رواية عمري معك كاملة جميع الفصول بقلم حماده هيكل
رواية عمري معك كاملة جميع الفصول هي رواية من كتابة حماده هيكل رواية عمري معك كاملة جميع الفصول صدر لاول مرة على موقع التواصل الاجتماعى فيسبوك رواية عمري معك كاملة جميع الفصول حقق تفاعل كبير على الفيسبوك لذلك سنعرض لكم رواية عمري معك كاملة جميع الفصول
رواية عمري معك كاملة جميع الفصول
سهيلة تعالي اقولك خبر حلو هيفرحك
خير يا ماما !!
فاروق جاي هو ومامته النهارده
بجد يا ماما
بجد يا قلب ماما ..يلا عشان نجهز ورانا حاجات كتير
عيني دمعت من الفرحه وسرحت بخيالي
لما كان فاروق قابلني في الجامعه
وقالي
سهيلة خلاص انا مش هستنى أكتر من كدا
ايه بس يا فاروق ؟
احنا لينا 8 شهور نعرف بعض ..وانا حبيتك من اول نظرة
واعترفت لك بحبي ..وطلبتي مني الأول
نعرف بعض أكتر ...وطول المدة دي كلها
عرفنا بعض كويس وانا حبي ليكي زاد
وانتي شوفتي معاملتي واحترامي ليكي
واد ايه انا بحبك وشاريكي بجد وعاوز اكمل حياتي معاكي
ايوه انا منكرش كل دا بصراحه
بس للأسف رغم دا برضو رافضة أخد خطوة واجي اتقدملك
فاروق العيب مش فيك صدقني
بس انا حابه اتأكد من مشاعري ناحيتك كويس
دا جواز يعني هنفضل مع بعض العمر كله
صعب اتجوزك وانا مش واثقه في مشاعري
وبعد الجواز أكتشف أن أحساسي بيك مكنش حب
يا سهيلة عيونك بتقول انك بتموتي فيا
واحساسي بيقول كدا كمان
انا ليه حاسس اني في سبب تاني غير دا
بصراحه هو عنده حق ..انا اصلا هموت واتجوزه
النهارده قبل بكره
بس اللي مانعني خوفي على زعل حنان أختي
حنان أختي الكبير والوحيده ..ملناش غير بعض
اطيب انسانه في الدنيا ..بس أكتر وحده حظها قليل كمان
وهي في ثانوي مات اخونا في حادثه عربية
وقتها كان فاضل يومين على امتحانات ثانوية عامة
كان حلمها تدخل طب ..وكانت ذكية ومجتهده جدا
والكل كان بيقولها يا دكتورة ..لكنها كانت متعلقة اوي
باخويا وطبعا مجموعها قل جدا ودخلت كلية
تانية وحلمها ضاع ..بعد الجامعه أتخطبت لشاب
كان بيقول انه بيحبها ...بس بعد كام شهر سابها
بدون اسباب ..وعرفنا بعدين انه رجع لحبه القديم
حنان اتقهرت اوي وزعلت على روحها وفضلت
فترة طويلة ترفض أي حد يتقدم ..لغاية العمر ما جري بيها
وسنها عدى ال37
بس بالنسبة ليا اجمل وحده في العالم
روحها حلوة وقلبها نضيف ..وبتحب الخير لكل الناس
خوفت اوافق على فاروق أجرح مشاعرها
ومستنية أن ربنا يكرمها بابن الحلال اللي يسعدها
ويفرح قلبها لانها تستاهل كدا بجد
كنت لمحت لماما كام مرة عن فاروق
لان مامته قريبت ماما بس من بعيد
وقولتلها متجبيش سيرة قدام حنان لأني مخبية عليها
فاروق زعل مني وقتها
لانه حس اني مخبيه حاجه عليه
ومش مقتنع بكلامي
سابني ومشي ..وهو زعلان ومن وقتها
وهو مش بيتصل ..وكمان بيتهرب مني
بس معقول انه جاي النهارده
يعني هو عامل مفاجأة ولا عاوز يحطني
قدام الأمر الواقع ..مش عارفه، بس كنت مبسوطه
رغم خوفي على مشاعر أختي
الساعه 8 ونص رن جرس الباب وقلبي نبضاته زادت
وجريت على الأوضة وبعد دقايق
ماما دخلت ندهت عليا ..تعالي سلمي على الضيوف
كنت لابسه فستان ازرق وطرحه بيضه لأنه بيحبهم عليا
وحاسه اني طايرة من الفرحه
قدمت العصير وقعدت انا وماما وبابا واختي
وبدأ يتكلم
طبعا يا عمي احنا أهل ..وانا بصراحه
فكرت كتير ودورت ..واتاكدت اني مش هلاقي نسب
افضل من نسب حضرتك
خلاص هيقولها انا مش مصدقه يا فاروق
الفرحه كانت في عنيه وهو بيقول
وعشان كدا يسعدني اتقدم واطلب ايد بنت
حضرتك الآنسه حنان ..
انصدمت وانا ببص لحنان اختي
وماما عينيها عليا والدهشه مسيطره عليها
و فاروق بيبص لي وهو ..
يتبع
↚
ماما دخلت ندهت عليا ..تعالي سلمي على الضيوف
كنت لابسه فستان ازرق وطرحه بيضه لأنه بيحبهم عليا
وحاسه اني طايرة من الفرحه
قدمت العصير وقعدت انا وماما وبابا واختي
وبدأ يتكلم
طبعا يا عمي احنا أهل ..وانا بصراحه
فكرت كتير ودورت ..واتاكدت اني مش هلاقي نسب
افضل من نسب حضرتك
خلاص هيقولها انا مش مصدقه يا فاروق
الفرحه كانت في عنيه وهو بيقول
خلاص هيقولها انا مش مصدقه يا فاروق
الفرحه كانت في عنيه وهو بيقول
وعشان كدا يسعدني اتقدم واطلب ايد بنت
حضرتك الآنسه حنان !!
حنان !! بصيت له وانا مش مصدقه
وهو بيبص لحنان وفرحان اوي
شوفت ابتسامه على وشها ..مشوفتهاش من زمان
فرحه من قلبها ..انا عارفه اختي لما تفرح من قلبها
بتبقى عامله ازاي ...بابا كان مبسوط وهو
بيقوله واحنا كمان يا فاروق مش هنلاقي احسن منكم
احنا أهل وناس بعض ووالدك الله يرحمه
↚
كان غالي عليا
في وسط كل الفرحه دي ..شوفت نظرة حزن
في عيون ماما وكأنها بتواسيني
وبتقولي أوعي تتكلمي ولا تنطقي بحاجه
نار ووجع في قلبي ..وكلام كتير عاوزه أقوله
ليه يا فاروق تعمل كدا ..فين حبك ليا !!
معقول كل دا كان كدب ؟؟
طب لو ناوي تسيبني وتخطب غيري دا حقك
بس ليه أختي ؟
ليه تحكم عليا بالوجع دا بس ..كتير اوي عليا
انا مستاهلش كل دا
وحنان كمان متستهاهلش مني أكسر فرحتها
ها يا عروسه مقولتيش رأيك ايه في ابني
حنان بصت للأرض وقالت بخجل
اللي يشوفه بابا انا موافقه عليه يا طنط
شوفي ياختي دلع البنات
طيب يا حج ؟ قولت ايه
والله ..واضح كدا ان حنان مش معترضه
ولا أنا برضو ..وكمان مامتها وأختها مفيش عندهم
مانع ولا أيه ؟
ردت ماما بصعوبة وقالت
لا طبعا واحنا هنلاقي عريس زي فاروق لحنان فين
ألف مبروك يابني
لقيت فاروق بص لي وقالي
وانتي يا انسه سهيلة ايه رأيك ؟
بصيت ليه في تحدي وقولت ..
يتبع
↚
لقيت فاروق بص لي وقالي
وانتي يا انسه سهيلة ايه رأيك ؟
بصيت ليه في تحدي وقولت بكل كبرياء
ربنا يتمم بخير
حالة صدمة ودهشه كبيرة
كنت فيها بعد ما مشيوا
أختي حضنتني وهي مش مصدقة
ضميتها وانا بقولها ألف مبروك يا حبيبتي
ربنا يسعدك انتي تستاهلي كل خير
ماما حطت ايدها على كتفي وقالت
تعالي يا سهيلة نشيل الحاجه ونحطها في المطبخ
كأنها كانت بتسحبني من الموقف الصعب دا
واول ما دخلت المطبخ وراها
بصيت لها والدموع في عنيا
واترميت في حضنها وفضلت ابكي
بكل قهرتي وانا بحاول أكتم صوتي
عشان بابا وأختي ميحسوش بحاجه
بس خلاص يا سهيلة ..اهدي يا حبيبتي
متوجعيش قلبي اكتر ماهو موجوع عليكي
ليه يا ماما ..فهميني هو عمل كدا ليه ؟
والله ما اعرف يا بنتي ..انا كنت مستغربة جدا منه
انتي واثقه انه كان بيحبك ؟
ايوه يا ماما هو انا كنت بحلم ؟
معقول كنت بحلم وعايشه في وهم كل دا
بس لا ..لا مش حلم دا واقع ..8 شهور و5 ايام
و9 ساعات من وقت ما قالي بحبك
انتي حاسبها باليوم والساعه كمان ؟
واكتر يا ماما ..انتي مش متخيلة انا بحب..
كنت بحبه أد أيه
طيب وهتعملي ايه
مش هعمل ..لا يمكن أكسر فرحت حنان ابدا
دي حنان يا ماما انا ما صدقت اشوفها فرحانه كدا
ربنا يكملك بعقلك يا بنتي ويعوضك خير عنه
↚
كنت هموت واتصل بيه واكلمه
واشوفه واعرف منه هو ليه عمل كدا
بس كرامتي منعتني ..هو خلاص أختار أختي
ولا يمكن أسمح لنفسي أبوظ فرحتها
ولا أعرفها انه كان بينا حاجه في يوم
ومسيري هنساه وهطلعه من قلبي ..حتى لو هموت
فات أسبوع والتاني ..وكان فاروق جه مرتين تلاته
في زيارة لينا ..كنت شايفه فرحت حنان
وكأن روحها رجعت لها من تاني وابتدا وشها ينور
وهي متعرفش بالنار اللي ف قلبي
كمان فاروق بيتعامل معايا ببرود وكأنه معملش اي حاجه
ولا كسرني وباع حبي في لحظة بدون سبب
فات شهرين وانا عايشه في عذاب
وحيرة وألم وهموت من الفضول
واعرف ليه فاروق عمل فيا كدا
والأصعب من كل دا ..اني كنت بمثل اني فرحانه
عشان أختي ..وخايفه يبان عليا حاجه
رغم انها سألتني انا ليه متغيرة كدا
احكي لي مالك يا سهيلة هتخبي على أختك حبيبتك
مفيش يا روحي ..ازعل أزاي وانا شايفكي
مبسوطه وسعيده كدا
متتصوريش فاروق حنين اد ايه
وبيحبني أزاي ..الحمدلله ربنا عوض صبري خير
كلامها كان زي السكين بينغز في قلبي
وانا بحاول اتظاهر بدور الاخت السعيده
ولكن قلبي مش قادر ..وانا عمري ما كنت بوشين
بس بحاول عشان متعرفش وبتحجج بأي كلام
ومشاكل هبلة تبرر الحزن اللي عنيا
بدأت الدراسة وقابلت ريم زميلتي
وحكيت لها اللي حصل ..كانت مش مصدقه
معقول فاروق بعد الحب دا كله يسيبك
ودونا عن بنات البلد كلها يختار أختك انتي !!
انا هموت من القهرة ياريم ومش عارفه أعمل ايه
طب محاولتيش تعرفي منه ليه عمل كدا
محاولتش ومش هحاول
وطبعا هو محبش يقولك ولا يعرفك ليه عمل كدا
طبعا لأ..بالعكس دا بيعاملني بكل برود
وكأننا أخوات ومكنش بينا اي حاجه خالص قبل كدا
غريبة اوي الحكاية دي ..الموضوع دا وراه سر
ولازم نعرفه
بعد كام يوم لقيت ريم بتقولي
تعالي تعالي
في ايه يا بنتي
عاوزاكي في حاجه مهمه
طيب نخلص المحاضرة ونتكلم
محاضرة ايه انا عرفت السر ورا اللي عملوا فاروق
بتتكلمي جد!!
ايوه طبعا هو انا اي حد انا ريم يا بنتي
طيب يلا نروح الكافتريا ونتكلم
طب والمحاضرة ؟
تتحرق أكتر ما هي محروقة ؟
ها ..قولي بقى ؟
واللي عرفته منها كان صادم ومش متوقع أنه يحصل من فاروق ابدا ...
قالت لي
يتبع