رواية بين كلامها وقلبي كاملة جميع الفصول بقلم هاجر محمد

رواية بين كلامها وقلبي كاملة جميع الفصول هي رواية من كتابة هاجر محمد رواية بين كلامها وقلبي كاملة جميع الفصول صدر لاول مرة على موقع التواصل الاجتماعى فيسبوك رواية بين كلامها وقلبي كاملة جميع الفصول حقق تفاعل كبير على الفيسبوك لذلك سنعرض لكم رواية بين كلامها وقلبي كاملة جميع الفصول

رواية بين كلامها وقلبي كاملة جميع الفصول

: ـ لو سمحتى لو سمحتى 

ماشيه فى الجامعه عادى وكالعاده بمشي بسرعه لانى مش بعرف امشى لواحدى بس الغريب ان سامعه حد بينادى بس قلت مش مشكله اكيد مش هينادى عليا يعنى فضلت مكمله مشى والمشكله ان الصوت بيقرب منى هوووف بقا طب ابص ولا اعمل ايه انا اصلا بخاف وبتكسف و..  فجأه وانا بكلم نفسى حسيت بحد بيخبط بحاجه على كتفى لالالالالا مش عايزه الف انا همشى ايه الهبل اللى بقوله دا بس 

صوته قطع تفكيرى لتانى مره وانا ذى الهبله بكلم نفسى لقيته بيقول: ـ على فكره مش الاحترام انك سمعانى بنده عليكى وتعملى نفسك مش سامعه على العموم النوته بتاعتك واقعت منك 

ايه ده هو بيكلمنى كده ليه وكمان بيقولى مش محترمه هو انه ليه حاسه انى هعيط لالا والنبى بلاش عياط احنا اول يوم كليه ومنعرفش حد ومفيش حد هيقف معاكى و.. هووووف برضوا بكلم نفسى انا لازم الف واشكره 

لفيت وانا دموعى فى عيونى عايزه تنزل بس طبعا انا مستحمله لحد مهوا يمشى كنت بصه فى الاوض وقولتله وانا مخنوقه من العياط: ـ ان انا  ب بعتذر مش كان قصدى انا بس فكرتك بتنادى على حد تانى ع على العموم شكرا 

مديت ايدى عشان اخد النوته بتاعتى وانا لسه على نفس الوضع قعدت حوالى ثلاث دقايق وانا مده ايدى وبرضوا مختش حاجه وكمان مسمعتش صوته وهنا دموعى نزلت لانها جابت اخيرها فسحبت ايدى ومسحت دموعى عشان ميشوفهاش لقيته بيقول 

: ـ ايه ده انا اسف بجد مكنش قصدى تزعلى بس انا بنادى عليكى وانتى عماله تمدى فعشان كده اضيقت وزعقت بس بلاش عياط 

فضلت ساكته بس عياطى هيزيد انا مش بحب حد يلاحظ انى ضعيفه وهشه كدا فى الاخر بصيتله بعد ممسحت دموعى وقولتله وانا باصه فى جنب تانى لانى لو بصيت عليه هيعرف من عيونى الحمره انى عيط مع العلم انوا عرف بس عقل طفله بقا 

:ـ لا انا مش بعيط ممكن النوته بتاعتى

:ـ اومال عيونك مالها حمره كده ليه 

:ـ لا ابدا مش حمره ولا حاجه ممكن النوته بتاعتى وشكرا ليك 

لقيته ضحك بيضحك على ايه دا كمان انا ناقصه تريقه 

:ـ على فكره انا مش بتريق ولا حاجه انا بس بضحك عشان شايف طفله مش طالبه فى الكليه

بصيت عليه عشان انا بجد خلاص هفتح فى العياط الدقيقه دى قولتله وانا متعصبه:ـ طيب شكرا ليك جدا ممكن بقا النوته بتاعتى

لقيته مبتسم وهو شكله حلو اوووى بالغمازه بتاعته ياختاااى ايه اللى بقوله دا غضى بصرك الله يسامحك ياسما الكلب لقيته بيضحك تانى مش عارفه ليه قولتله وانا صوتى عالى ومتعصبه

:ـ هو انا واشى مكتوب عليه نكته مثلا يعنى 

سكت وبعدين بصلى شويه حسيت انو هيقتلنى عشان عليت صوتى وبعدين قال بهدؤ وابتسامه 

:ـ اولا بلاش تخلى ضعفك يظهر فى كلامك وعصبيتك ثانيا لا ياستى وشك مش مكتوب عليه نكته ثالثا والاهم انى ضحكت عشان انتى بتفكرى بصوت عالى يعنى انتى لما بصتيلى قولتى غضى بصرك الله يسامحك ياسما الكلب فدا اللى ضحكنى 

على كمية الاحراج ايه ده الحمدلله انى دى بس اللى سمعها لو كان سمع حاجه تانيه كان هيقول عليا مش محترمه بصيت عليه وقولتله:ـ بعتذر من حضرتك عشان عليت صوتى ممكن بقا النوته عندى محاضره وانا معرفش حاجه هنا 

:ـ طب ممكن تهدى ومتعيطيش هو كل حاجه عندك عياط مفيش حاجه تستاهل انك تعيطى بصى ياستى انتى شكلك جديده هنا 

:ـ ايوه انا لسه مستجده

لقيته مد ايده وبيقول:ـ ماشى ياست مستجده انا حازم وفى فرقه اولى يعنى ذى بعض

بصيت على ايده وانا خايفه اقوله مش بسلم يتريق عليا ذى ناس كتير لقيت ايده اتسحبت وهو بيقول بإبتسامة

:ـ اتشرفنا اسمك ايه بقا 

:ـ اسمى سما انا بعتذر بجد بس انا فعلا مش بسلم على رجاله 

:ـ اولا دا شئ كويس ثانيا ياست سما انا مزعلتش وبعدين ايه كمية الاعتذارات اللى بتقوليها دى 

ضحكت على طريقة كلامه لقيته بيقول

:ـ ايوه كدا ياشيخه اخيرا ضحكتى على العموم يالا عشان باقى عشر دقايق على المحاضرة وهتبدأ 

:ـ تمم هعرف المدرج اذاى 

بص عليا بذهول وقال:ـ انتى هبله يابت بقولك انا معاكى فى فرقه اولى يعنى هتروحى معايا 

سكت وانا باصه فى الجانب التانى عايزه اقوله انى مينفعش امشى معاك انا حابه احافظ على نفسى مش حابه اتصاحب ولا الكلام ده لقيته بيقول: ـ ممكن تمشى ورايا عشان متمشيش معايا بس خالى بالك اوعى تتوهى 

حمدت ربنا انو اتفهم الامر ده وقولتله 

:ـ تمم يالا امشى عشان مش نتأخر 

لقيته ضحك وهو بيقول:ـ مكذبتش لما قولت طفلة 

اتعصبت ولسه هرد لقيته مشى كويس انو مشى كنت هزعقله ايوه مهو انا مش طفلة جريت جرى وراه عشان الحقه ومتهوش منه قصدى عشان هو اللى ميتهش اكيد يعنى ببص قدامى ملقتوش ولقيت نفسى قدام مدرج ايه ده هو توهنى وسبنى ومشى 

لقيته طلع من المدرج اللى قدامى وبيضحك وبيقول

:ـ مش قولتلك متفكريش بصوت عالي تانى على العموم ده المدرج اللى هناخد فيه ويالا ادخلى عشان الدكتور جاى وراكى 

حسيت باحراج اووى بسبب غباء و بسم لله ماشاءالله وشى كان هيفرع بسبب الحمران بتاعه المهم هو دخل وانا دخلت وراه وعماله ابص وادور على مكان فاضى جنب اى بنت اقعد فيه وللاسف المدرج كله مليان والاماكن الفاضيه جنب صبيان وانا فى الوقت ده هعيط بمعنى الكلمه لقيت صوت حد جنبى وبيقول وتقريبا كده انا عارفه الصوت ده 

:ـ مش وقت عياط وتعالى اقعدى جنب البنت اللى قاعد جنبها 

بصيت عليه كأنى بشكره وتقريبا هو فاهمنى لقيته ابتسم ومشى وانا مشيت وراه وقف قدام البنچ وانا دخلت وقعدت وهو دخل قعد بس كان سايب مسافه بينا يالا الحمد لله انه مش هيحتك بيا الدكتور دخل والمحاضره بدأت قعدنا حوالى ساعه وانا مليت روحت ماسكه تليفونى عشان العب فيه ولقيت اللى بيشده منى لا انا خلاص عرفت مين اللى هيعمل كده بس اتعصبت لسه هبص لقيت اللى بيتكلم وبيقول

:ـ قبل متتعصبى الدكتور باصص عليكى حاولى تركزى 

بصيت قدامى بسرعه وفعلا لقيت الدكتور باصص عليا والحمدلله مكرشنيش فضلت مركزه لحد م المحاضره خلصت هوووف واخيرا المحاضره خلصت لقيت اللى بيضحك جانبى عرفت على طول انى قولت بصوت عالى بصلى وقال 

:ـ خدى تليفونك وبعد كده متفكريش بصوت عالى 

طبعا انا هتكلم معاه فشر لا طبعا خدت التليفون وقومت طيران حتى من غير مبوصله هو اصلا خلاص عرف انى هبله طلعت بره الكليه وركبت العربيه ومشيت روحت بيتنا وسلمت على اهلى وحكيت لماما عن اليوم التحفه ده اللى اتاخد عنى فكره صح قصدى غلط غلط انى هبله طبعا دخلت نمت وقومت على صوت رنت الفون بتاعى وكانت خلصت بصيت على الساعه لقيت فاضل ساعه على المغرب ويأذن قومت بسرعه عشان اصلى العصر وفعلا صليت الحمدلله وقعدت اشوف مين اللى كان بيرن لقيته رقم غريب فتحت الواتس لقيت .........

↚

فتحت الواتس ولقيت رسايل كتير من رقم غريب اووف هو ايه حكاية الارقام الغريبه دى بس ايه ده ده نفس الرقم اللى كان بيرن لقيت رساله اتبعتت بتقول اخيرا فتحتى ردى بسرعه يا قطتى ولا اقولك يا طفلتى ايه ده ايه ده مين الحيوان ده وليه اصلا يبعتلى وجاب الرقم منين رسايل كتير موجوده على الرقم ده عايزه افتح بس مش عارفه اعمل ايه فتحتوا وقعدت اقرأ الرسايل وكان كلها عباره عن اسمى وكلمه يابت بت بت مين الله يسامحك يا اسمك ايه ايه ده ثوانى فيه رسايل مختلفة وكانت بتقول 

(سأظل انتظرك يامن ستقول لى ياقطتى وستعاملنى كا طفلتك) 

(احتاج الى من يضمنى بقوة ويقول لى انا معك ياطفلتى مهما طال الزمان انا معك حتى وان بعد المكان.) 

ياختاااى الرسايل دى من النوته بتاعتى يترى مين اللى خدها لا والنبى دى فيها بلاوى لقيت رساله تانيه مكتوبه 

(بصى انا حبيت قطتى عشان شايفك قطة وحبيت طفلتى عشان اول حاجه خدتها عنك انك طفلة ف دلوقتى اقولك قطتى ولا طفلتى) لا كده كتير لازم اعرف مين ده والنوته بتاعتى راحت معاه ازاى ايه ده ثوانى يكونش الواد بتاع الصبح لا بس انا خدتها منه ولا مخدتهاش مش فاكره انا هرد على الشخص ده واعرف هو مين رديت عليه وقولتله:ـ مين حضرتك 

: ـ اخيرا رديتى قوليلى بقا اقولك قطتى ولا طفلتى 

: ـ لو سمحت قولى انت مين وجبت رقمى و النوته منين 

: ـ ممكن متتعصبيش وانا ياستى شخص اعرفك وانتى تعرفينى وجبت النوته منين لقيتها والرقم موجود فى النوته 

: ـ طب هو مش عيب اووى انك تشوف حاجه الناس.

: ـ اهدى ياقطتى انا شوفت النوته عشان اشوف رقمك وبعدين انا مقرأتش فيها كتير يعنى. 

: ـ طب لو سمحت متقراش فيها تانى.

: ـ قوليلى ياقطتى ليه كلامك كله فيه حزن دا كلام بس ولا دى حقيقة انتى حبيتى قبل كده 

: ـ لا طبعا عمرى محبيت ولا هحب وبعدين مش لازم اكون مجروحه من حبيب ممكن يكون من ناس تانيه 

: ـ ايوه ذى الاهل والاصدقاء صح 

: ـ لو سمحت بلاش تكمل قرأتها وقولى اخدها ازاى منك 

: ـ هتخديها فى يوم وانا اللى هدهالك بس فى بيتنا ياقطتى يالا قومى صلى وذاكرى المحاضره بتاعت انهارده سلام مؤقت قطتى

قرات الرساله دى ولقيته قفل ايه بقا ان شاءالله طب اذاى هخدها فى بيتنا هوووف انا زهقت انا هقوم اصلى واكل وبعدين ابقى اذاكر احسن مفكر فى الاهبل ده قومت وعملت كل اللى انا عايزاه ولقيت الساعه داخله على عشره قولت افتح الفون شويه لقيت رساله من نفس الرقم بيقول

(عارف انك هتفتحى عشان تقرأى رواياتك بس متقعديش كتير عشان الكليه ومتنسيش تصلى قيام الليل) 

ايه ده خطف قلبى برسالته بجد انا يمكن مش بصلى قيام الليل غير قليل جدا بس ان شاءالله هحاول انتظم عليها عملت سين على الرساله و مردتش عليه وقرأت الروايات وقومت صليت وبعدين راحه عشان انام لقيت رساله (تصبحى على خير يا قطتى) 

لا كده كتير بجد انا بزهق جيت اعمل حظر بس لا انا عايزاه عشان النوته معاه طب اعمل ايه دلوقتي قولت خلاص الصبح اتكلم معاه واقوله انى عايزه النوته قفلت وقومت نمت عشان اقدر اصحى بدرى عشان اصلى الفجر حاضر لانى بحب اصليه حاضر على طول.......

↚

قومت من نومى على صوت الفون بيرن برضوا فتحته من غير مشوف مين وقولت بصوت نعسان: ـ الو 

لقيت صوت شاب بيقول: ـ يالا ياقطتى عشان نصلى الفجر حاضر فوقى كده يالا ومتنسيش تقرأى الوِرد يالا سلام مؤقت ياقطتى

لسه هرد لقيته قفل لا كده كتير بجد

 انا مش بحب كده بس بجد فرحت ان فيه حد مهتم ايه ده ايه الهبل اللى بقوله ده قومى سما خلينا نصلى قومى قومت وصليت الثنى والفجر آذن وصليت وقرأت القرأن كانت الساعه وصلت خمسه ونص قومت صليت الصبح وقعدت فتحت التليفون لقيت رساله تقريبا كده انا عرفت مين اللى باعت وفعلا طلع هو الرقم الرخم المهم مضمونها ايه بقا (صباحا يامن تملكين الجمال فى الروح قبل كل شئ صباحا يامن اسرتنى عيونك حتى وان كانت مليئة بالدموع صباحا يامن سلبتى راحتى منى فعشقتكى منذ اللحظة الاولى صباح الخير ياقطتى)

ايه خطف القلوب اللى على الصبح دى بس بس ياسما اسكتى بطلى هبل وشوفى مين الشخص ده بعتله وقولت 

:ـ لو سمحت قولى بقا انت مين وياريت بلاش كل شوية تقولى قطتى انا مش قطة حد 

:ـ ههههههه اهدى يا قطتى بلاش تتعصبى عشان وشك زمانه احمر اووى بسبب العصبيه ياله بقا قومى البسى وافطرى عشان الكليه 

قرأت الرساله وحطيت ايدى على وشى ياختاااى عرف اذاى ان وشى احمر انا هقوم البس احسن الساعه بقت سته ونص 

قومت لبست وكلت اى حاجه ومشيت عشان الكليه وصلت الكليه كانت الساعه تمانيه ونص والمحاضرة الساعه تسعه ايه ده انا معرفش مكان المدرج لا النبى بلاش كده طب اعمل ايه لقيت حد بيضحك وبيقولى:ـ مش قولتلك بلاش تفكرى بصوت عالى وبعدين اوعى تقولى انك مش عارفة المدرج 

بصيت وانا اصلا عرفه صاحب الصوت هو معتش غيره اصلا قولتله:ـ لا مش عارفه وبعدين انت مستقصدنى 

:ـ لا ياستى مش مستقصدك بس متفكريش بصوت عالى تانى وكويس انى جيت بدرى عشان متأكد انك كنت هتفتحى بالعياط دلوقتى المهم يالا امشى ورايا وخلى بالك من الادوار والمدرجات عشان متهيش تانى ياعالم هكون موجود كل مره ولا لا 

رديت بمبالاه:ـ لالا ان شاءالله هتبقى موجود 

لقيته بصلى وبإبتسامه وبيقول:ـ ان شاءالله. 

انتبهبت للى قولته ولسه هرد لقيته ماشى وبيقول

:ـ تلقائيتك حلوه يلا متخديش فى بالك اولا احنا فى الدور التانى والمدرج العاشر خلى بالك بقا

مشيت وراه وفضلت ابص على المدرجات عشان الاقى المدرج بتاعى واخيرا وصلنا دخلت ولقيت بنات بصلى وابتسم لقيته بيقولي بصوت واطى عشان البنات اللى قاعده ادخلى يالا اقعدى جنب البنات وانا هقعد فى البنچ اللى بعدك وياريت تتعرفى عليهم

ايه دا بقا ان شاءالله هو ماله اصلا اتكلم ولا اتعرف هو ماله بصيت على البنات والحمد لله محدش اخد باله روحت اقعدت جنبهم وبعدين حسيت بملل مسكت فونى وفتحت واتس لقيت رساله مبعوته طبعا واكيد معروف هو مين كانت عباره عن

:ـ بلاش تحسى بملل لسه بدرى وبعدين اتعرفى على البنات عشان متبقيش لواحدك يالا اتعرفى على اللى جنبك شكلها محترم 

قرأت الرساله وبصيت على اللى جنبى لقيتها بصيتلى وابتسمت ابتسمت لها لقيتها بتمد ايديها وبتقولى 

:ـ اذيك انا شيماء 

↚

سلمت عليها وفرحت اوى وقولتلها:ـ اذيك انا سما اتشرفت بيكى 

قعدنا نرغى كتير وفرحت اووى انى بقا ليا صاحبه والدكتور دخل وشرح والمحاضرة خلصت وخدت رقم شيمو صحبتى ايوه مهو انا لازم ادلعها بقا دى صاحبتى يابشر المهم جيت امشى لقيت اللى ورايا وبيقول كنت متأكد انك هتتصحبى عليها بصيتله وابتسمتله مش عارفه ابتسمتله ليه بس انا كنت حابه اشكره عشان هو السببب انى اقعد جنبها بجانب الشخص الغامض هو السبب انى ابصلها واتعرف عليها المهم مشيت وروحت وحكيت لماما كالعاده على اليوم ده وصليت ودخلت نمت معرفش نمت قد ايه بس.......

صحيت على رنة الفون ولقيت نفس الرقم قولت هرد وهمهزقه لانى جبت اخرى منه فتحت وقبل متكلم لقيته بيقولي 

: ـ اقولك صباح الخير ولا مساء الخير ياقطتى المهم قومى صلى العصر عشان المغرب هيأذن

رديت بعصبيه: ـ لو سمحت ممكن  تقولى انت مين وعايز ايه وكمان انا عايزه النوته بتاعتى وعيب اصلا انك تكلمنى لانه حرام 

رد وقالى: ـ مش قولتلك بلاش عصبيه على العموم انا قولتلك النوته هدهالك فى بيتنا 

: ـ بيت مين بالظبط انا مش فاهمه حاجه 

: ـ بيتنا يعنى بيتى انا وانتى يعنى لما نتجوز ان شاءالله 

: ـ لا انت شكلك مجنون رسمى ياريت مترنش على الرقم ده تانى واقولك كمان خلى النوته مش عايزاها 

وروحت قافله السكه فى خلقته على طول معرفش ليه حاسه انى زعلانه يمكن عشان مش هلاقى حد يهتم بيا ذيه او مش هلاقى حد يصحينى عشان اصلي لالالا ياسما انتى مش زعلانه وبعدين اصلا حرام انك تكلمى ولد يالا قومى صلي افضل من ده بكتير 

قومت صليت العصر وبعدين المغرب آذن صليته وطلعت كلت مع أهلى وذكرت كانت الساعه بقت عشره فتحت الفون لقيت رساله منه استغربت انه كلمنى تانى لقيته بيقول 

(مع انى زعلت عشان طريقة كلامك بس حاضر مش هسمعك صوتى تانى بس متعمليش حظر عشان اصحيكى للصلاة عشان عارف انك بيروح عليكى نومه يالا متنسيش قيام الليل والاذكار ونامى بدرى عشان اليوم بكره طويل سلام ياقطتى) 

مش عارفه فرحانه كده ليه انوا كلمنى بس كويس انوا مش هيسمعنى صوته وانا مش هرد عليه ولا فون ولا رساله 

وعدت الايام وهو على نفس الحال يرن ويبعت رساله يذكرني بس ولا مره رديت عليه اما بالنسبه لحازم فهو مشوفتوش تانى خالص حتى سألته علي النوته قال انها مش معاه  وانا وشيماء بقينا اصحاب اوووى لحد مجه وقت الامتحانات وانا متوتره وخايفه جدا لقيته بعت رساله بيقول 

(متتوتريش ولا تخافي من اى حاجه انتي عملتي اللي عليكي وربنا ان شاءالله مش هيضيع تعبك عايزك تكوني واثقه فى ربنا يالا قومي صلي ونامي بدري عشان تكوني فايقه بكره سلام ياقطتي) 

يمكن رسالته خلتني اهدى شويه قومت صليت فعلا ونمت وكالعاده هو صحانى بس انا غلطت وفتحت او يمكن كان نفسي اسمع صوته لالالا انا اللى غلطت وفتحت قفلت بسرعه قبل ميتكلم واستغفرت ربنا وقمت صليت وقرأت القرأن وقعدت اذاكر شويه وبعدين فتحت الواتس عشان اكلم شيمو صحبتى اوعوا تفكروا عشان اشوف رسالته لا خالص ابدا المهم فتحت وللاسف ملقتش رساله هو انا ليه زعلت عادى يعنى مش عايزاه يبعت كلمت شيمو واتفقت معاه هنتقابل فين وهوب هوب هوب لقيت رسالته بتنور الشاشه ايه الهبل ده اسكتى ياسما اسكتى المهم بتقول ايه 

(تمنيت النجاح والتوفيق فى صلاتي لكي قبلي تمنيت ان تكوني لي قبل كل شئ تمنيت كل الخير لكي فلا تخافي ياجميلتي صباح الخير يا قطتي يالا قومي صلي وافطري واتوكلي على الله كده) 

ياختاااى على الجمال لا بجد بيخطف قلبى خطف كده كل مره ايه بس اللي بقوله ده استغفرالله العظيم استغفرالله العظيم انا هقوم اصلي احسن قومت صليت الصبح وكلت اى حاجه وبعدين مشيت روحت الكلية وقابلت شيمو ودخلنا الامتحان والحمدلله الامتحان كان حلو وسهل وطلعت فرحانه منه روحت البيت بسرعه عشان افتح واشوف الرساله اللى هتتبعت قصدى عشان اشوف الماده الجديده عيب كده المهم فتحت ولقيته باعت وبيقول 

(شوفتك فرحانه وفرحت انك حليتى صح عقبال المواد الباقيه يالا ياقطتى صلى وكلى ونامى شويه عشان تعرفى تفوقى للماده اللى بعدها سلام ياقطتى) 

مش عارفه ليه بفرح برسالته هو الاهتمام حلو بس للاسف جاى من شخص منعرفوش قفلت الفون وقومت صليت وأكلت ونمت وكالعاده هو صحانى قومت صليت العصر وعملت الروتين بتاع كل مره وفاتت الايام بتاع الامتحانات بسلام وهو كان بيشجعنى على طول مسبنيش خالص وجت الاجازه وكان كل يوم يصبح عليا بكلامه اللى يخطف القلب  بس المشكله انى اتعلقت بيه يعنى لو جه يوم ومكلمنيش هعمل ايه لالالا انا متعلقتش بيه انا اصلا مكلمتوش يووووه انا هقوم اصلى احسن عدت الايام والنتيجه ظهرت ونجحت وهو كان اول واحد هنانى بنجاحى معرفش جابها اذاى بس فرحت انه هنانى بيها وفاتت الايام والايام جابت سنين وهو الاهتمام بتاعه وتشجيعه ليا ذى مهوا واخيرا اخر سنه واخر امتحان خلصت وكالعاده الحمدلله فرحانه بسبب الامتحان روحت بسرعه عشان اشوف الرساله اللى هتيجى النهارده  لقيته باعت

(النهارده آخر يوم والحمدلله عديتى الاربع سنين بخير واقدر اقول مبااارك يا احلى خريجه بتمنالك السعاده بجد  وكمان اوعى تكسلى عن اى عاده انتى بتعمليها واوعى تسيبى الصلاة والقرأن تمام ياقطتى يالا الى اللقاء ياقطتى) 

كنت حابه ارد عليه بس ليه قالى الى اللقاء على طول بيقولي سلام مؤقت ليه المرادى قال كده  يعنى هو كده مش هيكلمنى تانى لالالالا اكيد ان شاءالله هيكلمنى اوووف انا شاغله بالى ليه اصلا قومت عملت روتينى اليومى والغريب انى صحيت بس المرادى من غير محد يرن بصيت فى الساعه المفروض يرن دلوقتى بس مرنش استنيت شويه وبرضوا مرنش ايه ده  انا المفروض مشغلش بالى اصلا ولا انتظره قومت صليت وفتحت الواتس بس برضوا لا رن ولا بعت رساله بصيت للفون واقعدت اعيط معرفش قد ايه بس لقيت المغرب آذن قومت صليت وانا عماله اعيط ذى الطفلة اللى ضاع منها لعبتها اللى بتحبها او مش لاقيه امها مش عارفه بس حاسه انى هموت بجد لقيت ماما بتنادى عليا عشان أكل قومت مسحت دموعى بسرعه عشان أهلى وطلعت قعدت عشان أكل بس حاسه انى نفسى مسدوده تليفونى كان جنبى وفجأه.........

↚

فجأه لقيت تليفونى بيهتز بيعلن عن رساله فتحته بسرعه عشان اشوفه على أمل انه يكون هو بس للاسف لقيت شيماء صحبتى لقيت ماما بتقول: ـ سما مالك مبتكليش ليه 

رديت وانا بقوم من على الاكل: ـ مفيش ياماما بس مليش نفس انا هقوم عشان اكلم صحابى عشان ابعتلهم الصور 

قومت بسرعه وانا دموعى نازله على وشى قومت قبل محد من اهلى ياخد باله دخلت اوضتى وفضلت فاتحه الشات بتاعه اكنى بترجاه انوا يبعت حاجه فضلت اقرأ فى الرسايل اللى كان بيبعتها وانا بعيط عايزاه يبعت بس مش عارفه اعمل ايه عاده اليوم ومنستش قيام الليل والايام بتعدى ومكنتش بنسى اى حاجه من اللى كان معودنى عليها وكنت بفضل قاعده فى اوضتى وبعيط حتى اهلى لاحظوا انى فيا حاجه شكلى بقا مرهق وضعفان وفى يوم وانا فاتحه الرسايل بتاعته لقيت شيماء بتكلمنى فيديوا كول مصدقت انى أكلمها لانى بجد محتاجه اتكلم مع حد قتحت معاها و اول مشفتنى اتخضت 

: ـ ايه ده سما مالك يابنتى ايه اللى عمل فيكى كده مالك فيه ايه 

قولتلها بإبتسامة باهته: ـ مالى يابنتى منا تمام المهم انتى عامله ايه وحشاني اوووى بجد 

: ـ تمام ايه وزفت ايه انتى مش شايفه نفسك عامله اذاى اخلصى قولى فيه ايه 

: ـ هقولك لانى بجد محتاجه اتكلم مع حد بصى بصراحه اول يوم ليا فى الكليه فى اول سنه خالص كنت داخله ومعرفش حد 

وحكيت لها كل حاجه من اول النوته والرسايل وانى اتعلقت بيه وانوا معتش بيكلمنى وانا فى الحال ده من اسبوع 

:ـ طب اهدى طب انتى محولتيش تكلميه تعرفى هو مين 

: ـ لا مش حاولت بس فاتحه الرسايل بتاعته على طول وهو قافل من آخر رساله انا مش عارف اعمل ايه وتعبانه اوى 

: ـ طب اهدى وان شاءالله خير وانتى كمان سيبك منه ومتشوفيش الرسايل انتى كده بتعلقى نفسك بيه اكتر واخرجى واقعدى مع اهلك عشان ميحصلكيش مشاكل 

: ـ مش قادره يا شيماء كل يوم لو نمت شويه بقوم فى نفس الميعاد اللى كان بيقومني عليه واقعد اعيط حتى قيام الليل مش بنساه وبقرأ ورد القرآن على طول انا تعبت اوى يا شيماء معتش قادره حسه انى هموت بجد 

: ـ، بعيد الشر عليكي يا حبيبتي اهدى بس عشان خاطري بلاش عياط انتى تعبانه لواحدك مش ناقصه تعب 

قولتلها وانا منهاره: ـ طب هو ليه علقنى بيه طلما هيسبنى ليه جرحنى كده على الرغم اننا مكناش بنتكلم وهو اللى بيبعت بس حبيت اهتمامه بيا كان اول واحد يفرحنى فى اى مناسبه عيد ميلادى او عيد عادى حتى لما النتيجه بتطلع كان اول واحد يهنينى كان بيقولى انا مش مهم عندى التقدير المهم انك عملتى اللى عليكى وان شاءالله خير كان على طول مهتم بلبسى يقولي الدرس اللى كنتى لبساه انهارده حلو عليكى البسيه تانى او الدرس ده مكنش حلو او الطقم ده ضيق شويه كان محسسنى انوا معايا لحظه بلحظه لو كان شافنى ضحكت بصوت عالى كان يقولى مبحبش حد يشوف ضحكت قطتى عشان بتبقى حلوه وهى بتضحك لو كان عرف انى محتاجه حاجه كان يبعتهالى ويقولى قطتى تؤمر وانا انفذ لو عرف ان فيه حاجه واقفه قدامى كان يشرحها شرح مبسط ويقولى بالتوفيق ياقطتى مكنش بيهمنى عرف منين بس كنت حابه اهتمامه وبس حابه حبه ليا نفسى يرجع وانا والله مش هزعله تانى مش مش هتكلم على الجروب ولا هتكلم مع الناس اللى قالى عليهم متكلميش معاهم هعمل كل اللى عايزه بس يرجع انا تعبت بجد 

خلصت كلامى وانا منهاره ولقيت شيماء كمان بتعيط  مسحت دموعها وبتقول: ـ اهدى ياحبيبتى وان شاءالله هيرجع وبعدين هو اللى ندمان اهدى ياروحى وقومى كده صلى وبعدين صحيح انتى هتلهينى ياكلب البحر بقى متسأليش عليا كده يامعفنه يازباله يا 

كنت عارفه انها بتتكلم كده عشان تخرجنى من اللى انا فيه فعلا ونعم الصديق بتهون عليا فى اوقات كتير لما بكون زعلانه بتزعل عشانى ولما بفرح بتفرح لفرحى على طول معايا بشكر ربنا ثم.... ثم هو الشخص اللى حبيته من غير مشوفه او حتى من غير ميكون فيه كلام متبادل ايوه انا معترفه انى حبيته بس اعترفت بعد ممشى بعد مبعد خلاص فوقت من سرحانى على صوت شيماء 

: ـ سمااااااااااا

: ـ ايه يابنتى فيه ايه منا معاكى اهو 

: ـ معايا فين يا اوختى ركزي معايا كده عشان بقول موضوع مهم 

: ـ امم وياترى بقا الموضوع ده خاص برضوا ب محمود حبيب القلب ولا فيه جديد 

: ـ احم احم ايه ده هو انا مفضوحه للدرجادي

:ـ تخيل ياحوده انك مفضوح على الاخر 

:ـ ههههههههه الله يسامحك ياسما دا انتى مصيبه وبسم الله ماشاءالله عليكى الدفعه مفضوحه بالنسبالك يعنى عارفه جميع واحده بتكلم ولا بتمشى ولابتحب اموت واعرف بتعرفى منين 

:ـ عيب عليك ياصحبى لن اعطيك سر المهنه 

:ـ طيب يا اوختى خليهالك المهم احم محمود جاى يتقدم وعايزاكى تكونى معايا ممكن 

:ـ حبيبتى الف الف مليووون مبارك ياقلبى عقبال التمام يارب على خير وان شاءالله هقول للجماعه واجيلك 

غمزت وهى بتقول:ـ حبيبتى تسلميلى وعقبال حبيب القلب لما يرجع ليكى يارب ياقلبي

 ابتسمت بتنهيده وقولت:ـ يارب المهم قوليلي بقا هيجى امتى 

: ـ المفروض النتيجه هتظهر يوم الجمعه هو هيجى بقا ان شاءالله فى نفس اليوم يعنى باقى يومين  وهنقرأ الفاتحه وبأكد عليكى لازم تيجى انا مش هبقى لواحدى اشطات 

:ـ اشطات ياحبى يوم الجمعه العصر ان شاءالله هتلاقينى عندك بس هاجى بعد النتيجه متظهر عشان الواحد يجى وهو عارف هيروح ولا هيبات عندك 

: ـ ههههه تعالى بس وباتى وملكيش دعوة وبعدين يستى كلنا مسيرنا الجواز وهى اخر سنه يعنى خلصنا 

: ـ اقفلى ياحيوانه اقفلى يابت قال جواز قال 

↚

: ـ اهدى بس يا اوختشي ليطقلك عرق ولا حاجه المهم متنسيش تيجى ويلا قومى صلى المغرب هيأذن اهو 

: ـ تمم ياقلبى يلا سلام 

: ـ سلام يا حبى.......... 

خلصت كلام مع شيماء وروحت عشان اصلي المغرب وطولت في السجود بكيت كتير وفضلت أدعي كالعادة أن ربنا يرجعهولي مش عارفة يرجعهولي منين أو مين هو بس عايزاه يرجع يكلمني خلاص بجد معدتش قادرة علي بعده بجد قلبي مشتاقله كتير اوووي. 

خلصت صلى ولقيت بابا بيخبط على الباب بصراحه انا قلقت لان بابا في الاغلب مش بيجيلي دا غير اننا مش قريبين من بعض اوي اصلا يعني علقتنا عادية بجد ربنا يستر خايفة من المقابلة دي لقيت بابا دخل وبيقول 

: ـ حرما يا سما جيت اتكلم معاكي شوية فاضية ولا ارجع. 

: ـ جمعًا ان شاءالله لا طبعا اتفضل يابابا وحتى لو مش فاضية افضالك طبعا. 

دخل وانا قمت من على سجادة الصلى وقاعدنا علي السرير متوترة اوي وخاصة ان باين العياط عليا خايفة يسألني مالي او يسأل على حوار تعبي وعياطي علي طول فقت من تفكيري علي صوته وهو بيمسك أيدي وبيقول 

: ـ ها يا سما هتفضلي كده بقالك كتير من بعد الامتحانات وانا اقول هتفوق شويه وهتفوق وترجع تاني لكن للاسف مرجعتيش ولا حتى جيتي كلمتيني وحكيتي حاجه أنا عارف اني مش قريب منك اوي بس برضوا اللي يزعلك بتقوليه وخاصة ان انا ومامتك متعودين انك بتحكي كل حاجه ليه المرادي بعيدة ومش عايزه تتكلمي مالك يابنتي. 

مكنتش قادرة اوقف عياط انا اصلا مش بعرف اسيطر على دموعي مبالك لما اكون بعيط ومش مستحملة حاجه هعمل ايه بصيت على بابا وانا متوترة وبقوله 

: ـ مالي بس يابابا انا كويسه اهو الحمدلله على كل حال 

: ـ الحمدلله على كل حال بس لو فعلا كويسه ليه دموعك اللي مبتخلصش دي ليه دايما بتبكي يابنتي انتي كنتي ذي الوردة ودلووقتي بقيتي دبلانة وانا اكيد مش هقدر اشوفك كده قوليلي يابنتي مالك وكل حاجه ليها حل وانا معاكي دايما خليكي عارفه كده. 

رديت بإبتسامة مجهدة عقبال مطلعت: ـ ربنا يباركلي في عمرك يارب يابابا متقلقش انا تمم بجد بس خايفة بسبب الدرجات وكده. 

: ـ مع اني متأكدة انوا مش بسبب كده بس ماشي يابنتي هصدقك وهستنى تيجي تحكيلي وصدقيني هتلقيني في ضهرك علي طول. 

كنت فرحانه بكلامه بس للاسف مش هعرف احكي خايفة خايفة بجد ابتسمت وقولت

: ـ اكيد يابابا ربنا يحفظك لينا يارب وصدقني لو فيه هقول وبعدين يابابا انت عارف لما بخاف بعيط. 

: ـ ماشي يابنتي ربنا يطمن قلبك اقوم انا بقا عشان الحق اصلي العشا في الجامع. 

: ـ ماشي يابابا ربنا يتقبل يارب. 

رد وهو قايم : ـ منا ومنكم يارب يابنتي. وبعدين لف بصلي وهو على الباب وقال: ـ سما بلاش توجعي قلبك يابنتي متجهديش نفسك في العياط ربنا لو رايد انو يرجع هيرجع علي الرغم اني مضايق من فكرة انك تعرفيه بس انا عارف ومتأكد انك معملتيش حاجه غلط ولا قصرتي برقبتي بس عياطك دايما وخاصة الفرج ودعاكي ونحيبك في الصلاة بيوجع قلبي بلاش يابنتي متحسسنيش اني عاجز وانا فعلا عاجز اني اعرف بس بلاش توجعي قلبي اكتر من كده انتي تستهلي كل خير كنت مستني انك تيجي وتحكي بس للاسف انا حبيت اعرفك بس اني مش نايم علي وداني. 

بصيت عليه وانا دموعي بقت ذي الشلال كنت مفكره محدش حاسس لكن بابا ومش بعيد ماما كمان عارفة اللي بمر بيه بس هما كانوا عايزيني اتكلم بس انا مش هعرف بصيتله تاني ولسه هتكلم لقيته فاتح ايده عشان اروح احضنه يمكن اول مرة هتحصل بس انا في اشد احتياجي للحضن ده جريت عليه حضنته وبكيت اكتر فضل سايبني وبيهدي فيا وقاعدنا علي السرير وانا لسه في حضنه خلصت بكا وهديت وبعدين بصيتله وقولت 

: ـ هـ هـ هقولك كل حاجه ب بس عايزاك ت تع تعرف اني مش مش عملت حاجه غلط والله يابابا. 

: ـ بس يابنتي اهدي انا متأكد انك معملتيش حاجه غلط وياستي بعد العشاء ان شاءالله هنتكلم مع بعض ولينا قاعدة يالا اقوم انا بقا عشان اصلي ربنا يصلح حالك يارب. 

: ـ يارب يابابا هكون في انتظارك لاني بجد محتاجه اتكلم بجد وشكرا لوجدك معايا. 

خبطني على راسي وقال وهو بيضحك 

↚

: ـ بطلي هبل انتي بنتي وانا كنت غلطان لما بعدت عنك كان المفروض اكون قريب منك واحتويكي بس هعوضك وهفضل معاكي عشان كدا لازم تحكيلي يالا قومي صلي كدا وادعي وان شاءالله ربنا يسعدك ويفرح قلبك. 

: ـ يارب يا بابا يارب 

مشي بابا وبجد ممتنة اوي لكلامه وليه هو كمان انا عارفه اني غلطت لما محكتش لحد على الشخص ده بس انا علاقتي به مانت سطحية يعني انا مكلمتوش انا بس كنت بسمعه كنت بقرأ كلامه اللي واحشني امته يرجع بقا مش هزعله ولا هتكلم وقوله مترنش تاني انا عايزاه يكون معايا ويشجعني ذي مبيعمل عايزه الشخص اللي حبيته بدون مشوفه حتى او اعرفه وفي وسط تفكيري لقيت العشاء أذنت اتنهدت وقومت عشان اصلى وانا كل تفكيري فيه امته هيرجع طب انا موحشتوش ولا اي حاجه صليت ودعيت كتير وانا ببكي انوا يرجع عايزه اسمع كلامه.

خلصت صلى وقعدت أقرأ قرآن اللي بقا اكتر حاجه هو والصلى والعياط والنوم طبعا اكتر حاجه بعملها.

خلصت ولقيت بابا بيخبط وداخل 

:ـ السلام عليكم ورحمة الله وبركاته 

:ـ عليكم السلام ورحمة الله وبركاته اتفضل يا بابا 

:ـ ها ياحبيبتي خلصتي ولا هعطلعك 

:ـ لا يا بابا اتفضل اقعد انا خلصت هشيل سجادة الصلاة بس 

:ـ ماشي ياحبيبتي تعالي نقعد على السرير واخدك في حضني ذي زمان ولا انتي كبرتي بقا واستغنيتي عن حضني خلاص بعد مبعدتي عنه 

قولتله وانا رايحة اقعد جنبه بعد مشلت سجادة الصلاة وقلعت الاسدال بس التوتر باين في صوتي وحركتي نحيته:ـ لا يابابا مقدرش طبعا استغنى عن حضنك ربنا ميحرمني منك ابدا 

:ـ سما يا حبيبتي مفيش داعي للتوتر انا متأكد انك معملتيش حاجه غلط ولا عصيتي ربنا يالا تعالي بقا واحكيلي.

روحت قعدت جنبه على السرير بس التوتر لسه موجود وكنت بعيدة شوية عنه راح شددني نحيته وخدني فى حضنه حسيت بدفا بآمان كنت مفتقدة الاحساس ده اوي من زمان وانا محضنتش بابا او يمكن كنت بخاف اقرب بم انوا هو اللى بعد دايما اسمع صحابي وهم بيقولوا ان حضن الاب حلو وخاصة لما تكون محتاجه ودلوقتي عرفت انه اجمل احساس بصراحه ياريت الاهل ميبعدوش عن عيلهم قطع تفكيري صوته وهو بيقول 

:ـ يالا عايزك تحكي بدون خوف اعتبريني ياستي حد قريب منك صحبتك الانتيم شيماء مثلا واحكي يالا ياحبيبتي سامعك واتأكدي إن عمري مهأزيكي وبعدين لو خايفة ان ازعلك ولا حاجه ف انتي مش محتاجه انتي خلصانه من العياط خلقه يالا احكي 

قولتله بتوتر :ـ ح حا حاضر يابابا ه هحكيلك بصراحة الموضوع بدأ من أول يوم جامعه طبعا مكنش حد معايا وكده وانت عارف اني بتوتر وبخاف ولما دخلت الجامعه كانت النوته بتاعتي وقعت ووووو

فضلت احكيله عن كل حاجه من بداية النوته لحد الان وكنت بعيط اول متذكر الكلام اللي كان بيقوله كالعاده وبابا اصر انوا يشوف الشات بنا وطبعا وريتهولوا عشان محبتش انوا يفكر اني خنت ثقته وبعد مخلصت كنت خلاص منهارة من العياط طبطب عليا وقال 

:ـ انا مش هقول انتي غلطانة والكلام ده لاني عارف انك عارفه غلطك في حق ربنا وحق نفسك كمان صح 

هزيت راسي بمعنى اه وقولتله بسرعة:ـ بس والله يابابا انا 

قاطعني وقال:ـ استني بس انا عارف انك مغلطيش ومكلمتهوش بس انتي فتحتي مجال لكلامه ودعمه ليكي وبالتالي اتعلقتي بيه وحبتيه كمان صح 

بصيت فى الارض وبكيت اكتر قالي 

:ـ بصي ياسما ياحبيبتي انا عارف انك حبتيه لا وممكن كمان تكوني اتعديتي مرحلة الحب بس انتي هلكتي قلبك قلوبنا ياسما ضعيفة اوي قصاد اللي بيحبنا واضعف قدام اللي بيهتم بينا خاصة لو مش لاقي الاهتمام وانا معترف ان ده غلطي ودلوقتي انا اللي هصححه 

بصيتله بخوف وقولتله:ـ ح حضرتك تقصد ايه 

ضحك وقال:ـ ههههههه انتي خوفتي كده ليه ياهبلة مفيش اب بيأذي عياله انا قصدي اني هبدأ اهتم بيكي وهحاول بقدر الامكان ان مخلكيش تتذكريه ولا تخلي عقلك دايما مشاول بيه وطبعا هنبدأ من دلوقتي واول حاجه هنعمله هنمسك الفون العسل ده ونحذف الشات اللي بينكوا 

كان بيحذف الشات وانا حاسه اني مش قادرة اقاوم وبنهار اكتر في العياط بس ده الصح ودا اللي كان المفروض يحصل من زمان 

:ـ ودلوقتي تيجي معايا ذي الشطرة كده ونقعد بره مع مامتك واخواتك عشان انا مقولكيش انا خليت مامتك تعملك الكيكة اللي بتحبيها لا وكمان جبتلك قراميش ولب وحاجة ساقعة وهنعمل سهرة اية هتعجبك من بتوع زمان دول يالا بقا زمان اخواتك خلصوا الحاجه ههههه

قولتله:ـ لا دا انت قتيلة اللي ياكل حاجتي يالا يابابا

شدني وباسني من راسي وقالي:ـ ربنا يهون على قلبك يابنتي ويوفقك في النتيجة اللي هتطلع دي صحيح هتطلع امتي 

:ـ يارب يابابا ممكن تطلع الجمعة ان شاءالله او قبلها كمان وكمان عايزه استأذن من حضرتك اروح عند شيماء عشان جيلها عريس وهيقرأو الفاتحة وعايزاني ابقى معاها 

:ـ بس كده قوي قوي ياستي غالي والطلب رخيص روحي وهيصي كمان كدا كدا شيماء قريبة مننا 

حضنته وقولتله:ـ شكرا لحضرتك بجد يابابا 

:ـ بطلي هبل يابت يالا اتسلي مع اخواتك 

فضلنا سهرنين وسط ضحك اهلي واخواتي وماما اللي مصدقوا اني خرجت من الاوضة وفعلا انا لو كنت فضلت افكر فيه مكنتش هعرف اخرجه من تفكيري وخلصت السهرة علي الضحك بتاعنا والابتسامة اللي رجعتلي تاني 

عدا يوم واتنين وكان بابا مش سايبني على طول معايا وقضيناهم في الفسح وفعلا كانوا كفيلين يغيروا حياتي للاحسن لحد اليوم التالت وهنا كانت........

↚

جه اليوم التالت وكان موافق الخميس واليوم ده كان صدمات بالنسبالي لقيتهم بيقولوا في الجروبات ان النتيجة انهاردة وطبعا التوتر بدأ بابا كان موجود ولاحظ اني مطلعتش افطر معاهم دخل عندي وعرف وقعد يهديني ويخرجني من مود التوتر وخدني وطلعنا فطرنا وقت الفطار عدا في توتر وضحك وبعدين دخلت اوضتي عشان اشوف النتيجة لقيت شيماء بعتالي 

:ـ سما النتيجة انهاردة مش كانوا بيقولوا بكره انا عايزه افرح واتجوز مش عايزه النتيجة دلوقتي 

رديت عليها:ـ دا على اساس لو بكره انتي هتتجوزي بكره مثلا دي قراية فاتحة ياكلب البحر

:ـ اه صدقي بس برضوا مكنتش هجيبها بكره 

:ـ و محمود هيسيبك عادي هيجيبهالك ياقمر 

:ـ هيحححح محمود قرة عيني 

:ـ امشي يامهزقة شوفي النتيجة الموقع فتح انا قاعدة متوترة وهى بتحبلي امشي يابت 

:ـ ياختي راحه افتحه اهو منا قولتلك الواحدة ملهاش غير بيت جوزها سيبك من رفع الضغط ده 

:ـ شيماء حبيبتي روحي شوفي النتيجه عشان الضغط جالي بسببك 

:ـ طيب طيب راحه اهو المهم متقلقيش ان شاءالله خير احنا عملنا اللي علينا وربنا مش هيخذلنا 

:ـ ان شاءالله ياقلبي يالا اشوفك بعد النتيجة

:ـ خلصانة ياحب سلام 

قفلت مع شيماء وروحت اشوف النتيجة بس صدمني ان لقيت رقم غريب باعتلي ايوه هو رقمه مهما يتمسح انا اصلا حفظاه قلبي بيدق بسرعة هو ايه اللي رجعه انا مصدقت نسيته ههه بتضحكي على نفسك ولا على مين ياسما انتي اصلا منستهوش انتي بس بعدتي تفكريك عنه شويه او كنتي بتحولي تبعدي تفكيرك عنه.

في وسط تفكيري كانت دموعي نازلة وانا شيفاه باعت رسايل مش عايزه ادخل او عايزه بس خايفة مشتاقة ليه اوي اخر رسالة ظاهرة قدامي قايل فيها( متتخيليش فرحان عشانك ازاي) بفكر في الجملة دي لقيت رسالة تانية منوا (حقك عليا على اى حاجه عملتها انا عارف اني غلطان......)وفيه تكمله بس مش ظاهرة طب طب ادخل ولا لا انا عايزه اقرأ رسالته طب اعمل ايه عياطي زاد اكتر لدرجة اني حسيت الصوت هيخرج لقيت بابا بيخبط 

:ـ سما حبيبتي اتأخرتي ليه 

حولت امسح دموعي واتكلم طبيعي 

:ـ ات اتفضل يابابا 

:ـ ايه يابنتي قلقتيني عليكي اتأخرتي ليه 

كنت باصه في جهه تانية وانا بكلمه عشان ميشوفش عياطي:ـ مع معلش يابابا كنت بكلم شيماء 

جه قدامي ورفع وشي ليه لقيته اتخض قعد حنبي وقال

: ـ مالك يابنتي ليه العياط ده بس انتي جبتي النتيجة 

بصيتله عايزه اقوله بس خايفة ولكن اتشجعت واديتوا الفون لقيته بص فيه بس مفهمش قصدي ايه قالي

:ـ طب اهي مفيش نتيجة جبتيها انتي خايفة لو كده اجيبها معاكي يالا افتحي المـ

قطع كلامه لما لقى رسالة جت من رقم غريب وطبعا كانت منه بيقول (سما انا عارف انك زعلانه مني بس افتحي ارجوكي......) فيه تكملة للرسالة وبرضوا مش ظاهرة لقيت بابا بصلي وقالي 

:ـ هو دا رقمه 

↚

هزيت راسي بأه وانا مازلت بعيط طبط عليا وقالي

:ـ خلاص بطلي عياط خلينا نفتح شوف عايز ايه بس الاول افتحي الموقع نشوف النتيجة الاول تمم 

هزيت راسي بأه وخدت الفون فتحت الموقع كان رخم في التحميل بسبب الضغط وهوب هوب هوب النتيجة ظهرت غمضت عيني بسرعة قبل مشوفها دي حاجة هبلة بعملها على طول لقيت بابا بيضحك وبيقولي 

:ـ ههههههه افتحي عيونك ياهبلة مبارك النجاح يا حبيبتي 

بصيتله وانا فاتحه عيوني اوي وقولت 

:ـ ايه دا بجد نجحت جبت كام وريبني كدا 

بصيت على التقدير ولقيته تقدير عالي فرحت اوي ونطيت في حضن بابا حضنته جامد وانا بحمد ربنا انوا وفقني لقيت بابا بيقول 

:ـ مبارك يا احلى خريجة يالا بقا هديتك ياستي هجيبلك حاجات التخرج اللي بتلبسوها 

مكنتش مركزة في كلامه غير مبارك يا احلى خريجة فكرتني بيه هو قالي الكلمة دي لقيت دموعي نزلت من غير محس وبابا بيمسحهالي وقالي 

:ـ مع اني معترض مع الفكرة بس تعالي نشوف بعتلك ايه لان شايف ان فيه اعتذار وكمان اشوف عايز ايه يالا 

بصيت على بابا وقولتله:ـ ل لا لا بلاش يابابا مش عايزه

بصلي بإبتسامة وقال:ـ انتي مش هترتاحي غير لما تشوفي باعت ايه عشان كده هريحك يالا تعالي 

بصيتله بتوتر واديته الفون وهو فتحه وجه عند الرقم يفتحه خدت نفس عميق جدا واتنهدت بخوف وقلق ودموع وفرحه اه فرحه انوا رجع فرحه انوا خلاص عارف غلطه ومش هيسبني بس بس دا حرام وانا مش هينفع اكلمه تاني قطع تفكيري بابا وهو بيقول 

:ـ الظاهر انوا بيعرف النتيجه قبلك دا بعتلك النجاح من بدري وكمان بيهنيكي 

بصيت على الشاشة ولقيته باعت 

قطتي عاملة ايه

 بتمنى تكوني بخير

 ‏ مع اني عارف انك مش بخير وانا السبب

 ‏المهم مبارك ياقطتي نجحتي وبقيتي خريجة بجد لا وكمان جايبة تقدير عالي 

 ‏متتخيليش فرحان عشانك ازاي 

 ‏حقك عليا على اى حاجه عملتها انا عارف اني غلطان لما بعدت وعارف انك تعبتي بسببي بي والله غصب عني انا بعدت ومقدرتش اكمل ودلوقتي رجعت ومش هسيبك.

 ‏فاكرة لما قولتلك النوته هدهالك في بيتنا دلوقتي مفيش حجه بقا اني اخدك بيتنا.

 ‏تعرفي انا كنت بعمل كل حاجه في الشقة على تصميمك والحاجه اللي بتحبيها.

 ‏وكمان عملتلك حاجة هتعجبك اوي بس دي بقا مفاجأة لما تيجي تشوفيها انتي.

 ‏دلوقتي انتي اكيد فهمتي انا عايز ايه انا هدخل البيت من بابه ذي مبيقولوا.

 ‏اه صحيح قولي للحج اني مستعد اعمل اي حاجه عشانك وانوا يوافق بسرعة لاني بصراحة مش عايز اكون بعيد اكتر من كده.

 ‏محبتش اعمل حاجه حرام وانا طبعا مش عارف دا صح ولا غلط لما كلمتك بس يعلم ربنا اني دايما بكلمك في الدراسة والصلاة وبس عمري مكلمتك كلمة خارجة.

 ‏ ‏سما انا عارف انك زعلانه مني بس افتحي ارجوكي طب بصي افتحي شوفي الرسايل ذي مبتعملي بس بطلي عياط لو سمحتي.

 ‏

 ‏خلصت قراية الرسايل وانا بعيط بس عياط فرحة ببص لبابا لقيته مخلص قراية الرسايل من بدري وسابني اقرأ براحتي بصيتله وجيت اتكلم قالي

 ‏:ـ تعرفي انا سيبتك تكملي قراية عشان اشوف الفرحة اللي في عيونك دي كان نفسي ارجعهالك بأي طريقة ورسايله كانت الحل الوحيد.

 ‏قطع كلامنا رسالة منوا بيقول 

 ‏:ـ انا عارف انك خلصتي قراية الرسايل ودلوقتي ياقطتي انا اسف بجد واعملي واعملي حسابك اني على الشهر الجاي ان شاءالله هاجي اخطبك ولمدة الشهر مش هنتكلم بس تكوني دايما بتعملي العادات بتاعتك اوعي تسيبي فرض او متصحيش الفجر ماشي ياقطتي يالا إلى اللقاء القريب في الزمان البعيد على قلبي.

 ‏خلصت قراية الرساله وخدودي حمرة اووي وابتسامة هبلة من الودن للودن ايوي سما اللي مش حبة الجواز دلوقتي بقت بتحبه لقيت بابا خبطني علي راسي وقال 

 ‏:ـ اقفلي بوقك اللي الدبان هيخش فيه ده 

 ‏بصيت عليه بتوتر من اللي جاي واللي هيحصل اكيد بابا هيبدأ الشغل الجد قولتله

 ‏:ـ احم هو هو بصراحة قصدي يعني يابابا بص انا مش 

 ‏قاطعني وقال:ـ بصراحه ويعني وانا وبص ومش في جبنة كمان لو عاوزة

 ‏:ـ لا لا مش كدا انا قصدي اقول اني 

 ‏:ـ بسسسسس جمعي كلامك وبعدين اتكلمي 

 ‏بصيتله وبعدين بصيت في الارض لاني اصلا مش عارفه اقول ايه ومتوترة خالص اصلا 

 ‏:ـ بصي ياسما دلوقتي هو قال هيتقدم صح 

 ‏هزيت راسي بمعنى اه كمل وقال 

 ‏:ـ وكمان قال مش هيكلمك لمدة الشهر لحد ميجي لان عايز كل حاجه رسمي صح 

 ‏هزيت راسي تاني وهو كمل 

↚

 ‏:ـ احنا دلوقتي نبطل شغل هبل ونبطل عياط ولما تيجي تدعي بلاش تقولي ربنا يرجعه ذي مبسمعك قولي لو كان خيرا لي فقربه مني يا الله ولو كان شرا فأبعده عني او لتستبدل شره بخيره يا الله ماشي ياقلبي.

 ‏رديت بكسوف ااني دايما كنت بدعي ان ربنا يرجعه ليا تاني واكيد بابا سمعني وانا بدعي

 ‏:ـ حاضر يابابا هتمل اللي حضرتك تقول عليه 

 ‏:ـ يحضرلك الخير يا حبيبتي ودلوقتي نمسح الرقم كده عشان منشغلش بالنا وخدي ياستي كلمي شيماء صحبتك عماله تبعت رسايل من بدري.

 ‏خدت الفون وقولتله:ـ ماشي يابابا شكرا ليك بجد 

 ‏:ـ مش عارف افضالي هتوديها فين يالا يكش يطمر

 ‏:. هههههه لا متخفش هيطمر 

 ‏بابا مشي وكلمت شيماء طمنتها والحمدلله هي كمان جابت تقدير حلو وطبعا عرفتها حوار الرسايل ودعتلي ان ربنا يجمعنا في الحلال فرحت اوي بالدعوة دي وقفنلت معاها على اتفاق ان اروحلها بكره بدري قبل العصر وها نحن على انتظار الغد......

وها نحن ذا في اليوم المشهود لدى شيماء اخيرًا هتتخطب لقرة عينها ذي مبتقول قضيت اليوم بتاعي عادي وصليت الظهر وقعدت شوية ولقيت شيماء باعته 

:ـ الاندااال اللي مجوش انتي فين ياكلب البحر

:ـ يابنتي انا هاجي من دلوقتي لسه بدري 

:ـ نعم ياختي المفروض تكوني عندي من الصبح قومي البسي وهاتي وتعاليلي اخلصي 

:ـ اه وبعدين لما البس من دلوقتي هاجي اعمل ايه

:ـ يعني مش هتيجي 

:ـ يابنتي والله هاجي هو انا هسلك منك بس علي الاقل هاجيلك من العصر عشان كمان ابقا لابسه وجاهزه 

:ـ خلصانه تصلي العصر وتجيلي عارفه لو مجتيش بعد العصر هاجي اجيبك من شعرك انتي حرة 

:ـ هههههه لا ياستي خليكي ولا تتعبي نفسك انا اللي هجيلك 

:ـ تمم يالا باي ياحب

:ـ تمم يا قلبي سلام

خلصت كلام معها وكان فاضل على العصر حوالي ساعة فضلت ماسكة الفون العب في اي حاجه عشان مشغلش تفكيري بالمجهول او الشخص اللي قلبي اتعلق بيها وبعدين قومت جهزت واتوضيت والعصر آذن وصليت وروحت لشيماء بعد مستأذنت بابا وماما ومفيش اي احداث تذكر غير ان اتمهزقت من شيماء اول مروحت واهلها استقبلوني وطبعا عارفني وفضلنا نرغي كتير لحد المغرب صلينا والعروسه بقا بدأت تجهز والقرايب كانوا بدأو يجوا واتعرفت علي ولا عمها البنات وكانوا عسلات خالص فضلنا نهيص لحد العشاء وبجد فرحة شيماء حلوه اوي كانت فرحانة ان حبيبها ربنا هيجمعهم في الحلال رباط شرعي اتمنيت ان الوقت يمر بسرعة قصدي الشهر يعدي بسرعة ونتجمع برباط شرعي فوقت على خبط الباب وشيماء قالتلي افتح بم أني جنب الباب.

فتحت ولقيت الصدمة بجد لقيت حازم اللي قابلني في اول يوم دراسة استغربت انوا هنا وهو بصصلي عادي كأنه مش مستغرب اني هما قالي

:ـ اذيك ياسما عاملة ايه 

:ـ الله يسلمك اذيك ياحازم هو انت بتعمل ايه هنا.

قطع كلامنا إيمان بنت عم شيماء واللي عرفت بعد كده انها تبقى حبيبته ودا طبعا لما لقيتها زعلانه اني اعرفه هههه شريره انا لقيتها بتقول وهي متعصبة

:ـ ايه ياشباب انتوا تعرفوا بعض ولا ايه 

بصيت جوه الاوضه لقيت الكل مركز معانا قولتلها 

:ـ ايوه انا عارفه حازم من الكلية 

بصيتلي شيماء وقالت:ـ اوعي تقولي ان ده حازم 

هزيت راسي بأه ولقيتها ضحكت وقالت

:ـ هههههه دا حازم ابن عمي وهو من دورنا واخويا في الرضاعة كمان 

بصيتلها بصدمة وقولتلها

:ـ بتهزري اومال مش قولتيلي يعني ان عندك حد من دورنا 

:ـ لا ياختي قولتلك بس انتي مش بتهتمي 

:ـ احم عندك حق وبعدين ههتم ليه اصلا 

قطع كلامنا مريم بنت عمهم واللي طلعت اخت حازم 

:ـ بسسسس منك ليها العريس واهله جم واحنا بنرغي 

وبعدين بصت لخوها اللي مشغول مع ايمان وبيبصلها وقالتله:ـ وانت يابيه يالا بره وخف عينك شوية 

رد بعد م انتبه لنفسه ولموقفه بأحراج مننا كده 

:ـ ها اا اه انا خارج اه هاتو العروسه وتعالوا سلام 

وفي ثانية لقيناه خرج جري والبنات بتضحك وبيبصوا ل إيمان وبيقولولها 

:ـ الواد مش مركز منك يا ايمي 

:ـ إيمان خفي شوية على الواد لحد ميخطبك 

:ـ اهو دلوقتي شيماء وكمان يومين كلب البحر الصغيرة 

لقيت شيماء زعقت من كتر تعليقتهم وقالت 

:ـ بسسسسسس يالا خلينا نخرج لقرة عيني 

ضحكنا وخرجنا معها وهي خدت العصير وخرجت واحنا واقفين ناحية المطبخ وشيفنها وهي داخلة وقعدت وبعد شوية ولاد عمها دخلوا ناحية الصالون اللي فيه الحريم تبعهم بس انا اتحرجت ادخل وفضلت واقفه في المطبخ وشيفاهم وهما بيتكلموا وبعدين قرينا الفاتحه شيماء فرحتها حميلة اوي كانت هي ومحمود بيبصوا لبعض بطريقة حلوة اكنوا بقولها اخيرا اتجمعنا بجد شكلهم حلو اوي قطع تفكيري صوت حساه مقلوف ليا بصيت ولقيت......

↚

قطع تفكيري صوت حد داخل المطبخ وانا كنت باصة في جهه تانية حاسه ان الصوت مألوف بس مش عارفه مين كان بيقول:ـ يعني مفيش واحدة فيهم فاضية انا اللي لازم اجيب لنفسي اصلا مفيش واحدة في الهوانم اللي بره تصلح لحاجه عيال فاشلة كلهم 

خلص كلامه وتقريبا اخد باله ان فيه حد في المطبخ وكنت لسه مدي ضهرى للي بيتكلم لقيته بيقول 

:ـ طب ما فيه حد هنا اهو انتي ياهانم بتعملي ايه لفي خليني اشوف انتي اني واحدة فيهم ليلتكوا مش فايته معايا من كلب البحر شيماء اللي طهقتني في قرة عينها لملك الصغيرة فيكم مش عارف ربنا مكتر في بنات العيلة ليه كدا لفي يابت 

كنت سامعة كلامه وعايزه اضحك عليه شخص لطيف من طريقة كلامه تحسيه انوا انوا مش عارفه بس شخص كويس ومضحك كدا لفيت بتردد لاني مش من اهل البيت ومش عارفة هتصرف اذاي وانا بلف كانت مريم دخلت وبتقول للشخص 

:ـ انت دا كله مجبتش الحاجه يالا شيل وامشي وانا هحيب الباقي يالا.

حاولت اشوف الشخص ده بس معرفتش لانه كون مديني ضهره واخد الحاجه ومشي انتبهت لصوت مريم بتقول 

:ـ معلش ياسما اديني الحاجه اللي جنبك دي 

بصيتلها واديتها الحاجه وهي خرجت وضيفت الناس واخيرا الحفلة خلصت. 

ولاد عمها طبعا كانوا كل شويه يدخلولي وفيه اللي كان معايا وايمان كانت دخلت واقفت معايا ولقيتها مترددة وعايزه تتكلم معايا حسيت ان الموضوع بيخص حازم 

:ـ احم هو انتي تعرفي حازم منين 

ابتسمت وقولتلها:ـ من الكلية 

حسيتها هتتعصب وبتقول

:ـ ايوه اذاي يعني كنتوا اصحاب ولا غرفتيه بالصدفة 

:ـ لا ياستي كل ما في الموضوع ان النوته بتاعتي وقعت وهو ادهالي وكمان هو اللي دلني علي مكان المحاضرة بس كدا.

سكت شويه ولقيتها حست براحه وطبعا كان ظاهر على وشها اول معرلت اني معرفوش اصلا ولا اتعاملنا مع بعض قولتلها:ـ على فكرة هو كمان بيحبك ودا ظاهر جدا 

حسيتها اتلغبطت ووشها جاب الوان وقالت 

:ـ هو هو مين انا اصلا مش بحبه انا انا 

قطعتها وقولت:ـ بس بس ايه يابنتي التردد والخوف ده وبعدين مانتوا هترتبطوا خلاص بلاش تصدري الوش الخشب ده الواد هيزهق ويسيبك 

:ـ نعممم يسيبني ايه دا انا اقتله 

ضحكت بصوت عالي:ـ ههههههه اهدي يابنتي مكان من شوية مبحبوش دلوقتي هتقتليه 

اتنهدت وقالت:ـ خلاص اسكتي بقا 

سكتنا شويه وقالت 

:ـ تعرفي انا بحب حازم من صغري بس كنت بحاول ابعد لانوا حرام ودا سبب اني دايما مصدراله الوش الخشب ذي مبتقولي بس كنت خايفة اقع واعمل حاجه غلط لما كان يجي يهزر مع حد من ولاد عمي كنت بزعل على الرغم ان الهزار عندنا كلام وضحك وبس يعني كل واحد عارف حدوده وطبعا لاني كنت في ثانوية وهو كليه كنت خايفة انوا يحب حد من بتوع الكلية دول بس اللي كان بيطمني ولاد عمي لانهم عرفين اني بحبه وطبعا حازم مكنش بيقول اي حاجه لا بيحب ولا بيكره لانوا كان خايف من العلاقة تتدهور مبينا غبي كان مفكر اني طايشة ذي البنات واروح اقول لاهلى واهلي يزعلوا مكنش عارف اني كنت بتمنى ليل ونهار انوا بس يقول اي حاجه بس كنت بعزوره ان مثلا ممكن مش بيقول عشان منتظر يكون جاهز للخطوة دي بس بردوا كنت خايفة لحد مدخلت الكلية وكان هو داخل رابعة وساعيتها في الاجازه فيه عريس اتقديملي ومن عادتنا هنا لو حد اتقدم بنتجمع كلنا وبابا يشورهم وانا طبعا كنت منهارة لدرجة اني كنت هروح اقوله يحبني او هو ليه مش بيحبني بس حتى دي مش هعرف لا ديني ولا اخلاقي تسمح بكدا وهو كمان للاسف كان في رحلة مع اصحابة ولما بابا جمع اعمامي كلهم وافقوا على العريس وقالوا انوا كويس و ولاد عمي بصراحة محدش سابني فيهم كانوا معايا لحظة بلحظة وبيهونوا عليا مريم اختوا كانت حسه انوا منجذب ليا عشان كدا رنت عليه قولتيلها بلاش وكدا بس هي اصرت ورنت وقالتله ساعتها سمعت صوته عالي اكنه عايز يتخانق وبيقولها

: ـ يعني ايه عريس جيلها وبعدين من امتى وليه محدش قالي

 قالتله عادي يعني انت في رحلة وعمك جمع العيلة انهاردة المهم اني بقولك عشان متتأخرش في الرحلة عشان لو كدا تحضر قراية الفاتحة معانا. 

كانت بتتكلم معاه ببرود خالص ذي ميكون قاصدة انها تتكلم كدا عشان تعصبه اكتر وصوته بقا اعلى وعمال يقولها

انا هحضر شنطتي مش بعد دا كله تبقى لغيري استحالة اسمح بكدا ايمان ليا انا مستحيل اسيبها

↚

ساعتها انا بدل مكنت بعيط بقيت بضحك كنت عايزه اقوم اسافرله كمان لدرجة اني كنت هقوم اروح لبابا واقوله اني بحب حازم وهو بيحبني والدموع بقت دموع فرح تاني يوم على طول الصبح بدري لقيته بيخبط على الباب وطبعا احنا البنات سهرنا ومحدش مشي لان المواجهه في الصبح هتكون شديدة كنا خايفين ان بابا يتضايق بس قولنا انوا مش هيبدي الغريب على ابن اخوه كنت فى اوضتي وسمعة خبط شديد على الباب والكل كان نايم الساعة كانت حوالي 6الصبح مجاش في بالي انوا ممكن يكون سافر وجاي بدري كدا روحة فتحت ولقيته هو معرفتش اعمل حاجه غير اني واقفة وبصاله وبس لحد مفوقت وهو بيقولي 

: ـ عايزه تتخطبي لغيري يا ايمان ماشي خشي انجري اندهي لابوكي اما نشوف اخرتها يابنت عمي ادخلي 

ساعتها كنت فرحانة بس قولت اتبارد شوية مهو طلع عيني اشمعنا انا قولتله 

: ـ ايه حيلك حيلك الناس نايمة وانت جاي ترزع علي الصبح وبعدين انت مالك اتخطب ولا اتجوز ايش حشرك

رد بزعيق اعلى لدرجة ان اهلي صحيوا على الصوت وكان اهلوا تقريبا كانوا صحيوا على صوت الرزع اللي كان بيحصل وطلعوا برضوا على الصوت وهو بيقول 

: ـ حشرني اني بحبك ياغبية ومن زمان وكل ماجي اتقدم اقول ياض استنى البت صغيرة استنى لسه بدري استنى على الاقل تدخل الكلية لكن اسافر يجيلي خبر انك بتتخطبي لا وكمان متتأخرش في السفرية عشان لو كدا تحضر قراية الفاتحة ياحلاوة خدشي ياختي اندهي لابوكي انا مش هتحرك من هنا غير واحنا متفقين يالا. 

متتخيليش فرحتي كانت قد ايه وهو مصمم اني ليه وكمان اعترافه كانت اجمل حاجه واجمل وقت بجد ساعتها فوقنا على صوت بابا وهو بيقول 

: ـ وانت شايف ان ابوها هيوافق وانت عمال تجعر كدا 

بصيت لبابا ولقيت العيلة كلها موجودة اعمامي وكمان ولاد اعمامي صحيوا وبابا قالي ادخل الاوضة دخلت انا والبنات والباقي فضل بره كنت شيفاهم كلهم قاعدين وهو اللي واقف ذي ميكون بيعقبوه ههههه وعمي ساعتها قاله 

: ـ وانت لما بتحبها كنت مستني لما تضيع منك ياخايب 

رد وقاله انوا كان خايف وبابا فضل يطاول معاه انوا مش موافق غير لو جاب تقدير حلو في سنة رابعة في الكلية وانا اجيب تقدير حلو برضوا ساعتها فضلنا نذاكر والنتيجة طلعت والتقديرات كويسة واهو اتفقوا ان الشبكة بتاعتنا ممكن مع شيماء او بعدها علي حسب الاتفاق. 

عشان كدا كنت مضايقة لما لقيتك تعرفيه متزعليش مني انا بصراحة مش بحب الاقي حد يزعل مني. 

كانت بتحكي وهي ابتسامتها على وشها ابتسامة حب وشغف واشتياق لحبيب حاجات جميلة اوي وخاصة لو كانت في الحلال رديت عليها وقولتلها 

: ـ بالعكس انا مش زعلانة انا فرحانة بعلاقتك جدا 

قطع كلامنا لما لقينا حازم داخل وبيقول 

: ـ وانا والله بعشقك مش بحبك بس 

وبعدين البنات دخلوا وهيصوا علي الاعترافات دي واتضح انهم بيسمعوا من بدري قرب حازم من ايمان وقالها 

: ـ اخيرا اعترفتي ياللي مجنينا اهلي 

لقيتها ابتسمتله بكسوف وطلعنا كلنا بره وقاعدنا نتكلم ولقيت الوقت اتأخر وكانت الساعة10 وطبعا مش هعرف اروح لواحدي وكانت شيماء هي واخوها والعريس جوه كقاعدة شرعية بتعرفوا يعني المهم اني استأذنت وعرفتها اني همشي ولمحت اخوها من بعيد كان الشخص اللي دخل المطبخ وشيماء طبعا مرديتش اني امشي لواحدي غير لما عرفت ان اخويا هيجي يخودني دلوقتي.

نزلت لما اخويا رن عليا وروحنا وحكيت لأهلي وهما طبعا فرحوا لشيماء لانهم بيعزوها جدا يعتبر هي الوحيده اللي جابني دايما.

عدى يوم ويومين واسبوع وكنا في اخر الاسبوع ولقيت بابا بيقول ان فيه عريس اتقديملي وطبعا انا زعلت وحاولت مع بابا ان يكرشه وميوفقش وقالي انوا جاي بكره وانوا ابن صاحبه ومينفعش يمشيه بدون سبب وطبعا كلمت شيماء وكنت منهارة وهي قعدت تهون عليا وقولتلها تجيلي وفعلا جت وانا كنت منهارة طول اليوم وشيماء قالتلي ميمكن هو وانا شكيت بس هو قالي انوا هيجي اخر الشهر. 

وجه بالليل وكنت لبست درس كشمير وخمار كشمير عليه كان شكلي حلو اتخيلت لو كان المجهول هو اللي موجود بس للاسف شيماء كانت معايا وبتهون عليا وجه وقت تقديم العصير خرجت واخدته ودخلت بس كانت الصدمة لما شوفت الموجودين...... 

↚

دخلت وقدمت العصير ورفعت راسي عشان اسلم لقيت مرات صاحب بابا فعلا انا عرفها شوفتها قبل وسلمت على صاحب بابا ولسه بشوف العريس كانت صدمة بالنسبالي لقيت اصيع خلق الله انا عرفاه شوفته قبل كده في الكلية معانا بس ايه اللي قرب ده لده يعني ده ابن صاحب بابا اللي هو العريس لا اكيد بتهزروا ملقتوش غير الصايع واتجوزه سكت شوية في تفكيري وقولت يعني مكنش يبقا المجهول يجي ونعمل ذي الروايات اتنهدت تنهيدة حزن انا كده كده هطفش العريس طبعا مش عشان حبيبي المجهول لالالالالا ابدا دا بس عشان الصايع اللي جاي يتقدم قال اتجوزه قال. 

فوقت على صوت صاحب بابا وهو بيقول 

: ـ نسيب العرسان مع بعضها بقا شويه 

انا اول مسمعت كده مسكت في بابا لانه هو اللي كان جنبي بصلي وقالي 

: ـ متخفيش احنا قاعدين قصادكوا هنا بس اقعدي معاه 

قولتله بهمس: ـ اقعد مع مين يابابا دا صايع انت مش شايف عامل ازاي.

رد بنفس الهمس: ـ اذا كان عليا عايز اكرشه دلوقتي مش عاجبني خالص يابنتي بس اعمل ايه اقعدي معاه وانا بعدين هنرفض عادي بس اسمها انوا معجبكيش وكمان صاحبي ميزعلش مني 

بصيتله وهزيت راسي وقاموا وطبعا بابا ساب اخويا الاصغر مني معانا اخويا بصلي وقالي بهمس

:ـ انا مش عارف شايف نفسه على ايه عيل سئيل وصايع 

ضحكت وقولتله: ـ نفس اللي قولته 

قطع كلامنا وهو بيقول 

: ـ اذيك ياسما عاملة ايه 

: ـ تمم الحمدلله 

: ـ طيب اعرفك بنفسي مع ان غاني عن التعريف 

رد اخويا وقاله: ـ ايوه اشهر من النار على العلم هتقولي 

رد عليه وقاله: ـ انا مش عارف قاعد ليه روحي يابني بره واحد وخطيبته قاعدين وهيتكلموا روح يلا 

: ـ معلش بس لو مش واخد بالك انت لسه بتتقدم وانا اخوها ومحرم ليها مينفعش اسيبها مع واحد غريب حتى لو خطيبها 

رد بعجرفه: ـ مش عارف بصراحه ايه التحكمات دى عادي يعني اكيد برضوا انتوا اللى مخلينها تلبس اللبس اللى مبهوق عليها ده انا خطيبتي لازم تكون فاشون 

انا اتعصبت من كلامه واخويا اتعصب اكتر لان امور الدين مينفعش حد يتخطها على الرغم اخويا لسه فى ثانوي بس دارج امور كتيرة فى الدين لدرجة لو لقاني لابسه خمار قصير او حاجه ملفته للشباب وطبعا ده بيكون غصب عني الاقيه جاي وبيقولي واحس انه زعلان وطبعا انا بجري ابدل بدون ادنا تفكير ناس كتير مفكره ان ده تعصب او مبالغة في امور الدين بس ده الصح مينفعش يكون في جدال فى امور الدين بالذات يعني الدين بيقول كذا اعمل بيه بلاش كلمة انا حر دي للاسف بقت على لسنا كتير اوي.

قطع تفكيري صوت اخويا العالي وهو بيزعقله وبيقوله

: ـ والله هو ده لبسها ودي العادت الصح اللي ربنا قالنا عليها واللى امرنا بيها انت بقا شايف ان دي تحكمات وان خطبتك تكون فاشون يبقي الباب يفوت جمل ومعندناش بنات للجواز انا اصلا لولا والدك صاحب بابا كنت خليت بابا برفضك من قبل متيجي 

سكت وبعدين وجهه كلامه ليا: ـ ادخلي جوه 

طبعا انا مصدقت وروحت داخله على طول وبابا وماما واهله دخلو الاوضة على الصوت 

بابا بص لاخويا وقاله: ـ فى ايه صوتك عالي ليه وايه الكلام اللي قولته ده 

رد العريس وقال: ـ والله ياعمي الظاهر اننا جيبن نتهان يالا يابابا انا ماشي وخالي اختك عندك 

طبعا مشي على طول لانه عارف ان الغلط عنده وكمان باباه عارف الحلال من الحرام ومش بيعجبه حال ابنه اصلا واخويا حكا كل حاجه حصلت وباباه زعل و اتأسف لبابا ومشي بجد كنت زعلانه على اهله مهما كان هما نفسهم ابنهم يبطل اللي بيعمله ده ويكون شاب صالح بعد ما مشيوا كنت غيرت هدومي وشيماء كانت معايا وسمعت كل حاجه وقعدنا نضحك لقيت بابا بينادي 

: ـ تعالي ياهبلة افندي ياللي مصدقتي العريس مشي تعالي 

ضحكت وطلعت انا وشيماء ولقيت اخويا بصلي وقالي 

: ـ اي خدعه مفيش تطفيش اسرع من كده عدي الجمايل بس اللي مضايقني كلامه الزفت اللي قاله بس يالا المهم انوا مشي 

ضحكنا كلنا وطبعا انا فرحانه رغم اني كنت هرفضه بس المهم اني متكلمتش معاه اصلا بثيت لبابا لقيته ضحك وقال: ـ ادينا في الانتظار لما نشوف ياست سما 

↚

ردت شيماء وقالت:ـ لا متخفش فيه وعد 

ضحكنا كلنا وقعدنا نهزر والساعة جت 9وشيماء قالت هتمشي بس بابا قالها: ـ لو حد جاي ياخدك ماشي اما لو لواحدك فلا استني سما تلبس وتروح هي ومازن معاكي 

قالته:ـ لا اخويا اصلا تحت وبيرن اهو يالا سلام عليكم 

ودعنها ومشيت وهيا نزلت لاخوها فضلنا قاعدين شويه وبعدين دخلت اوضتي فتحت الواتس لقيت رسايل كتير من الرقم المجهول والظاهر انوا كان بيبعت من المغرب  فتحتها وكان فيها 

: ـ عرفت ان فيه عريس جايلك دا بجد 

طب انتي اكيد رافضه صح 

قوليلي ياسما انتي فين

ليه مش بتردي ردي بقا 

اه اسف انا عارف انك مش هتردي بس شوفي الرسايل على الاقل اعرف انك معايا

طب كنتي استني لحد ما وعدي يخلص 

انا واعدتك على الشهر 

وانا والله مكنتش هخلف بواعدي

سما ارجوكي متوفقيش 

طب بصي حاولي تكلمي بباكي اني هاجي 

سما لو سمحتي ردي

طب لو هتقبليه بلاش تلبسي لبس ملفت 

والخمار يكون طويل 

اقولك متطلعيش دا احسن حل

طب لو طلعتي بلاش تتكلمي معاه 

بصي قعدي مازن اخوكي معاكي لانه هيحاول ان الزفت ميتمداش معاكي في الكلام 

قطتي متبصلوش ولا تضحكي معاه

انتي عارفه اني بغير عليكي 

انا عارف انك مليتي من كلامي بس والله انا بحبك 

دي اول مرة اقولها بس صدقيني انا بتوجع وانا بقولها

كان نفسي اقولهالك في الحلال بس معتش قادر استحمل اني اكتمها جوايا

تعرفي اني خايف الشخص يكون كويس واهلك يوافقوا 

مش عارف بس بدعي انه يكون واحش ويحصل حاجه متخلكيش تتكلمي معاه 

معرفش اذاي بس انا املي في ربنا كبير 

قطتي ارجوكي خليكي معايا 

كنت بقرأ كلامه وانا بعيط ذي ميكون شايفاه موجوع وحسيت ان قلبي بيدق جامد اول مقالي انا بحبك اول مره يعترف بس حلوه بس كان نفسي يقولها في الحلال احلى خلصت قراية ولبيت رسالة جديده بس غير اللي فاتوا كانوا وجع دي حساها فرح كده 

: ـ متتخيليش فرحان قد ايه مش متخيل بجد ان ربنا استجاب لدعايا وبجد مازن اخوكي مجدع عمل الصح 

يالا ياقطتي نامي ومتفكريش بحاجه 

فرحت انوا عرف وبدال مكان موجوع بقا فرحان وسعيد نمت وصحيت وعملت الروتين بتاع كل يوم وعدا اسبوع بدون اي احداث تذكر وانهاردة الجمعة لقيت شيماء بترن 

:ـ الو سما تعالي معايا نجيب فستان ولبس للشبكة 

: ـ هي امتى 

: ـ على الاسبوع الجاي واحنا دلوقتي راحين كلنا هنلف ونجيب اللي عايزينه ولفة بنات وكده 

: ـ انتوا مين اوعي تقولي البنات كلها معاكي 

ضحكت وقالت:ـ وهو كذالك يالا هنيجي نفوت عليكي العصر 

:ـ خلصانه هقول لبابا لو وافق هقولك تيجي اما لو

قاطعتني بزعيق:ـ لو ايه ياختي لا انتي هتيجي غصب عنك اما لو على الحج فقوليله بتقولك شيماء 

:ـ ياسلااام واسمك هيخليه يوافق يعني 

:ـ اكيد يابتي انتي متعرفنيش ولا ايه 

:ـ ههههه لا معرفكيش يالا سلام هروح اقوله 

: ـ ماشي يا كلب بحر متعرفنيش ماشي اما اشوفك بس

قفلنا وروحت قولت لبابا وبعد تحايل شوية وافق وجه العصر والبنات جت ومشينا روحنا نلف جبنا عصاير وكنا فرحانين او بالخروجه دي وروحنا السوق عشان نجيب لبس من المحلات هناك وكان السوق كبير وانا طبعا مش بخرج وقلقت من المنظر والبنات قالولي متخفيش احنا معاكي اهو.

 قاعدنا نلف وطبعا مفيش حاجه عجبانا كلنا او خلينا نقول اننا كنا حبين نلف نشوف لو فيه حاجه احلى وفي وسط اللف ده كله كان المغرب أذن واحنا لسه بنلف وكنت واقفه واشوف حاجه في المحل وهما كانوا مشيوا وانا مخدتش بالي انهم مشيوا وفضلت الف في المعرض كان فيه حاجات حلوه وعجبني خمار لسه بلف اخد رأيهم ملقتهمش بقيت خايفة مش عارفة اعمل ايه.

اشتريت خمارين وطلعت وخلاص العشاء هتأذن وانا مش عارفة اعمل ايه قعدت في جنب وعيطت وخوفت اكتر لما الناس بصولي مشيت شوية وانا لسه بعيط ومش شايفة حاجه لحد..........

↚

فضلت ماشية لحد مخبطت في حد اعتزرت ولسه هكمل ماشي لقيت اللي بيكلمني 

:ـ سما انتي كنتي فين البنات بيدوروا عليكي من بدري 

بصيتله بدموع مغرقة وشي عشان اشوف مين لقيته اخوا شيماء مش عارفه ساعتها حسيت بالامان وقلبي بيدق وبيقولي خلاص متخفيش قطع تفكيري وهو بيقول

:ـ سما مالك في ايه بتعيطي ليه بس حد عملك حاجه طمنيني قوليلي مالك 

كنت حاسه في طريقة كلامه بالخوف والقلق دا غير ان لما خبطت فيه كان شكله بيجيري مش عارفه بس حسيت ان هو جاي مخصوص عشان يدور عليا رديت قولتله

:ـ ا ان انا كوي كويسه بس بس كنت خايفه 

وفتحت في العياط اكتر قالي 

:ـ طب اهدي خلاص ياقطتي المهم انك بخير اهدي بقا انا معاكي اهو 

(احم احم البطل وصل ياجدعاااان 😂😂)

مكنتش مركزه في اي حاجه غير قطتي بصيتله وبطلت عياط حسيت ان الدنيا كلها واقفة او ذي ميكون بقينا في عالم تاني عالم مفيهوش غير انا وهو بس بس كنت مصدومة ان ده الشخص المجهول هو اصلا اكبر مننا يعني ميعرفنيش اصلا وكمان لما بروح البيت مش بيبقى موجود طب عريفني منين بصيتله وقولتله 

:ـ هو انت قولت ايه دلوقتي 

بصلي بإستغراب شويه وبعدين النظرة اتبدلت لتوتر ووشه اقلب الوان وقالي 

:ـ مفيش انا بس البنات قالوا انك توهتي منهم وهما مش هيعرفوا يدوروا عليكي عشان كده انا كنت قريب وجيت على طول اشوفكم 

قاطعته في الكلام وقولتله 

:ـ انا مش بقول على كده انا بقول على قطتي ان انت الشخص المجهول صح 

سكت ومردش وفضل باصص في ناحية تانية قولتله

:ـ لو سمحت قول انت الشخص المجهول ولو انت انا اصلا مشوفتكش غير يوم قراية الفاتحة بتاع شيماء وكمان متصدفتش معاك خالص دا غير انك اكبر مننا يبقى عرفتني ازاي والنوته وصلتلك ازاي ليش ساكت انطق بقا.

بصلي واتنهد وقال:ـ اه ياسما انا الشخص المجهول انا الشخص اللي بيحبك من مجرد نوته وقعت في ايده انا برضوا الشخص اللي حبك بدون ميتكلم معاكي انا الشخص اللي كنت بتعب لمجرد اني معرفش اكلمك يوم على الرغم انك مكنتيش بتردي بس كنت بطمن لما بتشوفي الرسايل انا الشخص اللي حب قطته واللي ان شاءالله هتكون طفلته قريب انا الشخص اللي وعدك انوا هيجي يخطبك عشان مش قادر على بعدك واللي تعب وبقا هيتجنن مجرد معرف ان فيه عريس جايلك بقا هاين عليا اجيب نجمة من السما ولا انك تقعدي مع الزفت اللي كان جايلك ده ولا يلمحك حتى وانا الشخص برضوا اللي كان ببتضايق لمجرد فكرة ان حد بيحبك او بيتكلم على جمالك او طيبتك واحترامك واي حاجه خاصة بيكي كنت بقول لنفسي هي حبيبتي انا اللي امدح فيها كل حاجه تخصها خاصة بيا انا محدش يتكلم عليها وانا الشخص اللي حاجات كتير اوي متعرفيهاش متعلقة بيكي وبيا عرفتي بقا مين المجهول او تقدري تقولي من اللي حبك من مجرد كلمات في نوته انا اسف بس كده كده كنتي هتعرفي انوا انا بس مكنتش حابب دلوقتي كنت منتظر لما اجي اتقدم وبس الظروف اللي حكمت بقا.

كنت ساكته حاجات كتير بيقولها صدمة يمكن بالنسبالي لان مفيش حد كده بس دماغي واقفة مش عارفه اخد رد فعل خالص فضلنا دقيقة واتنين وتلاته وهو شكله قلق قالي:ـ سما ردي قولي اي حاجه بلاش سكوتك ده وانتي اللي اصريتي تعرفي وانا عرفتك ارجوكي ردي

بصيتله وقولت:ـ طب انت خدت النوته ازاي فيه حاجات كتير معرفهاش.

ابتسم وقالي:ـ متهيقلي يعني اني قولت قبل كده النوته هدهالك في بيتنا وساعاتها هتعرفي الحكاية كلها عشان  يكون فيه رابط بنا واعرف احكيلك.   

قولتله بتوتر:ـ انا انا مش عارفه اقول ايه انا 

قطع كلامنا البنات وهي داخله بهجوم 

:ـ ياختي هتقولي ايه دا الواد طلع عاشقك مش بيحبك

وبعدين شيماء بصت لخوها وقالتله 

:ـ يالا ياعم مروان روح شوف اللي وراك وممنوع الكلام لحد متروح تتقدم يالا يابابا 

ضحك وانا كنت متوتره من الموقف ده كنت مكسوفه اوي موقف محرج جدا قالهم 

:ـ امممم ماشي مع العلم مش عايز امشي بس اول متكون بأسمي قابلوني لو حد لمحها بس 

قال الكلام ده ومشي وانا كنت واقفه مزهولة ومكسوفة اوي والبنات ضحكوا وطبعا حفلو عليا وشيماء كانت فرحانة مكنش على لسانها غير مرات اخويا المستقبلية خلينا عارفين اني حبيت اللقب احم احم مهو قرة عيني بقا خلاص عرفته هو مين العاشق المجهول ده 

خلصنا لف وروحنا وطبعا البنات روحوني لحد البيت طلعت وكنت فرحانة باليوم ده ولقيت اهلي قاعدين غيرت هدومي وصليت وطلعت قعدت معاهم وبابا لاحظ فرحة وشي اللي ظاهرة اوي بعدها سالني وعرفته وقالي عشان كده كان بيعرف الاخبار اكيد من شيماء كانت بتحكي 

قولتله:ـ لا يابابا شيماء مش بتحكي اللي بنا مع حد وقدر تقول كل واحد بيحافظ على صديقه قدام اهله 

: ـ ماشي يابنتي ربنا يسعدك وادينا هنشوف البيه هيجي ولا لا ساعتها نبقي نشوف شغلنا معاه 

مفهمتش اخر كلمه اوي بس اللي حسيته ان بابا ممكن ميوفقش بسهولة اكيد هيجننه شوية قومنا نمنا وعدت الايام بدون احداث مفيش غير شيماء بتحفل عليا وخلاص هيا والبنات جه يوم الخميس وشيماء لاقيتها جت عندي المغرب استغربت انها جاية بالليل بس قولت عادي ممكن مروان يجي ياخدها بالليل بعد متخلص 

جينا على العشاء لقيتها بتقول 

:ـ سما البسي وتعالي نخرج 

: ـ نعم نخرج فين وبالليل كده 

: ـ اه مهو مش هنبقى لوحدنا اخوكي يجي معانا قومي روحي الحمام عقبال مطلع لبس عشان نطلع 

: ـ والله طب مش نقول للحج الاول لانه مش هيوافق اصلا وهيقول خلينا لبكره 

: ـ لا يالا بس وانا هروح اقنعه يالا بقا 

: ـ خلاص انتي حره معاه 

روحت الحمام واتوضيت عشان نصلي العشاء وطلعت لقيتها مطلعه درس ببي بلو وخمار نفس الدرجة لبستهم وخلصت وصلينا كانت العشاء أذنت بس سمعت صوت دوشة برة 

: ـ ايه ده فيه ناس عندنا ولا ايه 

: ـ مش عارفه تعالي نشوف كده وربنا يستر عشان نخرج.

طلعنا وبصيت بس لقيت ناس كتيرة عندنا ايه ده مين دول مش دول.........

↚

خرجت انا وشيماء من الاوضة بس الغريب ان فيه ضيوف عندنا بصيت لقيت ايه ده ايه ده دول اهل شيماء جين ليه كانت ام شيماء وابوها وعمامها حاولت اشوف فيه حد تاني معاهم ولا لا اكيد يعني مش عشان اعرف مروان جه ولا لا هو مجاش ولا ايه لقيت اللي خبطتني وقالت بطلي بص الواد هيعرف انك مدلوقة عليه بصتلها اللي هو فيه ايه هما جيين ليه الظاهر كده اني كنت غبية في الوقت ده او مش مستوعبة ايه اللي بيحصل قالتلي 

:ـ افتحي الفون بتاعك وانتي هتفهمي في ايه 

فتحت التليفون لقيت رسالة منه فتحتها بسرعة اشوف في ايه لقيته كاتب 

: ـ قطتي بصي انا بصراحه مكنتش هقدر استنى اكتر من كده عشان كده انا جبت اهلي وجاي اتقدمك وعلى اخر الشهر نلبس الدبل او اقولك نكتب الكتاب احسن وكدا كدا فاضل اسبوع بحاله المهم اول متشوفي الرسالة دي هكون قاعد مع اهلك وانتي اكيد بتدوري عليا احم احم المهم ادعيلي ان ابوكي يوافق عشان مخطفكيش وانا بصراحة، مجنون واعملها سلام ياقطتي. 

خلصت قراية لقيت صوت جنبي 

: ـ ايوه هو مجنون ويعملها هههههههه

:ـ انتي قريتي الرسالة معايا 

: ـ ايوه طبعا دا شيء لابد منه اعملها 

: ـ ياكلب البحر يعني كنتي عارفه ومش قولتيلي 

:ـ والله هو اللي قالي هنعملهالك مفاجأة 

قطع كلامنا ماما وهي بتقولي اخد العصير اقدمه والحلويات علي ما يبدو اني انا الوحيدة اللي مش عارفة اصلا اصلا يعني طب ماشي ياجماعة شكرا اوي على الموقف ده 

:ـ يالا ياهبلة عشان نودي الحاجه امك دخلت واحنا لازم ندخل بالحاجة يالا 

قولتلها بتوتر:ـ طب طب ماتدخلي انتي وانا هبقي اجي وراكي يروحي انتي بالحاجات 

: ـ انتي هبلة يابت لازم انتي اللي توزعي العصير يالا ياختي خدي اطلعي 

ادتني العصير ومشتني شوية وراحت تجيب الحاجه الباقية من المطبخ كنت خايفة ادخل وماما بتبصلي ان ادخل بس انا قلقانة وخايفة ذي ميكون حاجه مهمه اووي هتحصل موقف مقلق وخوف وفرحة مشاعر مختلطة مع بعضها جت شيماء من ورايا وقالتلي امشي انا وراكي اهو دخلنا وشيماء حطت التسالي والحلويات وانا بقدم العصير قدمت للكل خلاص فاضألل هو فضلت واقفة شوية وفي الاخر ذي الهبلة طبعا رواحت سيباها قدامه على التربيزة وروحت قعدت جنب شيماء وانا في قمة كسوفي وطبعا وشي يسكت ابدا لازم يحمر ويبقي شبه الطماطم 

:ـ لا فراولة 

:ـ لا لا هو طما..

ايه ده هو مين اللي بيرد بصيت لقيت الكل بصيصلي ومروان هو اللي بيرد عليا بكل حب احم قصدي بكل سذاجة وشيماء بتضحك والكل ضحك وبابا قال 

:ـ معلش ياجماعة هي سما كده لما بتفكر كتير صوتها بيعلى ساعات.

رد الباشا مروان بإبتسامته القمر دي حتى وهو هيمان 

:ـ مش مهم المهم اني حاببها كده 

والده خبطه انوا يفوق لان بابا قاعد وقال

:ـ هو على ما يبدوا ان مش سما بس اللي بتتكلم وهي بتفكر ومروان كمان 

ضحكوا وكملوا كلام وفات الوقت وبيتكلموا عادي لحد محانت اللاحظه الحاسمة اتكلم والد شيماء وقال 

: ـ دلوقتي يا ابوا مازن يشرفني نتتقدم لسما لمروان ابننا

بص بابا وابتسم وقال: ـ اممم وانت يامروان عايز تتجوز سما ليه 

↚

رد بتوتر: ـ احم عادي يعني ياعمي اكيد عشان شايفها شخص كويس وكمان انا بحبها 

:ـ وانت تعرفها عشان تحبها 

رد بإبتسامة: ـ ايوه ومن زمان كمان

: ـ اممم بس سما لسه مش هتتجوز دلوقتي لما تشوف شغلها الاول 

: ـ معنديش مانع ياعمي بس على الاقل يكون فيه خطوبة 

: ـ لا مفيش خطوبة دلوقتي 

:ـ طب ممكن اعرف حضرتك مش عايزني اخطب بنت حضرتك ليه 

: ـ منتش عارف ليه 

: ـ احم صدقني ياعمي هفضل وراك لحد متوافق 

: ـ طيب خلينا نشوف 

: ـ تمام بابا هات اعمامي ويالا 

: ـ لا انت اللي هتمشي ابوك واعمامك اصحابي وهيقعدوا معايا يالا اتكل على الله انت 

: ـ ها نعم بابا انتوا بجد هتقعدوا

رد باباه: ـ وفيها ايه يابني هو صاحبنا وهنقعد معاه شوية وبعدين انت اللي اترفضت مش احنا 

: ـ احم ايه ده بجد طب استأذن انا 

قام مشي كنت زعلانه ان بابا مش وافق بس فرحانه ان مروان متمسك بيا وطبعا زعلانه انوا طالع زعلان عشان بابا موافقش بس مستغربة حركة اهله وبابا لانهم مش ميشيوا بالعكس فضلوا وقاعدين بيضحكوا كمان. 

شيماء كانت مستغربة ذيي بالظبط خدنا بعضنا ورورحنا الاوضة وهي قعدت تهون عليا بس فتحت الفون ولقيت رساله منه بيقول 

:ـ قطتي متزعليش ابوكي عايز يعرف هتمسك بيكي ولا لا وانا طبعا هعرفه اني عمري مهسيبك دا غير انوا بيربيني اكيد عشان مدخلتش الباب من بابه من الاول يالا وحي شوفي الورد اللي جبته عشان فيه حاجه مهمه اوووي 

خلصت قراية الرسالة ولسه هطلع اشوف الورد فين لقيت الباب اتفتح واللي راحه جري تجيبه عرفت انها شيماء على طول شويه ولقيتها داخله بيه وهي بتقول 

:ـ طبعا اخويا القمر اكيد جايب حاجه حلوه شبهه اما نشوف جايب ايه 

شوفنا البكيه بتاع الورد لقيت من فوق فيه شوكلت في قلب الوردة والورد لونه احمر كدا شكله تحفة بجد والورد من تحت فيه في كل واردة رسالة شيماء بصت في الخط وقالت انوا خط مروان جينا نفتح الرسايل اهلها ندهولها عشان يمشوا خدت شوكلت وسلمت عليها ومشيت وقعدت اقرأ الرسايل القمر بقا 

1- اول مشوفتك داخله المدرج لفتي نظري ذي ميكون تايهه عايزه تشوفي حد يمكن توهانك وخوفك هما دول اللي حببوني فيكي 

2ـ بصيت لقيتك لابسه خمار مش لابساه مجرد هيئة وخلاص لا مطولاه وشكله حلو عليكي يمكن دا تاني سبب اني احبك عشانه 

3ـ لما شوفتك ذي ميكون هتعيطي كنت هقوم بس لما لقيت حازم جالك خوفت تكوني تبعه ساعتها زعلت 

4ـ لما كنا فى المحاضرة كانت عيني عليكي وعلى حركاتك كلها زي ميكون عشقان او مراهق وبيراقب حبيبهُ. 

5ـ طبعا عايزه تعرفي خدت النوت اذي برضوا مش هقولك 

6ـ لما شوفت النوته والكلام بتاعك حسيت انك مجروحة وكان خوفي كله انك تكوني اتجرحت من شخص حبتيه قولت اكلمك واشوف لان كان فيه كلام خاص بالاهل والاصدقاء دا اللي شجعني اكلمك 

7ـ لما سمعت صوتك في الفون كان نفسي تفضلي تتكلمي بس انتي طبعا قفلتي على طول 

8ـ كنت خايف انك تعملي بلوك بجد عشان كده قولتلك اني هصحيكي للفجر ومتكلمنيش 

9ـ لما لقيتك خايفة تتكلمي مع البنات قولتلك تتعرفي على شيماء وهي كمان كان نفسها تتعرف على حد وطبعا كدا انا كنت مطمن عليكي معاها لانها مش هتضرك ولا انتي كمان هتضريها 

10ـ لما كنتي بتتكلمي في الجروب كنت بتضايق لاني مكنتش عايزك تختلطي بحد وخاصة الشباب 

11ـ ولو عرفت انك محتاجه حاجه تتشرح كنت بشرحهالك على طول عشان متطلبيش من حد حاجه 

12ـ لو صادفت وشوفتك في يوم بلبس ملفت كنت بتضايق وحاول على قدر الامكان اقولك براحة وبهدؤ عشان متزعليش وكمان كنت عارف انوا غصب عنك انك تلبسي حاجه ملفته او خمارك يبقى قصير 

13ـ لما جت الامتحانات عرفت انك بتعيطي عشان كده بعتلك رسالة وكنت بتمنى تهديكي والحمدلله هدتك 

14ـ كنت بشوفك طالعة مبسوطة من الامتحانات كنت بحس اني انا اللي حالل كويس مش انتي كنت ببقا فرحان اوي عشانك يمكن اكتر من فرحتي بنفسي 

15ـ كنت ببقا حابب اعرف نتيجتك اول شخص عشان عارف توترك وانك بتخافي تجيبيها عشان كده بجيبها واهنيكي ومنها تفرحي وتهدي من التوتر والخوف ده 

16ـ لما تكوني فرحانة كنت ببقا فرحان عشانك ولما تحزني كان قلبي بحسه انوا مقبوض كده معرفش ليه بس ببعتلك رساله تهون وتفرحك 

17ـ حبيت اوي خوفك من كونك خايفة تعملي حاجه تغضب ربنا أو كونك بتكلميني يبقى ده غلط دي اكتر حاجه فرحتني وحبيت الخوف ده عندك 

18ـ لما كانت السنين بتعدي كونت بخاف انك تكوني لحد غيري كانت اكتر دعوة بقولها انك تكوني من نصيبي 

19ـ لما خلصتي الكلية وسيبتك فترة كنت يعتبر ميت بمعنى الكلمة مكنتش مركز في اي حاجه حتى شغلي اهملته والكل لاحظ ده طبعا لحد مرجعت كلمتك وكأن الحياة رجعتلي معاكي 

20ـ انهاردة جاي اخطبك ونقرأ الفاتحة وعارف ان ابوكي هيرفض ويغلبني شوية بس طبعا انا على قلبي ذي العسل وهفضل وراه لحد ميزهق ويجوزنا ويخلص مننا يالا ياقطتي اشوفك في البكيه التاني.

↚

فاتت الايام وطبعًا مروان كل يوم يجي يتحايل على بابا وبابا يقوله 

: ـ لا معنديش بنات للجواز

 حتى سمعت من شيماء انه تحايل على اهله يحاولوا مع بابا قالوله

:. لا مع نفسك غلطك تتحمله كان المفروض تتدخل البيت من بابه من الاول 

فات اسبوع من بعد اليوم اللي كان عندنا هو واهله وهو كل يوم يجي صبح وبالليل لدرجة ان بابا كان ساعات يطنش يفتح الباب لو عرف ان هو اللي بره كان ممكن يجيب شوكلت في مره وبابا يمشيه بيها او مروان يروح سايبها ويقولوا

:ـ ( انا جايبها لقطتي ملكش دعوة)

 ويجري على بره على طول بابا كان مبسوط بتمسكه بيا بس كان عايز يأدبه شويه لدرجة اني عرفت انوا كان بيروح يصلي في الجامع اللي بابا بيصلي فيه وكذا مرة طلب ايدي قدام المصليين في الجامع بس بابا برضوا موفقش والناس اللي في الجامع كانوا بيقولوا لبابا انوا يوافق بس هو قالهم انا محتاج اعرف الشخص اللي هياخد بنتي هيستحمل ولا لا وهما وافقوه في الكلام.

جينا اخر الاسبوع وطبعا دا يوم الشبكة بتاع شيماء بابا كان معترض في الاول اني اروح بس اتحاليت عليه وكمان شيماء وباباها قالوله ان مروان مش هيختلط بيا وبابا وافق بس بشرط اني هروح من المغرب وكمان مروان ميبقاش موجود في نفس المكان معايا وبالفعل روحت المغرب وهو كان مشغول بالتحضيرات والبنات قالولي انوا بيحاول يجي يشوفني بس باباه بيمنعه العشاء أذنت وصلينا وبعدها اهل العريس جم وطبعا اهلي كمان معزومين طلعنا بره والعريس ادي شيماء بوكيه ورد وقعدوا

كنت واقفه جنب العروسه احنا والبنات بس انا بعيد شويه لقيت اللي واقف جنبي وبيقول 

:ـ بذمتك مش البكيه بتاعي احلى 

بصيتله وكنت مكسوفه انوا جه جنبي لقيته لابس بدلة لونها رصاصي ويا للحظ اني لابسة فستان رصاصي دقيقه اتنين تلاتة بحاول استوعب هو فعلا لابسين شبه بعض ولا بتخيل لقيته بيقول

:ـ بالله احلى كابلز اصلا ميجيش ابوكي يشوفنا دلوقتي هيطلع روح..نا على طول 

ضحك وانا اول مسمعت الكلمة دي روحت ماشية جري روحت عند شيماء وقفت معاها شوية والعريس ومروان قاموا يرقصوا والبنات مع شيماء في جنب بنرقص ولقيت البنات بيبصوا على الشباب وكل واحدة ليها قرة عينها قصدي بنبص على رقصهم عيب كدا. 

وهوب هوب هوب الباشا رقصه حلو اعرف بقا بيرقص ليه لا وهو بسم الله مشاء الله فرحان بشعره وطبعا اللي موجودين بيبصوله ايه ده هو هيعمل ايه اوعا تقلع الجاكت اوعا هق...تلك وللاسف البيه قلع الجاكت لا وبيكيدني اكتر وبيدهولي ببصله لقيته بيغمز وبيقول

:ـ معلش بقا يا زوجتي المستقبلية بس عايز ارقص

راح للشباب يكمل رقص وانا خلاص جبت اخري وخاصة من الهوانم اللي بيعكسوه لقيت واحده بتقول 

:ـ بصي يابت شكله حلو ازاي وبقا احلى لما قلع الجاكت شكله حلو بعضلاته دي 

لسه هبص وهرد لقيت إيمان بتشدني وبقولي 

↚

:ـ معلش معلش خليها عليكي دول تبع العريس ملناش دعوة بيهم شوية وهيمشوا 

:ـ انتي مش شيفاهم بيعكسوه اذاي لا والبيه مشهيص على الاخر محسسني انوا فرح مش شبكة 

لقيت شيماء بتضحك:ـ هههههههه معلش ياسما بس دي عادة في مروان اي فرح بيرقص 

قطع كلامنا صوت بنت من اللي ورانا وهي بتقول 

:ـ لا بصي اللي لابس قميص أبيض التاني ده احلى 

بصيت مكان مهي بتبص ولقيتها بتقول على حازم بصيت ل إيمان ولقيتها هتمسكهم من شعرهم مسكتها وقولتلها

:ـ معلش معلش خليها عليكي هههههه مش انتي قولتيلي كده قابلي بقا دول جايبين شباب العيلة واحد واحد 

:ـ عايزه اقت.. لها والبيه قايلاله يلبس الجاكت ماشي ياحازم ماشي اما الفرح يخلص بس 

ضحكنا وبقت كل واحدة بتحب واحد عايزه تروح تق.. تل اللي بتعاكسه وطبعا شيماء بتهدي فينا وبتضحك علينا كلنا اه مهي مش غرمانه حاجه العريس من عندهم فضلنا حوالي نص ساعة والشباب بطلوا رقص والباشا جاي ياخد الجاكت وانا ولا هنا خالص مركزة بس في كلام البنات اول موصل مد ايده وانا استغربت بصيت اللي هو فيه ايه 

ميل قدام نحيتي شوية وقال بغمزه

:ـ عايز الجاكت ياقطتي 

اديته الجاكت على طول وبعدت وهو ضحك وراح عند بتاع الاغاني معرفش قاله ايه بس ثواني والاغاني سكتت وهو جه وقف قدام العريس والعروسه والكل قاعد قدامه كل واحد بالعيلة بتاعته على تربيزه الكل استغرب الاغاني سكتت ليه وهو مسك المايك واتكلم والكل سكت 

:ـ اولا سلام عليكم طبعا بشكركوا كلكوا انكم شرفتونا في شبكة اختي وطبعا ببارك للعروسين مبارك ليكوا وعقبال التمام على خير ليكوا يارب وعقبال السناجل اللي هنا كلكوا هههه طبعا انا هعمل حاجه متهوره شوية وربنا يستر، بس بجد ملقتش حل تاني غير ده انا عملت كل اللي اقدر عليه احم طبعا مش عارفين بتكلم عن ايه انا دلوقتي بتقدم لسما قدام الجميع وبقولك ياعمي ملكش حجه ترفض ارجوك وافق انا بقالي اسبوع متمرمط وراك وانا والله بحبها وصدقني كلمة هستحملها او هقدرها دي شوية انا بقالي 4سنين بحبها من غير حد مايعرف بس بجد مش هستحمل تكون بعيدة عني اكتر من كدا 

طلع خاتم وجه وقف عند ونزل على ركبته وانا واقفه مصدومة ومكسوفه من كلامه واعترافه وكمان حراكته دي طلع الخاتم وقال

:ـ سما تقبلي تكوني مراتي تقبلب بيا زوج ليكي 

وبعدين بص لبابا وقال دا بعد اذن عمي يعني بس انت شايف اني مقصرتش فى حاجه ودا كان الحل الوعيد انك توافق عليا ارجوك وافق 

  بصيت ليه ولبابا مش عارفه اعمل ايه فضلنا شوية وانا بصيت في عينه وبعدين بصيت في الارض شوفت نظرة عينيه حسيتها مكسورة كأن دا كان امله الوحيد ان بابا يوافق دموعي خلاص هتنزل لقيته بيقول من غير محد يسمعنا

:ـ متعيطيش ياقطتي عشان خاطري 

  ‏صوته كان مرتعش شوية كنت هعيط بجد مش عشاني كدا كدا بابا هيوافق هو مبيحبش يكسر قلب حد مبالك بنته بس كنت هعيط عشانه هو قام ولسه هيمشي لقيت بابا حضني وبيقوله 

:ـ طب مش اللى يتقدم ييجيب شابكة ولا انت بتضحك على البت وهتلبسها الخاتم وكدا اكنك جبت شابكة 

بصيت لبابا بفرحة وهو لسه مش مستوعب تقريبا دقتين لحد مستوعب ولقيته نط حضن بابا على طول وانا بعدت شوية وبابا قاله 

:ـ مقدرش اكسر بقلبك ولا بقلبها انا حبيت اعلمك بس واعرفك غلطك كان لازم تاخد الخطوة دي من زمان 

:ـ عرفت والله يالا نعمل الخطوبة بقا 

:ـ حيلك حيلك خطوبة ايه لما تيجي تتقدم الاول وتجبلها بوكيه تاني ههههه 

الكل ضحك وانا من كتر الكسوف عايزه امشي بجد بصلي وقال:ـ اجمل بوكيه ورد لاحلى وردة في حياتي 

:ـ طب احترم ابوها اللي واقف حتى 

:ـ احم معلش بقا ياعمي من كتر الفرحة عايز اخدها دلوقتي ونتجوز 

:ـ لا انا بقول اخد بنتي ونمشي هههه 

:ـ لاااااا استنى بس والله مهبص بس خليك وقولي اجي بكره انا والعيلة نتفق 

:ـ بكره ايه يابني على الاقل استنى ليوم الجمعة ذي بقيت الناس واكون قولت لعمامها 

:ـ لا ماحنا هنيجي بكره نتفق وابقى اقول لاعمامها عادي 

:ـ اممم شكلي هرجع في الكلام واقولك مفيش خالص 

:ـ لا لا لا خلاص يوم الخميس هنيجي اهو اخر الاسبوع اهو والجمعة نجيب الدهب حلو حلو 

ومش جري من قدام بابا قبل ميتكلم والكل فرح ان بابا وافق والحفلة خلصت والكل روح بيته......

↚

عدا الاسبوع وبابا كلم اعمامي وهما رحبوا جدا وخاصة لما عرفوا ان العريس كويس وسألوا على مروان وطبعا الكل كان بيشهد بأخلاقه واحترامه اصل الواد حاو فهتبقى عيبه اوي لو محدش شكر فيه وها نحن ذا في اليوم المشهود يوم الخميس طبعا انا بصوم الاتنين والخميس بس اهلي ماما قالتلي لا مش هتصومي على اساس انه هيجهدني وكدا بس طبعا قرة عيني احم قصدي مروان يعني بعتلي امبارح بالليل وقالي 

(قطتي عاملة ايه بصي بقه ياعسل كون ان امك قالتلك متصوميش على عيني وراسي بس انا اصلا مختار اليوم ده عشان يكون بداية حلوة طبعا بصيامنا ف ايه بقا اياكي اياكي ياقطتي تفطري خليكي قمر كدا وصومي عشان مجبك...يش من شعرك ماشي ياقطتي يالا باي )

طبعا لا داعي اننا نقول قد ايه حبيت الرسالة ولا قد ايه فرحنانه بس يالا نقول مش مهم بجد رسالته دخلت في قلبي حبيت اهتمامه وكل حاجه خاصة انوا متعلق بحكاية العادة اللي بنعملها واه صحيح من بعد مرجع تاني وكل حاجه كنا بنعملها اهتم بيها يعني لما كان بيصحيني عشان اصلي الفجر والقيام وكل حاجه بقينا نعملها مع بعض وبرضوا مفيش كلام بينا يعني هو بيبعت وانا اشوف بس مردش عليه طبعا وفعلا صومت مش لأجل عيونه التايجر طبعا لا دا لأجل اني حابة اصوم وكده يعني المهم اني صومت وطبعا ماما زعقت وقالت اني بكون مفرهده وانا صايمة بس سكتت بعدين والموضوع عدا خلاص. 

بعد مفطرت وكانت شيماء عندنا وفطرت معايا وبصراحة محستش بصيام خالص يوم ممتع وجميل اووي بصراحة المغرب أذن وصلينا وقومت ألبس فضلنا شوية وكانت العشاء أذنت وصلينا وحان الوقت الموعود مروان بلغ شيماء انوا جاي هو واهله متوترة خايفة مرعوبة مشاعر مختلطة كتير حلو اوووي بصراحة والاحلى لما يكون الشعور ده مع حد بتحبه حد حبك وانت حبيته او يمكن الحب ده اتحول لعشق مش يمكن دا اكيد عشق حلال وحلو  ربنا يكرم الجميع بيه كدا.

وصل وصل قلبي بيدق يعني جه قلبي عمره ميكذب في شعوره نهائي وخاصة مع مروان كمان بيحس بيه وهو في اي مكان العشق ياجماعة بتقولوا ايه لازم القلب يحس بيه دا شيء ضرورى طبعا بصيت انا وشيماء ولقيت القمر اللي وصل لابس بنطلون أبيض على قميص ذيتي بالله ايه القمر ده بس وانا لابسه ذيتي يا مشاء الله علينا ايه ده ثواني هو جه بالقميص المجسم ده ليه بس كدا هتخليني انكد عليك من أولها ليه بس ماما ندهت عليا وطلعنا انا وشيماء وطبعا كالعادة العروسة تشيل العصير معرفش لسه العادة دي يعني ياجماعة انا بؤحرج والله وبتكسف كدهوو دخلت الأوضة وقدمت العصير وجينا الآن عند قرة عيني واكيد هديلوه العصير هههه بهزر حطتها قدامه ومشيت طبعا بعد مقعدت حسيت انوا متابعني بيبص عليا وشي بقا احمر اكتر خدودي بقت خلاص شوية وهتنفجر بالله الواحد مش عارف يعمل ايه اقوم واريح نفسي توتري زاد وشيماء حست ومسكت ايدي اللي بترتعش وهو عينه مازالت عليا قطع السكوت ده باباه وهو بيخبطه في دراعه عشان يفوق من الهيمان اللي حصلنا وقاله 

:ـ مش هنام احنا عند الناس اتكلم اخلص وبطل تبص على البت عشان فاضل ثانية وهتخلص من الكسوف 

الكل ضحك وبابا قاله 

:ـ يعني حتى احترم ابوها اللي قاعد ولا غض بصرك ياباشا 

رد بتوتر:ـ احم انا انا اسف ياعمي بس بصراحة انت عارف اني بحبها والكل كده ومش هستحمل تكون بعيدة عني  اكتر من كده 

قاطعه بابا وقاله

:ـ يابني بقولك احترمني مش بقولك تتغازل فيه اكتر وبعدين لو مسكتش انا هقولك معنديش بنات للجواز.

الكل ضحك على منغشات بابا ومروان اللي مبتخلصش ومروان اتكلم وقال 

:ـ احم بص بقا ياعمي نتكلم في الجد بقا انت عارف اني بحب بنتك وقبل مترد بالله اسمعني للاخر وعارف اني جاي اتقدملها وهنتفق وطبعا انا معنديش مانع في اي حاجه تطلبوها مهما كانت الحاجه فهي مش خسارة فيها ها ياعمي قول طلباتك 

بصله بابا بإبتسامة وقاله

:ـ انت عارف رغم ان شجاعتك دي مشكلة بس حبيبها فيك لانك رغم اي حاجه مستعد تعمل اي حاجه عشان بنتي وانا اكيد مش هقف قدام سعادتكوا وانا كل اللي طالبة انك تكون لها السند ومتكنش السبب في دمعتها مهما كان لو ايه حصل منها عاتبها وصدقني بنتي حتى لو مش غلطانة هتعتذر منك واستحالة تزعلك مهما كان.

سمعت كلام بابا وعيطت بابا اول مرة يقول الكلام ده ساعتها عرفت ان فعلا الاب مهما صدر منه هو عمره ميهون عليه زعلك عمره ميهون عليه فراقك او بعدك عنه قومت وحضنته وعيطت والكل كان مبسوط بالعلاقة اللي بيني انا وبابا قولتله فى وسط عياطي 

:ـ خلاص يابابا انا مش هتجوز انا هقعد معاك مشي مروان 

قطع كلامنا مروان وقال 

:ـ نعممممممممم يمشي مين سما بس يابابا الله يهديكي وانت ياعمي كان ضروري تقول دلوقتي وبعدين انتي لازقة فيه كدا ليه ابعدي شوية الكراسي اهي قومي اقعدي على واحد او اقعدي مكانك 

كان بيقول الكلام وهو شكله مضايق والكل بيضحك ل  محدش متوقع انوا هيغير من بابا او اصلا الغيرة توصل لكده  بابا ضحك وقاله 

:ـ انت بتغير عليها مني دي بنتي ياهبل وبعدين حضن ابوها ليها على طول وقت متعوزه تيجي فيه.

وشدني عليه جامد ومروان بقا واقف متغاظ اكتر وقال 

:ـ طب ماشي تمام نبدأ بقا وقول طلباتك ياعمي وانتي قومي اقعدي مكانك خلينا نتفق. 

↚

بصيت لبابا وشاورلي براسه ان اقوم قومت وروحت اقعدت مكاني وبدأو يتفقوا ومروان صمم ان الشابكة تيجي بكره واخر الاسبوع يكون شابكة وكتب كتاب لانه مش مستعد يعمل حاجه حرام وعايز يكلمني واتكلم معاه بدون قيود وطبعا بابا موافقش بس مع اصراره عرف يقنعه ويقنع الجميع وفعلا الكل وافق.

خلص اليوم وتاني يوم جبنا الشابكة وهو بقا نقي اجمل حاجه كان زوقه جميل وحلو بينقي حاجات هاديه بس شكلها شيك كنت فرحانة اوي بجد يوم تحفة بمعنى الكلمة خلصنا وروحنا وهو جه يقعد معايا شوية بس طبعا بابا كان قاعد وأغلب الكلام كان مع بابا حسيت أنوا مش عايز احتكاك بيا اوي لحد ميتم كتب الكتاب.

فاتت الايام وانهاردة اليوم الموعود بالنسبالنا انا ومروان كنت فرحانه جدا لاني طول عمري بحلم يكون الشابكة وكتب الكتاب مع بعض عشان يبقي فيه حرية في التعامل بصيت للفستان اللي جابهولي وكان شكله حلو اوووي فستان أبيض فيه فصوص صغيرة كدا شكلها حلو اوي وهو واسع عامل ذي فستان سندريلا حبيته من اول مشوفته وشيماء كانت معايا من اول النهار بتساعدني في الترتيب واخويا جاب حاجات التزيين والكوشة وظبطنا الشقة كلنا كانوا اخواتي وشيماء وانا العصر مام أذن قبل منخلص بس شيماء خدتني عشان نكمل تجهيز اللبس والجزمة وسيبنا الباقي يكملوا هما بره.

المغرب أذن وهما هيجوا على العشاء لبست الفستان والخمار كان شكلي حلو فيهم لدرجة ان شيماء عيطت من الفرحة وحضنتني وماما لما دخلت برضوا عيطت وحضنتني وانا كالعادة عيطت معاهم دخل بابا قبل ميروح ميصلي لقى الكل بيعيط ضحك وقال 

:ـ ههههه طب كدا هتبوظوا الفستان للبت وسعوا كدا 

وسعوا وبابا جه حضني وقالي 

:ـ طالعة ذي القمر ياحبيبتي ربنا يتمملك على خير ويفرح قلبك ويسعدك يارب 

الكل آمن على الدعاء وهزرنا شوية وبابا قال انا هروح اصلي العشاء وبعد العشاء م أذنت بقيت متوترة اكتر وشيماء بقت تهديني لحد مسمعت هيصه والعيال الصغيرة بيقولوا العريس جه طلعت مع شيماء والبنات وبعدين روحت عند الكوشة كنت باصه في الارض ومد ايده اداني بوكيه الورد وقالي 

:ـ المرادي فاضي عشان الكلام كله لما نتجوز 

هزيت راسي ومازلت باصه في الارض لقيته بيقول 

:ـ طب على فكرة انا شكلي اكلى من الارض يعني.

اتوترت اكتر وقعدت من غير متكلم قالي  

:ـ طب انا عايز اشوف شكلك طيب.، يابنتي ردي عليا الناس هيفكروني بكلم نفسي ههههه 

رديت عليه بتوتر 

:ـ ارد اقول ايه يعني بطل بس الاول تتغازل عشان حرام 

رد بإبتسامة حسيتها في صوته

:ـ كمان نص ساعه وهتبقى علي اسمي وهيبقى مش حرام

خلص كلامه وندهوله عشان يكتبوا الكتاب وخلاص بيخلصوا كتب كتابي خلاص تم الشخص اللي دعيت يكون من نصيبي من غير معرفه خلاص بقا جوزي مشاعر الفرحة مسيطرة عليا لدرجة اني عايزه اعلي صوتي واقول للناس كلها اننا كتبنا الكتاب فوقت من تفكيري على الجملة المشهورة وما أعظمها 

(بارك الله لهما وبارك عليهما وجمع بينهما في خير بالرفاء والبنين ان شاءالله)

مباركات كتير زغاريط اكتر هيصه وفرحة كتيرة اصحابي والبنات كلها فرحنين وبيهيصوا عيوني دمعت من كتر الفرحة اللي حسه بيها شايفاه جاي اهو الكل وسع ربنا يستر وميكنش عايز حضن كتب الكتاب عشان الواحد بيؤحرج بس والله جه وقف قدامي وميل على راسي باسني وخدني في حضنه ولف بيا لفة كبيررررة لدرجة اني خلاص حاسه انوا لو سبني هقع وقف لف وانا دماغي بتلف لسه فضلت في حضنه مش حاسه بحاجه من كل اللي حواليا باسني من راسي وقالي

:ـ اسف بس بجد اليوم ده منتظره بقالي كتير 4سنين و3أشهر واسبوعين و 20ساعة لو عايزاني احسب الدقايق انا مستعد عن نفسي ههههههه

ضحكت وبصيتله وقولتله 

:ـ ههههه لا ملوش لازمة 

عيونه دمعت وملس على راسي وقال

:ـ ربنا يحفظلك ليا يابنتوتي 

كانت اول مرة يقولي بنوتي على طول قطتي بصيتله وانا عيوني مدمعة وقولتله 

:ـ ليه غيرت اللقب المرادي 

مسح دموعي ودموعه وقال 

↚

:ـ انا مواعد نفسي اني مخلكيش تعيطي مهما كان السبب وغيرت اللقب ياستي عشان انتي دلوقتي بنتي وصاحبتي واختي وحبيبتي وبعدين بقا في النهاية مراتي عريفتي.

هزيت راسي وكنا في دنيا تانية نسيين الناس اللي بتبصيلنا لقيت شيماء قطعت كلامنا وقالت 

:ـ عصافير الحب الهيمانين عايزين نلبس الشبكة معلش الناس عايزه تنام 

الكل ضحك وانا اتكسفت ومروان حسيت انوا اتحرج لاننا فعلا مكناش ملحظين حد حوالينا ولبسنا الدبل وطبعا والحفلة خلصت وقالوا العريس والعروسة يتعشوا مع بعض وفعلا قاعدنا ناكل ودي كانت اول مرة يقعد معايا متوترة اوووي لدرجة اني قولت لكلب البحر تقعد بس قالت لا لازم تقعدوا لوحدكوا دخلت حطت الاكل ومشيت وانا لسه متوترة وطبعا مش عارفه اتكلم معاه ولا اتعامل معاه اذاي اول مدخلنا الاوضة وبقينا لواحدنا قالي 

:ـ عاملة ايه ياقطتي 

:ـ احم الحمدلله انت عامل ايه 

:ـ انا الحمدلله ياستي وخاصة حلمي اتحقق مش محتاج اكتر من كده المهم انك تبصيلي وسيبك من السجادة هبقى اشتري واحدة لشقتنا لو عجباكي.

بصيتله وقولت 

:ـ منا اهو قاعدة معاك مش لازم ابص يعني 

:ـ لا ياستي انا عايزك تبصيلي وبعدين مينفعش الفراولة دي مشوفهاش لازم اشوفها 

اتكسفت اكتر:ـ على فكرة لو مسكتش هقوم لو سمحت مش تقول كده تاني 

:ـ ياختي حلوه ياما انا جوزك يعني مباح ليا اي حاجه 

:ـ احم طب ممكن تبطل بجد عشان بتكسف اكتر

:ـ اممم ماشي ياقطتي مش هقول كدا تاني المهم بقا قوليلي حضرتك كنتي بترقصي ليه 

بصيتله اكني اتذكرت حاجه وقولتله 

:ـ لا والله دا على اساس انك مرقصتش لا وكمان قلعت الجاكت انا عايزه افهم بس هو الجاكت عملك عقدة مثلا برضوا في شبكة شيماء قلعته والبنات بقوا يتكلموا عليك والنهاردة برضوا نفس الحكاية فرحان بعضلاتك مثلا يعني 

خلصت كلامي وهو باصيصلي ومبتسم كده اللي هو انا استغربت المفروض يزعق عشان بنكد عليه بس الغريب انوا بيقرب يكونش هيضرب لا بجد ايه في ايه لقيته مسك ايدي وباسها وانا الكسوف رجيعلي تاني بدال مكنت متعصبعة بقيت ذي القطة الكاشة في نفسها كدا فضل ماسك ايدي وقالي 

:ـ بعيدا على ان النكد بدأ من دلوقتي بس انا ميهمنيش غيرك وكمان انا مش هبص للبنات يعني انا برقص والجاكت بيبقي خانقة فبقلعه بس كدا وبعدين ايه ده دا فيه ناس بتغير عليا من زمان اهي 

وغمز في اخر كلامه وانا سكت شوية وقولتله 

:ـ اسفة اني عليت صوتي بس صدقني ببقا مضايقة لما الاقي حد بيبصلك ويتغزل فيك و.. و اه يعني عادي لما اغير على جوزي مانت كمان بتغير عليا 

ضحك وقالي 

:ـ يعني انتي بتغيري عشان كدا بس وبعدين ياستي مفيش اسف ولا حاجه واوعدك هخلي بالي بعد كدا من اللبس وبعدين انتي اللي هتنقيه ابقي اتصرفي بقا 

:ـ ايوه مش هجيب حاجه تكون مجسمه عليك ابدا 

ضحك وقاعدنا نتكلم ونضحك مع بعض والاكل كان جه وبقيت متوترة بس هو حاول يبعد التوتر ده عني وبقا يتعامل بمرح خالص وكلنا وبابا كان خلص مع اعمامي وجه قعد معانا والكل دخل وقاعدنا نتكلم كتير لحد تقريبا الساعة بقت12خد شيماء وقام مشي.

عدا حوالي شهرين على كتب كتابنا وبقينا نتكلم على طول واي رسالة يبعتها برد عليها طبعا وهو كل ميكون جاي يجيب ورد او شوكلاته او حاجة حلوة المهم انوا كان على طول بيجي كان ممكن يجي 4او 5مرات في الاسبوع كنا خلاص دخلين على الشهر التالت واليوم ده مروان كان عندنا لقيت الصدمة لما قال لبابا.........  

↚

كنا قاعدين وفضيلنا نتكلم لحد ملقيت مروان بيقول لبابا 

:ـ عمي انا كنت عايز حضرتك في موضوع يخص الفرح 

:ـ قول يابني اللي انت عايزه 

:ـ بصراحة انت عارف ان شقتي جاهزه اصلا وكان فاضل حاجات بسيطة وقضيت الشهرين اللى فاتو في التجهيز وخلاص يعتبر خلصت وحضرتك قولت ان سما فاضلها حاجات بسيطة لانكوا كنتوا بتجهزوها من زمان ف ايه رأيك لو نقدم الفرح يعني بدال مهما 6شهور يبقوا أربعة ونعمل الفرح أول الشهر الجاي.

الكل سكت وبابا بصيلي وانا قاعدة متوترة ومكسوفة اووي خاصة انوا جاب الموضوع بدون تمهيد حتى مقليش انوا عايز يقدم الفرح قطع سكوتنا لما قال 

:ـ عمي انا عارف اني جبت الموضوع على طول بدون تمهيد بس صدقني دا انسب حل انا فاضلي حاجات بسيطة وانتوا هكذا برضوا ننزل في يومين نجيب الهدوم والجزم والشنط والحاجات الباقية والمفارش في يومين تانيين وكدا خلصنا.

رد بابا وقال 

:ـ ايوه يابني بس انت كده هتزنق نفسك انا بالنسبالي مخلص كل حاجه بس انت لسه جايب الشبكة وكمان مصاريف الشقة كدا هتكون مشتت ومش بعيد تتزنق في الفلوس وكمان مصاريف الفرح 

:ـ لالالالالا متشيلش هم حاجه الشقة اصلا كانت جاهزة والشبكة فلوسها كانت معايا والفرح ابويا اللي هيتكفل بيه يعني الفلوس موجودة متشيلش هم حاجه بس بالله وافق ملوش لازمه نفضل 3شهور كمان كفاية شهر او شهر ونص عشان برضوا الفستان والحاجات دي ها قولت ايه 

بابا اتنهد تنهيدة كبيرة كدا لانه عارف طلما مروان مصمم على حاجه هيعملها وهيحاول يقنع الكل بيها المهم انوا يعمل اللي عايزه قاله 

:ـ طب يابني اهلك عارفين انك هتقد معاد الفرح ولا انت اقترحت منك لنفسك 

:ـ لا طبعا عارفين وقالولي قول لحماك لو وافق مشي موفقش هنستنى التالت شهور يخلصوا وانا طبعا بقول ان حضرتك اكيد هتوافق انت عارف اني عايزها معايا على طول وبعدين مفرقتش 3شهور من شهر ونص ها ايه رأيك ياعمي احجز القاعة والحاجة بتاع الفرح.

بصيلي وبصله هو عارف ان ملوش لازمه نستنى3شهور كدا كدا احنا خلصنا الحاجات بتاعتنا بس هو مش عايز يزنق العريس في حكاية الفلوس رجع قاله 

:ـ ماشي يابني موافق شهر ونص واعملوا الفرح حتى تكونوا خلصتوا بقيت الحاجه.

مروان فرح وقام حضنه وجه يحضني بابا شده من قفاه وقاله 

:ـ لا انا وافقت عشان التداخل ده اخلص منه لكن تحاول تلمسها هلغي كل حاجه.

:ـ ياحماعة والله مراتي حرام والله اكون بعيد عنها طب احضن بس مش هبوس. 

بابا خبطه على قفاه وقاله 

:ـ مش انت شربت حاجتك وقولت اللي عايزه يالا مع السلامة مش عايز اشوف وشك لحد الفرح امشي 

:ـ ياحمايا استنى بس نتفاهم طيب ههههه

فضلنا نضحك على بابا ومروان وفي اخر السهرة مشي وقال انه هيجي بكره عشان نروح ننقي اللبس او الفستان وطبعا شيماء هتكون معانا.

جه تاني يوم وقررنا نشوف الفستان اهم والكوافير وبعد لف كتيرررررر معرفناش نجيب حاجه برضوا فضلنا أول أسبوع نشوف الفستان والميكب والكوافير مع العلم هو مكنش رادي اروح كوافير كان عايزها تيجي البيت عندنا وتظبطني فيه وخلصنا بس طبعا شيماء قالت لا وانا برضوا موافقتش وجبنا فستان كان هادي وشكله جميل اووي بصراحه زوق مروان حلو جدا تاني اسبوع قضيناه في اللف على اللبس بتاعي وماما كانت معانا وهو اوقات كان معانا عشان كان بيظبط في الشقة وبيشوف التجهيزات بتاع القاعة والحاجات بتاع الفرح تالت أسبوع كان مخصص للسجاد والمفارش بتاع ارضية الشقة كان معانا وفضلنا ننقي ونختار وهو كان بيختار حسب الالوان بتاع الشقة عشان التناسق. 

كنا في اخر الشهر التالت وباقي الروافع وحاجات بسيطة جبناها والشهر خلص والنهاردة العزال وطبعا مفيش عروسة هتروح عند العريس مع اني كان نفسي اشوف الشقة رغم اني شوفتها على الفون صورة وفيديوا بس برضوا عايزه اشوفة على الحقيقة فاتت الايام بسرعة وكنا مقضينها في المرواح عند الميكب أرتيست والتجهيز باقي الحاجات وماما كانت بتجهز في المستلزمات والحاجات بتاع الفرح وكان على طول بيكلمني في الفون كان أغلب الوقت بيكلمني عرفت قد ايه بيحبني بل بيعشقني كمان على طول بيقولي انه منتظر اليوم اللي اكون عنده في بيته هكون ليه وبس.

وها نحن ذا في اليوم المشهود انهاردة فرحنا يعني هكون معاه هكون في بيته هلبس الفستان الابيض اللي كنت بتمناه هلبس الفستان الابيض اللي بيخلي البت ملكة بمعني الكلمة كنا بنتكلم بالليل ومن كتر الفرحة عيطنا وفي الاخر هدينا وقالي 

: ـ خلاص ياقطتي يلا روحي نامي عشان بكرة متتعبيش ومش عايزك تتعبي نفسك في التجهيز ولا الرقص عشان عارف مبتصدقوا تقعدوا ترقصوا فاهمه.

ضحكنا وقفلنا المكالمة وكل واحد نام على احلامه مع حبيبه جه تاني يوم وجت شيماء وزوجي وقرة عيني احم احم قصدي مروان وروحنا على الكوافير وخلصنا تجهيز وشيماء لبستني الفستان والكوتش لانها هيا صحبتي واللي معايا كان شكلي حلو في الفستان الابيض عيوني دمعت وشيماء عيطت معايا وكملنا لبس ومروان جه وحضني ومن الفرحة طبعا عيطنا معرفش المشاعر عندنا جياشة شوية عماليين نعيط على الفاضي معرفش ليه خلصنا وروحنا السيشن وخلصنا وبعدين على القاعة وقضيناها رقص وهو بقا كل شوية يقعدني معرفش ليه المفروض يسيبني ارقص اشماعنا هو بيرقص بقا لا وبيقلع الجاكت برضوا لا والقميص مجسم عليه اوي وعضلاته باينه اه اروح دلوقتي اجيبه من قفاه هههه اني بهزر. 

خلص الفرح وودعنا اهلنا وروحنا البيت وصلينا وكلنا وقاتدنا نحكي شوية وقالي

:ـ قوليلي بقا عايزه تعرفي انا جبت النوته منين وعارفك ازاي والامور دي كلها ولا ننام 

قولتله بتوتر :ـ اممم اللي تشوفه 

ضحك وقالي:ـ خلاص يالا وبكره اعرفك ياقطتي....... 

↚

عادا يوم واتنين واسبوع على الفرح وفي يوم كنا قاعدين انا وهو بعد مأكلنا وبنسمع التليفيزيون الجو هادي وخدني في حضنه اللي بقا ادمان بالنسبالي يمكن تعود او اشتياق مش عارفه بس دايما بحب احضنه وهو كمان لو طلع بره اول ميجي يحضني لما بنقعد مع بعض لازم اكون في حضنه لدرجة انه ممكن ميخدش في باله لو حد قاعد ويخدني في حضنه يمكن احنا الاتنين اتعودنا على كده لقيته بيبصلي بإبتسامته القمر دي وبيقول 

:ـ ها ياقطتي سرحانه في ايه 

قولتله وانا بصاله

:ـ فيك ابتسامتك حلوه اوي 

ضحك وانا خدت بالي واتكسفت قالي 

:ـ تعرفي ان ابتسامتك هيا اللي جبتني الارض وخلتني احبك بل اعشقك كمان

:ـ صحيح مش هتقولي بقا انت شوفتني اذاي والنوت فين 

ضحك وقال

:ـ ياااه لسه فاكره دا انا قولت نسيتي على العموم ماشي ياستي هحكيلك جاهزه تسمعي 

هزيت راسي بتشوق وقولتله 

:ـ اه اه يالا انا سمعاك احكي 

بصلي بحب وبدأ يحكي نظراته كفيله اصلا عن الحكاية 

:ـ طبعا في البداية انتي عارفه اني شوفتك في الكليه اليوم ده كان اول يوم لشيماء كان فيه ورق ليها لسه بيخلص وانا كمان كنت عايز ورق من الكلية روحت معاها بس حازم كان متأخر عننا شيماء قاعدت مع البنات وانا روحت جنب الشباب لما دخلتي انا شوفتك داخله لواحدك بنت قمر بمعني الكلمة بالنسبالي تفوقت عن القمر خمارها طويل ماسكه الكشكول حضناه ذي ميكون بتستمد قوتها منه واقفه حيرانه وبتدور على مكان فجأة حسيت ان عيونك هتعيط وشك بان عليه انك هتعيطي كنت هندهلك تقعدي جنبي بس للاسف كان كله شباب محدبتش اجيبك عشان محدش ياخد باله منك ولا يشوفك لقيت حازم جايلك وكلمك ساعتها خوفت انك تكوني تبعه بس حازم معروف انوا بيحب منه بس برضوا الخوف لازمني لسه لما مشيتي وراه قولت اشوفك هتقعدي فين قاعدتي جنب بنت ساعتها قولت الحمدلله بس لما قعد جنبك اتضايقت حتى وانتي محتفظه بالمسافة بس برضوا متضايق ليه مش انا اللي اكون جنبك استغربت اوي من الكلمة دي وانا بقولها انا لسه شايفك مش معقول اكون اعجبت بيكي مجاش في بالي اني حبيتك ذي مبيقولوا كده حب من اول نظرة بس كان شيء مستبعد انا بس اللي شوفتك حتى انتي مكنتيش تعرفيني اصلا. 

لما كنا في المحاضرة كانت عيني عليكي ومع كل حركة بتعمليها وانتي بتعدلي الخمار خايفة يكون وقع وانتي بتضمي نفسك عشان متكونيش جنب حازم وانتي بتظبطي النضارة كل شويه وانتي بتشوفي الساعة عشان مليتي من المحاضرة ولما زهقتي مسكتي الفون تلعبي فيه ساعتها حازم خده منك ودي اكتر حاجه ضايقتي كان نفسي اجيبك من شعرك واروح اضر... به عشان احتك بيكي بس لما انتي بصيتي على الدكتور لقيت ان الدكتور كان مركز معاكي هديت شويه لان حازم كده خاف ان الدكتور يعملك مشكلة ولما المحاضرة خلصت الكل كان بينسحب بس انا لسه قاعد ومتابعك مسمعتش ايه اللي حصل بينك وبينه بس لقيته بيضحك وانتي وشك احمر وشكلك بقا احمل بكتير بقيتي شبه الفراوله لا شبه التفاح الامريكاني اللي الحمار بتاعه بيبقا فاقع وشكله حلو ساعتها مستحملتش وقومت على طول اروحلكم بس للحظ انتي مشيتي على طول كان حازم لسه هيمشي وقفت اتكلم معاه ولمحت النوت مكان مكنتي قاعده عرفت انها بتاعتك خدتها على طول قبل م حازم يشوفها معرفش ليه عملت كده بس انا حسيت انها تخصني انا مش حد تاني. 

لما روحت فضلت اقرأ فيها وعرفت اسمك من حازم وطبعا النوت مكتوب عليها اسمك ودا اكدلي انها بتاعتك فضلت أقرأ فيها وشايف كمية الخواطر والكلمات الحزينة بقيت متضايق من فكرة انك تكوني حبيتي بس لما وصلت لجملة معينيه قولت كدا مش مرتبطة اصلا. 

:كنت بصاله وهو بيتكلم شغف حب نظراته بتعبر عن كلامه قاطعته في الكلام وقولتله 

: ـ جملة ايه قول بسرعه 

↚

ضحك وقال 

: ـ يابنتي اهدي منا بحكي اهو متقطعنيش تاني 

هزيت راسي وهو كمل 

:ـ المهم ياستي هما جملتين ودول اللي بعتهوملك اول مكلمتك (سأظل انتظرك يامن ستقول لى ياقطتى وستعاملنى كا طفلتك) 

(احتاج الى من يضمنى بقوة ويقول لى انا معك ياطفلتى مهما طال الزمان انا معك حتى وان بعد المكان.)

لفتوا انتباهي اوي وحبيتهم بعد مقرأتهم كلمتك على طول لحد مرديتي واتأكدت انك مش مرتبطه ساعتها فرحت لدرجة اني كنت عايز اعرف انتي مين ومنين واجيلك بيتك معرفش ليه بس انا عايز كده طبعا انتي مردتيش اننا نكون اصحاب وصدتيني بس انا اتفقت معاكي اني هكلمك عشان اصحيكي للصلاه وبس وانبهك لمذكرتك اللي بتهميلها بسبب الزفت الروايات وبتسهري عليها. 

تاني يوم لما روحت عشان اشوفك لقيتك برضوا صادفتي حازم وبكدا القلق جالي اكتر وخوفت تقعدي جنبه تاني بس كان المدرج فاضي وهو قالك اقعدي جنب البنات وانتي على الحظ قاعدتي جنب شيماء ساعتها قولت كويس انا هخليها تتصاحب عليها لاني كدا هكون مطمن عليكوا انتوا الاتنين وبعتلك وانتي بصتيلها واتعرفتوا والدنيا مشيت تمام ويوم بيجيب يوم ولما عرفت انك ساكنه قريب مني بقيت اراقبك ولو شوفتك بلبس ملفت لما متخديش بالك كنت ببعتلك على طول وانتي تدخلي تغيريه اول مبعت كنت ببقا فرحان اوي انك بتخافي ان الناس تبصلك ولما كنتي بيقف قدامك حاجه كنت بعرف من شيماء او بعرف من الجروب لما حضرت جنابك تبعتي اصلي كنت داخل فى جميع الجروبات بس بالرقم اللي بكلمك منه والرقم ده مش مع حد خالص غيرك وافضل اشرحها شرح مبسط واكتبهواك وابعتهولك على طول.

عدت الايام والسنين وحبي ليكي بيكبر واتحول لعشق وخوفي عليكي بيكتر اكتر من الاول خوفي من الشباب اللي حواليكي انهم يكلموكي ذي محاول كذا واحد قبل كدا وانتي الحمدلله كنتي بتصديه وبتعملي بلوك على طول كنت عارف الرقم القومي بتاعك عشان كدا كنت بجيب النتيجه قبلك لاني عارف انك خوافه وبتخافي تجيبيها وطبعا ببعتلك اطمنك واهنيكي وايام الامتحانات كنت بشوف خوفك وقلقك لدرجة اني بحس ان ده امتحاناتي انا ولما خلصتي الاربع سنين كان لازم ابعد عشان اشوف انتي بتحبيني ولا لا وشعورك ايه من نحيتي على الرغم اني كنت بتعب اكتر منك وكنت في الاسبوعين اللي سيبتك فيهم كنت بمو..ت حرفيا ولما عرفت من شيماء انك منهارة قولت هاخد خطوة بس للاسف كان الزفت ابن زميل باباكي اتقدم استنيت وفضلت تعبان في اليوم ده ان هو مجرد هيتكلم معاكي او باباكي يوافق وكنت واقف مستني شيماء تحت البيت ممشيتش اصلا ولما لقيته نزل ومتعصب عرفت انوا اترفض ولما كنتي عندنا في البيت انا كنت عارف انك هتيجي بس متوقعتش اني اشوفك ولما دخلت المطبخ واقعدت اتكلم معاكي على اساس بنت عمي استغربت انك مش بتردي عرفت انك انتي اللي واقفه وكانت بنت عمي جت وانا خدت الحاجه وماشي لقيتك اتكلمتي صوتك كان واحشني اوي ان اسمعه عن قرب لدرجة اني وقفت على باب المطبخ شوية وبعدين مشيت عشان محدش يشوفني. 

لما كنتي بتتفسحي مع البنات وتوهتي منهم كنت خايف عليكي لدرجة اول م شيماء قالتلي انها متعرفش انك فين وانتي مش معاهم حسيت ان الدنيا بتضيق بيا اوي فضلت الف في السوق مكان ممشيتوا عشان اجيبك ولما لقيتك كان نفسي اخدك في حضني واطمنك اني مش هسيبك ابدا واطمن قلبي اللي تقريبا نبضاته كانت قربت تختفي مع اختفائك وبكدا انتي عرفتين وغرفتي ان انا الشخص المجهول اللي بيحبك. 

: بصيتله بدموع وقولتله 

:ـ انا بحبك اوي مكنتش متخيله ان فيه حد بيحبني كدا.

مسح دموعي وقال

:ـ هشششش اهدي ياقطتي مش عايزك تعيطي ابدا وبعدين اتا مش بحبك انا بعشقك يابنوتي قوليلي بقا خلصتي الرواية. 

ضحكت وقولتله 

:ـ طلما انت خلصت حكاية يبقي انا خلصتها 

:ـ اممم حيث كدا بقا هتسميها ايه 

بصيتله بعشق وقولتله 

:ـ مش عارفه بس اكيد أحببته من إهتمامه

:ـ تو تو احببتها من كلماتها 

:ـ ودا ليه بقا ان شاءالله انا اللي بحكي يبقا انا اللي حبيتك 

:ـ لا والله وانا ايه بقا منا اللي حبيتك الاول 

:ـ امممم قولتيلي طب اشمعنا الاسم ده 

:ـ عشان حبيتك من اول مقرأت كلماتك ياقطتي يامن صرتِ عشق قلبي 

:ـ وانا بعشقك يامن تعاملني كـ طفلتك. 

تممم

تعديل المقال