رواية حياه غريبة كاملة جميع الفصول بقلم ايمان صالح
رواية حياه غريبة كاملة جميع الفصول هي رواية من كتابة ايمان صالح رواية حياه غريبة كاملة جميع الفصول صدر لاول مرة على موقع التواصل الاجتماعى فيسبوك رواية حياه غريبة كاملة جميع الفصول حقق تفاعل كبير على الفيسبوك لذلك سنعرض لكم رواية حياه غريبة كاملة جميع الفصول
رواية حياه غريبة كاملة جميع الفصول
بارك الله لكما وبارك عليكما وجمع بينكما في خير
بعد الجمله دي قرب يزن بفرحه وسلم علي أهله وأهلي وكان بيرد عليهم وهو فرحان ومبتسم زي ما يكون حصل علي كنز من كنوز الدنيا بس وانا
بعدها قرب مني ومسك ايدي وباسها وبص في عيوني بحنان العالم كله الف مبروك ليا علي وجودك في حياتي
خدني من أيدي ودحلنا القاعه وقعدنا وطول الوقت وهو بيبصلي ومبتسم ومش راضي يسيب ايدي خالص!
بعد شويه أصحابه خدوه بالعافيه ورقصوا معاه وطول ما هو بيرقص بيبص عليا وهو مبتسم وبيغمزلي!
وبعدها جه قعد جنبي واصحابي قربوا مني ومسكوا ايدي عشان يقوموني بس هو مسك ايدي بسرعه ورفض وقال
انا مراتي مش هترقص في الفرح
ليه يا يزن خليها ترقص معانا
لا مش هينفع فيه ناس كتير هنا ومش هينفع ترقص قدامهم
بصتله بضيق وكشرت
بس انا عايزه ارقص معاهم
لا يا حبيبتي اتفضلوا انتوا الفرح مليان رجاله وهي مش هترقص قدام عيونهم كده
بس انا عايزه ارقص مع اصحابي كل الناس بتعمل كده!
هما كل واحده فيهم اللي بترقص قدام الرجاله والشباب في فرحهم مش بيغيروا عليهم بس انا بغير عليكي!
لفيت راسي وانا متضايقه منه انا اصلا اتجوزته بالعافيه وبرضوا هو مش بينفذ اي حاجه بقول عليها هو بيعمل كده ليه
الفرح خلص وطلعنا شقتنا وانا متضايقه برضوا ومش بتكلم معاه قفل الباب وبصلي
ادخلي الاوضه دي غيري هدومك وانا كمان هغير في الاوضه دي
هزيت راسي وسكت ودخلت الاوضه قعدت شويه وانا خاېفه ومتوتره جدا انا اتجوزت يزن صالونات شافني واتقدملي وبابا وافق وقالي خدي وقت فكري بس للاسف يزن جه سفر فجاه بعد شهر ليه ومش هينزل مصر الفتره دي فاقترح أننا نتجوز وبعدها يسافر أو ياخدني معاه علي حسب ظروفه بدلت هدومي وطلعت عنده لقيته واقف ومبتسم
خلصتي يلا عشان نصلي مع بعض
دخلت اتوضيت وخرجت وانا متوتره وصلي بيا وبعد الصلاه قرأ دعاء المتزوجين وابتسم وقرب مني وباس راسي جسمي اتنفض وبعدت فبصلي شويه وضحك
مالك في اي اول مره تشوفي واحد بيبوس دماغ مراته
مردتش عليه فاتنهد وقالي
انا عارف ان فرحنا جه فجأه وانتي مخدتيش وقتك تفكري وتاخدي عليا
انا ا
ابتسم ومسك ايدي انا عارف ان مكنش فيه وقت تفكري فيه ونعرف بعض وانا يستي هديكي الوقت اللي انتي عايزاه لحد ما تتقبليني واعتبري أننا كاتبين الكتاب وبس
بجد يا يزن
ضحك بخفه ايوه بجد اي رأيك
موافقه طبعا
ضحك اكتر وبصلي
مش يلا بقي
هه يلا ايه!
يا بنتي انا جعان جدا وعايز اكل هو انا اهه قولتلك اعتبرينا كتبين الكتاب بس انا مبعرفش اعمل حاجه في المطبخ فيلا جهزي الاكل اللي هما حطينه جوه ده
دخلت بحماس في المطبخ وانا مش مصدقه نفسي هو فيه كده بجد
جهزت الأكل وحطيته علي السفره وهو قعد فجيت ادخل مسك ايدي فاتوترت وبعدها اتكلم
رايحه فين
داخله انام فيه حاجه!
هتسيبيني اكل لوحدي
ايه المشكله يعني
لا مفيش مشكله بس انا مش بعرف اكل لوحدي فلو سمحتي اقعدي كلي معايا شجعيني
سحب ايدي فقعدت قصاده وبدأت اقلب في الطبق وانا مش باكل!
بصلي باستفهام
مبتكليش ليه
مش قادره اكل انا قاعدت عشان متاكلش لوحدك
ما هو انتي لازم تاكلي هو انتي هتقعدي كده ازاي
مش باكل بليل
خلاص براحتك
بدأ ياكل وانا متبعاه لحد ما خلص فشلت الحاجات ودخلتها المطبخ وغسلت مكان
↚
الاكل وطلعت من المطبخ فبصلي وقالي
ادخلي الاوضه دي نامي فيها وانا هنام في التانيه
مكنتش مصدقه نفسي ايه ده خلاص كده
دخلت الاوضه ونمت وقومت من النوم علي خبط علي الباب طلعت كان واقف وعلي عيونه أثر النوم بصتله باستفهام
بتصحيني بدري كده ليه
مش بدري ولا حاجه الظهر إذن من بدري وقالولي مامتك جايه تطمن عليكي فيلا البسي حاجه بسرعه عشان نستقبلهم
لبست طقم خروج وحطيت ميك اب ولفيت طرحه وطلعت بره كان لبس بنطلون اسود وقميص ابيض ومرجع شعره لورا بصلي بضيق وقرب
وليه بقي الميك اب ده
واي يعني يا يزن اللي هيطلعوا عيلتي وانا عروسه
بس هيبقي معاهم شباب
والشباب ايه هيجبهم النهارده انا متاكده انه مفيش
خلاص ادخلي انا هفتح ولو لقيت شباب مش هخليكي تطلعي
انت بتتحكم فيا يا يزن
لا يا سما انا بغير عليكي
لا دي مش غيره ده تحكم امبارح مرضتش تخليني ارقص والنهارده الميك اب هو فيه ايه
ولا حاجه يا سما يلا ادخلي جوه
اتكلمت بعند مش هدخل يا يزن
اتكلم بعصبية وڠضب اول مره اشوفه واقسم بالله يا سما لو مدخلتي ما هيحصلك طيب انتي لسه مشوفتيش وشي التاني
شدني من ايدي ودخلني الاوضه وقفل الباب وانا متضايقه منه بعد شويه لقيته فتح الباب ودخل
يلا اخرجي مامتك بره واختك
مردتش عليه وطلعت قعدت معاهم وهو سابني ودخل
ها طمنيني عليكي عامله ايه
الحمدلله يا ماما كويسه
يعني انتي كويسه يا سما
والله انا كويسه متقلقوش
دخلت المطبخ وجبت عصير وحلويات وحطيت قدامهم بعد شويه حماتي دخلت وقعدت معانا
بعد شويه ماما نزلت هي واختي وحماتي بعد ما سلمت عليا وبعدها يزن قالي انه هينزل شويه ل أصحابه نزل وانا كنت متضايقه منه اوي فتحت الشاشه وقعدت قدامها شويه وبعدها لقيت الباب بيخبط فتحت لقيت حماتي في وشي
نعم يا طنط
متقوليليش يا طنط قوليلي يا ماما
↚
بصتلها بدهشه ماما!
اهه يا حبيبتي ماما ايه مامتك معلمتكيش تقولي ل حماتك إيه
بصتلها بضيق لا علمتني بس خير
ابتسمت باصتناع انتي قاعده عندك بتعملي ايه مش جوزك نزل
اه راح ل أصحابه
خلاص المفروض انتي كمان تنزلي تحت معانا
انزل اعمل إيه معاكم تحت
اتكلمت بأمر تنزلي مع سلايفك تحت قبل ما جوزك يرجع يلا
اعمل ايه معاهم
غيري هدومك الحلوه دي وانزلي وانا هستناكي
نزلت وانا بصيت عليها بدهشه يا تري عايزه ايه
دخلت لبست عبايه من عندي ونزلت عندهم سلمت علي حمايا وسلايفي الاتنين وحماتي بصتلي
ايه اللي انتي لبساه ده
لبسه ايه عبايه اهو!
عبايه! دي جديده
طبيعي انا عروسه وهدومي جديده
ابتسمت ابتسامه صفره اه صح نسيت طيب يلا ادخلي معاهم المطبخ
نعم اعمل إيه
هتساعديهم ومن النهارده هتنزلي معاهم كل يوم تساعديهم في البيت يلا
حمايا رد عليها خليها النهارده دي عروسه جديده يا ام مجدي
وايه يعني عروسه جديده ما انا نزلت في صباحيتي كده وكمان نزلت من بدري هي نزلت متأخر يلا ادخلي معاهم
كنت هتكلم بس لقيت واحده منهم سحبتني من ايدي ودخلني المطبخ
اتكلمت معاها إيه بتسحبي ايدي كده ليه
معلش بس مش هينفع تردي عليها
انا عروسه وبعدين مطبخ ايه اللي هدخله في أول يوم هنا انا مطبخي فوق!
وايه يعني عروسه يا عسل كلنا كنا زيك كده ونزلنا ولا انتي علي إيدك نقش الحنه!
انتي مين اصلا وبتتكلمي معايا كده ليه
لا انتي اللي تقفي
↚
عوج وتتكلمي عدل انا سلفتك الكبيره والكل في الكل هنا فاهمه
التانيه اتكلمت ما خلاص يا صفاء البنت لسه جديده في البيت ومتعمليش الشويتين دول عليها
لا يا هنا لازم تعرف انا مين وتعرف أننا داخله الأول وبعدها انتي وتعمليلنا احترام فاهمه
لا مش فاهمه وهتكلم زي ما انا عايزه و
خلاص يا سما حقك عليا مش عايزين نعمل مشاكل
صفاء انتي بتتكلمي معاها ليه اصلا خليها تتكلم واحنا نعرفها ايه اللي هيحصلها
لسه هرد عليها حماتي دخلت وزعقت وبصتلنا
اييه كل ده الاكل ما جهزش الرجاله هتيجي تاكل ايه دلوقتي يلا انتي وهي
هنا مسكتني ووقفنا عشان نعمل الاكل وقالتلي هنعمل انا وهي بس حماتي اتكلمت
لا يا هنا انتي وصفاء اطلعوا بره العروسه هي اللي هتعمل الاكل
نعم
ابتسمت ابتسامه صفرا يلا يا عروسه مفيش وقت ورينا اكلك هيطلع ازاي هنجرب أكلك اول يوم يلا وانتوا اطلعوا بره
بصتلهم بتحذير وصفاء طلعت بشماته وهنا بصتلي وطلعت وراها وحماتي اتكلمت
يلا يا سما الحاجات اهي وورينا أكلك عامل ازاي
سابتني وطلعت وانا واقفه بذهول هعمل ايه دلوقتي خدت خطوه وبدأت اعمل الاكل وانا متوتره بعد شويه لقيت هنا دخلت ووقفت جنبي
ايه دخلك
يلا مفيش وقت انا هساعدك تعملي الاكل قبل ما حماتك ترجع
وقفت وانا مستغربه شويه وبعدها اندمجت معاها وبدأت توريني حاجات وكنا قربنا نخلص طلعت بسرعه وانا قفلت علي الاكل ومكملتش خمس دقايق وحماتي دخلت
خلصتي الاكل
معرفتش اعمل اي فهزيت راسي ودخلت قلبت في الاكل وبعدها نادت عليهم وجهزنا الاكل وكان يزن وإخوته دخلوا قرب مني لما لقاني خرجت من المطبخ مسك ايدي
انتي هنا يعني وبتعملي ايه في المطبخ
لسه هرد حماتي ردت عليه بسرعه مراتك بنت اصول لقيت اخواتها في المطبخ قررت تساعدهم
رد بعصبية تساعد مين يا امي وهي عروسه!
يعني انا قولتلها حاجه يا ابني دي هي اللي نزلت!
انتي اللي نزلتي يا سما لوحدك
كنت هرد بس هي بصتلي بتحذير فهزيت راسي وانا متضايقه منهم فبصلي شويه وبعدها مسك ايدي وقعدني
فحماتي اتكلمت يلا يا صفاء انتي وهنا هاتوا الاكل بسرعه
↚
دخلوا وجابوا الاكل وحطوه قدامنا وكلهم قعدوا وبداوا ياكلوا وبعد الاكل يزن مسك ايدي
يلا يا حبيبتي نطلع
مش هتقعدوا معانا يا يزن شويه
لا يا امي محتاجين نرتاح شويه بس
بصتلي بغيظ فشدني من ايدي وطلعنا فوق قفل الباب وبصلي
ايه نزلك تحت مش انا قولتلك متنزليش
اه بس
قرب مني ودخل شعر جوه طرحتي يا حبيبتي انتي عروسه جديده وانا مش عايز اتعبك معايا
خلاص يا يزن عادي نزلت ساعدتهم شويه
براحتك بس تعرفي انك وحشتيني
اتكسفت ومردتش عليه فكمل بتردد
علي فكره انا
انتي ايه
انا اسف علي معاملتي ليكي الصبح بس عايزك تعرفي انا بخاف عليكي من اي نظره من اي حد اين كان مين ومش من دلوقتي لا من زمان اوي والله
دخل الاوضه وانا ابتسمت من تفكيره يوم را التاني ويزن بيحاول ميزعلنيش وكالعاده حماتي هو ينزل وهي تنزلني اقف معاهم في البيت والمطبخ كمان ده غير مشاكل وخناقات مع صفاء مرات مجدي الكبير ودايما هنا بتفصل بينا وفي يوم كنت واقفه في المطبخ وكان يومي النهارده خلصت الاكل وحطيته علي السفره مجدي ومحمد وصلوا وكمان اخواته البنات بنتين قاعدوا كلهم فسألت مجدي
هو يزن مجاش ليه لحد دلوقتي
عنده شغل
مش انتوا مع بعض في نفس الشغل ولا ايه
↚
ايوه بس هو بيجهز ورق عشان السفر انتي عارفه
وانتي بتسألي عليه ليه ما تاكلي وانتي ساكته
اي يا ماما مش جوزي وبطمن عليه
جوازه الندامه يا اختي
بصتلها بضيق وقاعدت وانا باكل بفكر يزن هيسافر ويسبني معاهم لوحدي طيب وانا مين يقف معايا ده هو بيجي وبيسليني ومش بيسبني لوحدي بعد شويه سمعت صوت محمد بيتف الاكل وبعدها حمايا وحماتي رمت الاكل في وشي وانا مش فاهمه حاجه
ايه الارف ده
فيه ايه يا ماما
زعقت الاكل ده زي الزفت هو ده اكل ده كله ملح
يا ماما ازاي انا دوقته بنفسي مفهوش حاجه
مفهوش حاجه وانا اقول برضوا البت مش بتاكل ليه
مسكت معلقه وبدأت اكل لا يا ماما الاكل فعلا مفهوش
مكملتش الكلمه وكحيت ومبقتش قادره اتنفس الاكل مليان ملح بصتلها بذهول
عشان تعرفي بس هقول ايه انا غلطانه اني وقفت واحده زيك في المطبخ مش مسؤوله
يا ماما والله ما اعرف الاكل اتحطله ملح منين
زعقت بعد كده متدخليش المطبخ تاني سامعه
حمايا اتكلم خلاص يا ام مجدي غلطه وعدت
لا معدتش ستات ملهمش لازمه لميناهم في بيتنا ومش عارفين يعملوا لقمه ملهمش اي لازمه
مجدي خلاص يا امي محصلش حاجه لكل ده
لا حصل بعد كده البيت عليكي وصفاء وهنا يدخلوا المطبخ رجلك متعتبش المطبخ ده سامعه
هزيت راسي ويحاول اكتم دموعي بصيت علي صفاء لقيتها بتضحك بشماته وبتبتسم بفخر ل اخوات يزن بصتلها بضيق وبعدت بسرعه وهنا كانت بطبطب عليا بعد شويه شيلنا الاكل ودخلناه وطلعت شقتي وهنا طلعت ورايا
خلاص بقي يا سما متزعليش من حماتك هي عصبيه شويا
وانا ذنبي ايه انا تعبت يا هنا من البيت ده انا هروح عن اهلي
لا تروحي فين استهدي بالله مينفعش
مينفعش ليه يا هنا انا ايه يخليني اقعد هنا
عشان يزن هو يزن ملهوش حاجه في قلبك
يزن
↚
اهه يزن وبعدين انتي عروسه جديده لما تغضبي الناس هتقول ايه وأهلك كمان اكيد هيزعلوا عليكي صح خلاص بقي اقعدي وغيري هدومك زمان يزن جاي مينفعش يشوفك كده
طبطبت عليا ونزلت وانا عيطت مبقتش متحمله اي حاجه تحصلي بعد شويه سمعت صوت الباب مسحت دموعي ويزن دخل وهو مبتسم
سما ا اي ده مالها عيونك
لا مفيش حاجه يا يزن انا كويسه
بصلي بشك لا ازاي ده باين عليكي انتي معيطه فيه حاجه حد عملك حاجه
كنت هرد عليه واقوله بس ده هيتسبب مشكله بينه وبين أهله وانا مش عايزه ده طيب لو قولتله وروحت عند بيت اهلي بابا عنده القلب ومش هيستحمل زعلي وانا لسه متجوزه مكملتش شهر
لا انا كويسه ده فيه حاجه دخلت في عيوني
طيب انتي نزلتي تحت النهارده
اه نزلت تحت النهارده واستناتك علي الاكل وانت مش جيت
معلش يا حبيبتي كنت بجهز ورق السفر بس
وانت هتسافر امتي
ابتسم بحزن بكره إن شاءالله
هزيت راسي فحضني وانا اتوترت شويه وبعدها بعد متزعليش هرجعلك علي طول هتوحشيني
دخل اوضته يغير هدومه وانا دخلت الحمام خدت شاور ولبست وطلعت بره سرحت شعري وقبل ما المه سمعت صوت موبايلي بره طلعت عشان اجيبه بسرعه وقبل ما ادخل لقيت يزن في وشي وبيبصلي بذهول وقرب مني وابتسم
اول مره اشوف شعر سندريلا حقيقي
هه
حط أيده في شعري وابتسم وعيونه لمعت انتي حلوه اوي سما
هه نعم
همس انا بحبك
شالني ودخل الاوضه وقفل الباب قومت من النوم الصبح وانا
↚
دماغي مصدعه بصيت جنبي ملقتهوش ابتسمت باستغراب بصيت لقيت ورقه جنبي
انا اسف وانا سفرت ومرضتش اصحيكي خلي بالك من نفسك
بصيت علي الورقه بحزن سابني ومشي خلاص وبقيت لوحدي معاهم هنا لبست ونزلت تحت عشان المشاكل لقيت صفاء في وشي وبتضحك بشماته وهي بتقرب من جوزها وبتمسك دراعه دخلت الاوضه اللي قاعدين فيهم وحماتي قربت منهم
يدوب صاحيه دلوقتي يلا يا اختي اهو اللي كان مقويكي مشي يلا روقي البيت وامسحي ونضفي البيت كله
سابتني وطلعت وبصيت عليها وانا متغاظه منها حمايا شاورلي فقربت منه
متزعليش منها يا بنتي هي طبعها شديد شويه بس هي كويسه
كويسه
او حربايه الله اعلم
بصتله فضحك وانا ضحكت حط أيده علي راسي واتكلم
يلا شوفي وراكي ايه عشان وليه بومه انا عارفها
قومت وبدأت اعمل اللي قالتلي عليه يارب انا مش حمل كل ده اي خلاني اتجوز بس خلصت وطلعت شقتي بعد ما سابتنا نطلع اخر اليوم بدأت اعمل شقتي يارب مش هرتاح بقي
افتكرت اني نسيت موبايلي تحت دايما نسياه كده نزلت خدته وانا طالعه سمعت صوت خناق مجدي بيزعق ل صفاء مراته
ارتاحتي كده وانتي بتخربي البيت كالعاده
اتكلمت پخوف وانا عملت ايه يعني
زعق اناي عارفه عملتي ايه امبارح حطيتي الملح في الاكل
هزت راسها بنفي والله لا انا
كذابه انا عارف انه انتي بس قسم بالله يا صفاء لو الحركه دي اتكررت تاني لهوريكي وهتشوفي انا هعمل فيكي ايه
بس
اخرسي لو اتكررت تاني هوديكي عند امك وعيالك هيكونوا معايا غوري من قدامي
بصيت پصدمه وطلعت فوق معقول انا كنت شكه فيها والله انا عارفه انها حربايه بس مش لدرجه دي يعني
جوزها طلع وانا نزلت اتخانقت معاها وهددتها لو كده هقول ل حماتي
↚
عدي يومين ويزن مش بيكلمني ولا حتي بيطمني عليه هو لدرجه دي نسيني
كنت واقفه تحت علي الغسيل بتاع العيله وبعمل البيت بصيت علي حماتي لقيتها بتبتسم ابتسامه صفره والتقرب
خدي يا سما يا حبيبتي كلمي يزن علي التلفون بيسأل عليكي
بصتلها وخدت منها الموبيل بلهفه حطيت الموبيل علي ودني
الوو
السلام عليكم
اتنهد بارتياح وعليكم السلام ازيك يا سما عامله ايه
الحمدلله اخبارك ايه يا يزن طمني عليك أنت كويس
حسيت انه ابتسم انا كويس الحمدلله اطمني
سكت شويه وانا سكت وبعدها اتكلم
سما انا اسف ع
اتكلمت بخجل متتأسفيش بتتأسف ليه
يعني انتي مش زعلانه
اتكسفت لا مش زعلانه
حماتي بصتلي وشها اتقلب وخدت الموبيل مني
كفايه كده انا هكلم ابني
ضحكت باصتناع يبقي كلمها علي تليفونها
مشيت وانا كملت اللي كنت بعمله عدي شهر ونفس الحال وبقيت مش باكل دايما وحالتي بتسوء يزن كان بيكلمني يطمن عليا ويقفل عشان الشغل كنت بحس بتعب اوقات وفي مره كنت واقفه علي الحوض بارهاق وجت هنا قربت مني
انتي كويسه مالك فيكي ايه
لا انا كويسه مفيش حاجه
لا شكلك تعبانه تعالي ارتاحي
تعبانه ايه دي شكلها بتدلع روحي مكانك
بس يا ماما
زعقت روحي مكانك يا هنا وشوفي عيالك عايزين ايه
طلعت وانا حسيت بتشوش وقعدت ومحستش بحاجه بعدها غير وانا بفتح عيوني لقيت نفسي علي سرير اي ده ده سرير حماتي بصيت حواليا لقيت دكتور واقف وكل العيله واقفين حواليه
حمدالله علي السلامه يا مدام
الله يسلمك هو في ايه
هنا قربت مني بسعاده مبروك يا سما هتبقي ماما زي القمر
ايه
الف مبروك يا بنتي
الله يسلمك يا بابا
يلا اطلعوا بره وسيبوها ترتاح كلهم
↚
باركولي وطلعوا وانا حطيت ايدي علي بطني بسعاده معقول هبقي ماما بعد شويه حماتي دخلت وقالتلي
مبروك
الله يبارك فيكي يا ماما
يلا شوفي هتعملي ايه ومتقوليش ل يزن حاجه عشان ميسبش شغله ويرجع
بس يا ماما انا عايزه افرحه
ابقي فرحيه بعدين يلا قومي شوفي هتعملي ايه ورانا شغل كتير وعيالي جايين هما وعيالهم وحماتهم خلصي شغل البيت وادخلي معاهم المطبخ بس علي الله تعملي زي المره الفاتت وتبوظي الاكل
طلعت وانا مسحت دموعي وقومت وانا بسند نفسي خلصت شغل البيت ودخلت المطبخ هنا حاولت تطلعني بس مرضتش وقولتلها انا كويسه وكملت معاهم بعد إرهاق كبير طلعت بعد ما اليوم خلص ولقيت يزن بيرن عليا ڤيديو كول رديت عليه
سما عامله ايه
الحمدلله يا يزن انت عامل ايه عندك
انا الحمدلله ھموت وارجع يا سما
إن شاءالله هترجع بالسلامه
اتكلم بشوق ياريت يا سما نفسي اشوفك بجد وحشتيني ووحشني جنانك
ابتسمت بكسوف ومردتش مش هتردي عليا برضوا
المهم انتي عامله ايه معاهم حد مزعلك
لا انا بس عايزه اشوفك بس
ايه بجد قولي تاني كده عايزه ايه
ضحكت بإرهاق وقفلت كنت عايزه اقوله بس معرفتش أمه رفضت تخليني اقول!
الايام بتمر وعدي شهر كمان وحماتي زي ما هي يمكن بتزود علينا وعليا انا بالذات اللي فهمته انها مكنتش راضيه بيا بس انا مالي
في يوم كنت نزله من علي السلم بهدوء ومبتسمه وانا بكلم اختي في الموبيل حسيت بحاجه تحت رجلي بحركه اتزحلقت من علي السلم وكنت هقع بس حسيت حد بيشيلني پخوف اټخضيت بصيت لقيته يزن وبيحضني پخوف
سما مش تخلي بالك انتي كويس
مكنتش مصدقه نفسي حضنته وعيطت وشالني ودخلنا شقتنا وقعدني علي السرير ومسح دموعي
بټعيطي ليه بس يا حبيبتي انتي تعبانه
↚
مسحت دموعي لا مش تعبانه بس انت وحشتني اوي
باس راسي وانتي كمان وحشتيني يا روحي والله ڠصب عني اسيبك وامشي
طلعت من حضنه فمسح دموعي وابتسم
خلاص خلصتي دموع اللي في العالم ولا انتي خاېفه مني عشان مقولتليش انك حامل
ايه وانت عرفت ازاي
عرفت وخلاص ازاي يعني يا سما متقوليليش انك حامل وتسمعي كلام ماما
اسفه كان ڠصب عني متزعلش مني
خلاص مش زعلان منك ارتاحي وانا طالع
بس انا لازم انزل عشان
من غير بس خليكي مكانك واياكي يا سما تنزلي
نزل وسابني وبعدها بساعتين لقيته بعت ماما واختي وقالولي الم هدومي وهما هيساعدوني وانا مش فاهمه فيه ايه هيخليني امشي واسيبه بعد كل ده
بعد شويه لقيته طلع وكمل بقيت الحاجات وبعت ناس شالت عفش الشقه ونقلته ونقلت حاجتنا وخدني ونزل
يا يزن في اي
اتكلم پحده مفيش حاجه
كانت العيله كلها اتجمعت وهو بصلهم واتكلم پحده
انا خلاص هاخد مراتي وهمشي من هنا احنا ملناش مكان هنا بعد النهارده
ليه بس يا ابني ايه الحصل
اللي حصل ان مراتي اتهانت وانا غايب واتمرمطت ومحدش قالي ومحدش قالي انها حامل وبرضوا كانت متبهدله محدش رحمها واخرتها لولا أني لحقتها كانت سقطت أو ماټت علي ايد وحده زي دي
↚
شاور علي صفاء فبصتلهم پخوف وبعدها شغل ڤيديو انها حطت زيت علي السلم ومستنيا وانا نزله استخبت
يا يزن استني نتفاهم
مفيش تفاهم انتي عارفه يا امي ووصيتك من الاول عليها قولتلك اني بحبها وانتي عارفه كده كويس بس مسمعتيش كلامي
يعني هتسبني وتمشي يا يزن
انا كنت عايز اعمل كده يا بابا من
الاول وانت وقفتني كنت عايز اخد شقه بره بس متقلقش انا هجيلك علي طول
باس دماغه وخدني ومشي وصلنا الشقه وبعدها فرشناها وحطينا كل حاجه مكانها يزن قرب مني وحضني
انا اسف علي كل حاجه وحشه حصلت في غيابي انا بحبك انا لما عرفت من هنا انك حامل وبيحصلك كده مستحملتش وجيت انتي غاليه عندي قوي يا سما انا شوفتك وانا في الجامعه وكنت راجع ومن وقتها وانا حبيتك وبقيت بشوفك علي طول وكنت بتمني انك تبقي علي اسمي بعشقك يا نور عيني انا مبسوط أن بقي فيه حتي مني جزاكي مبروك يا حبيبتي
ابتسمت وانا حبيتك وبعشقك
محمد كمان خد مراته وعزل زي ما يزن عمل ومجدي ضړب مراته ومشاها عند اهلها يزن بقي يخدني كل فتره ونروح عندهم عشان يطمن عليهم دايما وبرضوا حماتي زي ما هي متغيرتش
بس انتي عنيتي كتير يا ماما في حياتك يا تري ليه استحملتي كل ده
ابتسمت هي الحياه كلها معاناه يا حبيبتشي ولازم نستحمل ونعدي بس انا بحب يزن وعشان كده عديت اي حاجه وبعدي عشانه هو وبس
جه من ورايا وضمني انا مش حبيبتك من شويه والله
انتمي إليك بكل تفاصيلي وارغب في الحصول على جزء من قلبك