رواية حبيبتي للابد كاملة جميع الفصول بقلم حنين عادل

رواية حبيبتي للابد كاملة جميع الفصول هي رواية من كتابة حنين عادل رواية حبيبتي للابد كاملة جميع الفصول صدر لاول مرة على موقع التواصل الاجتماعى فيسبوك رواية حبيبتي للابد كاملة جميع الفصول حقق تفاعل كبير على الفيسبوك لذلك سنعرض لكم رواية حبيبتي للابد كاملة جميع الفصول

رواية حبيبتي للابد كاملة جميع الفصول

بنت صغيرة ماسكة عروستها وبتلعب بيها وبتقول لها: 

عارفة يا شيري أنا لما أكبر هاتجوز مؤمن

بتدخل عليها عمتها الأوضة: 

بتعملي ايه يا اية يا حبيبتي

اية: بحكي لعروستي سر

بتضحك عمتها: 

وايه هو السر ده

اية: لو قولت لك مش هايبقي سر أصلا يا عمتو

سكتت دقيقة وجريت عليها بفرحة وماده ليها ايدها: 

شوفي يا عمتي الخاتم الجميل اللي جابو ليا مؤمن دي شبكتي

استغربت عمتها: 

شبكتك ازاي يعني

اية: اصل انا لما هاكبر هاتجوز مؤمن 

بتضحك عمتها: 

مش انتِ لسه صغيرة علي الكلام ده يا يويو

أية: يا ليلي بقولك لما أكبر وبعدين ده سر اوعي تقولي لحد

*حاضر 

بتعدي الأيام والصغير بيكبر وانا بكبر وكل ما بكبر بيكبر حبه في قلبي حب مؤمن ابن عمي

احنا عيلة كبيرة من الأرياف بناكل مع بعض وبنسهر لوقت طويل بيت عيلة فيه اتنين اعمامي وابويا وعمتي وجدي وستي 

طلعت من المدرسة بعد ماشافوا اني مش مني رجا وانا اساسا ماليش في العلام بلاش وجع قلب

انا دلوقتي عندي 15 سنة وخلاص جدي كلم ابويا وحب عمري هايكون ملكي واخيرا يارب تمم لنا بخير

♡ــــــــــــــــــــــــــــــــــــــــــــــــــــــــــــــ♡

_مش عاوز اتجوزها يا بابا مش بحبها

بيرد ابوه: يابني انت من وانت صغير معروف انك لاية 

مؤمن: هو انا بنت عشان تجبروني عالجواز ثم انا بحب فاطمه بنت عمتي ليلي

*اخرس ماسمعش الكلام ده منك كلام جدك هايتنفذ غصب عنك 

بيطلع مؤمن يقعد في الاوضه اللي بره اللي بيذاكر بيها وبيطلع منها وبيروح لحد بيت عمته ليلي

مؤمن: يا عمتي خلي فاطمة تيجي تذاكر معايا احنا في ثانوية وعاوزين نذاكر كويس

_طيب يا مؤمن بس ما تتأخريش يا فاطمة

فاطمة: حاضر يا ماما 

فاطمة بتكون بنت جميلة جسمها كيرفي بس مظبوط وخدودها حمرا وبشرتها بيضة 

بتمشي مع مؤمن وهي مبسوطه وبتروح تقعد معاه في الاوضه اللي بيذاكروا فيها 

مؤمن: جبتلك اللب الابيض اللي بتحبيه والسوداني

بتضحك فاطمة وهي بتاكله: 

احنا المفروض نذاكر انت بتجبني ناكل لب وسوداني ونتكلم

مؤمن: عادي يعني اهو بطلع من المود

بيطلع الكوتشينة وبيبدأوا يلعبوا ويضحكوا ومؤمن مبسوط وكل شوية يبُص عاالباب خايف حد يدخل

♡ــــــــــــــــــــــــــــــــــــــــــــــــــــــــ♡

بتكون اية واقفة قدام المراية بتسرح في شعرها

أية: ياتري مؤمن بيحبني قد ما بحبه

بتدخل امها عليها  وبتضحك: 

اتهبلتي يا بنت بطني بس ماتقلقيش اكيد بيحبك اصل يبقي عبيط لو ماحبكيش بعد الحب اللي انتي بتحبيه ده كله

اية بتقعد عالسرير: 

عارفة يا ماما لما بشوفه بحس قلبي طاير كده بعرق كتير وبتوتر بس بحب وجوده اوي

♡ــــــــــــــــــــــــــــــــــــــــــــــــــــــــ ♡

بيقف مؤمن في اوضته وهو بيكلم نفسه: 

انا مستحيل ارضي بالوضع اللي هما فارضينه عليا ده 

بيخرج من اوضته وبيروح اوضة جده وبيخبط وبيدخل

مؤمن: يا جدو انا مش عاوز اتجوز أية

بيكون أبو مؤمن قاعد وبيبرق ليه

بيكمل مؤمن كلامه: انا مش بنت عشان تفرضوا عليا الجواز من حد مش بحبه

بيرد جده عليه: ومين اللي انت بتحبها يا سي مؤمن

مؤمن: فاطمة بنت عمتي ليلي

*وتسيب بنت عمك للغريب ياخدها وبعدين البت فاطمه دي دماغها العلام بوظها

مؤمن: قصدك نورها يا جدي

بيتعصب جده: انت بتعدل كمان علي كلامي ادي اخرة علامك انسي خلاص انك تروح مدارس كفاية لحد كده انت تقعد تباشر الارض والشغل مع ابوك واعمامك

مؤمن: ده ازاي انت بتدمر مستقبلي 

بيقف ابوه: كلام جدك يتسمع من غير جدال

مؤمن: انتم بتتكلموا بجد طيب ماشي بس يستحيل اتجوز أية.... يتبع 

↚

عدي عالكلام ده شهر وانا قاعد دلوقتي في الكوشة جمب اكتر واحدة كرهتها في حياتي اية ايه اللي خلاني اوافق انا دمرت نفسي وقلبي

دمرت مستقبلي بإيدي لما وافقت علي حاجة مش عاوزها بس ده كان اخر حل لان أبويا حطني قدام الامر الواقع لما حط جوازي منها قدام طلاقه من أمي

وأمي ماتستحملش لو طلقها لانها مريضة قلب وابويا يعمل اي حاجة عشان يرضي جدي واحنا بنتاخد في الرجلين

وحبيبتي اللي اتمنيت انها تكون ليا قدامي وانا مش قادر اعمل حاجه قد ايه انا ضعيف قد ايه بكره نفسي وبكره حياتي وبكرهك يا اية انتي السبب في كل اللي انا فيه

اية كانت بتبص ليه بحب: 

ياه واخيرا حلمي اتحقق واخيرا يا مؤمن هتبقي ليا

مؤمن بتفكير وهو بيبُص لها: 

بكرهك 

زغاريط واغاني والكل مبسوط الا انا انا التعيس الوحيد

شريط بيمر قدام عيني ذكرياتي انا وفاطمة ضحكها وعيونها اللي بتلمع وانا معاها 

ولما اعترفت ليها بحبي وقالت لي هههه قالت لي طالما جدي قال اية يبقي يستحيل نقدر ربنا يوفقك في حياتك 

كلامها كل مابفتكره بتعب اكتر واكرهها أية أكتر هي السبب في كل المي ومعاناتي بتمني انها تختفي من حياتي

خلص الفرح وطلعنا علي تربتنا اللي اندفنت فيها بالحيا 

اية بتبص علي مؤمن بكسوف

بيرمي الجاكت بتعب وبينام علي الكنبة

اية: مؤمن انت. هتنام؟ 

بيقاطعها: نامي انتِ كمان يا اية 

بتقعد اية حزينة علي السرير: 

معقول اليوم اللي اتمنيت طول عمري انه يجي يعدي كده عادي انا خططت لحاجات كتير اوي 

بتنام ودمعتها علي خدها

↚

بيصحيهم تخبيطهم الصبح علي الباب بيصحي مؤمن بيلاقي اية بفستان الفرح بيجري يصحي فيها وهو بيقلع هدومه بسرعة 

وبيلبس جلابية 

بتقوم اية بسرعة وبتقلع في الفستان 

بيطلع مؤمن وبيفتح الباب 

بيدخل العيلة والستات بتزغرط 

بيقرب منه ابوه: 

ها عملت ايه رفعت راسنا سبع ولا ضبع

دخلت ستات العيلة لأية وانا قاعد متابع الوضع وجدي مستني الخبر الأكيد

طلعت واحدة من الستات ووشوشت جدي في ودنه

وقف بعصبية: 

كنت فاكرك راجل طلعت واد خرع تخلص النهارده يا مؤمن 

اتعصبت بس للأسف مش هاقدر ارد كالعادة نزلت وشي في الارض واتحرجت من كلامه

كنت شايفهم قاعدين يضحكوا عليا اني مااثبتش جدارتي من اول ليلة ماحدش حاسس بيا ما حدش حاسس بجرح قلبي 

مشوا وانا ماسك نفسي بالعافية دخلت اجري عليها: 

انتِ قولتي لهم ايه 

اية حطت وشها في الأرض: 

قولت لهم اللي حصل

مش عارفة ليه خوفت اوي من مؤمن في اللحظة دي كان شكله يخوف وعيونه حمرا

قرب مني وانا خايفة وبرجع لورا 

أية: في ايه يا مؤمن انا خايفه 

مؤمن بيمسكها قبل ماتقع عالسرير: 

هاثبت لك ولهم اني راجل.... يتبع

↚

مؤمن بيمسكها قبل ماتقع عالسرير: 

هاثبت لك ولهم اني راجل 

كنت قاعده علي السرير بعيط علي اللي حصل انا اتمنيتك بس مش كدا حولت اكتر يوم بتتمناه اي بنت لكابوس هايفضل طول العمر ملازمني

مؤمن وهو بيلبس قميصه: 

هاتفضلي تعيطي كتير مش ده اللي كُنتي عوزاه 

اية: اللي كنت عوزاه؟! طب وانت

مؤمن: انا ههه

بيقعد عالكنبة: انا ماليش اختيار زيي زي الكنبة اللي انا قاعد عليها دي اعتبريني زيها 

اية: مش فاهمة يعني ايه ماليش اختيار 

كان ساكت وعلي وشه نظرات مش قادره أحدد هي ايه 

بلعت ريقي وبصيت له: 

مؤمن هو انت بتحبني

اتفتح في الضحك وكأني قولت له نكته حبست دموعي وسألته للمره التانية: 

مؤمن جاوبني هو انت بتحبني

قام وقف وضهره ليا وماردش عليا سكوته كان بيقتلني ويكسر في قلبي انا سامعاه بيتكسر اهو

نفخت بحاول اطلع الطاقة السلبية اللي جوايا: 

انت مجبور علي جوازنا ارجوك قول الحقيقة

لاول مرة في حياتي اتمني انه يكذب عليا لو الحقيقة هاتوجعني

اتمنيت يقولي لأ انتي عبيطة انا بحبك اكتر من ما بتحبيني انا بعشقك 

اتمنيت اعيش معاه قصة حب زي بتاعت الروايات نخرج سوا ونتنطط تحت المطر ونعمل حاجات مجنونة 

يغني لي بحب كل ده انكسر ومعاه حاجات حلوة كتير في قلبي لما رد عليا. 

مؤمن: ايوه انجبرت عليكي اجبروني لأ وكمان أجبروني اقرب منك انتي... انتي اكتر حاجة كرهتها في حياتي 

كنت مصدومة ومش عارفه ارد اقول ايه كل اللي حسيت بيه اني انهرت وانا بعيط بهيستريا وبقول: 

ليه... ليــــــــــــــه عمـــــــــــلت ايه 

 قربت منه وكنت بقول كده وانا بضربه في صدره

مسك ايدي بكل قسوة وزقني عالارض وقعت.. 

وخرج وكأن مافيش اي حاجة

ليه يا مؤمن ليه يبقي حبي هو سبب عذابي وكسرتي بس ليه بتكرهني كده انا عملت ايه لازم اعرف السبب انا قويّة وهاقدر هاقدر اكمل واخليك تحبني 

اي حد هايقول اني ما عنديش كرامة مافيش كرامة في الحب

اي حد هايقول اني لازم اطلق منه بس ده روحي وانا ماصدقت بقيت مراته واحنا عندنا مافيش حاجة اسمها طلاق والطلاق ده عيبة وحاجة لو حصلت بتكون عار

قومت روقت الشقة وطبخت ولبست بيجامة ورفعت شعري ديل حصان 

استنيته كتير وانا رايحة جاية في الشقة زهقانة اتفرجت عالتليفزيون شوية والتليفون

اتأخر اوي. 

حضرت العشا علي الترابيزة وعملت جو رومانسي وكنت جعانة واخيرا سمعت صوت مفتاحه في الباب

فرحت اوي لقيته داخل بيضحك ويغني ابتسمت تلقائيا لما عيني جت في عينه: 

مستنياك من بدري نتعشي سوا

ضحك وغني: مستنياك حبيبي بشوق كل العشاق

قرب مني وانا حاسه بريحة حاجة وحشة اوي اول مره اشمها منه

مؤمن: انت حلوة كده ليه 

ضحكت بخجل فقرب اكتر ومسكني من وسطني لكن لاحظت انه مش في وعيه عينه حمرا ومش متزن في وقفته وبيتمايل

حاولت ابعده عني وانا مش قادرة من ريحة بوقه مسكني جامد وشالني

اية بخوف: نزلني يا مؤمن ارجوك........ يتبع

تعديل المقال