابنك الي عقله مش فيه خلاص من ساعة ما اتنيل علي عينه وحب الي مش من توبه
هلال.. اخرسي يا لطيفه اخرسي ملهوش لازمه كلامك الماسخ ده
انا هسافر بس بشرط من غير اي هوليله حواليا هسافر انا وولدك زين ما عمه ومراته زي ما بنسافر دايما نخلص شغل ومحمود واد ضياء علشان يكون مع ابن عمه وعمه لو جرالي حاجه
لطيفه.. انا مش هسيبك لوحدك
هلال.. وانا قولت الي عندي ياما قسما عظما ما رايح حتي عياده هنا في البلد
ضياء.. خلاص خلاص يام زين الي تشوفه يابو زين الي تشوفه
محمد..متشليش هم يام زين عربيتنا كلنا موجوده في اي وقت هنعرف نكون حواليه ومحمود وزين ولاده والاتنين معاه وحسين مش هيسيبه اهم حاجه يبقى كويس الي تشوفه يا اخويا
ليلي.. طيب ياخويا خد حتي عمر كمان معاك
هلال.. عمر وعمرو كلهم وراهم مصالح والي وراه كليته يعني انا مختار محمود وزين علشان بحبهم اكتر منهم يعني ولا ايه ده علشان انا عارف ان دول الي شغلهم معايا ويعرفوا يسيبوا ويجوا عادي يقضوا مصالحهم هناك برضو
حياتكم كلكم هتمشي زي ما هي وكله واحد وراه مصلحه هيقضيها انا مبحبش عطله
ليلي عمتى.. إلى تشوفه يا اخويا إلى تشوفه كلهم تحت طوعك فى اي وقت
هلال.. اطلعي يا لطيفه جهزى شنطتى وانت يا محمود جهز حالك انت وزين عمك ومراته يرتاحوا بس من المشوار ونبقى نسافر فى نور ربنا بكره
محمود.. امرك يعمى
خلص اليوم الطويل بأن كل عيلة طلعت شقتها وانا وبابا وماما طلعنا نريح فى شقتنا علشان نرجع الصبح تانى القاهرة
في اليوم التالي
حسين.. يلا يا ليلي قومى عندنا سفر
ليلي.. حااااضر خمس دقايق بس
حسين.. انا نازل اشوفهم تحت يا ناهد صحى بتك وانزلوا علشان نفطر ونمشي
ناهد.. حاضر هنحصل انزل انت
قومى يا ليلي ابقى كملى نوم فى العربيه قومى
ليلي.. يووووه حاضر حاضر
استيقظت لبست ملابس مريحه للسفر ولملمت شعرى بعشوائيه تحت الحجاب الموضوع بعشوائيه اكثر
ناهد ... انا نازله خلصى إلى بتعمليه وحصلينى
ليلي.. وراكي خلصت اهو
ليلي.. صباح الخير عليكم
الجميع صباح النور
هلال.. يلا يا ليلى اقعد افطرى لحد ما الشباب يحطوا الشنط فى العربيات كلنا فطرنا فاضل انتى
ليلي.. يا بابا كل مره تنسي مش بحب اكل قبل ما اسفر بتعب
هلال.. نسيت والله طيب يا جني اعملى لبت عمك سندوتشين احسن تجوع فى الطريق
ليلي.. متتعبيش نفسك يا جنى انا هعملهم
انتهوا من تجهيز السيارات وذهبنا بعد الكثير من السلامات والبكاء
كان ابى وهلال يجلسون فى الإمام وانا وامي في المقعد الخلفي والسيارة الأخرى زين ومحمود
بعد عدد ساعات ليس بقصير وصلنا
أخذنا قسط من الراحة بعد مشوار السفر وذهب ابى وزين ومحمود وهلال إلى المستشفي وبدأت رحلة علاج هلال، كان يتناوبون زين وأبى ومحمود عليه في أيام المبيت كنت اذهب لزيارته كل يومين من بين حصص دروسي
مر عدد ايام ليس بقليل كانت حالة هلال لا تتحسن بل تسوء ولكن كان هناك امل في أن يعود بخير مره آخري بالمناسبه في هذا الوقت اقتربت من زين أكثر وأصبحت حتي وهو في المشفي يستقبل منى العديد من الرسائل لكى اطمئن على هلال دائما ولكن يسلك مجرى آخرى الحديث
ليلي.. محمود انت جيت
محمود.. ايوه يا ليلي زين وعمى إلى بايتين هناك النهارده
ليلي.. طيب هو لسه مش بيتحسن
محمود.. لا لا في امل بإذن الله هيتحسن قريب
ليلي.. زين عامل ايه
محمود..عامل كويس مش بتكلميه علي الواتساب دايما متساليه
ليلي.. انا بكلمه اطمن علي بابا هلال علي فكره
محمود بلؤم.. اه منا عارف بلاش تشغلي نفسك عن المذاكره يا لوله كل العيله مستنياكي تبقى دكتورة
ليلي.. ما زين مش راضي يشرحلي فيزيا
محمود.. تعالي اشرحلك انا ياستي الي عايزاه
ليلي.. بجد طيب لحظه وهكون عندك
ابتسم محمود وذهب ينتظرها في البرانده
ليلي.. أنا جاهزة
محمود.. يلا يا ستي وبدأ شرح بشكل مبسط
هافهمتي
ليلي.. انت كمان شرحك جميل يارب اكون شاطره زيك انت وزين
محمود.. بمناسبة زين بقا أيه الدنيا
ليلي.. دنيا ايه والله بكلمه علشان بابا هلال
محمود بخبث.. والله يعني علشان هلو بس
ليلي.. هو قالك حاجه طيب
محمود.. اقولك سر بس متعرفيش حتي زين
ليلي باهتمام.. قول
محمود.. زين بيحبك من زماااان وهو الي اختار اسمك لما اتولدتي هنا علشان بيحب عمتو ليلي جدا
ليلي.. زين ايييه دي لو السماء انطبقت علي الرض زين يحب الناس كلها الا أنا
محمود.. ده مش كره يا ليلي دي غيره زين بيغير عليكي مننا كلنا وانتي ماشاء الله جميلة وروحك حلوة وهو عارف ان اي حد ممكن يحبك ده غير طبعا بعد ما عرف ان عمر بيحبك بدا يتضايق عليكي اكتر وانتي طبعا فاكراه بيعمل ده كله علشان بيكرهك عارف ان فرق السن عشر سنين ما بينكم كتير اوي بس انتي دماغك وتفكيرك كويس بتعرفي تتعاملي مع كل واحد علي قد سنه
ليلي.. عمر عمر اخويا والله بجد مش بكلمه دايما غير علشان بحسه انه زي اخويا والله كلكم اخواتي يا محمود هو بس عمر الي بيسأل عني اكتر واحد حتي انا قولت لزين الكلام ده
محمود.. عمر قالي انا وزين انه هيستني لما تخلصي تالته ثانوي ويطلبك من عمي وأنا زين من وانتي في تانيه اعدادي وهو قالي انه بيحبك زين معرفش يرد عليه ولحد دلوقتى مش عارف يعمل ايه قالي انه واثق انك لو عمر أتقدم هتوافقي لأنك قريبه منه وانك بتكرهيه ودايما بتقوليه كده وهو مش عارف يتعامل معاكي حلو
ليلي.. ايه ده كله يا محمود هو انا انجلينا جولي في ايه انا لا بحب ده ولا ده
محمود.. في حد تاني يعني في دماغك
ليلي.. ابدا والله بس انا بعتبرهم اخواتي يعني حاسه اني مش هعرف اشوفهم بشكل تاني
وزين زي ما انت قولت فرق السن بيخليني حتي اخاف منه مش احترمه بس انا بخاف اسلم علي زين يا محمود من كتر ما دايما شيفاه عصبي وواخد الحياه جد وبيتعامل معانا كلنا علي أننا عيال وتافهيين
محمود.. زي الدنيا كلها فوق رأسه يا ليلي شايل العيله كلها مع ابوه وابوه مسافر دايما ورامي الدنيا كلها علي راسه من وهو صغير شايل امه وأخواته وعمتو وولاده بعد وفاة عمك محمود جوزها زين وقت غياب هلال بيكون هو مكانه متخيله الحمل عليه عامل ازاي طبيعي يشوفكم عيال وتافهيين
طب اقولك انتي عمرك فتحتي تلفون زين
انتي عارفه انك لوفتحتي تلفونه هتلاقيه حاطط wallpaper صورتك انتي وهو في عيد ميلادك الرابع وهو شايلك وانتي بتحطي من الكريمه علي وشه انتي لو رجعتي دورتي علي الصورة دي في ألبوم العيله مش هتلاقيها ولا اي صورة تاني ليكي مع زين هتلاقيها كلهم معاه هو بس
صدقيني انا مش عارف عمر بيحبك ازاي بس الي متأكد منه أن زين بيحبك اكتر من اي حد في الدنيا
ليلي.. انا كل الي في دماغي دلوقتى دراستي وبس لما اكون دكتورة زي ما الحج حسين عايز ابقى اشوف هحب مين وارتبط بمين والي بابا شايفه كويس خلاص
محمود.. عمو حسين لا هيوافق يزعل عمتك ليلي ويرفض عمر ابنها ولا هيعرف يزعل عمك هلال ويرفض زين زين اصلا مش عارف ياخد الخطوة دي ازاي فاكراه مرات عمك لما قالت لعمك هلال واحنا في البلد عايز تسيبني لمين لابنك الي خلاص من ساعه وما اتنين علي عينه وحب الي مش من توبه مرات عمك هنا كان قصدها عليكي
↚
علشان زين قبل ما عمر قولنا كان قايل لأمه نفس الموضوع هيستني لما تخلصي ثانوي ويطلب يدك وأمه رفضت وحطت وجودك قدام رضاها عنه علشان هي مش بتحب مرات عمي ناهد وبتقول عنك مصراوية ومش من توبنا زين من وقتها وهو مقاطع امه وبعد ما عمر اتكلم ندم انه ماخدش خطوة قبل ما عمر يعترفله باي حاجه
ليلي.. انا مش عارفه اقول ايه محمود بجد والله مش عارفه حتي اتصرف ازاي ساعدني انت طيب
محمود.. مش هتعملي اي حاجه هتفضلي زي ما انتي واتعاملي بطبيعتك عادي بس خلي في حدود شوية بينك وبينهم اديكي عرفتي ياستي هما مش شايفينك ليلي اختهم وبس لا كل واحد عايزاك تكوني مراته واكيد فاهمه كلامي لحدما يجي الوقت المناسب والي ليكي نصيب فيه هو الي هتاخديه
ليلي.. طيب اسكت بقا علشان ماما خلاص جت اهي وانا مش عايزاه تعرف حاجه حاجه دلوقتى
محمود.. ولا انا كمان عايز اي حد يعرف حاجه حتي عمر وزين
ليلي.. وعد والله
محمود.. حمدلله علي السلامه يمرات عمي
ناهد.. الله يسلمك يحودة رجعت امتي وابو زين عامل ايه
محمود.. الحمد لله بدا يستجيب للعلاج اخيرا والنهارده قاعدين معاه عمي حسين وزين وانا هروح بكره وهيرجع زين
ناهد.. الحمد لله يارب كنت هعدي عليه بعد الشغل والله بس خرجت متأخر ومعاد الزيارات كان خلص
اكلت ولا لسه يحبيبي
ليلي.. بصراحه معملتش اي حاجه حتي عصير خليته يذاكرلي بس
ناهد.. يارتيني سايبه روبت في البيت كان هيبقى افيد منك
عشر دقايق يمحمود بس اغير واسخنلك الاكل
محمود.. متتعبيش نفسك انا اكلت معاهم والله في المستشفي هروح بس اغير وانام شوية علشان اصحي اروحلهم بدري
ممكن بس ست ليلي تعملي كوباية شاي تقيله علشان مصدع شوية
ليلي.. عيوني والله مش بعرف اعمل غير شاي
ناهد.. خد راحتك يحبيبي البيت بيتك
عملت الشاي لمحمود ودخلتهوله وخرجت علشان اكمل مذاكراه
اليوم التالي
محمود كان صحي مشي علي المستشفي وماما علي الشغل وانا نزلت حصصي
وبعدين عديت علي هلال في المستشفي
الأمن.. حضرتك داخله لمين
ليلي.. بشمهندس هلال الدين
الأمن.. تمام اتفضلتاني ممر علي اليمين
ليلي.. شكرا
دخلت من غير ما اخبط علي باب الاوضه
ليلي بمفاجاة ... هلوووووو انا جيت
هلال.. حبيبي حبيبي غايبه عنك بقالك تلات ايام
ليلي.. انت الي كنت تعبان يهلو وانا مش بحب اشوفك تعبان وانا قاعده قصادك مش عارفه اعمل حاجه لكن محمود قالي امبارح انك بقيت كويس علشان كده جايه اقضي معاك اليوم كله
حسين.. خلصتي حصصك طيب
ليلي.. طبعا يحج سحس خلصتهم وذاكرت كتير امبارح عوضا عن النهارده لا تقلق وابقى اروح باليل مع زين مش هو مروح النهارده
زين.. اه اه محمود وعمي الي هيباتوا النهارده بابا مش عايزاني ابات تاني ياستي
هلال.. يابني روح فوق كده وارتاح شوية من نومة المستشفي من يوم ما جيت وحسين ومحمود بيبدلوا مع بعض وانت قاعد طول الشهر نفس القعده جنبي انا كويس خلاص
زين.. يارب دايما كويس يحج ربنا يشفيك يارب
محمود.. انزل اجبلكم حاجه تشربوها تشربي ايه يا ليلي
ليلي.. اي حاجه بلبن
محمود.. ماشي ياستي
وانت يا عمي حسين قهوة وانتي يا زين قهوة برضو ولا ايه
زين.. اه قهوة
محمود.. وانت يعمي هجبلك عصير من غير سكر
يلا مش هتاخر
فضلت قاعده في حضن هلال ؤ
هلال.. احكيلي بقا عامله ايه في دروسك
ليلي.. كويسه الحمد لله محمود شرحلي فيزيا امبارح شرحه حلو زي زين وزين لما يرجع معايا هستغله واخليه يشرحلي برضو انا اسمي الحقيقي ليلي مصلحه
ضحك هلال.. هما يطولوا يشرحوا للست ليلي يا ستي وبعدين زين يعز عليه يعملك اي حاجه
بصيت علي زين لقيته باصصلي بحب اول مره اركز في عينه وابقى فاهمه هو بيبصلي كده ليه منا عرفت الحقيقه خلاص
زين بحمحمه.. اه طبعا ليلي زي اختي اي حاجه تتطلبها تعز عليا
هلال بضحكه اعلي.. اختك اااه قولتلي
حسين.. مالك يا هلال مش عارف تبطل ضحك ليه
هلال.. مستكتر عليا الضحك يا سي حسين
حسين.. يارب دايما ياخويا ولو ليلي السبب ننقلها اوضتها هنا جنبك
هلال.. لولا انها في سنه مهمه انا مكنتش خليت حد منكم يبات معايا غيرها كل يوم
ليلي باست خده بسعاده
انت حبيب عمري يهلو والله حبيبي
محمود دخل المشاريب يسادة جبتلك فراولة بالبن ياست ليلي
ليلي.. بحبه ده بحبه
زين.. مين هو الي بتحبيه
محمود بضحك علي حال زين.. الفراولة بالبن ياسي زين الفراولة بالبن ركز
هلال كمان ضحك.. اكيد مش محمود يعني
ليلي بخبث.. منا بحب محمود كمان يجماعه ده كفايه انه شرحلي فيزيا
زين.. وانتي اي حد بيشرحلك فيزيا بتحبيه طب منا شرحتلك
ليلي.. طول بالك انت بس عليا وبطل تتعصب عليا وقلدت صوته وهو بيقول " ليلي اعدلي لسانك ومتنسيش فرق السن الي بينا" وبطل تشدني من شعري وعاملني كويس وانا هحبك
زين.. يعمي والله بتقولي بطل عبط اها تقولي بطل عبط
حسين.. لا لا اعملها ايه ام لسان طويل دي يابني حقك عليا تستاهل الي بتعمله فيها
هلال.. ليلي تعمل الي هي عايزاه ولو شد من شعره شديه من شعره انتي بتسكتيله ازاي انا ربيتك علي كده
ليلي بضحك.. ده بيقولي اقوله يا ابيه دنا لو شديته من شعره يدفني مكاني
هلال.. وهو يقدر تعالي يا زين كده هنا
زين باستغراب.. اجي فين يحج هتعمل ايه
هلال بتمثيل العصبيه.. بقولك تعالي هنا
زين قام من مكانه وراح قعد قدامه هو وليلي علي السرير.. اهو جيت في ايه
شده هلال من ودانه امسكي شعره يا ليلي شديه زي ما بيشدك يلا بسرعه قبل ما يستقوى علينا بسرعه
ليلي بضحك.. أشده بجد
هلال.. بقولك شدي
ليلي بفرحه.. طب انا ممكن اعضه في ايده جامد انا بحب العض اوي
هلال بضحك رجوليه .. عضي عضي اعملي الي نفسك فيه خلصي كل حقوقك
زين.. اقسم بالله يا ليلي لو عملتي كده
هلال.. ها هاااا هتعمل ايه قول كده
زين.. مش هعرف اعمل حاجه بس مش بحب العض يا ليلي شديني من شعري بس ووعد مش هضايقك تاني
محمود وحسين بيضحكوا بصوت عالي علي شكلهم ومحمود بيصورهم بتلفونه
محمود.. يلا يا ليلي علي متنازليش
ليلي بشجاعه هعض اهو أمسكت كف ايده بيديها الصغيرتان جدا مقابل يداه الضخمه واصابعه الطويله وقامت سريعا بعرز أسنانها بوحشيه في يده
زين بألم... آآآآآآه يابت العضاضه ايدي ايدي ايدي يا بابا والله العظيم بتوجع سنانها جامده
هلال.. بضحك براحتك يا ليلي عايز اشوف دم
ليلي بفرحه.. بس كده خلصت بس معرفتش ادوس اكتر من كده ايده ناشفه
زين وهو بيبص لايده بألم.. ده كله ومعرفتيش ايه مصاص دماء
ليلي.. وجعتك
زين.. لا غلبانه اوي وخايفه عليا
ليلي.. لا عايزاه اتأكد انها وجعتك علشان ارتاح
زين شدها من بلوزتها.. اقسم بالله
ليلي وهي متشعلقه في ايده.. بابا بابا يابابا الحقني
هلال بضحك علي شكلهم.. سيبه يلا سيبها والله اخليها تعضك تاني
زين.. ليه بي الطيب احسن اهي جنبك زي ما كانت
بص لمحمود وانت كمان بتصور وتضحك علي ايه
محمود.. بالله دي منظر يتساب زين هلال بيتعض اخيرا حد قدر عليك
زين.. هو انا ذئب بشري ولا ايه كلكم عايزين تنتقموا مني
ليلي بهدوء.. حقك عليا انا كنت بهزر بس وحياة هلال وانا مروحه معاك لوحدي متعمليش حاجه
زين.. ده انا هوريكي
↚
هلال.. ولا بقدر يمس منك شعره صدقيني ده بيخوفك بس
ضحك حسين.. طب يلا كفايه كده علي هلال علشان ياخد علاجه وينام وانتوا روحوا علشان زين كمان يلحق يرتاح شوية
هلال.. تلات ايام كده مش عايز اشوف وشكم انتوا الاتنين محمود وحسين معايا وانتي ركزي في مذاكرتك شوية الامتحانات قربت خلاص وانت ابقى راجع معاها الي عايزاه
زين.. إن شاء الله حاضر يلا يا ليلي
ليلي باست خد هلال.. سلام يهلو يحبيبي
هلال.. سلام يحبيبتي
مشينا انا وزين بالعربيه بتاعته
في العربيه
ليلي.. انت لسه مضايق والله كنت بهزر
زين بضحك وهو بيبص علي ايده مكان العضه الي لسه معلم
= لا ياستي هزعل ليه لو ده الي هيخليكي متزعليش مني عضيني دايما
- انا مش بزعل منك انت بس الي بتخوفني
= لسه بتخافي مني
- مش عارفه بصراحه من وقت تعب بابا هلال وانا بقيت حاسه انك بقيت حد تاني غير وين الي انا اعرفه من زمان بقيت حنين وهادي وبتهزر شوية انت زمان مكنتش بتعمل حاجه غير بتزعق وتشتمنا علشان صوتنا عالي
= صوتكم فعلا كان بيبقى عالي وصوت ضحكتك انتي بالذات بتكون عاليه
- والله انا اضحك براحتي طالما في بيتنا وبعدين كلهم ولاد عمي وبنات عمي محدش غريب يعني
= نفسي تفهمي الي حواليكي صح والله يا ليلي
- قصدك ايه
= مش قصدي حاجه تحبي تسمعي مين اشغلك حاجه
- هشغل انا افتح تلفونك
= عيد ميلادك
- ايييه
= ايه قصدي كنت هسالك عيد ميلادك امتي علشان ناسي هو تقريبا الشهر ده صح
- لا طبعا لسه في ٧ ده لسه بدري
= هاتي طيب التلفون افتحهولك
- مسكه فتحه بوشه وانا سحبته منه بسرعه قاصده علشان الحق اشوف صورتنا الي قالي عليها محمود
= ايه مالك اهدي
- ايده ده دي صورتنا انا مش بحب شكلي في الصوره دي خالص بجد انت ليه حاططها
= زين علشان كنت بحب شكل شعري في الفترة دي وطوله يعني هكون حاططها علشان جنابك مثلا انا بس الي مش لاقي صورة تاني في الوقت ده
- طبعا طبعا مفهوم هشغل كامل
= الي عايزاه براحتك
شغلة بعد الكلام
انا بصوت عالي
- بعد الكلام الي آخره سلام في ايه فاضلي مش باقى غير سهران ياليل وانتي في ضلي
فضلت أشغل اغاني كتير واتصور عليها وهو قاعد جنبي يبصلي ويضحك ويسوق بس لحد ما وصلنا
دخلنا البيت
ناهد.. حمدلله علي السلامه يولاد الاكل جاهز
زين.. هدخل اغير بس واطلع تسلم ايدك يمرات عمي
ناهد.. علي ايه يا حبيبي خد راحتك
دخلت انا كمان اغير وخرجت بمنامه بينك واسعه ومريحه وفردت شعري علي ضهري وكنت خارجه بعدين افتكرت كلام محمود اني لازم اتعامل بحدود علشان مش كلهم شايفينك اختهم بس
لبست اسدالي علي غير العاده وخرجت بيه
ناهد.. ايه كنتي بتصلي
ليلي.. اه صليت فين الاكل علشان انا جعانه
في المطبخ استني ابن عمك
ليلي...ماشي ماشي
دخلت وزين دخل ورايا واكلنا واحنا ساكتين
زين.. هتذاكري النهارده حاجه محتاجاني اذاكرها معاكي
ليلي.. لا لا ارتاح انت النهارده انا هذاكر أحياء وانجلش النهارده
زين.. تمام لو احتاجتي اي حاجه انا في الاوضه
ليلي.. شكرا يا زين
كل واحد دخلت اوضته وانا قعدت اذاكر في البرانده لحد الفجر
بعدين سمعت الاذان قومت علشان اتوضي وانا داخله الحمام لقيت زين خارج من اوضته خضني
- يخربيتك ضختني
= وانا اعرف منين ان في حد صاحي دلوقتى
- حصل خير رايح تتوضا
= اه علشان نازل اصلي
- ماشي خلص وانا ابقى هدخل اتوضي في حمام اوضتي خلاص
= تمام
اتوضي ونزل وانا صليت ونمت
صحيت تاني يوم علي صوت زين عالي في الصاله
زين.. ايه يعمي بتقول ايه بابا ماله مش سامع
ايييييه انت بتقول ايه
ناهد.. في ايه يابني طمني
خرجت زي ما انا بالبيجامه بسرعه من الاوضه ومسكت في دراع زين بخضه
- هلال ماااله هو كويس صح هاااا كويس ما تنطق تقول حاجه
بصلي زين ومسك ايدي الي علي دراعه بايده التانيه وحط ايدي بين ايده الاتنين
= اهدي يا ليلي خدي نفسك واهدي بابا...
↚
= اهدي يا ليلي خدي نفسك واهدي بابا كويس دي نتيجة التحاليل ظهرت ومش هياخد جلسات كيماوي تاني الحمد لله
مرات عمي ناهد من الفرحه صوت زغريتها رنت في المكان
وليلي بدون وعي منها حضنت زين جامد وهي بتتنطط من الفرحة
- انا فرحانه فرحانه بجد يا زين بجد
ضمها زين لحضنه بلا وعي
= وأنا أكتر يا ليلي
اخدت ناهد بالها من وضعهم فحمحمت
ناهد.. طب مش يلا نغير ونروحلهم المستشفي ولا ايه
ليلي اخدت بالها
- انا اسفه يا زين
= زين باحراج اه يلا انا هدخل اجهز
روحوا المستشفي وهلال خرج معاهم ورجعوا كلهم البيت
هلال.. ظبطلنا أمورنا يا زين علشان ننزل البلد
حسين.. لسه في شوية متابعات هتحتاج تعملها يابو زين مستعجلش
هلال.. نكمل مع الدكاترة الي في البلد البيت وحشني
فين ليلي
ليلي.. انا هنا يا بابا كنت بعمل عصير
هلال.. بالمناسبه السعيده دي نعمل شربات
ناهد.. والله اطلب اجيبه دلوقتى انت تؤمر
هلال.. اقعدي يا ام ليلي عايزكم في موضوع بعيد عن دوشه الي في البلد بيني وبينكم واهو بالمره اسمع رأي ليلي ورايكم انتوا كمان
حسين.. موضوع ايه يابو زين انت تؤمر
هلال بص لزين
زين رايد ليلي يا حسين هنقرا فاتحه دلوقتى وبعد ما تخلص امتحانات نعمل خطوبة بس في الاول نسمع رأيها طبعا
زين وليلي اتصدموا حتي ناهد
ناهد بتوتر .. ليه الاستعجال ليلي لسه صغيره يابو زين ومش وقته
نظر لها حسين بغضب فيما معناه ان تصمت أفضل
حسين.. الي تشوفه يا هلال ياخويا مش هنلاقي احسن من زين ده هو الي مربيها وهو الي مسميها كمان
هلال.. رايك وراي ام ليلي علي راسى بس انا اهم حاجه عندي اسمع رأي ليلي دلوقتى
ليلي بتوتر اكبر بأن علي ملامحها
- ا... اااانا مش مش عار..فه اقول ايه
ألقت نظره علي زين بتوتر رأت بعيونه رجاء بأن تعطي له فرصه وأنه سوف يوضح لها كل شئ فهو أيضا متفاجئ من كلام والده في هذا الوقت
هلال.. تعالي يا ليلي يا بنتي
ذهبت ليلي الي حضنه
بصي يا ليلي انتي بنتي قبل ما تبقى بت حسين والعيله كلها عارفه انتي مكانتك عندي عامله ازاي دنا بناتي بيغيروا منك علشان انتي عارفه تصاحبيني وهما لا يعني معزتك من معزت زين انا عارفه انك مصدومه ومكنتيش متوقعه ان ده يحصل بس انا بقيت خايف تجرالي حاجه في اي وقت وأنا عارف ولدي ممكن يقعد عمره كله خايف يتكلم علشان خايف من الرفض وأنا عارف ان ولدي رايدك من وانتي عندك قد ١٢ سنه كده ولا ١٣ سنه فليه لا
ليلي.. انا مكنتش اعرف ده كله زين دايما كان بيبين لي انه بيكرهني بس انا كنت بخاف منه
هلال.. هو زين ولدي لما يخاف يتفضح انه بيحب بيتعامل بغشوميه
دنا الفرحه مكنتش سيعاني لما عرفت ان زين حبك انتي انا اصلا كنت هخاف اديكي لا حد اخاف افرط فيكي
ليلي.. انا مقدره كل ده والله يا بابا وبحبك أكتر بس بس انا مش عايزاه حاجه من دي تحصل دلوقتى انا متوتره والثانويه العامه ضاغطه عليا أكتر حاسه كل حاجه جت في وقت ورا بعض تعبك وسفري وبعدين امتحاناتي الي كمان اسبوع وقلقي عليك بعدين دلوقتى بتقوليلي زين بيحبك وقراية فاتحه كتير علي دماغي ده كله والله فاهمني
هلال.. فا..
زين قاطعه.. فاهمك يا ليلي وحقك عليا أنا أنا مكنتش اعرف ان الحج ناوي يفاتحك او يفاتح عمي في الموضوع ده دلوقتى وهو مدنيش خبر انا لو كنت اعرف كنت من نفسي قولتله مش وقته خدي وقتك يابت عمي ووقت متحسي ان الوقت مناسب عرفيني او عرفي هلال صحبك علي العموم انا دايما موجود
ليلي بنظرة امتنان.. شكرا ليك يا زين شكرا انك فهمتني ومزعلتش مين
زين .. لا وازعل منك ليه من حقك ترفضي وتوافقي ده مش جواز إجباري يلا يا محمود نشغل العربيه علشان تسخن شوية يكون الحج سلم علي الجماعه
حسين.. وليه الاستعجال يا ولدي لسه بدري
زين.. معلش يا عمي علشان نلحق بس نمسك الصحراوي قبل ما الدنيا تليل علينا يلا يا محمود
محمود.. مع السلامه يجماعه نشوفكم علي خير يارب
ناهد وحسين.. مع السلامه يابني
حسين لهلال
حسين.. حقك عليا يا هلال ياخويا انت أكتر واحد عارف ليلي ودماغها والله لو سبتني انا الي اتكلمت معاها كنت هعقلها شوية بس انت الي اصريت تسمع رأيها لوحدها ليلي لسه صغيره مش عارفه مصلحتها هي هتلاقي احسن من زين فين
هلال.. ملكش صالح انت يحسين انا مش زعلان من بتي بتي لو مش عايزاه زين انا الي هرفضه بنفسي الي هي عايزاه هيكون واحنا متعودناش نغصب علي بنات حاجه علشان نغصب عليهم جوازه
بأس رأس ليلي
وهمسلها
هلال.. المصحف الي في اوضتك هتلاقي فيه حاجه دي ليكي حسين ميعرفش عنها حاجه وخلي بالك من مذاكرتك وامتحاناتك وكلميني دايما طمنيني عليكي واي حاجه تعوزيها كلميني أنا
ومتفكريش لثانيه اني ممكن ازعل منك لو رفضتي زين ابني كل الي انتي عايزاه هو الي هيكون في الاخر
باست ليلي خده وحضنته
ليلي.. شكرا او يا صاحبي الوحيد شكرا اوي يا بابا ربنا يخليك ليا
هلال.. ويخليكي ليا يعيون بابا يلا اشوفكم علي خير يجماعه مع السلامه
مشيوا من عندنا وأنا دخلت اوضتي وسيبت بابا وماما بيتخانقوا
ناهد.. انت عايزاني ادي بنتي بأيدي للطيفه وعمايلها السودة دي بتعمل أعمال واسحار وانت اكتر واحد عارف عايزاني اخلي بنتي الوحيده تعيش معاها
زين علي عيني وعلي راسي مفيش زيه بس عيبه الوحيد انه ابن لطيفه
حسين بزعيق.. عايزاني اعمل ايه يعني أرفض ابن اخويا اخويا الي لسه طالع من المستشفي انا عمري رفضة لاخويا طلب علشان اقوله ابنك مش مناسب لبتي
ناهد.. مهو ده الي مخلينا ورا كول عمرنا انك لازم تاخد رأي اخوك في اي حاجه حتي لو الحاجه دي كانت تخصنا احنا وحياتنا احنا مش هو ما تمشي بدماغك لوحدك مره يمكن نرتاح
حسين بعصبيه.. ناهد مش عايزاه اسمع صوتك وقولتلك قبل كده لو ادخلتي بيني وبين اخويا هتخربي علي نفسك الا اخويا يا ناهد الا اخويا
ليلي خرجت من الاوضه
ليلي.. بابا هو انا لو وافقت علي زين هعيش مع طنط لطيفه فعلا!!
حسين بهدوء.. يابنتي اكيد هتعيشي في بيت العيله ايوه ما كلنا عارفين ان عمك هلال مخلص لزين شقته الي فوق في البيت يعني اكيد دي هتكون شقتك برضو
ليلي.. لا لا مستحيل اعيش هناك مستحيل انا اروح هناك في الإجازات بس لكن اعيش كل حياتي هناك لا لا يا بابا مش هقدر وبعدين زين شغله هنا يجي يقعد هو هنا معانا
ناهد.. يعني انتي اصلا وافقتي علي زين وكل مشكلتك دلوقتى مع المكان بس
ليلي.. لا يا ماما بس علشان ابقى عارفه كل حاجه عن الموضوع علشان لو رفضت مش عايزاه اكون رفضت زين عايزاه اي سبب ميزعلش زين وبابا هلال مني
↚
ناهد.. جدعه يابنتي دول ولاد عمك كلهم علي عيني وراسي بس مش شبهك يا ليلي وهتتعبي معاهم
حسين.. مش قولتلك تسكتي يا ناهد تسكتي
وانتي يا ليلي مش وقته يا بابا ركزي في امتحاناتك دلوقتى وبعدين نبقا نشوف الموضوع ده
ليلي بهدوء.. ماشي يابابا انا داخله اذاكر
عدي شهر الامتحانات كان أصعب شهر في حياتي كان ضغط رهيب كنا اول دفعه في النظام الجديد ومش فاهمين اي حاجه وكل يوم أصعب من الي قبله أكتر واحد في الفترة دي كان بيكلمني وواقف جنبي كان زين
اه زين كان كل ليلية امتحانات يرن عليا ويقعد يراجع معايا شوية أساسيات ويهديني ويحاول يفصل دماغي علشان اعرف انام قبل الامتحان
اول مره كلمني قالي انسي اي حاجه اتقالت انتي دلوقتى بتكلمي زين ابن عمك انا عارف انك متوتره اوي وعارف أن ده ممكن يضيعك فاسمحيلي كل شوية ارن اطمن عليكي
وافقت طبعا لان كل كلامه صح انا كنت حاسه ان من كتر التوتر هيجرالي حاجه
كنت بخرج من الامتحان الاقي بابا مستنين بره وزين معاه علي التلفون من قبل ما اضمن بابا الاقيه بيقولي زين علي التلفون اكلم زين الاول اطمنه او اعيطله وبعدين يهديني وبعدين اروح انام
شهر كان مقرف بس احلي حاجه فيه كانت زين
كنت بدأت احبه واتعلق بيه فعلا وبدأت اشوف جانب حنيه فيه انا عمري ما شوفته قبل كده خلصت امتحانات وسافرنا اجازتنا في البلد وبالمرة ننتظر النتيجه
هلال.. ها يا لوله مفيش اخبار عن النتيجه
ليلي بتوتر.. مش عارفه يا بابا مش عارفه بجد كل شوية يقولوا بكره بكره انا زهقت حاسه اني هموت من التوتر
عمر.. بعد الشر عليكي متقوليش كده في داهيه ياستي التعليم كله
ليلي عمتها.. متجي نشغل نفسنا عن النتيجه دي خالص ونعمل حاجه احسن
ليلي.. زي اي يعمتو
ليلي بصت لهلال..بم انك كبير العيله يا اخويا وابو عمر ربنا يرحمه يارب وانت دلوقتى في مقام ابوه فأنا عايزاك تطلب ايد ليلي من حسين لابني عمر
ليلي وحسين وهلال وزين ومحمود كلهم بصوا لبعض بصدمه
لان ليلي اختهم الكبيره مكنتش تعرف ان زين طلب ايدها وهما في مصر
لطيفه بفرحه.. يالف نهار ابيض اخيرا
ناهد برضو كانت فرحانه لأنها بتحب ليلي أكتر من لطيفه وشايف ان عمر احسن
هلال.. انتي متكلمتيش معايا في الموضوع ده لوحدينا الاول ليه يا ليلي
ليلي.. هو في حد غريب وسطينا يعني يا اخويا
هلال.. مش حكاية حد غريب بس الموضوع ده ميتفتحش وسط كل العيال كده عادي المفروض كان يبقا بينا الاول
زين.. يعني هتفرق يحج وبعدين احنا مش عيال كلنا كبار متقول رايك في الموضوع
هلال نظر لابنه بانكسار فهو يعلم حاله.. الرأي مش رأي يا زين الرأي رأي ليلي
بعدها نظر لليلي بياس لانه يعلم أن ليلي متعلقه بعمر
ايه رايك يا بتي عمر ابن عمتك طالب ايدك واديكي اهو خلصتي امتحانات ومفيش حاجه تشغلك
ليلي نظرة له بصدمه ثم نظرة لزين
ليلي.. بس انا انا بحب عمر
صعق زين انتفض جسده ولولا ان محمود الذي كان بجانبه مكان تمكن من اتزانه امسك محمود كتفه وضغط عليه نظر هلال ليلي الاخر بصدمه وخيبة امل
ليلي.. بس بس في حاجه نظرت لعمر
وتقدما خطوات اليه
أنا بحبك زي اخويا يعمر انت اكتر واحد قريب مني وطول عمري شيفاك اخويا الي كان نفسي يعيش معايا علطول واشوفه دايما جنبي
اخذت زين شهيق بارتياح ونظر لمحمود بأمل
اكملت ليلي
انت الي عودتني علي ده من وأنا صغيره وانت الوحيد الي جنبي وبتسمعني وبتدافع عني وتحللي مشاكلي من وأنا صغيره وانا بقولهم انتوا مجبتوش ليا اخ زي عمر ليه فبابا يرد عليا ويقولي ما عمر بنفسه موجود ياستي بجد والله انت اخويا وانا مش هعرف اشوفك غير كده مكنتش اتمني انك تحبني ابدا بالطريقه دي كنت فاكراك زي منا شيفاك اخويا انت كمان شايفني زي قمر اختك انتوا أكتر اتنين قريبين مني في العيله كلها
انا مش عايزاه اخسرك ولا اخسر قمر اختي ولا اخسر عمتو ليلي الي ماليش غيرها انا مش عايزاه حد يزعل مني ومش عايزاه عمتو تزعل من بابا او مني
اتمني كلكم تفهموني
عمر بياس.. بس انا مش اخوكي انتي تجوزي ليا يا ليلي
ليلي.. انا فاهمه ده بس انا قلبي مش هيعرف يشوفك غير كده تعال قولي بعد ١٨ سنه عمر مش اخوكي اقلبي الدنيا وارمي ال١٨ سنه دول وحبي عمر بطريقه تاني
مش هعرف والله مش هعرف
عمر.. انا مش زعلان منك يا ست ليلي ومش هنخسر بعض ولا حاجه وانتي هتفضلي اختي واخت ليلي وبنت ليلي الكبيره كمان مش كده ولا ايه يا ليلي
ليلي عمتو.. اه طبعا طبعا محدش هيعرف يجبرك علي حاجه وملهاش علاقه بخسارتنا لبعض يابنتي انتي زيك زي قمر
ليلي شكرا يا جماعه
في نفس اللحظه وصلت رساله لزين علي تلفونه من صاحبه الي كانت باعتله رقم جلوس ليلي علشان يجبلوا النتيجه بتاعتها من الكنترول
مسك زين التلفون برعشه ايد خفيفه وبص علي الرساله من بره لقيها
ليلي حسين الدين 95%
زين بصوت عالي وفرحه... ليلي حسين الدين 95% يدكتورررة
ليلي بصدمه ... اييييييه انت دي النتيجه هي ظهرتت
هلال بفرحه... الف مليون مبروووك الف مليون مبروك
بدوا الكل يهللوا
ليلي.. اهدوا يجماعه استنوا قربت من زين بتوتر
قولت كام وريني النتيجه والله ما سمعت
زين.. اهدي اهدي اهي النتيجه 95%
ليلي بتوتر ودموع.. طب طب انا مش عارفه يعني المجموع ده هيدخلني طب طيب ولا لا طب هو كده عالي زين بالله عليك انا مش فاهمه حاجه
زين.. اه والله عالي الأوائل في ال97،98يعني 95 كويس خالص هتلحقي متخافيش والله هتلحقي
نطت ليلي من الفرحه وحضنت زين لتاني مره وباسته في خده بسرعه وسط صدمة لطيفه وناهد وعمر الباقين من الفرحه محدش كان مركز
او شايفينه رد فعل عادي
كلهم قعدوا يباركوا لليلي ويحضنوها وهلال امر بدبح عجلين وتوزيعهم حلاوة نجاح الدكتورة ليلي وحسين بفرحه.. والله حتي يابنتي لو مجبتيش طب هتدخلي الكليه الي انتي عايزاه بفلوس ابوكي كفايه عندي انا انك قدامي عملتي الي عليكي انا مكنتش مستني مجاميع كده كده كنتي هتدخلي الي عايزاه
ليلي حضنته.. شكرا ليك يا اجمل واعظم اب في الدنيا انا بحبك اوي انا عملت كل ده علشانك وعلشان اشوفك مبسوط كده انت وماما
ناهد بفرحه اكبر.. احنا مبسوطين باي حاجه انتي بتعمليها وفخورين بيكي دايما كفايه انك دايما وسطينا والله يعيوني
قمر.. الف مليون مبروك لاجمل واشطر اخت في الدنيا
ليلي .. الله يبارك فيكي يا قمر يحبيبتي
عدت ليلة نجاح ليلي وكام ليلة تاني بعديها وكانت قاعده هي ومحمود وعمر وزين وقمر قدام اللاب بيكتبوا ليها التنسيق
زين.. انا شايف نكتبلها طب اسيوط اول رغبه علشان تجي تعيش معانا هنا
ليلي.. ابدا والله القاهره عين شمس اسكندريه اكتب اسيوط الرغبه ال٤٥
عمر.. اكتبلها حلايب وشلاتين يعم دي بتغلط فينا
محمود.. لا بجد اكتبلها القاهره وعين شمس الاول وبعدين اسيوط علشان لو لقدر الله ملحقتش دول متروحش محافظه لوحديها وتجي وسطينا هنا
ليلي.. اسيوط ايه انسوووووا
تالت يوم ظهرت النتيجه وكانت الرغبه ال٥ ليلي حسين الدين كلية طب اسيوط
ناهد.. ابدا والله اعملي تقليل اغتراب انا اقدر اعيش من غيرك انا وابوكي
هلال.. تعالوا كلكم عيشوا وسطينا هنا
حسين.. مفيش الكلام ده انا عندي شغل ومصالح هناك هي هتعمل تقليل اغتراب اتقبل كان بها متقبلش اديها معاكم مفيش قلق واسبوع هي عندنا يا ناهد واسبوع احنا عندها
ناهد.. ربنا يوفقها يارب
اخر اليوم علي سطوح البيت كانت قاعده ليلي في ركنها الهادي الي محدش يعرفه في البيت غيرها بتطلع تقعد قبل الفجر لحد ما الفجر يأذن تصلي فوق وتفضل قاعده لحد ما تشوف الشروق علشان بيتهم في الصعيد عالي اوي
زين من وراها.. بتعملي ايه عندك
ليلي بفزع.. خضتني يخربيتك انت الي بتعمل ايه هنا وعرفت مكاني ازاي
زين.. انتي فاكراه مكان سري يعني انتي عبيطه انا الي كنت بقعد هنا زمان
ليلي.. ايه ده بجد
زين.. تخيلي المهم قاعده بتعملي ايه لوحدك في الوقت ده ومش خايفه
ليلي.. لا لا مش بخاف
ضحك زين علي خضتها منه.. طبعا طبعا واضح
ليلي.. علي فكره بتكلم بجد
زين.. مصدقك ياستي مقولتليش قاعده بتعملي ايه لوحدك برضو
ليلي.. بحب اقعد هنا كل يوم اريح مكان في البيت كله اصل انا عايشه طول حياتي في بيتنا هناك لوحدي فبجي هنا مش متعوده علي الدوشه فبكون عايزاه افصل دماغي حبه
زين.. تفصلي دماغك حبه يعني ايه
ليلي عملت بايده .. يعني حبه صغيرين كدهو
ضحك زين علي شكلها
فرحانه بالنتيجه ولا لسه عايزاه تحولي
ليلي.. انا بحبكم واكيد نفسي اقعد معاكم كتير بس مش دايما يعني بحب بيتنا أكتر
زين.. ومين قالك انك هتسيبي بيتكم علطول
زي ما كنتي بتنزلي اجازات هنا كل شوية اكيد هتسافر كل شوية هناك
ليلي.. نتكلم بالعقل والمنطق في حد يسيب القاهره ويرجع يعيش في الصعيد الناس بتطلع كلها فوق دلوقتى وانا هنزل تحت هعمل ايه هنا
زين.. هتعيشي معايا
ليلي بلاوعي.. ليه هنا متجي انت تعيش معايا هناك انت شغلك كله هناك هعيش انا مع مين هنا
زين بسعاده.. يعني انتي موافقه علي ارتبطنا
ليلي بتوتر.. اصل اصل قولت انك حد كويس وبنا اني كنت بكرهك ومش عارفه اعتبرك اخويا فقولت اديك فرصه تاني واجرب اشوفك خطيبي مثلا ده علي اعتبار ما سيكون يعني
زين.. اقسم بالله يعني انتي موافقه بجد
ليلي.. بس عندي طلب واحد بس اتمني متعاندش قصادي فيه علشان انا عارفه انت قد ايه عندي
زين.. قولي عشرين طلب ياستي
ليلي.. لو كان لينا نصيب مع بعض احنا هنعيش فين شقتنا الي هنجهزها من الاول هتكون فين
زين بسرعه بديهيه
الشفه الي تحت السطوح الي انتي قاعده عليه ده كل العيله عارفه انها بتاعتي وانتي نفسك عارفه
ليلي.. بس انا مش عايزاه اقعد فيها
زين.. عايزاه بيت بره يعني ابنيلك بيت جنب بيتنا هنا
ليلي.. انا مش عايزاه اعيش هنا خالص
زين.. مستحيل انتي عايزاني اسيب امي لوحدها هنا هي وابويا
ليلي.. طب منت عايزاني اسيبه لوحدهم
زين.. انتي بنت يا ليلي طبيعي كنتي هتسبيهم كده كده وانا بقولك هسيبهم لوحدهم علشان عارف ان اخواتي التانين مسيرهم يتجوزوا ويمشوا هما كمان زي نورا ساعتها مين هيراعي اهلي
ليلي.. انا هلال اشيله جوه عيني لكن طنط لطيفه مش بتحبني ابدا وانا بخاف منها