رواية بيت الاميريه كاملة جميع الفصول بقلم اماني سيد
رواية بيت الاميريه كاملة جميع الفصول هى رواية من تأليف المؤلفة المميزة اماني سيد رواية بيت الاميريه كاملة جميع الفصول صدرت لاول مرة على فيسبوك الشهير رواية بيت الاميريه كاملة جميع الفصول حققت نجاحا كبيرا في موقع فيسبوك وايضا زاد البحث عنها في محرك البحث جوجل لذلك سنعرض لكم رواية بيت الاميريه كاملة جميع الفصول
رواية بيت الاميريه كاملة جميع الفصول
ـ بقولك ايه يا منصور
ـ خير يا هاديه
ـ احنا عندنا ٤ عيال والخامس جاى فى الطريق
ـ منك لله وليه ارنبه كل سنه عيل غير الحمل اللى مابيكملش
ـ احمد ربنا انت مش شايف اخوك نفسه في ضفر عيل ومش عارف وراح لدكاتره ياما ومافيش أمل منه
ـ طيب منا عندى العيال اهو وبأكلهم واشربهم بالعافيه وهو ما شاء الله على قلبه اد كده عشان معندوش عيال ولا مسئوليات
ـ طيب انا بقى جاتلى فكره إنما ايه
ـ وانتى من امته بتعرفى تفكرى انتى بتعرفى تخلفى بس
ـ اسمع منى وانت هتكسب
ايه رأيك العيل اللى فى بطنى ده اديه لاخوك يربيه
صمت حل بالمكان فقط نظرات متبادله بين هاديه وزوجها
ـ ولما اديه لاخويا هستفاد ايه
ـ بص انا كنت قاعده انهارده مع حنان مرات اخوك وهى قاتلى كده بشكل غير مباشر انها بتفكر تتبنى عيل ، عارف ده معناه ايه
ـ ايه
ـ إن هيجى واحد غريب ياخد اللى وراه واللى قدامه واخوك ممكن يكتبله كل حاجه بإسمه
انما بقى لو انت اديته عيل من عيالك ويا سلام بقى لو طلع ولد وقتها كل حاجه عند اخوك هتبقى بتاعتنا احنا وولادنا وغير كده معزتك عند اخوك هتزيد وهيبحبح ايده معاك شويه ومنها برضوا مش هيبقى غريب عنه ابن اخوه يعنى ابنه من لحمه
ـ وافرضى طلب يكتبه بإسمه وقتها بقى هنعمل ايه
ـ وقتها هيبقى ابنك وورث كل حاجه برضو يعنى فى الاخر هتصب فى ايدينا ، بس اخوك يعرف ربنا مافتكرش إنه ممكن يطلب طلب زى ده
ـ تصدقى يا وليه فكره حلوه طيب افرضى العيل اللى فى بطنك ده جه بت وقتها هتعملى ايه
ـ ولا حاجه واد زى بت بس انا قلبى بيقولى إنه واد
ـ طيب انا هروح اتكلم مع اخويا واجس نبضه
ـ روح اتكلم معاه ومش محتاجه اقولك وانت بتكلمه عايزاك تفهمه انك بتعمل كده عشان مصلحته عايزاه يشبط فى الموضوع ويشعشع فر دماغه كده
ـ ماتقلقيش يا هاديه بس قبل ما اكلمه عندى سؤال
ـ أسأل
ـ قلبك مش هيوجعك لما تشوفى ابنك بيكبر قدامك وبيقول لواحده تانيه يا أما
ـ لا يا اخويا مش هيوجعنى ولا حاجه اللى هيوجعنى الحوجه ومدت ايدى للى يسوا واللى ميسواش
ـ بس كده ابنك هيتربى وحيد مش فى حضن اخواته
ـ ده هيبقى احسن من اخواته وهيبقى ابن عمهم يعنى اخوهم برضوا وانا هبقى اخد العيال واروح ازوره كل شويه
ـ اعملى حسابك الموضوع ده مافيهوش راجعه يعنى مش هيكون فى ندم بعد كده
ـ انا اللى قايلالك يبقى مش هرجع في كلامى ماتقلقش ولا هندم حد يكره يشوف ابنه بيتربى فى العز ياريت بس اخوك ومراته يقبلوا
ـ تمام هروح ولما احى هبلغك قولتله ايه
ـ اتفقنا
فى مكان آخر يجلس المعلم صقر فى المحل الخاص به بتجاره القماش ويشرب الأرجيلة ( الشيشه )
دخل اليه منصور وجلس امامه على كرسى المكتب
نظر اليه صقر بطرف عينه ونفخ الدخان من فمه
ـ مالك يا منصور شايل طاجن ستك ليه
ـ مافيش انت عارف مراتى حامل وقربت تولد
ـ المفروض تبقى فرحان ده رزق ربنا باعتهولك وانت مضايق ؟! يا اخى احمد ربنا على النعمه اللى معاك
ـ المصاريف قطمت ضهرى انا مش عايز العيل ده كفايه عليه اخواته
ـ استغفر ربنا يا اخى غيرك مش لاقي ضفر عيل
ـ خلاص إحنا فيها خده
ـ أنت بتقول ايه انت اتجننت
ـ بص يا صقر انا عندى ٤ عيال بنات وبنين يعنى ربنا عطانى ده وده فمش فارق معايا بقى اللى جاى ده نوعه ايه
انت خده ربيه واعتبره ابنك ولو عايز تكتبه باسمك كمان انا موافق
ـ يعنى انت عايز تدينى ابنك انت بتتكلم جد
ـ والله بتكلم جد يوم الولاده تيجى معايا المستشفى وتكتبه باسمك وخده وامشى قبل حتى امه ما ترضعه
صمت صقر يفكر فى حديث اخيه هو كان يفكر فى تبنى طفل ووجد حرمانيه فى هذا الموضوع ولكن ابن اخيه يعتبر ابنه وتبنيه ليس به حرمانيه فهو سيجعله باسم ابيه وأمه ولكن سيكفله فى بيته ويعتبره إبنه وهذا عمه لا حرج أن يتكفل العم بأبن اخيه فى ذلك .
( ملحوظه عشان محدش يعلق بحلال او حرام ده رأيهم هما وتفكيرهم هما فى الوقت ده عامل ازاى تمام يعنى مالهوش علاقه بأى فتوه دينيه)
ـ بص يا منصور انا هاخد العيل ده منك وهتكفل بيه وهيتكتب باسمك انت وأمه ده شرع ربنا لكن ماتجيش بعد كده وترجع فى كلامك انت سامع
ـ ماتقلقش يا صقر مش هرجع في كلامى
ـ ومراتك عارفه الكلام ده
ـ مراتى صحتها ضاعت على اخواته ومعندهاش صحه ولا مجهود لعيل زياده
ـ خلاص اتفقنا أنا هاخده واربيه واعتبره ابنى اللى مخلفتوش
ثم أخرج من درج مكتبه رزمه من النقود واعطاها لأخيه
ـ خد دول يا منصور وهات اكل لمراتك خليها تتغذى كويس عايز العيل اللى جاى ده صحته كويسه
لمعت اعين منصور بالمال واخذه بسرعه ووضعه فى جيبه
ـ طيب أفرض إن العيل ده جه بت هتعمل ايه
ـ أنا راضي باللى ربنا يبعته
ـ باذن الله واد أنا حاسس إنه واد
رحل منصور بالفلوس وذهب لمنزله واعطى الفلوس لزوجته
ـ خدى يا وليه
ـ إيه ده يا منصور
ـ صقر وافق وفرح أوى أوى وادانى الفلوس دى وقالى خلى مراتك تجيب اكل وتاكل كويس عايز العيل صحته كويسه
ـ الواد ده شكله هيبقى وش السعد علينا
ـ يارب يطلع واد
ـ واد باذن الله انا عارفه انا بقولك ايه شكل بطنى والاعراض الى عندى بتقول أنه واد أنت ناسى أنى مخلفه اربعه غيره
ـ لا مش ناسي ده وقتها صقر هيعيشنا فى عز إذا كان الواد فى بطنك وادانى كل دول آمال لما يشيله هيعمل ايه
فى منزل صقر
كانت تجلس رسميه على سجادة الصلاة وتدعوا ربها أن يرزقها الذرية الصالحة
رسميه امرأه طيبه القلب تبلغ الخامس والعشرون من عمرها تزوجت صغيره من صقر وكانت تحبه من صغرها ولم تريد أن تتخلى عنه من أجل الخلفه وسلمت أمرها إلى الله ولكن لن تكف عن الدعاء فهى تحب صقر من جهه ومن جهه تريد أن تسمع كلمه ماما ولكن صقر عندها اهم من أى شىء.
دخل اليها صقر وهو مبتسم وجلس بجوارها على سجادة الصلاة
ـ لسه بتدعى ربنا أنه يرزقك بطفل
ـ عمرى ما هبطل
ـ ربنا استجاب دعوتك وهيجيلك عيل
ـ إزاى بس وانت رافض حتى انى اتبنى عيل
ـ منصور اخويا مراته قربت تولد وهو مش عايز العيل ده وقالى خده ربيه وانا كفايه عليه اخواته
ـ انت بتتكلم جد وهو في حد يتخلى عن ضناه
ـ هو ربنا كرمه باربعه ومراته معدش فيخا حيل لا تربى ولا ترضع عشان كده يوم ما تولد العيل ده هنكون معاها فى المستشفى تولده وانتى خوديه وروحى بيه
ـ ايه ده مش هتخليها ترضعه حتى
ـ لا لو رضعته ممكن تحن ليه لكن لو مرضعتوش مش هتحن
ـ قلبى مش جايبنى يا معلم
ـ بقولك ايه الواد ده أهله مش عايزينه ولو اتربى فى وسطهم هيتظلم إنما احنا هنراعيه وهنجبله كل الحلو وانتى حنينه وهتخافى عليه وهتيلوا لبن الاطفال ده ورضعيه وابقى امه فعلاً ، هتعرفى ولا اشوفلك حد يساعدك
ـ لا هعرف طبعا انت عندك حق
بقولك ايه انا بكره كده على الضهريه هروح عند هاديه واسالها على رأيها عشان اكون ريحت ضميرى
ـ ماشى وانا موافق
فى اليوم التالى
ذهبت رسميه لتقابل هاديه واخذت معها بعض الهدايا لها ولابنائها وجلست تتحدث معها عن صحتها وظلت هاديه تتحدث معها عن الحمل والولاده ومدى التعب الذى تشعر به وأثناء حديثهم
بدأ الطفل يتحرك في بطن هاديه فأخذت هاديه يد رسميه ووضعتها على بطنها حتى تعلقها بالطفل اكثر وتجعل زوجها ينفذ جميع طلباتهم
ـ شوفتى يا رسميه حسيتى بيه الواد بيلعب كوره فى بطنى
تحدثت رسميه بفرحه ودموع
ـ الله ده بيتحرك يا بختك يا هاديه ربنا يقومك بالسلامه يا رب
ـ اعتبريه ابنك يا رسميه وخديه ربيه أنا عارفة إنك هتبقى حنينه عليه يمكن اكتر مني كمان
ـ مش هتزعلى ولا هتندمى
ـ شايفه البيت والعيال طلباتهم مش بتخلص وانا معدش عندى حيل اربى او اسهر تانى صحتى على ادى خدى الواد ربيه انتى وانا هبقى اجى ازورك كل فتره وانتى كمان تزورينى بيه عشان ابقى اطمن عليه
ـ ماتقلقيش يا هاديه هعتبره ابنى وهجبله كل اللى يحتاجه ويطلبه
ظلوا يتحدثوا طوال اليوم وارسلت رسمية واشترت طعام كثير لهاديه وظلت هاديه تتحدث معها عن الاطفال وعن تربيتهم وتعطيها النصائح وكانت تحاول أن تعلق رسميه بتبنها أكثر حتى لا تعود فى رأيها مره اخرى
ـ اموت واعرف يا هاديه جايبه الثقه دى أنه واد منين
ـ من دول يا اختى قدامك أربعة اهم وكل مره ببقى عارفه نوع الجنين التلاته الاولانين ولدتهم هنا فى البيت على ايد الدايه الرابع تعبت اوى وروحت المستشفى بصراحه احسن من الدايه والمره دى كمان هروح المستشفى
ـ ماتقلقيش انا هكون معاكى
ـ اختى هتكون معايا برضه هى مخطوبه وفاضيه انتى تعالى خدى الواد وامشى بعد كده وانا لما اقدر اقف على حيلى هروح
ـ خلاص ولو احتاجتى اى حاجه عرفينى
ثم اخرجت من حقيبتها مبلغ مالى واعطته لهاديه
ـ خلى دول معاكى عشان مصاريف المستشفى واكلك وشوربك
ـ كتير كده يا رسميه كفايه عليكى الواد ومصاريفه
ـ ماتشغليش بالك اهم حاجه تقومى بالسلامه
انتهى اليوم وذهبت رسميه لمنزلها وظلت تتحدث بحماس عن ذلك الطفل وتصف له ما شعرت به عندما وضعت يدها على بطن هاديه
ـ يااا يا صقر احساس حلو اوى ربنا ما يحرم حد منه
ـ يارب
ـ بقولك ايه من بكره تجيب نجار يعمل الاوضه اللى جمبنا دى اوضه اطفال وانا هاخد اختى وانزل أشتري للواد لبس
ـ مش لما تولد ونعرف نوعه الاول
ـ واد وامه قالت واد وانا كمان حاسه بكده
ـ خلاص اعملى اللى انتى عايزاه بس بقولك ايه الواد ده مايشغلكيش عنى
ـ محدش يقدر يشغلنى عنك ده انت ابنى البكرى
وبالفعل ذهبت رسميه واشترت كل ما يلزمها لذلك الطفل من ثياب وكوافيل وكل ما تحتاجه وتذكرت حديث هاديه واشترت ما وصتها به هاديه
مر ثلاث اسابيع وأتى يوم الولاده وذهبوا جميعا للمشفى رسميه وصقر ومنصور وظلوا واقفين للاطمئنان على هاديه وبالفعل خرجت الممرضة وبيدها المولود
ياترى هاديه خلفت إيه ؟؟
↚
ظلوا جالسين في المستشفى إلى أن خرجت الممرضة وتحمل بيدها مولود داخل لفه واقتربت من منصور وهى سعيده لتعطيه الطفل وتبارك له ولكن منصور رفض أن يحمله
ـ اديه لابوه يشيله الاول ويسمى عليه
ذهبت الممرضة فى اتجاه صقر واعطته الواد وهى تبارك له
ـ ألف ألف مليون مبروك يا معلم المدام جابت واد زى القمر يتربى فى عزك ايدك بقى على الحلاوه
حمله صقر بيد مرتعشه وأذن له فى اذنه ثم اعطاه لزوجته ،
تحدث منصور مستفسرا عن أسمه
ـ هتسميه ايه يا صقر
ـ انا مش هقدر أسميه على اسمى لكن اقدر اسميه زى اسمى
ـ فزوره دى ماتقول هتسمى ايه
ـ شاهين الصقر شاهين
ثم اعطاه الى زوجته
ـ خدى يا أم شاهين مبروك عليكى ابنك
اخذته رسمية بلهفه ونظرت اليه وظلت تسمى عليه وضمته لصدرها بحنان واصبحت تبكى من الفرحه أنها أخيراً ستصبح ام
اخرج صقر من جيبه رزمه من الاموال واعطى الممرضة البشاره واصبح يعطى كل من يراه فلوس ثم ذهب بعد ذلك وتكفل بمصاريف المستشفى كامله
ظلت رسميه جالسه وهى تحمل المولود وتكبر له وتسمى عليه عندما رأى منصور ما فعله اخيه شعر بسعادة داخليه فهو الآن وجد نقطه ضعف لاخيه وكلما يكبر ابنه كلما تعلق به صقر وزوجته أكثر وكلما سيطر منصور على اخيه اكثر
اقترب منصور من رسميه
ـ مبروك يا أم شاهين اللى جاببك يخليلك
ـ الله يبارك فيك انا اللى المفروض ابارك ده ابنك
ـ لا من يوم ما خرج من بطن أمه بقى ابنك خلاص تقدرى تاخديه و تمشى ولما هاديه تقوم هترجع بيتها
ـ طيب مش نطمن عليها الاول
ـ هى أول مره يا مرات أخويا تخلف دى الخامسه
ـ ربنا يبارك
ثم ذهب بعد ذلك لأخيه وطبطب على كتفه
ـ وانت يا صقر خدهم وروحهم وبعد كده روح الاچانس بتاعك وخد بالك من شغلك
وانا كمان مجرد ما هاديه تخرج هروحها وأجى واروح اشوف حالى
ـ طيب يا منصور انا هروح وابعتلك حد من الصبيان بتوعى ومعاهم عربيه يوصلوكوا البيت
وبالفعل ذهب صقر لمنزله برفقه زوجته رسميه وذهب بعدها منصور لشراء كل ما يلزم صقر من الصيدليه من البان من اغلى الانواع وأعشاب
مرت الايام وبدأ شاهين يكبر ببطء ويذداد تعلق صقر ورسميه به كلما كبر كلما زادت ملاغاته لهم
كل يوم يمر كان صقر يشترى له شيئا وهو قادم من عمله
مرت سنه وعاد منصور للعمل في أچانس السيارات الخاص بصقر وحاول صقر مراراً أن يعلمه أصول الشغلانه
لكن منصور لم يهتم أن يطور من نفسه هو فقط يريد ذلك المرتب الكبير الذى يعطيه له اخيه
"اچانس يعنى معرض سيارات "
صقر يمتلك معرض سيارات مستعلمه
كانت رسميه من وقت لآخر تأخذ شاهين ليزور اخوته ولكى تراه هاديه
لكن هاديه لم تكن تعطيه ذلك الاهتمام الذى كانت تعطيه لاخوته فهى لم ترضعه ولم يكبر امامها
وأثناء جلوسها مع رسميه فاجأتها بخبر حملها مره اخرى
ـ اسكتى يا رسميه مش انا حامل
↚
ـ ايه ده بجد ألف مليون مبروك
ـ والله يا ختى منصور لسه عامل معايا مشكله قالى يا وليه احنا يا دوب بنصرف على العيال وبدأنا نظبط امورنا راحه تحملى تانى
ـ ارضى يا هاديه انتى وجوزك دول عزوه انا مستنيه شاهين يكبر ويشد حيله وهعرفه إنك امه وولادك دول اخواته
ـ انتى مش عايزاه ولا ايه يا رسميه
ـ انا مقدرش اقعد من غيره ساعه واحده ازهق منه ، لا طبعا بس صعبان عليه إنه وحيد عشان كده بجيبه يقعد مع اخواته ويلعب معاهم
ـ صعبان عليكى ، يا رسميه اللى يصعب عليكى اخواته دول إنما هو عايش عيشع احسن منهم كلهم
ـ بس هما فى حضنك وطول الوقت مع بعض وعارفين انهم اخوات ولما يكبروا هيخافوا على بعض
ـ محدش عارف المستقبل فى ايه وانتى ماتستعجليش
صدمت رسميه من حديث هاديه فهى ظنت انها ستكون سعيده عندما تخبرها بما تفكر فيه
مرت الشهور والسنوات وانجبت هاديه بنت
بدأ شاهين يكبر واصبح عمره عشر اعوام وكان صقر يهتم به وبدراسته ودخله افضل المدارس وكان يأتى له بأفضل المعلمين حتى يجيد القراءة والكتابة ويعلمه لغات اخرى كى يساعده فى عمله عندما يكبر
اصبحت علاقه شاهين بمن حوله علاقه طيبه فالكل يحبه حاول كثيراً صقر أن يخبره بصله القرابه بينه وبين منصور واخوته لكن كان يخشى من ردتت فعله أو أن يبعتد عنه وقام بتزوير شهاده ميلاد جعلت شاهين اسمه فى الاوراق الرسميه شاهين صقر
واصبح لشاهين ابنتين خاله واحده من جهه رسميه ابنت اخت رسميه تدعى فضه
واخرى من جهه هاديه تدعى أسماء
ولكن شاهين كان قلبه يميل لفضه فهى كثيراً ما كانت تأتى لتجلس مع خالتها وكان شاهين يراها وأوقات أخرى يتحدث معها ولكن بحدود
ولكن تلك الفتاتان بدؤا يحملوا مشاعر تجاهه
ياترى النصيب فين ولمين ؟؟
بدأ شاهين يعمل فى معرض ابيه وكان يتعامل مع منصور بمثابه أن منصور عمه وبدأ يقترب من ممدوح اخوه الاكبر منه مباشره
فكان يرتاح كثيرا فى الحديث معه وكذلك ممدوح يحبه كثيراً
مرت السنين ودخل شاهين كليه هندسه واصبح فى السنه النهائيه ومازالت علاقته بممدوح تزداد قوه
واصبح هو من يمسك المعرض لوالده
ـ بقولك ايه يا ممدوح الدراسه خلاص هتبدا وانا عايز أنزل اشترى طقمين جداد
ـ طقمين مره واحده
ـ يا عم النق ده تعالى معايا وهجبلك طقم هديه
ـ ماشى بس بقولك ايه القميص الرمادى اللى جبته السنه اللى فاتت بقالك فتره مابتلبسوش انا عايزه
ـ تعالى معايا خد اللى انت عايزه من الدولاب يا ممدوح انا بحسك اخويا مش ابن عمى
ـ والله الإحساس متبادل يا شاهين
خرج شاهين برفقه ممدوح كعادتهم واشترى له ملابس واشترى لنفسه وأيضا اشترى لوالده ولم ينسى امه فقد اشترى لها هديه
بعد ان انتهوا قرر ممدوح أن يؤجل ذهابه لمنزل عمه ليوم اخر فالوقت قد تأخر ويحتاج للنوم حتى يستطيع العمل براحه فى اليوم الثانى
ذهب شاهين المنزل وجد صقر وزوجته يشاهدون التلفاز
جلس برفقتهم وظل يناكفهم كعادته
ـ خد يا باشا طقم جديد على زوقى إنما ايه حاجة الاجا زى مابتقول
ـ افضل انت اشتريله لبس يا شاهين كده لحد مايعملها ويتجوز عليه ووقتها همو*تك انت واهو
ـ وهو يقدر يا ست الكل ده لو لف العالم ده مش هيلاقى ضفرك
وعشان ماتزعليش خدى طرحه وعبايه جداد أهم
ـ ربتا يخليك لينا ومايحرمناش منك أبدا
ـ بابا انا عايز اقولك حاجه بس خايف من رد فعلك
ـ خير
ـ انا هنزل اشتغل فى معرض تانى الاسبوع الجاى
وقف صقر بعصبيه وغ*ضب من قرار ابنه
فهو يعتمد عليه فى كل شئ لما يريد الآن أن يتخلى عنه
هل علم شيئا من الماضى
ـ أنت اتجننت أنت بتقول ايه بقى عايز تسبنى يا شاهين دى اخرت تربيتى وانا اللى بقول انك هتكبر المعرض
ـ انا عشان عايز اكبر المعرض عملت كده
بص يا بابا انا عايز اعمل فرع تانى للمعرض وتكون سيارات زيرو مش هنفضل طول عمرنا فى المستعمل
احنا معانا مبلغ حلو وممكن نعمل قرض ونبدأ بعمل فرع جديد لينا بعيد عن هنا ونخلى المعرض ده يبقى فى سيارات جديده ومستعمله والمعرض التانى يبقى سيارات جديده بس ونسمى المعرض الصقر شاهين
ـ طيب يا بنى انا قصرت معاك فى حاجة طالما انت شايف ده صح اعمله
ـ المبلغ كبير وقبل أى خطوه لازم احسبها كويس واعرف قرارها عشان لو خسرنا وقتها هنخسر كل حاجه عملناها السنين اللى فاتت
جلس صقر مره اخرى يفكر فى حديث شاهين وازداد اعجابه بطريقة تفكير ابنه فهو يشبهه كثيراً عندما كان فى سنه بالرغم أن منصور والده الحقيقى إلا أن شاهين يأخذ طباعه
لم ينسى موقف منصور عندما اخبره إنه لا يريد لشاهين أن يعرف إنه ابنه فى الوقت الحالى إلى أن يشاء الله فقظ ظن أن منصور سيرفض لكن تفاجأ عندما طلب منه مقابل وساومه على رفع اجره للضعف
وعندما كبر شاهين ظن أن والده يفعل ذلك لكى يساعد عمه بشكل غير مباشر
ياترى شاهين هيكون مين نصيبه فضه ولا أسماء ؟