رواية روحي لجميلتي كاملة جميع الفصول بقلم وعد حامد
رواية روحي لجميلتي كاملة جميع الفصول هي رواية من كتابة وعد حامد رواية روحي لجميلتي كاملة جميع الفصول صدر لاول مرة على موقع التواصل الاجتماعى فيسبوك رواية روحي لجميلتي كاملة جميع الفصول حقق تفاعل كبير على الفيسبوك لذلك سنعرض لكم رواية روحي لجميلتي كاملة جميع الفصول
رواية روحي لجميلتي كاملة جميع الفصول
مستر احمد ..ممكن حضرتك افهم انا ليه مخصوم من مرتبي يومين كاملين ..؟!
= راجعي مع مدير الحسابات
هو بيقول اني اتأخرت عن مواعيد الشغل اربع ايام ف الشهر وده مش حقيقي وتقدر حضرتك تتطلع علي الكارت بتاع البصمه
= معرفش هو عطاني ورقه الرواتب وانا مضيتها موضوعك معاه مش معايا
ايوه بس ده ظلم حضرتك ودي ورقة استقالتي ومش هشتغل ..
= وهنظلمك ليه ..؟ بينا وبينك ايه مش فاهم
معرفش ..! بس ده مايرضيش ربنا ..
= الكارت بتاعك فين ؟
مع الاستاذ عمرو زميلي ممكن اجيبه لحضرتك ؟
= وطالما هو الكارت بتاعك ..مخلياه مع عمرو بتاع ايه ؟ مش المفروض كل موظف يبقي معاه الكارت بتاعه ؟
كنا بنفطر كلنا سوا ومعايا سندس وهند وهو خده معاه بالغلط وكلمني و
= كلمك ؟ كلمك فين ؟؟
رن عليا وقالي انه معاه الكارت بتاعي قولتله خلاص هاته بكره ..هو زمانه جاي
= طب ايه رأيك بقي ان عمرو ده هنقله المخزن عشان نبقي نشوف موضوع الفطار ده ..وانتي هخصم منك خمس أيام مش يومين بس عشان تعرفي تقفيلي مع ده ومع ده
يا فندم ده زميلي ...!
= بلا زميلك بلا زفت ..اتفضلي ع مكتبك
( واقفه وبتبتسم )
= اتفضلي ع مكتبك يا استاذه نور
انت بتغير ..؟
= نععععععم ؟ ايه بغير دي .قولتلك اتفضلي ع مكتبك
بقولك انت بتغير ؟
= عليا النعمه من نعم ربي لو شوفتك واقفه مع حد تاني لنا خاصم عليك الشهر كله ..اتفضلي وخدي استقالتك دي معاك ...وليا حساب تاني معاك
( بتاخد استقالتها وبتبتسم وبتخرج )
↚
ها عمل ايه ؟
=خصملي خمسه ايام مش عارفه اعمل ايه عشان يعترف بقي ؟
-استني عليا انا عندي خطه هتخليه يعترف
=ايه قولي بسرعه
-بصي يا ستي
= جامده طب يلا هاتي عمرو عشان نعرفه
-استني هكلموا اهو
-الو ايوه يا عمرو
عمرو : ازيك يا سندس عامله ايه ؟
سندس : الحمد لله المهم كنت عايزاك في موضوع ضروري تعال بسرعه
عمرو : حاضر جايلك اهو
عمرو وصل ها يا ستي عايزاني في ايه ؟ ازيك يا نور
نور : الحمد لله اقعد عايزينك في موضوع
عمرو بشك : موضوع دا انتوا اما بتقعدوا مع بعض الشيطان بيخاف ها في ايه
نور : اقعد بقي بص يا سيدي
عمرو : ربنا يستر
عمرو: لا مستحيل يحصل دا نقلني المخزن بسبب اننا كنا بنفطر مع بعض عايزين اروح اقوله اننا هنتخطب دا انا هتطرد كده
نور : يا بني ولا هتطرد ولا حاجه احنا هنخليه يغير بس
سندس : عموره عشان خاطري وحياتي عندك
عمرو : امري لله بس لو اطردت هيكون بسببكوا انتوا الاثنين
نور : ماشي يلا بقي
احمد كان قاعد يشتغل وهو متعصب وهو بيبصلهم بقالوا فتره وهما بيتكلموا وعلي اخروا
نور بدلع : مستر احمد ممكن اخد اذن انهارده
احمد بغضب وهو يراها تمسك بيد عمرو ويدخلوا سوياً : سيب ايديها يلا
عمرو باستفزاز: لا نور حبيبتي وقريب اوي هتبقي خطيبتي
احمد وعروقه بارزه : مين دي اللي حبيبتك يلا
نور وهي تتمسك بيديه وتنام علي ذراعه : اه عمرو حبيبي وقريب اوي هيبقي خطيبي ثم اكملت بخبث : عند حضرتك مانع
احمد بعصبيه وهو بيشدها من ايديها بغضب وغيره ويقول بنفاذ صبر : لا دا انتوا بتسطعبطوا بقي وشكل ليلتكوا مش معديه
(ابتسمت هي بفرحه انها حققت مبتغاها )
↚
نور بخبث : وانت مضايق ليه يا مستر احمد ؟ بتغير
احمد باستسلام: اه بغير عليكي عشان عشان بحبك
عمرو بفرحه : اخيرا يا عم قولتها دا انا زهقت اكتر منها
نور بفرحه : اخيرا قولتها مش مصدقه بجد الله علي خططك يا سندس
احمد بخبث : اه خطه سندس اه بقي الموضوع كده بقي انا فهمت اتاريكوا قاعدين تتكلموا وتتناقشوا والاستاذ داخل يقول دي حبيبتي ودي خطيبتي
عمرو بخوف : والله هما اللي قالولي انا معرفش حاجه ومعملتش حاجه وانا اصلا بحب سندس ماليش دعوه بيكو وطلع يجري
نور بخوف : اه يا ندل ماشي
احمد بخبث وهو يقترب منها : وانت داخله تقوليلي عمرو حبيبي وقريب اوي هيبقي خطيبي ونايمالي علي دراعوا وماسكين ايد بعض وعادي
نور بخوف اكبر و ضحك : ما انا كان لازم اعمل كده عشان تغير كده وتعترف و حصل الحمد لله
احمد : اه دا انت واقعه من زمان بقي
نور بثقه : لا يحبيبي انت اللي واقع من زمان وجيت تعترفلي دلوقتي بنفسك انك بتحبني وبتغير
احمد بخبث : يعني انت عايزه تفهمني انك مبتحبنيش صح
نور بسرعه : لا انا مقولتش كده انا بحبك من زمان
احمد : طب ما انت كمان واقعه
ابتسمت نور بخجل انها فضحت نفسها بنفسها ابتسم علي ابتسامتها وقال بحب : خديلي معاد مع والدك بقي
نور : ما هو عارف من زمان
بعد مرور خمس سنوات
رانيا : بابا بابا
احمد : نعم يا حبيبتي
رانيا : هي ماما نايمه كده ليه ؟
احمد بضحك وهو يوقظ نور : نور نور قومي اسمعي بنتك بتقول ايه ؟
نور بنعاس : في ايه يا احمد علي الصبح في ايه يا حبيبتي ؟
رانيا بضحك : كان ثكلك بيضحك اوي وانتي نايمه
نور بغضب طفولي : ماشي انا هوريكي
احمد بضحك وهو يراها تزغزها ورانيا تضحك بطفوله ونور تضحك معاها
رانيا بضحك : الحقني يا بابا الحقني
نور بضحك هي الاخري : محدش هيلحقك من ايدي
(النهايه )