رواية مكرم ونيرة كاملة جميع الفصول بقلم سوليية نصار

رواية مكرم ونيرة كاملة جميع الفصول هى رواية من تأليف المؤلفة المميزة سوليية نصار رواية مكرم ونيرة كاملة جميع الفصول صدرت لاول مرة على فيسبوك الشهير رواية مكرم ونيرة كاملة جميع الفصول حققت نجاحا كبيرا في موقع فيسبوك وايضا زاد البحث عنها في محرك البحث جوجل لذلك سنعرض لكم رواية مكرم ونيرة كاملة جميع الفصول

رواية مكرم ونيرة كاملة جميع الفصول

-شبكتك اهي 

قالتها شيري وهي بتبصلي ببرود ....الدموع لمعت في عيوني وانا بقول :

-بعد اربع سنين حب وسنتين خطوبة    تقولي شبكتك اهي يا شيري ...بعد الحب ده كله ..بعد 

قاطعتني ببرود وقالت:

-انا مقدرش اكمل مع واحد عاجز يا مكرم أنا حبيتك لما كنت سليم وقادر تمشي بس دلوقتي انت عاجز  وانا مش مضطرة اخدم فيك أنا صغيرة وعايزة اعيش حياتي  ...أنا مش هتجوز عشان اخدمك مش هي دي الحياة اللي وعدتني بيها 

قولت بصوت مخنوق :

-نسيتي أني اخدت الرصا*صة دي بسببك ...أنا حطيت نفسي في خط*ر عشان المجنون ده ميعملكيش حاجة ده جزاتي ...

-والله مش مشكلتي يا مكرم...أنا كأي واحدة أصيلة جيبتلك شبكتك اهي مع أن كان من حقي احتفظ بيها خصوصا انك بقالك ست سنين موقف حالي بس انا عملت بأصلي ....يالا دلوقتي سلام ....

وسابت الشبكة جمبي ومشيت .....

......

-خير يا بنتي فيه ايه 

قالتها والدة مكرم لشيري...بصتلها شيري ببرود وقالت:

-فسخنا الخطوبة يا طنط 

حطت والدة مكرم ايديها علي بوقها فراحت شيري تمشي مسكتها نيرة بنت خالة مكرم وهي بتزعق فيها:

-بالسهولة دي تفسخي الخطوبة بعد كل اللي عمله عشانك ...انتي ايه 

زقتها شيري وقالت:

-مش مضطرة اتجوز واحد عاجز  

وبعدين سابتها ومشيت....

اتصدمت نيرة من جحو*دها وخرجت من صدمتها لتكس*ير في اوضة مكرم ...جرت هي ووالدته ناحية الاوضة لقوني مكس*ر الحاجات اللي علي التسريحة وواقع علي الأرض ببكي ....قلبي كان واج*عني أن الإنسانة اللي كنت هضحي بحياتي عشانها باعتني بالسهولة دي ....جروا عليا  الاتنين وشالوني من علي الأرض بصعوبة وقعدوني  علي الكرسي بتاعي ...كنت ببكي حالتي سيئة ...مكنتش عايز حد يشوفني بالشكل ده لا ماما ولا نيرة ...حاولت امسح دموعي مقدرتش كل اللي قدرت عليه اني عليت صوتي وانا بقول بتعب :

-امشوا من هنا سبوني لوحدي ....

حاولت امي تعترض بس نيرة كانت شايفة حالتي وفهمت ...طبطبت عليا واخدت امي بهدوء وطلعت برة ووقتها انها*رت بحرية من البكا ....بكيت لحد ما حسيت أن قلبي هيطلع من مكانه ...

....

مرت الايام وانا حاسس بسواد ....رافض العلاج تماما ...حاسس اني عايز امو*ت الخي*انة صعبة اوووي لو جات من اكتر شخص بتحبه .....كنت دايما بسأل نفسي هي ليه عملت كده لييه....اللي بيننا كان حب كبير معقول محبتنيش ولا أنا انا*ني عشان بفرض عليها واحد مش قادر يمشي بس انا بقيت كده بسببها هي لأن الر*صاصة اللي اخدتها اثرت علي العمود الفقري ...يعني ده جزاتي في الاخر ...

كنت دايما بفكر ...صحيح ساكت كل الوقت باكل بالعافية بس مخي شغال وحاسس اني هتج*نن لحد في يوم عرفت الحاجة اللي ك*سرتني تماما ....هو أن شيري هتتجوز صاحب عمري حسن  ...لما سمعت الخبر سكتت ودخلت اوضتي بهدوء ....قعدت ساعات ساكت ومصدوم وانا بشوف أن المقربين ليا خا*نوني...بصيت علي الدرج الخاص بيا بتصميم وروحت فتحته لقيت مس*دس ...مسكته وعمرته وحطيته علي دماغي وانا بستعد للموت ..فجأة دخلت نيرة وصرخت برعب وقالت:

-مكرم لا لا...

حسيت راسي وانا بعيط وقولت:

-خلاص انا انتهيت يا نيرة ...محدش بقا يحبني وبقيت عالة عليكم ...

ولسه هضر*ب النا*ر صرخت وقالت بإنهيار:

-انا بحبك والله بحبك ...حتي اكتر منها ابوس ايديك متسبنيش!!

↚

-ايه ؟!!انتي بتقولي ايه ؟؟

قولتها بصدمة وانا ببص لنيرة اللي بتبكي ... كلامها شتتني للحظة وهي قدرت تجري عليا وتاخد المسد*س مني ...بصتلي وقالت:

-هي  متستاهلش تنهي حياتك عشانها متستاهلش تقابل ربنا علي معص*ية عشان خاطرها خلاص انساها وارم*يها ورا ضهرك ...

دموعي نزلت وانا بقول :

-صعب ...صعب يا نيرة...قلبي محر*وق انت متعرف...

قاطعتني وقالت :

-عارفة والله عارفة بس اي حد ميتساهلش تمو*ت عشانه ...

-انا مي*ت ...قت*لتني خي*انتها ...

دموعها نزلت وهي بتقول بصوت مخنوق:

-لا انت عايش وهتقاوم عشان خاطرك انت تستحق السعادة وعشان خاطر والدتك اللي ملهاش غيرك ...

سكت خالص ومشيت بالكرسي ناحية السرير جات نيرة وساعدتني لحد ما قدرت انام بصتلها بتفكير وقولت فجأة :

-الكلام اللي قولتهولي ساعة ما كنت هن*تحر كلام صحيح 

وشها احمر وارتبكت بس برضه مردتش ومشيت بسرعة ....

حطيت راسي علي المخدة ونومت  وقررت مفكرش في حاجة ...

..

مر يومين وانا هادي تماما لحد ما طلبت من اهلي طلب غريب وكان رد فعل امي صعب 

-عايز تروح الفرح ...ليه يا ابني كده ...ليه تعذب نفسك بالشكل ده ...

بصيت لامي وقولت:

-محتاج اشوفهم يا ماما افهميني ابوس ايديكي ...لو مرحتش ممكن يحصلي حاجة من التفكير. ..اوعدك لو روحت هكمل علاجي وامسح شيري من حياتي للابد ....

امي اضطرت ترضخ ليا وشرطت أن نيرة هي اللي هتروح معايا ....

...

↚

في الفرح كانت نيرة بتزقني علي الكرسي المتحرك ...الكل اتص*دم لما شافني  حتي هي وصاحبي ...كان علي وشي ابتسامة باردة اووي ...قربت منهم عشان اسلم عليهم ...كانت نيرة معايا وفي ضهري ابتسمت لما لقيت وش حسن شحب وقولت:

-ايه يا ابو علي مش تيجي تسلم علي صاحبك ...

وقف حسن وهو بيترعش وسلم عليا ابتسمت وقولت:

-تصدق فرحتلك يا صاحبي بسبب فس*ادك كنت بخاف علي بنات الناس منك وكنت دايما انصحك انك تتقي ربنا عشان ميجيش حد يعمل في أهل بيتك كده ...

سكت شوية وبصيت لشيري المتوترة وابتسمت وقولت:

-بس تخيل يا حسن ربنا اداك واحدة شبهك بالضبط ...سبحان. الله يا اخي نفس الر*خص ...مبروك عليك انت خس*رت صاحبك وكسبتها ...

وبعدين طلبت من نيرة نمشي وفعلا مشينا ...كنت ارتحت نسبيا بعد ما رميت الكلمتين دوول في وشه ...اتعمدت اني معاتبش ولا حد فيهم ومكلمش شيري ...مكنتش عايزاهم يشوفوني ضعيف والحمدلله قدرت أثبت ده ...من النهاردة شيري خرجت برة حياتي تماما وانا هكمل حياتي وهرجع اقوي من الاول ...

اول ما روحت البيت طلبت من امي تح*رق كل صورنا أنا وشيري ...كل ذكرياتنا سوا...كنت حابب امحيها نهائيا من حياتي...

.....

مرت الايام والتزمت بالعلاج ونيرة وامي مسابونيش لحظة ...سبحان الله ربنا بيبعد عنك الناس الخبيثة ويراضيك بناس طيبة واكبر نعمة كانت هي امي ونيرة اللي حرفيا ناسية حياتها وواقفة جمبي ....بجد كبرت في نظري وقتها وحسيت اني بدأت اميل ليها بس كدبت شعوري وحاولت اقاومه هي متستاهلش ترتبط بواحد عاجز زيي هي تستاهل واحد سليم يعيشها ملكة مش واحد تخدمه ...صحيح الكلام ده كان قا*سي لما قالته شيري بس دي الحقيقة للاسف  ..لحد ما في يوم حصلت حاجة قلبت حياتي ...

...

قعدت امي جمبي وانا بقرأ كتاب من كتب التنمية البشرية وقالت:

- مكرم خالتك بشري اتصلت وقالت أن نيرة متقدملها عريس!!!

↚

-ايه

قولتها بصدمة ووشي شحب...كنت حاسس بنا*ر الغيرة في قلبي  أمي بصتلي وقالت بتعب :

-اللي سمعته يا مكرم متنساش نيرة خلاص كبرت ودلوقتي هتبتدي العرسان تجيلها...العريس ده كويس ومرتاح ماديا وخالتك طايرة بيه ...

اول ما امي قالت الكلام ده حاجة جوايا انطفت ...طبعا لازم تفرح بيه اومال هتفرح بيا أنا لو فكرت أتقدم ...فوق يا مكرم ومتبقاش انا*ني انت مش مناسب ليها هي تستحق واحد سليم ..فوق بقا فوق ...

بصيت لامي وابتسمت وانا وشي شاحب وقولت:

-ده خبر حلو يا ماما ...

بصتلي امي بذهول وقالت:

-بس انت ...

هزيت راسي وقولت:

-تفتكري أنا انا*ني لدرجة اني ادخل واحدة كويسة ومثالية زي نيرة حياة واحد نا*قص زيي وعا*جز ...

بكت امي بحر*قة وقالت:

-يا بني متقولش كده ...

-دي الحقيقة يا امي ...انتي لو عندك بنت مش هترضيهالها ... وانا مش هرضاها لنيرة ....نيرة بنت حلال تستاهل اللي احسن مني مليون مرة وانا مش احسن حد ليها ...

سيبت الكتاب وزقيت الكرسي بنفسي ودخلت اوضتي ....روحت للكومدينو وطلعت صورة ليا أنا ونيرة اتصورناها زمان ...بصيت للصورة وانا ببتسم علي قد وج*عي أنها هتبقي لغيري بس فرحان أنها علي الاقل هتكون سعيدة مع انسان مرتاح وكويس يعيشها ملكة ..دخلت الصورة مكانها تاني وروحت علي السرير وحاولت لحد ما نومت عليه بس الغريبة كنت بحس بإستجابة في رجلي بس محطتش الموضوع في دماغي ونومت ...

......

مر يومين ونيرة اخيرا جات بيتنا ...قلبي دق بسرعة واتوترت  وانا بشوفها بس بصيت للأرض وانا بفتكر أنها خلاص هتبقي من نصيب واحد تاني...ابتسمت وقالت:

-طبعا في اليومين اللي غبتهم أهم*لت في العلاج بس خلاص أنا جيت ويالا نروح نكمل جلساتنا ونشوف الدكتور بتاعك ...

امي مقدرتش تروح في اليوم ده عشان كده روحت مع نيرة ....

↚

الاول روحت للدكتور عشان يشوف فيه تحسن ولا لا والدكتور بشرنا أن فيه تحسن كبير ورجلي فيها استجابة كبيرة ...

نيرة فرحت  وقررت تعزمني علي  حاجة حلوة عشان التقدم ده ...

كنت قاعد معاها في كافية صغير لطيف وهي كانت بتبصلي بإبتسامة ..كنت بهرب من عيوني منها فجأة بصيتلها وقولت بحزن:

-صحيح امتي خطوبتك ؟!

-خطوبتي 

قالت بحيرة 

بلعت ريقي وقولت :

-ماما قالت إن فيه عريس متقدملك ...

هزت راسها وقالت :

-رفضت العريس ...

مقدرتش امنع الراحة والسعادة اللي بانت علي وشي ...وكان فيه ابتسامة كبيرة علي وشي ...اتكسفت لما شوفتها بتضحك عليا ...حطيت وشي في الأرض وانا مش اقادر اوقف ابتسامتي ...

...

روحنا البيت وكنت مبسوط اووي وده اداني دافع اني اكمل جلساتي كلها ...بدأنا نكثف في العلاج الفيزيائي وكان جسمي بيستجيب بسرعة كبيرة جدا ..قررت متقدمش لنيرة الا لما اقدر اقف علي رجلي عشان اكون مناسب ليها وفعلا بعد شهرين بما تحسني كان واضح وكان فاضل كام جلسة وابقي طبيعي عزمتها في الكافية اللي بتحبه...

...

-مكرم انت بقالك نص ساعة ساكت من اول ما جينا وقولتلي انك عايز تقول حاجة مهمة ايه هي ؟!

بصيت لعينيها وقولت :

-انا بحبك يا نيرة !

......

كانت حاطة ايديها علي بوقها وبتعيط بصوت عالي وهي بتشوف الفيديو ...جوزها الحق*ير فبرك ليها فيديو وهي في اوضاع مش كويسة مع رجالة متعرفهمش اصلا ...كانت مصدومة ازاي يعمل كده ...

بعد حسن الموبايل وقال :

-ها يا روحي هتعملي اللي أنا عايزة ولا انزل الفيديوهات علي النت!

↚

-بتحبني ؟!

قالتها والصدمة في عيونها ....وشها احمر من كتر الكسوف وابتمست ...كنت فرحان اوووي واعتبرت دي موافقة مبدئية ...بس ملامحها انطفت لثواني وبصتلي وقالت:

-انت عارف انا مستنية الاعتراف ده من امتي ...مستنية تحس بيا من امتي ...أنا حبيتك من زمان يا مكرم حتي قبلها وحبيتك اكتر منها ....ويوم ما بقيت من نصيبها أنا انها*رت ...مكنتش مصدقة أن الإنسان الوحيد اللي حبيته واتمنيته من ربنا مبقاش من نصيبي ...بعدت الفترة دي عنك بس انت ماخدتش بالك كنت مشغول بيها ...كنت بح*سدها علي الحب ده واتمنيت تحبني ربع الحب ده حتي ...

كلامها وج*ع قلبي ....للدرجادي كنت اعمي واذ*يتها ...للدرجادي حب واحدة متستاهلش عماني عن اللي حبتني فعلا...كنت متضايق من نفسي اووي بس قررت اني اعوضها عن كل حاجة حستها مني من غير قصد ...

ابتسمت وقولت:

-لو قولتلك اني حبيتك اكتر منها ...لو اقولك اني مبسوط معاكي اكتر وشايف أن علاقتنا هتكون صحية اكتر ...لما كنت مع شيري كنت أنا اللي بدي بس عشان مقتنع اللي بيحب بيدي عشان كده هي في أول مطب رفضت تديني وسابتني ...انتي أول واحدة تديني اهتمام بالشكل ده يا نيرة ...الحب مبيكونش من طرف واحد بس وانا اقتنعت أن شيري مكانتش بتحبني اصلا وانا بطلت احبها من يوم ما شوفتها مع غيري علي الكوشة ..وبقولك دلوقتي اني هعوضك عن كل ج*رح جر*حتهولك من غير قصد بس لو تديني فرصة ...

مسحت دموعها ووقالت:

-تقصد بإيه عايز فرصة ...

ابتسمت وانا بقول:

-يعني عايز اتجوزك !

......

قررت اتقدم لنيرة لما اكمل كل الجلسات بتاعتي بس في الوقت ده كنت معيشها في الجنة حرفيا ...كنت بشوف السعادة في وشها ...كنت بجيبلها هدايا واكتبلها شعر وبدأت اوضب لينا شقة علي ذوقها ... كانت كل طلباتها مجابة ...اخيرا كملت الجلسات وبقيت اقدر امشي بس طبعا بقيت بتسند علي عصاية ...الدكتور قالي أن دي مؤقتة واني هرجع زي الاول واحسن كمان وباركلي بنفسه علي جوازي لما صارحته أن بنيتي الارتباط ...

....

اتقدمت لنيرة وكنت خايف أن خالتي بشري متقبلش بس خالتي كانت طايرة من الفرحة ووافقت لأنها عارفة قد ايه نيرة بتحبني ...أنا كنت اسعد واحد في العالم ...رجعت اشتغل في شركتي واستلمت الإدارة من عم مدحت اللي كان سكرتير بابا الله يرحمه  كان راجل امين جدا وقدر يوقف الشركة في الفترة اللي غبت فيها وكان بيرجعلي في اي قرار ...قررت أن كفاية كده استلم الشغل واساعده...وفعلا النهاردة كان أول شغل ليا بعد وقت طويل ...كنت بشتغل في المكتب وانا سعيد ...جوازي بنيرة خلاص اتحدد الاسبوع اللي جاي  شقتي جاهزة وانا بقيت كويسة ...الحمدلله يارب بعد ما افتكرت اني خسرت كل حاجة انت برحمتك وكرمك ادتني اللي مكنتش أتوقعه ...الحمدلله ...

..    .

بعد ساعتين ...

كان نيرة قدام باب الشركة وهي مبسوطة ...كانت حابة تخرج مع مكرم عشان يختاروا شوية حاجات ناقصة للشقة طلعت علي مكتبة وابتسمت لما لقت مكان السكرتير فاضي ...دي ساعة الغدا وهو قالها  هيستناها  في المكتب ...كان باب  المكتب مفتوح ابتسمت وهي بتقرب فجأة اتجمدت مكانها وهي شايفة شيري ماسكة ايد مكرم وبتبكي !!!

↚

-ساعدني يا مكرم ...ساعدني ابوس ايديك 

صوت شيري كان بيرن في وداني وانا سايق عربيتي كنت حاسس كأن حد ضر*بني علي راسي ...جوايا تناقض غريب ...فيه صوت بيقولي وأن دي فرصتي عشان انت*قم منها ...بس انا فعليا مبقاش يهمني حتي مش بكر*هها شيري انتهت من حياتي مبقاش في قلبي ليه الا الشفقة بعد اللي عرفته ...وصوت تاني بيقولي اساعدها...بس قلبي خايف يخسر نيرة ...لما جات شيري فجأة مكتبي كنت مرعوب أن نيرة تيجي ...حاولت اطر*دها بس هي قعدت تبكي وتترجاني اني اسمعها ....

اتنهدت وانا بفتكر اللي حصل لما جات ....

كنت قاعد علي مكتبي بشتغل بحماس ...مستني نيرة بفارغ الصبر لما السكرتير دخلي وقالي أن فيه واحدة مستنياني برة ...افتكرت انها نيرة    طلبت يدخلها فورا ....كنت مبتسم مستعد عشان اشوفها ....بس ابتسامتي اتجمدت مكاني لما شوفت شيري ...اتخشبت مكاني وانا بشوف البنت اللي ك*سرت قلبي ازاي الزمن جه عليها 

..كانت عيونها دبلانة وشها شاحب ...جمالها فعليا انطفي...محسيتش بحاجة وقتها الا التوتر ...الخوف أن نيرة تيجي وتشوفها ...كنت مرعوب من احتمالية اني اخسرها....ياربي ايه اللي جابها دي هنا ...ساعة الغدا قربت ونيرة هتيجي ...قربت من الباب وفتحته وانا بقول :

-لو سمحتي امشي من هنا ...متعملليش مشاكل ...انتي ست متجوزة .. 

قربت مني شيري وهي بتعيط وبتقول:

-ابوس ايديك اسمعني واطر*دني بعدها لو عايز...

كنت مصر أنها تمشي.   كنت متوتر لو نيرة جات هتفهم غلط ...شيري مصرة تد*مر حياتي مصرة تضايقني بعد ما ك*سرتني قبل كده ...

بصتلها وقولت بقوة:

-بصي يا مدام ...خطيبتي دلوقتي جاية مش عايز أنها تشوفك هنا ممكن تتضايق.   فلو سمحتي امشي ولو جاية طالبة السماح روحي ربنا يسهلك أنا مش بكر*هك ولا بح*قد عليكي انا نسيتك من اساسه بس ابوس ايدك امشي من هنا .. 

مسكت شيري أيدي فجأة ووطت عشان تبوسها ...بعدت أيدي بسرعة فقالت وهي بتعيط ...

↚

-مستعدة ابوس رجلك كمان بس تساعدني انا واقعة في ورطة محدش هيساعدني غيرك ...مكرم أنا أح*قر خلق الله اتفق وكمان اذ*يتك بس كله كوم وان شرفي يت*دمر كوم تاني ...انت اخر امل ليا بعد ربنا بالله عليك ساعدني والا فعليا هنت*حر....

بصيت لها بصدمة وكنت مش قادر اتكلم است*غلت هي سكوتي وقالت:

-حسن طلع و*اطي اوووي يا مكرم ...طلع فعلا أحق*ر انسان شوفته في حياتي ...كان بيحاول يتقرب مني وانا معاك ولما سيبتك ووقعت واتجوزته افتكرت اني هعيش سعيدة ...بس للاسف ...

مسحت دموعها وهي بتقول بقهر:

-من فترة اكتشفت أنه مفبركلي فيديوهات مش كويسة وقالي هينشرها علي النت لو منفذتش طلباته ...وافقت وقتها لاني كنت مرعوبة ...طلباته دي كانت ...كانت اني...

مكنتش قادرة تنطق وبان عليها القر*ف ...بس كملت 

-طلب اني ابقي مع حد تاني غيره ويصورني ...انت فاهم .....قالي لو معملتش كده هينشر فيديوهاتي علي النت 

اتصدمت وقر*فت ...ازاي انسان عنده رجولة يطلب طلب زي ده ...اصلا ازاي انسان عنده عقل وطبيعي يطلب من مراته كده ...ده اكيد مخ*تل ...

بصتلي شيري وهي بتبكي وبتقول:

-الراجل اللي بيقول عليه هو شريكه في الشغل وبينهم مصالح  وهيجي بكرة وهو عايز يعمل كده بكرة ...فكرت اهرب بس خوفت وكمان خايفة ابلغ البوليس ...خايفة اتفض*ح أنا دماغي واقفة مش عارفة اعمل ايه ... ساعدني ابوس ايديك ساعدني ...

.....

طلعت من شرودي وانا دماغي متكركبة ومش عارف اعمل ايه بس اللي كنت مقتنع بيه اني مش من النوع اللي اشوف حياة حد بت*تدمر قدامي واسكت لان وقتها ضميري مش هيسكت عشان كده  قررت اساعدها...

.....

دخلت البيت وانا حاسس بتعب لقيت امي في وشي بتبصلي بلوم وقالت:

-عملت ايه لنيرة ؟!

-ايه نيرة؟!مالها؟!

جابت امي علبة من جوا وقالت:

-نيرة جابت الشبكة وبتقول كل شئ قسمة ونصيب!

↚

-ايه الهزار ده ؟!!

زعقت وانا حاسس ان قلبي هيطلع من الخوف ...ازاي ...فجأة لمعت في دماغي فكرة ...اكيد هي جات وشافت شيري معايا ...هو ده اللي كنت عامل حسابه ...جريت وركبت عربيتي وقررت اروح هناك طبعا اخدت الشبكة معايا ...

.....

اول ما روحت هناك قابلتني خالتي بشري وهي بتبصلي بعتاب وقالت:

-عملت ايه للبنت يا مكرم من اول ما جات صممت تودي الشبكة وبعدها جات وقاعدة في اوضتها بتعيط ومش راضية ترد عليا ...قولي عملتلها ايه ؟!!

-خالتي انا عايز اكلمها ضروري بالله عليكي وانا هعرف اتعامل معاها ...

هزت خالتي رأسها ودخلت بسرعة ....

دخلت الاوضة وقلبي اتقبض لما شوفتها قاعدة علي السرير ودموعها بتنزل لوحدها ...اول ما شافتني قامت وقالت بإ*نهيار:

-اطلع برة مش عايزة اشوفك ...

قربت منها وانا بقول :

-انا عارف انك شوفتيها ولاول مرة هترجاكي انك تسمعيني للاخر ...نيرة بلاش التسرع ده ...

-تسرع ايه انت كنت ماسك أيدها 

هزيت راسي وقولت:

هي اللي كانت ماسكة أيدي ..بصي يا نيرة أنا عمري ما بحلف كدب انتي عارفة والله العظيم والله العظيم والله العظيم ...أنا بطلت احبها وبطلت تكون في بالي اصلا ولما شوفتها النهاردة محستش بحاجة ...بس هي في مشكلة كبيرة ...مشكلة متمنهاش لحد حتي لو آذ*اني ...فعلا ربنا ما يكتبها علي حد 

-ايه المشكلة دي ؟!

-مقدرش اقولها ..

-وكمان بقا بينكم اسرار ...خلاص ارجعلها يا مكرم وسيبني ...

ولسه هتطلع من الاوضة مسكت ايديها وقولت:

-اقسم بالله لو مبطلتيش الهطل ده لاخب*طك علي دماغك بحاجة عشان تعقلي ...مقدرش اقول المشكلة لأنها امنتني علي سرها ...أنا هساعدها وبعدين تتكل علي الله 

سكتت نيرة وحسيت أنها اقتنعت ...اديتها الشبكة وقولت:

↚

-خدي يا ام عقل صغير الشبكة لو عملت كده تاني هخبطك بالشبكة في راسك ...هسيبك عشان تلبسي ونروح نشتري باقية الحاجة ....

...

طلعت من بيت خالتي واستنيتها في العربية انت مش مستعد اخسر نيرة بس مقدرش اقولها علي سر شيري محدش ليه حق ولا حتي أنا اطلع سر واحدة امنتني عليه عشان كده قررت اساعدها واطلب منها تبعد ...

جات نيرة وقعدت جمبي وقالت:

-متفتكرش انك اكلت بعقلي حلاوة انت مجبور تقولي كل حاجة ....

ابتسمت وقولت:

-تمام هقولك ...هقول انك الوحيدة في قلبي وعايزاكي تثقي في حبي ليكي يا نيرة أنا كان نفسي اقدر اط*رد شيري بس اللي قالته وضح أنها في كارثة وانا مقدرش اطردها واتخلي عن حد لجأ ليا ...ضميري هيعذبني ...نيرة انتي عارفاني اكتر من اي حد وعارفة اني عمري ما اكدب ...

بصتلي وقالت:

-وانا هثق فيك المرة دي ....

......

جيبنا الحاجات ووديت نيرة البيت وقالتلي هتروح لصاحبتها سارة بعد كده  ....

بعدين قررت اروح لواحد صاحبي معرفة ليه في الكومبيوتر والها*كر وكده وهو اللي فهمني الحوار وقال إن فيه خاصية جديدة ظهرت انك تفبرك فيديوهات وان الموضوع مش محتاج قلق للدرجة بأن شرطة النت هتتصرف ...

طلعت من عنده وانا مقرر اني هبلغ عن حسن قبل ما  يعمل مص*يبة اكبر لشيري بس فجأة تليفوني رن وكان حسن .....

رديت وانا متوتر فقال:

-بتدور ورايا ليه يا مكرم وليه عايز تساعد اللي مفروض خا*نتك 

-حسن اسمعني اللي بتعمله غلط هتودي نفسك ومراتك في د*اهية  . 

ضحك حسن وقال :

-ده أنا اللي هوديك في داه*ية لأن السنيورة خطيبتك معايا حاليا في مكان محدش يعرفه وهتبقي هي بدل مراتي !!!

↚

-نيرة !!

قولتها وانا حاسس ان قلبي وقع في رجليا ... للحظات اتخشبت مكاني وانا مش مستوعب ...نيرة دلوقتي وقعت بين ايدين حسن ...قعدت علي الأرض ودموعي نزلت لوحدها ...مخي وقف مش عارف اروح منين ولا اجي منين أنا لو خسرت نيرة همو*ت ...

قومت بسرعة ...مفيش وقت للي أنا بعمله ده  قررت انقذ نيرة من بين ايدين حسن ....ركبت عربيتي بسرعة وانا بتصل بشيري ...هي مراته أكيد هيكون عندها فكرة عن المكان ....

أول ما ردت قالت بسرعة:

-حسن اخد نيرة يا مكرم ...أنا سمعته بيكلم شريكه وبيقول ان بدالي أنا هتكون هي ...

كانت بتبكي وهي منه*ارة...بلعت ريقي وقولت:

-وانتي فين دلوقتي ...

-انا سيبت البيت وقاعدة في الشارع ...

-طب انا جايلك قولي انتي فين بالضبط ...

قالتلي هي فين وروحت بسرعة ...مكانش في بالي الا نيرة هنقذها ازاي من الانسان الوا*طي ده ....مكنتش اصدق ان حسن يكون بالب*شاعة دي ...ايه كمية الحق*د والغ*ل اللي جواه دي ده أنا كنت بعتبره اخويا ...ده أهلي هما اللي اتكلفوا بتعليمه ...معقول يقابل الاحسان بالج*حود ده ...اتصدمت فيه ودي كانت أكبر من صدمتي لما اخد شيري وصورها وهد*دها ...هو أكيد عارف نيرة ايه عندي ورغم كده هيعرضها لده...بس لا أنا هقت*له قبل ما يعمل كده ....شوفت شيري من بعيد ووقفت بالعربية فركبت بسرعة ...وقبل ما تاخد نفسها قولت :

-هو فين. ..اخدها فين 

-انا بقول نبلغ....

صرخت فيها وزعقت:

-مش هبلغ زف*ت أنا هق*تله ...

اتوترت شيري وقالت:

-ده انسان و*اطي مضيعش نفسك عشانه يا مكرم بلغ البو*ليس ...

ضر*بت الدريكسيون بغضب وقولت:

-مش هستني البو*ليس يا شيري هيكون عملها حاجة ...

-طيب بلغه واحنا نسبقهم ابوس ايديك خلي البوليس يتدخل المرة دي

↚

هزيت راسي وبلغت صديق ليا في مركز مهم وفهمته الوضع وبعدين شيري قالتلي علي المكان ...البية طلع معاه شقة مشب*وهة وبيتا*جر بالست*ات...شيري كانت بتبكي وهي بتحكي انها اكتشفت ده من قريب وانها كانت مجرد طعم عشان يشغلها معاه ....وانه ميعرفش انها اكتشفت ده ومكانتش اصلا هتكتشف لولا سمعت تسجيلات ليه علي تليفونه لما سابه مفتوح بالصدفة وسمعته كمان بيكلم شريكه ...

روحت بسرعة علي المكان ...كنت بسوق بأقصي سرعة لحد ما وصلت ...كان شارع فاضي كأنه مقطوع فيه بيت واحد بس شكله عشوائي ومتواضع ...

-متطلعيش من العربية ...

قولتها لشيري بس هي رفضت وقالت:

-لا أنا هاجي معاك ...

وصممت وطلعت معايا ....جريت علي البيت وفتحت الباب برجلي اتك*سر لانه كان باب هش ووضعيف ...أول ما دخلت حسيت بحد ضر*بني علي راسي واغمي عليا .....

.....

فوقت وانا حاسس بألم في راسي حاولت اقوم بس فشلت ...لكن بمعرفتي ان نيرة معتمدة عليا قومت ...لقيت حسن واقف وبصصلي بخب*ث وماسك نيرة اللي بتبكي وشريكه ماسك شيري ...

ابتسم حسن وقال:

-حظك في السما يا فرج بيه بدل ما تكون معاك ست بقوا اتنين اهو....وانا بقا تحت ايدي اللي اتمنيته من زمان 

-هقت*لك ...هقت*لك يا حسن 

قولتها بغيظ وانا حاسس اني دايخ من الضربة ...ابتسم حسن وطلع مسد*سه وقال:

-الاصح اني أنا اللي هقت*لك يا مكرم 

وبعدين ضرب الر*صاص عليا 

صرخت نيرة وهي بتحط ايديها علي وشها وبتقول:

-مكرم 

↚

-شيري؟!!!!

قولتها بصدمة وانا شايف شيري هي اللي اخدت الرصا*صة بدالي وانقذتني ....اتصدم حسن للحظات ...كان الكل مصدوم مفيش صوت ...نزلت وانا بحاول اوقف النز*يف وبقول:

-اطلب الاسعاف يا حسن ...انجز ...

حسن كان واقف ببرود صحيح مصدوم بس كنت شايف في عينيه لا مبالاة ...مسكت شيري ايدي وقالت:

-انا خلاص هم*وت أنا حاسة بكده ....أنا بس كنت برد دين فاكر انت وقفت في وش الم*وت عشان خاطري وانا النهاردة سددت ديني خلاص فاضل بس تسامحني ....

نيرة قعدت تبكي ...هزيت أنا راسي بعنف وقولت:

-بطلي تخلف هتعيشي بإذن الله ....

قومت وخرجت تليفوني راح حسن ضر*ب الن*ار وقال:

-محدش هيخرج من هنا 

-انت مجنون مراتك هتمو*ت 

زعقت  فيه راح رافع المس*دس ...رجعت لورا بخوف بس فجأة سمعنا سارينة الشر*طة ....وابتسمت لحسن اللي كان مصدوم وخايف ...

......

اللي حصل وقتها حصل بسرعة ....الشر*طة قبضت علي حسن وشريكه اللي كانوا اصلا شاكيين فيهم وقدروا يلاقوا عليهم ادلة...والاسعاف نقلت شيري المستشفى ..

كنت في المستشفي مستني الدكتور يطمنا عليها أنا ونيرة ...طلع الدكتور وقال بصوت حزين :

-البقاء لله المريضة ما*تت...

صرخت نيرة وعيطت وانا عيوني دمعت ...كنت بلوم نفسي ان أنا اللي حطيتها في الخط*ر ده ...دموعي نزلت وانا بقول :

-ان لله وان إليه لراجعون 

......

مر  اسبوع ...كانت شيري اتدف*نت وقررت اشوف حسن. ...وده كان قبل الحكم عليه بسبب جر*ايم كتير منها قت*ل شيري الله يرحمها ....

....

-ايه اللي جابك هنا ..جاي تشمت يا مكرم؟!

قالها بغ*ل وح*قد ....بصتله بصدمة وقولت:

-نفسي اعرف ليه الك*ره ...ليه السو*اد ده جواك ...يا بني ده انت خو*نتني واخدت خطيبتي مني ورغم كده سيبتك محاولتش انت*قم ولا أذ*يك ...قولي انت ليه كده ....

صرخ فيا بقهر وقال:

-لانك فاكر نفسك احسن مني ...انت عشان معاك شوية فلوس وكنت بتساعدني كنت فاكر أنك كده احسن مني واعلي مني ومستني اظهر الامتنان صح؟!!

بصتله بصدمة فكمل بنفس الحقد ..:

↚

-انت متستحقش الفلوس والعيشة اللي عايشها لأنك انسان غب*ي وساذ*ج ...أنا استحق الفلوس دي ...استحق ابقي صاحب الشركة مش انت ....عشان كده عملت جهدي اني اد*مرك يا مكرم ...سر*قت منك شيري اللي انت كنت بتحبها ومش عايز اقولك اني أنا اللي بعت المج*نون ده وراها واللي بسببه مكنتش قادر تمشي ....متتخيلش كنت فرحان قد ايه وانا شايفك عا*جز وم*نهار وانبسطت اكتر لما لقيت شيري سابتك بس انت برضه ...

سكت وهو بيجز علي سنانة وكمل:

-بس انت مرة تانية قومت علي رجلك ووقفت وبنت تانية حبتك ...نفسي أعرف انت فيك ايه عشان تتحب ...ليه دايما ربنا بيكرمك بالاحسن وانت متستحقهوش ....

صدمة كانت قليلة علي الشعور اللي انا حاسه ...هو فيه انسان في قلبه مر*ض بالشكل ده ...يعني هو طول عمره بيكر*هني...قدامي عامل انه بيحبني ومن ورايا بيشوف هيط*عنني ازاي ....

بصيتله وقولت :

-للاسف يا حسن حق*دك هو اللي وصلك هنا ربنا بيرزق اللي عنده نوايا سليمة وانت  نواياك مش سليمة ...عقا*بك الاكبر هو حق*دك اللي هيفضل ين*هش في قلبك لحد ما تم*وت ....

سيبته ومشيت بس مكنتش زعلان من اللي قاله لانه ببساطة مبقاش يهمني ...هو مكانش في يوم صاحبي.....

......

مر خمس شهور  ...

كنت قاعد في بلكونة اوضة النوم ..بفكر في اللي حصل في الوقت ده كله ... حسن اتح*كم عليه بالاعد*ام وانا اتجوزت نيرة وعشت اجمل ايام حياتي معاها ....كنا متفاهمين اوووي ومبسوطين مع بعض ...اتنفضت لما حسيت بحد بيحط ايديه علي عينيا ...

-اتأخرتي عليا محستكيش لما جيتي...

قولتها بإبتسامة ...فحضنتني نيرة وقالت:

-الله مش كنت بجهزلك مفاجأة ...المهم تعالي معايا يا حبيبي ...

وبعدين اخدتي من ايدي وقفلت عينيا ...وقفنا في الصالة وهي بتقول:

-مفاجأة ...

فتحت عيني وذهلت لما لقيت تورتة عليها صورة.طفل رضيع ...بصيت لنيرة فضحكت وقالت:

-كل سنة وانت طيب يا حبيبي ...النهاردة عيد ميلادك ...

مسكت ايدي وحطتها علي بطنها وقالت:

-واعلان لوجود  حد جديد...جزء مني ومنك ...أنا حامل 

ضحكت بصوت عالي وحضنتها وقعدت ألف بيها وانا بقول:

-بحبك يا ملاكي ...بحبك♥️

-نزلني يا مج*نون دوخت يخربيتك 

مسمعتش كلامها وفضلت ألف بيها برضه وانا بقول بحماس:

-هبقي اب خلاص 

ضحكت نيرة وحضنتني وقالت:

:واحلي اب كمان♥️

تعديل المقال