رواية السند علي وامل كاملة جميع الفصول بقلم حليمة عدادي

رواية السند علي وامل كاملة جميع الفصول هى رواية من تأليف المؤلفة المميزة حليمة عدادي رواية السند علي وامل كاملة جميع الفصول كاملة جميع الفصول صدرت لاول مرة على فيسبوك الشهير رواية السند علي وامل كاملة جميع الفصول كاملة جميع الفصول حققت نجاحا كبيرا في موقع فيسبوك وايضا زاد البحث عنها في محرك البحث جوجل لذلك سنعرض لكم رواية السند علي وامل كاملة جميع الفصول

رواية السند علي وامل كاملة جميع الفصول

أصوات الزغاريد والموسيقى ماليه المكان والكل بيرفص

بحماس

ومحدش واخذ باله للبنت المسكينه اللي سابت دراستها علشان تتجوز من واحد متعرفوش

ليلى : يابنتي إفردي وشك الناس بتبص عليكي إبتسمي شوية ..

أمل : أبتسم إزاي ياماما فين هو الراجل اللي هتجوزوا أول عروسه فرحها يتعمل من غير عريسها ..

ليلى : يابنتي هو قاعد على كرسي متحرك ومش عايز يسمع كلام الناس ..

أمل : وأنا أسمع كلام الناس عليا عادي ياحظك المنيل يا أمل ..

ليلى : يلا قومي معايا عمته جيه علشان تاخذك ..

أمل : حاضر هو دا فرح أنا شايفه إنها جنازه ..

خلص الفرح وأمل مشيت مع عمته

العمه : إتفضلي يابنتي نورتي ..

أمل : دا نور حضرتك ..

العمه : هو دا بقى علي جوزك ..

بصتله أمل بإعجاب رغم عجزه

أمل بهمس : دا جوزي أنا ااااه دا طلع قمر ومحدش قالي ..

العمه : بتقولي حاجة يابنتي ..

أمل : أهلاً ياقمر أنا امل وبكون مراتك ..

علي : أهلاً بيكي يا أمل بس في واحده يوم فرحها تتكلم كدا ..

أمل : هو إنت عايزني أغني وأرقص علشان أعجبك ..

علي : ههه لا تعالي عايز أتكلم معاكي ..

العمه : أنا همشي يابني.

علي : تمام روحي ياعمتي وماتقلقيش ..

أمل : هو دا فرح العريس مش موجود وفجاءة ألاقي نفسي هنا من غير فستان ..

علي : أنا آسف أنا مكنتش عايز دا يحصل هما اللي عايزين كدا أنا زي ماإنتي شايفه كدا عاجز بسمع الكلام وبس ..

أمل : إنت ليه بتقول عن نفسك عاجز الناس اللي إنت عايش معاهم هما اللي عقولهم عاجزه ..

على : بصي يا أمل إنتي هتعيشي معايا على أساس إننا متجوزين وبعد ثلاث شهور هنطلق ماشي ..

أمل : أنا مش بحب النكد الثلاثة شهور دول هنكون فيهم أصدقاء ..

علي : ماشي وأنا موافق ..

أمل : أنا جعت يلا وريني المطبخ فين مش دا برضو بيت جوزي وأعمل اللي أنا عايزاه ..

على : هههه أيوه بيت جوزك وكل حاجة هنا تحت أمرك ..

دخلت المطبخ وبدأت تحضر الأكل وهي بتهزر معاه ..

علي : هههه يابت إيه كمية الكوميديا اللي عندك دي ..

أمل : إحمد ربنا إني طلعت واحده دمها خفيف مش نكديه ..

علي : و الله إنتي واحده طيبه ومتستهليش اللي جرالك وإنك سيبتي دراستك ..

أمل : أنا سيبت تعليمي علشان بابا يقدر يدفع ديونه المهم عندي سعادة أهلي ..

علي : أنا دفعت كل ديون أبوكي ماتقلقيش ..

أمل : المهم انسى أنا مش بحب النكد تعالى دوق الأكل أنا عملت أجمل بيتزا ..

علي : هاتي أدوق ..

حطت قدامه وأكلته بإيدها

علي : طعمها حلو أوي تسلم ايديك ..

أمل : تعالى ناكلها قبل ما تبرد ..

علي : ناكلها هنا و لا بره ..

أمل : تعالى نخرج بره ..

زقت الكرسي لبره

علي : متشكر أوي إنتي لسه معايا من ساعة لكن حسستيني إننا نعرف بعض من زمان ..

أمل بمرح : يا عم أنا صديقه مافيش زي احم ..

علي : هههه مافيش زيك خالص ..

اتفتح الباب ودخلت بنت لابسه

هدوم قصيره وحاطه مكياج اوفر

منة : هاي بيبي آسفه إنا إتأخرت عليك النهاردة ..

أمل وهي بتقلدها : هاي بيبي اتلمي يا بتاعت بيبي ..

منة : هي دي مراتك الجديده آسفه مكنتش موجودة علشان استقبلها ..

أمل : أيوه أنا مراته الجديده مين البنت دي يابيبي ..

علي : هههه دي منه مراتي كانت بالشغل ولسه راجعه ..

أمل بصدمه : إنت ليه ماقولتيليش إنك متجوز ..

علي : إنتي ما سألتيش وأنا نسيت أقولك ..

منة : إنتي مفكره إنك مراته بحق وحقيقي إحنا جايبينك هنا خدامه وبالمقابل ندفع ديون أبوكي ..

أمل : بصي ياختي أنا مش خدامة حد وكمان أنا هنا زيي زيك ..

منة بعصبيه : إنتي اتعديتي حدودك إنتي زي مين ..

أمل : على مهلك ليطقلك عرق وتموتي أنا هنا بصفتي مراته ..

علي : منة خلاص بقى أمل زيك زيها هي كمان مراتي ..

منة : تمام ياعلي الجربوعه دي أنا هعرف إزاي أربيها ..

أمل : ربي نفسك الأول يابيبي وروحي البسي بنطلونك اللي نسيتيه ..

علي : هههه أمل ماكفاية بقى ..

طلعت منة لأوضتها وهي متعصبه

أمل : فين أوضتي أنا عايزه ارتاح شوية ..

علي : عمتي حطت الشنطة بتاعك في أوضتي لكن إنتي ممكن تختاري أوضه من الأوض اللي فوق جنب منة ..

أمل : هو إنت ومنة مش بتناموا في نفس الأوضة ..

علي : لا هي أوضتها فوق وأنا أوضتي تحت علشان الكرسي ..

أمل : تمام هجيب شنطتي وأقعد معاك في أوضتنا ..

علي : أنا مش محتاج شفقه من حد اختاري أوضه فوق ..

أمل بخبث لما شافت منه نازله : شفقة إيه ياحبيبي أنا مراتك تعالى ندخل أوضتنا ..

منة : بصي أوضتك هتكون تحت في أوضة الشغالين ..

أمل : متشكرة يابيبي بس عايزه ابقى شوية مع جوزي ..

زقت الكرسي ودخلت وسابت منة هتفجر من الغيظ

منة : أنا هوريكي أنا هتخلص منك و منه ..

في أوضة علي بعد ما ساعدته إنه يغير هدومه

أمل : إيه رأيك نطلع نقعد في الجنينه شوية ..

علي : أنا تعبان عايز ارتاح روحي إنتي بس ابعدي عن منة ..

أمل : حاضر بس لو اتكلمت معايا مش هسكتلها ..

علي : ماشي بس خلي بالك لتضربك وإنتي شبر ونص هههه ..

أمل : مين دي اللي شبر ونص ياعمود الكهرباء وطلعتله لسانها ..

علي بضحك : ماشي لما امسكك بس ههه ..

خرجت أمل وقعد هو سرحان

علي : لسه طفله بس قمر أنا بقول إيه فوق ياعلي إنت واحد عاجز ..

أمل هي بتتمشى حاجة لفتت انتباهها بصت من ورا الشجرة وشهقت بصدمة من اللي شافته

أمل …….

↚

أمل شافت منه واقفه مع واحد

منة : باي ياحبيبي نتقابل بكره جت واحده هتبقى مع العاجز دا وهخلص منه ..

مراد : باي ياحبيبتي وباسها ومشي ..

منة لفت لكن حست بحد مسكها من شعرها

أمل بغيظ : يا زباله يا خاينه لأن جوزك عاجز بتخونيه إنت كان لازم تكوني سنده ..

منة : ابعدي عني وحده متوحشه إنتي هنا شغلانتك تخدمي علي وبس ..

أمل : أنا مش هسكت على خيانتك وهقول لعلي على كل اللي شوفته هو شخص كويس ميستاهلش منك كل دا ..

منة : قوليله وابقي استحملي اللي هيجرى لأهلك ..

أمل : مش هتقدري تعمليلهم حاجة ..

منة : ماشي ممكن تتأكدي دلوقتي أنا هتصل واسمعي بوذانك أنا أقدر أعمل إيه ..

أمل : ربنا ينتقم منك بس كوني متأكده إني مش هسمحلك تقربي من علي ..

منة : هههه أول مرة أعرف الحب من أول نظرة ..

أمل : علي مش حب أول نظرة علي حب حياتي اللي حبيته من سنتين من وقت مابابا إشتغل عنده ..

منة : أنا بحذرك لوقولتيله أي حاجة أهلك هيموتوا ..

أمل: ولما إنتي مش بتحبيه ماتطلقي منه وتتجوزي الكلب اللي كان معاك ..

منة : وأسيب العز دا كله لواحد عاجز بس قريب أوي هخلص منك ومنه ..

أمل : مستحيل أخليكي توصلي للي إنتي عايزاه ..

منة : المهم أنا هخرج أتعشى مع حبيبي خليكي جنب جوزك هههه

دخلت وسابت أمل بتعيط ..

أمل : أعمل إيه ياربي أنا بحب علي ومش هقدر أسكت وأنا شيفاها بتخونه بس وأهلي ..

مر أسبوع كامل إتعلق علي بأمل أمل كانت زعلانه لأنها خبت عليه حقيقة مراته ..

أمل : علي إيه رأيك نخرج نتمشى مع بعض أنا زهقت من قعدت البيت ..

علي : إزاي أخرج وأنا بالحالة دي إنتي مش هتتكسفي قدام الناس ..

أمل : أنا مستحيل اتكسف وأنا جنبك إنت جوزي وهتفضل في نظري أجمل راجل في الدنيا ..

علي : أمل إنتي ليه بتعملي معايا كدا ..

أمل : الكلام دا مش صح أنا بعمل كدا علشان بحبه ..

وقربت منه وباسته قدام منة وصدمة علي ..

منة : ههه بتحبيه ولا بتحبي فلوسه ..

أمل : لو كنتي إنتي كدا مش يبقى الناس كلها زيك ..

منة بغيظ : أنا صبرت عليكي كتير ابعدي عن طريقي احسنلك ..

علي : منة إيه اللي جابك لأوضتي مش كنتي بتقرفي منها ..

منة : جايه أسألك المحامي بتاع العيلة مختفي هو فين ..

علي : عايزه منه إيه يمكن عنده شغل ..

منة : محتجاه في شغل متوقف في الشركه ..

علي : اهتمي إنتي ومراد بالشغل وأنا هتصل بيه ..

منة : سلام أنا رايحه الشركة ..

منه خرجت

علي : أمل إنتي بتحبيني بجد ولا قلتي كدا قدام منة ولا دي شفقه ..

امل …….

↚

علي : جاوبيني الأول يا أمل علشان أنا حبيتك وفي الفتره القصيره دي إتعلقت بيكي ..

أمل : أنا بحبك من سنتين بس اكتشفت بعدها إن حبك هو أكتر شي كسرني ..

علي بإستغراب : من سنتين إزاي..

أمل : أيوه أول مرة بابا كان بيجيب الطلبات للموظفين عندك في الشركة شوفتك ومن وقتها حبيتك لكن اتصدمت بخبر جوازك ..

علي : أنا صحيح اتجوزت منه لكن عمري ماحبيتها ولاهي كمان حبيتني ..

أمل : اتجوزتوا إزاي ..

علي : ماما لما تعبت أوي طلبت مني اتجوزها لأنها بنت خالتي

وبعد موت ماما أنا عملت حادثة ..

أمل : كانت علاقتك إنت ومنة شكلها إيه قصدي تعاملكم مع بعض ..

علي : بعد أسبوع من جوازنا أنا عملت حادثة من وقتها مش بتسأل عليا ولابتهتم بيا تخرج الصبح على الشركه ترجع بالليل ..

أمل : بس ولا تزعل أنا هنا دلوقتي وكملت في نفسها قريب أوي لازم اكشف حقيقتها علشان تطلع من هنا ..

علي : أمل أمل إنتي روحتي فين ..

أمل : أنا هنا بس سرحت شوية ..

علي : كنتي بتفكري فيا هههه وكمل بحزن أنا أصلاً واحد عاجز هتفكري فيا ليه ..

أمل : علي أنا بحبك بس قلبي مكسور وعمري ما شفتك عاجز أبداً ويلا نخرج نتمشى شوية على البحر ..

علي : مع إن المده اللي قضيناها مع بعض مش طويله بس أنا حبيتك حبيت حنيتك حبيت جنانك ..

أمل : وأنا بحبك يا أجمل علي في الدنيا ..

في الشركة

منة بعصبية : بقولك هي شافتني معاك ..

مراد : هي مش هتقدر تفتح بوءها بحرف إنتي قلتي إنك هددتيها بأهلها ..

منة : حتى علي الغبي بقى دلوقتي في صفها ومابقاش مهتم لوجودي ..

مراد : إيه اللي مزعلك ياقلبي ما إحنا هناخذ منه كل حاجة ونتجوز ..

منة بشر : فاضل شوية وبعدها هتخلص منهم ..

مراد بخبث : ياقلبي أنا مبقتش قادر على بعدك خلصي الموضوع بسرعه ..

منة : مستنيه المحامي يرجع وقتها هكون أخذت تنازل من علي ..

مراد : أنا همشي دلوقتي مع السلامه ياقلبي ..

منة : سلام ..

عند علي وأمل

↚

اتمشوا على البحر كان المكان فاضي والجو بارد مع نسمات الهواء

قعدت أمل على رجله

أمل : أنا تقيله صح ..

علي : أصلاً أنا مش حاسس بيكي ..

أمل : إزاي يعني مش حاسس ..

علي : أنا من وقت الحادثة مش بحس برجليا علشان كدا مش هقدر أعمل أي عمليه ..

أمل : تقدر تحرك الكرسي وأنا قاعدة على رجليك ..

علي : أيوه

حرك الكرسي وهي كانت مبسوطه

علي كانت دقات قلبه مسموعه

أمل : أنا مبسوطه أوي عمري ماتخيلت في يوم إن حلمي يتحقق وتكون جنبي ..

علي : إنتي عايزه تفضلي معايا حتى وأنا بالشكل دا مشلول وقاعد على كرسي متحرك ..

أمل : أنا مش بيهمني غير إنك تكون معايا وتكون جنبي دايما لأني بحبك ..

وإنت كنت حبي المستحيل ..

علي بحب : أنا هعمل كل اللي أقدر عليه علشان أسعدك ..

اتمشوا وقت طويل بعدها رجعوا على البيت

منة : حمدالله على السلامه شكلك نسيتي نفسك إنتي وهو ..

أمل : أنا هنا مع جوزي حبيبي عندك مانع وباسته من خده ..

علي : يلا ياقلبي أنا تعبان وعايز أرتاح شويه ..

أمل دخلته الأوضة وغيرتله هدومه وساعدته علشان ينام على السرير وغطته

ثاني يوم الصبح صحيت أمل مرعوبه على صوت تكسير

أمل : علي مالك في إيه ليه بتكسر كل حاجة

علي بغضب : إبعدي عني ..

↚

أمل بدموع : علي فيك إيه اهدى..

علي بغضب : إبعدي عني إنتي كمان زيها ..

علي مسك المزهرية ورماها لكنها ضربت أمل

أمل : اه دماغي ياعم خلاص كسرت دماغي اهئ اهئ ..

علي : إطلعي برررررا إطلعي ياأمل ..

أمل : مش طالعه قبل ما أعرف في إيه صاحي تكسر وتزعق ..

علي : إنتي شوفتي خيانتها ليا مع صاحب عمري ومقولتليش ..

أمل : هي متستاهلش إنك تزعل علشانها ..

علي : أنا مش زعلان علشانها أنا حسيت بالغدر والخيانه من أقرب الناس ليا ليه علشان أنا عاجز حتى صاحب عمري خاني ..

أمل : سامحني ياعلي بس هي هددتني بأهلي ..

علي : إطلعي ياأمل مش عايز اسمعك إبعدي عني ياااا امل ..

أمل : أنا هطلع بس راجعه ..

علي : كلكم خونه روحي على بيت أهلك وورقة طلاقك هتوصلك ابعدوا عني كلكم ..

أمل بدموع : حاضر أنا همشي ..

خرجت أمل

علي : روحي يا أمل أنا مش عايز حد أنا مابقاش عندي ثقه حتى في نفسي ..

مسك تلفونه و رن واستنى الرد

↚

علي : السلام عليكم ..

المحامي : وعليكم السلام علي بيه تؤمرني بحاجه ..

علي : الأمر لله اسمعني كويس عايزك تخلص الموضوع النهاردة ..

المحامي : إتفضل أنا سامعك ..

علي : ٠٠٠٠٠٠٠٠٠٠٠٠٠٠٠٠٠٠٠ عايزك تعمل كل اللي قلتلك عليه النهاردة بالليل ..

المحامي : تمام إن شاءالله بالليل هخلص كل حاجة ..

علي : أنا مستنيك ماتتأخرش قفل الخط ..

علي : أنا آسف ياأمل بس كان لازم تبعدي لما أكون متعصب علشان ماجرحكيش..

وصلت منة للبيت لما علي شافها اتعصب لكن حاول إنه يتحكم في نفسه

منة : هاي بيبي آسفه إتأخرت ..

علي : منة اعزمي مراد على العشا بقالنا فتره طويله مقعدناش مع بعض ..

منة بتوتر : مراد يمكن مشغول خليها مرة تانية ..

علي : قوليله يجي ضروري في مشروع جديد عايز أتكلم معاه فيه

منة : تمام هكلمه فين أمل علشان تحضر العشاء ..

علي : أمل راحت على بيت أهلها ..

منة بغيظ : شغلها إنها تبقى معاك مش كل شويه عند أهلها..

علي : اطلبي عشا من برا ..

على مائدة الطعام

مراد : طلبتني علشان تكلمني عن مشروع لكن إحنا لسه عندنا سفقه مهمه لازم نخلصها ..

طلع مسدسه من ورى ظهروا ووجه ناحيتهم

مراد بخوف : في إيه ياعلي إمتا أنا خنتك ..

علي : ليه ياصاحبي إنت والخاينه اللي جنبك ..

ضغط على المسدس وطلعت منه رصاصه تحت صراخهم ..

↚

فتحوا عينيهم مافيش واحد منهم اتعور 

علي بغضب : رفعتي إيدي لفوق لييييه سيبيني أريح العالم من شرهم ..

 

مراد بخوف : علي اهدى إنت ظالمني أنا ماعملتش حاجة .. 

علي : و لا كلمة ياواطي أنا شوفت كل حاجة بعنيا من تسجيل الكاميرا اللي بالجنينه ..

 

أمل : مايستاهلوش إنك تضيع نفسك علشانهم ..

 

علي : إنتي طالق طالق طالق يامنة لو شوفتك حتى لو صدفه مش هرحمك ..

 

منة : إنت فاكرني هزعل لما تطلقني أنا أصلاً كنت قرفانه من العيشه مع واحد زيك ..

 

علي : إطلعي برررررا و شوفي مين اللي هيرضى بيكي ولازم تعرفي حاجة مهمه كل اللي كنت بتحاولي إنك تاخذيه بقى بإسم أمل ..

 

مراد بصدمه : مستحيل إزاي دا حصل إحنا اللي بنتعب وبنشقى وأمل تيجي تاخذ كل حاجة على الجاهز ..

منة : يلا ياحبيبي نمشي من هنا ..

مراد : هو إنتي صدقتي نفسك إبعدي عني أنا كنت معاك علشان الفلوس بس إنتي طلعتي وإيدك فاضيه هعمل بيكي إيه دلوقتي ..

 

علي بحده : إطلعوا برا بيتي وإتخانقوا براحتكم ..

 

خرجت منة وهي ندمانه خسرت كل حاجة 

علي وجه كلامه لأمل : إنتي إمتا جيتي أنا قلتلك تمشي ..

  

أمل  : أنا مامشتش كنت هنا من الصبح كنت قاعده في جنينة البيت ولما شوفت مراد داخل خوفت إنك هتعمل حاجة ..

علي : تمام دلوقتي تقدري تمشي ..

 

أمل : إنت قلت إن كل حاجة بقت بإسمي أنا هنا مش علشان حاجة رجع كل حاجة بإسمك ..

علي : أنا ماقلتش كدا أنا كتبت كل حاجة بإسمك علشان إنتي الوحيده اللي استحملتيني ..

 

أمل : إنت بتقول إيه أنا مستعده أشيلك جوا عينيا العمر كله ..

علي : إنتي الوحيده اللي بتحبيني من غير مقابل تعالي اقعدي جنبي ..

أمل : أنا بحبك إنت أماني ياعلي ..

 

شدها لحضنه وضمها بكل حب كانت دقات قلبه مسموعه 

علي : أول مرة أحس إني مبسوط بالشكل دا ..

قرب منها بتوهان وباسها بحب 

أمل بخجل : إنت قليل الأدب ..

 

علي : هههه في واحده تقول لجوزها قليل الأدب ..

أمل : علي إنت ليه كتبت كل حاجة بإسمي ..

علي :..............

↚

علي : لأني يا أمل أنا عندي مريض قلب ولازم أعمل عملية و نسبة نجاح العملية ضعيف ..

أمل بدموع : ليه ماقولتيليش إنت هتعمل العملية وهتخف ..

علي : إسمعيني كويس أنا كتبت كل حاجة بإسمك لأني كنت هكتب لك إنتي ومنه لأنها بنت خالتي وتعبت معايا بس لما شوفت خيانتها كتبت كل حاجة بإسمك إنتي اللي تستاهلي ..

أمل ببكاء : ليه بتقول كدا ياعلي إنت هتخف وكل حاجة هترجعلك وترجع تشتغل ..

علي : تعالي وحضنها ليه بتعيطي دلوقتي أنا لسه ماعملتش العملية ..

أمل : علي لو جرالك حاجة أنا هموت بعد مااتعذبت كثير لقيتك ..

علي : ليه زعلانه يابت ها أنا أهو قدامك بخير و يلا علشان نروح الشركه وهعرفك كل حاجة عن  الشغل وإزاي الشغل ماشي ..

أمل : لا ياعلي أنا مش بفهم في شغلك دا ..

علي : أنا هكون معاكي وهفهمك كل حاجة خطوه بخطوه علشان لوفي يوم مكنتش موجود معاكي تعرفي تتصرفي  ..

أمل بدموع : علي إنت بتخوفني  إنت هتكون معايا أنا مش عايزه فلوس ولا شركه ولا أملاك المهم إنت تكون معايا أمل انهارت ..

علي : ششش اهدي ياقلبي أنا معاكي لآخر نفس بس عايزك تتعلمي الشغل علشان تعلمي ولادك ..

أمل : ولادي يعلمهم أبوهم ..

علي : اتمنى إن الفرحه ترجع للبيت ويبقى عندنا ولاد ..

أمل : وأنا كمان بتمنى دا يلا قوم نعمل أحلى أكله بعدها نطلع الشركة ..

علي : تمام ياحبيبتي تعالي يلا ..

رزقت الكرسي للمطبخ

أمل : أنا هعمل أحلى كيكه لأجمل زوج بالدنيا ..

علي : آه يا أمل كنت ببقى في البيت لوحدي طول اليوم كنت بتمنى بس ألاقي حد يتكلم معايا ويخرجني من هنا ..

أمل : أنسى اللي فات من النهاردة أنا معاك ..

قضوا وقت جميل مع بعض قدرت أمل إنها تسعده ولو شوية

وصلوا قدام الشركه دخلوا استقبلوه الموظفين بفرحه

↚

أمل : شايف الكل هنا بحبك ..

علي : أيوه بعدها وجه كلامه للموظفين

الكل يسمع اللي هقولوا  من النهاردة مديرة الشركه هي أمل مراتي وكل كلمة تقولها مسموعه

الموظفين : تمام يافندم ..

علي : يلا نروح على المكتب

دخلوا المكتب كان مرتب وجميل

أمل : مكتبك حلو أوي ومرتب ..

علي : من النهاردة دا بقى مكتبك تعالي علشان أفهمك الشغل ..

قعدت جنبه وبدأ يفهمها كل حاجة بعد وقت

علي : تعبتي ..

أمل : لا الشغل طلع سهل فهمت بسرعه ..

بصتله لقته بيغمض عينيه ونفسه سريع

أمل بخوف : علي علي رد عليا ..

علي : اممم ووقع رأسه ..

أمل بدموع : علييييي

↚

في المستشفى كانت واقفه  تبكي وعيلتها واقفه جنبها ..

طلع الدكتور جريت ناحيته

أمل : دكتور هو بخير مش كدا أرجوك طمني عليه ..

الدكتور : هو بقى كويس بس بعد ساعة هندخله أوضة العمليات علشان نعمله العمليه ..

أمل : ممكن أشوفه أرجوك ..

الدكتور : تقدروا تدخلوا تشوفوه ..

دخلت أمل تجري لعنده وارتمت في حضنه

أمل : كدا ياعلي ليه تعمل فيا كدا إنت كويس ..

علي بتعب : أنا آسف ياقلبي طب بتعيطي ليه دلوقتي أنا كويس ..

أمل : إنت هتعمل العمليه بعد ساعة ..

علي : ماتخافيش ياحبيبتي نسبة نجاحها كبير بس إنتي اللي عيوطه بتعيطي بسرعه ..

أمل بحنق : أنا عيوطة ماشي ..

علي ببتسامة : عيوطه بس عسل ..

دخل أبو أمل وأمها

سعد : حمدالله على سلامتك يابني ..

علي : الله يسلمك ياعمي ..

رشا : حمدالله على سلامتك ياحبيبي إن شاءالله هتخف وتقوم بالسلامة ..

علي : يارب أومال فين الولاد ..

سعد : سيبناهم في البيت ..

علي : عمي أنا عايزكم كلكم تيجوا تعيشوا معنا في بيتي ..

سعد : لا يابني أنا مش هقدر أسيب بيتي ..

↚

علي : أنا طول عمري عايش وحيد نفسي أحس بدفى العيله أحس إن في ناس حواليا علشان خاطري ياعمي ماترفضش ..

رشا : هنفكر يابني ونرد عليك ..

علي : لا ياماما هتيجوا إنتوا والولاد وتعيشوا معانا في البيت ..

سعد : إن شاءالله يابني المهم دلوقتي إنك تقوم بالسلامه ..

رشا : أنا همشي دلوقتي وراجعه يابنتي ..

أمل : ماشي يا ماما ..

خرجوا بصلها علي بحب

علي : إنت احلى حاجة حصلتلي في حياتي ولازم تعرفي إني بحبك يا أجمل بنت شافتها عيني ..

أمل : وإنت أول دقه بقلبي إنت حب حياتي ..

علي : خلي بالك من نفسك ومش عايزك تعيطي أوعديني ..

أمل : مش هقدر اوعدك إنت هتقوم بالسلامه ..

خبط الباب ودخل الدكتور

الدكتور : جه وقت العمليه ..

علي : أمل خلي بالك من نفسك ومش عايزك تعيطي ماشي ..

أمل حاولت إنها تمنع دموعها : حاضر مش هعيط بس إنت أرجعلي بسرعه ..

دخلوا لغرفة العمليات

↚

قعدت أمل قدام أوضة العمليات  بتدعي من كل قلبها إن العملية تنجح لأنه بقى حبيبها وجوزها وكل حاجة بالنسبة لها

خرج الدكتور من أوضة العمليات

أمل بلهفه : هو بخير يادكتور العملية نجحت مش كدا ..

الدكتور : اهدي يامدام العملية نجحت الحمدلله تقدري تدخلي عنده شوية وهيفوق ..

راحت جري لعنده كان جسمه مربوط بأسلاك و نايم و التعب باين على وشه فتح عينيه

علي بتعب :  مش قلتلك العياط ممنوع بس إنتي نكديه ..

أمل : أنا برضو نكديه ياعلي تخف إنت بس وأنا هعاقبك ..

علي : قلب علي نكدية بس عسل ..

أمل : مش مصدقه إنك بخير كنت هموت من الخوف عليك ..

علي : بعد الشر عليكي ياروح قلبي ..

أمل : بتحبني للدرجه ياعلي ..

علي : بعشقك وبموت فيكي ياقلب علي ..

أمل : إنت كل حياتي كنت خايفه تروح وتسيبني لوحدي ..

علي : أنا هفضل معاكي لحد ماتزهقي مني ..

أمل : مستحيل ازهق منك إنت جوا قلبي ..

فاتت مده طويله بعدها علي طلع من المستشفى

علي : أمل فين ياعمي ليه ماجتش تأخذني ..

سعد : قالت عندها شغل مهم يابني ..

علي زعل إنها فكرت بالشغل ونسيته ولما وصلوا البيت

علي : ليه البيت ظلمه كدا وفين ماما والولاد ..

أمل : إحنا هنا ..

↚

فجأة النور اشتغل كان المكان متزين بالورد والشموع و البلالين

علي بفرحه : إيه دا ..

أمل : عملت حفله صغيره بمناسبة رجوعك لينا بالسلامة ..

علي بدموع : كل دا علشاني أول مرة أحس إن في حد بيحبني بجد ..

أمل قعدت قدامه ومسكت إيديه

أمل : أنا معاك وفي ضهرك أنا عيلتك أنا مش بس بحبك دا أنا بعشقك ..

مسك وشها بين إيديه وبصلها بعشق وهيام

علي : إنتي أحسن حاجه حصلتلي إنتي اللي لي ربنا رزقني بيها أنا أول مرة شوفتك فيها حسيت بحاجه بتشدني ليكي ومع الوقت سرقتي قلبي مني ..

أمل : يعني لازم اتعاقب ..

علي بدهشه : تتعاقب على إيه يا قلبي ..

أمل بهزار : علشان سرقت قلبك والسرقه جريمة ولازم اتعاقب عليها وهكون سجينة قلبك للأبد ..

علي : وأنا حكمت عليكي بالمؤبد في قلبي ..

أمل بإستغراب : ماما وبابا راحوا فين كانوا هنا من شوية ..

علي :  هههه طلعوا بيفهموا وسابونا لوحدنا ..

أمل : لما شوفتك نسيت كل حاجة تعالى يلا أنا عملتلك كل الأكل اللي  بتحبه ..

علي بحب : ربنا ما يحرمني منك ياحبيبتي ..

أمل بدأت تأكله بإيدها وهو في قمة سعادته أخيراً لقى الحب الحقيقي و السند ..

↚

مرة على جوازهم شهر كانوا أسعد زوجين

علي : فين أمل ياماما ..

رشا : خرجت الصبح حاولت أوقفها بس ماردتش عليا ..

علي بخوف : هي راحت فين دي حتى ماقلتليش ..

دخلت أمل شافته واقفين قدام الباب حضنته من ضهره

علي : كنتي فين يا أمل قلقتيني عليكي طلعتي من غير ماتقوليلي ..

أمل : أنا آسفه ياحبيبى ألف مبروك السفقه رسيت علينا وعندي ليك مفجأة ثانيه ..

علي : مبروك عليكي إنتي يا قلبي إنتي اللي تعبتي ..

أمل بتوضيح : إسمها تعبنا ماشي يلا خلينا نخرج ..

علي : نخرج نروح فين إنتي لسه راجعه ..

أمل : كنت بقول لما تخف وربنا يستجيب دعائي هطلع صدقه ..

علي : أنا أهو خفيت الحمدلله بس إنتي دعيتي بإيه ..

أمل : إني أقدر اخلفلك الولاد اللي بتتمناهم ..

علي : إنتي عبيطه إنتي بنتي وحبيبتي بس هو دعاءك اتحقق ..

أمل مسكت ايده وحطتها على بطنها بعد كام شهر هيشرفوا ..

علي بفرحه : إنتي بتقصدي إنك حامل ..

أمل بفرحة : أيوه وتوأم كمان أنا من كام شهر شكيت إني أكون حامل بس خوفت إنها تكون أعراض عادية لكن لما كشفت النهاردة اكتشفت إني حامل بالشهر الخامس ..

علي : سبحان الله شوفتي ماطلعوش أشقياء ..

أمل : أنا مبسوطه أوي خلينا نروح   نوزع الصدقات ..

↚

علي : يلا ياحبيبتي ..

نزلوا وزعوا حاجات كثير على الناس الغلابه كانوا مبسوطين أوي علي كان حاسس إنه ملك الدنيا كلها ..

علي : تعرفي يا أمل إنتي أجمل حاجة حصلتلي في حياتي كل يوم حبي ليكي بيزيد ..

أمل : وأمل بتحبك يا أجمل زوج بالدنيا كلها ..

بعد خمس سنين أمل كانت بتجري ورا ولادها

أمل : جاد تعالى بقى تعبتني معاك ..

علي : جاد إسمع كلام ماما ..

جاد بتذمر : يابابا أنا مش عايز ألبس الهدوم دي ..

جنة : بابا هو دايما بيتعب ماما أنا شطوره وبسمع كلام ماما ..

جاد : أنا كمان بسمع كلامها وها هلبس الهدوم اللي ماما اختارتهم ..

علي : حبايب بابا فين حضن بابا

الولاد جريوا ناحية علي حضنهم بحب

علي بص لأمل : إنتي كمان تعالي ..

إبتسمت أمل بحب وحضنتهم

جنة : بابا أنا بحبكم قد البحر ..

جاد : وأنا بحبكم قد السماء ..

علي : حبايب قلبي وأنا كمان بحبكم اوي..

جاد : تعالي يا جنة نروح نكمل لعب ..

علي : لما بقيت قاعد على كرسي متحرك قلت خلاص أنا هفضل طول عمري وحيد مكنتش عارف إن واحده قمر زيك هتدخل حياتي ..

أمل بحب : أنا بحبك وإنت أول واحد قلبي دقله ..

علي : إنتي أجمل حد بحياتي استحملتي عجزي ومشاكلي وخلفتيلي أحلى ولاد ملو البيت فرحه ..

أمل : أنا عملت كل دا علشان بحبك

أنا مبسوطه إنك في حياتي ..

علي : أنا محظوظ  لأني لقيت أجمل وأحن قلب بحبك يا أملي إنتي عطيتني أمل بالحياة ..

تعديل المقال