رواية قبضة الاسر اسر ورولان كاملة جميع الفصول بقلم ريم محمد
رواية قبضة الاسر اسر ورولان كاملة جميع الفصول هى رواية من تأليف المؤلفة المميزة ريم محمد رواية قبضة الاسر اسر ورولان كاملة جميع الفصول صدرت لاول مرة على فيسبوك الشهير رواية قبضة الاسر اسر ورولان كاملة جميع الفصول حققت نجاحا كبيرا في موقع فيسبوك وايضا زاد البحث عنها في محرك البحث جوجل لذلك سنعرض لكم رواية قبضة الاسر اسر ورولان كاملة جميع الفصول
رواية قبضة الاسر اسر ورولان كاملة جميع الفصول
_دا دكتور في الجامعة، هتوقعيه ازاي؟؟
_رولان:مين قالك أنّي عايزة أوقعه، عليّ فاينل وعايزة اذاكر مش فاضية للحاجات دي
_حور:بجد؟، فقدتِ الشغف ولا إيه؟؟
_رولان:لا، بس مش أنا اللى أسعى هو اللى يسعي ليّا
_حور:ومين يأكدلك أنه هيسعى وراكِ هو ميعرفكيش أساسًا
_رولان:ولا أنا أعرفه أعتبري كأني ما قولت حاجة
_حور بإندهاش:مستغربة بجد، ازاي فى لحظة كدا غيّرتِ رأيكُ
_رولان:أنا لو هموت على حد عمري ما هروح اكلمه
^^^^^^^^^^^^^^^^^^^^^^^^^^^^^
*لاقيتهم منزلين على جروب الدفعة
ان المادة الجية مادة الدكتور “آسر”
قلبي دقّ علطول، من الخوف لأنه صعب أوي فى مادته وصارم ومبيجبش امتحانات سهلة خالص كل امتحاناته صعبة، ونزلوا ملخصات *
^^^^^^^^^^^^^^^^^^^^^^^^^^
*فضلت أذاكر خايفة من مادته أوي وطويلة ومكلكة، عايزة تركيز جامد*
^^^^^^^^^^^^^^^^^^^^^^^^^^^^
*لاقيت حور مركزة داخلة بتقولي*
_حور:حاطين أصعب مادة، أول مادة!
_رولان:ربنا يستر ونعرف نحلِّ
^^^^^^^^^^^^^^^^^^^^^^^^^^
*جه يوم الامتحان، ولاقيت عربية ماشية ووقفت قصادي وطلع الدكتور آسر، ماشي بحزم مشية الضباط*
^^^^^^^^^^^^^^^^^^^^^^^^^^^^^
_آسر بصرامة:كله يقعد مكانه مش عايز حد واقف ومسمعش صوت
اللى هيبص للي جمبه محضر غش علطول
*بدأت أحل وكانوا أول عشر أسئلة سهلين، بعد كدا حسيت الامتحان اتعقد وبقى صعب*
*بدأت أجمّع المعلومات، وبحاول أركز وأحل بتأني عشان أفتكر المعلومات*
*لاقيت بنت ورايا عمّالة تنادي عليّ وبتسألني على أسئلة وأنا مردتش عليها، وفضلت مُصرة لحد ما قولتلها مش عارفة وركزي مع امتحانك*
*فى اللحظة دي للأسف شافني!!
اتوترت وبصيت للورقة، ولسه هحلّ
لاقيته بيقول*
_آسر:اللى لابسة أسود، تطلعلي برا
*تجاهلت كلامه وكملت، لاقيته قال تاني*
_آسر:مش هكرر تاني، قولت اطلعي
*تجاهلت للمرة التانية، ولاقيته فجأه قرب منّي وشدّ الورقة وقال*
_آسر:اطلعي برا ملكيش امتحان
^^^^^^^^^^^^^^^^^^^^^^^^^^^^
“بإحدى البيوت الثرية”
_هند:الساعة تلاتة جي تلاتة ودقيقة
ليه!، الأكل اتحط، جي بعد ما اتحط!
_عمر:أنا أتأخرت غصب عنّي مش هتيجي من دقيقة يعني يا ماما
_هند بغضب:أنت تايه عن نظام البيت!، الساعة تلاتة الكلّ يتجمع غير كدا مفيش أكل
_عمر:خلاص بلاها أكل خالص، أنا طالع
^^^^^^^^^^^^^^^^^^^^^^^^^^^^
“بإحدى المطاعم الفارهة”
_عمر:اتخنقت من تحكمات ماما مش كدا يعني
_أمير:مضايقش نفسك، بس قولي هتعمل ايه معاها
_عمر:معرفش بس بضايق لما حد بيبصلها ومش عارف أخد قرار أتقدم ولا أعمل إيه
_أمير:مستني لما تتخطب ولا ايه يعني أنت يُعتبر مقيم في الاكونت بتاعها أصلًا
_عمر:أنا احترت بجد يا أمير، فكك منّي خطيبتك عاملة ايه معاك؟
_أمير:كويسين الحمد لله بس حاسسها جد شويه
_عمر:كلمها وعرّفها على اللى مضايقك
_أمير:ودا اللي هيحصل، الواحد شاف بنات الدنيا كلها وفى الاخر وقع فى حب وحدة
_عمر بشرود:أنا اللى عمري ما توقعت اني هقع وقعة س*ودة كدا لدرجة عشقتها!!
_أمير بمُزاح:غريب الحبّ مين فاهمه
^^^^^^^^^^^^^^^^^^^^^^^^^^^^^
_أنس بإندهاش:حاطط امتحان صعب ليه كدا
_آسر:عشان أعرف مين اللي ذاكر ومين اللى لأ، منا مش هحط امتحان كله يقفل فيه
_أنس:والبنت اللى اخدت منها الورقة هتعمل ايه معاها؟
_آسر بغموض:لسه معرفش
^^^^^^^^^^^^^^^^^^^^^^^^
_رولان ببكاء:أنا معملتش حاجة، قولتلها خليكِ فى ورقتك
_حور بحزن:مطلعتيش ليه
_رولان:من التوتر والخوف مطلعتش، اساسا الامتحان صعب ومش ناقصة توتر
_حور بحزن:أمير بيرنّ، هرد عليه
_أمير:خير يا حور، مبترديش ليه
_حور:الفون، مسمعتوش وأنا عند رولان لما اروح هكلمك
_أمير:طب طمنيني عملتِ ايه
_حور:مادة دكتور آسر متوقع ايه
_أمير:لا حول ولا قوة الا بالله العلي العظيم، إن شاء الله خير
^^^^^^^^^^^^^^^^^^^^^^^^^^^^^^
_الأم:متزعليش يا رولان، معندكيش مانع لو امتحنتيها فى السمر كورس
الواحد مبيتعلمش من بلاش
_رولان:والله؟، أم عظيمة أنتِ بجد سمر كورس ايه أنا عايزة تقدير
أرتب على الدفعة كدا مش نجاح!
_الأم:اهدي يا بنتي متزعليش نفسك طب عارفة بالمناسبة دي هنطلع برا وفكك من المت*خلف عقليًا دا، بس نسيت أقولك فى عريس متقدم
_رولان:طبعًا عارفة الردّ
_الأم:اه من غير ما تقولي باباكِ رفضه
لسه ليكِ سنتين غير دي صيدلية عايزة تركيز ومذاكرة دراستك أهم دلوقتي
_رولان ببكاء:أنا دايمًا بجيب تقدير بسبب المادة دي يدوب هنجح
_الام:قومي يبت صلي ركعتين لله والبسي عشان نخرج ونروح نزور بيت جدك خالاتك متجمعين هناك
_رولان:النم على مين؟؟
_الأم بمُزاح:متقلقيش نشوف بعض بس
^^^^^^^^^^^^^^^^^^^^^^^^^^^^
_حور:الدكتور آسر اخد الورقه من رولان مفكرها بتغش وهي معملتش حاجة، بنت اللى سألتها وكنت عايزه تعرف الاجابات
_أمير:لا حول ولا قوة الا بالله العلي العظيم، دا عامل ليكوا رعب
_حور:للأسف
_أمير:ان شاء الله اخر يوم اخدك نتفسح وناخد اخوكِ معانا، متقلقيش
^^^^^^^^^^^^^^^^^^^^^^^^^^^^^
_آسر بغضب:مين عمل كدا
↚
“الجزء التاني”
*مسكت الفون لاقيت رقم غريب بيرنّ عليّ*
*وأنا فى الجامعة، بمتحن تاني مادة
مردتش رنّ تاني رديت، سمعت صوت راجل، اتخضيت كنت لسه هقفل قال*
_قبل ما تقفلي تعالي على مكتب دكتور آسر
_رولان:أنت دكتور آسر؟
_آسر بحنق:ايوا، امال مين هيرن عليكِ من مكتبي
_رولان بتوتر:مرة تانية
_آسر:خلاص دا مستقبلك أنتِ، براحتك
_رولان:تمام، جية
_آسر:تكوني لوحدك
_رولان بوجل:مش هينفع
_آسر:تمام،هاتي صحبتك بس معاكِ، دلوقتي عشان بعد كدا مش فاضي
^^^^^^^^^^^^^^^^^^^^^^^^^^^^^^
_عمر بغضب:بقولك ايه حلي عنّي أنا عفاريت الدنيا بتتنط فى وشي
مليون مرة أقولك مبحبكيش هو بالعافية
_إنجي:هي أحسن منّي فى ايه
_عمر:سلام، وياريت متتصليش على الرقم دا تاني
*عمر يُحادث نفسه؛ بوظتيلي الرسمة كنت مُندمج بس هرسمها بدقة عشان تفضل معايا لحد ما ربنا يفرجها وتكون معايا في الحقيقة*
^^^^^^^^^^^^^^^^^^^^^^^^^^^^
_حور:أنا مش مطمنة له، شكله مش ناوي على خير دا لو أمير عرف هيقوم الدنيا ومش هيقعدها
_رولان:متعرفهوش حاجه
_حور:ودا اللي هيحصل
*رحت مكتبه أنا وحور كان مديني ضهره استأذنا وقعدنا، لف لينا وكانت نظراته غريبة نوعًا ما وطبعًا تجاهي*
*جلى حنجرته واتكلم وقال*
_آسر:أنتوا طبعًا، عارفين نظامي مبحبّش حد يكسّر نظامي
وبكل سهولة أنتِ كسّرتيه صح ولا ايه؟
_رولان:أنا بقولها تركز في ورقتها مش أكتر، بعدها مكلمتهاش
_آسر:مش لوحدك هي كمان شالت المادة
_رولان:يعني ايه؟
_آسر:يعني هتشليها، للأسف كسّرتي نظام آسر السويسي
_رولان بصدمة:بس دا ظلم، يعني جايبني لحد هنا!، عشان تقولي الكلمتين دول
_حور:يا دكتور دا رولان بترتب على الدفعة كل سنة، حرام مجهودها يضيع
_آسر:أكيد مش جية عشان الكلمتين دول بس عيني عليكِ
_رولان:يعني هشيل المادة!!!
_آسر:زيك زيها الظلم فى العدل عدل
_حور بغضب:ونعم العدل عندك يلا يا رولان
*مشيت وأنا تايهة ومصدومة من قسوته وكلامه، مكنتش مركزة في حاجة يعنى كدا السنة ضاعت!! *
↚
_حور بحزن:حسبي الله ونعم الوكيل فيه معرفش صعب ليه كدا
مجهودك هيضيع
_رولان:اطلبي تاكسي، حاسة أنّي تايهة
^^^^^^^^^^^^^^^^^^^^^^^^^^^^
_عمر:قررت اتجوز
_هند:ومين سعيدة الحظ دي؟
_عمر:هتعرفيها لما تيجي معايا
_هند:اه، كويسة يعني ومن مستوى
_عمر:اه عجباني وبحبّها ومش شايف غيرها يا أمي
_هند بصرامة:وأخوك
_عمر:ماله؟
_هند:هو الاول
_عمر:كنت عارف،هتقولي هو الاول خلاص استنى باب لما يخلص المأمورية بتاعته
_هند:اكيد باباك صاحب القرار فى الاخر، هروح ازور صحبتي
^^^^^^^^^^^^^^^^^^^^^^^^^^^
*البسي حلو كدا عشان في ناس جية*
_رولان:عريس!!!
_الأم:لأ، صحبتي جية
_رولان:أهلًا وسهلًا ايه علاقتي بالموضوع؟؟
_الأم:عادي تقعدي معانا
_رولان:دا حال يسمحلي أنّي اقعد مع حد
_الام:فرفشي كدا محدش واخد منها حاجة
*لاقيت عربية موديل حديث واقفة قدام البيت، ونزل منها سِت منمقة وشيك فى نفسها ومعاها شاب طويل
وباين عليه وسيم، استغربت ماما عندها صحبة!، مسمعتش عنها قبل كدا، فضلت قاعده فى الاوضة طالما جية تقعد معاها شويه ايه علاقتي بالموضوع؟؟ *
*سمعت ماما بتكلمهم، واستقبلتهم وقعدوا، وسمعت صوت الشاب دا
وهو بيتكلم وبيكلم ماما بودّ، كأنه يعرفها بعدها لاقيت ماما نادت عليّ
معرفش ايه علاقتي بالموضوع
لبست وكنت مكسوفة اطلع*
*لحد ما ماما شدتني عشان اطلع
وفضلت ساكتة*
_عمر بشوق:ازي حضرتك يا آنسة رولان
_رولان:الله يسلمك
_هند:ما شاء الله قمر يا رولان، بقى كدا أمك مخبية عليّ أنها عندها قمر زيك
_رولان بإبتسامة:دا من ذوقك يا طنط
_عمر بإبتسامة ودود:أنتِ خريجة ولا بتدرسي؟
_رولان:لسه بدرس
_عمر:كلية ايه
_رولان:صيدلة، فرقة تالتة
_عمر:لسه سنتين على التخرج، بس اسمك جميل يا آنسة رولان
_رولان:دا من ذوق حضرتك
_عمر:لسه صغير، على حضرتك دي معجزتش
_رولان:مقصدش كدا، دا احترامًا ليك
_عمر بإستعياب:دي حاجة بسيطة ليكِ يا آنسة رولان
_رولان بإستغراب:ليّا أنا؟
↚
_عمر:اه أنا ضيف مينفعش أدخل وايدي فاضية
^^^^^^^^^^^^^^^^^^^^^^^^^^^^
_إنجي:أنا اساسًا هدفي مكنش عمر هدفي آسر
_هتعملي ايه
_إنجي:هحاول اوقعه
^^^^^^^^^^^^^^^^^^^^^^^^^^
_أنس:اهدى يا كابتن، اول مرة تعمل رياضة بالعنف دا
_آسر:عادي
_أنس:شيلتهم المادة؟
_آسر:مبحبّش حد يكسّر نظامي
_أنس:الامور مبتتخدش قفش كدا يا آسر
_آسر:أنت عارفني يا أنس شغلي رقم واحد
^^^^^^^^^^^^^^^^^^^^^^^^^^
_آسر:فين ماما وعمر؟
_الخادمة:طلعوا برا، معرفش راحوا فين
“فلاش باك”
_آسر:مين عمل كدا
_عمر بغضب:أنا عملت كدا، عايز أخطب البنت اللي بحبّها وأنت واقف فى طريقي، وعندك رقم واحد شغلك والنظام ابعد عن رولان يا آسر هتشيلها مادة وعايزة تتعين معيدة
_آسر بهدوء:أنت عارف إن جدك مش هيوافق طول ما انا مخطبتش
_عمر:هتفضل في وهم ميار الله يرحمها دي ماتت حبّ واتحبّ يا آسر
_آسر:أنا حر في حياتي يا عمر وقولتلك محدش هيوافق أنا الكبير
_عمر بغضب:مش هستنى لما رولان تتجوز غيري
“باك”
_آسر:أنتِ فين يا أمي
_هند:عند خالتك سمية
_آسر بهدوء غريب:أم رولان؟
_هند:ايوا ومعايا عمر
_آسر بتمالُك أعصاب:تمام
“بداخل غرفة آسر”
*آسر يُحادث نفسه، للأسف قدرت
ودا أصعب حاجة! *
^^^^^^^^^^^^^^^^^^^^^^^^^^^
_أمير:ما تخلصي بقى عشان نتجوز
_حور بخجل:ربنا يسهل واخلص امتحانات
_أمير:إن شاء الله يا أميرتي
^^^^^^^^^^^^^^^^^^^^^^^^^^^
_رولان:متشكرة لذوق حضرتك
_عمر:حضرتك تاني!
_رولان:معلش متعودة على كدا
_عمر بهيام:اتعودي على غير كدا
_هند:يدوب نمشي، اتبسطت اني شوفتك وشوفت رولان
_الام:نورتينا وشرفتينا
^^^^^^^^^^^^^^^^^^^^^^^^^^^
*مشيوا، وكنت مستغربة تصرفاته جبلي علبة كاملة شكولاتة
وكلها ريحة البرفيوم بتاعه، كنت يدوب واصلة لكتفه، بس مستغربة اسلوبه معايا ومشفتوش غير مرتين تلاتة بس! *
*بعدها بفترة شوفت حاجة صدمتني*
↚
_هند:جدك وباباك جي فتكلم بإحترام يا عمر، رولان كويسة وقريبة من مستوانا مش بعيدة بس لمّا آسر يتجوز الاول بالترتيب
_عمر بهدوء عاصفي:طالما لاقيت بنت الحلال ليه لأ؟!
_هند:بس أخوك ملاقاش؟
_عمر:تمام اللى تشوفوه
^^^^^^^^^^^^^^^^^^^^^^^^^^^^
*عدت فترة الامتحانات وكنت خايفه اوي ومتوترة جدًا، لأنّي للأسف شيلت المادة بتاعته*
^^^^^^^^^^^^^^^^^^^^^^^^^^
*كنت قاعدة فى كافيه مع حور
وفجأة ظهر لينك النتيجة اتخضيت ومقدرتش افتحه، وحور جابت نتيجتها وجابت نتيجتي، لاقيتني ناجحة مش شايلة حاجة
استغربت ازاي مشلتش مادته كان بيهدد بس! *
^^^^^^^^^^^^^^^^^^^^^^^^^^
_مهدي:شغلك عامل ايه يا آسر؟
_آسر:كويس الحمد لله يا بابا
_مهدي:بصراحة، عمر اختار شريكة حياته
_آسر بهدوء:كويس
_مهدي:حبيت اتكلم معاك، لوحدنا عشان تقولي الحقيقة
_آسر:حقيقة ايه؟
_مهدي:حقيقة **********
_آسر بصدمة:لا الموضوع مش كدا
_مهدي:أنا أكتر واحد فاهمك، أنت ابني
_آسر:خايف، ومش عارف اعمل ايه
_مهدي:سيب كل حاجة لمجراها يا آسر
_آسر:طب فرضًا محصلش زي ما انا عايز
_مهدي:هيحصل بإذن الله متقلقش
_آسر:أزاي
_مهدي:الوقت، كفيل يصلح كل حاجه
^^^^^^^^^^^^^^^^^^^^^^^^^^^^
*صحيت الصبح، وكُلّي نشاط بس لما افتكر اللى حصل بستغرب يعني اللى كان بيبعتلي رسايل كل شويه طلع عمر!!، معرفش ايه الحُبّ المفاجئ دا*
^^^^^^^^^^^^^^^^^^^^^^^^^^
*فرح حور قرب، وانا وهى مسحولين فى تجهيزات الفرح
رنت عليّ، عرفتني انها هتشتري شويه هدوم للفرح، رحت معاها
مول كبير فيه كل الأقسام*
_حور:ايه رأيك؟
_رولان:تمام، قيسهم نشوف
_حور:تمام
*كنت بلف فى الاقسام كلها، لحد ما لمحت دكتور آسر هناك!، اتوترت جامد وكنت هلف وامشي، لاقيته بينادي عليّ*
_آسر:آنسة رولان
_رولان بتوتر:نعم؟
_آسر:اخبارك ايه؟
_رولان:كويسة الحمد لله، لازم أمشي
_آسر:صحبتك جوا لسه بتقيس
_رولان بإستغراب:عرفت منين؟
_آسر:لمحتكم
_رولان:أه، لازم اروح
_آسر:طبعًا عرفتِ أنّي نجحتك فى المادة
_رولان:ايوا، ليه عملت كدا؟
_آسر:عادي
↚
*لاقيت شاب مركز معايا وأنا مش واخدة بالي، آسر مسكه من ياقة قميصه وكان هيمسك فيه، حاولت افصل ما بينهم، وحور طلعت وسمعت الصوت وجت لحد عندنا
والامن فصل ما بينهم وآسر ضربه جامد، شكله كان مُخيف، خفت منه*
*لاقيته جي ورايا، وبيقول*
_آسر بنبرة غريبة:واجبي، أنّي احميكِ منهم
_رولان:متشكرة لحضرتك
_آسر بهدوء نسبي:مفيش داعي تقولي حضرتك ليّا اسم، يلا هوصلكم مينفعش بنتين يفضلوا كدا
_رولان بصدمة ممزوج بخوف:لا هنروح لوحدنا
_آسر بغضب نسبي:يلا يا رولان
_حور بتوتر:هتصل بأمير يوصلنا
_آسر:أمير صاحبي، وعارف أنك هتيجي معايا، بسرعة اركبوا
*ركبنا العربية وكل شويه يبصلي من مراية العربية أنا حسيت نفسي في متاهة الاتنين بيحبوني!!، الأخوات! *
*لاقيته ركن العربية وجبلنا ايس كريم وطبقين حلويات مشكل*
*والايس كريم بحبها فانليا على شكولاتة، استغربت عرف ازاي اني بحب النكهة دي*
_آسر:عارف أنك بتحبّيها، يا رولان
_رولان:ازاي؟
_آسر:دا سر
_حور بتوتر:دكتور آسر بيحبّ يقول نُكت
_آسر:اه أنا بني آدم مش روبوت بس دي حقيقة
*حسيت بلغة غموض بيتكلم بيها فجأة ومن العدم حبّني! *
*روحني البيت وماما عزمت عليه يدخل، وعرفته ان بابا موجود وبابا كمان رحب بيه جدًا قعد، وضيفناه*
*فضل مركز معايا ونظراته ليّا، غريبة
ومش متفسرة، كنت هقوم لاقيته بيقول*
_آسر:ما أنتِ قاعده معانا والقعدة حلو وبنضحك أنا وأنتِ وأهلك
_رولان:هقوم اشرب
^^^^^^^^^^^^^^^^^^^^^^^^^^^^
_مهدي:الوضع اتعقد جدًا
_الجد “عتمان” :آسر ابنك بيجاهد بالعافية، بس ان شاء الله خير وكل حاجة هتتحل
_هند:أنا كمان بحاول
_الجد:استعينوا بالله
^^^^^^^^^^^^^^^^^^^^^^^^^^^^^
_عمر:هتتجوز أخيرًا يا أمير، يبختك
_أمير بحماس:مستني بقالي كتير
^^^^^^^^^^^^^^^^^^^^^^^^^^^
↚
*جه يوم الفرح وكنت مع حور لحظة
لحد ما أمير جه أخدها وبعدها جه آسر بالعربية بس مرضتش اركب معاه كفاية ركبت معاه أنا وحور مرة
فضلت واقفة مسافة، وهو مستني
لحد ما بابا جه وركبت معاه
كنت اتأخر من زحمة العربيات
لاقيت آسر ورانا، لحد ما بقي قصدنا وبصلي وعُيونه حمرا*
*وصلنا القاعة، ودخلت مع بابا
وراح لصاحبه وماما كمان راحت تقعد مع صحاباتها، فضلت لوحدي
لاقيت آسر جي،ووقف قصادي وقال*
_آسر:لو أنتِ مراتي مش هطلعك كدا من البيت
_رولان:مين قالك أني هكون مراتك، لو بقى، لبسي واسع مفيهوش حاجه ملفتة
_آسر:العيب في الناس مش فيكِ، كمية شباب هنا كتير
_رولان:بصفتك مين تقول كدا
_آسر بتماسك:مش مهم تعرفي، بس ليّا الحق اغير عليكِ، تعرفي ليه؟
عشان أنتِ ليّا بس
_رولان بذهول:أنت وعمر فى نفس الوقت!
_آسر بغموض:هتعرفي بعدين
*فى الوقت دا كان العروسة والعريس جم، وبدأت الاجواء تشتعل، وكان عمر معاهم فى السيشن، صاحب عمره لازم يكون موجود*
*بعد فترة، رحت سلمت عليها
وبعدها، جه عمر وقال*
_عمر بحماس:حابب اوجه كلمة للعريس، مبارك يا حبيبي وربنا يباركلكم فى حياتكم الجية
هتفضل أجدع صاحب عرفته
وكلمة أخيرة؛ احب اوجها لشخص مميز، قدام الكُلّ؛ تتجوزيني يا رولان
↚
_أمير بتوتر:احنا يوم فرحي، المفروض التركيز معايا، واظن الآنسة رولان مش هتعرف ترد فى مناسبة زي دي
_رولان:اه كلام أستاذ أمير صح
_عمر:عمومًا، مش محتاج رد دلوقتي خدي راحتك
_رولان:هفكر، ربنا يسهل
*حسيت بإحتباس حراري فى عز البرد، طلعت برا القاعة، وكنت مضايقة حطني فى موقف صعب
وكنت عمالة أفكر في كلامه، سمعت صوت ورايا اتخضيت، بس ورايا لاقيته آسر! *
_آسر:هتوافقي؟
_رولان:أوافق على ايه؟
_آسر:على عرضه
_رولان:هيفرق معاك في ايه
_آسر بصوت عالي نسبيًا:افهمي يا رولان كلك على بعضك تهمني
_رولان:يعني مبفهمش!
_آسر:دا اللي فارق معاكِ!، عمومًا أنتِ ليّا وبس
_رولان:أصلي تحفة فنية، فليك
_آسر:افهميها زي ما تحبّي
_رولان:هتعادي أخوك!
_آسر:لأ، بس هتكوني ليّا من غير ما اعادي عمر
_رولان:واثق كدا ليه من نفسك فرضًا مبحبكش ومش عايزه اتجوزك
_آسر:مع الوقت هتحبّيني
_رولان بجُرأة ممزوج بتعب:فيك ايه مميز عشان أحبّك شكلك؟، طولك؟ اعمل بيهم ايه
معاملتك زف*ت ليّا وطول الوقت نظرات غريبة مش فاهمة يأخي فى ايه، تعبت
_آسر:وأنا تعبت يا رولان، تعبت من كُلّ حاجة كل الابواب متقفلة فى وشي وللأسف أهم باب أنتِ
_رولان:تقصد ايه أهم باب أنا؟
_آسر:كله فى الوقت المُناسب، بس أنا بحبّك يا رولان
_رولان بتوتر:أنا أنا هدخل القاعة لازم أسلّم على العرسان
_آسر:وأنا كمان، لازم أدخل
*اتوترت من كلامه، وحسّيت أني شوفت هيئة آسر وهو بالوضع دا قبل كدا وسمعت نفس نبرة الصوت
بس مش فاكرة امتى وفين*
*دخلنا وكنا مُلفتين للأنظار، بطريقة بشعة، رحت سلمت على حور وقررت همشي من الفرح*
^^^^^^^^^^^^^^^^^^^^^^^^^^^^
“بعد مرور مُدة”
_آسر بقلق:كنتِ فين كل دا، ليه تعذبيني وتختفي كدا
_رولان:حبيت اقعد مع نفسي، اطلع الطاقة اللى جوايا مش عايزه حد حواليا
_آسر:وأنا يا رولان، ليه تعذبيني كدا ليه
_رولان:عمر عامل ايه
_آسر:عمر، اتخطى الموضوع لأنه بكُل سهولة
_رولان:بكل سهولة ايه!
*فجأه الكهربا فصلت فضلت أنادي عليه، وبعدها بشوية جت لاقيت عيلتي وعيلة آسر متجمعين
وبعدها آسر بدأ الكلام وقال*
_آسر:عارف ان دماغك مش مستوعبه حاجه، بس كنت عارف مكانك بس قلقان عليكِ عشان بعيدة عني، الفكرة دي بتموتني بالبطئ يا رولان بس سبتك
براحتك تفكي، كنتِ مستغربة ازاي
أنتِ ليّا وعمر المفروض بيحبّك
*عمر اتكلم وقال*
_عمر:أنا اسف بجد على مشاعري ناحيتك جت فى وقت غلط مكنتش فى وعيي، أنتِ شبه ميار خطيبتي الله يرحمها وكنت بعاملك على اساس أنك هي، بس فوقت من فقدان الذاكرة وافتكرت كل حاجه
*بعدها قالي، جملة استغربتها اتصدمت منها*
_عمر:أنتِ خطيبة آسر، مش مجرد كلام أنتِ فعلا خطيبته
↚
_رولان بعدم استيعاب:يعني ايه؟
ازاي خطيبة آسر!
_آسر بحُزن:مش فكراني يا رولان، مش فاكرة آسر قلبك؟
_رولان بتيه:أنا بحاول استوعب اى حاجة بس حاسة انك نبرة صوتك دي سمعتها قبل كدا، وتعابير وشك دي شوفتها قبل كدا والموضوع دا اتكرر اكتر من مرة
_آسر ببصيص أمل:لاننا كنت مخطوبين وبعدها جت الليلة المشؤومة ودمرت كل حاجه
_رولان:ايه اللى حصل؟
_آسر:للأسف عملتي حدثة وجالك فقدان جزئي للذاكرة
_رولان بحزن:فعلا حاسة حاجات، مرت عليا قبل كدا
_عمر:وكنت معاكي في العربيه وكمان خطيبتي ميار، بس الله يرحمها ماتت، وجالي فقدان جزئي زيك، وعشان انتي شبه ميار فكرتك هي وكأنها ممتتش، مكنش فارق معايا الاسم المهم لاقيت ميار دماغي مش قادرة تستوعب فكرة انها ماتت
وكنت مفكر العكس انها خطيبة آسر
وكانوا بيتعاملوا معايا على الأساس دا لحد ما افتكرت كل حاجه، وآسر فضل صابر كل المدة دي ومستحمل أنك بعيد عنه عشان تفتكري انك خطيبته حاول يلفت انتباهك بشتى الطرق عشان يعلم معاكِ وتفتكريه
_رولان بحزن:فعلا، كنت محتاجه حد يفوقني من اللى انا فيه
وافتكر حياتي الحلوة مع آسر
_آسر بفرح عارم:افتكرتيني
_رولان بحبّ ممزوج بدموع:انا بجد آسفة عيشتك فى عذاب نفسي جامد
حقك عليّ
_آسر بإبتسامة :لازم تعوضيني ونتجوز
^^^^^^^^^^^^^^^^^^^^^^^^^^^^
“بعد مرور عدة سنوات”
_تِيا:بابا
_رولان بحنق:قولي ماما
_آسر بإبتسامة:بحبّكم يا قُرّة العين ولُبابة الفؤاد
“كنت تائهة وحين وجدتك عدت لنفسي مجددًا؛ لأنك الطريق والسراج والنفالة♥️”
“النهايه*