رواية انتقام انثي عامر وزهرة كاملة جميع الفصول بقلم شروق حسام
رواية انتقام انثي عامر وزهرة كاملة جميع الفصول هى رواية من تأليف المؤلفة المميزة شروق حسام رواية انتقام انثي عامر وزهرة كاملة جميع الفصول كاملة جميع الفصول صدرت لاول مرة على فيسبوك الشهير رواية انتقام انثي عامر وزهرة كاملة جميع الفصول كاملة جميع الفصول حققت نجاحا كبيرا في موقع فيسبوك وايضا زاد البحث عنها في محرك البحث جوجل لذلك سنعرض لكم رواية انتقام انثي عامر وزهرة كاملة جميع الفصول
رواية انتقام انثي عامر وزهرة كاملة جميع الفصول
_” خاين وكداب بعد 10 سنين حب وغيرهم 5 متجوزين خاني هههههه ”
_” وانتي اكتشفتي خيانته ازاي ”
_” شوفته معاها هم الاتنين بيحتفلوا بعيد ميلادها ومعاهم شاب واضح انه في الكلية وانا كنت واقفة قدام المطعم بتفرج عليهم من الازاز بيلبسها السلسة اللي اخترتها انا وهو وكان بيقولي ان واحد صاحبه هو اللي عايزها لمراته ههههه طلع كداب يا دكتورة كداب ”
_” وانتي بداتي تشكي فيه من امتي يا أزهار ”
أزهار بضحكة غير متزنة ” تصرفاته وطريقته اتغيرت كل حاجة فيه اتغيرت وانا زي الهبلة مكنتش بلاحظ ده كان كل أسبوع بيقولي انا خارج مع صحابي عازمني علي العشاء انا رايح احلق انا هتاخر في الشغل انا انا انا انا كل أسبوع حجة جديدة لحد ما في يوم شوفت رسالة من رقم غريب وكان واضح من طريقة الكلام انها واحدة وكانت بعتاله لوكيشن المطعم اللي قولتلك عليه ”
كملت بدموع ” وهناك شوفته بيلبسها السلسلة اللي قولتلك عليها ”
أزهار بهستيرية ” استني قبل ما تتكلمي او تقولي مثلا انِ بتوهم بعدها بكام يوم قالي انا هتاخر في الشغل فضلت مراقباه لحد ما قابلها كان ماسك ايديها وبيوسها وكان حاضنها وبيضحك لها الضحكة البسيطة اللي كان بيضحكهالي اختفت وبقت لحد تاني وعشان يبقي عندي دليل علي خيانته صورته ”
خلصت كلامها وورتها الصورة اللي بتوضح انه بيخونها
_” بقيت اسمع أصوات في عقلي بتقولي انه خاين ويستحق اي حاجة هعملها فيه انا اتجننت مش كده ياريتني ما كنت حبيته ولا قابلته اصلا مكنتش هوصل للي أنا فيه دلوقتي ”
أزهار بقهر ” ده حتي ابنه الصغير بقي يحس انه أبوه مش بيحبه وبقي يعيط كل ما يقرب منه ”
_” في الوقت اللي كنت بحلم معاه بحياة سعيدة كان هو عنده عيلة تانية وبيكونها بس بأقسم بالله الواحد الأحد لهدفعه التمن لأنِ مش أنا اللي تتخان ومهما كان حبي ليه كبير انتقامي هيبقي أكبر ”
_” وناوية علي ايه ”
_” الجلسة الجاية لما اجي هبقي احكي لك يا جنان بجد برتاح لما بتكلم معاكي انتي الوحيدة اللي عمرها ما تخوني او تزعلني ”
جنان بتنهيدة وهي بتحضنها ” مش صحاب من الحضانة يابت روحي بس واهدي وانا هبقي اكلمك اشوف عملتي ايه ماشي ”
هزت أزهار ليها رأسها وخدت شنطتها وسابتها وخرجت
……………………..
بعد فترة
روحت البيت وكانت حماتها قاعدة بتلعب مع حفيدها إلياس
صفوة بإبتسامة ” جيتي يا أزهار كنتي قعدتي مع صحابك شوية كمان ”
أزهار بقهر خفي ” تعبت شوية فمشيت معلش تعبتك معايا وشكل إلياس تعبك ”
_” ولا تعب ولا حاجة السكر ده روحي وكمان بحس انه بيرجعني لشبابي ايام ما كنت بهتم بفارس أبوه ”
أزهار بمرح مزيف ” طالما كده بقي يا صفصف انا هدخل انام شوية ”
صفوة بحنان ” تصبحي علي جنة يا حبيبتي ”
_” وانتي من أهل الجنة يا ست الكل ”
خلصت كلامها وسابتها ومشيت وعمالة تكلم نفسها بهمس زي المجنونة
_” مامتك بحبها وعمرها ما عاملتني وحش وبتعتبرني بنتها مش مرات ابنها بس مهما كان هدوقك المر أشكال وألوان ولو كانت عارفة حاجة هي كمان وخبت عني هيحصل حاجة أنا مش حابة اعملها بس ياريت تكون متعرفش حاجة لأنِ بحبها “
↚
_” معاكم دكتورة أزهار هدرس لكم الكيمياء الحيوية اعتبروني زي اختكم الكبيرة ولو احتاجتم اي حاجة في المادة قولولي احنا لسه في بداية السنة فعايزكم تشدوا حيلكم ومع الوقت هتعرف عليكم واحد واحد ”
بدأت أزهار المحاضرة وهي عينيها علي هدفها اللي هتدمره
بعد فترة كانت المحاضرة خلصت والكل خرج من المحاضرة وهو بيشكر في شرحها
بدأت تلم حاجتها وهي بتبتسم بخبث
_” دكتورة لوسمحتي كان فيه جزئية مش فاهمها عايز حضرتك تفهمهالي ”
أزهار بإبتسامة ” تمام عايز جزئية ايه وانا هشرحهالك ”
بدأ يشاور علي الجزئية اللي مش عارفها وازهار وضحتهاله وحس ان الجزء اللي كان بيحبه صعب بقي سهل وبسيط
_” شكرا يا دكتورة ”
_” العفو ولا يهمك يا … ”
كملت بخبث ” قولتلي اسمك ايه اصلي لسه محفظتش الأسماء ”
_” أواب أواب المهدي ”
أزهار بغضب تحاول أخفاؤه ” عايزني اشرح لك حاجة تاني يا اواب ”
_” لا شكرا يا دكتورة ”
سابها وخرج وهي كانت بتبص لاثره وهي حاسة بمشاعر مختلطة كتير مابين حقد وغضب
_” ابنك او مش ابنك مليش فيه يا فارس انت خنتني وشكل خيانتك بقي لها سنين وحتي لو الكل كذبني وقالي انك مش خاين عيني مش هتكذب ولا تخون ”
………………..
_” يا فارس انا زهقت بجد مش ناوي تعرفها بجوازنا شوف بقي لنا كام سنة متجوزين وانت مخليني مراتك في السر انا تعبت وقرفت من الوضع ده انا حامل دلوقتي ومش عايزة ابني يجي في السر عايزة الكل يعرف انِ مراتك واللي في بطني ده ابنك ”
_” يا جمانة يا حبيبتي احنا خلاص قربنا علي هدفنا وهطلقها وهعرف العالم كله انك مراتي حبيبتي ”
_” مراتك الأولي والوحيدة مش كده يا فروسة ”
_” ايوه يا روحي انتي هي الأولي في كل حاجة بحياتي حبي الأول ومراتي الأول ”
جومانة بغضب ” بس اول خلفة كنت انا الأولي ”
_” اهدي بس يا جوجو متتعبيش نفسك ومتفكريس كتير كل اللي عايزك تفكري فيه هدفنا اللي ضيعنا عليه كل السنين ده ماشي ”
جومانة بزهق ” اوووف حاضر يا فارس حاضر ”
فارس حضنها بقوة بدأ يبوسها في شعرها ” هي دي جومانة اللي انا اعرفها ”
جمانة بدلته الحضن وهو سرح في عالم تاني سرح في أزهار لأنها لو عرفت مش هترحمه وهتعمل فيه اللي متعملش في حد هو عارفها كويس مش بتسيب اللي بيجي عليها او اللي خدعها مرتاح في حياته
…………………
بعد فترة
↚
أزهار روحت البيت وزي ما توقعت مش موجود وهيرجع متأخر زي كل يوم بدأت تلاعب إلياس وحماتها بتكلمها وهي مش واخدة بالها
صفوة بصوت عالي نسبيا ” أزهااار ”
_” ها نعم يا ماما قولتي حاجة ”
صفوة بقلق ” فيه حاجة يا حبيبتي انتي كويسة حصل حاجة في الكلية النهاردة سرحانة في ايه ”
أزهار بإبتسامة مزيفة ” مفيش حاجة متقلقيش انا بخير ومحصلش حاجة في الكلية انا بس سرحت في اللي هعمله بكرا ههههه ”
_” طب الحمد عاملة ايه انتي وفارس حاسة أن بقي لكم فترة مش بتخرجوا سوا ومش بتقعدوا مع بعض كتير ”
أزهار بسخرية خفية ” عادي يا ماما انا حاسة بيه عارفة انه مضغوط في الشغل ومش ملاحق علي هنا وهناك فلازم نراعي بعض احنا الاتنين ”
_” ربنا يكملك بعقلك يا بنتي ربنا يخليكم لبعض ”
ضحكت أزهار ضحكة بسيطة ومردتش عليها في الوقت ده تليفون أزهار رن وكانت جنان
طلعت أزهار اوضتها عشان حماتها متلاحظش حاجة
_” الو يا أزهار عاملة ايه ”
_” معرفش ”
جنان بتنهيدة ” بصي عايزاكي تهدي خالص وانتِ بتسمعي اللي هقوله ”
اتعدلت أزهار في وقفتها وقالتلها بزهول ” فيه ايه يا مجنونة حصل حاجة ”
_” فاكرة الصورة اللي انتي ورتهالي اللي بتدل علي خيانة فارس واللي طلبت منك بعدين تبعتهالي علي الواتس ”
أزهار وهي بتضغط علي اسنانها ” مالها الزفتة ”
_” من ساعة ما شوفت الصورة وانا حاسة انِ شوفت اللي كانت معاه دي في مكان قبل كده وبعد محاولات كتيير عشان افتكر افتكرت شوفتها فين ”
_” شوفتيها فين يا جنان بسرعة قوليلي “
↚
_” جومانة رفيق ابو العطا كانت معانا في الثانوي ”
أزهار بصدمة ” اااايه انتي بتهزري مش كده ازااااي ”
كملت بهستيرية ” الثانوي يعني هي قدي انا وفارس مش كده ”
_” يا أزهار اهدي بس يا حبيبتي ”
_” جاوبيني ”
_” اه قدنا في السن وكانت معانا في الثانوي ومتخرجة من نفس دفعتنا ”
أزهار بجنون ” خليكي معايا ثااانية وااياكي تفصلي الخط اياكي ”
أزهار مادتهاش فرصة تتكلم وفضلت تدور في الاوضة علي صور تخرجها من الثانوي لحد ما اخييرا لقتها موجودة في ألبوم اللي كانت عملاه عشان ذكرياتها الحلوة
رفعت الصورة قدام عينيها وفضلت تبص لها بعيون واسعة
_” طلعت…. هي.. هي فعلا يا جنان هي انا افتكرتها دلوقتي وافتكرت هي مين ….. وافتكرت قد ايه كانت ….. قريبة لفارس وتعتبر زي صاحبته من الطفولة وكان بيعتبروا بعض اخوات ”
كملت بصراخ ” انا اتضحك عليا يا جنااان اتغفلت كل ده مش حاسة باللي بيحصل حواليا من بعد ما حبينا بعض وهو بعد عنها وكنت اصلا نسيتها ونسيت هي مين ههههه اه معلش آسفه ده مكنش حب ده كان وهم للحب بيوهمني اكتر من 15 سنة مع بعض وفي الاخر كل ده طلع سراب فاهمة يعني ايه سراااااب يعني كل كلامه ومشاعره كدب ”
ازهار وهي بتشد في شعرها بقسوة ” متجوزين من زمان يعني انا الزوجة الأولي ولا التانية يعني كل لحظة كنت بعيشها معاه كانت غيري بتاخد زيها انا بجد طلعت مغفلة ”
كملت وهي بتحاول تهدي أنفاسها ” بس وحياة كل لحظة كدب عيشهالي لهدفعه التمن غالي مش انا اللي يتعمل فيا كده مش اناااا ”
جنان بحدة ” لآخر مرة هقولك اهدي يا أزهار وهنلاقي حل بس قبلها هنمص دمه من كل حاجة انتي ادتهاله وبعدين تطلقي منه ”
أزهار بضحكة هستيرية ” تؤ تؤ تؤ مش بالسهولة دي يا …… جنان مش بالسهولة دي ده ….. ههههههه انا هدمر عيلته الأول بداية من أواب اللي معرفش هو يقرب لهم ايه وبعدين هي وبعدين هنيجي لفارس هدمرهم واحدة واحدة ”
جنان بخوف من اللي هتعمله ” وانتي ناوية علي ايه ”
_” هحكيلك يا قلبي هحكيلك ”
……………….
بليل
كان فارس رجع من برا متأخر كان بيحسب الكل نايم بس اتفاجئ ان أزهار لست صاحية
_” منمتيش لييه يا حبيبتي ”
أزهار بإبتسامة مختلة ” مستنياك عايزة اكلمك ”
_” معلش خليها وقت تاني انا راجع من الشغل تعبان جدا وعايز انام ”
_” امممم تعبان ولا كنت مع السنيورة ”
فارس بتوتر ” انا انتي بتقولي ايه يا أزهار ”
مسكت أزهار سكينة المطبخ وراحت ناحيته بجنون وغرزت السكينة في صدره
_” ازهاااار ازهااااار سرحتي فين بس ”
_” ها كنت بتقول حاجة يا فارس ”
_” بقولك خلينا نتكلم في وقت تاني وبالمرة نخرج انا وانتي وإلياس ”
هزت أزهار رأسها بالموافقة وهو سابها ودخل ياخد شاور عشان ينام فضلت باصة قدامها وهي حاسة انها هتتجنن بسبب اللي بيحصل للدرجادي وجعها مصور لها حاجات مش موجودة هي لازم تتصرف بسرعة وتكمل باقي خطتها
مسكت موبايلها بسرعة وبدأت تدور علي الرقم اللي هي عايزاه
_” الو مين ”
_” انا أزهار عايزاكي في حاجة ضروري هقابلك بكرا بعد مخلص شغل في مطعم …….. نتقابل علي الساعة 3 ومتتأخريش “
↚
_” ها بقي قوليلي حصل ايه زهرة ”
_” فاكرة لما اتقابلنا من 3 سنين يا سديم ”
سديم بإبتسامة واسعة ” طبعا فاكرة وعمري ما انسي انِ اتعرفت علي احلي واجمل اخت ”
كملت بحيرة ” معرفش بس انا حاسة ان فيه حاجة حصلت لك ”
أزهار بدموع ” انا عارفة ان ممكن اللي هقوله ده تحسيه استغلال مني بس مفيش حد غيرك هيقدر يساعدني انا بعتبرك بنتي واختي وبحبك جدا ”
سديم بصدمة وهي بتمسك ايدها ” زهرة انتي بتعيطي لييه بس حصل ايه لكل ده ”
بدأت زهرة تحكي لها كل حاجة حصلت لحد ما هي شافتها
سديم بغضب ” ازاااي ازاااي الحقير ده يعمل كده فيكي انا لو شوفته قدامي دلوقتي همرمط بيه مصر كلها وخلي اللي يسوي واللي ميسواش يتفرج علي خيانته ”
_” عشان كده عايزة مساعدتك انتي بالذات انا عارفة انك واخدة دورات في التمثيل فعايزاكي تقربي من أواب وتمثلي عليه ”
سديم بحيرة ” بس هو ذنبه ايه في الموضوع ”
أزهار بغضب وهي بتمسح دموعها ” ذنبه ذنبه الوحيد انه يقرب للخاينين دول ”
كملت برجاء ” لو سمحتي وافقي بصي هي فترة لو لقيتيه ميعرفش حاجة عن الموضوع سيبيه ومتعمليش ليه اي حاجة ”
سكتت لثواني وبعدين اتنهدت بغضب ” بس لو طلع عارف هيبقي ليا تصرف تاني معاه ”
سديم بتنهيدة ” ماشي خلاص هعمل اللي انتي عايزاه ”
كملت بغضب مصطنع ” بس بعد كده متقوليش استغلال والكلام ده احنا اخوات يا زهورة ”
أزهار بحب ” ربنا يخليكي ليا يا سديم ”
سديم حضنتها وقالت لها بحب ” ويخليكي ليا يا ماما أزهار ”
…………………..
عدي شهر ونص
وازهار اندمجت في الكلية والطلبة حبوها جدا ومخلتش سديم تبدأ في خطتهم لغاية ما تلاقي الفرصة المناسبة
خلصت المحاضرة وازهار ندهت علي كذا اسم يستنوا ومنهم أواب والباقي خرج
كانوا خمسة موجودين ندهت علي واحد واحد يجي لها وبدأت تتكلم معاهم عن الأجزاء اللي شافت انهم ضعاف فيها ومش فاهمينها كويس
لحد ما جيه دور اخر واحد وهو أواب بدأت تشرح ليه وتتكلم معاه في الاجزاء اللي ضعيف فيها بس شافت انه ضعيف في الأجزاء اللي فيها انجليزي
_” بص يا أواب انت حاليا في كليه طب واكتر الكلمات اللي بتحتاجها انجليش وانا شايفة انك ضعيف فيها ”
أواب بتنهيدة ” فعلا عندي المشكلة دي من زمان يا دكتورة وحاولت احلها بس مفيش فايدة ”
_” ايه رأيك اساعدك انا كل يوم بعد الكلية نتقابل في الكافيه اللي جنب الكلية واشرح لك وكمان هبدا لك من الأساسيات ”
أواب بإبتسامة واسعة ” بجد شكرا جدا ليكي يا دكتورة ”
_” ولا يهمك يا أواب اي طالب بدرس له في الكلية لازم يكون شطور وانت واحد منهم ”
بص لها بابتسامة واستأذن وخرج تحت نظراتها الساخرة
_” اضحك كويس يا ايبو لأن من بعد اللي هيحصل مش هتعرف تضحك تاني ”
………………
↚
عدي كام يوم
لحد ما جيه ذكري جواز فارس وازهار
_” ياحبيبتي خدي اجازة من الكلية النهاردة عايز نقضي اليوم سوا من أوله ”
_” ليه هو النهاردة في مناسبة او حاجة ”
فارس بصدمة ” معقولة نسيتي زي النهاردة اتجوزنا ده انتي اللي بتفكرني كل سنة مش معقولة تنسي ”
أزهار بإبتسامة مزيفة ” معلش بقي يا فارس مضغوطة شوية في الشغل فنسيت ”
_” خلاص يا حبيبتي عادي ولا يهمك يلا قومي البسي وإلياس هسيبه مع ماما ”
_” تمام ماشي ”
………………
عدي كام ساعة
وفارس وازهار خرجوا وراحوا أماكن كتير لحد ما جيه الليل وراحوا مطعم عشان يكملوا السهرة هناك
_” عارفة يا حبيبتي جوازنا احلي حاجة حصلت في حياتي ”
أزهار في سرها بسخرية ” كداب وخاين وكمان منافق ”
أزهار بإبتسامة مزيفة ” فاكر اول مرة اتقابلنا فيها ”
_” وهي دي حاجة تتنسي لما كنا في الثانوي في اخر سنة وعينيا وقعت عليكي مقدرتش اقاوم ووقعت في حبك مو اول نظرة ”
_” كنت اول حب ليك ولا حبيت قبل كده في كل السنين دي انت حبتني بجد ”
فارس بتوتر ” ايه السؤال ده يا حبيبتي طبعا انتي اول حب وعمري ما حبيت غيرك ”
_” انت …… ”
قطع كلامها صوت موبايلها اللي بيرن برقم غريب
_” الو مين ”
_” حضرتك أستاذة أزهار ”
_” ايوه ”
_” خال حضرتك الاستاذ بدر التهامي محجوز في المستشفي ”
أزهار بصدمة وهي بتقف ” انت بتقول ايه خالي ماله ”
_” الاستاذ عنده كانسر في الدم وبقت حالته متأخرة ”
_” ربع ساعة وجاية اهتموا بيه كويس ”
قفلت المكالمة وبصت ناحية فارس اللي بيبص لها بخبث خفي
_” فيه ايه يا حبيبتي خالك ماله ”
_” خالو تعبان ولازم اروح له ”
_” طب استني هاجي معاكي ”
_” لا روح وخلي بالك علي إلياس ”
خلصت كلامها وسابته وجريت لبرا
فارس سند ظهره علي الكرسي براحة وسعادة واتصل علي جومانة
_” جوجو اجهزي يا حبيبتي هنخرج نتعشي برا ”
_” بجد دقايق وهجهز ياحبيبي ”
كملت بغضب ” مش كنت خارج مع اللي ماتتسمي ”
_” اهدي بس يا قلبي بصي انا مستنيكي هبعت لك اللوكيشن علي الواتس وهحكي لك ساعتها علي كل اللي حصل هتفرحي جدا “
↚
_” برافو عليك يا بدورة ممثل هايل ”
كملت بحزن ” بس ليه قلت ان عندك كانسر انا كنت صدقت وقلبي وقع بين رجليا ”
بدر بمرح ” عشان نسبك الدور يا زهرة وتظهري ردة فعل حقيقية حتي الواد جابر ابني صدق انا فعلا ممثل هايل زي ما قولتي ”
كمل بغمزة ” خدي الشنطة دي فيها هدوم وشوية حاجات ادخلي الاوضة عشان تغيري هدومك وحطي شوية ميكب تقيل عشان محدش يعرفك منهم وانا هكون في الاوضة اللي جنبك هغير هدومي ده كويس ان الاوتيل بتاعنا والمطعم جنب بعض ”
_” هههههه فعلا معاك حق يا بدر يا قمر انت ”
_” طب يلا يا بكاشة ”
بعد شوية أزهار خرجت وكان شكلها مختلف تماما لابسها نظارة جميلة ومغيرة لون بشرتها ولابسة دريس اسود وباروكة سوداء بدل شعرها البني
ثواني وبدر خرج وكان لابس بدلة سوداء ولابس باروكة سوداء علي شعره الأبيض وشكله باين انه أصغر من سنه بكتير
أزهار بغمزة ” ايه الحلاوة دي يا خالو لا خالو ايه بس ده انا اللي خالو ”
بدر بغرور مصطنع ” عشان تعرفي بس وتبطلي تضايقيني انتي والزفت جابر ”
_” بنحبك يا راجل متزعلش ”
كملت بجدية ” احنا كده خلصنا الجزء الأول من الخطة وخلصنا لبس يلا نرجع المطعم وانا نبهت عليهم في المطعم يقولولي يا روز كويس ان فارس ميعرفش اي حاجة عن الأعمال اللي عندنا في العيلة انا اقترحت عليه مطعمنا لما سألني نروح فين ودي حاجة كانت في مصلحتي”
…………..
بعد خمس دقايق
كانت أزهار داخلة المطعم وهي ماسكة في ايد بدر فده خلي الكل يبص عليها وقد ايه هي جميلة
بصت بسخرية علي اللي قاعدة مكانها
راحوا قعدوا في الترابيزة اللي قدامهم
وفارس اول ما شافها عينيه لمعت بإنبهار وإعجاب وكان نفسه يقوم يكلمها بس مش عارف لان جومانة موجودة
جومانة بإستغراب ” بتبص لأيه يا حبيبي ”
فارس بتوتر بيحاول يخفيه ” ببص لك يا حبيبتي بحاول اشبع منك بس مش بقدر انتي دايما بتوحشيني ”
جومانة بخجل ” طالما كده بص براحتك ”
كملت بتذكر ” اه صحيح مقولتليش حصل ايه ”
فارس بإبتسامة واسعة ” اخييرا العجوز اللي اسمه بدر بيودع وهخلص من أزهار بقي وهاخد كل الفلوس اللي معاهم انا بجد مش مصدق ”
جومانة بسعادة لا توصف ” بجد يا فارس انت فرحتني جدا احنا لازم نقول لماما ”
في الوقت ده كانت أزهار بتسمع وبتسجل كل حاجة لأنها قبل ما تسيبه وتخرج حطت مسجل وجهاز تنصت في الترابيزة
بص اتصدمت لما عرفت ان حتي حماتها عارفة وكانت بتمثل عليها الطيبة والحنية
وبدأت تفتكر كل حاجة كانت بتعملها معها وهنا بس قربت انها مش هتثق في اي حد بسهولة تاني
مسكت موبايلها بسرعة وبعتت رسالتين واحدة لسديم انها تبدأ في خطتهم والتانية لفارس عشان تسأله عن إلياس
جومانة بحدة ” طب وإلياس هنعمل فيه ايه ”
فارس بعدم اهتمام ” هنوديه دار أيتام ”
أزهار وبدر بصوا لبعض بصدمة للدرجادي وصلت بيه البجاحة والحقارة انه يتخلي حتي عن ابنه اللي من صلبه
أزهار استغلت ان فارس بيشرب قهوة وقامت وقفت وعدت من جنبه وعملت نفسها اتكعبلت فالقهوة وقعت عليه حرقته
أزهار بصوت مختلف ” iam so sorry انت كويس ”
جومانة بغضب ” انتي عامية مش شايفة قدامك ”
↚
_” اتكلمي بإحترام احنا في مطعم محترم ولو مش عجبك اتفضلي برا ”
جومانة راحت ناحيتها وزقتها ” وانتي مين انتي عشان تقولي لي كده ”
ازهار وهي بتبعدها عنها وبتضربها بالقلم علي وشها ” صاحبة المكان مثلا وبعد كده لو ايدك اتمدت هقطعهالك ”
فارس بهيام وهو بيمسك ايدها ” اهدي بس يا آنسه حقك عليا جومانة متقصدش انا اسف نيابة عنها متزعليش ”
أزهار حسست علي ايده بنعومة ” مش مشكلة قبلت اعتذارك واسفه علي الكوفي اللي وقعت انت موجوع ”
جومانة بغضب ” ابعدي ايدك عنه ده واحد متجوز وانت يا فارس فيه ايه انت اتجننت عشان تقول لي كده ”
فارس بغضب ” جومانة احترمي نفسك ويلا روحي اركبي العربية علي ما اجي ”
_” بس…. ”
_” من غير بسبسة يلااا ”
جومانة سابته ومشيت وهي حاسة باحراج انه كسافها قدام الكل
فارس باعتذار ” معلش يا جماعة سوء فهم حصل وخلص حصل خير كملوا سهرتكم ”
كمل وهو بيبص لازهار ” بعتذر كمام مرة يا آنسه …. ”
_” روز ”
_” اسمك حلو اوي يا روز انا فارس ”
_” ميغسي يا فارس كلك ذوق ”
فارس بإعجاب واضح ” ده الكارت بتاعي عليه رقمي تقدري تكلميني فيه اي وقت لو احتاجتي اي حاجة ”
خدت منه الكارت بابتسامة وهو استأذن منها ومشي تحت ابتسامتها الواسعة ان خطتها ماشية زي ما هي عايزة ”
بدر من وراها بهمس في ودنها ” ذكية يا قلب خالك طالعة لي ”
_” ههههه طبعا يا خالو هو انا اي حد بردوه ده أنا أزهار المسلمي ”
_” ابوكي وامك لو كانوا عايشين كانوا هيبقوا فخورين جدا بيكي الله يرحمهم ”
ازهار بحزن ” الله يرحمهم ”
كملت بمرح ” تعال ناكل مش معقولة المطعم بتاعنا ومناكلش فيه ”
_” ههههه يلا بينا ”
…………….
عند فارس قبل ما يوصل العربية افتكر إلياس ولو أزهار عرفت انه مش معاه هتطربق الدنيا عليه
راح بسرعة ناحية العربية وساق بيها بسرعة عشان يوصل جومانة وبعدين يروح
_” ينفع اعرف ايه اللي حصل جوا ده انت ازاي تعمل كده ولا تكون الحلوة عجبتك ”
_” يوووه انا مش فاضي اسمع الكلام ده يا جومانة مش عايز وجع دماغ انا ”
جومانة بصدمة ” وجع دماغ انا بعمل لك وجع دماغ يا فارس ”
_” اه ويلا وصلنا البيت انزلي ”
نزلت جومانة من غير كلام وفارس مشي بسرعة وجومانة كانت واقفة مكانها بصدمة وحست ان كل حاجة اتقلبت وبقت ضدها حتي فارس تصرفاته اتغيرت بقي له فترة ودي حاجة خليتها تقلق ليطلقها ويفضل مع أزهار او يروح لواحدة تانية
↚
عدي 3 شهور
وفارس مش مهتم بأزهار ولا بجومانة كل اهتمامه بقي لروز في البداية كان بيفكر ازاي يكلمها لحد ما هي كلمته تطمن عليه بعد اللي حصل في المطعم ومن هنا بدأت كل حاجة وبدأ إعجابه بيها عشان شكلها وفلوسها يزيد
فارس بحب وهو بيركع علي ركبته في نص المطعم ” روز تقبلي تتجوزيني وتقضي باقي حياتك معايا ”
أزهار بصدمة مصطنعة ” فارس ايه الكلام اللي بتقوله ده لا طبعا انت زي اخويا وعمري ما اعتبرتك غير كده ”
فارس بصدمة وزهول ” يعني خروجنا وكلامنا مكنش يعني لك حاجة ”
أزهار بدموع مزيفة ” مش كده يا فارس بس انا بحبك زي اخويا مش أكتر ”
خلصت كلامها وسابته ومشيت تحت صدمته وقلبه اللي اتكسر ل 100 حتة ابتسمت بخبث وهي بتتوعد له باللي اكتر من كده
_” ولسه يا فارس ولسه ده 30 % بس من اللي هيحصل لك ”
…………….
في نفس الوقت
كانت سديم بتراقب أواب وكل الاماكن اللي بيحب يروحها وكانت دايما بتظهر قدامه وهو كان في الأول بيحسب ان كل ده كان صدفة مش أكتر حتي بعد ما هي عملت نفسها اتخبطت فيه ووقعت علي الارض ورجليها اتلوت بسببه هو ماشكش في حاجة ومع الوقت كان بيقابلها في كل مكان بيروحوا لحد ما بدأوا يتكلموا وحبها
_” ايبو بقولك ماترشح لي كتاب اقراه انا عارفة انك دودة كتب وعارف فيهم وبتحبهم أكتر من مامتك حتي هههههه ”
_” ماشي يا سديم ماشي لما اشوفك بس صبرك عليا ”
سديم بخبث ” اه صح علي سيرة طنط عايزة اشوفها هي وعمو ”
أواب بتنهيدة حزن ” بابا وماما الله يرحمهم انا عايش مع خالتو وجوزها هي بتحبني اووي زي ابنها واكتر وجوزها بيحبني وبيعتبرني زي ابنه ”
_” الله يرحمهم ”
كملت بغضب خفي ” شكلك بتحبهم جدا ومتعلق فيهم بذات جوز خالتك ”
اواب بطيبة ” اه فعلا بحبهم اوي ومقدرش اعيش من غيرهم هم اللي عوضوني عن حنان الاب والام بالذات جوز خالتي لانه حتي من قبل ما يتجوزها من كام سنة كان بيجي يلعب معايا وكان بيروح معايا المدرسة ”
كمل بحزن ” بس بقي له فترة متغير معايا ومبقاش يكلمني ولا يسأل عليا زي الأول انا بجد تعبت حتي خالتو مبقاش يجي يشوفها وبقي مع مراته التانية وابنها دايما زي ما خالتو بتقولي ”
سديم بصدمة مصطنعة ” مراته التانية ازاي هو متجوز اتنين مش هو بيحب خالتك ”
_” معرفش بجد معرفش حاجة ومش عايز اعرف كل اللي هاممني انه يرجع يعاملني زي الاول خالتي موافقة علي جوازه عليها فأنا مش هوجع دماغي بالكلام ده ”
سديم بغضب ” خليك كده دايما يا أواب مش في دماغك حاجة أنا هقفل سلام ”
سديم مدتهوش فرصة يتكلم وقفلت السكة في وشه ورمت الموبايل جنبها علي السرير
_” بجد بني ادم حقير معرفش انا زي كنت بدأت احب واحد زي ده ”
مسكت موبايلها تاني ورنت علي أزهار
سديم بنفاذ صبر ” ردي ردي ردي ”
_” الو يا سديم انتي بخير فيه حاجة حصلت ”
_” طلع عارف يا أزهار عارف انا بجد قرفت منه عارف وموافق عادي لا وكمان مش في دماغه متجوز اتنين ولا لأ اهم حاجة عنده نفسه وطلع ابن اختها مش ابنها ”
_” اهدي يا سديم انا اهو مقولتش حاجة بس لو مخلتش جومانة وفارس يطلقوا ميكنش اسمي أزهار ”
………………
بعد يومين
كان فارس فيهم متدمر حرفيا حاسس بغضب وحزن ان ازاي فيه واحد رفضته ومن هنا بدأ يظهر علي حقيقته اللي كان مخبيها عن أزهار طول السنين دي
فارس بسُكر ” زهرة يا أزهار يا فلوس انتي موجودة فين يا فلوووس بقولك انتي فين ”
أزهار مردتش عليه وفضلت بصة له من الكاميرا اللي ركبتها في كل حته في البيت وبتسجل بيها اللي بيقوله وبيعمله
_” انتي فين يا زهرة متخافيش مش هاخد منك فلوس تاني ههههههه لأنك هتكون اعلنتي افلاسك يا حبيبتي هههههه هاخد منك كل اللي وراكي واللي قدامك وحسيبك زي الكل*بة في الشارع تشتحتي بس لو اترجتيني ممكن أوافق اخليكي تشتغلي خدامة عندي ههههه ”
أزهار بغضب ” ده انت اللي هتبقي زي الكلب تحت رجليا ”
↚
_” حتي هطلق جومانة هي كمان وهتجوز روز روز هي حبي الجديد حبيتها قوي هههههه عشان جمالها و هههه فلوسها ”
_” انا اه كنت باخد من فلوس الشركة بتاعتك بس الفتافيت دي مش هتكفي عشان اتجوزها ههههه ”
كمل ببكاء ” هي ليه رفضتني هاااااا ليييه انا كنت هعيشها ملكة ”
فارس بجنون ” انا هموت من غير الفلوس الفلوس هي اللي هتعيشني ملك ومش هتخليني اشتغل باقي عمري ”
_” انا اه ههههه اتجوزتك عشان فلوسك بس انا قرفت منك هههههه عشان قولتلك انا هشتغل وسيبي فلوسك علي جنب ليكي وانا هصرف علي البيت انتي صدقتي هههههه انقلب السحر علي الساحر هههههه ده انا كنت بقول كده عشان تقولي لي لا يا فروسة انا اللي هصرف وحياتك كنت وافق بعد كام محاولة بس هههههه ”
فضل فارس يتكلم كلام كتير لحد ما قال كل حاجة في الوقت ده أزهار خرجت من الاوضة ووقفت قدامه وقالت بإحتقار
_” طلقني بالثلاثة حالا يا فارس حالا ”
_” هههههه من عنيا يا روحي انتي طالق طالق طالق طالق بالثلاثة يا أزهار ”
كملت بأمر ” امضي علي الورق ده يا فارس ”
_” هههه ورق ايه ده ”
أزهار بخبث وسخرية ” هحولك كل املاكي يا فروسة ناقص بس امضتك ”
فارس مسك الورق ومضي عليه كله وهو مش في وعيه ولا حاسس بالدنيا
أزهار بصت له بإبتسامة واسعة شريرة ونزلت فيه ضرب بكل حاجة قدامها لحد ما وشه وجسمه كله بقي مليان كدمات
خلصت ضرب فيه وبعدين ضربت وشها بالبوكس اللي من اول ضربة بقي لونه بنفسجي وأحمر بصت بعدين حواليها علي المزهرية اللي اتكسرت والبرواز اللي اتكسر اللي كان فيه صورتها هي وفارس والياس
راحت ناحية الصورة ومسكتها قطعتها نصين مسكت النص اللي فيه صورة فارس وراحت ناحية المطبخ وفتحت نار البوتجاز وحطت الصورة علي النار لحد ما اتحركت وبقت رماد
…………………
_” أواب هو فارس مكلمكش بقي لي فترة طويلة بحاول اقابله او اكلمه ومش عارفة بقي يتهرب مني ”
كملت بغضب ” كل ده عشان الست أزهار ”
أواب بغضب ” معرفش انا معرفش حاجة ومش عايزة حد يسألني علي حاجة بعد كده ”
_” متعصب ليه يا حبيبي حصلك حاجة حد ضايقك ”
اواب بإستيعاب وهو مش سامع حاجة غير اسم أزهار ” قولتي ايه أزهار أزهار مين ”
جومانة بتنهيدة غضب وهي بتضغط علي اسنانها ” مرات فارس التانية انت متعرفهاش اصلا ولا تعرف اسمها ”
_” اسمها أزهار ايه ”
جومانه بدهشة ” بتسأل ليه ”
_” قوليلي بس ”
جومانة بعد لحظات من التفكير ” أزهار اه افتكرت أزهار إسماعيل المسلمي ”
أواب بص بها بعيون واسعة من الصدمة وسابها وخرج بسرعة ومسمعهاش حتي وهي بتنادي عليه
………………
بعد ساعة
فارس صحي من السُكر والضرب اللي حصله علي صوت موبايله اللي بيرن
فارس بآلم ووجع رهيب ” آلو مين ”
_” انا روز با فارس لحقت تنساني ليكون لسه زعلان مني علي اللي حصل من كلم يوم ”
فارس سكت ومردش عليها
_” لا يبقي انت كده زعلان قوي هبعت لك لوكيشن علي الواتس عايزة نتقابل والبس احلي حاجة عندك عندي ليك خبر يجنن ”
_” تمام يا روز اتمني متوجعيش قلبي تاني ”
_” متقلقش بس متأخرة عليا ”
_” حاضر ”
فارس خلص كلام معها وبص حواليه لقي كل حاجة متدمرة حاول يفتكر ايه اللي حصل بس مقدرش يفتكر خاف يكون قال لأزهار حاجة فحاول يطمن نفسه انها في شغلها ومش هترجع دلوقتي خالص وممكن يكون هو اللي كسر كل ده وهو اللي عمل في نفسه كده نظف كل حاجة حواليه بوجع وصعوبة خلص ودخل مد شاور ولبس وخرج يقابل روز وهو بيتخيل انها هتترجاه انه يتجوزها
↚
_” نعم فيه حاجة عايزة مني حاجة ”
أزهار بصت له بسخرية خفية من بروده المزيف
أزهار بإبتسامة واسعة ” دي دعوة جوازي يا فارس حبيت تكون أول واحد اديهاله ”
فارس بصدمة كبيرة ” تت.. تتجوزي ازاي انتي بتهزري ”
أزهار بحزن ودموع مزيفين ” اعمل ايه بس يا فارس العريس اللي بابي جايبه هيدخل معانا مستثمر في كل أعمالنا حاولت أرفض كتير بس بابي مصمم ”
فارس بعد لحظات من التفكير ” لا مستحيل محدش غيري هيتجوزك ”
كمل بخبث ” ولو علي المستثمر انا موجود ”
_” بس ….”
فارس مدهاش فرصة تتكلم وركع علي ركبته للمرة التانية
_” روز تقبلي تتجوزيني والمرة دي وحياتي عندك وافقي انا بحبك ”
أزهار بتردد وهي بتمسك ايده بنعومة ” بس انت متجوز اتنين زي ما قولتلي وانا لسه صغيرة مش معقولة اقبل اتجوزك واكون الثالثة ده غير ان المبلغ اللي هتدخل فيه شراكة معانا مش قليل خالص ”
فارس بتهور ” متقلقيش يا روز من اي حاجة بكرا هتكوني مراتي ومكتوبة علي اسمي ولو انتي مش موافقة عليا عشان متجوز وحياة عيونك لكون مطلقهم يا عمري وافقي بس عليا وانا هظبط كل حاجة ”
أزهار بصت له بإبتسامة ساخرة وتلذذ خفي من انه بيتذللها وبيترجاها زي الكلب والكلام اللي هو قاله اتعكس عليه وبقي هو اللي بيترجاها
_” موافقة ”
فارس قام بسرعة من علي الارض وجيه عشان يحضنها وقفته
_” تؤ تؤ تؤ يا فوفو بعد ما نتجوز عشان تبقي لحظة مميزة ”
فارس بفرحة وعدم اهتمام ” تمام مش مشكلة معاكي حق اهم حاجة ان احنا هنتجوز ”
_” ههههه فعلا ”
……………….
بعد فترة
كان فارس خلص مع روز وراح لجومانة
_” اخييرا جيت يا فارس وحشتيني جدا اخس عليك بجد كده تسيبنا كل ده من غير ما تسأل ”
كملت وهي بتمسك وشه ” حصل ايه مين اللي عمل فيك كده يا فارسي ”
فارس بجمود ” انتي طالق يا جومانة وورقة طلاق هتوصلك ”
جومانة بعدم تصديق ” انت عارف انت بتقول ايه انت طلقتني ليه عملت كده حرام عليك هو انا عملت لك حاجة ”
كملت بصراخ هيستيري ” ايوه مفيش غيرها أزهار هي اللي قالتلك تطلقني مش كده هموتها هموتها بايديا ومحدش هيوقفني ”
_” لا مش هيا وبطلي جنان بقي ”
جومانة بعصبية وهي بتمسك المزهرية اللي جنبها وبتحدفها عليه بس هو اتفاداها ومجتش فيه
_” هو انت لسه شوووفت جناااان ده انت طلعت مش راجل وبتمشي ورا كلام اي واحدة ”
فارس اتعصب وضربها بالقلم علي وشها بقسوة ” صدقي انا كنت ناوي ارجعك بعدين بس انتي شكلك اتجننتي علي الاخر وكمان انتي طالق بالثلاثة يا جومانة طالق طالق طالق وورقة طلاقك هتوصلك النهاردة ”
خلص كلامه وسابها وخرج وهي قعدت علي الارض مكانها وفضلت تكلم نفسها وهي بتحط ايدها علي خدها اللي ضربها عليه وبتشد في شعرها بهيستيرية
………………..
بعد دقايق
كان فارس رجع البيت عند أزهار حاول يلاقي كذا طريقة عشان يقوله الموضوع بس معرفش هو اصلا خايف منها ومن ردة فعلها
_” أزهار عايز اقولك حاجة ”
_” انا اللي عايزة اقولك حاجة ”
_” قولي حصل ايه ”
↚
أزهار بجمود ” المأذون شوية وجاي انا عايزة اطلق مش هقدر استحمل الوضع ده كتير انا كنت ناوية ارفع قضية طلاق بس قولت اخليها بالتراضي ”
فارس حس بسعادة كبيرة حاول ميظهرهاش لانها سهلت عليه الموضوع
فارس بحزن مزيف ” هو انا عملت حاجة يا أزهار عشان تقولي كده طب وابننا ”
أزهار بصت له بسخرية وافتكرت لما قال انه عايز يودي ابنها دار أيتام
أزهار بقسوة وجبروت عارفه كويس ” متشغلش بالك انت انا هعرف اهتم بيه كويس ولو عايز تيجي تشوفه اهلا وسهلا انت في الأول وفي الاخر ابوه ولو مش عايز في داهية ”
_” بس مش هتديني سبب عشان عايزة تتطلقي ”
_” لو قولتلك هتزعل مني جامد يا فارس ”
فارس بخوف من انها تكون اكتشفت حاجة ” قوليلي بس ”
أزهار وهي بتشاور علي وشها بغضب كبير ” هو انت اعمي هو انت بجد مش شايف الكدمة اللي علي وشي بقي بعد كل السنين دي اضرب وكمان منك إهمال وسكت مش بشوفك طول الشهر وسكت كل حاجة عملتها سكت عليها بس كله الا كرامتي انا مش زي اي ست تانية تضرب وتسكت لاااا فوووق انا أزهار واي حد غلط فيا ولو غلطة صغيرة مش بسامحه عليها ”
فارس بص لها بصدمة وهنا اتاكد ان هو اللي عمل كل ده وهو اللي عمل فيها وفي نفسه كده
بفضل ساكت ومتكلمش لحد ما جيه المأذون
_” فكروا تاني يا ولاد ان أبغض الحلال عند الله الطلاق ”
أزهار بجمود ” خلاص قررنا يا شيخ ومش هنتراجع ”
_” اللي هي عايزاه يا شيخ هعملها ”
بعد فترة
_” ارمي عليها يمين الطلاق يا بني ”
أزهار ببرود ” بالثلاثة لو عايز كمان ”
فارس بتنهيدة غضب ” انتي طالق يا أزهار طالق ”
مضت أزهار علي ورقة الطلاق هي وفارس وساعتها بقوا اغراب
بصت له أزهار بإنتصار هي عارفة انها لما قالتله طلقني وطلقها ده مكنش طلاق لانه كان سكر*ان ومش في وعيه ويعتبر باطل هي عملت كده عشان تمضيه علي الاملاك اللي خدها منها بالسرقة مش أكتر
فارس بحزن مزيف بعد ما المأذون مشي ” كنتي ادتيني فرصة يا أزهار اصلح غلطي ”
_” خلاص يا فارس خلصنا ومينفعش نفضل مع بعض كده دي تعتبر خلوة وحرام انت دلوقتي طليقي ”
فارس بص لها بحزن ودموع مزيفين وسابها وخرج وهو حاسس انه بقي طير حر وانه اخييرا هيتجوز روز ضحيته الجديدة
……………….
عدي وقت كتير
وجومانة مكانها متحركتش من مكانها لحد ما رجع أواب اللي كان خرج شوية بيجمع افكاره
أواب بصدمة وهو بيروح ناحيتها بسرعة عشان يقومها من مكانها ” خالتو حصل ايه يا حبيبتي بتعيطي ليه بس حد زعلك ”
جومانة بشهقات متتالية ” فا..فارس …”
_” زعلانة عشان كده انا هكلمه واخليه يجي يشوفك عارف انه وحشك ”
_” فارس طلقني يا أو..أواب انا قلبي وجعني اوي ”
أواب بصدمة ” يعني ايه طلقك امتي وازاي ”
_” من….من شوية ط..طلقني عشان أزهار اكيد …هي…هي اللي قالتله يطلقني ”
أواب بص لها بعيون بتطلع شرار قام بسرعة ورن علي رقم أزهار اللي كان حافظه علي موبايله عشان يتقابلوا وتعلمه الانجليش
_” الو ازيك يا أواب ”
_” خلاص تمثليتك اتكشفت فمتقعديش تمثلي كتير ”
↚
أزهار بضحكات ساخرة ” طالما كده وكل حاجة بقت علي المكشوف عايز ايه بقي ”
_” انتي ليكي عين تتكلمي بعد اللي عملتيه خالتو وفارس جوزها اتطلقوا بسببك ”
_” اه بسببي انت مالك بقي ”
_” مش كفاية انك خطافة رجالة وكمان ….”
أزهار بعصبية ” اششش أخرس إياك تكمل تحب ابعت لك التسجيلات اللي كانت بين فارس وجومانة وهم بيتفقوا مع بعض يسرقوني وبيخططوا لكده بقي لهم سنين ولا ايه رايك تشوف الفلوس والعقارات اللي سارقوها مني وانا مش حاسة …. ”
أواب مخلهاش تكمل كلامها ورد عليها بقسوة وغضب ” كدب مستحيل يعملوا كده انا عارفهم كويس ”
أزهار بسخرية ” وانا بردوه كنت بحسب ان انا عارفة فارس كويس بس طلعت كل حاجة وهم وكدب ”
بدأت أزهار تحكي له كل حاجة من اول ما هي شافتهم في المطعم لحد ما عرفت ان فارس وجومانة صحاب من الطفولة و حكت له عن خططتها انه يطلقهم هم الاتنين وانها عملت شخصية روز بمساعدة بدر خالها وحرفي حكت له كل حاجة بالتفصيل الممل
وهو بقي واقف وحاسس ان الدنيا بتلف حواليه بقي معقول اكتر اتنين كان بيحبهم يطلعوا بالقذا*رة دي
أزهار بتنهيدة ” بص يا أواب انا كنت ناوية انتقم منك انت كمان بس لما فكرت فيها لقيت انك ملكش ذنب ومهما كان دي خالتك ومش هتصدق عليها حاجة وهي اصلا مكنتش هتقولك حاجة من اللي هي كانت بتخطط له هي وفارس ”
_” فارس بيبيع اي حد عشان الفلوس طلقها وطلقني عشان روز اللي هو بيحسب انها هتكون اغني مني وهيعرف ينصب عليها كويس بس هو طلع اكبر مغفل وهو اللي اتضحك عليه مش العكس ”
_” متشغلش بالك في الكلام ده بس وركز في دراستك وانا قدمت استقالتي من الكلية وهتفرغ للشركات والاعمال اللي عندنا في العيلة وهساعد خالي في ادارتهم ”
_” وجومانة ممكن اسامحك بعدين بس دي حاجة مش أكيدة لانها كانت سبب من اسباب دمار حياتي علي العموم تخليها مشغولة في حملها وتهتم بيه ”
كملت بسخرية ” عشان محدش يجي ويقولها وديه دار أيتام انا هقفل سلام ”
فصلت أزهار المكالمة وكل ده وأواب منطقش كلمة واحدة هو مش عارف يعاتب خالته ولا يواسيها هو اصلا مش مصدق انها ممكن تعمل حاجة زي كده
بص لها لاقاها نايمة مكانها من كتر العياط راح ناحيتها وشالها وداها علي اوضتها
وهو قعد جنبها وفضل يبص قدامه بشرود وعدم تصديق
↚
تاني يوم
في مطعم أزهار
_” طلقتهم يا روز يلا بقي عشان نتجوز هجيب المأذون ونتجوز علي طول ”
_” بس يا فارس بابي مش موافق غير بشرط تدخل معانا شريك الأول عشان هو لسه ميعرفكش ”
فارس بإبتسامة ” يبقي هكون شريكه من النهاردة اتصلي عليه يجهز كل الورق اللازم وانا همضي عليه من غير حتي ما اشوف عايزك مراتي النهاردة قبل بكرا انا بعشقك يا روزتي ”
أزهار بخجل مصطنع ” بس بقي يا فارس كسفتني ”
فارس بضحك ” بحبك وانتي بتتكسفي كده بتكوني شبه الوردة الحمرا يا روزتي ”
كمل بجدية ” يلا بقي روحي كلمي حمايا وانا هفضل قاعد مستنيكي هنا عشان نروح له سوا ”
_” حاضر يا فارس خمس دقايق بالظبط وهكون عندك ”
فارس هزلها راسه بإبتسامة وهو جوا حاسس انه انتصاره قرب
أزهار بصت له بإستهزاء وسابته وطلعت برا المطعم تتكلم علي الموبايل
_” الو يا خالو كل حاجة جاهزة ”
_” ايو يا حبيبة خالك كله جاهز مستني بس انك تيجي ”
_” ساعة وخلاص كل حاجة هتخلص وهكون خدت انتقامي منه وقلبي هيرتاح ”
………………
بعد نص ساعة
في واحدة من شركات بدر
بدر ببرود وهو متقمص شخصية والد أزهار ” اهلا اقعدوا ”
فارس بتوتر ” حاضر يا حمايا ”
بدر بسخرية واضحة ” حماك مين معلش انا لسه مبقتش حماك مش لما تبقي الأول تتجوز بنتي تبقي تقولي كده ساعتها ”
فارس بتوتر أشد ” قصدك ايه مش احنا هنتجوز النهاردة ”
بدر برفعة حاجب وسخرية ” طبعا طبعا نخلص كل الاجراءات وتبقي شريك معايا والمأذون هيكون وصل وهنكتب الكتاب علي طول ”
كمل بمرح مزيف وهو جواه نفسه يقتله ” فيه ايه يا فارس متوتر كده ليه كنت بهزر معاك يا راجل قولي يا عمي ايه حمايا دي احنا هنبقي عيلة واحدة قريب ”
فارس بإبتسامة ” حقك عليا يا عمي معلش راحت مني دي ”
مد له بدر الورق فخده منه بفرحة وهو من غير حتي ما يقرأه مضي عليه
بدر بسخرية ” مبروك عليك يا فارس ”
_” الله يبارك فيك يا عمي ”
_” سمعت من روز انك كنت متجوز قبل كده اتنين احكي لي شوية عنك وعن حياتك قبل ما المأذون يجي ”
فارس بحزن مصطنع ” مش بحب اجيب السيرة دي بس هحكي لك عشان تبقي كل حاجة واضحة انا كنت متجوز جومانة ودي كانت صاحبتي من واحنا صغيرين وزي ما بيقولوا حب طفولتي بس هي طلعت متجوزاني عشان بقي معايا فلوس وبقيت شغال في منصب كبير بعد ما اتخرجت ”
_” وانت خريج كلية ايه ”
_” هندسة وكنت شغال في شركة مراتي التانية اللي بردوه كانت معايا في الثانوي وبسبب تعبي ومجهودي في الشركة الشركة كبرت عشان كده هي عرضت عليا الجواز عشان نكبر الشركة سوا ”
كمل بتنهيدة وآلم مصطنع ” بس بعد الجواز اسلوبها بدأ يتغير معايا وبقي اهم حاجة عندها الشغل الشغل و…. ”
أزهار كانت بص له ببرود وهي بتبتسم بسخرية علي كل الكلام الكدب اللي بيقوله
أزهار ببرود مش ملحوظ ” سيبنا من الكلام ده يا فارس المأذون زمانه وصل ”
………………….
↚
_” سديم مش بتردي لييه بقي لي كام يوم بحاول اوصلك ”
_” مش عايز مليش نفس ”
أواب بصدمة ” لييه هي اكلة ونفسك اتسدت ناحيتها ”
_” حاجة زي كده انا بجد كنت بدأت احبك بس انت بني ادم مقرف ”
أواب بصدمة اكبر ” ايه اللي انتي بتقوليه ده انتي مستوعبة اللي بتقوليه هو انا عملتلك حاجة عشان تقولي كده ”
_” أزهار يا أواب أزهار انا عارفة انها حكت لك كل حاجة هي كلمتني إمبارح بعد ما قفلت معاك ”
أواب بضحك هستيري ” هههه أزهار هو انتي كمان تعرفيها مش كده هههه يعني انا زي الأهبل اللي بيتضرب علي قفاه وكنت حبيتك وانتي بتخدعيني هههه بجد برافو ههه برافو يا سديم ”
كمل بقسوة اول مرة تسمعها منه ” انتي خلاص يا سديم صفحة واتقفلت في حياتي ومش عايز اشوف وش واحدة مخادعة وكدابة زيك ”
خلص كلامه وقفل السكة في وشها وهي فضلت مكانها مصدومة ودموعها بدأت تنزل تدريجيا
_” معقول….. اكون …غلطت مع…مع….. ان أزهار قالت لي انها شالته من خطتها ”
_” بس…بس ….انا كنت بحبه ….ليه كل حاجة بحلم بيها مش بتتحقق…. الحمد لله….الحمد لله…”
سديم فضلت تكلم نفسها لحد ما نامت مكانها ودموعها غرقت المخدة
…………….
عند أواب
علي عكس المتوقع كان قاعد ببرود و الموضوع بالنسبة عادي ما هي مش اول واحدة تخدعه او تكذب عليه
أواب بقسوة ” لو رجعتي لي راكعة يا سديم مش هقبل ارجع حتي اكلمك ”
…………….
أزهار قامت وقفت في نص كلام المأذون
_” انا مش موافقة اتجوزك يا فارس ومش بحبك اصلا تقدر تتفضل يا شيخ واتعابك كلها اتفضل خدها من السكرتيرة اللي برا ”
المأذون بص حواليه بصدمة وخرج وهو بيستغفر ربنا
فارس بصدمة وهو بيقوم يقف ” انتي بتقولي ايه بس يا روز استهدي بالله انا عارف انك متوترة زي اي عروسة اول مرة تتجوز ”
_” هو انت اصلا تعرف ربنا ومين قالك انِ دي اول مرة اتجوز فيها ”
فارس بابتسامة مرتجفة ” ياروز عارف انك مش في وعيك اقعدي بس عشان نكمل كتب الكتاب انا خلاص بقيت شريك معاكم وتبقي شريك حياتك ”
أزهار ببرود وهي بتخلع الباروكة اللي لبساها وبتتكلم بنبرة صوتها الطبيعية ” يا عيني يا فارس شكلك اتصدمت ما انت كنت اول واحد اتجوزه يس يلا بقي اديني أطلقت منك وارتاحت ”
فارس بعدم استيعاب ” أزهار انتي بتعملي ايه هنا فين روز عملتها ايه ”
أزهار بسخرية ” انت طلعت اكبر مغفل اشوفه في حياتي بقي احد دلوقتي معرفتش ان روز هي نفسها انا ”
_” عايز تبقي شريك معايا بفلوسي اللي سارقها لا بجد بجح وقال ايه انا اللي اسلوبي اتغير معاك بعد الجواز هههه لا بجد ضحكتني ”
فارس وهو بيشد شعره بجنون ” ده مش حقيقي فلوسي رجعهالي يا ازهااار رجعهالي ”
أزهار بهمس محدش سمعه غيرهم هم الاتنين ” عارف يا فروسة يوم ما انت كنت سكر*ان طينة انا مضيتك علي تنازل لكل اللي حيلتك بس جيت بعدين وفكرت ليه مستغلش النقطة دي ضدك فروحت قطعت الورق واه صح انا اللي ضربتك وضربت نفسي كمان والورق اللي انت مضيت عليه من شوية ده ورق حضانة إلياس ومتقلقش خالث يا فروسة لسه الفلوس معاك ”
فارس بهستيرية ” هههه تعبي مرحش علي الفاضي هههه كل السنين اللي اتجوزتك فيهم مرحوش علي الفاضي ايوه ايوه سيبي لي فلوسي دول مش هيأثروا حاجة في اللي معاكي انتي علي قلبك قد كده ههههه ”
أزهار بسخرية ” وانت لما شوفت روز كنت بتحسب ان هي اغني مني بمراحل وهتعرف تسحب منها فلوس بسهولة بس زي ما قولت قبل كده انت مغفل ومغفل كبير كمان ”
_” يعني مين ده ميين انتي ابوكي ميت ”
بدر بسخرية وهو بيشيل الباروكة من علي شعره ” كده متعرفش بدوره يا فارس اخس عليك اخس ”
فارس بعصبية ” بقي بتخططي من ورايا يا أزهار انتي وخالك انا مش هرحمكم ”
_” من بعد ما عندكم يا طليقي ”
فارس وصل لاقصي مراحل الجنون والعصبية فراح ناحيتها ومسكها من رقبتها وكان عايز يخنقها
بدر كان هيقرب بس أزهار شاورتله يبعد
أزهار بصوت عالي طلعته بصعوبة ” اتفضل ادخل يا حضرة الظابط ”
الظابط والعساكر اللي كانت متصلة بيهم من زمان داخلوا وحاصروا المكان وبعدوه عنها
فارس بجنون وهو بيحاول يبعد قبضة العساكر عنه بس مقدرش ” بقي بتبلغي عني البوليس يا أزهار ده انا جوزك ”
_” قصدك طليقي ”
_” انا رديتك ”
↚
_” يعني منافق وكداب وحرامي وكمان مش عارف أمور دينك مينفعش اصلا تردني لاننا متطلقيين عند مأذون ”
_” لا انا جوزك ولازم تطيعيني ”
كمل بصوت حنين ” خليهم يسيبوني يا حبيبتي وهنرجع نعيش سوا انا وانتي وابننا ”
أزهار بجمود ” ابنك مين إلياس اللي كنت عايز توديه دار أيتام ولا ابن جومانة اللي اتطلقتها عشان الفلوس وهي لسه حامل ”
فارس بصراخ ” يعني طلعتي عارفة كل حاجة من الاول ”
أزهار بهمس جنب ودته ” اه عارفة من زمان وانا اللي خططت لك حاجة عشان تطلقني وتطلقها هو انا مش طايقاها بس الطلاق كانت في مصلحتها بردوه واه والمطعم اللي انت خرجت فيه مع جومانة ساعة يوم جوازنا كانت بتاعي هههههه وده ميجيش ذرة في اللي عندي وكله بفضل ربنا وبعدين تعبي انا وخالي وجابر مش تعبك خالص يا فارس ”
أزهار بقسوة وهي بتبعد عنه ” تقدروا تاخدوه دلوقتي ”
العساكر شدته بقسوة كبيرة تحت صراخه الهستيري ” هموتك يا أزهار هموتك ياريتني كنت موتك من زمان وارتاحت ازهااااار ”
بدر قرب منها بعد ما الكل مشي وحضنها بقوة ” دلوقتي ارتاحتي يا أزهار ”
_” اه يا بدر ارتاحت جامد كمان
_” طب واللي اسمها صفوة هتعملي معاها ايه ”
_” سيباها لما تعرف اللي حصل لابنها هتموت بحسرتها ”
_” بقيتي قاسية يا زهرة ”
أزهار بجدية ” وهي الطيبة والحنان لما اتعاملت بيه فادوني بحاجة لا طبعا وبالنسبة لإلياس مش خليه يحس انه من غير اب انا هبقي له الاب والام ولو حتي هتجوز تاني عشان يحس ”
كملت بمرح ” ويلا بقي عشان نروح زمان إلياس مستنينا ”
……………….
بعد 4 سنين
_” لسه بتحبيه يا أزهار او بتفكري فيه ”
_” هو مين ده اصلا ”
_” فارس ”
_” معرفش حد بالإسم ده اصلا ”
جنان بإبتسامة ” احكي لي اللي حصل بعد ما اتقبض عليه ”
أزهار بإعتيادية ” اتحكم عليه 10 سنين سجن بتهمة الشروع في القتل والسرقة وكمان مع الأشغال الشاقة ”
_” وكمان يابنتي مش انا قولتلك قبل كده ”
_” كملي بس وانا هقولك بسأل ليه في الآخر ”
جنان بجدية ” وجومانة سامحتيها ”
_” لا انا بني ادمة وليا احساس ومستحيل اسامح حد جيه عليا ”
_” حتي بعد ما جت واعتذرت لك ”
_” ربنا يبعدها عني هي من طريق وانا من طريق هي خلاص اتجوزت حد تاني من سنة واتجاوزت موضوع فارس بالعافية بعد ما حالتها النفسية كانت في الحضيض زي ما أواب حكي لي ودلوقتي الدكتور النفسي اللي كانت بتتعالج عنده بقي جوزها وبيحب بنتها زي بنته بالظبط وبيني وبينك بقت كويسة عن الاول ولاقت happy ending ازاي مش عايزة اعرف دي أقدار ومكتوبة ”
_” وصفوة يا أزهار ”
_” اتحسرت علي سجن ابنها وبقت حابسة نفسها طول الوقت في البيت وبقت تتكسف تخرج في الشارع حتي ”
_” وبالنسبة لأواب وسديم رجعوا تاني مع بعض ”
_” اه بعد طلوع الروح ومحاولات منها عشان يرجعوا وفي الاخر لما عرف انها هتتخطب غار وراح خطبها ههههه وفي الاخؤ عرف ان كل ده من تخططها عشان يتصالحوا هههه ”
↚
_” بتكرهيه ولا بتحبيه ”
أزهار بتنهيدة ” ولا ده ولا ده بعامله عادي هو مكنش ليه ذنب في اي حاجة حصلت ”
_” نيجي لاخر اتنين الرومانسية وإلياس هههه ”
_” ههههه يابنتي الراجل من ساعة ما اتجوزته وانتي بتقوليله الاسم ده هههه بجد انتي مسخرة ”
_” انا فرفوشة وبعشق الفرفشة يجي فارس احلامي اللي بحلم بيه وانا هدلعه وهفرفشه كل ساعة وكل دقيقة وكل ثانية ”
_” يابنتي ارحميني لو فضلتي تتخيلي كتير كده مش هيجي ده في كوريا وانتي في مصر فوقي يا حجة ”
_” ولو ولو بحبه يا ناس ”
_” دي بقي اخري اللي يتفرج علي كوري ”
_” سيبيني بس في أحلامي اللي هتتحقق ان شاء الله وجاوبيني بقي ”
_” عامر بحبه اووي وحبيته اكتر من نفسي هو حبي الحقيقي عمره ما زعلني في يوم ولا خلاني اعيط حتي إلياس بقي يحبه اكتر مني ونسي اصلا فارس وبقي يعتبر عامر هو اللي ابوه وحتي بدر وجابر بيحبوه جدا من ساعة ما بقي شريكنا في الشغل وهو خطف قلب الكل منهم قلبي ههههه ”
جنان بإبتسامة واسعة ” احب اقولك دلوقتي يا أزهار اياكي تيجي عندي العيادة تاني انتي خلاص مبقتيش محتاجاني ”
_” صدقي انا غلطانة انِ باجي هنا اتكلم معاكي ما انتي كل مرة بتساليني نفس الأسئلة ”
_” بتأكد بس انك نسيتي ولا لأ والمرة دي انتي نسيتي اصلا ومبقتيش حتي تفتكري غير لو حد سألك وكمان يابت انتي بتجي لي العيادة مرة كل سنة مش كل يوم يعني ”
_” انا ماشية يابتاعة الكوري زمان عامر حبيبي مستنيني خليكي انتي في أحلام اليقظة بتاعتك ”
أزهار سابتها ومشيت وجنان بصت لاخرها بغضب مصطنع تتذمر طفولي
……………….
بعد فترة
_” بببببخ انا مين ”
_” زهرتي الحلوة طبعا ”
أزهار بعبوس محبب ” وانت عرفتني ازاي ”
_” من ملمس ايدك علي عيوني ”
_” ايه ده يا عبد الصمد ده انت طلعت بتحبني اوي ”
_” وانتي بتحبي صاحبتك اكتر مني سبتيني انا وإلياس بنحضر الأكل وفضلتي ترغي معاها ”
_” ايه ده ايه ده انا عملت كده امتي ”
إلياس وعامر في نفس واحد ” النهاردة ”
_” خلاص خلاص متزعلوش خشوا في حضن اخوكم يا فواز ”
راحوا ناحيته بسعادة وحضنوها بحب
عامر بهمس ” اخوكي مين يا زهرة انا جوزك واخوكي وابوكي وحبيبك بحبك يابنتي الحلوة ومراتي المشاكسة القمر ”
_” وانا بحبك اكتر علي فكرة ”
إلياس وهو حاشر راسه ما بينهم ” طب وانا روحت فين يعني ”
أزهار وعامر في صوت واحد ” وانا بحبك يا روحي “
تمت بحمدلله