رواية حين جاء العوض كاملة جميع الفصول بقلم اسراء السيد
رواية حين جاء العوض كاملة جميع الفصول هي رواية من كتابة اسراء السيد رواية حين جاء العوض كاملة جميع الفصول صدر لاول مرة على موقع التواصل الاجتماعى فيسبوك رواية حين جاء العوض كاملة جميع الفصول حقق تفاعل كبير على الفيسبوك لذلك سنعرض لكم رواية حين جاء العوض كاملة جميع الفصول
رواية حين جاء العوض كاملة جميع الفصول
انتي مش ناويه تخسي بقي هتفضلي تأكلي تأكلي ومش شايفه نفسك بقيتي عامله ازاي
بصتله وانا جوايا وجع من كلامه ومن نظرته ليا علي اني وحشه وجسمي وحش مع أنه وزن مناسب ل سني
..انا ساره بدرس اثار عندي٢٣ سنه وحيده وعايشه مع عمي ومراته مخطوبه لابن خالي(تامر) اللي اتفرض عليا ..
ساره.. هو انت ليه كلامك كده دايما دبش ومش عامل حساب ل مشاعري
تامر بزعيق.. هو انتي ليه دايما شايفه تصرفاتي ومش بصه لنفسك
انفعلت ورميت الدبله في وشه وسبته ومشيت دموعي نازله ومش عارفه هل
لـ إهانته ليا ولا من قلت ثقتي بنفسي دموعي من كترها حسيت اني مش شايفه قدامي مفوقتش غير ع ايد حد بتخبطني في كتفي
بصيت لاقيت واحد بيبصلي ومتنح
ساره .. هو حضرتك عايز حاجه وازاي تلمسني
(ادم)بتوترر.. هه لا أصل اصل انتي ماشيه مش مركزه في الطريق وكنتي هتتخبطي
ساره بهدووء.. شكرا لحضرتك ممكن تعديني بقي.؟
ادم .. طب ممكن اعرف مالك يعني ممكن اقدر اساعدك
ساره بانفعال.. وانت مالك ويلا خليني اعدي
ادم بحرج.. طب اسف اسف اتفضلي
مشيت وانا مديقه من تصرفي الغريب اللي مش عارفه ازاي طلع مني بس احيانا الغضب بيخرج اوحش ما فيك..
قررت اروح اخد المنوم وانام زي كل مره بزعل فيها
وصلت البيت وقررت اروح اجيب لنفسي حاجه حلوه وأسهر اسمع ام كلثوم كالعاده
دخلت السوبر ماركت وانا محتاره اجيب اي لاقيته ظهر قدامي من العدم
بصتله فتره كده وقررت اهدي نفسي .. هو انت مرقبني يعني في اي
ادم بستغراب من تفكيرها.. لا مش برقبك انا ساكن هنا وبجيب حاجه للبيت عادي
اتحرجت شويه ومعرفتش اقول اي قررت امشي
ادم .. طب استني انتي كنتي عايزه اي من هنا
بصتله ووبصيت للاستند اللي قدامي ولاني فشلت اجيب حاجه عاليه بسبب اني قصيره ومش طيله
بصلي وضحك ضحكه لطيفه كده وقالي بهزار.. أي مش طايله حاجه يا قصيره
بصتله بغيظ.. انا مش قصيره ع فكره
بصلي بلطف كده وقالي بصوت حنين.. لا انتي حاجه صغيره كده واوزعه بس جميله وجذابه
بصتله وتنحت كلامه لمس قلبي ممكن عشان طريقته ولا عشان محدش قالي كده
احساس انك محروم من حاجه وتلاقيها جتلك احساس جميل ومختلف
بصتله وجريت معرفتش ارد ومعرفتش اقف قدامه روحت وانا جوايا مشاعر متلغبطه حزينه علي كلام خطيبي وفرحانه من كلامه رغم اني معرفوش بس في ابتسامه كده مش عارفه اشيلها من ع وشي
روحت ولسه بفتح الباب لاقيت ال.......
↚
اول ما دخلت لاقيته قاعد. مع عمي ومراته وباين عليهم انهم مش طايقني دخلت ورميت السلام ولسه هدخل اوضتي لاقيت مرات عمي بتنادي عليا
كوثر(مرات عمي).. اي يا استاذه ساره احنا شفافين
ساره بملل من مرات عمها.. في اي بس يا مرات عمي ما انا رميت السلام
كرم(عمي).. وهو يابنتي مش خطيبك موجود تعالي اقعدي معانا
ساره بضيق.. معلش يا عمي بس هو كان خطيبي
كوثر بزعيق.. جرا اي يا بت ما تتكلمي عدل عملك اي الواد اللي كل شويا تتنططي عليه ده
بصتلها فتره وسكت انا عارفه انها مش بتحبني وأنها مش حبه وجودي في بيتها لكن عمي اللي عايزني معاه وحبي لعمي مخليني جمبه رغم كل اللي بشوفو من مراته..
ساره بهدوء.. ممكن يا مرات عمي تتكلمي معايا كويس حضرتك متعرفيش اللي حصل بينا
عمي.. طب ممكن تفهمينا اللي حصل .
بصتله بقرف كده ومستغربه سكوتو وقررت اتكلم واطلع كل اللي جوايا لاني خلاص مبقاش ليا طاقه اكمل في علاقه علي حساب مشاعري وقلبي.. يا عمي انا مجبرتوش يخطبني ولمه جه وخطبني انا وفقت احتراما لـ راي حضرتك وحبي لخالتي لكن مفيش حاجه تجبرني اكمل مع واحد كل شويا يعيرني بحاجه مش ب ايدي شايفني وحشه يتفضل يدور علي اللي عايزهاا
حسيت دموعي هتنزل لكن اللي خلاني اكتمها نظرتو ليا اللي كلها قسوه واستهزاء بصتله بقوه وكرهه كره من تصرفاته معايا ووجودو اللي اتفرض عليا
عمي بهدوء طبطب علي كتفي وبص لـ تامر خطيبي .. يا ابني انا لمه وفقت علي خطوبتك منها لاجلك اني حسيت انك بتحبها وعايزها ليه بتعمل معاها كده لو مش عايزها نفضهاا سير..
لسه هيكمل كلامه قطعته مراته ولاقيتها بصتله كده وبصت ل خطيبي وجت جمبي طبطبت عليا وقالتلي بطريقه مزيفه.. جرا اي يا ساره انتي مش عارفه تامر بيحبك ازاي ولا اي يا تامر
تامر .. اه طبعا يا كوثر قوليلها
بصتلهم وبصيت ل عمي مستغربه علاقه خطيبي ب مرات عمي وانها ليه بتقف جنبه في كل مره استأذنت عمي اني ادخل انام لسه هقوم لاقيته بينادي عليا ومددلي أيده بالدبله بتاعتي
بصتله وجوايا الف حاجه بتقول لا حسيت ايدي اتجمدت وقلبي رافض اني اخدها لاقيت مرات عمي خدتها من أيده ومسكت ايدي وحطتها فيها
بصتلي بنظره خبيثه انا مفهمتش معناها.. خديها يا بنتي وهدي سرك الواد بيحبك
خدتها ودخلت اوضتي وجوايا وجع من كوني عايشه حياه مفروضه عليا حياه مش عارفه اعمل فيها حاجه بحبها
دخلت ونمت ع السرير لاقيت نفسي بعيط بعيط علي احساسي بالضياع وإحساس اني وحيده ويتيمه وفي وسط كل الذكريات الحزينه دي جت ذكره بسيطه ذكره جمعتني بواحد لطيف وجميل وجذاب
قررت اقوم اطلع البلكونه واراقب النجوم كـ العاده
وانا بصه في السما سمعت صوت صفير ببص لاقيته واقف في البلكونه اللي جمبي بصتله برعب كده
ساره.. لا اله الا الله هو انت بتطلع في كل مكان ولا اي
↚
ادم بضحكه عاليه... الظاهر مكتوب علينا نتجمع
ساره بتوتر.. طب طب انت اي اللي موقفك هنا
ادم بحيره .. ممكن عشان دي شقيتي
ساره بصدمه .. شقتك هو انت ابن عمي كمال!؟
ادم بهدوء.. اه انا ابن عم كمال
ساره بحب.. تعرف اني بحب عم كمال ده جدا بجد من بعد وفات ولدي وانا دائما بحسه زي ابويا
ادم بحزن.. هو انتي باباكي متوفي!
ساره بشرود .. ايوا اتوفي هو ومامتي من ٣ سنين في حادثه ربنا يرحمهم
ادم بحزن .. الله يرحمهم ويصبرك الا قوليلي انتي حلوه كده طلعه لمامتك ولا باباكي
ساره بضحكه عكس لمعه الدموع اللي في عينيها.. هو انت بتعاكس!
ادم بحرج.. هو حاجه زي كده بصراحه
ساره بفضول.. طب هو انت كنت فين اقصد اني اول مره اشوفك وعم كمال محكليش عليك قبل كده
ادم .. انا كنت في امريكا بدرس هناك وتقريبا الحج كمال مكنتش بيتكلم عني بسبب زعلو مني عشان متغرب وسايبو
ساره .. طب اي اللي رجعك
ادم بضحك.. اي الاحراج ده
ساره بسرعه.. لا لا اقصد انك اي اللي رجعك وانت كنت في امريكا بلد جميله
ادم.. امم زي ما تقولي تعبت من الغربه ومش هينفع اسيب ولدي في السن ده لوحده واهو رجعت لمصر وجمالها وقصرها
ساره بضحك وغمزتله.. مصر برضه
ادم بضحك.. مصر ونيلها وسواد عيونها
ساره بضحك ... طب انا هدخل انام والوقت اتاخر عايز حاجه
ادم بتوترر.. لا بس انا اصلي مش عايز انام وبصراحه الوقت معاكي جميل
ساره بخجل.. طب بصراحه مهو
ادم بضحك .. اي بس بس وشك بقي زي الطماطم
ساره .. متتريقش عليا
ادم .. مش بتريق بجد شكلك حلو وانتي مكسوفه
بصتله وبصيت في السماء كلامه جميل ورمانسي وضحكته اجمل بس مش ليا اكيد هو شاف بنات كتير حلو وانا كمان مخطوبه حتي لو مش بحبه بس مش هينفع ازعل عمي
بصيت لاقيته بيمدلي أيده بسندوتش شاورما اكتر اكله بحبها
ادم .. بما اننا مطولين سوا أنا كنت جايب اكل والحج نام بدري ومكلتش لحد دلوقتي
ساره .. لا شكرا مش هينفع اكل في وقت زي ده
ادم بستغراب.. لي يعني
ساره بخجل .. عشان بعمل دايت ومش باكل بعد الساعه ٥
ادم بصدمه .. نعم ده لي وبعدين انتي فيكي اي اصلا عشان تعملي دايت
ساره .. هو انت مش بتشوف ولا اي كل ده وتقول فيا اي
ادم بضيق.. ايوا فيكي اي علي فكره أنني حلوه ووزنك مناسب
ساره بزعل.. شكرا للمجامله
ادم بزعيق .. بصيلي كده وخليكي وثقه في نفسك انتي حلوه
بصتله وحسيت اني ممكن اعيط قررت ادخل انام كلامه علي قد ما فرحتي بس حسيت انها شفقه منه بس هو ميعرفنيش ولا يعرف عني حاجه عشان يشفق عليا قررت اني امسح كل الكلام اللي سمعته واني انام عشان اصحي اكمل حياتي الروتنيه الممله
عند ادم.. شكلي هتعب معاكي بس معلش اللي صبر سنتين وهو ميعرفش عنك حاجه ووقع في حبك هيصبر العمر كله مقابل يوم واحد يعيشه معاكي....
↚
قررت اني لازم انهي العلاقه واني مش مضطره اكمل حتي لو علي حساب نفسي انا مش شبهه ولا هو شبهي
قومت اتصلت بيه
ساره.. الو ازيك يا تامر!
تامر بضيق.. كويس وانتي
ساره بقرف.. اهو تمام ممكن نتقابل عايزه اتكلم معاك
تامر .. مش فاضي بس ممكن اجيلك تحت البيت وومش اكتر من تلت دقايق
ساره بزعيق.. وعلي اي بقي متجيش ولا عايزه اشوف وشك
وقفلت في وشه
عند تامر فضل ماسك الفون وهو مصدوم من طريقت كلامها قرر يتصل بـ كوثر مرات عم ساره
تامر.. ازيك يا كوثر !
كوثر.. ازيك يا تموري عامل اي
تامر.. اهو بخير بقولك متعرفيش ساره عايزه مني اي
كوثر بستغراب.. معرفش وهي كلمتك في حاجه يعني
تامر.. لا كلمتني بتقولي تعاله وعايزه اتكلم معاك قولتلها هجيلك تحت البيت ومش اكتر من تلت دقايق زعلت وقفلت في وشي
كوثر بزعيق.. هو انت يبني دماغك دي فيها حاجه انت بتتقل علي اي وموفقتش لي تقابلها وليه مش ماشي علي الخطه صح
تامر بملل... بصراحه يا كوثر الموضوع ممل ومش عارف اكمل ازاي هي دماغها نشفه وانا محتار!
كوثر بخبث.. هقولك انا تعمل اي بس فتح دماغك الصفيح دي معايا
عيل مستفر يقولي انا مش اكتر من تلت دقايق هو فاكر اني مدلوقه عليه
قررت تقوم تعمل نسكافيه ودخلت البلكونه كـ عادتها في مراقبه النجوم فتحت تلفونها وقلبت فيه بملل دخلت علي المسنجر وهي مش في بالها حاجه لقت مسدجات كتير من ادم استغربت أنه ازاي وصل الايميل بتاعها
ساره بفضول.. ادم انت ازاي جبت الايميل بتاعي
ادم كان واقف في الشارع وهو زهقان من تجاهل ساره للمسدجات بتاعته
قرر أنه يطلع ينام أو كالعاده يطلع البلكونه ويقراء روياته المفضله
جتله رساله وفتح الفون بلا اهتمام لكن اتصدم من رساله ساره لي
ادم بتوترر.. لا عادي ظهرلي في الادد فريند
ساره بابتسامه.. بجد قولتلي طب عايز اي
↚
ادم .. انتي يا بنتي مصممه تحرجيني
ساره .. لا ابدا بس فضول
ادم بحب... م انا عارف انك فضوليه وحشوره كمان
ساره.. اي ده وانت تعرف ده منين
ادم .. انا عارفك اكتر منك والايام هتثبت ده
ساره بضحك.. امم طب تمام تمام
ادم بحرج.. هو انتي مرتبطه ياساره
ساره بخنقه .. للاسف مخطوبه
عند ادم فضل مصدوم ومش عارف يرد ب اي أحلامه كلها اتهدمت قدامه حب عمره والحد الوحيد اللي قدر بكل سهوله يدخل قلبه ويتملك منه وحرم علي قلبه أنه يدخل حد غيرها وهي دلوقتي لحد غيره
حس أنه مخنوق قرر يخرج البلكونه
عند ساره استغربت تجاهل ادم قفلت الفون وسرحت في جمال السما ونجومها
ادم استغرب وجودها في البلكونه في الوقت ده ورغم أنه حاول يتجاهل وجودها ويتاقلم علي فكره أنها بقت لحد غيره بس قلبه مسمحش بكده وقرر يلغيها
ادم بغمزه.. الا هو القمر بيطلع بليل
ساره بضحك.. دي معلومه اول مره اعرفها
ادم بمشاكسه.. عشان تعرفي بس اني بفهم وكده
ساره .. بجد طب دي حاجه كويسه انك بتفهم
ادم بصلها وضحك ورجع بص للسماء وبصلها تاني
ادم .. هو انتي مخطوبه من امتا
ساره بملل... يعني من سنه كده
ادم بحزن.. وفرحانه معاه
ساره بحزن.. لا مجبوره بس
ادم بأمل .. واي اللي يجبرك علي حاجه زي كده.
ساره بتهرب. كتير وهستاذنك ادخل انام
بحكم قرب البلكونتين من بعض
ادم مسك اديها وبصلها برجاء .. ممكن تحكيلي وانا معاكي وهساعدك
في اللحظه دي محستش غير ب الامان الامان اللي قدر يوصلي من مسكه ايده
ساره....هحكيلك..!
↚
بس يا سيدي كل ده اللي حصل واللي مر في حياتي
ادم بزهول .. طب وانتي اي اللي يجبرك تستحملي حاجه وانتي مش عايزاها حتي لو عشان خاطر حد محدش هيعيش مكانك
ساره.. بص مش كل حاجه لازم نعملها عشان نفسنا لازم نفكر في غيرنا يعني أنا عارفه عمي اكيد شايفلي الاحسن
ادم.. لا يا ساره ده مش احسن لو كان احسن كان عاملك بما يردي الله
ساره بزهق.. عادي مش فارقه كتير
_معرفش سبب الغضب اللي باين ع وش ادم وليه مُصر اني انهي علاقتي بـخطيبي تامر ممكن عشان شايف اني بظلم نفسي ولا عشان حاجه جواه لحد دلوقتي انا معرفهاش
_ادم بشرود. فكره أنها لحد غيري دي بتقتلني حتي لو هي مش حباه ولا عايزاه انا فضلت تلت سنين متعلق بيها وبحلم بيها طول فتره غربتي في أمريكا شوفت كتير لكن محدش قدر يخطف قلبي غيرها وهفضل وراها لححد متكون ليا..
يا تامر اعقل ومينفعش اللي بتعمله ده انت مدرك أنها بنت خالتك
تامر بزهق .. يا امي هو انا بعمل اي ما احنا كويسين جدا مع بعض
شاديه (ولدت تامر).. كويسين اي انت بتضحك علي مين انا اكتر واحده فهماك وفاهمه انت ماشي ورا دماغ مين دماغ كوثر اللي هتوديك في داهي*ه
تامر بملل.. يا امي هو احنا مش هنتجمع تفتحي موضوع ساره ده
شاديه بنرفزه.. ايوا عشان شايفه انك غلط بتاذي نفسك وبتاذي اقرب ما ليك يابني اعقل وابعد عنها بقي
تامر .. لا مش هبعد يا امي وكفايا لحد كده
شاديه بغضب.. كفايا كفايا بس وربنا لو فكرت تاذي بنت اختي ولا تزعلها لكون منكده عليك عشتك وساعتها ولا انت ابني ولا اعرفك
_سبته ومشيت وجواها غضب من ابنها ومن دماغه وبتندم أنها خلت ساره توافق علي خطوبتها منهُ
_الحج الكبير بنفسه قاعد في البلكونه
لف وضحكله ابنه اللي ربنا رزقه بيه بعد ٢٠ سنه حرمان من الخلفه
كمال بحنيه.. تعالي يا آدم يا حبيبي
ادم بحب.. اي يا حج الصفاء اللي علي الصبح ده كوبايه شاي بالنعناع وجرايد شغل قديم ده
كمال بضحك .. وهنعمل اي يابني اهي دنيا الا قولي انت مالك كده مزاجك رايق
ادم بحسم.. لا ابدا بس عايزه اقولك موضوع مهم جدا
كمال بانتباه.. قول يا بني في اي
ادم .. انا قررت اتجوز يابابا
....
↚
بجد يابني هتتجوز مين
ادم بقلق.. ساره يا بابا
كمال بستغراب.. ساره ساره مين بالظبط
ادم .. ساره جارتنا يا بابا
كمال بزهول.. بس دي مخطوبه يابني انت متعرفش ولا اي!
ادم .. ايوا مخطوبه بس الخطوبه كلها مجبوره عليها أو عشان متزعلش عمها وخالتها لكن هي مش بتحبه يابابا
كمال بنفي.. سوا بتحبه أو لا في النهايه خطيبته
ادم وهو بيمسك أيده .. يابابا انا بحبها فاكر لمه جاتلك من سنتين زياره شوفتها خطفت قلبي من نظره واحده ساعتها اخدت وعد ع نفسي اني مش هسيبها واني هخلص وانزل اخطبها يابابا انا متعلق بيها جداا
كمال بحب.. طب يابني اقدر اساعدك ازاي أو اي الحل يعني مهو انا مش فاهم برضه مفروض نعمل اي
ادم بثقه.. هروح اتكلم مع عمها هعرفه اني بحبها واني عايزها وهصونها
كمال بهدوء..قد كده بتحبها يا آدم
ادم .. سرحتني يا بابا سحرتني
تامر .. الو يا كوثر عايزه اي!
كوثر بمياعه.. اي يا تمور عامل اي
تامر بزعق... اهو تمام وانتي
كوثر .. كويسه وانت عامل اي مع ساره
تامر.. ولا حاجه مش بنتكلم كتير وامي حلفت عليا لو عملتلها حاجه هتزعل وانا بصراحه زهقت
كوثر بخبث.. اهو قريب تعالي بس وحدد معاد مع عمها على الجواز وخد الورث بتاعها اكتبه ب اسمك وساعتها هنقسمه سوا وطلقها لو حابب بعدها
تامر بمهوده .. هدبرها كده واقولك يا كوثر سلام
وبعدين بقي يا تامر هتفضل ورا كلام ست كوثر دي كتير
تامر.. محتار ومش عارف اعمل اي حاسس اني بظلم ساره وحاسس اني مورط نفسي مع كوثر ومش عارف مفروض اعمل اي
(كارمه) صديقه تامر.. يا تامر افهم انت كده بتظلم نفسك قبل كل ده ابعد عنها وهي تشوف حياتها وانت تشوف حياتك وبعدين انت اي اللي مخليك ماشي ورا كلام كوثر دي!
تامر بتوتر.. هه لا ابدا مفيش
كارمه بستنكار.. عليا انا يا تامر احكيلي ممكن اساعددك
تامر بغضب.. بصي يا كارمه كوثر دي مش سهله طول الوقت كانت بتدلع عليا وبتحاول تغريني باي طريقه وانا مره كنت هعمل حاجه غصب عني واغلط بس رجعت في اخر لحظه من ساعتها وهي بتحاول تغريني وتحاول تلفت نظري ليها وهددتني مره أنها تعرف جوزها اني حولت اقرب منها
كارمه بصدمه .. يالهوي انت بتقول اي دي مش سهله خالص انت كده بتساعدها في الغلط ولازم تبلغ جوزها بالكلام ده
تامر بقلق.. فكرك هيصدق
كارمه بتشجيع .. بص انا رايي تعرف ساره بكل حاجه ومنها تنهي علاقتك معاها وتفسخ الخطوبه ومنها تعرفها مرات عمها اي وبتعمل اي من وراهم
تامر بحب.. تعرفي بجد محظوظ بوجودك ك صديقه واخت
كارمه بحزن حولت تدريه.. انا هفضل معاك وفي ضهرك
↚
عم كرم عم كرم
لف وبصله كرم بابتسامه .. ازيك يا آدم يابني عامل اي
ادم بحترام.. كويس يا عمي انت عامل اي وصحتك عامله اي
كرم بتنهيده.. اهو تمام نحمده علي كل حال
ادم باحراج.. عم كرم انا كنت محتاج اكلم حضرتك في موضوع بس محرج اوي
كرم بستغراب... موضوع طب تعالي نطلع البيت عندي ونتكلم
ادم بتسرع.. لا بيت اي بس تعالي نقعد علي القهوه اللي في أول الشارع دي
كرم .. ماشي يا سيدي ادم يلا بينا
اهو قعدنا كنت عايز تقول اي بقي!!
ادم بتوتر.. بص يا عم كرم انت عارفني من وانا صغير وعارف ابويا بس حابب اعرفك بنفسي اكتر
كرم بستغراب.. في اي يابني قلقتني
ادم براحه.. عم كرم انا عشت نص عمري في أمريكا شوفت كتير جدا بس عمري ما قررت اربط حياتي بحد ولمه نزلت هنا زياره من سنتين قبلت ساره بالصدفه في الشارع
كرم بتقطيع.. ساره بنت اخويا ! طب اي علاقتها بكلامك ده
ادم باحراج .. انا عايزه اتجوز ساره ي عم كرم ومستعد اعمل اي حاجه عشان توافق
كرم .. هو انت متعرفش أن ساره مخطوبه لابن خالتها يا آدم!
ادم بتساؤل..هل انت شايف ياعم كرم أن ساره مرتاحه معاه او حتي بتحبه!
كرم بتفكير.. هو في مشاكل كتير بتحصل بينهم بس بتعدي
ادم بتمسك.. بتعدي عشان حضرتك ساره مش عايزه تزعل حضرتك ولا تزعل خالتها بس هي مش بتحبه ولا عايزاه
كرم .. طب هو انت تعرف ده منين يعني انا مش بشوفك بتكلمها ومعتقدش انك تعرفها
ادم بتوتر.. انا حاسس ساره اللي من سنتين كانت منوره دلوقتي مطفيه وحزينه دايما اللي بيحب حد بيكون مبسوط معاه ولا انت شايف اي يا عمي
كرم بحيره .. انا معرفش المفروض اعمل اي وانت شخص محترم وبحبك ويعلم ربنا غلوت ابوك عندي بس انا معرفش تامر اي وضعه
ادم باقتراح.. ممكن تقعد مع ساره وتتكلم معاها اسالها هل هي مرتاحه معاه ولا بتحبه وساعتها اللي هتجاوب عليه هو اللي هيكون حل للموضوع
كرم بتساؤل .. طب لو بتحب تامر وعايزاه!
ادم بثقه ...اوعدك هبعد عنها والموضوع هيتقفل
(ادم في سره. اوعدك انها مش هتكون غير ليا حتي لو هحارب الدنيا كلها عشانها)
غريبه أنه يتصل ويطلب يعزمني علي الاكل وان في موضوع مهم عايزني فيه
تمارا(صديقه ساره).. وفيها اي ي ساره انزلي شوفيه عايزه اي
لفيت وبصتلها تمارا دي مش مجرد صحبه عابره في حياتي دي اخت وصديقه وحجات كتير حلوه في حياتي
تمارا بمناكشه .. اي يسطا هو انا من كتر جمالي سحرتك كده
ساره وهي بتقرب وبتحضنها
↚
ساره بحب.. تعرفي يا تمارا انك اهم حاجه عندي
تمارا بحب .. انا اللي ربنا عوضني بيكي يا ساره وهفضل جمبك دائما وبعدين بقي يستي نركز بقي علي موضوع تامر
ساره وهي بتخبطها علي دماغها وبتبعد عنها.. تصدقي خساره فيكي شويه الحب دول
تمارا بضحك.. حبيب اخوك والله ها بقي هتلبسي اي
ساره بملل.. علي فكره انا مش مهتميه ب الخروجه ولا مهتميه البس اي
تمارا بتفكير.. فكرك هيليق البيج علي الاحمر
ساره بتساؤل... بتسالي ليه !
تمارا بتركيز وهي بتشاور علي الدولاب.. بصي الدريس الاحمر اللي هناك ده بفكرك تلبسي عليه طرحه لونها اي
ساره وهي بتخبطها بالمخده.. فكريني اقطع علاقتي بيكي
تمارا بضحك.. والله ما تقدر
ساره بجديه.. يا تمارا بجد انا مش عايزه اقبله
تمارا بجديه .. بصي يا حبيبتي الوضع ده غلط انتي دلوقتي اسمك مخطوبه اسم ومعتقدش أن العلاقه دي هتكون كويسه بعد الجواز يعني لتقطعيها لتكملي وتديله فرصه.
ساره بشرود .. طب وادم
تمارا بخبث... امم وماله بقي ادم
ساره بتوتر.. هااا ادم مين بس هو مين اللي قال ادم دلوقتي
تمارا بضحك.. يخرابي علي اللمعه اللي ظهرت في عينك بمجرد ذكر اسمه
ساره بمروغه.. فكك من الكلام ده ونركز اعمل اي دلوقتي مع تامر
تمارا .. قومي يا ساره وانزلي واعرفي هو عايز اي
ساره بتنهيده.. هقول وامري لله ويارب تعدي الليله دي علي خير
تمارا بحب .. هتعدي يحببتي وربنا هيجبرك قريب
كوثر بغضب .. يعني اي تنهي العلاقه يا تامر انت اتجن*نت
تامر بزعيق .. بقولك اي احترمي نفسك واه زي ما سمعتي كل اللي اتفقنا عليه انسيه وانسي انك تعرفيني
كوثر بتهديد.. طب واللي بينا مش خايف اعرفه لـ كرم
تامر بضحك .. انتي بجد تعبانه هو انتي بتكدبي الكدبه وتصدقيها اي اللي بينا قوليلي كده
كوثر بغضب.. تامر ارجع عن كلامك احسنلك
تامر بثبات .. اعلي مافي خيلك اركبيه ومن غير سلام..
↚
اظن مفيش مكان اهدا من كده عشان نتكلم
ساره بلا اهتمام.. مش فارقه وياريت تدخل في الكلام علطول
تامر بزعل.. ساره هو انتي ليه طريقتك معايا كده يعني ليه اتغيرتي ومبقتيش ساره بتاعت زمان؟
ساره بجديه.. ساره بتاعت زمان كانت ساره بنت خالتك ساره اللي بنسبالها تامر اخوها الكبير اللي بتحبه وتحترمه مش تامر اللي مفروض عليها واللي عايش في دور خطيب علي الفاضي
تامر .. طب ممكن اعرف اي اللي يخليكي ترجعي معايا زي زمان
ساره بلهفه.. نفركش الخطوبه دي ونرجع اخوات زي الاول
تامر بجديه.. طب انا موافق اعمل كده لكن ليا عندك طلب
ساره بلهفه .. قول وانا مستعده انفذه من دلوقتي
يعني انتي متاكده أن الحاجه دي هتفرحها يا تمارا!
تمارا وهي بتهز رأسها بسعاده .. ايوا ايوا يا آدم محدش يفهم ساره دي قدي
ادم بتفكير .. طب فكرك هي بتحب التورته بطعم اي
تمارا بتفكير.. هي دائما تفضل الشكولاته والاكتر مولتن كيك
ادم .. خلاص يبقي نجيب تورته ومولتن كيك مش هيغلو عليها
تمارا .. هو انت بتحب ساره اوي كده
ادم بحب.. تقدري تقولي اني محبتش غيرها
تمارا بحب اخوي.. ربنا يخليكم لبعض بجد انتو لايقين علي بعض اوي
ادم بحب .. يارب ويعوضك انتي كمان بحد شبهك
تمارا بفضول.. الا قولي ياواد يا آدم ازاي هتكلم مع ساره في موضوعكم
ادم بحيره.. مش عارف بفك. اروح اقولها اني بحبها ونخلص بقي
تمارا وهي بتبرقله.. هو اي اللي خبط لازق كده (وكملت بتريقه) هروح اقولها بحبك كده وخلاص
يابني يا عديم الاحساس خليك جنتل كده
ادم بتشنج.. جنتل ازاي يعني
تمارا بتساؤل.. هو انت كنت بتدرس فين
ادم بستغراب.. بدرس طب
تمارا .. لا لا بلد اي
↚
ادم بستغراب.. امريكا
تمارا بق*رف..بذمتك دي من*اظر درست في امريكا
ادم بزعيق.. جرا اي يا ست خيارا انتي ما تحسني ملفظك
تمارا بغضب.. ست ست اي يعنيا
وبعدين واحد درس في امريكا مش عارف يعني اي يكون جنتل مع بنت !
ادم بملل.. بصي يا بنتي خلينا علي نور انا كار الارتباط ده مش كاري
تمارا بتريقه.. امال اي بحبها واي هحارب عشانها واي شغل كاظم الساهر ده !
ادم بصلها من فوق لتحت ومشي وسابها
تمارا بتشنج.. هو ازاي يسبني كده
خد يا عم تعالي ياحج لسه مكملتش نصيحي
ازاي ازاي كل ده يطلع منها ازاي ده انا عمري ما اذيتها ولا غلطت فيها
قولتله الكلام ده وانا بعيط مش مستوعبه مده بشاعه الناس المحيطة بينا وانك مهما عملت عشان حد هيفضل برضه مكمل في اذيتك
تامر بشفقه.. ساره انتي كنتي بتعملي باصلك
ساره بعياط.. طب ليه تعمل فيا كده يعني بتاجر فيا تخيل أنها كانت زقت عليا حد تاني كان هيعمل فيا اي وعشان اي ورث شويه فلوس قادره أنها تاذي بني ادم عشانهم!!
تامر وهو بيطبطب علي كتفها.. معلش يا ساره ربنا هيجبلك حقك بس خلينا دلوقتي نفكر هنعمل معاها اي
ساره بتفكير .. معرفش معرفش يا تامر بس اللي اعرفه ان وجودها خطر علينا وعلي عمي بالذات
تامر بجديه.. احنا لازم نطلقها من عمك لازم نبعدها عننا
ساره بتشتت.. طب اعمل اي
تامر بتفكير .. انا هقولك هنعمل اي...