رواية رد سجون ياسين ومريم كاملة جميع الفصول بقلم ندي شكري
رواية رد سجون ياسين ومريم كاملة جميع الفصول هى رواية من تأليف المؤلفة المميزة ندي شكري رواية رد سجون ياسين ومريم كاملة جميع الفصول صدرت لاول مرة على فيسبوك الشهير رواية رد سجون ياسين ومريم كاملة جميع الفصول حققت نجاحا كبيرا في موقع فيسبوك وايضا زاد البحث عنها في محرك البحث جوجل لذلك سنعرض لكم رواية رد سجون ياسين ومريم كاملة جميع الفصول
رواية رد سجون ياسين ومريم كاملة جميع الفصول
_رد سجون! عايزة تتجوزي رد سجون.
_ رد السجون إل بتقولوا عليه ده هو إل كان سبب في يوم من الأيام إني أفضل عايشة.
_ مالك طالعة بيه سابع سما كده ده بلطجي ومعملش غير إل بتفرضه عليه تربيته ده قاټل.
_ القاټل ده عمره ضاع عشاني القاټل ده لولا وجوده كان زمانكم أقل ما يقال عنكم إنكم قټلتوني القاټل ده إل دافع عنكم وحمى شرفكم ولا تكونوش فاكرين إن لو كان حصل حصل كنتوا هتطبطبوا عليا مثلا لا ده أنتم أول ناس كانت هتنهش فيا فوقوا واعقلوا كلامكم الأول وهتلاقوا إن القاټل إل بتقولوا عليه هو أحق الناس بيا.
_أنت فاهمة ولا واعية إنت بتقولي إيه أنت عايزة تعيشي مع واحد قضى سبع سنين في السچن في وسط أشكال ما يعلم بيها إلا ربنا وحتى لو كان ملاك قبل زمانه خارج شيطان تربية سجون واخر كلام عندي لو آخر واحد في الدنيا مش هتتجوزيه يا مريم.
_وأخر كلام عندي إني مش هقبل بغيره يا خالد.
بصلي بنظرة حادة الڠضب ساكن تفاصيلها وخرج وسابني اتنهدت وقمت وأنا باخد كوباية الشاي وخرجت للبلكونة ووقفت وأنا ببص للسما وبراجع إل حصل من كام سنة ورا.
_ يا عيني عليك ده أنت كده هتعيشي عمرك كله تدوري ليها على حد يحبها ويقبل بيها .
_ ليه إن شاء الله بنتي كانت ناقصة إيه يعني.
_ ناقصة صحة يا حبيبتي ناقصة صحة أصل بالعقل كده أنت واحدة كده صحتها على قدها ولا هتبقي حمل جواز ولا خلفة والشاب من دول بيحب الواحدة إل تقدر تسد وتستحمل وتفتح بيت مش تكون كل يوم والتاني تعبانة منه غير العيال يا قلب أمهم هيتنقلهم السكر منها وهتعذبهم معاها فمين ده إل هيكتب على نفسه العڈاب ده.
كنت طالعة من الأوضة وصادفني الكلام إل ما بين والدتي وواحدة من معارفها ولكن إل سمعته خلى الحزن يسيب الكون كله ويسكن في قلبي ومحستش غير بدموعي لما لقيتها بتتسابق في نزولها على خدي.
مسحتها بإيدي بسرعة وخرجت وأنا بقول_ أنا خارجة يا أمي.
_ رايحة على فين يا مريم.
_ رايحة للبت نادية الخياطة تظبط ليا كام فستان من فساتيني.
_ بس الجو صعب يا بنتي والناس كلها دلوقتي متدارية جوا بيوتها والشوارع ساكتة.
_ مش هتأخر.
↚
ومع أول خطوة ليا بره البيت سمحت لدموعي بالنزول وعلى أول رصيف قابلني قعدت عليه ونظرا لسكون الجو من حواليا كان الوقت الأنسب للبكا بدأت أبكي وأبكي لدرجة إن الرؤية قدامي بقت مشوشة وكنت على وشك الإغماء ولكن حسيت في الوقت ده بإيد بتمسك إيدي بصيتله_ عوض.
قرب مني وهو بيمسح دموعي بإيديه وبنظرة ما بيسكنهاش غير شيء واحد وأقل ما يمكن أن تتوصف بيه هو القذارة والوقاحة _ هو إزاي العيون دي تبكي لا مش لايق بيك البكا.
بعدت وأنا قلبي بيتنفض من الخۏف وحاولت أمشي لكن زاد خۏفي أما مسك في إيدي مرة تانية وهو بيمنعني أتحرك_ أنت عايز إيه مني يا عوض.
_ طول عمرك عارفة إني مش عايز غيرك.
_ وأنا مش عايزاك أنت إيه مبتفهمش.
_ والنهاردة مش هيبقى بكيفك يا مريم.
شدني من إيدي وموجهني لطريق معرفش سكته مستغل في ده هدوء المكان من حوالينا نظرا لبرودة الشتا وقرب المغربية وضلمتها وجو الأرياف إل بطيبعته مايل للهدوء.
حاولت وقتها أصرخ ولكن مسافة ما حاولت كانت إيده سابقة صوتي وساكنة شفايفي دموعي بدأت تزيد وتزيد وقوتي بدأت تضعف
لمحت عربية مرت وكأنها كانت شعاع الأمل الوحيد ليا ولقيت الشخص إل جواها نزل وبالفعل أنتشلني من تحت إيديه و بدأت من هنا خناقة كبيرة انتهت بمۏت عوض!.
_ أنت كويسة
رديت بصدمة_ ماټ!
وجهنا نظرنا لي وبعدها لبعض ومن هنا قال بنبرة مهزوزة_ أنا مكنتش قاصد ېموت أنا بس زقيته والله زقيته مش أكتر.
بكيت أكتر وأنا بقول_ أنا أسفة.
قعد وقتها جمبي على الأرض وحط
وشه بين إيديه وفي اللحظة دي أدركت إني بقيت سبب في ضياع حياة شخص ومۏت التاني رغم أنه بالفعل كان يستحق القټل بدل المرة ألف.
بعدها بساعات كان البلد كلها مقلوبة ماهو ابن شيخ البلد اټقتل وإل قټله غريب عنها والسبب
↚
مازال مجهول للبعض وبعد تحقيقات ونيابة واستجواب دفع تمن شهامته ورجولته معايا ٧ سنين من عمره وفقدان إل باقي منها.
فوقت من شرودي على صوت ماما وهي بتقول_ بتعاندي في أخواتك وعايزة تمشي كلامك يا مريم.
_ واعتقد أن دي حياتي وده حقي.
_ يا مريم اعقلي طب يبقى اسمه إيه أما ترفضي شباب زي الورد بيتمنوا رضاك وتاخدي واحد خريج سجون.
_ إل بتمنوا رضايا دول أول ما يعرفوا بتعبي مش هتلمحي ليهم وجودك وخريج السجون ده عمري ما هقدر أوفيه حقه حتى لو إديته عمري.
_ عايزة تشكريه نديله فلوس أو حتى نساعده في أي حاجة بس مش نضحي بيك يا بنتي.
_ وفري مناهدتك يا أمي.
دخل اخويا وهي بيقول بغضب_ مش أنت عايزاه ماشي يا مريم بس قسما بالله لو جيت يوم ټعيطي لأرميك في الشارع سامعة ولو ۏلع فيك بجاز أنا مش مسؤول ولا حتى هقفلك في حاجة أمين.
قال كده وخرج وبعدها بأيام كان ياسين عندنا في البيت.
_ عامل إيه.
_ وافقت ليه
_ عشان باختصار مش هطمن على نفسي غير معاك أنت وبوجودك.
_ شففة مثلا
ابتسمت بشيء من الحزن ورديت _ياسين أنا مريضة سكر.
_ إيه!
_ هل بقى أنت هتكمل شفقة.
ابتسم_ لا هكمل عشان لو لفيت العالم كله عمري ما هلاقي سند وحد شاريني وقت ما الكون كله باعني غيرك أنت.
_ شوفت بقى أنسى أي شيء وأفتكر بس إن إحنا مع بعض وبس.
بعدها دخل أخواتي علينا ومعاهم والدتي وحقيقي كنت خاېفة من دخولهم ده.
خالد أخويا الكبير بصله شوية وقال_ وأنت بقى شغال إيه
_ كنت لسة خريج هندسة من أقل من سنة واشتغلت وقتها في شركة لكن بعدها حصل إل حصل.
_ أيوه يعني دلوقتي هتأكلها منين ولا هتاخدها تشحت بيها ولا إيه نظامك أنت.
_ لا حاليا بشتغل كذا شغلانة منها في سوبر ماركت.
_ أممم عندك شقة
↚
_ أعتقد أن كل إل هقدر أوفره في الفترة دي هي شقة إيجار لحد ما الظروف تتحسن.
ماما علقت وهي بتقول_ إيه يعني أنا بنتي تتمرمط في إيجار لالالا ده لا يمكن أبدا أقبل بيه.
رديت بهدوء_ الشفة الإيجار مش عيب أبدا يا أمي وأكيد يعني أما ربنا يكرمنا هنغيرها.
وختم خالد أسئلته بسؤال صاډم سواء ليا أو لياسين _ ما تحكيلي بقى كده اتعلمت إيه من السچن.
قام وقف وقال_ أتعلمت أن تمن الرجولة غالي ومش الكل بيقدر يدفعه.
قال جملته وقام ومشي بعدها بصيت لخالد وماما بحزن راحت بصالي وقايلة_ يا بنتي ده مش لاقي ياكل هيجوعك وهيمرمطك في الشوارع ده معندوش حتى شقة.
_ كفاية بقى كفاية وسيبوني أعيش الحياة إل اختارها بإرداتي مرة واحدة في حياتي كفاية.
وبالفعل بعد أقل من ٣ شهور كنا متجوزين بكتب كتاب بسيط بدون أي أفراح أو
شكليات.
بعد ما روحنا على بيتنا وبعد ما غيرت همومي خرجت ادور عليه ولمحته واقف في البلكونة وشارد فقربت منه وطبطبت على كتفه ففاق من شروده وابتسملي ابتسامة بسيطة بعدها اتنهد وهو بيقولي_ شكرا.
_ مش فاهمة على إيه
_ على وقفتك جمبي رغم تخلي الكل عني حتى وقت ما كنت في السچن فضلت الوحيدة إل بتزوريني ومهتمة بوجودي عكس الكل بعدوا وهجروا وكأني بقيت وصمة عار خايفين منها مع إني مش وحش أوي لدرجادي عشان يخافوا.
وأنا بقوله _أنت عمرك ما كنت وحش أنت أعظم إنسان شوفته في حياتي وأنا معاك لو الكون كله أتخلى عنك أنا هفضل جمبك عايزاك تبقى واثق من ده.
_ خاېف يا مريم خاېف مقدرش أكون قد المسؤلية خاېف امرمطك معايا وأنت ملكيش أي ذنب.
_ أنت قدها صدقني أنا واثقة فيك واثقة إن إحنا طول ما إحنا سوا هنعدي أي شيء صعب ومستعدة استحمل أي مرمطة مأنت ياما استحملت عشاني وضيعت من عمرك ٧ سنين من غير ما يكونلك ذنب.
_ تعرفي إن عمري ما ندمت لحظة
عليهم ولا على إل حصل يومها ده كفاية إن كان سبب في إني اقابلك.
ابتسمت ومسكت إيده وبادلني الابتسامة وهو بيطبطب على إيدي وكملنا واقفة في البلكونة وإحنا بنتابع النجوم وحركتها.
_ياسين مصېبة.
_ في إيه مالك أنت كويسة
_ أنا حامل.
_ بجد ده أحلى خبر في الدنيا يا مريم
↚
والله.
بدأت دموعي تنزل وصوت بكايا يعلى
مسك إيدي وهو بيقول _ في إيه بس يا حبيبي
_ خاېفة أوي يا ياسين.
_ من إيه بس
_ من إن البيبي يتنقله السكر خاېفة أعذبه يا ياسين.
_ متسبقيش الاحداث يا مريم خلي كل شيء في أوانه وخلينا نسأل دكتور ونتأكد وبعدين حتى لو فده نصيبه وقدر الله ماشاء فعل وأكيد هنكون راضيين.
بكايا زاد وأنا بقول_ أنا هكون أم وحشة يا ياسين هكون أم وحشة.
ابتسم وهو بيقول_ أنت هتكون أحلى وألطف أم في الكون وده شيء أنا واثق منه.
_ مش هتكون زعلان إنك اتجوزت واحدة مريضة واحتمال كمان تجبلك أطفال مرضى.
_ بالعكس أنا فخور إن ولادي هيكونوا منك أنت صدقيني أنت الحاجة الوحيدة إل حظي حلو فيها.
كلامه في كل لحظة خوف بيبقى قادر يطمني ولطفه قادر ينسيني أي قسۏة تانية حتى قسۏة أهلي وبعدهم عني من يوم جوازي.
_ أهو يا ست مريم اتطمنا على البيبي وعرفنا أن محافظتك على صحتك في الحمل وصحته بعد الولادة هتأخر فرص الإصابة.
_ أنا هعمل كل إل في وسعي عشان أقدر أحميه أطول فترة ممكنة.
_ أنت أشطر كتكوت يا ولا.
_ عايزة اكلم ماما أقولها.
_ أكيد كلميها.
خدت الفون واتصلت على فون خالد أخويا وقولتله بكل فرحة_ أنا حامل يا خالد هبقى أم.
ولكن رده كان في منتهى القسۏة وهو بيقول_ وفرحانة على إيه ياختي ده أنت مفروض تحزني على العيل إل هيجي هيجي واخد المړض من أمه وواخد الفقر من أبوه والله ده هيتشفق على حاله.
حسيت وكأني سمعت صوت كسرت قلبي وقتها ودموعي بدأت تهرب من عيوني من غير ما احس وقفلت المكالمة.
_ في إيه يا مريم مالك
_ مفيش حاجة خالد زي ما أنت عارف وكلامه السم.
_ متزعليش أنا معاك ومش مهم كلام أي حد.
_ ياسين.
_ نعم.
_ ما تيجي نروح لأخواتك ونقولهم يمكن قلبهم يحن عليك أما يعرفوا إنك شهور وهيكون عندك طفل يعني حتة منهم.
_ معتقدش.
_ نجرب هنخسر إيه.
↚
وبعد محايلات وافق و روحنا وأنا كلي أمل إن علاقته بيهم تتحسن.
وكانوا كلهم ساكنين في عمارة واحدة ك بيت عيلة.
أخوه الكبير استقبلنا بنبرة حادة خالية من أي عطف أو لين__ خير إيه إل جابك.
بصله وقتها بحزن وقاله_ هتفضل تعاملني بالقسۏة دي لحد إمتى
_ أنت متستاهلش حتى إني أتعامل معاك أنت حتة واد رد سجون كان سبب في مۏت أبويا من قهرته.
_حرام عليك ميبقاش أنت والدنيا عليا يا عاصم.
_ أنت إل ضيعت نفسك وډمرت مستقبلك وحياتنا معاك عشان حتة بت متسواش.
قال الجملة دي وهو بيرميني بنظرة حادة الاستحقار ساكن تفاصيلها ومن هنا صوت ياسين بدأ يعلى وهو بيقول _ مسمحلكش يا عاصم تقول على مراتي كلمة.
_ مراتك دي واحدة كانت السبب في ضياعك وإنك بعد ما كنت البشمهندس ياسين الجوهري بقيت واحد خريج سجون مش لاقي ياكل.
جت أخته الكبيرة على الصوت وهي بتقول_ في إيه بيحصل هنا هو أنت إيه إل جايبك مش قولنا مليون مرة مش عايزين نلمحك في حياتنا أنت إيه مبتفهمش
_ حتى أنت يا هالة.
_ أنا إيه أنا خاېفة على ولادي ما أكيد مش هآمن عليهم بوجود واحد رد سجون بينطلنا في البيت كل شوية طب بذمتك يا شيخ مبتتكسفش من نفسك اخوك الكبير دكتور جامعي والأصغر مهندس وأختك نورا فنانة تشكيلية وأنا من أشهر دكاترة الجراحة أنت بقى إيه رد سجون حاليا مهندس سابقا بذمتك مش حاجة تعر صدقني مبقاش ليك مكان وسطينا يا ياسين ووجودك بينا بقى شيء يكسف أنت بالنسبالنا مت من يوم دخولك السچن ومۏت بابا من قهرته عليك من الأحسن تنسانا وتعيش مع الحلوة جايز تعوضك عن إل كانت سبب في ضياعه.
حرفيا قلبي وجعني عليه في اللحظة دي
بشكل لا يطاق حسيت بخاطره إل مش بس اتكسر لا ده اتفتفت برفضهم لي وحسيت وقتها قد إيه أنا السبب في كل ذرة ألم حاسس بيها.
طلعنا وعلى أول رصيف قابلنا شديته وقعدنا عليه فقعد وحط وشه بين إيديه في صمت رهيب.
_ أنت كويس
_ هو أنا وحش للدرجادي هو أنا وجودي بقى تقيل ومرفوض للدرجادي.
_ العيب فيهم مش فيك صدقني هما إل
↚
تفكيرهم عقيم ومستواهم الاجتماعي عماهم.
_ أمشي يا مريم أمشي ومتكونيش معايا شفقة أمشي مبقتش عايز حد جمبي.
_ وأنا مش هسيبك ولو كان آخر يوم في عمري ولو الكل بعد وسابك مش هسيبك يا ياسين.
_ وأنا إل بطلب منك دلوقتي تسبيني سبيني يا مريم مش عايزك ولا عايز حد سبوني ابعدوا عني بقى وكفاية بقى إل وصلتله بسب غبائي ومشيي ورا مبادئي وآخرتها بقيت رد سجون والفضل يرجعلك.
قالهالي بشيء من العصبية وقام مشي مع محاولاتي في إني أنادي عليه أو حتى أوقفه ولكن كلها فشلت وفضلت أنا لوحدي قاعدة على الرصيف ببكي على حالي وعلى ۏجع قلبي عليه وعلى وصوله حاله ده بسبي.
فضلت شوية وبعدها رجعت على البيت كان هو وصل وموجود وفعليا كنت تعبانة وده شيء كان واضح عليا بشكل كبير.
قرب مني وهو بيقول_ مريم أنت كويسة
وقبل ما أجاوب على سؤاله كنت واقعة على الأرض ومش حاسة بأي شيء حواليا غير وهو بيفوقني على السرير وبيديني علاجي_ مريم مريم أنت كويسة
مردتش ولفيت وشي الجهة التانية كمل وقالي_ مريم.
مردتش فكمل وهو بيقول_ حقك عليا أنا أسف عارف إني جيت عليك وطلعته فيك بس يعلم ربنا إني جوايا حزن وۏجع ماحد يستحمله.
قمت بهدوء وخدته في حضڼي وفضل الصمت هو الساكن الوحيد للحظة.
في ليلة كان قاعد بيجهز في أوراق من
الواضح إنها تخص شغل.
_ ياسين.
_ ها.
_ إلا قولي هو أنت يوم إل حصل كان إيه إل جايبك عندنا البلد.
ضحك_ كنت جاي أخطب.
_ بتهزر.
_ والله زي ما بقولك كده كانوا جايبنلي عروسة من البلد عندكم.
_ قوم إيه تتكعبل فيا وتتجوزني أنا.
ضحك _ شوفي النصيب.
_ إيه معترض سيادتك.
_ هو أنا أقدر يا باشا بس أنت إيه إل كان موديك للحيوان ده.
↚
_ يابني اليوم ده سمعت واحدة بتتكلم مع أمي وقال إيه كأنها بتعايرها بيا وبمرضي وإن عمر ما حد هيقبل بيا خرجت وأنا بعيط وكنا داخلين على المغربية وأنت عارف البلد بتتضلم إزاي في الوقت ده والبرد كمان كان مخبي الناس في بيوتها قوم إيه يطلعلي الحزين ده ويخطفني عشان مبقبلوش وهو عايز يتجوزني بس وكان مستقبلي على وشك إنه يضيع وفعلا حقي وقتها كان هيروح ومش هيرجع ماهو ابن شيخ البلد بقى ومع نطق لساني لكلمة يارب جيتلي أنت وفي نفس اليوم إل اتعايرت فيه واتقال إن محدش هيقبل بيا جالي إل قابل بكل تفصيلة فيا وقابل فيا المر قبل الحلو كمان.
ابتسم_ اللقا نصيب فعلا.
_ أحلى نصيب في الدنيا والله ..إلا قولي بتحضر الورق ده ورايح بيه فين.
_ هنزل ادور على شغل في مجال تخصصي ادعيلي يا مريم ادعيلي.
_ يارب يارب يكرمك وتروح وترجع مجبور يارب.
_ يارب يا حبيبي يارب.
بعد يوم طويل ومرهق بالنسبة له نظرا لرحلة البحث الطويلة عن شغل مناسب وكالعادة كانت محاولة راجعة بالفشل رجع واستناني تحت العمارة فنزلت وحاولت ارسم ابتسامة بسيطة على شفايفي جايز تهون عليه شقا اليوم وتعبه.
ابتسم رغم الإرهاق إلي باين عليه وقالي_ وحشتيني.
_ وأنت وحشتني حد السما حقيقي.
مسك كف إيدي وقالي _ يلا بينا.
طبطبت على كفه بحنان_ حبيبي شكلك مرهق جدا لو تطلع أنت ترتاح وأنا هروح وهرجع على طول متقلقش.
_ وأنت فاكرة أن يهون عليا أسيبك من غير ما اطمن عليك وعلى ابننا صدقيني تعب الدنيا كله بيهون أما بطمن عليكم وبحس أنكم بخير.
_أنت أحن زوج وأعظم أب في الكون.
ابتسم وقال _ مش يلا.
وأثناء وإحنا في المواصلات لمحت شروده طول الطريق بالإضافة للإرهاق والتعب إل كبره عمر فوق عمره ودبل ملامحه وطفاها.
_أنت كويس
اتنهد تنهيدة خارجة من ثنايا قلبه وابتسم
عشان بس يطمني بعدها ميل وسند راسه على كتفي.
_ ياسين
_ خاېف.
ابتسمت عشان اهدي من خوفه وقولتله ومسكت إيده وطبطبت عليها بحنان وبصوت هادي قولتله_ ميل واطمن هفضل سنداك ومعاك متخافش ميل وأنا جمبك وعمري ما هميل.
عدت علينا فترة صعبة وتعب الحمل زاد عليا وزادت على ياسين ضغوطات الحياة وخصوصا بعد ما ساب شغله في السوبر ماركت وبقى بلا أي مصدر دخل.
وفي ليلة كانت حرارتي عالية ومش راضية تنزل أبدا ومكانش في مقدرته اليوم ده إنه يوديني لدكتور
↚
فكان قاعد جمبي وبيعملي في كمادات بإيد والإيد التانية متبت علي إيدي بيها كنت تعبانة لدرجة أن مش قادرة افتح حتى عيوني حسيت بدموعه إل هربت من عيونه وسكنت خدودي فحاولت بصوت يكاد يكون مسموع أقول_ أنا كويسة متقلقش.
قعد على الأرض جمب السرير وهو مازال متبت في إيدي وقال بصوت بيتخلله الكسرة والخذلان_ أنا أسف أسف إني مش قادر أكون قد المسؤلية أسف إني مش قادر حتى اوفرلك أقل احتياجاتك زي الدوا أسف إني خذلتك أسف أفشل زوج واسوء أب اسف يا مريم أسف إني مش الإنسان المثالي إل يستاهل يفوز بيك ولا قدرت أقدملك إل تستاهليه لكن حبيتك والله العظيم حبيتك ولو هطول اجبلك نجمة من السما هجيبها لأجل عيونك بس يا مريم.
ابتسمت رغم تعبي وحنية كلامه كانت كفيلة تهون عليا أي تعب بمر بيه وكأنها كانت بمثابة طبطبة على قلبي وكأنه كان مصدر بيلهمني القوة إني أكمل واستحمل أي شيء حتى لو صعب.
ابتسمت ورديت على كلامه بصوت ساكن في ثناياه التعب _ أنت عندي بالدنيا وفي عيوني أنا أنجح زوج وأعظم أب ولو في عيون الكون كله شافتك عكس كده أنت عظيم إنسان قابلته وعيوني شافته لا مش عيوني بس قلبي كمان مبيشوفش غيرك أنا بحبك يا ياسين ومعاك.
بعد فترة من أصعب الفترات إل ممكن تمر بشخص كنا بنعدي اليوم وإحنا مش عارفين يا ترى هنقدر بكره نوفر من الأكل إل ممكن يعيشنا ولالا ضغوطات وديون وتعب ولكن كنا بنصبر وبنهون على بعض على أمل إنها في يوم تتحل وفي وسط كل ده جت مكالمة من اصدقاء ياسين القدام كلمه وهو بيعرض عليه شغل في واحدة من الدول العربية.
بصلي وقتها وقالي_ أنا عارف إني مش مفروض أسيبك لكن دي فرصتنا الوحيدة إل ممكن بيها نعيش.
ومكانش وقتها ينفع اعترض وسافر وسابني أواجه الحياة وقسوته أنا والطفل إل ساكن جوايا.
ومرت فترة الظروف فيها متغيرتش كتير نفس المشاكل ونفس الضغوطات ولكن إل اختلف إني بقيت بواجهها لوحدي مفيش فيها إل اتسند عليه أو حتى اتحامى فيه.
في يوم صحيت على خبط الباب بشكل قوي وأما فتحت لقيت صاحب الشقة واقف قدامي وبيقولي_ دلوقتي عليكوا إيجار ٤ شهور متأخر قدامكم لحد بكره لأما هرميكم أنتم وكراكيبكم في الشارع سامعة يا مدام.
↚
وقفت وأنا في حالة من الصدمة والذهول وكأني تايهة ومش عارفة أعمل إيه أو حتى أروح على فين.
وقتها ملقتش قدامي غير شيء واحد ممكن يكون الحل وهو بيع عفش البيت وبالفعل ده إل حصل وفضلت أبيع شيء ورا التاني عشان أقدر بس أعيش لدرجة أن بقيت عايشة في شقة فاضية مفيهاش حتى سرير أنام عليه.
وفي يوم الباب خبط قمت بتعب عشان افتح والمفاجأة أنه لأول مرة من يوم جوازي أهلي يفكروا يزوروني.
دخلوا وهما بيبصوا حواليهم على الفراغ الموجود والشقة إل مفيهاش أي شيء غير بلاط وعلى شكلي إل بهت ومبقالوش ملامح.
والدتي بكت وهي بتقول_ اه يا حسرة قلبي عليك يا بنتي ليه تعملي في نفسك وفينا كده ليه.
رديت بتعب_ أنا كويسة يا أمي مفياش حاجة والله الحمدلله.
رد خالد بعصبية_ عايشة على البلاط وتقولي كويسة أنت هبلة ولا بتستعبطي مبسوطة برد السجون بتاعك أما خدك ومرمطك معاه وبعدها سابك على الحديدة وطفش مبسوطة بالسوابق إل رايحة تخلفي منه.
_ الحمدلله إني لاقية شقة اتدارى فيها حتى لو على البلاط وجوزي مش طفش ولا حاجة جوزي سافر وطالع عينه وشقيان عشان يوفرلي أنا وابنه عيشة كويسة من غير ما نحتاج لحد وشرف ليا إني أخلف
من إل بتقول عليه سوابق ده.
_ تصدقي بالله أنا فرحان فيك وطول ما أنا شايفك مذلولة كده هفرح أكتر وأكتر عشان تعرفي حلو إزاي ترفضي العريس إل كان هيرفعك سابع سما وتختاري السوابق إل نزلك لسابع أرض ...يلا يا علي يلا يا أمي.
سابوني ومشيوا بعدها قعدت في ركن من أركان الأوضة وأنا ببكي وببكي لوقت ما بدأت أحس پألم شديد بيتخلل جميع انحاء بطني حاولت أهدى على أمل إنه يقل ولكن للأسف كان بيزيد ويزيد حاولت أقوم مقدرتش من
شدة الألم وبدأت
↚
ازحف لحد ما وصلت عند باب الشقة وبعد عدة محاولات بيتخللها الألم قدرت افتح الباب وخرجت من باب الشقة وقبل حتى ما الحق أصرخ أو حد يسمعني كنت فاقدة للوعي.
فتحت عيوني في مكان غريب عليا ومبألفوش وبعد تدقيق للحظات أدركت إنها المستشفى وواقف جمبي جار من سكان العمارة ومعاه مراته.
قالولي _ حمدلله على سلامتك يا بنتي.
رديت بتعب_ أنا إيه إل جابني هنا.
_ لقيناك يا حبيبتي مرمية على السلم وحالتك صعبة خالص ونقلناك على هنا على طول.
قولت بخوف_ ابني ابني كويس
بصوا لبعض بعدها بصةلي بنظرة واضح فيها الحزن_ ربنا يعوضك يا حبيبتي ويصبرك.
وقعت على قلبي الجملة دي وكأنها ڼار كوته بقيت مش قادرة أعمل شيء غير البكا ومع أول اتصال من ياسين كنت پصرخ فيه وأنا بقول_ أنت عايز مني إيه عايز إيه أنا مش عايزاك أنا مش حد كلكم سبتوني وأنا أضعف من إنكم تسبوني كلكم السبب في مۏته مش مسمحاكم عمري ما هسامح.
_ مريم في إيه يا مريم مريم إنت كويسة
ما بين شهقات بكايا رديت_ ماټ ابننا ماټ ماټ عشان سبتنا نواجه الدنيا دي لوحدنا ماټ عشان كنا أضعف من إننا نستحمل ونعيش من غير وجودك أنا كنت مستعدة والله استحمل واعيش حتى لو هنعيش على المايه ومش هنشوف الأكل كنت مستعدة استحمل المړض والتعب والضغوطات كنت مستعدة استحمل أي شيء ممكن كان يمر علينا ولكن كنت استحمل كل ده بوجودك جمبي أنا أضعف من إني أكمل لوحدي حتى ابننا ماټ وسابني هو كمان لوحدي أنا تعبت تعبت تعبت.
كانت كل كلمة بتخرج بيخرج قصادها صړيخ وبكا لدرجة إن ياسين بكا على بكايا ووضح ده في صوته وهو بيقول _ حقك على قلبي يا مريم حقك عليا.
قضينا باقي المكالمة بدون أي كلمة وكأني ما صدقت الاقي إل ابكيله بكل الۏجع إل جوايا.
بعدها بأقل من شهر كان ياسين باعت وواخدني معاه هناك رغم إن حتى فلوس سفري كان مجرد سلف من صاحبه إل وصله بالشغل ده ورغم إن كمان كل إل بيمتلكه هناك هو مجرد أوضة صغيرة مش أكتر لكن وجودي جمبه بس ده كان عندي بالدنيا وماكنتش عايزة أي شيء اكتر كفاية احساس الونس بوجوده حتى لو هنعيش بأقل من القليل.
وبعد ١٠ سنين من التعب والصبر والجهد قدر ياسين يشتري المطعم الصغير إل كان شغال فيه ١٠ سنين ما بين شغله في شركة هندسية بالنهار وشغله في المطعم ده بليل بين صبره على التعب وقلة الرزق وضيق الحياة ولكن ربنا رحمته بينا واسعة أوي وجزاء الصبر عظيم واحساس الڤرج بعد الضيق ده من أعظم المشاعر إل ممكن إنسان يحسها قد إيه ربنا رحيم وبيعوض وخصوصا بعد فترات من الشقا والضيق والحزن حقيقي عوضه عظيم وبيجي من حيث لا تدري أو تحتسب عوض كده بينسيك أي شيء مر مر قبله.
_ يلا يا مريم هنتأخر.
↚
_ حاضر حاضر بلبس يحيى الشوز وجاية على طول أهو.
_ بس إيه الجمال ده.
_ أحم هنتأخر يا ياسين.
_ اهربي اهربي.
ضحكت وشبكت إيدي بين إيديه وروحنا على افتتاح أول وأكبر فرع لينا ولكن في مصر بعد ما قدر ياسين يكبر المطعم الصغير اشتراه وإل كان إراده في البداية ميتعداش الجنيهات في اليوم و مع تعبه ومجهوده بقى من أكبر المطاعم في المكان وبقى لي فروع كتير مش بس في البلد إل كنا فيها لا وفي بلاد تانية كتير وأهمهم فرع مصر إل النهاردة بيكون افتتاحه.
كنا واقفين واتفاجئنا بواحدة من اخوات ياسين جاية علينا وهي بتقول_ إزيك
يا ياسين.
_ نورا إيه الزيارة السعيدة منورة.
_ وحشتني يا ياسين.
_تشربي إيه ولا شرب إيه لازم تاكلي حاجة في هنا باستا بالوايت صوص تجنن.
مسكت إيده_ ياسين أنا فرحي يوم الخميس ومحتاجة وجودك صدقني ممكن عشان خاطري تحققلي رغيتي وتيجي وصدقني أنا مليش أي ذنب في إل عمله معاك زمان عاصم وهالة صدقني أنت شرف ليا سواء دلوقتي أو قبل كده.
ابتسم وطبطب على إيديها_ حاضر يا نورا حاضر.
وقتها كنت طايرة من السعادة وأنا بشوف علافته بأهله بدأت ولو لشوية تتحسن.
بعدها لقيت علي أخويا الصغير ومراته بيقربوا
علينا وقالي وهو مبتسم_ مساء الخير مبروك يا ياسين مبروك يا مريم.
ابتسمت وقولتله_ الله يبارك فيك يا حبيبي طمني على خالد بتشوفه.
_ حالته في السچن بعد قضية اختلاس الأموال دي صعبة والمړض كمان زاد عليه وهادد حيله ربنا يهون عليه ويرحمه من إل هو فيه.
اتنهدت بحزن وأنا بقول_ اللهم آمين.
ياسين_ معلش يا مريم محتاجك شوية.
طلعت معاه بره المطعم ودوشته_ إيه يا حبيبي أنت كويس
ابتسم_ أنا كويس لكن كنت حابب أقولك كام حاجة أهمهم هو إني ممتن لوجودك في حياتي يا مريم ممتن لكل كلمة دعم قوتيني بيها في عز ضعفي ممتن لكل طبطبة طبطبتيها على قلبي قبل ما تكون على كتفي ممتن لتمسكك وقت ما الكل بعد وباع ممتن لسندتك حتى وقت ضعفك ممتن لمحاربتك الكون لأجلي حتى نفسك ممتن لجدعنتك وأصلك وممتن كمان لقلبك إنه استحملني وشالني وعمره ما شاف غيري أنا بحبك وأي نجاح بحققه بيبقى نجاحك أنت مش أنا صدقيني لأن من غير وجودك عمر ما كان هيبقالي وجود.
_ الكلام ده كتير أوي عليا حقيقي أنا إل ممتنة لوجودك في حياتي يا عيوني وأنا إل فعلا موجودة النهاردة بسبك أنت ولو خيروني ألف مرة مش هختار غيرك أنت يا ياسين أنا بحبك وهفضل جمبك في المر قبل الحلو وهتفضل الشيء الثابت الوحيد في حياتي إل مهما اتغيرت حاجات واستغنيت عن حاجات عمري ما وجودك يتغير أو أقدر استغنى عنك.
بيحكي عن كل تفصيلة عشناها سوا وكأنه كان أنسب وألطف نهاية نختم بيها تعب ومر عشناه لسنين.
النهاية