رواية طعم الايام مرام وعمرو كاملة جميع الفصول بقلم عبير سليم

رواية طعم الايام مرام وعمرو كاملة جميع الفصول هى رواية من تأليف المؤلفة المميزة عبير سليم رواية طعم الايام مرام وعمرو كاملة جميع الفصول صدرت لاول مرة على فيسبوك الشهير رواية طعم الايام مرام وعمرو كاملة جميع الفصول حققت نجاحا كبيرا في موقع فيسبوك وايضا زاد البحث عنها في محرك البحث جوجل لذلك سنعرض لكم رواية طعم الايام مرام وعمرو كاملة جميع الفصول

رواية طعم الايام مرام وعمرو كاملة جميع الفصول

جافى الفؤاد النوم و بات خصيمه ما دام حبيب العمر عنه بعيد

فليت الدهر يكن بي رحيما و يلطف بقلب في العڈاب مقيم

لم أقصد يومآ حرمانه من رفيقه و لكن قصدت فقط الا أعيش وحيد

و لكنني تيقنت بأنه لا حياة في بعده و لن يقوى الفؤاد على ألم الحنين

فقل لي هل سيعود عصفوري إلى عشه و يعود للتغريد لا النحيب ام سيقوى فؤاده على الهجر و اظل ابكي انا على صخر من الجليد

تخرج من عملها و هي تتحدث إلى زميلاتها و ضحكتها الجميله تغزو وجهها و تملاء ثغرها 

الأخرى و هو بختك انتي لوحدك ماهو بختي انا كمان يااختي خيبه علية لا عمره جالي نروح سوا و لا عبرني

_يا حبيبتي انا لو اتصلت بيه بيقوللي خير عاوزه ايه انا مش عارفه جوز مرام ده وقعت عليه منين

ابن الجيران يا قلبي و عمل عمايله عشان يتجوزها و زي ما نتي شايفه علطول متشحتف عليها و مخليها ملكه مش احنا بلا وكسه

_منك لله ياللي فبالي

عمرو من شويه صغيرين

مرام طب و ليه مقلتليش انك جاي 

عمرو حبيت اعملهالك مفاجأه 

مرام احلى مفاجاه في الدنيا بس انت 

مالك في حاجه مضايقاك 

عمرو ايوه متضايق منك

مرام متضايق مني انا ليه

عمرو هو مش انا منبه عليكي انك متضحكيش مع زمايلك بالشكل ده 

مرام حبيبي دول زمايلي الستات 

عمرو و لا ستات و لا رجاله

مرام الله و دي اسميها ايه بقى

عمرو سميها زي ما تسميها 

مرام انت لسه بتغير علية يا عمرو 

عمرو يا سلام على اساس انك مش عارفه

متستعبطيش يا مرام انتي عارفه اني مبطقش اشوفك بتضحكي مع حد 

مرام يا حبيبي دول ستات زيي

عمرو مرام متعصبنيش

مرام هههههههه بمۏت فيك و انت عصبي كده 

عمرو ........ 

مرام يا ربي عليك خلاص حاضر يا سيدي حعملك اللي يريحك متقلدمش بقى بيبقى شكلك وحش و انت مقلدم اضحك بقى 

عمرو مش اكتر مني يا حبيبتي 

مرام حبيبي ربنا يخليك لية عمرو معلش ممكن بقى اغلس و اطلب حاجه 

عمرو اتفضلي يا ستي 

مرام سها كلمتني و قالتلي ان بابا تعبان شويه و هو قالها متقوليش عشان متقلقنيش عليه فممكن بعد اذنك نروح نشوفه قبل ما نروح

عمرو حاضر يا حبيبتي بس الصراحه المفروض ان باباكي ميقعدش لوحده يا مرام و انا مقصدش انه يقعد مع حد لأني عارف انه مش حيرضي انا اللي اقصده انه المفروض كان يتجوز مينفعش واحد في سنه يفضل لوحده كده و كل واحده فيكم في بيتها و اخوكي مسافر و مبيجيش غير إجازات حرام و الله يفضل لوحده كده

مرام مانت يا عمرو انه لو علينا احنا معندناش اي مانع و علي يدك اتحايلنا عليه اد ايه لكن هو رافض أي كلام فالموضوع ده 

عمرو ليه بس عمي محتاج حد يراعيه و مهما كان الزوجه غير البنت بيبقى براحته معاها و مفيش احراج

مرام بابا رافض ان اي ست تدخل حياته بعد ماما و مصمم انه يعيش مخلص ليها لحد ما يقابلها

عمرو و الله انا اللي اعرفه ان الراجل يخلص للست و هي عايشه و الست كذلك لكن لو حصل لحد فيهم حاجه من حق الطرف التاني انه يشوف حياته ما دام مبيعملش حاجه غلط

↚

مرام قول مهما تقول بابا مبينفذش غير اللي في راسه

عمرو صراحه باباكي ده عمله نادره مفيش حد بيفكر بالشكل ده دلوقتي خالص 

مرام امممم افهم من كلامك ده اني لو اتوكلت على الله حتتجوز و تنساني 

عمرو الف بعد الشړ عنك يا مرام اوعي تقولي كده تاني انا ممكن اتحمل أي حاحه في الدنيا إلا ان حاجه تاخذك مني

مرام حبيبي يا عمرو عارفه انك بتحبني يا حبيبي

عمرو لا انا مش بحبك بس اللي جوايا مفيش حاجه في الدنيا ممكن توصفه انتي حياتي عمري روحي يا مرام

يلاقي تليفونه بيرن و تكون مامته اللي بتتصل ايوة يا ماما ازيك يا حبيبتي عامله ايه

عاوزاني دلوقتي حاضر يا ماما يقفل معاها الخط و يكلم مرام

مرام حبيبتي ماما عاوزاني مش عارف في ايه لهجتها مش مطمناني

مرام خير يا حبيبي ان شاء الله 

عمرو يا رب حبيبتي معلش انا حوديكي عند

بابا و حروح لماما اشوفها و حاجي اخدك 

مرام تمام يا حبيبي 

يتكلموا مع بعض و يوصلوا عند بيت باباها يبوسها من ايدها و تنزل 

تنزل مرام من العربيه و تفضل عيونه عليها لحد ما تدخل البيت عند باباها و يطلع بالعربيه 

تفتح مرام الشقه بمفتاحها و تدخل تلاقي اختها سها بتعمل الاكل لباباها و هو فاوضته تجري عليه الف سلامه عليك يا حبيبي كده بردو متقلليش انك تعبان 

باباها الله يسلمك يا حبيبتي انا كويس و الله سها بس هي اللي بتبالغ انتي عارفاها هو انتي جايه لوحدك 

مرام عمرو جابني و راح يشوف مامته و حييجي يشوفك و نروح سوا

باباها عمرو ده ابن حلال ربنا يخليكم لبعض يا رب 

مرام يا رب يا بابا 

بس انا حسيته قلقان من مكالمة مامته مش عارفه مالها قالتله لازم يروحلها دلوقتي 

باباها يجوز عاوزاه فحاجه مهمه 

مرام اكيد حاجه مهمه و اللا مكنتش قالتله يروحلها دلوقتي و هي عارفه انه بيرجع من الشغل تعبان بس يا ترى ايه الموضوع اللي عاوزاه فيه مامتك يا عمرو

هو ده الموضوع اللي حضرتك عاوزه تكلميني فيه يا ماما 

عزه و هو في ايه اهم من الموضوع ده عشان اكلمك فيه يا عمرو 

عمرو ماما عشان خاطري لو بتحبيني بلاش تتكلمي معايا في الموضوع ده تاني

عزه لا بقى يا عمرو حتكلم فيه تاني و تالت و عاشر و ده عشان انا بحبك يا بن بطني بحبك و عاوزالك الخير

عمرو و هو فين الخير ده و انتي عاوزاني اتجوز على مراتي

عزه و فيها ايه لما تتجوز عليها انت لا اول و لا آخر واحد يتجوز على مراته انت مش حتعمل حاجه عيب و لا حرام انت حتتجوز على سنة الله ورسوله يا بني

عمرو مقدرش يا ماما مقدرش مش ممكن اقدر اعمل كده استحاله واحده تانيه تكون في حياتي غير مرام

عزه و انا مبقولكش طلقها عشان تقول كده ما هي حتفضل على زمتك و معاك لكن انت من حقك تبقى اب يبني من حقك تشوف ولادك حواليك

عمرو و هي كمان من حقها يكون عندها ولاد و من حقها تكون ام 

عزه لا اله الا الله و هو مين السبب في انك لا عارف تكون اب و لا هي عارفه تكون ام مش هيا

عمرو الله اعلم مين فينا السبب

عزه الله اعلم ازاي يعني هو مش انت عملت تحاليل بدل المره عشره و كل مره تطلع تحاليلك زي الفل

عمرو و مرام كمان كويسه يا ماما معندهاش حاجه تمنعها مرام حملت قبل كده يا ماما مش محملتش و حملت بدل المره اتنين

عزه و الكلام ده من كام سنه هاه مش من عشر سنين من اول جوازكم و من وقتها لا حملت و لا بطنها شالت عيل

يوم واحد و انت مقصرتش معاها

↚

و صرفت عليها اللي وراك و اللي ادامك و عملتوا العمليه بتاع الانابيب دي كذا مره و بردو مفيش فايده يبقي العيب فمين فهمني

عمرو معرفش يا ماما معرفش لكن اللي اعرفه حاجه واحده بس انا مش حقد ادخل حياتي واحده غير مرام و مرام اصلا لو عرفت اني ممكن انجوز عليها مش حتعيش معايا يوم واحد

عزه حتعيش حتروح فين يعني

عمرو لا مش حتعيش يا ماما و مش حتوافق دي مراتي و انا عارفها ماما انتي عارفه انا بحب مرام اد ايه و عملت ايه عشان اتجوزها و استحاله أعرض نفسي لحاجه تخليني اخسرها

عزه خلاص يبقى حتخسرني انا ياعمرو

عمرو انتي بتقولي ايه يا ماما

عزه بقولك اللي حيحصل و ربنا يا عمرو لو ما اتجوزت و جبتلي حفيد لا حتكون ابني و لا اعرفك و قلبي و ربي حيكونوا غضبانين عليك ليوم الدين

عمرو حرام عليكي يا ماما يعني هو يا اما اسمع كلامك و اخرب بيتي يا اما تغضبي علية

عزه بيتك هو فين بيتك ده يا بو بيت البيت ده اللي يكون فيه ولاد تعيش عشانهم تشتغل عشان وقتك كله يبقى تفكير فيهم و فمصلحتهم و مستقبلهم لكن البيت اللي من غير ولاد ده بيبقى خړاب بكره تكبر و تحتاج الايد اللي تتمدلك و

تتسند عليها و الايد دي عمرها ما حتكون غير ابن من صلبك يشيل اسمك و يقف جمبك لما ابوك الله يرحمه تعب مين اللي شاله يا عمرو مش انت مين اللي كان بيجري و بيروح و ييجي مش انت فوق يبني فوق قبل ما تشيب و تلاقي نفسك في الدنيا لوحدك مرام ممكن تزعل لها يومين لكن مسيرها تعقل لكن انت دلوقتي الوقت سارقك بكره السنين تعدي و تلاقي صحابك بيعزموك في فرح ولادهم و بناتهم حتلاقي عندهم رجاله و عرايس كل واحد بيقول للتاني عقبال ما تفرح بولادك و انت واقف لوحدك ساعتها بس حتزعل يا ضنايا

ده انا اللي خلفتك خلفت راجل و الله لولا أن ابوك هو اللي تعب و مبقاش يقدر يخلف تاني و ربنا لكان اتجوز تاني ده كان حزين انه معندوش غير ولد واحد الولاد عزوه يا بني و ربنا بيقول المال والبنون زينة الحياة الدنيا

كلام كتير تقوله و توجع قلبه بيه تحسسه اد ايه حياته ملهاش طعم من غير ولاد و انه عمره ما حيحس بالسعاده غير و ولاده حواليه و لأول مره يبدا يفكر في كلام امه بشكل تاني ميردش عليها و يروح لمرام يطلع يسلم على باباها و ياخدها و يمشي و طول الطريق ساكت و لما مرام سالته مامته كانت عاوزاه فايه قاللها انه كان واحشها أوي و عاوزه تشوفه بيفكر و سرحان و مش عارف يعمل ايه حبه لمرام فوق الوصف لكن ڠصب عنه نفسه أوي يكون عنده طفل حاول يبان طبيعي لكن مش قادر نام من كتر التفكير و لما وصل الشركه عرف ان رئيس القسم عمل عمليه و في المستشفى و كل الزملاء رايحين يزوروه و راح معاهم و لما راح لقى مفيش حد معاه غير مراته دايخه بيه و عماله تترجى كل واحد شويه يساعدها فحاجه لأنه للأسف معندوش ولاد و هو و زملاؤه حاولوا يعملوا اللي يقدروا عليه صعب عليه اوي وضعه و افتكر كلام امه و ان الولد هو اللي بيشيل اهله تخيل نفسه فمكانه و مفيش حتى اخ معاه حزن ڠصب عنه

↚

و هما خارجين من عندهم شاف شابين مسندين باباهم و بيكلموه ارمي جسمك كله علينا يا بابا متخافش يا حبيبي احنا ساندينك

الأب يا حبايبي يا ولادي ربنا يخليكم لية يا رب و يجعلكم سندي العمر كله

يمر كذا يوم و عمرو متغير طول الوقت بيفكر و مرام كل ما تحاول تعرف ماله يحاول يفهمها انه ضغط شغل مش اكتر لحد ما فيوم اتصلت بيه جارة مامته و قالتله انها تعبانه اوي و لازم ييجي يشوفها اخد نفسه و راح و اتصل عالدكتور و الدكتور قال لازم تروح المستشفى اتصل عالإسعاف و في المستشفى امنته انه لازم يتجوز 

مرام كانت بتروح تزورها في المستشفى تطمن عليها لحد ما خرجت و فيوم و هو عندها بلغها انه موافق وقتها الدنيا مكنتش سايعاها من الفرحه لكنه شرط عليها ان مرام متعرفش لأنها لو عرفت حتسيبه و هو ميقدرش يعيش من غيرها ماشي يا عمرو اللي يريحك يابني انا المهم عندي ان ربنا يرزقك بالذريه الصالحه و تشوف ولادك أدام عينية

و عروستك موجوده

عمرو عروستي 

عزه ايوة يا حبيبي بسنت 

عمرو بسنت بسنت مين 

عزه بسنت بنت محمد الفكهاني الله يرحمه بنت غلبانه و يتيمة الاب و الأم و من يوم ما امها و ابوها ماتوا و مراة عمها هي اللي بتربيها وساقياها المر كله و البنت غلبانه غلب السنين و حتى علطول تيجي تشوفني و تقعد معايا 

عمرو متعلمه

عزه يا لهوي عليك يا عمرو و هو انا حجيبلك واحده جاهله دي حتكون مراتك و ام ولادك و لازم تشرفك و تليق بيك و تربي ولادك التربيه الصح

عمرو ولادي

عزه طبعا ولادك يا حبيبي بص هي معاها معهد فني تجاري و زي القمر بس بختها هو اللي مايل و انا حفهمهم وضعك و متأكده انهم حيوافقوا

عمرو ماما اشرطي عليهم لو مرام عرفت حاجه يعتبروا كل حاجه منتهيه 

عزه خلاص يا عمرو قلتلك حاضر 

يمشي عمرو و هو

مش عارف ليه وافقها مش عارف اذا كان اللي عمله ده صح و اللا غلط

مرام انت وحشتني اكتر اتاخرت أوي 

عمرو حقك عليا 

مرام كل سنه وانت طيب يا حبيبي

عمرو و انتي طيبه يا حبيبتي انتي مبتنسيش عيد ميلادي ابدا 

مرام ازاي اقدر انسي أجمل يوم في الدنيا يوم ما حبيبي اتولد و اتكبت على اسمه 

عمرو يا حبيبتي يا مرام ربنا يخليكي ليا يارب 

تدخل مكتبها في الشركه و البسمه على وشها يا صباح الفل عليكم

نهى صباح النور يا اختي ده ايه الروقان ده 

مرام حروح للمدير وابقي اجي اقولكم و تسيبهم و تمشي

سلوى انتي مالك مستغربه ليه هي من امتى مرام مكنتش رايقه ما هي علطول كده فايقه و رايقه و مستحميه

نهى على رأيك لما هيا متروقش امال مين اللي حيروق دماغها فاضيه لا عندها ولاد بتفكر في همومهم و مذاكرتهم و مشاكلهم و لا راجل قارفها فعيشيتها

سلوى لا لو عالراجل معاها بس معاها راجل بمقام عشره من اللي معانا راجل عارف يقدر الست اللي معاه و معيشها ملكه محسسها ان الدنيا كلها تحت رجليها مش اللي معيشيننا معاهم بلقمتنا جانا. نيله فبختنا المنيل

تيجي مرام ازيكم عاملين ايه

نهى انتي اللي عامله ايه و كنتي غايبه ليه امبارح قوليلنا بقى

مرام كنت انا و عمرو بنحتفل بعيد ميلاده

نهى سيدي يا سيدي كل سنه و هو طيب يا حبيبتي

سلوى عقبال ما

تحتفلوا بالنونو كده و هو معاكم

مرام بۏجع

↚

يارب يا سلوى بس تفتكري

سلوى و مفتكرش ليه يا مرام مفيش حاجه بعيده عن ربنا و انتي معندكيش مانع و ان شاء الله ربنا حيكرمك

نهى متزعليش مني يا مرام انتوا اللي شكلكم عاجبكم الوضع كده لانكم ساكتين لا بتدوروا و لا بتعملوا حاجه كل اللي شاطرين فيه الدلع و الفسح و بس

مرام ليه يا نهى بتقولي كده مانا على يدكم عملت العمليه تلت مرات و كل مره ميحصلش نصيب ده غير اني اول جوازي حملت طبيعي من غير حاجه خالص و ربنا ما أرادش و كان الحمل بينزل في اوله

نهى و ايه يعني عملتي العمليه تلت مرات اعمليها رابع و خامس و عاشر لحد ما ربنا يكرمكم و انتوا وضعكم المادي كويس

مرام انا لو علية معنديش مانع لكن عمرو هو اللي رافض يتكلم في الموضوع ده و بيقوللي نسيبها على ربنا

نهى ربنا يديكم يا مرام يا رب

ترجع مرام البيت و هي نفسها تفتح معاه السيره في الموضوع ده و منتظره الوقت المناسب عشان تقنعه يعملوا العمليه تاني و اول ما يرجع و هما بيتغدوا مالك يا مرام في حاجه 

مرام اه كنت عاوزه اتكلم معاك في موضوع مهم 

عمرو موضوع ايه يا مرام 

مرام موضوع 

يرن تليفونه و يلاقيها امه يرتبك و يرد عليها ايوة يا ماما 

حاضر يا حبيبتي مع السلامه 

مرام خير يا حبيبي في حاجه 

عمرو ماما عاوزاني اروح معاها للدكتور 

مران لو حابب ترتاح و اروح انا معاها معنديش مانع 

عمرو لا يا حبيبتي متتعبيش نفسك ارتاحي انتي انا حقوم انام ساعتين و اروح معاها و ارجع علطول 

قوليلي بقي كنتي عاوزاني فايه

مرام و لا حاجه خلاص يا حبيبي قوم انت الحق ارتاح شويه قبل ما تنزل

يقوم عمرو يحاول ينام لكنه مش عارف قلقان من الخطوه دي عقله فيه مليون حاجه خاېف يندم قلقان مرام تعرف بيدعي ربنا هما يرفضوا مش عاوز يروح و عاوز متوتر و خاېف مروا الساعتين و قام لبس 

مرام اش اش ايه الجمال ده كله لا انا كده حخاف الممرضات و الدكاتره يعاكسوك 

عمرو مفيش حد مسموحه يعاكسني غيرك و لا مسموح لعيني تروح لواحده غيرك انتي 

مرام خاېفه يا عمرو خاېفه واحده تاخدك مني 

عمرو ايه الكلام الفارغ ده و ايه اللي يجيب في عقلك حاجه زي دي

مرام قلق مش اكتر اوعدني يا عمرو انك ماتكنش غير لية لمرام و بس

عمرو اطمني يا حبيبتي عمرو مينفعش يكون غير لمرام بس مش حتقوليلي بقي كنتي عاوزه تقوليلي ايه

مرام و هي متعلقه فرقبته لما ترجع بالسلامه ان شاء الله حقولك

عمرو ماشي حبيبتي خللي بالك من نفسك 

مرام عمرو لا إله إلا

الله 

↚

عمرو محمد رسول الله

البارت الثاني

طعم الأيام

في إحدى المنازل المتوسطة الحال يجلس هو و والدته هي من تتحدث بينما هو يلتزم الصمت و ده طلبنا يا ام عزيز عشان ابني مش عاوز ييجي على مراته

ام عزيز و احنا معندناش مانع يا حبيبتي ما دامت بسنت حتعيش مرتاحه 

عزه يبقى على بركة الله فين بقى بسنت مش حتيجي تسلم علينا و اللا ايه 

تيجي بسنت و تلقى السلام فيردوا عليها و عمرو يرد من غير ما يرفع راسه و لا حتى يفكر يبص لها فامه تطلب منه انه يقعد معاها و يتكلموا براحتهم 

تقوم هي و مراة عمها يخرجرا و يسيبوهم يقعدوا مع بعض 

هو ساكت و هي باصه في الأرض و بتفرك ايدها فبعضها و متوتره 

اخد نفس عميق و بدأ يكلمها اسمك بسنت مش كده 

بسنت أيوة 

عمرو بسنت أنتي موافقه على انك تتجوزيني من غير ما مراتي تعرف

بسنت ايوه

عمرو ليه

بسنت ليه إيه 

عمرو ليه موافقه علي انك تتجوزيني بالشكل ده و المفروض ان كل بنت بتبقى نفسها تتجوز في العلن

بسنت كل بنت حرة فتفكيرها و كل جوازه و ليها ظروفها

عمرو تمام بس انا عاوز أقولك حاجه عشان متجيش في يوم تقوليلي أنت غشتني او خدعتني

بسنت و هي بتستجمع قوتها بتحب مراتك و متجوزني ڠصب عنك عشان مامتك هي اللي فرضت عليك ده عشان تجيب طفل و لو عليك فعمرك ما كنت حتفكر تتجوز عليها و أنا بالنسبة لك مش حكون اكتر من ام ابنك ده لو ربنا أراد إني أجيب طفل مش كدا

عمرو أنتي غريبة اوي 

بسنت ليه كلامي فيه حاجة غلط

عمرو انا مبقلش أنتي غريبه يعني كلامك فيه حاجه غلط لاء طبعآ لأنه ببساطة صح لكن أنا مستغرب انك عارفه ده و ساكته

بسنت انا ساكته لأني مواقفه يبقى مافيش داعي للكلام

عمرو و ليه توافقي على وضع زي ده 

بسنت لأنى بأختصار مجبوره زيك بالظبط

مراة عمي هي اللي جبرتني

ظروفي هي اللي جبرتني ان من يوم ۏفاة امي و ابويا و انا عايشه هنا زي الخدامه و يمكن اقل كمان بعد ما أخدت المعهد كان نفسي ادخل الجامعة و مرضيوش و لا حتى وافقوا إني أنزل اشتغل لأنهم ببساطة بقوا بيشغلوني هنا بلقمتي و انا كل أملي اني امشي من هنا تحت اي ظرف و بأي شكل مش حيهمني مش حيحصل اكتر من إللي أنا فيه

↚

اطمن يا استاذعمرو أنا مش حعمل لحضرتك مشاكل لأني باختصار مش عاوزه مشاكل انا كل اللي بحلم بيه اليوم اللي امشي فيه من هنا و أعيش في سلام و انا لا عاوزة حاجه و لا طمعانه في شئ كفاية علية أن حيتقفل علية باب مفتاحه معايا حنام و اصحى وقت مانا عاوزه و اعمل على ادي لأني تعبت أوي من كثر الشقا و تقدر حضرتك تقعد مع مراتك زي ما تحب و تيجي تشوفني وقت ما يريحك كفايه علية اني حعيش زي بقية البني ادمين

عمرو انا عمري ما شفت حد بيتكلم بتلقائيه كده

بسنت دوشتك معلش

عمرو لا يا بسنت مفيش دوشه و لا حاجه و اطمني يا بسنت أنتي حتعيشي عيشه مكرمه و حتي لو مكنتش حقدر اديكي قلبي و مشاعري و ده شئ مش بأيدي لكن حتلاقي تقدير و احترام

بسنت وانا مش عايزه أكتر من كده 

عمرو يبقى على بركة الله

يقروا الفاتحة و يحددوا معاد كتب الكتاب و يرجع البيت و هو بيحاول يبان طبيعي عشان مرام متشكش فحاجه و بعد اسبوع ياخد شقه و يشتري موبيليا و يفرشها و قبل كتب الكتاب يبقي مش عارف يعمل ابه او يتصرف ازاي 

حبيبتي انا حسافر أسبوع فشغل

مرام مش حتاخدني معاك

عمرو معنديش مشكله طبعآ بس شغلك

مرام اخد اجازه

عمرو يا ريت و الله يا مرام بس انتي مش حتكوني مبسوطه لأني معظم الوقت حكون في الموقع و حرجع هلكان بصي اوعدك أن شاء الله بعد ما ارجع اظبط يومين نتمتع بيهم في اي مكان 

مرام ماشي حبيبي بس خد بالك من نفسك

عمرو حاضر يا حبيبي و انتي كمان خللي بالك من نفسك و لو حابه تقعدي عند بابا حكون

مطمن عليكي اكتر

ييجي يوم كتب الكتاب يروح

هو و مامته و خاله و واتنين من

↚

صحابه و يلاقي عم بسنت عامللها شادر في الشارع و كل الجيران بيباركوا و بيهنوا و اما طلعوا كانت بسنت لابسه فستان و طرحه فبرغم انها مكسوره من جواها و حسه انها مش جوازه اد ما هي بيعه و شړوه مجرد وعاء مش اكتر لكن بتحاول تسعد نفسها و تحس انها زي البنات

يقعد عمرو و يحط ايده فايد عمها و قلبه واجعه من إللي حيعمله يغمض عيونه بحزن و يهمس بينه و ببن نفسه أنا آسف يا مرام

يفتكر يوم كتب كتابه هو و مرام و اد ايه كان فرحان يردد ورا المأذون و هو مش حاسس بأي احساس 

يكتبوا الكتاب و البنات يهيصوا شويه و ياخدها و يمشوا يروحوا الشقه اللي فرشها و يشيل شنطة هدومها اللي متجوزها بيها و يدخلها أوضة النوم و يطلب منهآ تدخل تغير هدومها اما هو فياخد التليفون و يدخل يكلم مرام حبيبتي وحشتيني

مرام حبيبى انت اللي وحشتني اكتر طمني عليك

عمرو انا الحمد لله بخير خللي بالك من نفسك 

مرام حبيبي انت اللي تخللي بالك من نفسك ربنا يرجعك لية بألف سلامه بحبك

عمرو بمۏت فيكي

يقفل السكه يلتفت يلاقيها واقفه وراه خير يا بسنت واقفه كده ليه

بسنت اسفه بس لقيتك بتتكلم قلت استناك اما تخلص براحتك 

عمرو كنت بكلم مرام بطمن عليها

بسنت ربنا بخليكم لبعض ممكن بس تفتحلي السوسته عشان ايدي مش طايلاها

عمرو حاضر 

يفتح لها السوسته و تدخل تغير هدومها

و يخبط الباب يفتح فيكون الدليفري ياخد منه الاكل و يقفل الباب و يطلب منها تحضر الأكل على السفره

تغير هدومها و تحط الأكل يقعدوا و هي مكسوفه كلي يا بسنت 

بسنت حاضر 

يبدأ يحاول يتكلم معاها و يفتح معاها اي موضوع عشان يرفع الخجل عنها لكن هو نفسه مش متخيل انه ممكن يكون معاها و المفروض انه عمره ما فكر ېلمس ست غير مرام مش مستوعب حاجه زي دي ممكن تحصل

حس انه مش قادر طلب منها انها تقوم تستريح في اوضة النوم و قاللها انه حينام في اوضه تانيه 

دخل الاوضه و عقله و تفكيره كله مع مرام كل لحظه حلوه عاشوها سوا بتمر عليه افتكر ليلة دخلتهم و لقى نفسه بيبتسم 

↚

مش عارف حيعمل معاها ايه و ازاي حيكون طبيعي و كأن مفيش حاجه حصلت

خاېف اوي و قلبه مش مطمن من إللي جاي لكنه من كتر التفكير نام و صحا على صوت تليفونها صباح الفل يا حبيبتي

انا اه حقوم اهوه بحبك

قام و خرج من الاوضه شم ريحة اكل دخل المطبخ لقاها مدياله ضهرها صباح الخير

التفتت عالصوت صباح النور دقايق و الفطار حيكون جاهز

عمرو على مهلك انا لسه حاخد دش

يدخل ياخد دش و يخرج يلاقيها حضرت الفطار على السفره يقعد و ياكل معاها 

قامت تشيل الاطباق بعد ما فطروا و لقى امه بتتصل و طبعآ فضلت تتحايل عليه انه يكلملها كويس و تفهمه انها مراته و انها ليها حقوق عليه و انه ميظلمهاش و أنها غلبانه و عاوزه تعيش 

قفل معاها التليفون و اتنهد و اخد نفس طويل و خرج لقاها قاعده 

اخدها و دخل معاها أوضة النوم كانت محرجه اوي بص لملامحها اللي مكنش واخد باله منها لقاها هاديه و جميله و شعرها كان اسود و طويل فارداه على ضهرها ما شاءالله شعرك حلو أوي 

بسنت ده بروتين

عمرو بروتين ههههههه و الله انتي عسل يا بسنت تعرفي أكتر حاجه عجباني فيكي تلقائيا و بساطتك 

بسنت شكرآ 

يقرب منها و يحاول يكون لطيف معاها لكنه ڠصب عنه كان شايف مرام هي اللي ادامه مش بسنت و هي كانت حسه بده بس ساكته مش عاوزه تقول حاجه لأنها هي عارفه ان ده هو إللي حيحصل

قعد معاها اسبوع و مكنش بيعدي ساعتين من غير ما يكلم مرام و طول ما هو مع بسنت بيتكلم معاها بشكل عادي و بدأت ترتاح معاه في الكلام و تحكيله عن كل حاجه عاشتها و مرت بيها فحياتها تعاطف معاها و صعبت عليه لكن بردو طول ما هو قاعد بيسمعها و هو

بيفكر في مرام عقله و قلبه معاهاد و حتى في لحظاتهم الحميمية مكنش فباله و لا قلبه و لا شايف ادامه غير مرام و بس

بيلبس هدومه و بيستعد انه يمشي فيلاقيها بتكلمه تحب اساعدك في حاجه 

عمرو شكرا يا بسنت

بسنت انا ماشي يومين كده و حجيلك ان شاء الله لكن حتلاقيني بتصل عليكي كل يوم اطمن عليكي و اشوفك لو محتاجه حاجه بس معلش يا ريت متتصليش بية عشآن ماتحصلش مشكله لو في حاجه ضروريه ابقي كلمي ماما و هي تبلغني

↚

بسنت حاضر و الله اطمن انا مش حضايقك و لا حتسببلك في مشاكل خالص انا أهم حاجه عندي انك ماتكنش متضايق

مرام انت اللي وحشتني اوي يا حبيبي 

الدنيا وحشه اوي من غير وجودك فيها حبيبي ربنا ميبعدكش عني يا رب

عمرو انا مقدرش ابعد عنك ابدا انتي حبيبتي يا مرامي

مرام طب ياللا بقى ادخل غير و خد دش على ما احضر السفره أنا عاملالك كل الأكل إللي بتحبه

نسى للحظات وجود بسنت فحياته

و فيوم يلاقي مامته بتتصل عليه أيوة يا ماما عامله ايه يا حبيبتي انا بخير 

عزه طبعا مش حسالك عن اخبار بسنت لأنك متعرفش عنها حاجه 

عمرو هي اشتكتلك من حاجه

عزه .البنت مشتكتش من حاجه دي غلبانه لا بتهش و لا بتنش لكن انت ظالمها و ربنا ميرضاش بالظلم بقالك أكتر من أسبوع دلوقتي من يوم ما رجعت بيتك و انت حتى مرفعتش سماعة التليفون تطمن عليها و ده ميرضيش ربنا متنساش انها مراتك و ليها حق عليك و أنت حتى لو متجوزها عشان تخلف فأنت بردو لازم تروحلها مانت مش حتخلف لا سلكي

عمرو حاضر يا ماما حروحلها حاضر

يقفل معاها و يتصل عليها و يبلغها انه حيعدي عليها و هو خارج من الشغل تفرح اوي و تقوم تعمل اكل و تلبس حاجه كويسه و تنتظره ييجي و ياكل معاها و يقعد معاها شويه و عيونه تروح في النوم تسيبه ينام و بعد مده تروح تصحيه فيفتح عيونه بتعب أيوة حبيبتي 

و قبل فرحتها بكلمة حبيبتي ما تكمل يكمل كلامه و ينطق اسم مرام 

تاخد نفسها قوم يا عمرو حتتاخر على مراتك

يبص في الساعه و يتفجع يقوم بسرعه و يزعق فيها انها سابته ينام كل الوقت ده و هي تعتذر و تقولله انه كان رايح في النوم يقوم ياخد دش بسرعه و يلبس و ينزل جري و ينسى انه كان قافل التليفون يفتحه يلاقي رسايل كتير من مرام انها حاولت تكلمه

يدخل الشقه تجري عليه بلهفه و هو يقوللها ان العربيه اتعطلت و هو في السكه و اضطر يقعد عند الميكانيكي لحد ما تتصلح و تليفونه اتقفل من غير ما يحس

و مرام تصدقه و تحمد ربنا انه رجعلها بالسلامة

تمر الأيام و عمرو حاسس ان تفكيره مشتت

بين الاتنين بيحاول يكون طبيعي مع مرام عشان متشكش

↚

في حاجه و بيحاول ميصرش مع بسنت عشان هي ملهاش ذنب فحاجه لكن هو من جواه مش مبسوط حاسس ان في حاجه غلط لقى نفسه مش قادر يكمل هو عاوز مرام عاوزها أكتر من أي حاجه في الدنيا 

فكر في انه ينهي ارتباطه ببسنت و يخلف ميخلفش مبقاش فارق معاه كل اللي هامه مرام و وجودها و بس

جمع نفسه و قرر يصارحها انه عاوز ينهي ارتباطه بيها و انه حيديها كل حقوقها و حتى الشقه دي هو مش عاوزها و حيسيبهالها

و بلغ امه بده انت اټجننت يا لني هو لعب عيال حرام عليك انت كده حسبتها عليها جوازه و السلام

عمرو مش قادر يا ماما مش قادر ڠصب عني انا لو كملت معاها حكون بظلمها فعلا بسنت طيبه و غلبانه و تستاهل حد احسن مني تستاهل حد يحبها و يقدرها لكن انا ظالمها معايا عاوز اديها الفرصه و بكره ربنا يعوضها خير

يروح عندها و هو واخد القرار انه حينهي معاها كل حاجه و يدعي ربنا ان الموضوع يتقفل من غير مشاكل و من غير ما مرام تحس بحاجه

بسنت انا عاوز أتكلم معاكي فموضوع مهم 

بسنت انا اللي عاوزه اقولك على حاجه

و لو مكنتش جيت دلوقتي 

كنت حتلاقيني

بتصل بيك عشآن اقولك

عمرو تقوليلي إيه 

بسنت حاجه طول عمرك مستني تسمعها الحاجه اللي اتجوزتني عشانها يا عمرو

عمرو انتي عاوزه تقولي ايه يا بسنت

بسنت انا حامل يا عمرو مبروك حتبقى اب 

عمرو اب انا بسنت انتي بتتكلمي بجد 

بسنت أيوة و الله انا عملت التحليل و النتيجه اهيه شفها بنفسك

مش مصدق نفسه انه سمع الخبر اللي بقاله سنين منتظر يسمعه مش عارف يفرح و اللا لاء بس هو فرح انه حيكون اب اتصل على مامته ماما 

عزه ايه تمام نفذت اللي انت عاوزه خلاص

عمرو ماما بسنت حامل يا ماما

↚

عزه ايه حامل بسنت حامل انت بتتكلم جد يا عمرو

عمرو بسنت حامل يا ماما

عزه الف مبروك يا حبيبي ربنا يتمم حملها على خير يارب الف مبروك يا حبيبي الف مبروك يا عمرو

ينسى عمرو القرار اللي كان واخده و انه عاوز ينفصل عنها و يطلب منهآ متعملش حاجه خالص و انه حيجيبلها واحده تخدمها و تشوف طلباتها و تبدأ زياراته ليها تزيد و كل شويه يتحجج لمرام بحجه و مرام مصدقاه

و مرت الايام و بدأت بسنت يبان عليها الحمل و فيوم قالتله مرام أنها حتقضي اليوم مع اخواتها عند باباها و عمرو انتهز الفرصه و قرر يروح لبسنت يطمن عليها لكن امه قالتله يجيبها و يروحوا يتغدوا معاها و فعلا اخدها و راح بيها عند امه و كان خاېف ان حد يشوفها معاه 

خرجت مرام من الشغل و قررت تاخد حاجه حلوة و تعدي على مامت عمرو تشوفها بقالها كتير مراحتلهاش و بعد كده تروح لباباها و اخواتها رنت جرس الباب و فتح عمرو الباب و هو لابس تيشرت كات و شورت و اتفاجئ بيها ادامه مرام 

مرام حبيبي انت هنا 

تدخل مرام و هي بتكلمه فتتفاجئ بيها ادامها واحده لابسه بجامه كات و حامل صډمه على وشوشهم كلهم تقوم بسنت بسرعه عاوزه تدخل الاوضه و عزه متفاجئه و عمرو مش عارف يعمل ايه و يقول إيه 

مرام هو انتوا عندكم ضيوف مين دي يا عمرو

عمرو دي تبقى 

بسنت بسرعة انا قريبة طنط عزة و جايه ازورهم و كنت ماشيه

مرام قريبتهم طب و لما هي قريبتكم مالكم في ايه حساكم متوترين بس هو انت قاعد كده ادامها ازاي و هي قاعده ادامك كدا ازاي الله هو في ايه بالظبط مين دي يا طنط

عزه مرام انتي عاقله يا حبيبتي و تعرفي توزني الأمور كويس و جه الوقت اللي لازم تعرفي فيه كل حاجه

مرام اعرف ايه خير يا عمرو هي دي اختك و انا معرفش و اللا ايه اوعي تقوللي ان دي اختك في الرضاعه و كده

بسنت أيوة أيوة هو كده انا اخته في الرضاعه عشان كده انا قاعده براحتي ادامه

مرام أخته في الرضاعه انتي بتهزري صح

عزه ايوه فعلا هي بتهزر بسنت مش أخته بسنت تبقي مراة عمرو يا مرام

مرام ايه مراة مين مراة عمرو جوزي

عمرو انت ساكت ليه ما تنطق الكلام ده صحيح البنت دي تبقى مراتك يا عمرو يا نهار اسود انت اتجوزت علية يا عمرو اتجوزت علية دي حامل كمان

لاء قولي انك بتهزري

لو لية علاوه عندك قولي انك بتهزري

حبيبتي انتي اخته زي ما بتقولي صح انتي مش مراته مش كده

عمرو مين دي يا عمرو اتتتكلم انت لا يمكن تكون اتجوزت علية ايوة انت بتحبني انا انتي جوزي انا

قوووول اتتتتكلم

عمرو و هو بيحاول يهديها مرام عشان خاطري اهدي و اديني فرصه افهمك

مرام تفهمني تفهمني ايه تفهمني انك اتجوزت علية انك غشتني خدعتني و مراتك حامل كمان

ابعد عني متلمسنيش يا خاېن

تجري عالباب و تفتحه و تجري و عمرو وراها

و بسنت مش عارفه تعمل ايه و بټعيط و مامت عمرو بتهديها عشان الحمل

تركب تاكسي و تطلع على بيت باباها و عمرو بيجري وراها ترن الجرس و اختها تفتحلها و يكون أخواتها متجمعين و يشوفوها و هي داخله مڼهاره و هو داخل يجري وراها

↚

و مش فاهمين مالهم و في ايه

سهى في إيه يا مرام انتوا مټخانقين و اللا ايه

مرام الخاېن الغشاش متجوز علية و مراته حامل و الله اعلم من امتى

باباها ايه متجوز انت اتجوزت

على مرام يا عمرو

مرام و هي مڼهاره ايوة يا بابا متجوز علية اتاريه كل يوم و التاني كان بيغيب بالساعات بره البيت و كل مره يتحجج بحجه و هو مع مراته التانيه و انا زي الهبله مصدقاه لكن ربنا أراد يكشفه ادامي و يظهر غشه و خداعه

باباها انت ساكت ليه يا عمرو ما تتكلم

عمرو ايوة يا عمي انا اتجوزت

سهى اتجوزت على اختي يا عمرو اتجوزت على مراتك حبيبتك ليه يا عمرو ليه

عمرو ايوة حبيبتي و حتفضل حبيبتي العمر كله 

ياسمين حبيبتك تقوم تتجوز عليها 

عمرو انا معملتش حاجه حرام انا اتجوزت على سنة الله ورسوله 

باباها ليه يا بني ليه 

عمرو عشان من حقي اني اخلف

مرام من حقك انك تخلف و انا مش من حقي انا كمان اني اخلف 

عمرو من حقك يا مرام و انا مقصرتش معاكي لكن محصلش نصيب 

مرام مقصرتش و انا متحايلتش عليك ندور تاني و اعمل العمليه تاني و انت اللي رفضت اي كلام في الموضوع ده

عمرو كانت ممكن تفشل زي كل مره

مرام اه فقمت انت بقى قلت فلوس العمليه اتجوز بيها أسهل مش كده

عمرو مرام انا بحبك يا مرام انا حتى لو اتجوزت فانا بحبك و حبي ليكي عمره ما قل لحظه

مرام لاء يا عمرو انت مبتحبنيش انت بتحب نفسك اكتر انت لو بتحبني مكنتش عملت فية كده مكنتش هنت عليك توجعني كده 

طلقتي يا عمرو طلقني

عمرو انتي بتقولي ايه انا

لا يمكن حطلقك ابدا

مرام طلقني بقولك طلقني

عمرو مش حطلقك يا

↚

مرام مش حطلقك 

البارت الثالث

طعم الأيام 

يا من هواك القلب و كنت اسيرته يا من وفيت له و كنت انت خادعه يا من داويته و كنت أنت النصل و الرمح الذي طعنته به في قلبه

أعدك بأنك لن تجده معك ثانية و لن يكن لك المأوى و السكن

أيام تمر يذهب إليها كل يوم لبيت والدها يترجاها ان يتحدث إليها و لكن دون جدوى فلقد اخذت قرارها و لن تتراجع عنه 

يطرق عليها الباب و تسمح له بالدخول 

مرام يا حبيبتي عشان خاطري اديه فرصه يتكلم معاكي الراجل كل يوم بييجي و كل شويه يتصل عمرو بيحبك يا مرام و شاريكي و انا مش هاين علية تخربي بيتك و انا عارف انك بتحبيه و روحك فيه و هو مهمآ كان معملش حاجه حرام 

مرام و هو إللي عمله فية ده مكنش حرام يا بابا مش المفروض أبسط حقوقي انه كان يقوللي و يديني الحق اني اختار 

باباها خاف يقولك عشان عارف انك كنتي حترفضي

آآآه يا بابا انا موجوعه اوي مش قادره يا بابا مش قادره مش قادرة استحمل فكرة ان حد تاني غيري بقى معاه واحده غيري لمسها و كمان حامل منه لاء يا بابا مجرد التفكير بس حيجنني مش قادره

باباها حاسس بيكي و الله يا حبيبتي بس انا مش عاوزك تخربي بيتك

مرام بيتي هو فين بيتي ده حضرتك لما بتحصل مشكله بين واحده من اخواتي و جوزها بتقولها تصبر عشان ولادها لكن اصبر ليه على الاهانه ليه 

ياما اتحايلت عليه نجرب نعمل العمليه تاني و هو يقوللي اقفلي عالموضوع ده و انتي أغلى عندي من اطفال الدنيا دلوقتي اشتاقلهم و عاوزهم أكتر مني

لا يا بابا انا مش حرجع لعمرو مهما عمل انا حطلق يعني حتطلق 

باباها طب اهدي يا حبيبتي عشان خاطري و انا حعمل اللي أنتي عاوزاه و اللي يريحك انا أهم حاجه عندي راحتك انتي يا حبيبتي 

بعد شويه ييجي عمرو تاني عشان خاطري يا عمي خليني اشوفها و اتكلم معاها

باباها اللي ېغدر ببنتي ملوش خاطر عندي يا عمرو يعلم ربنا ان غلاوتك عندي كانت من غلاوة محمد ابني لكن لو ابني جه على مراته انا مش حسيبه

↚

عمرو و انا عمرو و انا عمري ما جيت على مرام يا عمي ده انا معنديش أغلى منها في الدنيا

باباها خلاص يبني بقى عندك ابنك اللي جاي حيبقى أغلى منها و أغلى من الدنيا كلها بكره لما يجيلك بالسلامه حيبقى هو كل دنيتك و بيتك حيبقى البيت اللي هو فيه و بنتي حتتحط عالرف و وجودها حيبقى تحصيل حاصل أنا عارف

اني غلطت بس انا مستعد لأي حاجه في الدنيا مستعد لأي عقاپ غير انها تسيبني انا مقدرش اعيش من غير مرام يا عمي

باباها حتعيش يا بني محدش بېموت عشان حد

عمرو طب عاوز اكلمها انا مش حمشي من هنا غير لما اكلمها

يسيبه و يدخل لها قومي يا مرام كلمي عمرو و اوعدك بعد ما تتكلمي معاه حعملك اللي يريحك

تقوم مرام مع ابوها و تخرج له تلاقي شكله صعب أوي دقنه طويله و شكله تعبان و مرهق

تقعد ادامه نعم اتفضل قول اللي عندك

عمرو مرام وحياة حبنا متضيعيش اللي بيننا

مرام انت اللي ضيعته مش انا متلومش غير نفسك

عمرو قوليلي إللي يريحك و انا حعمله 

مرام تطلقني

عمرو لاء يا مرام انا مستعد لأي شئ غير اني اطلقك

مرام وانا مش عاوزة حاجه في الدنيا غير الطلاق يا عمرو 

من فضلك يا عمرو تنهي الموضوع بالأدب انت عارف اني لو رفعت قضيه عمي حيجيبلي حكم من اول جلسه بس انا مش حابه إللي بيننا ينتهي بالشكل ده

يحاول يتكلم معاها كتير من غير فايده

في اليوم اللي بعده تتفاجئ بابوها بيبلغها ان في واحده عاوزاها و مقالتش هي مين خرجت اتفاجئت بيها ادامها أنتي انتي جايه هنا ليه 

تقرب منهآ جايه أتكلم معاكي 

مرام و انا مليش كلام معاكي يا....

_بسنت اسمي بسنت

مرام اتفضلي عاوزه ايه و جوزك باعتك ليه 

بسنت و الله ما يعرف اني جايالك انا اتحايلت على مامته لحد ما رضت تقولي عنوانكم

مرام مكنتيش محتاجه تيجي اطمني يا بسنت انا حسيبهولك ربنا يخليهولك انتي و ابنه اللي جاي في السكه

بسنت لا يا استاذه مرام حضرتك مش ده السبب اللي خلاني اجيلك

مرام امال جايه ليه عاوزه مني ايه 

مرام انتي بتقولي ايه 

بسنت عمرو بيحبك أوي و الله اساليني انا اوعي تفتكري انه عشان اتجوزني يبقى معدش بيحبك لا والله ده مبيجيش غيرك اصلا عمرو اتجوزني عشان الخلفه مش اكتر اه بيعاملني كويس مش حنكر لكن ده لانه انسان كويس لكن اللي بيننا ملوش اي علاقه بالحب انا بالنسبه له مش اكتر من وسيله تساعده انه يكون اب 

مرام و انتي ليه تقبلي على نفسك حاجه زي دي

↚

بسنت ظروفي هي اللي اجبرتني يا استاذه مرام يتمي و غلبي و تحكم مراة عمي فية و الذل اللي كانت معيشاني فيه هما اللي اجبروني اني لازم اخلص من الحياه دي كان نفسي اوي احس اني بني آدمه زي بقية البني ادمين

مرام و لما اتجوزتي واحد متجوز حسيتي انك بني ادمه

بسنت ايوة يا استاذه مرام حسيت اني بني آدمه ليها حق في الحياه صحيح ممكن ميكنش لية حق في الحب بس انا راضيه الحمد لله و حامده ربنا و شاكره فضله 

انا وضعي صعب علي اي ست انه تقبله بس انا قبلته في حاجات لو قلتهالك حتكون فيها اهانه لية بس انا حقولهالك عمرو بيؤدي المهمه اللي عليه من غير اي مشاعر او احساس لما بيكون معايا بيتخيلك انتي اللي معاه مش انا عشان يقدر يتقبلني هو مقالهاش لكن انا حسيت ده و سكت مش عشان انا واحده معنديش كرامه اد مانا عاوزه اعيش من يوم ما جالي و هو شرط علية انك متعرفيش حاجه و انا رضيت و قالهالي انا مبحبش و مش ححب غير مراتي و انا بردو وافقت 

عمرو بيحبك و بيحبك أوي و الله العظيم و انا مش عاوزه اكون السبب في بعدكم عن بعض و حرمانكم من بعض و الله انا ما عاوزه حاجه منكم انا راضيه باقل حاجه بس افضل عايشه زي مانا و ربنا يكمل حملي على خير و يبارك لي فابني و اعيش ليه و عشانه و اهو حيبقى ابنه اللي كان بيتمناه 

مرام انتي طيبه أوي يا بسنت و انا عارفه انك ملكيش ذنب فحاجه و انا مش زعلانه منك بالعكس انا زعلانه عشانك انتي تستاهلي حد يحبك بجد لكن صدقيني يا بسنت في حاجه اتكسرت بيني و بين عمرو و استحاله ترجع تاني الثقه انا فقدت ثقتي

فيه انا كنت مأمناله بشكل متتخيليهوش و لولا اني عرفت بالصدفه الله اعلم

كنت حعرف امتي و حعيش مخدوعه لفين و سبحان الله يمكن ربنا عمل كده عشان يعيش حياة مستقره معاكم انتي اكيد حتحتاجيه الشهور الجايه

↚

و اكيد لما ابنكم يوصل بالسلامه ارتباطه حيزيد و ابنكم حيقرب منكم

بسنت معتقدش يا استاذه مرام صدقيني لو قلتلك ان من وقت اللي حصل و انا مشوفتهوش و لا مره واحده و اخباره بعرفها من مامته 

حتى شغله اخد منه اجازه و مبيروحش حياته كلها وقفت من لحظة اللي حصل

مرام 

بسنت و هي بتمسك ايدها متستعجليش و تاخدي قرار ترجعي ټندمي عليه العمر كله و لو الدنيا قفلت معاكي يبقى انا اللي لازم امشي مش انتي ده حبيبك انتي و جوزك انتي بس متاخدوش مني ابني لأنه هو الحاجه الوحيده اللي حتصبرني عالدنيا دي اللي طول عمرها بخيله علية و ماخدتش منها حاجه 

انا عمري ما حعرف اعيش سعيده و انا عارفه ان في حد حياته اتهدت بسببي و اني فرقت بين اتنين روحهم فبعض ارجعي يا مرام ارجعي لجوزك حبيبك و لبيتك اللي انتي اكيد اشتقتيله

تمشي بسنت و تسيب مرام في حيره مش عارفه تعمل ايه كلامها أثر فيها و حست فيه بالصدق عمرو بيحبها هي متاكده من ده كويس لكن مش قادره تستوعب فكرة انه لمس ست غيرها ان كل اللي كان ليها و من حقها لوحدها شاركتها ست تانيه فيه عقلها مش قادر يتخيل اي حاجه ممكن تكون حصلت بينه و بين بسنت لدرجة انها تحمل منه

الكل اتكلم معاها لما حسوها فحيره و باباها اتكلم مع شيخ صاحبه و طلب منه يقعد يتكلم معاها و فعلا قعد الشيخ معاها و كلمها و حاول يخليها تتقبل الموضوع بنفس راضيه 

انا فاهمه حضرتك و الله يا شيخ لكن انا مش قادره ڠصب عني والله مش بايدي مش قادره اتقبل فكرة ان في واحده تانيه بقى ليها نفس حقوقها اللي لية مش قادره مش حقدر اعرف انه معاها زي ما معايا انا بشړ مش ملاك انا مش حقدر مش حقدر انا حموت بالبطئ

محاولات كتيره من الكل حتى ان والدة عمرو جاتلها و اتكلمت معاها لكن في النهايه اضطر انه يطلقها و ما أصعب من كلمة انتي طالق لما تخرج من قلب عاشق وقتها حس ان روحه هي اللي خرجت منه خرجت و مش حترجع تاني ودعها بنظرة كلها ۏجع و ألم و مشي و بسنت كانت خاېفه انها تتكلم معاه فاي حاجه لأن وجودها هو السبب في اللي حصل 

ايام مرت و رجعت مرام الشغل و الكل سالها كانت فين و مختفيه فين و ليه مكنتش بترد على تليفونات و اول ما قالتهم انها اتطلقت محدش كان مصدق و لا مستوعب حتى زمايلها اللي كانوا بيحسدوها كانوا زعلانين جدا عشانها

بدأت تحاول تتكيف مع وضعها الجديد وضعها كونها مطلقه و لازم كل حركه و كلمه تبقى بحساب حياه جديده عليها فقدت فيها حاجات كتير اوي اهمها الاستقلالية اللي كانت عايشاها في بيتها لكن كانت دايما بتقنع نفسها انها عملت الصح و مكنش ينفع غير كده اما عمرو فحياته كانت أصعب بكتير حزين على فراقها و طول الوقت ساكت مبيتكلمش و بسنت متحاولش تحتك بيه لا بيسال عنها و لا عن أخبارها معظم وقته مقضيه ساكت 

↚

و مرت الشهور و جه معاد ولادة بسنت و صحي من النوم على ۏجعها اللي حساه خدها و راح بيها المستشفي و خرج ليه الدكتور الف مبروك جالك ولد زي القمر 

دخل عندها حمد الله على سلامتك يا بسنت 

بسنت الله يسلمك يا عمرو 

تجيبله امه ابنه شيل ابنك يا حبيبي و مللي عينك منه 

رجعت بسنت البيت و طول الوقت مشغوله بابنها اللي سماه عمرو معاذ أجمل هدية ليها هداها بيها الزمن 

أما

عمرو فبرغم فرحته بابنه و انه بيجيبله كل إللي محتاجه الا انه بردو مش قادر ينسى مرام أوقات كتير بيسيبه و يروح يقعد في الشقه بتاعته هو ومرام سامع صوتها فكل مكان كل ركن ليهم فيه ذكرى بيقعد فيهآ بالساعات يفتكر كل حاجه تخصهم

يمسك صورة فرحهم و يمسح من عليها التراب وحشتيني اوي كل حاجه من غيرك ملهاش طعم الأيام صعبه و مبتمرش و طعمها مر أوي مبقتش حاسس بأي حاجه في الدنيا من بعد ما سيبتيني انا مبقتش عايش وحشتيني أوي يا مرام يا ترى فاكراني و اللا نسيتيني خلاص

انساه إزاي يا سهى ده حب عمري كله انا بحاول انسى بس مش قادرة خلاص تعبت

سها يبقى حلك زي ما قال الشاعر و داوني بالتي كانت هي الداء

مرام تاني يا سهى حعيده تاني

سها ليه امال عاوزه تقعدي كده و اللا ايه يعني هو يتجوز و يعيش حياته و انتي تقعدي تغني ظلموه لا يا حبيبتي و ربنا لجوزك سيد سيده

مرام مش حقدر يا سهى مش حقدر ادخل حياتي حد بعد عمرو 

سها و لما انتي لسه بتحبيه أوي كده مسامحتيهوش ليه 

مرام ما هو من كتر حبي ليه مقدرتش يا سها كل ما الغلاوه بتبقي اكتر كل ما الزعل بيكون أكبر

سها ربنا يعوضك خير يا قلبي حبيبتي يارب

يرجع عمرو البيت ميلاقيش حد يفتح تليفونه اللي كان قافله من اول اليوم يلاقي بسنت حاولت تتصل بيه كتير يحاول يتصل عليها تليفونها غير متاح بعد شويه تفتح الباب و تدخل و هي باين عليها الإرهاق و التعب تدخل و متكلمهوش

عمرو بصوت عالي انتي كنتي فين لحد دلوقتي

بسنت و عيونها ماليها الدموع انت مش واخد بالك ان معاذ مش معايا 

عمرو معاذ ابني هو فين صحيح 

بسنت طب كويس انك لسه فاكر ان ليك ابن اسمه معاذ

عمرو فين معاذ يا بسنت اتكلمي 

↚

بسنت ابنك تعبان بقاله كذا يوم و رحت بيه للدكتور لوحدي مرتين و انت مش في الدنيا ولما لقيت العلاج مش جايب نتيجه رحت بيه عالمستشفى اخدوه مني و حجزوه في المستشفى 

و اتصلت بيك كتير عشان اقولك و انت تليفونك مقفول 

عمرو في مستشفى ايه

يجري عمرو عالمستشفى و يدخل يشوفه و يطمن على حالته من الدكتور ويصعب عليه ابنه و يزعل من نفسه ان حبه لمرام و حزنه على فراقها نساه ابنه لدرجة انه يتعب بالشكل ده و يتحجز و هو مش حاسس بحاجه 

فضل في المستشفى و بسنت حالتها كانت صعبه مبتبطلش عياط ده هو ده الحاجه الحلوه اللي طلعت بيها من الدنيا قاعده أدام الشباك رافعه ايدها و بتدعي ربنا يا رب انا مليش غيرك يا رب انت العالم بحالي و عالم اني عمري ما فرحت لكن فرحتي بابني نستنى كل حزن مر علية فحياتي يا رب خليهولي يارب ده هو

اللي مصبرني على حياتي و دنيتي يا رب لو أخذته مني خدني معاه انا مش باقيه عالدنيا فحاجه و لا ليها عندي لزمه من غيره يارب 

يطبطب على كتفها الف بعد الشړ عليكم انتم الاتنين اطمني با بسنت الدكتور طمني عليه و قاللي انه ان شاء الله حيبقى كويس و يومين و حيرجع معانا ان شاء الله 

بسنت يا رب 

عمرو بسنت انا

↚

عاف ان جوازنا فيه ظلم كبير ليكي انا حاولت و الله يا بسنت كتير اني اكون ليكي الزوج والحبيب لكن ڠصب عني مش قادر انتي مفيكيش اي عيب و الله انتي ست الستات لكن العيب في قلبي انا اللي مش قادر ينسى. و لا يحب تاني بسنت انا مش عاوز اظلمك و اعيشك معايا عيشه محسوبه عليكي عالفاضي لو عاوزه حريتك حديهالك لأني خلاص حياتي بقى ملهاش طعم و لا عدت حاسس بيها

و انا مش عاوز اجي عليكي و لا اظلمك اكتر من كده

بسنت و انت لما تديني حريتي يا عمرو انا حعمل بيها ايه حستفيد منها ايه عمرو انا مش عاوزه اي حاجه من الدنيا غير ابني و بس معاذ هو ابني و حبيبي كل دنيتي و ان شاء الله ربنا حيعوضني بيه

عن كل اللي شفته فحياتي عمرو انا مش زعلانه منك انك محبتنيش لأن الحب مش بأيدينا لكن انا بترجاك متطلقنيش اناراضيه بعيشتي كده انت اعمل اللي يريحك و عيش حياتك بالشكل اللي يرضيك لكن انا محتاجه اسمك فحياتي محتاجه وجودك حتى لو عالوزق مش عاوزه ارجع بيت عمي تاني يا عمرو سيبني يا عمرو سيبني انا و ابني و روح شوف حياتك و متشغلش بالك بينا واوعدك اني حربيه احسن تربيه و اخليه راجل تفتخر بيه أدام الدنيا كلها الله يخليك يا عمرو ابوس ايدك انا مش حمل بهدله تاني

عمرو ايه الكلام اللي بتقوليه ده يا بسنت 

بسنت انتي صعبانه علية نفسي تعيشي الحياه اللي انا حارمك منها و مش عارف اذا كنت حقدر اديهالك فيوم من الايام و اللا لاء

بسنت سيبها على الله يا عمرو محدش عارف بكره فيه ايه و لا حد عارف الزمن مخبيلنا ايه انا راضيه و الله ربنا بس يشفيلي ابني و يخليهولي

عمرو ان شاء الله ربنا حيشفيه و يخليهولنا

تدخل بسنت و تكلمه عمرو تحب احضرلك العشا 

عمرو بابتسامه يا ريت عشان انا فعلا جعان اوي 

↚

بسنت حاضر ثواني و حيكون العشا جاهز

تحاول مرام تعيش حياتها و تخرج من وحدتها اللي عايشه فيها من وقت ما اتطلقت تروح النادي مع اختها فتقابل واحده صاحبتها من ايام الجامعه و يحكوا مع بعض عن حياتهم و تحكي مرام لصاحبتها عن اللي حصل و صاحبتها مش مصدقه ان عمرو يعمل معاها كده و تقولها ان نفس الموقف حصل مع اخوها بس هو مراته هي اللي سابته و اتخلت عنه عشان تتجوز و تخلف

و يقعدوا مع بعض شويه و يمشوا بعدها بكذا يوم تتصل بيها صاحبتها و تتفق معاها انها تقابلها عشان تدي فرصه ليها و لاخوها يقعدوا مع بعض و يتكلموا سوا و فعلا تيجي مرام و تعرفهم على بعض و يتكلموا و يرتاحوا لبعض في الكلام و تتكرر مقابلتهم في النادي و يحكوا لبعض كل حاجه و مروان اخو صاحبتها حكالها عن مراته و اد ايه كان بيحبها بس هي سابته عشان حياخد فتره في العلاج و هي كانت خاېفه العمر يجري بيها و انها بعد ما اتجوزت و خلفت جوزها ماټ و كان نفسها ترجعله تاني و انه مرضاش 

بدأت مكالماتهم و مقابلاتهم تزيد و كانت بتحكي لاخواتها كل حاجه و هما شجعوها انها تتكلم معاه و بعد فتره قليله عرض عليها الارتباط و وافقت و بالفعل اتقدم لباباها و سال عنه و اطمن انه انسان كويس 

و وافقوا عليه و كتبوا كتاب عالضيق و اتجوزوا و لما الخبر وصل لعمرو و عرف كانت صډمه كبيره عليه مقدرش يستحملها لدرجة انه وقع من طوله سلامتك يا عمرو يابني 

عمرو الله يسلمك امي 

عزه كده تقلق امك عليك يا عمرو ده انا كنت حروح فيها لما شفتك مرمي ادامي 

عمرو خلاص اتجوزت مرام اتجوزت خلاص 

عزه ايوه يابني اتجوزت زي مانت اتجوزت انسي يا حبيبي انسي و عيش حياتك بقى

عمرو مش عارف يا أمي مش عارف انسي و لا قادر اعيش حياتي انا بقيت نفس ماشي عالأرض و بس لكن من غير روح حتى الايام بقت بطيئه و مبتمشيش مش حاسس فيها بأي فرحه و مبدوقش فيها غير المرار

عزه ليه بس يا ضنايا مانت عندك مراتك اللي قايدالك صوابعها العشره شمع و ابنك اللي ماشاء الله عليه حته منك ابنك سندك و ضهرك يا حبيبي عاوز ايه اكتر من كده

عمرو مش عاوز حاجه يا أمي معدتش عاوز حاجه خلاص

تمر الأيام و عمرو حياته كلها بقت معاذ و بيحاول يعيش بشكل طبيعي مع بسنت عشان هو عارف انها ملهاش ذنب فاي شي لكن هو من جوه تعبان و مش مبسوط 

ماسكه في ايدها اختبار الحمل و مش مصدقه عيونها پتبكي من كتر فرحتها

يدخل مروان فيلاقيها بتضحك و بټعيط في نفس الوقت حبيبتي مالك

مرام مش حتصدق يا مروان مش حتصدق

مروان في إيه يا مرام اتكلمي 

مرام انا حامل حامل 

↚

مروان حامل انتي بتقولي حامل 

مرام ايوه و الله و الاختبار

اهوه

يمسك مروان الاختبار و بيضحك و هو مش مصدق نفسه يعني انا حبقى اب انا حبقى اب انا مش مصدق نفسي اخيرا اخيرا اللهم لك الحمد اللهم لك الحمد 

مرام انا كمان مش مصدقه نفسي اني حبقى ام 

مروان حتبقى احلى ام في الدنيا كلها يا حبيبتي

يشيلها مروان و يلف بيها و الفرحه مش سايعاه

و فيوم من الايام في مول بيزق ابنه في العربيه و بسنت ماشيه جمبه و ايدها فايده و حامل في طفلهم التاني بيشتروا لوازم للبيت 

و فجأه يشوفها ادامه و هي مع جوزها و ماسكين هدوم صغيره لبيبي عيونه جت على بروز بطنها و عرف انها حامل 

عيونهم جات فعيون بعض لثواني و بعدها كل واحد مشى طريقه مع شريك حياته

ماشي بيسأل نفسه اسأله و محتاج اللي يجاوبه عليها هو انا غلطت اني كان نفسي ابقي اب

و اللا غلطت لما خفت على مشاعرهاو خبيت عنها من كتر حبي ليها

و اللا غلطت لما اتجوزت بنت غلبانه و فرضت عليها شروطي القاسيه

و اللا هي اللي غلطت انها رفضت تكمل حياتها معايا رغم حبها لية و راحت تكملها مع حد تاني

مين فينا الغلطان مين الظالم و مين المظلوم و مين الي عايش أيامه و هو سعيد و مين اللي بقت أيامه طعمها مر و مضطر يستحملها بس عشان تمر

لكن الحمد لله على كل شئ و ربنا يباركلي فولادي و يصلح حالي انا و مراتي

تمت 

عبير _سليم

تعديل المقال