رواية زواج للاخر كاملة جميع الفصول بقلم مجهولة
رواية زواج للاخر كاملة جميع الفصول هى رواية من تأليف المؤلفة المميزة مجهولة رواية زواج للاخر كاملة جميع الفصول صدرت لاول مرة على فيسبوك الشهير رواية زواج للاخر كاملة جميع الفصول حققت نجاحا كبيرا في موقع فيسبوك وايضا زاد البحث عنها في محرك البحث جوجل لذلك سنعرض لكم رواية زواج للاخر كاملة جميع الفصول
رواية زواج للاخر كاملة جميع الفصول
_أتعدلي بقي!!
أنا مريم وبحب الفخار أوي بحب أي حاجة بتتعمل بالفخار كل يوم كنت بروح مكان مخصوص للفخار وبقعد فيه بالساعات بعد ما أخلص شغل
المكان ده في جنينة كده علي شارع جانبي
كنت قاعدة بعمل حاجة بالفخار بس مكانتش راضيه تظبط خالص
رميتها علي الترابيزة بخنقة وروحت كان في برا حنفية غسلت ايدي واتجهت ناحية سماح “العجلة بتاعتي” عشان اركبها
مش عارفه حصلها ايه مكانتش عايزة تمشي
نفخت بضيق_ايه اليوم ده
قعدت علي الرصيف وطلعت فوني بدأت أقلب فيه بملل
_أنتِ كويسة
بصيت لمصدر الصوت لقيت شاب ملامحه هادية وشعره ناعم وحاجة كده قمر
كان واقف قدامي وجنبه عجلة شكلها بتاعته
شاورت علي العجلة بتاعتي_مش راضية تتحرك
بصلي بهدوء بعدين بص للعجلة
مش عارفه فضل يعمل فيها ايه لغاية ما اتحركت
بصلي وابتسم_أهي اتحركت
أبتسمت بهدوء_شكرا
أبتسم_العفو
بالفعل ركبت العجلة وبدأت أسوق
وصلت البيت هو عبارة عن شقتين الشقة اللي جنبي الناس اللي فيها كانو مسافرين بس من يومين رجعت اتسكنت تاني بس معرفش مين فيها وشقتي ساكنه فيها لوحدي بعد وفاة أهلي
وهي عبارة عن دورين مفتوحين علي بعض وتحت جنينة صغيره مشتركة مع الشقة اللي في وشي
حطيت العجلة في الجنينة وطلعت البيت
دخلت أخدت دش وطلعت اتغديت
خلصت و دخلت أوضتي واترميت علي السرير بتعب ونمت
مش عارفه نمت قد ايه بس صحيت لقيت نفسي بليل كانت الساعة ٩
قومت جهزت لبست لبس رياضي مريح ونزلت اتمشي شوية واشتري شوية حاجات للبيت
وصلت عند السوبر ماركت اللي علي طول بجيب منه
دخلت عند ركن المشروبات كان في عصير واحد بس بالفراولة حمدت ربنا اني لحقته مديت ايدي عشان اخده وفي نفس الثانية لقيت حد حط ايده علي ايدي برضو اللي علي العصير
إحنا الاتنين سحبنا ايدنا بسرعة بصيت لقيته نفس الشخص اللي شوفته الصبح
أبتسم بحرج_أنا اسف تقدري تاخديه
أتكلمت بحرج_لاء خلاص مش مهم
سيبته ومشيت مستنتش رده روحت اشتريت شوية أكل وحاجات نقصاني في البيت
حاسبت وطلعت برا مشيت بس لقيته فجأة وقف قدامي وهو بينهج شكله كان بيجري
أتكلم وهو بينهج_مركبة عجل في رجلك
_أفندم
_احم اتفضلي يا انسه
مد ايده بعلبة العصير
بصيت له بأستغراب_خلاص حضرتك قولت مش هاخدها
مسك ايدي وحطها بسرعه ومشي
كل ده وأنا مصدومه ومتحركتش من مكاني
كنت لسه هنادي عليه بس اختفي من قدامي بسرعة
بصيت العصير اللي في ايدي وضحكت_ايه العبث ده بقي
روحت البيت ورتبت الحاجات اللي جبتها في المطبخ
عملت كيكة وأخدت علبة العصير وطلعت البلكونة وبدأت أكتب في الرواية بتاعتي
كنت بكتب في هدوء وفجأة لقيت قطة نطت من البلكونة اللي جنبي لبلكونتي
أتخضيت وبصيتلها بتوتر أصلي بخاف من القطط
_سولي
بصيت لقيته نفس الشخص
أتكلمت بتوتر_دي بتاعتك
أتكلم بحرج_ اه
أتكلمت بتوتر وأنا شايفه القطة بتبصلي_طب تعالي خدها لو سمحت عشان مش هعرف امسكها
_حاضر
↚
وبالفعل دخل ودقيقة لقيت الباب بيخبط
روحت تجاه الباب براحه مكنتش عايزة اجري عشان متجريش ورايا
فتحت الباب بتوتر_ادخل خدها بسرعة لو سمحت
_حاضر حاضر
دخل ومسكها وخرج
كانت القطة علي وشها تشوكلت
أتكلم بحرج_انا اسف جدا يا آنسه
أتكلمت بتوتر وأنا ببص للقطة_ حصل خير
_بتخافي منهم
ـ عندي فوبيا
أبتسم بهدوء_انا أسف علي الموقف السخيف اللي الهانم عملته وآسف أنها تقريبا كلت حاجة من عندك
حاولت أهدي توتر وابتسم_حصل خير بالهنا والشفا
خدها وخرج وأنا قفلت الباب _حرفيا يوم مليان عبث
دخلت أخدت دش وروحت أنام
صحيت بدري كالعادة عشان أروح الشغل
فتحت باب الشقة و في نفس الوقت الشخص ده فتح باب شقته
↚
ابتسم_صباح الخير
ابتسمت_صباح النور
قفلت الباب وكنت لسه همشي وقفني كلامه_انا أسف مرة تانية علي اللي حصل انبارح
ابسمت_حصل خير يا أستاذ عادي
ـ چون
_نعم
ابتسم_اسمي چون
هزيت راسي بهدوء_عن إذنك
نزلت علي السلم واتجهت لشغلي
أنا دكتورة أسنان وفاتحة عيادة في مكان قريب من بيتي فبحب أروح بالعجلة بتاعتي “سماح”
ركبت العجلة واتجهت لمكان العيادة
وصلت وركنت العجلة جنب الباب ولفيت عليها جنزير عشان متتسرقش
طلعت العيادة وبدأت أشتغل
وبعد مرور عدة ساعات خلصت ونزلت من العيادة بتعب
مكنتش قادرة انهاردة أروح أعمل فخار فركبت العجلة وبدأت أمشي بيها في الشوارع
وصلت عند البحر وعند مكاني المفضل كافيه بقاله شهر بس خد قلبي من أول مرة شوفته
دخلت الكافيه واللي بقيت اروحه كل يوم وكل اللي هناك حفظني
قرب مني شخص وابتسم_انسه مريم نورتينا
ابتسمت_شكرا يا أحمد
_هوت شوكليت
أبتسمت_هوت شوكليت
راح جبهولي وحطه ومشي
بدأت أشرب وأنا بتفرج علي ڤيو البحر وقت الغروب من ازاز الكافيه
عدي وقت وبعدين مشيت واتجهت للبيت
وأنا ماشية في طريقي للبيت لقيت شخصين ماسكين شخص وعمالين يضر*بو فيه جامد
الصراحه أتخضيت وخوفت وخوفت أكتر أتدخل بس الشخص ده صعب عليا أوي
_أنتم بتعملوا ايه
واحد منهم بصلي_خليكي في حالك
↚
بصيتله بعصبيه فقربت منه_سيبه بمزاجك
بصلي وابتسم بسماچة_ولو مسبتهوش
_يبقي غصب عنك….وفي لحظة ض*ربته في مناخيره وبطنه والشخص التاني قرب مني بس ملحقش يض*ربني بعد ما مسكت ايده ولفيتها جامد وتقريبا كده شكلها اتكسرت احم..
مشيو وهما متعصبين_هتندمي علي اللي عملتيه
قربت بسرعة من الشخص اللي مرمي علي الأرض
ولقيته چون!!!
#يتبع
#بقلم_ڤونا
#بقلم_فونا”٢”
_أنتم بتعملوا ايه
واحد منهم بصلي_خليكي في حالك
بصيتله بعصبيه فقربت منه_سيبه بمزاجك
بصلي وابتسم بسماچة_ولو مسبتهوش
_يبقي غصب عنك.
في لحظة ض*ربته في مناخيره وبطنه والشخص التاني قرب مني بس ملحقش يض*ربني بعد ما مسكت ايده ولفيتها جامد وتقريبا كده شكلها اتكسرت احم..
مشيو وهما متعصبين_هتندمي علي اللي عملتيه
قربت بسرعة من الشخص اللي مرمي علي الأرض
ولقيته چون!!
اتكلمت بخضة_أنتَ كويس
حاول ياخد نفسه_أنا تمام
بصيت علي منظره كان لبسه مبهدل ووشه وجسمه مليان جروح_كويس فين بس ده أنتَ مدشمل خالص
لقيته بيضحك_اضحك اضحك يا اخويا
حاولت اساعده بس رفض وقام من علي الأرض لوحده دخل البيت وأنا كنت وراه لغاية ما قعد علي كرسي في الجنينة_هقعد أنا شوية هنا أطلعي أنتِ
بصيتله بهدوء بعدين طلعت ودقايق ونزلت تاني وكان في ايدي علبة اسعافات روحت قعدت جنبه وبدأت اطلع الحاجة من العلبة بهدوء عشان اعمله جروحه
_بتعملي ايه
ـ اللي أنتَ شايفه
فضلت اطهر الجروح واحط عليها لزقة طبية
_آمال عضلات وجسم وطلعت نفخ علي الفاضي
ـ لسانك!
بصيتله ببراءة_ماله
بصلي شوية_بينقط عسل
سكت شوية بعدين اتكلمت_مين دول وليه عملوا كده
اتنهد_مش هقدر أقولك أسف
_تمام…رديت بهدوء وخلصت اللي بعمله ولميت حاجتي وقومت بس وقفني صوته_شكرا
بصيتله شوية بعدين رديت_العفو
طلعت بهدوء ودخلت قفلت الباب بعنف وحطيت العلبة علي الترابيزة
نفخت بضيق_وأنتِ مالك يا مريم مضايقة ليه ملكيش دعوة خلاص!!!!
حاولت أشغل نفسي دخلت عملت شغل أون لاين خلصت كانت الساعة ١٢ قومت عملت عشا وقعدت أكل وأنا بتفرج علي مسلسل كوري متابعاه
خلصت وبدأت ألم الأطباق وبدأت أروق الشقة…كنت بحاول أعمل اي حاجه عشان أبطل تفكير فيه!
↚
خلصت بتعب بعدين دخلت أخدت دش ونمت
صحيت وبصيت في الفون لقيت الساعة ١ الضهر للدرجادي نمت كل ده!!
قومت بسرعه وكنت بلف حوالين نفسي في الشقة عشان اتاخرت علي الشغل
لبست اي حاجه قدامي وسرحت شعري بسرعة وأخدت حاجتي ونزلت بسرعه
وأنا نازله جري علي السلم كان هو طالع_بتجري ليه
ـ متأخره علي الشغل…وكملت نزول
مش عارفه ازاي في خلال ربع ساعة كنت هناك بس يلا الحمدلله إني وصلت
فضلت مسحوله في الشغل طول اليوم وخلصت بتعب
نزلت واتجهت عند العجلة عشان اسوقها في في لحظة لقيت حد مكتفني ورش علي وشي حاجه محستش بنفسي واغمي عليا…
#يتبع
#بقلم_فونا
#بقلم_ڤونا”٣”
كنت بتمشي في الشارع ولمحتها كانت نازله من عيادة وكانت متجهة للعجلة عشان تركبها وفي لحظة لقيت عربية سوداء كبيرة قربت منها و قربو منها كتفوها ورشو علي وشها حاجه ودخلوها العربية
جريت وراهم بس ملحقتش للاسف العربية جريت بس لمحت رقم لوحة العربية من ورا فكتبتهم بسرعه وبعتهم لحد ورنيت عليه
أتكلمت بعصبية_تعرفلي بتاعت مين العربية دي حالا
مر دقايق وفي الآخر لقيت رد_ده نفس الشخص اللي بندور عليه يا فندم!
—————————————–
فوقت وكنت مصدعة جدا
لقيت نفسي في مكان غريب وكنت مربوطة بحبل
أتخضيت وحاولت افك نفسي
ـ متحاوليش …اتخضيت وبصيت لمصدر الصوت لقيت شاب
أتكلمت بنرفزة_أنتم مين وازاي تعملوا فيا كده
ضحك بسماجة_ده طلع كلام رجالتي صح شكلك قطة بتخربشي
بعصبية_أنتَ مين قولت
ـ توء توء صوتك يا حلوة ده إحنا لسه يومنا طويل
قرب مني وبعدين لقيته مسك فونه وكان بيرن علي حد
_ألو
ـ حبيب قلبي ليك وحشه
رد الطرف التاني بعصبيه_وربنا يا أدهم لو لمست شعرة منها هتندم!!!
ضحك أدهم وهو بيحط ايده علي وشي_اللاه ده شكل السنارة غرزت ولا ايه
عضيت ايده اللي كانت علي وشي فصرخ_شكلك عايز يتعلم عليك زي رجالتك!! وكملت بسخريةـمش شوية الكتاكيت اللي كنت باعتهم لچون دول تبعك بس يخساره مكنوش رجالة وأنا أقول طالعين لمين وبصيتله وضحكت بسخرية
اتعصب وقرب مني وشدني من شعري جامد_تحبي اوريكي المرجلة علي أصولها
وهنا ظهر صوت چون_فكر بس تلمسها يا أدهم وهتندم
قفل أدهم السكة وقرب مني وض*ربني بالقلم_عشان تتعلمي تتكلمي ازاي مع اسيادك
_شيبال
ـ ايه
_العب باليه
وضحكت فبصلي بنرفزة_لاء وكمان دمك خفيف
سابني وخرج وهو شايط مش عارفه ايه العبط ده وايه الجو العبثي ده!! مش لو كان فكني كنت اديتله قلمين وخلصنا!!
مر وقت مش كبير والصراحة تعبت وتعبت كمان لأنهم رابطني جامد فحاولت افك ايدي بس الحبل كان جامد ف استسلمت
أتكلمت بسخرية_شكلي هستني الأمير عشان ينقذني
ـ والأمير وصل
↚
بصيت لمصدر الصوت لقيته چون
_ يا شيخ كان يوم أسود يوم ما شوفت خلقتك كان لازم يعني تقف تصلحلي العجلة
ـ مريم اسكتي مش وقته
_وقته ولا مش وقته يا عم ده إحنا في فيلم أكشن اهو
ـ مريم وطي صوتك
_يا عم اوع…. مكملتش كلامي لما كتم بوقي_اسكتي هتفضحينا
فكني وساعدني أقوم_هنعمل ايه دلوقتي
ـ هساعدك تنطي من الشباك ده ومتخافيش هتلاقي القوات هتفضلي معاها لغاية ما أخلص واجيلك
_ولا اوعي تكون ظابط
ـ بالظبط
_ظابط وخدت علقة انما ايه عنب
ـ مريم لو مخرجتيش من المكان ده دلوقتي حالا هم.وتك واسلم نفسي واخلص
_ خلاص يا عم متذوقش
بالفعل اتجهت للشباك وكنت لسه هنط بس فجأة المكان اتملي ض.رب نا.ر معرفتش انط فچون شدني بسرعة واستخبينا ورا مكان كدا
أتكلمت بخوف_يلهوي يلهوي كان يوم أسود ومهبب يوم لما دافعت عنك
كان بيض.رب بمسد..سه_ده أنا هو..ئدك يا مريم لو طلعنا سلام
الجو كان صعب بس الحمدلله قوات چون عرفت تسيطر علي الموقف
كنت قاعدة في ركن منكمشة وحاضنه نفسي
_مريم أنتِ كويسة
رفعت راسي وبصيت حواليا_خلاص كده هنروح
ابتسم بتعب_هنروح خلاص
مدلي ايده وساعدني اقوم وامشي عشان كنت بترعش وفجأة سمعنا صوت أدهم ظهر من العدم_مش هسيبك تكسب يا چون
وفي لحظة رفع مسدسه وضر*ب طلقة تجاه چون بس في لمح البصر زقيته وخدتها بداله
#يتبع
#بقـلم_ڤونا ٤ والأخير
كنا خلاص هنطلع برا المكان بس فجأة سمعنا صوت أدهم ظهر من العدم
_مش هسيبك تكسب يا چون
وفي لحظة رفع مسدسه وضر*ب طلقة تجاهي بس في لمح البصر مريم زقتني وخدتها بدالي
صرخت_مريم
وقعت علي الأرض وكانت بتتنفس بصعوبة
فقولت بعلو صوتي_اسعاف اطلبو اسعاف
↚
لقيتها مسكت ايدي وبصتلي وابتسمت
حاولت اهدي وكنت بتكلم بسرعه_متخافيش يا مريم هتكوني كويسه متخافيش مش هيحصلك حاجه
أتكلمت بتعب_واد يا چون شكلي حبيتك يا منيل
قالت الجملة دي وغمضت عينها
جت عربية الاسعاف ونقلناها بسرعة للمستشفى كنت جنبها وكنت بحاول أكتم الد..م عشان متنز…فش كتير
وصلنا ودخلت العمليات بسرعة
بعد مرور ٤ ساعات كنت قاعد برا الأوضة رايح جاي قلقان وخايف وفجأة الدكتور طلع فجريت عليه
أتكلمت بقلق_هي كويسة صح
أتكلم بتعب_الحمدلله قدرنا نلحقها بس هي دلوقتي هتتنقل للعناية لأنها دخلت في غيبوبة
أبتسمت ودموعي نزلت_الحمدلله أنها بخير
كنت جنبها طول الأيام مسبتهاش لحظة
وفي يوم كنت برا المستشفى بعمل حاجات ودخلت تاني قربت من الأوضة ولقيت دكتور خارج منها
أتخضيت وقربت منه وأتكلمت بقلق_في ايه مريم كويسه!!
_الحمدلله يا حضرة الظابط فاقت
فرحت جدا وفتحت الباب بسرعة ودخلت قربت منها بلهفة_مريم أنتِ كويسة
بصتلي بتعب وابتسمت_الحمدلله يا حضرة الظابط
أبتسمت_حمدلله علي سلامتك
ودخلت الممرضة بعدها ومعاها اكل وسابته وخرجت
_يلا عشان تاكلي
ـ مش جعانة
قطعت حتة من الفراخ_يلا الأكل رايح فين
بصتلي بصدمى_وأنتَ شايفني عيلة قدا….
مكملتش كلامها لما حطيت الأكل في بوقها بصتلي بصدمة فضحكت الصراحه_معلش لازم تاكلي عشان تخفي
بلعت الأكل_أمي أوي
ضحكنا وبدأت تكمل أكلها وخلصت وخدت العلاج ونامت
مرت الأيام كنت جنبها علي طول مش سايبها
_أنتَ ملكش بيت يا چون قولي يعني متخافش
ضحكت_قاعد علي قلبك مش ماشي
قاطع كلامنا خبط علي الباب وبعدين اتفتح وظهر شاب طول بعرض دخل شاف مريم وابتسم_حمدلله علي سلامتك يا مريومه ومد ايده يسلم عليها
فقربت منه وسلمت عليه بدالها وأتكلمت ببرود_مريم
*أفندم
_اسمها مريم
بصلي باستغراب بعدين بصلها وقال_مين ده يا مريم
أبتسمت ببرود_خطيبها
—————————————–
أول ما قال خطيبها بصيتله بصدمة والشاب بصله بصدمة
الشاب اتكلم بحرج_اه تمام حمدلله على سلامتك يا مريم عن اذنكو بقي
وخرج وأنا كنت لسه في حالة صدمة والتاني قعد جنبي بهدوء ولا كأنه قال حاجة!!
_مالك بتبصيلي كده ليه
ـ ايه اللي قولته ده
بصلي ببراءة_قولت ايه
ـ چون متستعبطش
اتنهد وبصلي في عيوني فأرتبكت_بتبصلي كده ليه
_مريم وأنا كمان بحبك
بصيتله بصدمة أكبر!!!
ابتسم وغمزـمش ناسي اللي قولتيه قبل ما يغمي عليكي هناك
بصيتله شوية وكنت بحاول افتكر ايه اللي حصل وهوب!!
برقت من الصدمة وقولت في نفسي_ايه العبط ده أنا إزاي قولت كده
بصلي وضحك علي ريأكشن وشي وأنا وشي أحمر من الكسوف
عدلت نفسي بسرعه وغطيت وشي_عايزة أنام
سمعته بيضحك وفي لحظة كان بيشيل الغطا من علي وشي وغمز_حاسبي لا تفطسي
بدأت اتحسن الحمدلله وأول ما روحت البيت چون أصر نتخطب طبعا مقدرش يقاوم جمالي
وهقولكم سر بيني وبينكم كده أنا واقعة من الدور العاشر
_وبس كده يا حبايب مامي اتخطبنا كام شهر وبابا اصر نتجوز بس طبعا رفضت وفضلت أقوله لاء إحنا منعرفش بعض كويس بس. في الآخر صبر سنة بالعافية
وادينا اهو بقينا في بيت واحد سوا وبقي عندنا أجمل بنوتين في الدنيا وتوتة توتة خلصت الحدوتة
يلا بسرعة بوسة مامي وجري علي الأوضة عشان وقت النوم
بالفعل دخلو البنات الأوضة وأنا طلعت البلكونة دقايق ولقيت چون جنبي وحط شال عليا وقعد جنبي فسندت راسي علي صدره
_طلعتي عيني عشان ترضي نتجوز
ضحكت_خلاص بقي قلبك أبيض وبعدين كنت بتدلع عليك
باس راسي بحنان_ومالو ادلع يا جميل براحتك