رواية اسيرة مخالبه كاملة جميع الفصول بقلم شيماء ناصر
رواية اسيرة مخالبه كاملة جميع الفصول هي رواية من كتابة شيماء ناصر رواية اسيرة مخالبه كاملة جميع الفصول صدر لاول مرة على موقع التواصل الاجتماعى فيسبوك رواية اسيرة مخالبه كاملة جميع الفصول حقق تفاعل كبير على الفيسبوك لذلك سنعرض لكم رواية اسيرة مخالبه كاملة جميع الفصول
رواية اسيرة مخالبه كاملة جميع الفصول
فهد طلع علي جناحه واول ما فتح الباب ملقاش اي اثر ليها
فهد: راحت فين دي...
لمح حتة من الفستان باينة من الدولاب راح وفتح الدولاب وهي كانت حاطه اديها علي وشها وضامه نفسها
فهد: اخرجي
خرجت وهي باصه في الارض ووقفت قدامه وشكلها بالفستان مبهدل
فهد: اي الي ملبسك الفستان قدام كبير عليكي كده
قالت بصوت ضعيف: عشان انا عروسه
فهد: ارفعي وشك عشان اشوفك
اتفجاء فهد من جمالها الطبيعي وعيونها البني الي كانت مليانه خوف
فهد: عندك كام سنه؟
=١٧
فهد: نعم؟ ده انتي بيبي خالص
=لا علي فكره انا كبيره
فهد: امم واضح روحي غيري الفستان ده والبسي اي حاجه
=حاضر
فهد: استني هو انتي في مدرسه صح كده في سنة كام
=مش في مدرسه بابا طلعني منها عشان هتجوز
فهد باستغراب: ازاي اهلك يعملو كده ويجوزوكي لواحد اكبر منك بكتير
=اسفه في الي بقوله بس عشان اهلي بيحبو الفلوس
فهد: مش معقول الفلوس تخليهم يعملو كده في بنتهم طب انتي فاهمه يعني اي جواز اصلا
=اها فاهمه
فهد: قولي كده اي الي فهماه بق
=يعني هتفسحني وهتاكلني وانا هسمع الكلام
فهد بيمسح علي وشه: لا ده انتي بيبي فعلا روحي ياماما غيري هدومك ونامي يلا
=طيب وانت هتنام فين؟
فهد: ملكيش دعوه واسمعي الكلام....
خرج وهو متعصب وراح اوضه المكتب
هي دي الي انت جوزتهالي؟
مروان: ايوا يابني مالها
فهد بعصبيه: هو اي الي مالها مش شايفها عامله ازاي دي عيلة
مروان: واي يعني يابني دي الي هتجبلي الوريث وبعدين احمد ربنا ان واحده زي دي اهلها ماعترضوش علي حاجه اول لما رمتلهم الفلوس وافقو علي طول
فهد: مش مصدق الي بتعمله فيا ده لي دبستني في عيلة
مروان بصوت عالي: لو مش عجباك ابق ارميها بس لما تجيب الواد سامع
فهد: انت قايلي ان دي ٢٥ سنه مش بنت ١٧ دي كل مفهومها عن الجواز انه فسح وبس
مروان طفاء السجاره: بص بق ١٧ ولا ٣٠ انت اتجوزتها خلاص ياريت تسمعني خبر حلو قريب
فهد خرج من عنده وهو مخنوق وراح ركب العربية ومشي من القصر
بينما البنت والي اسمها عشق غيرت الفستان ولبست ترنج وسابت شعرها مفرود وراحت تتنطط علي السرير
عشق: انا حبيت السرير ده واي كل الورد ده
معاذ: ما تفكها ياعم
فهد: سبني في حالي دلوقتي
معاذ: اول مره اشوف حد سايب عروسته وقاعد بيسهر هنا ده انت معندكش دم
فهد: عروسه اها دي نونه ابويا مجوزني عيله
معاذ: هي حلوه
فهد بص ليه نظرة ارعبتة خلته اتسحب ومشي من قدامه
صباح اليوم التاني
بتفتح عشق عنيها وشافت فهد نايم جنبها وصدره عريان... نهاااار اسود في القميص
اتفزع فهد من نومه: حصل اي
عشق غمضت عنيها : انت نايم كده لي مش لبس هدوم لي انت ممعكش فلوس تشتري هدوم يعني
فهد ببرود شد الغطاء وكمل نوم
قامت عشق وراحت تتوضا علشان تصلي وبعدها نزلت علي تحت
عشق بانبهار: واوووو اي ده ده اكبر من الشارع بتاعنا اي كل الاوض ديييي
حنان: تحبي اعملك حاجه ياهانم
عشق بتبص حوليها كل شويه: انتي بتكلميني انا
حنان بابتسامة خفيفه: ايوا تحبي اعملك حاجه
عشق: لا شكرا
حنان خدت بعضها ومشيت بسرعه علي المطبخ
..... الو مدام حور
حور: ايوا مين معايا
حنان: فهد بيه استغل انك مش موجوده واتجوز عليكي
حور بصدمة: نعمممم؟
يتبع....
↚
حور بصدمة: نعممم؟
حنان: زي ما بقولك كده
حور: انتي مين وعرفتي الكلام ده منين؟
حنان: انا حنان الشغاله ياست هانم ارجعي علي القصر وشوفي بعينك ضرتك
حور قفلت السكه وغضب الدنيا كلها اتجمع قصاد عنيها
بينما فهد كان بياخد دش وخرج وهو لفف فوطه حولين وسطه وراح وقف قدام المرايا بينشف شعره دخلت عشق بتنهج
عشق: يالهوي واخيرا ده انا تهت مرتين هنا
فهد: بكرا تتعودي
عشق حطت اديها علي عنيها لما شافت فهد
لو سمحت البس هدومك مينفعش كده
قرب منها فهد وشال اديها من علي وشها: واي الي منفعوش
عشق سرحت في عيون فهد...
يخربيت جمالك اي دههههه
فهد بابتسامة جانبيه اظهرت غمزاته
لولا انك طفله انا كنت عملت حاجات تانيه
عشق باستفسار: حاجات اي؟
فهد بعد عنها وراح يلبس...
لما تكبري هبق اقولك
لبس فهد وخد عشق معاه ونزلو تحت كان مروان قعد بيفطر
مروان اول ما لمح فهد وعشق
صباحيه مباركة ياعرسان
عشق بتهمس لي فهد بتساؤل... يعني اي صباحيه مباركة
فهد ببرود: بس ياماما ويلا اقعدي كلي
وصلت حور علي القصر والغل والحقد مالي قلبها
حور: مبروك يافهد المرصفاوي مش كنت تقول عشان احضر فرحك
فهد بياكل ومش مهتم بكلامها
مروان: حور صوتك ميعلاش طول ما انتي في بيتي
حور: هو انا كده صوتي عالي مكنتش اعرف ياحمايا
فهد بحده: اتكلمي عدل ما ابويا
حور: تمام قولي بق قصرت معاك في اي عشان تتجوز عليا مش من حقك تعمل كده
فهد قام وقفلها: حقي غصب عنك واه انتي مقصره
حور: ده انا قيدالك صوابعي العشره جمال اي وحلاوة اي وعملت اكتر من ٤عمليات تجميل عشان متبصش لغيري وبعد كل ده تتجوز عليا
فهد: انا مطلبتش تعملي كل ده انا كنت بس عايز العيل نفسي اكون أب
حور بتوتر: بس احنا اتكلمنا في الموضوع ده وقفلناه خلاص وانت مكنش عندك مانع
مروان: بس انا عندي مانع انتي مش عاوزه تبوظي جسمك وتخلفي انتي حره وابني كمان حر انه يتجوز قدام انتي حرماه انه يكون ليه عيال.....
فهد اشوفك في الشغل يابني سلام
حور: هي فين الي اتجوزتها عليا مخبيها فين خطافة الرجاله
عشق قامت ووقفت وقالت بزعل: ع علي فكره انا مش خطافة رجاله وهو الي اتجوزني
حور بدهشه بصت ليها ورجعت بصت لي فهد وانفجرت من الضحك ياربي مش معقول هي دي مراتك هي دي ضرتي والي هتجبلك الولد ده انتي كتكوته خالص
عشق راحت قدامها
انا مش هرد علي واحده شايفه نفسها زيك
حور: ياريتك تشوفي نفسك زي ما انا بعمل ده انتي قوزعه وياترا اهلك خدو كام في الجوازه علشان يرموكي الرميه دي
فهد: حورررر احترمي نفسك فاهمه وملكيش دعوه بيها
حور بتصنع وبتجز علي سنانها : حاضر ياحبيبي.... ومشيت
فهد بص لي عشق الي كانت متضايقه وخدودها احمرت
سيبك منها ومتجيش نحيتها
عشق: حاضر
فهد: يلا سلام
عشق: استنا سلام اي متسبنيش لوحدي
فهد باستغراب: متخفيش هي مش بتاكل الاطفال
عشق كشرت: طب انا اعمل اي هنا لوحدي خدني معاك
فهد برفع حاجب: اخدك معايا فين هو انا رايح اتفسح سلام ياماما
عشق بتزمر: طيب انا خايفه منها وهي طويله زي النخله كده يارب انقذني منها
حور فضلت واقفه في جناح فهد بتحاول تستوعب
ده انت كمان نيمتها علي سريري وفي اوضتي تمام قوي كده لو مكنتش اخليك تطلقها مبقاش انا حور بنت سيف الكيلاني
يتبع.......
↚
حور فضلت واقفه في جناح فهد بتحاول تستوعب
ده انت كمان نيمتها علي سريري وفي اوضتي تمام قوي كده لو مكنتش اخليك تطلقها مبقاش انا حور بنت سيف الكيلاني
عشق فاقت من شرودها علي صوت حور وهي بتزعق
حور: انتييي يازززفته
منه طلعت بسرعه: نعم ياهانم
عشق: هي بتزعق لي الاحسن اني افضل بعيده عنها
وصل سيف علي الشركه....
السكرتيره
احم سيف بيه منور.... معلش يافندم مروان بيه معاه ناس مش هينفع تدخل دلوقتي
سيف مردش عليها ودخل مكتب مروان المرصفاوي
مروان معملش اي ردت فعل عشان عارف انه هيجي
اي المفجاء الحلوه دي.... اتفضلو انتوا دلوقتي
=تمام عن اذنك يافندم
مروان ولع سجاره: اتفضل اقعد
سيف بعصبيه: انا مش جاي اقعد البت دي تطلق انهارده قبل بكره انت فاهم مش سيف الكيلاني الي يحصل في بنته كده
مروان برفع حاجب: مش هينفع تطلق دلوقتي
سيف باستغراب: لي ان شاءلله
مروان: لما تبق تجيب الحفيد الاول يبق هو يطلقها
سيف: وبنتي متجبهوش لي؟؟؟؟
مروان: والله بق اسال بنتك هي لي بقالها ٤سنين مش عايزه تخلف
سيف قعد وبنبرة صوته كلها غضب: خلاص بنتي تجبلك الحفيد وارمي بنت الكلا*ب دي
مروان: بنتك لو كانت عايزه تجيب العيل كانت عملت كده الا لو هي بتعاني من مشكله بق
سيف بحده وصوت عالي: اي الي انت بتقوله ده انا بنتي مش معيوبه ما يمكن العيب في ابنك
مروان هز راسه : معاك حق العيب ممكن يكون في فهد يبق خلينا نشوف مع العروسه الجديده العيب من مين
عشق شمت ريحة دخان فضلت تدور علي الريحه جايه منين لحد ما طلعت بره القصر وشافت هدوم متولع فيها
عشق باستغراب: اي ده؟
حنان راحت لي عشق: ده اول تحذير ليكي ياشاطره
عشق بغضب طفولي راحت قعدة في الجنينه...
انا مش حابه المكان هنا ياريت بابا يجي ياخدني
بليل........
وصل فهد علي القصر وكان حاسس بهدوء عكس ما كان متوقع دخل القصر وشاف حور نازله علي السلم ولبسه قصير فوق الركبه وضيق جدا عليها ومبين تقسيمت جسمها وحاطه ميكب تقيل
فهد طول ما هو داخل القصر بيدور علي عشق بعنيه
هي كالتها ولا اي؟.....
حور برومانسيه: وحشتني ياحبيبي
فهد: فين عشق مش سامع صوتها في القصر لي انتي عملتلها حاجه
جت عشق من وراء: انا هنا اهو
لف فهد ليها ووشها كان باين انها معيطه وزعلانه
فهد: انتي وكويسه
عشق لسه هتتكلم قطعتها حور
=حبيبي هو فين عمي مجاش لي
مروان: ابويا راح على بيت المزرعه احمدي ربنا انه مش هنا ويشوفك بالمنظر الي انتي فيه ده
حور قربت من فهد وحطت اديها حولين رقبته....
ماله منظري مش لزم ادلع جوزي برضو حبيب قلبي
فهد: ومن امتي الكلام ده؟
حور: الكلام ده من زمان انت بس الي مش واخد بالك اي رايك في الحلويات دي
عشق بقت واقفه متغاظه منها عشان ولعت في هدومها....
مش عارفه انتي شايفه نفسك حلوه علي اي شكلك وحش قوي ب2كيلو مكياج الي علي وشك ده الحاجه الوحيدة الكبيره فيكي هي راسك وبس
فهد مقدرش يكتم ضحكته ههههههه احلي قصف جبهه
يتبع.....
↚
حور بسخريه:ههه بتضحك علي اي؟
وانتي تطولي تكوني في جمالي وعودي اصلا يالي بتتريقي عليا
عشق: لا ومش عاوزه اكون لا في جمالك ولا عودك كفايه الي انتي عملتيه
فهد بشك من كلامها بص لي حور
انتي عملتلها اي؟؟؟
حور بتصنع: والله ياحبيبي انا مجتش نحيتها بلاش تظلمني
عشق: كدابه هي ح...
قطعتها حنان: جهزت اوضه ليكي جنب جناح فهد بيه ياعشق هانم
عشق: ليا؟
حور بزعل : ايوا ليكي انا الي قولت للشغاله تعمل كده شوفتي بق اني احسن منك وانت ازاي تشك فيا كده انا عمري ماازي حد.....
وسبتهم وجريت علي فوق
فهد: حوررر استني
عشق: ممكن اخد تلفونك اتصل بي بابا
فهد طلع تلفونه: حفظه رقمه
عشق هزت راسها وخدت التلفون تكتب الرقم......
فهد: خلصي المكالمة وهاتهولي انا في اوضه المكتب....
عشق بفرحه: الو يابابا
هشام: الوو مين؟
عشق: انا عشق يابابا وحشتني
هشام بدهشه: تلفون مين ده يابت انتي سرقتي حد ولا اي؟
اتغيرت ملامح عشق لي حزن
بابا انا عمري ما امد ايدي واسرق ده تلفون فهد اتصلت اطمن عليكو وحشتوني ووحشتني ماما واخواتي بابا تعال خدني من هنا ورجعني علي البيت تاني
هشام: اسمعي يابنت **** انا مجوزتكيش ليه عشان تقوليلي خدني من هنا دول دفعولي مهر فيكي انا عمري ما كنت احلم بيه انتي بس اسمعي الكلام وتقولي حاضر وبس ولو هتيجي زياره متجيش بايدك فاضيه سامعه
عشق لمحت بعنيها حد بيتصنت عليها....
وانت كمان وحشني يابابا انا هقفل دلوقتي وحاضر يابابا هخلي بالي علي نفسي سلام ياحبيبي
فهد كان بيحط فلوس في الخزنه بتاعت المكتب دخلت عشق...
احم اتفضل تلفونك....
وحطته علي المكتب وجت تمشي
فهد: كلتي ولا لسه
عشق:لا يلا تصبح على خير
فهد: كلي الاول وبعدين نامي فاهمه
عشق: حاضر عن اذنك
بينما حور خرجت من اوضة عشق بعد ما خبت فيها حاجه وراحت جناح فهد
حور بغل: جوزي الي خدتيه مني هو بنفسه الي هيرميكي بره بس اصبري
طلعت عشق ودخلت اوضتها وفضلت تبكي من كلام ابوها
حور: انت ازاي تعمل كده في حور حببتك
فهد بيقلع جاكت البدله: كله بسببك
حور راحت لفهد ومسكت ايده وحاوطتها علي وسطها وباديها بقت بتمشيها برومنسيه علي وش فهد....
نسيت حبك ليا والعشره الي ما بنا ووعدك انك مش هتتجوز غيري
فهد شدها من وسطها اكتر واتكلم بحده: حنيتك الزياده دي انا مستغربها وبعدين انتي كنت مسافره دلوقتي افتكرتي ان ليكي جوز وبيت تهتمي بيهم... وبعد عنها وراح يغير هدومه
حور: حاسه انك ماسكني من ايدي الي بتوجعني كل ده عشان الولد تتجوز عليا
فهد: فوقي لنفسك واعرفي ان الغلطه من الاول غلطتك وبعدين ابقي اتكلمي
حور بحقد: وسمحت لنفسك تتجوز واحد من دور ولادك ازاي ده انت اناني
فهد راح ومسك دراع حور بقوه
الاناني ده عارف نفسه كويس ف بلاش تفتحي في المواضيع عشان هتزعلي
يتبع.......
↚
حور: كل ده علشان بت متسواش تتخانق معايا
فهد مردش عليها وراح ينام
حور بتوعد علي تدمير عشق واهانتها
يومين بس وهخلص منها
عشق من كتر العياط نامت
تاني يوم ....
صحيت عشق بدري وراحت تاخد دش
عشق: يالهوي ازاي انسا انها حرقت هدومي البس اي دلوقتي... خدت البرنس ولبسته وربطته كويس عليها وخرجت من الحمام وشهقت لما شافت فهد في الاوضه
عشق بكسوف وخجل:انت بتعمل ايه هنا
فهد بضحك علي خجلها وشعرها المبلول الي نازل علي وشها وشفايفها الكريز: مالك مكسوفه مني لي مش انا جوزك.....
سكت فهد لما شاف وشها احمر وخلاص كده هتعيط....
احممم انا جيت عشان اقولك اني قدمتلك في المدرسه
عشق بدهشه: مدرسه بجد ب بس الاوراق جبتهم ازاي
فهد راحلها وبق بيقرب وهي بتبعد خطوه بخطوه لحد ما ضهرها لزق في الحيطه...
انا اقدر اعمل اي حاجه متشغليش دماغك بالكلام ده قدامك شهرين وتروحي المدرسه
عشق بحياء وهي باصه في الارض
طب انا عاوزه هدوم
فهد: ايوا لبس المدرسه هجبهولك
عشق حركت راسها ب النفي
ماشي بس مش ده قصدي انا ق قصدي يعني عاوزه هدوم علشان معنديش اي لبس البسه دلوقتي
فهد بابتسامة خبث وعيونه عليها بتتفحصها من فوق لتحت : يعني انتي مش لبسه حاجه دلوقتي
عشق بخوف من قربه الزياده بقت ضامه نفسها بإديها: هاتلي هدوم لو سمحت
فهد: هبعتلك لبس وانا جبتلك تلفون وسجلت رقمي فيه لو في حاجه اتصلي عليا.... وسبلها التلفون علي السرير ومشي
نزل فهد علي السلم وقبل ما يخرج من القصر
حنااان
حنان: نعم يابيه
فهد: هبعت لبس اديه لعشق
حنان هزت راسها: حاضر يابيه
مشي فهد وراح الشركه وحنان طلعت بسرعه علي جناح فهد وبتخبط علي الباب
حنان بهمس وصوت واطي: ست هانم ياست هانم افتحي
حور بتتقلب علي السرير فتحت عنيها ملقتش فهد جنبها اتعدلت علي السرير وبتمسح عنيها بنعاس
حور: عاوزه اي يازفته انتي كمان
حنان بنفس الصوت الواطي: اافتحي ياست هانم ضروري
راحت حور تفتح الباب...
اممم خير انطقي
حنان: البيه خرج من شويه وقالي انه هيبعت لبس للهانم عشق
حور بابتسامة عريضه: استني هجبلك حاجه تودهولها
فتحت حور اوضه اللبس ودخلت جابت لبس....
خدي ادلها ده وقوللها فهد بيه هو الي قالي اودهولك
حنان:عيوني ياهانم حاضر
بعد نص ساعه وصل اوردر الهدوم واستلمته حنان وبدلته بلبس تاني
عشق ارتبكت لما سمعت صوت حد بيخبط
مين؟
جنه: افتحي ياهانم...
فتحت عشق الباب وفضلت واقفه وراه عشان محدش يشوفها
جنه: ااتفضلي فهد بيه بعتلك ده تلبسيه
عشق: اخيرا هاتي شكرا.... وقفلت الباب
جنه بصت لي حنان بخوف منها
حنان:مالك خايفه لي
جنه: مش مطمنالك مش عارفه لي
حنان: طيب ياختي يلا روحي على المطبخ عشان نجهز الاكل
عشق فتحت الشنطه وطلعت اللبس وبعدها راحت قدام االمرايا اللبس عباره عن شورت جنز وتشرت بقط
عشق بصدمة: اي ده جسمي كله مكشوف كده لي ده قصير قوي هو يبعتلي حاجه زي كده لي
راحت عشق تتصل علي فهد
فهد: امم وصلك اللبس
عشق: ايوا ب بس
فهد: مفيش بس روحي البسيه ماشي يلا سلام
عشق: حاضر سلام...
↚
قفلت معاه ونزلت لتحت بقت مستغربه البس الي عليها
مراد: كده انا اخر واحد يعرف انك اتجوزت
فهد: ده انا بقيت في مشاكل بسبب كده
مراد: واكيد حور خربت الدنيا بس ده شرع ربنا
فهد: كل شويه تتخانق معايا زهقت
مراد: اومال انت فاكر اي الحاجه الي تكسر الست لما تشوف جوزها مع واحده تانيه غيرها....
واكمل بغمزه: المهم بتحبها ولا لسه
فهد بعد فهم: احب مين؟
مراد: لا انت تفوق معايا كده انا بتكلم علي مراتك الجديده
فهد: محدش لغاية دلوقتي قدر ياخد قلب فهد المرصفاوي لا هي ولا حور
مراد: طيب انا همشي علشان عندي اجتماع
فهد: متنساش انك معزوم انهارده في بيت اخوك خلص وتعال عشان نروح سواء
مراد: ماشي اخلص بس الاجتماع مع المستثمر وهجيلك
بليل♡♡♡♡♡(بقلم: شيماء ناصر)
وصل مروان علي القصر
حور: حضرتي الاكل
جنه: اه ياست هانم كله جاهز
حور: طب يلا انتي وهي حطو الاكل علي السفره
وصل فهد ومراد علي القصر
مراد: ازيك ياعمي
مروان: كل ده ومتسالش عن عمك يلا
مراد: ازاي مسألش ده انت البركة كلها انا جتلك اهو
مروان: ايوا كده قولولي بق عملته اي في الصفقه
فهد: مضينا العقد مع الشركه وهنبتدي الشغل في المشروع بكره
مراد: وانا هروح الموقع واخد معايا كام مهندس من الشركه عشان نعين المكان
مروان: تمام كده
جت حور وبنفس عادتها وجمالها وسحرها الي بيخطف الانظار.....
منور يامراد وبصت لي فهد
حمدالله على السلامة ياحبيبي
مراد: بنورك
حور: مش يلا بق العشاء جهز كلو وبعدين ابقو اتكلمو في الشغل
مروان: يلا يابني
قعدو الكل علي السفره
مروان: انده لي مراتك يابني تيجي تتعشاء
حور: ما انا هنا اهو
مروان: انا بتكلم علي مراته التانيه منة
=نعم يابيه
مروان: اندهي لي عشق تيجي
منه: حاضر
مراد بيهمس لي فهد: انا بدات اخاف عليك منها
في الوقت ده نزلت عشق وهي لبسه شورت جنز اسود وتشرت بقط وشعرها مفرود وجمالها الطبيعي الخلاب سحرت كل الموجودين
فهد سرح في جمالها اما مراد وكانه اول مره يشوف بنت
حور ملاحظه الي بيحصل ومتغاظه ومسكت راس الشوكه بايدها وبتضغط عليها
جت عشق ووقفت قدامهم
عشق: السلام عليكم
فهد فاق من شروده علي صوت مراد وهو بيرد عليها وعليكم السلام
مراد وقف يسلم عليها... انا مراد ابن عم فهد وانتي
فهد الغضب سيطر عليه لما شافها بتسلم عليه
عشششق
عشق بخضه شالت اديها وبقت واقفه خايفه
فهد: اي الي انتي لبساه ده
عشق بتوتر: انت انت الي ق....
حور بسرعه: انتي ازاي تلبسي كده ده انا معرفاكي ان في ضيف هيجي مش قولت تغيري هدومك دي عشان الضيف الي جاي واكملت بخبث وحقد
ولا عشان تغريه
عشق بخوف بصت لي فهد الي عيونه احمرت من العصبيه وعروقه برزت....
اسمعني انا بس
فهد بعصبيه وصوت عالي : امشي اطلعي فوق ومشوفشي وشك
عشق جريت علي فوق وهي بتعيط صعبت علي مراد
مراد: انتوا بتكلمو البنت كده لي ما تلبس الي هي عاوزاه دي لسه صغيره
مروان:دي تبق مرات فهد
مراد بصدمه: مراتك لحظه انتوا بتهزرو ولا اي
فهد: انا كلت عن اذنكو
حور بحب: حبيبي بس انت مكلتش حاجه
عشق ببكاء: هو يقولي البسي كده وبعدين يزعقلي وانا معرفش ان في ضيف جاي هي لي كدبت تحت وقالت كده
حور بابتسامه شر: اتقلي عليا انا مش هخليكي تتهني يوم
فهد دخل لي عشق وبعصبيه
اي الي هببتيه ده هو ده لبس تنزلي بيه
عشق بارتباك وتوتر بدات تبعد وترجع وراء
فهد بنرفزه: ما ترديييي
عشق من كتر خوفها اغمي عليها ووو..
يتبع.....
↚
عشق من خوفها اغمى عليها
فهد بخضه عليها قعد جنبها علي الارض بيفيق فيها
عشققق عععشق انتي كويسه.... بص حوليه و لمح ازازة برفان جنب السرير بسرعه جبها وقربها منها تشمها
عشق فوقييي... وبق بيضربها خفيف علي وشها
عشقق... حط راسه علي صدرها يسمع نبض قلبها اتجنن لما لاقي نبضها ضعيف جدا بالكاد قادر يسمعه قلع جاكت البدله وحطته عليها يستر جسمها المكشوف وشلها ونزل بيها
مراد: مراته ازاي ياعمي فهموني انا افتكرتها بنت اخو حور
مروان بتنهيده: هفهمك بس مش دلوقتي
حور بحقد: دي واحده من الشارع فهد حب يعمل فيها خير واتجوزها
مروان بغضب: حوررر
نزل فهد علي السلم وهو شايل عشق بين اديه تحت نظرات حور الي متخيله ان ختطها هتنجح مش مصدقه انه شايلها وانها قريبه منه وفي حضنه كده
مراد راح لفهد: حصلها اي هي كانت كويسه
فهد: اغما عليها ونبضها ضعيف
مروان: خدها علي المستشفى يلا
حور بفرحه: كده مفعوله اشتغل
مراد: هاجي معاك
مروان مسك ايد مراد: لا خليه هو يروح
خرج فهد من القصر وفتح العربيه ودخل عشق وراح ركب جنبها وساق بسرعه علي المستشفى
فهد طول الطريق بيلوم نفسه وخايف يحصلها حاجه بسببه وصل المستشفى وشالها ما بين ايده وراسها علي صدره
فهد بصوت عالي: دكتور دكتورررر ياشويه بهايم
الممرضه: حضرتك بتزعق لي؟
فهد بعصبيه: اظن انك بتشوفي صح اندهي لي اي دكتور
الممرضه بخوف من اسلوبه وصوته العالي اتسمرت مكانها
فهد: البنت مغما عليها ونبضها بيقل اتحركي هاتي دكتور
الممرضه: ها ح حاضر....
الدكتور جه علي صوته العالي
يااستاذ انت احنا في مستشفى مش في الشارع...
فهد: اعتبر نفسك مطرود من المهنه دي لو حصلها حاجه
حور بفرحه من الي شافته راحت قعدة في الجنينه
منه: تحبي اعملك حاجه ياست هانم
حور بعصبيه:غوري من وشي...
حور: امتا يجيلي خبرك بق
في المستشفى بعد نص ساعه(بقلم: شيماء ناصر)
الدكتور خرج من الاوضه: دي بنت حضرتك
فهد: لا مش بنتي
الدكتور: حضرتك عمها
فهد ببرود: جوزها
الدكتور: انا مش مستغرب الناس الي زيكو بيعملو كده في البنات وبيشتروهم بالفلوس مش علشان معاك فلوس وغني تبق تاخد عيله من مقام بناتك
حرام عليك الي عملته فيها
فهد مسك الدكتور من هدومه واكمل بحده: حصلها اي هي كويسه صح فاقت
الدكتور: البنت لسه في غيبوبه وجسمها تعبان جدا الواضح انها مش بتاكل خالص ضغطها وطي وكان يمكن تموت بسبب الماده الي دخلت جسمها
فهد لما سمع الكلمه دي ساب الدكتور
الدكتور: انا هبلغ البوليس بكده دي جريمة ق*تل
فهد قرب من الدكتور ونظراته كلها شر: حاول كده تبلغ البوليس والمستشفي دي هتطربق علي دماغك وخد بالك كويس انت بتكلم فهد المرصفاوي
الدكتور بخوف: فهد بيه انا اسف علي الي عملته مكنتش اعرف حضرتك البنت شويه وهتفوق ولما المحليل تخلص تقدر تاخدها معاك واحنا خدنا عينه من الدم نحللها ولما تطلع النتيجه هنبلغ حضرتك
فهد: ممكن ادخل اشوفها
الدكتور: اتفضل يافهد بيه
دخل فهد الاوضه وكانت عشق نايمه علي السرير زي الملاك وكان باين علي وشها التعب
عشق بصعوبه فتحت عنيها وانفاسها مش منتظمه فهد قرب قعد جنبها علي السرير ومسك اديها...
انتي كويسه
↚
عشق شدت اديها منه وودت وشها الناحيه التانيه
فهد بتنهيده غضب: ينفع الي عملتيه ده خضتيني عليكي
عشق وهي باصه الناحيه التانيه
انا مش عاوزه افضل معاك رجعني لي بابا لو سمحت
فهد باستسلام: حاضر هرجعك لما تبقي كويسه وعايز اعرف اي الي حصلك ده ولي مكنتيش بتاكلي
عشق بصت لفهد وملامح الحزن علي وشها
فهد: طيب اهدي دلوقتي وبعدين هنتكلم
مروان حط اوراق في الخزنه وخرج وشاف حور راحه جايه تبص علي الباب
=شويه وجاين بطلي تقلقي هي بقت كويسه
حور في سرها: لو عرف باالي عملته هيطلقني هي المفروض متعشي
فهد بغضب: حووورر
اتفزعت حور لما شافت فهد واقف وراها ومعاه عشق
فهد قرب وادها قلم علي وشها وقعت في الارض: عايزه تقتليها
حور فاقت من شرودها علي صوت فهد وهو بيقول لعشق علي مهلك حطت اديها علي قلبها الحمدلله وراحت تسندها...
حمدالله على السلامة قولي كان مالها
فهد: الدكتور قال شويه تعب وبس
حور بتنهيده انه معرفش حاجه: لا الف سلامه لزم تكلي كويس عنك انت انا هوديها اوضتها
خدتها وبقت بتطلعها السلم حور في سرها: عمري ما اتمنيت المو*ت لحد قد ما اتمنتلك رجعتي تاني لي لسه فيكي نفس بعد الدواء الي ادتهولك معملش مفعول لي مع انه قالي كلها كام ساعه وتموت
مراد: كان مالها
فهد: حصلها تسمم مش معروف بسبب اي خدو عينه من دمها وبيحللوها
مراد شك في حاجه: معقول تكون حور ليها ايد في الي حصلها
فهد بنفي: لا هي بتكرهها واحنا عرفين ده بس انا عارف حور كويس هي متقدرش تعمل كده
حور: ممتيش من جرعه واحده هتموتي من الازازه كلها
عشق بتعب فردت جسمها علي السرير
قولتي حاجه
حور: اانا انا بس كنت بقولك هبعتلك اكل مع الشغاله بس انتي مسمعتنيش
مروان: عملت اي
فهد قعد علي كرسي المكتب قصاد مروان....
اتسممت
مروان عرف ان حور هي السبب: طيب والدكتور قالك اي
فهد: هي كويسه دلوقتي وكتبلها علي ادويه
مروان: ان شاءلله خير انت بق اهتم بي مراتك مبالهاش غير كام يوم هنا وانت بقيت مهمل معاها
فهد: هروح دلوقتي اطمن عليها عن اذنك
مشي فهد اما مروان بعت الشغاله تنده علي حور
دخلت حور اوضة المكتب
حور: نعم يابابا
مروان: اي الي انتي عملتيه في البت ده
حور بتوتر: ع عملت اي؟ انا مجتش نحيتها
مروان بعصبيه: انا مش فهد عشان تعملي الشويتين دول عليا عملتلها اي انطقييي
حور اتخضت من صوت زعيقه:.......
يتبع.....
↚
مروان بعصبيه: انا مش فهد عشان تعملي الشويتين دول عليا عملتلها اي انطقييي
حور اتخضت من صوت زعيقه:.......
مراون: هو انتي فاكره ان فهد مش هيعرف بي عماليك السوده دي عاوزه تلبسينا مصيبه
حور: انت الي جبتها البيت وجوزتهالو طب وانا مشاعري مش مهمه عندكوا دوست علي كرامتي لما رحت تجبله عيله وكل ده عشان تجبلك الحفيد طب مهتمتش بكلام الناس عليا
مروان: هو عايز يحس انه أب بقاله كتير متجوزك وكان عنده امل من نحيتك انك هتجيبي الولد بس ازاي انتي تشيلي مسؤلية خلفه وولاد عشان كده كان لزم يتجوز ومع الوقت انتي هتتقبلي وجودها معاكي
حور: مفيش ست تقبل ان جوزها تشاركه واحده غيرها ولا تقبل تشوفه في حضن واحده تصرفاتي دي ليها مبررأت وانا مش هسكت علي كده
مروان بغضب: اخر تحذير ليكي لو حاولتي تيجي نحيتها متلوميش غير نفسك
حور بضحكة بسخريه: مش انت حمايا الي اعرفه معقول البت الي ملهاش تلاتين لزمه تغير طباعك انت وابنك ابويا مش هيسكت علي الكلام ده
مروان قام وقفلها: انتي بتهدديني
حور: مقدرش بس انا هعمل المستحيل ان البت دي تترمي في الشارع
مروان: افعالك دي الي هتلفت انظار الكل عليكي وانتي حره بس لما تطلقي بسبب عماليك متجيش تترجيه عشان ترجعي
مشيت حور من عنده بينما فهد كان في اوضة عشق
فهد: ممكن تتعدلي عشان تاكلي
عشق بعناد: هاكل لوحدي حط الاكل وسيبه
فهد: خلاص بق متزعليش مني
عشق بانفعال: لو سمحت سبني لوحدي
فهد بنفاذ صبر: انتي حره انا مش هفضل ادادي فيكي الاكل عندك اهو ابقي كلي والا مش هرجعك لي ابوكي
وسبها وراح علي جناحه اول ما دخل لاق الحناج متزين وفي ورد وشموع كتير في كل زاويه
فهد باستغراب: اي كل ده
جت حور وهي لبسه فستان سهره طويل بفتحه كبيره عند الرجل وكعب عالي كانت زي الاميره وشعرها رفعاه مبين جمال رقبتها
حور بحب: كل ده عشانك ياحبيبي
فهد: مليش مزاج للي انتي عملاه طفي الشمع ده وروحي نامي
حور: يعني اي مش عايز تسهر معايا
فهد حس انه بيتهرب منها
اكيد حابب اسهر بس عندي شغل بدري ولزم انام
حور: طب تعال ارقص معايا حتي
فهد: حور انا جاي تعبان سبيني دلوقتي
حور مردتش عليه وسحبته يرقص معاها وشغلت اغنيه رومنسيه
حور حاوطت اديها حولين رقبته وقربت جو حضنه.... فاكر الاغنيه دي ❤(سنين وانا بحلم ابق معاك سنين من عمري بستناك ولما حبيبي شوفت عنيك بقيت ياحبيبي ملك اديك ايامي معاك انا عايش عشان بهواك انا عاشق وبموت في هاواك)❤
دي كانت احلي اغنيه في عيد جوازنا معقول مش فاكر ان انهارده عيد جوازنا يومنا المميز معقول نسيت اللحظات الحلوه
فهد: اسف انا فعلا نسيت وعد مني هعوضك بكره في المكان الي انتي حابه تروحيه هوديكي ليه.... وباس راسها تصبحي على خير دلوقتي
حور بحب: وانت من اهل الخير ياحبيبي....
راح فهد الحمام وحور راحت تطفي الشموع
حور: حتي عيد جوازنا مجاش علي بالك اول ما هي جت مبقتش بتهتم بيا بس بكرا وعد مني ان اليوم كله هيكون ليا انا وبس
كان بيتقلب علي السرير مش عارف ينام وكل شويه تخطر علي باله
مراد بضيق: وبعدين بق مش عارف انام لي؟.... واتذكر ملامح عشق... ملامحها جميله جدا زي الاطفال بس فهد كان خايف عليها كده لي معقول بيحبها؟ طب وانا مالي يحبها ولا لا.....
طرد الافكار من عقله ونام
صباح اليوم♡♡♡(بقلم: شيماء ناصر)
عشق فتحت عنيها وجسمها كان كله مكسر اتفجاءت من كل الشنط المحطوته جنبها اتعدلت
عشق باستغراب: اي كل الشنط دي؟.... وبقت تجيب شنطه شنطه تفتحها وتلاقي فيها هدوم احلي واحلا....
بابتسامة: حبتهم.... وقامت تقيس كل دول
عشق بانبهار: تحفه علي مقاسي بالظبط بس مين الي جابهم
رن التلفون وراحت ترد بلهفه
الوو
فهد: عجبوكي اللبس
عشق:......
فهد بابتسامة: عارف انك حبيتيهم المهم بلاش تنطي وتفرحي كتير عشان انتي لسه دايخه يلا سلام
عشق: عرف ازاي معقول بيراقبني وحاطتلي كامرات
حنان: نعم ياست هانم
حور بنظرات كلها شر وهي حاطه رجل علي رجل... السم الي جبتيه معملش حاجه لي؟
حنان: المفروض يعمل ياهانم
حور: اه المفروض بس معملش حاجه عاوزاكي تجيبي حاجه قويه ويختفي اثارها بسرعه من الجسم لو حد شك في حاجه انتي الي هتكوني الملامه الوحيده
حنان بارتباك: ااانا
حور: متخفيش ياعبيطه مش هسيبك هقف في ضهرك بس لو الموضوع اتكشف وحد عرف تعترفي علي نفسك
حنان بتمسح عرقها: كده انا ممكن اتحب*س لا الله يخليكي ياهانم انا اعمل اي حاجه غير حوار اني ارجع احطلها س*م تاني
حور رمت قدامها روزمت فلوس
اظن ده كفيل يخليكي تنفذي المطلوب
جنه سمعت كل كلمهم وحطت اديها علي وشها
=عاوزين يقتلو الهانم....
يتبع....
↚
جنه سمعت كل كلمهم وحطت اديها علي وشها
=عاوزين يقتلو الهانم.... انا قلبي مكنش مطمن لي حنان بس توصل بيها انها تق*تل انا هعرف الهانم
عشق كانت قاعده في الاوضه بتفطر منزلتش تحت عشان لسه تعبانه
جنه: ممكن ادخل ياهانم
عشق: ادخلي
جنة بتوتر: عاوزه اقولك علي حاجه ياهانم
عشق بطيبه: انا مش هانم قولي عشق علي طول
جنة بارتباك: حاضر بصي ياعشق انا كنت تحت من شويه وشوفت حنان مع الهانم حور وبيتكلموا علي انهم يخلصو منك خلي بالك علي نفسك واوعي تاخدي ولا تشربي حاجه من ايد حنان
عشق: كنت شاكه ان الي انا فيه دلوقتي ده بسببها
جنة:هتعرفي فهد بيه صح
عشق: لا هو اكيد مش هيصدقني وهيصدق مراته
جنة: طب هتعملي اي ياعشق
عشق: خلي الكام يوم دول يعدو علي خير وانا هرجع لي بيت بابا انا مش عاوزه اعمل مشاكل عشان انا هخسر قدامها
جنة بخوف: امانه عليكي خلي بالك على نفسك ومتثقيش في حد
عشق هزت راسها ومشيت جنة
حنان بتعد الفلوس وبفرحه: دول كتير قوي
حور: ومتنسيش لو عملتي الي قولتلك عليه هتخدي اكتر منهم
حنان بلعت رقها: حاضر انا خدمتك ياست هانم
حور شاورت ليها تروح على شغلها
مشيت حنان وهي حاضنه الفلوس وبتخبيها في هدومها.... ده انا هعيش في عز لو فضلت اسمع كلام الهانم كده وراحت تخبي الفلوس في شنطة الهدوم بتاعتها
في شركة المرصفاوي
دخل مراد بارهاق: الشغل انهارده متعب
فهد: انت يالا مش بتخبط قبل ما تدخل لي
مراد: بس ياعم بق انا جاي مفرهد
فهد بفضول: اي الي حصل؟
مراد وهو ياخد راحته علي الكرسي...
ساعتين تحت الشمس وكل ما اقوله خلصت يقولي المكان كبير لزم اعين ولزم الف حولين المكان والمكان لزم يتعمل لي مدرك اي عشان ميبقاش في حته مقطوعه
خبطت السكرتيره...
فهد: ادخل.... شايف الناس بتخبط ازاي قبل ما تدخل هفضل اعلمك لي امتي!!!
مراد بضحك علي طريقة فهد: لا وانت الصادق بتعلمني قوي
السكرتيره بلهفه: جبتلك عصير يامراد بيه اتفضل
فهد سكت وبق بيتفرج علي عصفير الحب
مراد: شكرا يا يارا
السكرتيره: تحب اعملك حاجه تانيه
مراد: لا شكرا
السكرتيره: طيب عن اذنكو
خرجت السكرتيره من المكتب تحت نظرات فهد... ابو برودك يالا
مراد وهو بيشرب العصير: عملت اي دلوقتي
فهد: بق البت ملهوفه عليك وانت لا حياه لمن تنادي
مراد: مش بفكر فيها
فهد: انت حر بق بس لو عايز رايي فكر مره تانيه دي من ساعت ما جت هنا وهي باين عليها معجبه بيك بس انت جبله
مراد: يابني شايفها حد عادي مش حلوه قوي يعني عشان احبها
فهد:خليك كده سنجل انا هخلع علشان الحق اروح لي حور
مراد: هو انت بتحب عشق؟
فهد ضم حواجبه باستغراب: اي السؤال ده
مراد: عادي قولت اسال اصل انت كنت واقع قوي لما هي تعبت معقول حبتها
فهد باستغراب: لا طبعا مش بحبها انا عايز اطلقها بظلمها معايا ودي لسه طفله قدامها مدرسه وحياتها ولسه قدامها العمر كله علي ما تتجوز
مراد في سره انا بقول كده برضو طلقها...
فهد: قولت حاجه؟
مراد: ولا حاجه روح يلا لي حور وانا عندي شويه شغل وبعدين هروح الفرع التاني
فهد: طيب خلي بالك على نفسك سلام
مراد: سلام.... شكلي انا الي وقعت مش فهد
في جناح فهد ♡♡♡(بقلم/شيماء ناصر)
كانت حور قاعده قدام المرايا بتحط ميكب كالعاده بس المره دي كانت فعلا جميله جدا ولبست احلا فستان سهره وسابت شعرها مفرود ولبست عقد نفس لون الفستان
وصل فهد علي القصر وكان مروان موجود
مروان بيولع السجاره: جاي بدري لي
فهد: عشان اخرج حور
مروان: سيب حور دلوقتي وخرج عشق مراتك طالعه من تعب خدها وفسحها
فهد: بس انهارده يبق........ وسكت فهد لما شاف عشق نازله ولبسه البس الفضفاضي والخمار الي جبهولها سحرت فهد بجمالها فضل واقف متنح ليها...
متوقعتش البس هيكون حلو عليها كده
انتي راحه فين كده؟
عشق: حابه اخرج اشتري روايات واشم هواء
فهد: تعالي انا هوصلك
عشق: لا شكرا انا هروح لوحدي
فهد: ده علشان تتوهي امشي ياماما قدامي يلا
خد عشق ومشيوا علي نزول حور الي كانت مستعده للحفله الي وعدها فهد بره
حور: هو فهد لسه مجاش
مروان بضحكة سخريه: جه ومشي
حور: ازاي يمشي هو قالي انه هيخدني نسهر بره
مروان: معلش بق مراته الجديده ولزم يخرجها
حور بانفعال: نعم؟
يتبع.................
↚
حور: يعني اي يسبني ويمشي وهو عارف اننا هنخرج سوا
بعصبيه راحت تتصل عليه... مش بيرد ليييي
مروان: سبيه مع مراته شويه اديها حقها
حور بابتسامه مزيفه: حقها طبعا يابابا حاضر
مروان لحظ انها ممكن تكون اتقبلت عشق ميعرفش بنوايا حور المزيفه
مروان: الو يامدحت احجز تذكرتين لي دبي
مدحت: حاضر يافندم....
حور: خليه يخدها ويخرج وشوف انا هعمل اي دلوقتي
علي الطريق ♡♡♡
فهد: عامله ايه دلوقتي لسه حاسه بتعب
عشق: لا انا كويسه الحمدلله
فهد: عشق عاوز اكلمك في حاجه
عشق: اتفضل
فهد: اسف علي الطريقه الي اتجوزتي بيها انتي لسه قدامك حياه طويله وهيجيلك الاحسن انا عارف
عشق: يعني انت هتسبني صح
فهد: اه بس مش دلوقتي مستني فتره صغيره كده
عشق بسعاده: يعني انا هرجع اعيش في البيت واشوف اهلي وهروح المدرسه
فهد: ايوا بس غريبه انك اتجوزتي ومحدش من اهلك جه يزورك ولا يطمن عليكي انا مشوفتش حد منهم لغاية دلوقتي
عشق بحرج سكتت:......
فهد: طيب مش عاوزه تحكيلي مكنتيش بتاكلي لي
عشق بطريقه طفوليه: كنت متضايقه ومنك علي فكره عشان انت عصبي وبتزعق كل شويه
فهد: خلاص ياماما انا اسف
عشق بضيق: اي كلمه ماما الي كل شويه تقولها يعني انا مامتك اه صحيح هي فين مامتك مشوفتهاش خالص
فهد: انا ولدتي الله يرحمها من ٦سنين وانا عايش انا وبابا بس ومليش غير اخت واحده دي متجوزه وعايشه بره
عشق: الله يرحمها وعلي فكره شكلك راجل صغير اومال هما كانوا بيقولو هو راجل عجوز لي؟
فهد بضحك وغمزاته الي ضافت لمسة جمال علي جماله جذبت عشق ليه واعجبت بيه....
مين الي قال اني عجوز هما مين؟؟؟
عشق: بابا وماما قالولي كده... واه كمان قالو اني هجبله الولد
فهد بغمزه: احم ما هي المشكله انك صغيره علي الكلام ده وعقلك مش هيستوعب حاجه دلوقتي
عشق: انا مش صغيره انا كبيره
فهد: ما انا عارف بالاماره بتتفرجي علي كرتون لحد الساعه ٢بليل
عشق: استنا هنا اقف
فهد باستغراب: لي؟
عشق: عاوزه اجيب غزل البنات هات فلوس بسرعه
فهد وقف العربيه: امسكي ياستي
نزلت عشق من العربيه وراحت للمحل وجابت غزل البنات
فهد: اي كل ده هي كانت واحده وبس انتي اشتريتي المحل ولا اي
عشق: انا جبت واحده ليك والباقي ليا خد الباقي اهو
فهد بفرحه بيحاول يداريها: صبرني يارب
عشق: استنا بق متسقشي دلوقتي وامسك ويلا كل
فهد: يابت محدش بيستجرا يعمل الي بتعمليه ده فهد المرصفاوي علي اخره الزمن ياكل غزل البنات
عشق: هزعل لو مكلتوش
فهد: ماشي خلاص هاكل
↚
خلصو وبعدها وصلها تجيب روايات
فهد: خلاص كده جبتي الي انتي محتجاه
عشق بفرحه: انا مبسوطه
فهد: طب يلا انا عزمك... نفسك تاكلي اي
عشق بدون تفكير: سمك
فهد: تمام
وصلو علي مطعم ضخم دخل فهد وعشق وقعدو علي الطربيزه
عشق بفضول: هو المكان هيقفل ولا اي
فهد: لي بتقولي كده
عشق: المكان فاضي ومفيش فيه حد
فهد: ده علشان انا حاجز المكان
عشق: يعني اي حاجز المكان فاضل تشتريه كمان
فهد بضحك: لا مش محتاج هو اصلا ملكي
عشق بذهول: انت غني قوي كده
فهد: اه ياستي
عشق: طيب اطلب بق سمك جعت
فهد طلب الاكل وكانو بياكلو وصلت حور علي المكان
حور بكسره: حلو قوي كده بتحتفل بعيد جوزنا معاها قدرت تنساني معقول
فهد بدهشه: حور انا اسف نسيت فعلا استني هفهمك
حور: ايدك لو سمحت متلمسنيش متكلمنيش تاني وخليها تنفعك
فهد: حور استني... وخرج وراها
عشق: معاها حق انها تتضايق.... هو قمور برضو اي الي انا بقوله ده
حور ركبت العربيه...
فهد: حوررر..... رجع تاني المطعم
عشق: هي زعلت صح كله بسببي مش كده
فهد:لا مش بسببك كلي براحتك تمام وانا هبعتلك السواق يجي ياخدك تمام
عشق: متسبنيش لوحدي هنا
فهد: متخفيش التلفون معاكي لو حصل حاجه رني عليا
مشي فهد يلحق حور الي كانت سايقه بسرعه
حور بغيظ: ناقص كمان ياكلها في بوقها طب وانا اي هو مش انا مراته لا ده نسيني ونسي وجودي ونسي حبنا وكل حاجه لما هي جت ومش شايف غيرها بس انا بحبه هو كان ليا انا وبس ولحد دلوقتي هاخده منك والمره دي هتخرجي من البيت ج*ثه
خلصت عشق والجرسون شال الاكل سمعت صوت من وراها
=االقمر زعلان لي
عشق افتكرت انه فهد لفت وو
عشق بخوف: ده انت؟
يتبع.....
↚
عشق بخوف: ده انت؟؟؟
قرب وبابتسامه خبيثه وبعيونه بيتفحصها من فوق لتحت... متغيره قوي بقيتي احلا
عشق قامت وبدات تبعد عنه وخرجت بره المطعم
بقلق: هو السواق اتاخر لي
=معقول بتبعدي عني مش انا حبيبك
عشق: اسامه الله يخليك سبني في حالي
اسامه: لا بس حركه صايعه من ابوكي وانا اقول هي اتجوزت بسرعه كده ازاي وشكله ما صدق يقبض فيكي قرشين....
عشق سكتته بقلم علي وشه: احترم نفسك وانت بتتكلم عن ابويا
اسامه حط ايده مكان القلم واتهجم علي عشق ومسكها من فكها....
بق بتمدي ايدك عليا نسيتي نفسك يابت ال**** ولا نسيتي مين اسامه ولا علشان العز نساكي
عشق ببكاء: لو سمحت يااسامه سبني
اسامه: الو*اطي ابوكي مقدرش يلتزم بوعده ليا انا بق هوريكي انتي وابوكي...
عشق زقته: مش هتقدر تعمل حاجه عشان جوزي مش هيسيبك
اسامه: جوزك
عشق فتحت التلفون وبترن علي فهد اسامه خد التلفون وكسره في الارض ومسك عشق من دراعها
خلينا نشوف جوزك هياخدك مني ازاي
عشق بترجي: الله يخليك سبني ياناااااس الللحقوننننييي ووو.....
حور بتسوق بسرعه وفهد ماشي وراها
فهد: الو الو حور ردي
حور: مالكش دعوه بيا فاهم..... وصلت رساله لحور ان كل حاجه بقت تمام
فهد: خففي سرعتك دي...
حور ركنت العربيه فهد نزل وراحلها لقها بتعيط
فهد انزلي..... انا اسف بطلي عياط
حور راحت في حضن فهد وبدموع مزيفه.....
مفيش واحده تقبل تشوف جوزها مع غيرها لي بتعمل فيا كده هو ده وعدك ليا قولت ان ده يومي وانا صدقتك لي بتكسرني كده وانا بحبك
فهد بيبوس راسها: طب امسحي دموعك دي وبعدين اي القمر ده هو القمر ينفع يعيط برضو
حور بضحكه خفيفه: انت بتضحك عليا
فهد خدها في حضنه تاني....... لا ياقلبي لسه في وقت اني اعوضك تسمحيلي
حور:مش هنرجع غير متاخر صح
فهد: لو مش عاوزه ترجعي وتفضلي سهرانه مش همنعك وهفضل معاكي........ ومسح دموعها وقفل عربيتها وخدها معاه في العربيه
في المطبخ♡
جنة: مالك مبسوطه لي كده؟؟؟
حنان باستغراب: وانتي مالك اتبسط ولا لا
جنة: اصل شايفه في ايدك غوايش جديده جبتيهم منين
ارتبكت حنان وبان عليها الخوف: اصل اصل مش انا قبضت الجمعيه فقولت افكها واجبلي شويه دهب
جنة: جمعيه اي دي الي تجبلك الغوايش الي مغطيه ايدك دي كلها
حنان: جرا اي هو تحقيق ما قولنا جمعيه...... وسبتها وخرجت
بليل ♡♡♡♡♡
فتحت عنيها لقت نفسها في اوضه
عشق حطت اديها علي راسها: انا فين معقول انا في بيته
الباب اتفتح ودخل اسامه وهو ماسك صنيه ورد
اسامه: الليله دي ليكي ياعروسه هههههه
عشق بترجع لاخر السرير وبتضم هدومها علي نفسها اكتر........ ااس سامه مشيني من هنا ابوس ايدك
اسامه حط الصنيه علي الكرسي وبداء يفك زراير القميص ويقرب وكل خطوه وخطوه الرعب يتمكن من قلب عشق
اسامه بمكر: بق تسبيني وتروحي تتجوزي تسيبي اسامه حبيبك
عشق بشهقة بكاء: انت مش حبيبي ولا انا بحبك انا رفضتك من زمان خلاص بق سبني في حالي
اسامه قلع القميص: اه رفضتيني وبعدها بوقت قصير اعرف انك اتجوزتي طب ما انا كنت قدامك هو احلا مني في اي ولا عشان دفعلك طب ما انا هدفعلك
عشق بخوف وعياط: ساعدوننننيي ساااااعدونيييي
قرب بسرعه وشدها من رجليها وبق بيكتم نفسها
اسامه :ششش انتي تخرصي لتفضحينا بس اي العيون والشفايف دي
عشق: اممممم اممممم..........بقت بتضربه عشان يبعد عنها بس جسمه كان ضخم واقوي منها اديها جت علي ازازه برفان مسكتها وضربت*ها علي دماغه
اسامه بعد عنها: اااهععع يابنت **** يابت*****
جريت علي بره وفتحت الباب ونزلت علي تحت بسرعه خرجت من العماره
عشق: اي المكان ده اروح ازاي
اسامه نزل لبس القميص ونزل وراها والد*م سا*يل علي وشه..... ععععشششقق وووو
يتبع.......
↚
اسامه بصوت عالي: عععشششققق
الد*م كان مغر*ق وشه وبق بيمسح بالقميص
عشق كانت مستخبيه جنب العربيات....
لي مفيش ناس في الشارع معقول الوقت متاخر طب اخرج من هنا ازاي العماير كلها شبه بعض بس اكيد هلاقي حد يساعدني
اسامه شافها بتجري: عشق هتهربي تروحي فين
عشق بتجري وكل شويه تبص وراها من خوها منه لحد ما سمعت صوت عربيات
عشق: ده اكيد الطريق
وفعلا وصلت علي الطريق اول ما شافت عربيه جايه بقت بتشاور ليها
استنا لو سمحت ساعدني لو سمحت متسبنيش لوحدي.... بس مهتمش ليها ومشي
عشق بصت وراها وشافت اسامه جاي نحيتها وعيونه بطق شر
اسامه بمكر: متبقيش سذجه بق تعالي وانا هدل*عك
عشق بترجع لوراء بضهرها للطريق في نفس الوقت بيكون سايق العربيه وهو بيتكلم في الفون
=قولتلك خلاص انا هبق اتصرف لسه خارج من الشركه لما اروح بكرا هبلغ اي حد من مكتب الاداره و....فرمل مره واحده....... هتجبيلي مصيبه واقفه كده لي في الطريق
عشق من خوفها حاطة اديها علي وشها
بزعيق=انتي ياحجه اتحركي ابعدي عن الطريق
عشق شالت اديها بشويش وعنيها بتدور علي اسامه في كل حته...... مش لقياه
ل لو سمحت ساعدني
باستغراب: عشق؟
نزل من العربيه وراحلها: انتي بتعملي اي هنا
عشق بشهقة بكاء:ت تعرفني؟
=ايوا يابنتي انا مراد صاحب فهد فكراني
عشق برعشه وبتحاول تتمالك نفسها: خرجني من هنا
مراد ركبها وراح ركب جنبها وبيسوق.....
ازاي جيتي هنا؟ واي الد*م الي علي هدومك ده؟ اتعورتي من اي؟
عشق بتاخد نفس وهديت: ده مش د*مي بص... وبدأت تحكيله كل حاجه حصلت
مراد بنرفزه وعصبيه: ده عيل صايع ابن**** لزم تروحي تعملي محضر بالي حصل ده انا هتصل بفهد
اسامه: هربت مني انا اسف
=غبيي غبييي.......
عشق بفضول: هو مش بيرد لي؟
مراد: مش عارف.... اهاا افتكرت هو مع حور لحد دلوقتي
عشق: معقول هي الساعه كام دلوقتي؟
مراد: ٣ الفجر
فهد بيدور علي تلفونه
حور: حبيبي متدورش انا قفلته وسبته في العربيه اي هتتصل بي مين
فهد: مش مهم خلاص احنا دلوقتي هنروح كفايه كده
حور بمياعه: لا الجو حلو خلينا ونرجع الصبح
فهد: كفايه كده احنا تقربيا بقينا الصبح متعبتيش من الرقص
حور بحب: خلاص ياحبيبي خلينا نرجع
فهد: يلا....
علي الطريق راجع فهد ومعاه حور بعد ساعه وصل فهد علي القصر وشاف عربية مراد
فهد: هو جه لي في الوقت المتاخر ده
حور بنها وبين نفسها: يبق مراد الي لقها
مراد بعصبيه اول ما دخل فهد: رنيت عليك كتير تلفونك مقفول لي؟؟؟
فهد لسه هيتكلم اتفجاء من عشق بتجري عليه وبتحضنه....
هي بتعيط لي انا مش فاهم حاجه
عشق بقت بتخبي نفسها في حضن فهد وجسمها بيرتعش
حور بغيره من قربها منه وبتحاول تبعدها: انتي بتعملي اي اطلعي من حضنه وبلاها تمثيل
مراد بص لحور: ده مش تمثيل هي فعلا خايفه انا لقتها علي الطريق
فهد ضم عشق لي اكتر واكمل بحده: يعني اي لقتها علي الطريق انا قايل للسواق يجبها...... محممممد انت يازفت
دخل جري: نعم ياباشا
فهد:انا كلمتك تروح تجيب عشق اي الي حصل اننططققق
محمد بارتباك: اناا ووصلت علي المكان وملقتهاش دورت عليها وسالت الي كانوا موجودين في المطعم قالو انها راحت مع واحد.....
حور بدهشه: واحد يعني اي بتخون جوزها وياترا عملتي اي انتي وهو يخلي في د*م كده علي هدومك
مراد شاور لي محمد يمشي: بلاش تشكي في اخلقها البنت كانت في طريق مقطوع وكانت بترتعش من الخوف
كل ده وفهد مش مستوعب الكلام الي بيتقال عليها
حووررر اسكتيي
حور: بتسكتني انا اسال الي كانت بايته مع راجل غريب طول الليل وراجعه متاخر كانو بيعملو اي
عشق خرجت من حضن فهد: متصدقش كلامها
حور: لو مش عايز تصدق كلامي يافهد متصدقش بس هتقدر تكدب الد*م الي علي هدومها
عشق بعدم فهم من كلامها بصت لي فهد: الد*م ده بسبب اني دفعت عن نفسي وضربته هو كان خطغني صدقني
مراد: كلامها صح
فهد بعد عنها: معاكي دليل علي كلامك ده
عشق: عياطي وخوفي ده اكبر دليل هو خطفني وانا كان مغمي عليا ولما ضربته عرفت اهرب
مراد فهم الي بتحاول حور تعبيه في دماغ فهد مسك اديها... عشق تعالي معايا
عشق: لا انا مع فهد..... انت مصدقني صح
حور بحقد: الي تفضل بره البيت مع راجل غريب لحد نص الليل وترجع وهدومها عليها د*م يتسما اي يافهد
عشق بعدم فهم: يعني اي كلامك؟! انا بقولكو كان خاطفني
حور: سيبك من فهد هو فعلا مصدوم منك وانا كمان ازاي تعملي في جوزك كده
عشق بصت لي حور: انا عملت اي؟ صدقني انا كنت مخطوفه ومراد ساعدني ارجع
مراد مسك ايد عشق: تعالي معايا يلا ملكيش مكان في البيت ده طول ما هما شكين في اخلاقك
عشق: لا يامراد فهد مصدقني
فهد: اطلعي بره و ورقتك هتبق توصلك لما اطلقك
عشق بعياط: تطلقني انت قولت مش هتسبني
حور: ما تبطلي دموع التمثيل دي مش كفايه المصيبه الي عملتيها
مراد لي فهد:طلقها ولما تبق تعرف الحقيقة مش هخليك ترجعها تاني...... وخرج ومعاه عشق الي كانت مستغربه الي حصل وان فهد سابها تمشي كده وووو
يتبع...........
↚
مراد لي فهد:طلقها ولما تبق تعرف الحقيقة مش هخليك ترجعها تاني...... وخرج ومعاه عشق الي كانت مستغربه الي حصل وان فهد سابها تمشي كده
حور بفرحه: هو ده الكلام لزم تطلقها دي واحده منعرفش اصلها من فصلها عشان تثق فيها وتصدق كلامها وكماا.....
فهد سابها وطلع علي جناحه بعصبيه بق بيكسر كل حاجه حوليه
فهد والغضب متحكم فيه: انا كنت واثق فيها هي لي تعمل فيا كده
حور بسعاده راحت تقفل بوابة القصر....
واخيرااا خلصنا منها مبسوطههه
فهد بعصبيه مسك تلفونه فتحه وكانت في مكالمات كتيره من مراد قفل التلفون ورماه
دخلت حور الاوضه وبدهشه: اي الي عملته في الاوضه ده؟ انت كويس
فهد عروقه وعضلاته برزت اكتر بسبب الغضب...
كويس
حور راحت قعدت جنبه علي السرير...
حبيبي البت دي متستاهلش انك تزعل عليها
فهد: انا متضايق اني وثقت فيها
حور بخبث: حتي الثقه هي كسرتها لما راحت مع واحد معقول مفهمتش الصح من الغلط وخنتك الحمدلله ان حققتها بانت من الاول
فهد: كويس اني عرفت حققتها من دلوقتي
حور: وعد ياحبيبي انا الي هجبلك الولد وهيبق حته مني ومنك وقريب ان شاءلله افرحك بخبر حملي
فهد بخنقه: ان شاءلله
حور راحت تغير هدومها... فهد بق بيمسح علي وشه بضيق
فهد: شكلها وملامحها رقيقه قوي طفله ازاي يطلع في سواد وراء وش وجمال زي كده
مراد سايق العربيه: اي ياست البنات ساكته لي؟
عشق:......
مراد: ممكن تتكلمي معايا
عشق:وديني علي بيت بابا
مراد بعناد: لا طبعا ارجعك ازاي ومنظرك كده انتي مش شايفه شكلك عامل ازاي هدومك متبهدله
عشق مسحت دموعها: اومال انا هروح فين؟
مراد انتهز الفرصه: هخدك عندي انا هسبلك الشقه وهنام في شقه اخويا
عشق: شكرا يامراد انا تعبتك معايا وديني عند بابا وبس
مراد: مفيش منه الكلام ده لما تبقي كويسه هوديكي مينفعش حد يشوفك بالمنظر ده
عشق بتساؤل: طب يعني اي الكلام الي حور قالته عني ده؟!!
مراد بجديه:احم هي شاكه في اخلاقك وانك بنت مش كويسه
عشق: طب وانت مصدقني صح
مراد بلهفه: ايوا طبعا مصدقك وواثق في كلامك بس عايز اسالك سؤال وتردي عليا ضروري
عشق: اتفضل قول
مراد بتردد: احمم هو فهد يعني قرب منك
عشق: يعني اي؟
مراد: هو انتي عندك كام سنه
عشق: 17
مراد: ماما فهمتك يعني اي جواز
عشق: قالتلي اسمع الكلام واخلي بالي علي نفسي وهو هيفسحني واقوله حاضر علي اي حاجه
مراد بارتياحيه: هههههوف كويس انا كده فهمت
عشق: هو اي الي كويس؟
↚
مراد: لا ولا حاجه بس انا مبسوط
عشق باستغراب: مبسوط ازاي وهو هيطلقني
مراد: لا انا قصدي اني مبسوط علي حاجه تانيه هبق اقولك بعدين وبخصوص ابن الوس*خه ده متشغليش دماغك بيه انا هتصرف معاه..... وصلنا ياست البنات يلا انزلي واستني هركن العربيه وهاجي
عشق: حاضر... نزلت عشق ومراد ركن العربيه
مراد: اتفضلي
مراد طلع مع عشق الشقه وفتحلها الباب
اعتبري ان الشقه شقتك وده مفتاح الشقه
عشق باستغراب: انت بتثق فيا؟
مراد: طبعا بثق فيكي لو عاوزاني اعمل اي حاجه علشانك انا مستعد
عشق بخجل من تصرفاته بصت في الارض... شكرا يامراد
مراد: اعتبريني اخوكي وصحبك ولو احتاجتي لي اي حاجه في تلفون عندك وهكتبلك رقمي لو عوزتي حاجه
عشق خدت منه الرقم: تمام متشكره ليك يامراد انت حد كويس
مراد: ممكن اخر حاجه بس قبل ما اطلع
عشق: طبعا
مراد: متفكريش في اي حاجه غيري هدومك ونامي انتي محتاجه تنامي يومك كان طويل
عشق بحزن: حاضر
مراد: تصبحي على خير ياست البنات
عشق بابتسامة: وانت من اهل الخير
طلع مراد علي الشقه وعشق قفلت الباب راحت تغير هدومها ولبست ترنج
عشق بدهشه: واووو كبير قوي الترنج ده اي الكم ده كله.....وافتكرت الي حصل معاها... معقول الي حصل انهارده ده ولا ده مجرد كابوس وبس هو فعلا هيطلقني بس انا بدات احبه
مراد: الحمدلله اني جيت في الوقت المناسب والا مكنتش هلحقها من الحيو*ان ابن******..... مسك تلفونه بايد والايد التانيه بيفك زراير القميص
شد التلفون وفتحه: خير ملاحظ الساعه كام
مراد: لا وبعدين هي مش الشرطة في خدمة الشعب ولا هما غيروها
امجد: والشرطة دي مش من حقها تنام ولا اي
مراد: كلها ساعه وهتروح علي الشغل احنا هنستعبط بق
امجد: يارب انجز متصل لي عامل مصبيه ولا اي
مراد: هبعتلك اسم حد وعنوانه تقبض عليه وتخليه عندك لحد لما ابق اجي
امجد: وده هبب اي؟
مراد: خطف وتهديد
امجد: طيب لما اقبض عليه هعرفك
مراد بجديه: ضروري تقبض عليه سامع
امجد اتعدل علي السرير: الموضوع مهم بق اعتبره بق تحت ايدي
مراد: تمام تصبح على خير سلام
امجد: سلام
مراد رما القميص وطلع علي السرير من تعبه ونام
فهد كان قاعد علي الشزلونج مش عارف ينام وحور كانت في سابع نومه
فهد: كان معاها حق انا فعلا معرفش البت دي كويس انا ازاي اهتم بيها واهمل مراتي الي بقالي سنين في بنا عشره......
وراح علي السرير جنب حور وبق وبيملس علي شعرها وخدها في حضنه
اسف اني كنت بهتم بواحده مش عارف هي جايه منين
بينما عشق كانت كل شويه بتتقلب علي السرير ومن خوفها نايمه والنور قايد وضامه نفسها
و....
يتبع....
↚
بينما عشق كانت كل شويه بتتقلب علي السرير ومن خوفها نايمه والنور قايد وضامه نفسها...
صباح اليوم....
عشق بعد تردد مسكت التلفون واتصلت علي هشام..... الو
هشام: مين؟
عشق بخوف: ده انا يا بابا عشق
هشام بزعيق: عاوزه اي
عشق: عاوزاك تيجي تخدني
هشام: نعم ياروح امك يعني اي اجي اخدك!!؟
عشق: علشان جوزي هيطلقني
هشام: ليي هببتي اي؟؟؟ انطقي يابنت الك*لب
عشق ببرود: انا معملتش حاجه وخلاص كده انا عاوزه ارجع اعيش في بيتي مع اخواتي
هشام: بيتك مين يام بيت انا مش حمل مصريف حد كفايه اخواتك وامك الدنيا غليت روحي حبي علي ايده ومتخلهوش يطلقك
عشق: لا وانا مش عاوزاه كفايه بق اهانه وذل كل ده علشان هو واحد غني انا عندي كرامة
هشام: كرامتك دي مش هتعيشك انتي واهلك لاخر مره متفكريش تكلميني فاهمه ومفيش حاجه اسمها تسيبي جوزك
عشق: يابابا اسمعني اا..... الو بابا
في المكتب.....
جنة: اتفضل القهوه يابيه
مروان شافها لسه واقفه: في حاجه ولا اي
جنة بارتباك: ك كنت عاوزه اقولك حاجه يابيه
مروان: خير
جنة: انا سمعت الي حصل للهانم الصغير وانا مصدقاها هي معملتش حاجه
مروان بعدم فهم: اي كلامك ده حصلها اي
جنة: معقول متعرفش الي حصلها
مروان بنرفزه: ماتنطقي يابت
دخل فهد.... امشي انتي
جنة: حاضر يابيه عن اذنكوا
قعد فهد قدام مروان الي مش فاهم حاجه
مروان بتساول: اي الي حصل لي مراتك
فهد ببرود وثبات انفعالي: هطلقها
مروان: انا قولت لما تبق تجيب الولد ابق طلقها
فهد: خانتني وكسرت ثقتي فيها وانا هطلقها وهسبها وانا لحد دلوقتي ممدتش ايدي عليها
مروان بحده: متفكرش انك لما تسبها هتعرف تجيب الولد
فهد: حور هتجيب الولد
مروان: حور لو كانت عاوزه كانت من زمان جابتلك ولد واتنين هي مش قد المسؤلية ولا قد الخلفه دي عايشه بس لخروجتها وسهراتها
فهد:لو علي الولد في حور الي هتجيبه علي الاقل عرفين اخلاقها وهي تبق بنت مين من ساعت البت دي ما جت وانا مشوفتش حد ليها وكانهم اتبرو منها
مروان: انت.....
فهد: لحظه يابابا الوو.....
السكرتيره: الاجتماع هيبدا بعد ساعه يافندم
فهد: جاي...... عن اذنك يابابا وهنكمل كلمنا بس البت دي هتطلق
↚
...............
=هو ده بيت فهد المرصفاوي
البواب: ايوا عاوز مين فيه؟
=فهد بيه كان طالب ان التحليل توصله علي البيت
البواب: طيب هات التحليل
خد البواب التحليل ودخل جوه
=بت ياحنان
حنان: نعم خير بتنده عليا لي
البواب: ادي التحليل دي لي فهد بيه
حنان: حاضر
خدت حنان التحليل وراحه اوضه المكتب بس وقفت لحظه استيعاب لما شافت اسم عشق علي التحليل راحت بسرعه علي حناج فهد
حنان: ست هانم انتي جوه
حور بزعيق: عاوزه اي
حنان: في تحليل وصلت باسم عشق من المستشفى البواب اداني الظروف وقالي اديه لفهد بيه ولما انا شوفت عليه اسم عشق جتلك جري
حور خدته منها بسرعه: وطي صوتك هتجبيلي مصيبه فهد في الحمام
حنان بهمس: اسفه والله افتكرته في المكتب التحليل معاكي اهي انا همشي
مشيت حنان وحور لسه بتبص علي الظرف فهد نده عليها حور ارتبكت ومن خوفها راحت خبطه في الدولاب
فهد خرج من الحمام: انا مش بنده عليكي
حور بقلق: مسمعتكش
فهد رايح يفتح الدولاب عشان يلبس وقفت قدامه حور
حور: ااا استنا انا هجبلك بدلة علي ذوقي
فهد لف وراح يلبس القميص........ حور بسرعه خدت الظرف وحطته تحت هدومها
فهد لبس البدله وخرج......
حور راحت بسرعه تفتح الظرف وتشوفه.... بصدمه لما عرفت ان مكتوب في التحليل انها متعرضه لتس*مم
حور: نهار اسود اي ده هما عرفو ازاي انه تس*مم الزفته قالت ان الماده مفعولها بيروح من الجسم بعد وقت صغير
مش لزم فهد يعرف حاجه......... وقطعت التحليل وجمعتهم ورمتهم في الزباله.........
الغلطه دي مينفعش تتكرر تاني والا هو هيرميني بره البيت
في القسم♡♡♡(بقلم/شيماء ناصر)
=تمام يافندم احنا رحنا علي المكان وملقيناش الولا دورنا عليه وعرفنا انه هرب لما حس ان الحكومه بتدور عليه
امجد: طيب روح انت
=تمام يافندم
امجد اتصل علي مراد
مراد: قول انك مسكته
امجد: هرب مننا
مراد بعصبيه: هو كده ممكن يكون في خطر عليها صح
امجد: اكيد قدام احنا مش عرفين هو هرب فين في هو ممكن يدور عليها ويحاول يخطفها تاني
مراد: طيب سلام
مراد بيتصل بي عشق بس هي مبتردش......... هي مبترودش ليه معقول يكون حصلها حاجه
يتبع......
↚
عشق: حاسه بخيبة امل ابويا الي هو ضهري وسندي سايبني لوحدي ومش عايز يشيل مشاكلي الي بقت حمل عليه.....
حتي فهد كانه مصدق يرميني لي محدش بيحبني كده
في مكتب مراد♡
يوسف: جرا اي يابني مستعجل علي اي
مراد: مشوار في السريع وجاي
يوسف وقفه: مشوار اي والاجتماع هيبدا بعد نص ساعه
مراد حط ايده علي المكتب: انا نسيت فعلا الاجتماع
يوسف: مينفعش تسيب المستثمرين وتمشي مروان بيه مش هيجي هو معتمد عليك وعلى فهد
مراد باستسلام: تمام
التلفون رن.... بلهفه الوو
عشق: رنيت عليا محتاج حاجه
مراد: انتي كويسه
عشق: ايوا
مراد: اومال مكنتيش بتردي لي
عشق: كنت بصلي
مراد: اقفلي باب الشقه كويس ومتفتحيش لحد فاهمه
عشق بفضول: لي؟
مراد: اسمعي الكلام وبس
عشق: حاضر سلام...
قفل مراد ورفع عينه وشاف فهد واقف قدامه
فهد: روح علي شغلك يا يوسف
يوسف: حاضر....
فهد: مكنش في داعي تاخد عشق عندك
مراد طلع سجاره وولعها وينفخ بضيق...
اومال عايزني اسيبك ترميها في الشارع
فهد: الشارع اهون عليها من الي هعمله انا فيها
مراد: متخليش حور تعبي دماغك بكلام محصلش انا بلغت عن الولا ولما عرف ان الحكومه بتدور عليه هرب.... برايك انت لو هو مش عامل مصيبه هيهرب لي؟
فهد: تمام انا هديها فرصه بثبتلي ان.....
قطعه مراد: هي مش هتثبتلك حاجه طلقها وبس
فهد: هطلقها مستعجل علي اي معقول هي عجباك
مراد بعصبيه: فهههددد
فهد: انا هبعت سواق يجبها علي البيت وشكرا للي عملته معاها
مراد باعتراض: لا طبعا
فهد: دي لسه مراتي وانا حر فيها
مراد: ده بعد ما شكيت في شر*فها وبعت ما حور حرضتك عليها وقالت كلام زي الس*م
فهد: افهم يابني وصلتني رساله من الدكتور ان التحليل الي عشق عملتها طلعت وراحت علي البيت
مراد باهتمام: دي تحليل الد*م الي قولت عليه
فهد: ايوا متعرضه لت*سمم
مراد: اسف في ال بقوله بس مفيش غير حور ومتنكرش
فهد: مش عارف بق عشان كده عايز ارجعها البيت وتفضل تحت عيني علشان الي حاول يس*ممها هيرجع يعمل كده
مراد: طيب خد رايها انا من ساعت ما جبتها وهي ساكته ومش عاوزه تتكلم معايا دي كلمت ابوها عشان ياخدها
فهد: وقال اي
مراد: بيقولها روحي حبي علي ايده ولو طولتي تبوسي رجله عشان ميطلقكيش اعمل كده
فهد باستغراب: اي الراجل ده؟ دي بنته من لحمه ود*مه ازاي يطلب منها تذل نفسها كده
مراد.... اتفضل
دخلت السكرتيره وهي باصه لي مراد بحب
=احم الاجتماع بدا اتفضلو والمستثمرين موجودين في اوضه الاجتماع
مراد لي فهد: يلا
في القصر ♡♡♡♡
جنة: زي ما بقولك كده ده الي حصل
منه: ياخرابي بس الست هانم الصغيره متعملش كده منه لله الي عايز يعملها مصايب
جنة: مشوفتيش حالتها كانت عامله ازاي قطعت قلبي من كتر عياطها والست هانم حور مسكتتش فضلت تشجع البيه يطلقها
منة: ربنا ينصرها علي الظلم ده
جنة: امين يارب........
=الو يامدام انا هربت
حور بنزفزه وصوت واطي جدا: انت متخلف بتكلمني ليي؟
=عشان انا محتاج فلوس ياابله
حور بهمس:ابله ده انت بيئه ما انا دفعلك
=لا ياست الكل خلصو وخدي بالك وانتي بتتكلمي معايا انا ممكن اروح افضحك
حور بعصبيه: لو عملت كده هتفضح نفسك معايا متفكرش انك تلوي دراعي فاهم انا انهيك من علي وش الدنيا
=لتكوني مفكره اني هخاف اسامه مبيخفش من حد ولا حتي انتي لولا انك ست انا كنت قولتلك الفاظ ***** تليق بي المزه
حور: احترم نفسك ياك*لب وفلوس مش دافعه واعلا ما فخلك
=تمام انا هوريكي اسامه هيعمل اي سلام ياموزتي ههههههه
يتبع........
↚
بعد ما خلص الاجتماع.....
فهد بعصبيه مسك تلفونه ورن علي السواق
=روح علي شقه مراد وخد عشق ورجعها علي القصر
-حاضر....
مراد باستسلام: انا رايح على مكتبي لو احتاجتني عن اذنك....
فهد بتفكير:ازاي التحليل توصل علي البيت وانا معرفش
عشق اتخضت لما سمعت صوت الخبط علي الباب
م مين؟...
=افتحي ياست هانم انا عادل السواق فهد بيه بعتني ارجعك القصر
عشق: طيب لحظه هلبس واجي...
راحت عشق تتصل علي مراد
مراد: اممم
عشق: فهد باعت السواق يرجعني
مراد: عارف
عشق باعتراض وتكشير: مش عاوزه ارجع معاه
مراد: معلش فتره صغيره وهو هيطلقك اسمعي الكلام
عشق بعصبيه: وانا قولت مش عاوزه ارجع ومش هذل نفسي ده بيشك فيا ده واحد مغرور ومتكبر وصوته عالي مش بيعرف يوطي صوته وعلي طول شكله عصبي حتي وهو بيضحك..... بتلف وبتكمل.... هو كمان بيزعقلييي....
مراد بضحك: ههههه والله مش هنكر كل ده معاكي حق بس اسمعي الكلام ماشي انا هقفل دلوقتي خلي بالك على نفسك سلام...
مراد بتنهيده: مالك يامراد وقعت ومحدش سما عليك ولا اي
عشق بلعت رقها وقفلت التلفون لما شافت فهد......
دخلت ازاي؟
فهد كان قاعد وحاطت رجل علي رجل وفي ايده سجاره....
بق انا مغرور
عشق بارتباك وفرك في اديها: الا لا الكلام مكنش عليك....
فهد قام قرب ليها: روحي البسي هدومك عشان هتيجي معايا
عشق هزت راسها بالنفي: مش هاجي انت مكنتش مصدقني ولا بتثق فيا وانا مش عاوزه افضل معاك طلقني وسبني في حالي
فهد بغضب بيحاول يداريه: ههطلقك بمزاجي مش بمزاجك فاهمه امشي يلا غيري هدومك
مشيت عشق وفهد بضيق بيمسح علي شعره وافتكر كلام ابوه
فلاش باك.....
فهد: الو يابابا
مروان بامر: مراتك تجبها معاك فاهم
فهد بغضب جحيمي: مش هرجعها دي واحده ر...
مروان ببرود: فهد انا كلامي يتنفذ ومش هكرر كلامي تاني سلام...
باك....
عشق جت وقفت قدامه وهي باصه في الارض
فهد ضم حواجبه بفضول: بتبرطمي بتقولي اي عالي صوتك سمعيني
عشق بتكشير: متكلمنيش
فهد: نعم؟
ومشيت من قدامه ونزلت علي تحت نزل فهد وراها وركبو العربيه
عشق: علي فكره انا مكنتش عاوزه اجي معاك بس انت الي اصريت ولحيت عليا كتير ع علشان كده رضيت عليك وجيت
فهد ببرود مردش عليها واتجاهل كلامها وساق وهو ساكت
عشق: واحد بارد.... لسه هيتخانق معاها...
ق قصدي الجو بارد يعني...
عند مراد الي كان سرحان وبيتخيل ملامح عشق
=احم حضرتك طلبتني يافندم
مراد: ايو قوليلي اي اكتر حاجه البنات بتحبها
السكرتيره بابتسامه: انا عن نفسي بحب الورد.. قصدي يعني البنات بتحب الورد والخروج والهدايه
↚
مراد: تمام
السكرتيره: بس حضرتك كنت بتسال لي
مراد: عاوز اجيب هديه لبنت ومش عارفه اجبلها اي عيد ميلادها قرب عاوزك تروحي لي محل هدايه وتجيبي احلي حاجه هناك
السكرتيره ملامحها اتغيرت من سعاده لي حزن...
يعني الهديه مش ليا يعني هو مش بيحبني زي ما انا بعمل طب اعمل اي انا بحبه بس ازاي واحد زيه يبصلي
مراد: انتي لسه هنا يلا روحي على شغلك ومتنسيش تجيبي هديه
السكرتيره بابتسامه حزينه: حاضر يافندم عن اذنك
خرجت ساره وبقت منطفيه راحت علي مكتبها وخزلتها دموعها لوهله
ساره لنفسها: انا بعيط لي واحد زي ده مش هيشوفني الناس دي غنيه والغني بيتجوز الغني وبس فوقي لنفسك وبطلي توهمي نفسك بحاجه مش هتحصل.... مسحت دموعها وكملت شغلها
وصل فهد وعشق علي القصر
بجمود: انزلي
عشق نزلت واول ما وقفت قدام القصر افتكرت الي حصل والطريقه الي اتخانق معاها
فهد باستغراب: ما تدخلي هتفضلي واقفه كتير
عشق بصت لي فهد: خايفه
فهد: لي ان شاءلله؟
عشق: مراتك ممكن تكولني انا مش عارفه اتوقع تصرفاتها دي مجنونه
فهد: هي مجنونه وانتي اي بق
عشق بابتسامه عريضه: انا عسوله
فهد:......
عشق: خلاص هدخل متبصليش كده
جنة ومنه بيحطو الاكل علي السفره
بفرحه لما شافت عشق سابت كل حاجه وراحت تحضنها
جنة: انتي عامله اي وحشيني
عشق: والله وانتي كمان ليكي وحشه انتي ومنه
منه: حببتي انا زعلت لما عرفت الي حصل ان شاءلله ربنا هينصرك وهيظهر الحق
حنان اول ما خرجت من المطبخ وشافت عشق....
الست هانم هتطربق الدنيا لو عرفت انها رجعت
حور: يابنات خليكو شويه طب حتي اتعشوا معانا
كارما بابتسامه: تتعوض ياحبيبتي بس لزم امشي احمد رن عليا
يارا: هنجيلك بكره ياقلبي
كارما: ازيك يافهد
فهد بحده: اهلا
يارا بتبص علي عشق من فوق لتحت...... اممم مين دي ياحور مش تعرفينا
حور من صدمتها انه رجعها تاني متكلمتش.....
عشق ببرائه: انا اسمي عشق مرات فهد التانيه
حور استغربت من جرائتها..... دي بتنيل اي
كارما بتصنع: واوو معقول فهد يتجوز وهو واخد احلي واحده انتي رديتي ازاي؟ علي نفسك ياصغنن انت
عشق وشها احمر من الغضب: انا مش صغنن ياست منك ليها
يارا برقت: ست اي ده ياحور
حور: احم دي اخت الشغاله طفله وبتحب تهزر
عشق بصت لي فهد بتوعد: علي فكره ياشاطره منك ليها انا مراته عشق
فهد: كفايه كده
يارا: يلا ياكارما نمشي سلام ياحور نبق نجيلك بعدين......
جه مروان علي صوتهم... اي الزعيق ده
عشق: بص ياعمو ابنك بيزعقلي وانا مش بحبه خليه يطلقني
مروان: فهد هياخدك وهتسافرو عشان يصالحك
حور بتدخل: قول بق انك عايز تبعتهم لشهر العسل
عشق: يعني اي شهر عسل
فهد بيمسح علي وشه بخنقة: ششش مش كل شويه يعني اي اسكتي....
يتبع.....
↚
عشق: يعني اي شهر عسل
فهد بيمسح علي وشه بخنقة: ششش مش كل شويه يعني اي اسكتي....
حور بصت لي فهد علي اساس انه يرفض
فهد: مش هنسافر
مروان شد كرسي وقعد علي السفره
لو عايز تكسر كلامي وريني مش هتروح ازاي الطياره معدها بكرا علي ٦ اقعدو اتعشوا يلا
عشق راحت قعدت: بقولك ياعمو يعني اي شهر عسل؟
مروان بضحك: جوزك هيفهمك يلا كلي
حور شدت فهد من دراعه واكملت بحده وهي بتجز علي سنانها من الغضب
انت كنت عارف بالكلام ده
فهد ببرود: لا
حور: ارفض الموضوع مفيش سفر فاهم
مروان: اممم هنقضيها كلام ولا اي
فهد ساب حور وراح قعد جنب مروان
بابا انا بقول اننا نأجل السفر دلوقتي عندي شغل ومش هينفع دلوقتي
مروان: سيبك من الشغل مراد ومعاذ هيهتمو بالشغل وانا كمان سافر انت بس ومتشلش هم
عشق بفضول: احنا هنسافر فين؟؟؟
مروان: دبي
عشق: انا مبسوطه دي هتبق احلا فسحه
فهد بص لي عشق الي ملامح الفرحه باينه علي وشها واكمل....
هما يومين بس وهنرجع مش هنعيش العمر كله هناك متفرحيش اوي كده
حور راحت تقعد جنب فهد: ولا يوم واحد انا مش هقدر من غيرك
مروان باستغراب: اي الحنيه دي
حور بحب: بحبه يابابا وانت عارف جوزي بق.... ومسكت الشوكه والسكي*نه وبتقطع وبتاكل فهد
مروان بهمس لي عشق: شوفي بتاكل جوزك ازاي روحي اكليه انتي
عشق بنفس الهمس: انا باكل نفسي بالعافيه مش عارفه امسك الشوكه والسكي*نه واقطع اخاف ااكله
فهد: احم كفايه ياحبيبتي كلي انتي
مروان لفهد: تروح وتيجي باخبار حلوه عاوزك تفرحني
فهد: ان شاءلله
في جناح فهد ♡♡♡
حور بتسأول: رجعتها لي مش كنت هتطلقها
فهد: اهدي شويه كده كده هطلقها
حور وقفت قدام فهد: طب رجعتها لي وداجل القصر وانت ماسك اديها
فهد: رجعت بامر من ابويا انا لو عليا مش طايقها بعد الي عملته وثقتي الي كسرتها
حور بحزن قاعدة علي السرير: انا اتحرجت قدام صحابي بسببها هيقولو عليا اي دلوقتي
فهد قعد جنبها وخدها في حضنه: اهدي ياحبيبتي وبطلي تتوتري
حور رفعت وشها لفهد:طب عشان خاطري بلاها السفر انا مش عوزاك قريب منها
فهد: بتغيري عليا قوي كده
حور حركت راسها: طبعا مش جوزي حبيبي
عشق في اوضتها....
انا مش عاوزه اسافر اصلا مش بحبه رخم والست الي اسمها حور دي ملها متعلقه في رقبته لي
في النادي ♡♡♡
اسلام: الباشا سرحان في اي؟
مراد اتعدل وحط رجليه علي الطربيزه....
يالا انا شكلي بحب
اسلام:ابقاا ده مين دي سعيدة الحظ
مراد: مش دلوقتي بعدين هتعرف
=ووبعدين بق في ام المواصلات دي حتي زفت الاوبر مش هيجي دلوقتي اروح ازاي
محتاجه توصيله يامدام
ساره بسخريه: انسه
طيب يا انسه محتاجه توصيله
ساره لما شفت العربيه مفهاش ناس خافت: لا شكرا
↚
اوك براحتك....
ساره مسكت تلفونها تطلب الاوبر
علي فكره انا لسه مستنياك ناوي تيجي امتا دي مش مواعيد
محسن:يااستاذه في زحمه شويه وهاجي سلام...
ساره بشهقه:قفل السكه في وشي... اي الناس دي
يوسف: ساااره
ساره عدت وراحت ليه: نعم يافندم
يوسف: اركبي اوصلك
ساره:لا يافندم مفيش داعي دلوقتي هيجي الاوبر
يوسف بجديه:االوقت متاخر وانتي مينفعش تقفي كده يلا اركبي
ساره باستسلام: حاضر
ركبت ساره جنب يوسف... مكنتش عاوزه اتعب حضرتك يافندم
يوسف شغل العربيه: لا تعب ولا حاجه بيتك فين بق
ساره:في دهشور
يوسف: تمام ومشي بالعربيه
ساره لمحت صوره لي طفل متعلقه علي ازاز العربيه.... احم ابن حضرتك صح
يوسف انتبه لي كلامها وبص علي الصوره:ايوا
ساره بابتسامة: ربنا يخلهولك وتفرح بيه
يوسف بحزن مكتم:الله يرحمه
ساره بزعل: الله يرحمه اسفه يافندم مكنتش اعرف والله
يوسف: ولا يهمك
ساره بضيق لنفسها.. اي الي انا هببته ده...
= ربنا يعوض عليك ويرزوقك بالذريه الصالحه
يوسف: امين يارب
فضل الصمت هو سيد الموقف لحد ما وصل يوسف علي دهشور
ساره: تمام اقف هنا... متشكره لحضرتك والله
يوسف: العفو
ساره فتحت الباب ونزلت: عن اذنك يافندم
في القصر ♡♡♡(بقلم: شيماء ناصر)
عشق سمعت صوت فهد بره في الطرقه بسرعه فتحت الباب....
استنا
فهد بص ليها: عايزه اي اخلصي
عشق غمضت عنيها: هو انت علي طول مش بتلبس التشرت لييي؟
فهد: والله بق انا حر
عشق: طب ممكن لحظه
دخل فهد الاوضه...
عشق شدت كرسي: اقعد هنا
فهد رفع حاجب: اي؟
عشق مسك دراعه وشدته يقعد علي الكرسي....
خليك هنا شويه لحد ما انام وبعدين امشي ماشي
فهد بعصبيه: اي شغل الاطفال ده ما تكبري شويه
عشق ببرود: حاضر بكرا هكبر خليك قاعد ومتمشيش
فهد: لي!
عشق راحت علي السرير وبتغطي نفسها: عشان بخاف اول ما انام امشي ماشي
فهد ببرود طلع تلفونه وحط السماعات وبق بيقلب في الفون... وبعد نص ساعه فهد كان تعب خلاص وهينام علي نفسه شال السماعه وبص لي عشق الي كانت نايمه وواخده السرير كله...
فهد بخنقه: طفله... قرب منها وبيغطيها وخدها في حضنه ونام....
تاني يوم 💜
فتحت عنيها لقت نفسها في حضنه بتحاول تبعده بس معرفتش علشان لفف ايده حولين وسطها باحكام
سرحت في ملامحه وبهمس: طب ما هو حلو وقمور قوي اهو اومال مش بيبان عليه البرائه لي...
فتح فهد عينه ووووو
يتبع...
↚
تاني يوم 💜
عشق فتحت عنيها لقت نفسها في حضنه بتحاول تبعده بس معرفتش علشان لفف ايده حولين وسطها باحكام
سرحت في ملامحه وبهمس: طب ما هو حلو وقمور قوي اهو اومال مش بيبان عليه البرائه لي...
فتح فهد عينه ولما ادرك انها في حضنه زقها...
واكمل بغضب:٥ دقايق تلبسي وهاتي شنطتك عشان نلحق الطياره
عشق عدلت نفسها علي السرير وهو خرج
=بني ادم مستفز
بتمد اديها علي السرير وانتبهت انه مش موجود
حور بنعاس:هو راح فين؟... وفجاء قامت من السرير بسرعه...افتكرت انه سافر...
سافر بس انا قولتله ميرحش
في الطياره♡♡♡
عشق بفضول: واووو وصلنا صح
فهد غمض عينه وحط السمعات: شش
عشق: اي شش دي بتهش فرخه... لو سمحتي
=نعم يافندم
عشق: هتيلي حاجه اكلها
=تمام يافندم تحبي اجبلك اي
وبعد نص ساعه... صحي فهد وبغضب جحيمي...
اي الي هببتيه ده
عشق ببرائه: كنت باكل
فهد بعصبيه: طب وهدومي ذنبها اي تكلي عليها
عشق: هنضفهالك استنا
فهد: اوعي ياشخه... وسبها وراح الحمام ينضف هدومه
مراد: اتفضل
ساره دخلت وهي بتتحاشا النظر لي مراد: يوسف بيه مستني امضتك علي الورق ده يافندم
مراد خد منها الورق وباستغراب: طب وفهد موقعشي لي؟
ساره: فهد بيه مش موجود في الشركه بلغني انه مسافر
مراد: نعم؟ طب السفر تبع الشغل او حاجه
ساره: لا يافندم بس الي اعرفه ان فهد بيه سافر وهيقعد فتره بره
مراد: طيب اتفضلي انتي...
ازاي يسافر من غير ما يعرفني...
مروان: الو
مراد: الو ياعمي عامل اي وحشني
مروان: الحمدلله انا جايلك اهو في الطريق
مراد: هو فهد مش هيجي
مروان: فهد في دبي دلوقتي
مراد: طب وهو مقاليش لي؟
مروان: حبيت اعمله مفجاء لشهر العسل هو وعشق
مراد كأن غضب الدنيا بق فيه: طيب
مروان: نص ساعه كده هروح علي الفرع التاني اشوف اسلام واجيلك
مراد: تمام ياعمي سلام...
خدها لشهر العسل هو ده الي مش عايزها وعايز يطلقها
بعد دقايق...
يوسف راح لمكتب ساره:مروان بيه جه
ساره قامت وقفت: شويه وهيوصل يافندم
يوسف بحده: حضري للاجتماع وجهزي الورق
ساره:امرك يافندم
في القصر ♡♡♡(بقلم/شيماء ناصر)
جنة: بقولك اي خلينا نعرف البيه الكبير بالي بيحصل من وراه
منة بخوف:لا انا مش عاوزه عيشي يتقطع من هنا
جنه: يابت وانتي مالك اصلا
منه: اصل
جنه مسكتها من دراعها: اصل اي اوعي يكون ليكي ايدي مع حنان والمدام
تلفون حور رن....
=مدام حور
حور: ايوا مين معايا
=انا من عياده الدكتوره نسرين التحليل الي حضرتك عملتيها طلعت والدكتوره محتجاكي تكوني عندها انهارده
حور: تمام احجزيلي معاد علي ٦
=تمام يافندم
بعد مرور ساعتين كانت حور في عياده نسرين
حور بلهفه: خير يانسرين
نسرين: هيجي منين الخير
حور حطت اديها علي راسها: انا مصدعه ومش فايقه قولي كنتي عاوزاني لي التحليل طلعت وكل حاجه تمام صح اقدر اخلف مش كده
نسرين سابت اوراق التحليل من اديها واكملت بي نبرة لوم: كل شيء نصيب جسمك مش هيستحمل خلفه بسبب الي بتعمليه
حور رفعت وشها بانتباه لكلامها: يعني اي جسمي مش هيستحمل وضحي كلامك
نسرين: يعني بسبب عمليات التجميل والحقن تحت الجلد والبوتكس والنفخ والشد الي بتعمليهم كل فتره والتانيه مقصر علي اعضاء الجسم وخصوصا الكليه والرحم
حور برفض: مش مصدقه كلامك دي عمليات التجميل مستحيل تعمل كده وتكون ضرر انا بتابع مع افضل دكتوره وهي زينب الشرقاوي اكيد عرفاها
نسرين: حور انتي صحبتي وانا بحاول افهمك عارفه ان الموضوع صعب عليكي لو حاولتي تحملي هيكون في خطر عليكي جسمك متاثر جامد والرحم مش جاهز يستقبل الجنين
حور بزعيق: لا انا كويسه ومفياش حاجه انتي شكلك مش بتعرفي تكشفي
نسرين قامت وراحت قعدت قدامها: انا عدت علي كشفي مرتين لحد دلوقتي وانا متاكده من النتايج حياتك هتكون في خطر لو حولتي تحملي
حور ببكاء: اانا عاوزه ابق ام... طب طب اتصرفي اعملي اي عملية او جراحه ادوية اي حاجه انا الي لزم اجيب الولد
نسرين بزعل: لا جسمك ولا صحتك هيستحملو عمليه الرحم عندك ضعيف انتي مفيش قدامك غير حل واحد
حور بلهفه بتمسح دموعها: اي هو
نسرين: تجوزي جوزك لواحده تانيه
حور اتخيلت للحظه.. ان عشق وفهد عندهم عيال
حور بنها وبين نفسها: انا مش هسمح لي فهد يقرب من عشق
جنه: ما تنطقي يابت
منه: عشق كانت حكتلي عن اسامه ده وانه حد مش كويس وحنان جرتني في الكلام لحد ما عرفت وعلشان كده خايفه مكنتش اعرف ان حنان دي خبيثه وممكن تدور وراء كلامي عليه
جنه: نهارك اس*ود
يتبع....
↚
حور اتخيلت للحظه.. ان عشق وفهد عندهم عيال
حور بنها وبين نفسها: انا مش هسمح لي فهد يقرب من عشق..... وبصت لي نسرين
انا هديكي فلوس وكل حاجه بس اكون ام
نسرين بتفهم: ياحبيبتي انا مش بقول كده عشان الفلوس
حور بعدم تصديق: طب ساعديني اكون ام ساعديني اكيد في ادوية برشام اي حاجه تساعد ان الحمل يكمل صح
نسرين: في كل ده بس المشكله مش انك تاخدي برشام او حقن المشكله في جسمك دلوقتي مش هيستحمل حاجه
حور باصرار: عشان خاطري عندك ساعديني وو واانا مش هعمل عمليات تجميل تاني بس سعديني اكون ام وحيات الغاليه
نسرين بتفكير: بس العواق*ب والاضرار الي هتحصل
حور: اانا امضيلك علي ورقه باني هتحمل عواقب الموضوع متخفيش انتي
نسرين باستسلام علي عزيمتها واصرارها: طيب بس لزم تعرفي جوزك بالكلام ده
حور: لا لا انا ولا انتي هيقوله حاجه فاهمه
نسرين: الي تشوفيه ياحور
منة قعدت جنب جنه في المطبخ: متزعليش مني
جنة بيأس: الكلام ده تقوليه لي عشق ده لو هي رضيت تسمحك انتي مشوفتيش الحيوا*ن ده خوفها ازاي
منة: طب خلاص انا هتاسف منها لما ترجع وانا متاكده انها هتسامحني
حنان: ده مين الي هيسامحك؟
جنة بصت لي منة وانتهدت: اصلها كانت بتعتزر ليا
حنان: طيب ياختي انتي وهي خلصوا الغداء مش هنعيش في المطبخ ورانا شغل تاني
جنه ومنه في صوت واحد: حاضر
=اتفضل يافندم
مروان: ها اديني جتلك اهو عملت اي الفلوس بقت في حساب الشركه ولا لسه
يوسف: من شويه دخلنا في حساب الشركه المبلغ المعروض في الصفقه العقد اتوقع ومفيش مشكله والبناء هيبدا من بكرا في المشروع
مروان: فخور بيك.... فاكر لما جيت اشتغلت هنا قولتلك اي بكرا تكبر وتتعلم اكتر وتعمل اسم ليك
يوسف: صح وانا اتعلمت من خبرة حضرتك
مروان: مفيش حضرتك دي بق مش كل شويه هنقولها انت زي فهد كلكوا ولادي هنا... ها بق مش ناوي تتجوز
يوسف: لا ياعمي مش عايز اتجوز بعد ريماس الله يرحمها
مروان: الله يرحمها ويرحم ابنك.... لزم تتجوز ويبق عندك عيال الوحده دي وحشه يابني اسمع الكلام وفكر
يوسف باستسلام: حاضر ياعمي
مروان: يلا اسيبك واروح لي مراد
يوسف: اتفضل
مراد قاعد علي كرسي المكتب وانفاسه تبعث بالنيران من غضبه.... بق واخدها ومرجعها اصل هتبق تحت عيني لحد ما اشوف مين هيازيها تروح واخدها لشهر العسل ده انا طلعت مغفل...... وبيمسح علي وشه بغيظ
السكرتيره فتحت الباب اتفضل يامراون بيه
مراد قام وقف: اتفضل ياعمي..... وبص لي ساره وانتي مقولتيش ليه انه جه
ساره:....
مروان: في اي يالا بتزعق ليها لي روحي على شغلك ياساره
ساره: حاضر يافندم عن اذنكوا
مراد بهدوء: اسف ياعمي علي انفعالي اتفضل
مروان قعدت قصاده: مش هتبطل عصبيتك دي.... ومالك متعصب لي في حاجه في الشغل حصلت
مراد: لا ياعمي كل حاجه تمام انا بس متضايق ان فهد متصلش بيا وعرفني انه سافر
مروان: قولت اعمل مفجاء ليه وياريت هو كمان يعملي مفجاء ويفرحني
في الفندق ♡♡♡
عشق: بقولك اي
فهد: اممم
عشق: هو حضرتك مش بتحبني صح
فهد بص ليها بتنهيده: حاجه زي كده
عشق: طب وانت خايف تطلقني علشان عم مروان ميزعقش
فهد ببرود:انا مش بخاف من حد
عشق قامت وقفت قدامها ورفعت وشها ليه: اومال مطلقتنيش لي؟ قدام مش بتخاف
فهد بجرائه بص علي ملامحها وجس*مها...
حابب اعرف رجعتي لي؟ مش كنتي مع حبيب القلب
عشق باستغراب كلامه وتلميحاته: حبيب القلب مين
فهد: هنستعبط صح الي فضلتلي طول الليل معاه عارفه انا شايفك ازاي واحده رخي*صه مفيش عقل في مخك ده صح وبعدين انا هستنا اي من واحده اهلها ماصدقو رموها
عشق ببكاء: مش مصدقه انك بتقولي كده لو سمحت اسكت
فهد بخبث: قبضو فيكي مبلغ لو قعدو سنين مش هيعرفوا يجمعوه...... وبدا يقرب منها
بس غريبه معيو*به انتي او في حاجه عشان يرموكي لواحد اكبر منك بكتير
عشق بترجع وضهرها لزق في الحيطه بشهقة بكاء..
اا انا بكرهك....... وجت تمشي
فهد مسكها وقربها منه لدرجه انها خبطت في صدره
=راحه فين؟ هربانه المرادي لي مين!!!!
عشق بتزق فيه عشان يبعد: انا مش عاوزه افضل معاك اعيش مذلوله طول عمري احسن ما اعيش معاك انت واحد مر*يض واكيد امك س....
فهد ضغط علي اديها: سيرة امي متجيش علي لسانك الو*سخ ولو فاكره اني ساكت عشان بخاف او عامل اعتبار لحد ف احب اقولك ان النهارده دخلتنا
عشق بخوف منه: ابعد كده وسيب ايدي
فهد قرب منها وووو
يتبع...
↚
عشق بغضب طفولي: ا ابعد عني وسيب ايدي
فهد مركز في ملامح وشها واكمل بخبث وهو بيحاول نزع ملابسها عن جس*دها وتتجه عيونه علي رعشة شفايفها من الخوف ووو
عشق فلتت اديها بصعوبه وضربته قلم....
=انا انا اسفه والله....
فهد سبها وخرج من الاوضه
عشق عدلت هدومها: اي الي عملته ده
بعد شويه كانت عشق مالت.... سمعت صوت خبط
عشق: مين؟
=افتحي يافندم
عشق: مين حضرتك
=فهد بيه جبلك الفستان ده وهو مستنيكي تحت
عشق خدت الفستان: شكرا.... قفلت الباب وفتحت الشنطه وطلعت الفستان بالونه الذهبي وتفصيله الرقيق والي كمل جمال الفستان الطرحه ولبست الكعب مع الفستان وحطت ميكب خفيف
قدام المرايا: اي العسسسسل ده اي ده حلو اوي بس انا همشي ازاي بالكعبه ده
=اتفضل يافندم
فهد: تمام .... مسك تلفونه ولسه بيفتحه لمح الناس كلها بتبص عليه استغرب لما لقا عيون الناس عليه بس لما ركز عرف انهم باصين وراه لف فهد وراه وشاف عشق جايه نحيته من كتر جمالها كانها تشبه الجائزة الذهبية ✨
فهد مصدوم من جمالها بالفستان الي اختاره انتبه للناس الي بتبصلها ضغط على اديه بغيره
عشق بضيق بتكلم نفسها: مش عارف يجبلي كوتشي جايبلي كعب حاسه اني هقع علي وشي هو بينتقم بسبب القلم ولا اي منك لله.... طب هو متنحلي لي مش يجي يسندني بدل ما هو فاتحلي بوقه كده
عشق كانت هتقع مسكها فهد من وسطها....
كمان مش عارفه تمشي ناقص اني اعلمك المشي
عشق بغيظ: اه ياريت وجاي تلحقني دلوقتي انا اتكعبلت مرتين علي ما عرفت انزل
فهد بيكتم ضحكته: معلش هتتعودي تعالي
عشق: بتعمل اي امسك ايدي وسيب وسطي
فهد: هو انتي فاكره ان ده وسط والنبي اسكتي
عشق: اا....
فهد: اسكتي
فهد خدها بره الفندق وركبوا العربيه
عشق قلعت الكعب وحدفته في الكرسي الي وراء
=ياختييي علي الراحه
فهد بيكتم ضحكته كل ما يفتكر انها وقعت بالكعب....
عشق بتكشير: بطل تضحك احنا هنروح فين بق؟
فهد: هخلص عليكي عشان زهقت
عشق: يعني مش هنتعشاء
فهد باستغراب: اي يابت ده همك علي بطنك
عشق: طب ناكل الاول علشان جعانه وبعدين اعمل الي تعمله
فهد بغمزه: قصدك يعني اكمل الي كان هيحصل فوق قبل ما اخد القلم
عشق بخجل سكتت وبصت الناحيه التانيه وهو ساق
في مكتب مراد💜💜💜(بقلم/شيماء ناصر)
مراد بحده: الغي مواعيدي انهارده مع اي حد
ساره: حاضر يافندم ب بس ممكن اتكلم مع حضرتك في حاجه
مراد رفع عينه ليها بانتباه شديد: اتفضلي
ساره من التوتر بتفرك في اديها بصت في الارض واكملت: ك كنت عاوزه اقول لحضرتك يافندم اني
مراد بعصبيه: بطلي تتهتهي في الكلام وانجزي عاوزه تقولي اي؟؟؟
ساره غمضت عنيها واستجمعت قوتها:انا بحبك
ساد الصمت ثواني وقال مراد ببرود: انتي هنا علشان تشتغلي ولا علشان تحبي
ساره: ايوا يافندم عشان الشغل بس انا انا بدات احب حضرتك وحولت المح لحضرتك كتير
مراد: وانا هبصلك انتي؟!.... انتي شايفه نفسك ازاي؟ انتي مجرد سكرتيره في الشركة دي
ساره وهي بتحول تبان قويه قدامه: واي يعني لما تبصلي انا مش ناقصني ايد ولا رجل بني ادمه طبيعيه وحبيت وجيت اقولك اني بحبك الحب مش عيب علشان اداريه انا بشوفك والبنات حوليك وبغير مش عاوزه حد منهم يقف جنبك ولا يكلمك انا بقالي سنين هنا وكل لما افكر اقولك بخاف ولما حضرتك رحت خطبت انا دعيت كتير ان الموضوع يتفشكل.....
مراد قام وقف بجمود: نزلي اعلان ان الشركه بتدور علي سكرتيره جديده
ساره باستغراب: سكرتيره لي ما انا السكرتيره في الشركه
مراد: انتي مرفوضه ولو فاكره اني ابصلك تبقي غلطانه احنا هنا عشان نشتغل مش جاين نحب
ساره: تصدق بق انا فعلا اكون غلطانه لو فضلت ثانيه واحده في الشركه دي انا بكرهك
مراد برفع حاجب وباصص علي منظرها من فوق لتحت: كنتي مش شويه بتحبيني
ساره: انت متستحقش الحب ده ولو فاكر انك رافضني ف انا الي رفضاك وميشرفنيش احب حد زيك شايف نفسه ومغرور..... وسبته ومشيت
دخل يوسف: حصل اي....
مراد: مش علشان اشتغلت هنا تبق تحب كمان
لمت حاجتها وخرجت من الشركة
ساره: لا لا مفيش عياط هو ميستاهلش دموعي
يوسف: ساااره
ساره وقفت ليه: نعم يافندم
يوسف: انتي راحه فين واي الي حصل مراد اتخانق معاكي لي
ساره: هو طردني
يوسف: طب لي؟
ساره:....
يوسف: طب تعالي اوصلك ونتكلم يلا
ساره: لا يافندم كتر خيرك متتعبش نفسك الاوبر هيجي
يوسف: اوبر تاني مش ده الي ذنبك وخلاكي تستنيه لحد ما اتاخر... اسمعي الكلام.... يلا
مراد كان واقف فوق وبيراقب الي بيحصل تحت وبغضب: معرفتش تلف عليا راحه تلف علي يوسف انتي جنسك اي؟ وقال بتحبني
يوسف وساره في العربيه
يوسف بيحاول يفك الجو: امم ممكن اعرف اي الي مزعلك كده قولتيله اي عشان يطردك انا هكلم مروان بيه يرجعك انتي شاطره ومينفعش تمشي
ساره: لا انا مش عاوزه ارجع هناك تاني
يوسف: ايوا لي بق هو عملك اي وبعدين بقالك سنين وسنين في الشركة وبق عندك خبره عن الموظفين واحنا كده هنخسر موظفه شاطره ومجتهده
ساره بحيره: هو معملش حاجه انا الي قولت حاجه ضايقته لو كنت اعرف مكنتش قولت حاجه وسكت
يوسف: قولتي اي؟
ساره:قولت اني بحبه
يوسف: اي؟
يتبع....
↚
يوسف: بتحبيه؟
ساره باصه نحيت الشباك: اه بس بعد الي قاله ده مش عاوزه اشوفه تاني
يوسف فضل ساكت ومتكلمش بعدها واكتفاء بانه وصلها البيت
=انا مقدر مشاعرك بس لزم تسيبي مشاعرك دي علي جنب انت لو سبتي الشركة فعلا هتبيني ضعفك ليه
ساره: مش هينفع ارجع هو طردني خلاص
يوسف: اه بس القرار في الاخر لي مروان بيه متشغليش دماغك انتي
ساره بتنهيده: متشكره لحضرتك علي التوصيله عن اذنك يافندم
يوسف استنا لحد ما دخلت العماره
انا لي متضايق كده ما تحبه ولا متحبوش انا مش هفكر في حاجه واكسر وعدي لي مراتي الله يرحمها
ساره: سلام عليكم
نورهان باستغراب: مالك يابت وشك لونه مخطوف لي؟
ساره: مفيش حاجه يامرات ابويا
نورهان بتبص عليها من فوق لتحت: مين الي نزلتي من عربيته ده؟
ساره: مديري
نورهان: ابوكي لو عرف هيطين عشتك
ساره بنفاذ صبر: مرات ابويا انا مش طايقه نفسي الي عاوزه تعمليه اعمليه.....
نورهان: بق كده طيب يابنت ريهام لما يجيلك الي يربيكي
في المطعم 💜✨🦋
=ما تكلي عدل
عشق ببرائه: ما انا باكل عدل اهو
فهد بعصبيه: فرجتي الناس علينا خلاص سيبي الشوكه والسكي*نه
عشق بتكشير: ياساتر اهو
فهد بق بيقطع وبياكلها في بوقها
عشق: علي فكره انا مش صغيره بعرف ااكل نفسي
فهد: مسمعش صوتك
خلود: اي ده فهد ازيك
فهد قام سلم عليها: ازيك ياخلود
خلود: اي المفجاء دي... وبصت لي عشق
اممم قطعتكو عن حاجه
فهد: لا ولايهمك
خلود: اومال فين حور ؟
فهد: مجتش معانا
خلود: مش واخد مراتك وواخد دي بتعمل معاها اي اوعا تكون بتخونها
فهد بحده: خلودد دي مراتي كمان
خلود بصدمه: في اي يافهد انت كمان هتزعقلي خلاص انا بس بسال مكنتش اعرف مبروك وعن اذنك...
عشق: انت اتكلمت معاها كده لي؟
فهد: ملكيش فيه
عشق: بتغير عليا
فهد بص ليها: لا
تلفون حور رن...
الو
خلود: في اي ياحور ساعه عشان تردي
حور: في اي يابنتي مالك
خلود: شوفت فهد ده اتجوز عليكي هو والي بيقول عليها مراتي قعدين في مطعم بيتعشو وخدي عندك بياكلها في بوقها كمان دول عيشين في جو رومنسي ده كان هيتخانق معايا بسببها
حور:... هكلمك بعدين ياخلود شكرا انك قولتيلي باي
فهد: يلا نمشي
↚
عشق قامت وجت تمشي اتكعبلت وفهد لحقها..
اسفه معلش
فهد بمكر: شكلك حبيتي الموضوع كل شويه تقعي في حضني
عشق بخجل بعدت عنه: كله بسبب الكعب
حنان: نعم ياهانم
حور: عاوزه اخلص منها اعمل اي وبلاش افكارك الهبله
حنان باستغلال: العفو ياهانم بس مش انا برضو الي اقولك انا عملت الي عليا وزياده بس بصي احنا ممكن نروح لحد يساعدنا بس هيحتاج شويه فلوس
حور: مش مهم الفلوس... . مين بق اخلصي؟
حنان: ربنا يجعل كلامنا خفيف عليهم نروح لشيخ ويعملها عمل ونخلص منها من غير ما حد فينا يجي نحيتها قولتي اي
حور: وانتي متاكده من الراجل ده
حنان: عيب ياهانم ده راجل واصل
حور: لما نشوف اخرتها اي وده بيبق موجود امتا عشان نروحله
حنان قربت وهمست: بيبق موجود في المقابر علي ٢ بليل
حور: انتي اتجننتي انا مرحش هناك
حنان: خلاص ياهانم متروحيش براحتك
حور بحيره: طيب
حنان: هستناكي الساعه ١ بس قبل ما نروح لزم نجيب اي حاجه من ريحتها
حور بضم حواجبها: يعني اي؟؟
حنان بهمس: يعني اي حاجه من هدومها اي حاجه بتستعملها عشان هو هيطلب مننا كده عشان العمل
حور: تمام روحي دلوقتي شوفي شغلك
في الفندق...
فهد كان قاعد علي السرير وماسك الاب توب وعشق كانت راحه جايه قدام المرايا
فهد بخنقه: ما تهمدي بق خيلتيني
عشق: مش عارفه افتح سوستت الفستان
فهد بيمسح علي وشه: ياااارب منك ومن عمايلك اتنيلي تعالي
عشق بارتباك: هتعمل اي
فهد: هفتحلك السوسته ياهبله هعمل اي
عشق كانت هتوافق بس رفضت بسرعه: لا شكرا خلاص مش عاوزه
فهد قام وقرب منها: لي مخبيه حاجه يعني ولا اي......
قرب ومسك اديها وشدها لحضنه وحط ايده علي رقبتها من وراء ومسك السوسته وبيفتحها براحه
عشق سرحانه في ملامحه وقربه منها بالشكل ده وانفاسها بقت بتعلي اكتر واكتر
فهد بهمس وهو تايه في عيونها: مكنتش اعرف اني جميل قوي كده
عشق انتبهت وبحرج بصت في الارض
فتح السوسته وفكلها الطرحه وفرد شعرها البني علي كتفها وكل تركيزه علي شفايفها وبس*ها
بعد ثواني عشق سحبت نفسها من حضن فهد ورحت الحمام
في المقابر💜✨
حور بصويت: يالهوي انتي يازفته متسبنيش لوحدي امشي معايا
حنان بهمس: وطي صوتك ياهانم طيب.... اللهم اجعل كلامنا خفيف عليهم
حور مسكت في هدوم حنان لما شافت واحد اسود وجسمه ضخم: م مين دده؟؟؟
حنان بخوف: د دلنا علي الشيخ محمود الهي تنستر ياخويا
وقال بصوت يشبه فحيح الافعه= متكلموش....
مشي وحنان وحور مشين وراه لحد ما وصلو علي مكان في المقابر مخيف ولقو واحد واقف قدام قبر وبيقول كلام غريب
حور بهمس لحنان: منك لله يابعيده علي شورتك المهببه
لف ليهم مره واحده وهو بيقول نفس الكلام الغريب
حنان بخوف: ي ياشخنا ا انا
محمود حط صباعه علي بوقه بمعني محدش يتكلم.....
انهي كلامه وهو بيلف حته قماشه ودفانها في القبر الي كان واقف قدامه وخطوات سريعه بق فجاء واقف قدام حور الي بربشت من الذهول
حنان بتحاول تتمالك اعصابك: ك ك كنا احم كنا عوزين نعمل عمل لي وحده
محمود بص لي حور الي واقفه بتتداره في حنان.....
=انتي مش هتخلفي تاني
حور بخوف منه: وانت ععرفتت ازاي؟
محمود: الي جايه علشانه هيحصل استني يوم ميلاه حظه هيغير حياتك
حور: مفهمتش يعني اي انا عاوزه اعمل عمل لي مرات جوزي بكرهها ومش عوزاها تعيش واي فلوس انت عاوزها تحت امرك
محمود: هاتي حاجه فيها رحتها او حاجه هي شربت فيها حاجه نامت عليها
حنان مدت اديها بي تشرت عشق: كنت عامله حسابي اتفضل
خد التشرت محمود وقال كلام غريب اول مره حور تسمعه
حور بهمس: هو بيقول اي؟؟
حنان: دي طلاسم للعمل
حور: ده اكيد بيشتغلنا واي كلام انا عاوزه امشي من هنا
بص محمود لي حور وعينه بقت بيضه خالص......
حور من خوفها اغمي عليها....
يتبع......