رواية حب في تركيا كاملة جميع الفصول بقلم لؤلؤة احمد
رواية حب في تركيا كاملة جميع الفصول هي رواية من كتابة لؤلؤة احمد رواية حب في تركيا كاملة جميع الفصول صدر لاول مرة على موقع التواصل الاجتماعى فيسبوك رواية حب في تركيا كاملة جميع الفصول حقق تفاعل كبير على الفيسبوك لذلك سنعرض لكم رواية حب في تركيا كاملة جميع الفصول
رواية حب في تركيا كاملة جميع الفصول
ياختاااااااااااااااااي هكر تليفوني اتهكر يانهار اسود يانهار اسود أروح بصوري فين أعمل ايه يالاهوي يالاهوي يالاهوي كملت برقص احنا اللي شخلعنا الشخلعه يالاهوي ياختاااااي هو انا في ايه والا في ايه أعمل ايه دلوقتي راحت عن بالي دي ازاي هعمل ضبط مصنع للفون
وبسرعه كانت عملت ضبط مصنع وبعدين حطت ايدها على قلبها بدراميه / هربنا منيهم هربنا منيهم هاهاهاهاها يبقى يوريني بقى لما يهكر الفون هيلاقي عليه ايه ده أنا غرام اللي مفيش مني اتنين وفجأه حد ضربها على قفاها
هو / ده الحمدلله أن مفيش منك اتنين كان زمان الكون خرب
غرام / ليه بس كده ياعلي بطل تضربني على قفايا بيوجعني والله وبعدين الكون يخرب ليه ده انا طيبه وكيوت
علي / طيبه ؟ مين دي اللي طيبه ده انتي لسه فات،حه دماغ العريس يا طيبه
غرام افتكرت اللي عملته في العريس اللي كان متقدملها من ساعتين بالظبط
فلاش باك
غرام / أنا عندي انفصام في الشخصيه وملبوسه من جن عاشق بيكره أي حد يقربلي واللي يقربلي بيقتله إلحق ده حضر
وفجأه احولت وغيرت صوتها لصوت تخين وبصتله بجنب عينها / انت جاي تتجوزها ده انا هقتلك ومسكت الطفايه الإزاز اللي على الطرابيزه وبطحته بيها
العريس / إلحقونااااااااااااي عيفريت ياما عيفريت بطحني ياما الحقوني من بنت الملبوسه دي والله ماهتجوز خلاص مش هتجوزها لا هي ولا غيرها بس حد يلحقني
دخل علي أخوها ومامتها يحوشوا الراجل من ايدها وهي نازله ضرب فيه بالشبشب
الراجل أول مافلت من ايدها طلع يجري وهو بيقول مش هتجوزها لا هي ولا غيرها والله لأترهبن مش متجوز مش متجوز
بااااك
غرام / ماهو اللي خرع وهفأ أعمله ايه
علي / تقومي تبط،حيه بالطفايه
غرام / احمد ربنا ده انا كنت بفكر أشد السك،ينه من طبق الفاكهه
علي وهو بيخبط كف على كف / والله انتي هتشليني قريب
غرام / بقولك ايه لما أبقى أخلص علام أبقى اتجوز لكن دلوقتي سيبني أفوق لتعليمي وأحقق ذاتي وأعمل لنفسي كيان
علي / كيان مين يا أم ملحقين يابت ده انتي في أولى كليه بقالك سنتين أول مره سقطتي في كل المواد ونجحتي في ماده واحده بس أله اشمعنى الماده دي يا غرام نتيجتك كانت كلها
ض ج إلا مادة واحده كانت ج ج اشمعنى
غرام بضيق / منهم لله بوظولي شكل النتيجه
علي / والسنه التانيه نجحتي بمادتين تعليم ايه بقى اللي انتي خايفه عليه ده
غرام / ولو ولو برضه أهم حاجه عندي تعليمي
علي / حسبي الله بجد والله حسبي الله وكلت ربنا فيكي يا غرام يابنت رأفت
غرام بضحك / أمك اسمها رأفت
علي / ماهي اسمها رأفت فعلاً ايه الجديد
غرام / بس يابن رأفت
علي / طب والله لأقولها وخرج بسرعه وغرام جريت وراه
↚
غرام جريت وراه بسرعه / إلحقي يا ماما علي بيتريق على اسمك وبيقولي يابنت رأفت
الأم / ده انت نهارك شبه وشك ومسكت الشبشب حدفته في وشه وجريت وراه وهو جري بسرعه على أوضته وقفل الباب وراه
وقفت غرام بفخر بنفسها وتفكيرها وبعدين دخلت أوضتها / أما أشوف بقى مين الكلبه الجربانه اللي دخلتني جروب الهكر دي بس هجيب أرقامهم منين وأنا عملت ضبط مصنع للفون ....... أنا هفتح الفيس وأكتبلهم يبعتولي واتس عشان الأرقام اتمسحت الله على دماغك يابت ياروما
مسكت فونها ونزلت واتس وليس وفتحتهم على الفون وبعتت لأصحابها إنهم يبعتوا واتس عشان الأرقام اتمسحت وأول رساله جتلها من رقم مش مصري قلبها نبض بخوف ورعب يكون هو فتحت الرساله وكانت ( انتي فاكره أما تعملي ضبط مصنع انتي كده في الأمان يعني )
للحظه حست كأن فيه جردل مايه ساقعه وقع فوق راسها وجسمها اترعش من الخوف والتوتر وفكرت ترد بإيه بس شافت أحسن حاجه أنها تعمل حظر وبعد ماعملت حظر رقم تاني بعت
( مفكره لما تعملي حظر مش هعرف أوصلك انتي ساذجه أوي )
طريقته غاظتها ومحت خوفها خالص وغضبها اتملك منها وردت عليه ( انت عاوز مني ايه ياجدع انت )
( عاوز اتعرف )
( تتعرف بيا بتاع ايه إن شاء الله)
( يابنتي انتي خايفه مني ليه والله أنا بس بساعد البنات وبعلمهم كام حاجه كده يحموا نفسهم بيها عشان ميتعرضوش لهكر أو حاجه يعني أنا طيب والله )
( طيب شرير ميخصنيش ابعد عني وسبني في حالي لو سمحت )
( انتي هتتعدلي معايا في الكلام والا أزعلك ؟)
( أؤمر يا باشا عاوز ايه وأنا أنفذهولك ؟)
( والله انتي شكلك مشكله 😂😂) ، ( أنا بقى اسمي رسلان نص مصري ونص تركي بشتغل هكر في المخابرات )
غرام قرأت كلمة هكر في المخابرات من هنا وبقت تلطم وتصوت من هنا / كان يوم اسود يوم مامسكت تليفون هاااارسووووح عليا وعلى سنيني الفحلوقي كان مستخبيلك ده كله فين يابنت الهطله
↚
غرام اكتفت بصدمتها إن ظابط مخابرات ومش أي ظابط ده هكر كمان وقررت إنها تعمله حظر وعملت حظر فعلاً وأكيد واحد زي ده مش هيشغل باله بيها ونامت وهي مطمنه إنه هينساها أكيد
تاني يوم صحيت غرام على كوباية ماية بتتحدف في وشها
ماما / قومي يا موكوسه يابنت الموكوسه هاتي طلبات الأكل عشان أبوكي الغالي جاي من الكويت انهاردة
غرام / ياما هو كل ما أبويا يجي من السفر تقعدي تمشوري اللي جابوني متسيبيني أفرح بجايته مره في حياتي بدل ما انتي مكرهاني في عيشتي كده
ماما وهي بتوطي تجيب الشبشب / شكلك مش هتقومي بالزوق
غرام وهي بتنط من مكانها / هقوم والله هقوم أنا قومت أصلاً
ماما / 5 دقايق وتكوني قدامي
غرام / تمام يافندم
قامت غرام غسلت وشها ولبست عباية وطرحه بسرعه وطلعت لمامتها / ها ياست الكل عاوزه ايه
ماما / هاتي نص كيلو لحمة مفرومه من عند عمك جمال الجزار متجيبيش مجمدة وهاتي كيلو مكرونة بشاميل وهاتي فرخة ٢ك
وهاتي ازازة حاجه ساقعه سمره أبوكي بيحبها وهاتي ب٥ج مخلل وكيسين شيبسي
غرام وهي متنحة / حاضر يا ماما
ماما / اوعي تنسي حاجه يا غرام
غرام وهي بتخرج وتشد باب الشقه وراها / عيب عليكي ده أنا غرام
نزلت غرام على السلم ولقت عيل واقف ضربته على قفاه / ازيك ياض ياحمؤه عامل ايه
حمادة / ازيك يا غرام منزلتيش ليه تلعبي معانا امبارح
غرام / كان عندي ماتش كده المهم هنلعب انهاردة بإذن الله عرف العيال كلها
حمادة وهو بيجري/ اشطااااا
غرام / اشطا عليك
جيت ماشية رجعت وقفت تاني / هو انا كنت راحه فين يالاهوي عليا وعلى سنيني اه صح كنت راحه أجيب طلبات لأمي كانت عاوزه ايه بقى كيلو لحمة مفرومة مجمدة ونص كيلو مكرونة عادية وفرخة ٣ك وزبادي ونشا ومخلل وحاجة ساقعة ميرندا برتقان الله عليا وعلى ذاكرتي اللي ماما هتحسدني عليها وراحت بسرعه تجيب الحاجه ورجعت البيت تاني جيت تفتح بالمفتاح والمفاجأة مش لاقيه المفتاح لطمت على وشها بحزن من حظها اللي وقعها مع مامتها اللي هتهزأها عشان المفتاح اللي ضاع للمرة الألف خبطت بخوف وقلق من رد فعل مامتها واللي فتح علي أخوها
علي / ايه يا روما اتأخرتي ليه ده كله
غرام بهمس / المفتاح ضاع
علي / دي ماما هتنفخك
خرجت مامتهم من المطبخ بسرعه جبتي الحاجه يا غرام وواقفه عندك بسرعه يابنتي خليني ألحق أعمل لباباكي لقمة ترم عضمه اوعي تكوني نسيتي حاجه يا غرام
غرام / عيب عليكي يا ماما جبتلك كل حاجه
خدت مامتها الكيس ودخلت المطبخ بسرعه
علي / طب وبعدين في المفتاح ده
غرام / هتطلعلي نسخه طبعاً من غير ما أمك تعرف
علي / يا غرام انتي مش هتفوقي لنفسك بقى يابنتي هو انتي وفجأة قاطعه صويت مامته اللي طلعت من المطبخ جري وهي ماسكه الشبشب وبتجري ورا غرام اللي جريت بسرعه بتلف حوالين السفره
غرام / اهدي بس يا حاجه مكنش مفتاح اللي يوقع بينا كده
ماما / مفتاح ؟ انتي كمان ضيعتي المفتاح يا ضايعه يا أم مخ هربان
غرام / عيب يا ماما كده خليكي أم حضاريه مش كده
ماما / ده هختم على وشك بالشبشب هعاملك معاملة الموظف الحكومي اللي بيختم بالختم يابت وهختم بالشبشب على قفاكي وتقوليلي عيب عليكي يا ماما عيب عليكي يا ماما والاقيكي مجبتيش ولا حاجه من اللي قولتلك عليها
غرام وهي بتخبط دماغها بإيدها / أخ أهو أنا قولتلكم ميت مره اكشفوا على ذاكرتي وانتوا اللي مش راضيين
ماما / ما انتي لو تفوقي لنفسك وتسيبي التليفون ده من ايدك هتتظبطي نفسي أعرف هتفتحي بيت ازاي يا معفنه
غرام / بالمفتاح يا ماما فجأة الشبشب لبس في وشها جريت بسرعه على أوضتها
ماما / أنزل يابني هاتلي الحاجه اللي أنا عاوزاها ربنا يهديها
غرام وهي بتفتح باب الأوضة وبتخرج راسها منه / يهديكي انتي لواحدك هيه وقفلت باب أوضتها تاني بسرعه
↚
غرام / ماما أنا خلصت تنضيف وهنزل استنى بابا تحت في الشارع ونزلت بسرعه قبل ما مامتها ترفض أو تقولها اعملي حاجه نزلت كانت العيال واقفين مستنينها
غرام / ايه ده يا واد يا يوسف انت معاك شوكولاته
يوسف / اه معايا
غرام / طب تعالى نتسابق واللي يسبق ياخدها
يوسف / ماشي يلا
غرام ويوسف جريوا وأثناء ما غرام كانت بتجري خبطت في واحد بشدة كانت هتقع بس هو لحقها بسرعه وسندها ووقفها
غرام / تشكر يا وحش وفي نفسها ( ايه كمال الأجسام اللي دخل الحارة مره واحده ده )
هو / معلش يا قمر فين بيت أحمد عبدالغفار البدوي
غرام / أؤمر حضرتك عاوزه ليه أنا غرام بنته
هو بصلها من فوق لتحت / انتي بقى غرام
غرام / ايه مش ماليه عينك والا ايه
هو / ده انتي تملي عين الباشا يا باشا انت
غرام في نفسها ( ده شكله بيعاكس وأنا لو اتخانقت معاه وخدت منه قلم هتحول عليا الطلاق هتحول أسيبه يعاكس بقى وأمشي أنا ) / طب بعد اذنك
هو / استني بس مش عاوزه تعرفي أنا مين
غرام / هتكون مين يعني
قرب عند ودنها وهمسلها / أنا رسلان شيلي الحظر بدل ما أشيلك أنا وأخطفك وغمزلها ومشي
فضلت غرام واقفه مكانها مش قادرة تتحرك من الصدمه وأول ما فاقت جريت على بيتهم لقت الباب مفتوح دخلت بسرعه وهي بتنهج وبتقفل الباب وراها وسندت عليه بضهرها
ماما / مالك يابت فيكي ايه انتي مش هتبطلي لعب في الشارع بقى وتعقلي جاية تستخبي في البيت وتجيبيهم وراكي يابنت الهبلة والله أجببك من شعرك انتي وهما
غرام وهي لسه على صدمتها / إلحقيني يا ماما
ماما / فيه ايه يابت شكلك مخطوف كده ليه
غرام / ظابط مخابرات بيطاردني ياما
الأم وهي بتخبط بإيدها على صدرها / نهارك اسود ومهبب انتي بقيتي إرها،بيه يابت وكمان مطاردة من المخابرات
غرام وهي بتلطم / والله مافيه حد هيحبسني ويجيب أجلي غيرك يا ولية إرها،بية ايه هو انا قادرة أمشي
ماما / أومال ايه ظابط مخابرات بيطاردك دي
غرام / تعالي نقعد وأحكيلك كل حاجه من طقطق لسلاموا عليكوا
↚
غرام قعدت مع مامتها وحكتلها كل اللي حصل بالظبط
ماما / طب والظابط ده هيعوز منك ايه يابت يالاهوي لا يكون حطك في دماغه وعاوز يحب،سك
غرام / يا ماما هيحبسني يعمل بيا ايه الله يهديكي
ماما / الله يهديكي انتي قومي بس نجهز باقي الأكل علي كلمني وقالي هما جايين في الطريق أهم وبعدين نبقى نشوف صرفه في المصيبه دي
بعد ساعة الباب خبط راحت غرام جري فتحت / بااااااباااااااا
حضنت باباها جامد / وحشتني أوي يا بابا
الأب / وانتي كمان وحشتيني أوي يا أروبة عاملة ايه يا حبيبة بابا
غرام / بابا جبتلي ايه معاك
بابا / مجبتش حاجه
غرام / طب بعد اذنك بقى أنا عاوزه حق حضن المطارات ده ماهو مش ببلاش يا حاج
بابا / تعالي يا غلباويه انتي في حضن بابا وهديكي اللي انتي عاوزاه
أول ما شاف مراته زق غرام جامد وقعت على الأرض وراح حضن مراتها وشالها
علي وطى على غرام وهي على الأرض / هو قلبك زي برميل المخلل والا أنا بيتهيقلي
غرام وهي بتبص لباباها بصدمه / لا وانت الصادق ده قلبني زي الكلب الجربان وبصت لعلي / هو انا جربانه يا علي 🥺
علي / قومي بس استحمي وتعالي عشان ريحتك لا تطاق ووطى يشم راسها وبعدين بعد بقرف بسرعه واتكلم وهو نفسه مكتوم / ايه ريحة شعرك دي
غرام / غاسله شعري بجاز عشان يطول
علي / قومي استحمي تك قرف قلبتي بطني ... ايه ده هما لسه بيحضنوا بعض
غرام / إنه لقاء الجبابرة يابني 🥺
علي / بس يابت قومي استحمي قومي متقعديش على الأكل بريحة الكلب الميت دي
غرام بردح / هاااااااااا وماله ريحة شعري يا دلعادي ده أنضف من ريحة أهلك يالا
بابا / مالها ريحة أهلة يا معفنة
غرام وهي بتغمز لباباها / بابا عيب مش قدامهم كده
بابا / قومي يابت حطي الأكل انتي وأخوكي
غرام / حاضر يلا يا ماما
بابا / لأ أمك قاعدة معايا 🙂
غرام / يعني ماما تقعد معاك وأنا بنت البطة السودة يعني فيه ايه يا حاج
↚
بابا / روحي يابت بدل ما أقوملك
غرام / لا والله ماتقوم خليك مكانك متتعبش نفسك يلا يا علولو
حطت الأكل وقعدوا أكلوا في ضحك وهزار وعدى الوقت وكل واحد دخل نام
عند غرام كانت نايمة صحت على رنت الفون فتحت وردت على طول من غير ماتبص على الإسم / ألو
رسلان / مشيلتيش الحظر ليه مش قولتلك لو مشيلتيهوش هشيلك أنا يا مزتي
غرام الصدمه فوقتها من النوم قامت بسرعه قعدت مكانها / ممكن أفهم انت عاوز مني ايه ماشي ورايا ومش سايبني في حالي ليه
رسلان / هتصدقيني لو قولتلك أنا نفسي معرفش أنا عاوز منك ايه
غرام / طب لما تبقى تعرف ابقى اتكلم
رسلان / استني بس متقفليش عشان لو قفلتي وربنا هتلاقيني فوق دماغك دلوقتي
غرام / أستغفرك ربي وأتوب إليك عاوز ايه دلوقتي
رسلان / أنا والله مش عارف أنا عاوز ايه بس فيه حاجه بتشدني ليكي انتي متخيلة أنا جيت من تركية مخصوص عشان أشوفك عاوز أفضل أتكلم معاكي وبرضه مش عارف ليه
غرام باستهزاء / ياحرااام ودلوقتي تصعب عليا ونتكلم شوية شوية تقولي بحبك فأنا اتعلق بيك وأحبك أنا كمان شوية شوية تقولي ابعتيلي صورة ليكي ده انتي مراتي يابت وحبه حبه تزيد محبه واجي أدور عليك في وقت الجد ألاقيك فص ملح وداب صح ؟ لا معلش معنديش منه ده بح خلص
رسلان / أنا مش هقولك مفيش الكلام ده ومفيش حد بيعمل كده لأ فيه كتير بيعمل كده وبتكون شباب زباله وبنات هبلة بتقع من كلمه وبيضحك عليها من واحد ميستاهلش أنا هقولك أنا مش عيل أنا راجل وقد كلمتي وعمري ما هقولك بحبك إلا وأنا حاسسها بجد وياستي عشان تصدقيني هخليكي تكلمي والدتي
غرام / أيوه مش بقولك سيماهم في وجوههم أكلم ماما عشان أصدقك صح وبعد ماتلعب بيا أمك هتعملي ايه بقولك ايه أنا مش فايقه للحوارات لو سمحت ابعد عني مع السلامه
رسلان / طب والله العظيم يا غرام لو قفلتي لاكون جايلك دلوقتي حالا
غرام / يااااربييييي يابني انت عاوز ايه مني كفايه كده
رسلان/ طب ممكن نكون صحاب
غرام / مفيش حاجه اسمها صداقة بين شاب وبنت أنا متربتش على كده أسفه معنديش الأوبشن ده
رسلان / طب أنا ممكن أديكي كورسات وأهو تنجحي بدل ما انتي ساقطه كده
غرام / ايه ده هي إنجازاتي سمعت والا ايه
رسلان / يابنتي دي وصلت العالميه
غرام / طول عمري مشهوره 😌
رسلان / حصل
غرام / ممكن أنام طيب دماغي صدعت بجد
رسلان / ماشي نوم الهنا بس لو لاقيتك عامله حظر ولو مشيلتيش حظر الواتس هزعلك يا غرام وأنا زعلي وحش مش هتحبيه
غرام بخوف / ح حاضر سلام
رسلان / سلام
حاولت غرام انها تنام بس خوفها وقلقها كانوا مسيطرين عليها مش عارفه تنام بس قررت انها متفكرش في حاجه عشان تنام وفعلاً دقايق وكانت نامت
تاني يوم صحيت من النوم على خبط على باب الشقه قامت لقيت مفيش حد غيرها لبست إسدالها وراحت فتحت وبعدين وقفت بصدمه وزهول مش مصدقه
↚
غرام فتحت الباب وفضلت واقفه مكانها مصدومة
اتكلم علي / مالك يابنتي متنحه كده ليه وبعدين كلم الشخص اللي معاه / معلش أصلها أول مره تشوف حد بالطول والعضلات دي فأكيد خافت احم احم غرام ده الأستاذ رسلان سيردار قدسي ابن عمو سيردار التركي صاحب بابا أيام ما كان في تركيا
غرام / اه أهلاً وسهلاً جاي هنا تعمل ايه برضه
علي / غرااااام أنا أسف يا رسلان هي بس عشان لسه صاحيه من النوم ادخلي اعملي عصير يا غرام زمان بابا وماما جايين هما مع عمو سيردار وطنط إلهام تحت في البوابه
غرام مشيت دخلت المطبخ وهي على صدمتها ومش فاهمة حاجه
وكل ده كان بيحصل تحت نظرات رسلان الخبيثه اللي عارف وفاهم صدمتها كويس
علي / تعالى يا رسلان اتفضل
دخل رسلان قعد هو وعلي
علي / غريبه جدا إنك بتتكلم مصري كويس
رسلان / ممكن عشان دي أول مره نتقابل فيها ف انت متعرفنيش كويس أنا بشتغل ظابط في المخابرات تخصص هكر ده غير اني عندي في تركيا شركة إلكترونيات وعامل فرع تبعها هنا في مصر وأعتبر مابين مصر وتركيا ده غير إن والدتي مصريه من أصل صعيدي فطبيعي أكون بتكلم مصري كويس
علي / ماشاء الله تبارك الله بس غريبه إنك بتيجي مصر كتير ولا مره جيت هنا لبابا
رسلان / كنت باجي لشغل أخلص وأروح تركيا على طول عشان شغلي هناك كمان ميتعطلش فمكنتش بلحق اجي خالص
علي / اه فهمتك
رسلان / وانت بقى بتشتغل ايه
علي / أنا محامي خريج حقوق بقى
رسلان / بجد والله طب كويس جدا ده انا كنت بدور على محامي يمسك الشؤون القانونيه عندي في الشركه ده انت جيتلي في وقتك والله
على دخول الأب والأم
أحمد / احنا هنتكلم في الشغل حتى في الأجازه والا ايه يا شباب لأ أنا عاوزكم تستمتعوا معانا بالأجازه كده دي أول مره رسلان يزورنا مع والده ووالدته
رأفت أم علي وغرام / أنا كنت بسأل والدك ووالدتك عنك على طول وكان نفسي أشوفك ده انت زيك علي وغرام والله من قبل ما أشوفك يابني
رسلان / تسلميلي ياست الكل متحرمش منك وأنا قولت برضه أجي أشوفكم وأتعرف عليكم وأقضي معاكم الأجازة أهو
سيردار / خلي بالك يا أحمد رسلان لأول مره في حياته يأجز من الشغل دي معجزه دي
إلهام / والله يا روفه يا حبيبتي كنت أقعد أتحايل عليه خد أجازة يا حبيبي وتعالى معانا الصعيد أو عند عمك أحمد يقولي لأ مقدرش أسيب شغلي
رسلان / ما خلاص بقى يا جماعه هو كلكم عليا والا ايه
رأفت / ازاي بس يا حبيبي ده محدش يقدر يزعلك أمال غرام فين يا علي هي لسه نايمه
علي / لأ يا ماما ده انا قولتلها تعمل عصير بقالها ساعه مش عارف راحت فين
رأفت / زمانها رجعت نامت تاني هقوم أشوفها
رسلان بخبث / لأ سيبيها براحتها يا خالتي متزعجيهاش
رأفت / لا إزعاج ولا حاجه يا حبيبي دي هتفرح خالص بيكم هقوم أندهلها وجايه عن اذنكم
دخلت الأم تنده لغرام ولسه داخله المطبخ لقت غرام ماسكه ديل الإسدال في بؤها وبتلطم مامتها خافت منها وفكرتها عفر'يت بدأت ترجع بضهرها براحه ناحية باب المطبخ وهي بتقرأ أية الكرسي بصوت واطي عشان متلفتش نظرها وبدأت تقول بهمس / (الله لا اله الا هو الحي القيوم لا تأخذه سنة ولا نوم له ما في السموات ومافي الأرض )
غرام بصتلها وبرقت بعنيها رأفت خوفها زاد وجسمها اترعش من الخوف وسكتت خالص
غرام أول ما شافت مامتها قالت تجري عليها تحكيلها اللي حصل وأول ما بدأت تروح تجاه مامتها اتفاجئت بمامتها بتصوت وبتجري بره المطبخ غرام خافت وقالت ده فيه عفر'يت وراها ومامتها شافته وخافت تبص وراها وصوتت هي كمان وطلعت تجري ورا مامتها
كلهم كانوا قاعدين في الصاله ولقوا رأفت طالعه من المطبخ جري وبتصوت وغرام بتجري وراها وبتصوت هي كمان
الكل بصلهم بصدمه وخاصة أحمد اللي انصدم لما مراته راحت استخبت وراه وبتقوله/ إلحقني عفر'يت عفر'يت شوفته بعيني وطلع يجري ورايا وعامل نفسه شبه غرام
غرام أول ما سمعت مامتها بتقول كده خوفها راح واتبدل غضب وبصت لمامتها بغضب وضيق / عفر'يت على شكل غرام بقى أنا قطعت الخلف من ورا عملتك البيضه وجايه تقوليلي عفر'يت على شكل غرام
الكل ضحك عليهم وخاصة رسلان اللي مقدرش يمسك نفسه من شكل غرام وهي بتصوت واللي اتحول فجأه لغضب
↚
غرام/ اضحكوا اضحكوا ازيك يا خالتي عامله ايه وسلمت على إلهام ازيك ياعمي وسلمت على سيردار
سيردار / عامله ايه في الكليه وبقيتي سنه كام دلوقتي
غرام / ايتا ايتا ايتا انت بقيت بتتكلم مصري أحسن مني ياعمو
إلهام / عيب عليكي هو متجوز أي حد والا ايه
غرام / ده معاه هومه بذات نفسها
رسلان بخبث / انتوا بتطردوني بالزوق والا ايه ياعم أحمد
أحمد / ليه كده يا رسلان هو حد زعلك
رسلان / لأ أصل الأنسه غرام محسساني اني شفاف خالص يعني
رأفت / لا طبعاً ده غرام مش قصدها هي بس زمانها اتلهت في الكلام مع باباك ومامتك أصلها متعوده عليهم ايه يا غرام مش هتسلمي على رسلان
غرام وهي بتبص لأمها بجنب عينها / حاضر هسلم هسلم يا رأفت وبصت لرسلان / ازيك منورنا والله عامل ايه
رسلان بصلها باستغراب أنها مسلمتش عليه / الحمدلله منوره بنورك
رأفت / معلش أصلها مش بتسلم على رجاله
رسلان في تفكيره ( ماهي سلمت على بابايا والا هي جيت على قرمط يعني 🙂)
رسلان / ممكن أسأل حضرتك سؤال
رأفت / أكيد يا حبيبي اسأل ده انت زي علي ابني بالظبط
رسلان / هو ليه حضرتك اسمك رأفت
رأفت / أصل أبويا الله يرحمه كان مشتاق لخلفة الصبيان وكانت كل ما أمي تحمل تجيب بنت وكانت البنت بتموت برضه مكنش بيعيشلها عيال فابويا حلف العيل اللي جاي هيسميه رأفت جه ولد جه بنت رأفت يعني رأفت واتولدت أنا سماني رأفت وأنا الوحيده اللي عيشت في اخواتي
رسلان / ربنا يبارك فيكي ويديكي العافيه وطولة العمر يارب
أحمد / يلا بقى حطوا الغدا على أما نصلي الضهر ونيجي يلا يا جماعه
الرجاله راحوا يصلوا الضهر وغرام بدأت تحط الأكل على السفره على أما مامتها وإلهام يصلوا الضهر خلصوا صلاه كان باقي حاجات بسيطه كملوها هما وغرام راحت تصلي والرجاله جم من المسجد دخلوا قعدوا ياكلوا وأثناء الأكل لاحظت إلهام نظرات رسلان لغرام من تحت لتحت ولاحظت كمان إن غرام بتتهرب منه ومن نظراته وبتتجنب الكلام معاه في حين إن رسلان بيحاول يفتح معاها أي كلام وقررت تساعد ابنها هي تتمنى إن غرام تبقى مرات ابنها وخاصة لما لاحظت لمعة عيونه لما بيبصلها
إلهام / عامله ايه في كليتك يا غرام
غرام / العميده بنت اللذينه مستقصداني يا خالتي 🥺
إلهام / ليه كده مالها ومالك
غرام بغرور / حاسه إني في يوم من الأيام هاخد مكانتها في الكليه منها عشان كده بتسقطني 😌
الكل ضحك عليها علي / يعني مش عشان انتي فاشله تسوء تسوء عشان هتاخدي مكانتها منها
غرام / أينعم انت مستقل بأختك والا ايه
إلهام / لا طبعاً يا حبيبتي ده انتي ست البنات وبعدين بصتلها بخبث كده / طب ماتخلي رسلان يذاكرلك وأهو كده كده أجازه ده متعلم عند شيوخ كتير
غرام بصت بجنب عينها عليه بضيق / حتى لو يا خالتي برضه ميعرفش يشرح مواد الأزهر لأنها تقيله
رسلان في الوقت ده كان نفسه يقوم يبوس راس مامته / لأ عادي يا غرام أقدر أشرحلك المواد أنا دارس فقه ومواد شرعيه برضه
غرام بصتله بضيق وإنه بيستغل الوضع وقررت تكسفه بسؤال ميعرفش يجاوب عليه بصتله بخبث / طب لو فيه واحد مسيحي سألك انت بتعبد مين هتقوله ايه
رسلان بصلها وعرف إنها عاوزه توصل لسؤال يعجزه ولكن بصلها بثقه / بعبد الله الذي لا إله ألا هو
غرام بصتله وأخيراً وصلت للي هي عاوزاه/ طيب لو نفس المسيحي ده قالك انت ازاي بتعبد ربك الواحد الذي لا إله إلا الله وربك نفسه قال في القرآن الكريم ( ولقد خلقنا الإنسان ونعلم ماتوسوس به نفسه ونحن أقرب إليه من حبل الوريد ) وقال كمان ( لقد خلقنا الإنسان في أحسن تقويم ) نحن وخلقنا ونعلم دول كلهم جمع هترد عليه تقوله ايه
↚
بصلها رسلان بإعجاب من سؤالها الذكي لكن فضل ثابت على نظرة الثقه / هقوله إن القرآن الكريم نزل بلسان عربي مبين والعرب زمان أيام الرسول صل الله عليه وسلم كانوا يستخدمون صفة الجمع للمفرد بغرض التفخيم والتعظيم فكان إذا أراد شخص أن يعظم من نفسه كان يقول ( نحن فعلنا كذا ) ولكنه كان يقصد نفسه بمفرده لتعظيمه للعمل اللي هو عمله ولله المثل الأعلى والأعظم القرآن الكريم جه بنفس لغة العرب كنوع من أنواع الإعجاز وكان الله عز وجل إذا أحب أن يعظم من فعل كان يجمع الصفه وليس الموصوف أما عندما يريد الله عز وجل أن يؤكد على وحدنيته عز وجل كان يقول ( إياك نعبد وإياك نستعين ) وقال الله تعالى-: (وَلِلَّهِ غَيبُ السَّماواتِ وَالأَرضِ وَإِلَيهِ يُرجَعُ الأَمرُ كُلُّهُ فَاعبُدهُ وَتَوَكَّل عَلَيهِ وَما رَبُّكَ بِغافِلٍ عَمّا تَعمَلونَ)
بقلم أمل محمد
بصلها رسلان ولاحظ لمعة إعجاب في عيونها وحس إنه طار من الفرحه لما لمح اللمعه دي في عيونها وهو مش عارف ايه سبب تعلقه بيها ولا ايه سبب فرحته دلوقتي لما لاحظ إعجابها بيه
رسلان / يارب أكون نجحت في الإختبار
غرام وهي بتحاول تداري إعجابها بيه / يعني مش بطال
إلهام / يعني خلاص اتفقنا رسلان يذاكرلك
غرام / ماشي يا خالتي
إلهام وهي ملاحظه فرحت ابنها / تمام اتفقنا
أحمد / شكلك باين عليه التعب من السفر يا سيردار تحب تدخل تريح شويه
سيردار / ياريت والله تعبنا في السفر انهارده والجو كان حر اوي
أحمد/ قوم ادخل الأوضه ريح شويه يلا يا أم رسلان ادخلوا ارتاحوا شويه
قاموا سيردار وإلهام دخلوا يريحوا شويه
أحمد / وانت يابني مكسوف والا ايه لو عاوز تريح شويه قول يا حبيبي
رسلان / لأ أنا متعود على السفر على طول مش تعبان ولا حاجه أنا بس عاوز كوباية شاي كده بعد الأكله الحلوه دي تسلم ايدك يا خالتي طبيخك تحفه
رأفت بابتسامه / ده طبيخ غرام يا حبيبي
غرام بصت لأمها بصدمه لأنها لا طبخت ولا عملت حاجه هي بس حطت الأكل على السفره
رأفت / قومي يلا يا غرام يا حبيبتي اعملي الشاي
غرام وهي بتبرق لمامتها / حاضر قايمه
قامت غرام تعمل الشاي وعلي ورسلان قاعدين وأحمد دخل يريح شويه لأنه كان بيقابلهم في المطار ورأفت عانت الأكل ودخلت نامت هي كمان وسابت الشباب مع بعض
غرام طلعت الشاي وكان علي بيتكلم في الفون في البلكونه حطت الشاي على الطرابيزه قدام رسلان اللي طلع قدام شويه بجسمه وهمس / ياريت متكونيش حطيتي صوابعك في الشاي لأني بشربه مُر وصوابعك هتسكرُه
غرام بصتله بقرف ورجعت شالت الشاي تاني
رسلان بصلها بصدمه لما لقاها شالت صينية الشاي ومشيت / انتي راحه فين أنا عاوز الشاي
غرام / والله ما انت شاربه عشان تبقى تستظرف كويس
رسلان / خلاص والله هاتيه ومش هتكلم
غرام بصتله بجنب عينها ورجعت حطت صينية الشاي تاني
رسلان أخد كوباية الشاي وبدأ يشربه / هو انا مش قولتلك لو مشيلتيش حظر الواتس هزعلك والا انتي عاوزه تتشالي لو عاوزه تتشالي عرفيني وأنا مش هتأخر
غرام بصتله / تصدق كنت مفكراك ظابط وجامد وكده طلعت هفأ
رسلان بصلها بجنب عينه / هعتبر انك مقولتيش حاجه وهكبر دماغي ومش هاخد على كلام عيله زيك
غرام اتعصبت جدا من إهانته ليها وقامت وقفت وبصتله بغضب / أنا عيله يا طويل على الفاضي وعضلات نفخ واصطناعيه
رسلان / اصطناعيه اه مركب سيليكون أنا
غرام بصتله بغضب وسابته ومشيت
اليوم خلص بسرعه والكل نام كانت الساعه 1 بليل وغرام كانت سهرانه بتقرأ روايه
غرام / والله اللي كتبت رواية( ملحد سرق قلبي ) دي كاتبه جامده ( بمدح في نفسي معلش 🤭) أما أقوم أعمل كوباية شاي واجي أكمل
قامت غرام لبست إسدالها وخرجت من الأوضه اتفاجئت برسلان لابس تيشيرت نص كم اسود وبنطلون اسود وكاب اسود وماسك چاكت اسود في أيده وبيلبس الكوتش
غرام / ايه ده انت رايح عزا والا ايه
رسلان وهو متابع لبس الكوتش / اشمعنى يا خفيفه
غرام / أصلك مسودها يعني
رسلان وهو بيرفع عينه ليها وما زال بيربط رباط الكوتش / القاده كلموني من المخابرات وقالولي أروحلهم دلوقتي عشان فيه شغل
غرام وحست إنها خافت عليه بس مش عارفه ايه السبب / ه هو انت بتضرب وتنضرب وضرب نار بقى وكده
رسلان بصلها وقدر بسهوله يستشف قلقها عليه من عيونها ودي حاجه فرحته جدا / غرام أنا هكر يعني بعيد كل البعد عن ضرب النار إلا في شوية حالات بسيطه كده لو كان عمل اضطراري يعني متقلقيش
غرام بتوتر / وأنا هقلق عليك ليه أنا مالي
رسلان / طب بلاش توتر بس أنا ماشي
غرام بتسرع / خلي بالك من نفسك
رسلان بصلها وابتسم / حاضر مع السلامه
غرام وهي بتبص في الأرض بخجل من تسرعها / مع السلامه
خرج رسلان وهو ماسك الچاكت في ايده ورافعه على كتفه ركب عربيته ومشي بيها بسرعه لحد ما وصل طريق شبه صحراء وقف عربيته وغطاها بغطا اسود ومشي شويه وهو بيتلفت حواليه بيتأكد إن مفيش حد ماشي وراه وصل عند حاجه متغطيه كشف الغطا وكان موتوسيكل لبس جاكته وقفله وشد الكاب على وشه أكتر وركب الموتوسيكل وطلع بسرعه قويه لحد ما وصل عند مبنى حواليه صحراء نزل وقفل الموتوسيكل ودخل البيت وفضل ماشي في حديقة البيت لحد ما وصل عند باب ألومونيوم في الأرض ضغط على زرار أشتغل في الغطا حاجه زي شاشة الفون حط ايده عليه عملت مسح على ايده وفجأه الباب اتفتح كان موجود سلم نزل عليه كان فيه ممر طويل فضل ماشي فيه فترة لحد ماوصلت عند باب مصفح طلع كارت من جيبه شبه الفيزا ودخله في المكنه اللي جنب الباب اشتغلت زي شاشة فوق المكنه عملت مسح لبصمة الوش والباب اتفتح كان فيه زي صاله كبيره مليانه مكاتب فاصل بين كل مكتب والتاني لوح ازاز فضل ماشي لحد ماوصل المكتب وخبط ودخل
القائد / ايه التأخير ده كله يا قيصر
↚
القائد / ايه التأخير ده كله يا قيصر
رسلان / كنت قاعد في مكان بعيد شويه هاه فيه ايه
إبراهيم / فيه فلاشه عليها معلومات مهمة عن الأشخاص اللي هيتم إغتيالهم الفتره الجايه ولما جينا نفتحها لاقيناها مصممه بطريقه غريبه فقررنا نسيبها خالص بدل مانعمل حاجه غلط تبوظ الدنيا وبعتنالك
رسلان / هي فين
إبراهيم / في درج المكتب بتاعك
قام رسلان وقف وراح عند حيطه في المكتب عليها مرايه بالطول متفيمه اسود وحط صباعه الإبهام على زاويه معينه في المرايه عملت مسح بصمه والحيطه فتحت زي الباب دخل كانت أوضة فيها مكتب وفيها جهاز كومبيوتر و٣ شاشات ولاب توب على المكتب دخل قعد على المكتب فتح الدرج طلع الفلاشه كانت فلاشه شكلها غريب جدا كان سنها زي أي فلاشه عاديه لكن التصميم بتاعها مش صغير لأ دي مدوره شبه القنبله
رسلان بصلها بتقييم وفضل باصصلها وساكت وهو بيقلبها في ايده
يوسف صاحب رسلان / فيه ايه انت بتتعرف عليها
رسلان وهو لسه بيبص للفلاشه/ استظراف بقى وكده والا ايه
يوسف / أصلك بتبصلها بطريقه غريبه
رسلان / شاكك انها قنبله
يوسف / ياعم والله فلاشه وكنا شغلناها لولا الباسوورد حتى أنا كنت هدخل أي باسوورد بس القائد قال بلاش لعب ونستناك
رسلان / هيبان يا يوسف هيبان
فتح اللاب توب بتاعه ودخل الفلاشه وبدأ يشغلها وظهرله على الشاشه مربع أحمر يدخل فيه الباسوورد وحوالين المربع كلام مش مترتب بخط صغير جدا ورفيع محدش يقدر يقرأه
رسلان بص للمكتوب حوالين المربع وبيحاول يقرأه بس هو مش شايفه
يوسف / ايه ياعم انت بتتأمل المربع والا ايه مالك كده المرادي هي أول مره تشغل فلاشه والا ايه
رسلان وهو لسه بيدقق في الكلام / كلمه كمان وهقوم أجيبك نصين شبه البطيخه
يوسف حط ايده على بؤه بمعنى سكت
رسلان طلع الفون بتاعه وصور شاشة اللاب توب صوره واضحه وبدأ يكبرها بخاصية في الفون بتاعه ويوضحها كويس
يوسف / هو ايه اللي مكتوب ده هي معمول عليها سحر والا ايه
رسلان / ده كلام مش مترتب صح أو نقدر نقول كاتبين الحروف بالعكس
يوسف بصله باستغراب اللي هو هيعملوا كده ليه
رسلان مسك قلم وورقه وبدأ يرتب الكلام والحروف وفجأه بص للورقه اللي في ايده بصدمه
______________________
في البيت عند غرام كانت بتحاول تنام ومش عارفه
غرام / يووووه بقى هو انا قلقانه عليه ليه كنت أمه أنا يعني ......... وبعدين دي أمه نفسها نايمه شبه البطريق ولا عارفه ابنها نام والا صاحي ولا راح فين ولا جه منين ايه الأمهات دي وأنا اللي كنت بتخنق من أمي عشان بتقلق عليا ده أنا في نعمه وربنا الله يكون في عونه......... طب ده خارج من الساعه 1 والساعه دلوقتي 4الا ربع هيكون فين يعني والا جراله ايه ...... معقوله يكون اتخطف هاااااااااررررسسسسسووووح ده انا كنت بدأت أسمي عيالنا أقولهم ايه أبوكوا اتخطف ياختااااااي أودي وشي فين من عيالي مقدرتش أحافظ على أبوهم وأحميه أقولهم ايه أبوكوا اتخطف وأمكم كانت قاعده في البيت تندب حظها أنا اللي اتنمردت عليه في الأول أستاهل لو كنت روحت على أبويا قولتله عريس يابوووووي عريس يابوووووي طخه بس متجتلوش يابوووووي كان زمانا قاعدين دلوقتي مع عيالنا بدل ما هما بقوا أيتام كده من قبل ما يجوا ... ااااااااه ياعيني على شبابك يا رسلان مكنش يومك يا سوسو كنت حلو وبعيون مش عارفالها لون يخربيت جمال أهلك يا جدع جامد ابن جامد ابن جامده جتكوا القرف عيله حلوه وملزقه
_______________________
↚
يوسف / مالك تنحت للورقه كده ليه
رسلان / مش قولتلك حاسسها قنبله
يوسف برق وبصله بصدمه وهو بيحاول يبلع ريقه اللي نشف مره واحده / طب طب أستأذن أنا
رسلان مسكه من قفاه / لأ تستأذن ايه يا حبيبي يا نعيش عيشه فل يانموت احنا الكل
يوسف برعب / رسلان متهزرش يلا نجري
رسلان / يا حيوان افهم هي مصممه بنظام إنك لو دخلت الباسوورد غلط هتنف'جر يعني اهدى مش حوار يعني
يوسف وهو بيمثل الدموع / وأنا أضمن منين انك هتدخله صح مايمكن تدخله غلط ونروح فيها وأنا واحد خاطب ولسه معيشتش حياتي لكن انت معندكش مزه تعيش عشانها فمش باقي على الدنيا 🥺
رسلان افتكر غرام أول ما خبط فيها في الشارع وافتكرها لما فتحتلهم باب الشقه وهما قاعدين على الأكل وهي بتحاول تحرجه بسؤال ميقدرش يجاوبه وضحكتها ورقتها في الكلام وشكلها لما تتعصب ولما كانت بتصوت وهي بتجري ورا مامتها وأخر حاجه لما اتقابلت فيه وهو خارج وقلقها عليه اللي كان واضح في نظرة عيونها
يوسف / ايه ياعم الحاج نحن هنا
رسلان / وأنا كمان يا يوسف تقريباً لاقيت اللي هعيش عشانه بإذن الله
يوسف بصله بصدمه / قول وربنا
رسلان بص في ساعته ولقاها 4 وهو واثق ومتأكد إن غرام لسه منامتش ومستنياه
رسلان باستعجال/ يلا نفكها عشان أنا اتأخرت وراح أخد الفلاشه ودخلها على الكومبيوتر والشاشات اشتغلت رسلان قلب الكاب لورا وقعد على الكرسي قدام الكومبيوتر وبدأ يفكك الفلاشه بحذر شديد عشان أي غلطه كلهم هيروحوا فيها
أما يوسف باصصله بصدمه وبس من امتى ورسلان بيخاف الموت ومن امتى بيهمه اتأخر أو لأ ده كان ساعات يجي الساعه 9 بليل ويمشي بعد الضهر معقوله ده رسلان اللي الكل اتعود عليه جامد هزة رجله بتوتر خايف يعمل حاجه غلط الفلاشه تنفجر لأ ده أكيد بيحب مفيش كلام
رسلان كان مركز في الفلاشه واللي هو بيعمله كويس عدت ربع ساعه وعدى كمان زيها وفجأه الفلاشه صفرت
يوسف اتخض وطلع يجري وهو بيشد في رسلان
رسلان ضربه بالقلم على قفاه / اتفتحت يا حيوان
يوسف بصله بزهول وهو مش مستوعب من الخضه اللي كان فيها ورجع بص للشاشات واللي بعد ما كانت كلها كلام ومربعات حمرا بقت خضرا وده معناه إنه شغلها فعلاً حط ايده على قلبه يهدي ضربات القلبه اللي كانت هتقف وبصله بفخر
يوسف بفخر/ تسلم ايدك يا قيصر محدش يعرف يجيبها غيرك
رسلان بغرور / طول عمري محدش بيعرف يعمل اللي بعمله يا صاحبي وبص في ساعته كانت الساعه 4ونص أخد الجاكيت بتاعه بسرعه ومفاتيحه
رسلان / سلام يا وحش
يوسف / رسلان انت مستعجل كده ليه رسلان رسلاااااان
كان رسلان خرج وطلع من المبنى وصل الموتوسيكل بتاعه لبس الچاكيت وعدل الكاب وشغل الموتوسيكل وركبه وراح لمكانه وقفه وغطاه قلع الچاكيت حاطه على كتفه عشان الجو حر ولف الكاب لورا وأخدها جري لمكان العربيه رفع من عليها الغطا وركبها واتحرك بسرعه لدرجة إنه لما وصل عند البيت وداس فرامل العربيه عملت صوت نزل من عربيته ورن على غرام عشان الساعه كانت 5 وربع مينفعش يرن الجرس كلهم هيصحوا
غرام / السلام عليكم انت فين يا رسلان الساعه خمسه وربع انت اتخطفت لو اتخطفت أعمل أي صوت أفهمك وأجي ألحقك أعمل صوت أعمل صوت اتكلم أعمل أي حاجه انت مبتتكلمش ليه ان......
رسلان بمقاطعه / ايه ايه مبتكلمش عشان انتي مش سايبالي فرصه أنطق ولا حتى تبلعي ريقك افتحي البوابه أنا واقف تحت افتحيلي لأني هموت وأنام أقسم بالله
غرام / حاضر هفتحلك أهو
راحت غرام أخدت المفتاح ونزلت تفتح البوابه
رسلان دخل وبصلها / انتي ايه اللي مصحيكي لدلوقتي
غرام بتوتر / أ أنا كنت نايمه وانت اللي صحيتني لما رنيت
رسلان بص في عيونها بتدقيق / طيب أنا أسف اني صحيتك اطلعي يلا نامي عشان الوقفه دي متصحش
غرام / حاضر وهي طالعه على السلم
رسلان / غرام
لفت وبصتله
رسلان / على فكره أنا درست سنتين كُرسات علم نفس يعني بقدر أفهم الإنسان من غير ما يتكلم وبقدر أعرف إذا بيكذب والا لأ وغمزلها
غرام اتوترت جدا وسابته وطلعت بسرعه
أما هو فضل واقف مكانه بيستجرع ملامحها في ذاكرته
( معقوله حد يحب بالسرعه دي _ لأ أكيد مش حب يعني ممكن اعجاب بس مش حب لأ ) وبعدين طلع ينام هو كمان
↚
صحيت غرام من النوم على رنة الفون بصت في الساعه كانت 10 مسكت الفون وردت
جنات / ايه يا غرام برن عليكي من ساعتها مبترديش ليه
غرام / يعني بترني ومبردش ابقى أكيد نايمه يبقى نخلي عندنا دم ونحس على دمنا شويه ونسيب الناس نايمه
جنات / والله يا شيخه انتي اللي معندكيش دم روان عملت حادثه امبارح ومجبسه رجليها هتيجي نروح نشوفها
غرام بخضه / ايه ده عملت حادثه ازاي يعني
جنات / مش عارفه بس أنا بكلمها من شويه قالتلي انها عامله حادثه
غرام / خلاص هقوم أقنع بابا اني أروح أنا وانتي ليها سلاموز
جنات / سلام
قامت غرام لبست اسدالها وخرجت ملقتش حد في الشقه خالص فتحت باب الشقه سمعت صوت جاي من السطح دخلت تاني اتوضت وصلت وعملت ساندوتش وأكلته وطلعتلهم على السطح وهي بتفكر هتفنعهم ازاي لقت علي ورسلان قاعدين بيتكلموا وباباها ومامتها وإلهام وسيردار قاعدين مع بعض وبيضحكوا
غرام وهي بتغني / الضحكه دي يا ناسو كوتي كوتي يا خلاثو
الكل ضحك عليها
غرام وهي بترفع ايدها اليمين جنب راسها / صبح صبح ياعم الحاج
وراحت عند باباها جري / بابا حبيبي بابا الغالي أعملك شاي يا بابا
الأب وهو بدأ يفهم هي بتعمل ايه بصلها وهو بيضيق عيونه / لأ
غرام / طب أعمل تاكل
الأب / لأ
غرام/ أكويلك جلابيه وقميص وبنطلون يا حبيبي
الأب / غرام هاتي من الآخر وقولي عاوزه ايه الدخله دي مش عليا
علي أخوها ضحك عليها جامد / ده كان زماااااااااان
غرام / بعد اذن حضرتك يا بابا يا حبيبي يا سندي أروح أشوف روان صاحبتي عشان عملت حادثه امبارح
الأب / انتي عارفه إن من يوم ما أخوها اتقدملك واترفض وأنا مبحبكيش تروحي هناك يا غرام
غرام / يعني يا بابا هو عشان خاطر أخوها أقاطع صاحبتي
الأب / هتروحي انتي ومين
غرام / أنا وجنات
الأب / نص ساعه بالظبط ومتتأخريش
غرام / يعيش بابا سيد الكل وسيد الناس يعيش يعيش يعيش
غرام وهي بتتحرك عيونها جيت على رسلان اللي بصتله بصدمه وزهول
غرام وهي بتكلم نفسها ( هو لابس لينسيز والا ايه مال عيونه بقى لونها اسود كده مش كانت خضرا ...... هو بيبصلي كده هو هيتحول والا ايه أنا قولت من الأول ده مستذأب محدش صدقني عليا الطلاق مستذأب ) ومن خوفها من نظراته جريت على تحت بسرعه
أما رسلان أول ماسمع إن أخو صاحبتها كان متقدملها دمه فار وحس كأن ليه بركان انفجر في دماغه هو دلوقتي بيقسم إن الضغط عنده عالي بدرجه مهوله محدش يتخيلها كان نفسه يمسكها يفرمها في أيده عشان عاوزه تروح البيت اللي فيه شخص كان عاوز يتجوزها بعد عنهم وقف عند السور بحيث لما يتكلم محدش يسمعه ومسك فونه ورن عليها
غرام / يانعم
رسلان / متروحيش يا غرام
غرام باستغراب / مروحش فين
رسلان / متروحيش لصاحبتك زفته دي
غرام/ بس دي عامله حادثه ولازم أروحلها
رسلان / تعمل والا تموت خالص أنا قولت متروحيش يعني متروحيش والكلام خلص
غرام اتعصبت جدا / انت عبيط والا شكلك كده بأي حق وبأي صفه بتقولي روحي ومتروحيش انت مين أصلاً عشان تؤمرني وهروح واللي عندك اعمله وقفلت على طول مستنتش رده
رسلان / بقى كده يا غرام ماشي انتي اللي جبتيه لنفسك يا حلوه ......؟
↚
رسلان حط الفون في جيبه وراح عندهم وهما قاعدين / أنا خارج عندي مشوار سريع كده نص ساعه والا حاجه وجاي على طول بإذن الله
إلهام بخبث / طب بما إنك كده كده خارج يا حبيبي خد غرام معاك بدل ماتخرج لواحدها وغمزت لمامة غرام اللي فهمتها لأنهم شافوا نظرات رسلان وغرام لبعض وقرروا يقربوهم
رأفت بخبث / ياريت فعلاً يا رسلان أحسن كنت قلقانه عليها خدها معاك ولو جيت راجع وهي لسه بره ابقى هاتها معاك بالمره يا حبيبي
أحمد بص لرأفت بضيق من إن غرام تروح مع رسلان لواحدها ورأفت فهمت نظرته وقالت تصلح الدنيا بسرعه
رأفت / زمان جنات صاحبتها جايه في الطريق مش هتخليكم تستنوها يعني عشان منعطلكش
رسلان وحس إن الفرص بتجيله لحد عنده على طبق من دهب / لا عطله ولا حاجه يا خالتي عن اذنكم هنزل أستناهم في العربيه
بعد شويه غرام خلصت لبس وطلعت تعرفهم إنها خلصت وماشيه / ماما بابا أنا ماشيه
إلهام / رسلان مستنيكم تحت يا حبيبتي يوصلكم معاه في طريقه
غرام بصتلها بصدمه وفتحت بؤها وعيونها على أخرهم ومقدرتش تتكلم
إلهام / يلا يا حبيبتي انزلي بسرعه ده مستني بقاله نص ساعه يا حبيبي ومتتأخروش يا حبيبتي وقامت زقت غرام قدامها عشان تمشي وغرام فعلاً نزلت وهي في حالة صدمه مش عارفه تعمل ايه ولا تقول وحست للحظه إنها لازم تخاف خرجت من البوابه وكان رسلان في عربيته بص عليها بخبث وابتسامه لكن هي مش شايفاه لأن العربيه متفيمه راحت فتحت الباب اللي ورا عشان تركب
رسلان / مش سواق معاليكي أنا تعالي اركبي قدام بالزوق بدل ما اعمل اللي كنت ناوي أعمله
غرام خافت وقفلت الباب وركبت قدام / ه هو هو انت كنت ناوي تعمل ايه
رسلان ببساطه وهو بيهز كتفه لفوق وتحت بعدم مبالاه / عادي كنت هخطفك
غرام بصتله بصدمه / تخطفني ؟
رسلان بصلها وللحظه حست إنه لون عيونه بيتحول من الأخضر للإسود وخافت منه أكتر وأكتر
رسلان / هو مش أنا قولتلك متروحيش
غرام بخوف / اه
رسلان / وقولتلك قبل كده زعلي وحش
غرام بخوف أكتر وبدأ جسمها يرتعش من الخوف / أيوه
رسلان بصلها وخوفها منه رجعه لعقله تاني وحاول أنه يهدي من غضبه وقرر يلهي نفسه عنها لحد ماغضبه يهدى شغل العربيه وساق بسرعه كبيره العربيه عدت من أخر الشاعر وكانت جنات صاحبتها واقفه مستنياها بس العربيه عدتها بسرعه وهي حتى مش قادره تتكلم من خوفها دموعها نزلت وبدأ صوت شهقاتها يعلى لدرجه عصبت رسلان من نفسه وإنه ازاي وصلها إنها تخاف منه للدرجه دي بس هي اللي غلطت وبس مهما كان غلطها متستاهلش يتعصب عليها وبدأ يكرر في نفسه ( رفقاً بالقوارير.. رفقاً بالقوارير) وقف على جنب وغمض عيونه يحاول يهدي وبعدين فتح عيونه وكانت رجعت للون الأخضر مره تانيه بصلها بحنان / غرام أنا أسف بس انتي اللي عصبتيني
↚
غرام بشهقات / بس بس انت مستذئب وهتشرب دمي وفجأه انفتحت في العياط بطريقه هستيريه
رسلان بصلها بصدمه وبعدين ضحك جامد لدرجة إن عيونه دمعت / مستذئب ايه بس يا غرام والله بني ادم عادي
غرام ببراءه / بس انت بتتحول وعيونك بتقلب لون
رسلان بضحك / عيوني بتقلب لما بكون متعصب دي حاجه من عندي ربنا من وأنا صغير كنت لما أتعصب عيوني تقلب اسود حتى ماما قالتلي انها كانت ساعات بتخاف مني وأنا طفل كانت تبقى شايلاني وباصه في عيوني الخضره ولما اجي أعيط كانت عيوني تقلب اسود فكانت بتخاف لحد ما اتعودت بقى
غرام / يعني انت مش مستذئب
رسلان / تيجي نجرب أشرب دمك وأشوف مستذئب والا لأ
غرام بخوف / لأ لأ خلاص اني أسف
رسلان كان لسه هيتكلم بس قاطعه رنة فونه طلع الفون من جيبه وبص فيه كان رقم غريب فتح وكان لسه هيتكلم بس اللي على الخط اتكلم الأول
الشخص بالألمانيه /Wie geht es dir, Caesar, wie lange gehst du schon mit Mädchen aus, aber sie ist wirklich hübsch
( كيف حالك قيصر منذ متى وأنت تخرج مع فتيات ولكنها حقا جميله )
رسلان بالألمانيه / ؟Was ist Ihr Anliegen dabei
( ما شأنك أنت )
هو / Ich möchte sofort eine Antwort auf meine Frage, Caesar
( أريد إجابة على سؤالي حالا قيصر )
رسلان / Was ist es
( ماهو )
هو / Werden Sie Ihre Arbeit in Ägypten aufgeben und bei uns arbeiten oder nicht?
( هل تترك العمل بمصر وتعمل معنا أم لا )
رسلان كان لسه هيتكلم بس الشخص قاطعه / Aber wissen Sie ganz genau, dass Ihre Antwort jetzt Ihr Schicksal bestimmen wird
( ولكن اعلم جيداً أن إجابتك ستحدد مصيرك الآن )
وسكت لفتره ورجع كمل بخبث / Du und wen mit dir
( انت ومن معك )
رسلان بص لغرام بقلق وخوف عليها هو ممكن يواجه الموت حالا مش مشكله بس غرام تكون في أمان وبعيده كل البعد عن أي خطر مهما كانت إجابته حالياً فهتكون غلط لو وافق هيكون بيعمل مشاكل كبيره بين دولتين ولو رفض هيكون بيعرض حيات غرام للخطر
غرام بصاله وهي مش فاهمة حاجه بس هو بيتكلم بلغه مش إنجلش ومش فاهمه كلمه ومش فاهمه هو بيبصلها ليه
رسلان أتكلم أخيراً بعد ما أخد قراره / غرام
غرام / نعم
رسلان / أنا أسف ..........؟
↚
رسلان بص لغرام / أنا أسف
غرام باستغراب / على ايه ؟
رسلان مردش عليها واتكلم في الفون / ich lehne ab
(أنا أرفض)
ابتسم الرجل بغضب / Also auf Wiedersehen, Caesar, das Auto hat eine ferngesteuerte Bombe, und jetzt läuft der Countdown, du hast nur noch eine Minute, tick-tack.
( اذاً الوداع قيصر السيارة بها قن'بله بجهاز تحكم عن بعد والآن بدأ العد التنازلي أمامك دقيقه فقط تِك تُك )
الخط فصل ورسلان بص لغرام وبص لساعته بص قدامه وشغل العربيه وحمد ربنا إنه وقف قريب من البحر بحكم إنهم في اسكندريه ساق العربيه بسرعه البرق وهو بيكلم غرام / غرام افتحي الباب بسرعه وأول ما العربيه تنزل البحر نطي في المايه
غرام بخوف وصويت / فيه ايه يا رسلان
رسلان / اعملي اللي بقولك عليه بسرعه
كل واحد فيهم فتح الباب من ناحيته العربيه وقعت في البحر وكل واحد فيهم رمي نفسه في المايه بسرعه ورسلان شد غرام من ايدها بسرعه وبدأ يعوم بيها بسرعه يبعد عن العربيه وفجأه العربيه انفج'رت والمايه طارت لفوق وغرام بصت على الإنفجار بصدمه وهي مش قادره تستوعب ايه اللي بيحصل
طلعوا من المايه قعدوا على صخره على الشط رسلان بصلها لقاها مبرقه وفاتحه بؤها وباصه مكان ما العربيه انفج'رت
رسلان / انتي متنحه كده ليه
غرام بتوهان / هاه
رسلان / هاه ايه بس هو القمر بيزيد نور لما يتبل والا ايه انت بتبقي وحشه امتى بس يابنتي
غرام بصتله بصدمه أكبر اللي هو انت في ايه والا ايه
رسلان بص حواليه كان المكان فاضي / المكان ده حلو ابقي فكريني نبقى نيجي هنا كلنا
ولكنه لاحظ حركه غير طبيعيه في المكان بص لغرام / أو يمكن يطلع مش حلو قومي بسرعه
قام وشدها قومها ومشي بسرعه وهو بيتلفت حواليه وغرام بتجري عشان تلاحق خطواته وهي مش فاهمه أي حاجه في أي حاجه وبتبصله باستغراب هو ماله ده بيتلفت حواليه شبه العبط كده ليه
وصلوا لمكان فيه بيوت ودخل رسلان من شارع جانبي ضيق بين بيتين بيطلع على شارع تاني ولكنه وقف فجأه لما لقى واحد واقف قدامه واداله فون رسلان بصله وبص للفون وفهم هو تبع مين أخد منه الفون وحطه على ودنه يسمع اللي الشخص ده هيقوله وغرام بصالهم كأنهم فضائيين
الشخص اللي على الفون / Caesar Was vor einiger Zeit passiert ist, war nur eine Warnung. Jetzt haben Sie zwei Möglichkeiten: Entweder Sie sind bei uns oder Sie sind es überhaupt nicht
( قيصر ما حدث منذ قليل كان مجرد تحذير الآن أمامك اختيارين إما أن تكن معنا أم لم تكن أبدا )
رسلان / O Mensch, Arbeit ist ein Angebot, das ich entweder annehme oder ablehne, entweder mit dir oder gegen dich, aber jetzt drohst du mir mit dem Tod
(يا رجل العمل عرض إما أقبل أم أرفض إما معكم أم عليكم ولكنك الآن تهددني بالموت)
الشخص / Caesar, wenn du nicht bei uns bist, wirst du sterben. Es besteht keine Möglichkeit, dass du jemals bei uns sein wirst
(قيصر إن لم تكن معنا فسوف تموت ليس هناك احتمالية أن تكون علينا أبدا)
وبعدين كمل بخبث / Was diese schöne, wunderschöne Frau betrifft, deren Tod bei Ihnen ist, ist es ein großer Verlust, aber es ist ihre Schuld, dass sie bei Ihnen ist
( أما هذه الجميله الحسناء التي معك موتها خسارة كبيره ولكن ذنبها أنها معك )
رسلان بغضب / Du hast nichts damit zu tun, sonst schwöre ich dir: Wenn etwas damit in Berührung kommt, werde ich dafür sorgen, dass du es bereust
↚
( ليس لك شأن بها والا أقسم لك إن مسها شيء سأجعلك تندم )
الشخص بخبث / Der Kaiser scheint jetzt eine Schwäche zu haben
(يبدو أن القيصر أصبح له نقطة ضعف الآن)
رسلان رمى الفون في الأرض الراجل قرب منه وكان هيضربه بالبوكس رسلان مسك ايده وضربه بالراس في مناخيره أكتر من مره لحد ما الراجل مناخيره نزفت ووقع في الأرض رسلان شد غرام وجريوا بسرعه أول ما طلعوا من الشارع الضيق بدأ ضرب نار كتير مش عارفه يحدد اتجاهه كان فيه عربيات كتيره راكنه على الجنبين بقى يستخبى فيهم وشادد غرام جنبه حاطط ايد على راسها وايد على ضهرها ومداريها بجسمه وبيحاول يحميها على قد ما يقدر
رسلان وهو بيبص حواليه / خليكي مكانك متتحركيش
وراح بسرعه بيحاول يفتح باب العربيه اللي مستخبيين فيها لكن العربيه مقفولها بقى يبص حواليه وهو موطي بيدور على أي حاجه تساعده وفجأه بص لغرام وضيق عيونه وقرب منها ودخل ايده تحت الطرحه بسرعه طلع بنسة شعرها وراح فتح باب العربيه ودخلها العربيه وبعدين قعد مكان السواق فتح حاجه في العربيه وطلع منها سلوك مسك سلكين قطع منهم حته ولمسهم ببعض العربيه دارت وطلع بيها بسرعه بيبص وراه لقى كان فيه ناس هيهجموا على العربيه قبل مايسوق بقى يسوق بسرعه لحد ما بعد عن المكان وطلع على طريق صحراوي وفجأه ظهرت وراه عربيتين طلع منهم ناس بيضربوا عليهم نار زود السرعه على أعلى حاجه عنده وهو بيبص عليهم في المرايه بتاعت العربيه لقاهم وراه برضه مش سايبينه بقى يفكر يهرب منهم ازاي العربيتين قربوا منه وخلاص هيقفلوا عليه الطريق زود سرعه أكتر ولف يمين بسرعه وعكس اتجاه العربيه وبص في المرايه لقاهم بيلفوا عشان يلحقوه وأول ما عكسوا الإتجاه لف هو بسرعه وعدى من بين العربيتين وبقى يسوق بسرعه بيحاول يخرج على الطريق السريع لأنه وسط الصحرا كده مش هيقدر يهرب منهم وهيحاصروه لكن وسط الطريق وعربيات كتير هيعرف يهرب فضل يسوق وهما وراه بص لقى الطريق السريع على بعد كيلو تقريباً زود سرعه وداس بنزين على الآخر وأخيراً طلع على الطريق وبقى يعدي من وسط العربيات بسرعه رهيبه عشان يتوه العربيات اللي وراه وفعلاً حصل اللي هو عاوزه والعربيات تاهت فهو اتنهد براحه وبص على غرام لقاها بتبص حواليها بابتسامه ساذجه وحاطه ايدها تحت خدها كأنها بتتفرح على مسرحيه
رسلان بصلها باستغراب / مالك يا غرام
غرام بحماس وهي بتصقف / حاسه نفسي في فيلم أكشن أوي يا رسلان الله 😍😍 I loved
رسلان بصدمه / حبيتي ايه يا هبله ده احنا كنا هنموت
غرام بفرحه كبيره وحماس أكبر / بس مموتناش انت بطل يا رسلان انت قدوه انت يتعملك تمثال انت اللي قادر على التحدي والمواجهة
رسلان خبط كف بكف وركز في الطريق وسكت وهو مش فاهم البنت دي بتفكر ازاي وصل عند البيت وراحوا ضربوا الجرس ومامت غرام فتحت بس صوتت ساعت ما شافت شكلهم متبهدل تراب ومايه وهدومهم متبدهلة
رأفت / يالاهوي ايه اللي حصلكم
غرام بفرحه وهي بتصقف / رسلان كان فيه ناس عاوزه تقتلنا واحنا نطينا في المايه وبعدين طلعنا جرينا في الشوارع وبعدين ضربوا علينا نار ورسلان سرق عربيه وفضل يسوق جه ورانا عربيات تضرب نار علينا وهو هرب منهم وتابعت وهي بتصقف وتتنطط هربنا منيهم هربنا منيهم
الكل كان اتجمع على صويت رأفت وسمعوا كل اللي غرام قالته كلهم بصولها بصدمه حتى رسلان اللي انصدم من طريقتها وهي بتحكي اللي من المفترض إنه رعب بالنسبالها
رسلان بصلهم لقاهم بصين بصدمه ليهم / لأ أنا معنديش وقت للصدمات عن اذنكم طالع أغير عندي شغل وطلع بسرعه
غرام بفرحه / عن اذنكم بقى أطلع أغير أنا كمان وأحكي للبنات وطلعت هي كمان
والكل طلع وراهم وهما مش مستوعبين اللي غرام حكته
رسلان أخد شاور ولبس تشيرت صيفي بكم اسود وبنطلون چينز أزرق وچاكت جلد أزرق وكاب أزرق ماسكهم في أيده لبس الكوتش بتاعه وخرج / عن اذنكم يا جماعه
الهام / حبيبي خلي بالك من نفسك
سيردار / وابقى طمنا عليك على طول يا رسلان
رسلان وهو بيبوس ايد والده ووالدته / متخافيش عليا ابنكم راجل
رأفت / ربنا يحميك لشبابك يابني
أحمد / ربنا معاك
رسلان / تسلموا بعد اذنكم عشان مستعجل
نزل ركب العربيه اللي كان واخدها من الشارع وفضل سايق بيلف في الشوارع شويه عشان لو حد وراه ولما اتأكد إن مفيش حد وراه ساق على المقر وصل ودخل على طول خبط باب القائد ولما سمحله دخل على طول
رسلان / السلام عليكم
إبراهيم / وعليكم السلام ايه اللي حصل انهارده ده
رسلان بابتسامه / كنت عارف إنك هتعرف
إبراهيم / عيب عليك ده أنا القائد برضه
رسلان / طب دلوقتي الفون اللي كان عليه رقم الحيوان ده ضاع في المايه وحتى الفون اللي بعتهولي مع الراجل رميته قبل ما أهرب منهم وأنا لازم أعرف مين ابن الكل'ب ده
إبراهيم / أكيد هيرجع يتواصل معاك لأنه مش هيسيبك بما إنك رفضت تشتغل معاهم
رسلان / طب وبعدين
إبراهيم / هو انا قولت أخد رأي وحش المخابرات وهو قالي إنه شاكك في حاجه كده ومرضاش يقولي ايه هي وطلب إنه يتولى التحقيق في القضيه دي
رسلان باستغراب / طب والوحش شاكك في ايه
إبراهيم / معرفش هو جاي كمان ساعه
رسلان / طب أنا في مكتبي على أما يجي بإذن الله عن اذنك
رسلان خرج وراح عند مكتب يوسف وفتحه / تعالى مكتبي حالا
وخرج راح مكتبه قعد على الكرسي بتاعه ودخل يوسف
يوسف / ايه يا باشا
رسلان / طلع الكريدت بتاعته واداها ليوسف هتروح دلوقتي تجيبلي فون وتطلع خط على القديم عشان أعرف أتابع الشغل في تركيا
يوسف / وفونك راح فين
رسلان / بعدين أقولك روح هات بس اللي قولتلك عليه
يوسف خرج وبعد شويه القائد بعتله إن الوحش وصل وراح رسلان خبط ودخل وبص للي قاعد بصدمه وزهول وهو مش مصدق معقوله ده الوحش ........؟
↚
دخل رسلان مكتب القائد وفضل واقف مصدوم أول ما شاف الوحش وكلم نفسه ( معقوله ده الوحش اللي مدوخ الدول كلها وراه يبقى ده )
كان الوحش لابس بدله جلد سوده وقناع اسود على وشه مش باين منه حاجه حتى عيونه عليها طبقه سوده مخبياها كان قصير ورفيع بس أوي
الوحش / ياترى خدتلي كام صوره على كده
رسلان وهو بيفوق من صدمته / مش مصدق إنك انت الوحش
الوحش / ليه مالي يعني
رسلان / كنت متخيل الوحش اللي الكل بيترعب منه ده طول بعرض بعضلات مش صغير أوي كده
الوحش / مش بالجسم
رسلان بسخريه / أومال بإيه
الوحش / بالعقل وقوة القلب يا قيصر
رسلان باستهزاء / بجد والله العقل وقوة القلب ده انت لو خدت قلم هتنام مكانك سنتين
الوحش / امممم تحب تجرب
رسلان / أجرب أوي مجربش ليه
الوحش / خلاص ميعادنا في قاعة التدريب بعد ساعه
رسلان بثقه إنه يقدر يهزمه/ اتفقنا
إبراهيم / ممكن نبطل لعب شويه ونشوف شغلنا
الوحش / مع حضرتك
رسلان وهو بيبص للوحش بجنب عينه / يلا
إبراهيم / انت قولتلي يا وحش إنك شاكك في حاجه
الوحش / حضرتك سجن الصحراء اللي تحت الأرض مين المسؤول عن حمايته
رسلان / أنا مسؤول عن حمايته
الوحش / وعملت ايه لحمايته
رسلان / عملت أجهزة أمنيه عاليه كلها تكنولوجيا وكمبيوتر عشان حتى لو حد من الحراس حاولوا يخونوا أو أي حاجه محدش هيعرف يهرب حد من السجن ده لأنه مزود بأجهزة أمنيه عاليه
الوحش / وطبعاً الأجهزة الأمنيه دي من اختراعاتك وتصميمك صح ؟
رسلان / صح
الوحش / والسجن ده مين المساجين اللي فيه
رسلان / المساجين اللي فيه مش كتير هما بس بتوع أخر عملية
الوحش / اللي هما منظمة الهكر الألمانيه لما حاولوا يخترقوا نظامك الأمني للمبنى السري اللي احنا فيه ده صح ؟
رسلان / أيوه
الوحش / طب وده ملفتش نظرك لحاجه
رسلان وهو بدأ يمسك طرف الخيط / تقصد يعني إن هما ؟
الوحش / هما ازاي وهما جوا السجن أنا أقصد إن دول تبعهم عاوزينك انت عشان عبقريتك في الهكر ده غير اختراعاتك اللي بتزيد يوم عن يوم ده غير برضه إن محدش هيقدر يخرج منظمة الألمان من السجن غيرك
رسلان / صح معاك حق هي ازاي كان غايبه عن بالي دي أنا فعلا كنت ناسي المنظمه الألمانيه اللي في السجن دي اصلا
الوحش / أي خدمه
إبراهيم كان باصصلهم وساكت رسلان / حضرتك ساكت ليه
إبراهيم بابتسامه / أصل شايف فريق مكمل بعضه انتوا بجد تحسكم مكملين بعض جدا بفكر أشكلكم فريق
الوحش بص في ساعته ورجع بص لرسلان / نتكلم في حوار الفريق ده بعدين باقي من الساعه ربعايه يلا يا بطل والا اتراجعت
رسلان بصله بتحدي / لأ متراجعتش يلا
طلعوا الإتنين من المكتب وكمان إبراهيم راح معاهم عنده فضول يشوف مين هيكسب رسلان بجسمه الرياضي وعضلاته والا الوحش بعقله وذكائه لأن لو قارنا جسمه بجسم رسلان فهو فعلاً مش هيستحمل قلم
يوسف قابلهم وهما راحين صالة التدريب / ايه ده انتوا راحين تدربوا والا ايه
إبراهيم / ده ماتش مابين الوحش وقيصر
يوسف بصله بصدمه / لأ ده أنا كده أتفرج ونجيب الناس تتفرج وعلى صوته في المبنى كله / فيه ماتش مابين الوحش والقيصر يا جماعه في صالة التدريب يلا نتفرج
الكل راح على صالة التدريب عشان يتفرجوا وكمان عندهم فضول يعرفوا مين اللي هيكسب كلهم وقفوا في جنب والوحش ورسلان في النص كان رسلان باصصله بتحدي كبير وثقه إنه ميقدرش يتغلب عليه لفرق الحجم والقوة أما بقى الوحش فطبعا محدش عارف يحدد شعوره أو تفكيره حالياً لأن مش باين منه حاجه اصلا
بدأ الماتش ورسلان بص للوحش بهدوء واستهزاء وفضل مستنيه يبدأ ولكن الوحش مبدأش ففهم إنه مستنيه يبدأ هو الأول وفعلاً بدأ بسرعه عشان ينهي لعب العيال ده زي ماهو سماه