رواية غجريه أسرت قلبي كاملة جميع الفصول بقلم اسماء السيد

رواية غجريه أسرت قلبي كاملة جميع الفصول هى رواية من تأليف المؤلفة المميزة اسماء السيد رواية غجريه أسرت قلبي كاملة جميع الفصول صدرت لاول مرة على فيسبوك الشهير رواية غجريه أسرت قلبي كاملة جميع الفصول حققت نجاحا كبيرا في موقع فيسبوك وايضا زاد البحث عنها في محرك البحث جوجل لذلك سنعرض لكم رواية غجريه أسرت قلبي كاملة جميع الفصول

رواية غجريه أسرت قلبي كاملة جميع الفصول

أنا صبا..غجريه أبا عن جد..

هتسألوني يعني ايه غجريه..؟ 

ـ هقولكو معرفش..

اه معرفش..كل اللي اعرفه اني اتولدت لقيت نفسي بتنقل من مكان لمكان..

عارفين، احساس انك تبقي عايش منبوذ وسط الكون كله،الكل خايف منك، رحاله.. ملكش ارض ولا وطن..

مع اننا يمكن أطهر واجمل منهم..بس نقول ايه..؟

يالا..حظوظ..

اهو دا احساسي بالظبط..

أنا عمري ٢٢وفي الاثنين وعشرين سنه دول لفيت محافظات الجمهوريه كلها..

لحد مازعيمنا قرر نرجع نستقرهنا في الجنوب ونبطل نعيش رحاله

جنوب الوادي..الصحرا والرمله والبحيرات الصافيه..

والجمال الطبيعي

ليالي الانس والسهر..

المكان دا.. استحوذ عليه زناتي زعيمنا..

 ااه نسيت اقولكو دا بعد مطاردات كتير بينا وبين اهل الجنوب..

اللي بيكرهونا جدا..وخصوصا الستات..

اللي بنسمعهم بودانا بيقولو علينا..

(ابعدو عن الغجريات دول بيسرقوا الكحل من العين.).

هو يعني ذنبنا ان اللي يشوفنا بيقع في عشقنا..

لكن في الاخر..استقر بينا الحال وعقدنا هدنه معاهم..

واتعايشنا واتعايشو معانا..

بس للاسف مع الرجاله بس..

انما الستات بيبصوا لينا كاننا أعداءهم..

وخصوصا انا واختي مهره

مهره بتشتغل رقاصه بس مش رقاصه بالمعني

يعني استعراضيه..

ودا طبعا غصب عنها..لان ابويا العزازي بيجبرنا علي كده

ومخبيش عليكو انا كمان..انضربت كتير..

بس كنت بنتصر في النهايه عليه..وبردو مرقصش

انا ارقص لنفسي..أنا بعترف اني اشطر منها وفي الشرقي اقوي وامهر

بس مبحبش ارقص

انا بحب قرايه الفنجان..هوايه ورثتني اياها ست عجوزه من اهل الغجر

من سنين من لما كنت عندي ١١سنه من وقتها وانا بتحصلي حاجات غريبه..

وعندي قدره اني اعمل حاجات أغرب..

مديت ايدي وجهزت نفسي..

انا شعري طويل واصل لاخر ظهري

وعيوني زي غابات الزيتون..ودايما برسمها..

مااحنا غجر..زي مابيقولو لا عيب ولا حرام..

حطيت ايدي علي شفايفي بابتسامه وقعدت أختار ليها لون يخليني كدا طايره في السما..

مانا مقولتلكوش..

أني بعشق حط احمر الشفايف..ولازم اللون يخليني احس اني ملكه..

اخترت لون احمر فاقع وحطيته 

بصيت لنفسي بابتسامه جميله..

مش بيقولك ان ملقتش حد يسعدك اسعد نفسك..

اهو دا اللي بعمله..

مديت ايدي وجبت خلاخيلي اللي مقدرش امشي من غيرهم..

دول بيخلوني طايره..

صوت رنه خلخالي بيحسسوني براحه نفسيه

وخصوصا وانا ماشيه حافيه..

أنا مبحبش البس حاجه في رجليا كفايه خلخالي..

ضحكت وصقفت علي ايديا..

واختي وقفه ورايا..

والله انتي مجنونه ياصبا..ماهتعقلي ابدا..

يابت مش ناقصين خناق..خلي يوم يعدي من غير خناق بين شباب الغجر بسببك..

ابتسمت وقولتلها ببراءه..

الله وانا مالي يامهره..يعني انحبس يعني.؟

ملحقناش نكمل لقيت امي بتنادي.

ـ صبا بت ياصبا..

ـ نفخت بزهق وقولت ..ايوه ياامه عاوزه ايه بس..؟

نواعم..بحده..قومي يابت ياللي تنشكي شوفي بنت الباشا عوزاكي في ايه..؟

قومت جري وانا بسألها..تقصدي سوزان؟

نواعم بلويه فم..ايوه يختي هي..يابت ابعدي عن بنت الشيخ دي..مش ناقصين مصايب..بكفايانا ابوكي وعمايله..

وقفت صبا واندارت ليها..تاني.

ليه بس ياامه..مانا بطلت اخرج.كتير.وكمان بقيت بشتغل معاكو..

نواعم بخوف عليها..ياصبا انتي جمالك فتان..انا مش عوزاك بين العمال..انا عوزاكي عالمسرح وسيبك من شعر الفنجان ده..اللي مبيأكلش عيش

وابعدي عن بنت الشيخ اخوها لو شم خبر مش هيرحمنا..

سبتها وخرجت بلا مبالاه كالعاده..ماأنا استحاله اطلع عالمسرح واستحاله أبعد عن الفنجان..

أنا عارفه انه حرام..بس في طاقه غريبه بتسحبني ا..

مش عارفه هيأخدني الموضوع دا لفين..؟

أو مين اللي بيظهر ليا دايما بهيبه في الفنجان..

كل اللي اعرفه..أنه أمان؟وأنا اعمل اي شئ بس عشان اعيش بأمان..

خرجت لقيت سوزان..اول ماشفتني جريت عليا..

صبا..الحقيني ياصبا..

نسيت اعرفكو..

سوزان..بنت شيخ قبيله النوارس..

اتعرفت عليها في ليله كاحله..ليله خدتني رجليا لبعيد..كالعاده.. وكأن شئ بيجذبني..

عشان اكون هناك في الوقت دا..

كانت بتجيلي خيالات علي هيئه واحده بتصرخ وبتنوح

وكالعاده سرقتني رجليا لحد مالقتني عند الكوخ القديم..

هناك لقيت بنت بتصرخ باقوي مافيها..معرفش القوه دي جتلي منين..

↚

بس لقيتها بتعافر عشان تبعده عنها..وبتصرخ بقوتها..

يامهران..أنا آه بحبك..بس مش اجده..الله يخليك مش اجده..بوي وإلياس  لو دريو هيجتلوني..

الله يخليك ياولد عمي..

بصيت لقيته بيكتفها بايديه وخلاص نار الشهوه عاميه عنيه

ساعتها عرفت ان الغبيه دي هتستسلم خلاص..

لمحتني بعنيها اللي وسعت علي أخرهم..وانفزعت وقالت 

يامري..انفضحنا..؟

لقيته مره وحده بيندار..ويقولي انتي مين؟

صوته مخوفنيش ادي ماالشرار اللي في عينه دخل زي السهام في قلبي فارتعش..

ولكني صمدت وقولت بقوه..

اني صبا..بنت العزازي..

حسيت انه هياكلني بعينه وهو بيقول..بذهول..

انتي صبا جميله جميلات الغجر..

اللي بيحكو عنيها..بكل خطوه حكايه..

ابتسمت وبصيت لسوازن اللي واقفه تقول ياارض انشقي وابلعيني..

وانا بسال نفسي مين دي وليه ترضي بكدا..

فجأه جالي هاتف في وداني..

فغمضت عيني وسرحت بخيالي..

بعد شويه فتحت عيني بابتسامه..

وقولتلها انتي سوزان بنت النوارس..

شيخه قبيله النوارس

لطمت خديها..وفضلت تترجاني..اني مقولش لحد..

بصيت للواقف جنبها بتأمل فيه..

مانا عرفت انه ابن عمها...وبعدين طمنتهم ومن يوميها وانا وسوزان بنت الشيخ وكبير الجنوب كله صحاب..

بتجيلي سرقه..ولو اتقابلنا بنبقي زي الاغراب..

 فوقت علي صوتها..

وهي بتبكي..

الحجيني ياصبا..مهران..

في ايه يا سوزان قلقتيني.

فضلت تبكي كتير وردت وقالت..مهران..؟

ـ ماله مهران ياسوزان..

ـ لطمت خدها وقالت..مهران هرب وفاتني ياصبا..

بعد...

بصيت لها بهدوء وقولت..اوعي تكوني عملتيها ياسوزان؟

هزت راسها وقالت..اه..اه ياصبا ايش أسوي؟ ياريتني سمعت كلامك..أني خلاص انتهيت وبوي مصمم يجوزني لزناتي واد عمي..

والياس خوي هيجتلني ياصبا..

افتحي فنجانك ياصبا واعرفيلي وينه مهران..

هزيت راسي بقله حيله وقلتلها..

ياما حذرتك منه..مسمعتيش الكلام..قولتلك باين علي وشه انه ملعب وبتاع كلام..

تعالي نشوف هيقول ايه الفنجان..

قعدت وفتحنا الفنجان في ركني البعيد عن الخيمه اللي ساكنين فيها..

حاولت اعرف شئ عن مهران..بس مشوفتش كل اللي بشوفه سواد وشاب طويل زي اللي بشوفه في الفنجان والاحلام..بس ملامحه مش ظاهره..

قفلت واتنهدت ومشيت سوزان..

ياريت بايدي ياسوزان..

فجأه لقيت نفسي زي كل مره رجليا وخداني للامكان..

بس المره دي كان المكان غير المكان

اترعش قلبي وانا شايفه نفسي قدام مكان كبير لتدريب الفرسان..

وافتكرت حكاوي سوزان عن أبوها وأخوها..وانهم عندهم مزرعه كبيره لتدريب الخيول والجمال..لسباق الفرسان..

اخوها شراني زي ماهي بتقول..ويمكن اقوي من ابوها..

بصيت حواليا واتاكدت اني في وسط النوارس واني دخلت برجليا صومعه الفرسان..

ارتعش قلبي وجف ريقي..

رجعت لورها بظهري كان الليل ليل عليا وصوت قوي زي الرعد بيدوي في وداني..

عمال يؤمر وينفذ..

وبدل ماارجع لورا وأجري..وأنفد بجلدي..لقيت فضولي اللي موديني في داهيه بياخدني..اني اشوف صاحب الصوت دا..

قربت بشويش لحد مابقيت قدام البوابه الحديد.بتاع المزرعه..

لمحت فتحه مدوره فبصيت منها..

وقعت عيوني اللي زي عيون الساحرات زي مابيقولولي.

علي عيون حاده بتلمع بالضي في وسط العتمه..

طلعت بعينيا ولمحت شعره المداري تحت عمامه ملفوفه علي راسه زي شيوخ القبايل

ـ معقول دا الياس..؟

الياس اللي بيتغني بحسنه وهيبته ستات الغجر كلها

انا عمري ماشوفته حتي اخته دايما بتوصفه بالوحش والشرير

يالهوي ايه الهيبه دي..؟

وليه الكل بيخاف منه كدا..

ضربت راسي افوقها..وانا بقولها..اهدي يخربيتك هنروح في داهيه..اتأففت وغصب عني رجلي جت في البوابه فعملت صوت

 لقيته التفت لاتجاه الصوت بسرعه وعينه حطت علي عيني..

ارتعش قلبي..بس المره دي..مش خوف لااا..

حسيته خطف قلبي..

معقول في حد.بينخطف من اول نظره..

غمض عيونه كده وكأنه بيتأكد ان فعلا في عيون بتبص عليه..

رجعت لورا..ومشيت ولا همني..مانا مقولتلكوش أنا مبخافش..الا نادرا..

قلبي قوي..وكله جبروت زي ماالعزازي ابويا بيقول

بيقولي انتي قادره..

وبتسحري اللي يشوفك..

انتي ينخاف منك مش عليكي..

ماهو مش ذنبي اني اتولدت جميله..

في كل مكان اتنقلنا ليه..كنت سبب مشاكلهم..وبيضطروا يرحلو لحد ماابويا قرر يحبسني..

كبرت وانفرد عودي واحلويت فطمع ابويا فيا..

وعاوزني أرقص في الصوان..اللي بيعملو كل خميس

↚

وبياجي لينا كل متعوس وخبيث..

ولكني كنت برفض دايما..

حسيت بصوت خيل جاي ورايا..بيجري..

مهتمتش ومشيت..

مشيت بدندن..بأغنيه علطول بحب أغنيها

وشعري الطويل الغجري اللي زي سواد الليل 

بيطير ورايا

وابتديت أغني وكأن الكون دا بتاعي..

✍️اسما السيد ✍️غجريه اسرت قلبي

انا الغجريه بنت الوادي والصحرا

انا المولوده تحت السما الحرة

حكاوى السحر عني كتير يحكوها

انا الفرس اللى قلبه عنيد كما الصخرة

اوعى يدوب قلبك وتعشق بنات الغجر

تسهر تموت عطشان وانت في عز المطر

لو كنت يوم خيال وقلبك بعشر رجال

هيلين على يدي ويعيش ضعيف الحال

سكت واندرت لقيته واقف بهيبه وساند علي فرسه اللي كيف الليل الاسود.. 

بيسمعني بهدوء..ومربع ايده وحاطت رجل علي رجل في وقفته

كان زي الامراء

وفجأه انرسم بخيالي صوره الشاب الطويل اللي بشوفه في الفنجان.. 

فوقت ورجعت خطويتين برجليا

صوت خلخالي بيرن في سما الصحرا.. 

ووقفت قدامه.. 

 

وابتديت أغني تاني.. 

انا الغجريه بنت الوادي والصحرا

انا المولوده تحت السما الحرة

حكاوى السحر عني كتير يحكوها

انا الفرس اللى قلبه عنيد كما الصخرة

اوعى يدوب قلبك وتعشق بنات الغجر

تسهر تموت عطشان وانت في عز المطر

لو كنت يوم خيال وقلبك بعشر رجال

هيلين على يدي ويعيش ضعيف الحال

حسيته اتنفضت من مكانه ولقيته بيقول.. 

ايش جابك لارض النوارس ياغجريه..؟

ضحكت وبصتله ببراءه وقولتله اسمي صبا.. 

ولو عاوز تعرف ليه؟ 

هقولك معرفش.. 

بصلي بغموض.. وقال

كيف مابتعرفي؟ 

وكيف قطعتي الطريق دا كله.. لحالك بين ارض الغجر والنوارس.. 

مديت رجلي اللي بمشي بيها في الرمله من غير شي يحميها

وبدأت العب برجلي في الرمله

وابتسمت..

وقولتله..رجلي اللي جابتني..ليه وازاي معرفش

ومتسألنيش عشان هقول

معرفش..

ـــــــــــــــــــــــ

أول مالمحت عنيها اللي شبه السحر عرفتها علطول

دي صبا..جميله جميلات الغجر

مقدرتش قلبي ارتعش وحسيت اني مش علي بعضي..

الكل بيتغني بجمالها وسحرها

الا انا..اول مره شوفتها كانت من سنتين..

علي شط البحيره..

وانا بتمشي بنهواند..الحصان بتاعي..

معرفش ايه حصلي..ساعتها..

لقيت جسمي اتخشب مره واحده..ووقعت اسير لعنيها اللي مرسومه زي لوحه فنان.

ولاني الياس النوارس قدرت اعرف كل شئ عنها

ولقيتني بنوحل في اسرها اكتر

 فسافرت مهو مستحيل اكون كبير قبيلتي ويسمحولي أكون لغجريه..

بعدت سنه كامله ولما رجعت فاجأني ابويا بجوازي من سناء بنت عمي..خضعت لابويا واتجوزت

وقولت هنسي العيون اللي اسرتني..بس مقدرتش

لا قدرت اكون ليها ولا لغيرها..

عايش تعيس وكان الغجريه وسمت قلبي باسمها..طول العمر

غجريه أسرت قلبي..

اتنهدت وانا شايفها زي الفراشه بتدور قدامي..طب أعمل ايه بس..

قلبي هينفجر مني..

أنا الياس..اللي الكل بيهابه..وجعت لغجريه..

مسمعتش تحذيرات ابويا وجدي..

وهما بيقولو ابعد عن الغجر بيسرقو الفراشات من عالشجر..

ابتسمت وقربت مني وسحبت ايديا اللي مربعها وبصت عليها بهدوء..

وقالت..

خليني اشوفلك ايه مكتوب..

نزعت ايدي منها بسرعه..

وقلتلها..هتدخلي بالغيب يااك..استغفر الله العظيم هذا شرك..

لقيتها مدت شفايفها اللي مزيناها بالحمره وتتاكل أكل كيف التوت..

غمضت عيني ولقيتني بقول..ياابوي..

فتحتها لقيتها بعدت فلقيت نفسي بجري وراها كيف المهبول

صبا..استني ياصبا..

بس مردتش عليا..

سمعت ضحكتها..وصوت غناها بنفس الاغنيه

مسكت قلبي  بايديا وقلت خلاص انت انتهيت ياإلياس..

فضلت اجري وراها..

وانا حاسس انها مش طبيعيه..انا من يوم ماشفتها وانا بقول لا يمكن دي تكون انسيه..

لحد ماصرخت وانا شايفها  بتختفي..

رايحه للمتاهه..برجليها..

اندارت ليا..ونادت عليا..

الياس..

جحظت عيوني..وانا بفكر

عرفت اسمي منين..؟

انا اساسا مقولتوش..

معقول..

صرخت ساعتها وقولت صبااا 

استني ياغجريه. ومهوش مش معقول هسيبها تاني

لا يمكن يكون..

 وفجأه...

عينك ماتشوف الا النور...

ــــــــــــــــــــــــــــــــــــــــــ

↚

أنا الغجريه..حره 

انا الغجريه..وعمري ماتاخدني علي ضره

أنا الغجريه..كل شئ فيا له معني

انا الرحاله..لا وطن ولا مرسي

أبين زين..وأعشق ولا انسي

 السحر..بعيوني لا تنسي..

انا الغجريه..قرب مني لا تقسي..

💖💖💖💖💖

اول مانادي عليا بصوته اللي بيلجلج في سما الصحرا..

صوت شكل الرعد بيدوي وزي البرق بينور 

صوت مغري ببحه مميزه كانت دايما تقولي عنها سوزان صوته زي صوت الوحوش بتاع الصحرا..

انا ليه حاسه انها بتكدب وحاسه ان صوته عندي احلي من رتم الطبله اللي بعشق الرقص عليا..

اتنهدت بصوت وقولت اااه انتي وقعتي ياصبا..

وقعت وانا طول عمري محافظه علي قلبي..

رجع ينادي بصوت اقوي وانا زي التايهه بدخل المتاهه..

في حاجه غلط بتحصل..

المتاهه دي مبدخلهاش الا لو نصيبه هتحصل..

فجأه لقيت غيامه بتسحبني وابتديت اشوف نفس الخيالات..

بس المرا دي كانت اقوووي..كانت اخطر..شهقت بعلو صوتي وانا بتأكد ايه هيحصل او ايه حصل..؟

معقوول..

غمضت عيوني..واستسلمت..

لايه مش عارفه..؟

صوته الفخيم بيدوي في قلبي ومشتتني 

لا عارفه الحق اللي هيحصل 

ولا قادره اخليه يسكت..

وشئ جوايا كان بيتمني ميسكتش..

وبردد بقلبي..متسكتش ياإلياس..

وفجأه...

ــــــــــــــــــــــــــــــــــــــــــــــــ

لقيت ايد بتسحبني ليها بقوه..

لمحتها داخله المتاهه.

المتاهه عندنا دي عندنا في الوادي عامله زي الاعصار اللي بيخش فيها ممكن ميخرجش..

بتبقي موجه رمله عاصيه بتدخل جواك بتقضي عليكي..

احنا مش في فصل العواصف والرياح..احنا في الحر..ايه اللي حصل ولا دي موجه شارده زي صاحبتها اللي الكل بيتغني عنها بالقوه والجبروت والعناد..ااه ياصبا..

بس انا عمري مصدقتهم..

اللي جوا دي..فرسه جامحه عايزه خيال..

جريت وراها وقبل ماتخفيها الدوامه، كنت مادد ايدي وخطفها..زرعها بين حضني..

مقربها لقلبي..

ماانا كنت هموت واعمل كده من سنين..

بس انا كنت عارف لو قربت  منهاهينهوها.

ويقضوا عليها..

ابويا راجل صعب مبيرحمش..

من اهل الوادي اللي بيحكمو بالقوه والدم عنده سهل

الوحيد اللي مقدرش عليه هو الزناتي، زعيم الغجر..

ودا اللي الكل استغربه.

في ايه بينه وبين الزناتي يخليه يرجع عن قراره وميهجرش الغجر،ويخليهم عايشين وسطينا..

غمضت عيوني وانا بشم ريحتها اللي كنت دايما امشي وراها عشان اعبي نفسي وقلبي منها..

صبا مش مراهقه ولا نزوه وهتعدي

صبا جوا القلب والروح..

ااه مش عرفاني،بس يكفي اني عارفها..

ااه بتتغندر،ولوعرفت ان عاشق هتتجبر

بس مش مهم..انا ضيعت عمري عالفاضي

انا مجنون..ليه مخطفتهاش وهربت من سنين..

بس خفت تكرهني..

خفت يؤذوني فيها..

وانا عارف ان ابويا عارف عشقي وساكت..

غمضت عيوني وانا واخدها في حضني وشادد عليها بقوه..

مفوقتش الا وهي بتأن بتعب باسمي..

ـــ إلياس..

وقتها فوقت علي نفسي ولقيتني بردد بقله حيله زي المسحور..

ـ عيون إلياس..

ــــــــــــــــــــ

معرفش ايه حصل..انا فجأه لقيت إيد بتسحبني بقوه وتضمني جامد،وحضن دافي اول مره اكون مرتاحه في حضن حد كدا..

انا ايه بيحصلي انا اكيد اتجننت او ممكن يكون حلم مجنون زي اللي بحلم بيهم..

بيخدوني من مكان لمكان..

انا اظاهر فعلا لازم ادور علي حد يعالجني بس لو كل المرض زي الحضن دا كدا..

انا عاوزه امرض علي طول..

عاوزه افضل مريضه بيه...

كان بيشدد علي اكتر..وفجأه استوعبت وشئ بيقولي في وداني..

فوقي انت مش في حلم..

فتحت عيوني لقيتني فعلا في حضنه...

وافتكرت اللي حصل..

ولقيتني بردد بهمس... الياس..

لقيته بيرد عليا...بحنيه وصوته ببحته اللي بترعش قلبي

ـ عيون إلياس..

الراجل دا خطر علي قلبي..

فتحت عيوني علي آخرهم وانا بردد جوايا..

ـ دا فعلا إلياس..

انتفضت وبعدت..وفوقت..

عيني وقعت علي عينه اللي بتلمع بس مش اي لمعه..

دي لمعه حنان..لمعه بتقول متخافيش..

مديت ايدي ومسحت وشي من الرمله ونفضت هدومي...

وهو لسه واقف زي ماهو...

مقدرتش انطق بولا كلمه..

اللي شوفته في الدوامه..وجعني..ومخلي قلبي مقبوض..

انا لازم امشي...مكاني مش هنا...

لو مهران النواس ابو إلياس شم خبر هيقيم الدنيا علي الغجر..

انا مبخفش من حد..بس ايه ذنب العشيره..

الزناتي رغم شدته الا اني عارفه انه هيدافع عني بعنيه..

الزناتي مش ظالم زي مهران..

الزناتي عنده اهل العشيره كلهم اهله..

انا عمري مانكسفت اني اقول اني غجريه بالعكس..

انا غجريه..وقويه وافتخر..

واندرت...وبعد اول خطوه لقيته..

كانه كان في عالم تاني وفاق..

اللي بيحصل مش طبيعي..وخصوصا معاه..مجرد ماايدي بتلمس ايده 

بتحصل كهربا مش عاديه..

غجريه أسرت قلبي ✍️بقلم أسما السيد✍️

مد ايده وخطفني تاني لحضنه بس المرا دي..

زعقت فيه بحده وقولتله..

ـ سيب ايدي، ياابن النوارس..انت اتجننت..

متكلمش مد ايده ومسك وشي بايده  وقالي بلهفه مجنونه..

اخرسي..

وفجأه..

.ـــــــــــــــــــــــــــــــــــــــــــــــــــــــــــــــ

معرفش ايه بيجرالي في قربها..دا مش انا مش إلياس النوارس ابدا..

ولا دي عوايدي..ولا دي حياتي..

انا مش جاهل..

انا متعلم ومعايا شهادات اهل البندر نفسهم محصلوش عليها..انا اتعلمت في جامعه جنوب الوادي 

عالم في البحوث الاجتماعيه..

خدت الماجستير في علم الاجتماع والسنه اللي بعدتها عنهم سافرت لندن و خدت الدكتوراه..

درست كتير عن الحالات الانسانيه 

والتغيرات الاجتماعيه

بس حالتي واللي بيجرالي، في قربها ملهوش وصف..

الست دي خطر علي قلبي..

الغجريه دي اسرت قلبي من ساعه مشوفتها..

كلامها جنني،وثقتهافي نفسها ومشيتها كلها علي بعضها

↚

عملالي حاله ارتباك مش عاديه،ساحره وحطت عليا ..

سحرت قلبي وخليتني أثير لهواها..

مدرتش بنفسي الا وانا خاطفها تاني ليا..

مانا مقلتلكوش اول مابعدت عني حسيت بفراغ..

اني روحي رايحه مني،حاجه كدا كانك فتحت الشباك فجاه والهوا الساقع بتاع الشتا لسعك..

اهو ظا احساسي اول مابعدت..

معقول..

انا مش قديس..ومش مبغلطش..

انا انسان وكلي معاصي وذنوب..

بس برجع وبستغفر كتير..

بس في ذنبها هي..انا مش عايز اتوب...بخاف استغفر ربنا وادعي انساها..ليستجاب وينساها قلبي..

ودا اللي مش هقدر اعيش من غيره..

صبا عشقها مدفي قلبي ومخليني عايش

يكفي ان اغمض عيني كل ليله وانا بتخيلها في حضني ومراتي..بتخيلها بدل الشيطان اللي ملازمني ليل مع نهار..للاسف مراتي..

اااه..

صبا ياصبا انتي ذنب منه ياقلبي مش عاوز اتوب..

سحبتها لدوامتي انا..

دوامه إلياس اللي من سنين بحلم اخطفها ليها...

دوامه ميكونش فيها غيري انا وهيا..

إلياس النوارس..وصبا الغجريه..

ـــــــــــــــــــ

زي المنومه لقيتني مستسلمه لشفايفه القاسيه..

دي مش بوسه ابدا دي انتقام..بس انتقام لذيذ..

انا مش عارفه هو انا المفروض ابعده وانا قادره ابعده بسهوله..بس في جاذبيه رهيبه مخلياني مش عالارض..

انا فوق في غيمه ورديه..هو خدني ليها..

فجاه اتحولت من العنف للحنيه..وهنا خلاص كان لازم افوق 

صوت فحيح في وداني بيقولي الحقيني ياصبا

الصوت دا انا عارفاه..

دي مهره..

اختي..

قلبي انخلع ودفعته بقوه..

وصرخت بصوت قوي..

ـ ابعد عني..

وكأن عشره بيجرو في رجليا..

جريت..اختي..روحي..وكل حياتي..بتستنجد بيا..

انا مليش غيرها ولا هي ليها غيري..

مهره دي اختي الكبيره..بس من غيري تايهه ضايعه..

 لازم الحقها

ـــــــــــــــــــــــ 

محستش بنفسي غير وهي بتزقني تفوقني..انا كنت علي السما وزقتني وقعتني عالارض..

بس شوفت في عنيها قلق مش خوف.. ولقيتها بتجري 

لسه هقوم وأجري وراها..لقيت صوت بينده عليا..

دا عارف..ابن عمي.

ـ باااه ياولد العم..جلجتني عليك ياراجل..

لما لجيت الفرس ومالجيتك..ليش واجع عالرمله اجده..؟

قومت من الارض..ولسه برفع وشي اكلمه..لقيته بيشهق..

وبيبص حواليه..

ـ فيك شي ياعارف..؟

عيونه وسعت وهو بردو بيدور يمين وشمال..

هي فين...؟

ـ قولتله..بخوف. مين دي.؟

عارف صديقي وعارف قصتي مش بس ابن عمي..

اللي انت كنت عم تبوسها ياولد العم..

جحظت عيوني..

ببوسها..عرف منين..شافنا اكيد..

مد ايده ومسح الروج الاحمر الفاقع..وقالي بخبث وهو بيضحك، اومال ايه ده ياولد العم..؟

خبطت ايدي علي راسي..

وعرفت ان مفيش مفر..

دا عارف... يعني سري

مهو مقدرش محكيش هتجنن

عارف معايا من اول نظره ليا وقعت عليها

وهو اللي نصحني ارجع.. بعد غياب سنه

قالي ارجع

العشق حلو.. حتي عذابه حلو.. 

كفايه انك تكون قريب من عشقك شايفها وسامعها.. 

استسلمت لهوايا ورجعت.. وياريتني مارجعت وابتليت ببلوه، جوازي من بنت عمي

قعدنا عالرمله وحكيتله..ومع كل كلمه كان بيفتح بوقه اكتر واكتر..

وخلصت وانا وهو قاعدين عالرمله..وعيونا لفوق بتبص علي سما الصحرا الواسعه..

خلصت كلام وهو لسه فاتح بوقه زي ماهو..

فبصتله بغيظ..وسكت..

بعد شويه لقيته بيضحك ويجلجل في ضحكته..

وهدي وسكت..

وبدأ سيل من الاسئله سؤال ورا التاني..

هو يضحك وانا اجاوب..وسحر الغجريه لسه علي لساني..

لحد ماجه للسؤال اللي فاكرني بواقعي الاليم..

بيسالني الفرق بين الجنه والنار..

الفردوس وجهنم..

قولي ياإلياس..

ايه الفرج اللي حسيته اجده وانت...فاهمني اومال..

بين صبا ومرتك..؟

بصتله بصدمه..مش عشان المقارنه لا..

دا عشان واقعي الاليم..بنت عمي صاحبه الصون والعفاف اللي مكراهني في عيشتي وحياتي..

وبين نور عيني اللي بحلم بيها ليل مع نهار..

انا عمري ماكنت اتوقع ان اتجوز حد من غير حب

الجواز من غير حب،من غير الفه وموده..عامل زي نارجهنم..لاقادر تخرج منها..ولاقادر تتعود علي لهيبها.

غمضت عيني وافتكرت..

(متجوزوش من غير حب،ومتصبروش وتضيعوا عمركو علي وهم..متضحكوش علي نفسكم بقوله عيشي عشان بيتك والعيال متتشتتش..

اصل ديل الاعوج عمره ما ينعدل..ولا اللي في كار بيبطله..)

ضحكت علي نفسي وانا بفتكر كلامي دا في ندوه من ندوات اللي حضرتها

اه لو يعرفو حالي..

فسكت..واتنهدت وقومت وشديت الرحال..

للعوده..

لجهنم عالارض..

لمحت عصا قريبه جبتها وغرزتها مكان اول لقانا..

اولي ذكري جمعتني بيها...

صبا..صبايا وهنايا..

وسحبت نهاوند وجاري عارف بيبتسم..انا عارف انه فاهمني بس بيهون عليا..

ومشيت وانا في بالي ان مكان ماتقابلنا هخليه من بكره جنه عالارض..

دا كان يوم لقانا..يوم منايا..

ـــــــــــــــــــــــــــــــ

دخلت ارض الغجر وعينك ماتشوف الا النور..

الكل بيبكي ويولول..بينوح ويصرخ...

حوالين...

حوالين مين...دفعتهم بايديا..ودخلت..

وانصدمت..

امي نواعم..حاضنه مهره...وبتبكي..

والدم بيسيل منها..

صرخت فيهم..

وسعوا..مهره..ايه اللي حصل.

 ردت امي وهي بتلطم،كنتي فين يا صبا..؟

صرخت وقولتلها، مين عمل فيها كده..؟

همست مهره..صبا الحقيني ياصبا..؟

صرخت فيهم..يبعدو..

ولقيت سامر..سامر دا ابن خالتي..اخويا وكل حاجه لينا..

وخطف مهره وشالها وهي في دنيا تانيه..

يالا ياصبا..نوديها المستوصف..

خدتها في حضني وبكيت..انا مببكيش علي حد الا علي اتنين اللي سايق بينا ده واللي في حضني دي..

دول كل ماليا..

الحاجه الوحيده اللي ممكن تاثر فيا هي وجعهم..

وبما ان احنا علطول موجوعين..فاتعودنا..

سامر اخويا في الرضاعه..ماتت امه وهي بتولده..

من قله القرش والاهمال..

ماتت في مستشفيات الحكومه اللي بيعاملونا

كاننا شحاتين..

كنت فاكره ان بيعاملو الغجر بس..

لا دا بيعاملو كل واحد معهوش مليم كدا..

معامله الحيوانات متتعاملش بيها..

مش بيقولك..الفقير ريحته وحشه..

اهو دا حالنا..وحال الفقرا كلهم..

↚

نزلت دموعي..وانا بقوله يالا ياسامر..

مهره هتروح فيها..انت عارف انها عندها انيميا..

رد بحزن..اهو ياصبا..متقلقيش دقايق ونوصل..

وبعد شويه...

من المطوحه هنا وهنا..

اخيرا دخلوها اوضه العمليات يجبسوها..

ماهو ضربها العزازي افندي، لما عدمها العافيه زي كل يوم لما بتعترض تطلع عالصوان..

مهره بريئه..وانا قصرت في حقها..مكنش ينفع اسيبها واجري ورا خيالاتي..

قرب مني سامر وخدني في حضنه وباس راسي

وقالي متخافيش ياصبايا..هتبقي كويسه..

وضحك بوجع..

وبعدين عمر الشقي بقي متخافيش..

ــــــــــــــ

وانا ماشي بهدوء..

لقيت مكالمه من ابويا..لقيته بيصرخ بيقولي تعالالي عالمستوصف حالا..

سحبت عارف وغيرت مساري من طريق البيت للمستوصف..

ماعرفش حصل ايه؟،بس نبره ابويا الحاسمه خلتني اعرف اني في نصيبه حصلت.

وصلت المستوصف لقيت ابويا..واقف..والشر طالع من عيونه..

جربت منه،وسألته.. 

في ايه ياابوي؟

جز علي سنانه..وجال اختك..

انتحرت ياإلياس..؟

انصدمت وبان علي وشي،وقولتله..

ـانتحرت ازاي؟

رد بحده وقال..مخابرش..بس مادامي انتحرت يبجي 

عامله عامله وخايفه منيها..

والصوباع اللي يوجعك،جطعه احسن ياولدي..

سوزان..مش اختي شقيقه..بس اختي..

من اول مارجعت  وهي..

بتخاف مني،وبتكرهني،بس اختي..

واسلوب الدم مبحبوش..

ابويا عنده قوه..وقساوه،تهد جبال..بس مش بالطريقه دي..

سبته وطلعت لمكان اوضتها..اعرف عملت ليه كدا..؟

عارف مش هتقولي..

بس علي الاقل أحاول معاها..

طلعت للاوضه..

لقيت مرات أبوي..وامي..وعملي الاسود مرتي..

بتبصلي بغل وحقد العالم كله..

انا مبكرهش حد قدها..

قاعدين جارها.. وهي في دنيا تانيه.. 

مرات ابوي بتبكي بحرقه.. 

مرات ابوي احن عليا من امي نفسها.. فهماني وحاسه بيا..

ماهي انجبرت زي وعايشه في مرار..

امي جاسيه جساوه ملهاش آخر..ومتكرهش حد في الدنيا اد مرات ابوي واختي..

اختي ومهما خافت وبعدت...هي اختي..

السنه اللي بعدتها فرقتنا وبعدت المسافات..مش دي سوزان..اللي كنت بحملها علي كتفي وبلف بيها..

ولا دي مقابلتها ولا تعاملاتها..

انا نسيتها وانا تايه في وجعي..

مرات ابوي مسكتني وبكت..

الحقني ياإلياس ياولدي..بوك هيجتل سوزان..

بيجول ماداميت انتحرت يبجي عامله عامله..

بوك مهيرحماش ياإلياس..

معرفتش اعمل ايه وانا شايف امي بتبص بانتصار، معقول.؟

ومرتي البومه شكليها..ماهي تربيتها..

خدتها في حضني وطبطبت عليها..

متجلجيش ياأمي..بس سوزان تجوم بالسلامه..

مخلصتش كلامي وببص لقيت ملامح امي اتحولت كانها شيطان رجيم..

خرجت اطمن من الدكتور واعرف ايه حصل.؟ 

جالولي فوق..

ولاننا في مستوصف حكومي اضطريت اطلع..

وياريتني ماطلعت..

ــــــــــــــــــــــــــــ

حضني سامر وقعد يضحكني ماهو بيقولك..

من وسط الحزن..حاول تضحك..عشان تبقي متفاءل 

ومن وسط الفرح...ابكي عشان متتعودش عالفرح وترجع، تنصدم بالواقع..

الدنيا مش بتدوم لحد..

لا حزن دايم ولا فرح دايم.

وفجأه من بين ضحكتي بكيت..

كنت عاوزه ابكي..

وحضني سامر وبكي معايا..ماحنا متعودين..

وفجأه..

ـــــــــــــــــ

طلعت اشوف الدكتورو مشيت خطوتين..ورجلي وقفت مكانها..

لا قدرت اتحرك ولا أقدم ولا اخر اكتر من كده..

هي هنا قدامي..

في حضن  واحد تاني..صبايا وهنايا...

وكأن حد ضربني علي راسي..

فجاه النار قادت فيا..في كل جسمي..

في قلبي وااه من نار القلب اللي مشعلله..

صبا دي ملكي..وهنا بس اعترفت ان من الليله واللي حصل..

معدش ينفع اسيبها ولا ينفع ارجع لألياس القديم..

بيقول الحب زي الحرب..عاوزه رجاله..

وانا راجل..وهوريكي ياصبا..

مدرتش بنفسي الا وانا بصرخ فيهاااا

صباااا..

ــــــــــــــــــــــ

سمعت صوته بيدوي زي الرعد..بعدت عن سامر..

وجسمي ارتعش من صوته وعيونه اللي زي الجمر..

بس مش خوف..ماانا قولتلكو

دا عشق..

عشق من اول نظره..

لقيته بيقرب مني 

وفجأه..

اااه

ــــــــــــــــــــــــــــــ

بيقولو الحب زي الحرب عاوز رجال..

وانا في عشقك قادر أهد جبال..

عشقك نار في قلبي..

عشق من المحال..

فرسه جامحه وانا الخيال..

رفقا بقلبا عاشقا..رفقا بفارسك الاصيل..

ياايها العنيده الجامحه..لا تتردي..

اقتربي..كوني هوايا..كوني انا..

 💖💖💖💖💖

صبا....

قرب مني واول مره المح في عيون حد النظره دي..

نظره تملك علي غيره علي حقد ممزوج في بعضه..

مد ايده ومسكني من ايدي وشدني ليه بقوه كنت هنكفي علي وشي..

قولت...

اااااه 

بوجع لما رجلي اتلطشت في الارض لدرجه ان صابعي اتعور..ماهو للاسف انا لسه ماشيه حافيه  علي.. الارض..

انا مجنونه وبعترف بس مبعرفش البس حاجه في رجلي..

حاولت كتير بس معرفتش..يااما مهره قالتلي اتعود بس كنت بطنش..

الصحرا والرمله والمشي عليهم حافيه بيخلوني في دنيا تانيه..

وفجأه اتحولت نظره الشده للين..

ولقيته انحني عالارض يشوف رجلي اللي اتعورت..

وهو بيقولي..

↚

ـ بااه رجلك اتعورت وريني اجده..

بس قبل مايلمس رجلي كان خاطفني سامر من ايدي.. وزعق فيه..

انت اتجننت يابن النوارس..شيل ايدك داك قطع ايدك عن بت خالتي..

وقف زي الصنم بيبص بعيون شبه الشيطان وسامر بينحني ويرفع رجلي علي رجله وبيكتم الدم بمنديله

كل دا وانا واقفه عيني عليه..

لسه هيقرب لقينا حد ظهر فجأة، ومسكه من ايده وهمسله في ودنه..

ملامحه اتجمدت.. وانا نزلت رجلي بعد ما سامر كتملي الدم..

ببص لسامر لقيت وشه هينفجر زي الشيطان..

حطيت برجلي عالارض وصوت الخلخال رن في الدور كله..

فبصلي إلياس، وجز علي اسنانه..

وانا في نفسي بقول..

الله ايه اليوم اللي مش معدي دا..

بص سامر للراجل اللي جنبه ولقيته بيقوله..

ــ ايه جابك هنا ياعارف انت وابن عمك..؟

رد اللي اسمه عارف وقال...ولا شي ياسامر احنا اهنه عشان  الشيخه الصغيره، سوزان اخت إلياس بعافيه شويه..

انا سمعت اسم سوزان من هنا وجسمي اتخشب

 وفهمت اللي شوفته في المتاهه.، اللي شوفتها من غير ملامح وبتستنجد بيا، كانت سوزان..

كانت بتقولي الحقيني..بس مقدرتش ابين ملامحها في المتاهه.

سوزان...في خطر..لازم احميها..

لقيتهم بيبصولي باستغراب لاني شهقت اول ماسمعت اسمها ولقيت سامر بيقرصني في ايدي

لما لمحهم واخدين بالهم..

بس نجدني من الموضوع صوت الدكتور اللي خرج..

يقول بلهفه....

ــ عاوزين حد يتبرع بالدم بسرعه..

المريضه نزفت كتير وعاوزه نقل دم دلوقت.. لان مفيش في المستشفي..

وقفت انا وسامر متسمرين احنا الثلاثه فصيلتنا مش واحده..

طب والعمل..؟

دموعي نزلت ومسكت في سامر، وقولتله هنعمل ايه دلوقت..؟

ابويا الوحيد اللي نفس الفصيله ودا استحاله نجيبه او هو يرضي دا عاوز يغزنا كلنا بسكينه تلمه ويخلص

وامي مريضه كبد وبتقضيها ايام..

غمضت عيوني..

وسامر بيقوله ان مفيش فينا حد نفس الفصيله..

فجاه لقيت إلياس بيسأله..

واستغربت انه بيتكلم زينا..مش زي اهل الوادي..

بس معلقتش

ايه نوع الفصيله دي يادكتور..

رد الدكتور قاله،+A

رد اللي اسمه عارف بلهفه وقاله اني ذات الفصيله وممكن اتبرع..

رد سامر وقاله..طب بسرعه ياعارف الله يخليك..

رد عارف ببسمه بشوشه..

وقال حاضر..ياسامر..

اظاهر ان سامر وعارف بيعرفو بعض بس من فين..؟

دخل عارف مع الدكتور اوضه العمليات..

وفضلنا احنا..

شدني سامر من ايدي وجز علي سنانه وقال لاإلياس ياريت تفارقنا..

فينا اللي مكفينا مش ناقصين غرورك..

جز علي سنانه، ولسه هيقرب لقينا واحده  بتنادي عليه بحده..

إلياس..بصيت ليها وعرفتها علطول..

دي المغروره..الحيه زي مابتقول عليها سوزان..

مرات المحروس..

اااه في صدري كتمتها..وانا حاسه اني قلبي قاد نار..

معقول..نار الغيره..وانا مالي بيه وبيها..

بصيت بغل عليهم..

لقيته فايتها وماشي..فبصتلي بغل..واندارت مشيت وراه..

وبعدها سامر همسلي في ودني، حسابنا في البيت ياصبا..

بصيت له بنظره حزينه..وقولتله..ماشي..بس نروح بالسلامه ياسامر واحكيلك..

اتنهد وقالي ماشي..انا اللي مهديني اني واثق وعارف مين صبا.؟.

وان محدش في الكون يقدر عليها..

ابتسمت ومديت ايدي وحضنت دراعه..وميلت راسي عليه..

وقولتله..ربنا يخليك ليا ياسامر..

باس راسي وقالي ويخليكي ليا ياصبايا..

ببص بعيد لقيته واقف قصاد شخص وعينه عليا..

عين كانها جمر جهنم..

بلعت ريقي وقولت في سري

 اليوم دا مش فايت..

ــــــــــــــــــــــــــــ

(عارف)

غمضت عيوني ودخلت ورا الدكتور عشان اتبرع بالدم..انا مش عارف مين جوا..

بس فتحت عيوني وشوفتها هي..

كنت دايما بسأل نفسي كل مابسمع حكاوي إلياس عن صبا وعشقه ليها من اول نظره وكنت بقول مش معقول..

مفيش حاجه اسمها كده..بس اول ماعيني وقعت عليها..

معرفش أيه جرالي..؟

بيقولو نسوان الغجر مجرد ماتبص في عنيهم بيسحروك..

طب انا ايه جرالي وقلبي ليه بيدق..

انا هقع في العشق ولا إيه...؟

وشها كان باهت ووشها  المدور وشعرها السايح علي الترولي..

خلو قلبي يدق..

مديت ايدي وصلولي الكانيولا مني ليها مباشره..

وكأن اللعنه انتقلتلي في ثانيه..

لعنه عشق الغجريات..

اتنهدت وغمضت عيوني وهما بيخيطو جرحها

مقدرتش..

بس دماغي بدأت تفكر ياتري ياجميله انتي مين؟

وياترا عشقنا الملعون ليكو هيودينا علي فين..؟

وفجأه راح تفكيري للقصه المجنونه اللي بتتغني بيها القبايل كلها شمال وجنوب..

قصه الراوي وعمتي، سليمه..

معقول..  سليمه كانت من النوارس..وعلي كان من الراوي واتجابلو في ترحال القبايل 

كانت عاده زمان قبل الاستقرار البي حصل اني القبايل تتنقل من مكان لمكان منها يتعارفو ومنها يرعو..اتقابلو وعشقو بعض

ودارت الحروب بين القبايل..

 وغادرو الوادي بعد مالكل عاداهم وقطعو صلتهم بيهم..عايشين منبوذين..بس بالحب والعشق كونو مزرعه كبيره للعشاق..

ساليمه اخت بوي كانت في العشق قويه وقدرت تتحدي الكل وتأخد الراوي، بس اتنبذت ودارت حروب ياما بين القبايل لحد ماضطروا في الاخر يجوزوهم..

اتنهدت وفي اللحظه دي اشتقتلها..

اشتقت لعمتي سليمه..والراوي..

مهو انا وإلياس عمرنا ماقطعناها..

كنا صغار وواعين للي بيجري ويومها..وعدنا عمتي سليمه اننا لما نكبر ونعرف طريقها هنجيلها..

وفعلا دا حصل..عرفنا الطريق وبقينا نهربو هناك من مشاكلنا وحياتنا.

غمضت عيني واتنهدت وقولت ااه ياعمتي..

وهنا لقيت الطبيب بيقولي..

تمام يابطل..كتر خيرك تقدر تتفضل..

عدلت نفسي وبصيت عليها املي عيني منها..

وخرجت..

ــــــــــــــــــــــــــــــــ

(صبا)

مشي عارف وإلياس وفاقت مهره.. وقعدنا زي العاده نضحك ونتسامر، وتحت ضغط سامر حكيت ليهم اللي دار في الصحرا..مانا مبخبيش عنهم حاجه..

بس طبعا خبيت البوسه اللي رزعهالي...واللي لسه حسه بطعمها علي شفايفي...

بس مهره فاجأتني وهي بتقول..

ـ بقولك ياصبا..هو فين الشخص دا اللي اتبرعلي..

عاوزه اشكره..

ـ بصيت ليها وقولت..

سامر يعرفه..روح ناديله ياسامر..

رد سامر بغيظ وقال..

بت انتي وهي..فككو من الناس دي..دي عالم بؤره شر..كفايه العزازي واللي عامله فينا..؟

وإلياس دا كتله شر هو وابوه واكيد عارف ابن عمه ميتخيرش عنه..

ردت مهره بزهق..

اف منك ياأخي..خلاص..اما اقوم هتشكره انا وغمضت عنيها بهيام وقالت..

وبعدين مش يمكن يطلع حليوه كدا..

وينقذني من الصوان وقرفه ويبقي بينا قصه حب زي الروايات..

↚

البطل يتبرع للبطله وهاتك ياحب..

ضحكنا لما عنينا دمعت..وضربتها علي كتفها السليم..

ياختي اتنيلي..حب وعشق ايه..اللي بتحلمي بيهم..

يامهره فوقي يا حبيبتي..

احنا بالنسبالهم لعنه..مش عشق..

زفرت مهره وقالت طب عاوزه انام..ابوكي كسر عظمي..وانت سارحه في ملكوت الله..

اديني هرتاح منه اسبوعين بحالهم..

رد سامر وهو بيضرب دماغه..اوبا..دا كدا هيخلي صبا ترقص مكانك..

هنعمل ايه ياصبا..

اتنهدت وبصيتله وقولتله..

هنشوف..متقلقش

وفجأه...

حسيت بصداع مديت ايدي وحطيتها علي ودني اللي الهمس زاد فيها وانا سامعه..

سامعه...كلام...غمضت عيوني وانتبهت وسمعت..

  

انطوجي يافاجره..انتحرتي ليه..؟

رد صوت اعرفه....

بس ياأبوي سيبها دلوقت..وانا هعرف عملت اكده ليه..؟

فتحت عيوني علي أخرها والصوت سكت..

جيت افتح عيوني..

لقيت الصوت عاد تاني..

بس المره دي كانه  حد بيكلم في التليفون..

هو نفس الصوت..

الليله هتبات اهنه..خلص عليها..وجول قضاء وجدر...

وسكت..

شهقت وفتحت عيوني وبصيت ليهم لقيتهم بيبصولي بهدوء..

هما عارفين اني لما بعمل كده اكيد هشوف او اسمع حاجه..

وصرخت فيهم وقولتلهم..هيقتلو سوزان...

لقيت سامر اتنفض وقال..

الشيخه سوزان..تقصدي..لييه.؟

مقدرتش اتكلم..بس لازم اقول عشان نلحق ننقذها وخصوصاا بعد اللي حكتهولي سوزان أخر مره..

سوزان مسلمتش..بنفسها..سوزان الحقير خدرها واغتصبها وقالها اخبطي دماغك بالحيط انا اجده انتجمت لخيتي..ماعرفش ليه عمل فيها كدا..

وليه عايز ينتجم لخيته..اللي اعرفه انها مرات إلياس..

سوزان ضحيه....

اتنهدت وحكيتلهم..لاقيت سامر بقي عامل زي الفرخه المدبوحه بيرفرفر..

بس مكنش في وقت..فوقته وقولتله..

سامر..احنا لازم نتصرف سوزان معملتش حاجه..

الوسخ دا هو السبب..

احنا لازم نحميها..

سكتنا نفكر..كلنا..

وفجأه..نطق سامر..

انا لقيت الحل..

قولنا كلنا مع بعض..ايه.؟

قال سامر بقوه..ههربها..

شهقت وقولتله..انت اتجننت انت عاوزهم يقتلوك.

بصلي سامر وقالي..

محدش هيعرف..استخدمي سحرك ياصبا..

قولتله ازاي؟

بصلي بمكر وقالي اقعدي..

وبدانا  نخطط..احنا اه غجر بس منقدرش نشوف الضعيف ومنقفش جنبه..

ولا المكسور ولا نجبروش..

احنا الغجر..احسن من ناس كتير سلبيه..

وقررنا ان احنا هنساعد سوزان لآخر نفس..

نزلت االدور اللي سوزان فيه وانا متاكده ان إلياس هناك..والكل مشي..

هتسالو عرفت منين هقولكو الهاتف ناداني..

وشوفتهم..

كان سامر ورايا وعارف زي، مااتوقعنا بالظبط اول ما شافنا نازلين  اتسحب وطلع لمهره..

ابتسمت وغمزت لسامر..

وانا عدلت نفسي ومشيت ناحيه إلياس الشارد..

او ماخطيت برجلي عالارض.. قام عينه ناحيتي  وعيونه اتحجرت عليا...

قربت منه وانا بغني الاغنيه إياها بيني وبين نفسي..

أنا الغجريه بنت الوادي والصحرا..

انا المولوده تحت السما الحره..

امور السحر عني كتير يحكوها..

سكت ووقفت قدامه وبصيت لعيونه..

رحت في دنيا غير الدنيا وهو واقف مكانه..

ـــــــــــــــــــــــ

(إلياس..)

ابويا مشي بعد ماهددني ان ماخلصت علي سوزان بايدي هيخلص عليها هو...

وسوزان كالعاده رفضت تكلمني وقالتلي انت السبب في كل اللي جرالي..؟

قلبي واجعني عليها..مهما كان دي اختي..

قعدت انا وعارف..

عارف، اللي من ساعه مخرج من اوضه العمليات وهو شارد وفجأه طلعت في دماغه عمته سليمه..

ااه انا كمان اشتقتلها اوي..بس مش وقته..

  بس وانا شارد  في حالي..

سمعت صوت رنه خلخالها..

رنه خلخالها اللي مجنناني من ساعه مارنت في الصحرا،الست دي ضيعت هيبتي

هيبه إلياس النوارس

ااه قلبي بدأ، يدق ونفسي ارتفع..

وبصيت ليها واتصنمت مكاني..

ووقفت ادامي..

وقااالت..

ـــــــــــــــــــــــــــــــــــ

(عارف..)

اول مالممرضه قالتلي انها لوحدها معرفش طلعت ازاي..

جريت زي العيل الصغير علي امه..

انا مقولتش للممرضه حاجه..

بس لقيتها بتقولي المريضه اللي اتبرعتلها بالدم فاقت 

وهي لوحدها وعايزه تشكرك..

لبيت الندا وقلبي سعيد..

 خبطت عالباب  ، ولقيت صوت كيف عود الناي بيهمس

وبيجولي اتفضل..

 فتحت الباب بهدوء..واول ماعيني جت عليها.

حطيت ايدي علي صدري وقولت

 ياابووي..

ـــــــــــــــــــــــــــــــ

(مهره..)

مكنش في دماغي حاجه 

كل اللي كان في دماغي ان صبا وسامر ينقذو سوزان..

سوزان من معرفتنا بيها انسانه تستحق التقدير..

يكفي انها دخلت بيتنا وكلت وشربت من اكلنا اللي الجنوب كله بيقرف منه..

سوزان..شيخه وياليت مثلها كل الشيوخ..

اتنهدت وانا بدعيلها،ان ربنا يناجيها..

مااحنا بشر مسلمين بنصلي وبنصوم..مش علي مله تانيه يعني..

كل المشكله ان لقب غجر عند الكل دا لقب منبوذ 

لقيت خبط عالباب  وانا حاسه اني نفسي بدأ يديق والدوخه رجعتلي تاني..

المستوصف هنا طبقات..

واحنا الحمدلله فوق في الطبقه الاخيره طبقه الفقرا والمحتاجين..

اما اللي تحتينا دول للناس الهاي والشيوخ..

شيوخ القبايل واهلهم..

يالا متفرقش كتير..

المفروض كانو يعلقولي محاليل بس للاسف مفيش فلوس..

فاكتفو علي كدا..علي قد فلوسك يامتعوس..

ابتسمت ورفعت راسي وانا نسيت ان قولت اتفضل وانه دخل وواقف قدامي..

و..

ـــــــــــــــــــــــــــــــ

(عارف)

أول  ماعيني وقعت عليها قلبي دق..

ااه..دي حوريه من الجنه..

فضلت واقف مستني ترفع عنيها..

لحد مرفعتها وطيرت البرج اللي فاضل من نافوخي 

كان وشها شاحب وعنيها بتقفلهم وتفتحهم بالعافيه..

وخبرتي كطبيب..مش بشري لا انا طبيب بيطري 

بس بفهم في الطب البشري ماهو متفرقشي كتير..

عرفت انها داخله علي حاله اغما..

جريت وقربت منها..

وقولتلها..

بااه انتي زينه؟

ابتسمتلي وقالت بمزاوله...

ايه بااه دي..كلمني عادي..انا مش بفهم ولا بحب اللغوه دي..

ابتسمت وقولتلها..

حاضر ياستي..

بس انتي كويسه..انتي تعبانه...؟

غمضت عنيها وفتحتها وقالت..

بص مش عارفه..بس حاسه اني دماغي وشاورت علي دماغها..

بتروح كدا وتيجي كدا..

وحاسه..وشهقت وقالت..

حاسه اني روحي بتروح..مني..

مكملتش شهقت بتعب وارتمت براسها لورها..

سندتها بايدي..

وانا نفسي بيعلي اكتر منها..

قلبي بيدق في صدري اوي..وانا بقولها..

اهدي متخافيش ياا..

ريحت راسها علي المخده..وقالت 

مهره..انا مهره العزازي..

وكان كهربا مستني..

انا ازاي متوقعتش انها تكون هي..

مهره..العزازي..الغازيه..

اللي الكل بيتغني بحسنها وكل ستات القبايل بيدعو عليها..

بعدت ايدي عنها بسرعه

 ودارت الدواير في دماغي..

و

ــــــــــــــــــــــ

(مهره..)

اول مااتفزع عرفت بيفكر في ايه..…؟

اني غازيه..

غمضت عيوني وبصيتله بقهر الدنيا والعالم كله فيا..

↚

ومديتله دراعي وقولتله..

قرفان..

خد اسحب دمك من دم الغازيه..

ــــــــــــــــــــ

(عارف..)

اول مابصيتلي بعيونها الحزينه..

وقالتلي كدا..

سهم ودخل قلبي بقيت عايز اضرب نفسي ميت كف..

انا ليه عملت كدا واذيتها بالطريقه ديا..

بس لقيت لساني بيسالها، لوحده..

مين عمل فيكي كدا..يامهره..؟

 بصتلي بحزن وقالت بهدوء..

ابويا..

النار غلت في قلبي اكتر وقولتلها..

ليه؟

 دارت وشها الناحيه التانيه..

وقالت علشان قولتله تعبانه مش هقدر اطلع الصوان.

واندارت ليا وقالت بلامبالاه 

كالعاده..فشفش فيا.

انصدمت..وقولتلها بحده..

ايه؟

هو متعود علي كدا..

ضحكت بشجن في صوتها..

وقالت..

اه..متشغلش بالك..

مديت ايدي ومسكت وشها اللي بديره عني وقولتلها..

وانتي بتسكتي مبلغتيش عنه ليه..

ضحكت تاني وسحبت وشها

واتنهدت وقالت....متشغلش بالك انت يابيه بالغازيه..

كلامها ونبرتها التايهه كانت بتقطع فيا..

الغجريه دي لعنه وحطت عليا..

وهنا افتكرت جمله في مره من المرات الراوي قالهالي..

وانا بقول همري ماهقع، بالحب..

قالي بكره تقع في العشق.لشوشتك..

وساعتها هتجول العشج لعنه وحطت عليا...

بس ايه ياواد ياعارف..

لعنه احلي من كل الدنيا..

الحب حلو..بس العشق سيمفونيه..

ياتعزفها صح..ياتخربط الدونيا..

ابتسمت ومشيت ايدي علي وشي..

وسحبت الكرسي..

وقعدت جنبها..

بصيتلي بعتب وسكتت..

ومن هنا ابتدت لعنتي في الدنياااا..

ــــــــــــــــــــــــــــــــــــ

(صبا)

اول ما وقفت قدامه..

بصيت في عنيه ورحنا في دنيا تانيه..

مفوقتش منها غير علي صوت سامر الحاد بيرن في وداني..

اخلصي ياصبا..هطيني الدنيا..

هزيت راسي..

وقولتله..

انا جيت اطمن علي اختك واشكر عارف ان اتبرع لمهره اختي..

ابتلع ريقه وقالي  اختي، زينه..زينه..

لسه هيتكلم.. قولتله..ممكن ادخل اطمن عليها..

اتفاجئ بطلبي..

بس هو كان زي المسحور..

هز راسه وقالي طبعا..

خبط عالباب ودخل..

كنت انا وراه اول ماشافتني سوزان..فتحت عنيها من الصدمه..

بس انا غمزت ليها وهي فهمت وابتلعت ريقها..

وحاولت تبان عاديه..

دخلت وقربت اسلم عليها..وانا بسلم عليها مسكت ايدها وحطيت فيها ورقه مطويه..

كتبت فيها..سامر هيخلص الدنيا..هي عارفه سامر وبتثق فيه..

خرجت بسرعه، ومطولتش عشان ميشكش وخرجت..

وهو زي المسحور خرج ورايا..

مشيت شويه وقولت..

اااه..

قالي..

باااه مالك ياصبا..

شاورت علي رجلي قولتله بتوجعني شويه..

شوفت اللهفه في عيونه ومن غير تردد 

مسك ايديا وقالي

تعالي..

للدكتور يشوفها..

متكلمتش ومشيت وراه..

اللي احنا فيه دا خطه..بس اللي انا وهو فيه دلوقت دي حكايه تانيه..

انا اول مابيقرب عليا بروح في دنيا تانيه..

خدني من ايديا لحد مابقينا عالجهه التانيه..

ولمحت سامر وهو بيشور ليا..

ان الخطه تمام..

نزلنا السلم..

وفجأه ادور وانحني ومد ايده سحب رجليا..

قلعني خلخالي..

وشهقت انا بقوه..

وسالته..

ـ بتعمل ايه ياألياس..؟

 ولا هو هنا..

ومد ايده وخد رجلي التانيه وقلعني الفرده التانيه..

اول ماعمل كده حسيت اني عريانه..

وقلبي انخلع..

وقولتله بحده..

ـ هات خلاخيلي ياألياس

ملكش دعوه بيا اوعي..

ابتسم وقالي..

اعتبريهم ذكري منك ليا..

زي المغيبه اتسمرت..ومد ايد وحركها علي خدي بحنيه..

وقالي متزعليش ياجميله...

هجبلك بدالهم عشروميه..

غمض عيوني وقولتله..

لا دول غالين عليا..دي هديه من أمي..رجعهم ليا..

ابتسم وشد ايدي وقالي..

انتي ليه ماشيه حافيه..؟

رديت بغيظ منه وقولتله ملكش دعوه بيا..سيب ايدي..

فجأه لقيت نفسي في اوضه فاضيه وقفل الباب عليا..

وبدون مقدمات لقيته بيقرب ليا..

قولتله..

في ايه..؟

انت قفلت الباب ليه عليا.

رجعت بظهري وهو قدامي..

انا ارجع وهو يقرب.

لحد مالزقني في الحيطه..

و...

 ــــــــــــــــــــــــ

(سامر)

اول ماخرجت صبا وغمزتلي..

جريت علي باب اوضتها..وفتحته ودخلت..

اتصلت بزهري صديقي وجهزلي كل حاجه..

وجابلي اللبس اللي قولتله عليه..

الكل عارف ان عاشق لسوزان في صمت..

من يوم مااتعرفت عليها عندنا وانا واقع لشوشتي 

سوزان كانت حلم بعيد..بعملتها واللي حصلها كسره ظهري..بس غصب عنها ..

انا عارف انه غصب عنها بس مش بايدي..

الغيره وحرقه قلبي اني غيري لمسها بتقطع فيا..

مين قال ان الغجر معندوهمش نخوه..

انا بحبها وياما اتمنيت يجمعنا بيت واحد بالحلال..

بس كان صعب..ودلوقتي بعد مابقي مش صعب 

قلبي حزين..حزين اوي..بس مش هقدر اسيبها ليهم..

سوزان..وااه من سوزان..

اول ما قفلت الباب لقيتها انفزعت وقربت بتعب عليا وقالتلي...

سامر..ارجوك..خرجني من هنا..

مقدرتش والله مقدرت..

وخصوصا وهي جايه بتتحامي فيا..

ارتمت في حضني وانا غمضت عنيا..

شميت ريحتها وطبطبت عليها وحاوطتها بايديا..

العشق حلو..وعذابه حلو..بس ااه مش بالطريقه ديا..

بوست راسها وقولتلها..

وحياتك لقتله بايديا...

بكت وقالتلي انت عرفت..أنا اللي غلطانه ياسامر ياما صبا حذرت فيا..

بعدني وقالي طب بسرعه غيري خلجاتك ديا..

ـــــــــــــــــــ

(سوزان)

خدت منه الكيس ودخلت الحمام..

ولبست العبايه وفوقه النقاب

وبسرعه مسك ايديا وقالي بتثقي فيا..

 هزيت  راسي وقولتله.

بهدوء..

اكترحد في الدنيا..

(سامر)

ابتسمت ومديت ايدي وسحبتها في ايديا..

واول مافتحت الباب..

 ارتمت في حضني.. وشهقت هي..

ــــــــــــــــــــــــــــــــــــــــــــــــ

ياغجري اتسألني،هل تثقي فيا.؟

الا تعلم..انك منذ الان اصبحت لي الدنيا ومن عليها..

ياغجري ياكحيل العينين..اقسم شهامتك عندي بالدنيا..

ياغجري..اختطفني من نفسي ومن الدنيا..

ابعدني علي سفح جبل..او علي شط بحيره

لا يهم فقط..ابعدني عن كل الدنيا..

ماعدت اريد المهر والدهب..اريدك انت تنسيني 

هذه الدنيا....

↚

اول ماحطيت برجلي علي الباب فجأة النور انطفي والسواد عم المكان.. 

مد ايده وحبسني جوه حضنه وقالي

اهدي ياسوزان متخافيش..

دا انا اللي خليت زهري يقطع النور عشان نعرف نهرب

هاتي ايدك ويالا بسرعه..

زي المغيبه مديت ايدي..

ايده كانت دافيه..ايد حنينه اوي..بتفكرني بإيد كانت دايما تحملني بيها علي كتافها.

إيد إلياس..اخويا..

نزلت دموعي..وافتكرت مأساتي وازاي بعدنا...؟

بس مكانش في وقت سامر حاوطني بايده وطبطب عليا وقالي بصوته الخشن اللي اول مره سمعته في بيت صبا لبشني وخوفني..

سامر ملامحه جميله بس صوته مش شكل ملامحه، صوته كان بيثير في قلبي رعشه معرفتش افسرها

بس اللي طمني ان قريب صبا..

همسلي وقالي بحنيه  وانا بترعش، متخافيش انا معاكي اهو امسكي فيا..

مسكت فيه وهنا الرعشه اللي في قلبي اتحولت لامان..

وسلمت زمام الامور ليه..اصلا مش فارقه..

هو بعد اللي بيحصل دا واللي حصل من اقرب الناس ليا،في امان..اشك

بس الامان اللي اتسرب ليا وانا معاه خلاني اعيد حساباتي..

ساعات ربنا بيعوضنا ويجبرنا بس ياتري..

هيفضل في ظهري للاخر.. ولا هيبعدني ويرجع هو ويقولي مع السلامه انتي اللي عملتي في نفسك كدا

فوقت من افكاري..

علي...

ــــــــــــــــــــــــ

اول ما قرب مني قلبي دق وحسيت اني سامعه دقاته..

وفتحت عيوني عالاخر..

وقولتله..

ـ ابعد يابن النوارس..

رد عليا ببسمه وقالي بصوت مغري كدا..

في بحه غريبه اول مابسمعها بتلبش واحس برعشه لذيذه جوايا..

قالي..

اسمي إلياس..وهمسلي وهو بيقرب من وشي..

قولي إلياس..

حسيت اني في دنيا تانيه..يانهاري..

الواد دا خطر عليا..

حتي ثباتي وقوتي اتهزت قدامي ومش اي هزه..دا هزه عنيفه بتقولي انتي وقعتي ياصبا ومحدش سمي عليكي..

اخدت نفس ومديت ايدي ابعده عني..

ابتسم وهمسلي..

ايدك بترتعش ياصبا..انتي حاسه زي ماانا حاسس مش كدا..

انصدمت وقولتله..

انت مجنون..ابعد عني..

لمحت في عينه سنه جنون..معقول..

وفجأه..

مد ايده وخطفني من وسطي وقبل مايعيدها تاني ويخطفني لعالم تاني..

كان النور انطفي..

حسيته اتلبش وجسمه اتصنم بس ضمني ليه بحنيه..

راسي كانت علي صدره..غمضت عيوني وحسيت باحساس مقدرتش اميزه..

بس سمعته بيقولي..متخافيش..اانا جارك..

ضحكت وصوت ضحكتي خلي جسمه اتصنم اكتر 

وسألني..

عليش بتضحكي ياصبا...؟

ضحكت وهمستله في ودنه..

متخفش عليا يابن النوارس..خاف مني..

دفعته بايدي بسرعه..

وجريت فتحت الباب وخرجت وانا بضحك..

وبغني..

أنا شايفه طريقي كويس..

بس هو اللي مش شايف..

جريت ولقيته بيجري ورايا..

وبيصرخ..

صبا استني ياصبا..

فتح كشاف تليفونه وبيجري ورايا..

وفجأه..

ـــــــــــــــــــــــــــ

اول مره حد ياخد ويدي معايا كدا في الكلام غير سامر وصبا..

ايوا انا مهره..اللي كل ستات الجنوب بتكرهني..

وانا اولهم بكره نفسي..عشان ضعيفه،غبيه

بستسلم وبسمع الكلام من غير حنيه..

أنا مهره الغازيه زي مابيقولو..خطافه رجال..

انا اللي الضعف والخوف ماليني،بضحك في وش الكل بس الالم ماليني..

محدش يعرف حياتي عامله ازاي..؟

محدش يعرف كام دمعه بمسحها وانا بعري جسمي للي يسوي واللي ميسواش

محدش عارف بحس بأيه والكل بيبص عليا وعايز ينهش لحمي..

محدش عارف كام مره اتعرض عليا مال مقابل ليله.. وكان ايه احساسي وقتها وقد ايه بكيت

احنا اه غجر بس الا الشرف..العزازي خسيس واطي ساعات بشك انه استحاله يكون ابونا..

مهو مفيش اب يفرط بلحمه كدا..

بس دايما كان الزناتي ليه بالمرصاد..

اه نرقص ونهز وسطنا بس اللي بيجي علي شرفنا بينسفه..

الزناتي علي قد هيبته.طيب.طيب اوي..

اااه..انا هي مهره اللي علي دقه خلخالي بينهزلي شناب..بس ماملاش عيني ولا قلبي اي راجل

اتنهدت ونسيت انه جاري..

↚

لقيته بيقولي..بتفكري في ايه؟

ابتسمت وقولتله..انت طيب اوي يادكتور..

ضحك ضحكه خلعت قلبي..

دي مش ضحكه طبيب..دي ضحكه امير بشال اهل الجنوب اللي لبسه علي راسه دا..

ااه ضحكته طيرت عقلي..

ابتسمت وقولتله بتضحك.ليه؟

هدي وقالي..مش اتفقنا نكون اصدقاء فليه بقي يادكتور والكلام دا..

انا اسمي عارف..

ابتسمت وقولتله بس العين متعلاش عن الحاجب..

بصلي بصه عتاب وقالي..

بلاش كلامك دا يامهره..لا في عين ولا حاجب..ولا الكلام دا..

وببسمه بشوشه..

همس وقالي..

قولي عارف وانا اقول يامهره...

ابتسمت ولسه هرد..النور طفي..

اه هي خطه بس نسيو وانا نسيت اني بيني وبين الظلام طار لا ينحكي ولا ينوصف

جسمي ارتعش وشهقت وبكيت..

رجعت الطفله الصغيره تاني..

رجعت لزمان..زمان اوي..حسيت ان روحي بتروح مني..

ودخلت في فوبيا وافتكرت..

افتكرت ابويا لما كان بيحبسني بالايام ويعذبني انا وصبا..

بس صبا كانت دايما قويه.. كانت بتعرف تحتويني..وتحتوي رعشه جسمي..

انما دلوقت..

ــــــ

فتحت كشاف موبايلي لما سمعت شهقتها وبسرعه وجهته ليها..

وانصدمت..

كان جسمها كله بيتنفض..والدموع بتسيل من عنيها..وعنيها عماله تروح وتيجي كان في حاجه قدامها بتحاربها..

وابتدت تهمس بكلام..خلي قلبي ينخلع عليها

واحساس كدا فطري جوايا عاوز يحميها..

وقربت منها وقولتلها

اهدي يامهره متخافيش..

بصي اهدي..خدي نفس..

ندهت بعلو صوتي علي اي حد يجي ينجدها..

بس نسيت ان اننا في عنبر الفقرا يعني لو نديت من هنا لبكره محدش هيرد..

مقدرتش استحمل قربت منها ولان السرير كان واخدها هي بالعافيه..

حملتها بين ايديا زي الطفله الصغيره..

وهي مد ايدها اللي بتترعش مسكت فيا

وملقتش مكان غير الارض يستحملني انا وهيا..

أنا دكتور وفاهم حالتها دي حاله رهاب..

عاوزه حد يحتويها..

ناديت تاني علي حد ينجدنا بس مفيش واقسمت اول ماخرج من هنا لاربيهم كلهم..

دموعها غرقت قميصي اللي لابسه..

وهي مرميه زي الطفله علي صدري بتنادي علي صبا..

الحقيني ياصبا خلي بابا يخرجني من هنا..

جزيت علي سناني وانا بربط الخيوط ببعضها..

ااه لو اطول العزازي دا كنت خنقته بايديا..

ولان مفيش مفر حوطها بدراعي..

ورحت معاها في دنيا تانيه..

غمضت عيوني وايد محوطاها وايد بتملس علي شعرها..

ولساني بدأ يتحرك ويحكي لحالي.. حكيتلها حكايه الشاطر عارف اللي هيجي يخطف الغجريه

معرفش ليه خطر علي بالي كدا..

بس انا سرحت معاها بخيالي..

وهي هديت وبدأت تتجاوب مع كلامي..

وتسألني..علي حاجات افوتها في كلامي..

وفجأه...

ـــــــــــــــــــــــــ

اول ما وصلنا للعربيه بتاعتي لقيت صوت ضرب نار..

وحد بيصرخ يقول الشيخه سوزان هربت..

جسمي اتلبش وفي ثانيه كنت مدور العربيه وطاير..

سمعتها بتقول..يامري بوي لو لحجنا هيجتلك ياسامر..

بصيتلها..وسألتها متخافيش قبل مايصلحو النور هنكون بره البلد امسكي بس انتي جامد..

لمحت خوفها في عنيها قلبي ابتسم ماهي دي اللي بيعشقها قلبي...

انا سامر..جلاب المشاكل زي مابيقولي الزناتي زعيمنا..

اه انا جلاب المشاكل بس في الحق مهو مينفعش اشوف حد بيستجير بيا وملحقوش ولا ضعيف ولا اجبروش

ولا ست بتستنجد بيا ولا لبيش الندا..

لو مش بنات خالتي  وخالتي اللي هي امي تعبانه كنت رحلت وسبت قبيله الغجر من زمان..

امي  ماتت وهي بتولدني وربتني خالتي ورضعتني انا وصبا..

وابويا كان راجل بتاع حريم فاتني ودار علي الستات من مكان للتاني..

معرفش ايه شكله،مهو فايتني من زمان اوي..

انا ميهمنيش مين انا او مين اكون..؟

اللي يهمني اللي جاري دي شيفاني بانهي عيون؟

ابتسمت وانا شايفها بتميل براسها..وبتقول..

تعبانه ياسامر خدني بعيد عن العيون..

ــــــــــــــــــــــــــــــــــ

سمعنا الصوت من هنا والكل اتجمع علي صوت  مهران النوارس

جسمي اترعش خوف علي سامر..

بس الهاتف في وداني قالي اثبتي..

سامر بامان وخرج من ارض النوارس..

اتنهدت وارتحت..

وبصيت للهرج والمرج بعين شماته وصوت مهران النوارس بيلجلج وطلق النار مش راضي يسكت..

لمحت زهري وقولتله يالا هنمشي 

بصلي بخبث ووانتصار، ونزل وانا قولتله هجيب مهره وهحصلك..

معرفش مهران ليه عاود بس اللي اتوقعته انه  كان عارف انه ولده في شغل الدم خايب..

وقال يجي يخلص بنفسه..

↚

لسه بطلع السلم لقيت مهره متسنده علي ايد عارف..

النور  كان جه، وقالي..

اصرت انها تنزل تدور عليكي لما اتاخرتو..

لمحت الخوف في عنيها..

فابتسمتلها وبعدت ايده وسندتها انا وهمست في ودنها متخافيش ربك لينا حارس

يالا هنروح..

عارف سابنا وجري ناحيه الصوت..بعد مابص لمهره وكانه بيقولها هتوحشيني

اتنهدت وافتكرت

سماهر اللي علمتني قرايه الفنجان وهي بتقرالي فنجاني..

من سنين...قالتلي علي يوم هيتغير في حياتي..

وحياه احبابي..

معقول..هو دا اليوم..

ــــــــــــــــــــــــــ

عدي يوومين..

ومقدرناش نوصل لسامر..

والدنيا مقلوبه بره..والناس معدش ليها سيره غير الشيخه بنت النوارس اللي هربت من اهلها..

الحال معدش زي الحال والنوارسي مخلاش بيت في الغجر الا لما فتشه..

بس اللي مطمني ان الخيالات اللي بتجيني مشوفتهاش من يومين.

يبقي الحمدلله هما في امان.

انا مش عارفه النوارسي محروق علي بنته اوي ليه مهو اساسا كان كدا كدا هيموتها..

اتنهدت وبصيت علي امي اللي نايمه لاحول ليها ولا قوه..

امي مريضه كبد وفي مراحله الاخيره..

ااااه لو بايدي ياامي كنت اديتك كبدي تعيشي بيه..

بس اعمل ايه العين بصيره والايد قصيره..

وفراق سامر حازز في نفسي صحيح بيغيب كتير بس حسه معانا بيطمنا..

سمعت مهره بتنادي وهي قاعده جار الشباك..

الحقي ياصبا ابوكي وصل...

اتنهدت وجزيت علي سناني وقلتلها اخيرا شرف

مهو ابويا دايما كده يعمل عملته ويجري يستخبي لحد مايتاكد ان لسه مموتناش..

انفلجنا علي صوت ضرب الباب وجعيره فينا..

انتي يابت انتي وهي هاتو اما اكل..

يانواعم يانواعم..

قربت منه وبصتله بحده وقلتلته..

وطي صوتك ده امي نايمه تعبانه ياعزازي..

قرب مني وقال بحده..

اهلا اهلا بست الحسن والجمال امال الغندوره التانيه فين..؟

انتفضت مهره وقالت بخوف..بان علي صوتها.. انا اهو..

بصتلها بغل..من خوفها وجبنها منه..

حتي امي اتنفضت من مكانها علي صوته..

اه من وجعهم وخوفهم اللي بيقتل فيا

وفجأه..

ــــــــــــــــــــــــــــــــــ

باعدي يدك عني انت إيه مبتزهجيش

جولتلك عايفك.كارهك..

انتي ايه ياشيخه مهتجدريش الموجف اللي احنا فيه..

هزت راسها وابتسمت بشماته وقالت..

الله واني مالي باللي حوصل ياولد العم..

الدور والباجي علي خيتك جليله الحيا والربايه..

وبغل كملت وقالت..

وياعالم انتحرت ليه.؟

مدرتش بنفسي غير وصوابعي بتعلم عليها..

كنت داخل ارتاح واغمض عيني من تعب اليومين اللي فاتو..داخل اغمض عيني واسرح في المرتين اللي اتقابلنا واتكلمنا فيهم

داخل وانا حاطط ايدي علي صدري مكان مانا محتفظ بخلاخيلها اللي خدتها منيها..

مانا بقالي يومين مغيرتش خلجاتي..

ارتميت عالسرير وانا بدعي متكونش نكبه حياتي في الاوضه..

عشان اعرف ارتاح واسرح بخيالي..

صعب انك تربط حياتك بحد لا بيفكر زي مابتفكر ولا توبه من توبك ولا حاسس بيك..

احساس زي احساس القهوه المره بنشربها بس بيفضل مرارتها في الحلق

اهو دا احساسي بالظبط..

غمضت عيوني ورحلت..لعالم مفيهوش غيري انا وصبا جميله الجميلات..

واااه من سحرها اللي عامل زي اللوغريتمات

فجأه لقيت نفس كريهه بيهمس جاري وايد زي الشوك بتقرب مني

اتنفضت ونطرت ايدها بعيد عني

مانا حتي اللمسه منها بتزود مرار حياتي

ردت وقالت ببجاحه..

بس دا حقي..وانت حرمني من حجوجي يابن عمي

قربت منها ومسكتها من شعرها وبقرف الدنيا

جولتلك عايفك كارهك..مابطيجك

اني مضحكتش عليكي..بس البعيده جادره وغبيه

نطرت ايدي بقوه دي مش ست طبيعيه..

دي بني ادمه جاحده والحجد في قلبها يعبي الدنيا وقالت 

كل دي عشان الغجريه..الليى بتتغني بيها وانت كل ليله سرحان في دنيا تانيه.

غجريه غازيه واهلها حراميه..

اتجننت اول ماسمعت سيره صبا..

الست دي بتفنن في النكد والغم مش ذنبي ان عشقي ليها تخطي الحدود ولا ذنب عقلي اللي بيفكر فيها وهو نايم وهو صاحي المرتين اللي قربت لبنت عمي فيها كنت بتخيلها هي وبنادي باسمها بشوق لولا صورتها اللي ارتسمت  قدامي مكنتش قربتلها 

خدت نفس مهو مش كل مره هفقد سيطرتي عليها واضربها انا مش كدا مش إلياس

بس البني ادمه دي كتله شر

مديت ايدي وحسيت بوجع في قلبي مش عارفله مصدر

وكان حد غالي عليا اوي بيتوجع جواه..

وخدت حاجتي وخرجت لمكاني انا ايه اللي خلاني اتهور وادخل هنا مابينوبني الا استفزازي

الست دي نقمه وقادره تكرهني في حياتي 

ـــــــــــــــــــــــ

سيبها قولتلك سيبها انت اتجننت؟ 

عاوزها تطلع الصوان وهي متجبسه ياعزازي.

انا هطلع بدالها بس سيبها ارحمها ابوس ايدك..

كنت برا بتعسس من زهري علي اي حاجه تخص سامر..ورجعت زي ماروحت وانا داخله سمعت صوت امي بتتوسل ليه يسيب مهره وانها هتطلع الصوان..بدالها..

زقها بقوه وقعت عالارض وقالها بقرف..

تطلعي بدالها ازاي بمنظرك اللي يعر دا مانتش شايفه نفسك ياوليه بقي عامل ازاي؟

دنتي هيكل ست

هيكل ايه..دانتي جثه ماشيه عالارض

لحد هنا ومقدرتش ولقيت امي ماسكه رجله وتتوسله تقوله ابوس ايدك ياعزازي سيب مهره معدش فيها نفس..

بس انهارده..

قربت من امي وبقوه شلتها من عالارض

وبصتله بغل وكرهه وقولتله..

مفيش صوان انهارده واعلي مافي خيلك اركبه..

لقيته جري تاني علي مهره ماهو عارف انهم نقطه ضعفي وهاتك ياضرب..

حاولت افلتها منه ونجحت فعلا بس كان مكار 

وامي ساعدتها كانت ارتمت عالارض..وخلاص هتروح فيها..

وهو ماسك  في ايده علبه الدوا اللي بنطفح الدم عشان خاطر نجمع تمنها..

وقالي..

هرميها لو مرقصتيش الليله ياصبا بدال مهره هرميها..

ردت امي بتعب تتوسله يديها العلاج..

ولسه هيرميها قولتله بقوه هرقص..

بصلي بانتصار وفتح العلبه ورمي لامي حبه عالارض..

وخبي العلبه تاني في جيبه..

دارت الدنيا بيا وقمت وانا سامعه صوت السهرجيه برا بيصيحو علي اسمي وبيقولو ان الليله جميله الجميلات هترقص

فتحت ستار الخيمه اللي بلبس فيها وبصيت لقيت الصوان عالاخر... 

غمضت عيوني بحزن وانا لاول مره في حياتي

هتنازل..بس مش لاي حد..لاهلي واغلي ناسي

قربت مني مهره وهي بتبكي ومش قادره تتحرك

سامحيني ياصبا ياريتني سليمه وانا عمري ماكنت هخليكي تطلعي بدالي..

ابتسمتلها بحزن وقولتلها متقلقيش بكره يجي اليوم ونخلص من العزازي..

واندرت لمرايتي اللي دايما شاهده علي اسوأ حالاتي...

ــــــــــــــــــــــــــــــــ

خرجت وروحت مركز تدريب الفرسان والجمال.. من يوم مااتقبلنا هناك وحصل اللي حصل مرحتش

بس كان في حاجه غريبه وهمس عجيب بين الرجال..

بصيت لعارف الشارد جاري وسألته..

عارف ليش الكل عم يتهامس ياعارف..ومافي حدا اليوم

رد السايس من جاري..

اصل يابيه اليوم في صوان الغجر بيجولو صبا جميله الجميلات هترقص

والكل رايح..

 اول ماسمعت اسمها قلبي وقع في رجلي واللي في ايدي وقع عالارض من الصدمه..

صبا عشقي انا..معقول..الدم غلي في عروقي وانا بتخيلها بترقص للي يسوي واللي ميسواش

بصيت لعارف المصدوم وعيونه مفتوحه علي وسعهم 

وبلعت ريقي وفي ثواني استعدت نفسي وقلتله انت كنت عارف؟

 هز راسه وقال لا والله 

جزيت علي اسناني وسالته.

تعرف وينه صوان الغجر..

بلع ريقه وهز راسه فسحبته من ايده..

وحلفت لتكون نهايتها واليوم علي ايدي..

ـــــــــــــــــــــــــــ

بيقولو ان جالك الغصب اعمله بجميله..

وانا بقول ان جالك الغصب حط كل طاقتك فيه وانهيه نهايه جميله..

خلي الكل يشاور ويقول 

من وسط الجرح طلعنا احسن ما فينا..

أول ماحطيت برجلي علي مسرح الصوان وسمعت رتم الطبله اللي بعشقه

ارتعش خلخالي..

سمعت الصفافير وكلامهم الكتير..

الدنيا دي عامله زي رنه الخلخال بالظبط..

مع كل خطوه بيزيد شخلله..

مديت رجلي ومشيت خطوتين لقدام النور انطفي واصبح المكان سواد زي سواد جلبابي اللي لبساه 

ابتدي الرتم يعلي ورحت انا في دنيا تانيه

دنيا مفيهاش غير صبا العزازي وإلياس ابن النوارس

ماهو انا مقولتلكوش ان من يوم ماافترقنا مفرقش خيالي..

أول ماضربت برجلي عالارض انفتح النور والكل بقي زي المهبول..

أنا رحت مع الطبله في دنيا تانيه..

الموضوع مش صعب،بس دا رضا وقبول..

 وفجأه انطفي النور..

بس المره دي كانت فعلا عينك ماتشوف الا النور..

ـــــــــــــــــــــــــــــــــــــــــ

ياغجريه..ياوهج نار حاميه

ياعشقا في قلبي حاميا.

الا ترأفي بحالي وتكوني الباديه..

اقتربي..اقتلعي جذوري الناميه

كوني بقربي واسمعي دقات قلبي العاليه

↚

أتختبرين عشقي بتلك الامور الشائنه

اذن ساجعلك تندمين وتصرخين ياعاشقي

اسفه فانا الباديه

ثوري واعترضي..اقتلعي جذوري وابتعدي

مهما حاولتي البعد، ستعودين لي عاشقه..

💖💖💖💖💖

5

غجريه اسرت قلبي ❤️👈👈👈التفاااعل ياحباااايب 👍

أسما السيد

ـــــــــــــــــــــــــــــــــ

(تسألني من انت)

ـــــــــــــــــــــــــ

اول مالنور انطفي اتاففت،اخيرا كنت انسجمت 

ونسيت المرار اللي شوفته..

حسيت بايد بتسحبني من عالمسرح.. فصلتني من حلمي الوردي فوق خيمه في السحاب

كنت هتجنن مش عشان اتخضيت ولا النور قطع. 

لا عشان فصلني من حلمي الجميل.. 

جيت اتكلم ايده كتمت بوقي مخلانيش اتكلم.. 

صرخت  والصرخه  ترجع، تترد في قلبي كنت هتجنن هموت واصرخ..اف ماهو فصلني..انا لما بركز في حاجه مبحبش حد يفصلني منها

المشكله اني عرفت مين عملها..ريحته المميزه خلتني عرفت انه هوو

هو إبن النوارس..

وفجأه.. 

ـــــــــــــــــــــــــ

اول ماسمعت انها بترقص في الصوان دمي غلي وحسيت اني عاوز اقتلها ازاي ترقص في الصوان وتتعري وتعري نفسها،وازاي الكلب ابوها 

يجبرها علي كده..

الراجل دا كتله شر ماشيه عالدنيا وخلاص فاض بيا منه

هو عارف صبا إيه بالنسبالي وعارف انه لعب في عداد العمر..

مدرتش بنفسي مخبيش عليكو ركبت نهاوند وخلاص عقلي وقف هجيبها من شعرها قدام الدنيا كلها واقولهم بعلو صوتي صبا دي ملكي واللي هيقربلها هنسفه صبا دي تبقي...ااه..... 

هجبها قدام الكل وهبوح بالسر.. 

بس كالعاده عارف لحقني وكانت خطته كالاتي.. 

يفصل الكهربا عن الغجر واول ماايفصل اطير انا بيها..

واهو دا اللي حصل.. 

ــــــــــــــــــــ

سمعت صوت صهيل فرس وفي ثواني كانت ايد قويه بترفعني اركب عالفرس بقوه

لدرجه اني جلبابي انقطع فيها.. 

لسه هتكلم كان ركب ورايا وبسرعه كان الفرس طاير بينا.. 

صرخت بصوت عالي شق ليل الصحرا

وقلتله 

نزلني يابن النوارس

لقيت ايده.. بتلمس رجلي اللي ظاهره مطرح مانشق الجلباب.. 

وقرصني قرصه خلتني صرخت وفتحت عيوني من الصدمه  ومن جرأته معايا..

من اول مارزعني البوسه إياها وانا مستغربه مش دي عوايد الشيوخ..ولا.دي اخلاق الياس اللي بيتغني بيها القبايل

اللي اسمعه ان انه كبير النوارس والكل بيحترمه ويخاف منه..

بس ليه معايا انا بيتعامل بغير الطريقه..

جزيت علي سناني..

ولسه هتكلم.. لقيته بيقول اخرسي 

ومد ايده حاوط وسطي ولزقني فيه

وبغل قرصني اكتر من جنبي وهو بيقول..

دي بس تصبيره عاللي هعمله فيكي..

ضربته علي ايده  بلامبالاه ومديت ايدي مسحت مكان القرصه.. 

وبصراحه ليل الصحرا والهوا اللي بيهفف خلاني في دنيا تانيه.. 

ماهو بيقولك مصايب قوم عند قوم فوايد.. 

وأهو حلم من احلامي هيتحقق وجه الفارس يخطفني علي حصانه. 

غمضت عيوني وسرحت في عالم تاني

العالم المجنون اللي بحب اسرح فيه.. 

سمعت همسه في ودني بيقولي

بترجصي بالصوان للرجال ياجلب ابن النوارس.. 

جسمي اتلبش ولقيت نفسي في نفس المكان اللي صار، فيه اكبر الكوارث..

لسه بقول هااا 

مد ايده ومسك راسي بقوه وجعت رقبتي 

ولسه هشتم..كان بالع كلامي بين شفايفه..

ونسيت الدنيا والوقت..ومفضلش غيري انا وابن النوارس.. 

ــــــــــــــــــــــــــــــــ

اول ماالنور طفي جسمي ارتعش امي في سابع نومه من الدوا الليى بتاخده

وصبا عالصوان.. 

وسمعت صوت الزعيق والنواح.. علشان الكهربا قطعت.. 

كنت قاعده جار الشباك ببص للنجوم وبشكي حالي

جسمي كله بيوجعني من كتر الضرب وحاسه ان خلاص حيلي انهد

بقاوم خيال الطبيب اللي بيروح ويجي في بالي وبفكر نفسي كل شويه اني غازيه

ولا عشق ولا هنا يحلالي

دموعي نزلت وسرحت... 

وفجاه النور انطفي

الرعشه مسكتني.. وحاسه نفسي بيديق.. 

ـــــــــــــــــــــ

كنت عارف انها هتخاف من الظلمه.. اصلا لمحتها قاعده في الشباك وانا بتعسس حوالين المكان قبل ما ارن علي مصيلحي الساعي ينفذ اتفاقنا بضرب المحول اللي بيغزي المكان اللي فيه الغجر

قربت منها ووقفت ابص لشرودها.. وحزنها وقلبي حسيت انه بيغلي واناشايف دموعها نازله علي خدها.. 

الليى بيحصل لينا دا اكيد مش لعنه.. 

دا شغل القدر وحكمه.. 

واااه.. من تدابير القدر.. 

قربت بهدوء واستخبيت جار شباكها.. 

واول مالنور انطفي.. 

قربت بشويش.. مانا عارف ايه المنتظر

بس قررت اجاريها بطريقه تانيه طريقه توصف احساسي اللي انا حاسه

احساس الخوف والالم.. اللي بحسه وهي دموعها علي خدها وانا مش قادر اعمل حاجه.. 

بحس احساس العجز،وانا مش قادر اقرب ولا ابعد..

خايف اوعدها وموفيش ماهو مش بإيدي ولا بإيديها..لو بإيدي كنت خطفتها لنجمه.بعيده فوق السحاب شكل اللي بتبص عليها..

ااه..يامهره..

ابتسمت 

وبدات ادندن لها بأغنيه من يوم ماشوفتها وحكيتلي حكايتها وهي علي بالي

بتشبه حالي وحالها...

خايف اوعدك ماوفيش 

خايف اقولك فى تلاقى مفيش 

واخاف لو قلتى بردانه اغطيكى باحساسى متدفيش

(من وسط رعشتي وخوفي وانا بحاول اتمالك نفسي سمعت صوت دندنه..

دندنه بصوت منير اللي بعشقه..وبالاغنيه اللي بعشقها وبحسها شبه حالي..

جسمي هدي وسرحت مع الصوت اللي بيدندن 

ونسيت حالي

وبدات اردد معاه)

خايف اوعدك ماوفيش 

خايف اقولك فى تلاقى مفيش 

خايف اوعدك ماوفيش 

خايف اقولك فى تلاقى مفيش 

واخاف لو قلتى بردانه اغطيكى باحساسى متدفيش

_______

ابتسمت لما سمعت صوتها بيدندن معايا بالاغنيه اللي قالتلي في المستشفي انها بتعشقها وسط كلام كتير قلناه يومها اتحفر في قلبي..

انا مش عارف ايه نهايه احساسي

بس اللي عارفه وحاسه..ان انا مبسوط..

وهنا روحت معاها في دنيا تانيه 

انا وهي بصوت ونفس واحد

(دانا قد كلامى اللى هيخدك من دنيا لدنيا انا قدوا 

لكن لو دمعك على خدك احلامى معاكى هيتهدوا

قوينى وقولى انك ليه علشان اتحمل لياليه 

وتعيشى واعيش)

_______

كنت قاعد تحت شباكها وساند ظهري للحيطه 

ونور بسيط يدوب جاي من بعيد من ارض النوارس وضوء القمر اللي منور الدنيا في ليله اكتمال القمر بدر..

(دانا عمرى ما قلت ان انا خايف غير بعد ما قلبى اتمناكى)

________

اتشجعت وخدني الفضول أشوف مين بيغني صوته رهيب وفي شجن وحزين زي حالي

طليت من شباكي وعرفته من شاله اللي مبيفرقوش

دا هو..الصديق الغالي..

ابتسمت براحه..وجريت.خرجت والتفيت ليه 

وكأن برؤياه اتغيرت احوالي

قربت منه وهو سارح في غناه..

وقعدت جاره..

وهو بيقول..

(محتاج اطمن مش عارف الخوف جوايه وجواكى)

سكت وبصلي بابتسامه معرفتش افسرها بس مد ايده ومسح علي جرحي الجديد

فوق شفايفي..

نزلت دموعي..وسكت..

بس هو كمل موقفش..بس بصوت زي همس العصافير متردد وخايف..

(لو كنتى صحيح بتحبينى ضمينى فى حضنك خبينى الخوف ميجيش)

وهنا جسمي اتنفض ودموعي نزلت بعد ما حبستها   بالعافيه..

كنت محتاجه اترمي في حضنه اوي..زي الليله اياها في المستشفي..بس خوفت..

خوفت يفهمني اني واحده سهله رخيصه زي مالكل بيقول..

بعدت وشي..اداري دموعي اللي بتنزل غصب عني..

ـ اول مالمحت دموعها اللي بتخبيها ودورت وشها..مقدرتش 

عارفين احساس لما تحس ان قلبك بيوجعه اوي فجأة..مخنوق..تعبان وصوت قلبك بيغلب صوت عقلك اهو دا احساسي

مقدرتش شدتها ليا وزرعتها في حضني وهي كأنها كانت حاسه احساسي ومصدقت...

وفجأه..

دموعها اللي كانت بتخبيها انفجرت وبقي بكا بصوت عالي..

بس مقدرتش كملت وأنا صوتي مخنوق موجوع عاوز يبكي ويحط حالها علي حالي..

(خايف اوعدك ماوفيش 

خايف اقولك فى تلاقى مفيش 

خايف اوعدك ماوفيش 

خايف اقولك فى تلاقى مفيش 

واخاف لو قلتى بردانه اغطيكى باحساسى متدفيش..)

اول مابطلت غني، ومشيت ايدي علي شعرها 

سمعت همسها باسمي اللي طالع من بوقها زي الدوا بيشفي الروح..

وندهتلي، بصوت من كتر البكا بيرتجف

عارف..

غمضت عيوني وقلتله..

ماتبكيش ياعيون عارف..

وكاني قولتلها ابكي..

مسكت فيا اكتر وبكت وقالتلي

مخنوقه اوي ياعارف..

طبطبت عليها وبعدتها من حضني ومسحت دموع عنيها ومن غير كلام شديتها من ايديها

وقررت اسرق معاها لحظات من العمر 

مين عارف بكره مخبي ايه لينا..

مشينا شويه ووقفت وبصت حواليها..

ابتسمت وقولتلها...

ولا بكره هينتبهو لينا،فجرتلك المحول ياعيون عارف..

ضحكت من بين دموعها وهي بتسحبني 

وبتقول طب يالا بسرعه مستني ايه..

↚

يالا بينا..

ــــــــــــــــــــــــــــــ

بقالنا يومين بنتسكع بالطريق بالعربيه مش عارف هعمل إيه..؟

مكنتش عاوز اروح عنوان شقه اسكندريه بتاعت زهري مبحبش حد يبقي له جميله عليا وخصوصا ان زهري جمايله كترت اوي عليا..

زهري صاحب عمري،بس ان كان حبيبك عسل متلحسوش كله.. بس هي من التعب صعبت عليا

لسه مريضه..وحالتها النفسيه مش مستحمله

وللاسف قررت ارضخ وخصوصي ان مكنتش عامل حساب للمال معايا..

مكنش فيه قدامي حل غيره..

اتنهدت واندرت لقيتها في دنيا تانيه..

وعالم تاني..

نفسي اخدها في حضني..نفسي تنسي هي  وتنسيني معاها..

اتنهدت وانا بدخل حاره وسط حاره لحد ماوصلت للورشه اللي زهري قالي عليها....

ضربت عيني لقيت مكتوب ورشه قاسم..

اكيد دا ورشه الشيخ قاسم اللي قالي عليه زهري..

وقفت العربيه.. ولسه هنزل..

مسكت في ايدي حسيت قلبي انخلع من مكانه..

وهي بتسالني..

فايتني ورايح لفين؟

ابتسمت وقولتلها متقلقيش،انا هسأل علي حاجه..

حسيت برعشه ايديها وخوفها فابتسمت وقولتلها 

انا افديكي بعمري ياجميله..طول ماأنا جمبك متخافيش..

ردت وقالت..ماني خايفه..الله يسهلك طريقك..

ابتسمت ونزلت..

وقربت من الورشه، الشارع كان فاضي ومافي حد في الشارع فاتح الا هو..

زي ماحكالي عنه زهري بالظبط..

زهري من الغجر الرحاله بيجري هنا وهنا علي لقمه العيش

ورجله خدته للحي هنا واشتغل مع الشيخ قاسم..بس ظروفه اضطرته يرجع..

ولما حكيتله عشان يساعدنا..الشيخ قاسم اول اللي جه في باله وقالي روح انت وانا هتكفل بالباقي.

اتنهدت وقولت السلام عليكم ياشيخ..

اول مارفع راسه حسيت برهبه في قلبي مش خوف لا..ايمان..وبشاشه.ورضا مرسومين علي وشه...

سبحان الله زي ماانحكالي

انا ثبت مكاني وهو ابتسم وقالي

وعليكم السلام..اقدر اخدمك بأيه..؟

ابتسمت وقولتله..انا سامر..

وقبل مااكمل..قالي انت من طرف زهري..

اتنهدت وارتحت وهزيت راسي..

ابتسم وقالي اتفضل اقعد..نورتنا اتأخرت ليه،احنا مستنينك من امبارح..

ادورت وبصيت عليها كانت بتبصلي بقلق لمحته في عنيها..

وفجأه لقيت الشيخ بيبتسم و يقولي..

زهري حكالي..تعالي دلوقت والصباح رباح..

فتحت عيوني بصدمه وقلتله حكالك.؟

ابتسم.ومد ايده مشاها علي دقنه بهدوء وقالي..

تعالي تعالي..حالك بيفكرني بحالي..تعالي 

ابتسمت علي كلامه..وفي بالي قولت 

يارب،علي ايدك ياشيخ تتغير احوالي..

ابتسم وقالي.عارف مستغرب كلامي..بس حكايتك رجعتني سنين لورا..

وضحك وقالي مش بقولك شكل حالي..

مسك تليفونه ورن علي حد..

لقيت ست نازله من عالسلم تجري..

وقالتلي..هاياقاسم يابني وصلو..

انا انخضيت بس هو طبطب علي كتفي وقالي

الصباح رباح واظن الشيخه تعبت من طول الطريق..متقلقش قولتلك انت هنا في أمان

يالا روح طمنها وخليها تطلع مع الخاله ماجده..

مينفعش انتو الاتنين تباتو مع بعض انت فاهم...

بلعت ريقي وانا بدعي علي زهري الكلب اظاهر مخلاش حاجه في بطنه، هو اه صاحبي وحبيبي، بس للاسف فتان وراغي.. 

ابتسمت بقله حيله وقولتله..

انت فاهم ايه بالظبط.؟

طبطب عليا  وقالي متقلقش انا فاهم كل حاجه وهنتكلم بعدين..الشقه اللي كان قاعد فيها زهري من ساعه مكلمني وانا وضبطتها اما الشيخه هتقعد مع الخاله ماجده ومتقلقش في نفس العماره..

اتنهدت براحه ومن هنا ابتدت حكايه تانيه خالص

حكايتي انا وسوزان... بعيد عن النوارس والغجر

بعيد في ارض التوبه والامل..

وحسيت اني حكايتها معاها ظهر ليها نبشه امل..

ــــــــــــــــــــــــــــــــــــــ

فوقت من عاصفته المجنونه..اللي خدتني لدنيا تانيه، وبصيت حواليا لقتني في نفس المكان اللي اتقابلنا فيه اول مره..هو جايب الجراه دي منين؟

لا والغريبه اني زي الهبله بستسلم في حاجه غريبه بتحصل حتي الهاتف في وداني ماناداني ولا قالي المرا دي لازم تفوقي..

المكان كان مكانه خيمه كبيره وجميله وقدامها نار شاعله..

نزل وبص ليا ولجلبيتي، المكشوفه وسمعت صوت سنانه اللي بيجزها علي بعض 

مهتمتش

وفجأه رفعني ونزلني زي ما طلعني..

المكان خد قلبي وبصيت ليه بانبهار..

قدر يعمل دا كله امتي، صحيح خيمه..

بس جميله..جميله اوي..

بصيتله ومشيت حوالين الخيمه ابص علي جمالها..

ورفعت حاجبي ووقفت عيني جت في عينه..

بس في ثانيه حسيت بحد بيهمس في وداني

حطيت ايدي علي ودني وانا خايفه ياخد باله

بس سمعت صوت حاجه بتردد وسمعت ابويا بيردد كلام ورا حد بس مقدرتش اغمض عيني قدامه واشوف..

هيقول عليا ايه..

وجبرتني نفسي اني افوق وياريتني غمضت..

غجريه اسرت قلبي✍️ أسما السيد✍️

جسمي قايد نار وهي بارده ولا هي هنا..

الست دي  هتموتني، ناقص عمر..من سنين وانا دايب في هواها..

كل ماافتكر ان جسمها المكشوف دا الكل شافه تقيد النار فيا  ،جسمها الليمتحرم عليا انا وهو بالاساس ملكي..بس انا اللي عملته في نفسي ومن الليله لازم اخد كل اللي ملكي..

ااه عاايز اخنقها بايدي

حطت ايدها علي ودناها.. انا مش عارف في ايه؟

بس حسيت انها بتصارع حاجه معينه..

بعد شويه لقيتها انعدلت  وبصتلي بغيظ. ودخلت الخيمه كل دا وانا ماسك نفسي عنها بالعافيه

لو انفتحت فيها،هزعلها مني والا زعلك انتي ياصبا مقدرش عليه..

دخلت وراها.. كانت مدياني ظهرها وشعرها السايح علي ظهرها وربطه شعرها بشال خلاخيل بيهز مع هزه جسمها..

ااه مقدرتش قربت منها وبحده نتشته من علي شعرها..

وهنا اندارت وانفجرت فيا..

انت اتجننت بعد يدك عني يابن النوارس

انت خدت اوي عليا..

مين اداك الحق تعمل كدا وتخطفني،وتمد ايدك عليا.وتعمل اللي بتعمله دا..

انت اتجننت..؟ وازاي تخطفني من مكان امل عيشي كده..

مقدرتش مش إلياس اللي صوتها يعلي علي صوته..

دا محصلتش ولا هتحصل ابدا..وهنا عرفت ان اللين مش هينفع معاها..

وان اللي خبيته عن الدنيا حتي عارف 

مش لازم اخبيه تاني..

صبا الغجريه مبتجيش بالحنيه زي ماقال العزازي...

مديت  ايدي، وشدتها ليا..

بدك تعرفي عليش ياصبا بعمل اجده؟

يبجي تسمعي وقسما برب العباد ماهتكوني من اليوم غير ليا..

ورقصك بالصوان..ارقصيه ليا..

بدك الف..الفين..ميه..

عيونها اتسمرت علي عنيا..

جسمك هادا وكل شئ من اليوم راح يكون ملك ليا..والله في سماها لانسيك شغل الغازيه..

وفجأه..

ايدها اترفعت وادتني صفعه قويه، متوقعتهاش منها..

وصرخت وقالتلي..

وفر فلوسك يابن النوارس ولا مال قارون من مالك يليق بيا..

انا وانت طريقنا مش واحد واللي يليق عليك مايليقش عليا

وقسما علي قسمك ما هطول شعره من غير رضايا ولو الكون كله جمعته تحت رجليا..

بيني وبينك حض الله 

انا اه غجريه..بس شرفي عندي بالدنيا

دار حوالين نفسه بجنون..

ورجع ومسكني تاني من ايدي وقالي

ليش رقصتي بالصوان ياصبا مش عارفه انك قدتي النار فيا؟

جزت علي سنانها وقالتلي

وانت مالك؟

مالك انت بيا؟ارقص في الصوان ارقص في كابريه

انا حره..انا غازيه بنت غازيه..

لحد هنا ومقدرتش..رجعت مسكتها من ايدها وقربتها من قلبي اللي بقربها بيدق ومش عارف ياخد قرار..

وجزيت علي سناني ومبقتش عارف بقول ايه؟

وانا بقولك خدي المال اللي يكفيكي شرط تكوني كلك ليا...

ــــــــــــــــــــــــــ

كلامه ليا وعرضه المال عليا بالطريقه المهينه دي اثر فيا..

كان نفسي ياخدني بالحنبه انا مبجيش بالغصب

ومحدش في الكون دي يملي عليا اعمل إيه ومعملش ايه.؟

دا العزازي نفسه لولا انه ضغط عليا بعلاج امي مكنتش طلعت الصوان

الكون كله ليه جاي عليا كلامه الاخير خلاني فقدت سيطرتي علي نفسي.

وضربته كف حطيت فيه غلي من الدنيا بحالها وقهرتي

بقي هو دا حلمي الوردي..

ودفعته بايدي خرجت وسبته..

وجريت من قدامه..

وانا بقول ياريتني ماشوفتك..بلوه من بلاوي الدنيا..

ـــــــــــــــــــــ

قربتها مني وانا خلاص مش قادر قسوتي وكلامي ليها كان قشره هشه وانا من جوايا عارف ومتاكد انه مش بايديها وبإيديا....انا عاشق مجنون في هواها 

لكني فوجأت بكف من ايديها...خلي الدم جري في عروقي، الست دي قادره تطلع أسوا مافيا 

↚

وبقيت زي المجنون 

لمحته جاي يجري ورايا..

ومن نظره عنيه عرفت ان مش طبيعي ابدا..

وفي ثواني كان خطفني تاني ورجع بيا..

وزقني وقعني علارض..

اتوجعت وقولت..

اااه..

انت اتجننت..؟

لقيتني نفسي ببتسم وفي بالي قولت..

ـ اه انا فعلا مجنون..مجنون بيكي من ساعه مشوفتك من سنين علي شط البحيره

طبعا 

وداطبعا مكنش ينفع اقوله وخصوصا اني عاشق علشان لو عرفت هتتجبر وتقسي عليا

صرخت اكتر وهي بتقوم من عالارض..

انت ازاي تعمل كدا؟

انا عاوزه اخرج من هنا حالا...

انت مالك بيا ياجدع انت؟

غمضت عيوني وحاولت اخد نفسي..

اللي جاي صعب..صعب أوووي..

بس خلاص فاض بيا...

وابوها الكلب خلاص جاب اخره معايا واللي خبيته عن كل الدنيا..لازم يطلع في اللحظه ديا..

خرجت واديرت وقولتلها بهدوء..

عاوزه تعرفي انا  ابجي مين؟

تمام اجده هتعرفي؟

ولحد ماتعرفي رجلك متعتبش الخيمه ديا..

بصتلي بصدمه..وقالت..تقصد ايه؟

سبتها وطلعت وهي بتصرخ وعاوزه تخرج..

وانا حذرتها تعدي الليله دي..

وقررت خلاص السر اللي في قلبي لازم يخرج 

رنيت علي مصيلحي دراعي اليمين اللي عارف كل حاجه، وقولتله يجبلي العزازي.من تحت الارض دلوقتي حالا..

وقعدت.قدام النار..

وانا عارف ان من الليله..

هيبتدي عقاب تاني ليا في الدنيا..

عقاب اتوسم علي قلبي..عشق إلياس للغجريه..

بصيت علي الخيمه وابتسمت وانا شايفها بتروح وتيجي زي المجنونه..

واتنهدت وسرحت...

 لو تعرفي ياعشقي انتي تبقي ايه ليا؟

كل حياتي وكل شئ في الدنيا ديا

عشقتك عشقا اهوجا..لا قبلك ولا بعدك يملأ عينيا

ياملجأ الروح ويالعنتي في الدنيا..

ياصبا عمري..وياملجأي الوحيد من كل الدنيا..

لا تتهربي ولا تبتأسي فمن غيرك يملأ قلبي وعينيا

كوني علي علم..اني بعشقك قادر  ان أهد  هذه الدنيا..

💖💖💖💖💖💖

6

غجريه اسرت قلبي 

لقلم✍️أسما السيد.. ✍️❤️👈👈👈ليك+ 10تعليقات 

ــــــــــــــــــــــــــــــ

(ايها الراحلون..)

بارض الغجر

ـــــــــــــــــــــــــ

كنت بتمشي انا وهيا جار ارض الغجر..وفجأه سمعنا صويت وناس بتهلل وبيجرو وبيصيحو

ويقولو العزازي قتل مرته..

اتخانقوا عشانوالصوان وهروب صبا وكان سكران وقتلها وجري..كل دا سمعناه واحنا واقفين..

كل اتنين ماسكين بعض وبيحكو اللي حصل..

اول ماسمعنا كدا جريت مهره وجريت وراها..

لحد ماوصلنا..

وااه من المنظر اللي يدمي الحجر

ــــــــــــــــــــــــــ

سمعت صوت وناس بتقولي..

الحقي يامهره ابوكي اتعارك مع امك وقتلها..

امي..

امي انا..معقول..

قربت منها وهي عماله تعافر بإيدها والناس اللي كانو في الصوان والكل متجمع حواليها

خايفين يقربو منها..

بصتلي زي مايكون بتقولي الحقيني يابنتي محدش راحمني.. وانا دموعي نزلت بقله حيله 

وقولتلها.. وانا ببكي..

ااه ياامي منه لله اللي عمل فيكي كدا..؟

سمعت صوت عارف بيشخط في الناس وبيخرجهم بره ولانه ليه هيبه..

فضي المكان حوالينا..

ومعدش غيري انا وهو وهي..

شهقت شهقه وقالت..بصوت متقطع..العزازي..

حاولت تتكلم..

مفهمتش كلامها..

وانا منهاره.بقولها..

متكلميش هتعيشي والله هتعيشي..

ولقيت عارف قرب منها وبيتحسس نبضها وجرحها وهو بيقولي متخفيش ان شاءالله هتعيش..

اتوسلتله وقولتله

ارجوك..اعمل حاجه ياعارف..ارجوك.. متخليهاش تموت انا مليش غيرها..انا بالذات مليش غيرها..

ملناش غيرها

غجريه اسرت قلبي✍️أسما  السيد✍️

لقيتها عنيها وسعت وهي بتردد اسمه وكانها لسه واخده بالها منه دلوقت.

امي طول عمرها بتحب تتعسس عن اخبار عارف معرفش ليه..؟

بس انا عمري مااهتميت لكلامها،ولا اعرف شكل عارف.. بس دايما اسمعها تجيب سيرته في وسط كل كلامها.

لدرجه اني كنت دايما ازهق واقولها ماتفضينا ياامه من الكلام عن عارف

كانت تحزن وتسكت...ولما تلاقينا خدنا بالها من اهتمامها بيه الزايد كانت تغير الموضوع..

بس دلوقتي..

سمعت همسها باسمه..

عارف..

عارف..

قولتها اه دا عارف النوارس..مش انتي دايما كنت بتكلمي عليه..اهو ياستي بس قومي انتي..

انقذها ارجوك ياعارف

وبكيت وانا برمي نفسي علي صدرها ارجوك ياعارف

قرب منها... وبعدني عنها وقالي اوعي خليني اقدر انقذها..

ـــــــــــــــــــــــ

عارف..

بعدت هيا وقربت انا..

اول ماشفت مكان السكينه  جار قلبها 

شهقت مهره..

وترتني..انا مش طبيب بشري ولا دي مهنتي

بس لو استنينا..حد ينقذها..يبقي محدش هينقذها

الدنيا ظلام ولاول مره بلوم نفسي اني اتجننت وعملت حركه ضرب المحول دي

حركه طول عمري هفضل ندمان عليها..

بس الغجر كانو مأمنين نفسهم..وفي ثواني كان الكشافات والديزل اشتغل..

مهره بكت اكتر وانا شخطت فيها وقلتلها  لو مش هتعرفي تسكتي يبقي، اخرجي.. خلي حد يجيب عربيه بسرعه عشان ننقلها المستوصف..

اخرجي يامهره..

سمعت الكلام..وانا كل ماصوتي يعلا عليها بكاها بيعلا اكتر..

وقربت من نواعم..اللي كانت بتبصلي بصه عمري ماحد بصهالي ولا امي، نفسها..

قربت ومسكت ايدها بعد مااتماسكت 

في حاجه جوايا وجعاني عليها..وجعاني اوي

ااه، حاسس بوجع ماله اول ولا اخر

وقلبي بيبكي..مش اول مره اشوف حد منصاب

بس اول مره حد يأثر فيا..

لدرجه ان دموعي نزلت..وهي بتبتسم وبتحمدالله

وايدها رفعتها ومشتها علي وشي..

وقالتلي قرب مني ياعارف..

مكنشي قدامي حل غير اني اقرب في حاجه بتجذبني للست دي..ايه هي مش عارف...

قربت..

ـ لقيتها بتقول..

قرب كمان..

ـ قربت اكتر..

قالت..قرب كمان

قربت لحد مبقيت وشي قوام وشها

وبصوت ضعيف، ضعيف جدا...

قالتلي..كنت خايفه اموت قبل مااشوفك..ياعارف..

استغربت كلامها..وبان علي وشي وجسمي اللي اتصدم..

ابتسمت وشهقت بوجع، وقالت مفيش وقت لازم تعرف...

عارف كنت بدعي ليل نهار ان ماموتش قبل مااقولك الحقيقه..

اوعدني يابني. 

فتحت عيوني علي أخرها وقلتلها..اوعدك بأيه؟

قالت اللي تسمعه مني تصدقه.. انا عندي كل الدلايل..

هزيت راسي وانا مش عارف ايه هو دا.

وبدأت تحكي..

↚

وحسيت ان اللحظه، عدت سنه.. 

بس اللي عرفته ان اللي قالت عليه.. كان كله فيا انا.. 

وبعدها شهقت شهقتين.. 

وانتقلت الروح لجوار ربها.. 

وصوتها وكلامها..انحفر في قلبي انا..

حضنتها وبكيت..بكيت وصدقت..

ماهو الاحساس اللي حسيته دا..وكلامها اكيد مش طبيعي ومش من فراغ..

بكيت وقولت 

ااااه..

اه موجوعه..سكنه قلبي وخرجت..

مابقتش عارف..اعمل ايه..الدنيا اسودت في وشي..

بس قومت، وحملتها علي ايديا ودموعي نازله..مهو مش معقول كل الظلم دا ليها من الدنيا..سامحيني

ياريتك جيتي وقولتيلي من زمان،ياريت صبرتي شويه..

ياااريت تنفع كلمه ياريت..

دخلت مهره..واول ماشفتني بعدلها وبغطي وشها...

صرخت..صرختها شقت قلبي..

حطيت دماغي عالحيطه وخبطها..لاازم افوق..لازم..

الليى بيحصل اكيد مش ليا انا..

كل حاجه بتنهار حواليا

يااارب..

ـــــــــــــــــــــــــــــــ

بقصر الشيخ مهران النوارس..

اعرفكو عليهم..

١-مهران الاخ الكبير لعيله سمعان النوارس..

اتجوز بنت عمه دريه وخلف الياس..ولما اكتشف انها مش هتخلف تاني اتجوز بنت عمه التانيه ثريا اللي عشقها زي المجنون ومن هنا دارت حرب الغيره  من دريه بس ثريا عمرها مااهتمت لا بيه ولا بيها

وماخلفتش منه غير  سوزان. بس هي عمرها ماحبته قلبها كان مع غيره...عاشت معاه جسم بلا روح..

وعشانها كان يهد قلوع...

عارف مين بتعشق ومين باغيه...

اما..

دريه كانت كتله شر ماشيه عالارض مبتكرهش حد في حياتها اكتر من ثريا وبنتها..وهي اللي حرضت مهران الصغير علي بنتها الشيخه سوزان.. بعد مافهمته هي واخته ثناء انه إلياس بيخونها وبيذلها فقرر يهاودهم وينتقم من سوزان

وهي تلعب لعبتها 

و تغذي دماغ ابوها وتقنعه انها زي امها..

ــــــــــــــ

وثريا حنيه الدنيا فيها ومبتحبش حد اكتر من الياس نفسه..في الوقت اللي الكل اجبره يتجوز

وقفت هي جمبه وقالتله اهرب كمل علامك وارجع...متستسلمش

وفعلا عمل كده بس برده مسلمش من الاذيه..

بعد فراق بنتها واللي حصلها اعتزلت الناس

وبعدت ومن هنا شعلت النار اللي من زمان كانت مطفيه..

2-سمعان،اخو مهران النوارس

متجوز من بت عمه اخت دريه..(حربيه..)

ريا وسكينه زي مابيقول عليهم عارف..

اه اخوات بس بيكرهو بعض كره العما..

ودا اللي خلي حربيه تعمل اللي عملته.. عشان يكون ليها وريث يورث المشيخه زي اختها

سمعان راجل طيب..ملوش في اللف بتاع مهران..

ومخلفش غير عارف وباقي خلفته بنات..

بس مراته كانت شيطان ماشيه عالارض..

ــــــــــــــــــ

٣- ضاحي..اخوهم الصغير متجوز من اخت ثريا..

هي وثريا طيبين جدا ومن طيبتها وثقت في دريه وخلت ولادها تحت طوعها لحد مابقو شكلها..عايشه في عالم وردي مع ضاحي هما الوحيدين اللي عشقو بعض وطالو..

معاها مهران..اللي سماه علي اسم اخوه وثناء..

مرات، إلياس.. اللي اتجوزها غصب عنه وبيكرهها لانه قبل جوازه منها اتحايل عليها ترفض واعترفلها بعشقه لصبا،بس كانت قويه ووافقت بيه..وحطته قدام الامر الواقع

مهران وثريا توأم..ومبيخفوش عن بعض شئ..

عايشين كلهم في بيت واحد زي.عاده اهل الجنوب

حتي ولادهم عايشين وسطيهم..

ــــــــــــــــــ

في اوضه ثريا..

ثريا..

من ساعه مفرقتني وانا قاعده حزينه وشايله هم الدنيا بفكر في بنتي اللي ضحيت بعمري عشانها

مش مصدقه انها بعدت خلاص..انا عمري ما عاملتها ابدا بالشده..اللي بينا كان صداقه حتي لما حكتلي علي صحوبيتها مع  صبا مزعلتش بالعكس فرحت ورحبت بيها انا عارفه انها مكنش قدامها غير كدا،بس فراقها صعبه والقلق بياكل فيا..

دموعي منشفتش من ساعه مافرقتها..

واتمنيت في اللحظه دي بس حضنه هو 

اااه لو يرجع بيا الزمن كنت هربت

هربت ومرمتش نفسي في النار

ااه ياحرقه قلبي.. من فراقك يابن الزناتي..

حسيت بحد واقف ورايا..

انصدمت ووقفت علي حيلي..

وقلت بخوف..

انت؟

قرب مني وشدني من ايدي...بقوه..

وجعني وحسيت ايدي انخلعت..

اااه..

وصرخت فيه..

فوت يدي يامهران..عافيني الله يرضا عليك..

مش كفايه اللي عملته في بتي..

بصلي بحرقه..ومد يده وشد شعري

 وبغل اكبر.. بنتك فاجره جادره..زيك..

هتعشج من الغجر كيف ماعملت امها..بنتك هربت مع غجري..

شهقت وقولتله..

انت عرفت منين.

لالا بنتي عمرها ما هتعمل اجده..ارحمني يامهران..

متصدقش دريا..والله بتكدب..دي بنتك..معجول بتك..هتعمل اجده..

شد شعري اكتر..اه بتي بس العرق دساس..وياعالم مايمكن متكونش بتي..

صرخت فيه بعلو صوتي

حرام عليك..دي بتك.. لحمك ودمك انت وخدني محدش كان لمسني،  عشان اجده طول عمرك بتكرهها..ليه؟

قولتلك ميت مره دي بتك انت..انت.؟

وهو رحل من ارض الغجر من سنين من جبل جوازي منك..حرام عليك..اتجي الله يامهران..

قرب مني بنفسه الكريه اللي كل مايقربلي ارجع... 

مهران ابن عمي الفرق بينه وبيني 18سنه

كنت مجنونه ومتدلعه واتحديت الكل وكملت علامي

ابويا كان مانع حد يقربلي..صاحبت نواعم كانت بتاجي تخدم عندنا في القصر الاول  وصاحبه اهل الغجر وبردو ابويا كان سعيد 

بس مكنش عارف ايه مخبيلي القدر لحد ماقابلته هو...احلي شباب الغجر

ووقعت في عشقه..طارق ابن الزناتي

كان شاب طموح،عايش رحاله متعلم..ابوه كان مصمم انه يتعلم..دونا عن اهل الغجر

كان، محكوم بقوانين وهيورث الزعامه بعد الزناتي ابوه وانا شيخه من النوارس..

لا مسموح ليه الجواز من برا الغجر وانا لو عرفو بس اني عاشقه كانو قتلوني..

عشقته عشق مجنون اتغنت بيه القبايل بس جه موت ابوي وكسرلي ضهري وانتهزوها فرصه اخواني جوزوني غصب لمهران اللي كان دايب في هواي علي مرته

وضربو النار علي طارق ابن الزناتي ومن بعد مافاق وعرف اني اتجوزت رحل عن ارض الغجر..

ومن هنا اتولد التار بين مهران والزناتي..واللي لحد الان منعرفش ايه اللي مخوف مهران نفسه من الزناتي

فوقت من شرودي عليه بيقطع في تيابي 

وكالعاده هياخد حقه غصبا عني

بس المره دي دفعته بحده عني ماهي اللي كنت مستحمله عشانها خلاص راحت..

وقربت مسكت السكينه اللي جاري..

وبقوه معرفش جاتلي منين.

قولتله..

والله لو جربت يابن العم لكون جاتله حالي

مابطيقك ما بحبك..ليش ماتتركني اروح لحالي وبنتي اللي كنت مجبوره عشانها فاتتني لحالي

بعد عني..

بصلي بشر..وقرب مني، هو يقرب وعينه بطق شرار

وانا ارجع لورا..

لحد مالزقني في الحيطه..مقدرتش..بكيت وانا بمد ايدي  ولكن ايده اللي مدها يلمس بيها جسمي 

خلت نار الحقد تشعلل، وغرزت السكينه في دراعه اللي بيمدها مفكر اني هخاف وهترعش

صرخ بوجع، وانا بكيت 

بكيت بحرقه سنين 19سنه من عمري ضاعو هدر اتحملت عشان بنتي

بس من بعد اليوم..قررت أثور واتمرد علي حالي..

كفايه ظلم وقاسيه انا تعبت واللي ضحيت عشانها خلاص حررتها..

غرزتها اكتر وهو بيبصلي ومزهول..

بصيلي بصدمه والدم سايل من ايده..

عاوزه تجتيليني ياثريا..عشانه؟ لساتك عشجاه

بعد العمر ده كلاته؟

ضحكت وبكيت الاتنين مع بعض ضحكه حزينه مكبوته من سنين..

 وقولتله بقسوه.. ياريت بايدي اخرجها من ايدك واحطها في قلبك اخليه ينزف كيف ماخليت دمه يسيل من سنين..

اه عشجاه وهفضل عمري كله عشجاه

انت خدتني وانا عشجاه..وغصبتني علي عشرتك وكمان بتسمعني بترجاه يجي ينقذني منك

لو رجع بيا العمر كنت جتلت حالي ومااتجوزتك يابن العم.

غامت عينه بشر وشدني نطرني بايده وقعت علي الارض جسمي ارتعش وهنا قوتي المزيفه انهارت وبكيت..

بكيت قهري وغلبي بكيت بنتي وطارق حبيب عمري

وصرخت عليه..زي مابصرخ ليالاتي

ياطارق  انت فين، انجدني..رحت فين وسبتني

متحملتش لقيت ايدي لوحدها اتمدت وضربتها..

 ـــــــــــــــــــــــــ

اول ما سمعتها بتنادي باسمه قلبي انخلع..ثريا عشق عمري وماعشجت سواها،عشجي ليها فاج الحدود وهي مجابل عشقي كرهتني وعوفتني

خلتني اشك فيها وفي نفسي لحد ماجررت احبسها..

حبستها مش خوف عليها،خوف منيها لاتهرب وتفوتني..

عملت كل اللي اجدر عليه ياجل ماافوز بيها..حتي الدم استحليته كرمال عنيها

بس بردو كرهتني...بس خلاص لحد اهنا وبيكفي..

واللي مأجله من زمان..لازم اليوم ينتهي

ومن الجنوب الغجر لازم يرحلو..

قربت منها وهي بتبكي رغم سنين العمر،لساتها جميله،هاديه وضعيفه...ااه بس لو تحبني 

وأه لو تعرف ان جرح يدي مش كتير عليها

مديت ايدي املس بس عليها..

اتنفضت من مكانها..وكأن عقرب لدعها..

وصرخت بقوه..

بعد يدك النجسه عني..

بعد عني الله ينتجم منك..بعد..

خرجت زي المجنون واقسمت لازم يرحلو اليوم..

وناديت بعلو صوتي 

سمعان..ياسمعان..

ياضاحي

جه سمعان جري..في ايه يامهران..

جولتله جهز الرجال،اليوم هنرحل الغجر..

استعد للجتال..

ضاحي بحده..انت جنيت احنا مش جد الزناتي 

انت اجده بتفتح النار علينا يامهران..

زناتي ماهيسبناش في حالنا ورجالته اكتر من رجالتنا..ارجع عن اللي في دماغك يامهران..

بصتلهم بحده وقولت...

لا وانتهينا..جاين معي ولا اروح لحالي

بصلي سمعان وقال..مين عمل في يدك اجده..؟

 غمضت عيوني ولفيت شالي علي يدي وخرجت

هجول ايه؟

هجول عشجي ومرتي..ااه. ياثريا

اه يا حبيبتي لو تحني عليا..

ـــــــــــــــــــــ

بارض الغجر..

الحق يازعيم..مهران النوارس ورجالته جاين علي اهنه..

وشكلهم مش ناوين خير..

(الزناتي..زغيم الغجر راجل رزين عنده 70سنه

مخلفش غير طارق ابنه الراحل عن الغجر وبنته صفا، طارق رحل من زمان وفضل الزناتي)

رجع الزناتي بظهره لورا وابتسم..تمام..خلي يجي يوريني نفسه يامعتصم

وانت روح اجمع رجاله الغجر وعرفه قيمته بين البشر..

↚

الزناتي.

ريحت ظهري لورا وقولت في بالي خلاص،ان اوان الحساب وحقي ابني وغربته والنار اللي قايده في قلبه من سنين لازم تنطفي

لااااززم

ــــــــــــــــــــــــــــ

بالصحرا..

حبسني في الخيمه بعد ماقالي انه هيعرفني انا بالنسبه له ايه..

بس دا مش فارق معايا..انا حاسه اني قلبي مقبوض..خبطت علي وداني وانا سامعه الصريخ وبكا مهره في وداني..

مهره قلبي انخلع عليها اااه...

خرجت بسرعه اقوله يعتقني..وياريتني مخرجت

ــــــــــــــــــــــــــــــــ

إلياس

قاعد.متوتر مستني مصيلحي يجبلي العزازي فات كتير والمسافه مش بعيده جوي اجده..

ولامحها عماله تروح وتاجي. وتبصلي بغيظ اوي.

نفسي ياجي العزازي وتعرف الحجيجه عشان اعرف اربيها..لو دخلتلها دلوك مش هضمن اصبر عليها..

لمحت مصيلحي جاي يجري..

الحق يا سي إلياس الحق.. 

انتفضت من مكاني وقلبي بيدق ومصيلحي جاي يجري..وسالته.

إيش صار يامصيلحي ووينه العزازي..؟

خد نفس وقالي..

ملحجتوش ياسي إلياس..العزازي جتل مرته نواعم وهرب..

والدنيا مجلوبه بره..والشيخ مهران جالب الدنيا.

ومصمم يهجر الغجر..والحرب دايره بين النوارس وزعيم الغجر..

ابوك جالب الدنيا ياسي إلياس..وبيجول ان الشيخه هربت مع واحد من الغجر..

اول ماسمعت كدا قلبي وقع في رجليا كل حاجه كنت مخططلها انهارت وان كانت ليا..دلوقت استحاله تكون ليا..

غمضت عيوني وصوت طلق النار بيشق سما الصحرا..

ولسه بندار لقيتها ورايا..وانهارت بين ايديا...

ـــــــــــــــــــــــــــــــ

الزناتي

جه اليوم اللي مستنيه من سنين..

وجت الحساب انا كنت ساكت بس مادام هو رايد يبجي خلاص...

دارت حرب بين رجالي ورجال مهران وطبعا كالعاده هرب وترك الرجال فطلع خسران..

مفيش حد في رجالته ماانصبش..

وقفت علي عكازي وقولت لرجالتي

عفارم يارجاله..ايوا كده، دافعوا عن ارضكم باستماته..

مايجيبها الا رجاله الغجر..

عاوزكم تجبولي العزازي من تحت الارض

وحضرو لجنازه الست نواعم..

واحد من الرجال..بس ازاي يازعيم دي اهل البلد خبرو المركز واكيد فيها سين وجيم

الزناتي بحده..ومن امتا بندخل الحكومه بحياتنا

انا هنا حاكمكم واي حد هيفتح بوقه هنهيه

والعزازي..اللي جتل لازم ياخد عقابه..فاهمين

ـ امرك ياكبير..

ــــــــــــــــــــــــ

عارف

مسكت ايدها اللي حطاها علي وشها وبتبكي بحرقه وانا قلبي بيبكي اكتر منها..

قومي يامهره..حرام عليكي متبكيش..

امك راحت للي خلاقها..

ردت بوجع ودموع مبتنتهيش. 

انا مش بنتها..انصدمت ورجعت لورا وقلبي دق حزن ممزوج غصب عني بفرحه كنت خايف،وموجوع..موجوع اوي..

ولقيتها بتقول..

اه مش بنتها بس يعلم الله انها عملتني اكتر من بنتها..

كانت دايما تقولي ياريت بايدي اعرف فين اهلك وانا اوديكي بايدي..

هزيت راسي بذهول وشدتها من عالارض وقولتلها بجنون..

اهدي كدا وفهميني يامهره..

فهميني الله يرضي عليكي

ارتميت علي صدره وبكيت..

انا معرفش قالتلي اني كنت صغيره في مولد من الموالد عندي يجي سنتين..ومكنتش بعرف اتكلم..

وحاولت تدور علي اهلي بس العزازي مرضيش وقال هناخدها ولما نكبر نشغلها غازيه...

ضحكت من وسط حزني وسألتها، يعني انتي مش بنت الخسيس دا احمدك يارب واشكر فضلك..

بصتلي باستغراب وسالتني بدموع..

بتضحك علي ايه؟

من كتر السعاده اللي دخلت قلبي..مديت ايدي وحاوطها بدراعي وشددت اوي عليها..

واتنهدت تنهيده طويله وانا بقول الحمدلله..

همست في ودني تاني..

عارف..

نزلت دموعي وقولتلها..

قولي ياعيون عارف..

ـ انا زعلانه اوي عليها ياعارف..زعلانه اوي..

بكت وصوتها طلع..

ولقيت نفسي ببكي معاها وصوت بكايا..

بقي يغلب بكاها

وعرفت ان اللي جاي لازم يكون معاها..

ـــــــــــــــــــــــــــ

الاسكندريه..

من كتر التعب النفسي والجسمي كنت ماشيه زي الاله..

وصلنا للشقه..واندرت ابص عليه..

قالي متخافيش ياسوزان ادخلي انتي هنا بامان..

ابتسمت ودخلت مع الخاله ماجده اللي من ساعه ماشافتني وهي بطبطب عليا بحنان..

فكرتني بأمي واختي وصديقتي وقلبي وجعني اوي عليها..

لازم اكلمها واطمنها..

دخلت وبعد.ساعه..

كنت في الاوضه اللي شاورتلي عليها الخاله ماجده شكلها ست طيبه..

سمعت خبط عالباب كنت خدت دوش وغيرت عبايتي بواحد ادتهولي الخاله امل..

قولت اتفضلي..

دخلت وانصدمت..وبدات تردد

بسم الله ماشاءالله

ايه الجمال دا..ربي يحرصك.من العين

نزلت دموعي ومديت ايدي وغطيت وشي وانا بفتكر نفس الكلام دا بس  من امي..

قربت مني الخاله وحضنتي اوي..

بس يا حبيبتي متبكيش..كل حاجه هتتعدل..

بردو، مسكتش..زدت اكتر

الخاله ماجده بحنان..طب قوليلي بتعيطي ليه.

قولتلها..عاوزه امي..طول عمري في حضنها انا عمري مافارجتها..

الله يخليكي بدي اكلم امي..

ابتسمتلي وقالت بس كدا..استني هنا..

رجعت ومعاها تليفون وقالتلي امك معاها محمول

قولتها اه..انا حافضه الرقم..

خدت منها التليفون ورنيت عليها..

ومع اول رنه سمعت صوتها ولهفتها..

كان قلبها كأنه حاسس بيا..

وقولت ماما..

بكت امي..وقالت ياعيون ماما طمنيني عليكي..

ـ قولتلها متخافيش ياماما انا بامان دلوقت..

قالتلي امي اللي حصل وانهم اكتشفو من الكاميرات ان هربت مع واحد من الغجر بس مين ميعرفوش..

اطمنت وهديت بعد ماقالتلي ماتتصليش عليا انا هتصل عليكي..

غمضت عيوني براحه..

ولقيت الخاله بتسالني

هي امك عارفه اللي حصلك؟

غمضت عيوني بقله حيله وقولتلها اه..ومقدرتش تكلم.

امي اللي يشوفها يجول اختي مش امي..

اتجوزت وهي قدي كدا كان عندها 18سنه..

وخلفتني علطول..

ماجده بذهول يعني هي عندها دلوقت 38سنه

هزيت راسي وقولتلها لا 37 ابويا اتجوزها غصب يااه دي حكايه طويله..

وانا بصراحه جعانه نوم..

الخاله ماجده..لا استني كدا..طب هي امك ليه مقلتشي لابوكي..وهو كان جابلك حقك او حتي جوزكو..

بصتلها بحزن ووجع الدنيا..

ابويا.اصلا شاكك اني ماني بته..وعمره ماحبني ولا عاملني كويس ولو مهربتش كان زمانيتي مجتوله..

الخاله ماجده بمكر..بس شكل الواد الحليوه دا واقع لشوشته..

بصيتلها بصدمه..سامر..

↚

لا طبعا..هو بس ساعدني..واكيد مسيره يزهج مني..ويرجع لارض الغجر

ماجده بصدمه..تبقي عاميه مبتشوفيش دا الواد عينه كانت هتتقلع عليكي..

بصتلها بعجب وقولتلها لا طبعا..

واندرت ونمت..اشكي همي وحالي

سامر يحبني انا..مين يرضي يربط نفسي بواحده حالها زي حالي..

حسيت بايد حنينه بتمسح دموعي كانت ايد الخاله ماجده..

بصتلها فابتسمت وقالت..

بكره تتعدل متشغليش بالك..

نمت..نمت وانا حاسه لاول مره اني بني ادمه.. مش انسان آلي..

ــــــــــــــــــــــــــــــــــــ

بقصر النوارس

انت اتجننت خلاص يامهران محدش جادر يوجفك..

انت اجده عاوز تجيب الخراب..الغجر بيتلكوكلنا بجالهم سنين ولا نسيت اللي عملته في ولدهم..

قسما عظما لو مالميت دورك ده لكون نازع منك المشيخه انت متستحجش تكون شيخ جبيله..

مهران بحرقه..انت بتجول ايش ياعمي..؟

كيف تاخد مني المشيخه؟..اني ورثتها عن بوي

عمه سلمان..بتهكم...ولما تكون مش جد المشيخه يبجي اني بنفسي هجوم المجلس عليك..

وعليا وعلي اعدائي

مهران بحده..عمي..!

سلمان..دورها في راسك يامهران..وبكفياك ظلم في ثريا..ياتفارجها بالمعروف ياتسيبها في حالها وبكفياها وجع وظلم ياخي الجلوب ماعليها سلطان..ودور بين اهلك وناسك شوف مين عدوك ومين حبيبك بدل مانت شاغل راسك بالغجر..

ـــــــــــــــــــــــــــ

صباحا..

إلياس

امام خيمه صبا ومهره..

 إلياس.. إيش بيك ياعارف؟

من عشيه وانت سارح.

 عارف بحزن..مافيني شي ياإلياس بس عالموجف حزنان..

 مديت ايدي وحطيتها علي كتف عارف من ساعه ماوصلنا امبارح وانا شايفه شارد..

حتي لما جه زعيم الغجر وحاولو يبعدونا متكلمش حسيته يائس..

ولان زعيم الغجر عارف مين إلياس وعارف قبلو بوجودنا..

علي شرط نفارقهم بعد دفن نواعم..

 ابتسمت بوجع وقلتله..لو خفيت المك عن الدنيا مابتخفيه عني ياعارف..

لقيته بصلي وابتسم وجالي..

هخفيه زي ماخفيت عني اتفاجك مع العزازي

جسمي اتلبش وانصدمت وقلتله

من ميتا انت عارف؟

دور وشه..وقالي...وليه مني خايف..

ـ مش خايف بس..

ضرب علي كتفب وقالي..

نتكلم بعدين ياألياس..

خلينا ندفن نواعم الاول..

ـــــــــــــــــــــــــــــــــــ

صبا..

اول مافوقت بالليل جريت..جريت بسرعه

كان نفسي ارجع الاقي اللي سمعته كدب 

سراب..

كنت بجري بعزم ما فيا وهو بيجري ورايا

ملحقنيش

جريت لحد ماوصلت للخيمه خيمتنا اللي قضينا فيها اوقات فرحنا وحزننا وكل اللي اتمنيته انهار وانا شايفه الغجر مجمعين قدام الخيمه..

ورجلي هديت والكل بدا يجي يقولي البقيه في حياتك ياصبا

بتعزوني في مين؟

وليه؟

امي انا...؟

وطول ما انا ماشيه كنت بسمع همسهم

اللي فرحان واللي شمتان واللي حزين 

ماهو بيقولو وقت الازمات بتبان الوشوش

وقت الوجع والحزن بتعرف مين كان مصاحبك علي غش ومين واقف في ضهرك

دلوقت بس الحقيقه انكشفت وعرفت ان امي ماتت

وان فقدت روحي وسندي

بيقولو الاب سند وانا ابصم بالعشره ان امي كانت عمد مش سند...

امي عاشت مظلومه مكبوته استحملت فراق اغلي الحبايب..

استحملت الحوجه والمرض..

حسيت بإلياس بيمسك ايدي قبل ماادخل الخيمه برجلي

وبيقولي استني ياصبا...

بصيتله ودموعي نزلت..نزلت وانا حاسه اني ظهري اتعري والوحده بتنخر في قلبي

ودخلت..

شفت مهره بتبكي بحرق بحضن عارف

 اول ماشافتني جريت وحضنتني وبكينا

 سبتها وقربت من امي..وانا في بالي معقول امنيتها اتحققت وماتت في حضن عارف

ياااه ياجمال نويااكي ياامي..

لسه هكشف وشها لقيت ايده سابقه ايدي..

وقالي  بصوت هامس مسمعوش  غيري متكشفيهاش ياخيتي

انصدمت وبصيتله 

لقيت عيونه اتزرزت  بالدموع، وسألته..

انت عارف؟

اتنهد وبصيلي وادور وخد الياس وخرج وقال احنا برا الخيمه..مش هنمشي غير ماندفن نواعم..

خرج وانا حضنتها وبكيت 

بكيت وانا بحمد ربنا انه رحمها ولبي دعاها..

كنت طيبه ياامي..

طيبه اوي..اااه

فوقت علي يد مهره اللي بتقولي يالا ياصبا مش هنخلي حد يغسل امنا..

هنعمل زي ماوعدناها..

هنغسلها ونكفنها بالكفن اللي بايدها مخيطاه لليوم ده..

مانا مقولتلكوش من سنين وامي مخيطه الكفن دا وعلمتناكيف الغسل والتكفين بيكون..

وخلتنا وعدناها ماحد غيرنا يكفنها ولا حد غير ولدها يدخلها لحدها..

ابتسمت ونزلت دموعي وسميت الله وابتدينا. 

بايدي غسلتها وكفتنها طول عمرها حماله قاسيه.. يمكن ربنا رحمها من المرض 

الكل واقف برا وشمتان مستنين يشوف شكل الغازيه.. 

ميعرفوش ان كل حاجه في حياتنا كانت اذيه.. 

لو يعرفو اد ايه شقينا.. تعبنا.. وفينا اللي مكفينا.. 

بوداني سمعاهم بيقولو ياترا كيف شكل وجه الغازيه ابيض زي الصالحين، ولا اسود زي اصحاب الاذيه.. 

وااه لو يشوفوه وهو زي  لون اللبن الحليب.. 

كنت تقيه ياامي حماله قاسيه..تعبتي وعافرتي واستحملتي ليل نهار كلمات مؤذيه من خلق الله، اللي عامله نفسها تقيه..

انهاردا بس انكسر ضهري وبقيت زي الورقه النديه

بيقولو ان ماتت امك،ربنا بينادي في الملكوت ويقول ماتت التي كنا نكرمك من اجلها..

وانا بقول بعد موتك..مات كل شئ فياااا..

ـــــــــــــــــــــــــــــــــ

ياايها.. الراحلون عن الدنيا وتاركون من خلفكم ذكراكم

الا ترأفون بحالنا ليلا وتاتونا بالحلم كي نلقاكم..

هونو علينا البعد..بحلم فوالله لن ننساكم

الفراق صعب والاصعب فرجاكم..

ياراحلون عن الدنيا سلام منا اليكم حتي نلقاكم....

↚

انتهت الجنازه..

وصلينا عليها، وخدتها وحملتها بين ايديا زي ماوعدتها قبل ماتموت

نفذت وصيتها. قالتلي كان نفسي مموتش الا وانا قيلالك الحقيقه

اقولك انك انت ابني روحي وعمري.. 

اللي حرمتني منهم حربيه..  غمضت عيوني وصوتها الضعيف اللي كان بيطلع بالعافيه 

بيتردد في وداني

كنت فقيره وابوك كان راجل ظالم..  حربيه زغللت عينه.. بالمال مقابل انها تبدل عيلي بعيلها.. 

لما قالتي صرخت وبكيت  وهديت الدنيا.. ضربني وهاني وقدام المال ماقدرش يقاوم  كانت، خلفتها كلها بنات وفي الوقت ده كانت اختها ولدت الوريث وكان الغل عاميها.. 

وحبت تجيبلها وريث هي كمان باي تمن اللي يشارك في الورث زيي اختها، واختها متقوشش لوحدها

.

جاني المخاض قبليها وعشان كانت قادره وطايله عطت الطبيب المال عشان يولدها معايا في نفس اليوم قيصريه.. ولاني كنت بخدم عنديهم كان كل شئ سهل في سهل..

اتولدت انت وكنت صبي يشرح الجلب ويسر النظر..حملتك بين ايديا ولان كنت خايفه يغدر بيا العزازي ختمتك طوالي بختم الغجر يااجل مهما يفوت الايام وتغيب عني افرقك عن الكل..

في كتفك  الشمال من ورا هتلاقي ختم الغجر 

وياجل الحظ ولدت هي الصبي فرحت وقولت الحمدلله اني رضاها بيه عشان تبعد عنك..

بس يافرحه ماتمت ولدها استعجلت عليه ولما ولدت قيصري كان ناقص بعد يومين كان مات الصبي

وليلتها بعتت للعزازي تاني.. وماعرفش ايه اللي حصل  عطاني كوبايه حليب وياريتني ماشربتها.. مادريتش بنفسي الا وجاري الصبح عيل ملفوف  ..

حملته بين ايدي وفتشت فيه..ماكانش انت ياولدي كان ميت وعرفت ان العزازي نفذ اللي في دماغه وباعك بالمال..وياريته دام ياولدي

هددتها هفضحها وهددتني بالقتل مقدرتش ابعد..

اتحايلت عليها افضل اخدم عندخا وتكون جاري.. ووافقت..

ولما ابتديت تكبر قدامي وتميلي  هددتني ابعد  ورفضت وقولت هفضحها انا واقول للزناتي بس انا اللي انفضحت ياولدي واتهمتني بالسرقه وطردوني من القصر  بفضيحه ولولا الزناتي كان زماني مرميه في السجن..

كنت كل يوم اروح اتوسلها اطل عليك احضنك بس، املي عيني منك مكنتش بترضي كانت بتخلي رجالتهم يرموني برا..

والعزازي كان يضربني..  وهددني بمهره.. انه هيبيعها لو ما اشتغلت غازيه.. اشتغل في الموالد والصوان ..بس اللي كان مطمن قلبي انك هتعيش وتتعلم ويصير حالك احسن من حالي ماهو ياولدي لو كنت فضلت بينا انا والعزازي كان ايه هتصير؟ وايه هيقولو غير ابن الغوازي

متزعلش مني ياولدي الفقر وحش والحوجه مره وخالتك كانت دايما تقولي اصبري يمكن الخير يكمن في الشر واديك صرت طبيب اد الدنيا..

سامحني ياولدي..وخلي بالك من مهره وصبا وخصوصا مهره.. وصيتي ليك مهره،مهره يا ساجي..

استغربت وقولت من بين دموعي ساجي..

ابتسمت وشهقت شهقه وقالتلي

اسمك ساجي والختم اللي في ظهرك باسم ساجي..والصندوق اللي مع صبا بيه المرايه اللي  هتعكسلك اسمك وهتثبت كلامي..

صبا امانتك ومهره حطها في عنيك..

ادفني بين ايديك وادعيلي بلسانك وكل ماتتذكرني صون الامانه..

وراحت..

غمضت عيوني وشريط كلامها بيعدي علي بالي كانه شريط سينما

فتحت الصندوق اللي خدته من صبا 

وسالت دموعي..

هدوم صغيره غزلاهم بايديها..زي ماقالتلي صبا..

وشهاده ميلاد قديمه باسم ساجي وادله كتير هتفدني في انتقامي. 

مديت ايدي وخدت المرايه ولاول مره هلاقي لأسألتي عن الوشم اللي في  كتفي من ورا اجابه..

خلعت عبايتي ومديت ايدي وعكست المرايه وهنا بانت اصل الحكايه..

اسم من وجع..محفور من سنين جوايا

ساجي...

غمضت عيوني وانا بحلف ان حق امي لازم يرجع من عين كل اللي ظلمها واولهم الكلب اللي اسمه ابويا..

وفتحت عيني وببص في المرايه لقيتها ورايا...

بتبصلي بابتسامه حزينه..

كنت عارف من سنين انها عارفه حاجه ومخبياها عني هي اقرب واحده ليا انا وإلياس..

مبنخبيش عنها حاجه ولا بتخبي عننا حاجه..

دموعي نزلت وقلتلها كنتي خابره مش اكده..؟

كنتي خابره ياثريا..

ماهي مبتحبش حد مننا يناديها بأمي او خاله..

فرض امر علينا..نقول ثريا

دايما تقولنا..

اسمي ثريا ولسه صغيره

مهي فعلا صغيره دي اكبر مننا بس ب 10سنين..

مدت ايدها ووطت جابت جلبيتي من الارض وقالتلي..

البس يا ساجي..

خطفت الجلبيه  منها عشان البس وانا بقولها كنتي خابره..

ردت وقالت بابتسامه..

خفت عليك ياساجي..

تعالا..

مدت ايدها وسحبتني وقعدنا..حاسس اني تعبان..تعبان..اوي

حطيت ايدي علي وشي وبكيت..

وانا بلومها..ليش ماخبرتيني ياثريا..ليه اجده..

كان نفسي اعوضها..كانت مريضه..

مدت ايدها ومسحت علي راسي وقالتلي..كنت صغير كنت خايفه عليك..

اول مره لمحت الوشم علي كتفك انصدمت..

حربيه قادره وواصله..ووضحت الحقايق قدامي

محبتش ابين ليها اني عرفت..ولاني..

سكتت

رفعت راسي  وسالتها، لانك ايه؟،وبعدين قدرتي تقري الاسم ازاي؟

اتنهدت وطلعت السلسله اللي حوالين رقابتها من سنين.. وانا بشوفها لبساه ياما سألتها انا وإلياس..

ليه لبساها وايه معناها؟..

كانت تمد ايدها وتحضنها وتسكت..

فتحتها وظهر اللي جواها..

وانصدمت لما لقيتها نفس المرايا..

ابتسمت وقالت عاوز تسمع الحكايه.

قولتلها قولي من البدايه..

ـــــــــــــــــــــــــ

حكايتي مع طارق..حكايه من نار ابتدت في ليله سمر حوالين النار في ارض الغجر وانتهت برضه بضرب النار

وبين دا ودا وشمني حبيبي بوشم باسمه علي قلبي طول العمر

غمضت عيوني وانا بناديه بشوق 

ياااطارق.. 

وبدات احكي..

غجريه اسرت قلبي✍️ اسما السيد✍️

اسمه طارق..

من زمان وانا خايفه انطق اسمه..نفسي احكي عنه

نفسي الكون كله يعرف عشقي ليه

وان مهما مر عليا العمر هيفضل عشقي ليه جوا قلبي..

طارق مش حكايه حب عاديه..طارق مهما وقالو نسيني بيكدبو..طب هينسي ايه...؟

هينسي عشقي..هينسي اسمي..طب هينسي وشمي اللي وشمه بالنار علي قلبه باسمي

قاطعني وسالني، مين طارق؟

ـ طارق بن الزناتي...

فتحت عيوني بصدمه...وسألني..طارق؟

طارق اللي خرج وهاجر بعيد عن الغجر..

اللي ابوه طرده من قبيله الغجر..

↚

معقول..

ابتسمت وكملت..

كنت في ثانويه وزي ماانت عارف ابويا كان مدلعني واصريت اني اكمل تعليمي..

كان هو اكبر مني بسنين وكانت نواعم بتشتغل عندنا لسه ونواعم واخت طارق اصدقاء ولاني كنت عاشقه حياه الغجر..الحريه..ولياليهم اللي بسمع عنها رقصهم..وعشقهم المجنون

اتمنيت لو اعيش قصه مجنونه زيهم..

ومكنتش اعرف ان الامنيه هتحقق في ليله بردو من لياليهم وعندهم..

استاذنت من ابويا وطلبت منه اسهر مع نواعم وان الزعيم عامله الامسيه علي شرفي

بعد محايله وافق وحطني بامانه نواعم..

كانت ليله جميله اتعرفت علي الغجر وعيشتهم واخت طارق اللي كانت طول الوقت تحكي عن اخوها طارق اللي بيتعلم في المدينه

اللي اصر الزناتي يعلمه وينوره...

معرفش الكلام دخل في قلبي وانحفر..

وفجأه...

لقيت شاب زي القمر..قمحي اللون..

داخل بهيبه، شعر سايح وعيون بتلمع في الضي  زي العسل..ااه ولا لحيته خطف قلبي من اول نظره

الكل كان بيرحب بيه مهو يومها كان ميعاد رجوعه من السفر...

دخل وقال..الله الليله ليله سمر..علي شرف مين بقي؟

رد الزناتي بفخر وقالو..علي شرف الشيخه الصغيره ثريا

رفع عينه وعيني جت في عينه ورحنا لدنيا تانيه..ومن هنا ابتدت لعنتنا في الدنيا.

عدت الساعه اللي متفقه عليها مع والدي..وقمت ادور علي نواعم لقيتها اختفت..

ولان مكنش ينفع اروح لحالي..

الزناتي امره انه يوصلني..ومن هنا بدأت قصتنا

قصه عشق من قلب الوجع.

بقينا نتقابل في السر وعالطرقات وفي المدرسه وبره المدرسه..حتي علمني اتكلم زيه لغه اهل البندر والغجر..وكان كل كلمه يقولها القطها..

نهرب مره بعيد بقلب الصحرا..ونقرب ونبعد وصارت نواعم همزه الوصل بينا.. الكل صار يتغني بعشقنا..ولان ابويا كان شديد..كان اخواتي لما يتكلمو يقولهم انا فيها واثق..

وفي مره....

flash back..

كانت ليله ماطره والارض غرقانه..

بس كان وحشني كانت امتحاناته في الجامعه وصارله شهر مشفتوش..

والليله موعد رجوعه وزي العاده بنتقابل بعيد في خيمه صنعها هو من صفيح، قريبه من ارض الغجر..وكالعاده واخده معايا نواعم حجه 

 ولما لمحته جاي قالت.. انا هروح انا ياثريا ولما تخلصو هكون في الخيمه.. متتاخريش الله لا يسيأاك عشان محدش يشك..

ابتسمت وانا عيني لمحاه جاي من بعيدد.

زقيتها وقولتلها طب روحي..انتي بقي

ضحكت وقالت..طيب يختي ربنا يستر

كانت المطره شديده أوي.. وجسمه كان غرقان مايه..

قبل ماتمشي نواعم كانت جايده النار في الخيمه من جوه..

اول ماقرب عليا، مقدرتش كان وحشني وحشني اوي

بقاله شهر غايب جريت وارتميت في حضنه..

لقفني بين ايديه كان جسمه قوي وشديد تربيه الصحرا..وكان بيلعب العاب قوي وشغال جار دراسته في جيم..

ودخلنا الخيمه ولف بيااا

وحشتيني اوي ياثريا..اوي..

حضنته اكتر. وقلتله..

انت اكتر وحشتني اوي ياطارق..

نسينا الدنيا وموعيناش لعيون الذئاب اللي محوطانا وبيخططولنا..

بعد شويه..كان جسمه بيترعش من البرد وقتها قلع قميصه وشفت الوشم..

مديت ايدي المسه، وسألته..

ايه دا؟

ابتسم وقالي..دا وشم

ضحكت..وقولت..ياسلام.. مانا فاهمه انه وشم بس مش مفهوم مكتوب فيه ايه؟

وقتها طلع من رقبته سلسله كان دايما لابسها وعطهالي..

قالي افتحيها..

فتحتها...بصيتلها باستغراب

ايه دا دي مرايه؟

قالي قربيها للوشم وشوفي ايه هينعكس فيها..

عملت كده واتفاجأت لما لقيت اسمه فيها..

ضحك وحضني..

وعرفني ان كل، مابيتولد  طفل غحري بيحطوله وشم زي الوشم دا بأسمه علي كتفه من وره بطريقه معينه..

اول مالطفل ينولد من هنا يكون محضرينله وشمه ووشمينه بيه..

قلتله المواليد.بس..

مد ايده وخلع فنلته الداخليه وهو بيوريني الوشم اللي علي قلبه..

وقالي والعشاق كمان..بينوشم بيها..

قربت المرايه وعكستها لقيت اسمي فيها

ثريا...

اصريت ليلتها ماروحش اللي لما نتشارك احنا الاتنين بنفس الوشم..

وفعلا نادينا نواعم..ووشمتني في نفس مكان وشمه باسمه وهو عطاني السلسله وقالي احتفظي فيها..

back..

بصتلها وقولتلها..

طب وبعدين كملي..ايه حصل...؟

غمضت عنيها وبكت.. اول ماوصلت كان ابويا فارق الدنيا ومن هنا ابتدت مأساتي وماساته..

ودارت الحرب وكانو عاوزين يجوزوني غصب وهددو الزناتي بابنه..

الزناتي اتوسلني وقالي ابعدي عنه..بس مقدرتش

والله مقدرت ولا هو قدرت..

لحد.مامهران قدر يقنع اخواتي وفعلا اتجوزته غصب..

كان متجوز دريه وقعدت شويه من غير خلق ولما خلفت إلياس بصعوبه وشالولها الرحم

 كانو عاوزين.. يجوزوه تاني وكنت انا الضحيه..

مبقتش عارفه اتصرف ازاي وخصوصا واننهم بعدو نواعم عني..وخروجها من القصر بفضيحه..

واتاريها كانت بتيجي عشان تملي عينها منك..

كنت بشوفها بتاخدك.بحضنها وتبوس فيك شافت اسوا ايام عمرها لحد ما حربيه قررت تخرجها بفضيحه وهنا انهارت حياتي بحالها

اتجوزت وضربو النار علي طارق ودارت المعارك وبعد مااتجوزت الزناتي غضب علي طارق اللي كان بيعافر عشان نهرب انا وهو وكنت مستعده اعمل دا فعلا، وطرده من القبيله

ورحل من ارض الغجر

وعشت اسوأ حياه مع مهران..

انت والياس اللي كنت مهونين عليا الدنيا كان عندكو اربع سنين..وقتها..

وفي مره وانا بغيرلك لان كالعاده حربيه مش فاضيه..

لمحت الوشم..

وجبت المرايه وقدرت اقراه..

وفهمت كل حاجه..

وفضلت انا صله الوصل بينك وبين نواعم..

كانت بتيجي تملي عينها منك..وتمشي مكبوته مقهوره دموعها علي خدها

لحد مابدات انت تسال كان لازم تبعد..

بكيت فقالتلي..

انا كنت هقولك ياساجي بس كنت خايفه عليك صدقني..

انما دلوقت انا في ظهرك وهفضل جمبك دايما..

معدش في حاجه اخاف عليه..

ساجي..ياريتك قولتيلي من زمان..

اتاه الرد من الخلف..

احنا ولاد انهارده..وبعدين محدشعارف الخير فين؟

التفا معا للصوت..

الياس بهدوء..سمعت كل حاجه ولا كنت ناوي تخبي عني اياك..

احنا مش ولاد عم بس ياعارف..صمت قليلا ثم قال

قصدي ياساجي..

ساجي بوجع..مش لما نبجي ولاد عم اصلا ياالياس

الياس بهدوء..وهو يقترب منه..غصب عنيك انا ابن عمك واخوك و...

رفع ساجد عينه له بحده..بقولك ماتفكرنيش ياالياس...صبا خط احمر واللي حصل دا مش هعديه

الاول ماكانت من غير ظهر..انما دلوك..

اختي خط احمر ولو عاوز نبقي حبايب يبقي تنسي ا المهذله اللي حصلت مع العزاوي..

إلياس بحده..ازاي ده..؟انت اتجننت 

متقوليله ثريا..

ثريا بهدوء..إلياس ملوش لازمه الكلام ده دلوك..سيب ساجي يهدي..وتفكرو مع بعض..اللي جاي صعب..

انا هسيبكو دلوقت....

الياس بهدوء..ثريا..؟

التفت له..بدك حاجه ياالياس..؟

الياس..كيف سوزان..؟

ثريا بربكه..هااا..

الياس..وهو يقترب منها..بس طمنيني عليها..وشك منور ياثريا..اكيد طمنتك..

طمني جلبي..دي بردو خيتي..

ابتسمت.بحزن...

↚

اطمن..

خرجت ونظر الياس لساجي..الجالس حاملا لهم الدنيا علي كتفيه..

وهمس..ساجي...

بصيتله وابتسمت..شكلك خدت علي الاسم بسرعه اهو..

ــــــــــــــــــــــــــــــــ

الاسكندريه..

سامر

منمتش من امبارح حاسس اني في شوك في جسمي

قلقان وعليها خايف..

مكنتش عاوز افارقها...بس غصب عني دا حكم القدر..

ااه لو اطولك ياعارف الكلب..

طليت من الشباك واخيرا الشيخ قاسم فتح لبست بسرعه ونزلت جري..

قلقان..عاوز بس اطمن عليها..

اول ماوصلت 

السلام عليكم ياشيخ قاسم..

بصلي وابتسم..واضح انك منمتش من امبارح

ابتسمت وقولتله..

انا فعلا، قلقان ممكن تطمني عليها انا انكسفت انزل للخاله ماجده..

ابتسم وشاورلي..علي مكان بعيد 

رفعت عيني..وااتنهدت بعد ماعيني وقعت عليها..

جميله وكلة شي فيها جميل..

ابتسمت وشوفتها بتبسم..واتنهدت..براحه..

اخيرا لمحت ضحكتها بعد غياب 

هاا اطمنت..

هزيت راسي وقلتله ايوا..متشكر ياشيخ..

انا بس كنت قصدك في خدمه..كدا..

الشيخ بهدوء..طبعا اتفضل..

سامر بخجل..انا بس كنت عاوز شغلانه مش هينفع اقعد من غير شغل..

قاسم بابتسامه..شوف ياسامر امبارح بعد ماحكيتلي حكايتك واتفاجات بيها وكمان  خريج كليه تجاره..

كنت فاكر انك مكملتش تعليم..

سامر بحزن..لا من سنين و شباب الغجر بيتعلمو زينا زيكو..زعيمنا عنده التعليم خط احمر..واللي يخالف القوانين يطلع من القبيله..

اما البنات للي غاويه بس..شكل اختي صبا كدا..

قاسم بانبهار..تصدق شوقتني اشوف زعيمكو دا..

الراجل دا لازم يتعمله تمثال بجد..

واختك صبا دي..معقول تكون محاميه 

طب ليه مشتغلتش بمهنتها...

ابتسمت وقولتله..

صبا أختي حاله شاذه في كل حاجه..وبتعشق مملكه الغجر..بتعشق الصحرا..والتعليم عندها حاجه مش اساسيه زي ماقولتلك..

الشيخ قاسم..غريبه اختك دي..طب واختك التانيه..

مهره..مهره دي حنيه الدنيا فيها...وحماله قاسيه.

وحكايتها حكايه اتعلمت لحد الثانويه وخلاص ابوها رفض وهي كانت ضعيفه وصمم يشغلها غازيه..

قاسم..طب ليه متجبهومش بعيشو هنا وتبعدو عن الغجر..

سامر بهدوء..اللي فيه الخير يقدمه ربنا..

قولت ايه ياشيخ قاسم في موضوع الشغل..

قاسم بابتسامه..

حظك حلو..ليا صديق ليا لسه راجع من السفر بقاله شهور راجل اعمال كبير اوي..

وقرر يستثمر ويقعد هنا ويستقر وفعلا فتح فرع لشركته في اسكندريه وبيدور علي عماله وموظفين وانا كلمته عنك وياسيدي هاخدك دلوقت ونروح..

سامر..بجد.بس انا ممعيش اي اوراق ليا دلوقت غير بطاقتي..

قاسم..متقلقش ابقي ابعت هاتهم انا اديته خلفيه بسيطه عن حياتك وقرر يساعدك.

سامر..بجد..معقول من غير اثبات ولا اوراق رسميه..؟

قاسم..اه ياسيدي...لما عرف انك عاشق..قال لازم اساعده..

سامر باحراج..لسه مصمم.؟

قاسم بضحك وهو بيركب عربيته..اه ولو جبتلي علي عقلي..اركب..احسن هنتاخر

رن التليفون وجاوب قاسم..

ولقيته بيقول..ايوا ياطارق..

ــــــــــــــــــــ

من اول ماصحيت والخاله ماجده استلمتني اسئله...لحد ماحكيتلها كل حاجه...

كنت بحكي وانا مش في وعي..

انا عقلي معاه فوق..خايفه وبالنسبه لي هو الامان رغم الحنان اللي باين من افعال الخاله ماجده..

وكمان امي وحشتني اوي..

ياترا ياامي لسه تعبانه زي آخر مره ولا لا..

امي تعبانه بقالها شهور وبتكابر الالم اللي بيجيها في صدرها..قالقني وخصوصا مع نوبه الدوخه والتعب اللي بدات تسيطر عليها

كنت بتحايل عليها تكشف بس كالعاده..

الرد لا..وكانها بتنتقم منه في نفسها..

اااه يااامي..

فوقت علي الخاله ماجده بتقول..

سامر نزل وواقف عند الشيخ قاسم..

الخاله ورتني الصبح الشباك اللي بيطل عالورشه..

جريب وقفت في البلكونه..وعيني وقعت علي عينه غصب عني ابتسمت..

شعور كدا بالامان اول ماشفته دخل قلبي وطبطب عليه

وكان صوت حنين بيقولي اهدي متخافيش هو جارك...

مشي مع الشيخ قاسم اضايقت ورجعت للخاله ماجده..ادعيله وادعيلي..

ــــــــــــــــــــ

بقصر النوارس..

مالك ياعارف ياولدي...؟

بصيت لابويا..ابويا او اللي مفروض يبقي ابويا

راجل طيب ملوش في اللوع..

يمكن يكون هو اجمل حاجه حصلتلي..

قربت منه وبوست ايده..وقولتله ولا حاجه يااابوي انا بس تعبان شوي..من اللي حصل امبارح..

مد ايده وطبطب علي كتفي وقالي..

متشلش هم حاجه طول مااني جارك وربك حافظ..

ابتسمت وانا بقوله..

ربنا يخليك ليا ياابوي..ويطولنا بعمرك..

ايه وصله الحنيه دي؟

بصيت ليها ولاول مره اخد بالي اني حديتها مش ود لا دا حديت عقارب..

اتنفضت من قدامها وقولت...استاذن اني..

سمعتها بتجول لابوي..

ماله ولدك ليه  فينا طايح؟

ـــــــــــــــــــــــــ

ليلا..

غيرت هدومي وصورتها وبكاها مفرقش خيالي صبا دي عمري وحياتي...حاجه كدا زي نسمه معديه..بتطري علي قلبي..

غمضت عيوني وحاولت اعمل بنصيحه ثريا وعارف..

ابدا من معاها من جديد وانسي اني الكلب ابوها واللي حصل من سنتين..

بس انا غلطان..ياريتني خطفتها وبعدت كنت بالذوق بالعافيه هخليها تحبني 

القلوب معليهاش سلطان..

بس هي سلطاني..

اول ما وقعت عيني عليها ووقعت في هواها خفت..

خفت تروح لغيري خصوصا وانا شايف وسامع كيف شباب الغجر هينهبلو عليها

اتصرفت بانانيه وعرفت ان العزازي يبيع نفسه عشان الفلوس مش بنته بس..

ـــــــــــــــــــــــ

صبا ماضيه علي القسيمه..برضاها...

معرفش كانت في  واعيهاولا الكلب دا عمل فيها حاجه

غمضت عيني وحاولت أنام..بس رجعت صورتها وبكاها تاني لفكري وبالي

قومت مفزوع وحلفت لجاورها الليله وتكون في احضاني وايش ماصار يصير..

اتسللت لارض الغجر كانت الساعه عدت نص الليل..

↚

وقبل ما اجرب من الخيمه..انصدمت لما لقيت عارف..

بس مش لوحده..جاره مهره 

ابتسمت واداربت منه..وقولت ماشي ياعارف...

ماهو قاعد يحكي وسايبني اني لايص..

دخلت دورت عليها وسطت الخيمه الكبيره..

بيوت الغجر كانت عباره  عن خيمه مربعه كبيره شبه البيوت من الصفيح..مثلثه من السقف تمنع المطر..ومن قلبها متقسمه شكل الشقق..

بس

دخلت اوضتها ولمحتها شارده حزينه 

اول مالمحتني..

انتفضت وقالت انت.

دخلت هنا ازاي يابن النوارس؟

لسه هتصرخ كنت محوها بايدي ايد علي وسطها وايد كاتمه بوقها

وحلفتها...اني هقولها بس تيجي معايا..

حسيتها هديت..

بعدت يدي..و..

ـــــــــــــــــــــــــــ

فراق امي كسر ظهري واليوم.كان طويل..طويل اوي..

اللعب الاول كان مستغطي دلوقتي عالمكشوف..

اكتر حاجه بسطاني ان امنيه امي اتحقققت ودفنها ساجي..

ساجي اللي كانت بتردد اسمه ليل مع نهار..

واتمنت وقت ماتندفن ابنها اللي يدفنها..

سبحان الله من  كان يصدق..

غمضت عيوني واتنهدت وافتكرت اللي صار ليله امبارح والفضول كالني ياترا كان هيقولي ايه امبارح..

فجأه اندرت علي صوت رجلين جايه عليا فكرتها مهره وساجي اللي خرجو يتمشو..

احنا بقينا بنات لحالنا وميصحش يفضل رايح جاي ومحدش يعرف الحقيقه

رفعت راسي وانصدمت  وقولت. انت..؟

لسه هصرخ كتم بوقي وقالي هقولك علي كل حاجه..

هديت..وبصيتله وسحب ايده وقالي..

تعالي ياصبا..

اترددت وقالي متخافيش...

مش عارفه ايه حصل..ولا ليه مديت ايدي..

بس احساس الحزن والوحده اللي محاوطني...

خلاني استسلمت..

همست وانا عارفه انه عارف 

بس ساجي؟

لقيته ابتسم وقالي متخافيش هو عارف..

ايده اللي مسكت ايدي..حسستني اني طايره..

طايره فوق في السحاب

كنت مخنوقه وعاوزه ابكي ابكي بصوت عالي...

بس ياريت اللي بنتمناه بنلقاه..

مشينا خطوتين وبصلي وسالني وهو بيشاور علي رجله..

هتمشي حافيه؟

هزيت راسي وقولت..اه..

ابتسم ابتسامه صافيه، واتمشينا..

سالته علي فين.؟

وقف وابتسملي

وقالي ماكان ما رجلينا تودينا....

سكتنا ومشينا....ودموعي بتحرقني وعاوزه انزل..

لحد مالقيت نفسي في ماكان ماالتقينا

عند الخيمه.. 

وقفت وبسطتله.. 

مد ايده وسحبني وراه..ودخلنا..

كانت زي ماهي..زي ماسبتها امبارح

انا بس اللي اتغيرت امبارح كنت عاوزه اقتله ودلوقت...ااااه

رفع وشي  وقالي ابكي..

ـ ابكي ياصبا..

هزيت راسي زي الطفله وقولتله..مش هعيط..مش هبكي

وفجأه من غير مقدمات حطيت ايدي علي وشي وعيطت..عيط اوي

بموت امي الدنيا وحشه..وحشه اوي..

في حضن مين هاجي اخر الليل واشكي..

مين الصبح هيصحيني ويقولي قومي قامت قيامتك.

مين هيزعقلي علي قرايه الفنجان 

الف حاجه في غيابها هتنقصني

بكيت ومحستش بيه وهو بيحضني..

بيحضني اوي..وبيطبطب عليا..

انا ازاي عملت كدا...؟

ازاي سمحتله يلمسني..

دا حتي حرام..بعدته عني بقوه وقولتله انت اتجننت ابعد..ازاي تلمسني..انت مين عشان تلمسني كدا..؟

بصيلي بحده ومد ايده وخطفني تاني لحضنه ومسك وشي بقوه حسيت ان روحي بتطلع..

وقالي..

عاوزه تعرفي انا مين؟

انا ابقي جوزك..

انتي مراتي ياصبا..

مراتي..وانتي ماضيه عالقسيمه بنفسك..

فوقي بقي...فوقي حرام عليكي..

ـــــــــــــــــــــــــــــــــــ

ابكي ياقلبي..ابكي ياعين

انا وانتي احنا الاتنين ضايعين..

لا انا ناسيه ولا فاكره.

ولو مين قال انسي عمري ماهنسي

عشقك وجع جوا القلب له مرسي

عشقك هلاك..عشق له في قلبي ياقلبي معني

ولكنه فراقنا ونصيب

نعيش العمر كله نسأل وين راح الحبيب

غجريه اسرت قلبي

✍️أسما السيد✍️

💖💖💖💖💖

واقف قصادي بيقولي انتي مراتي..واني افوق

انا فايقه..اه ظهري مكسور محني..بس انا فايقه

موت امي كسر ضهري..وعرااه..

همست لنفسي..مرااتي...؟

انت بتقول ايه؟ 

مرات مين؟ 

انت اتجننت.. 

بعدت واتنطرت لورا.. زي الملسوعه.. 

انت مجنون...

ـ حسيت اني اتعريت وجسمي برد.. 

معطيتهاش فرصه..  مديت ايدي وخرجت العقد اللي موثقه في الشهر العقاري للاسف جوازنا كان عقد عرفي، بس موثق بالشهر العقاري... يااجل مايؤذوني فيها لو حد خد خبر من النوارس... علي يد مأذون وابوها كان وكيلها.. وهي مضت علي العقد بارادتها هو فاهمني كدا.. بس انا كنت متاكد انه بيكدب.. الانانيه اللي بحبها بيها خلتني اعمل كدا فيها.. 

غصب عني..كنت عاوزها ليا..

لو كنت متاكد من سنتين انها ماضيه باردتها ميه في الميه مكنتش اترددت وخطفتها وبعدت السنه اللي بعدتها..بيها هي..

كنت هقدر اخليها تعشقني زي ماطبيت وعشقتها..

بس الخوف..

مش انا بس اللي محكوم.. الغجر كمان ليها قوانينها.. وكنت عارف اني بعملتي هقوم الحرب اللي نايمه علي غش من سنين..

والعهود اللي خدناها علي بعض احنا والغجر هتنهد وهشرد قبيله بحالها..وهشتتهم بعد مااستقرو من سنين وبداو يتعلمو ويطورو من نفسهم..

فكرت في كل الاحتمالا وكان لازم اقف..انا مش عايش في الدنيا لوحدي انا وصبا عشقي المجنون..

كل حاجه محوطانا كانت مخلياني بعيد.. بس وفرتلها الحمايه 

في كل مكان كانت بتروحه.. كنت بحميها من بعيد.. كل خطوه بتخطيها كنت بعرف بيها

انا وصلت معاه للعشق الملعون.. بس خلاص لهنا وخلاص..مش قادر بعدها نار بتكوي..وتعب في القلب

عاقبت قلبي كتير..ببعدها..نفسي ادق حلاوه القرب..

العشق عمره ماكان حرام ولا عيب

العشق احساس حلو.. حتي مراره وغلبه حلو.. 

النظره في عنيكي ياصبا قادره تخليني اهد جبال.. 

ااه لو تعشقيني ياقلبي ويتغير الاحوال.. 

فوقت عليها وهي خلاص هتقطع العقد، نتشته منها وقولتلها

جانيتي اياك.. 

ابتسمتلي بغل وقالت. 

لو فاكر اني جاهله والعقد دا هيخوفني تبقي غلطان.. 

انا فاكره كويس انا مضيت علي العقد دا ازاي..؟

تحب تعرف ازاي؟

دموعها نزلت وشهقت بصوت عالي وجعت قلبي.. حطمتني من جوا..الا دموعك انتي ياعمري..

مديت ايدي اجيبها لحضني تاني. 

اقولها متبكيش.. مهما حصل متبكيش..

بعدت ايدي وضربتني وقالتلي اوعي.. متلمسنيش

انا مضيت العقد وانا مجبوره.. 

كانت ليله صوان زي العاده وبعد الصوان ماخلص كانت امي خلاص تعبت كانت مريضه كبد.. والعزازي زي العاده بيكوش عالليله كلها

يومها امي مرضت والدوا بتاعها كان خلص.. 

اتوسلناه انا واختي يدينا فلوس للعلاج وياجل الحظ ليلتها سامر مكنش هنا.. 

كان بيتصرف ويجيب العلاج.. 

ساءت حالت امي ومكنش قدامنا حل غير اني اروح للزناتي.. بس هو مسك مهره كالعاده يضغط بيها عليا..

وضربها مقدرتش اتحرك.. عشان عارف اني ضعيفه بيهم..مقدرتشاهرب.. واسيبهم.. 

وقتها خيرني وقالي امضي العقد دا.. كانت امي روحها خلاص بتروح.. 

ومهره كالعاده عندها انيميا كانت خلاص في دنيا تانيه.. 

↚

وقتها خدت منه العقد ومضيته..

وبعدها رمالي فلوس العلاج.. 

مسحت عنيها وقالتلي بقوه، وانا واقف مصدوم كل دا انا كنت السبب فيه.. 

كل دا اتحملته.. 

لسه بقول بس.. لقيتها ضربتني علي صدري بايديها بقوه وابتسمت بشماته وعنيها فيها لمعه تحدي

تحدي علي مكر..وفي نفسي ابتسمت.. انا بقدر العيون ياعيوني..

صبا الجميله مش هتستسلم..

وقالت... 

بس اللي متعرفوش اني مضيت بس مضيت بايدي الشمال.. 

لانه كالعاده كان سكران ومش داري بيعمل ايه؟ 

انصدمت وجسمي اتخشب.. 

وهي بتجلدني،وبترمي سهامها بقوه.... 

يعني العقد اللي معاك دا... بله واشرب ميته

مش صبا العزازي.. اللي تنجبر..

انا صبا العزازي.. غجريه.. بس مش جاهله ولا غازيه.. 

انا محاميه.. ولو اصريت ساعتها هنفض صبا الغجريه.. وهقف قدامك في المحكمه وهدافع عن حقي بكل قوه.. انا مش ضعيفه

وساعتها مش هبقي انا بس اللي خسرت..

ابتسمت في نفسي..علي قوتها..هي دي صبا الغجريه..اللي صيتها وحسنها مسمع كل الدنيا..

انا كنت عارف انها مش جاهله.. عارف انها متعمله.. انا مبعشقهاش عشان كدا.. انا معرفش انا وقعت في عشقها ازاي وليه.؟ 

بس بعشقها.. حتي تهدديها ووعيدها بيزدني فخر بيها.. انا عمري ماهأذيها انا عاوزها  تكون ليا.. 

لسه هتخرج من الخيمه.. 

مديت ايدي وجذبتها ليا.. 

وقولتلها انا مخلصتش كلامي.. 

صبا انا.. 

بصتلي بهدوء عكس كلامها وقوتها.. 

انت ايه؟ 

عاوزه اسمع تبريرك.. ليه عملت كدا..؟ 

انا طول عمري اسمع عنك.. بس اول مره اشوفك الليله اياها في الصحرا.. 

ليه؟ 

غمضت عيني وقولتلها عندك وقت تسمعي... 

ابتسمت وقالت الاول.. 

قطع الورقه ديا.. 

بصيت للورقه في ايدي.. دي كانت املي الوحيد.. حتي لو قطعها هي متوثقه..هي مراتي لو قلبت الدنيا

بس ههاودها..صبا تستحق..مش عاوزها جبر ولا غصبانيه

هقطعها وبالحب هخليها تكون ليا.. صوت ثريا رجع يرن في وداني.. 

الغجر بيجوا بالحنيه.. يارتني سمعت كلامك من زمان ياثريا.. 

اتنهدت وقلتلها... 

اوعديني الاول...اوعديني الاول تفهميني وتفهمي اللي حصل ليا.. 

قعدت عالارض في الخيمه الواسعه.. 

وقالت.. اوعدك مادام مش هتكدب عليا.. 

ابتسمت.. وقطعت الورقه بايديا ماهو معدش ليها لازمه.. 

بس عيني لمعت وحلفت لتكون رسميه.. 

وزي ماوقعتني الغجريه لازم اوسمها بعشقي واصير لعنتها في الدنيا.. 

وقعدت جارها...  وقبل مااحكي قربتها ليا خدتها جاري ومديت ايدي وحاوط ايدها بحنيه.. وبدات احكي.... 

ــــــــــــــــــــــــــــــــــــــــــــ

في الاسكندريه.. 

متشكر اوي ياشيخ قاسم.. انك احترمت رغبتي  ومقلتش للبشمهندس اني من الغجر

ابتسم الشيخ قاسم.. وقالي.. 

مدام وعدتك يبقي خلاص لازم انفذ مع اني مش شايف حاجه  في كدا.. 

اتنهدت وقولتله.. 

معلش لسه ماانش الاوان.. 

اوعدك بنفسي اقوله ياشيخ..لما يأون الاوان.. 

ابتسم وقالي.. حاضر ياسامر اللي تشوفه.. بس  عاوزه اقولك ان طارق انبسط من شغلك ومن بكره ان شاءالله  هتستلم الوظيفه.. 

فتحت عيوني بصدمه.. وقولتله بجد.. 

هز راسه وقالي بجد... 

اتشكرته وقولتله.. انا مش عارف انت طلعتلي منين ياشيخ.. دانا كنت ياست.. والله

طبطب عليا وقالي.. 

انت تستاهل.. لان دافعت عن الولايا ياسامر.. 

انا حاسس انك شايل حمل علي كتفك بس عاوزه اقولك حاجه.. 

مهما صار وكان.. كل واحد مننا يستحق فرصه تانيه.. 

زمان كنت واقف مكانك.. قابلت حب عمري.. 

مش هقولك قابلتها ازاي.. ولا قابلنا ايه؟ 

بس اللي عايزك تعرفه.. ان مهما صار دور علي فرصه تانيه.. 

ربنا اسمه الرحيم ومفيش ارحم منه علينا في الدنيا.. 

لو شايف بصيص امل في علاقتك اتمسك بيها.. 

اوعي تتراجع.. حط هدفك قدام عينك واقبل بحبيبك زي ماهو.. 

لمعت عيني بتحدي جديد  وكلام الشيخ قاسم بيحفزني، انا بحبها وبعشقها يبقي ايه يهمني في الدنيا..، ورفعت عيوني ووقعت عليها

تقريبا كانت  بدور  هي كمان عليا. 

ابتسمت ورفعت ايدي وشاورتلها لمحت دموعها في عنيها

ولقيتني بقول بقلبي.. 

الا دموعك انتي ياأحلي صبيه.. 

افديها بروحي وبكفايا قربك من الدنيا عليا.. 

افتكرت الشيخ.. ببص ورايا.. 

لقيته هايم في دنيا تانيه.. 

جاره واحده منقبه وعلي ايديها صبيه.. 

بيهمس لها ويبتسم.. مد ايده وشاورلي وقالي اشوفك بكره ياسامر هوصلك بالعربيه.. 

الشيخ شكله عاشق.. عاشق وغارق هو كمان.. 

رفعت عيوني وشاورتلها.. 

هستناكي عالسلم . 

شاورتلي بحاضر.. ودخلت.. 

وطلعت انا اخطف الدرج في ثانيه.. 

اول ما وصلت.. للباب.. 

قربت بلهفه..عليا.. سامر.. 

مسكت قلبي وقولت جوايا.. اااه ياقلب سامر.. 

قربت وقولتلها.. نعم ياسوزان.. 

لمحت دمع عنيها.. 

مسكت نفسي اني ادخلها جوه حضني

وابتسمت وقولتلها

متبكيش ياسوزان.. انا وعدتك هدافع عنك في اخر نفس ليا.. 

بصتلي وقالتلي.. ليه.. انت بتعمل معايا كدا..؟ انا استحق اللي جرا ليا.. 

مديت ايدي ومسكتها.. 

تعالي معايا... 

خافت.. وارتبكت.. هنروح فين؟ 

قولتلها.. هنطلع السطح.. 

ـ اتلجلجت وقالت.. بس... 

طمنتها وقولت.. مبسش تعالي... 

طلعنا بعد الخاله ماجده ما طمنتها و قالتلها اطلعي.. 

وقعدنا عالارض عالسطح.. 

واتنهدت.. وقولتلها.. احكيلي كل اللي حصل ياسوزان..؟ 

رفعت عنيها ودموعها نزلت.. 

وقالتلي هقولك..

اني مخبراش كيف صار بس احنا عندينا غرفه فوق القصر.. 

كنا بنتقابلو فيها.. دايما.. 

معرفش ايه اللي حصل بس هو يوميها عطاني كوبايه عصير وشربتها. مفوقتش الا بعد كتير ولقيت.. 

سكتت هي وفهمت انا، جزيت علي سناني وقولتلها..

كملي.  

معرفش ياسامر بس يوميها وانا بجوله ليه عملت فيا كده.. 

قالي دا انتقام ربنا من اخوكي فيكي.. 

اللي فهمته انه انتجم لثناء مني.. 

وانه كان بيضحك عليا.. 

وكمان قالي ان مرات ابويا هي اللي مخططه لكل دا عشان تنتجم من امي فيا.. 

بكت بحرقه.. انا معملتش حاجه والله ياسامر.. 

معملتش حاجه.. انا كنت واثقه فيه.. 

جولت لحمي وعمري مايعمل كدا فيا.. 

نزلت جري وجولت لامي اللي حصل لما اتأخرت جلبت الدنيا عليا.. 

سامر بانتباه.. امك عارفه.؟

هزت راسها وقالت انا وامي مبنخفيش حاجه عن بعض.. بس يومها امي سالتني علي شويه حاجات ومبقتش عارفه تعمل ايه.. 

جريت حكيت لصبا عشان تخبرني وين صار.. 

بس مشفتش حاجه.. 

ولما حصل اللي حصل في المستوصف.. 

لو ماهربتونيش.. كانت امي هتهربني ميه في الميه.. 

سامر.. ابن ال.. 

بكت اكتر ..

ــ ارجع ارض الغجر ياسامر امي قالتلي انهم دريو اني هربت ماغجري وابوي قالب الدنيا.. ارجع ارجوك.. 

مش ذنبك.. تتحمل عملتي.. 

ابتسمت ومديت ايدي.. ومسحت دموعها

ياريت بايدي ياسوزان.. مكنتش هربتك وخاطرت بيكي وبيا.. 

اتهزت وقالت.. يعني ايه؟ 

صوت كلام الشيخ اثر فيا.. عن الفرصه التانيه وعن العشق ولذه العشق في الدنيا

انا عاشق ولهان ليها.. 

ولقتني بقول..

ـ يعني ياصبيه انا عاشقك من زمان ومن وقت مكنتي بتيجي لصبا.. 

من وقت ماشوفتك وانا عاشق ولهان.. 

متخلتش عن عشقك وانتي شيخه ودعيت كتير يقرب المسافات بينا.. 

تفتكري بعد ماربنا استجاب لدعايا..هقدر افرط فيكي..

انا بعشقك ياسوزان..ولو تقبلي بعاشق فقير لا يملك قصر وجاه..في الدنيا..

هكون اسعد راجل عاشق في الدنيا..

ارتعشت ايديها ووشها احمر..

ابتسمت علي خجلها ومديت ايدي ورفعت وشها..

وسألتها..

تقبلي بيا ياشيخه سوزان...

دموعها نزلت وقالت..وانت هتقبلني بعيبي ياسامر.

انااا...

حطيت ايدي علي بوقها وقولتلها ماتكمليش..

اديني وادي نفسك فرصه تانيه..

فكري براحتك واللي حصل ليكي ولا هيزودك ولا هينقصك في عنيا..

ـــــــــــــــــــــ

سوزان..

نزلت السلم وانا طايره..

معرفش ازاي نسيت اللي حصلي..

واني اتخلقت من جديد واحده تانيه..حره.

او تكون عيون سامر صابتني باللعنه الابديه

او يكون نبوءه الست الغجريه لامي زمان..كانت صحيحه ونسل ثريا هتصيبه لعنه ابديه..زي ماانصابت هي بلعنه العشق اللي حكتلي عنها زمان..

احنا شيوخ والمفروض مش بنآمن بالنبوءه والفنجان..

بس انا وامي..كنا دايما عالمشيخه مش راضين..ويمكن دا اللي خلي دريه تنتقم في امي فيا..

معرفش أذيناها في ايه..؟

↚

امي طول عمرها كارهه زاهده..لابويا..كنت بسمعها بوداني بتبكي من معامله ابويا ليها وليا..

ابويا اللي بيجي لحدها وبيبقي عامل زي الطفل الصغير رغم قسوته وجحوده الا انه عاشق لثريا ويمكن دا سبب كره دريه..

العشق..اللي زيها ميعرفوش..مش بيأمن بيه..

العشق عندهم للفلوس والمشيخه..ياريتها كانت خيرتني وانا عطيتها ليها بكل حريه..

وكانت سابتني افرح بان سامر عاشق ليا..

اااه قويه خرجتها وانا بترمي في حضن الخاله ماجده...

مستنيه  مكالمه امي ليا..عشان تحكيلي واحكيلها..

مشت الخاله ماجده ايدها علي راسي وشعري السايح وهي بتبارك وتسمي..

قولتلها...

شعري الجميل دا تربيه امي..

ابتسمت وقالت..ربنا يجمعكو من غير ميعاد زي مافرقكو من غير ميعاد ياسوزان..

وكأن دعوتها شقت السما وانقبلت..رن تليفوني باسم امي..

شهقت وانا برد عليها..

ماما..

وصرت احكي واحكي كل اللي في قلبي..

ــــــــــــــــــــــــــــــــ

بالجنوب..

القصر..

اول مالمحته داخل اوضه دريه بعد ما رماني بنظره من عينه.. يمكن لو مكنتش عاشقه وقلبي لغيره كنت حبيتها..

يمكن لو استخدم معايا الحنيه واللين..كنت لقيت اللي يتشفعله..

بس هو متملك وقاسي..والدم كله عنده حلال..

بكره اسمه وانفاسه..بكره كل حاجه بتقربني ليه..

الغبيه مراته مفكراني هموت عليه..وااه لو تعرف اللي بيا..

اني كارهه حاقده..لكل اللي حواليا

ومفيش غيره في قلبي وعنيا..طارق..

وكأن صار اسمه اسهل بعد ماخرجت كل اللي بيا لساجي والياس..

اتنهدت ودخلت بعد مااتاكدت ان مفيش حد الليله هينغص عليا..وياليت..

وجريت قفلت علي نفسي واتصلت بسوزان..

حبيبه ماما..عامله ايه..؟

ابتسمت براحه وبدات تحكي ليا..

من حكاويها عن سامر زمان ونظراته ليها كنت عارفه انه عاشق ليها..ابتسمت

وقولتلها...

سوزان..

ردت..نعم؟

انا موافقه ياسوزان..اتجوزي سامر..بس مش دلوقت..

اصبري شويه..

ردت..بلهفه..بجد؟

ـ اه بجد اسمعيني ياسوزان..انا طول عمري بعتبرك صحبتي مش بنتي..

مدام حسيتي انك مياله لسامر..وفي شئ من ناحيتك ليه..

اديله فرصه....شهر..شهرين..لحد ماربنا يحلها..

نفسي البسك فستانك بايدي..

نفسي اشوفك واملي عيني منك وانتي عروسه..

نفسي احقق حلمي بيكي..

اديله فرصه وافتحي قلبك ياسوزان..وانسي كل اللي فات..وربنا هيجبلك حق من كل اللي اذوكي..عايزاكي قويه..تعرفي تاخدي حقك من الدنيا فاهمه..

ـ فاهمه يااحلي ماما في الدنيا..

ـ وانتي احلي بنت في الدنيا..ربنا يخليكي ليا واشوفك احلي عروسه ياعمري..

اسمعي ياسوزان..

ـ نعم ياماما..

انا بعتلك مع العزازي فلوس الياس ادهالي وورقك والفيزا ..قدمي في الجامعه..واشتري لبس وهدوم عايزاكي تعيشي حياتك وتنسي هنا وابقي خلي سامر يطل علي الغجر عشان محدش يشك فيه..

ـ ارتعشت وقالت..إلياس..؟

ابتسمت وقولتلها..قولتلك إلياس مش عدو واللي زرعته ليكي ثناء كان حقد منها ليكي..

كانت بتخطط هي ودريه لكدا..ماهي مطلتش في اخوكي حق ولا باطل..

اسمعي ياسوزان..الياس عارف اني هربتك،اخوكي مش عبيط،ومش بعيد يكون عارف انتي فين ومع مين،ومامنك كويس..  الڤيزا اللي بعتهالك بتاعت إليااس اصرفي منها..

ومتحمليش هم..احنا في ظهرك دايما..اخوك سندك اوعي تنسي دا..

ـ حاضر ياماما..بس انتي صحتك عامله ايه؟

متحمليش هم ياسوزان..انا كويسه..الياس وعارف جنبي..خليكي انتي في نفسك بس فاهمه..

فاهمه ياماما..بس مهران..؟

جزيت علي سناني مش طايقه اسمه...

مهران انا حكيت لالياس وعارف علي اللي عمله..وانتي عارفه دواه الموت..في عرفنا الخاين وقليل الاصل لازم يموت..اخوكي قالب عليه الدنيا وهيجيبه..

مسيره يرجع مش هيهرب العمر كله..

انسي وعيشي حياتك..ومتتصليش بيا..هتصل انا بيكي..

واوعي تبعتيلي تاني عالنت لان انتي عارفه ابوكي بيفتش فيه فاهمه...

حاضر يااأمي..

وانا بكلمها سمعت حد.بيسحب من ورا الحديقه..

ماانا جناحي عالحديقه..انا بحب البراح والخضره وعندي الربو ولما بتجيلي الازمه ببقي عاوزه هوا..

عشان كدا مبطقش البيبان مقفوله..

خلصت مع سوزان واتسحبت..وفتحت الباب اللي بيودي للحديقه..

انصدمت لما لقيتها ثناء..

وقفت واستمعت ليها بتحاكيه في التليفون..

واللي سمعته..كانت صدمه..علي فرحه ليا..

رجعت وفي قلبي نار واقسمت لاجيب حقي وحق بنتي من كل الدنيا..

لما رجعت ولسه بقفل الباب لقيته  ورايا بيحضن فيا..

شهقت وقولتله..انت..؟

انت مش كنت عن دريه

غمض عينه وارتمي علي  السرير وسحبني  ونام علي رجلي وقالي..

ميتا هترضي عليا..حني ياثريا عليا..

قرفت من نفسه وحسيت بخنقه والازمه رجعتلي..

بعدته عني..وعينه قادت نار..عرفت ان الليله مش معديه

مديت ايدي وبقيت باخد  نفسي بالعافيه..

قولتله..عشان خاطري كفايه اذيه..

غمضت عيني ورحت في دنيا تانيه..

جري حاوطني وجبلي بخاخ الازمه..فوقت شويه..

وكالعاده قرب مني..وبقيت مش دريانه بالدنيا..

وزي العاده..لما بتعب بينتهزها فرصه ويتحكم فيا....

واااه وااه من جلد روحي بعد الليله دي..

مدرتش بنفسي همست باسمه..اللي مخبياهوبقالي سنين جواتي.. طارق..

عيني راحت في حته تانيه..

وهمست ليه باسمه هو..طارق..

وكأني شيطان اتربص بيا...مد ايده ضربني ..جرحني..وكل القصر اتلم عليا..

ـــــــــــــــــــــــــــــــــــ

الاسكندريه..

علي شط البحر..

البحر والسما والنجوم بيفكروني بيها

هو انا نسيتها..

انا عشت ناسك زاهد، راهب في عشقي ليها

اتحملت الوحده..والهجر والنفي وفضلت علي وعدي ليها..

عارفك ياعشقي..مجبوره وانا علي وعدي ليكي..

حلفتلي في ليلتنا قبل الفراق ماهيلمسني برضايا.ابدا

سالتها وانا ببكي في حضنها زي العيل الصغير ولو حصل..

قالتلي هيبقي غصب عني ياطارق..انا مش زيك.. اكيد هيغصبني وبكت..

مسحت دموعها..وحضنتتها بكل قوه وسامحتها..

ماانا عارفه هيبقي مش بايديها..

غجريه اسرت قلبي❤اسما السيد♥

يومها بكيت في حضنها زي العيل الصغير وانا بودعها...

بودع كل حاجه حلوه فيها..

بودع وطني في حضنها..بودع روحي اللي بفراقها هتفارقني واعيش زي الميت

ااه..ياقلبي..

بعدك عشت تايه ضايع لا ارض ولا وطن..

عايش علي ذكراكي..

كل فتره بتعسس علي اخبارها واطمن انها عايشه..بس  عارف انها، عايشه ميته..

زي حالي.. 

في كل مناسبه وكل نجاح بفتكرها وبتخيلها جاري.. 

عارف انها لسه عالوعد ماهو قلبي بيحس بقلبها

ثريا مش بس حبيبتي..لا..دي روحي بتجري  في دمها...بتحس بيا..وبحس بيها.

حطيت ايدي علي قلبي وانا حاسس بوجع رهيب..

حاسس انها في ضيقه..ياريت بايدي ياعمري وانا اخدك من كل الدنيا في دقيقه..

فوقت من حزني وشرودي بيها كل ليله 

علي صوت قاسم..صاحبي من ايام الدراسه

هو الوحيد اللي مخفش مني وقرب من طارق الغجري..

مخفش وقبل بيا واللي بينا اكتر من اخوه..

ـ مالك ياطارق فيك ايه؟

مش عارف ياقاسم..موجوع صدري بيوجعني اوي..

حاسس ان ثريا في ضيقه..

قاسم بحزن..انت لسه برده ياطارق بتحس بيها..

بعد السنين دي كلها..لسه منستش..؟

طارق بتعب..انسي..طب انسي ازاي؟ وانت عارف ايه اللي بيني وبينها..

دانت كنت شاهد علي كل وجعي..

قاسم بحنان..عارف ياصاحبي..قوم معايا خلينا نتمشي عالبحر..

انت خلاص ضيعت الليله وامل قالتلي متخشش البيت روح لصاحبك..

طارق بابتسامه حزينه..ماانت واقع اهو..لما حكتلي مصدقتش معقول الشيخ قاسم واقع

ومن مين..طول عمرك بتبهرني باخلاقك ياقاسم..

قاسم بابتسامه.ياااه ياطارق والله ولا انا اتوقعت اني اعشق وبالطريقه ديا..

يمكن لو مكنتش شهدت قصه عشقك لثريا مكنتش امنت بالحب والمحبين..

انا وقعت  للشوشه.. من اول مره عيني حطت عليها..فاكر لما اتصلت بيك وانا تعبان ومش عارف اخد قرار

طارق..يومها قولتلك ارمي ورا ضهرك ولو حاسس بالعشق امسك فيها بايديك وسنانك..

العشق بيزورنا مره واحده..واللي حصل ليها مش قضيه..اكسب ثوابك وخد من حياتي عبره..

قاسم بتنهيده...حبيتها ومدورتش علي اي حاجه..اديت نفسي قبلها فرصه تانيه

والحمدلله..رضيت ورضاني دا وعد الحق في الدنيا..

عارف ياطارق لو مكنتش وقعت بالحب وحبيت يمكن كنت تلاقيني بأنب فيك دلوقت واقولك انت مجنون في حد يوقف حياته علي وحده ست..واتجوزت كمان وتلاقيها خلفت..

طارق بحزن..ودلوقت.؟

قاسم بتنهيده وهما بيتمشوا علي شط البحر زي زمان..زي ماكانو طلبه بيدرسو هندسه مع بعض

دلوقت هقولك..لو عشت عمرك راهب..عازب من غير جواز..متديش قلبك الا اللي يصونه.

اللي تحس وانت بين ايديه انك مالك الدنيا بحالها..

يكون مالي عينك وقلبك ومكتفي بيه عن الدنيا...العشق حلو..وحلو انك تفضل عالوعد..وان مهما طالت السنين..ميهزكش بعد..

طارق بوجع..وهو بيمسد قلبه علي اسمها..

وانا والله ياثريا عالوعد..

↚

ادعيلي ياقاسم..ادعيلي ياصاحبي يفك اثري واثرها...

قاسم بمراوغه..ادعيلك تنساها..؟

طارق بلهفه..لالا اوعي..ادعيلي يقرب مابيني وبينها..ادعيلي وقولي يارب ارزقني قربها..يطبطب علي قلبي وقلبها..

قاسم..وهو بيهز دماغه بسلطنه لتواشيح الفجر بصوت  النقشبندي اللي بيعشقها.. 

وياما رددها هو وطارق ايام ماكانو طلبه..

مَوّلاي إنّي ببابك قَد بَسطتُ يَدي.

مَن لي ألوذ به إلاك يا سَندي؟

أقُوم بالليّل و الأسّحار سَاجيةٌ

أدّعُو و هَمّسُ دعائي. بالدموع نَدى

بنُور وجهك إني عائذ و جل.

ومن يعذ بك لَن يَشّقى إلى الأبد.

مَهما لقيت من الدُنيا و عَارضها.

فَأنّتَ لي شغل عمّا يَرى جَسدي.

تَحّلو مرارة عيش فى رضاك.

و مَا أطيق سخطاَ على عيش من الرغد.

من لي سواك؟ ومن سواك يرى قلبي ويسمعه؟

كُل الخلائق ظل في يد الصَمد.

أدّعوك يَاربّ فأغّفر ذلّتي كَرماً.

و أجّعَل شفيع دعائي حُسن مُعتَقدّي

و أنّظُر لحالي.في خَوّف و في طَمع.

هَلّ يرحم العَبّد بعد الله من أحد؟

مَوّلاي إنّي ببابك قَد بَسطتُ يَدي.

مَن لي ألوذ به إلاك يا سَندي؟

سحبته واحنا بنردد التواشيح زي زمان.. 

ماهو مفيش احلي من لقي الاحباب بعد الغياب.. 

تعالي نصلي الفجر..وادعي وقول يارب انا لسه علي وعدي لها..قرب مابينا..ولو قدرنا البعد..

قرب مابينا..وحنن القلوب القاسيه علينا

صرخ بصوته كله..وقااال يارب..

وانا زيه بقول يارب..ماتبعدنا عن بعضينا..

ـــــــــــــــــــــــــــــــ

بالجنوب..

مهره..

ادورت ليه..وقولتله. نعم ياعا...

قصدي ساجي..

ابتسم وعطاني شيكولاته كان مخبيها في جيبه..

وقالي 

احلي ساجي سمعتها في حياتي..

ـــــــــــــ

ساجي وااه منه...انا معرفش ايه جرالي..

انا معنتش مهره...انا بقيت مهره عاشقه ساجي من يوم المستوصف وهو في بالي ليل نهار

وقصته اللي حكهالي زي الحواديت..

قعدت تاني جاره..وقولتله...خليني معاك لحد مالفجر يأذن..

ابتسم وقالي..خليكي جاري..عشان الصبح عاوز اقابل الزناتي..

ـ ليه ياساجي؟

ـ ابتسم وقالي..متقلقيش..الزناتي الوحيد اللي هيقدر يساعدني وعشان يطمن لما يشوفني معاكو..؟

انا مش هقدر اسيبكو لوحدكو..بعد كدا..

ـ ابتسم وهو بيفتحلي الشيكولاته..افتحي بقك ياقلب ياساجي..

انا فعلا كنت جعانه جدا..محستش بنفسي..

فتحت بوقي زي المغيبه...

وهو بيحكيلي...حسيت اني لاول مره...بنت..

لاول مره انسانه وحد بيهتم بيها..

روحي التايه رجعت تاني..

ارتميت علي كتفه وهو حاوطني بدراعه..وهمسلي..تتجوزيني يامهره..

ارتعش جسمي..وفتحت بقي..هااا.

ابتسم وقالي..الصبح هحكي حكايتي للزناتي..

انا غجري ابا عن جد..وانتي كل حياتي..

انا عاوزك جاري في انتقامي..

هزيت..راسي وقولتله..بس انا معرفش مين اهلي؟

انااا..

ــــــــــــــــــ

ساجي.

عمري مااكنت جد زي دلوقت..مهره وقربها مني بيريح بالي..

انا مستعد انتقم من كل الدنيا بس اجي آخر الليل واحط راسي في حضنها وارتاح..

معرفش ايه حصل..انا عاوزها..عاوزها معايا..

برتاح معاها..وبين ايديها..بنسي المي من كل الدنيا..

فجأه لقيت لساني بيردد.

اتجوزيني يامهره...؟

خوفت تقول لا..

حطيت ايدي علي بوقها..

مهره..

من اليوم انا اهلك وانتي اهلي...لو هتكلمي علي موضوع الاهل..فأنا ميهمنيش..

انا عاوزك انتي....عاوزك جمبي يامهره...متسبنيش

انا من اول ماعيني وقعت عليكي ودمي جري  في دمك...وانا عاشقك..

اول مالفجر يهل هروح للزناتي..ومتعترضيش

فجأه..

وانا اهو يابن النوارس..ايه عاوز تقوله للزناتي.؟

ـــــــــــــــــــــــــــــــــــ

في الصحرا

الياس..

واه ياصبا...

عرفتي بقي اني مش بايديا...انتي اللي رميتي سهمك عليا...

انتي السبب في اللي جرالي..واللي بيجري ليا..

صبا...

حكيت لها وهي ساكته بتسمعني...

طول الليل بحكي لحد ما قرب الليل ينجلي ويطل علينا الفجر..وهي ساكته في دنيا تانيه..

صحيح العقد طلع  زي مابتجول، بلح..لان المكاره اتلاعبت بيه بس هي واثقه اني مادام وكيلها ردد ورا الماذون فهيا مرتي.. وانا عملت نفسي ان لعبتها دخلت عليا..

غمضت عيوني وانا حاسس بوجع الدنيا..

ونمت علي رجليها...بصتلي بدون كلام..

صبا..انا مش هجدر ابعد عنك..

ابتسمت بحزن..ولا هتقدر تقرب يابن النوارس..

اتفعلت وقومت..

انا ملكك ياصبا..تعالي نمشي من اهنه..مش عاوز غيرك لا غجر ولا نوارس..

رفعت حاجبها وقالت...

ومرتك..؟

ابتسمت من غيرتها اللي بداريها بغيظها..

ـ مفيش في القلب غيرك ولا حد ياخد مكانك..

مقدرش ياخد حد مكانك..يشهد الله عليا..اني عايفها..

وساجي عارف بحالي..؟

فجاه قامت..

لا هروب ينفعني ولا هكون علي ضره يابن النوارس..ولو عشقك قوي زي  مابتقول..

يبقي يافي النور..يا ترضي بحالك..وزي مايكون يكون...

خرجت.. سحبتها بقوه..رايحه وين ياصبا.؟

علي بيتي يابن النوارس...

حطيت ايدي علي قلبي...

وقولتلتها..

اديه انتي قاسيه ياجلب ابن النوارس...

نفسي اسمعها منك ياصبا..

غمضت عنيها بحزن..هي ايه؟

ـ إلياس

قولي الياس...نفسي اسمع اسمي من بين شفايفك..

ابتسمت ومدت ايدها...مشتها علي دقني..

وهمست..

الياس..

قولت..ااه..ياقلب الياس..

ـــــــــــــــ

صبا..

فضلي يحكيلي الليل كله..قابلني فين..وعشقني ازاي..؟

ازاي بعد عني..؟

ازاي حاول ينساني ومقدرش؟كم مره جيتله في احلامه؟

وانا بقوله قرب متبعدش..

فنجاني مكدبش..والطويل الاسمراني اللي بشوفه كان هو..

لو عاشق فانا دايبه من اول ماعيني حطت في عينه..

لو مضيت غصب...فانا دلوقت راضيه...

ماانكرش ان كدبت عليه وقولتله اني مضيت بايدي الشمال..

انا بس دماغي السم زي مابيقولي العزازي اشتغلت..ومن خبرتي ودراستي للحقوق..

عارفه انا بقول ايه؟

بس كل اللي حكيته فعلا حصل،بس يومها مهتمتش انا بمضي على ايه...وفاتت الايام..

فات سنه واكتر.ونسيت..نسيت تماما..بس اظاهر ان فنجاني منسهوش

الياس عشق كل البنات..بس انا اللي عشقها هو..

كرهي لثناء واللي عملته في سوزان..قادت فيا نار الانتقام..

لازم انتقم منها..وبصراحه مين في الدنيا ترفض عشق الياس النوارس..

فجاه لقيت قلبي بيقولي متكدبيش ياصبا..

انتي كمان عاشقه لابن النوارس..

من زمان بتحبي تسمعي عن حكاويه ولما كان يعدي مره علي سوزان متجيبش سيرته كنتي هتجنني وتسأليها عليه..

فوقت وهو بيمد ايده..ويسحبني لحضنه..

استسلمت..ماأنا للاسف حتي لو عرفي انا مراته..

ويحقله...وانا بصراحه..مرتاحه..

مرتاحه اووي..بين ايديه..لقيته..

الامان..وانا قلتلكو..اعمل اي حاجه عشان احس بالامان..

همسلي..صبا...خليكي الليله جاري..

مديت ايدي وهو مكلبش فيا بيقربني ليه..

وحضنته اكتر..انا محتجاله..محتاجه لحضنه

ينسيني قرف الليالي..

وهمستله..هفضل جارك..

وهنا ابتدت مرحله تانيه..

عشق مجنون بيني وبين ابن النوارس..

ـــــــــــــــــــــــــــــــــــــ

عشقك في وسط القلب معلم..

عشق صبيه لشيخ مجنون..

عشق حلال وسط مجون..

عشقك انت ياكل الكون..

ياللي بقربك صار لحياتي طعم ولون..

قرب مني..واعرف اني..لغيرك عمري مااكون..

هيفضل عشقك ساكن قلبي..وين ماروحت وين مااكون..

عشق حلال وسط مجون..

عشق صبا لشيخ مجنون..

   عشق شيوخ...

↚

بعد شهر... 

(إلياس)

بمركز تدريب الفرسان... 

ياساجي.. قولتلك خلاص جربت اوصله.. اهدا انت بس.. 

ساجي بقلق.. عاوز اخلص ياالياس.. حاسس اني حامل حمل جبال... 

ألياس.. بحب.. اهدي انت بس.. خلينا نلتفت للسباق الاول وننهيه علي خير وبعدها نلتفت للي ورانا.. 

اللي ورانا كبير وخطير.. واني مبحبش التهور.. بكفياني اختك وعمايلها.... الله يرضي عليك ياساجي انا تعبت من تهورها وجنانها.. 

ساجي.. بانتباه.. مهره قالتلي انها كمان بدأت تلاحظ توتر صبا.. تفتكر عرفت حاجه.. 

إلياس.. بتعب.. بقالي شهر بفهم فيها تبعد. عن قرايه الفنجان مبتبعدش.. صبا عندها قدره خارقه معارفش ان كانت لعنه ولا سحر ولا خدمه ربانيه..المشكله اني متاكد انها بتكدب عليا..وكام مره تسألني عن وكر التعابين..

أختك ماهتجبهاش البر..

 حاولت اشتت انتباها ومجدرش ولولا اني علطول ممشي مصيلحي، وراها كانت انتهت من زمان..

مش جادره تقتنع اني خايف عليها.. وان اللي بدور وراه انا عيني عليه من زمان..

ساجي.. الموضوع خطير ياألياس لو حد منهم اكتشف ان  صبا بتعسس وراهم .. هينهوها وينهو الغجر والموضوع متشابك من زمان..

وكل بيستني للتاني علي غلطه..

إلياس... بترجي، جوزني صبا ياساجي.. اظن دلوك تقدر تكون وكيلها بشهاده ميلادك وبطاقتك الجديده..جوزهالي خليني ابعدها عن اهنه لحد مانبقي بأمان..

ساجي..لا يااالياس مش هدخل اختي لعش الدبابير برجليا حياتك دلوك علي كف عفريت

وباي وقت هينكشف المداري واللي بنخططله بقاله سنين..

انا وانت اتكلمنا في الموضوع دا قبل كدا

وخلصنا ودا راي الزناتي نفسه..

دا اتفاق ياإلياس..

إلياس ..انت مش شايفني راجل واقدر احمي خيتك ياساجي..

ساجي بهدوء..لو مش شايفك فارس ياالياس مكنتش جبلت بمقابلاتك مع خيتي ليلاتي وانت فاهمني، انا ببقي مطمن انها معاك وتحت عينك..احسن ماتسرح ورا خيالاتها..

ألياس بغيظ..خيتك بالاساس مرتي،انا بس عاوز يكون رسمي..خيتك دماغها سم، ومفكراني مخبرش مكرها..

بس انا سايبها بمزاجي..لان انا فعلا غلطت لما اتفجت اجده مع العزازي..

بس متوقعتش مكرها يوصل لانها تقول انا ماضيه بايدي الشمال،دماغ ابلسه

ساجي بضحك..ودا اللي مطمني عليها ومطمن ان صبا معاها،يااخي دا الزناتي نفسه بيخاف من دماغها

مشوفتوش وهو بياخد رأيها زي الرجاله.

وبعدين..ناس هايصه وناس لايصه..

إلياس بابتسامه، دا قر ده ولا ايه؟

ساجي..اه..الزناتي حكم راسه ومرضيش يجوزني مهره الا لما ارفع راسي، واجيب حق امي من عينهم..وساعاتها يعلني غجري ابن غجري

إلياس بهدوء..كل يوم الراجل ده بيزدني فخر بيه..فعلا مش بالمشيخه والمال

راجل ولا كل الرجال..

ساجي..بتنهيده..عندك حق..انا عمري ماكنت فخور بحالي قد ماعرفت اني غجري..

المهم كيفا سوزان...؟

الياس..تمام..الحرس مبيفرقوهاش واتأكد بنفسي انها باأمان وخصوصا مع سامر..

ساجي..سامر طلبها مني ياالياس....اخر مره كان هنا..طلبها مني.

ألياس..اه ثريا جالتلي قبل ما يحصل اللي حصل،.ومبدايا معنديش مانع بس مش دلوك..انت عارف من الليله اياها واللي حصل وتعب ثريا وابوي قافل عليها مبتخرجش..حتي التليفون اخده منيها..

لولا ان بيخاف مني مكنش خلاني اقرب منيها..

ساجي..إلياس،اللي بيحصل لثريا ميتسكتش عليه بكفياه اجده..

ايه رايك نهربها..

إلياس بتنهيده..فكرك مفكرتش في اجده لو قالت هربني بس او لمحت كنت هربتها من ساعتها،بس سكوتها وحزنها واجع قلبي،بس نخلص من الخطر اللي بيهددنا دا واللي عاوزاه هعملهولها ولو هدور علي طارق ده في الدنيا بحالها..

ساجي بهدوء..طارق في اسكندريه علي فكره..

ألياس بصدمه...عرفت كيف؟

ساجي..سامر

ألياس بحده..متخلوص انت هتنجطني بالكلام..

ساجي..اهدي بس ياإلياس..الموضوع ومافيه..

ان الشخص اللي ساعد سامر طلع صديق لطارق وخده شغله في الشركه بتاعته بقي راجل اعمال كبير جدا وله هيبه

ولما سامر سال علي اسمه اتفاجأ انه ابن الزناتي زعيمنا عشان كده طلب من الوسيط ميقلوش انه من الغجر..دلوك لانه كان عارف بقصه طارق وبعده عن الغجر..

سامر بقي لما رجع وحكي ليا وللزناتي..الزناتي طلب منه ميعرفوش حاجه وقاله انه بيتعسس عن اخباره من سنين وعارف انه رجع وانه ابنه متهور ولو رجع مهيسكتش ولا هقدر ابعده عن ثريا ومادام هو بخير خلاص

إلياس..يااه الراجل ده جبل..بس معقول طارق نفسه بالمكانه دي وميعرفش حاجه عن الغجر

ساجي بهدوء..لا عارف سامر قالي انه سمعه بيحكي مع وبيساله عنيهم انما مين ميعرفش

إلياس..شوقتني اعرف طارق دا اللي ثريا مخلصاله لحد دلوك وقايده النار في مهران..

عموما..

انا هسافر بعد يومين لسوزان..اطمن عليها..وهاخد صبا معايا..

ساجي بحده..لا أختي مش هتروح وياك..

إلياس بقوه..مبخدش رايك..صبا مرتي ياساجي..قبل ماتكون خيتك وبعدين هي حابه تشوف سوزان..

ساجي..جربك منها هيخلي العين عليك وعليها 

ولو ابوك دري بشي محدش هيناذي غيرها واللي بنخططله بقاله زمان هينزل علي فاشوش..بلاش تهور ياالياس..

إلياس بتتويه..عملت ايه بالعزازي.؟

ساجي بتأفف. هعمل ايه اديني حابسه بياكل ويشرب..قلبي مش مطاوعني احش رقابته،مهما كان دا ابويا،كل ماقربله يفضل يتوسلني،وقلبي بيحنله غصب عني ياألياس، وكمان حاسس انه عارف حاجه عن اهل مهره ومداري كل مابسأله بيقولي مأنش الاوان.. هسلمه للبوليس بس مش دلوقتي..

إلياس..متحملش نفسك فوق طاقتها..ياساجي..قولتلك سلمه للزناتي..

ساجي..مش جبل مااوصل للطبيب اللي زور ورتب مع حربيه والعزازي..ساعتها هبقي مسكت اول الخيط..وابدا انتقامي.

الياس.متجلجش جربنا نوصله وجريب جوي..

المهم..

قبل مايتكلم كان داخل مصيلحي ينهج وياخد نفسه بالعافيه..

 الحق ياالياس صبا..

قلبي وقع في رجلي، وانا بقوله

ايه اللي حصل صبا ايه جرالها..؟

مصيلحي بخوف..صبا راحت ناحيه، وكر التعابين وبتحوم حواليه..مجدرتش عليها وشتتني، وهربت مني..

ألياس بجنون..انت جنيت وليش مااتصلت عليا.ياغبي.

معتصم..وانا بجري وراها تليفوني انخفي..مكنش قدامي حل غير اني ارجع ليك..

النهارده شوفتهم داخلين الوكر..ياالياس وشكلهم بيحضرو لنصيبه كبيره..صبا في خطر..

قبل مايخلص كلامه كنت جهزت نفسي بسرعه وكممت وجهي وحملت سلاحي وخرجت من الباب الخلفي..

صبا مجنونه وهتجنني معاها مش قادره تصدق اني اللي بتفكر فيه..هو الموت ليها..

وانها هتقوم حرب الرجاله اللي بيتلككولها بقالها سنين..

ركبت الدفع الرباعي ياجل ماتشق الصحرا واوصل بسرعه..

حاسس اني جلبي هينخلع..عمر ماجلبي انوجع الا عليها، لمحت ساجي ورايا..

الياس بحده..ارجع ياساجي..مينفعش نروح احنا الاتنين..لو انكشفت..لازم تكون انت في ظهري..

ساجي بحده..مش هسيب اختي.

صرخت بيه..قولتلك خيتك مرتي..دمي وعرضي وجادر افديها بروحي ارجع ياساجي وخد مطرحي..وخبر الزناتي يبعت ورايا الفوارس

يحمو ضهري لحد مااخرج من الوكر

ساجي بحزن..اوعدني ترجعها بالسلامه..

الياس..صبا بجلبي وعيوني..ادعيلي..

ــــــــــــــــــــــــــــــــــ

الاسكندريه..

برافو عليك ياسامر مشاءالله بتتعلم بسرعه..

سامر بابتسامه..كله من تعليماتك يابشمهندس..لولا توجيهاتك مكناش قدرنا نكسب صفقه كبيره زي دي.

طارق بهدوء..دا توفيق من عند ربنا ياسامر..ها قولي اخبارك ايه،يارب الشغل معانا يكون مريح؟

سامر بتنهيده..الحمدلله ياباشمهندس..انا بس كنت عاوز استأذن منك انهارده..

طارق بتساؤل..احنا لسه في اول اليوم ياسامر ليه مااتصلتش قبل ماتيجي...

سامر..كان لازم الورق بتاع الصفقه..انا بس انهارده اول يوم لسوزان بالجامعه ووعدتها اوصلها..

طارق بضحك..مادام فيها سوزان يبقي براءه..

ربنا يجمع مابينكم بالحلال ان شاءالله

سامر بتمني..ياارب..

طارق بضحك..طب ليه متتقدمش ليها لدلوقت.

سامر..اتقدمت واخوها رفض حاليا..مستني مامتها لما تقدر تيجي

 طارق باستغراب، ليه هي مامتها فين..؟

سامر بحزن علي لهفته وبيقول في نفسه وكأن قلبك حاسس..تعبانه شويه..عن اذنك يابشمهندس..؟

طارق بوجع بقلبه..اتفضل..ياسامر.

غجريه اسرت قلبي✍️أسما السيد✍️

(طارق)

حسيت اني قلبي وجعني  فجاه..ومش عارف في ايه؟

من شهر وانا قلبي وجعني اوي،حاسس انها موجوعه وتعبانه..

وعمر احساسي ماكدبني ومش عارف ليه كلام سامر وجعلي قلبي اكتر..

قومت من مكاني وفتحت الباب اللي في مكتبي..دي اوضه عاملها لما بتعب وبفصل من الشغل وقرفه، وببقي شارد فيها ومش قادر..

ببقي عاوز اغمض عيني واسرح فيها

ثريا...

قفلت الباب..وقلعت بدلتي ووقفت قدامي المرايه اللي امرت تتصنع مخصوص عشان اقف قدامها وينعكس اسمها علي صدري فيها 

خلعت قميصي..ووقفت قدامها..

وانعكس اسمها قدامي..ثريا...

رددت اسمها علي لساني بشرود..وعقلي سافر لاجمل ليله عشتها..معاها..كانت ليله مجنونه..

مجنونه وفي قلبي هتفضل محفوره..

ويمكن عشان جنانها ربنا عقبني ببعدي عنها

في الخيمه البعيده..اللي صنعتها بايدي عشان نتقابل فيها

flash back.

قاعد مهموم من كل الدنيا بعد مااتحدد جوازهاخلاص.. وكل السكك اتقفلت في وشي.. 

ببكي واقول يارب.. 

كانت الدنيا بتشتي بقوه ولو كان في امل واحد انها تطل عليا مع نزول المطر.. انتهي الامل اللي فيا... 

غمضت عيوني اللي سال دمعها وأنا بقول يارب.. 

اشوفها لاخر مره وبعدين نفترق.. بس

يارب.. 

سمعت همس ورايا.. 

طارق... 

مصدقتش نفسي وانا شايفها قدامي.. 

ثرياااا.. 

ثريااا.. ضحكت وبكيت وانا بخطفها لحضني.. 

ثريااا.. انتي هنا بجدد.؟ 

بكت علي صدري.. بكت كتير.. اوي... 

ابويا مات، وهيغصبوني ياطارق.. خلينا نهرب من هنا.. انا مش عاوزه غيرك انت؟ 

طارق بحزن.. انكتب كتابك ياثريا.. 

هزت راسها..  باطل.. انا موافقتش.. لازم موافقتي ياطارق.. انا مجبوره

جسمها كان بيتنفض بين احضاني كانت المطر مغرقاها.. 

لمحت بطانيه جبتها، وحاوطها.. وبرده لسه بتتنفض.. 

 ثريا برعشه، انا بردانه اوي ياطارق.. 

شعلت النار وخدتها في حضني، وحاوطها بايدي.. 

تعالي ياقلب طارق.. 

اندارت وهمست ليا.. 

انا بحبك اوي ياطارق.. جسمي ارتعش وروحي راحت.. وانا شايفها بترتعش بين ايديا وشفايفها بترتعش

كنت معاهد نفسي مااغضبش ربنا فيها.. 

معرفش ايه حصل.. مديت ايدي املس عليها يمكن تخف الرعشه.. ارتعشت اكتر وهمست.. 

طارق.. 

وكانت اخر همسه قبل مااتوه معاها في دنيا تانيه.. 

وكأن، طعم شفايفها سحرني وداني لدنيا تانيه... 

محسناش بنفسنا ولا ايه اللي حصل..  اترعشت بين ايديا.. 

وقتها فوقت زي الملدوغ وحضنتها وداريت جسمها اللي عريته بايديا.. 

ثريا.. لالا مش هينفع ياثريا.. 

ثريا وهي بتترجاه.. متبعدش.. انا عاوزه تبقي اول راجل يقرب ليا.. وبعدها خليفهم يقتلوني..

المهم مكونش ليه..

طارق بجنون وهو بيلبس هدومه اللي رماها في كل حته.. انتي مش كدا.. ولا هاخدك. كدا.. أنتي عندي اغلي من كل الدنيا..

بكت وحطت ايدها علي وشها وجسمها عريان قدامي.. 

دموعي نزلت. وقربت منها وبالبطانيه داريت جسمها وخدتها في حضني وانا ببكي علي بكاها.. 

حبيبتي  انتي مش كدا.. ولا هتكوني كدا.. انت اميره يوم ماهاخدك هيكون بالحلال.. مرضاش ليك الذل يااميره.

قربت مني ودفست نفسها في حضني وانا حاسس بيها في حضني وبقول ياارب ماتعاقبني بجناني بيها... 

مديت ايدي وزي ماقلعتها لبستها بايديا.. 

وانا بتأسف  وبستغفر.. دي كانت ساعه شيطان.. مكنش ينفع تكون ليا بالطريقه دي. 

غمضت عيني.. وقربت منها وحضنتها.. وانا بقولها مش عاوزك غير بالحلال ياثريا.. الحلال احلي يااميره.

↚

بكت وحضنتني وفضلنا الليل كله نبكي وصلتها بايديا للنار ومكنتش اعرف اني هتكون اخر لقي لينا 

back.. 

حطيت ايدي علي قلبي اللي ذكرياته معاها وجعاني.. وجعاني اوي.. وانا بقول يارب

سامحني ياارب.. 

عقابنا طول.. بس والله انا توبت واستغفرت.. 

حافظت عليها بروحي وبقلبي.. 

قعدت عالارض ووجع قلبي  بيزيد لا انا قادر اقرب ولا قادر ابعد ورجعت طارق الشاب الصغير اللي فضل طول الليل قدام قصرها يوم جوازها تحت المطر اقول يارب يطلع كدب.. وانا بحلم.. 

لحد ماسمعت ضرب النار واتاكدت ان خلاص ثريا معدتش لطارق ثريا فاز بيها ابن النوارس

وقتها رجعت للخيمه اللي جمعتنا وبكيت بكيت بحرقه بعد ما ابويا لعني وانطردت من القبيله..

بكيت وفي حضني شالها اللي نسيته اخر مره 

كنا هنا في الخيمه.. 

ااه. قويه خرجتها وصوتها وبكاها لسه بيرن في وداني..سامعها بتقول انت اتخليت ليه عني ياطارق..

 خسرت روحي لما خسرتها وخسرت اهلي وناسي بعشقها.. 

لا انا قادر انسي واعيش ولا قادر ارجعلها

ياااارب..

ــــــــــــــــــــــــــــــــ

بالجنوب.. 

ثريا.. 

قدام قفص عصافير جابهم ليها إلياس

اول مره مره احس بطعم الحريه.. اد ايه انتو حزنانين زي حالاتي.. 

بس خلاص من انهارده  هخرجكم.. 

قربت منهم وشلت القفص ووقفت جار شباكي وبايدي طيرتهم وانا ببتسم روحو... انتو حرين.. 

دوقو طعم الحريه.. سامحوني وادعو لي 

يمكن ربنا يفرجها عليا 

بكيت بحرقه علي حالي.. ومش ندمانه.. 

طارق عشقه بقلبي مهما طالت ليالي.. 

ياترا انت فين ياطارق..  وفين اراضيك؟ 

طب اتجوزت.. نستني.. انا لسه عالوعد

لسه مسلمتش بارادتي ولا هسلم ياطارق..

ــــــــــــــــــــــــ

بالقصر.. 

بجولك ياخالتي.. 

عاوزه ايش ياثناء.. اخلصي.. 

ثناء بغيظ لدريه.. مهران خوي عاوز فلوس.. اتصرفي لاحسن بيهددني هيرجع ويفضح الدنيا ويجول لثريا انه ماغتصبش سوزان.. 

دريه.. باااه جان اياك.. ابن الفرطوس ده.. اني لسه مشيعاله اد اجده فلوس.. خوكي جن وبيلعب في عداد عمره ياثناء.. 

ثناء بحده.. ماهي فكرتك من اللول.. ياخالتي وادينا مانبناش منيها الا انها هربت ومماتتش ولا انفضحت كيف ماجولتي،ولا عمي طلق ثريا

لع هيمسك فيها اكتر 

ولا الياس جرب مني له دا بعد عني وفاتلي الجناح كله.. 

دريه بحده.. ماانتي غبيه كيف اخوكي.. معارفاش ازاي انتي بنت ابوكي وامك.. 

داامك وابوكي غرجانين في العشج لشوشتهم.. 

اتعلميلك حبه محن من امك.. 

ثناء بحده.. له ماني تربيتك للاسف والحجد والغل ورثتهولي.. وانا بعرفك لو مااصرفتيش وابنك رجع عن اللي في دماغه.. هيبجي عليا وعلي اعدائي.. والبادي اظلم.. 

دريه..بحده بتهدديني اياك..؟ 

ثناء.  واهدد اللي يتشددلك كومان.. 

دريه بغل بعد ماسبتها ثناء..يبجي انتي اللي جبتيه لحالك ياثناء وهتشوفي.. 

ــــــــــــــــــــــــــــــــ

صبا... 

فتحت فنجاني لاول مره من شهر من يوم ماامي ماتت مفتحتوش. وشوفت مكان بعيد اتاكدت منه بعيوني.. 

واستغربت من الهاتف اللي جاني في وداني.. 

من شهر وعلاقتي بالياس اطورت من العشق للعشق المجنون.. 

بيجن لو غبت ليله عنه.. ويجن اكتر لو عرف اني سرحت.. ومشيت 

الحرس اللي ممشيهم ورايا طول الوقت لوحبيبت اهرب.. مبيقدروش يلحقوني.. 

ويبدا عراكنا المجنون.. بس انهاردا اترسمت الخيالات في دماغي.. 

لما بحكي لالياس اللي بشوفه بينجن وبيقولي دا شرك وجنون.. 

ويبقي هيتجنن مني. 

انا بعشقه وبعشق غيرته وكل شي منه

ومنكرش اني عارفه ان قرايه الفنجان شرك

وياما حاولت أوقفها، بس دي لعنه وصابتني بيه الست اللي علمتني.. 

انا فكره قالتلي ايه يوميها،وقالتلي دا سرنا محدش يعرف بيه؟ 

امي كانت مشغوله دايما بساجي وبعده عنها... ومهره كان العزازي بيضغطها وتخاف منه.. 

لما قربت من الست الغجريه اللي كانت بتلف البلاد تقري الفنجان والودع.. اسمها سوريه.. 

وقتها قالتلي.. هعلمك مهنه تعرفي بيها البدع.. 

كنت طفله لسه وانبهرت باللي بتعمله..علمتني.. 

او بالاخص نقلت حراسها ليا.. 

اللي بيحصلي مش طبيعي دا شغل من ورا الطبيعه زي مابيقولي ألياس.. 

لما بيحكم راسه ويقعد يقرا، عليا.. 

بقعد بالايام طبيعيه،ما بشوفش حاجه.. 

بقالي يومين مبرحش الخيمه.. بس تحكمه فيا وتصرفاته واجباره اني يوديني للشيخ عبدالرحمن

انا مش مجنونه ومليش دخل باللي بيجري ليا.. 

سوريه.. قالتلي زمان.. وقت ما تتمني انك متشوفيش حاجه ويبعدو عنك.. هيبعدو.. دول ناس مش مؤذيه.. 

بس انا من جوايا لسه الطريق طويل مش عاوزاهم يبعدو عني..عوزاهم عنيا 

كل مااقرب من المكان الخيالات تزيد واشوف اوضح..

وقفت في مكاني وحطيت ايدي علي راسي وسرحت وشفت  ايه جوه المكان وعيني اتحجرت..

فوقت وقررت ادخل الوكر دا 

وخصوصا بعد مااتاكدت ان مفيش حد ورايا.. 

قربت من باب الخندق اللي في اخر الصحرا.. 

بعيد محدش يتوقعه..لان المنطقه دي خطر واسمها  وكر التعابين الكل بيخاف منها.

الناس بيقولو ان فيها تعابين عمري كلامهم مادخل دماغي

وجيتوانا ومهره قبل كدا..ولولا اللي حصل يوميها كنت دخلت..

انا مجنونه انا عارفه وبرمي نفسي في النار

بس لازم اعرف ايه بيتم هنا..

انا كدبت عالناس كلها ان معرفش ايه هي الخيالات اللي بتجيلي..

لكن انا عارفه..وعارفه انهم سند سوريه ليا...

امانتها اللي ورثتهالي دول خير مش اذي

وهما عنيا لحاجات كتير..ومبيدلونيش علي شئ الا لو كان فيه أذيه لناس تانيه..

قربت اكتر واستخبيت في مكان محدش يشوفني فيه..

جالي الهاتف في وداني بس ماهتمتش بيقول ايه..؟

وسمعت صوت كلام..كتير... وحاجات بتتشال وتتحط..

غمضت عيوني يمكن اميز مين جوه، او إيه اللي بيحصل..

معرفتش..

اف اتاففت وقررت ادخل ياعشت يامت..

انا متاكده ان في حاجه غلط بدور جوا..

اتسحبت ودخلت..

وفجأه..

ـــــــــــــــــــــــــــ

بالاسكندريه..

ايه رأيك ياخالتي..

ماجده بسعاده وهي بتسمي وتصلي عالنبي..

عسل ياقلب خالتك من جوا..ربنا يحرسك ويحميكي يارب..وبقيتي تتكلمي زينا بالظبط

سوزان بتنهيده..متوتره اوي وخصوصا ان سامر هو اللي هيوصلني..

ماجده بابتسامه..ليه ياقلب خالتك دا سامر جدع مفيش منه..ركزي انتي بس..

ومتخافيش من حاجه..متقلقيش وكمان عيني عليه بارده اخوكي ممشي وراكي جوز تيران..

سوزان بابتسامه حزينه..انا غلطت كتير في ألياس..مكنش يستحق مني كدا..

ماجده بتساؤل..الا مقلتليش ياسوزان..ايه اللي خلاكي تكرهي ألياس.؟

سوزان بتنهيده..في فتره معينه كنت فاكره انهم ولاد عمي وحبايبي..دمي ولحمي مكنتش عارفه انها بتزرع فيا كره وحقد وغل لاخويا..

الياس، كنت عنده خط احمر كان بيخاف عليا من الهوا الطاير..كان بيتحكم في، تصرفاتي 

الاول مكنش في دماغي لان امي كانت بتقول اخوكي بيخاف عليكي..وبيحبك..

لحد ماقربت مني ثناء وبدات تبخ سمها فيا 

ازاي يتحكم فيكي وانه هو بيكرهني عشان من ام تانيه..

كنت طايشه وسمعت كلامها اللي بتخططله من زمان دريه مرات ابويا..

وبدات فعلا مسمعش كلام امي، اللي ياما نبهتني انهم مش كويسين وبيتمنولنا الاذيه..

ولما سافر وبعد زاد الجفا والبعد اكتر.

وبدات حرفيا اخاف منه..وبقي صوته بسمعه زي وحوش الصحرا اللي بيحكو عنهم..

وهو كمان بعد عني، وبقي خلقه ضيق علطول معرفش بقي من كلامهم..ولا قلبه مهموم زينا.وخصوصا ان ابويا جبره علي جوازه من ثناء

اللي كلنا عارفين انه بيكرهها جدا..بس بعد اللي حصل واللي قالهولي مهران، وقالي لو نطقتي من كلامي حرف دريه هتموتك..

ان اللي حصل كله من تخطيط،.دريه عشان تأذي امي..

حسيت اد ايه انا كنت غبيه لما استسلمت لكلامهم..وضيعت نفسي بسببهم..

ماجده بحنان..ولا ضيعتي نفسك ولاحاجه..

دول عالم وحشه..والحمدلله ان احنا اتاكدنا ان انتي صاغ سليم يمكن ربنا عمل كدا..عشان تبعدي عنهم..وتبداي حياه جديده..وتكملي تعليمك.

غجريه اسرت قلبي✍️أسما السيد✍️

سوزان بسعاده..انا فعلا مبسوطه انتي عارفه لما حكيت لصبا في الاول عاللي حصل قالتلي نفس كلامك ان محصلش حاجه ودي خطه غبيه مصدقتهاش، حتي ماما كانت شاكه في الموضوع بس انا كنت غبيه وهضيع نفسي واموت كافره والحمدلله اني حكيتلك..واتاكدنا من الطبيبه..

الخاله ماجده بحنان..الحمدلله ياقلب خالتك انتي طيبه اوي ياسوزان...مش ناويه تفرحي قلب المتعوس اللي مستنيكي تحت دا بقي...

سوزان بفرحه..بجد تحت..هنزل انا بقي..

الخاله ماجده..بضحك..استني ياهبله هو طالع

سوزان.وهي بتبتسم .اهو استنيت اهو..

ماجده بحنان..قوليله ياسوزان..وطمني قلبه..

سوزان بحب..لا عاوزه اخليهاله مفاجأه يوم الفرح..وعلي فكره هو كمان شكله شاكك لانه لما سألني، وحكيتله قعد يسألني اسئله شكل اللي سألتهالي دي..

ماجده بقهقه..اه منكو انتو ياشباب اليومين دول..

رن الجرس..

سوزان.بلهفه..سامر جه..افتحي بسرعه ياخاله..

ماجده..بضحك عليها..حاضر ياقلب الخاله..ادخلي امسحي البتاع دا انا نبهتك اهو قبل ماافتح..

سوزان.. بغمزه شقيه. لا حلو عليا..

فتحت الخاله ماجده ودخل سامر ووقعت عينه عليها..

(سامر)

كنت واقف مستنيها تحت بس مقدرتش..دماغي ودت وجات انا عارف سوزان وعمايلها وياما كنت بدايق من زينتها في الجنوب

بس مكنتش بقدر اكلم ماهو مكنشي في شي بيني وبينها..

انما دلوقت ممكن اطير رقاب عشانها..

دخلت وفتحتلي الخاله ماجده، وزي ماتوقعت لقيتها مطينه الدنيا..

جزيت علي سناني..مفكره نفسها الشيخه سوزان اللي هناك محدش بيقدر يقيم عينه فيها 

رغم زينتها وجمالها..

انما هنا بعمايلها دي هرتكب كل يوم جريمه بسببها...

جزيت علي سناني وقربت منها..

سوزان..

ابتسمت وهي بتقولي يالا انا جاهزه..

استغفرت في سري..

انتي شايفه كدا..

سوزان بمراوغه..اه..تمام يالا..

سامر بغيظ..امسحي اللي علي وشك ياسوزان..يااما خشي البسي النقاب..انا اساسا مش راضي علي خروجك من غيره..ابوكي قالب الدنيا شرق وغرب عليكي..

سوزان..بس مش برتاح في النقاب وعمري ماحد جبرني عليه..

سامر بهدوء عكس اللي في قلبه..ياقلب سامر هنا مش زي هناك..هنا مدينه ومفيش ظابط ولا رابط ولو عاوزه تخرجي كدا ومصره 

↚

يبقي اتحملي اللي هيحصل هرتكبلك كل يوم جريمه..

سوزان بحزن..سكتت..

قربت منها وطلعت منديلي ومسحتلها وشها بهدوء بس مكنش بينمسح..

سوزان بابتسامه مكبوته.اوعي انا هخش امسحه انا..

سامر بابتسامه..هستناكي هنا..

دخلت  وناديت تاني عليها..

سوزان...

دورت وشها ليا..وقالت..نعم..

سامر بحب..متفكري في النقاب..احسن انا بصراحه غيران..

سوزان بغمزه....لا.

سامر بتنهيده..يارب صبرني..الله يسامحك ياخاله ثريا كان لازم يعني تقوميها في دماغها تكمل تعليمها...

ــــــــــــــــــــــــ

بعد ساعه..

قدام كليه تجاره اسكندريه

غجريه أسرت قلبي ✍️اسما السيد ✍️

سوزان بابتسامه..وصلنا..

سامر..اه يا حبيبتي وصلنا..

سوزان

سوزان بهدوء بتحاول تتحكم فيه..نعم.

 سامر بقلق، خلي بالك من نفسك..ومتتحكيش بشباب..

سوزان بمشاغبه..طب ولو هما احتكو بيا..

سامر بغيظ من ردها..سوزان....؟انعدلي..

سوزان..بابتسامه..خلاص والله بهزر مش هكلم شباب..ولا هضحك بصوت عالي، ولو حد كلمني مش هرد..ولو حاجه حصلت هتصل عليك..

والله حفظت..من ساعه ماركبنا عربيه الشيخ قاسم الكحيانه دي، وانت بتحفضني الكلمتين دول

سامر بقهقه..مسمعكيش الشيخ قاسم بتشتمي عربيته كان قالك...مش عارفين قيمتها دي..

دي وش الخير عليا..

سوزان بضحك..ااه قالتلي امل..انه خلاه ورا صاحب العربيه لما اشتراها منه..عشان كانت سبب مقابلته بيها..

سامر بحب..شفتي بقي الحب بيعمل ايه في صحابه...

سوزان. بمشاكسه...بيعمل ايه؟

سامر.وهو بيشوح بايديه بحركه غجريه  ويغمزلها بعنيه...يوووه..بيعمل عمايل مهببه..بس سيبك انت ياقمر..

هو الجميل حلو ليه انهارده..

سوزان بخجل..قليل الادب اوعي هتأخر...

سامر وهو بيمسك ايدها ويرجعها ليه..استني ياجميل..

سوزان..عاوز ايه تاني..انت بقيت سافل اوي ياسامر..

سامر بقهقه..اتقلي دا لسه السفاله جايه ورا..

غمضي بقي عينك..

سوزان..يلهوي عليك..مجنون..والنعمه..اهو غمضت..

مديت ايدي ومسكت ايدها ارتعشت، ماهو استحاله هسيبها تدخل الجامعه من غير رابط يربطني بيها البت زي القمر وعارف ان كل يوم هتشاكل مع واحد بسببها..بس قررت مضغطش عليها لحد ماتبقي مراتي، وساعتها هتبع سياسه الشيخ قاسم..

هخبي جمالها عن الكل وتبقي ليا لوحدي..

ضحكت غصب عني..سمعتها بتقول بغيظ..

خلص ياسامر بتضحك ليه عاوزه افتح..

مديت ايدي ولبستها دبلتي في ايدها الشمال وحذرتها متقلعاش ابدا..

سوزان بتأفف..اف بس احنا لسه مخطوبين مش متجوزين.بتتلبس في اليمين..

سامر بتملك..لا كدا حلوه.ولو قلعتيها هبهدلك وانتي حره..

سوزان وهي بتفتح الباب..اف منك..حاضر...سلام..

سامر بحب..سوزان..

سوزان بتنهيده..ممممم

سامر بغمزه..بحبك..

سوزان بخجل قربت راسها من الشباك..وقالتله وانا كمان..وسبته ودخلت تجري..

سامر بصدمه..انتي قولتي ايه؟

سوزان..

خدي يابت..

حكيت راسي وانا اسعد واحد في الدنيا الخبيثه..قالت بحبك وبتجري تستخبي..

بتتلاعب بيااا.

ماشي ياسوزان..بصيت علي جوز التيران اللي وراها علي رأي الخاله ماجده

وابتسمت..واطمنت انها بأمان..

ــــــــــــــــــــــــــــــــ

بخيمه صبا ومهره..

ساجي رايح جاي زي المجنون بعد مااتاكد ان الزناتي بعد الفوارس ورا إلياس

قربت مهره عليه تسأله..

في ايه ياساجي مالك...

ساجي بقلق..صبا الغبيه راحت وكر التعابين يامهره وانا محذرها ميت مره 

وبزهق كمل، ومحذرك انتي كمان ميت مره لو خرجت ترني عليا..

انا تعبت من عمايلها وجنانها..

مهره بهدوء..اهدي ياساجي..دا بيبقي غصب عنها مانا حكيتلك..

ساجي بجنان..وقولتها ميت مره اوديها للشيخ عبدالرحمن، يعالجها هي الي مش راضيه..

مهره بقلق..ساجي الموضوع مش كدا...صبا اللي معاها عمرها مااذوها ولا اذو حد فينا بالعكس 

انت بس اللي قلقان من حاجه تانيه كبيره..

في ايه ياساجي..وفي ايه وكر التعابين دا..ومتقولش تعابين لان انا وصبا رحناه قبل كده..مفيش الكلام دا..

ساجي بجنان..انتو اتجننتو خلاص رحتوه امتا انطقي يامهره..

مهره بخوف منه..رحناه من سنه كان بردو خيالات جت لصبا ولان بثق في كلامها رحت معاها..

ساجي بهدوء عشان ميخوفهاش..ولقيتو ايه.؟

مهره...مكملناش للخندق..كنا هندخل بس صبا جالها هاتف ان نواعم تعبت وجرينا رجعنا..

ساجي وهو بيترمي عالكنبه.ااه منكو 

هتجبولي جلطه..

مهره براحه قعدت جمبه..مالك ياساجي ايه اللي قلقك كدا انا بخاف لما بشوفك متوتر كدا..

(ساجي)

اول ماقعدت جت جمبي وحطت ايدها علي ايدي..حسيت اني مالك الدنيا بحالها، هديت..

بصتلها ومديت ايدي وخدتها لحضني..

وقولتلها..انتي ازاي كدا؟

بصتلي وضحكت وقالت..ازاي ايه؟

ضحكت علي ضحكتها..ازاي بتقدري تنسيني همي بهدوءك دا..

مع ان اللي بتعملوه فيا..يهد جبال ياشيخه..

وانتي يامجنونه انتي اي حاجه الهبله التانيه تقولك عليها..تعمليها..

بصتلي وابتسمت اكتر وهزت راسها..اه مانا بثق فيها..

متقلقش انت علينا..

ضحكت رغم خوفي علي اختي، اللي متاكد ان الياس بروحه هيفديها واقسمت اني من بعد الليله لسيبه يربيها..لانها تستاهل..طول الشهر اللي فات وانا حايشه عنها..

انما تبوظ الخطط اللي بقالنا سنين بنبنيها وتعرض نفسها للخطر 

الغبيه هضيع خططنا وتفتح علينا نار دلوقتي مينفعش ننفخ فيها..

يبقي لازم تتأدب..

فوقت علي همسها..ساجي..

ابتسمت وخدتها في حضني..وانا بقولها..عيون ساجي انتي...

متخافيش انا لازم  أمشي دلوقتي.. 

مهره بخوف..رايح فين.؟

ساجي بسرعه..افتكرت حاجه مهمه.. هروح للزناتي

مهره..ليه؟

ساجي وهو خارج..متقلقيش..

ــــــــــــــــــــــــــ

بالخندق..

اتسحبت ودخلت..ولسه هشهق، من اللي شوفته..

لقيت ايد بتسحبني لورا..

لسه هصرخ حط ايده علي بوقي وكتمها وسحبني..

وهو بيسحبني حاجه وقعت دبت عالارض..

فشدني واستخبينا في سرداب صغير جار الخندق انا ازاي مشفتوش..

بقيت بعافر عشان يسيبني..

سمعت همسه في وداني لاول مره بلهجه زي لهجتنا...اقسم بالله لربيكي ياصبا

 اخرسي خالص واهدي..

عرفته علطول..يلهوي دا إلياس..

هديت..

وسمعت حد بيتكلم..

ـ ماذا يحدث هنا؟

لا اعلم ايها الامير..

ـ الامير بحده..اذهب لتري ايها الغبي..من يجرؤ للقدوم لهنا....؟

اريده حي..والا قتلتكم جميعا..

سمعت الكلام دا وبعد اللي شوفته..بقيت عاوزه اخرج...

دورت وشي ليه لقيته متعمم ومتكلفت ومش باين منه الا عنيه..بصلي بصه لجمتني...انا عارفاها البصه دي..مبيجيش بعدها خير..

بلعت ريقي  وخرج  من جيبه، شال نفس شاله وكلفت وشي..

وهمسلي في ودني..اهدي ومتخافيش..هخرجك من هنا بس اعملي زي ماهاعمل وخدي دا..

كانوا خرجو يشوفو ايه اللي وقع..

بس اللي لحظته ان ألياس شكله عارف هو بيعمل ايه ودي مش اول مره يجي هنا..

مد ايده واداني مسدس..

هو كان علمني عليه قبل كدا لما اصريت ازاي انشن عليه..

ولقيته بيقول اول مره مندمش، اني علمتك حاجه...

همستله..إلياس..هو في أيه؟

رد بغيظ بعد ما كلفت وشي ومعدش باين مني حاجه؟

انتي تخرسي وتعملي زي مابقولك،اظن تعرفي دانت عندك جرأه مش عند الرجال..

بس نخرج من هنا وهحبسك مش هخرجك

شهقت وزغرلي..فسكت ماانا عارفه اني استحق اللي هيعمله فيا..

بص لساعته وقال..الله يسامحك ياصبا..قومت الحرب اللي هاديه من سنين..

وفجأه..

خطفني من ايدي باتجاه السرداب وقالي اجري ومتبصيش وراكي..

عملت كدا. وانا هموت واعرف في ايه.؟

بردو فضولي هيموتي..

قولت لنفسي وانا بولول..ان مومتش علي ايديهم هخرج وهموت علي الياس وساجي..

اول مابدانا نجري.. لقيناهم بيجروا ورانا..

لحد ماخرجنا من باب السرداب واول ماخرجنا  دارت حرب بالسلاح..

كان في رجاله لابسين زي الياس بالظبط...

ودارت بينهم حرب بالسلاح..

ادير ألياس وضرب نار علي الملثم زينا بس بشال ابيض مش زينا بالاسود..

وقع عالارض..

لمحت واحد تاني بيرفع سلاحه علي الياس..

افتكرت تعليم ألياس  ليا، ورفعت مسدسي وعملت زي ماعمل..وفعلا الراجل وقع الارض.

بصلي الياس وسمعت حد من اللي بيضربو معانا..بسرعه اهربو.. احنا هنحمي ضهركو..

شدني الياس وقالي... بغيظ، وله حق بصراحه، بردو هربيكي ولو قتلتي ميت واحد..

صرخت وانا شايفه مسلح هيصوب النار علي ألياس ولاول مره في حياتي قلبي يترعش مش عشق ولا حزن..لا خووف 

دا الخوف المميت..فتحت عيوني بصدمه والمسلح بيضرب النار باتجاهنا الطلقه عارفه طريقها..

دي راحه ليه..هو..

صرخت بقووه..إلياس..

ـــــــــــــــــــــــــــــ

إلياس...

اسمه إلياس لا ينحكي عليه، ولا يفهموه الناس

وحدها انا اللي ملكت قلبه ولو كدبوني الناس

اسمه إلياس..شيخي انا وليا كل الناس

لو خيروني انا..هختاره بلا تفكير..

فارس اصيل..بيهاودني ويراودني..

فارسي انا..في وسط النار محاوطني..

إلياس..ياقدري الجميل عنك لا تبعدني..

واخد بإيدي دايما ومن حنانه ما بيحرمني..

إسمه إلياس..لاينحكي عليه ولايفهموه الناس.

وحدي انا بقلبه،دون عن جميع الناس

صبا الغجريه عاشقه إلياس.

💖💖💖💖

(اغفر لي)

لمحت المسلح بيصوب علي ألياس.. 

فنسيت تعليماته والي قاله وصرخت باسمه ووقفت قدامه ال يعني هحميه من رصاصه المسلح بس كان هو اسرع مني وجسمه اقوي مني حاوطني بايده ولفني وراه بسرعه وبدل مالرصاصه تيجي فيه كان مديهاله هو في راسه.. 

راسه انفجرت والدم انفجر زي شلال ولسه هصرخ كان سحبني من ايدي بسرعه 

↚

وهو بيقولي قومتي الحرب وارتحتي يامجنونه.. 

انا قايلك ايه؟ 

متتزفتيش تنطقي اسمي.. 

كنا استخبينا ورا الجبل وتقريبا المسلحين اللي معانا قضوا عليهم.. 

قرب من العربيه الجيب وزقني جواها بغيظ.. انا عارفه اني غلطانه بس يعني كنت اسيبه يموت.. 

اتاففت وهو بيدور العربيه وبيبصلي بشر ووعيد

انا عارفه البصه دي.. لما بيبصهالي.. الياس عنده قدره رهيبه انه يهاودني، بس لما بيبصلي البصه دي ببقي عارفه انه خلاص جاب اخره مني.. 

سمعت الهاتف في وداني بيقول حاسبي ياصبا.. 

لسه هتلفت واقوله كانت في طلقه صيباني في دراعي.. 

قولت اااه.. 

صرخ هو وقالي صبااا.. 

لمحت المسلح بيجري ورانا بعربيه.. ولسه هصوب عليه كانت رجاله الزناتي قايمين بالواجب.. 

التلفت بسرعه لقيتها بتقولي.. 

إلياس.. 

وقفت العربيه بسرعه.. وانا قلبي هينخلع.. عليها.. 

متخفيش ياعيون إلياس.. هتبقي كويسه الطلقه سطحيه وفي دراعك.. 

هزت راسها وهي بتبتسم... 

مش خايفه.. 

هزيت راسي من جنانها وسوقت بسرعه مش هينفع ارجع بيها كدا مكنش ينفع غير اني اروح بيها لجزيره الوادي البعيده.. بعيده عن الغجر والنوارس

بعد شويه.. 

كنت نازل وحاملها علي ايدي وهي عنيها بتروح وتيجي.. 

اول ماانفتح باب قصر الجزيره لقيتها بتقولي.. 

أنا شوفت المكان دا بخيالي.. 

جزيت علي سناني وقولتلها.. 

وحياتك ماهتخرجي من هنا تاني.. 

 يا مجنونه.. 

بصتلي بغيظ وارتمت في حضني وقالت..بصوت ضعيف.. 

مش هتعرف يابن النوارس.. 

ابتسمت وقربتها لحضني..

انتي قدري اللي مفيش منه مهرب ياصبا..

ربنا يصبرني علي جنانك..

ـــــــــــــــــــــــــــــــــ

اهدي ياساجي..دلوقتي نطمن..

ساجي بتوتر..اهدي ازاي بس..بقالهم ساعه ومفيش لا حس ولا خبر..

الزناتي بهدوء..متقلقش انا واثق ان ابن النوارس هيلحقها كالعاده قبل ماتعمل كوارس..

وكمان انا بعتله الدعم وان شاءالله ميتهدش اللي مخططينله بسبب اختك وجنانها..

ساجي..بتنهيده..يارب يازعيم..

الزناتي..بهدوء..لقيت الطبيب ياساجي؟

ساجي بقله حيله..بعدت المرسال يقلب عليه في الوجه البحري بس لحد الان مفيش جديد..

والعزازي آكل شارب نايم..ومفيش جديد..

انا مبقتش طايق اشوفه قدامي..

الزناتي..سلمه ليا وانا هعرف استجوبه بمعرفتي.

ساجي..إلياس قالي كدا فعلا يازناتي..

بس..

الزناتي..مفيش بس ياساجي..انا سبتك.الوقت دا كله..اها ومفيش جديد..يبقي سبني انا بقي أستجوبه بمعرفتي واخد تار نواعم..واعرف مخبي ايه عن عيله مهره..

ساجي بحزن..بكره ان شاءالله هيكون في مكان التأديب..

قبل مايتكلم الزناتي..كان داخل عليهم قائد الفرسان الاسمر زي مابيسميهم الزناتي.. اسمه تمام..

ها ياتمام..طمني ياولدي..

تمام وهو بيخلع الكمامه..تمام يازعيم..

قدرنا نخرجها في الوقت المناسب..

وإبن النوارس بيقولك ياساجي..

اختك وياه بجزيره الوادي..

ساجي بصدمه..جزيره الوادي..ليه.؟

ليه مجبهاش علي هنا..في ايه ياتمام..؟

تمام بتنهيده..صبا انصابت بدراعها بس متقلقش سطحيه وإلياس هيتعامل معاها..بس هما محتاجين يبعدو شويه ياساجي..علي مالعين تهدي وانا بعتلهم الطبيب علي هناك..

اختك بلحظه طيش كانت هتضيع مجهود سنين بحالها بنخططله..

ساجي بخجل..من فعله اخته تمام..حقك عليا..انت عارف صبا.

تمام بهدوء..وهو بيبص بعينه برا الخيمه يمكن يلمحها معديه..

هاا ولا يهمك ياساجي..اهو مصايب قوم عند قوم فوايد..

لمحها معديه بترن بخلخالها اللي جننه من اول ماوقعت عينه عليها من ست شهور هنا في القبيله..

وقلبه انخلع...واتنطر.. استأذنكم انا بقي..

نده عليه الزناتي وهو بيبتسم..تمام..

تمام بدهوله وعينه مش عارفه تفارقها..

ايوا يازعيم..

الزناتي بصبر وهو مش عاوز يكسر قلبه.....ربنا يحرسك ياولدي..خلي بالك من نفسك ياتمام..

انت امانه اهنه لحد مايتم المراد..وربنا يقدرنا علي رد الامانع..

تمام بهدوء..وهو بيبص للزناتي..بعد مافهم عاوز يقول ايه..؟

ادعيلي..وباركلي طريقي وانا اتحدي الدنيا بحالها..

الزناتي..راضي عنك ياولدي..

سابه وجري وراها والتف ساجي للزناتي..

ساجي بهدوء..تعرف اني فخور ان طلعت غجري اوي..

الزناتي..وهو بيطبطب عليه..وانا مبسوط اني لقيت خلفي من بعدي..الغجر امانتك ياساجي..

ساجي بتنهيده..

ربنا يطولنا في عمرك يازناتي..

ـــــــــــــــــــــــــــ

تمام..

من ست شهور وانا ماشي زي ضلها..من اول ماوقعت عيني عليها جايه تشتكي للزناتي من ابن عمها اللي بيدايقها..ضحكتها ودلعها وشعرها الغجري الطويل اللي شبه لون الشمس بموجته اللي عشقها..وااه من حسنها وعنيها اللي بتضوي والحسنه اللي مزينه خدها..اااه ياما ضحكت علي إلياس وهو بيحكيلي علي الغجريه اللي اسرته..

ياما حكالي وياما سمعت عن سحر الغجر ومكرهم

ولو قالولي هتقع يوم في عشق صبيه منهم كنت كدبتهم..

مين قال ان العشق عذاب..العشق نار بتكوي في قلبي  من يوم مادق ليها.

طريق الياس صعب بس طريقي انا صعب الصعاب 

ابتسمت وانا شايفها زي العاده بتجري ورا ضفدعه جار الينبوع..

سبأ بسعاده..واخيرا مسكتك..تعالي بقي..

هتشرحي..يعني هتشرحي..

قعدت علي جسر الينبوع ودلدلت رجليها وخرجت من جيبها بكره لزق وكتفتها ايد ورجلين..

وانا واقف جار الشجره مميل ومربع ايدي وببتسم عليها.

خرجت حقنه من جيبها وبصتلها بانبهار..

ولسه هتديها للضفدعه رفعت عينها وبصتلي بغيظ..

هتخليك واقف كدا مش هتيجي تساعدني يعني..

خرجت ضحكتي مجلجله عليها..

وقربت منها..وقعدت جارها عالجسر وبيني وبينها الضفدعه المسكينه..

وقربت من وشها..

مش هتبطلي جنانك دا ياسبأ..دي الضفدعه رقم  مييه اللي بتشرحيها..الرحمه يامجنونه..اكيد دلوقتي بيدعو عليكي..

شهقت وحطت ايدها في وسطها..

نعم..نعم..يعني اسقط انا عشان خاطر جنابك..

وبعدين المفروض امسك فار وانت مش راضي مش ضفدعه..

فتحت عيني بصدمه...

فاار..انتي خلاص الصيدله لحست دماغك..

دانا مش راضي عن عمايلك في الضفدعه..تقوليلي فار..

سبأ بغيظ..تمام..يالا امسك وانت ساكت..

اتنهدت ومديت ايدي امسك الضفدعه فرت من ايدي ووقعت في الينبوع.

صرخت سبأ وحاولت تمسكها فوقعت وراها..

سبأ..عااا الحقني ياتمام..

ضحكت وبسرعه نطيت وراها وانا بضحك بجنون عليها..

سبأ وهي بتعوم في الينبوع....عااا راحت الضفدعه..اعمل ايه انا دلوقت..؟

قربت منها..وسحبتها..من ايدها..

الينبوع دا ميته صافيه زي البحر وعذبه زي النيل..

الكل هنا بيتبارك بيه..غويط بيسمح للكل يعوم فيه...

مسكتها من ايدها وانا بعوم وهي ورايا..

وبقولها..مادام نزلنا...يبقي نتمتع بالجمال دا شويه..

ضحكت وقالت وهي بتقلع الجاكت اللي مغطي دراعتها اللي كانت دايما معرياها..من يوم ماعشقتها وانا فارض حكر زي مابتقولي عليها..

ورمته عالجسر وغمزتلي وقالتلي..

يالا نتسابق..

ابتسمت وانا بعوم واقولها هتخسري زي العاده..

سبقتها وهي بتنادي عليا متغاظه..

وفجأه...ااه رجلي ياتمام..

رجعت جري..مالك ياسبأ..ايه اللي جه في رجلك..؟

مدت ايدها وحاوطت رقبتي ورزعتني بوسه علي خدي استسلمت ورفعت الرايه البيضه ماانا غبي وكل مره بتعمل فيا نفس العمله عشان تكسبني ضحكت وهي بتزقني لايدها لتحت تغرقني..

وسبقت هي..

ضحكت..وانا بعوم وراها..

هوريكي ياسبأ..

سبأ بصراخ..عااا..لا مش هتلحقني.

ضحكت وانا برفعها بايديا من وسطها وبقولها..كل مره بتكسبي بالخديعه..ينفع كدا..؟

دفنت راسها في رقبتي وقالتلي..هو انا قلتلك اني بحبك قبل كدا.

اتنهدت..وقولتلها وانا بعشقك يااحلي غجريه شافتها عنيها..

ــــــــــــــــــــــــــــــــــــ

الاسكندريه..

ــــــــــــــ

بقالي ساعه واقف مستنيها قدام الجامعه..برن عليها وتقولي ثواني وجايه..

ببص لقيتها خرجالي مع شله بنات ووراها شاب كمان بيجري وراها..اتجننت اومال لو مش منبه عليها..

اتحكمت في نفسي بالعافيه وخطفتها من ايدها وركبنا العربيه..

وهي قاعده بهدوء..حاطه صابعها تحت درسها وخايفه مني..

سوزان بخوف..بص هقولك والله هو اللي جه ورانا لان نسيت كشكولي اللي بكتب في عالبنج والله ياسامر..

سمعتها ومردتش..انا عارف انها مبتكدبش بس اعمل ايه..في نار جوا قلبي مش عارف اطفيها..

سوزان جميله ومش هعرف اخبيها عن العيون وخصوصا بعد النظره اللي لمحتها من عين الوسخ دا..

اتنهدت ومديت ايدي اهدي نفسي وانا بفرك وشي بغيظ..

حسيت بايدها بتمسك ايدي اللي سايق بيها..

ـ أنا اسفه ياسامر حقك عليا بعد كده هاخد بالي..

لمحت دبلتي في ايدها..ابتسمت علي حالي..

انا اتجننت فعلا من شويه كنت زي الاعصار ودلوقت هادي..

لمسه ايدها خطر عليا..

عدلت ايدها وبدل ماتمسكها هي..حضنت ايدها انا بين ايديا ورفعتها لشفايفي وبوستها..

وسكتت. مش عاوز اتكلم..الكلام هيضيع سلام اللحظه..وانا عاوز احساسي بيها وبعشقي يوصلها زي ماهو..

رن تليفوني..رفعته لقيته البشمهندس طارق..

سوزان..مين ياسامر؟

سامر بهدوء..دا البشمهندس طارق صاحب الشركه..استني هرد عليه..

سامر..الو..

طارق..سامر تعالالي حالا عالشركه في ملف ضروري في مكتبك عاوزه حالا..

سامر..حاضر انا قريب من الشركه دقايق واكون عندك..

سوزان..في ايه ياسامر..

سامر بابتسامه..مفيش ياعيون سامر اظاهر ان امنيتك تشوفي انا شغال فين هتحقق هنحود علي  الشركه، امر ضروري..

سوزان بسعاده..بجد..كان نفسي اشوف شغال فين من زمان..

سامر بسعاده..واديكي هتشوفيها ياستي..

بعد دقايق..

ايه الجمال دا..دي شركه دي ولا قصر..

سامر وهو بيسحبها لمكتبه..تعالي يامجنونه يامجنونه. ودي تيجي ايه جمب قصر النوارس اللي يشوفك يقول اول مره تشوف قصور.

سوزان وهي بترفع نفسها تقعد علي المكتب..

متفكرنيش بالقصر وايامه..تعرف ياسامر..

سامر بحب وهو بيقرب من وشها..

انا وماما كنا مسمينه السجن الملكي مش قصر..

ااه لو تعرف بنكرهه اد ايه؟ وخصوصا ماما..

اااه..ماما وحشتني اوي يا سامر..نفسي اسمع صوتها..

سامر بحنان وهو بيقرب منها ونسي هما فين او انه مكتبه لازق في مكتب طارق..

مد ايده يملس علي وشها بحنان..

وقالها..هانت يااميره بس انتي ادعيلها..

ـــــــــــــــــ

طارق..

اتصلو بيا من شركه بنتعامل معااها كنت نسيت ان عندي اجتماع انهارده معاها وملفها مع سامر اتصلت بيه وقالي دقايق وهاجي..

خرجت شالها اللي مبيفارقنيش وحضنته مليش طاقه لاي حاجه في الدنيا..تعبان ياريتني اعتذرت..حاسس بانه روحي موجوعه احساس بالخنقه والضيقه ملازمني بقاله فتره..

واحلامي بيها بالليل مبتفارقنيش بتجيلي وتمد ايديها ليا تقولي الحقني ياطارق انقذني..

حتي المخبر اللي مكلفه يتعسس علي اخبارها مش عارف يوصلها..

حطيت شالها علي وشي ولاول مره مبقاش قادر اسيطر علي دموعي..

بكيت..بكيت بقهر سنين مكبوت..

وانا بتمني بس اشوفها بعيوني..غمضت عيني وسرحت فيها..

بس فوقت علي صوت في مكتب سامر وصوت ضحك..استغربت وحسيت اني الصوت مالوف ليا..

فتحت باب المكتب وابتسمت لما لقيت سامر غرقان للشوشه وقولت اكيد دي اللي جننته..

اتنحنحت..

سامر باحراج..اهلا يابشمهندس..انا جبت الملف اهو

رفعت وشها المبتسم جسمي اتلبش وانصدمت..

ولقيت لساني بييقو لوحده..

ثريا...

سوزان بصدمه..انت تعرف...؟

↚

سامر بسرعه عشان يحتوي الموقف وهو بيسب غباءه ازاي نسي ان سوزان نسخه من امها..

اعرفك يا بشمهندس..اعرفك سوزان اللي حكتلك عنها..

وبص لسوزان وهو مدور وشه لطارق المذهول وزغرلها..فابتلعت ريقها وكمل سامر..ودا البشمهندس طارق اللي حكتلك عنه..

وهنا كانها فاقت وفهمت..دا طارق..

معقول..

طارق بغموض..بعد مافاق واتاكد انها مش هي حبيبته بس نسخه تانيه منها..

اهلا وسهلا...ياسوزان..

ابتلعت ريقها وهزت راسها بتوتر.وردت عليه..

اهلا بيك يا بشمهندس

دخلت وانا دماغي بتودي وتجيب معقول الشبه دا..

لسه هحط ايدي علي راسي واغمض تعبان..تعبان جدا..سمعت صوتها بتصرخ وهي بترد علي تليفونها..

ماما..دي ماما ياسامر..

سمعته بيقولها اهدي ياسوزان..

غصب عني قلب دق واسحبت زي المراهقين يمكن يصدق قلبي وتطلع هي..

وياريتني ماقربت..

ــــــــــــــــــــــــــــــــــ

بعد ساعات..

بقصر الجزيره..

بعد ماالطبيب شالها الرصاصه..

قربت منها نايمه زي الملايكه مش مصدق نفسي مجنونه وهتجنني معاها وبجنانها كانت هتضيع تعب وشقي ناس بقالهم كتير بيخططو 

جزيت علي اسناني لما افتكرت انها نطقت اسمي ودعيت ربنا يكون المسلح مات وميفتكرش اسمي  والا ساعتها هتقوم حرب ومحدش هيطلع منها دلوقت كسبان..

اااه منك ياصبا..

قربت منها ومسحت علي وشها بايديا..

الياس بهمس..صبا..افتحي عيونك..

افتحي عيونك انا عارف انك فايقه عنيكي بتتهز..

عضت علي شفايفها وهي مش قادره تداري ضحكتها..

ضحكت بصوتي كله وقربت منها وورزعتها بوسه زي مابتقول..

فتحت عنيها بسرعه وقالتلي خلاص..

اوف انا فايقه اهو..بس انت ابعد كدا..

الياس بغيظ..ابعد..بعد عملتك دي مش هتخرجي من هنا..انتي مجنونه..حد يعمل كدا..

وزي العاده طبعا..بتعرف ازاي تنسيني اللي حصل..

قربت مني بايديها اللي الدكتور ربطهالها ومشيلهالها علي كتفها..

وحطت ايدها علي وشي..انا هقولك اللي حصل ومتقولش عليا مجنونه..

عرفت هتقول ايه..وجزيت علي سناني وضغط نفسي ان اسمع جنانها..وحطيت ايدي علي خدي..

قولي ياصبا اشجيني..احكي ياشهرزاد..

صبا بغيظ..شوفت اهو انت بتستهزا بكلامي..

ألياس بهدوء..ماهو كلامك ميدخلش العقل،يااما انتي عارفه حاجه ومش عاوزه تقوليهالي..

غمضت عينها وحطت ايدها علي ودنها..

عرفت انها بتسمع حاجه في ودنها،بس انا مديت ايدي وسحبتها لحضني وقولتلها..

خليكي معايا ياصبا متسمعيش لحد غيري..

صبا بتوتر..بس..ياالياس..

خدتها اكتر في حضني اطمنها..احكيلي ياقلب الياس متخافيش..

وهنا..بدات تحكي وانا اسمعها من سوريه..لحد الحوريه الحزينه اللي شافتها في الوكر..

كلامها واللي حكيته كان كله صح..بس دا خوفني علينا اكتر وخلاني ارتاح من قراري بحبسي ليها بالقصر..

صبا بهدوء..صدقتني بقي..

الياس بحب..مصدقك ياقلب الياس بس انتي كمان لازم تسمعيني وتصدقي كلامي..

صبا وهي مغمضه عنيها بين ايديه...اصدق ايه؟

الياس..ان اللي بتعلميه دا حرام قرايه الفنجان بتفتح باب الشيطان شرك ياصبا وحرام..وانا قولتلك كدا قبل كدا..

صبا بعبوس..قدرتي بتضعف ورؤيتي بدات تروح كل فين وفين علي مابقيت بشوف..

إلياس..بهدوء..دا فعلا ولا بتكدبي عليا..كالعاده..

صبا باستنكار بتتوه في الكلام لانها فعلا بتهديه بالكلام عشان ينسي..وانا كدبت بايه بقي قبل كدا؟

إلياس بقهقه..اقولك كدبتي في ايه؟

صبا بتوتر..هو انت بتكلم زينا اهو..وبعدين انت عارف مخارج الوكر دا ازاي.؟

الياس بهدوء وهو بيقرب وهي بتبعد لاخر السرير..عجبك كلامي..؟

صبا..هااا..انا كدبت عليك في ايه.؟انت عارف ايه؟

الياس وهو بيخطفها لعشقه..انك كدبتي؟ولا انك  فعلا مراتي..

شهقت وهو بيبلع شهقتها بجوفه..وهو بيردد.ولازم تتعاقبي وتتحملي عقابي..

ــــــــــــــــــــــــــــــ

بالوكر...

ماذا اخبرني هل سيتعافي.؟

الطبيب..حالته سيئه جدا ايها الامير،لا اعلم اذا مرت الليله بسلام سيتحدث...

واذا لم يحدث..انتهي امره سيموت..

الامير بجنون..من فعلها..اقسم اعلم من وسانهيهم بيدي..

الطبيب بخوف..لتنتظر حتي يفيق طليحه ويخبرنا..

الامير بحده وهو يمسك بقميص الطبيب..اجعله يفيق والا قتلتك بيدي..

الطبيب برعب..اهدا ياامير لندعه يرتاح الامكانيات هنا قليله والراحه مطلوبه له لقد بذلت اقصي مافي جهدي..

الامير بحده..اغرب عن وجهي..الان..ولا داعي لتحذيرك..مره اخري..

خرج الطبيب مسرعا..ووقف هو يجز علي اسنانه بغيظ...

سنري من فعلها وتجرأ اقتحام وكر الامير

عقبه..

نظر للنائم بحده وخرج..

مشي بالخندق المحفور تحت الارض ببراعه..

واتجه للجهه الاخري..

وفتح الباب بهدوء..

ورفع نظره وجدها تجلس كما هي..

تنهد واقترب وجلس بجانبها..

إلي متي ستبقي هكذا نيسان؟

لقد مر عشرون عاما حبيبتي انسي..

نيسان بكره..كم اكره اليوم التي رأيتك به..كم اكرهك واكره نفسي لاني وقعت بوهم شيطان مثلك..لقد اضعت عمري وخسرت اهلي بسببك

تركت بلدي والتحضر هناك وجئت خلف سراب..

عقبه بحده..لما ماذا فعلت..اقسم مااحببت امراه غيرك.،بحياتي..لما تعاقبيني بما ليس لي به دخل..لم افرط بها..لم يحدث..

نيسان بحده..بلي لا تكذب..لم تكن ذكرا لتحتفظ بها انت من تركها قصدا كم اكرهك..

انت ذنبي الوحيد..ويشهد الله انك من خدعتني..

كم اكره نفسي وانا اراك يوميا بحضن اخري من جواريك كما تدعي..يالله اي ايمان هذا وباي زمن نحن..؟

دعني وشأني عقبه..والا اقتلني او اقتل انا حالي..

عقبه بخوف..اهداي ياأميرتي. اقسم ما بالقلب غيرك..انتي من جبرتيني لذلك منذ ضياع طفلتك وانتي تنبذيني..لما لا تحتوي عشقي نيسان..وبحزن اكبر بلع ريقه وجفف عرقه..

حبيبتي..لا استطيع رؤيتك هكذا تذبلين يوما بعد يوم..

لم اعد استطيع،رغم قوتي ورغم ماانا عليه،الا اني ضعيفا بعشقك البائس..لم اتواني يوما عن البحث عنها..فقط من اجلك انت..

اقترب منها اكتر وهو يملس علي شعرها الحريري،رغم سنواتها التي تخطت الاربعون مازالت بنفس جمالها وبهائها،رغم حزنها وانكسارها وتقدمها في العمر الا انها مازالت في نظره تلك الشابه الجميله التي رآها بالجامعه..كانت مدلله والدها تدرس معه بجامعه بريطانيا والتقاها هناك..عشقها وعشقته..اخفي عنها حقيقه افكاره ومعتقداته..في حين كشفه والدها رجل الاعمال المصري..محمود غارب..

ولكنها لم تسمع له وتحدت والدها ورحلت معه. هربا من تحكم والدها وابن عمها..وبعد حملها انصدمت بواقعها المرير وانقلب عشقها كرها له..

وفي احدي المرات اثناء اشتباك ما..وابنتهم ساره   ذات العامين وزوجته معه..فقدوها ولم يستطيعا العثور عليها..

حاولت الهروب منه مرارا وفي كل مره يحكم حصاره عليها..

لو وصلت للخارج لن تعود..يعلم والدها الي الان لم ييأس ويبحث عنها بكل مكان وهو وابن عمها..

ولكن عشقه البائس لها لم يشفع له عندها..

عقبه بحزن ودموع..وهو يرتمي علي قدمها..كانت ابنتي ايضا نيسان..اقسم قلبي منفطر علي فراقها..الي الان ابحث عنها..لم انجب من غيرك ولا اريد غيرك اما لابنائي ولكني ماذا افعل انا وهذه اللعنه توارثتها عن اجدادي

اعلم ظلمتك..وكم فكرت بتحرريك،ولكن لم استطع..لم استطع البعد عنك..ولو كنت جسدا بلا روح اعذري عشقي المرضي..

(نيسان)

مديت ايدي وبكيت بكيت بحرقه..كنت في حال واصبحت في حال.طول عمري نيسان المدلعه اللي انولدت في بريطانيا ابوها مصري وامها بريطانيه وقابلت عبدالله كان واهمني انه اسمه عبدالله عشقته بكل كياني واعتبرته خلاصي من عشق ابني عمي المرضي وتحكمه واتحديت الدنيا عشانه حتي بعد ابويا ما كشفه مصدقتوش ومشيت ورا عشقه الملعون لحد ماجبني هنا في قلب الصحرا وفوجأت انه مش عبدالله دا عقبه بيقولوله ياولي العهد.

هنا عرفت اني وقعت وانه ابويا كان علي حق بس الوقت كان سرقني  وحملت منه وهو احكم حصاره عليا، وجبت بنتي ساره منه..

وفجاه في ليله من لياليه حصل هجوم عليه واختفت ساره..

حاولت اهرب كتير بس معرفتش في كل مره بيجبني ويحبسني.. لحد ماقدرت في مره ووصلت..

مفكرني مبعرفش اتكلم عربي ومأمني بسمعه جاري بيتفق وبيخطط بس انا بقي قررت انتقم منه..وانتقامي المره دي هيكون علي وجعي وحرقه قلبي..

غمضت عيوني وانا بحاول اغصب علي نفسي زي ما قالولي..

ياارب..

مديت ايدي ومسحت علي راسه زي مابيحب..

فتح عينه بصدمه..ماهو انا من سنين معملتهاش..

وقالي..

نيسان..حبيبتي..

ابتسمت وانا بداري وجعي..جوايا لازم اقدر..

لازم عشان انهي الحكايه بنتي بره مستنياني..لازم انهيها عشان املي عيني منها واخدها في حضني..نفسي اصرخ واقولها سامحيني انا السبب..

قرب مني وحضني..

حضنه اللي كان زمان عندي احلي  من كنوز الدنيا..بقي زي الشوك بينخر في ضلوعي.

نزلت دموعي وهو بيقرب وقربه اللي كان جنه بالنسبالي دلوقتي بقي زي الشوك..ولاول مره بعترف لحالي..

انا استاهل..انا اتبطرت..

استاهل الوجع والمرار..لاني دوست علي قلب من ألماس واخترت معدن مطلي بمايه دهب 

بتلمع ااه..بس مش كل اللي بيلمع دهب..

فيا الماسي الحزين كحالي.

اغفر لي ولخطأي واهوالي..

اغفر لقلب مراهقا عشق ابليسا خائنا لا يبالي

اغفر لي صنائع يدي عل بغفرانك تتغير احوالي

اغفر لي كما كنت دوما غافرا تقول طفله صغيره وعلي افعالها لا ابالي..

وكأنه استمع لندائها من أخر الارض..

(مؤيد..)

حطيت ايدي علي قلبي وانا قاعد.  علي مكتبي.

كانت بنت  عمي الصغيره وانا اكبر منها ب ٤ سنين

عشقتها بجنون وضيقت عليها الخناق لحد ما كرهتني ودورت مع غيري علي الامان. وياريت وقعت بعشق رجل نبيل..دا وقعت بعشق ارهابي مخضرم..

انقطعت اخبارها ولكن لسه قلبي بينبض باسمها هي..

رجعنا  كلنا بعد ما هربت بعد ماعرفنا انها هنا بالقاهره

اتجوزت اكتر انسانه كانت عامله حبيبتها صديقتها اللي ذقها عليا الوسخ،عشان اكرها وتكرهني وللاسف وقعت في شركها ووقعت هي في شركه..وافترقنا خلفت منها ابني ونور عيني ولما اكتشفت اللي حصل مقدرتش اصلا اجوزتها عندا  في نيسان لما فضلته عليا..

سامحيني ياقلب مؤيد وااه لو يرجع الزمان بيا..هفضل علي عشقي ليكي ولو كنتي 

في اخر الدنيا 

نيسااان..

وياويل قلبي بعشقك الابدي..

سامحي عشقي المتملك لك..

وسامحي غروري وانهزامي..وسامحي قلبا في العشق لم يبالي

لم انساكي يوما..ولن انساكي..

بعثت خلف اثرك من علي قلبي اغلي من الغوالي..

سامحي غروري ياحبيبتي وانشغالي..

واعلمي ان مهما طال العمر علي وعدك الغالي..

💖💖💖💖....

↚

(طارق)

بالوادي..

ـــــــــــــــــــ

اللي حصل ده ياعقبه ماينسكتش عليه.. واجده المكان انكشف وماعدش امان لازم نعرف مين بيوحفر وراك ومش بعيد يكون اهل مرتك اللي بليتنا بيها.. جولتلك من زمان فوتها  او اخلص منيها، مفيش فايده فيك.. العشج اثر عليك..

عقبه بتبرير وخوف دب بقلبه من تهديده بيها.. 

مراتي مالهاش دخل باللي حصل وانا اعرف اامن نفسي كويس متقلقش انت استعد للشحنه اللي هتخش عن جريب

هتكون علي اعلي مستوي.. الصفقه دي مهمه ولو انضربت كلنا هنروح فيها.. 

ـ عالله يكون النوع المطلوب ياعقبه لانه ناجص وعليه الطلب.. 

عقبه بلا مبالاه.... متقلقش سلاح من نوع معتبر.. 

ـ عال عال.. خلي عينك في وسط راسك والليله هبعتلكك مدد بدل اللي انصابو بسرعه

وخليك ورا االلي انصاب لحد ما ينطق ونعرف مين اللي اتهجمو علينا... 

عقبه.. تمام.. عملتلي ايه في الموضوع اياه..

ـ بنتك جولتلك بأمان.. في الحفظ والصون.. 

عقبه.. بندم.. ايوه فينها مأنش الاوان اعرف هي فين.. بقالي سنين اسالك.. تبرد قلوبنا عليها.. 

ـ بنتك لو عرفتو مكانها شوكت مرتك هتجوي وهترجع تتمرد كيف الاول.. 

جولتلك اختار عقابك ياعقبه وانت اخترت عقابك في بنتك.. 

اتحديت الكل واتزوجت الاجنبيه الحره.. ولما عرفت شغلنا اتمردت وكانت هتودينا في داهيه.. 

شغل السلاح واعر وانت خابر وانا كرمتك ياجل خاطر بوك.. 

لو مرتك اتكلمت واتمردت هتجلب علينا الدنيا.. وهتخسرنا كتير.. 

عقبه بوجع وهو بيدور بعيونه عليها كان لسه هيحقق شوقه لقربها جاله اتصال من سبب نكبته كلها.. 

الكل مفكره الكبير بس في راس الافعي الخطير اللي كان سبب فراق بنته عن امها..  

(عقبه..)

كنت صغير لما طلعت لقيت ابويا تاجر سلاح زرع في عقلي انها تجاره حلال لانها بتروح للمجاهدين واللي بيدافعو عن نفسهم واللي بيحققوا بيها العداله.. 

كبرت علي ضلال الافكار ومعتقد ان اللي بعمله حلال.. 

مانا معرفش ايه الحرام في استيراد وتوريد السلاح.. كنت بقعد افكر ان ماللي بيدافعو عن الوطن كمان في ايديهم سلاح وفكرت اكيد السلاح اللي بنستورده بيروح ليهم كمان.. 

كنت طفل.. ساذج غبي.. 

لحد ماكبرت واشتد عودي وانا مش راضي وقتها هددني ابويا بامي اللي كانت تشبه نيسان في رقتها وضحكتها وبراءتها.. 

مكنش ليها ذنب.. 

بس انا اصريت اكمل تعليم وارجع اتولي الامر بعده وهو وافق.. 

قبلتها هناك.. كانت ليها صديقه مصريه صحبتها او عامله صحبتها وصديقتها قابلت صحبتها دي واتعرفت عليها ويوم بعد يوم في مره اكتشفت انا ايه وانا مين.. لحد ما بدات تهددني انها تفضحني وتتسبب في فصلي من الجامعه وبعدي عن حلمي وقتها خيرتني يااقرب من نيسان وابعدها عن ابن عمها ياتفضحني.. 

وقتها قربت غصب عني.. اول ماوقعت عيني عليها قلبي دق..  وانقلب السحر عالساحر، وبدل مااوقعها وقعت انا، وبدأت تتقرب مني وتأمنلي، حاولت ابعد.. مش عاوزها تبقي زي امي وانا عارف ان طريقي صعب.. غصب عني قربت.. وغصب عني كنت اناني، لما كنت بلمح ابن عمها كانت النار تقيد فيا، ابويا عرف وهددني بيها.. بس انا قدرت اغسل مخها واكرها في ابن عمها بعد ما خططت انا والحيه صديقتها تشوفه بعنيها معاها.. 

وحصل واتحول عشقها لابن عنها لكره وغضب وبدات تتجاوب معايا ونجح مخططي بس كنت وقتها انا كنت عاشق ليها.. 

لحد ماجت اللحظه الحاسمه وقدرت اهرب بيها.. 

ثار ابويا واعترض بس انا واجههت الدنيا بحالها بيها.. لحد ماهيا اكتشفت وعرفت ان تحذيرات ابوها كلها كانت حقيقه.. انا ابن تاجر سلاح وانا من بعده هبقي الخليفه.. 

فاكر يومها دموعها وصدمتها وقهرتها وخصوصي بعد ما استنجدت بصديقتها وبكل خبث رمت في وشها الحقيقه.. فاكر انهزامها ووشها اللي دبل وعنيها اللي مفرقتهاش دموعها طوال سنين.. 

وجات الحقيقه المره وحملت هي في بنتي.. 

فاكره اني مش بحبها متعرفش اني مش بنام الليل وانا بفكر فيها.. 

كان بايدي انضف واثور وابعد بس كنت عارف هيوصلولي مهما بعدت دي شبكه متوصله ببعضيها وسلاح بيجي من بلد لبلد.. ولما حاولت نيسان تهرب بيها حاولت كتير وكنت كل مره بلحقها ومش بخلي حد يعرف بهروبها 

لحد مااكتشف الكبير بعد ماابويا عينه بداله خوف مني لانهي اللي بداه.. تحت ضغط من نيسان.. ودا فعلا كان هيحصل بس ترضي عني.. وقتها عرف بهروبها ببنتها وخيرني بين احب اتنين لقلبي.. 

ياابعد بنتي يايقتلو نيسان ويحرقو قلبي عليها

ماقدرتش اختار موتها وانا روحي فيها نيسان رغم كرهها ليا روحي متعلقه بيها

وقتها سلمت بنتي للضياع بايديا وسبكو الدور عليها بمطارده وهميه.. ومن يومها زهدتني حتي الجواري اللي مفكره اني بقرب ليها.. 

ولا  وحده منهم خدت مكانها ولا قدرت اكمل معاها دقيقه دايما صورتها قدامي وعنيها اللي بتعاتبني اني اناني.. 

واه لو تعرف ان كل عمايلي بس عشان المح الغيره في عنيها.. 

اااه. يانيسان.  

ببص بعيني لاوضتها وانا سارح بلقانا وعشقي الملعون ليها.. ياريتني سبتها.. ياريت.. 

لقيتها واقفه تبصلي بنظره شريده.. 

نيساان.. نسمه جميله مرت علي روحي المريره زي سحابه صيف بعيده لا بتضلل ولا بتبان من قوه الشمس عليها.. 

قربت منها وخدتها من ايديها.. 

وعلي فراشنا الملعون ارتميت علي رجليها..اه لو تعشقني زي زمان..

نيسان.. 

ماذا؟ 

هل ابقيتني الليله بقربك؟ 

اهتز فكها واومأت براسها.. 

وعلي فراش ظاهره حرير وباطنه شوك ضممتها 

وبقيت طوال الليل اهمس، كم عشقتها.. 

ــــــــــــــــــــــــــــــــ

بقصر الجزيره

 

(إلياس)

فقدت صبري معاها وخليتها مرتي قول وفعل مقدرتش انفذ الوعد ببعدي عنها وهي مقدرتش تقاومني،اول مره احس اني سعيد،ومن وسط النار انولد حب..اكتر حاجه كنت خايف منها هي احساسها هي وانها ترجعنا تاني لنقطه الصفر وترجع تقول مش مرتك..

بس ملحقتش افكر وانا واخده وهي معايا لبحر تاني من العشق..اتصلت بساجي وحكيتله ان انا وصبا صرنا متزوجين بالفعل.

ثار عليا وغضب  ومكنش في حل الا انو يجي ويوثق زواجنا رسمي علي يد الماذون وحصل وبقت مرتي..بعد ماساجي فرغ ثورته فيا وفيها، وتمام هيطق  ومش علي لسانه الا اشمعنا انا..

ودلوقت المجنونه اللي في حضني دي مراتي..ورغم خوفي من القبيله  وغيرتها المجنونه وجنانها الا اني اسعد راجل في الدنيا بيها..

المجنونه اللي في حضني دي مراتي..عاوز اقول لكل الدنيا اني انا اللي فزت بالغجريه الجميله..

سمعتها بتتأفف..

ضحكت وقولتلها...مالك ياجميله..

عدلت نفسها وبصتلي..الياس..؟

الياس بابتسامه..نعم يا جميله..

صبا بعبوس..انا جعانه ياالياس..

وسعت عيوني وانا بقر  واعترف اني نسيت معاها الدنيا بحالها واننا من الصبح مكلناش

حملتها بين ايديا وانا بقولهااحلي اكل لاحلي صبا..

بعد شويه..كنت طلبت فنجان قهوه وقاعد اشربه وهي جاري بتبصلي بعين ونص زي اللي عامل جريمه..

الياس.. 

الياس بهدوء وهو بيشرب فنجان قهوته.. 

نعم.. 

صبا بتوتر.. انا عاوزه ارجع ياالياس.. 

الياس بغيظ.. لا.. انتي سمعتي قلت ايه؟،وباللي هببتيه كان هيحصل ايه،؟ وبعدين انسي انتي دلوقت مراتي..وانا اللي اقول اه او لا..

صبا بحده.. ليه.. قولتلك مش هروح في مكان تاني وبعدين مش انت قولت هنروح لسوزان..؟ 

إلياس.. وهو بيحط فنجانه عالترابيزه.. مش هينفع دلوقت ياصبا 

رجع بضهره لورا وهي مدت ايدها تاخد فنجانه ولسه هتقلبه. 

كان سحبه منها بغيظ ورميه جاره.. 

الياس بحده.. مش قولتي هتبطلي ياصبا مفيش فايده ابدا فيكي.. 

صبا بشهقه.. رميته ليه ياالياس.. 

الياس وهو بيسحبها ليه بقوه.. انا قولت ايه؟ 

مفيش فايده فيكي يعني

صبا بهمس.. اف مش عارفه.. مش عارفه.. 

ألياس بحنان..دا حرام ياصبا انتي مش قولتيلي لو عاوزاهم يبعدو هيبعدو.. 

صبا بحزن.. اه سوريه قالتلي كدا.. 

ألياس بحب وهو بيرجع شعرها اللي علي عنيها لورا.. خلاص يبقي قوليلهم ابعدو.. 

صبا بهمس.. إلياس

الياس بنفس الهمس.. عيون إلياس.. 

صبا.. ايه حكايه نيسان.. وصحيح مهره بنتها..

اتنفضت وقومت مفزوع..انتي جبتي الكلام دا منين ياصبا..؟

وتعرفي نيسان منين..؟

صبا بهدوء..انا سمعتك وانت بتكلمها

الياس بجنون..صبا انا كنت في قلب الصحرا وانا بكلمها.ومتاكد انك مكنتيش معايا..

صبا بخوف منه..اصل..انا..

جزيت علي سناني وسحبتها من ايديها وقفت قدامي..اعمل فيكي ايه؟

ها اعمل ايه تاني..صباااا.

رجعتي للخيالات تاني..

صبا بخوف..والله هي اللي رنت في وداني ياالياس..

وسمعت اللي دار بينك وبينها..

واتأكدت انها الست اللي في الوكر الحوريه الحزينه..

الياس بغيظ..ابقي قابليني لو خرجتي من هنا تاني..انتي خطر علي كل اللي حواليكي..

صبا بحده..لو عاوزه اخرج مفيش قوه هتمنعني واللي متعرفهوش هي انا بودني بسمعه..

الياس باستفسار..يعني ايه؟

صبا انتي تعرفي ايه؟

صبا بعيون شارده..عقبه مش هو الكبير..

الياس بصدمه..ازاي؟

↚

صبا بهدوء..هقولك.

ــــــــــــــــــــــــــــــــــ

الزناتي بهدوء..راضي عن اللي عملته ياساجي..؟

ساجي بهدوء..راضي جدا..وكان لازم يحصل..

الزناتي..انت كده خالفت قواعد الغجر ياساجي..مفيش حد عندينا بيجوز من برا القبيله..

ولو انعرف هتقوم الحرب علينا..

ساجي..في قوانين لازم تتغير يازعيم العشق مش حرام ولا عيب

وبدل مانخلي الكل يهرب من القبيله ليه منغيرش القوانين واللي يعشق ينول يا زناتي..

الزناتي بشرود..فكرتني بحالي ياولدي..زمان لما قلب ابني وقع في عشق الشيخه..

قلبي اتوجع عليه وقولت بيني وبين حالي هلغي القواعد ياجل ما يجتمع كل عاشق بحبيبه..بس جت عاصفه وهزت كياني لما اطاولو عليه وضربوه..مهران طول عمره حويط تعبان..

ورجعت اتراجعت وطردته من القبيله..خوف برده عليه

ساجي..ياريتك سبته يهرب بيها..الشيخه عايشه زي الميته يازناتي..

الزناتي بندم..ياريت ياودلدي يرجع الزمان وانا بايدي هربتهم ولا اتعقبت ببعده وهجره..

ساجي..ربنا يقرب البعيد يازناتي..

ــــــــــــــــــــــــــــ

بالاسكندريه..

علي الهاتف

مجنونه ياسوزان..كنتي هضيعي الدنيا..

سوزان بخوف..والله مااعرف ان دا طارق.؟

سامر بهدوء..انا اللي غلطان ياريتني مخدتك معايا الشركه..اكيد شك دلوقت ودا مخه سم ربنا يستر..وهو اساسا قالب الدنيا علي والدتك..

سوزان بجديه..ياريتني دخلت وقولتله الحقها..ابعدها..انا كانت علي طرف لساني..

سامر بهدوء..احنا قولنا ايه.؟

خلاص بقي وبعدين ياستي هانت..

سوزان..بحزن..ربنا يقرب البعيد..وحشتني اوي ياسامر..

سامر بحنان..مش هي طمنتك عليها..

سوزان..ااه..كويسه بس مش باين من صوتها..كلمتين وقفلت..

سامر..ساجي بيطمني اول باول متقلقيش ياسوزان..المهم

سوزان بانتباه..ايه المهم؟

سامر..مش عاوز انبهك تخلي بالك من الواد اللي شفته معاكي انهارده..

سوزان بابتسامه..حاضر ياسامر..حاضر

سامر براحه..بحبك..

سوزان..تصبح على خير..

سامر بقهقه. وهو عارف انها بتغير الكلام...وانتي من اهله

ــــــــــــــــــــ

طارق..

اول ماشوفت سوزان افتكرتها..ضحكتها وبراءتها كلها شبهها..وافتكرت وقتها ان ليها بنت..

قاسم بهدوء..ياسيدي يخلق من الشبه اربعين

متقوله يامؤيد..

مؤيد بانتباه..ااه عندك حق..

(مؤيد صديق لطارق من ايام الغربه اتعرف عليه وبدأ معاه اول شركه ليه وهو اللي عرفه علي قاسم وصارو الثلاثه اصحاب جدا ومؤيد اكبر منهم ب ٤سنين)

طارق بغيظ لمؤيد..اتصل بتمام..اساله عليها ابنك دا انا هولع فيه..مطمرشي فيه تربيتي وكل مااكلمه اقوله تعرف ايه عنها يقولي انا طبيت ياطارق ولا حدش سمي عليا..

هو كله بيدور علي نفسه..

اتصل وقوله لو مجبليش اخبارها هنزل للوادي واطربقها عالكل واولهم هو عاشق سبأ دا..

مؤيد بغيظ..اسكت متفكرنيش دانا ابوه مبينفعنيش وكل مااساله عليها يقولي نفس الكلام..

وكله كوم وعشقه للغجريه كوم..

وكل مااكلمه يقعد يتحايل عليا اوافق بيها..

قاسم بانتباه..وانت مش موافق يامؤيد..ليه عالغجريه؟

مؤيد بهدوء..انا مش رافض ياقاسم ولا ليا حق ان ارفض بالعكس انا ربيت مؤيد علي حكاوي عشقي ل نيسان ومهما كان اختياره هرضي بيه

المشكله عندها هي..وخايف علي ابني واللي هيلقاه قوانين الغجر صارمه وخصوصا انها موهوبه لابن عمها..انا اب وانت اب واكيد حاسس بيا..

طارق بهدوء..دي لعنه وصابته عشق الغجريه..

مؤيد بحزن..طب انت ياطارق ليك عذر كنت صغير وطايش..انما انا كان فين عذري وانا بضغط عليها لحد ماكرهتني..

طارق بابتسامه..ال يعني كبير اوي يبني دي كلها اربع سنين بس..

طارق بجنان قام انفلع مش قادر قلبي قايد نار..لو عملتو ايه؟هروح اشوفها..

مؤيد بفزع..انت اتجننت ياطارق..تروح فين دلوقت..انت كدا هتأذيها وتأذي نفسك..

طارق بوجع..اطمن قلبي واملي عيني منها بس يا مؤيد..انت حاسس بيا..

قاسم..انت كدا هتاذيها وتاذي نفسك..

طارق..متقلقش لو معرفتش يكفي اشم ريحه وجودها في المكان..مش هتاخر..

مؤيد..هاجي معاك..

طارق..لا خليك..انت..

مؤيد..يعني هو حلال ليك وحرام عليا..ياأهي اتنفس هوا تشاركني فيه

قاسم بدهشه..انتو اتجننتو خلاص..خلاص..

مؤيد وطارق بنفس واحد..

مش مهم..

ـــــــــــــــــــــــــ

بالوادي..

تمام..

انت ياتمام افندي.

تمام بابتسامه..عيون تمام افندي..

ينفع كدا..

سبأ بخجل..ايه اللي ينفع...

تمام..بتنهيده..من الصبح ادور عليكي في القبيله..ومش لاقيكي..

سبأ بغيظ..عشان قولتلك امسكلي فار مسمعتش كلامي.

فانا عماله ادور هنا وهنا يمكن الاقيلي فار. وبرده ملقتش..

تمام بذهول..وهو بيهز راسه...يامثبت العقل والدين يارب..لا تعالي كدا..

نقعد وفهميني حكايه الفار دي..

سبأ بابتسامه...لا زعلانه منك..

تمام..ودي تيجي بقي انا اجمع العشاق وعشقي انا زعلان..تعاليلي تعالي دا الليله  حبيبك هيبقي سوبر مان ويجمع المشتاقين..

سبأ بقله فهم..مين المشتاقين.؟

تمام وهو بيسحبها جار الينبوع..انا المشتاق ياغجريه..

سبأ..الفار ياتمام..

تمام بغيظ..يادي النيله..يابت انهدي ضيعتي هبتي وانا بجري ورا الضفادع مبقاش الا الفيران..

سبأ بضحك..هسقط وابقي فاشله..

تمام..مانا هتجوزك..ومش مهم تبقي حاجه المهم تكوني ليا..

( سبأ)

طول عمري مجنونه زي مابيقولو خليفه صبا المجنونه زي مابيقولو مانا بسمع كلامها وبهاودها في كل حاجه..

حتي في تعليمي اتمردت وكملت علامي زيها...

انا في تانيه صيدله جامعه جنوب الوادي لما عرفو اني غجريه الكل بعد عني..كنت مضايقه ومش عاوزه اكمل بس كالعاده بدعم صبا  وجنوني قدرت اكمل..لحد من ست شهور ظهر هو في حياتي..

عشقت الدنيا وبقت حلوه اوي في عنيا..مش مهم يقولو مايقولو المهم تمام ايه بيقول؟..

اهلي متشددين ومن صغري موعوده لابن عمي  اللي بكرهه جدا..

لو خيروني بين حياتي بحالها واهلي وناسي هختار تمام..

تمام غامض اول مره اشوفه في القبيله من ست شهور بس اللي اعرفه انه غجري رحاله..

بس ميهمنيش اللي يهمني هو وبس...

فوقت علي همسه..

بتفكري في ايه ياسبأ..

ابتسمت وقربتله..فيك..ياعيون سبأ..

بصلي بصه خلت قلبي ارتعش وقالي..

بحبك ياسبأ..

ابتسمت وحضنت دراعه بايديا..

ـ وانا بعشقك ياقلب سبأ..

ـــــــــــــــــــــــــ

ألياس بجنون..لساجي..

ايه الجنان دا ياساجي..لا طبعا مينفعش انتو كدا هتقومو الدنيا مش هتقعدوها..

وخصوصا بعد اللي عرفته..مهران مش هيعديها

انتو بتعجلو بالحرب ليه...

ساجي بهدوء..ساعه بس ياإلياس متقلقش

احنا لازم نحتوي جنان طارق ومؤيد..

الياس..بهدوء.. مهره..لازم تعرف باهلها ياساجي

ساجي بتوتر..لالا بلاش دلوقت انا..

مهره من وراه ساجي بتكلم مين لو صبا ادهالي و..انت ايه ياساجي؟

↚

الياس.. بهمس، من حقها تعرف ياساجي متبقاش اناني..

مهره بهدوء بعد ماقفل مع الياس..

مالك ياساجي من امبارح، وانت مش علي بعضك..ايه مخبيه عني ياساجي؟

(ساجي)

من اول مااعترف العزازي وانا قلبي قايد نار..

الاول كنت عارف ابن الشيوخ ودلوقتي ساجي الغجري والاتنين شتان.

وهي ساره بنت الحسب والنسب..صحيح عاشت مهره بس اللي يشوفها يقول اتولدت اميره..غصب عني خايف تختار البعد وتجرحني..

لو بايدي كنت اتخليت عن الدنيا بحالها عشانها..

ساجي..سرحان في ايه بس..؟

ابتسمت وخدتها في حضني..

حضنتها بكل قوتي..وقولتلها..هحكيلك الحقيقه..

 ـــــــــــــــــــــــــــــــ

الوادي..

قصر النوارس..

ثريا..

غمضت عيوني وانا حاسه باحساس عجيب حاسه انه قريب من سنين..محستش الاحساس دا

معرفش بس فجاه لقيت نفسي ببص للمرايه لاول مره..

شكلي بهتان..تعبان..ولقيتني بفكر..طب لو جه طارق هيشوفني بالمنظر دا..

ابتسمت ومديت ايدي وسيبت شعري انا ليه ضعيفه كدا..ليه مهربش

وابعد عن الدنيا..

فتحت دولابي..وانا بلوم نفسي انا استاهل..

حتي لو مش هنا طارق نفسي الغاليه عليا تستاهل من يوم مامشيت سوزان وانا ملبستش مهتمتش بنفسي..محطش كحل ولا ابتسمت..

خدت اجمل مافي دولابي..وانا باكد لنفسي اني استاهل..

نفسي وروحي تستاهل..

خدت حمام ولبست اجمل ماعندي ورسمت بايدي كحلي وابتسمت..

ورميت لاول مره شعري علي ضهري وفردته..

ووقفت قدام مرايتي..ايوا دي ثريا..

ثريا النوارس..

اللي تاهت مني مع سنين التوهه والوجع والفراق..

مديت ايدي ناحيه وشمي وقلبي عمال يدق..فكرني بالليله اياها..

ليله قربي من طارق..

غمضت عيني أهمس باسمه..طارق..

وفجأه..

انقطع النور عن الغجر والنوارس..حاجه مبتحصلش كتير..

بس مهتمتش دلوقت تشتغل الدوازل..وفضلت واقفه في مكاني..

 بس فجأه...

من بين ظلامي حسيت بانفاس..

لسه هتلفت حسيت بدراعين محوطاني..

مهما بعدت سنين..هميز احضانه..

دي ايدين طارق..

شهقت بصدمه..وانا بتلفت امد ايدي اتحسس اللي قدامي..واسمه علي لساني..

طارق..

انت طارق..

ايدي عرفت طريقها لوشه..وانا بضحك وببكي وقلبي بيدق زي المراجل..

وانا زي المجنونه..دي دقنه..ودا وشه ودا شعره الطويل..

ودي..

دي دموع عيونه..وصوت شهقته..

طارق..

خوفت يهرب مني حلمي..دا اكيد حلم..حلم بيه هو..

رفعت نفسي عشان احاوط رقبته

فسمعت اجمل جمله كنت بحب يقولهالي.. وهو بيرفعني بايديه..زي ماكان دايما والصامت الباكي اخيرا قالهالي..

 اوزعه ولازم اشيلك.. 

رفعني  وحضني بقوه

قوه دفت قلبي البردان..

وهو بيبكي وبيقولي

 

وحشتيني ياقلب طارق..

طارق يا من بلوعه فراقك بكيت ليالي

ويامن بعشقك بالدنيا لا ابالي..

انا الطفله الصغيره..انا الشيخه ابنه الغوالي

انا من بلقياك كنت احلم ليالي..

ياويل قلبي من لقياك ويالعشقك الغالي..

هذا انت فعلا ام اتوهم ولم أعد أبالي.

💖💖💖💖💖

بقصر النوارس..

منتصف الليل..

ثريا..

قالو عن الحب كلام كتير وكتبو فيه قصايد

قالو عذاب وتعب وسهر ليالي.. وياما قالو ان البعيد عن العين بعيد عن القلب.. 

قالو هيبعد هينسي ويشيلك من قلبه وباله... 

وانا كنت دايما اقول ان البعيد عن العين جوه القلب مكانه.. ومهما فرقتنا الدروب هيفضل علي وعدي.. 

قالو تبعد حبه تزداد محبه بس بعدك عني كان موت ولا غير قربه كنت اتمني لحالي...

بدموع ورجفه في صوته ناداني..

ثريا.. بصيلي..

مردتش بكيت اكتر وحضنته اكتر..

مش قادره خايفه افتح عيني يكون حلم..

وانا قلبي مشتاق ليه ماهو حتي الحلم كان مجافيني فيه من فتره..

فجاه لقيته بيتحرك وبيميل بيا عالارض لحد ماسمعت تنهيدته وهو بيقول..

ااه ياثريا..اه من بعدك وعشقك اللي بيوجع في قلبي..

مد ايده وفتح كشاف موبايله..فبعدت عنه 

وانا لسه علي رجله حسيت اني رجعت ثريا بنت ١٨سنه..

رفعت وشي ولاول مره من سنين عينه تقع في عينه..

ولقتني ببتسم.. وانا ببص ليه اشوف السنين عملت فيه ايه؟

غيرته ولا لسه طارق زينه شباب الغجر اللي ساب بنات الغجر كلها ووقع في عشق ثريا بنت النوارس

ابتسمت اكتر ومديت ايدي امشيها علي شعره

عاوزه احفظ شكله في قلبي مين عارف هينتهي لقانا علي ايه؟

وهل هشوفه تاني؟

مشيت ايدي علي شعري اللي غزاه الشعر الابيض..بس لسه ناعم زي ماهو..

شعره الابيض ماقلش منه دا زاده وسامه وجمال..

لحيته الطويله اللي من يوم ماعرفته وهو بيربيها معدتش سمرا زي زمان بقت كلها شعر ابيض..زادته وقار وجمال..الغيره دبت بقلبي وراودني مليون سؤال

بس لقيتني بقول لنفسي..طارق لثريا من زمان..

سمعته بيهمسلي وهو بيمد ايده علي شعري زي زمان..مش انا بس اللي بملي عيني منه

هو كمان..

طارق بهمس..ثريا لسه زي ماانتي جميله..

جميله جمال فتان...كنت خايف تكوني خلفت الوعد وقصيتي شعرك..

فاكره وعدي ياثريا...

وقتها بكيت..بكيت وأنا بدفن نفسي في حضنه..وصوتي علي..

كل مافيا لسه علي وعدك ياطارق..شعري وابتسمتي اللي مبتخرجش غير ليك

قلبي اللي مدقش الا ليك..

بس انت

اتأخرت عليا اوي ياطارق..

فكرتك نسيت.. 

ارتعش قلبي بخوف.. سؤال من سنين خايفه أسأله لنفسي

↚

ياتري اتجوز.. خلف.. غيري خدت مكاني في قلبه.. وغصب عني..سألته..

اتجوزت.؟

خلفت؟.

غيري خدت مكاني..

حسيت بايده بتحضني اقوي ليه

وابتسمته ملامحه حسيت بيها علي رقبتي..

خد نفس كبير..وهمسلي..

لا في غيرك يملي قلبي ولا عيني يابنت النوارس..

انتي لعنه وصابتني ودايما ادعي رب العرش ماينسيني عشقك ياثريا..

ثريا انا لسه ليكي وعمري ماست هتاخد مكانك..

اعترافه وجع قلبي...هو حافظ عالوعد وانا..

انا شوهني ابن النوارس..ي

بكيت اكتر..وانا محفظتش عالوعد ياطارق بس والله كان غصب عني..

ـ غيرك لمسني ياطارق انا..

لسه هتكلم رفع وشي وقالي ششش

وقرب مني وبلع كلامي بأحضانه..ششش مش عاوز اسمع كلام عنه تاني..

عارف كل حاجه ياثريا..لو بايدي كنت قتلته بايديا..بس كنت خايف عليكي

متبرريش..

ثريا..

نبره صوته وكلامه..خلتني في عالم تاني...

ارفعي وشك خليني اشبع منك..رفعت وشي 

مد ايده وحسس علي شعري اللي كان بيعشقه..لسه زي ماانتي ياقلب طارق...

زاد وجع قلبي ودموعي بتزيد معاه..وارتميت بحضنه اتوسله..

طارق.؟

حسيت بدموعه علي رقبتي اللي دافن وشه فيها..وصوته اللي طالع مخنوق..

عيون طارق

وحشتني اوي ياطارق

احضني اوي ياطارق..

ـــــــــــــــــــــــــــــــــ

الياس

رايح جاي وصبا قاعده بتهز رجليها عالتربيزه قدامي وهي لابسه قميصي وبتغني بلا مبالاه..

هتجنني..كل اللي فات من عمري من غيره 

مينحسبشي..

الجو ظلام والشموع قايده..وقلبي واكلني علي اللي بيحصل في القصر وقرب طارق في الوقت دا وضعف ثريا..

ونيسان والمهمه اللي مكلفها بيها..

كل حاجه دخلت عليه..وخايف من اللي جاي..

حاجات كتير قلقاني  ومخوفاني..وخصوصا المجنونه اللي طيرت برج من نفوخي دي..

كنت فاكر انه بجوازي منها هقدر اسيطر علي خيالاتها..

للاسف بتزيد وللاسف صبا خطر علي نفسها قبل الكل..

ابتسمت وانا شايفها قدامي قاعده تهز رجليها وقميصي اللي مخليها زي البونبنايه تتاكل اكل..

وصوت غناها اللي بيخليني عاوز اهد الدنيا عشانها..

انا الغجريه بنت الوادي والصحرا 

انا المولوده تحت السما الحرا 

حكاوي السحر عني كتير يحكوها..

أنا الفرس اللي قلبه عنيد كما الصخرا..

قربت منها وعنيها بتضوي ضي علي ضوء الشموع وملت بجسمي ابص في عنيها..

سكتت وابتسمت وايدي عرفت طريقها لوسطها رفعتها بايدي وهي حاوطتني برجليها..

نسيت الدنيا وأنا بهمس في ودنها..

غني ياصبا..

غنيلي ياقلب ابن النوارس..

دفنت راسها في حضني..وبدأت تغنيلي من تاني..

انا الغجريه بنت الوادي والصحرا

انا المولوده تحت السما الحرة

حكاوى السحر عني كتير يحكوها

انا الفرس اللى قلبه عنيد كما الصخرة

وصلت بيها لحد اوضتنا اللي شهدت اول ليله لينا سوا..الاوضه دي فصلت كل حته فيها ليا وليها..وبنيت القصر دا خصوصي ياجل مايكون ليها..من اول يوم شفتها فيه..

رمتها علي السرير وصوت غناها وابتسامتها اللي بتقولي اتحداك تبعد عني الليله..وغمزت عنيها ليه بشقاوه..

خلتني اعترف اني قلبي وقع للغجريه ولا حد سمي عليه..

اوعى يدوب قلبك وتعشق بنات الغجر

تسهر تموت عطشان وانت في عز المطر

لو كنت يوم خيال وقلبك بعشر رجال

هيلين على يدي ويعيش ضعيف الحال

وهنا فقدت صبري معاها وأنا بخطفها لدنيا معاها احلي من الخيال..وانا بقولها..

وقعت ياصبايا واللي كان كان..

ــــــــــــــــــــــــــــــــ

بالقصر..

بغرفه مهران ودريه..

عالهاتف

ليه لحد دلوك ماشغلتو الدوازل..

رئيس الحراس..في مشكله بالدوازل كمان ياشيخ مهران.

مهران بحده..ازاي ده..اتصرفو لاكون مطربجها عليكو..

وشوفو المهندس يعرف منين العطل ده يابهيم انت.

رئيس الحرس بخوف..من غير ماتجول ياشيخ بعدت اشوفه اها.

دريه..بااه يامهران انعس والصباح رباح..

مهران..بقلق عليها..لع هروح اشوف ثريا واولعلها الانوار..

دريه بغيره...رايح فين يامهران..وفايتني

الليله انت ملكي..

مهران بحده وهو بيزيحها بايده..جولتلك بعدي عني اجده جبر يلمك..

دريه بعد مامهران بعدها عنه بحده..

ماشي ياثريا يااني ياانتي بعد ده كلاته برده مجدرتش اتخلص منيكي.

بس خلاص..لازم اخلص منك واتاويكي زي ماخلصت من بنتك..

ـــــــــــــــــــــــــــ

بارض الغجر..

يابابا اهدي انت اتجننت اوديك فين؟

مؤيد..بحزن...ليه ياتمام قلبي واكلني عليها..

حاسس انها الليله بخطر..

قبل ماتمام يتكلم اتكلم الزناتي..

اهدي ياأبو تمام..هانت كلها ايام..دانا بجول عنك عاقل مش اكفايه جنان ولدي وعمايله..

مؤيد بتنهيده..اعذره يازعيم..اللي شافه ماشافوش حد..

بس ربنا يستر وتعدي  الليله علي خير..

الزناتي..يارب ياولدي..ربنا يهديك ياطارق ومترتكبش اي جنان..

تمام..متقلقش يازعيم احنا محاوطين المكان..

اي حركه غدر كدا ولا كده هنلحقه ان شاءالله

ـــــــــــــــــــــ

بقصر النوارس..

ثريا..افتحي ياثريا..انتي تمام.؟

طارق..

كانت في حضني وكالعاده نسيت نفسي في حضنها وبدل مااسمعها...واعرف ايه بيها واسالها عن شكوكي في بنتها..

كنت مرمي علي رجليها زي العيل الصغير وبحكي حياتي من اول ماسبتها حتي تليفوني اللي مابطلش رن من ساجي وتمام وقاسم القلقان.. مهتمتش بيه..

كل شويه اقولها احضنيني اكتر ياثريا وهي تلبي الندا..

اللي بيني وبينها مش حب جسد ولا علاقه ولا بوسه تجر بوسه..اللي بيني وبينها روح متعلقه بروح..

معاها بحس اني ابنها وانها امي اللي عمري في حياتي ماشوفتهاولا وعيت عليها.

عشقي لثريا مابينتهيش،بيزيد رغم اني عارف اني اللي بعمله دا غلط وحرام..ويمكن ربنا يعاقبني تاني ببعدي عنها..

بس غصب عني..قلبي المشتاق ووجعه خلاني لغيت كل العقل اللي عندي وسبت مشاعري تتحكم فيا..

في فراقنا كنت بتخيل نفسي يوماتي في حضنهاا وبشكيلها همي..

نسيت الدنيا وهي بتسألني وزي المغيب برد.

ثريا قادره تطلعني السما بكلمه وتنزلنيتاني بكلمه...

بعمري ومركزي لسه ضعيف وزي الطفل الصغير بقربها...

سمعت صوته بينادي عليها..

اتنفضت..وجزيت علي سناني نفسي اقتله..خرجني من حلمي وصدمني انه امتلكها قبلي وانها لسه علي ذمته

حاسس اني دموعي بتهدد تنزل..

ومن وسط دا كله حست بايدها اللي مديتها وضغطت علي جفوني بشده فنزلت دموعي..

كنت فاكرها نسيت،حاجات كتير كانت بينا 

كنت خايف تكون نسيتها..انامنستش اي حاجه تخصها..

ودي حاجه من حاجات كتير كانت بتعملهالي لما تحس اني هنهار ودموعي هتنزل..

ابتسمت بمرار..وسمعت همسها..

ـ والله ياطارق ماخنتك ولا هخون كله بالغصب وبالكره...

روحي وقلبي ملك ليك..ولو خد جسمي..خده غصب عني..

صوته بيضرب في ودني. باسمها.

ـ افتحي ياثريا..

ولسه هتكلم سمعت صوت ساجي بيقوله..

في ايه ياعمي بتدق علي ثريا. دلوقت. 

نامت من بدري من اثر الحبوب..

مينفعش اجده..

مهران بقلق..النور جاطع وخوفت تكون من غير نور..

ساجي..متجلجش انت ماهياشي داريه بحدا..نص ساعه ويشتغل الديزل..

روح انت، وانا هتصرف..

مهران بتساؤل..وينه إلياس ياعارف..؟

عارف بهدوء.بمهمه برا البلد، هيخلص شويه حاجات ياجل سباق الفرسان..

مهران..عال عال..ربنا يحرسكو ويمر السباق علي خير..

ساجي يارب ياعمي..

بعد شويه سمعت صوت تليفوني باسم ساجي..

فتحت بحده..

فاتوسلي اخلص عشان مهران مايشكش في حاجه..

قفلت لي وشه..ورفعت وشي..

لمحت دموعها..

مديت ايدي مسحتها وهي بتسألني..

هتمشي؟

ــــــــــــــــــــــــــــــــ

بالوكر..

غمضت عيني وهو نايم في حضني زي الطفل الصغير لازم اخلص مهمتي الليله..

ياجل مايتم المراد ونخلص من الشر اللي محاوطنا واطلع لبنتي..

رجعت بيا الذكريات لاول مره شوفته فيها..

كان راسم دور الطيبه ببراعه..سبحان الله بيقلب فعلا الوجوه علي كل شكل ولون..

لومت نفسي وانا عارفه انه جواه طيبه الدنيا بحالها..بس هي الظروف والتربيه..

اه خدعني..وضحي ببنتي..بس هو مجبور

بس مهما عمل..القلب كرهه..

غمضت عيني وانا باكد لنفسي اني هقدر..لازم اخلص الليله..

لازم انتقم لكل اللي اذوني..الياس قالي في برا كتير بيحبوكي..

بس انا مش عاوزه غير بنتي ضي عيوني..

نفسي املي عيني منها..

اتسحبت علي ضوء بسيط بعد مااتأكدت انه عقبه في سابع نومه..مديت ايدي لتليفون اللي الياس عطهولي اكلمه..

رنيت عليه وانا بتسحب..بهدوء مش عارفه ايه مخبيلي..

لازم اوصل..

قربت من الغرفه اللي فيها المسلح اللي انصاب وسمع اسم إلياس..

واتسحبت ودخلت ليه..

مديت ايدي ولسه همد ايدي انزع قناع الاكسجين..

لقيته ورايا بينادي وقع التليفون

وهو بصلي بصه غريبه وبصوت قوي ارتعش له قلبي

صرخ باسمي..

نيساان...

ــــــــــــــــــــــــــــــ

بقصر الجزيره...

كنت في حضنها..تايه زي العاده..

لحد ماسمعت رنت تليفوني 

انفزعت علي صوته اول ماشوفت اسم نيسان وفهمت انها هتنفذ المهمه 

واول مابدأت اتكلم واوصفلها..شفت صبا حطت ايدها علي ودنها.

↚

وتلاه صرخه عقبه باسم نيسان..وعرفت ان انتهي امرها ولازم الحقها..

انقفل الخط والامور اتعقدت اكتر من الاول

رجعت لصبا...

ومدت ايدها علي ودنها..

مديت ايدي أبعد ايديها عن ودنها..

اهدي ياصبا..اهدي وخليكي معايا

جسمها كله كان بيتنفض..ووهي بتمتم بكلام مش مفهوم..

ومن بين كلامها..سمعتها بتقول نيسان..

عرفت انها شافت نيسان تاني في سبتها 

صبا كل اللي بتشوفه للاسف حقايق

شهقت بعد شويه وهي بتبصلي بخوف..

الياس..الحق نيسان..

الياس بصدمه..اهدي ياصبا..شوفتي ايه..اتكلمي...

هزت راسها بفزع وقالت..

مفيش وقت..نيسان انكشفت هيقتلوها...انا شفتها..يالا بينا..ياالياس..الحقها ارجوك..

يعد ماحكتلي اللي حصل انصدمت..

بسرعه لبست هدومي وهي لحقتني..

مش هسيبك..هاجي معاك..

مسحت وشي بايدي بتوتر..وانا بقولها..

ارجعي ياصبا متأذنيش فيكي لازم الحق نيسان

ملهاش ذنب

بكت وهي بتهز راسها..لا مش هسيبك..

غصب عني طرت بالعربيه وسبتها بتصرخ ورايا

مش هينفع اخرجها ولا اعرضها للخطر..

اتصلت بساجي ووتمام..وانا عارف ان الليله مش هتعدي وان اللي جاي احتمال كبير ميكونشي زي ماخططنا

بس كفايه كده علي نيسان

لازم نجمع شملها..

ــــــــــــــــــــــــــ

بالوكر..

ماذا تفعلين نيسان.؟

نيسان بتوتر..لاشئ..

عقبه بصدمه..حقا..

وما هذا...اشار بيديه علي الهاتف بيدها..

من اين لكي بهذا نيسان..

عقبه بحده..انطقي..

(نيسان)

لاول مره محسش بالخوف..بالضعف..معدش في حاجه اخاف عليها بنتي بامان برا..

يبقي ليه الخوف والقلق بكفايه لحد كدا..

مد ايده يمسك ايدي بحده..

اتجمعت فيا قوه عشره معرفش جاتلي منين بس سمعت صوت في ودني بيقولي متخافيش 

احنا جمبك..صوت همس ناعم زي مايكون صوت ست

وزقيته بقوه لدرجه فتح عيونه بصدمه ووقع عالارض..

ولاول مره اكلمه عربي في حياتي..لدرجه انه انصدم.. ووقف الكلام علي لسانه..

خرجت سلاح كنت سرقته منه هو من تحت جلبابي..

وقربت منه..

عاوز تعرف ايه ياعقبه؟

شهق وقالي..بتتكلمي عربي..نيسان من امتا؟

ضحكت بصوتي كله..وانا بقوله.مش لوحدك انت الذكي هنا..

ضاع من عمري كتير وان الاوان يااخلص عليك ياتخلص انت عليا..

بلع ريقه وقالي..نزلي السلاح دا يانيسان المكان كله مسلحين متأذيش نفسك لو سمعو ضرب النار هيقتلوكي..

بصيتله بغل وانا بقوله..يقتلوني..ما يقتلوني وايه المشكله ماانا كدا كدا ميته..

لازم اقتلك واخلص الناس من شرك..

لسه هتكلم لقيته قام انفلع وبمهاره حكم ايده عالسلاح..

فضغط ايدي اللي ماسكه الزناد وانابصرخ فيه..

هقتلك ياعقبه..هقتلك...

وفعلا انضغط الزناد.. وانصدمت لما شقت  الطلقه  صدره..فصرخ اااه..ياغبيه..هيقتلوكي يانيسان...

 لازم تهربي قبل مايكشفوكي.

معرفش ايه اللي حصل بس فجأه..جسمي اترعش وصوت ضرب النار اشتغل في كل مكان..

دموعي نزلت وانا اتاكدت ان خلاص آن اوان الفراق..

سمعته بيهمس وبيشاورلي بايده..

قربت منه وانا برتعش..

همست بضياع..انا ضايعه خلاص

انا مش قصدي اناااا كنت بس..

اتلجلجت معرفتش اتكلم من خوفي ودموعي

أنا مظلومه..كان ايه ذنبي يدخلني جوه دايره بتسحبني أكتر للموجه..

مد ايده وابتسملي وقالي بصوت ضعيف بيخرج بالعافيه

متبكيش، انا كدا كدا كنت هموت، بس عاوزك تعرفي

اني بحبك يانيسان..

بحبك اكتر من روحي

انا عارف اني ظلمتك..بس دا من عشقي المجنون ليكي

ـ لما اتخليت عن بنتنا كنت بحافظ عليكي انتي..خيروني فراق بنتي ولا فراقك..

غصب عني..مقدرتش اختارك..فاخترتها..

شهق ياخد نفس وانا جسمي بيترعش اكتر مبقتش قادره اسيطر عليه، ودموعي نازله..

لو قابلتيها ووصلتيلها قوليلها تسامحني واني عشت عمري كله مستني يرضو عليا والاقيها..

مسك ايدي بايده الغرقانه بدمه..وقربها وباسها..

وخد نفس وكمل..فاكراني بخونك..

وانا والله

عمري ماخنتك يانيسان..ولا واحده قدرت تاخد مكانك..سامحيني مكنش بايدي.ياريت يرجع الزمن وأرجع شاب في الجامعه وانا كنت خدتك وهربت بعيد عن كل الدنيا واكتفيت بيكي،بس دا قدري مكنش منه مهرب..

اسمعيني..

اهربي يانيسان..اهربي ياحبيبتي..

هزيت راسي  وقولت بصدق لاول مره..

لالا..انت هتعيش..وهنقابل ساره سوا..

انا عارفه انك طيب..طيب اوي ياعقبه..

ابتسملي.وهو بيشهق  بقوه..

اسمي أمير..بيقولولي الامير..لاني اسمي أمير

عيطت بقوه اكتر وحسه اني حياتي كلها كدبه حتي اسمه الحقيقي معرفوش

وبقول ليه..ليه..؟

ابتسم وكانه بيودع الدنيا وقالي احضنيني يانيسان..كان نفسي في حضنك من زمان..

خوفت..وقربت منه خدته في حضني..

وبكيت..بقوه..اكبر..

همسلي هو..

متبكيش..خلي روحي تطلع بامان..

دفنته في حضني وأنا بقوله..

انا مكنتش عاوزه اموتك ياامير..

طلع منه اخر كلمه قبل ماجسمه يرتخي..

 ياااهوكان نفسي اسمع اسمي من شفايفك من زمان.. متبكيش، دي موتي يانيسان اللي اتمنيتها من زمان..اموت علي ايدك انتي..

قبل ماصوتي يعلي لمحت ضوء المسلحين من كل مكان..

وصوت في وداني اهربي..معدش وقت 

اجري يانيسان..

سبته من حضني  بعد ماجسمه ارتخي وفارق الحياه.. 

بوسته بوسه طويله.. 

وجريت بالاتجاه اللي شاورلي عليه..

كان ممر طويل..

وياتري هلاقي بعده الامان..

ــــــــــــــــــــــــــــــ

بأرض الغجر..

في ايه يا تمام..؟

تمام بلهفه وسرعه..مفيش يابابا..

مؤيد. بحده..في ايه،قولتلك في ايه؟

حد يفهمني.

تمام بعد انتهي من لبسه وكمم نفسه

سابه ومشي من غير كلام..

مهره بخوف..في ايه ياساجي؟

ايه اللي حصل..؟

(ساجي..)

ساجي..مهره اسمعيني كويس..اوعي تتحركي من مكانك..

مهره بخوف..قلبي مش مطمن قولي ومتخبيش عليا..

ساجي لمؤيد..اللي واقف يبص علي مهره كانه شايفها قدامه..

مهره امانتك..لحد ماارجع..وبص لمهره.وابتسم ومسك ايدها وباسها..دا مؤيد اللي حكتلك عنه..

لو ربنا اراد هتجتمعو الليله  وامك هتاخدك في حضنها زي ماكان نفسك من زمان.. ولو ماأرادش..

حطت ايدها علي بوقي وصرخت في وشي..مش عاوزه غيرك..

قولتلك ميهمنيش غيرك..هترجع ياساجي..

دموعي فرت ومديت ايدي خدتها في حضني

وابتسمت وأنا بقولها..

هرجع يامهره..عشان خاطر عيونك..

بس ادعيلي..

مؤيد..بخوف..قولي انت ياساجي نيسان مالها..

بصتله بهدوء  وركبت عربيته وجريت وراهم

وانا بدعي ربنا يبرد علي قلبي وقلبها

ـــــــــــــــــــــــــ

مهره..

بكيت وانا قلبي مش مطمن..لمحته بيبتسملي ويقولي..انتي شكلها اوي..

مش عارف ازاي تمام ابني الغبي معرفكيش

دانا طول الوقت حاضن صورتها..

ابتسمت وقولتله ابنك دا من يوم ماشوفته وانا مسمياه الغبي

ضحك ضحكه موجوعه..وقالي تعالي احكيلك حكايتي معاه

ابتسمت..ومسكت في ايده الممدوده ليا

وقولتله..يالا..

ــــــــــــــــــــــــــــ

بالقصر..

(ثريا)

مدلي ايده وقالي بخوف لمحته في عيونه من رده فعلي..

يالا ياثريا

هزيت راسي..بدموع..وقولتله مش هينفع

طارق بجنون..ليه؟

انا اقدر احميكي بروحي واطلقك منه..بكيت اكتر واناي ببعد عنه..لسه مأنش الاوان..

 بصلي طارق بصدمه..

ـ عدي السنين دي كلها..ولسه مانش الاوان..

وبوجع كمل..امتي ياثريا هيأون الاوان..انا والله تعبت.تعبت ياثريا..

بدموع كملت..غصب عني..ياطارق..ياريتك خطفتني من زمان..

دموعه نزلت ومد ايده خطفني لحضنه 

ـ كنت جبان..ياريتني خطفتك وهربت..

متسبنيش ياثريا..

 حضنته وبوست راسه..

ياريت ينفع بس لسه الحساب مخلصش...

لسه ياطارق..

كان علي طرف لساني اقوله اخطفني ومترجعنيش هنا تاني..هنا شوك بيمشي في جسمي.

هنا سجن ومهران السجان..

بس خوفت يؤذوني فيه..زي زمان..مهران الدم عنده حلال..

قاتل..افتكرت بنتي واللي حصلها، وافتكرت ظلمي وظلمها وقررت ابقي..

لازم ابقي يااجل ماشوف انتقام ربنا من كل اللي اذونا...

بعدته عن حضني وابتسمت وانا بقوله

لو لينا نصيب هنتجمع من غير ميعاد..

حضني اقوي وقالي..

هفضل العمر كله علي الوعد ياثريا...

مد ايده وخرج من جيبه..تليفون..

بصيتله..ايه دا؟

ابتسم وقالي..

خليه معاكي..عشان اقدر اكلمك عليه..

مش هقدر بعد مالقيتك مسمعش صوتك تاني..

دموعي نزلت..وحسيت ان ظهري اتعري ورجع البرد يهزني بقوه..

لسه هيقرب من الشباك..

جسمي اترعش وصوتي مبقااش طالع..

بس وصله..ندايا..

طااارق..

ـــــــــــــــــــــــــــــــــ

علي فيض الكريم تغوص خطايا

لا عنت قادر عالبعد ولا للقرب تمشي خطايا

هنا بداخل القلب علقم ومرار من كل دنيايا

اين انت.؟ واين أنا؟واين نلتقي ياسعدي وهنايا؟

يامن بلقياه تتفتح زهرتي..ويامن ببعده تنقلب دنيايا

ادعو بقلبا خاشعا..ان تجتمع الدروب ويتحقق منايا....

↚

(من وسط العتمه)

ــــــــــــــــــــــــــــــــــــــ

بالوكر..

(نيسان..)

الخندق كان طويل وصوت الرصاص بيقرب والخطوات بتزيد..بس مش ورايا..ماعرفش فين 

كل اللي عرفاه ان لازم اجري.. صوت ضرب النار وصوت الرجال وعراكهم بيزيد وكأن في ساحه حرب بره.. 

وقفت وهنا خلاص مبقتش قادره اجري.. 

وقعت عالارض وحطيت ايدي علي ركبي واملي في شوفه بنتي بيقل.. حاسه اني روحي بتروح وان الاتجاه اللي مشيت فيه مش بيودي غير للموت.. 

بقيت في اخر الممر ومفيش مكان للخروج 

واتاكددت اني خلاص مفيش مفر

بس كان نفسي اشوف بنتي واملي عيني منها

الاكسجين بيخلص ودوامتي بتزيد

وصوت بيرن في وداني كل ما قوتي بتروح.

يقولي متخافيش

صوت بنت اتمنيته يكون بنتي..

استسلمت لدوامتي اللي مش عاوزه تسيبني.. 

دوامه ملهاش آخر كل ماقرب من حبايبي مصره  عنهم تبعدني.. 

خلاص..مفيش امل.

وقبل ما اروح في ملكوت تاني حسيت بايدي بتسحبني.. بتقولي..متخافيش انا جنبك.. 

وطاقه نور انفتحت وكانها بتقولي

خلاص من جوه المرار والضياع في امل

ـــــــــــــــــــــــ

(صبا..)

مشي إلياس  وسابني.. انادي وراه، عارفه انه خايف عليا.. بس انا كمان الهاتف اللي في وداني مش سايبني.. بيروح بيا لخيالات واماكن عارفه انها حقيقه ولا مره كدب عليا.. 

عارفه انه طريق خير مش شر.. 

وان الست اللي بشوفها دي ام اقرب حد ليا في الدنيا

فعشان كدا لازم الحقها..مهره تستحق بعد العذاب اللي شفته في الدنيا

لمحت الحرس محاوطني من كل مكان.. جزيت علي سناني وانا بقول ماشي ياالياس آن الاوان 

تعرف اني مش صبا اللي تنحبس.. 

هتشوف يابن النوارس

ابتسمت وانا عارفه انه هيقوم الدنيا كلها عليا 

ويمكن يعاقبني ببعده وهجره ليا

ويمكن يعند معايا ويروح لمراته الدنيا

كل ماافتكر ان في غيري مشاركاه حتي اسمه الغيره بتملاني وببقي عاوزه اقتله بايديا

انت ليا لوحدي ياالياس..

اوف..همست لنفسي..

دا وقته يامجنونه..لازم الحق الحوريه الحزينه..

غمضت عيوني وابتسمت وانا شايفه طريقي كويس وعرفت فين هياخدني.. 

مش قلتلكو انا مبخفش.. 

تليفوني معايا..ومساعديني العزاز..هيقومو بالواجب

رفعت تليفوني واتصلت عليه يقابلني هناك..

وهو هيكمل ويجيب البقيه..

كدا تمام اوي..

ـــــــــــــــــــــــــــــ

بالوكر.. 

تمام بذهول 

وهو بيبص حواليه.. يدور عليها.. 

بعد ماانتهي العراك قدامه المسلحين اللي مربط واللي مرمي.. 

وعلي يمينه إلياس. وشماله ساجي اللي انصاب برجله.. 

حتي عقبه قدامه مرمي.. بس فين هي.. راحت فين.. 

ملهاش أثر.. 

تمام بصدمه..

راحت فين ياألياس..؟ انا هتجنن..

إلياس.. وهو بيدور بعنيه في المكان.. مش عارف هتكون راحت فين يعني.. مش ممكن.. 

حتي التليفون اللي كان الوصل بينا مرمي اهو... 

ساجي بتعب وهو بيشير بصابعه للممر

بصو في ممر هنا يمكن مشيت فيه..

تمام للقوه اللي معاه.. خدوهم كلهم.. وخدو ساجي عالمستشفي

ساجي بتعب.. لا هاجي معاك.. 

ألياس بحده.. تيجي فين.. انت مش شايف حالتك.. يالا روح وانا وتمام واتنين ثلاثه بس هنسكتشف الممر وان شاءالله نلاقيها

انت نزفت كتير..ارجع انت..

ساجي بخوف.. انتو اتجننتو انتو عارفين بيوصل لفين.. وايه مستنيكو هناك..؟

تمام.. متقلقش لو حصل حاجه هنطلب الدعم.. روح بس انت.. طمنهم وطمنا عليك.. 

بقله حيله ارتمي ساجي عالسرير النقال اللي جبوه ليه..

هو فعلا تعبان ونزف كتير..

اللي حصل الليله بوظ خطط كتير وفتح العين بدري والامل بقي ضعيف في القبض عالكبير.. 

يعني لسه الدايره زي ماهي.. وقوه الشر واضح انها لسه موجوده..مش هتنتهي ابدا.. 

ــــــــــــــــ

بعد ماوصلو لاخر الممر انصدمو 

الممر مقفول ومفيش حد.. يعني مشيو دا كله والاخر الممر مقفول.. 

تمام.. وهو بياخد نفسه بالعافيه... مفيش حاجه راحت فين بس..؟

ابويا مش هيعديها عليا..

يالله.. هنعمل ايه دلوقت..

إلياس بتعب.. يالا بسرعه نخرج ليكون فخ.. يالا...واحنا لوحدنا والاكسجين بيخلص..

تمام.. عندك حق.. اظاهر ان الموضوع اكبر من عقبه نفسه.. 

ربنا يستر..

ــــــــــــــــــــــــــــــــ

بالمستشفي. 

ـــــــــــــــ

مهره بدموع..ألياس ارجوك قولي ملقتوهاش

ازاي.

آلياس بحزن عليها..للاسف لما وصلنا مكنتش هناك بس متقلقيش ان شاءالله هنلاقيها..

مد ساجي اللي راقد مربوطه رجله ايده ليها..

فلبت الند ودفنت راسها في حضنه..

خرج الكل وسابوهم..الموقف يحزن..وكل مالامل ينولد يرجع ينواد في ثانيه

(مهره)

طول الليل وانا بمني نفسي اني اشوفها حكايات مؤيد عنها وعن جمالها واني اشبهها فتحت قلبي ليها واتمنيت بس المحها واشوفها واترمي في حضنها..

بس رجعولي باغلي حد علي قلبي منصاب..جريت وانا بقول اكيد لقوها وهناك هترمي في حضنها..وتهون عليا اصابته

بس ملقتش حد غيره برده هو..رموها في وشي وقالولي ملقوهاش

غصب عني لقيت نفسي بسال اشمعنا انا؟

واشمعنا هي؟

ااه ياامي..

فتحلي دراعه فاترميت في حضنه..

خرج الكل ومبقاش غيري انا وهو..

همسلي..مهره.حبيبتي..

بكيت اكتر..وانا بقوله..كان نفسي اشوفها..

اشمعنا انا؟

رفعلي وشي..ومد ايده مسح دموعي بحنيه بتنسيني الدنيا..

ـ وحياتك لترجع بس انتي متبكيش،وبعدين مش قلتي حضنك كفايه عليا..

اترميت في حضنه وبكيت اكتر وانا بقوله..

ااه ياساجي..كفايه عليا..

بس دي أمي..غصب عني..

ضحك وقالي..هترجع..وحياتك هترجع ان شاءالله.

ـــــــــــــــــــــــــــــــ

برا في المستشفي..

كان واقف ألياس اللي قلبه متوغوش عليها وفي ايده تليفونه بيرن ومش بترد..

قرب منه تمام..في ايه؟

الياس..بتوتر..صبا مبتردش..خايف تكون جرالها حاجه..انا هنروح اشوفها..

تمام بخوف من ابوه اللي حايشه عنه طارق بالعافيه..

انت هتسبني وتمشي طارق حايش ابويا بالعافيه..هيموتني

الياس بابتسامه..تستاهل..

تمام.باستنكار.بتبعني يألياس..؟

ألياس بحزن..سيبه يفك عن نفسه ياتمام..كلنا في الهوا سوا..

تمام بحزن..عندك حق..شكرا ياألياس لولا مساعدتكو ليا مكناش وصلنا ليها..يكفي ان عرفنا مكانها

الياس بابتسامه..شكرا ليكو انتو ياتمام..انكو هتخلصونا من تجار السلاح وترحمونا منهم ومن تهديدهم للعزل والمواطنين..احنا معاكو لحد مانخلص منهم كلهم..دا واجبنا..

تمام..عاش ياصاحبي..يالا روح وانا ربنا يتولاني من الوحوش دول...

ـــــــــــــــــــــــــــــ

طارق..

نعم يامؤيد..

مؤيد بحزن..عليها..تفتكر هترجع..راحت فين؟

طارق بوجع بقلبه زي وجع صاحبه واكتر..اظاهر ان نصيبنا الفراق يامؤيد

استودعها عند ربنا ياصاحبي..ولو لنا نصيب هنتجمع كلنا من تاني..

مؤيد بحزن..حط ايده علي وشه يخبي دموعه وهو بيهمس بقلبه..

سامحيني يانيسان..ياريت يرجع بيا الزمان وانا كنت خبستك بايدي ولا سمحت لشويه كلاب يعملو فينا كدا..

ااه يارب..

(طارق)

من ساعه ماخرجت من عندها وانا حاسس بوجع في قلبي..وان في حاجه مني سبتها عندها

↚

حاسس بان في حاجه هتحصل..

قلبي مامشي واخرج ارتمت في حضني ووصتني علي بنتها..

بنتها اللي من وسط جراحي وشوقي نسيت اسألها عليها وعلي شكوكي فيها..

فراقنا كان زي لقانا صعب..حاسس اني في دوامه

ملهاش اول من اخر..

عمال اقاوم اني اروح اخطفها تاني واللي يحصل يحصل

بس فجاه اتحركت رجلي..لمكانه..

رغم حزني منه وانه طول السنين دي كلها اتصل بيه وميردش عليه..

لقيت رجلي مفارقهم كلهم وريحاله..

وقفت قدام خيمته..وقبل ماادخل نادي عليا

زي ما كان دايما..

حافظ خطواتي..

دا ابويا مهما بعدت..ومهما غبت عارف معاناتي.

خش ياطارق..

دموعي نزلت وانا بجري ارتمي في حضنه 

وبقوله..

وحشتني ياأبويه..

طبطب عليا وقالي..

طالت غيبتك يابن الزناتي..

ـــــــــــــــــــــــــــــ

بعد يومين.. 

ازاي يابهايم راحت فين..؟ 

أنا هدفنكم كلكو.. 

الحارس.. والله ياسي ألياس انا جلتلك مره ماحد خرج من اهنه ولا دخل الست صبا بعد مامشيت انت داخله جدامنا من اهنه..

ألياس بجنون..صبااااا مفيش فايده فيكي.. 

ساجي بتعب بيتسند بالعافيه.. علي رجله المصابه.. 

اختي فين ياألياس انا امنتك فيها.. 

الياس بحزن من امبارح وهو قالب الدنيا عليها 

مش عارف، مش عارف..

مفيش مكان مدورتش فيه..أختك هتجنني

ساجي..لو اختي جرالها حاجه مش هسامحك يالياس..مش مسامحك ابدا..

الياس بوجع..مش لما اسامح نفسي الاول...

ااه ياصباا..بس اما الاقيكي..

يارب..

ـــــــــــــــــــــــــــــ

بمكانهم السري

مكان الخطط والمؤامرات زي ماهما مسمينه..

ميعرفش بيه غيرهم..

صبا بغيظ من سبأ..

سبأ انجزي خلصي..هي هتبقي كويسه ولا لا..

دي لسه بتخطرف ومش معانا خالص..

سبأ وهي بتاكل الجزره وبتغني اغنيتهم المفضله

انا الغجريه بنت الوادي والصحرا

انا المولوده تحت السما الحره..

سكتت وقالت..

اه يعني ساعه ولا حاجه وتفوق..دي بس اكمن حرارتها عاليه..اول ماتتظبط هتبقي فل..

صبا بغيظ..انتي يابت هتشليني..اقسم بالله..

بقالك يوم كامل تقولي كدا..

سبأ بغيظ..وهي بتاكل اخر حته في الجزره..

ماهو انتي لو واثقه في قدراتي مكنتيش كل شويه سألتي..

وبعدين لولايا مكنتيش عرفتي تتحركي..

صبا..اوف منك نفس النغمه اهو..وبعدين متنسيش زهري شريك النصايب هو اللي بيلحقنا

بس يكش ميقرش مع اول قلم من الزناتي..

سبا  بانتباه..محكتيليش يعني حكايه نيسان دي..من بدري وانتي بتقولي اتقلي هقولك..

ـ غجريه اسرت قلبي✍️أسما السيد✍️

صبا بغمزه..نيسان دي تبقي عمه حبيب القلب..

سبأ بلهفه..يلهوي قولي بجد وانا اقول الواد.دا جايب الحلاوه دي منين اتاريه من عمته..

سبأ بعد ماافتكرت ألياس..صبا انا مقولتلكيش الياس قالب عليكي الدنيا برا..وسمعته بيقول لتمام..تلاقيها عملت نصيبه تاني وهربيها يعني هربيها..

صبا. بصدمه..وهي بتجز علي سنانها،ماشي ياألياسان موريتك..

وبغمزه كملت ..سيبيه، خليه يدور عليا...

سبأ بذهول..جباره..طب ومهره..؟

صبا بتنهيده..خلينا بس نطمن علي الغلبانه دي وتفوق وتبقي قد المواجهه..لازم تقوي وتقف علي رجلها..صعبانه عليا قوي وانتي عارفاني مبحبش الست الضعيفه

لازم قبل ماتخرج من هنا تكون قويه..

سبأ بفخر..كل يوم بيزيد فخري بيكي ياصبا..

انا همشي انا بقي خلي بالك لو حصل حاجه كلميني..انا جبتلك شريحه جديده وشحنتها..

هتعسس عالاخبار واجيلك بس ادعيلي ابني عمي يحل عن سمايا..احسن هترتكب فيه جريمه..

صبا..مهره عامله ايه.؟

سبأ..حزينه..وساجي حزين عشانك وعشانها..فكري تاني ياصبا ابن النوارس المره دي مش هيعدهالك...

صبا بابتسامه ماكره..تفتكري هيعرف مكاني..؟

سبأ..بقله حيله..مجنونه..اما اروح الحق تمامي..

صبا..بضحك..روحي ياختي روحي..

ومتنسيش تخليه يمسكلك الفار..

سبأ..بضحك..فكرتيني..جيالك ياتمام..

ــــــــــــ

(صبا)

اول مره ابقي مبسوطه ومرتاحه من خيالاتي واللي معايا كمان....انك تنقذ انسان برئ كل ذنبه في الحياه انه سلم نفسه للحب والصحبه بكل امان  وطيبه، اجمل ماعملت في حياتي

بعد ما سابني الياس..اتمنيت بقلبي اساعدها

وفعلا جالي الهاتف وشوفت كل حاجه بعنيا..

وزي العاده لما بحب اعمل حاجه بعملها

انا مبخفش وفي الحق عيني قويه..

المكان اللي شوفته مكنش بعيد عن قصر الجزيره كان باقي، بس ازاي اخرج من قصر ابن النوارس..

مفكرتش هيزعل مني ولا هيعاقبني كل اللي فكرت فيه ان الست دي ضحت بعمرها كله وانغدر بيها من كل الدنيا..

هنا بس صوت المرأه طلع من جواتي وقررت اساعدها بكل قوتي.

من ورا قصر الجزيره قدرت اخرج معرفش ازاي لقيت كل حاجه سهله قدامي

بس اللي انا متاكده منه ان مدام نويت الخير ربك بيسهل كل حاجه قدامك

في الاخر دي نفس بريئة عانت من الظلم والوحده ليالي.

الياس حكالي حكايتها وحكايه مؤيد والصديقه الخاينه اللي مكرهش حد في حياتي قد الصحبه الخاينه.بقرف منهم..والحمدلله لحد الان مقبلتش الصنف دا في حياتي..

جريت بسرعه، لحد ماوصلت قدام المكان اللي شوفته في الخيال

الهاتف جاني وقالي هو دا..

كان صوت الرصاص واصلي في وداني

كنت خايفه تكون النهايه واموت ومامليش عيني من شوفه ابن النوارس..

بس مهتمتش قربت من باب الخندق اللي تحت الارض وفحرت بايدي في الرمل لحد ماظهر باب من الحديد قدامي وبكل قوتي شديته فظهرت هي بتعاني عشان تاخد نفسها..

بتقاوم دوارها..وخلاص هتروح في عالم تاني..

لمحتني..مديت  مسكتها ومدت ايدها..

ومسكتها بايديا..

وقولتلها متخافيش انا جنبك..

نزلت بعد  ما وقعت عالارض بتفتح عنيها وتقفلها..

بالعافيه..

قولتلها متخافيش انا صبا مرات ابن النوارس

همستلي بتوهان، الياس..

ابتسمت وانا بحاول اعدلها من عالارض..اه هو..ولو عرف اني انا اللي ورا انقاذك هيولع فيا..

بس مايهمش انا عاوزه ادوخه شويه..

كانت بتروح في دنيا تانيه خلاص.

قولتلها اجمدي بس نطلع من هنا..

هزت راسها وهي مش قادره تتحرك..

لمحت زهري اللي اتصلت بيه وانا جايه وعرفته المكان..

بيبص في الخندق ويقولي..

ـ صبا ياملكه الاذيه انا عارف نهايتي علي ايديكي ياوليه..

جزيت علي سناني وقولتله شيلها يازفت انت..دي اغمي عليها مش داريه بحاجه..

زهري بولوله..هاتي يختي..انا عارف مبيجيش وراكي غير النصايب..ربنا يستر..

خرجناها برا وركبناها عربيه زهري..وروحنا المكان اللي محدش يعرفه غيره هو وسامر ومهره لو فكرت شويه وطبعا شريكتي في الاذيه طبعا عارفينها سبأ..

واول ماوصلنا كانت سبأ وصلت واسعفتها وعلقتلها محلول مغذي وشويه تفتح وشويه تروح في دنيا تانيه.. 

اتنهدت وانا سمعاها بتنادي باسم عقبه شويه..وساره شويه..ومرات كتير باسم مؤيد..

اكيد دا ابو الغبي عاشق الغجريه..

ـــــــــــــــــــــــــــــــــــ

سبأ..

انا الغجريه بنت الوادي والصحرا.. 

انا المولوده تحت السما الحره... 

(تمام)

من امبارح وانا مش عارف اتلم عليها.. ابويا غضب مني بعد ما مقدرتش انقذ نيسان.. 

للاسف هو عنده حق.. الكل علي اعصابه بعد اصابه ساجي والكل بدا يشك.. 

الجو مكهرب حتي التعليمات اللي جتلي ان الموضوع بقي اخطر من الاول بس انا مستمر يااجل ماتنكشع الغمه وينفك الكرب.. 

اتنهدت بحزن وانا مش لاقيها مخفيه من امبارح..

وانهارده اجازه..مفيش جامعه..

حتي جار الينبوع مش موجوده..

بدور وشي ياجل ماارجع اتعسس عليها في حته تانيه

لمحتها جايه بتبتسم بتغني اغنيه..

غصب عني ابتسمت بتحرق دمي في ثانيه وتنسيني همومي في الثانيه التانيه...

قربت مني بهدوء..وهي بتغني..

تمام بغيظ...كنتي فين يادكتوره سبأ؟

ابتسمت وقالتلي بهمس..وحشتني ياعيون سبأ..

لسه هتقرب عليا..

سمعنا صوت حاد قوي..

بينده عليها..

وبيشدها من ايدها بقوه..

سبأ..

ـــــــــــــــــــــــــــــــ،

الاسكندريه..

الجامعه..

سوزان..

ايوا..يامازن...

مازن..مش هتيجي تقعدي معانا في الكافتيريا شويه..

سوزان بتوتر..لا مش هينفع مستنيه خطيبي...مره تانيه

مازن بصدمه..انتي مخطوبه.؟

جاله صوت زي الرعد من ورا..اه مخطوبه..وياريت تهوينا شويه.

مازن بغيظ..مين حضرتك؟ 

وازاي تدخل كدا.مين سمحلك..

(سامر)

من يومين مارحتش الجامعه خصوصا بعد قلقها علي والدتها وقله اتصالها..

وانهاردا بس قررت تروح..

غصب عني كنت مبسوط من بعدها..انا مش اناني بس الغيره بتنهش فيا..

بيقولو دايما..ابعد عن بنات الغجر بيسرقو الفراشات من عالشجر

بس مقالوش، عن غيره رجال الغجر اللي  زي نار الحجر..

غيرتي نابعه من جوا قلبي..لما بشوفها بتبتسم لغيري بحس بنار طالعه من جوايا حتي لو كان طفل صغير..

مش ذنبي اعمل ايه....؟

دي طبيعه نفس وغيره متوارثه اتربيت عليها.

قلبي مش طري وعشقي حامي..وهي عارفه وانا قلتلها الكلام دا

وصلتها الصبح للجامعه بعد تعليمات مني لا بتنتهي ولا هتنتهي..

وطول اليوم مش شايف قدامي..غصب عني بفكر

ياتري قبلته..كلمته..ولا اتعرفت علي مين تاني...؟

ماهو مش هقدر امنعها عن كل الدنيا للاسف

الشغل كله عليا بعد ماوكلني بيه طارق

طارق اللي من ساعه، رجوعه من ارض الغجر وهو واحد تاني..

لا بقي مركز ولا شايف..وولثقته فيا اداني مكانه..وهو يدوب بيمضي وسارح وعلطول ماسك تليفونه..ومتوتر وقرفان..

كله في مواله بيبكي علي حاله..

وفي نص يومي مقدرتش اكمل..

دلوقتي عندها بريك..الغيره نهشت قلبي وانا متاكد انها هتحتك بيهم..العالم مش انا وهي لوحدنا

سوقت بسرعه ولقرب الشركه من الجامعه وصلت في دقايق..

وزي مااتوقعت لقيت..واقف البارد يكلمها

بس قبل ماكمل سمعتها بتقر وتعترف اني خطيبها الجمله ريحت قلبي..بس رده فعل الغبي دا استفزتني مدرتش بنفسي الا وانا مديله لكمه في وشه وبقوله..

ـ انا خطيبها ياروح امك..

شهقت بقوه والكل في ثانيه اتلم عليا..سحبتها من ايدها..انا كنت عارف اني هطين الدنيا

بقيت اهدي نفسي..

اهدي..اهدي وهي بتبصلي بصدمه..

اديرتلها بعد مامشيت شويه بالعربيه..هتفضلي بصالي كدا..؟

بصتلي بذهول اكبر وقالت..انت مجنون..ايه اللي عملته دا..معملش حاجه..انت فضحتني

قبل ماتكمل كنت موقف العربيه..وشددها ليا..

بتقولي ايه..سمعيني تاني..

اسمعي اما اقولك..انا هتجوزك اخر الاسبوع 

وافقتي موفقتيش هتجوزك..وهتلبسي النقاب لو عاوزه تكملي ياسوزان..

بصتلي بصدمه..اكبر..وقالت وماما..

بصتلها وابتسمت..يعني انتي موافقه..

غمضت عين وفتحت عين زي القطط وقالت..

لو ماما محضرتش مش هتجوز..

اتنهدت..وقولتلها..

والنقاب...؟

ابتسمتلي ابتسامه صفرا انا عارفها.. بتضحك عليا بيها..وقالتلي...سيبها بقي بظروفها..

وجزت علي سنانها وقالت..وبعدين هعوز النقاب في ايه ماانت ماشي ورايا اهو..متقلقش بعد عملتك محدش هيقرب مني..

ابتسمت وغمزتلها..انتي ممتلكاتي الخاصه ياسوزان..وياجل عيونك اهد الدنيا..

↚

وأنا حذرتك..وانتي حره..

ــــــــــــــــــــــــــــــــ

بقصر النوارس.. 

 ثناء.. بذيداكي اجده يا مرت عمي.؟

دريه بحقد..اسمعي اللي بجولك عليه.وملكيش صالح..

ثناء بدهشه..ازاي..دي ماعدتش داريه بالدنيا من يومين وهي نايمه..حرام اجده 

هي عملت ايه.؟ ماهي فيتاهولك اشبعي بيه..

دريه بحجد..هي اللي جبته لروحها..

التوليفه دي هتخليها تغيب عن الدنيا..وميعرفولهاش علاج لحد ماتموت وتغور في داهيه.

ثناء بصدمه..جبتيها منين دي يامرت عمي.

دريه بانتصار..ملكيش صالح انتي ياثناء نفذي اللي جولتلك عليه..واهو كله بتمنه..

حطيها في العصير زي كل يوم..

ثناء..بخوف..لع يامرت عمي..ماليش صالح بيكي..

انتي حوره..بكفيانا اذيه..

دريه..بصدمه..بتعصيني ياثناء..خلاص..

ثناء..انا كنت طاوعتك ياجل مايرجعلي الياس.بس للاسف انا كنت غبيه..اسفه انتي ميهمكيش غير مصلحتك يامرت عمي

ولو حصل ووقعت مش هسمي علي حد..

دريه بغيظ..متتحدنيش ياثناء..واسمعي الكلام..

ثناء..بحده..وان ماسمعتش يامرت عمي..

دريه بابتسامه صفرا..يبقي اتحملي اللي هيجرالك ياثناء انا مهتهددش وانتي خابره

وزي ماعملت في خوكي..

هعمل فيكي..

ثناء بحده..عملتي ايه في مهران؟

دريه بشماته..بكره يجيكي خبره..

هااا..جدامك خيارين..ياتنفذي ياتحصلي خوكي

وفي الحالتين..كله بتمنه..

سابتها ومشيت..وبصت هي ليها بخوف..

ومدت ايدها تنفذ اللي عوزاه..وهي بتقول

ياترا عملت فيك  ايه يااخوي المفتريه..

ومخدوش بالهم من الاتنين اللي سمعهوهم..

خديجه الخادمه..

يلهوي..يامراجل، ابلتي ثريا كده هاتروح فيها لازم نلحقها دول كلهم شر...

مراجل الغجريه.. مفيش غير حل واحد.. 

خديجه بلهفه.. ايه هو..؟ 

مراجل (غجريه بتشتغل في قصر النوارس من زمان وبتحب ثريا وبنتها جدا) 

وقبل ما تكمل كلامها..

كان صوته الملهوف  قاالب الدنيا..

ثرياااا..

ـــــــــــــــــــــــــــــــــــ

تشتد وتشتد ومن وسط دموعنا نقول يارب

تنزاح الغمه وينفك الكرب..

ومن قلوبنا ندعي يمهد لينا الدرب

من وسط العتمه يظهر نور الشمس

ومن وسط دموعنا نلاقي الفرح

دنيا وماشيه برضا الرب..

بس نقول ياهم عندنا رب..

قادر يمحي دموعنا ومن وسط العتمه يظهر نور الشمس

تنزاح الغمه وينفك الكرب..

للمتابعه علي صفحتي الشخصيه

نبض ❤️للقصص والروايات

💖💖💖

بقصر النوارس..

مهران.

من يومين وهي قافله علي نفسها..بقيت بخاف من قربي منها لتأذي نفسها..انا بحبها..يمكن مش حب يشبه حبها لطارق بس للاسف من يوم ماكبرت قدامي، وانفرد عودها وانا واقع في عشقها

يمكن حب تملك زي مابتقولي، يمكن عشق مجنون زي مابيقولولي، او غيره وحقد زي مادريه بتقول، معرفش

من امتا والعشج عندينا بنختارله اسامي

كل اللي اعرفه ان هي نفسي ودوايا

ومن امتا البنات عندنا مبتتجوزش غير ابن عمها.

حبها بيوجع وحياتي كلها زي الدوامه بعيد عنها..بتكرهني قد حبها لابن الغجر..

اخر مره نطقت اسمه وانا في حضنها جننتني،بعد السنين دي كلها منسيتوش مهما عملت مبتنساش.. هو مش حرام عشجها وهي علي ذمتي

ولا فعلا زي مابتجولي جوازنا هو اللي حرام..

انا عشان اتجوزها عملت المستحيل واللي محدش يتصوره

معجول زي مابتجول..

ظلمت نفسي بعشقها وظلمتها ويايا..انا شيطان رجيم من زمان ربنا مش قابلي هدايه..

ياما حاولت اتقربلها..وترجع بوز الاخس الحربايه

تسمم وداني منها..

وفي الاخر بعاقبها ومع كل ضربه مني ليها،بتنزل في قلبي قبلها

ثريا..عمري ضعف عمرها ويمكن دا عقده حياتي معاها..

اللي يشوفها يقول صبيه كيف بنتها..لو اجتمعنا مع شيوخ القبايل الكل بيستغرب انها مرتي مش بنتي..ساعتها بتقيد فيا النار

وياما اتجدملها عرسان اشكال والوان..لحد ماقررت حبسها

ثريا جميله..ومش ذنبها..بس ذنبها الوحيد عشجها لابن الغجر..

ولازم تتأدب عشانه..

من يومين واللي صار  بالوكر واللي حصل برجلني وخلاني مش علي بعضي بس زي العاده الف الف وارجع ادور عليها..

يمكن تحن..عليا..بروح وأترمي علي رجلها..

رغم قوتي وجبروتي..مبرتحش ولا عيني بتغمض غير جارها هي..ببقي عارف اني زي الشوك جمبها..بس يكفي راحتي اللي مبحسهاش غير جارها..

ثريا البصه في عنيها حتي لو كره عندي بالدنيا..حاسس اني تعبان..نفسي اترمي في حضنها.

زمان مكنش في قوه بتمنعني عنها..مهما اعترضت..اه كانت جسم من غير روح بس يكفي اني قربها..

انما دلوقت الولاد كبرو واللي زرعته فيهم

حب واحترام

جنته بقو كيف الحيطه السد بيدافعو عنها

لو صرخت فيها ولا زعجت بيعترضو وبيجفوولي كأني سجانها وجلادها ميعرفوش اني في العشق واقع لشوشتي..

لدرجه اني بجيت اخاف اقربلها..

اخر مره حطيت ايدي عليها الليله اياها..

خسرت الياس اللي من يومها وهو تارك مجلس الشيوخ وجالي لا انت ابويا ولا اعرفك..حتي عارف خد صفها وبقو عاملين عليا حصار ياجل مااقربلها..الغيره بتنهش في جلبي من جربهم منها..

بس لو اعترضت..انا خابر هخسرهم كلهم وكفايه الخساير اللي نازله علي راسي..

دلوجت ماصدجت بعدو وهدخلها..

اااه ياثريا..

جربت من الباب..وفتحته لمحتها..

نايمه كيف الطفل الصغير ومتكوره علي نفسها..

جربت منها..

فراج بنتها ضعفها وهدها..اد ايه انا غبي..

سمعت لكلام الحربايه وشككت في بنتي وبنتها..هفضل لحد امتا بس اذيها وأذي الناس كلها..

انا تعبان..وحاسس اني انهزمت..ياما فرجت اطفال واتجبرت..معجول دي النهايه..

مخلتش حاجه حرام الا اما عملتها..

جعدت قصادها..علي رجلي ومديت ايدي املس علي شعرها..

يمكن تفتح عنيها وتحس بحبي ليها..

همستلها..

ثريا..ياحبه القلب..

مردتش..

ـ ثريا..فوجي...

بلعت ريجي وانا شايفها جدامي مبتردش..في حاجه مش مظبوطه..

لمحت الرغاوي اللي نزله من بجها..

بجيت زي المجنون بصرخ باسمها

ثرياااا..متردش..عليا..

وجتها جلب ارتعش لاول مره وحسيت اني انهزمت..وانا شايفه جسد من غير روح

صرخت..

متفوتنيش  ياثريا..فوجي..فوجي..

ثرياااا..هعملك اللي عاوزاه بس يفضل حسك في الدنيا..

ــــــــــــــــــــــــ

بمكانهم السري

مكان المؤامرات..

أنا فين؟

ااه.

ـ سمعت همسها جريت جمبها..

حمدالله علي سلامتك..مش فاكراني..أنا صبا..

نيسان بخوف..صبا مين؟انا..

انا معرفكيش....

صبا بابتسامه متباهيه بنفسها..اهدي اهدي متخافيش انا هقولك كل حاجه..

بس الاول خدي اشربي واهدي كدا..واعرفي انك هنا بأمااان..

وانك معاك صبا اللي هتوصلك ان شاءالله لبر الامان

نيسان بتعب مدت ايدها شربت المايه كلها 

ورجعت بظهرها لاخر الفرشه اللي كانت نايمه عليها وبصت لصبا اللي واقفه وقفه ثقه فكرتها بنفسها زمان..

لما كان الكل بيخاف منها

زمان لما كانت بنت العشرين ولا حد في الدنيا يهمها..متعرفش ليه ارتاحت وغمضت عينها لما افتكرت اللي حصلها وافتكرتها هي وهي بتسحبها من الممر..وعرفت انها انقذتها من الوكر..

ابتسمت ابتسامه باهته..وسألتها..انتي مرات إلياس مش كدا؟

صبا بلويه فم..بس متفكرنيش بيه زمانه قالب الدنيا عليا...وبيستحلفلي كمان

↚

بس سيبك انتي.. ولا يهمني..

المهم انتي حلوه اوي ياحوريه؟

ابتسمت نيسان بوجع وقالت بوجع... حوريه؟

صبا..ااه الحوريه الحزينه..تعرفي اني بشوفك من زمان في خيالاتي..

نيسان بانتباه..خيالاتك..ازاي؟

أنا مش فاهمه حاجه..

صبا  بابتسامه وبلهفه..هحكيلك.

ــــــــــــــــــــــــــــــــ

عند الزناتي..

ألياس بجنون.. يعني ايه؟

انا قلبت الدنيا عليها..هتكون راحت فين بس؟

الزناتي بهدوء لمهره اللي قاعده حزينه جار ساجي ناقصلها شويه وتستخبي في حضنه..مهره فكري كدا في مكان صبا ممكن تروحه؟

مهره بشرود مش مركزه معاهم خالص دماغها وعقلها فين راحت امها..شكلها..ماتت ولا لسه عايشه..

مش مركزه..قالت معرفش..بس متقلقوش صبا هترجع..هي علطول كدا..

الياس بجنون...علطول كده ازاي؟ 

مهره بنفس الشرود وكانها بتكلم نفسها..اه بتختفي وتظهر متقلقوش انتو..

لما كانت بتعمل نصيبه وتحب تستخبي من العزازي كانت بتختفي وترجع..

ساجي..متعرفيش كانت بتختفي فين؟

مهره..وكانها فاقت للي بتقوله..اخيرا.. وفي نفسها..

صبا وبتختفي..معقول تكون راحت مكانهم للمؤامرت..

شهقت شهقه خلتهم كلهم يسألوها..افتكرتي ايه.؟

قولي يامهره؟

وعيت علي نفسها...انهم انتبهولها..صبا لو عرفت هتقتلها..لازم تتصرف..

بلعت ريقها وقالت..لالا انا بس خايفه يكون جرالها حاجه..

ألياس برفعه حاجب مش مرتاح واتاكد ان مهره افتكرت حاجه ومش عاوزه تقولها وقرر يجاريها وسألها.كدا بس؟ متاكده؟

مهره بخوف معرفتش تخبيه..ااه بس..هيكون في ايه يعني؟

الزناتي بابتسامه لانه فاهم وعارف ان صبا مبتختفيش الا لما يكون حابه تنفذ حاجه في دماغها.واثق فيها وفي قدراتها وبالعكس دايما بيفتخر بيها..

خلاص ياولاد الغايب حجته معاه.

ألياس باستنكار..انت شايف كدا يعني؟

يعني عمايلها دي لاده عليك؟

الزناتي...لسه هيتكلم..دخلت عليه...مراجل الغجريه..

الحق يازناتي؟ ضربت عينها وفتحتها بصدمه لما لقت الياس وعارف عند الزناتي..

مهتمتش كملت..

كويس اني لقيتكو ياسي الياس انت وسي عارف..

الياس بخوف..في ايه يامراجل..صبا جرالها حاجه؟

مراجل..مراجل بصدمه من كلامه..هو ماله ومال صبا..بردو مهتمتش 

كل اللي يهمها انقاذ ثريا..

هزت راسها وقالت..لا مش صبا دي الست ثريا..الست والدتك والست ثناء قتلوها والبيه الكبير قالب الدنيا وخدوها عالمستوصف..

الحقوها بسرعه..

قبل ماتكمل كان ألياس وساجي بيجرو علي برا وفضل الزناتي ومراجل بتحكيلوه اللي حصل واللي سمعته..

كانت قاعده مهره وسمعت كلامهم...

قامت مفلوعه من مكانها وقالت..لازم اروح لصبا لازم.وجريت..

الزناني بصدمه..وهو بيكلم نفسه..لحد هنا وبزياده وجع قلب..

كفايه..لحد كدا..ومسك تليفونه..وهو مصمم..

ان تنكشف الحقايق..

ــــــــــــــــــــــــ

سبأ..

صوت قوي زي الرعد رن في ودني وخطفني من جنبه..

صوت كريه..دا سلام ابن عمي..اللي المفروض يكون جوزي..

ااه مانا موهوبه ليه..

بتعملي ايه ياسبأ هنا..

بعدت ايده بحده عني..

انت اتجننت حوش ايدك الوسخه دي عني. 

لسه هكمل لمحت وش تمام اللي ميتفسرش وخفت اول مره اشوفه كدا..

ولسه ابن عمي كالعاده هيضربني..

كانت ايده بتطقطق في ايد تمام..

بصيتله بصدمه..انت عملت ايه؟

رد بغيظ وهو بيزقه بقوه وقعه عالارض وسلام بيصرخ زي النسوان..اااه ايدي..يااا

لسه هيكمل..كان تمام نازل فوقه ضرب..

سلام مش ضعيف ابدا..دا زي الهضبه طول بعرض القبيله كلها بتخاف منه..

وسعت عيوني وسقفت  زي الهبله، وقولتله..اديله ياتمام..

اضربه اوي.. دا ياما ضربني،،ال يعني بحمسه

ضحكت زي الاطفال 

وبقيت اتنطط من الفرحه..

ماهو ياما الوحش دا ضربني..وال ايه كل مااشتكي يقولولي جوزك المستقبلي..

لمحت سلام بيمد ايده يمسك طوبه عالارض يضرب بيها تمام..وهو مش واخد باله..

جمعت كل اسلحتي وقربت منه ومسكت دراعه وقرمته ببوقي..

عضيته ومسبتوش الا لما حسيت بطعم الدم في بوقي..

وهو بيصرخ زي العيال..

وحسيت بحركته وقفت... بعد ما تمام ضربه ضربه في وشه..راح الهضبه فيها..

فشيت غلي فيه وسبته وانا برقص من الفرحه

هيييه..

بدور عليه..لقيته واقف بينفض ايده ويقولي خلصتي..فشيتي غلك.. وارتحتي..

ابتسمت وقولتله..ااه تمام.يااحلي تمام..

شدني من ايدي وقالي..

تعالي بقي يادكتوره اعرف كنتي فين من امبارح؟

بصيت علي سلام..وشاورتله هنسيبه..

زغرلي زغره..خوفتني لقيتني بجري وراه..

وبقوله..ماينحرق سلام وانا مالي..

ضربني علي راسي وقالي..شاطره ياقلب تمام..كده فهمتيني وبتتعلمي بسرعه..

ضحكت علي ظنه ال فاكرني ضعيفه..

وقولتله

لا دانا اعجبك قووي..

لمحت زهري من بعيد بيشاورلي..

شاورتله بايدي وزغرتله..يخربيتك هتفضحني..

لمحني تمام..وقالي بحده وغيره..بتشاوري لمين ياسبأ؟

اتلجلجت وقلتله..لا مفيش. دا انا بفرد دراعي

حتي بص اهوو..وفردته قدامي

بصيلي بنظره..عارفاها..دا بيجي بعدها قعده ملهاش اخر غير اني اقر وأعترف..

ملقتش حل غير الهروب..وانا في بالي هموتك يازهري الكلب..

ـ انا لازم أمشي دلوقت..هجيلك تاني..

وقبل مايتكلم..كنت سايباه وجريت..

انا عارفه..اللي بعمله هيجي علي دماغي..

سمعت شهقته..وهو بيجري ورايا..سبأ..

انتي يابت..ولما ملحقنيش..سمعته بيقول..

هوريكي ياسبأ..اصبري عليا..انا عارفه هتلاقيكي عامله نصيبه..وهترجعيلي تاني..

ــــــــــــــــــــــــــــ

الاسكندريه..

مالك يابني..فيك ايه؟

من ساعه مارجعت وانت في دنيا تانيه..

طارق بخوف في قلبه..مش عارف ياقاسم..في حاجه حصلت..متأكد..انا بايدي مديها التليفون ومأكد عليها تكلمني كل شويه..

قلبي بيغلي نار..وبيوجعني اوي ياقاسم..

قاسم بهدوء..ومستني ايه.مدام قلقان..

طارق باندهاش..تقصد...

قاسم بتنهيده....الاول كنت خايف عليك ياطارق..خايف ترجع ومقابلتك بيها تصدمك..خفت تكون تعايشت..او اقتنعت بحياتها..انما بعد اللي حكيته وعرفته..انت غلطان؟

طارق بصدمه..غلطان..ازاي.؟فهمني ياقاسم..

قاسم بابتسامه..هبسطهالك..

ببتين شعر، قالهم امير الشعراء

 أحمد شوقي

اسمع قال ايه؟

وما نـيل الـمـطـالب بالتمنـي***ولـكـن تــؤخـذ الـدنـيا غلابـا

وما استعـصى على قومِ منالٌ***إذا الإقـدام كـــان لــهـم ركابا

طارق بعين بتلمع..فهمتك...عندك حق..ياقاسم..

كفايه كدا..ثريا مكانها في قلبي..وجار مني ولو هموت..يبقي كفايه ابقي جنبها..

قاسم بسعاده.. هو دا، مد ايده يسلم عليه..ربنا معاك ياصاحبي..

لو احتجت حاجه انا جمبك متقلقشي..

و

علي فكره..شكوكك في محلها..

طارق..تقصد أيه؟

قاسم بابتسامه..هتعرف لما تروحلها..يالا طير انت..وطمني عليك.

طارق..

مهتمتش لكلام قاسم..انا كل اللي كان هممني هي وازاي أوصلها..

طول الطريق وانا ندمان..ندمان ندم عمري اني سبتها..بس خلاص انا قررت..مكنش لازم اسيبها..

كان لازم اقف واطالب بحقي فيها..جوازها اساسا لو جينا للشرع باطل..موافقتش..ارغموها وجبروها..مين اداهم الحق يحكموا علي قلبي وقلبها

رغم فرحتي اني راجع في حاجه جوه قلبي مخلياني مش عارف افرح..حاسس بوجع بينخر في قلبي..والخوف من الفرحه نفسها بقي ملازمني.

حاجه بتقولي متفرحش..متتعشمش..اوي..

↚

في حاجه هتطلع وتنغص عليك فرحتك..زي العاده..

وفي نفسي بقول..يااارب تكمل واوصلها..

خايف اقرب من هدفي زي مؤيد وارجع امسك السراب بايدي..دا حظي للاسف..

ومش كل حاجه بنتمناها بنطولها..والخوف من المكتوب..بقي هاجس بالنسبالي.

حطيت ايدي علي قلبي، وأنا بقول ااه يارب...يارب..

اتنهدت ورغم اني راكب الطياره.والفرق مش كتير اني اوصلها

بس حاسس ان الطريق طويل..واللحظه مبتعديش

اوحش حاجه في الدنيا الانتظار..

وأنا انتظرت كتيررر قووي...قوي ياثريا

حاسس بخنقه وضيقه مديت ايدي فكيت زراير قميصي..

وانا بهمس باسمها ثريا..

غجريه اسرت قلبي✍️أسما السيد✍️

ثريا ياوجعي وعذابي..

يامن بلقياها اتمني ليل ونهار..

اسال نفسي يوميا..متي سنجتمع ياعشقي ومراري

ان كان بعدي عنك ذنبا ادعو الله ان لايؤخذك بذنوبي..

وان كان قدرنا الفراق..ادعوالله ان ياخذ عمري وفي الجنه هناك القاكي..

ـــــــــــــــــــــــــــــــــــــــ

بالوادي

أرض الغجر

( خيمه الزناتي)

ايوا يازعيم تحت امرك؟

الزناتي بهدوء..اقعد ياعزازي..

اظن سبتك كتير نايم واكل شارب... وحايش عنك ساجي.

العزازي بخوف من الزناتي..

اللي انت تؤمر بيه يازعيم..هنفذه بس قتل لا..الله لا يسيئك..

الزناتي بهدوء..في عرف قبيلتنا النفس بالنفس والبادي اظلم ياعزازي..عموما مش حديتنا ده..

انا جايبك انهارده ودلوقت عشان تعترف بالحقايق يازناتي...

وعاوزك تعرف اني كل كلمه هتقولها..هتتحاسب عليها..ان كان كدب هعرف، وان كان صدق هعرف..

كل اللي هتقوله هعرف ان كان كدب ولا صدق..

الزناتي..بلع ريقه..وقال..والله هقول الحق..

اسالني وانا تحت امرك يازعيم..

الزناتي..عال..احكيلي بقي..

تعرف ايه عن وكر التعابين ياعزازي...؟

بلع العزازي ريقه..وقاله..هقولك كل حاجه..

وسكت شويه وكمل..

من سنين... 

كنت زي العاده بجري ورا النساوين، ليل نهار..

وفي ليله وانا سكران وصلت لمكان..لو كنت واعي وفايق

مكنتش عمري هروح لعنده المكان دا اسمه وكرالتعابين. الكل عارفه وبيخاف منه.. 

المهم مطولش عليك.. هناك ارتميت مقدرتش اكمل.. ورحت في دنيا تانيه.. 

صحيت الصبح لقيت نفسي في اوضه وعينك ماتشوف الا النور خراطيم ميه وجلد علي جسمي.. والسبب معرفش.. 

وقتها ظهرلي هو... 

الزناتي.. بانتباه هو مين؟ 

العزازي.. كان اسمه امير.. وبيقولوه ياعقبه.. 

من هيبئته. كدا.. مخوفتش منه كان مهزوز وصوته مش من دماغه وفي حد بيحركه.. 

فضلت عندهم يومين ويضربوني اني اقر اقولهم معرفش حاجه.. مانا فعلا معرفش جيت ازاي؟ 

المهم صعبت علي عقبه ده.. وقبل مايجي الكبير كان دخل وقالي اني اقول اني تبعه وكنت في مهمه وفشلت فيها وكمان ادي تعليمات للي معاه يقول كدا لان الكبير خد خبر وخلاص هيجي يقتلني اتوسلتله وبوست رجله يعتقني

وقتها ابتسم وقالي بس من انهارده هتبقي عيني.. 

ونفذت اللي قاله واول مادخل الكبير انصدمت.. انه هو.. 

الزناتي.. هو مين؟ 

العزازي.. بحوف.. اللي اداني فلوس وعطاني مهره.. وقالي ان نطقت بحاجه هتروح فيها.. الزناتي.. مين ياعزازي؟ 

عزازي.. بخوف.. مهران.. 

الزناتي.. ابن النوارس.. 

العزازي.. لا مش الصغير لا الكبير الشيخ مهران النوارس.. تاجر سلاح كبير وهو اللي عطاني مهره.. وهددني انو يقتلني لو حد عرف ان هو اللي ادهاني.. 

مصدقنيش ودوقت علي ايده الهوان.. لحد مااتوسلي عنده عقبه وقاله اني جيت سكران.. 

ومن يومها صرت واحد منهم وبساعد مهران.. 

بتعسس له عن ولدك طارق وبعرفله الاخبار.. 

ومن يوم قتل نواعم وانا معرفش حاجه غير كدا.. اقسملك يازعيم.. 

انا بس كنت بنقله اخبارك واخبار ولدك طارق..

وانا اللي قلتله ان بنته هربت مع غجري..

بس وحياتك مرضيت اقوله انه مع سامر..خوفت عليه..ماهو برضو بنتي مشاركه معاه..ومتهونش عليا..

الزناتي..بغل..منك لله ياعزازي..دا كله وماذتناش..

الزناتي بغيظمنه  وهو بيضربه بعكازه..والطبيب ياواكل ناسك..الطبيب اللي زور شهاده الميلاد بتاع ساجي..

العزازي..بخوف..هددني وقتلته بامر من حربيه يازعيم..

الزناتي..يعني بتعترف ياعزازي ان ساجي ولدك..

العزازي بخوف..اه يازعيم..

وقتها دخلت قوه من المركز..ومعاهم هو..

جوز حربيه..سمعان..

سمعان راجل طيب قلبه ابيض ومبيحبش في حياته اكتر من عارف..

سمعان بوجع في قلبه..ااه ياولاد الحرام..منكو لله..عملت ايه فيكو لكل ده.مراتي واخويا مره وحده..

وكمان عشيتنا كلياتها حرام..ااه..

الزناتي بحزن..اتأكدت بنفسك ياسمعان..ايه قولك بقي..

الظابط..وهو بيشد العزازي..كدا تمام يازناتي..الموضوع دا زي ماوعدتك محدش هيعرف بيه..لحد مانقبض عالكبير متلبس..

وموضوع ساجي..طبعا محلول..وانت عارف..

لسه الزناتي هيتكلم كان سمعان طب ساكت بيصرخ باسم ابنه..ماهو ابنه وميعرفلوش ابن غيره..

عاااارف..ولدي..

ــــــــــــــــــــــــــ

علي باب العمليات كان واقف زي المجنون رايح جاي بيصرخ باسمها..

ثرياا.

امرهم يحبسوا دريه وثناء وحلف يقتلهم زيها..

لو جرالها حاجه..هيقتلهم بايديه..

وكله واقف مصدوم زيه..

خدوها في حاله خطر واحتمال كبير متعشش،رموها في وشه..وخدوها منه..

واقف ألياس وساجي تايهين..ووسط دا كله 

جه لالياس مكالمه..سمعها من هنا وحس ان الدنيا بدور بيه..

لمحه ساجي اللي واقف قلبه هيطلع علي ثريا..

مالك ياألياس..؟

ألياس بوجع في قلبه..مهران؟

انتبه له ابوه اللي رغم قوته واقف علشان ثريا ينتفض زي العيل الصغير..مالو مهران ياألياس...؟

ألياس بصدمه..ممزوجه بسخريه من اللي بيجرالهم..واللي متاكد ان ابوه السبب في مصايبهم..زي ماقالتله صبا هو الكبير..هو واثق من كلامها.

قاله مهران مات ياوالدي..ومستنينا في المركز

نمضي عشان، نستلم جثته من المشرحه..

رجع مهران بصدمه لورا..بتجول ايه؟

مهران مين..انت جنيت..؟

صرخت والدته ورجع ابوه اللي مرافقين ثريا لورا..

ابوه وامه الوحيدين اللي زي ثريا ملوثهمش المال..ولسه العشق بينبض في قلبهم

صدمتهم في عيالهم كانت قويه..

واحده متهمينها بقتل احب انسانه علي قلبهم..وواحد مات وياعالم ايه السبب..

ولادهم الاتنين..مره واحده..

وهنا أبوهم صرخ صرخه شقت الحجر..

ولااادي..ولدي..

ومن وراهم جالهم خبر..

سمعان كمان...في حاله خطر..

صابهم الهرج والمرج..واللي بناه مهران  في سنين من حرام..انهدم..

واتشتت العيله..اللي كان بيحكمها من حديد..

ـــــــــــــــــــــــــــــ

بالصحرا..

علي باب خيمه المؤامرات

ـ كانت واقفه مهره بتنهج وهي بتصرخ علي صبا..

صبا ياصبا..افتحي ياصبا انا عارفه انك هنا..

بصت صبا لنيسان في المرايه

بعد ماصممت تلبسها لبس اشترتهولها جديد وتظبطلها نفسها..

رجعتها حوريه من حوريات زمان بعد ماحكتلها الحكايه..طمنتها وعرفتها ان اللي برا بتصرخ دي بنتها..

جسم نيسان ارتعش وهي بتسالها..

دي ساره مش كدا..؟أخيرا هشوفها ياصبا

دي بنتي صح..

ابتسمت لها صبا وقالتلها..اه هي انتي كدا بقيتي قمر...ماشاءالله

متقلقيش..اجمدي كدا..واضحكي زمن الخنادق انتهي..

(صبا)

عارفه هيقولو مجنونه..مخبوله..بس انا كدا..

محبش الست الضعيفه..الحزينه..

الوحيده اللي فشلت في تقويتها هي امي..كانت مريضه..ومن فراق ساجي كانت زاهده الدنيا كلها..

لو حطت ايدها في ايدي..كنا انتصرنا وساجي في حضنها من زمان..بس هنعمل ايه..قدرها ومكتوبلها..يوم لقاهم اغسلها واكفنها بايدي اللي مبرد قلبي انه دفنها بايده زي ماكان نفسها..

ودلوقت لما عرفت قصه نيسان ومهره..

محبتش اشوف نيسان زي نواعم..

نيسان ست زي النسمه..رغم دا كله قويه..

مين يستحمل يعيش سنين في وكر وخنادق..دي ست بميت راجل..

مفيش اصعب عالست من انها تطعن في ظهرها واللي تفتكره سندها يطلع عدوها..

ابتسمت وانا شيفاها دموعها بتهدد تنزل وقولتلها..

اياك..خلاص زمن الضعف انتهي..برا في دنيا حلوه، وفي بنت جميله بتبكي ليل نهار نفسها تشوف امها..

حضنتي وقالتلي..أنا خايفه اوي ياصبا..تفتكري هتقبلني..مش هتلومني..خايفه وقلبي بيبكي ونفسي اصرخ..

سمعنا صوت مهره بيصرخ..افتحي ياصبا احسن والمصحف اكسر الخيمه علي دماغك..واروح اقول لساجي..

جزيت علي سناني وانا بشاورلها..شايفه بنتك وعمايلها..بتسلمني تسليم اهالي..

ضحكت ولسه هحضنها..

باب الخيمه انفتح بقوه..وصرخت مهره..

انتي ياغبيه..انتي..مش قلتلك افتحي..بتتأمري من ورايا ياصبا..

لسه هتكمل بلعت كلامها وجسمها اتصنم..وهي بتبص للست اللي واقفه، ونيسان للاسف مقدرتش تتحكم في نفسها..

عيطت ودموعها نزلت. ومدت ايدها لبنتها

ساره بنتي..

مقدرش اقولك ايه حصل ولا ازاي انتهي اللقاء  بيهم عالارض الاتنين سوا..

مهره تبكي ونيسان بتبوس فيها من كل حته في وشها..

الضنا غالي..غالي قوي..واتمنيت في اللحظه دي 

يكون في حته منه جواايا..نفسي اوي أكون ام لطفل من ابن النوارس..

وراحت دماغي لليله لقانا..

وشردت فيها

flash back..

بقصر الجزيره..

بجسم بيتنفض من قربه..بعدته..لو فضل شويه كمان يهمسلي كدا وشفايفه بتلمسني كدا هسلم..اف منك يابن النوارس

دراعي المضروب دا مش مساعدني..ابعده..

ال يعني لو مش مضروب كنت هقدر..ولقيت نفسي بقول..ياغبيه..دا كلها انهارده وتخفي دي طلقه سطحيه..زقيه ابعديه..

بس همسه وكلامه خدرني..

ألياس..مينفعش..ولسه هكمل كانت ايده بتمشي علي جسمي تخدرني، وبلع كلامي بشفايفه...

وما بين لقانا المحموم..كان بيقولي..نفسي في بنت منك..تكون شبهك..مجنونه وتغلبني

ويجي فارس يخطفها..واقوله منها ارحمني

ابتسمت وانا بقوله....

فلقيتني بقوله.. بس ميكونشي اسمه ألياس

من وسط جنونه معايا..ابتسملي وقال..

وميكونشي اسمها صبا..

صبا الغجريه مفيش منها اتنين..دي صبايا انا..

خلعت الحامل اللي لبسوهلي ومديت ايدي

 قربته لحضني..

استسلمت..وأنا بقوله..ولا في غيرك في الدنيا..

ابن النوارس..عاشق صبا..

بعشقك يابن النوارس.

هنا تاه مني وهو بيكملها بشفايفه..

اخيرا ياقلب ابن النوارس

انتي مراتي ياصبا..قوليها..

ولقيتني بردد زي الهبله..مراتك يابن النوارس

وكانت اشاره مني..ليه..وهو بياخدني لنجمه بعيده في السما...

back

اتنهدت وحاساه وحشني اوي..

مش عارفه ليه حاسه بيه مهموم..تعبان..

 وفجأه.. 

سمعت صوته في وداني بيقولي..

وحشتيني ياقلب ابن النوارس..عارف انك سمعاني..

تعالي محتاجلك اوي ياصبا.. هونت عليكي تعملي فيا كدا....!

وكالعاده..لبيت الندا..

مهو مقدرش اسمع صوته مهموم كدا

دا إلياس..

عشقي ابن النوارس

ـــــــــــــــــــــــــــــ

من وسط ميت مليون وجع صوتك الحلو ويايا

من وسط كل الدنيا مش عايز غيرك معايا

ناديني بشوق هسمعلك..هسمع نداء قلبك

لو كل الدنيا بعدت..انا وحدي هكون جمبك..

يقولوا مايقولو..ميهمنيش.. قولهم، انا ملكك..

تهمسلي،تناديني..اسمع نداء قلبك..

تناديني بشوق.. اسمعلك.. 

اقولك شبيك لبيك..ومن بين كل الدنيا.. 

وحدي انا ملكك....

↚

بعيون مكبوت فيها الدموع.. قرب منها قدامهم كلهم وحضنها.. حضنها بقوه وهنا انهارت كل قوته.. معدش همه حاجه خالص من الدنيا الدنيا بتنهار من حواليه  ومعدش غيرها حضن وسكن ليه.. 

عاوز يبكي بس خايف هيبته تنهز قدامهم كلهم.. 

بس هي فهمته ومن وسطهم اقتلعته ومن عيونهم خبته..مينفعش يبان ضعيف ابدا.. 

وهمستله أنا جنبك.. 

اول ما بقوا لوحدهم نفض قوته.. 

وبكي.. بكي بحرقه.. 

وضعفه في حضنها هي كان قوته.. 

همست..ألياس...

بلع كلامها  كله اللي كانت هتقوله، بشفايفه.. ومن بين حزنه اللي بيشتته كانت هي دواه 

وهمس..

انا تعبان اوي ياصبا..

تعبان اوي..

حضنته بقوه..سلامتك من التعب ياعيون صبا..

ألياس..

انت قدها وثريا هتبقي كويسه..الازمه هتعدي وكل حاجه هترجع لاصلها..حبيبي قوي..جبل مش اي حد يهزه..

سامع..انت قوي ياالياس..وهتعدي..طول مااحنا مع بعض هتعدي..

وعلي سرير المستوصف..خدته في حضنها..

وبكلامها قوته..

(صبا..)

حسيت بيه بيندهلي..بيقولي محتاجك ياصبا مكدبتش خبر وجريت عليه زي المجنوونه..

اتصلت عليه وعرفت منه انه في المستوصف..

كان صوته حزين..مش دا الياس ولا دي نبره صوته اللي كنت متوقعاها منه..

وصلت المستوصف..بعد ماقالي بوضوح تعاليلي ياصبا..

اول ما وصلت كانو وقفين قدام العنايه المركزه اللي اتنقلتلها ثريا

مهران اللي اول ماشافني عينه قادت نار وساجي اللي انصدم من شوفتي بس مهتمش

كان حزين وهو واقف قدام باب اوضه تانيه قصاده حربيه بتبصله بغل..

وعرفت ان كل الحقايق انكشفت والغمه انزاحت..وهيبدأ عهد الكدب ينجلي..

 عيني ركزت علي اللي ساب الدنيا وجري لحضني..

حضني  هو زي الطفل الصغير..معقول دا الياس

 انا عارفه انه معايا بيكون الياس تاني بس ضعفه قصاد الكل كان شي تاني..

صوته المخنوق في حضني خلاني اتأكدت انه هيبكي وهيبته تنهز وخصوصي واناشايفه مهران  ابوه زي المجنون قدامي..

سحبته وهو طاوعني لاوضه جار العنايه كانت فاضيه وقفلت الباب ووقتها انهار قدامي..

عرفت اللي حصل منه..ومن وسط كلامه افتكر هروبي..وجز علي سنانه واتنفض من حضني..

 الياس بغيظ،، كنتي فين ياصبا؟

وفي نفسي..

ياادي النيله مش هينسي انا عارفه..

وبمكر هو عارفه قربت و

ابتسمت وحضنت وشه وبوسته بوسه طويله علي خده..

فحسيت بابتسامته..وهو بيقولي..

كلي بعقلي حلاوه كلي؟

ـ بردو كنتي فين؟

ضحكت ومديت ايدي حاوطت رقابته وقربته مني.. وبهدوء حكيتله وأنا في حضنه..

ضحك وحضني بقوه وقالي..طب اعمل ايه فيكي.؟.دا يشفعلك عندي..بس بردو هربيكي بس لما ثريا تفوق واطمن عليها..

قبل مااتكلم واساله عن وضع ثريا بالظبط مالها كان انفتح الباب..وعينك ماتشوف الا النور..

مهران بقوه..ايش جاب الغجريه ديه اهنه ياألياس؟ وايه علاقتك بيها ياشيخ النوارس.؟

قبل ماايد مهران تطولني..ماهو كان عاوز يسحلني يرميني برا

كان الياس صدها عني وبقوه خلتني اسعد واحده في الدنيا..

كان صارخ فيه ومقربني تاني لحضنه..

ـ ايدك اوعي تلمسها..اياك..عارف اياك...

الغجريه دي مراتي وليا الشرف تكون مراتي.

مهران النوارس انصدم..وحط ايده علي قلبه..

مهران بصدمه..مرتك..كيف ده..كيف تتجوز الغجريه يابن النوارس..؟

انت حطيت راسنا في التراب..

الياس بحده..العشق ياوالدي ولا هو حلال ليك تعذب في ثريا سنين باسم العشق وحرام ليا..

صبا مراتي واللي هيقربلها ههد الدنيا.. انت فاهم..

مد مهران ايده يمسد بيها علي قلبه حسيته هيروح فيها بس مهتمتش بعد اللي قاله.

ـ مهران بغل..هحرج جلبك عليها وبكره تشوف مهران النوارس فعل ولا جول ياألياس..

وسابنا وخرج..

وقبل مااتكلم كان حضني وقالي..

متخفيش ياصبا محدش في الدنيا يقدر يمد ايده عليكي..اللي يقربلك يكون معدي علي جثتي الاول..

ابتسمت وانا بقوله..

مقدرش اخاف غير من بعدك يابن النوارس..

قربت منه، ولسه صوره نيسان في حضن مهره بتلعب في دماغي..نفسي ابقي ام مليش دعوه..

ـ الياس..

ـ عيون الياس..

ـ عاوزه نونو صغير منك ياألياس..

ـ بصلي بصدمه وضحك وغمزلي

وقالي دلوقت ياصبا..

ـ مديت شفايفي بعند..وانا بقوله..ااه دلوقت ياألياس..

ـ ضحك اكتر وهو بيسحبني لبرا..

ـ حبكت يعني ياصبا..أومال فين كلامك..

وعيب يألياس..وميصحش يألياس..

ـ ضربته علي صدره..وانا بقوله..

الليله ياألياس..

 ضحك..واول ما خطينا برا الاوضه..

كان عاشق تاني داخل زي القشاش..

ـــــــــــــــــــــــــــــ

طارق..

بوجع بقلبي دخلت ارض الغجر..واول مادخلت ووصلت صدمتني الحقايق وكل ماامشي خطوه اسمع ايه حصل للشيخه..بقيت زي المجنون..

وجناني زاد وانا كل اللي في دماغي اني اقتله..

هقتله..واخدها بعيد عنه..كان لازم اعمل كدا من زمان..

معرفش منين عرف تمام وحتي فوجأت بسامر وسوزان قدام المستشفي..

واللي شكيت فيه اتأكدت منه..

سوزان بنتها..

بدموع قربت مني..

سوزان بلهفه..

ارجوك خدها من هنا..انقذها..

مبقتش شايف قدامي...أيه حصلها..هموت جارها لو فارقتني وبعدت عني..

لقيت تمام ورايا بيقولي..مش عاوزك تتهور وهعملك اللي انت عاوزه..

زقيته بايدي..وبعدته عني..مش عاوز حد قدامي..

وصلت للعنايه لقيته قدامي واقف زي الشيطان.. 

لسه متغيرش..

اول مالمحني اندفع وخرج سلاحه...

جاي هنا ليه يابن الغجر..؟

اتشاهد علي روحك..

ولان الكل عارف ايه بينه وبيني الكل اتنحي وبعد..عنه..

وهنا خرج المارد..اللي مخبيه من سناني..

ياما اتمنيت اقتله واشفي غليلي منه..

وياما كنت هنفذ لولا قاسم وكلامه اللي كان بيحتويني..

بس لحد هنا وخلاص..

وبكل قوتي..ضربته..بغل السنين وحرقه قلبي مهتمتش لسلاحه وهو بيجعر بصوته كله..

ومحدش ادخل..

ولقوتي وصغر عمري.

عمر مهران ضعف عمري..وقع عالارض ومديت رجلي دوست علي ايده اللي ماسك بيها سلاحه..

ـ مهران بغل...هجتلك يابن الزناتي..هجتلك..

قبل مااكلم كان صوت ورايا بيقول..

ـ ماعاش ولا كان اللي يمد يده علي ولدي طول ماانا عايش يامهران..

همست..ابويا...

استغل مهران صدمتي ولسه هيزقني..كان الزناتي..صارخ..

ركز ياطارق..عشان تعرف تاخد بطارك كويس..

هنا بس عرفت قيمه الاهل والعيله..

قيمه انك يكون ليك اب حارس وحامي..

وبكل قوتي فشيت غلي فيه والغريب ان ابنه نفسه كان واقف يبصله بروح ميته

مفيش غير سوزان..اللي لولا دموعها مكنتش عتقته

↚

سوزان..كفايه ياطارق بالله عليك..هيموت في ايدك..سيبه..دا بردو ابويا..

بعدت عنه..عشان خاطر دموعها ومنظرها..

قعدت هي عالارض جار مهران..ابوها..اللي رغم الضرب اللي ضربتهوله بيبص لسه زي الشيطان..

لسه بتمد ايدها تمسكه..

سوزان..قوم يابابا هات ايدك..

وبدل مايتسند عليها كان طايحها بايده..

ـ بعدي يدك عني يافاجره..

قبل ماارجعله..

كان سامر شدها بعيد عنه..

وقال بعلو صوته...سوزان اشرف من الشرف..

ويشرفني تكون مراتي واللي هيتعرضلها ايا كان مين هقتله، وانا بقي مش زي طارق بضرب

انا هقتل علطول.. واخش فيه السجن ولا يهمني..

قبل مايتكلم كان جت سياره الاسعاف اللي هتنقل ثريا..معايا..

استحاله هسيبها هنا..خلاااص انتهت..

وكل شئ تم في ثانيه..بالمال والنفوذ

جن جنون مهران والمرا دي..

كانت ايد ألياس اللي حشته..وهو بيصرخ..

ألياس بحده..بعد يدك ياابويه عن ثريا لو انكتبلها عمر وفاقت من اللي هي فيه..بأيدي هخليك تطلقها واجوزها لطارق..

مهران بحده...انت جنيت ياالياس عايز تفضحنا بين الجبايل..

دانا كنت موتك انت وهي..

معرفش همسله بايه بودنه خلاه ينكمش علي نفسه زي العيل الصغير.

ويسيب ثريا..

بس مهتمش..كل اللي هممني..ثريا وبس..

قبل مااركب العربيه..قربت من ابويا..

وبوست ايده..

ـ راضي عليا..

مد ايده وطبطب علي راسي..

ـ، راضي عليك في الدنيا والاخره..روح مايكسرلك خاطر ويبرد قلبك ياطارق يا ولدي..

روح ياولدي..هستناك تعود انت وهي..

 بكيت وحضنته..ادعيلي ترجعلي ياابويا..

ادعيلي بالله عليك..

ـ هتعود ياولدي..الشر ساعه والخير كل ساعه ياولدي..

توكل عالله انت..يالا..

اول مادخلت العربيه ولمحتها..مقدرتش 

وقتي الوهميه انتهت لحد هنا..

كانت سوزان جارها بتبكي..

واول مادخلت سحبها سامر..وخرجو 

وهنا مقدرتش خلااص..

وبكيت وانا دافس نفسي في حضنها..

ارجعيلي ياثريا..

اتمسكي بالدنيا علشاني

عشاني ياثرياا..

ــــــــــــــــــــــــــــــ

بخيمه المؤامرات

ماما..

كلمه طول عمري نفسي اقولها..رغم اني كنت كتير بقول لنواعم ياامه بس عمرها ماكانت من قلبي..

اه نواعم كانت حنينه عليا وعمرها مأذتني بس حضن الام حاجه تانيه..

امي والبقيه تأتي زي مابتقول صبا..

امي بين ايديها نسيت الدنيا..

من ساعه ماشوفتها وانا في حضنها عماله احكيلها وتحكيلي هي..

دموعي مغرقه حجرها...

مر ساعات والليل ليل هنا، وانا لسه في حضنها..

ماما..

ـ نعم ياعيون ماما..

ضحكت وقلت..لا بس لساني فرحان بكلمه ماما..

ضحكت وقالتلي..انتي مجنونه شكل ماقالت صبا..

انفلعت وقعدت مربعه..وغمزتلها..

ال ايه صحيح حكايه مؤيد دي..انا سمعت منه

عاوزه اسمع منك انتي بقي.

من ساعه ماقعدنا وانتي حكيتي كل حاجه وبتتهربي منها..

مدت ايدها تمسح دموعها وقالت..

قصه قديمه وانتهت مش عاوزه افتكرها ياساره..

رديت بشرود ساره..

وحطيت ايدي علي بوقي..

تصدقي حلو الاسم دا..انا طول عمري بكره اسم مهره والله..

ـ ضحكت وضربتني علي راسي..والله انتي فعلا هبله..

لسه هتكلم سمعنا دق علي باب الخيمه..

 جريت عشان افتح وانا بقول اكيد سبأ..

بس انصدمت لما لقيته هو..

واقف مرتبك زي العيل الصغير وسالته بهمس..

عمو مؤيد..عرفت منين ان اننا هنا..؟

ظهرت سبأ من وراه وقالت مني انا..

تعالي..

مدت ايدي وسحبتني لبرا..

وقفلت الخيمه وزقته هو..

مهره بغيظ..يخربيتك ايه اللي عملتيه دا..

انتي اتجننتي..

سبأ بغيظ..ياام الجهل..دي لحظه خاصه بيهم لازم تسيبيهم انتي مش بتفهمي خالص كدا..

وبعدين انتي هنا مش داريه باللي بيحصل برا

مهره بقلق..في ايه بيحصل برا..؟

سبأ..بسرعه..حكتلي..

اول ماسمعت كنت طايره..دا ساجي..اللي الدنيا بحالها عرفت دلوقتي انه غجري 

لازم اكون في جاره دلوقت..

ــــــــــــــــــــــــ

ساجي..

انك تقول انا ابن فلان حاجه سهله..

وانك تتربي عالعز والمشيخه مش حاجه سهله..

بس انك تبقي عندك القدره تتخلي عن كل دا وترجع لاسم وهويه..ميجوش جمب دا كله شي

قمه القوه..

انا ساجي العزازي..

انولدت لاب غجري وام غجريه..وافتخر

مش معني اني غجري دا يبقي وصمه عار..الناس واخده فكره وحشه عن الغجر وحكاويهم..بس احنا في الحقيقه بشر..

بشر بنحس وبنفهم وبنتألم زيكو..

عشت سنين باسم الشيخ عارف ابن الشيخ سمعان..ابن النوارس..بس معشتش مرتاح..

تحكمات وعادات وتقاليد لا ليها معني غير انها بتقيد حريتك..

↚

تحب مين وتتجوز مين مش في لهجتك..

لحد ماقبلتها هي..لعنتي في الدنيا مهره..

وقتها اشتعلت في قلبي روح التمرد وشعلل الحب جوايا..

وبعدها جت الضربه القاضيه بكوني غجري..

انا مبسوط..بس من وسط دا كله..

تعب ابويا الللي رباني قطم ظهري..

انا بحبه رغم اني مش من دمه..

مين قال الاب اللي خلف..الاب اللي ربي وكبر وعلم..

الراجل دا زرع في قلبي تعاليم لو عشت عمري كله غجري مكنتش هتعلمها..

الراجل دا هو حظي الجميل في الدنيا.

فوقت من شرودي وانا قاعد جاره علي الكرسي مستني يفتح عينه واطمن..

فوقت علي ايده اللي مدها يمسك بيها ايدي..

عارف..

اتنفضت ومسكت ايده بوستها..

ايوا ياحاج..

ـ بصلي بحزن وبصوت بيخرج بالعافيه..

انت ابني ياعارف..انا اللي ربيت وكبرت وعلمت..مش العزازي..

مش اجده ياولدي..

دموعي نزلت وانا ببوس ايده 

اجده ياوالدي..

انت ابوي وحظي الجميل في الدنيا..

بكي علي بكايا وقالي..لو كنت ايش ماتكون غحري جن ازرق انت ولدي ياعارف..

مهسيبكش تبعد عني واصل..

واللي اذوك لازم ياخدو عقابهم في الدنيا..

ابتسمت وانا بطبطب علي يده..انا جنبك ياوالدي ومفيش قوه هتبعدني عنك..

عنك انت بس..

ابتسم...ايوا ياولدي اني بس..

ربنا يريح جلبك ياعارف

ضحكت وقولتله..قولي ياساجي

ابتسم وقالي..ساجي عارف..انت ولدي وبس ياعارف..

لسه هكمل..لمحتها واقفه علي باب الاوضه بتهمس

ساجي..ايدي اترعشت وانا عاوز اجري اترمي في حضنها

سمعته بيقولي..بتحبها ياخايب..

انصدمت وقولت.. هااا..

قالي..

حتي لو كنت شيخ وابن النوارس وعشجتها..

هجوزهالك ياعارف..

روح ياولدي..روح طمنها وجولها..

هنا انقضيت عليه بوسته في كل حته في وشه

وهو بضحك..بعد عني ياعارف..جبر يلمك..

ضحكت وجريت خطفتها..

وبقوه حضنتني..

انا لقيت ماما ياعارف..

ــــــــــــــــــــــــــ

استني، هنروح فين ياالياس؟

(الياس)

لاول مره بتخلي عن قلبي الضعيف ناحيه ابوياواهدده علني..

هددته باللي اعرفه واني هعقد مجلس شيوخ وافضحه واقولهم ايه هو...؟

مكنش في حل قدامي انه يترك ثريا تروح مع طارق غير كدا..

ثريا تستحق واختي كمان بعد اللي شافته تستحق تعيش بحريه..

بايدي اقسمت هطلقها منه واجوزها لطارق واجوز اختي لسامر..

وان اللي يعشق ينول..مادام مفيهوش غضب لربنا

واللي في دماغي هنفذه من هنا ورايح..

من الليله هتنقفل صفحه مهران واحل مكانه انا ألياس النوارس..

دوله الظلم ساعه ودولت الحب والخير كل ساعه..

كل اللي اذونا هنتقم منهم..وكل اللي جاي خير وفرح..

اتنهدت وانا عارف اني احلامي لسه طريقها صعب..بس لازم ابداها..

ابدأها وهي جاري..

ومن الليله..الكل هيعرف  ان صبا العزازي مرات ابن النوارس..

سحبتها من ايدها..وهي بتسألني..رايحين فين ياالياس.؟

ببسمه مرتاحه لاول مره في حياتي 

ـ علي بيتك ياقلب ابن النوارس..

ضحكت وقالت..بس انا عاوزه اقضي معاك الليله..

ابتسمت وغمزتلها..ومين قال اني هسيبك الليله 

انا قتيلك الليله ياصبا..

ولسه هتكلم كنت ساحبها باتجاه قصر النوارس..

شهقت وهي بتبصلي..استحاله..هدخل...

وبغيظ كملت..هجيبها من شعرها..

انا مراتك وبس..

ضحكت وصوتي علي..وانا بقولها..مفيش غيرك ياصبا..انا طلقتها..

انا فعلا طلقتها من اول ما انكتب اسم صبا جار اسمي بقسيمه حقيقيه علي يد مأذون..

مبحبش الكدب والخداع ودور الضحيه اللي بيعيش فيه الرجال..

انا قلبي واحد ومعرفتش اعشق غير هي..

يبقي ليه اربط بنات الناس بيا..

انا لصبا وبس..

قلبي معرفش يدخله الا هي..

صبا جميله الجميلات..

صبا الغجريه..

سحبتها لجناحي والعيون كلها عليا مفتوحه بصدمه..

بس مهتمتش..رغم اللي هلاقيه والمعارضه اللي هقابلها من شيوخ القبايل مهتمتش

ولاول مره حكاوي العشق والعشاق اللي كانو بيحكوها عن عمتي ساليمه والراوي تأثر فيا..

ـ بصدمه وعيون مفتوحه...من جرأتها..

بتعملي ايه ياصبا

ضحكت وهي بتدفعني بايدها لورا 

بعد ماجردتني من قميصي..وانا سارح في دنيا تانيه..

ضحكت وغمزتلي..

ـ عاوزه نونو الليله يابن النوارس..

مقدرتش امسك ضحكي..من وسط عتمه قلبي وجراحي...قادره تخرجني عن حزني..

ـ دانتي مصممه ياصبا بقي..

ـ جزت علي سنانها..وهي بتقولي..

ألياس..

قبل ماتكمل..كنت بالع كلامها بشفايفي..

عيون ألياس..

وانا يعني اقدر ارفضلها طلب..

ماانتو عارفين..

ــــــــــــــــ

قد تأتيني في حزني وقد تأتيني في وجعي

↚

وقد اتمني ان تكن جاري ولم يفرقنا البعد..  

اتمني وأتمني وهل ياعمري بالمني نلتقي..؟

ــــــــــــــــــــــــــــــــــ

مؤيد..

اول مااتصلت عليا سبأ من  ورا تمام.. مصدقتش نفسي..

معقول اللي سمعته..معقول هشوفها واملي عيني منها..

معقول نيسااان..بعد  العمر دا كله..رجعت مكنتش لسه وصلت..

رجعت علي نفس الطياره..

وانا بين الخيال والواقع ومش داري بحاجه قبلني زهري وانا يشهد الله مش في حالتي الطبيعيه..

حاسس اني رجعت مؤيد المراهق اللي كان بيستناها طالع نازل علي باب بيتهم عشان يكلمها ويلمحها..

اد ايه كانت حياتنا طبيعيه..واد ايه كنا اصحاب وحبايب مين بس سمح للشيطان يدخل بينا..غروري ولا طيبتها وتصديقها كلام الناس عليا..

والف سؤال وسؤال في دماغي..

يا تري نسيتني..؟

هترتمي في حضني.؟

ولا المشاعر البارده هتكون مسيطره علي حالها وحالي..

ومن بين دا كله لقيتني ادام خيمه في قلب الصحرا..وجاري الصبيه العاشقه لابني الغالي..

واول مانفتح الباب زقتني وسحبت مهره ومبقتش غيرها أنا وهي..

اقول ايه وانا شايفها قدامي..

كانت مدياني ظهرها..

بجسم رغم السنين زي ماهو..نيسان بجسمها الضعيف وشعرها اللي زي لون الشمس بيضوي علي ضهرها..

قلبي بينبض بقوه في صدري وهي مش واخده بالها مفكراني بنتها..

لسه بدور راسها وبايدها بترمي شعرها لورا..

كنت ارتعشت ورجعت بخوف ورعشه لورا..

وهنا..بس..

شهقت وكأن دلوقت بس روحي رجعت برجوعها لارضها..

سمعت شهقتها باسمي..

مؤيد..

زي تغريد البلابل....صوتها..ونظره عنيها تسحر القلب في ثواني..

مش عارف اطلع صوتي، ولا ارد علي همسها..

بس لساني لقيته بيردد..

احضنيني وبعد كدا اعملي اللي انتي عاوزاه..

انا غلطان..ندمان واعملي مابدالك

بس..

مقدرتش اكمل..خطفت المسافه..

وبايدي خطفتها

نيسااان..

ـ اااه ياوجع مؤيد 

ااه ياندم العمر كله..

ـــــــــــــــــــــــــــــــــ

قد القاك في سفر وقد القاك في غربه

وقد يمن الله علينا بلقاء بعد فراق طال العمر كله

وقد يشتاقني قلبك وقد اشتاقك وسع الكون كله

وقد يمن علينا الرب بالرؤيه

مادمنا نحيا ومادمت انت علي وعدي في الدنيا..

ياحافظ الوعد...وياعذابي ولوعتي..

اخبرك سرا..

أعشقك فوق العشق عشقا..

عشقا بمقدار حزني ولوعتي..

عشقا سرمديا ابديا..

عشقا طفوليا ومراهقا...عشقا علي مرالعصور 

سيبقي..ملحميا..

عشقي أنا..

عشق كعشقهم..عشقا غجريا..

ـــــــــــــــــــــــــــــــــــــــ

 ١٦

غجريه اسرت قلبي 

اسما السيد

ـــــــــــــــــــــــــــــ❤️👈👈👈يالا بقي ورونا التفاااعل 👍

(هيعدي)

(طارق)

الوحش بيعدي والحلو بيعدي..دا اللي عودتنا عليه الايام..

او دا اللي اتعلمته من عشتنا وسط الصحرا وعشتنا احنا كغجر..

الحلو وقته قليل وبيروح بسرعه والوحش بيروح بردو بس..

بس مبيرحش بالساهل.. بياخد من عمرنا ومن صحتنا ومن روحنا..بيقتلنا بالبطئ وياينتصر علينا..يانقتله احنا ونعدي..

بيبدلنا من حال لحال..وبيعلينا وينزلنا زي المرجيحه..

فتلاقي نفسك واقف محتار،محتار بين طريقين

الاتنين اصعب من بعض..

وفجأه..من وسط حزنك تلاقي نور ممدولك بيقلك قرب انا الصح..

ساعات، تبقي في اسعد حالاتك..وتلاقي قنبله موقوته من الهم انفجرت في وشك..

اهو دا بقي الغم.. بس  ترجع تصبر نفسك بردو انه  هيعدي..

هيعدي وهيروح لحاله..زي ماكل حاجه حلوه بتعدي..هيعدي ومن بعد عتمه الليل هيجي نور الفجر..دا ربك اللي قال كدا..مش احنا اللي بنقول

يعني..تشتد وتشتد وبعدها يجي الفرج..

وتلاقي نفسك بتدعي بحرقه..

وتقول..يارب

فرجكك قريب يارب..

استوعدتك همي..بدله من غم وهم لسعاده وفرح..

ياهم عندي رب أكبر منك ومن كل كرب..

اهو دا حالي من ساعه ماخدوها مني وخدوها اوضه العزل بيقولو مرض معدي، ورجعو يقولو لسه مش عارفين ايه بيها..؟

بس مش مهم..دلوقتي يخرجو ويطمنوني عليها..

اكيد هتفوق..ثريا مش هتسبني..

قلبها مش هيطوعها تحرق قلبي..

مديت ايدي أضغط بيها عيني..عاوزه تخوني وتبكي..وهي مش جاري تضغطها هي..

لسان حالي بيقول..

ياعيني متبكيش..اكيد مش هتفارق

ياثريا  يا وجع العمر متفرقنيش..

بكا سوزان بيوترني..ويخلي روحي تروح..

بس فجأة لقيت قاسم جاري..

متقلقش هتبقي كويسه..معرفش جه امتي؟

معرفش غير انه وقت فرحي وازماتي بلقيه جاري..

الصحبه حلوه والاجمل لو كان صديق مخلص غالي..اهو دا قاسم..

بصيتله بصه يأس..هو عارفها ومين في الكون دا يعرفها غيره..ماهو ياما محهالي بصوته 

صوت توشيحه للنقشبندي اللي بعشقها..

دوا صوته في ودني بتوشيحه تشبه حالي 

وسرحت فيها..

وانا ساند راسي لورا...اتذكر جمال معانيها..

✍️✍️

النفس تشكو ومن يدرى بما فيها، سواك ياخالق الدنيا وباريها

روحى على الدور طول الليل ساهرة، تأسو الجراح ولا تغفو لياليها

تئن فى طرقات الريح ضارعة يارب، فاكشف لها نوراً يواسيها

ياواهب النفس ايماناً بها، وضحت كل الدروب التى تخفى دياجيها

ياغافر الذنب يارحمن انت معى تصغى، لنبضة قلبى قبل شاديها

يامن منحت حياة الناس حكمتها من خانه الفهم، فليقرأ معانيها

الكون ياراحمي بالحب متسق، لم تخلف الشمس ميعاداً لحاديها

تسرى الغمائم فوق الارض ترضعها فيسطع النفس تسبيحاً لمحييها

طبطب علي كتفي..فابتسمت بوجع

وانا بقوله..

تفتكر..؟

ابتسملي زي عادته وقالي..

هتشوف.. بس انت خلي عندك ثقه..وحسن ظن بيه.. 

ماهو بيقولك انا عند حسن ظن عبدي بي..

خليك حسن الظن ياطارق..

وقعد..

انا بثق في كلام قاسم..الشيخ قاسم..

عنده بصيره وعلم..باخد كلامه ثقه..

وقتها ابتسمت وانا بقوله بثقه..

هتفوق انا عارف..هتفوق ياقاسم..يارب رجعهالي..

وقتها خرج الطبيب..

يتنهد، جرينا عليه..

طارق بخوف..طمني يادكتور..

الطبيب بمهنيه..ولا اي حاجه مفيش اي حاجه لغيبوبتها دي..

كان في بس اشتباه في تسمم وعملنالها غسيل معده بس المريضه دخلت في كوما..

وللاسف مفيش سبب عضوي..مسأله وقت..

احنا حاليا حطينها عالاجهزه..

وهنحلل العينه اللي اتعطتها ونشوف اذا كان سم فعلا ولا حاجه تانيه..وربنا معانا..

طارق بلهفه..عاوز اشوفها يادكتور...

الطبيب.. ممنوع..الزياره لحد ماتطلع نتيجه العينه.

طارق بحده..انا ميهمنيش تطلع ولا لا..قولتلك عاوز اشوفها وبس..

سوزان بدموع...وانا بالله عليك يادكتور انا بنتها..

الطبيب بتنهيده..واحد بس اللي هيخش..

وقتها اتراجعت سوزان وانا ببص ليه بتوسلها بعنيا تسيبني  أخش

ابتسمت وقالت خلاص ادخلها بس قولها اني برا جنبها مش هسيبها..

قولها ترجعلي ياطارق..واترمت في حضن سامر 

للي رحب بيها..

بصتلها بامتنان..وجريت  أدخلها..

غجريه اسرت قلبي ❤أسما السيد

اول مدخلت حسيت اني عايز اترمي في حضنها مش دي ثريا ولا دي انا...

دي ارواح ميته روح تايه بعدها..

مفيش ظاهر منها غير نبض قلبها..اللي صوته بيدوي في الاوضه..

ارتميت جارها عالارض ومسكت ايدها 

ايديها زي التلج بوستها ونزلت دموعي..

وبدأت احكيلها..

عن يوم لقانا اول مره حسيت بإيه..؟

وعن ضحكتها  اللي اشتقتلها، بتعمل فيا ايه؟

وعن فراقنا وسنيني العجاف بغيابها..

وهنا مقدرش اتحكم في صوتي وبكيت بحرقه..وانا بتوسلها..

متسبنيش ياثريا..يارب اجعل يومي قبلها..

ـــــــــــــــــــــــــــ

بالخيمه..

↚

الوادي..

(مؤيد)

حضنتها بقوه وطفيت جزء صغير من شوقي ليها اللي كل مايزيد الوقت ويعدي بيزيد مابيقلش..

وانا بقولها سامحيني يانيسان..

بعدك الدنيا كانت عاتمه من غير الوان..

كان رد فعلها غريب..رد فعل زاهد من الدنيا والناس..

بعدتني عنها..وانا زي العيل الصغير عاوز اخليني في حضنها..

وانا بسألها بعيوني..

معهدتكيش قاسيه كده ياقلب مؤيد..

كانت جميله زي ماهي..مهزش جمالها السنين بالعكس زي ماهي..

فاتتني وخرجت وقالت..

عاوزه اشم شويه هوا..

وعلي صخرا قدام الخيمه قعدت..

وانا زي التايه ببصلها..

فاجأتني ببرود سؤالها

ـ ازيك يامؤيد..؟

بصيتلها بصدمه..وفي قلبي نار بتغلي..

بتقولي ازيك..بعد السنين دي كلها..ازيك..؟

لقيتني بجاوب بحرقه..

مش كويس يانيسان..مش كويس ابدا..

بس مسكتتش وبقت تجلدني بقوه..

ـ سمعت ان عندك ابن؟

وابتسمت بسخريه وقالت..

ابنك منها...من اللي...وسكتت

بلعت ريقي..مكنش اوانه ولا وقته..وفي بالي 

ليه يانيسان..عاوزه تضيعي تاني عمرنا..

في اسئله غبيه..

بس رديت..

تمام ملوش دخل يانيسان..انا...

مخلتنيش اكمل..

وقالت..

عارفه متبررليش..عالعموم كل شي انتهي..

كتر خيرك انك دورت عليا السنين دي كلها..

وبعت ابنك للخطر برجليه 

لحد هنا وكتر خيرك يامؤيد..انا..

كل الكلام اللي بتقوله هلفطه..تخاريف..

مش بعد لقانا مره تانيه..يكون دا رد فعلها..

صوتي خرج غصب عني..مقهور

مقهور ومفيش اصعب من قهره الرجال..

ـ نيسان..

كملت وهي بداري وشها بعيد عني..

انا بس عاوزه ورثي من بابا وهاخد بنتي وابعد من هنا..

لحد هنا وكفايه..تبعد..هضربها كف افوقها من وهمها..مين هيسمحلها..انا..ولا  سي ساجي عاشق بنتها..

جزيت علي سناني وبكل قوه..

شديتها من دراعها..

وصرخت فيها..

ـ نيسااان..

لما لمحت دموعها اللي بتحاول تخبيها بقوه وهميه..

صوتي ارتعش وضعفت..

انا كلي ملكك يانيسان..ورثي وفلوسي..بس متبعديش

وبدموع خانتني لاول مره من يوم فراقها..

كملتلها..

عاوزه تسمعي ايه؟

اني غلطان..طب انا غلطان يانيسان..

غلطت وندمت سنين عمري كلها..

غلطت في حق نفسي قبل منك..

صرخت فيا، وحطت ايدها علي ودنها..

كفايه..مش عاوزه اسمع حاجه..اسكت..

صرخت فيها..وانا بشيل ايدها من علي ودنها..

لا مش كفايه..

أنا اسف يانيسان..اسف علي اني سمحت لشيطان زمان يخرب حياتنا..

اسف علي كل كلمه اذيتك بيها..وكل دمعه وكل حرقه قلب..

طب اسف علي اني لمست غيرك يانيسان والله كنت مغيب، ولولا اني اكتشفت حملها بمؤيد مكنتش اتجوزتها..

معرفش ايه حصلي ليلتها وازاي سكرت وازاي قربت منها..

ولا فاكر ايه اللي حصل..غير اني صحيت علي صوتك وعياطك وعقبه جار منك..

كانت خطه..منهم..حتي لما اكتشفت حملها مصدقتش انه ابني..الا لما عملت تحليل واتاكدت

وحياتك من بعدها ماقربتلها..ويدوب اتولد مؤيد وطلقتها..

اسف يانيسان سامحيني انا كنت جبان..

سامحيني..

دموعها نزلت..

كفايه متفكرنيش..كفايه بقي..

ارجوك ابعد عني..ابعد عني وسيبني المم نفسي..

شدتها بقوه لحضني..

لململي نفسك وانتي جاري يانيسان..

جار مؤيد..فاكره عمي كان دايما يقول ايه..؟

اهلك لا تهلك..وايدكو في ايد بعض كل حاجه وحشه هتعدي..

سمعت شهقتها وهي بتمد ايدها تحاوط وسطي..

مش هيعدي يامؤيد..

انا قتلت عقبه..انا اللي قتلته بايديا..

انا قتلته..ومات علي ايديا..اناااا.

قطعتها..

شششش.اسكتي يانيسان..انتهي..

كله انتهي..

متفكريش..في اللي راح..مش هسمحلك يانيسان..

تضيعي اللي باقي في الندم..عقبه استحق اللي جراله..

ميستحقش تندمي عليه..

صوت بكاها كان بيعلي وهي حضاني بقوه..

رفعت عيني للسما..وانا بحمد ربنا..

الحمدلله يارب..

احمدك يارب واشكر فضلك..

ومن بعيد لمحت المجنون وجاره سبأ بيشاورلي

بايده..ال يعني 

هو دا...

ضحكت علي جنونه، فرفعت راسها تشوفني بضحك ليه..؟

شاورتلها بأيدي..

ـ دي سبأ

ابتسمت..وانا بشاور علي ابني

ودا مؤيد..

بصتلها ومديت ايدي حبست ايدها..

ـ يالا يانيسان؟

حسيت بخوفها وهي بتسالني.

علي فين؟

ـ علي بيتك يانيسان..

همست..وساره..؟

ابتسمت..

متقلقيش..كله هيبقي تمام..هنعدي عليها ناخدها..

انا كلمت ساجي وفهمته..

ــــــــــــــــــــــــــــــ

قدام المستشفي..

(مهره)

مش هسيبك ياساجي؟

متحاولش..انا هفضل جارك..لحد منعدي المحنه دي سوا..

بابتسامه مرتاحه اول مره اشوفها علي وشه

مد ايده وقربني لحضنه..

ـ هتعدي ياقلب ساجي..

بس انا عاوزك تروحي مع مامتك..تشبعي منها قبل مااجي واخطفك منها..

اول ما اطمن ان كل حاجه بقت تمام..هاجي اطلبك منها..

واخدك قدام الدنيا كلها..

همست مس مصدقه..بجد ياساجي؟

بضحكه سعيده خلتني سعيده زيه..

بجد ياروح ساجي..

يالا..روحي..

رفعت راسي اودع ملامحه..واحفظها.

هتوحشني اوي ياساجي..

ابتسم وباس راسي وقالي..

ـ كل مااوحشك اوي..كلميني..ولو قدرت اجيلك هاجي..

لقيت لساني بيقوله..

ـ بحبك..

رد بهيام..

ـ وانا بعشقك ياقلب ساجي..

استودعته عند الله ومشيت..ركبت جار أمي اللي اول ما دخلت العربيه اترميت في حضنها..

طبطبت عليا...وشاورتله بايدي وهو بيبتسم..

صحيح مش ابتسامه سعيده.بس شوفت بسمته  اللي عندي بالدنيا..

افتكرت صبا...

فهمست صبا...مع السلامه..هنتلاقي ياقلب اختك..

انا عارفه انها هتحس بيا..دي اختي، صحيح مش بالدم..

بس في حاجات كتير بينا..في عشره وحياه تانيه..عشناها مع بعض

ضحكنا وبكانا ولعبنا وسهرنا حتي مصايبنا سوا..

سمعت همس في وداني..

بصوتها..

مع السلامه ياقلب اختك من جوا..هنتلاقي ياساره..

ـــــــــــــــــــــــ

بقصر النوارس

(صبا)

كان نايم ومكلبش فيا زي الطفل الصغير..

↚

رغم قوته دي كلها..معايا انا الياس وبس..

ودا اللي خلاني عشقته من اول نظره..

لقانا دايما مش عادي..لقا عاصف لقا بلون رمل الصحرا بيلمع في الشمس

مديت ايدي احسس علي بطني وانا بقول..

امتي بس..؟

سمعته بيقولي في وداني..

بنبره خباثه عرفاها..بيتلاعب بيا..

ـ والله انا عملت اللي عليا..لو حابه نعيد تاني..

شهقت..بكسوف..

الياس..

ضحك وهو بيرجعني تاني لحضنه..

عيون الياس..

اللي يشوف كسوف..ميشوفش وانتي بتقوليلي

الليله ياالياس..

ضربته علي دراعه اللي محاوطني بيها..

ـ انت بقيت وقح اوي ياالياس..

ـ دا انا ياصبا..؟

ـ اه انت..؟عيب يابني عيب..انا بس عاوزه نونو..

وهنا صوت ضحكته متأكده جابت لاخر الدنيا..

وهو بيقولي..

خلاص يبقي نعيد تاني..

اهو التكرار يعلم الشطار..

قبل مااعترض كنا رايحين لعالم تاني

مفوقناش منه الا علي خبط الباب بقوه..

اتنفضنا، وانا بعوج بوقي..

ابتدينا..اهو..

غمزلي وقالي..

ايه ياوحش مش قدها ولا ايه؟

رفعتله حاجبي..

هتشوف يابن النوارس..

قام بسرعه لبس هدومه..بعد ما سمعنا صوتها 

افتح ياالياس..

دي الغبيه ثناء..

بصلي عشان اقوم البس هدومي..

بصيتله بلامبالاه، وانا بلبس قميصه اللي خلعتهوله بايدي..

وغمزتله..

ضحك وفتح وهو بيقول الليله دي مش هتعدي انا عارف..

اول مافتح الباب..عينك ماتشوف الا النور..

كانت زي القطر القشاش ماسكه ورقه في ايدها..

بتسأله بحرقه واضح انها لسه مشفتنيش

خرجت ازاي دي.؟

بعد ماسمعت ان مهران حبسها هي ودريه؟

وازاي جايلها نفس اساسا تعمل كده واخوها ميت ولسه مبردش في تربته..

قولت يمكن لسه ميعرفوش خصوصآ انهم لسه هيروحو يتعرفو عالجثه..

او يمكن يعرفو وطبعا كالعاده مش في همهم..

ابوها في المستشفي من الصدمه وأمها جاره..

وهي جايه في نص الليل تتأكد عن ورقه طلاقها..

ههههه..بني ادمه غبيه..

سمعتها بتساله...

انت طلجتني بجد ياالياس.؟

لقيته قرب منها..وقالها بشماته فرحت قلبي..

ااه غيابي..عندك مانع..

ثناء بحده..متجدرش وهترجعني ياألياس وهتشوف عمي هيعمل فيك أيه؟

ابتسم وقلها..انا طلقت غيابي..انما  دلوقتي..

انتي طالق..

طالق..

طالق مني بالثلاثه..

شهقت بقوه..وهنا عينها وقعت عليا وانا ببصلها بشماته..

وبصدمه شاورت عليا وانا واقفه قدامها بقميصه..

ـ انتي

 ايه اللي جاب الغجريه دي اهنه..؟

انت؟

قبل ماتكمل..

كنت قربت منه..

ومن ايدها اللي مسكاه بيها نطرتها عنه..

 بقوه.. 

وبحده خوفتها..

متمديش ايدك علي جوزي لو سمحتي.. 

ابتسم.. بسمه موجوعه.. حساه حزين اكتر منها علي اخوها.. ولف ايده علي وسطي..

ولسه هتكمل.. 

كنت شداه لجوه.. وزقتها.. وخرجتها وقفلت الباب في وشها.. 

سمعت صراخها وهو صوت ضحكته جلجت 

صبا.. 

جزيت علي سناني.. 

ألياس.. احنا عندنا مهمه ولا انت ناسي.. 

قربني ليه بايده وبصلي بصه بتضيعني.. عارفاها.. وسألني بغمزه..

ـ ايه هي المهمه..؟ 

ـ عضيت علي شفايفي.. وانا بقوله.. 

النونو ياالياس

وهنا بقي كان  في فعل ابلغ من الكلام.. 

ومن وسط جنانه.. 

سمعت همسها في وداني.. 

وودعتها.. 

مع السلامه ياساره.. 

بتكلمي نفسك تاني ياصبا..؟ 

غرقت في حضنه.. 

وقلتله، بودع مهره ياقلب صبا.. 

ركز انت بس.. الله

ـــــــــــــــــــــــــ

جنب الينبوع..

سبأ..

هتجوزني امتا بقي؟ 

بغيظ الدنيا كله.. سألته..  وهو قاعد يطوح في رجله علي سور الينبوع وبيمص قصب.. 

ولا هو هنا.. 

ـ الله ياسبأ مش لما اخلص من ام المهمه دي..

تصدقي طعمه حلو اوي.. 

شديت منه عود القصب بغيظ.. 

انت خلاص مفيش منك فايده.. وتصدق خساره فيك عود القصب، سلام اولي بيه.. 

لسه هقوم كان شددني بقوه تاني لدرجه كنت هقع في المايه.. 

انت اتجننت ياتمام.. 

ـ ضربني علي راسي وقالي جن لما يركبك ياسبأ.. 

منتش ملاحظه انك بقيتي بتخبي عني وبتعملي عمايل من ورايا..

هتقري وتعترفي ولا...

سبأ برعب..انت بتخوفني ياتمامي..

جز علي سنانه..سبأ..؟

اتنهدت..خلاص هعترف..اف منك..

تمام بضحك..شاطره ياسبأ..احكي ياشهرزاد..

ــــــــــــــــــــــــــــــ

(ألياس)

نمت لاول مره في حضنها..مرتاح..

مرتاح وانا متأكد ان الدنيا كلها عارفه انها مراتي..

سامعهم طول الليل في خناق..

مهران ودريه وصوتهم العالي..شويه نواح وشويه صياح..

بس مهتمش بكره يوم طويل..

انا عاوز اشبع من حضنها..دفست راسي علي  صدرها ونمت زي العيل الصغير..

وعيني راحت في النوم..وهي بتحكيلي حكاويها اللي للاسف الشديد بقيت بحبها..

نمت ومدرتش بحالي..

لحد ماصحيت علي اسوأ حاجه ممكن تجرالي.

وانا بصرخ بعلوو صوتي باسمها..

صباااااا

ـــــــــــــــــــــــــــــــــ

هيعدي..وجعك هيعدي وحزنك هيعدي

ظلمك وحرقه قلبك هتعدي..

وحدتك ويأسك بردو هيعدي

الليل الحزين هيعدي..

الوحش هيعدي زي مالحلو كله بيعدي..

عيونك التعبانه وروحك المطفيه مسيرها تضحك وترجع وتعدي

قلبك المكسور..هينجبر وهيعدي..

مرضك وعزلك هيعدي

واللي ضحك عليك انهارده بكره يبقي في مكانك..وانت تقوله ابتسم هتعدي

بس خليك واثق بس ان كله هيعدي...

بس ادعي وقول...

ياارب يعدي....

↚

(نصيبك هيصيبك)

(ألياس..)

قمت مفزوع من نومي وانا حاسس اني جسمي متلج.. وهي مش جاري.. 

حلمت حلم وحش،حلم بكاني لدرجه صحيت لقيت دموعي علي وشي..

حلمت بيها هي

ـ  حلمت انها بتبكي وبتصرخ وبتقولي فين فستاني..؟

راح فين فستاني الجديد ياالياس.. 

مش قولتلك حافظ عليه... أنا زعلانه منك..

قربت منها وانا بقولها..مكنش بإيدي..هما اللي خدوه مني..

بكت اكتر وسابتني ومشيت..وهي بتقولي

الفستان دا كان روحي ياألياس..رجعلي روحي..

صوت بكاها كان بيقتلني وانا كل ماقرب منها عشان اخدها في حضني تبعد.. وتبعد.. 

لحد مااختفت.. اختفت وانا صوتي حاسس انو راح من كتر مابنادي عليها.. 

صبااا.. معقول هتفوتني..

صبااا..ارجعيلي..وهجبلك احسن منه..

رجعت بصيتلي

اللي راح مبيتعوضش انا عاوزاه هو..هو وبس..

فوقت ادور عليها.. ملقتهاش جاري.. 

مهتمتش لحاجه غير انها في خطر.. 

اني بردان.. من غيرها..من غيرها لا نوم ولا سهر يحلالي..

في حاجه نقصاني..

ولاول مره احس احساس الفقد.. 

صرخت ببعلو صوتي صبااا.. 

اول ماعيني لمحتها شهقت. وخطفتها في حضني

(صبا..كنتي فين ياصبا) 

ــــــــــــــــــــــــ

صبا

حسيت اني جعانه.. جعانه جدا ودا مش عادتي..اوف من يوم ماعرفته وانا بقيت باكل زي المفجوعه..معرفش من ايه؟

يمكن زي ما مهره بتقوول..يووه ساره..لسه لساني مش متعود..بس هتعلم..

بتقول من كتر الفرحه نفسك مفتوحه..

بس انا بقول من حبي فيه..وانا جاره بنسي الدنيا..

حتي نسيت اني بتخن بسرعه واحتمال من فجعتي ابوظ الدنيا..وابقي تخينه..

بس مهتمتش..  الجوع زي مابيقول كافر وانا جعانه.. 

كان الفجر شقشق والنهار خلاص بيقول انا هطلع

يعني يانايم اصحي وياللي بتسعي علي رزقك قوم صحصح..

الليل امبارح..كان حزين علي ناس وسعيد علي ناس..وطويل بردو علي ناس..

وناس من كتر الانتظار يأسو وملو..بس النهار اهو طلع

ويا حبايب اتلمو..

خرجت البي نداء بطني الجوعانه..

اتنهدت وقربت منه..اي مكان جار الياس بالنسبالي  امان.. مدام معاه وفي حضنه..

من امبارح والخيالات شغلاني بس هو كالعاده مش مخليني اركز..

بس غمضت عيني اسمع..وسمعت اللي هيفيدني معاهم بقوه..

انا كدا كدا..مبخفشي...وكنت هعرف اتعامل معاهم بقوه..بس فجأه قلبي اتوغوش..من حاجه كانت تايهه عن بالي..

هل لو خلفت من ألياس،هعيش معاهم بأمان ومش هيؤذي طفلي..

غمضت عيني ونفضت راسي وانا بقول..

يووه ياصبا مش أوانه..

بوسته بوسه طويله من خده واسحبت بعد مااطمنت انه نايم في سابع نومه..

همستله في ودنه بس مكنش داري..

اتنهدت ولبست وخرجت..

اول مافتحت الباب لمحتهم كلهم قدامي..

بصولي بصدمه وبصيت لهم بحزن مش عشانهم

عشان مهران الصغير كان ضحيه..

ضحيه للعبه وسخه من دريه وجوزها..

جوزها اللي مجنده من سنين لشغل السلاح ومحدش داري ولما لقي الكل انكشف اتفقوا يخلصو منه..

دا اللي اتأكدت منه بوداني..

لما جالي الهاتف وسمعت دريه بتهدد مهران لو عاقبها باللي عملته في ثريا..

هتهدده انه هو اللي قتل مهران..وهتعترف عليه قدام المجلس القبائلي بحاله...

رفعت راسي ولمحت

امه متلحفه بالسواد..وحواليها بقيت الستات.

بس في عيون كانت بتبصلي بحقد

عيون دريه وثناء اخته..الناس دي في ايه ولا في أيه مش عارفه..؟

وقامت مفزوعه، وقربت مني وشدتني من ايدي بقوه..

دريه بحقد..

ليكي عين ياغجريه..ايش البجاحه دي..لفيتي علي ولدي وخربتي داره وخلتيه يطلج بنت عمه.. بس والله في سماه ماهخليكي تتهني بيه..

وابجي جولي دريه جالت..بس نعدي المحنه دي وهتشوفي ياغجريه..

ابتسمت وقربت منها وقولتلها في ودانها..

انتي اصغر من انك تهدديني يادريه..

بلاش انتي عشان لو ظهر المستخبي هيكلوكي بسنانهم..

هتتنتهي انتي واخته اللي قاعده عامله فيها البريئه..

قال بتوتر معرفتش تخفيه مني الكل عارف حكايتي الكل بيقول عني مخاويه وبعرف المداري..وغيرهم قال بقرا الافكار ودا بقي سبب خوف الستات كلها مني..

ماهو كلامهم شبه حقيقي..بس اللي ميعرفوش انه خير مش اذي ابدا

دريه برعشه بكلامها ..بتهدديني ياغجريه..؟

وقتها قربت من ودنها..وقولتلها..

افهميها زي ماانتي عاوزة

وابتسمت وغمزتلها بكلام محدش سمعه غيرنا..

تحبي ابدأ منين..تحويجه ثريا..

ولا قتل مهران الصغير

حسيت برعشه ايدها وجسمها اللي اتنفض..

بس مهتمتش..

قولتلها..سرك لحد دلوقت في بير بس اوعدك قريب هيبقي عالملأ..ومش انا اللي تهدديه..

دا يمشي مع ثناء الغبيه..أوعدك نهايتك تبقي علي ايديا..يااا حماتي..

مشيت شويه..وافتكرت جوعي..

ورجعت..وهي لسه وقفه زي ماهي..متصنمه وايدها بترتعش..

صبا بشماته..

أنا جعانه ياحماتي..

بلعت ريقها وبصتلي شويه.. ونادت بعلو صوتها علي مراجل..

يامراجل..

جت مراجل تجري واول ماشفتني دارت ابتسامتها مني..

بصيتلي مراجل وغمزتلي..وقالتلي ازيك زينه الصبايا كلها..

ابتسمت بهدوء احترام لام مهران الطيبه وابوه الناس دول فعلا ملايكه وسط وحوش

وغمزت لمراجل..وقولتلها..

جعانه يامراجل..

وبعدها قالت دريه بخوف وقهره معرفتش تداريهم...حضري الفطور لستك صبا يامراجل..

جحظت عيون الكل واتسمرو عليها..

وشهقوا كلهم بصوت وكان اقواهم ثناء..

وقتها هي صرخت بقله حيله..

صبا بجت مرت ولدي وخلصنا..ومن اليوم مرت الكبير والكل يحترمها..

الكل شهق مره تانيه وسكتو حسب اوامرها..

وقتها قربت منها..وقلتلها..شاطره ياحماتي..

بس لو عملتي ايه مش هرحممك..بصي واتأملي في الوشوش دي..ان مخليتهم يضربوكي لحد ما تخلصي في إيدهم مبقاش صبا..

وخصوصا..

وسكت شويه..

ثريا..عرفاها..طبعا..

جزت علي سنانها..بقله حيله وغل طالع من عيونها..

بعدين نتفاهم..ياصبا..واللي عاوزاه هنعمله..بس كفايه انهارده كدا.

دورت وشي وانا بقولها..

هصحي الياس..

لقيته في وشي بيصرخ بصوته كله..

صبااا..

رد فعله كان غريب خلي الكل شهق بقوه..

من منظر شيخهم المنتظر..مش دا ألياس اللي يعرفوه..دا إلياس بتاعي انا..

رميته في حضني وكأني الخلاص وترني..ياترا أيه حصل..؟

همس في ودني

صبا..كنتي فين ياصبا..؟

عيون الشر عيون ثناء.. جحظت بقوه..

وقتها ابتسمت وحضنته بقوه  اكتر منه، عاوزه ادخله في ضلوعي.. وانا طايره في السما..

كنت جعانه ياعيون صبا..وقلت ادخل اصحيك نفطر سوا..

شدني للاوضه وقفل بابنا بسرعه

ورماني بقوه عالسرير..

وقالي وهو بيرتمي فوقي..انا مش قولتلك متتحركيش من حضني الا اما افوق

اعمل فيكي ايه..هااا..خليتيني زي المجنون..

اختاري عقاب ياصبا..

لسه هضحك افتكرت ام مهران الحزينه وابوه اللي قاعد ضهره محني..ومكسور  وكانه كبر عمر فوق عمره.. وسكت

الاتنين صعبانين عليا..

مفيش اصعب من فراق الضنا..غصب عني حسيت بغصه في قلبي.

وانا بحط نفسي مكانهم..استغفرت..

وأنا بدعي الدعاء اللي علمتهولي امي..

(الحمدلله الذي عافانا مما ابتلي به كثيرا من خلقه وفضلنا علي جميع خلقه تفضيلا..)

كانت دايما امي تقولنا لما تشوفو حاجه تأذيكم وتخافو  عينيكم تنقلها وتصبحو في نفس الموقف، قولو الدعاء ده..ربنا بعدها ينجيكم..

فوقت علي شفايفه اللي بتتحرك علي خدي.

وهمسه ليا..

حلمت حلم وحش اوي ياصبا..

وحش اوي..

حكالي حلمه.اللي انا نفسي خوفت منه..الفستان وضياعه.. خوفوني..بس مهتمتش ومديتوش أكتر من حقه..

جه الفطار وبقيت زي المفجوعه وهو بيضحك ويأكلني بايده..

بس فجأه افتكرت اللي حصل..

ألياس بقلق..مالك ياصبا؟

في ايه؟

اتنهدت وقولتله..هحكيلك..بس لازم تاخد حذر عشان نعرف نصرف..

أول ماقولتله..انصدم..بعد اللي حصل هو متاكد اني مبكدبش..

بس حضني بقوه وقالي..

صبا..اللي انتي قولتيه أنا عارفه كله.وهانت 

لازم نماشي الموجه..

عاوزك قويه لحد الدفنه والاجراءات وبعد كدا لكل واحد حساب..انتي خطر علي نفسك قبل مني..

اقفي لحد هنا ياصبا..اللي تعرفيه..اوعي تصرحي بيه لحد..فاهمه..

وبعد تحذيرات كتير منه..خرج وسابني..

وانا خرجت أواجه مصيره بقوه..

ـــــــــــــــــــــــــــــ

(ساليـ مهره)

الله ايه الجمال دا..

معقول ياماما انتي غنيه اوي كدا..

ماما مادام انتي غنيه ماليش دعوه عاوزاكي تقدميلي في الفقره المسرحيه..

عاوزه امارس مهنتي بحرفيه..وربنا يعيني بقي علي اللي هيعمله فيا ساجي..

ماما..

(نيسان..)

ضحكت علي جنانها..والمهنه اللي اخترتها..

↚

ال يعني شيخ شيوخ القبايل هيرضي..

يالا الله يرحمها..

الصداع هيفرتك دماغي والرعشه مسكاني بس بحاول..لحد دلوقتي بقيت واخده شريط مسكن كامل ومفيش فايده..في حاجه غلط..

كنت عاوزه اشرب شاي..وطلبته بس طعمه مش شكل اللي كنت بشربه في الخندق..

قرفت منه ورميته..

من اول ماوصلنا وساره مذهوله من كل اللي حواليها..قلبي بيتقطع وانا كل كلمه منها بتقطع فيا من جوا..

اني مخترتش اب صالح ليها..

عقبه كان طيب..بس مكنش صالح لا ليا 

ولا لغيري..مكنش ينفع يكون اب..

كان بايدي اختار اب افضل وتعيش بنتي حياه افضل بدل ماكانت غازيه في الموالد.. لا وكل تفكيرها ازاي تنمي قدراتها في الرقص.

بدل ماتطلع مهندسه ولا دكتوره وتكمل تعليمها..

الحمل تقيل اوي عليا..وصوت ضحكها وفرحتها وهي بتقولي 

اوعي تفهميني صح ياماما..دي فرقه استعراض مسرحيه..

ضحكت وحضنتها فارتمت في حضني..

وهي بتقولي..احضنيني أوي ياماما..

مش عارفه مين محتاج حضن التاني..هي ولا انا..

مش قادره امنع دموعي ولا حزني..

مفيش اصعب من انك تحس احساس الندم

الندم علي كل حاجه..فتبقي لاقادر ترجع اللي راح ولا قادر تتقبل اللي جاي..

حطيت ايدي علي وشي وبكيت.

بكيت من كل الدنيا ومن تعبي وروحي الموجوعه..

جسمي بيرتعش بيطالب بحاجه مش عرفاها..

ساره بخضه..مالك يا ماما بتعيطي ليه؟

وقتها سمعت صوته وهو بيقولها..سيبني مع ماما ياساره..

مكنش عندي طاقه أزعقله ازاي يخش علي انا وبنتي كدا..انا مخنوقه وتعبانه جدا..

الدنيا واقفه حواليا..وقفه علي موت عقبه بين ايديا واحساسي بالذنب ماليني ويمكن هيموتني..

وغصب عني بلوم نفسي..

هو حبني زي ماقال.. وانا طول الوقت كنت كارهه..حاقده..معقول لو كنت اديتله فرصه كان هيتغير..زي ماكان بيقولي.ولا انا خلاص اتجننت وبقيت شايفه الصح غلط والغلط صح..

الف سؤال وسؤال في بالي..

ليه مش فرحانه..بحريتي..وليه حاسه اني زاهده الدنيا..

مفوقتش غير علي قفله الباب وايد مؤيد القويه

بتشدني من ايدي..

خدني علي خوانه..وشدني قوي لحضنه..

مؤيد بحده..

ابكي يانيسان..ابكي عشان تخلصي كل دموعك هنا..عشان مش هسمحلك..

كفايه لحد كدا..

عارف بتفكري في ايه؟

موجوعه وندمانه؟

ومن وسط دا كله..حاسه اني مستهلش السماح..صح.كدا؟

بكيت بقوه..وانا بقوله.. مش كدا.. 

مش كدا ابدا يامؤيد.. 

انا تعبانه..تعبانه يامؤيد دماغي هتنفجر..

تعبانه اوي..

اتصنم وقالي..

مالك يانيسان..فيكي ايه ياحبيبتي؟

روحي راحت وانا حاسه ان فعلا فيا حاجه غلط..

وجع راسي كان قوي ودلوقتي بقي اقووي..

تعبانه..

جسمي اتشنج وبقيت بترعش بقوه..

صوت صرخته باسمي كانت وصلالي..

بس مدرتش ايه حصل غير اني روحت في دنيا تانيه..

دنيا اتمنيت مفوقش منها تاني..وارتاااح..

ــــــــــــــــــــــــــــــ

طارق..

طمني يادكتور في ايه؟

الطبيب..للاسف التحليل طلع مجموعه من اعشاب بيستخدموها بتوع العطاره عشان يقتلو المريض بالبطئ..

احنا عملنا اللي علينا وياجل الحظ مكنتش المواد دي لسه قدرت تسيطر علي جسمها كله..

دي تحويجه بيعملوها اسمها تحويجه الموت..ودي جريمه يابشمهندس..ولولا انك حكتلي كنت بنفسي بلغت البوليس..

دلوقت مفيش في ايدنا حاجه غير الدعا ليها وياعالم هتفوق امتا..

عن اذنك..

اول ماسمعت الكلام دا حسيت بنار في قلبي..

معقول..وصلت بيهم الحال للقتل..

معقول اخسرها في لحظها..معقول..

اوقات بيقف الواحد عاجز..لا قادر يصرخ ولا يبكي..مستسلم للامر الواقع..

بس افتكرت في الوقت دا قاسم..ومكالمه صبا الصبح ليا..

ان علاجها بالرقيه الشرعيه والقرآن ومع الوقت جسمها هيتقبل وهتفوق..

ومن وسط يأسي دايما بيطلع امل جديد..

وانا واثق ان ربنا مش هيأذيني فيها..

مش بعد دا كله...

اتنهد واستغفرت..وأنا لسان حالي..

مش لوم ولا اعتراض يارب..بس يارب ارحم حالي..

اتصلت بقاسم اللي رحب وقالي هيقوم باللازم..وهيبدأ بالعلاج من انهارده..

اتنهدت وقفلت تليفوني..

بس فوقت علي صرخه مؤيد وهو داخل من الاستقبال علي ايده، ست ووراها بنت بتبكي..

ومحتجتش وقت اكيد دي نيسان..

طارق بلهفه.

في ايه يامؤيد..؟

مؤيد بحزن وصوت مخنوق..

ـ نيسان ياطارق..مش عارف فيها ايه.؟

جه الترولي وخدوها الدكاتره منه..ووقفنا تاني نفس الوقفه..

القدر بيعاند..معانا..بس برضو لسه في امل..

اكيد في امل..

ضحكت بسخريه من حالنا..وبدل ماكانت سوزان بتبكي لحالها علي ثريا..

دلوقتي بقت سوزان وفي حضنها ساره 

مؤيد بحزن وهو بيدعك وشه..يارب مايكون اللي في بالي صح ياطارق..

طارق بانتباه..أيه اللي في بالك يامؤيد؟

انت شاكك في ايه؟

مؤيد بتوتر..مش عارف بس وضعها وتعبها ده فكروني بحالي زمان..فاكر..

طارق بصدمه..الله لا يعودها ايام..بس متفولش 

عليها..

ومنين هيجي لنيسان المخدرات..طب انت كنت بتتعاطي وضارب الدنيا جزمه..

مؤيد..كنت يائس وتعبان ولولاك ولولا عمي جاري كنت انتهيت من زمان..

لولاك اهتميت بابني بعد مالوسخه امه رمته..كنت انتهيت وحياتي انتهت..

خايف ياطارق..خايف اوي..نيسان مش هتستحمل وهتروح مني بعد مالقيتها..

طارق بابتسامه..هتبقي كويسه صدقني..ان شاءالله هتنكشع الغمه ونعيش كلنا بسعاده..

مؤيد بأمل..يارب ياطارق..يارب

خرج الطبيب وهو بيتنهد بأسف..

ـ قرب مؤيد بسرعه..مالها يادكتور..في ايه؟

الطبيب باسف شد مؤيد وروحت وراه.. المؤشرات بتقول انها بتتعاطي مخدرات ودا حصل من نقص الجرعه..

وقتها لولا ايدي اللي سندت مؤيد كان اترمي من الصدمه..واللي خاف منه لقاه..بس انا دماغي راحت لسنين ورا..معقول اللي كان السبب في تعاطي مؤيد..يكون هو اللي عمل كدا في نيسان..

بس ساعتها قلت مش وقته الكلام دا..

وقع المفاجأه علينا كلنا..كان قووي..

قووي لدرجه متخيلنهاش..نيسان ومخدرات..

مؤيد..انت بتقول ايه يادكتور..؟

انت متأكد..

وقتها اتنهد الطبيب..التحاليل اللي عملناها هتبين كل حاجه وهنعرف نوع المخدر بالظبط..

ولحد ما تطلع التحاليل احنا حقناها بمجموعه كبيره من المسكنات..وهتفوق..

↚

وتقدرو تدخلولها..

ــــــــــــــــــــــــــــــــــــ

بعد اسبوع..

ألياس..

الدنيا دي ملهاش امان..غداره..النهارده ليك و بكره عليك..

بتعليك وتنزلك..والجدع اللي يقوم ويقف..

الجدع اللي يكون قلبه قوي ويتحمل..

كام واحد مر بظروف صعبه تهد جبال وبردو لسه معافر ومكمل..

وكام واحد وقع وانهار ومقدرش يتحمل..

اهي دي الدنيا..

ناس رايحه وناس جايه..

نقابل ناس ونودع ناس..

ناس مولوده وناس مفقوده..بس ياريتنا بنتعظ..

يمكن موت مهران وكسره الكبار وتفاصيلهم الملعونه كانت صدمه ليا..

بس كانت دفعه ان ينكشع الظلم ويبدأ عهد جديد ونضيف..يملي الحب المكان ونعيش في سلام والمزرعه السعيده اللي عملها الراوي..تبقي مزارع كتير يملاها الحب ونعيش وسط الصحرا بأمان..

اللي زرعوه الشياطين زمان بيحصدوه دلوقت..

مهران مات بتحويجه تشبه التحويجه بتاع ثريا..محدش قدر يلحقه..وراح فيها..

انفتح تحقيق بموته..ولحد الان مقدرناش نوصل للي عملها..بس احنا عارفين..

وللاسف..دي نهايه الفسق والخداع..واللي يمشي ورا دماغ حيه..بتبخ سمها هنا وهنا..

دي امي..أمي اللي طلعت شريك اساسي لكل أفعال مهران ابويا..

مهران اللي قرر يهدي اللعب لحين ميسره..

وادينا مهودينه..

الايام دي تقيله والمواجهات كتير..

بس وقوف الحبايب جاري كان هو السهل الصعب..

وجودها جمبي وقوتها هي كانت بتقويني انا..

وفعلا آمنت وصدقت...

ان ربنا بيخلقلنا ناس علي مقاساتنا يشبهونا ونشبههم..يبقوا قوه ودعم..

وساعات ربنا.بيبتلينا بناس تحط مننا ومن كرامتنا ونفسنا ودا بقي اكبر هم..والحمدلله اننا مش منهم..

دخلت الغرفه وعيني وقعت عليها بتغني قصاد المرايه..

أغنيتها اللي دايما تغنيها..أد ايه انا بقيت فخور اني اتجوزت غجريه..

زمان لما كنا نسمع اسم الغجر كان كله بيتأفف ويستخبي وانا واحد منهم..

لو كانو قالولي زمان هتقع ياشيخ في عشق الغجريه..مكنتش صدقت 

وقفت قصادها وقلعت عمامتي اللي لبستهالي بايديها..

من يوم مادخلت حياتي وكل تفصيله فيا ليها ذكري منها..

غمزتلي..

مالك ياشيخي..؟

دي صبا من ساعات المجلس ماقرر ينحي مهران ابويا عن دور الشيخ الكبير ورشحوني انا..وهي بتقولي ياشيخي...

الحمل تقيل جدا..والجدل كتير...قرار تخالط الانساب اللي عرضه عمي الشيخ سمعان..لاقي مؤيدين ومعارضين..بس المؤيدين كانو اكتر وكانهم مصدقوا..كان نفسي عمي سمعان ياخد المشيخه مني..بس بعد اللي جرا..زهد وبعد وقال يكفيني لحد كدا..بس بردو واقف في ظهري..

وقفت وسحبتني من ايدي..

وقعدت وقعدتني جارها..

رميت نفسي علي صدرها

ـ تعبان ياصبا..وهدوء ابويا ودريه..قلقني خايف يكون بيحضر لمصيبه تانيه..

ابتسمت ومدت ايدها تملس علي شعري..

متقلقش كله هيبقي تحت السيطره..

وخلينا ننتهز فتره هدوءهم دي شويه..حاليا مش هيعملو حاجه..خلينا نزرع في القبايل والشباب الحب والحكمه وننشر العقل..

وخصوصا مع السباق..

حبيبي هيشارك وهيبقي بطل الابطال..

ضحكت وارتميت اكتر في حضنها..

عندك حق ياعيون ألياس..

بس اوعي تكوني مخبيه عني حاجه..سكوتك انتي نفسه مش مطمني ياصبا..

صبا ببراءه..انا..تعرف عني كدا..وبعدين سيبك مني..جهز حالك للمجلس 

يالا..يالا شيخ الياس..

ضحكت..

انا مش عارف مبسوطه ليه بالمشيخه دي..

ابتسمت..وقربت مني..

عشان عارفه انك احق واحد بيها..هتحكم بالعدل وهتقضي عالفساد..هتنصر الضعيف وينتهي عهد الذئاب اللي ضيعونا وضيعوا الاف الشباب.. آن الاوان ترجع الصحرا نضيفه لسابق عهدها..

نفسي نتحد مع الراوي ونعمل مزرعه سعيده  زيه..

انا فخوره وفرحانه بيك يااحلي الياس في الدنيا..

ألياس بانتباه..مقولتليش ياصبا..انتي تعرفي الراوي منين..؟

صبا بابتسامه..ياااه دي قصه طويله..بس تقدر تقول اني شوفته مره في خيالاتي..وروحتله برجلي..

ألياس بصدمه..ازاي؟

صبا..هحكيلك بعدين..يالا بقي عشان تغير وتخرج للمجلس..

طب بعد كلامها دا ايه؟ بس.. اتنهدت وانا بقولها..هتحكي الليله ياصبا..مش هسيبك..

غمزتلي..حكاوي ولا افعال.

الياس بصدمه..بقيتي قليله الادب اوي ياصبا..

صبا براءه...عاوزين نونو صغير ياألياس..

بعد ماخرجت ضحكتي من جرأتها مجلجله..

بقيت زي الاله..في ايديها..لبستني هي وبخرتني كمان لحد مااتخنقت..

ـ الياس وهو بيكح من الدخان..

ابعدي ياصبا البخور دا..انا اتخنقت..يا حبيبتي

ـ صبا بحماس..لا ببخرك من عين دريه وثناء..

الياس بضحك..مجنونه والله..

ال يعني بيقدرو يقربو مني وانتي جاري

انتي عملالهم قلق ياصبا..

اوعي ياقلب ألياس.

صبا..استني يالياس..اوف..

ــــــــــــــــــــــــــ

ساجي..

دفنا مهران الصغير وعدنا وفاجأني تمام باللي حصل لنيسان..

كلمتها واول ماقولت الو

بكت..

وسمعت همسها.

تعالالي ياساجي..

مخلتهاش تكمل..قفلت ولبيت الندا واهو عالحال دا بقالنا اسبوع..

متعذبين بين ثريا ونيسان..

ثريا اللي في دنيا تانيه..وعلي جلسات العلاج القرآني بتستجيب ببطء..

ونيسان اللي اتحولت للمصحه تتعالج من المخدرات اللي كان بيعطيهالها عقبه في المشروبات من غير ماتحس..أو الله أعلم زي مابيقول طارق..

الايام والمواقف بتمر تقيله..بس مسيرها هتمر..

علي باب حجره المصحه..

كنا واقفين سامعين بكي نيسان العالي عاوزه المخدر..

ومؤيد اللي مش بيفارقها واصر يكون معاها..

وهي بتبكي بقوه علي بكاها..

مهره.. متبكيش والله هتبقي كويسه..اهدي بقي..

بصتلي بقهره..هتبقي كويسه..تفتكر.. انت مش شايف حالتها عامله ازاي؟

قربتها لحضني وانا بقولها..

ايام صعبه وهتمر..لازم ندوق الوحش عشان نعرف قيمه الحلو..

ويمكن دا حصل عشان تفوق من دايره الندم وتعرف انه كان يستحق تموت علي ايده وان لو كان حبها فعلا مكنش اذاها بالطريقه دي..

ابتسمي واعرفي ان دايما..

الخير يكمن في الشر..

بس احنا نحمد ربنا..

حسيت بالرضا علي وشها وابتسامتها وهي بتقول..

عندك حق..

ابتسمت..وبوستها..

ايوا كدا ابتسمي..ابتسامتك دي بتحلي الدنيا..

هتعدي..وهترجع احسن من الاول..صدقيني

ربنا مبيجبش حاجه وحشه..

ـ يارب

ـــــــــــــــــــــــــــ

تمام..

ايوا زعيم..

الزناتي بهدوء..اقعدي ياولدي..عاوز اتحددت معاك شويه..

تمام بهدوء..اتفضل يازعيم..

الزناتي..عاوز ايه من سبأ ياتمام..؟

تمام بصدمه..وترته بس كمل بقوه..

بحبها وهتجوزها ومفيش قوه في الدنيا هتبعدني عنها..

وبأنفاس متوتره وملهوفه دخلت سبأ..

الزناتي..تعالي ياسبأ.

تمام بانتباه..في ايه بس يازعيم..

الزعيم بهدوء..انا اللي بعتلها..عشان أكلمكو انتو الاتنين..لان شغل الجنان اللي حصل وضربك لسلام مكنش يصح ياتمام..

واهو راقد مربط ايد ورجل..

سبأ بغيظ..ماهو هو اللي بيمد يده عليا يازعيم..و..

تمام بحده وهو بيبصلها..اخرسي ياسبأ...

انا هكلم 

بص يازعيم..اللي هيقرب من سبأ هفرمه..وشغل بقي موهوبه ومش موهوبه دا ميكلش دماغي..

انا مستعد احارب الدنيا عشانها 

الزناتي..بهدوء..وانتي ياسبأ..عاوزه تمام..؟

سبأ بلهفه..هزت راسها زي الهبله..ااه موافقه وعاوزه اتجوزه مليش فيه..

ضربها تمام علي راسها..اعقلي ياسفله..

الزناتي بضحك..عليهم..وانا مش هكسر بخاطركو 

أنا هحاول اقنع ابوكي ياسبأ وربنا يعيني بقي..

سبأ بفرحه..هيييه ايوا كدا..

الزناتي..قومو انكشحو من هنا..يالا برا..مفيش منكو فايده..

(تمام)

خرجت المجنونه تجري زي الهبله والستات بيبصو عليها..

سحبتها من ايدها وخدتها ناحيه الينبوع شاهد علي ضحكنا وبكانا..

مهمتي لسه مانتهتش وخايف فعلا يأذوني فيها..

رغم اني عارف انها بميت راجل بس بردو..

لازم أتكلم معاها..بس فرحتها وغناها..خلوني أنسي..

انسي نفسي وانا بتجنن معاها..وفجأه صوت ابويا اتردد في ودني وهو بيقول..

ياريت يرجع بيا العمر وانا كنت خليتها جاري العمر كله في دموعي وحزني ووقت ضيقتي قبل فرحي وهنايا..

وقررت منكدتش علي نفسي..

ماهو نصيبك.. هيصيبك..

لو في قعر البحر هيصيبك..

ــــــــــــــــــــــــــــــــــــــــــ

نصيبك هيصيبك.

لو في قعر البحر هيصيبك..

لو في قلوع مشيده هيجيبك..

علي ايه نحزن ونقتل فرحتنا..

علي ايه نقلق ونتوتر....

علي ايه نعاند ونكابر..بس سيبها عالله 

وهو رب  المستضعفين، وهو ليك جابر..

خليك من وسط المجنونين عاقل..

ابدأ بنفسك..بروحك..وقول يارب..

انت علي الاقوي مننا  يارب قادر..

↚

ساير الموجه،وارضي بالموجود..

مسيرها تتعدل..ياسيدي والجوده بالموجود..

واعرف ان مهما عافرت وشقيت وتعبت..

ربك موجود..علي قد تعبك هتاخد.

وعلي قدر طيبتك هتنول..

💖💖💖💖💖

١٨

غجريه اسرت قلبي 

أسما السيد❤️👈👈👈لايك  كتييير وتعليقات كتييير👍

ـــــــــــــــــــــــــــــــ

بسم الله الرحمن الرحيم 

(لا تنهزم)

بعد شهر.. 

في فيلا طارق..

فيلا بناها وحلف مايسكنها الا وهي جاره..حلم حلموه سوا زمان..وفي كل ركن كانت ليها بصمه..

زمان لما كانو بيحلمو ببيت كبير وعيال كتير

بيت وصفته هي زمان وكان دايما يقولها اوعدك..اعملك قصر احسن من قصر النوارس..

مرت سنين وبقي معاه فلوس..

وفعلا عملها بيت احلي من القصر..بس كان خالي

لا هي فيه ولا عيالهم سكنوهم..

بناه وقفله واكتفي بشقه صغيره جنب شركته 

لحد مارجعت تاني..لحياته صحيح رجعت جسم من غير حياه..

بس كفايه حسها في الدنيا..

رجع فتحه وجدده من تاني وفي كل ركن فيه..كتب اسمها بالهيروغلفيه 

ثريااا..

بعد ماقعدتها في المستشفي مبقاش ليها لازمه

اصر ياخدها علي بيته ومعاها الممرضه

وجهزلها الغرفه كانها في مستشفي 

خصوصا انها  بتستجيب لكلامه وصوته.. 

وسمعاه بس لسه غايبه عن الوعي..

اااه قويه خرجها من قلبه.. 

وبعيون مليانه دموع وروح ميته،ونفس تعبانه من كتر كبتها للدموع..دموع راجل هزه الشوق ووجعه

راجل مش موجود ان كان هو ولا صاحبه..

مش كل الرجاله مخلصين ولا كل الستات بتعرف تحافظ عالوعد..

بس اللي بيوصل لمرحله اقوي من الحب والعشق..دا بيبقي مش قادر يشوف ولا بتعايش مع حد غير حبيبه

اهو ده حال طارق وثريا..

قرب منها وقعدت جارها علي طرف السرير

ماسك بايده قسيمه طلاقها اللي جبهاله بنفسه الياس  وصبا، اخيرا بعد شهر كامل من رقدتها ولولا خوف مهران من الياس اللي خد المشيخه بالقوه من ابوه مكنش طلقها

ابتسم بحزن وتهكم 

ـ وهو كان اصلا اتجوزها..

الجواز اساسه الرضا والقبول هي كانت كارهه حاقده..محبتوش..

ياريت..

كلمه علي لسان كتير بس للاسف ياريت لا بترجع اللي راح ولا بتوقف القدر

كان قدر ومكتوب اللي شافوه..واللي عاشوه

بهمس وابتسامه مرتاحه مبسوطه يكفي انها قصاده وانها حره..هتفوقي ياثريا..

هتفوقي انا واثق..مضيعيش اللي باقي في دنيا تانيه ياثريا..ارجوكي..

(طارق)

مديت ايدي احسس علي وشها..وافتكرت وعدي لنفسي..اني مش هغضب ربنا تاني فيها..

حتي لمسه ايدي ليها بطلتها..

عاوز ارضي ربنا فيها عشان يراضيني بيها..اتنهدت وانا بقولها..

ـ طارق بسعاده وهو بيحكيلها اللي حصل زي العاده...انهارده فاجئني الياس وصبا..بمجيتهم..

عارفه..

ألياس بقي شيخ قبيله النوارس ياثريا وانكشع عهد مهران بس لسه خطره دايم..بس اكيد شبابنا من خطره واخدين حظرهم..ماهو تربيتك ياأحلي ثريا..

وبابتسامه اكتر..

اهو ياستي شوفتي حلمك اتحقق ازاي.؟

فاكره زمان..كنتي دايما تقولي ايه؟

نفسي يجي اليوم ويحكم الغجر والنوارس ويتحدو مع بعض..ساعتها هيبقو قوه تهد الدنيا..

اهو ياستي جه اليوم دا..واهو الياس النوارس اتحدي الكل وخد صبا الغجريه..

اثبت للكل انه تربيتك ياثريا..ماهو لو كان اتربي علي ايدهم كان هيطلع زيهم حاقد علي كل الدنيا..

اد ايه بفرح لما بشوف حبهم ليكي..تعرفي اني بغير عليكي منهم..بس في حته جوايا 

فخوره بيكي ياثريا..

فخوره انك قدرتي تربي راجلين عالحب وتنزعي من قلبهم الحقد والغيره بتاع اهاليهم وفخور انك ربيتي صبيه عنيده..وراسها دايما مرفوعه وبتفتخر بيكي وبعشقك ليا ياثريا..

وبغصه كمل..

تعرفي..

كان نفسي أجيب منك ولاد وبنات كتير..

يقولو ولاد الشيخه ثريا اللي اتحدت الدنيا وخدت الغجري الراحله.. 

فوقي ياثريا..

فوقي حققيلي املي ومتبعديش..

يمكن منجبش ولاد بس عاوزك جاري في كل مكان..

قربت منها وغصب عني قربت، ومسكت ايدها وبوستها..

وانا بدعي ان ربنا يسامحني ويغفرلي 

اتنهدت وبعدت وانا بدعي..

سامحني يارب..

سامحني مش بايديا..

بوستها بوسه طويله..وكالعاده ايدها كلبشت في ايدي..

ابتسمت..وبوستها تاني وتالث..

عارف ياحبيبتي انك سمعاني..

عارفه سايب قاسم مع صبا..بتقول انها هتعملك وصفه سحريه..

وانا عندي امل ياثريا..

تعرفي ان قاسم مبهور جدا بعلم صبا..وبيقول انها قنبله ذريه.

قعدت وسرحت احكيلها اللي حصل من ساعه مطبو عليا..

وانا عارف انهم واقفين قصاد بابها كلهم بره عاوزين يدخلولها..

ضحكت علي صوتهم وعلي كلامهم ليا..

اطلع ياطارق عاوزين ندخل لثريا..

ومفيش فايده خرجت.. بس بعينهم يشوفوكي ياثريا..

ـــــــــــــــ

ألياس بلهفه.. ها ياطارق..هي كويسه..؟

انا عاوز ادخلها..انت دخلت وقلت عدولي ليه؟

ساجي..وانا كمان ياطارق مش معقول كدا يااخي عاوز اشوفها كل مااقولك تقول لا..

طارق بغيره..قولت لا..تدخلو ازاي وهي كدا..؟

الياس بغيظ..كدا ازاي.؟علي فكره بقي لولا اني محترمك كنت دخلت غصب عنك..

انت مش عارف ان محدش يقدر يمنعنا عن ثريا..؟

طارق بتحدي..ألياس نظام المشيخه دا مايكولش معايا..قولت لا يعني لا..

وبعدين اوعي كدا..فين صبا..؟

الياس بغيره..مع الشيخ قاسم تحت..معرفش بيعملو خلطه ايه؟

وبعدين مالك ومالها...؟

طارق بابتسامه..ابدا..مسمعتش كلامك عن ثريا يعني..

جز الياس علي سنانه وهو فاهم قاصده ايه..

وسكت..

طارق لساجي..وساره فين؟

ابتسم ساجي ابتسامه صفره متغاظه..

وقال.. جارهم تحت..ومش عاوزه تكلمني مخصماني..

وقتها جز سامر اللي واقف هو كمان علي اخره وقال..

متكلمشي كدا علي اختي ياساجي..انت فاهم.؟

قبل مايتكلم ساجي، كان ماسك الياس  سامر من رقابته وبغل..

تعالالي بقي هنا بمناسبه اختي ده...

انت ازاي ياجدع انت تحضن مراتي...

↚

هاا.هو انا مش محظرك قبل كدا لما اتهببت جيت لنا الوادي..هااا..

سامر بتأفف..يابني ادم دي اختي...اختي..

راضعين علي بعض..

الياس بغيره..طب ايه رأيك بقي لو ماحترمتش نفسك ياسامر، لكون ساكك علي جوازه اختي منك..

اختي هااا..اللي انت السبب في شيلانها مادتين بحالهم بسبب ضربك للمعيد بتاعها..

سامر بحده وغضب..كنت عاوزني اسيب الوسخ دا يعاكسها قدامي..واسكت..ماتسقط..انا اساسا كدا كدا..مش عاوزها الكليه دي وثريا السبب..

لسه الياس هيتكلم..

حط طارق ايده علي راسه بتعب منهم..

ومن خناقهم اللي من امبارح ماانتهاش

كله ماسك في كله زي التيران..

وادي نتيجه تخالط الانساب الغجر غيرتهم نار بتحرق

والشيوخ بيعشقو لدرجه الهياام...

طارق..اااه يادماغي منكو لله..ياريتني مااتنيلت وقولتلمو تقعدو هنا..

كان يوم اسود ومهبب..انتو ايه مبتبطلوش..

انا تعبت من خناقكم..زهقت والله..

نازل عالسلم..قابله تمام..

تمام بمكر وشماته...

مالك يابوس فيكي بس..؟

طارق بغيظ وهو بيزقه ناحيتهم..

غور يازفت من وشي انت شرفت انت كمان..كملت..

تمام..باستنكار..ماله دا،هو كله كدا مش طايقيني ليه.؟

حتي ابويا طردني..

شده ساجي بسرعه وقاله..اهلا حبيبي..ازيك ياتمام..؟

تمام باستغراب..ايه الحب اللي نزل عليافجاه دا..؟

بقولك ياساجي انا جاي بس يومين..خليني اقضيهم علي خير بدل مامؤيد يطردني..انا مصدقت باله راق شويه برجعه نيسان البيت..

ساجي بهدوء..هو طلب بسيط بس...لاغيني والاغيك..ماانا لسه ظارفك خدمه في ارض الغجر..

بعد ماالزناتي منعك تشوف سبأ..

تمام بانتباه..ااه صح..ماتمم جميلك بقي وتكلم الزناتي نكتب الكتاب الله لا يسيئك..لسه هستني

لحد ماام المهمه دي تخلص..

الياس بانتباه صحيح...وبعدين يا تمام مفيش جديد..

تمام بلمعه في عينه..بس لمعه حزن..للاسف في..ياالياس..؟

واللي شك فيه طارق كان في محله..

اللي اذي ابويا زمان..كان السبب ورا اذيه نيسان..

الياس وساجي بلهفه..تقصد..؟.

تمام بحزن..للاسف..أمي شريكه لمهران وعقبه..

وهي السبب في اذيه نيسان.. كمان..

بس ازاي..دا اللي هنعرفه لما ينقبض عليها..

المعلومات بتقول انهم بيخططوا لشحنه تانيه اخر الشهر..

ووو...

الياس..وي ايه ياتمام انطق..

لسه هيتكلم..

كانت طالعه صبا بكل ثقه جار قاسم..المبهور بعلم صبا..

صبا بثقه..وان ابوك الشيخ مهران ياالياس متجوز ام تمام  من زمان مش كده..

زماان اوي..

وهمت ابوك بجوازها من رجل أعمال وبعدين طلقها ورجعت هنا.. واتجوزت مهران..

الياس بصدمه..انتي بتقولي ايه ياصبا..انتي جبتي الكلام دا منين..؟

وقتها هز قاسم راسه بعجب وفي نفسه...البنت عندها قدره عجيبه سبحان الله..

صبا..بهدوء رغم عيون الكل عليها..لسه هتتكلم قاطعها تمام..

تعالو نقعد يالياس..ااان الاوان تظهر الحقيقه..

الياس زي المغيب قعد وقعدو كلهم في الهوول الكبير في الدور اللي فيه ثريا..وانضم ليهم طارق وساره وسوزان..

تمام..بص يالياس...بصو كلكو..

من زمان الشرطه كانت شاكه في اللي بيحصل بوكر التعابين، بس ولا مره حد فكر منهم يقتحمو وكانو بيقولو مدام محدش اشتكي يبقي تمام..

لحد من سنتين كنت لسه منقول جديد..بعد ماكنت بدور علي نيسان في كل حته..

ومن وسط التحريات كان الوادي..وقتها طلبت طلب نقل واتنقلت..

في الوقت دا اقتحمت صبيه غجريه مكتب الظابط.. 

استغربت هدوء الظابط وترحيبه بيها بس مهتمتش الا باللي قالته.. 

في الوقت دا كانت البلاغات كترت والكل بدا يشك في المكان دا..

بكل قوه اقتحمت البنت المكتب واتكلمت بكل جرأه وللعجب الكل اتاثر بكلامها وكانه سحر..

وحكتلنا علي اللي شافته جوه الوكر..

وبرده جراه البنت مكنتش عاديه..جرأه بتقول انا واثقه..

لسه هيكمل..كان الياس بعد عن صبا اللي مستخبيه 

في حضنه..والخيوط بدأت تتجمع قدامه..

وقال بصدمه..انتي؟

انتي رحتي الوكر قبل كده.؟انتي..اللي..

سكت وهي بتمارس سحرها عليه كالعاده..

صبا..

بصيتله ببراءه ووداعه عارفهم هو..بتضحك عليها بيه دايما..

جز علي سنانه وانتبه لتمام اللي بيكمل..

وقتها وصفتلي مواصفات الحوريه الحزينه زي مامسمياها..واتأكدت انها هي..نيسان.

ووقتها  اجتمعنا مع الزناتي وواتفقنا كلنا نقضي علي القرف اللي مالي الوكر بعد مااتأكدنا ميه بالميه.. 

وعلي فكره كنا عارفين انه مهران من الاول.. 

كل الدلايل بتقول هو.. 

بس كان اتفاقنا ان صبا تبعد تماما عن شغل الرجال..

بس كالعاده..هي وتبعد..هيهات..

بل بالعكس كانت عامله عصابه هي وسبأ وسامر وساره وزهري..

وللامانه فادونا كتير باكتشافاتهم..

وبعدها قابلتك في نادي الفرسان واتعرفت عليك انت والياس  ودا طبعا كان ضمن خطه مننا انكو تتعاملو معانا لانكو  لوحدكو.. قوه..

في الوقت اللي كنت بدربكو فيه

وبنخطط سوا..

كانت صبا شغاله معانا علي القضيه.. 

ولعلمكو  اللي متعرفيهوش ان الكل في القطاع بيحترم صبا وبيعملولها حساب لان صبا محاميه مشهوره اوي..

لسه هيكمل شهقت صبا بقوه والياس بيسحبها من وسطهم وهو بيقولها بغيظ..

تعالي يامصيبه حياتي..عاوز اعرف منك انتي..

هوريك ياصبا..

ساجي بصدمه..منك لله ياتمام الله يرحمك ياصبا..

سامر..بصعبنه..اختي حبيبتي..

وقتها انفجر الكل من الضحك..وكمل تمام الحكايه اللي كلكو عارفينها..

وفي الاوضه اللي نامو فيها امبارح حدفها عالسرير..بغيظ منها..

وقرب منها وهو بيشمر دراعاته

كنتي هتقوليلي امتا ياهانم...هااا..؟

مخبيه ايه عني تاني..

صبا بخوف مدت ايدها لبطنهاتحمي طفلها....انت بتزقني ليه كدا يالياس..؟

النونو ينزل ياجدع..اف منك..

الياس بصدمه وضحكه بيخبيها بالعافيه..وذكري فرحتها  وفرحته بالحمل  رجع افتكرها..

flash back..

من اسبوعين.

الياس..

الياس.. بنوم بعد يوم طويل في السباق اللي بدا من اسبوع وهيتنهي كمان اسبوع مش عارف يفصل..منه

عاوزه ايه ياصبا انا تعبان وعاوز انام مش حملك انا..

اتأففت وهي بتشد اللحاف من عليه فتح عينه لقاها واقفه بقميص نوم اسود قصير وجسمها اللي ملا وادور  بس في اماكن خطر..

بوقفتها المجنونه اللي بيعشقها..خلته فاق..

وهو بيستغفر..

استغفر الله العظيم منك ياصبا..

اعوذ بالله من الشيطان الريجيم..

في ايه بس يا حبيبتي..دا انا حتي زي جوزك بردو مش كدا..

صبا بتأفف..فوق كدا..عاوزاك في موضوع جاحد..وبايديها شاورتله، 

ضروري خمسه ضروري..

الياس بصدمه..شوفتي اهو دا اخره فرجتك علي فيفي عبده..بقيتي تتكلمي زيها..

سيبيني انام ياصبا..

صبا بمكر..قربت منه وفي ودنه همستله...

دي مثلي العالي في الرقص..وبعدين

مع صبا مش هخليك تعرف تنام..وغمزتله واتحركت فتحت تليفونها وربطت وسطها 

تمارس سحرها في اكتر حاجه بتحبها الرقص..

غمزتله بعنيها وضحكت ضحكه..خلته قام  اتنفض  من مكانه..

ياابوي..اعقلي ياصبا..الله لايسئك..انا مش حملك ياغجريه..

شاورتله بصابعها...لالا..

ومديت رجليها وراحت معاه في دنيا تانيه 

لدرجه انه بقي يشاركها زي المجنون..

علي دقه اغنيه..

↚

يا بنت السلطان حني على الغلبان

الميه في ايديكي وعدويه عطشان

على كوبري عباس ماشيه واشيه الناس

ماشيه تبص عليكي با فروته باناناس

اديني اديني اكتر

دي الميه في ايدك سكر

سعيده يا حلوه سعيده

ومواصلاتك بعيده

اامري وانا اجيلك ماشي لما لمصر الجديده

يابنت الغاليين مين في حلاوتك مين

ياللي جمالك فاكهه وكلامك فيتامين

اديني اديني اكتر

دي الميه في ايدك سكر

محسوبك عدويه يحب اسكندريه

ومصر دي بلدي والدول العربيه

خدته معاها لعالم تاني..مفيهوش غير صبا الغجريه والياس ابن النوارس.

الياس عاشق صبا..

خلصت الاغنيه وحاوطت رقابته بدراعتها وهو بدون اراده معاها..

وهمستله..ألياس..

بلع ريقه..عيون الياس..

لسه هياخدها لعالم تاني..عالم هو وهي وبس وعشقهم اللي زيها عشق غجري ملوش أخر..

همستله في ودنه..الياس استني عاوزه اقولك علي حاجه..؟

الياس بنشوه..دا وقته ياصبا..ششش بعدين..

بجراه..الياس اظاهر ان انا حامل..

جسمه اتخشب وبصيلها بصدمه

وهرش راسه كل يومين تقوله كدا..

وقالها..حددي موقفك ياصبا..اظاهر ولا متأكده في فرق..ياقلب الياس..

حطيت صوباعها في بوقها وقالتله مش عارفه..انا جبت اختبار..وخايفه اعمله..

بصلها بصدمه شويه..

بس قام وشدها..

فين الاختبار..؟

صبا..مدت ايدها وجبته من الدرج

ـ اهو..

بصله وبعدين رجع بصيلها..بهدوء..

الا ياصبا...

لا هو انتي كنتي شاكه انك حامل..واتنطتطي ورقصتي عادي كدا..؟

هزت كتفها بلامبالاه..خلته جز علي سنانه

ـ مفيش فايده فيكي والله..

يالا ادخلي اعمليه..

صبا..بتوتر..هااا..

الياس زقها بهدوء..يالا يا حبيبتي هستناكي هنا..

بعد نص ساعه رايح جاي..زي المجنون

المجنونه طيرت النوم من عينه وخلاص..

وكل شويه يخبط..عليها..

الياس بهدوء عشان محدش يسمعه

خايف..حتي يسمعه ويؤذوه فيها وفي حته منه ومنها تكون في بطنها..

حبيبتي اخرجي بقي..انا زهقت من الانتظار ياصبا..

صبا بكل برود قاعده علي طرف البانيو وماسكه الاختبار في ايدها بتتأمله..

صبا..ماشي ماشي..شويه كدا..

ورجعت تكلم نفسها وهي بتبص للشريط بانبهار..

يعني انا حامل...طب ياترا توأم.

طب واحد بس...اف بقي..

طب انتي بنت ولا ولد..

حطت ايدها علي بطنها وهي بتبتسم..

طب تعرفو.. انا امكو علي فكره..

وقتها انفتح الباب بسرعه قبل مااتكمل..

الياس بغيظ..وانا ابوهم اللي لطعاه برا

وقاعده هنا بكل برود علي فكره..

لسه هيقرب منها يعاقبها وياخد الاختبار منها....جريت من ادامه وخرجت برا وهي بتصرخ..حقك عليا ياعيون صبا..بس دي لحظه خاصه بين الام وابنها..

والله كنت هعرفو بيك لسه.

كانت طلعت عالسرير..تهرب منه..

الياس بغيظ..انزلي..انزلي ياصبا الله يهديكي..

صبا بتساؤل.. مش هتعمل حاجه...؟

الياس بهدوء..لا انا مبسوط ياصبا تعالي بقي اسلم علي ولادي..

نزلت بهدوء..واول ماحطت رجليها عالارض كان حاملها بايديه..

تعالي هنا...لاحظه خاصه..هااا..

صبا بضحك وهو بيحطها عالسرير..هتبقي اب ياالياس..

الياس وهو بيغيبها ببوسه طويله..يعاقبها بيها

ماهو مبيعرفش يعاقبها غير بكدا..

وانتي هتبقي اجن ام ياصبا..

وراحو في عالم تاني..

back..

(الياس)

اول مافكرتني بحملها نسيت نفسي وغضبي وكل حاجه مجنناني منها... ومديت ايدي وقعدتها تاني وقعدت جارها..

وانا بقولها..

ينفع كدا..مخبيه عن الياس حبيبك كل ده..

للدرجه دي مش واثقه فيا..

قربت مني وباستني من دقني..بوستها لدقني بتخليني في قمه هدوءي 

بتعرف تسيطري عليا بالكلام والحركات..

قولت..اف..اه منك ياصبا..

هديت ياستي..احكيلي بقي..

وبدات تحكي..

حبيبي انت عارف اني خريجه حقوق 

ـ طول الدراسه كنت بدرب في مكتب عمران المحامي اشهر محامي في جنوب الوادي

أكيد عارفه كان بيدرسلي في الجامعه ولاني بطلع الاولي عالدفعه..عرض عليا اتمرن معاه..

وطبعا كنت بعمل دا كله في الخباثه كدا..

اتخرجت ومكنتش حابه اكمل..بس هو اصر عليا لانه شايفني مكسب ليه ولنفسي.....

وفعلا فضلت اشتغل معاه برده بالخباثه..يبعتلي ملف القضيه وفي اخر جلسه انا اللي اترافع لحد مابقيت بنطلب بالاسم..

وللاسف كنت مضطره، لاني كنت بحاول اجمع تمن عمليه زرع كبد لامي..اللي للاسف ماتت قبل مااكملهم.. واللي حصل دا كله ياسيدي كانت خطه من الظابط المسؤل لانه كمان كان شاكك..وهو صديق عمران المحامي..

وهو اللي شجعني نفتح القضيه لحد ماوصلنا لهنا..

حسيت بحزنها...وحضنتها بقوه..

الياس بهدوء بوستها من خدها..

تعرفي اني كل يوم بيعدي..ببقي فخور بيكي اكتر يااحلي صبا في الدنيا..

بحبك اوي ياصبا..

رغم دماغك السم دي بس بحبك 

رفعت راسها..وقالتلي..

بس انا خلاص مش ناويه اكمل..

شدتها بقوه ليا وزرعتها في حضني

ـ مين اللي قال الكلام دا.؟

من بكره هعملك مكتب كبير واكتب عليه بالبنط العريض مكتب المحاميه صبا 

احلي محاميه في الدنيا..

صبا اللي جننت الياس..

مرات الشيخ الياس النوارس

وغمزتلها..هااا.فكري مخبيه ايه عني تاني..

عشانمش هرحمك المره التانيه..

ضحكت وخبت راسها في صدري..

وقالت، بعد شهرين هناقش الماجستير...

هنا ضحكت بقوه..

وغمزتلها..عارف..

صبا بصدمه..عارف ازاي؟

الياس..شفت كتبتك ياغبيه..اللي كنت رمياها تحت السرير..

ضربتني في بطني..اوعي كدا..

ضحكت وخدتها في حضني..

دي صبا جميله الجميلات وملكه المفاجآت والكوارس

دي صبا..احلي قدر ليا في الدنيا..

مديت ايدي لبطنها..وانا بدعي..اللي جاي تكون بنت وتشبهها هي..

طبعها وحنانها وعلمها وجمالها اللي وقعني من اول نظره..

وغصب عني خوفت..من تفسير حلم الفستان وضياعه اللي فسرهولي الشيخ قاسم امبارح..

واتأكدت اللي هعمله هو الصح ميه في الميه..

مش هقبل يؤذوني فيها او في اللي جايه او اللي جايه..بس هي تقتنع وتوافق..

بصتلها بهدوء..ولسه هتكلم..

قالتلي هي..

عارفه وموافقه..اصلا انا بحب قاعده الراوي..وسليمه..

نطمن علي ثريا..وهروح علي هناك..

وعلي فكره عملت حاجه هتدعيلي عليها..

وبكده هنخلص من كله مره واحده..

بصتلها بصدمه..عملتي ايه تاني؟

ضحكت وشدتني من ايدي..هتعرف متستعجلش..تعالا أنا لازم اروح لثريا..

اتنهدت وقلتلها..ربنا يستر من دماغك ياصبا..

ـــــــــــــــــــــــــــــ

مؤيد

وقفت ساند بايديا علي باب الجنينه  اللي بتتطل علي غرفتها.. وهي بكل هدوء موطيه بتزرع في الزرع اللي طول عمرها بتحب تزرعه...

↚

طول عمرها بتحب الزرع وخصوصا الورد كان عندها حب تهجن الورد وتزرعه فيطلع بابهي واحلي الالوان..

رغم تعبها، وتعافيها اللي لسه متمش ميه في الميه....بس قوه ارادتها ساعدتها كتير

خرجت من اسبوع بس..

بعد الايام..وبحلم باليوم اللي هتكون فيه علي اسمي..بس خايف بعد دا كله متقبلشي..

قربت منها وهي بتحفر وهي قاعده عالارض..الطرحه مغطيه نص شعرها وظاهر الباقي اللي قرر يتمرد ويخرج عن طوعها 

مخليها عامله زي لوحه فنيه..

مديت ايدي ورجعتلها شعرها لفوق

شعرها اللي مداري وشها عني..

رفعت عينها وانا بنادي عليها

ـ نيسان..

ابتسمت وقالت..

انت جيت يامؤيد..تعالا ساعدني..ازرع الورد دا...

ابتسمت ومديت ايدي سحبت الاله اللي بتفحر بيها 

وبهدوء ومع شويه، ضحك وابتسامه صافيه..

بدات تقولي احط ايه مع ايه..وايه لا..

لسه فاكره دروس النباتات اللي كانت بتحضرها 

منسيتش..

حسيت اني رجعت طفل صغير بيلعب هو وبنت عمه في جنينه بيتهم وبيحفرو ويزرعو سوا..

ومن وسط دا كله

مقدرتش أسيطر علي مشاعري...

ومديت ايدي خطفت ايدها..وبسرعه..

قولتلها من غير مااتردد.

تتجوزيني يانيسان..

اتجوزيني وريحي قلبي..

معتش فاضل في العمر بقيه..عاوز اموت

علي ايدك وفي حضنك يانيسان..

مدت ايدها وحطتها علي شفايفي..بعد الشر عليك..

رجعت سالتها تاني بالحاح....تتجوزيني يانيسان..؟

وقتها ابتسمت وقالت..لسه العده مخلصتش يامؤيد..

شهقت بقوه..بتتكلمي جد..موافقه..؟

نيسان بخبث..مقلتش موافقه قلت بعد العده..

مؤيد بحده...وحياه امك..انعدلي يانيسان..

نيسان بصدمه..شوفت اديك رجعت مؤيد بتاع زمان..

مؤيد بتنهيده...لسه شايله مني يانيسان بعد دا كله..

نيسان بحب...ياريت يرجع الزمن وانا كنت ابقي اسعد واحده بتحكماتك فيا..ولا امرش بالتجربه القاسيه دي يامؤيد..

انا شفت اللي محدش شافه يامؤيد..

وطت راسها ورفعتهالها..

نيسان اسمعيني.. اللي فات كان مكتوبلنا يانيسان..انما دلوقت..

حاجه تانيه...

نيسان بتنهيده..مكنتش اتوقع انه ممكن يأذيني بالطريقه دي..

وقتها شدتها لحضني وبغيره الدنيا..حاوطتها بايديا..ششش انسي واهو خد جزاءه وكل اللي اذونا دورهم جااي..

والحمدلله..انك عرفتي انه كان يستاهل القتل ميت مره..

عندك حق يامؤيد..

ـــــــــــــــــــــــــــــــ

ببيت عليا..

خبط الباب 

انتي مستنيه حد ياعليا..؟

عليا برعب..لبست هدومها بسرعه..

لا ومهران مبيجيش بقاله فتره..

قوم البس هدومك بسرعه واخرج من باب المطبخ..

عادل السواق بخباثه..وماله ياقمر نخرج..

عليا بتوتر من جرس الباب اللي بيرن بقوه..

يالا بسرعه..اخرج.

فتحت الباب..

وانصدمت لما لقته هو..

انت اتجننت يامهران...ايه اللي جابك دلوقت..؟

عاوز تكشفنا وتفضحنا.. مش قلنا متجيش هنا وتطلقني بهدوء العين بقت علينا كلنا..

بكل قوته دفعها من عالباب..اخرسي ياعليا وابعدي اجده..

انتي سبب المصايب دي كلها..

عليا بغيظ..ليه انا اللي قولتلك تقتل مهران الصغير ولا تتجوز ثريا عليا..

مهران بغيظ ضربها علي بوقها بظهر ايده وقرب مسك شعرها..

حسك عينك ياوسخه تجيبي سيرتها عليىلسانك الوسخ ديه..

فكرك مش خابر ايش بتسوي من وراي ياوسخه..

انتي الحربايه اهنه..انتي اللي كنتي بتحرضي امير علي مرته..وخلتيه يخدرها ياجل مايتحكم بيها وباعصابها 

انتي اللي كنتي بتهدديه يافاجره تقولي لابن عمها علي مكانها..

بلاش تعملي فيها الخضره الشريفه ياوسخه..

عينك من اللاول عالفلوس ولما كشفك مؤيد 

واكتشفي تعاملاتك الوسخه طلجك ورماكي 

الغيره اللي في جلبك لنيسان طينت الدنيا

مع انها اوتك وشغلتك في شركه ابوها وساعدتك وانتي جابلتي كل دا بايه..بغدرك ووساختك..ونسيتي انه دا كله كان خطتنا اني وابو امير ياجل مانسيطر علي امير وشركه مؤيد..بس للاسف الشديد..وساختك وحجظك علي صحبتك صيعت الدنيا بدل ماتجندي مؤيد  وشركته..سرجتيه لنفسك ياوسخه وضيعتي الدنيا..

لولا انك شريكه ليا كنت قتلتلك بايديا من زمان..

غوري جبر يلمك..

عليا بغيظ. هديت وفشيت حجدك..

ال يعني انت اللي شريف اوي صح..

ماعلينا..عملت ايه..الشحنه لازم تتسلم اخر الشهر..وموت عقبه والهجوم اللي حصله بوظ الدنيا

والمافياةبتاع السلاح مش هترحمنا..

انا مديت المهله لاخر الشهر بالعافيه..

مهران بغل.. جومي فزي رصيلنا حجرين ياعليا واخرسي..

عليا بزهق..اوف كنت مرتاحه منك..اديني قايمه اهوو..

مهران..بتجول حاجه اياك..

لسه هيتكلم كان.جرس الباب بيرن..

كان لسه عالباب قرب يفتح..

واول مافتح الباب..

رجع بصدمه لورا..دريه..؟

ــــــــــــــــــــــــــــــــــــــــــ

بعد ساعتين..

قاسم بانبهار.. ماشاء الله عليكي..اتعلمتي الوصفات دي كلها منين..دي ميقدرش عليها الا العلماء واصحاب الخبره..

ابتسمت وقالتله، هحكيلك ياشيخ قاسم يمكن تقدر تفدني ايه اللي معايا ده...؟

وبكل هدوء وهي بتدهن جبين ثريا وايديها وتملس علي شفايفها اللي فيها المغذي اللي زودته بالمايه المرقيه وشويه اعشاب طبيعيه..

وبعد ماخلصت حكايتها..

الشيخ قاسم بابتسامه...شكلك جسمك قوي فعلا..عشان تستحملي دا كله..دول جنود الله في الارض..عشان تحافظ عليهم سوريه نقلتهم ليكي..بيساعدو في الخير بس..وملهومش في الشر عشان كدا حافظي علي عطيتها وعلمك

وعلي فكره لو فكرتي في الاذيه هما بنفسهم اللي هيسيبوكي ويرحلو..

خلي بالك..الخير بس..

وسابها وخرج..

خلص المحلول..وابتسمت لما لمحت عنيها بتتحرك..

وخرجت..وفي ثانيه دخل طارق اللي كان واقف مستنيها علي نار..

مستناش حتي تقوله..

وبعد شويه لقوه بيصرخ باسمها ..

ثريااا

ــــــــــــــــــــــــــــــــــــ

اللقا بعد الفراق..

فرحه تانيه وروح علي طول في اشتياق..

نور بيجي بعد عتمه ليل طويل..

والاماني ترجع للقلب الحزين..

عيون بدموع الفرحه مليانه..

رجعت تحل محل وجعنا وبكانا..

مهما كان الليل طويل..ابتسم..

دا الامل عند المولي عمره ماينعدم.

طول مافيا وفيك روح لا تنهزم..

عافر وقوم..وابتسم..وحده ربك عالم بحالك وباذاك..

عالم ان انت صابر وتتمني رضاه

بس انت ابتسم..وبنفس راضيه لا تنهزم..

وقول..يارب...

↚

في ناس النظره منهم قادره تخليك في دنيا تانيه

نظره بتقولك انا ليك وملكك مهما طال العمر ومهما مر علينا ازمات

في ناس ضحكتهم بلسم شافي لجروحنا..الضحكه اللي طلعه من قلبهم بتخليك تقول بس انا مش عاوز من الدنيا حاجه تاني..

وفي ناس بكلمه بس من بين شفايفهم قادره تغير مودك من اسوء حالاتك..لحد تاني خالص.هادي..مبتسم وراضي

راضي بأي حاجه وبأي مصير..

وفي ناس من نبره صوتهم تريحك وتخليك بس مش عاوز حاجه من الدنيا غير انك تفضل تسمعها..

ناس مهما بعدو، وبعدو، مسافات وبلاد وسنين..بيفضل عشقهم وحبهم في قلبك مبيتزحزحش من مكانه

ولو قلت نسيت..تبقي كداب..تبقي منافق 

الحب حلو وعذابه ومراره بيبقي احلي عذاب

ـــــــــــــ

طارق..

اول ماخرجت صبا جريت ومستنتهاش تتكلم وانا حاسس اني قلبي رجع بيدق من تاني زي ايام الشباب

رجعت طارق الهمجي زي ماابويا كان دايما يقولي

طارق الغجري، كنت حاسس بحاجه كدا بتقولي ثريا بتناديك وعيزاك..

جريت وقفلت بابها ياجل مايلمحوها جوز الغربان اللي هيموتو ويدخلولها..بس تفوق وانا همشيهم كلهم بحساب..

النظره والبسمه منها ليهم بحساب..دا عشقي وهي حره..عشق الغجر الحراق

اول مادخلت لمحتها...لمحت عنيها مفتحه وبتتأمل الغرفه..

شهقت شهقه طويله كتمتها بصدري..مطلعتهاش..بس خدت روحي ونفسي معاها..

شهقه فرحه.فرحه غايبه من اخر ليله شفتها فيها 

وناديت عليها بشوق..ثريا..

بصتلي وابتسمت..

صحيح ابتسامه ضعيفه..بس كانت احلي عندي من كنوز الكون كله..

لسه نظرتها الناعسه بدوبني وبتخليني مش علي بعضي..

وقفت واتسمرت مكاني لا انا قادر امشي واحضنها واخدها في حضني ودا اللي كان نفسي فيه بس مش قادر..حاجه مسمراني ومنعاني..

طالت الوقفه..وهي استغربتني..كنت شارد..

لحد مابدأت تقوم هي وتشيل الفرشه وشدت من ايدها المحلول..

شدته بقوه..جسمها كان ضعيف مااستحملش

اول مالمحت الدم اللي نازل من ايدها 

زهلت..ولسه بتمشي خطوه..جسمها مال واستسلم..

وقتها فوقت وصرخت صرخه لمتهم كلهم عليا..ثريااا..

بدل ماتقع عالارض وقعت في حضني..

حسيت بالجنه ونعيمها وهي بتعدل نفسها في حضني..بكيت وضحكت وانا سامع همسها في ودني..انا كنت سامعاك وحاسه بيك بس كانت في حاجه منعاني..

كنت محبوسه في خيالي بس كنت بستني اسمع صوتك وحكاويك ليا..

صوت بكايا علي وهي بتسألني..بجد انا اطلقت ياطارق.؟

هزيت راسي وبقيت زي الطفل الصغير..ااه ياعيون طارق..بقيتي ليا من تاني..

وقتها جت هادمه الملذات سوزان تصرخ باسمها ـ ماما..

ساعتها حسيتها بتبعد وفي اللحظه دي كان لازم ابقي أناني..بس في ايد سبقتني وشدتها 

ايدين سامر..

سامر بهدوء..سيبيهم ياهادمه الملذات هيبقي لا انا ولا طارق..

سوزان بدموع..ماما..

زقتني بهدوء وانا صعبت عليا دموع سوزان فبعدت..

وساعدتها..

جريت سوزان لحضنها...

ـ حبيبه ماما..متبكيش..

الياس بحزن..وانا ياثريا نسيتيني...؟

ساجي بحزن زيه..وانا ولا عشان طلعت غجري يعني..

بصتلهم بتعب وبابتسامه..خلت قلبي قاد نار من جوه وانا شايفها بتفتحلهم دراعها..

جريو يترمو في حضنها..بس انا لحقتهم ومسكتهم الاتنين بإيديا..

انتو اتجننتو..تحضنو مين؟

اللي هيقرب هبهدله مش كفايه دخلتو كدا عليا وضيعتو اللحظه اللي مستنيها بقالي شهر..

وبصيت لصبا اللي مسكه روحها من الضحك بالعافيه وزقتلها الياس..

خودي جوزك دا..

واديرت لساره اللي بتبص لساجي بغيظ مش عارف ليه..وزقيته عليها ورمتهم كلهم بره..

برااا..ورجعت تاني انا وهي..حتي بنتهم خلتخا تحصلهم لبرا.ببصه مني ليها

صرخت وقالت..ياامه وخرجت تجري..

ماهو انا لسه مشبعتش منها..لسه والله ماشبعت

ــــــــــــــــــــــــــ

مهران بصدمه..دريه.؟

دريه بغيظ وبكره..متجوز عليا يامهران..والله عال..

بجي اني دريه اللي مشركاك نصايبك وجرفك تعمل فيا اني اجده..

لا وايه..متجوز واحده واطيه..

مهران بخوف من صوتها..اني هفهمك كافه شي يادريه بس استهدي بالله..دي شغل

دريه جواها، نار قايده مش قادره ومش صابره..

زقته بايدها دفعته بقوه..من ساعه ماصبا قالتلها بشماته عن مكانه وباللي مخبيه عنها وهي هتجنن استحملت ثريا وقرفها سنين معدش الا ديا..

لازم تاخد بطارها منه وتريح الدنيا..

وقتها خرجت عليا بقميص نوم وبتمضغ لبانه زي بنات الليل..

ـ مين يا مهران؟

مهران بخوف وهو بيعدل نفسه..عارف ان وقع بين اتنين والاتنين أقوي، من بعض

دي في ايدها مافيا السلاح بحاله، ودي في ايدها تمحيه من علي وش الدنيا..هيعمل ايه؟ انحط بين طريقين..والاتنين اصعب من بعض..

 وبلجلجه.. دي..دي دريه..

عليا بقرف..دي بقي الشيطانه اللي انت بتقول عليها..

وبغل عشان تحرق دريه كملت..فعلا شيطانه يامهران ومدت ايدها تحسس علي صدره تغيظ دريه..

بلع ريقه ولكنه فوجأ بموقف دريه..

مدت ايدها وخلعت طرحتها وبجرأه قعدت وقالت..خلونا نتفاهم..اني عارفه عنك وعنها كافه شئ...

يبقي نقعد ونتفاهم..

ان كنتي بتساعديه بره، فاني لو حطيتكو في دماغي هبهدلكو الدنيا،وهفضحو بين الجبايل،وهو خابر ايش عقاب الخاين وسطيهم

واظن انت خابرني يامهران وخابر دريه..

مهران بخوف منها..دريه شيطانه وهو عارفها بتضرب وتلاقي غمز لعليا اللي بلعت ريقها بخوف اكبر منه، عقاب القبايل عقاب قاسي

وساعتها هيخسرو برا وجوا، وقعدو..وبدأو يتفقوا ومش واخدين بالهم، باللي واقف يبص عليهم وهما بيخططو للشحنه الجديده وازاي هيقسمو مكسبها، عليهم..

ابتسم عادل بشماته وهو بيرفع سماعته يكلم تمام..

(عادل مخبر صغير زرعه تمام من زمان يعرفله اخبار امه..اللي كان دايما شاكك فيها..

بعد ماهدد عادل باللي بيعمله مع امه..

رغم الوجع والقرف اللي بيحسه ناحيتها..الا انها  للاسف امه..

قدر يخلي عادل يزرع كاميرات في كل مكان في البيت..)

ــــــــــــــــــــ

وبحزن الدنيا كان قاعد تمام والياس وساجي يسمعو اللي بيحصل علي الشاشه..

الياس بحزن..للاسف امي بلعت طعم صبا..وراحت لمهران برجليها كدا تبقي شريكه معاهم صح ياتمام..؟

تمام بصدمه..انت عرفت منين ان صبا اللي دلت امك عالمكان..

الياس بهدوء..صبا مبتخبيش عني حاجه ياتمام..

وبغيظ منها، صحيح لسه قيلالي من ساعه بس قالتلي..

تمام بهدوء..للاسف ياالياس امك شريكه من البدايه وكانت عارفه ان ابوك تاجر سلاح وبتشجعه..

وبتخكم كمل تمام..زي ماامي بالظبط ياالياس..

شريكه وخاينه..

ساجي...كان نفسي حربيه كمان تاخد جزاتها في اللي عملته في امي زي العزازي..

بس صعب عليا اخواتي البنات يتعايرو بيها..

وخصوصا بعد ماسمعان امني فيهم..

الياس بفخر..زين ماعملت ياساجي العفو عند المقدره ياصاحبي وان كنت عفيت عن حقك في الدنيا بكره ياخدهولك منها رب العباد في الاخره..

قوم بقي صالح ساره مينفعش كدا ياساجي..

ساجي بغيظ..انت عارف بتقول ايه؟

وساره عاوزه ايه؟

عاوزه تقدم في الفرقه المسرحيه..لا يمكن ياالياس..

الياس بهدوء..اتكلم بالراحه ياساجي..

ساجي بتنهيده..ماشي حاضر..هتزفت براحه..

ــــــــــــــــــــــــــــ

لمحها خارجه من فيلا طارق ورايحه الناحيه التانيه فيلا مؤيد ماهم الاتنين جار بعض..

جري يلحقها..

ساره..

بصتله بحزن وكملت طريقها..

مسك ايدها وشدها ناحيه عربيته اللي ركنها بره..

وبهدوء..اركبي ياقلب ساجي..عشان خاطري

↚

بكل هدوء كعادتها دخلت العربيه..

ودخل هو..

مشي شويه لحد ماوصل لشط فاضي من شواطئ اسكندريه..

نزل وركن عربيته وسحبها من ايدها..

كان واقف راجل بعربيه من بتوع الشارع..فاتح اغنيه..

فيروز..

ـ شايف البحر شو كبير كبر البحر بحبك..

وشايف السما شو بعيد، بعد السما..ياحبيبي يا حبيبي بحبك..

العجوز كان بيغني وهيمان وهو واقف يبيع للبنات والشبان والشباب بيغنو وراه..

منظر ياخد العقل..

من شهر من يوم ماجت علي اسكندريه وهو كل مايجي بياخدها ليه..

بصلها بهدوء من فوق لتحت وهو بيبص بغيره من نظره الشباب ليها..

لابسه بنطلون جينز وبلوزه ديقه..

ساجي بغيره قلع الجاكت بتاعه ومد ايده له بيها..

بصتله بهدوء وخدته..كانو بيشترو هدوم من اسبوع بعد ماوالدتها خرجت من المصحه، واصرت سكرتيره مؤيد اللي بدأت تدرب معاها وصارو اصدقاء تلبس كدا..

كل البنات بتلبس كدا بس للاسف ملقتش نفسها فيهم..

لما مشيت مكنش زعل كان عشان تغيرهم لانها مش مرتاحه مش دي مهره ولا دا لبسها..

(ساجي)

اول ماخدت مني الجاكت ولبسته بهدوء..ابتسمت..كنت خايف تكون العيشه في البندر غيرتها..خايف تكون فعلا مصره تكمل طريقها بالرقص..

رغم خوفي وحزني..الا اني في شي بقلبي بيقولي مش هتعملها

لسه هناديها..ساره

لقيتها بهدوء بتقولي..مهره..ليه بطلت تقولي مهره..

ابتسمت بوجع..

ـ عشان اللي بتناقشني من اسبوعين في حاجه تقتل دي ساره مش مهره..

كنا رحنا للصخره البعيده محدش مشاركنا..

قعدت أنا، وقعدت هي...

بصتلي بهدوء..وقالت..أنا اسفه..

قبل ماتكملها..حطيت ايدي علي شفايفها..

متتأسفيش..انا عاوز اسمع حاجه واحده..

ـ انتي.

قبل ماانا اكمل قالت..

قدمت بالثانويه اللي معايا كليه تجاره..ومن أسبوع بدأت ادرب مع عمو مؤيد في الشركه..

قلبي كان بيرقص من الفرحه..وهي بتكمل..

مهانش عليا زعلك علي فكره..

بس  لحد هنا، ومخلتهاش تكمل..

قربت منها..وبكل اصرار قولتلها..يبقي نتجوز..تكملي وانتي في بيتي..

ساره..بس انا قدمت هنا في جامعه اسكندريه..

رديت بابتسامه..وانا عاوز ابعد شويه عن الغجر والنوارس،..تكملي السنه دي هنا والسنه الجايه ننقل مع بعض وشحيبر جنوب الوادي..

ضحكت ضحكتها اللي بتخليني في عالم تاني وقالت شحيبر مين؟

غمزتلها بعيوني..دا ابننا ان شاءالله ياام شحيبر..

وشها إحمر وحطت ايدها عليه تداريه وهي بتقولي.. موافقه..

كنت طاير من الفرحه شدتها..

وسحبتها ورايا..

وانا بقولها طب يلا بلبسك دا...أاكلك بوظه..

عارف عينك هتطلع عليها..

مانا مقولتلكوش..انها بتموت فيها..

سحبتها وانا بغني وهي بتغني معايا..اغنيه فيروز..

شايف البحر شو كبير..كبر البحر بحبك..

شايف السما شو بعيد..بعد السما..يا حبيبي بحبك..

ــــــــــــ

الحمدلله..الحمدلله

بفرحه وعيون بتلمع من الفرحه قالها سامر وهو واقف قصاد سوزان اللي لسه بتبكي من الفرحه وهي بتكلم الخاله ماجده تحكيلها..

سامر اصر تقعد مع الخاله ماجده لحد ماتفوق ثريا..

الغيره عمياه لدرجه انو غار عليها من طارق

طارق احترم رغبته..انما دلوقت هتفضل مع امها..

خلصت كلام ومسحت عنيها وبتبصله..

وهو رافع ايده زي المجانين وبيهمس بكلام معرفتش تميز منه غير كلمه الحمدلله..

بصتله بغيظ من تحكماته وعمايله  خسرها كل صحباتها كلهم..من جنانه وروشته..

لدرجه انه كان السبب في شيلانها مادتين بحالهم ولسه المعيد مش هيعديهالها الترم التاني واظاهر انها هتعيد السنه هتعيد السنه..

اول مافتكرت كده  ضربت الارض برجلها ورجعت الدموع لعنيها تاني..هتسقط ودي اول مره هتعملها في حياتها

المعيد مش طايقها قدامه..اول مابيلمحها في المدرج بيقولها برا..

بيطردها خوف من سامر..للاسف..

سامر بصدمه من خبطها ودموعها..بتعيطي، ليه تاني ياقلب سامر..

مالك انتي بحالات ولا ايه.؟

سوزان بغيظ منه..ابعد عنااااي..عاااا

سامر برفعه حاجب..الله مالك،هو انا جيت جنبك ياسوزان..عشان ابعد عنك..

وبخبث كمل..عارف هي زهقانه منه ليه..بس بيتخابث..

ـ هو القمر زعلانه مني في حاجه..دا حتي ثريا فاقت وهنتجوز وتبقي مليطه ياقلب سامر..

شهقت سوزان بصدمه..وشاورت بصابعها..

لاهو انت عمال تحمدربنا وفرحان عشان هنتجوز ياسامر..؟

سامر باستنكار وملامح وش متتفسرش..طبعا..ولا الحلوه عندها مانع..

سوزان بضحكه متغاظه..تصدق بالله..

سامر بابتسامه..ونعم بالله..

سوزان بسعاده..يبقي هتصدق ان شاءالله..

اني ماهتجوزك ياسامر الا لما اخلص امتحانات واشوف هعدي ام السنه دي ولا هشيلها..

سامر بملامح وش متتفسرش وشهقه كبتها بصعوبه..نعم ياختي..وان سقطي..ودا وارد..

هنا سوزان قربت منه بخبث وبنظره بتخليه في عالم تاني...

لو سقط، يبقي استني بقي لما اعيد السنه ياساموره..

وسبته وجريت دخلت استخبت في حضن ألياس اللي رجعو زي ماكانو..

اخوات بحق..

اول مالمحها جايه تجري تستخبي في حضنه..فاتحلها دراعه التاني..

صبا محتليه الناحيه الشمال دايما جنب قلبه وهي جت خدت  الجنب التاني..

صبا بغيره..قومي ياسوزان..دا جوزي ياماما.

سوزان خرجتلها لسانها..ورجعت استخبت في حضن اخوها..ودا اخويا علي فكره..

بصتلها صبا بغيره ومسكتها من ايدها..اخوكي هاا..مش دا اللي كنتي بتقوليلي صوته يشبه وحوش الصحرا..سيبيلي بقي الوحش بتاعي..

لسه سوزان هترد..

كان الياس محاوطهم الاتنين في حضنه..وبضحك..قالهم بس هتتخنقو تاني..

وبص لصبا وغمزلها..يعني عشقت وحش الصحرا ياصبا..؟

صبا بهيام ضاعت في عيونه..عشقت الياس النوارس.. ياقلب صبا..

ولسه هتكمل كانت ايد سامر خاطفه سوزان..

وبصوت عالي..مش شايف قدامه..

انتي بتهزري صح..يعني ايه الكلام دا..؟

الياس..وهو بيقوم يدافع عن اخته.

في ايه ياسامر..شد اخته من ايده

ووقفت وراه..

في ايه؟

سامر بجنون..إسألها.؟

سوزان بغيظ بدات تحكي لاخوها..اللي اصلا كان عارف وهو من نفسه كان مقرر عقاب سامر عن غيرته المجنونه..بكدا..

وبهدوء قعد..وقعدهم قدامه..

الياس..اسمع ياسامر..اختي ليكي كدا او كدا..في الحالتين مش هآمن حد عليها غيرك.

انما كل اللي قالته انا موافقها عليه..

انت السبب في شيلانها المادتين دول..ولو معدتش السنه دي..

مفيش جواز الا بعد سنه..

سامر باستنكار..نعم..

طارق من وراهم..في ايه بتتخانقوا ليه...؟

سامر..تعالي اسمع بيقولو ايه..؟

طارق..سمعناكم علي فكره..وانا جاي ابلغك رأي ثريا..

واظن هتحترمه ياسامر..

سامر بهدوء..طبعا..

طارق..ثريا بتقولك اللي قاله الياس صح..

وكمان عاوزه تشبع من سوزان شويه..

سامر..بغيظ..كدا..كلكو عليا..ماشي..موافق..

وشدها من ايدها..يالا..

سوزان بصدمه..علي فين.؟

جز سامر علي سنانه..

ـ تجيبي حاجتك ولا غيرتي رأيك وهتخليكي مع الخاله ماجده..

سوزان بسعاده..لا لا يالا..

الياس من وراهم..مجنون والله..

↚

طارق بشرود وعيون بتبص علي اوضتها..

اعذره غيره الغجر حاميه ملهاش اخر..

وقتها ضربته صبا..علي صدره..سامع..لو ثناء قربتلك هكلك بسناني..

غمزلها..المهم انا شايف مين يااحلي صبا في الدنيا..

مفيش غيرك يملا قلبي وعنيا..

ـــــــــــــــــــــــــــ

مالك ياتمام....؟

تمام بحزن بيحاول يداريه عشان ميزعلهاش..

مفيش ياعمتو..

نيسان بابتسامه..تعالا ياتمام جاري. 

ابتسملها ولسه هيقوم كان سبقه مؤيد وقاعد بينه وبينها 

بقي مؤيد في النص ونيسان علي جنب وتمام علي جنب..

تمام بغيظ من ابوه.الله قالت تمام مش مؤيد..جرا ايه يابابا هتقطع عليا ولا ايه؟

مؤيد بابتسامه صفرا بصله وقاله..ترضاها لسبأ؟

تمام بهيام فيها وحشته وكان بيفكر فيها..وبيفكر يرجع حالا ليها

كل شويه يكلمها وتبكي..عاوزاه يرجع..

عارف انها ملهاش حد غيره..للاسف كل صحابها في الجامعه بعدو عنها لما عرفو انها غجريه واي مصيبه بتحصل بيقولو هي..

واخدين فكره وحشه العالم كله عن الغجريه وياريتهم يشوفها بعينه هوه..

غمض عينه وصوتها الحزين بيوجع في قلبه..وقرر مكانها معاه هو..

سبأ الغجريه..لتمام وبس..مش عاوز من الدنيا غيرها..

رن تليفونه برساله عالواتساب..فتحه بسرعه تحت عيون مؤيد ونيسان المصدومه

نيسان ومؤيد بيكلموه ومش داري بالدنيا

(تمام)

اول ما فتحت رسالتها وقريتها بقيت زي المجنون معقول كانو بيكدبو عليا وينيموني..

عشان في الاخر يجوزوها لسلام..

كانت كتبالي..في رسالتها..

(الحقني ياتمام..ابويا حبسني في الاوضه وبالليل هيكتبو كتابي علي سلام..)

أصلا محدش يعرف ان معاها تليفون من اهلها..

لان انا اللي شاريهولها عشان اعرف اكلمها ليل ونهار..

جن جناني واتنفضت لا يمكن..تكون لحد غيري وازاي الزناتي يسمح بكدا.؟

فوقت علي سؤال مؤيد ونيسان..

اتنفضت وانا بقول ابوها هيجوزها 

ولاول مره احس اني محتاج لابويا جاري..

الحقني يامؤيد..هيخدوها مني..

قبل مااضعف كان ابويا ساندي..

اجمد ياد..محدش هيتجوزها غيرك..

احجزلنا الطيران..وفرحهم المداري..هيبقي فرحك.انت..

يالا بسرعه اتصل احجزلنا..

لسه هتصل..لقيت نيسان بتقولي..احجزلي معاك انا كمان..

عاوزه احضر فرحك..ياتمام..

اتصل انت وانا في ثواني هحضرلك البدله والفستان.وغمزتلي..

ابتسمت وبوست ايدها وراسها..

اول مره احس اني ليا عيله وحاسس بالامان..

ربنا يخليكي ليا ياعمتو..

ـ ربنا يفرحك ياقلب عمتو انت..

ــــــــــــــــــــــــــــــ

بالقبيله..

كانت الحركه كتيره..وبيجهزو صوان كبير..

ابو سبأ هرش راسه وبيسأل، سلام..

واد ياسلام الزفت انت..انت اللي عملت الصوان دا يابن الفرطوس..عاوز تفضحنا..

سلام وهو بيهرش في راسه زيه وبيتكلم من مناخيره ..لا ياعمي والله ماانا..؟

ابو سبأ..اومال مين ياواد انت..اللي هيتجوز الليله..دا مش صوان عز دا..دا صوان ولا اللي بيجي في الافلام..

سلام..متهتمش ياعمي..المهم ان الليله هنكتبو الكتاب..

وتبقي سبأ ليا وخلاص..ونخلص من الفارس الهمام..

ابو سبأ..يااخي اتلهي دا لو اداك بونيه واحده مش هتقوم منها..

كفايه الزناتي واللي هيعمله فيا لما يعرف..

الزناتي من وراه بخبث..الله وانت عملت ايه ياأبو سبأ عشان احاسبك عليه..؟

ابو سبأ بلجلجه..هااا..أبداً يازعيم وانا اقدر فوتك بعافيه..

جري ووراه جري سلام..

الزناتي..ضحك ضحكه من قلبه علي الراجل الخرفان..وقال..

والله مكتوبالك الليله ياتمام..

كان جاره مأذون القبيله..

سمعت اللي قولتلك عليه ياشيخ.متروحش لابو سبأ الا معاي..

الشيخ..اوامرك يازناتي..عن اذنك اني وعلي ندهه..

ـــــــــــــــ

باوضه سبأ..

عماله تضحك وتغني وتهيص..لدرجه ان الكل مستغرب وعمال يبصلها كانها براسين..

من ساعات، كانت بتبكي وتعيط ودلوقتي بتضحك ومبسوطه..وهما عمالين يجهزوها..زي العرايس..

وبتغني..

ودوني، علي بيت حبيبي نعيش مع بعض فيه..

دا بقالنا مده طوبه..طوبه بالحب بنبنيه..

امها بتفكير وهي حاطه ايدها علي دماغها بتفكر..

اكيد البت دي اتجننت او جري لمخها حاجه..

يعيني عليكي وعلي اللي صابك يابتي..

قربت خالتها من امها..تفتكري انصدمت ومفكره الواد الحليوه سلام..

الله يسامحو جوزك بقي حد يرفض الواد المز ده ويجوز سلام اللي عامل زي عشر ثيران في بعض..

امها..بصعبنه..والنبي خايفه يبلع البت ياكبد امها..

خالتها..قادر ويعملها..يالا الله يرحمك ياسبأ.يابت اختي..

ضربتها اختها في بطنها وقالتلها اخرسي يازفته انتي..بعد الشر علي بنتي حبيبتي..

ــــــــــــــ

في اذان المغرب..

كان سلام لابس ومتشيك وماشي يغني وهو رايح للعروسه..

الليله..الليله..ياحلوه الليله..

تمام بغيظ وهو مستخبي وماشي وراه 

ـ ان شاءالله هتكون اخر ليله  في عمرك   يابن ال..

الياس بهمس..اخرس يازفت انت 

ساجي..اسكتو واسمعو، بقولكو اول مايدخل شمال هشاور لسامر يرمي عليه الشبكه وساعتها هننقض عليه كلنا..

تمام بغيظ..دا عره سيبهولي انا أفرم امه..

ادير سلام يشوف مين بيتكلم وراه

ساعتها انصدم..وشهق ورفع ايده لما لقاهم كلهم قدامه..

سلام قولا من رب رحيم..

ابعدو..انصرفو..

ساعتها شاور ساجي لسامر

وفي ثانيه من وراه رمي الشبكه عليه..

اتلغبط ووقع..وانقضو كلهم عليه..

لسه تمام هيضربو، وقفله ساجي..

ايدك دا غجري..والغجري ماينضربش..احنا هنقوم بالواجب..

جم رجاله الزناتي وخدوه..

وهما وقفوا ينفضو هدومهم..وبصو لبعض وضحكو..

وتمام بيغني..اغنيه سلام..

الليله..الليله..ياحلوه الليله..

ياولاد بلدنا يوم الخميس..هكتب كتابي وابقي عريس

هو فرحان وسامر قهران ومتغاظ..وعمال يقوله يابختك..

ــــــــــــــــــــــ

بهدوء خبط ودخل..كانت فاقت وقعده سرحان 

سما اسكندريه صافيه..وجميله..

كلهم نزلو يحضرو فرح تمام وهو اصر يفضل معاها..

(ثريا..)

 مهما مر سنين.. هتفضل صوت دقه قدمه عالارض مميزه واعرفها من بين اقدام كتيره.. زمان لما كنت بقعد استناه يرجع  في وسط الصحرا وابقي قاعده خلاص علي اعصابي وقتها كنت بقعد استمع لخطواته.. 

خطواته اللي اول مابتقرب بسمعها بقلبي واحس انها احلي من موسيقي الغجر واغانيهم. 

يمكن وصلت معاه لمرحله صعبه في العشق.. بس  وجوده جنبي بالدنيا كلها.. 

سمعت خطوته ورايا..ابتسمت..

وانا نفسي ارمي نفسي في حضنه بس خايفه..

وقتها سمعت همسه..ثريا..

غمضت عيني..وانا صوته بنبرته بترن في قلبي  وتنزل تمحي اصوات غليظه واصوات مقرفه علي مر سنين ويايا..

سمعته بيعيدها تاني وهو بيمد ايده يدير وشي ليه..

ثرياا..حبيبتي..انتي سمعاني..

دورت وشي ليه..وانا حاسه اني عاوزه اقولهاله

وقولتها..

تعرف اني بحبك اكتر من الاول ياطارق..

نظره عينيه المصدومه من اعترافي علي بسمه صافيه من بين شفايفه بسمه ونظره عين بتقولي

انتي الدنيا بحالها ياثريا..

بس رد وقالي..

وانا بعشقك عشق كبير ياثريا..

لا غيرك ملي عيني ولا بعدك حياه ياثريا..

ـــــــــــــــــــــــــــــــ

وبارض الغجر..كانت الصدمه سيد الموقف

وهما شايفين العروسه خارجه زي الهبله بفستان زي فساتين الاميرات..تحضن اميرها..

ـ تمامي..

خدها في حضنه ولف بيها..

عيون تمامي..بقيتي مراتي ياسبأ..

سبأ بفرحه..هيييه بقيت مراتك اخيرا..

ــــــــــــــ

↚

حطت راسها علي كتفه..

اتنهد هو.. اي بنت بتتمني فرحه زي ديه..فرحه وطرحه وصوت بيردد بارك الله لكما وبارك عليكما وجمع بينكما في خير..

اول مره يحس انه قصر معاها..بس مكنش بأيده.

وكانها حست بمعاناته..حاوطت بايديها وسطه..

وهي بتقوله..

ـ مش مهم فستان وطرحه المهم اني مبحسش بالفرحه غير وانا معاك انت.

بلع حزنه وابتسملهاوهوبيبص في عنيها

ـ بجد ياصبا؟

هزت راسها ومدت ايدها تحسس علي لحيته..

انت فستاني وسعادتي وفرحتي ياالياس..

اتنهد وباس راسها وخدها في ركن بعيد هادي عن دوشه الصوان 

وبهدوء وخوف في قلبه مش حاسس بأمان..

خايف..

مد ايده وقربها منه..

ايده محاوطه وسطها جار ابنه..وكل شويه يمشي ايده علي بطنها..

كانه بيقوله متخافش طول ماأنا جارك..

انت ابني..

الكل فرحان وسعيد..

في ليله اجتمع فيها الغجر والنوارس لاول مره 

كتحالف مش اعداء..

الليله فرح ومفيش اجمل من لقا الحبايب..

بصلها..بهدوء وهي بتملل..

مالك ياصبا.؟

مالك يا حبيبتي..؟

شايفه ايه؟

حطت ايدها علي ودنها وغمضت عنيها والدوشه مش مخلياها سامعه ولا فاهمه..

جسمها اتنفض وحست بالخطر..مدت ايدها علي بطنها..وهمست همسه سمعها هو..

ابني..

اتنفض الياس..وهو بيمد ايده..يحسس علي بطنها..مالك ياصبا..في ايه؟

بس قبل ما يكمل كلامه..

كانت طلقه الغدر عارفه وضعهاااا

صبااااااا..

ــــــــــــــــــــــــــــــــــ

ايها الليل الحزين لما لا ترحم دموعنا وتنجلي..

تأتي اول الليل بنجومك وتلهينا فنلتهي..

وبعد حين تاخذنا علي حين غره فننتهي

ارحم قلوبا بالشوق والحزن دوما تبتلي

ارحمنا بحق الرحمن وانجلي..

انجلي بحزنك وألمك وهل علينا بفجر جديد..

فجر ليلته ليله عيد..ليله حب سعيد..

ليلتنا نحن..ليله شوق طال كثير

ليله حب وفرح..ليله سعيده كليلة، عيد..

 💖💖💖💖💖💖

٢٠

غجريه أسرت قلبي❤️👈👈👈تفاعل 👍👍👍

اسما السيد

ـــــــــــــــــــــــــــــــ

بسم الله الرحمن الرحيم

(زينه الصبايا)

___________

طلقه الغدر اللي انضربت في الفرح كانت قاصده اللي هتعمله..قاصده تشتت وتخوف..

تحرق وتدمر وتحصد ارواح ابريا كتير 

في ليله هتنحفر العمر كله في قلوب الجميع..

حاله من الهرج والمرج والخوف في قلوب الكل وصوت الطلقات بيزيد والنور اللي انقطع مع اول طلقه اندربت وصابت زينه الصبايا..

زينه الصبايا اللي فاكر حبيبها انها بخير بين ايديه وفي حضنه..

كل واحد بيصرخ علي اللي ليه..ان كان اطفال ولا شباب ولا كبار..

لحد مافقدو السيطره علي الكل والصراخ بيزيد وبيزيد..

حتي الزناتي كان بيصرخ بقوته فيهم..اثبتو..

وارقدو الارض..

ليله عجيبه..حتي ديزل الفرح انكتم فجاه..

ليله مدبرلها ابلسه، شياطين الانس..

كان ماسك فيها ومكلبش، خايف عليها وبيصرخ..بقوته كلها..صبااا..انتي سمعاني..اثبتي في حضني..متخافيش..

ايده اللي مكلبشه فيه..كانت بطمنه.. بس فجأه حس بحاجه غريبه..

صبا مش هتنكمش كدا ولا تخاف..

ليه مبتكلمش..

بدأ الي معاه موبايل فيه، كشاف يطلعه..بس ينور ايه بس دي عتمه الليل حتي مافيش قمر ظاهر ينورها..

بس هو ككان الشك دخل قلبه وبرعشه خايف اللي فكر فيه يكون حقيقه..

نور كشافه وفتحه يبص في وشها..ورماها من ايده..بصدمه..

صرخ  باسمها زي المجنون.. 

صبااا..فين صبااا..انتي مين.؟

لسه هيمد ايده ويشيل الملحفه من علي وشها..

شالتها هي وقالتله بكل قوه وشماته..خيبتلك ظنك ياولد العم....دي أنا..ان شاء الله تكون ماتت وارتحنا منها..؟

الياس بصدمه،رجع لورا يدور عليها زي المجنون..بكشاف موبايله..بس هيدور فين والناس المصابه والميته مرمين وبيتكعبل فيهم..

كأنهم في مذبحه..

بس رجع تاني زي المجنون ليها وهي بتضحك بشر زي الشيطان..

ـ عملتي فيها ايه انطقي؟وديتيها فين؟

وبشر وعيون زي الدم..مسكها من رقبتها وخلاص هيطلع روحها..قتلتيها يابنت الكلب..

ثناء بغل...الكلب دا يكون عمك يابن النوارس..

بقي زي المجنون ضغط علي رقابتها اكتر..

واللي علي لسانه...هقتلك زي ماقتلتيها..

روحها بتروح وهو بيصرخ فيها بكل قوته بصوت بيلجلجل في سما الصحرا

صوت يشبه صوت الوحوش زي ماصورته هي لاخته....هقتلك ياثناء..اقسم بالله هقتلك..

انطقي فين صباااا.....؟

النور اللي ولع فجأه محركوش من مطرحه..

ومخلصهاش من ايده الا ساجي وتمام..

اللي جريو عليه اول مالنور اشتغل...بخوف من حده صوته..

ساجي..سيبها ياإلياس هتموت في ايدك سيبها..

الياس بجنون مش واعي غير انها السبب في اللي حصل، ياما استحمل قرفها وحقدها عالكل..بس لحد هي ومش قادر اللي في دماغه هينفذه..هيقتلها..خلاص انتهت..

 في الوقت دا، ثناء خلاص كانت روحها بتروح..والكل ماكنش عارف يحوشه عنها ويوقفه..

فجاأه ضربه تمام بكل قوه في وشه بالبونيه

عشان يفوقه من نوبه جنانه وصدمته....

فقد السيطره علي نفسه...

وفلتها ووقعت هي عالارض في دنيا تانيه..

انقلبت الليله من فرح وبهجه لغم ونكد..

الكل بيدور في كل حته علي صبا..والياس زي المجنون بيصرخ بإسم صبا.. ومستني ثناء تفوق..عشان يعرف ودتها فين..

واول مافاقت هجم عليها تاني..

انطقي  ياثناء، صبا فين..انطق ياغبيه..وديتيها فين..؟

ثناء بكل حقد رغم جسمها اللي بيتنفض، كان نفسي اجتلها بيدي دي..

بس ملحجتش مخبيش عليك كنت جايه عشان احرج جلبك عليها...فجأة ضرب النار اشتغل..وعشان اني كنت جاركم..معرفش ايش جابني ليك..ولما عرفت انك انت كلبشت فيك..

الياس مصدقهاش نزل فوقها ضرب عشان تعترف ومفيش فايده..

جوابها كله..هو.هو..مبيتغيرش..

مخلاش مكان الا اما ادور عليها فيه..

برا الوادي وجواه..

مر اسبوع عالمجزره اللي حصلت.. والحال هو الحال..

والاسبوع جر اسبوع..ومفيش حد يعرف عنها حاجه..

لحد ماخلص الشهر ومعاه خلص هو 

بقي روح بس ماشيه عالارض..

شهر ثناء محبوسه فيه مشفتش النور ولا هتشوفه الا برجوع صبا

ومفيش فايده..اللي قالته في الاول لسه بتقوله.. بس سلجي وتمام قدرو يخلصوها منه ويسلموها للقسم وهناك اعترفت انها كانت جايه تقتل صبا..

ومع اعترافها انصدم ابوها في بنته هي كمان وطب ساكت للمره التانيه..بس المره دي فارق الدنيا..

وللاسف باسبوع ماتت امها حزن علي جوزها وبنتها..

ماتت بسكته دماغيه..ورحلو عن الدنيا بحالها..

ماتو ندم علي ذريتهم اللي عاشو هما غرقانين في عشقهم وسابوهم لدريه تبخ سمها وحقدها فيهم..

ـــــــــــــــــــ

بعد شهر..

قاعد الياس ساند راسه علي عالمكتب.. حزين..

روحه بتروح..ومش عارفله طريق..

دخل ساجي ووراه تمام 

تمام اللي حزن الدنيا فيه..رغم عيشتو هو وسبأ في خيمه واحده كاي زوج وزوجه..الا انها علي طول بعيده وكل مايقربلها تنتفض وذكري الليله التعيسه تعود ليها مره تانيه..

فراق صبا ماثر عليها وحاسه ان هي السبب..

اتنهد وقعد..

ساجي بحزن علي اخته ..وبعدين  ياالياس.

مفيش مكان..الا ودورنا فيه..وحط ايده علي وشه يمنع دموعه لفراق اخته..

دايما كان مطمن عليها لانها قويه..يمكن اقوي منه هو..كانت دايما تقوله خليك في نفسك ياساجي..

انا اقوي منك يابن نواعم..كان يبتسملها ويفتخر فعلا انها اخته..

لما كان الياس بيحكيله علي جنانها كان بيرجع بظهره لورا ويقولو بنتنا تعمل مابدالها..

دلوقت في نار في قلبه..نار لفراقها، هي حته من قلبه..

سمعان ابوه اللي رباه دايما يقوله..  الابن بيتعوض ياساجي بس الاخ عمره مابيتعوض..

اول ماضوفرك يتعور بتجول اخ..

والضوفر عمره مابيطلع من لحم ياساجي..

نزلت دموعه وهو بيفتكر وصيه امه ليه..انه يحافظ علي اخته..

بس هي فين ياامي اختي وفين انتي.؟

معرفش يتحكم في دموعه..خرج يجري كفايه تمثيل للقوه..

كانو في  مقر الفرسان...

واول ماخرج..لمحته هي..

من امبارح مبيردش، قلبها  حس بيه وخافت تكون خسرته هو كمان..

دخل اسطبل الاحصنه ودخلت وراه..

واول ماندت عليه..

رفع راسه يردد اسمها..

ـ مهره

ـ عيون مهره

كان اللقا المره دي لقا حزين..حزين اوي..

وخصوصا مع بكاه هو..

مش لاقيها يا مهره قلبت عليها الدنيا..

اختي راحت مني..ومش لاقيها..

مهره بصبر ودموع بتحاول تخبيها عشان تهديه

مهو مفيش اصعب من دموع راجل بتعتبره انت سندك وقوتك وينهار بين ايديك..

ـ هنلاقيها..

انا واثقه..انها هترجع..هترجع ياساجي..

ـــــــــــــــــــــــــــــــ

مهران بحده..لدريه..

ازاي..راحت فين بت الفرطوس دي..؟

دريه بغل..معرفاش كان نفسي اشفي غليلي وحجدي منيها..بس اظاهر ان مش احنا لوحدنا اللي متربسين ليها..

مهران وهو بيفكر..كان مخططلها في الفرح الطلقه تصيبها واللي نشن جال صابتها اومال وين راحت.؟

مهران بشرود.. تفتكري الطلجه صابتها..؟

دريه..بغيظ منه..ووين راحت.؟وبتهكم كملت..دي حتي عند الراوي وأختك اللي متتسماش مهياش اهنيك..

البت دي مهياش سهله واصل..

المهم فوتنا احنا منيها اللي حصل في مصلحتنا..

الشحنه توخلص ونتجاسم..

مهران بخوف..اخرسي جبر يلمك العيون ليها ودان..

↚

جولتلك ماتكلميش عن الشحنه دي في الجصر واصل..ايه مهتفهميش اياك..

كفايه اللي حوصل مع بت الفرطوس التانيه...

دريه بغل..عليا وعلي اعدائي يامهران..الشحنه دي توخلص وتخلص منيها والا..

مهران بخوف منها..مفيش والا..يا ام الياس..

توخلص واخلص عليها كيف ماخلصت علي  عشيجها 

دريه..بنصر..عفارم اجده..

وبهمس مسموع سألته. الشحنه ميتا؟

مهران ببسمه نصر..الليله..

كانت بكره وياجلي مايشتتو الانتباه جالو الليله..

هنطلعو عالوكر الجديد..ونستلموها..ونوزعها عالتجار..

ـــــــــــــــــــــــــ

اتنفض تمام..من جار الياس اللي مش مدي اهتمام لاي حاجه..

تمام بايده شد الياس يقومه..يفوقه من اللي هو فيه.

مش بعد مامشيو الطريق دا كله..سوا..هيضعف دلوقت..

لازم يفوق..

(الياس..)

بحق الله قولولي ازاي اعيش ثانيه ويبقي فيا دماغ اخطط وامسك تجار سلاح وحراميه وانا مش عارفه هي فين..ايه حصلها؟

عايشه بتتنفس؟

ولا فارقتني ورحلت؟

سمعت ابويا بيقول كان مخططلها..

معقول انصابت وراحت فيها..

ماتت وفارقتني.. طب فين جثتها

فين هي؟ 

ـ طب ليه انا قلبي لسه بيبض، ماهي لو نبضها وقف اكيد قلبي هيقف زيها..

ـ صبا اه ياصبا..ياوجعي من يوم لقاكي اللي بيزيد.. وعمره ماانتهي..

شدني تمام بيصرخ فيا افوق..

نزلت ايده.. وقولتله..

افوق..مانا فايق اهو ياتمام..

دموعي خانتني للمره اللي من يوم مابعدت عني مبقتش اعدها..

انا فايق اهو..بس ميت..

في بعدها ميت ياتمام..ساعدني الاقيها 

مش قادر..خلاص..ارحموني..تعبت امثل القوه..

كفاااايه..

حضني تمام وبكي علي بكايا..

يمكن احنا مكملناش سنتين معرفه..بس دايما في الخير والشر معايا..

انا عارف انه حزين زي..ماهو برده فرحه اتقلب لمحزنه والطلق الناري اللي حصل، حصد كتير مأسي معداش كدا..

عشرات ماتت وعشرات انصابو من النوارس والغجر..

كانت ليله تنحكي في حواديت من اللي شوفناه كلنا..ريحه الموت ودموع الضحايا..

مبتفرقناش كلنا..

لحد هنا وروح القتال هبت فيا وأنا سامع ساجي من ورايا بيقول..

هحسب اختي ماتت وهاجي معاك ياتمام واقسم بالله لاخد بتارها منهم كلهم..

و بكل قوه بصلي.. الياس كمان جاي...

بصتله بصه هو عارفها..

معناها هو عارفه..انا معاك ياصاحبي..

انت سندي وظهري..

لمحت مهره اللي بتضحك وبتبكي..وهي حطه ايدها علي ودنها..

انتفضت وافتكرت صبا...

ـ اكيد دي صباا..

بس قبل مااجري عليها كانت بترقص من الفرحه هي..

ـ صبا كويسه.سمعت همسها في ودني..

مسكها ساجي.. وقالها اهدي وقولي يا مهره..قالتلك ايه؟

مهره بفرحه...قالتلي، متخافيش انا كويسه

هرجع متقلقوش عليا....

رغم فرحه قلبي..الا ان كان نفسي تخصني انا بهمسها..

ناس كتير هتقول مجانين..بس اللي يعرف صبا لازم يلقط الجنان منها

غمضت عيوني وخرجنا كلنا نستعد لاهم مرحله..

ــــــــــــــــــــــــــــــــ

مر شهر كامل هنا..

في بيت طارق..

(ثريا..)

رغم الحزن اللي عم علينا كلنا بفراق صبا..الا ان بعد مااتواصلت بساره اطمنا كلنا..

في الشهر دا..طارق اصر يسيب الڤيلا ليا..انا وسوزان..

لان مينفعش نعيش مع بعض ومفيش بينا لسه  رابط رسمي..

خاف يغضب ربنا فيا تاني..

_ هو ممكن حد يفضل يحب حد سنين طويله ولا يقلش حبه ابدا بل بالعكس يزيد ويزيد..

اهو دا احساسي بطارق..

 تقريبا فضالي نفسه خالص ورمي الحمل علي سامر 

حاسه اني رجعت ثريا الصغيره المراهقه وبقيت استني منه رساله او مكالمه..

بقيت اعشق تفاصيل يومي..اللي بيبدأ وبينتهي بيه..

اتنهدت وانا واقفه مستنياه بالبلكونه وانا شايفه جوز التيران علي رأي سوزان اللي موقفهم حرس لينا..

مش عارفه خايف من ايه؟

بس هو عنده حق مادام مهران لسه حر محدش عارف بيخطط لايه لينا..

ارتعش قلبي وانا شايفه عربيته بتركن وبيشاورلي بابتسامه، انزل..

ابتسمت ولسه هدخل عشان انزل....اتصدمت بسوزان..

ثريا بشهقه..ياماما..في ايه ياسوزان؟

مش تحاسبي..

سوزان بغيظ وهي بتقطم الجزره..خارجه ياماما..يابختك..

ضحكت وقولتلها..البسي وتعالي يالا..

بصتلي بحزن

مش هينفع..سامر بيغير من دبان وشه..روحي ياماما يابختك..يابختك..

ضربتها علي راسها وقولتلها..وايه مانعك ماتخرجو..ماهو بقي جوزك واصر يكتب الكتاب..عشان تبقو براحتكم..

سوزان بغيظ..قصدك عشان يعرف يتحكم فيا براحته..وبعدين اخرج فين..دا كل خروجه بفضيحه..

روحي ياامه الله لا يسيئك..سي طارق زهقنا كلاكسات..

سبتها ونزلت..هي وسامر يستاهلو بعض ال يعني هي اللي مبتغيرش..

اول ما دخلت العربيه..

طارق بلهفه..دا كله ياثريا..

ابتسمت وقلتله..حقك عليا..

اتنهد..انا استناكي العمر كله ياقلب طارق..ها مستعده للمغامره انهارده..

ابتسمت وقولتله..مفيش مكان مرحناهوش ياطارق..مغامره ايه دي..؟

غمزلي وقالي لا فيه..انهارده عاملك مفاجأه..

وعلي شط بعيد أجروه، مخصوص كنا قاعدين قاسم ومؤيد وطارق وانا ونيسان وامل مرات قاسم..

اتعرفت عليهم من شهر وبدأو، يزروني وازورهم لاني اكتشفت ان كلنا جيران وان التلات رجاله اصحاب..

خدنا جنب وقعدنا نحكي وأمل بتحكيلنا ازاي اتعرفت علي قاسم.

كنا مصدومين..بس في نفس الوقت مبسوطين بقصتهم..

وخصوصا انها بتصورلنا جانب تاني من شخصيه الشيخ قاسم

كنت مفكراه متزمت وملتزم اوي ومفيش عنده

تسامح..

بس دا ضرب بكلام الكل عرض الحيط وخالف التوقعات..سبحان الله..

نيسان بصدمه..بجد ياامل فاجأتيني بحكايتك وانا اللي مفكره اني عشت مأساه انا وثريا..وان مؤيد  وطارق دول يتعملهم تمثال..طلعتي انتي اصعب حكايه فينا..

امل بابتسامه..صدقوني ربنا عوضني بقاسم اجمل عوض ان ربنا يرزقك بزوج حنين..فاهم وعارف..كنتي ايه،وفاهمك من قبل ماتتكلمي

متحتجيش معاه تذوقي الكلام ولا تخجلي من نفسك..

شخص بضحكه منه تنسي نفسك..بكلمه وببسمه

يخليكي في دنيا تانيه..الله يباركلي فيه..

عارفين بقعد ساعات أسأل نفسي، انا عملت ايه في الدنيا حلو عشان ربنا يرزقني بيه..

بس هو دايما يقولي انتي نصي الحلو اللي كنت بدعي ربنا بيه..

انا بقوم بالليل اصلي واشكر ربنا انو نشلني من القرف اللي كنت عايشه فيه..

كنت خايفه اموت علي معاصي..

ثريا بابتسامه..يمكن دي دعوه صادقه دعتيها باخلاص وبنيه صافيه ياامل..

امل بابتسامه..والله في وسط قرفي وفي وسط ماكنت بغضبه، كنت بدعي بقلبي المحروق من ذلي، واقول..يارب انجدني من القرف ده..انا ايه اللي عملته في نفسي دا..

ووطت راسها بخجل وبعدين رفعتنا..

 وكأنه حس  بيها بتحكي 

 التفت لقيته بيبصلها بعشق وبيبتسملها..

ابتسامته كأنها بتقول..ارفعي راسك ياقلب قاسم انا فخور بيكي..

ابتسمت واتنهدت..

وعرفت ان جوا الكون دا حكايات..وحكايات مداريه..حكايات للعشاق ومفيش اجمل من حكاوي العشق المستخبيه..

كانو بيشووا سمك..وريحته مفحفحفه..فتحت نفسي..

سمعت نيسان بتقولي..

ثريا..احنا بقينا ناكل زي الحمير ياثريا..

ضحكت وانا بقولها..أنا زدت اتنين كيلو وطارق بيزن عليا البس النقاب..

شفت صدمتها وهي بتقولي هما مسلطين بعض..

وكمان مؤيد جبلي نقاب وكان مصمم انزل بيه..

ولولا غضبت مكنش عتقني انهارده..

ضحكنا وجه طارق جاري بعد مافصصلي بايده السمك لانه عارف اني مبعرفش افصصه..

وبقرف منه ومكلوش لو فصصته بايديا..

ولان الطبيب وصفهولي عشان الكالسيوم ونقصه عندي..كل يومين ياكلني سمك..

ـ بتضحكي علي ايه ياقلب طارق..

مديت ايدي كلت السمك...

اممم..ريحته قالبه الدنيا..تسلم ايدك ياحبيبي

شوفت لمعه عينه، وقرب مني وقالي قولتي ايه؟

ـ قربت من شفايفه حته سمك وانا بقوله بصوت هادي..بحبك..

بلع ريقه.. وسمعت همسه..وانا بعشقك ياقلب طارق..يارب قرب البعيد بقي..

ــــــــــــــــــــــــــــــــ

في ارض الوادي..

في خيمه تمام وسبأ

سبأ بهمس من وراه..خلاص نويت الليله ياتمام..

بعيون ملهوفه..عليها..ضمها لصدره..اتأخرتي ليه ياسبأ.عملتي ايه في الامتحان..؟

سبأ بخوف ضمته ليها قوي..انا خايفه ياتمام

خايفه عليك اوي..كفايه اللي جري..

بهدوء وبعشق خالص ليها رفع وشها وباسها بوسه طويله، خدتهم لدنيا تانيه وقبل ماتبعده هي زي كل مره..بعد هو..

بس المره دي فجأته هي..وهي بتهمسله في ودنه..

عاوزه ابقي مراتك ياتمام..أنا..

لسه هتكمل..كان مقاطعها بصدمه..انتي واعيه لكلامك ياسبأ..

هزت راسها بكسوف..وهو قرر ينتهز فرصته معاها..جسمه المشتاق ليها..بيطالب بيها..

وبجنون زي جنون حبيبته كان لقاهم..وكل شويه بجنون يسألها..انتي مراتي؟

ترد تقوله..مراتك ياتمامي..

ـــــــــــــــــــــــــــــــــــــــ

بالوكر الجديد..

عربيات مصفحه داخله في نص الليل ومفكرين انهم في الامان..

واقفه دريه متلحفه مش ظاهر منها غير عنيها وجارها عليا اللي لابسه ومش لابسه..

ومعاهم شيخ النوارس مهران..

نزل البوس اللي هيسلمهم وقربو وسلمو علي بعض وبدأو

ـ سلم واستلم..وفي عز اندماجهم كانو وحوش الليل محاصرينهم من كل جانب..

دارت معركه وصوت صريخ..

بس في النهايه الحق..غالب..

الياس بصرخه وهو شايف عليا بتصوب بمهاره علي تمام المتلثم، الغبيه متعرفش انه ابنها..

الياس بصراخ..،

ـ ابعد ياتمام..وزقه يايده.. وقع عالارض بس الطلقه كانت من نصيبها هي..

طلقت غدر من بوس المافيا..اللى بيسلم البضاعه،اللي اول مره بيكشف عن وجهه الحقيقي....

واللي اظاهر كان مصمم يخلص عليهم قبل مايخلص هو ويروح فيها..اللي زيه لو وقع منظمه بحالها هتروح فيها..

وبصدمه وقفوا يتفرجو..علي حكم القدر..

الراجل قتل عليا وادور قتل مهران وبعديها دريه..

وهو بيصرخ بالانجليزي..أيها الاغبياء..ساقتلكم جميعا....لن اموت وحدي..

بس قبل مايكمل..كان وحوش الصاعقه محاوطينه..ولما لقي مفيش مفر..

↚

رفع مسدسه وضرب نفسه بالرصاص..ونهي سجنه بإيده..

وانتهت بؤره الشر من الاساس..بس منتهاش فراق الياس..

وبجنازه محضرهاش حد من النوارس خالص خجل وقرف من مهران وعمايله..

حتي مصلوش عليهم..

 وومشيش في دفنتهم الا الغجر اللي ياما كرهوهم ونبذوهم..

واسكتفي النوارس عالدفنه وانقفلت صفحه مهران من الاساس..

وابتدي عهد جديد..لشيخ عايش علي امل يلاقي زينه الصبايا..

طالت لحيته وازداد وسامه...بيعد الايام عشان يلقاها..

بس اللي مصبره..نداها في ودن ساره..انها بخير..وهترجع..

عارف انها مدام وعدت هترجع..

بحزن علي فراشهم..حط راسه علي مخدتهم سارح في لقاهم..

وعلي لسانه..وحشتينى ياصبا..وحشتيني ياقلب ابن النوارس..

ـــــــــــــــــــــــــــــــــــــــــــــــــ

بعد اربع شهور..

شوفتي بطني كبرت ازاي؟

ايد ضربتها علي راسها اللي ازدادت زينه بحجاب..

يابت انهدي..بطلي بصه علي روحك في المرايه..هتنهبلي ياصبا..

صبا بتأفف..ماشي ياخاله..روحي شوفي جوزك رجع كدا..عشان انا جعانه والنونو جعان..

ضحكت عليها الخاله..علطول جعانه..علي ماتولدي هتكوني كيف البجره..

بصتلها صبا بصه حزن مصطنع..كدا ياخاله...

الخاله بحب..هفوتك واشوف شيخ قلبي اجا ولا لا...وغمزتلها وخرجت..

 وقفت تاني صبا تفتكر ازاي فاقت وجت هنا..

flash back

من ثلاث شهور..

اااه..

سلامتك من الاه ياقلبي..

ـ انا فين..؟

ابتسمت العجوزه المكحكحه ليها ومشت ايدها تملس علي شعرها ووشها..انتي بأمان..ياصبا

ياعلمي الجميل..

بأمان معايا أنا.....

فتحت عنيها اللي حاسه ان عليها غشاوه كبيره..

ووبدأت تفتحها شويه بشويه..

كانت في خيمه بس مش شكل خيام الغجر

الخيام الحلوه دي انا عارفاها بس فين؟

مش فاكره....

ـ لمحت العجوزه..وبصتلها يمكن تعرفها..

انتي مين؟

ومين جابني هنا..

ضحكت العجوزه ضحكه صغرتها سنين لورا..

أنا سميحه..انتي متعرفنيش بس اني عارفاكي..

وبشويش في ودنها..انا سميحه اللي امنتك عليهل  سوريه..

ان قابلتيها تسمعي كلامها..

شهقت صبا  بتعب تفتكر..انتي؟

وسوريه..همست بيها صبا بتعب..ااه قالتلي كدا..

انتي اللي نقلتيلي من عليها اللي بيهمسولي في ودني..

طبطبت عليها العجوز ونيمتها تاني بعد ماكانت بتحاول تقوم..

ارتاحي يابنتي..وانا احكيلك ايه صارلك...؟

وبتعب استجابت ليها صبا..ونامت..بس فجأه افتكرت اللي حصل وحطت ايدها علي بطنها..

ابني....

رجعت طبطبت عليها سميحه وقالتلها بخير وأمان..بس لحد الان..؟

صبا بخوف وهي بتحاول تعدل نفسها..جسمها تعبان..ازاي؟

سلميه.بخوف عليها..

طب اهدي بس يابنتي وانا هنادي الطبيب  يجي ينزعلك المحلول ده.. ياجل مانعرف نكلم..

نامت تاني وبعد شويه دخل راجل عجوز..بس باين علي وشه الطيبه...

اول مادخل وقعد جاري..ابتسملي وقالي احمدي ربنا انتي كنتي ميته يابنتي..

اتنهدت وأنا بطلع الكلام بالعافيه..انا مش فاهمه اي حاجه.. وليه حاسه بالوجع دا كله في رجلي..

فكلي الخراطيم اللي كانت متوصله بايدي ومد ايده حاول يعدلني..

قمت بس رجلي كانت مربوطه وافتكرت..

اااه.

كنت جار الياس...

لما انفتح وابل الرصاص..

محستش بنفسي ولا مين بيسحبني بس فجأه حسيت بحاجه زي النار اخترقت رجلي..ودا طبعا كان غير قلم  فوق قلبي او جواها مكنتش عارفه أميز....

قلبي اللي للاسف طالته طلقه الغدر 

صوتي راح بس حسيت بايد بتسحبني..وبعدها مدرتش بالدنيا..

بصيت لرجلي تاني..ورجعت بصيت للعجوزه وللطبيب المبتسم..

بس فأجأني وقالي..كنت ميته يابنتي بس لولا الست سميحه، بايديها اللي زي البلسم كنتي رحتي فيها..

مديت ايدي علي بطني وانا عاوزه ابكي..وحلم الياس اتحقق بس خايفه اكون فقدته..

بجد ياطبيب...ابني بخير..مماتش

الطبيب..بابتسامه.. بخير..بخير متقلقيش..ورجلك مع الوقت هترجعي تمشي عليها..بس متحاوليش تمشي كتير..

احمدي ربنا يابنتي..انتي كنتي فين وبقيتي فين..وسابنا ومشي بعد ماقالنا، لو احتجتوني نادولي..ورجع لعيادته..

خرج..وجت بنت صغيره بشعر احمر زي النار

 بتاع ١٥سنه  الوشوش دي مش غريبه عليا بس مخي مش ساعفني.. وبصتلي بفرحه..فوقتي..اخيرا...بقالك شهر نايمه..

وحشتينا ياصبا..

شهقت بصدمه..شهر..شهر بحالها..

طب والياس...

لحقتني سميحه وقالت..اهدي..هاتي الاكل يانواره..

جابت نواره الاكل وقعدت جاري وسميحه اصرت نواره تاكلني بايدها..

وهي بتقولي..كلي يابنتي..عشان تأكلي الغلبان اللي في بطنك ده بقاله شهر عايش عالمحلول..

كلي واعرفي انك هنا مفيش جنس مخلوق يعرف يوصلك..

بصتلها ورجعت سألتها، انتي مين؟ وجيت هنا ازاي؟

ارجوكي فهميني..وطمنيني علي ألياس..

بصت لنواره..اللي شالت الاكل من جاري وقعدت هيا..

مدت ايدها وخدت يدي علي ايدها..

وقالتلي شوفي بعينك..

بصيت علي يدي وشوفته قدامي..زي شاشه التليفون....قلبي انخلع..وانا بصرخ الياس

كان قاعد حزين..وبيبكي..

ولقيت لساني بيقول لوحده..حبيبي متبكيش انا هنا..انا كويسه وابننا بخير..

بس صوتي مكنش وصله..

بس مر المشهد علي صوره ساره..قالتلي سميحه 

استعملي قوتك وطمنيها..

وقتها اتاكدت ان الست دي فعلا خبيره وعليمه..

وغمضت عيني وطمنتها..

فتحت، علي نظره عين الياس الحزينه..عارفه بيفكر في ايه؟

لسه ههمسله اطمنه..

رفعتلي ايدها  تحذرني، وقالت اوعي..لو عاوزه ترجعيله بابنه...اتحملي الفراق ياصبا..

نفضت ايدي منها..وانا بقولها بصدمه..ازاي؟

مقدرش ابعد عنه..حرام..

وهنا بدأت تفهمني..

الاول لازم تعرفي اني قصدي خير يابنتي..

اسمعي حكايتي..

اتنهدت وقالت بحزن في صوتها..

انا سميحه..ست بسيطه غجريه..غجريه منشقه..

عاشقه جريت ورا عشقها وانشقت عن الغجر ولعنوها..

خدت نفسها وكملت..مكدبش عليكي يابنتي كنت زيك كده مجنونه بعشقي..وكان الكل بيخاف مني لانهم كان بيقولو عليا مخاويه.. وابتسمت وبصتلي زي ماعنك بيقولو..

لاني وقتها كان عندي هوايه العب بالفنجان واقراها..زيك كده.. ودا لان امي كانت درابه ودع وبتلف في البلدان..

بس الحقيقه مش كدا..الحقيقه ان بعد كدا..

اللي معايا ومعاكي دول.. اتنقلولي من ست طيبه بتاعت ربنا بتحب الخير وبتعالج الغني والفقير ساعدتني كتير لما اللي عشقته غدر بيا واتسبب في لعنتي الابديه..

وبعدي عن الدنيا بحالها

وقتها خدتني الست دي وعلمتني الصلاه وعلمتني ازاي اتقرب من ربنا.. وابعد عن الفنجان والودع.. وبدأت تعلمني ازاي اعالج الناس بقرءان ربنا..مخبيش عليكي 

كنت بحس بمتعه وراحه كبيره اوي، وانا حاسه اني كنت سبب بسيط في ضحكه حد او في حد يقولي ربنا يبارك فيكي ويحسن مابين ايديكي..

كنت دايما ادعي ربنا..يارب نورلي بصيرتي..

↚

بس الست دي..كانت معاها خدام بيخدموها بيساعدوها في الخير بس

كانو مسلمين زيها ولما اوشكت عالرحيل..جندتهم ليا انا..

بعدها بسنين كبرت سوريه..

همست سوريه....

ابتسمت وقالتلي سوريه بنتي من اللي كان السبب بلعنتي ودماري..

بس هي كانت مصره ترجع لعيشه الغجر..والرحاله..

مقدرتش عليها وهي كان قلبها ضعيف..مريضه زي ماانتي خابره..

رجعت للزناتي وعشان قلبه طيب قبل بيها..

ساعتها خفت عليها..وهي كانت ضليعه بعلم الكف والفنجان للاسف وراثه لعينه...بس كنت دايما بحذرهاا انو حرام..

لحد ماجتني بمره وحكتلي عنك..وبعيوني وبصيرتي شوفت انك اقوي من بنتي تحملي الرايه بعدي..

وعن طريقها قسمت علمي بالنص معاكي..وطول السنين دي..مفارقتنيش لحظه..يابنتي..

ولله الحمد انك مستخدمتيش قواكي الا للخير بس..زي ماتوقعت..كانت نظرتي فيكي في محلها..

صبا بصدمه..انتي بجد ام سوريه..انا كنت بحبها اوي..

سميحه..بحزن..وهي من حبها فيكي نقلتلك كل علمها..اكتر حاجه كانت مزعلاني هي قرايه الفنجان..لانها شرك ياصبا..

صبا..طب وجبتيني هنا ازاي.؟واحنا فين؟

سلميه..قلتلك بحس بيكي وعارفه..لما حاولو ينبهوكي في الفرح، مسمعتيش كان لازم ادخل ونحميكي..

واللي حماكي منهم بتحبيه ومش غريب عليكي..

وقبل ما يطلق الغدار ورجالته النار عليكي  كنا محاوطينك..

بس للاسف طالتك يد الغدر يابنتي..

خوفنا نوديكي المستوصف هيدخلونا في سين وجيم.. وهينعرف مكانك.. وانا كنت عاوزه اخفيكي لان لسه مهران بيدور في كل حته عليكي..

اسمعي ياصبا..لو خرجتي من هنا..احتمال تخسري ابنك...

لان لسه الخطر عليكي..

صبا بخوف..والعمل؟

سميحه بتنهيده..مش هخرجك الا وابنك علي ايديكي..وساعتها قلبي يطمن عليكي..

صبا بتنهيده..كله بامر الله ياخاله....

سميحه..ونعم بالله..بس ناخد بالاسباب ومعلش اتحملي شويه فراق..وممنوع ياصبا تطمنيه ولا تستخدمي قوتك طول الشهور الجايه..

دا خطر عليكي..وعلي اللي في بطنك..

انتي هتعيشي هنا ست طبيعيه...

اقتنعت بكلامها مع ان قلبي بيغلي عليه..

وسالتها..

بس انا فين..؟

اتفاجأت لما لقيت الراوي وساليمه..داخلين عليا..

الراوي من اجمل الناس اللي قبلتها في حياتي 

قبلته وعرفته،.لما خيالاتي سحبتني لمزرعه العشاق

واتاريها كانت وخداني لاصل الحكايه سميحه

يومها مسكوني حراس المزرعه وخدوني للراوي وبكل ثقه وهدوء..حكتله وحكيت لمراته حكايتي..

وهو بكل هدوء علي هدوءي ابتسم وغمز لمراته وصدقني قعدت معاهم ليلتين في سمر..وفرح..

وكانو اجمل ليلتين في عمري..

لا كدبني الراوي ولا سليمه بس احسنو ضيافتي ومن يومها كل مايهفني الشوق اهرب للمزرعه البعيده..

ساليمه..فتحتلي دراعها..حمدالله علي سلامتك ياغاليه يامرت الغالي..

بكيت في حضنها..الياس وحشني اوي ياخاله ساليمه..

ساليمه بحب..هتتجابلو ياحبه الجلب..

متبكيش ياصبا..بس مكنتش قادره مبكيش..

بعد شويه وبعد مابطلت بكا..بصيت للراوي اللي قاعد يضحكلي ضحكه انا عارفاها..

ضحكه بتقولي عارف بتفكري في ايه؟

بصتله بغيظ ماهو دايما، كان يقولي مفيش بت في الدنيا اتمنتها تكون بتي غيرك ياصبا  

عشان كدا واخده عليه وواخد عليا..

انا كمان بحبه اكتر منه والله..

بس رفعت حاجبي وقلتله..لما جيت اول نوبه..كنت عارف اني جايه صح..؟

ضحكو كلهم..وشاورلي هو بايده علي هدومي..

مش جولتلك ياعديمه الحيا انتي متلبسيش ضيق ولا عريان يابت في مزرعتي..

بصتله بغيظ..ورجعت بصيت للخاله ساليمه..عجبك كدا. ياخاله.؟

ضحكت وحضنتني وبصتله بصه

خلته قال..سكتت اها..دلعي انتي بيها..

وخرجتلي عبايه من شنطه في ايدها بتوع اهل الجنوب هي عارفه اني بموت فيهم..كل مااجي عندهم اقلع هدومي لان الشيخ الراوي حيااه الله، بيزعقلي زي ماانتو شايفين..

بس المرا دي كان معاها حجاب بلونها..

ابتسمت وقالت..آن الاوان بقي نبقي مسلمين بالفعل والاسم يازينه الصبايا..

لو قتلكو اد ايه مبسوطه..؟

لدرجه اني نسيت تعبي ووجعي بعد ماخدت حمام واتستحميت وساعدتني فيه الخاله ساليمه..

لبست هدومي ولفيت حجابي..اللي حسيت بعد مالبسته اني كنت عريانه وانسترت..

الياس ياما قالي..البسه واغير طريقه لبسي..بس كنت خايفه يقولو اختارت النوارس عن الغجر

بس اد ايه كنت غبيه..انا اميره وفخوره بعلمي الجميل وديني..

ومن هنا ابتدت رحله تانيه..

رحله سعيده..رحله استكشاف رباني ديني..

وقام بالمهمه دي سميحه..الراوي يحفظني القرآن وسميحه تشرحلي معناه وتفسرهولي.. وحده وحده..

والخاله ساليمه وصحبتي الجميله ساجده يسمعولي..

بس فضل في القلب غصه كبيره..

غصه فراقي عن ابن النوارس..

back..

مديت ايدي احسس علي بطني اللي بدأت تكبر 

وحشتني اوي يابن النوارس..

هرجعلك..تاني..

ــــــــــــــــــــــــــ

مهما طال فراقنا هرجعلك

مهما بعدت هيفضل قلبي يسمعلك..

هفضل انا علي وعدك..

امتا تفوت الشهور..ياضي عيني وارجعلك

والله لو فاتت سنين هرجعلك..

هيفضل عشقي انا نار جوا القلب يندهلك..

عشق صبا الغجريه..لشيخها ابن النوارس....

↚

الخااتمه💖

(عشقا من نار)

بعد شهر كمان..

الدنيا دي عامله زي الموج بتاخدنا وتودينا..

بترفعنا في لحظه،والتانيه تنزلنا تاني علي جدور رقبتنا..

الدنيا دي يابنتي غداره ملهاش امان..متأمنيلهاش لو زهزهت معاكي

دايما خليكي فاكره ان زي ماعلتك هتنزلك..فعشان كدا متحطيش امل عالي..

مفيش غير الحمد والشكر هو اللي هيرحمك من غدر الدنيا والمآسي..

ديما قولي..الحمدلله..اللهم دمها نعمها واحفظها من الزوال..

ابتسمت صبا لسميحه..وهي قاعده حطه ايدها علي بطنها..مشتاقه وبتستمع كالعاده لدروس سميحه..دروسها اللي بتصبرها علي بعد عشقها..

بصتلها صبا بفرحه..

عارفه ياخاله..كلامك بيشرح القلب وبيصبرني علي بعد ابن النوارس..

عندك قدره رهيبه في تبسيط الامور..وانا سعيده اني بتعلم ده كله علي ايديكي..

بس عاوزه اسألك سؤال..

ابتسمت لها العجوزه وقالت..اسألي اللي انتي عاوزاه..

صبا بقلق..عليها. وهي شيفاها بتميل علي جنبها...مالك ياخاله...؟

رجعت طبطبت عليها بحنيه وقالتلها..

متقلقيش لسه مأنش الاوان..نفسي اموت مرتاحه ياصبا وانتي خاتمه القراءن..

صبا بحب..ان شاءالله ياخاله..ادعيلي.. وربنا يطولي في عمرك..

سميحه..بدعيلك..ليل ونهار وربنا اعلم باللي في قلبي....يالا اسألي..

صبا بهدوء..قوليلي ياخاله..هو يعني.. 

وسكتت . 

ضحكت سميحه بهدوء.. يعني ايه؟

ـ علقتي ولا ايه ياصبا.. 

صبا بتنهيده.. بصراحه بقي ياخاله.. في حاجه مش طبيعيه.. 

سميحه بهدوء.. تقصدي  الخيالات مبقتيش تشوفيها مش كده..

ولا حتي قوتك وهمسك لاهلك مبقاش عندك القدره صح..؟ 

صبا بصدمه.. عرفتي منين اني حاولت استعملها..؟ 

سميحه بهدوء وشرود.. عشان مش عوزاكي تضيعي عمرك

صبا بحيره.. وعدم فهم في كلامها.. يعني ايه ياخاله؟ 

بهدوء طبطبت عليها.. وقالتلها اختمي القراءن واحفظيه وافهمي تعاليم دينك، ولو  انا موجوده وطال  في عمري ساعتها هقولك.. 

صبا بلهفه.. ايه كلامك دا ياخاله متقلقنيش عليكي.. تعيشي وتتهني.. 

سميحه برضا.. مش هعيشلك العمر كله ياصبا.. 

انا نفسي اوصلك لبر الامان وأتم رسالتي معاكي قبل ماافارق واقابل رب كريم وانا مستوره، ورب راضي عني مش غضبان.. 

لازم ياصبا تقدري علي حالك واوعديني 

ياضي عيني متستعمليش ولا تلجأي لخيالاتك تاني.. 

صبا بحزن.. بس انتي قولتي قربهم مني للخير وانا مش بستعملهم غير في الخير.. 

سميحه بتنهيده.. خايفه يا حبيبتي  نقع في بند الشرك الصغير، اللي هيجرنا انا وانتي للشرك الكبير.. 

بحق الله ياصبا، اوعديني.. 

ولو طال العمر هشرحلك انا.. ولو مطالش اسألي الشيخ اللي حكتيله الحكايه كلها.. 

صبا بتفكير.. الشيخ.. 

وشهقت لما افتكرت.. الشيخ قاسم.. 

ابتسمت سميحه.. محبش يزعلك ويجرحك في علمك بس هو هيشرحلك.. لو ربنا مطالش في عمري.. 

نفسي اموت بعد ماتميت رسالتي

صبا بتنهيده حاسه انها مش فاهمه حاجه دماغها واقفه..

هزت راسها ورجعت تاني تسمع وتحفظ وسميحه تشرحلها وتوعيها..

خلص الدرس اليومي..ليها..

مره الصبح، ومره آخر النهار..

اول ماخرجت فوجأت بالصوان اللي بينصبوه..

الصوان دا مش بينصبوه هنا الا للافراح..

شافت ساجده جايه عليها..

ساجده..باااه ياصبا كل دا في الدرس..

صبا بتساؤل.. لو اللي معاها لسه بيفيدوها كانو قالولها في ايه ومكنتش سألت ساجده..

بس للاسف من يوم بدأت صلاه، وحفظ قرآن..

وهي مبقتش تشوف غير احلام في نومها ودنيا جميله..

مدت بوزها بهدوء وهي بتقر وبتعترف ان الدنيا كدا حلوه..لا خيالات تجيبها ولا توديها..

مفيش احسن من انك تسيب رزق بكره علي بكره..وتسيبها للمولي يبسطها..

ابتسمت وحمدت ربنا علي كل حال..

وفاقت علي ساجده اللي بتحسس علي بطنها..

ـ بدأت تبان ياصبا..

صبا بسعاده..شوفتيني وانا حامل.. صوريني بتليفونك  كده ومتقوليش للراوي ان انتي بتفتحيلي حسابه علي تليفونك..

ساجده..متقلقيش اجده..دا لو شم خبر هيجطع خبري جبلك..

صبا بضحك..طب وريني نفسي، شكلي عامل ازاي؟

ضحكت ساجده وبدأت تصورها وقعدو يضحكو علي شكل صبا في الصور..

ومشيو كالعاده ونسيت صبا لمين الصوان..

ـــــــــــــــــــــــــــــ

بالوادي..

انا مش عارف ياساجي انت ليه

مصمم تعمل الفرح عند عمتك ساليمه..

مكنا عملناه هنا وخلاص..

(ساجي)

عارف انه حزين ومش عاوز يقول..بس لو يعرف مخبيله ايه في المزرعه  هينط من مكانه من الفرح بس ميهمش..خليه زعلان

واللي يصبر ينول..

من اسبوع كلمني الراوي وطمن قلبي علي صبا..

اسبوع كان كفيل يغير حالنا كلنا..

اسبوع رجع فرحتنا الضايعه، وبدل حزننا تاني لفرح..

كلنا كنا اتفقنا ان مفيش فرح

الا اما نطمن علي صبا..

حتي طارق الملهوف..قدر حزن ألياس اللي وقف معاه وقفت رجاله، وكان ليه بصمه في حياته..

عشان كدا قررنا كلنا فرحتنا متمش الا برجوعها..

ولما رجعت كانت فكره الراوي المجنونه اننا نسحبه للمزرعه غصب عنه..

الغبي لو فكر شويه

كان قدر يوصلها علي رأي الراوي..

بس اللي مستغربله ان ازاي صبا 

قدرت تصبر علي بعد ابن النوارس..

معقول زي ماقال الراوي..

صبا اللي عندي مش صبا اللي تعرفوها..

دي صبا جديده هتتفاجأو بيها..

ابتسمت وكتمت ضحكتي وانا شايفه هايم في صورتها اللي علي تليفونه..وفي دنيا تانيه..

واتنهدت وسبته وقمت..أرتب لفرحتنا كلنا..

فرحه جديده..وبدايه سعيده لينا كلنا..

سبته وأنا بأكد عليه الفرح بكره وهناك هنكتب كتابنا كلنا..دي دعوه من الراوي ولازم نلبيها..

غمض عينه بتعب وقال ماشي..ماشي..

خرجت وانا بصبر نفسي ان بكره هيكون أسعد واحد فينا كلنا..

ـــــــــــــــــــ

في بيت مؤيد..

سبأ وتمام 

بعد ماخلصت المهمه..صدر امر بنقله اسكندريه..

وبقي محتار في جامعه سبأ لانه مينفعش تنقل الا في اجازه اخر السنه..

وفاضل علي امتحات اخر السنه شهور بسيطه..

اضطر يرحل ويسبها مع اهلها وفي اجازتها بتيجي هي..

لانه للاسف مبيعرفش ياخد اجازه زيها..

كل شهر يومين تلاته 

بتجيهم يصبر نفسه بيهم 

واللي نصهم بيضيعو مع مؤيد ونيسان وساره..

في الجنان والتسوق..

لانهم للاسف عايشين كلهم في بيت واحد..

ــــــــــــــــ

وفي اوضه تمام..

قاعده سبأ حزينه..وزعلانه..

اتنهد تمام بحزن  مصطنع عليها..مش عارف شاغله دماغها الصغنن ليه بالكلام دا.. وهما اساسا عايشين عيشه طبيعيه..

كل شهر في نفس الميعاد..بيقوم جنانها واللي الحمدلله بيكونوا اجازتها..

غمض عينه وفي نفسه..الطم..ولا اجيب حد يلطم معايا..

قرب منها وحاضنها..حبيبي زعلان ليه؟

وبضحك كمل..ولا هو نكد الشهر المفضل..؟

↚

سبأ بحزن ودموع نزلت تجري..مفيش حمل بردو ياتمام.انا كدا مش هخلف صح..؟

مؤيد مقدرش يمسك نفسه عليها..

بصتله هي بغيظ وضربته بكوعها..اوعي كدا..انت بتستهزأ بمشاعري..

تمام بهدوء بعد ماخد نفس..طب اهدي كدا..ونعقلها..

هو الجميل المقطقط دا اللي هو انتي يعني..بتيجي هنا كام يوم في الشهر..؟

وبيبقوا الحمدلله وبلا فخر ايام ايه؟

سبأ بتفكير..بتاع ثلاث ايام كدا..وبعدين بتسأل ليه..مانا لازم اروح عشان الجامعه ياتمام..

وانت شغلك اتنقل هنا..وسايبني وهجرني لوحدي..مش مسامحاااك..عااااااااااا

تمام بصدمه....

بس قرر يجاريها.. لو انفتحت مش هتسكت.. ياعيون تمام انا فاهم ومقدر بس ياقلبي عاوز أقولك ان الايام بس مش مناسبه وبعدين ماانتي اصريتي نكشف والطبيبه شرحتلك..

ان الايام اللي بتجيها مش مناسبه..

ومقدرش يمسك نفسه..ضحك بقوه.. 

وهو بيولول..ياغلبك ياتمام..الجوازه دي مبصوص فيها والله..

سبأ بحزن..ضربته تاني في بطنه..برده زعلانه وبعدين متنكرش الشهر ده قعدت اسبوع كامل معاك..

رجع لورا وهو بيضحك بعلو صوته..ونام علي ظهره وخدها في حضنه وقعت جاره..

وادور وغمزلها..سيبك انتي..احنا نبدأ من الشهر دا

مش السنه خلصت..وخلاص تنجحي بس

وأنا هحولك هنا..يعني متقلقيش انا قتيلك لحد مااجيب منك اورطه عيال...

اومال ابويا يتجوز ويخلف..ويجيب قبلي ولا ايه؟

دي حتي عيبه في حق الشباب..

انكسفت ودفنت راسها في حضنه..سااافل اوي علي فكره..

تمام رفع وشها وخطف شفايفها في رحله طويله..مفقوش الا علي خبط ساره..

ـ انت يازفت ياتمام يابن عمي..

ـ انتي يازفته ياسبأ..فرحي وفرح امي بكره وانتو بتحبو في بعض..

تمام بغيظ..ماشي ياساره الزفت وزق سبأ اللي بتضحك ومش قادره تمسك نفسها..

ـ انتي متفقه معاها صح..؟

ماانا عارفك غبيه..وبتفصلي امي في اهم اللحظات..

لسه هيخطفها تاني..جريت من قدامه وهي بتقوله..

بصراحه ااه..اعقلي ياتمام يا حبيبي..انا مفسوده..

وجريت خرجت برا الاوضه..لقت ساره في وشها..

مسكتها ساره من ايدها..

ونزلو يجرو عالسلم..

ساره بضحك، علي تمام اللي نازل يجري وراهم..

ـ اجري ياسبأ هينفخنا..

تمام بغيظ..والله ماانا سايبك ياغبيه انتي وهي....

نيسان بصدمه من منظرهم..انتو مش هتعقلو ابدا..

ايه فرقه المجانين دي...

مؤيد من وراها وهو ماسك في ايده طبق الكيكه..هو في أحلي من الجنان ياقلب مؤيد..

نيسان برفعه حاجب..ااه يا حبيبي فيه..

وقربت منه...

ـ في يا حبيبي الكيكه اللي كل يوم تاكلها..

مؤيد بغمزه..لا وحياتك في اللي عملت الكيكه..اللي هموت واكلها اكل..

ابتسمتله بغيظ من وقاحته اللي مبتنتهيش وزقت الطبق..لبس في وشه..

ـ قليل الادب..

وهنا صوت من قدامه..عارفه.. مهو مش شايف.

ـ اكيد الحيوانات اللي عايشين معاهم..

سبأ وتمام وساره في صوت واحد..

ـ اوبا..قصفت جبهته..

فتح عينه بصعوبه بعد مامسح الكريمه من عليها، وبهدوء قرب منهم ورماه عليهم بكل قوته..

انا قولت ان انتو اللي،بصين ليا في عيشتي ياكلاب..

ـ صرخو وجريو وهو بيجرو وراهم زي العيل الصغير 

ـ هربيكو ياكلاب..استني ياتمام الكلب..

ياللي مش فالح في حاجه ياخايب..

ـــــــــــــــــــــــــــ

في بيت ثريا..

مين قال ان الشباب بالسن..الشباب شباب القلب والروح..

قاعده ثريا بفرحه بتنقي هي وبنتها هتلبس ايه في فرحها بكره علي طارق.

واللي يشوفها هي وبنتها يقولو اخوات..

مش ام وبنتها..

الفرحه زيناهم الاتنين..وهما بيودعو عمر وبيبتدو عمر  تاني سعيد..

سوزان بفرحه..شوفي الفستان دا ياماما..ايه رايك؟

ثريا..تحفه ياقلب ماما..بس لازم تسألي سامر علي رأيه مش ناقصين خنقه..

سوزان بتنهيده...متفكرنيش من ساعه ماعرف ان كله هيتجوز بكره، وهو عمال يدعي عليا..

ثريا بقهقه..والله حرام..انتي مفتريه انتي واخوكي ليه كدا..؟

سوزان بغيظ..ماهو السبب انا خايفه النتيجه تطلع واسقط ياماما..

ثريا بحب..خدتها في حضنها..سقطي  مسقطيش..مضيعيش عمرك في البعد ياسوزان..

سوزان..بهدوء..خايفه ياماما..

ثريا..من ايه؟ من غيرته؟

ـ الغيره ملح الحب وانتي بهدوء حاولي تحتويه وتغيريه..سامر ميتعوضش ياسوزان..

مين في الدنيا يقبل ست مش كامله..هو قبل وراضي.،صحيح انتي سليمه ومحدش قربلك..

بس هو ميعرفش..دي نقطه تشفعله ياقلب ثريا..

متضيعيش عمرك وافرحي ياسوزان..الفرح حلو يا حبيبتي

سوزان بتنهيده..وفرحه مداريه من كلام امها وتفكيرها راح للحظه اللي هيعرف فيها سامر انها سليمه محدش قربلها..

ياتري هيفرح؟

ولا هيزعل لانها خبت عليه؟

ــــــــــــــــــــــــــــــــــ

بالمزرعه..

علي العشا..

قاعده صبا والراوي وساليمه عالاكل.. 

عالارض زي قاعده الجنوب كلهم..

قاعده عربي زي مابيقولو..

وقدامهم الاكل اللي بتتوحم عليه صبا كله..

مفجوعه زي ما مسميها الراوي

بس طلباتها اوامر لازم يلبيها.. رفع الراوي راسه لقاها بتبصله بصه زهق ونفخه وشها.. 

الراوي.. بااه ليه مابتاكلي يامفجوعه..؟

نفخت صبا ومدت شفايفها لقدام.... وملامح الزعل والشوق بانت عليها.. 

ضحكت ساليمه.. وقالتله.. موال كل ليله.. اشتقت لابن النوارس.. 

بصتلهم صبا بغيظ. وشاورتله بصابعها.. 

تقدر تبعد عن ساليمه دقيقه.. 

بصلها الراوي بغيظ منها وحاوط ساليمه بدراعه.. فال الله ولا فالك.. مرتي حبيبتي.. 

بصتله صبا بغيظ.. وحطت ايدها علي وشها بحزن

انفجر الراوي بالضحك وقال.. أحنا جولنا مهتخرجيش من اهنه الا ولدك علي يدك.. 

بس مجولناش ان خايب الرجا بتاعك ميجيش اهنه.. 

رفعت وشها بصدمه.. كانهم براسين.. يعني ايه؟ 

ـ يعني ايه؟ 

رجع تاني الراوي يمد ايده للاكل 

ومد ايده ليها بالمعلقه.. 

يعني تاكلي اجده وتستهدي بالله.. وغمزلها.. 

وحط المعلقه في بوقها.. بلعتها.. وبصت لساليمه.. اللي بتغني.. غني فرح بس مهتمتش

بصتلها صبا وافتكرت الصوان..

ـ هو ايه الصوان اللي بيتعمل دا ياخاله سليمه..؟

ـ مين هيتجوز.؟

ساليمه بهدوء بعد ما  بلعت ضحكتها بالعافيه عليها وعلي تعبيراتها..

ابدا ياروح خالتك دا فرح حد من حبايب الراوي..عملينه هديه منينا..

بصت تاني للراوي اللي بيبصلها بضحكه مش عارف يداريها..

وقالتله..

ـ مش مرتحالك مش عارفه ليه؟

هنا انفجر الراوي في الضحك..ومسح ايده ومدلها ايده.. ساعديني يابجره انتي..

قامت صبا..وقربت منه..ومسكت ايده..واديرت لساليمه اللي بتضحك عليهم..

جوزك بقي راجل عجوز ياساليمه..

ساليمه بحب..واني بعشج العجوز ياقلب ساليمه..اطلعي انتي منيها.. وحدفتها بالمنشفه..

قعد الراوي علي كرسيه وقعدت جاره صبا وحطت ايدها علي خدها..

الراوي بخبث..شكلك حزينه جوي علي فراجه..

صبا بنبره توسل ليه، متديني اكلمه من تليفونك؟

الراوي ببرود..لاه..وجومي من جدامي..

صبا بتأفف..هتتحاسب علي كدا علي فكره..

الراوي من وراها..اه هتحاسب بسببك يامجنونه..

اني ماربيتك من زمان..

صبا.... اتربينا..اتربينا..

ـــــــــــــــــــــــــــــــ

اليوم التاني..

بخيمتين بعاد عن عيون صبا..

انقسم الرجال والستات 

في خيمه الرجال..

قاعد الراوي في وسطهم فرحان بيهم وبعشقهم..وبحكاياتهم وفرحان اكتر اني الكل بيلف يلف ويرجع لمزرعته..

مزرعته اللي بناها بالحب طوبه طوبه 

هو ومرته..

اتنهد وهو بيبص للحزين الشارد..

وندهله..ألياس..؟

بصله ألياس...نعم ياعمي..

الراوي بحب..تعالا جاري اهنه..

بتنهيده قعد الياس...اؤمرني ياعمي..

بحب طبطب عليه الراوي..الامر لله ياولدي..قولي..اشتقتلها...؟

بغصه في حلقه بلعها بالعافيه..

ـ الدنيا من غيرها وحشه اوي ياعمي..حاسس اني تعبان..تعبان اوي..

الراوي بهدوء سأله..وايه اللي يريحك؟.

حط ايده علي وشه ياجل ماحد يسمعه..

ـ حضنها..

ضحك الراوي وغمز لساجي وعدنان..

واتنفضوا يجروه جر..ياجل مايشاركهم فرحهم..

وفي ركن بعيد برا الخيمه واقف طارق

يرن علي ثريا..كل دقيقه..زي الطفل الصغير..

سامر من وراه..بغيظ..

يابختك..يابختك..

طارق بصدمه..بتقر عليا ياسامر الزفت..؟

يخربيتك دانا خللت علي ماوصلت للمرحله ديه..

سامر وهو بيشوح بايده..ياشيخ روح بقي..

كله هيتجوز..ماعادا انا..ايه كلب اجرب..

طارق بصدمه..انت ياسامر الزفت..خد هنا..انت مفصول من شركتي علي فكره..

اديرله سامر ورفعله حاجبه..وشهر العسل؟

حك طارق راسه بتفكير..ماهو بعد مااجي ان شاءالله.

سامر بغيظ..مردودالي ياطاروقه..انا هعمل السبت..

عشان الاقي الحد..ماهي مبدومش علي فكره..

هنا جه ساجي من وراه وضربه..علي راسه..

والله خايف من قر امك دا..تبوظ الليله..

سامر بغيظ..اااه انتو اتلميتو بقي

اهلا بالعرسان..

اما اروح اشوف الزفته التانيه، هتلبس ايه؟

↚

عشان منكدتش عليها الليله..

طارق بتنهيده..الحمدلله لقاله شغله تشغله..عننا..

انفجرو كلهم من الضحك علي سامر..

ودخلو يكملو لبس..

الياس بزهق..انا مش عاوز البس ياعدنان حاجه..

عدنان بضحك..باااه كيف اجده ياشيخ النوارس..

الليله فرح ولازمن ولابد نلبس ونشيك..

بقله حيله ونفس مقفوله طاوعه الياس..

وهو بيتمني لو كانت جاره الليله..

ــــــــــــــــــــــ

وبخيمه البنات..

كانت انتهت الميكب ارتيست اللي جبوها معاهم من اسكندريه..

من زينتهم كلهم..

ساليمه بحب..ربي يحرس ويبارك..عرايس حبايبي كلهم..

وقربت من ثريا...وباستها..ربنا يسعدك ياثريا..تستهليها ياجلبي..تستهلي السعاده كلها..

ثريا بتنهيده..خايفه ياساليمه..خايفه اوي..

حاسه اني اول مره بتجوز

ساليمه بحب..ماهي فعلا اول جوازه ياصغيره..

ثريا بحزن..لسه فاكره ياسليمه..

ساليمه..وعمري ماانسي..كان دايما عمي يناديلك ياصغيره يامقطقطه..عشان جيتي فلته منيه زي ماكان بيجول..

ضحكت ثريا وعنيها دمعت..

كنت دايما اقوله فالته ازاي.؟

ساليمه..كملت وقالت..

كان يقولك بكره تكبري وتجربي..كأنه كان حاسس باللي هيجري..

ربنا يرزقك ببنوته حلوه وتكون فالته ياثريا

ثريا بصدمه وكانها افتكرت...معقول؟

ساليمه..بحب..هيراضيكي ويراضي قلبك وقلب العاشق الولهان..وبكره تقولي ساليمه قالت..

وسابتها ومشيت..وثريا بتمد ايدها تحسس علي بطنها 

وبتهمس..معقول...؟

ضربتها بنتها..بكتفها وغمزتلها في المرايه..ومدت ايدها وحاوطت امها من ورا..

سوزان..سمعت كلامكو علي فكره..

ثريا..بصدمه..ياقليله الادب..

سوزان بضحك..وليه لا..دانتي ماكملتيش ٣٨سنه..

واللي زيك اساسا لسه متجوزوش ياماما..

وغمضت عينها تحسب..

يعني ياست ماما بعد تسع شهور من دلوقت عاوزه استلم منك اختي الصغيره..

ضربتها بكوعها في بطنها والكل ضحك عليها..

بس ساليمه كانت كأنها مصممه..

خرجت ورجعت وبايدها كوب كبير من خلطه عملتها سميحه..ليها مخصوص

منفعتش مع ساليمه لان العيب مش منها..

واصرت علي ثريا تشرب كاسه كلها..

ثريا بغيظ..حطت الكوبايه..مجانين والله..

ضحكت نيسان بقوه...

وهنا بصتلها ساليمه..بصه..رجعت بيها نيسان لورا..

نيسان..وهي شايفه كوبايه تانيه في ايديها ليها...لا بتهزري..مش معقول..

بصتلها ساليمه بخبث..هتشوفو بعد تسع شهور..

وهنا قبل ماتشرب نيسان الكوبايه... كانت شربتها سبأ.

سبأ بضحك..سيبك منهم..انا هموت واجيب نونو والله..

ضحكو عليها...واصرت ساليمه تسقي نيسان زيهم..

ــــــــــــــــــــــــــــــ

قولتلك لا اوعي ياساجده..انا مش خارجه ولا راحه ولا جايه؟

ساجده بغيظ..يابت انتي فقر ليه..قومي البسي اللبس اللي جابتهولك ساليمه واغزي الشيطان..

صبا بهدوء..قولت لا يعني لا وكفايه اني طاوعتك وزوقتيني زي العروسه..روحي انتي..

ساجده..رمت الهدوم عليها وبغيظ..

فجريه من يومك انا رايحه الفرح ابتدا من بدري..

مع اني عارفه انك هتندمي...

صبا بلامبالاه شوحتلها بايديها..ياشيخه بقي..

ساجده رجعتلها تاني..وسألتها..فكري؟

صبا بغيظ..فكرت..

ساجده.. بضحك.. طب فكري تاني؟ 

صبا بغيظ.. مش جااااااايه..

هزت ساجده كتافها وخرجت..

براحتك..

ـــــــــــــــــــ

ألياس..

شايف الكل فرحان وسعيد..من قلبي حزين منهم..معقول مش حاسين بعذابي ومراري في بعدها وقررو فجأه يفرحو كلهم..

معقول للدرجه دي نسيوها..بس انا فرحان لهم مش عاوز حد يدوق اللي انا حاسه

اصل الفراق صعب..صعب اوي..

نار بتسري في قلبي لا ليها اول ولا اخر..

وقلبي بيردد..بحزن..

معقول هونت عليكي ياصبا...

هان عليكي ابن النوارس..معهدتكيش قاسيه قوي كدا..

حسيت اني عاوز ابكي..

ولمحت عدنان بيهمس للراوي..شويه ولقيته بيطبطب علي كتفي..

ـ جوم ياولدي متضغطش علي حالك اكتر من اجده..

بصيتله بصه امتنان..بصه بتقوله..

تشكر لانك رأفت بحالي..

وقومت..انا عاوز انفرد بحالي واسرح في ذكرانا سوا..

ذكرانا البعيده...

لسه هروح عالخيمه اللي جاي منها... لقيت الراوي بيجولي..روح علي بيت عمتك ياالياس..

↚

مكانك جارها ياغالي..الخيم للعرسان..

اتنهدت وهزيت راسي..

اااه..

(صبا)..

حسيت اني مشتقاله..والشوق في قلبي الليله كبير..وقاسي..

وفجأه افتكرت كلام سميحه..ازاي احارب شوقي بالتعبد والصلاه..والاستغفار الكتير..

قومت من سريري ولبست اسدالي الابيض 

اللي جبتهولي ساليمه..

بتقولي بتطلعي كيف الملايكه فيه ياصبا..

اتوضيت ولبست حجابي..

ودخلت مكان الصلاه اللي مخصصه الراوي في بيته..

هنا بحس بالراحه..بحس اني طايره في السما..

ونويت اصلي ركعتين قضاء حاجه..

يقربه مني ربنا..

يقرب مابينا..وينور بصيرته وبصيرتي..

يجمعني بيه علي خير..ويفرحنا بابننا..

ــــــــــــــــــــــ

الياس..

ابتسمت وانا داخل البيت..البيت دا الوحيد اللي ملامحه مابتتغيرش وملامحه ثابته في دماغي..

فاكر اوضتي اللي كل مااجي هنا تاخدني ليها ساليمه وتقولي..اوضتك وعلي اسمك يالياس..

انا مخلفتش..ولو اتمنيت..هيبقي اتمناك انت تكون ولدي..

كنت بتمني بقلبي، واقول ياريتك كنتي امي بجد ياعمتي..

ياريت..

لسه كل مكان هنا زي ماهو..

حتي صوت الراوي وهو بيردد الاذان وهو بيأمنا في صلاه الفجر كلنا، في وداني..

اتنهدت وانا حاسس في قلبي نار..

وقررت اروح اصلي ركعتين يمكن تبرد نار قلبي..في بعدها..ويهدي حزني منهم كلهم..

بهدوء قربت من الركن اللي بيفصل بيني وبينه،  باب صغير كدا..

وخلعت نعلي وفتحته بشويش..

انصدمت وانا شايف ست فيه، وبتسلم وبتختم صلاتها..

رجعت لورا بكسوف..وانا بقول اكيد ضيفه كالعاده من ضيوف الراوي..بس ازاي؟

الراوي عمره مايقولي ادخل وحد هنا..مش عادته ولا طباعه..

بس شهقت بقوه وهي بتندار، وعيني وقعت علي عينها..

حطت ايدها علي بوقها..وهي بصالي..

وبشهقه..نادتلي بشوق..ألياس..

اتسمرت في مكاني..وانا لسان حالي..

معقول..دي صبا..

بس اللي حصل بعدها..ورعشه قلبي في حضنها..

اكدتلي اني مش بحلم..وان دي حبيبتي الغايبه صبا..

(صبا)

لو بعدو عني ومبقوش يقولولي حاجه في وداني..ولو خسرت علمي كله..

مش هخسر احساس قلبي بابن النوارس..

كنت بصلي وساجده وبدعي وأنا كلي يقين بربنا..انه هيجمعني بيه عن قريب..

وواثقه في احساسي..

اول ماسلمت حسيت بحركه ورايا وبصيت بهدوء..بس وقعت عيني علي حياتي كلها..

ألياس..

شهقت بصدمه وهو حاله مكنش احسن من حالي..

حبيبي لما بيتصدم بيتسمر مكانه..انا عارفه..بس انا شوقي ليه، هو اللي اتحرك من مكانه..

قمت بسرعه ولسوء حظي ولطول اسدالي كنت هقع..بس قبل مااقع فاق و كانت ايده سانداني..

ـ صبااا..

دموعي نزلت وارتميت في حضنه زي المجنونه..

ـ عيون صبا..اتأخرت عليا اوي يابن النوارس..

كان لسه مفاقش..من صدمته..بس ايده كانت محوطاني..

حتي ابنه كأنه حاسس ان الغايب رجع من تاني..

وقرر يرحب بيه هو كمان..لدرجه بقي مش هادي في بطني..

بس مستسلمتش..هفوقك يابن النوارس..

بس حسيت بايده..اللي بتحسس علي بطني اللي بقت باينه اوي..مانا دخلت في اول السادس..

ضحكت..وهو زي المغيب لسه بيهمس باسمي وايده بتحسس علي بطني..

ـ ابننا يابن النوارس..

ساعتها فاق..وصوت تنهيدته وصلت لعنان السمااا

ـ ااااه ياصبااا وحشتيني ياقلب ابن النوارس..

واتحول شوقه البارد لنار قايده..

حرقتني بس حرقتني بشوق..شوق  طال انتظاره..

ـــــــــــــــــــــــــ

بفرحه في قلبها اتنهدت وهي سامعه صوت تكه المفتاح وصوت ضحكهم اللي خارج من القلب..

ـ الحمدلله..

وبحب حاوطها الراوي..الحمدلله ياساليمه..

كنت خايف يطول العتاب ويفجدو حلاوه اللقا..

بصتله ساليمه بحب..انت اللي حلو اوي ياقلب ساليمه..

تعرف فرحت كام جلب الليله..

الراوي بحب..ومن بين كل الجلوب دي..يكفيني يفرح جلبك ياجلب الراوي..

ساليمه بحب..فرحانه جوي..جوي..

الله يديم فرحتنا ياغالي..

ـــــــــــــــــــــــــــــــ

بخيمه 

ساجي ومهره..

حضنها بقوه..ولف بيها..هييه اخيرا بقيتي مراتي...

مهره بجرأه اكتسبتها من جلسات علاجها النفسي اللي بتشاركها فيها امها..

همست في ودنه..اخيرا يابن الغجر..

نزلها بهدوء..وقلعها طرحتها اللي زيناها.. اللي اتفاجئ بيها.. في الفرح وهو بياخد ايديها من تمام.. 

الليله كانت كلها مفاجأت.. 

ساجي بهمس.. هو أنا قلتلك ان الليله  انتي جميله.. 

هزت راسها وقالت لا.. 

ساجي بغمزه.. غلطان.. طب انتي جميله الجميلات كلهم ياقلب ساجي.. 

لسه هتتكلم.. كان خدها بعالم تاني.. 

قالها بحبك يامهره.. 

وبنشوه من قربه ردت هي.... 

ـ وانا بعشقك ياساجي.. 

ـــــــــــــــــــ

وقرب باب خيمه مؤيد 

قاعد تمام وسامر.. زي الغفر.. ومعاهم قاسم وعدنان.. 

مولعين نار.. وبيتسامرو علي صوت عدنان.. 

وفي الخيمه.. 

رفعت نيسان نقابها اللي فجأته بيه.. 

اتفقت تهاديه بيه هي وثريا.. وبصراحه كان في قمه فرحته وهو بيمارس سطوته عليها كالعاده.. 

بس المره دي للاسف كانت راضيه.. 

مين قال الدين تزمن وكبت.. الدين حريه.. وكل واحد حر في بيته.. 

وبشماته فيه.. 

قلعت نقابها وغمزتله.. مالك يامؤيد.؟ 

مؤيد بقهر.. شايفه ابني ابن 🐕.. عملي قاعده سمر جار الخيمه.. 

انفلتت ضحكتها وخلعت باقي طرحتها ونزل شعرها زي الشلال.. 

وهي بتسب وتلعن في ام المشروب اللي شربته.. 

حاسه انها بقت وقحه اوي.. وعاوزاه يقرب منها.. 

استغفرت في سرها... اللهم اغزيك ياشوشو علي راي ساره.. 

رفعت عينها.. لقيته واقف زي المسحور بيبصلها..

(نيسان) 

قرب مني.. ومشي ايده علي وشي.. 

ـ لسه جميله زي ماانتي يانيسان.. 

عضيت علي جانب خدي من جوا.. واناحاسه اني هموت من كسوفي ورغبتي فيه.. 

ومحستش غير بايده اللي بتسحبلي سوسه الفستان.. 

شهقت بصدمه.. مؤيد.. 

مؤيد برغبه في عيونه.... 

والله لو الجن الازرق بره الخيمه.. 

لتكوني مراتي الليله يانيسان.. 

نيسان بصدمه..عيب يامؤيد..🤭

مؤيد..يخربيت مؤيد..ارحمي مؤيد يانيساان..

ــــــــــــــــــــــــــــــــــــــ

وعلي أرض الحبيب 

كانو الحبيبين واقفين.. 

طارق اول ماانكتب الكتاب طار بيها.. 

هي كانت رافضه الفرح وكان نفسها 

تبدأ معاه من هنا..

بعمره تغفر ذنوبه وذنوبها كبيره وصغيره..

وصلو، واصرت تصلي الاول في الحرم..

وهو كالعاده بينفذلها اي طلب..

صلو وبعدها ادير وقرأ دعاء الزواج علي راسها..بأطهر بقاع الارض...

وخدها ورجعو للفندق.... 

دخلها اوضتها ومد ايده خلعلها نقابها..

ـ بقيتي احلي بالنقاب ياثريا.. 

↚

ـ ثريا بهدوء..مبسوط كدا..

اتنهد تنهيده طويله وقرب باس راسها..عمري ماكنت مبسوط في حياتي الا وانتي جاري..

بس انهارده وانتي علي اسمي حاسس اني مالك السما بايديا..

ـ بعد عنها بهدوء.. واتنهد..

ياارب الصبر..

ضحكت..وزقته بايدها علي برا..

تصبح علي خير ياطارق..

طارق من برا..وانتي من اهله ياقلب طارق..

ـــــــــــــــــــــــــــــــــــ

في حضن ابن النوارس..

بعد لقا زي النار بينهم..

عماله تحكي وتحكي..حكتله من يوم فراقهم..

لحد اليوم..وايده رايحه جايه علي بطنها..

سكتت..ودفنت راسها في صدره...

الياس بلهفه....اتكلمي ياصبا متسكتيش..

رجعت بصتله..وبابتسامه..

ـ بس انا اتكلمت كتير..

الياس..بخوف لتكون حلم زي كل ليله..ويقوم مفزوع يلاقيها مش جاره..

لالا..اتكلمي..وحشني صوتك..وكلامك ياصبا..

صبا بتنهيده..قربت منه تهديه وحطت ايدها علي لحيته..

بس هو عينه اتملت دموع...وهو بيسألها للمره اللي متعرفش عددها لحد دلوقت...

انتي هنا بجد ياصبا..؟

ـ وفي كل مره تقرب منه وتدفن نفسها في حضنه..تأكدله..وتطمنه..وقبل منه تطمن نفسها..

ـ انا هنا عيون صبااا....والله هنا..

ـــــــــــــــــــــــــــــ

بعد عشر ايام..

خلصت العمره..وخلص معاها شوق طارق..

بفيلا بعيده بالجونه..

بعد بيها عنهم كلهم..

بهدوء واقف في بلكونه اوضتهم سوا..

مش عاوز يضغط عليها وخصوصا لان لسه راجعين من السفر..

بس الشوق في قلبه كبير ليها..

اتنهد وبص بعينه للبحر البعيد..اااه ربنا يصبرني

ياارب...

لسه بيكمل الكلمه سمع همسها باسمه..طارق..

عينه اتسمرت عليها..

ولسانه اللي مبيبطلش كلام زي مابتقوله..

من الجمال سكت..

(طارق)

أول ما همست باسمي..

عيني اتسمرت عليها..

ولساني سكت لوحده..

وفي بالي جت مقوله..اول مره افهم معانيها..

ـ الصمت في حرم الجمال جمال..

ولقيت رجلي اللي بتترعش بتقرب منها..

وقلبي كل ماقرب بيدق اكتر واكتر..

انا طارق داخل علي الاربعين، في عشقها هو هو نفسه الشاب في العشرين..

كانت لبسه قميص طويل بس مقسم جسمها

بلون العسل شكل عنيها..

وبتعض علي شفايفها....

وشعرها اللي بيطير مع الهوا اللي جاي من برا..

غمضت عيوني وذكري ليلتنا البعيده رجعت تهفف علي عقلي خليتني زي المغيب...

وفي حضنها رجعت طارق الصغير..

 

ثريا..

ـ ايدها اللي مدتها علي صدري تدور علي اسمها..ودتني لعالم تاني..

عالم يشهد الله ماروحتوش ولا مره ولا اتهز جسمي  لاي ست في الدنيا غيرها هي.. 

ـ شفايفها اللي اتحطت علي وشمي طيرت عقلي وكالعاده في كل حياتي ثريا هي المسيطره..

وغبت معاها في دنيا ياما استغفرت ربنا اني مفكرشي فيها كدا..

وعلي صدرها غمضت عيوني لاول مره..من ٢٠سنه..

نووم عميق.. زي طفل صغير في حضن امه نام بعد نهار طويل من العفرته واللعب..

مفيش علي اسمي غيرها هي..

ثرياااا.

لا عاوز غيرها..

ولا قبلها ولا بعدها..واخيرا بعد فراق

اتقابلنا..وصارت ليا..

ياما اتخيلت لقانا..بس اجمل من كده متخيلتش

الحب حلو والوفا نادر..

ولله الحمد عشت وفي ليها..

ماهو مملاش عيني غيرها..

ثريا وبس..

ـــــــــــــــــــــــــــ

الياس..

بعد ثلاث شهور..

وببسمه فخوره بيها كنت واقف ساند كتفي  قدام خيمه سميحه...

وصبا بتسمعلها آخر سوره..

سوره البقره..

جسمها كان بيتنفض وهي بتسمع..

كنت خايف عليها....بس كنت مطمن ان مع اخر كلمه..

هترجعلي صبا واحده تانيه..

صبا جديده..واللي جندتهم ليها سميحه هيفرقوها..بخيرهم وبشرهم..الله يسهلهم..

صبا حبيبتي ربنا انعم عليها بعلم احلي من علمهم..علم البصيره..

واللي بتشوفه بحلمها..بيتحقق..

دا بقي نور رباني..

مش شغل جن ولا عفرته.. ماانا مقولتلكوش..

دي جنود جندتهم زمان الست اللي علمت سميحه

من الجن..مسلمين..بيساعدوها..بس مايعلم الغيب

الا رب الغيب..

دا شرك..ولما فاقت سميحه وعرفت قررت تخلص صبا وتخلص نفسها وتطلقهم لحال سبيلهم..لا يؤذونا ولا نأذيهم..

طول الثلاث شهور مفرقتهاش لحظه واحده..

حتي الحفظ كنت بحفظهولها انا..

الدنيا حلوه لما تكون مسيره بمشيئه الخالق..تعيش يومك بيومه..

مش نجري ورا خيالات..بندخل بيها بعلم الخالق الخلاق..صحيح مأذوناش..

صحيح كانو خير..بس زي ماقالت سميحه والراوي..دا شرك صغير هيجر شرك كبير..

واحنا والشرك الله لا يجمعنا ابدا..

ابتسمت سميحه براحه..وهي بتصدق ورا صبا..

الله يفتح عليكي ياصبا..

حطت ايدها علي قلبها..وهي بتقول..

كدا بريئه من ذنبك ياصبا..

سامحيني يابنتي..خليني اقابله برضا..

كان غرضي خير والله اعلم بالنوايا يابنتي..

بس لما عرفت انو شرك صغير..واني شايله ذنبي وذنبك..اصريت نتخلص منهم سوا..

اتمني بقلبك يرحلو..ياصبا..

بهدوء ديرت وشها ليا..وعلي وشها ابتسامه رضا..

همستلها بشفايفي..بحبك ياصبا..

وقتها غمضت عينها وهي بصالي..

وبهدوء..

ـ ارحلوا..لا تؤذوني ولا اذيكو..وزي ما دخلتم اخرجو..

↚

ومع شهقه منها..

كانت زيها بتشهق بيها سميحه..

سميحه اللي ابتسمت برضا..وغمضت عنيها..

وكأنها كانت مستنيه الخلاص من اثمها..

وراحت عن الدنيا..راحت الي باريها..

وعلي صلاه العصر..

كانت غسلتها صبا بايديها وكفنتها زي ماوعدتها هي وساليمه...

وبهدوء..حطها الياس في لحدها..

وانقفلت صفحه وبدأت صفحه جديده..

مع صرخه صبا آخر الليل في المستوصف القريب في قلب المزرعه..

وبدمعه فرحه استقبلت النونو اللي اتمنته منه بين ايديها..

ـ جبنا نونو ياالياس..

ـ وبفرحه مش سيعاه قرب منها وخدها في حضنه بابنها..

احلي نونو..في الدنيا من احلي صبا..

ـ انا هسميه علي.. علي اسم علي الراوي..

ـ طب بحبك يا ام علي..

ـ وأنا بعشقك يابن النوارس..

غجريه اسرت قلبي ✍️اسما السيد✍️

قد تأتيني في شبابي وقد تأتيني شيخا..

وقد تأتيني بعد ليالي من الشوق واللوعه..

وقد اكون علي الوعد، ولم يلمسني غيرك..

وقد أنساك في ليالي عذابي 

وتأتيني بحلمي لتذكرني ليلا..

تأتي تعاتبني..

أنسيتيني ياعشقي..أنسيتي قلبا بالشوق ملتهبا..

فأصرخ انا والشوق يحرقني..

حاشا لله..أن انسي 

وان تلهيني عن عشقك الدنيا..

عشقي انا لك كالنار كلما اسقيه، يزداد لهبا..

عشقا غجريا...فارسيا...لا خلاص منه ابدا..

 عشقا متجددا بلون عيونك العسليه..

   عشقا من نار..عشقا ابديا...ت

💖💖💖💖💖💖

الخاتمه

غجريه اسرت قلبي 

اسما السيد.. ❤️👈👈👈شكرا علي المتابعه 👍👍👍

ــــــــــــــــــــــــــــــــ

بسم الله الرحمن الرحيم 

( أنا الغجريه)

بقصر النوارس..

بعد اربع شهور

قاعده صبا.... وعلي رجليها ابنها.. 

ابنها اللي بدا يضحك ويلاغي.. بايده وشفايفه الصغننه.. اتمنت بقلبها يكون شبهه.. وفعلا ربنا جبر بخاطرها.. 

وكل يوم بتظهر عليه ملامح ابن النوارس اكتر واكتر.. 

قاعد جارها غيران.. والغيره خلاص خدت حقها معاه.. 

من يوم ماشرف النونو.. وهي معدتش ليه لوحده.. 

(الياس) 

عمري مااتصورت في اقسي احلامي ان حد يشاركني صبا.. عارف هتقولو مجنون ويمكن قاسي عليــــ  علي ابني.. 

بس قبل مايكون علي ابنها..

 هي اخدتني ان مفيش حد هياخد مكاني.. 

ااه ابني وروحي بس مش كده.. 

في عز نومي في حضنها بحس بيها بتتقلب وتقعد تبص لابنها.. 

اخدتني علي نظره عينها واني افوق علي وشها.. دلوقتي بتسيب حضني وتندار لابنها

بسمع همسها ليه.. انه اغلي حاجه  في عمرها.. ببقي مبسوط منكرش وببقي في قمه سعادتي وهي بتقول عشان مني انا.. 

بس في شيء في قلبي غيران.. 

غيران ان سي علي مشاركني قربها.. 

صبا.. ااه يا صبا.. 

ـ فوقت من شرودي وانتبهت لسي علي اللي قربته مني ومسك في هدومي.. 

اتنهدت وبصتلها بنظره حطيت فيها كل عشقي ليها.. 

نظره بقولها بيها.. ارحمي نار قلبي ياصبا.. 

وكالعاده فهمتني وقربت باستني من خدي.. 

ـ انت نور عيني واول فرحتي يالياس

ابو ابني وابني انا.. وبس..

ـ هو في كده.. ايه الست دي قادره بكلمه ولمسه وهمسه ترفعني في السما.. 

ـ انتي ايه ياصبا..؟

ـ انا حبيتك  وبنتك ياعيون صبا.. 

قربتها لحضني بإيد وبالتانيه قربت ابني لحضني وحضنها.. 

ولقيت نفسي بقول.. مجنون ياألياس وجننتك صبا.. 

وهنا افتكرت.. 

وانا سامع دق عالباب بكل قوه.. بيصرخ باسمي واسمها.. 

صبا بصدمه.. يالهوي ياالياس نسينا ان الليله حنه سوزان.. 

الياس بغمزه.. انتي علطول منسياني نفسي ياصبا.. 

سوزان من بره.. والله ماعندك دم ياصبا.. ابقي اعرفيها.. اقعدي حبيلنا في سي الياس.. 

ااه ياني ياموكوسه يااني..

حتي امي سي طارق لسه مجبهاااش.. 

ــــ عاااا.. 

صبا بصدمه بعد مافتحت الباب من منظرها.. 

ـ ايه اللي مهبباه ده..؟ 

جت مهره من وراها... 

قوليلها يختي.. لابسالك زي الهنود بالظبط 

ساري احمر.. وحطه نقطه حمره زيهم.. 

الياس وساجي بصدمه.. اول ماشافوها.. 

والاتنين بصوت واحد.. 

ـ يانهار اسود.. 

لفت سوزان بسعاده توريهم الساري.. 

ـ ايه رايكم.. حلو مش كدا..؟ 

ـ الياس.. بعيون مفتوحه من الصدمه.. كده ضمنا طلاقك الحمدلله.. قبل.مانجوزك..

ساجي.. او موتها بإذن الله.. 

بس في الحالتين.. 

تستاهلي.. 

الياس بتنهيده.. هو عارف انهم بنات مع بعضهم وان الليله فرحتهم الكبيره خصوصا انهم مش هيعملو فرح ودخله 

وهيعملو زي طارق وثريا.. بس خايف عليها من جنان سامر..سامر بيغير من الهوا الطاير..مريض بالغيره وبيعترف بكدا

ـ فكري تاني ياسوزان... 

سوزان وهي بتدي تليفونها لمهره..

ـ صوريني يامهره

↚

ـ سامر بصدمه..بكر؟

ـ ضحكت وهزت راسها..وقربت ارتمت في حضنه..

ـ محدش هيلمسني غيرك..انت اول راجل واخر راجل في حياتي ياسامر..

بضحكه طلعت من قلبه وهو بيبوسها من كل حته..

سوزان بهمس في ودانه..سامر عيب حد يشوفك..

هنا فاق سامر لكتفها العريان وايده اللي محاوطه وسطها العريان 

وبعدها عنه شويه وبلع ريقه..من جمالها..بقاله اربع شهور يتحايل علي غيرته ياجل ماتوافق بجوازهم لانها للاسف سقطت بسببه..

دموعها وقله فرحتها بنتيجتها وجعته قبلها هي..فبدأ بنفسه وحاول يقلل غيرته المرضيه..

كان فاكر انه نجح..بس  عينه اللي قلبت وسنانه اللي سوزان سامعه زئيرهم خلتها تطلع تجري..وهي بتقول.

ـ ياماما..

بس ملحقتش..خطفها بين ايديه وقرر يعاقبها بنفسه...

وببيتهم الصغير في ارض الغجر ليه وليها..

دخل اوضتهم ورماها بحده عالسرير..

السرير اللي زينه بايده باسمه واسمها.

سوزان بخوف..والله بص هقولك..

سامر مبيتكلمش..بيقرب بس وهي بخوف بتبعد لحد مابقت في أخر السنين...

لسه بتمد رجليها عشان تنزل وتهرب..

كان محاوطها مكتفها بايده..

سامر بغيظ..بكر..وساري مش كده..

بلعت ريقها وقررت تنفذ تعليمات ثريا..

بازاي تكون مسيطره..

ابتسمت بخبث في نفسها..قربت منه وباسته من خده..

بهمس.ساامر حقك عليا.خلاص بقي..

بلع ريقه وهو في دنيا تانيه..

ـ هاا..

ابتسمت وافتكرت امها وهي بتقولها الغجري زي الطفل الصغير...

باسته من خده التاني..وهي بتعيد كلامها..

ـ انتي عاوزه ايه ياسوزان؟

سوزان بحب..بحبك ياقلب سوزان..

راح فيها سامر...ولسه هيقرب..منها..

سوزان..الطياره ياسامر..؟

بلع سؤالها بشفايفه وخدها لعالم تاني..وهو بيقولها..

الطياره بكره ياعيون سامر..

ــــــــــــــــــــــــــ

وعلي باب المستوصف 

كان داخل طارق بخوف حامل ثريا اللي في عالم تاني..

وبيصرخ بيهم..

اغمي عليها وسط الفرح..

ساب الكل الفرح وجه يجري وراه..

خدوها منه واصر هو ميسبهاش ويدخل معاها

كان واقف جسمه بيتنفض..

ـ طمني يادكتور،ارجوك...ليه مبتفوقش..؟

الطبيب بهدوء..اهدي يابشمهندس هتفوق حالا..انا اديتها حقنه هتفوقها..بس قولي حصلها كدا قبل كده.

طارق بقلق..كانت دوخه عاديه وترجيع بس ماعمرهاش وصلت لكدا؟

الطبيب بهدوء وهو شايفها بتفوق..

هنعمل سونار..اكشف بطنها..

اندار الطبيب..

وهنا همست ثريا..طارق..

ابتسم بحزن ووطي باس راسها وبهمس..

قلب طارق قلقتيني عليكي..

ثريا بتساؤل..بتكشف بطني ليه؟

مد الطبيب ايده يكشف بالسونار..

وبدأ يسألها اسئله كتير..

ثريا خايفه..يسألها اهم سؤال..

بس للاسف كان خوفها في محله..

الطبيب.بقالها اد ايه مجتش يامدام ثريا؟

بلعت ريقها وبصت لطارق اللي مش فاهم اصلا ومش عارف..كل همه هي وبس..

ـ اربع شهور..

الطبيب بصدمه..من اللي شايفه واللي بتقوله..وازاي مسألتيش من ايه؟

سوزان بخفوت..قولت اكيد بتقطع..

ضحك الطبيب وقالها ليه..هو انتي عندك كام سنه..؟

طارق بغيره..هو انت هتسننها ولا ايه؟

الطبيب بهدوء..ابدا ياسيدي..

بس ثريا عارفه معني سؤاله..

ـ ٣٨ سنه..

ضحك الطبيب وفجأهم بصوت زي النبض بيرن في الاوضه..

واندار للي واقف عاوز يقبض علي زمارته في اي لحظه..

ـ اسمعو صوت نبض قلبهم..

طارق بقله فهم..صوت مين؟ وقلب مين؟

انصدمت ثريا..وهي بتبص تاني للشاشه جارها وحطت ايدها علي بوقها ورن صوت ساليمه في ودانها..

معقول..حاامل..

الطبيب بهدوء..مد ايده خد طارق وقعده مكانه..

طارق ساهم في تجديد المستوصف والكل بيحترمه حتي قصته مع بنت النوارس الكل بيعرفها..وعارف ان حملها كان صعب..

طبطب علي طارق وشاورله بايده علي الشاشه..

ـ مبروك يا بشمهندس المدام حامل في اربع شهور كمان....

طارق اتنفض وقام من مطرحه تاني..

وفضل شويه يبص ليها وهي بتبكي 

ـ انتي حامل ياثريا..

رد عليه الطبيب..

وهو بيقفل جهازه..بعد ما طبعلهم الصور..

ـ وفي توأم كمان..

دارت الدنيا وخدته الصدمه وخرج الطبيب وهو قرب منها وبهدوء مدد جنبها وفي حضنها راح في دنيا تانيه..مش مصدق..

هيحضنها وتفهمه براحتها..هي عاودته علي كدا..

ـــــــــــــــــــــــــــــــــــ

وبقصر النوارس..

دخل الياس بعد مااطمن وطمنهم علي ثريا..

دور بعينه عنها في عتمه الغرفه وبين شموعها 

المنوره..

غمض عينه وضحك 

ـ ااه منك ياصبا..

ـ صبا من ورااه..

حد هنا بينادي عليا..قبل مايدير كان سامع صوت خلخالها..غصب عنه ابتسم وهو بيمني نفسه بليله حمره زي لياليهم سوا..

ـ هتجيبي أجلي ياصبا..

هنا انفتحت موسيقي الطبله وعلي واحده ونص رقصتله..

ـ حبيبي يامسهر عيني في نهاري وليلي

 وكالعاده قدام سحرها..راح في دنيا تانيه

شدها بنشوه..

ـ كفايه كدا.؟

وادور يدور بعينه علي علي..

ـ عند سبأ..

ـ يعني الليله ليا لوحدي؟

ـ لوحدك ياقلب صبا..

ـ الياس..

ـ عيون الياس

ـ عاوزه نونو كمان..ماليش دعوه..

هنا ضحك بصوته كله..وغمزلها..

ـ، استغلاليه انتي ياصبا..

هزت كتفها..

مليش دعوه..

وهنا هجم عليها..وخدها بشوق لدنيته هو..

دنيا مافيهاش الا هو وهي..وبس

ـــــــــــــــــــــــ

تمام بغيظ..

ضرب سبأ علي دماغها..

ـ هبله..

ناس هايصه وناس لايصه..؟

سبأ بضحك ادته الببرونه بتاع علي اللي شايله علي رجله..

ـ اديهاله يالا.عشان جعان..

تمام بغيظ..منك لله ياسبأ

ضحك علي..

فضحك له تمام..عريس بنتي انت..خد يابطل 

↚

عشان ابقي أذلك واقولك ياما رضعتك ياعيل انت..

ــــــــــــــــــــــ

وبغيظ..قاعد 

ساجي ومؤيد وبس..

مؤيد بضحك..طب انا ومطرود..طب وانت؟

ساجي بغيظ..بصله ورجع ابتسم..متسلسل...

ضحك مؤيد وقاله..يعيني صعبت عليا..

ساجي بضحك..مابلاش انت

مؤيد بغيظ زقه..قوم من جنبي يالا..

قوم..

ساجي..غمزله..هتندم..ولسه هيقوم..

شده تاني..لا اقعد..

ساجي بتنهيده..ماشي.

ـــــــــــــــــــــــــــــ

في اوضه نيسان

واقفه امل وساره ونيسان..

يبصو للي في ايديهم بصدمه..

من ساعه ماعرفو ان ثريا حامل

 والفار لعب في قلب نيسان

 وخافت يطلع اللي عندها كمان اعراض حمل..

 ولولت نيسان.

ـ يافضحتي ياااني..

هبقي انا وبنتي حوامل..يلهووي..

انا حامل ياامل..

ساره بصدمه..دا عمو مؤيد سره باتع علي كده احييه..

ضربتها نيسان وزقتها..غوري ياساره من وشي دا وقتك..

ساره بحزن مصطنع..لسه مولدتيش وبتفضلي بنتك عليا..

نيساان..يختااااي..

جريت ساره خرجت..وفضلت امل ونيسان يبصو للاختبار بصدمه..

لحد مانده قاسم علي امل وخرجت تجري..

ــــــــــــــــــــــــــ

بغيره..

شدها ليه..

دا كله ياأمل..

امل بابتسامه وهي بتقلع طرحتها..

حقك عليا ياقلب امل..

قاسم..بحب مد ايده وقربها لحضنه..

اوف يومين مش عارف اتلم عليكي ولا انام في حضنك..سيباني ونايمه في وسط ولادك..

وانتي عارفه اني مبعرفش اشبع نوم غير في حضنك ياام يحيي..

بعدته شويه وفتحت عبايتها بحركه عارفها..

وغمزتله..

حط ايده..علي قلبه..

ـ بيننا هنخاوي الواد يحيي الليله..

ضحكت وهنا بان الساري..

وقربت منه..

وهمست  شيخ قاسم..

ضاع قاسم وهو شايفها قدامه كده.. 

بلع ضحكتها بشفايفه..

شيخ ايه بس ياعيون قاسم..

مضيعتيها ياآمل..

ــــــــــــــــــــــــــــــــ

بعد خمس شهور 

ببيت طارق..

الكل متجمع..حتي الزناتي بنفسه حضر لاول مره..

وبفرحه جد باحفاده مش قادر يفارق ولاد طارق..

من يوم مااتولدو وهو هنا ومش عاوز يرجع ارض الغجر

لدرجه سلم الزعامه لساجي..واكتفي بتوجيهه 

مش هيقدر يفارق احفاده اللي كان ليل نهار يدعي يشيلهم..بين ايده..

أحفاده اللي اتسمي واحد فيهم علي اسمه الحقيقي..آياز..

آياز طارق الزناتي..وحفيده التاني آيار طارق الزناتي..

واليوم عقيقتهم اللي اصر ان ابنه يدبحها بايده..

الكل ملموم علي تربيزه كبيره وكل واحد جاره اللي يخصه..

وبصوت حلو غني الزناتي بذات نفسه..

فرحان باحفاده اللي جار منه بعربيتهم..

جاره طارق وثريا..

ـ حاسس اني طاير في السما..هوانتي بجد هنا ياثريا..؟

ـ بص بعنيك وشوف ولادنا حته منك 

وانت تصدق..

ـ بحبك..

ـ وانا بعشقك..ياقلب ثريا..

ــــــــــــــــــــــــــــــــــــ

بص ع الدنيا بعينيك

واختار مكانك في الصور

ف حضن بنتك.. ف كتف صاحبك

وهنا بص طارق علي صحابه اللي مش اقل منه فرحه..

مؤيد بابنه الصغير اللي رجعه تاني شاب صغير ماهي نيسان طلعت حامل قبل ثريا وولدت قبلها تميم اللي اصر يسميه تمام..

عشان يبقي تميم وتمام..

تمام اللي لسه مستني مراته تولد وعلي وشك..

بصله مؤيد ورفعله ابنه بغيظ

ـ مفيش حد احسن من حد..

ــــــــــــــــــ

ولا باصص ع القمر

شوف مكانك وسط عيلتك

 

قاسم..بحب..فاضل اد ايه عشان نعمل زيهم؟

امل بضحك..كل يوم تسألني واقولك اربع شهور اهمد بقي..ولعلمك دا الاخير..

قاسم بعبث..صلي في قلبك ياقلب الشيخ ربنا يزيد ويبارك..

امل بضحك..اه منك انت..

ـــــــــــــــــــــــــــــــــــ

جوة بيتك ويا أهلك

خذ حبايبك جوة حضنك

خدها الياس في في حضنه وكالعاده هي بإيد وبابنه بايد وايدها علي بطنها الكبير ..

ـ بحبك ياابن النوارس..

ـ وانا بعشقك ياقلب ابن النوارس..

ـــــــــــــــــــــــــــــــ

وأوعى تمشي في سكة وحدك

تمام..سامعه الكلام اللي احسن من اللحمه 

سبأ بغيظ.. سمع نفسك انت الاول..

ــــــــــــــــــــــــــ

الله ما يحرمنا من نور بيتنا

من صحبتنا من فرحتنا

ساجي..ربنا مايحرمني منك 

مهره..ولا يحرمني منك ياعشقي وفرحتي..

ـــــــــــــــــــــــــــــ

الله ما يحرمنا من أحبابنا

من أصحابنا من لمتنا

الله ما يحرمنا من نور بيتنا

من صحبتنا من فرحتنا

الله ما يحرمنا من أحبابنا

من أصحابنا من لمتنا

ما هي شجرة بتطرح ظليلة

ـ ساموره..

ـ عيون ساموره وقلبه..

ـ نفسي في مانجه..

ـ دانت تأمر ياقمر..وانتي مروحه هاتيها..

سوزان بصدمه..هتسبني اخرج لوحدي.؟

سامر..وماله وفيها ايه؟

سوزان...عااا مش غيران عليا؟

سامر بخبث..تيك كيير يابيبي معاكي ربنا..

سوزان..يانهار اسود معندتش بتحبني..؟

سامر بضحك..وايه دخل دا بالحب..؟

سوزان بصدمه..معنتش بتغير ياسامر..

سامر..متطيرتي الغيره ياسوزان..

حطت ايدها علي وشها.. ورجعت بصتله بغيظ وقامت بهدوء وقربت من الحارس الوسيم..

ولسه هتتكلم..كان ساحبها..بقوه

وقعت في حضنه.

ـ اياكي؟

ـ سوزان بفرحه..لسه بتغير

سامر بغيظ..بتنيل..ارتحتي..التمي بقي..بدل مااربيكي ياسوزان..

سوزان..احبك وانت حمش..

سامر..بضحك.سافله..

ـــــــــــــــــــــــــــــــــــــــــــــــــ

احبك واحب من يحبك

 واحب كل شئ يقربني لحبك..

احب صمتك وصوت ضحكك

احب عفويتك واحب صوت رنه قدمك

احب الحب من اجلك..

أحب غيرتك المجنونه وصوت صراخك وسبك

احب ان اقول لك..احبك..

فتبتسم لي وبين ذراعيك تغمرني

لتخبرني وأنا ايضا..كم أعشق صوت نبضك..

احببتك رجلا قويا خالط لحيتك الشيب

وكنت أنا في عشقك ثائره..قويه

كنت تخبرني تكذبين ياامرأه..

وكنت اقترب منك اهمس بشوق

اتريدني ان اثبت لك فعليا..

تبتسم لي بشوق..فاذوب أنا من ضحكه فمك الشقيه

يارجلا..

يارجلا في العشق أبيا..قويا مغرورا..وغيورا 

كم اعشقك فوق العشق عشقا..وكم أشتهي دوما غيرتك الحمقاء علي..

يارجلا طموحا...مغوارا فارسيا..منذ وقعت عيناي عليك..

وصرت بعشقك متغنيه..انا هي الغجريه..

أنا من وقعت بعشق فارسا مغوارا شيخا أبيا..

انا الغجريه..

 تمت بحمدالله..

اتمني تعجبكم..

دمتم بخير

غجريه اسرت قلبي

لاتلمني...ان خرجت عن القانون

     فحبك....اوصلني حد الجنون..........

     وامضيت عمرا ابحث عنك..اين تكون

     أفي قلبي أضعك ام بين الجفون.......

     عاهدت نفسي ان اعتني بك 

     وابعدك.....عن كل الظنون.........

     فقررت ان اجعلك كحلا في العيون

     فأنا بغيرك.....حبيبي.....لا اكون.....

                    تمت بحمد الله 

تعديل المقال