رواية وصية صفية كاملة جميع الفصول بقلم منال ابراهيم

رواية وصية صفية كاملة جميع الفصول هى رواية من تأليف المؤلفة المميزة منال ابراهيم رواية وصية صفية كاملة جميع الفصول صدرت لاول مرة على فيسبوك الشهير رواية وصية صفية كاملة جميع الفصول حققت نجاحا كبيرا في موقع فيسبوك وايضا زاد البحث عنها في محرك البحث جوجل لذلك سنعرض لكم رواية وصية صفية كاملة جميع الفصول

رواية وصية صفية كاملة جميع الفصول

ﺍﻟﺤﻜﺎﻳﺔ ﺑﺈﺧﺘﺼﺎﺭ ﺑﺪﺃﺕ ﻓﻲ ﻳﻮﻡ ﻛﻨﺖ ﻗﺎﻋﺪ ﻓﻴﻪ ﻣﻊ ﻋﻤﻲ ﻓﻲ ﺃﻭﺿﺔ ﻣﻜﺘﺒﻪ ﻓﻲ ﺍﻟﻔﻴﻼ ﺑﺘﺎﻋﺘﻪ ... ﺍﻟﺒﺎﺏ ﺧﺒﻂ ﻭﺩﺧﻠﺖ ﻣﻨﻪ ﻧﺎﺩﻳﺔ ﺑﻨﺖ ﻋﻤﻲ ﺍﻟﻜﺒﻴﺮﺓ

ﻧﺎﺩﻳﺔ ﺑﺈﺑﺘﺴﺎﻣﺔ :

- ﺻﺒﺎﺡ ﺍﻟﺨﻴﺮ ﻳﺎ ﺑﺎﺑﺎ

ﺑﺎﺩﻟﻬﺎ ﻭﺍﻟﺪﻫﺎ ﺍﻹﺑﺘﺴﺎﻣﺔ ﻗﺎﺋﻼ :

- ﺻﺒﺎﺡ ﺍﻟﻨﻮﺭ ﻋﻠﻰ ﺑﻨﻮﺗﻲ ﺍﻟﺤﻠﻮﺓ .... ﻏﺮﻳﺒﺔ ﺇﻳﻪ ﺍﻟﻠﻲ ﻣﺼﺤﻴﻜﻲ ﻭﻣﺨﻠﻴﻜﻲ ﺗﺮﻭﺣﻲ ﺍﻟﺠﺎﻣﻌﺔ ﺑﺪﺭﻱ ﻛﺪﻩ ﺍﻟﻨﻬﺎﺭﺩﺓ ... ﻷ ﻭﻛﻤﺎﻥ ﺟﺎﻳﺔ ﺗﻘﻮﻟﻴﻠﻲ ﺻﺒﺎﺡ ﺍﻟﺨﻴﺮ ... ﺷﻜﻠﻚ ﻛﺪﻩ ﺑﻴﻘﻮﻝ ﺍﻧﻚ ﻋﺎﻳﺰﺓ ﻓﻠﻮﺱ

ﺃﺟﺎﺑﺖ ﻋﻠﻰ ﺍﻟﻔﻮﺭ ﻗﺎﺋﻠﺔ :

- ﺇﻳﻪ ﺩﻩ ﻫﻮ ﺃﻧﺎ ﺑﺎﻳﻦ ﻋﻠﻴﺎ ﺍﻭﻱ ﻛﺪﻩ ... ﻭﻻ ﺍﻧﺖ ﺍﻟﻠﻲ ﺩﺍﻳﻤﺎ ﻗﺎﺭﻳﻨﻲ ﻛﺪﻩ ﻭﻣﺎﺑﻌﺮﻓﺶ ﺍﺧﺒﻲ ﻋﻨﻚ ﺣﺎﺟﺔ ﺍﺑﺪﺍ

ﺍﺟﺎﺑﻬﺎ ﺩﻭﻥ ﺃﻥ ﺗﻔﺎﺭﻗﻪ ﺇﺑﺘﺴﺎﻣﺘﻪ

:- ﻫﺎ ﻋﺎﻳﺰﺓ ﻛﺎﻡ ﻳﺎ ﺳﺘﻲ ﺍﻟﻤﺮﺍﺩﻱ ?

ﻧﺎﺩﻳﺔ : ﺍﻧﺖ ﻭﺫﻭﻗﻚ ﺑﻘﻰ ﻳﺎ ﺻﻔﻮﺕ ﺑﺎﺷﺎ .

ﺍﺟﺎﺑﻬﺎ ﻭﻫﻮ ﻳﻘﻮﻡ ﺑﻔﺘﺢ ﺍﻟﺨﺰﺍﻧﺔ ﺍﻟﻤﻮﺟﻮﺩﺓ ﺑﺠﻮﺍﺭ ﻣﻜﺘﺒﻪ :

:- ﺣﺎﺿﺮ ﻳﺎ ﺳﺘﻲ ﻣﻦ ﻋﻨﻴﺎ ... ﺑﺲ ﻣﺎ ﻗﻮﻟﺘﻴﻠﻴﺶ ﻋﺎﻭﺯﺍﻫﻢ ﻓﻲ ﺇﻳﻪ ?

ﻧﺎﺩﻳﺔ : ﺍﺻﻞ ﺍﻟﻜﻠﻴﺔ ﻋﻨﺪﻧﺎ ﻋﺎﻣﻠﺔ ﺭﺣﻠﺔ ﻟﺸﺮﻡ ... ﻭﺃﻧﺎ ﻋﺎﻳﺰﺓ ﺍﻃﻠﻊ ﻣﻊ ﺻﺤﺎﺑﻲ

ﺍﺳﺘﺪﺍﺭ ﺇﻟﻴﻬﺎ ﻗﺎﺋﻼ ﺑﺠﺪﻳﺔ :

- ﻭﺍﻟﺮﺣﻠﺔ ﺩﻱ ﻓﻴﻬﺎ ﺑﻴﺎﺕ ﻳﻌﻨﻲ ?

ﺍﺑﺘﺴﻤﺖ ﻗﺎﺋﻠﺔ :

- ﻃﺒﻌﺎ ﻳﺎ ﺑﺎﺑﺎ ... ﺍﻣﺎﻝ ﺣﺎﺭﻭﺡ ﺷﺮﻡ ﻭﺍﺭﺟﻊ ﻓﻲ ﻧﻔﺲ ﺍﻟﻴﻮﻡ ﻳﻌﻨﻲ؟

ﺿﻴﻖ ﻋﻴﻨﻴﻪ ﻗﺎﺋﻼ ﻓﻲ ﺿﻴﻖ :

- ﺍﻳﻮﻩ ﻳﺎ ﻧﺎﺩﻳﺔ ﺑﺲ ﺍﻧﺘﻲ ﻋﺎﻳﺰﺓ ﺗﺮﻭﺣﻲ ﺷﺮﻡ ﻭﺗﺒﺎﺗﻲ ﻫﻨﺎﻙ ﻟﻮﺣﺪﻙ

ﻧﺎﺩﻳﺔ : ﻳﺎﺑﺎﺑﺎ ﻣﺎﺍﻧﺎ ﻗﻠﺖ ﻟﺤﻀﺮﺗﻚ ﺇﻧﻲ ﺭﺍﻳﺤﺔ ﺗﺒﻊ ﺍﻟﻜﻠﻴﺔ ... ﻳﻌﻨﻲ ﺣﻴﻜﻮﻥ ﻣﻌﺎﻳﺎ ﺻﺤﺎﺑﻲ ﻭﺍﻟﺪﻛﺎﺗﺮﺓ ﺑﺘﻮﻋﻲ ... ﻳﻌﻨﻲ ﻣﺎﻓﻴﻬﺎﺵ ﺣﺎﺟﺔ ... ﻣﺎﺗﺤﺒﻜﻬﺎﺵ ﺑﻘﻰ

ﺍﺑﺘﺴﻢ ﻗﺎﺋﻼ ﻭﻫﻮ ﻳﻤﺪ ﻳﺪﻩ ﺇﻟﻴﻬﺎ ﺑﺎﻟﻤﺎﻝ :

- ﺧﻼﺹ ﻳﺎ ﺳﺘﻲ ﺣﺎﻗﻮﻝ ﺇﻳﻪ ﺗﺎﻧﻲ ... ﺍﻧﺘﻲ ﺍﺻﻼ ﺑﺘﻌﺮﻓﻲ ﺗﺜﺒﺘﻴﻨﻲ ﺍﺯﺍﻱ ... ﺑﺲ ﺇﻳﻪ ﺩﻩ ﻳﺎ ﻧﺎﺩﻳﺔ ... ﻛﻞ ﺩﻩ ﻭﻣﺎﺳﻠﻤﺘﻴﺶ ﻋﻠﻰ ﺍﺑﻦ ﻋﻤﻚ

ﺍﻟﺘﻔﺘﺖ ﻧﺎﺩﻳﺔ ﺇﻟﻰ ﺍﻟﺸﺎﺏ ﺍﻟﺠﺎﻟﺲ ﺍﻣﺎﻡ ﺍﻟﻤﻜﺘﺐ ﻗﺎﺋﻠﺔ ﺑﻀﺠﺮ :

- ﺳﻮﺭﻱ ﻳﺎ ﻋﻠﻲ ... ﻣﺎﺧﺪﺗﺶ ﺑﺎﻟﻲ ﺍﻧﻚ ﻫﻨﺎ ... ﺍﺯﻳﻚ ﻭﺍﺯﻱ ﻃﻨﻂ ﺳﻤﻴﺔ ﻭﻟﺒﻨﻲ ﻭﻟﻤﻴﺎ ﻛﻠﻬﻢ ﻋﺎﻣﻠﻴﻦ ﺇﻳﻪ ?

ﺍﺑﺘﺴﻢ ﻋﻠﻲ ﻗﺎﺋﻼ ﺑﺴﻌﺎﺩﺓ :

- ﺍﻟﺤﻤﺪ ﻟﻠﻪ ﻳﺎ ﻧﺎﺩﻳﺔ ... ﻛﻠﻨﺎ ﺑﺨﻴﺮ ... ﺍﻧﺘﻲ ﺃﺧﺒﺎﺭﻙ ﺇﻳﻪ ?

ﺍﺟﺎﺑﺖ ﻗﺎﺋﻠﺔ ﺑﺘﻌﺎﻟﻲ :

- ﺯﻱ ﺍﻟﻔﻞ ﺯﻱ ﻣﺎ ﺍﻧﺖ ﺷﺎﻳﻒ ... ﺛﻢ ﺍﻋﺎﺩﺕ ﺍﻟﻨﻈﺮ ﺇﻟﻰ ﻭﺍﻟﺪﻫﺎ ﻗﺎﺋﻠﺔ : ﺳﻼﻡ ﺑﻘﻰ ﻳﺎ ﺑﺎﺑﺎ ... ﻋﺸﺎﻥ ﺍﻟﺤﻖ ﺍﺩﻓﻊ ﺇﺷﺘﺮﺍﻙ ﺍﻟﺮﺣﻠﺔ

ﺻﻔﻮﺕ : ﻣﻊ ﺍﻟﺴﻼﻣﺔ ﻳﺎ ﺣﺒﻴﺒﺔ ﺑﺎﺑﺎ

ﺧﺮﺟﺖ ﻧﺎﺩﻳﺔ ﻭﺍﻏﻠﻘﺖ ﺍﻟﺒﺎﺏ ﺧﻠﻔﻬﺎ ﻓﺎﻟﺘﻔﺖ ﻋﻠﻲ ﺇﻟﻰ ﻋﻤﻪ ﻗﺎﺋﻼ ﺑﺘﺮﺩﺩ :

- ﺇﺫﺍ ﺳﻤﺤﺘﻠﻲ ﻳﺎ ﻋﻤﻲ ... ﻛﻨﺖ ﻋﺎﻳﺰ ﺍﻗﻮﻝ ﺣﺎﺟﺔ ﻟﺤﻀﺮﺗﻚ ﺑﺲ ﻣﻦ ﻏﻴﺮ ﻣﺎ ﺗﺰﻋﻞ ﻣﻨﻲ

ﺣﺪﻕ ﻓﻴﻪ ﺻﻔﻮﺕ ﺛﻢ ﻗﺎﻝ ﺑﺈﻧﺪﻫﺎﺵ :

- ﺇﻳﻪ ﺍﻟﻠﻲ ﺑﺘﻘﻮﻟﻪ ﺩﻩ ﻳﺎ ﻋﻠﻲ ... ﺃﻧﺎ ﺍﺯﻋﻞ ﻣﻨﻚ ﺑﺮﺿﻪ ... ﺍﻧﺖ ﻋﺎﺭﻑ ﻛﻮﻳﺲ ﺍﻧﻚ ﺑﺎﻟﻨﺴﺒﺎﻟﻲ ﻣﺶ ﺍﺑﻦ ﺃﺧﻮﻳﺎ ﻭﺑﺲ ... ﺍﻧﺖ ﺇﺑﻨﻲ ﺍﻟﻠﻲ ﻣﺎﺧﻠﻔﺘﻮﺵ ﻳﺎ ﻋﻠﻲ ... ﻗﻮﻝ ﺍﻟﻠﻲ ﺍﻧﺖ ﻋﺎﻳﺰﻩ ﻋﻠﻄﻮﻝ .

ﺷﻌﺮ ﻋﻠﻲ ﺑﺎﻟﻄﻤﺄﻧﻴﻨﺔ ﻟﻜﻼﻡ ﻋﻤﻪ ﻓﻘﺎﻝ :

- ﺍﺯﺍﻱ ﺣﻀﺮﺗﻚ ﺗﻮﺍﻓﻖ ﺑﺒﺴﺎﻃﺔ ﻛﺪﻩ ﺍﻥ ﻧﺎﺩﻳﺔ ﺗﺴﺎﻓﺮﻭﺗﺘﺒﺎﺕ ﻛﺎﻡ ﻳﻮﻡ ﺑﺮﻩ ﺍﻟﺒﻴﺖ ﻛﻤﺎﻥ ﻟﻮﺣﺪﻫﺎ ?

ﻫﺰ ﺭﺃﺳﻪ ﻣﺆﻛﺪﺍ ﻋﻠﻰ ﻛﻼﻡ ﻋﻠﻲ ﺛﻢ ﻗﺎﻝ ﺑﺄﺳﻰ :

- ﻣﻌﺎﻙ ﺣﻖ ﻳﺎ ﻋﻠﻲ ... ﺑﺲ ﺍﻧﺖ ﻋﺎﺭﻑ ﺃﻧﺎ ﺑﻀﻌﻒ ﺍﺯﺍﻱ ﺍﺩﺍﻡ ﻧﺎﺩﻳﺔ ... ﺍﻟﺒﻨﺖ ﻣﺎﻣﺘﻬﺎ ﺍﻟﻠﻪ ﻳﺮﺣﻤﻬﺎ ﻣﺎﺗﺖ ﻭﻫﻴﺎ ﻋﻨﺪﻫﺎ ﺗﻠﺖ ﺳﻨﻴﻦ ﻭﺃﻧﺎ ﺑﺎﺣﺎﻭﻝ ﺑﻜﻞ ﺍﻟﻄﺮﻕ ﺍﻋﻮﺿﻬﺎ ... ﻭﺑﻌﺪﻳﻦ ﻧﺎﺩﻳﺔ ﻣﺎﻳﺘﺨﺎﻓﺶ ﻋﻠﻴﻬﺎ ﻭﺃﻧﺎ ﻭﺍﺛﻖ ﻓﻴﻬﺎ ﻛﻮﻳﺲ ... ﻭﺑﻌﺪﻳﻦ ﻣﻌﺎﻫﺎ ﺻﺤﺎﺑﻬﺎ ﻭﺍﻟﺪﻛﺎﺗﺮﺓ ﺑﺘﻮﻋﻬﺎ ﻳﻌﻨﻲ ﻣﺶ ﻟﻮﺣﺪﻫﺎ ﻭﻻ ﺣﺎﺟﺔ ﺯﻱ ﻣﺎ ﺑﺘﻘﻮﻝ ... ﺧﻼﺹ ﺑﻘﻰ ﻣﺎﺗﻜﺒﺮﺵ ﺍﻟﻤﻮﺿﻮﻉ ﺍﻭﻱ ﻛﺪﻩ

ﺗﻨﻬﺪ ﻋﻠﻲ ﻗﺎﺋﻼ ﻓﻲ ﺿﻴﻖ :

- ﺍﻟﻠﻰ ﺗﺸﻮﻓﻪ ﺣﻀﺮﺗﻚ ﻳﺎ ﻋﻤﻲ

ﺍﻧﻬﻰ ﺣﺪﻳﺜﻬﻤﺎ ﺻﻮﺕ ﻃﺮﻗﺎﺕ ﻋﻠﻰ ﺑﺎﺏ ﺍﻟﻐﺮﻓﺔ ... ﻧﻈﺮ ﺻﻔﻮﺕ ﺇﻟﻰ ﻋﻠﻲ ﻗﺎﺋﻼ :

- ﻳﻈﻬﺮ ﺃﻥ ﻧﺎﺩﻳﺔ ﺭﺟﻌﺖ ﺗﺎﻧﻲ

ﺃﺫﻥ ﺻﻔﻮﺕ ﻟﻠﻄﺎﺭﻕ ﺑﺎﻟﺪﺧﻮﻝ ... ﻭﻟﻜﻨﻪﺍ ﻟﻢ ﺗﻜﻦ ﻧﺎﺩﻳﺔ ﻫﺬﻩ ﺍﻟﻤﺮﺓ ... ﻓﻤﺎ ﺍﻥ ﺇﻧﻔﺘﺢ ﺍﻟﺒﺎﺏ ﺣﺘﻰ ﺩﺧﻠﺖ ﻣﻨﻪ ﻓﺘﺎﺓ ﺑﻴﻀﺎﺀ ﺍﻟﺒﺸﺮﺓ ﺭﻗﻴﻘﺔ ﺍﻟﻤﻼﻣﺢ ﻓﻲ ﺍﻟﺤﺎﺩﻳﺔ ﻭﺍﻟﻌﺸﺮﻳﻦ ﻣﻦ ﻋﻤﺮﻫﺎ ... ﺍﻟﻘﺖ ﺍﻟﺴﻼﻡ ﻋﻠﻰ ﻛﻠﻴﻬﻤﺎ ... ﻭﻣﺎ ﺇﻥ ﺭﺃﻫﺎ ﺻﻔﻮﺕ ﺣﺘﻰ ﺗﺠﻬﻢ ﻭﺟﻬﻪ ﻭﺃﺟﺎﺑﻬﺎ ﻗﺎﺋﻼ ﻓﻲ ﺗﺄﻓﻒ :

- ﻭﻋﻠﻴﻜﻢ ﺍﻟﺴﻼﻡ ﻳﺎ ﺍﺧﺘﻲ ... ﻧﻌﻢ ﻋﺎﻳﺰﺓ ﺇﻳﻪ ... ﻣﺶ ﻋﺎﺭﻓﺔ ﺍﻥ ﺃﻧﺎ ﻭﻋﻠﻲ ﻋﻨﺪﻧﺎ ﺷﻐﻞ ﺩﻟﻮﻗﺘﻲ ... ﺟﺎﻳﺔ ﺗﻌﻄﻠﻴﻨﺎ ﻭﺧﻼﺹ

ﻛﺴﺎ ﺍﻟﺤﺰﻥ ﻣﻼﻣﺢ ﻭﺟﻬﻬﺎ ﻭﻫﻲ ﺗﺴﺘﻤﻊ ﻟﻜﻠﻤﺎﺗﻪ ﻭﻟﻜﻨﻬﺎ ﺗﺠﺎﻫﻠﺖ ﺫﻟﻚ ﻭﺍﻟﺘﻔﺘﺖ ﺇﻟﻰ ﻋﻠﻲ ﻗﺎﺋﻠﺔ ﺑﺈﺑﺘﺴﺎﻣﺔ :

- ﺍﺯﻳﻚ ﻳﺎ ﻋﻠﻲ ?

ﺍﺟﺎﺑﻬﺎ ﻋﻠﻲ ﻗﺎﺋﻼ :

- ﺍﻟﺤﻤﺪ ﻟﻠﻪ ﻳﺎ ﻧﻮﺭﻫﺎﻥ ... ﺍﻧﺘﻲ ﺍﺧﺒﺎﺭﻙ ﺇﻳﻪ ?

ﻧﻮﺭﻫﺎﻥ : ﺑﺨﻴﺮ ﻭﺍﻟﺤﻤﺪ ﻟﻠﻪ ... ﺛﻢ ﺍﻟﺘﻔﺘﺖ ﺇﻟﻰ ﻭﺍﻟﺪﻫﺎ ﻗﺎﺋﻠﺔ :

- ﺑﺎﺑﺎ ﺃﻧﺎ ﻛﻨﺖ ﻣﺤﺘﺎﺟﺔ ﻓﻠﻮﺱ ﻋﺸﺎﻥ ﺍﺷﺘﺮﻱ ﺷﻮﻳﺔ ﻛﺘﺐ ﻭﻣﺮﺍﺟﻊ ﻋﺸﺎﻥ ﺍﻟﻜﻠﻴﺔ

ﺻﻔﻮﺕ ﺑﻀﻴﻖ : ﻓﻠﻮﺱ ﻓﻠﻮﺱ ... ﺍﻧﺘﻲ ﻣﺎﺑﺘﺸﺒﻌﻴﺶ ﻓﻠﻮﺱ .

ﺍﻣﺘﻸﺕ ﻋﻴﻨﺎﻫﺎ ﺑﺎﻟﺪﻣﻮﻉ ﻭﺍﻃﺮﻗﺖ ﺑﺮﺃﺳﻬﺎ ﺩﻭﻥ ﺃﻥ ﺗﺠﻴﺐ ... ﻓﺎﺭﺩﻑ ﻗﺎﺋﻼ ﻭﻫﻮ ﻳﻤﺪ ﻳﺪﻩ ﺇﻟﻴﻬﺎ ﺑﺎﻟﻤﺎﻝ ﻗﺎﺋﻼ :

- ﺧﺪﻱ ﻳﺎ ﺍﺧﺘﻲ ... ﻭﻳﻼ ﺷﻮﻓﻲ ﺍﻧﺘﻲ ﺭﺍﻳﺤﺔ ﻓﻴﻦ ... ﺍﺣﻨﺎ ﻭﺭﺍﻧﺎ ﺷﻐﻞ ﻣﺶ ﻓﺎﺿﻴﻴﻨﻠﻚ

ﺧﺮﺟﺖ ﻣﺴﺮﻋﺔ ﻣﻦ ﺍﻟﻐﺮﻓﺔ ﺗﺸﻴﻌﻬﺎ ﻧﻈﺮﺍﺕ ﻋﻠﻲ ﺍﻟﺬﻱ ﺷﻌﺮ ﺑﺎﻟﺸﻔﻘﺔ ﻋﻠﻴﻬﺎ ... ﺍﻟﺘﻔﺖ ﺇﻟﻴﻪ ﺻﻔﻮﺕ ﻗﺎﺋﻼ :

- ﻫﺎﻳﺎ ﻋﻠﻲ ... ﺍﺣﻨﺎ ﻛﺪﻩ ﺧﻠﺼﻨﺎ ﻭﻻ ﻟﺴﻪ ﻓﻴﻪ ﻭﺭﻕ ﺗﺎﻧﻲ ﻋﺎﻳﺰ ﻳﺘﻤﻀﻲ ?

ﺃﺟﺎﺑﻪ ﻋﻠﻲ ﻗﺎﺋﻼ :

- ﻻ ﻳﺎ ﻋﻤﻲ ﻛﺪﻩ ﺍﻟﻮﺭﻕ ﻛﻠﻪ ﺗﻤﺎﻡ ... ﻛﺪﻩ ﻳﺎ ﺩﻭﺏ ﻧﻠﺤﻖ ﻧﺒﻌﺘﻪ ﺑﺎﻟﻔﺎﻛﺲ

ﺻﻔﻮﺕ : ... ﻻ ﺍﻧﺖ ﺣﺘﺴﺎﻓﺮ ﺩﻣﻴﺎﻁ ﺑﻨﻔﺴﻚ ﻭﺗﺎﺧﺪ ﺍﻟﻮﻕ ﻣﻌﺎﻙ ﻭﺗﺴﺘﻠﻢ ﺷﺤﻨﺔ ﺍﻟﺨﺸﺐ ﻣﻦ ﺍﻟﻤﻴﻨﺎ ﻭﺗﻮﺩﻳﻬﺎ ﺍﻟﻤﺨﺰﻥ ﺍﻟﻜﺒﻴﺮ ...

ﺍﺟﺎﺑﻪ ﻗﺎﺋﻼ ﻓﻲ ﺩﻫﺸﺔ :

- ﺇﻳﻪ ﺩﻩ ﻳﺎ ﻋﻤﻲ ... ﻫﻮ ﺃﻧﺎ ﺍﻟﻠﻲ ﺣﺎﺳﺘﻠﻢ ﺷﺤﻨﺔ ﺍﻟﺨﺸﺐ ﻣﻦ ﺍﻟﻤﻴﻨﺎ

ﺻﻔﻮﺕ : ﺍﻳﻮﻩ ﻃﺒﻌﺎ ... ﻫﻮ ﻓﻴﻪ ﺣﺪ ﻏﻴﺮﻙ ?

ﻋﻠﻲ : ﻃﻴﺐ ﻭﺍﺣﻤﺪ ﻭﺍﺩﻫﻢ ﻳﺎ ﻋﻤﻲ ... ﻣﺎﻫﻢ ﻣﻮﺟﻮﺩﻳﻦ ﻫﻨﺎﻙ ﻭﻣﻤﻜﻦ ﺃﻱ ﻭﺍﺣﺪ ﻓﻴﻬﻢ ﻳﺴﺘﻠﻤﻬﺎ

ﺻﻔﻮﺕ : ﻻ ﺍﺣﻤﺪ ﻭﺍﺩﻫﻢ ﻣﺎﻳﻨﻔﻌﺶ ﺣﺪ ﻓﻴﻬﻢ ﻳﺴﻴﺐ ﺷﻐﻠﻪ ﻫﻨﺎﻙ ... ﻣﺎﻓﻴﺶ ﺣﺪ ﻳﺴﺪ ﻣﻜﺎﻧﻬﻢ ... ﻟﻜﻦ ﺍﻧﺎ ﻫﻨﺎ ﻣﻮﺟﻮﺩ ﻣﻜﺎﻧﻚ ﻓﻲ ﺍﻟﺸﺮﻛﺔ ﻟﺤﺪ ﻣﺎ ﺗﺮﺟﻊ ﺑﺎﻟﺴﻼﻣﺔ ﺇﻥ ﺷﺎﺀﺍﻟﻠﻪ ...

ﺍﺟﺎﺑﻪ ﻋﻠﻲ ﻣﺴﺘﻔﺴﺮﺍ :

- ﺃﻳﻮﻩ ﻳﺎ ﻋﻤﻲ ... ﺑﺲ ﺍﻟﻨﻬﺎﺭﺩﺓ ﺍﻷﺭﺑﻊ ... ﻣﻌﻘﻮﻝ ﺣﺎﺳﺎﻓﺮ ﺍﻟﻨﻬﺎﺭﺩﺓ ﻭﺍﺭﺟﻊ ﻭﺑﻌﺪﻳﻦ ﺍﺳﺎﻓﺮ ﺗﺎﻧﻲ ﻳﻮﻡ ﺍﻟﺠﻤﻌﺔ ... ﻫﻮ ﺣﻀﺮﺗﻚ ﻧﺎﺳﻲ ﺍﻥ ﺩﻱ ﺃﺧﺮ ﺟﻤﻌﺔ ﻓﻲ ﺍﻟﺸﻬﺮ ﻭﻻ ﺇﻳﻪ ?

ﺃﺟﺎﺑﻪ ﻣﺤﺎﻭﻻ ﺇﻧﻬﺎﺀ ﻫﺬﻩ ﺍﻟﻤﻨﺎﻗﺸﺔ :

- ﻻ ﻣﺶ ﻧﺎﺳﻲ ﻭﻻ ﺣﺎﺟﺔ ... ﺍﻧﺖ ﺣﺘﻔﻀﻞ ﻫﻨﺎﻙ ﻟﺤﺪ ﻳﻮﻡ ﺍﻟﺠﻤﻌﺔ ﻟﻤﺎ ﺍﺣﻨﺎ ﻧﺠﻴﻠﻚ ﻭﺑﻌﺪﻳﻦ ﺣﻨﺮﺟﻊ ﻛﻠﻨﺎ ﺳﻮﺍ

ﻋﻠﻲ : ﻃﻴﺐ ﻭﺃﻣﻲ ﻭﺇﺧﻮﺍﺗﻲ ﻣﻴﻦ ﺍﻟﻠﻲ ﺣﻴﻮﺻﻠﻬﻢ ?

ﻃﻤﺄﻧﻪ ﺻﻔﻮﺕ ﻗﺎﺋﻼ :

- ﻣﺎﺗﻘﻠﻘﺶ ... ﺃﻧﺎ ﺣﺎﺟﻴﺒﻬﻢ ﻣﻌﺎﻳﺎ ﻭﺃﻧﺎ ﺟﺎﻳﻠﻚ ﺩﻣﻴﺎﻁ ﺇﻥ ﺷﺎﺀﺍﻟﻠﻪ

ﻧﻜﺲ ﻋﻠﻰ ﺭﺃﺳﻪ ﻭﻗﺎﻝ ﺑﺘﺮﺩﺩ :

- ﺃﻳﻮﻩ ﻳﺎ ﻋﻤﻲ ﺑﺲ ......

ﺻﻔﻮﺕ : ﺇﻳﻪ ﻳﺎ ﻋﻠﻲ ? ﻣﻜﺴﻮﻑ ﺗﻘﻮﻟﻲ ﺍﻥ ﺃﻣﻚ ﻣﺶ ﺣﺘﻮﺍﻓﻖ ﺗﺮﻛﺐ ﻣﻌﺎﻳﺎ ... ﺃﻧﺎ ﻣﺶ ﻗﺎﺩﺭ ﺍﻓﻬﻢ ﺃﻣﻚ ﻟﺤﺪ ﺇﻣﺘﻰ ﺣﺘﻔﻀﻞ ﻣﺤﻤﻼﻧﻲ ﺫﻧﺐ ﻣﻮﺕ ﺻﻔﻴﺔ ﻭﻛﺈﻧﻲ ﻗﺘﻠﺘﻬﺎ ... ﻣﺶ ﻗﺎﺩﺭﺓ ﺗﻔﻬﻢ ﻟﺤﺪ ﺩﻟﻮﻗﺘﻲ ﺍﻥ ﺃﻧﺎ ﻭﺻﻔﻴﺔ ﻛﻨﺎ ﺿﺤﺎﻳﺎ ﻃﻤﻊ ﺟﺪﻙ ﺍﻟﻠﻪ ﻳﺮﺣﻤﻪ ﺑﻘﻰ ... ﻋﻤﻮﻣﺎ ﺃﻧﺎ ﺣﺎﺧﻠﻲ ﻧﻮﺭﺍ ﺗﺎﺧﺪﻫﻢ ﻣﻌﺎﻫﺎ ﺑﻌﺮﺑﻴﺘﻬﺎ ﻭﺍﺣﻨﺎ ﻣﺴﺎﻓﺮﻳﻦ ... ﻣﺎﺗﺸﻎﻟﺶ ﺑﺎﻟﻚ ﺍﻧﺖ ... ﻳﻼ ﻋﺸﺎﻥ ﺗﻠﺤﻖ ﺗﺤﻀﺮ ﺷﻨﻄﺘﻚ ﻭﺗﺴﺎﻓﺮ ﻋﻠﻄﻮﻝ

ﻋﻠﻲ ﺑﺈﺫﻋﺎﻥ :

- ﺣﺎﺿﺮ ﻳﺎ ﻋﻤﻲ ... ﻋﻦ ﺇﺫﻥ ﺣﻀﺮﺗﻚ

ﻭﺩﻋﻪ ﺻﻔﻮﺕ ﻗﺎﺋﻼ :

- ﻣﻊ ﺍﻟﺴﻼﻣﺔ ﻭﻣﺎﺗﻨﺴﺎﺵ ﺗﺴﻠﻤﻠﻲ ﻋﻠﻰ ﻋﻤﺘﻚ ﻟﺤﺪ ﻣﺎ ﺍﺷﻮﻓﻬﺎ

ﺧﺮﺝ ﻋﻠﻲ ﻭﺍﻏﻠﻖ ﺍﻟﺒﺎﺏ ﺧﻠﻔﻪ ... ﻓﺎﺭﺗﻤﻰ ﺻﻔﻮﺕ ﻋﻠﻰ ﺃﻗﺮﺏ ﻣﻘﻌﺪ ﻭﻭﺿﻊ ﺭﺃﺳﻪ ﺑﻴﻦ ﻛﻔﻴﻪ ﺳﺎﻣﺤﺎ ﻟﻠﺬﻛﺮﻳﺎﺕ ﺃﻥ ﺗﺘﺴﻠﻞ ﺇﻟﻰ ﻋﻘﻠﻪ ... ﺗﺬﻛﺮ ﺫﻟﻚ ﺍﻟﻴﻮﻡ ﺣﻴﻦ ﺃﺳﺘﺪﻋﺎﻩ ﻭﺍﻟﺪﻩ ﺇﻟﻰ ﻣﻜﺘﺒﻪ ﺩﺍﺧﻞ ﺇﺣﺪﻯ ﻣﻌﺎﺭﺽ ﺍﻷﺛﺎﺙ ﺑﺪﻣﻴﺎﻁ ﻭﺣﺪﺛﻪ ﻗﺎﺋﻼ :

" ﻓﻼﺵ ﺑﺎﻙ "

ﺣﺎﻣﺪ ﻭﻫﻮ ﻳﺸﻴﺮ ﺇﻟﻰ ﺃﺣﺪ ﺍﻟﻤﻘﺎﻋﺪ :

- ﺗﻌﺎﻟﻰ ﻳﺎ ﺻﻔﻮﺕ ﺍﻗﻌﺪ ﻋﺎﻳﺰ ﺍﺗﻜﻠﻢ ﻣﻌﺎﻙ ﻓﻲ ﻣﻮﺿﻮﻉ ﻣﻬﻢ

ﺟﻠﺲ ﺻﻔﻮﺕ ﺣﻴﺚ ﺃﺷﺎﺭ ﻭﺍﻟﺪﻩ ﻭﻗﺎﻝ ﺑﻬﺪﻭﺀ :

- ﺧﻴﺮ ﻳﺎ ﺣﺞ ... ﻣﻮﺿﻮﻉ ﺇﻳﻪ ﺩﻩ ﺍﻟﻠﻲ ﺣﻀﺮﺗﻚ ﻋﺎﻳﺰﻧﻲ ﻓﻴﻪ ?

ﺣﺎﻣﺪ : ﺍﻧﺖ ﻋﺎﺭﻑ ﻳﺎ ﺻﻔﻮﺕ ﺍﻥ ﺃﻧﺎ ﻭﻋﻤﻚ ﺻﺎﻟﺢ ﺷﺮﻛﺎ ﻓﻲ ﺍﻟﻤﻌﺮﺽ ﺩﻩ ﻏﻴﺮ ﺍﻧﻨﺎ ﺻﺤﺎﺏ ﻣﻦ ﺯﻣﺎﻥ ﺍﻭﻱ ﻭﻧﺴﺎﻳﺐ ﻛﻤﺎﻥ ... ﻣﺶ ﻛﺪﻩ ﻭﻻ ﺇﻳﻪ ?

ﺍﺟﺎﺏ ﺻﻔﻮﺕ ﻗﺎﺋﻼ ﻓﻲ ﺩﻫﺸﺔ :

- ﺍﻳﻮﻩ ﻋﺎﺭﻑ ﻃﺒﻌﺎ ﻳﺎ ﺣﺞ ... ﺑﺲ ﺇﻳﻪ ﻣﻨﺎﺳﺒﺔ ﺍﻟﻜﻼﻡ ﺩﻩ ?

ﺣﺎﻣﺪ ﺑﺠﺪﻳﺔ :

- ﺷﻮﻑ ﻳﺎ ﺍﺑﻨﻲ ... ﻡ ﺍﻵﺧﺮ ﻛﺪﻩ ﺃﻧﺎ ﻗﺮﺭﺕ ﺍﺧﻄﺒﻠﻚ ﺻﻔﻴﺔ ﺑﻨﺖ ﻋﻤﻚ ﺻﺎﻟﺢ

ﺍﺭﺗﺴﻤﺖ ﻣﻌﺎﻟﻢ ﺍﻟﻀﻴﻖ ﻋﻠﻰ ﻭﺟﻬﻪ ﻭﻗﺎﻝ ﺑﺈﻋﺘﺮﺍﺽ :

- ﺍﻳﻮﻩ ﻳﺎ ﺣﺞ ﺑﺲ ﺃﻧﺎ ....

ﻗﺎﻃﻌﻪ ﺣﺎﻣﺪ ﻗﺎﺋﻼ :

- ﺍﻧﺖ ﺇﻳﻪ ﺇﻥ ﺷﺎﺀﺍﻟﻠﻪ ... ﻳﻜﻮﻧﺶ ﻋﻨﺪﻙ ﺇﻋﺘﺮﺍﺽ ﻋﻠﻰ ﺻﻔﻴﺔ ﻭﻻ ﺣﺎﺟﺔ ?

ﺻﻔﻮﺕ : ﻣﺶ ﺍﻟﻔﻜﺮﺓ ﻳﺎ ﺑﺎﺑﺎ ... ﻟﻜﻦ ﺻﻔﻴﺔ ﺩﻱ ﺃﻧﺎ ﻣﺎ ﺑﺤﺒﻬﺎﺵ ﻭﻋﻤﺮﻱ ﻣﺎ ﻓﻜﺮﺕ ﻓﻴﻬﺎ ﻛﺰﻭﺟﺔ ﻳﻌﻨﻲ

ﺃﺟﺎﺏ ﺣﺎﻣﺪ ﻗﺎﺋﻼ ﺑﺈﻧﻔﻌﺎﻝ :

- ﺣﺐ ﺇﻳﻪ ﻭﻛﻼﻡ ﻓﺎﺭﻍ ﺇﻳﻪ ﺩﻩ ... ﻭﺑﻌﺪﻳﻦ ﻫﻮ ﺃﻧﺎ ﺑﻘﻮﻟﻚ ﺣﺒﻬﺎ ... ﺃﻧﺎ ﺑﺎﻗﻮﻟﻚ ﺍﺗﺠﻮﺯﻫﺎ ﻭﺍﻟﺤﺐ ﺩﻩ ﻳﺒﻘﻰ ﻳﻴﺠﻲ ﺑﻌﺪﻳﻦ ... ﺍﺷﻤﻌﻨﺎ ﻋﺰﺕ ﺃﺧﻮﻙ ﻟﻤﺎ ﻃﻠﺒﺖ ﻣﻨﻪ ﻳﺘﺠﻮﺯ ﺳﻤﻴﺔ ﺃﺧﺘﻬﺎ ﻭﺍﻓﻖ ﻋﻠﻄﻮﻝ ... ﻭﻣﺎﻋﻤﻠﺶ ﺯﻳﻚ ﻛﺪﻩ ... ﻭﺩﻟﻮﻗﺘﻲ ﺑﻘﻰ ﻋﻨﺪﻫﻢ ﻋﻠﻲ ﺭﺑﻨﺎ ﻳﺒﺎﺭﻛﻠﻬﻢ ﻓﻴﻪ ... ﻭﻻ ﺍﻧﺖ ﻋﺎﻳﺰﻫﺎ ﺗﺘﺠﻮﺯ ﻭﺍﺣﺪ ﻏﺮﻳﺐ ﻭﺗﺪﺧﻠﻪ ﻣﺎﺑﻴﻨﺎ ... ﻭﺑﻌﺪﻳﻦ ﻟﻤﺎ ﻋﻤﻚ ﺻﺎﻟﺢ ﻳﻤﻮﺕ ﺗﻼﻗﻴﻪ ﻭﺍﻗﻒ ﺑﻴﻘﻮﻟﻨﺎ ﺣﻖ ﻣﺮﺍﺗﻲ ...

ﺗﻨﻬﺪ ﺻﻔﻮﺕ ﻗﺎﺋﻼ ﻓﻲ ﺿﻴﻖ :

- ﻳﺎ ﺑﺎﺑﺎ ﻋﺰﺕ ﻭﺍﻓﻖ ﻳﺘﺠﻮﺯ ﺳﻤﻴﺔ ﻋﺸﺎﻥ ﺑﻴﺤﺒﻬﺎ ... ﻳﻌﻨﻲ ﺩﻱ ﻛﺎﻧﺖ ﺭﻏﺒﺘﻪ ﻣﻦ ﺍﻷﺳﺎﺱ ... ﻭﺑﻌﺪﻳﻦ ﺣﻀﺮﺗﻚ ﺗﻀﻤﻦ ﻣﻨﻴﻦ ﺍﻧﻬﺎ ﺗﻮﺍﻓﻖ ... ﻣﺶ ﻳﻤﻜﻦ ﺗﻜﻮﻥ ﻫﻴﺎ ﻛﻤﺎﻥ ﻣﺶ ﻋﺎﻳﺰﺍﻧﻲ

ﺣﺎﻣﺪ : ﻻ ﻣﻦ ﺍﻟﻨﺎﺣﻴﺔﺩﻱ ﺍﻃﻤﻦ ﺧﺎﻟﺺ ... ﺃﻧﺎ ﻋﺎﺭﻑ ﺍﻧﻬﺎ ﺑﺘﺤﺒﻚ ﻭﻋﺎﻳﺰﺍﻙ ... ﻣﻦ ﺍﻷﺧﺮ ﻛﺪﻩ ﻋﻤﻚ ﺻﺎﻟﺢ ﺑﻘﺎﻟﻪ ﻣﺪﺓ ﺑﻴﻠﻤﺤﻠﻲ ﺑﺎﻟﻤﻮﺿﻮﻉ ﺩﻩ ... ﻣﺎﻳﻌﺮﻓﺶ ﺍﻧﻲ ﻛﻨﺖ ﻣﺴﺘﻨﻲ ﻟﻤﺎ ﺗﺨﻠﺺ ﺍﻟﺴﻨﺔ ﺍﻟﻠﻲ ﻓﺎﺿﻼﻟﻬﺎ ﻭﺑﻌﺪﻳﻦ ﺍﻃﻠﺒﻬﺎ ﻣﻨﻪ ... ﻟﻜﻦ ﺃﻧﺎ ﺑﺎﻗﻮﻝ ﺗﺨﻄﺒﻬﺎ ﺩﻟﻮﻗﺘﻲ ﻭﻧﻜﺘﺐ ﺍﻟﻜﺘﺎﺏ ﻭﺍﻟﻔﺮﺡ ﻳﺒﻘﻰ ﺑﻌﺪ ﺳﻨﺔ ﻟﻤﺎ ﺗﺨﻠﺺ ﺩﺭﺍﺳﺘﻬﺎ ﺍﻷﻭﻝ ... ﻫﺎ ﻗﻠﺖ ﺇﻳﻪ ?

ﺻﻔﻮﺕ : ﻣﺎﺣﻀﺮﺗﻚ ﺭﺗﺒﺖ ﻛﻞ ﺣﺎﺟﺔ ﺁﻫﻮﻩ ... ﻣﺤﺘﺎﺝ ﺭﺃﻳﻲ ﻓﻲ ﺇﻳﻪ ﺑﻘﻰ ?

ﺣﺎﻣﺪ ﺑﺈﻧﻔﻌﺎﻝ :

- ﻳﺎ ﻭﺍﺩ ﺍﻓﻬﻢ ﻣﺎﺗﺒﻘﺎﺵ ﻏﺸﻴﻢ ... ﻟﻤﺎ ﺍﻧﺖ ﺗﺘﺠﻮﺯﻫﺎ ﻭﺍﺧﻮﻙ ﻣﺘﺠﻮﺯ ﺃﺧﺘﻬﺎ ﻛﻞ ﺣﺎﺟﺔ ﺣﺘﺒﻘﻰ ﻓﻲ ﺇﺩﻳﻜﻮﺍ ﺍﻧﺘﻮ ﺍ ﺍﻻﺗﻨﻴﻦ ﺑﻌﺪ ﻛﺪﻩ ... ﻭﻣﺶ ﺑﻌﻴﺪ ﺍﻟﻤﻌﺮﺽ ﺩﻩ ﻳﺒﻘﻰ ﺳﻠﺴﻠﺔ ﻣﻌﺎﺭﺽ ﻭﺍﻟﺒﺮﻛﺔ ﻓﻴﻚ ﺍﻧﺖ ﻭﻋﺰﺕ ﺑﻘﻰ ... ﺍﻧﻤﺎ ﺃﻧﺎ ﻭﻋﻤﻚ ﺻﺎﻟﺢ ﺧﻼﺹ ﻋﺠﺰﻧﺎ ... ﻭﺑﻌﺪﻳﻦ ﺩﻩ ﺍﻧﺘﻮﺍ ﺣﺘﻰ ﺃﺳﺎﻣﻴﻜﻮﺍ ﻻﻳﻘﺔ ﻣﻊ ﺑﻌﻀﻬﺎ ... ﺍﻧﺖ ﺻﻔﻮﺕ ﻭﻫﻴﺎ ﺻﻔﻴﺔ

ﺍﺟﺎﺏ ﻗﺎﺋﻼ ﺑﺤﺪﺓ :

- ﻳﺎ ﺑﺎﺑﺎ ﻗﻠﺖ ﻟﺤﻀﺮﺗﻚ ﻣﺎﺑﺤﺒﻬﺎﺵ ... ﻣﺎﺑﺤﺒﻬﺎﺵ ﻫﻮ ﺍﻟﺠﻮﺍﺯ ﺑﺎﻟﻌﺎﻓﻴﺔ

ﺍﻗﺘﺮﺏ ﻣﻨﻪ ﺣﺎﻣﺪ ﻗﺎﺋﻼ ﺑﺈﻧﻔﻌﺎﻝ :

- ﺍﻣﺎﻝ ﺑﺘﺤﺐ ﻣﻴﻦ ﺇﻥ ﺷﺎﺀﺍﻟﻠﻪ ? ﻻ ﻣﺎﻫﻮ ﺭﻓﻀﻚ ﺩﻩ ﺍﻛﻴﺪ ﻭﺭﺍﻩ ﻭﺍﺣﺪﺓ ﺗﺎﻧﻴﺔ

ﻧﻜﺲ ﺭﺃﺳﻪ ﻭﻗﺎﻝ ﺑﺈﺭﺗﺒﺎﻙ :

- ﺑﺼﺮﺍﺣﺔ ﻛﺪﻩ ﺍﻳﻮﻩ ... ﻓﻴﻪ ﻭﺍﺣﺪﺓ ﺗﺎﻧﻴﺔ ﺑﺤﺒﻬﺎ ﻭﻋﺎﻳﺰ ﺍﺗﺠﻮﺯﻫﺎ

- ﻭﺩﻱ ﻣﻴﻦ ﺩﻱ ﺑﻘﻰ ﺇﻥ ﺷﺎﺀﺍﻟﻠﻪ ﺍﻟﻠﻲ ﻓﻀﻠﺘﻬﺎ ﻋﻠﻰ ﺻﻔﻴﺔ ﻭﻋﺎﻳﺰ ﺗﺘﺠﻮﺯﻫﺎ ?

ﺳﺎﺩ ﺍﻟﺼﻤﺖ ﺑﻴﻨﻬﻤﺎ ﻟﻠﺤﻈﺎﺕ ﻗﺒﻞ ﺃﻥ ﻳﺴﺘﺠﻤﻊ ﺻﻔﻮﺕ ﺷﺠﺎﻋﺘﻪ ﻗﺎﺋﻼ :

- ﺩﻱ ﺗﺒﻘﻰ ﻓﺮﺩﻭﺱ ﺑﻨﺖ ﻋﻢ ﺻﺒﺤﻲ

ﺍﻗﺘﺮﺏ ﻣﻨﻪ ﺣﺎﻣﺪ ﺣﺘﻰ ﺍﺻﺒﺢ ﻓﻲ ﻣﻮﺍﺟﻬﺘﻪ ﺗﻤﺎﻣﺎ ﻭﻗﺎﻝ ﺑﺈﺳﺘﻨﻜﺎﺭ :

- ﺑﻨﺖ ﻣﻴﻦ ﻳﺎ ﺃﺧﻮﻳﺎ ... ﺳﻤﻌﻨﻲ ﺗﺎﻧﻲ ﻛﺪﻩ

ﺍﺯﺩﺭﺩ ﺻﻔﻮﺕ ﻟﻌﺎﺑﻪ ﺑﺼﻌﻮﺑﺔ ﺛﻢ ﻗﺎﻝ ﺑﺨﻔﻮﺕ :

- ﻣﺎ ﺃﻧﺎ ﻗﻠﺖ ﻟﺤﻀﺮﺗﻚ ﺑﻨﺖ ﻋﻢ ﺻﺒﺤﻲ

ﺍﺯﺩﺍﺩﺕ ﻧﺒﺮﺓ ﺻﻮﺗﻪ ﺇﺭﺗﻔﺎﻋﺎ ﻭﻫﻮ ﻳﻘﻮﻝ :

- ﺻﺒﺤﻲ ... ﺻﺒﺤﻲ ﺍﻟﺸﻴﺎﻝ ﺑﺘﺎﻉ ﺍﻟﻤﻌﺮﺽ ... ﺻﺒﺤﻲ ﺍﻟﻤﺮﻣﻄﻮﻥ ... ﺻﺒﺤﻲ ﺍﻟﻤﺸﺎﻭﻳﺮﺟﻲ ﺍﻟﻠﻲ ﺑﻴﺠﻴﺒﻠﻨﺎ ﺍﻟﻄﻠﺒﺎﺕ ... ﺛﻢ ﻗﺎﻝ ﺑﻤﺰﻳﺪ ﻣﻦ ﺍﻟﺴﺨﺮﻳﺔ : ﻻ ﻭﻧﻌﻢ ﺍﻟﻨﺴﺐ ... ﻫﻮ ﺩﻩ ﺍﻟﻨﺴﺐ ﺍﻟﻠﻲ ﺍﺗﺸﺮﻑ ﺑﻴﻪ ﺻﺤﻴﺢ ... ﺍﻧﺖ ﺑﺎﻳﻦ ﻋﻠﻴﻚ ﺍﺗﺠﻨﻨﺖ ﺭﺳﻤﻲ

ﺻﻔﻮﺕ : ﻳﺎﺑﺎﺑﺎ ﺍﻧﺎ ﺑﺤﺒﻬﺎ ﻭﺑﻌﺪﻳﻦ ﺍﻟﻔﻘﺮ ﻋﻤﺮﻩ ﻣﺎﻛﺎﻥ ﻋﻴﺐ ... ﻭﻣﺶ ﻣﻌﻨﻲ ﺍﻧﻪ ﺑﻴﺸﺘﻐﻞ ﻋﻨﺪﻧﺎ ﺍﻧﻨﺎ ﻧﺒﻘﻰ ﺍﺣﺴﻦ ﻣﻨﻪ

ﻟﻢ ﻳﺸﻌﺮ ﺣﺎﻣﺪ ﺇﻻ ﻭﻳﺪﻩ ﺗﻬﻮﻱ ﻋﻠﻰ ﻭﺟﻪ ﺻﻔﻮﺕ ﺍﻟﺬﻱ ﺗﺤﺴﺲ ﺑﻴﺪﻩ ﻣﻜﺎﻥ ﺍﻟﺼﻔﻌﺔ ﻗﺎﺋﻼ ﺑﺄﺳﻰ :

- ﺑﺘﻀﺮﺑﻨﻲ ﻳﺎ ﺑﺎﺑﺎ ... ﺩﻱ ﺃﻭﻝ ﻣﺮﺓ ﺣﻀﺮﺗﻚ ﺗﻤﺪ ﺇﻳﺪﻙ ﻋﻠﻴﺎ ﻭﻛﻞ ﺩﻩ ﻋﺸﺎﻥ ﻣﻴﻦ ... ﻋﺸﺎﻥ ﺧﺎﻃﺮ ﺻﻔﻴﺔ

ﺣﺎﻣﺪ : ﺍﻟﻘﻠﻢ ﺩﻩ ﻋﺸﺎﻥ ﺧﺎﻃﺮ ﻳﻔﻮﻗﻚ ﻭﻳﺮﺟﻌﻠﻚ ﻋﻘﻠﻚ ﻓﻲ ﺭﺍﺳﻚ ... ﻭﺍﻋﻤﻞ ﺣﺴﺎﺑﻚ ﺍﻧﻨﺎ ﺣﻨﺮﻭﺡ ﻛﻠﻨﺎ ﻟﻌﻤﻚ ﺻﺎﻟﺢ ﻳﻮﻡ ﺍﻟﺨﻤﻴﺲ ﺍﻟﺠﺎﻱ ﻋﺸﺎﻥ ﻧﺨﻄﺒﻠﻚ ﺻﻔﻴﺔ ... ﻭﺻﺒﺤﻲ ﺩﻩ ﺃﻧﺎ ﺣﺎﻋﺮﻑ ﺷﻐﻠﻲ ﻣﻌﺎﻩ ﻫﻮ ﻭﺑﻨﺘﻪ

" ﺑﺎﻙ "

ﺗﻨﻬﺪ ﺻﻔﻮﺕ ﻗﺎﺋﻼ : ﺍﻟﻠﻪ ﻳﺴﺎﻣﺤﻚ ﻳﺎ ﺣﺞ ﺣﺎﻣﺪ ... ﺍﻧﺖ ﺍﻟﻠﻲ ﺧﻠﺘﻨﻲ ﺍﻛﺮﻩ ﺻﻔﻴﺔ ﻭﺍﻛﺮﻩ ﻛﻞ ﺣﺎﺟﺔ ﺑﺘﻔﻜﺮﻧﻲ ﺑﻴﻬﺎ

ﺧﺮﺝ ﻋﻠﻲ ﻣﺴﺮﻋﺎ ﻳﺤﺎﻭﻝ ﺍﻟﻠﺤﺎﻕ ﺑﻨﻮﺭﻫﺎﻥ ﻗﺒﻞ ﺃﻥ ﺗﻐﺎﺩﺭ ﺇﻟﻰ ﺍﻟﺠﺎﻣﻌﺔ ... ﻭﺟﺪﻫﺎ ﺗﻘﻒ ﻓﻲ ﺣﺪﻳﻘﺔ ﺍﻟﻔﻴﻼ ﺇﻟﻰ ﺟﻮﺍﺭ ﺳﻴﺎﺭﺗﻬﺎ ﻭﺗﺒﻜﻲ ﺑﺤﺮﻗﺔ ﻓﺎﻗﺘﺮﺏ ﻣﻨﻬﺎ ﻗﺎﺋﻼ :

- ﻣﻌﻠﺶ ﻳﺎ ﻧﻮﺭﻫﺎﻥ ... ﻣﺶ ﻋﺎﻳﺰﻙ ﺗﺰﻋﻠﻲ ﻣﻦ ﻋﻤﻲ

ﺯﺍﺩﺕ ﺣﺪﺓ ﺑﻜﺎﺋﻬﺎ ﻭﻫﻲ ﺗﻘﻮﻝ :

- ﺃﻧﺎ ﻣﺶ ﻓﺎﻫﻤﺔ ﻫﻮ ﺑﻴﻌﺎﻣﻠﻨﻲ ﻛﺪﻩ ﻟﻴﻪ ... ﺃﻧﺎ ﻋﻤﺮﻱ ﻣﺎﻋﻤﻠﺖ ﺣﺎﺟﺔ ﺗﺰﻋﻠﻪ ﻣﻨﻲ ... ﻛﻞ ﺟﺮﻳﻤﺘﻲ ﺇﻧﻲ ﺍﺑﻘﻰ ﺑﻨﺖ ﺻﻔﻴﺔ

ﺍﺑﺘﺴﻢ ﻋﻠﻲ ﻗﺎﺋﻼ :

- ﻣﻌﻠﺶ ﻳﺎ ﺳﺘﻲ ... ﺍﻣﺴﺤﻴﻬﺎ ﻓﻴﺎ ﺃﻧﺎ

ﻛﻔﻜﻔﺖ ﺩﻣﻮﻋﻬﺎ ﻭﺃﺟﺎﺑﺘﻪ ﻗﺎﺋﻠﺔ :

- ﻭﺍﻧﺖ ﺫﻧﺒﻚ ﺇﻳﻪ ﻳﺎ ﻋﻠﻲ ...? ﺑﺲ ﻗﻮﻟﻲ ﺻﺤﻴﺢ ... ﻫﻮ ﺍﻧﺖ ﻟﻴﻪ ﺩﺍﻳﻤﺎ ﺑﺘﻘﻮﻟﻲ ﻧﻮﺭﻫﺎﻥ ﻣﻊ ﺇﻥ ﺍﻟﻨﺎﺱ ﻛﻠﻬﺎ ﺑﺘﻘﻮﻟﻲ ﻳﺎ ﻧﻮﺭﺍ ... ﻟﻴﻪ ﻣﺶ ﺑﺘﻘﻮﻝ ﻧﻮﺭﺍ ﺯﻳﻬﻢ ?

- ﻫﻮ ﻣﺶ ﻧﻮﺭﻫﺎﻥ ﺩﻩ ﺑﺮﺿﻪ ﺍﺳﻤﻚ ﻭﻻ ﺃﻧﺎ ﻏﻠﻄﺎﻥ ?

- ﺑﺲ ﺃﻧﺎ ﺑﺤﺐ ﺇﺳﻢ ﻧﻮﺭﺍ ﻋﺸﺎﻥ ﻣﺎﻣﺎ ﺍﻟﻠﻪ ﻳﺮﺣﻤﻬﺎ ﻛﺎﻧﺖ ﺑﺘﻨﺎﺩﻳﻨﻲ ﺑﻴﻪ

- ﻃﻴﺐ ﺍﻧﺎ ﻛﻨﺖ ﺑﺲ ﺣﺎﺑﺐ ﺃﻗﻮﻟﻚ ﻟﻮ ﺍﺣﺘﺎﺟﺘﻲ ﺃﻱ ﺣﺎﺟﺔ ﺗﻘﺪﺭﻱ ﺗﻄﻠﺒﻴﻬﺎ ﻣﻨﻲ ﻣﻦ ﻏﻴﺮ ﻣﺎ ﺗﺘﻜﺴﻔﻲ ... ﺍﻧﺘﻲ ﺯﻱ ﻟﺒﻨﻰ ﺃﺧﺘﻰ

ﺍﺭﺗﺴﻤﺖ ﻣﻌﺎﻟﻢ ﺍﻟﻀﻴﻖ ﻋﻠﻰ ﻭﺟﻬﻬﺎ ﻭﻗﺎﻟﺖ ﺑﺘﻬﻜﻢ :

- ﺯﻱ ﻟﺒﻨﻰ ﺃﺧﺘﻚ .... ﻣﺘﺸﻜﺮﺓ ﺍﻭﻱ ﻳﺎ ﻋﻠﻲ ﻣﺶ ﻋﺎﻳﺰﺓ ﺣﺎﺟﺔ ... ﻋﻦ ﺇﺫﻧﻚ ﺑﻘﻲ ﻋﺸﺎﻥ ﺯﻣﺎﻥ ﻟﺒﻨﻰ ﺍﺧﺘﻚ ﺍﻟﻠﻲ ﺃﻧﺎ ﺯﻳﻬﺎ ﺩﻱ ﻣﺴﺘﻨﻴﺔ ﻓﻲ ﺍﻟﺸﺎﺭﻉ

ﺭﻛﺒﺖ ﻧﻮﺭﺍ ﺳﻴﺎﺭﺗﻬﺎ ﻭﺍﻧﻄﻠﻘﺖ ﺑﻬﺎ ﻓﻲ ﻃﺮﻳﻘﻬﺎ ﺇﻟﻰ ﺑﻴﺖ ﻋﻤﻬﺎ ﻟﺘﺼﻄﺤﺐ ﻟﺒﻨﻰ ﻣﻌﻬﺎ ﺇﻟﻰ ﺍﻟﺠﺎﻣﻌﺔ ... ﻓﻴﻤﺎ ﻭﻗﻒ ﻋﻠﻲ ﻳﺤﺪﺙ ﻧﻔﺴﻪ ﻗﺎﺋﻼ :

- ﻣﺎﻟﻬﺎ ﺩﻱ ... ﻫﻮ ﺃﻧﺎ ﻗﻠﺖ ﺣﺎﺟﺔ ﻏﻠﻂ ?

ﻣﺮﺕ ﻧﻮﺭﺍ ﺑﺴﻴﺎﺭﺗﻬﺎ ﻟﺘﺠﺪ ﻟﺒﻨﻲ ﺑﺈﻧﺘﻈﺎﺭﻫﺎ ﺃﻣﺎﻡ ﺍﻟﺒﻨﺎﻳﺔ ﺍﻟﺘﻲ ﺗﻮﺟﺪ ﺑﻬﺎ ﺷﻘﺔ ﻋﻤﻬﺎ ... ﻭﻣﺎ ﺍﻥ ﺭﻛﺒﺖ ﻟﺒﻨﻰ ﺣﺘﻲ ﻻﺣﻈﺖ ﻣﻌﺎﻟﻢ ﺍﻟﻀﻴﻖ ﺍﻟﻤﺮﺗﺴﻤﺔ ﻋﻠﻰ ﻭﺟﻬﻬﺎ ﺑﻮﺿﻮﺡ ﻓﻘﺎﻟﺖ ﻣﺴﺘﻔﻬﻤﺔ :

- ﻣﺎﻟﻚ ﻳﺎ ﻧﻮﺭﺍ ? ﻓﻴﻪ ﺣﺎﺟﺔ ﻣﺰﻋﻼﻛﻲ ... ﻭﺑﻌﺪﻱﻥ ﺍﻧﺘﻲ ﺍﺗﺄﺧﺮﺗﻲ ﻋﻠﻴﺎ ﻟﻴﻪ ﺍﻟﻨﻬﺎﺭﺩﺓ ... ﻋﺎﺟﺒﻚ ﻛﺪﻩ ﻭﺃﻧﺎ ﻭﺍﻗﻔﺔ ﻓﻲ ﺍﻟﺸﺎﺭﻉ ﺑﺘﻌﺎﻛﺲ

- ﻣﻌﻠﺶ ﻳﺎ ﻟﺒﻨﻰ ﻏﺼﺐ ﻋﻨﻲ ... ﺭﻭﺣﺖ ﻟﺒﺎﺑﺎ ﻋﺸﺎﻥ ﺍﻃﻠﺐ ﻣﻨﻪ ﻓﻠﻮﺱ ﻟﻠﻤﺮﺍﺟﻊ ﺍﻟﻠﻲ ﻣﺤﺘﺎﺟﺎﻫﺎ ﻟﻠﺒﺤﺚ ... ﺍﻧﺘﻲ ﻋﺎﺭﻓﺔ ﺍﻧﻲ ﺑﺤﺐ ﺍﻋﻤﻞ ﺍﻷﺑﺤﺎﺙ ﻣﻦ ﺍﻟﻜﺘﺐ ﻣﺶ ﻣﻦ ﺍﻟﻨﺖ ... ﺍﺩﺍﻧﻲ ﻛﻠﻤﺘﻴﻦ ﻓﻲ ﺟﻨﺎﺑﻲ ﻛﺎﻟﻌﺎﺩﺓ ﺍﺩﺍﻡ ﻋﻠﻲ ﺧﻼﻧﻲ ﺧﺮﺟﺖ ﻣﻦ ﻋﻨﺪﻩ ﻭﺃﻧﺎ ﺑﺎﻋﻴﻂ

- ﻭﺍﻧﺘﻲ ﺑﻘﻰ ﺯﻋﻼﻧﺔ ﻋﺸﺎﻥ ﺍﺩﺍﻛﻲ ﻛﻠﻤﺘﻴﻦ ﻭﻻ ﻋﺸﺎﻥ ﺍﻟﻜﻠﻤﺘﻴﻦ ﺩﻭﻝ ﻛﺎﻧﻮﺍ ﺍﺩﺍﻡ ﻋﻠﻲ ?

ﺍﻟﺘﻔﺘﺖ ﺇﻟﻴﻬﺎ ﻧﻮﺭﺍ ﺛﻢ ﻋﺎﻭﺩﺕ ﺍﻟﻨﻈﺮ ﺍﻣﺎﻣﻬﺎ ﻗﺎﺋﻠﺔ :

- ﺷﻜﻠﻚ ﻓﺎﻳﻘﺔ ﻉ ﺍﻟﺼﺒﺢ ... ﻭﻋﻤﻮﻣﺎ ﺃﺧﻮﻛﻲ ﻫﻮ ﻛﻤﺎﻥ ﻣﺎ ﺍﺗﻮﺻﺎﺵ ... ﺧﺮﺝ ﻭﺭﺍﻳﺎ ﻳﻘﻮﻟﻲ ﻣﺎﺗﺰﻋﻠﻴﺶ ﻭﺍﻧﺘﻲ ﺯﻱ ﻟﺒﻨﻰ ﺃﺧﺘﻲ

ﺍﺟﺎﺑﺘﻬﺎ ﻟﺒﻨﻰ ﻗﺎﺋﻠﺔ ﻓﻲ ﺗﺬﻣﺮ :

- ﻳﺎ ﺳﻼﻡ ﻳﺎ ﺃﺧﺘﻲ ... ﻭﺍﻧﺘﻲ ﺑﻘﻰ ﺯﻋﻼﻧﺔ ﻋﺸﺎﻥ ﻗﺎﻟﻚ ﺯﻱ ﻟﺒﻨﻰ ... ﻣﺶ ﻋﺠﺒﺎﻛﻲ ﻟﺒﻨﻰ ﻭﻻ ﺇﻳﻪ ?

- ﺍﺻﻄﺒﺤﻲ ﻳﺎ ﺑﺖ ﺍﻧﺘﻲ ﻣﺶ ﻧﻘﺼﺎﻛﻲ

- ﻣﺎ ﺍﻧﺘﻲ ﻋﺎﺭﻓﺔ ﻳﺎ ﻧﻮﺭﺍ ﺃﻥ ﻋﻠﻲ ﺃﺧﻮﻳﺎ ﻣﺶ ﺑﻴﺤﺐ ﻳﺒﻴﻦ ﻣﺸﺎﻋﺮﻩ ﻟﺤﺪ

- ﺍﺣﻨﺎ ﻣﺶ ﺣﻨﻀﺤﻚ ﻋﻠﻰ ﺑﻌﺾ ﻳﺎ ﻟﺒﻨﻰ ... ﺃﻧﺎ ﻋﺎﺭﻓﺔ ﻛﻮﻳﺲ ﺍﻥ ﺩﻩ ﻫﻮ ﺷﻌﻮﺭ ﻋﻠﻲ ﻣﻦ ﻧﺎﺣﻴﺘﻲ ... ﻫﻮ ﺷﺎﻳﻔﻨﻲ ﺃﺧﺘﻪ ﻣﺶ ﺍﻛﺘﺮ ﻣﻦ ﻛﺪﻩ

ﺣﺎﻭﻟﺖ ﻟﺒﻨﻰ ﺗﻐﻴﻴﺮ ﺍﻟﻤﻮﺿﻮﻉ ﻓﻘﺎﻟﺖ ﺑﻤﺰﺍﺡ :

- ﻃﻴﺐ ﺑﺼﻲ ﺍﺩﺍﻣﻚ ﻳﺎ ﺍﺧﺘﻲ ﻭﺍﻧﺘﻲ ﺑﺘﺴﻮﻗﻲ ﺍﺣﺴﻦ ﻧﺪﺧﻞ ﻓﻲ ﺷﺠﺮﺓ ﻭﻻ ﻋﺎﻣﻮﺩ ﻧﻮﺭ ﻣﻦ ﺗﺤﺖ ﺭﺍﺱ ﺳﻲ ﻋﻠﻲ ﺣﺒﻴﺐ ﺍﻟﻘﻠﺐ

ﻭﻓﻲ ﻣﻜﺎﻥ ﺃﺧﺮ ﺟﻠﺴﺖ ﺳﻴﺪﺓ ﻓﻲ ﺑﺪﺍﻳﺔ ﺍﻟﺨﻤﺴﻴﻨﺎﺕ ﻣﻦ ﻋﻤﺮﻫﺎ ﻭﻗﺪ ﺍﺭﺗﺪﺕ ﻧﻈﺎﺭﺗﻬﺎ ﺍﻟﻄﺒﻴﺔ ﻭﻫﻲ ﺗﺮﺗﻞ ﺃﻳﺎﺕ ﻣﻦ ﻛﺘﺎﺏ ﺍﻟﻠﻪ ﺑﺼﻮﺕ ﺷﺠﻲ ... ﺣﻴﻦ ﺩﺧﻞ ﻭﻟﺪﻫﺎ ﻗﺎﺋﻼ : ﺍﻟﺴﻼﻡ ﻋﻠﻴﻜﻢ ﻳﺎ ﺃﻣﻲ

ﺍﻏﻠﻘﺖ ﺍﻟﻤﺼﺤﻒ ﻭﻭﺿﻌﺘﻪ ﺑﺠﻮﺍﺭﻫﺎ ﺛﻢ ﺧﻠﻌﺖ ﻧﻈﺎﺭﺗﻬﺎ ﻗﺎﺋﻠﺔ ﺑﺈﺑﺘﺴﺎﻣﺔ :

- ﻭﻋﻠﻴﻜﻢ ﺍﻟﺴﻼﻡ ﻭﺭﺣﻤﺔ ﺍﻟﻠﻪ ﻭﺑﺮﻛﺎﺗﻪ ﻳﺎ ﺣﺒﻴﺒﻲ ... ﺇﻳﻪ ﻳﺎ ﻋﻠﻲ ﺍﻟﻠﻲ ﺭﺟﻌﻚ ﺑﺪﺭﻱ ﻛﺪﻩ ﻣﻦ ﺍﻟﺸﺮﻛﺔ ﺍﻟﻨﻬﺎﺭﺩﺓ

- ﻻ ﻳﺎ ﺣﺒﻴﺒﺘﻲ ﺃﻧﺎ ﺍﺻﻼ ﻣﺎﺭﻭﺣﺘﺶ ﺍﻟﺸﺮﻛﺔ ﺍﻟﻨﻬﺎﺭﺩﺓ ... ﺃﻧﺎ ﻛﻨﺖ ﻋﻨﺪ ﻋﻤﻲ ﻓﻲ ﺍﻟﻔﻴﻼ ﺑﺄﻣﻀﻲ ﺷﻮﻳﺔ ﺍﻭﺭﺍﻕ ﻭﺟﺎﻱ ﺍﺣﻀﺮ ﺷﻨﻄﺘﻲ ﻋﺸﺎﻥ ﻣﺴﺎﻓﺮ ﺩﻣﻴﺎﻁ ﺩﻟﻮﻗﺘﻲ ﺍﻥ ﺷﺎﺀﺍﻟﻠﻪ ﺍﺳﺘﻠﻢ ﺷﺤﻨﺔ ﺧﺸﺐ ﻣﻦ ﺍﻟﻤﻴﻨﺎ ﻫﻨﺎﻙ

ﻭﺣﺎﺳﺘﻨﻰ ﻫﻨﺎﻙ ﻟﺤﺪ ﻳﻮﻡ ﺍﻟﺠﻤﻌﺔ ﻟﺤﺪ ﻣﺎﺗﻴﺠﻮﺍ ﻭﺑﻌﺪﻳﻦ ﻧﺮﺟﻊ ﻛﻠﻨﺎ ﺳﻮﺍ

- ﻃﻴﺐ ﻭﺍﺣﻨﺎ ﻣﻴﻦ ﺍﻟﻠﻲ ﺣﻴﻮﺻﻠﻨﺎ ﺩﻣﻴﺎﻁ ﺍﻧﺎ ﻭﺇﺧﻮﺍﺗﻚ

- ﻣﺎﺗﻘﻠﻘﻴﺶ ﻳﺎ ﺣﺒﻴﺒﺘﻲ ... ﻋﻤﻲ ﻗﺎﻟﻲ ﺇﻧﻪ ﺣﻴﺨﻠﻲ ﻧﻮﺭﻫﺎﻥ ﺗﺎﺧﺪﻛﻮﺍ ﻣﻌﺎﻫﺎ ﻓﻲ ﻋﺮﺑﻴﺘﻬﺎ ... ﺍﺳﻜﺘﻲ ﻳﺎ ﻣﺎﻣﺎ ﺍﻟﻨﻬﺎﺭﺩﺓ ﺣﺼﻞ ﺣﺘﺔ ﻣﻮﻗﻒ ﺍﺩﺍﻣﻲ ﻣﻦ ﻋﻤﻲ ﺑﺲ ﺿﺎﻳﻘﻨﻲ ﺍﻭﻱ

ﺃﺟﺎﺑﺖ ﺳﻤﻴﺔ ﻗﺎﺋﻠﺔ ﺑﻘﻠﻖ :

- ﺧﻴﺮ ﻳﺎ ﺣﺒﻴﺒﻲ ... ﻣﻮﻗﻒ ﺇﻳﻪ ﺩﻩ ﺍﻟﻠﻲ ﺿﺎﻳﻘﻚ ?

ﻗﺺ ﻋﻠﻲ ﻋﻠﻰ ﻭﺍﻟﺪﺗﻪ ﻣﻦ ﺣﺪﺙ ﻣﻦ ﻋﻤﻪ ﻣﻊ ﻛﻞ ﻣﻦ ﻧﺎﺩﻳﺔ ﻭﻧﻮﺭﺍ ... ﺍﺭﺗﺴﻢ ﺍﻟﺤﺰﻥ ﻋﻠﻰ ﻗﺴﻤﺎﺕ ﻭﺟﻬﻬﺎ ... ﺑﺪﺕ ﻭﻛﺄﻧﻬﺎ ﻛﺎﻧﺖ ﺗﻨﺘﻈﺮ ﻣﻮﻗﻔﺎ ﻛﻬﺬﺍ ﺣﺘﻰ ﺗﺨﺮﺝ ﺷﺤﻨﺔ ﺍﻟﻐﻀﺐ ﺍﻟﻜﺎﻣﻨﺔ ﻓﻲ ﺻﺪﺭﻫﺎ ﺗﺠﺎﻩ ﺻﻔﻮﺕ ﻓﻘﺎﻟﺖ ﺑﺈﻧﻔﻌﺎﻝ :

- ﻳﺎ ﺣﺒﻴﺒﺘﻲ ﻳﺎ ﺑﻨﺖ ﺃﺧﺘﻲ ... ﻋﻤﻚ ﺩﻩ ﻣﺶ ﺣﻴﺮﺗﺎﺡ ﻏﻴﺮ ﻟﻤﺎ ﻳﺠﻴﺐ ﻟﻠﺒﻨﺖ ﺩﻱ ﻋﻘﺪﺓ ﻧﻔﺴﻴﺔ ... ﻣﺶ ﻛﻔﺎﻳﺔ ﺃﻣﻬﺎ ﺍﻟﻠﻲ ﻣﻮﺗﻬﺎ ﺑﺤﺴﺮﺗﻬﺎ ﻣﻦ ﻋﻤﺎﻳﻠﻪ ﻓﻴﻬﺎ ... ﺃﻗﻮﻝ ﻓﻴﻪ ﺇﻳﻪ ﺑﺲ ... ﻣﺶ ﺧﺎﻳﻒ ﻣﻦ ﺭﺑﻨﺎ ... ﺛﻢ ﺭﻓﻌﺖ ﻳﺪﻳﻬﺎ ﻭ ﺃﺧﺬﺕ ﺗﺪﻋﻮ ﻗﺎﺋﻠﺔ :

- ﺭﺑﻨﺎ ﻳﺨﻠﺼﻬﺎ ﻣﻨﻪ ﻋﻠﻰ ﺧﻴﺮ ... ﻭﻳﻮﻋﺪﻫﺎ ﺑﺎﺑﻦ ﺍﻟﺤﻼﻝ ﺍﻟﻠﻲ ﻳﺴﺘﺎﻫﻠﻬﺎ ‏( ﻗﺎﻟﺖ ﺟﻤﻠﺘﻬﺎ ﺍﻷﺧﻴﺮﺓ ﻭﻫﻲ ﺗﻨﻈﺮ ﻟﻌﻠﻲ ﺑﻄﺮﻑ ﻋﻴﻨﻬﺎ ‏)

ﻗﺎﻡ ﻋﻠﻲ ﻣﻦ ﻣﻜﺎﻧﻪ ﻣﺴﺮﻋﺎ ﻭﻫﻮ ﻳﻘﻮﻝ :

- ﺃﻳﻮﻩ ... ﺃﻧﺎ ﻗﺎﻳﻢ ﻗﺒﻞ ﻣﺎ ﺍﺳﻄﻮﺍﻧﺔ ﻛﻞ ﻳﻮﻡ ﺗﺸﺘﻐﻞ

ﻧﻈﺮﺕ ﺇﻟﻴﻪ ﺳﻤﻴﺔ ﻗﺎﺋﻠﺔ ﺑﺄﺳﻰ :

- ﻛﺪﻩ ﺑﺮﺿﻪ ﻳﺎ ﻋﻠﻲ ... ﺩﻩ ﺑﺪﻝ ﻣﺎﺗﺮﻳﺢ ﻗﻠﺒﻲ ﻣﻦ ﻧﺎﺣﻴﺔ ﻧﻮﺭﺍ ... ﻭﺗﻘﻮﻟﻲ ﺃﻧﺎ ﺍﻭﻟﻰ ﺑﺒﻨﺖ ﺧﺎﻟﺘﻲ ﻣﻦ ﺍﻟﻐﺮﻳﺐ

ﺍﺟﺎﺑﻬﺎ ﻋﻠﻲ ﻗﺎﺋﻼ ﺑﻀﻴﻖ :

- ﻳﺎ ﻣﺎﻣﺎ ﻫﻮ ﺍﻧﺘﻮﺍ ﻣﺶ ﺑﺘﺰﻫﻘﻮﺍ ﻣﻦ ﺍﻟﻜﻼﻡ ﻓﻲ ﺍﻟﻤﻮﺿﻮﻉ ﺩﻩ ﺍﻧﺘﻲ ﺷﻮﻳﺔ ﻭﻟﺒﻨﻰ ﺷﻮﻳﺔ ... ﺛﻢ ﻳﻌﻨﻲ ﻫﻴﺎ ﺣﺘﺔ ﺃﺭﺽ ﺣﺘﻘﻮﻟﻴﻠﻲ ﺍﻟﺠﺎﺭ ﺃﻭﻟﻰ ﺑﺎﻟﺸﻔﻌﺔ ... ﻳﺎ ﺣﺒﻴﺒﺘﻲ ﺩﻩ ﺣﺐ ﻭﺟﻮﺍﺯ ﻳﻌﻨﻲ ﻣﺸﺎﻋﺮ ﻭﺃﺣﺎﺳﻴﺲ ﻭﺣﺎﺟﺎﺕ ﻛﺘﻴﺮ ﺍﻭﻱ ﻣﺶ ﺑﺤﺴﻬﺎ ﻣﻊ ﻧﻮﺭﻫﺎﻥ

ﻣﻄﺖ ﺷﻔﺘﻴﻬﺎ ﻭﻗﺎﻟﺖ ﻓﻲ ﺇﺳﺘﻴﺎﺀ ﻭﺍﺿﺢ :

- ﻭﺍﻧﺖ ﻳﺎ ﺃﺧﻮﻳﺎ ﺑﻘﻰ ﻣﺸﺎﻋﺮﻙ ﻭﺃﺣﺎﺳﻴﺴﻚ ﻣﺎﺗﺤﺮﻛﺘﺶ ﻏﻴﺮ ﻧﺎﺣﻴﺔ ﺑﻨﺖ ﻓﺮﺩﻭﺱ

ﺍﺟﺎﺏ ﻗﺎﺋﻼ ﺑﺘﺬﻣﺮ :

- ﻭﻣﺎﻟﻬﺎ ﻳﺎ ﻣﺎﻣﺎ ﺑﻨﺖ ﻓﺮﺩﻭﺱ ... ﻣﺶ ﻫﻴﺎ ﻛﻤﺎﻥ ﺑﻨﺖ ﻋﻤﻲ ﻭﻻ ﻳﻌﻨﻲ ﻋﺸﺎﻥ ﻣﺶ ﺑﻨﺖ ﺃﺧﺘﻚ ﻳﺒﻘﻰ ﺧﻼﺹ

ﺗﻨﻬﺪﺕ ﻗﺎﺋﻠﺔ ﺑﺄﻟﻢ :

- ﻭﺍﻟﻠﻪ ﻳﺎ ﺍﺑﻨﻲ ﻣﺶ ﻋﺸﺎﻥ ﻫﻴﺎ ﻣﺶ ﺑﻨﺖ ﺃﺧﺘﻲ ﻭﺑﺲ ... ﺃﻧﺎ ﺑﺲ ﻣﺴﺘﻐﺮﺑﺔ ﺍﺯﺍﻱ ﺣﺪ ﻳﺒﻘﻰ ﺍﺩﺍﻣﻪ ﻭﺍﺣﺪﺓ ﺯﻱ ﻧﻮﺭﺍ ﻭﻳﻔﻜﺮ ﻓﻲ ﻭﺍﺣﺪﺓ ﺯﻱ ﻧﺎﺩﻳﺔ

ﺃﺟﺎﺑﻬﺎ ﻋﻠﻲ ﻭﻫﻮ ﻳﻘﻮﻡ ﺑﺘﺮﺗﻴﺐ ﻣﻼﺑﺴﻪ ﻭﻭﺿﻌﻬﺎ ﺩﺍﺧﻞ ﺇﺣﺪﻯ ﺍﻟﺤﻘﺎﺋﺐ :

- ﺷﻮﻓﻲ ﻳﺎ ﻣﺎﻣﺎ ... ﺍﻧﺎ ﺑﺤﺐ ﻓﻴﻬﺎ ﻣﺮﺣﻬﺎ ﻭﺷﻘﺎﻭﺗﻬﺎ ﻭﺍﻟﺒﻬﺠﺔ ﺍﻟﻠﻲ ﺑﺘﻀﻴﻔﻬﺎ ﻋﻠﻰ ﺃﻱ ﻣﻜﺎﻥ ﺗﺪﺧﻠﻪ ... ﻟﻜﻦ ﺑﻨﺖ ﺍﺧﺘﻚ ﺩﻱ ﻋﻠﻴﻬﺎ ﻫﺪﻭﺀ ﻳﺠﻴﺐ ﺷﻠﻞ ﺑﺼﺮﺍﺣﺔ ... ﺻﺤﻴﺢ ﺃﻧﺎ ﻣﺎ ﺍﻧﻜﺮﺵ ﺍﻥ ﻧﺎﺩﻳﺔ ﻓﻴﻪ ﻓﻲ ﺗﺼﺮﻓﺎﺗﻬﺎ ﺣﺎﺟﺎﺕ ﻛﺘﻴﺮ ﻣﺎ ﺑﺘﻌﺠﺒﻨﻴﺶ ﺩﻩ ﻏﻴﺮ ﻟﺒﺴﻬﺎ ﻭﺣﻜﺎﻳﺔ ﺍﻧﻬﺎ ﻣﺶ ﻣﺤﺠﺒﺔ ﺩﻱ ﺑﺮﺿﻪ ﻣﻀﻴﻘﺎﻧﻲ ... ﺑﺲ ﺍﻭﻋﺪﻙ ﺍﻥ ﺷﺎﺀﺍﻟﻠﻪ ﻟﻤﺎ ﻧﺘﺠﻮﺯ ﻛﻞ ﺩﻩ ﺣﻴﺘﻐﻴﺮ

ﻣﺎ ﺇﻥ ﺍﻧﻬﻰ ﻋﻠﻲ ﺟﻤﻠﺘﻪ ﺍﻷﺧﻴﺮﺓ ﺣﺘﻲ ﺩﻟﻔﺖ ﺇﻟﻰ ﺩﺍﺧﻞ ﺍﻟﻐﺮﻓﺔ ﻓﺘﺎﺓ ﻓﻲ ﺍﻟﺘﺎﺳﻌﺔ ﻋﺸﺮ ﻣﻦ ﻋﻤﺮﻫﺎ ﻭﻫﻲ ﺗﻔﺮﻙ ﻭﺟﻬﻬﺎ ﺑﻴﺪﻳﻬﺎ ﻣﺤﺎﻭﻟﺔ ﻣﺤﻮ ﺃﺛﺎﺭ ﺍﻟﻨﻮﻡ ﻭﻗﺎﻟﺖ ﺑﺘﺜﺎﺅﺏ :

- ﺍﺑﻘﻰ ﻗﺎﺑﻠﻨﻲ

ﺣﺪﻕ ﻓﻴﻬﺎ ﻋﻠﻲ ﻗﺎﺋﻼ ﺑﻐﻴﻆ :

- ﻟﻴﻪ ﻳﺎ ﺃﻡ ﻟﺴﺎﻥ ﻭﻧﺺ ?

ﺃﺟﺎﺑﺖ ﻋﻠﻰ ﺍﻟﻔﻮﺭ ﻗﺎﺋﻠﺔ :

- ﻋﺸﺎﻥ ﺍﻟﻠﻲ ﺑﻴﺘﻐﻴﺮ ﻋﺸﺎﻥ ﺣﺪ ﺩﻩ ﻻﺯﻡ ﻳﻜﻮﻥ ﺑﻴﺤﺒﻪ ... ﻟﻜﻦ ﻣﺶ ﺑﺎﻳﻦ ﻋﻠﻴﻬﺎ ﺍﺻﻼ ﺍﻧﻬﺎ ﺑﺘﺤﺒﻚ ... ﺃﻧﺎ ﺍﺷﻚ ﺍﺻﻼ ﺃﻥ ﻧﺎﺩﻳﺔ ﺑﻨﺖ ﻋﻤﻲ ﺩﻱ ﺑﺘﻌﺮﻑ ﺃﺳﺎﺳﺎ ﺗﺤﺐ ﺣﺪ ﻏﻴﺮ ﻧﺎﺩﻳﺔ ﻭﺑﺲ

ﺍﺟﺎﺑﻬﺎ ﻋﻠﻲ ﻗﺎﺋﻼ ﺑﺜﻘﺔ :

- ﻣﺎﺗﻘﻠﻘﻴﺶ ﺃﻧﺎ ﺣﺎﻋﺮﻑ ﺍﺯﺍﻱ ﺍﺧﻠﻴﻬﺎ ﺗﺤﺒﻨﻲ ﺯﻱ ﻣﺎ ﺑﺤﺒﻬﺎ

ﻫﻤﺖ ﺳﻤﻴﺔ ﺃﻥ ﺗﺘﺤﺪﺙ ﻓﺄﻭﻗﻔﺘﻬﺎ ﻟﻤﻴﺎﺀ ﻗﺎﺋﻠﺔ :

- ﻣﺎ ﺗﺘﻌﺒﻴﺶ ﻧﻔﺴﻚ ﻳﺎ ﻣﺎﻣﺎ ﺑﺎﻟﻜﻼﻡ ﻓﻲ ﺍﻟﻤﻮﺿﻮﻉ ﺩﻩ ... ﻋﻠﻲ ﺑﻴﺤﺒﻬﺎ ﻳﺒﻘﻰ ﻣﻦ ﺣﻘﻪ ﺇﻧﻪ ﻳﺘﺠﻮﺯﻫﺎ ... ﻭﺃﻧﺎ ﺑﺼﺮﺍﺣﺔ ﺷﺎﻳﻔﺔ ﺍﻥ ﺣﻀﺮﺗﻚ ﻭﻟﺒﻨﻰ ﻣﺰﻭﺩﻳﻨﻬﺎ ﺷﻮﻳﺔ ﻓﻲ ﺍﻟﻜﻼﻡ ﻓﻲ ﺍﻟﻤﻮﺿﻮﻉ ﺩﻩ

- ﺍﻟﻠﻲ ﻳﺴﻤﻌﻚ ﻭﺍﻧﺘﻲ ﺑﺘﺪﺍﻓﻌﻲ ﻋﻨﻬﺎ ﻛﺪﻩ ... ﻣﺎﻳﺸﻮﻓﻜﻴﺶ ﺍﻧﺘﻲ ﻭﻫﻴﺎ ﻭﺍﻧﺘﻮﺍ ﻋﺎﻣﻠﻴﻦ ﺯﻱ ﻧﺎﻗﺮ ﻭﻧﻘﻴﺮ

- ﻳﺎ ﺣﺒﻴﺒﺘﻲ ﺃﻧﺎ ﻣﺶ ﺑﺪﺍﻓﻊ ﻋﻨﻬﺎ ﻫﻴﺎ ... ﺃﻧﺎ ﺑﺪﺍﻓﻊ ﻋﻦ ﺣﻖ ﺃﺧﻮﻳﺎ ﻓﻲ ﺇﺧﺘﻴﺎﺭ ﺷﺮﻳﻜﺔ ﺣﻴﺎﺗﻪ ... ﻣﺶ ﻣﻌﻨﻲ ﺍﻧﻲ ﺃﻧﺎ ﻭﻫﻴﺎ ﻣﺶ ﺑﻨﺘﻔﻖ ﻣﻊ ﺑﻌﺾ ﺍﻥ ﻋﻠﻲ ﻣﺎ ﻳﺘﺠﻮﺯﻫﺎﺵ ... ﻭﻛﻤﺎﻥ ﻣﺶ ﻣﻌﻨﻲ ﺇﻧﻪ ﻳﺘﺠﻮﺯﻫﺎ ﺇﻧﻪ ﻳﺠﺒﺮﻧﻲ ﺍﺗﻌﺎﻣﻞ ﻣﻌﺎﻫﺎ ﻋﺎﺩﻱ ﻭﺃﻧﺎ ﺍﺳﺎﺳﺎ ﻣﺶ ﺑﺎﻃﻴﻘﻬﺎ ... ﺛﻢ ﺃﻧﺎ ﻣﺶ ﺑﺘﻨﺎﻗﺮ ﻣﻌﺎﻫﺎ ﺃﻧﺎ ﺑﺎﺧﺪ ﺣﻘﻲ ﺑﺲ ﺑﺎﻷﺩﺏ ... ﻫﻴﺎ ﺍﻟﻠﻲ ﻛﻞ ﻣﺎﺗﺸﻮﻓﻨﻲ ﺗﻘﻮﻟﻲ ﻳﺎ ﺩﻛﺘﻮﺭﺓ ﺍﻟﺒﻬﺎﻳﻢ

ﺷﻌﺮﺕ ﺳﻤﻴﺔ ﺃﻧﻪ ﻻ ﺟﺪﻭﻯ ﻣﻦ ﺍﻟﻤﻨﺎﻗﺸﺔ ﻭﺍﻧﻬﺎ ﺳﺘﺨﺮﺝ ﺧﺎﺳﺮﺓ ﻛﺎﻟﻌﺎﺩﺓ ﻓﺎﻃﺮﻗﺖ ﺑﺮﺃﺳﻬﺎ ﻗﺎﺋﻠﺔ ﺑﺄﺳﻰ :

- ﻃﻴﺐ ﻭﻭﺻﻴﺔ ﺻﻔﻴﺔ ﺃﺧﺘﻲ ﺍﻟﻠﻪ ﻳﺮﺣﻤﻬﺎ ﻟﻴﺎ ﻭﻫﻴﺎ ﺑﺘﻤﻮﺕ ... ﺃﻧﺎ ﻣﺶ ﻗﺎﺩﺭﺓ ﺍﻧﺴﻰ ﺷﻜﻠﻬﺎ ﻭﻫﻴﺎ ﻣﺎﺳﻜﺔ ﺇﻳﺪﻱ ﻭﺑﺘﻘﻮﻟﻲ ﻭﺻﻴﺘﻲ ﻟﻴﻜﻲ ﻧﻮﺭﺍ ﻳﺎ ﺳﻤﻴﺔ ... ﺧﻠﻲ ﺑﺎﻟﻚ ﻣﻨﻬﺎ ﻭﺍﻋﺘﺒﺮﻳﻬﺎ ﺑﻨﺘﻚ ﺍﻟﺘﺎﻟﺘﺔ ... ﻭﺟﻮﺯﻳﻬﺎ ﻟﻌﻠﻲ ... ﻋﺸﺎﻥ ﺍﺑﻘﻰ ﻣﻄﻤﻨﺔ ﻋﻠﻴﻬﺎ ... ﺃﻧﺎ ﻋﺎﺭﻓﺔ ﺍﻧﻬﺎ ﺑﺘﺤﺒﻪ ﻣﻦ ﺻﻐﺮﻫﺎ ﻭﺣﺘﺒﻘﻰ ﺳﻌﻴﺪﺓ ﻣﻌﺎﻩ ... ﻟﻤﺎ ﺃﻗﺎﺑﻞ ﺃﺧﺘﻲ ﻭﺗﺴﺄﻟﻨﻲ ﺃﻗﻮﻟﻬﺎ ﺇﻳﻪ ?

ﻗﺒﻠﺘﻬﺎ ﻟﻤﻴﺎﺀ ﻣﻦ ﻭﺟﻨﺘﻬﺎ ﻗﺎﺋﻠﺔ :

- ﺑﻌﺪ ﺍﻟﺸﺮ ﻋﻠﻴﻜﻲ ﻳﺎ ﺣﺒﻴﺒﺘﻲ

ﺍﺟﺎﺑﻬﺎ ﻋﻠﻲ ﻗﺎﺋﻼ ﺑﺈﺻﺮﺍﺭ ﻭﻫﻮ ﻳﻘﻮﻡ ﺑﺈﻏﻼﻕ ﺣﻘﻴﺒﺘﻪ :

- ﻳﺎ ﻣﺎﻣﺎ ﻛﻞ ﻭﺍﺣﺪ ﺑﻴﻮﺻﻲ ﻓﻲ ﺍﻟﺤﺎﺟﺔ ﺍﻟﻠﻲ ﻳﻤﻠﻜﻬﺎ ... ﻭﺃﻧﺎ ﻣﺸﺎﻋﺮﻱ ﻭﺍﺣﺎﺳﻴﺴﻲ ﻣﺶ ﻣﻠﻚ ﺣﺪ ﻋﺸﺎﻥ ﻳﻔﺮﺽ ﻭﺻﺎﻳﺘﻪ ﻋﻠﻴﻬﺎ ... ﻭﻋﺸﺎﻥ ﺗﺒﻄﻠﻮﺍ ﻛﻼﻡ ﻣﻌﺎﻳﺎ ﻓﻲ ﺍﻟﻤﻮﺿﻮﻉ ﺩﻩ ... ﺃﻧﺎ ﺑﻘﻮﻟﻜﻮﺍ ﺁﻫﻮﻩ ... ﺃﻧﺎ ﺣﺘﻰ ﻟﻮ ﻣﺎ ﺍﺗﺠﻮﺯﺗﺶ ﻧﺎﺩﻳﺔ ... ﺑﺮﺿﻪ ﻣﺶ ﺣﺎﺗﺠﻮﺯ ﻧﻮﺭﻫﺎﻥ ... ﻭﻋﻦ ﺇﺫﻧﻜﻮﺍ ﺑﻘﻰ ﻋﺸﺎﻥ ﺃﻧﺎ ﻛﺪﻩ ﺍﺗﺄﺧﺮﺕ ... ﺛﻢ ﺣﻤﻞ ﺣﻘﻴﺒﺘﻪ ﻭﻏﺎﺩﺭ ﻣﺘﺠﻬﺎ ﺇﻟﻰ ﺩﻣﻴﺎﻁ

ﺭﺑﺘﺖ ﻟﻤﻴﺎﺀ ﻋﻠﻰ ﻛﺘﻒ ﻭﺍﻟﺪﺗﻬﺎ ﻗﺎﺋﻠﺔ :

- ﻣﺎﻣﺎ ﻳﺎ ﺣﺒﻴﺒﺘﻲ ... ﺑﻴﺘﻬﻴﺄﻟﻲ ﺍﻥ ﺧﺎﻟﺘﻮ ﺻﻔﻴﺔ ﺍﻟﻠﻪ ﻳﺮﺣﻤﻬﺎ ﻟﻮ ﻛﺎﻧﺖ ﻋﺎﻳﺸﺔ ﻣﺎﻛﺎﻧﺘﺶ ﺣﺘﺒﻘﻰ ﻣﺒﺴﻮﻃﺔ ﺍﺑﺪﺍ ﻭﺑﻨﺘﻬﺎ ﺑﺘﺘﺠﻮﺯ ﻭﺍﺣﺪ ﻣﺶ ﺑﻴﺤﺒﻬﺎ ... ﻭﻻ ﺍﻧﺘﻲ ﺭﺃﻳﻚ ﺇﻳﻪ ?

ﺗﻨﻬﺪﺕ ﺳﻤﻴﺔ ﺛﻢ ﺃﺧﺬﺕ ﺗﺪﻋﻮ ﺍﻟﻠﻪ ﻗﺎﺋﻠﺔ ﺑﺘﻮﺳﻞ :

- ﺭﺑﻨﺎ ﻳﻬﺪﻳﻚ ﻳﺎ ﻋﻠﻲ ﻳﺎ ﺍﺑﻨﻲ ﻭﻳﻨﻮﺭ ﺑﺼﻴﺮﺗﻚ

↚

ﻓﻲ ﺃﺣﺪ ﺍﻟﻤﻨﺎﺯﻝ ﺍﻟﺘﺎﺑﻌﺔ ﻷﺣﺪ ﺍﻟﻤﺮﺍﻛﺰ ﺑﻤﺤﺎﻓﻈﺔ ﺩﻣﻴﺎﻁ ﻭﻣﻊ ﺇﺷﺮﺍﻗﺔ ﺷﻤﺲ ﻳﻮﻡ ﺟﺪﻳﺪ ﻭﻗﻔﺖ ﺳﻴﺪﺓ ﻓﻲ ﻧﻬﺎﻳﺔ ﺍﻟﺨﻤﺴﻴﻨﺎﺕ ﻣﻦ ﻋﻤﺮﻫﺎ ﺇﻟﻰ ﺟﻮﺍﺭ ﺃﺣﺪ ﺍﻵﺳﺮﺓﻭﻫﻲ ﺗﺤﺎﻭﻝ ﺇﻳﻘﺎﻅ ﻭﻟﺪﻫﺎ ﺍﻟﺬﻱ ﻛﺎﻥ ﻳﻐﻂ ﻓﻲ ﺳﺒﺎﺕ ﻋﻤﻴﻖ ... ﺳﺌﻤﺖ ﻣﻦ ﺗﻜﺮﺍﺭ ﺍﻟﻤﺤﺎﻭﻻﺕ ﺇﻟﻰ ﺍﻟﻤﺮﺓ ﺍﻟﺘﻲ ﻟﻢ ﺗﻌﺪ ﺗﺘﺬﻛﺮ ﻋﺪﺩﻫﺎ ... ﻓﺠﻠﺴﺖ ﺇﻟﻲ ﺟﻮﺍﺭﻩ ﻋﻠﻰ ﺍﻟﻔﺮﺍﺵ ﻭﺟﺬﺑﺖ ﺍﻟﻐﻄﺎﺀ ﻭﻫﻲ ﺗﻘﻮﻝ ﻓﻲ ﻧﻔﺎﺫ ﺻﺒﺮ :

- ﻳﺎ ﻭﺍﺩ ﻳﺎ ﺍﺩﻫﻢ ﻗﻮﻡ ﺑﻘﻰ ﻭﺟﻌﺖ ﻗﻠﺒﻲ

ﻧﻬﺾ ﻣﻦ ﻣﻜﺎﻧﻪ ﺃﺧﻴﺮﺍ ﻭﻫﻮ ﻳﻘﻮﻝ ﺑﺘﺄﻓﻒ :

- ﻳﺎ ﺳﺎﺗﺮ ﻫﻮ ﺍﻟﻮﺍﺣﺪ ﻣﺎﻳﻌﺮﻓﺶ ﻳﻨﺎﻡ ﺷﻮﻳﺔ ﻓﻲ ﺍﻟﺒﻴﺖ ﺩﻩ .

ﺃﺟﺎﺑﺘﻪ ﻭﺍﻟﺪﺗﻪ ﻗﺎﺋﻠﺔ ﺑﺴﺨﺮﻳﺔ :

- ﻛﻞ ﺩﻩ ﻭﻣﺶ ﻋﺎﺭﻑ ﺗﻨﺎﻡ ... ﻳﺎ ﺍﺑﻨﻲ ﻗﻮﻡ ﺑﻘﻰ ﻋﺸﺎﻥ ﺍﻋﺮﻑ ﻧﻮﻳﺖ ﻋﻠﻰ ﺇﻳﻪ ﻓﻲ ﺍﻟﻤﻮﺿﻮﻉ ﺍﻟﻠﻲ ﺍﺗﻜﻠﻤﻨﺎ ﻓﻴﻪ ﻣﻊ ﺑﻌﺾ ﺍﻣﺒﺎﺭﺡ

ﺍﻋﺘﺪﻝ ﻓﻲ ﺟﻠﺴﺘﻪ ﻭﺃﺧﺬ ﻳﻤﺴﺢ ﻭﺟﻬﻪ ﺑﻜﻔﻴﻪ ﻣﺤﺎﻭﻻ ﺍﻟﺘﺬﻛﺮ ﻗﺒﻞ ﺃﻥ ﻳﻘﻮﻝ :

- ﺍﺩﻳﻨﻲ ﻗﻤﺖ ﺁﻫﻮﻩ ... ﻋﺎﻳﺰﺓ ﺇﻳﻪ ﻳﺎ ﺍﻟﻔﺖ ﻳﺎ ﺑﻨﺖ ﺣﺎﻣﺪ ﺍﻟﺪﻣﻴﺎﻃﻲ

ﻟﻮﺕ ﺷﻔﺘﻴﻬﺎ ﻗﺎﺋﻠﺔ ﻓﻲ ﺇﺳﺘﻴﺎﺀ :

- ﻳﺎ ﻭﺍﺩ ﺍﺗﻜﻠﻢ ﻣﻊ ﺃﻣﻚ ﺑﺄﺩﺏ ﺷﻮﻳﺔ ... ﺍﻟﺤﻖ ﻋﻠﻴﺎ ﺇﻧﻲ ﻋﺎﻳﺰﺓ ﻣﺼﻠﺤﺘﻚ

ﻧﻈﺮ ﺇﻟﻴﻬﺎ ﺑﻄﺮﻑ ﻋﻴﻨﻪ ﻭﻗﺎﻝ ﺑﺘﻬﻜﻢ :

- ﺍﺣﻨﺎ ﺣﻨﻀﺤﻚ ﻋﻠﻰ ﺑﻌﺾ ﻭﻻ ﺇﻳﻪ ? ﺑﻘﻰ ﻋﺎﻳﺰﺓ ﻣﺼﻠﺤﺘﻲ ﺃﻧﺎ ﺑﺮﺿﻪ

- ﻳﺎ ﺳﻴﺪﻱ ﻋﺎﻳﺰﺓ ﻣﺼﻠﺤﺘﻨﺎ ﻛﻠﻨﺎ ﺍﺭﺗﺤﺖ ﻛﺪﻩ ... ﻗﻮﻡ ﺑﻘﻰ ﺍﻏﺴﻞ ﻭﺷﻚ ﻭﺃﻧﺎ ﺣﺤﻀﺮﻟﻚ ﻓﻄﺎﺭ ﺇﻧﻤﺎ ﺇﻳﻪ ... ﺗﺎﻛﻞ ﺻﻮﺍﺑﻌﻚ ﻭﺭﺍﻩ ﻭﻧﺘﻜﻠﻢ ﻭﺍﺣﻨﺎ ﺑﻨﻔﻄﺮ ... ﻳﻼ ﺑﻘﻰ ﻳﺎ ﺍﺩﻫﻮﻣﺘﻲ

- ﻳﺎ ﺳﻼﻡ ... ﻳﺎﺳﻼﻡ ﻋﻠﻴﻜﻲ ﻟﻤﺎ ﺑﻴﺒﻘﻰ ﻟﻴﻜﻲ ﻃﻠﺐ ﻋﻨﺪ ﺣﺪ ... ﺑﺘﺒﻘﻲ ﻭﺍﺣﺪﺓ ﺗﺎﻧﻴﺔ ﺧﺎﻟﺺ ﻏﻴﺮ ﺃﻟﻔﺖ ﺍﻟﻠﻲ ﺃﻧﺎ ﺃﻋﺮﻓﻬﺎ

ﻭﺿﻌﺖ ﻳﺪﻫﺎ ﻋﻠﻲ ﺧﺪﻫﺎ ﻭﻗﺎﻟﺖ ﺑﺘﺼﻨﻊ :

- ﻛﺪﻩ ﺑﺮﺿﻪ ﻳﺎ ﺍﺩﻫﻢ ... ﻭﺃﻧﺎ ﺍﻟﻠﻲ ﻛﻨﺖ ﺑﺄﻗﻮﻝ ﺍﻥ ﺍﺩﻫﻢ ﻫﻮ ﺇﺑﻨﻲ ﺣﺒﻴﺒﻲ ﺍﻟﻠﻲ ﺣﻴﺴﻤﻊ ﻛﻼﻣﻲ ﻭﻳﻌﻤﻞ ﺍﻟﻠﻲ ﺃﻧﺎ ﻋﺎﻳﺰﺍﻩ ﻭﺍﻟﻠﻲ ﻓﻴﻪ ﻣﺼﻠﺤﺘﻨﺎ ﻛﻠﻨﺎ

- ﻳﺎ ﺳﻼﻡ ... ﻭﻣﺎﻃﻠﺒﺘﻲﺵ ﺍﻟﻄﻠﺐ ﺩﻩ ﻣﻦ ﺃﺣﻤﺪ ﻟﻴﻪ ﺑﻘﻰ ﺇﻥ ﺷﺎﺀﺍﻟﻠﻪ ? ﻣﺶ ﻫﻮ ﺍﻟﻜﺒﻴﺮ ﻳﻌﻨﻲ ﺍﻟﻤﻔﺮﻭﺽ ﻫﻮ ﺍﻟﻠﻲ ﻳﺘﺠﻮﺯ ﺍﻷﻭﻝ ﻭﻻ ﺃﻧﺎ ﻏﻠﻄﺎﻥ

- ﻣﺎﻟﻚ ﻳﺎ ﻭﺍﺩ ﻣﺤﺴﺴﻨﻲ ﺍﻧﻲ ﺑﺎﻗﻮﻟﻚ ﺭﻭﺡ ﺇﺭﻣﻲ ﺭﻭﺣﻚ ﻓﻲ ﺍﻟﻨﺎﺭ ﻛﺪﻩ ﻟﻴﻪ ? ﺗﻜﻮﻧﺶ ﻓﺎﻛﺮ ﺑﻨﺎﺕ ﺃﺧﻮﻳﺎ ﺑﺎﻳﺮﻳﻦ ﻭﻻ ﺑﺎﻳﺮﻳﻦ ... ﻻ ﻳﺎ ﺣﺒﻴﺒﻲ ﺩﻭﻝ ﺑﻨﺎﺕ ﺻﻔﻮﺕ ﺍﻟﺪﻣﻴﺎﻃﻲ ... ﻭﺍﻇﻦ ﺍﻧﻚ ﻋﺎﺭﻑ ﻛﻮﻳﺲ ﺧﺎﻟﻚ ﻳﺒﻘﻰ ﻣﻴﻦ ﻭﻋﻨﺪﻩ ﺍﺩ ﺇﻳﻪ ... ﻭﺑﻌﺪﻳﻦ ﺍﻧﺖ ﻋﺎﺭﻑ ﻛﻮﻳﺲ ﺍﻧﻲ ﻟﻮ ﻗﻠﺖ ﻷﺣﻤﺪ ﺃﺧﻮﻙ ﺣﻴﻘﻌﺪ ﻳﻘﻮﻟﻲ ﺣﺮﺍﻡ ﻣﺎ ﺍﻧﺖ ﻋﺎﺭﻓﻪ

ﺃﺟﺎﺑﻬﺎ ﻗﺎﺋﻼ ﻓﻲ ﺇﻋﺘﺮﺍﺽ :

- ﻳﺎ ﺳﻼﻡ ﻛﻤﺎﻥ ﻣﺮﺓ ... ﻳﻌﻨﻲ ﻫﻮ ﺣﻴﻘﻮﻟﻚ ﺣﺮﺍﻡ ﻭﺃﻧﺎ ﺑﻘﻰ ﻣﻦ ﻛﻔﺎﺭ ﻗﺮﻳﺶ ﺇﻥ ﺷﺎﺀﺍﻟﻠﻪ ﻭﻻ ﺇﻳﻪ ?

ﺗﻨﻬﺪﺕ ﻗﺎﺋﻠﺔ ﺑﻨﻔﺎﺫ ﺻﺒﺮ :

- ﻳﺎ ﺇﺑﻨﻲ ﻫﻮ ﺃﻧﺎ ﺑﺄﻗﻮﻟﻚ ﺍﻋﻤﻞ ﺣﺎﺟﺔ ﻏﻠﻂ ﻻﺳﻤﺢ ﺍﻟﻠﻪ ... ﺩﻩ ﺟﻮﺍﺯ ﻋﻠﻰ ﺳﻨﺔ ﺍﻟﻠﻪ ﻭﺭﺳﻮﻟﻪ ... ﺑﺲ ﺍﻧﺖ ﻋﺎﺭﻑ ﻟﻮ ﻗﻠﺖ ﻷﺣﻤﺪ ﺣﻴﻘﻌﺪ ﻳﻘﻮﻟﻲ ﺣﺮﺍﻡ ﻧﺴﺘﻐﻞ ﻋﻮﺍﻃﻔﻬﺎ ﻭﻧﻠﻌﺐ ﺑﻤﺸﺎﻋﺮﻫﺎ ﻭﺍﻟﻜﻼﻡ ﺍﻟﻜﺒﻴﺮ ﺑﺘﺎﻋﻪ ﺩﻩ .... ﺃﻧﺎ ﻛﻞ ﺍﻟﻠﻲ ﻋﺎﻳﺰﺍﻩ ﻣﻨﻚ ﺍﻧﻚ ﺗﺨﻠﻴﻬﺎ ﺗﻘﻊ ﻓﻲ ﺣﺒﻚ ﻭﺗﻤﻮﺕ ﻓﻴﻚ ﻋﺸﺎﻥ ﻟﻤﺎ ﺗﺘﻘﺪﻣﻠﻬﺎ ﻣﺎ ﺗﺘﺮﻓﻀﺶ

ﺃﺟﺎﺑﻬﺎ ﻗﺎﺋﻼ ﺑﺤﺪﺓ :

- ﺍﺗﺮﻓﺾ ﻟﻴﻪ ﺑﻘﻰ ... ﻫﻴﺎ ﺣﺘﻼﻗﻲ ﺍﺣﺴﻦ ﻣﻨﻲ ﻓﻴﻦ ﺇﻧﺸﺎﺀﺍﻟﻠﻪ ?

ﺭﺑﺘﺖ ﺃﻟﻔﺖ ﻋﻠﻲ ﻳﺪﻩ ﻗﺎﺋﻠﺔ ﺑﺈﺑﺘﺴﺎﻣﺔ :

- ﺍﻳﻮﻩ ﻃﺒﻌﺎ ﻳﺎ ﺣﺒﻴﺒﻲ ... ﺃﻧﺎ ﻋﺎﺭﻑ ﺍﻥ ﻧﺺ ﺑﻨﺎﺕ ﺩﻣﻴﺎﻁ ﻳﺘﻤﻨﻮﺍ ﺇﺷﺎﺭﺓ ﻣﻨﻚ ... ﻭﻋﻤﻮﻣﺎ ﻣﺎﺩﺍﻡ ﻗﻠﺖ ﻛﺪﻩ ﻳﺒﻘﻰ ﻭﺍﻓﻘﺖ ... ﻟﻜﻦ ﻗﻮﻟﻲ ﺑﻘﻰ ﻧﻮﻳﺖ ﻋﻠﻰ ﻣﻴﻦ ﻓﻴﻬﻢ ... ﻧﺎﺩﻳﺔ ﻭﻻ ﻧﻮﺭﺍ ?

ﺃﺳﺮﻉ ﻳﺠﻴﺒﻬﺎ ﻗﺎﺋﻼ :

- ﻻ ﻧﺎﺩﻳﺔ ﻣﻴﻦ ... ﻧﺎﺩﻳﺔ ﺑﻨﺖ ﺃﺧﻮﻛﻲ ﺩﻱ ﺷﺎﻳﻔﺔ ﻧﻔﺴﻬﺎ ﻋﻠﻰ ﺍﻷﺧﺮ ﻭﺣﺎﻃﺔ ﻣﻨﺎﺧﻴﺮﻫﺎ ﻓﻲ ﺍﻟﺴﻤﺎ ... ﻭﺃﻧﺎ ﺍﻟﺼﻨﻒ ﺩﻩ ﻣﺎﺑﻴﻌﺠﺒﻨﻴﺶ ... ﺇﻥ

ﻣﺎ ﺑﺎﻟﻨﺴﺒﺔ ﻟﻨﻮﺭﺍ ﻣﻤﻜﻦ ﺃﻓﻜﺮ

ﺗﺴﻠﻞ ﺇﻟﻴﻬﺎ ﺷﻌﻮﺭ ﺑﺎﻟﺮﺍﺣﺔ ﺍﺛﺮ ﻣﻮﺍﻓﻘﺘﻪ ﻋﻠﻰ ﺍﻹﻳﻘﺎﻉ ﺑﻨﻮﺭﺍ ﺣﺘﻰ ﺇﺫﺍ ﻣﺎ ﺷﻌﺮ ﺑﺄﻥ ﺣﺒﻪ ﻗﺪ ﺗﻤﻜﻦ ﻣﻦ ﻗﻠﺒﻬﺎ ... ﺗﻘﺪﻡ ﺇﻟﻰ ﺧﺎﻟﻪ ﻃﺎﻟﺒﺎ ﺍﻟﺰﻭﺍﺝ ﻣﻨﻬﺎ ... ﻟﻴﺘﻘﺮﺏ ﺑﺬﻟﻚ ﻣﻦ ﺧﺎﻟﻪ ﺍﻟﺬﻱ ﻟﻦ ﻳﺘﻮﺍﻧﻰ ﻭﻗﺘﻬﺎ ﻋﻦ ﺗﻤﻠﻴﻜﻪ ﺯﻣﺎﻡ ﺍﻷﻣﻮﺭ ﻭﺇﺗﺨﺎﺫﻩ ﺳﺎﻋﺪﺍ ﺃﻳﻤﻦ ﻟﻪ ﻓﻲ ﻛﻞ ﺃﻋﻤﺎﻟﻪ ... ﻛﻤﺎ ﺍﻧﻬﺎ ﻛﺎﻧﺖ ﺗﺮﻯ ﺍﻥ ﻧﻮﺭﺍ ﻫﻲ ﺍﻹﺧﺘﻴﺎﺭ ﺍﻟﻤﻮﻓﻖ ﺑﺎﻟﻨﺴﺒﺔ ﻟﻮﻟﺪﻫﺎ ... ﻣﻤﺎ ﺟﻌﻞ ﺍﻹﺑﺘﺴﺎﻣﺔ ﺗﻨﻌﻜﺲ ﻋﻠﻰ ﻣﻼﻣﺤﻬﺎ ﻭﻫﻲ ﺗﻘﻮﻝ ﺑﺠﺪﻳﺔ : ﻛﻮﻳﺲ ﺣﺘﻰ ﺍﻟﺒﺖ ﻧﻮﺭﺍ ﺩﻱ ﻃﻴﺒﺔ ﻭﻫﺒﻠﺔ ﺯﻱ ﺃﻣﻬﺎ ﺍﻟﻠﻪ ﻳﺮﺣﻤﻬﺎ ... ﻳﻌﻨﻲ ﻣﺶ ﺣﺘﺎﺧﺪ ﻓﻲ ﺇﻳﺪﻙ ﻏﻠﻮﺓ

- ﻭﺍﻧﺘﻲ ﺑﻘﻰ ﻋﺎﻳﺰﺓ ﺗﺠﻮﺯﻳﻨﻲ ﻭﺍﺣﺪﺓ ﻫﺒﻠﺔ

- ﺍﺧﺺ ﻋﻠﻴﻚ ﻳﺎ ﺍﺩﻫﻢ ﺑﻘﻰ ﺑﻨﺖ ﺃﺧﻮﻳﺎ ﻫﺒﻠﺔ ﺑﺮﺿﻪ ... ﺩﻱ ﺑﻜﺮﺓ ﺗﺘﺨﺮﺝ ﻣﻦ ﺍﻟﺠﺎﻣﻌﺔ ﻭﺗﺒﻘﻰ ﻋﺎﻟﻤﺔ ﺍﺩ ﺍﻟﺪﻧﻴﺎ

ﺍﺭﺗﺴﻤﺖ ﻋﻠﻰ ﻭﺟﻬﻪ ﺇﺑﺘﺴﺎﻣﺔ ﺳﺎﺧﺮﺓ ﻗﺒﻞ ﺃﻥ ﻳﻌﻴﺪ ﺗﻜﺮﺍﺭ ﻛﻠﻤﺘﻬﺎ ﻗﺎﺋﻼ ﺑﺘﻬﻜﻢ : ﻋﺎﻟﻤﺔ

ﺃﺷﺎﺣﺖ ﺑﻴﺪﻫﺎ ﻗﺎﺋﻠﺔ ﺑﻼ ﻣﺒﺎﻻﺓ :

- ﺃﻧﺎ ﻋﺎﺭﻓﺔ ﻳﺎ ﺍﺑﻨﻲ ﻛﻠﻴﺔ ﺍﻟﻌﻠﻮﻡ ﺍﻟﻠﻲ ﻫﻴﺎ ﻭﻟﺒﻨﻰ ﻓﻴﻬﺎ ﺩﻱ ﺑﻴﻄﻠﻌﻮﺍ ﻣﻨﻬﺎ ﺇﻳﻪ

ﺍﺑﺘﺴﻢ ﻭﻗﺎﻝ ﺳﺎﺧﺮﺍ :

- ﺑﺎﻟﻈﺒﻂ ﻛﺪﻩ ﻳﺎ ﻣﺎﻣﺎ ... ﺑﻴﻄﻠﻌﻮﺍ ﻋﻮﺍﻟﻢ

- ﺃﻧﺎ ﺍﻗﺼﺪ ﺍﻗﻮﻝ ﻳﻌﻨﻲ ﺍﻧﻬﺎ ﻋﻠﻰ ﻧﻴﺎﺗﻬﺎ ﻭﺧﺎﻡ ... ﻳﻌﻨﻲ ﺑﻜﻠﻤﺘﻴﻦ ﺣﻠﻮﻳﻦ ﻣﻨﻚ ﻭﺷﻮﻳﺔ ﺭﻭﻣﺎﻧﺴﻴﺔ ﺣﺘﺨﻠﻴﻬﺎ ﺗﺪﻭﺏ ﻓﻲ ﻫﻮﺍﻙ ... ﻭﺳﺎﻋﺘﻬﺎ ﺑﻘﻰ ﻟﻤﺎ ﺗﺘﺠﻮﺯﻫﺎ ﺣﺘﺒﻘﻰ ﺩﺭﺍﻉ ﺧﺎﻟﻚ ﺍﻟﻴﻤﻴﻦ ﻭﺣﺘﻌﺮﻑ ﻛﻞ ﻛﺒﻴﺮﺓ ﻭﺻﻐﻴﺮﺓ ﻓﻲ ﺍﻟﺸﻐﻞ ... ﺍﻳﻮﻩ ﻃﺒﻌﺎ ﻣﺶ ﺣﺘﺒﻘﻰ ﺟﻮﺯ ﺑﻨﺘﻪ ... ﻫﻮ ﺻﺤﻴﺢ ﺍﻧﺎ ﺷﺎﻳﻔﺔ ﺍﻥ ﻧﻮﺭﺍ ﺍﺳﻬﻠﻚ ﻣﻦ ﻧﺎﺩﻳﺔ ... ﺑﺲ ﺍﻛﻴﺪ ﺟﻮﺯ ﻧﺎﺩﻳﺔ ﺩﻩ ﺣﻴﺒﻘﻰ ﻋﻨﺪ ﺧﺎﻟﻚ ﺣﺎﺟﺔ ﺗﺎﻧﻴﺔ ... ﻭﻻ ﺍﻗﻮﻟﻚ ﺯﻱ ﻣﺎ ﺗﺤﺐ ﺧﻠﻴﻬﺎ ﻧﻮﺭﺍ ﻭﺧﻼﺹ ... ﺍﻫﻢ ﺣﺎﺟﺔ ﻣﺎ ﻳﺒﻘﺎﺵ ﻋﻠﻲ ﻟﻮﺣﺪﻩ ﻫﻮ ﺍﻟﻠﻲ ﻗﺮﻳﺐ ﻣﻦ ﺧﺎﻟﻚ ... ﺍﻧﺖ ﻣﺶ ﺷﺎﻳﻔﻪ ﻻﺯﻕ ﻟﻌﻤﻪ ﻓﻲ ﺍﻟﺮﺍﻳﺤﺔ ﻭﺍﻟﺠﺎﻳﺔ ﺍﺯﺍﻱ ... ﻭﻣﺶ ﺑﻌﻴﺪ ﻳﻜﻮﻥ ﻫﻮ ﻛﻤﺎﻥ ﺣﺎﻃﻂ ﻋﻴﻨﻪ ﻋﻠﻰ ﻭﺍﺣﺪﺓ ﻣﻦ ﺍﻟﺒﻨﺎﺕ ﺯﻳﻨﺎ ﻛﺪﻩ ... ﻭﻋﺎﻳﺰ ﻳﺘﺠﻮﺯﻫﺎ ﻋﺸﺎﻥ ﻳﻜﻮﺵ ﻋﻠﻰ ﻛﻞ ﺣﺎﺟﺔ

ﻟﻮﻯ ﺍﺩﻫﻢ ﺷﻔﺘﻴﻪ ﻭﻗﺎﻝ ﺑﻤﺰﻳﺪ ﻣﻦ ﺍﻟﺴﺨﺮﻳﺔ :

- ﺑﻘﻰ ﻋﻠﻲ ﻫﻮ ﺍﻟﻠﻲ ﻋﺎﻳﺰ ﻳﻜﻮﺵ ﻋﻠﻰ ﻛﻞ ﺣﺎﺟﺔ ﺑﺮﺿﻪ

- ﻗﺼﺪﻙ ﺇﻳﻪ ﻳﺎ ﻭﺍﺩ ﺑﺎﻟﻜﻼﻡ ﺩﻩ ?

- ﻻ ﻣﺎﻗﺼﺪﻳﺶ ﺣﺎﺟﺔ ... ﺑﺲ ﺃﻧﺎ ﻣﺶ ﺷﺎﻳﻒ ﻳﻌﻨﻲ ﺃﻱ ﺩﺍﻋﻲ ﻟﻠﻲ ﻋﻤﺎﻟﻪ ﺑﺘﺨﻄﻄﻴﻠﻪ ﺩﻩ ... ﺇﺫﺍ ﻛﺎﻥ ﻋﻠﻲ ﻣﺎﺳﻚ ﺍﻟﺸﺮﻛﺔ ﻣﻊ ﺧﺎﻟﻲ ﻭﻫﻮ ﻧﺎﺋﺐ ﺭﺋﻴﺲ ﻣﺠﻠﺲ ﺇﺩﺍﺭﺗﻬﺎ ... ﺍﻧﺎ ﻭﺍﺣﻤﺪ ﺍﻟﻠﻲ ﻣﺎﺳﻜﻴﻦ ﺷﻐﻞ ﺧﺎﻟﻲ ﻫﻨﺎ ﻓﻲ ﺩﻣﻴﺎﻁ ﻭﻛﻞ ﺣﺎﺟﺔ ﻓﻲ ﺇﻳﺪﻳﻨﺎ ... ﻳﻌﻨﻲ ﺍﻟﺮﺍﺟﻞ ﺑﻴﺄﺗﻤﻨﺎ ﻋﻠﻰ ﻣﺎﻟﻪ ﺯﻳﻨﺎ ﺯﻱ ﻋﻠﻲ ... ﻭﺑﻌﺪ ﻋﻤﺮ ﻃﻮﻳﻞ ﺇﻥ ﺷﺎﺀﺍﻟﻠﻪ ﺣﻴﺒﻘﻰ ﻟﻴﻜﻲ ﻧﺼﻴﺐ ﻓﻲ ﺍﻟﻤﻴﺮﺍﺙ ... ﻳﻌﻨﻲ ﻣﺶ ﻣﺤﺘﺎﺟﻴﻴﻦ ﺣﻜﺎﻳﺔ ﺍﻟﺠﻮﺍﺯ ﺩﻱ ﺍﻭﻱ ﻳﻌﻨﻲ

- ﻻ ﻳﺎ ﺣﺒﻴﺒﻲ ... ﻛﺪﻩ ﺍﻧﺖ ﻭﺃﺣﻤﺪ ﺍﺳﻤﻜﻢ ﺑﺘﺸﺘﻐﻠﻮﺍ ﻋﻨﺪﻩ ﻭﺑﺘﻘﺒﻀﻮﺍ ﻣﺮﺗﺒﻜﻢ ﺯﻳﻜﻢ ﺯﻱ ﺍﻟﻐﺮﻳﺐ ﺑﺎﻟﻈﺒﻂ ... ﻭﺑﻌﺪﻳﻦ ﺯﻳﺎﺩﺓ ﺍﻟﺨﻴﺮ ﺧﻴﺮﻳﻦ ... ﺑﺪﺍﻝ ﻣﺎ ﻳﺒﻘﻰ ﻧﺼﻴﺒﻲ ﻟﻮﺣﺪﻩ ﻳﺒﻘﻰ ﻣﻌﺎﻩ ﻧﺼﻴﺐ ﻭﺍﺣﺪﺓ ﻣﻦ ﺍﻟﺒﻨﺎﺕ ﻛﻤﺎﻥ ... ﻫﺎ ﻳﺎ ﻭﺍﺩ ﻗﻠﺖ ﺇﻳﻪ ﺑﻘﻰ ﺃﺧﺮ ﻛﻼﻡ

- ﻗﻠﺖ ﻻ ﺇﻟﻪ ﺇﻻ ﺍﻟﻠﻪ

↚

- ﺳﻴﺪﻧﺎ ﻣﺤﻤﺪ ﺭﺳﻮﻝ ﺍﻟﻠﻪ ... ﻳﺎ ﻭﺍﺩ ﺭﻳﺢ ﻗﻠﺒﻲ ﺑﻘﻰ

ﺗﻨﻬﺪ ﻗﺎﺋﻼ ﺑﻌﺪ ﺃﻥ ﺿﺎﻕ ﺫﺭﻋﺎ ﺑﻬﺬﻩ ﺍﻟﻤﻨﺎﻗﺸﺔ ﺍﻟﺘﻲ ﺗﻤﻨﻌﻪ ﻣﻦ ﺍﻟﻌﻮﺩﺓ ﻟﻠﻨﻮﻡ ﻣﺠﺪﺩﺍ :

- ﺣﺎﺿﺮ ﻣﺶ ﺍﻧﺘﻲ ﻋﺎﻳﺰﺍﻧﻲ ﺍﺗﺠﻮﺯﻫﺎ ... ﺣﺎﺿﺮ ﺣﺤﺒﻬﺎﻟﻚ ﻭﺍﺗﺠﻮﺯﻫﺎﻟﻚ ﻭﺍﺿﺤﻲ ﺑﺤﻴﺎﺓ ﺍﻟﻌﺰﻭﺑﻴﺔ ﻭﺍﻣﺮﻱ ﻟﻠﻪ ... ﻋﺎﻳﺰﺓ ﺣﺎﺟﺔ ﺗﺎﻧﻴﺔ

ﺍﺑﺘﺴﻤﺖ ﻭﻫﻲ ﺗﻀﻊ ﻳﺪﻫﺎ ﻋﻠﻰ ﻓﻤﻬﺎ ﻗﺎﺋﻠﺔ :

- ﻳﻮﻭﻭﻩ ﺟﺘﻚ ﺇﻳﻪ ﻳﺎ ﺍﺩﻫﻢ ... ﺑﻘﻰ ﺣﺘﺘﺠﻮﺯﻫﺎﻟﻲ ﺃﻧﺎ ﺑﺮﺿﻪ ﻳﺎ ﻭﺍﺩ

ﺍﺟﺎﺑﻬﺎ ﻭﻫﻮ ﻳﺘﻤﺪﺩ ﻓﻲ ﻓﺮﺍﺷﻪ ﻭﻳﻌﻴﺪ ﺳﺤﺐ ﺍﻟﻐﻄﺎﺀ ﻋﻠﻴﻪ ﻣﺠﺪﺩﺍ :

- ﺣﺘﺠﻮﺯﻫﺎﻟﻜﻮﺍ ﻛﻠﻜﻮﺍ ... ﺍﺭﺗﺤﺘﻲ ﻛﺪﻩ

ﺗﻨﻬﺪﺕ ﻗﺎﺋﻠﺔ ﺑﺈﺭﺗﻴﺎﺡ :

- ﺭﺑﻨﺎ ﻳﺮﻳﺢ ﻗﻠﺒﻚ ﻳﺎ ﺣﺒﻴﺒﻲ ... ﺑﺲ ﺑﺎﻗﻮﻟﻚ ﺇﻳﻪ ... ﻗﻮﻡ ﺑﻘﻰ ﻋﺸﺎﻥ ﺗﺮﻭﺡ ﺗﺸﻮﻑ ﺷﻐﻠﻚ ﺑﺪﺍﻝ ﻣﺎ ﺍﺣﻤﺪ ﻳﺴﻤﻌﻚ ﻛﻠﻤﺘﻴﻦ ﻓﻲ ﺟﻨﺎﺑﻚ ﻉ ﺍﻟﺼﺒﺢ ﻋﺸﺎﻥ ﺍﺗﺄﺧﺮﺕ ... ﺩﻩ ﻧﺰﻝ ﻣﻦ ﺑﺪﺭﻱ ﺭﺍﺡ ﺍﻟﻤﻌﺮﺽ

ﻭﻓﻲ ﻣﻨﺰﻝ ﺃﺧﺮ ﺑﻨﻔﺲ ﺍﻟﻤﺤﺎﻓﻈﺔ ﻭﻗﻔﺖ ﺍﻣﺮﺃﺓ ﻓﻲ ﺍﻟﺜﺎﻣﻨﺔ ﻭﺍﻟﻌﺸﺮﻳﻦ ﻣﻦ ﻋﻤﺮﻫﺎ ﺫﺍﺕ ﻣﻼﻣﺢ ﺭﻗﻴﻘﺔ ﻭﺟﻤﺎﻝ ﻫﺎﺩﺉ ﺃﻣﺎﻡ ﺍﻟﻤﺮﺃﺓ ﻭﻫﻲ ﺗﺮﺗﺪﻱ ﻣﻼﺑﺴﻬﺎ ﻭﺗﺴﺘﻌﺪ ﻟﻠﺬﻫﺎﺏ ﺇﻟﻰ ﻋﻤﻠﻬﺎ ﺑﺼﺤﺒﺔ ﺯﻭﺟﻬﺎ ﺍﻟﺬﻱ ﺩﻟﻒ ﺇﻟﻰ ﺍﻟﻐﺮﻓﺔ ﺻﺎﺭﺧﺎ :

- ﻳﻼ ﺑﻘﻰ ﻳﺎ ﺳﺖ ﻫﺎﻧﻢ ﺍﻧﺘﻲ ﺑﻘﺎﻟﻚ ﺳﺎﻋﺔ ﺑﺘﻠﺒﺴﻲ ... ﺍﺣﻨﺎ ﻛﺪﻩ ﺣﻨﺘﺄﺧﺮ ﻋﻠﻰ ﺍﻟﺸﻐﻞ ... ﻭﻟﺴﻪ ﻛﻤﺎﻥ ﺣﻨﻌﺪﻱ ﻋﻠﻰ ﺃﻣﻚ ﻋﺸﺎﻥ ﻧﺴﻴﺒﻠﻬﺎ ﺍﻟﺒﻨﺖ

ﺃﺟﺎﺑﺖ ﻗﺎﺋﻠﺔ ﻓﻲ ﺇﺭﺗﺒﺎﻙ ﻭﻫﻲ ﺗﻨﻬﻲ ﺑﺴﺮﻋﺔ ﺇﺭﺗﺪﺍﺀ ﻣﻼﺑﺴﻬﺎ :

- ﺧﻼﺹ ﻳﺎ ﺟﻤﺎﻝ ﺁﻫﻮﻩ ... ﺧﻠﺼﺖ ﺧﻼﺹ ... ﺩﻭﻝ ﻫﻤﺎ ﻋﺸﺮ ﺩﻗﺎﻳﻖ ﻳﺎ ﺩﻭﺏ ﺍﻟﻠﻲ ﻟﺒﺴﺖ ﻓﻴﻬﻢ ... ﺛﻢ ﺣﻤﻠﺖ ﺻﻐﻴﺮﺗﻬﺎ ﻭﻗﺒﻠﺘﻬﺎ ﻣﻦ ﻭﺟﻨﺘﻬﺎ ﻗﺎﺋﻠﺔ ﺑﺤﻨﺎﻥ : ﻳﻼ ﺑﻴﻨﺎ ﻳﺎ ﺭﻭﺿﺔ ﻳﺎ ﺣﺒﻴﺒﺘﻲ ﻋﺸﺎﻥ ﻧﺮﻭﺡ ﻋﻨﺪ ﺗﻴﺘﺔ ﺃﻟﻔﺖ ... ﻳﻼ ﺑﻴﻨﺎ ﻳﺎ ﺟﻤﺎﻝ

- ﺍﻧﺠﺮﻱ ﻳﺎ ﺍﺧﺘﻲ ﺍﺩﺍﻣﻲ ﺍﻧﺘﻲ ﻭﻫﻴﺎ ﻳﻼ

ﻧﻈﺮﺕ ﺇﻟﻴﻪ ﺑﻀﻴﻖ ﺛﻢ ﻗﺎﻟﺖ ﻣﻌﺎﺗﺒﺔ :

- ﻭﻟﺰﻭﻣﻬﺎ ﺇﻳﻪ ﻃﻮﻟﺔ ﺍﻟﻠﺴﺎﻥ ﺩﻱ ﻉ ﺍﻟﺼﺒﺢ ﻛﺪﻩ ﺑﺲ

- ﺟﺮﻯ ﺇﻳﻪ ﻳﺎ ﺳﺖ ﺃﻣﻴﺮﺓ ... ﻣﺶ ﻋﺎﺟﺒﻚ ﻛﻼﻣﻲ ﻭﻻ ﺣﺎﺟﺔ

- ﻭﻫﻮ ﺩﻩ ﻛﻼﻡ ﻳﻌﺠﺐ ﺣﺪ ﻣﻦ ﺃﺻﻠﻪ

- ﻭﺍﻟﻠﻪ ﺃﻧﺎ ﻟﺴﺎﻧﻲ ﻛﺪﻩ ﺇﺫﺍ ﻛﺎﻥ ﻋﺎﺟﺒﻚ

- ﺃﻧﺎ ﺑﺎﻗﻮﻝ ﻳﻼ ﺍﺣﺴﻦ ﻧﺘﺄﺧﺮ ﻋﻠﻰ ﺍﻟﺸﻐﻞ

ﻭﺑﻨﻔﺲ ﺍﻟﻤﺤﺎﻓﻈﺔ ﻭﻟﻜﻦ ﻫﺬﻩ ﺍﻟﻤﺮﺓ ﺩﺍﺧﻞ ﺃﺣﺪ ﻣﻌﺎﺭﺽ ﺍﻷﺛﺎﺙ ... ﺟﻠﺲ ﺷﺎﺏ ﻓﻲ ﺍﻟﺜﺎﻣﻨﺔ ﻭﺍﻟﻌﺸﺮﻳﻦ ﻣﻦ ﻋﻤﺮﻩ ﺧﻠﻒ ﻣﻜﺘﺒﻪ ﻳﺘﺎﺑﻊ ﻋﻤﻠﻪ ﻓﻲ ﻫﻤﺔ ﻭﻧﺸﺎﻁ ﻣﻠﺤﻮﻇﻴﻦ ... ﺣﻴﻦ ﺩﺧﻞ ﺷﻘﻴﻘﻪ ﻗﺎﺋﻼ : ﺻﺒﺎﺡ ﺍﻟﺨﻴﺮ ﻳﺎ ﺃﺣﻤﺪ

ﺃﺟﺎﺑﻪ ﺃﺣﻤﺪ ﺩﻭﻥ ﺃﻥ ﻳﺤﻴﺪ ﺑﺒﺼﺮﻩ ﻋﻦ ﺍﻷﻭﺭﺍﻕ ﺃﻣﺎﻣﻪ :

- ﻗﻠﺘﻠﻚ ﻣﻴﺖ ﻣﺮﺓ ﻗﺒﻞ ﻛﺪﻩ ﻳﺎ ﺃﺩﻫﻢ ... ﻣﺴﻤﻬﺎﺵ ﺻﺒﺎﺡ ﺍﻟﺨﻴﺮ ... ﻭﻗﻠﺘﻠﻚ ﻛﻤﺎﻥ ﺻﺒﺎﺡ ﺍﻟﺨﻴﺮ ﻭﻣﺴﺎﺀ ﺍﻟﺨﻴﺮ ﺩﻱ ﻣﻦ ﺃﻳﺎﻡ ﺍﻟﺠﺎﻫﻠﻴﺔ ... ﻟﻤﺎ ﻛﺎﻧﻮﺍ ﺑﻴﻘﻮﻟﻮﺍ ﻟﺒﻌﺾ ﻋﻤﺖ ﺻﺒﺎﺣﺎ ﻭﻋﻤﺖ ﻣﺴﺎﺀﺍ ... ﻭﻗﻠﺘﻠﻚ ﺑﺮﺿﻪ ﺇﻥ ﺍﺳﻤﻬﺎ ﺍﻟﺴﻼﻡ ﻋﻠﻴﻜﻢ ﻭﺭﺣﻤﺔﺍﻟﻠﻪ

ﺃﺟﺎﺑﻪ ﺍﺩﻫﻢ ﻣﻤﺎﺯﺣﺎ :

- ﺣﺮﺍﻡ ﻋﻠﻴﻚ ﻳﺎ ﺍﺣﻤﺪ ... ﺍﻧﺖ ﻣﺤﺴﺴﻨﻲ ﺍﻥ ﺃﺑﻮ ﻟﻬﺐ ﺩﺍﺧﻞ ﻋﻠﻴﻚ ﺍﻟﻤﻌﺮﺽ ... ﻋﻠﻰ ﻓﻜﺮﺓ ﺍﻧﺖ ﻭﺃﻣﻚ ﻭﺍﺧﺪﻳﻦ ﻋﻨﻲ ﻓﻜﺮﺓ ﻏﻠﻂ ﺧﺎﻟﺺ ... ﻭﻋﻤﻮﻣﺎ ﻳﺎ ﺳﻴﺪﻱ ﻣﺎﺗﺰﻋﻠﺶ ﻧﻔﺴﻚ ... ﺳﻼﻡ ﻋﻠﻴﻜﻢ ﻳﺎ ﺍﺣﻤﺪ

ﺭﻓﻊ ﺑﺼﺮﻩ ﺇﻟﻴﻪ ﻭﺍﺟﺎﺏ ﻗﺎﺋﻼ ﺑﺈﺑﺘﺴﺎﻣﺔ :

- ﺭﻏﻢ ﺍﻧﻬﺎ ﺑﺮﺿﻪ ﻣﺎ ﺍﺳﻤﻬﺎﺵ ﺳﻼﻣﻮ ﻋﻠﻴﻜﻮ ﺍ ﺩﻱ ... ﻟﻜﻦ ﻋﻠﻴﻜﻢ ﺍﻟﺴﻼﻡ ﻭ ﺭﺣﻤﺔ ﺍﻟﻠﻪ ﻭ ﺑﺮﻛﺎﺗﻪ ... ﻣﻤﻜﻦ ﺍﻋﺮﻑ ﺑﻘﻰ ﺳﻴﺎﺩﺗﻚ ﺍﺗﺄﺧﺮﺕ ﻟﻴﻪ ... ﺃﻧﺎ ﻣﺶ ﻗﻠﺘﻠﻚ ﻗﺒﻞ ﻛﺪﻩ ﺍﻥ ﺍﻟﺸﻐﻞ ﺩﻩ ﻟﻴﻪ ﻣﻮﺍﻋﻴﺪ ﻻﺯﻡ ﺗﺤﺘﺮﻣﻬﺎ ﺃﻛﺘﺮ ﻣﻦ ﻛﺪﻩ .

ﺯﻓﺮ ﻗﺎﺋﻼ ﻓﻲ ﺿﻴﻖ :

- ﺑﻘﻮﻟﻚ ﺇﻳﻪ ﻳﺎ ﺍﺣﻤﺪ ... ﻣﺎﺗﺠﻴﺐ ﺍﺣﺴﻦ ﺩﻓﺘﺮ ﺣﻀﻮﺭ ﻭﺇﻧﺼﺮﺍﻑ ﺍﻣﻀﻴﻠﻚ ﻓﻴﻪ ... ﺃﻧﺎ ﺑﻴﺘﻬﻴﺄﻟﻲ ﻟﻮ ﻛﺎﻥ ﺧﺎﻟﻚ ﻫﻮ ﺍﻟﻠﻲ ﻣﺎﺳﻚ ﺍﻟﺸﻐﻞ ﺑﻨﻔﺴﻪ ﻣﺎﻛﺎﻧﺶ ﺣﻴﻌﻤﻞ ﻣﻌﺎﻳﺎ ﻛﺪﻩ ﺯﻱ ﻣﺎ ﺍﻧﺖ ﺑﺘﻌﻤﻞ .

ﺗﺮﻙ ﺍﺣﻤﺪ ﻣﺎﻓﻲ ﻳﺪﻩ ﻭﺍﻟﺘﻔﺖ ﺇﻟﻴﻪ ﻗﺎﺋﻼ ﺑﺤﺰﻡ :

- ﻭﺍﻟﻠﻪ ﺧﺎﻟﻚ ﻫﻮ ﺻﺎﺣﺐ ﺍﻟﻤﺎﻝ ... ﻭﺳﺎﻋﺘﻬﺎ ﺣﻴﻜﻮﻥ ﺣﺮ ﻓﻲ ﻣﺎﻟﻪ ﻳﺘﺼﺮﻑ ﻓﻴﻪ ﺯﻱ ﻣﺎﻫﻮ ﻋﺎﻳﺰ ... ﻟﻜﻦ ﺣﺎﻟﻴﺎ ﺍﺣﻨﺎ ﻻﺯﻡ ﻧﺜﺒﺘﻠﻪ ﺍﻧﻨﺎ ﺍﺩ ﺍﻟﻤﺴﺌﻮﻟﻴﺔ ﻭﻧﺤﺎﻓﻆ ﻋﻠﻰ ﻣﺎﻟﻪ ﺍﻟﻠﻲ ﺍﺋﺘﻤﻨﺎ ﻋﻠﻴﻪ ... ﻭﻗﺒﻞ ﻛﻞ ﺩﻩ ﻻﺯﻡ ﻧﺮﺍﻗﺐ ﺭﺑﻨﺎ ﻓﻲ ﻛﻞ ﺗﺼﺮﻓﺎﺗﻨﺎ ... ﻭﻟﻮ ﺍﺣﻨﺎ ﻋﻤﻠﻨﺎ ﺯﻳﻚ ﻛﺪﻩ ﻳﺒﻘﻰ ﺍﻟﻨﺎﺱ ﺍﻟﻠﻲ ﺷﻐﺎﻟﺔ ﺗﺤﺖ ﺇﻳﺪﻳﻨﺎ ﺗﻌﻤﻞ ﺇﻳﻪ ? ﺍﺣﻨﺎ ﻻﺯﻡ ﻧﻜﻮﻥ ﻗﺪﻭﺓ ﻟﻴﻬﻢ

- ﻋﻠﻰ ﻓﻜﺮﺓ ﺍﻟﻨﻬﺎﺭﺩﺓ ﺍﻷﺭﺑﻊ ﻣﺶ ﺍﻟﺠﻤﻌﺔ ﻳﺎ ﺍﺣﻤﺪ

ﻗﻄﺐ ﺍﺣﻤﺪ ﺟﺒﻴﻨﻪ ﻓﻲ ﺩﻫﺸﺔ ﻭﻗﺎﻝ ﻣﺴﺘﻔﻬﻤﺎ :

- ﻣﺶ ﻓﺎﻫﻢ ... ﻭﺑﻌﺪﻳﻦ ﻣﺎ ﺃﻧﺎ ﻋﺎﺭﻑ ﺍﻥ ﺍﻟﻨﻬﺎﺭﺩﺓ ﻣﺶ ﺍﻟﺠﻤﻌﺔ ... ﺇﻳﻪ ﺍﻟﻤﺸﻜﻠﺔ ﻳﻌﻨﻲ ?

- ﻃﻴﺐ ﻟﻤﺎ ﺍﻧﺖ ﻋﺎﺭﻑ ﺍﻥ ﺍﻟﻨﻬﺎﺭﺩﺓ ﻣﺶ ﺍﻟﺠﻤﻌﺔ ﻳﺒﻘﻰ ﻟﺰﻭﻣﻬﺎ ﺇﻳﻪ ﺍﻟﺨﻄﺒﺔ ﺍﻟﻠﻲ ﻋﻤﺎﻝ ﺗﺴﻤﻌﻬﺎﻟﻲ ﻣﻦ ﺍﻟﺼﺒﺢ ﺩﻱ ?

- ﺃﻧﺎ ﺑﺲ ﺑﺎﻓﻜﺮﻙ

ﺟﻠﺲ ﺍﺩﻫﻢ ﻋﻠﻰ ﺍﻟﻤﻘﻌﺪ ﺍﻟﻤﻘﺎﺑﻞ ﻟﻠﻤﻜﺘﺐ ﻭﻗﺎﻝ ﻣﺸﺎﻛﺴﺎ ﺃﺣﻤﺪ :

- ﻋﺎﺭﻑ ﻳﺎ ﺍﺣﻤﺪ ﻳﺎ ﺃﺧﻮﻳﺎ ... ﻣﺼﺮ ﻟﻮ ﻓﻴﻬﺎ ﺍﺗﻨﻴﻦ ﺯﻳﻚ ﻛﺪﻩ

- ﻛﺎﻥ ﻫﻴﺠﺮﺍﻟﻬﺎ ﺇﻳﻪ ﻳﺎ ﻓﺎﻟﺢ ?

- ﻛﺎﻥ ﻫﻴﺠﺮﺍﻟﻬﺎ ﺇﻳﻪ ﻳﻌﻨﻲ ﺍﻛﺘﺮ ﻣﻦ ﺍﻟﻠﻲ ﻫﻴﺎ ﻓﻴﻪ ... ﻛﻔﺎﻳﺔ ﻋﻠﻴﻬﺎ ﻟﺤﺪ ﻛﺪﻩ

- ﺑﻘﻰ ﻛﺪﻩ ﻳﻌﻨﻲ

- ﻻ ﻳﺎ ﺣﺒﻴﺒﻲ ﺃﻧﺎ ﺑﻬﺰﺭ ﻣﻌﺎﻙ ﺑﺲ ... ﺑﺠﺪ ﻟﻮ ﻛﻞ ﻭﺍﺣﺪ ﻓﻲ ﺍﻟﺒﻠﺪ ﺩﻱ ﺷﺎﻑ ﺷﻐﻠﻪ ﺑﻀﻤﻴﺮ ﺯﻳﻚ ﻛﺪﻩ ... ﻛﺎﻥ ﺯﻣﺎﻧﺎ ﺩﻟﻮﻗﺘﻲ ﺑﻨﺰﺍﺣﻢ ﺃﻣﺮﻳﻜﺎ ﻭﺃﻭﺭﻭﺑﺎ ﻛﻤﺎﻥ ... ﺑﺪﺍﻝ ﻣﺎ ﺍﺣﻨﺎ ﻋﻤﺎﻟﻴﻦ ﻧﺮﺟﻊ ﻟﻮﺭﺍ ﻛﺪﻩ ﻟﻤﺎ ﺧﻼﺹ ﻗﺮﺑﻨﺎ ﻧﺨﺒﻂ ﻓﻲ ﺍﻟﺴﻮﺩﺍﻥ .

ﺍﺑﺘﺴﻢ ﺍﺣﻤﺪ ﻟﺪﻋﺎﺑﺔ ﺷﻘﻴﻘﻪ ﺛﻢ ﺳﺮﻋﺎﻥ ﻣﺎ ﺗﺤﻮﻟﺖ ﻣﻼﻣﺤﻪ ﺇﻟﻰ ﺍﻟﺠﺪﻳﺔ ﻣﺮﺓ ﺃﺧﺮﻯ ﻭﻫﻮ ﻳﻘﻮﻝ :

- ﺳﻴﺒﻚ ﻣﻦ ﺍﻟﻜﻼﻡ ﺩﻩ ﺑﻘﻰ ... ﺍﻧﺖ ﺗﺎﺧﺪ ﺍﻟﻌﻤﺎﻝ ﺩﻟﻮﻗﺘﻲ ﻭﺗﻄﻠﻊ ﻋﻠﻰ ﺍﻟﻤﺨﺰﻥ ﺍﻟﻜﺒﻴﺮ ﻭﺗﺨﻠﻴﻬﻢ ﻳﻔﻀﻮﻩ ﻋﺸﺎﻥ ﻋﻠﻲ ﺍﺑﻦ ﺧﺎﻟﻚ ﺯﻣﺎﻧﻪ ﻋﻠﻰ ﻭﺻﻮﻝ

ﺍﺩﻫﻢ ﺑﺪﻫﺸﺔ : ﻫﻮ ﻋﻠﻲ ﺟﺎﻱ ﺍﻟﻨﻬﺎﺭﺩﺓ ﻟﻴﻪ ?

- ﺣﻴﺴﺘﻠﻢ ﺷﺤﻨﺔ ﺍﻟﺨﺸﺐ ﺍﻟﻠﻲ ﺣﺘﻮﺻﻞ ﺍﻟﻨﻬﺎﺭﺩﺓ ﻣﻦ ﺍﻟﻤﻴﻨﺎ ﻭﻳﻮﺩﻳﻬﺎ ﺍﻟﻤﺨﺰﻥ ﻋﺸﺎﻥ ﻧﺒﺘﺪﻱ ﻓﻲ ﺍﻟﺸﻐﻞ ﺍﻟﺠﺪﻳﺪ ﺑﺘﺎﻉ ﺍﻟﺘﺼﺪﻳﺮ

- ﻭﻫﻮ ﺧﺎﻟﻚ ﺑﺎﻋﺖ ﻋﻠﻲ ﻣﻦ ﺍﻟﻘﺎﻫﺮﺓ ﻟﺪﻣﻴﺎﻁ ﻋﺸﺎﻥ ﻳﺴﺘﻠﻢ ﺷﺤﻨﺔ ﺧﺸﺐ ... ﻭﺍﺣﻨﺎ ﺭﻭﺣﻨﺎ ﻓﻴﻦ ﺇﻥ ﺷﺎﺀﺍﻟﻠﻪ ? ﻫﻮ ﻛﻼﻡ ﺃﻣﻚ ﺣﻴﻄﻠﻊ ﺑﺼﺤﻴﺢ ﻭﻻ ﺇﻳﻪ ?

- ﺍﺣﻤﺪ ﺑﺪﻫﺸﺔ : ﻛﻼﻡ ﺇﻳﻪ ﺩﻩ ... ﻭﺇﻳﻪ ﺩﺧﻞ ﺃﻣﻚ ﻓﻲ ﺍﻟﺸﻐﻞ ﻣﻦ ﺍﺻﻠﻪ ... ﻭﺑﻌﺪﻳﻦ ﻣﺎ ﺍﻧﺖ ﻋﺎﺭﻑ ﺍﻥ ﺍﻟﺠﻤﻌﺔ ﺍﻟﺠﺎﻳﺔ ﺩﻱ ﺃﺧﺮ ﺟﻤﻌﺔ ﻓﻲ ﺍﻟﺸﻬﺮ ﻳﻌﻨﻲ ﺧﺎﻟﻚ ﺟﺎﻱ ﻋﺸﺎﻥ ﺍﻟﺤﺴﺎﺏ ﺑﺘﺎﻉ ﺃﺧﺮ ﺍﻟﺸﻬﺮ ﻭﺍﻛﻴﺪ ﻋﻠﻲ ﺣﻴﺴﺘﻨﻰ ﻟﻤﺎ ﻳﺮﻭﺡ ﻣﻌﺎﻩ ... ﻭﻋﻤﻮﻣﺎ ﻟﻤﺎ ﺧﺎﻟﻚ ﻳﻴﺠﻲ ﺗﻘﺪﺭ ﺗﺴﺄﻟﻪ ... ﻟﺴﻪ ﻓﻴﻪ ﺣﺎﺟﺔ ﺗﺎﻧﻴﺔ

- ﺁﻩ ﺻﺤﻴﺢ ... ﻳﻌﻨﻲ ﺧﺎﻟﻚ ﻭﻧﺎﺩﻳﺔ ﻭﻧﻮﺭﺍ ﺣﻴﻜﻮﻧﻮﺍ ﻫﻨﺎ ﻳﻮﻡ ﺍﻟﺠﻤﻌﺔ ... ﺑﻘﻮﻟﻚ ﺍﻳﻪ ﻳﺎ ﺍﺣﻤﺪ ... ﺇﻳﻪ ﺭﺃﻳﻚ ﻓﻲ ﻧﻮﺭﺍ ﺑﻨﺖ ﺧﺎﻟﻚ ?

ﺍﻧﺪﻫﺶ ﺍﺣﻤﺪ ﻣﻦ ﺳﺆﺍﻟﻪ ﺍﻟﻐﻴﺮ ﻣﺘﻮﻗﻊ ﻓﻘﺎﻝ ﺑﺤﻴﺮﺓ :

- ﺍﺷﻤﻌﻨﺎ ﻳﻌﻨﻲ ... ﻋﺎﻳﺰ ﺭﺃﻳﻲ ﻓﻴﻬﺎ ﻟﻴﻪ ?

- ﺇﻳﻪ ﺭﺃﻳﻚ ﻟﻮ ﺗﺘﺠﻮﺯﻫﺎ

ﺃﺟﺎﺑﻪ ﺍﺣﻤﺪ ﻗﺎﺋﻼ ﺑﺘﻬﻜﻢ :

- ﺍﻧﺖ ﺍﺷﺘﻐﻠﺖ ﺧﺎﻃﺒﺔ ﻭﻻ ﺇﻳﻪ ﻳﺎ ﺍﺩﻫﻢ ?

- ﻃﻴﺐ ﻟﻮ ﻣﺶ ﻋﺠﺒﺎﻙ ﻧﻮﺭﺍ ... ﺍﺗﺠﻮﺯ ﻧﺎﺩﻳﺔ ﻋﺎﺩﻱ ﻣﺶ ﺣﺘﻔﺮﻕ ﻳﻌﻨﻲ

ﺭﻓﻊ ﺍﺣﻤﺪ ﺣﺎﺟﺒﻴﻪ ﻗﺎﺋﻼ ﻭﻗﺪ ﺯﺍﺩﺕ ﺩﻫﺸﺘﻪ :

- ﺇﻳﻪ ﻳﺎ ﺍﺑﻨﻲ ﻧﻈﺎﻡ ﺑﻼﻫﺎ ﻧﺎﺩﻳﺔ ﺧﺪ ﺳﻮﺳﻮ ﺩﻩ ... ﺃﻧﺎ ﻻ ﻋﺎﻳﺰ ﺍﺗﺠﻮﺯ ﻧﺎﺩﻳﺔ ﻭﻻ ﻋﺎﻳﺰ ﺍﺗﺠﻮﺯ ﻧﻮﺭﺍ ... ﻭﻻ ﺑﻔﻜﺮ ﺍﺗﺠﻮﺯ ﺩﻟﻮﻗﺘﻲ ﻣﻦ ﺃﺻﻠﻪ

- ﺧﻼﺹ ﺍﻧﺴﻰ ﺍﻧﺴﻰ ﻭﻻ ﻛﺈﻧﻲ ﻗﻠﺘﻠﻚ ﺣﺎﺟﺔ ... ﻋﻦ ﺇﺫﻧﻚ ﺑﻘﻲ ﻟﻤﺎ ﺍﺭﻭﺡ ﺍﺷﻮﻑ ﺷﻐﻠﻲ

- ﺭﺑﻨﺎ ﻳﺸﻔﻴﻚ ﻳﺎ ﺃﺩﻫﻢ ﻳﺎ ﺃﺧﻮﻳﺎ ... ﺍﺗﻔﻀﻞ ﺑﻘﻰ ﺭﻭﺡ ﺍﻋﻤﻞ ﺍﻟﻠﻲ ﻗﻠﺘﻠﻚ ﻋﻠﻴﻪ ﻋﺸﺎﻥ ﺗﺮﻭﺡ ﺍﻟﻤﻌﺮﺽ ﺍﻟﺘﺎﻧﻲ ﺗﺸﻮﻑ ﺃﺧﺒﺎﺭ ﺍﻟﺸﻐﻞ ﻫﻨﺎﻙ ﺇﻳﻪ

- ﻣﺎﺷﻲ ﻳﺎ ﺣﺒﻴﺒﻲ ... ﻋﻦ ﺇﺫﻧﻚ ﺑﻘﻰ

ﻭﻧﺘﺮﻛﻬﻢ ﻗﻠﻴﻼ ﻟﻨﺬﻫﺐ ﺇﻟﻰ ﻣﻨﺰﻝ ﺃﺧﺮ ﺣﻴﺚ ﺟﻠﺴﺖ ﺍﻣﺮﺃﺓ ﻓﻲ ﺍﻟﺴﺎﺩﺳﺔ ﻭﺍﻟﻌﺸﺮﻳﻦ ﻣﻦ ﻋﻤﺮﻫﺎ ﺑﺼﺤﺒﺔ ﺯﻭﺟﻬﺎ ﻳﺘﻨﺎﻭﻻﻥ ﻣﻌﺎ ﻃﻌﺎﻡ ﺍﻹﻓﻄﺎﺭ ﻭﻗﺪ ﺍﺭﺗﺪﻳﺎ ﻣﻼﺑﺴﻬﻤﺎ ﻭﺍﺳﺘﻌﺪﺍ ﻟﻠﺬﻫﺎﺏ ﺇﻟﻰ ﻋﻤﻠﻬﻤﺎ ... ﺍﻧﻬﻰ ﺍﻟﺰﻭﺝ ﻃﻌﺎﻣﻪ ﻭﻧﻈﺮ ﺇﻟﻰ ﺯﻭﺟﺘﻪ ﻗﺎﺋﻼ :

↚

- ﺃﻧﺎ ﺷﺒﻌﺖ ﺍﻟﺤﻤﺪ ﻟﻠﻪ ... ﺣﺎﻧﺰﻝ ﺑﻘﻰ ﺍﺳﺨﻦ ﺍﻟﻌﺮﺑﻴﺔ ﻋﻠﻰ ﻣﺎ ﺗﺨﻠﺼﻲ ﻓﻄﺎﺭﻙ ﻭﺗﺤﺼﻠﻴﻨﻲ

ﺃﺟﺎﺑﺘﻪ ﺯﻭﺟﺘﻪ ﻗﺎﺋﻠﺔ ﺑﺈﺑﺘﺴﺎﻣﺔ :

- ﺧﻼﺹ ﻳﺎ ﺣﺒﻴﺒﻲ ﺃﻧﺎ ﺧﻠﺼﺖ ﺃﻧﺎ ﻛﻤﺎﻥ ﻋﻠﻰ ﻣﺎﺗﺴﺨﻦ ﺍﻟﻌﺮﺑﻴﺔ ﺃﻛﻮﻥ ﺷﻴﻠﺖ ﺍﻷﻛﻞ ﻭﻟﺒﺴﺖ ﺍﻟﻄﺮﺣﺔ ﻭﺣﺎﺣﺼﻠﻚ ﻋﻠﻄﻮﻝ

ﺃﺟﺎﺑﻬﺎ ﻗﺎﺋﻼ ﺑﺮﺟﺎﺀ :

- ﺑﻘﻮﻟﻚ ﺇﻳﻪ ﻳﺎ ﻣﻨﻤﻮﻧﺔ ﻳﺎ ﺣﺒﻴﺒﺘﻲ ... ﺑﺎﻟﻠﻪ ﻋﻠﻴﻜﻲ ﻣﺎ ﺗﻘﻔﻲ ﺳﺎﻋﺔ ﺍﺩﺍﻡ ﺍﻟﻤﺮﺍﻳﺔ ﺗﻠﻔﻲ ﺧﻤﺴﻴﻦ ﻃﺮﺣﺔ ﻓﻮﻕ ﺑﻌﺾ ﻭﺍﻟﺤﺎﺟﺎﺕ ﺍﻟﻐﺮﻳﺒﺔ ﺍﻟﻠﻲ ﺑﺘﻌﻤﻠﻮﻫﺎ ﺩﻱ ... ﻣﺎﻳﻨﻔﻌﺶ ﻧﺒﻘﻰ ﺍﺣﻨﺎ ﺻﺤﺎﺏ ﺍﻟﺸﻐﻞ ﻭﻧﺮﻭﺡ ﻣﺘﺄﺧﺮ .

ﺃﺟﺎﺑﺘﻪ ﻭﻫﻲ ﺗﺮﻓﻊ ﺍﻷﻃﺒﺎﻕ ﻣﻦ ﻋﻠﻰ ﺍﻟﻤﺎﺋﺪﺓ ﻭﺗﺘﺠﻪ ﺑﻬﻢ ﻧﺤﻮ ﺍﻟﻤﻄﺒﺦ :

- ﻭﺍﻟﻠﻪ ﻳﺎ ﺧﺎﻟﺪ ﻳﺎ ﺣﺒﻴﺒﻲ ﺍﻧﺖ ﻭﺍﺧﺪ ﻋﻨﻲ ﻓﻜﺮﺓ ﻏﻠﻂ ﺧﺎﻟﺺ ﻓﻲ ﺍﻟﻤﻮﺿﻮﻉ ﺩﻩ ... ﻭﺑﻌﺪﻳﻦ ﺃﻧﺎ ﻣﻼﺣﻈﺔ ﺍﻥ ﺻﺪﺍﻗﺘﻚ ﻷﺣﻤﺪ ﺃﺧﻮﻳﺎ ﺃﺛﺮﺕ ﺍﻭﻱ ﻋﻠﻴﻚ

- ﻃﻴﺐ ﻣﻌﻠﺶ ﺍﺑﻘﻲ ﺻﺤﺤﻴﻠﻲ ﻓﻜﺮﺗﻲ ﺍﻟﻐﻠﻂ ﺩﻱ ﻭﻗﺖ ﺗﺎﻧﻲ ﻋﺸﺎﻥ ﻣﺎﻓﻴﺶ ﻭﻗﺖ ﺩﻟﻮﻗﺘﻲ ... ﺃﻧﺎ ﻧﺎﺯﻝ ﺑﻘﻰ ﻣﺎ ﺗﺘﺄﺧﺮﻳﺶ

- ﺣﺎﺿﺮ ﻳﺎ ﺣﺒﻴﺒﻲ ... ﺛﻮﺍﻧﻲ ﻭﺗﻼﻗﻴﻨﻲ ﺟﺎﻳﺔ ﻭﺭﺍﻙ

ﺍﺗﺠﻪ ﺧﺎﻟﺪ ﻧﺤﻮ ﺑﺎﺏ ﺍﻟﺸﻘﺔ ﻭﻓﺘﺤﻪ ﻭﻫﻢ ﺃﻥ ﻳﺨﺮﺝ ﻣﻨﻪ ﻟﻜﻨﻪ ﺃﻋﺎﺩ ﺇﻏﻼﻗﻪ ﻣﺮﺓ ﺃﺧﺮﻯ ﻭﻋﺎﺩ ﺇﻟﻰ ﺣﻴﺚ ﺗﻘﻒ ﺃﻣﻨﻴﺔ ﺍﻟﺘﻲ ﺍﻧﺪﻫﺸﺖ ﻣﻦ ﻓﻌﻠﺘﻪ ... ﻟﻜﻦ ﺩﻫﺸﺘﻬﺎ ﺳﺮﻋﺎﻥ ﻣﺎ ﺗﻼﺷﺖ ﻭﺗﺤﻮﻟﺖ ﺇﻟﻲ ﺇﺑﺘﺴﺎﻣﺔ ﻋﺬﺑﺔ ﻋﻨﺪﻣﺎ ﺍﻗﺘﺮﺏ ﻣﻨﻬﺎ ﺧﺎﻟﺪ ﻭﻃﺒﻊ ﻗﺒﻠﺔ ﺳﺮﻳﻌﺔ ﻋﻠﻰ ﻭﺟﻨﺘﻬﺎ ﻟﺘﺘﻮﺭﺩ ﻭﺟﻨﺘﻬﺎ ﺧﺠﻼ ﻭﺗﻘﻮﻝ ﻭﻫﻲ ﻣﺎﺯﺍﻟﺖ ﻋﻠﻰ ﺇﺑﺘﺴﺎﻣﺘﻬﺎ : ﻣﺶ ﻛﻨﺖ ﻣﺴﺘﻌﺠﻞ ﻣﻦ ﺷﻮﻳﺔ ... ﻭﺑﻌﺪﻳﻦ ﺍﻟﻠﻲ ﻳﺸﻮﻓﻚ ﻛﺪﻩ ﻣﺎ ﻳﺼﺪﻗﺶ ﺍﻧﻨﺎ ﺑﻨﺸﺘﻐﻞ ﻣﻊ ﺑﻌﺾ ﻓﻲ ﻣﻜﺎﻥ ﻭﺍﺣﺪ

- ﻣﺎ ﺃﻧﺎ ﺳﺎﻋﺎﺕ ﺑﻘﻌﺪ ﻃﻮﻝ ﺍﻟﻴﻮﻡ ﻣﺶ ﻋﺎﺭﻑ ﺍﺳﺘﻔﺮﺩ ﺑﻴﻜﻲ ﺩﻗﻴﻘﺔ ﻭﺍﺣﺪﺓ ﻣﻦ ﻛﺘﺮ ﺍﻟﺸﻐﻞ ... ﻓﺄﻧﺎ ﻗﻠﺖ ﺑﻘﻰ ﺍﻋﻤﻞ ﺣﺴﺎﺏ ﺍﻟﻈﺮﻭﻑ ... ﻏﻠﻄﺎﻥ ﺃﻧﺎ ﻳﻌﻨﻲ

- ﻣﺎﺷﻲ ﻳﺎ ﻋﻢ ﻳﺎ ﺑﺘﺎﻉ ﺍﻟﻈﺮﻭﻑ ﺍﻧﺖ

- ﺑﻘﻮﻟﻚ ﺇﻳﻪ ﺃﻧﺎ ﻧﺎﺯﻝ ﻋﺸﺎﻥ ﻟﻮ ﺍﺳﺘﻨﻴﺖ ﺩﻗﻴﻘﺔ ﻭﺍﺣﺪﺓ ﺍﻛﺘﺮ ﻣﻦ ﻛﺪﻩ ﻣﻤﻜﻦ ﺍﻗﻮﻟﻚ ﺧﻠﻴﻨﺎ ﻗﺎﻋﺪﻳﻦ ﻫﻨﺎ ﻭﺑﻼﺵ ﺷﻐﻞ ﺍﻟﻨﻬﺎﺭﺩﺓ

ﻭﺑﺎﻟﻔﻌﻞ ﻧﺰﻝ ﺧﺎﻟﺪ ﻭﺍﺳﺘﻘﻞ ﺳﻴﺎﺭﺗﻪ ﻟﺘﻠﺤﻖ ﺑﻪ ﺃﻣﻨﻴﺔ ﺑﻌﺪ ﺩﻗﺎﺋﻖ ﻟﻴﻨﻄﻠﻖ ﺑﺎﻟﺴﻴﺎﺭﺓ ﻓﻲ ﻃﺮﻳﻘﻬﻤﺎ ﺇﻟﻰ ﻋﻤﻠﻬﻤﺎ ﻣﻌﺎ

ﺍﻧﻬﺖ ﻛﻞ ﻣﻦ ﻧﻮﺭﺍ ﻭﻟﺒﻨﻰ ﻣﺤﺎﺿﺮﺍﺗﻬﻤﺎ ... ﻭﺍﺳﺘﻘﻼ ﻣﻌﺎ ﺳﻴﺎﺭﺓ ﻧﻮﺭﺍ ﺍﻟﺘﻲ ﺳﺘﻘﻮﻡ ﺑﺘﻮﺻﻴﻞ ﻟﺒﻨﻰ ﺃﻭﻻ ﺇﻟﻰ ﻣﻨﺰﻟﻬﺎ ﻗﺒﻞ ﺃﻥ ﺗﻌﻮﺩ ﺇﻟﻰ ﺍﻟﻤﻨﺰﻝ ... ﻭﻣﺎ ﺇﻥ ﻭﺻﻼ ﺇﻟﻰ ﻣﻨﺰﻝ ﻟﺒﻨﻰ ﺣﺘﻰ ﺃﻭﻗﻔﺖ ﻧﻮﺭﺍ ﺍﻟﺴﻴﺎﺭﺓ ﻗﺎﺋﻠﺔ :

- ﺍﺩﻳﻨﺎ ﻭﺻﻠﻨﺎ ﻳﺎ ﺳﺘﻲ ... ﺍﺑﻘﻲ ﺳﻠﻤﻴﻠﻲ ﺑﻘﻰ ﻋﻠﻰ ﺧﺎﻟﺘﻮ ﺳﻤﻴﺔ ﻭﻟﻤﻴﺎ ﻟﻤﺎ ﺗﻄﻠﻌﻲ

ﺍﻟﺘﻔﺘﺖ ﺇﻟﻴﻬﺎ ﻟﺒﻨﻰ ﻗﺎﺋﻠﺔ :

- ﻣﺎ ﺗﻄﻠﻌﻲ ﻣﻌﺎﻳﺎ ﻭﺗﺴﻠﻤﻲ ﻋﻠﻴﻬﻢ ﺑﻨﻔﺴﻚ ﻭﺑﺎﻟﻤﺮﺓ ﻧﺘﻐﺪﻯ ﺳﻮﺍ

ﺍﻋﺘﺬﺭﺕ ﻧﻮﺭﺍ ﻗﺎﺋﻠﺔ :

- ﻻ ﻣﻌﻠﺶ ﻳﺎ ﻟﺒﻨﻰ ﻣﺶ ﺣﻴﻨﻔﻊ ... ﺧﻠﻴﻬﺎ ﻳﻮﻡ ﺗﺎﻧﻲ ... ﻋﺎﻳﺰﺓ ﺍﺭﻭﺡ ﺍﺭﺗﺎﺡ ﺷﻮﻳﺔ ﻭﺑﻌﺪﻳﻦ ﺍﺑﺘﺪﻱ ﻓﻲ ﺍﻷﺑﺤﺎﺙ ﺍﻟﻤﻄﻠﻮﺑﺔ ﻣﻨﻨﺎ

- ﻳﺎ ﺳﺘﻲ ﻟﻮ ﻣﺶ ﻋﺎﻳﺰﺓ ﺗﻄﻠﻌﻲ ﻋﺸﺎﻥ ﺧﺎﻃﺮ ﻋﻠﻲ ... ﺍﻃﻤﻨﻲ ﻋﻠﻲ ﻣﺶ ﺑﻴﻴﺠﻲ ﻣﻦ ﺍﻟﺸﺮﻛﺔ ﺩﻟﻮﻗﺘﻲ ... ﺍﻃﻠﻌﻲ ﻣﻌﺎﻳﺎ ﺑﻘﻰ ﻭﻣﺎ ﺗﺒﻘﻴﺶ ﻏﻠﺴﻪ ﻭﺑﻌﺪ ﺍﻟﻐﺪﺍ ﻧﻘﻌﺪ ﺳﻮﺍ ﻧﻌﻤﻞ ﺍﻷﺑﺤﺎﺙ ﺍﻟﻤﻄﻠﻮﺑﺔ ﻣﻨﻨﺎ

ﺍﺳﺘﺠﺎﺑﺖ ﻧﻮﺭﺍ ﻟﻄﻠﺒﻬﺎ ﻗﺎﺋﻠﺔ ﺑﺈﺫﻋﺎﻥ :

- ﺃﻣﺮﻱ ﻟﻠﻪ ... ﺃﻧﺎ ﻋﺎﺭﻓﺔ ﺇﻧﻲ ﻣﺶ ﺣﺎﺧﻠﺺ ﻣﻦ ﺍﻟﺰﻥ ﺑﺘﺎﻋﻚ ﺩﻩ

ﺑﻌﺪ ﺩﻗﺎﺋﻖ ﻛﺎﻧﺖ ﻧﻮﺭﺍ ﺗﻘﻒ ﺃﻣﺎﻡ ﺑﺎﺏ ﺷﻘﺔ ﻋﻤﻬﺎ ﺑﺼﺤﺒﺔ ﻟﺒﻨﻰ ﺍﻟﺘﻲ ﻭﺿﻌﺖ ﺍﻟﻤﻔﺘﺎﺡ ﻓﻲ ﺍﻟﺒﺎﺏ ﻭﺍﺩﺍﺭﺗﻪ ﺛﻢ ﺩﻟﻔﺖ ﻣﻨﻪ ﻭﺃﺷﺎﺭﺕ ﺇﻟﻰ ﻧﻮﺭﺍ ﺃﻥ ﺗﺘﺒﻌﻬﺎ ... ﻛﺎﻧﺖ ﺳﻤﻴﺔ ﺗﻘﻒ ﻓﻲ ﺍﻟﻤﻄﺒﺦ ﻭﻫﻲ ﺗﻘﻮﻡ ﺑﺈﻋﺪﺍﺩ ﻃﻌﺎﻡ ﺍﻟﻐﺪﺍﺀ ... ﺑﻴﻨﻤﺎ ﻭﻗﻔﺖ ﻟﻤﻴﺎﺀ ﺇﻟﻰ ﺟﻮﺍﺭﻫﺎ ﺗﺴﺎﻋﺪﻫﺎ ﻋﻨﺪﻣﺎ ﺩﺧﻠﺖ ﻟﺒﻨﻰ ﻭﻫﻲ ﺗﺼﻴﺢ ﻗﺎﺋﻠﺔ ﺑﻤﺮﺡ :

- ﻳﺎ ﺃﻫﻞ ﺍﻟﻤﻨﺰﻝ ﺍﻟﻜﺮﺍﻡ ... ﺃﻧﺎ ﻭﺻﻠﺖ ﺑﺎﻟﺴﻼﻣﺔ ﻭﻣﻌﺎﻳﺎ ﺿﻴﻒ ﻟﻴﻜﻮﺍ ... ﻋﺎﻳﺰ ﻳﺴﻠﻢ ﻋﻠﻴﻜﻮﺍ ... ﻳﺎﺭﻳﺖ ﺗﺨﻠﺼﻮﺍ ﺑﺴﺮﻋﺔ ﺍﻟﻠﻲ ﻓﻲ ﺇﻳﺪﻳﻜﻮﺍ

ﺍﺳﺘﺪﺍﺭﺕ ﺳﻤﻴﺔ ﻟﺘﺠﺪ ﻧﻮﺭﺍ ﻭﺍﻗﻔﺔ ﺇﻟﻰ ﺟﻮﺍﺭ ﻟﺒﻨﻲ ﻓﺎﺑﺘﺴﻤﺖ ﻗﺎﺋﻠﺔ ﺑﺘﺮﺣﺎﺏ :

- ﻧﻮﺭﺍ ... ﺍﺯﻳﻚ ﻳﺎ ﺣﺒﻴﺒﺘﻲ ... ﺃﺧﺒﺎﺭﻙ ﺇﻳﻪ ?

ﺑﺎﺩﻟﺘﻬﺎ ﻧﻮﺭﺍ ﺍﻹﺑﺘﺴﺎﻣﺔ ﻭﻫﻲ ﺗﺤﺘﻀﻨﻬﺎ ﻗﺎﺋﻠﺔ :

- ﺍﻟﺤﻤﺪ ﻟﻠﻪ ﻳﺎ ﺣﺒﻴﺒﺘﻲ ... ﺃﻧﺎ ﻛﻮﻳﺴﺔ ... ﺍﻧﺘﻲ ﺍﻟﻠﻲ ﻋﺎﻣﻠﺔ ﺇﻳﻪ

ﺭﺑﺘﺖ ﺳﻤﻴﺔ ﻋﻠﻰ ﻇﻬﺮﻫﺎ ﻗﺎﺋﻠﺔ ﺑﺤﻨﺎﻥ :

- ﺑﺨﻴﺮ ﻳﺎ ﺣﺒﻴﺒﺘﻲ ﻃﻮﻝ ﻣﺎ ﺍﻧﺘﻲ ﺑﺨﻴﺮ

ﺍﻗﺘﺮﺑﺖ ﻣﻨﻬﺎ ﻟﻤﻴﺎﺀ ﻗﺎﺋﻠﺔ :

- ﺍﺣﻢ ﺍﺣﻢ ... ﻧﺤﻦ ﻫﻨﺎ

ﺍﺣﺘﻀﻨﺘﻬﺎ ﻧﻮﺭﺍ ﻗﺎﺋﻠﺔ ﺑﺈﺑﺘﺴﺎﻣﺔ :

- ﺍﺯﻳﻚ ﻳﺎ ﻟﻤﻴﺎ ... ﺃﺧﺒﺎﺭﻙ ﺇﻳﻪ ﻭﺃﺧﺒﺎﺭ ﺍﻟﻜﻠﻴﺔ ﻣﻌﺎﻛﻲ ﺇﻳﻪ ?

- ﺍﻟﺤﻤﺪ ﻟﻠﻪ ﻣﺎﺷﻲ ﺍﻟﺤﺎﻝ

ﺗﺪﺧﻠﺖ ﻟﺒﻨﻰ ﻓﻲ ﺍﻟﺤﻮﺍﺭ ﻗﺎﺋﻠﺔﻭﻫﻲ ﺗﻨﻈﺮ ﺇﻟﻰ ﻭﺍﻟﺪﺗﻬﺎ :

- ﺃﻧﺎ ﺍﻗﻨﻌﺖ ﻧﻮﺭﺍ ﺍﻧﻬﺎ ﺗﻄﻠﻊ ﺗﺘﻐﺪﻯ ﻣﻌﺎﻧﺎ ... ﻳﻼ ﺑﻘﻰ ﻳﺎ ﺳﺖ ﻣﺎﻣﺎ ﻣﺶ ﻋﺎﻳﺰﻳﻦ ﻧﺠﻮﻋﻬﺎ ﻣﻌﺎﻧﺎ ... ﺍﺣﺴﻦ ﺗﻘﻮﻝ ﺇﻧﻲ ﺿﺤﻜﺖ ﻋﻠﻴﻬﺎ ﻭﻻ ﺣﺎﺟﺔ

- ﺑﺲ ﻛﺪﻩ ... ﺣﺎﻻ ﻳﺎ ﺣﺒﻴﺒﺘﻲ ﻭﻳﻜﻮﻥ ﺍﻟﻐﺪﺍ ﺟﺎﻫﺰ ... ﻳﻼ ﻳﺎ ﺑﻨﺎﺕ ﺣﻀﺮﻭﺍ ﺍﻟﺴﻔﺮﺓ

ﻧﻮﺭﺍ : ﺇﻳﻪ ﺩﻩ ﻫﻮ ﺍﻧﺘﻮﺍ ﻣﺶ ﺑﺘﺴﺘﻨﻮﺍ ﻋﻠﻲ ﻟﻤﺎ ﻳﺮﺟﻊ ﻣﻦ ﺍﻟﺸﺮﻛﺔ ?

ﺳﻤﻴﺔ : ﻻ ﻳﺎ ﺣﺒﻴﺒﺘﻲ ﺍﺻﻞ ﻋﻠﻲ ﺍﻟﻨﻬﺎﺭﺩﺓ ﻣﺶ ﻓﻲ ﺍﻟﺸﺮﻛﺔ

ﺳﺄﻟﺘﻬﺎ ﻟﺒﻨﻰ ﻭﻫﻲ ﺗﻘﻮﻡ ﺑﻮﺿﻊ ﺍﻷﻃﺒﺎﻕ ﻋﻠﻰ ﺍﻟﻤﺎﺋﺪﺓ :

- ﺃﻣﺎﻝ ﺭﺍﺡ ﻓﻴﻦ ﻳﺎ ﻣﺎﻣﺎ

- ﺳﺎﻓﺮ ﺩﻣﻴﺎﻁ ﺑﻴﻘﻮﻝ ﻋﻤﻚ ﻣﻜﻠﻔﻪ ﺑﺸﻐﻞ ﻫﻨﺎﻙ ﺭﺍﺡ ﻋﺸﺎﻥ ﻳﺨﻠﺼﻪ

ﺳﺄﻟﺘﻬﺎ ﻟﺒﻨﻰ ﻗﺎﺋﻠﺔ ﻓﻲ ﺇﻧﺪﻫﺎﺵ :

- ﺍﻟﻠﻪ ... ﺍﻣﺎﻝ ﺍﺣﻤﺪ ﻭﺍﺩﻫﻢ ﺑﻴﻌﻤﻠﻮﺍ ﺇﻳﻪ ?

- ﺃﻧﺎ ﻋﺎﺭﻓﺔ ﺑﻘﻰ ﻫﻮ ﺍﻟﻠﻲ ﻗﺎﻟﻲ ﻛﺪﻩ ﺍﻟﺼﺒﺢ ﻭﻫﻮ ﺑﻴﺤﻀﺮ ﺷﻨﻄﺘﻪ

ﻟﺒﻨﻰ : ﺧﻼﺹ ﻳﺎ ﻧﻮﺭﺍ ﺑﻤﺎ ﺇﻥ ﻋﻠﻲ ﻣﺶ ﻫﻨﺎ ﺍﻟﻨﻬﺎﺭﺩﺓ ﻳﺒﻘﻰ ﺗﺒﺎﺗﻲ ﻣﻌﺎﻧﺎ ﻭﻧﺴﻬﺮ ﺳﻮﺍ ﻧﻌﻤﻞ ﺍﻷﺑﺤﺎﺙ ﻭﺍﻟﺼﺒﺢ ﻧﺮﻭﺡ ﺍﻟﻜﻠﻴﺔ ﻣﻊ ﺑﻌﺾ ... ﻗﻮﻟﺘﻲ ﺇﻳﻪ ?

ﺻﻤﺘﺖ ﻧﻮﺭﺍ ﻟﻠﺤﻈﺎﺕ ﻭﻫﻲ ﺗﻔﻜﺮ ﺛﻢ ﻗﺎﻟﺖ ﺑﺨﻔﻮﺕ :

- ﻣﻌﻠﺶ ﻳﺎ ﻟﺒﻨﻰ ﻣﺶ ﺣﻴﻨﻔﻊ ﻳﻤﻜﻦ ﺑﺎﺑﺎ ﻣﺎﻳﻮﺍﻓﻘﺶ

ﺍﻧﺪﻓﻌﺖ ﺳﻤﻴﺔ ﺗﺠﻴﺒﻬﺎ ﻛﺒﺮﻛﺎﻥ ﺧﺎﻣﺪ ﺍﺷﺘﻌﻠﺖ ﺣﻤﻤﻪ ﻓﺠﺄﺓ :

- ﻣﺎﻳﻮﺍﻓﻘﺶ ﻟﻴﻪ ﺑﻘﻰ ... ﻫﻮ ﺻﻔﻮﺕ ﺣﻴﻤﻨﻌﻚ ﻋﻨﻲ ... ﻫﻮ ﻣﺶ ﺩﻩ ﺑﻴﺖ ﺧﺎﻟﺘﻚ ﺑﺮﺿﻪ ﻭﻻ ﻫﻮﻋﺎﻳﺰ ﻳﺤﺮﻣﻨﻲ ﻣﻨﻚ ?

ﺍﺳﺮﻋﺖ ﻧﻮﺭﺍ ﺗﺠﻴﺒﻬﺎ ﻭﻫﻲ ﺗﻨﻔﻲ ﻫﺬﻩ ﺍﻹﺗﻬﺎﻣﺎﺕ ﻋﻦ ﻭﺍﻟﺪﻫﺎ :

- ﺍﺑﺪﺍ ﻭﺍﻟﻠﻪ ﻳﺎ ﺧﺎﻟﺘﻮ ... ﻫﻮ ﻋﻤﺮﻩ ﻣﺎ ﻣﻨﻌﻨﻲ ﺇﻧﻲ ﺍﺟﻴﻠﻚ ... ﻭﺍﻟﻠﻪ ﺩﻩ ﺩﺍﻳﻤﺎ ﺑﻴﺠﻴﺐ ﺳﻴﺮﺗﻚ ﺑﻜﻞ ﺧﻴﺮ ... ﻭﺑﻴﻘﻮﻝ ﺍﻧﻚ ﺃﺻﻴﻠﺔ ﻭﻭﻗﻔﺘﻲ ﻣﻊ ﻋﻤﻮ ﻋﺰﺕ ﺍﻟﻠﻪ ﻳﺮﺣﻤﻪ ﻓﻲ ﻋﺰ ﺃﺯﻣﺘﻪ

ﺗﻌﺠﺒﺖ ﻟﺒﻨﻰ ﻣﻦ ﻧﺒﺮﺓ ﻭﺍﻟﺪﺗﻬﺎ ﺍﻟﺤﺎﺩﺓ ﺩﻭﻥ ﻣﺒﺮﺭ ﻓﺴﺄﻟﺘﻬﺎ ﻗﺎﺋﻠﺔ :

- ﻣﺎﻟﻚ ﻳﺎ ﻣﺎﻣﺎ ﻳﺎ ﺣﺒﻴﺒﺘﻲ ... ﻫﻴﺎ ﻧﻮﺭﺍ ﻗﺎﻟﺖ ﺇﻳﻪ ﻳﻌﻨﻲ ﻟﻜﻞ ﺩﻩ ?

ﺍﺟﺎﺑﺖ ﻟﻤﻴﺎﺀ ﺑﺪﻻ ﻋﻨﻬﺎ ﻗﺎﺋﻠﺔ :

- ﺍﺻﻞ ﻋﻠﻲ ﺣﻜﻰ ﻟﻤﺎﻣﺎ ﺍﻟﺼﺒﺢ ﻋﻠﻰ ﺍﻟﻤﻮﻗﻒ ﺍﻟﻠﻲ ﻋﻤﻲ ﺻﻔﻮﺕ ﻋﻤﻠﻪ ﻣﻊ ﻧﻮﺭﺍ ﺍﻟﻨﻬﺎﺭﺩﺓ ... ﻭﻣﻦ ﺳﺎﻋﺘﻬﺎ ﻭﻣﺎﻣﺎ ﻣﺸﺤﻮﻧﺔ ﺯﻱ ﻣﺎ ﺍﻧﺘﻮﺍ ﺷﺎﻳﻔﻴﻦ

ﺃﺟﺎﺑﺖ ﻧﻮﺭﺍ ﺑﺼﻮﺕ ﻳﺤﻤﻞ ﺍﻟﻜﺜﻴﺮ ﻣﻦ ﺍﻟﺤﺰﻥ ﻭﺍﻷﺳﻰ :

- ﻣﺎﺗﺰﻋﻠﻴﺶ ﻧﻔﺴﻚ ﻳﺎ ﺧﺎﻟﺘﻮ ... ﺃﻧﺎ ﺧﻼﺹ ﺍﺗﻌﻮﺩﺕ ﻣﻨﻪ ﻋﻠﻰ ﻛﺪﻩ ... ﺑﺲ ﺃﻧﺎ ﻣﺶ ﻗﺎﺩﺭﺓ ﺍﻓﻬﻢ ﺳﺮ ﺍﻟﻤﻌﺎﻣﻠﺔ ﺍﻟﻠﻲ ﺑﻴﻌﺎﻣﻠﻬﺎﻟﻲ ﺩﻱ ... ﺃﻧﺎ ﺑﺸﻮﻓﻪ ﻣﻊ ﻧﺎﺩﻳﺔ ﺑﻴﻌﻤﻞ ﺇﻳﻪ ﺑﺴﺘﻐﺮﺏ ﺍﻭﻱ ... ﺑﺤﺲ ﺇﻧﻪ ﻭﺍﺣﺪ ﺗﺎﻧﻲ ﺧﺎﻟﺺ ... ﺃﻧﺎ ﻣﺎﻓﻴﺶ ﺇﺧﺘﻼﻑ ﺑﻴﻨﻲ ﻭﺑﻴﻦ ﻧﺎﺩﻳﺔ ﻏﻴﺮ ﻓﻲ ﺇﺳﻢ ﺍﻷﻡ ﺑﺲ ... ﻭﺃﻧﺎ ﻣﺎ ﺍﻋﺘﻘﺪﺵ ﺍﻥ ﻣﺎﻣﺎ ﺍﻟﻠﻪ ﻳﺮﺣﻤﻬﺎ ﻛﺎﻧﺖ ﺳﺖ ﻭﺣﺸﺔ ﻋﺸﺎﻥ ﺑﺎﺑﺎ ﻳﻜﺮﻫﻬﺎ ﻛﺪﻩ ... ﻭﻣﺶ ﺫﻧﺒﻲ ﺇﻧﻲ ﻃﻠﻌﺖ ﺷﺒﻬﻬﺎ ﻭﺇﻧﻪ ﻛﻞ ﻣﺎ ﻳﺸﻮﻓﻨﻲ ﻳﻔﺘﻜﺮﻫﺎ ... ﺗﻌﺮﻓﻲ ﻳﺎ ﺧﺎﻟﺘﻮ ﺃﻧﺎ ﻟﻮ ﻣﺎﻛﻨﺘﺶ ﻋﺎﺭﻓﺔ ﺃﻣﻲ ﻛﻮﻳﺲ ... ﻛﺎﻧﺖ ﺩﻣﺎﻏﻲ ﺭﺍﺣﺖ ﻟﺤﺎﺟﺔ ﻭﺣﺸﺔ ... ﻟﻜﻦ ﺃﻧﺎ ﻭﺍﺛﻘﺔ ﻓﻲ ﺃﻣﻲ ﻭﻑ ﺃﺧﻼﻗﻬﺎ ... ﻳﺒﻘﻰ ﻟﻴﻪ ﻛﺮﻫﻪ ﻟﻴﻬﺎ ﺩﻩ ... ﺇﻳﻪ ﺫﻧﺒﻬﺎ ﺇﻧﻪ ﻣﺎﻗﺪﺭﺵ ﻳﻘﻮﻝ ﻟﺠﺪﻱ ﻷ ﻭﻳﺼﻤﻢ ﻋﻠﻴﻬﺎ ... ﻭﻻ ﻓﻴﻪ ﺣﺎﺟﺔ ﺗﺎﻧﻴﺔ ﻏﻴﺮ ﻛﺪﻩ ﺃﻧﺎ ﻣﺎ ﺍﻋﺮﻓﻬﺎﺵ

ﺳﻤﻴﺔ ﻭﻗﺪ ﺑﺪﺍ ﻋﻠﻴﻬﺎ ﺍﻟﺘﺄﺛﺮ :

- ﺍﻭﻋﻲ ﺍﺳﻤﻌﻚ ﺗﻘﻮﻟﻲ ﻛﺪﻩ ﻣﺮﺓ ﺗﺎﻧﻴﺔ ﻳﺎ ﻧﻮﺭﺍ ... ﺃﻣﻚ ﻛﺎﻧﺖ ﺃﺷﺮﻑ ﺳﺖ ﻓﻲ ﺍﻟﺪﻧﻴﺎ ﻭﺃﺑﻮﻛﻲ ﻧﻔﺴﻪ ﻟﻮ ﻛﺎﻥ ﺷﺎﻑ ﻋﻠﻴﻬﺎ ﺣﺎﺟﺔ ﻣﺎﻛﺎﻧﺶ ﺧﻼﻫﺎ ﻋﻠﻰ ﺫﻣﺘﻪ ﻟﺤﺪ ﻣﺎ ﻣﺎﺗﺖ ﺍﻟﻠﻪ ﻳﺮﺣﻤﻬﺎ

- ﻃﻴﺐ ﻗﻮﻟﻴﻠﻲ ﻫﻮ ﻟﻴﻪ ﻛﺎﻥ ﺑﻴﺤﺐ ﻃﻨﻂ ﻓﺮﺩﻭﺱ ﺍﻟﻠﻪ ﻳﺮﺣﻤﻬﺎ ﻭﻣﺎﺑﻴﺤﺒﺶ ﻣﺎﻣﺎ ?

- ﺳﺒﺤﺎﻥ ﺍﻟﻠﻪ ... ﻳﺎ ﺑﻨﺘﻲ ﺍﻟﺤﺐ ﻭﺍﻟﻜﺮﻩ ﺩﻩ ﺣﺎﺟﺔ ﺑﺈﻳﺪ ﺭﺑﻨﺎ ﺳﺒﺤﺎﻧﻪ ﻭﺗﻌﺎﻟﻰ ﻭﺣﺪﻩ ... ﻭﻣﺶ ﻣﻌﻨﻰ ﺍﻥ ﺃﺑﻮﻛﻲ ﻛﺎﻥ ﺑﻴﺤﺐ ﻓﺮﺩﻭﺱ ﺍﻛﺘﺮ ﺍﻥ ﺃﻣﻚ ﻛﺎﻧﺖ ﺳﺖ ﻭﺣﺸﺔ ﻻ ﺳﻤﺢ ﺍﻟﻠﻪ

ﻟﻢ ﺗﺘﺤﻤﻞ ﻟﺒﻨﻰ ﺍﻟﺠﻮﻉ ﺍﻛﺜﺮ ﻣﻦ ﺫﻟﻚ ﻓﻘﺎﻟﺖ ﺑﻤﺮﺡ :

- ﺇﻳﻪ ﻳﺎ ﺟﻤﺎﻋﺔ ... ﺍﻧﺘﻮ ﺣﺘﻘﻌﺪﻭﺍ ﺗﺘﻜﻠﻤﻮﺍ ﻭﺗﺴﻴﺒﻮﺍ ﺍﻷﻛﻞ ﻳﺒﺮﺩ ... ﻧﺎﻛﻞ ﺍﻷﻭﻝ ﻭﺑﻌﺪﻳﻦ ﺍﺗﻜﻠﻤﻮﺍ ﺑﺮﺍﺣﺘﻜﻮﺍ

ﻣﺴﺤﺖ ﺳﻤﻴﺔ ﻋﻴﻮﻧﻬﺎ ﺍﻟﺘﻲ ﺗﺮﻗﺮﻗﺖ ﺑﺎﻟﺪﻣﻮﻉ ﻭﻗﺎﻟﺖ ﺑﺠﺪﻳﺔ :

- ﺍﻳﻮﻩ ﺻﺤﻴﺢ ... ﺍﻟﻜﻼﻡ ﺧﺪﻧﺎ ﻭﻧﺴﻴﻨﺎ ﺍﻷﻛﻞ ... ﻳﻼ ﻳﺎ ﺣﺒﻴﺒﺘﻲ ﻋﺸﺎﻥ ﻧﺎﻛﻞ

- ﻧﻮﺭﺍ : ﺃﻧﺎ ﺣﺂﻛﻞ ﺑﺲ ﻋﻠﻰ ﺷﺮﻁ

- ﻟﺒﻨﻰ : ﻛﻤﺎﻥ ﺣﺘﺘﺸﺮﻃﻲ ﻋﻠﻴﻨﺎ ... ﻣﺶ ﻛﻔﺎﻳﺔ ﺗﻔﻀﻠﻨﺎ ﻋﻠﻴﻜﻲ ﻭﻋﺰﻣﻨﺎﻛﻲ ﻋﻠﻰ ﺍﻟﻐﺪﺍ

ﺍﻟﺘﻔﺘﺖ ﺳﻤﻴﺔ ﺇﻟﻰ ﻟﺒﻨﻰ ﺍﻟﺠﺎﻟﺴﺔ ﺃﻣﺎﻡ ﺍﻟﻤﺎﺋﺪﺓ ﻗﺎﺋﻠﺔ :

- ﺩﻩ ﺍﺳﻤﻪ ﻛﻼﻡ ﺑﺮﺿﻪ ﻳﺎ ﻟﺒﻨﻰ .... ﻧﻮﺭﺍ ﺗﺘﺸﺮﻁ ﺯﻱ ﻣﺎ ﻫﻴﺎ ﻋﺎﻳﺰﺓ .... ﻋﺎﻳﺰﺓ ﺇﻳﻪ ﻳﺎ ﺣﺒﻴﺒﺘﻲ ?

- ﻋﺎﻳﺰﺍﻛﻲ ﺑﻌﺪ ﺍﻟﻐﺪﺍ ﺗﺤﻜﻴﻠﻲ ﻋﻦ ﻇﺮﻭﻑ ﺟﻮﺍﺯ ﺑﺎﺑﺎ ﻭﻣﺎﻣﺎ ... ﻭ ﺑﺎﺑﺎ ﺍﺗﺠﻮﺯ ﻃﻨﻂ ﻓﺮﺩﻭﺱ ﺍﺯﺍﻱ ﺭﻏﻢ ﻣﻌﺎﺭﺿﺔ ﺟﺪﻱ ... ﻭﻟﻴﻪ ﺟﺪﻱ ﺍﺻﻼ ﻛﺎﻥ ﺭﺍﻓﺾ ... ﺑﺼﻲ ﺑﺈﺧﺘﺼﺎﺭ ﻛﺪﻩ ﻋﺎﻳﺰﺓ ﺍﻋﺮﻑ ﻛﻞ ﺣﺎﺟﺔ ﻋﻦ ﺍﻟﻤﺎﺿﻲ

- ﺣﺎﺿﺮ ﻳﺎ ﺣﺒﻴﺒﺘﻲ ... ﻧﺎﻛﻞ ﺍﻷﻭﻝ ﻭﺑﻌﺪﻳﻦ ﺣﺎﺣﻜﻴﻠﻚ ﻛﻞ ﺍﻟﻠﻲ ﻋﺎﻳﺰﺓ ﺗﻌﺮﻓﻴﻪ ...

ﻳﺘﺒﻊ

↚

ﺍﻧﺘﻬﻰ ﺍﻟﺠﻤﻴﻊ ﻣﻦ ﺗﻨﺎﻭﻝ ﻃﻌﺎﻣﻬﻢ ﻭﺟﻠﺴﻮﺍ ﻣﻌﺎ ﻳﺤﺘﺴﻮﻥ ﺍﻟﺸﺎﻱ ﻭﻳﺘﺤﺪﺛﻮﻥ ... ﻛﺎﻧﺖ ﻧﻮﺭﺍ ﺃﻭﻝ ﻣﻦ ﺍﺑﺘﺪﺃﺕ ﺑﺎﻟﺤﺪﻳﺚ ﻗﺎﺋﻠﺔ : ﺍﺩﻳﻨﺎ ﺁﻫﻮﻩ ﻳﺎ ﺳﺘﻲ ﺧﻠﺼﻨﺎ ﺃﻛﻞ ... ﻣﻤﻜﻦ ﺑﻘﻰ ﺗﺤﻜﻴﻠﻲ ﺍﻟﻠﻲ ﺃﻧﺎ ﻋﺎﻳﺰﻩ ﺍﻋﺮﻓﻪ

- ﻋﺎﻳﺰﺓ ﺗﻌﺮﻓﻲ ﺇﻳﻪ ﺑﺎﻟﻈﺒﻂ ﻳﺎ ﺣﺒﻴﺒﺘﻲ

- ﻭﻫﻮ ﺃﻧﺎ ﺍﻋﺮﻑ ﺇﻳﻪ ﺍﺻﻼ ... ﺃﻧﺎ ﻛﻞ ﺍﻟﻠﻲ ﺍﻋﺮﻓﻪ ﺍﻥ ﺑﺎﺑﺎ ﻛﺎﻥ ﺑﻴﺤﺐ ﻃﻨﻂ ﻓﺮﺩﻭﺱ ﺍﻟﻠﻪ ﻳﺮﺣﻤﻬﺎ ﻭﺟﺪﻱ ﺭﻓﺾ ﺟﻮﺍﺯﻫﻢ ﻭﻏﺼﺐ ﻋﻠﻴﻪ ﻳﺘﺠﻮﺯ ﻣﺎﻣﺎ ... ﻋﺎﻳﺰﺓ ﺍﻓﻬﻢ ﺑﻘﻰ ﺍﺯﺍﻱ ﺑﺎﺑﺎ ﺍﺗﺠﻮﺯﻫﺎ ﻟﻴﻪ ﺟﺪﻱ ﻛﺎﻥ ﺭﺍﻓﺾ ﻭﻟﻴﻪ ﻧﺎﺩﻳﺔ ﺑﺘﻜﺮﻩ ﺟﺪﻱ ﺣﺎﻣﺪ ﺍﻟﻠﻪ ﻳﺮﺣﻤﻪ ﺍﻭﻱ ﻛﺪﻩ ﻭﻟﻤﺎ ﺗﻴﺠﻲ ﺳﻴﺮﺗﻪ ﺑﺘﺘﻨﺮﻓﺰ ﻭﺗﺘﻌﺼﺐ ... ﺑﺼﻲ ﻣﻦ ﺍﻷﺧﺮ ﻛﺪﻩ ﺍﺣﻜﻴﻠﻲ ﻛﻞ ﺍﻟﻠﻲ ﺗﻌﺮﻓﻴﻪ

ﻭﺿﻌﺖ ﺳﻤﻴﺔ ﻳﺪﻫﺎ ﻋﻠﻰ ﺧﺪﻫﺎ ﻭﺍﻏﻤﻀﺖ ﻋﻴﻨﻴﻬﺎ ﻭﺷﺮﺩﺕ ﻭﻫﻲ ﺗﺘﺬﻛﺮ ﺍﺣﺪﺍﺙ ﺍﻟﻤﺎﺿﻲ ﺍﻟﺬﻱ ﺑﺪﺍ ﺃﻣﺎﻣﻬﺎ ﻭﻛﺄﻧﻪ ﺷﺮﻳﻂ ﺳﻴﻨﻤﺎﺋﻲ ﻳﻌﺎﺩ ﻋﺮﺿﻪ ... ﺗﻨﻬﺪﺕ ﺑﺸﺪﺓ ﻭﻫﻲ ﺗﺴﺘﺮﺟﻊ ﺃﺣﺪﺍﺙ ﺫﻟﻚ ﺍﻟﻴﻮﻡ ﻭﻗﺎﻟﺖ ﺑﺘﺄﺛﺮ :

- ﺃﻧﺎ ﺣﺎﺣﻜﻴﻠﻚ ﻣﻦ ﺍﻟﻴﻮﻡ ﺍﻟﻠﻲ ﻋﻤﻚ ﻋﺰﺕ ﺩﺧﻞ ﻋﻠﻴﺎ ﺍﻟﺒﻴﺖ ﻓﻴﻪ ﻭﻫﻮ ﺷﺎﻳﻞ ﻧﺎﺩﻳﺔ ﺍﺧﺘﻚ ﻋﻠﻰ ﺇﻳﺪﻩ ﻭﻛﺎﻧﺖ ﻭﻗﺘﻬﺎ ﻋﻨﺪﻫﺎ ﺗﻠﺖ ﺳﻨﻴﻦ ﻭﺩﻩ ﻛﺎﻥ ﺃﻭﻝ ﻳﻮﻡ ﺍﺷﻮﻓﻬﺎ ﺃﻧﺎ ﻭﻋﺰﺕ ﻭﺍﻭﻝ ﻣﺮﺓ ﺍﺑﻮﻛﻲ ﻫﻮ ﻛﻤﺎﻥ ﻳﺸﻮﻓﻬﺎ ... ﻭﻫﻮ ﻧﻔﺴﻪ ﺍﻟﻴﻮﻡ ﺍﻟﻠﻲ ﻣﺎﺗﺖ ﻓﻴﻪ ﻓﺮﺩﻭﺱ ﺍﻟﻠﻪ ﻳﺮﺣﻤﻬﺎ .

"" ﻓﻼﺵ ﺑﺎﻙ "

ﻧﻈﺮﺕ ﺳﻤﻴﺔ ﺇﻟﻰ ﺍﻟﻄﻔﻠﺔ ﺍﻟﺘﻲ ﻳﺤﻤﻠﻬﺎ ﻋﺰﺕ ﺑﺈﻧﺪﻫﺎﺵ ﻭﻗﺎﻟﺖ ﻣﺴﺘﻔﺴﺮﺓ :

- ﺑﻨﺖ ﻣﻴﻦ ﺍﻷﻣﻮﺭﺓ ﺩﻱ ﻳﺎ ﻋﺰﺕ ?

ﺟﻠﺲ ﻋﺰﺕ ﺇﻟﻰ ﺟﻮﺍﺭ ﺳﻤﻴﺔ ﻭﺃﺟﻠﺲ ﻧﺎﺩﻳﺔ ﺑﺠﺎﻧﺒﻪ ﻭﻫﻮ ﻳﻀﻤﻬﺎ ﺇﻟﻴﻪ ﻣﺤﺎﻭﻻ ﺑﺚ ﺍﻟﻄﻤﺄﻧﻴﻨﺔ ﻓﻲ ﻧﻔﺴﻬﺎ ﻭﺍﻟﺘﻔﺖ ﺇﻟﻰ ﺳﻤﻴﺔ ﻗﺎﺋﻼ ﺑﺘﺮﺩﺩ ﻛﻤﻦ ﻫﺮﺑﺖ ﻣﻨﻪ ﺍﻟﻜﻠﻤﺎﺕ :

- ﺩﻱ ... ﺩﻱ ﺗﺒﻘﻰ ... ﺗﺒﻘﻰ ﺑﻨﺖ ﺃﺧﻮﻳﺎ

ﺣﺪﻗﺖ ﻓﻴﻪ ﺳﻤﻴﺔ ﻟﻔﺘﺮﺓ ﻏﻴﺮ ﻣﺴﺘﻮﻋﺒﺔ ﻟﻤﺎ ﻗﺎﻟﻪ ﻗﺒﻞ ﺃﻥ ﺗﻘﻮﻝ :

- ﺃﺧﻮﻙ ﻣﻴﻦ ... ﺍﻧﺖ ﻋﻨﺪﻙ ﺇﺧﻮﺍﺕ ﻏﻴﺮ ﺻﻔﻮﺕ ?

- ﻣﺎﻫﻲ ﺩﻱ ﺗﺒﻘﻰ ﺑﻨﺖ ﺻﻔﻮﺕ

- ﺑﻨﺖ ﺻﻔﻮﺕ ! ﻃﺐ ﺍﺯﺍﻱ ? ﺧﻠﻔﻬﺎ ﺍﻣﺘﻰ ﺩﻩ ﻭﻣﻦ ﻣﻴﻦ ? ﺩﻱ ﻭﺍﺿﺢ ﻛﺪﻩ ﺍﻧﻬﺎ ﺍﻛﺒﺮ ﻣﻦ ﻧﻮﺭﺍ

- ﺩﻱ ﺣﻜﺎﻳﺔ ﻃﻮﻳﻠﺔ ﺍﻭﻱ ﻳﺎ ﺳﻤﻴﺔ ... ﺣﻜﺎﻳﺔ ﺑﻘﺎﻟﻬﺎ ﺍﻛﺘﺮ ﻣﻦ ﺍﺭﺑﻊ ﺳﻨﻴﻦ

- ﻃﻴﺐ ﻣﺎ ﺗﺤﻜﻴﻠﻲ ﺍﻧﺎ ﻋﺎﻳﺰﺓ ﺍﺳﻤﻊ

- ﻓﺎﻛﺮﺓ ﻋﻢ ﺻﺒﺤﻲ ﺍﻟﻠﻲ ﻛﺎﻥ ﺑﻴﺸﺘﻐﻞ ﺷﻴﺎﻝ ﻋﻨﺪﻧﺎ ﻓﻲ ﺍﻟﻤﻌﺮﺽ ﺃﻳﺎﻡ ﺃﺑﻮﻳﺎ ﺍﻟﻠﻪ ﻳﺮﺣﻤﻪ

- ﺃﻳﻮﻩ ﻓﺎﻛﺮﺍﻩ ... ﻣﺶ ﺩﻩ ﺍﻟﻠﻲ ﻛﺎﻥ ﺑﻴﺠﻴﺐ ﻟﻨﺎ ﻃﻠﺒﺎﺕ ﺍﻟﺒﻴﺖ

- ﺍﻳﻮﻩ ﻫﻮ ... ﺻﻔﻮﺕ ﺃﺧﻮﻳﺎ ﻛﺎﻥ ﻣﺘﺠﻮﺯ ﺑﻨﺘﻪ ﻭﺧﻠﻒ ﻣﻨﻬﺎ ﻧﺎﺩﻳﺔ

- ﺃﺧﻮﻙ ﻛﺎﻥ ﻣﺘﺠﻮﺯ ﺑﻨﺖ ﺻﺒﺤﻲ ... ﻭﺍﻧﺖ ﻛﻨﺖ ﻋﺎﺭﻑ ﻳﺎ ﻋﺰﺕ ?

- ﻭﻛﻨﺖ ﺷﺎﻫﺪ ﻋﻠﻰ ﻋﻘﺪ ﺍﻟﺠﻮﺍﺯ ﻛﻤﺎﻥ ... ﺃﻧﺎ ﻭﺳﻌﻴﺪ ﺻﺎﺣﺐ ﺻﻔﻮﺕ

- ﻛﺪﻩ ﺑﺮﺿﻪ ﻳﺎ ﻋﺰﺕ ﺗﺒﻘﻰ ﻋﺎﺭﻑ ﺍﻥ ﺃﺧﻮﻙ ﻣﺘﺠﻮﺯ ﻋﻠﻰ ﺃﺧﺘﻲ ﻭﺗﺴﻜﺖ ﻭﺗﺪﺍﺭﻱ ﻋﻠﻴﻪ .... ﻷ ﻭﻛﻤﺎﻥ ﺗﺸﻬﺪ ﻋﻠﻰ ﺟﻮﺍﺯﻩ .

- ﻳﻌﻨﻲ ﻛﻨﺘﻲ ﻋﺎﻳﺰﺍﻧﻲ ﺍﺗﺨﻠﻰ ﻋﻦ ﺃﺧﻮﻳﺎ ﻳﺎ ﺳﻤﻴﺔ ﻭﺃﻧﺎ ﻋﺎﺭﻑ ﻫﻮ ﺑﻴﺤﺐ ﻓﺮﺩﻭﺱ ﺍﺩ ﺇﻳﻪ ... ﺛﻢ ﺍﻥ ﺻﻔﻮﺕ ﻣﺎﺗﺠﻮﺯﺵ ﻋﻠﻰ ﺃﺧﺘﻚ ... ﺻﻔﻮﺕ ﻣﺘﺠﻮﺯ ﻓﺮﺩﻭﺱ ﻗﺒﻞ ﻣﺎ ﻳﺘﺠﻮﺯ ﺻﻔﻴﺔ ... ﺍﻧﺘﻲ ﻣﺶ ﻟﺴﻪ ﻗﺎﻳﻠﺔ ﺑﻨﻔﺴﻚ ﺍﻥ ﻧﺎﺩﻳﺔ ﺷﻜﻠﻬﺎ ﺍﻛﺒﺮ ﻣﻦ ﻧﻮﺭﺍ

- ﻃﻴﺐ ﻭﻟﻤﺎ ﻫﻮ ﻛﺎﻥ ﻣﺘﺠﻮﺯ ﺇﻳﻪ ﺍﻟﻠﻲ ﺧﻼﻩ ﻳﺘﺠﻮﺯ ﺃﺧﺘﻲ ... ﻭﻫﻴﺎ ﻓﻴﻦ ﻣﺮﺍﺗﻪ ﺩﻱ .

- ﻣﺮﺍﺗﻪ ﻣﺎﺗﺖ ﺍﻟﻨﻬﺎﺭﺩﺓ ... ﺍﻟﻨﻬﺎﺭﺩﺓ ﺑﺲ ﻋﺮﻑ ﻣﻜﺎﻧﻬﺎ ﺑﻌﺪ ﻏﻴﺎﺏ ﺍﻛﺘﺮ ﻣﻦ ﺗﻠﺖ ﺳﻨﻴﻦ .

- ﻻ ﺣﻮﻝ ﻭﻻ ﻗﻮﺓ ﺍﻻ ﺑﺎﻟﻠﻪ ... ﻳﻌﻨﻲ ﺍﻟﺒﻨﺖ ﺩﻱ ﻳﺘﻴﻤﺔ ﺩﻟﻮﻗﺘﻲ ﻳﺎ ﻋﺰﺕ

- ﺍﻳﻮﻩ ﻳﺎ ﺳﻤﻴﺔ ...

- ﻃﻴﺐ ﻓﻬﻤﻨﻲ ﺍﺧﻮﻙ ﺍﺗﺠﻮﺯﻫﺎ ﺍﻣﺘﻰ ﻭﻟﻴﻪ ﻛﺎﻥ ﻣﺨﺒﻲ ﻣﻮﺿﻮﻉ ﺟﻮﺍﺯﻩ ﺩﻩ ﻗﺒﻞ ﻛﺪﻩ ?

- ﺍﻧﺎ ﺣﺎﻓﻬﻤﻚ ﻛﻞ ﺣﺎﺟﺔ ﻳﺎ ﺳﻤﻴﺔ ... ﻗﺒﻞ ﺻﻔﻮﺕ ﺍﺧﻮﻳﺎ ﻣﺎ ﻳﺨﻄﺐ ﺻﻔﻴﺔ ﺑﺄﻳﺎﻡ ... ﻟﻤﺎ ﺃﺑﻮﻳﺎ ﻓﺎﺗﺤﻪ ﻓﻲ ﺍﻟﻤﻮﺿﻮﻉ ﺻﻔﻮﺕ ﺭﻓﺾ ﻋﺸﺎﻥ ﻛﺎﻥ ﺑﻴﺤﺐ ﻓﺮﺩﻭﺱ ... ﻭﻟﻤﺎ ﺻﻔﻮﺕ ﻗﺎﻝ ﻛﺪﻩ ﻷﺑﻮﻳﺎ ... ﺃﺑﻮﻳﺎ ﻫﻮ ﻛﻤﺎﻥ ﺭﻓﺾ ﻋﺸﺎﻥ ﺻﺒﺤﻲ ﺑﻴﺸﺘﻐﻞ ﻋﻨﺪﻧﺎ .... ﻭﺩﻩ ﺍﻟﻠﻲ ﺻﻔﻮﺕ ﻛﺎﻥ ﻣﺘﻮﻗﻌﻪ ﻭﺍﻟﻠﻲ ﺃﻧﺎ ﻛﻤﺎﻥ ﻗﻮﻟﺘﻬﻮﻟﻪ ﻟﻤﺎ ﻓﺎﺗﺤﻨﻲ ﻓﻲ ﺍﻟﻤﻮﺿﻮﻉ ... ﺃﺑﻮﻳﺎ ﺻﻤﻢ ﺑﻌﺪﻫﺎ ﻳﺨﻄﺐ ﺻﻔﻴﺔ ﻟﺼﻔﻮﺕ ﻏﺼﺐ ﻋﻨﻪ ... ﻭﻓﻲ ﻧﻔﺲ ﺍﻟﻴﻮﻡ ﻃﺮﺩ ﻋﻢ ﺻﺒﺤﻲ ﻣﻦ ﺍﻟﻤﻌﺮﺽ ﻭﺍﺩﺍﻟﻪ ﻣﻬﻠﺔ ﻳﻮﻡ ﻭﺍﺣﺪ ﻋﺸﺎﻥ ﻳﺎﺧﺪ ﺑﻨﺘﻪ ﻭﻳﺴﻴﺐ ﺍﻟﺒﻠﺪ ﻛﻠﻬﺎ ... ﺻﻔﻮﺕ ﻃﺒﻌﺎ ﻛﺎﻥ ﻋﺎﻣﻞ ﺣﺴﺎﺑﻪ ﻟﻮ ﺍﺑﻮﻳﺎ ﺭﻓﺾ ... ﺃﺟﺮ ﺷﻘﺔ ﺑﻌﻴﺪ ﻋﻦ ﺍﻟﺒﻠﺪ ﻭﺭﺍﺡ ﻟﻌﻢ ﺻﺒﺤﻲ ﻓﻲ ﺑﻴﺘﻪ ﺑﻌﺪ ﺃﺑﻮﻳﺎ ﻣﺎ ﻃﺮﺩﻩ ... ﻭﻃﻠﺐ ﻣﻨﻪ ﺇﻳﺪ ﻓﺮﺩﻭﺱ ﻭﻗﺎﻟﻪ ﺍﻧﻪ ﺣﻴﺎﺧﺪﻫﻢ ﻋﻠﻰ ﺍﻟﺸﻘﺔ ﺍﻟﺠﺪﻳﺪﺓ ﺍﻟﻠﻲ ﺍﺟﺮﻫﺎ ﻋﺸﺎﻧﻬﻢ ... ﻋﻢ ﺻﺒﺤﻲ ﻭﺍﻓﻖ ﻭﺭﺍﺡ ﻣﻌﺎﻩ ﻫﻮ ﻭﻓﺮﺩﻭﺱ ﻭﺗﺎﻧﻲ ﻳﻮﻡ ﺭﺣﺖ ﻣﻌﺎﻩ ﺃﻧﺎ ﻭﺳﻌﻴﺪ ﻭﻛﺎﻥ ﻣﻌﺎﻧﺎ ﺍﻟﻤﺄﺫﻭﻥ ﺍﻟﻠﻲ ﻛﺘﺐ ﻛﺘﺎﺏ ﺻﻔﻮﺕ ﻭﻓﺮﺩﻭﺱ ﺃﻧﺎ ﻭﺳﻌﻴﺪ ﻛﻨﺎ ﺍﻟﺸﻬﻮﺩ ... ﻭﺑﻌﺪﻫﺎ ﺑﻜﺎﻡ ﻳﻮﻡ ﺻﻔﻮﺕ ﺧﻄﺐ ﺻﻔﻴﺔ ﻭﻛﺘﺒﻮﺍ ﻛﺘﺎﺑﻬﻢ

- ﻭﺑﻌﺪﻳﻦ ﻳﺎ ﻋﺰﺕ ... ﺇﻳﻪ ﺍﻟﻠﻲ ﺣﺼﻞ

- ﺻﻔﻮﺕ ﻗﻌﺪ ﻣﻊ ﻓﺮﺩﻭﺱ ﺗﻠﺖ ﺷﻬﻮﺭ ﻭﺑﻌﺪﻫﺎ ﻋﻢ ﺻﺒﺤﻲ ﻣﺎﺕ ... ﻭﺗﺎﻧﻲ ﻳﻮﻡ ﻭﻓﺎﺗﻪ ﺃﺑﻮﻳﺎ ﻋﺮﻑ ﺑﻤﻮﺿﻮﻉ ﺍﻟﺠﻮﺍﺯ ﺩﻩ ﻣﻦ ﻋﺎﻣﻞ ﻋﻨﺪﻧﺎ ﻓﻲ ﺍﻟﻤﻌﺮﺽ ... ﻛﺎﻥ ﺻﺎﺣﺐ ﻋﻢ ﺻﺒﺤﻲ ﻭﻫﻮ ﺍﻟﻮﺣﻴﺪ ﺍﻟﻠﻲ ﻋﻢ ﺻﺒﺤﻲ ﺍﺩﺍﻟﻪ ﻋﻨﻮﺍﻧﻪ ﺍﻟﺠﺪﻳﺪ ... ﻭﻟﻤﺎ ﺭﺍﺡ ﻋﺸﺎﻥ ﻳﺤﻀﺮ ﺍﻟﻌﺰﺍ ﺷﺎﻑ ﺻﻔﻮﺕ ﺃﺧﻮﻳﺎ ﻭﻫﻮ ﻭﺍﻗﻒ ﻳﺎﺧﺪ ﺍﻟﻌﺰﺍ ﻭﺳﺄﻝ ﺍﻟﺠﻴﺮﺍﻥ ﻭﻋﺮﻑ ﺍﻧﻪ ﻳﺒﻘﻰ ﺟﻮﺯ ﺑﻨﺘﻪ ... ﺟﺮﻱ ﺑﻌﺪﻫﺎ ﻋﻠﻰ ﺃﺑﻮﻳﺎ ﻭﺑﻠﻐﻪ

- ﻭﻋﻤﻲ ﺍﻟﻠﻪ ﻳﺮﺣﻤﻪ ﻋﻤﻞ ﺇﻳﻪ ﻟﻤﺎ ﻋﺮﻑ ?

- ﻟﻸﺳﻒ ﻛﺪﺏ ﻋﻠﻴﻬﻢ ﻫﻤﺎ ﺍﻻﺗﻨﻴﻦ ﻭﻓﺮﻗﻬﻢ ﻋﻦ ﺑﻌﺾ .

- ﻛﺪﺏ ﻋﻠﻴﻬﻢ !

- ﺍﻳﻮﻩ ﻳﺎ ﺳﻤﻴﺔ ... ﺃﺑﻮﻳﺎ ﺗﺎﻧﻲ ﻳﻮﻡ ﺭﺍﺡ ﺍﻟﻌﻨﻮﺍﻥ ﺍﻟﻠﻲ ﺍﺩﺍﻫﻮﻟﻪ ﺍﻟﻌﺎﻣﻞ ﺩﻩ ... ﻭﻛﺪﺏ ﻋﻠﻰ ﻓﺮﺩﻭﺱ ﻭﻗﺎﻟﻬﺎ ﺍﻥ ﺻﻔﻮﺕ ﻫﻮ ﺍﻟﻠﻲ ﺑﺎﻋﺘﻪ ﻭﺇﻧﻪ ﻭﺍﻓﻖ ﻳﻄﻠﻘﻬﺎ ﺑﻌﺪ ﻣﺎ ﻫﺪﺩﻩ ﺇﻧﻪ ﻳﺘﺒﺮﻯ ﻣﻨﻪ ﻭﻳﺤﺮﻣﻪ ﻣﻦ ﺍﻟﻤﻴﺮﺍﺙ ... ﻭﺍﻟﻤﺲﻛﻴﻨﺔ ﺻﺪﻗﺘﻪ ﻷﻥ ﺍﻟﻴﻮﻡ ﺍﻟﻠﻲ ﻗﺒﻠﻪ ﻳﻮﻡ ﻭﻓﺎﺓ ﺃﺑﻮﻫﺎ ﺻﻔﻮﺕ ﻗﺎﻟﻬﺎ ﺇﻧﻪ ﺣﻴﺼﺎﺭﺡ ﺍﺑﻮﻳﺎ ﺑﻤﻮﺿﻮﻉ ﺟﻮﺍﺯﻫﻢ ﻋﺸﺎﻥ ﻣﺎﺑﻘﺎﺵ ﻳﻨﻔﻊ ﺍﻧﻬﺎ ﺗﻌﻴﺶ ﺑﻌﻴﺪ ﻟﻮﺣﺪﻫﺎ ﻭﻋﺸﺎﻥ ﻳﺠﻴﺒﻬﺎ ﺗﻌﻴﺶ ﻣﻌﺎﻧﺎ ﻫﻨﺎ ﻓﻲ ﺑﻴﺖ ﺍﻟﻌﻴﻠﺔ ... ﻓﻬﻤﺖ ﺍﻥ ﺻﻔﻮﺕ ﻛﻠﻤﻪ ﻭﺍﺩﺍﻟﻪ ﺍﻟﻌﻨﻮﺍﻥ ﻛﻤﺎﻥ ... ﺑﻌﺪﻫﺎ ﺍﺑﻮﻳﺎ ﻃﻠﺐ ﻣﻨﻬﺎ ﺗﻠﻢ ﻫﺪﻭﻣﻬﺎ ﻭﺗﻤﺸﻲ ﻭﻗﺎﻟﻬﺎ ﺇﻧﻪ ﻣﺶ ﻋﺎﻳﺰ ﻳﺸﻮﻑ ﻭﺷﻬﺎ ﻓﻲ ﺩﻣﻴﺎﻁ ﻛﻠﻬﺎ ... ﻭﻫﻴﺎ ﺍﺻﻼ ﺑﻌﺪ ﻭﻓﺎﺓ ﺃﺑﻮﻫﺎ ﻣﺎﺑﻘﺎﺵ ﻟﻴﻬﺎ ﺣﺪ ﻓﻲ ﺩﻣﻴﺎﻁ ﺗﺴﺘﻨﻰ ﻋﺸﺎﻧﻪ ... ﻟﻤﺖ ﻫﺪﻭﻣﻬﺎ ﻭﻃﻠﻌﺖ ﻋﻠﻰ ﺍﻟﻘﺎﻫﺮﺓ ﻭﺭﺍﺣﺖ ﻋﺎﺷﺖ ﻫﻨﺎﻙ ﻋﻨﺪ ﻭﺍﺣﺪﺓ ﻗﺮﻳﺒﺔ ﺃﻣﻬﺎ ... ﻭﺑﻌﺪ ﻣﺎ ﻣﺸﻴﺖ ﺍﻛﺘﺸﻔﺖ ﺍﻧﻬﺎ ﺣﺎﻣﻞ ﻓﻲ ﻧﺎﺩﻳﺔ

- ﻃﻴﺐ ﻭﻋﻤﻲ ﺑﻘﻰ ﻛﺪﺏ ﻋﻠﻰ ﺻﻔﻮﺕ ﺍﺯﺍﻱ

- ﻓﻬﻤﻪ ﺍﻥ ﻓﺮﺩﻭﺱ ﻟﻤﺎ ﺭﺍﺣﻠﻬﺎ ﺍﺧﺪ ﺕ ﻣﻨﻪ ﻓﻠﻮﺱ ﻋﺸﺎﻥ ﺗﻮﺍﻓﻖ ﺗﺒﻌﺪ ﻋﻦ ﺻﻔﻮﺕ ... ﻭﺍﻥ ﺩﻩ ﻛﺎﻥ ﻛﻞ ﻫﺪﻓﻬﺎ ﻣﻦ ﺟﻮﺍﺯﻫﺎ ﻣﻦ ﺻﻔﻮﺕ ... ﻟﻜﻦ ﺻﻔﻮﺕ ﻣﺎﻛﺎﻧﺶ ﻣﺼﺪﻕ ... ﺩﻭﺭ ﻋﻠﻴﻬﺎ ﻛﺘﻴﺮ ﻋﺸﺎﻥ ﻳﻌﺮﻑ ﺍﻟﺤﻘﻴﻘﺔ ﻣﻨﻬﺎ ... ﺍﻟﺤﻘﻴﻘﺔ ﺍﻟﻠﻲ ﺃﺑﻮﻳﺎ ﺍﻟﻠﻪ ﻳﺮﺣﻤﻪ ﺻﺎﺭﺣﻪ ﺑﻴﻬﺎ ﻭﻫﻮ ﺑﻴﻤﻮﺕ ﻭﻃﻠﺐ ﻣﻨﻪ ﻳﺪﻭﺭ ﻋﻠﻰ ﻓﺮﺩﻭﺱ ﻭﻳﺮﺟﻌﻬﺎ ﻭﻳﻄﻠﺐ ﻣﻨﻬﺎ ﺍﻧﻬﺎ ﺗﺴﺎﻣﺤﻪ ... ﻭﻃﺒﻌﺎ ﻓﻲ ﺧﻼﻝ ﺍﻟﻔﺘﺮﺓ ﺩﻱ ﻛﺎﻥ ﺍﺗﺠﻮﺯ ﺻﻔﻴﺔ ﻭﺧﻠﻒ ﻧﻮﺭﺍ ... ﻭﺍﻟﻨﻬﺎﺭﺩﺓ ﺑﺲ ﺍﻟﺴﺖ ﻗﺮﻳﺒﺔ ﻓﺮﺩﻭﺱ ﺍﻟﻠﻲ ﻛﺎﻧﺖ ﻗﺎﻋﺪﺓ ﻋﻨﺪﻫﺎ ﺍﺗﺼﻠﺖ ﺑﻴﻪ ﻭﺍﺩﺗﻪ ﻋﻨﻮﺍﻥ ﺍﻟﻤﺴﺘﺸﻔﻰ ﺍﻟﻠﻲ ﻓﺮﺩﻭﺱ ﻛﺎﻧﺖ ﻓﻴﻬﺎ ... ﺻﻔﻮﺕ ﺟﺮﻱ ﻋﻠﻰ ﻫﻨﺎﻙ ... ﻭﻟﻤﺎ ﺭﺍﺡ ﻋﺮﻑ ﺍﻥ ﻓﺮﺩﻭﺱ ﻛﺎﻥ ﻋﻨﺪﻫﺎ ﺍﻟﻠﻬﻢ ﺍﺣﻔﻈﻨﺎ ﻣﺮﺽ ﺧﺒﻴﺚ ﻭﺍﻧﻬﺎ ﻣﺎ ﺍﻛﺘﺸﻔﺘﺶ ﺩﻩ ﻏﻴﺮ ﻓﻲ ﻣﺮﺍﺣﻞ ﻣﺘﺄﺧﺮﺓ ... ﻭﺍﻧﻬﺎ ﺍﺗﺼﻠﺖ ﺑﻴﻪ ﻋﺸﺎﻥ ﺗﺴﻠﻤﻪ ﻧﺎﺩﻳﺔ ﻷﻥ ﺩﻟﻮﻗﺘﻲ ﻣﺎﺑﻘﺎﺵ ﻟﻴﻬﺎ ﺣﺪ ﻏﻴﺮﻩ ... ﻭﻣﺎﺗﺖ ﺑﻴﻦ ﺇﻳﺪﻳﻪ ﺑﻌﺪ ﻣﺎ ﻭﺻﺘﻪ ﻋﻠﻴﻬﺎ ... ﻣﺎ ﺗﺘﺼﻮﺭﻳﺶ ﺣﺎﻟﺘﻪ ﺻﻌﺒﺔ ﺍﺯﺍﻱ ﻳﺎ ﺳﻤﻴﺔ ... ﺃﻧﺎ ﺍﻛﺘﺮ ﻭﺍﺣﺪﺩ ﺣﺎﺳﺲ ﺑﻴﻪ ﻹﻧﻲ ﻋﺎﺭﻑ ﻫﻮ ﻛﺎﻥ ﺑﻴﺤﺒﻬﺎ ﺍﺩ ﺇﻳﻪ

ﻋﻨﺪ ﻫﺬﺍ ﺍﻟﺤﺪ ﺗﻮﻗﻒ ﻋﺰﺕ ﻋﻦ ﺍﻟﺴﺮﺩ ﻭﻗﺪ ﺑﺪﺍ ﻋﻠﻴﻪ ﺍﻟﺘﺄﺛﺮ ﻣﻦ ﺃﺟﻞ ﺷﻘﻴﻘﻪ ... ﻭﻟﻢ ﺗﻜﻦ ﺳﻤﻴﺔ ﺑﺄﻓﻀﻞ ﻣﻨﻪ ﺣﺎﻻ ... ﺑﻌﺪ ﻟﺤﻈﺎﺕ ﻣﻦ ﺍﻟﺼﻤﺖ ﺑﻴﻨﻬﻤﺎ ﻗﻄﻌﺘﻬﺎ ﺳﻤﻴﺔ ﻗﺎﺋﻠﺔ :

- ﻃﻴﺐ ﻭﺍﻧﺖ ﺟﺎﻳﺐ ﻧﺎﺩﻳﺔ ﻫﻨﺎ ﺩﻟﻮﻗﺘﻲ ﻟﻴﻪ ... ﺻﻔﻮﺕ ﻟﻴﻪ ﻣﺎ ﺍﺧﺪﻫﺎﺵ ﻣﻌﺎﻩ ﻓﻮﻕ ﻋﻨﺪ ﺻﻔﻴﺔ ?

- ﺻﻔﻮﺕ ﻗﺎﻟﻲ ﺍﺧﻠﻴﻬﺎ ﻫﻨﺎ ﻟﺤﺪ ﻣﺎ ﻳﺸﺮﺡ ﺍﻟﻤﻮﺿﻮﻉ ﻟﺼﻔﻴﺔ ﻭﻳﻔﻬﻤﻬﺎ ﻋﻠﻰ ﺍﻟﻮﺿﻊ ﺍﻟﺠﺪﻳﺪ ﻭﻳﺸﻮﻑ ﺣﺘﻮﺍﻓﻖ ﻋﻠﻴﻪ ﻭﻻ ﻷ

- ﻭﻫﻮ ﺃﺧﻮﻙ ﻋﻨﺪﻩ ﺷﻚ ﺍﻥ ﺻﻔﻴﺔ ﺣﺘﻮﺍﻓﻖ

- ﺑﺠﺪ ﻳﺎ ﺳﻤﻴﺔ ... ﻳﻌﻨﻲ ﺍﻧﺘﻲ ﻣﺘﺄﻛﺪﺓ ﺍﻥ ﺻﻔﻴﺔ ﺣﺘﻮﺍﻓﻖ

- ﻳﻈﻬﺮ ﺍﻥ ﺃﺧﻮﻙ ﻛﻞ ﺩﻩ ﻭﻣﺎﻳﻌﺮﻓﺶ ﺻﻔﻴﺔ ... ﺩﻱ ﻣﺎ ﺣﺘﺼﺪﻕ ﺗﻼﻗﻲ ﺣﺎﺟﺔ ﺯﻱ ﺩﻱ ﻋﺸﺎﻥ ﺗﺘﻘﺮﺏ ﺑﻴﻬﺎ ﻣﻦ ﺻﻔﻮﺕ ... ﻳﻤﻜﻦ ﻟﻤﺎ ﺗﻮﺍﻓﻖ ﺗﺮﺑﻴﻠﻪ ﺑﻨﺘﻪ ﻳﺤﻦ ﻋﻠﻴﻬﺎ ﻭﻳﻐﻴﺮ ﺷﻮﻳﺔ ﻣﻦ ﻣﻌﺎﻣﻠﺘﻪ ﻟﻴﻬﺎ ... ﺍﻟﻠﻲ ﺃﻧﺎ ﺩﻟﻮﻗﺘﻲ ﺑﺲ ﻓﻬﻤﺖ ﺳﺒﺒﻬﺎ ﺇﻳﻪ

" ﺑﺎﻙ "

- ﻭﻓﻌﻼ ﺻﻔﻴﺔ ﻣﺎﺧﻴﺒﺘﺶ ﻇﻨﻲ ﻭﺍﻓﻘﺖ ﻋﻠﻄﻮﻝ ﻭﺭﺣﺒﺖ ﺍﻭﻱ ﺑﺎﻟﻤﻮﺿﻮﻉ ... ﻭﻋﺎﻣﻠﺘﻬﺎ ﺍﺣﺴﻦ ﻣﻦ ﺑﻨﺘﻬﺎ ... ﻭﺭﺑﺘﻬﺎ ﻟﺤﺪ ﻣﺎﺑﻘﻰ ﻋﻨﺪﻫﺎ 17 ﺳﻨﺔ ﻟﺤﺪ ﻣﺎ ﻣﺎﺗﺖ ﺍﻟﻠﻪ ﻳﺮﺣﻤﻬﺎ

ﺗﻨﻬﺪﺕ ﻧﻮﺭﺍ ﻗﺎﺋﻠﺔ ﺑﺄﺳﻰ :

- ﻓﻌﻼ ... ﺃﻧﺎ ﻓﺎﻛﺮﺓ ﻭﺍﺣﻨﺎ ﺻﻐﻴﺮﻳﻦ ﻟﻤﺎ ﻛﺎﻧﺖ ﻧﺎﺩﻳﺔ ﺗﺘﺴﻠﻂ ﻋﻠﻰ ﻟﻌﺒﺔ ﻣﻦ ﻟﻌﺒﻲ ... ﻛﺎﻧﺖ ﻣﺎﻣﺎ ﺗﻘﻮﻟﻲ ﺳﻴﺒﻴﻬﺎﻟﻬﺎ ﻭﺃﻧﺎ ﺍﺟﻴﺒﻠﻚ ﻭﺍﺣﺪﺓ ﺗﺎﻧﻴﺔ ... ﻭﻟﻤﺎ ﻣﺎﻣﺎ ﺗﺠﻴﺒﻠﻲ ﺑﺪﺍﻟﻬﺎ ﻧﺎﺩﻳﺔ ﻛﺎﻧﺖ ﺗﺼﻤﻢ ﺑﺮﺿﻪ ﺍﻧﻬﺎ ﺗﺎﺧﺪﻫﺎ

ﺗﺪﺧﻠﺖ ﻟﻤﻴﺎﺀ ﻗﺎﺋﻠﺔ :

- ﺩﻩ ﻣﻦ ﺍﻟﻮﺍﺿﺢ ﺑﻘﻰ ﺍﻧﻬﺎ ﻃﻮﻝ ﻋﻤﺮﻫﺎ ﻋﻠﻰ ﻛﺪﻩ ﺃﻧﺎﻧﻴﺔ ﻭﻣﺶ ﺑﺘﻔﻜﺮ ﻏﻴﺮ ﻓﻲ ﻧﻔﺴﻬﺎ ﻭﺑﺲ

- ﻋﺸﺎﻥ ﺧﺎﻃﺮﻱ ﻳﺎ ﻟﻤﻴﺎ ﻣﺎﺗﻘﻮﻟﻴﺶ ﻋﻠﻴﻬﺎ ﻛﺪﻩ ... ﻣﺎﺗﻨﺴﻴﺶ ﺍﻧﻬﺎ ﺃﺧﺘﻲ ﻣﻬﻤﺎ ﺣﺼﻞ

ﺭﺑﺘﺖ ﺳﻤﻴﺔ ﻋﻠﻰ ﻳﺪﻫﺎ ﻗﺎﺋﻠﺔ ﺑﺈﺑﺘﺴﺎﻣﺔ :

- ﺭﺑﻨﺎ ﻳﻜﻤﻠﻚ ﺑﻌﻘﻠﻚ ﻳﺎ ﺣﺒﻴﺒﺘﻲ ... ﻋﺎﺭﻓﺔ ﺃﻣﻚ ﺍﻟﻠﻪ ﻳﺮﺣﻤﻬﺎ ﻟﻤﺎ ﻛﻨﺖ ﺃﻋﺎﺗﺒﻬﺎ ﻓﻲ ﺍﻟﺤﻜﺎﻳﺔ ﺩﻱ ... ﻛﺎﻧﺖ ﺗﻘﻮﻟﻲ ﻣﻌﻠﺶ ﻫﻴﺎ ﻣﻬﻤﺎ ﻛﺎﻥ ﻳﺘﻴﻤﺔ ﻣﺎﻳﻨﻔﻌﺶ ﻧﻴﻴﺠﻲ ﻋﻠﻴﻬﺎ ... ﻟﻜﻦ ﻧﻮﺭﺍ ﺃﻧﺎ ﻣﻮﺟﻮﺩﺓ ﻭﺃﻗﺪﺭ ﺃﻋﻮﺿﻬﺎ ... ﻭﻳﺎﺭﻳﺖ ﺩﻩ ﻛﻠﻪ ﻓﺮﻕ ﻣﻊ ﺃﺑﻮﻛﻲ ... ﺑﺎﻟﻌﻜﺲ ﻣﻌﺎﻣﻠﺘﻪ ﻣﻦ ﻳﻮﻣﻬﺎ ﺑﻘﺖ ﺃﺳﻮﺃ ﻣﻦ ﺍﻷﻭﻝ

- ﻟﺒﻨﻰ ﺑﺪﻫﺸﺔ : ﻟﻴﻪ ﺑﻘﻰ ﻳﺎ ﻣﺎﻣﺎ ?

- ﻋﻤﻚ ﻛﺎﻥ ﻣﺄﺛﺮ ﻓﻴﻪ ﺍﻭﻱ ﺍﻥ ﺍﻟﻴﻮﻡ ﺍﻟﻠﻲ ﻳﻼﻗﻲ ﻓﻴﻪ ﻓﺮﺩﻭﺱ ﻳﻜﻮﻥ ﻫﻮ ﻧﻔﺴﻪ ﺍﻟﻴﻮﻡ ﺍﻟﻠﻲ ﻳﺘﺤﺮﻡ ﻓﻴﻪ ﻣﻨﻬﺎ ﻟﻸﺑﺪ ... ﻛﺎﻥ ﺑﻴﻌﺘﺒﺮ ﺍﻟﻤﺴﺌﻮﻝ ﻋﻦ ﺩﻩ ﻫﻤﺎ ﺍﺗﻨﻴﻦ ... ﺟﺪﻙ ﺍﻟﻠﻪ ﻳﺮﺣﻤﻪ ﻭﺻﻔﻴﺔ ... ﺟﺪﻙ ﻭﻗﺘﻬﺎ ﻛﺎﻥ ﻣﺎﺕ ... ﻣﺎﻛﺎﻧﺶ ﻓﺎﺿﻞ ﺍﺩﺍﻣﻪ ﻏﻴﺮ ﺻﻔﻴﺔ ... ﻭﻋﻠﻰ ﺍﺩ ﺣﺒﻪ ﻟﻔﺮﺩﻭﺱ ﻋﻠﻰ ﺍﺩ ﻣﺎﻛﺎﻥ ﺑﻴﻨﺘﻘﻢ ﻣﻦ ﺻﻔﻴﺔ ﻋﻠﻰ ﺣﺎﺟﺔ ﻋﻤﺮ ﻣﺎﻛﺎﻥ ﻟﻴﻬﺎ ﺫﻧﺐ ﻓﻴﻬﺎ ... ﻛﺎﻥ ﺷﺎﻳﻒ ﺍﻥ ﺟﺪﻙ ﻋﻤﻞ ﻛﻞ ﺩﻩ ﺑﺴﺴﺐ ﺻﻔﻴﺔ ... ﻗﺎﻝ ﻳﻌﻨﻲ ﻟﻮ ﻣﺎﻛﺎﻧﺘﺶ ﺻﻔﻴﺔ ﻣﻮﺟﻮﺩﺓ ﻣﺎﻛﺎﻧﺶ ﺟﺪﻙ ﺣﻴﺪﻭﺭ ﻋﻠﻰ ﻭﺍﺣﺪﺓ ﻏﻴﺮﻫﺎ ﻳﺠﻮﺯﻫﺎ ﻷﺑﻮﻛﻲ ... ﻭﻻ ﻛﺎﻥ ﻣﻤﻜﻦ ﺳﺎﻋﺘﻬﺎ ﻳﻮﺍﻓﻖ ﻳﺠﻮﺯ ﺇﺑﻨﻪ ﻟﺒﻨﺖ ﻭﺍﺣﺪ ﺑﻴﺸﺘﻐﻞ ﻋﻨﺪﻩ ... ﻋﻤﻮﻣﺎ ﺟﺪﻙ ﺍﻟﻠﻪ ﻳﺮﺣﻤﻪ ﺍﺧﺪ ﻋﻘﺎﺑﻪ ﻗﺒﻞ ﻣﺎ ﻳﻤﻮﺕ ﻭﺻﻔﻴﺔ ﺃﺑﻮﻛﻲ ﻓﻀﻞ ﻳﺬﻝ ﻓﻴﻬﺎ ﻟﺤﺪ ﻣﺎﺟﺎﺗﻠﻬﺎ ﺟﻠﻄﺔ ﻭﻣﺎﺗﺖ ﺍﻟﻠﻪ ﻳﺮﺣﻤﻬﺎ ﺑﻘﻰ

ﻋﻨﺪ ﻫﺬﺍ ﺍﻟﺤﺪ ﻟﻢ ﺗﺴﺘﻄﻊ ﺳﻤﻴﺔ ﺃﻥ ﺗﻘﺎﻭﻡ ﻧﻐﺰﺍﺕ ﺍﻟﺪﻣﻮﻉ ﻓﻲ ﻋﻴﻨﻴﻬﺎ ... ﻓﺴﻤﺤﺖ ﻟﻬﺎ ﺑﺎﻟﻨﺰﻭﻝ ﻭﺗﺮﻛﺘﻬﺎ ﺗﻨﺴﺎﺏ ﻭﻛﺄﻧﻬﺎ ﺃﻣﻄﺎﺭ ﻫﻄﻠﺖ ﻓﻲ ﻟﻴﻠﺔ ﺷﺘﺎﺀ ﻗﺎﺳﻴﺔ ... ﺷﺎﺭﻛﺘﻬﺎ ﻧﻮﺭﺍ ﻫﻲ ﺍﻷﺧﺮﻱ ﻟﺒﺮﻫﺔ ﺛﻢ ﻣﺎﻟﺒﺜﺖ ﺃﻥ ﻣﺴﺤﺖ ﺩﻣﻮﻋﻬﺎ ﻗﺎﺋﻠﺔ ﺑﺘﺄﺛﺮ :

- ﻋﺎﺭﻓﺔ ﻳﺎ ﺧﺎﻟﺘﻮ ... ﺃﻧﺎ ﺩﻟﻮﻗﺘﻲ ﻋﺮﻓﺖ ﺍﻥ ﺑﺎﺑﺎ ﻫﻮ ﻛﻤﺎﻥ ﻣﻈﻠﻮﻡ ﻓﻲ ﺍﻟﺤﻜﺎﻳﺔ ﺩﻱ ... ﺑﺎﺑﺎ ﻭﻣﺎﻣﺎ ﻭﻃﻨﻂ ﻓﺮﺩﻭﺱ ﻭﻧﺎﺩﻳﺔ ﻭﺃﻧﺎ ﻛﻠﻨﺎ ﻛﻨﺎ ﺿﺤﺎﻳﺎ ﻃﻤﻊ ﻭﺃﻧﺎﻧﻴﺔ ﺟﺪﻱ ﺍﻟﻠﻪ ﻳﺮﺣﻤﻪ ﺑﻘﻰ ... ﻫﻮ ﻣﺎﺕ ﻭﺳﺎﺑﻨﺎ ﻛﻠﻨﺎ ﻧﺪﻓﻊ ﺍﻟﺘﻤﻦ ﻣﻦ ﺑﻌﺪﻩ ... ﻋﺎﺭﻓﺔ ﺃﻧﺎ ﺑﻌﺪ ﻛﺪﻩ ﻣﺶ ﺣﺎﺯﻋﻞ ﻣﻦ ﺑﺎﺑﺎ ﺍﺑﺪﺍ ﻭﻣﻬﻤﺎ ﻳﻌﻤﻞ ﻓﻴﺎ ﺑﺮﺿﻪ ﺣﺎﺳﺘﺤﻤﻞ ... ﻟﻜﻦ ﻗﻮﻟﻴﻠﻲ ﺑﻘﻰ ... ﺍﺯﺍﻱ ﺟﺪﻱ ﺭﺑﻨﺎ ﻋﺎﻗﺒﻪ ﺯﻱ ﻣﺎ ﺑﺘﻘﻮﻟﻲ ... ﻭﺇﻳﻪ ﺣﻜﺎﻳﺔ ﺍﻷﺯﻣﺔ ﺍﻟﻠﻲ ﻭﻗﻔﺘﻲ ﻓﻴﻬﺎ ﻣﻊ ﻋﻤﻲ ﻋﺰﺕ ﺩﻱ ... ﻭﻛﻤﺎﻥ ﻋﺎﻳﺰﺓ ﺍﻋﺮﻑ ﺍﺣﻨﺎ ﻟﻴﻪ ﺳﻴﺒﻨﺎ ﺩﻣﻴﺎﻁ ﺑﻌﺪ ﻭﻓﺎﺓ ﻣﺎﻣﺎ ﺍﻟﻠﻪ ﻳﺮﺣﻤﻬﺎ ﻭﺟﻴﻨﺎ ﺍﻟﻘﺎﻫﺮﺓ

ﻧﻬﻀﺖ ﺳﻤﻴﺔ ﻣﻦ ﻣﻜﺎﻧﻬﺎ ﻗﺎﺋﻠﺔ :

- ﻻ ﻛﻔﺎﻳﺔ ﻛﺪﻩ ﺍﻭﻱ ﺍﻟﻨﻬﺎﺭﺩﺓ ... ﺍﻭﻋﺪﻙ ﺍﻧﻨﺎ ﻟﻴﻨﺎ ﻗﻌﺪﺓ ﺗﺎﻧﻴﺔ ﻣﻊ ﺑﻌﺾ ﻧﻜﻤﻞ ﻓﻴﻬﺎ ... ﻟﻜﻦ ﺩﻟﻮﻗﺘﻲ ﺗﺮﻭﺣﻲ ﺗﻜﻠﻤﻲ ﺑﺎﺑﺎﻛﻲ ﻭﺗﺴﺘﺄﺫﻧﻴﻪ ﻋﺸﺎﻥ ﺗﺒﺎﺗﻲ ﻫﻨﺎ ... ﻭﺗﺪﺧﻠﻲ ﻣﻊ ﻟﺒﻨﻰ ﺩﻟﻮﻗﺘﻲ ﺗﺸﻮﻓﻮﺍ ﻣﺬﺍﻛﺮﺗﻜﻮﺍ

- ﻧﻮﺭﺍ ﺑﺈﺫﻋﺎﻥ : ﺍﻧﺖ ﺗﺆﻣﺮ ﻳﺎ ﺟﻤﻴﻞ

↚

ﻓﻲ ﺍﻟﺼﺒﺎﺡ ﺍﺳﺘﻴﻘﻈﺖ ﻛﻞ ﻣﻦ ﻧﻮﺭﺍ ﻭﻟﺒﻨﻰ ﻭﻟﻤﻴﺎﺀ ﻭﺍﺳﺘﻌﺪﻭﺍ ﻟﻠﺬﻫﺎﺏ ﻟﻠﺠﺎﻣﻌﺔ ... ﺗﻨﺎﻭﻝﻭﺍ ﻃﻌﺎﻡ ﺍﻹﻓﻄﺎﺭ ﻣﻊ ﺳﻤﻴﺔ ﺍﻟﺘﻲ ﻭﺟﻬﺖ ﺣﺪﻳﺜﻬﺎ ﻟﻬﻢ ﻗﺎﺋﻠﺔ :

- ﺍﻋﻤﻠﻮﺍ ﺣﺴﺎﺑﻜﻮﺍ ﺍﻧﻨﺎ ﺣﻨﺴﺎﻓﺮ ﺩﻣﻴﺎﻁ ﺍﻟﻨﻬﺎﺭﺩﺓ ﺍﺧﺮ ﺍﻟﻨﻬﺎﺭ ﺇﻥ ﺷﺎﺀﺍﻟﻠﻪ ... ﻣﻌﻠﺶ ﺑﻘﻰ ﻳﺎ ﻧﻮﺭﺍ ﺍﺣﻨﺎ ﺣﻨﻐﻠﺲ ﻋﻠﻴﻜﻲ ﻋﺸﺎﻥ ﺗﺎﺧﺪﻳﻨﺎ ﻣﻌﺎﻛﻲ ﻓﻲ ﻋﺮﺑﻴﺘﻚ ﻭﺍﺣﻨﺎ ﻣﺴﺎﻓﺮﻳﻦ ﻋﺸﺎﻥ ﻋﻠﻲ ﻣﺶ ﻫﻨﺎ ﺯﻱ ﻣﺎ ﺍﻧﺘﻲ ﻋﺎﺭﻓﺔ ﻭﺑﺎﺑﺎﻛﻲ ﻫﻮ ﺍﻟﻠﻲ ﻗﺎﻟﻪ ﻛﺪﻩ .

ﻗﺎﻣﺖ ﻧﻮﺭﺍ ﻣﻦ ﻣﻜﺎﻧﻬﺎ ﻭﺍﺗﺠﻬﺖ ﺇﻟﻰ ﺣﻴﺚ ﺗﺠﻠﺲ ﺳﻤﻴﺔ ﻭﻃﻮﻗﺖ ﻋﻨﻘﻬﺎ ﺑﺬﺭﺍﻋﻴﻬﺎ ﺛﻢ ﻗﺒﻠﺖ ﻭﺟﻨﺘﻬﺎ ﻗﺎﺋﻠﺔ ﺑﻤﺮﺡ :

- ﻳﺎ ﺧﺒﺮ ﻳﺎ ﺧﺎﻟﺘﻮ ... ﺩﻩ ﺍﻟﻌﺮﺑﻴﺔ ﻭﺻﺎﺣﺒﺔ ﺍﻟﻌﺮﺑﻴﺔ ﻛﻤﺎﻥ ﺗﺤﺖ ﺃﻣﺮﻙ ... ﺩﻩ ﺃﻧﺎ ﻟﻮ ﻛﻨﺖ ﺍﻋﺮﻑ ﻣﻦ ﺯﻣﺎﻥ ﻛﻨﺖ ﻓﺮﺷﺖ ﺍﻟﻌﺮﺑﻴﺔ ﻭﺭﺩ ﻋﺸﺎﻥ ﺧﺎﻃﺮ ﻋﻴﻮﻧﻚ

ﺭﺑﺘﺖ ﺳﻤﻴﺔ ﻋﻠﻰ ﺫﺭﺍﻋﻬﺎ ﻭﻗﺎﻟﺖ ﺑﺤﻨﻮ :

- ﺭﺑﻨﺎ ﻣﺎ ﻳﺤﺮﻣﻨﻴﺶ ﻣﻨﻚ ﻳﺎ ﺣﺒﻴﺒﺘﻲ

ﻧﻈﺮﺕ ﺇﻟﻴﻬﺎ ﻟﺒﻨﻰ ﺑﻄﺮﻑ ﻋﻴﻨﻬﺎ ﻭﻗﺎﻟﺖ ﻓﻲ ﻣﺸﺎﻏﺒﺔ :

- ﻳﺎ ﺳﻼﻡ ﻋﻠﻰ ﺍﻟﺒﻜﺶ ... ﺃﻳﻮﻩ ﻳﺎ ﺳﺖ ﻧﻮﺭﺍ ... ﻣﺎ ﺍﻧﺘﻲ ﻻﺯﻡ ﺗﻌﻤﻠﻲ ﻛﺪﻩ ﻣﻊ ﺣﻤﺎﺗﻚ ﺍﻟﻤﺴﺘﻘﺒﻠﻴﺔ

ﺗﻮﺭﺩﺕ ﻭﺟﻨﺘﺎﻫﺎ ﺧﺠﻼ ﻭﻫﻲ ﺗﺠﻴﺐ ﻟﺒﻨﻰ ﻗﺎﺋﻠﺔ ﺑﺤﺮﺝ :

- ﺇﻳﻪ ﺍﻟﻠﻲ ﺑﺘﻘﻮﻟﻴﻪ ﺩﻩ ﺑﺲ ﻳﺎ ﻟﺒﻨﻰ ?

ﺍﺳﺮﻋﺖ ﺳﻤﻴﺔ ﺗﺠﻴﺒﻬﺎ ﻋﻠﻰ ﺍﻟﻔﻮﺭ ﻗﺎﺋﻠﺔ ﺑﺠﺪﻳﺔ :

- ﺳﻴﺒﻴﻬﺎ ﻳﺎ ﺣﺒﻴﺒﺘﻲ ... ﻣﺎﻟﻚ ﻣﻜﺴﻮﻓﺔ ﻛﺪﻩ ﻟﻴﻪ ... ﺩﻩ ﺃﻧﺎ ﻣﻨﺎﻳﺎ ﺇﻧﻲ ﺍﺷﻮﻓﻚ ﺍﻧﺘﻲ ﻭﻋﻠﻲ ﻭﺍﻧﺘﻮﺍ ﻗﺎﻋﺪﻳﻦ ﺟﻨﺐ ﺑﻌﺾ ﻓﻲ ﺍﻟﻜﻮﺷﺔ ... ﻳﺎﻩ ﻧﻔﺴﻲ ﺍﻋﻴﺶ ﻟﻤﺎ ﺃﺷﻮﻑ ﺍﻟﻴﻮﻡ ﺩﻩ ﻭﺍﻓﺮﺡ ﺑﻴﻜﻮﺍ ﻭﺍﻧﻔﺬ ﻭﺻﻴﺔ ﺻﻔﻴﺔ ﺍﺧﺘﻲ ﺍﻟﻠﻪ ﻳﺮﺣﻤﻬﺎ

ﺣﺎﻭﻟﺖ ﻧﻮﺭﺍ ﺗﻐﻴﻴﺮ ﺍﻟﻤﻮﺿﻮﻉ ﻓﻘﺎﻟﺖ ﻣﻮﺟﻬﺔ ﺣﺪﻳﺜﻬﺎ ﺇﻟﻰ ﻟﺒﻨﻰ :

- ﻣﺶ ﻳﻼ ﺑﻴﻨﺎ ﻳﺎ ﻟﺒﻨﻰ ﻋﺸﺎﻥ ﻣﺎ ﻧﺘﺄﺧﺮﺵ ﻋﻠﻰ ﺍﻭﻝ ﻣﺤﺎﺿﺮﺓ ... ﻭﺍﻧﺘﻮﺍ ﻳﺎ ﺟﻤﺎﻋﺔ ﺍﻋﻤﻠﻮﺍ ﺣﺴﺎﺑﻜﻮﺍ ﺍﻧﻨﺎ ﺑﻌﺪ ﻣﺎ ﻧﺨﻠﺺ ﻣﺤﺎﺿﺮﺍﺕ ﺍﻟﻨﻬﺎﺭﺩﺓ ﺃﻧﺎ ﺣﺎﺭﻭﺡ ﺍﻟﻔﻴﻼ ﺍﺣﻀﺮ ﺷﻨﻄﺘﻲ ﻭﺑﻌﺪﻳﻦ ﺁﺟﻲ ﺗﻜﻮﻧﻮﺍ ﺟﺎﻫﺰﻳﻦ ﺍﻧﺘﻮﺍ ﻛﻤﺎﻥ

- ﺣﺎﺿﺮ ﻳﺎ ﺣﺒﻴﺒﺘﻲ ... ﻳﻼ ﺍﻧﺘﻮﺍ ﺑﻘﻰ ﻋﺸﺎﻥ ﺗﻠﺤﻘﻮﺍ ﻣﺤﺎﺿﺮﺍﺗﻜﻮﺍ

ﺍﻟﺘﻔﺘﺖ ﻧﻮﺭﺍ ﺇﻟﻰ ﻟﻤﻴﺎﺀ ﻗﺎﺋﻠﺔ :

- ﺇﻳﻪ ﻳﺎ ﻟﻤﻴﺎ ... ﻣﺶ ﺣﺘﻴﺠﻲ ﻧﻮﺻﻠﻚ ﻣﻌﺎﻧﺎ ﻓﻲ ﺳﻜﺘﻨﺎ

- ﻻ ﻳﺎ ﺣﺒﻴﺒﺘﻲ ﺃﻧﺎ ﻟﺴﻪ ﺷﻮﻳﺔ ﻋﻠﻰ ﻣﻌﺎﺩ ﺃﻭﻝ ﻣﺤﺎﺿﺮﺓ ... ﺍﺗﻜﻠﻮﺍ ﻋﻠﻰ ﺍﻟﻠﻪ ﺍﻧﺘﻮﺍ

ﻏﺎﺩﺭﺕ ﻧﻮﺭﺍ ﻭﻟﺒﻨﻰ ﻭﺍﺳﺘﻘﻼ ﺳﻴﺎﺭﺓ ﻧﻮﺭﺍ ﻓﻲ ﻃﺮﻳﻘﻬﻤﺎ ﻟﻠﺠﺎﻣﻌﺔ ... ﻓﻴﻤﺎ ﺟﻠﺴﺖ ﻟﻤﻴﺎﺀ ﻣﻊ ﺳﻤﻴﺔ ﻟﺘﺘﺤﺪﺙ ﺇﻟﻴﻬﺎ ﻓﻲ ﺃﻣﺮ ﻣﺎ ... ﻇﻠﺖ ﺻﺎﻣﺘﺔ ﻟﻔﺘﺮﺓ ﻭﻫﻲ ﺗﺮﻣﻖ ﻭﺍﻟﺪﺗﻬﺎ ﺑﻨﻈﺮﺍﺕ ﻏﺎﻣﻀﺔ ﻟﻢ ﺗﺴﺘﻄﻊ ﺳﻤﻴﺔ ﺗﺒﻴﻦ ﻣﻌﻨﺎﻫﺎ ... ﻓﺒﺎﺩﺭﺕﻫﺎ ﺑﺎﻟﺴﺆﺍﻝ ﻗﺎﺋﻠﺔ :

- ﻣﺎﻟﻚ ﻳﺎ ﻟﻤﻴﺎ ... ﻓﻴﻪ ﺣﺎﺟﺔ ﻳﺎ ﺣﺒﻴﺒﺘﻲ ?

ﺗﻨﻬﺪﺕ ﻟﻤﻴﺎﺀ ﻗﺎﺋﻠﺔ ﺑﻀﻴﻖ :

- ﻓﻴﻪ ﺇﻧﻲ ﻣﺶ ﺭﺍﺿﻴﺔ ﻋﻦ ﺍﻟﻠﻲ ﺑﺘﻌﻤﻠﻮﻩ ﺍﻧﺘﻲ ﻭﻟﺒﻨﻰ ﺩﻩ ﻳﺎ ﻣﺎﻣﺎ .

- ﺳﻤﻴﺔ ﺑﺘﻌﺠﺐ : ﺍﻟﻠﻲ ﻫﻮ ﺇﻳﻪ ﺩﻩ ﻳﺎ ﻟﻤﻴﺎ ?

- ﺍﻧﻜﻮﺍ ﻋﻤﺎﻟﻴﻦ ﺗﻌﺸﻤﻮﺍ ﻧﻮﺭﺍ ﻭﺗﺪﻭﻫﺎ ﺃﻣﻞ ﻓﻲ ﻣﻮﺿﻮﻉ ﻋﻠﻲ ﺩﻩ ... ﺭﻏﻢ ﺍﻧﻜﻢ ﺷﺎﻳﻔﻴﻦ ﺇﺻﺮﺍﺭ ﻋﻠﻲ ﻭﻛﻤﺎﻥ ﻋﺎﺭﻓﻴﻦ ﺇﻧﻪ ﺑﻴﺤﺐ ﻧﺎﺩﻳﺔ ... ﻳﺒﻘﻰ ﻟﺰﻭﻣﻪ ﺇﻳﻪ ﺗﻌﻠﻘﻮﻫﺎ ﻋﻠﻰ ﺍﻟﻔﺎﺿﻲ ?

- ﻭﻫﻴﺎ ﻣﺴﺘﻨﻴﺔ ﺍﻧﻨﺎ ﻧﻌﺸﻤﻬﺎ ﺑﺮﺿﻪ ﻳﺎ ﻟﻤﻴﺎ ... ﻣﺎ ﺍﻧﺘﻲ ﻋﺎﺭﻓﺔ ﻫﻴﺎ ﺑﺘﺤﺐ ﻋﻠﻲ ﺍﺩ ﺇﻳﻪ ... ﻭﺃﻧﺎ ﻣﺶ ﺣﺎﻗﺪﺭ ﺍﺳﺘﺤﻤﻞ ﺇﻧﻲ ﺍﻛﺴﺮ ﻗﻠﺒﻬﺎ ... ﺃﻧﺎ ﻣﺶ ﻗﺎﺩﺭﺓ ﺍﻓﻬﻢ ﻧﺎﺩﻳﺔ ﺣﺘﻔﻀﻞ ﻭﻗﻔﺎﻟﻬﺎ ﻓﻲ ﻛﻞ ﺣﺎﺟﺔ ﻛﺪﻩ ﻟﺤﺪ ﺍﻣﺘﻰ ... ﺍﺳﺘﺤﻮﺫﺕ ﻋﻠﻰ ﻗﻠﺐ ﺃﺑﻮﻫﺎ ﺍﻷﻭﻝ ... ﻭﺑﻌﺪﻳﻦ ﻋﻠﻰ ﻗﻠﺐ ﺍﻹﻧﺴﺎﻥ ﺍﻟﻠﻲ ﻫﻴﺎ ﺑﺘﺤﺒﻪ ... ﻓﺎﺿﻞ ﺇﻳﻪ ﺗﺎﻧﻲ ﻧﺎﺩﻳﺔ ﻧﺎﻭﻳﺔ ﺗﺎﺧﺪﻩ ﻣﻨﻬﺎ

- ﻟﻤﻴﺎﺀ : ﺍﻧﺘﻮﺍ ﺣﺮﻳﻦ ... ﺃﻧﺎ ﻗﻠﺖ ﺍﻟﻠﻲ ﻋﻨﺪﻱ ﻭﺭﻳﺤﺖ ﺿﻤﻴﺮﻱ

ﻓﻲ ﺍﻟﺴﻴﺎﺭﺓ ﻭﺃﺛﻨﺎﺀ ﺫﻫﺎﺑﻬﻢ ﻓﻲ ﻃﺮﻳﻘﻬﻢ ﺇﻟﻰ ﺍﻟﺠﺎﻣﻌﺔ ... ﻛﺎﻧﺖ ﻧﻮﺭﺍ ﺗﻘﻮﺩ ﺳﻴﺎﺭﺗﻬﺎ ﻭﺗﺮﺍﻗﺐ ﺍﻟﻄﺮﻳﻖ ﺃﻣﺎﻣﻬﺎ ﻭﻫﻲ ﺗﺤﺪﺙ ﻟﺒﻨﻰ ﻗﺎﺋﻠﺔ :

- ﻃﺒﻌﺎ ﺍﻧﺘﻲ ﻣﺎﺣﺪﺵ ﺍﺩﻙ ﺍﻟﻨﻬﺎﺭﺩﺓ ... ﻣﺴﺎﻑﺭﺓ ﺩﻣﻴﺎﻁ ﺑﻠﺪ ﺍﻟﺤﺒﺎﻳﺐ

- ﺁﻩ ... ﺍﻧﺘﻲ ﺑﺘﺮﺩﻳﻠﻲ ﺍﻟﻠﻲ ﻋﻤﻠﺘﻪ ﻓﻴﻜﻲ ﺍﻣﺒﺎﺭﺡ ﻣﺶ ﻛﺪﻩ ... ﻣﺎﺷﻲ ﻳﺎ ﻧﻮﺭﺍ ﺍﻟﻠﻪ ﻳﺴﺎﻣﺤﻚ

- ﻋﺸﺎﻥ ﺗﺤﺮﻣﻲ ﺗﺎﻧﻲ ﻣﺮﺓ ﺗﺘﺮﻳﻘﻲ ﻋﻠﻴﺎ ﻭﺗﻘﻮﻟﻴﻠﻲ ﺳﻲ ﻋﻠﻲ ﺣﺒﻴﺐ ﺍﻟﻘﻠﺐ

- ﻭﻫﻮ ﺃﻧﺎ ﻗﻠﺖ ﺣﺎﺟﺔ ﻏﻠﻂ ﻳﻌﻨﻲ ? ﻣﺶ ﻋﻠﻲ ﺑﺮﺿﻪ ﺣﺒﻴﺐ ﺍﻟﻘﻠﺐ

- ﻣﺎ ﺃﻧﺎ ﻛﻤﺎﻥ ﻣﺎﻗﻠﺘﺶ ﺣﺎﺟﺔ ﻏﻠﻂ ... ﻣﺶ ﺳﻲ ﺍﺣﻤﺪ ﺑﺮﺿﻪ ﻳﺒﻘﻰ ﺣﺒﻴﺐ ﺍﻟﻘﻠﺐ

ﺗﻨﻬﺪﺕ ﻟﺒﻨﻰ ﺗﻨﻬﻴﺪﺓ ﻃﻮﻳﻠﺔ ﺍﺧﺮﺟﺖ ﺑﻬﺎ ﻛﻞ ﻣﺎ ﻳﺠﻴﺶ ﻓﻲ ﺻﺪﺭﻫﺎ ﺛﻢ ﻗﺎﻟﺖ ﺑﺄﺳﻰ :

- ﺗﻔﺘﻜﺮﻱ ﻣﻤﻜﻦ ﻳﻜﻮﻥ ﺑﻴﺤﺒﻨﻲ ﻳﺎ ﻧﻮﺭﺍ ... ﻗﻠﺒﻲ ﺑﻴﻘﻮﻟﻲ ﺇﻧﻪ ﻣﺶ ﺣﺎﺳﺲ ﺑﻴﺎ ﻣﻦ ﺍﺻﻠﻪ .

- ﻭﻟﻴﻪ ﻷ ﻳﻌﻨﻲ ?

- ﺍﺻﻞ ﻣﺶ ﺑﻴﺒﺎﻥ ﻋﻠﻴﻪ ﺣﺎﺟﺔ ﺍﺑﺪﺍ ﻟﻤﺎ ﻳﺸﻮﻓﻨﻲ ... ﺩﻩ ﺣﺘﻰ ﻣﺶ ﺑﻴﺮﺿﻰ ﻳﺴﻠﻢ ﻋﻠﻴﺎ ﺑﺈﻳﺪﻩ

- ﻋﺸﺎﻥ ﺍﺣﻤﺪ ﺩﻩ ﺣﺪ ﻣﺤﺘﺮﻡ ... ﻭﺃﻧﺎ ﻗﻠﺘﻠﻚ ﻣﻴﺔ ﻣﺮﺓ ﻗﺒﻞ ﻛﺪﻩ ﺇﻧﻪ ﻣﺎﻳﻨﻔﻌﺶ ﺗﺴﻠﻤﻲ ﻻ ﻋﻠﻴﻪ ﻭﻻ ﻋﻠﻰ ﻏﻴﺮﻩ ... ﻭﺑﻌﺪﻳﻦ ﺃﻧﺎ ﻣﺘﺄﻛﺪﺓ ﺇﻧﻪ ﺣﺘﻰ ﻟﻮ ﻓﻴﻪ ﺃﻱ ﺷﻌﻮﺭ ﻣﻦ ﻧﺎﺣﻴﺘﻪ ﻟﻴﻜﻲ ﻋﻤﺮﻩ ﻣﺎ ﺣﻴﺤﺎﻭﻝ ﻳﺒﻴﻨﻠﻚ ﻣﺸﺎﻋﺮﻩ ﻏﻴﺮ ﻟﻤﺎ ﻳﻜﻮﻥ ﻓﻴﻪ ﺇﺭﺗﺒﺎﻁ ﺭﺳﻤﻲ ﻣﺎ ﺑﻴﻨﻜﻢ ... ﺭﻳﺤﻲ ﻧﻔﺴﻚ ﺑﻘﻰ ﻭﺭﻛﺰﻱ ﻓﻲ ﻣﺬﺍﻛﺮﺗﻚ ﺍﺣﺴﻦ ... ﻭﻟﻤﺎ ﻧﺘﺨﺮﺝ ﺑﺈﺫﻥ ﺍﻟﻠﻪ ﻧﺒﻘﻰ ﻧﻔﻜﺮ ﻓﻲ ﺍﻟﺤﺎﺟﺎﺕ ﺩﻱ ... ﻣﺶ ﻋﺎﻳﺰﻳﻦ ﺣﺎﺟﺔ ﺗﺸﻐﻠﻨﺎ ﻋﻦ ﻣﺬﺍﻛﺮﺗﻨﺎ .

ﻟﺒﻨﻰ ﺑﺈﺳﺘﺴﻼﻡ : ﻣﺎﺷﻲ ﻳﺎ ﻋﺎﻗﻠﺔ ... ﺍﺗﻔﻀﻠﻲ ﺍﺭﻛﻨﻲ ﺑﻘﻰ ﻋﺸﺎﻥ ﻧﻨﺰﻝ

ﺍﻧﻬﺖ ﻛﻞ ﻣﻨﻬﻤﺎ ﻣﺤﺎﺿﺮﺍﺗﻬﺎ ﻭﻓﻲ ﻃﺮﻳﻘﻬﻤﺎ ﻟﻠﺨﺮﻭﺝ ﺍﺳﺘﻮﻗﻔﺖ ﻧﻮﺭﺍ ﻟﺒﻨﻰ ﻗﺎﺋﻠﺔ :

- ﺑﻘﻮﻟﻚ ﺇﻳﻪ ﻳﺎ ﻟﺒﻨﻰ ... ﺗﻌﺎﻟﻲ ﻧﺮﻭﺡ ﻋﻨﺪ ﻛﻠﻴﺔ ﺗﺠﺎﺭﺓ ﻛﺪﻩ ﻧﺸﻮﻑ ﻧﺎﺩﻳﺔ

ﻧﻈﺮﺕ ﺇﻟﻴﻬﺎ ﻟﺒﻨﻰ ﻣﻨﺪﻫﺸﺔ ﻓﻠﻴﺲ ﻣﻦ ﻋﺎﺩﺗﻬﻢ ﺃﻥ ﻳﺬﻫﺒﻮﺍ ﺇﻟﻰ ﻧﺎﺩﻳﺔ ﻓﻲ ﻛﻠﻴﺘﻬﺎ ... ﻭﻟﻴﺲ ﻫﻨﺎﻙ ﺩﺍﻉ ﻟﺬﻟﻚ ... ﺣﺎﻭﻟﺖ ﺃﻥ ﺗﻌﺮﻑ ﻣﻦ ﻧﻮﺭﺍ ﺳﺒﺐ ﺫﻫﺎﺑﻬﻢ ﻓﻘﺎﻟﺖ ﻣﺴﺘﻔﺴﺮﺓ :

- ﺍﺷﻤﻌﻨﺎ ﻳﻌﻨﻲ ... ﺇﻳﻪ ﺍﻟﻠﻲ ﺣﻴﻮﺩﻳﻨﺎ ﻋﻨﺪ ﻧﺎﺩﻳﺔ ?

- ﺍﺻﻞ ﺩﻩ ﻣﻌﺎﺩ ﺧﺮﻭﺟﻬﺎ ﺍﻟﻨﻬﺎﺭﺩﺓ ... ﻣﺤﺎﺽﺭﺍﺗﻬﺎ ﺍﻟﻨﻬﺎﺭﺩﻩ ﺑﺘﺨﻠﺺ ﻣﻌﺎﻧﺎ ... ﻟﻮ ﻣﺎﺷﻴﺔ ﻧﻤﺸﻲ ﻛﻠﻨﺎ ﺳﻮﺍ ... ﻭﻛﻤﺎﻥ ﻋﺸﺎﻥ ﺃﻓﻜﺮﻫﺎ ﺍﻧﻨﺎ ﺭﺍﻳﺤﻴﻦ ﺩﻣﻴﺎﻁ ﺍﻟﻨﻬﺎﺭﺩﺓ

- ﺃﻣﺮﻱ ﻟﻠﻪ ... ﻳﻼ ﺑﻴﻨﺎ

ﺑﻌﺪ ﻗﻠﻴﻞ ﻛﺎﻧﺖ ﻟﺒﻨﻰ ﻭﻧﻮﺭﺍ ﺗﻘﻔﺎﻥ ﺃﻣﺎﻡ ﻣﺒﻨﻰ ﻛﻠﻴﺔ ﺍﻟﺘﺠﺎﺭﺓ ... ﺃﺧﺬﺕ ﻛﻞ ﻣﻨﻬﻤﺎ ﺗﺠﻮﻝ ﺑﺒﺼﺮﻫﺎ ﺑﺤﺜﺎ ﻋﻦ ﻧﺎﺩﻳﺔ ﺇﻟﻰ ﺃﻥ ﺭﺃﺗﻬﺎ ﻟﺒﻨﻰ ﻭﻫﻲ ﺗﻘﻒ ﻣﻊ ﺍﺣﺪ ﺯﻣﻼﺋﻬﺎ ﻭﻫﻤﺎ ﻳﺘﺤﺪﺛﺎﻥ ﻣﻌﺎ ﻭﻗﺪ ﻋﻠﺖ ﺿﺤﻜﺎﺗﻬﻤﺎ ... ﺍﻷﻣﺮ ﺍﻟﺬﻱ ﺃﺛﺎﺭ ﺣﻔﻴﻈﺔ ﻟﺒﻨﻰ ﺍﻟﺘﻲ ﺍﺷﺎﺭﺕ ﺇﻟﻲ ﻣﻜﺎﻧﻬﻤﺎ ﻗﺎﺋﻠﺔ ﺑﺈﺳﺘﻨﻜﺎﺭ : ﺁﻫﻴﻪ ﻫﻨﺎﻙ ﻳﺎ ﻧﻮﺭﺍ ... ﺑﺲ ﻣﻴﻦ ﺍﻟﻠﻲ ﻫﻴﺎ ﻭﺍﻗﻔﺔ ﻣﻌﺎﻩ ﺩﻩ ?

ﻧﻈﺮﺕ ﻧﻮﺭﺍ ﺇﻟﻰ ﺣﻴﺚ ﺍﺷﺎﺭﺕ ﻟﺒﻨﻰ ... ﻓﺮﺃﺕ ﻧﺎﺩﻳﺔ ﻭﺯﻣﻴﻠﻬﺎ ﻓﺎﻟﺘﻔﺘﺖ ﺇﻟﻰ ﻟﺒﻨﻰ ﻗﺎﺋﻠﺔ :

- ﺗﻼﻗﻴﻪ ﺯﻣﻴﻠﻬﺎ ﻓﻲ ﺍﻟﻜﻠﻴﺔ ... ﺗﻌﺎﻟﻲ ﻧﺮﻭﺡ ﻋﻨﺪﻫﺎ

- ﻭﻣﺎﻟﻚ ﺑﺘﻘﻮﻟﻴﻬﺎ ﺑﺒﺴﺎﻃﺔ ﻛﺪﻩ ﻛﺈﻧﻪ ﻋﺎﺩﻱ ﺍﻧﻬﺎ ﺗﻘﻒ ﺗﻀﺤﻚ ﻭﺗﻬﺰﺭ ﻣﻊ ﺯﻣﻴﻠﻬﺎ ﺑﺎﻟﺸﻜﻞ ﺩﻩ ?

ﺟﺬﺑﺘﻬﺎ ﻧﻮﺭﺍ ﻣﻦ ﺫﺭﺍﻋﻬﺎ ﻗﺎﺋﻠﺔ ﻭﻫﻲ ﺗﺴﻴﺮ ﺑﺈﺗﺠﺎﻩ ﺍﻟﻤﻜﺎﻥ ﺍﻟﺬﻱ ﺗﻘﻒ ﺑﻪ ﻧﺎﺩﻳﺔ :

- ﺗﻌﺎﻟﻲ ﺑﺲ ﻧﺮﻭﺡ ﻋﻨﺪﻫﻢ ﺍﻷﻭﻝ ﻭﺑﻌﺪﻳﻦ ﻧﺒﻘﻰ ﻧﻌﺮﻑ ﻣﻴﻦ ﺩﻩ ... ﻭﻋﻨﺪﻣﺎ ﻭﺻﻠﺘﺎ ﺑﺎﻟﻔﻌﻞ ﺇﻟﻰ ﻣﻜﺎﻥ ﻧﺎﺩﻳﺔ ... ﺍﻟﻘﺖ ﻧﻮﺭﺍ ﺍﻟﺴﻼﻡ ﻟﺘﻠﺘﻔﺖ ﻧﺎﺩﻳﺔ ﻭﺗﻔﺎﺟﺊ ﺑﻮﺟﻮﺩﻫﻤﺎ .

- ﻧﺎﺩﻳﺔ ﺑﺪﻫﺸﺔ : ﻧﻮﺭﺍ ! ﺧﻴﺮ ﻳﺎ ﻧﻮﺭﺍ ﺇﻳﻪ ﺍﻟﻠﻲ ﺟﺎﻳﺒﻚ ﻫﻨﺎ

- ﻟﺒﻨﻰ ﺑﻀﻴﻖ : ﻃﻴﺐ ﺭﺩﻭﺍ ﺍﻟﺴﻼﻡ ﺍﻷﻭﻝ

ﺭﺩ ﺍﻟﺸﺎﺏ ﺍﻟﻮﺍﻗﻒ ﺇﻟﻰ ﺟﻮﺍﺭ ﻧﺎﺩﻳﺔ ﺍﻟﺴﻼﻡ ﺛﻢ ﺍﻟﺘﻔﺖ ﺇﻟﻴﻬﺎ ﻗﺎﺋﻼ :

- ﻣﺶ ﺗﻌﺮﻓﻴﻨﺎ ﻳﺎ ﻧﺎﺩﻭ

- ﻧﺎﺩﻳﺔ ﻭﻫﻲ ﺗﺸﻴﺮ ﺇﻟﻴﻪ ﻗﺎﺋﻠﺔ : ﺍﻋﺮﻓﻜﻮﺍ ﺳﺎﻣﺢ ﺯﻣﻴﻠﻲ ﻓﻲ ﺍﻟﻜﻠﻴﺔ ... ﻭﻳﺒﻘﻰ ﺍﺑﻦ ﺭﺟﻞ ﺍﻷﻋﻤﺎﻝ ﻧﺠﻴﺐ ﺍﻟﺤﺴﻴﻨﻲ ... ﺍﻛﻴﺪ ﺳﻤﻌﺘﻲ ﺍﻹﺳﻢ ﺩﻩ ﻗﺒﻞ ﻛﺪﻩ ... ﺛﻢ ﺃﺷﺎﺭﺕ ﺇﻟﻴﻬﻤﺎ ﻗﺎﺋﻠﺔ : ﻧﻮﺭﻫﺎﻥ ﺍﺧﺘﻲ ﻭﻟﺒﻨﻰ ﺑﻨﺖ ﻋﻤﻲ

ﻣﺪ ﺳﺎﻣﺢ ﻳﺪﻩ ﻟﻤﺼﺎﻓﺤﺔ ﻧﻮﺭﺍ ﻭﻫﻮ ﻳﺮﻣﻘﻬﺎ ﺑﻨﻈﺮﺍﺕ ﻣﻠﺘﻬﻤﺔ ... ﻓﺘﺼﻨﻌﺖ ﺍﻹﺑﺘﺴﺎﻣﺔ ﻭﻫﻲ ﺗﺠﻴﺒﻪ ﻗﺎﺋﻠﺔ ﺑﺒﺮﻭﺩ :

- ﺍﺳﻔﺔ ﻣﺎﺑﺴﻠﻤﺶ ﻋﻠﻲ ﺭﺟﺎﻟﺔ ... ﻭﻟﺒﻨﻰ ﻛﻤﺎﻥ ﺯﻳﻲ

- ﻧﻈﺮ ﺳﺎﻣﺢ ﺇﻟﻰ ﻳﺪﻩ ﺍﻟﻤﻤﺪﻭﺩﺓ ﻭﻗﺎﻝ ﺑﺤﺮﺝ :

- ﻭﻫﻮ ﺃﻧﺎ ﺭﺍﺟﻞ ﺑﺮﺿﻪ

- ﻧﻮﺭﺍ ﺑﺪﻫﺸﺔ : ﻧﻌﻢ

ﺳﺤﺐ ﻳﺪﻩ ﻭﻫﻮ ﻳﺠﻴﺒﻬﺎ ﻗﺎﺋﻼ :

- ﺍﻗﺼﺪ ﻳﻌﻨﻲ ﺃﻧﺎ ﻣﺶ ﺭﺍﺟﻞ ﻏﺮﻳﺐ ... ﺩﻩ ﺃﻧﺎ ﺍﺑﻘﻰ ﺻﺎﺣﺐ ﻧﺎﺩﻭ

ﺭﻣﻘﺘﻪ ﻟﺒﻨﻲ ﺑﻨﻈﺮﺓ ﻣﺸﻤﺌﺰﺓ ﺛﻢ ﻗﺎﻟﺖ ﺑﺈﺳﺘﻨﻜﺎﺭ :

- ﻭﺗﻄﻠﻊ ﻣﻴﻦ ﻧﺎﺩﻭ ﺩﻱ ﻛﻤﺎﻥ ?

ﺗﺪﺧﻠﺖ ﻧﺎﺩﻳﺔ ﻟﺘﻘﻮﻝ ﺑﺈﻧﻔﻌﺎﻝ :

- ﺟﺮﻯ ﺇﻳﻪ ﻳﺎ ﻧﻮﺭﺍ ﺍﻧﺘﻲ ﻭﻟﺒﻨﻲ ... ﻣﺎﻟﻜﻮﺍ ﺩﺍﺧﻠﻴﻦ ﻓﻴﻨﺎ ﺷﻤﺎﻝ ﻛﺪﻩ ﻟﻴﻪ ﻣﻦ ﺃﻭﻝ ﻣﺎ ﺟﻴﺘﻮﺍ ... ﺛﻢ ﺍﻧﺘﻢ ﺟﺎﻳﻴﻦ ﻫﻨﺎ ﻟﻴﻪ ﺍﺻﻼ ... ﺛﻢ ﻋﻘﺪﺕ ﺫﺭﺍﻋﻴﻬﺎ ﺃﻣﺎﻡ ﺻﺪﺭﻫﺎ ﻭﻗﺎﻟﺖ ﺑﺘﻬﻜﻢ :

- ﻣﻤﻜﻦ ﺍﻋﺮﻑ ﺇﻳﻪ ﺍﻟﻠﻲ ﺧﻠﻰ ﻧﻮﺍﺑﻎ ﻋﻴﻠﺔ ﺍﻟﺪﻣﻴﺎﻃﻲ ﻳﺘﻨﺎﺯﻟﻮﺍ ﻭﻳﺘﻮﺍﺿﻌﻮﺍ ﻭﻳﺸﺮﻓﻮﻧﺎ ﺑﺎﻟﺰﻳﺎﺭﺓ ﺍﻟﻨﻬﺎﺭﺩﺓ

- ﻧﻮﺭﺍ : ﻛﻨﺖ ﺟﺎﻳﺔ ﺍﻗﻮﻟﻚ ﻟﻮ ﺧﻠﺼﺘﻲ ﻳﻼ ﺑﻴﻨﺎ ﻧﺮﻭﺡ ﺳﻮﺍ

ﻧﺎﺩﻳﺔ ﺑﻨﺒﺮﺓ ﻻ ﺗﺨﻠﻮ ﻣﻦ ﺍﻟﺴﺨﺮﻳﺔ :

- ﺍﺯﺍﻱ ﻳﻌﻨﻲ ﻣﺶ ﻓﺎﻫﻤﺔ

ﺃﺟﺎﺑﺘﻬﺎ ﻟﺒﻨﻰ ﻗﺎﺋﻠﺔ ﺑﺤﺪﺓ :

- ﻫﻮ ﺇﻳﻪ ﺍﻟﻠﻲ ﻣﺶ ﻓﺎﻫﻤﺎﻩ ﺑﺎﻟﻈﺒﻂ ... ﺑﺘﻘﻮﻟﻚ ﻟﻮ ﻣﺮﻭﺣﺔ ﻳﻼ ﺑﻴﻨﺎ ... ﺻﻌﺒﺔ ﺍﻭﻱ ﺩﻱ

ﻧﺎﺩﻳﺔ ﺑﺤﺪﺓ ﻣﻤﺎﺛﻠﺔ :

- ﻭﺍﻧﺘﻲ ﻣﺎﻟﻚ ﺍﻧﺘﻲ ﻳﺎ ﺳﺖ ﻟﺒﻨﻰ ... ﻫﻴﺎ ﻛﺎﻧﺖ ﻋﻴﻨﺘﻚ ﺍﻟﻤﺤﺎﻣﻲ ﺑﺘﺎﻋﻬﺎ ﻭﻻ ﺣﺎﺟﺔ ? ﺛﻢ ﻧﺮﻭﺡ ﻣﻊ ﺑﻌﺾ ﺍﺯﺍﻱ ... ﺍﻧﺘﻲ ﻣﻌﺎﻛﻲ ﻋﺮﺑﻴﺘﻚ ﻭﺃﻧﺎ ﻣﻌﺎﻳﺎ ﻋﺮﺑﻴﺘﻲ .

ﻟﺒﻨﻰ ﺑﻨﻔﺎﺫ ﺻﺒﺮ :

- ﺗﺼﺪﻗﻲ ﺍﺣﻨﺎ ﻏﻠﻄﺎﻧﻴﻴﻦ ﺍﻧﻨﺎ ﺟﻴﻨﺎ ﻭﻻ ﻋﺒﺮﻧﺎﻛﻲ ﻣﻦ ﺍﺻﻠﻪ

ﺗﺪﺧﻞ ﺳﺎﻣﺢ ﻣﺤﺎﻭﻻ ﺗﻠﻄﻴﻒ ﺍﻷﺟﻮﺍﺀ :

- ﺇﻳﻪ ... ﻣﺎ ﺗﺼﻠﻮﺍ ﻋﻠﻰ ﺍﻟﻨﺒﻲ ﻳﺎ ﺟﻤﺎﻋﺔ ... ﻣﺎ ﺗﻘﻮﻟﻲ ﺣﺎﺟﺔ ﻳﺎ ﻧﻮﺭﺍ

ﻧﻈﺮﺕ ﺇﻟﻴﻪ ﻧﻮﺭﺍ ﺑﺈﺳﺘﻨﻜﺎﺭ ﺛﻢ ﺻﺎﺣﺖ ﻗﺎﺋﻠﺔ ﺑﺈﻧﻔﻌﺎﻝ :

- ﺃﻭﻻ ﻟﻤﺎ ﺣﻀﺮﺗﻚ ﺗﺤﺐ ﺗﻨﺎﺩﻳﻨﻲ ﻳﺒﻘﻰ ﺗﻨﺎﺩﻳﻨﻲ ﺑﺈﺳﻤﻲ ﻭﻗﺒﻞ ﻣﻨﻪ ﻛﻠﻤﺔ ﺃﻧﺴﺔ ... ﻭﺍﻇﻦ ﺍﻥ ﻧﺎﺩﻳﺔ ﻗﺎﻟﺘﻠﻚ ﻋﻠﻰ ﺇﺳﻤﻲ ... ﺛﺎﻧﻴﺎ ﻳﺎ ﺭﻳﺖ ﺣﻀﺮﺗﻚ ﺗﺨﻠﻴﻚ ﻓﻲ ﺣﺎﻟﻚ ﻭﻣﺎ ﺗﺘﺪﺧﻠﺶ ﻓﻲ ﺍﻟﻠﻲ ﻣﺎ ﻳﺨﺼﻜﺶ ... ﺛﺎﻟﺜﺎ ﺍﺣﻨﺎ ﻣﺎﺷﻴﻴﻦ ﻳﺎ ﻧﺎﺩﻳﺔ ﺟﺎﻳﺔ ﻣﻌﺎﻧﺎ ﻭﻻ ﻷ ?

ﻧﺎﺩﻳﺔ ﺑﺒﺮﻭﺩ : ﻷ ... ﺃﻧﺎ ﻟﺴﻪ ﻗﺎﻋﺪﺓ ﺷﻮﻳﺔ ﻣﻊ ﺳﺎﻣﺢ ... ﺍﺗﻔﻀﻠﻮﺍ ﺣﻀﺮﺍﺗﻜﻮﺍ

ﺗﻨﻬﺪﺕ ﻧﻮﺭﺍ ﺛﻢ ﻗﺎﻟﺖ ﺑﻬﺪﻭﺀ ﺟﺎﻫﺪﺕ ﻛﺜﻴﺮﺍ ﻟﺘﺼﻞ ﺇﻟﻴﻪ :

- ﻃﻴﺐ ﻟﻮ ﺳﻤﺤﺘﻲ ﻣﺎ ﺗﺘﺄﺧﺮﻳﺶ ﻋﺸﺎﻥ ﺍﺣﻨﺎ ﻣﺴﺎﻓﺮﻳﻦ ﺩﻣﻴﺎﻁ ﺃﺧﺮ ﺍﻟﻨﻬﺎﺭ ﻟﻮ ﻛﻨﺘﻲ ﻧﺎﺳﻴﺔ

ﻋﻘﺪﺕ ﻧﻮﺭﺍ ﺫﺭﺍﻋﻴﻬﺎ ﻭﻗﺎﻟﺖ ﺑﺘﻬﻜﻢ :

- ﻭﻣﺎﻟﻚ ﺑﺘﻘﻮﻟﻴﻬﺎ ﻛﺪﻩ ﻭﻛﺄﻧﻨﺎ ﺭﺍﻳﺤﻴﻦ ﺑﺎﺭﻳﺲ ﻣﺶ ﺩﻣﻴﺎﻁ ? ﺃﻧﺎ ﻧﻔﺴﻲ ﺍﻓﻬﻢ ﺳﺮ ﺍﻟﺴﻌﺎﺩﺓ ﺍﻟﻠﻲ ﺑﺘﻬﺒﻂ ﻋﻠﻴﻜﻮﺍ ﺩﻱ ﻟﻤﺎ ﺑﻨﻜﻮﻥ ﺭﺍﻳﺤﻴﻦ ﺩﻣﻴﺎﻁ .

ﺯﻓﺮﺕ ﻟﺒﻨﻰ ﺑﺸﺪﺓ ﺛﻢ ﻗﺎﻟﺖ ﺑﻀﻴﻖ :

- ﻭﻣﻤﻜﻦ ﺍﻓﻬﻢ ﺑﻘﻰ ﺩﻣﻴﺎﻁ ﻣﺶ ﻋﺎﺟﺒﺔ ﺳﻴﺎﺩﺗﻚ ﻓﻲ ﺇﻳﻪ ?

- ﻧﻮﺭﺍ : ﺃﻳﻮﻩ ﻳﺎ ﻧﺎﺩﻳﺔ ﺻﺤﻴﺢ ... ﺍﻧﺘﻲ ﻧﺎﺳﻴﺔ ﺍﻥ ﺩﻣﻴﺎﻁ ﺩﻱ ﺑﻠﺪﻧﺎ ﻓﻲ ﺍﻷﺳﺎﺱ ﻭﺑﻌﺪﻳﻦ ﺃﻧﺎ ﻟﻴﺎ ﻫﻨﺎﻙ ﺫﻛﺮﻳﺎﺕ ﺟﻤﻴﻠﺔ ﻣﻊ ﻣﺎﻣﺎ ﻓﻲ ﺑﻴﺖ ﺍﻟﻌﻴﻠﺔ ... ﻭﻋﺸﺎﻥ ﻛﺪﻩ ﺑﺤﺐ ﺍﺭﻭﺡ ﻫﻨﺎﻙ

- ﺃﻧﺎ ﺑﻘﻰ ﺃﻣﻲ ﻣﺎﺗﺖ ﻭﺃﻧﺎ ﻋﻨﺪﻱ ﺗﻠﺖ ﺳﻨﻴﻦ ﻳﻌﻨﻲ ﻣﺶ ﻓﺎﻛﺮﺍﻫﺎ ﻣﻦ ﺍﺻﻠﻪ ... ﻭﻣﺎﻟﻴﺶ ﺫﻛﺮﻳﺎﺕ ﻓﻲ ﺩﻣﻴﺎﻁ ﻣﻊ ﺣﺪ ... ﻭﻣﺎ ﺑﺤﺒﺶ ﺃﺭﻭﺡ ﻫﻨﺎﻙ ﻣﻦ ﺃﺳﺎﺳﻪ

ﺗﺪﺧﻞ ﺳﺎﻣﺢ ﻗﺎﺋﻼ ﻭﻫﻮ ﻳﺮﻣﻖ ﻧﻮﺭﺍ ﺑﻨﻈﺮﺍﺗﻪ :

- ﻟﻴﻪ ﻛﺪﻩ ﺑﺲ ﻳﺎ ﻧﺎﺩﻭ ... ﺩﻱ ﺣﺘﻰ ﺟﻤﻴﻠﺔ ﺍﻭﻱ

ﺳﺄﻟﺘﻪ ﻧﺎﺩﻳﺔ ﻗﺎﺋﻠﺔ ﺑﺈﻧﻔﻌﺎﻝ :

- ﻫﻴﺎ ﻣﻴﻦ ﺩﻱ ﻳﺎ ﺳﺎﻣﺢ ﺍﻟﻠﻲ ﺟﻤﻴﻠﺔ ?

- ﺳﺎﻣﺢ ﺑﻬﺪﻭﺀ : ﺣﻴﻜﻮﻥ ﻣﻴﻦ ﻳﻌﻨﻲ ﻳﺎ ﻧﺎﺩﻭ ! ﺩﻣﻴﺎﻁ ﻃﺒﻌﺎ

- ﻧﺎﺩﻳﺔ : ﺁﻩ ﺑﺤﺴﺐ

ﺟﺬﺑﺖ ﻟﺒﻨﻰ ﻧﻮﺭﺍ ﻣﻦ ﺫﺭﺍﻋﻬﺎ ﻭﻗﺎﻟﺖ ﺑﺤﺪﺓ :

- ﺍﺣﻨﺎ ﻣﺎﺷﻴﻴﻦ ... ﻋﻦ ﺍﺫﻧﻜﻮﺍ

ﺍﻧﺼﺮﻓﺖ ﻧﻮﺭﺍ ﻣﻊ ﻟﺒﻨﻰ ﺗﺸﻴﻌﻬﺎ ﻧﻈﺮﺍﺕ ﺳﺎﻣﺢ ﺍﻟﺬﻱ ﻣﺎ ﺃﻥ ﺍﺧﺘﻔﺖ ﻋﻦ ﻧﺎﻇﺮﻳﻪ ﺣﺘﻰ ﺍﻟﺘﻔﺖ ﺇﻟﻰ ﻧﺎﺩﻳﺔ ﻗﺎﺋﻼ :

- ﺇﻳﻪ ﺩﻩ ﻳﺎ ﻧﺎﺩﻭ ... ﺃﺧﺘﻚ ﺩﻱ ﻣﻦ ﺍﻟﻌﺼﺮ ﺍﻟﺤﺠﺮﻱ ﻭﻻ ﺇﻳﻪ ? ﻫﻮ ﻟﺴﻪ ﻓﻴﻪ ﺑﻨﺎﺕ ﻛﺪﻩ ... ﺩﻩ ﺃﻧﺎ ﻛﻨﺖ ﻓﺎﻛﺮ ﺍﻧﻬﻢ ﺍﻧﻘﺮﺿﻮﺍ ﺧﻼﺹ

- ﻧﺎﺩﻳﺔ ﺑﻼ ﻣﺒﺎﻻﺓ : ﺳﻴﺒﻚ ﻣﻨﻬﺎ ﻳﺎ ﺳﺎﻣﺢ ﺩﻱ ﻣﻌﻘﺪﺓ

ﺷﺮﺩ ﺳﺎﻣﺢ ﻗﻠﻴﻼ ﻟﻴﻘﻮﻝ ﺑﺼﻮﺕ ﻇﻦ ﺍﻥ ﻧﺎﺩﻳﺔ ﻟﻦ ﺗﺴﻤﻌﻪ :

- ﺑﺎﻟﻌﻜﺲ ﺩﻱ ﻋﺠﺒﺘﻨﻲ ﺍﻭﻱ

- ﻧﺎﺩﻳﺔ ﺑﺤﺪﺓ : ﻫﻴﺎ ﻣﻴﻦ ﺩﻱ ﻳﺎ ﺳﺎﻣﺢ ﺍﻟﻠﻲ ﻋﺠﺒﺎﻙ

ﺃﻓﺎﻕ ﺳﺎﻣﺢ ﻣﻦ ﺷﺮﻭﺩﻩ ﻭﺍﻧﺘﺒﻪ ﻟﻜﻠﻤﺎﺗﻪ ﺍﻟﺘﻲ ﻗﺎﻟﻬﺎ ﻣﻨﺬ ﻗﻠﻴﻞ ﻓﺎﺑﺘﺴﻢ ﻗﺎﺋﻼ :

- ﻫﻮ ﻓﻴﻪ ﺣﺪ ﻋﺎﺟﺒﻨﻲ ﻭﻻ ﻣﺎﻟﻲ ﻋﻴﻨﻲ ﻏﻴﺮﻙ ﺍﻧﺖ ﻳﺎ ﺟﻤﻴﻞ ........

ﻳﺘﺒﻊ

↚

ﻋﺎﺩﺕ ﻧﻮﺭﺍ ﺇﻟﻰ ﺍﻟﻔﻴﻼ ﻭﺑﺼﺤﺒﺘﻬﺎ ﻟﺒﻨﻲ ... ﻭﺩﻟﻔﺖ ﺇﻟﻰ ﻏﺮﻓﺘﻬﺎ ﻟﺘﻘﻮﻡ ﺑﺘﺤﻀﻴﺮ ﺣﻘﻴﺒﺘﻬﺎ ﺑﻴﻨﻤﺎ ﺟﻠﺴﺖ ﻟﺒﻨﻰ ﻋﻠﻰ ﻃﺮﻑ ﺍﻟﻔﺮﺍﺵ ﺗﻨﺘﻈﺮﻫﺎ ﻭﻫﻲ ﺗﺰﻓﺮ ﺑﻀﻴﻖ ﻭﺗﻬﺰ ﻗﺪﻣﻬﺎ ﻓﻲ ﻋﺼﺒﻴﺔ ... ﺍﻟﺘﻔﺘﺖ ﺇﻟﻴﻬﺎ ﻧﻮﺭﺍ ﻗﺎﺋﻠﺔ :

- ﻣﺎﻟﻚ ﻳﺎ ﺑﻨﺘﻲ ... ﺇﻳﻪ ﺍﻟﻠﻲ ﺣﺼﻞ

ﻧﻈﺮﺕ ﺇﻟﻴﻬﺎ ﻟﺒﻨﻰ ﺑﻄﺮﻑ ﻋﻴﻨﻬﺎ ﻭﻗﺎﻟﺖ ﺑﻀﺠﺮ :

- ﻳﻌﻨﻲ ﻣﺶ ﻋﺎﺭﻓﺔ ﻣﺎﻟﻲ ... ﻣﺎ ﺍﻟﺒﺮﻛﺔ ﻓﻲ ﺍﻟﺴﺖ ﻧﺎﺩﻭ ﻭﺍﻟﺠﺪﻉ ﺍﻟﻤﺴﺘﻔﺰ ﺍﻟﻠﻲ ﻛﺎﻥ ﻭﺍﻗﻒ ﻣﻌﺎﻫﺎ ﺩﻩ ... ﺩﻩ ﺃﻧﺎ ﻛﺎﻥ ﻫﺎﻳﻦ ﻋﻠﻴﺎ ﺍﺿﺮﺑﻪ ﺑﺤﺎﺟﺔ

ﺃﻭﻣﺄﺕ ﻧﻮﺭﺍ ﺑﺮﺃﺳﻬﺎ ﻣﺆﻛﺪﺓ ﻋﻠﻰ ﻛﻼﻡ ﻟﺒﻨﻰ ﻗﺒﻞ ﺃﻥ ﺗﻘﻮﻝ :

- ﻭﻣﻴﻦ ﺳﻤﻌﻚ ... ﺩﻩ ﺃﻧﺎ ﻛﺎﻥ ﻫﺎﻳﻦ ﻋﻠﻴﺎ ﺍﻃﺒﻖ ﻓﻲ ﺯﻣﺎﺭﺓ ﺭﻗﺒﺘﻪ ﻭﺍﻃﻠﻌﻬﺎ ﻓﺈﻳﺪﻱ ﻭﺍﺳﻴﺒﻪ ﻳﻤﺸﻲ ﻣﻦ ﻏﻴﺮ ﺯﻣﺎﺭﺓ ... ﺑﻨﻲ ﺍﺩﻡ ﺑﺠﺢ ﻭﻋﻴﻨﻪ ﺗﻨﺪﺏ ﻓﻴﻬﺎ ﺭﺻﺎﺻﺔ .

- ﻟﺒﻨﻲ ﺑﺈﺳﺘﻨﻜﺎﺭ : ﺃﻳﻮﻩ ... ﺃﻧﺎ ﻛﻤﺎﻥ ﺃﺧﺪﺕ ﺑﺎﻟﻲ ﺇﻧﻪ ﻛﺎﻥ ﻋﻤﺎﻝ ﻳﺒﺼﻠﻚ ﺑﻄﺮﻳﻘﺔ ﻣﺴﺘﻔﺰﺓ .... ﻭﺑﻌﺪﻳﻦ ﺍﺯﺍﻱ ﻧﺎﺩﻳﺔ ﺗﻘﻒ ﺗﻀﺤﻚ ﻭﺗﻬﺰﺭ ﻣﻌﺎﻩ ﻋﺎﺩﻱ ﻛﺪﻩ ﻭﺑﺎﻹﻳﺪ ﻛﻤﺎﻥ ... ﻷ ﻭﺗﺴﻤﺤﻠﻪ ﻛﻤﺎﻥ ﻳﻘﻮﻟﻬﺎ ﻳﺎ ﻧﺎﺩﻭ ... ﺇﻳﻪ ﺍﻟﺴﺨﺎﻓﺔ ﺩﻱ ... ﺛﻢ ﺷﺮﺩﺕ ﻗﻠﻴﻼ ﻭﺃﺧﺬﺕ ﺗﺤﺪﺙ ﻧﻔﺴﻬﺎ ﻗﺎﺋﻠﺔ ﺑﺈﺳﺘﻨﻜﺎﺭ ‏( ﺍﻟﻠﻪ ﻳﺴﺎﻣﺤﻚ ﻳﺎ ﻋﻠﻲ ﻳﺎ ﺃﺧﻮﻳﺎ ... ﻧﻔﺴﻲ ﺍﻓﻬﻢ ﺑﺘﺤﺐ ﻓﻴﻬﺎ ﺇﻳﻪ ﺑﺲ ‏)

ﺃﻓﺎﻗﺖ ﻣﻦ ﺷﺮﻭﺩﻫﺎ ﻋﻠﻰ ﺻﻮﺕ ﻧﻮﺭﺍ ﻭﻫﻲ ﺗﺤﺪﺛﻬﺎ ﻗﺎﺋﻠﺔ :

- ﺇﻳﻪ ﻳﺎ ﺑﻨﺘﻲ ﺭﺣﺘﻲ ﻓﻴﻦ ... ﺑﻜﻠﻤﻚ ﻣﺶ ﺑﺘﺮﺩﻱ ﻋﻠﻴﺎ ﻟﻴﻪ

- ﻟﺒﻨﻰ : ﻻ ﺃﻧﺎ ﻣﻌﺎﻛﻲ ﺁﻫﻮﻩ ... ﻛﻨﺘﻲ ﺑﺘﻘﻮﻟﻲ ﺣﺎﺟﺔ

ﺍﺑﺘﺴﻤﺖ ﻧﻮﺭﺍ ﻗﺎﺋﻠﺔ :

- ﻻ ﻭﺍﺿﺢ ﺍﻭﻱ ﺍﻧﻚ ﻛﻨﺘﻲ ﻣﻌﺎﻳﺎ ... ﺍﻧﺘﻲ ﺑﺘﺴﺮﺣﻲ ﻣﻦ ﺩﻟﻮﻗﺘﻲ ... ﻃﻴﺐ ﺍﺳﺘﻨﻲ ﻟﻤﺎ ﻧﺮﻭﺡ ﺩﻣﻴﺎﻁ ﻭﺍﺑﻘﻲ ﺍﺳﺮﺣﻲ ﻫﻨﺎﻙ ﺑﺮﺍﺣﺘﻚ

ﺍﻣﺴﻜﺖ ﻟﺒﻨﻰ ﺑﺎﻟﻮﺳﺎﺩﺓ ﺍﻟﻤﻮﺿﻮﻋﺔ ﺑﺠﻮﺍﺭﻫﺎ ﻋﻠﻰ ﺍﻟﻔﺮﺍﺵ ﻭﻗﺎﻟﺖ ﻣﺤﺬﺭﺓ ﻧﻮﺭﺍ :

- ﺑﺖ ﺍﻧﺘﻲ ... ﺣﺘﺴﻜﺘﻲ ﻭﻻ ﺍﺿﺮﺑﻚ ﺑﺎﻟﻤﺨﺪﺓ ﺩﻱ

ﻫﻤﺖ ﻧﻮﺭﺍ ﺃﻥ ﺗﺠﻴﺒﻬﺎ ﻭﻟﻜﻦ ﺻﻮﺕ ﻧﺎﺩﻳﺔ ﺍﺳﺘﻮﻗﻔﻬﺎ ﻟﺘﻘﻮﻝ ﺑﺠﺪﻳﺔ :

- ﺑﻘﻮﻟﻚ ﺇﻳﻪ ﻳﺎ ﻟﺒﻨﻰ ... ﻧﺎﺩﻳﺔ ﺑﺎﻳﻦ ﻋﻠﻴﻬﺎ ﺟﺖ ... ﺃﻧﺎ ﺣﺎﺭﻭﺡ ﺍﺗﻜﻠﻢ ﻣﻌﺎﻫﺎ ﻛﻠﻤﺘﻴﻦ ﻭﺍﺭﺟﻌﻠﻚ ﻋﺸﺎﻥ ﻧﺮﻭﺡ ﺍﻟﺒﻴﺖ ﻋﻨﺪﻛﻮﺍ ... ﺍﺳﺘﻨﻲ ﻫﻨﺎ ﻟﺤﺪ ﻣﺎ ﺍﺭﺟﻌﻠﻚ

- ﺑﻘﻮﻟﻚ ﺇﻳﻪ ﺍﻧﺘﻲ ... ﻣﺎﺗﻮﻓﺮﻱ ﻋﻠﻰ ﻧﻔﺴﻚ ﺍﻟﻜﻠﻤﺘﻴﻦ ﺍﻟﺒﺎﻳﺨﻴﻴﻦ ﺍﻟﻠﻲ ﺣﺘﺴﻤﻌﻴﻬﻢ ﻣﻨﻬﺎ ... ﻫﻴﺎ ﺣﺮﺓ ﻳﺎ ﺳﺘﻲ ﺗﻌﻤﻞ ﺍﻟﻠﻲ ﻫﻴﺎ ﻋﺎﻳﺰﺍﻩ

ﺍﺳﺘﺪﺍﺭﺕ ﻧﻮﺭﺍ ﻟﺘﺠﻴﺒﻬﺎ ﻗﺒﻞ ﺃﻥ ﺗﺨﺮﺝ ﻣﺘﺠﻬﺔ ﻟﻐﺮﻓﺔ ﻧﺎﺩﻳﺔ :

- ﺳﺎﻋﺘﻬﺎ ﺣﺎﺑﻘﻰ ﻋﻤﻠﺖ ﺍﻟﻠﻲ ﻋﻠﻴﺎ ... ﻭﺑﻌﺪﻳﻦ ﻳﺎ ﺳﺘﻲ ﺩﻱ ﺣﺘﻰ ﻟﻮ ﻣﺶ ﺃﺧﺘﻲ ... ﻓﺎﻟﺮﺳﻮﻝ ﻋﻠﻴﻪ ﺍﻟﺼﻼﺓ ﻭﺍﻟﺴﻼﻡ ﺑﻴﻘﻮﻝ ‏( ﺍﻟﺪﻳﻦ ﺍﻟﻨﺼﻴﺤﺔ ‏) ... ﻋﻠﻰ ﺍﻷﻗﻞ ﺍﺑﻘﻰ ﻧﺼﺤﺘﻬﺎ

- ﺧﻼﺹ ﺍﻧﺘﻲ ﺣﺮﺓ ... ﺑﺲ ﻛﺪﻩ ﺍﺑﻘﻰ ﺃﻧﺎ ﻛﻤﺎﻥ ﻧﺼﺤﺘﻚ ﺁﻫﻮﻩ

- ﻣﺎﺷﻲ ﻳﺎ ﻇﺮﻳﻔﺔ

ﺧﺮﺟﺖ ﻧﻮﺭﺍ ﻟﺘﻄﺮﻕ ﺑﺎﺏ ﻏﺮﻓﺔ ﻧﺎﺩﻳﺔ ﻭﺩﺧﻠﺖ ﻟﺘﺠﺪﻫﺎ ﻭﻗﺪ ﺍﻧﺘﻬﺖ ﻟﻠﺘﻮ ﻣﻦ ﺗﺒﺪﻳﻞ ﻣﻼﺑﺴﻬﺎ ... ﻧﻈﺮﺕ ﺇﻟﻴﻬﺎ ﻧﺎﺩﻳﺔ ﻭﻗﺎﻟﺖ ﺑﻐﻴﻆ ﺣﺎﻭﻟﺖ ﺃﻥ ﺗﺨﻔﻴﻪ :

- ﺧﻴﺮ ... ﻟﺴﻪ ﻓﻴﻪ ﺣﺎﺟﺔ ﻧﺴﻴﺘﻲ ﺗﻘﻮﻟﻴﻬﺎ ﻭﺟﺎﻳﺔ ﺩﻟﻮﻗﺘﻲ ﻋﺸﺎﻥ ﺗﻜﻤﻠﻴﻬﺎ

ﻫﺰﺕ ﻧﻮﺭﺍ ﺭﺃﺳﻬﺎ ﻓﻲ ﺃﺳﻒ ... ﻓﻠﻜﻢ ﺗﺤﻴﺮﻫﺎ ﺗﻠﻚ ﺍﻟﻄﺮﻳﻘﺔ ﺍﻟﺼﺎﺭﻣﺔ ﻭﺍﻟﺠﺎﻓﺔ ﺍﻟﺘﻲ ﺗﻌﺎﻣﻠﻬﺎ ﺑﻬﺎ ﻧﺎﺩﻳﺔ ... ﻭﻛﺄﻧﻬﻤﺎ ﻟﻴﺴﺎ ﺃﺧﺘﻴﻦ ... ﻭﻛﺄﻥ ﺍﻟﺪﻣﺎﺀ ﺍﻟﺘﻲ ﺗﺮﺑﻄﻬﻤﺎ ﻟﻴﺴﺖ ﻭﺍﺣﺪﺓ ... ﺩﺍﺋﻤﺎ ﻣﺎﺗﺴﻌﻰ ﻧﻮﺭﺍ ﺟﺎﻫﺪﺓ ﺇﻟﻰ ﺃﻥ ﺗﻘﺘﺮﺏ ﻣﻨﻬﺎ ﻭﺗﻜﺴﺐ ﻗﻠﺒﻬﺎ ... ﻓﻼ ﺗﺠﺪ ﻣﻨﻬﺎ ﺳﻮﺍ ﺍﻟﻨﻔﻮﺭ ﻭﺍﻟﺼﺪ ﺍﻟﺬﻱ ﺍﻋﺘﺎﺩﺗﻪ ﻣﻨﻬﺎ ﻧﻮﺭﺍ ﻭﺭﺑﻤﺎ ﺍﺩﻣﻨﺖ ﻧﺎﺩﻳﺔ ﻓﻌﻠﻪ ﻫﻲ ﺍﻷﺧﺮﻯ ... ﻟﻴﺲ ﻣﻊ ﻧﻮﺭﺍ ﻭﺣﺪﻫﺎ ... ﺑﻞ ﻣﻊ ﺍﻟﺠﻤﻴﻊ .

ﺃﺟﺎﺑﺘﻬﺎ ﻧﻮﺭﺍ ﺑﻨﺒﺮﺓ ﺗﺤﻤﻞ ﺍﻟﻜﺜﻴﺮ ﻣﻦ ﺍﻟﻠﻴﻦ ﻭﺍﻟﺮﺟﺎﺀ :

- ﺃﻧﺎ ﻧﻔﺴﻲ ﺍﻓﻬﻢ ﻳﺎ ﻧﺎﺩﻳﺔ ﺳﺮ ﺍﻟﻤﻌﺎﻣﻠﺔ ﺍﻟﻠﻲ ﺑﺘﻌﺎﻣﻠﻴﻬﺎﻟﻲ ﺩﻱ ﻭﻛﺄﻧﻲ ﻋﺪﻭﺗﻚ ... ﻟﻴﻪ ﻣﺎ ﺗﺤﺎﻭﻟﻴﺶ ﺗﻘﺮﺑﻲ ﻣﻨﻲ ﺯﻱ ﺃﻧﺎ ﻣﺎ ﺑﺎﺣﺎﻭﻝ ... ﻫﻮ ﺍﺣﻨﺎ ﻣﺶ ﺇﺧﻮﺍﺕ ﻳﺎ ﻧﺎﺩﻳﺔ ?

ﻋﻘﺪﺕ ﻧﺎﺩﻳﺔ ﺫﺭﺍﻋﻴﻬﺎ ﻭﻗﺎﻟﺖ ﺑﺠﻔﺎﺀ :

- ﺍﺣﻨﺎ ﺇﺧﻮﺍﺕ ﺑﺎﻹﺳﻢ ﺑﺲ ﻳﺎ ﻧﻮﺭﺍ ... ﻭﺗﺤﺪﻳﺪﺍ ﺇﺳﻢ ﺍﻷﺏ ... ﻭﻣﺎﺗﻄﻤﻌﻴﺶ ﻓﻲ ﺍﻛﺘﺮ ﻣﻦ ﻛﺪﻩ ﻓﻲ ﻳﻮﻡ ﻣﻦ ﺍﻷﻳﺎﻡ ... ﺃﻧﺎ ﻋﻤﺮﻱ ﻣﺎ ﺣﺎﻧﺴﻰ ﺍﻥ ﺃﻣﻚ ﻛﺎﻧﺖ ﺍﻟﺴﺒﺐ ﻓﻲ ﺣﺮﻣﺎﻥ ﺃﻣﻲ ﺍﻧﻬﺎ ﺗﻌﻴﺶ ﻣﻊ ﺃﺑﻮﻳﺎ ... ﻭﺑﺴﺒﺒﻬﺎ ﺑﺮﺿﻪ ﺍﻧﻄﺮﺩﺕ ﻣﻦ ﺑﻠﺪﻫﺎ ﻭﻋﺎﺷﺖ ﻷﺧﺮ ﺃﻳﺎﻣﻬﺎ ﻃﺮﻳﺪﺓ

- ﻧﺎﺩﻳﺔ ﺍﻧﺘﻲ ﻣﻘﺘﻨﻌﺔ ﺑﺎﻟﻜﻼﻡ ﺍﻟﻠﻲ ﺑﺘﻘﻮﻟﻴﻪ ﺩﻩ ... ﺗﻘﺪﺭﻱ ﺗﻘﻮﻟﻴﻠﻲ ﺃﻣﻲ ﺫﻧﺒﻬﺎ ﺇﻳﻪ ﺇﺫﺍ ﻛﺎﻥ ﺟﺪﻱ ﻫﻮ ﺍﻟﻠﻲ ﻃﺮﺩ ﻣﺎﻣﺘﻚ

- ﻭﻣﻴﻦ ﻗﺎﻟﻚ ﺇﻧﻲ ﻣﺶ ﺑﻜﺮﻫﻪ ﻫﻮ ﺍﻟﺘﺎﻧﻲ ... ﺃﻧﺎ ﺑﻜﺮﻩ ﺃﻱ ﺣﺪ ﻛﺎﻥ ﺍﻟﺴﺒﺐ ﻓﻲ ﻇﻠﻢ ﺃﻣﻲ

ﺳﺄﻣﺖ ﻧﻮﺭﺍ ﻣﻦ ﻫﺬﻩ ﺍﻟﻤﻨﺎﻗﺸﺔ ﺍﻟﺴﺨﻴﻔﺔ ﺍﻟﺘﻲ ﻻ ﻃﺎﺋﻞ ﻣﻦ ﻭﺭﺍﺋﻬﺎ ... ﻓﻬﻲ ﺗﻌﻠﻢ ﺟﻴﺪﺍ ﺃﻥ ﻧﺎﺩﻳﺔ ﻟﻦ ﺗﺘﺰﺣﺰﺡ ﺍﺑﺪﺍ ﻋﻦ ﻣﻮﻗﻔﻬﺎ ﻭﻋﻦ ﺭﺃﻳﻬﺎ ﺍﻟﺬﻱ ﻛﻮﻧﺘﻪ ﺑﻌﺪ ﺃﻥ ﻋﻠﻤﺖ ﺑﺎﻟﻘﺼﺔ ﻛﺎﻣﻠﺔ ﻣﻦ ﺗﻠﻚ ﺍﻟﻤﺮﺃﺓ ﻗﺮﻳﺒﺔ ﻭﺍﻟﺪﺗﻬﺎ ﺍﻟﺘﻲ ﺫﻫﺒﺖ ﺇﻟﻴﻬﺎ ﺑﻌﺪ ﺗﺮﻛﻬﺎ ﺩﻣﻴﺎﻁ ... ﻭﺍﻟﺘﻲ ﻇﻠﺖ ﻧﺎﺩﻳﺔ ﺗﺰﻭﺭﻫﺎ ﺑﺈﺳﺘﻤﺮﺍﺭ ﻛﺄﺧﺮ ﻣﻦ ﺗﺒﻘﻰ ﻟﻬﺎ ﻣﻦ ﺟﺎﻧﺐ ﻭﺍﻟﺪﺗﻬﺎ ﺣﺘﻰ ﻭﻓﺎﺗﻬﺎ ﻣﺆﺧﺮﺍ ... ﻗﺎﻟﺖ ﻭﻫﻲ ﺗﺤﺎﻭﻝ ﺗﻐﻴﻴﺮ ﺍﻟﻤﻮﺿﻮﻉ :

- ﻋﻤﻮﻣﺎ ﻳﺎ ﻧﺎﺩﻳﺔ ﺩﻩ ﻣﺶ ﻣﻮﺿﻮﻋﻨﺎ ... ﺃﻧﺎ ﺟﺎﻳﺔ ﺃﻗﻮﻟﻚ ﻳﺎﺭﻳﺖ ﺗﺒﻌﺪﻱ ﻋﻦ ﺍﻟﺒﻨﻲ ﺍﺩﻡ ﺍﻟﻠﻲ ﺷﻮﻓﺘﻪ ﻣﻌﺎﻛﻲ ﺍﻟﻨﻬﺎﺭﺩﺓ ﺩﻩ

- ﻧﺎﺩﻳﺔ ﺑﺘﻬﻜﻢ : ﻟﻴﻪ ﺑﻘﻰ ﺇﻥ ﺷﺎﺀﺍﻟﻠﻪ ?

- ﻷﻥ ﺷﻜﻠﻪ ﻣﺶ ﻣﻈﺒﻮﻁ ﺧﺎﻟﺺ ﻳﺎ ﻧﺎﺩﻳﺔ ﻧﻈﺮﺍﺗﻪ ﻭﻃﺮﻳﻘﺔ ﻛﻼﻣﻪ ﺟﺮﻳﺌﺔ ﻭﻣﺴﺘﻔﺰﺓ

- ﺍﻟﻠﻲ ﺣﻀﺮﺗﻚ ﺑﺘﺘﻜﻠﻤﻲ ﻋﻨﻪ ﺩﻩ ﻳﺒﻘﻰ ﺍﺑﻦ ﻣﻠﻴﺎﺭﺩﻳﺮ ... ﻭﻣﺴﻢﻳﻴﻨﻪ ﺩﻭﻥ ﺟﻮﺍﻥ ﺍﻟﺠﺎﻣﻌﺔ ﻭﺍﻟﺒﻨﺎﺕ ﻛﻠﻬﺎ ﻋﻨﺪﻧﺎ ﻓﻲ ﺍﻟﻜﻠﻴﺔ ﺣﺘﻤﻮﺕ ﻋﺸﺎﻥ ﻧﻈﺮﺓ ﺭﺿﺎ ﻣﻨﻪ ... ﺗﺨﻴﻠﻲ ﺑﻘﻰ ﺇﻧﻪ ﺳﺎﺑﻬﻢ ﻛﻠﻬﻢ ﻭﺃﺧﺘﺎﺭﻧﻲ ﺃﻧﺎ .. ﺭﻏﻢ ﺍﻥ ﺃﻧﺎ ﻛﻤﺎﻥ ﻧﺎﺩﻳﺔ ﺻﻔﻮﺕ ﻣﺶ ﺃﻱ ﺣﺪ ... ﻳﻌﻨﻲ ﺍﻧﺎ ﻭﻫﻮ ﻣﻨﺎﺳﺒﻴﻴﻦ ﻟﺒﻌﺾ ﺟﺪﺍ

- ﻭﻣﺎﻟﻚ ﺑﺘﺘﻜﻠﻤﻲ ﻛﺪﻩ ﻛﺄﻧﻨﺎ ﻣﺶ ﻻﻗﻴﻴﻦ ﻧﺎﻛﻞ ... ﻭﺣﺘﻰ ﻟﻮ ﻣﺶ ﻻﻗﻴﻴﻦ ﻧﺎﻛﻞ ﺩﻩ ﺑﺮﺿﻪ ﻣﺶ ﻣﺒﺮﺭ ﻳﻌﻨﻲ ﻟﻠﻲ ﺑﺘﻘﻮﻟﻴﻪ ﺩﻩ ... ﻭﺑﻌﺪﻳﻦ ﻫﻮ ﺍﻟﺮﺍﺟﻞ ﺍﻷﻳﺎﻡ ﺩﻱ ﺑﻴﺘﺤﻜﻢ ﻋﻠﻴﻪ ﻣﻦ ﺷﻜﻠﻪ

- ﻭﻟﻮ ﻗﻠﺘﻠﻚ ﺇﻧﻪ ﺑﻴﺤﺒﻨﻲ

- ﻟﻮ ﺑﻴﺤﺒﻚ ﺑﺠﺪ ﻛﺎﻥ ﻫﻴﺒﻘﻰ ﺃﻭﻝ ﻭﺍﺣﺪ ﻳﺤﺎﻓﻆ ﻋﻠﻴﻜﻲ ... ﻭﻛﺎﻥ ﺣﻴﺠﻴﺐ ﻭﺍﻟﺪﻩ ﻭﻳﻴﺠﻲ ﻳﻄﻠﺒﻚ ﻣﻦ ﺑﺎﺑﺎ ﺧﺼﻮﺻﺎ ﺇﻥ ﻣﺎﻓﻴﺶ ﺣﺎﺟﺔ ﺗﻤﻨﻌﻪ ... ﺇﻧﻤﺎ ﺑﺎﻟﻀﺤﻚ ﻭﺍﻟﻬﺰﺍﺭ ﻭﺍﻟﻜﻼﻡ ﺍﻟﻔﺎﺭﻍ ﺩﻩ ﻋﻤﺮ ﺭﺑﻨﺎ ﻣﺎ ﺣﻴﺒﺎﺭﻛﻠﻜﻮﺍ ﻭﻻ ﻳﺠﻤﻊ ﺑﻴﻨﻜﻮﺍ ... ﻣﺎﻋﻨﺪ ﺍﻟﻠﻪ ﻻ ﻳﺪﺭﻙ ﺇﻻ ﺑﻄﺎﻋﺘﻪ ﻳﺎ ﻧﺎﺩﻳﺔ

ﺯﻓﺮﺕ ﻧﺎﺩﻳﺔ ﺑﺸﺪﺓ ﺛﻢ ﻗﺎﻟﺖ ﺑﻨﻔﺎﺫ ﺻﺒﺮ :

- ﻳﺎﺭﺑﻲ ... ﻛﺄﻥ ﻃﻨﻂ ﺻﻔﻴﺔ ﺑﺸﺤﻤﻬﺎ ﻭﻟﺤﻤﻬﺎ ﻭﺍﻗﻔﺔ ﺍﺩﺍﻣﻲ ... ﻧﻔﺲ ﺍﻟﻤﻮﺍﻇﻊ ﻭﺍﻟﺤﻜﻢ ﻭﺍﻟﻨﺼﺎﻳﺢ ﺍﻟﻠﻲ ﻣﺎﺑﺘﺨﻠﺼﺶ

- ﻃﻴﺐ ﺍﻟﺤﻤﺪ ﻟﻠﻪ ... ﺩﻩ ﺩﻟﻴﻞ ﺇﻧﻲ ﺧﺎﻳﻔﺔ ﻋﻠﻴﻜﻲ ﺑﺎﻟﻈﺒﻂ ﺯﻱ ﻣﺎﻣﺎ ﺍﻟﻠﻪ ﻳﺮﺣﻤﻬﺎ ﻣﺎ ﻛﺎﻧﺖ ﺑﺘﺨﺎﻑ ﻋﻠﻴﻜﻲ

- ﻧﺎﺩﻳﺔ ﺑﻀﻴﻖ : ﺑﺲ ﻭﻗﺘﻬﺎ ﺃﻧﺎ ﻛﻨﺖ ﺻﻐﻴﺮﺓ ... ﺛﻢ ﺇﻥ ﻃﻨﻂ ﺻﻔﻴﺔ ﺩﻱ ﻛﺎﻧﺖ ﻣﺮﺍﺕ ﺑﺎﺑﺎ ﻟﻜﻦ ﺍﻧﺘﻲ ﺑﻘﻰ ﻣﺶ ﻭﺻﻴﺔ ﻋﻠﻴﻪ ... ﻭﻋﺸﺎﻥ ﺍﺭﻳﺤﻚ ﺃﻧﺎ ﻭﺳﺎﻣﺢ ﺑﻨﺤﺐ ﺑﻌﺾ ﻭﺣﻨﺘﺠﻮﺯ ﺇﻥ ﺷﺎﺀﺍﻟﻠﻪ ﻟﻤﺎ ﻧﺨﻠﺺ ﻛﻠﻴﺔ ﺍﻟﺴﻨﺎﺩﻱ

ﻋﻘﺪﺕ ﻧﻮﺭﺍ ﺟﺒﻴﻨﻬﺎ ﻓﻲ ﺩﻫﺸﺔ ﻗﺎﺋﻠﺔ :

- ﻫﻮ ﺍﺯﺍﻱ ﺳﺎﻣﺢ ﺩﻩ ﻓﻜﻠﻴﺔ ﺍﺻﻼ ? ﺩﻩ ﺷﻜﻠﻪ ﺍﻛﺒﺮ ﻣﻨﻨﺎ ﺑﻜﺘﻴﺮ

- ﻹﻧﻪ ﺑﻘﺎﻟﻪ ﻛﺬﺍ ﺳﻨﺔ ﻓﻲ ﺳﻨﺔ ﺭﺍﺑﻌﺔ ﻭﻣﺎ ﺧﻠﺼﻬﺎﺵ

ﺍﺑﺘﺴﻤﺖ ﻧﻮﺭﺍ ﻗﺎﺋﻠﺔ ﺑﺴﺨﺮﻳﺔ :

- ﻭﻛﻤﺎﻥ ﻓﺎﺷﻞ ﻓﻲ ﺩﺭﺍﺳﺘﻪ ... ﺍﻧﻌﻢ ﻭﺍﻛﺮﻡ

- ﺳﺎﻣﺢ ﻣﺶ ﻓﺎﺷﻞ ... ﻛﻞ ﺍﻟﺤﻜﺎﻳﺔ ﺇﻧﻪ ﻣﺶ ﻋﺎﻳﺰ ﻳﻨﺠﺢ ﺩﻟﻮﻗﺘﻲ ﻋﺸﺎﻥ ﻣﺎﻳﺨﻠﺼﺶ ﺍﻟﻜﻠﻴﺔ ﻭﻳﺪﺧﻞ ﺍﻟﺠﻴﺶ

ﺍﺯﺩﺍﺩﺕ ﻧﺒﺮﺓ ﺍﻟﺴﺨﺮﻳﺔ ﻓﻲ ﺻﻮﺗﻬﺎ ﻭﻫﻲ ﺗﺠﻴﺒﻬﺎ ﻗﺎﺋﻠﺔ :

- ﻓﻌﻼ ... ﺍﻟﻠﻲ ﺯﻱ ﺩﻩ ﻣﺎ ﻳﻨﻔﻌﺶ ﻳﺪﺧﻞ ﺟﻴﺶ ... ﺍﻟﺠﻴﺶ ﺩﻩ ﻟﻠﺮﺟﺎﻟﺔ ﻭﺑﺲ ... ﻭﺍﺿﺢ ﺇﻧﻪ ﻛﺎﻥ ﻋﻨﺪﻩ ﺣﻖ ﻟﻤﺎ ﻗﺎﻟﻲ ﻫﻮ ﺃﻧﺎ ﺭﺍﺟﻞ ﺑﺮﺿﻪ

ﻧﻬﺮﺗﻬﺎ ﻧﺎﺩﻳﺔ ﻗﺎﺋﻠﺔ ﺑﺤﺪﺓ :

↚

- ﺍﺣﺘﺮﻣﻲ ﻧﻔﺴﻚ ﻳﺎ ﻧﻮﺭﺍ ... ﻭﺍﺗﻔﻀﻠﻲ ﺑﻘﻰ ﻋﺸﺎﻥ ﻋﺎﻳﺰﺓ ﺍﺭﺗﺎﺡ ﺷﻮﻳﺔ ﻗﺒﻞ ﻣﺎﻧﺴﺎﻓﺮ

- ﻳﻌﻨﻲ ﺑﺮﺿﻪ ﻣﺼﻤﻤﺔ ﺍﻧﻚ ﺗﻜﻠﻤﻲ ﺍﻟﻮﺍﺩ ﺍﻟﻬﺎﻳﻒ ﺩﻩ ﻳﺎ ﻧﺎﺩﻳﺔ ?

- ﻗﻮﻟﺘﻠﻚ ﺍﺣﺘﺮﻣﻲ ﻧﻔﺴﻚ ... ﻭﺑﻌﺪﻳﻦ ﻳﺎ ﺣﺒﻴﺒﺘﻲ ... ﺍﻟﻬﺎﻳﻒ ﺩﻩ ﺍﺣﺴﻦ ﻣﻴﺔ ﻣﺮﺓ ﻣﻦ ﺍﻟﻤﻌﻘﺪ ﺑﺘﺎﻋﻚ

ﺍﺯﺩﺭﺩﺕ ﻧﻮﺭﺍ ﻟﻌﺎﺑﻬﺎ ﺑﺼﻌﻮﺑﺔ ﻭﻗﺎﻟﺖ ﺑﺈﺭﺗﺒﺎﻙ :

- ﻭﻳﻄﻠﻊ ﻣﻴﻦ ﺍﻟﻤﻌﻘﺪ ﺩﻩ ﻛﻤﺎﻥ ?

- ﺍﻭﻋﻲ ﺗﻜﻮﻧﻲ ﻓﺎﻛﺮﺍﻧﻲ ﻫﺒﻠﺔ ﻭﻣﺶ ﻭﺍﺧﺪﺓ ﺑﺎﻟﻲ ﺍﻧﻚ ﺑﺘﺤﺒﻲ ﻋﻠﻲ ﺍﺑﻦ ﻋﻤﻲ ﻋﺰﺕ ... ﺑﺲ ﻋﻤﻮﻣﺎ ﺍﻧﺘﻮﺍ ﺍﻻﺗﻨﻴﻦ ﻻﻳﻘﻴﻦ ﻋﻠﻰ ﺑﻌﺾ ﺍﻭﻱ ... ﻣﻌﻘﺪﻳﻦ ﺯﻱ ﺑﻌﺾ ﺑﺎﻟﻈﺒﻂ ... ﺣﺘﺒﻘﻮﺍ ﻛﺎﺑﻞ ﻫﺎﻳﻞ ﺑﺼﺮﺍﺣﺔ

ﻟﻢ ﺗﺠﺪ ﻧﻮﺭﺍ ﺟﺪﻭﻯ ﻣﻦ ﺍﻟﻤﻨﺎﻗﺸﺔ ﻓﺎﻧﺴﺤﺒﺖ ﻗﺎﺋﻠﺔ :

- ﺧﻼﺹ ﻳﺎ ﻧﺎﺩﻳﺔ ﺍﻧﺘﻲ ﺣﺮﺓ ... ﺑﺲ ﺻﺪﻗﻴﻨﻲ ﺃﻧﺎ ﺑﺪﻋﻲ ﺭﺑﻨﺎ ﺇﻧﻪ ﻳﺨﻴﺐ ﻇﻨﻲ ﻭﻳﻄﻠﻊ ﺳﺎﻣﺢ ﺩﻩ ﺇﻧﺴﺎﻥ ﻛﻮﻳﺲ ... ﻋﻦ ﺇﺫﻧﻚ

ﺑﻌﺪ ﺳﺎﻋﺎﺕ ﻣﻦ ﺍﻟﺴﻔﺮ ﻛﺎﻧﺖ ﺳﻴﺎﺭﺓ ﺻﻔﻮﺕ ﻭﺍﻟﺘﻲ ﻳﺮﻛﺒﻬﺎ ﻛﻞ ﻣﻦ ﺻﻔﻮﺕ ﻭﻧﺎﺩﻳﺔ ﻭﺳﻴﺎﺭﺓ ﻧﻮﺭﺍ ﻭﺍﻟﺘﻲ ﺗﻘﻞ ﻛﻞ ﻣﻦ ﻧﻮﺭﺍ ﻭﺳﻤﻴﺔ ﻭﻟﺒﻨﻰ ﻭﻟﻤﻴﺎﺀ ﺗﻘﻒ ﺃﻣﺎﻡ ﻣﻨﺰﻝ ﺣﺎﻣﺪ ﺍﻟﺪﻣﻴﺎﻃﻲ ﻭﻳﺘﺮﺟﻞ ﺍﻟﺠﻤﻴﻊ ﻟﻴﺪﻟﻔﻮﺍ ﻣﻌﺎ ﺇﻟﻲ ﺣﺪﻳﻘﺔ ﺍﻟﻤﻨﺰﻝ ﺍﻟﺘﻲ ﻛﺎﻧﺖ ﺗﺘﻤﻴﺰ ﺑﻤﺴﺎﺣﺘﻬﺎ ﺍﻟﻮﺍﺳﻌﺔ ﻭﺇﺣﺘﻮﺍﺋﻬﺎ ﻟﻌﺪﺩ ﻛﺒﻴﺮ ﻣﻦ ﺃﻧﻮﺍﻉ ﺍﻟﻮﺭﻭﺩ ﺍﻟﻤﺨﺘﻠﻔﺔ ﻭﺗﻘﻊ ﺃﻣﺎﻡ ﻣﺪﺧﻞ ﺍﻟﻤﻨﺰﻝ ﺍﻟﺬﻱ ﻛﺎﻥ ﻳﺘﻜﻮﻥ ﻣﻦ ﺛﻼﺛﺔ ﻃﻮﺍﺑﻖ ... ﻳﻘﻄﻦ ﺑﺎﻟﻄﺎﺑﻖ ﺍﻷﻭﻝ ﺍﻟﺬﻱ ﻛﺎﻥ ﺳﻜﻨﺎ ﻟﺤﺎﻣﺪ ﻭﺯﻭﺟﺘﻪ ﺃﻟﻔﺖ ﻭﺍﺑﻨﺎﺋﻬﺎ ... ﻭﺍﻟﺜﺎﻧﻲ ﺗﻘﻊ ﺑﻪ ﺷﻘﺔ ﻋﺰﺕ ﻭﺑﺎﻷﺧﻴﺮ ﺷﻘﺔ ﺻﻔﻮﺕ ... ﺑﻌﺪ ﺍﻟﺴﻼﻡ ﻭﺗﺒﺎﺩﻝ ﺍﻷﺣﻀﺎﻥ ﻭﺍﻟﻘﺒﻼﺕ ﺑﻴﻦ ﺍﻟﺠﻤﻴﻊ ﻭﺇﻥ ﺑﻘﻴﺖ ﺍﻟﻘﻠﻮﺏ ﻛﺼﻨﺎﺩﻳﻖ ﻣﻐﻠﻘﺔ ﻻ ﻳﻌﻠﻢ ﻣﺎ ﺑﺪﺍﺧﻠﻬﺎ ﺳﻮﺍ ﺍﻟﻤﻮﻟﻰ ﺳﺒﺤﺎﻧﻪ ﻭﺗﻌﺎﻟﻰ ... ﺍﺗﺠﻪ ﺍﻟﺠﻤﻴﻊ ﺇﻟﻰ ﻏﺮﻓﻬﻢ ﻷﺧﺬﻗﺴﻂ ﻣﻦ ﺍﻟﺮﺍﺣﺔ ﻋﻠﻰ ﺃﻥ ﻳﺴﺘﻴﻘﻈﻮﺍ ﺟﻤﻴﻌﺎ ﻓﻲ ﺍﻟﺼﺒﺎﺡ ﻟﺘﻨﺎﻭﻝ ﺍﻹﻓﻄﺎﺭ ﻣﻌﺎ ... ﻭﻗﺒﻴﻞ ﺍﻟﻔﺠﺮ ﺑﻘﻠﻴﻞ ﺍﺳﺘﻴﻘﻆ ﺻﻔﻮﺕ ﻟﻠﺬﻫﺎﺏ ﺇﻟﻰ ﺍﻟﻤﺴﺠﺪ ﻭﺗﻮﺿﺄﺛﻢ ﻫﺒﻂ ﺍﻟﺪﺭﺝ ﻓﻲ ﻃﺮﻳﻘﻪ ﺇﻟﻰ ﺍﻟﺨﺎﺭﺝ ﻟﻴﺠﺪ ﻋﻠﻲ ﻭﺃﺣﻤﺪ ﻭﺃﺩﻫﻢ ﺑﺈﻧﺘﻈﺎﺭﻩ ... ﺫﻫﺐ ﺍﻟﺠﻤﻴﻊ ﺇﻟﻰ ﺍﻟﻤﺴﺠﺪ ﻭﻗﺎﻣﻮﺍ ﺑﺄﺩﺍﺀ ﺍﻟﺼﻼﺓ ... ﻭﺑﻌﺪ ﺍﻟﻌﻮﺩﺓ ﺍﺳﺘﺄﺫﻥ ﺻﻔﻮﺕ ﻟﻴﺼﻌﺪ ﺇﻟﻲ ﻏﺮﻓﺘﻪ ﺛﻢ ﺗﺒﻌﻪ ﺍﺩﻫﻢ ﺍﻟﺬﻱ ﻳﺠﺪ ﻓﻲ ﺍﻟﻨﻮﻡ ﺍﻛﺒﺮ ﻣﺘﻌﻪ ﻟﻴﺒﻘﻰ ﺍﺣﻤﺪ ﻭﻋﻠﻲ ﺑﻤﻔﺮﺩﻫﻤﺎ ﻣﻌﺎ ﻓﻲ ﺣﺪﻳﻘﺔ ﺍﻟﻤﻨﺰﻝ ... ﺑﺎﺩﺭ ﺍﺣﻤﺪ ﺑﺎﻟﺤﺪﻳﺚ ﻗﺎﺋﻼ :

- ﺇﻳﻪ ﻳﺎ ﻋﻠﻲ ﻣﺶ ﺣﺘﻄﻠﻊ ﺗﻨﺎﻡ ﺍﻧﺖ ﻛﻤﺎﻥ ﻭﻻ ﺇﻳﻪ ?

ﻫﺰ ﻋﻠﻲ ﺭﺃﺳﻪ ﻧﺎﻓﻴﺎ ﺛﻢ ﻗﺎﻝ ﺑﺠﺪﻳﺔ :

- ﻻ ﻳﺎ ﺃﺣﻤﺪ ... ﺃﻧﺎ ﻛﻨﺖ ﻋﺎﻳﺰ ﺍﻗﻌﺪ ﺍﺗﻜﻠﻢ ﻣﻌﺎﻙ ﺷﻮﻳﺔ ﻟﻮ ﻣﺎﻛﻨﺘﺶ ﺍﻧﺖ ﻋﺎﻳﺰ ﺗﻨﺎﻡ

- ﻻ ﺍﻃﻤﻦ ... ﺃﻧﺎ ﻋﺎﺩﺓ ﻣﺶ ﺑﺄﻧﺎﻡ ﺑﻌﺪ ﺻﻼﺓ ﺍﻟﻔﺠﺮ ... ﺗﻌﺎﻟﻰ ﻧﻘﻌﺪ ﻭﻧﺘﻜﻠﻢ ﻋﺸﺎﻥ ﺃﻧﺎ ﻛﻤﺎﻥ ﻋﺎﻳﺰ ﺍﺗﻜﻠﻢ ﻣﻌﺎﻙ ﻷﻥ ﺑﺼﺮﺍﺣﺔ ﺷﻜﻠﻚ ﻣﺶ ﻣﺮﻳﺤﻨﻲ ﻣﻦ ﺳﺎﻋﺔ ﻣﺎ ﺟﻴﺖ .

ﺍﺗﺠﻪ ﻋﻠﻲ ﻭﺍﺣﻤﺪ ﺇﻟﻰ ﺍﺣﺪ ﺍﻟﻄﺎﻭﻻﺕ ﺍﻟﻤﻮﺟﻮﺩﺓ ﺑﺎﻟﺤﺪﻳﻘﺔ ﺛﻢ ﺟﻠﺴﺎ ﻣﻌﺎ ﺍﻣﺎﻣﻬﺎ ... ﻧﻈﺮ ﺍﺣﻤﺪ ﺇﻟﻰ ﻋﻠﻲ ﻧﻈﺮﺓ ﻣﻄﻮﻟﺔ ﻣﺤﺎﻭﻻ ﻓﻴﻬﺎ ﺳﺒﺮ ﺃﻏﻮﺍﺭﻩ ﻭﺇﺳﺘﺸﻔﺎﻑ ﻣﺎ ﺑﺪﺍﺧﻠﻪ ... ﺛﻢ ﻗﺎﻝ ﺑﺠﺪﻳﺔ :

- ﺍﺩﻳﻨﺎ ﻗﻌﺪﻧﺎ ﻳﺎ ﺳﻴﺪﻱ ... ﻣﺎﻟﻚ ﺑﻘﻰ ﻓﻴﻚ ﺇﻳﻪ ﻳﺎ ﺻﺎﺣﺒﻲ ... ﺇﻳﻪ ﺍﻟﻠﻲ ﻣﻀﺎﻳﻘﻚ ﺑﺎﻟﻈﺒﻂ ? ﺃﻧﺎ ﻣﺎﺭﺿﺘﺶ ﺍﺿﻐﻂ ﻋﻠﻴﻚ ﻣﻦ ﺳﺎﻋﺔ ﻣﺎ ﺟﻴﺖ ﻭﻻ ﺍﺳﺄﻟﻚ ﻓﻴﻪ ﺇﻳﻪ ... ﻗﻮﻟﻲ ﺑﻘﻰ ... ﻫﻴﺎ ﻟﺴﻪ ﻃﻨﻂ ﺳﻤﻴﺔ ﺑﺘﻀﻐﻂ ﻋﻠﻴﻚ ﻋﺸﺎﻥ ﻣﻮﺿﻮﻉ ﻧﻮﺭﺍ ?

- ﻫﻴﺎ ﻣﺶ ﻣﺴﺄﻟﺔ ﺑﺘﻀﻐﻂ ﻋﻠﻴﺎ ﻳﺎ ﺃﺣﻤﺪ ... ﺍﻟﻠﻲ ﺗﺎﻋﺒﻨﻲ ﺇﻧﻲ ﻋﺎﺭﻑ ﻫﻴﺎ ﻧﻔﺴﻬﺎ ﺇﻧﻲ ﺍﺗﺠﻮﺯ ﻧﻮﺭﻫﺎﻥ ﺍﺩ ﺇﻳﻪ ﻭﺃﻧﺎ ﻣﺶ ﻗﺎﺩﺭ ﺍﺣﻘﻘﻠﻬﺎ ﺍﻟﺮﻏﺒﺔ ﺩﻱ ... ﻣﺶ ﺫﻧﺒﻲ ﺍﻥ ﺃﺧﺘﻬﺎ ﻭﺻﺘﻬﺎ ﺑﻜﺪﻩ ... ﻭﻣﺶ ﺫﻧﺒﻲ ﻛﻤﺎﻥ ﺇﻧﻲ ﺑﺤﺐ ﻧﺎﺩﻳﺔ

- ﻣﺎﻫﻲ ﻣﻌﺬﻭﺭﺓ ﺑﺮﺿﻪ ﻳﺎ ﻋﻠﻲ ... ﺛﻢ ﺍﻧﺖ ﻛﻤﺎﻥ ﻋﻠﻴﻚ ﺣﺎﺟﺎﺕ ﻏﺮﻳﺒﺔ ... ﺍﺯﺍﻱ ﺗﺒﻘﻰ ﺍﺩﺍﻣﻚ ﻭﺍﺣﺪﺓ ﺯﻱ ﻧﻮﺭﺍ ﻭﺗﻔﻜﺮ ﺗﺒﺺ ﻟﻮﺍﺣﺪﺓ ﺯﻱ ﻧﺎﺩﻳﺔ

- ﺳﺒﺤﺎﻥ ﺍﻟﻠﻪ ... ﺍﻧﺖ ﺑﺘﺮﺩﺩ ﻧﻔﺲ ﻛﻼﻡ ﺃﻣﻲ ﻭﺇﺧﻮﺍﺗﻲ ﺑﺎﻟﻈﺒﻂ ... ﺍﻧﺘﻮﺍ ﺑﺘﻘﻌﺪﻭﺍ ﻣﻊ ﺑﻌﺾ ﻣﻦ ﻭﺭﺍﻳﺎ ... ﻭﺑﻌﺪﻳﻦ ﻳﺎ ﺃﺧﻮﻳﺎ ﻟﻤﺎ ﻫﻴﺎ ﻋﺠﺒﺎﻙ ﺍﻭﻱ ﻛﺪﻩ ﻣﺎﺗﺘﺠﻮﺯﻫﺎ ﺍﻧﺖ ﻭﺗﺤﻞ ﺍﻟﻤﺸﻜﻠﺔ ﺩﻱ

- ﻛﺎﻥ ﻋﻠﻰ ﻋﻴﻨﻲ ﻳﺎ ﺍﺑﻦ ﺧﺎﻟﻲ ... ﺻﺪﻗﻨﻲ ﺃﻧﺎ ﻟﻮ ﻣﺎﻛﻨﺘﺶ ﻣﺸﻐﻮﻝ ﺑﻐﻴﺮﻫﺎ ﻛﻨﺖ ﻓﻜﺮﺕ ﻓﻴﻬﺎ ﻋﻠﻄﻮﻝ

- ﻳﺎ ﺍﺑﻦ ﺍﻹﻳﻪ ... ﺑﻘﻰ ﺍﻧﺖ ﺑﺘﺤﺐ ﻣﻦ ﻭﺭﺍﻳﺎ ... ﻭﻋﺎﻣﻠﻲ ﻣﺤﺘﺮﻡ ﻭﻣﺎﻟﻜﺶ ﻓﻲ ﺍﻟﺤﺎﺟﺎﺕ ﺩﻱ

- ﻫﻮ ﺃﻧﺎ ﻗﻠﺖ ﺇﻧﻲ ﻣﺎﺷﻲ ﻣﻊ ﻏﻴﺮﻫﺎ ﻭﻻ ﺣﺎﺟﺔ ... ﺃﻧﺎ ﻗﻠﺖ ﻣﺸﻐﻮﻝ ﺑﻐﻴﺮﻫﺎ ... ﻳﻌﻨﻲ ﺑﻔﻜﺮ ﻓﻲ ﻏﻴﺮﻫﺎ ... ﻣﺴﺘﺮﻳﺢ ﻟﻐﻴﺮﻫﺎ ... ﺣﺎﻃﻂ ﻋﻴﻨﻲ ﻋﻠﻰ ﻏﻴﺮﻫﺎ ... ﻭﻻ ﺑﻼﺵ ﺣﺎﻃﻂ ﻋﻴﻨﻲ ﺩﻱ ﻋﺸﺎﻥ ﺃﻧﺎ ﻟﻤﺎ ﺑﺸﻮﻓﻬﺎ ﺑﻐﺾ ﺑﺼﺮﻱ ﻭﺍﻟﻠﻪ

- ﻭﺃﻧﺎ ﺍﻟﻠﻲ ﻛﻨﺖ ﻓﺎﻛﺮ ﻧﻔﺴﻲ ﺻﺎﺣﺒﻚ ﻭﺃﻭﻝ ﻭﺍﺣﺪ ﺣﻴﻌﺮﻑ ﺑﺤﺎﺟﺔ ﺯﻱ ﺩﻱ ... ﺑﺲ ﺗﻄﻠﻊ ﻣﻴﻦ ﺩﻱ ... ﺃﻧﺎ ﺍﻋﺮﻓﻬﺎ ﻳﻌﻨﻲ ?

- ﺻﺪﻗﻨﻲ ﻳﺎ ﻋﻠﻲ ... ﻟﻤﺎ ﻳﻴﺠﻲ ﻭﻗﺘﻪ ﻻﺯﻡ ﺣﺘﻜﻮﻥ ﺍﻧﺖ ﺃﻭﻝ ﻭﺍﺣﺪ ﺗﻌﺮﻑ ... ﺧﻠﻴﻨﺎ ﻓﻴﻚ ﺍﻧﺖ ﺩﻟﻮﻗﺘﻲ

- ﺷﻮﻑ ﻳﺎ ﺍﺣﻤﺪ ... ﺃﻧﺎ ﻣﺶ ﺣﺎﻧﻜﺮ ﺍﻥ ﻓﻴﻪ ﺣﺎﺟﺎﺕ ﻛﺘﻴﺮ ﻓﻲ ﺗﺼﺮﻓﺎﺕ ﻧﺎﺩﻳﺔ ﻣﺶ ﻋﺠﺒﺎﻧﻲ ... ﻭﻣﺶ ﺣﺎﻧﻜﺮ ﻛﻤﺎﻥ ﺍﻥ ﺍﻟﺤﺎﺟﺎﺕ ﺩﻱ ﻛﻠﻬﺎ ﺗﻘﺮﻳﺒﺎ ﻋﻜﺴﻬﺎ ﻣﻮﺟﻮﺩ ﻓﻲ ﻧﻮﺭﻫﺎﻥ ... ﻟﻜﻦ ﺃﻧﺎ ﻋﻨﺪﻱ ﺃﻣﻞ ﺍﻧﻨﺎ ﻟﻤﺎ ﻧﺘﺠﻮﺯ ﺇﻥ ﺷﺎﺀﺍﻟﻠﻪ ﺣﺎﻗﺪﺭ ﺃﻏﻴﺮ ﺍﻟﺤﺎﺟﺎﺕ ﺍﻟﻠﻲ ﻣﺶ ﻋﺠﺒﺎﻧﻲ ﺩﻱ ... ﺑﺺ ﺑﺈﺧﺘﺼﺎﺭ ﻛﺪﻩ ... ﺃﻧﺎ ﻋﺎﻳﺰ ﺍﺗﺠﻮﺯ ﻧﺎﺩﻳﺔ ﺑﺲ ﺑﻤﻮﺍﺻﻔﺎﺕ ﻧﻮﺭﻫﺎﻥ ... ﻓﻬﻤﺖ ﺣﺎﺟﺔ ?

- ﺗﺒﻘﻰ ﻣﺎ ﺑﺘﺤﺒﻬﺎﺵ ﻳﺎ ﻋﻠﻲ ... ﻷﻥ ﺑﺒﺴﺎﻃﺔ ﺍﻟﻠﻲ ﺑﻴﺤﺐ ﺣﺪ ﺑﻴﺘﻘﺒﻠﻪ ﺯﻱ ﻣﺎﻫﻮ ﻛﺪﻩ ﺑﻜﻞ ﻣﻤﻴﺰﺍﺗﻪ ﻭﻋﻴﻮﺑﻪ ... ﻭﻧﺼﻴﺤﺔ ﻣﻨﻲ ﻳﺎ ﻋﻠﻲ ... ﻣﻦ ﺷﺐ ﻋﻠﻰ ﺷﺊ ﺷﺎﺏ ﻋﻠﻴﻪ ... ﻭﺧﺎﻟﻲ ﺻﻔﻮﺕ ﻣﺮﺑﻲ ﻧﺎﺩﻳﺔ ﻋﻠﻰ ﺍﻷﻧﺎﻧﻴﺔ ﻭﺣﺐ ﺍﻟﺬﺍﺕ ... ﻭﻣﺶ ﺣﺘﻴﺠﻲ ﺍﻧﺖ ﺑﻌﺪ ﺍﻟﻌﻤﺮ ﺩﻩ ﻭﺗﻐﻴﺮ ﺍﻟﻠﻲ ﻫﻴﺎ ﺍﺗﺮﺑﺖ ﻋﻠﻴﻪ ﺧﺼﻮﺻﺎ ﺇﻧﻪ ﻭﺍﺿﺢ ﻛﺪﻩ ﺍﻧﻬﺎ ﻣﺶ ﺑﺘﺒﺎﺩﻟﻚ ﻧﻔﺲ ﻣﺸﺎﻋﺮﻙ ﺩﻱ ... ﺃﻗﻮﻟﻚ ﺃﻧﺎ ﺭﻓﻀﻚ ﻟﻨﻮﺭﺍ ﺩﻩ ﺳﺒﺒﻪ ﺇﻳﻪ ?

ﺃﺟﺎﺏ ﻋﻠﻲ ﻗﺎﺋﻼ ﺑﺘﻬﻜﻢ :

- ﻗﻮﻝ ﻳﺎ ﺳﻴﺎﺩﺓ ﺍﻟﻤﺤﻠﻞ ﺍﻟﻨﻔﺴﻲ

- ﺭﻓﻀﻚ ﺩﻩ ﺳﺒﺒﻪ ﺇﺣﺴﺎﺳﻚ ﺍﻥ ﻧﻮﺭﺍ ﻣﻔﺮﻭﺿﺔ ﻋﻠﻴﻚ ... ﻭﺃﻧﺎ ﻋﺎﺭﻓﻚ ﻛﻮﻳﺲ ﻭﻋﺎﺭﻑ ﺍﻧﺖ ﻋﻨﻴﺪ ﺍﺩ ﺇﻳﻪ ... ﻭﻣﺶ ﺑﺘﺤﺐ ﺗﻌﻤﻞ ﺣﺎﺟﺔ ﻏﺼﺐ ﻋﻨﻚ ... ﻃﻮﻝ ﻋﻤﺮﻙ ﺑﺘﺤﺐ ﺍﻟﺘﺤﺪﻱ ﻭﺑﺘﺪﻭﺭ ﻋﻠﻰ ﺍﻟﺤﺎﺟﺔ ﺍﻟﺼﻌﺒﺔ ﻣﺶ ﺍﻟﺤﺎﺟﺔ ﺍﻟﺴﻬﻠﺔ ﺍﻟﻠﻲ ﺑﺘﻴﺠﻲ ﻟﺤﺪ ﻋﻨﺪﻙ ... ﻭﻧﺎﺩﻳﺔ ﺑﺎﻟﻨﺴﺒﺎﻟﻚ ﻫﻴﺎ ﺍﻟﺘﺤﺪﻱ ﺩﻩ ... ﻟﻜﻦ ﻧﻮﺭﺍ ﻫﻴﺎ ﺍﻟﺤﺎﺟﺔ ﺍﻟﺴﻬﻠﺔ ... ﻭﺇﺣﺴﺎﺱﻙ ﺍﻧﻚ ﺿﺎﻣﻨﻬﺎ ﻭﻋﺎﺭﻑ ﺍﻧﻚ ﻟﻮ ﺭﺟﻌﺘﻠﻬﺎ ﻓﻲ ﺃﻱ ﻭﻗﺖ ﺣﺘﻼﻗﻴﻬﺎ ﻣﺴﺘﻨﻴﺎﻙ ﻋﺸﺎﻥ ﻋﺎﺭﻑ ﺍﻧﻬﺎ ﺑﺘﺤﺒﻚ ﻫﻮ ﺍﻟﻠﻲ ﺑﻴﺨﻠﻴﻚ ﺗﺮﻓﺾ ﻣﻦ ﻏﻴﺮ ﺳﺒﺐ ﻣﻘﻨﻊ ... ﻫﻮ ﻛﺪﻩ ﺍﻟﻤﻤﻨﻮﻉ ﺩﺍﻳﻤﺎ ﻣﺮﻏﻮﺏ

- ﻋﻠﻲ ﺳﺎﺧﺮﺍ : ﻳﺎ ﺳﻼﻡ ... ﺑﻘﻮﻟﻚ ﺍﻳﻪ ﻳﺎ ﺃﺳﺘﺎﺫ ﻓﺮﻭﻳﺪ ... ﺃﻧﺎ ﻃﺎﻟﻊ ﺃﻧﺎﻡ ﻗﺎﻋﺪ ﻭﻻ ﺟﺎﻱ ﻣﻌﺎﻳﺎ

ﺍﺣﻤﺪ ﻭﻫﻮ ﻳﻨﻬﺾ ﻣﻦ ﻣﻜﺎﻧﻪ :

- ﻻ ﺧﺪﻧﻲ ﻣﻌﺎﻙ ﺃﻧﺎ ﺩﺍﺧﻞ ﺃﻭﺿﺘﻲ ﺃﻗﺮﺍ ﺷﻮﻳﺔ ﻗﺮﺃﻥ ﻟﺤﺪ ﺍﻟﻨﻬﺎﺭ ﻣﺎﻳﻄﻠﻊ ﻭﺍﻟﺠﻤﺎﻋﺔ ﻳﺼﺤﻮﺍ

ﻭﻓﻲ ﻧﻔﺲ ﻫﺬﻩ ﺍﻷﺛﻨﺎﺀ ﻭﺑﻴﻨﻤﺎ ﻛﺎﻥ ﺃﺣﻤﺪ ﻋﻠﻲ ﻳﺘﺤﺪﺛﺎﻥ ﻣﻌﺎ ﻛﺎﻧﺖ ﻟﺒﻨﻰ ﻓﻲ ﻃﺮﻳﻘﻬﺎ ﻟﻠﺤﺪﻳﻘﺔ ﻟﺘﺴﺘﻤﺘﻊ ﺑﻤﺸﻬﺪ ﺍﻟﺸﺮﻭﻕ ﻭﺗﺴﺘﻨﺸﻖ ﻧﺴﻤﺎﺕ ﺍﻟﻔﺠﺮ ﺍﻟﻌﻠﻴﻠﺔ ﻭﻟﻜﻨﻬﺎ ﻓﺆﺟﺌﺖ ﺑﻮﺟﻮﺩ ﺍﺣﻤﺪ ﻭﻋﻠﻲ ... ﻓﺎﺳﺘﺪﺍﺭﺕ ﻟﺘﻌﻮﺩ ﻣﻦ ﺣﻴﺚ ﺃﺗﺖ ﻗﺒﻞ ﺃﻥ ﻳﻼﺣﻈﺎ ﻭﺟﻮﺩﻫﺎ ﻭﻟﻜﻨﻬﺎ ﻓﺠﺄﺓ ﺗﺴﻤﺮﺕ ﻓﻲ ﻣﻜﺎﻧﻬﺎ ﻋﻨﺪﻣﺎ ﺍﺳﺘﻤﻌﺖ ﺭﻏﻤﺎ ﻋﻨﻬﺎ ﺇﻟﻰ ﺍﻟﺤﺪﻳﺚ ﺍﻟﺪﺍﺋﺮ ﺑﻴﻨﻬﻤﺎ ﻟﺘﺘﺴﺎﻗﻂ ﺑﻌﺪﻫﺎ ﺩﻣﻮﻋﻬﺎ ﻓﻲ ﺗﺘﺎﺑﻊ ﻭﻫﻲ ﺗﺘﻤﺘﻢ ﻗﺎﺋﻠﺔ : ﻳﺎ ﺧﺴﺎﺭﺓ ﻳﺎ ﺃﺣﻤﺪ

ﻓﻲ ﺍﻟﺼﺒﺎﺡ ﺍﺳﺘﻴﻘﻆ ﺍﻟﺠﻤﻴﻊ ﻭﺗﻨﺎﻭﻟﻮﺍ ﺇﻓﻄﺎﺭﻫﻢ ﻣﻌﺎ ﻓﻲ ﺣﺪﻳﻘﺔ ﺍﻟﻤﻨﺰﻝ ﻗﺒﻞ ﺃﻥ ﻳﺘﻮﺟﻪ ﺍﻟﺮﺟﺎﻝ ﺇﻟﻰ ﺍﻟﻤﺴﺠﺪ ﻷﺩﺍﺀ ﺻﻼﺓ ﺍﻟﺠﻤﻌﺔ ﺑﻴﻨﻤﺎ ﺑﻘﻴﺖ ﺍﻟﻨﺴﺎﺀ ﻣﻌﺎ ﻟﺘﺴﺘﺄﺫﻥ ﺃﻟﻔﺖ ﺑﻌﺪ ﻗﻠﻴﻞ ﻗﺎﺋﻠﺔ :

- ﺃﻧﺎ ﺣﺎﻗﻮﻡ ﺑﻘﻰ ﻳﺎ ﺟﻤﺎﻋﺔ ﻋﺸﺎﻥ ﺍﺣﻀﺮ ﺍﻟﻐﺪﺍ

ﺃﺟﺎﺑﺘﻬﺎ ﻧﻮﺭﺍ ﻗﺎﺋﻠﺔ ﺑﺈﺑﺘﺴﺎﻣﺔ :

- ﻏﺪﺍ ﺇﻳﻪ ﺑﺲ ﻳﺎ ﻋﻤﺘﻮ ... ﻫﻮ ﺍﺣﻨﺎ ﻟﺴﻪ ﻫﻀﻤﻨﺎ ﻭﺟﺒﺔ ﺍﻟﻔﻄﺎﺭ

ﺭﺑﺘﺖ ﺃﻟﻔﺖ ﻋﻠﻰ ﺫﺭﺍﻋﻬﺎ ﻗﺎﺋﻠﺔ :

- ﻭﻣﺎﻟﻪ ﻳﺎ ﺭﻭﺡ ﻋﻤﺘﻮ ... ﺯﻳﺎﺩﺓ ﺍﻟﺨﻴﺮ ﺧﻴﺮﻳﻦ ... ﻫﻮ ﺃﻧﺎ ﻟﻴﺎ ﺑﺮﻛﺔ ﺇﻻ ﺍﻧﺘﻮﺍ

- ﻟﺒﻨﻰ ﺑﺈﻣﺘﻨﺎﻥ : ﺭﺑﻨﺎ ﻳﺨﻠﻴﻜﻲ ﻟﻴﻨﺎ ﻳﺎ ﻋﻤﺘﻮ

- ﺳﻤﻴﺔ : ﺧﺪﻳﻨﻲ ﻣﻌﺎﻛﻲ ﻳﺎ ﺃﻟﻔﺖ ﻋﺸﺎﻥ ﺃﺳﺎﻋﺪﻙ

- ﺃﻟﻔﺖ : ﺗﺴﻠﻤﻲ ﻳﺎ ﺣﺒﻴﺒﺘﻲ

ﻭﻗﻔﺖ ﺃﻣﻴﺮﺓ ﻗﺎﺋﻠﺔ ﻭﻫﻲ ﺗﻮﺟﻪ ﺣﺪﻳﺜﻬﺎ ﻟﻮﺍﻟﺪﺗﻬﺎ :

↚

- ﺍﺳﺘﻨﻲ ﻳﺎ ﻣﺎﻣﺎ ﺃﻧﺎ ﺟﺎﻳﺔ ﻣﻌﺎﻛﻲ ﺃﻧﺎ ﻛﻤﺎﻥ ... ﺑﺲ ﻭﺍﺣﺪﺓ ﺑﻘﻰ ﺗﺘﻄﻮﻉ ﻭﺗﺨﻠﻲ ﺭﻭﺿﺔ ﻣﻌﺎﻫﺎ ﻟﺤﺪ ﻣﺎ ﻧﺨﻠﺺ

ﺍﺳﺮﻋﺖ ﻧﺎﺩﻳﺔ ﺗﺠﻴﺒﻬﺎ ﻋﻠﻰ ﺍﻟﻔﻮﺭ :

- ﻣﺶ ﺃﻧﺎ ﻃﺒﻌﺎ ... ﺃﻧﺎ ﻣﺎﻋﻨﺪﻳﺶ ﺧﻠﻖ ﻟﻠﻌﻴﺎﻝ

ﺻﻮﺏ ﺍﻟﺠﻤﻴﻊ ﻧﻈﺮﺍﺗﻬﻢ ﺗﺠﺎﻩ ﻧﺎﺩﻳﺔ ﻓﻴﻤﺎ ﺷﻌﺮﺕ ﺃﻣﻴﺮﺓ ﺑﺎﻟﺤﺮﺝ ﺍﻟﺸﺪﻳﺪ ﻓﺄﺭﺍﺩﺕ ﻧﻮﺭﺍ ﺗﺪﺍﺭﻙ ﺍﻟﻤﻮﻗﻒ ﻓﻘﺎﻣﺖ ﻣﻦ ﻣﻜﺎﻧﻬﺎ ﻭﺍﻗﺘﺮﺑﺖ ﻣﻦ ﺭﻭﺿﺔ ﻭﻫﻲ ﺗﻤﺪ ﻳﺪﻫﺎ ﻟﻬﺎ ﻗﺎﺋﻠﺔ ﺑﺈﺑﺘﺴﺎﻣﺔ :

- ﻃﺒﻌﺎ ﻣﺶ ﺍﻧﺘﻲ ... ﻫﻮ ﺣﺪ ﻗﺎﻝ ﺇﻧﻲ ﺣﺎﺳﻴﺐ ﺭﻭﺿﺔ ﺣﺒﻴﺒﺘﻲ ﺗﺮﻭﺡ ﻟﺤﺪ ﻏﻴﺮﻱ ... ﺗﻌﺎﻟﻲ ﻳﺎ ﺭﻭﺭﻭ

ﻗﺎﻣﺖ ﺃﻣﻨﻴﺔ ﻣﻦ ﻣﻜﺎﻧﻬﺎ ﻭﺣﻤﻠﺖ ﺭﻭﺿﺔ ﻗﺎﺋﻠﺔ :

- ﻻ ﻣﻌﻠﺶ ﺑﻘﻰ ﻋﻦ ﺇﺫﻧﻜﻮﺍ ... ﺭﻭﺭﻭ ﺩﻱ ﺣﺒﻴﺒﺔ ﺧﺎﻟﺘﻮ ... ﺣﺘﻔﻀﻞ ﻣﻌﺎﻳﺎ ﺃﻧﺎ ﻭﺭﻭﺣﻲ ﺍﻧﺘﻲ ﻳﺎ ﻣﻴﺮﻭ ﻣﺎﺗﻘﻠﻘﻴﺶ ﻋﻠﻴﻬﺎ

- ﺍﻟﻔﺖ : ﻃﻴﺐ ﻳﻼ ﺑﻴﻨﺎ ﺑﻘﻰ ﻧﺸﻮﻑ ﻭﺭﺍﻧﺎ ﺇﻳﻪ

ﺍﻧﺼﺮﻑ ﺍﻟﺜﻼﺛﺔ ﻣﻌﺎ ﻣﺘﺠﻬﻴﻦ ﺇﻟﻲ ﺩﺍﺧﻞ ﺍﻟﻤﻨﺰﻝ ﻓﻴﻤﺎ ﺧﺮﺟﺖ ﻧﺎﺩﻳﺔ ﻟﺘﺘﻤﺸﻰ ﺑﻤﻔﺮﺩﻫﺎ ﻋﻠﻰ ﺍﻟﻜﻮﺭﻧﻴﺶ ... ﻭﺑﻘﻴﺖ ﻛﻞ ﻣﻦ ﺃﻣﻨﻴﺔ ﻭﻧﻮﺭﺍ ﻭﻟﺒﻨﻰ ﻭﻟﻤﻴﺎﺀ

- ﻧﻮﺭﺍ : ﺍﻧﺘﻲ ﺃﺧﺒﺎﺭﻙ ﺇﻳﻪ ﻳﺎ ﻣﻨﻤﻦ ... ﻭﺃﺧﺒﺎﺭ ﺧﺎﻟﺪ ﻣﻌﺎﻛﻲ ﺇﻳﻪ ?

- ﺍﻟﺤﻤﺪ ﻟﻠﻪ ﻭﺍﻟﻠﻪ ... ﺑﺠﺪ ﺃﻧﺎ ﻟﻮ ﻛﻨﺖ ﻟﻔﻴﺖ ﺍﻟﺪﻧﻴﺎ ﺑﺤﺎﻟﻬﺎ ﻣﺎﻛﻨﺘﺶ ﻟﻘﻴﺖ ﺯﻭﺝ ﻳﺤﺒﻨﻲ ﻭﻳﺤﺘﺮﻣﻨﻲ ﻛﺪﻩ ﺯﻱ ﺧﺎﻟﺪ ... ﺭﺑﻨﺎ ﻳﺮﺯﻗﻜﻮﺍ ﺍﻧﺘﻮﺍ ﺍﻟﺘﻼﺗﻪ ﺑﺄﺯﻭﺍﺝ ﺯﻳﻪ ﻛﺪﻩ ... ﻋﺎﺭﻓﻴﻦ ﻳﺎ ﺑﻨﺎﺕ ﻟﻮ ﻣﺎﻛﺎﻧﺶ ﻣﻮﺿﻮﻉ ﺍﻟﺤﻤﻞ ﺩﻩ ﻛﻨﺎ ﺑﻘﻴﻨﺎ ﺍﺳﻌﺪ ﺯﻭﺟﻴﻦ ﻓﻲ ﺍﻟﺪﻧﻴﺎ

- ﻟﺒﻨﻰ : ﻫﻲ ﻟﺴﻪ ﻣﺎﻣﺘﻪ ﺑﺮﺿﻪ ﻓﺎﻛﺮﺓ ﺍﻥ ﺍﻟﻤﺸﻜﻠﺔ ﻋﻨﺪ ﺍﺑﻨﻬﺎ

- ﺍﻳﻮﻩ ﻳﺎ ﻟﺒﻨﻰ ... ﻭﻫﻮ ﺩﻩ ﺍﻟﻠﻲ ﻣﺤﺴﺴﻨﻲ ﺑﺎﻟﺬﻧﺐ ﺍﻛﺘﺮ ... ﻛﻔﺎﻳﺔ ﺇﻧﻪ ﻳﺮﺿﻰ ﻳﻘﻮﻝ ﻋﻠﻰ ﻧﻔﺴﻪ ﺇﻥ ﺍﻟﻌﻴﺐ ﻣﻨﻪ ﻫﻮ ﻋﺸﺎﻥ ﻣﺎﻣﺘﻪ ﻣﺎ ﺗﺠﺮﺣﻨﻴﺶ ﺑﻜﻠﻤﺔ ... ﻣﺎﺗﺘﺼﻮﺭﻭﺵ ﺩﻩ ﻛﺒﺮﻩ ﻓﻲ ﻧﻈﺮﻱ ﺍﺩ ﺇﻳﻪ ... ﺩﻩ ﻏﻴﺮ ﺇﻧﻪ ﻋﻤﺮﻩ ﻣﺎ ﺑﻴﻨﻠﻲ ﺍﻥ ﺍﻟﻤﻮﺿﻮﻉ ﻓﺎﺭﻕ ﻣﻌﺎﻩ ... ﻋﺸﺎﻥ ﻛﺪﻩ ﻧﻔﺴﻲ ﺍﺳﻌﺪﻩ ﻭﺍﺟﻴﺒﻠﻪ ﺍﻟﻄﻔﻞ ﺍﻟﻠﻲ ﺑﻴﺘﻤﻨﺎﻩ

ﻧﻮﺭﺍ : ﺇﻥ ﺷﺎﺀﺍﻟﻠﻪ ﻳﺎ ﺣﺒﻴﺒﺘﻲ ﺭﺑﻨﺎ ﺣﻴﺮﺯﻗﻜﻮﺍ ﺑﻴﻪ ... ﺑﺲ ﺍﻧﺘﻲ ﺍﺩﻋﻲ ﺭﺑﻨﺎ ﻭﺍﺳﺘﻐﻔﺮﻱ ﻛﺘﻴﺮ ﻭﻋﻤﻮﻣﺎ ﺍﻧﺘﻮﺍ ﻣﺶ ﺑﻘﺎﻟﻜﻮﺍ ﻛﺘﻴﺮ ﻣﺘﺠﻮﺯﻳﻦ ... ﺩﻩ ﻛﻞ ﺍﻟﺤﻜﺎﻳﺔ ﺗﻠﺖ ﺳﻨﻴﻦ ... ﺩﻩ ﻓﻴﻪ ﻧﺎﺱ ﺑﺘﻘﻌﺪ ﺑﺎﻟﻌﺸﺮﺓ ﻭﺍﻟﻌﺸﺮﻳﻦ ﺳﻨﺔ ... ﺑﻘﻮﻟﻜﻮﺍ ﺇﻳﻪ ﺍﺣﻨﺎ ﻣﺶ ﺣﻨﺪﺧﻞ ﻧﺼﻠﻲ ﻭﻻ ﺇﻳﻪ ?

ﺃﻣﻨﻴﺔ : ﺃﻳﻮﻩ ﺻﺤﻴﺢ ... ﻣﺎﺗﻴﺠﻮﺍ ﻧﺼﻠﻲ ﻛﻠﻨﺎ ﺟﻤﺎﻋﺔ ﻣﻊ ﺑﻌﺾ

ﻟﻤﻴﺎﺀ : ﻭﺍﻟﻠﻪ ﻓﻜﺮﺓ ... ﺑﺲ ﻣﻴﻦ ﺍﻟﻠﻲ ﺣﻴﺼﻠﻲ ﺑﻴﻨﺎ ﺇﻣﺎﻡ ?

ﻧﻮﺭﺍ : ﺧﺎﻟﺘﻮ ﺳﻤﻴﺔ ... ﺻﻮﺗﻬﺎ ﺟﻤﻴﻞ ﺍﻭﻱ ﻓﻲ ﺍﻟﻘﺮﺃﻥ

ﺃﻣﻨﻴﺔ : ﺧﻼﺹ ﻳﻼ ﺑﻴﻨﺎ ... ﺑﺲ ﺍﺣﻨﺎ ﻧﺴﻴﻨﺎ ﻧﺎﺩﻳﺔ

ﻧﻮﺭﺍ ﺑﺈﺭﺗﺒﺎﻙ : ﻻ ﺍﺣﻨﺎ ﺣﻨﺼﻠﻲ ﻭﻟﻤﺎ ﻧﺎﺩﻳﺔ ﺗﺮﺟﻊ ﺗﺒﻘﻰ ﺗﺼﻠﻲ ﻟﻮﺣﺪﻫﺎ

ﻭﺑﺎﻟﻔﻌﻞ ﺩﺧﻞ ﺍﻟﺜﻼﺛﺔ ﺇﻟﻲ ﺍﻟﺪﺍﺧﻞ ﻭﺍﻧﻀﻢ ﺇﻟﻴﻬﻢ ﻛﻞ ﻣﻦ ﺃﻟﻔﺖ ﻭﺃﻣﻴﺮﺓ ﻭﺳﻤﻴﺔ ﺍﻟﺘﻲ ﻗﺎﻣﺖ ﺑﺈﻣﺎﻣﺘﻬﻢ ﻓﻲ ﺍﻟﺼﻼﺓ ... ﻭﺑﻌﺪ ﺃﻥ ﻓﺮﻏﻮﺍ ﺟﻤﻴﻌﺎ ﻣﻦ ﺃﺩﺍﺀ ﺻﻼﺗﻬﻢ ﻋﺎﺩﻭﺍ ﺇﻟﻰ ﺍﻟﻤﻄﺒﺦ ﻹﺳﺘﻜﻤﺎﻝ ﻋﻤﻠﻬﻢ ﻭﺍﻧﻀﻤﺖ ﺇﻟﻴﻬﻢ ﺃﻣﻨﻴﺔ ﺑﻌﺪ ﺃﻥ ﻧﺎﻣﺖ ﺭﻭﺿﺔ ﺛﻢ ﺍﺳﺘﺄﺫﻧﺖ ﻟﻤﻴﺎﺀ ﻭﺻﻌﺪﺕ ﺇﻟﻲ ﺷﻘﺘﻬﻢ ﻭﺧﺮﺟﺖ ﻛﻞ ﻣﻦ ﻧﻮﺭﺍ ﻭﻟﺒﻨﻲ ﺇﻟﻰ ﺍﻟﺤﺪﻳﻘﺔ ﻣﺮﺓ ﺃﺧﺮﻯ ... ﻻﺣﻈﺖ ﻧﻮﺭﺍ ﺃﻥ ﻟﺒﻨﻰ ﺗﺒﺪﻭ ﻓﻲ ﺣﺎﻟﺔ ﻣﻦ ﺍﻟﺸﺮﻭﺩ ﻓﻘﺎﻟﺖ :

- ﻣﺎﻟﻚ ﻳﺎ ﻟﺒﻨﻰ ... ﺃﻧﺎ ﻋﺎﻳﺰﺓ ﺍﺗﻜﻠﻢ ﻣﻌﺎﻛﻲ ﻣﻦ ﺍﻟﺼﺒﺢ ﻭﻣﺶ ﻋﺎﺭﻓﺔ ﻭﺍﺩﻳﻨﺎ ﺩﻟﻮﻗﺘﻲ ﺑﻘﻴﻨﺎ ﻟﻮﺣﺪﻧﺎ ... ﻋﺎﻳﺰﺓ ﺍﻋﺮﻑ ﻛﻨﺘﻲ ﺑﺘﻌﻴﻄﻲ ﻟﻴﻪ

ﻭﻛﺄﻥ ﺳﺆﺍﻝ ﻧﻮﺭﺍ ﺃﻋﺎﺩ ﻋﻠﻰ ﻣﺴﺎﻣﻌﻬﺎ ﻛﻠﻤﺎﺕ ﺍﺣﻤﺪ ... ﻓﺎﻧﺨﺮﻃﺖ ﻓﻲ ﺍﻟﺒﻜﺎﺀ ﻣﺠﺪﺩﺍ .... ﺿﻤﺘﻬﺎ ﻧﻮﺭﺍ ﺇﻟﻴﻬﺎ ﻭﻭﺿﻌﺖ ﺭﺃﺳﻬﺎ ﻋﻠﻰ ﺻﺪﺭﻫﺎ ﻭﺭﺑﺘﺖ ﻋﻠﻰ ﻛﺘﻔﻬﺎ ﻗﺎﺋﻠﺔ ﺑﺤﻨﻮ :

- ﻃﻴﺐ ﺇﻫﺪﻱ ﺑﺲ ﻭﻓﻬﻤﻴﻨﻲ ﺇﻳﻪ ﺍﻟﻠﻲ ﺣﺼﻞ

- ﻟﺒﻨﻰ ﻣﻦ ﺑﻴﻦ ﺩﻣﻮﻋﻬﺎ : ﻃﻠﻊ ﺑﻴﺤﺐ ﻳﺎ ﻧﻮﺭﺍ ... ﻃﻠﻊ ﺑﻴﺤﺐ ﻭﺍﺣﺪﺓ ﻏﻴﺮﻱ

- ﻫﻮ ﻣﻴﻦ ﺩﻩ ﻳﺎ ﻟﺒﻨﻰ ... ﺍﺣﻤﺪ

- ﺣﻴﻜﻮﻥ ﻣﻴﻦ ﻳﻌﻨﻲ ﻏﻴﺮﻩ

- ﻃﻴﺐ ﻭﺍﻧﺘﻲ ﻋﺮﻓﺘﻲ ﻣﻨﻴﻦ

- ﺳﻤﻌﺘﻪ ﻭﻫﻮ ﺑﻴﺘﻜﻠﻢ ﻣﻊ ﻋﻠﻲ ﻭﺑﻴﻘﻮﻟﻪ ﻛﺪﻩ

- ﻭﻣﺎﻋﺮﻓﺘﻴﺶ ﻣﻴﻦ ﻫﻴﺎ ?

- ﻷ ﻣﺎﺭﺿﻴﺶ ﻳﻘﻮﻝ ﻟﻌﻠﻲ ... ﻗﺎﻟﻪ ﻣﺶ ﻭﻗﺘﻪ ﺩﻟﻮﻗﺘﻲ

ﺣﺎﻭﻟﺖ ﻧﻮﺭﺍ ﺗﻬﺪﺋﺘﻬﺎ ﻓﻘﺎﻟﺖ ﺑﺠﺪﻳﺔ :

- ﻣﻌﻠﺶ ﻳﺎ ﺣﺒﻴﺒﺘﻲ ... ﺍﻛﻴﺪ ﻟﻮ ﻟﻴﻜﻲ ﻧﺼﻴﺐ ﻓﻴﻪ ﺣﺘﺘﺠﻮﺯﻳﻪ ﻭﻟﻮ ﻣﺎﻟﻜﻴﺶ ﻳﺒﻘﻰ ﻻﺯﻡ ﺗﻌﺮﻓﻲ ﺍﻥ ﺭﺑﻨﺎ ﺍﻛﻴﺪ ﺷﺎﻳﻠﻚ ﺣﺎﺟﺔ ﺍﺣﺴﻦ ... ﻻﺯﻡ ﺗﻌﺮﻓﻲ ﺍﻥ ﻗﻀﺎﺀ ﺭﺑﻨﺎ ﻛﻠﻪ ﺧﻴﺮ

ﺗﻨﻬﺪﺕ ﻟﺒﻨﻰ ﺛﻢ ﻗﺎﻟﺖ ﺑﺄﺳﻰ : ﻣﺎﻓﻴﺶ ﺣﺪ ﺍﺣﺴﻦ ﻣﻦ ﺍﺣﻤﺪ ... ﺗﻔﺘﻜﺮﻱ ﻣﻤﻜﻦ ﻳﻜﻮﻥ ﻓﻴﻪ ﺃﻣﻞ ﺍﻧﻨﺎ ﻧﻜﻮﻥ ﻟﺒﻌﺾ

- ﻣﻴﻦ ﻋﺎﺭﻑ ﻳﺎ ﺣﺒﻴﺒﺘﻲ ﺑﻜﺮﺓ ﻓﻴﻪ ﺇﻳﻪ

ﻓﻲ ﺑﻴﺘﻲ ﻭﻋﻠﻰ ﺍﻟﻜﺮﺳﻲ ﺑﺘﺎﻋﻲ ... ﺭﺣﻤﺘﻚ ﻳﺎﺭﺏ

ﺍﺑﺘﻌﺪﺕ ﻟﺒﻨﻰ ﻋﻦ ﺃﺣﻀﺎﻥ ﻧﻮﺭﺍ ﻭﺍﻟﺘﻔﺘﺎ ﻣﻌﺎ ﺇﻟﻰ ﻗﺎﺋﻞ ﻫﺬﻩ ﺍﻟﻌﺒﺎﺭﺓ ﻟﻴﺠﺪﺍ ﺍﺩﻫﻢ ﻭﺍﻗﻔﺎ ﻭﻫﻮ ﻳﻀﻊ ﻳﺪﻳﻪ ﻋﻠﻰ ﺻﺪﺭﻩ ... ﺣﺪﺛﺘﻪ ﻧﻮﺭﺍ ﻗﺎﺋﻠﺔ ﺑﻠﻮﻡ :

- ﺇﻳﻪ ﺩﻩ ﻳﺎ ﺍﺑﻨﻲ ﺍﻧﺖ ﺧﻀﺘﻨﺎ ... ﻣﺶ ﺣﺘﺒﻄﻞ ﺣﺮﻛﺎﺕ ﺍﻟﻌﻴﺎﻝ ﺑﺘﺎﻋﺘﻚ ﺩﻱ

ﺟﻠﺲ ﺍﺩﻫﻢ ﻋﻠﻲ ﺍﻟﻤﻘﻌﺪ ﺍﻟﻤﻘﺎﺑﻞ ﻟﻬﺎ ﻭﻣﺎﻝ ﺑﻮﺟﻬﻬﺎ ﻧﺤﻮﻫﺎ ﻗﺎﺋﻼ ﺑﻬﻤﺲ :

- ﻭﺍﺑﻄﻠﻬﺎ ﻟﻴﻪ ? ﻭﺣﺸﺔ ?

ﺗﺮﺍﺟﻌﺖ ﻧﻮﺭﺍ ﺑﺠﺴﺪﻫﺎ ﻟﻠﺨﻠﻒ ﻭﻧﻈﺮﺕ ﺇﻟﻴﻪ ﺑﺪﻫﺸﺔ ﻣﻤﺰﻭﺟﺔ ﺑﺎﻟﺤﻴﺮﺓ ﻭﻗﺎﻟﺖ ﺑﺠﺪﻳﺔ :

- ﻓﻴﻪ ﺇﻳﻪ ﻳﺎ ﺍﺩﻫﻢ !! ﺛﻢ ﺍﻧﺖ ﺟﻴﺖ ﻣﻦ ﺍﻟﺼﻼﺓ ﺍﻣﺘﻰ ?

- ﺍﺣﻨﺎ ﻛﻠﻨﺎ ﺟﻴﻨﺎ ﻋﻠﻰ ﻓﻜﺮﺓ ﺑﺲ ﺍﻧﺘﻮﺍ ﻗﺎﻋﺪﻳﻦ ﻟﻮﺣﺪﻛﻮﺍ ﻓﻲ ﺍﻟﺮﻛﻦ ﺍﻟﺒﻌﻴﺪ ﺍﻟﻬﺎﺩﻱ ﻓﻤﺎ ﺧﺪﺗﻮﺵ ﺑﺎﻟﻜﻮﺍ ... ﻭﺃﻧﺎ ﺭﺑﻨﺎ ﺑﻌﺘﻨﻲ ﻓﻲ ﺍﻟﻮﻗﺖ ﺍﻟﻤﻨﺎﺳﺐ ﻋﺸﺎﻥ ﺍﻣﻨﻊ ﺍﻟﻔﻀﻴﺤﺔ ﻋﻦ ﻋﻴﻠﺔ ﺍﻟﺪﻣﻴﺎﻃﻲ

ﺭﻓﻌﺖ ﻟﺒﻨﻰ ﻳﺪﻳﻬﺎ ﺑﺠﺎﻧﺐ ﻭﺟﻬﻬﺎ ﻭﻗﺎﻟﺖ ﺑﻤﺰﺍﺡ :

- ﺑﺮﻳﺌﺔ ﻳﺎ ﺑﻴﻪ ... ﺃﻧﺎ ﻣﺎﻟﻴﺶ ﺩﻋﻮﺓ ... ﻫﻴﺎ ﺍﻟﻠﻲ ﻗﺎﻟﺘﻠﻲ ﺗﻌﺎﻟﻲ ﻓﺤﻀﻨﻲ

- ﻧﻮﺭﺍ : ﺑﺘﺒﻴﻌﻴﻨﻲ ﻳﺎ ﻧﺪﻟﺔ ﻳﺎ ﺟﺒﺎﻧﺔ

- ﺍﺩﻫﻢ ﺑﻤﺸﺎﻏﺒﺔ : ﻃﺒﻌﺎ ﺯﻋﻼﻧﺔ ﺇﻧﻲ ﻗﻄﻌﺖ ﻋﻠﻴﻜﻮﺍ ﺍﻟﻤﺸﻬﺪ ﺍﻟﻐﺮﺍﻣﻲ ﺑﺘﺎﻋﻜﻮﺍ ... ﺑﺲ ﻻﺯﻡ ﺗﻔﻬﻤﻮﺍ ﺍﻥ ﺍﻟﺒﻴﺖ ﺩﻩ ﻃﺎﻫﺮ ﻭﺣﻴﻔﻀﻞ ﻃﻮﻝ ﻋﻤﺮﻩ ﻃﺎﻫﺮ

- ﻧﻮﺭﺍ ﺑﺈﺑﺘﺴﺎﻣﺔ : ﻃﺎﻫﺮ ﻣﻴﻦ ... ﺍﻟﻠﻲ ﺍﻋﺮﻓﻪ ﺍﻥ ﺩﻩ ﺑﻴﺖ ﺟﺪﻱ ... ﻭﺟﺪﻱ ﻛﺎﻥ ﺍﺳﻤﻪ ﺣﺎﻣﺪ ﻣﺶ ﻃﺎﻫﺮ

- ﺍﺩﻫﻢ ﻟﻠﺒﻨﻰ : ﺑﻘﻮﻟﻚ ﺇﻳﻪ ﻳﺎ ﻟﺒﻨﻰ ... ﻣﺎﺗﺪﺧﻠﻲ ﺗﺸﻮﻓﻴﻬﻢ ﺧﻠﺼﻮﺍ ﺍﻟﻐﺪﺍ ﻛﺪﻩ ﻭﻻ ﻟﺴﻪ

- ﻟﺒﻨﻰ ﻭﻫﻲ ﺗﻨﻬﺾ ﻣﻦ ﻣﻜﺎﻧﻬﺎ : ﺃﻧﺎ ﻓﻌﻼ ﻛﻨﺖ ﺩﺍﺧﻠﺔ ﺍﺷﻮﻓﻬﻢ ... ﻭﺍﻧﺘﻲ ﻳﺎ ﻧﻮﺭﺍ ... ﻣﺶ ﺟﺎﻳﺔ ﻣﻌﺎﻳﺎ

- ﺍﺩﻫﻢ : ﻻ ﻣﻌﻠﺶ ﺳﻴﺒﻲ ﻧﻮﺭﺍ ﻋﺸﺎﻥ ﺃﻧﺎ ﻋﺎﻳﺰﻫﺎ ﻓﻜﻠﻤﺘﻴﻦ

ﺍﻋﺘﺬﺭﺕ ﻧﻮﺭﺍ ﻗﺎﺋﻠﺔ :

- ﻣﻌﻠﺶ ﻳﺎ ﺍﺩﻫﻢ ... ﺃﻧﺎ ﺣﺎﺭﻭﺡ ﻣﻊ ﻟﺒﻨﻰ ﻭﻟﻮ ﻓﻴﻪ ﺣﺎﺟﺔ ﺧﻠﻴﻬﺎ ﻟﺒﻌﺪ ﺍﻟﻐﺪﺍ ﺍﻥ ﺷﺎﺀﺍﻟﻠﻪ

ﺗﻨﻬﺪ ﺍﺩﻫﻢ ﻗﺎﺋﻼ :

- ﺑﺮﺍﺣﺘﻚ ﻳﺎ ﻧﻮﺭﺍ

ﺩﺧﻠﺖ ﻛﻞ ﻣﻦ ﻧﻮﺭﺍ ﻭﻟﺒﻨﻰ ﻭﺑﻘﻲ ﺍﺩﻫﻢ ﻭﺣﺪﻩ ﻭﻫﻮ ﻳﺘﻤﺘﻢ ﻗﺎﺋﻼ :

- ﻭﻣﺎﻟﻪ ﻳﺎ ﻧﻮﺭﺍ ﻧﺨﻠﻴﻬﺎ ﺑﻌﺪ ﺍﻟﻐﺪﺍ ... ﺍﻧﺘﻲ ﺣﺘﺮﻭﺣﻲ ﻣﻨﻲ ﻓﻴﻦ ﻳﻌﻨﻲ ... ﻭﺭﺍﻛﻲ ﻭﺭﺍﻛﻲ .......

ﻳﺘﺒﻊ

↚

ﺍﻟﺘﻒ ﺍﻟﺠﻤﻴﻊ ﺣﻮﻝ ﻣﺎﺋﺪﺓ ﺍﻟﻐﺪﺍﺀ ﻣﺎﺑﻴﻦ ﻣﺸﺎﻋﺮ ﻣﺘﺒﺎﻳﻨﺔ ﻭﺃﺣﺎﺳﻴﺲ ﻣﺨﺘﻠﻔﺔ ... ﻛﺎﻥ ﺻﻔﻮﺕ ﻫﻮ ﺃﻭﻝ ﻣﻦ ﺍﻧﺘﻬﻰ ﻣﻦ ﻃﻌﺎﻣﻪ ﻗﺎﺋﻼ : ﺍﻟﺤﻤﺪ ﻟﻠﻪ

ﻧﻈﺮﺕ ﺇﻟﻴﻪ ﺃﻟﻔﺖ ﻭﻗﺎﻟﺖ ﺑﺪﻫﺸﺔ :

- ﺇﻳﻪ ﺩﻩ ﻳﺎ ﺻﻔﻮﺕ ... ﻫﻮ ﺍﻧﺖ ﻟﺴﻪ ﺍﻛﻠﺖ ﺣﺎﺟﺔ ﻳﺎ ﺍﺧﻮﻳﺎ

- ﺣﺮﺍﻡ ﻋﻠﻴﻜﻲ ﻳﺎ ﺃﻟﻔﺖ ﻛﻞ ﺩﻩ ﻭﻣﺎ ﺍﻛﻠﺘﺶ ... ﻭﺑﻌﺪﻳﻦ ﺍﻧﺘﻲ ﻣﺎﺷﺎﺀ ﺍﻟﻠﻪ ﻋﺎﻣﻠﺔ ﺍﻛﻞ ﻛﺘﻴﺮ ﺍﻭﻱ ... ﺩﻱ ﻭﻟﻴﻤﺔ ﻣﺶ ﻏﺪﻭﺓ

- ﺑﺎﻟﻬﻨﺎ ﻭﺍﻟﺸﻔﺎ ﻳﺎ ﺃﺧﻮﻳﺎ ... ﻛﻠﻪ ﻣﻦ ﺧﻴﺮﻙ

- ﻻ ﻣﺎ ﺗﻘﻮﻟﻴﺶ ﻛﺪﻩ ... ﺍﻟﺒﺮﻛﺔ ﻓﻲ ﺃﺣﻤﺪ ﻭﺃﺩﻫﻢ ﺭﺑﻨﺎ ﻳﺨﻠﻴﻬﻤﻠﻚ

ﻧﻈﺮ ﺃﺣﻤﺪ ﺇﻟﻰ ﺧﺎﻟﻪ ﻗﺎﺋﻼ ﺑﺠﺪﻳﺔ :

- ﺇﻳﻪ ﺭﺃﻳﻚ ﺣﻀﺮﺗﻚ ﻳﺎ ﺧﺎﻟﻲ ﻧﺸﺮﺏ ﺍﻟﺸﺎﻱ ﺳﻮﺍ ﻓﻲ ﺃﻭﺿﺔ ﺍﻟﻤﻜﺘﺐ ﻭﺍﺣﻨﺎ ﺑﻨﺮﺍﺟﻊ ﺣﺴﺎﺑﺎﺕ ﺍﻟﺸﻬﺮ ﻣﻊ ﺑﻌﺾ

- ﺻﻔﻮﺕ : ﻃﻴﺐ ﻳﺎ ﺍﺑﻨﻲ ﻛﻤﻞ ﺍﻛﻠﻚ ﺍﻷﻭﻝ

- ﻻ ﺃﻧﺎ ﺷﺒﻌﺖ ﻣﻦ ﺑﺪﺭﻱ ﺑﺲ ﻛﻨﺖ ﻣﺴﺘﻨﻲ ﺣﻀﺮﺗﻚ

- ﻣﺎﺷﻲ ﻳﺎ ﺍﺑﻨﻲ ﻳﻼ ﺑﻴﻨﺎ ... ﻭﺍﻧﺖ ﻳﺎ ﻋﻠﻲ ﻟﻤﺎ ﺗﺨﻠﺺ ﺍﻛﻞ ﺣﺼﻠﻨﺎ ﻋﻠﻰ ﺍﻷﻭﺿﺔ ﺍﻧﺖ ﻭﺍﺩﻫﻢ

- ﻋﻠﻲ : ﺃﻧﺎ ﺟﺎﻱ ﻣﻊ ﺣﻀﺮﺗﻚ ﻳﺎ ﻋﻤﻲ ... ﺃﻧﺎ ﺧﻼﺹ ﺷﺒﻌﺖ ﺍﻟﺤﻤﺪ ﻟﻠﻪ

- ﺍﺩﻫﻢ : ﻭﺃﻧﺎ ﻛﻤﺎﻥ ﺟﺎﻱ ﻣﻌﺎﻛﻮﺍ

ﻧﻈﺮ ﺻﻔﻮﺕ ﺇﻟﻰ ﺷﻘﻴﻘﺘﻪ ﻗﺎﺋﻼ :

- ﻟﻮﺳﻤﺤﺘﻲ ﻳﺎ ﺃﻟﻔﺖ ... ﺍﺑﻘﻲ ﻫﺎﺗﻴﻠﻨﺎ ﺍﻟﺸﺎﻱ ﻓﻲ ﺃﻭﺿﺔ ﺍﻟﻤﻜﺘﺐ

- ﺣﺎﺿﺮ ﻳﺎ ﺃﺧﻮﻳﺎ ﻣﻦ ﻋﻨﻴﺎ

- ﺻﻔﻮﺕ : ﻋﻦ ﺍﺫﻧﻜﻮ ﻳﺎ ﺟﻤﺎﻋﺔ ... ﺍﻟﺒﻴﺖ ﺑﻴﺘﻜﻮﺍ ﻃﺒﻌﺎ

ﻏﺎﺩﺭ ﺍﻷﺭﺑﻌﺔ ﻣﺘﺠﻬﻴﻦ ﺇﻟﻰ ﻏﺮﻓﺔ ﺍﻟﻤﻜﺘﺐ ﻟﻤﺮﺍﺟﻌﺔ ﺣﺴﺎﺑﺎﺗﻬﻢ ﺍﻟﺸﻬﺮﻳﺔ ... ﺳﺎﺩ ﺑﻌﺪﻫﺎ ﻟﺤﻈﺎﺕ ﺻﻤﺖ ﺑﻴﻦ ﺍﻟﺠﻤﻴﻊ ﻭﻫﻢ ﻳﺘﻨﺎﻭﻟﻮﻥ ﻃﻌﺎﻣﻬﻢ ﻗﻄﻌﻬﺎ ﺟﻤﺎﻝ ﻣﻮﺟﻬﺎ ﺣﺪﻳﺜﻪ ﻟﺨﺎﻟﺪ :

- ﺃﺧﺒﺎﺭ ﺷﻐﻠﻚ ﺇﻳﻪ ﻳﺎ ﺑﺎﺷﻤﻬﻨﺪﺱ ?

ﺃﺟﺎﺑﻪ ﺧﺎﻟﺪ ﻗﺎﺋﻼ ﺑﺈﺑﺘﺴﺎﻣﺔ :

- ﺍﻟﺤﻤﺪ ﻟﻠﻪ ﻳﺎ ﺃﺳﺘﺎﺫ ﺟﻤﺎﻝ ... ﻣﻦ ﻳﻮﻡ ﺃﻣﻨﻴﺔ ﻣﺎ ﺍﺷﺘﻐﻠﺖ ﻣﻌﺎﻳﺎ ﻓﻲ ﺍﻟﻤﻜﺘﺐ ﻭﻭﺷﻬﺎ ﻛﺎﻥ ﺣﻠﻮ ﻋﻠﻴﺎ ﺍﻭﻱ ... ﺍﻟﻤﻜﺘﺐ ﺍﻟﻌﻤﻼ ﺑﺘﻮﻋﻪ ﺯﺍﺩﻭﺍ ﻭﺳﻤﻌﺘﻪ ﺑﻘﺖ ﻛﻮﻳﺴﺔ ﺟﺪﺍ ﺑﻴﻦ ﻣﻜﺎﺗﺐ ﺍﻟﺪﻳﻜﻮﺭ ﻫﻨﺎ ﻓﻲ ﺩﻣﻴﺎﻁ

ﺃﺟﺎﺑﻪ ﺟﻤﺎﻝ ﺩﻭﻥ ﺃﻥ ﻳﺮﻓﻊ ﺑﺼﺮﻩ ﻋﻦ ﺍﻟﻄﺒﻖ ﺍﻟﻤﻮﺿﻮﻉ ﺃﻣﺎﻣﻪ :

- ﻣﻌﺎﻙ ﺣﻖ ... ﺍﺻﻞ ﺍﻟﺴﺘﺎﺕ ﺩﻭﻝ ﺃﻗﺪﺍﻡ ... ﻓﻴﻪ ﺳﺖ ﺗﻄﻠﻌﻚ ﻟﻠﺴﻤﺎ ... ﻭﻓﻴﻪ ﺳﺖ ﻭﺷﻬﺎ ﻧﺤﺲ ﺑﻌﻴﺪ ﻋﻨﻚ ﺗﻨﺰﻟﻚ ﻟﺴﺎﺑﻊ ﺃﺭﺽ

ﺗﺮﻗﺮﻗﺖ ﺍﻟﺪﻣﻮﻉ ﻓﻲ ﻋﻴﻮﻥ ﺃﻣﻴﺮﺓ ﻭﻫﻲ ﺗﺮﻯ ﻧﻈﺮﺍﺕ ﺍﻟﺠﻤﻴﻊ ﻣﺼﻮﺑﺔ ﻧﺤﻮﻫﺎ ... ﻓﺘﻈﺎﻫﺮﺕ ﺑﺎﻹﻧﺸﻐﺎﻝ ﻓﻲ ﺇﻃﻌﺎﻡ ﺭﻭﺿﺔ ... ﺑﻴﻨﻤﺎ ﻻﺣﻈﺖ ﺫﻟﻚ ﺃﻟﻔﺖ ﻓﺎﺳﺮﻋﺖ ﺗﻘﻮﻝ :

- ﻣﻌﺎﻙ ﺣﻖ ﻳﺎ ﺟﻮﺯ ﺑﻨﺘﻲ ... ﺍﻟﺴﺘﺎﺕ ﻓﻌﻼ ﺍﻗﺪﺍﻡ ... ﻭﺃﻧﺎ ﺍﻟﺤﻤﺪ ﻟﻠﻪ ﺑﻨﺎﺗﻲ ﺍﻻﺗﻨﻴﻦ ﻛﺎﻧﻮﺍ ﻭﺵ ﺍﻟﺴﻌﺪ ﻋﻠﻰ ﺍﺟﻮﺍﺯﻫﻢ ... ﺧﺎﻟﺪ ﻣﻜﺘﺒﻪ ﻣﺎﺷﺎﺀﺍﻟﻠﻪ ﺑﻘﻰ ﺷﻐﺎﻝ ﻛﻮﻳﺲ ... ﻭﺍﻧﺖ ﻣﺶ ﻣﻼﺣﻖ ﻋﻠﻰ ﺍﻟﺪﺭﻭﺱ ﺍﻟﺨﺼﻮﺻﻴﺔ

- ﺟﻤﺎﻝ : ﻻ ﻭﺍﻟﻠﻪ ﻳﺎ ﺣﻤﺎﺗﻲ ... ﺩﻩ ﺍﻧﺘﻲ ﻓﺎﻫﻤﺔ ﻏﻠﻂ ﺧﺎﻟﺺ ... ﺩﻩ ﻧﺺ ﺍﻟﻌﻴﺎﻝ ﺑﻴﺰﻭﻏﻮﺍ ﻣﻦ ﻏﻴﺮ ﻣﺎ ﻳﺪﻓﻌﻮﺍ ... ﻭﻣﺮﺗﺒﻲ ﻋﻠﻰ ﻣﺮﺗﺐ ﺃﻣﻴﺮﺓ ﻳﺎﺩﻭﺏ ﺑﻴﻜﻔﻴﻨﺎ ﺑﺎﻟﻌﺎﻓﻴﺔ

ﻟﻢ ﺗﺴﺘﻄﻊ ﺃﻣﻴﺮﺓ ﺍﻟﺒﻘﺎﺀ ﻭﺳﻤﺎﻉ ﺍﻟﻤﺰﻳﺪ ﻣﻦ ﻫﺬﻩ ﺍﻟﻜﻠﻤﺎﺕ ﺍﻟﺴﺨﻴﻔﺔ ﻓﺎﺳﺘﺄﺫﻧﺖ ﻗﺎﺋﻠﺔ :

- ﻋﻦ ﺍﺫﻧﻜﻮﺍ ﻳﺎ ﺟﻤﺎﻋﺔ ... ﺃﻧﺎ ﺭﺍﻳﺤﺔ ﺍﻋﻤﻞ ﺍﻟﺸﺎﻱ ﻭﺍﺩﺧﻠﻪ ﻟﻠﺠﻤﺎﻋﺔ ﺍﻟﻠﻲ ﻓﻲ ﺃﻭﺿﺔ ﺍﻟﻤﻜﺘﺐ

ﻇﻦ ﺍﻟﺠﻤﻴﻊ ﺃﻥ ﺍﻟﻌﺎﺻﻔﺔ ﺳﺘﻬﺪﺃ ﺑﺨﺮﻭﺝ ﺃﻣﻴﺮﺓ ﻭﻟﻜﻦ ﺟﻤﺎﻝ ﺧﻴﺐ ﻇﻨﻬﻢ ﻓﻤﺎﺯﺍﻝ ﻟﺴﺎﻧﻪ ﻣﺼﺮﺍ ﻋﻠﻰ ﺇﻟﻘﺎﺀ ﺍﻟﻤﺰﻳﺪ ﻣﻦ ﺍﻷﺣﺠﺎﺭ ﻓﻘﺎﻝ ﻣﺤﺪﺛﺎ ﺃﻟﻔﺖ :

- ﺁﻻ ﻗﻮﻟﻴﻠﻲ ﻳﺎ ﺣﻤﺎﺗﻲ ... ﻫﻮ ﺍﻷﺳﺘﺎﺫ ﺻﻔﻮﺕ ﺃﺧﻮﻛﻲ ﻭﻻ ﻣﻮﺍﺧﺬﺓ ﻳﻌﻨﻲ ... ﻟﻴﻪ ﺑﻴﺮﺍﺟﻊ ﺍﻟﺤﺴﺎﺑﺎﺕ ﻛﻞ ﺷﻬﺮ ﻣﻊ ﺍﺣﻤﺪ ﻭﺍﺩﻫﻢ ﻛﺪﻩ ... ﻫﻮ ﻣﺶ ﻭﺍﺛﻖ ﻓﻴﻬﻢ ﻭﻻ ﺇﻳﻪ ?

ﻧﻈﺮ ﺍﻟﺠﻤﻴﻊ ﺇﻟﻴﻪ ﻓﻲ ﺿﻴﻖ ﻓﺘﻄﻮﻋﺖ ﺳﻤﻴﺔ ﻟﻺﺟﺎﺑﺔ ﻋﻠﻴﻪ ﻗﺎﺋﻠﺔ :

- ﺍﻟﺤﻖ ﻣﺎﻳﺰﻋﻠﺶ ﻳﺎ ﺍﺑﻨﻲ ... ﻭﺑﻌﺪﻳﻦ ﻟﻮ ﻛﺎﻥ ﻣﺶ ﻭﺍﺛﻖ ﻓﻴﻬﻢ ﻛﺎﻥ ﺍﺯﺍﻱ ﻳﻤﺴﻜﻬﻢ ﻛﻞ ﺣﺎﺟﺔ ﻣﻦ ﺍﻷﻭﻝ ... ﺩﻩ ﺣﺘﻰ ﺍﻟﻤﺜﻞ ﺑﻴﻘﻮﻝ ﻟﻮ ﻛﻨﺘﻮﺍ ﺇﺧﻮﺍﺕ ﺍﺗﺤﺎﺳﺒﻮﺍ

ﻟﻢ ﺗﻜﺘﻔﻲ ﻧﺎﺩﻳﺔ ﺑﻤﺎﻗﺎﻟﺘﻪ ﺳﻤﻴﺔ ﻓﺼﺎﺣﺖ ﻓﻴﻪ ﻗﺎﺋﻠﺔ ﺑﺈﻧﻔﻌﺎﻝ :

- ﺑﺎﺑﺎ ﻣﺶ ﻭﺣﺶ ﻋﺸﺎﻥ ﺗﺘﻜﻠﻢ ﻋﻨﻪ ﺑﺎﻟﻄﺮﻳﻘﺔ ﺩﻱ ... ﻟﻮ ﻛﺎﻥ ﺑﺎﺑﺎ ﻭﺣﺶ ﻣﺎﻛﺎﻧﺶ ﺳﺎﺏ ﻋﻤﺘﻮ ﺍﻟﻔﺖ ﻭﻭﻻﺩﻫﺎ ﻗﺎﻋﺪﻳﻦ ﻓﻲ ﺑﻴﺖ ﺍﻟﻌﻴﻠﺔ ﺑﻌﺪ ﻣﺎ ﺑﻘﻰ ﻛﻠﻪ ﻣﻠﻚ ﺑﺎﺑﺎ

- ﻧﻮﺭﺍ : ﻣﺎﻟﻮﺵ ﻟﺰﻭﻡ ﺍﻹﻧﻔﻌﺎﻝ ﺩﻩ ﻳﺎ ﻧﺎﺩﻳﺔ ... ﺍﻛﻴﺪ ﺍﻷﺳﺘﺎﺫ ﺟﻤﺎﻝ ﻣﺎﻳﻘﺼﺪﺵ ﻳﻐﻠﻂ ﻓﺒﺎﺑﺎ ... ﻫﻮ ﺑﺲ ﺑﻴﺴﺄﻝ ﺳﺆﺍﻝ ﻣﺶ ﺍﻛﺘﺮ

ﺑﺲ ﺍﻟﻠﻲ ﻣﺎﺗﻌﺮﻓﻴﻬﻮﺵ ﻳﺎ ﺍﻧﺴﺔ ﻧﺎﺩﻳﺔ ... ﺍﻥ ﺍﻟﺸﻘﺔ ﺍﻟﻠﻲ ﺍﺣﻨﺎ ﻗﺎﻋﺪﻳﻦ ﻓﻴﻬﺎ ﺩﻱ ﻣﻠﻚ ﺃﻣﻲ

ﺍﻟﺘﻔﺖ ﺍﻟﺠﻤﻴﻊ ﺇﻟﻰ ﻣﺼﺪﺭ ﺍﻟﺼﻮﺕ ﻟﻴﺠﺪﻭﺍ ﺃﺣﻤﺪ ﻭﺍﻗﻔﺎ ﺍﻣﺎﻡ ﺑﺎﺏ ﻏﺮﻓﺔ ﺍﻟﻤﻜﺘﺐ ﻭﻗﺪ ﺍﺭﺗﺴﻢ ﺍﻟﻀﻴﻖ ﻋﻠﻰ ﻣﻼﻣﺢ ﻭﺟﻬﻪ ﻭﺇﻥ ﺣﺎﻭﻝ ﺃﻥ ﻳﻈﻬﺮ ﻋﻜﺲ ﺫﻟﻚ

- ﺍﻟﻔﺖ : ﺃﺣﻤﺪ ! ﺍﻧﺖ ﻫﻨﺎ ﻣﻦ ﺍﻣﺘﻰ ﻳﺎ ﺣﺒﻴﺒﻲ

ﺍﻗﺘﺮﺏ ﺃﺣﻤﺪ ﻣﻦ ﺣﻴﺚ ﺗﺠﻠﺲ ﻭﺍﻟﺪﺗﻪ ﻭﻗﺎﻝ ﻭﻫﻮ ﻳﺼﻮﺏ ﻧﻈﺮﺍﺗﻪ ﺍﻟﻨﺎﺭﻳﺔ ﻧﺤﻮ ﺟﻤﺎﻝ :

- ﺃﻧﺎ ﻫﻨﺎ ﻣﻦ ﺑﺪﺭﻱ ﻳﺎ ﺃﻣﻲ ... ﻣﻦ ﺃﻭﻝ ﺍﻟﺴﺘﺎﺕ ﻣﺎﻛﺎﻧﻮﺍ ﺍﻗﺪﺍﻡ ... ﻛﺎﻥ ﻓﻴﻪ ﻣﻠﻒ ﺑﺮﺍﺟﻌﻪ ﻭﻧﺴﻴﺘﻪ ﻓﻲ ﺃﻭﺿﺘﻲ ﻭﻛﻨﺖ ﺧﺎﺭﺝ ﻋﺸﺎﻥ ﺃﺟﻴﺒﻪ .... ﻭﺍﺣﺐ ﺍﻋﺮﻓﻚ ﻳﺎ ﺃﻧﺴﺔ ﻧﺎﺩﻳﺔ ﺍﻥ ﺃﻧﺎ ﺍﺷﺘﺮﻳﺖ ﺍﻟﺸﻘﺔ ﺩﻱ ﻣﻦ ﺧﺎﻟﻲ ﺻﻔﻮﺕ ﻣﻦ ﺃﻭﻝ ﻣﺎﺟﻴﻨﺎ ﻗﻌﺪﻧﺎ ﻓﻴﻬﺎ ... ﻭﻻ ﺍﻧﺘﻲ ﻛﻨﺘﻲ ﻓﻜﺮﺍﻧﺎ ﺣﻨﺒﻴﻊ ﺑﻴﺘﻨﺎ ﻭﻧﻴﺠﻲ ﻧﻌﻴﺶ ﻫﻨﺎ ﻋﺎﻟﺔ ﻋﻠﻰ ﺧﺎﻟﻲ ... ﻭﺍﻟﺸﻘﺔ ﺩﻱ ﻣﻜﺘﻮﺑﺔ ﺑﺈﺳﻢ ﺃﻣﻲ ... ﻳﻌﻨﻲ ﺍﺣﻨﺎ ﻛﻠﻨﺎ ﻛﺪﻩ ﻗﺎﻋﺪﻳﻦ ﺿﻴﻮﻑ ﻋﻨﺪ ﺃﻟﻔﺖ ﺍﻟﺪﻣﻴﺎﻃﻲ ﻓﻲ ﺑﻴﺘﻬﺎ ... ﻭﻳﺎ ﺭﻳﺖ ﻛﻞ ﻭﺍﺣﺪ ﻓﻲ ﺍﻟﺒﻴﺖ ﺩﻩ ﻳﻠﺰﻡ ﺣﺪﻭﺩﻩ ﻛﻮﻳﺲ ... ﻭﻳﺒﻄﻞ ﻳﺪﺧﻞ ﻑ ﺍﻟﻠﻲ ﻣﺎﻟﻮﺵ ﻓﻴﻪ .... ﺛﻢ ﻣﺎﻝ ﺍﺣﻤﺪ ﻋﻠﻰ ﻭﺍﻟﺪﺗﻪ ﻭﺍﻣﺴﻚ ﻳﺪﻫﺎ ﻳﻘﺒﻠﻬﺎ ﻗﺎﺋﻼ :

- ﻣﺎﻋﺎﺵ ﻭﻻ ﻛﺎﻥ ﺍﻟﻠﻲ ﻳﺪﻭﺳﻠﻚ ﻋﻠﻰ ﻃﺮﻑ ﻭﺃﻧﺎ ﻋﺎﻳﺶ ﻋﻠﻰ ﻭﺵ ﺍﻟﺪﻧﻴﺎ

ﻣﺴﺤﺖ ﺃﻟﻔﺖ ﻋﻠﻰ ﺷﻌﺮﻩ ﻭﻗﺎﻟﺖ ﻓﻲ ﺗﺄﺛﺮ :

- ﺭﺑﻨﺎ ﻣﺎﻳﺤﺮﻣﻨﻴﺶ ﻣﻨﻚ ﻳﺎ ﺣﺒﻴﺒﻲ

ﻧﻈﺮﺕ ﺳﻤﻴﺔ ﺇﻟﻰ ﺃﺣﻤﺪ ﻭﺍﺑﺘﺴﻤﺖ ﻓﻲ ﺇﻋﺠﺎﺏ ﺑﻤﺎ ﻓﻌﻠﻪ ﺃﺣﻤﺪ ﻣﻊ ﻭﺍﻟﺪﺗﻪ ... ﺑﻴﻨﻤﺎ ﻟﻢ ﻳﻼﺣﻆ ﺃﺣﺪ ﺳﻮﻯ ﻧﻮﺭﺍ ﺗﻠﻚ ﺍﻟﺪﻣﻌﺔ ﺍﻟﺘﻲ ﻓﺮﺕ ﻣﻦ ﻋﻴﻦ ﻟﺒﻨﻰ ﻓﻤﺴﺤﺘﻬﺎ ﺳﺮﻳﻌﺎ

ﺗﺮﻛﻬﻢ ﺍﺣﻤﺪ ﻭﺍﺗﺠﻪ ﺇﻟﻰ ﻏﺮﻓﺘﻪ ﻹﺣﻀﺎﺭ ﺍﻟﻤﻠﻒ ... ﻓﻮﻗﻒ ﺟﻤﺎﻝ ﻗﺎﺋﻼ :.

- ﺃﻧﺎ ﺩﺍﺧﻞ ﺍﻷﻭﺿﺔ ﺍﺗﻔﺮﺝ ﻋﻠﻰ ﺍﻟﻤﺎﺗﺶ ﺯﻣﺎﻧﻪ ﻗﺮﺏ ﻳﺒﺘﺪﻱ ... ﺩﻱ ﻣﺎﻛﺎﻧﺘﺶ ﻛﻠﻤﺔ ﺩﻱ ﻗﻮﻟﺘﻬﺎ

- ﺃﻟﻔﺖ : ﻳﻜﻮﻥ ﺃﺣﺴﻦ ﺑﺮﺿﻪ ... ﻭﺑﻘﻮﻟﻚ ﺇﻳﻪ ﻳﺎ ﺟﻮﺯ ﺑﻨﺘﻲ ... ﻓﻴﻪ ﺳﺘﻮﺩﻳﻮ ﺗﺤﻠﻴﻠﻲ ﻛﺪﻩ ﺑﻴﻴﺠﻲ ﺑﻌﺪ ﺍﻟﻤﺎﺗﺶ ﺍﺑﻘﻰ ﺍﺗﻔﺮﺝ ﻋﻠﻴﻪ ﺑﺎﻟﻤﺮﺓ ... ﺧﺪ ﻭﻗﺘﻚ ﻳﻌﻨﻲ

ﻧﻈﺮ ﺇﻟﻴﻬﺎ ﺟﻤﺎﻝ ﻗﺎﺋﻼ ﺑﺴﺨﺮﻳﺔ :

- ﺑﻘﻰ ﻛﺪﻩ ﻳﺎ ﺣﻤﺎﺗﻲ ... ﻣﺶ ﻋﺎﻳﺰﺍﻧﻲ ﺃﻭﺻﻞ ﻣﺪﺣﺖ ﺷﻠﺒﻲ ﺑﻴﺘﻪ ﺑﺎﻟﻤﺮﺓ ?

- ﺃﻟﻔﺖ : ﻳﺒﻘﻰ ﻛﺘﺮ ﺧﻴﺮﻙ ﻭﺍﻟﻠﻪ

ﻗﺎﻣﺖ ﻧﺎﺩﻳﺔ ﻣﻦ ﻣﻜﺎﻧﻬﺎ ﻫﻲ ﺍﻷﺧﺮﻱ ﻭﻗﺎﻟﺖ ﻭﻫﻲ ﺗﻠﻘﻲ ﻣﺎ ﺑﻴﺪﻫﺎ ﻋﻠﻲ ﺍﻟﻤﺎﺋﺪﺓ :

- ﺃﻧﺎ ﻛﻤﺎﻥ ﻃﺎﻟﻌﺔ ﻓﻮﻕ ﺃﻧﺎﻡ ... ﺍﺣﺴﻦ ﺍﻟﻘﻌﺪﺓ ﻫﻨﺎ ﺑﻘﺖ ﺗﺨﻨﻖ

- ﺍﺳﺘﺄﺫﻧﺖ ﺳﻤﻴﺔ ﻫﻲ ﺍﻷﺧﺮﻯ ﻗﺎﺋﻠﺔ :

- ﻭﺃﻧﺎ ﻛﻤﺎﻥ ﺑﻌﺪ ﺇﺫﻧﻚ ﻳﺎ ﺃﻟﻔﺖ ﻃﺎﻟﻌﺔ ﻓﻮﻕ ﺍﺭﺗﺎﺡ ﺷﻮﻳﺔ

- ﺍﺗﻔﻀﻠﻲ ﻳﺎ ﺣﺒﻴﺒﺘﻲ

- ﺧﺎﻟﺪ : ﻭﺃﻧﺎ ﻛﻤﺎﻥ

ﺑﻌﺪ ﺇﺫﻧﻚ ﻳﺎ ﻣﺎﻣﺎ ﺃﻟﻔﺖ ... ﺭﺍﻳﺢ ﺍﻟﻤﻜﺘﺐ ﻋﺸﺎﻥ ﻋﻨﺪﻱ ﺷﻐﻞ ﻣﻬﻢ ﻻﺯﻡ ﺃﺧﻠﺼﻪ ... ﺃﻧﺎ ﺟﻴﺖ ﻋﺸﺎﻥ ﺣﻀﺮﺗﻚ ﻣﺎﺗﺰﻋﻠﻴﺶ ﺑﺲ

- ﺃﻣﻨﻴﺔ : ﻋﺎﻳﺰﻧﻲ ﻣﻌﺎﻙ ﻳﺎ ﺧﺎﻟﺪ ?

- ﺧﺎﻟﺪ ﺑﺈﻣﺘﻨﺎﻥ : ﻣﺎ ﺍﺳﺘﻐﻨﺎﺵ ﻋﻨﻚ ﻳﺎ ﺣﺒﻴﺒﺘﻲ ... ﺧﻠﻴﻜﻲ ﺍﻧﺘﻲ ﻭﺃﻧﺎ ﺣﺎﻋﺪﻱ ﻋﻠﻴﻜﻲ ﺑﺎﻟﻠﻴﻞ ﻋﺸﺎﻥ ﻧﺮﻭﺡ ﺳﻮﺍ

ﻟﻢ ﻳﺒﻖ ﺳﻮﻯ ﻧﻮﺭﺍ ﻭﻟﺒﻨﻰ ﻭﻟﻤﻴﺎﺀ ... ﺍﺳﺘﺄﺫﻥ ﺛﻼﺛﺘﻬﻢ ﻟﻠﺨﺮﻭﺝ ﺇﻟﻰ ﺍﻟﺤﺪﻳﻘﺔ ... ﺑﻴﻨﻤﺎ ﺑﻘﻴﺖ ﺃﻣﻨﻴﺔ ﻟﺘﺴﺎﻋﺪ ﻭﺍﻟﺪﺗﻬﺎ ﻓﻲ ﺭﻓﻊ ﺍﻟﻤﺎﺋﺪﺓ ... ﺃﻣﺎ ﺍﺣﻤﺪ ﻓﻘﺪ ﺧﺮﺝ ﻣﻦ ﻏﺮﻓﺘﻪ ﻣﺘﻮﺟﻬﺎ ﺇﻟﻰ ﺍﻟﻤﻄﺒﺦ ﻟﻴﺠﺪ ﺃﻣﻴﺮﺓ ﻭﻗﺪ ﺍﻧﺘﻬﺖ ﻟﻠﺘﻮ ﻣﻦ ﺇﻋﺪﺍﺩ ﺍﻟﺸﺎﻱ ... ﻭﻣﺎ ﺇﻥ ﺭﺃﺗﻪ ﺣﺘﻰ ﻗﺎﻟﺖ :

- ﻛﻮﻳﺲ ﺍﻧﻚ ﺟﻴﺖ ﻋﺸﺎﻥ ﺗﺎﺧﺪ ﺍﻟﺸﺎﻱ ﺩﻩ ﻣﻌﺎﻙ

ﺍﻗﺘﺮﺏ ﻣﻨﻬﺎ ﺃﺣﻤﺪ ﻗﺎﺋﻼ :

↚

- ﺃﻧﺎ ﺣﺎﺧﻠﺺ ﺍﻹﺟﺘﻤﺎﻉ ﻣﻊ ﺧﺎﻟﻲ ﻭﺭﺍﺟﻌﻠﻚ ﻋﺸﺎﻥ ﻋﺎﻳﺰﻙ ﻓﻲ ﻛﻠﻤﺘﻴﻦ ... ﻣﺎﺷﻲ ﻳﺎ ﺃﻣﻴﺮﺓ

ﻛﺎﻧﺖ ﺃﻣﻴﺮﺓ ﺗﻌﻠﻢ ﺟﻴﺪﺍ ﺑﺎﻟﻤﻮﺿﻮﻉ ﺍﻟﺬﻱ ﻳﺮﻳﺪﻫﺎ ﺑﻪ ﺃﺣﻤﺪ ... ﻓﻘﺎﻟﺖ ﺑﺈﺭﺗﺒﺎﻙ :

- ﻣﺶ ﻋﺎﺭﻓﺔ ﻳﺎ ﺍﺣﻤﺪ ﺇﺫﺍ ﻛﻨﺖ ﺣﺎﻗﺪﺭ ﺍﺳﺘﻨﻰ ﻭﻻ ﻷ ... ﺃﺻﻞ ﺟﻤﺎﻝ ﻛﺎﻥ ﻋﺎﻳﺰ ﻳﻤﺸﻲ

- ﺍﺣﻤﺪ ﺑﺸﻚ : ﺑﻘﻰ ﺟﻤﺎﻝ ﺑﺮﺿﻪ ﻫﻮ ﺍﻟﻠﻲ ﻋﺎﻳﺰ ﻳﻤﺸﻲ ... ﻣﺎﺷﻲ ﻳﺎ ﺃﻣﻴﺮﺓ ... ﺃﻧﺎ ﺑﻘﻰ ﻋﺎﻳﺰ ﺍﻓﻬﻢ ﺇﻳﻪ ﺍﻟﻠﻲ ﺑﻴﻨﻚ ﻭﺑﻴﻦ ﺟﻤﺎﻝ ... ﺇﻳﻪ ﺍﻟﻠﻲ ﺣﺼﻞ ﻭﺧﻼﻩ ﻳﺘﻐﻴﺮ ﺑﺎﻟﺸﻜﻞ ﺩﻩ ... ﻣﺶ ﺩﻩ ﺍﺑﺪﺍ ﺟﻤﺎﻝ ﺍﻟﻠﻲ ﺃﻧﺎ ﺣﻄﻴﺖ ﺇﻳﺪﻱ ﻓﻲ ﺇﻳﺪﻩ ﻭ ﺟﻮﺯﺗﻪ ﺃﺧﺘﻲ ... ﺇﻳﻪ ﺍﻟﻠﻲ ﺟﺪ ﻓﺤﻴﺎﺗﻜﻮﺍ ﻭﺃﻧﺎ ﻣﺎﻋﺮﻓﻮﺵ ?

- ﺣﻴﻜﻮﻥ ﻓﻴﻪ ﺇﻳﻪ ﺑﺲ ﻳﺎ ﺍﺣﻤﺪ

- ﻟﻮ ﻋﺎﺭﻑ ﻣﺎﻛﻨﺘﺶ ﺳﺄﻟﺘﻚ

- ﺻﺪﻗﻨﻲ ﻳﺎ ﺣﺒﻴﺒﻲ ﻣﺎﻓﻴﺶ ﺃﻱ ﺣﺎﺟﺔ ... ﺍﺣﻨﺎ ﻛﻮﻳﺴﻴﻦ ﻭﺯﻱ ﺍﻟﻔﻞ

- ﺃﻣﻴﺮﺓ ... ﺑﻼﺵ ﺗﻠﻔﻲ ﻭﺗﺪﻭﺭﻱ ﻋﻠﻴﺎ ... ﺍﻧﺘﻲ ﻧﺎﺳﻴﺔ ﺇﻥ ﺃﻧﺎ ﺗﻮﺃﻣﻚ ... ﻳﻌﻨﻲ ﺍﻛﺘﺮ ﻭﺍﺣﺪ ﻑ ﺍﻟﺪﻧﻴﺎ ﺩﻱ ﺑﻴﺤﺲ ﺑﻴﻜﻲ ...

- ﻳﺎ ﺃﺣﻤﺪ ﺻﺪﻗﻨﻲ ﻣﺎﻓﻴﺶ ﺣﺎﺟﺔ ﺣﺘﻰ ﺭﻭﺡ ﺃﺳﺄﻟﻪ ﻛﺪﻩ ﻟﻮ ﻣﺶ ﻣﺼﺪﻗﻨﻲ

- ﻣﺎﺷﻲ ﻳﺎ ﺃﻣﻴﺮﺓ ﺃﻧﺎ ﺣﺎﻋﻤﻞ ﻧﻔﺴﻲ ﻣﺼﺪﻗﻚ ... ﺑﺲ ﻳﺎ ﺭﻳﺖ ﺗﺮﺍﺟﻌﻲ ﻋﻼﻗﺘﻚ ﺑﺠﻤﺎﻝ ﻣﻦ ﺟﺪﻳﺪ ... ﻭﺗﺸﻮﻓﻲ ﻳﻤﻜﻦ ﺗﻜﻮﻧﻲ ﻋﻤﻠﺘﻲ ﺣﺎﺟﺔ ﺣﺘﻰ ﺑﺪﻭﻥ ﻗﺼﺪ ﺿﺎﻳﻘﺘﻪ ﻣﻨﻚ ... ﻭﻟﻮ ﻓﻴﻮﻡ ﺣﺴﻴﺘﻲ ﺍﻧﻚ ﻣﺤﺘﺎﺟﺔ ﺣﺪ ﺗﺘﻜﻠﻤﻲ ﻣﻌﺎﻩ ... ﻣﺶ ﺣﺘﻼﻗﻲ ﺍﺣﺴﻦ ﻣﻦ ﺃﺧﻮﻛﻲ ﺍﻟﻜﺒﻴﺮ

ﺗﺼﻨﻌﺖ ﺃﻣﻴﺮﺓ ﺍﻹﺑﺘﺴﺎﻣﺔ ﻭﻫﻲ ﺗﻘﻮﻝ :

- ﺍﻧﺖ ﺣﺘﻌﻤﻞ ﻋﻠﻴﺎ ﻛﺒﻴﺮ ﻭﻻ ﺇﻳﻪ ... ﻣﺎﻛﺎﻧﻮﺵ ﺧﻤﺲ ﺩﻗﺎﻳﻖ ﺩﻭﻝ ﺍﻟﻠﻲ ﺑﺘﺬﻟﻨﻲ ﺑﻴﻬﻢ

- ﺍﺣﻤﺪ ﺑﺈﺑﺘﺴﺎﻣﺔ : ﺧﻤﺲ ﺩﻗﺎﻳﻖ ﺧﻤﺲ ﺛﻮﺍﻧﻲ ﺍﻟﻤﻬﻢ ﺍﻥ ﺃﻧﺎ ﺍﻟﻜﺒﻴﺮ ... ﺍﺗﻔﻘﻨﺎ ﻳﺎ ﺃﻣﻴﺮﺓ

- ﺣﺎﺿﺮ ﻳﺎ ﺣﺒﻴﺒﻲ ... ﻣﻦ ﻋﻨﻴﺎ ﺍﻻﺗﻨﻴﻦ

ﺍﺣﺘﻀﻨﻬﺎ ﺍﺣﻤﺪ ﻟﺘﻀﻊ ﺃﻣﻴﺮﺓ ﺭﺃﺳﻬﺎ ﻋﻠﻰ ﺻﺪﺭﻩ ﻭﻫﻮ ﻳﻘﻮﻝ :

- ﺗﺴﻠﻢ ﻋﻨﻴﻜﻲ ﻳﺎ ﺃﻡ ﺭﻭﺿﺔ

ﻛﺎﻥ ﺍﺩﻫﻢ ﻓﻲ ﻧﻔﺲ ﺍﻟﻠﺤﻈﺔ ﻳﺪﻟﻒ ﻣﻦ ﺑﺎﺏ ﺍﻟﻤﻄﺒﺦ ﻟﻴﻔﺎﺟﺊ ﺑﻬﺬﺍ ﺍﻟﻤﺸﻬﺪ ﺍﻣﺎﻣﻪ ﻓﻘﺎﻝ ﺑﺪﻫﺸﺔ :

- ﻫﻮ ﻓﻴﻪ ﺇﻳﻪ ﺍﻟﻨﻬﺎﺭﺩﺓ ﺑﺎﻟﻈﺒﻂ ? ﺍﻟﻌﻴﻠﺔ ﺩﻱ ﺃﺧﻼﻗﻬﺎ ﺑﺎﻇﺖ ﻳﺎ ﺟﺪﻋﺎﻥ ... ﻭﺃﻧﺎ ﺍﻟﻠﻲ ﻛﻨﺖ ﻓﺎﻛﺮ ﻧﻔﺴﻲ ﺍﻟﻤﻨﺤﺮﻑ ﺍﻟﻮﺣﻴﺪ ﻓﻴﻬﺎ ... ﺃﻧﺎ ﻃﻮﻝ ﺍﻟﻨﻬﺎﺭ ﻋﻤﺎﻝ ﺍﻟﻢ ﻑ ﻓﻀﺎﻳﺢ ﻣﻦ ﻭﺭﺍ ﺍﻟﻌﻴﻠﺔ ﺩﻱ ... ﺑﺘﻌﻤﻠﻮﺍ ﺇﻳﻪ ﻫﻨﺎ ﺍﻧﺘﻮﺍ ﻛﻤﺎﻥ

- ﺍﺣﻤﺪ : ﺍﻧﺖ ﺇﻳﻪ ﺍﻟﻠﻲ ﺟﺎﺑﻚ ﻫﻨﺎ ﻳﺎ ﺍﺑﻨﻲ ﺍﻧﺖ ?

- ﺍﺩﻫﻢ : ﺧﺎﻟﻚ ﻫﻮ ﺍﻟﻠﻲ ﻗﺎﻟﻲ ﺭﻭﺡ ﺷﻮﻑ ﺃﺣﻤﺪ ﺑﻴﻌﻤﻞ ﺇﻳﻪ ... ﺩﻟﻮﻗﺘﻲ ﺃﻧﺎ ﺃﺭﻭﺡ ﺃﻗﻮﻟﻪ ﻟﻘﻴﺘﻪ ﺑﻴﻌﻤﻞ ﺇﻳﻪ ﺑﺎﻟﻈﺒﻂ ?

ﺩﻓﻌﻪ ﺃﺣﻤﺪ ﺃﻣﺎﻣﻪ ﻗﺎﺋﻼ :

- ﻣﺎﺗﻘﻮﻟﺶ ﺣﺎﺟﺔ ﻳﺎ ﺧﻔﻴﻒ ... ﺍﻧﺎ ﺟﺎﻱ ﻣﻌﺎﻙ ﺁﻫﻮﻩ

ﺃﻣﻨﻴﺔ : ﻭﻟﻴﻪ ﻣﺎﻗﻮﻟﺘﻴﻠﻮﺵ ﺑﺲ ﻳﺎ ﺃﻣﻴﺮﺓ ﻋﻞ ﺍﻟﻠﻲ ﺟﻤﺎﻝ ﺑﻴﻌﻤﻠﻪ ﻣﻌﺎﻛﻲ ?

ﺗﻨﻬﺪﺕ ﺃﻣﻴﺮﺓ ﻗﺎﺋﻠﺔ ﺑﺄﺳﻰ :

- ﻋﺎﻳﺰﺍﻧﻲ ﺃﻗﻮﻟﻪ ﺇﻳﻪ ﺑﺲ ﻳﺎ ﺃﻣﻨﻴﺔ ... ﺍﻧﺘﻲ ﻋﺎﺭﻓﺔ ﺍﻥ ﺃﻧﺎ ﺑﺎﻟﺬﺍﺕ ﺍﺣﻤﺪ ﻣﺶ ﺑﻴﺴﺘﺤﻤﻞ ﻓﻴﺎ ﺣﺎﺟﺔ ... ﻭﻣﺎﺿﻤﻨﺶ ﻟﻮ ﻗﻠﺘﻪ ﻣﻤﻜﻦ ﻳﻌﻤﻞ ﺇﻳﻪ ﺑﺲ ﻣﻊ ﺟﻤﺎﻝ .

- ﻭﺣﺘﻔﻀﻠﻲ ﺳﺎﻛﺘﺔ ﻟﺤﺪ ﺇﻣﺘﻰ ﻳﺎ ﺃﻣﻴﺮﺓ ?

- ﻟﺤﺪ ﻣﺎ ﺃﺷﻮﻑ ﺍﺧﺮﺗﻬﺎ ﺇﻳﻪ ﻣﻌﺎﻩ ﺑﺲ ... ﻭﺍﺩﻳﻨﻲ ﺑﺪﻋﻴﻠﻪ ﻟﻴﻞ ﻧﻬﺎﺭ ﺍﻥ ﺭﺑﻨﺎ ﻳﻬﺪﻳﻪ ... ﻳﻼ ﺃﻧﺎ ﻣﺎﺷﻴﺔ ﺑﻘﻰ ... ﻫﻴﺎ ﻣﺎﻣﺎ ﻓﻴﻦ ﻋﺸﺎﻥ ﺍﺳﻠﻢ ﻋﻠﻴﻬﺎ ?

- ﻣﺎﻣﺎ ﺑﺮﻩ ﻓﻲ ﺍﻟﺠﻨﻴﻨﺔ ... ﻗﺎﻋﺪﺓ ﻣﻊ ﻟﺒﻨﻰ ﻭﻧﻮﺭﺍ ﻭﻟﻤﻴﺎ ... ﺗﻌﺎﻟﻲ ﺳﻠﻤﻲ ﻋﻠﻴﻬﺎ ﻭﺃﻧﺎ ﻛﻤﺎﻥ ﺣﺎﻃﻠﻊ ﺍﻗﻌﺪ ﻣﻌﺎﻫﻢ ﺷﻮﻳﺔ

ﺧﺮﺟﺖ ﺃﻣﻴﺮﺓ ﻟﺘﺴﻠﻢ ﻋﻠﻰ ﺍﻟﺠﻤﻴﻊ ﻭﺗﻮﺩﻋﻬﻢ ﺛﻢ ﻏﺎﺩﺭﺕ ﻣﻊ ﺯﻭﺟﻬﺎ ﻭﻃﻔﻠﺘﻬﺎ ﺫﺍﺕ ﺍﻟﻌﺎﻡ ﻭﻧﺼﻒ ... ﺑﻴﻨﻤﺎ ﺍﻗﺘﺮﺑﺖ ﺃﻣﻨﻴﺔ ﻣﻦ ﺣﻴﺚ ﺗﻘﻒ ﺃﻟﻔﺖ ﻭﻧﻮﺭﺍ ﺍﻟﺘﻲ ﻛﺎﻧﺖ ﺗﺪﺍﻋﺐ ﺑﺄﻧﺎﻣﻠﻬﺎ ﺇﺣﺪﻱ ﺃﺯﻫﺎﺭ ﺍﻟﺘﻮﻟﻴﺐ ﺍﻟﺘﻲ ﺗﻌﺸﻘﻬﺎ ﻧﻮﺭﺍ ﻛﺜﻴﺮﺍ ... ﻭﺗﺘﻠﻤﺴﻪﺍ ﺑﺮﻗﺔ ﺑﺎﻟﻐﺔ ... ﺣﻴﻦ ﺣﺪﺛﺘﻬﺎ ﺃﻟﻔﺖ ﻗﺎﺋﻠﺔ :

- ﺑﺎﻳﻦ ﻋﻠﻴﻜﻲ ﻛﺪﻩ ﺑﺘﺤﺒﻲ ﺍﻟﻮﺭﺩ ﺑﺎﻟﻈﺒﻂ ﺯﻱ ﺍﺩﻫﻢ ﺍﺑﻨﻲ

- ﻫﻮ ﺍﺩﻫﻢ ﺑﻴﺤﺐ ﺍﻟﻮﺭﺩ ?

- ﺁﻩ ﻃﺒﻌﺎ ... ﺍﻣﺎﻝ ﻣﻴﻦ ﺍﻟﻠﻲ ﺑﻴﺰﺭﻉ ﺍﻟﻮﺭﺩ ﺩﻩ ﻭﺑﻴﻬﺘﻢ ﺑﻴﻪ ﻏﻴﺮ ﺍﺩﻫﻢ

ﺭﻓﻌﺖ ﺃﻣﻨﻴﺔ ﺣﺎﺟﺒﻴﻬﺎ ﻓﻲ ﺩﻫﺸﺔ ﻗﺎﺋﻠﺔ :

- ﻣﺎﻣﺎ ... ﻣﻦ ﺍﻣﺘﻰ ﻭﺍﺩﻫﻢ ﺃﺧﻮﻳﺎ ﺑﻴﺤﺐ ﺍﻟﻮﺭﺩ ?

ﻟﻜﺰﺗﻬﺎ ﺃﻟﻔﺖ ﻓﻲ ﺫﺭﺍﻋﻬﺎ ﻗﺎﺋﻠﺔ :

- ﻣﻦ ﺯﻣﺎﻥ ﺑﺲ ﺍﻧﺘﻲ ﻣﺎﻛﻨﺘﻴﺶ ﻭﺍﺧﺪﺓ ﺑﺎﻟﻚ

- ﻛﻞ ﺷﺊ ﺟﺎﻳﺰ ... ﺃﻭ ﻳﻤﻜﻦ ﻋﺸﺎﻥ ﻳﻮﺩﻳﻪ ﻟﻠﺒﻨﺎﺕ ﺍﻟﻠﻲ ﺑﻴﺸﺘﻐﻠﻬﻢ

ﻟﻜﺰﺗﻬﺎ ﺃﻟﻔﺖ ﻟﻠﻤﺮﺓ ﺍﻟﺜﺎﻧﻴﺔ ﻗﺎﺋﻠﺔ :

- ﺃﺧﻮﻛﻲ ﺭﺑﻨﺎ ﺗﺎﺏ ﻋﻠﻴﻪ ﻭﺑﻄﻞ ﺧﺎﻟﺺ ﻣﻮﺿﻮﻉ ﺍﻟﺒﻨﺎﺕ ﺩﻩ ... ﻭﺑﻘﻰ ﻣﻦ ﺷﻐﻠﻪ ﻟﻠﺒﻴﺖ ﻟﻠﺠﺎﻣﻊ

ﺭﻓﻌﺖ ﺃﻣﻨﻴﺔ ﻛﺘﻔﻴﻬﺎ ﻗﺎﺋﻠﺔ ﺑﻼ ﻣﺒﺎﻻﺓ :

- ﻳﻤﻜﻦ ﺑﺮﺿﻪ

- ﺃﻟﻔﺖ : ﺁﻫﻮ ﺍﺩﻫﻢ ﺟﻪ ﺁﻫﻮ ﻋﻠﻰ ﺍﻟﺴﻴﺮﺓ ... ﺑﻘﻮﻟﻚ ﺇﻳﻪ ﻳﺎ ﺃﻣﻨﻴﺔ ... ﻣﺎﺗﻴﺠﻲ ﻧﺮﻭﺡ ﻧﻘﻌﺪ ﺷﻮﻳﺔ ﻫﻨﺎﻙ ﻣﻊ ﻟﺒﻨﻰ ﻭﻟﻤﻴﺎ

- ﺃﻣﻨﻴﺔ ﺑﺈﺫﻋﺎﻥ : ﺣﺎﺿﺮ ﻳﺎ ﻣﺎﻣﺎ ﺍﻟﻠﻲ ﺗﺸﻮﻓﻴﻪ

ﺫﻫﺒﺖ ﺃﻟﻔﺖ ﻭﻣﻌﻬﺎ ﺃﻣﻨﻴﺔ ﺇﻟﻰ ﺣﻴﺚ ﺗﺠﻠﺲ ﻛﻞ ﻣﻦ ﻟﺒﻨﻰ ﻭﻟﻤﻴﺎﺀ ... ﺑﻴﻨﻤﺎ ﺍﻗﺘﺮﺏ ﺃﺩﻫﻢ ﻣﻦ ﻧﻮﺭﺍ ﻭﺍﺿﻌﺎ ﻳﺪﻳﻪ ﺧﻠﻒ ﻇﻬﺮﻩ ... ﺛﻢ ﻗﺎﻝ ﺑﺈﺑﺘﺴﺎﻣﺔ :

- ﺑﺘﻌﻤﻠﻲ ﺇﻳﻪ ?

- ﺑﺘﻔﺮﺝ ﻋﻠﻰ ﺍﻟﻮﺭﺩ ﺯﻱ ﻣﺎ ﺍﻧﺖ ﺷﺎﻳﻒ

- ﺍﻧﺘﻲ ﺑﺘﺤﺒﻲ ﺍﻟﻮﺭﺩ ?

- ﺃﻭﻣﺄﺕ ﺑﺮﺃﺳﻬﺎ ﻣﺆﻛﺪﺓ : ﺃﻳﻮﻩ ﺑﺤﺒﻪ

- ﺃﺩﻫﻢ ﺑﻬﻴﺎﻡ : ﻳﺎ ﺑﺨﺘﻪ

- ﻧﻮﺭﺍ ﺑﺪﻫﺸﺔ : ﻫﻮ ﻣﻴﻦ ﺩﻩ ?

- ﺍﻟﻮﺭﺩ ﻃﺒﻌﺎ

ﺍﺧﺮﺝ ﺍﺩﻫﻢ ﻳﺪﻩ ﻣﻦ ﺧﻠﻒ ﻇﻬﺮﻩ ﻟﺘﻈﻬﺮ ﺑﺎﻗﺔ ﻣﻦ ﺃﺯﻫﺎﺭ ﺍﻟﺘﻮﻟﻴﺐ ﻗﺪﻣﻬﺎ ﺇﻟﻰ ﻧﻮﺭﺍ ﻗﺎﺋﻼ :

- ﺃﺣﻠﻰ ﻭﺭﺩ ﻷﺟﻤﻞ ﻭﺭﺩﺓ ﻓﻲ ﻋﻴﻠﺔ ﺍﻟﺪﻣﻴﺎﻃﻲ ﻛﻠﻬﺎ

ﺍﻋﺘﻠﺖ ﺍﻟﺪﻫﺸﺔ ﻣﻼﻣﺢ ﻭﺟﻬﻬﺎ ... ﻇﻠﺖ ﻣﺤﺪﻗﺔ ﻓﻴﻪ ﻟﻔﺘﺮﺓ ﻗﺒﻞ ﺃﻥ ﺗﻘﻮﻝ :

- ﻫﻮ ﻓﻴﻪ ﺇﻳﻪ ﺑﺎﻟﻈﺒﻂ ﻳﺎ ﺍﺩﻫﻢ ?

- ﺍﺩﻫﻢ ﺑﻀﻴﻖ : ﺇﻳﻪ ﻳﺎ ﻧﻮﺭﺍ ﻫﻮ ﺃﻧﺎ ﻋﻤﻠﺖ ﺣﺎﺟﺔ ﻏﻠﻂ ?

- ﺃﻧﺎ ﻣﺎﺑﺤﺒﺶ ﺍﻷﺳﻠﻮﺏ ﺩﻩ ﻳﺎ ﺍﺩﻫﻢ

- ﺟﺮﻯ ﺇﻳﻪ ﻳﺎ ﻧﻮﺭﺍ ! ﻫﻮ ﺃﻧﺎ ﻭﺍﺣﺪ ﻣﺎﺷﻲ ﻑ ﺍﻟﺸﺎﺭﻉ ﺑﻴﻌﺎﻛﺴﻚ ﻣﺜﻼ ... ﺩﻩ ﺃﻧﺎ ﺍﺑﻦ ﻋﻤﺘﻚ

- ﻣﺎﻫﻮ ﻋﺸﺎﻥ ﺍﻧﺖ ﺍﺑﻦ ﻋﻤﺘﻲ ﻓﺎﻧﺎ ﻋﺎﺭﻓﺎﻙ ﻛﻮﻳﺲ ... ﻭﻳﺎﺭﻳﺖ ﺗﻔﻀﻞ ﻓﺎﻛﺮ ﻛﻮﻳﺲ ﺍﻧﻲ ﺑﻨﺖ ﺧﺎﻟﻚ ﻣﺶ ﻭﺍﺣﺪﺓ ﻣﻦ ﺍﻟﺒﻨﺎﺕ ﺍﻟﻠﻲ ﺗﻌﺮﻓﻬﻢ

ﺍﺳﺮﻉ ﺍﺩﻫﻢ ﻳﻨﻔﻲ ﺗﻠﻚ ﺍﻹﺗﻬﺎﻣﺎﺕ ﻋﻨﻪ ﻗﺎﺋﻼ :

- ﺻﺪﻗﻴﻨﻲ ﻳﺎ ﻧﻮﺭﺍ ﺍﻧﺘﻲ ﻓﺎﻫﻤﺔ ﻏﻠﻂ ... ﺍﻟﺤﻤﺪ ﻟﻠﻪ ﺭﺑﻨﺎ ﺗﺎﺏ ﻋﻠﻴﺎ ﻣﻦ ﻣﻮﺿﻮﻉ ﺍﻟﺒﻨﺎﺕ ﺩﻩ ﺧﺎﻟﺺ

- ﺍﺗﻤﻨﻰ ﺇﻧﻲ ﺍﻛﻮﻥ ﻓﻌﻼ ﻓﺎﻫﻤﺔ ﻏﻠﻂ ... ﻧﺼﻴﺤﺔ ﻣﻨﻲ ﻳﺎ ﺍﺩﻫﻢ ... ﺍﻧﺖ ﺣﺘﺘﺴﺄﻝ ﺍﺩﺍﻡ ﺭﺑﻨﺎ ﻋﻦ ﺷﺒﺎﺑﻚ ﺿﻴﻌﺘﻪ ﻓﺈﻳﻪ ... ﺣﺘﻘﺪﺭ ﺗﻘﻒ ﺍﺩﺍﻡ ﺭﺑﻨﺎ ﻭﺗﻘﻮﻝ ﺍﻧﻚ ﺿﻴﻌﺘﻪ ﻓﻲ ﺍﻟﺠﺮﻱ ﻭﺭﺍ ﺑﻨﺎﺕ ﺍﻟﻨﺎﺱ ﻭﺍﻟﻀﺤﻚ ﻋﻠﻴﻬﻢ ... ﻳﺎﺭﻳﺖ ﺗﻔﻮﻕ ﻟﻨﻔﺴﻚ ﻭﺗﻔﻜﺮ ﻓﻜﻼﻣﻲ ﺩﻩ ﻛﻮﻳﺲ

- ﺍﺩﻫﻢ ﺑﻀﻴﻖ : ﺣﺎﺿﺮ ﻳﺎ ﻧﻮﺭﺍ ﺣﺎﻓﻜﺮ ... ﻋﻦ ﺇﺫﻧﻚ

ﺍﺑﺘﻌﺪ ﺍﺩﻫﻢ ﺗﺎﺭﻛﺎ ﻧﻮﺭﺍ ﻟﻴﻘﺘﺮﺏ ﻣﻦ ﺣﻴﺚ ﺗﺠﻠﺲ ﻧﺎﺩﻳﺔ ﺍﻟﺘﻲ ﺧﺮﺟﺖ ﺇﻟﻰ ﺍﻟﺤﺪﻳﻘﺔ ﻟﺘﺘﻤﺸﻰ ﻗﻠﻴﻼ ﻓﻴﻬﺎ ... ﺟﻠﺲ ﺑﺠﻮﺍﺭﻫﺎ ﻭﻇﻼ ﻣﻌﺎ ﻳﺘﺒﺎﺩﻻﻥ ﺍﻟﺤﺪﻳﺚ ﻭﺍﻟﻤﺰﺍﺡ ﻭﻗﺪ ﻋﻠﺖ ﺿﺤﻜﺎﺗﻬﻤﺎ ... ﺍﻷﻣﺮ ﺍﻟﺬﻱ ﺃﺛﺎﺭ ﺣﻔﻴﻈﺔ ﻋﻠﻲ ﺍﻟﺬﻱ ﻛﺎﻥ ﺧﺎﺭﺟﺎ ﺇﻟﻰ ﺍﻟﺤﺪﻳﻘﺔ ﻓﻲ ﻧﻔﺲ ﺍﻟﺘﻮﻗﻴﺖ ... ﻓﺸﻌﺮ ﺑﺎﻟﻐﻴﺮﺓ ﺗﻨﻬﺶ ﻗﻠﺒﻪ ... ﻭﻭﺩ ﻟﻮ ﺃﻧﻪ ﺫﻫﺐ ﺇﻟﻰ ﻧﺎﺩﻳﺔ ﻭﺟﺬﺑﻬﺎ ﻣﻦ ﺫﺭﺍﻋﻬﺎ ﺻﺎﺭﺧﺎ ﻓﻴﻬﺎ ﺃﻥ ﺗﻜﻒ ﻋﻦ ﻓﻌﻞ ﻛﻞ ﻣﺎ ﻳﻀﺎﻳﻘﻪ ... ﻭﻟﻜﻦ ﻛﻴﻒ ﻟﻪ ﺫﻟﻚ ﻭﻟﻴﺲ ﻫﻨﺎﻙ ﺛﻤﺔ ﺳﻠﻄﺎﻥ ﻟﻪ ﻋﻠﻴﻬﺎ ... ﻟﺬﻟﻚ ﻓﻘﺪ ﻋﺰﻡ ﻋﻠﻰ ﻣﻔﺎﺗﺤﺔ ﻋﻤﻪ ﻓﻲ ﺃﻣﺮ ﺇﺭﺗﺒﺎﻃﻪ ﺑﻨﺎﺩﻳﺔ ﺃﺛﻨﺎﺀ ﺣﻔﻠﺔ ﻋﻴﺪ ﻣﻴﻼﺩﻫﺎ ﻳﻮﻡ ﺍﻟﺨﻤﻴﺲ ﺍﻟﻘﺎﺩﻡ ... ﻋﻠﻰ ﺃﻥ ﻳﻌﻠﻦ ﻟﻠﺠﻤﻴﻊ ﺃﻣﺮ ﺇﺭﺗﺒﺎﻃﻪ ﺑﻬﺎ ﺃﺛﻨﺎﺀ ﺍﻟﺤﻔﻞ .

ﻛﺎﻧﺖ ﺃﻟﻔﺖ ﺗﺘﺎﺑﻊ ﺍﻟﻤﻮﻗﻒ ﻣﻦ ﺑﻌﻴﺪ ﺣﻴﻦ ﺷﺎﻫﺪﺕ ﺍﺩﻫﻢ ﻭﻫﻮ ﻳﺒﺘﻌﺪ ﻋﻦ ﻧﻮﺭﺍ ﻭﻳﺠﻠﺲ ﺑﺠﺎﻧﺐ ﻧﺎﺩﻳﺔ ﻓﺎﻗﺘﺮﺑﺖ ﻣﻨﻬﻤﺎ ﻗﺎﺋﻠﺔ :

- ﺍﺩﻫﻢ ... ﻟﻮﺳﻤﺤﺖ ﻳﺎ ﺣﺒﻴﺒﻲ ﺗﻌﺎﻟﻲ ﻋﺎﻳﺰﺍﻙ ﺩﻗﻴﻘﺔ

↚

- ﺣﺎﺿﺮ ﻳﺎ ﻣﺎﻣﺎ ... ﺩﻗﻴﻘﺔ ﻭﺍﺣﺪﺓ ﻳﺎ ﻧﺎﺩﻳﺔ ﺣﺎﺷﻮﻑ ﺑﺲ ﻣﺎﻣﺎ ﻋﺎﻳﺰﺓ ﺇﻳﻪ ﻭﺭﺍﺟﻌﻠﻚ ﺗﺎﻧﻲ ﻧﻜﻤﻞ ﻛﻼﻣﻨﺎ

ﻭﻗﻔﺖ ﻧﺎﺩﻳﺔ ﻫﻲ ﺍﻷﺧﺮﻱ ﻭﻗﺎﻟﺖ :

- ﺑﺮﺍﺣﺘﻚ ﺑﻘﻰ ﻳﺎ ﺍﺩﻫﻢ ... ﺃﻧﺎ ﻃﺎﻟﻌﺔ ﻋﺸﺎﻥ ﻋﺎﻳﺰﺓ ﺑﺎﺑﺎ ﻓﻤﻮﺿﻮﻉ ... ﺣﺎﺭﻭﺡ ﺍﻟﺤﻘﻪ ﻗﺒﻞ ﻣﺎ ﻳﻨﺎﻡ ﻭﻧﺒﻘﻰ ﻧﻜﻤﻞ ﻛﻼﻣﻨﺎ ﺑﻌﺪﻳﻦ

- ﺧﻼﺹ ﻳﺎ ﻗﻤﺮ ... ﺗﺼﺒﺤﻲ ﻋﻠﻰ ﺧﻴﺮ ﺍﻧﺘﻲ

- ﻭﺍﻧﺖ ﻣﻦ ﺃﻫﻠﻪ ﻳﺎ ﺍﺩﻫﻢ

ﺩﺧﻞ ﺍﺩﻫﻢ ﻣﻊ ﻭﺍﻟﺪﺗﻪ ﺇﻟﻰ ﻏﺮﻓﺘﻬﺎ ﻭﺍﻏﻠﻖ ﺍﻟﺒﺎﺏ ﺧﻠﻔﻪ ﺛﻢ ﺟﻠﺲ ﻗﺎﺋﻼ :

- ﺧﻴﺮ ﻳﺎ ﻣﺎﻣﺎ ﻛﻨﺘﻲ ﻋﺎﻳﺰﺓ ﺣﺎﺟﺔ

ﺟﻠﺴﺖ ﺃﻟﻔﺖ ﺇﻟﻰ ﺟﻮﺍﺭﻩ ﻗﺎﺋﻠﺔ ﺑﺤﻴﺮﺓ :

- ﻣﺎﺗﻔﻬﻤﻨﻲ ﻳﺎ ﺍﺑﻨﻲ ... ﺍﻷﻭﻝ ﺭﻭﺣﺖ ﻭﻗﻔﺖ ﻣﻊ ﻧﻮﺭﺍ ﻭﺷﻮﻓﺘﻚ ﺑﺘﺪﻳﻬﺎ ﻭﺭﺩ ... ﺑﻌﺪ ﺷﻮﻳﺔ ﺭﻭﺣﺖ ﻗﻌﺪﺕ ﺟﻨﺐ ﻧﺎﺩﻳﺔ ﻭﻋﻤﺎﻝ ﺗﻀﺤﻚ ﻭﺗﻬﺰﺭ ﻣﻌﺎﻫﺎ ... ﻣﺎﺗﺮﺳﻴﻦﻱ ﻋﻠﻰ ﺑﺮ ... ﺍﻧﺖ ﻧﺎﻭﻱ ﻋﻠﻰ ﻣﻴﻦ ﻓﻴﻬﻢ ﺑﺎﻟﻈﺒﻂ ?

- ﺑﻘﻮﻟﻚ ﺇﻳﻪ ﻳﺎ ﺃﻟﻔﺖ ... ﺍﻧﺘﻲ ﺗﺼﺮﻓﻲ ﻧﻈﺮ ﻋﻦ ﺍﻟﻤﻮﺿﻮﻉ ﺩﻩ ﻭﺗﺸﻴﻠﻴﻪ ﻣﻦ ﺩﻣﺎﻏﻚ ﺧﺎﻟﺺ

- ﻟﻴﻪ ﺑﻘﻰ ﺇﻥ ﺷﺎﺀﺍﻟﻠﻪ ?

- ﺃﻧﺎ ﻗﻠﺘﻠﻚ ﻗﺒﻞ ﻛﺪﻩ ﺍﻥ ﻧﺎﺩﻳﺔ ﺩﻱ ﻣﺶ ﺳﻜﺘﻲ ... ﺃﻧﺎ ﻣﺎ ﺍﺗﺠﻮﺯﺵ ﻭﺍﺣﺪﺓ ﺑﺘﻀﺤﻚ ﻭﺗﻬﺰﺭ ﻣﻊ ﺃﻱ ﺷﺎﺏ ﻛﺪﻩ ﻋﺎﺩﻱ ... ﺣﺘﻰ ﻟﻮ ﻛﺎﻥ ﺍﻟﺸﺎﺏ ﺩﻩ ﺍﺑﻦ ﻋﻤﺘﻬﺎ ... ﻣﺎﻟﻮ ﻛﺪﻩ ﻛﻨﺖ ﺍﺗﺠﻮﺯﺕ ﺍﻟﺒﺖ ﺻﺎﻓﻲ ﺑﺪﻝ ﻣﺎﻫﻲ ﺣﺘﻤﻮﺕ ﻋﻠﻴﺎ ﻛﺪﻩ ... ﺃﻣﺎ ﺑﺎﻟﻨﺴﺒﺔ ﻟﻨﻮﺭﺍ ﺑﻘﻰ ﻓﺪﻱ ﻃﻠﻌﺖ ﻧﺴﺨﺔ ﻣﻦ ﺍﺣﻤﺪ ﺍﺑﻨﻚ ... ﻳﻌﻨﻲ ﺗﺠﻮﺯﻳﻬﻢ ﻟﺒﻌﺾ ﻭﺍﻧﺘﻲ ﻣﻐﻤﻀﺔ ... ﻭﻗﺒﻞ ﻛﻞ ﺩﻩ ﺃﻧﺎ ﻣﺎﻗﺪﺭﺵ ﺍﺷﻴﻞ ﺫﻧﺐ ﻧﺺ ﺑﻨﺎﺕ ﺩﻣﻴﺎﻁ ﺍﻟﻠﻲ ﺣﻴﻨﺘﺤﺮﻭﺍ ﻟﻤﺎ ﻳﻌﺮﻓﻮﺍ ﺍﻥ ﺍﺩﻫﻢ ﻓﺎﺿﻞ ﺍﺗﺠﻮﺯ

- ﺃﻟﻔﺖ ﺑﺘﻬﻜﻢ : ﻭﺣﻴﺎﺓ ﺃﻣﻚ ... ﻗﻮﻟﻲ ﺑﺲ ﻋﻤﻠﺘﻠﻚ ﺇﻳﻪ ﻧﻮﺭﺍ ?

- ﺩﻱ ﻃﻠﻌﺖ ﺧﻨﻘﺔ ... ﺑﻘﻰ ﻓﻴﻪ ﺑﻨﺖ ﺗﻘﻮﻝ ﻟﻠﻮﺭﺩ ﻷ ... ﺩﻱ ﺍﻟﺒﺖ ﺻﺎﻓﻲ ﻟﻮ ﺟﺒﺘﻠﻬﺎ ﺣﺰﻣﺔ ﻓﺠﻞ ﻛﺎﻥ ﺯﻣﺎﻧﻬﺎ ﻋﻤﺎﻟﻪ ﺗﺸﻢ ﻓﻴﻬﺎ ﺷﻬﺮ ﺑﺤﺎﻟﻪ ﻭﻣﺶ ﺑﻌﻴﺪ ﺗﻤﻮﺕ ﻣﻦ ﺍﻟﻔﺮﺣﺔ ﺍﺳﺎﺳﺎ ... ﺍﻣﺎﻝ ﻟﻮ ﻛﺎﻧﺖ ﺳﻤﻌﺖ ﺍﻟﻜﻠﻤﺘﻴﻦ ﺍﻟﻠﻲ ﻛﻨﺖ ﻣﺤﻀﺮﻫﻤﻠﻬﺎ ﻛﺎﻧﺖ ﺃﻗﺎﻣﺖ ﻋﻠﻴﺎ ﺍﻟﺤﺪ ...

- ﻫﻮ ﺍﻧﺖ ﻳﺎ ﺃﺧﻮﻳﺎ ﻛﻨﺖ ﻣﻔﻜﺮﻫﺎ ﺯﻱ ﺍﻟﺒﻨﺎﺕ ﺍﻟﻜﺴﺮ ﺍﻟﻠﻲ ﺗﻌﺮﻓﻬﻢ ... ﻭﺑﻌﺪﻳﻦ ﻳﻌﻨﻲ ﺍﻧﺖ ﻋﺎﻳﺰ ﺗﻔﻬﻤﻨﻲ ﺍﻥ ﺍﺩﻫﻢ ﻓﺎﺿﻞ ﺍﻟﻠﻲ ﻣﺪﻭﺏ ﻧﺺ ﺑﻨﺎﺕ ﺩﻣﻴﺎﻁ ﺗﻘﻒ ﻣﻌﺎﻩ ﺑﻨﺖ ﺧﺎﻡ ﻭﻋﻠﻰ ﻧﻴﺎﺗﻬﺎ ﺯﻱ ﻧﻮﺭﺍ

ﻟﻢ ﻳﺠﻴﺒﻬﺎ ﺍﺩﻫﻢ ﻭﻟﻜﻨﻪ ﺃﺷﺎﺭ ﺇﻟﻴﻬﺎ ﺃﻥ ﺗﻘﺘﺮﺏ ﺛﻢ ﻗﺎﻝ ﺑﺠﺪﻳﺔ :

- ﺑﻘﻮﻟﻚ ﺇﻳﻪ ﻳﺎ ﺃﻟﻔﺖ ... ﺗﻌﺎﻟﻲ ﻛﺪﻩ ﻋﺎﻳﺰ ﺃﻗﻮﻟﻚ ﻋﻠﻰ ﺣﺎﺟﺔ ... ﺗﻌﺎﻟﻲ ﻣﺎ ﺗﺨﺎﻓﻴﺶ ﺃﻧﺎ ﺑﺲ ﻋﺎﻳﺰ ﺍﻓﻬﻤﻚ ﻋﻠﻰ ﺣﺎﺟﺔ ﺍﻧﺘﻲ ﺑﺮﺿﻪ ﺯﻱ ﺃﻣﻲ

ﺍﻗﺘﺮﺑﺖ ﻣﻨﻪ ﺃﻟﻔﺖ ﺍﻟﺘﻲ ﺑﺪﺍ ﻋﻠﻴﻬﺎ ﺍﻹﻫﺘﻤﺎﻡ ﻓﻘﺎﻡ ﺍﺩﻫﻢ ﻭﻟﻒ ﺫﺭﺍﻋﻪ ﺣﻮﻝ ﻛﺘﻔﺒﻬﺎ ﻭﻣﺎﻝ ﻋﻠﻰ ﺃﺫﻧﻬﺎ ﻗﺎﺋﻼ :

- ﻋﺎﺩﺓ ﻳﻌﻨﻲ ﻓﻲ ﺍﻟﺤﺎﻻﺕ ﺍﻟﻠﻲ ﺯﻱ ﺩﻱ ... ﺑﺲ ﺩﻩ ﻣﻊ ﺍﻷﻣﻬﺎﺕ ﺍﻟﻄﺒﻴﻌﻴﻴﻦ ﺍﻟﻌﺎﺩﻳﻴﻦ ﻳﻌﻨﻲ ... ﻟﻤﺎ ﺍﻷﻡ ﺑﺘﻌﺮﻑ ﺍﻥ ﺍﺑﻨﻬﺎ ﻣﺼﺎﺣﺐ ﺑﻨﺎﺕ ﻭﺑﻴﺴﺮﺡ ﺑﻴﻬﻢ ... ﺩﻩ ﻓﻲ ﺍﻷﻣﻬﺎﺕ ﺍﻟﻄﺒﻴﻌﻴﻴﻦ ﺯﻱ ﻣﺎﻗﻠﺘﻠﻚ ... ﺑﺘﻘﻮﻝﻩ ﻋﻴﺐ ﻋﻠﻴﻚ ﻳﺎ ﺍﺑﻨﻲ ... ﻭﺣﺮﺍﻡ ﻋﻠﻴﻚ ﺑﻨﺎﺕ ﺍﻟﻨﺎﺱ ﻣﺶ ﻟﻌﺒﺔ ... ﻭﺣﺎﺟﺎﺕ ﺯﻱ ﻛﺪﻩ ﻳﻌﻨﻲ ... ﻭﻻ ﺍﻧﺘﻲ ﺭﺃﻳﻚ ﺇﻳﻪ ?

ﺭﻓﻌﺖ ﺃﻟﻔﺖ ﺭﺃﺳﻬﺎ ﻭﺍﺑﺘﺴﻤﺖ ﻗﺎﺋﻠﺔ :

- ﻳﻮﻩ ﺟﺘﻚ ﺇﻳﻪ ﻳﺎ ﺍﺩﻫﻢ ... ﻳﺎﻭﺍﺩ ﺃﻧﺎ ﻋﺎﺭﻓﺔ ﺍﻥ ﺩﻩ ﻛﻠﻪ ﻃﻴﺶ ﺷﺒﺎﺏ ﻭﺑﻜﺮﺓ ﺍﻥ ﺷﺎﺀﺍﻟﻠﻪ ﻟﻤﺎ ﺗﺘﺠﻮﺯ ﺣﺘﻌﻘﻞ ﻭﺭﺑﻨﺎ ﻳﻬﺪﻳﻚ ... ﺛﻢ ﺳﺮﻋﺎﻥ ﻣﺎ ﺗﺤﻮﻟﺖ ﻣﻼﻣﺤﻬﺎ ﺇﻟﻰ ﺍﻟﺠﺪﻳﺔ ﻭﻫﻲ ﺗﻘﻮﻝ :

- ﺑﺲ ﺗﻌﺎﻟﻰ ﻫﻨﺎ ﻳﺎ ﺃﺧﻮﻳﺎ ... ﻟﻤﺎ ﺍﻧﺖ ﻋﺎﺭﻑ ﺍﻟﻜﻼﻡ ﺩﻩ ﺑﺘﻀﺤﻚ ﻋﻠﻰ ﺑﻨﺎﺕ ﺍﻟﻨﺎﺱ ﻟﻴﻪ ?

ﺃﺟﺎﺑﻬﺎ ﺍﺩﻫﻢ ﻗﺎﺋﻼ ﺑﺠﺪﻳﺔ :

- ﺻﺪﻗﻴﻨﻲ ﺃﻧﺎ ﻧﻔﺴﻲ ﺍﺑﻄﻞ ﺍﻟﺤﻜﺎﻳﺔ ﺩﻱ ﺑﺲ ﻣﺶ ﻗﺎﺩﺭ ... ﺍﺩﻋﻴﻠﻲ ﺭﺑﻨﺎ ﻳﻬﺪﻳﻨﻲ ... ﺛﻢ ﻧﻈﺮ ﺃﻟﻰ ﺍﻟﻔﺮﺍﻍ ﺃﻣﺎﻣﻪ ﻗﺎﺋﻼ :

- ﻋﺸﺎﻥ ﻟﻤﺎ ﺭﺑﻨﺎ ﻳﺴﺄﻟﻨﻲ ﺍﻋﺮﻑ ﺃﺟﺎﻭﺏ

ﺍﻧﺘﻬﻰ ﺍﻟﻴﻮﻡ ﺑﻜﻞ ﺃﺣﺪﺍﺛﻪ ﻭﺻﻌﺪ ﺍﻟﺠﻤﻴﻊ ﺇﻟﻰ ﻏﺮﻓﻬﻢ ﻟﻠﻨﻮﻡ ... ﺑﻌﺪ ﺃﻥ ﻏﺎﺩﺭﺕ ﺃﻣﻨﻴﺔ ﻣﻊ ﺷﺮﻳﻒ ... ﻭﺩﺧﻠﺖ ﻛﻞ ﻣﻦ ﻟﺒﻨﻰ ﻭﻟﻤﻴﺎﺀ ﻣﻊ ﺳﻤﻴﺔ ﻏﺮﻓﺘﻬﺎ

ﻟﺒﻨﻰ : ﻧﺴﻴﺒﻚ ﺍﺣﻨﺎ ﺑﻘﻰ ﻋﺸﺎﻥ ﺗﻨﺎﻣﻲ ﻳﺎ ﻣﺎﻣﺎ

ﺳﻤﻴﺔ : ﻭﻣﻴﻦ ﺣﻴﺠﻴﻠﻪ ﻧﻮﻡ ﻳﺎ ﺑﻨﺘﻲ ﺍﻟﻠﻴﻠﺔﺩﻱ

ﻟﻤﻴﺎﺀ : ﻣﻌﺎﻛﻲ ﺣﻖ ﻳﺎ ﻣﺎﻣﺎ ... ﻛﺎﻥ ﻳﻮﻡ ﻣﺸﺤﻮﻥ ﻓﻌﻼ ... ﺑﺲ ﻗﻮﻟﻴﻠﻲ ﻳﺎ ﻣﺎﻣﺎ ﺍﻧﺘﻲ ﻛﻨﺘﻲ ﺗﻌﺮﻓﻲ ﺍﻥ ﺍﻟﺸﻘﺔ ﺍﻟﻠﻲ ﺗﺤﺖ ﺑﺈﺳﻢ ﻋﻤﺘﻮ ﺃﻟﻔﺖ ?

ﺳﻤﻴﺔ : ﻻ ﻳﺎ ﺣﺒﻴﺒﺘﻲ ... ﺃﻧﺎ ﺍﻟﻠﻲ ﻛﻨﺖ ﺃﻋﺮﻓﻪ ﺍﻥ ﻋﻤﺘﻚ ﺃﻟﻔﺖ ﺑﺎﻋﺖ ﻧﺼﻴﺒﻬﺎ ﻓﻲ ﺍﻟﺒﻴﺖ ﻣﻦ ﺯﻣﺎﻥ ﺑﻌﺪ ﻣﻮﺕ ﺟﺪﻙ ﻭﺍﻷﺯﻣﺔ ﺍﻟﻠﻲ ﺣﺼﻠﺖ ... ﻟﻜﻦ ﻋﻤﻚ ﺻﻔﻮﺕ ﻟﻤﺎ ﺭﺑﻨﺎ ﻛﺮﻣﻪ ﺭﺟﻊ ﺍﺷﺘﺮﺍﻩ ﺗﺎﻧﻲ ... ﻭﺷﻘﺘﻨﺎ ﺩﻱ ﺃﻧﺎ ﺻﻤﻤﺖ ﺍﺗﻨﺎﺯﻝ ﻋﻨﻬﺎ ﻟﻌﻤﻚ ﺑﻌﺪ ﻣﺎﺟﺎﺑﻠﻨﺎ ﺍﻟﺸﻘﺔ ﺑﺘﺎﻋﺘﻨﺎ ﻓﻲ ﺍﻟﻘﺎﻫﺮﺓ ... ﻭﻫﻮ ﻛﺘﺮ ﺧﻴﺮﻩ ﺑﻴﺴﻴﺒﻨﺎ ﻧﻘﻌﺪ ﻓﻴﻬﺎ ﻟﻤﺎ ﻧﻴﺠﻲ ﺩﻣﻴﺎﻁ ... ﻭﻣﻦ ﺑﻌﺪ ﺍﺣﻤﺪ ﻣﺎ ﺧﻠﺼﺖ ﺍﻟﻜﻠﻴﺔ ﺑﺘﺎﻋﺘﻪ ﻭﻋﻤﻚ ﻣﺴﻜﻪ ﺍﻟﺸﻐﻞ ﺑﺘﺎﻋﻪ ... ﻋﻤﺘﻚ ﺑﺎﻋﺖ ﺍﻟﺒﻴﺖ ﺑﺘﺎﻉ ﻋﻤﻚ ﻓﺎﺿﻞ ﻭﺟﺖ ﻋﺎﺷﺖ ﻫﻨﺎ ﻣﻊ ﻭﻻﺩﻫﺎ ﻋﺸﺎﻥ ﺍﻟﺒﻴﺖ ﺍﻟﺘﺎﻧﻲ ﻛﺎﻥ ﺑﻌﻴﺪ ﺍﻭﻱ ﻋﻦ ﺍﻟﻤﻌﺮﺿﻴﻦ ﺑﺘﻮﻉ ﻋﻤﻚ ... ﻟﻜﻦ ﻣﻦ ﺍﻟﻮﺍﺿﺢ ﺍﻧﻬﻢ ﺩﻓﻌﻮﺍ ﻟﺨﺎﻟﻚ ﺗﻤﻦ ﺍﻟﺸﻘﺔ .

ﻟﺒﻨﻰ : ﻫﻮ ﺍﻧﺘﻲ ﻣﺶ ﺣﺘﻜﻤﻠﻴﻠﻨﺎ ﺍﻟﺤﻜﺎﻳﺔ ﻭﻻ ﺇﻳﻪ ... ﺇﻳﻪ ﺣﻜﺎﻳﺔ ﺍﻷﺯﻣﺔ ﺩﻱ ﻛﻤﺎﻥ

- ﺑﻘﻮﻟﻜﻮﺍ ﺇﻳﻪ ... ﺃﻧﺎ ﻋﺎﻳﺰﺓ ﺃﻧﺎﻡ ﺩﻟﻮﻗﺘﻲ ﻭﺑﻌﺪﻳﻦ ﻧﻮﺭﺍ ﻣﺶ ﻫﻨﺎ ... ﺑﺲ ﻣﺎ ﺗﺘﺼﻮﺭﻭﺵ ﻳﺎ ﺑﻨﺎﺕ ﺍﺣﻤﺪ ﻛﺒﺮ ﺍﺯﺍﻱ ﻓﻨﻈﺮﻱ ﺑﻌﺪ ﺍﻟﻠﻲ ﻋﻤﻠﻪ ﺍﻟﻨﻬﺎﺭﺩﺓ ﻣﻊ ﺃﻣﻪ ... ﺭﺑﻨﺎ ﻳﺤﻤﻴﻪ ﻟﺸﺒﺎﺑﻪ

- ﻟﺒﻨﻰ ﺑﺄﺳﻰ : ﻳﺎﺭﺏ ﻳﺎ ﻣﺎﻣﺎ

- ﺳﻤﻴﺔ ﺑﺈﻧﻔﻌﺎﻝ : ﻭﻋﻠﻰ ﺍﺩ ﻣﺎ ﺍﺣﻤﺪ ﻛﺒﺮ ﻓﻨﻈﺮﻱ ... ﻋﻠﻰ ﺍﺩ ﻣﺎﻛﺎﻥ ﻧﻔﺴﻲ ﺃﺧﺪ ﻧﺎﺩﻳﺔ ﺑﻨﺖ ﻋﻤﻜﻮﺍ ﻗﻠﻤﻴﻦ ﻋﻠﻰ ﻭﺷﻬﺎ ﺑﻌﺪ ﺍﻟﻔﺼﻮﻝ ﺍﻟﺒﺎﻳﺨﺔ ﺍﻟﻠﻲ ﻋﻤﻠﺘﻬﺎ ﺍﻟﻨﻬﺎﺭﺩﺓ ... ﺍﻷﻭﻝ ﻣﻊ ﺃﻣﻴﺮﺓ ... ﻭﺑﻌﺪﻳﻦ ﻣﻊ ﺟﻤﺎﻝ ﻭﺃﻟﻔﺖ ... ﺃﻧﺎ ﻧﻔﺴﻲ ﺍﻓﻬﻢ ﺑﺲ ﻓﻴﻬﺎ ﺇﻳﻪ ﻋﻠﻲ ﺍﺑﻨﻲ ﺷﺎﻳﻔﻪ ﻭﺍﺣﻨﺎ ﻣﺶ ﺷﺎﻳﻔﻴﻨﻪ

- ﻟﺒﻨﻰ : ﻃﺐ ﺍﻗﻮﻟﻚ ﻋﻠﻰ ﺣﺎﺟﺔ ﺣﺘﻔﺮﺣﻚ ... ﻧﺎﺩﻳﺔ ﺷﻜﻠﻬﺎ ﻛﺪﻩ ﺑﺘﺤﺐ ﻭﺍﺣﺪ ﺯﻣﻴﻠﻬﺎ ﻓﺎﻟﻜﻠﻴﺔ ... ﺷﻮﻓﺘﻬﺎ ﻭﺍﻗﻔﺔ ﻣﻌﺎﻩ ﻭﺷﻜﻠﻬﻢ ﻣﺶ ﺷﻜﻞ ﺯﻣﻼ ﺍﺑﺪﺍ

- ﺳﻤﻴﺔ ﺑﻔﺮﺣﺔ : ﺑﺠﺪ ﻳﺎ ﻟﺒﻨﻰ ... ﻳﺎ ﺍﻟﻒ ﻧﻬﺎﺭ ﺍﺑﻴﺾ

- ﻟﻤﻴﺎﺀ : ﻣﺎﺗﺘﻌﺸﻤﻮﺵ ﺍﻭﻱ ﻛﺪﻩ ... ﻋﻠﻰ ﻗﺎﻝ ﻟﻮ ﻣﺎ ﺍﺗﺠﻮﺯﺵ ﻧﺎﺩﻳﺔ ﺑﺮﺿﻪ ﻣﺶ ﺣﻴﺘﺠﻮﺯ ﻧﻮﺭﺍ

- ﺳﻤﻴﺔ ﺑﻐﻴﻆ : ﻗﻮﻣﻲ ﻣﻦ ﻫﻨﺎ ﻳﺎﺑﺖ ﺍﻧﺘﻲ

- ﻃﻴﺐ ﺍﻗﻮﻟﻚ ﻋﻠﻰ ﺣﺎﺟﺔ ﻛﻤﺎﻥ ... ﻣﺶ ﻳﻤﻜﻦ ﺭﻓﺾ ﻋﻠﻲ ﻟﻨﻮﺭﺍ ﺩﻩ ﺳﺒﺒﻪ ﺍﻧﻨﺎ ﺑﻨﻀﻐﻂ ﻋﻠﻴﻪ ... ﻭﺍﻧﺘﻲ ﻋﺎﺭﻓﻪ ﺇﻧﻪ ﻋﻨﻴﺪ ﺯﻱ ﻋﻤﻪ ... ﺗﻴﺠﻲ ﻧﺒﻄﻞ ﻧﻜﻠﻤﻪ ﻓﺎﻟﻤﻮﺿﻮﻉ ﺩﻩ ﺧﺎﻟﺺ ﻭﻛﺄﻧﻪ ﻣﺎﺑﻘﺎﺵ ﻓﺎﺭﻕ ﻣﻌﺎﻧﺎ ﻭﻧﺴﻴﺒﻪ ﻋﻠﻰ ﺭﺍﺣﺘﻪ ... ﻭﻧﺸﻮﻑ ﺭﺩ ﻓﻌﻠﻪ ﺑﻌﺪﻫﺎ ... ﻳﻤﻜﻦ ﺭﺑﻨﺎ ﻳﻬﺪﻳﻪ ﻭﻳﻨﺴﻰ ﻣﻮﺿﻮﻉ ﻧﺎﺩﻳﺔ ﺩﻩ ﺧﺎﻟﺺ

- ﺳﻤﻴﺔ ﺑﻠﻬﻔﺔ : ﻓﻜﺮﻙ ﻛﺪﻩ ﻳﺎ ﻟﺒﻨﻰ

- ﺁﻫﻮ ﻧﺠﺮﺏ ﻣﺶ ﺣﻨﺨﺴﺮ ﺣﺎﺟﺔ

- ﻭﻣﺎﻟﻪ ﻧﺠﺮﺏ ﻟﻤﺎ ﻧﺸﻮﻑ ﺃﺧﺮﺗﻬﺎ ﺇﻳﻪ

ﻭﻓﻲ ﺍﻟﻘﺎﻫﺮﺓ ﻭﺗﺤﺪﻳﺪﺍ ﺩﺍﺧﻞ ﺃﺣﺪ ﺍﻷﻣﺎﻛﻦ ﺍﻟﺘﻲ ﻳﻄﻠﻖ ﻋﻠﻴﻬﺎ ﺍﺳﻢ ﺍﻟﺪﻳﺴﻜﻮ ... ﺣﻴﺚ ﺷﺒﺎﺏ ﻭﻓﺘﻴﺎﺕ ﻳﺘﻤﺎﻳﻠﻮﻥ ﻋﻠﻰ ﺃﻧﻐﺎﻡ ﺍﻟﻤﻮﺳﻴﻘﻰ ﺍﻟﺼﺎﺧﺒﺔ ﺩﻭﻥ ﺭﺍﺩﻉ ﻣﻦ ﺩﻳﻦ ﺃﻭ ﺧﻠﻖ ﺃﻭ ﺿﻤﻴﺮ ... ﺣﻴﺚ ﺟﻠﺲ ﺳﺎﻣﺢ ﺑﺼﺤﺒﺔ ﺻﺪﻳﻘﻪ ﺗﺎﻣﺮ ﺍﻟﺬﻱ ﻛﺎﻥ ﻳﺤﺪﺛﻪ ﻗﺎﺋﻼ :

- ﻣﻌﻘﻮﻝ ﻳﺎ ﺑﺮﻧﺲ ﺍﻟﻠﻲ ﺑﺘﻘﻮﻟﻪ ﺩﻩ ... ﺑﻘﻰ ﺳﺎﻣﺢ ﺍﻟﺤﺴﻴﻨﻲ ﺣﻴﺨﻄﺐ ﻭﻳﺘﺠﻮﺯ ... ﻫﻴﺎ ﺍﻟﺪﻧﻴﺎ ﺟﺮﻯ ﻓﻴﻬﺎ ﺇﻳﻪ

ﺍﻓﺮﻍ ﺳﺎﻣﺢ ﺍﻟﻜﺄﺱ ﺍﻟﺬﻱ ﻳﺤﻤﻠﻪ ﻓﻲ ﺟﻮﻓﻪ ﺩﻓﻌﺔ ﻭﺍﺣﺪﺓ ﺛﻢ ﻗﺎﻝ ﺳﺎﺧﺮﺍ :

- ﺍﻧﺖ ﺍﻫﺒﻞ ﻳﺎ ﺍﺑﻨﻲ ﺍﻧﺖ ... ﻫﻤﺎ ﻛﻞ ﺍﻟﻠﻲ ﺑﻴﺘﺨﻄﺒﻮﺍ ﺑﻴﺘﺠﻮﺯﻭﺍ

- ﻃﺐ ﻣﺎﺗﺮﺳﻴﻨﻲ ﻋﻠﻰ ﺍﻟﺪﻭﺭ ﻳﺎ ﺑﺮﻧﺲ

- ﺷﻮﻑ ... ﻫﻴﺎ ﻣﺶ ﺭﺍﺿﻴﺔ ﺗﺪﻳﻨﻲ ﺍﻷﻣﺎﻥ ﻭﺑﺘﻘﻮﻝ ﺇﻧﻲ ﺑﺎﺿﺤﻚ ﻋﻠﻴﻬﺎ ... ﻭﺍﻟﻨﻬﺎﺭﺩﺓ ﺍﺩﻳﺘﻬﻤﻠﻲ ﻓﺎﻟﺘﻠﻴﻔﻮﻥ ... ﺃﻧﺎ ﺑﻘﻰ ﺣﺎﺭﻭﺡ ﻷﺑﻮﻫﺎ ﻳﻮﻡ ﻋﻴﺪ ﻣﻴﻼﺩﻫﺎ ﺍﻟﺨﻤﻴﺲ ﺍﻟﺠﺎﻱ .... ﺃﻗﻮﻟﻪ ﺃﻧﺎ ﺟﺎﻱ ﺍﻃﻠﺐ ﺇﻳﺪ ﻧﺎﺩﻳﺔ ... ﻭﺑﻌﺪ ﻣﺎﻳﻌﺪﻭﺍ ﺍﻟﻜﺎﻡ ﺷﻬﺮ ﺍﻟﻠﻲ ﻓﺎﺿﻠﻴﻦ ﻓﺎﻟﺪﺭﺍﺳﺔ ﺣﺎﺟﻴﺐ ﺃﺑﻮﻳﺎ ﻭﻧﻄﻠﺒﻬﺎ ﺭﺳﻤﻲ ... ﺭﺑﻂ ﻛﻼﻡ ﺑﺲ ﻳﻌﻨﻲ ... ﻭﺑﻜﺪﻩ ﺗﺘﺄﻛﺪ ﺇﻧﻲ ﻣﺶ ﺑﻠﻌﺐ ﺑﻴﻬﺎ ... ﻭﺃﻧﺎ ﻧﺎﻭﻱ ﺍﺧﻠﺺ ﻛﻞ ﺣﺎﺟﺔ ﻓﻲ ﺭﺣﻠﺔ ﺷﺮﻡ ﺍﻟﺸﻴﺦ ... ﻋﺸﺎﻥ ﺃﻧﺎ ﺑﺼﺮﺍﺣﺔ ﺯﻫﻘﺖ ﻣﻦ ﺗﻤﺜﻴﻞ ﺩﻭﺭ ﺍﻟﻌﺎﺷﻖ ﺍﻟﻮﻟﻬﺎﻥ ... ﻭﺑﻘﺎﻝﻱ ﻣﺪﺓ ﺑﺎﺯﺭﻉ ... ﻭﺧﻼﺹ ﺯﺭﻋﺖ ﻭﺁﻥ ﺃﻭﺍﻥ ﺍﻟﺤﺼﺎﺩ ... ﻻ ﻭﻣﺶ ﺃﻱ ﺣﺼﺎﺩ ﺩﻱ ﻧﺎﺩﻳﺔ ﺻﻔﻮﺕ ﺑﺠﻼﻟﺔ ﻗﺪﺭﻫﺎ ... ﻳﺎﻣﺎ ﻧﻔﺴﻲ ﺍﺷﻮﻑ ﻣﻨﺎﺧﻴﺮﻫﺎ ﺍﻟﻠﻲ ﺣﻄﺎﻫﺎ ﻓﺎﻟﺴﻤﺎ ﺩﻱ ﻭﻫﻴﺎ ﺑﺘﺘﻤﺮﻣﻎ ﻓﺴﺎﺑﻊ ﺍﺭﺽ

- ﺑﺲ ﺣﺮﺍﻡ ﻳﺎ ﺑﺮﻧﺲ ... ﺍﻟﺤﻖ ﻳﺘﻘﺎﻝ ﺍﻟﺒﺖ ﺑﺘﺤﺒﻚ ... ﻭﻣﻨﺎﺧﻴﺮﻫﺎ ﺍﻟﻠﻲ ﺭﻓﻌﺎﻫﺎ ﺩﻱ ﻣﺶ ﺑﺘﻨﺰﻟﻬﺎ ﻏﻴﺮ ﻋﺸﺎﻧﻚ ﺍﻧﺖ ... ﺑﺲ ﺇﻳﻪ ﺍﻟﺘﺨﻄﻴﻂ ﺍﻟﺠﺎﻣﺪ ﺍﻟﻠﻲ ﻋﻠﻰ ﻛﺒﻴﺮ ﺩﻩ

- ﺍﻣﺎﻝ ﻳﺎ ﺍﺑﻨﻲ ﺍﺣﻨﺎ ﺑﻨﻠﻌﺐ ... ﺍﻣﺎﻝ ﺃﻧﺎ ﺻﻤﻤﺖ ﺍﻧﻬﺎ ﺗﻄﻠﻊ ﺭﺣﻠﺔ ﺷﺮﻡ ﺍﻟﺸﻴﺦ ﻭﺃﻧﺎ ﺣﺎﻃﻠﻌﻬﺎ ﻣﻌﺎﻫﺎ ﻟﻴﻪ ... ﺍﻧﺖ ﻋﺎﺭﻑ ﺍﻥ ﻋﻨﺪﻧﺎ ﺷﺎﻟﻴﻪ ﻫﻨﺎﻙ ... ﻳﻌﻨﻲ ﻓﺄﻱ ﻭﻗﺖ ﻋﺎﻳﺰ ﺍﺭﻭﺡ ﺑﺎﺭﻭﺡ ... ﻭﻫﻮ ﺩﻩ ﺍﻟﻠﻲ ﺣﻴﺸﻬﺪ ﺍﻟﻠﺤﻈﺔ ﺍﻟﺘﺎﺭﻳﺨﻴﺔ ... ﻳﻈﻪﺭ ﺍﻥ ﺍﻟﻤﺮﺣﻮﻣﺔ ﺃﻣﻲ ﻛﺎﻧﺖ ﺑﺘﺪﻋﻴﻠﻲ ﺑﻀﻤﻴﺮ ﺍﻭﻱ ﺍﻟﻠﻪ ﻳﺮﺣﻤﻬﺎ .........

ﻳﺘﺒﻊ

↚

ﻣﺎ ﺇﻥ ﺩﻟﻔﺎ ﻣﻌﺎ ﺇﻟﻲ ﺩﺍﺧﻞ ﺍﻟﻤﻨﺰﻝ ﺣﺘﻰ ﺃﻟﻘﻰ ﻗﺬﺍﺋﻔﻪ ﻣﻦ ﺟﺪﻳﺪ ... ﻳﺼﺮ ﺩﻭﻣﺎ ﻓﻲ ﺍﻷﻭﻧﺔ ﺍﻷﺧﻴﺮﺓ ﺃﻥ ﻳﺤﻮﻝ ﺍﻟﻤﻨﺰﻝ ﺇﻟﻰ ﺳﺎﺣﺔ ﻟﻠﻤﻌﺮﻛﺔ ... ﺻﺮﺥ ﻓﻲ ﺯﻭﺟﺘﻪ ﻗﺎﺋﻼ :

- ﺃﻧﺎ ﻋﺎﻳﺰ ﺍﻋﺮﻑ ﻗﻮﻟﺘﻲ ﺇﻳﻪ ﻋﻨﻲ ﻷﺧﻮﻛﻲ ﺧﻼﻩ ﻳﻜﻠﻤﻨﻲ ﺑﺎﻟﻄﺮﻳﻘﺔ ﺩﻱ ... ﺃﻧﺎ ﻳﻘﻮﻟﻲ ﺍﻟﺰﻡ ﺣﺪﻭﺩﻙ

ﺃﺟﺎﺑﺘﻪ ﻗﺎﺋﻠﺔ ﺑﺘﻬﻜﻢ :

- ﺃﻧﺎ ﻣﺎﻗﻠﺘﺶ ﺣﺎﺟﺔ ... ﻭﺑﻌﺪﻳﻦ ﻫﻮ ﻓﻴﻪ ﺣﺎﺟﺔ ﺍﺻﻼ ﻋﺸﺎﻥ ﺃﻗﻮﻟﻬﺎ ?

ﺍﺯﺩﺭﺩ ﻟﻌﺎﺑﻪ ﺛﻢ ﻗﺎﻝ ﺑﺈﺭﺗﺒﺎﻙ :

- ﻻ ﻃﺒﻌﺎ ﻣﺎﻓﻴﺶ ... ﺣﻴﻜﻮﻥ ﻓﻴﻪ ﺇﻳﻪ ﻳﻌﻨﻲ

ﺃﺟﺎﺑﺖ ﻗﺎﺋﻠﺔ ﺑﺸﻚ :

- ﻭﻟﻤﺎ ﻫﻮ ﻣﺎﻓﻴﺶ ﻋﻤﺎﻝ ﺗﺰﻋﻖ ﻟﻴﻪ ﻭﺻﻮﺗﻚ ﺍﻟﻌﺎﻟﻲ ﺩﻩ ﻣﻤﻜﻦ ﻳﺼﺤﻲ ﺍﻟﺒﻨﺖ

ﺃﺷﺎﺡ ﺑﻴﺪﻩ ﻗﺎﺋﻼ ﻓﻲ ﺇﻋﺘﺮﺍﺽ :

- ﺍﻧﺘﻲ ﺣﺘﺤﺎﻛﻤﻴﻨﻲ ﻭﻻ ﺇﻳﻪ ? ﺃﻧﺎ ﺍﺯﻋﻖ ﻓﺒﻴﺘﻲ ﺑﺮﺍﺣﺘﻲ ﺯﻱ ﻣﺎ ﺃﻧﺎ ﻋﺎﻳﺰ ﻣﺎﺣﺪﺵ ﺷﺮﻳﻜﻲ

ﺯﻓﺮﺕ ﺃﻣﻴﺮﺓ ﺑﺸﺪﺓ ﺛﻢ ﻗﺎﻟﺖ ﺑﺤﻨﻖ :

- ﺍﺳﻤﻊ ﻳﺎ ﺟﻤﺎﻝ ... ﺍﻧﺖ ﻣﺶ ﻣﻼﺣﻆ ﺍﻧﻚ ﻣﻦ ﻳﻮﻡ ﻣﺎ ﺍﺗﻌﺮﻓﺖ ﻋﻠﻰ ﺻﺎﺣﺒﻚ ﺍﻟﻠﻲ ﺍﺳﻤﻪ ﻓﺘﺤﻲ ﺩﻩ ﻭﺍﻧﺖ ﺣﺎﻟﻚ ﺍﺗﺸﻘﻠﺐ ﻭﺍﺗﻐﻴﺮﺕ 360 ﺩﺭﺟﺔ ... ﻣﺶ ﺍﻧﺖ ﺍﺑﺪﺍ ﺟﻤﺎﻝ ﺍﻟﻠﻲ ﺣﺒﻴﺘﻪ ﻭﺍﺗﺠﻮﺯﺗﻪ ... ﻭﻛﺎﻥ ﻋﻨﺪﻱ ﺇﺳﺘﻌﺪﺍﺩ ﺍﺩﻳﻠﻪ ﻋﻤﺮﻱ ﻛﻠﻪ ﺑﺲ ﻳﻔﻀﻞ ﻳﺤﺒﻨﻲ ... ﺇﻳﻪ ﺍﻟﻠﻲ ﻏﻴﺮﻙ ﻛﺪﻩ ﻳﺎ ﺟﻤﺎﻝ ... ﻋﻤﻠﻚ ﺇﻳﻪ ﻓﺘﺤﻲ ﺩﻩ ﻋﺸﺎﻥ ﺗﺘﻐﻴﺮ ﺑﺎﻟﺸﻜﻞ ﺩﻩ ?

- ﺑﻘﻮﻟﻚ ﺇﻳﻪ ... ﺍﻧﺘﻲ ﻋﺎﻳﺰﺓ ﺗﻌﻠﻘﻲ ﻏﻠﻄﺘﻚ ﻋﻠﻰ ﺷﻤﺎﻋﺔ ﻓﺘﺤﻲ ... ﻗﺒﻞ ﻣﺎ ﺗﺴﺄﻟﻴﻨﻲ ﺍﺗﻐﻴﺮﺕ ﻟﻴﻪ ﺍﺳﺄﻟﻲ ﻧﻔﺴﻚ ﺍﻷﻭﻝ ﺍﻧﺘﻲ ﺍﺗﻐﻴﺮﺗﻲ ﻟﻴﻪ ... ﻣﻦ ﺳﺎﻋﺔ ﻣﺎ ﺧﻠﻔﻨﺎ ﺍﻟﺒﻨﺖ ﻭﺃﻧﺎ ﻣﺶ ﻻﻗﻴﻜﻲ ... ﻭﻻ ﺍﻧﺘﻲ ﺑﻘﻴﺘﻲ ﺑﺘﺴﺄﻟﻲ ﻓﻴﺎ ... ﻛﻞ ﻣﺎ ﺍﺣﺘﺎﺟﻚ ﺗﻘﻮﻟﻴﻠﻲ ﺍﺻﻠﻲ ﺑﺮﺿﻊ ﺭﻭﺿﺔ ... ﺍﺻﻠﻲ ﺑﻐﻴﺮ ﻟﺮﻭﺿﺔ ... ﺍﺻﻞ ﺭﻭﺿﺔ ﺗﻌﺒﺎﻧﺔ ... ﻣﺶ ﻋﺎﺭﻑ ﻟﻮ ﺧﻠﻔﻨﺎ ﻋﻴﻠﻴﻦ ﻛﻤﺎﻥ ﻭﻻ ﺗﻼﺗﻪ ﺣﺘﻌﻤﻠﻲ ﺇﻳﻪ ? ﺛﻢ ﺗﻌﺎﻟﻲ ﻫﻨﺎ ﻗﻮﻟﻴﻠﻲ ﺇﻳﻪ ﺍﻟﻠﻲ ﺃﻧﺎ ﺑﻌﻤﻠﻪ ﻣﺶ ﻋﺎﺟﺐ ﺣﻀﺮﺗﻚ ?

- ﺃﻭﻻ ﺃﻧﺖ ﻋﺎﺭﻑ ﻛﻮﻳﺲ ﺇﻧﻲ ﻋﻤﺮﻱ ﻣﺎ ﺍﻫﻤﻠﺘﻚ ﻭﻻ ﺍﻫﻤﻠﺖ ﻓﻨﻔﺴﻲ ... ﻭﻟﻮ ﺣﺼﻞ ﺑﻴﺒﻘﻰ ﻏﺼﺐ ﻋﻨﻲ ... ﺛﺎﻧﻴﺎ ﻋﺎﻳﺰ ﺗﻌﺮﻑ ﺇﻳﻪ ﺍﻟﻠﻲ ﺑﺘﻌﻤﻠﻪ ﻣﺶ ﻋﺎﺟﺒﻨﻲ ... ﺍﺑﺴﻂ ﺣﺎﺟﺔ ﺍﻟﺒﻨﺎﺕ ﺍﻟﻠﻲ ﺍﻧﺖ ﺿﺎﻳﻔﻬﻢ ﻋﻨﺪﻙ ﻉ ﺍﻟﻔﻴﺲ ﺩﻭﻝ ﺗﻘﺪﺭ ﺗﻘﻮﻟﻲ ﺑﺘﻜﻠﻤﻬﻢ ﻟﻴﻪ

- ﺩﻭﻝ ﻃﺎﻟﺒﺎﺕ ﻋﻨﺪﻱ ﻓﻲ ﺍﻟﻤﺪﺭﺳﺔ ﻭﺍﻟﺪﺭﻭﺱ ... ﻭﺑﻴﺴﺄﻟﻮﻧﻲ ﻋﻠﻰ ﺣﺎﺟﺎﺕ ﻓﻲ ﺍﻟﻤﻨﻬﺞ

- ﺑﺲ ﺍﻟﻤﺤﺎﺩﺛﺎﺕ ﺍﻟﻠﻲ ﺑﻴﻨﻜﻢ ﻣﺶ ﺑﺘﻘﻮﻝ ﻛﺪﻩ ﻳﺎ ﺟﻤﺎﻝ

- ﻫﻴﺎ ﺣﺼﻠﺖ ﺗﺘﺠﺴﺴﻲ ﻋﻠﻴﺎ ﻳﺎ ﺃﻣﻴﺮﺓ

- ﺩﻩ ﻏﻴﺮ ﺍﻟﺸﻜﺎﻭﻯ ﺍﻟﻠﻲ ﺑﺘﻴﺠﻲ ﻣﻦ ﺍﻟﻄﺎﻟﺒﺎﺕ ﻓﻲ ﺍﻟﻤﺪﺭﺳﺔ ﻭﺃﺑﻠﺔ ﺍﻟﻨﺎﻇﺮﺓ ﻛﺘﺮ ﺧﻴﺮﻫﺎ ﻃﻠﺒﺘﻨﻲ ﻭﺍﺗﻜﻠﻤﺖ ﻣﻌﺎﻳﺎ ﺑﺸﻜﻞ ﻭﺩﻱ ﻓﻲ ﻣﻮﺿﻮﻉ ﺍﻟﺸﻜﺎﻭﻯ ﺩﻱ

- ﺍﻟﺸﻜﺎﻭﻯ ﺩﻱ ﻛﻠﻬﺎ ﻛﻴﺪﻳﺔ ﻭﺍﻟﺒﻨﺎﺕ ﺩﻭﻝ ﻛﻠﻬﻢ ﻛﺪﺍﺑﻴﻴﻦ ... ﺗﻼﻗﻴﻬﻢ ﻛﺎﻧﻮﺍ ﻋﺎﻳﺰﻳﻦ ﻳﺎﺧﺪﻭﺍ ﺩﺭﺱ ﻋﻨﺪﻱ ﻭﺃﻧﺎ ﺭﻓﻀﺖ

- ﻣﺎﺷﻲ ﻳﺎ ﺟﻤﺎﻝ ... ﺃﻧﺎ ﺣﺎﻋﻤﻞ ﻧﻔﺴﻲ ﻣﺼﺪﻗﺎﻙ ... ﺑﺲ ﻳﺎ ﺭﻳﺖ ﻣﺎ ﺗﻨﺴﺎﺵ ﺍﻥ ﻋﻨﺪﻙ ﺑﻨﺖ ... ﻭﻣﻤﻜﻦ ﺍﻟﻠﻲ ﺑﺘﻌﻤﻠﻪ ﻣﻊ ﺑﻨﺎﺕ ﺍﻟﻨﺎﺱ ﻳﺘﺮﺩﻟﻚ ﻓﻴﻬﺎ ... ﻭﻳﺎﺭﻳﺖ ﺗﺮﺍﺟﻊ ﻧﻔﺴﻚ ﺗﺎﻧﻲ ﻭﺗﺒﻌﺪ ﻋﻦ ﺍﻟﺒﻨﻲ ﺍﺩﻡ ﺍﻟﻠﻲ ﺍﺳﻤﻪ ﻓﺘﺤﻲ ﺩﻩ ... ﺑﺪﺍﻝ ﻣﺎﺗﻼﻗﻲ ﻧﻔﺴﻚ ﺧﺴﺮﺕ ﻛﻞ ﺣﺎﺟﺔ

- ﺟﻤﺎﻝ ﺑﺘﻬﻜﻢ : ﻣﺎﺷﻲ ﻳﺎ ﻣﻴﺲ ﺃﻣﻴﺮﺓ ... ﻣﻨﻜﻢ ﻧﺴﺘﻔﻴﺪ

ﺃﺷﺮﻗﺖ ﺷﻤﺲ ﺍﻟﻴﻮﻡ ﺍﻟﺘﺎﻟﻲ ﻋﻠﻰ ﻣﻨﺰﻝ ﺣﺎﻣﺪ ﺍﻟﺪﻣﻴﺎﻃﻲ ﺑﻤﻦ ﻓﻴﻪ ... ﺍﺳﺘﻴﻘﻆ ﺍﻟﺠﻤﻴﻊ ﻭﺗﻨﺎﻭﻟﻮﺍ ﺇﻓﻄﺎﺭﻫﻢ ﻭﺍﺳﺘﻌﺪ ﻭﺍ ﻟﻠﻤﻐﺎﺩﺭﺓ ... ﻭﺑﻌﺪ ﻗﻠﻴﻞ ﻛﺎﻧﻮﺍ ﻳﻘﻔﻮﻥ ﻓﻲ ﺣﺪﻳﻘﺔ ﺍﻟﻔﻴﻼ ﺇﺳﺘﻌﺪﺍﺩﺍ ﻟﺮﻛﻮﺏ ﺳﻴﺎﺭﺍﺗﻬﻢ ﻭﺍﻹﻧﻄﻼﻕ ﺇﻟﻰ ﺍﻟﻘﺎﻫﺮﺓ ... ﺍﻧﺘﻬﻰ ﺍﻟﺠﻤﻴﻊ ﻣﻦ ﺍﻟﺴﻼﻡ ﻋﻠﻰ ﺑﻌﻀﻬﻢ ﺍﻟﺒﻌﺾ ﻭﻗﺎﻡ ﺻﻔﻮﺕ ﺑﺪﻋﻮﺗﻬﻢ ﺟﻤﻴﻌﺎ ﻟﺤﻔﻞ ﻋﻴﺪﻣﻴﻼﺩ ﻧﺎﺩﻳﺔ ﺍﻟﺨﻤﻴﺲ ﺍﻟﻤﻘﺒﻞ ... ﻭﺑﺎﻟﻄﺐﻉ ﻭﺟﺪﺗﻬﺎ ﺃﻟﻔﺖ ﻓﺮﺻﺔ ﺳﺎﻧﺤﺔ ﻟﻜﻲ ﻳﺬﻫﺐ ﺍﺩﻫﻢ ﻭﻳﻌﻴﺪ ﺍﻟﻜﺮﺓ ﻣﻊ ﻧﻮﺭﺍ ﻣﺮﺓ ﺃﺧﺮﻯ ... ﻓﻴﻤﺎ ﺍﻋﺘﺬﺭ ﺃﺣﻤﺪ ﻋﻦ ﺍﻟﺬﻫﺎﺏ ﻟﺮﻓﻀﻪ ﺣﻀﻮﺭ ﻣﺜﻞ ﻫﺬﻩ ﺍﻟﻤﻨﺎﺳﺒﺎﺕ ... ﻭﺍﺥﻳﺮﺍ ﺍﻟﺘﻔﺖ ﺻﻔﻮﺕ ﺇﻟﻰ ﻋﻠﻲ ﻗﺎﺋﻼ :

- ﻳﻼ ﺑﻴﻨﺎ ﻳﺎ ﻋﻠﻲ ... ﺍﻋﻤﻞ ﺣﺴﺎﺑﻚ ﺗﻮﺻﻞ ﻭﺍﻟﺪﺗﻚ ﻭﺇﺧﻮﺍﺗﻚ ﻭﺗﺤﺼﻠﻨﻲ ﻋﻠﻰ ﺍﻟﺸﺮﻛﺔ ﻭﺭﺍﻧﺎ ﺷﻐﻞ ﻛﺘﻴﺮ

- ﻋﻠﻲ ﺑﺈﺫﻋﺎﻥ : ﺗﺤﺖ ﺃﻣﺮ ﺣﻀﺮﺗﻚ ﻳﺎ ﻋﻤﻲ

ﺛﻢ ﺍﻟﺘﻔﺖ ﺇﻟﻲ ﻧﻮﺭﺍ ﻗﺎﺋﻼ :

- ﺍﻋﻤﻠﻲ ﺣﺴﺎﺑﻚ ﺗﺄﺧﺪﻱ ﺃﺧﺘﻚ ﻣﻌﺎﻛﻲ ﻓﻌﺮﺑﻴﺘﻚ ﻋﺸﺎﻥ ﺃﻧﺎ ﺣﺎﻃﻠﻊ ﻋﻠﻰ ﺍﻟﺸﺮﻛﺔ ﻋﻠﻄﻮﻝ

- ﺣﺎﺿﺮ ﻳﺎ ﺑﺎﺑﺎ

ﺍﻗﺘﺮﺑﺖ ﻣﻨﻬﺎ ﻧﺎﺩﻳﺔ ﻗﺎﺋﻠﺔ :

- ﺑﺲ ﺍﻋﻤﻠﻲ ﺣﺴﺎﺑﻚ ﺃﻧﺎ ﺍﻟﻠﻲ ﺣﺎﺳﻮﻕ

- ﺑﺲ ﻋﻠﻰ ﺷﺮﻁ ... ﺗﺴﻮﻗﻲ ﺑﺎﻟﺮﺍﺣﺔ ﻭﺗﺒﻄﻠﻲ ﺳﻮﺍﻗﺘﻚ ﺍﻟﻤﺠﻨﻮﻧﺔ ﺩﻱ

- ﻳﺎ ﺑﻨﺘﻲ ﺍﻧﺘﻲ ﺣﺘﻔﻀﻠﻲ ﺟﺒﺎﻧﺔ ﻛﺪﻩ ﻃﻮﻝ ﻋﻤﺮﻙ ... ﺍﻛﺒﺮﻱ ﺑﻘﻰ

- ﻻ ﻳﺎ ﺳﺘﻲ ... ﻣﻴﻦ ﻗﺎﻟﻚ ﺇﻧﻲ ﻋﺎﻳﺰﺓ ﺍﻛﺒﺮ ... ﺃﻧﺎ ﻣﺮﺗﺎﺣﺔ ﻛﺪﻩ

- ﺻﻔﻮﺕ : ﻳﻼ ﺑﻴﻨﺎ ... ﻣﺶ ﺣﻨﻀﻴﻊ ﺍﻟﻮﻗﺖ ﻓﻠﻌﺐ ﺍﻟﻌﻴﺎﻝ ﺩﻩ

ﻭﺑﺎﻟﻔﻌﻞ ﺭﻛﺐ ﺍﻟﺠﻤﻴﻊ ﺳﻴﺎﺭﺍﺗﻬﻢ ﻭﺍﻧﻄﻠﻘﻮﺍ ﻓﻲ ﻃﺮﻳﻘﻬﻢ ﺇﻟﻰ ﺍﻟﻘﺎﻫﺮﺓ

ﻋﺎﺩﺕ ﻧﻮﺭﺍ ﺇﻟﻰ ﻣﻨﺰﻝ ﻋﻤﻬﺎ ﺑﻌﺪ ﺃﻥ ﻗﺎﻣﺖ ﺑﺘﻮﺻﻴﻞ ﻧﺎﺩﻳﺔ ﺇﻟﻰ ﺍﻟﻤﻨﺰﻝ ﻟﺘﺴﺘﻜﻤﻞ ﻟﻬﺎ ﺳﻤﻴﺔ ﻣﺎﺑﺪﺃﺗﻪ ﻛﻤﺎ ﺍﺗﻔﻘﺖ ﻣﻌﻬﺎ ﻭﻫﻢ ﻳﻐﺎﺩﺭﻭﻥ ﺩﻣﻴﺎﻁ ... ﺟﻠﺴﺖ ﻣﻊ ﻟﺒﻨﻰ ﻭﻧﻮﺭﺍ ﺃﻣﺎﻡ ﺳﻤﻴﺔ ﺍﻟﺘﻲ ﻛﺎﻧﺖ ﺗﺒﺘﺴﻢ ﻭﻫﻲ ﺗﻘﻮﻝ ﻣﺘﻌﺠﺒﺔ ﻣﻦ ﺇﻟﺤﺎﺡ ﻧﻮﺭﺍ :

- ﺍﻧﺘﻲ ﻣﺤﺴﺴﺎﻧﻲ ﺇﻧﻲ ﺑﺎﺣﻜﻴﻠﻚ ﺣﺪﻭﺗﺔ ﻗﺒﻞ ﺍﻟﻨﻮﻡ ﻛﺪﻩ ﻟﻴﻪ ?

- ﻋﺸﺎﻥ ﺧﺎﻃﺮﻱ ﺑﻘﻰ ﻳﺎ ﺧﺎﻟﺘﻮ ﻛﻤﻠﻲ ... ﺃﻧﺎ ﻋﺎﻳﺰﺓ ﺍﻋﺮﻑ ﺟﺪﻱ ﺣﺼﻠﻪ ﺇﻳﻪ ﻫﻮ ﻭﻋﻤﻲ ﻋﺰﺕ ﻭﻟﻴﻪ ﺳﻴﺒﻨﺎ ﺩﻣﻴﺎﻁ ﻭﺟﻴﻨﺎ ﻫﻨﺎ ﻣﻊ ﺇﻥ ﺃﻧﺎ ﻋﻦ ﻧﻔﺴﻲ ﺑﺤﺐ ﺩﻣﻴﺎﻁ ﺍﻛﺘﺮ

- ﺣﺎﺿﺮ ﻳﺎ ﺣﺒﻴﺒﺘﻲ ﺣﺎﻛﻤﻠﻚ ... ﺷﻮﻓﻲ ﻳﺎ ﺳﺘﻲ ... ﻋﻤﻚ ﻋﺰﺕ ﺍﻟﻠﻪ ﻳﺮﺣﻤﻪ ﻗﺎﻟﻲ ﺍﻥ ﺻﺒﺤﻲ ﻟﻤﺎ ﺟﺪﻙ ﻃﺮﺩﻩ ﻣﻦ ﺍﻟﺸﻐﻞ ﻭﻫﻮ ﻣﺎﺷﻲ ﻋﺰﺕ ﺳﻤﻌﻪ ﻭﻫﻮ ﺑﻴﺪﻋﻲ ﻋﻠﻴﻪ ﺇﻥ ﺭﺑﻨﺎ ﻳﺤﺮﻣﻪ ﻣﻦ ﻣﺎﻟﻪ ﺍﻟﻠﻲ ﻣﺴﺘﻘﻮﻱ ﺑﻴﻪ ﻋﻠﻰ ﺧﻠﻖ ﺍﻟﻠﻪ ... ﻭﺩﻩ ﺍﻟﻠﻲ ﺣﺼﻞ ﻓﻌﻼ ﻭﻛﺎﻥ ﺍﻟﺴﺒﺐ ﻓﻲ ﻣﻮﺕ ﺟﺪﻙ ... ﺟﺪﻙ ﻗﺒﻞ ﻣﺎ ﻳﻤﻮﺕ ... ﺍﺗﺨﺎﻧﻖ ﻣﻊ ﻭﺍﺣﺪ ﻣﻦ ﺗﺠﺎﺭ ﺍﻟﺨﺸﺐ ... ﺟﺪﻙ ﺍﺗﺴﺒﺒﻠﻪ ﻓﺨﺴﺎﺭﺓ ﻛﺒﻴﺮﺓ ﻭﺍﻟﺮﺍﺟﻞ ﺟﻪ ﻟﺠﺪﻙ ﻋﺸﺎﻥ ﻳﺘﺨﺎﻧﻖ ﻣﻌﺎﻩ ﻓﺠﺪﻙ ﻃﺮﺩﻩ ﻭﺃﻫﺎﻧﻪ ﺟﺎﻣﺪ ﺍﺩﺍﻡ ﺍﻟﻨﺎﺱ ﻓﺎﻟﺮﺍﺟﻞ ﺣﻠﻒ ﻻﺯﻡ ﻳﻨﺘﻘﻢ ﻣﻨﻪ ﻋﺸﺎﻥ ﻛﺪﻩ ﺑﻌﺖ ﻧﺎﺱ ﻭﻟﻌﻮﺍ ﻓﺎﻟﻤﻌﺮﺽ ﻭﺍﻟﻤﺨﺰﻥ ﻭﻟﻸﺳﻒ ﺟﺪﻙ ﻣﺎﻛﺎﻧﺶ ﻣﺄﻣﻦ ﻋﻠﻴﻬﻢ ... ﻓﺎﻟﺨﺴﺎﺭﺓ ﻛﺎﻧﺖ ﻛﺒﻴﺮﺓ ﺍﻭﻱ ... ﺟﺪﻙ ﻗﻠﺒﻪ ﻣﺎ ﺍﺳﺘﺤﻤﻠﺶ ﻭﺟﺎﺗﻠﻪ ﺃﺯﻣﺔ ﻗﻠﺒﻴﺔ ﻭﻣﺎﺕ ﺑﺴﺒﺒﻬﺎ ... ﺑﻌﺪﻫﺎ ﻋﻤﻚ ﻋﺰﺕ ﻛﺎﻥ ﻋﺎﻳﺰ ﻫﻮ ﻭﺻﻔﻮﺕ ﻳﺤﻂ ﺇﻳﺪﻫﻢ ﻓﻲ ﺇﻳﺪﻳﻦ ﺑﻌﺾ ﻭﻳﺤﺎﻭﻟﻮﺍ ﻳﻌﻮﺿﻮﺍ ﺍﻟﻠﻲ ﺭﺍﺡ ... ﻟﻜﻦ ﺃﺑﻮﻛﻲ ﺭﻓﺾ ﻭﻗﺎﻟﻪ ﺇﻧﻪ ﻣﺶ ﻋﺎﻳﺰ ﺃﻱ ﺣﺎﺟﺔ ﻣﻦ ﻧﺎﺣﻴﺔ ﺟﺪﻙ ﺑﻌﺪ ﻣﺎﺟﺪﻙ ﺍﻋﺘﺮﻓﻠﻪ ﻭﻫﻮ ﺑﻴﻤﻮﺕ ﺑﺎﻟﻠﻲ ﻋﻤﻠﻪ ﻣﻊ ﻓﺮﺩﻭﺱ ﻭﻣﻌﺎﻩ ... ﻭﻛﺎﻥ ﻋﺎﻳﺰ ﻳﺪﻭﺭ ﻋﻠﻰ ﺷﻐﻞ ﻓﺄﻱ ﺷﺮﻛﺔ ﻭﻻ ﺣﺘﻰ ﻣﻌﺮﺽ ... ﻟﻜﻦ ﺍﻟﻠﻪ ﻳﺮﺣﻤﻬﺎ ﺻﻔﻴﺔ ﺭﻓﻀﺖ ﻭﺍﺩﺗﻠﻪ ﻧﺼﻴﺒﻬﺎ ﻓﻲ ﻣﻴﺮﺍﺙ ﺃﺑﻮﻳﺎ ﺍﻟﻠﻪ ﻳﺮﺣﻤﻪ ﻭﻫﻮ ﺩﻩ ﺍﻟﻠﻲ ﺍﺑﺘﺪﻯ ﺑﻴﻪ ... ﻟﻜﻨﻪ ﺧﺪﻫﻢ ﻣﻨﻬﺎ ﻋﻠﻰ ﺳﺒﻴﻞ ﺍﻟﺴﻠﻒ ﻭﻟﻤﺎ ﺭﺑﻨﺎ ﻓﺘﺢ ﻋﻠﻴﻪ ﺭﺩﻫﻢ ﻟﺼﻔﻴﺔ ﺍﺻﻠﻪ ﻣﺎﻛﺎﻧﺶ ﻋﺎﻳﺰ ﺻﻔﻴﺔ ﻳﺒﻘﺎﻟﻬﺎ ﻓﻀﻞ ﻋﻠﻴﻪ ... ﻭﺍﻟﻔﻠﻮﺱ ﺩﻱ ﻣﻮﺟﻮﺩﺓ ﺩﻟﻮﻗﺘﻲ ﻓﺎﻟﺒﻨﻚ ﺑﺈﺳﻤﻚ ﻳﺎ ﻧﻮﺭﺍ ... ﺃﻣﺎ ﻋﺰﺕ ﺑﻘﻰ ﺳﻤﻊ ﻛﻼﻡ ﻋﻤﻚ ﻓﺎﺿﻞ ﺟﻮﺯ ﻋﻤﺘﻚ ﺃﻟﻔﺖ ﺍﻟﻠﻲ ﺃﻗﻨﻌﻪ ﺍﻥ ﺍﻟﺒﻮﺭﺻﺔ ﻫﻴﺎ ﺃﺣﺴﻦ ﻃﺮﻳﻘﺔ ﻳﻌﻮﺿﻮﺍ ﺑﻴﻬﺎ ﺍﻟﺨﺴﺎﻳﺮ ﺍﻟﻜﺒﻴﺮﺓ ﺍﻟﻠﻲ ﺣﺼﻠﺖ ... ﻭﺍﻥ ﻣﻜﺴﺒﻬﺎ ﺳﺮﻳﻊ ... ﻋﻤﻚ ﻓﺎﺿﻞ ﺍﻟﻠﻪ ﻳﺮﺣﻤﻪ ﻛﺎﻥ ﻃﻴﺐ ﺍﻭﻱ ﻭﺍﺣﻤﺪ ﺍﺑﻨﻪ ﻫﻮ ﺍﻛﺘﺮ ﻭﺍﺣﺪ ﺑﻴﻔﻜﺮﻧﻲ ﺑﻴﻪ ﻓﻄﻴﺒﺘﻪ ﻭﺣﻨﻴﺘﻪ ﻭﺷﻬﺎﻣﺘﻪ ... ﺍﻟﻤﻬﻢ ﻋﻤﻚ ﻋﺰﺕ ﺣﻂ ﺍﻟﻘﺮﺷﻴﻦ ﺍﻟﻠﻲ ﻛﺎﻧﻮﺍ ﻓﻲ ﺍﻟﺒﻨﻚ ﻋﻠﻰ ﻭﺭﺛﻲ ﻣﻦ ﺃﺑﻮﻳﺎ ﺍﻟﻠﻲ ﺃﻧﺎ ﺍﺩﻳﺘﻬﻮﻟﻪ ﻭﻋﻤﺘﻚ ﺃﻟﻔﺖ ﺑﺎﻋﺖ ﻧﺼﻴﺒﻬﺎ ﻓﻲ ﺍﻟﺒﻴﺖ ... ﻭﺿﺎﺭﺑﻮﺍ ﺑﻴﻬﻢ ﻓﻲ ﺍﻟﺒﻮﺭﺻﺔ ... ﻟﻜﻦ ﻟﻸﺳﻒ ﺧﺴﺮﻭﻫﻢ ﻫﻤﺎ ﻛﻤﺎﻥ ﻭﺍﻟﺤﺎﻟﺔ ﺍﺗﺄﺯﻣﺖ ﺃﻛﺘﺮ ..

- ﻭﻛﻞ ﺩﻩ ﻭﺑﺎﺑﺎ ﺑﻌﻴﺪ ﺑﻴﺘﻔﺮﺝ ﻭﻣﺎﻟﻮﺵ ﺃﻱ ﺩﻭﺭ ?

- ﻻ ﺑﻌﺪ ﻣﺎﻇﻬﺮﺕ ﻧﺎﺩﻳﺔ ﻛﻞ ﺣﺎﺟﺔ ﺍﺗﻐﻴﺮﺕ ... ﺃﺑﻮﻛﻲ ﻗﺮﺭ ﺇﻧﻪ ﻳﺸﺘﻐﻞ ﻟﻴﻞ ﻭﻧﻬﺎﺭ ﻋﺸﺎﻥ ﻳﺄﻣﻨﻠﻬﺎ ﻣﺴﺘﻘﺒﻠﻬﺎ ﻭﻳﻌﻴﺸﻬﺎ ﺃﺣﺴﻦ ﻋﻴﺸﻪ ... ﻣﺎﺑﻘﺎﺵ ﻣﻜﺘﻔﻲ ﺑﺎﻟﺸﻐﻞ ﺍﻟﻠﻲ ﺑﺪﺃﻩ ﺑﻔﻠﻮﺱ ﺻﻔﻴﺔ ... ﺇﻧﻤﺎ ﻗﺮﺭ ﻳﻘﻒ ﺟﻨﺐ ﻋﺰﺕ ﻭﻳﺤﺎﻭﻟﻮﺍ ﻳﻠﺤﻘﻮﺍ ﺍﻟﺪﻧﻴﺎ ﺍﻟﻠﻲ ﺍﺗﻬﺪﺕ ﺩﻱ ... ﻟﻜﻦ ﻋﻤﻚ ﻋﺰﺕ ﺍﻟﻠﻪ ﻳﺮﺣﻤﻪ ﻣﺎﻟﺤﻘﺶ ﺑﻌﺪ ﻇﻬﻮﺭ ﻧﺎﺩﻳﺔ ﺑﺄﺳﺒﻮﻋﻴﻦ ﻋﻤﻞ ﺣﺎﺩﺛﺔ ﺑﺎﻟﻌﺮﺑﻴﺔ ﻭﻣﺎﺕ ﻭﻛﺎﻧﺖ ﻭﻗﺘﻬﺎ ﻟﻤﻴﺎ ﻟﺴﻪ ﻣﻮﻟﻮﺩﺓ ﻋﻨﺪﻫﺎ ﻳﺎﺩﻭﺏ ﺷﻬﺮﻳﻦ

ﻋﻨﺪ ﻫﺬﺍ ﺍﻟﺤﺪ ﺗﻮﻗﻔﺖ ﺳﻤﻴﺔ ﻋﻦ ﺍﻟﺴﺮﺩ ﻭﺗﺘﺎﺑﻌﺖ ﺩﻣﻮﻋﻬﺎ ﻓﻲ ﺍﻟﻨﺰﻭﻝ ... ﻭﺷﺎﺭﻛﻬﺎ ﺍﻟﺠﻤﻴﻊ ﺇﻟﻰ ﺃﻥ ﻗﺎﻣﺖ ﻧﻮﺭﺍ ﻭﺍﺣﺘﻀﻨﺘﻬﺎ ﻗﺎﺋﻠﺔ :

- ﺑﺲ ﻋﺸﺎﻥ ﺧﺎﻃﺮﻱ ... ﺃﻧﺎ ﺍﺳﻔﺔ ﻟﻮ ﻛﻨﺖ ﻓﻜﺮﺗﻚ ... ﻟﻮ ﻣﺶ ﻋﺎﻳﺰﺓ ﺗﻜﻤﻠﻲ ﺧﻼﺹ

- ﺧﻼﺹ ﻳﺎ ﺣﺒﻴﺒﺘﻲ ﺃﻧﺎ ﺗﻘﺮﻳﺒﺎ ﺧﻠﺼﺖ ... ﺑﻌﺪ ﻛﺪﻩ ﺃﺑﻮﻛﻲ ﺭﺑﻨﺎ ﻓﺘﺤﻬﺎ ﻋﻠﻴﻪ ﺯﻱ ﻣﺎ ﺍﻧﺘﻲ ﺷﺎﻳﻔﺔ ﻭﺑﻘﻰ ﻋﻨﺪﻩ ﻣﻌﺮﺿﻴﻦ ﻭﻭﺭﺵ ﻓﻲ ﺩﻣﻴﺎﻁ ﻏﻴﺮ ﺍﻟﺸﺮﻛﺔ ﻭﺍﻟﻔﻴﻼ ﺍﻟﻠﻲ ﻫﻨﺎ ﻭﺍﻟﺸﺎﻟﻴﻪ ﺑﺘﺎﻉ ﻣﻄﺮﻭﺡ ... ﺭﺑﻨﺎ ﻳﺒﺎﺭﻛﻠﻪ ﻓﻤﺎﻟﻪ ... ﻫﻮ ﺑﺼﺮﺍﺣﺔ ﻃﻮﻝ ﻋﻤﺮﻩ ﺫﻛﻲ ﻭﻃﻤﻮﺡ ﺍﻟﺤﻖ ﻳﺘﻘﺎﻝ ... ﻭﺑﻌﺪ ﻣﻮﺕ ﻋﺰﺕ ﺃﺑﻮﻛﻲ ﺍﺧﺪ ﻋﻠﻲ ﻳﺸﺘﻐﻞ ﻣﻌﺎﻩ ﻓﺎﻟﻤﻌﺮﺽ ﻭﻗﺘﻬﺎ ﻛﺎﻥ ﻋﻨﺪﻩ ﺗﺴﻊ ﺳﻨﻴﻦ ... ﺍﻟﺸﻬﺎﺩﺓ ﻟﻠﻪ ﻛﺎﻥ ﺑﻴﻌﺎﻣﻠﻪ ﺍﻛﺘﺮ ﻣﺎﻳﻜﻮﻥ ﺇﺑﻨﻪ ﻭﻟﻤﺎ ﺧﻠﺺ ﺍﻟﺜﺎﻧﻮﻳﺔ ﺍﻟﻌﺎﻣﺔ ﻭﺟﺎﺏ ﻣﺠﻤﻮﻉ ﻳﺪﺧﻠﻪ ﻛﻠﻴﺔ ﺍﻟﻬﻨﺪﺳﺔ ﻫﻮ ﻭﺍﺣﻤﺪ ... ﺍﺑﻮﻛﻲ ﺍﺗﻜﻔﻞ ﺑﻜﻞ ﻣﺼﺎﺭﻳﻔﻬﻢ ﻭﺍﺟﺮﻟﻬﻢ ﺷﻘﺔ ﻫﻨﺎ ﻓﻲ ﺍﻟﻘﺎﻫﺮﺓ ﻳﻘﻌﺪﻭﺍ ﻓﻴﻬﺎ ﻃﻮﻝ ﺍﻟﺨﻤﺲ ﺳﻨﻴﻦ ﺑﺘﻮﻉ ﺍﻟﺪﺭﺍﺳﺔ ﻭﻛﺎﻥ ﻣﻌﺎﻫﻢ ﺧﺎﻟﺪ ﺟﻮﺯ ﺃﻣﻨﻴﺔ ... ﺩﻩ ﻏﻴﺮ ﻣﺼﺎﺭﻳﻒ ﻟﺒﻨﻲ ﻭﻟﻤﻴﺎ ﻫﻤﺎ ﻛﻤﺎﻥ ... ﻭﻧﻔﺲ ﺍﻟﻠﻲ ﻋﻤﻠﻪ ﻣﻌﺎﻳﺎ ﻋﻤﻠﻪ ﻣﻊ ﺍﻟﻔﺖ ﻭﻭﻻﺩﻫﺎ ... ﻭﺇﻥ ﺟﻴﺘﻲ ﻟﻠﺤﻖ ﻫﻴﺎ ﺩﻱ ﺍﻟﺤﺎﺟﺔ ﺍﻟﻠﻲ ﺑﺘﻐﻔﺮ ﻷﺑﻮﻛﻲ ﻋﻨﺪﻱ ﺍﻟﻠﻲ ﻋﻤﻠﻪ ﻣﻊ ﺻﻔﻴﺔ .

ﺗﻨﻬﺪﺕ ﻧﻮﺭﺍ ﻗﺎﺋﻠﺔ ﺑﺘﺄﺛﺮ :

↚

- ﺑﺎﺑﺎ ﺩﻩ ﺗﺤﺴﻲ ﺇﻧﻪ ﻛﻮﻛﺘﻴﻞ ﻏﺮﻳﺐ ﺍﻭﻱ ﻣﻦ ﺍﻟﻤﺸﺎﻋﺮ ... ﻣﺎﺗﻘﺪﺭﻳﺶ ﺗﻌﺮﻓﻲ ﻩ ﺣﻨﻴﻦ ﻭﻻﻗﺎﺳﻲ ﻭﻻ ﻇﺎﻟﻢ ﻭﻻ ﻷ ... ﺍﺯﺍﻱ ﻳﻘﺪﺭ ﻳﺤﺐ ﻃﻨﻂ ﻓﺮﺩﻭﺱ ﺍﻟﺤﺐ ﺩﻩ ﻛﻠﻪ ... ﻭﻓﻨﻔﺲ ﺍﻟﻮﻗﺖ ﻳﻘﺪﺭ ﻳﻜﺮﻩ ﻣﺎﻣﺎ ﻟﻠﺪﺭﺟﺔﺩﻱ

- ﺃﺑﻮﻛﻲ ﺣﻨﻴﻦ ﺑﺲ ﺑﻌﻴﺪ ﻋﻦ ﺃﻱ ﺣﺎﺟﺔ ﺗﺨﺺ ﺻﻔﻴﺔ ... ﺃﻭ ﻳﻤﻜﻦ ﻋﺸﺎﻥ ﻛﺎﻥ ﺑﻴﺤﺐ ﻓﺮﺩﻭﺱ ﺍﻭﻱ ﺯﻱ ﻋﻤﻚ ﻣﺎﻗﺎﻟﻲ ﻓﻜﺮﻩ ﺃﻱ ﺣﺪ ﻛﺎﻥ ﺍﻟﺴﺒﺐ ﻣﻦ ﻭﺟﻬﺔ ﻧﻈﺮﻩ ﻓﺒﻌﺪﻩ ﻋﻨﻬﺎ ... ﻭﻳﻤﻜﻦ ﺷﺎﻳﻞ ﺟﻤﻴﻞ ﻋﺰﺕ ﻣﻌﺎﻩ ... ﻟﻤﺎ ﻭﻗﻒ ﺟﻨﺒﻪ ﻓﻤﻮﺿﻮﻉ ﻓﺮﺩﻭﺱ ﻭﻣﺎﺧﺎﻓﺶ ﻣﻦ ﻏﻀﺐ ﺍﺑﻮﻩ ﻋﻠﻴﻪ ﻟﻮ ﻋﺮﻑ ﺑﺈﻧﻪ ﻛﺎﻥ ﺷﺎﻫﺪ ﻉ ﺍﻟﺠﻮﺍﺯ .

- ﻃﻴﺐ ﻓﺎﺿﻞ ﺃﺧﺮ ﺣﺎﺟﺔ ﺑﻘﻰ ... ﻋﺎﻳﺰﺓ ﺍﻋﺮﻑ ﻟﻴﻪ ﺳﻴﺒﻨﺎ ﺩﻣﻴﺎﻁ ﻭﺟﻴﻨﺎ ﻫﻨﺎ ?

- ﺃﺑﻮﻛﻲ ﻳﺎ ﺣﺒﻴﺒﺘﻲ ﻫﻮ ﺍﻟﻠﻲ ﻛﺎﻥ ﻋﺎﻳﺰ ﻛﺪﻩ ... ﻛﺎﻥ ﻋﺎﻳﺰ ﻳﺒﻌﺪ ﻋﻦ ﺩﻣﻴﺎﻁ ﻭﺫﻛﺮﻳﺎﺗﻪ ﻓﻴﻬﺎ ... ﻭﻛﻤﺎﻥ ﻋﺸﺎﻥ ﺣﺎﺟﺔ ﻣﻬﻤﺔ ﺍﻧﺘﻲ ﻧﺴﻴﺎﻫﺎ ... ﺍﻧﺘﻲ ﻧﺎﺳﻴﺔ ﺍﻥ ﻓﺮﺩﻭﺱ ﺍﻟﻠﻪ ﻳﺮﺣﻤﻬﺎ ﻣﺪﻓﻮﻧﺔ ﻫﻨﺎ ... ﻋﺸﺎﻥ ﻛﺪﻩ ﻗﺮﺭ ﻳﻔﺘﺢ ﺍﻟﺸﺮﻛﺔ ﺍﻟﻠﻲ ﺣﻴﺼﺪﺭ ﻋﻦ ﻃﺮﻳﻘﻬﺎ ﺷﻐﻞ ﺍﻟﻮﺭﺵ ﺑﺘﺎﻋﺘﻪ ﻟﻠﺨﺎﺭﺝ ﻫﻨﺎ ﻓﺎﻟﻘﺎﻫﺮﺓ ... ﻭﺍﻟﻚﻻﻡ ﺩﻩ ﻛﺎﻥ ﻓﻨﻔﺲ ﺍﻟﺴﻨﺔ ﺍﻟﻠﻲ ﻣﺎﺗﺖ ﻓﻴﻬﺎ ﺻﻔﻴﺔ ﻭﺍﻟﻠﻲ ﺍﺗﺨﺮﺝ ﻓﻴﻬﺎ ﻋﻠﻲ ﻭﺍﺣﻤﺪ ﻣﻦ ﺍﻟﺠﺎﻣﻌﺔ ... ﺃﺑﻮﻛﻲ ﺍﺷﺘﺮﻯ ﺍﻟﻔﻴﻼ ﻭﻋﻤﻞ ﺍﻟﺸﺮﻛﺔ ﻭﻋﺮﺽ ﻋﻠﻴﺎ ﺇﻧﻲ ﺍﺟﻴﺐ ﺍﻟﻮﻻﺩ ﻭﻧﻴﺠﻲ ﻧﻌﻴﺶ ﺟﻨﺒﻪ ﻫﻨﺎ ﻭﻫﻮ ﺣﻴﺠﻴﺒﻠﻨﺎ ﺷﻘﺔ ﻧﻌﻴﺶ ﻓﻴﻬﺎ ... ﻛﺎﻥ ﻋﺎﻳﺰ ﻳﻔﻀﻞ ﻭﺍﺧﺪ ﺑﺎﻟﻪ ﻣﻦ ﻭﻻﺩ ﺃﺧﻮﻩ ﻭﻣﻄﻤﻦ ﻋﻠﻴﻬﻢ ﺟﻨﺒﻪ ... ﻭﺍﺧﺪ ﻋﻠﻲ ﻳﺸﺘﻐﻞ ﻣﻌﺎﻩ ﻓﻴﻬﺎ ... ﻭﺍﻃﻤﻦ ﻋﻠﻰ ﺍﻟﺸﻐﻞ ﺍﻟﻠﻲ ﻓﺪﻣﻴﺎﻁ ﺑﻌﺪ ﻣﺎﺳﺎﺑﻪ ﻷﺣﻤﺪ ﻭﻟﻤﺎ ﺍﺩﻫﻢ ﺧﻠﺺ ﻛﻠﻴﺘﻪ ﺍﺷﺘﻐﻞ ﻣﻌﺎﻩ ... ﻭﺃﻧﺎ ﺑﻌﺪ ﻣﻮﺕ ﺻﻔﻴﺔ ﺃﺧﺘﻲ ﻭﻣﻦ ﻗﺒﻠﻬﺎ ﻋﺰﺕ ﻭﻗﺒﻞ ﻣﻨﻬﻢ ﺃﺑﻮﻳﺎ ﻭﺃﻣﻲ ﻣﺎﺑﻘﺎﺵ ﻟﻴﺎ ﺣﺪ ﻓﺪﻣﻴﺎﻁ ﺍﺳﺘﻨﻰ ﻋﺸﺎﻧﻪ ... ﻓﻮﺍﻓﻘﺖ ﻭﺟﻴﺖ ﻋﺸﺖ ﻓﺎﻟﺸﻘﺔ ﺩﻯ ﺑﻌﺪ ﻣﺎﺻﻤﻤﺖ ﺍﺗﻨﺎﺯﻝ ﻷﺑﻮﻛﻲ ﻋﻦ ﺷﻘﺘﻨﺎ ﻓﺒﻴﺖ ﺍﻟﻌﻴﻠﺔ ... ﻭﺁﻫﻮ ﺑﻘﺎﻟﻨﺎ ﻫﻨﺎ ﺧﻤﺲ ﺳﻨﻴﻦ ... ﻭﺃﺧﺮ ﻛﻞ ﺷﻬﺮ ﺑﻨﺮﻭﺡ ﺩﻣﻴﺎﻁ ﻧﺰﻭﺭ ﻋﻤﺘﻚ ﺃﻟﻔﺖ ﻭﺃﺑﻮﻛﻲ ﻳﺮﺍﺟﻊ ﺍﻟﺤﺴﺎﺑﺎﺕ ﻣﻊ ﻭﻻﺩ ﻋﻤﺘﻚ ... ﻭﻧﺰﻭﺭ ﻗﺒﻮﺭ ﺣﺒﺎﻳﺒﻨﺎ ﺍﻟﻠﻲ ﻫﻨﺎﻙ ﻭﻧﻘﺮﺍﻟﻬﻢ ﺍﻟﻔﺎﺗﺤﺔ ﻟﺤﺪ ﻣﺎ ﺭﺑﻨﺎ ﻳﺄﺫﻥ ﻭﻳﺠﻤﻌﻨﺎ ﺑﻴﻬﻢ ﻋﻠﻰ ﺧﻴﺮ ﺍﻥ ﺷﺎﺀﺍﻟﻠﻪ

- ﻟﺒﻨﻰ : ﺭﻏﻢ ﺍﻥ ﻛﺎﻥ ﻋﻨﺪﻱ 16 ﺳﻨﺔ ﺍﻧﺎ ﻭﻧﻮﺭﺍ ﻟﻤﺎ ﺟﻴﻨﺎ ﻫﻨﺎ ... ﻟﻜﻦ ﻣﺎﻛﻨﺘﺶ ﻗﺎﺩﺭﺓ ﺍﺳﺘﻮﻋﺐ ﺍﺣﻨﺎ ﻟﻴﻪ ﺑﻨﺴﻴﺐ ﺑﻠﺪﻧﺎ ... ﻟﻜﻦ ﻋﻤﻮﻣﺎ ﺍﺣﻨﺎ ﺧﻼﺹ ﺍﺗﻌﻮﺩﻧﺎ ﻋﻠﻰ ﺍﻟﻌﻴﺸﺔ ﻫﻨﺎ ﻭﺍﺗﺄﻗﻠﻤﻨﺎ ﻣﻌﺎﻫﺎ

ﻏﻤﺰﺗﻬﺎ ﻧﻮﺭﺍ ﻗﺎﺋﻠﺔ ﺑﻤﻜﺮ :

- ﺑﺲ ﺑﻴﺘﻬﻴﺄﻟﻲ ﺍﻥ ﻟﻮ ﺟﺎﺗﻠﻨﺎ ﻓﺮﺻﺔ ﻧﺮﺟﻊ ﺩﻣﻴﺎﻁ ﺗﺎﻧﻲ ﻣﺶ ﺣﻨﻘﻮﻝ ﻷ ... ﻭﻻ ﺍﻧﺘﻲ ﺭﺃﻳﻚ ﺇﻳﻪ ﻳﺎ ﻟﺒﻨﻰ ?

ﺍﺣﻤﺮﺕ ﻭﺟﻨﺘﺎﻫﺎ ﻭﻫﻲ ﺗﺠﻴﺒﻬﺎ ﻗﺎﺋﻠﺔ ﺑﻐﻴﻆ ﻣﻜﺘﻮﻡ : ﻧﻮﺭﺍ ﺃﻧﺎ ﺑﺎﻗﻮﻝ ﺗﺮﻭﺣﻲ ﺗﺮﻭﺣﻲ ﺍﺣﺴﻨﻠﻚ ... ﻣﺶ ﻛﺪﻩ ﺑﺮﺿﻪ ?

- ﻣﻌﺎﻛﻲ ﺣﻖ ... ﺃﻧﺎ ﻳﺎﺩﻭﺏ ﻛﺪﻩ ﺍﻟﺤﻖ ﺍﺭﻭﺡ ﻗﺒﻞ ﺑﺎﺑﺎ ﻣﺎﻳﺮﺟﻊ ﻣﻦ ﺍﻟﺸﺮﻛﺔ

- ﺳﻤﻴﺔ : ﻃﻴﺐ ﺍﺳﺘﻨﻲ ﻳﺎ ﺣﺒﻴﺒﺘﻲ ﻟﻤﺎ ﺗﺎﻛﻠﻲ ﻟﻘﻤﺔ ﻣﻌﺎﻧﺎ

- ﺑﺎﻟﻬﻨﺎ ﻭﺍﻟﺸﻔﺎ ﺍﻧﺘﻮﺍ ﻳﺎ ﺣﺒﻴﺒﺘﻲ ... ﻳﻼ ﺳﻼﻡ

ﻣﺴﺎﺀ ﻳﻮﻡ ﺍﻟﺨﻤﻴﺲ ﻛﺎﻧﺖ ﺳﻤﻴﺔ ﺟﺎﻟﺴﺔ ﻣﻊ ﺑﻨﺎﺗﻬﺎ ﺃﻣﺎﻡ ﺷﺎﺷﺔ ﺍﻟﺘﻠﻔﺎﺯ ﻋﻨﺪﻣﺎ ﺧﺮﺝ ﻋﻠﻲ ﻣﻦ ﻏﺮﻓﺘﻪ ﻭﻫﻮ ﻳﺮﺗﺪﻱ ﻣﻼﺑﺲ ﺍﻟﺨﺮﻭﺝ ﺇﺳﺘﻌﺪﺍﺩﺍ ﻟﻠﺬﻫﺎﺏ ﺇﻟﻰ ﺣﻔﻞ ﻋﻴﺪﻣﻴﻼﺩ ﻧﺎﺩﻳﺔ .. ﺍﻗﺘﺮﺏ ﻋﻠﻲ ﻣﻦ ﻭﺍﻟﺪﺗﻪ ﻭﺟﻠﺲ ﺇﻟﻰ ﺟﻮﺍﺭﻫﺎ ﻗﺎﺋﻼ ﺑﺘﻠﻌﺜﻢ :

- ﻣﺎﻣﺎ ﻟﻮ ﺳﻤﺤﺘﻲ ﻛﻨﺖ ﻋﺎﻳﺰ ﺃﻗﻮﻟﻚ ﻋﻠﻰ ﺣﺎﺟﺔ ﺑﺲ ﺃﺭﺟﻮﻛﻲ ﻣﺶ ﻋﺎﻳﺰﻙ ﺗﺰﻋﻠﻲ ﻣﻨﻲ .

ﺷﻌﺮﺕ ﺳﻤﻴﺔ ﺑﺎﻟﻘﻠﻖ ﻣﻦ ﺣﺪﻳﺚ ﻋﻠﻲ ﻓﻘﺎﻟﺖ ﺑﺠﺪﻳﺔ :

- ﻗﻮﻟﻲ ﻳﺎ ﺣﺒﻴﺒﻲ ... ﺍﻧﺖ ﻋﺎﺭﻑ ﺍﻥ ﻋﻤﺮﻱ ﻣﺎ ﺍﺯﻋﻞ ﻣﻨﻚ ﺍﺑﺪﺍ

- ﺃﺻﻞ ﺃﻧﺎ ﻗﺮﺭﺕ ﺇﻧﻲ ﺍﻃﻠﺐ ﺇﻳﺪ ﻧﺎﺩﻳﺔ ﻣﻦ ﻋﻤﻲ ﺍﻟﻨﻬﺎﺭﺩﺓ ﻓﻲ ﻋﻴﺪﻣﻴﻼﺩﻫﺎ

ﺗﺠﻬﻢ ﻭﺟﻬﻬﺎ ﻓﺠﺄﺓ ﻭﺷﻌﺮﺕ ﻭﻛﺄﻥ ﺩﻟﻮﺍ ﻣﻦ ﺍﻟﻤﺎﺀ ﺍﻟﺒﺎﺭﺩ ﻗﺪ ﺳﻜﺐ ﻓﻮﻕ ﺭﺃﺳﻬﺎ ... ﺑﺪﺕ ﻛﻄﻔﻞ ﺻﻐﻴﺮ ﻣﺎﺯﺍﻝ ﻳﺘﻌﻠﻢ ﺍﻟﻜﻼﻡ ﻭﻫﻲ ﺗﺠﻴﺒﻪ ﻗﺎﺋﻠﺔ :

- ﻳﻌﻨﻲ ﻣﺼﻤﻢ ﺑﺮﺿﻪ ﻳﺎ ﻋﻠﻲ ﻋﻠﻰ ﺍﻟﻠﻲ ﻓﺪﻣﺎﻏﻚ .

ﺗﺤﺪﺛﺖ ﻟﺒﻨﻰ ﻗﺎﺋﻠﺔ ﺑﻀﻴﻖ :

- ﺧﻼﺹ ﻳﺎ ﻣﺎﻣﺎ ﺳﻴﺒﻴﻪ ﻋﻠﻰ ﺭﺍﺣﺘﻪ ... ﺍﺣﻨﺎ ﺣﺬﺭﻧﺎﻩ ﻭﻫﻮ ﺣﺮ

- ﻋﻠﻲ ﺑﺈﻧﻔﻌﺎﻝ : ﻣﺎﻟﻬﺎ ﻧﺎﺩﻳﺔ ﺑﻘﻰ ﺍﻥ ﺷﺎﺀﺍﻟﻠﻪ ﻋﺸﺎﻥ ﺗﺤﺬﺭﻭﻧﻲ ﻣﻨﻬﺎ ? ﻭﻻ ﻋﺸﺎﻥ ﻣﺶ ﺣﺘﺠﻮﺯ ﺍﻟﻠﻲ ﻋﻠﻰ ﻫﻮﺍﻛﻢ ﻳﺒﻘﻰ ﺧﻼﺹ

- ﻭﺍﻟﻠﻪ ﻣﺎﻋﺸﺎﻥ ﻛﺪﻩ ﻳﺎ ﺍﺑﻨﻲ ... ﺻﺪﻗﻨﻲ ﻳﺎ ﺍﺑﻨﻲ ﻭﺍﻟﻠﻪ ﻧﺎﺩﻳﺔ ﻣﺎﺗﻨﻔﻌﻚ

- ﻳﺎ ﻣﺎﻣﺎ ﻛﻔﺎﻳﺔ ﻛﺪﻩ ﺑﻘﻰ ... ﺃﻧﺎ ﺍﺟﻠﺖ ﺍﻟﺨﻄﻮﺓ ﺩﻱ ﻛﺘﻴﺮ ﺍﻭﻱ ﻋﺸﺎﻥ ﺧﺎﻃﺮﻛﻮﺍ ... ﺃﻧﺎ ﻋﻨﺪﻱ 28 ﺳﻨﺔ ﻳﻌﻨﻲ ﻣﺎﺑﻘﺘﺶ ﺻﻐﻴﺮ ... ﺃﻧﺎ ﻣﺴﺌﻮﻝ ﻋﻦ ﻗﺮﺍﺭﻱ ﻭﻣﺴﺘﻌﺪ ﺍﺗﺤﻤﻞ ﻧﺘﺎﻳﺠﻪ ﻛﻮﻳﺲ .

ﻟﻢ ﺗﺠﺪ ﺳﻤﻴﺔ ﺟﺪﻭﻱ ﻣﻦ ﺍﻟﺮﻓﺾ ... ﻓﻘﺪ ﺣﺴﻢ ﻋﻠﻲ ﻗﺮﺍﺭﻩ ﻭﻟﻢ ﻳﻌﺪ ﻫﻨﺎﻙ ﻃﺎﺋﻞ ﻣﻦ ﻭﺭﺍﺀ ﻫﺬﻩ ﺍﻟﻤﻨﺎﻗﺸﺔ ﻓﻘﺎﻟﺖ ﺑﺈﺳﺘﺴﻼﻡ :

- ﺍﻟﻠﻲ ﺗﺸﻮﻓﻪ ﻳﺎ ﺍﺑﻨﻲ ... ﺃﻧﺎ ﺃﻫﻢ ﺣﺎﺟﺔ ﻋﻨﺪﻱ ﻫﻴﺎ ﺳﻌﺎﺩﺗﻚ ... ﻭﻣﺎﺩﻣﺖ ﺍﻧﺖ ﺷﺎﻳﻒ ﺍﻥ ﺳﻌﺎﺩﺗﻚ ﻣﻊ ﻧﺎﺩﻳﺔ ﻳﺒﻘﻰ ﺧﻼﺹ ... ﻣﺒﺮﻭﻙ ﻳﺎ ﺣﺒﻴﺒﻲ

ﺍﻧﻔﺮﺟﺖ ﺃﺳﺎﺭﻳﺮ ﻋﻠﻲ ﻭﺍﻓﺘﺮ ﺛﻐﺮﻩ ﻋﻦ ﺇﺑﺘﺴﺎﻣﺔ ﻋﺬﺑﺔ ﻓﺎﻣﺴﻚ ﺑﻴﺪ ﻭﺍﻟﺪﺗﻪ ﻳﻘﺒﻠﻬﺎ ﻗﺎﺋﻼ ﺑﻔﺮﺣﺔ

- ﺭﺑﻨﺎ ﻣﺎﻳﺤﺮﻣﻨﻴﺶ ﻣﻨﻚ ﺍﺑﺪﺍ ﻳﺎ ﺳﺖ ﺍﻟﻜﻞ .... ﺍﻧﺎ ﻛﻨﺖ ﻭﺍﺛﻖ ﺍﻥ ﺳﻌﺎﺩﺗﻲ ﺍﻫﻢ ﻋﻨﺪﻙ ﻣﻦ ﺃﻱ ﺣﺎﺟﺔ ﺗﺎﻧﻴﺔ ... ﺃﻧﺎ ﻣﺎﺷﻲ ﺑﻘﻰ ﺭﺍﻳﺢ ﻟﻌﻤﻲ ... ﻣﺎﻓﻴﺶ ﺣﺪ ﻧﺎﻭﻱ ﻳﻴﺠﻲ ﻣﻌﺎﻳﺎ

ﻗﺎﻣﺖ ﻟﺒﻨﻰ ﻣﻦ ﻣﻜﺎﻧﻬﺎ ﻭﻗﺎﻟﺖ ﻗﺒﻞ ﺃﻥ ﺗﻐﺎﺩﺭ ﻣﺘﺠﻬﺔ ﺇﻟﻰ ﻏﺮﻓﺘﻬﺎ :

- ﺃﻧﺎ ﻋﻦ ﻧﻔﺴﻲ ﻣﺶ ﺭﺍﻳﺤﺔ ﻓﺤﺘﻪ ... ﻋﻦ ﺍﺫﻧﻜﻮ

ﺍﻟﺘﻔﺖ ﻋﻠﻲ ﺇﻟﻰ ﻟﻤﻴﺎﺀ ﻗﺎﺋﻼ :

- ﻭﺍﻧﺘﻲ ﻳﺎ ﻟﻤﻴﺎ ﺯﻳﻬﺎ ﺑﺮﺿﻪ

- ﻻ ﻳﺎ ﺣﺒﻴﺒﻲ ﺃﻧﺎ ﺟﺎﻳﺔ ﻣﻌﺎﻛﻲ ... ﺛﻮﺍﻧﻲ ﺑﺲ ﺣﺎﻏﻴﺮ ﻫﺪﻭﻣﻲ ﻭﺭﺟﻌﺎﻟﻚ

ﺍﺳﺘﻮﻗﻔﺘﻬﺎ ﺳﻤﻴﺔ ﻗﺎﺋﻠﺔ :

- ﺍﺳﺘﻨﻲ ﻳﺎ ﻟﻤﻴﺎ ... ﺍﻟﺘﻔﺘﺖ ﺇﻟﻴﻬﺎ ﻟﻤﻴﺎﺀ ﻓﺎﺳﺘﻄﺮﺩﺕ ﻗﺎﺋﻠﺔ :

- ﺍﻭﻋﻲ ﺗﺠﻴﺒﻲ ﺳﻴﺮﺓ ﻟﻨﻮﺭﺍ ﻳﺎ ﺣﺒﻴﺒﺘﻲ

- ﻋﻠﻲ ﺑﺪﻫﺸﺔ : ﻟﻴﻪ ﺑﻘﻰ ﻳﺎ ﻣﺎﻣﺎ ... ﻣﺎﻫﻲ ﻛﺪﻩ ﻭﻻ ﻛﺪﻩ ﺣﺘﻌﺮﻑ

- ﺍﻟﻤﻬﻢ ﺍﻧﻬﺎ ﻣﺎﺗﻌﺮﻓﺶ ﻋﻦ ﻃﺮﻳﻘﻨﺎ ﺍﺣﻨﺎ

- ﺣﺎﺿﺮ ﻳﺎﻣﺎﻣﺎ ﻣﺶ ﺣﺠﻴﺒﻠﻬﺎ ﺳﻴﺮﺓ

ﻏﺎﺩﺭﺕ ﻟﻤﻴﺎﺀ ﻟﺘﻘﻮﻡ ﺑﺘﺒﺪﻳﻞ ﻣﻼﺑﺴﻬﺎ ﻓﺎﻟﺘﻔﺖ ﻋﻠﻲ ﺇﻟﻰ ﻭﺍﻟﺪﺗﻪ ﻗﺎﺋﻼ :

- ﺍﻭﻋﻮﺍ ﺗﻜﻮﻧﻮﺍ ﻋﺸﻤﺘﻮﻫﺎ ﺑﺤﺎﺟﺔ ﻳﺎﻣﺎﻣﺎ ... ﺃﻧﺎ ﻛﻨﺖ ﻭﺍﺿﺢ ﻣﻌﺎﻛﻮﺍ ﻣﻦ ﺍﻷﻭﻝ

- ﻣﻦ ﻏﻴﺮ ﻣﺎﻧﻌﺸﻤﻬﺎ ﻳﺎ ﺍﺑﻨﻲ ... ﺍﻧﺖ ﺍﺻﻠﻚ ﻣﺶ ﻋﺎﺭﻑ ﻫﻴﺎ ﺑﺘﺤﺒﻚ ﺍﺩ ﺇﻳﻪ

- ﻣﻌﻠﺶ ﻳﺎ ﻣﺎﻣﺎ ... ﻫﻴﺎ ﻟﺴﻪ ﺻﻐﻴﺮﺓ ﻭﺑﻜﺮﺓ ﺗﻨﺴﺎﻧﻲ ﻭﺗﻘﺎﺑﻞ ﺍﻹﻧﺴﺎﻥ ﺍﻟﻠﻲ ﺗﺤﺒﻪ ﻭﻳﺤﺒﻬﺎ

ﺍﻧﺘﻬﺖ ﻟﻤﻴﺎﺀ ﻣﻦ ﺇﺭﺗﺪﺍﺀ ﻣﻼﺑﺴﻬﺎ ﻓﺎﺻﻄﺤﺒﻬﺎ ﻋﻠﻲ ﻭﺧﺮﺝ ﻣﺘﺠﻬﺎ ﺇﻟﻰ ﻣﻨﺰﻝ ﻋﻤﻪ

ﺍﻷﺿﻮﺍﺀ ﺍﻟﻤﺒﻬﺮﺓ ﺗﻐﻤﺮ ﺍﻟﻤﻜﺎﻥ ... ﻭﺍﻟﻤﻮﺱﻳﻘﻰ ﺍﻟﺼﺎﺧﺒﺔ ﺗﺼﻢ ﺍﻷﺫﺍﻥ ... ﻭ ﺍﻟﺮﻗﺺ ﻭﺍﻟﻐﻨﺎﺀ ﻫﻤﺎ ﺍﻟﺴﺎﺋﺪﺍﻥ ... ﻭﻧﺎﺩﻳﺔ ﺗﺘﻮﺳﻂ ﺍﺻﺤﺎﺑﻬﺎ ﺍﻟﺬﻳﻦ ﺩﻋﺘﻬﻢ ﻟﻤﺸﺎﺭﻛﺘﻬﺎ ﺍﻹﺣﺘﻔﺎﻝ ﺑﻴﻮﻡ ﻣﻮﻟﺪﻫﺎ ... ﺑﺪﺕ ﻛﻔﺮﺍﺷﺔ ﺗﺤﻠﻖ ﻣﻦ ﺷﺠﺮﺓ ﺇﻟﻰ ﺃﺧﺮﻯ ﻭﻫﻲ ﺗﺘﻨﻘﻞ ﺑﻴﻦ ﺍﺻﺪﻗﺎﺋﻬﺎ ﻭﺗﺸﺎﺭﻛﻬﻢ ﻣﺮﺣﻬﻢ ﻭﻟﻬﻮﻫﻢ ... ﺑﻴﻨﻤﺎ ﺑﻘﻲ ﺻﻔﻮﺕ ﻓﻲ ﻏﺮﻓﺔ ﻣﻜﺘﺒﻪ ﻣﺒﺘﻌﺪﺍ ﻋﻦ ﺗﻠﻚ ﺍﻟﻀﻮﺿﺎﺀ ﺍﻟﺘﻲ ﻟﻢ ﺗﻌﺪ ﺗﻨﺎﺳﺐ ﺳﻨﻪ ... ﻭﺑﻘﻴﺖ ﻧﻮﺭﺍ ﻓﻲ ﻏﺮﻓﺘﻬﺎ ﻛﻨﻮﻉ ﻣﻦ ﺍﻹﻋﺘﺮﺍﺽ ﺍﻟﺼﺎﻣﺖ ﻋﻠﻰ ﻣﺎﻳﺠﺮﻱ ﻓﻲ ﺣﺪﻳﻘﺔ ﺍﻟﻔﻴﻼ ﻣﻦ ﻣﺠﻮﻥ ﻭﻋﺮﺑﺪﺓ ... ﺍﺳﺮﻋﺖ ﻧﺎﺩﻳﺔ ﻧﺤﻮ ﺑﺎﺏ ﺍﻟﺤﺪﻳﻘﺔ ﺗﺴﺘﻘﺒﻞ ﺳﺎﻣﺢ ﺍﻟﺬﻱ ﺍﺣﺘﻀﻨﻬﺎ ﻣﻬﻨﺌﺎ ﺇﻳﺎﻫﺎ ﻭﻣﺘﻤﻨﻴﺎ ﻟﻬﺎ ﻃﻮﻝ ﺍﻟﻌﻤﺮ ﻭﻗﺪ ﻣﺪ ﻳﺪﻩ ﻟﻬﺎ ﺑﻬﺪﻳﺔ ﻗﻴﻤﺔ ﺭﺑﻤﺎ ﻳﻌﺘﺒﺮﻫﺎ ﺛﻤﻨﺎ ﺩﻓﻌﻪ ﻣﻘﺪﻣﺎ ﻟﺘﻠﻚ ﺍﻟﻠﻴﻠﺔ ﺍﻟﺘﻲ ﻳﻤﻨﻲ ﻧﻔﺴﻪ ﺑﻬﺎ ... ﺑﻌﺪ ﻗﻠﻴﻞ ﻛﺎﻥ ﺳﺎﻣﺢ ﻳﺠﻠﺲ ﻣﻊ ﺻﻔﻮﺕ ﺑﻐﺮﻓﺔ ﻣﻜﺘﺒﻪ ﻭﺇﻟﻰ ﺟﻮﺍﺭﻫﻤﺎ ﻭﻗﻔﺖ ﻧﺎﺩﻳﺔ ﻭﺍﻟﻔﺮﺣﺔ ﺗﻜﺴﻮ ﻣﻼﻣﺤﻬﺎ ﺑﺼﻮﺭﺓ ﻻ ﺗﺨﻔﻰ ﻋﻦ ﺍﻟﻨﺎﻇﺮﻳﻦ ... ﻟﻢ ﻳﻜﺪ ﺳﺎﻣﺢ ﻳﻌﺮﻑ ﻧﻔﺴﻪ ﺇﻟﻲ ﺻﻔﻮﺕ ﺣﺘﻰ ﻗﺎﻝ ﺑﺈﺑﺘﺴﺎﻣﺔ :

- ﺣﺼﻠﻨﺎ ﺍﻟﺸﺮﻑ ﻳﺎ ﺍﺑﻨﻲ ... ﻭﺍﻟﺪﻙ ﻃﺒﻌﺎ ﻏﻨﻲ ﻋﻦ ﺍﻟﺘﻌﺮﻳﻒ ... ﺩﻩ ﻭﺍﺣﺪ ﻣﻦ ﺧﻴﺮﺓ ﺭﺟﺎﻝ ﺍﻷﻋﻤﺎﻝ ﻓﺎﻟﺒﻠﺪ ... ﻭﺳﻤﻌﺘﻪ ﺳﺒﻘﺎﻩ ﻭﺍﻟﻨﺎﺱ ﻛﻠﻬﺎ ﺑﺘﺸﻬﺪ ﺑﺄﺧﻼﻗﻪ

- ﺩﻩ ﻣﻦ ﺫﻭﻕ ﺣﻀﺮﺗﻚ ﺑﺲ ﻳﺎ ﻋﻤﻲ

- ﻳﺎﺗﺮﻯ ﻣﻤﻜﻦ ﺍﻋﺮﻑ ﻟﻴﻪ ﺍﻟﺴﻴﺪ ﺍﻟﻮﺍﻟﺪ ﻣﺎﺷﺮﻓﻨﻴﺶ ﺑﺎﻟﺰﻳﺎﺭﺓ ﺑﻨﻔﺴﻪ ?

- ﻫﻮ ﻃﺒﻌﺎ ﻭﺍﻟﺪﻱ ﺣﻴﻴﺠﻲ ﺍﻥ ﺷﺎﺀﺍﻟﻠﻪ ﻳﺰﻭﺭ ﺣﻀﺮﺗﻚ ﻋﺸﺎﻥ ﻧﺘﻔﻖ ﻋﻠﻰ ﻛﻞ ﺍﻟﺘﻔﺎﺻﻴﻞ ... ﺍﻥ ﺷﺎﺀﺍﻟﻠﻪ ﻧﻌﻤﻞ ﻛﺘﺐ ﺍﻟﻜﺘﺎﺏ ﺑﻌﺪ ﺍﻹﻣﺘﺤﺎﻧﺎﺕ ﻋﻠﻄﻮﻝ ﻭﺍﻟﻔﺮﺡ ﻳﺒﻘﻰ ﺑﻌﺪﻫﺎ ﺑﺸﻬﺮ ﻣﺶ ﺍﻛﺘﺮ ﻭﺩﻩ ﺍﻟﻠﻲ ﻭﺍﻟﺪﻱ ﺣﻴﻴﺠﻲ ﻋﺸﺎﻥ ﻳﺘﻔﻖ ﻣﻊ ﺣﻀﺮﺗﻚ ﻋﻠﻴﻪ ﺑﻌﺪ ﻣﺎﻧﺨﻠﺺ ﺩﺭﺍﺳﺔ ... ﻟﻜﻦ ﺣﺎﻟﻴﺎ ﺃﻧﺎ ﻣﺶ ﻋﺎﻳﺰ ﺍﻱ ﺣﺎﺟﺔ ﺗﺸﻐﻞ ﻧﺎﺩﻳﺔ ﻋﻦ ﺩﺭﺍﺳﺘﻬﺎ ... ﺃﻧﺎ ﺑﺲ ﺟﺎﻱ ﻋﺸﺎﻥ ﺍﺛﺒﺖ ﻟﻨﺎﺩﻳﺔ ﺟﺪﻳﺔ ﺍﻟﻤﻮﺿﻮﻉ ... ﻭﻋﺸﺎﻥ ﺃﻧﺎ ﺑﺤﺐ ﻧﺎﺩﻳﺔ ﻭﺧﺎﻳﻒ ﺍﻧﻬﺎ ﺗﺮﻭﺡ ﻣﻦ ﺇﻳﺪﻱ ... ﻗﻠﺖ ﺇﻳﻪ ﺣﻀﺮﺗﻚ ?

- ﻭﺍﻟﻠﻪ ﻳﺎ ﺍﺑﻨﻲ ﺃﻧﺎ ﻣﺶ ﺣﺎﻻﻗﻲ ﻧﺴﺐ ﺍﻓﻀﻞ ﻣﻦ ﻭﺍﻟﺪﻙ ﻭﻣﺎﺩﺍﻣﺖ ﺩﻱ ﺭﻏﺒﺔ ﻧﺎﺩﻳﺔ ﻳﺒﻘﻰ ﺩﻩ ﻛﻔﻴﻞ ﺇﻧﻪ ﻳﺤﺴﻢ ﺍﻟﻤﻮﺿﻮﻉ ﺑﺎﻟﻨﺴﺒﺎﻟﻲ ... ﺃﻧﺎ ﻣﺎﻋﻨﺪﻳﺶ ﺃﻱ ﻣﺎﻧﻊ ﻃﺒﻌﺎ .

- ﺃﻧﺎ ﻣﺘﺸﻜﺮ ﺍﻭﻱ ﻟﺤﻀﺮﺗﻚ ﻳﺎ ﻋﻤﻲ ﻭﺳﻌﻴﺪ ﺇﻧﻲ ﺍﺗﺸﺮﻓﺖ ﺑﻤﻌﺮﻓﺔ ﺣﻀﺮﺗﻚ

- ﻣﺘﺸﻜﺮ ﺍﻭﻱ ﻳﺎ ﺍﺑﻨﻲ ... ﻭﺣﺎﻧﺘﻈﺮ ﺯﻳﺎﺭﺓ ﺍﻟﺴﻴﺪ ﺍﻟﻮﺍﻟﺪﻓﻲ ﺃﻱ ﻭﻗﺖ ... ﺑﺎﻟﻤﻨﺎﺳﺒﺔ ﻫﻮ ﻳﻌﺮﻑ ﺍﻧﻚ ﺟﺎﻱ ﺍﻟﻨﻬﺎﺭﺩﺓ ﻋﺸﺎﻥ ﺗﺨﻄﺐ ﻧﺎﺩﻳﺔ ?

- ﺃﻳﻮﻩ ﻃﺒﻌﺎ ﻳﺎ ﻋﻤﻲ ... ﻭﻛﺎﻥ ﻋﺎﻳﺰ ﻳﻴﺠﻲ ﺑﻨﻔﺴﻪ ... ﻟﻜﻦ ﺃﻧﺎ ﺍﻗﻨﻌﺘﻪ ﻧﺄﺟﻠﻬﺎ ﻟﺒﻌﺪ ﺍﻹﻣﺘﺤﺎﻧﺎﺕ

- ﻋﻤﻮﻣﺎ ﻳﺎ ﺍﺑﻨﻲ ﺍﻟﻒ ﻣﺒﺮﻭﻙ ﻭﻣﺶ ﺣﻮﺻﻴﻚ ﻋﻠﻰ ﻧﺎﺩﻳﺔ ... ﺍﻧﺖ ﻣﺎﺗﻌﺮﻓﺶ ﻧﺎﺩﻳﺔ ﺩﻱ ﻋﻨﺪﻱ ﺗﺒﻘﻰ ﺇﻳﻪ

- ﺍﻃﻤﻦ ﺣﻀﺮﺗﻚ ... ﻧﺎﺩﻳﺔ ﻓﻲ ﻋﻨﻴﺎ ﺍﻥ ﺷﺎﺀﺍﻟﻠﻪ ... ﺍﺳﺘﺄﺫﻥ ﺃﻧﺎ

- ﺍﺗﻔﻀﻞ ﻳﺎ ﺣﺒﻴﺒﻲ

ﺧﺮﺝ ﺳﺎﻣﺢ ﻭﻣﻌﻪ ﻧﺎﺩﻳﺔ ﺍﻟﺘﻲ ﻛﺎﺩﺕ ﺃﻥ ﺗﻘﻔﺰ ﻣﻦ ﻣﻜﺎﻧﻬﺎ ﻣﻦ ﻓﺮﻁ ﺍﻟﺴﻌﺎﺩﺓ ﺍﻟﺘﻲ ﺗﺸﻌﺮ ﺑﻬﺎ ... ﺍﺑﺘﺴﻢ ﻟﻬﺎ ﺳﺎﻣﺢ ﻗﺎﺋﻼ :

- ﻣﺒﺮﻭﻙ ﻳﺎ ﻗﻤﺮ

↚

ﺑﺎﺩﻟﺘﻪ ﺍﻹﺑﺘﺴﺎﻣﺔ ﻗﺎﺋﻠﺔ ﺑﺴﻌﺎﺩﺓ :.

- ﺍﻟﻠﻪ ﻳﺒﺎﺭﻙ ﻓﻴﻚ ﻳﺎ ﺳﺎﻣﺢ

- ﻋﺮﻓﺘﻲ ﺑﻘﻰ ﺇﻧﻲ ﺑﺤﺒﻚ ﻭﺍﺗﺄﻛﺪﺗﻲ ﺩﻟﻮﻗﺘﻲ ﺇﻧﻲ ﻣﺶ ﺑﻠﻌﺐ ﺑﻴﻜﻲ ﻭﻻ ﺣﺎﺟﺔ

- ﺍﻳﻮﻩ ﺍﺗﺄﻛﺪﺕ ... ﺃﻧﺎ ﺣﺎﺧﺮﺝ ﺑﻘﻰ ﺍﻗﻮﻝ ﻟﺼﺤﺎﺑﻨﺎ ﻭﺯﻣﺎﻳﻠﻨﺎ ﺍﻟﻠﻲ ﺑﺮﻩ ﺍﻧﻨﺎ ﺧﻼﺹ ﺍﺗﺨﻄﺒﻨﺎ

ﻫﻤﺖ ﻧﺎﺩﻳﺔ ﻟﺘﻐﺎﺩﺭ ﻭﻟﻜﻦ ﺳﺎﻣﺢ ﺍﻣﺴﻜﻬﺎ ﻣﻦ ﺫﺭﺍﻋﻬﺎ ﻗﺎﺋﻼ :

- ﺍﺳﺘﻨﻲ ﺑﺲ ﻳﺎ ﻧﺎﺩﻭ ... ﺭﺍﻳﺤﺔ ﻓﻴﻦ ﺑﺲ ﻳﺎ ﺣﺒﻴﺒﺘﻲ ?

- ﻣﺎ ﺃﻧﺎ ﻗﻠﺘﻠﻚ ﻳﺎ ﺳﺎﻣﺢ

- ﻻ ﻳﺎ ﺣﺒﻴﺒﺘﻲ ﻣﺎﻟﻮﺵ ﻟﺰﻭﻡ ﺍﻟﻠﻲ ﺣﺘﻌﻤﻠﻴﻪ ﺩﻩ

- ﻟﻴﻪ ﺑﻘﻰ ?

- ﺃﻧﺎ ﻣﻦ ﺭﺃﻳﻲ ﻧﺴﺘﻨﻰ ﻟﻤﺎ ﺑﺎﺑﺎ ﻳﻴﺠﻲ ﻳﺰﻭﺭﻛﻮﺍ ﻭﺍﻟﻤﻮﺿﻮﻉ ﻳﺒﻘﻰ ﺭﺳﻤﻲ ﻋﺸﺎﻥ ﻧﻘﻮﻟﻬﻢ ... ﻋﺎﻳﺰﻳﻦ ﻧﺪﺍﺭﻱ ﻋﻠﻰ ﺷﻤﻌﺘﻨﺎ ﻳﺎ ﻧﺎﺩﻭ ... ﻣﺎﺣﺪﺵ ﻋﺎﺭﻑ ﺇﻳﻪ ﺍﻟﻠﻲ ﻣﻤﻜﻦ ﻳﺤﺼﻞ ... ﻛﻔﺎﻳﺔ ﺑﺲ ﺍﻥ ﻋﻴﻠﺘﻚ ﺗﻌﺮﻑ ﻣﺶ ﻻﺯﻡ ﻧﻮﺳﻊ ﺍﻟﻤﻮﺿﻮﻉ ﺍﻭﻱ ﻓﻲ ﺍﻟﻮﻗﺖ ﺍﻟﺤﺎﻟﻲ

- ﻣﻌﺎﻙ ﺣﻖ ﻳﺎ ﺣﺒﻴﺒﻲ ... ﺧﻼﺹ ﺑﻼﺵ ﻧﻘﻮﻟﻬﻢ ﺩﻟﻮﻗﺘﻲ

- ﺃﻧﺎ ﻣﺎﺷﻲ ﺑﻘﻰ ﻳﺎ ﻧﺎﺩﻭ

- ﻟﻴﻪ ﺑﺲ ﻳﺎ ﺳﺎﻣﺢ ... ﻟﺴﻪ ﺑﺪﺭﻱ ﺍﻭﻱ

- ﻣﻌﻠﺶ ﺑﻘﻰ ﻳﺎ ﺟﻤﻴﻞ ﺻﺤﺎﺑﻲ ﻣﺴﺘﻨﻴﻴﻨﻲ ﻓﻲ ﺍﻟﺪﻳﺴﻜﻮ ﻋﺸﺎﻥ ﻧﺴﻬﺮ ﺳﻮﻯ

- ﻳﻌﻨﻲ ﺗﺴﻴﺒﻨﻲ ﻋﺸﺎﻥ ﺗﺮﻭﺡ ﻟﺼﺤﺎﺑﻚ ﺑﺮﺿﻪ

- ﺍﻋﻤﻞ ﺇﻳﻪ ﺑﺲ ﻳﺎ ﺣﺒﻴﺒﺘﻲ ... ﻣﺎ ﺍﻧﺎ ﻗﻮﻟﺘﻠﻚ ﺗﻴﺠﻲ ﻣﻌﺎﻳﺎ ﻭﺍﻋﻤﻠﻚ ﺣﻔﻠﺔ ﻋﻴﺪﻣﻴﻼﺩﻙ ﻫﻨﺎﻙ ﻭﺍﻧﺘﻲ ﺍﻟﻠﻲ ﺭﻓﻀﺘﻲ

- ﺻﺪﻗﻨﻲ ﻣﺶ ﺣﻴﻨﻔﻊ ﻳﺎ ﺳﺎﻣﺢ ... ﺻﺤﻴﺢ ﺑﺎﺑﺎ ﻣﺪﻳﻨﻲ ﺣﺮﻳﺔ ﺍﻟﺘﺼﺮﻑ ... ﻟﻜﻦ ﻣﺶ ﻟﺪﺭﺟﺔ ﺇﻧﻲ ﺍﺩﺧﻞ ﺩﻳﺴﻜﻮ ﻳﻌﻨﻲ

- ﻳﺒﻘﻰ ﺑﺮﺍﺣﺘﻚ ﻳﺎ ﺟﻤﻴﻞ ... ﺳﻼﻡ ﺑﻘﻰ ﻭﻣﺎﺗﻨﺴﻴﺶ ﻣﻌﺎﺩ ﺍﻟﺮﺣﻠﺔ ﺑﻜﺮﺓ ﺍﻟﺼﺒﺢ ... ﻧﺎﻣﻲ ﺑﺪﺭﻱ ﻋﺸﺎﻥ ﺗﻘﺪﺭﻱ ﺗﺼﺤﻲ

- ﻣﺎﺷﻲ ﻳﺎ ﺣﺒﻴﺒﻲ ... ﻣﻊ ﺍﻟﺴﻼﻣﻪ

ﺑﻌﺪ ﻣﻐﺎﺩﺭﺓ ﺳﺎﻣﺢ ﺑﻘﻠﻴﻞ ﻛﺎﻥ ﻋﻠﻲ ﻭﻣﻌﻪ ﻟﻤﻴﺎﺀ ﻳﺪﻟﻔﺎﻥ ﻣﻦ ﺑﺎﺏ ﺍﻟﺤﺪﻳﻘﺔ ... ﺍﻗﺘﺮﺑﺎ ﻣﻦ ﻧﺎﺩﻳﺔ ﻭﻗﺪﻣﺎ ﻟﻬﺎ ﺍﻟﺘﻬﺎﻧﻲ ﺇﻟﻰ ﺟﺎﻧﺐ ﻫﺪﻳﺔ ﻋﻠﻲ ﺍﻟﺘﻲ ﺍﺣﻀﺮﻫﺎ ﻣﻦ ﺍﺟﻠﻬﺎ ... ﺛﻢ ﺍﺳﺘﺄﺫﻧﺎ ﻟﻴﺘﻮﺟﻪ ﻋﻠﻲ ﺇﻟﻰ ﻋﻤﻪ ﻓﻲ ﻏﺮﻓﺔ ﺍﻟﻤﻜﺘﺐ ... ﺑﻴﻨﻤﺎ ﺻﻌﺪﺕ ﻟﻤﻴﺎﺀ ﺇﻟﻰ ﻏﺮﻓﺔ ﻧﻮﺭﺍ ﺍﻟﺘﻲ ﻛﺎﻧﺖ ﺗﺠﻠﺲ ﺑﻤﻔﺮﺩﻫﺎ ﻭﻣﺎ ﺇﻥ ﺭﺃﺗﻬﺎ ﺣﺘﻰ ﺍﺣﺘﻀﻨﺘﻬﺎ ﺳﻌﻴﺪﺓ ﺑﻤﺠﻴﺌﻬﺎ ﻓﻬﺎﻫﻲ ﺃﺧﻴﺮﺍً ﻗﺪ ﺣﺼﻠﺖ ﻋﻠﻰ ﺃﻧﻴﺲ ﻟﻮﺣﺪﺗﻬﺎ ... ﺟﻠﺴﺎ ﻟﻔﺘﺮﺓ ﻳﺘﺠﺎﺫﺑﺎﻥ ﺃﻃﺮﺍﻑ ﺍﻟﺤﺪﻳﺚ ﺣﺘﻰ ﺍﻋﻠﻦ ﻫﺎﺗﻔﻬﺎ ﺍﻟﺮﻧﻴﻦ ... ﻧﻈﺮﺕ ﺇﻟﻰ ﺷﺎﺷﺘﻪ ﻟﺘﺠﺪ ﻫﺎ ﺗﻨﻴﺮ ﺑﺮﻗﻢ ﻋﻠﻲ ﻓﺄﺟﺎﺑﺘﻪ ﻟﻴﺄﺗﻴﻬﺎ ﺻﻮﺗﻪ ﻗﺎﺋﻼ ﺑﺈﻧﻔﻌﺎﻝ :

- ﻟﻤﻴﺎ ﻳﻼ ﺇﻧﺰﻟﻲ ﺑﺴﺮﻋﺔ ﻋﺸﺎﻥ ﻧﺮﻭﺡ

- ﻣﻌﻘﻮﻝ ﻳﺎ ﻋﻠﻲ ﻫﻮ ﺍﺣﻨﺎ ﻟﺤﻘﻨﺎ ﻧﻘﻌﺪ ?

ﻟﻢ ﺗﺴﺘﻄﻊ ﺃﻥ ﺗﻨﻄﻖ ﻛﻠﻤﺔ ﺃﺧﺮﻱ ﻭﺍﺣﺪﺓ ﺳﻮﻱ ﺃﻧﺎ ﻣﺎﺷﻴﺔ ﻳﺎﻧﻮﺭﺍ ... ﺗﺼﺒﺤﻲ ﻋﻠﻰ ﺧﻴﺮ ... ﺑﻌﺪ ﺃﻥ ﺻﺮﺥ ﻓﻴﻬﺎ ﻋﻠﻲ ﻟﻠﻤﺮﺓ ﺍﻟﺜﺎﻧﻴﺔ :

- ﻗﻠﺘﻠﻚ ﻳﻼ ﺑﻴﻨﺎ ﻋﺸﺎﻥ ﻧﻤﺸﻲ

ﻓﻲ ﺍﻟﺴﻴﺎﺭﺓ ﻛﺎﻥ ﺍﻟﺼﻤﺖ ﻫﻮ ﺻﺪﻳﻘﻬﻢ ﺍﻟﺼﺪﻭﻕ ... ﻟﻢ ﺗﺴﺘﻄﻊ ﻟﻤﻴﺎﺀ ﺃﻥ ﺗﺘﺤﺪﺙ ﻓﻲ ﻇﻞ ﺣﺎﻟﺔ ﺍﻟﻐﻀﺐ ﻭﺍﻟﻀﻴﻖ ﺍﻟﺘﻲ ﻳﺒﺪﻭ ﻋﻠﻴﻬﺎ ﻋﻠﻲ ﺍﻟﺬﻱ ﻛﺎﻥ ﻳﻘﻮﺩ ﺳﻴﺎﺭﺗﻪ ﺑﻌﺼﺒﻴﺔ ﺷﺪﻳﺪﺓ ... ﻭﻳﻀﺮﺏ ﺑﻴﺪﻩ ﻋﻠﻰ ﻣﻘﻮﺩ ﺍﻟﺴﻴﺎﺭﺓ ﻣﻦ ﺁﻥ ﻷﺧﺮ ... ﺍﺳﺘﺠﻤﻌﺖ ﺷﺠﺎﻋﺘﻬﺎ ﺃﺧﻴﺮﺍ ﻭﻗﺎﻟﺖ ﺑﺨﻔﻮﺕ :

- ﻋﻠﻲ ﻣﻤﻜﻦ ﺗﻔﻬﻤﻨﻲ ﺇﻳﻪ ﺍﻟﻠﻲ ﺣﺼﻞ ﺑﺎﻟﻈﺒﻂ ﻋﻨﺪ ﻋﻤﻲ ... ﻫﻮ ﻋﻤﻲ ﺭﻓﺾ ﺟﻮﺍﺯﻙ ﻣﻦ ﻧﺎﺩﻳﺔ ﻭﻻ ﺣﺎﺟﺔ ... ﻃﺐ ﻫﻮ ﻗﺎﻟﻚ ﺣﺎﺟﺔ ﺯﻋﻠﺘﻚ ﻳﻌﻨﻲ ?

ﺻﺮﺥ ﻓﻴﻬﺎ ﻗﺎﺋﻼ :

- ﺗﻌﺮﻓﻲ ﺗﻘﻌﺪﻱ ﺳﺎﻛﺘﻪ ?

- ﻃﻴﺐ ﺑﺲ ﻟﻮ ﺗﻔﻬﻤﻨﻲ ﺍﻟﻠﻲ ﺣﺼﻞ

ﺍﻟﺘﻔﺖ ﺇﻟﻴﻬﺎ ﻗﺎﺋﻼ ﺑﺠﺪﻳﺔ :

- ﻋﺎﻳﺰﺓ ﺗﻌﺮﻓﻲ ﺍﻟﻠﻲ ﺣﺼﻞ ... ﺣﺎﺿﺮ ... ﺍﻝﻟﻲ ﺣﺼﻞ ﻫﻮ ﺍﻟﻠﻲ ﺍﻧﺘﻮﺍ ﻋﺎﻳﺰﻳﻨﻪ .

- ﺍﻟﻠﻲ ﻫﻮ ﺇﻳﻪ ﺩﻩ ﻳﺎ ﻋﻠﻲ ?

- ﺧﻄﺒﺘﻬﺎ ﻭﺣﺘﺠﻮﺯﻫﺎ ... ﺣﻨﻜﺘﺐ ﺍﻟﻜﺘﺎﺏ ﺑﻌﺪﺍﻹﻣﺘﺤﺎﻧﺎﺕ ﻭﻧﺘﺠﻮﺯ ﺑﻌﺪ ﻣﺎ ﺗﺨﻠﺺ ﺩﺭﺍﺳﺘﻬﺎ ﺍﻟﺴﻨﺔ ﺍﻟﺠﺎﻳﺔ ... ﺍﺭﺗﺤﺘﻲ ﻛﺪﻩ ... ﺍﺭﺗﺤﺘﻮﺍ ﻛﻠﻜﻮﺍ ... ﻋﻤﻠﺘﻮﺍ ﺍﻟﻠﻲ ﺍﻧﺘﻮﺍ ﻋﺎﻳﺰﻳﻨﻪ

- ﻛﻼﻣﻚ ﺑﻴﻘﻮﻝ ﺍﻧﻚ ﺗﻘﺼﺪ ﻧﻮﺭﺍ .... ﺻﺢ ﻳﺎ ﻋﻠﻲ ?

ﺍﻭﻣﺄ ﺑﺮﺃﺳﻪ ﻣﺆﻛﺪﺍ ﻓﺎﺭﺩﻓﺖ ﻗﺎﺋﻠﺔ ﺑﺪﻫﺸﺔ :

- ﻃﻴﺐ ﻭﻟﻴﻪ ﻳﺎ ﻋﻠﻲ ... ﺍﻧﺖ ﻣﺶ ﻛﻨﺖ ﺭﺍﻳﺢ ﻋﺸﺎﻥ ﺗﺨﻄﺐ ﻧﺎﺩﻳﺔﺇﻳﻪ ﺍﻟﻠﻲ ﺧﻼﻙ ﺗﻐﻴﺮ ﺭﺃﻳﻚ ﻭﺗﺨﻄﺐ ﻧﻮﺭﺍ ... ﻭﻣﺶ ﺩﻩ ﺍﻟﻠﻲ ﺍﺣﻨﺎ ﻋﺎﻳﺰﻳﻨﻪ ﻳﺎ ﻋﻠﻲ ﻟﻮ ﺣﻴﺨﻠﻴﻚ ﻓﺎﻟﺤﺎﻟﺔ ﺩﻱ ... ﺛﻢ ﺍﻧﺖ ﻋﺎﺭﻑ ﻛﻮﻳﺲ ﺍﻥ ﺃﻧﺎ ﺍﻛﺘﺮ ﻭﺍﺣﺪﺓ ﻛﻨﺖ ﻣﺄﻳﺪﺓ ﻗﺮﺍﺭﻙ ﺍﻧﻚ ﺗﺘﺠﻮﺯ ﻧﺎﺩﻳﺔ ﻃﺎﻟﻤﺎ ﺍﻧﺖ ﺷﺎﻳﻒ ﺇﻧﻪ ﻓﻴﻪ ﺳﻌﺎﺩﺗﻚ ... ﻃﻴﺐ ﺍﻧﺖ ﻟﻴﻪ ﻋﻤﻠﺖ ﻛﺪﻩ ... ﻋﺸﺎﻥ ﺗﺮﺿﻲ ﻣﺎﻣﺎ ﻳﻌﻨﻲ

- ﻣﺶ ﻣﻬﻢ ﻋﻤﻠﺘﻪ ﻟﻴﻪ ... ﺍﻟﻤﻬﻢ ﺇﻧﻪ ﻫﻮ ﺩﻩ ﺍﻟﻠﻲ ﺣﺼﻞ ... ﻭﺍﻗﻌﺪﻱ ﺳﺎﻛﺘﻪ ﺑﻘﻰ

ﺑﻌﺪ ﻗﻠﻴﻞ ﻭﺻﻞ ﻋﻠﻲ ﻭﻟﻤﻴﺎﺀ ﺇﻟﻰ ﻣﻨﺰﻟﻬﻤﺎ ... ﻭﻋﻨﺪﻣﺎ ﺩﺧﻼ ﻛﺎﻧﺖ ﺳﻤﻴﺔ ﻭﻟﺒﻨﻰ ﺑﺈﻧﺘﻈﺎﺭﻫﻤﺎ ... ﺩﺧﻞ ﻋﻠﻲ ﻏﺮﻓﺘﻪ ﻣﺒﺎﺷﺮﺓ ﺩﻭﻥ ﺃﻥ ﻳﻨﻄﻖ ﺑﻜﻠﻤﺔ ... ﺑﻴﻨﻤﺎ ﺟﻠﺴﺖ ﻟﻤﻴﺎﺀ ﻟﺘﻘﺺ ﻋﻠﻰ ﻣﺴﺎﻣﻌﻬﻢ ﻛﻠﻤﺎﺕ ﻋﻠﻲ ... ﻛﺎﻧﺖ ﺳﻤﻴﺔ ﺗﺴﺘﻤﻊ ﻭﻗﺪ ﺍﻧﻌﻘﺪ ﺣﺎﺟﺒﺎﻫﺎ ﺩﻫﺸﺔ ﺛﻢ ﻣﺎﻟﺒﺜﺖ ﺃﻥ ﻗﺎﻟﺖ ﺑﻌﺪ ﺍﻥ ﺍﻧﺘﻬﺖ ﻟﻤﻴﺎﺀ :

- ﻣﻌﻘﻮﻝ ﺍﻟﻠﻲ ﺑﺘﻘﻮﻟﻴﻪ ﺩﻩ ﻳﺎ ﻟﻤﻴﺎ ... ﺃﻧﺎ ﻣﺶ ﻣﺼﺪﻗﺔ ﻭﺩﺍﻧﻲ ... ﺑﺲ ﻫﻮ ﻣﺶ ﻛﺎﻥ ﻣﺎﺷﻲ ﻭﺭﺍﻳﺢ ﻳﺨﻄﺐ ﻧﺎﺩﻳﺔ ... ﺇﻳﻪ ﻳﺎ ﺗﺮﻯ ﺍﻟﻠﻲ ﺣﺼﻞ ﻭﺧﻼﻩ ﺧﻄﺐ ﻧﻮﺭﺍ

- ﻟﺒﻨﻰ ﺑﻔﺮﺣﺔ : ﺃﻳﺎ ﻛﺎﻥ ﺍﻟﻠﻲ ﺣﺼﻞ ﺍﻟﻤﻬﻢ ﺇﻧﻪ ﺧﻼﺹ ﺑﻘﻰ ﻓﻴﻪ ﻧﻮﺭﺍ ﻭﻣﺎﻓﻴﺶ ﻧﺎﺩﻳﺔ ... ﺃﻧﺎ ﻣﺒﺴﻮﻃﺔ ﺍﻭﻱ ﻳﺎ ﻣﺎﻣﺎ

- ﺳﻤﻴﺔ ﺑﻔﺮﺣﺔ ﻣﻤﺎﺛﻠﺔ : ﻭﻣﻴﻦ ﺳﻤﻌﻚ ﺩﻩ ﺃﻧﺎ ﺍﻟﻔﺮﺣﺔ ﻣﺶ ﺳﻴﻌﺎﻧﻲ

- ﻟﻤﻴﺎﺀ ﺑﺘﺄﺛﺮ : ﺑﺲ ﺣﺮﺍﻡ ﻳﺎ ﻣﺎﻣﺎ ... ﻣﺶ ﺷﺎﻳﻔﺔ ﺣﺎﻟﺘﻪ ﻋﺎﻣﻠﺔ ﺍﺯﺍﻱ

- ﻣﻌﻘﻮﻝ ﻧﻜﻮﻥ ﺿﻐﻄﻨﺎ ﻋﻠﻴﻪ ﻣﻦ ﻏﻴﺮ ﻣﺎﻧﻘﺼﺪ

- ﻟﺒﻨﻰ : ﻭﻟﻮ ﻛﺪﻩ ﺑﻴﻘﻰ ﺍﺯﺍﻱ ﺑﻘﻰ ﻛﺎﻥ ﺭﺍﻳﺢ ﻋﺸﺎﻥ ﻳﺨﻄﺐ ﻧﺎﺩﻳﺔ ... ﻭﻻ ﺿﻐﻮﻃﻨﺎ ﺩﻱ ﻣﺎ ﺍﺛﺮﺗﺶ ﻓﻴﻪ ﻏﻴﺮ ﻓﻲ ﺍﻟﻄﺮﻳﻖ ﻭﻫﻮ ﺭﺍﻳﺢ

- ﻟﻤﻴﺎﺀ : ﺧﻼﺹ ﻳﺎ ﺟﻤﺎﻋﺔ ﺍﺣﻨﺎ ﻧﺴﻴﺒﻪ ﻳﻬﺪﻯ ﻛﺪﻩ ﻭﻳﺮﺗﺎﺡ ﻭﺑﻌﺪﻳﻦ ﻧﻔﻬﻢ ﻣﻨﻪ ﺇﻳﻪ ﺍﻟﻠﻲ ﺣﺼﻞ ﺑﺎﻟﻈﺒﻂ

- ﻟﺒﻨﻲ : ﺃﻧﺎ ﺣﺎﺭﻭﺡ ﺍﺟﻴﺐ ﺗﻠﻴﻔﻮﻧﻲ ﺍﻛﻠﻢ ﻧﻮﺭﺍ ﺩﻱ ﺯﻣﺎﻧﻬﺎ ﺣﻴﺠﺮﺍﻟﻬﺎ ﺣﺎﺟﺔ ﻣﻦ ﺍﻟﻔﺮﺣﺔ .

- ﺳﻤﻴﺔ : ﻃﻴﺐ ﻛﻠﻤﻴﻬﺎ ﻭﺧﻠﻴﻨﻲ ﺃﻧﺎ ﻛﻤﺎﻥ ﺍﻛﻠﻤﻬﺎ

ﺍﺣﻀﺮﺕ ﻟﺒﻨﻲ ﻫﺎﺗﻔﻬﺎ ﻭﺷﺮﻋﺖ ﻓﻲ ﺍﻹﺗﺼﺎﻝ ﺑﻨﻮﺭﺍ ﻭﻟﻜﻨﻬﺎ ﻟﻢ ﺗﺠﺪ ﺇﺟﺎﺑﺔ ﻓﺄﻋﺎﺩﺕ ﺍﻟﻤﺤﺎﻭﻟﺔ ﺩﻭﻥ ﺟﺪﻳﺪ ﺍﻳﻀﺎ

- ﺳﻤﻴﺔ : ﺑﺮﺿﻪ ﻣﺎﺑﺘﺮﺩﺵ

- ﺍﻳﻮﻩ ... ﺍﺣﺴﻦ ﺗﻜﻮﻥ ﺑﻨﺖ ﺃﺧﺘﻚ ﺍﺧﺪﺕ ﺍﻟﻠﻲ ﻟﻴﻬﺎ ﻭﺧﻼﺹ ﻣﺶ ﺣﺘﻌﺮﻓﻨﺎ ﺑﻌﺪ ﻛﺪﻩ

- ﺑﻘﻰ ﻧﻮﺭﺍ ﻛﺪﻩ ﺑﺮﺿﻪ ﻳﺎ ﻟﺒﻨﻰ

ﺍﻋﻠﻦ ﻫﺎﺗﻒ ﻟﺒﻨﻰ ﺍﻟﺮﻧﻴﻦ ... ﻟﻴﻌﻠﻦ ﻋﻦ ﻗﺪﻭﻡ ﺇﺗﺼﺎﻝ ﻣﻦ ﻧﻮﺭﺍ .... ﻓﻘﺎﻟﺖ : ﺁﻫﻴﻪ ﺑﺘﺘﺼﻞ ﻫﻴﺎ

- ﻋﺸﺎﻥ ﺗﻌﺮﻓﻲ ﺍﻧﻚ ﻇﻠﻤﺘﻴﻬﺎ ﺑﺲ

- ﻻ ﺑﻘﻮﻟﻚ ﺇﻳﻪ ﻳﺎ ﺳﺖ ﻣﺎﻣﺎ ... ﺑﻼﺵ ﺍﻟﺮﻗﺔ ﺍﻟﻠﻲ ﺍﻧﺘﻲ ﻓﻴﻬﺎ ﺩﻱ ... ﻣﺎﺗﻨﺴﻴﺶ ﺍﻧﻚ ﺧﻼﺹ ﺑﻘﻴﺘﻲ ﺣﻤﺎﺗﻬﺎ ... ﺃﻧﺎ ﻋﺎﻳﺰﺍﻛﻲ ﺗﻮﺭﻳﻨﻲ ﺷﻐﻞ ﻣﺎﺭﻱ ﻣﻨﻴﺐ ﻋﻠﻰ ﺍﺻﻮﻟﻪ

ﺿﺤﻜﺖ ﺳﻤﻴﺔ ﻗﺎﺋﻠﺔ :

- ﺍﻟﻠﻪ ﻳﺠﺎﺯﻱ ﺷﻴﻄﺎﻧﻚ ﻳﺎ ﻟﺒﻨﻰ ... ﻃﻴﺐ ﺍﻧﺘﻲ ﺣﺘﺴﻴﺒﻴﻬﺎ ﺗﺮﻥ ﻛﺪﻩ ﻛﺘﻴﺮ

ﻓﺘﺤﺖ ﻟﺒﻨﻰ ﺍﻟﺨﻂ ﻟﻴﺄﺗﻴﻬﺎ ﺻﻮﺕ ﻧﻮﺭﺍ ﻗﺎﺋﻠﺔ :

- ﺇﻳﻪ ﻳﺎ ﺑﻨﺘﻲ ﻣﺶ ﺑﺘﺮﺩﻱ ﻋﻠﻄﻮﻝ ﻟﻴﻪ

- ﺍﻟﺴﺆﺍﻝ ﺩﻩ ﺗﺴﺄﻟﻴﻪ ﻟﻨﻔﺴﻚ ﻣﺶ ﻟﻴﺎ ...

- ﻣﻌﻠﺶ ﻳﺎ ﻟﻮﻟﻮ ... ﺍﺻﻞ ﺑﺎﺑﺎ ﻛﺎﻥ ﺑﻴﻨﺎﺩﻱ ﻋﻠﻴﺎ ﻣﻦ ﺷﻮﻳﺔ ﻧﺰﻟﺖ ﺍﺷﻮﻓﻪ ﺭﺟﻌﺖ ﻟﻘﻴﺘﻚ ﺭﻧﻴﺘﻲ ﻋﻠﻴﺎ

- ﻭﻛﺎﻥ ﻋﺎﻳﺰﻙ ﻓﺈﻳﻪ ﻋﻤﻲ ?

- ﻳﻌﻨﻲ ﻣﺶ ﻋﺎﺭﻓﺔ ﻭﻻ ﺑﺘﺴﺘﻬﺒﻠﻲ ... ﻣﺶ ﺃﻧﺎ ﻭﺍﻧﺘﻲ ﻃﻮﻝ ﺍﻟﻨﻬﺎﺭ ﻣﻊ ﺑﻌﺾ ﻓﺎﻟﻜﻠﻴﺔ ... ﻟﻴﻪ ﺑﻘﻰ ﻣﺎﻗﻮﻟﺘﻴﻠﻴﺶ ﺍﻥ ﻋﻠﻲ ﺣﻴﻄﻠﺐ ﺇﻳﺪﻱ ﻣﻦ ﺑﺎﺑﺎ ﺍﻟﻨﻬﺎﺭﺩﺓ ... ﻭﺍﺧﺘﻚ ﻛﺎﻧﺖ ﻗﺎﻋﺪﺓ ﻣﻌﺎﻳﺎ ﻣﻦ ﺷﻮﻳﺔ ﻭﻣﺎﺟﺎﺑﺘﺶ ﺳﻴﺮﺓ

- ﺣﺒﻴﻨﺎ ﻧﻌﻤﻠﻬﺎﻟﻚ ﻣﻔﺎﺟﺄﺓ ... ﺑﺲ ﺇﻳﻪ ﺭﺃﻳﻚ ﻣﺶ ﻃﻠﻌﺖ ﺗﺴﺘﺎﻫﻞ

- ﻧﻮﺭﺍ ﺑﻔﺮﺣﺔ : ﺗﺴﺘﺎﻫﻞ ﺑﺲ ... ﺩﻱ ﺍﺣﻠﻰ ﻣﻔﺎﺟﺄﺓ ﺣﺼﻠﺘﻠﻲ ﻓﻌﻤﺮﻱ ﻛﻠﻪ ... ﺑﺲ ﺃﻧﺎ ﺑﺼﺮﺍﺣﺔ ﻣﺴﺘﻐﺮﺑﺔ ... ﺍﺻﻞ ﺃﺧﻮﻛﻲ ﻣﺎﻛﺎﻧﺶ ﺑﺎﻳﻦ ﻋﻠﻴﻪ ﺣﺎﺟﺔﺍﺑﺪﺍ

- ﻣﺶ ﺍﻧﻨﺎ ﻗﻠﺘﻠﻚ ﻗﺒﻞ ﻛﺪﻩ ﺇﻧﻪ ﻣﺶ ﺑﻴﺤﺐ ﻳﺒﻴﻦ ﻣﺸﺎﻋﺮﻩ ... ﺑﺲ ﻃﻠﻊ ﻟﺌﻴﻢ ﺍﻟﻮﺍﺩ ﺩﻩ

- ﺍﺧﺺ ﻋﻠﻴﻜﻲ ﻳﺎ ﻟﺒﻨﻰ ... ﻣﺎﺗﻘﻮﻟﻴﺶ ﻋﻠﻴﻪ ﻛﺪﻩ

- ﻣﻦ ﺃﻭﻟﻬﺎ ﻛﺪﻩ ﺑﻌﺘﻴﻨﻲ ﻋﺸﺎﻥ ﺧﺎﻃﺮﻩ ... ﻣﺎﺷﻲ ﻳﺎ ﺳﺖ ﻧﻮﺭﺍ ... ﺭﺑﻨﺎ ﻳﻬﻨﻲ ﺳﻌﻴﺪ ﺑﺴﻌﻴﺪﺓ

- ﻭﺃﻧﺎ ﺍﻗﺪﺭ ﺍﺑﻴﻌﻚ ﺑﺮﺿﻪ ﻳﺎ ﻟﻮﻟﻮ ... ﺩ ﺍﻧﺘﻲ ﺣﺒﻴﺒﺘﻲ ﻭﺍﻟﻠﻪ

- ﺍﻳﻮﻩ ﻛﺪﻩ ﺍﺗﻌﺪﻟﻲ ... ﺧﺪﻱ ﻣﺎﻣﺎ ﻋﺎﻳﺰﺓ ﺗﻜﻠﻤﻚ

ﺍﻟﺘﻘﻄﺖ ﺳﻤﻴﺔ ﺍﻟﻬﺎﺗﻒ ﻣﻦ ﻟﺒﻨﻰ ﻭﺑﺪﺃﺕ ﻓﻲ ﻣﺤﺎﺩﺛﺔ ﻧﻮﺭﺍ ﻭﻗﺪ ﺑﺪﺕ ﺍﻟﺴﻌﺎﺩﺓ ﻭﺍﺿﺤﺔ ﻓﻲ ﺻﻮﺕ ﻛﻠﺘﻴﻬﻤﺎ

- ﺳﻤﻴﺔ : ﺍﻟﻒ ﻣﺒﺮﻭﻙ ﻳﺎ ﺣﺒﻴﺒﺘﻲ ... ﺭﺑﻨﺎ ﻳﺘﻤﻤﻠﻜﻮﺍ ﺑﺨﻴﺮ ﻭﻋﻘﺒﺎﻝ ﺍﻟﻔﺮﺡ ﻭﺑﻌﺪﻫﺎ ﺃﺷﻴﻞ ﻭﻻﺩﻛﻮﺍ ﺑﺈﺫﻥ ﺍﻟﻠﻪ

- ﻟﻤﻴﺎﺀ : ﺣﻴﻠﻚ ﺣﻴﻠﻚ ﻳﺎ ﺳﺖ ﻣﺎﻣﺎ ... ﺍﻧﺘﻲ ﻭﺻﻠﺘﻲ ﻟﻮﻻﺩﻫﻢ ... ﻃﻴﺐ ﺍﺳﺘﻨﻲ ﻟﻤﺎ ﻳﺘﺨﻄﺒﻮﺍ ﺭﺳﻤﻲ ﺍﻷﻭﻝ ﺣﺘﻰ

- ﺭﺑﻨﺎ ﻳﺨﻠﻴﻜﻲ ﻟﻴﺎ ﻳﺎ ﺧﺎﻟﺘﻮ ﻭﻣﺎﻳﺤﺮﻣﻨﻴﺶ ﻣﻨﻚ

- ﻋﻠﻲ ﺑﻴﻘﻮﻝ ﺇﻧﻪ ﺍﺗﻔﻖ ﻣﻊ ﻋﻤﻪ ﻋﻠﻰ ﻛﺘﺐ ﺍﻟﻜﺘﺎﺏ ﺑﻌﺪ ﺷﻬﺮﻳﻦ ﻟﻤﺎ ﺗﺨﻠﺼﻲ ﺇﻣﺘﺤﺎﻧﺎﺕ ﺍﻟﺴﻨﺔﺩﻱ ... ﻭﺍﻟﻔﺮﺡ ﺍﻥ ﺷﺎﺀﺍﻟﻠﻪ ﺑﻌﺪ ﺍﻟﺴﻨﺔ ﺍﻟﺠﺎﻳﺔ ﺑﻌﺪ ﺍﻟﺘﺨﺮﺝ

- ﺍﻳﻮﻩ ﻳﺎ ﺧﺎﻟﺘﻮ ... ﻣﺎﻫﻮ ﺑﺎﺑﺎ ﻗﺎﻟﻲ ﺍﻥ ﻛﺘﺐ ﻛﺘﺎﺑﻨﺎ ﺣﻴﺒﻘﻰ ﻣﻊ ﻛﺘﺐ ﻛﺘﺎﺏ ﻧﺎﺩﻳﺔ ﻓﻨﻔﺲ ﺍﻟﻴﻮﻡ ﺑﻌﺪ ﺍﻹﻣﺘﺤﺎﻧﺎﺕ ﻋﻠﻄﻮﻝ

ﺳﻴﻄﺮ ﺍﻟﺬﻫﻮﻝ ﻋﻠﻰ ﻣﻼﻣﺤﻬﺎ ﻭﻫﻲ ﺗﺴﺘﻤﻊ ﻟﻜﻠﻤﺎﺕ ﻧﻮﺭﺍ ... ﻟﻘﺪ ﺗﻤﺖ ﺧﻄﺒﺔ ﻧﺎﺩﻳﺔ ... ﺭﺑﻤﺎ ﻫﻲ ﻗﺪ ﺍﺩﺭﻛﺖ ﺍﻟﺴﺒﺐ ﺍﻵﻥ ﻓﻴﻤﺎﺣﺪﺙ ... ﺍﻏﻠﻘﺖ ﺍﻟﻬﺎﺗﻒ ﻣﻊ ﻧﻮﺭﺍ ﺑﻌﺪ ﺃﻥ ﻋﻠﻤﺖ ﻣﻨﻬﺎ ﻫﻮﻳﺔ ﺫﻟﻚ ﺍﻟﻌﺮﻳﺲ ﻭﺩﻋﺖ ﻟﻜﻠﺘﻴﻬﻤﺎ ﺑﺎﻟﺴﻌﺎﺩﺓ ﻭﺍﻟﺘﻮﻓﻴﻖ ... ﺛﻢ ﻧﻈﺮﺕ ﺇﻟﻰ ﻟﺒﻨﻰ ﻗﺎﺋﻠﺔ ﻭﻫﻲ ﻻﺗﺰﺍﻝ ﻓﻲ ﺩﻫﺸﺘﻬﺎ :

- ﻛﺪﻩ ﺃﻧﺎ ﻓﻬﻤﺖ ﻛﻞ ﺣﺎﺟﺔ

- ﻓﻬﻤﺘﻲ ﺇﻳﻪ ﺑﺲ ﻳﺎ ﻣﺎﻣﺎ ?

- ﻓﻬﻤﺖ ﺍﻟﻠﻲ ﺣﺼﻞ ﻋﻨﺪ ﻋﻤﻚ ... ﺍﺧﻮﻛﻲ ﺭﺍﺡ ﻳﺨﻄﺐ ﻧﺎﺩﻳﺔ ﻻﻗﺎﻫﺎ ﺍﺗﺨﻄﺒﺖ ﻟﺰﻣﻴﻠﻬﺎ ﺩﻩ ﻓﺨﻄﺐ ﻧﻮﺭﺍ ﻭﺧﻼﺹ ﻋﺸﺎﻥ ﻳﺮﺿﻴﻨﺎ

ﺭﻓﻌﺖ ﻟﻤﻴﺎﺀ ﺣﺎﺟﺒﻴﻬﺎ ﻭﻗﺎﻟﺖ ﺳﺎﺧﺮﺓ :

- ﻳﺎ ﺳﻼﺍﺍﺍﺍﺍﻡ ... ﻟﻴﻪ ... ﺭﺍﻳﺢ ﻟﻠﻔﻜﻬﺎﻧﻲ ﻳﺸﺘﺮﻱ ﻣﻮﺯ ﻣﺎﻟﻘﺎﺵ ﻓﺠﺎﺏ ﻋﻨﺐ ﻣﺜﻼ ... ﺇﻳﻪ ﺍﻟﻠﻲ ﺑﺘﻘﻮﻟﻴﻪ ﺩﻩ ﺑﺲ ﻳﺎ ﻣﺎﻣﺎ ? ﺛﻢ ﻋﻠﻲ ﺳﺒﻖ ﻭﻗﺎﻝ ﺇﻧﻪ ﻟﻮ ﻣﺎ ﺍﺗﺠﻮﺯﺵ ﻧﺎﺩﻳﺔ ﺑﺮﺿﻪ ﻣﺶ ﺣﻴﺘﺠﻮﺯ ﻧﻮﺭﺍ

ﺗﻨﻬﺪﺕ ﻗﺎﺋﻠﺔ ﻓﻲ ﺣﻴﺮﺓ :

- ﺍﻣﺎﻝ ﺣﻴﻜﻮﻥ ﺇﻳﻪ ﺑﺲ ﺍﻟﻠﻲ ﺣﺼﻞ ?

- ﻟﺒﻨﻰ ﺑﻼﻣﺒﺎﻻﺓ : ﻭﺍﺣﻨﺎ ﻣﺤﻴﺮﻳﻦ ﻧﻔﺴﻨﺎ ﻟﻴﻪ ? ﻳﺎﺧﺒﺮ ﺑﻔﻠﻮﺱ ﺍﻟﺼﺒﺢ ﻳﺒﻘﻰ ﺑﺒﻼﺵ ... ﺑﻜﺮﺓ ﺍﻟﺼﺒﺢ ﺍﻥ ﺷﺎﺀﺍﻟﻠﻪ ﺗﺴﺄﻟﻴﻪ ﻭﺗﻔﻬﻤﻲ ﻣﻨﻪ ﺍﻟﻠﻲ ﺣﺼﻞ

ﻧﻈﺮﺕ ﺇﻟﻰ ﺍﻟﻔﺮﺍﻍ ﺃﻣﺎﻣﻬﺎ ﻭﻗﺎﻟﺖ ﺑﻨﻔﺎﺫ ﺻﺒﺮ :

- ﺭﺑﻨﺎ ﻳﺼﺒﺮﻧﻲ ﻣﻦ ﻫﻨﺎ ﻟﺤﺪ ﺑﻜﺮﺓ ﺍﻟﺼﺒﺢ ......

ﻳﺘﺒﻊ

↚

ﺃﺣﻴﺎﻧﺎ ﻧﺸﻌﺮ ﺃﻧﻨﺎ ﻓﻲ ﻣﻔﺘﺮﻕ ﻃﺮﻕ ... ﻧﺘﺨﺒﻂ ﺑﻴﻦ ﺍﻹﺗﺠﺎﻫﺎﺕ ﻭﻻ ﻧﺪﺭﻱ ﺃﻱ ﻃﺮﻳﻖ ﻋﻠﻴﻨﺎ ﺃﻥ ﻧﺴﻠﻚ ... ﻧﺘﺮﺩﺩ ﺑﻴﻦ ﺃﻥ ﻧﻔﻜﺮ ﺑﻌﻘﻠﻨﺎ ﺃﻡ ﻧﻨﺤﻲ ﻋﻘﻠﻨﺎ ﺟﺎﻧﺒﺎ ﻭﻧﻄﻠﻖ ﻟﻘﺪﻣﻴﻨﺎ ﺍﻟﻌﻨﺎﻥ ﻟﺘﺤﻤﻼﻧﺎ ﺇﻟﻰ ﺍﻟﻮﺟﻬﺔ ﺍﻟﺘﻲ ﺗﺮﻳﺪ ... ﺭﺑﻤﺎ ﻟﻢ ﻳﻜﻦ ﻟﺪﻯ ﻋﻠﻲ ﻭﻗﺘﺎ ﻛﺎﻓﻴﺎ ﻟﻴﻔﻜﺮ ﻋﻨﺪﻣﺎ ﺃﻟﻘﻰ ﺻﻔﻮﺕ ﻋﻠﻰ ﻣﺴﺎﻣﻌﻪ ﺫﻟﻚ ﺍﻟﺴﺆﺍﻝ ‏( ﻣﻮﺍﻓﻖ ﺗﺘﺠﻮﺯﻫﺎ ﻭﻻ ﻷ ﻳﺎ ﻋﻠﻲ ‏) ... ﻟﺬﻟﻚ ﻓﻘﺪ ﻗﺮﺭ ﺃﻥ ﻳﻨﺤﻲ ﻋﻘﻠﻪ ﻓﻲ ﻫﺬﻩ ﺍﻟﻠﺤﻈﺔ ... ﺫﻟﻚ ﺍﻟﺴﺆﺍﻝ ﺍﻟﺬﻱ ﺳﺪﺩﻩ ﺻﻔﻮﺕ ﺇﻟﻴﻪ ﻛﺮﻣﻴﺔ ﻣﺒﺎﺷﺮﺓ ﻟﻢ ﻳﺴﺘﻄﻊ ﻋﻠﻲ ﺍﻟﺘﺼﺪﻱ ﻟﻬﺎ ﻓﺘﺮﻛﻬﺎ ﻟﺘﺴﻜﻦ ﺷﺒﺎﻛﻪ ﻣﻌﻠﻨﺔ ﻋﻦ ﻫﺪﻑ ﻟﻢ ﻳﺴﻊ ﻓﻲ ﻳﻮﻡ ﻣﻦ ﺍﻷﻳﺎﻡ ﺍﺑﺪﺍ ﻹﺣﺮﺍﺯﻩ ... ‏( ﻧﻮﺭﺍ ‏) ﺫﻟﻚ ﺍﻟﻬﺪﻑ ﺍﻟﺬﻱ ﻳﻌﺘﺒﺮﻋﻠﻲ ﺃﻧﻪ ﻗﺪ ﺩﺧﻞ ﺣﻴﺎﺗﻪ ﻣﺘﺴﻠﻼ ﻭﻛﺎﻥ ﻻﺑﺪ ﻣﻦ ﺇﻟﻐﺎﺋﻪ ... ﻭﻟﻜﻦ ﻓﻴﻤﺎ ﻳﺒﺪﻭ ﺃﻥ ﺍﻟﺤﻜﻢ ﻳﻐﺾ ﺍﻟﻄﺮﻑ ﻣﺘﻌﻤﺪﺍ ﻹﺳﺘﻤﺘﺎﻋﻪ ﺑﺮﺅﻳﺔ ﺍﻟﻜﺮﺓ ﻭﻫﻲ ﺗﻌﺎﻧﻖ ﺍﻟﺸﺒﺎﻙ ... ﺗﺮﻯ ﻫﻞ ﻳﻜﻮﻥ ﻫﺬﺍ ﻫﻮ ﻫﺪﻑ ﺍﻟﻔﻮﺯ ... ﺃﻡ ﺃﻧﻪ ﺳﻴﻜﻮﻥ ﺑﺪﺍﻳﺔ ﺍﻟﺨﺴﺎﺋﺮ .

ﻣﻨﺬ ﺃﻥ ﻋﺎﺩ ﻣﻦ ﻣﻨﺰﻝ ﻋﻤﻪ ﻭﻫﻮ ﻳﺠﻠﺲ ﻓﻲ ﻏﺮﻓﺘﻪ ﻣﻐﻠﻘﺎ ﺑﺎﺑﻬﺎ ﻋﻠﻴﻪ ... ﻳﺘﻤﺪﺩ ﻋﻠﻰ ﻓﺮﺍﺷﻪ ﻭﺍﺿﻌﺎ ﻳﺪﻩ ﺧﻠﻒ ﺭﺃﺳﻪ ﻣﺤﺪﻗﺎ ﻓﻲ ﺍﻟﻔﺮﺍﻍ ﺃﻣﺎﻣﻪ .. ﻳﺸﺮﺩ ﺃﺣﻴﺎﻧﺎ ﻟﻴﺘﺬﻛﺮ ﺗﻔﺎﺻﻴﻞ ﻣﺎﺣﺪﺙ ﺑﻴﻨﻪ ﻭﺑﻴﻦ ﻋﻤﻪ ... ﻳﺘﺬﻛﺮ ﻋﻨﺪﻣﺎ ﺍﺳﺘﺠﻤﻊ ﺷﺠﺎﻋﺘﻪ ﺍﺧﻴﺮﺍ ﻭﺗﺤﺪﺙ ﺇﻟﻰ ﻋﻤﻪ ﻣﺨﺒﺮﺍ ﺇﻳﺎﻩ ﺑﺤﺒﻪ ﻟﻨﺎﺩﻳﺔ ﻭﺭﻏﺒﺘﻪ ﻓﻲ ﺍﻹﺭﺗﺒﺎﻁ ﺑﻬﺎ ... ﻳﻐﻤﺾ ﻋﻴﻨﻴﻪ ﻣﺘﺄﻟﻤﺎ ﺣﻴﻦ ﻳﺘﺬﻛﺮ ﺗﻠﻚ ﺍﻟﻜﻠﻤﺎﺕ ﺍﻟﺘﻲ ﺧﺮﺟﺖ ﻣﻦ ﺑﻴﻦ ﺷﻔﺘﻲ ﻋﻤﻪ ﻭﻧﻔﺬﺕ ﺇﻟﻰ ﻗﻠﺒﻪ ﻛﻄﻌﻨﺎﺕ ﺣﺎﺩﺓ ﻟﺘﺘﺮﻛﻪ ﺧﻠﻔﻬﺎ ﺻﺮﻳﻌﺎ

" ﻓﻼﺵ ﺑﺎﻙ "

ﺻﻔﻮﺕ ﺑﺪﻫﺸﺔ ﻣﻤﺰﻭﺟﺔ ﺑﺎﻷﺳﻰ :

- ﻭﺍﻟﻠﻪ ﻳﺎ ﺍﺑﻨﻲ ﻣﺎ ﺃﻧﺎ ﻋﺎﺭﻑ ﺃﻗﻮﻟﻚ ﺇﻳﻪ ﺑﺲ ... ﺃﻧﺎ ﻳﻌﺰ ﻋﻠﻴﺎ ﺍﻭﻱ ﺇﻧﻲ ﺍﺭﻓﻀﻠﻚ ﻃﻠﺐ ﻳﺎ ﻋﻠﻲ ... ﻟﻜﻦ ﺍﻧﺖ ﺟﻴﺖ ﻣﺘﺄﺧﺮ ﻳﺎ ﻋﻠﻲ

- ﻋﻠﻲ ﺑﺪﻫﺸﺔ : ﻣﺶ ﻓﺎﻫﻢ ﻳﺎ ﻋﻤﻲ ﺣﻀﺮﺗﻚ ﺗﻘﺼﺪ ﺇﻳﻪ ﺑﺈﻧﻲ ﺟﻴﺖ ﻣﺘﺄﺧﺮ

- ﺍﻧﺖ ﻋﺎﺭﻑ ﻣﻴﻦ ﺍﻟﻠﻲ ﻛﺎﻥ ﻗﺎﻋﺪ ﻣﻌﺎﻳﺎ ﻫﻨﺎ ﻭﻟﺴﻪ ﻣﺎﺷﻲ ﻣﻦ ﺷﻮﻳﺔ

- ﻣﻴﻦ ﻳﺎ ﻋﻤﻲ ?

- ﺍﺑﻦ ﻧﺠﻴﺐ ﺍﻟﺤﺴﻴﻨﻲ ... ﻭﺍﻛﻴﺪ ﺍﻧﺖ ﻋﺎﺭﻑ ﺍﻹﺳﻢ ﺩﻩ ﻛﻮﻳﺲ ... ﻋﺎﺭﻑ ﻛﺎﻥ ﻫﻨﺎ ﻟﻴﻪ ... ﻫﻮ ﻳﺒﻘﻰ ﺯﻣﻴﻞ ﻧﺎﺩﻳﺔ ﻓﺎﻟﻜﻠﻴﺔ ﻭﻛﺎﻥ ﺟﺎﻱ ﻫﻨﺎ ﻋﺸﺎﻥ ﻳﻄﻠﺐ ﺇﻳﺪﻫﺎ ﻣﻨﻲ ... ﻭﺑﻌﺪ ﺍﻹﻣﺘﺤﺎﻧﺎﺕ ﺣﻴﺠﻴﺐ ﻭﺍﻟﺪﻩ ﻭﻳﻴﺠﻲ ﻋﺸﺎﻥ ﻧﺘﻤﻢ ﻛﻞ ﺣﺎﺟﺔ ﺑﺸﻜﻞ ﺭﺳﻤﻲ ... ﻭﺍﻟﻠﻲ ﻋﺎﻳﺰﻙ ﺗﻌﺮﻓﻪ ﺍﻥ ﺩﻱ ﺭﻏﺒﺔ ﻧﺎﺩﻳﺔ ﻭﻫﻴﺎ ﻣﻮﺍﻓﻘﺔ ﻭﻣﺮﺣﺒﺔ ﻭﺍﻋﺘﻘﺪ ﺍﻥ ﺩﻩ ﻛﻔﺎﻳﺔ ﻋﺸﺎﻥ ﺍﻭﺍﻓﻖ ﺃﻧﺎ ﻛﻤﺎﻥ ﻋﻠﻰ ﻃﻠﺒﻪ ... ﻭﻻ ﺍﻧﺖ ﺷﺎﻳﻒ ﺇﻳﻪ ?

ﻇﻬﺮ ﺍﻟﺤﺰﻥ ﺟﻠﻴﺎ ﻋﻠﻰ ﻣﻼﻣﺢ ﻭﺟﻬﻪ ﻭﻫﻮ ﻳﺠﻴﺐ ﻗﺎﺋﻼ :

- ﺣﻀﺮﺗﻚ ﻣﻌﺎﻙ ﺣﻖ ﻃﺒﻌﺎ ... ﻃﺎﻟﻤﺎ ﺩﻱ ﺭﻏﺒﺔ ﻧﺎﺩﻳﺔ ﻳﺒﻘﻰ ﺭﺑﻨﺎ ﻳﺴﻌﺪﻫﺎ

ﺍﻗﺘﺮﺏ ﻣﻨﻪ ﺻﻔﻮﺕ ﻭﻭﺿﻊ ﻳﺪﻩ ﻋﻠﻰ ﻛﺘﻔﻪ ﻗﺎﺋﻼ ﺑﺠﺪﻳﺔ :

- ﺃﻧﺎ ﻣﺶ ﻋﺎﻳﺰﻙ ﺗﺰﻋﻞ ﻳﺎ ﻋﻠﻲ ... ﻭﺑﻌﺪﻳﻦ ﻳﻌﻨﻲ ﻫﻮ ﺃﻧﺎ ﻣﺎﻋﻨﺪﻳﺶ ﺑﻨﺎﺕ ﻏﻴﺮ ﻧﺎﺩﻳﺔ ?

ﻟﻢ ﻳﺴﺘﻮﻋﺐ ﻋﻠﻲ ﻣﺎﻗﺎﻟﻪ ﻋﻤﻪ ﻓﻘﺎﻝ ﻣﺘﺴﺎﺋﻼ :

- ﻣﺶ ﻓﺎﻫﻢ ﺣﻀﺮﺗﻚ ﺗﻘﺼﺪ ﺇﻳﻪ

- ﺻﻔﻮﺕ ﺑﺠﺪﻳﺔ ﺍﻛﺒﺮ : ﻳﻌﻨﻲ ﺇﺫﺍ ﻛﺎﻧﺖ ﻧﺎﺩﻳﺔ ﺍﺗﺨﻄﺒﺖ ﻓﻨﻮﺭﻫﺎﻥ ﻟﺴﻪ ﻣﻮﺟﻮﺩﺓ ?

ﻻ ﻳﺪﺭﻱ ﻫﻞ ﻳﺒﺪﻭ ﻛﻼﻡ ﻋﻤﻪ ﻏﺎﻣﻀﺎ ﺃﻡ ﺍﻧﻪ ﻗﺪ ﻓﻘﺪ ﻗﺪﺭﺗﻪ ﻋﻠﻰ ﺍﻟﻔﻬﻢ ﻭﺍﻻﺳﺘﻴﻌﺎﺏ ... ﺣﺎﻭﻝ ﺃﻥ ﻳﺴﺘﻮﺿﺢ ﻣﻘﺼﺪﻩ ﻓﺴﺄﻟﻪ ﻗﺎﺋﻼ :

- ﻳﻌﻨﻲ ﺣﻀﺮﺗﻚ ﻋﺎﻳﺰﻧﻲ ﺍﺗﺠﻮﺯ ﻧﻮﺭﻫﺎﻥ ... ﺍﺻﻞ ﺩﻩ ﺍﻟﻠﻲ ﺃﻧﺎ ﻓﻬﻤﺘﻪ ﻣﻦ ﻛﻼﻣﻚ

ﻫﺰ ﺭﺃﺳﻪ ﺻﻌﻮﺩﺍ ﻭﻫﺒﻮﻃﺎ ﻓﻲ ﺗﺄﻛﻴﺪ ﻋﻠﻰ ﻣﺎﻗﺎﻟﻪ ﻋﻠﻲ ﺛﻢ ﺍﺭﺩﻑ ﻗﺎﺋﻼ :

- ﺑﺎﻟﻈﺒﻂ ﻛﺪﻩ ﻳﺎ ﻋﻠﻲ ... ﺃﻧﺎ ﻛﻨﺖ ﻧﺎﻭﻱ ﺍﻃﻠﺐ ﻣﻨﻚ ﺍﻟﻄﻠﺐ ﺩﻩ ﺑﻌﺪ ﻧﻮﺭﺍ ﻣﺎﺗﺨﻠﺺ ﺩﺭﺍﺳﺘﻬﺎ ... ﻟﻜﻦ ﺩﻟﻮﻗﺘﻲ ﺍﻋﺘﻘﺪ ﺇﻧﻪ ﺃﻥ ﺃﻭﺍﻧﻪ ... ﺍﻟﺒﻨﺖ ﺩﻱ ﻳﺎ ﻋﻠﻲ ﺳﺎﺫﺟﺔ ﻭﻏﺸﻴﻤﺔ ﺍﻭﻱ ﻭﻋﻠﻰ ﻧﻴﺎﺗﻬﺎ ... ﻳﻌﻨﻲ ﻣﻦ ﺍﻟﺴﻬﻞ ﺍﻭﻱ ﺍﻥ ﺃﻱ ﺣﺪ ﻳﻀﺤﻚ ﻋﻠﻴﻬﺎ ﻭﻳﺘﺠﻮﺯﻫﺎ ﻋﺸﺎﻥ ﻃﻤﻌﺎﻥ ﻓﻴﻬﺎ ﻭﺗﻀﻴﻊ ﺍﻟﺜﺮﻭﺓ ﺍﻟﻠﻲ ﺃﻧﺎ ﺗﻌﺒﺖ ﻓﺠﻤﻌﻬﺎ .... ﻟﻜﻦ ﺍﻧﺖ ﺍﻟﻮﺣﻴﺪ ﺍﻟﻠﻲ ﺣﺎﻛﻮﻥ ﻣﻄﻤﻦ ﻋﻠﻴﻬﺎ ﻭﻋﻠﻰ ﻓﻠﻮﺳﻲ ﻣﻌﺎﻩ ﻹﻧﻲ ﺣﺎﻛﻮﻥ ﻭﺍﺛﻖ ﺍﻧﻪ ﻣﺶ ﻃﻤﻌﺎﻥ ﻓﻴﻬﺎ ... ﺍﻧﺖ ﺷﺎﻳﻒ ﻧﺎﺩﻳﺔ ﻃﻠﻌﺖ ﻭﺍﻋﻴﺔ ﻭﺷﺎﻃﺮﺓ ﺍﺯﺍﻱ ﺟﺎﺑﺖ ﺍﺑﻦ ﻧﺠﻴﺐ ﺍﻟﺤﺴﻴﻨﻲ ﻋﻠﻰ ﻣﻼ ﻭﺷﻪ ... ﺩﻩ ﻣﺎﻗﺪﺭﺵ ﻳﺴﺘﻨﻰ ﻟﺒﻌﺪ ﺍﻹﻣﺘﺤﺎﻧﺎﺕ ﻋﺸﺎﻥ ﻳﺘﻘﺪﻣﻠﻬﺎ ... ﻟﻜﻦ ﺩﻱ ﺑﻘﻰ ﺍﻟﻔﻠﻮﺱ ﻣﺎﺗﻔﺮﻗﺶ ﻣﻌﺎﻫﺎ ﻓﺤﺎﺟﺔ ... ﺩﻱ ﻣﻤﻜﻦ ﺗﺠﻴﺒﻠﻲ ﺷﺤﺎﺕ ﻭﺗﻘﻮﻟﻲ ﻋﺎﻳﺰﺓ ﺍﺗﺠﻮﺯﻩ ... ﻭﺑﻴﺘﻬﻲﺃﻟﻲ ﻳﻌﻨﻲ ﺍﻥ ﺍﻟﺠﻮﺍﺯﺓ ﺩﻱ ﻟﻮ ﺗﻤﺖ ﺍﻟﺴﺖ ﻭﺍﻟﺪﺗﻚ ﺣﺘﻜﻮﻥ ﻣﺒﺴﻮﻃﺔ ﺑﻴﻬﺎ ﺟﺪﺍ ... ﻣﺶ ﺩﻱ ﺑﺮﺿﻪ ﻛﺎﻧﺖ ﻭﺻﻴﺔ ﺻﻔﻴﺔ .

- ﺍﻓﻬﻢ ﻣﻦ ﻛﺪﻩ ﺍﻥ ﺣﻀﺮﺗﻚ ﺣﺮﻳﺺ ﺍﻧﻚ ﺗﻨﻔﺬﻭﺻﻴﺔ ﺧﺎﻟﺘﻲ ﺍﻟﻠﻪ ﻳﺮﺣﻤﻬﺎ

- ﻣﺶ ﺑﺎﻟﻈﺒﻂ ... ﻟﻜﻦ ﺇﺫﺍ ﻛﺎﻧﺖ ﺍﻟﻮﺻﻴﺔ ﺩﻱ ﺗﺘﻮﺍﻓﻖ ﻣﻊ ﺭﻏﺒﺘﻲ ﻳﺒﻘﻰ ﺇﻳﻪ ﺍﻟﻤﺎﻧﻊ ﺇﻧﻲ ﺍﻧﻔﺬﻫﺎ ... ﻫﺎ ﻳﺎ ﺍﺑﻨﻲ ﻗﻠﺖ ﺇﻳﻪ ? ﻣﻮﺍﻓﻖ ﺗﺘﺠﻮﺯﻫﺎ ﻭﻻ ﻷ ﻳﺎ ﻋﻠﻲ ?

ﻧﻜﺲ ﻋﻠﻲ ﺭﺃﺳﻪ ﻭﻇﻞ ﺻﺎﻣﺘﺎ ﻟﺒﺮﻫﺔ ﺛﻢ ﻗﺎﻝ ﺑﺘﺮﺩﺩ :

- ﺍﻟﻠﻲ ﺣﻀﺮﺗﻚ ﺗﺸﻮﻓﻪ ﻳﺎ ﻋﻤﻲ ﺃﻧﺎ ﻣﻮﺍﻓﻖ ﻋﻠﻴﻪ

ﺟﻠﺲ ﺻﻔﻮﺕ ﺃﻣﺎﻣﻪ ﻭﻧﻈﺮ ﻓﻲ ﻋﻴﻨﻴﻪ ﻣﺒﺎﺷﺮﺓ ﺛﻢ ﻗﺎﻝ ﺑﺠﺪﻳﺔ :

- ﺍﺳﻤﻌﻨﻲ ﻛﻮﻳﺲ ﻳﺎ ﻋﻠﻲ ... ﺃﻧﺎ ﺳﺒﻖ ﻭﻗﻠﺘﻠﻚ ﺍﻧﻚ ﺍﻧﺖ ﺇﺑﻨﻲ ﺍﻟﻠﻲ ﻣﺎﺧﻠﻔﺘﻮﺵ ... ﺑﺸﻮﻑ ﻓﻴﻚ ﺷﺒﺎﺑﻲ ﻭﺑﺤﺲ ﺍﻧﻚ ﺷﺒﻬﻲ ﻓﻜﻞ ﺣﺎﺟﺔ ... ﻟﻜﻦ ﺩﻱ ﺑﺎﻟﺬﺍﺕ ﻳﺎ ﻋﻠﻲ ﺃﻧﺎ ﻣﺶ ﻋﺎﻳﺰﻙ ﺗﻜﻮﻥ ﺷﺒﻬﻲ ﻓﻴﻬﺎ ... ﺃﻧﺎ ﺍﺗﺠﻮﺯﺕ ﺧﺎﻟﺘﻚ ﻋﻠﻰ ﻏﻴﺮ ﺇﺭﺍﺩﺗﻲ ﻭﺍﻟﻨﺘﻴﺠﺔ ﺍﻧﺖ ﻋﺎﺭﻓﻬﺎ ﻛﻮﻳﺲ ... ﺃﺣﻴﺎﻧﺎ ﺑﺤﺲ ﺍﻧﻬﺎ ﺍﻟﺴﺒﺐ ﻭﺍﻭﻗﺎﺕ ﺗﺎﻧﻴﺔ ﺑﺤﺲ ﺇﻧﻲ ﻇﻠﻤﺘﻬﺎ ... ﻟﻜﻦ ﺍﻟﻨﺘﻴﺠﺔ ﻛﺎﻧﺖ ﻭﺍﺣﺪﺓ ﻓﺎﻟﻨﻬﺎﻳﺔ ... ﻋﺸﺎﻥ ﻛﺪﻩ ﻣﺶ ﻋﺎﻳﺰﻙ ﺗﻜﺮﺭ ﺗﺠﺮﺑﺘﻲ ... ﻟﻮ ﺣﺎﺳﺲ ﺍﻥ ﺍﻟﺠﻮﺍﺯﺓ ﺩﻱ ﻏﺼﺐ ﻋﻨﻚ ... ﻗﻮﻝ ﺍﻧﻚ ﻣﺶ ﻣﻮﺍﻓﻖ ﻭﺻﺪﻗﻨﻲ ﻋﻤﺮﻱ ﻣﺎﻫﺎﺯﻋﻞ ﻣﻦ ﺻﺮﺍﺣﺘﻚ ﺍﺑﺪﺍ ... ﻗﻮﻝ ﻳﺎ ﻋﻠﻲ ﻭﻣﺎ ﺗﺘﻜﺴﻔﺶ ﻣﻨﻲ

ﺃﺟﺎﺏ ﻋﻠﻲ ﻗﺎﺋﻼ ﺑﺈﺻﺮﺍﺭ :

- ﻳﺎ ﻋﻤﻲ ﺃﻧﺎ ﻣﺶ ﺣﺎﻵﻗﻲ ﺯﻭﺟﺔ ﺍﺣﺴﻦ ﻣﻦ ﻧﻮﺭﻫﺎﻥ ... ﻭﻋﺸﺎﻥ ﻛﺪﻩ ﺃﻧﺎ ﻣﺎ ﻋﻨﺪﻳﺶ ﻣﺎﻧﻊ ﺇﻧﻲ ﺍﺗﺠﻮﺯﻫﺎ

ﺗﻨﻬﺪ ﺻﻔﻮﺕ ﻗﺎﺋﻼ ﺑﺈﺭﺗﻴﺎﺡ :

- ﻳﺒﻘﻰ ﻋﻠﻰ ﺑﺮﻛﺔ ﺍﻟﻠﻪ

" ﺑﺎﻙ "

ﺍﻏﻤﺾ ﻋﻴﻨﻴﻪ ﻣﺘﺄﻟﻤﺎ ﺛﻢ ﻓﺘﺤﻬﻤﺎ ﻣﺠﺪﺩﺍ ﻣﺘﻤﻨﻴﺎ ﺃﻥ ﻳﻜﻮﻥ ﻛﻞ ﺫﻟﻚ ﺣﻠﻢ ﻭﺍﺳﺘﻔﺎﻕ ﻣﻨﻪ ﺍﺧﻴﺮﺍ ... ﻭﻟﻜﻨﻬﺎ ﺍﻟﺤﻘﻴﻘﺔ ﻭﺑﻜﻞ ﺃﺳﻒ .. ﻳﺸﻌﺮ ﺃﻥ ﺍﺣﻼﻣﻪ ﺟﻤﻴﻌﻬﺎ ﻗﺪ ﺗﺒﺨﺮﺕ ﻓﻲ ﺍﻟﻬﻮﺍﺀ ﻭﻟﻢ ﻳﺒﻖ ﻣﻨﻬﺎ ﺳﻮﻯ ﻓﺘﺎﺕ ﻻ ﻳﺴﺪ ﺟﻮﻋﺎ ﻭﻻ ﻳﺮﻭﻱ ﻇﻤﺌﺎ ... ﻭﻫﻮ ﺍﻵﻥ ﻓﻘﻂ ﻳﻌﻴﺶ ﻣﻦ ﺍﺟﻞ ﺗﺤﻘﻴﻖ ﺃﺣﻼﻡ ﺍﻷﺧﺮﻳﻦ ﻣﻦ ﺣﻮﻟﻪ ... ﺭﺑﻤﺎ ﻟﻮ ﺍﺳﺘﻄﺎﻉ ﺇﺳﺘﺒﺪﺍﻝ ﻗﻠﺒﻪ ﺑﺄﺧﺮ ﻟﺨﻔﻒ ﻋﻨﻪ ﺫﻟﻚ ﺑﻌﻀﺎ ﻣﻤﺎ ﻳﺠﺪﻩ ... ﻛﺎﻥ ﻳﺤﺪﺙ ﻧﻔﺴﻪ ﻗﺎﺋﻼ :

- ﻟﻴﻪ ﻋﻤﻠﺖ ﻛﺪﻩ ﻳﺎ ﻋﻤﻲ ... ﺧﺎﻳﻒ ﻋﻠﻰ ﺛﺮﻭﺗﻚ ... ﺩﻟﻮﻗﺘﻲ ﺍﻟﻔﻠﻮﺱ ﺑﻘﺖ ﻓﺎﺭﻗﺔ ﻣﻌﺎﻙ ... ﻣﺎﻓﺮﻗﺘﺶ ﻣﻌﺎﻙ ﻟﻴﻪ ﺯﻣﺎﻥ ﻟﻤﺎ ﺍﺗﺠﻮﺯﺕ ﻃﻨﻂ ﻓﺮﺩﻭﺱ ﺍﻟﻠﻪ ﻳﺮﺣﻤﻬﺎ ﻣﻦ ﻭﺭﺍ ﺟﺪﻱ ... ﺟﺪﻱ ﺍﻟﻠﻲ ﻛﻨﺖ ﺯﻋﻼﻥ ﻣﻨﻪ ﻋﺸﺎﻥ ﻏﺼﺐ ﻋﻠﻴﻚ ﺗﺘﺠﻮﺯ ﺧﺎﻟﺘﻲ ... ﻃﺐ ﻣﺎﺩﻩ ﺍﻟﻠﻲ ﺍﻧﺖ ﻋﻤﻠﺘﻪ ﻣﻌﺎﻳﺎ ﺑﺎﻟﻈﺒﻂ ... ﻭﻻ ﻫﻮ ﺍﻟﻈﻠﻢ ﻓﺎﻟﻌﻴﻠﺔ ﺩﻱ ﺑﺎﻟﻮﺭﺍﺛﺔ ... ﺍﻧﺖ ﻋﺎﺭﻑ ﻭﻣﺘﺄﻛﺪ ﺇﻧﻲ ﻋﻤﺮﻱ ﻣﺎ ﺣﺎﻗﺪﺭ ﺃﻗﻮﻟﻚ ﻷ ﺑﻌﺪ ﺍﻟﻠﻲ ﻋﻤﻠﺘﻪ ﻣﻌﺎﻳﺎ ... ﻟﻴﻪ ﻣﺼﻤﻢ ﺗﻜﻤﻞ ﻇﻠﻤﻚ ﻟﻴﻬﺎ ﻫﻴﺎ ﻛﻤﺎﻥ ﺑﺎﻧﻚ ﺗﺠﻮﺯﻫﺎ ﻭﺍﺣﺪ ﻣﺶ ﺑﻴﺸﻮﻓﻬﺎ ﺍﻛﺘﺮ ﻣﻦ ﺃﺧﺘﻪ ... ﺻﺪﻗﺖ ﺇﻧﻲ ﻧﺴﺨﺔ ﻣﻨﻚ ﻓﺤﺒﻴﺖ ﺍﺑﻘﻰ ﺷﺒﻬﻚ ﻓﻜﻞ ﺣﺎﺟﺔ ﺣﺘﻰ ﺩﻱ ... ﻣﺶ ﺧﺎﻳﻒ ﻋﻠﻰ ﺑﻨﺘﻚ ﻟﺘﺘﺤﻮﻝ ﻟﺼﻔﻴﺔ ﺗﺎﻧﻴﺔ ... ﻫﻴﺎ ﻟﻴﻪ ﺍﻟﻨﺎﺱ ﻣﺎﺑﺘﺘﻌﻠﻤﺶ ﻣﻦ ﺃﺧﻄﺎﺀ ﺍﻟﻤﺎﺿﻲ ﻭﺑﺘﺼﻤﻢ ﺍﻧﻬﺎ ﺗﻜﺮﺭﻫﺎ ..

ﺷﻌﺮ ﺑﺄﻧﻪ ﻋﻠﻰ ﻭﺷﻚ ﺃﻥ ﻳﻔﻘﺪ ﻋﻘﻠﻪ ﻣﻦ ﻛﺜﺮﺓ ﺍﻟﺘﻔﻜﻴﺮ ﻓﺎﻣﺴﻚ ﻫﺎﺗﻔﻪ ﻭﺷﺮﻉ ﻓﻲ ﺍﻹﺗﺼﺎﻝ ﺑﺎﻟﺸﺨﺺ ﺍﻟﺬﻱ ﻳﻌﺘﻘﺪ ﺃﻧﻪ ﺍﻟﻮﺣﻴﺪ ﺍﻟﺬﻱ ﻳﻔﻬﻤﻪ ﺟﻴﺪﺍ ﻭﻳﺸﻌﺮ ﺑﻪ ... ﺑﻌﺪ ﻓﺘﺮﺓ ﻣﻦ ﺍﻟﺮﻧﻴﻦ ﺃﺗﺎﻩ ﺻﻮﺕ ﺃﺣﻤﺪ ﻓﺴﻠﻢ ﻋﻠﻴﻪ ﻋﻠﻲ ﻭﺳﺄﻟﻪ ﻋﻦ ﺃﺣﻮﺍﻝ ﺍﻟﺠﻤﻴﻊ ﻓﻲ ﺩﻣﻴﺎﻁ ... ﻗﺎﻝ ﺍﺧﻴﺮﺍ :

- ﺃﻧﺎ ﻣﺤﺘﺎﺝ ﺍﺗﻜﻠﻢ ﻣﻌﺎﻙ ﺍﻭﻱ ﻳﺎ ﺍﺣﻤﺪ

↚

ﺷﻌﺮ ﺍﺣﻤﺪ ﺑﺎﻟﻘﻠﻖ ﻣﻦ ﺫﻟﻚ ﺍﻟﺘﻐﻴﻴﺮ ﺍﻟﺬﻱ ﻳﺒﺪﻭ ﻓﻲ ﺻﻮﺗﻪ ﻓﺴﺄﻟﻪ ﻗﺎﺋﻼ :

- ﻓﻴﻪ ﺇﻳﻪ ﻳﺎ ﻋﻠﻲ ... ﺻﻮﺗﻚ ﻣﺎﻟﻪ ﻣﺘﻐﻴﺮ ﻟﻴﻪ ... ﻓﻴﻪ ﺣﺎﺟﺔ ﺣﺼﻠﺖ ﻋﻨﺪﻛﻮﺍ ?

- ﺃﻧﺎ ﺍﺗﺴﺮﻋﺖ ﻳﺎ ﺍﺣﻤﺪ ﻭﻏﻠﻄﺖ ﻏﻠﻄﺔ ﻣﺶ ﻋﺎﺭﻑ ﺍﺻﻠﺤﻬﺎ ﺍﺯﺍﻱ

- ﺍﺣﻤﺪ ﺑﻘﻠﻖ : ﻳﺎ ﺍﺑﻨﻲ ﺍﻧﺖ ﺣﺘﻨﻘﻄﻨﻲ ﺑﺎﻟﻜﻼﻡ ... ﻣﺎﺗﺘﻜﻠﻢ ﻋﻠﻄﻮﻝ ﻭﺗﻘﻮﻝ ﻏﻠﻂ ﻓﺈﻳﻪ

ﻗﺺ ﻋﻠﻴﻪ ﻋﻠﻲ ﺍﻟﺤﻮﺍﺭ ﺍﻟﺬﻱ ﺩﺍﺭ ﺑﻴﻨﻪ ﻭﺑﻴﻦ ﻋﻤﻪ ﻛﺎﻣﻼ ﺛﻢ ﻃﻠﺐ ﺭﺃﻳﻪ ﻓﻴﻤﺎ ﺳﻤﻊ ... ﻓﻘﺎﻝ ﺍﺣﻤﺪ ﺑﺈﺭﺗﻴﺎﺡ :

- ﻳﺎﺷﻴﺦ ﺣﺮﺍﻡ ﻋﻠﻴﻚ ﺧﻀﺘﻨﻲ ... ﺃﻧﺎ ﻗﻠﺖ ﻓﻴﻪ ﻣﺼﻴﺒﺔ ﺣﺼﻠﺖ

- ﺩﺑﺮﻧﻲ ﻳﺎ ﺍﺣﻤﺪ ﺃﺧﺮﺝ ﻣﻦ ﺍﻟﻮﺭﻃﺔ ﺩﻱ ﺍﺯﺍﻱ

- ﺍﺣﻤﺪ ﺳﺎﺧﺮﺍ : ﻭﺭﻃﺔ ! ﺑﺘﺴﻤﻲ ﺟﻮﺍﺯﻙ ﻣﻦ ﻧﻮﺭﺍ ﻭﺭﻃﺔ ... ﻳﺎ ﺍﺑﻨﻲ ﻧﻮﺭﺍ ﺩﻱ ﺳﺖ ﺍﻟﺒﻨﺎﺕ

ﺻﺎﺡ ﻓﻴﻪ ﻋﻠﻲ ﻗﺎﺋﻼ ﺑﺈﻧﻔﻌﺎﻝ :

- ﻣﺎﺗﺤﺘﺮﻡ ﻧﻔﺴﻚ ﻳﺎ ﺟﺪﻉ ﺍﻧﺖ .

- ﺍﻟﻠﻪ ... ﺍﺣﻨﺎ ﺍﺑﺘﺪﻳﻨﺎ ﻧﻐﻴﺮ ﻣﻦ ﺃﻭﻟﻬﺎ ﻛﺪﻩ ..

- ﻃﺎﻟﻤﺎ ﺑﻘﺖ ﺧﻄﻴﺒﺘﻲ ﻳﺒﻘﻰ ﻻﺯﻡ ﺃﻏﻴﺮ ﻋﻠﻴﻬﺎ ﻣﺶ ﻋﺸﺎﻥ ﺍﻟﻠﻲ ﻓﺒﺎﻟﻚ

- ﻣﺎﺷﻲ ﻳﺎﻋﻢ ﺍﻟﺤﻤﺶ ... ﺍﻧﺖ ﺩﻟﻮﻗﺘﻲ ﻣﺎﻓﻴﺶ ﺍﺩﺍﻣﻚ ﻏﻴﺮ ﺣﻞ ﻭﺍﺣﺪ

- ﺍﻟﺤﻘﻨﻲ ﺑﻴﻪ

- ﻣﺶ ﺧﺎﻟﻲ ﻗﺎﻟﻚ ﺍﻧﺖ ﺍﺑﻨﻲ ... ﻳﺒﻘﻰ ﺧﻼﺹ ﺍﻧﺖ ﺍﺑﻨﻪ ﻭﻫﻴﺎ ﺑﻨﺘﻪ ﻳﺒﻘﻰ ﻣﺎﺗﺠﻮﺯﻭﺵ ﻟﺒﻌﺾ

- ﺗﺼﺪﻕ ﺃﻧﺎ ﻏﻠﻄﺎﻥ ﺍﺻﻼ ﺇﻧﻲ ﺍﺗﺼﻠﺖ ﺑﻴﻚ ... ﻓﺎﻳﻖ ﺍﻭﻱ ﺣﻀﺮﺗﻚ ﻭﺑﺘﻬﺰﺭ

- ﻃﻴﺐ ﺑﺲ ﻫﺪﻱ ﻧﻔﺴﻚ ... ﺃﻧﺎ ﺑﺲ ﻛﻨﺖ ﻋﺎﻳﺰ ﺍﺭﻭﻗﻚ ... ﻣﻤﻜﻦ ﺑﻘﻰ ﺗﻔﻬﻤﻨﻲ ﻟﻤﺎ ﺍﻧﺖ ﻣﺶ ﻋﺎﻳﺰ ﺗﺘﺠﻮﺯﻫﺎ ... ﻟﻴﻪ ﻗﻠﺖ ﻟﻌﻤﻚ ﺍﻧﻚ ﻣﻮﺍﻓﻖ ?

- ﻳﺎ ﺍﺣﻤﺪ ﺍﻓﻬﻤﻨﻲ ... ﺃﻧﺎ ﻓﺠﺄﺓ ﺣﺴﻴﺖ ﺍﻥ ﺟﻮﺍﺯﻱ ﻣﻨﻬﺎ ﺑﻘﻰ ﻣﻄﻠﺐ ﺷﻌﺒﻲ ... ﺃﻣﻲ ﻭﺇﺧﻮﺍﺗﻲ ﻋﺎﻳﺰﻳﻨﻲ ﺍﺗﺠﻮﺯﻫﺎ ... ﻭﻭﺻﻴﺔ ﺧﺎﻟﺘﻲ ﺇﻧﻲ ﺍﺗﺠﻮﺯﻫﺎ ... ﻭﻋﻤﻲ ﺑﻴﻄﻠﺐ ﻣﻨﻲ ﺇﻧﻲ ﺍﺗﺠﻮﺯﻫﺎ ... ﺩﻩ ﻏﻴﺮ ﻫﻴﺎ ﻧﻔﺴﻬﺎ ﺍﻟﻠﻲ ﺃﻧﺎ ﻋﺎﺭﻑ ﺍﻧﻬﺎ ﺑﺘﺤﺒﻨﻲ ﻭﻋﺎﻳﺰﺍﻧﻲ ﺍﺗﺠﻮﺯﻫﺎ ... ﻳﻨﻔﻊ ﺑﻌﺪ ﻛﻞ ﺩﻩ ﻭﺑﻌﺪ ﺍﻟﻠﻲ ﻋﻤﻲ ﻋﻤﻠﻪ ﻣﻌﺎﻳﺎ ﺍﺭﻓﺾ ﺍﻟﺠﻮﺍﺯ ﻣﻨﻬﺎ ... ﻃﺒﻌﺎ ﺍﺿﻄﺮﻳﺖ ﺇﻧﻲ ﺃﻗﻮﻟﻪ ﻣﻮﺍﻓﻖ

- ﺷﻮﻑ ﻳﺎ ﻋﻠﻲ ... ﺃﻧﺎ ﺣﺎﻗﻮﻟﻚ ﻛﻠﻤﺘﻴﻦ ﻣﺶ ﺣﺘﺴﻤﻌﻬﻢ ﻣﻦ ﺣﺪ ﻏﻴﺮﻱ ... ﻭﺩﻩ ﻹﻧﻲ ﻋﺎﻳﺰ ﻣﺼﻠﺤﺘﻚ ... ﺍﻧﺖ ﻋﺎﺭﻑ ﻛﻮﻳﺲ ﺍﻧﻚ ﻭﺍﻓﻘﺖ ﻋﻠﻰ ﻧﻮﺭﺍ ﺑﺈﺭﺍﺩﺗﻚ ﻭﺇﺧﺘﻴﺎﺭﻙ ... ﻭﺍﻧﻚ ﻣﻘﺘﻨﻊ ﻣﻦ ﺟﻮﺍﻙ ﺍﻧﻬﺎ ﺯﻭﺟﺔ ﻣﻨﺎﺳﺒﺔ ﺍﻭﻱ ﻟﻴﻚ ... ﻟﻜﻦ ﻋﻨﺪﻙ ﻫﻮ ﺍﻟﻠﻲ ﻣﺎﻧﻌﻚ ﺗﻌﺘﺮﻑ ﺑﻜﺪﻩ ﻋﺎﻳﺰ ﺗﻌﻴﺶ ﻓﻲ ﺩﻭﺭ ﺍﻟﻀﺤﻴﺔ ﺍﻟﻤﻐﻠﻮﺏ ﻋﻠﻰ ﺃﻣﺮﻩ ... ﻋﺎﻳﺰ ﺗﻔﻬﻢ ﺍﻟﻜﻞ ﺍﻧﻚ ﺿﺤﻴﺖ ﺑﺴﻌﺎﺩﺗﻚ ﻋﺸﺎﻥ ﺧﺎﻃﺮﻫﻢ .

- ﺷﻌﺮ ﻋﻠﻲ ﺑﺎﻟﺤﻨﻖ ﻣﻦ ﻛﻠﻤﺎﺕ ﺍﺣﻤﺪ ... ﻓﻘﺪ ﺧﻴﺐ ﻇﻨﻪ ﺣﻴﻦ ﺍﻋﺘﻘﺪ ﺍﻧﻪ ﺍﻟﻮﺣﻴﺪ ﺍﻟﺬﻱ ﺳﻴﺸﻌﺮ ﺑﻪ ... ﺃﺟﺎﺑﻪ ﻗﺎﺋﻼ ﺑﻀﻴﻖ :

- ﻻ ﺃﻧﺎ ﻛﺪﻩ ﻓﻌﻼ ﻏﻠﻄﺎﻥ ﺇﻧﻲ ﺍﺗﺼﻠﺖ ﺑﻴﻚ

- ﺍﻣﺎﻝ ﺍﻧﺖ ﻛﻨﺖ ﻣﻨﺘﻈﺮ ﺇﻳﻪ ﻳﺎ ﻋﻠﻲ ... ﻣﻨﺘﻈﺮ ﺇﻧﻲ ﺍﻗﻮﻟﻚ ﻣﺎﻟﻮﺵ ﺣﻖ ﺧﺎﻟﻲ ﻳﻐﺼﺐ ﻋﻠﻴﻚ ... ﻻ ﻳﺎ ﻋﻠﻲ ﻋﻤﻚ ﻣﺎﻏﺼﺒﻜﺶ ﻋﻠﻰ ﺣﺎﺟﺔ ... ﻭﺑﻌﺪﻳﻦ ﻛﻔﺎﻳﺔ ﺑﻘﻰ ﺗﺠﺮﻳﺢ ﻓﻲ ﻧﻮﺭﺍ ... ﺍﻧﺖ ﺍﺳﺎﺳﺎ ﻣﺎﻳﻨﻔﻌﻜﺶ ﻭﺍﺣﺪﺓ ﻃﻴﺒﺔ ﺯﻳﻬﺎ ... ﺑﺼﺮﺍﺣﺔ ﻧﺎﺩﻳﺔ ﻛﺎﻧﺖ ﺣﻼﻝ ﻓﻴﻚ

- ﺑﻘﻰ ﻛﺪﻩ ﻳﺎ ﺃﺣﻤﺪ

- ﻳﺎ ﺑﺨﺖ ﻣﻦ ﺑﻜﺎﻧﻲ ﻭﺑﻜﻰ ﻋﻠﻴﺎ ﻳﺎ ﺻﺎﺣﺒﻲ ... ﻧﺼﻴﺤﺔ ﻣﻨﻲ ﻓﻮﻕ ﻟﻨﻔﺴﻚ ﻳﺎ ﻋﻠﻲ ﻭﺍﺭﺿﻰ ﺑﻨﺼﻴﺒﻚ ﺍﻟﻠﻲ ﻣﺶ ﺣﺘﻼﻗﻲ ﺍﺣﺴﻦ ﻣﻨﻪ

- ﻋﻠﻲ ﺑﻀﻴﻖ : ﻣﺘﺸﻜﺮ ﺍﻭﻱ ﻋﻠﻰ ﺍﻟﻨﺼﻴﺤﺔ ﻭﺍﻭﻋﺪﻙ ﺍﻧﻬﺎ ﺗﻜﻮﻥ ﺃﺧﺮ ﻣﺮﺓ ﺍﻃﻠﺒﻬﺎ ﻣﻨﻚ ... ﻣﻊ ﺍﻟﺴﻼﻣﻪ

ﺍﻏﻠﻖ ﻋﻠﻲ ﺍﻟﺨﻂ ﺩﻭﻥ ﺃﻥ ﻳﺴﺘﻤﻊ ﺇﻟﻰ ﺭﺩ ﺃﺣﻤﺪ ﺑﻌﺪ ﺃﻥ ﺷﻌﺮ ﺑﺎﻟﻀﻴﻖ ﻣﻦ ﻛﻠﻤﺎﺗﻪ ... ﺑﻴﻨﻤﺎ ﻋﻠﻰ ﺍﻟﺠﺎﻧﺐ ﺍﻷﺧﺮ ﻧﻈﺮ ﺃﺣﻤﺪ ﺇﻟﻰ ﺍﻟﻬﺎﺗﻒ ﺛﻢ ﺗﻨﻬﺪ ﻗﺎﺋﻼ :

- ﻳﻈﻬﺮ ﻛﺪﻩ ﺇﻧﻲ ﺯﻭﺩﺗﻬﺎ ﻣﻌﺎﻩ ﺷﻮﻳﺔ

ﺷﻌﺮ ﺍﺣﻤﺪ ﺑﺄﻧﻪ ﻛﺎﻥ ﻗﺎﺳﻴﺎ ﻋﻠﻰ ﻋﻠﻲ ﺑﻌﺾ ﺍﻟﺸﺊ ... ﻓﻘﺮﺭ ﻣﻌﺎﻭﺩﺓ ﺍﻹﺗﺼﺎﻝ ﺑﻪ ﻭﺍﻹﻋﺘﺬﺍﺭ ﻟﻪ ﻋﻦ ﻃﺮﻳﻘﺘﻪ ﻣﻌﻪ ... ﺣﺘﻰ ﻭﺇﻥ ﻛﺎﻥ ﻻﻳﺰﺍﻝ ﻣﺼﺮﺍ ﻋﻠﻰ ﺭﺃﻳﻪ ... ﺍﺗﺼﻞ ﺑﻌﻠﻲ ﺍﻟﺬﻱ ﺭﻓﺾ ﺍﻥ ﻳﺠﻴﺐ ﻋﻠﻴﻪ ... ﻓﻘﺮﺭ ﺗﺮﻛﻪ ﺑﻌﺾ ﺍﻟﻮﻗﺖ ﺣﺘﻰ ﻳﻬﺪﺃ ﻗﻠﻴﻼ ﺛﻢ ﻳﻌﺎﻭﺩ ﺍﻹﺗﺼﺎﻝ ﺑﻪ ... ﻭﻋﻨﺪﻣﺎ ﺍﺳﺘﻘﺮ ﻋﻠﻰ ﻫﺬﺍ ﺍﻟﺮﺃﻱ ﺗﺮﻙ ﻏﺮﻓﺘﻪ ﻭﺧﺮﺝ ﻟﻴﺠﻠﺲ ﻣﻊ ﻭﺍﻟﺪﺗﻪ ﻭﺷﻘﻴﻘﻪ

- ﺃﻟﻔﺖ : ﺇﻳﻪ ﻳﺎ ﺍﺣﻤﺪ ... ﻛﻨﺖ ﺑﺘﻜﻠﻢ ﻣﻴﻦ ﻓﺎﻟﺘﻠﻴﻔﻮﻥ ﻛﻞ ﺩﻩ ﻳﺎ ﺍﺑﻨﻲ ?

- ﻛﻨﺖ ﺑﻜﻠﻢ ﻋﻠﻲ ﺍﺑﻦ ﺧﺎﻟﻲ

- ﺃﻟﻔﺖ : ﻭﻛﺎﻥ ﻋﺎﻳﺰ ﺇﻳﻪ ﻋﻠﻲ ... ﻓﻴﻪ ﺣﺎﺟﺔ ﺣﺼﻠﺖ ﻋﻨﺪﻫﻢ ?

- ﻻ ﻳﺎ ﺣﺒﻴﺒﺘﻲ ﺍﻃﻤﻨﻲ ﻛﻠﻬﻢ ﺑﺨﻴﺮ ... ﺃﻧﺎ ﺑﺲ ﻛﻨﺖ ﺑﺎﺑﺎﺭﻛﻠﻪ ﻋﺸﺎﻥ ﺧﻄﺐ ﻧﻮﺭﺍ ﺑﻨﺖ ﺧﺎﻟﻲ

ﻧﻈﺮﺕ ﺃﻟﻔﺖ ﺇﻟﻰ ﺍﺩﻫﻢ ﺛﻢ ﻋﺎﻭﺩﺕ ﺍﻟﻨﻈﺮ ﺇﻟﻰ ﺃﺣﻤﺪ ﻗﺎﺋﻠﺔ :

- ﺍﻣﺘﻰ ﺣﺼﻞ ﺩﻩ ﻳﺎ ﺍﺑﻨﻲ ?

- ﺍﻟﻨﻬﺎﺭﺩﺓ ﻓﺎﻟﺤﻔﻠﺔ ﺑﺘﺎﻋﺔ ﻧﺎﺩﻳﺔ

ﻧﻈﺮ ﺇﻟﻴﻪ ﺍﺩﻫﻢ ﻣﺴﺘﻔﺴﺮﺍ :

- ﻭﻫﻮ ﺧﺎﻟﻚ ﻭﺍﻓﻖ ﺍﻥ ﻧﻮﺭﺍ ﺗﺘﺨﻄﺐ ﻗﺒﻞ ﻧﺎﺩﻳﺔ ?

- ﻻ ﻣﺎﻫﻲ ﻧﺎﺩﻳﺔ ﻫﻴﺎ ﻛﻤﺎﻥ ﺍﺗﺨﻄﺒﺖ

ﻇﻠﺖ ﺍﻟﻔﺖ ﺗﺤﺪﻕ ﻓﻴﻪ ﻟﻔﺘﺮﺓ ﻏﻴﺮ ﻣﺴﺘﻮﻋﺒﺔ ﺛﻢ ﻗﺎﻟﺖ ﻣﻦ ﺑﻴﻦ ﺩﻫﺸﺘﻬﺎ :

- ﻭﺍﻣﺘﻰ ﺍﺗﺨﻄﺒﺖ ﻫﻴﺎ ﻛﻤﺎﻥ ?

- ﺍﺣﻤﺪ ﺑﻬﺪﻭﺀ : ﺍﻟﻨﻬﺎﺭﺩﺓ ﺑﺮﺿﻪ

- ﺍﻟﻔﺖ ﻣﺘﻌﺠﺒﺔ : ﻟﻴﻪ ﻳﺎ ﺍﺑﻨﻲ ... ﻫﻮ ﻛﺎﻥ ﻓﻴﻪ ﺷﻮﻃﺔ ﻋﺮﺳﺎﻥ ﻓﺎﻟﻘﺎﻫﺮﺓ ﺍﻟﻨﻬﺎﺭﺩﺓ ? ﻭﺍﺗﺨﻄﺒﺖ ﻟﻤﻴﻦ ﺩﻱ ﻛﻤﺎﻥ ?

ﺍﺑﺘﺴﻢ ﺍﺣﻤﺪ ﻗﺒﻞ ﺃﻥ ﻳﺠﻴﺒﻬﺎ ﻗﺎﺋﻼ :

- ﻟﻮﺍﺣﺪ ﺯﻣﻴﻠﻬﺎ ﻓﺎﻟﻜﻠﻴﺔ ﻭﺍﻟﺪﻩ ﺭﺍﺟﻞ ﺃﻋﻤﺎﻝ ﻛﺒﻴﺮ

- ﺍﻟﻔﺖ : ﻃﺒﻌﺎ ﻻﺯﻡ ﺗﻘﻊ ﻭﺍﻗﻔﺔ ﻣﺶ ﺑﻨﺖ ﻓﺮﺩﻭﺱ ... ﺑﺘﺮﺳﻢ ﻋﻠﻰ ﻛﺒﻴﺮ ﺯﻱ ﺃﻣﻬﺎ

- ﺍﺣﻤﺪ ﺑﻐﻀﺐ : ﻣﺎﻣﺎ ﻟﻮ ﺳﻤﺤﺘﻲ ﻣﺎﻟﻮﺵ ﻟﺰﻭﻡ ﺍﻟﻜﻼﻡ ﺩﻩ ... ﺍﻟﺴﺖ ﺩﻟﻮﻗﺘﻲ ﻓﺪﺍﺭ ﺍﻟﺤﻖ ... ﻣﺎﻳﻨﻔﻌﺶ ﻧﺠﻴﺐ ﺳﻴﺮﺗﻬﺎ ﺑﺤﺎﺟﺔ ﻭﺣﺸﺔ ... ﺍﺫﻛﺮﻭﺍ ﻣﺤﺎﺳﻦ ﻣﻮﺗﺎﻛﻢ

ﺍﺳﺘﺄﺫﻥ ﺍﺩﻫﻢ ﻟﻴﻐﺎﺩﺭ ﻗﺎﺋﻼ :

- ﻋﻦ ﺇﺫﻧﻜﻮﺍ ﺃﻧﺎ ﺩﺍﺧﻞ ﺍﻧﺎﻡ

ﺍﺣﻤﺪ ﻭﻫﻮ ﻳﻨﻬﺾ ﻣﻦ ﻣﻜﺎﻧﻪ :

- ﻭﺃﻧﺎ ﻛﻤﺎﻥ ﻳﺎ ﺃﻣﻲ ﺑﻌﺪ ﺇﺫﻧﻚ ﺩﺍﺧﻞ ﺃﻧﺎﻡ ... ﺗﺼﺒﺤﻲ ﻋﻠﻰ ﺧﻴﺮ

- ﺍﻟﻔﺖ : ﻭﺍﻧﺖ ﻣﻦ ﺍﻫﻠﻪ ﻳﺎ ﺣﺒﻴﺒﻲ

ﻏﺎﺩﺭ ﺍﺣﻤﺪ ﻓﻘﺎﻣﺖ ﺃﻟﻔﺖ ﻣﺴﺮﻋﺔ ﻟﺘﻠﺤﻖ ﺑﺄﺩﻫﻢ ﻓﻲ ﻏﺮﻓﺘﻪ ... ﺩﻟﻔﺖ ﺇﻟﻰ ﺍﻟﺪﺍﺧﻞ ﻭﺟﻠﺴﺖ ﺑﺠﻮﺍﺭﻩ ﻋﻠﻰ ﺣﺎﻓﺔ ﺍﻟﻔﺮﺍﺵ ﻭﺍﺧﺬﺕ ﺗﺤﺪﺛﻪ ﻗﺎﺋﻠﺔ :

- ﺷﻮﻓﺖ ﻳﺎ ﺧﺎﻳﺐ ﻳﺎ ﻣﺎﻳﻞ ﺁﻫﻢ ﺍﺗﺨﻄﺒﻮﺍ ﺍﻻﺗﻨﻴﻦ ... ﻓﻀﻠﺖ ﺗﻘﻮﻟﻲ ﺍﺻﺮﻓﻲ ﻧﻈﺮ ﻟﺤﺪ ﻣﺎ ﺭﺍﺣﻮﺍ ﻣﻦ ﺇﻳﺪﻳﻨﺎ

ﺍﺷﺎﺡ ﺍﺩﻫﻢ ﺑﻴﺪﻩ ﻗﺎﺋﻼ ﻓﻲ ﺇﻋﺘﺮﺍﺽ :

- ﺍﻟﻠﻪ ... ﻭﺍﻧﺎ ﺫﻧﺒﻲ ﺇﻳﻪ ﺑﺲ ... ﻣﺎﻃﻮﻝ ﻋﻤﺮﻫﻢ ﻗﺎﻋﺪﻳﻦ ... ﺍﺷﻤﻌﻨﺎ ﻣﺎﻓﻜﺮﻭﺵ ﻳﺘﺨﻄﺒﻮﺍ ﻏﻴﺮ ﻟﻤﺎ ﻓﻜﺮﺕ ﺍﺗﺠﻮﺯ ﻭﺍﺣﺪﺓ ﻣﻨﻬﻢ

- ﻣﺎﺩﻩ ﻣﻦ ﺣﻈﻨﺎ ﺍﻟﻤﻨﻴﻞ ... ﻋﻠﻰ ﻛﺪﻩ ﺑﻘﻰ ﺍﻧﺖ ﺭﺯﻕ ﺍﻟﻌﻮﺍﻧﺲ ﻳﺎ ﺍﺩﻫﻢ ﻳﺎ ﺍﺑﻨﻲ

- ﺑﺘﺘﺮﻳﻘﻲ ﻋﻠﻴﺎ ﻳﺎ ﺍﻟﻔﺖ

↚

- ﻣﺶ ﻗﻠﺘﻠﻚ ﺍﻛﻴﺪ ﻋﻠﻲ ﺑﻴﻔﻜﺮ ﺯﻳﻨﺎ ﺑﺎﻟﻈﺒﻂ ... ﺁﻫﻮ ﺳﺒﻘﻨﺎ ﻭﺧﻄﺐ ﻧﻮﺭﺍ ... ﻃﺐ ﻭﺍﻟﻌﻤﻞ ﺩﻟﻮﻗﺘﻲ ﺍﻳﻪ ?

- ﻫﻴﺎ ﻟﺴﻪ ﻓﻴﻬﺎ ﻋﻤﻞ ... ﻣﺎﻫﻲ ﺧﻠﺼﺖ ﻛﺪﻩ ﺧﻼﺹ

- ﻷ ﻓﻴﻬﺎ ﻳﺎ ﻓﺎﻟﺢ ... ﺍﻧﺘﻲ ﺩﻟﻮﻗﺘﻲ ﺗﺴﻴﺒﻚ ﻣﻦ ﻧﺎﺩﻳﺔ ﻭﻧﻮﺭﺍ ... ﻭ ﺗﺨﻠﻴﻚ ﻣﺮﻛﺰ ﻣﻊ ﻟﺒﻨﻰ

ﺍﻧﻌﻘﺪ ﺣﺎﺟﺒﺎﻩ ﺩﻫﺸﺔ ﻗﺒﻞ ﺍﻥ ﻳﻘﻮﻝ :

- ﻭﻟﺒﻨﻰ ﺩﺧﻠﻬﺎ ﺇﻳﻪ ﻓﺎﻟﻤﻮﺿﻮﻉ ﻫﻴﺎ ﻛﻤﺎﻥ ?

- ﻳﺎ ﻭﺍﺩ ﺍﻓﻬﻢ ... ﺍﺣﻨﺎ ﺩﻟﻮﻗﺘﻲ ﻛﻨﺎ ﺑﻨﺮﺳﻢ ﻋﻠﻰ ﻭﺍﺣﺪﺓ ﻣﻦ ﺑﻨﺎﺕ ﺧﺎﻟﻚ ﻋﺸﺎﻥ ﺗﺘﺠﻮﺯ ﻭﺗﺒﻘﻰ ﺩﺭﺍﻉ ﺧﺎﻟﻚ ﺍﻟﻴﻤﻴﻦ ﻣﻜﺎﻥ ﻋﻠﻲ ... ﺩﻟﻮﻗﺘﻲ ﻋﻠﻲ ﺑﻘﻰ ﻛﻤﺎﻥ ﺟﻮﺯ ﺑﻨﺘﻪ ... ﻳﻌﻨﻲ ﺑﻜﺮﺓ ﻋﻤﻚ ﻳﻤﺴﻜﻪ ﻛﻞ ﺣﺎﺟﺔ ﻭﻳﺒﻘﻰ ﺍﻟﻜﻞ ﻓﺎﻟﻜﻞ ... ﺍﻧﺖ ﺑﻘﻰ ﻟﻤﺎ ﺗﺘﺠﻮﺯ ﻟﺒﻨﻰ ﺣﺘﻘﺮﺏ ﻣﻦ ﻋﻠﻲ ... ﻭﻟﻤﺎ ﻋﻠﻲ ﺑﻌﺪ ﻋﻤﺮ ﻃﻮﻳﻞ ﻳﻌﻨﻲ ﻳﺒﻘﻰ ﺭﺋﻴﺲ ﻣﺠﻠﺲ ﺍﻹﺩﺍﺭﺓ ﺍﻛﻴﺪ ﻣﺶ ﺣﻴﻼﻗﻲ ﺍﺣﺴﻦ ﻣﻦ ﺟﻮﺯ ﺃﺧﺘﻪ ﻭﺍﺑﻦ ﻋﻤﺘﻪ ﻋﺸﺎﻥ ﻳﺒﻘﻰ ﺍﻟﻨﺎﻳﺐ ﺑﺘﺎﻋﻪ ... ﻳﻌﻨﻲ ﺑﺪﻝ ﻣﺎﻛﻨﺎ ﺣﻨﻘﺮﺏ ﻣﻦ ﺻﻔﻮﺕ ... ﺩﻟﻮﻗﺘﻲ ﺣﻨﻘﺮﺏ ﻣﻦ ﺍﻟﻠﻲ ﺣﻴﺎﺧﺪ ﻣﻜﺎﻥ ﺻﻔﻮﺕ ... ﻓﻬﻤﺖ ﺑﻘﻰ ?

- ﻣﺎﻣﺎ ﻫﻤﺎ ﻗﺎﻟﻮﻟﻚ ﻗﻠﺒﻲ ﺩﻩ ﺟﻤﻌﻴﺔ ﺗﻌﺎﻭﻧﻴﺔ ... ﻭﻻ ﺷﺮﻛﺔ ﻣﺴﺎﻫﻤﺔ ﻛﻞ ﻭﺍﺣﺪﺓ ﺣﺘﺎﺧﺪﻟﻬﺎ ﺳﻬﻢ ﻓﻴﻬﺎ .

- ﺍﻟﻔﺖ ﺑﺘﻬﻜﻢ : ﻳﺎ ﺳﻼﻡ ﻳﺎ ﺍﺧﻮﻳﺎ ... ﻣﺎ ﺍﻧﺖ ﺑﺘﻐﻴﺮ ﻓﺎﻟﺒﻨﺎﺕ ﺯﻱ ﻣﺎﺗﻜﻮﻥ ﺑﺘﻐﻴﺮ ﺷﺮﺍﺑﺎﺗﻚ .... ﻓﻴﻬﺎ ﺇﻳﻪ ﻳﻌﻨﻲ ﻟﻤﺎ ﺗﺤﻂ ﻟﺒﻨﻰ ﻣﻜﺎﻥ ﻧﻮﺭﺍ ?

- ﻣﺎﻣﺎ ... ﺃﻧﺎ ﻻ ﺣﺎﺗﺠﻮﺯ ﻟﺒﻨﻰ ﻭﻻ ﺣﺘﺠﻮﺯ ﻧﻮﺭﺍ ﻭﻻ ﺷﻜﻠﻲ ﻛﺪﻩ ﺣﺎﺗﺠﻮﺯ ﻣﻦ ﺍﺳﺎﺳﻪ

ﻗﺒﻞ ﺃﻥ ﺗﺠﻴﺒﻪ ﺃﻟﻔﺖ ﻛﺎﻥ ﺍﻟﺒﺎﺏ ﻗﺪ ﺍﻧﻔﺘﺢ ﻭﺩﺧﻞ ﻣﻨﻪ ﺍﺣﻤﺪ ﺻﺎﺋﺤﺎ ﻓﻲ ﺫﻫﻮﻝ ﻣﻤﺎ ﺳﻤﻌﻪ :

- ﻣﻌﻘﻮﻝ ﺍﻟﻠﻲ ﺍﻧﺎﺳﻤﻌﺘﻪ ﺩﻩ .

ﻋﻘﺪﺕ ﺍﻟﻤﻔﺎﺟﺄﺓ ﻟﺴﺎﻧﻬﺎ ﻓﻠﻢ ﺗﺴﺘﻄﻊ ﺍﻥ ﺗﻨﻄﻖ ﺳﻮﻯ ﺑﻜﻠﻤﺔ ﺍﺣﻤﺪ ﻟﻴﺠﻴﺒﻬﺎ ﻫﻮ ﻗﺎﺋﻼ :

- ﺍﻳﻮﻩ ﺍﺣﻤﺪ ... ﺇﻳﻪ ﻣﺎ ﻛﻨﺘﻴﺶ ﻋﺎﻳﺰﺍﻧﻲ ﺍﺳﻤﻊ ... ﺍﻧﺎ ﻣﺶ ﻓﺎﻫﻢ ﺍﺯﺍﻱ ﻗﺪﺭﺗﻲ ﺗﻔﻜﺮﻱ ﻓﺤﺎﺟﺔ ﺯﻱ ﺩﻱ ... ﻭﺍﻧﺖ ﻳﺎ ﺍﺩﻫﻢ ... ﺍﺯﺍﻱ ﺗﻮﺍﻓﻖ ﺍﻧﻚ ﺗﻤﺜﻞ ﺍﻟﺤﺐ ﻋﻠﻰ ﺑﻨﺎﺕ ﺧﺎﻟﻚ ﻋﺸﺎﻥ ﺗﺘﺠﻮﺯ ﻭﺍﺣﺪﺓ ﻣﻨﻬﻢ ﻭﺗﺴﺘﻐﻠﻬﺎ

- ﺃﻧﺎ ﻣﺎﻟﻴﺶ ﺩﻋﻮﺓ ﺩﻱ ﻛﺎﻧﺖ ﻓﻜﺮﺓ ﺃﻣﻚ ... ﻭﺑﻌﺪﻳﻦ ﺍﻧﺖ ﺍﻛﻴﺪ ﺳﻤﻌﺘﻨﻲ ﻭﺍﻧﺎ ﺑﻘﻮﻟﻬﺎ ﻷ ﺩﻟﻮﻗﺘﻲ ﺑﺨﺼﻮﺹ ﻟﺒﻨﻰ

ﻧﻜﺴﺖ ﺍﻟﻔﺖ ﺭﺃﺳﻬﺎ ﻭﻗﺎﻟﺖ ﺑﺎﺳﻒ :

- ﻳﺎ ﺍﺑﻨﻲ ﺃﻧﺎ ﻛﺎﻥ ﻛﻞ ﻫﻤﻲ ﺇﻧﻲ ﺍﻃﻤﻦ ﻋﻠﻴﻜﻮﺍ ﻭﻋﻠﻰ ﻣﺴﺘﻘﺒﻠﻜﻮﺍ ... ﺍﻟﺪﻧﻴﺎ ﻣﺶ ﻣﻀﻤﻮﻧﺔ ﻳﺎ ﺍﺣﻤﺪ ... ﺃﺑﻮﻳﺎ ﺍﻟﻠﻪ ﻳﺮﺣﻤﻪ ﻣﺎﺕ ﺑﺤﺴﺮﺗﻪ ﺑﻌﺪ ﻣﺎﺧﺴﺮ ﻛﻞ ﺣﺎﺟﺔ ... ﻭﺍﺑﻮﻛﻮﺍ ﻛﻤﺎﻥ ﻣﺎﺕ ﻭﻣﺎﺳﺎﺑﺶ ﺣﺎﺟﺔ ﻏﻴﺮ ﺍﻟﺒﻴﺖ ﺍﻟﻠﻲ ﺑﻌﻨﺎﻩ ﻭﺍﺷﺘﺮﻳﻨﺎ ﺑﻴﻪ ﺍﻟﺸﻘﺔ ﺩﻱ ﻣﻦ ﺧﺎﻟﻜﻮﺍ ... ﻭﻳﺎ ﻋﺎﻟﻢ ﻟﻮﻻ ﺧﺎﻟﻜﻮﺍ ﺻﻔﻮﺕ ﻛﺎﻥ ﺯﻣﺎﻧﺎ ﻋﺎﻳﺸﻴﻦ ﺍﺯﺍﻱ ﺩﻟﻮﻗﺘﻲ ﺑﻌﺪﻣﺎ ﺷﻐﻠﻜﻮﺍ ﻣﻌﺎﻩ ﺍﻧﺘﻮﺍ ﺍﻻﺗﻨﻴﻦ

- ﻧﻘﻮﻡ ﺍﺣﻨﺎ ﻧﻜﺎﻓﺌﻪ ﻋﻠﻰ ﺍﻟﻠﻲ ﻋﻤﻠﻪ ﻣﻌﺎﻧﺎ ﺑﺎﻧﻨﺎ ﻧﻀﺤﻚ ﻋﻠﻰ ﺑﻨﺎﺗﻪ ... ﺛﻢ ﺍﻥ ﺍﻟﺮﺯﻕ ﺩﻩ ﻣﻦ ﻋﻨﺪ ﺭﺑﻨﺎ ﺳﺒﺤﺎﻧﻪ ﻭﺗﻌﺎﻟﻰ ﻣﺶ ﻣﻦ ﺧﺎﻟﻲ ... ﻭﻟﻮ ﻣﺎﻛﻨﺎﺵ ﺍﺷﺘﻐﻠﻨﺎ ﻋﻨﺪﻩ ﻛﻨﺎ ﺍﺷﺘﻐﻠﻨﺎ ﻋﻨﺪ ﻏﻴﺮﻩ ... ﻭﺻﺤﻴﺢ ﺃﺑﻮﻳﺎ ﺍﻟﻠﻪ ﻳﺮﺣﻤﻪ ﻣﺎ ﻣﺎﺕ ﻣﻦ ﻏﻴﺮ ﻣﺎ ﻳﺴﻴﺒﻠﻨﺎ ﻓﻠﻮﺱ ﻟﻜﻨﻪ ﺳﺎﺑﻠﻨﺎ ﺍﻟﻠﻲ ﺍﻫﻢ ﻣﻨﻬﺎ ... ﻭﻋﻠﻤﻨﺎ ﺣﺎﺟﺎﺕ ﺍﻛﺘﺮ ... ﺳﺎﺑﻠﻨﺎ ﺣﺐ ﺍﻟﻨﺎﺱ ﻭﺇﺣﺘﺮﺍﻣﻬﻢ ... ﻋﻠﻤﻨﺎ ﺍﺯﺍﻱ ﻧﺨﺎﻑ ﻣﻦ ﺭﺑﻨﺎ ﻭﻧﺘﺤﺮﻯ ﺍﻟﺤﺮﺍﻡ ﻭﺍﻟﺤﻼﻝ ﻓﻜﻞ ﺣﻴﺎﺗﻨﺎ ... ﻋﻠﻤﻨﺎ ﺍﻥ ﺍﻟﻄﺮﻳﻘﺔ ﺍﻟﻠﻲ ﺑﻨﺠﻤﻊ ﺑﻴﻬﺎ ﺍﻟﻔﻠﻮﺱ ﺍﻫﻢ ﺑﻜﺘﻴﺮ ﻣﻦ ﺍﻟﻔﻠﻮﺱ ﻧﻔﺴﻬﺎ ... ﻋﻠﻤﻨﺎ ﺍﻥ ﺍﻟﺤﺐ ﻫﻮ ﺍﻟﻠﻲ ﺑﺎﻗﻲ ﺑﻴﻦ ﺍﻟﻨﺎﺱ ﻣﺶ ﺍﻟﻤﺼﺎﻟﺢ

- ﺍﻟﻔﺖ ﺑﺨﺠﻞ ﻣﻦ ﻧﻔﺴﻬﺎ : ﺧﻼ ﺹ ﻳﺎ ﺍﺑﻨﻲ ﺣﻘﻚ ﻋﻠﻴﺎ ... ﺍﻋﺘﺒﺮﻧﻲ ﻣﺎﻗﻠﺘﺶ ﺣﺎﺟﺔ ... ﺍﻧﺎ ﻛﻨﺖ ﺷﺎﻳﻔﺔ ﺍﻧﻨﺎ ﻣﺶ ﺑﻨﻌﻤﻞ ﺣﺎﺟﺔ ﻏﻠﻂ ... ﺩﻩ ﺟﻮﺍﺯ ﻋﻠﻰ ﺳﻨﺔ ﺍﻟﻠﻪ ﻭﺭﺳﻮﻟﻪ

- ﺍﺩﻫﻢ : ﺑﺲ ﺍﻧﺎ ﺑﻘﻰ ﻣﺶ ﻋﺎﻳﺰ ﺍﺗﺠﻮﺯ ﺣﺪ ... ﻻ ﻟﺒﻨﻰ ﻭﻻ ﻏﻴﺮﻫﺎ

ﻧﻈﺮ ﺍﺣﻤﺪ ﺇﻟﻴﻪ ﻭﻗﺎﻝ ﺑﺠﺪﻳﺔ :

- ﻣﺎﺗﺰﻋﻠﺶ ﻧﻔﺴﻚ ﻳﺎ ﺍﺩﻫﻢ ... ﺃﻧﺎ ﺍﻟﻠﻲ ﺣﺘﺠﻮﺯﻫﺎ

ﻧﻈﺮ ﺍﺩﻫﻢ ﻭﺍﻟﻔﺖ ﺇﻟﻰ ﺑﻌﻀﻬﻤﺎ ﺍﻟﺒﻌﺾ ﺛﻢ ﻗﺎﻟﺖ ﺍﻟﻔﺖ ﺑﺪﻫﺸﺔ :

- ﺍﻧﺖ ﻗﻠﺖ ﺇﻳﻪ ﻳﺎ ﺍﺣﻤﺪ

- ﺍﺣﻤﺪ ﺑﺈﺻﺮﺍﺭ : ﺍﻧﺘﻲ ﻣﺶ ﻋﺎﻳﺰﺓ ﺣﺪ ﻓﻴﻨﺎ ﻳﺘﺠﻮﺯ ﻟﺒﻨﻰ ... ﺃﻧﺎ ﺣﺎﺗﺠﻮﺯﻫﺎ ... ﺣﺎﺳﺎﻓﺮ ﺍﻟﻘﺎﻫﺮﺓ ﺑﻜﺮﺓ ﺍﻥ ﺷﺎﺀﺍﻟﻠﻪ ﺑﻤﺎ ﺍﻧﻪ ﻳﻮﻡ ﺍﻟﺠﻤﻌﺔ ﻋﺸﺎﻥ ﺍﺻﺎﻟﺢ ﻋﻠﻲ ﻹﻧﻲ ﺷﺪﻳﺖ ﻣﻌﺎﻩ ﺷﻮﻳﺔ ﻓﺎﻟﺘﻠﻴﻔﻮﻥ ﻭﺯﻋﻠﺘﻪ ﻭﺣﺎﻃﻠﺐ ﻣﻨﻪ ﺇﻳﺪ ﻟﺒﻨﻰ ... ﻭﺣﺎﻗﻮﻟﻪ ﻟﻮ ﻭﺍﻓﻖ ﻧﻌﻤﻞ ﻛﺘﺐ ﻛﺘﺎﺑﻨﺎ ﻣﻊ ﻛﺘﺐ ﻛﺘﺎﺑﻪ ﻋﻠﻰ ﻧﻮﺭﺍ

- ﺍﺩﻫﻢ : ﺍﻧﺖ ﺑﺘﺘﻜﻠﻢ ﺑﺠﺪ ﻳﺎ ﺍﺣﻤﺪ ?

- ﻫﻲ ﺍﻟﺤﺎﺟﺎﺕ ﺩﻱ ﻳﻨﻔﻊ ﻳﻬﺰﺭﻭﺍ ﻓﻴﻬﺎ ﺑﺮﺿﻪ ... ﻋﻠﻰ ﻓﻜﺮﺓ ﺍﻧﺎ ﻛﻨﺖ ﺟﺎﻱ ﺍﺻﻼ ﺍﺩﻳﻚ ﺗﻠﻴﻔﻮﻧﻚ ﺍﻟﻠﻲ ﺍﻧﺖ ﻧﺴﻴﺘﻪ ﺑﺮﻩ ﻭﻛﺎﻥ ﺑﻴﺮﻥ ﻣﻦ ﺷﻮﻳﺔ ... ﻭﻋﻦ ﺇﺫﻧﻜﻮﺍ ﺑﻘﻰ ﻋﺸﺎﻥ ﺍﺭﻭﺡ ﺍﻧﺎﻡ ﻭﺍﺻﺤﻰ ﺑﺪﺭﻱ ﺍﺭﻭﺡ ﻣﺸﻮﺍﺭﻱ

ﺍﻋﻄﻰ ﺍﺣﻤﺪ ﺍﻟﻬﺎﺗﻒ ﻟﺸﻘﻴﻘﻪ ﻭﺧﺮﺝ ﻣﺘﻮﺟﻬﺎ ﻟﻐﺮﻓﺘﻪ ﻭﺳﻂ ﻧﻈﺮﺍﺕ ﺍﻟﻔﺖ ﻭﺍﺩﻫﻢ ﺍﻟﻤﻨﺪﻫﺸﺔ

- ﺍﻟﻔﺖ : ﺍﻧﺖ ﻓﺎﻫﻢ ﺣﺎﺟﺔ ﻳﺎ ﺍﺩﻫﻢ ?

- ﺍﺩﻫﻢ ﺳﺎﺧﺮﺍ : ﻣﺶ ﺩﻩ ﺍﺣﻤﺪ ﺍﻟﻠﻲ ﻛﻨﺘﻲ ﺑﺘﻘﻮﻟﻲ ﻟﻮ ﻋﺮﻑ ﻫﻴﻬﺪ ﺍﻟﺪﻧﻴﺎ ... ﺁﻫﻮ ﺑﻌﺪ ﺍﻟﺨﻄﺒﺔ ﺍﻟﻄﻮﻳﻠﺔ ﺍﻟﻌﺮﻳﻀﺔ ﺩﻱ ﺣﻴﺘﺠﻮﺯﻫﺎ ﻭﻳﻌﻤﻠﻚ ﺍﻟﻠﻲ ﺍﻧﺘﻲ ﻋﺎﻳﺰﺍﻩ

- ﻻ ﺃﻧﺎ ﻣﺪﻳﺶ ﻋﻘﻠﻲ ﻟﻐﻴﺮﻱ ... ﺍﺣﻤﺪ ﺍﺑﻨﻲ ﻻ ﻳﻤﻜﻦ ﻳﻮﺍﻓﻖ ﻳﻌﻤﻞ ﺣﺎﺟﺔ ﺯﻱ ﻛﺪﻩ ﺍﺑﺪﺍ

- ﺍﻧﺘﻲ ﻣﺶ ﻣﻼﺣﻈﺔ ﺍﻧﻚ ﻛﺪﻩ ﺑﺘﻐﻠﻄﻲ ﻓﻴﺎ ﻭﺍﻧﺎ ﻗﺎﻋﺪ ﺟﻨﺒﻚ

- ﻳﻜﻮﻧﺶ ﺑﻴﺤﺒﻬﺎ ﻳﺎ ﻭﺍﺩ ?

- ﺍﺣﻤﺪ ﺍﺧﻮﻳﺎ ﻳﺤﺐ ... ﺍﺳﺘﻐﻔﺮ ﺍﻟﻠﻪ ﺍﻟﻌﻈﻴﻢ ... ﺑﺼﻲ ﻳﺤﺒﻬﺎ ﻭﻻ ﻳﻜﺮﻫﻬﺎ ﻫﻮ ﺣﺮ ... ﺍﻟﻤﻬﻢ ﺗﺴﻴﺒﻴﻨﻲ ﺍﻧﺎﻡ ﺩﻟﻮﻗﺘﻲ .

- ﻧﺎﻡ ﻳﺎ ﺍﺧﻮﻳﺎ ﻧﺎﻡ ﻭﺍﻧﺖ ﻭﺭﺍﻙ ﺣﺎﺟﺔ ﻏﻴﺮ ﺍﻟﻨﻮﻡ ... ﻳﺎﺗﺮﻯ ﻭﺭﺍﻙ ﺇﻳﻪ ﻳﺎ ﺍﺣﻤﺪ ﻳﺎ ﺍﺑﻨﻲ !?

ﺍﺷﺮﻗﺖ ﺷﻤﺲ ﻳﻮﻡ ﺍﻟﺠﻤﻌﺔ ﻭﻧﺎﺩﻳﺔ ﺗﻘﻮﻡ ﺑﺘﺤﻀﻴﺮ ﺣﻘﻴﺒﺘﻬﺎ ﻟﻠﺴﻔﺮ ﺇﻟﻰ ﺷﺮﻡ ﺍﻟﺸﻴﺦ ﺑﻴﻨﻤﺎ ﻛﺎﻥ ﻋﻠﻲ ﻧﺎﺋﻤﺎ ﻓﻲ ﻓﺮﺍﺷﻪ ﺍﻟﺬﻱ ﻟﻢ ﻳﻐﺎﺩﺭﻩ ﻃﻴﻠﺔ ﺍﻟﻴﻮﻡ ﺳﻮﻯ ﻟﻠﺘﻮﺟﻪ ﺃﻟﻰ ﺍﻟﺤﻤﺎﻡ ﻟﻴﺘﻮﺿﺄ ﻭﻳﺆﺩﻱ ﺻﻼﺗﻪ ﺛﻢ ﻳﻌﻮﺩ ﺇﻟﻰ ﻓﺮﺍﺷﻪ ﻣﺮﺓ ﺍﺧﺮﻯ ... ﻻ ﻳﺪﺭﻱ ﻫﻞ ﻫﻮ ﺷﻌﻮﺭ ﺑﺎﻟﺘﻌﺐ ﺣﻞ ﺑﻪ ... ﺍﻡ ﺍﻧﻬﺎ ﻣﺤﺎﻭﻟﺔ ﻟﻠﻬﺮﻭﺏ ﻣﻦ ﻭﺍﻗﻊ ﻳﺄﺑﻰ ﺇﻻ ﺍﻥ ﻳﻘﺘﺤﻢ ﺗﻔﻜﻴﺮﻩ ﺑﻴﻦ ﺍﻟﻔﻴﻨﺔ ﻭﺍﻷﺧﺮﻯ ﻫﺬﺍ ﺇﻥ ﻛﺎﻥ ﻏﺎﺩﺭﻩ ﻣﻦ ﺍﻷﺳﺎﺱ ... ﻛﺎﻥ ﺷﻘﻴﻘﺎﺗﻪ ﻳﺪﺧﻠﻦ ﺗﺒﺎﻋﺎ ﻭﺍﺣﺪﺓ ﺗﻠﻮ ﺍﻷﺧﺮﻯ ﻹﻳﻘﺎﻇﻪ ﻭﻫﻮ ﻳﺼﺮ ﻋﻠﻰ ﺍﻟﺮﻓﺾ ﻭﻋﻠﻰ ﻋﺪﻡ ﺭﻏﺒﺘﻪ ﻓﻲ ﺗﻨﺎﻭﻝ ﺍﻟﻄﻌﺎﻡ ... ﺇﻻ ﺍﻥ ﺣﻞ ﺍﻟﻠﻴﻞ ﻭﻫﻮ ﻻ ﻳﺰﺍﻝ ﻋﻠﻰ ﺣﺎﻟﻪ ... ﻟﺬﻟﻚ ﻗﺮﺭﺕ ﺳﻤﻴﺔ ﺍﻥ ﺗﺪﺧﻞ ﺇﻟﻴﻪ ﻟﺘﻌﺮﻑ ﻣﺎﺫﺍ ﺣﺪﺙ ﺑﻴﻨﻪ ﻭﺑﻴﻦ ﻋﻤﻪ ... ﻭﺑﺎﻟﻔﻌﻞ ﺩﺧﻠﺖ ﺇﻟﻰ ﻏﺮﻓﺘﻪ ﻭﺟﻠﺴﺖ ﺑﺠﻮﺍﺭﻩ ﻭﻫﻲ ﻣﺼﻤﻤﺔ ﻋﻠﻰ ﺍﻥ ﻳﻘﺺ ﻋﻠﻴﻬﺎ ﺗﻔﺎﺻﻴﻞ ﻟﻘﺎﺋﻪ ﺑﻌﻤﻪ ... ﻭﺑﺎﻟﻔﻌﻞ ﻗﺺ ﻋﻠﻴﻬﺎ ﻋﻠﻲ ﻣﺎﺣﺪﺙ ﻭﻫﻲ ﺗﺴﺘﻤﻊ ﺑﺈﻫﺘﻤﺎﻡ ﺣﺘﻰ ﺍﻧﺘﻬﻰ ﻗﺎﺋﻼ :

- ﻭﻋﺸﺎﻥ ﻛﺪﻩ ﻭﺍﻓﻘﺖ ﺇﻧﻲ ﺍﺗﺠﻮﺯﻫﺎ

ﻗﺎﻣﺖ ﺳﻤﻴﺔ ﻣﻦ ﻣﻜﺎﻧﻬﺎ ﻭﻗﺎﻟﺖ ﻓﻲ ﺣﺪﺓ :

- ﺑﺲ ﺃﻧﺎ ﺑﻘﻰ ﺍﻟﻠﻲ ﻣﺶ ﻣﻮﺍﻓﻘﺔ

ﺣﺪﻕ ﻓﻴﻬﺎ ﻣﻨﺪﻫﺸﺎ ﻗﺒﻞ ﺍﻥ ﻳﻘﻮﻝ :

- ﻳﻌﻨﻲ ﺇﻳﻪ ﻳﺎ ﻣﺎﻣﺎ

ﺍﺟﺎﺑﺖ ﺑﺈﺻﺮﺍﺭ :

- ﻳﻌﻨﻲ ﺍﻟﻠﻲ ﺳﻤﻌﺘﻪ ... ﺍﻧﺎ ﻣﺶ ﻣﻮﺍﻓﻘﺔ ﺍﻧﻚ ﺗﺘﺠﻮﺯ ﻧﻮﺭﺍ ﻳﺎ ﻋﻠﻲ

ﺍﺳﺪﻝ ﺍﻟﻠﻴﻞ ﺳﺘﺎﺋﺮﻩ ﺍﻟﺴﻮﺩﺍﺀ ﻋﻠﻰ ﻣﺪﻳﻨﺔ ﺷﺮﻡ ﺍﻟﺸﻴﺦ ﺍﻟﺠﻤﻴﻠﺔ ... ﺳﻄﻊ ﺿﻮﺀ ﺍﻟﻘﻤﺮ ﻭﺑﺪﺕ ﺍﻟﻨﺠﻮﻡ ﻭﻛﺄﻧﻬﺎ ﻗﻨﺎﺩﻳﻞ ﻣﻌﻠﻘﺔ ﻓﻲ ﺍﻟﺜﻮﺏ ﺍﻟﺴﻤﺎﻭﻱ ﺍﻟﺤﺎﻟﻚ ﺍﻟﺴﻮﺍﺩ ... ﻋﻨﺪﻣﺎ ﺟﻠﺴﺖ ﻧﺎﺩﻳﺔ ﺍﻣﺎﻡ ﺷﺎﻃﺊ ﺍﻟﺒﺤﺮ ﻭﻫﻲ ﺗﺴﺘﻤﺘﻊ ﺑﻤﺸﻬﺪ ﺍﻷﻣﻮﺍﺝ ﻭﻫﻲ ﺗﺼﻄﺪﻡ ﺑﺎﻟﺸﺎﻃﺊ ﻭﻛﺎﻧﻬﺎ ﻣﻌﺮﻛﺔ ﻳﺘﻮﻋﺪ ﻓﻴﻬﺎ ﻛﻞ ﻣﻨﻬﻤﺎ ﺍﻷﺧﺮ ... ﺍﻗﺘﺮﺏ ﻣﻨﻬﺎ ﺳﺎﻣﺢ ﻗﺎﺋﻼ ﺑﺈﺑﺘﺴﺎﻣﺔ :

- ﺍﻟﺠﻤﻴﻞ ﺳﺮﺣﺎﻥ ﻓﺈﻳﻪ

ﺑﺎﺩﻟﺘﻪ ﻧﺎﺩﻳﺔ ﺍﻹﺑﺘﺴﺎﻣﺔ ﻗﺎﺋﻠﺔ :

- ﺍﻗﻮﻟﻚ ﻭﻣﺎ ﺗﺰﻋﻠﺶ

- ﻛﻼﻣﻚ ﺩﻩ ﻣﻌﻨﺎﻩ ﺍﻧﻚ ﻛﻨﺘﻲ ﺳﺮﺣﺎﻧﺔ ﻓﺤﺪ ﻏﻴﺮﻱ

- ﻻ ﺍﺑﺪﺍ ... ﺑﺲ ﻛﻞ ﻣﺎ ﺍﻓﺘﻜﺮ ﺇﻧﻲ ﻣﺮ ﻋﻠﻴﺎ ﻭﻗﺖ ﺻﺪﻗﺖ ﻓﻴﻪ ﻛﻼﻡ ﻧﻮﺭﺍ ﻋﻨﻚ ﺑﺎﺿﺎﻳﻖ ﻣﻦ ﻧﻔﺴﻲ ﺍﻭﻱ

- ﻗﺼﺪﻙ ﻟﻤﺎ ﻗﺎﻟﺘﻠﻚ ﺍﻧﻲ ﻣﺶ ﺑﺤﺒﻚ ﻭﺑﻠﻌﺐ ﺑﻴﻜﻲ

- ﻓﺎﻛﺮ ﻟﻤﺎ ﻛﻠﻤﺘﻚ ﻭﺍﻧﺎ ﻓﺪﻣﻴﺎﻁ ﻭﻛﻨﺖ ﻣﻨﻔﻌﻠﺔ ﻭﻗﻠﺘﻠﻚ ﻟﻮ ﺑﺘﺤﺒﻨﻲ ﻳﺒﻘﻰ ﻻﺯﻡ ﺗﺨﻄﺒﻨﻲ ﻣﻦ ﺑﺎﺑﺎ ... ﺃﻧﺎ ﺍﺳﻔﺔ ﻳﺎ ﺳﺎﻣﺢ ﻋﻠﻰ ﻛﻞ ﻟﺤﻈﺔ ﺷﻜﻴﺖ ﻓﻴﻚ ﻓﻴﻬﺎ ﻭﺻﺪﻗﺖ ﻛﻼﻡ ﻧﻮﺭﺍ ... ﺍﺯﺍﻱ ﻣﺎﺟﺎﺵ ﻓﺒﺎﻟﻲ ﺍﻧﻬﺎ ﺗﻜﻮﻥ ﺑﺘﺤﻘﺪ ﻋﻠﻴﺎ ﻋﺸﺎﻥ ﺑﺎﺑﺎ ﺑﻴﺤﺒﻨﻲ ﺍﻛﺘﺮ ﻣﻨﻬﺎ

- ﻭﺍﻧﺎ ﻣﺴﺎﻣﺤﻚ ﻳﺎ ﺣﺒﻴﺒﺘﻲ ... ﻭﻋﺸﺎﻥ ﺍﺛﺒﺘﻠﻚ ﺍﻧﻲ ﻧﺴﻴﺖ ﻛﻞ ﺍﻟﻜﻼﻡ ﺩﻩ ﺣﺎﺧﺪﻙ ﺍﻓﺮﺟﻚ ﻋﻠﻰ ﺍﻟﺸﺎﻟﻴﻪ ﺑﺘﺎﻋﻲ ﺍﻟﻠﻲ ﺣﻨﻘﻀﻲ ﻓﻴﻪ ﺷﻬﺮ ﺍﻟﻌﺴﻞ ﺑﺘﺎﻋﻨﺎ ... ﻗﻮﻟﺘﻲ ﺇﻳﻪ ?

- ﺍﻧﺖ ﻋﻨﺪﻙ ﺷﺎﻟﻴﻪ ﻫﻨﺎ ﻓﺸﺮﻡ ?

- ﺁﻩ ﻃﺒﻌﺎ ... ﺑﺎﺑﺎ ﻛﺎﻥ ﺟﺎﻳﺒﻬﻮﻟﻲ ﻫﺪﻳﺔ ﻋﻴﺪ ﻣﻴﻼﺩﻱ ﻭﻛﺘﺒﻪ ﺑﺎﺳﻤﻲ ... ﻫﻮ ﻣﺶ ﺑﻌﻴﺪ ﻋﻠﻰ ﻓﻜﺮﺓ ... ﺩﻩ ﺍﺣﻨﺎ ﻣﻤﻜﻦ ﻧﺮﻭﺡ ﻣﺸﻲ ﻋﺎﺩﻱ ... ﻳﻼ ﺑﻴﻨﺎ ﻣﺶ ﻋﺎﻳﺰﻳﻦ ﻧﻀﻴﻊ ﻭﻗﺖ

- ﻧﺎﺩﻳﺔ ﺑﺘﺮﺩﺩ : ﺍﻳﻮﻩ ﻳﺎ ﺳﺎﻣﺢ ﺑﺲ ....

- ﺑﺲ ﺇﻳﻪ ﻳﺎ ﻧﺎﺩﻳﺔ ... ﺍﻭﻋﻲ ﺗﻜﻮﻧﻲ ﺧﺎﻳﻔﺔ ﻣﻨﻲ ... ﺷﻜﻠﻚ ﻛﺪﻩ ﻟﺴﻪ ﻣﺼﺪﻗﺔ ﻛﻼﻡ ﺍﺧﺘﻚ ﻋﻨﻲ

- ﻻ ﺍﺑﺪﺍ ﻳﺎ ﺣﺒﻴﺒﻲ ... ﺑﺲ ﺍﻧﺎ ﺑﺎﻗﻮﻝ ﻧﺴﺘﻨﻰ ﻟﻠﺼﺒﺢ ﻋﺸﺎﻥ ﺍﺟﻴﺐ ﺭﺷﺎ ﺻﺎﺣﺒﺘﻲ ﻣﻌﺎﻳﺎ ... ﻭﻛﻤﺎﻥ ﺍﺳﺘﺄﺫﻥ ﻣﻦ ﺍﻟﺪﻛﺎﺗﺮﺓ ﺍﻟﻤﺸﺮﻓﻴﻦ ﺑﺘﻮﻉ ﺍﻟﺮﺣﻠﺔ

- ﺳﺎﻣﺢ ﺑﻀﻴﻖ : ﺟﺮﻯ ﺇﻳﻪ ﻳﺎ ﻧﺎﺩﻳﺔ ... ﻫﻮ ﺍﺣﻨﺎ ﺗﻼﻣﺬﺓ ﻓﺎﺑﺘﺪﺍﺋﻲ ﺧﺎﻳﻔﻴﻦ ﻧﺘﻮﻩ ﻣﻦ ﺍﻟﻤﻴﺲ ﺑﺘﺎﻋﺘﻨﺎ ﻭﻻ ﺣﺎﺟﺔ ... ﺍﻧﺎ ﺣﺎﺧﺪﻙ ﻭﺍﺭﺟﻌﻚ ﺗﺎﻧﻲ ﻋﻠﻄﻮﻝ ... ﺛﻢ ﺍﻧﺎ ﺑﺎﻗﻮﻟﻚ ﺍﻟﺸﺎﻟﻴﻪ ﺩﻩ ﺣﻨﻘﻀﻲ ﻓﻴﻪ ﺷﻬﺮ ﺍﻟﻌﺴﻞ ﺗﻘﻮﻟﻴﻠﻲ ﻧﺠﻴﺐ ﺭﺷﺎ ﻣﻌﺎﻧﺎ ... ﻋﻤﻮﻣﺎ ﺑﺮﺍﺣﺘﻚ ﻳﺎ ﻧﺎﺩﻳﺔ ... ﺑﺲ ﻻﺯﻡ ﺗﻔﻬﻤﻲ ﺃﻥ ﺃﻧﺎ ﻣﺶ ﻣﻤﻜﻦ ﺍﻛﻤﻞ ﺣﻴﺎﺗﻲ ﻣﻊ ﻭﺍﺣﺪﺓ ﻣﺶ ﺑﺘﺜﻖ ﻓﻴﺎ ... ﻳﺎ ﺭﻳﺖ ﺗﻌﺘﺒﺮﻱ ﻛﻞ ﺍﻟﻠﻲ ﺑﻴﻨﺎ ﻣﻨﺘﻬﻲ

ﻫﻢ ﺳﺎﻣﺢ ﺍﻥ ﻳﻐﺎﺩﺭ ﺍﻣﺴﻜﺘﻪ ﻧﺎﺩﻳﺔ ﻣﻦ ﺫﺭﺍﻋﻪ ﻟﺘﻮﻗﻔﻪ ﻗﺎﺋﻠﺔ ﺑﺮﺟﺎﺀ :

- ﺍﺳﺘﻨﻰ ﺑﺲ ﻳﺎ ﺣﺒﻴﺒﻲ ... ﺍﺭﺟﻮﻙ ﻣﺎﺗﺰﻋﻠﺶ ﻣﻨﻲ ﻳﺎ ﺳﺎﻣﺢ ﺍﻧﺎ ﻣﺎﻗﺪﺭﺵ ﻋﻠﻰ ﺯﻋﻠﻚ

ﺍﺟﺎﺏ ﺑﺼﺮﺍﻣﺔ ﺩﻭﻥ ﺃﻥ ﻳﻨﻈﺮ ﺇﻟﻴﻬﺎ :

- ﻳﻌﻨﻲ ﺇﻳﻪ

- ﻳﻌﻨﻲ ﺧﻼﺹ ﺣﺎﺟﻲ ﻣﻌﺎﻙ

ﺍﺑﺘﺴﻢ ﻗﺎﺋﻼ :

- ﻛﺪﻩ ﺍﻧﺘﻲ ﺍﺛﺒﺘﻴﻠﻲ ﺍﻧﻚ ﺑﺘﺜﻘﻲ ﻓﻴﺎ ﻭﺑﺘﺤﺒﻴﻨﻲ ﺑﺠﺪ ... ﻳﻼ ﺑﻴﻨﺎ

ﺑﻌﺪ ﻓﺘﺮﺓ ﻛﺎﻥ ﺳﺎﻣﺢ ﻭﻧﺎﺩﻳﺔ ﻳﻘﻔﺎﻥ ﺍﻣﺎﻡ ﺑﺎﺏ ﺍﻟﺸﺎﻟﻴﻪ ... ﻭﻗﻔﺖ ﻧﺎﺩﻳﺔ ﺍﻣﺎﻡ ﺍﻟﺒﺎﺏ ﻣﺘﺮﺩﺩﺓ ... ﻓﺤﺜﻬﺎ ﺳﺎﻣﺢ ﻋﻠﻰ ﺍﻟﺪﺧﻮﻝ ﻗﺎﺋﻼ :

- ﻣﺎﺗﺪﺧﻠﻲ ﻳﺎ ﺣﺒﻴﺒﺘﻲ ﻭﻗﻔﺘﻲ ﻋﻨﺪﻙ ﻟﻴﻪ ?

- ﺳﺎﻣﺤﻨﻲ ﻳﺎ ﺣﺒﻴﺒﻲ ... ﺍﻧﺎ ﻣﺶ ﺣﺎﻗﺪﺭ ﺍﺩﺧﻞ ... ﻣﻤﻜﻦ ﺗﺮﺟﻌﻨﻲ ﻋﻨﺪ ﺍﻟﻔﻨﺪﻕ ..........

ﻳﺘﺒﻊ

↚

ﺑﺪﺃ ﺍﻟﺸﻌﻮﺭ ﺑﺎﻟﻀﻴﻖ ﻳﺘﺴﻠﻞ ﺇﻟﻴﻪ ... ﻓﻠﻢ ﻳﻜﻦ ﻳﺘﺨﻴﻞ ﺃﻥ ﺇﻳﻘﺎﻋﻬﺎ ﺳﻴﻜﻮﻥ ﺑﻬﺬﻩ ﺍﻟﺼﻌﻮﺑﺔ ... ﻟﻜﻨﻪ ﻟﻢ ﻳﺠﺮﺏ ﺍﻟﻔﺸﻞ ﻓﻰ ﻣﺜﻞ ﻫﺬﻩ ﺍﻷﻣﻮﺭ ﻣﻦ ﻗﺒﻞ ﻟﺬﻟﻚ ﻓﻘﺪ ﻗﺮﺭ ﺇﻋﺎﺩﺓ ﺍﻟﻤﺤﺎﻭﻟﺔ ﻣﺴﺘﻐﻼ ﺗﺄ ﺛﻴﺮﻩ ﺍﻟﺬﻱ ﻳﻌﻠﻤﻪ ﺟﻴﺪﺍ ﻋﻠﻴﻬﺎ ... ﻗﺎﻝ ﻭﻫﻮ ﻳﺘﻈﺎﻫﺮ ﺑﺎﻟﻀﻴﻖ :

- ﺗﺎﻧﻲ ﻳﺎ ﻧﺎﺩﻳﻪ ﺗﺎﻧﻲ ... ﻋﻤﻮﻣﺎ ﺑﺮﺍﺣﺘﻚ ﺍﺗﻔﻀﻠﻲ ﺑﻘﻰ ﺍﺭﺟﻌﻲ ﻣﻄﺮﺡ ﻣﺎﺟﻴﺘﻲ

- ﻣﺶ ﺍﻟﻤﻔﺮﻭﺽ ﺍﻧﻨﺎ ﻛﻨﺎ ﺣﻨﺮﺟﻊ ﺳﻮﺍ ﻣﻊ ﺑﻌﺾ

- ﺍﻟﻜﻼﻡ ﺩﻩ ﻟﻤﺎ ﻛﻨﺘﻲ ﺣﺘﺪﺧﻠﻲ ﻣﻌﺎﻳﺎ ... ﻟﻜﻦ ﺩﻟﻮﻗﺘﻲ ﻣﺘﺄﺳﻒ ... ﺳﻜﺘﻚ ﺧﻼﺹ ﺑﻘﺖ ﻏﻴﺮ ﺳﻜﺘﻲ

ﺧﻄﺖ ﻧﺎﺩﻳﺔ ﺑﻀﻊ ﺧﻄﻮﺍﺕ ﺇﻟﻰ ﺍﻟﺪﺍﺧﻞ ﻭﺍﻗﺘﺮﺑﺖ ﻣﻨﻪ ﻗﺎﺋﻠﺔ :

- ﺧﻼﺹ ﻳﺎ ﺳﺎﻣﺢ ﺍﻧﺎ ﺩﺧﻠﺖ ﺁﻫﻮﻩ ... ﺍﺭﺟﻮﻙ ﺑﻘﻰ ﻣﺎ ﺗﺰﻋﻠﺶ ﻣﻨﻲ

ﺍﺟﺎﺑﻬﺎ ﺩﻭﻥ ﺍﻥ ﻳﻨﻈﺮ ﺇﻟﻴﻬﺎ ﻗﺎﺋﻼ :

- ﻧﺎﺩﻳﺔ ﻟﻮ ﻣﺶ ﻣﻘﺘﻨﻌﺔ ﻭﺷﺎﻳﻔﺔ ﺍﻧﻨﺎ ﺑﻨﻌﻤﻞ ﺣﺎﺟﺔ ﻏﻠﻂ ﺗﻘﺪﺭﻱ ﺗﺮﺟﻌﻲ ﻣﻄﺮﺡ ﻣﺎ ﺟﻴﺘﻲ

- ﻻ ﻳﺎ ﺣﺒﻴﺒﻲ ﻣﺎﺗﻘﻮﻟﺶ ﻛﺪﻩ ... ﺍﻧﺎ ﺑﺜﻖ ﻓﻴﻚ ﻭﺑﺤﺒﻚ ﺍﻛﺘﺮ ﻣﻦ ﻧﻔﺴﻲ ... ﻣﺎ ﺗﺰﻋﻠﺶ ﻣﻨﻲ ﺑﻘﻰ

ﺍﺑﺘﺴﻢ ﻗﺎﺋﻼ :

- ﺧﻼﺹ ﻳﺎ ﺳﺘﻲ ﻣﺶ ﺯﻋﻼﻥ ﻭﻻ ﺣﺎﺟﺔ ... ﺍﻗﻌﺪﻱ ﺑﻘﻰ ﻫﻨﺎ ﻋﻠﻰ ﻣﺎ ﺍﺟﻴﺐ ﺣﺎﺟﺔﻧﺸﺮﺑﻬﺎ ﻭﺑﻌﺪﻳﻦ ﺍﻓﺮﺟﻚ ﻋﻠﻰ ﺍﻟﺸﺎﻟﻴﻪ

ﺗﺴﺎﺀﻟﺖ ﻗﺎﺋﻠﺔ ﻓﻲ ﺩﻫﺸﺔ :

- ﻏﺮﻳﺒﺔ ... ﻫﻮ ﻓﻴﻪ ﺣﺪ ﻗﺎﻋﺪ ﻫﻨﺎ ﻓﺎﻟﺸﺎﻟﻴﻪ ?

ﺃﺟﺎﺑﻬﺎ ﻗﺎﺋﻼ ﻓﻲ ﺩﻫﺸﺔ ﻻ ﺗﻘﻞ ﻋﻦ ﺩﻫﺸﺘﻬﺎ :

- ﻷ ﻃﺒﻌﺎ ﻟﻴﻪ ﺑﺘﻘﻮﻟﻲ ﻛﺪﻩ

- ﻣﺶ ﺍﻧﺖ ﻟﺴﻪ ﺑﺘﻘﻮﻝ ﺣﺘﺠﻴﺐ ﺣﺎﺟﺔ ﻧﺸﺮﺑﻬﺎ

- ﺍﺻﻞ ﺃﻧﺎ ﺍﻭﻝ ﻣﺎ ﻭﺻﻠﺖ ﺟﻴﺖ ﻋﻠﻰ ﻫﻨﺎ ﺑﻌﺪ ﻣﺎ ﺍﺷﺘﺮﻳﺖ ﺷﻮﻳﺔ ﺣﺎﺟﺎﺕ ﻋﺸﺎﻥ ﻟﻮ ﺟﻴﺖ ﻫﻨﺎ ﻣﻊ ﺻﺤﺎﺑﻲ ﻳﻌﻨﻲ

- ﻧﺎﺩﻳﺔ ﺑﻤﻜﺮ : ﺑﻘﻰ ﺻﺤﺎﺑﻚ ﺑﺮﺿﻪ

ﺗﻈﺎﻫﺮ ﺑﺎﻟﻀﻴﻖ ﻣﻦ ﻛﻠﻤﺎﺗﻬﺎ ﻓﺎﻗﺘﺮﺏ ﻣﻨﻬﺎ ﻗﺎﺋﻼ :

- ﺍﻧﺘﻲ ﻣﺘﺨﻴﻠﺔ ﺇﻧﻲ ﻣﻤﻜﻦ ﺍﺑﺺ ﻟﻮﺍﺣﺪﺓ ﻏﻴﺮﻙ ... ﺣﺪ ﻳﺒﻘﻰ ﻣﻌﺎﻩ ﺍﻟﻘﻤﺮ ﺑﺮﺿﻪ ﻭﻳﺒﺺ ﻟﻠﻨﺠﻮﻡ

ﺍﺟﺎﺑﺖ ﻗﺎﺋﻠﺔ ﺑﺘﻌﺎﻟﻲ :

- ﻃﺒﻌﺎ ﻣﺎﻓﻴﺶ ﺣﺪ ﻳﺒﻘﻰ ﺧﺎﻃﺐ ﻧﺎﺩﻳﺔ ﺻﻔﻮﺕ ﻭﻳﺒﺺ ﻟﻐﻴﺮﻫﺎ

ﺍﻭﻣﺄ ﺑﺮﺃﺳﻪ ﻣﺆﻛﺪﺍ ﻋﻠﻰ ﻛﻼﻣﻬﺎ ﺛﻢ ﻗﺎﻝ ﻃﺒﻌﺎ ﻳﺎ ﺣﺒﻴﺒﺘﻲ ﻃﺒﻌﺎ ... ﺍﻧﺎ ﺩﺍﺧﻞ ﺍﻟﻤﻄﺒﺦ ﺩﻗﻴﻘﺘﻴﻦ ﻭﺭﺍﺟﻌﻠﻚ

ﻭﻳﺎﻟﻔﻌﻞ ﻋﺎﺩ ﺳﺎﻣﺢ ﺑﻌﺪ ﺩﻗﺎﺋﻖ ﻭﻫﻮ ﻳﺤﻤﻞ ﻓﻲ ﻳﺪﻩ ﻛﻮﺑﻴﻦ ﻣﻦ ﺍﻟﻌﺼﻴﺮ ﺍﻋﻄﻲ ﻧﺎﺩﻳﺔ ﺍﺣﺪﻫﻤﺎ ﻭﺷﺮﻉ ﻓﻲ ﺗﻨﺎﻭﻝ ﺍﻷﺧﺮ ﻭﻫﻮ ﻳﺒﺘﺴﻢ ﻟﻬﺎ ﻗﺎﺋﻼ :

- ﺑﺴﺮﻋﺔ ﻳﺎ ﺣﺒﻴﺒﺘﻲ ﻋﺸﺎﻥ ﻣﺶ ﻋﺎﻳﺰ ﻙ ﺗﺘﺄﺧﺮﻱ

ﻇﻼ ﻳﺘﺤﺪﺛﺎﻥ ﻣﻌﺎ ﺣﺘﻰ ﺭﺃﻫﺎ ﺗﻀﻊ ﻳﺪﻫﺎ ﻋﻠﻰ ﺟﺒﻬﺘﻬﺎ ﻭﻫﻲ ﺗﺸﻌﺮ ﺑﺎﻟﺪﻭﺍﺭ ﺣﺘﻰ ﺳﻘﻄﺖ ﻣﻐﺸﻴﺎ ﻋﻠﻴﻬﺎ ﻭﺳﻘﻂ ﺍﻟﻜﻮﺏ ﻣﻦ ﻳﺪﻫﺎ ﻋﻠﻰ ﺍﻷﺭﺽ ﻣﺘﻬﺸﻤﺎﻭﺗﻨﺎﺛﺮﺕ ﻗﻄﻊ ﺍﻟﺰﺟﺎﺝ ﻋﻠﻰ ﺍﻷﺭﺽ ﻣﻦ ﺣﻮﻟﻬﺎ

*************************

ﻇﻞ ﻳﺤﺪﻕ ﻓﻴﻬﺎ ﻟﺒﺮﻫﺔ ﻏﻴﺮ ﻣﺴﺘﻮﻋﺐ ﻟﻤﺎ ﻗﺎﻟﺘﻪ ﺛﻢ ﺗﺤﺪﺙ ﺍﺧﻴﺮﺍ ﻗﺎﺋﻼ ﺑﺪﻫﺸﺔ :

- ﻳﻌﻨﻰ ﺍﻳﻪ ﻳﺎ ﻣﺎﻣﺎ ﻣﺶ ﻣﻮﺍﻓﻘﺔ ﻭﻟﻴﻪ ﺍﺻﻼ ﻣﺎ ﺗﻮﺍﻓﻘﻴﺶ ... ﻣﺶ ﺩﻩ ﺍﻟﻠﻲ ﺍﻧﺘﻲ ﻛﻨﺘﻲ ﻋﺎﻳﺰﺍﻩ

- ﺩﻩ ﻟﻤﺎ ﻛﻨﺖ ﻓﺎﻛﺮﺓ ﺍﻧﻚ ﻓﻜﺮﺕ ﻛﻮﻳﺲ ﻭﺭﺍﺟﻌﺖ ﻧﻔﺴﻚ ﻭﻋﺮﻓﺖ ﺍﻥ ﻣﺎﻓﻴﺶ ﺯﻯ ﺑﻨﺖ ﺧﺎﻟﺘﻚ ﻓﺎﺩﺑﻬﺎ ﻭﺃﺧﻼﻗﻬﺎ ... ﻟﻜﻦ ﺗﺘﺠﻮﺯﻫﺎ ﻋﺸﺎﻥ ﻋﻤﻚ ﻃﻠﺐ ﻣﻨﻚ ﻛﺪﻩ ﻳﺒﻘﻰ ﺍﻧﺎ ﺍﺳﻔﻪ ﻳﺎ ﻋﻠﻲ ... ﺃﻧﺎ ﻣﺎ ﻋﻨﺪﻳﺶ ﺇﺳﺘﻌﺪﺍﺩ ﺍﻧﻲ ﺃﺷﻮﻑ ﻣﺄﺳﺎﺓ ﺻﻔﻴﺔ ﺃﺧﺘﻲ ﺑﺘﺘﻜﺮﺭﺗﺎﻧﻲ ﺍﺩﺍﻡ ﻋﻴﻨﻲ ... ﺃﻧﺎ ﻣﺶ ﺣﺎﺳﻤﺤﻠﻚ ﺍﻧﻚ ﺗﻜﻮﻥ ﺻﻔﻮﺕ ﺗﺎﻧﻲ ﻭﻻ ﺣﺎﺳﻤﺢ ﺍﻧﻬﺎ ﺗﻜﻮﻥ ﺻﻔﻴﺔ ﺗﺎﻧﻴﺔ ... ﺍﻟﺒﻨﺖ ﺩﻱ ﺍﻣﻬﺎ ﺍﻟﻠﻪ ﻳﺮﺣﻤﻬﺎ ﻗﺒﻞ ﻣﺎ ﺗﻤﻮﺕ ﺳﺎﺑﺘﻬﺎ ﺃﻣﺎﻧﺔ ﻣﻌﺎﻳﺎ ﻭﻭﺻﺘﻨﻲ ﻋﻠﻴﻬﺎ ﻭﺍﻱ ﺣﺪ ﻳﻔﻜﺮ ﻳﺄﺫﻳﻬﺎ ﺍﻧﺎ ﺍﻟﻠﻲ ﺍﻟﻤﻔﺮﻭﺽ ﺍﻗﻔﻠﻪ ... ﻟﻜﻦ ﺍﻧﺎ ﻣﺶ ﺣﺎﻗﺪﺭ ﺍﻋﻤﻞ ﻛﺪﻩ ﻟﻮ ﺍﻟﺤﺪ ﺩﻩ ﻛﺎﻥ ﺍﺑﻨﻲ ... ﻋﺸﺎﻥ ﻛﺪﻩ ﻣﺶ ﺣﺎﺳﻴﺒﻚ ﺗﺘﺠﻮﺯﻫﺎ ﻳﺎ ﻋﻠﻲ

ﺍﺟﺎﺏ ﻋﻠﻲ ﻗﺎﺋﻼ ﺑﺈﻧﻔﻌﺎﻝ :

- ﻣﺎﻫﻮ ﻣﺶ ﻣﻌﻘﻮﻝ ﻳﺎ ﻣﺎﻣﺎ ﺗﻜﻮﻧﻲ ﺧﺎﻳﻔﺔ ﻋﻠﻰ ﺑﻨﺖ ﺍﺧﺘﻚ ﻣﻨﻲ

- ﺍﻳﻮﻩ ﺧﺎﻳﻔﺔ ﻋﻠﻴﻬﺎ ﻳﺎ ﻋﻠﻲ ... ﻃﺎﻟﻤﺎ ﺣﺘﺘﺠﻮﺯﻫﺎ ﻏﺼﺐ ﻋﻨﻚ ﻳﺒﻘﻰ ﻻﺯﻡ ﺍﺧﺎﻑ ﻋﻠﻴﻬﺎ

- ﻃﻴﺐ ﺗﻘﺪﺭﻱ ﺗﻘﻮﻟﻴﻠﻲ ﺣﺘﻘﻮﻟﻲ ﻟﻨﻮﺭﻫﺎﻥ ﺍﻧﻚ ﺭﺍﻓﻀﺔ ﺍﻟﺠﻮﺍﺯﺓ ﻟﻴﻪ؟

- ﺍﻱ ﺣﺎﺟﺔ ﻏﻴﺮ ﺍﻟﺤﻘﻴﻘﺔ

- ﻃﻴﺐ ﻭﻋﻤﻲ ﺣﺎﻗﻮﻟﻪ ﺇﻳﻪ؟ ﻛﺪﻩ ﺣﻴﻔﺘﻜﺮ ﺇﻧﻲ ﺭﺟﻌﺖ ﻓﻜﻼﻣﻲ

- ﻗﻮﻟﻪ ﺃﻣﻲ ﻣﺶ ﻣﻮﺍﻓﻘﺔ ... ﻗﻮﻟﻪ ﺍﻣﻲ ﺑﺘﻘﻮﻟﻚ ﻛﻔﺎﻳﺔ ﻇﻠﻢ ﻟﻨﻮﺭﺍ ﺍﻛﺘﺮ ﻣﻦ ﻛﺪﻩ ....

ﻳﺘﺒﻊ

↚

ﺗﻮﻗﻒ ﻋﻘﻠﻬﺎ ﻋﻦ ﺍﻟﻌﻤﻞ ﻟﻠﺤﻈﺎﺕ ﻻﺗﺪﺭﻱ ﻛﻴﻒ ﺗﺨﺮﺝ ﻣﻦ ﺍﻟﻮﺭﻃﺔ ﺍﻟﺘﻲ ﺍﺩﺧﻠﺖ ﻧﻔﺴﻬﺎ ﻓﻴﻬﺎ ﺑﻐﺒﺎﺋﻬﺎ ﻭﺗﺴﺮﻋﻬﺎ ... ﻭﻛﺄﻥ ﻭﺍﻟﺪﺗﻬﺎ ﺷﻌﺮﺕ ﺑﻤﺎ ﻳﻌﺘﻤﻞ ﺑﻪ ﺻﺪﺭﻫﺎ ﻓﻔﻤﻨﺤﺘﻬﺎ ﻓﺮﺻﺔ ﺫﻫﺒﻴﺔ ﺣﻴﻦ ﻗﺎﻟﺖ ﺑﺮﺟﺎﺀ :

- ﻳﺎ ﺑﻨﺘﻲ ﻃﻴﺐ ﺧﺪﻱ ﻓﺮﺻﺔ ﻓﻜﺮﻱ ﻭﺻﻠﻲ ﺇﺳﺘﺨﺎﺭﺓ ﻭﺑﻌﺪﻳﻦ ﺷﻮﻓﻲ ﺍﻧﺘﻲ ﻋﺎﻳﺰﺓ ﺇﻳﻪ ... ﻭﺍﻟﻠﻲ ﺣﺘﻘﺮﺭﻳﻪ ﺍﺣﻨﺎ ﻣﻮﺍﻓﻘﻴﻦ ﻋﻠﻴﻪ

ﻭﻛﺄﻧﻬﺎ ﻭﺟﺪﺕ ﻓﻲ ﻛﻠﻤﺎﺕ ﻭﺍﻟﺪﺗﻬﺎ ﻃﻮﻕ ﻧﺠﺎﺗﻬﺎ ﻓﺎﺳﺮﻋﺖ ﺗﺠﻴﺐ ﻋﻠﻰ ﺍﻟﻔﻮﺭ :

- ﻭﺍﻟﻠﻪ ﻳﺎ ﻣﺎﻣﺎ ﺍﻧﺎ ﺑﺮﺿﻪ ﺑﺎﻗﻮﻝ ﻛﺪﻩ ... ﺍﺻﻠﻲ ﺍﻷﻭﻝ ﻭﺑﻌﺪﻳﻦ ﺍﺷﻮﻑ ﺇﻳﻪ ﺍﻟﻠﻲ ﺣﻴﺤﺼﻞ

ﺭﻓﻊ ﻋﻠﻲ ﺣﺎﺟﺒﻴﻪ ﻗﺎﺋﻼ ﺑﻬﺰﺍﺡ :

- ﻻ ﻳﺎ ﺷﻴﺨﺔ ... ﻓﺮﻣﻠﺘﻲ ﻳﻌﻨﻲ ﻭﻧﻮﻳﺘﻲ ﺗﻠﻔﻲ ﻭﺗﺮﺟﻌﻲ ﺗﺎﻧﻲ ... ﺩﻩ ﺍﻟﺒﻨﺎﺕ ﺩﻭﻝ ﻋﻠﻴﻬﻢ ﺣﺮﻛﺎﺕ ﻳﺎ ﺳﺎﺗﺮ

- ﺍﺻﻠﻲ ﺷﺎﻳﻔﺔ ﺍﻧﻜﻢ ﻣﺼﻤﻤﻴﻦ ﻳﻌﻨﻲ ﻓﺎﻧﺎ ﻗﻠﺖ ﺍﺭﻳﺤﻜﻢ ﺑﺲ

- ﺑﺖ ﺍﻧﺘﻲ ﺣﺘﺼﻴﻌﻲ ﻋﻠﻴﺎ ... ﺩﻩ ﺃﻧﺎ ﺷﺎﻳﻒ ﻛﻠﻤﺔ ﻣﻮﺍﻓﻘﺔ ﺣﺘﻨﻂ ﻣﻦ ﻋﻨﻴﻜﻲ ﺁﻫﻴﻪ ... ﻫﺎﺗﻲ ﻣﻦ ﺍﻵﺧﺮ ﺍﻧﺘﻲ ﻣﻮﺍﻓﻘﺔ ﻋﻠﻰ ﺍﻟﻮﺍﺩ ﺍﺣﻤﺪ ﺻﺢ

ﻫﺰﺕ ﺭﺃﺳﻬﺎ ﺻﻌﻮﺩﺍ ﻭﻫﺒﻮﻃﺎ ﻛﺘﺄﻛﻴﺪ ﻋﻠﻰ ﻣﻮﺍﻓﻘﺘﻬﺎ ﻭﻗﺪ ﺍﺭﺗﺴﻤﺖ ﻋﻠﻰ ﻭﺟﻬﻬﺎ ﺇﺑﺘﺴﺎﻣﺔ ﺧﺠﻠﻰ ... ﺟﺬﺑﻬﺎ ﻋﻠﻲ ﺇﻟﻴﻪ ﻭﻗﺒﻞ ﺭﺃﺳﻬﺎ ﻗﺎﺋﻼ ﺑﺈﺑﺘﺴﺎﻣﺔ : ﺍﻟﻒ ﻣﺒﺮﻭﻙ ﻳﺎ ﺣﺒﻴﺒﺘﻲ ﺑﺲ ﺩﻩ ﻣﺎﻳﻤﻨﻌﺶ ﺍﻧﻚ ﺗﺼﻠﻲ ﺻﻼﺓ ﺇﺳﺘﺨﺎﺭﺓ ﻭﻋﻤﻮﻣﺎ ﺍﻧﺎ ﺍﺗﻔﻘﺖ ﻣﻌﺎﻩ ﺍﺑﻠﻐﻪ ﺑﺮﺩﻙ ﺑﻌﺪ ﺍﺳﺒﻮﻉ ﺍﻥ ﺷﺎﺀﺍﻟﻠﻪ ... ﺻﻠﻲ ﺍﺳﺘﺨﺎﺭﺓ ﻭﻓﻜﺮﻱ ﻛﻮﻳﺲ ... ﺩﻩ ﺟﻮﺍﺯ ﻣﺶ ﻟﻌﺒﺔ

- ﺍﺑﺘﺴﻤﺖ ﻗﺎﺋﻠﺔ ﺑﺨﺠﻞ : ﺣﺎﺿﺮ ﻳﺎ ﻋﻠﻲ

ﺗﻨﻔﺴﺖ ﺳﻤﻴﺔ ﺍﻟﺼﻌﺪﺍﺀ ﻭﻫﻲ ﺗﻘﻮﻝ ﺑﻔﺮﺣﺔ :

- ﺍﻟﺤﻤﺪ ﻟﻠﻪ ... ﺍﻟﻒ ﻣﺒﺮﻭﻙ ﻳﺎ ﺣﺒﻴﺒﺘﻲ

ﺍﺣﺘﻀﻨﺘﻬﺎ ﻟﺒﻨﻰ ﻭﻗﺎﻟﺖ ﻭﺍﻟﺴﻌﺎﺩﺓ ﺗﺸﻊ ﻣﻦ ﻛﻠﻤﺎﺗﻬﺎ :

- ﺍﻟﻠﻪ ﻳﺒﺎﺭﻙ ﻓﻴﻜﻲ ﻳﺎ ﺣﺒﻴﺒﺘﻲ

ﻓﻌﻠﺖ ﻧﻔﺲ ﺍﻟﺸﺊ ﻣﻊ ﻟﻤﻴﺎﺀ ﺍﻟﺘﻲ ﻫﻨﺄﺗﻬﺎ ﺑﺪﻭﺭﻫﺎ ﺛﻢ ﺍﻟﺘﻔﺘﺖ ﺇﻟﻰ ﻋﻠﻲ ﻗﺎﺋﻠﺔ :

- ﺑﺎﻟﺤﻖ ﻳﺎ ﻋﻠﻲ ﺑﻤﻨﺎﺳﺒﺔ ﺻﻼﺓ ﺍﻹﺳﺘﺨﺎﺭﺓ ... ﻫﻮ ﺍﻧﺖ ﺻﻠﻴﺖ ﺇﺳﺘﺨﺎﺭﺓ ﻋﺸﺎﻥ ﻣﻮﺿﻮﻉ ﺧﻄﻮﺑﺘﻚ ﻋﻠﻰ ﻧﻮﺭﺍ ?

ﺗﻌﻠﻘﺖ ﺟﻤﻴﻊ ﺍﻟﻌﻴﻮﻥ ﺑﻪ ﻓﻲ ﺇﻧﺘﻈﺎﺭ ﺇﺟﺎﺑﺔ ﺳﺆﺍﻟﻬﺎ ... ﻇﻞ ﺻﺎﻣﺘﺎ ﻟﻔﺘﺮﺓ ﻗﺒﻞ ﺍﻥ ﻳﻘﻮﻝ : ﺍﻳﻮﻩ ... ﺻﻠﻴﺘﻬﺎ ﺍﻣﺒﺎﺭﺡ ﻟﻤﺎ ﻛﻨﺖ ﻗﺎﻋﺪ ﻓﺎﻭﺿﺘﻲ ﻃﻮﻝ ﺍﻟﻨﻬﺎﺭ

- ﻟﻤﻴﺎﺀ ﺑﻔﻀﻮﻝ : ﻭﺑﻌﺪﻳﻦ ﻳﺎ ﻋﻠﻲ ... ﺷﻮﻓﺖ ﺇﻳﻪ ?

- ﻣﺎﺷﻮﻓﺘﺶ ﺣﺎﺟﺔ ... ﻭﻣﺶ ﺷﺮﻁ ﺍﺻﻼ ﺇﻧﻲ ﺃﺷﻮﻑ ﺣﺎﺟﺔ

- ﻟﻤﻴﺎﺀ : ﻃﻴﺐ ﻣﺎﺗﺰﻋﻠﺶ ﻧﻔﺴﻚ ... ﻧﺨﻠﻴﻬﺎ ﺣﺴﻴﺖ ﺑﺈﻳﻪ

ﺗﻨﻬﺪ ﻋﻠﻲ ﻃﻮﻳﻼ ﻗﺒﻞ ﺃﻥ ﻳﺠﻴﺐ ﻗﺎﺋﻼ :

- ﻣﺶ ﻋﺎﺭﻑ ... ﺑﺲ ﺣﺎﺳﺲ ﺇﻧﻲ ﻋﺎﻳﺰ ﺍﺟﺮﺏ ... ﻋﺸﺎﻥ ﻛﺪﻩ ﻳﺎ ﻟﺒﻨﻰ ﻣﺶ ﻋﺎﻳﺰﻙ ﺗﻘﻮﻟﻲ ﺣﺎﺟﺔ ﻟﻨﻮﺭﻫﺎﻥ ﻣﻦ ﺍﻟﻜﻼﻡ ﺍﻟﻠﻲ ﻣﺎﻣﺎ ﻗﺎﻟﺘﻪ

ﺷﻌﺮﺕ ﺑﺎﻟﻐﻀﺐ ﻣﻦ ﻛﻠﻤﺎﺗﻪ ﻓﺎﻟﺘﻔﺘﺖ ﺇﻟﻴﻪ ﻗﺎﺋﻠﺔ :

- ﻋﺎﻳﺰ ﺗﺠﺮﺏ ﻓﺒﻨﺖ ﺃﺧﺘﻲ ﻳﺎ ﻋﻠﻲ

ﻟﻢ ﻳﺴﺘﻄﻊ ﺗﻤﺎﻟﻚ ﺃﻋﺼﺎﺑﻪ ﻓﻘﺎﻡ ﻣﻦ ﻣﻜﺎﻧﻪ ﺻﺎﺭﺧﺎ ﺑﺈﻧﻔﻌﺎﻝ ﻭﺍﺿﺢ :

- ﻳﺎ ﻣﺎﻣﺎ ﻣﺶ ﻣﻌﻘﻮﻝ ﻛﺪﻩ ... ﻛﻞ ﺣﺎﺟﺔ ﺑﻨﺖ ﺍﺧﺘﻚ ﺑﻨﺖ ﺍﺧﺘﻚ ... ﻭﺃﻧﺎ ﺍﺑﻨﻚ ﻓﻴﻦ ... ﻟﻴﻪ ﻣﺶ ﺣﺎﺳﺔ ﺑﻴﺎ ﺧﺎﻟﺺ ﻛﺪﻩ ?

ﺍﺗﺠﻪ ﻧﺤﻮ ﺍﻟﺒﺎﺏ ﻣﻐﺎﺩﺭﺍ ﺇﻟﻰ ﻋﻤﻠﻪ ﻓﺼﺎﺣﺖ ﺑﻪ ﻟﺒﻨﻰ :

- ﻃﻴﺐ ﻣﺶ ﺣﺘﻔﻄﺮ ﺍﻷﻭﻝ ﻗﺒﻞ ﻣﺎ ﺗﻤﺸﻲ ?

ﺃﺟﺎﺏ ﻗﺒﻞ ﺍﻥ ﻳﻐﻠﻖ ﺍﻟﺒﺎﺏ ﺧﻠﻔﻪ :

- ﻣﺶ ﻋﺎﻳﺰ ﺣﺎﺟﺔ

ﺍﻧﺘﻬﻰ ﺍﻷﺳﺒﻮﻉ ﺩﻭﻥ ﺟﺪﻳﺪ ﺳﻮﻯ ﺃﻥ ﻧﺎﺩﻳﺔ ﻗﺪ ﻗﻄﻌﺖ ﺭﺣﻠﺔ ﺷﺮﻡ ﺍﻟﺸﻴﺦ ﻭﻋﺎﺩﺕ ﺇﻟﻰ ﺍﻟﻘﺎﻫﺮﺓ ﺑﻌﺪ ﺷﺠﺎﺭﻫﺎ ﻣﻊ ﺳﺎﻣﺢ ... ﻭﻣﻨﺬﻋﻮﺩﺗﻬﺎ ﻭﻗﺪ ﻟﺰﻣﺖ ﻏﺮﻓﺘﻬﺎ ﻻ ﺗﻐﺎﺩﺭﻫﺎ ﺇﻻ ﻟﻠﻀﺮﻭﺭﺓ ﺍﻟﻘﺼﻮﻯ ... ﻭﻗﺪ ﻻﺣﻈﺖ ﻧﻮﺭﺍ ﻣﺎﻫﻲ ﻋﻠﻴﻪ ﻣﻦ ﺍﻟﻀﻴﻖ ﻭﺍﻟﺸﺮﻭﺩ ﺃﺣﻴﺎﻧﺎ ﻭﺍﻟﺤﺰﻥ ﺍﺣﻴﺎﻧﺎ ﺃﺧﺮﻯ ﻓﺤﺎﻭﻟﺖ ﻛﺜﻴﺮﺍ ﺃﻥ ﺗﻌﻠﻢ ﻣﺎﺣﻞ ﺑﻬﺎ ... ﺇﻻ ﺃﻥ ﻧﺎﺩﻳﺔ ﻟﻢ ﺗﻜﻦ ﺍﺑﺪﺍ ﻣﻦ ﺫﻟﻚ ﺍﻟﻨﻮﻉ ﺍﻟﺬﻱ ﻳﺤﺐ ﺃﻥ ﻳﻔﻀﻲ ﺑﻤﻜﻨﻮﻧﺎﺗﻪ ﻭﻟﻢ ﻳﻜﻦ ﻣﻦ ﺍﻟﺴﻬﻞ ﻋﻠﻰ ﻧﻮﺭﺍ ﺍﺑﺪﺍ ﺳﺒﺮ ﺃﻏﻮﺍﺭﻫﺎ ﻟﺘﻌﻠﻢ ﻣﺎﺑﻬﺎ ... ﻭﻓﻲ ﺃﺣﺪ ﺍﻷﻳﺎﻡ ﻛﺎﻧﺖ ﺟﺎﻟﺴﺔ ﺑﻐﺮﻓﺘﻬﺎ ﺗﺴﺘﺮﺟﻊ ﺍﺣﺪﺍﺙ ﺫﻟﻚ ﺍﻟﻴﻮﻡ ﺣﻴﻦ ﺫﻫﺒﺖ ﺇﻟﻰ ﺍﻟﺠﺎﻣﻌﺔ ﻟﻤﺮﺓ ﻭﺍﺣﺪﺓ ﺑﻌﺪ ﻋﻮﺩﺗﻬﺎ ﺣﺘﻰ ﺗﻠﺘﻘﻲ ﺳﺎﻣﺢ ﻭﺗﺤﺎﻭﻝ ﻣﻌﻪ ﻣﺮﺓ ﺃﺧﺮﻱ ... ﺗﺬﻛﺮﺕ ﺣﻴﻦ ﺍﻗﺘﺮﺑﺖ ﻣﻨﻪ ﻓﻮﺟﺪﺗﻪ ﻳﻘﻒ ﻣﺎ ﺻﺪﻳﻘﻪ ﺗﺎﻣﺮ

" ﻓﻼﺵ ﺑﺎﻙ "

ﻧﺎﺩﻳﺔ : ﺳﺎﻣﺢ ﻟﻮ ﺳﻤﺤﺖ ﻋﺎﻳﺰﺍﻙ ﻓﻜﻠﻤﺘﻴﻦ

ﺳﺎﻣﺢ ﺑﻼ ﻣﺒﺎﻻﺓ : ﺧﻴﺮ ﻳﺎ ﻧﺎﺩﻳﺔ ﻋﺎﻳﺰﺓ ﺣﺎﺟﺔ

ﻧﻈﺮﺕ ﻧﺎﺩﻳﺔ ﺇﻟﻰ ﺗﺎﻣﺮ ﺛﻢ ﻋﺎﻭﺩﺕ ﺍﻟﻨﻈﺮ ﺇﻟﻴﻪ ﻗﺎﺋﻠﺔ :

- ﻣﻤﻜﻦ ﻧﺘﻜﻠﻢ ﺷﻮﻳﺔ ﻟﻮﺣﺪﻧﺎ ?

- ﺗﺎﻣﺮ ﺻﺎﺣﺒﻲ ﻣﺶ ﻏﺮﻳﺐ

ﺷﻌﺮ ﺗﺎﻣﺮ ﺑﺎﻟﺤﺮﺝ ﻓﺎﺳﺘﺄﺫﻥ ﻗﺎﺋﻼ :

- ﻃﻴﺐ ﺍﺳﺘﺄﺫﻥ ﺃﻧﺎ ﻳﺎ ﺟﻤﺎﻋﺔ ... ﺳﺎﻣﺢ ﺃﻧﺎ ﻣﺴﺘﻨﻴﻚ ﻓﺎﻟﻜﺎﻓﻴﺘﻴﺮﻳﺎ ﻟﺤﺪ ﻣﺎ ﺗﺨﻠﺺ

- ﻣﺎﺷﻲ ﻳﺎ ﺗﺎﻣﻮﺭﺓ

ﻏﺎﺩﺭ ﺗﺎﻣﺮ ﻓﺎﻟﺘﻔﺖ ﺳﺎﻣﺢ ﺇﻟﻰ ﻧﺎﺩﻳﺔ ﻗﺎﺋﻼ ﻭﻗﺪ ﻋﻘﺪ ﺫﺭﺍﻋﻴﻪ ﺃﻣﺎﻡ ﺻﺪﺭﻩ :

- ﻋﺎﻳﺰﺓ ﺇﻳﻪ ﻳﺎ ﻧﺎﺩﻳﺔ ?

- ﻳﻌﻨﻲ ﻣﺶ ﻋﺎﺭﻑ ?

- ﻷ ﻣﺶ ﻋﺎﺭﻑ

- ﺍﺳﻤﻊ ﻳﺎ ﺳﺎﻣﺢ ... ﺃﻧﺎ ﻣﺶ ﺟﺎﻳﺔ ﻫﻨﺎ ﻋﺸﺎﻥ ﺍﺗﺤﺎﻳﻞ ﻋﻠﻴﻚ ... ﺃﻧﺎ ﺑﺲ ﻗﻠﺖ ﺍﻛﻠﻤﻚ ﺑﺎﻟﺤﺴﻨﻰ ﻷﺧﺮ ﻣﺮﺓ ﻗﺒﻞ ﻣﺎ ﺍﺗﺼﺮﻑ ﺗﺼﺮﻑ ﻳﺨﻠﻴﻚ ﺗﻨﺪﻡ ﻋﻠﻰ ﺍﻟﻠﻲ ﻋﻤﻠﺘﻪ ﻣﻌﺎﻳﺎ ... ﻭﻻﺯﻡ ﺗﻜﻮﻥ ﻓﺎﻫﻢ ﻛﻮﻳﺲ ﺍﻥ ﺃﻧﺎ ﺩﻟﻮﻗﺘﻲ ﻣﺶ ﻋﺎﻳﺰﺓ ﺍﻟﺠﻮﺍﺯﺓ ﺩﻱ ﺍﻛﺘﺮ ﻣﻨﻚ ... ﺃﻧﺎ ﻣﺎﻳﺸﺮﻓﻨﻴﺶ ﺇﻧﻲ ﺍﺭﺗﺒﻂ ﺑﻮﺍﺣﺪ ﺣﻘﻴﺮ ﺯﻳﻚ

- ﻭﺍﻟﻤﻔﺮﻭﺽ ﺃﻧﺎﺑﻘﻰ ﺑﻌﺪ ﺍﻟﻜﻠﻤﺘﻴﻦ ﺩﻭﻝ ﺃﻗﻮﻟﻚ ﺇﻳﻪ ? ﻳﻼ ﺑﻴﻨﺎ ﻋﻠﻰ ﺍﻟﻤﺄﺫﻭﻥ ... ﺃﻧﺎ ﻗﻠﺘﻠﻚ ﺍﻟﻠﻲ ﻋﻨﺪﻱ ﻗﺒﻞ ﻛﺪﻩ ... ﺟﻮﺍﺯ ﻣﺎﺑﺘﺠﻮﺯﺵ ﻭﺍﻟﻠﻲ ﻋﺎﻳﺰﺓ ﺗﻌﻤﻠﻴﻪ ﺍﻋﻤﻠﻴﻪ

" ﺑﺎﻙ "

ﺃﻓﺎﻗﺖ ﻣﻦ ﺷﺮﻭﺩﻫﺎ ﻋﻠﻰ ﺻﻮﺕ ﻧﻮﺭﺍ ﻭﻫﻲ ﺗﺤﺪﺛﻬﺎ ﻗﺎﺋﻠﺔ :

- ﺑﺮﺿﻪ ﻣﺶ ﻋﺎﻳﺰﺓ ﺗﻘﻮﻟﻴﻠﻲ ﻣﺎﻟﻚ ﻓﻴﻜﻲ ﺇﻳﻪ ... ﻟﻴﻪ ﺑﻘﻴﺘﻲ ﻗﺎﻋﺪﺓ ﻓﺎﻭﺿﺘﻚ ﻋﻠﻄﻮﻝ ﻛﺪﻩ ﻣﺎﺑﺘﺨﺮﺟﻴﺶ ﻣﻨﻬﺎ ... ﻣﻦ ﻳﻮﻡ ﻣﺎﺭﺟﻌﺘﻲ ﻣﻦ ﺷﺮﻡ ﻣﺎﺭﻭﺣﺘﻴﺶ ﺍﻟﻜﻠﻴﺔ ﻏﻴﺮ ﻣﺮﺓ ﻭﺍﺣﺪﺓ ... ﻭﺣﺘﻰ ﺍﻟﻨﺎﺩﻱ ﻣﺎﺑﻘﺘﻴﺶ ﺑﺘﺮﻭﺣﻴﻪ ... ﻭﻻ ﺑﺘﻀﺤﻜﻲ ﻭﻻ ﺗﻬﺰﺭﻱ ﺯﻱ ﻋﺎﺩﺗﻚ

- ﺍﻧﺘﻲ ﻣﺶ ﻛﻨﺘﻲ ﻣﻀﺎﻳﻘﺔ ﻣﻦ ﻣﺮﻭﺍﺡ ﺍﻟﻨﺎﺩﻱ ﺩﻩ ... ﻏﻴﺮﺗﻲ ﺭﺃﻳﻚ ﻟﻴﻪ ﻭﻋﺎﻳﺰﺍﻧﻲ ﺍﺭﻭﺡ ﺩﻟﻮﻗﺘﻲ

- ﺍﻫﻢ ﺣﺎﺟﺔ ﻋﻨﺪﻱ ﺇﻧﻲ ﻣﺶ ﻋﺎﻳﺰﺓ ﺃﺷﻮﻓﻚ ﻓﺎﻟﺤﺎﻟﺔ ﺩﻱ ... ﻃﻴﺐ ﻫﻮ ﺍﻧﺘﻲ ﻋﺎﻣﻠﺔ ﺇﻳﻪ ﻣﻊ ﺳﺎﻣﺢ ?

ﺗﻨﻬﺪﺕ ﻗﺎﺋﻠﺔ ﺑﻀﻴﻖ ﻗﺒﻞ ﺍﻥ ﺗﺠﻴﺐ :

- ﺑﺘﺴﺄﻟﻲ ﻟﻴﻪ ? ﻣﺶ ﺳﺎﻣﺢ ﺩﻩ ﺍﻟﻠﻲ ﻣﺎﻛﻨﺘﻴﺶ ﻃﺎﻳﻘﺎﻩ ... ﻏﻴﺮﺗﻲ ﺭﺃﻳﻚ ﻓﻴﻪ ﻟﻴﻪ ?

- ﻳﻌﻨﻲ ... ﺍﻟﻤﻔﺮﻭﺽ ﺇﻧﻪ ﺧﻼﺹ ﺍﺗﻘﺪﻡ ﻟﺒﺎﺑﺎ ﻭﺧﻄﺒﻚ ﻳﻌﻨﻲ ﻃﻠﻊ ﺑﻴﺤﺒﻚ ﺑﺠﺪ ﻣﺶ ﺯﻱ ﻣﺎ ﺃﻧﺎ ﻛﻨﺖ ﻓﺎﻛﺮﺓ

- ﻗﻮﻟﻴﻠﻲ ﻳﺎ ﻧﻮﺭﺍ ... ﻫﻮ ﺳﺎﻣﺢ ﻟﻮ ﻛﺎﻥ ﻃﻠﻊ ﺯﻱ ﻣﺎ ﺍﻧﺘﻲ ﻛﻨﺘﻲ ﻓﺎﻛﺮﺓ ﻛﻨﺘﻲ ﺣﺘﻔﺮﺣﻲ ﻓﻴﺎ ?

ﺣﺪﻗﺖ ﻓﻴﻬﺎ ﻏﻴﺮ ﻣﺼﺪﻗﺔ ﻗﺒﻞ ﺃﻥ ﺗﺠﻴﺒﻬﺎ ﻗﺎﺋﻠﺔ ﺑﺪﻫﺸﺔ :

↚

- ﺃﻓﺮﺡ ﻓﻴﻜﻲ ! ﻳﺎ ﻧﺎﺩﻳﺔ ﺍﻧﺘﻲ ﺃﺧﺘﻲ ﻳﻌﻨﻲ ﺍﻛﺘﺮ ﻭﺍﺣﺪﺓ ﻓﺎﻟﺪﻧﻴﺎ ﺩﻱ ﺍﻓﺮﺡ ﻋﺸﺎﻧﻬﺎ ﻣﺶ ﺍﻓﺮﺡ ﻓﻴﻬﺎ ﺯﻱ ﻣﺎ ﺍﻧﺘﻲ ﻣﺘﺼﻮﺭﺓ ... ﻭﺑﻌﺪﻳﻦ ﺍﻧﺘﻲ ﻟﻴﻪ ﺑﺘﻘﻮﻟﻲ ﻛﺪﻩ ? ﻫﻮ ﺍﻧﺘﻲ ﻭﺳﺎﻣﺢ ﺯﻋﻼﻧﻴﻴﻦ ﻣﻊ ﺑﻌﺾ ?

- ﻣﺎﺗﺸﻐﻠﻴﺶ ﺑﺎﻟﻚ ... ﻗﻮﻟﻴﻠﻲ ﺍﻧﺘﻲ ... ﻫﻮ ﺃﻧﺎ ﻟﻴﻪ ﻣﺎﺷﻮﻓﺘﻜﻴﺶ ﻭﻻ ﻣﺮﺓ ﻗﺎﻋﺪﺓ ﻣﻊ ﻋﻠﻲ ﻣﻊ ﺇﻧﻪ ﺗﻘﺮﻳﺒﺎ ﻛﻞ ﻳﻮﻡ ﻫﻨﺎ ... ﺩﻩ ﺣﺘﻰ ﻟﻤﺎ ﺑﻴﻴﺠﻲ ﺑﺘﻔﻀﻠﻲ ﻓﺎﻭﺿﺘﻚ ﻣﺎﺗﺨﺮﺟﻴﺶ ﻣﻨﻬﺎ ... ﺑﻴﻴﺠﻲ ﻭﻳﻤﺸﻲ ﻣﻦ ﻏﻴﺮ ﺣﺘﻰ ﻣﺎ ﺗﺸﻮﻓﻮﺍ ﺑﻌﺾ

ﻣﻄﺖ ﻧﻮﺭﺍ ﺷﻔﺘﻴﻬﺎ ﻗﺎﺋﻠﺔ ﻓﻲ ﺣﻴﺮﺓ :

- ﻋﻠﻤﻲ ﻋﻠﻤﻚ ... ﻫﻮ ﻣﺎ ﺣﺎﻭﻟﺶ ﻭﻻ ﻣﺮﺓ ﺇﻧﻪ ﻳﻜﻠﻤﻨﻲ ﻭﺃﻧﺎ ﻃﺒﻌﺎ ﻋﻤﺮﻱ ﻣﺎ ﺣﺎﺭﻭﺡ ﺍﻛﻠﻤﻪ ﻣﻦ ﻧﻔﺴﻲ ﻛﺪﻩ

- ﺧﻠﻲ ﺑﺎﻟﻚ ﻣﻦ ﻋﻠﻲ ﻳﺎ ﻧﻮﺭﺍ ... ﻋﻠﻲ ﺇﻧﺴﺎﻥ ﻛﻮﻳﺲ ... ﻭﺍﻧﺘﻮﺍ ﺍﻻﺗﻨﻴﻦ ﺗﺴﺘﺎﻫﻠﻮﺍ ﺑﻌﺾ

ﻛﺎﺩ ﺣﺎﺟﺒﺎﻫﺎ ﺃﻥ ﻳﻠﺘﺼﻘﺎ ﻣﻦ ﻓﺮﻁ ﺩﻫﺸﺘﻬﺎ ... ﻗﺎﻟﺖ ﺍﺧﻴﺮﺍ ﺑﻌﺪ ﻓﺘﺮﺓ ﻣﻦ ﺍﻟﺼﻤﺖ :

- ﻏﺮﻳﺒﺔ ﻣﺎﻛﺎﻧﺶ ﺩﻩ ﺭﺃﻳﻚ ﻓﻴﻪ ﻗﺒﻞ ﻛﺪﻩ

ﺍﺳﻨﺪﺕ ﺭﺃﺳﻬﺎ ﻟﻠﻮﺭﺍﺀ ﺛﻢ ﺯﻓﺮﺕ ﻗﺎﺋﻠﺔ :

- ﻣﺎﻓﻴﺶ ﺣﺎﺟﺔ ﺑﺘﻔﻀﻞ ﻋﻠﻰ ﺣﺎﻟﻬﺎ ﻓﺎﻟﺪﻧﻴﺎﺩﻱ ... ﺑﻘﻮﻟﻚ ﺇﻳﻪ ﻳﺎ ﻧﻮﺭﺍ ... ﻫﻮ ﻋﻠﻲ ﻟﺴﻪ ﻓﺎﻭﺿﺔ ﺍﻟﻤﻜﺘﺐ ﻣﻊ ﺑﺎﺑﺎ ?

- ﺍﻳﻮﻩ ... ﺍﻟﻴﻮﻣﻴﻦ ﺩﻭﻝ ﻋﻨﺪﻫﻢ ﺷﻐﻞ ﻛﺘﻴﺮ ﻋﺸﺎﻥ ﺍﻟﺼﻔﻘﺔ ﺑﺘﺎﻋﺔ ﺇﻳﻄﺎﻟﻴﺎ ﺩﻱ ﻣﻌﺎﺩﻫﺎ ﻗﺮﺏ ﺗﻘﺮﻳﺒﺎ ... ﺑﻴﻴﺠﻮﺍ ﻳﻜﻤﻠﻮﺍ ﺷﻐﻠﻬﻢ ﻫﻨﺎ

- ﻃﻴﺐ ﺑﻘﻮﻟﻚ ﺇﻳﻪ ... ﺍﻧﺎ ﻛﻨﺖ ﻋﺎﻳﺰﺓ ﺍﺗﻜﻠﻢ ﻣﻊ ﺑﺎﺑﺎ ﻓﻤﻮﺿﻮﻉ ﻣﻬﻢ .

- ﺍﺳﺘﻨﻲ ﺷﻮﻳﺔ ﻟﻤﺎ ﻋﻠﻲ ﻳﻤﺸﻰ ﻭﺍﺩﺧﻠﻲ ﺍﺗﻜﻠﻤﻲ ﻣﻌﺎﻩ

- ﻷﻣﺶ ﺣﻴﻨﻔﻊ ... ﺣﺎﺳﺔ ﺇﻧﻲ ﻣﺨﻨﻮﻗﺔ ﺍﻭﻱ ﻭﺣﻴﺠﺮﺍﻟﻲ ﺣﺎﺟﺔ ﻟﻮ ﻣﺎ ﺍﺗﻜﻠﻤﺘﺶ ﻣﻌﺎﻩ ﺩﻟﻮﻗﺘﻲ ... ﺑﻘﻮﻟﻚ ﺍﻳﻪ ... ﺍﻧﺎ ﺣﺎﺩﺧﻞ ﺃﻗﻮﻟﻪ ﺇﻧﻲ ﻋﺎﻳﺰﺍﻩ ﻓﻤﻮﺿﻮﻉ ﺿﺮﻭﺭﻱ ﻭﺑﻌﺪﻳﻦ ﻋﻠﻲ ﺣﻴﺨﺮﺝ ﻭﻳﺴﻴﺒﻨﺎ ﻟﻮﺣﺪﻧﺎ ... ﺗﻌﺎﻟﻲ ﺍﻧﺘﻲ ﺑﻘﻰ ﺍﻧﺰﻟﻲ ﻣﻌﺎﻳﺎ ﺗﺤﺖ ﻭﻟﻤﺎ ﻋﻠﻲ ﻳﺨﺮﺝ ﺍﻗﻌﺪﻱ ﻣﻌﺎﻩ ﻋﻠﻰ ﻣﺎ ﺍﺧﻠﺺ ﻛﻼﻡ ﻣﻊ ﺑﺎﺑﺎ

- ﺇﻳﻪ ﺩﻩ ﺃﻧﺎ ﺍﻗﻌﺪ ﻣﻌﺎﻩ ﻟﻮﺣﺪﻧﺎ ... ﻷ ﻃﺒﻌﺎ

- ﻧﻮﺭﺍ ﻣﺶ ﻭﻗﺖ ﻛﺴﻮﻑ ﺍﻟﻠﻪ ﻳﺨﻠﻴﻜﻲ ... ﻭﺑﻌﺪﻳﻦ ﺩﻱ ﺍﻭﻝ ﻣﺮﺓ ﺍﻃﻠﺐ ﻣﻨﻚ ﺣﺎﺟﺔ ﻣﻌﻘﻮﻝ ﺣﺘﻜﺴﻔﻴﻨﻲ

- ﻳﺎ ﻧﺎﺩﻳﺔ ﺻﺪﻗﻴﻨﻲ ﻣﺶ ﺣﻴﻨﻔﻊ

- ﺧﻼﺹ ﺍﻧﺘﻲ ﺣﺮﺓ ... ﺃﻧﺎ ﺑﺲ ﻛﻨﺖ ﻋﺎﻳﺰﺓ ﺃﺧﺪﻣﻚ

ﻫﻤﺖ ﻧﺎﺩﻳﺔ ﺍﻥ ﺗﻐﺎﺩﺭ ﻟﻜﻦ ﻧﻮﺭﺍ ﺃﻭﻗﻔﺘﻬﺎ ﻗﺎﺋﻠﺔ ﺑﺘﺮﺩﺩ :

- ﻃﻴﺐ ﺍﺳﺘﻨﻲ ﺃﻧﺎ ﺟﺎﻳﺔ ﻣﻌﺎﻛﻲ ﺁﻫﻮﻩ

- ﻣﺎﻛﺎﻥ ﻣﻦ ﺍﻷﻭﻝ ... ﻃﻴﺐ ﻳﻼ ﺑﻘﻰ ﺍﺣﺴﻦ ﺑﺎﺑﺎ ﻳﺨﻠﺺ ﻭﻳﺪﺧﻞ ﻳﻨﺎﻡ

ﻧﺰﻟﺖ ﻛﻞ ﻣﻨﻬﻤﺎ ﺍﻟﺪﺭﺝ ﻭﻭﻗﻔﺖ ﻧﻮﺭﺍ ﺃﻣﺎﻡ ﺑﺎﺏ ﺍﻟﻤﻜﺘﺐ ﻓﻲ ﺣﻴﻦ ﻃﺮﻗﺖ ﻧﺎﺩﻳﺔ ﺍﻟﺒﺎﺏ ﻟﻴﺄﺗﻴﻬﺎ ﺻﻮﺕ ﻭﺍﻟﺪﻫﺎ ﻗﺎﺋﻼ : ﺍﺩﺧﻞ ... ﻭﻣﺎ ﺇﻥ ﺭﺃﻫﺎ ﺣﺘﻰ ﺍﺑﺘﺴﻢ ﻟﻬﺎ ﻗﺎﺋﻼ :

- ﺗﻌﺎﻟﻲ ﻳﺎ ﻧﺎﺩﻳﺔ ... ﺧﻴﺮ ﻳﺎ ﺣﺒﻴﺒﺘﻲ ﻋﺎﻳﺰﺓ ﺣﺎﺟﺔ ?

ﺳﻠﻤﺖ ﻧﺎﺩﻳﺔ ﻋﻠﻰ ﻋﻠﻲ ﺛﻢ ﻗﺎﻟﺖ ﺑﺠﺪﻳﺔ :

- ﻟﻮ ﺳﻤﺤﺖ ﻳﺎ ﺑﺎﺑﺎ ﻛﻨﺖ ﻋﺎﻳﺰﺓ ﺍﺗﻜﻠﻢ ﻣﻊ ﺣﻀﺮﺗﻚ ﻓﻤﻮﺿﻮﻉ ﻣﻬﻢ

- ﻃﻴﺐ ﺍﻟﻤﻮﺿﻮﻉ ﺩﻩ ﻣﺎﻳﻨﻔﻌﺶ ﻳﺘﺄﺟﻞ ﻟﻠﺼﺒﺢ ﻳﻌﻨﻲ ... ﺍﺻﻠﻲ ﻣﺸﻐﻮﻝ ﺩﻟﻮﻗﺘﻲ ﺯﻱ ﻣﺎ ﺍﻧﺘﻲ ﺷﺎﻳﻔﺔ

- ﺻﺪﻗﻨﻲ ﻳﺎ ﺑﺎﺑﺎ ﺩﻩ ﻣﺎﻳﻨﻔﻌﺶ ﻳﺘﺄﺟﻞ ﺩﻗﻴﻘﺔ ﻭﺍﺣﺪﺓ ﺣﺘﻰ

ﺷﻌﺮ ﺻﻔﻮﺕ ﺑﺎﻟﻘﻠﻖ ﻣﻦ ﺣﺪﻳﺜﻬﺎ ﻭﺑﺪﺍ ﻋﻠﻴﻪ ﺍﻹﻫﺘﻤﺎﻡ ﻭﻫﻮ ﻳﺠﻴﺒﻬﺎ ﻗﺎﺋﻼ :

- ﻳﺎﺍﺍﻩ ﻟﻠﺪﺭﺟﺔﺩﻱ ... ﻃﻴﺐ ﺍﻗﻌﺪﻱ ﻳﺎ ﺣﺒﻴﺒﺘﻲ

ﺟﻠﺴﺖ ﻧﺎﺩﻳﺔ ﻓﺎﺳﺘﺄﺫﻥ ﻋﻠﻲ ﻟﻴﻐﺎﺩﺭ ... ﺳﻤﺢ ﻟﻪ ﻋﻤﻪ ﺑﺎﻟﻤﻐﺎﺩﺭﺓ ﻣﻊ ﺗﺄﻛﻴﺪﻩ ﻋﻠﻲ ﺍﻥ ﻳﺒﻘﻰ ﺣﺘﻲ ﻳﺴﺘﻜﻤﻼﻥ ﻋﻤﻠﻬﻤﺎ ... ﺧﺮﺝ ﻋﻠﻲ ﻭﺑﻘﻴﺖ ﻧﺎﺩﻳﺔ ﻟﺘﻘﺺ ﻋﻠﻰ ﻭﺍﻟﺪﻫﺎ ﺗﻔﺎﺻﻴﻞ ﺭﺣﻠﺔ ﺷﺮﻡ ﺍﻟﺸﻴﺦ ﻭﻣﺎﺣﺪﺙ ﻓﻴﻬﺎ ... ﺑﻴﻨﻤﺎ ﻓﻲ ﺍﻟﺨﺎﺭﺝ ﻛﺎﻧﺖ ﻧﻮﺭﺍ ﺗﻘﻒ ﺍﻣﺎﻡ ﺑﺎﺏ ﺍﻟﻤﻜﺘﺐ ﺣﻴﻨﻤﺎ ﺧﺮﺝ ﻋﻠﻲ ﻟﻴﺠﺪﻫﺎ ﻓﺸﻌﺮ ﺑﺎﻹﺭﺗﺒﺎﻙ ﻟﻤﺮﺃﻫﺎ ﻭﺷﻌﺮﺕ ﻫﻲ ﺍﻷﺧﺮﻯ ﺑﺎﻹﺭﺗﺒﺎﻙ ﻟﺮﺅﻳﺘﻪ ... ﺍﺳﺘﺪﺍﺭﺕ ﻛﻲ ﺗﻐﺎﺩﺭ ﻟﻜﻦ ﻋﻠﻲ ﺍﺳﺘﻮﻗﻔﻬﺎ ﻗﺎﺋﻼ :

- ﻧﻮﺭﻫﺎﻥ ﺍﺳﺘﻨﻲ

ﺍﺳﺘﺪﺍﺭﺕ ﻣﺮﺓ ﺃﺧﺮﻯ ﻟﺘﺼﺒﺢ ﻓﻲ ﻣﻮﺍﺟﻬﺘﻪ ﻭﻗﺎﻟﺖ ﻭﻫﻲ ﺗﻔﺮﻙ ﻛﻔﻴﻬﺎ ﻓﻲ ﺗﻮﺗﺮ ﻣﻠﺤﻮﻅ :

- ﺍﺯﻳﻚ ﻳﺎ ﻋﻠﻲ

- ﺃﻧﺎ ﻛﻮﻳﺲ ﺍﻟﺤﻤﺪ ﻟﻠﻪ ... ﺍﻧﺘﻲ ﻋﺎﻣﻠﺔ ﺇﻳﻪ

- ﺍﻟﺤﻤﺪ ﻟﻠﻪ ﺑﺨﻴﺮ

- ﻋﺎﻣﻠﺔ ﺇﻳﻪ ﻓﻲ ﺍﻟﻜﻠﻴﺔ ?

ﺃﺟﺎﺑﺘﻪ ﻭﻫﻲ ﺗﺨﻔﺾ ﺑﺼﺮﻫﺎ ﺃﺭﺿﺎ :

- ﺑﺬﺍﻛﺮ ﻛﻮﻳﺲ ﺍﻟﺤﻤﺪ ﻟﻠﻪ

- ﺷﺪﻱ ﺣﻴﻠﻚ ﺧﻼﺹ ﺍﻹﻣﺘﺤﺎﻧﺎﺕ ﻣﺶ ﻓﺎﺿﻞ ﻋﻠﻴﻬﺎ ﻛﺘﻴﺮ

- ﺍﻥ ﺷﺎﺀﺍﻟﻠﻪ ... ﺛﻢ ﻗﺎﻟﺖ ﻭﻫﻲ ﺗﺸﻴﺮ ﺇﻟﻰ ﺍﺣﺪ ﺍﻷﺭﺍﺋﻚ :

- ﺍﺗﻔﻀﻞ ﺍﻗﻌﺪ ﻭﺍﻗﻒ ﻟﻴﻪ ?

- ﻻ ﻣﺎﻓﻴﺶ ﺩﺍﻋﻲ ﺃﻧﺎ ﺍﺻﻠﻲ ﺩﺍﺧﻞ ﺗﺎﻧﻲ ﻟﻌﻤﻲ

- ﺧﻼﺹ ﺑﺮﺍﺣﺘﻚ

- ﻧﻮﺭﻫﺎﻥ ﻣﻤﻜﻦ ﺍﺳﺄﻟﻚ ﺳﺆﺍﻝ ﻭﺗﺠﺎﻭﺑﻴﻨﻲ ﻋﻠﻴﻪ ﺑﺼﺮﺍﺣﺔ ?

- ﺁﻩ ﻃﺒﻌﺎ ﺍﺗﻔﻀﻞ

- ﻫﻴﺎ ﻧﺎﺩﻳﺔ ﻓﻌﻼ ﻋﺎﻳﺰﺓ ﻋﻤﻲ ﻓﻤﻮﺿﻮﻉ ﻭﻻ ﺍﻧﺘﻲ ﺍﻟﻠﻲ ﻃﻠﺒﺘﻲ ﻣﻨﻬﺎ ﺗﻌﻤﻞ ﻛﺪﻩ ﻋﺸﺎﻥ ﺃﺧﺮﺝ ﻭﺍﻗﻌﺪ ﻣﻌﺎﻛﻲ ?

ﻇﻬﺮ ﺍﻟﻀﻴﻖ ﺟﻠﻴﺎ ﻋﻠﻰ ﻣﻼﻣﺢ ﻭﺟﻬﻬﺎ ﺛﻢ ﺍﺟﺎﺑﺖ ﻗﺎﺋﻠﺔ ﺑﺤﺪﺓ :

- ﻻ ﻃﺒﻌﺎ ... ﺍﻧﺖ ﺍﺯﺍﻱ ﺗﻔﻜﺮ ﺍﻥ ﺃﻧﺎ ﻣﻤﻜﻦ ﺍﻋﻤﻞ ﺣﺎﺟﺔ ﺯﻱ ﻛﺪﻩ ? ﻭﻋﻤﻮﻣﺎ ﻟﻮ ﻣﻀﺎﻳﻖ ﺍﻭﻱ ﺍﻧﻚ ﻭﺍﻗﻒ ﻣﻌﺎﻳﺎ ﻓﻤﺎﻓﻴﺶ ﺩﺍﻋﻲ ﺍﻧﻚ ﺗﻀﺎﻳﻖ ﻧﻔﺴﻚ ... ﻋﻦ ﺇﺫﻧﻚ ﺍﻧﺎ ﻃﺎﻟﻌﺔ ﺃﻭﺿﺘﻲ ﻭﺗﻘﺪﺭ ﺗﺎﺧﺪ ﺭﺍﺣﺘﻚ

ﻟﻢ ﺗﻨﺘﻈﺮ ﻣﻨﻪ ﺟﻮﺍﺑﺎ ﻭﺟﺮﺕ ﻣﺴﺮﻋﺔ ﺗﺼﻌﺪ ﺍﻟﺪﺭﺝ ﺇﻟﻰ ﺍﻷﻋﻠﻰ ﻭﻫﻲ ﺗﻠﻌﻦ ﻧﻔﺴﻬﺎ ﺃﻥ ﻋﻤﻠﺖ ﺑﻜﻼﻡ ﻧﺎﺩﻳﺔ ... ﺃﻣﺎ ﻫﻮ ﻓﺒﻘﻲ ﻭﺍﻗﻔﺎ ﻳﺘﻤﺘﻢ ﻗﺎﺋﻼ : ﺇﻳﻪ ﺍﻟﺴﺆﺍﻝ ﺍﻟﻐﺒﻲ ﺍﻟﻠﻲ ﺃﻧﺎ ﺳﺄﻟﺘﻪ ﺩﻩ ?

ﺍﺗﺎﻫﺎ ﺻﻮﺕ ﻭﺍﻟﺪﻫﺎ ﺍﻟﻌﺎﻟﻲ ﺍﻟﺬﻱ ﻛﺎﻥ ﻗﺎﺩﻣﺎ ﻣﻦ ﻏﺮﻓﺔ ﺍﻟﻤﻜﺘﺐ ﻓﺘﻮﻗﻔﺖ ﻋﻦ ﺍﻟﺼﻌﻮﺩ ... ﻭﻋﻨﺪﻣﺎ ﺍﺯﺩﺍﺩﺕ ﻧﺒﺮﺓ ﺻﻮﺗﻪ ﺇﺭﺗﻔﺎﻋﺎ ﻧﺰﻟﺖ ﻣﺴﺮﻋﺔ ﻭﺍﺗﺠﻬﺖ ﻧﺤﻮ ﺍﻟﻐﺮﻓﺔ ﻳﺴﺒﻘﻬﺎ ﻋﻠﻲ ﺍﻟﺬﻱ ﻓﺘﺢ ﺍﻟﺒﺎﺏ ﺛﻢ ﺩ ﺧﻞ ﻟﺘﺘﺒﻌﻪ ﻫﻲ ﻭﺗﻨﻈﺮ ﺇﻟﻲ ﻧﺎﺩﻳﺔ ﺍﻟﺘﻲ ﻛﺎﻧﺖ ﺗﺒﻜﻲ ﻭﻫﻲ ﺗﺘﺤﺴﺲ ﻭﺟﻨﺘﻬﺎ ﺑﻴﺪﻫﺎ ﻭﻗﺪ ﺗﺮﻛﺖ ﺃﺻﺎﺑﻊ ﻭﺍﻟﺪﻫﺎ ﺍﺛﺮﺍ ﻭﺍﺿﺤﺎ ﻋﻠﻴﻬﺎ ﺛﻢ ﺗﻘﻮﻝ ﺑﻔﺰﻉ : ﻣﺎﻟﻚ ﻳﺎ ﻧﺎﺩﻳﺔ ? ﻓﻴﻪ ﺇﻳﻪ ﻳﺎ ﺑﺎﺑﺎ ?

- ﻋﻠﻲ ﺑﻘﻠﻖ : ﻓﻴﻪ ﺣﺎﺟﺔ ﻳﺎ ﻋﻤﻲ ?

ﺍﺷﺎﺭ ﺇﻟﻴﻪ ﺻﻔﻮﺕ ﻟﻴﺪﺧﻞ ﺛﻢ ﺻﺎﺡ ﻓﻲ ﺇﻧﻔﻌﺎﻝ :

- ﺗﻌﺎﻟﻰ ﻳﺎ ﻋﻠﻲ ﻳﺎ ﺍﺑﻨﻲ ﺷﻮﻑ ﺍﻟﻤﺼﻴﺒﺔ ﺍﻟﻠﻲ ﻋﻤﻚ ﻓﻴﻬﺎ

- ﺧﻴﺮ ﻳﺎ ﻋﻤﻲ ... ﻣﺼﻴﺒﺔ ﺇﻳﻪ ﺩﻱ ?

ﻧﻈﺮ ﺻﻔﻮﺕ ﺇﻟﻰ ﻧﺎﺩﻳﺔ ﻗﺎﺋﻼ :

- ﺍﺗﻔﻀﻠﻲ ﺍﺣﻜﻲ ﻹﺑﻦ ﻋﻤﻚ ﻋﻦ ﺍﻟﻤﺼﻴﺒﺔ ﺍﻟﻠﻲ ﻋﻤﻠﺘﻴﻬﺎ

ﻧﻜﺴﺖ ﺭﺃﺳﻬﺎ ﻭﻗﺎﻟﺖ ﻭﻫﻲ ﻣﺎﺯﺍﻟﺖ ﺗﺒﻜﻲ :

- ﻳﺎﺑﺎﺑﺎ ﻗﻠﺖ ﻟﺤﻀﺮﺗﻚ ﻣﺎﻛﻨﺘﺶ ﻓﻲ ﻭﻋﻴﻲ ... ﺣﻄﻠﻲ ﻣﻨﻮﻡ ﻓﺎﻟﻌﺼﻴﺮ ﺍﻟﻠﻲ ﺷﺮﺑﺘﻪ

ﺍﺷﺎﺡ ﺑﻴﺪﻩ ﻗﺎﺋﻼ ﻓﻲ ﺇﻋﺘﺮﺍﺽ :

- ﻭﺍﻧﺘﻲ ﺇﻳﻪ ﺍﻟﻠﻲ ﻳﺨﻠﻴﻜﻲ ﺗﺮﻭﺣﻲ ﻣﻌﺎﻩ ﻣﻦ ﺃﺳﺎﺳﻪ ?

- ﻧﻮﺭﺍ ﺑﺪﻫﺸﺔ : ﻫﻮ ﻣﻴﻦ ﺩﻩ ﻳﺎ ﻧﺎﺩﻳﺔ ﻭﺭﻭﺣﺘﻲ ﻣﻌﺎﻩ ﻓﻴﻦ ... ﺃﻧﺎ ﻣﺶ ﻓﺎﻫﻤﺔ ﺣﺎﺟﺔ

ﻧﻈﺮﺕ ﻧﺎﺩﻳﺔ ﺇﻟﻰ ﻭﺍﻟﺪﻫﺎ ﻗﺎﺋﻠﺔ ﺑﺈﺳﺘﻨﻜﺎﺭ :

- ﺣﻀﺮﺗﻚ ﻋﺎﺟﺒﻚ ﺍﻟﻔﻀﺎﻳﺢ ﺍﻟﻠﻲ ﺍﺣﻨﺎ ﻓﻴﻬﺎ ﺩﻱ ?

- ﺻﻔﻮﺕ ﺑﺈﻧﻔﻌﺎﻝ : ﻫﻮ ﺍﺣﻨﺎ ﻟﺴﻪ ﺷﻮﻓﻨﺎ ﻓﻀﺎﻳﺢ ... ﻭﺑﻌﺪﻳﻦ ﺍﻧﺘﻲ ﻟﻴﻜﻲ ﻋﻴﻦ ﻛﻤﺎﻥ ﺗﺘﻜﻠﻤﻲ ... ﺗﻘﺪﺭﻱ ﺗﻘﻮﻟﻴﻠﻲ ﺍﻋﻤﻞ ﺇﻳﻪ ﺃﻧﺎ ﺩﻟﻮﻗﺘﻲ ?

ﺗﺪﺧﻞ ﻋﻠﻲ ﻣﺤﺎﻭﻻ ﺗﻬﺪﺋﺔ ﺛﻮﺭﺓ ﻋﻤﻪ ﻓﻘﺎﻝ ﺑﺠﺪﻳﺔ :

- ﻣﻤﻜﻦ ﻳﺎ ﻋﻤﻲ ﺑﺲ ﺣﻀﺮﺗﻚ ﺗﻬﺪﻯ ﻧﻔﺴﻚ ﺷﻮﻳﺔ ﻋﺸﺎﻥ ﺻﺤﺘﻚ ﻭﺗﻔﻬﻤﻨﺎ ﻓﻲ ﺇﻳﻪ ﺑﺎﻟﻈﺒﻂ ... ﻭﻣﻴﻦ ﺍﻟﻠﻲ ﺣﻀﺮﺗﻚ ﺑﺘﺘﻜﻠﻢ ﻋﻨﻪ ﺩﻩ ?

ﺃﺧﺬ ﻧﻔﺴﺎ ﻋﻤﻴﻘﺎ ﻗﺒﻞ ﺃﻥ ﻳﻘﻮﻝ :

- ﺍﻟﻬﺎﻧﻢ ﺭﺍﺣﺖ ﻣﻊ ﺍﻷﺳﺘﺎﺫ ﺳﺎﻣﺢ ﺧﻄﻴﺒﻬﺎ ﺍﻟﺸﺎﻟﻴﻪ ﺑﺘﺎﻋﻬﻢ ﻓﺸﺮﻡ ... ﻭﺍﻟﺒﻴﻪ ﺣﻄﻠﻬﺎ ﻣﻨﻮﻡ ﻓﺎﻟﻌﺼﻴﺮ ﻭﺍﻋﺘﺪﻯ ﻋﻠﻴﻬﺎ ﻭﺩﻟﻮﻗﺘﻲ ﺭﺍﻓﺾ ﺇﻧﻪ ﻳﺘﺠﻮﺯﻫﺎ ... ﻗﻮﻟﻲ ﻳﺎ ﻋﻠﻲ ... ﺍﻋﻤﻞ ﺇﻳﻪ ﻭﺍﺣﻠﻬﺎ ﺍﺯﺍﻱ ﺑﺲ

ﻭﺿﻌﺖ ﻧﻮﺭﺍ ﻳﺪﻫﺎ ﻋﻠﻰ ﻓﻤﻬﺎ ﻟﺘﻜﺘﻢ ﺷﻬﻘﺘﻬﺎ ﺑﻴﻨﻤﺎ ﻇﻞ ﻋﻠﻲ ﺻﺎﻣﺘﺎ ﻟﻔﺘﺮﺓ ﻳﺤﺎﻭﻝ ﺇﺳﺘﻴﻌﺎﺏ ﻣﺎﺳﻤﻌﻪ ﻣﻨﺬ ﻗﻠﻴﻞ ﺛﻢ ﺗﺤﺪﺙ ﺍﺧﻴﺮﺍ ﻗﺎﺋﻼ ﺑﺠﺪﻳﺔ :

- ﻭﻫﻴﺎ ﺩﻱ ﻓﻴﻬﺎ ﻛﻼﻡ ﻳﺎ ﻋﻤﻲ ... ﻃﺒﻌﺎ ﻻﺯﻡ ﻳﺘﺠﻮﺯﻫﺎ

ﻧﻈﺮﺕ ﻧﺎﺩﻳﺔ ﺇﻟﻰ ﻭﺍﻟﺪﻫﺎ ﻭﻗﺎﻟﺖ ﺑﺄﺳﻰ :

- ﻟﻴﻪ ﻳﺎ ﺑﺎﺑﺎ ﻋﻤﻠﺖ ﻛﺪﻩ ? ﻣﻌﻘﻮﻝ ﺣﻀﺮﺗﻚ ﺗﻔﻀﺤﻨﻲ ﺑﺎﻟﺸﻜﻞ ﺩﻩ ?

- ﺍﻓﻀﺤﻚ ﺍﺩﺍﻡ ﻣﻴﻦ ﻳﺎ ﻣﺪﺍﻡ ... ﺩﻱ ﺃﺧﺘﻚ ﻭﺩﻩ ﺍﺑﻦ ﻋﻤﻚ ﻳﻌﻨﻲ ﺳﻤﻌﺘﻬﻢ ﻣﻦ ﺳﻤﻌﺘﻚ ﻳﺎ ﻫﺎﻧﻢ ... ﺛﻢ ﺇﻥ ﻋﻠﻲ ﻫﻮ ﺍﻟﻮﺣﻴﺪ ﺍﻟﻠﻲ ﺣﺎﻗﺪﺭ ﺍﻋﺘﻤﺪ ﻋﻠﻴﻪ ﺇﻧﻪ ﻳﺸﻮﻑ ﻣﻌﺎﻳﺎ ﺣﻞ ﻟﻠﻤﺼﻴﺒﺔ ﺍﻟﻠﻲ ﺍﻧﺘﻲ ﻭﻗﻌﺘﻴﻨﺎ ﻓﻴﻬﺎ ﺩﻱ ... ﺑﻘﻰ ﺍﻧﺘﻲ ﻧﺎﺩﻳﺔ ﺍﻟﻠﻲ ﻛﻨﺖ ﺑﺎﻗﻮﻝ ﻋﻠﻴﻬﺎ ﻭﺍﻋﻴﺔ ﻭﺷﺎﻃﺮﺓ ﻭﻣﺎﺣﺪﺵ ﻳﻘﺪﺭ ﻳﻀﺤﻚ ﻋﻠﻴﻬﺎ

ﺟﺮﺕ ﻧﺎﺩﻳﺔ ﻣﺴﺮﻋﺔ ﺇﻟﻲ ﻏﺮﻓﺘﻬﺎ ﻭﺗﺒﻌﺘﻬﺎ ﻧﻮﺭﺍ ﻭﺑﻘﻲ ﻋﻠﻲ ﻭﺻﻔﻮﺕ ﻳﺤﺎﻭﻻﻥ ﺇﻳﺠﺎﺩ ﺣﻞ

- ﺍﻋﻤﻞ ﺇﻳﻪ ﻳﺎ ﻋﻠﻲ ? ﺍﺭﻭﺡ ﺃﻗﻮﻟﻪ ﺗﻌﺎﻟﻰ ﺍﺗﺠﻮﺯ ﺑﻨﺘﻲ ﺑﻌﺪ ﺍﻟﻠﻲ ﻋﻤﻠﺘﻪ ﻓﻴﻬﺎ ... ﺻﻌﺒﺔ ﻋﻠﻴﺎ ﺍﻭﻱ ﺩﻱ ﻳﺎ ﺍﺑﻨﻲ

- ﺣﻀﺮﺗﻚ ﻣﺎ ﺗﺸﻴﻠﺶ ﻫﻢ ﻳﺎ ﻋﻤﻲ ... ﺃﻧﺎ ﺍﻓﺪﻳﻚ ﺑﺮﻗﺒﺘﻲ

- ﺻﻔﻮﺕ ﺑﺪﻫﺸﺔ : ﺍﻧﺖ ﺗﻘﺼﺪ ﺇﻳﻪ ﻳﺎ ﻋﻠﻲ ﺑﺎﻟﻜﻼﻡ ﺩﻩ ? ﻧﺎﻭﻱ ﻋﻠﻰ ﺇﻳﻪ ﻳﺎ ﺍﺑﻨﻲ ?

- ﺃﻧﺎ ﺍﻟﻠﻲ ﺣﺎﺭﻭﺡ ﻭﺍﺟﻴﺒﻪ ﻟﺤﺪ ﻫﻨﺎ ﻋﺸﺎﻥ ﻳﺘﺠﻮﺯﻫﺎ ... ﻭﻟﻮ ﻣﺎ ﻛﺎﻧﺶ ﺑﺎﻟﺬﻭﻕ ﻳﺒﻘﻰ ﺑﺎﻟﻌﺎﻓﻴﺔ .........

ﻳﺘﺒﻊ

↚

ﺣﺪﻕ ﻓﻴﻪ ﺻﻔﻮﺕ ﺛﻢ ﻗﺎﻝ ﺑﺪﻫﺸﺔ :

- ﻓﻬﻤﻨﻲ ﻳﺎ ﺍﺑﻨﻲ ﺣﺘﻌﻤﻞ ﺇﻳﻪ ... ﻭﺇﻳﻪ ﺍﻟﻠﻲ ﺍﻧﺖ ﻧﺎﻭﻱ ﻋﻠﻴﻪ ﺑﺎﻟﻈﺒﻂ ?

- ﺣﺎﺭﻭﺣﻠﻪ ﺩﻟﻮﻗﺘﻲ ... ﺍﻛﻴﺪ ﻧﺎﺩﻳﺔ ﻋﺎﺭﻓﺔ ﺍﻷﻣﺎﻛﻦ ﺍﻟﻠﻲ ﺑﻴﺴﻬﺮ ﻓﻴﻬﺎ ... ﻭﻋﺎﺭﻓﺔ ﻣﻤﻜﻦ ﻳﻜﻮﻥ ﻓﻴﻦ ﺩﻟﻮﻗﺘﻲ

- ﻣﻌﺎﻙ ﺣﻖ ﻳﺎ ﻋﻠﻲ ... ﺃﻧﺎ ﺣﺎﻃﻠﻊ ﺍﺳﺄﻟﻬﺎ ﻭﺍﻋﺮﻑ ﻣﻜﺎﻧﻪ ﺑﺎﻟﻈﺒﻂ ﻭﺭﺍﺟﻌﻠﻚ ﻋﻠﻄﻮﻝ

ﻭﺑﺎﻟﻔﻌﻞ ﺻﻌﺪ ﺻﻔﻮﺕ ﺇﻟﻰ ﻏﺮﻓﺔ ﻧﺎﺩﻳﺔ ﻭﺑﻘﻲ ﻋﻠﻲ ﻭﺣﺪﻩ ﺑﻐﺮﻓﺔ ﺍﻟﻤﻜﺘﺐ ﻳﻔﻜﺮ ﻓﻴﻤﺎ ﺳﻮﻑ ﻳﻔﻌﻠﻪ ﻋﻨﺪﻣﺎ ﻳﻘﺎﺑﻞ ﺫﻟﻚ ﺍﻟﺴﺎﻣﺢ .

*************************************

ﺇﻳﻪ ! ﺩﻳﺴﻜﻮ !

ﻧﻄﻖ ﻋﻠﻲ ﺑﻬﺬﻩ ﺍﻟﻜﻠﻤﺎﺕ ﺣﻴﻦ ﺍﺧﺒﺮﻩ ﻋﻤﻪ ﺑﺬﻟﻚ ﺍﻟﻤﻜﺎﻥ ﺍﻟﺬﻱ ﻳﻌﺘﺎﺩ ﺳﺎﻣﺢ ﺍﻟﺴﻬﺮ ﻓﻴﻪ ﻛﻞ ﻟﻴﻠﺔ ﻣﻊ ﺑﻌﺾ ﺃﺻﺪﻗﺎﺋﻪ

- ﺍﻳﻮﻩ ﻳﺎ ﺍﺑﻨﻲ ... ﺍﻟﻬﺎﻧﻢ ﺑﺘﻘﻮﻝ ﺇﻧﻪ ﻣﺘﻌﻮﺩ ﻳﺴﻬﺮ ﻫﻨﺎﻙ ﻛﻞ ﻳﻮﻡ ﻣﻊ ﺍﺻﺤﺎﺑﻪ

- ﻭﺃﻧﺎ ﺣﺎﺭﻭﺣﻠﻪ ﺍﻟﺪﻳﺴﻜﻮ ﺩﻩ ﻳﺎ ﻋﻤﻲ ? ﻭﻫﻴﺎ ﻧﺎﺩﻳﺔ ﻛﺎﻧﺖ ﻣﻮﺍﻓﻘﺔ ﻋﻠﻴﻪ ﻭﻫﻴﺎ ﻋﺎﺭﻓﺔ ﺇﻧﻪ ﺑﻴﺴﻬﺮ ﻛﻞ ﻳﻮﻡ ﻓﺪﻳﺴﻜﻮ ?

ﺃﻧﺎ ﻋﺎﺭﻑ ﺑﻘﻰ ﻳﺎ ﻋﻠﻲ ... ﻣﺎ ﺍﻧﺎ ﻛﻨﺖ ﻧﺎﻭﻱ ﺍﺳﺄﻝ ﻋﻠﻴﻪ ﻟﻤﺎ ﻳﻴﺠﻲ ﻣﻊ ﻭﺍﻟﺪﻩ ﺑﻌﺪ ﺍﻹﻣﺘﺤﺎﻧﺎﺕ ... ﻭﺑﻌﺪﻳﻦ ﻣﺎ ﺍﻧﺖ ﻋﺎﺭﻑ ﺍﻥ ﺳﻤﻌﺔ ﻭﺍﻟﺪﻩ ﻣﺎﻓﻴﺶ ﻋﻠﻴﻬﺎ ﺃﻱ ﻏﺒﺎﺭ ... ﻭﺍﻟﺮﺍﺟﻞ ﺃﻧﺎ ﻗﺎﺑﻠﺘﻪ ﻗﺒﻞ ﻛﺪﻩ ﻣﺮﺗﻴﻦ ﻭﻋﺎﺭﻑ ﺇﻧﻪ ﺭﺍﺟﻞ ﻓﻤﻨﺘﻬﻰ ﺍﻟﺬﻭﻕ ﻭﺍﻷﺧﻼﻕ ... ﻣﺶ ﻋﺎﺭﻑ ﺍﺯﺍﻱ ﻳﻜﻮﻥ ﻋﻨﺪﻩ ﺍﺑﻦ ﺯﻱ ﺳﺎﻣﺢ ﺩﻩ ... ﺻﺤﻴﺢ ﻳﺨﻠﻖ ﻣﻦ ﺿﻬﺮ ﺍﻟﻌﺎﻟﻢ ﻓﺎﺳﺪ ... ﺧﻼﺹ ﻳﺎ ﺍﺑﻨﻲ ﻟﻮ ﻣﺶ ﻋﺎﻳﺰ ﺗﺮﻭﺡ ﺑﺮﺍﺣﺘﻚ ... ﺗﻘﺪﺭ ﺗﺮﻭﺣﻠﻪ ﺍﻟﺠﺎﻣﻌﺔ ﺑﻜﺮﺓ ﺍﻟﺼﺒﺢ

- ﻻ ﻳﺎﻋﻤﻲ ﺃﻧﺎ ﺣﺎﺭﻭﺣﻠﻪ ﺩﻟﻮﻗﺘﻲ ﻭﺍﺭﻭﺣﻠﻪ ﺍﻟﺠﺎﻣﻌﺔ ﻛﻤﺎﻥ ﺍﻟﺼﺒﺢ ... ﺃﻧﺎ ﻣﺶ ﻋﺎﻳﺰ ﺍﺩﻳﻠﻪ ﺍﻱ ﻓﺮﺻﺔ ﻟﻠﻤﺮﺍﻭﻏﺔ ... ﻋﺎﻳﺰﻩ ﻳﻼﻗﻴﻨﻲ ﺻﺒﺢ ﻭﻟﻴﻞ ﻓﻮﺷﻪ ﻋﺸﺎﻥ ﻳﻌﺮﻑ ﺇﻧﻲ ﻣﺶ ﺣﺎﺳﻴﺒﻪ ﻭﻣﺶ ﺣﻴﻘﺪﺭ ﻳﻬﺮﺏ ﻣﻨﻲ ﻣﻬﻤﺎ ﻋﻤﻞ ... ﻭﻛﻤﺎﻥ ﺣﺎﺭﻭﺡ ﻟﻮﺍﻟﺪﻩ ﺍﻟﺸﺮﻛﺔ ﺑﺘﺎﻋﺘﻪ ﻭﺍﺑﻠﻐﻪ ﻭﺍﺷﻮﻑ ﺭﺩ ﻓﻌﻠﻪ ﺇﻳﻪ ﻋﻠﻰ ﺍﻟﻜﻼﻡ ﺩﻩ

ﺭﺑﺖ ﺻﻔﻮﺕ ﻋﻠﻰ ﻛﺘﻔﻲ ﻋﻠﻲ ﻗﺎﺋﻼ : - ﻣﺎﺷﻲ ﻳﺎ ﺍﺑﻨﻲ ﺍﺗﻜﻞ ﻋﻠﻰ ﺍﻟﻠﻪ ﺍﻧﺖ ... ﺑﺲ ﺧﺪ ﺑﺎﻟﻚ ﻣﻦ ﻧﻔﺴﻚ ﻳﺎ ﻋﻠﻲ ... ﺃﻧﺎ ﻣﺎﻋﻨﺪﻳﺶ ﺇﺳﺘﻌﺪﺍﺩ ﺃﺧﺴﺮﻙ ﻳﺎ ﺍﺑﻨﻲ ... ﻭﺑﻌﺪﻳﻦ ﻛﻠﺐ ﺯﻱ ﺩﻩ ﻣﺎﻳﺴﺘﺎﻫﻠﺶ ﺗﻀﻴﻊ ﻧﻔﺴﻚ ﻋﺸﺎﻧﻪ

- ﻣﺎﺗﻘﻠﻘﺶ ﻳﺎ ﻋﻤﻲ ... ﻋﻦ ﺇﺫﻧﻚ

ﺧﺮﺝ ﻋﻠﻲ ﻣﺴﺮﻋﺎ ﻟﻴﺴﺘﻘﻞ ﺳﻴﺎﺭﺗﻪ ﻭﻣﺎ ﺍﻥ ﻭﻗﻒ ﺍﻣﺎﻣﻬﺎ ﻭﺍﺳﺘﻌﺪ ﻟﻠﺮﻛﻮﺏ ﺣﺘﻲ ﺃﺗﺎﻩ ﺻﻮﺕ ﻧﻮﺭﺍ ﻗﺎﺋﻠﺔ :

- ﻋﻠﻲ ﺍﺳﺘﻨﻰ ﻳﺎ ﻋﻠﻲ ﻟﻮ ﺳﻤﺤﺖ

ﻭﻗﻒ ﺑﺈﻧﺘﻈﺎﺭﻫﺎ ﺣﺘﻰ ﻭﺻﻠﺖ ﻭﻭﻗﻔﺖ ﺃﻣﺎﻣﻪ ﻭﻗﺎﻟﺖ ﺑﺮﺟﺎﺀ :

- ﻣﻤﻜﻦ ﻟﻮ ﺳﻤﺤﺖ ﺗﺎﺧﺪﻧﻲ ﻣﻌﺎﻙ

ﺣﺪﻕ ﻓﻴﻬﺎ ﺛﻢ ﻗﺎﻝ ﺑﺪﻫﺸﺔ : ﺃﺧﺪﻙ ﻣﻌﺎﻳﺎ ﻓﻴﻦ ? ﺍﻧﺘﻲ ﻋﺎﺭﻓﺔ ﺃﻧﺎ ﺭﺍﻳﺢ ﻓﻴﻦ ﺍﺻﻼ ?

- ﻣﺶ ﺍﻧﺖ ﺭﺍﻳﺢ ﻟﺴﺎﻣﺢ ﺍﻟﺪﻳﺴﻜﻮ ﺍﻟﻠﻲ ﺑﻴﺴﻬﺮ ﻓﻴﻪ

- ﻋﻠﻲ ﺑﺘﻬﻜﻢ : ﻭﺍﻧﺘﻲ ﺑﻘﻰ ﻋﺎﻳﺰﺓ ﺗﻴﺠﻲ ﻣﻌﺎﻳﺎ ﺍﻟﺪﻳﺴﻜﻮ ! ﺍﻧﺘﻲ ﻓﺎﻛﺮﺍﻧﻲ ﺭﺍﻳﺢ ﺍﺳﻬﺮ ﻫﻨﺎﻙ ﻭﻻ ﺣﺎﺟﺔ ... ﻭﻻ ﻓﺎﻛﺮﺍﻧﻲ ﻃﺎﻟﻊ ﺭﺣﻠﺔ ﻭﺭﺍﻳﺢ ﺍﺻﻴﻒ

- ﺍﺭﺟﻮﻙ ﻳﺎ ﻋﻠﻲ ﺧﺪﻧﻲ ﻣﻌﺎﻙ ... ﺃﻧﺎ ﺧﺎﻳﻔﺔ ﺗﻌﻤﻞ ﻓﻴﻪ ﺣﺎﺟﺔ ﻭﺗﻀﻴﻊ ﻧﻔﺴﻚ ... ﺃﻧﺎ ﻗﻠﺖ ﻟﺒﺎﺑﺎ ﻭﻫﻮ ﻭﺍﻓﻖ ﺍﺻﻠﻪ ﻫﻮ ﻛﻤﺎﻥ ﺧﺎﻳﻒ ﺗﺘﻬﻮﺭ ﻋﻠﻴﻪ ﻋﺸﺎﻥ ﻋﺎﺭﻑ ﺍﻥ ﺩﻣﻚ ﺣﺎﻣﻲ ﻭﻣﺶ ﺣﺘﺴﺘﺤﻤﻞ .

ﻃﺎﻝ ﺻﻤﺘﻪ ﺩﻭﻥ ﺍﻥ ﻳﺠﻴﺐ ﻓﺄﺭﺩﻓﺖ ﻗﺎﺋﻠﺔ ﺑﺮﺟﺎﺀ : ﺍﺭﺟﻮﻙ ﻳﺎ ﻋﻠﻲ ﺍﻧﺎ ﻭﺍﻟﻠﻪ ﺣﺎﻗﻌﺪ ﻓﺎﻟﻌﺮﺑﻴﺔ ﺍﺳﺘﻨﺎﻙ ﻟﺤﺪ ﻣﺎ ﺗﺨﺮﺝ ... ﺃﻧﺎ ﺃﺳﺎﺳﺎ ﻣﺎ ﻳﻨﻔﻌﺶ ﺍﺩﺧﻞ ﻣﻜﺎﻥ ﺯﻱ ﺩﻩ

ﻟﻢ ﻳﺴﺘﻄﻊ ﻋﻠﻲ ﻣﻘﺎﻭﻣﺔ ﻧﻈﺮﺍﺕ ﺍﻟﺘﻮﺳﻞ ﻓﻲ ﻋﻴﻨﻴﻬﺎ ﻓﻘﺎﻝ ﺑﺠﺪﻳﺔ :

- ﻣﺎﺷﻲ ... ﺑﺲ ﺍﻋﻤﻠﻲ ﺣﺴﺎﺑﻚ ﻣﺎ ﺗﻨﺰﻟﻴﺶ ﻣﻦ ﺍﻟﻌﺮﺑﻴﺔ ﻣﻬﻤﺎ ﺣﺼﻞ

ﺃﻭﻣﺄﺕ ﺑﺮﺃﺳﻬﺎ ﻭﻗﺎﻟﺖ ﺑﺈﺑﺘﺴﺎﻣﺔ : ﺣﺎﺿﺮ ﻣﻮﺍﻓﻘﺔ ﻃﺒﻌﺎ

ﺍﻧﻄﻠﻖ ﻋﻠﻲ ﺑﺴﻴﺎﺭﺗﻪ ﻭﺑﺼﺤﺒﺘﻪ ﻧﻮﺭﺍ ﻣﻠﺘﺰﻣﺎ ﺍﻟﺼﻤﺖ ﻃﻮﺍﻝ ﺍﻟﻄﺮﻳﻖ ﺣﺘﻰ ﻭﺻﻞ ﺍﺧﻴﺮﺍ ﻓﺎﻭﻗﻒ ﺍﻟﺴﻴﺎﺭﺓ ﺛﻢ ﺍﻟﺘﻔﺖ ﺇﻟﻴﻬﺎ ﻗﺎﺋﻼ ﺑﻠﻬﺠﺔ ﺃﻣﺮﺓ :

- ﺯﻱ ﻣﺎ ﺍﺗﻔﻘﻨﺎ ... ﻣﺎﺗﻨﺰﻝﻳﺶ ﻣﻦ ﺍﻟﻌﺮﺑﻴﺔ ﻣﻬﻤﺎ ﺣﺼﻞ ... ﻟﻮ ﺷﻮﻓﺘﻴﻨﻲ ﻣﻴﺖ ﺣﺘﻰ ﻣﺎﺗﻨﺰﻟﻴﺶ ﺗﺴﺘﻠﻤﻲ ﺍﻟﺠﺜﺔ ... ﻭﺍﻧﺎ ﺣﺎﺳﻴﺒﻠﻚ ﻓﻴﻬﺎ ﺍﻟﻤﻔﺎﺗﻴﺢ ﻓﻴﻬﺎ

ﺍﺳﺮﻋﺖ ﺗﺠﻴﺒﻪ ﻋﻠﻰ ﺍﻟﻔﻮﺭ ﻗﺎﺋﻠﺔ ﺑﻠﻬﻔﺔ :

- ﺑﻌﺪ ﺍﻟﺸﺮ ﻋﻠﻴﻚ ﻣﺎﺗﻘﻮﻟﺶ ﻛﺪﻩ

ﻣﺴﺢ ﻋﻠﻲ ﻋﻠﻰ ﺷﻌﺮﻩ ﺛﻢ ﺯﻓﺮ ﻗﺎﺋﻼ ﺑﻀﻴﻖ : ﻋﻠﻰ ﺃﺧﺮ ﺍﻟﺰﻣﻦ ﺃﻧﺎ ﺣﺎﺩﺧﻞ ﺩﻳﺴﻜﻮﻫﺎﺕ ... ﺍﺳﺘﻐﻔﺮ ﺍﻟﻠﻪ ﺍﻟﻌﻈﻴﻢ ... ﺍﻟﻠﻪ ﻳﺴﺎﻣﺤﻚ ﻳﺎ ﻧﺎﺩﻳﺔ ﻳﺎ ﺑﻨﺖ ﻋﻤﻲ

ﺃﺧﺬﺕ ﻧﻮﺭﺍ ﺗﻮﺍﺳﻴﻪ ﻗﺎﺋﻠﺔ :

- ﻣﻌﻠﺶ ﻳﺎ ﻋﻠﻲ ... ﻟﻮ ﻣﺶ ﻋﺸﺎﻥ ﺧﺎﻃﺮ ﻧﺎﺩﻳﺔ ﻳﺒﻘﻰ ﻋﺸﺎﻥ ﺧﺎﻃﺮ ﺑﺎﺑﺎ

ﺗﺮﺟﻞ ﻋﻠﻲ ﻣﻦ ﺳﻴﺎﺭﺗﻪ ﺗﺎﺭﻛﺎ ﻧﻮﺭﺍ ﺑﺪﺍﺧﻠﻬﺎ ﻭﺩﻟﻒ ﻫﻮ ﺇﻟﻰ ﺍﻟﺪﺍﺧﻞ ﺑﺎﺣﺜﺎ ﻋﻦ ﺳﺎﻣﺢ ﺍﻟﺬﻱ ﺳﺄﻝ ﺍﻟﻨﺎﺩﻝ ﻋﻨﻪ ﻓﺎﺷﺎﺭ ﺇﻟﻰ ﺃﺣﺪ ﺍﻟﻄﺎﻭﻻﺕ ﺣﻴﺚ ﻛﺎﻥ ﻳﺠﻠﺲ ﻣﻊ ﺻﺪﻳﻘﻪ ﺗﺎﻣﺮ ... ﺍﻗﺘﺮﺏ ﻋﻠﻲ ﻣﻦ ﺍﻟﻄﺎﻭﻟﺔ ﻗﺎﺋﻼ :

- ﺍﻧﺖ ﺳﺎﻣﺢ ﺍﻟﺤﺴﻴﻨﻲ ?

- ﺳﺎﻣﺢ ﺑﺴﻜﺮ : ﺍﻳﻮﻩ ﺃﻧﺎ ﺳﺎﻣﺢ ﺍﻧﺖ ﻣﻴﻦ

ﻟﻢ ﻳﻜﻦ ﻟﺴﺎﻥ ﻋﻠﻲ ﻫﻮ ﺍﻟﻤﺠﻴﺐ ﺑﻞ ﻛﺎﻧﺖ ﻗﺒﻀﺘﻪ ﺍﻟﺘﻲ ﻋﺎﺟﻠﺖ ﺳﺎﻣﺢ ﺑﻠﻜﻤﺔ ﺳﺮﻳﻌﺔ ﺳﻘﻂ ﻋﻠﻰ ﺍﺛﺮﻫﺎ ﺍﺭﺿﺎ

- ﺗﺎﻣﺮ : ﺍﻧﺖ ﻣﺠﻨﻮﻥ ﻳﺎ ﺟﺪﻉ ﺍﻧﺖ ... ﺍﻧﺖ ﺍﺯﺍﻱ ﺗﻤﺪ ﺇﻳﺪﻙ ﻋﻠﻴﻪ ... ﺛﻢ ﺍﻧﺖ ﻣﻴﻦ ﺍﺻﻼ

ﺭﺑﺖ ﻋﻠﻲ ﻋﻠﻰ ﻛﺘﻔﻪ ﻗﺎﺋﻼً ﺑﺒﺮﻭﺩ :

- ﺧﻠﻴﻚ ﻓﺤﺎﻟﻚ ﻳﺎ ﻛﺎﺑﺘﻦ ... ﺍﻧﺎ ﻣﺶ ﺟﺎﻱ ﻋﺸﺎﻧﻚ

- ﻻ ﺩﻩ ﺍﻧﺖ ﺑﺎﻳﻦ ﻋﻠﻴﻚ ﻋﺎﻳﺰ ﺗﺘﺮﺑﻰ

- ﺍﻟﻌﺐ ﺑﻌﻴﺪ ﻳﺎ ﺷﺎﻃﺮ

ﺗﻘﺪﻡ ﻋﻠﻲ ﻧﺤﻮ ﺳﺎﻣﺢ ﺍﻟﻤﻠﻘﻰ ﺍﺭﺿﺎ ﺛﻢ ﺟﺬﺑﻪ ﻣﻦ ﺗﻼﺑﻴﺐ ﻣﻼﺑﺴﻪ ﻭﺳﻂ ﺩﻫﺸﺔ ﺍﻟﺤﻀﻮﺭ ﺍﻟﺬﻳﻦ ﻟﻢ ﻳﺤﺎﻭﻝ ﺃﺣﺪﻫﻢ ﺍﻟﺘﺪﺧﻞ ... ﺛﻢ ﻋﺎﺟﻠﻪ ﺑﻠﻜﻤﺔ ﺍﺧﺮﻱ ﻓﻤﺎ ﻛﺎﻥ ﻣﻦ ﺗﺎﻣﺮ ﺇﻻ ﺃﻥ ﻋﺎﺟﻠﻪ ﺑﻠﻜﻤﺔ ﻓﻲ ﻭﺟﻬﻪ ﺍﺳﺎﻟﺖ ﺍﻟﺪﻣﺎﺀ ﻣﻦ ﺟﺎﻧﺐ ﻓﻤﻪ ... ﺍﺳﺘﻄﺎﻉ ﻋﻠﻲ ﺍﻥ ﻳﺴﺘﻌﻴﺪ ﺗﻮﺍﺯﻧﻪ ﺍﺛﺮ ﻟﻜﻤﺔ ﺗﺎﻣﺮ ﻓﻤﻨﺤﻪ ﻟﻜﻤﺔ ﺍﺳﻘﺘﻄﻪ ﺑﺠﻮﺍﺭ ﺳﺎﻣﺢ ﺛﻢ ﺟﺬﺏ ﺳﺎﻣﺢ ﻣﻦ ﻣﻼﺑﺴﻪ ﻣﺮﺓ ﺍﺧﺮﻱ ﻭﻣﻨﺤﻪ ﻋﺪﺓ ﻟﻜﻤﺎﺕ ﻣﺘﺘﺎﻟﻴﺔ ﻗﺒﻞ ﺃﻥ ﻳﺠﺮﻩ ﺍﺭﺿﺎ ﺇﻟﻰ ﺍﻟﺨﺎﺭﺝ ﺑﻌﺪ ﺃﻥ ﺫﻫﺐ ﺗﺎﻣﺮ ﻹﺣﻀﺎﺭ ﺍﻟﺤﺮﺱ ﺍﻟﺨﺎﺹ ﺑﺎﻟﻤﻜﺎﻥ ... ﻛﺎﻥ ﻭﺍﺿﺤﺎ ﺍﻥ ﻓﺎﺭﻕ ﺍﻟﻘﻮﺓ ﺍﻟﺠﺴﻤﺎﻧﻴﺔ ﻟﺼﺎﻟﺢ ﻋﻠﻲ ... ﻛﻤﺎ ﺍ ﻥ ﺳﺎﻣﺢ ﻟﻢ ﻳﺴﺘﻄﻊ ﻣﺠﺎﺑﻬﺔ ﺿﺮﺑﺎﺗﻪ ﺑﻔﻌﻞ ﺗﺄﺛﻴﺮ ﺍﻟﺨﻤﺮﻋﻠﻴﻪ

↚

ﻛﺎﻧﺖ ﻧﻮﺭﺍ ﺗﺠﻠﺲ ﻓﻲ ﺍﻟﺴﻴﺎﺭﺓ ﻛﻤﺎ ﺃﻣﺮﻫﺎ ﻋﻠﻲ ﻓﻔﻮﺟﺌﺖ ﺑﻪ ﻳﺨﺮﺝ ﻭﻫﻮ ﻳﺠﺮ ﺳﺎﻣﺢ ﺍﻟﺬﻱ ﻏﻄﺖ ﺍﻟﺪﻣﺎﺀ ﻭﺟﻬﻪ ﻓﻔﺘﺤﺖ ﺑﺎﺏ ﺍﻟﺴﻴﺎﺭﺓ ﻭﺟﺮﺕ ﻣﺴﺮﻋﺔ ﻧﺤﻮﻫﻤﺎ ﺍﻷﻣﺮ ﺍﻟﺬﻱ ﺟﻌﻞ ﻋﻠﻲ ﻳﺼﺮﺥ ﻓﻴﻬﺎ ﻗﺎﺋﻼ :

- ﺍﻧﺘﻲ ﻣﺎﺑﺘﺴﻤﻌﻴﺶ ﺍﻟﻜﻼﻡ ﻟﻴﻪ ... ﺃﻧﺎ ﻣﺶ ﻗﻠﺘﻠﻚ ﻣﺎﺗﻨﺰﻟﻴﺶ ﻣﻦ ﺍﻟﻌﺮﺑﻴﺔ ... ﺇﻳﻪ ﺍﻟﻠﻲ ﻧﺰﻟﻚ ?

ﻧﻘﻠﺖ ﻧﻮﺭﺍ ﺑﺼﺮﻫﺎ ﺑﻴﻨﻬﻤﺎ ﺛﻢ ﻗﺎﻟﺖ ﺑﻔﺰﻉ :

- ﺇﻳﻪ ﺍﻟﻠﻲ ﺍﻧﺖ ﻋﻤﻠﺘﻪ ﻓﻴﻪ ﺩﻩ ﻳﺎﻋﻠﻲ ? ﻭﺇﻳﻪ ﺍﻟﺪﻡ ﺍﻟﻠﻲ ﻋﻠﻰ ﻭﺷﻚ ﺩﻩ ?

ﺣﻘﻴﻘﺔ ﻟﻢ ﻳﻜﻦ ﻋﻠﻲ ﻳﻌﻠﻢ ﻣﺎ ﺍﻟﺬﻱ ﺩﻓﻌﻪ ﻷﻥ ﻳﻀﺮﺑﻪ ﺑﻬﺬﻩ ﺍﻟﻄﺮﻳﻘﺔ ... ﻓﻘﺪ ﻛﺎﻥ ﻳﻨﺘﻮﻱ ﺍﻟﻠﺠﻮﺀ ﻟﻠﻀﺮﺏ ﻛﺤﻞ ﺃﺧﻴﺮ ﺑﻌﺪ ﺇﺳﺘﻨﻔﺎﺩ ﺍﻟﻄﺮﻕ ﺍﻟﺴﻠﻤﻴﺔ ... ﻭﻟﻜﻨﻪ ﻣﺎ ﺇﻥ ﺭﺃﻩ ﻟﻢ ﻳﺴﺘﻄﻊ ﺗﻤﺎﻟﻚ ﺃﻋﺼﺎﺑﻪ ... ﻓﻬﺎ ﻫﻮ ﺍﻟﺸﺨﺺ ﺍﻟﺬﻱ ﺗﺮﻙ ﻟﻪ ﺣﺒﻴﺒﺘﻪ ﻓﺒﺪﻻ ﻣﻦ ﺃﻥ ﻳﺤﻤﻴﻬﺎ ﻛﺎﻥ ﻫﻮ ﺍﻭﻝ ﻣﻦ ﻏﺪﺭ ﺑﻬﺎ ... ﺑﺎﻟﺘﺄﻛﻴﺪ ﻛﺎﻥ ﻟﻬﺎ ﺩﻭﺭ ﻓﻴﻤﺎ ﺣﺪﺙ ﺑﺘﺴﺎﻫﻠﻬﺎ ﻭﺗﻔﺮﻳﻄﻬﺎ ﻟﻜﻦ ﺍﻟﺬﻧﺐ ﺍﻷﻛﺒﺮ ﻓﻴﻤﺎ ﺣﺪﺙ ﻳﻘﻊ ﻋﻠﻰ ﻋﺎﺗﻘﻪ

ﺻﺮﺥ ﻓﻴﻬﺎ ﻣﺠﺪﺩﺍ ﻗﺎﺋﻼ ﺑﺤﺰﻡ :

- ﻣﺎﻟﻜﻴﺶ ﺩﻋﻮﺓ ... ﺍﺗﻔﻀﻠﻲ ﺍﻃﻠﻌﻲ ﺍﺳﺘﻨﻴﻨﻲ ﻓﺎﻟﻌﺮﺑﻴﺔ

ﻧﻈﺮ ﺇﻟﻴﻬﺎ ﺳﺎﻣﺢ ﻭﻫﻮ ﻳﺘﺮﻧﺢ ﻣﻦ ﺃﺛﺮ ﺍﻟﻀﺮﺑﺎﺕ ﻭﻗﺎﻝ ﺑﻮﻫﻦ :

- ﻣﺶ ﺍﻧﺘﻲ ﺑﺮﺿﻪ ﻧﻮﺭﺍ ... ﺃﻧﺎ ﺩﻟﻮﻗﺘﻲ ﻓﻬﻤﺖ ﻛﻞ ﺣﺎﺟﺔ

- ﺳﻴﺒﻚ ﻣﻨﻬﺎ ﻳﺎ ﺣﻴﻮﺍﻥ ﻭﻛﻠﻤﻨﻲ ﺃﻧﺎ ... ﺍﺩﺍﻣﻚ ﻳﻮﻣﻴﻦ ﺍﺗﻨﻴﻦ ﻟﻮ ﻣﺎﻛﻨﺘﺶ ﺗﻴﺠﻲ ﻭﻣﻌﺎﻙ ﺍﻟﻤﺄﺫﻭﻥ ﻋﺸﺎﻥ ﺗﻜﺘﺐ ﻛﺘﺎﺑﻚ ﻋﻠﻰ ﻧﺎﺩﻳﺔ ... ﺗﺒﻘﻰ ﻛﺘﺒﺖ ﺷﻬﺎﺩﺓ ﻭﻓﺎﺗﻚ ﺑﻨﻔﺴﻚ ... ﻭﺩﻱ ﺑﺲ ﻋﻴﻨﺔ ﻣﻦ ﺍﻟﻠﻲ ﺣﺎﻋﻤﻠﻪ ﻓﻴﻚ ﺳﺎﻋﺘﻬﺎ ... ﻓﻬﻤﺖ ﻭﻻ ﻷ ?

- ﺧﻼﺹ ﺧﻼﺹ ﻓﻬﻤﺖ ... ﻣﻤﻜﻦ ﺗﺴﻴﺒﻨﻲ ﺑﻘﻰ ?

ﻓﻲ ﻫﺬﻩ ﺍﻟﻠﺤﻈﺔ ﺧﺮﺝ ﺗﺎﻣﺮ ﻟﻠﺒﺤﺚ ﻋﻦ ﺳﺎﻣﺢ ﻭﻋﻨﺪﻣﺎ ﺷﺎﻫﺪﻩ ﺟﺮﻯ ﻧﺤﻮﻩ ﻓﺎﻟﻘﺎﻩ ﻋﻠﻲ ﻟﻴﻠﺘﻘﻄﻪ ﺗﺎﻣﺮ ﻗﺒﻞ ﺃﻥ ﻳﺴﻘﻂ ﺍﺭﺿﺎ ﺛﻢ ﻗﺎﻝ ﺳﺎﺧﺮﺍ :

- ﺍﺗﻔﻀﻞ ﺍﺳﺘﻠﻤﻪ ﺑﺲ ﻣﺎﺗﻨﺴﺎﺵ ﺗﺴﻤﻲ ﻋﻠﻴﻪ

ﺛﻢ ﻏﺎﺩﺭ ﻣﺘﺠﻬﺎ ﻧﺤﻮ ﺳﻴﺎﺭﺗﻪ ﺍﻟﺘﻲ ﺳﺒﻘﺘﻪ ﻧﻮﺭﺍ ﺇﻟﻴﻬﺎ ﻭﻗﺎﺩﻫﺎ ﺑﻌﻴﺪﺍ ﻋﻦ ﺫﻟﻚ ﺍﻟﻤﻜﺎﻥ ﺍﻟﻤﺸﺒﻮﻩ ... ﺑﻌﺪ ﻗﻠﻴﻞ ﻗﺎﻟﺖ ﻧﻮﺭﺍ :

- ﻋﻠﻲ ﻣﻤﻜﻦ ﺗﻘﻒ ﻋﻠﻰ ﺟﻨﺐ ﻋﺸﺎﻥ ﺗﻤﺴﺢ ﺍﻟﺪﻡ ﺍﻟﻠﻲ ﻋﻠﻰ ﻭﺷﻚ ﺩﻩ ?

ﺍﻣﺘﺜﻞ ﻋﻠﻲ ﻟﻄﻠﺒﻬﺎ ﻓﺎﻭﻗﻒ ﺍﻟﺴﻴﺎﺭﺓ ﺛﻢ ﺍﻟﺘﻔﺖ ﺇﻟﻴﻬﺎ ﻗﺎﺋﻼ ﺑﻠﻬﺠﺔ ﺣﺎﺩﺓ :

- ﺍﻧﺘﻲ ﺷﻮﻓﺘﻲ ﺍﻟﺒﻨﻲ ﺍﺩﻡ ﺍﻟﻠﻲ ﺍﺳﻤﻪ ﺳﺎﻣﺢ ﺩﻩ ﻟﻤﺎ ﻛﺎﻥ ﻋﻨﺪﻛﻮﺍ ﻳﻮﻡ ﻋﻴﺪ ﻣﻴﻼﺩ ﻧﺎﺩﻳﺔ ?

- ﻻ ﻣﺎﺷﻮﻓﺘﻮﺵ ... ﺃﻧﺎ ﺃﺳﺎﺳﺎ ﻣﺎ ﺧﺮﺟﺘﺶ ﻣﻦ ﺃﻭﺿﺘﻲ ﻳﻮﻣﻬﺎ ﺧﺎﻟﺺ

- ﻃﻴﺐ ﻭﻟﻤﺎ ﺍﻧﺘﻲ ﻣﺎﺷﻮﻓﺘﻴﻬﻮﺵ ﺗﻘﺪﺭﻱ ﺗﻘﻮﻟﻴﻠﻲ ﺍﻷﺳﺘﺎﺫ ﺳﺎﻣﺢ ﻋﺮﻑ ﺍﺳﻤﻚ ﻣﻨﻴﻦ ?

- ﺍﺻﻞ ﺃﻧﺎ ﺷﻮﻓﺘﻪ ﻣﺮﺓﻭﺍﺣﺪﺓ ﻓﺎﻟﻜﻠﻴﺔ ﻣﻊ ﻧﺎﺩﻳﺔ ﻭﻫﻴﺎ ﺍﻟﻠﻲ ﻋﺮﻓﺘﻪ ﻋﻠﻴﺎ

- ﻭﻃﺒﻌﺎ ﺳﻴﺎﺩﺗﻚ ﻭﻗﻔﺘﻲ ﺗﺘﻜﻠﻤﻲ ﻭﺗﺘﺴﺎﻳﺮﻱ ﻣﻌﺎﻩ ﻣﺶ ﻛﺪﻩ ﺑﺮﺿﻪ ? ﻭﺍﺿﺢ ﺇﻧﻪ ﻭﺍﺧﺪ ﻋﻠﻴﻜﻲ ﺍﻭﻱ ﺑﺪﻟﻴﻞ ﺇﻧﻪ ﺑﻴﻘﻮﻟﻚ ﻳﺎ ﻧﻮﺭﺍ

ﺃﺳﺮﻋﺖ ﺗﻨﻔﻲ ﻫﺬﻩ ﺍﻹﺗﻬﺎﻣﺎﺕ ﻋﻦ ﻧﻔﺴﻬﺎ ﻗﺎﺋﻠﺔ :

- ﺍﺑﺪﺍ ﻭﺍﻟﻠﻪ ﺩﻩ ﺍﻧﺎ ﺣﺘﻰ ﻛﻠﻤﺘﻪ ﻭﺣﺶ ﺍﻭﻱ ﻳﻮﻣﻬﺎ ﺣﺘﻲ ﺍﺳﺄﻝ ﻟﺒﻨﻰ ﻫﻴﺎ ﻛﺎﻧﺖ ﻣﻌﺎﻳﺎ ﻭﻗﺘﻬﺎ

- ﺃﻧﺎ ﻣﺶ ﻣﺤﺘﺎﺝ ﺍﺳﺄﻝ ﺣﺪ ﻋﺸﺎﻥ ﺍﺻﺪﻗﻚ ... ﺃﻧﺎ ﻣﺘﺄﻛﺪ ﺍﻥ ﻫﻮ ﺩﻩ ﺍﻟﻠﻲ ﺣﺼﻞ ﻓﻌﻼ

ﺗﻨﻬﺪﺕ ﻗﺎﺋﻠﺔ ﺑﺈﺭﺗﻴﺎﺡ :

- ﻃﻴﺐ ﺍﻟﺤﻤﺪ ﻟﻠﻪ ﺍﻧﻚ ﻣﺼﺪﻗﻨﻲ

ﺍﻣﺘﺪﺕ ﻳﺪﻫﺎ ﺇﻟﻰ ﺍﻟﻌﻠﺒﺔ ﺍﻟﻤﻮﺿﻮﻋﺔ ﺍﻣﺎﻣﻬﺎ ﻋﻠﻰ ﺗﺎﺑﻠﻮﻩ ﺍﻟﺴﻴﺎﺭﺓ ﻭﺍﺧﺮﺟﺖ ﺑﻌﺾ ﺍﻟﻤﺤﺎﺭﻡ ﺍﻟﻮﺭﻗﻴﺔ ﻭﻣﺪﺕ ﺑﻬﺎ ﻳﺪﻫﺎ ﺇﻟﻰ ﻋﻠﻲ ﻗﺎﺋﻠﺔ ﺑﺨﻔﻮﺕ :

- ﺍﺗﻔﻀﻞ ﻋﺸﺎﻥ ﺗﻤﺴﺢ ﺍﻟﺪﻡ ﺍﻟﻠﻲ ﻋﻠﻰ ﻭﺷﻚ ﺩﻩ

ﺍﺑﺘﺴﻢ ﻗﺎﺋﻼ ﺑﻤﺸﺎﻏﺒﺔ :

- ﻫﻮ ﻓﻴﻦ ﺑﺎﻟﻈﺒﻂ ? ﺷﺎﻭﺭﻳﻠﻲ ﻋﻠﻰ ﻣﻜﺎﻧﻪ ﻛﺪﻩ

ﻫﻮ ﻳﻌﻠﻢ ﺟﻴﺪﺍ ﺃﻧﻬﺎ ﻟﻦ ﺗﻔﻌﻞ ... ﻓﻘﻂ ﻛﺎﻥ ﻳﺮﻳﺪ ﺍﻥ ﻳﻌﺮﻑ ﺭﺩﺓ ﻓﻌﻠﻬﺎ ... ﻗﺮﺑﺖ ﻳﺪﻫﺎ ﻣﻦ ﻭﺟﻬﻪ ﺛﻢ ﺳﺤﺒﺘﻬﺎ ﺳﺮﻳﻌﺎ ﻭﺍﺷﺎﺣﺖ ﺑﻮﺟﻬﻬﺎ ﺑﻌﻴﺪﺍ ﻗﺎﺋﻠﺔ ﻳﺈﺭﺗﺒﺎﻙ ﻇﺎﻫﺮ :

- ﺗﻘﺪﺭ ﺗﺸﻮﻓﻪ ﻓﻤﺮﺍﻳﺔ ﺍﻟﻌﺮﺑﻴﺔ ... ﻭﺑﻌﺪﻳﻦ ﻫﻮ ﺍﻧﺖ ﻣﺶ ﻋﺎﺭﻑ ﻫﻮ ﺿﺮﺑﻚ ﻓﻴﻦ ﺑﺎﻟﻈﺒﻂ ?

ﺍﺑﺘﺴﻢ ﻗﺎﺋﻼ ﺑﻤﺰﺍﺡ :

- ﺑﻘﻲ ﻛﺪﻩ ﻳﻌﻨﻲ ... ﻣﺎﺷﻲ ﺑﺮﺍﺣﺘﻚ

ﺍﻣﺘﺪﺕ ﻳﺪﻩ ﺇﻟﻰ ﻳﺪﻫﺎ ﻟﻴﺄﺧﺬ ﻣﻨﻬﺎ ﺍﻟﻤﺤﺎﺭﻡ ﻓﺘﻼﻣﺴﺖ ﺍﻳﺪﻳﻬﻤﺎ ﺩﻭﻥ ﻗﺼﺪ ﻓﺎﺭﺗﻌﺸﺖ ﻳﺪﻫﺎ ﻋﻠﻰ ﺍﺛﺮ ﻟﻤﺴﺘﻪ

- ﻋﻠﻲ ﺑﺪﻫﺸﺔ : ﺍﻧﺘﻲ ﻣﺎﻟﻚ ﺑﺘﺘﺮﻋﺸﻲ ﻛﺪﻩ ﻟﻴﻪ ? ﺛﻢ ﺍﻥ ﺇﻳﺪﻙ ﺑﺎﺭﺩﺓ ﺍﻭﻱ

ﺍﺟﺎﺑﺖ ﻭﻗﺪ ﺑﻠﻎ ﻣﻨﻬﺎ ﺍﻟﺨﺠﻞ ﻣﺒﻠﻐﻪ :

- ﻻ ﺍﺑﺪﺍ ﻣﺎﻓﻴﺶ ... ﺑﺲ ﻣﺎﻛﺎﻧﺶ ﻳﻨﻔﻊ ﺇﻧﻲ ﺍﺭﻛﺐ ﻣﻌﺎﻙ ﺍﻟﻌﺮﺑﻴﺔ ﻟﻮﺣﺪﻧﺎ ﻛﺪﻩ ... ﺑﺲ ﺃﻧﺎ ﻋﺸﺎﻥ ﻛﻨﺖ ﻗﻠﻘﺎﻧﺔ ﻋﻠﻴﻚ ﻓﻤﺎ ﺧﺪﺗﺶ ﺑﺎﻟﻲ ﻣﻦ ﺣﺎﺟﺔ ﺯﻱ ﺩﻱ ... ﻭﻛﻤﺎﻥ ﻣﺎﺧﺪﺗﺶ ﺑﺎﻟﻲ ﺍﻥ ﺃﻧﺎ ﻛﺪﻩ ﻭﻻ ﻛﺪﻩ ﻣﺎﻛﻨﺘﺶ ﺣﺎﻗﺪﺭ ﺍﻣﻨﻌﻚ ﺗﻌﻤﻞ ﻓﻴﻪ ﺣﺎﺟﺔ ﻹﻧﻲ ﻣﺎﻛﻨﺘﺶ ﺣﺎﺩﺧﻞ ﻣﻌﺎﻙ

ﺍﻃﺎﻝ ﺍﻟﻨﻈﺮ ﺇﻟﻴﻬﺎ ﻗﺒﻞ ﺃﻥ ﻳﻘﻮﻝ :

- ﻧﻮﺭﻫﺎﻥ ﺃﻧﺎ ﺍﺳﻒ

- ﺍﺳﻒ ﻋﻠﻰ ﺇﻳﻪ ?

- ﻋﻠﻰ ﺍﻟﺴﺆﺍﻝ ﺍﻟﺒﺎﻳﺦ ﺍﻟﻠﻲ ﺳﺄﻟﺘﻬﻮﻟﻚ ﻣﻦ ﺷﻮﻳﺔ ﻭﺍﺣﻨﺎ ﻓﺎﻟﻔﻴﻼ ... ﺃﻧﺎ ﺍﺳﻒ ﻣﺎﻛﺎﻧﺶ ﻗﺼﺪﻱ ﺍﺯﻋﻠﻚ

- ﺑﺲ ﺃﻧﺎ ﻣﺎﺯﻋﻠﺘﺶ ﻭﻻﺣﺎﺟﺔ

ﺃﺟﺎﺑﻬﺎ ﻗﺎﺋﻼ ﺑﺈﻧﻔﻌﺎﻝ ﻭﺍﺿﺢ :

- ﻟﻴﻪ ﻣﺎﺯﻋﻠﺘﻴﺶ ﻟﻴﻪ ? ﺍﻟﺴﺆﺍﻝ ﺍﻟﻠﻲ ﺍﻧﺎ ﺳﺄﻟﺘﻪ ﺍﻟﻤﻔﺮﻭﺽ ﺇﻧﻪ ﻳﺰﻋﻠﻚ ﺍﻧﺘﻲ ﺑﻘﻰ ﻣﺎﺯﻋﻠﺘﻴﺶ ﻟﻴﻪ ?

- ﻧﻮﺭﺍ ﺑﺪﻫﺸﺔ : ﺍﻣﺮﻙ ﻏﺮﻳﺐ ﻳﺎ ﻋﻠﻲ ... ﻳﻌﻨﻲ ﺍﻧﺖ ﻛﻨﺖ ﻋﺎﻳﺰﻧﻲ ﺍﺯﻋﻞ !

ﺗﻨﻬﺪ ﻗﺎﺋﻼ ﺑﻀﻴﻖ :

- ﻭﺍﻟﻠﻪ ﺃﻱ ﻭﺍﺣﺪﺓ ﻣﻜﺎﻧﻚ ﻭﻋﻨﺪﻫﺎ ﺇﺣﺴﺎﺱ ﻛﺎﻥ ﻻﺯﻡ ﺗﺰﻋﻞ

ﺗﺮﻗﺮﻗﺖ ﺍﻟﺪﻣﻮﻉ ﻓﻲ ﻣﻘﻠﺘﻴﻬﺎ ﻭﻗﺎﻟﺖ ﺑﺄﺳﻰ :

- ﻳﻌﻨﻲ ﺍﻧﺖ ﺗﻘﺼﺪ ﺍﻥ ﻣﺎﻋﻨﺪﻳﺶ ﺇﺣﺴﺎﺱ ﻳﺎ ﻋﻠﻲ

- ﺍﻧﺎﻣﺎﻗﺼﺪﺵ ﺣﺎﺟﺔ ﺧﺎﻟﺺ ... ﻭﺍﻧﺎ ﺑﺎﻗﻮﻝ ﻳﻼ ﻋﺸﺎﻥ ﺍﺭﻭﺣﻚ ﻷﻥ ﺍﻟﻮﻗﺖ ﺍﺗﺄﺧﺮ ... ﻭﻻ ﺍﻧﺘﻲ ﺷﺎﻳﻔﺔ ﺇﻳﻪ ?

- ﺣﺎﺿﺮ ﺍﻟﻠﻲ ﺗﺸﻮﻓﻪ

- ﻋﻠﻲ ﺑﺈﻧﻔﻌﺎﻝ : ﻫﻮ ﺍﻧﺘﻲ ﻣﺎﺗﻌﺮﻓﻴﺶ ﺗﻘﻮﻟﻲ ﻏﻴﺮ ﺣﺎﺿﺮ ﻭﻃﻴﺐ ﻭﻧﻌﻢ ﻭﻣﺎﺷﻲ ﻭﺍﻟﻠﻲ ﺗﺸﻮﻓﻪ ... ﻣﺎﻓﻴﺶ ﻓﻘﺎﻣﻮﺳﻚ ﻛﻠﻤﺎﺕ ﺗﺎﻧﻴﺔ ﻏﻴﺮﻫﻢ ?

- ﻭﺍﻟﻠﻪ ﺍﻧﺎ ﻣﺶ ﻗﺎﺩﺭﺓ ﺍﻓﻬﻤﻚ ﻳﺎ ﻋﻠﻲ

- ﻋﻠﻲ ﺑﻨﻔﺎﺫ ﺻﺒﺮ : ﻭﺷﻜﻠﻚ ﻛﺪﻩ ﻭﻻ ﻋﻤﺮﻙ ﺣﺘﻔﻬﻤﻴﻨﻲ ﺃﺻﻼ ... ﺑﻘﻮﻟﻚ ﺍﻳﻪ ... ﺃﻧﺎ ﺗﻌﺒﺎﻥ ﻭﻋﺎﻳﺰ ﺍﺭﻭﺡ ﺍﻧﺎﻡ ... ﻳﻼ ﻋﺸﺎﻥ ﺍﻭﺻﻠﻚ ﻭﺍﺭﻭﺡ

ﻭﺑﺎﻟﻔﻌﻞ ﺍﻭﺻﻠﻬﺎ ﻋﻠﻲ ﺇﻟﻰ ﺍﻟﻔﻴﻼ ﻭﺩﺧﻞ ﺇﻟﻰ ﻋﻤﻪ ﺍﻟﺬﻱ ﻛﺎﻥ ﻓﻲ ﺇﻧﺘﻈﺎﺭﻩ ﻭﻗﺺ ﻋﻠﻴﻪ ﻣﺎ ﺣﺪﺙ ﻣﻊ ﺳﺎﻣﺢ ﻭﺍﻟﻤﻬﻠﺔ ﺍﻟﺘﻲ ﻣﻨﺤﻪ ﺇﻳﺎﻫﺎ ... ﺇﻟﻰ ﺍﻥ ﺍﻧﺘﻬﻲ ﻣﻦ ﺣﺪﻳﺜﻪ ﻓﻘﺎﻝ ﺻﻔﻮﺕ :

- ﻟﻴﻪ ﺑﺲ ﻛﺪﻩ ﻳﺎ ﻋﻠﻲ ... ﻣﺶ ﺍﻧﺎ ﻗﻮﻟﺘﻠﻚ ﺑﻼﺵ ﺗﻬﻮﺭ ﺑﻌﺪﻳﻦ ﺍﻟﻮﻟﺪ ﻳﻌﻨﺪ ﻣﻌﺎﻧﺎ

- ﻣﺎ ﺗﻘﻠﻘﺶ ﺣﻀﺮﺗﻚ ... ﻭﺍﺿﺢ ﺇﻧﻪ ﺟﺒﺎﻥ ﺍﻭﻱ ﻭﻋﺸﺎﻥ ﻛﺪﻩ ﺃﻋﺘﻘﺪ ﺍﻥ ﺍﻷﺳﻠﻮﺏ ﺩﻩ ﻫﻮ ﺍﻟﻠﻲ ﺣﻴﺠﻴﺐ ﻣﻌﺎﻩ ﻧﺘﻴﺠﺔ ... ﻭﻛﻤﺎﻥ ﺃﻧﺎ ﻣﺶ ﻧﺎﻭﻱ ﺍﺩﻳﻠﻪ ﻓﺮﺻﺔ ﺍﻧﻪ ﻳﻔﻜﺮ ﻳﻬﺮﺏ

- ﻣﺎﺷﻲ ﻳﺎ ﺍﺑﻨﻲ ... ﺭﻭﺡ ﺍﻧﺖ ﺑﻘﻰ ﻋﺸﺎﻥ ﺗﺮﺗﺎﺡ ﻭﻛﻤﺎﻥ ﺯﻣﺎﻥ ﺍﻣﻚ ﻭﺍﺧﻮﺍﺗﻚ ﻗﻠﻘﺎﻧﻴﻴﻦ ﻋﻠﻴﻚ ﻋﺸﺎﻥ ﺍﺗﺄﺧﺮﺕ ﻭﺍﻧﺎ ﻛﻤﺎﻥ ﺣﺎﻃﻠﻊ ﺍﻭﺿﺘﻲ ﻋﺸﺎﻥ ﺍﻧﺎﻡ ﺩﻩ ﺇﺫﺍ ﻋﺮﻓﺖ ﺃﻧﺎﻡ ﻣﻦ ﺍﺻﻠﻪ

- ﻣﺎﺷﻲ ﻳﺎ ﻋﻤﻲ ﺗﺼﺒﺢ ﻋﻠﻰ ﺧﻴﺮ

- ﻭﺍﻧﺖ ﻣﻦ ﺍﻫﻠﻪ ﻳﺎ ﺍﺑﻨﻲ

*****************************************

ﺍﺳﺘﻠﻘﻰ ﻋﻠﻲ ﻓﺮﺍﺷﻪ ﺑﻌﺪ ﻋﻮﺩﺗﻪ ﺇﻟﻰ ﻣﻨﺰﻟﻪ ﻭﺍﺳﺘﺮﺳﻞ ﻓﻲ ﺍﻓﻜﺎﺭﻩ ... ﻟﻘﺪ ﺭﺃﻯ ﺍﻟﻴﻮﻡ ﻧﺎﺩﻳﺔ ﺃﺧﺮﻯ ﻏﻴﺮ ﺍﻟﺘﻲ ﺗﻌﻮﺩ ﺍﻥ ﻳﺮﺍﻫﺎ ﻣﻦ ﻗﺒﻞ ... ﻳﺘﺴﺎﺋﻞ ﺑﻴﻨﻪ ﻭﺑﻴﻦ ﻧﻔﺴﻪ ﻛﻴﻒ ﺳﻤﺤﺖ ﻟﻨﻔﺴﻬﺎ ﺃﻥ ﺗﺬﻫﺐ ﻣﻊ ﺳﺎﻣﺢ ﺇﻟﻰ ﺍﻟﺸﺎﻟﻴﻪ ﺑﻤﻔﺮﺩﻫﻤﺎ ... ﺗﺮﻯ ﻫﻞ ﻛﺎﻧﺖ ﺗﺤﺒﻪ ﻭﺗﺜﻖ ﺑﻪ ﻟﻬﺬﻩ ﺍﻟﺪﺭﺟﺔ ... ﺃﻡ ﺍﻧﻬﺎ ﻓﺘﺎﺓ ﻣﺘﺴﺎﻫﻠﺔ ﻛﺎﻥ ﺍﻷﻣﺮ ﻋﺎﺩﻳﺎ ﺑﺎﻟﻨﺴﺒﺔ ﻟﻬﺎ ... ﺗﺮﻯ ﻫﻞ ﻛﺎﻥ ﻣﺨﺪﻭﻋﺎ ﻓﻴﻬﺎ ﺇﻟﻰ ﻫﺬﺍ ﺍﻟﺤﺪ .. ﺇﺫﺍ ﻓﺎﻷﻣﺮ ﻻ ﻳﻘﺘﺼﺮ ﻓﻘﻂ ﻋﻠﻰ ﻣﻼﺑﺴﻬﺎ ﻭﻣﺰﺍﺣﻬﺎ ﻣﻊ ﺍﻟﺠﻤﻴﻊ ﻭﻏﻴﺮﻫﺎ ﻣﻦ ﺗﻠﻚ ﺍﻷﻣﻮﺭ ﺍﻟﺘﻲ ﻛﺎﻧﺖ ﺗﺜﻴﺮ ﻏﻴﺮﺗﻪ ... ﻟﻢ ﺗﻜﻦ ﻧﺎﺩﻳﺔ ﻭﺣﺪﻫﺎ ﻫﻲ ﻣﻦ ﺷﻐﻠﺖ ﺗﻔﻜﻴﺮﻩ ... ﻓﻘﺪ ﺍﺣﺘﻠﺖ ﻧﻮﺭﻫﺎﻥ ﻫﻲ ﺍﻷﺧﺮﻱ ﺟﺰﺀﺍ ﻣﻨﻪ ... ﺗﺮﻯ ﻟﻤﺎﺫﺍ ﺣﺎﻭﻝ ﺍﻥ ﻳﺰﻳﻞ ﺍﻟﺤﻮﺍﺟﺰ ﺑﻴﻨﻬﻤﺎ ﻭﺍﻟﺘﻘﺮﺏ ﻣﻨﻬﺎ ... ﻛﺎﻧﺖ ﺍﻹﺟﺎﺑﺔ ﺍﻟﺘﻲ ﺍﻫﺘﺪﻯ ﺇﻟﻴﻬﺎ ... ﺍﻧﻬﺎ ﻣﺠﺮﺩ ﻣﺤﺎﻭﻟﺔ ﻣﻨﻪ ﻟﻠﻘﺒﻮﻝ ﺑﺎﻷﻣﺮ ﺍﻟﻮﺍﻗﻊ ﻭﺍﻟﺘﺴﻠﻴﻢ ﺑﻪ ... ﻭﻟﻜﻦ ﻟﻤﺎﺫﺍ ﺍﻧﺘﻬﻰ ﺍﻷﻣﺮ ﺑﻴﻨﻬﻤﺎ ﻋﻠﻰ ﻫﺬﺍ ﺍﻟﻨﺤﻮ ... ﻣﺎﺫﺍ ﻻ ﺗﻜﻒ ﺗﻠﻚ ﺍﻟﻔﺘﺎﺓ ﺍﻟﻤﺴﻤﺎﺓ ﺑﺈﺑﻨﺔ

↚

ﻋﻤﻪ ﻋﻦ ﺗﻜﺮﺍﺭ ﻫﺬﻩ ﺍﻟﻜﻠﻤﺎﺕ ﺍﻟﺘﻲ ﺗﺸﻌﺮﻩ ﺑﺎﻟﻀﻴﻖ ... ﻣﺎﺫﺍ ﺗﺴﻠﻢ ﺩﺍﺋﻤﺎ ﺑﺎﻷﻣﺮ ﺍﻟﻮﺍﻗﻊ ﺩﻭﻥ ﺍﺩﻧﻰ ﻣﻨﺎﻗﺸﺔ ... ﻟﻤﺎﺫﺍ ﻫﻲ ﺿﻌﻴﻔﺔ ﻫﺸﺔ ﻫﻜﺬﺍ ... ﺭﺑﻤﺎ ﻳﻜﻮﻥ ﻟﻜﻠﻤﺎﺕ ﺍﺣﻤﺪ ﻧﺼﻴﺒﺎ ﻛﺒﻴﺮﺍ ﻣﻦ ﺍﻟﺼﻮﺍﺏ ... ﻓﺮﺑﻤﺎ ﻟﻮ ﻛﺎﻧﺖ ﻧﻮﺭﺍ ﺑﺎﻟﻨﺴﺒﺔ ﻟﻪ ﺣﻠﻤﺎ ﺑﻌﻴﺪ ﺍﻟﻤﻨﺎﻝ ﻟﺴﻌﻰ ﺣﺜﻴﺜﺎ ﺇﻟﻰ ﺗﺤﻘﻴﻘﻪ ... ﺃﺧﺬ ﻳﺘﺴﺎﺀﻝ ﻫﻞ ﻳﻌﻠﻦ ﺇﺳﺘﺴﻼﻣﻪ ﻭﻳﻨﺴﺤﺐ ﻣﻦ ﺍﺭﺽ ﺍﻟﻤﻌﺮﻛﺔ ﻛﻘﺎﺋﺪ ﻣﻬﺰﻭﻡ ... ﺃﻡ ﻋﻠﻴﻪ ﺍﻥ ﻳﻌﻴﺪ ﺍﻟﻜﺮﺓ ﻣﺮﺍﺕ ﻭﻣﺮﺍﺕ ... ﻋﻨﺪﻣﺎ ﻟﻢ ﻳﺠﺪ ﻓﻲ ﻧﻔﺴﻪ ﺟﻮﺍﺑﺎ ﺷﺎﻓﻴﺎ ﻟﺴﺆﺍﻟﻪ ﺍﻏﻤﺾ ﻋﻴﻨﻴﻪ ﻭﺍﺳﺘﺴﻠﻢ ﻟﺴﻠﻄﺎﻥ ﺍﻟﻨﻮﻡ ﺍﻟﺬﻱ ﺑﺴﻂ ﺭﺩﺍﺋﻪ ﻋﻠﻴﻪ ﺳﺮﻳﻌﺎ ﺑﺴﺒﺐ ﺷﻌﻮﺭﻩ ﺑﺎﻟﺘﻌﺐ ... ﻓﻘﺪ ﺍﺳﺘﻬﻠﻜﺖ ﺍﻟﻤﻌﺮﻛﺔ ﻣﻊ ﺳﺎﻣﺢ ﺟﺰﺀﺍ ﻛﺒﻴﺮﺍ ﻣﻦ ﻗﻮﺍﻩ ... ﻭﻣﺎﺯﺍﻝ ﻳﻨﺘﻈﺮﻩ ﻓﻲ ﺍﻟﻐﺪ ﺍﻟﻜﺜﻴﺮ

*********************************************

ﻛﺎﻥ ﺻﻔﻮﺕ ﻳﺠﻠﺲ ﻭﺣﻴﺪﺍ ﻭﺍﺿﻌﺎ ﻳﺪﻩ ﻋﻠﻰ ﺧﺪﻩ ﺣﻴﻦ ﺍﻗﺘﺮﺑﺖ ﻣﻨﻪ ﻓﺮﺩﻭﺱ ﻗﺎﺋﻠﺔ ﺑﻌﺘﺎﺏ :

- ﺇﻳﻪ ﺍﻟﻠﻲ ﺍﻧﺖ ﻋﻤﻠﺘﻪ ﻣﻊ ﻧﺎﺩﻳﺔ ﺩﻩ ﻳﺎ ﺻﻔﻮﺕ ?

ﺍﺑﺘﺴﻢ ﻟﻬﺎ ﻗﺎﺋﻼ :

- ﻓﺮﺩﻭﺱ ... ﺍﺯﻳﻚ ﻳﺎ ﻓﺮﺩﻭﺱ ?

- ﺯﻋﻼﻧﺔ ﻣﻨﻚ ... ﻛﺪﻩ ﺑﺮﺿﻪ ﻳﺎ ﺻﻔﻮﺕ ... ﻫﻴﺎ ﺩﻱ ﺑﺮﺿﻪ ﺍﻷﻣﺎﻧﺔ ﺍﻟﻠﻲ ﺍﻧﺎ ﺳﻴﺒﺘﻬﺎﻟﻚ ﻭﻭﺻﻴﺘﻚ ﻋﻠﻴﻬﺎ ﻭﺍﻧﺖ ﻭﻋﺪﺗﻨﻲ ﺗﺤﺎﻓﻆ ﻋﻠﻴﻬﺎ ﻣﻬﻤﺎ ﺣﺼﻞ ... ﺗﻌﺎﻣﻠﻬﺎ ﺑﺎﻟﻄﺮﻳﻘﺔ ﺩﻱ

- ﻳﺎ ﻓﺮﺩﻭﺱ ﺃﻧﺎ ﻣﺎﺣﺮﻣﺘﻬﺎﺵ ﻣﻦ ﺣﺎﺟﺔ ﺑﺲ ﻫﻴﺎ ﻏﻠﻄﺖ ﻏﻠﻄﺔ ﻛﺒﻴﺮﺓ ﺍﻭﻱ ﻳﺎﻋﺎﻟﻢ ﻧﻬﺎﻳﺘﻬﺎ ﺇﻳﻪ

- ﻣﻬﻤﺎ ﻛﺎﻥ ﺩﻱ ﺑﺮﺿﻪ ﻧﺎﺩﻳﺔ ... ﻣﺶ ﺩﻱ ﻫﻴﺎ ﺍﻟﻠﻲ ﺑﺘﻔﻜﺮﻙ ﺑﻴﺎ ... ﺗﻘﺴﻰ ﻋﻠﻴﻬﺎ ﺑﺎﻟﺸﻜﻞ ﺩﻩ

- ﺧﻼﺹ ﻳﺎ ﺣﺒﻴﺒﺘﻲ ﻣﺎﺗﺰﻋﻠﻴﺶ ﻧﻔﺴﻚ ... ﺍﻭﻋﺪﻙ ﺇﻧﻲ ﺍﺻﺎﻟﺤﻬﺎ ﻳﺎ ﻓﺮﺩﻭﺱ ﺑﺲ ﻟﻤﺎ ﻧﺸﻮﻑ ﺍﻟﻤﻮﺿﻮﻉ ﺩﻩ ﺣﻴﺨﻠﺺ ﻋﻠﻰ ﺇﻳﻪ

- ﺃﻧﺎ ﻣﺎﺷﻴﺔ ﻳﺎ ﺻﻔﻮﺕ ﻭﺣﺎﺑﻘﻰ ﺍﺭﺟﻊ ﺗﺎﻧﻲ ﻋﺸﺎﻥ ﺍﺷﻮﻓﻚ ﻋﻤﻠﺖ ﺇﻳﻪ ﻣﻊ ﻧﺎﺩﻳﺔ

- ﻻ ﻳﺎ ﻓﺮﺩﻭﺱ ﺍﺳﺘﻨﻲ ﻣﺎﺗﻤﺸﻴﺶ ﻋﺸﺎﻥ ﺧﺎﻃﺮﻱ ... ﺩﻩ ﺃﻧﺎ ﻣﺎﺻﺪﻗﺖ ﻟﻘﻴﺘﻚ ﺍﻭﻋﻲ ﺗﺮﻭﺣﻲ ﻣﻨﻲ ﺗﺎﻧﻲ ... ﻓﺮﺩﻭﺱ ﻓﺮﺩﻭﺱ

ﺍﺳﺘﻴﻘﻆ ﺻﻔﻮﺕ ﻣﻦ ﻧﻮﻣﻪ ﻓﺰﻋﺎ ﻭﻫﻮ ﻳﺮﺩﺩ ﺍﺳﻢ ﻓﺮﺩﻭﺱ ... ﺛﻢ ﺍﺳﺘﻌﺎﺫ ﺑﺎﻟﻠﻪ ﻣﻦ ﺍﻟﺸﻴﻄﺎﻥ ﻭﺃﺧﺬ ﻳﺘﻤﺘﻢ ﻗﺎﺋﻼ :

- ﺣﺎﺿﺮ ﻳﺎ ﻓﺮﺩﻭﺱ ﺣﺎﺿﺮ ... ﺃﻭﻋﺪﻙ ﺇﻧﻲ ﺍﺻﺎﻟﺤﻬﺎ ﻋﺸﺎﻥ ﺧﺎﻃﺮﻙ ﻳﺎ ﻓﺮﺩﻭﺱ ... ﺍﻫﻢ ﺣﺎﺟﺔ ﺍﻧﻚ ﺗﻜﻮﻧﻲ ﺭﺍﺿﻴﺔ ﻋﻨﻲ

************************************************** *******

ﻛﺎﻧﺖ ﻧﺎﺩﻳﺔ ﻓﻲ ﻃﺮﻳﻘﻬﺎ ﺇﻟﻰ ﺍﻟﻤﺪﺭﺝ ﻟﺤﻀﻮﺭ ﺇﺣﺪﻯ ﺍﻟﻤﺤﺎﺿﺮﺍﺕ ﺣﻴﻦ ﻗﻄﻊ ﺳﺎﻣﺢ ﻃﺮﻳﻘﻬﺎ ﻭﻭﻗﻒ ﺃﻣﺎﻣﻬﺎ ﻗﺎﺋﻼ :

- ﻫﻴﺎ ﺣﺼﻠﺖ ﻳﺎ ﻧﺎﺩﻳﺔ ﺍﻧﻚ ﺗﺒﻌﺘﻴﻠﻲ ﻭﺍﺣﺪ ﺑﻠﻄﺠﻲ ﻋﺸﺎﻥ ﻳﻀﺮﺑﻨﻲ ﻭﻳﻬﺪﺩﻧﻲ ?

ﻧﻈﺮﺕ ﻧﺎﺩﻳﺔ ﺇﻟﻰ ﻭﺟﻬﻪ ﻟﺘﺮﻯ ﺗﻠﻚ ﺍﻷﺛﺎﺭ ﺍﻟﺘﻲ ﺗﺮﻛﺘﻬﺎ ﺿﺮﺑﺎﺕ ﻋﻠﻲ ﻋﻠﻰ ﻭﺟﻬﻪ ﺛﻢ ﺍﺑﺘﺴﻤﺖ ﻗﺎﺋﻠﺔ ﺑﺸﻤﺎﺗﺔ :

- ﺑﻘﻰ ﻫﻮ ﺍﻟﻠﻲ ﻋﻤﻞ ﻓﻴﻚ ﻛﺪﻩ ? ﻃﺐ ﻭﺍﻟﻠﻪ ﺭﺍﺟﻞ ﻳﺎ ﻋﻠﻲ

ﺗﺤﺴﺲ ﺳﺎﻣﺢ ﻭﺟﻬﻪ ﻭﻗﺎﻝ ﺑﺠﺪﻳﺔ :

- ﻣﺎﺗﻔﺮﺣﻴﺶ ﺍﻭﻱ ﻛﺪﻩ ... ﻛﻞ ﺍﻟﺤﻜﺎﻳﺔ ﺇﻧﻪ ﺧﺪﻧﻲ ﻋﻠﻰ ﺧﻮﺍﻧﺔ ﻭﻣﺎﻛﻨﺘﺶ ﻋﺎﻣﻞ ﺣﺴﺎﺑﻲ .

ﻃﻴﺐ ﻣﺎ ﺍﺣﻨﺎ ﻓﻴﻬﺎ ﻟﺴﻪ ... ﻣﻤﻜﻦ ﻧﻌﻴﺪ ﺍﻟﻌﺮﺽ ﺗﺎﻧﻲ ﻭﻭﺭﻳﻨﻲ ﺣﺘﻌﻤﻞ ﺇﻳﻪ

ﻧﻈﺮ ﺳﺎﻣﺢ ﺧﻠﻒ ﻧﺎﺩﻳﺔ ﺍﻟﺘﻲ ﺍﻟﺘﻔﺘﺖ ﺑﺪﻭﺭﻫﺎ ﺇﻟﻰ ﻣﺼﺪﺭ ﺍﻟﺼﻮﺕ ﻟﻴﺠﺪﻭﺍ ﻋﻠﻲ ﻭﺍﻗﻔﺎ ﻭﻫﻮ ﻳﺮﻣﻖ ﺳﺎﻣﺢ ﺑﻨﻈﺮﺍﺕ ﻣﺘﺤﻔﺰﺓ ﻭﻣﺘﻮﻋﺪﺓ ﻭﻛﺄﻧﻪ ﺃﺳﺪ ﻇﻞ ﺣﺒﻴﺴﺎ ﻟﻔﺘﺮﺓ ﺩﻭﻥ ﻃﻌﺎﻡ ﺛﻢ ﺳﻨﺤﺖ ﻟﻪ ﻓﺮﺻﺔ ﺍﻹﻧﺘﻘﺎﻡ ﻣﻦ ﻣﺤﺘﺒﺴﻴﻪ ...

- ﺳﺎﻣﺢ : ﻫﻴﺎ ﺣﺼﻠﺖ ﺗﺠﻴﺒﻴﻪ ﺍﻟﻜﻠﻴﺔ ﻛﻤﺎﻥ ?

- ﻋﻠﻲ ﺳﺎﺧﺮﺍ : ﺑﺄﻗﻮﻟﻚ ﺇﻳﻪ ... ﻫﻮ ﺍﻧﺖ ﻛﻼﻣﻚ ﻛﻠﻪ ﻣﻊ ﺍﻟﺤﺮﻳﻢ ﻭﺑﺲ .... ﻣﺎﺑﺘﺘﻜﺸﻒﺵ ﻋﻠﻰ ﺭﺟﺎﻟﺔ ﻭﻻ ﺇﻳﻪ ? ﻣﺎﺗﻜﻠﻤﻨﻲ ﺃﻧﺎ ﺍﺣﺴﻦ

- ﻣﺶ ﻟﻤﺎ ﺍﻋﺮﻑ ﺍﻷﻭﻝ ﺍﻧﺖ ﻣﻴﻦ

- ﻭﺣﺘﻔﺮﻕ ﻣﻌﺎﻙ ﺍﻭﻱ ﻳﻌﻨﻲ ?

- ﺑﺎﻳﻦ ﻋﻠﻴﻚ ﻛﺪﻩ ﻭﺍﺣﺪ ﻣﻦ ﻋﺸﺎﻕ ﺍﻟﻤﻠﻜﺔ ﻛﺎﻥ ﻧﻔﺴﻚ ﺗﺪﻭﻕ ﺍﻟﺸﻬﺪ ﺑﺲ ﺯﻋﻼﻥ ﺍﻧﻚ ﻣﺎﻟﺤﻘﺘﺶ ﺃﻭﻝ ﻗﻄﻔﺔ ... ﻣﺎﺗﺰﻋﻠﺶ ﻣﻠﺤﻮﻗﺔ ... ﺍﻟﺨﻠﻴﺔ ﻟﺴﻪ ﻣﻮﺟﻮﺩﺓ ﻭﺍﻟﻌﺴﻞ ﻛﺘﻴﺮ ﺃﻧﺎ ﻣﺎ ﺧﻠﺼﺘﻮﺵ ﻛﻠﻪ

ﻟﻢ ﺗﺸﻌﺮ ﻧﺎﺩﻳﺔ ﺑﻨﻔﺴﻬﺎ ﺇﻻ ﻭﻳﺪﻫﺎ ﺗﻬﻮﻱ ﻋﻠﻰ ﺧﺪ ﺳﺎﻣﺢ ﻭﻫﻲ ﺗﺼﺮﺥ ﺑﻪ ﻗﺎﺋﻠﺔ :

- ﺁﻩ ﻳﺎ ﻧﺪﻝ ﻳﺎ ﺣﻘﻴﺮ ... ﺃﻧﺎ ﺍﺯﺍﻱ ﻣﺎ ﻛﻨﺘﺶ ﺷﺎﻳﻔﺎﻙ ﻋﻠﻰ ﺣﻘﻴﻘﺘﻚ ﻗﺒﻞ ﻛﺪﻩ ... ﻟﻠﺪﺭﺟﺔﺩﻱ ﻛﻨﺖ ﻣﺨﺪﻭﻋﺔ ﻓﻴﻚ

ﺻﻔﻌﺘﻬﺎ ﻭﺻﻮﺗﻬﺎ ﺍﻟﻌﺎﻟﻲ ﺍﺛﺎﺭﺕ ﺇﻧﺘﺒﺎﻩ ﺑﻌﺾ ﺍﻟﺰﻣﻼﺀ ﺍﻷﻣﺮ ﺍﻟﺬﻱ ﺍﺛﺎﺭ ﺣﻔﻴﻈﺔ ﺳﺎﻣﺢ ﻓﺮﻓﻊ ﻳﺪﻩ ﻟﻴﺮﺩ ﻟﻨﺎﺩﻳﺔ ﺍﻟﺼﻔﻌﺔ ﻭﻟﻜﻦ ﻳﺪ ﻋﻠﻲ ﻛﺎﻧﺖ ﺍﺳﺒﻖ ﻟﻴﻤﺴﻚ ﺑﻴﺪﻩ ﺍﻟﻤﺮﻓﻮﻋﺔ ﻭﻫﻮ ﻳﻘﻮﻝ ﻓﻲ ﻏﻀﺐ :

- ﻟﻮ ﻓﻜﺮﺕ ﻣﺮﺓ ﺗﺎﻧﻴﺔ ﺍﻧﻚ ﺗﻤﺪ ﺇﻳﺪﻙ ﻋﻠﻴﻬﺎ ﺃﻧﺎ ﺍﻟﻠﻲ ﺣﺎﻗﻄﻌﻬﺎﻟﻚ ... ﻓﺎﻫﻢ ﻭﻻ ﻷ ... ﻭﻣﺎﺗﻨﺴﺎﺵ ﻣﻌﺎﺩﻧﺎ ﺍﻟﻠﻲ ﺍﺗﻔﻘﻨﺎ ﻋﻠﻴﻪ ﻻﻥ ﺻﺪﻗﻨﻲ ﻣﺶ ﻣﻦ ﻣﺼﻠﺤﺘﻚ ﺍﻧﻚ ﺗﻨﺴﺎﻩ ... ﻭﺍﻟﻜﻼﻡ ﺍﻟﻠﻲ ﺍﻧﺖ ﻗﻠﺘﻪ ﺩﻩ ﺣﺘﺘﺤﺎﺳﺐ ﻋﻠﻴﻪ ﺑﺲ ﻣﺶ ﺩﻟﻮﻗﺘﻲ ﻭﺩﻩ ﺍﺣﺘﺮﺍﻣﺎ ﺑﺲ ﻟﻠﻤﻜﺎﻥ ﺍﻟﻠﻲ ﺍﺣﻨﺎ ﻓﻴﻪ

ﺗﺮﻙ ﻋﻠﻲ ﻳﺪﻩ ﻭﺍﻟﺘﻔﺖ ﺇﻟﻰ ﻧﺎﺩﻳﺔ ﻗﺎﺋﻼ :

- ﻳﻼ ﺑﻴﻨﺎ ﻳﺎ ﻧﺎﺩﻳﺔ

- ﻋﻠﻰ ﻓﻴﻦ ﻳﺎ ﻋﻠﻲ ? ﺃﻧﺎ ﻟﺴﻪ ﻋﻨﺪﻱ ﻣﺤﺎﺿﺮﺍﺕ

- ﻣﺶ ﻻﺯﻡ ﺗﺤﻀﺮﻳﻬﺎ ﺍﻟﻨﻬﺎﺭﺩﺓ ... ﻭﺑﻌﺪﻳﻦ ﻣﺶ ﻻﺯﻡ ﺍﺻﻼ ﺗﻴﺠﻲ ﺍﻟﻜﻠﻴﺔ ﻟﺤﺪ ﻣﺎﻧﺨﻠﺺ ﻣﻦ ﺍﻟﻤﻮﺿﻮﻉ ﺩﻩ

- ﻃﻴﺐ ﺍﻧﺖ ﺭﺍﻳﺢ ﻓﻴﻦ ﺩﻟﻮﻗﺘﻲ ?

- ﻭﺭﺍﻳﺎ ﻣﺸﻮﺍﺭ ﻣﻬﻢ ﺭﺍﻳﺢ ﺍﻋﻤﻠﻪ ﻭﺍﺗﻔﻀﻠﻲ ﺑﻘﻰ ﺍﺭﻛﺒﻲ ﻋﺮﺑﻴﺘﻚ ﻭﺭﻭﺣﻲ ﺩﻟﻮﻗﺘﻲ ﻭﺍﻧﺎ ﺣﺎﺳﺘﻨﻰ ﻋﺸﺎﻥ ﺍﺗﺄﻛﺪ ﺍﻥ ﻣﺎﻓﻴﺶ ﺣﺪ ﺣﻴﺘﻌﺮﺿﻠﻚ

- ﺣﺎﺿﺮ ... ﻭﻣﺘﺸﻜﺮﺓ ﺍﻭﻱ ﻳﺎ ﻋﻠﻲ

- ﺃﻧﺎ ﻣﺶ ﺑﺎﻋﻤﻞ ﻛﺪﻩ ﻋﺸﺎﻥ ﺧﺎﻃﺮﻙ ﻋﻠﻰ ﻓﻜﺮﺓ ... ﺃﻧﺎ ﺑﺄﻋﻤﻞ ﻛﺪﻩ ﻋﺸﺎﻥ ﺧﺎﻃﺮ ﺍﻟﺮﺍﺟﻞ ﺍﻟﻠﻲ ﺭﺑﺎﻧﻲ ﻭﺧﻴﺮﻩ ﻋﻠﻴﺎ ﻭﺃﻓﺪﻳﻪ ﺑﺤﻴﺎﺗﻲ ... ﻟﻜﻦ ﻟﻮ ﻋﻠﻴﻜﻲ .... ﻓﺎﻧﺘﻲ ﺍﺻﻼ ﻣﺎ ﺗﺴﺘﺎﻫﻠﻴﺶ ......

ﻳﺘﺒﻊ

↚

ﺍﻧﺖ ﻣﺘﺄﻛﺪ ﻣﻦ ﺍﻟﻜﻼﻡ ﺩﻩ ﻳﺎ ﺑﺎﺷﻤﻬﻨﺪﺱ ?

- ﻃﺒﻌﺎ ﻳﺎ ﻓﻨﺪﻡ ... ﻭﺇﻻ ﻣﺎﻛﻨﺘﺶ ﺟﻴﺖ ﻟﺤﻀﺮﺗﻚ ... ﺛﻢ ﺇﻳﻪ ﻣﺼﻠﺤﺔ ﻧﺎﺩﻳﺔ ﺗﺘﻬﻤﻪ ﺑﺘﻬﻤﺔ ﺗﺪﻳﻨﻬﺎ ﺍﻛﺘﺮ ﻣﺎ ﺗﺪﻳﻨﻪ .... ﺩﻩ ﻏﻴﺮ ﺇﻧﻪ ﻟﻤﺎ ﻭﺍﺟﻬﺘﻪ ﺑﺎﻟﻜﻼﻡ ﺩﻩ ﻣﺎ ﺍﻧﻜﺮﺵ ... ﻭﺃﻧﺎ ﻗﻠﺖ ﺁﺟﻲ ﻟﺤﻀﺮﺗﻚ ﻭﺍﺗﻜﻠﻢ ﻣﻌﺎﻙ ﺍﻷﻭﻝ ﻗﺒﻞ ﻣﺎ ﻧﺎﺧﺪ ﺧﻄﻮﺓ ﺭﺳﻤﻴﺔ ﻭﻧﺘﻘﺪﻡ ﺑﺒﻼﻍ ﻧﺘﻬﻢ ﻓﻴﻪ ﺍﺑﻦ ﺣﻀﺮﺗﻚ ﺑﺎﻹﻋﺘﺪﺍﺀ ﻋﻠﻴﻬﺎ ﻭﺩﻩ ﻛﻠﻪ ﺑﺲ ﻋﺸﺎﻥ ﺧﺎﻃﺮ ﺳﻤﻌﺔ ﺣﻀﺮﺗﻚ ﺍﻟﻄﻴﺒﺔ ﻓﻲ ﺍﻟﺴﻮﻕ ﻭﺍﻟﻠﻲ ﺍﻋﺘﻘﺪ ﺍﻧﻬﺎ ﺣﺘﺘﺄﺛﺮ ﻟﻤﺎ ﻣﻮﺿﻮﻉ ﺯﻱ ﺩﻩ ﻳﺘﻌﺮﻑ

ﺷﻌﺮ ﻋﻠﻲ ﺃﻧﻪ ﺑﺤﺪﻳﺜﻪ ﻗﺪ ﻟﻤﺲ ﻭﺗﺮﺍ ﺣﺴﺎﺳﺎ ﻟﺪﻯ ﻧﺠﻴﺐ ﺍﻟﺬﻱ ﻣﺎﻟﺒﺚ ﺃﻥ ﻗﺎﻝ :

- ﻣﺎﺗﻘﻠﻘﺶ ﻳﺎ ﺑﺎﺷﻤﻬﻨﺪﺱ ... ﺃﻧﺎ ﻋﺎﻳﺰﻙ ﺗﺒﻠﻎ ﺗﺤﻴﺎﺗﻲ ﻟﺼﻔﻮﺕ ﺑﺎﺷﺎ ﻭﺇﻋﺘﺬﺍﺭﻱ ﻋﻦ ﺍﻟﻐﻠﻄﺔ ﺍﻟﺸﻨﻴﻌﺔ ﺍﻟﻠﻲ ﻋﻤﻠﻬﺎ ﺍﺑﻨﻲ ﺩﻱ ... ﻭﺗﻘﻮﻟﻪ ﺍﻥ ﺃﻧﺎ ﻭﺳﺎﻣﺢ ﺍﻥ ﺷﺎﺀﺍﻟﻠﻪ ﺣﻨﻜﻮﻥ ﻋﻨﺪﻩ ﻳﻮﻡ ﺍﻟﺨﻤﻴﺲ ﺍﻟﺠﺎﻱ ﻳﻌﻨﻲ ﺑﻌﺪ ﺗﻠﺖ ﺍﻳﺎﻡ ﻭﺣﻨﺠﻴﺐ ﻣﻌﺎﻧﺎ ﺍﻟﻤﺄﺫﻭﻥ ﻛﻤﺎﻥ ﻋﺸﺎﻥ ﻧﻜﺘﺐ ﺍﻟﻜﺘﺎﺏ ﻭﺍﻟﻠﻲ ﻏﻠﻂ ﻳﺘﺤﻤﻞ ﻧﺘﻴﺠﺔ ﻏﻠﻄﺘﻪ

ﺗﻨﻬﺪ ﻋﻠﻲ ﻗﺎﺋﻼ ﺑﺈﺭﺗﻴﺎﺡ :

- ﺍﻧﺎ ﻓﻲ ﺍﻟﺤﻘﻴﻘﺔ ﻣﺎﻛﻨﺘﺶ ﻣﺘﻮﻗﻊ ﺍﻥ ﻣﻬﻤﺘﻲ ﺗﻜﻮﻥ ﺑﺎﻟﺴﻬﻮﻟﺔ ﺩﻱ ... ﻋﺸﺎﻥ ﻛﺪﻩ ﺃﻧﺎ ﺑﺸﻜﺮ ﺣﻀﺮﺗﻚ ﻭﺑﻌﺘﺬﺭ ﻋﻦ ﺇﻧﻲ ﺿﺮﺑﺘﻪ ﻭﻣﺪﻳﺖ ﺇﻳﺪﻱ ﻋﻠﻴﻪ

- ﻣﺎﻓﻴﺶ ﺩﺍﻋﻲ ﻟﻺﻋﺘﺬﺍﺭ ﻳﺎ ﺑﺎﺷﻤﻬﻨﺪﺱ ... ﺃﻱ ﺣﺪ ﻣﻜﺎﻧﻚ ﻛﺎﻥ ﺣﻴﻌﻤﻞ ﻛﺪﻩ ﻭﺍﻛﺘﺮ ﻛﻤﺎﻥ

- ﻃﻴﺐ ﻣﻌﻠﺶ ﺳﺆﺍﻝ ﺍﺧﻴﺮ .... ﺍﻧﺎ ﺑﺲ ﻛﻨﺖ ﻋﺎﻳﺰ ﺍﻋﺮﻑ ﻳﻌﻨﻲ ﺍﻟﻤﻮﻗﻒ ﺣﻴﻜﻮﻥ ﺇﻳﻪ ﻟﻮ ﺭﻓﺾ ﺇﻧﻪ ﻳﻴﺠﻲ ﻣﻊ ﺣﻀﺮﺗﻚ ?

- ﻣﺎﺗﻘﻠﻘﺶ ﻳﺎ ﺑﺎﺷﻤﻬﻨﺪﺱ ... ﻣﺶ ﻧﺠﻴﺐ ﺍﻟﺤﺴﻴﻨﻲ ﺍﻟﻠﻲ ﻳﺮﺟﻊ ﻓﻮﻋﺪ ﺇﺩﺍﻩ ﻟﺤﺪ

- ﺧﻼﺹ ﻳﺎ ﻓﻨﺪﻡ ﺍﻟﻠﻲ ﺗﺸﻮﻓﻪ ﺣﻀﺮﺗﻚ ...

- ﻣﺎﻓﻴﺶ ﺩﺍﻋﻲ ﻟﻺﻋﺘﺬﺍﺭ ﻳﺎ ﺑﺎﺷﻤﻬﻨﺪﺱ ... ﺃﻱ ﺣﺪ ﻣﻜﺎﻧﻚ ﻛﺎﻥ ﺣﻴﻌﻤﻞ ﻛﺪﻩ ﻭﺍﻛﺘﺮ ﻛﻤﺎﻥ ... ﺃﻧﺎ ﻣﻘﺪﺭ ﺟﺪﺍ ﺍﻟﺤﺎﻟﺔ ﺍﻟﻠﻲ ﺍﻧﺖ ﻛﻨﺖ ﻓﻴﻬﺎ ... ﻣﺮﺓ ﺗﺎﻧﻴﺔ ﻳﺎﺭﻳﺖ ﺗﺒﻠﻎ ﺗﺤﻴﺎﺗﻲ ﻟﺼﻔﻮﺕ ﺑﺎﺷﺎ ﻭﺗﻘﻮﻟﻮﺍ ﻳﻌﺘﺒﺮ ﺇﻥ ﺍﻟﻤﻮﺿﻮﻉ ﻣﻨﺘﻬﻲ

*****************************************

ﻳﻌﻨﻲ ﺇﻳﻪ ﻳﺎ ﺑﺎﺑﺎ ﺍﻋﺘﺒﺮ ﺇﻥ ﺍﻟﻤﻮﺿﻮﻉ ﻣﻨﺘﻬﻲ ? ﺃﻧﺎ ﻻ ﻳﻤﻜﻦ ﺍﺗﺠﻮﺯﻫﺎ ﻣﻬﻤﺎ ﺣﺼﻞ

ﺃﺟﺎﺑﻪ ﻧﺠﻴﺐ ﻗﺎﺋﻼ ﻓﻲ ﺣﺪﺓ :

- ﻳﻌﻨﻲ ﺇﻳﻪ ﻻ ﻳﻤﻜﻦ ﺗﺘﺠﻮﺯﻫﺎ ... ﺃﻣﺎﻝ ﻛﻨﺖ ﻓﺎﻟﺢ ﺑﺲ ﺗﻌﻤﻞ ﻋﻤﻠﺘﻚ ﺍﻟﺴﻮﺩﺓ ﺩﻱ ﻣﻌﺎﻫﺎ ﻭﺑﻌﺪ ﻛﺪﻩ ﻋﺎﻳﺰ ﺇﻳﻪ

- ﻳﺎ ﺑﺎﺑﺎ ﺩﻱ ﻛﺪﺍﺑﺔ ﻣﺎﺗﺼﺪﻗﻬﺎﺵ

- ﻻ ﻣﺶ ﻛﺪﺍﺑﺔ ﻳﺎ ﺳﺎﻣﺢ ... ﻭﺑﻌﺪﻳﻦ ﺩﻱ ﻣﺶ ﻭﺍﺣﺪﺓ ﻣﻦ ﺍﻟﺸﺎﺭﻉ ﻋﺸﺎﻥ ﺗﺘﻬﻤﻚ ﺍﻹﺗﻬﺎﻣﺎﺕ ﺩﻱ ﺑﺎﻟﺒﺎﻃﻞ ... ﺩﻱ ﺑﻨﺖ ﺻﻔﻮﺕ ﺍﻟﺪﻣﻴﺎﻃﻲ ... ﻭﻳﻈﻬﺮ ﻛﺪﻩ ﺍﻧﻚ ﻣﺶ ﻋﺎﺭﻑ ﻣﻴﻦ ﺻﻔﻮﺕ ﺍﻟﺪﻣﻴﺎﻃﻲ

- ﻳﺎﺑﺎﺑﺎ ﺩﻱ ﻫﻴﺎ ﺍﻟﻠﻲ ﺟﺎﺕ ﻣﻌﺎﻳﺎ ﺑﻤﺰﺍﺟﻬﺎ ﺭﻏﻢ ﺍﻧﻬﺎ ﻋﺎﺭﻓﺔ ﺍﻥ ﺍﻟﺸﺎﻟﻴﻪ ﻣﺶ ﺣﻴﻜﻮﻥ ﻓﻴﻪ ﺣﺪ ﻏﻴﺮﻧﺎ ... ﻳﺒﻘﻰ ﻋﺎﻳﺰﻧﻲ ﺍﺯﺍﻱ ﺍﺗﺠﻮﺯﻫﺎ ﻭﺍﺧﻠﻴﻬﺎ ﺗﺸﻴﻞ ﺇﺳﻤﻲ

- ﺍﺩﻳﻚ ﺍﻋﺘﺮﻓﺖ ﺁﻫﻮﻩ ﺑﻌﻤﻠﺘﻚ ... ﻭﺑﻌﺪﻳﻦ ﻫﻮ ﺫﻧﺒﻬﺎ ﺍﻧﻬﺎ ﻭﺛﻘﺖ ﻓﻴﻚ ... ﺗﻄﻠﻊ ﺍﻧﺖ ﻧﺪﻝ ﻣﻌﺎﻫﺎ ... ﺍﺳﻤﻌﻨﻲ ﻛﻮﻳﺲ ﻳﺎ ﺳﺎﻣﺢ ... ﺍﻟﻜﻼﻡ ﺍﻟﻠﻲ ﺣﺎﻗﻮﻟﻪ ﺩﻩ ﻣﺎﻓﻴﻬﻮﺵ ﻧﻘﺎﺵ ... ﺍﻟﺨﻤﻴﺲ ﺍﻟﺠﺎﻱ ﻛﺘﺐ ﻛﺘﺎﺑﻚ ﻋﻠﻰ ﻧﺎﺩﻳﺔ ... ﻭﻟﻌﻠﻤﻚ ﺩﻩ ﻟﻤﺼﻠﺤﺘﻨﺎ ﺍﺣﻨﺎ ﺍﻛﺘﺮ ﻣﻦ ﻣﺼﻠﺤﺘﻬﻢ

- ﺳﺎﻣﺢ ﺑﺪﻫﺸﺔ : ﺍﺯﺍﻱ ﻳﻌﻨﻲ ﻣﺶ ﻓﺎﻫﻢ

- ﻧﺠﻴﺐ ﺳﺎﺧﺮﺍ : ﻭﻫﻮ ﺍﻧﺖ ﻟﻮ ﺑﺘﻔﻬﻢ ﻛﻨﺖ ﻋﻤﻠﺖ ﺍﻟﻤﺼﻴﺒﺔ ﺩﻱ ﺑﺮﺿﻪ ... ﺍﻓﻬﻢ ﻳﺎ ﺍﺑﻨﻲ ... ﺻﻔﻮﺕ ﺍﻟﺪﻣﻴﺎﻃﻲ ﺩﻩ ﻣﺶ ﺃﻱ ﺣﺪ ... ﺍﻧﺖ ﻋﺎﺭﻑ ﺩﻩ ﻟﻮ ﺣﻄﻨﺎ ﻓﺪﻣﺎﻏﻪ ﻭﺣﺎﺭﺑﻨﺎ ﻓﺸﻐﻠﻨﺎ ﺣﻴﺨﺴﺮﻧﺎ ﺍﺩ ﺇﻳﻪ ... ﺩﻩ ﻏﻴﺮ ﺇﻧﻪ ﻟﻮ ﻗﺪﻡ ﺑﻼﻍ ﻟﻠﻨﻴﺎﺑﺔ ﻭﺍﻟﻤﻮﺿﻮﻉ ﺍﺗﻌﺮﻑ ﺣﺘﺒﻘﻰ ﻓﻀﻴﺤﺔ ﻟﻴﻪ ﻭﻟﻴﻨﺎ ﺍﺣﻨﺎ ﻛﻤﺎﻥ ... ﻟﻜﻦ ﺳﺎﻋﺘﻬﺎ ﻣﺶ ﺣﺘﻔﺮﻕ ﻣﻌﺎﻩ ... ﻷﻧﻪ ﻓﺎﻟﺤﺎﻟﺘﻴﻦ ﺣﻴﻜﻮﻥ ﺧﺴﺮﺍﻥ ... ﻓﺎﻛﻴﺪ ﻣﺶ ﺣﻴﻮﺍﻓﻖ ﺇﻧﻪ ﻳﺨﺴﺮ ﻟﻮﺣﺪﻩ ... ﻭﺳﺎﻋﺘﻬﺎ ﺳﻤﻌﺘﻲ ﻓﺎﻟﺴﻮﻕ ﺣﺘﺘﺄﺛﺮ ... ﺩﻩ ﻏﻴﺮ ﺇﻥ ﻣﺴﺘﻘﺒﻠﻚ ﺣﻴﻀﻴﻊ ﻭﺗﺪﺧﻞ ﺍﻟﺴﺠﻦ

- ﺳﺎﻣﺢ ﺑﺈﺻﺮﺍﺭ : ﻣﺶ ﺣﻴﻘﺪﺭﻭﺍ ﻳﺜﺒﺘﻮﺍ ﺣﺎﺟﺔ

- ﻧﺠﻴﺐ ﺑﺈﻧﻔﻌﺎﻝ : ﺳﻴﺒﻚ ﻣﻦ ﻛﻞ ﺩﻩ ... ﻳﺎ ﺍﺑﻨﻲ ﺍﻧﺖ ﻣﺶ ﺧﺎﻳﻒ ﻣﻦ ﺭﺑﻨﺎ ... ﺃﻧﺎ ﻣﺶ ﻓﺎﻫﻢ ﺍﻧﺖ ﺍﺯﺍﻱ ﻗﺪﺭﺕ ﺗﻌﻤﻞ ﻛﺪﻩ ... ﻭﺑﻌﺪﻳﻦ ﻣﺶ ﻛﻔﺎﻳﺔ ﺍﻧﻚ ﺭﻭﺣﺖ ﻭﺧﻄﺒﺘﻬﺎ ﻣﻦ ﻭﺭﺍﻳﺎﻭﺑﻌﺪﻳﻦ ﺗﻌﻤﻞ ﻋﻤﻠﺘﻚ ﻭﻛﻤﺎﻥ ﻣﺶ ﻋﺎﻳﺰ ﺗﺘﺠﻮﺯﻫﺎ ... ﻟﻴﻪ ﻫﻴﺎ ﺑﻨﺎﺕ ﺍﻟﻨﺎﺱ ﻟﻌﺒﺔ ﻓﻨﻈﺮﻙ ... ﻫﻮ ﺍﻧﺖ ﻓﺎﻛﺮ ﺇﻧﻲ ﻋﺸﺎﻥ ﻣﺎﻋﻨﺪﻳﺶ ﺑﻨﺎﺕ ﺣﺎﺳﻤﺤﻠﻚ ﺗﻌﻤﻞ ﻛﺪﻩ ﻓﺒﻨﺎﺕ ﺍﻟﻨﺎﺱ ... ﻓﻮﻕ ﻟﻨﻔﺴﻚ ﻳﺎ ﺳﺎﻣﺢ ﺍﺣﺴﻦ ﻗﺴﻤﺎ ﺑﺎﻟﻠﻪ ﺍﻟﻌﻈﻴﻢ ﺃﺧﻠﻴﻬﻢ ﻳﻘﺪﻣﻮﺍ ﺍﻟﺒﻼﻍ ﻭﺍﺭﻭﺡ ﺍﺷﻬﺪ ﻭﺃﻗﻮﻝ ﺍﻧﻚ ﺍﻋﺘﺮﻓﺘﻠﻲ ﺑﻜﻞ ﺣﺎﺟﺔ ﻭﺳﺎﻋﺘﻬﺎ ﻣﺶ ﺣﻴﻬﻤﻨﻲ ﻟﻮ ﻳﻌﺪﻣﻮﻙ ﺣﺘﻰ ... ﻣﺶ ﻛﻔﺎﻳﺔ ﺇﻧﻲ ﺻﺎﺑﺮ ﻋﻠﻯﻚ ﻭﺍﻧﺖ ﺑﻘﺎﻟﻚ ﺍﺭﺑﻊ ﺳﻨﻴﻦ ﻓﺴﻨﺔ ﺭﺍﺑﻌﺔ ﻭﻣﺶ ﻋﺎﺭﻑ ﺗﺨﻠﺼﻬﺎ ... ﻭﺃﻗﻮﻝ ﻟﻨﻔﺴﻲ ﺩﻩ ﻃﻴﺶ ﺷﺒﺎﺏ ﻭﺑﻜﺮﺓ ﻳﻌﻘﻞ ... ﻟﻜﻦ ﻟﺤﺪ ﻛﺪﻩ ﻭﻛﻔﺎﻳﺔ ﺍﻭﻱ .

- ﻟﻠﺪﺭﺟﺔﺩﻱ ﻳﺎ ﺑﺎﺑﺎ ... ﻳﻌﻨﻲ ﺗﺒﻴﻊ ﺍﺑﻨﻚ ﻋﺸﺎﻥ ﺧﺎﻃﺮ ﻭﺍﺣﺪﺓ ﻣﺎﺗﺴﺘﺎﻫﻠﺶ ﺯﻱ ﺩﻱ

- ﺍﻟﻠﻲ ﻣﺎﺗﺴﺘﺎﻫﻠﺶ ﺩﻱ ﺣﻀﺮﺗﻚ ﺍﻟﻠﻲ ﻋﺮﻓﺘﻬﺎ ﻭﺭﻭﺣﺖ ﺧﻄﺒﺘﻬﺎ ﻣﻦ ﻭﺭﺍﻳﺎ ... ﻭﺑﻌﺪﻳﻦ ﺇﺫﺍ ﻛﺎﻧﺖ ﺑﻨﺖ ﺻﻔﻮﺕ ﺍﻟﺪﻣﻴﺎﻃﻲ ﻣﺎﺗﺴﺘﺎﻫﻠﺶ ﺍﻣﺎﻝ ﻣﻴﻦ ﺑﻘﻰ ﺍﻟﻠﻲ ﺗﺴﺘﺎﻫﻞ ... ﺃﻧﺎ ﻛﺪﻩ ﻗﻠﺖ ﻛﻞ ﺍﻟﻠﻲ ﻋﻨﺪﻱ ﻭﻣﺴﺘﻨﻲ ﺍﺳﻤﻊ ﺍﻟﻠﻲ ﻋﻨﺪﻙ ... ﻭﻳﺎﺭﻳﺖ ﺗﺤﺴﺒﻬﺎ ﻛﻮﻳﺲ ﻭﺗﺸﻮﻑ ﺍﻟﺨﺴﺎﻳﺮ ﺍﻟﻠﻲ ﺣﺘﻌﻮﺩ ﻋﻠﻴﻨﺎ ﻟﻮ ﺭﺍﺟﻞ ﺯﻱ ﺃﺑﻮﻫﺎ ﺩﻩ ﺑﻮﺯﻧﻪ ﻓﺎﻟﺴﻮﻕ ﺣﻄﻨﺎ ﻓﺪﻣﺎﻏﻪ ﻋﻠﻰ ﺍﻟﻌﻜﺲ ﺑﻘﻰ ﻟﻮ ﺗﻤﺖ ﺍﻟﺠﻮﺍﺯﺓ ﺩﻱ ﻭﻧﺎﺳﺒﻨﺎﻩ ﺷﻮﻑ ﺍﻟﻤﻜﺎﺳﺐ ﺍﻟﻠﻲ ﻣﻤﻜﻦ ﻧﺤﺼﻠﻬﺎ ﻟﻮ ﻭﺍﻓﻖ ﻋﻠﻰ ﺷﺮﺍﻛﺔ ﺑﻴﻨﺎ ﻭﺑﻴﻨﻪ ... ﻫﺎ ﻳﺎ ﺳﺎﻣﺢ ... ﺟﺎﻱ ﻣﻌﺎﻳﺎ ﻳﻮﻡ ﺍﻟﺨﻤﻴﺲ ﻭﻻ ﻷ ?

- ﺳﺎﻣﺢ ﺑﻐﻴﻆ : ﻳﻌﻨﻲ ﻳﺎ ﺑﺎﺑﺎ ﻳﺮﺿﻴﻚ ﺑﻨﺖ ﺍﻹﻳﻪ ﺩﻱ ﺗﺸﻤﺖ ﻓﻴﺎ ﺑﻌﺪ ﻣﺎ ﺗﻤﺸﻲ ﻛﻼﻣﻬﺎ ﻋﻠﻴﺎ ﻭﺗﻨﻔﺬ ﺍﻟﻠﻲ ﻛﺎﻧﺖ ﻋﺎﻳﺰﺍﻩ

- ﻧﺠﻴﺐ ﺑﻀﻴﻖ : ﺃﻧﺎ ﻣﺎﻋﻨﺪﻳﺶ ﺇﺳﺘﻌﺪﺍﺩ ﺍﻛﺴﺐ ﻋﺪﺍﻭﺓ ﺭﺍﺟﻞ ﺯﻱ ﺩﻩ ﻋﺸﺎﻥ ﺍﻟﻜﻼﻡ ﺍﻟﻔﺎﺭﻍ ﻭﻟﻌﺐ ﺍﻟﻌﻴﺎﻝ ﺑﺘﺎﻋﻚ ﺩﻩ ... ﺃﻧﺎ ﻣﺴﺘﻨﻲ ﺍﺳﻤﻊ ﺭﺩﻙ ﻋﻠﻰ ﻛﻞ ﺍﻟﻜﻼﻡ ﺍﻟﻠﻲ ﺃﻧﺎ ﻗﻮﻟﺘﻪ ﺩﻩ ﻳﺎ ﺳﺎﻣﺢ

- ﺳﺎﻣﺢ ﺑﻀﻴﻖ : ﻭﻫﻮ ﺣﻀﺮﺗﻚ ﺧﻠﻴﺖ ﻓﻴﻬﺎ ﺭﺃﻱ ﺑﻌﺪ ﺍﻟﻠﻲ ﻗﻮﻟﺘﻪ ﺩﻩ ... ﺑﺲ ﻳﺎﺑﺎﺑﺎ ﻛﺪﻩ ﺣﺘﻔﺘﻜﺮ ﺇﻧﻲ ﺧﻔﺖ ﻣﻦ ﺍﻟﺒﻠﻄﺠﻲ ﺍﻟﻠﻲ ﺑﻌﺘﺘﻬﻮﻟﻲ

- ﺑﻠﻄﺠﻲ ! ﺍﻟﺒﻠﻄﺠﻲ ﺍﻟﻠﻲ ﻣﺶ ﻋﺎﺟﺐ ﺳﻴﺎﺩﺗﻚ ﺩﻩ ... ﻳﺒﻘﻰ ﺍﺑﻦ ﻋﻤﻬﺎ ﻭﻳﺒﻘﻰ ﻣﻬﻨﺪﺱ ﻣﺤﺘﺮﻡ ... ﻳﺎﺭﻳﺘﻨﻲ ﻳﺎ ﺃﺧﻮﻳﺎ ﻛﻨﺖ ﺷﻮﻓﺘﻚ ﺑﻠﻄﺠﻲ ﺯﻳﻪ ﻛﺪﻩ ... ﻭﻋﻤﻮﻣﺎ ﻫﻮ ﺍﻋﺘﺬﺭﻟﻲ ﻋﻠﻰ ﺍﻟﻠﻲ ﻋﻤﻠﻪ ﻣﻌﺎﻙ ﻭﺃﻧﺎ ﻗﺒﻠﺖ ﺇﻋﺘﺬﺍﺭﻩ ... ﺣﺘﻰ ﺩﻱ ﻛﺪﺑﺖ ﻋﻠﻴﺎ ﻓﻴﻬﺎ ﻭﻓﻬﻤﺘﻨﻲ ﺍﻧﻬﺎ ﺧﻨﺎﻗﺔ ﻣﻊ ﺟﻤﺎﻋﺔ ﺻﺤﺎﺑﻚ ... ﺑﺲ ﻣﻌﻠﺶ ﺃﻧﺎ ﻣﺶ ﺑﺎﻋﻔﻲ ﻧﻔﺴﻲ ﻣﻦ ﺍﻟﻤﺴﺌﻮﻟﻴﺔ ... ﺃﻧﺎ ﺍﻟﻠﻲ ﺳﻴﺒﺘﻚ ﻋﻠﻰ ﺭﺍﺣﺘﻚ ﻭﻣﺎﺩﻭﺭﺗﺶ ﻭﺭﺍﻙ ... ﺍﻟﻈﺎﻫﺮ ﻛﺪﻩ ﻭﺃﻧﺎ ﺑﺮﺑﻴﻠﻜﻮﺍ ﻓﻠﻮﺱ ﻧﺴﻴﺖ ﺍﺭﺑﻴﻜﻮﺍ ﻗﺒﻠﻬﺎ ... ﺑﺲ ﻣﻠﺤﻮﻗﺔ ﻭﺍﻋﻤﻞ ﺣﺴﺎﺑﻚ ﺍﻥ ﺍﻟﺴﻨﺔﺩﻱ ﻻﺯﻡ ﺗﻜﻮﻥ ﺃﺧﺮ ﺳﻨﺔ ﻟﻴﻚ ﻓﺎﻟﻜﻠﻴﺔ ﻭﺑﻌﺪﻫﺎ ﺣﺘﻴﻴﺠﻲ ﺗﺸﺘﻐﻞ ﻣﻌﺎﻳﺎ ﻓﺎﻟﺸﺮﻛﺔ ... ﺃﻧﺎ ﻣﺎﻋﻨﺪﻳﺶ ﺇﺳﺘﻌﺪﺍﺩ ﺃﺻﺮﻑ ﻋﻠﻴﻚ ﻭﻋﻠﻲ ﻣﺮﺍﺗﻚ ﻣﻌﺎﻙ ... ﻻﺯﻡ ﺗﺘﻌﻮﺩ ﺗﺒﻘﻰ ﺭﺍﺟﻞ ﻭﺗﺘﺤﻤﻞ ﺍﻟﻤﺴﺌﻮﻟﻴﺔ ... ﻳﺎ ﺇﻣﺎ ﺻﺪﻗﻨﻲ ﻣﺶ ﺣﺘﺸﻮﻑ ﻣﻨﻲ ﻣﻠﻴﻢ ﻭﺍﺣﺪ ﺑﻌﺪ ﻛﺪﻩ ... ﺍﻧﺎ ﻃﺎﻟﻊ ﺍﻭﺿﺘﻲ ﻭﻣﺎﺗﻨﺴﺎﺵ ﻣﻌﺎﺩﻧﺎ ﺍﻟﺨﻤﻴﺲ ﺍﻟﺠﺎﻱ ... ﻭﻃﺒﻌﺎ ﻣﺶ ﺣﺎﻭﺻﻴﻚ ... ﻻ ﺃﺧﻮﻙ ﻭﻻ ﺟﻴﻬﺎﻥ ﻣﺮﺍﺗﻲ ﻳﻌﺮﻓﻮﺍ ﺑﺤﺎﺟﺔ ﻣﻦ ﺍﻟﻠﻲ ﺣﺼﻠﺖ ... ﻻﺯﻡ ﺗﺤﺎﻓﻆ ﻋﻠﻰ ﺻﻮﺭﺓ ﺍﻹﻧﺴﺎﻧﺔ ﺍﻟﻠﻲ ﺣﺘﺒﻘﻰ ﻣﺮﺍﺗﻚ ﺍﺩﺍﻣﻬﻢ ... ﻭﺃﻧﺎ ﺣﺎﻗﻮﻝ ﻟﺠﻴﻬﺎﻥ ﺍﻧﻚ ﻛﻨﺖ ﻣﻜﻠﻤﻨﻲ ﻋﻨﻬﺎ ﻷﻧﻬﺎ ﺯﻣﻴﻠﺘﻚ ﻓﺎﻟﻜﻠﻴﺔ ﻭﺃﻧﺎ ﺷﻮﻓﺖ ﺃﺑﻮﻫﺎ ﻓﻄﻠﺒﺖ ﺇﻳﺪﻫﺎ ﻭﺍﻟﺮﺍﺟﻞ ﻫﻮ ﺍﻟﻠﻲ ﻣﺴﺘﻌﺠﻞ ﻋﻠﻰ ﻛﺘﺐ ﺍﻟﻜﺘﺎﺏ ... ﻳﺎﺭﻳﺖ ﺗﺤﻔﻆ ﺍﻟﻜﻼﻡ ﺩﻩ ﻛﻮﻳﺲ

ﺧﺮﺝ ﻧﺠﻴﺐ ﻣﻦ ﻏﺮﻓﺔ ﻣﻜﺘﺒﻪ ﻣﺘﺠﻬﺎ ﺇﻟﻰ ﻏﺮﻓﺘﻪ ﺑﻴﻨﻤﺎ ﺑﻘﻲ ﺳﺎﻣﺢ ﻣﻜﺎﻧﻪ ﻭﻫﻮ ﻳﻘﻮﻝ ﻓﻲ ﺗﻮﻋﺪ :

- ﻣﺎﺷﻲ ﻳﺎ ﻧﺎﺩﻳﺔ ... ﻭﺭﺣﻤﺔ ﺃﻣﻲ ﻟﺘﺸﻮﻓﻲ ﻣﻨﻲ ﺃﻳﺎﻡ ﺳﻮﺩﺓ ... ﻣﺶ ﺍﻧﺘﻲ ﻋﺎﻳﺰﺓ ﺗﺘﺠﻮﺯﻳﻨﻲ ... ﺍﺷﺮﺏﻱ ﺑﻘﻰ

**********************************************

↚

ﻓﻲ ﺍﻟﺼﺒﺎﺡ ﻛﺎﻥ ﻋﻠﻲ ﺟﺎﻟﺴﺎ ﺑﻐﺮﻓﺔ ﻣﻜﺘﺒﻪ ﺩﺍﺧﻞ ﺷﺮﻛﺔ ﻋﻤﻪ ﺣﻴﻦ ﺃﺗﺎﻩ ﺇﺗﺼﺎﻝ ﺗﻠﻴﻔﻮﻧﻲ ﻣﻦ ﻧﺠﻴﺐ ﻳﺆﻛﺪ ﻓﻴﻪ ﺣﻀﻮﺭﻩ ﻫﻮ ﻭﺳﺎﻣﺢ ﻭﻣﻌﻬﻤﺎ ﺍﻟﻤﺄﺫﻭﻥ ﻟﻴﺘﻢ ﻋﻘﺪ ﻗﺮﺍﻧﻬﻤﺎ ... ﺍﻧﺘﻬﻰ ﻋﻠﻲ ﻣﻦ ﺍﻟﻤﻜﺎﻟﻤﺔ ﻭﺍﺗﺠﻪ ﺇﻟﻰ ﻏﺮﻓﺔ ﻣﻜﺘﺐ ﻋﻤﻪ ﻟﻴﺨﺒﺮﻩ ﺑﻤﺎ ﺗﻢ ﺍﻹﺗﻔﺎﻕ ﻋﻠﻴﻪ ﻣﻊ ﻧﺠﻴﺐ ... ﺍﻷﻣﺮ ﺍﻟﺬﻱ ﺃﺳﻌﺪﻩ ﻛﺜﻴﺮﺍ ﻭﺍﺷﻌﺮﻩ ﺑﺒﻌﺾ ﺍﻟﻄﻤﺄﻧﻴﻨﺔ ... ﻟﺬﻟﻚ ﻓﻘﺪ ﻋﺰﻡ ﻋﻠﻰ ﻣﺼﺎﻟﺤﺔ ﻧﺎﺩﻳﺔ ﺍﻟﺘﻲ ﻣﺮ ﻋﻠﻴﻪ ﻳﻮﻣﺎﻥ ﻟﻢ ﻳﺘﺤﺪﺙ ﻓﻴﻬﻤﺎ ﺇﻟﻴﻬﺎ ﺭﻏﻢ ﻣﺤﺎﻭﻻﺗﻬﺎ ﺍﻟﻤﺴﺘﻤﺮﺓ ﻣﻌﻪ ﻟﺘﺠﻌﻠﻪ ﻳﺴﺎﻣﺤﻬﺎ ... ﺭﻏﻢ ﺃﻥ ﻛﻠﻤﺎﺕ ﻓﺮﺩﻭﺱ ﺍﻟﺘﻲ ﺳﻤﻌﻬﺎ ﺑﻤﻨﺎﻣﻪ ﻣﺎﺯﺍﻟﺖ ﺗﺘﺮﺩﺩ ﺃﺻﺪﺍﺅﻫﺎ ﻓﻲ ﺃﺫﻧﻴﻪ ﺗﻠﻮﻣﻪ ﻋﻠﻰ ﺗﻠﻚ ﺍﻟﻤﻘﺎﻃﻌﺔ ... ﻟﻜﻨﻪ ﺻﻤﻢ ﻋﻠﻲ ﺇﺳﺘﻜﻤﺎﻝ ﻣﻘﺎﻃﻌﺘﻪ ﺣﺘﻰ ﻳﺮﻯ ﻣﺎ ﺳﺘﺆﻭﻝ ﺇﻟﻴﻪ ﺍﻷﻣﻮﺭ ... ﺗﻨﻔﺲ ﺍﻟﺼﻌﺪﺍﺀ ﺍﺧﻴﺮﺍ ﻗﺎﺋﻼ :

- ﺍﻟﺤﻤﺪ ﻟﻠﻪ ﻳﺎ ﺍﺑﻨﻲ ... ﺑﺲ ﺃﻧﺎ ﺑﺮﺿﻪ ﻣﺶ ﺣﺎﻃﻤﻦ ﻏﻴﺮ ﻟﻤﺎ ﻳﺘﺠﻮﺯﻭﺍ ﻭﺗﺮﻭﺡ ﺑﻴﺘﻪ ﻭﻧﺨﻠﺺ ﻣﻦ ﺍﻟﻤﻮﺿﻮﻉ ﺩﻩ ﺧﺎﻟﺺ

- ﺇﻥ ﺷﺎﺀ ﺍﻟﻠﻪ ﻳﺎ ﻋﻤﻲ ﻳﺨﻠﺺ ﻋﻠﻰ ﺧﻴﺮ ... ﺍﻟﻨﻬﺎﺭﺩﺓ ﺍﻻﺗﻨﻴﻦ ﻳﻌﻨﻲ ﻛﻠﻬﺎ ﻳﻮﻣﻴﻦ ﻭﺍﻟﻜﺘﺎﺏ ﻳﺘﻜﺘﺐ ﻭﻳﺘﺠﻮﺯﻭﺍ ﺑﻌﺪ ﺍﻹﻣﺘﺤﺎﻧﺎﺕ ﻋﻠﻄﻮﻝ ﺑﻘﻰ

ﺭﺑﺖ ﺻﻔﻮﺕ ﻋﻠﻰ ﻛﺘﻔﻲ ﻋﻠﻲ ﻭﻗﺎﻝ ﺑﺈﻣﺘﻨﺎﻥ :

- ﺃﻧﺎ ﺑﺼﺮﺍﺣﺔ ﻣﺶ ﻋﺎﺭﻑ ﺍﺷﻜﺮﻙ ﺍﺯﺍﻱ ﻳﺎ ﻋﻠﻲ ... ﻟﻮﻻﻙ ﻣﺶ ﻋﺎﺭﻑ ﺇﻳﻪ ﺍﻟﻠﻲ ﻛﺎﻥ ﻣﻤﻜﻦ ﻳﺤﺼﻞ ... ﺭﺑﻨﺎ ﻳﺨﻠﻴﻚ ﻳﺎ ﺍﺑﻨﻲ ﻭﻳﺒﺎﺭﻛﻠﻲ ﻓﻴﻚ

- ﻫﻮ ﻣﺶ ﺣﻀﺮﺗﻚ ﺑﺮﺿﻪ ﺑﺘﻌﺘﺒﺮﻧﻲ ﺍﺑﻨﻚ ... ﻳﺒﻘﻰ ﻓﻴﻪ ﺃﺏ ﺑﺮﺿﻪ ﻳﺸﻜﺮ ﺇﺑﻨﻪ ... ﻭﺑﻌﺪﻳﻦ ﺍﻟﻠﻲ ﺍﻧﺎ ﻋﻤﻠﺘﻪ ﺩﻩ ﻭﺍﺟﺐ ﻋﻠﻴﺎ

ﺩﻣﻌﺖ ﻋﻴﻨﺎ ﺻﻔﻮﺕ ﻭﻗﺎﻝ ﺑﺘﺄﺛﺮ :

- ﺍﻟﻠﻪ ﻳﺮﺣﻤﻚ ﻳﺎ ﻋﺰﺕ ﻳﺎ ﺍﺧﻮﻳﺎ ... ﺻﺤﻴﺢ ﺍﻟﻠﻲ ﺧﻠﻒ ﻣﺎﻣﺎﺗﺶ ... ﺑﻘﻮﻟﻚ ﺇﻳﻪ ﺳﻴﺒﻚ ﺑﻘﻰ ﻣﻦ ﺍﻟﻜﻼﻡ ﺩﻩ ﻭﻗﻮﻟﻲ ... ﺃﻧﺎ ﺟﺎﺗﻠﻲ ﻓﻜﺮﺓ ﻭﻋﺎﻳﺰ ﺃﺧﺪ ﺭﺃﻳﻚ ﻓﻴﻬﺎ

- ﻋﻠﻲ ﺑﺈﻫﺘﻤﺎﻡ : ﺍﺗﻔﻀﻞ ﺃﻧﺎ ﺳﺎﻣﻊ ﺣﻀﺮﺗﻚ

- ﺍﻧﺖ ﻋﺎﺭﻑ ﻃﺒﻌﺎ ﺍﻥ ﺃﺣﻤﺪ ﺟﺎﻟﻲ ﻭﻃﻠﺐ ﻣﻨﻲ ﺇﻳﺪ ﻟﺒﻨﻰ ﻭﺍﻧﺎ ﻛﻨﺖ ﺳﺄﻟﺘﻚ ﻋﻦ ﺭﺃﻳﻬﺎ ﻭﺍﻧﺖ ﻗﻮﻟﺘﻠﻲ ﺍﻧﻬﺎ ﻣﻮﺍﻓﻘﺔ ﻣﺶ ﻛﺪﻩ

- ﺍﻳﻮﻩ ﺣﺼﻞ ... ﻟﻜﻦ ﺃﻧﺎ ﺑﺼﺮﺍﺣﺔ ﻟﺴﻪ ﻣﺎﺑﻠﻐﺘﻮﺵ ﻟﺤﺪ ﺩﻟﻮﻗﺘﻲ ﺑﺮﺩﻫﺎ ... ﻛﺎﻥ ﺍﻟﻤﻔﺮﻭﺽ ﺇﻧﻲ ﺍﺗﺼﻞ ﺑﻴﻪ ﻟﻜﻦ ﺍﻧﺎ ﺍﻧﺸﻐﻠﺖ ﺑﻤﻮﺿﻮﻉ ﻧﺎﺩﻳﺔ ﻭﻧﺴﻴﺖ ﺧﺎﻟﺺ

- ﺧﻼﺹ ﺍﺣﻨﺎ ﻓﻴﻬﺎ ... ﺇﻳﻪ ﺭﺃﻳﻚ ﺑﻘﻰ ﻧﻌﻤﻞ ﻛﺘﺐ ﻛﺘﺎﺑﻚ ﺍﻧﺖ ﻭﻧﻮﺭﺍ ﻭ ﺍﺣﻤﺪ ﻭﻟﺒﻨﻰ ﻣﻊ ﻛﺘﺐ ﻛﺘﺎﺏ ﻧﺎﺩﻳﺔ ﻳﻮﻡ ﺍﻟﺨﻤﻴﺲ ﺍﻟﺠﺎﻱ ... ﻭﻧﻌﻤﻞ ﺣﻔﻠﺔ ﺻﻐﻴﺮﺓ ﻛﺪﻩ ﻋﻨﺪﻱ ﻓﺠﻨﻴﻨﺔ ﺍﻟﻔﻴﻼ ... ﺇﻳﻪ ﺭﺃﻳﻚ ﺑﻘﻰ ﻓﺎﻟﻔﻜﺮﺓ ﺩﻱ ?

ﻋﻘﺪﺕ ﺍﻟﻤﻔﺎﺟﺄﺓ ﻟﺴﺎﻧﻪ ﻭﻟﻢ ﻳﺪﺭ ﺑﻤﺎ ﻳﺠﻴﺒﻪ ... ﺃﺧﺬ ﻋﻘﻠﻪ ﻳﻌﻤﻞ ﺳﺮﻳﻌﺎ ﻟﻠﺤﻈﺎﺕ ... ﻟﻤﺎﺫﺍ ﻳﺼﺮ ﻋﻤﻪ ﺩﺍﺋﻤﺎ ﻋﻠﻰ ﻣﻔﺎﺟﺄﺗﻪ ... ﻟﻤﺎﺫﺍ ﻻ ﻳﺘﺮﻙ ﻟﻪ ﻓﺮﺻﺔ ﻟﻠﺘﻔﻜﻴﺮ ﻭﻟﻮ ﻗﻠﻴﻼ ... ﺷﻌﺮ ﺑﺄﻥ ﺻﻤﺘﻪ ﻗﺪ ﻃﺎﻝ ﺑﻌﺾ ﺍﻟﺸﺊ ﻭﺭﺑﻤﺎ ﻓﺴﺮﻩ ﻋﻤﻪ ﺗﻔﺴﻴﺮﺍ ﺧﺎﻃﺌﺎ ... ﺍﺳﺘﻄﺎﻉ ﺍﻥ ﻳﻨﻄﻖ ﺃﺧﻴﺮﺍ ﻗﺎﺋﻼ :

- ﻭﻟﺰﻭﻣﻪ ﺇﻳﻪ ﺍﻹﺳﺘﻌﺠﺎﻝ ﺩﻩ ﺑﺲ ﻳﺎ ﻋﻤﻲ .

- ﺍﻧﺖ ﻧﺎﺳﻲ ﻳﺎ ﻋﻠﻲ ﺍﻧﻨﺎ ﻛﻨﺎ ﻗﺎﻳﻠﻴﻦ ﺍﻥ ﻛﺘﺐ ﻛﺘﺎﺑﻜﻮﺍ ﻣﻊ ﻧﺎﺩﻳﺔ ﺑﻌﺪ ﺍﻹﻣﺘﺤﺎﻧﺎﺕ ... ﻣﺶ ﻋﺎﻳﺰ ﺣﺪ ﻳﺸﻚ ﻓﺤﺎﺟﺔ ﻭﻳﻘﻮﻝ ﺍﺷﻤﻌﻨﺎ ﻧﺎﺩﻳﺔ ... ﻭﻛﺪﻩ ﻛﺪﻩ ﺍﺣﻤﺪ ﻛﺎﻥ ﺑﻴﻘﻮﻝ ﺍﻥ ﻣﺴﺘﻌﺠﻞ ﻋﻠﻰ ﻛﺘﺐ ﺍﻟﻜﺘﺎﺏ ﻟﻤﺎ ﻛﺎﻥ ﻋﻨﺪﻱ

- ﺍﻳﻮﻩ ﻳﺎ ﻋﻤﻲ ﺑﺲ ﺍﺣﻤﺪ ﻛﺎﻥ ﻳﻘﺼﺪ ﺇﻧﻪ ﻳﻜﻮﻥ ﺑﻌﺪ ﺍﻹﻣﺘﺤﺎﻧﺎﺕ ... ﻳﻢﻛﻦ ﻳﻜﻮﻥ ﻣﺶ ﻋﺎﻣﻞ ﺣﺴﺎﺑﻪ ﺩﻟﻮﻗﺘﻲ ﻭﻻ ﺣﺎﺟﺔ

- ﺻﻔﻮﺕ ﺑﻌﺪﻡ ﺇﻗﺘﻨﺎﻉ : ﻭﻫﻮ ﺣﻴﻌﻤﻞ ﺣﺴﺎﺑﻪ ﺍﺯﺍﻱ ﻳﻌﻨﻲ ﺩﻩ ﻣﺠﺮﺩ ﻛﺘﺐ ﻛﺘﺎﺏ ﻣﺶ ﻓﺮﺡ ... ﻭﺑﻌﺪﻳﻦ ﺃﻧﺎ ﻣﺘﺄﻛﺪ ﺇﻧﻪ ﻣﺎﺣﻴﺼﺪﻕ ... ﻫﻮ ﻗﺎﻟﻲ ﺇﻧﻪ ﻣﺎﻓﻴﺶ ﺩﺍﻋﻲ ﻟﻤﻮﺿﻮﻉ ﺍﻟﺨﻄﻮﺑﺔ ﺩﻩ ﻹﻥ ﻫﻮ ﻭﻟﺒﻨﻰ ﻋﺎﺭﻓﻴﻦ ﺑﻌﺾ ﻛﻮﻳﺲ ﻭﻧﻔﺲ ﺍﻟﺤﻜﺎﻳﺔ ﺍﻧﺖ ﻭﻧﻮﺭﺍ

- ﻃﻴﺐ ﻭﺑﺎﻟﻨﺴﺒﺔ ﻟﻨﺎﺩﻳﺔ ﻭﻧﻮﺭﻫﺎﻥ ﻭﻟﺒﻨﻰ ﻣﺶ ﻋﻨﺪﻫﻢ ﺍﻣﺘﺤﺎﻧﺎﺕ

- ﻭﻫﻤﺎ ﻛﻤﺎﻥ ﺣﻴﻌﻤﻠﻮﺍ ﺇﻳﻪ ... ﻫﻴﺎ ﻛﻞ ﺍﻟﺤﻜﺎﻳﺔ ﻳﻮﻣﻴﻦ ... ﻳﻮﻡ ﻳﻨﺰﻟﻮﺍ ﻳﺸﺘﺮﻭﺍ ﻓﺴﺎﺗﻴﻦ ﻭﻳﻮﻡ ﻛﺘﺐ ﺍﻟﻜﺘﺎﺏ ﻧﻔﺴﻪ ﻳﻌﻨﻲ ﻣﺎﻓﻴﺶ ﻋﻄﻠﺔ ﻭﻻ ﺣﺎﺟﺔ ... ﺍﻧﺖ ﺑﺲ ﺧﺪ ﺭﺃﻱ ﻭﺍﻟﺪﺗﻚ ﻭﺍﺧﺘﻚ ﻓﺎﻟﻤﻮﺿﻮﻉ ... ﺇﻻ ﺇﺫﺍ ﻛﺎﻥ ﺍﻧﺖ ﺍﻟﻠﻲ ﻋﻨﺪﻙ ﺇﻋﺘﺮﺍﺽ .

ﺃﺳﺮﻉ ﻋﻠﻲ ﻳﺠﻴﺒﻪ ﻋﻠﻰ ﺍﻟﻔﻮﺭ ﻧﺎﻓﻴﺎ :

- ﻻ ﺍﺑﺪﺍ ﻳﺎ ﻋﻤﻲ ... ﻭﺃﻧﺎ ﺣﺎﻋﺘﺮﺽ ﻋﻠﻰ ﺇﻳﻪ ﺑﺲ ?

- ﻳﺒﻘﻰ ﻋﻠﻰ ﺑﺮﻛﺔ ﺍﻟﻠﻪ ... ﺃﻧﺎ ﺣﺎﺩﻳﻠﻚ ﺍﻷﺭﺑﻊ ﻭﺍﻟﺨﻤﻴﺲ ﺍﺟﺎﺯﺓ ﻣﻦ ﺍﻟﺸﺮﻛﺔ ﻋﺸﺎﻥ ﻋﺎﻳﺰﻙ ﺗﻈﺒﻂ ﺍﻟﺠﻨﻴﻨﺔ ﺑﻨﻔﺴﻚ ﻋﺸﺎﻥ ﻛﺘﺐ ﺍﻟﻜﺘﺎﺏ ﻭﻭﺭﻳﻨﻲ ﺑﻘﻰ ﻳﺎ ﺑﻄﻞ ﺷﻐﻞ ﻣﻬﻨﺪﺳﻴﻦ ﺍﻟﺪﻳﻜﻮﺭ ﻋﻠﻰ ﺣﻖ ... ﺃﻧﺎ ﺣﺎﺭﻭﺡ ﺍﻟﺒﻴﺖ ﺩﻟﻮﻗﺘﻲ ﻣﺶ ﻋﺎﻳﺰ ﻣﻨﻲ ﺣﺎﺟﺔ ﻗﺒﻞ ﻣﺎ ﺍﻣﺸﻲ

- ﻣﺘﺸﻜﺮ ﻳﺎ ﻋﻤﻲ ﺍﺗﻔﻀﻞ ﺣﻀﺮﺗﻚ ... ﻣﻊ ﺍﻟﺴﻼﻣﺔ

**************************************

ﻛﺎﻧﺖ ﻧﺎﺩﻳﺔ ﺟﺎﻟﺴﺔ ﺑﻐﺮﻓﺘﻬﺎ ﺣﻴﻦ ﺳﻤﻌﺖ ﺻﻮﺕ ﻭﺍﻟﺪﻫﺎ ﻳﻨﺎﺩﻱ ﺍﺳﻤﻬﺎ ... ﻻﺣﺖ ﻋﻠﻰ ﺷﻔﺘﻴﻬﺎ ﺇﺑﺘﺴﺎﻣﺔ ﻭﻫﻲ ﺗﺴﻤﻌﻪ ﻳﻨﻄﻖ ﺑﺈﺳﻤﻬﺎ ﻷﻭﻝ ﻣﺮﺓ ﻣﻨﺬ ﻋﻠﻢ ﺑﺎﻷﻣﺮ ... ﺟﺮﺕ ﻣﺴﺮﻋﺔ ﻭﻫﻲ ﺗﻬﺒﻂ ﺍﻟﺪﺭﺝ ﺣﺘﻰ ﻭﺻﻠﺖ ﺇﻟﻴﻪ ﻭﻭﻗﻔﺖ ﺃﻣﺎﻣﻪ ﻗﺎﺋﻠﺔ : ﻧﻌﻢ ﻳﺎ ﺑﺎﺑﺎ

ﺭﻣﻘﻬﺎ ﺑﻨﻈﺮﺓ ﻣﻌﺎﺗﺒﺔ ﻗﺒﻞ ﺃﻥ ﻳﻘﻮﻝ :

- ﺍﻋﻤﻠﻲ ﺣﺴﺎﺑﻚ ﺍﻥ ﻛﺘﺐ ﻛﺘﺎﺑﻚ ﻳﻮﻡ ﺍﻟﺨﻤﻴﺲ ﺍﻥ ﺷﺎﺀﺍﻟﻠﻪ ﻋﻠﻰ ﺍﻟﺒﻨﻲ ﺍﺩﻡ ﺍﻟﻠﻲ ﺍﺳﻤﻪ ﺳﺎﻣﺢ ﺩﻩ

- ﺑﺠﺪ ﻳﺎ ﺑﺎﺑﺎ ?

- ﺣﺎﻛﻮﻥ ﺑﻬﺰﺭ ﻣﻌﺎﻛﻲ ﻳﻌﻨﻲ ... ﻭﻻ ﻛﻨﺘﻲ ﻓﺎﻛﺮﺍﻧﻲ ﺣﺎﺳﻴﺒﻪ ﻳﻔﻠﺖ ﺑﻌﻤﻠﺘﻪ

- ﻻ ﻳﺎ ﺑﺎﺑﺎ ﺃﻧﺎ ﻛﻨﺖ ﻣﺘﺄﻛﺪﺓ ﺍﻥ ﺣﻀﺮﺗﻚ ﺣﺘﻌﺮﻑ ﺗﺘﺼﺮﻑ ﻣﻌﺎﻩ ﻛﻮﻳﺲ

- ﺍﻟﺒﺮﻛﺔ ﻓﻲ ﻋﻠﻲ ... ﻟﻮﻻ ﻭﻗﻔﺘﻪ ﻣﻌﺎﻳﺎ ﻣﺶ ﻋﺎﺭﻑ ﻛﻨﺖ ﻣﻤﻜﻦ ﺍﻋﻤﻞ ﺇﻳﻪ

- ﺃﻧﺎ ﺍﺳﻔﺔ ﻳﺎ ﺑﺎﺑﺎ ... ﻣﺎﻛﻨﺘﺶ ﺍﺣﺐ ﺇﻧﻲ ﺃﺧﻴﺐ ﻇﻦ ﺣﻀﺮﺗﻚ ﻓﻴﺎ ... ﻛﺎﻥ ﻧﻔﺴﻲ ﺍﻛﻮﻥ ﺍﺩ ﺍﻟﺜﻘﺔ ﺍﻟﻠﻲ ﺍﺩﻳﺘﻬﺎﻟﻲ

↚

- ﻋﻠﻰ ﺍﻟﻠﻪ ﺑﺲ ﺗﻜﻮﻧﻲ ﺍﺗﻌﻠﻤﺘﻲ ﻛﻮﻳﺲ ﻣﻦ ﺍﻟﺪﺭﺱ ﺍﻟﻠﻲ ﺍﺧﺪﺗﻴﻪ ﻭﺑﻌﺪ ﻛﺪﻩ ﻣﺎﺗﺜﻘﻴﺶ ﻓﺤﺪ ﺑﺎﻟﺴﺎﻫﻞ ﻛﺪﻩ

- ﺣﺎﺿﺮ ﻳﺎﺑﺎﺑﺎ ﺍﻭﻋﺪﻙ

ﻛﺎﻥ ﻭﺟﻬﻪ ﺧﺎﻟﻴﺎ ﻣﻦ ﺃﻱ ﺗﻌﺒﻴﺮﺍﺕ ﻭﻫﻮ ﻳﺤﺪﺛﻬﺎ ﺣﺘﻰ ﺍﻧﻬﺎ ﻟﻢ ﺗﺴﺘﻄﻊ ﺃﻥ ﺗﺤﺪﺩ ﺇﻥ ﻛﺎﻥ ﺳﺎﻣﺤﻬﺎ ﺑﺎﻟﻔﻌﻞ ﺃﻡ ﻻ ... ﻗﺮﺭﺕ ﺃﻥ ﺗﺄﺧﺬ ﺑﺰﻣﺎﻡ ﺍﻟﻤﺒﺎﺩﺭﺓ ﻓﻘﺎﻟﺖ ﺑﺘﺮﺩﺩ :

- ﺑﺎﺑﺎ ﻫﻮ ﺣﻀﺮﺗﻚ ﻟﺴﻪ ﺯﻋﻼﻥ ﻣﻨﻲ

- ﺃﻧﺎ ﻃﺒﻌﺎ ﺯﻋﻼﻥ ﻣﻦ ﺍﻟﻠﻲ ﺍﻧﺘﻲ ﻋﻤﻠﺘﻴﻪ ﺧﺼﻮﺻﺎ ﺇﻧﻲ ﻣﺎﻛﻨﺘﺶ ﻣﺘﻮﻗﻊ ﺍﻥ ﺩﻩ ﻳﺤﺼﻞ ﻣﻨﻚ ﺍﻧﺘﻲ ... ﻟﻜﻦ ﻣﻦ ﺣﺴﻦ ﺣﻈﻚ ﺍﻧﻨﺎ ﻗﺪﺭﻧﺎ ﻧﻠﻢ ﺍﻟﻤﻮﺿﻮﻉ ... ﻟﻜﻦ ﻟﻮ ﻣﺎﻛﺎﻧﺶ ﺩﻩ ﺣﺼﻞ ... ﻣﺶ ﻋﺎﺭﻑ ﺳﺎﻋﺘﻬﺎ ﻛﺎﻥ ﻣﻤﻜﻦ ﺍﻋﻤﻞ ﺇﻳﻪ ... ﻋﻤﻮﻣﺎ ﺳﻴﺒﻚ ﻣﻦ ﺍﻟﻜﻼﻡ ﺩﻩ ﻭﻗﻮﻟﻲ ﻷﺧﺘﻚ ﺍﻥ ﻛﺘﺐ ﻛﺘﺎﺑﻬﺎ ﻫﻴﺎ ﻛﻤﺎﻥ ﻋﻠﻰ ﻋﻠﻲ ﻳﻮﻡ ﺍﻟﺨﻤﻴﺲ

- ﻧﺎﺩﻳﺔ ﺑﺪﻫﺸﺔ : ﻟﻴﻪ ﻳﺎﺑﺎﺑﺎ ﻣﺶ ﺍﻟﻤﻔﺮﻭﺽ ﺇﻧﻪ ﻛﺎﻥ ﺑﻌﺪ ﺍﻹﻣﺘﺤﺎﻧﺎﺕ

- ﺩﻩ ﻟﻤﺎ ﻛﻨﺘﻲ ﺍﻧﺘﻲ ﻛﻤﺎﻥ ﺑﻌﺪ ﺍﻹﻣﺘﺤﺎﻧﺎﺕ ... ﻟﻜﻦ ﺍﺣﻨﺎ ﻣﺎﻧﻘﺪﺭﺵ ﻧﺄﺟﻠﻚ ﻟﺒﻌﺪ ﺍﻹﻣﺘﺤﺎﻧﺎﺕ ﻣﺎﻧﻀﻤﻨﺶ ﺍﻟﻮﻟﺪ ... ﻣﻤﻜﻦ ﻳﺮﺟﻊ ﻓﻜﻼﻣﻪ ﻭﻳﻌﻨﺪ ﻣﻦ ﺗﺎﻧﻲ ... ﻭﺁﻫﻮ ﺑﺎﻟﻤﺮﺓ ﺍﺧﻠﺺ ﻣﻨﻜﻢ ﺍﻧﺘﻮﺍ ﺍﻻﺗﻨﻴﻦ ... ﺑﻴﻘﻮﻟﻮﺍ ﻳﺎ ﻣﺨﻠﻔﺔ ﺍﻟﺒﻨﺎﺕ ﻳﺎ ﺷﺎﻳﻠﺔ ﺍﻟﻬﻢ ﻟﻠﻤﻤﺎﺕ ... ﻭﺍﻧﺘﻲ ﺍﻣﻚ ﻣﺎﺗﺖ ﻭﻫﻴﺎ ﻛﻤﺎﻥ ﺍﻣﻬﺎ ﻣﺎﺗﺖ ﻭﺳﺎﺑﻮﻛﻮﺍ ﻟﻴﺎ ﺃﻧﺎ ﺍﺷﻴﻞ ﻫﻤﻜﻮﺍ

- ﺭﺑﻨﺎ ﻳﺨﻠﻴﻚ ﻟﻴﻨﺎ ﻳﺎ ﺣﺒﻴﺒﻲ ﻭﻣﺎﻳﺤﺮﻣﻨﺎﺵ ﻣﻨﻚ ﺍﺑﺪﺍ

- ﻣﺎﺷﻲ ﻳﺎ ﺃﺧﺘﻲ ... ﺁﺩﻱ ﺍﻟﻠﻲ ﺑﺎﺧﺪﻩ ﻣﻨﻚ ... ﻣﺶ ﺷﺎﻃﺮﺓ ﻏﻴﺮ ﻓﺎﻟﺒﻜﺶ .

- ﻧﺎﺩﻳﺔ ﺑﺈﺑﺘﺴﺎﻣﺔ : ﺃﻧﺎ ﺑﺮﺿﻪ ﺑﻜﺎﺷﺔ ﻳﺎ ﺑﺎﺑﺎ ... ﻃﺐ ﻭﺍﻟﻠﻪ ﺑﺎﺩﻋﻴﻠﻚ ﻣﻦ ﻗﻠﺒﻲ

- ﻣﺎﺷﻲ ﻳﺎ ﺑﻨﺖ ﻓﺮﺩﻭﺱ ... ﺷﻮﻓﻲ ﺣﺘﻨﺰﻟﻲ ﺍﻣﺘﻰ ﺍﻧﺘﻲ ﻭﺍﺧﺘﻚ ﻋﺸﺎﻥ ﺗﺸﺘﺮﻭﺍ ﻓﺴﺎﺗﻴﻦ ﻟﻜﺘﺐ ﺍﻟﻜﺘﺎﺏ

- ﻻ ﺃﻧﺎ ﺣﺎﻧﺰﻝ ﻣﻊ ﺭﺷﺎ ﺻﺎﺣﺒﺘﻲ ... ﺍﻧﺎ ﻭﻧﻮﺭﺍ ﺫﻭﻗﻨﺎ ﻣﺨﺘﻠﻒ ﺧﺎﻟﺺ ... ﺛﻢ ﺃﻧﺎ ﻣﺶ ﻧﺎﻗﺼﺔ ﺧﻨﻘﺔ ﺃﻧﺎ ﻋﺎﻳﺰﺓ ﺃﺧﺘﺎﺭ ﺑﺮﺍﺣﺘﻲ

ﺃﺟﺎﺑﻬﺎ ﻭﻫﻮ ﻳﺼﻌﺪ ﺍﻟﺪﺭﺝ ﻣﺘﺠﻬﺎ ﺇﻟﻰ ﻏﺮﻓﺘﻪ :.

- ﻣﺎﺷﻲ ﻟﻤﺎ ﻧﺸﻮﻑ ﻟﺒﻨﻰ ﻫﻴﺎ ﻛﻤﺎﻥ ﺣﺘﻌﻤﻞ ﺇﻳﻪ ... ﺳﺎﻋﺘﻬﺎ ﻳﺒﻘﻮﺍ ﻳﻨﺰﻟﻮﺍ ﺳﻮﺍ

***********************************

ﻛﺎﻧﺖ ﺟﺎﻟﺴﺔ ﺑﻐﺮﻓﺘﻬﺎ ﺗﺴﺘﺬﻛﺮ ﺩﺭﻭﺳﻬﺎ ﺣﻴﻦ ﺩﺧﻠﺖ ﻧﺎﺩﻳﺔ ﻣﺴﺮﻋﺔ ﻭﺃﺧﺬﺕ ﺗﻘﺺ ﻋﻠﻴﻬﺎ ﻣﺎ ﺍﺧﺒﺮﻫﺎ ﺑﻪ ﻭﺍﻟﺪﻫﺎ ... ﺍﻷﻣﺮ ﺍﻟﺬﻱ ﻗﺎﺟﺄﻫﺎ ﻓﻘﺎﻟﺖ :

- ﺑﺲ ﺍﺣﻨﺎ ﺩﺍﺧﻠﻴﻦ ﻋﻠﻰ ﺇﻣﺘﺤﺎﻧﺎﺕ ﻳﺎ ﻧﺎﺩﻳﺔ ... ﻭﻣﺶ ﺍﻟﻤﻔﺮﻭﺽ ﺣﺎﺟﺔ ﺗﺸﻐﻠﻨﺎ ﻋﻦ ﻣﺬﺍﻛﺮﺗﻨﺎ

- ﺍﻗﻮﻟﻬﺎ ﻛﺘﺐ ﻛﺘﺎﺑﻨﺎ ﺗﻘﻮﻟﻲ ﺇﻣﺘﺤﺎﻧﺎﺕ ... ﺍﻧﺘﻲ ﻳﺎ ﺑﻨﺘﻲ ﻣﺎﺑﺘﺰﻫﻘﻴﺶ ﻣﻦ ﺍﻟﻤﺬﺍﻛﺮﺓ ﺍﺭﺣﻤﻲ ﻧﻔﺴﻚ ﺷﻮﻳﺔ ...

- ﺑﺲ ﺃﻧﺎ ﻣﺶ ﻋﺎﻳﺰﺓ ﺗﻘﺪﻳﺮﻱ ﻳﻨﺰﻝ ﻋﻦ ﺍﻟﺴﻨﺘﻴﻦ ﺍﻟﻠﻲ ﻓﺎﺗﻮﺍ

- ﺍﻧﺎ ﻧﻔﺴﻲ ﺍﻓﻬﻢ ﺑﻌﺪ ﻣﺎﺗﻨﺠﺤﻲ ﻭﺗﺠﻴﺒﻲ ﺍﻟﺘﻘﺪﻳﺮ ﺍﻟﻠﻲ ﺍﻧﺘﻲ ﻋﺎﻳﺰﺍﻩ ﺣﺘﻌﻤﻠﻲ ﺑﻴﻪ ﺇﻳﻪ ... ﻭﻻ ﺗﻜﻮﻧﻴﺶ ﻓﺎﻛﺮﺍﻫﻢ ﺣﻴﻌﻴﻨﻮﻛﻲ ﻓﻬﻴﺌﺔ ﺍﻟﻄﺎﻗﺔ ﺍﻟﺬﺭﻳﺔ ﺑﻌﺪ ﻣﺎﺗﺘﺨﺮﺟﻲ ... ﻭﻻ ﺗﻜﻮﻧﻲ ﻓﺎﻛﺮﺓ ﻧﻔﺴﻚ ﺣﺘﺒﻘﻲ ﺧﻠﻴﻔﺔ ﺍﺣﻤﺪ ﺯﻭﻳﻞ ... ﻳﺎ ﺷﻴﺨﺔ ﺍﺗﻠﻬﻲ

ﺭﻣﻘﺘﻬﺎ ﻧﻮﺭﺍ ﺑﻨﻈﺮﺓ ﻣﺘﻌﺠﺒﺔ ﺛﻢ ﻗﺎﻟﺖ :

- ﺗﻌﺮﻓﻲ ﻳﺎ ﻧﺎﺩﻳﺔ ﺍﻥ ﺃﻧﺎ ﻣﺴﺘﻐﺮﺑﺎﻛﻲ ﺍﻭﻱ

- ﺍﺷﻤﻌﻨﺎ ﻳﻌﻨﻲ ?

- ﺍﻛﻠﻤﻚ ﺑﺼﺮﺍﺣﺔ ﻭﻣﺎﺗﺰﻋﻠﻴﺶ ﻣﻨﻲ

- ﻣﺎﺷﻲ ﺑﺲ ﻣﻦ ﻏﻴﺮ ﻣﺎﺗﻄﻠﻌﻲ ﻋﻘﺪﻙ ﻋﻠﻴﺎ

- ﺑﺼﺮﺍﺣﺔ ﻣﺴﺘﻐﺮﺑﺔ ﻣﻮﻗﻔﻚ ﺍﻭﻱ ... ﻭﺍﺣﺪﺓ ﻏﻴﺮﻙ ﺑﻌﺪ ﺍﻟﻠﻲ ﺳﺎﻣﺢ ﻋﻤﻠﻪ ﻣﻌﺎﻫﺎ ﺗﺒﻘﻰ ﻣﺶ ﻃﺎﻳﻘﺔ ﺗﺒﺺ ﻓﻮﺷﻪ ﺣﺘﻰ ... ﻟﻜﻦ ﺍﻟﻠﻲ ﻳﺸﻮﻑ ﺍﻟﺤﻤﺎﺳﺔ ﺍﻟﻠﻲ ﺑﺘﺘﻜﻠﻤﻲ ﺑﻴﻬﺎ ﻋﻦ ﻛﺘﺐ ﺍﻟﻜﺘﺎﺏ ﻭﺑﺘﻘﻮﻟﻲ ﺍﻧﺰﻝ ﻭﺍﺭﻭﺡ ﻭﺍﺟﻴﺐ ﻭﺍﻋﻤﻞ ﻭﺍﺧﻠﻲ ﻭﻛﺄﻥ ﻣﺎﻓﻴﺶ ﺣﺎﺟﺔ ﺣﺼﻠﺖ ... ﻣﺶ ﻏﺮﻳﺒﺔ ﺷﻮﻳﺔ ﺩﻱ ?

- ﻭﻣﻴﻦ ﻗﺎﻟﻚ ﺇﻧﻲ ﻃﺎﻳﻘﺔ ﺃﺑﺺ ﻓﻮﺷﻪ ﻓﻌﻼ ... ﻟﻜﻦ ﻻﺯﻡ ﺍﺗﺠﻮﺯﻩ ... ﻣﺶ ﺑﺲ ﻋﺸﺎﻥ ﺍﻟﻠﻲ ﺣﺼﻞ ... ﻟﻜﻦ ﻋﺸﺎﻥ ﻳﺒﻄﻞ ﻳﺘﺤﺪﺍﻧﻲ ﺑﻌﺪ ﻛﺪﻩ ﻭﻳﻘﻮﻟﻲ ﺍﻋﻠﻰ ﻣﺎﻓﺨﻴﻠﻚ ﺍﺭﻛﺒﻴﻪ ... ﺍﺩﻳﻨﻲ ﺭﻛﺒﺘﻪ ﻭﻭﺻﻠﺖ ﻟﻠﻲ ﻋﺎﻳﺰﺍﻩ ... ﻫﻮ ﻛﺎﻥ ﻋﺎﻳﺰ ﻳﻜﺴﺮ ﻣﻨﺎﺧﻴﺮﻱ ﺑﺎﻟﻠﻲ ﻋﻤﻠﻪ ... ﺩﻟﻮﻗﺘﻲ ﺃﻧﺎ ﺍﻟﻠﻲ ﻛﺴﺮﺕ ﻣﻨﺎﺧﻴﺮﻩ ... ﻭﺣﻴﺘﺠﻮﺯﻧﻲ ﻏﺼﺐ ﻋﻨﻪ ﻭﺭﺟﻠﻪ ﻓﻮﻕ ﺭﻗﺒﺘﻪ ... ﻭﺣﻘﻲ ﻣﺶ ﺣﺎﺳﻴﺒﻪ ﺑﺮﺿﻪ ... ﺍﻭﻋﻲ ﺗﻜﻮﻧﻲ ﻓﺎﻛﺮﺓ ﺍﻥ ﺟﻮﺍﺯﻱ ﻣﻦ ﺳﺎﻣﺢ ﺩﻩ ﺣﻴﺒﻘﻰ ﻃﺒﻴﻌﻲ ﺯﻱ ﺍﻱ ﺍﺗﻨﻴﻦ ﻣﺘﺠﻮﺯﻳﻦ ... ﻻ ﺩﻩ ﺃﻧﺎ ﻧﺎﻭﻳﺔ ﺍﺧﻠﻲ ﺃﻳﺎﻣﻪ ﺍﺳﻮﺩ ﻣﻦ ﺷﻌﺮ ﺩﻣﺎﻏﻪ ... ﻭﺣﺪﻓﻌﻪ ﺗﻤﻦ ﻋﻤﻠﻪ ﻏﺎﻟﻲ ﺍﻭﻱ ... ﻭﺑﺎﻟﻨﺴﺒﺔ ﺑﻘﻰ ﻟﻤﻮﺿﻮﻉ ﺍﻟﻔﺴﺘﺎﻥ ﻭﺍﻟﻜﻼﻡ ﺩﻩ ﻓﺎﻧﺎ ﻣﻦ ﺣﻘﻲ ﺍﻓﺮﺡ ﻭﺍﻋﻴﺶ ﺍﻹﺣﺴﺎﺱ ﺩﻩ ... ﺃﻧﺎ ﻣﺶ ﺣﺎﺗﺠﻮﺯ ﻛﻞ ﻳﻮﻡ ... ﻭﺣﺘﻰ ﻟﻮ ﺍﺗﺠﻮﺯﺕ ﻣﺶ ﺣﻴﻜﻮﻥ ﺯﻱ ﺍﻭﻝ ﻣﺮﺓ ... ﻋﺸﺎﻥ ﻛﺪﻩ ﻣﺶ ﺣﺎﺳﻤﺤﻠﻪ ﻳﻀﻴﻊ ﻓﺮﺣﺘﻲ ﺑﺎﻟﻴﻮﻡ ﺩﻩ ... ﻭﻃﺎﻟﻤﺎ ﻛﻞ ﺣﺎﺟﺔ ﺣﺘﺘﺼﻠﺢ ﺧﻼﺹ ﻳﺒﻘﻰ ﺇﻳﻪ ﺍﻟﻤﺎﻧﻊ ﺇﻧﻲ ﺍﻓﺮﺡ

- ﻻ ﻭﺟﻬﺔ ﻧﻈﺮ ﺑﺮﺿﻪ ... ﺑﺲ ﺑﺮﺿﻪ ﺃﻧﺎ ﻣﺎﻛﻨﺘﺶ ﻋﺎﻣﻠﺔ ﺣﺴﺎﺑﻲ ﻋﻠﻰ ﺣﺎﺟﺔ ﺯﻱ ﻛﺪﻩ

- ﺃﻧﺎ ﻣﺎﻟﻰ ﺍﻧﺘﻲ ﺣﺘﻮﺟﻌﻲ ﺩﻣﺎﻏﻲ ﻟﻴﻪ ... ﻋﻨﺪﻙ ﺑﺎﺑﺎ ﺭﻭﺣﻲ ﻗﻮﻟﻴﻠﻪ ... ﻋﻦ ﺇﺫﻧﻚ ﺑﻘﻲ ﻟﻤﺎ ﺍﺭﻭﺡ ﺍﻛﻠﻢ ﺭﺷﺎ ﻭﺍﺗﻔﻖ ﻣﻌﺎﻫﺎ

ﺧﺮﺟﺖ ﻧﺎﺩﻳﺔ ﻭﺗﺮﻛﺖ ﻧﻮﺭﺍ ﺗﻨﻈﺮ ﺇﻟﻰ ﺍﻟﻔﺮﺍﻍ ﺃﻣﺎﻣﻬﺎ ﻭﺗﻘﻮﻝ ﻓﻲ ﺃﺳﻰ :

- ﺣﺘﻰ ﺑﺎﺑﺎ ﻣﺎﻛﻠﻔﺶ ﺧﺎﻃﺮﻩ ﻳﻨﺎﺩﻳﻨﻲ ﻭﻳﺒﻠﻐﻨﻲ ﺑﻨﻔﺴﻪ ﺯﻱ ﻣﺎ ﻋﻤﻞ ﻣﻊ ﻧﺎﺩﻳﺔ ... ﻳﺎ ﺗﺮﻯ ﻧﺎﻭﻱ ﻋﻠﻰ ﺇﻳﻪ ﺍﻧﺖ ﻛﻤﺎﻥ ﻳﺎ ﻋﻠﻲ ?

************************************************** *****

ﻛﺎﻧﺖ ﻣﺴﺘﻠﻘﻴﺔ ﻋﻠﻰ ﻓﺮﺍﺷﻬﺎ ﺗﻨﺘﻈﺮ ﻋﻮﺩﺓ ﺯﻭﺟﻬﺎ ﺍﻟﺬﻱ ﺍﻋﺘﺎﺩ ﻋﻠﻰ ﺃﻥ ﻳﺘﺄﺧﺮ ﻛﻞ ﻟﻴﻠﺔ ... ﻋﻨﺪﻣﺎ ﺃﻋﻠﻦ ﻫﺎﺗﻔﻬﺎ ﻋﻦ ﻗﺪﻭﻡ ﺭﺳﺎﻟﺔ ... ﺃﻣﺴﻜﺖ ﺑﺎﻟﻬﺎﺗﻒ ﻭﺟﺤﻈﺖ ﻋﻴﻨﺎﻫﺎ ﻭﻫﻲ ﺗﻘﺮﺃﻣﻀﻤﻮﻧﻬﺎ ﺍﻟﺬﻱ ﻛﺎﻥ ﻛﺎﻷﺗﻲ ‏( ﺻﻌﺒﺎﻥ ﻋﻠﻴﺎ ﺍﻟﺠﻤﻴﻞ ﻭﻫﻮ ﻧﺎﻳﻢ ﻓﺎﻟﻌﺴﻞ ﻭﻣﺶ ﺩﺭﻳﺎﻥ ﺑﺎﻟﻠﻲ ﺑﻴﺠﺮﻯ ﻣﻦ ﻭﺭﺍ ﺿﻬﺮﻩ ... ﺑﻘﻰ ﻓﻴﻪ ﺣﺪ ﺑﺮﺿﻪ ﻳﺒﻘﻰ ﻣﻌﺎﻩ ﺍﻟﻘﻤﺮ ﻭﻳﺒﺺ ﺑﺮﻩ ... ﺭﺟﺎﻟﺔ ﻋﻴﻨﻬﺎ ﺯﺍﻳﻐﺔ ﺻﺤﻴﺢ ‏) .....

↚

ﻋﺎﺩ ﻋﻠﻲ ﺇﻟﻰ ﻣﻨﺰﻟﻪ ﻭﺟﻠﺲ ﻣﻊ ﻭﺍﻟﺪﺗﻪ ﻭﺷﻘﻴﻘﺎﺗﻪ ﻭﺃﺧﺒﺮﻫﻢ ﺑﺬﻟﻚ ﺍﻹﻗﺘﺮﺍﺡ ﺍﻟﺬﻱ ﺍﺧﺒﺮﻩ ﺑﻪ ﻋﻤﻪ ﺇﻻ ﺃﻥ ﺍﻧﺘﻬﻰ ﻗﺎﺋﻼ :

- ﺍﻧﺎ ﻧﺎﻭﻱ ﺍﻛﻠﻢ ﺍﺣﻤﺪ ﻭﺍﺗﻔﻖ ﻣﻌﺎﻩ ﻋﻠﻰ ﻛﺪﻩ ... ﺇﻳﻪ ﺭﺃﻳﻚ ﻳﺎ ﻟﺒﻨﻰ ?

ﺧﻔﻀﺖ ﺭﺃﺳﻬﺎ ﻭﻗﺎﻟﺖ ﻓﻲ ﺧﺠﻞ :

- ﺍﻟﻠﻲ ﺗﺸﻮﻓﻮﻩ ﺃﻧﺎ ﻣﻮﺍﻓﻘﺔ ﻋﻠﻴﻪ

ﺍﻟﺘﻔﺖ ﺇﻟﻰ ﻭﺍﻟﺪﺗﻪ ﻗﺎﺋﻼ :

- ﻭﺍﻧﺘﻲ ﻳﺎ ﻣﺎﻣﺎ ﻣﻮﺍﻓﻘﺔ ﻭﻻ ﻋﻨﺪﻙ ﻣﺎﻧﻊ؟

- ﺑﺲ ﺍﻧﺖ ﻋﺎﺭﻑ ﺍﻥ ﺍﻧﺎ ﻗﻠﺖ ﻗﺒﻞ ﻛﺪﻩ ﺇﻧﻲ ﻣﺶ ﻣﻮﺍﻓﻘﺔ ﻋﻠﻰ ﺍﻟﻠﻲ ﺑﻴﺤﺼﻞ ﺩﻩ

ﺍﺩﻋﻰ ﻋﻠﻲ ﻋﺪﻡ ﺍﻟﻔﻬﻢ ﻭﻫﻮ ﻳﺠﻴﺒﻬﺎ ﻗﺎﺋﻼ :

- ﻣﺶ ﻣﻮﺍﻓﻘﺔ ﻋﻠﻰ ﺇﻳﻪ ﺑﺎﻟﻈﺒﻂ؟ ﻋﻠﻰ ﻛﺘﺐ ﻛﺘﺎﺏ ﺍﺣﻤﺪ ﻭﻟﺒﻨﻰ

- ﻣﺎﺗﻠﻔﺶ ﻭﺗﺪﻭﺭ ﻋﻠﻴﺎ ﻳﺎ ﻋﻠﻲ ... ﺍﻧﺖ ﻓﺎﻫﻢ ﻛﻮﻳﺲ ﺃﻧﺎ ﺍﻗﺼﺪ ﺇﻳﻪ

- ﻭﺍﻓﺘﻜﺮ ﻳﺎ ﻣﺎﻣﺎ ﺍﻥ ﺃﻧﺎ ﻗﻠﺘﻠﻚ ﻗﺒﻞ ﻛﺪﻩ ﻣﺶ ﻣﻌﻘﻮﻝ ﺗﺨﺎﻓﻲ ﻋﻠﻴﻬﺎ ﻣﻨﻲ

- ﻭﻫﻮ ﺃﻧﺎ ﻳﺎ ﺍﺑﻨﻲ ﺷﻮﻓﺖ ﺇﻳﻪ ﻳﻄﻤﻨﻲ ﻋﺸﺎﻥ ﻣﺎ ﺧﺎﻓﺶ ﻋﻠﻴﻬﺎ ... ﺩﻩ ﺍﻧﺖ ﺣﺘﻰ ﻣﺶ ﺑﺘﺤﺎﻭﻝ ﺗﻘﺮﺏ ﻣﻨﻬﺎ ... ﻭﺍﻧﺎ ﻗﻠﺘﻠﻚ ﻣﺶ ﺣﺎﺳﺘﺤﻤﻞ ﺍﺷﻮﻑ ﺻﻔﻴﺔ ﺗﺎﻧﻴﺔ ﺍﺩﺍﻡ ﻋﻴﻨﻲ ﺻﺪﻗﻨﻲ ﻣﺶ ﺣﺎﺳﺘﺤﻤﻞ

ﺍﻧﻬﺖ ﺳﻤﻴﺔ ﺟﻤﻠﺘﻬﺎ ﺍﻷﺧﻴﺮﺓ ﻭﺍﻧﺨﺮﻃﺖ ﻓﻰ ﻧﻮﺑﺔ ﻣﻦ ﺍﻟﺒﻜﺎﺀ ﻭﺍﺿﻌﺔ ﻳﺪﻳﻬﺎ ﻋﻠﻰ ﻭﺟﻬﻬﺎ ... ﺍﻗﺘﺮﺏ ﻣﻨﻬﺎ ﻋﻠﻲ ﺛﻢ ﺍﺣﺘﻀﻨﻬﺎ ﻭﺭﺑﺖ ﻋﻠﻰ ﻇﻬﺮﻫﺎ ﻗﺎﺋﻼ :

- ﻣﺎﻣﺎ ﻋﺸﺎﻥ ﺧﺎﻃﺮﻱ ﻣﺶ ﻋﺎﻳﺰ ﺍﺷﻮﻓﻚ ﻓﺎﻟﺤﺎﻟﺔ ﺩﻱ ... ﺍﺣﻠﻔﻠﻚ ﺑﺈﻳﻪ ﺇﻧﻲ ﻣﺎﻓﻴﺶ ﻓﻨﻴﺘﻲ ﺣﺎﺟﺔ ﻭﺣﺸﺔ ﻧﺎﺣﻴﺘﻬﺎ ... ﻭﻟﻮ ﻻ ﻗﺪﺭ ﺍﻟﻠﻪ ﺣﺼﻞ ﺣﺎﺟﺔ ﺑﻴﻨﻲ ﻭﺑﻴﻨﻬﺎ ﺣﺘﻜﻮﻥ ﻭﻟﻴﺪﺓ ﺍﻟﻤﻮﻗﻒ ﻳﻌﻨﻰ ﻣﺶ ﻣﻘﺼﻮﺩﺓ ... ﻳﺎ ﻣﺎﻣﺎ ﺍﻧﺎ ﻋﺎﺭﻑ ﺍﻧﻬﺎ ﺇﻧﺴﺎﻧﺔ ﻛﻮﻳﺴﺔ ﻭﺯﻭﺟﺔ ﻣﻤﺘﺎﺯﺓ ... ﺑﺲ ﺃﻧﺎ ﻣﺤﺘﺎﺝ ﺷﻮﻳﺔ ﻭﻗﺖ ﻣﺶ ﺍﻛﺘﺮ ﻣﻦ ﻛﺪﻩ ... ﻭﺑﻌﺪﻳﻦ ﻳﺎ ﺳﺘﻲ ﺳﻴﺒﻚ ﻣﻨﻲ ﺍﻧﺎ ... ﻣﺶ ﺍﻧﺘﻲ ﻭﺍﺛﻘﺔ ﻓﻴﻬﺎ ﺑﺮﺿﻪ ... ﻭﺍﺛﻘﺔ ﺇﻧﻲ ﻟﻮ ﻗﺮﺑﺖ ﻣﻨﻬﺎ ﺣﺎﺣﺒﻬﺎ ... ﻭﻛﺘﺐ ﺍﻟﻜﺘﺎﺏ ﻓﺮﺻﺔ ﺍﻧﻲ ﺍﻗﺪﺭ ﺍﻗﺮﺏ ﻣﻨﻬﺎ ﻣﻦ ﻏﻴﺮ ﺣﻮﺍﺟﺰ ... ﻋﺸﺎﻥ ﺧﺎﻃﺮﻱ ﺑﻘﻰ ﻳﺎ ﻣﺎﻣﺎ ﻛﻔﺎﻳﺔ ﻛﺪﻩ ﺃﻧﺎ ﻓﻴﺎ ﺍﻟﻠﻲ ﻣﻜﻔﻴﻨﻲ ﻭﻣﺶ ﻧﺎﻗﺺ

ﺭﻓﻌﺖ ﺭﺃﺳﻬﺎ ﻭﻧﻈﺮﺕ ﺇﻟﻴﻪ ﺑﺸﻚ ﺛﻢ ﻗﺎﻟﺖ :

- ﻃﻴﺐ ﻭﻧﺎﺩﻳﺔ ﻳﺎ ﻋﻠﻲ ... ﻟﺤﻘﺖ ﺗﻨﺴﺎﻫﺎ ﺑﺎﻟﺴﺮﻋﺔ ﺩﻱ

- ﺍﺣﻠﻔﻠﻚ ﺑﺈﻳﻪ ﻳﺎ ﻣﺎﻣﺎ ﺍﻥ ﻧﺎﺩﻳﺔ ﺩﻟﻮﻗﺘﻲ ﻣﺎﺑﻘﺎﺵ ﻟﻴﻬﺎ ﻓﻘﻠﺒﻲ ﻣﻜﺎﻥ ... ﻳﺎ ﻣﺎﻣﺎ ﻧﺎﺩﻳﺔ ﻋﻤﻠﺖ ﺍﻟﻠﻲ ﻗﻀﻰ ﻋﻠﻰ ﺣﺒﻬﺎ ﻓﻘﻠﺒﻲ ﺑﺎﻟﻤﺮﺓ

ﺗﺪﺧﻠﺖ ﻟﻤﻴﺎﺀ ﻗﺎﺋﻠﺔ ﺑﻔﻀﻮﻝ :

- ﺍﻟﻠﻲ ﻫﻮ ﺇﻳﻪ ﺩﻩ ﻳﺎ ﻋﻠﻲ ... ﻫﺎ ﺇﻳﻪ ﻫﻮ؟

- ﻣﺶ ﻣﻬﻢ ﺇﻳﻪ ﻫﻮ ... ﺍﻟﻤﻬﻢ ﺇﻧﻲ ﺧﻼﺹ ﻣﺎﺑﻘﺘﺶ ﺑﻔﻜﺮ ﻓﻴﻬﺎ ... ﻭﺑﻌﺪﻳﻦ ﻫﻴﺎ ﺧﻼﺹ ﺣﺘﺘﺠﻮﺯ ﻭﺗﺒﻘﻰ ﻓﻌﺼﻤﺔ ﺭﺍﺟﻞ ... ﺍﻟﻠﻪ ﻳﺴﻬﻠﻬﺎ ﺑﻘﻰ

_ ﻟﺒﻨﻰ ﺑﺈﺳﺘﻴﺎﺀ : ﺭﺍﺟﻞ ﻭﻫﻮ ﺳﺎﻣﺢ ﺩﻩ ﺑﻴﺴﻤﻮﻩ ﺭﺍﺟﻞ ﺑﺮﺿﻪ

ﻧﻬﺮﺗﻬﺎ ﺳﻤﻴﺔ ﻗﺎﺋﻠﺔ :

_ ﻋﻴﺐ ﻛﺪﻩ ﻳﺎ ﻟﺒﻨﻰ ... ﺛﻢ ﺍﻧﺘﻲ ﺗﻌﺮﻓﻴﻪ ﻣﻨﻴﻦ؟

_ ﺷﻮﻓﺘﻪ ﻣﺮﺓ ﻭﺍﻗﻒ ﻣﻌﺎﻫﺎ ﻓﺎﻟﻜﻠﻴﺔ ﻟﻤﺎ ﺭﻭﺣﺘﻠﻬﺎ ﺍﻧﺎ ﻭﻧﻮﺭﺍ ... ﺩﻱ ﺣﺘﻰ ﻧﻮﺭﺍ ﻳﻮﻣﻬﺎ ﺇﺩﻳﺘﻠﻪ ﻛﻠﻤﺘﻴﻦ ﻓﺠﻨﺎﺑﻪ ﺑﺲ ﻛﺎﻥ ﻳﺴﺘﺎﻫﻠﻬﻢ ﺑﺼﺮﺍﺣﺔ

ﺿﻴﻖ ﻋﻠﻲ ﻋﻴﻨﻴﻪ ﻗﺎﺋﻼ :

_ ﻟﻴﻪ ﻳﺎ ﻟﺒﻨﻰ ﻫﻮ ﻋﻤﻞ ﺇﻳﻪ ﺑﺎﻟﻈﺒﻂ ﻳﻮﻣﻬﺎ؟

_ ﺍﺻﻠﻪ ﻛﺎﻥ ... ﻭﻻ ﺑﻼﺵ ﺍﺣﺴﻦ ﻣﺎﻟﻮﺵ ﻟﺰﻭﻡ

_ ﻋﻠﻲ ﺑﺤﺪﺓ : ﻟﻴﻪ ﺑﻘﻰ ﺍﻥ ﺷﺎﺀ ﺍﻟﻠﻪ ﻫﻮ ﺳﺮ ﻭﻻ ﺣﺎﺟﺔ ... ﻣﺎﺗﻘﻮﻟﻲ ﻗﺎﻟﻬﺎ ﺇﻳﻪ

_ ﻣﺎ ﺗﻘﻮﻟﻲ ﻷﺧﻮﻛﻲ ﻳﺎ ﺑﻨﺘﻲ ﻭﺗﺮﻳﺤﻴﻪ

_ ﺍﺻﻠﻪ ﻛﺎﻥ ﻋﻤﺎﻝ ﻳﺒﺺ ﻟﻨﻮﺭﺍ ﺑﻄﺮﻳﻘﺔ ﻣﺴﺘﻔﺰﺓ ﻛﺪﻩ ﻭﻳﻘﻮﻝ ﻟﻨﺎﺩﻳﺔ ﺩﻱ ﺟﻤﻴﻠﺔ ﺍﻭﻯ

_ ﻋﻠﻲ ﺑﺤﺪﺓ : ﻫﻴﺎ ﻣﻴﻦ ﺩﻯ ﺑﻘﻰ ﺍﻥ ﺷﺎﺀ ﺍﻟﻠﻪ ﺍﻟﻠﻲ ﺟﻤﻴﻠﺔ ﺍﻭﻯ؟

_ ﻟﺒﻨﻰ ﺑﺨﺒﺚ : ﻻ ﻳﺎ ﻋﻠﻲ ﻣﺘﻔﻬﻤﺶ ﻏﻠﻂ ... ﺩﻩ ﻛﺎﻥ ﻳﻘﺼﺪ ﺩﻣﻴﺎﻁ ... ﺍﺻﻠﻨﺎ ﻛﻨﺎ ﺑﻨﻘﻮﻝ ﺍﻧﻨﺎ ﺭﺍﻳﺤﻴﻦ ﺩﻣﻴﺎﻁ

_ ﻋﻠﻲ ﺑﺘﻬﻜﻢ : ﻻ ﻭﺍﻟﻠﻪ ﺑﻘﻰ ﺩﻣﻴﺎﻁ ﻫﻴﺎ ﺍﻟﻠﻲ ﺟﻤﻴﻠﺔ ﺍﻭﻯ

ﺍﺟﺎﺑﺖ ﺳﻤﻴﺔ ﻭﻫﻲ ﺗﺤﺎﻭﻝ ﺃﻥ ﺗﻤﻨﻊ ﺇﺑﺘﺴﺎﻣﺘﻬﺎ ﻣﻦ ﺍﻟﻈﻬﻮﺭ :

_ ﻋﻨﺪﻩ ﺣﻖ ﻳﺎ ﺍﺑﻨﻲ ... ﻫﻴﺎ ﺩﻣﻴﺎﻁ ﻭﺣﺸﺔ ﻳﻌﻨﻰ

_ ﻟﺒﻨﻰ : ﺍﻣﺎﻝ ﻳﻌﻨﻰ ﺣﻴﻜﻮﻥ ﻗﺼﺪﻩ ﻋﻠﻰ ﻧﻮﺭﺍ ﻣﺜﻼ ... ﻫﻮ ﺻﺤﻴﺢ ﻧﻮﺭﺍ ﺟﻤﻴﻠﺔ ﺑﺲ ﻫﻮ ﻳﻘﺪﺭ ﻳﻘﻮﻟﻬﺎ ﻛﺪﻩ ﻳﻌﻨﻲ

ﻋﻠﻲ ﺑﺈﻧﻔﻌﺎﻝ : ﻃﻴﺐ ﻳﻔﻜﺮ ﺑﺲ ﺇﻧﻪ ﻳﻘﻮﻟﻬﺎ ﺣﺎﺟﺔ ﺯﻯ ﻛﺪﻩ ﻭﺃﻧﺎ ﻛﻨﺖ ﺍﻗﻄﻌﻠﻪ ﻟﺴﺎﻧﻪ

ﻭﺿﻌﺖ ﺳﻤﻴﺔ ﻳﺪﻫﺎ ﻋﻠﻰ ﻓﻤﻬﺎ ﻭﻫﻲ ﺗﻘﻮﻝ ﻟﻌﻠﻲ :

_ ﻭﻋﻠﻰ ﺇﻳﻪ ﻳﺎ ﺍﺑﻨﻲ ﺍﻟﻄﻴﺐ ﺍﺣﺴﻦ ... ﻭﺑﻌﺪﻳﻦ ﺍﻧﺖ ﺣﺘﺘﻠﻜﻚ ﻭﻻ ﺇﻳﻪ ﺑﺘﻘﻮﻟﻚ ﻛﺎﻥ ﺑﻴﺘﻜﻠﻢ ﻋﻦ ﺩﻣﻴﺎﻁ ... ﺩﻣﻴﺎﻁ ﻳﺎ ﻋﻠﻲ

ﺍﺟﺎﺑﻬﺎ ﻋﻠﻲ ﻭﻫﻮ ﻳﺘﻮﺟﻪ ﻧﺤﻮ ﻏﺮﻓﺘﻪ :

- ﻣﺎﺷﻲ ﺍﻧﺎ ﺣﺎﻋﺪﻳﻬﺎ ﺑﻤﺰﺍﺟﻲ ﺍﻟﻤﺮﺓﺩﻱ ... ﻭﻋﻦ ﺇﺫﻧﻜﻮﺍ ﺑﻘﻰ ﻋﺸﺎﻥ ﻋﻨﺪﻱ ﻣﻜﺎﻟﻤﺔ ﻟﺪﻣﻴﺎﻁ ... ﺍﻟﺠﻤﻴﻠﺔ ﺍﻭﻱ

ﺩﺧﻞ ﻋﻠﻰ ﺇﻟﻰ ﻏﺮﻓﺘﻪ ﻓﺎﻟﺘﻔﺘﺖ ﻟﺒﻨﻰ ﺇﻟﻰ ﻭﺍﻟﺪﺗﻬﺎ ﻗﺎﺋﻠﺔ ﺑﺈﺑﺘﺴﺎﻣﺔ :

_ ﺇﻳﻪ ﺭﺃﻳﻚ ﻓﻴﺎ ﻣﺶ ﺍﻧﻔﻊ ﺑﺮﺿﻪ؟

_ ﺑﺼﺮﺍﺣﺔ ﻋﺠﺒﺘﻴﻨﻲ ... ﺇﻥ ﺟﻴﺘﻲ ﻟﻠﺤﻖ ﺍﻧﺎ ﻛﻨﺖ ﻣﺎﺳﻜﺔ ﻧﻔﺴﻲ ﺑﺎﻟﻌﺎﻓﻴﺔ ﻭﺧﺎﻳﻔﺔ ﺍﺿﺤﻚ ﻋﻠﻰ ﻣﻨﻈﺮ ﻋﻠﻲ ﺃﺧﻮﻛﻲ ... ﺃﻧﺎ ﻋﺎﺭﻓﺎﻩ ﻟﻤﺎ ﺑﻴﺘﻌﺼﺐ ﻭﺩﺍﻧﻪ ﺑﺘﺤﻤﺮ

_ ﺁﻩ ﻣﺎ ﺍﻧﺎ ﻻﺣﻈﺖ ﺑﺮﺿﻪ ﺍﻥ ﻭﺩﺍﻧﻪ ﺍﺣﻤﺮﺕ ﺍﻭﻱ ﻗﻠﺖ ﻛﻔﺎﻳﺔ ﻋﻠﻴﻪ ﻛﺪﻩ

ﺿﺮﺑﺖ ﻟﻤﻴﺎﺀ ﻛﻔﻴﻬﺎ ﺑﺒﻌﻀﻬﻤﺎ ﻭﻗﺎﻟﺖ ﻓﻲ ﺩﻫﺸﺔ :

↚

_ ﻭﺍﻟﻠﻪ ﺍﻧﺘﻮﺍ ﺑﺘﺘﻌﺒﻮﺍ ﻧﻔﺴﻜﻮﺍ ﻋﻠﻰ ﺍﻟﻔﺎﺿﻲ ... ﺍﻧﺘﻮﺍ ﻋﺎﺭﻓﻴﻦ ﺍﺻﻼ ﺍﻥ ﻋﻠﻲ ﺍﺧﻮﻳﺎ ﺑﻄﺒﻌﻪ ﻏﻴﻮﺭ ﻭﺩﻣﻪ ﺣﺎﻣﻲ ... ﺇﺫﺍ ﻛﺎﻥ ﺑﻴﻐﻴﺮ ﻋﻠﻴﻨﺎ ﺍﺣﻨﺎ ﺇﺧﻮﺍﺗﻪ ﻳﺒﻘﻰ ﻣﺶ ﺣﻴﻐﻴﺮ ﻋﻠﻰ ﺍﻟﻠﻲ ﺣﺘﺒﻘﻰ ﻣﺮﺍﺗﻪ

ﺍﻟﺘﻔﺘﺖ ﺳﻤﻴﺔ ﺇﻟﻰ ﻟﺒﻨﻰ ﻗﺎﺋﻠﺔ :

_ ﻟﺒﻨﻰ ... ﻣﺎﺗﻘﻮﻣﻲ ﺗﺠﻴﺒﻲ ﺣﺎﺟﺔ ﺍﺿﺮﺏ ﺑﻴﻬﺎ ﺍﻟﺒﺖ ﺩﻱ

_ ﻫﻴﺎ ﻓﻌﻼ ﻳﺎ ﻣﺎﻣﺎ ﺗﺴﺘﺎﻫﻞ ﺍﻟﻀﺮﺏ ﺍﻧﺎ ﺑﺮﺿﻪ ﺷﺎﻳﻔﺔ ﻛﺪﻩ .

_ ﻟﻤﻴﺎﺀ : ﻭﺑﻌﺪﻳﻦ ﻳﺎ ﺳﺖ ﻣﺎﻣﺎ ﺍﻧﺘﻲ ﻣﻦ ﺷﻮﻳﺔ ﻛﻨﺘﻲ ﻋﻤﺎﻟﺔ ﺗﻌﻴﻄﻲ ﻭﻋﺎﻣﻠﺔ ﻓﻴﻬﺎ ﺃﻣﻴﻨﺔ ﺭﺯﻕ ﻭﺑﻌﺪﻳﻦ ﻗﻌﺪﺗﻲ ﺍﻧﺘﻲ ﻭﺑﻨﺘﻚ ﺗﺸﺘﻐﻠﻮﺍ ﻋﻠﻰ ﻭﻧﺎﺯﻟﻴﻦ ﺿﺤﻚ ... ﻣﺎﺗﺤﺪﺩﻱ ﻣﻮﻗﻔﻚ ﺑﺎﻟﻈﺒﻂ

ﺗﻨﻬﺪﺕ ﺳﻤﻴﺔ ﻭﻗﺎﻟﺖ ﻓﻲ ﺣﻴﺮﺓ :

_ ﺍﻥ ﺟﻴﺘﻮﺍ ﻟﻠﺤﻖ ... ﻭﺍﻟﻠﻪ ﻣﺎ ﺍﻧﺎ ﻋﺎﺭﻓﺔ ﺍﻓﺮﺡ ﻭﻻ ﺍﺯﻋﻞ

ﻧﻬﻀﺖ ﻟﺒﻨﻰ ﻣﻦ ﻣﻜﺎﻧﻬﺎ ﻭﻗﺎﻟﺖ ﺑﻔﺮﺣﺔ :

_ ﻃﻴﺐ ﻳﺎ ﻣﺎﻣﺎ ﻋﻠﻰ ﻣﺎ ﺗﺤﺪﺩﻱ ﻣﻮﻗﻔﻚ ﺣﺎﺭﻭﺡ ﺍﻧﺎ ﺍﻛﻠﻢ ﻧﻮﺭﺍ ﻭﻧﺘﻔﻖ ﺳﻮﺍ ﺣﻨﻌﻤﻞ ﺇﻳﻪ

*************************

ﺍﻧﻬﻲ ﺍﺣﻤﺪ ﻣﻜﺎﻟﻤﺘﻪ ﻣﻊ ﻋﻠﻲ ﻭﻻﺣﺖ ﻋﻠﻰ ﺷﻔﺘﻴﻪ ﺇﺑﺘﺴﺎﻣﺔ ﻻﺣﻈﺘﻬﺎ ﺍﻟﻔﺖ ﻭﻫﻲ ﻗﺎﺩﻣﺔ ﻣﻦ ﺍﻟﻤﻄﺒﺦ ﺗﺤﻤﻞ ﻗﺪﺣﻴﻦ ﻣﻦ ﺍﻟﻘﻬﻮﺓ ﻭﺿﻌﺘﻬﻤﺎ ﻋﻠﻰ ﺍﻟﻄﺎﻭﻟﺔ ﺛﻢ ﺟﻠﺴﺖ ﻭﻫﻲ ﺗﺤﺪﺙ ﺍﺣﻤﺪ ﻗﺎﺋﻠﺔ :

_ ﻣﻴﻦ ﻳﺎ ﺍﺑﻨﻲ ﺍﻟﻠﻲ ﻛﺎﻥ ﺑﻴﻜﻠﻤﻚ ﻓﺎﻟﺘﻠﻴﻔﻮﻥ ﻭﻗﺎﻟﻚ ﺣﺎﺟﺔ ﻓﺮﺣﺘﻚ ﻛﺪﻩ

- ﺩﻩ ﻋﻠﻲ ﺍﺑﻦ ﺧﺎﻟﻲ ﻳﺎ ﻣﺎﻣﺎ

_ ﻣﺎﺩﺍﻡ ﻣﺒﺴﻮﻁ ﻛﺪﻩ ﻳﺒﻘﻰ ﻗﺎﻟﻚ ﺍﻥ ﻟﺒﻨﻰ ﻭﺍﻓﻘﺖ

ﺍﺗﺴﻌﺖ ﺇﺑﺘﺴﺎﻣﺘﻪ ﻭﻫﻮ ﻳﺠﻴﺒﻬﺎ ﻗﺎﺋﻼ :

_ ﺩﻩ ﺍﻧﺘﻲ ﻣﺶ ﺣﺘﺼﺪﻗﻲ ﻗﺎﻟﻲ ﺇﻳﻪ ﺍﺻﻼ ... ﺩﻩ ﺑﻴﻘﻮﻟﻲ ﻛﺘﺐ ﺍﻟﻜﺘﺎﺏ ﻳﻮﻡ ﺍﻟﺨﻤﻴﺲ ﺍﻥ ﺷﺎﺀ ﺍﻟﻠﻪ

- ﺍﻟﻔﺖ ﺑﺪﻫﺸﺔ : ﻟﻴﻪ ﻳﺎ ﺍﺑﻨﻲ ﻫﻮ ﻣﻴﻦ ﺍﻟﻠﻲ ﺑﻴﺤﺪﺩ ﻛﺘﺐ ﺍﻟﻜﺘﺎﺏ ﺍﻟﻌﺮﻳﺲ ﻭﻻ ﺍﻟﻌﺮﻭﺳﺔ؟

_ ﻳﺎ ﺳﺘﻲ ﻭﻻ ﺍﻟﻌﺮﻳﺲ ﻭﻻ ﺍﻟﻌﺮﻭﺳﺔ ... ﺍﻟﻠﻲ ﺣﺪﺩﻩ ﻫﻮ ﺧﺎﻟﻲ ﺻﻔﻮﺕ ... ﺍﻧﺎ ﺻﺤﻴﺢ ﻗﻠﺘﻠﻪ ﺇﻧﻲ ﻣﺴﺘﻌﺠﻞ ... ﺑﺲ ﺑﺼﺮﺍﺣﺔ ﻣﺎﺗﻮﻗﻌﺘﺶ ﺇﻧﻪ ﻳﻜﻮﻥ ﻛﺮﻳﻢ ﻣﻌﺎﻳﺎ ﻟﻠﺪﺭﺟﺔﺩﻱ

- ﻃﻴﺐ ﻭﺻﻔﻮﺕ ﺃﺧﻮﻳﺎ ﻣﺴﺘﻌﺠﻞ ﺍﻭﻱ ﻛﺪﻩ ﻟﻴﻪ؟

_ ﻋﺸﺎﻥ ﺍﻟﻠﻲ ﺣﻀﺮﺗﻚ ﻣﺎﺗﻌﺮﻓﻴﻬﻮﺵ ﺍﻥ ﻛﺘﺐ ﻛﺘﺎﺏ ﻧﺎﺩﻳﺔ ﻭﻧﻮﺭﺍ ﻣﻌﺎﻧﺎ ﻓﻨﻔﺲ ﺍﻟﻴﻮﻡ ... ﻭﺧﺎﻟﻲ ﺍﻗﺘﺮﺡ ﺍﻥ ﺍﻟﺘﻼﺗﺔ ﻳﻜﻮﻧﻮﺍ ﻣﻊ ﺑﻌﺾ ﻓﺎﻟﻔﻴﻼ ﻋﻨﺪﻩ ... ﺇﻳﻪ ﺭﺃﻳﻚ ﺍﻧﺘﻲ؟

- ﻭﺩﻱ ﻋﺎﻳﺰ ﻩ ﺭﺃﻱ ﺑﺮﺿﻪ ... ﻃﺎﻟﻤﺎ ﺻﻔﻮﺕ ﺍﺧﻮﻳﺎ ﻗﺎﻝ ﻛﺪﻩ ﻳﺒﻘﻰ ﻫﻮ ﻛﺪﻩ ... ﻭﺍﻧﺎ ﺣﺎﻛﻠﻢ ﺇﺧﻮﺍﺗﻚ ﻭﺟﻮﺍﺯﻫﻢ ﻋﺸﺎﻥ ﻳﻌﻤﻠﻮﺍ ﺣﺴﺎﺑﻬﻢ ... ﺍﻟﻒ ﻣﺒﺮﻭﻙ ﻳﺎ ﺣﺒﻴﺒﻲ

- ﻳﺎ ﻣﺎﻣﺎ ﺍﻧﺎ ﻗﻠﺖ ﻟﺤﻀﺮﺗﻚ ﻗﺒﻞ ﻛﺪﻩ ﻣﻴﺔ ﻣﺮﺓ ﺍﻥ ﺍﺳﻤﻬﺎ ﻣﺒﺎﺭﻙ ﻣﺶ ﻣﺒﺮﻭﻙ ... ﻭﻋﻤﻮﻣﺎ ﻳﺎ ﺳﺘﻲ ﺍﻟﻠﻪ ﻳﺒﺎﺭﻙ ﻓﻴﻜﻲ

ﺍﺷﺎﺣﺖ ﺑﻴﺪﻫﺎ ﻗﺎﺋﻠﺔ ﺑﻼﻣﺒﺎﻻﺓ :

_ ﺍﻧﺎ ﻋﺎﺭﻓﺔ ﺑﻘﻰ ... ﻣﺎﻃﻮﻝ ﻋﻤﺮ ﺍﻟﻨﺎﺱ ﺑﺘﻘﻮﻟﻬﺎ ﻣﺒﺮﻭﻙ ﻫﻴﺎ ﺟﺖ ﻋﻠﻴﺎ ﺍﻧﺎ ﻳﻌﻨﻲ ... ﻭﺑﻌﺪﻳﻦ ﻳﺎ ﺍﺑﻨﻲ ﻫﻴﺎ ﺍﻟﺒﻠﺪ ﻛﺎﻧﺖ ﻣﺴﺘﺤﻤﻠﺔ ﻣﺒﺎﺭﻙ ﻭﺍﺣﺪ ﻟﻤﺎ ﺣﺘﺠﻴﺒﻠﻬﺎ ﺍﻟﻒ ﻣﺒﺎﺭﻙ ... ﻭﻋﻤﻮﻣﺎ ﻣﺶ ﺩﻩ ﻣﻮﺿﻮﻋﻨﺎ ... ﻗﻮﻟﻲ ﺑﻘﻰ ﻫﻮ ﺍﻧﺖ ﺧﻄﺒﺖ ﻟﺒﻨﻰ ﻟﻴﻪ؟

- ﺍﺣﻤﺪ ﺑﺪﻫﺸﺔ : ﺇﻳﻪ ﺍﻟﺴﺆﺍﻝ ﺍﻟﻐﺮﻳﺐ ﺩﻩ ﻳﺎ ﻣﺎﻣﺎ؟ ﻃﺒﻌﺎ ﻋﺸﺎﻥ ﺑﺤﺒﻬﺎ

_ ﺑﺠﺪ ﻳﺎ ﺍﺣﻤﺪ ... ﻃﻴﺐ ﺑﺘﺤﺒﻬﺎ ﻣﻦ ﺍﻣﺘﻰ ﻳﻌﻨﻰ؟

_ ﻭﻟﻮ ﺇﻧﻰ ﻣﺶ ﻓﺎﻫﻢ ﺳﺒﺐ ﺍﻷﺳﺌﻠﻪ ﺩﻱ ﺑﺲ ﺣﺎﻗﻮﻟﻚ ... ﺑﺤﺒﻬﺎ ﻣﻦ ﺯﻣﺎﻥ ﺍﻭﻯ ﻳﺎ ﺳﺘﻲ ... ﻣﻦ ﺍﻭﻝ ﻣﺎﻋﺮﻓﺖ ﻳﻌﻨﻰ ﺍﻳﻪ ﺣﺐ ... ﻣﻦ ﺃﻳﺎﻡ ﻣﺎﻛﺎﻧﻮﺍ ﺳﺎﻛﻨﻴﻴﻦ ﻫﻨﺎ ﻓﺒﻴﺖ ﺟﺪﻱ ﻭﻛﻨﺎ ﺑﻨﻴﻴﺠﻲ ﻧﺰﻭﺭﻫﻢ ... ﻭﻛﻨﺖ ﻣﺴﺘﻨﻴﻬﺎ ﻟﻤﺎ ﺗﺨﻠﺺ ﺩﺭﺍﺳﺘﻬﺎ ﺍﻷﻭﻝ ﻭﺑﻌﺪﻳﻦ ﺍﺗﻘﺪﻣﻠﻬﺎ

_ ﻃﻴﺐ ﻭﺇﻳﻪ ﺍﻟﻠﻲ ﺧﻼﻙ ﻏﻴﺮ ﺕ ﺭﺃﻳﻚ ?

- ﺍﻗﻮﻟﻚ ﻭﻣﺎﺗﺰﻋﻠﻴﺶ ... ﻟﻤﺎ ﺳﻤﻌﺘﻚ ﺍﻧﺘﻲ ﻭﺍﺩﻫﻢ ﺑﺘﺘﻜﻠﻤﻮﺍ ﻋﻨﻬﺎ ... ﺧﻮﻓﺖ ﻳﺮﻭﺡ ﻳﻜﻠﻤﻬﺎ ﻭﻳﻠﻌﺐ ﻋﻠﻴﻬﺎ ﻣﻦ ﻭﺭﺍﻳﺎ ... ﻗﻠﺖ ﻣﻤﻜﻦ ﻳﻜﻮﻥ ﺑﻴﻘﻮﻝ ﻛﺪﻩ ﺍﺩﺍﻣﻲ ﺑﺲ ﻭﺑﻌﺪ ﻛﺪﻩ ﻧﺎﻭﻱ ﻳﻜﻤﻞ ﻓﺎﻟﺘﻤﺜﻴﻠﻴﺔ ﺍﻟﺴﺨﻴﻔﺔ ﺩﻱ ﻣﻦ ﻭﺭﺍﻳﺎ ... ﻓﻘﻠﺖ ﺍﻟﺤﻖ ﻭﺍﺗﻘﺪﻣﻠﻬﺎ ... ﻓﻬﻤﺘﻲ ﺑﻘﻰ؟

- ﻃﻴﺐ ﻳﺎ ﺍﺑﻨﻲ ﺭﻳﺤﺖ ﻗﻠﺒﻲ ﺍﻟﻠﻪ ﻳﺮﻳﺢ ﻗﻠﺒﻚ ... ﺑﺲ ﺍﻧﺖ ﻣﺶ ﻭﺍﺛﻖ ﻓﻴﻨﺎ ﻛﺪﻩ ﻟﻠﺪﺭﺟﻪ ﺩﻱ ... ﺩﻩ ﺣﺘﻰ ﺍﺩﻫﻢ ﺍﻟﻴﻮﻣﻴﻦ ﺩﻭﻝ ﻣﺶ ﻋﺎﺭﻓﺔ ﻣﺎﻟﻪ

_ ﻣﺎﻟﻪ ﻳﺎ ﻣﺎﻣﺎ؟ ﻭﺑﻌﺪﻳﻦ ﻫﻮ ﻓﻴﻦ ﺻﺤﻴﺢ ﻣﺎﺟﺎﺵ ﻳﻘﻌﺪ ﻣﻌﺎﻧﺎ ﻟﻴﻪ؟

_ ﺍﻟﻴﻮﻣﻴﻦ ﺩﻭﻝ ﺣﺎﺑﺲ ﻧﻔﺴﻪ ﻓﺎﻭﺿﺘﻪ ﻛﺪﻩ ﻋﻠﻄﻮﻝ ... ﻳﺮﺟﻊ ﻣﻦ ﺍﻟﻤﻌﺮﺽ ﻳﺪﺧﻠﻬﺎ ﻣﺎﻳﺨﺮﺟﺶ ﻏﻴﺮ ﻋﺸﺎﻥ ﺍﻟﺼﻼﺓ ﻭﺍﻷﻛﻞ ... ﻭﻋﻠﻄﻮﻝ ﺣﺰﻳﻦ ﻭﺳﺮﺣﺎﻥ ... ﻭﺍﻟﻠﻲ ﻃﺎﻟﻊ ﻋﻠﻴﻪ ﻟﻮ ﺳﻤﺤﺘﻲ ﻳﺎ ﻣﺎﻣﺎ ﺳﻴﺒﻴﻨﻲ ﻟﻮﺣﺪﻱ

_ ﺍﺣﻤﺪ ﺑﺪﻫﺸﺔ : ﺍﻟﻮﺍﺩ ﺩﻩ ﺑﻴﺤﺐ ﻭﻻ ﺇﻳﻪ؟ ﺍﻧﺎ ﺣﺎﺩﺧﻞ ﺍﺑﻠﻐﻪ ﺑﻤﻌﺎﺩ ﻛﺘﺐ ﺍﻟﻜﺘﺎﺏ ﻭﺍﺷﻮﻑ ﺣﻜﺎﻳﺔ ﺍﻟﺴﺮﺣﺎﻥ ﺩﻱ ﺳﺒﺒﻬﺎ ﺇﻳﻪ ... ﻋﻠﻰ ﺍﻟﻠﻪ ﺑﺲ ﻣﺎﺗﻄﻠﻌﺶ ﺑﻨﺖ ﻣﻦ ﺍﻟﻠﻲ ﻳﻌﺮﻓﻬﻢ ﻣﻄﻠﻌﺔ ﻋﻴﻨﻪ ﻭﻻ ﺣﺎﺟﺔ ... ﺭﺑﻨﺎ ﻳﻬﺪﻳﻪ ﻭﻳﺒﻄﻞ ﺍﻟﻠﻲ ﺑﻴﻌﻤﻠﻪ ﺩﻩ

ﺍﺟﺎﺑﺘﻪ ﺍﻟﻔﺖ ﻋﻠﻰ ﺍﻟﻔﻮﺭ ﻗﺎﺋﻠﺔ :

_ ﻻ ﻳﺎ ﺍﺑﻨﻲ ﺩﻩ ﺍﻧﺎ ﺑﻘﺎﻟﻲ ﻣﺪﻩ ﻃﻮﻳﻠﺔ ﻣﺶ ﺑﺸﻮﻓﻪ ﺑﻴﻜﻠﻢ ﺑﻨﺎﺕ ﺧﺎﻟﺺ ﻓﻲ ﺍﻟﺘﻠﻴﻔﻮﻥ ... ﺣﺘﻰ ﺍﻟﻠﻲ ﺑﺘﺘﺼﻞ ﻋﻠﻰ ﺗﻠﻴﻔﻮﻥ ﺍﻟﺒﻴﺖ ﺑﻴﺨﻠﻴﻨﻲ ﺍﺭﺩ ﻋﻠﻴﻬﺎ ﻭﺍﻗﻮﻟﻬﺎ ﺍﻧﻪ ﻣﺶ ﻣﻮﺟﻮﺩ

- ﻻ ﺩﻩ ﺍﻟﻤﻮﺿﻮﻉ ﺩﻩ ﻣﺎ ﻳﺘﺴﻜﺘﺶ ﻋﻠﻴﻪ

************************

ﻃﺮﻕ ﺍﺣﻤﺪ ﺑﺎﺏ ﻏﺮﻓﺔ ﺍﺩﻫﻢ ﻭﺩﺧﻞ ﻟﻴﺠﺪﻩ ﻳﻠﻘﻲ ﺑﻬﺎﺗﻔﻪ ﺑﻌﻴﺪﺍ ﺑﻌﺪ ﺃﻥ ﻛﺎﻥ ﻳﺘﺤﺪﺙ ﻓﻴﻪ ﺑﻌﺼﺒﻴﺔ ﺷﺪﻳﺪ ﺓ ﻭﺻﻮﺕ ﻋﺎﻝ .

ﺟﻠﺲ ﺍﺣﻤﺪ ﺇﻟﻰ ﺟﻮﺍﺭﻩ ﻭﻗﺎﻝ ﺑﻬﺪﻭﺀ :

_ ﺇﻳﻪ ﻳﺎ ﺍﺑﻨﻲ ﺑﺘﺘﺨﺎﻧﻖ ﻣﻊ ﻣﻴﻦ ﻛﺪﻩ ﻓﺎﻟﺘﻠﻴﻔﻮﻥ؟

ﺍﺟﺎﺑﻪ ﺍﺩﻫﻢ ﻗﺎﺋﻼ ﻓﻲ ﺿﻴﻖ :

_ ﺩﻱ ﺍﻟﺒﺖ ﺍﻟﺨﻨﻘﺔ ﺍﻟﻠﻲ ﺍﺳﻤﻬﺎ ﻟﻤﻴﺲ ﺩﻱ ﺑﺘﻜﻠﻤﻨﻲ ﻣﻦ ﺭﻗﻢ ﻏﺮﻳﺐ ﻋﺸﺎﻥ ﻣﺎ ﻛﻨﺘﺶ ﺑﺮﺩ ﻋﻠﻴﻬﺎ

ﻗﻄﺐ ﺍﺣﻤﺪ ﺟﺒﻴﻨﻪ ﻗﺎﺋﻼ ﺑﺪﻫﺸﺔ :

_ ﺳﺒﺤﺎﻥ ﺍﻟﻠﻪ ... ﻟﻤﻴﺲ ﺑﻘﺖ ﺧﻨﻘﺔ ... ﺩﻩ ﺃﻧﺎ ﻓﺎﻛﺮ ﺍﻧﻚ ﻛﻨﺖ ﺣﺘﻤﻮﺕ ﻋﻠﻰ ﻛﻠﻤﺔ ﻣﻨﻬﺎ

_ ﺍﺩﻫﻢ ﺑﻀﻴﻖ : ﺍﺩﻳﻚ ﻗﻮﻟﺖ ﻳﺎ ﺍﺣﻤﺪ ... ﻛﻨﺖ .. ﻛﻨﺖ ﻳﺎ ﺍﺣﻤﺪ ... ﺩﻟﻮﻗﺘﻲ ﻣﺶ ﻋﺎﻳﺰ ﺍﻛﻠﻤﻬﺎ ﻻ ﻫﻴﺎ ﻭﻻ ﻏﻴﺮﻫﺎ

↚

_ ﻣﺎﻟﻚ ﻳﺎ ﺍﺩﻫﻢ؟ ﺍﻧﺖ ﻓﻴﻪ ﺣﺎﺟﺔ ﻣﻀﻴﻘﺎﻙ ؟

- ﺍﺩﻫﻢ ﺑﻌﺼﺒﻴﺔ : ﻣﻀﺎﻳﻖ ﻣﻦ ﻧﻔﺴﻲ ﻳﺎ ﺳﻴﺪﻱ ... ﻋﺎﺟﺒﻚ ﺍﻟﻌﻴﺸﺔ ﺍﻟﻠﻲ ﺃﻧﺎ ﻋﺎﻳﺸﻬﺎ ﺩﻱ ؟

- ﻣﻦ ﻧﺎﺣﻴﺔ ﺇﻳﻪ ﻳﻌﻨﻰ؟

ﺑﺪﺃ ﺍﺩﻫﻢ ﺑﺎﻟﺒﻜﺎﺀ ﻭﻫﻮ ﻳﺠﻴﺒﻪ ﻗﺎﺋﻼ :

_ ﺍﻧﺎ ﺍﻛﺘﺸﻔﺖ ﻳﺎ ﺍﺣﻤﺪ ﺇﻧﻲ ﺑﻌﻴﺪ ﺍﻭﻱ ﻋﻦ ﺭﺑﻨﺎ ... ﻟﻮ ﻣﺖ ﺩﻟﻮﻗﺘﻲ ﺣﺎﻣﻮﺕ ﻭﺍﻧﺎ ﺷﺎﻳﻞ ﻛﻞ ﺍﻟﺬﻧﻮﺏ ﺩﻱ ﻋﻠﻰ ﻛﺘﻔﻲ ﺍﺯﺍﻱ ... ﻟﻤﺎ ﺭﺑﻨﺎ ﻳﺴﺄﻟﻨﻲ ﻋﻦ ﺷﺒﺎﺑﻲ ﺍﻗﻮﻟﻪ ﺿﻴﻌﺘﻪ ﻓﺈﻳﻪ؟ ﻓﺎﻟﺠﺮﻱ ﻭﺭﺍ ﺍﻟﺒﻨﺎﺕ

ﺍﺣﺘﻀﻨﻪ ﺍﺣﻤﺪ ﻭﺭﺑﺖ ﻋﻠﻰ ﻛﺘﻔﻪ ﻗﺎﺋﻼ ﺑﺤﻨﺎﻥ :

_ ﺑﻌﺪ ﺍﻟﺸﺮ ﻋﻨﻚ ﻳﺎ ﺣﺒﻴﺒﻲ ... ﺍﻧﺎ ﻣﺎﻛﻨﺘﺶ ﺍﻋﺮﻑ ﺍﻥ ﺍﻟﻤﻮﺿﻮﻉ ﻛﺒﻴﺮ ﻛﺪﻩ ... ﻭﺑﻌﺪﻳﻦ ﺍﺣﻨﺎ ﻟﺴﻪ ﻓﻴﻬﺎ ... ﺑﺈﻳﺪﻙ ﺍﻧﻚ ﺗﺘﻮﺏ ﻭﺗﺮﺟﻊ ﻋﻦ ﺍﻟﻠﻲ ﻛﻨﺖ ﺑﺘﻌﻤﻠﻪ ﺩﻩ

ﻋﻼ ﺻﻮﺕ ﻧﺤﻴﺒﻪ ﻭﺯﺍﺩﺕ ﺷﻬﻘﺎﺗﻪ ﻭﻫﻮ ﻳﺠﻴﺒﻪ ﻗﺎﺋﻼ :

ﻭﺇﻳﻪ ﺍﻟﻔﺎﻳﺪﺓ ﺇﺫﺍ ﻛﺎﻧﺖ ﺍﺗﺨﻄﺒﺖ ﻟﻐﻴﺮﻱ ﺧﻼﺹ

ﺍﻣﺴﻚ ﺍﺣﻤﺪ ﻭﺟﻬﻪ ﺑﻴﻦ ﻛﻔﻴﻪ ﻭﻧﻈﺮ ﺇﻟﻰ ﻋﻴﻨﻴﻪ ﻗﺎﺋﻼ :

_ ﻫﻴﺎ ﻣﻴﻦ ﺩﻯ ﻳﺎ ﺍﺩﻫﻢ ﺍﻟﻠﻲ ﺍﺗﺨﻄﺒﺖ؟

ﺧﻔﺾ ﺭﺃﺳﻪ ﻭﻗﺎﻝ ﺑﺄﺳﻰ :

_ ﻧﻮﺭﺍ ﺑﻨﺖ ﺧﺎﻟﻚ

- ﻫﻴﺎ ﺍﻟﻠﻌﺒﺔ ﻗﻠﺒﺖ ﺑﺠﺪ ﻭﻻ ﺍﻳﻪ؟ ﺍﻧﺖ ﺣﺒﻴﺘﻬﺎ ﻳﺎ ﺍﺩﻫﻢ؟

_ ﺍﻳﻮﻩ ﺣﺒﻴﺘﻬﺎ ﺍﺯﺍﻱ ﻭﺍﻣﺘﻰ ﻣﺎﻋﺮﻓﺶ ... ﻓﺠﺄﺓ ﻛﺪﻩ ﻟﻘﻴﺖ ﻧﻔﺴﻲ ﺑﺎﻓﻜﺮ ﻓﻴﻬﺎ ﻟﻴﻞ ﻭﻧﻬﺎﺭ ... ﻣﻦ ﺳﺎﻋﺔ ﻣﺎﻛﺎﻧﺖ ﻫﻨﺎﻙ ﻭﺍﻧﺎ ﻋﻤﺎﻝ ﺍﻓﻜﺮ ﻓﺎﻟﻜﻼﻡ ﺍﻟﻠﻲ ﻗﺎﻟﺘﻬﻮﻟﻲ ... ﺣﺴﻴﺖ ﻛﺎﻧﻬﺎ ﺿﺮﺑﺘﻨﻲ ﻋﻠﻰ ﺩﻣﺎﻏﻲ ﺿﺮﺑﺔ ﻓﻮﻗﺘﻨﻲ ﻣﻦ ﺍﻟﻠﻲ ﻛﻨﺖ ﺑﻌﻤﻠﻪ ﻭﺭﺟﻌﺘﻨﻲ ﻋﻦ ﺍﻟﻄﺮﻳﻖ ﺍﻟﻠﻲ ﻛﻨﺖ ﻣﺎﺷﻲ ﻓﻴﻪ ... ﺍﻟﻠﻪ ﻳﺴﺎﻣﺤﻬﺎ ﺍﻣﻚ ﻫﻴﺎ ﺍﻟﺴﺒﺐ ... ﻫﻴﺎ ﺍﻟﻠﻲ ﻟﻔﺘﺖ ﻧﻈﺮﻱ ﻟﻴﻬﺎ ﻭﻛﺄﻧﻲ ﻣﺎﻛﻨﺘﺶ ﺷﺎﻳﻔﻬﺎ ﻗﺒﻞ ﻛﺪﻩ ﻭﻛﺄﻧﻬﺎ ﻣﺎﻛﺎﻧﺘﺶ ﺑﻨﺖ ﺧﺎﻟﻲ ... ﻛﺄﻧﻲ

ﺑﺸﻮﻓﻬﺎ ﻷﻭﻝ ﻣﺮﺓ ... ﻭﻟﻤﺎ ﺣﺴﻴﺖ ﺇﻧﻲ ﺧﻼﺹ ﻣﺶ ﻗﺎﺩﺭ ﺍﺳﺘﻐﻨﻲ ﻋﻨﻬﺎ ﻋﺮﻓﺖ ﺍﻧﻬﺎ ﺍﺗﺨﻄﺒﺖ ﻟﻌﻠﻲ

- ﻭﺍﻟﻠﻲ ﻣﺎ ﺗﻌﺮﻓﻬﻮﺵ ﻛﻤﺎﻥ ﺍﻥ ﻛﺘﺐ ﻛﺘﺎﺑﻬﻢ ﻳﻮﻡ ﺍﻟﺨﻤﻴﺲ

- ﻣﻌﻘﻮﻝ ﺑﺎﻟﺴﺮﻋﺔ ﺩﻱ !

_ ﻭﺍﻟﻠﻲ ﻣﺎﺗﻌﺮﻓﻮﺵ ﻛﻤﺎﻥ ﺍﻧﻬﺎ ﺑﺘﺤﺐ ﻋﻠﻲ ... ﻳﻌﻨﻰ ﺍﻟﻤﻮﺿﻮﻉ ﺩﻩ ﻻﺯﻡ ﺗﺸﻴﻠﻪ ﻣﻦ ﺩﻣﺎﻏﻚ ... ﻭﻃﺎﻟﻤﺎ ﺍﻧﺖ ﺷﺎﻳﻒ ﺇﻥ ﺍﻟﻠﻲ ﻛﻨﺖ ﺑﺘﻌﻤﻠﻪ ﺩﻩ ﻏﻠﻂ ﻳﺒﻘﻰ ﻻﺯﻡ ﺗﺮﺟﻊ ﻋﻨﻪ ﻋﺸﺎﻥ ﺧﺎﻃﺮ ﺭﺑﻨﺎ ﺍﻭﻻ ﻭﺑﻌﺪﻳﻦ ﻋﺸﺎﻥ ﻧﻔﺴﻚ ... ﻭﻳﻤﻜﻦ ﺩﻩ ﻳﻜﻮﻥ ﻋﻘﺎﺏ ﻣﻦ ﺭﺑﻨﺎ ﻟﻴﻚ ﻭﻷﻣﻚ ﻻﻧﻜﻢ ﻓﻜﺮﺗﻢ ﻓﻔﺤﺎﺟﺔﺯﻱ ﻛﺪﻩ ... ﻭﺭﺏ ﺿﺎﺭﺓ ﻧﺎﻓﻌﺔ ﻳﺎ ﺳﻴﺪﻱ ... ﻳﻤﻜﻦ ﺭﺑﻨﺎ ﺳﺒﺤﺎﻧﻪ ﻭﺗﻌﺎﻟﻰ ﻋﻤﻞ ﻛﺪﻩ ﻋﺸﺎﻥ ﺗﻔﻮﻕ ﻟﻨﻔﺴﻚ ﻭﺗﺮﺟﻊ ﻋﻦ ﺍﻟﻠﻲ ﻛﻨﺖ ﺑﺘﻌﻤﻠﻪ ... ﻭﺍﻥ ﺷﺎﺀ ﺍﻟﻠﻪ ﺭﺑﻨﺎ ﻳﻌﻮﺿﻚ ﻭﻳﺮﺯﻗﻚ ﺑﺈﻧﺴﺎﻧﺔ ﺗﺤﺒﻬﺎ ﻭﺗﺤﺒﻚ ... ﺍﻧﻤﺎ ﻣﻮﺿﻮﻉ ﻧﻮﺭﺍ ﺩﻩ ﺗﺸﻴﻠﻪ ﻣﻦ ﺩﻣﺎﻏﻚ ﺧﺎﻟﺺ ... ﻓﺎﻫﻤﻨﻲ ﻳﺎ ﺍﺩﻫﻢ؟

ﺍﻭﻣﺄ ﺑﺮﺃﺳﻪ ﻭﻗﺎﻝ ﺑﺨﻔﻮﺕ :

_ ﻓﺎﻫﻤﻚ ﻭﺍﻟﻠﻪ ﻳﺎ ﺍﺣﻤﺪ ... ﻭﺣﺎﺣﺎﻭﻝ ﺍﻋﻤﻞ ﻛﺪﻩ ﺑﺲ ﺍﻧﺖ ﺍﺩﻋﻴﻠﻲ

- ﻣﺎﺷﻲ ﻳﺎ ﻋﻢ ﺍﻧﺎ ﺣﺎﺩﻋﻴﻠﻚ ﻭﺍﻧﺖ ﺗﻘﻮﻟﻲ ﻣﺒﺎﺭﻙ ... ﻭﻻ ﺑﻼﺵ ﻣﺒﺎﺭﻙ ﺩﻱ ﺍﻟﻠﻲ ﺑﺘﺰﻋﻞ ﺃﻣﻚ ... ﺧﻠﻴﻬﺎ ﻣﺒﺮﻭﻙ ﻭﺧﻼﺹ

ﺍﺑﺘﺴﻢ ﺍﺩﻫﻢ ﻗﺎﺋﻼ :

_ ﻳﺎ ﺳﻴﺪﻱ ﻣﺒﺮﻭﻙ ﻭﻣﺒﺎﺭﻙ ﺍﻻﺗﻨﻴﻦ ﺑﺲ ﻋﻠﻰ ﺇﻳﻪ ؟

- ﻛﺘﺐ ﻛﺘﺎﺑﻲ ﺍﻧﺎ ﻭﻟﺒﻨﻰ ﻳﻮﻡ ﺍﻟﺨﻤﻴﺲ ﺍﻥ ﺷﺎﺀ ﺍﻟﻠﻪ ﻣﻊ ﻋﻠﻲ ﻭﻧﻮﺭﺍ ﻋﻨﺪ ﺧﺎﻟﻚ ﺻﻔﻮﺕ ﻓﺎﻟﻔﻴﻼ ... ﺍﻋﻤﻞ ﺣﺴﺎﺑﻚ ﻋﺸﺎﻥ ﺗﻴﺠﻲ ﻣﻌﺎﻳﺎ

_ ﻣﺒﺮﻭﻙ ﻳﺎ ﺍﺧﻮﻳﺎ ﺑﺲ ﺑﻼﺵ ﺃﻧﺎ ﻳﺎ ﺍﺣﻤﺪ ... ﻣﺶ ﺣﺎﺳﺘﺤﻤﻞ ﺍﺷﻮﻓﻬﺎ ﺑﺘﺘﺠﻮﺯ ﻭﺍﺣﺪ ﻏﻴﺮ ﻱ

_ ﺍﺩﻫﻢ ﺍﻧﺖ ﻣﺶ ﻋﺎﻳﺰ ﺗﺤﻀﺮ ﻛﺘﺐ ﻛﺘﺎﺏ ﺍﺧﻮﻙ ﻭﻻ ﺍﻳﻪ؟ ﻭﺑﻌﺪﻳﻦ ﺍﻟﻬﺮﻭﺏ ﻋﻤﺮﻩ ﻣﺎﻛﺎﻥ ﺣﻞ ... ﻻﺯﻡ ﺗﺸﻮﻓﻬﺎ ﻭﺗﺘﻌﺎﻣﻞ ﻣﻌﺎﻫﺎ ﻋﺎﺩﻱ ﺍﺗﻔﻘﻨﺎ؟

- ﺍﺗﻔﻘﻨﺎ ﻭﻣﺒﺮﻭﻙ ﻣﺮﺓ ﺗﺎﻧﻴﺔ

_ ﺍﻟﻠﻪ ﻳﺒﺎﺭﻙ ﻓﻴﻚ ﻭﻋﻘﺒﺎﻟﻚ

- ﺭﺑﻨﺎ ﻳﺴﻬﻞ

*************************

ﺍﻏﻠﻘﺖ ﺃﻣﻴﺮﺓ ﺍﻟﻬﺎﺗﻒ ﻣﻊ ﻭﺍﻟﺪﺗﻬﺎ ﻭﺍﻟﺘﻔﺘﺖ ﺇﻟﻰ ﺃﻣﻨﻴﺔ ﻗﺎﺋﻠﺔ :

_ ﺑﻌﺪ ﻣﻜﺎﻟﻤﺔ ﻣﺎﻣﺎ ﺩﻱ ﻣﺶ ﺣﻴﻨﻔﻊ ﺍﻗﻮﻝ ﺣﺎﺟﺔ ... ﻣﺶ ﻣﻌﻘﻮﻝ ﺍﻧﻜﺪ ﻋﻠﻰ ﺃﺧﻮﻳﺎ ﻭﻫﻮ ﻓﺮﺣﺎﻥ

_ ﻭﺍﺧﺮﺗﻬﺎ ﻳﺎ ﺍﻣﻴﺮﺓ ... ﺍﻧﺘﻲ ﻻﺯﻡ ﺗﻮﺍﺟﻬﻴﻪ ﻭﺗﺘﺄﻛﺪ ﻱ ﻣﻦ ﺍﻟﻜﻼﻡ ﺩﻩ ... ﻟﻮ ﻣﻈﺒﻮﻁ ﻳﺒﻘﻰ ﻻﺯﻡ ﺗﻄﻠﺒﻲ ﺍﻟﻄﻼﻕ ... ﻭﻟﻮ ﻛﺪﺏ ﻻﺯﻡ ﺗﻌﺮﻓﻲ ﻣﻴﻦ ﺍﻟﻠﻲ ﻋﺎﻳﺰ ﻳﻮﻗﻊ ﺑﻴﻨﻜﻢ ﻭﻳﺨﺮﺏ ﺑﻴﺘﻜﻢ ﻭﻣﺼﻠﺤﺘﻪ ﺇﻳﻪ

- ﺧﺎﻳﻔﺔ ﺍﻭﻱ ﻣﻦ ﺍﻟﻤﻮﺍﺟﻬﺔ ﺩﻱ ﻳﺎ ﺃﻣﻨﻴﺔ ... ﺃﻧﺎ ﻟﺴﻪ ﻋﻨﺪﻱ ﺃﻣﻞ ﺃﻥ ﺍﻟﻜﻼﻡ ﺩﻩ ﻳﻄﻠﻊ ﻛﺪﺏ ... ﻟﻜﻦ ﻟﻮ ﻛﺎﻥ ﺣﻘﻴﻘﺔ ﻣﺶ ﻋﺎﺭﻓﺔ ﺣﺎﻋﻤﻞ ﺇﻳﻪ ﺳﺎﻋﺘﻬﺎ ... ﺍﻧﺎ ﻟﺴﻪ ﻋﻨﺪﻱ ﺃﻣﻞ ﻓﺠﻤﺎﻝ ... ﻣﺎﻓﻴﺶ ﺍﺩﺍﻣﻲ ﺩﻟﻮﻗﺘﻲ ﻏﻴﺮ ﺇﻧﻲ ﺍﺻﺒﺮ ﻭﺍﺳﺘﻨﻰ ﻟﻤﺎ ﺍﺷﻮﻑ ﺃﺧﺮﺗﻬﺎ ﻣﻌﺎﻩ ﺇﻳﻪ ......

ﻳﺘﺒﻊ

↚

ﺟﺎﺀ ﺍﻟﻴﻮﻡ ﺍﻟﻤﻮﻋﻮﺩ ... ﺍﺳﺘﻌﺪﺕ ﺍﻟﺤﺪﻳﻘﺔ ﻹﺳﺘﻘﺒﺎﻝ ﺍﻟﺠﻤﻴﻊ ﺑﻔﻀﻞ ﻟﻤﺴﺎﺕ ﻋﻠﻲ ﺍﻟﺘﻲ ﻛﺎﻧﺖ ﺗﻨﻢ ﻋﻦ ﺫﻭﻕ ﻋﺎﻟﻲ ﻭﻓﻦ ﺭﻓﻴﻊ .. ﻭﻛﺄﻧﻬﺎ ﻟﻮﺣﺔ ﺭﺳﻤﺘﻬﺎ ﺭﻳﺸﺔ ﻓﻨﺎﻥ ﻣﺎﻫﺮﻭﻟﻴﺴﺖ ﻣﺠﺮﺩ ﻟﻤﺴﺎﺕ ﻟﻤﻬﻨﺪﺱ ﺩﻳﻜﻮﺭ ﺑﺎﺭﻉ ... ﻣﻦ ﻳﺮﺍﻫﺎ ﻳﻈﻦ ﺃﻥ ﺍﻟﺴﻌﺎﺩﺓ ﻗﺪ ﻣﻸﺕ ﻗﻠﺐ ﺻﺎﺣﺒﻬﺎ ﻓﺎﻧﻌﻜﺴﺖ ﻋﻠﻰ ﻣﺎ ﺻﻨﻌﺘﻪ ﻳﺪﺍﻩ ﻟﻴﺨﺮﺝ ﻓﻲ ﺍﺑﻬﻰ ﺻﻮﺭﺓ ... ﺍﻧﻘﺴﻢ ﺍﻟﺠﻤﻴﻊ ﻣﺎﺑﻴﻦ ﻣﺸﺎﻋﺮ ﻣﺘﺒﺎﻳﻨﺔ ﻭﺃﺣﺎﺳﻴﺲ ﻣﺨﺘﻠﻔﺔ ... ﻛﺎﻧﺖ ﺍﻟﻔﺮﺣﺔ ﻫﻲ ﺍﻟﺸﻌﻮﺭ ﺍﻟﺴﺎﺋﺪ ﻟﺪﻯ ﺍﺣﻤﺪ ﻭﻟﺒﻨﻲ ﻓﻴﻤﺎ ﻛﺎﻥ ﺷﻌﻮﺭ ﻧﻮﺭﺍ ﻳﺤﻤﻞ ﻣﺰﻳﺠﺎ ﻣﻦ ﺍﻟﻔﺮﺡ ﻭﺍﻟﻘﻠﻖ ... ﺃﻣﺎ ﻋﻦ ﺷﻌﻮﺭ ﺳﺎﻣﺢ ﻭﻧﺎﺩﻳﺔ ﻓﺤﺪﺙ ﻭﻻ ﺣﺮﺝ ... ﻓﻜﻠﻤﺎ ﺗﻼﻗﺖ ﺍﻋﻴﻨﻬﻤﺎ ﻟﻠﺤﻈﺎﺕ ﺃﻟﻘﺖ ﻋﻠﻴﻪ ﻧﻈﺮﺓ ﻣﺸﻤﺌﺰﺓ ﺛﻢ ﺍﺷﺎﺣﺖ ﺑﻮﺟﻬﻬﺎ ﺑﻌﻴﺪﺍ ﻋﻨﻪ ... ﺍﻟﺘﻔﺖ ﻋﺎﺋﻠﺔ ﺍﻟﺪﻣﻴﺎﻃﻲ ﻭﻣﻌﻬﺎ ﺑﻌﺾ ﺃﻓﺮﺍﺩ ﻣﻦ ﻋﺎﺋﻠﺔ ﺍﻟﺤﺴﻴﻨﻲ ﻋﺪﺩﻫﻢ ﺍﺭﺑﻊ ﺃﻓﺮﺍﺩ ﻭﻫﻢ ﺑﺎﻟﺘﺤﺪﻳﺪ ﺳﺎﻣﺢ ﻭﻭﺍﻟﺪﻩ ﻭﺷﻘﻴﻘﻪ ﺳﻤﻴﺮ ﻭﺯﻭﺟﺔ ﻭﺍﻟﺪﻩ ﺟﻴﻬﺎﻥ ﺣﻮﻝ ﺍﻟﻄﺎﻭﻻﺕ ﺍﻟﻤﻮﺿﻮﻋﺔ ﺑﻌﻨﺎﻳﺔ ﻓﺎﺋﻘﺔ ﻭﻣﻌﻬﻢ ﺍﻟﻤﺄﺫﻭﻥ ﻟﺘﺒﺪﺃ ﺇﺟﺮﺍﺀﺍﺕ ﻋﻘﺪ ﺍﻟﻘﺮﺍﻥ ... ﻭﺿﻊ ﺻﻔﻮﺕ ﻳﺪﻩ ﻓﻲ ﻳﺪ ﻧﺠﻴﺐ ﺍﻭﻻ ﻟﻴﺘﻢ ﻋﻘﺪ ﻗﺮﺍﻥ ﺳﺎﻣﺢ ﻭﻧﺎﺩﻳﺔ ﺛﻢ ﻓﻲ ﻳﺪ ﻋﻠﻲ ﻟﻴﺘﻢ ﻋﻘﺪ ﻗﺮﺍﻥ ﻋﻠﻲ ﻭﻧﻮﺭﺍ ﺛﻢ ﺍﺧﻴﺮﺍ ﻓﻲ ﻳﺪ ﺍﺣﻤﺪ ﺑﺼﻔﺘﻪ ﻭﻛﻴﻼ ﻋﻦ ﻟﺒﻨﻰ ﻟﻴﻨﺘﻬﻲ ﺍﻷﻣﺮ ﺑﻌﻘﺪ ﻗﺮﺍﻥ ﺃﻛﺜﺮﻫﻤﺎ ﺳﻌﺎﺩﺓ ﺍﺣﻤﺪ ﻭﻟﺒﻨﻰ ... ﺑﺒﺎﺩﻝ ﺍﻟﺠﻤﻴﻊ ﺍﻟﻘﺒﻼﺕ ﻭﺍﻟﺘﻬﺎﻧﻲ ﺑﻌﺪ ﺇﻧﺼﺮﺍﻑ ﺍﻟﻤﺄﺫﻭﻥ ﺛﻢ ﺍﻧﻔﺮﺩ ﻧﺠﻴﺐ ﺑﺼﻔﻮﺕ ﻣﻬﻨﺌﺎ ﺇﻳﺎﻩ ﻭﻣﻌﺘﺬﺭﺍ ﻋﻦ ﺫﻟﻚ ﺍﻟﺘﺼﺮﻑ ﺍﻷﻫﻮﺝ ﺍﻟﺬﻱ ﻗﺎﻡ ﺑﻪ ﻭﻟﺪﻩ ... ﻛﻤﺎ ﺗﻤﻨﻲ ﺃﻥ ﻳﺘﻢ ﺗﻮﻃﻴﺪ ﺍﻟﻌﻼﻗﺎﺕ ﺑﻴﻨﻬﻤﺎ ﺍﻛﺜﺮ ﻣﻦ ﺫﻟﻚ ﻋﻦ ﻃﺮﻳﻖ ﻗﻴﺎﻡ ﺷﺮﺍﻛﺔ ﺑﻴﻨﻬﻤﺎ ... ﺍﻷﻣﺮ ﺍﻟﺬﻱ ﻭﻋﺪﻩ ﺻﻔﻮﺕ ﺑﺎﻟﺘﻔﻜﻴﺮ ﻓﻴﻪ ... ﻭﻛﺎﻥ ﺃﺧﺮ ﻣﺎ ﻗﺎﻟﻪ ﻗﺒﻞ ﺃﻥ ﻳﻨﺼﺮﻑ ﻣﺼﻄﺤﺒﺎ ﺯﻭﺟﺘﻪ ﻭﻭﻟﺪﻩ ﺳﻤﻴﺮ ﻫﻮ ﺩﻋﻮﺓ ﻋﻠﻰ ﺍﻟﻐﺪﺍﺀ ﻓﻲ ﻣﻨﺰﻟﻪ ﻟﻴﺘﻢ ﺍﻟﺘﻘﺎﺭﺏ ﺑﻴﻨﻬﻤﺎ ﺍﻛﺜﺮ ﻭﻳﺘﻢ ﺇﺯﺍﻟﺔ ﺳﻮﺀ ﺍﻟﻔﻬﻢ ﺍﻟﺬﻱ ﺗﺴﺒﺐ ﺑﻪ ﺳﺎﻣﺢ ... ﺍﻷﻣﺮ ﺍﻟﺬﻱ ﺃﺟﺎﺏ ﻋﻠﻴﻪ ﺻﻔﻮﺕ ﻗﺎﺋﻼ :

- ﺇﻥ ﺷﺎﺀ ﺍﻟﻠﻪ ﺣﺎﻋﺮﺽ ﺍﻟﻤﻮﺿﻮﻉ ﺩﻩ ﻋﻠﻰ ﻧﺎﺩﻳﺔ ﻭﺍﺷﻮﻑ ﺭﺃﻳﻬﺎ ﺇﻳﻪ ﻓﻴﻪ

- ﺣﺎﻧﺘﻈﺮ ﻣﻦ ﺳﻴﺎﺩﺗﻚ ﺗﻠﻴﻔﻮﻥ ﺗﺤﺪﺩﻭﺍ ﻓﻴﻪ ﺍﻟﻤﻌﺎﺩ ﺍﻟﻠﻲ ﻳﻨﺎﺳﺒﻜﻢ ... ﺍﺳﻤﺤﻠﻲ ﺍﺳﺘﺄﺫﻥ ﺍﻧﺎ ﻭﺍﻟﻤﺪﺍﻡ ﻭﺳﻤﻴﺮ

- ﺍﺗﻔﻀﻠﻮﺍ ﻃﺒﻌﺎ ﻭﻣﻊ ﺍﻟﺴﻼﻣﺔ

ﻋﻠﻰ ﺇﺣﺪﻯ ﺍﻟﻄﺎﻭﻻﺕ ﺟﻠﺴﺖ ﺳﻤﻴﺔ ﻭﺍﻟﻔﺖ ﺇﻟﻰ ﺟﺎﻧﺐ ﺍﺩﻫﻢ ﻭﻟﻤﻴﺎﺀ ... ﺍﻟﺘﻔﺘﺖ ﺳﻤﻴﺔ ﺇﻟﻰ ﺃﻟﻔﺖ ﻗﺎﺋﻠﺔ :

- ﺍﻟﻒ ﻣﺒﺮﻭﻙ ﻳﺎ ﺍﻟﻔﺖ ﻻﺣﻤﺪ ﻭﻋﻘﺒﺎﻝ ﺍﺩﻫﻢ ﺍﻥ ﺷﺎﺀﺍﻟﻠﻪ

ﺍﻧﺘﺒﻪ ﺇﻟﻴﻬﺎ ﺍﺩﻫﻢ ﺍﻟﺬﻱ ﻛﺎﻥ ﺷﺎﺭﺩﺍ ﻭﻫﻮ ﻳﻨﻈﺮ ﺍﻟﻲ ﻧﻮﺭﺍ ﻭﺍﺑﺘﺴﻢ ﻗﺎﺋﻼ :

- ﻣﺘﺸﻜﺮ ﺍﻭﻱ ﻳﺎ ﻃﻨﻂ ﻭﻋﻘﺒﺎﻝ ﺍﻟﻔﺮﺡ ﺍﻥ ﺷﺎﺀﺍﻟﻠﻪ

ﺍﺟﺎﺑﺘﻬﺎ ﺍﻟﻔﺖ ﻫﻲ ﺍﻷﺧﺮﻯ ﺑﺪﻭﺭﻫﺎ ﻗﺎﺋﻠﺔ :

- ﺍﻟﻠﻪ ﻳﺒﺎﺭﻙ ﻓﻴﻜﻲ ﻳﺎ ﺣﺒﻴﺒﺘﻲ ﻭﻳﺮﺣﻤﻚ ﻳﺎ ﻋﺰﺕ ﻳﺎ ﺍﺧﻮﻳﺎ ﻭﻋﻘﺒﺎﻝ ﻟﻤﻴﺎﺀ ﻫﻴﺎ ﻛﻤﺎﻥ

ﺭﻓﻌﺖ ﻟﻤﻴﺎﺀ ﻳﺪﻳﻬﺎ ﻭﺍﺳﺮﻋﺖ ﺗﺠﻴﺒﻬﺎ ﻗﺎﺋﻠﺔ :

- ﻻ ﺃﻧﺎ ﺑﺮﺍﺀﺓ ... ﺃﻧﺎ ﻣﺎﺑﻔﻜﺮﺵ ﻓﺎﻟﻤﻮﺿﻮﻉ ﺩﻩ ﺩﻟﻮﻗﺘﻲ ﺧﺎﻟﺺ ... ﺃﻧﺎ ﻟﺴﻪ ﺍﺩﺍﻣﻲ ﺍﺭﺑﻊ ﺳﻨﻴﻦ ﻓﺎﻟﻜﻠﻴﺔ ... ﻳﻌﻨﻲ ﻟﺴﻪ ﺑﺪﺭﻱ ﺍﻭﻱ ﻋﻠﻴﺎ

ﻣﺎﻟﺖ ﺍﻟﻔﺖ ﻋﻠﻰ ﺃﺫﻥ ﺳﻤﻴﺔ ﻗﺎﺋﻠﺔ ﺑﻬﻤﺲ :

- ﺑﺎﻗﻮﻟﻚ ﺇﻳﻪ ﻳﺎ ﺳﻤﻴﺔ ... ﻣﺎ ﺗﻴﺠﻲ ﻧﺎﺧﺪ ﺍﻟﻮﻻﺩ ﻭﻧﺪﺧﻞ ﺟﻮﻩ ﻋﺸﺎﻥ ﻧﺴﻴﺐ ﺍﻟﻌﺮﺳﺎﻥ ﻭﺍﻟﻌﺮﺍﻳﺲ ﻋﻠﻰ ﺭﺍﺣﺘﻬﻢ

- ﻣﻌﺎﻛﻲ ﺣﻖ ﻳﻼ ﺑﻴﻨﺎ

ﻗﺎﻣﺖ ﺍﻟﻔﺖ ﻣﻦ ﻣﻜﺎﻧﻬﺎ ﻭﻗﺎﻟﺖ ﺑﺠﺪﻳﺔ :

- ﺃﻧﺎ ﺣﺎﺭﻭﺡ ﺍﻗﻮﻝ ﻷﻣﻴﺮﺓ ﻭﺃﻣﻨﻴﺔ ﻳﻨﺎﺩﻭﺍ ﻋﻠﻲ ﺟﻤﺎﻝ ﻭﺧﺎﻟﺪ ﻋﺸﺎﻥ ﻧﺪﺧﻞ ﻛﻠﻨﺎ ﺟﻮﻩ

ﺍﺳﺘﻮﻗﻔﻬﺎ ﺍﺩﻫﻢ ﻗﺎﺋﻼ :

- ﺍﺳﺘﻨﻲ ﻳﺎ ﻣﺎﻣﺎ ﺧﺪﻳﻨﻲ ﻣﻌﺎﻛﻲ ﻋﺸﺎﻥ ﺍﺑﺎﺭﻛﻠﻬﻢ

ﻏﺎﺩﺭ ﺍﺩﻫﻢ ﻣﻊ ﻭﺍﻟﺪﺗﻪ ﻓﺎﻗﺘﺮﺑﺖ ﻟﻤﻴﺎﺀ ﻣﻦ ﺃﻣﻬﺎ ﻗﺎﺋﻠﺔ :

- ﻣﺎﻟﻚ ﻳﺎ ﻣﺎﻣﺎ ? ﺍﻧﺘﻲ ﻓﻴﻪ ﺣﺎﺟﺔ ﻣﻀﻴﻘﺎﻛﻲ ? ﻋﻤﺎﻟﺔ ﺗﺒﺼﻲ ﻟﻌﻠﻲ ﻭﻧﻮﺭﺍ ﻛﺪﻩ ﻭﻣﺮﻛﺰﺓ ﻣﻌﺎﻫﻢ ﺍﻭﻱ

ﺗﻨﻬﺪﺕ ﺳﻤﻴﺔ ﻭﻗﺎﻟﺖ ﻓﻲ ﺗﺄﺛﺮ :

- ﺳﺒﺤﺎﻥ ﺍﻟﻠﻪ ﻳﺎ ﺑﻨﺘﻲ ﻛﺄﻥ ﺍﻟﺘﺎﺭﻳﺦ ﺑﻴﻌﻴﺪ ﻧﻔﺴﻪ ... ﻛﺄﻧﻲ ﺷﺎﻳﻔﺔ ﻋﻤﻚ ﺻﻔﻮﺕ ﻭﻫﻮ ﻗﺎﻋﺪ ﺿﺎﺭﺏ ﻧﻔﺲ ﺍﻟﺒﻮﺯ ﻭﺧﺎﻟﺘﻚ ﺟﺎﻧﺒﻪ ﻭﻋﻠﻰ ﻭﺷﻬﺎ ﺿﺤﻜﺘﻬﺎ ﺍﻟﻠﻲ ﻣﺎﻛﺎﻧﺘﺶ ﺑﺘﻔﺎﺭﻗﻬﺎ ﺍﻟﻠﻪ ﻳﺮﺣﻤﻬﺎ ... ﺭﺑﻨﺎ ﻳﺴﺘﺮ ﻭﻳﺨﻠﻒ ﻇﻨﻲ

- ﺧﻼﺹ ﺑﻘﻲ ﻳﺎ ﻣﺎﻣﺎ ﺍﻟﻜﻼﻡ ﺩﻩ ﻣﺎﻟﻮﺵ ﻟﺰﻭﻡ ﺩﻟﻮﻗﺘﻲ ... ﻫﻤﺎ ﺧﻼﺹ ﺍﺗﺠﻮﺯﻭﺍ ﺍﺩﻋﻴﻠﻬﻢ ﺭﺑﻨﺎ ﻳﺴﻌﺪﻫﻢ

- ﻳﺎﺭﺏ ﻳﺎ ﺑﻨﺘﻲ

ﺍﻟﺘﻔﺖ ﺍﺣﻤﺪ ﺇﻟﻰ ﺧﺎﻟﺪ ﺍﻟﺬﻱ ﻛﺎﻥ ﻳﻘﻒ ﺇﻟﻰ ﺟﻮﺍﺭﻩ ﺛﻢ ﻗﺎﻝ ﺑﺈﺑﺘﺴﺎﻣﺔ :

- ﺑﻘﻮﻟﻚ ﺇﻳﻪ ﻳﺎ ﺧﺎﻟﺪ ... ﺃﻧﺎ ﺳﺎﻣﻊ ﺃﻣﻨﻴﺔ ﺑﺘﻨﺎﺩﻱ ﻋﻠﻴﻚ ﻣﺎﺗﺮﻭﺡ ﺗﺸﻮﻓﻬﺎ ﻋﺎﻳﺰﺓ ﺇﻳﻪ ﻭﺗﻴﺠﻲ ﺗﺎﻧﻲ ... ﺃﻭ ﻣﺎﺗﺠﻴﺶ ﻋﺎﺩﻱ ﻳﻌﻨﻲ ﺑﺮﺍﺣﺘﻚ

ﺍﺑﺘﺴﻢ ﺧﺎﻟﺪ ﻗﺎﺋﻼ :

- ﺩﻩ ﺃﻧﺎ ﺑﺘﻮﺯﻉ ﺑﻘﻰ ﻋﻠﻰ ﻛﺪﻩ

- ﻳﺎ ﺳﻼﻡ ﻭﻋﺮﻓﺘﻬﺎ ﻟﻮﺣﺪﻙ ﺩﻱ ﻛﺪﻩ ... ﻃﻮﻝ ﻋﻤﺮﻱ ﺑﺎﻗﻮﻝ ﻋﻠﻴﻚ ﻧﺒﻴﻪ

- ﻭﻣﺎﻟﻪ ﻳﺎ ﻋﻢ ... ﺃﻧﺎ ﺃﺳﺎﺳﺎ ﻣﺎ ﺃﺳﺘﻐﻨﺎﺵ ﻋﻦ ﻣﺮﺍﺗﻲ ﺣﺒﻴﺒﺘﻲ

- ﻳﺒﻘﻰ ﺍﺗﻜﻞ ﻋﻠﻰ ﺍﻟﻠﻪ ﺍﻧﺖ ... ﻭﻋﻠﻲ ﻓﻜﺮﺓ ﻫﻴﺎ ﻛﺎﻧﺖ ﺑﺘﻨﺎﺩﻱ ﻋﻠﻴﻚ ﺑﺠﺪ

ﺍﻧﺼﺮﻑ ﺍﻟﺠﻤﻴﻊ ﻭﻟﻢ ﻳﺘﺒﻖ ﺳﻮﻯ ﺍﺣﻤﺪ ﻭﻟﺒﻨﻰ ﻭﻋﻠﻲ ﻭﻧﻮﺭﺍ ﻭﺳﺎﻣﺢ ﻭﻧﺎﺩﻳﺔ ﺍﻟﺘﻲ ﻭﻗﻔﺖ ﺑﻤﺠﺮﺩ ﺇﻧﺼﺮﺍﻑ ﺍﻟﺠﻤﻴﻊ ﻭﻫﻤﺖ ﺑﺎﻹﻧﺼﺮﺍﻑ ﻫﻲ ﺍﻷﺧﺮﻱ ﻟﻴﺴﺘﻮﻗﻔﻬﺎ ﺳﺎﻣﺢ ﻗﺎﺋﻼ ﺑﺤﺪﺓ :

- ﺭﺍﻳﺤﺔ ﻓﻴﻦ ?

ﻋﻘﺪﺕ ﺫﺭﺍﻋﻴﻬﺎ ﺍﻣﺎﻡ ﺻﺪﺭﻫﺎ ﻭﻗﺎﻟﺖ ﺑﺘﻬﻜﻢ : ﺯﻱ ﻣﺎ ﺍﻧﺖ ﺷﺎﻳﻒ ﻃﺎﻟﻌﺔ ﺍﻭﺿﺘﻲ

- ﻟﻴﻪ ? ﻫﻮ ﻣﺶ ﺃﻧﺎ ﻟﺴﻪ ﻗﺎﻋﺪ ﺑﺮﺿﻪ ?

- ﻧﺎﺩﻳﺔ ﺑﺈﺳﺘﻨﻜﺎﺭ : ﻭﺍﻧﺖ ﺇﻳﻪ ﺍﻟﻠﻲ ﻣﻘﻌﺪﻙ ﺍﺻﻼ ? ﻫﻮ ﺍﻧﺖ ﻣﺘﺼﻮﺭ ﺍﻥ ﻣﻤﻜﻦ ﻳﻜﻮﻥ ﻓﻴﻪ ﻣﻜﺎﻥ ﻳﺠﻤﻌﻨﺎ ﻣﻊ ﺑﻌﺾ

- ﺃﺟﺎﺑﻬﺎ ﺳﺎﺧﺮﺍ : ﺍﻣﺎﻝ ﺣﻨﺘﺠﻮﺯ ﺍﺯﺍﻱ ﺍﻥ ﺷﺎﺀﺍﻟﻠﻪ ? ﺑﺎﻟﻤﺮﺍﺳﻠﺔ

- ﺍﺟﺎﺑﺖ ﻗﺎﺋﻠﺔ ﺑﺈﺳﺘﻬﺰﺍﺀ : ﻧﺘﺠﻮﺯ ! ﺍﺑﻘﻰ ﺍﺗﻐﻄﻲ ﻛﻮﻳﺲ ﻭﺍﻧﺖ ﻧﺎﻳﻢ ﻋﺸﺎﻥ ﺗﺒﻄﻞ ﺗﺤﻠﻢ ﻛﺘﻴﺮ ... ﻭﻛﻔﺎﻳﺔ ﺍﻭﻱ ﻋﻠﻴﻚ ﺍﻟﻠﻲ ﺍﻧﺖ ﺍﺧﺪﺗﻪ

ﺷﻌﺮ ﺍﻧﻬﺎ ﺗﺤﺎﻭﻝ ﺇﺳﺘﻔﺰﺍﺯﻩ ﻓﻘﺮﺭ ﻣﺒﺎﺩﻟﺘﻬﺎ ﻓﻮﺿﻊ ﺇﺣﺪﻯ ﺳﺎﻗﻴﻪ ﻓﻮﻕ ﺍﻷﺧﺮﻯ ﻭﺍﺳﻨﺪ ﻇﻬﺮﻩ ﻟﻠﻮﺭﺍﺀ ﻭﻗﺎﻝ ﺑﺘﻬﻜﻢ :

- ﻭﻣﺎﻟﻪ ... ﻣﺎﻫﻮ ﺍﻟﻠﻲ ﺧﺪﺗﻪ ﻣﺎﻛﺎﻧﺶ ﺷﻮﻳﺔ ﺑﺮﺿﻪ ... ﺷﻮﻓﺘﻲ ﺑﻘﻰ ﺍﻧﺎ ﺑﺤﺐ ﺍﺩﻱ ﻛﻞ ﻭﺍﺣﺪ ﺣﻘﻪ ﺍﺯﺍﻱ

ﺍﺻﻄﺒﻎ ﻭﺟﻬﻬﺎ ﺑﺎﻟﻠﻮﻥ ﺍﻷﺣﻤﺮ ﻭﺗﺤﻮﻟﺖ ﻋﻴﻨﺎﻫﺎ ﺇﻟﻰ ﻛﺘﻠﺘﻴﻦ ﻣﻦ ﺍﻟﻠﻬﺐ ﺍﻟﻤﺸﺘﻌﻞ ﻭﺍﻧﺘﻔﺨﺖ ﺍﻭﺩﺍﺟﻬﺎ ﺑﺸﺪﺓ ﻭﻟﻜﻨﻬﺎ ﺣﺎﻭﻟﺖ ﺍﻥ ﺗﺴﻴﻄﺮ ﻋﻠﻰ ﺇﻧﻔﻌﺎﻟﻬﺎ ﺣﺘﻰ ﻻ ﻳﺸﻌﺮ ﺑﺈﻧﺘﺼﺎﺭﻩ ... ﻓﺮﻣﻖﺗﻪ ﺑﺈﺣﺘﻘﺎﺭ ﺛﻢ ﻣﺸﺖ ﺑﻀﻊ ﺧﻄﻮﺍﺕ ﺑﻌﻴﺪﺍ ﻋﻨﻪ ﺇﻻ ﺍﻥ ﻓﻮﺟﺌﺖ ﺑﻌﻠﻲ ﻳﻠﺤﻖ ﺑﻬﺎ ﻣﺴﺮﻋﺎ ﺇﻻ ﺍﻥ ﻭﻗﻒ ﺍﻣﺎﻣﻬﺎ ﺛﻢ ﻗﺎﻝ ﺑﺤﺪﺓ :

- ﺭﺍﻳﺤﺔ ﻓﻴﻦ ﻳﺎ ﻧﺎﺩﻳﺔ ?

- ﺍﺟﺎﺑﺖ ﺑﺘﺄﻓﻒ : ﻋﺎﻳﺰ ﺇﻳﻪ ﺍﻧﺖ ﺍﻟﺘﺎﻧﻲ ?

- ﺍﻇﻦ ﺳﺆﺍﻟﻲ ﻭﺍﺿﺢ ... ﺑﻘﻮﻟﻚ ﺭﺍﻳﺤﺔ ﻓﻴﻦ ﻭﺳﺎﻳﺒﺔ ﺟﻮﺯﻙ

- ﻣﺶ ﻋﺎﻳﺰﺓ ﺍﻗﻌﺪ ﻣﻌﺎﻩ ﻭﻻ ﻃﺎﻳﻘﺔ ﺍﺷﻮﻓﻪ ﻣﻦ ﺍﺻﻠﻪ

- ﻭﺍﻟﻠﻪ ﺍﻟﻠﻲ ﺍﻋﺮﻓﻪ ﺍﻥ ﺍﻟﻠﻲ ﻣﺶ ﻃﺎﻳﻘﺔ ﺗﻘﻌﺪﻱ ﻣﻌﺎﻩ ﺩﻩ ﺍﻧﺘﻲ ﺍﻟﻠﻲ ﺩﺧﻠﺘﻴﻪ ﻭﺳﻄﻴﻨﺎ ﻭﺧﻠﻴﺘﻴﻪ ﻭﺍﺣﺪ ﻣﻦ ﺍﻟﻌﻴﻠﺔ ... ﻳﺒﻘﻰ ﺗﺘﻔﻀﻠﻲ ﺗﺮﻭﺣﻲ ﺗﻘﻌﺪﻱ ﻣﻌﺎﻩ ﻣﻦ ﺳﻜﺎﺕ ﻋﺸﺎﻥ ﻣﺎﺣﺪﺵ ﻳﻼﺣﻆ ﺣﺎﺟﺔ ... ﻭﻻﺯﻡ ﺗﻬﺪﻱ ﺍﻟﻠﻌﺐ ﻣﻌﺎﻩ ﺷﻮﻳﺔ ... ﻣﺎﺗﻨﺴﻴﺶ ﺍﻥ ﺩﻩ ﻛﺘﺐ ﻛﺘﺎﺏ ﻟﺴﻪ ﻣﺶ ﺍﻛﺘﺮ ﻭﻣﻤﻜﻦ ﻳﻌﻨﺪ ﻣﻌﺎﻛﻲ ﻭﻳﻄﻠﻘﻚ ﻣﻦ ﻗﺒﻞ ﺍﻟﻔﺮﺡ ... ﻣﺶ ﻋﺎﻳﺰ ﺍﻛﺮﺭ ﺍﻟﻜﻼﻡ ﺩﻩ ﺗﺎﻧﻲ ... ﻭﺍﺗﻔﻀﻠﻲ ﺑﻘﻰ ﺭﻭﺣﻴﻠﻪ ﻋﺸﺎﻥ ﺷﻜﻠﻨﺎ ﻛﺪﻩ ﺑﻘﻰ ﻭﺣﺶ ﺍﻭﻱ

- ﻧﺎﺩﻳﺔ ﺑﺈﻧﻔﻌﺎﻝ : ﺍﻧﺖ ﻓﺎﻛﺮ ﻧﻔﺴﻚ ﻭﻟﻲ ﺃﻣﺮﻱ ﻭﻻ ﺇﻳﻪ ?

ﻗﺎﻣﺖ ﻧﻮﺭﺍ ﻣﻦ ﻣﻜﺎﻧﻬﺎ ﻭﺍﺗﺠﻬﺖ ﺇﻟﻰ ﺣﻴﺚ ﻳﻘﻒ ﻛﻞ ﻣﻦ ﻋﻠﻲ ﻭﻧﺎﺩﻳﺔ ﺣﻴﺚ ﺷﻌﺮﺕ ﺑﺎﻟﺤﺮﺝ ﻟﻮﻗﻮﻓﻬﻤﺎ ﻣﻌﺎ ﺛﻢ ﻧﻘﻠﺖ ﺑﺼﺮﻫﺎ ﺑﻴﻨﻬﻤﺎ ﻗﺎﺋﻠﺔ :

↚

- ﻓﻴﻪ ﺇﻳﻪ ﻳﺎ ﺟﻤﺎﻋﺔ ﻣﺎﻟﻜﻢ ﻭﺍﻗﻔﻴﻦ ﻛﺪﻩ ﻟﻴﻪ ? ﻓﻴﻪ ﺇﻳﻪ ﻳﺎ ﻋﻠﻲ

- ﺍﻟﻬﺎﻧﻢ ﻣﺶ ﻋﺎﻳﺰﺓ ﺗﺮﻭﺡ ﺗﻘﻌﺪ ﻣﻌﺎﻩ ﻭﺍﻧﺎ ﻣﺶ ﻋﺎﻳﺰ ﺍﺣﻤﺪ ﺍﻭ ﻟﺒﻨﻰ ﻳﻼﺣﻈﻮﺍ ﺣﺎﺟﺔ

- ﻭﻗﻔﺘﻜﻮﺍ ﺩﻱ ﻫﻴﺎ ﺍﻟﻠﻲ ﺣﺘﺨﻠﻴﻬﻢ ﻳﻼﺣﻈﻮﺍ ﻓﻌﻼ ... ﻭﺑﻌﺪﻳﻦ ﺳﻴﺒﻬﺎ ﻋﻠﻰ ﺭﺍﺣﺘﻬﺎ ﻣﺶ ﻋﺎﻳﺰﺓ ﺗﻘﻌﺪ ﻣﻌﺎﻩ ﻫﻴﺎ ﺣﺮﺓ

- ﻧﺎﺩﻳﺔ ﺑﺘﻬﻜﻢ : ﺁﻫﻲ ﻗﺎﻟﺘﻠﻚ ... ﻣﺎﻟﻜﺶ ﺩﻋﻮﺓ ﺑﻴﺎ ﺍﻧﺎ ﺣﺮﺓ

- ﻋﻠﻲ ﻟﻨﻮﺭﺍ : ﺧﻠﻴﻜﻲ ﻓﺤﺎﻟﻚ ﺍﻧﺘﻲ ﻛﻤﺎﻥ ﻭﺭﻭﺣﻲ ﺍﻗﻌﺪﻱ ﻣﻜﺎﻧﻚ

ﺩﻣﻌﺖ ﻋﻴﻨﺎﻫﺎ ﻭﻫﻲ ﺗﺠﻴﺒﻪ ﻗﺎﺋﻠﺔ :

- ﻃﻴﺐ ﺍﺣﺐ ﺍﻗﻮﻟﻚ ﺍﻥ ﺍﻟﻠﻲ ﺑﺘﺘﺨﺎﻧﻘﻮﺍ ﻋﻠﻴﻪ ﺩﻩ ﻣﺸﻲ ﻣﻦ ﺑﺪﺭﻱ ﻣﻦ ﻏﻴﺮ ﻣﺎ ﺗﺎﺧﺪﻭﺍ ﺑﺎﻟﻜﻮﺍ

ﻧﻈﺮ ﻋﻠﻲ ﺧﻠﻔﻪ ﻟﻴﺠﺪ ﺃﻥ ﺳﺎﻣﺢ ﻗﺪ ﻏﺎﺩﺭ ﺑﺎﻟﻔﻌﻞ ... ﺃﻣﺎ ﻧﻮﺭﺍ ﻓﻘﺪ ﻗﺎﻟﺖ ﻋﺒﺎﺭﺗﻬﺎ ﺍﻷﺧﻴﺮﺓ ﺛﻢ ﺟﺮﺕ ﻣﺴﺮﻋﺔ ﻭﻫﻲ ﺗﺒﻜﻲ ﻋﺎﺋﺪﺓ ﺇﻟﻰ ﺣﻴﺚ ﻛﺎﻧﺖ ﺗﺠﻠﺲ ﻣﻊ ﻋﻠﻲ

- ﻧﺎﺩﻳﺔ ﺑﻀﻴﻖ : ﺍﺭﺗﺤﺖ ﻛﺪﻩ ﺁﻫﻮ ﺧﻼﺹ ﻣﺸﻲ ... ﺍﺗﻔﻀﻞ ﺍﻧﺖ ﻛﻤﺎﻥ ﺭﻭﺡ ﺷﻮﻑ ﻭﺭﺍﻙ ﺇﻳﻪ ﻋﺸﺎﻥ ﺍﻧﺎ ﻛﻤﺎﻥ ﻣﺎﺷﻴﺔ

ﺗﺮﻛﺘﻪ ﻧﺎﺩﻳﺔ ﻭﺩﻟﻔﺖ ﺇﻟﻰ ﺩﺍﺧﻞ ﺍﻟﻔﻴﻼ ﻓﺎﻗﺘﺮﺏ ﻣﻨﻪ ﺍﺣﻤﺪ ﻗﺎﺋﻼ ﺑﺪﻫﺸﺔ :

- ﻫﻮ ﻓﻴﻪ ﺇﻳﻪ ﺑﺎﻟﻈﺒﻂ ﻳﺎ ﻋﻠﻲ ? ﺇﻳﻪ ﺍﻟﻠﻲ ﺑﻴﺤﺼﻞ ﺩﻩ

- ﻣﺎﻓﻴﺶ ﺣﺎﺟﺔ ﻳﺎ ﺍﺣﻤﺪ ... ﻣﺎﺗﺎﺧﺪﺵ ﻓﺒﺎﻟﻚ

- ﻣﺎﻓﻴﺶ ﺣﺎﺟﺔ ﺍﺯﺍﻱ ... ﺳﺎﻣﺢ ﻣﺸﻲ ﻓﺠﺄﺓ ﻭﻧﺎﺩﻳﺔ ﺩﺧﻠﺖ ﺟﻮﻩ ﻭﻧﻮﺭﺍ ﺑﺘﻌﻴﻂ ﻭﺍﻧﺖ ﻣﺶ ﻋﺎﺭﻑ ﻣﺎﻟﻚ ﻭﺇﻳﻪ ﺍﻟﻠﻲ ﻛﺎﻥ ﻣﻮﻗﻔﻚ ﻣﻊ ﻧﺎﺩﻳﺔ ... ﻛﻞ ﺩﻩ ﻭﺗﻘﻮﻟﻲ ﻣﺎﻓﻴﺶ ﺣﺎﺟﺔ

ﺍﺟﺎﺑﻪ ﻋﻠﻲ ﺑﻨﻔﺎﺫ ﺻﺒﺮ :

- ﺑﺎﻗﻮﻟﻚ ﺇﻳﻪ ﻳﺎ ﺍﺣﻤﺪ ... ﺍﻧﺖ ﺳﺎﻳﺐ ﻟﺒﻨﻰ ﻟﻮﺣﺪﻫﺎ ﻟﻴﻪ ... ﺭﻭﺡ ﺍﻗﻌﺪ ﻣﻌﺎﻫﺎ ... ﻭﻧﻮﺭﺍ ﺍﻧﺎ ﺯﻋﻠﺘﻬﺎ ﻭﺣﺎﺭﻭﺡ ﺍﺻﺎﻟﺤﻬﺎ ... ﻣﺒﺴﻮﻁ ﻛﺪﻩ

- ﺍﺣﻤﺪ ﺑﺈﺑﺘﺴﺎﻣﺔ : ﻫﻮ ﺍﻧﺎ ﻓﻌﻼ ﻣﺒﺴﻮﻁ ﻋﺸﺎﻥ ﻛﺪﻩ ﻣﺶ ﺣﺎﺳﻤﺢ ﻟﺤﺪ ﺇﻧﻪ ﻳﻌﻜﻨﻦ ﻋﻠﻴﺎ ... ﺍﻧﺎ ﺭﺍﻳﺢ ﻟﻤﺮﺍﺗﻲ ... ﺗﺼﺪﻕ ﺣﻠﻮﺓ ﻛﻠﻤﺔ ﻣﺮﺍﺗﻲ ﺩﻱ ﻳﺎ ﻭﺍﺩ ﻳﺎ ﻋﻠﻲ

- ﻣﺮﺍﺗﻚ ﻣﻴﻦ ﻳﺎ ﻋﻢ ﺍﻧﺖ ﻣﺎﺻﺪﻗﺖ ... ﺩﻩ ﺣﻴﺎﺍﻟﻠﻪ ﻛﺘﺐ ﻛﺘﺎﺏ ... ﺍﺣﻤﺪ ﺍﺣﺘﺮﻡ ﻧﻔﺴﻚ ﺍﺣﺴﻦ ﻭﺭﺑﻨﺎ ﺣﺘﺨﺴﺮﻧﻲ ﺑﺠﺪ

- ﺑﺎﻗﻮﻟﻚ ﺇﻳﻪ ﻳﺎ ﻋﻠﻲ ... ﺭﻭﺡ ﺷﻮﻑ ﻣﺮﺍﺗﻚ ﺍﻟﻠﻲ ﺑﺘﻌﻴﻂ ﺩﻱ ﻭﺻﺎﻟﺤﻬﺎ ... ﻋﻦ ﺇﺫﻧﻚ ﺑﻘﻲ

ﺍﺗﺠﻪ ﻋﻠﻲ ﺇﻟﻲ ﺣﻴﺚ ﺗﺠﻠﺲ ﻧﻮﺭﺍ ﻭﺟﻠﺲ ﺍﺣﻤﺪ ﺑﺠﻮﺍﺭ ﻟﺒﻨﻰ ﺛﻢ ﺍﻣﺴﻚ ﻳﺪﻫﺎ ﻭﻭﺿﻌﻬﺎ ﺑﻴﻦ ﺭﺍﺣﺘﻴﻪ ﻓﺠﺬﺑﺘﻬﺎ ﻟﺒﻨﻰ ﺳﺮﻳﻌﺎ ﻭﻫﻲ ﺗﻨﻈﺮ ﻟﻠﺠﻬﺔ ﺍﻟﺘﻲ ﻳﺠﻠﺲ ﺑﻬﺎ ﻋﻠﻲ ﻭﻗﺪ ﺍﺷﺘﻌﻠﺖ ﻭﺟﻨﺘﺎﻫﺎ ﺧﺠﻼ

ﺗﺼﻨﻊ ﺍﺣﻤﺪ ﺍﻟﺠﺪﻳﺔ ﻭﻫﻮ ﻳﻘﻮﻝ :

- ﺇﻳﻪ ﺍﻟﻠﻲ ﺍﻧﺘﻲ ﻋﻤﻠﺘﻴﻪ ﺩﻩ ?

- ﺍﻟﻤﻔﺮﻭﺽ ﺍﻥ ﺍﻧﺎ ﺍﻟﻠﻲ ﺍﺳﺄﻟﻚ ﺇﻳﻪ ﺍﻟﻠﻲ ﺍﻧﺖ ﻋﻤﻠﺘﻪ ﺩﻩ ... ﻣﺶ ﻣﻼﺣﻆ ﺍﻥ ﻋﻠﻲ ﺍﺧﻮﻳﺎ ﻗﺎﻋﺪ ﻭﻻ ﺇﻳﻪ ... ﺍﻧﺖ ﻧﺎﺳﻲ ﻫﻮ ﺑﻴﻐﻴﺮ ﻋﻠﻴﻨﺎ ﺍﺯﺍﻱ

- ﻧﻌﻢ ﻳﺎ ﺍﺧﺘﻲ ... ﺍﻧﺘﻲ ﺣﺘﺨﻮﻓﻴﻨﻲ ﺑﻌﻠﻲ ﺍﺧﻮﻛﻲ ﻭﻻ ﺇﻳﻪ ? ﺇﺫﺍ ﻛﺎﻥ ﻫﻮ ﺃﺧﻮﻛﻲ ﻓﺎﻧﺎ ﺟﻮﺯﻙ ... ﻭﻋﻠﻰ ﻓﻜﺮﺓ ﻣﺎﻓﻴﺶ ﺣﺪ ﺣﻴﻐﻴﺮ ﻋﻠﻴﻜﻲ ﺍﻛﺘﺮ ﻣﻨﻲ

ﺛﻢ ﺟﺬﺏ ﻳﺪﻫﺎ ﻣﺮﺓ ﺃﺧﺮﻯ ﺑﻴﻦ ﻳﺪﻳﻪ ﻭﺍﻃﺒﻖ ﻋﻠﻴﻬﺎ ﺟﻴﺪﺍ ﻭﻫﻮ ﻳﻘﻮﻝ :

- ﻋﺎﺭﻓﺔ ﻟﻮ ﺷﺪﻳﺘﻲ ﺍﻳﺪﻙ ﺗﺎﻧﻲ ﻣﺶ ﺣﻴﺤﺼﻠﻚ ﻃﻴﺐ

- ﻳﺎ ﺳﻼﻡ ... ﺣﺘﻌﻤﻠﻲ ﺇﻳﻪ ﻳﻌﻨﻲ ?

- ﺟﺮﺑﻲ ﻛﺪﻩ ﻭﺍﻧﺘﻲ ﺗﺸﻮﻓﻲ ... ﻭﺍﻟﻠﻪ ﻷﺧﻠﻴﻜﻲ ﺗﻨﺪﻣﻲ

- ﻛﺪﻩ ﻳﺎ ﺍﺣﻤﺪ ... ﻃﺐ ﺁﻫﻮﻩ ﻭﺭﻳﻨﻲ ﺑﻘﻲ ﺣﺘﻌﻤﻞ ﺇﻳﻪ

ﻗﺎﻟﺘﻬﺎ ﻭﻫﻲ ﺗﺴﺤﺐ ﻳﺪﻫﺎ ﻣﺮﺓ ﺃﺧﺮﻯ

- ﻳﺎ ﺳﻼﻡ ﻃﺐ ﺁﻫﻮﻩ ﺃﻧﺎ ﻛﻤﺎﻥ

ﺛﻢ ﺍﻗﺘﺮﺏ ﻣﻨﻬﺎ ﻭﻃﺒﻊ ﻗﺒﻠﺔ ﺳﺮﻳﻌﺔ ﻋﻠﻰ ﻭﺟﻨﺘﻬﺎ ﺍﻟﺘﻲ ﻛﺴﺘﻬﺎ ﺣﻤﺮﺓ ﺍﻟﺨﺠﻞ ﻭﻫﻲ ﺗﺠﻴﺒﻪ ﻗﺎﺋﻠﺔ :

- ﻳﺎ ﻣﺠﻨﻮﻥ ﺇﻳﻪ ﺍﻟﻠﻲ ﺍﻧﺖ ﻋﻤﻠﺘﻪ ﺩﻩ ?

- ﺍﺣﻤﺪ ﺑﻤﺸﺎﻏﺒﺔ : ﺃﻫﻮ ﻛﻞ ﻳﻮﻡ ﻣﻦ ﺩﻩ ﻟﺤﺪ ﻣﺎﺗﺴﻤﻌﻲ ﺍﻟﻜﻼﻡ ... ﺃﻧﺎ ﻣﺎﻋﻨﺪﻳﺶ ﺳﺘﺎﺕ ﺗﻜﺴﺮ ﻛﻼﻡ ﺟﻮﺯﻫﺎ

- ﻟﺒﻨﻰ ﺑﺨﺠﻞ : ﺍﻓﺮﺽ ﻋﻠﻲ ﻛﺎﻥ ﺷﺎﻓﻚ

- ﻳﺎ ﺩﻱ ﻋﻠﻲ ... ﻳﺎ ﺑﻨﺘﻲ ﻫﻮ ﻋﻠﻲ ﻣﻌﺎﻧﺎ ﺃﺳﺎﺳﺎ ... ﺛﻢ ﺍﻧﺎ ﻣﺎﺑﺨﺎﻓﺶ ... ﻭﺍﻟﻠﻲ ﻏﻴﺮﺍﻥ ﻣﻨﻨﺎ ﻳﻌﻤﻞ ﺯﻳﻨﺎ

ﻇﻠﺖ ﻟﺒﻨﻲ ﺗﺘﺄﻣﻠﻪ ﻟﻔﺘﺮﺓ ﻭﺍﺑﺘﺴﺎﻣﺔ ﻋﺬﺑﺔ ﻣﺮﺗﺴﻤﺔ ﻋﻠﻲ ﺷﻔﺘﻴﻬﺎ ﺩﻭﻥ ﺃﻥ ﺗﻨﻄﻖ ﻓﺒﺎﺩﺭﻫﺎ ﻫﻮ ﻗﺎﺋﻼ :

- ﻣﺎﻟﻚ ﺑﺘﺒﺼﻴﻠﻲ ﻛﺪﻩ ﻟﻴﻪ ? ﺍﻭﻋﻲ ﺗﻜﻮﻧﻲ ﻣﻌﺠﺒﺔ ﻭﻻ ﺣﺎﺟﺔ

- ﺑﺼﺮﺍﺣﺔ ... ﺣﺎﺳﺔ ﻛﺈﻧﻲ ﺑﺄﺷﻮﻓﻚ ﻷﻭﻝ ﻣﺮﺓ ... ﻣﺶ ﻣﺼﺪﻗﺔ ﺍﻧﻚ ﺍﻧﺖ ﺍﺣﻤﺪ ﺍﺑﻦ ﻋﻤﺘﻲ ﺍﻟﻠﻲ ﻟﻤﺎ ﻣﺪﻳﺘﻠﻪ ﺇﻳﺪﻱ ﻋﺸﺎﻥ ﺍﺳﻠﻢ ﻋﻠﻴﻪ ﺣﺮﻕ ﺩﻣﻲ ﻭﻛﺴﻔﻨﻲ ﻭﻗﺎﻟﻲ ﺍﺳﻒ ﻣﺎﺑﺴﻠﻤﺶ ﻋﻠﻰ ﺑﻨﺎﺕ ...

- ﺍﻣﺎﻝ ﺃﻧﺎ ﻛﻨﺖ ﻣﺴﺘﻌﺠﻞ ﻋﻠﻰ ﻛﺘﺐ ﺍﻟﻜﺘﺎﺏ ﻟﻴﻪ ? ﻋﺸﺎﻥ ﺍﻗﺪﺭ ﺃﻗﻮﻟﻚ ﻛﻞ ﺍﻟﻜﻼﻡ ﺍﻟﻠﻲ ﺷﺎﻳﻠﻪ ﻓﻘﻠﺒﻲ ﻟﻴﻜﻲ ﻭﺍﻟﻠﻲ ﺭﻏﻢ ﺍﻧﻲ ﺑﺤﺒﻚ ﻣﻦ ﺯﻣﺎﻥ ﺍﻭﻱ ﻟﻜﻦ ﻋﻤﺮﻱ ﻣﺎ ﻓﻜﺮﺕ ﺇﻧﻲ ﺍﻟﻤﺢ ﺑﻴﻪ ﺣﺘﻰ ... ﻭﻛﻨﺖ ﻣﺴﺘﻨﻲ ﻟﻤﺎ ﺗﻜﻮﻧﻲ ﻣﺮﺍﺗﻲ ﻋﻠﻰ ﺳﻨﺔ ﺍﻟﻠﻪ ﻭﺭﺳﻮﻟﻪ ﻋﺸﺎﻥ ﺍﻗﺪﺭ ﺍﻗﻮﻟﻬﻮﻟﻚ ... ﻭﻋﻤﺮﻱ ﻣﺎﻓﻜﺮﺕ ﺇﻧﻲ ﺃﻗﻮﻟﻪ ﻟﻮﺍﺣﺪﺓ ﻏﻴﺮﻙ

ﺭﻏﻢ ﺷﻌﻮﺭﻫﺎ ﺑﺎﻟﺴﻌﺎﺩﺓ ﻟﻜﻠﻤﺎﺗﻪ ﺇﻻ ﺍﻧﻬﺎ ﺣﺎﻭﻟﺖ ﺇﺧﻔﺎﺀ ﺫﻟﻚ ﻭﻫﻲ ﺗﺴﺄﻟﻪ ﻣﺴﺘﻔﺴﺮﺓ :

- ﻃﻴﺐ ﻟﻴﻪ ﻭﺍﺣﻨﺎ ﻓﺪﻣﻴﺎﻁ ﺃﺧﺮ ﻣﺮﺓ ﻗﻠﺖ ﻟﻌﻠﻲ ﺍﻧﻚ ﺑﺘﺤﺐ ﻭﺍﺣﺪﺓ

- ﺍﺣﻤﺪ ﺑﺪﻫﺸﺔ : ﻃﺐ ﻭﺍﻧﺘﻲ ﻋﺮﻓﺘﻲ ﻣﻨﻴﻦ ﻫﻮ ﻋﻠﻲ ﻗﺎﻟﻚ ?

- ﻷ ﺍﻧﺎ ﺍﻟﻠﻲ ﺳﻤﻌﺘﻜﻮﺍ ﺑﺎﻟﺼﺪﻓﺔ ﻭﺍﻧﺎ ﻛﻨﺖ ﻧﺎﺯﻟﺔ ﺍﻟﺠﻨﻴﻨﺔ

- ﻭﻟﺴﻪ ﻓﺎﻛﺮﺓ ﺗﺴﺄﻟﻴﻨﻲ ﺩﻟﻮﻗﺘﻲ ? ﻃﻴﺐ ﻟﻴﻪ ﻭﺍﻓﻘﺘﻲ ﻋﻠﻴﺎ ﻭﺍﻧﺘﻲ ﻓﺎﻛﺮﺍﻧﻲ ﺑﺤﺐ ﻭﺍﺣﺪﺓ ﺗﺎﻧﻴﺔ

ﺷﻌﺮﺕ ﺑﺎﻹﺭﺗﺒﺎﻙ ﻭﻟﻢ ﺗﺪﺭ ﺑﻤﺎ ﺗﺠﻴﺒﻪ ... ﺑﻌﺪ ﻓﺘﺮﺓ ﻗﺎﻟﺖ ﺑﺘﻠﻌﺜﻢ ﻭﺣﺮﻭﻑ ﻣﺘﻘﻄﻌﺔ :

- ﻋﺸﺎﻥ ...... ﻋﺸﺎﻥ ....

- ﺣﺜﻬﺎ ﻗﺎﺋﻼ : ﺍﻳﻮﻩ ﻋﺸﺎﻥ ﺇﻳﻪ ﺑﻘﻰ ﻳﺎ ﻟﺒﻨﻰ ?

- ﻋﺸﺎﻥ ﻛﺪﻩ ﻭﺧﻼﺹ

- ﻣﺎﻓﻴﺶ ﺣﺎﺟﺔ ﺍﺳﻤﻬﺎ ﻋﺸﺎﻥ ﻛﺪﻩ ﻭﺧﻼﺹ ... ﻭﺍﻓﻘﺘﻲ ﻋﺸﺎﻥ ﺇﻳﻪ ﻳﺎ ﻟﺒﻨﻰ ?

ﺍﺟﺎﺑﺖ ﺑﺴﺮﻋﺔ ﻭﻛﺄﻧﻬﺎ ﺗﻠﻘﻲ ﺣﻤﻼ ﺛﻘﻴﻼ ﻋﻦ ﻛﺎﻫﻠﻬﺎ :

- ﻋﺸﺎﻥ ﺑﺤﺒﻚ ﺍﺭﺗﺤﺖ ﻛﺪﻩ

ﺍﺑﺘﺴﻢ ﺍﺣﻤﺪ ﻟﺮﺅﻳﺘﻬﺎ ﻋﻠﻰ ﺗﻠﻚ ﺍﻟﻬﻴﺌﺔ ﺛﻢ ﻗﺎﻝ :

- ﻳﺎ ﺑﻨﺖ ﺍﻹﻳﻪ ... ﺍﺗﺎﺭﻳﻜﻲ ﺑﻘﻰ ﺑﺘﺮﺳﻤﻲ ﻋﻠﻴﺎ ﻣﻦ ﺯﻣﺎﻥ ﻭﺍﻧﺎ ﻣﺎﻛﻨﺘﺶ ﻭﺍﺧﺪ ﺑﺎﻟﻲ

- ﺍﺟﺎﺑﺖ ﺑﺈﺭﺗﺒﺎﻙ : ﺇﻳﻪ ﺩﻩ ﻻ ﻃﺒﻌﺎ ... ﺍﻳﻪ ﺍﻟﻠﻲ ﺍﻧﺖ ﺑﺘﻘﻮﻟﻪ ﺩﻩ ... ﻭﺑﻌﺪﻳﻦ ﻣﺎﺗﻬﺮﺑﺶ ﻣﻦ ﺳﺆﺍﻟﻲ

ﺭﻓﻊ ﺍﺣﻤﺪ ﻳﺪﻫﺎ ﺍﻟﻤﻮﺿﻮﻋﺔ ﺑﻴﻦ ﻛﻔﻴﻪ ﻭﻃﺒﻊ ﻋﻠﻴﻬﺎ ﻗﺒﻠﺔ ﺭﻗﻴﻘﺔ ﺛﻢ ﻗﺎﻝ ﺑﺈﺑﺘﺴﺎﻣﺔ :

- ﺍﻧﺎ ﻣﺶ ﺑﺎﻫﺮﺏ ﻭﻻ ﺣﺎﺟﺔ ﻹﻧﻲ ﻓﻌﻼ ﻗﻠﺖ ﻛﺪﻩ ﻟﻌﻠﻲ ... ﻟﻜﻦ ﺍﻟﻠﻲ ﻣﺎ ﺗﻌﺮﻓﻴﻬﻮﺵ ﻭﺍﻟﻠﻲ ﻣﺎﻗﻠﺘﻮﺵ ﻟﻌﻠﻲ ﻭﻗﺘﻬﺎ ﺍﻥ ﺍﻟﻮﺍﺣﺪﺓ ﺩﻱ ﺗﺒﻘﻰ ﺍﻧﺘﻲ ﻳﺎ ﻫﺒﻠﺔ ... ﺃﻧﺎ ﻋﻤﺮﻱ ﻣﺎ ﺣﺒﻴﺖ ﻭﻻ ﺑﺤﺐ ﻭﻻ ﺣﺎﺣﺐ ﻭﺍﺣﺪﺓ ﻏﻴﺮﻙ ﻷﺧﺮ ﻳﻮﻡ ﻓﻌﻤﺮﻱ ﺍﻥ ﺷﺎﺀﺍﻟﻠﻪ

- ﺑﺠﺪ ﻳﺎ ﺍﺣﻤﺪ ?

- ﺑﺠﺪ ﻳﺎ ﺣﺒﻴﺒﺔ ﺍﺣﻤﺪ ... ﻳﺎ ﻛﻞ ﺣﺎﺟﺔ ﻓﺪﻧﻴﺎ ﺍﺣﻤﺪ ...

- ﺭﺑﻨﺎ ﻣﺎﻳﺤﺮﻣﻨﻴﺶ ﻣﻨﻚ ﻭﻻ ﻣﻦ ﻛﻼﻣﻚ ﺍﻟﺤﻠﻮ ﺩﻩ ﺍﺑﺪﺍ ﻳﺎ ﺍﺣﻤﺪ

ﻭﻛﺄﻧﻪ ﻋﺎﺩ ﻓﺠﺄﺓ ﻷﺭﺽ ﺍﻟﻮﺍﻗﻊ ﻓﻘﺎﻝ ﺑﺄﺳﻒ :

- ﻳﺆﺳﻔﻨﻲ ﺍﻗﻮﻟﻚ ﺇﻧﻚ ﺣﺘﺘﺤﺮﻣﻲ ﻣﻨﻪ ﺍﻟﻔﺘﺮﺓ ﺍﻟﻠﻲ ﺟﺎﻳﺔ ﻣﺆﻗﺘﺎ ﻳﻌﻨﻲ

- ﺍﺟﺎﺑﺖ ﺑﻘﻠﻖ : ﻟﻴﻪ ﺑﺲ ﻳﺎ ﺍﺣﻤﺪ ?

- ﻋﺸﺎﻥ ﺣﻀﺮﺗﻚ ﻋﻨﺪﻙ ﺇﻣﺘﺤﺎﻧﺎﺕ ﻭﺍﻧﺎ ﻣﺶ ﻋﺎﻳﺰ ﺍﻋﻄﻠﻚ ﻭﻻ ﻋﺎﻳﺰ ﺣﺪ ﻳﻘﻮﻝ ﺇﻥ ﻭﺷﻲ ﻭﺣﺶ ﻋﻠﻴﻜﻲ ... ﻣﻤﻜﻦ ﻛﻞ ﻓﺘﺮﺓ ﻛﺪﻩ ﺍﺗﺼﻞ ﺍﻃﻤﻦ ﻋﻠﻴﻜﻲ ﺑﺲ

- ﺍﺟﺎﺑﺖ ﺑﺨﺠﻞ : ﻣﻴﻦ ﻗﺎﻟﻚ ﺑﺲ ﺍﻧﻚ ﻛﺪﻩ ﺣﺘﻌﻄﻠﻨﻲ ... ﺑﺎﻟﻌﻜﺲ ﺩﻩ ﺃﻧﺎ ﻧﻔﺴﻲ ﺣﺘﺘﻔﺘﺢ ﻋﻠﻰ ﺍﻟﻤﺬﺍﻛﺮﺓ ﻣﻦ ﻫﻨﺎ ﻭﺭﺍﻳﺢ

↚

- ﺍﺟﺎﺏ ﺑﻤﺰﺍﺡ : ﺁﻩ ﻳﺎ ﻣﻨﺤﺮﻓﺔ ﻭﺃﻧﺎ ﺍﻟﻠﻲ ﻛﻨﺖ ﻓﺎﻛﺮﻙ ﻣﺆﺩﺑﺔ ... ﻭﻓﺎﻛﺮ ﻧﻔﺴﻲ ﺣﺎﻋﻄﻠﻚ ... ﺧﻼﺹ ﺑﻘﻰ ﺍﻧﺘﻲ ﺣﺮﺓ ... ﺑﺲ ﺍﻧﺎ ﻋﻠﻰ ﻓﻜﺮﺓ ﺍﻟﻔﺘﺮﺓ ﺍﻟﺠﺎﻳﺔ ﺩﻱ ﺣﺎﻛﻮﻥ ﻣﺸﻐﻮﻝ ﻓﻲ ﺗﺤﻀﻴﺮ ﻋﺶ ﺍﻟﺰﻭﺟﻴﺔ

- ﻣﺎ ﺍﺣﻨﺎ ﻟﺴﻪ ﺍﺩﺍﻣﻨﺎ ﺳﻨﺔ ﻳﺎ ﺍﺣﻤﺪ ﺗﻘﺪﺭ ﺗﺠﻬﺰ ﻓﻴﻬﺎ ﺑﺮﺍﺣﺘﻚ

- ﺳﻨﺔ ﻣﻴﻦ ﻳﺎ ﻣﺎﻣﺎ ... ﻣﻴﻦ ﻗﺎﻟﻚ ﺇﻧﻲ ﺣﺎﻗﺪﺭ ﺍﺳﺘﻨﻰ ﺳﻨﺔ ﺑﺤﺎﻟﻬﺎ ... ﺃﻧﺎ ﺍﻭﻝ ﻣﺎ ﺍﺟﻬﺰ ﺍﻟﺸﻘﺔ ﺍﻟﻠﻲ ﺣﻨﺘﺠﻮﺯ ﻓﻴﻬﺎ ﺣﺎﻛﻠﻢ ﺧﺎﻟﻲ ﻭﻋﻠﻲ ﻋﺸﺎﻥ ﻧﺘﺠﻮﺯ ﻋﻠﻄﻮﻝ

- ﻃﻴﺐ ﻭﺍﻟﻜﻠﻴﺔ ﺑﺘﺎﻋﺘﻲ ﻳﺎ ﺍﺣﻤﺪ

- ﻣﺎﺗﻘﻠﻘﻴﺶ ﺣﺎﻓﻬﻤﻚ ﻛﻞ ﺣﺎﺟﺔ ﻓﻮﻗﺘﻬﺎ

ﺷﻌﻮﺭ ﺍﻟﺴﻌﺎﺩﺓ ﺍﻟﺬﻱ ﻛﺎﻥ ﻳﺸﻌﺮ ﺑﻪ ﻛﻞ ﻣﻦ ﺍﺣﻤﺪ ﻭﻟﺒﻨﻰ ﻛﺎﻥ ﺍﻛﺒﺮ ﻣﻦ ﺍﻥ ﺗﺼﻔﻪ ﺃﻭ ﺗﻌﺒﺮ ﻋﻨﻪ ﺃﻱ ﻛﻠﻤﺎﺕ ... ﺑﻴﻨﻤﺎ ﻭﻋﻠﻰ ﺑﻌﺪ ﺃﻣﺘﺎﺭ ﻗﻠﻴﻠﺔ ﻛﺎﻥ ﻫﻨﺎﻙ ﺣﺪﻳﺚ ﺍﺧﺮ ﻳﺪﻭﺭ ﺑﻴﻦ ﻋﻠﻲ ﻭﻧﻮﺭﺍ ﻭﻟﻜﻦ ﻣﻦ ﻧﻮﻉ ﺧﺎﺹ

ﻋﻠﻲ : ﻣﻤﻜﻦ ﺍﻓﻬﻢ ﺍﻧﺘﻲ ﺑﺘﻌﻴﻄﻲ ﻟﻴﻪ ﺩﻟﻮﻗﺘﻲ ?

ﻧﻮﺭﺍ ﻣﻦ ﺑﻴﻦ ﺩﻣﻮﻋﻬﺎ : ﻳﻌﻨﻲ ﻣﺶ ﻋﺎﺭﻑ ﻭﻻ ﻣﺶ ﺷﺎﻳﻒ ﺍﻥ ﻓﻴﻪ ﺣﺎﺟﺔ ﺗﺴﺘﺤﻖ ﺇﻧﻲ ﺍﻋﻴﻂ

- ﺃﻧﺎ ﻓﻌﻼ ﻣﺶ ﺷﺎﻳﻒ ﺣﺎﺟﺔ ﺗﺴﺘﺪﻋﻲ ﻛﻞ ﺍﻟﻠﻲ ﺑﺘﻌﻤﻠﻴﻪ ﺩﻩ

- ﻣﻌﻠﺶ ﺍﺻﻠﻚ ﻣﺎﻛﻨﺘﺶ ﺷﺎﻳﻒ ﺷﻜﻠﻲ ﻛﺎﻥ ﻭﺣﺶ ﺍﺯﺍﻱ ﻭﺍﻧﺖ ﺳﺎﻳﺒﻨﻲ ﻭﻭﺍﻗﻒ ﺗﺘﻜﻠﻢ ﻣﻊ ﻧﺎﺩﻳﺔ ... ﻭﻛﻤﺎﻥ ﻣﺎﺳﻤﻌﺘﺶ ﺳﺎﻣﺢ ﻗﺎﻟﻲ ﺇﻳﻪ ﻭﻫﻮ ﻣﺎﺷﻲ

- ﻗﺎﻟﻚ ﺇﻳﻪ ﺍﻟﺒﻨﻲ ﺍﺩﻡ ﺩﻩ ... ﻭﺍﻧﺘﻲ ﺍﺻﻼ ﺗﺘﻜﻠﻤﻲ ﻣﻌﺎﻩ ﻟﻴﻪ ?

- ﻣﺶ ﺍﻧﺖ ﺍﻟﻠﻲ ﺍﺩﻳﺘﻠﻪ ﻓﺮﺻﺔ ﺍﻧﻪ ﻳﻴﺠﻲ ﻭﻳﺘﻜﻠﻢ ﻣﻌﺎﻳﺎ ... ﻭﺑﻌﺪﻳﻦ ﺍﻧﺖ ﺯﻋﻼﻥ ﺍﻭﻱ ﻛﺪﻩ ﻟﻴﻪ ? ﻣﺎ ﺍﻧﺖ ﻛﻨﺖ ﻭﺍﻗﻒ ﺗﺘﻜﻠﻢ ﻣﻊ ﻣﺮﺍﺗﻪ ﻣﺎﻓﻜﺮﺗﺶ ﺇﻧﻪ ﻫﻮ ﻛﻤﺎﻥ ﻳﻜﻮﻥ ﺍﺿﺎﻳﻖ ﻣﻨﻚ ﻭﺣﺐ ﻳﺮﺩﻫﺎﻟﻚ

ﺷﻌﺮ ﻋﻠﻲ ﺑﺄﻧﻬﺎ ﻣﺤﻘﺔ ﻓﻲ ﻛﻼﻣﻬﺎ ﻓﺘﻮﻗﻒ ﻋﻦ ﻣﺠﺎﺩﻟﺘﻬﺎ ﻭﺍﺧﺮﺝ ﻣﻦ ﺟﻴﺒﻪ ﻣﺤﺮﻣﺎ ﻭﺭﻗﻴﺎ ﻭﻣﺪ ﻳﺪﻩ ﻟﻬﺎ ﺑﻪ ﻭﻗﺎﻝ ﺑﻬﺪﻭﺀ :

- ﻃﻴﺐ ﺍﺗﻔﻀﻠﻲ ﺍﻣﺴﺤﻲ ﺩﻣﻮﻋﻚ ﺩﻱ ... ﻭﻟﻮ ﺳﻤﺤﺘﻲ ﻣﺶ ﻋﺎﻳﺰ ﺍﺷﻮﻑ ﺩﻣﻮﻋﻚ ﺩﻱ ﺗﺎﻧﻲ ... ﻭﻋﻤﻮﻣﺎ ﻳﺎ ﺳﺘﻲ ﺃﻧﺎ ﺍﺳﻒ ﻭﻣﺎﺗﺰﻋﻠﻴﺶ ﻣﻨﻲ

ﻃﺎﻝ ﺻﻤﺘﻬﺎ ﺩﻭﻥ ﺍﻥ ﺗﺠﻴﺒﻪ ﻓﺎﺭﺩﻑ ﻫﻮ ﻗﺎﺋﻼ :

- ﺍﻧﺘﻲ ﻣﺶ ﺑﺘﺮﺩﻱ ﻋﻠﻴﺎ ﻟﻴﻪ ?

- ﺑﺼﺮﺍﺣﺔ ﺧﺎﻳﻔﺔ ﺍﻗﻮﻟﻚ ﺇﻧﻲ ﻣﺶ ﺯﻋﻼﻧﺔ ﺧﻼﺹ ﺗﻘﻮﻡ ﺍﻧﺖ ﺗﺰﻋﻞ ﺇﻧﻲ ﻣﺎﺯﻋﻠﺘﺶ ﻭﺗﻔﺘﻜﺮﻧﻲ ﻣﺎﻋﻨﺪﻳﺶ ﺇﺣﺴﺎﺱ ﺑﺠﺪ

ﺍﻃﻠﻖ ﻋﻠﻲ ﺿﺤﻜﺔ ﻣﺪﻭﻳﺔ ﺛﻢ ﺗﻮﻗﻒ ﻓﺠﺄﺓ ﻭﻣﺎﻝ ﺑﺠﺴﺪﻩ ﻧﺤﻮﻫﺎ ﻗﺎﺋﻼ :

- ﺍﻧﺘﻲ ﻟﺴﻪ ﻓﺎﻛﺮﺓ ... ﺩﻩ ﺍﻧﺘﻲ ﺑﺎﻳﻦ ﻋﻠﻴﻜﻲ ﻗﻠﺒﻚ ﺃﺳﻮﺩ ﺍﻭﻱ

ﺍﺑﺘﺴﻤﺖ ﻧﻮﺭﺍ ﻭﻫﻲ ﺗﻤﺴﺢ ﺩﻣﻮﻋﻬﺎﺑﺬﻟﻚ ﺍﻟﻤﻨﺪﻳﻞ ﺍﻟﺬﻱ ﺍﻋﻄﺎﻫﺎ ﺇﻳﺎﻩ ﻓﺎﺳﺘﻄﺮﺩ ﻋﻠﻲ ﻗﺎﺋﻼ ﺑﻤﻜﺮ :

- ﺑﻤﻨﺎﺳﺒﺔ ﺍﻟﻤﻨﺪﻳﻞ ﺻﺤﻴﺢ ... ﻫﻮ ﺍﻟﺪﻡ ﻛﺎﻥ ﻓﻴﻦ ﺑﻘﻰ ﺑﺎﻟﻈﺒﻂ ?

ﺍﺷﺎﺣﺖ ﺑﻮﺟﻬﻬﺎ ﺑﻌﻴﺪﺍ ﺣﺘﻰ ﻻ ﻳﺮﻯ ﻋﻠﻲ ﺗﻠﻚ ﺍﻹﺑﺘﺴﺎﻣﺔ ﺍﻟﺨﺠﻠﻰ ﺍﻟﺘﻲ ﺍﺭﺗﺴﻤﺖ ﻋﻠﻰ ﺷﻔﺘﻴﻬﺎ ﻭﻟﻜﻨﻪ ﻻﺣﻈﻬﺎ ﺑﺎﻟﺮﻏﻢ ﻣﻦ ﺫﻟﻚ ﻓﻘﺎﻝ ﺑﺠﺪﻳﺔ :

- ﺗﻌﺮﻓﻲ ﺍﻥ ﺷﻜﻠﻚ ﺣﻠﻮ ﻭﺍﻧﺘﻲ ﻣﻜﺴﻮﻓﺔ ... ﻣﺎﻗﻮﻟﺘﻴﻠﻴﺶ ﺑﻘﻰ ﺳﺎﻣﺢ ﻗﺎﻟﻚ ﺇﻳﻪ ﻗﺒﻞ ﻣﺎ ﻳﻤﺸﻲ ?

- ﺧﻼﺹ ﺑﻘﻰ ﻳﺎ ﻋﻠﻲ ... ﺍﻧﺖ ﻟﻴﻪ ﻣﺼﻤﻢ ﺗﻨﻜﺪ ﻋﻠﻴﻨﺎ ?

- ﻋﺎﻳﺰ ﺍﻋﺮﻑ ﻫﻮ ﻗﺎﻟﻚ ﺇﻳﻪ

- ﻣﺎﻗﺎﻟﺶ ﺣﺎﺟﺔ ﻣﻬﻤﺔ ﺍﻭﻱ ﻳﻌﻨﻲ

- ﺍﻧﺘﻲ ﻟﻴﻪ ﻣﺶ ﻋﺎﻳﺰﺓ ﺗﻘﻮﻟﻴﻠﻲ ﻫﻮ ﻗﺎﻟﻚ ﺇﻳﻪ ?

- ﻋﺸﺎﻥ ﺯﻱ ﻣﺎ ﻗﻠﺘﻠﻚ ﻳﺎ ﻋﻠﻲ ... ﻣﺶ ﺣﺎﺟﺔ ﻣﻬﻤﺔ ﺍﻭﻱ ﻟﺪﺭﺟﺔ ﺍﻧﻨﺎ ﻧﻀﻴﻊ ﺍﻟﻮﻗﺖ ﺍﻟﻠﻲ ﻗﺎﻋﺪﻳﻦ ﻓﻴﻪ ﻣﻊ ﺑﻌﺾ ﻓﺎﻟﻜﻼﻡ ﻋﻨﻬﺎ

- ﺍﺟﺎﺏ ﺑﺈﺻﺮﺍﺭ : ﺑﺲ ﺍﻧﺎ ﺑﻘﻰ ﻣﺼﻤﻢ ﺍﻋﺮﻑ ﻫﻮ ﻗﺎﻟﻚ ﺇﻳﻪ

- ﺍﺟﺎﺑﺘﻪ ﺑﻨﻔﺎﺫ ﺻﺒﺮ : ﻃﻴﺐ ﺍﻧﺎ ﺑﻘﻰ ﻣﺶ ﺣﺎﻗﻮﻟﻚ ... ﺇﻳﻪ ﺭﺃﻳﻚ ﺑﻘﻰ ﻳﺎ ﻋﻠﻲ ?

- ﺍﺟﺎﺏ ﺑﺤﺪﺓ : ﺑﻘﻰ ﻛﺪﻩ ﻳﺎ ﻧﻮﺭﻫﺎﻥ ?

- ﺍﻳﻮﻩ ﻛﺪﻩ ﻳﺎ ﻋﻠﻲ ... ﻣﺶ ﻣﻌﻘﻮﻝ ﺃﻧﺎ ﻭﺍﻧﺖ ﻧﻘﻌﺪ ﻣﻊ ﺑﻌﺾ ﻋﺸﺎﻥ ﻧﺘﻜﻠﻢ ﻋﻦ ﺳﺎﻣﺢ

ﺻﺮﺥ ﻓﻴﻬﺎ ﻗﺎﺋﻼ ﺑﺈﻧﻔﻌﺎﻝ :

- ﺍﻟﺒﻨﻲ ﺍﺩﻡ ﺩﻩ ﻣﺎ ﺗﻨﻄﻘﻴﺶ ﺇﺳﻤﻪ ﻋﻠﻰ ﻟﺴﺎﻧﻚ ... ﺍﻧﺘﻲ ﻓﺎﻫﻤﺔ ﻭﻻ ﻷ

- ﻣﺎﺗﻨﺴﺎﺵ ﺍﻥ ﺍﻟﺒﻨﻲ ﺍﺩﻡ ﺍﻟﻠﻲ ﺑﺘﺘﻜﻠﻢ ﻋﻨﻪ ﺩﻩ ﺑﻘﻰ ﺩﻟﻮﻗﺘﻲ ﺟﻮﺯ ﺃﺧﺘﻲ

- ﺍﺟﺎﺑﻬﺎ ﺳﺎﺧﺮﺍ : ﺟﻮﺯ ﺍﺧﺘﻚ ﺟﻮﺯ ﺃﻣﻚ ﻣﺎﻳﺨﺼﻨﻴﺶ ... ﺍﻟﻤﻬﻢ ﻣﺎﻟﻜﻴﺶ ﺩﻋﻮﺓ ﺑﻴﻪ ﻭﺧﻼﺹ ... ﻭﻛﻼﻣﻲ ﻳﺘﺴﻤﻊ ﻣﻦ ﺳﻜﺎﺕ ... ﺍﺳﻤﻌﻲ ﻳﺎ ﺑﻨﺖ ﺍﻟﻨﺎﺱ ﺃﻧﺎ ﻣﺎﺑﺤﺒﺶ ﻣﺮﺍﺗﻲ ﺗﻜﺴﺮ ﻛﻼﻣﻲ ﻭﺷﻜﻠﻚ ﻛﺪﻩ ﺣﺘﺘﻌﺒﻴﻨﻲ ﻣﻌﺎﻛﻲ

ﺩﻣﻌﺖ ﻋﻴﻨﺎﻫﺎ ﻭﻫﻲ ﺗﻘﻮﻝ ﻓﻲ ﺃﺳﻰ :

- ﻭﺍﻟﻠﻪ ﺍﻧﺎ ﻣﺶ ﻋﺎﺭﻓﺔ ﺍﻧﺖ ﻋﺎﻳﺰ ﺇﻳﻪ ﻳﺎ ﻋﻠﻲ ﻭﺇﻳﻪ ﺍﻟﻠﻲ ﻳﺮﺿﻴﻚ ? ﺍﻗﻮﻟﻚ ﺣﺎﺿﺮ ﻭﻣﺎﺷﻲ ﺗﻘﻮﻟﻲ ﻣﺎﺗﻌﺮﻓﻴﺶ ﻏﻴﺮﻫﻢ ... ﺍﻗﻮﻟﻚ ﻷ ﺗﻘﻮﻟﻲ ﻣﺎﺑﺤﺒﺶ ﻣﺮﺍﺗﻲ ﺗﻜﺴﺮ ﻛﻼﻣﻲ ... ﺍﻓﺘﺢ ﺍﻟﺸﺒﺎﻙ ﻭﻻ ﺍﻗﻔﻠﻪ ﻳﺎ ﻋﻠﻲ ... ﻃﻴﺐ ﻓﻬﻤﻨﻲ ﺍﻧﺖ ﻋﺎﻳﺰ ﺇﻳﻪ ﺑﺎﻟﻈﺒﻂ ?

ﻧﻬﺾ ﻣﻦ ﻣﻜﺎﻧﻪ ﻭﻗﺎﻝ ﺑﺠﻔﺎﺀ :

- ﻋﺎﻳﺰﻙ ﺗﻘﻮﻣﻲ ﺗﺪﺧﻠﻲ ﺟﻮﻩ ﻋﺸﺎﻥ ﺍﻧﺎ ﻣﺎﺷﻲ ﺩﻟﻮﻗﺘﻲ ... ﺣﺎﺭﻭﺡ ﺍﺟﻴﺐ ﻟﺒﻨﻰ ﻭﺍﺩﺧﻞ ﺍﺧﺪ ﻣﺎﻣﺎ ﻭﻟﻤﻴﺎ ﻋﺸﺎﻥ ﻧﺮﻭﺡ ... ﻋﺎﻳﺰﺓ ﻣﻨﻲ ﺣﺎﺟﺔ ﻗﺒﻞ ﻣﺎ ﺍﻣﺸﻲ ?

- ﻋﺎﻳﺰﺓ ﺍﻗﻮﻟﻚ ﻣﺘﺸﻜﺮﺓ ﺍﻭﻱ ... ﻣﺘﺸﻜﺮﺓ ﺍﻧﻚ ﺳﺒﺘﻠﻲ ﺫﻛﺮﻯ ﻟﻴﻮﻡ ﺯﻱ ﺩﻩ ﻋﻤﺮﻫﺎ ﻣﺎ ﺣﺘﺮﻭﺡ ﻣﻦ ﺑﺎﻟﻲ ... ﻣﺘﺸﻜﺮﺓ ﺍﻧﻚ ﻧﻜﺪﺕ ﻋﻠﻴﺎ ﻓﻴﻮﻡ ﻣﺎﻛﺎﻧﺶ ﺍﻟﻤﻔﺮﻭﺽ ﺇﻧﻲ ﺍﻋﻤﻞ ﻓﻴﻪ ﺣﺎﺟﺔ ﻏﻴﺮ ﺇﻧﻲ ﺍﻓﺮﺡ ﻭﺑﺲ ... ﻣﺘﺸﻜﺮﺓ ﺍﻧﻚ ﺍﺳﺘﻜﺘﺮﺕ ﻋﻠﻴﺎ ﺍﻟﻔﺮﺣﺔ ﻳﺎ ﻋﻠﻲ ... ﺑﺲ ﺍﻟﻈﺎﻫﺮ ﻛﺪﻩ ﺍﻥ ﺳﺎﻣﺢ ﻛﺎﻥ ﻣﻌﺎﻩ ﺣﻖ ﻓﺎﻟﻠﻲ ﻗﺎﻟﻪ

ﻟﻢ ﺗﻨﺘﻈﺮ ﻧﻮﺭﺍ ﺃﻥ ﺗﺴﻤﻊ ﻣﻨﻪ ﺭﺩﺍ ﻓﺎﻧﻬﺖ ﻛﻼﻣﻬﺎ ﻭﺟﺮﺕ ﻣﺴﺮﻋﺔ ﺇﻟﻲ ﺍﻟﺪﺍﺧﻞ ﻭﺗﺮﻛﺘﻪ ﻭﺍﻗﻔﺎ ﻭﻫﻮ ﻳﻤﺴﺢ ﻋﻠﻰ ﺷﻌﺮﻩ ﻭﻫﻮ ﻳﺰﻓﺮ ﻓﻲ ﺿﻴﻖ ﻗﺎﺋﻼ :

- ﺇﻳﻪ ﺍﻟﻠﻲ ﺍﻧﺎ ﻋﻤﻠﺘﻪ ﺩﻩ ... ﺍﻧﺎ ﺷﻜﻠﻲ ﻋﻜﻴﺖ ﺍﻟﺪﻧﻴﺎ ﺍﻭﻱ ... ﻭﺑﻌﺪﻳﻦ ﺑﻘﻰ ﺍﺳﺘﻐﻔﺮ ﺍﻟﻠﻪ ﺍﻟﻌﻈﻴﻢ ... ﺑﺲ ﺍﻧﺎ ﺑﺮﺿﻪ ﻋﺎﻳﺰ ﺍﻋﺮﻑ ﺍﻟﺰﻓﺖ ﺩﻩ ﻗﺎﻟﻬﺎ ﺇﻳﻪ .

ﺍﺗﺠﻪ ﻋﻠﻲ ﻧﺤﻮ ﺍﻟﻤﻜﺎﻥ ﺍﻟﺬﻱ ﻳﺠﻠﺲ ﻓﻴﻪ ﺍﺣﻤﺪ ﻭﻟﺒﻨﻰ ﻭﻧﻈﺮ ﺇﻟﻰ ﺍﺣﻤﺪ ﻗﺎﺋﻼ :

- ﺇﻳﻪ ﻳﺎ ﻋﻢ ﺍﻧﺖ ﻧﺴﻴﺖ ﻧﻔﺴﻚ ﻭﻻ ﺇﻳﻪ

ﺍﺟﺎﺑﻪ ﺍﺣﻤﺪ ﺩﻭﻥ ﺍﻥ ﻳﻠﺘﻔﺖ ﺇﻟﻴﻪ ﻗﺎﺋﻼ :

- ﻋﺎﻳﺰ ﺇﻳﻪ ﻳﺎ ﻋﻠﻲ ? ﺩﻩ ﻣﺶ ﻭﻗﺘﻚ ﺧﺎﻟﺺ ﻋﻠﻰ ﻓﻜﺮﺓ

- ﻻ ﻭﺍﻟﻠﻪ

- ﺍﻟﻠﻪ ﻳﺴﺎﻣﺤﻚ ﺑﻘﻰ ﻗﻄﻌﺖ ﻋﻠﻴﻨﺎ ﻟﺤﻈﺔ ﺭﻭﻣﺎﻧﺴﻴﺔ ﻣﺎﻟﻬﺎﺵ ﺣﻞ

ﺍﻣﺴﻜﻪ ﻋﻠﻲ ﻣﻦ ﻣﻼﺑﺴﻪ ﻗﺎﺋﻼ :

- ﻣﺎﺗﺤﺘﺮﻡ ﻧﻔﺴﻚ ﻳﺎ ﺟﺪﻉ ﺍﻧﺖ ... ﺍﻧﺖ ﻧﺎﺳﻲ ﺍﻥ ﺩﻱ ﺍﺧﺘﻲ ﻭﻻ ﺇﻳﻪ ?

- ﻣﺶ ﺗﺨﻠﻲ ﻋﻨﺪﻙ ﻧﻈﺮ ﺷﻮﻳﺔ ﻳﺎ ﻋﻠﻲ ... ﻭﺑﻌﺪﻳﻦ ﺍﺧﺘﻚ ﻳﻌﻨﻲ ... ﻃﻴﺐ ﺍﺩﺧﻞ ﻛﺪﻩ ﺍﺳﺄﻝ ﺃﻱ ﺣﺪ ﻣﻦ ﺍﻟﻨﺎﺱ ﺍﻟﻠﻲ ﺟﻮﻩ ﺩﻭﻝ ﺣﻴﻘﻮﻟﻚ ﺍﻧﻬﺎ ﻣﺮﺍﺗﻲ ﻭﺍﻧﺎ ﺟﻮﺯﻫﺎ

- ﺑﺮﺿﻪ ﺣﻴﻘﻮﻟﻲ ﻣﺮﺍﺗﻲ ... ﻃﺐ ﻳﻼ ﻳﺎ ﻋﻢ ﺍﻟﺤﺒﻴﺐ ﺍﻧﺖ ﻧﺎﻭﻱ ﺗﺒﺎﺕ ﻫﻨﺎ ﻭﻻ ﺇﻳﻪ ?

- ﺁﻩ ﺣﺎﺑﺎﺕ ﻫﻨﺎ ﺍﻧﺖ ﻣﺎﺗﻌﺮﻓﺶ ﻭﻻ ﺇﻳﻪ ? ﻣﺶ ﺧﺎﻟﻲ ﺻﻔﻮﺕ ﺻﻤﻢ ﺍﻧﻨﺎ ﻧﺒﺎﺕ ﻫﻨﺎ ﺍﻟﻨﻬﺎﺭﺩﺓ ﻭﻧﺮﻭﺡ ﺑﻜﺮﺓ ﺑﻌﺪ ﺍﻟﻐﺪﺍ

ﺑﺪﺍ ﻋﻠﻴﻪ ﺍﻟﺘﺬﻛﺮ ﻭﻫﻮ ﻳﻘﻮﻝ :

- ﺁﻩ ﺻﺤﻴﺢ ﺩﻩ ﺍﻧﺎ ﻛﻨﺖ ﻧﺎﺳﻲ ... ﺑﻘﻮﻟﻚ ﺇﻳﻪ ﻳﺎ ﺍﺣﻤﺪ ... ﻣﺎﺗﻴﺠﻲ ﺗﺒﺎﺕ ﻋﻨﺪﻧﺎ ﺍﺣﺴﻦ ?

- ﺣﺒﻴﺒﻲ ﻳﺎ ﻋﻠﻲ ... ﺁﻫﻮ ﻫﻤﺎ ﺩﻭﻝ ﺍﻷﺻﺤﺎﺏ ﻭﻻ ﺑﻼﺵ

- ﺇﻳﻪ ﻳﺎ ﺍﺑﻨﻲ ﺍﻧﺖ ﻣﺎﺻﺪﻗﺖ ... ﻳﻼ ﺑﻴﻨﺎ ﻳﺎ ﻟﺒﻨﻰ ... ﺇﺫﺍ ﻛﺎﻥ ﻫﻮ ﺑﺎﻳﺖ ﺍﺣﻨﺎ ﺑﻘﻰ ﻣﺮﻭﺣﻴﻦ

ﻗﺎﻣﺖ ﻟﺒﻨﻰ ﻣﻦ ﻣﻜﺎﻧﻬﺎ ﻭﻭﻗﻔﺖ ﺇﻟﻰ ﺟﻮﺍﺭ ﻋﻠﻲ ﻗﺎﺋﻠﺔ ﺑﺈﺫﻋﺎﻥ :

- ﺣﺎﺿﺮ ﻳﺎ ﻋﻠﻲ

↚

ﺭﺩﺩ ﺍﺣﻤﺪ ﻋﺒﺎﺭﺗﻬﺎ ﻗﺎﺋﻼ ﺑﺘﻬﻜﻢ :

- ﺣﺎﺿﺮ ﻳﺎ ﻋﻠﻲ ... ﺩﻩ ﺃﻧﺎ ﺑﻘﺎﻟﻲ ﺳﺎﻋﺔ ﻗﺎﻋﺪ ﻣﻌﺎﻛﻲ ﻃﻠﻌﺘﻲ ﻓﻴﻬﺎ ﻋﻴﻨﻲ ﻭﻣﺎﻗﻠﺘﻴﺶ ﻭﻻ ﻣﺮﺓ ﺣﺎﺿﺮ ﻳﺎ ﺍﺣﻤﺪ ... ﻭﻫﻮ ﻣﻦ ﺍﻭﻝ ﻣﺮﺓ ﻛﺪﻩ ﺣﺎﺿﺮ ﻳﺎ ﻋﻠﻲ

- ﻋﻠﻲ : ﺩﻱ ﻗﺪﺭﺍﺕ ﻳﺎ ﺍﺑﻨﻲ

- ﺑﻘﻰ ﻛﺪﻩ ﻳﻌﻨﻲ ﻣﺎﺷﻲ ... ﻋﻤﻮﻣﺎ ﻫﻴﺎ ﻋﺮﻓﺖ ﻛﻮﻳﺲ ﻋﻘﺎﺏ ﺍﻟﻠﻲ ﻣﺎﺗﺴﻤﻌﺶ ﻛﻼﻡ ﺟﻮﺯﻫﺎ

ﻏﻤﺰﻫﺎ ﺍﺣﻤﺪ ﺑﻌﻴﻨﻪ ﻓﺎﺑﺘﺴﻤﺖ ﺑﺨﺠﻞ ﻭﺧﻔﻀﺖ ﺑﺼﺮﻫﺎ ﺃﺭﺿﺎ ... ﻧﻘﻞ ﻋﻠﻲ ﻧﻈﺮﻩ ﺑﻴﻨﻬﻤﺎ ﺛﻢ ﻗﺎﻝ ﺑﻐﻴﻆ :

- ﻣﺶ ﻋﺎﺭﻑ ﻟﻴﻪ ﺣﺎﺳﺲ ﺍﻥ ﺍﻧﺎ ﺑﻘﻴﺖ ﻛﻮﺑﺮﻱ ﻓﺎﻟﻨﺺ

- ﺇﺧﺺ ﻋﻠﻴﻚ ﻳﺎ ﻋﻠﻲ ﻣﺎﺗﻘﻮﻟﺶ ﻛﺪﻩ ... ﺩﻩ ﺍﻧﺖ ﻣﺶ ﺑﺲ ﺍﺑﻦ ﺧﺎﻟﻲ ﺩﻩ ﺍﻧﺖ ﻛﻤﺎﻥ ﺻﺎﺣﺒﻲ ﻭﺣﺒﻴﺒﻲ ﻭﻣﺎﻳﻬﻮﻧﺶ ﻋﻠﻴﺎ ﺍﻋﻤﻞ ﻓﻴﻚ ﻛﺪﻩ

- ﺍﺟﺎﺑﻪ ﺑﻌﺪﻡ ﺇﻗﺘﻨﺎﻉ : ﻳﺎ ﺳﻼﻡ ﻋﻠﻲ ﺍﻟﺒﺮﺍﺀﺓ ... ﺻﺪﻗﺖ ﺍﻧﺎ ﻛﺪﻩ ... ﻋﻦ ﺇﺫﻧﻚ ﺑﻘﻲ ﻳﺎ ﺃﺧﻮﻳﺎ

ﻧﻈﺮ ﺍﺣﻤﺪ ﺇﻟﻰ ﻟﺒﻨﻰ ﻭﻗﺎﻝ ﺑﺈﺑﺘﺴﺎﻣﺔ :

- ﻃﻴﺐ ﻣﻊ ﺍﻟﺴﻼﻣﺔ ﻳﺎ ﻋﻠﻲ ... ﺣﺘﻮﺣﺸﻨﻲ ﺍﻭﻱ ﻳﺎ ﻋﻠﻲ ... ﺍﺷﻮﻑ ﻭﺷﻚ ﺑﺨﻴﺮ ﻳﺎ ﻋﻠﻲ ... ﺣﺎﻛﻠﻤﻚ ﻓﺎﻟﺘﻠﻴﻔﻮﻥ ﻟﻤﺎ ﺗﺮﻭﺡ ﻳﺎ ﻋﻠﻲ

ﺍﺟﺎﺑﻪ ﻋﻠﻲ ﻭﻫﻮ ﻳﻤﺴﻚ ﺑﻴﺪ ﻟﺒﻨﻰ ﻭﻳﺴﺘﻌﺪ ﻟﻠﻤﻐﺎﺩﺭﺓ :

- ﺣﺎﻗﻔﻠﻪ ﻣﻦ ﺩﻟﻮﻗﺘﻲ ﺍﺭﺗﺤﺖ ﻛﺪﻩ ... ﻭﻋﻤﻮﻣﺎ ﻳﺎ ﺍﺧﻮﻳﺎ ﻣﺎﺗﻘﻠﻘﺶ ﺍﺣﻨﺎ ﺣﻨﺘﻐﺪﻯ ﻫﻨﺎ ﺑﻜﺮﺓ ﻛﻠﻨﺎ ﻣﻊ ﺑﻌﺾ

ﺍﺣﻤﺪ : ﻣﺶ ﺗﻘﻮﻝ ﻛﺪﻩ ﻣﻦ ﺑﺪﺭﻱ ﻳﺎ ﻋﻠﻲ

ﻛﺎﻥ ﻋﻠﻲ ﻳﻘﻮﺩ ﺳﻴﺎﺭﺗﻪ ﻭﺇﻟﻲ ﺟﻮﺍﺭﻩ ﺳﻤﻴﺔ ﺑﻴﻨﻤﺎ ﻓﻲ ﺍﻟﺨﻠﻒ ﺟﻠﺴﺖ ﻛﻞ ﻣﻦ ﻟﺒﻨﻰ ﻭﻟﻤﻴﺎﺀ ﺣﻴﻦ ﻻﺣﻈﺖ ﺳﻤﻴﺔ ﺗﻠﻚ ﺍﻟﺤﺎﻟﺔ ﻣﻦ ﺍﻟﺸﺮﻭﺩ ﺍﻟﺘﻲ ﻳﺒﺪﻭ ﻋﻠﻴﻬﺎ ﻭﻫﻮ ﻳﻔﻜﺮ ﺑﻄﺮﻳﻘﺔ ﻳﺼﻠﺢ ﺑﻬﺎ ﻣﺎ ﺍﻓﺴﺪﻩ ... ﻗﻄﻊ ﺷﺮﻭﺩﻩ ﺻﻮﺗﻬﺎ ﻭﻫﻲ ﺗﺴﺄﻟﻪ ﻗﺎﺋﻠﺔ :

- ﻗﻮﻟﻲ ﻳﺎ ﻋﻠﻲ ... ﺍﻧﺖ ﺯﻋﻠﺖ ﻧﻮﺭﺍ ﻓﺤﺎﺟﺔ

ﺍﻟﺘﻔﺖ ﺇﻟﻴﻬﺎ ﻗﺎﺋﻼ ﺑﻀﻴﻖ :

- ﻫﻴﺎ ﻟﺤﻘﺖ ﺗﺸﺘﻜﻴﻠﻚ

- ﻳﻌﻨﻲ ﻓﻴﻪ ﺣﺎﺟﺔ ﻓﻌﻼ ... ﺑﺲ ﻫﻴﺎ ﻣﺎ ﺍﺷﺘﻜﺘﺶ ﻳﺎ ﻋﻠﻲ ... ﻭﻟﻮ ﺍﻧﺖ ﺗﻌﺮﻑ ﻧﻮﺭﺍ ﻛﻮﻳﺲ ﻛﻨﺖ ﻋﺮﻓﺖ ﺍﻧﻬﺎ ﻣﺶ ﻣﻦ ﺍﻟﻨﻮﻉ ﺍﻟﻠﻲ ﺑﻴﺸﺘﻜﻲ ... ﻫﻴﺎ ﺯﻱ ﺍﻣﻬﺎ ﺍﻟﻠﻪ ﻳﺮﺣﻤﻬﺎ ﻟﻤﺎ ﺗﺰﻋﻞ ﺑﺘﻜﺘﻢ ﻓﻨﻔﺴﻬﺎ ﻟﻜﻦ ﺑﺮﺿﻪ ﺑﻴﺒﺎﻥ ﻋﻠﻴﻬﺎ ﺭﻏﻢ ﺍﻧﻬﺎ ﺍﻭﻝ ﻣﺎ ﺷﺎﻓﺘﻨﻲ ﻣﺴﺤﺖ ﺩﻣﻮﻋﻬﺎ ﻭﻋﻤﻠﺖ ﺍﻧﻬﺎ ﺑﺘﻀﺤﻚ ﻟﻜﻦ ﻋﻠﻰ ﻣﻴﻦ ﺩﻱ ﺑﻨﺖ ﺃﺧﺘﻲ ﻭﺍﻧﺎ ﻋﺎﺭﻓﺎﻫﺎ ... ﻟﻜﻦ ﺇﻳﻪ ﺍﻟﻠﻲ ﺣﺼﻞ ﻳﺎ ﺍﺑﻨﻲ ﻭﺧﻼﻫﺎ ﺗﻌﻴﻂ ﻛﺪﻩ ?

- ﻣﺎﻣﺎ ﻟﻮ ﺳﻤﺤﺘﻲ ﻳﺎﺭﻳﺖ ﻣﺎﺣﺪﺵ ﻳﺪﺧﻞ ﻓﻌﻼﻗﺘﻲ ﺑﻨﻮﺭﻫﺎﻥ ... ﻭﺗﺴﻴﺐﻭﻧﺎ ﻧﺤﻞ ﻣﺸﺎﻛﻠﻨﺎ ﺑﻴﻨﺎ ﻭﺑﻴﻦ ﺑﻌﻀﺮ ... ﻭﺃﻧﺎ ﺇﺫﺍ ﻛﻨﺖ ﺯﻋﻠﺘﻬﺎ ﺑﻜﺮﺓ ﺍﻥ ﺷﺎﺀﺍﻟﻠﻪ ﺣﺎﺻﺎﻟﺤﻬﺎ ... ﻭﻳﺎﺭﻳﺖ ﻣﺎﺣﺪﺵ ﻳﺰﻋﻞ ﻣﻦ ﻛﻼﻣﻲ ﺩﻩ

ﺗﺪﺧﻠﺖ ﻟﺒﻨﻰ ﻗﺎﺋﻠﺔ :

- ﻋﻠﻲ ﻣﻌﺎﻩ ﺣﻖ ﻳﺎ ﻣﺎﻣﺎ ... ﺳﻴﺒﻴﻬﻢ ﻫﻤﺎ ﺣﺮﻳﻦ ﻣﻊ ﺑﻌﺾ

- ﺣﺎﺿﺮ ﺣﺎﻃﻠﻊ ﺃﻧﺎ ﻣﻨﻬﺎ ... ﺑﺲ ﻳﻌﻨﻲ ﻫﻤﺎ ﻟﺤﻘﻮﺍ ﻳﻜﻮﻥ ﻓﻴﻪ ﺑﻴﻨﻬﻢ ﻣﺸﺎﻛﻞ ... ﺩﻩ ﻟﺴﻪ ﺍﻟﻨﻬﺎﺭﺩﺓ ﻳﺎ ﺩﻭﺏ ﻛﺘﺐ ﻛﺘﺎﺑﻬﻢ ﺍﻣﺎﻝ ﻟﻤﺎ ﻳﺘﺠﻮﺯﻭﺍ ﺣﻴﻌﻤﻠﻮﺍ ﺇﻳﻪ

- ﻳﺎ ﻣﺎﻣﺎ ﺍﺣﻨﺎ ﻣﺎ ﺍﺗﺨﺎﻧﻘﻨﺎﺵ ﻭﻻ ﺣﺎﺟﺔ ... ﻛﻞ ﺍﻟﺤﻜﺎﻳﺔ ﺳﻮﺀ ﺗﻔﺎﻫﻢ ﻭﺍﻧﺎ ﺑﻜﺮﺓ ﺣﺎﺻﻠﺤﻪ ﺍﻥ ﺷﺎﺀﺍﻟﻠﻪ

- ﻣﺎﺷﻲ ﻳﺎ ﻋﻠﻲ ... ﺑﺲ ﺍﻧﺎ ﻋﺎﻳﺰﺍﻙ ﺩﺍﻳﻤﺎ ﺗﺒﻘﻰ ﻓﺎﻛﺮ ﺍﻟﻜﻼﻡ ﺍﻟﻠﻲ ﻗﻮﻟﺘﻬﻮﻟﻲ ﻗﺒﻞ ﻛﺘﺐ ﺍﻟﻜﺘﺎﺏ

- ﻣﺎﺗﺨﺎﻓﻴﺶ ﻳﺎ ﻣﺎﻣﺎ ﺍﻧﺎ ﻓﺎﻛﺮﻩ ﻛﻮﻳﺲ

ﺑﻌﺪ ﺻﻼﺓ ﺍﻟﺠﻤﻌﺔ ﺍﻟﺘﻒ ﺍﻟﺠﻤﻴﻊ ﺣﻮﻝ ﻣﺎﺋﺪﺓ ﺍﻟﻐﺪﺍﺀ ﻓﻲ ﻓﻴﻼ ﺻﻔﻮﺕ ﺑﺈﺳﺘﺜﻨﺎﺀ ﻋﻠﻲ ﻭﻧﻮﺭﺍ ﻓﺘﺴﺎﺀﻟﺖ ﺃﻟﻔﺖ ﻋﻦ ﺳﺮ ﻏﻴﺎﺑﻬﻢ ﻓﺎﺟﺎﺏ ﺻﻔﻮﺕ ﻗﺎﺋﻼ :

- ﺍﺻﻞ ﻋﻠﻲ ﺍﺳﺘﺌﺬﻥ ﻣﻨﻲ ﺇﻧﻪ ﻳﺎﺧﺪ ﻧﻮﺭﺍ ﻳﻌﺰﻣﻬﺎ ﻋﻠﻰ ﺍﻟﻐﺪﺍ ﺑﺮﻩ ﻭﺍﻧﺎ ﻭﺍﻓﻘﺖ

ﻣﺎﻝ ﺍﺣﻤﺪ ﻋﻠﻲ ﻟﺒﻨﻲ ﺍﻟﺠﺎﻟﺴﺔ ﺑﺠﻮﺍﺭﻩ ﻭﻗﺎﻝ ﺑﻬﻤﺲ :

- ﺩﻱ ﺍﺳﻤﻬﺎ ﺧﻴﺎﻧﺔ ﻋﻠﻲ ﻓﻜﺮﺓ ... ﻃﻴﺐ ﻛﺎﻥ ﻳﻘﻮﻟﻲ ﻋﻠﻰ ﻓﻜﺮﺓ ﺯﻱ ﺩﻱ ... ﺍﺧﻮﻛﻲ ﺑﻘﻰ ﺑﻴﺬﺍﻛﺮ ﻣﻦ ﻭﺭﺍﻳﺎ

ﻗﺎﻡ ﺍﺩﻫﻢ ﻣﻦ ﻣﻜﺎﻧﻪ ﻗﺎﺋﻼ : ﻋﻦ ﺇﺫﻧﻜﻮﺍ

ﺻﻔﻮﺕ : ﺭﺍﻳﺢ ﻓﻴﻦ ﻳﺎ ﺍﺩﻫﻢ ?

- ﺍﻟﺤﻤﺪﻟﻠﻪ ﻳﺎ ﺧﺎﻟﻲ ﺧﻼﺹ ﺷﺒﻌﺖ

- ﺷﺒﻌﺖ ﺇﻳﻪ ﻳﺎ ﺍﺑﻨﻲ ... ﻫﻮ ﺍﻧﺖ ﺍﺻﻼ ﻟﺴﻪ ﺍﻛﻠﺖ ... ﺩﻩ ﺍﺣﻨﺎ ﻟﺴﻪ ﺑﻨﺴﻤﻲ ﻳﺎ ﺍﺑﻨﻲ

- ﻣﻌﻠﺶ ﻳﺎ ﺧﺎﻟﻲ ﺍﻧﺎ ﺍﺻﻠﻲ ﻣﺎﻟﻴﺶ ﻧﻔﺲ ... ﻛﻠﻮﺍ ﺍﻧﺘﻮﺍ ﺑﺄﻟﻒ ﻫﻨﺎ ... ﺍﻧﺎ ﺧﺎﺭﺝ ﺍﺗﻤﺸﻲ ﺷﻮﻳﺔ ﻓﺎﻟﺠﻨﻴﻨﺔ ﻋﻦ ﺇﺫﻧﻜﻮﺍ

ﺧﺮﺝ ﺍﺩﻫﻢ ﻓﺎﻟﺘﻔﺖ ﺻﻔﻮﺕ ﺇﻟﻰ ﺃﻟﻔﺖ ﻗﺎﺋﻼ :

- ﺍﺑﻨﻚ ﻣﺎﻟﻪ ﻳﺎ ﺃﻟﻔﺖ ? ﺣﺎﻟﻪ ﻣﺶ ﻋﺎﺟﺒﻨﻲ ﺍﺑﺪﺍ ﺍﻟﻤﺮﺓﺩﻱ

- ﻭﺍﻟﻠﻪ ﻣﺎ ﺃﻧﺎ ﻋﺎﺭﻓﺔ ﻳﺎ ﺃﺧﻮﻳﺎ ... ﺑﻘﺎﻟﻪ ﻣﺪﺓ ﻣﺘﻐﻴﺮ ﻭﻣﺶ ﻋﻮﺍﻳﺪﻩ ﺧﺎﻟﺺ

- ﺟﻤﺎﻝ ﺑﺈﺳﺘﻨﻜﺎﺭ : ﺗﻼﻗﻴﻬﺎ ﺑﻨﺖ ﻣﻦ ﺍﻟﻠﻲ ﻳﻌﺮﻓﻬﻢ ﺗﻘﻼﻧﻪ ﻋﻠﻴﻪ ﺷﻮﻳﺔ ﻭﻻ ﺣﺎﺟﺔ

- ﺍﻟﻔﺖ : ﺍﺑﻨﻲ ﺭﺑﻨﺎ ﺗﺎﺏ ﻋﻠﻴﻪ ﺩﻟﻮﻗﺘﻲ ﻭﻗﻄﻌﻮ ﻋﻼﻗﺘﻪ ﺑﻜﻞ ﺍﻟﺒﻨﺎﺕ ﺍﻟﻠﻲ ﻛﺎﻥ ﻳﻌﺮﻓﻬﻢ ... ﻭﻋﻤﻮﻣﺎ ﺩﻩ ﺑﺮﺿﻪ ﺷﺎﺏ ... ﻭﺍﻟﺸﺒﺎﺏ ﻗﺒﻞ ﺍﻟﺠﻮﺍﺯ ﻳﺎﻣﺎ ﺑﻴﻌﻤﻠﻮﺍ

- ﺍﻣﻴﺮﺓ ﻭﻫﻲ ﺗﻨﻈﺮ ﺇﻟﻰ ﺟﻤﺎﻝ : ﺍﻟﻤﻬﻢ ﺇﻥ ﺭﺑﻨﺎ ﻳﻬﺪﻳﻬﻢ ﺑﻌﺪ ﺍﻟﺠﻮﺍﺯ

- ﺧﺎﻟﺪ : ﻭﻳﻜﻮﻥ ﺍﺣﺴﻦ ﻟﻮ ﺑﻘﻰ ﻗﺒﻞ ﻭﺑﻌﺪ ﻣﺶ ﻛﺪﻩ ﺑﺮﺿﻪ ﻭﻻ ﺇﻳﻪ ?

- ﺍﺣﻤﺪ ﻣﺆﻛﺪﺍ ﻋﻠﻰ ﻛﻼﻣﻪ : ﻣﻌﺎﻙ ﺣﻖ ﻳﺎ ﺧﺎﻟﺪ ... ﻭﺍﻟﻠﻪ ﺍﻧﺎ ﻛﻨﺖ ﺑﺎﻧﺼﺤﻪ ﻛﺘﻴﺮ ﺑﺲ ﻟﻼﺳﻒ ﻣﺎﻛﺎﻧﺶ ﺑﻴﺴﻤﻊ ﻛﻼﻣﻲ ... ﻟﻜﻦ ﻓﻌﻼ ﻛﻞ ﺷﺊ ﺑﺄﻭﺍﻧﻪ ﻭﺍﻧﺎ ﺳﻌﻴﺪ ﺍﻭﻱ ﺑﺎﻟﺘﻐﻴﻴﺮ ﺍﻟﻠﻲ ﺣﺼﻠﻪ ﺩﻩ

- ﺟﻤﺎﻝ : ﺭﺑﻨﺎ ﻳﻬﺪﻱ ﺍﻟﺠﻤﻴﻊ

- ﺃﻣﻴﺮﺓ : ﺁﻣﻴﻦ ﻳﺎ ﺭﺏ

ﻗﺮﺑﺖ ﻧﻮﺭﺍ ﺑﺎﻗﺔ ﺍﻟﻮﺭﺩ ﺍﻟﺘﻲ ﺃﻫﺪﺍﻫﺎ ﻋﻠﻲ ﺇﻳﺎﻫﺎ ﻣﻦ ﺃﻧﻔﻬﺎ ﻭﺍﺳﺘﻨﺸﻘﺖ ﻋﺒﻴﺮﻫﺎ ﻭﻫﻲ ﺗﺒﺘﺴﻢ ﻓﻲ ﺳﻌﺎﺩﺓ ... ﻓﺤﺪﺛﻬﺎ ﻋﻠﻲ ﻗﺎﺋﻼ ﺑﺈﺑﺘﺴﺎﻣﺔ :

- ﻋﺠﺒﻚ ﺍﻟﻮﺭﺩ ?

- ﺍﻭﻱ ﻳﺎ ﻋﻠﻲ ... ﺗﺴﻠﻢ ﺇﻳﺪﻙ

ﺍﺳﺘﻨﺪ ﺑﻤﺮﻓﻘﻴﻪ ﻋﻠﻰ ﺍﻟﻄﺎﻭﻟﺔ ﺃﻣﺎﻣﻪ ﻭﻗﺮﺏ ﻭﺟﻬﻪ ﻣﻨﻬﺎ ﻗﺎﺋﻼ :

- ﻳﻌﻨﻲ ﺧﻼﺹ ﻣﺶ ﺯﻋﻼﻧﺔ

ﻫﺰﺕ ﺭﺃﺳﻬﺎ ﻧﺎﻓﻴﺔ ﻗﺒﻞ ﺍﻥ ﺗﻘﻮﻝ :

- ﻷ ﺧﻼﺹ ﻣﺶ ﺯﻋﻼﻧﺔ ... ﺭﺑﻨﺎ ﻳﺨﻠﻴﻚ ﻟﻴﺎ ... ﻟﻜﻦ ﻗﻮﻟﻲ ﺑﻘﻰ ﻋﺮﻓﺖ ﻣﻨﻴﻦ ﺇﻧﻲ ﺑﺤﺐ ﺍﻟﻮﺭﺩ ? ﻟﺒﻨﻰ ﻫﻴﺎ ﺍﻟﻠﻲ ﻗﺎﻟﺘﻠﻚ ?

- ﻷ ﻟﺒﻨﻰ ﻣﺎﻗﺎﻟﺘﻠﻴﺶ ﺣﺎﺟﺔ ﻭﺍﻧﺎ ﺍﺻﻼ ﻣﺎﺳﺄﻟﺘﻬﺎﺵ

- ﻃﻴﺐ ﻋﺮﻓﺖ ﺍﺯﺍﻱ

- ﻋﺎﺩﻱ ﻳﻌﻨﻲ ... ﺗﻘﺮﻳﺒﺎ ﻛﻞ ﺍﻟﺒﻨﺎﺕ ﺑﺘﺤﺐ ﺍﻟﻮﺭﺩ

ﻭﺿﻌﺖ ﺍﻟﺒﺎﻗﺔ ﺃﻣﺎﻣﻬﺎ ﻋﻠﻰ ﺍﻟﻄﺎﻭﻟﺔ ﻭﻇﻬﺮ ﺍﻟﻀﻴﻖ ﺟﻠﻴﺎ ﻋﻠﻰ ﻣﻼﻣﺢ ﻭﺟﻬﻬﺎ ﻗﺒﻞ ﺍﻥ ﺗﻘﻮﻝ :

- ﺁﻩ ... ﻳﻌﻨﻲ ﺍﻧﺖ ﺟﺒﺘﻪ ﻋﺸﺎﻥ ﻛﻞ ﺍﻟﺒﻨﺎﺕ ﺑﺘﺤﺐ ﺍﻟﻮﺭﺩ ﻓﺎﻛﻴﺪ ﺣﺎﺑﻘﻰ ﺑﺤﺒﻪ ﺃﻧﺎ ﻛﻤﺎﻥ ﺯﻳﻲ ﺯﻱ ﻛﻞ ﺍﻟﺒﻨﺎﺕ

- ﺍﻧﺘﻲ ﺯﻋﻠﺘﻲ ﻭﻻ ﺇﻳﻪ ? ﻫﻮ ﺍﻧﺎ ﻗﻠﺖ ﺣﺎﺟﺔ ﻏﻠﻂ ?

- ﻣﺶ ﺑﺎﻟﻈﺒﻂ ... ﺑﺲ ﻛﺎﻥ ﺣﻴﺒﻘﻰ ﺍﺟﻤﻞ ﻟﻮ ﻛﻨﺖ ﺟﺎﻳﺒﻪ ﻋﺸﺎﻥ ﺍﻧﺎ ﺑﺤﺒﻪ ﻷﻥ ﺩﻩ ﻣﻌﻨﺎﻩ ﺍﻧﻚ ﺳﺄﻟﺖ ﻭﺍﻫﺘﻤﻴﺖ ﺗﻌﺮﻑ ﺃﻧﺎ ﺑﺤﺐ ﺇﻳﻪ

- ﻧﻮﺭﻫﺎﻥ ﺃﻧﺎ ﻣﺶ ﺟﺎﻳﺒﻚ ﻫﻨﺎ ﻋﺸﺎﻥ ﻧﻜﻤﻞ ﺧﻨﺎﻕ

- ﻭﺇﻳﻪ ﺣﻜﺎﻳﺔ ﻧﻮﺭﻫﺎﻥ ﺩﻱ ﻛﻤﺎﻥ ?

- ﻳﻌﻨﻲ ﺇﻳﻪ ﻣﺶ ﻓﺎﻫﻢ ?

- ﻳﻌﻨﻲ ﺍﻓﺘﻜﺮ ﺍﻥ ﺃﻧﺎ ﻗﺒﻞ ﻛﺪﻩ ﻗﻠﺘﻠﻚ ﺇﻧﻲ ﺑﺤﺐ ﺇﺳﻢ ﻧﻮﺭﺍ ﺍﻛﺘﺮ ﻋﺸﺎﻥ ﻣﺎﻣﺎ ﺍﻟﻠﻪ ﻳﺮﺣﻤﻬﺎ ﻫﻴﺎ ﺍﻟﻠﻲ ﻛﺎﻧﺖ ﺑﺘﻨﺎﺩﻳﻨﻲ ﺑﻴﻪ ... ﺗﻌﺮﻑ ﺍﻥ ﺍﻧﺖ ﺍﻟﻮﺣﻴﺪ ﺍﻟﻠﻲ ﺑﺘﻘﻮﻟﻲ ﻧﻮﺭﻫﺎﻥ ... ﻋﺎﺭﻑ ﻳﺎ ﻋﻠﻲ ﺍﻟﺮﺍﺟﻞ ﻋﺎﻣﻞ ﺍﻟﻨﻀﺎﻓﺔ ﺍﻟﻠﻲ ﺑﻴﻨﻀﻒ ﺍﻟﺸﺎﺭﻉ ﺍﻟﻠﻲ ﺑﻌﺪﻱ ﻋﻠﻴﻪ ﻛﻞ ﻳﻮﻡ ﻭﺃﻧﺎ ﺭﺍﻳﺤﺔ ﺍﻟﻜﻠﻴﺔ ﻟﻤﺎ ﺑﻴﺸﻮﻓﻨﻲ ﺍﻟﺼﺒﺢ ﺑﻴﻘﻮﻟﻲ ﺻﺒﺎﺡ ﺍﻟﺨﻴﺮ ﻳﺎ ﻧﻮﺭﺍ ﻳﺎ ﺑﻨﺘﻲ

- ﻳﺎ ﺳﻼﺍﺍﺍﺍﺍﻡ ... ﻭﻫﻮ ﺍﻟﺮﺍﺟﻞ ﺩﻩ ﻛﻤﺎﻥ ﻋﺎﺭﻑ ﺍﺳﻤﻚ ﻭﻛﻤﺎﻥ ﺑﻴﻘﻮﻟﻚ ﻳﺎ ﻧﻮﺭﺍ ... ﻭﺑﻌﺪﻳﻦ ﻋﺎﺩﻱ ﻳﻌﻨﻲ ﻫﻮ ﻣﺶ ﺩﻩ ﺍﺳﻤﻚ ﺑﺮﺿﻪ ﻭﻻﺍﻧﺘﻲ ﺑﺘﺪﻭﺭﻱ ﻋﻠﻰ ﺣﺎﺟﺔ ﻧﺘﺨﺎﻧﻖ ﻋﺸﺎﻧﻬﺎ

- ﺃﻧﺎ ﻓﻌﻼ ﺑﺪﻭﺭ ﻋﻠﻰ ﺣﺎﺟﺔ ﻳﺎ ﻋﻠﻲ ﻭﻟﻸﺳﻒ ﻣﺶ ﻻﻗﻴﺎﻫﺎ ... ﻣﺶ ﻻﻗﻴﺔ ﺍﻟﺤﺐ ﻭﺍﻹﻫﺘﻤﺎﻡ ﻭﻛﺎﻥ ﻧﻔﺴﻲ ﺍﻵﻗﻴﻬﻢ ﻋﻨﺪﻙ ﺍﻧﺖ ... ﺍﺗﺠﻮﺯﺗﻨﻲ ﻟﻴﻪ ﻳﺎ ﻋﻠﻲ ﻣﺪﺍﻡ ﺷﺎﻳﻒ ﺇﻧﻲ ﻧﻜﺪﻳﺔ ﺍﻭﻱ ﻛﺪﻩ ﻭﺑﺪﻭﺭ ﻋﻠﻰ ﺃﻱ ﺣﺎﺟﺔ ﺍﺗﺨﺎﻧﻖ ﻋﺸﺎﻧﻬﺎ ?

- ﺗﺼﺪﻗﻲ ﺍﻧﻚ ﻓﻌﻼ ﺇﻧﺴﺎﻧﺔ ﻻ ﺗﻄﺎﻗﻲ ... ﺑﻘﻰ ﺍﻧﺎ ﻋﺎﺯﻣﻚ ﺑﺮﻩ ﻭﺟﺎﻳﺒﻠﻚ ﻭﺭﺩ ﻋﺸﺎﻥ ﺍﺻﺎﻟﺤﻚ ﺑﻌﺪ ﺍﻟﻤﻮﻗﻒ ﺍﻟﻠﻲ ﺣﺼﻞ ﺍﻣﺒﺎﺭﺡ ﻭﺍﻧﺘﻲ ﺑﺘﺘﺨﺎﻧﻘﻲ ﻣﻌﺎﻳﺎ ﻋﺸﺎﻥ ﺣﺎﺟﺔ ﻫﺎﻳﻔﺔ ﺯﻱ ﺩﻱ ... ﺍﻟﻈﺎﻫﺮ ﺍﻥ ﻣﺎﻓﻴﺶ ﻓﺎﻳﺪﺓ ﻓﻴﻜﻲ

- ﻣﻤﻜﻦ ﺗﺠﺎﻭﺏ ﻋﻠﻰ ﺳﺆﺍﻟﻲ ... ﺃﻧﺎ ﻋﺎﻳﺰﺓ ﺍﻋﺮﻑ ﺍﻧﺖ ﺍﺗﺠﻮﺯﺗﻨﻲ ﻟﻴﻪ ... ﻣﻦ ﺍﻟﻮﺍﺿﺢ ﺍﻭﻱ ﺍﻧﻚ ﻣﺶ ﺑﺘﺤﺒﻨﻲ ﻭﺃﻧﺎ ﻣﺶ ﺣﺎﺿﺤﻚ ﻋﻠﻰ ﻧﻔﺴﻲ ﺍﻛﺘﺮ ﻣﻦ ﻛﺪﻩ ... ﺃﻧﺎ ﻋﺎﻳﺰﺓ ﺍﻋﺮﻑ ﺇﺫﺍ ﻛﺎﻧﺖ ﺧﺎﻟﺘﻮ ﺳﻤﻴﺔ ﻫﻴﺎ ﺍﻟﻠﻲ ﺿﻐﻄﺖ ﻋﻠﻴﻚ ﻋﺸﺎﻥ ﺗﺘﺠﻮﺯﻧﻲ ﻭﻻ ﺍﻧﺖ ﺍﻟﻠﻲ ﻛﻨﺖ ﻋﺎﻳﺰ ﺗﻨﻔﺬ ﻭﺻﻴﺔ ﻣﺎﻣﺎ ﺍﻟﻠﻪ ﻳﺮﺣﻤﻬﺎ

- ﻻ ﺩﻩ ﻭﻻ ﺩﻩ ... ﻋﺎﻳﺰﺓ ﺗﻌﺮﻓﻲ ﺃﻧﺎ ﺍﺗﺠﻮﺯﺗﻚ ﻟﻴﻪ ... ﺣﺎﺿﺮ ﺍﻧﺎ ﺣﺎﻗﻮﻟﻚ ﺍﺗﺠﻮﺯﺗﻚ ﻟﻴﻪ .........

ﻳﺘﺒﻊ

↚

ﺍﻧﺘﻈﺮﺕ ﺍﻥ ﺗﺴﻤﻊ ﻣﻨﻪ ﺟﻮﺍﺑﺎ ﻟﺴﺆﺍﻟﻬﺎ ﻭﻟﻜﻦ ﺻﻤﺘﻪ ﻃﺎﻝ ﺩﻭﻥ ﺳﺒﺐ ﻇﺎﻫﺮ ﻭﻫﻮ ﻳﺴﺘﻐﻔﺮ ﺍﻟﻠﻪ ﻓﻲ ﺳﺮﻩ ﻣﺮﺍﺕ ﻭﻣﺮﺍﺕ ﺇﻻ ﺃﻥ ﺍﺳﺘﻄﺎﻉ ﺍﻥ ﻳﺠﻴﺐ ﻗﺎﺋﻼ :

- ﺍﺗﺠﻮﺯﺗﻚ ﻋﺸﺎﻥ ﻣﺎﻛﻨﺘﺶ ﺍﻋﺮﻑ ﺍﻧﻚ ﻧﻜﺪﻳﺔ ﺍﻭﻱ ﻛﺪﻩ ﻭﺍﻧﻚ ﺑﺘﺪﻭﺭﻱ ﻋﻠﻰ ﺃﻱ ﺣﺎﺟﺔ ﻋﺸﺎﻥ ﻧﺘﺨﺎﻧﻖ ﺑﺴﺒﺒﻬﺎ ﻭﻛﻞ ﻣﺎ ﺍﺻﺎﻟﺤﻚ ﻣﻦ ﺣﺎﺟﺔ ﺗﺰﻋﻠﻲ ﻣﻦ ﺣﺎﺟﺔ ﺗﺎﻧﻴﺔ ... ﻋﺮﻓﺘﻲ ﺑﻘﻰ ﺍﺗﺠﻮﺯﺗﻚ ﻟﻴﻪ ?

- ﻫﻮ ﺩﻩ ﺭﺃﻳﻚ ﻓﻴﺎ ﻳﺎ ﻋﻠﻲ ? ﻋﻤﻮﻣﺎ ﺃﻧﺎ ﻣﺘﺸﻜﺮﺓ ﺍﻭﻱ ﺍﻧﻚ ﺻﺎﺭﺣﺘﻨﻲ ﺑﺤﻘﻴﻘﺘﻲ ... ﺑﺲ ﻟﻮ ﺷﺎﻳﻒ ﻧﻔﺴﻚ ﺍﺗﺴﺮﻋﺖ ﺍﺣﻨﺎ ﻟﺴﻪ ﻓﻴﻬﺎ

- ﺗﻘﺼﺪﻱ ﺇﻳﻪ ?

- ﺍﻧﺖ ﻓﺎﻫﻢ ﻗﺼﺪﻱ ﻛﻮﻳﺲ ﻳﺎ ﺑﺎﺷﻤﻬﻨﺪﺱ

- ﻃﻴﺐ ﺑﻄﻠﻲ ﻫﺒﻞ ﻭﻛﻼﻡ ﻓﺎﺭﻍ ... ﻭﺷﻮﻓﻲ ﻳﻼ ﺣﺘﺎﻛﻠﻲ ﺇﻳﻪ ﻋﺸﺎﻥ ﻧﺘﻐﺪﻯ ﻭﻧﻤﺸﻲ

ﺍﺭﺗﺴﻤﺖ ﻋﻠﻰ ﺟﺎﻧﺐ ﻓﻤﻬﺎ ﺇﺑﺘﺴﺎﻣﺔ ﺳﺎﺧﺮﺓ ﻗﺒﻞ ﺍﻥ ﺗﺠﻴﺒﻪ ﻗﺎﺋﻠﺔ :

- ﺗﻔﺘﻜﺮ ﻣﻴﻦ ﻟﻴﻪ ﻧﻔﺲ ﻳﺎﻛﻞ ﺑﻌﺪ ﻛﻞ ﺩﻩ

- ﻃﻴﺐ ﻳﻼ ﻗﻮﻣﻲ ﻋﺸﺎﻥ ﺍﺭﻭﺣﻚ ﻭﺍﻋﻤﻠﻲ ﺣﺴﺎﺑﻚ ﺍﻧﻚ ﻣﺶ ﺣﺘﺸﻮﻓﻴﻨﻲ ﺍﻟﻔﺘﺮﺓ ﺍﻟﻠﻲ ﺟﺎﻳﺔ ﻹﻧﻚ ﻋﻨﺪﻙ ﺇﻣﺘﺤﺎﻧﺎﺕ ﻭﺍﻧﺎ ﺧﻼﺹ ﺧﻠﺼﺖ ﺍﻟﺸﻐﻞ ﺍﻟﻠﻲ ﻛﻨﺖ ﺑﺮﻭﺡ ﺍﻟﺒﻴﺖ ﻋﻨﺪﻛﻮﺍ ﻋﻠﺸﺎﻧﻪ ﻭﺍﻟﺸﺤﻨﺔ ﺧﻼﺹ ﻣﺴﺎﻓﺮﺓ ﺇﻳﻄﺎﻟﻴﺎ ﺍﻷﺳﺒﻮﻉ ﺍﻟﺠﺎﻱ ﺍﻥ ﺷﺎﺀﺍﻟﻠﻪ

- ﺃﺟﺎﺑﺖ ﺑﺘﻬﻜﻢ :

- ﻣﻌﺎﻙ ﺣﻖ ... ﺑﻤﺎ ﺇﻥ ﺍﻟﺸﻐﻞ ﺧﻠﺺ ﻳﺒﻘﻰ ﻣﺎﻓﻴﺶ ﺳﺒﺐ ﻳﺴﺘﺪﻋﻲ ﺍﻧﻚ ﺗﻴﺠﻲ ... ﻳﻌﻨﻲ ﺣﺘﻴﺠﻲ ﻋﺸﺎﻧﻲ ﻣﺜﻼ ... ﻋﻤﻮﻣﺎ ﻣﺶ ﺣﺘﻔﺮﻕ ﺑﺮﺍﺣﺘﻚ ﻳﺎ ﻋﻠﻲ

- ﺍﺟﺎﺑﻬﺎ ﻗﺎﺋﻼ ﺑﺤﺪﺓ : ﻫﻮ ﺍﻧﺘﻲ ﻟﻴﻪ ﻋﺎﻳﺰﺓ ﺗﺤﺴﺴﻴﻨﻲ ﺍﻥ ﻛﻞ ﺣﺎﺟﺔ ﺑﻘﻮﻟﻬﺎ ﻏﻠﻂ ?

- ﻋﺎﺭﻑ ﻳﺎ ﻋﻠﻲ ... ﺍﻷﺻﻌﺐ ﻋﻨﺪﻱ ﻣﻦ ﺍﻧﻚ ﺗﺠﺮﺣﻨﻲ ﺍﻧﻚ ﻣﺎﺗﺤﺴﺶ ﺍﻧﻚ ﺟﺮﺣﺘﻨﻲ ﻓﻌﻼ ... ﻳﺎﺭﻳﺖ ﺗﻘﻌﺪ ﻣﻊ ﻧﻔﺴﻚ ﻭﺗﺮﺍﺟﻊ ﻛﻞ ﺍﻟﻠﻲ ﺣﺼﻞ ﺑﻴﻨﺎ ﻭﺗﺸﻮﻑ ﺃﻧﺎ ﻏﻠﻄﺖ ﻓﺈﻳﻪ ﻭﺍﻧﺖ ﻏﻠﻄﺖ ﻓﺈﻳﻪ ... ﻟﻜﻦ ﺍﻟﺤﺎﺟﺔ ﺍﻟﻠﻲ ﻋﺎﻳﺰﺍﻙ ﺗﻜﻮﻥ ﻣﺘﺄﻛﺪ ﻣﻨﻬﺎ ﺩﺍﻳﻤﺎ ﺃﻥ ﺃﻧﺎ ﻟﻸﺳﻒ .................. ﺑﺤﺒﻚ

ﺑﻌﺪ ﺍﻥ ﻗﺎﻟﺖ ﻛﻠﻤﺘﻬﺎ ﺍﻻﺧﻴﺮﺓﺍ ﺟﺮﺕ ﻣﺴﺮﻋﺔ ﺇﻟﻰ ﺧﺎﺭﺝ ﺍﻟﻤﻄﻌﻢ ﻭﺗﺮﻛﺘﻪ ﻭﺣﻴﺪﺍ ... ﺗﻠﻚ ﺍﻟﻜﻠﻤﺔ ﺍﻟﺘﻲ ﺯﺍﺩﺕ ﻣﻦ ﺷﻌﻮﺭﻩ ﺑﺘﺄﻧﻴﺐ ﺍﻟﻀﻤﻴﺮ ﺍﻟﺬﻱ ﺻﺎﺭ ﻳﻼﺣﻘﻪ ﻛﺜﻴﺮﺍ ﻫﺬﻩ ﺍﻷﻳﺎﻡ ﺑﺴﺒﺒﻬﺎ ... ﻇﻞ ﻳﻔﻜﺮ ﺑﻴﻨﻪ ﻭﺑﻴﻦ ﻧﻔﺴﻪ ﻟﻤﺎﺫﺍ ﻻ ﻳﺴﺘﻄﻴﻊ ﺃﻥ ﻳﺒﺎﺩﻟﻬﺎ ﻣﺸﺎﻋﺮﻫﺎ ? ﻣﺎﺫﻧﺒﻬﺎ ﺇﻥ ﻛﺎﻥ ﻫﻮ ﻟﻢ ﻳﺴﺘﻄﻊ ﺃﻥ ﻳﻘﻮﻝ ﻟﻌﻤﻪ ﻻ ... ﻋﻨﺪﻣﺎ ﺧﺮﺝ ﻣﻦ ﺍﻟﻤﻄﻌﻢ ﻭﺟﺪﻫﺎ ﺗﻘﻒ ﺇﻟﻰ ﺟﻮﺍﺭ ﺳﻴﺎﺭﺗﻪ ﻓﺘﺢ ﻟﻬﺎ ﺍﻟﺒﺎﺏ ﻟﺘﺮﻛﺐ ﺇﻟﻰ ﺟﻮﺍﺭﻩ ﻓﻲ ﺍﻷﻣﺎﻡ ... ﻧﻈﺮ ﺇﻟﻰ ﻋﻴﻨﻴﻬﺎ ﺍﻟﻤﻨﺘﻔﺨﺘﻴﻦ ﻣﻦ ﺃﺛﺮ ﺍﻟﺒﻜﺎﺀ ﻭﺍﺷﻔﻖ ﻋﻠﻴﻬﺎ ﻛﺜﻴﺮﺍ ﺧﺎﺻﺔ ﺑﻌﺪ ﺗﻠﻚ ﺍﻟﻜﻠﻤﺔ ﺍﻟﺘﻲ ﻗﺎﻟﺘﻬﺎ ﺑﻌﺪ ﻛﻞ ﻣﺎ ﺣﺪﺙ ﺑﻴﻨﻬﻤﺎ ... ﺍﻗﺘﺮﺏ ﻣﻦ ﻣﻘﻌﺪﻫﺎ ﺛﻢ ﺿﻤﻬﺎ ﺇﻟﻴﻪ ﻓﻮﺿﻌﺖ ﻧﻮﺭﺍ ﺭﺃﺳﻬﺎ ﻋﻠﻰ ﺻﺪﺭﻩ ﻭﺃﺟﻬﺸﺖ ﻓﻲ ﺍﻟﺒﻜﺎﺀ ﻭﻫﻮ ﻳﻄﻮﻗﻬﺎ ﺑﺬﺭﺍﻋﻪ ... ﺑﻌﺪ ﻓﺘﺮﺓ ﻟﻴﺴﺖ ﺑﺎﻟﻘﻠﻴﻠﺔ ﺭﻓﻌﺖ ﺭﺃﺳﻬﺎ ﻓﺎﻣﺘﺪﺕ ﺃﻧﺎﻣﻠﻪ ﻟﺘﻤﺴﺢ ﺩﻣﻮﻋﻬﺎ ﻭﻫﻮ ﻳﻘﻮﻝ ﺑﺤﻨﻮ :

- ﺃﻧﺎ ﺃﺳﻒ ... ﺃﺳﻒ ﺍﻭﻱ ... ﺻﺪﻗﻴﻨﻲ ﺃﻧﺎ ﻣﺶ ﺑﻴﻜﻮﻥ ﻗﺼﺪﻱ ﺍﺑﺪﺍ ﺇﻧﻲ ﺃﺟﺮﺣﻚ ﺃﻭ ﺍﺯﻋﻠﻚ ... ﺃﻧﺎ ﺍﺻﻼ ﻣﺶ ﻋﺎﺭﻑ ﻣﺎﻟﻲ ... ﺃﻧﺎ ﻋﻤﺮﻱ ﻣﺎ ﺍﺗﻌﺎﻣﻠﺖ ﻣﻊ ﺣﺪ ﺑﺎﻷﺳﻠﻮﺏ ﺩﻩ ﻭﺍﻟﻤﻔﺮﻭﺽ ﺇﻥ ﺍﻧﺘﻲ ﻣﺶ ﺃﻱ ﺣﺪ .

ﺩﻓﻌﺖ ﻳﺪﻩ ﺑﺮﻓﻖ ﻟﺘﺒﻌﺪﻫﺎ ﻋﻨﻬﺎ ﺛﻢ ﺍﻋﺘﺪﻟﺖ ﻓﻲ ﺟﻠﺴﺘﻬﺎ ﻭﻗﺎﻟﺖ ﺑﺠﺪﻳﺔ : ﻣﺎﻓﻴﺶ ﺩﺍﻋﻲ ﻟﻜﻞ ﺍﻟﻠﻲ ﺑﺘﻌﻤﻠﻪ ﺩﻩ ... ﺃﻧﺎ ﻋﺎﺭﻓﺔ ﺍﻧﻚ ﺑﺘﻮﺍﺳﻴﻨﻲ ﻋﺸﺎﻥ ﺻﻌﺒﺖ ﻋﻠﻴﻚ ﻣﺶ ﺍﻛﺘﺮ ﻣﻦ ﻛﺪﻩ ... ﻭﻣﺎﻓﻴﺶ ﺩﺍﻋﻲ ﺍﻧﻚ ﺗﺘﺄﺳﻒ ﻋﻠﻰ ﺣﺎﺟﺎﺕ ﻟﻮ ﻛﻨﺖ ﺑﺘﺤﺒﻨﻲ ﻣﺎﻛﻨﺘﺶ ﺣﺘﻌﻤﻠﻬﺎ ﺍﺻﻼ ... ﻣﻦ ﻓﻀﻠﻚ ﺑﻘﻰ ﺭﻭﺣﻨﻲ ... ﺃﻧﺎ ﺗﻌﺒﺎﻧﺔ ﻭﻋﺎﻳﺰﺓ ﺍﺭﺗﺎﺡ

- ﺃﺟﺎﺑﻬﺎ ﻗﺎﺋﻼ ﺑﺈﺳﺘﺴﻼﻡ : ﺣﺎﺿﺮ ... ﺣﺎﺿﺮ ﻳﺎ ﺑﻨﺖ ﻋﻤﻲ

ﺃﺣﻴﺎﻧﺎ ﻧﻮﺩ ﻟﻮ ﺃﻧﻨﺎ ﻧﺴﺘﻄﻴﻊ ﺇﻧﺘﺰﺍﻉ ﻗﻠﻮﺑﻨﺎ ﻟﻨﻀﻊ ﺑﺪﻻ ﻣﻨﻬﺎ ﺻﺨﻮﺭﺍ ﺻﻤﺎﺀ ﻓﻼ ﻧﺸﻌﺮ ﺃﻭ ﻧﺘﺄﻟﻢ ... ﺭﺑﻤﺎ ﻛﺎﻥ ﻫﺬﺍ ﻣﺎ ﺗﻮﺩ ﻧﻮﺭﺍ ﻓﻌﻠﻪ ﺣﻴﻨﻬﺎ

*******************************

ﻭﺻﻠﺖ ﺍﻟﺴﻴﺎﺭﺓ ﺇﻟﻰ ﺣﺪﻳﻘﺔ ﺍﻟﻔﻴﻼ ﻓﻨﺰﻟﺖ ﻣﻨﻬﺎ ﻧﻮﺭﺍ ﻣﺴﺮﻋﺔ ﻟﺘﺼﻄﺪﻡ ﺑﺄﺩﻫﻢ ﺍﻟﺬﻱ ﻛﺎﻥ ﻳﺘﻤﺸﻰ ﺩﺍﺧﻞ ﺍﻟﺤﺪﻳﻘﺔ ... ﻻﺣﻆ ﺍﺩﻫﻢ ﺣﺎﻟﺔ ﺍﻟﺤﺰﻥ ﺍﻟﺘﻲ ﺗﺒﺪﻭ ﻋﻠﻴﻬﺎ ﻓﺸﻌﺮ ﺑﺎﻷﺳﻰ ﻣﻦ ﺃﺟﻠﻬﺎ ﻓﺴﺄﻟﻬﺎ ﻗﺎﺋﻼ :

- ﻣﺎﻟﻚ ﻳﺎ ﻧﻮﺭﺍ ? ﺍﻧﺘﻲ ﻛﻨﺘﻲ ﺑﺘﻌﻴﻄﻲ ?

ﺃﺟﺎﺑﺘﻪ ﻭﻫﻲ ﺗﺘﺠﻪ ﻧﺤﻮ ﺍﻟﺪﺍﺧﻞ :

- ﻣﺎﻓﻴﺶ ﺣﺎﺟﺔ ﻳﺎ ﺍﺩﻫﻢ ... ﻋﻦ ﺇﺫﻧﻚ

ﻛﺎﻥ ﻋﻠﻲ ﻗﺪ ﻭﺻﻞ ﺇﻟﻰ ﺣﻴﺚ ﻳﻘﻒ ﺍﺩﻫﻢ ﻓﺴﺄﻟﻪ ﻗﺎﺋﻼ ﺑﻘﻠﻖ :

- ﻓﻴﻪ ﺇﻳﻪ ﻳﺎ ﻋﻠﻲ ? ﺍﻧﺖ ﻣﺰﻋﻞ ﻧﻮﺭﺍ ﻟﻴﻪ ? ﺍﻧﺘﻮﺍ ﻟﺤﻘﺘﻮﺍ ﻳﺎ ﺍﺑﻨﻲ ?

- ﻣﺎﻓﻴﺶ ﺣﺎﺟﺔ ﻳﺎ ﺍﺩﻫﻢ ... ﻣﻴﻦ ﻗﺎﻟﻚ ﺍﻧﻬﺎ ﺯﻋﻼﻧﺔ ﺑﺲ ?

- ﺍﻧﺖ ﻣﺶ ﺷﺎﻳﻒ ﻋﻴﻨﻴﻬﺎ ﻋﺎﻣﻠﺔ ﺍﺯﺍﻱ ? ﺩﻱ ﻭﺍﺿﺢ ﺍﻧﻬﺎ ﺷﺒﻌﺖ ﻋﻴﺎﻁ ... ﺍﻧﺖ ﻛﻨﺖ ﺧﺎﺭﺝ ﺗﻔﺴﺤﻬﺎ ﻭﻻ ﺗﺰﻋﻠﻬﺎ ﺑﺎﻟﺸﻜﻞ ﺩﻩ ?

- ﻟﻮ ﺳﻤﺤﺖ ﻳﺎ ﺍﺩﻫﻢ ﺃﻧﺎ ﻣﺎﺑﺤﺒﺶ ﺣﺪ ﻳﺘﺪﺧﻞ ﺑﻴﻨﻲ ﻭﺑﻴﻦ ﻣﺮﺍﺗﻲ

- ﺍﺩﻫﻢ ﺑﺈﻧﻔﻌﺎﻝ : ﻣﺎﺗﻨﺴﺎﺵ ﺍﻥ ﻣﺮﺍﺗﻚ ﺩﻱ ﺗﺒﻘﻰ ﺑﻨﺖ ﺧﺎﻟﻲ ﻣﻦ ﻗﺒﻞ ﻣﺎﺗﻜﻮﻥ ﻣﺮﺍﺗﻚ ... ﻭﺃﻧﺎ ﻣﺶ ﺣﺎﺳﻤﺤﻠﻚ ﺗﺄﺫﻳﻬﺎ ﺑﺎﻟﺸﻜﻞ ﺩﻩ

ﻧﻈﺮ ﺇﻟﻴﻪ ﻋﻠﻲ ﺑﺸﻚ ﺛﻢ ﺳﺄﻟﻪ ﻗﺎﺋﻼ :

- ﻫﻮ ﻓﻴﻪ ﺇﻳﻪ ﺑﺎﻟﻈﺒﻂ ﻳﺎ ﺍﺩﻫﻢ ?

- ﻓﻴﻪ ﺍﻧﻚ ﻣﺶ ﻋﺎﺭﻑ ﻗﻴﻤﺔ ﺍﻟﻬﺪﻳﺔ ﺍﻟﻠﻲ ﺭﺑﻨﺎ ﺑﻌﺘﻬﺎﻟﻚ ﻭﺍﻟﻠﻲ ﻛﺘﻴﺮ ﻏﻴﺮﻙ ﻳﺘﻤﻨﻮﻫﺎ

ﻋﻘﺪ ﻋﻠﻲ ﺫﺭﺍﻋﻴﻪ ﺍﻣﺎﻡ ﺻﺪﺭﻩ ﻭﻗﺎﻝ ﺑﺮﻳﺒﺔ :

- ﺯﻱ ﻣﻴﻦ ﻛﺪﻩ ﻳﺎ ﺍﺩﻫﻢ ?

ﺷﻌﺮ ﺑﺎﻹﺭﺗﺒﺎﻙ ﻟﺴﺆﺍﻝ ﻋﻠﻲ ﻓﺎﺷﺎﺡ ﺑﻮﺟﻬﻪ ﺑﻌﻴﺪﺍ ﺣﺘﻲ ﻻ ﻳﻼﺣﻆ ﺫﻟﻚ ﻋﻠﻲ ... ﻓﻬﻮ ﻳﻌﻠﻢ ﻏﻴﺮﺗﻪ ﺍﻟﺸﺪﻳﺪﺓ ﺛﻢ ﺃﺟﺎﺑﻪ ﻗﺎﺋﻼ :

- ﺃﻧﺎ ﻣﺎﻗﺼﺪﺵ ﺣﺪ ﻣﻌﻴﻦ ﺃﻧﺎ ﺑﺘﻜﻠﻢ ﺑﺼﻔﺔ ﻋﺎﻣﺔ ... ﻧﻮﺭﺍ ﺗﺴﺘﺎﻫﻞ ﻛﻞ ﺧﻴﺮ ﻭﺍﻛﻴﺪ ﻛﺎﻥ ﻓﻴﻪ ﻏﻴﺮﻙ ﻛﺘﻴﺮ ﻳﺘﻤﻨﻰ ﻳﻜﻮﻥ ﻣﻜﺎﻧﻚ

- ﻣﺘﺸﻜﺮ ﺍﻭﻱ ﻋﻠﻰ ﺍﻟﻨﺼﻴﺤﺔ ... ﺑﺲ ﺍﻋﺘﻘﺪ ﺍﻧﻚ ﻣﺤﺘﺎﺝ ﺗﻨﺼﺢ ﻧﻔﺴﻚ ﺍﻷﻭﻝ ﻗﺒﻞ ﻣﺎ ﺗﻨﺼﺤﻨﻲ

- ﻟﻴﻚ ﺣﻖ ﺗﻘﻮﻝ ﻛﺪﻩ ... ﺑﺲ ﺃﻧﺎ ﺣﺎﺛﺒﺘﻠﻜﻮﺍ ﻛﻠﻜﻮﺍ ﺇﻧﻲ ﺑﻘﻴﺖ ﺍﺩﻫﻢ ﺗﺎﻧﻲ ﻏﻴﺮ ﺍﻟﻠﻲ ﺗﻌﺮﻓﻮﻩ

- ﻭﻟﺤﺪ ﻣﺎ ﺗﺜﺒﺖ ﺩﻩ ﻳﺎﺭﻳﺖ ﺗﺨﻠﻴﻚ ﻓﺤﺎﻟﻚ

***************************************

ﻧﻮﺭﺍ : ﻋﺸﺎﻥ ﺧﺎﻃﺮﻱ ﻳﺎ ﺧﺎﻟﺘﻮ ﺭﻳﺤﻴﻨﻲ ﻭﻗﻮﻟﻴﻠﻲ ﺍﻟﺤﻘﻴﻘﺔ

- ﻳﺎ ﺑﻨﺘﻲ ﺣﻘﻴﻘﺔ ﺇﻳﻪ ﺑﺲ ﺍﻟﻠﻲ ﻋﺎﻳﺰﺓ ﺗﻌﺮﻓﻴﻬﺎ ?

- ﻋﺎﻳﺰﺍﻛﻲ ﺗﺤﻠﻔﻴﻠﻲ ﺍﻧﻚ ﻣﺎﺿﻐﻄﻴﺶ ﻋﻠﻰ ﻋﻠﻲ ﻋﺸﺎﻥ ﻳﺘﺠﻮﺯﻧﻲ ﻋﺸﺎﻥ ﻛﻨﺘﻲ ﻋﺎﺭﻓﺔ ﺇﻧﻲ ﺑﺤﺒﻪ ﻭﻋﺸﺎﻥ ﺗﻨﻔﺬﻱ ﻭﺻﻴﺔ ﻣﺎﻣﺎ ﺍﻟﻠﻪ ﻳﺮﺣﻤﻬﺎ

- ﻛﺪﻩ ﺑﺮﺿﻪ ﻳﺎ ﻧﻮﺭﺍ ﻋﺎﻳﺰﺓ ﺗﺤﻠﻔﻴﻨﻲ

- ﻃﻴﺐ ﻋﺸﺎﻥ ﺧﺎﻃﺮﻱ ﺭﻳﺤﻴﻨﻲ ﻭﺟﺎﻭﺑﻴﻨﻲ

- ﻻ ﺣﻮﻝ ﻭﻻﻗﻮﺓ ﺇﻻ ﺑﺎﻟﻠﻪ ... ﻳﺎﺑﻨﺘﻲ ﻭﺍﻟﻠﻪ ﺃﻧﺎ ﻣﺎﺿﻐﻄﺖ ﻋﻠﻴﻪ ﻭﻻ ﺣﺎﺟﺔ ... ﻭﺍﻟﻠﻲ ﻣﺎﺗﻌﺮﻓﻴﻬﻮﺵ ﺑﻘﻰ ﺍﻧﻲ ﻣﺎﻛﻨﺘﺶ ﻣﻮﺍﻓﻘﺔ ﻋﻠﻲ ﺟﻮﺍﺯﻙ ﻣﻦ ﻋﻠﻲ ... ﺇﻳﻪ ﺭﺃﻳﻚ ﺑﻘﻰ ?

- ﻧﻮﺭﺍ ﺑﺼﺪﻣﺔ : ﻣﻌﻘﻮﻝ ﻛﻨﺘﻲ ﺭﺍﻓﻀﺔ ﺟﻮﺍﺯﻧﺎ ... ﻃﻴﺐ ﻟﻴﻪ ?

- ﻋﺸﺎﻥ ﻛﻨﺖ ﻓﺎﻛﺮﺓ ﺇﻧﻪ ﻋﺎﻳﺰ ﻳﺘﺠﻮﺯﻙ ﺑﺲ ﻋﺸﺎﻥ ﻳﺮﺿﻴﻨﻲ ﻭﻳﻨﻔﺬ ﻭﺻﻴﺔ ﺧﺎﻟﺘﻪ ﺍﻟﻠﻪ ﻳﺮﺣﻤﻬﺎ .

- ﺃﻣﺎﻝ ﻳﺒﻘﻰ ﻓﻴﻪ ﺇﻳﻪ ﺑﺲ ?

- ﻃﻴﺐ ﻗﻮﻟﻴﻠﻲ ﻫﻮ ﻓﻴﻪ ﺇﻳﻪ ﺑﺎﻟﻈﺒﻂ ?

- ﻣﺎﻓﻴﺶ ﺣﺎﺟﺔ ﺍﺑﺪﺍ ﻳﺎ ﺧﺎﻟﺘﻮ ... ﺻﺪﻗﻴﻨﻲ ﻣﺎﻓﻴﺶ ﺣﺎﺟﺔ

- ﻃﻴﺐ ﺍﻧﺎ ﺑﻘﻰ ﻟﻤﺎ ﺍﺷﻮﻑ ﻋﻠﻲ ﺣﺎﻋﺮﻑ ﺷﻐﻠﻲ ﻣﻌﺎﻩ

- ﻧﻮﺭﺍ ﺑﺮﺟﺎﺀ : ﻋﺸﺎﻥ ﺧﺎﻃﺮﻱ ﻳﺎ ﺧﺎﻟﺘﻮ ﻟﻮ ﺑﺘﺤﺒﻴﻨﻲ ﺑﻼﺵ ﺗﺘﻜﻠﻤﻲ ﻣﻌﺎﻩ ﻓﺤﺎﺟﺔ ... ﺻﺪﻗﻴﻨﻲ ﻫﻮ ﻣﺎﻋﻤﻠﺶ ﺣﺎﺟﺔ ﺗﺴﺘﺎﻫﻞ ﺑﺲ ﺃﻧﺎ ﺍﻟﻠﻲ ﺣﺴﺎﺳﺔ ﺷﻮﻳﺔ ﺯﻱ ﻣﺎ ﺍﻧﺘﻲ ﻋﺎﺭﻓﺔ ... ﺍﻭﻋﺪﻳﻨﻲ ﺑﻘﻰ ﺍﻧﻚ ﻣﺶ ﺣﺘﻀﺎﻳﻘﻴﻪ ﺑﺴﺒﺒﻲ

↚

ﺩﻣﻌﺖ ﻋﻴﻨﺎﻫﺎ ﻭﻫﻲ ﺗﺤﺘﻀﻦ ﻧﻮﺭﺍ ﻭﺗﺮﺑﺖ ﻋﻠﻰ ﻛﺘﻔﻬﺎ ﻗﺎﺋﻠﺔ ﺑﺘﺄﺛﺮ :

- ﻳﺎﺑﻨﺘﻲ ﺍﺭﺣﻤﻴﻨﻲ ﺍﻧﺘﻲ ﻟﻴﻪ ﻣﺼﻤﻤﺔ ﺗﻜﻮﻧﻲ ﻧﺴﺨﺔ ﻣﻨﻬﺎ ... ﺩﻱ ﻛﺄﻧﻬﺎ ﺍﺩﺍﻣﻲ ﻭﺃﻧﺎ ﺑﺎﻗﻮﻟﻬﺎ ﺣﺎﺧﻠﻲ ﻋﺰﺕ ﻳﺘﻜﻠﻢ ﻣﻌﺎﻩ ﻭﻫﻴﺎ ﺑﺘﺘﺮﺟﺎﻧﻲ ﻣﺎﺟﺒﺶ ﺳﻴﺮﺓ ﻟﻌﺰﺕ ... ﻋﻤﻮﻣﺎ ﻳﺎ ﺑﻨﺘﻲ ﺣﺎﺿﺮ ﺍﻟﻠﻲ ﺍﻧﺘﻲ ﻋﺎﻳﺰﺍﻩ ﺍﻧﺎ ﺣﺎﻋﻤﻠﻪ

**********************************

ﻓﻲ ﺍﻟﺼﺒﺎﺡ ﻛﺎﻥ ﺻﻔﻮﺕ ﻳﺠﻠﺲ ﻋﻠﻰ ﻣﺎﺋﺪﺓ ﺍﻹﻓﻄﺎﺭ ﻭﺇﻟﻰ ﺟﻮﺍﺭﻩ ﻧﺎﺩﻳﺔ ﻭﻧﻮﺭﺍ ﻗﺒﻞ ﺃﻥ ﻳﺘﻮﺟﻪ ﺇﻟﻰ ﻋﻤﻠﻪ ﺣﻴﻦ ﺍﻟﺘﻔﺖ ﺇﻟﻲ ﻧﺎﺩﻳﺔ ﻗﺎﺋﻼ :

- ﺑﺎﻗﻮﻟﻚ ﺇﻳﻪ ﻳﺎ ﻧﺎﺩﻳﺔ ... ﺣﻤﺎﻛﻲ ﻟﻤﺎ ﻛﺎﻥ ﻫﻨﺎ ﻋﺰﻣﻨﺎ ﻋﻠﻰ ﺍﻟﻐﺪﺍ ﻋﻨﺪﻩ ﻓﺎﻟﻔﻴﻼ ﻭﺳﺎﺑﻠﻨﺎ ﺗﺤﺪﻳﺪ ﺍﻟﻤﻌﺎﺩ ﺍﻟﻠﻲ ﻳﻨﺎﺳﺒﻨﺎ ... ﺇﻳﻪ ﺭﺃﻳﻚ ?

ﺑﺪﺍ ﻋﻠﻴﻬﺎ ﺍﻟﻀﻴﻖ ﻭﻫﻲ ﺗﺠﻴﺒﻪ ﻗﺎﺋﻠﺔ :

- ﺣﻀﺮﺗﻚ ﺷﺎﻳﻒ ﺇﻳﻪ ?

- ﺃﻧﺎ ﺑﺎﻗﻮﻝ ﻣﺪﺍﻡ ﺍﻟﻌﻼﻗﺎﺕ ﺍﺗﺤﺴﻨﺖ ﻳﺒﻘﻰ ﻣﺎﻓﻴﺶ ﺩﺍﻋﻲ ﺍﻧﻨﺎ ﻧﺮﻓﺾ ... ﻭﺍﻧﺘﻲ ﻛﻤﺎﻥ ﻻﺯﻡ ﺗﺤﺴﻨﻲ ﻋﻼﻗﺘﻚ ﺑﺴﺎﻣﺢ ﺍﻟﻔﺘﺮﺓ ﺍﻟﻠﻲ ﺟﺎﻳﺔ ... ﻣﺶ ﻋﺎﻳﺰﻳﻦ ﺃﻱ ﺣﺎﺟﺔ ﺗﺤﺼﻞ ﻣﺶ ﻋﺎﻣﻠﻴﻦ ﺣﺴﺎﺑﻬﺎ ﻟﺤﺪ ﻣﺎ ﺍﻹﻣﺘﺤﺎﻧﺎﺕ ﺗﺨﻠﺺ ﻭﺗﺘﺠﻮﺯﻭﺍ ﻭﺗﻌﺪﻱ ﻋﻠﻰ ﺧﻴﺮ

- ﺍﺟﺎﺑﺖ ﻗﺎﺋﻠﺔ ﺑﺘﺄﻓﻒ : ﺣﺎﺿﺮ ﻳﺎ ﺑﺎﺑﺎ

ﺍﻟﺘﻔﺖ ﺇﻟﻰ ﻧﻮﺭﺍ ﻗﺎﺋﻼ :

- ﻭﺍﻧﺘﻲ ﻛﻤﺎﻥ ﺍﻋﻤﻠﻲ ﺣﺴﺎﺑﻚ ﻋﺸﺎﻥ ﺗﺮﻭﺣﻲ ﻣﻌﺎﻧﺎ

- ﻧﻮﺭﺍ ﺑﺪﻫﺸﺔ : ﻭﺃﻧﺎ ﻛﻤﺎﻥ ﻳﺎ ﺑﺎﺑﺎ !

- ﺍﻳﻮﻩ ﻃﺒﻌﺎ ﺍﻟﻌﺰﻭﻣﺔ ﻟﻴﻨﺎ ﻛﻠﻨﺎ ﻭﻋﻠﻲ ﻛﻤﺎﻥ ﺣﺎﻗﻮﻟﻪ ﻳﻴﺠﻲ ﻣﻌﺎﻧﺎ

- ﻧﻮﺭﺍ ﺑﺘﻮﺳﻞ : ﺑﺎﺑﺎ ﻟﻮ ﺳﻤﺤﺖ ﺍﻋﻔﻴﻨﻲ ﺃﻧﺎ ﻣﻦ ﺍﻟﻌﺰﻭﻣﺔ ﺩﻱ ﺃﻧﺎ ﻋﻨﺪﻱ ﺇﻣﺘﺤﺎﻧﺎﺕ ﻭﻋﺎﻳﺰﺓ ﺍﺫﺍﻛﺮ

- ﺻﻔﻮﺕ ﺑﺤﺪﺓ : ﺑﻼﺵ ﺩﻟﻊ ﻭﻛﻼﻡ ﻓﺎﺭﻍ ... ﻣﺶ ﺍﻟﺴﺎﻋﺘﻴﻦ ﺍﻟﻠﻲ ﺣﻨﺮﻭﺡ ﻓﻴﻬﻢ ﻟﻠﻨﺎﺱ ﻫﻤﺎ ﺍﻟﻠﻲ ﺣﻴﻌﻄﻠﻮﻛﻲ

- ﺣﺎﺿﺮ ﻳﺎ ﺑﺎﺑﺎ ﺍﻟﻠﻲ ﺗﺸﻮﻓﻪ ﺣﻀﺮﺗﻚ

ﺧﺮﺝ ﺻﻔﻮﺕ ﺇﻟﻲ ﻋﻤﻠﻪ ﻓﺘﺤﺪﺛﺖ ﻧﺎﺩﻳﺔ ﺇﻟﻰ ﻧﻮﺭﺍ ﻗﺎﺋﻠﺔ ﺑﺤﺪﺓ :

- ﺑﺎﻗﻮﻟﻚ ﺇﻳﻪ ﻳﺎ ﻧﻮﺭﺍ ... ﺍﻧﺘﻲ ﻻﺯﻡ ﺗﻔﻬﻤﻲ ﻋﻠﻲ ﺇﻧﻪ ﻣﺎﻟﻮﺵ ﺩﻋﻮﺓ ﺑﻴﺎ ﺧﺎﻟﺺ ... ﻭﻛﻤﺎﻥ ﻫﻮ ﻣﺶ ﻭﺻﻲ ﻋﻠﻴﺎ ... ﻭﻣﺶ ﻋﺸﺎﻥ ﻋﻤﻠﻲ ﺣﺎﺟﺔﻳﺒﻘﻲ ﺣﻴﺬﻟﻨﻰ ﻭﻻ ﻳﻜﺴﺮ ﻋﻴﻨﻲ ﺑﻴﻬﺎ ... ﻓﺎﻫﻤﺔ ﻭﻻ ﻷ

ﻛﺎﻧﺖ ﻧﻮﺭﺍ ﺗﺴﺘﻤﻊ ﺇﻟﻴﻬﺎ ﻭﻭﺟﻬﻬﺎ ﺧﺎﻟﻲ ﻣﻦ ﺃﻱ ﺗﻌﺒﻴﺮﺍﺕ ﻭﺍﻧﺘﻈﺮﺕ ﺣﺘﻰ ﻓﺮﻏﺖ ﻣﻦ ﺣﺪﻳﺜﻬﺎ ﻓﺎﺟﺎﺑﺘﻬﺎ ﺑﺒﺮﻭﺩ ﺣﺎﻭﻟﺖ ﺃﻥ ﺗﺘﻘﻨﻪ :

- ﺣﺎﺿﺮ ﻳﺎ ﻧﺎﺩﻳﺔ ... ﺍﻭﻋﺪﻙ ﺍﻥ ﺃﻧﺎ ﻭﻋﻠﻲ ﻟﻤﺎ ﻣﺎﻧﻼﻗﻴﺶ ﺣﺎﺟﺔ ﻧﺘﺨﺎﻧﻖ ﺑﺴﺒﺒﻬﺎ ﺣﻨﺘﺨﺎﻧﻖ ﺑﺴﺒﺒﻚ ﺇﻧﺘﻲ

- ﻳﻌﻨﻲ ﺇﻳﻪ ﻣﺶ ﻓﺎﻫﻤﺔ

- ﻣﺎﺗﺎﺧﺪﻳﺶ ﻓﺒﺎﻟﻚ ﻟﻤﺎ ﺍﻓﻬﻢ ﺃﻧﺎ ﺣﺎﺑﻘﻰ ﺍﻓﻬﻤﻚ ... ﻋﻦ ﺇﺫﻧﻚ ﺑﻘﻲ ﻋﺸﺎﻥ ﺍﻭﻝ ﻣﺤﺎﺿﺮﺓ ﻋﻨﺪﻱ ﺑﺪﺭﻱ ﺍﻟﻨﻬﺎﺭﺩﺓ

************************************

ﻓﻲ ﺩﺍﺧﻞ ﺇﺣﺪﻯ ﺍﻟﻤﺪﺍﺭﺱ ﺍﻟﺜﺎﻧﻮﻳﺔ ﻟﻠﺒﻨﺎﺕ ﻭﺗﺤﺪﻳﺪﺍ ﺗﻠﻚ ﺍﻟﻤﺪﺭﺳﺔ ﺍﻟﺘﻲ ﻳﻌﻤﻞ ﺑﻬﺎ ﻛﻞ ﻣﻦ ﺟﻤﺎﻝ ﻭﺃﻣﻴﺮﺓ ... ﺟﻠﺴﺖ ﺇﺣﺪﻯ ﺍﻟﻄﺎﻟﺒﺎﺕ ﺩﺍﺧﻞ ﺍﻟﻔﺼﻞ ﻭﻗﺪ ﺍﺭﺗﺴﻢ ﺍﻟﻀﻴﻖ ﻋﻠﻰ ﻣﻼﻣﺢ ﻭﺟﻬﻬﺎ ﺑﻮﺿﻮﺡ ﺣﻴﻦ ﺩﺧﻠﺖ ﺯﻣﻴﻠﺘﻬﺎ ﺍﻟﻔﺼﻞ ﻭﺍﻗﺘﺮﺑﺖ ﻣﻨﻬﺎ ﻗﺎﺋﻠﺔ :

- ﻣﺎﻟﻚ ﻳﺎ ﺳﻤﺮ ... ﺇﻳﻪ ﺍﻟﻠﻲ ﻣﻘﻌﺪﻙ ﻓﺎﻟﻔﺼﻞ ﻭﻗﺖ ﺍﻟﻔﺴﺤﺔ ﻛﺪﻩ ?

ﻧﻈﺮﺕ ﺇﻟﻴﻬﺎ ﺳﻤﺮ ﻗﺎﺋﻠﺔ :

- ﺗﻌﺎﻟﻲ ﻳﺎ ﺇﻧﺠﻲ ﺍﻗﻌﺪﻱ ﻋﺎﻳﺰﺓ ﺍﺗﻜﻠﻢ ﻣﻌﺎﻛﻲ

- ﺇﻳﻪ ﻳﺎ ﺑﻨﺘﻲ ﻣﻴﻦ ﺍﻟﻠﻲ ﻣﻀﺎﻳﻘﻚ ﺍﻭﻱ ﻛﺪﻩ

- ﺃﺳﺘﺎﺫ ﺟﻤﺎﻝ ﻳﺎ ﺳﺘﻲ ﻛﻨﺖ ﻭﺍﻗﻔﺔ ﻣﻌﺎﻩ ﺑﺴﺄﻟﻪ ﻋﻠﻰ ﺣﺎﺟﺎﺕ ﻓﺪﺭﺱ ﺍﻟﻨﻬﺎﺭﺩﺓ ﻭﺑﻌﺪﻳﻦ ﻻﺣﻈﺖ ﺇﻧﻪ .......

ﺣﺜﺘﻬﺎ ﺇﻧﺠﻲ ﻋﻠﻰ ﺍﻟﻤﺘﺎﺑﻌﺔ ﻗﺎﺋﻠﺔ :

- ﺇﻧﻪ ﺇﻳﻪ ﻳﺎ ﺳﻤﺮ ﻣﺎﺗﺘﻜﻠﻤﻲ ﻳﺎ ﺑﻨﺘﻲ

- ﺍﻛﻤﻠﺖ ﺑﺨﺠﻞ : ﺇﻧﻪ ﻋﻤﺎﻝ ﻳﺒﺺ ﻟﺠﺴﻤﻲ ﺑﻄﺮﻳﻘﺔ ﻣﺮﻳﺒﺔ ﻛﺪﻩ ﻭﻛﺄﻧﻪ ﺣﻴﺎﻛﻠﻨﻲ ﺑﻌﻨﻴﻪ

- ﺃﻧﺎ ﻣﺶ ﻓﺎﻫﻤﺔ ﺍﻟﺮﺍﺟﻞ ﺩﻩ ﺟﺮﺍﻟﻪ ﺇﻳﻪ ﺍﻟﻴﻮﻣﻴﻦ ﺩﻭﻝ ... ﻭﺑﻌﺪﻳﻦ ﺑﻘﻰ ﻓﻴﻪ ﺣﺪ ﺑﺮﺿﻪ ﻳﺒﻘﻰ ﻣﺘﺠﻮﺯ ﻣﺰﺓ ﺯﻱ ﻣﻴﺲ ﺃﻣﻴﺮﺓ ﻛﺪﻩ ﻭﻳﺒﺺ ﻟﺒﺮﻩ ... ﻳﺎﻟﻬﻮﻱ ﻋﻠﻰ ﺟﻤﺎﻟﻬﺎ ﻭﻻ ﺭﺷﺎﻗﺘﻬﺎ ... ﻃﻴﺐ ﺩﻩ ﺃﻧﺎ ﻧﻔﺴﻲ ﺍﻛﻮﻥ ﻧﺺ ﻣﺮﺍﺗﻪ ﺩﻱ ﺑﺲ ... ﺑﺲ ﺣﻨﻘﻮﻝ ﺇﻳﻪ ... ﺭﺟﺎﻟﺔ ﻋﻴﻨﻬﺎ ﺯﺍﻳﻐﺔ ﺻﺤﻴﺢ

- ﺑﺲ ﻫﻮ ﻋﻤﺮﻩ ﻣﺎﻛﺎﻥ ﻛﺪﻩ ... ﺩﻩ ﻛﺎﻥ ﻣﺤﺘﺮﻡ ﺍﻭﻱ ... ﻧﻔﺴﻲ ﺍﻓﻬﻢ ﺇﻳﻪ ﺍﻟﻠﻲ ﻏﻴﺮﻩ .

- ﺍﻟﻤﻔﺮﻭﺽ ﻭﺍﺣﺪ ﺯﻳﻪ ﻣﺎﻳﺸﺘﻐﻠﺶ ﻓﻤﺪﺭﺳﺔ ﺑﻨﺎﺕ ... ﺑﺎﻗﻮﻟﻚ ﺇﻳﻪ ﻳﺎ ﺳﻤﺮ ﻣﺎﺗﻘﻮﻟﻲ ﻟﻤﻴﺲ ﺃﻣﻴﺮﺓ ﻭﻫﻴﺎ ﺗﺘﺼﺮﻑ

- ﻻ ﻃﺒﻌﺎ ... ﺃﻧﺎ ﺍﺗﻜﺴﻒ ﺃﻗﻮﻟﻬﺎ ﻋﻠﻲ ﺣﺎﺟﺔ ﺯﻱ ﺩﻱ ﻭﺑﻌﺪﻳﻦ ﻫﻮ ﺍﻛﻴﺪ ﺣﻴﻨﻜﺮ ﻭﻫﻴﺎ ﻣﺶ ﻣﻌﻘﻮﻝ ﺗﻜﺪﺏ ﺟﻮﺯﻫﺎ ﻭﺗﺼﺪﻗﻨﻲ ﺃﻧﺎ

- ﻭﻫﻮ ﺍﻧﺘﻲ ﻓﺎﻛﺮﺓ ﻧﻔﺴﻚ ﺍﻟﻮﺣﻴﺪﺓ ﺍﻟﻠﻲ ﺑﻴﻌﻤﻞ ﻣﻌﺎﻫﺎ ﻛﺪﻩ ... ﺩﻱ ﻣﺶ ﺍﻭﻝ ﺷﻜﻮﻱ ﻋﻠﻰ ﻓﻜﺮﺓ ... ﻭﺍﻛﻴﺪ ﻣﻴﺲ ﺃﻣﻴﺮﺓ ﻋﺎﺭﻓﺔ ﺍﻟﻜﻼﻡ ﺩﻩ ﻛﻮﻳﺲ

ﻟﻢ ﺗﺪﺭ ﻛﻠﺘﺎﻫﻤﺎ ﺃﻥ ﺍﻷﺧﺼﺎﺋﻴﺔ ﺍﻹﺟﺘﻤﺎﻋﻴﺔ ﺑﺎﻟﻤﺪﺭﺳﺔ ﻛﺎﻧﺖ ﺗﻤﺮ ﺇﻟﻰ ﺟﻮﺍﺭ ﺍﻟﻔﺼﻞ ﻓﻮﻗﻔﺖ ﺗﺴﺘﻤﻊ ﺇﻟﻰ ﺣﻮﺍﺭﻫﻤﺎ ﻛﺎﻣﻼ ﻓﻤﺎ ﻛﺎﻥ ﻣﻨﻬﺎ ﺇﻻ ﺃﻥ ﺍﺗﺠﻬﺖ ﺇﻟﻰ ﻏﺮﻓﺔ ﺍﻟﻤﺪﺭﺳﺎﺕ ﻭﺍﻗﺘﺮﺑﺖ ﻣﻦ ﺃﻣﻴﺮﺓ ﻗﺎﺋﻠﺔ :

- ﻟﻮ ﺳﻤﺤﺘﻲ ﻳﺎ ﻣﻴﺲ ﺃﻣﻴﺮﺓ ﺃﻧﺎ ﻋﺎﻳﺰﺍﻛﻲ ﻓﻜﻠﻤﺘﻴﻦ

*********************************

ﻃﺮﻗﺖ ﺃﻣﻨﻴﺔ ﺑﺎﺏ ﻣﻜﺘﺐ ﺧﺎﻟﺪ ﻭﺩﺧﻠﺖ ﻓﻠﻢ ﺗﺠﺪﻩ ﺧﻠﻒ ﻣﻜﺘﺒﻪ ... ﻭﻗﻔﺖ ﺗﻨﻈﺮ ﺇﻟﻰ ﻣﻘﻌﺪﻩ ﺍﻟﻔﺎﺭﻍ ﺣﺎﺋﺮﺓ ... ﻓﻘﺪ ﻗﺎﻟﺖ ﺳﻜﺮﺗﻴﺮﺓ ﻣﻜﺘﺒﻪ ﺇﻧﻪ ﺑﺎﻟﺪﺍﺧﻞ .... ﻭﻓﺠﺄﺓ ﻭﺟﺪﺗﻪ ﻳﺤﺘﻀﻨﻬﺎ ﻣﻦ ﺍﻟﺨﻠﻒ ﺑﻌﺪ ﺃﻥ ﺧﺮﺝ ﻣﻦ ﺧﻠﻒ ﺑﺎﺏ ﻏﺮﻓﺔﺍﻟﻤﻜﺘﺐ ﻭﻫﻮ ﻳﻘﻮﻝ ﻣﺎﺯﺣﺎ :

- ﺍﻟﺠﻤﻴﻞ ﺳﺎﻳﺐ ﻣﻜﺘﺒﻪ ﻭﺟﺎﻱ ﻫﻨﺎ ﻟﻴﻪ ?

ﺑﺎﻏﺘﺘﻬﺎ ﻓﻌﻠﺘﻪ ﻓﺎﻧﺘﻔﻀﺖ ﻣﻦ ﻣﻜﺎﻧﻬﺎ ﻗﺎﺋﻠﺔ ﺑﻔﺰﻉ :

- ﺣﺮﺍﻡ ﻋﻠﻴﻚ ﻳﺎ ﺧﺎﻟﺪ ﺧﻀﺘﻨﻲ ... ﻣﺶ ﺣﺘﻌﻘﻞ ﻭﺗﺒﻄﻞ ﺣﺮﻛﺎﺗﻚ ﺩﻱ

- ﻭﺍﺑﻄﻠﻬﺎ ﻟﻴﻪ ﻭﺣﺸﺔ ﻳﻌﻨﻲ ?

- ﻳﻌﻨﻲ ﺃﻧﺎ ﺩﻟﻮﻗﺘﻲ ﻟﻮ ﻛﺎﻥ ﻓﻴﻪ ﺃﻣﻞ ﺇﻧﻲ ﺃﺧﻠﻒ ﺑﻌﺪ ﺍﻟﺨﻀﺔ ﺩﻱ ﻻﺯﻡ ﺍﻧﺴﻰ ﺍﻟﻤﻮﺿﻮﻉ ﺩﻩ ﺧﺎﻟﺺ

- ﺍﺟﺎﺑﻬﺎ ﻗﺎﺋﻼ ﺑﻌﺘﺎﺏ : ﻭﻫﻮ ﺍﻧﺘﻲ ﻟﺴﻪ ﺑﺘﻔﻜﺮﻱ ﻓﻴﻪ ﺑﺮﺿﻪ ﻳﺎ ﺃﻣﻨﻴﺔ ?

- ﺍﻣﺎﻝ ﺃﻧﺎ ﻗﻠﺘﻠﻚ ﺟﺎﻳﺎﻟﻚ ﻣﻜﺘﺒﻚ ﻟﻴﻪ ... ﻣﺎﻫﻮ ﻋﻠﺸﺎﻥ ﺍﻟﻤﻮﺿﻮﻉ ﺩﻩ ... ﺃﺻﻠﻲ ﻣﺎﻟﺤﻘﺘﺶ ﺃﻗﻮﻟﻚ ﺍﻟﺼﺒﺢ ﻗﺒﻞ ﻣﺎ ﻧﻨﺰﻝ

- ﺗﻘﻮﻟﻴﻠﻲ ﻋﻠﻰ ﺇﻳﻪ ?

- ﺃﺻﻞ ﻓﻴﻪ ﻭﺍﺣﺪﺓ ﺻﺎﺣﺒﺘﻲ ﺟﺎﺑﺘﻠﻲ ﻋﻨﻮﺍﻥ ﺩﻛﺘﻮﺭﻛﺒﻴﺮ ﻓﺎﻟﻘﺎﻫﺮﺓ ﻭﻗﺎﻟﺘﻠﻲ ﺇﻧﻪ ﻋﺎﻟﺞ ﺣﺎﻻﺕ ﻛﺘﻴﺮ ﺯﻱ ﺣﺎﻟﺘﻲ ﻭﺭﺑﻨﺎ ﺭﺯﻗﻬﻢ ﺑﺄﻃﻔﺎﻝ ﺑﻌﺪﻫﺎ ﻋﻠﻄﻮﻝ ... ﻓﺄﻧﺎ ﻛﻨﺖ ﺑﺄﻗﻮﻝ ﻳﻌﻨﻲ ﻟﻮ .....

ﻭﺿﻊ ﺧﺎﻟﺪ ﻳﺪﻩ ﻋﻠﻰ ﺷﻔﺘﻴﻬﺎ ﻟﻴﻤﻨﻌﻬﺎ ﻣﻦ ﺇﺳﺘﻜﻤﺎﻝ ﻛﻼﻣﻬﺎ ﺛﻢ ﺗﺤﺪﺙ ﻫﻮ ﻗﺎﺋﻼ :

- ﺃﻣﻨﻴﺔ ﻳﺎ ﺣﺒﻴﺒﺘﻲ ﺍﺣﻨﺎ ﻣﺶ ﻛﻨﺎ ﺧﻠﺼﻨﺎ ﻣﻦ ﻣﻮﺿﻮﻉ ﺍﻟﺪﻛﺎﺗﺮﺓ ﺩﻩ ﻭﻗﻮﻟﻨﺎ ﺍﻥ ﺍﻷﻃﻔﺎﻝ ﺩﻭﻝ ﺭﺯﻕ ﻣﻦ ﻋﻨﺪ ﺭﺑﻨﺎ ﺯﻳﻬﻢ ﺯﻱ ﺃﻱ ﺣﺎﺟﺔ ﺗﺎﻧﻴﺔ ... ﻭﻃﺎﻟﻤﺎ ﺍﻥ ﺭﺑﻨﺎ ﻣﺎﺭﺯﻗﻨﺎﺵ ﻳﺒﻘﻰ ﺍﺣﻨﺎ ﺭﺍﺿﻴﻴﻦ ﺑﻘﻀﺎﺋﻪ ... ﺇﻳﻪ ﺍﻟﻠﻲ ﺧﻼﻛﻲ ﺗﻔﻜﺮﻱ ﻓﺎﻟﻤﻮﺿﻮﻉ ﺩﻩ ﻣﻦ ﺗﺎﻧﻲ ?

- ﺍﻓﻜﺮ ﻓﻴﻪ ﺗﺎﻧﻲ ! ﻫﻮ ﺍﻧﺎ ﺍﺻﻼ ﺑﺒﻄﻞ ﺗﻔﻜﻴﺮ ﻓﻴﻪ ... ﻳﺎ ﺧﺎﻟﺪ ﺍﻧﺖ ﺻﻌﺒﺎﻥ ﻋﻠﻴﺎ ﻭﺃﻧﺎ ﺣﺎﺳﺔ ﺑﺎﻟﺬﻧﺐ ﻧﺎﺣﻴﺘﻚ

- ﻳﺎﺳﺘﻲ ﻫﻮ ﺃﻧﺎ ﺍﺷﺘﻜﻴﺘﻠﻚ ? ﺑﻼﺵ ﺗﺘﺤﺠﺠﻲ ﺑﻴﺎ ﻳﺎ ﺃﻣﻨﻴﺔ ...

- ﻳﺎ ﺧﺎﻟﺪ ﺃﻧﺎ ﻧﻔﺴﻲ ﺍﺳﻌﺪﻙ ﻭﺍﺧﻠﻔﻠﻚ ﻃﻔﻞ ﺗﺴﻤﻊ ﻣﻨﻪ ﻛﻠﻤﺔ ﺑﺎﺑﺎ ﺍﻟﻠﻲ ﺍﻧﺖ ﻣﺤﺮﻭﻡ ﻣﻨﻬﺎ ﺑﺴﺒﺒﻲ ... ﻃﻔﻞ ﻳﻜﺒﺮ ﺍﺩﺍﻡ ﻋﻨﻴﻨﺎ ﻭﻧﺤﺲ ﻣﻌﺎﻩ ﺍﻥ ﺣﻴﺎﺗﻨﺎ ﻟﻴﻬﺎ ﻗﻴﻤﺔ ﻭﻣﻌﻨﻲ ﻭﺍﻥ ﻓﻴﻪ ﺣﺎﺟﺔ ﻧﻌﻴﺶ ﻋﺸﺎﻧﻬﺎ ﻭﻟﻤﺎ ﻳﻜﺒﺮﻳﻜﻮﻥ ﺳﻨﺪﻧﺎ ﻓﺎﻟﺤﻴﺎﺓ ... ﻣﺶ ﻫﻴﺎ ﺩﻱ ﺍﻟﻔﻄﺮﺓ ﺍﻟﻠﻲ ﺭﺑﻨﺎ ﺧﻠﻘﻨﺎ ﻋﻠﻴﻬﺎ

- ﺍﻧﺘﻲ ﻟﻴﻪ ﻏﺎﻭﻳﺔ ﺗﻌﺬﺑﻲ ﻧﻔﺴﻚ ﻭﺗﻌﺬﺑﻴﻨﻲ ﻣﻌﺎﻛﻲ ? ﻫﻮ ﻋﻤﺮﻱ ﺿﺎﻳﻘﺘﻚ ﻭﻻ ﺣﺴﺴﺘﻚ ﺇﻧﻲ ﻧﺎﻗﺼﻨﻲ ﺣﺎﺟﺔ ? ﻓﻴﻪ ﺣﺪ ﻏﻴﺮﻱ ﺿﺎﻳﻘﻚ ? ﺩﻩ ﺣﺘﻰ ﺃﻣﻲ ﺧﺒﻴﺖ ﻋﻨﻬﺎ ﺍﻟﺤﻘﻴﻘﺔ ﻋﺸﺎﻥ ﻣﺎﺗﺴﻤﻌﻴﺶ ﻣﻨﻬﺎ ﻛﻠﻤﺔ ﺗﻀﺎﻳﻘﻚ ... ﺍﻧﺘﻲ ﻋﺎﺭﻓﺔ ﺩﻛﺘﻮﺭ ﺟﺪﻳﺪ ﻳﻌﻨﻲ ﺇﻳﻪ ? ﻳﻌﻨﻲ ﺣﻠﻢ ﺟﺪﻳﺪ ﻭﺃﻣﻞ ﺟﺪﻳﺪ ﻭﻓﻲ ﺍﻟﻨﻬﺎﻳﺔ ﻟﻤﺎ ﻳﻘﻮﻟﻨﺎ ﺯﻱ ﺍﻟﻠﻲ ﻗﺒﻠﻪ ﺗﺒﻘﻰ ﺻﺪﻣﺔ ﺟﺪﻳﺪﺓ ﻭﻓﺘﺮﺓ ﺟﺪﻳﺪﺓ ﺗﻀﻴﻊ ﻣﻦ ﻋﻤﺮﻧﺎ ﻭﺍﺣﻨﺎ ﺑﻨﺤﺎﻭﻝ ﻧﻨﺴﻰ ﻭﻧﺮﺟﻊ ﻧﻌﻴﺶ ﺣﻴﺎﺗﻨﺎ ﻃﺒﻴﻌﻲ ﺯﻱ ﺍﻷﻭﻝ ... ﻣﺎﺗﻮﻓﺮﻱ ﻋﻠﻴﻨﺎ ﻛﻞ ﺩﻩ ﻳﺎ ﺑﻨﺖ ﺍﻟﻨﺎﺱ ... ﻭﺑﻌﺪﻳﻦ ﻣﺶ ﺍﺣﻨﺎ ﺍﺗﻔﻘﻨﺎ ﺍﻧﻨﺎ ﺣﻨﺴﺘﻐﻔﺮ ﺭﺑﻨﺎ ﻛﺘﻴﺮ ﻭﺣﻨﺘﺼﺪﻕ ﻛﻞ ﺷﻬﺮ ﺑﻤﺒﻠﻎ ﺑﻨﻴﺔ ﺍﻟﻤﻮﺿﻮﻉ ﺩﻩ ... ﻭﺻﺪﻗﻴﻨﻲ ﻟﻮ ﺭﺑﻨﺎ ﺍﺭﺍﺩ ﻣﺶ ﺣﻨﺤﺘﺎﺝ ﻧﺮﻭﺡ ﻟﺪﻛﺎﺗﺮﺓ ﻭﻻ ﻏﻴﺮﻩ ... ﻣﻤﻜﻦ ﺑﻘﻰ ﻣﺎﺍﺳﻤﻌﺶ ﻛﻼﻡ ﻓﺎﻟﻤﻮﺿﻮﻋﺪﻩ ﺗﺎﻧﻲ

- ﻳﻌﻨﻲ ﺍﻧﺖ ﻣﺼﻤﻢ ﻳﺎ ﺧﺎﻟﺪ ?

- ﻳﺎ ﺣﺒﻴﺒﺘﻲ ﺻﺪﻗﻴﻨﻲ ﺃﻧﺎ ﻣﺶ ﻋﺎﻳﺰ ﻣﻦ ﺍﻟﺪﻧﻴﺎ ﺩﻱ ﺣﺪ ﻏﻴﺮﻙ ... ﻭﻳﺎ ﺳﺘﻲ ﺍﻋﺘﺒﺮﻳﻨﻲ ﺍﺑﻨﻚ ﻭﻋﺎﻣﻠﻴﻨﻲ ﻋﻠﻰ ﺍﻷﺳﺎﺱ ﺩﻩ ... ﻫﻮ ﺍﻧﺎ ﺍﻃﻮﻝ ﻳﻌﻨﻲ ﻳﻜﻮﻥ ﻋﻨﺪﻱ ﺃﻡ ﺯﻱ ﺍﻟﻘﻤﺮ ﺯﻳﻚ ﻛﺪﻩ

ﺍﺑﺘﺴﻤﺖ ﺃﻣﻨﻴﺔ ﺛﻢ ﺃﺧﺬﺕ ﺗﺠﻔﻒ ﺩﻣﻮﻋﻬﺎ ﺍﻟﺘﻲ ﺍﻧﺴﺎﺑﺖ ﻣﻊ ﻛﻠﻤﺎﺗﻪ ﻗﺒﻞ ﺃﻥ ﺗﻘﻮﻝ :

- ﺭﺑﻨﺎ ﻳﺨﻠﻴﻚ ﻟﻴﺎ ﻳﺎ ﺧﺎﻟﺪ ... ﺍﻧﺖ ﻣﺶ ﻋﺎﺭﻑ ﻛﻼﻣﻚ ﺩﻩ ﺑﻴﻌﻤﻞ ﻓﻴﺎ ﺇﻳﻪ

ﻋﺎﺩﺕ ﻳﺪﻳﻪ ﻟﻺﻟﺘﻔﺎﻑ ﺣﻮﻝ ﺧﺼﺮﻫﺎ ﻣﺮﺓ ﺃﺧﺮﻯ ﺛﻢ ﻗﺎﻝ ﺑﺈﺑﺘﺴﺎﻣﺔ :

- ﻭﺍﻧﺘﻲ ﻛﻤﺎﻥ ﻣﺶ ﻋﺎﺭﻓﺔ ﻛﻼﻣﻚ ﺩﻩ ﺑﻴﻌﻤﻞ ﻓﻴﺎ ﺇﻳﻪ ... ﻣﻴﺖ ﻣﺮﺓ ﻗﻠﺘﻠﻚ ﺑﻼﺵ ﺍﻟﺮﻗﺔ ﺍﻟﻠﻲ ﺑﺘﺘﻜﻠﻤﻲ ﺑﻴﻬﺎ ﺩﻱ ﻭﺍﺣﻨﺎ ﻓﺎﻟﻤﻜﺘﺐ ﺍﺣﺴﻦ ﺗﺒﻘﻲ ﺍﻧﺘﻲ ﺍﻟﺠﺎﻧﻴﺔ ﻋﻠﻰ ﺭﻭﺣﻚ

ﺍﻓﻠﺘﺖ ﺃﻣﻨﻴﺔ ﻧﻔﺴﻬﺎ ﻣﻦ ﺑﻴﻦ ﺫﺭﺍﻋﻴﻪ ﻭﻗﺎﻟﺖ ﻭﻫﻲ ﺗﺘﺠﻪ ﻧﺤﻮ ﺑﺎﺏ ﺍﻟﻐﺮﻓﺔ :

- ﻻ ﻭﻋﻠﻰ ﺇﻳﻪ ﺃﻧﺎ ﻣﺎﺷﻴﺔ ﺍﺣﺴﻦ

ﻭﺿﻊ ﺧﺎﻟﺪ ﻳﺪﻩ ﻋﻠﻲ ﺍﻟﺒﺎﺏ ﻣﺎﻧﻌﺎ ﺇﻳﺎﻫﺎ ﻣﻦ ﻓﺘﺤﻪ ﻭﻗﺎﻝ ﺑﻤﺰﺍﺡ : ﻫﻮ ﺩﺧﻮﻝ ﺍﻟﺤﻤﺎﻡ ﺯﻱ ﺧﺮﻭﺟﻪ ﻭﻻ ﺇﻳﻪ ?

ﺗﺮﺍﺟﻌﺖ ﺃﻣﻨﻴﺔ ﺇﻟﻰ ﺍﻟﺨﻠﻒ ﻭﻫﻲ ﺗﻘﻮﻝ ﺑﻤﺰﺍﺡ :

- ﺧﺎﻟﺪ ﺍﻋﻘﻞ ﻳﺎ ﺧﺎﻟﺪ ... ﻣﺶ ﻓﻴﻪ ﺇﺟﺘﻤﺎﻉ ﻛﻤﺎﻥ ﺷﻮﻳﺔ ﻟﻠﻤﻬﻨﺪﺳﻴﻦ ﺑﺘﻮﻉ ﺍﻟﻤﻜﺘﺐ

ﺍﻗﺘﺮﺏ ﻣﻨﻬﺎ ﺧﺎﻟﺪ ﻭﻗﺎﻝ ﻣﺸﺎﻛﺴﺎ ﺇﻳﺎﻫﺎ :

- ﺍﻧﺘﻲ ﻣﺎﺗﻌﺮﻓﻴﺶ ... ﻣﺶ ﺃﻧﺎ ﻟﻐﻴﺘﻪ ﻭﺣﻮﻟﺘﻪ ﻹﺟﺘﻤﺎﻉ ﻣﻐﻠﻖ ﺃﻧﺎ ﻭﺍﻧﺖ ﻭﺑﺲ ﻳﺎ ﺟﻤﻴﻞ ... ﻭﻻ ﺍﻧﺘﻲ ﻓﺎﻟﺤﺔ ﺑﺲ ﺗﻘﻮﻟﻴﻠﻲ ﻋﺎﻳﺰﺓ ﻋﻴﺎﻝ ﻋﺎﻳﺰﺓ ﻋﻴﺎﻝ ﻭﺳﺎﻋﺔ ﺍﻟﺠﺪ ﺗﺨﻠﻌﻲ

ﻟﻔﺖ ﺃﻣﻨﻴﺔ ﺫﺭﺍﻋﻴﻬﺎ ﺣﻮﻝ ﺭﻗﺒﺘﻪ ﻭﻗﺎﻟﺖ ﺑﺤﺐ :

- ﺑﺤﺒﻚ ﻳﺎ ﻣﺠﻨﻮﻥ

*************************************

↚

ﻛﺎﻧﺖ ﻟﺒﻨﻰ ﺗﺠﻠﺲ ﻋﻠﻰ ﺳﺮﻳﺮﻫﺎ ﻭﻫﻲ ﺗﺤﺎﺩﺙ ﻧﻮﺭﺍ ﻓﻲ ﺍﻟﻬﺎﺗﻒ ﻗﺎﺋﻠﺔ :

- ﻭﻣﺎﺗﺠﻴﺶ ﺍﻧﺘﻲ ﻟﻴﻪ ﺗﺬﺍﻛﺮﻱ ﻣﻌﺎﻳﺎ ﻫﻨﺎ ﺍﻥ ﺷﺎﺀﺍﻟﻠﻪ ? ﺍﺷﻤﻌﻨﺎ ﺃﻧﺎ ﺍﻟﻠﻲ ﺁﺟﻲ ﻋﻨﺪﻙ ... ﺍﻋﺘﻘﺪ ﺩﻟﻮﻗﺘﻲ ﻣﺎﺑﻘﺎﺵ ﻓﻴﻪ ﺣﺪ ﺗﺘﻜﺴﻔﻲ ﻣﻨﻪ ... ﻟﻜﻦ ﺃﻧﺎ ﺑﻘﻰ ﺍﻓﺮﺿﻲ ﺳﺎﻣﺢ ﺟﻪ ﻭﺃﻧﺎ ﻋﻨﺪﻙ

ﺗﻨﻬﺪﺕ ﻧﻮﺭﺍ ﺑﺸﺪﺓ ﺛﻢ ﻗﺎﻟﺖ ﺑﺠﺪﻳﺔ :

- ﻣﺎﺗﻘﻠﻘﻴﺶ ﻳﺎ ﺳﺘﻲ ﺳﺎﻣﺢ ﺍﺻﻼ ﻣﺎﺑﻴﺠﻴﺶ ﻫﻨﺎ ... ﻭﺑﻌﺪﻳﻦ ﻣﺎﻫﻮ ﻛﻤﺎﻥ ﻋﻨﺪﻩ ﺇﻣﺘﺤﺎﻧﺎﺕ ... ﻋﺸﺎﻥ ﺧﺎﻃﺮﻱ ﺑﻘﻰ ﻳﺎ ﻟﺒﻨﻰ ﺗﻌﺎﻟﻲ ﺍﻧﺘﻲ

ﺷﻌﺮﺕ ﻟﺒﻨﻰ ﺑﺎﻟﻘﻠﻖ ﻣﻦ ﻟﻬﺠﺘﻬﺎ ﻓﺴﺄﻟﺘﻬﺎ ﻣﺴﺘﻔﺴﺮﺓ :

- ﻣﺎﻟﻚ ﻳﺎ ﻧﻮﺭﺍ ﻫﻮ ﻋﻠﻲ ﻣﺰﻋﻠﻚ ﻭﻻ ﺣﺎﺟﺔ ? ﻗﻮﻟﻴﻠﻲ ﻭﺃﻧﺎ ﺍﺧﻠﻲ ﻣﺎﻣﺎ ﺗﺠﻴﺒﻠﻚ ﺣﻘﻚ

ﻣﺴﺤﺖ ﻧﻮﺭﺍ ﻋﻠﻰ ﺷﻌﺮﻫﺎ ﺛﻢ ﻗﺎﻟﺖ ﺑﻀﻴﻖ :

- ﻳﺎ ﺳﺘﻲ ﻭﻻ ﻣﺰﻋﻠﻨﻲ ﻭﻻ ﻣﻔﺮﺣﻨﻲ ... ﻣﻤﻨﺒﻘﻰ ﺗﺴﻤﻌﻲ ﺍﻟﻜﻼﻡ ﻭﺧﻼﺹ

ﺍﻋﺘﺪﻟﺖ ﻟﺒﻨﻰ ﻓﻲ ﺟﻠﺴﺘﻬﺎ ﻭﻗﺎﻟﺖ ﺑﺘﻌﺠﻞ :

- ﻃﻴﺐ ﺑﺎﻗﻮﻟﻚ ﺇﻳﻪ ﻳﺎ ﻧﻮﺭﺍ ... ﺳﻼﻡ ﺑﻘﻰ ﺩﻟﻮﻗﺘﻲ ﻭﺑﻌﺪﻳﻦ ﺣﺎﺑﻘﻰ ﺍﻛﻠﻤﻚ ﺍﺣﺴﻦ ﺍﺣﻤﺪ ﻋﻠﻰ ﺍﻟﻮﻳﺘﻨﺞ ﺑﻴﺮﻥ ﻋﻠﻴﺎ

- ﺁﻩ ﻃﺒﻌﺎ ... ﻣﻦ ﻟﻘﻰ ﺃﺣﺒﺎﺑﻪ ﻧﺴﻲ ﻧﻮﺭﺍ ... ﻣﺶ ﻛﺪﻩ ﺑﺮﺿﻪ ?

- ﻣﻌﻠﺶ ﺑﻘﻰ ﻳﺎ ﻧﻮﺭﺍ ... ﺃﺻﻞ ﺍﺣﻤﺪ ﻣﺶ ﺑﻴﻌﺮﻑ ﻳﻨﺎﻡ ﻗﺒﻞ ﻣﺎﻳﺴﻤﻊ ﺻﻮﺗﻲ ... ﺳﻼﻡ ﺑﻘﻰ

- ﻣﺎﺷﻲ ﻳﺎ ﻋﻢ ﺍﻟﻠﻪ ﻳﺴﻬﻠﻪ ... ﺳﻼﻡ ﻳﺎ ﺃﺧﺘﻲ

ﺍﻏﻠﻘﺖ ﻧﻮﺭﺍ ﺍﻟﻬﺎﺗﻒ ﻭﻫﻲ ﺗﺸﻌﺮ ﺑﻐﺼﺔ ﻓﻲ ﺣﻠﻘﻬﺎ ﻣﻦ ﻛﻠﻤﺎﺕ ﻟﺒﻨﻰ ... ﻓﺒﺎﻟﺮﻏﻢ ﻣﻦ ﺷﻌﻮﺭﻫﺎ ﺑﺎﻟﺴﻌﺎﺩﺓ ﻣﻦ ﺃﺟﻞ ﻟﺒﻨﻰ ... ﺇﻻ ﺃﻧﻬﺎ ﻛﺎﻧﺖ ﺗﺘﻤﻨﻰ ﺃﻥ ﺗﺠﺪ ﻧﻔﺲ ﺍﻹﻫﺘﻤﺎﻡ ﻣﻦ ﻋﻠﻲ ... ﻛﺎﻧﺖ ﺗﺘﻤﻨﻰ ﺃﻥ ﺗﺠﺪ ﻃﺮﻳﻘﺔ ﻛﻲ ﺗﻠﻔﺖ ﺇﻧﺘﺒﺎﻫﻪ ﺇﻟﻴﻬﺎ ﻭﺗﻜﺴﺐ ﺑﻬﺎ ﻗﻠﺒﻪ ﺍﻟﺬﻱ ﻻ ﺗﺪﺭﻱ ﺇﻻ ﺍﻵﻥ ﺇﻥ ﻛﺎﻥ ﻳﺤﺒﻬﺎ ﺃﻡ ﻻ

*************************************

ﻧﺠﻴﺐ : ﺃﻧﺎ ﺳﻌﻴﺪ ﺟﺪﺍ ﺑﺘﺸﺮﻳﻔﻜﻢ ﺍﻟﻨﻬﺎﺭﺩﺓ ﻳﺎ ﺻﻔﻮﺕ ﺑﺎﺷﺎ ... ﺍﻟﻔﻴﻼ ﻧﻮﺭﺕ ﺑﻮﺟﻮﺩﻛﻢ

ﺃﺟﺎﺑﻪ ﺻﻔﻮﺕ ﻗﺎﺋﻼ ﺑﺈﻣﺘﻨﺎﻥ :

- ﻣﺘﺸﻜﺮ ﺟﺪﺍ

- ﺍﺗﻤﻨﻰ ﺍﻥ ﺳﻴﺎﺩﺗﻚ ﺗﻜﻮﻥ ﻓﻜﺮﺕ ﻓﻤﻮﺿﻮﻉ ﺍﻟﺸﺮﺍﻛﺔ ﺍﻟﻠﻲ ﻋﺮﺿﺘﻪ ﻋﻠﻴﻚ

- ﺃﺟﺎﺏ ﺑﺈﻗﺘﻀﺎﺏ ﻭﻛﻠﻤﺎﺕ ﻣﻮﺟﺰﺓ : ﺇﻥ ﺷﺎﺀﺍﻟﻠﻪ ﺭﺑﻨﺎ ﻳﺴﻬﻞ

- ﻛﻨﺖ ﻋﺎﻳﺰ ﺑﺲ ﺃﻗﻮﻝ ﻟﺴﻴﺎﺩﺗﻚ ﻣﻌﻠﻮﻣﺔ ﺻﻐﻴﺮﺓ ﻭﻫﻲ ﺍﻥ ﺳﻤﻴﺮ ﺍﺑﻨﻲ ﻭﺟﻴﻬﺎﻥ ﻣﺮﺍﺗﻲ ﻣﺎﻋﻨﺪﻫﻤﺶ ﻓﻜﺮﺓ ﻋﻦ ﺍﻟﻠﻲ ﺣﺼﻞ ﻓﻴﺎ ﺭﻳﺖ ﺗﺮﺍﻋﻮﺍ ﺍﻟﻨﻘﻄﺔ ﺩﻱ ﻭﺍﻧﺘﻮﺍ ﺑﺘﺘﻜﻠﻤﻮﺍ ﺍﺩﺍﻣﻬﻢ

- ﻛﻮﻳﺲ ﺟﺪﺍ ... ﻭﺃﻧﺎ ﺷﺎﻛﺮ ﻟﻴﻚ ﺣﺴﻦ ﺗﺼﺮﻓﻚ

- ﻳﺎ ﺭﻳﺖ ﻣﺎﻧﺠﻴﺒﺶ ﺳﻴﺮﺓ ﺍﻟﻤﻮﺿﻮﻉ ﺩﻩ ﻣﺮﺓ ﺗﺎﻧﻴﺔ ﻭﻧﻨﺴﺎﻩ ﺧﺎﻟﺺ ﻛﺄﻥ ﻟﻢ ﻳﻜﻦ ... ﻭﻳﺎﺭﻳﺖ ﻧﻘﻔﻞ ﺍﻟﻜﻼﻡ ﻓﻴﻪ ﺩﻟﻮﻗﺘﻲ ﻷﻥ ﺟﻴﺠﻲ ﻣﺮﺍﺗﻲ ﺟﺎﻳﺔ ﻋﻠﻴﻨﺎ

ﺍﻗﺘﺮﺑﺖ ﻣﻨﻬﻢ ﺟﻴﻬﺎﻥ ﻗﺎﺋﻠﺔ :

- ﺍﺗﻔﻀﻠﻮﺍ ﻳﺎ ﺟﻤﺎﻋﺔ ﺍﻟﻐﺪﺍ ﺟﺎﻫﺰ

ﻗﺎﻡ ﻧﺠﻴﺐ ﻣﻦ ﻣﻜﺎﻧﻪ ﻭﺃﺷﺎﺭ ﻟﻬﻢ ﻗﺎﺋﻼ ﺑﺘﺮﺣﻴﺐ :

- ﺍﺗﻔﻀﻠﻮﺍ ﻳﺎ ﺟﻤﺎﻋﺔ ﻋﻠﻰ ﺍﻟﺴﻔﺮﺓ ﺑﺲ ﻫﻮ ﻓﻴﻦ ﺍﻟﺒﺎﺷﻤﻬﻨﺪﺱ ﻋﻠﻲ ﻣﺎﺷﺮﻓﻨﺎﺵ ﺑﺎﻟﺰﻳﺎﺭﺓ ﻣﻌﺎﻛﻢ ﻟﻴﻪ ?

ﺃﺟﺎﺏ ﺻﻔﻮﺕ ﻋﻠﻰ ﺳﺆﺍﻟﻪ ﻗﺎﺋﻼ :

- ﻓﻲ ﺍﻟﺤﻘﻴﻘﺔ ﻋﻠﻲ ﺃﻧﺎ ﺑﻌﺘﻪ ﻣﺸﻮﺍﺭ ﺧﺎﺹ ﺑﺎﻟﺸﻐﻞ ﻭﺍﺩﻳﺘﻪ ﻋﻨﻮﺍﻥ ﺍﻟﻔﻴﻼ ﻭﺍﻭﻝ ﻣﺎﻳﺨﻠﺺ ﺣﻴﺤﺼﻠﻨﺎ ﻋﻠﻰ ﻫﻨﺎ ﻋﻠﻄﻮﻝ

- ﻧﺠﻴﺐ : ﻳﺸﺮﻑ ﻓﺄﻱ ﻭﻗﺖ ... ﺍﺗﻔﻀﻮﺍ ﻳﺎ ﺟﻤﺎﻋﺔ

*******************************

ﺑﻌﺪ ﺇﻧﺘﻬﺎﺀ ﺍﻟﻐﺪﺍﺀ ﺍﺳﺘﺌﺬﻧﺖ ﻧﻮﺭﺍ ﻟﺘﺨﺮﺝ ﺇﻟﻲ ﺍﻟﺤﺪﻳﻘﺔ ﻣﻜﺎﻧﻬﺎ ﺍﻟﻤﻔﻀﻞ ﻭﺗﻨﻌﻢ ﺑﺼﺤﺒﺔ ﺍﻟﻮﺭﻭﺩ ﻭﺍﻷﺯﻫﺎﺭ ﺍﻟﻤﻮﺟﻮﺩﺓ ﺑﺎﻟﺤﺪﻳﻘﺔ ... ﻭﻓﻲ ﺃﺣﺪ ﺃﺭﻛﺎﻥ ﺍﻟﺤﺪﻳﻘﺔ ﻭﺟﺪﺕ ﺃﺭﺟﻮﺣﺔ ﻣﻌﻠﻘﺔ ﺑﻴﻦ ﻓﺮﻭﻉ ﺍﻷﺷﺠﺎﺭ ﺍﻗﺘﺮﺑﺖ ﻣﻨﻬﺎ ﻭﺟﻠﺴﺖ ﻓﻮﻗﻬﺎ ﻭﻗﺪ ﺍﻏﻤﻀﺖ ﻋﻴﻨﻴﻬﺎ ﻭﻫﻲ ﺗﺘﺨﻴﻞ ﺃﻥ ﻋﻠﻲ ﻳﺪﻓﻊ ﺍﻷﺭﺟﻮﺣﺔ ﻟﺘﺘﺤﺮﻙ ﺑﻬﺎ ﺣﺘﻰ ﺇﻧﻬﺎ ﺷﻌﺮﺕ ﺑﺎﻷﺭﺟﻮﺣﺔ ﺗﻬﺘﺰ ﺑﺎﻟﻔﻌﻞ ... ﻓﺘﺤﺖ ﻋﻴﻨﻴﻬﺎ ﻟﺘﺠﺪ ﺍﻥ ﻫﻨﺎﻙ ﻣﻦ ﻳﺪﻓﻌﻬﺎ ﺑﺎﻟﻔﻌﻞ ﻭﻟﻜﻨﻪ ﺑﺎﻟﻄﺒﻊ ﻟﻢ ﻳﻜﻦ ﻋﻠﻲ ... ﻗﻔﺰﺕ ﻧﻮﺭﺍ ﺑﺴﺮﻋﺔ ﻣﻦ ﻓﻮﻗﻬﺎ ﻭﻫﻲ ﺗﺼﺮﺥ ﺑﻪ ﻗﺎﺋﻠﺔ :

- ﻣﻜﻦ ﺍﻋﺮﻑ ﺇﻳﻪ ﺍﻟﻠﻲ ﺍﻧﺖ ﻋﻤﻠﺘﻪ ﺩﻩ ?

ﺗﻌﺠﺐ ﺳﻤﻴﺮ ﻣﻦ ﺭﺩﺓ ﻓﻌﻠﻬﺎ ﻓﻘﺎﻝ ﺑﺪﻫﺸﺔ :

- ﻓﻴﻪ ﺇﻳﻪ ... ﻫﻮ ﺇﻳﻪ ﺍﻟﻠﻲ ﺃﻧﺎ ﻋﻤﻠﺘﻪ ﺯﻋﻠﻚ ﺍﻭﻱ ﻛﺪﻩ ?

- ﻧﻮﺭﺍ ﺑﺤﺪﺓ : ﻣﺶ ﻋﺎﺭﻑ ﻋﻤﻠﺖ ﺇﻳﻪ

- ﻻ ﻣﺶ ﻋﺎﺭﻑ ... ﺃﻧﺎ ﻣﺎ ﺍﻋﺘﻘﺪﺵ ﺇﻧﻲ ﻏﻠﻄﺖ ﻓﺤﺎﺟﺔ ﻭﺑﻌﺪﻳﻦ ﻫﻮ ﺍﻧﺘﻲ ﺩﺍﻳﻤﺎ ﻭﺍﺧﺪﺍﻫﺎ ﺟﺪ ﺍﻭﻱ ﻛﺪﻩ ... ﻣﺶ ﺑﺘﻌﺮﻓﻲ ﺗﻬﺰﺭﻱ ﺍﺑﺪﺍ ?

- ﻭﺍﻫﺰﺭ ﻣﻊ ﺣﻀﺮﺗﻚ ﻟﻴﻪ ﻳﻌﻨﻲ ?

- ﺇﻳﻪ ﺣﻀﺮﺗﻚ ﺩﻱ ? ﻋﻠﻰ ﻓﻜﺮﺓ ﺃﻧﺎ ﺍﺻﻐﺮ ﻣﻦ ﺳﺎﻣﺢ ﻳﻌﻨﻲ ﻣﺶ ﺍﻛﺒﺮ ﻣﻨﻚ ﺑﻜﺘﻴﺮ ﺍﻭﻱ ﻳﻌﻨﻲ ﻋﺸﺎﻥ ﺗﻘﻮﻟﻴﻠﻲ ﺣﻀﺮﺗﻚ ﺩﻱ

ﺍﺟﺎﺑﺘﻪ ﻗﺎﺋﻠﺔ ﺑﻀﻴﻖ ﻭﻫﻲ ﺗﻬﻢ ﺑﺎﻟﻤﻐﺎﺩﺭﺓ :

- ﻭﺍﻟﻠﻪ ﺍﻛﺒﺮ ﺃﻭ ﺍﺻﻐﺮ ﺩﻱ ﺣﺎﺟﺔ ﻣﺎﺗﺨﺼﻨﻴﺶ ﻭﻋﻦ ﺇﺫﻥ ﺣﻀﺮﺗﻚ

ﺻﺮﺥ ﻓﻴﻬﺎ ﻗﺎﺋﻼ ﺑﺈﻧﻔﻌﺎﻝ :

- ﺃﻧﺎ ﻣﺶ ﻓﺎﻫﻢ ﺍﻧﺘﻲ ﺷﺎﻳﻔﺔ ﻧﻔﺴﻚ ﺍﻭﻱ ﻛﺪﻩ ﻋﻠﻲ ﺇﻳﻪ ? ﺍﻷﻭﻝ ﺗﺮﻓﻀﻲ ﺗﺴﻠﻤﻲ ﻋﻠﻴﺎ ﻭﺩﻟﻮﻗﺘﻲ ﺗﺴﻴﺒﻴﻨﻲ ﻭﺗﻤﺸﻲ ﻭﺃﻧﺎ ﺑﻜﻠﻤﻚ ... ﺍﻟﻠﻲ ﻳﺸﻮﻑ ﺩﻩ ﻣﺎﻳﺸﻮﻓﺶ ﺧﻄﻴﺒﻚ ﻭﻫﻮ ﻗﺎﻋﺪ ﺟﻨﺒﻚ ﻳﻮﻡ ﻛﺘﺐ ﺍﻟﻜﺘﺎﺏ ﻭﻫﻮ ﻣﺶ ﻃﺎﻳﻖ ﻧﻔﺴﻪ ﻭﻛﺄﻧﻪ ﻭﺍﻛﻞ ﻋﻠﻘﺔ ﻣﺤﺘﺮﻣﺔ ﻋﺸﺎﻥ ﻳﻮﺍﻓﻖ ﻳﺘﺠﻮﺯﻙ ﻭﻻ ﻳﻘﻌﺪ ﺟﻨﺒﻚ

ﻟﻤﻌﺖ ﺍﻟﺪﻣﻮﻉ ﻓﻲ ﻋﻴﻨﻴﻬﺎ ﻭﺍﺧﺬﺕ ﺗﻠﻌﻦ ﻧﻔﺴﻬﺎ ﺃﻟﻒ ﻣﺮﺓ ﻓﻲ ﺳﺮﻫﺎ ﻋﻠﻰ ﺫﻟﻚ ﺍﻟﺤﺐ ﺍﻟﺬﻱ ﺟﻌﻠﻬﺎ ﻣﺜﺎﺭ ﺳﺨﺮﻳﺔ ﺍﻷﺧﺮﻳﻦ ... ﺍﺳﺘﻄﺎﻋﺖ ﺍﻥ ﺗﺠﺎﻫﺪ ﻧﻔﺴﻬﺎ ﻭﺗﻤﻨﻊ ﺩﻣﻮﻋﻬﺎ ﻣﻦ ﺍﻟﻨﺰﻭﻝ ﻭﻗﺎﻝ ﺑﺘﻤﺎﺳﻚ ﻣﺼﻄﻨﻊ :

- ﻭﺍﻟﻠﻪ ﺩﻱ ﺣﺎﺟﺔ ﻣﺎﺗﺨﺼﻜﺶ ﻭﺧﻄﻴﺒﻲ ﺍﻧﺖ ﻣﺎﺩﺧﻠﺘﺶ ﻓﻘﻠﺒﻪ ﻋﺸﺎﻥ ﺗﻌﺮﻑ ﺇﺫﺍ ﻛﺎﻥ ﺑﻴﺤﺒﻨﻲ ﻭﻻ ﻷ

- ﺍﺟﺎﺏ ﺑﺘﻬﻜﻢ : ﻋﺎﻳﺰﺓ ﺗﻔﻬﻤﻴﻨﻲ ﺇﻧﻪ ﺑﻴﺤﺒﻚ ... ﻣﺎﻛﺎﻧﺶ ﺑﺎﻳﻦ ﻋﻠﻴﻪ ﺧﺎﻟﺺ ﺍﻟﺤﻘﻴﻘﺔ ﻳﻌﻨﻲ ... ﺑﺼﺮﺍﺣﺔ ﻟﻮ ﻭﺍﺣﺪﺓ ﻏﻴﺮﻙ ﻋﻨﺪﻫﺎ ﻛﺮﺍﻣﺔ ﻛﺎﻧﺖ ﺍﻟﻤﻔﺮﻭﺽ ........

ﺑﺘﺮ ﺳﻤﻴﺮ ﻋﺒﺎﺭﺗﻪ ﺍﻷﺧﻴﺮﺓ ﻋﻨﺪﻣﺎ ﻇﻬﺮ ﻋﻠﻲ ﺃﻣﺎﻣﻪ ﻣﻦ ﺍﻟﻌﺪﻡ ﻓﺠﺄﺓ ﻭﻗﺎﻝ ﻭﻋﻠﻰ ﻭﺟﻬﻪ ﺇﺑﺘﺴﺎﻣﺔ ﺑﺎﺭﺩﺓ :

- ﺍﺯﻳﻚ ﻳﺎ ﺃﺳﺘﺎﺫ ﺳﻤﻴﺮ ?

ﺃﺟﺎﺑﻪ ﺳﻤﻴﺮ ﻗﺎﺋﻼ ﺑﺈﺭﺗﺒﺎﻙ :

- ﺍﻫﻼ ﻭﺳﻬﻼ ﻳﺎ ﺑﺎﺷﻤﻬﻨﺪﺱ ... ﺍﺗﺄﺧﺮﺕ ﻟﻴﻪ ﺩﻩ ﺍﻟﺠﻤﺎﻋﺔ ﻣﺴﺘﻨﻴﻴﻨﻚ ﻣﻦ ﺑﺪﺭﻱ

- ﻣﻌﻠﺶ ﺑﻘﻰ ﺍﺻﻞ ﻛﺎﻥ ﻋﻨﺪﻱ ﺷﻐﻞ ﻛﺘﻴﺮ ﻭﻛﻨﺖ ﻋﺎﻳﺰ ﺍﻋﺘﺬﺭ ﺑﺲ ﻧﻮﺭﻫﺎﻥ ﻃﻠﺒﺖ ﻣﻨﻲ ﺇﻧﻲ ﺁﺟﻲ ﻣﻌﺎﻫﺎ ﻭﺃﻧﺎ ﻣﺎﻗﺪﺭﺵ ﺍﺭﻓﻀﻠﻬﺎ ﻃﻠﺐ

ﻗﻄﺒﺖ ﻧﻮﺭﺍ ﺟﺒﻴﻨﻬﺎ ﻓﻲ ﺩﻫﺸﺔ ﻓﻬﻲ ﻻ ﺗﺘﺬﻛﺮ ﺃﻧﻬﺎ ﻃﻠﺒﺖ ﻣﻦ ﻋﻠﻲ ﻣﺜﻞ ﻫﺬﺍ ﺍﻟﻄﻠﺐ ﻛﻤﺎ ﺍﻧﻬﺎ ﻟﻢ ﺗﺮﻩ ﻣﻨﺬ ﻳﻮﻡ ﺍﻟﻤﻄﻌﻢ ... ﺍﻟﺘﻔﺖ ﺇﻟﻴﻬﺎ ﻋﻠﻲ ﻗﺎﺋﻼ ﺑﺈﺑﺘﺴﺎﻣﺔ :

- ﺍﺯﻳﻚ ﻳﺎ ﺣﺒﻴﺒﺘﻲ ﻋﺎﻣﻠﺔ ﺇﻳﻪ ?

ﺍﺯﺩﺭﺩﺕ ﻟﻌﺎﺑﻬﺎ ﻭﻗﺎﻝ ﻣﺘﻌﺠﺒﺔ :

- ﻫﺎ ... ﺃﻧﺎ ... ﺍﻧﺖ ﺑﺘﻜﻠﻤﻨﻲ ﺃﻧﺎ ?

ﺍﻗﺘﺮﺏ ﻣﻨﻬﺎ ﻋﻠﻲ ﻭﻃﻮﻕ ﻛﺘﻔﻴﻬﺎ ﺑﺬﺭﺍﻋﻪ ﻭﻫﻮ ﻳﻘﻮﻝ ﺑﺈﺑﺘﺴﺎﻣﺔ :

- ﻫﻮ ﻓﻴﻪ ﺣﺒﻴﺒﺘﻲ ﻏﻴﺮﻙ ﻫﻨﺎ ﻳﺎ ﺣﺒﻴﺒﺘﻲ ?

ﺗﻤﻠﻜﺖ ﻣﻨﻬﺎ ﺍﻟﺪﻫﺸﺔ ﻭﻫﻲ ﺗﺠﻴﺒﻪ ﻗﺎﺋﻠﺔ :

- ﺍﻟﺤﻤﺪ ﻟﻠﻪ ﻛﻮﻳﺴﺔ

ﺷﻌﺮ ﺳﻤﻴﺮ ﺑﺎﻟﺤﺮﺝ ﻓﺎﺳﺘﺄﺫﻥ ﻗﺎﺋﻼ :

- ﻃﻴﺐ ﺍﺳﺘﺄﺫﻥ ﺍﻧﺎ ﺑﻘﻰ ﻋﺸﺎﻥ ﺗﺎﺧﺪﻭﺍ ﺭﺍﺣﺘﻜﻮﺍ

- ﻋﻠﻲ ﺑﺒﺮﻭﺩ : ﻳﻜﻮﻥ ﺃﺣﺴﻦ ﺑﺮﺿﻪ ... ﺍﻗﺼﺪ ﻳﻌﻨﻲ ﺍﺻﻞ ﻧﻮﺭﻫﺎﻥ ﻭﺣﺸﺎﻧﻲ ﺍﻭﻱ ﺑﻘﺎﻟﻲ ﻛﺎﻡ ﺳﺎﻋﺔ ﻣﺎﺷﻮﻓﺘﻬﺎﺵ

- ﺳﻤﻴﺮ ﺑﻀﻴﻖ : ﺁﻩ ... ﺭﺑﻨﺎ ﻳﺴﻌﺪﻛﻢ

- ﻣﺘﺸﻜﺮ ﺍﻭﻱ ... ﻋﻘﺒﺎﻟﻚ ﻟﻤﺎ ﺗﻼﻗﻲ ﺇﻧﺴﺎﻧﺔ ﺯﻱ ﻧﻮﺭﺍﻫﺎﻥ ﻛﺪﻩ ﺗﺴﻌﺪﻙ ... ﻭﻟﻮ ﺇﻧﻲ ﻣﺘﺄﻛﺪ ﺍﻥ ﻣﺎﻟﻬﺎﺵ ﺷﺒﻴﻪ ... ﻫﻴﺎ ﻧﻮﺭﻫﺎﻥ ﻭﺍﺣﺪﺓ ﺑﺲ ﻭﻣﻦ ﺣﺴﻦ ﺣﻈﻲ ﺇﻧﻲ ﻟﺤﻘﺘﻬﺎ ﻗﺒﻞ ﻣﺎﺗﺮﻭﺡ ﻣﻦ ﺇﻳﺪﻱ ... ﻋﺎﺭﻑ ﺍﻧﺖ ﻳﻮﻡ ﻛﺘﺐ ﻛﺘﺎﺑﻨﺎ ﻛﻨﺖ ﻣﻀﺎﻳﻖ ﺍﻭﻱ ﺇﻧﻪ ﻛﺘﺐ ﻛﺘﺎﺏ ﺑﺲ ﻛﺎﻥ ﻧﻔﺴﻲ ﻳﻜﻮﻥ ﻓﺮﺡ ﻭﺩﺧﻠﺔ ﺑﺎﻟﻤﺮﺓ ... ﺍﺻﻠﻲ ﻣﺴﺘﻌﺠﻞ ﺍﻭﻱ ﻋﺸﺎﻥ ﺗﻜﻮﻥ ﻣﻌﺎﻳﺎ ... ﻋﺎﺭﻑ ﺍﻧﺖ ﺍﻧﺎ ﺑﺤﺒﻬﺎ ﻣﻦ ﺍﻣﺘﻰ ... ﻣﻦ ﺯﻣﺎﻥ ﺍﻭﻱ ﻣﻦ ﺍﻳﺎﻡ ﻣﺎﻛﻨﺎ ﻛﻠﻨﺎ ﻋﺎﻳﺸﻴﻦ ﻣﻊ ﺑﻌﺾ ﻓﺒﻴﺖ ﺍﻟﻌﻴﻠﺔ ﻓﺪﻣﻴﺎﻁ ﻳﻌﻨﻲ ﻣﻦ ﻭﺍﺣﻨﺎ ﻋﻴﺎﻝ ﺻﻐﻴﺮﻳﻦ ... ﻣﺎﻛﻨﺘﺶ ﺑﺨﻠﻴﻬﺎ ﺗﻠﻌﺐ ﻣﻊ ﺣﺪ ﻣﻦ ﺍﻟﻮﻻﺩ ﺧﺎﻟﺺ ﻏﻴﺮﻱ ﺍﻧﺎ ﺑﺲ ... ﻟﻮﻓﻴﻪ ﻭﻟﺪ ﺣﺐ ﻳﻐﻠﺲ ﻋﻠﻴﻬﺎ ﻭﻻ ﻳﺴﺘﻈﺮﻑ ﺩﻣﻪ ﺷﻮﻳﺔ ... ﻛﻨﺖ ﺑﺎﺿﺮﺑﻪ ﻋﻠﻘﺔ ﻣﻮﺕ ﻟﺤﺪ ﻣﺎﻳﻘﻮﻝ ﺣﻘﻲ ﺑﺮﻗﺒﺘﻲ ﻭﻟﺤﺪ ﺩﻟﻮﻗﺘﻲ ﻋﻠﻰ ﻓﻜﺮﺓ ﺍﻧﺎ ﻣﺴﺘﻌﺪ ﺍﺿﺮﺏ ﺃﻱ ﺣﺪ ﻋﺸﺎﻥ ﺧﺎﻃﺮﻫﺎ

- ﺭﺑﻨﺎ ﻳﺨﻠﻴﻬﺎﻟﻚ

ﺍﻧﺼﺮﻑ ﺳﻤﻴﺮ ﻭﻫﻮ ﻳﺤﺎﻭﻝ ﻛﻈﻢ ﻏﻴﻈﻪ ﺑﻴﻨﻤﺎ ﻇﻠﺖ ﻧﻮﺭﺍ ﺍﻟﺘﻲ ﻛﺎﻧﺖ ﺗﺴﺘﻤﻊ ﺇﻟﻰ ﻛﻠﻤﺎﺕ ﻋﻠﻲ ﻭﻗﺪ ﻓﻐﺮﺕ ﻓﺎﻫﺎ ﻣﻦ ﺍﻟﺪﻫﺸﺔ ... ﻓﻤﺎ ﺗﺘﺬﻛﺮﻩ ﺟﻴﺪﺍ ﺃﻥ ﻋﻠﻲ ﻝ ﻳﻜﻨﻴﺴﻤﺢ ﻟﻠﺒﻨﺎﺕ ﺑﺄﻥ ﻳﺸﺎﺭﻛﻨﻪ ﺍﻟﻌﺎﺑﻪ ﺣﺘﻲ ﺷﻘﻴﻘﺎﺗﻪ ... ﻛﺎﻥ ﻳﻠﻌﺐ ﻓﻘﻂ ﻣﻊ ﺍﺣﻤﺪ ﻭﺍﺩﻫﻢ ﻋﻨﺪﻣﺎ ﻳﺄﺗﻮﻥ ﻟﺰﻳﺎﺭﺗﻬﻢ ... ﻻ ﺗﺘﺬﻛﺮ ﺍﺑﺪﺍ ﺍﻧﻪ ﺿﺮﺏ ﺍﺣﺪﻫﻢ ﻣﻦ ﺍﺟﻠﻬﺎ ... ﺛﻢ ﻣﺎﻋﻼﻗﺔ ﺳﻤﻴﺮ ﺑﻜﻞ ﺫﻟﻚ ﻭﺍﻗﻔﺔ ﻣﻜﺎﻧﻬﺎ ﻭﻫﻲ ﺗﻨﻈﺮ ﻟﻌﻠﻲ ﺑﺪﻫﺸﺔ ... ﻭﺿﻌﺖ ﻳﺪﻫﺎ ﻋﻠﻲ ﺟﺒﻬﺘﻪ ﺗﺘﺤﺴﺲ ﺣﺮﺍﺭﺗﻪ ﻓﺎﺑﺘﺴﻢ ﻗﺎﺋﻼ ﺑﺴﺨﺮﻳﺔ : ﻣﺎﺗﺨﺎﻓﻴﺶ ﻣﺶ ﺳﺨﻦ ﻭﻻ ﺣﺎﺟﺔ

- ﻧﻮﺭﺍ ﺑﺘﻬﻜﻢ : ﻳﺒﻘﻰ ﺍﻛﻴﺪ ﺍﻟﻤﺸﻜﻠﺔ ﻓﻮﺩﺍﻧﻲ ﺃﻧﺎ ... ﺍﻛﻴﺪ ﺳﻤﻌﺖ ﻏﻠﻂ

- ﻻﻣﺎ ﺗﻘﻠﻘﻴﺶ ﻭﺩﺍﻧﻚ ﺳﻠﻴﻤﺔ ... ﺃﻧﺎ ﺍﺻﻠﻲ ﻫﻨﺎ ﻣﻦ ﺑﺪﺭﻱ ﻭﺳﻤﻌﺖ ﺍﻟﻜﻼﻡ ﺍﻟﻠﻲ ﺍﻟﺤﻴﻮﺍﻥ ﺩﻩ ﻗﺎﻟﻬﻮﻟﻚ

- ﺁﻩ ... ﻓﻬﻤﺖ ... ﺍﻧﺖ ﺑﻘﻰ ﺣﺒﻴﺖ ﺗﺜﺒﺘﻠﻪ ﺍﻥ ﻛﻼﻣﻪ ﻏﻠﻂ ... ﻓﻤﺜﻠﺖ ﺩﻭﺭ ﺍﻟﻌﺎﺷﻖ ﺍﻟﻮﻟﻬﺎﻥ ... ﻃﺐ ﻳﺎ ﺭﺍﺟﻞ ﻛﻨﺖ ﺳﻴﺒﻨﻲ ﺍﻋﻴﺶ ﺍﻟﺪﻭﺭ ﺷﻮﻳﺔ ﻭﺍﺻﺪﻕ ﻧﻔﺴﻲ ... ﺩﻩ ﺍﻧﺎ ﻛﻨﺖ ﺍﺑﺘﺪﻳﺖ ﺍﺻﺪﻕ ﺍﻥ ﺍﻧﺎ ﺑﺠﺪ ﺣﺐ ﺍﻟﻄﻔﻮﻟﺔ ﻭﺍﻟﻤﺮﺍﻫﻘﺔ ﻭﺍﻟﺸﺒﺎﺏ ... ﻛﻨﺖ ﺍﺑﺘﺪﻳﺖ ﺍﺻﺪﻕ ﺍﻥ ﺍﻟﻜﻼﻡ ﺑﺠﺪ ... ﻣﺎﻓﻴﺶ ﻓﺎﻳﺪﺓ ﻓﻴﻚ ﻳﺎ ﻋﻠﻲ ... ﺻﺪﻗﻨﻲ ﻣﺎﻓﻴﺶ ﻓﺎﻳﺪﺓ

ﺟﺮﺕ ﻧﻮﺭﺍ ﻣﺴﺮﻋﺔ ﺇﻟﻰ ﺍﻟﺪﺍﺧﻞ ﻭﻋﻠﻰ ﻳﺤﺎﻭﻝ ﺍﻟﻠﺤﺎﻕ ﺑﻬﺎ ﻭﻫﻮ ﻳﺘﺒﻌﻬﺎ ﻗﺎﺋﻼ :

- ﻧﻮﺭﻫﺎﻥ ﺍﺳﺘﻨﻲ ﺑﺲ ... ﻳﺎ ﻧﻮﺭﻫﺎﻥ ﺍﺳﺘﻨﻲ ... ﺍﺳﺘﻨﻲ ﺑﺲ ﺣﺎﻗﻮﻟﻚ ........ ،

ﻳﺘﺒﻊ

↚

ﺍﻧﻬﺖ ﻟﺒﻨﻰ ﺇﻣﺘﺤﺎﻧﻬﺎ ﺍﻷﺧﻴﺮ ﻭﺧﺮﺟﺖ ﻟﺘﺠﺪ ﻧﻮﺭﺍ ﻓﻲ ﺇﻧﺘﻈﺎﺭﻫﺎ ﺍﻣﺎﻡ ﺑﺎﺏ ﺍﻟﻜﻠﻴﺔ ... ﺍﻗﺘﺮﺑﺖ ﻣﻨﻬﺎ ﻧﻮﺭﺍ ﻗﺎﺋﻠﺔ :

- ﻫﺎ ﻳﺎ ﻟﻮﻟﻮ ﻋﻤﻠﺘﻲ ﺇﻳﻪ ﺍﻟﻨﻬﺎﺭﺩﺓ ?

ﺗﻨﻬﺪﺕ ﻟﺒﻨﻰ ﻗﺒﻞ ﺍﻥ ﺗﺠﻴﺒﻬﺎ ﻗﺎﺋﻠﺔ ﺑﺈﺭﺗﻴﺎﺡ :

- ﺍﻟﺤﻤﺪ ﻟﻠﻪ ﻳﺎ ﻧﻮﺭﺍ ... ﺍﻧﺎ ﻣﺶ ﻣﺼﺪﻗﺔ ﺍﻥ ﺍﻟﻨﻬﺎﺭﺩﺓ ﻛﺎﻥ ﺍﺧﺮ ﻳﻮﻡ ﻓﻲ ﺍﻹﻣﺘﺤﺎﻧﺎﺕ

- ﻣﻌﺎﻛﻲ ﺣﻖ ... ﺍﻟﺤﻤﺪ ﻟﻠﻪ ﻛﺎﻥ ﻫﻢ ﻭﺍﺗﺰﺍﺡ ... ﻳﻼ ﺑﻴﻨﺎ ﺑﻘﻰ

- ﻳﺆﺳﻔﻨﻲ ﺍﻗﻮﻟﻚ ﺍﻧﻚ ﺣﺘﺮﻭﺣﻲ ﻣﻦ ﻏﻴﺮﻱ ﺍﻟﻨﻬﺎﺭﺩﺓ ... ﻣﻌﻠﺶ ﺑﻘﻰ ﻳﺎ ﻧﻮﺭﺍ

- ﻧﻮﺭﺍ ﺑﺪﻫﺸﺔ : ﻟﻴﻪ ﻳﺎ ﻟﺒﻨﻰ ? ﺧﻴﺮ ﻓﻲ ﺣﺎﺟﺔ

ﻃﻤﺄﻧﺘﻬﺎ ﻟﺒﻨﻰ ﻗﺎﺋﻠﺔ ﺑﺈﺑﺘﺴﺎﻣﺔ :

- ﻛﻞ ﺍﻟﺤﻜﺎﻳﺔ ﺍﻥ ﺍﺣﻤﺪ ﺣﻴﻮﺻﻞ ﻛﻤﺎﻥ ﺷﻮﻳﺔ ﻣﻦ ﺩﻣﻴﺎﻁ ... ﻫﻮ ﻗﺎﻟﻲ ﺑﻤﺎ ﺇﻥ ﺍﻟﻨﻬﺎﺭﺩﺓ ﺍﺧﺮ ﻳﻮﻡ ﻓﻲ ﺍﻹﻣﺘﺤﺎﻧﺎﺕ ﺣﻴﻴﺠﻲ ﻋﺸﺎﻥ ﻧﺨﺮﺝ ﺳﻮﺍ ﻭﻧﺘﻔﺴﺢ ﺷﻮﻳﺔ ... ﻭﻛﻤﺎﻥ ﺟﺎﻱ ﻋﺎﻳﺰ ﻋﻤﻮ ﺻﻔﻮﺕ ﻓﻤﻮﺿﻮﻉ ﻣﻬﻢ

ﺗﺴﺎﺀﻟﺖ ﻧﻮﺭﺍ ﻗﺎﺋﻠﺔ ﻓﻲ ﺣﻴﺮﺓ :

- ﻣﺎﺗﻌﺮﻓﻴﺶ ﻫﻮ ﻋﺎﻳﺰ ﺑﺎﺑﺎ ﻓﺈﻳﻪ ?

ﺭﻓﻌﺖ ﻟﺒﻨﻰ ﻛﺘﻔﻴﻬﺎ ﻗﺎﺋﻠﺔ :

- ﻋﻠﻤﻲ ﻋﻠﻤﻚ ... ﻫﻮ ﻗﺎﻟﻲ ﻟﻤﺎ ﻧﺘﻘﺎﺑﻞ ﺣﻴﻘﻮﻟﻲ

ﺛﻢ ﻧﻈﺮﺕ ﺃﻣﺎﻣﻬﺎ ﻟﺘﺠﺪ ﺍﺣﻤﺪ ﻳﻘﺘﺮﺏ ﻣﻨﻬﻤﺎ ﻓﻘﺎﻟﺖ ﺑﺴﻌﺎﺩﺓ :

- ﺁﻫﻮ ﺍﺣﻤﺪ ﺟﻪ ﺁﻫﻮﻩ

ﻭﻗﻒ ﺍﺣﻤﺪ ﺍﻣﺎﻣﻬﻤﺎ ﻭﺍﻟﻘﻰ ﺍﻟﺴﻼﻡ ﻋﻠﻴﻬﻤﺎ ﺛﻢ ﺻﺎﻓﺢ ﻟﺒﻨﻲ ﻭﺳﺄﻝ ﻧﻮﺭﺍ ﻋﻦ ﺣﺎﻟﻬﺎ ﻓﺎﺟﺎﺑﺖ ﻗﺎﺋﻠﺔ :

- ﺍﻟﺤﻤﺪ ﻟﻠﻪ ﻳﺎ ﺍﺣﻤﺪ ... ﺍﻧﺖ ﺍﺧﺒﺎﺭﻙ ﺇﻳﻪ ﻭﺃﺧﺒﺎﺭ ﻋﻤﺘﻮ ﺍﻟﻔﺖ ﻭﺍﺩﻫﻢ ﺍﻳﻪ ?

- ﻛﻠﻨﺎ ﻛﻮﻳﺴﻴﻦ ﺍﻟﺤﻤﺪ ﻟﻠﻪ ... ﻣﻌﻠﺶ ﺑﻘﻰ ﻳﺎ ﻧﻮﺭﺍ ﻣﻀﻄﺮ ﺍﺧﺪ ﻟﺒﻨﻰ ﻣﻨﻚ ﺍﻟﻨﻬﺎﺭﺩﺓ

- ﻻ ﻋﺎﺩﻱ ﺑﺮﺍﺣﺘﻚ ... ﺍﻟﻤﻬﻢ ﺍﻥ ﻟﺒﻨﻰ ﺗﻜﻮﻥ ﻣﺒﺴﻮﻃﺔ

ﺳﺄﻟﺖ ﻟﺒﻨﻰ ﺍﺣﻤﺪ ﻣﺴﺘﻔﺴﺮﺓ :

- ﻫﻮ ﺍﺣﻨﺎ ﺣﻨﺮﻭﺡ ﻓﻴﻦ ﺑﺎﻟﻈﺒﻂ ﻳﺎ ﺍﺣﻤﺪ ?

- ﺣﺎﻓﺴﺤﻚ ﻓﺴﺤﺔ ﻋﻤﺮﻙ ﻣﺎﺣﺘﻨﺴﻴﻬﺎ

ﺷﻌﺮﺕ ﻧﻮﺭﺍ ﺑﺎﻟﺤﺮﺝ ﻓﺎﺳﺘﺄﺫﻧﺖ ﻗﺎﺋﻠﺔ :

- ﻃﻴﺐ ﻳﺎ ﺟﻤﺎﻋﺔ ﻋﻦ ﺇﺫﻧﻜﻮﺍ ﺃﻧﺎ ﺑﻘﻰ ﻋﺸﺎﻥ ﻣﺎ ﺍﻋﻄﻠﻜﻮﺵ

ﺍﻟﺘﻔﺘﺖ ﺇﻟﻴﻬﺎ ﻟﺒﻨﻰ ﻗﺎﺋﻠﺔ ﺑﺠﺪﻳﺔ :

- ﻣﺎﺗﻴﺠﻲ ﻣﻌﺎﻧﺎ ﻳﺎ ﻧﻮﺭﺍ ?

- ﻻ ﻳﺎ ﺷﻴﺨﺔ ... ﻃﻴﺐ ﺑﺲ ﺍﺣﺴﻦ ﺍﺻﺪﻕ ﻭﺁﺟﻲ ﻣﻌﺎﻛﻮﺍ ﺑﺠﺪ

- ﺍﺣﻤﺪ : ﺗﻨﻮﺭﻳﻨﺎ ﻭﺍﻟﻠﻪ ... ﻋﻠﻰ ﻓﻜﺮﺓ ﺍﻧﺎ ﻣﻤﻜﻦ ﺍﻛﻠﻢ ﻋﻠﻲ ﺍﻭ ﺍﻧﺘﻲ ﻛﻠﻤﻴﻪ ﻭﺍﻗﻮﻟﻪ ﻳﻴﺠﻲ ﻭﻧﺨﺮﺝ ﻛﻠﻨﺎ ﺳﻮﺍ

- ﻻ ﻣﺎﻓﻴﺶ ﺩﺍﻋﻲ ... ﺭﻭﺣﻮﺍ ﺍﻧﺘﻮﺍ ﺍﺗﻔﺴﺤﻮﺍ ﻭﺍﺗﺒﺴﻄﻮﺍ ﻭﻣﺎﺗﻔﻜﺮﻭﺵ ﻓﺄﻱ ﺣﺎﺟﺔ ... ﻭﺃﻧﺎ ﺣﺎﺭﻭﺡ ﺍﻟﺒﻴﺖ ﺃﻧﺎﻡ ﻋﺸﺎﻥ ﺑﻘﺎﻟﻲ ﻣﺪﺓ ﻣﻦ ﺍﻭﻝ ﺍﻹﻣﺘﺤﺎﻧﺎﺕ ﻣﺶ ﺑﺎﻧﺎﻡ ﻛﻮﻳﺲ ... ﻳﻼ ﻋﻦ ﺇﺫﻧﻜﻮﺍ

ﻋﺮﺽ ﻋﻠﻴﻬﺎ ﺍﺣﻤﺪ ﺗﻮﺻﻴﻠﻬﺎ ﻓﺎﺟﺎﺑﺖ ﻗﺎﺋﻠﺔ :

- ﻣﺎﻓﻴﺶ ﺩﺍﻋﻲ ﺗﺘﻌﺐ ﻧﻔﺴﻚ ... ﻭﺑﻌﺪﻳﻦ ﺍﻧﺎ ﻣﻌﺎﻳﺎ ﻋﺮﺑﻴﺘﻲ

ﻭﺩﻋﺘﻬﺎ ﻟﺒﻨﻰ ﻗﺎﺋﻠﺔ ﺑﺈﺑﺘﺴﺎﻣﺔ :

- ﻣﻊ ﺍﻟﺴﻼﻣﺔ ﻳﺎ ﻧﻮﻧﻮ ﻭﺧﻠﻲ ﺑﺎﻟﻚ ﻣﻦ ﻧﻔﺴﻚ

- ﺳﻼﻡ ... ﻣﺎﺗﻨﺴﻴﺶ ﺗﻜﻠﻤﻴﻨﻲ ﻓﺎﻟﺘﻠﻴﻔﻮﻥ ﻟﻤﺎ ﺗﺮﻭﺣﻲ

ﻏﺎﺩﺭﺕ ﻧﻮﺭﺍ ﻟﺘﺮﻛﺐ ﺳﻴﺎﺭﺗﻬﺎ ﻓﺴﺄﻝ ﺍﺣﻤﺪ ﻟﺒﻨﻰ ﻗﺎﺋﻼ ﺑﻘﻠﻖ :

- ﻫﻴﺎ ﻣﺎﻟﻬﺎ ﻧﻮﺭﺍ ﻳﺎ ﻟﺒﻨﻰ ... ﺷﻜﻠﻬﺎ ﺣﺰﻳﻦ ﺍﻭﻱ ﻛﺪﻩ ﻟﻴﻪ ?

- ﻣﺶ ﻋﺎﺭﻓﺔ ﻳﺎ ﺍﺣﻤﺪ ... ﺑﻘﺎﻟﻬﺎ ﻓﺘﺮﺓ ﻋﻠﻰ ﻛﺪﻩ ... ﻭﻛﻞ ﻣﺎ ﺍﺳﺄﻟﻬﺎ ﺗﻘﻮﻟﻲ ﺍﻟﻤﺬﺍﻛﺮﺓ ﻭﺍﻹﻣﺘﺤﺎﻧﺎﺕ

- ﻣﺎﺗﻌﺮﻓﻴﺶ ﻫﻴﺎ ﻋﺎﻣﻠﺔﺇﻳﻪ ﻣﻊ ﻋﻠﻲ ?

ﻫﺰﺕ ﺭﺃﺳﻬﺎ ﻧﺎﻓﻴﺔ ﺛﻢ ﻗﺎﻟﺖ :

- ﻣﺎ ﺍﻋﺮﻓﺶ ﻭﺍﻟﻠﻪ ﻳﺎ ﺍﺣﻤﺪ ... ﻋﻠﻲ ﻗﺎﻟﻨﺎ ﻣﺶ ﻋﺎﻳﺰ ﺣﺪ ﻳﺪﺧﻞ ﺑﻴﻨﻬﻢ ﻭﻣﻦ ﺳﺎﻋﺘﻬﺎ ﺑﻄﻠﺖ ﺍﺳﺄﻟﻬﺎ ﻋﻦ ﺣﺎﺟﺔ ﻭﻫﻴﺎ ﻣﺶ ﻣﻦ ﺍﻟﻨﻮﻉ ﺍﻟﻠﻲ ﺑﻴﻘﻮﻝ ﺣﺎﺟﺔ

- ﺭﺑﻨﺎ ﻳﺼﻠﺤﻠﻬﻢ ﺍﻟﺤﺎﻝ ... ﺑﺎﻗﻮﻟﻚ ﺇﻳﻪ ﺳﻴﺒﻚ ﺑﻘﻰ ﻣﻦ ﺃﺧﻮﻛﻲ ﻭﻣﺮﺍﺗﻪ ﻭﺧﻠﻴﻨﺎ ﻓﻨﻔﺴﻨﺎ ﺷﻮﻳﺔ ... ﺗﻌﺮﻓﻲ ﺍﻧﻚ ﻭﺣﺸﺘﻴﻨﻲ ﺍﻭﻱ

ﺧﻔﻀﺖ ﺭﺃﺳﻬﺎ ﻭﺍﺟﺎﺑﺖ ﻗﺎﺋﻠﺔ ﺑﺨﺠﻞ :

- ﻭﺍﻧﺖ ﻛﻤﺎﻥ ﻋﻠﻰ ﻓﻜﺮﺓ

- ﻃﻴﺐ ﻳﻼ ﺑﻴﻨﺎ ﺑﻘﻰ ﻋﺸﺎﻥ ﻧﻠﺤﻖ ﻧﺘﻔﺴﺢ ﻭﻛﻤﺎﻥ ﻋﺸﺎﻥ ﺍﻗﻮﻟﻚ ﻋﻠﻰ ﺍﻟﻤﻮﺿﻮﻉ ﺍﻟﻠﻲ ﻋﺎﻳﺰ ﺧﺎﻟﻲ ﺻﻔﻮﺕ ﻓﻴﻪ

ﻋﺎﺩﺕ ﻧﻮﺭﺍ ﺇﻟﻰ ﺍﻟﻤﻨﺰﻝ ﻟﺘﺠﺪ ﺳﺎﻣﺢ ﻳﺠﻠﺲ ﺑﻤﻔﺮﺩﻩ ﺑﺈﻧﺘﻈﺎﺭ ﻗﺪﻭﻡ ﻧﺎﺩﻳﺔ ... ﻭﻣﻦ ﺇﻥ ﺭﺃﻫﺎ ﺣﺘﻰ ﻫﺐ ﻣﻦ ﻣﻜﺎﻧﻪ ﻭﺍﺗﺠﻪ ﻧﺤﻮﻫﺎ ﻗﺎﺋﻼ :

- ﺍﺯﻳﻚ ﻳﺎ ﻧﻮﺭﺍ

ﺍﺟﺎﺑﺖ ﻧﻮﺭﺍ ﻗﺎﺋﻠﺔ ﻓﻲ ﺿﻴﻖ :

- ﺍﻟﺤﻤﺪ ﻟﻠﻪ ﻳﺎ ﺃﺳﺘﺎﺫ ﺳﺎﻣﺢ ...

- ﺇﻳﻪ ﺃﺳﺘﺎﺫ ﺩﻱ ? ﻣﺶ ﺍﻧﺎ ﺧﻼﺹ ﺑﻘﻴﺖ ﺟﻮﺯ ﺃﺧﺘﻚ ﻳﺒﻘﻰ ﺗﻘﻮﻟﻴﻠﻲ ﺳﺎﻣﺢ ... ﺳﺎﻣﺢ ﻭﺑﺲ

ﺯﻓﺮﺕ ﻧﻮﺭﺍ ﺑﺸﺪﺓ ﺛﻢ ﻗﺎﻟﺖ ﻓﻲ ﺿﺠﺮ :

- ﺍﺳﻔﺔ ﻣﺎﻗﺪﺭﺵ ..

ﺛﻢ ﻗﺎﻟﺖ ﻣﺤﺎﻭﻟﺔ ﺗﻐﻴﻴﺮ ﺍﻟﻤﻮﺿﻮﻉ :

- ﻫﻴﺎ ﻧﺎﺩﻳﺔ ﻋﺮﻓﺖ ﺍﻥ ﺣﻀﺮﺗﻚ ﻫﻨﺎ ?

ﺃﻭﻣﺄ ﺑﺮﺃﺳﻪ ﻣﺆﻛﺪﺍ :

- ﺍﻳﻮﻩ ﻋﺮﻓﺖ ... ﺍﻟﺪﺍﺩﻩ ﺑﺘﺎﻋﺘﻜﻮﺍ ﻃﻠﻌﺘﻠﻬﺎ ﻣﻦ ﻧﺺ ﺳﺎﻋﺔ ﻭﺑﻠﻐﺘﻬﺎ ﻭﻗﺎﻟﺘﻠﻲ ﺍﻧﻬﺎ ﻧﺎﺯﻟﺔ ﺣﺎﻻ ﻭﻟﺤﺪ ﺩﻟﻮﻗﺘﻲ ﻣﺎﻧﺰﻟﺘﺶ ... ﻋﺎﺟﺒﻚ ﺍﻟﻠﻲ ﻫﻴﺎ ﺑﺘﻌﻤﻠﻪ ﻣﻌﺎﻳﺎ ﺩﻩ ?

- ﺍﺟﺎﺑﺖ ﺑﻨﻔﺎﺫ ﺻﺒﺮ : ﻭﺍﻟﻠﻪ ﺩﻱ ﺣﺎﺟﺔ ﻣﺎﺗﺨﺼﻨﻴﺶ ﺍﻧﺘﻮﺍ ﺍﺣﺮﺍﺭ ﻣﻊ ﺑﻌﺾ ... ﻭﻋﻤﻮﻣﺎ ﻳﻌﻨﻲ ﺍﻋﺘﻘﺪ ﺍﻥ ﻧﺎﺩﻳﺔ ﻣﺤﺘﺎﺟﺔ ﻭﻗﺖ ﻋﺸﺎﻥ ﺗﻨﺴﻰ ﺍﻟﻠﻲ ﺣﺼﻞ

- ﺑﻴﺘﻬﻴﺄﻟﻲ ﺍﻥ ﺍﻟﻠﻲ ﺣﺼﻞ ﺩﻩ ﻣﺶ ﻏﻠﻄﺘﻲ ﻟﻮﺣﺪﻱ ... ﺍﻟﻐﻠﻂ ﻛﺎﻥ ﻣﺸﺘﺮﻙ ﺑﻴﻨﻲ ﻭﺑﻴﻨﻬﺎ ... ﻭﺑﻌﺪﻳﻦ ﺍﺣﻨﺎ ﺧﻼﺹ ﺣﻨﺘﺠﻮﺯ ﻳﻌﻨﻲ ﺍﻟﻤﻔﺮﻭﺽ ﻧﺎﺩﻳﺔ ﺗﻐﻴﺮ ﺃﺳﻠﻮﺑﻬﺎ ﻣﻌﺎﻳﺎ ﺷﻮﻳﺔ ... ﺗﻌﺮﻓﻲ ﺍﻧﻬﺎ ﻣﺶ ﺑﺘﻜﻠﻤﻨﻲ ﺧﺎﻟﺺ ﻟﻤﺎ ﺑﺘﺸﻮﻓﻨﻲ ﻓﺎﻟﻜﻠﻴﺔ ... ﺩﻩ ﺣﺘﻰ ﺯﻣﺎﻳﻠﻨﺎ ﻣﺴﺘﻐﺮﺑﻴﻴﻦ ﻣﻦ ﺍﻟﻤﻮﺿﻮﻉ ﺩﻩ ... ﻭﺩﻱ ﺃﻭﻝ ﻣﺮﺓ ﺁﺟﻲ ﺍﻟﻔﻴﻼ ﻫﻨﺎ ﺑﻌﺪ ﻛﺘﺐ ﺍﻟﻜﺘﺎﺏ ﻭﺷﻮﻓﻲ ﺳﺎﻳﺒﺎﻧﻲ ﻟﻮﺣﺪﻱ ﺍﺯﺍﻱ ... ﺣﺘﻰ ﻳﻮﻡ ﺍﻟﻌﺰﻭﻣﺔ ﺭﻓﻀﺖ ﺗﻘﻌﺪ ﻭﺗﺘﻜﻠﻢ ﻣﻌﺎﻳﺎ ... ﺍﻧﺘﻲ ﻣﺶ ﺷﺎﻳﻔﺔ ﺍﻧﻬﺎ ﻣﺰﻭﺩﺍﻫﺎ ﺷﻮﻳﺔ ... ﺗﻌﺮﻓﻲ ﻳﺎ ﻧﻮﺭﺍ ... ﺃﻧﺎ ﺑﺤﺴﺪ ﻋﻠﻲ ﻋﻠﻴﻜﻲ ... ﻳﺎﺭﻳﺖ ﻧﺎﺩﻳﺔ ﻛﺎﻧﺖ ﻋﺎﻗﻠﺔ ﻭﻣﻠﺘﺰﻣﺔ ﺯﻳﻚ ﻛﺪﻩ ... ﺍﻛﻴﺪ ﻣﺎﻛﺎﻧﺶ ﺣﺎﺟﺔ ﻣﻦ ﺩﻱ ﺣﺼﻠﺖ ... ﺑﺲ ﻭﺍﻟﻠﻪ ﻫﻴﺎ ﺍﻟﻠﻲ ﻃﻤﻌﺘﻨﻲ ﻓﻴﻬﺎ ... ﺃﻭ ﻳﺎﺭﻳﺘﻨﻲ ﺷﻮﻓﺘﻚ ﻗﺒﻞ ﻣﺎ ﺃﻗﺎﺑﻞ ﻧﺎﺩﻳﺔ ... ﺳﺎﻋﺘﻬﺎ ﻋﻤﺮﻱ ﻣﺎﻛﻨﺖ ﺣﺎﺳﻴﺒﻚ ﺗﻀﻴﻌﻲ ﻣﻦ ﺇﻳﺪﻱ

ﺻﺮﺧﺖ ﻓﻴﻪ ﻧﻮﺭﺍ ﻗﺎﺋﻠﺔ ﺑﺈﻧﻔﻌﺎﻝ :

↚

- ﻟﻮ ﺳﻤﺤﺖ ﻳﺎﺭﻳﺖ ﺗﻠﺰﻡ ﺣﺪﻭﺩﻙ ... ﻣﺎﺗﻨﺴﺎﺵ ﺍﻥ ﺃﻧﺎ ﻣﺘﺠﻮﺯﺓ ... ﻭﻣﺎﺗﻨﺲﺍﺵ ﺍﻥ ﺍﻟﻠﻲ ﺑﺘﺘﻜﻠﻢ ﻋﻨﻬﺎﺩﻱ ﺗﺒﻘﻰ ﺍﺧﺘﻲ ... ﻭﺃﻧﺎ ﻣﺎ ﺍﺳﻤﺤﻠﻜﺶ ﺗﺘﻜﻠﻢ ﻋﻨﻬﺎ ﺑﺎﻟﻄﺮﻳﻘﺔ ﺩﻱ ... ﻭﻋﻦ ﺇﺫﻧﻚ ﺍﻧﺎ ﻃﺎﻟﻌﺔ ﺍﻧﺎﺩﻳﻠﻚ ﻧﺎﺩﻳﺔ

ﻓﻮﺟﺌﺖ ﻧﻮﺭﺍ ﺑﻨﺎﺩﻳﺔ ﻭﻫﻲ ﺗﻬﺒﻂ ﺍﻟﺪﺭﺝ ﺛﻢ ﻭﻗﻔﺖ ﺍﻣﺎﻣﻬﺎ ﻭﻗﺎﻟﺖ ﺑﺘﻬﻜﻢ :

- ﻣﺎﻓﻴﺶ ﺩﺍﻋﻲ ﻳﺎ ﻧﻮﺭﺍ .. ﺍﻧﺎ ﻫﻨﺎ ﻣﻦ ﺑﺪﺭﻱ ﻋﻠﻰ ﻓﻜﺮﺓ ... ﻭﻛﻨﺖ ﻣﺴﺘﻤﺘﻌﺔ ﺍﻭﻱ ﺑﺎﻟﺤﻮﺍﺭ ﺍﻟﻠﻲ ﻛﺎﻥ ﺑﻴﻨﻜﻢ ... ﻹﻧﻪ ﺍﻛﺪﻟﻲ ﺇﻧﻲ ﻣﻌﺎﻳﺎ ﺣﻖ ﻓﺎﻟﻠﻲ ﺑﻌﻤﻠﻪ ﻣﻌﺎﻩ

ﻧﻘﻠﺖ ﻧﻮﺭﺍ ﺑﺼﺮﻫﺎ ﺑﻴﻨﻬﻤﺎ ﻟﺒﺮﻫﺔ ﺛﻢ ﻗﺎﻟﺖ ﺑﺨﻔﻮﺕ :

- ﻋﻦ ﺍﺫﻧﻜﻮﺍ

ﺻﻌﺪﺕ ﻧﻮﺭﺍ ﺇﻟﻰ ﻏﺮﻓﺘﻬﺎ ﺑﻴﻨﻤﺎ ﺑﻘﻴﺖ ﻧﺎﺩﻳﺔ ﻭﺍﻗﻔﺔ ﻭﻫﻲ ﺗﺴﺪﺩ ﻧﻈﺮﺍﺗﻬﺎ ﺍﻟﻨﺎﺭﻳﺔ ﻧﺤﻮ ﺳﺎﻣﺢ ﺍﻟﺘﻲ ﺗﻨﻢ ﻋﻦ ﻛﺮﻩ ﻭﺇﺣﺘﻘﺎﺭ ﺛﻢ ﻣﺎﻟﺒﺜﺖ ﺃﻥ ﻗﺎﻟﺖ ﻓﻲ ﺇﺷﻤﺌﺰﺍﺯ :

- ﻛﻞ ﻳﻮﻡ ﺑﺘﺄﻛﺪﻟﻲ ﺍﻧﻲ ﻛﻨﺖ ﻏﺒﻴﺔ ﺍﻛﺘﺮ ﻣﻦ ﺍﻟﻴﻮﻡ ﺍﻟﻠﻲ ﻗﺒﻠﻪ

ﺍﺭﺗﺴﻤﺖ ﻋﻠﻰ ﺟﺎﻧﺐ ﻓﻤﻪ ﺇﺑﺘﺴﺎﻣﺔ ﺳﺎﺧﺮﺓ ﻭﻫﻮ ﻳﺠﻴﺒﻬﺎ ﻗﺎﺋﻼ :

- ﺑﺎﻗﻮﻟﻚ ﺇﻳﻪ ﻳﺎ ﻧﺎﺩﻳﺔ ... ﺑﻤﺎ ﺇﻥ ﻣﻮﺿﻮﻉ ﺟﻮﺍﺯﻧﺎ ﺩﻩ ﺑﻘﻰ ﺃﻣﺮ ﻭﺍﻗﻊ ﺧﻼﺹ ... ﻣﺎﺗﻴﺠﻲ ﻧﻬﺪﻱ ﺍﻟﻠﻌﺐ ﻣﻊ ﺑﻌﺾ ﺷﻮﻳﺔ ﻭﻧﻌﻘﺪ ﺇﺗﻔﺎﻗﻴﺔ ﺳﻼﻡ ﻭﻧﻤﻀﻲ ﻣﻌﺎﻫﺪﺓ ﺍﻟﺼﻠﺢ ... ﺃﻭ ﻋﻠﻰ ﺍﻷﻗﻞ ﻧﺨﻠﻴﻬﺎ ﻫﺪﻧﺔ ﻣﺆﻗﺘﺔ ﻭﻻ ﺍﻧﺘﻲ ﺭﺃﻳﻚ ﺇﻳﻪ ?

ﺍﺳﺘﺪﺍﺭﺕ ﺇﻟﻴﻪ ﺑﻜﺎﻣﻞ ﺟﺴﺪﻫﺎ ﻟﺘﺼﺒﺢ ﻓﻲ ﻣﻮﺍﺟﻬﺘﻪ ﻭﻗﺎﻟﺖ ﺑﻐﻞ :

- ﺩﻩ ﺑﻌﻴﻨﻚ ... ﺃﻧﺎ ﻻ ﻳﻤﻜﻦ ﺍﻧﺴﻰ ﺍﻟﻠﻲ ﺍﻧﺖ ﻋﻤﻠﺘﻪ ﻣﻌﺎﻳﺎ ﻭﻟﻮ ﺑﻌﺪ ﻣﻴﺔ ﺳﻨﺔ ... ﻭﺣﺘﻰ ﻟﻮ ﻓﺮﺿﻨﺎ ﻭﻧﺴﻴﺘﻪ ... ﺣﺎﻧﺴﻰ ﻛﻤﺎﻥ ﻛﻼﻣﻚ ﺍﻟﻠﻲ ﻗﻠﺘﻪ ﻟﻌﻠﻲ ﻓﺎﻟﻜﻠﻴﺔ ﻭﻻ ﻛﻼﻣﻚ ﺍﻟﻠﻲ ﺳﻤﻌﺘﻪ ﺑﻮﺩﺍﻧﻲ ﻣﻦ ﺷﻮﻳﺔ

- ﺑﺮﺍﺣﺘﻚ ﻳﺎ ﻧﺎﺩﻳﺔ ... ﺑﺲ ﻻﺯﻡ ﺗﻔﻬﻤﻲ ﺍﻥ ﺍﻟﺤﺮﺏ ﺩﻱ ﺍﻧﺘﻲ ﺍﻟﻠﻲ ﺣﺘﻄﻠﻌﻲ ﻣﻨﻬﺎ ﺧﺴﺮﺍﻧﺔ ... ﻭﻋﻠﻲ ﻓﻜﺮﺓ ﺍﻧﺎ ﻛﻨﺖ ﺟﺎﻱ ﻋﺸﺎﻥ ﺍﺑﻠﻐﻚ ﺍﻥ ﺑﺎﺑﺎ ﺣﻴﻜﻠﻢ ﻭﺍﻟﺪﻙ ﻋﺸﺎﻥ ﻳﺤﺪﺩﻭﺍ ﻣﻌﺎﺩ ﺍﻟﻔﺮﺡ ﺑﻤﺎ ﺇﻥ ﺍﻹﻣﺘﺤﺎﻧﺎﺕ ﺧﻼﺹ ﺧﻠﺼﺖ ... ﺃﻧﺎ ﻣﺎﺷﻲ ... ﺳﻼﻡ ﻳﺎ ﻗﻄﺔ

- ﺗﺎﻣﺮ : ﺑﺎﻗﻮﻟﻚ ﺇﻳﻪ ﻳﺎ ﺑﺮﻧﺲ ... ﻣﺎﺗﻔﻜﻚ ﻣﻦ ﺍﻟﺠﻮﺍﺯﺓ ﺩﻱ ﻭﺗﺮﻳﺢ ﺩﻣﺎﻏﻚ ... ﺩﻱ ﺟﻮﺍﺯﺓ ﻫﻢ ﻣﻦ ﺍﻭﻟﻬﺎ

- ﻳﺎﺭﻳﺖ ﻛﺎﻥ ﺑﺈﻳﺪﻱ ... ﺍﻧﻤﺎ ﺍﻋﻤﻞ ﺇﻳﻪ ﺑﻘﻰ ﺍﺑﻮﻳﺎ ﻫﻮ ﺍﻟﺴﺒﺐ ﺍﻟﻠﻪ ﻳﺴﺎﻣﺤﻪ ... ﻣﺼﻤﻢ ﺇﻧﻲ ﺍﺗﺠﻮﺯﻫﺎ ﺑﻴﻘﻮﻟﻲ ﺍﻟﻠﻲ ﻏﻠﻂ ﻳﺘﺤﻤﻞ ﻧﺘﻴﺠﺔ ﻏﻠﻄﺘﻪ ﻭﻟﻮ ﻛﺎﻧﺖ ﻗﺪﻣﺖ ﺑﻼﻍ ﻛﻨﺎ ﺣﻨﺘﻔﻀﺢ ... ﻭﺍﺣﻨﺎ ﻣﺶ ﺍﺩ ﺍﺑﻮﻫﺎ ﻟﻮ ﺣﺎﺭﺑﻨﺎ ﻓﺸﻐﻠﻨﺎ ﺣﻨﺨﺴﺮ ﻟﻜﻦ ﻟﻮ ﺷﺎﺭﻛﻨﺎﻩ ﺣﻨﻜﺴﺐ ﺍﻛﺘﺮ

- ﺟﻮﺍﺯﺓ ﻣﺼﻠﺤﺔ ﻳﻌﻨﻲ ?

- ﻣﺶ ﺑﺎﻟﻈﺒﻂ ... ﻣﺎ ﺍﻧﺖ ﻋﺎﺭﻑ ﺍﺑﻮﻳﺎ ... ﺑﻴﻘﻮﻟﻲ ﻟﻮ ﻋﻨﺪﻱ ﺑﻨﺖ ﻣﺎﻛﻨﺘﺶ ﺣﺎﻗﺒﻞ ﺍﻥ ﺣﺪ ﻳﻌﻤﻞ ﻣﻌﺎﻫﺎ ﻛﺪﻩ ... ﺍﻧﺎ ﺑﻘﻰ ﻟﻮ ﻋﻨﺪﻱ ﺍﺧﺖ ﻭﺭﺍﺣﺖ ﻣﻊ ﻭﺍﺣﺪ ﺷﺎﻟﻴﻪ ﻣﺎﻓﻴﻬﻮﺵ ﺣﺪ ﻏﻴﺮﻫﻢ ﻛﻨﺖ ﺩﺑﺤﺘﻬﺎ ﻭﺷﺮﺑﺖ ﻣﻦ ﺩﻣﻬﺎ

- ﺍﻧﺎ ﻣﺶ ﻓﺎﻫﻢ ﻧﺠﻴﺐ ﺑﺎﺷﺎ ﻣﻜﺒﺮ ﺍﻟﻤﻮﺿﻮﻉ ﺍﻭﻱ ﻛﺪﻩ ﻟﻴﻪ ... ﻭﺑﻌﺪﻳﻦ ﻫﻴﺎ ﺩﻱ ﺍﻭﻝ ﻭﺍﺣﺪﺓ ﻳﻌﻨﻲ ﺗﻌﻤﻞ ﻣﻌﺎﻫﺎ ﻛﺪﻩ ?

- ﺑﺲ ﺩﻱ ﺍﻭﻝ ﻭﺍﺣﺪﺓ ﺗﺘﺠﺮﺃ ﻭﺗﺘﻜﻠﻢ ﻭﺍﻧﺎ ﻣﺎﻛﻨﺘﺶ ﻋﺎﻣﻞ ﺣﺴﺎﺑﻲ ﺍﻥ ﺩﻩ ﺣﻴﺤﺼﻞ ... ﻛﻨﺖ ﻓﺎﻛﺮ ﺑﻨﺖ ﺍﻹﻳﻪ ﺣﺘﺨﺎﻑ ﺗﺠﻴﺐ ﺳﻴﺮﺓ ﻷﻫﻠﻬﺎ ﻟﻜﻦ ﻃﻠﻌﺖ ﺑﺠﺤﺔ ﻭﻋﻴﻨﻬﺎ ﻗﻮﻳﺔ ﻭﻗﺎﻟﺘﻠﻬﻢ

- ﺑﺲ ﺩﻱ ﺑﺎﻳﻦ ﻋﻠﻴﻬﺎ ﻧﺎﻭﻳﺎﻟﻚ ﻋﻠﻰ ﻧﻴﺔ ﻳﺎ ﻛﺒﻴﺮ ... ﺷﻜﻠﻬﺎ ﻛﺪﻩ ﺣﺘﻄﻠﻊ ﻋﻴﻨﻚ ﻭﺗﻜﺮﻫﻚ ﻓﻌﺸﺘﻚ

- ﻣﻴﻦ ﺩﻱ ... ﺍﺣﻨﺎ ﺑﺲ ﻧﺘﺠﻮﺯ ﻭﺗﺒﻘﻰ ﺗﺤﺖ ﺇﻳﺪﻱ ﻭﺳﺎﻋﺘﻬﺎ ﺣﺎﺧﻠﺺ ﻣﻨﻬﺎ ﺍﻟﺠﺪﻳﺪ ﻭﺍﻟﻘﺪﻳﻢ ... ﻭﻳﺎ ﺍﻧﺎ ﻳﺎ ﺍﻧﺘﻲ ﻳﺎ ﺑﻨﺖ ﺍﻟﺪﻣﻴﺎﻃﻲ

************************************

ﻓﻲ ﺍﻟﺼﺒﺎﺡ ﻛﺎﻥ ﻋﻠﻲ ﻳﻄﺮﻕ ﺑﺎﺏ ﻣﻜﺘﺐ ﻋﻤﻪ ﺑﺎﻟﺸﺮﻛﺔ ﺑﻌﺪ ﺃﻥ ﺍﺭﺳﻞ ﻓﻲ ﻃﻠﺒﻪ ... ﺩﺧﻞ ﻋﻠﻲ ﻭﺃﻟﻘﻲ ﺍﻟﺴﻼﻡ ﺛﻢ ﺟﻠﺲ ﻗﺎﺋﻼ :

- ﺧﻴﺮ ﻳﺎ ﻋﻤﻲ ﺣﻀﺮﺗﻚ ﻃﻠﺒﺘﻨﻲ ﻣﻦ ﺷﻮﻳﺔ ﻓﻴﻪ ﺣﺎﺟﺔ ?

ﺍﺷﺎﺭ ﻟﻪ ﺻﻔﻮﺕ ﻗﺎﺋﻼ :

- ﺍﻗﻌﺪ ﻳﺎ ﻋﻠﻲ ... ﻋﺎﻳﺰ ﺍﻗﻮﻟﻚ ﻋﻠﻰ ﺣﺎﺟﺔ

ﺟﻠﺲ ﻋﻠﻲ ﻓﺎﺭﺩﻑ ﺻﻔﻮﺕ ﻗﺎﺋﻼ :

- ﺃﻧﺎ ﺍﺗﻔﻘﺖ ﻣﻊ ﻧﺠﻴﺐ ﺍﻟﺤﺴﻴﻨﻲ ﺍﻥ ﻓﺮﺡ ﻧﺎﺩﻳﺔ ﻭﺳﺎﻣﺢ ﻳﻜﻮﻥ ﺑﻌﺪ ﺃﺳﺒﻮﻋﻴﻦ ﻣﻦ ﺩﻟﻮﻗﺘﻲ ... ﺑﻤﺎ ﺇﻥ ﺍﻹﻣﺘﺤﺎﻧﺎﺕ ﺧﻼﺹ ﺧﻠﺼﺖ ﻳﺒﻘﻰ ﺍﻟﺘﺄﺟﻴﻞ ﻣﺎﻟﻮﺵ ﻟﺰﻭﻡ ... ﺍﻧﺎ ﺑﺼﺮﺍﺣﺔ ﺣﺎﺳﺲ ﺍﻥ ﺍﻟﺠﻮﺍﺯﺓ ﺩﻱ ﻋﻤﺮﻫﺎ ﻗﺼﻴﺮ ﻭﺍﻧﻬﻢ ﻣﺶ ﺣﻴﻜﻤﻠﻮﺍ ﻣﻊ ﺑﻌﺾ ﻋﺸﺎﻥ ﻛﺪﻩ ﺑﺎﻗﻮﻝ ﺧﻠﻲ ﺍﻟﺒﻨﺖ ﺗﻠﺤﻖ ﺗﺘﺠﻮﺯ ﻭﺗﻄﻠﻖ ﻋﺸﺎﻥ ﺗﺸﻮﻑ ﺣﻴﺎﺗﻬﺎ ﻭﻣﺴﺘﻘﺒﻠﻬﺎ ﺑﻌﻴﺪ ﻋﻨﻪ ... ﺃﻧﺎ ﻣﻦ ﺑﻌﺪ ﺍﻟﻠﻲ ﻋﻤﻠﻪ ﺩﻩ ﻣﺎﺑﻘﺘﺶ ﻃﺎﻳﻖ ﺍﺷﻮﻑ ﻭﺷﻪ ... ﻭﻋﺸﺎﻥ ﻛﺪﻩ ﺃﻧﺎ ﻋﻤﺎﻝ ﺍﻣﺎﻃﻞ ﺃﺑﻮﻩ ﻓﺤﻜﺎﻳﺔ ﺍﻟﺸﺮﺍﻛﺔ ﺩﻱ ... ﻣﺶ ﻋﺎﻳﺰ ﺣﺎﺟﺔ ﺗﺮﺑﻄﻨﺎ ﺑﻴﻬﻢ ﺍﻛﺘﺮ ﻣﻦ ﻛﺪﻩ

ﺻﺪﻕ ﻋﻠﻲ ﻋﻠﻰ ﻛﻼﻣﻪ ﻭﻗﺎﻝ ﺑﺠﺪﻳﺔ :

- ﻣﻊ ﺣﻀﺮﺗﻚ ﺣﻖ ﻳﺎ ﻋﻤﻲ ... ﺃﻧﺎ ﺑﺮﺿﻪ ﺷﺎﻳﻒ ﺍﻧﻬﻢ ﻣﺶ ﻃﺎﻳﻘﻴﻦ ﺑﻌﺾ

- ﻳﺒﻘﻰ ﻋﻠﻲ ﺧﻴﺮﺓ ﺍﻟﻠﻪ ... ﻭﻋﻠﻰ ﻓﻜﺮﺓ ﺍﺣﻤﺪ ﻛﺎﻥ ﻋﻨﺪﻱ ﺍﻣﺒﺎﺭﺡ ﻭﻛﻠﻤﻨﻲ ﻓﻤﻮﺿﻮﻉ ﻭﻣﺴﺘﻨﻲ ﺭﺃﻳﻚ ﻓﻴﻪ

- ﺧﻴﺮ ﻳﺎ ﻋﻤﻲ

- ﺍﻧﺖ ﻋﺎﺭﻑ ﻃﺒﻌﺎ ﺍﻥ ﺍﺣﻤﺪ ﺍﺷﺘﺮﻯ ﻣﻨﻲ ﺍﻟﺸﻘﺔ ﺑﺘﺎﻋﺘﻜﻮﺍ ﺍﻟﻠﻲ ﻓﺒﻴﺖ ﺍﻟﻌﻴﻠﺔ ﻋﺸﺎﻥ ﻳﺘﺠﻮﺯ ﻓﻴﻬﺎ ﻫﻮ ﻭﻟﺒﻨﻰ ﻭﻳﻔﻀﻞ ﺟﻨﺐ ﻭﺍﻟﺪﺗﻪ ... ﻭﺍﻧﺎ ﻛﻨﺖ ﻋﺮﺿﺖ ﻋﻠﻴﻪ ﺍﻧﻬﺎ ﺗﻜﻮﻥ ﻫﺪﻳﺘﻲ ﻟﻴﻪ ﻫﻮﻭﻟﺒﻨﻰ ... ﻟﻜﻦ ﻫﻮ ﺭﻓﺾ ﻭﺻﻤﻢ ﻳﺪﻓﻊ ﺗﻤﻨﻬﺎ ... ﻭﻣﻦ ﻳﻮﻣﻬﺎ ﻭﻫﻮ ﺑﻴﺠﻬﺰﻫﺎ ﻋﺸﺎﻥ ﺍﻟﺠﻮﺍﺯ ﻭﺍﻣﺒﺎﺭﺡ ﻟﻤﺎ ﻛﺎﻥ ﻫﻨﺎ ﻗﺎﻟﻲ ﺍﻥ ﺍﻟﺸﻘﺔ ﺟﺎﻫﺰﺓ ﺧﻼﺹ ﻋﺸﺎﻥ ﻳﺘﺠﻮﺯﻓﻴﻬﺎ

- ﻳﻌﻨﻲ ﺇﻳﻪ ﻳﺎ ﻋﻤﻲ ﻣﺶ ﻓﺎﻫﻢ ?

- ﻣﺶ ﻓﺎﻫﻢ ﺇﻳﻪ ﺑﺎﻟﻈﺒﻂ ? ﺍﻇﻦ ﺍﻟﻜﻼﻡ ﻭﺍﺿﺢ ﻳﺎﻋﻠﻲ ... ﺍﺣﻤﺪ ﻋﺎﻳﺰ ﻳﺘﺠﻮﺯ ﺍﻟﻴﻮﻣﻴﻦ ﺩﻭﻝ ﺑﻴﻘﻮﻝ ﻣﺎﻓﻴﺶ ﺩﺍﻋﻲ ﺇﻧﻪ ﻳﺴﺘﻨﻰ ﺳﻨﺔ ﺑﺤﺎﻟﻬﺎ

- ﻃﻴﺐ ﻭﻛﻠﻴﺔ ﻟﺒﻨﻰ ﻳﺎ ﻋﻤﻲ ﺣﺘﻌﻤﻞ ﻓﻴﻬﺎ ﺇﻳﻪ ?

- ﺍﺣﻤﺪ ﻗﺎﻟﻲ ﺇﻧﻪ ﺣﻴﺤﻮﻟﻬﺎ ﻭﺭﻗﻬﺎ ﻋﻠﻰ ﺟﺎﻣﻌﺔ ﺩﻣﻴﺎﻁ ﻭﻫﻮ ﺣﺘﻰ ﻗﺎﻟﻲ ﺇﻧﻪ ﺃﺧﺪ ﺭﺃﻱ ﻟﺒﻨﻰ ﻭﻫﻴﺎ ﻣﻮﺍﻓﻘﺔ ... ﻭﺍﺿﺢ ﺇﻧﻪ ﻋﻤﻞ ﺣﺴﺎﺏ ﻛﻞ ﺣﺎﺟﺔ ... ﻭﻣﺶ ﻓﺎﺿﻞ ﻏﻴﺮ ﻣﻮﺍﻓﻘﺘﻚ ﺍﻧﺖ ﻷﻥ ﺃﻧﺎ ﺷﺨﺼﻴﺎ ﻣﺎﻋﻨﺪﻳﺶ ﻣﺎﻧﻊ

- ﺧﻼﺹ ﻳﺎ ﻋﻤﻲ ﻣﺎﺩﺍﻡ ﺣﻀﺮﺗﻚ ﻣﻮﺍﻓﻖ ﻭﺍﺣﻤﺪ ﻋﺎﻳﺰ ﻛﺪﻩ ﻭﻟﺒﻨﻰ ﻫﻴﺎ ﻛﻤﺎﻥ ﻣﺎﻋﻨﺪﻫﺎﺵ ﻣﺎﻧﻊ ﻳﺒﻘﻰ ﺍﻧﺎ ﻛﻤﺎﻥ ﻣﻮﺍﻓﻖ

- ﻛﻮﻳﺲ ﺍﻭﻱ ... ﻳﺒﻘﻰ ﻧﺨﻠﻲ ﻓﺮﺡ ﺍﺣﻤﺪ ﻭﻟﺒﻨﻰ ﻣﻊ ﺳﺎﻣﺢ ﻭﻧﺎﺩﻳﺔ ﻳﻌﻨﻲ ﺑﻌﺪ ﺍﺳﺒﻮﻋﻴﻦ ... ﺇﻳﻪ ﺭﺃﻳﻚ ?

- ﻭﺍﻟﻠﻪ ﻳﺎ ﻋﻤﻲ ﻟﻮ ﺍﺣﻤﺪ ﻣﻮﺍﻓﻖ ﻳﺒﻘﻰ ﺧﻼﺹ ﻣﺎﻓﻴﺶ ﻣﺸﻜﻠﺔ

- ﻣﺎﺗﻘﻠﻘﺶ ﺍﺣﻤﺪ ﻣﺶ ﺣﻴﻘﻮﻟﻲ ﻷ ... ﻭﻛﺪﻩ ﺑﻘﻰ ﻣﺎﻳﺒﻘﺎﺵ ﻓﺎﺿﻞ ﻏﻴﺮ ﺍﻧﺖ ﻭﻧﻮﺭﺍ

- ﻓﻌﻼ ﻛﺪﻩ ﻣﺎﻳﺒﻘﺎﺵ ﻓﺎﺿﻞ ﻏﻴﺮ ﺃﻧﺎ ﻭﻧﻮﺭﺍ

ﺣﺪﻕ ﻓﻴﻪ ﺻﻔﻮﺕ ﻟﺒﺮﻫﺔ ﺛﻢ ﻗﺎﻝ ﺳﺎﺧﺮﺍ :

- ﻫﻮ ﺇﻳﻪ ﺍﻟﻠﻲ ﺁﻩ ﻓﻌﻼً ? ﻫﻮ ﺍﻧﺎ ﺑﺎﻗﻮﻟﻚ ﻋﺸﺎﻥ ﺗﻘﻮﻟﻲ ﺁﻩ ﻓﻌﻼ ... ﺍﻧﺖ ﻣﺶ ﻧﺎﻭﻱ ﺗﺘﺠﻮﺯ ﺍﻧﺖ ﻛﻤﺎﻥ ﻭﻻ ﺇﻳﻪ ?

- ﻣﻴﻦ ... ﺃﻧﺎ ?

- ﺍﻣﺎﻝ ﺍﻧﺎ ﻳﻌﻨﻲ ! ﻓﻴﻪ ﺇﻳﻪ ﻳﺎ ﺍﺑﻨﻲ ﻣﺎﻟﻚ ? ﺍﻧﺖ ﺍﺗﺨﻀﻴﺖ ﻛﺪﻩ ﻟﻴﻪ ?

- ﺍﻳﻮﻩ ﻳﺎ ﻋﻤﻲ ﺑﺲ ﻣﺶ ﻟﻤﺎ ﻧﻮﺭﻫﺎﻥ ﺗﺨﻠﺺ ﺩﺭﺍﺳﺘﻬﺎ ﺍﻷﻭﻝ

ﺍﺟﺎﺑﻪ ﺻﻔﻮﺕ ﻗﺎﺋﻼ ﻓﻲ ﺇﻋﺘﺮﺍﺽ :

- ﻃﺐ ﻣﺎ ﻫﻲ ﻟﺒﻨﻰ ﺣﺘﺘﺠﻮﺯ ﻭﻫﻴﺎ ﻓﺎﺿﻠﻬﺎ ﺳﻨﺔ ﺯﻳﻬﺎ ... ﺇﻳﻪ ﺍﻟﻤﺎﻧﻊ ﺍﻧﻬﺎ ﺗﻜﻤﻞ ﺩﺭﺍﺳﺘﻬﺎ ﺑﻌﺪ ﺍﻟﺠﻮﺍﺯ ﻳﻌﻨﻲ ? ﻭﺍﺿﺢ ﻛﺪﻩ ﺍﻧﻚ ﺑﺘﺘﻠﻜﻚ

ﺍﺳﺮﻉ ﻋﻠﻲ ﻳﺠﻴﺒﻪ ﻗﺎﺋﻼ ﺣﺘﻰ ﻳﻨﻔﻰ ﻫﺬﺍ ﺍﻷﻣﺮ ﻋﻦ ﻧﻔﺴﻪ :

↚

- ﻻ ﺍﺑﺪﺍ ﻭﺍﻧﺎ ﺣﺎﺗﻠﻜﻚ ﻟﻴﻪ ﺑﺲ ... ﺃﻧﺎ ﺑﺲ ﺧﺎﻳﻒ ﻫﻴﺎ ﺍﻟﻠﻲ ﻣﺎﺗﻮﺍﻓﻘﺶ

- ﺻﻔﻮﺕ ﺑﺤﺪﺓ : ﻭﻫﻴﺎ ﺣﺘﻜﺴﺮ ﻛﻼﻣﻲ ﻳﻌﻨﻲ ? ﻟﻮ ﺍﻧﺖ ﻣﻮﺍﻓﻖ ﻳﺒﻘﻰ ﺧﻼﺹ ﺍﻋﺘﺒﺮ ﺍﻟﻤﻮﺿﻮﻉ ﻣﻨﺘﻬﻲ ﻭﺯﻱ ﻣﺎﻋﻤﻠﻨﺎ ﻛﺘﺐ ﻛﺘﺎﺑﻜﻮﺍ ﻣﻊ ﺑﻌﺾ ﻧﻌﻤﻞ ﺍﻟﻔﺮﺡ ﻛﻤﺎﻥ ﻣﻊ ﺑﻌﺾ .

- ﻃﻴﺐ ﺍﻧﺎ ﺑﺎﻗﻮﻝ ﺃﺧﺪ ﺭﺃﻳﻬﺎ ﺍﻷﻭﻝ ... ﻣﺶ ﻳﻤﻜﻦ ﺗﻜﻮﻥ ﻣﻮﺍﻓﻘﺔ ﻭﺳﺎﻋﺘﻬﺎ ﻳﺒﻘﻰ ﻣﺎﻓﻴﺶ ﻣﺸﻜﻠﺔ ...

- ﻭﻫﻮ ﻣﻴﻦ ﻗﺎﻝ ﺍﻥ ﻓﻴﻪ ﻣﺸﻜﻠﺔ ﺍﺻﻼ ? ﻭﻋﻤﻮﻣﺎ ﺍﻧﺎ ﺣﺎﺳﻴﺒﻚ ﺗﻜﻠﻤﻬﺎ ﻭﻟﻮ ﺍﻥ ﻣﻮﺍﻓﻘﺘﻬﺎ ﻣﻦ ﻋﺪﻣﻬﺎ ﻣﺶ ﺣﺘﻐﻴﺮ ﺣﺎﺟﺔ ﺑﺎﻟﻨﺴﺒﺎﻟﻲ ... ﻟﻜﻦ ﺯﻱ ﺑﻌﻀﻪ ﺍﺗﺼﻞ ﺑﻴﻬﺎ ﺩﻟﻮﻗﺘﻲ ﻗﺒﻞ ﻣﺎ ﺍﻛﻠﻢ ﺍﺣﻤﺪ ﻭﺍﺑﻠﻐﻪ ﺑﺎﻟﻤﻌﺎﺩ

ﻧﻜﺲ ﻋﻠﻲ ﺭﺃﺳﻪ ﻭﻗﺎﻝ ﺑﺘﻠﻌﺜﻢ :

- ﺍﻳﻮﻩ ﻳﺎ ﻋﻤﻲ ﺑﺲ ....

- ﺑﺲ ﺇﻳﻪ ﻳﺎ ﻋﻠﻲ ? ﻟﻮ ﻣﻜﺴﻮﻑ ﺗﻜﻠﻤﻬﺎ ﺍﺩﺍﻣﻲ ﺍﺗﻔﻀﻞ ﺭﻭﺡ ﻋﻠﻰ ﻣﻜﺘﺒﻚ ﻭﻛﻠﻤﻬﺎ ﻣﻦ ﻫﻨﺎﻙ

- ﻻ ﻳﺎ ﻋﻤﻲ ﻣﺶ ﻗﺼﺪﻱ ﺑﺲ ﺍﺻﻞ ﻳﻌﻨﻲ ........

- ﺻﻔﻮﺕ ﺑﻀﻴﻖ : ﻳﺎ ﺍﺑﻨﻲ ﻫﻮ ﺍﻧﺎ ﺣﺎﺳﺤﺐ ﻣﻨﻚ ﺍﻟﻜﻼﻡ ﻣﺎﺗﻘﻮﻝ ﻓﻴﻪ ﺇﻳﻪ ﻳﺎ ﻋﻠﻲ ﻭﺗﺨﻠﺼﻨﻲ

- ﺍﻟﻌﻔﻮ ﻳﺎ ﻋﻤﻲ ... ﺍﺻﻞ ﺃﻧﺎ ﻣﺶ ﻣﻌﺎﻳﺎ ﻧﻤﺮﺓ ﺗﻠﻴﻔﻮﻧﻬﺎ

ﺣﺪﻕ ﻓﻴﻪ ﺻﻔﻮﺕ ﻏﻴﺮ ﻣﺴﺘﻮﻋﺐ ﻟﻤﺎ ﻗﺎﻝ ﺛﻢ ﺗﺤﺪﺙ ﺍﺧﻴﺮﺍ ﻗﺎﺋﻼ :

- ﺍﻧﺖ ﻗﻠﺖ ﺇﻳﻪ ﻳﺎ ﻋﻠﻲ ?

- ﻗﻠﺖ ﻟﺤﻀﺮﺗﻚ ﻣﺶ ﻣﻌﺎﻳﺎ ﺗﻠﻴﻔﻮﻧﻬﺎ

- ﻧﻌﻢ ﻳﺎ ﺃﺧﻮﻳﺎ ! ﻳﺎ ﺍﺑﻨﻲ ﺍﻧﺖ ﺑﺘﺸﺘﻐﻠﻨﻲ ﻭﻻ ﺑﺘﺘﻜﻠﻢ ﺟﺪ ? ﻟﻮ ﺑﺘﺸﺘﻐﻠﻨﻲ ﺍﻧﺎ ﻣﻤﻜﻦ ﺍﻋﺪﻳﻬﺎ ﻟﻜﻦ ﻟﻮ ﺑﺘﺘﻜﻠﻢ ﺟﺪ ﺩﻱ ﺗﺒﻘﻰ ﻣﺼﻴﺒﺔ

- ﺍﻟﻌﻔﻮ ﻳﺎ ﻋﻤﻲ ﺑﺸﺘﻐﻠﻚ ﺇﻳﻪ ﺑﺲ ? ﺍﻧﺎ ﺑﺘﻜﻠﻢ ﺑﺠﺪ ﻃﺒﻌﺎ

- ﻳﺎﺭﻳﺘﻚ ﻛﻨﺖ ﺑﺘﺸﺘﻐﻠﻨﻲ ... ﻋﺎﺭﻑ ﻳﺎ ﻋﻠﻲ ﻳﺎ ﺍﺑﻦ ﺍﺧﻮﻳﺎ ... ﺍﻟﺒﻨﺖ ﺩﻱ ﻟﻮ ﻣﺎﺗﺖ ﻣﺸﻠﻮﻟﺔ ﺑﺴﺒﺒﻚ ﺗﺒﻘﻰ ﻣﻌﺬﻭﺭﺓ ... ﻓﻴﻪ ﺣﺪ ﻳﺎ ﺍﺑﻨﻲ ﻣﻌﺎﻫﻮﺵ ﻧﻤﺮﺓ ﻣﺮﺍﺗﻪ ﺍﻟﻠﻲ ﻛﺎﺗﺐ ﻛﺘﺎﺑﻪ ﻋﻠﻴﻬﺎ ﺑﻘﺎﻟﻪ ﺷﻬﺮﻳﻦ ... ﻃﻴﺐ ﺳﻴﺒﻚ ﻣﻦ ﺍﻧﻬﺎ ﻣﺮﺍﺗﻚ ... ﻣﺶ ﺩﻱ ﺑﺮﺿﻪ ﺑﻨﺖ ﻋﻤﻚ ... ﻃﻴﺐ ﺳﻴﺒﻚ ﻣﻦ ﺍﻧﻬﺎ ﺑﻨﺖ ﻋﻤﻚ ... ﻣﺶ ﺩﻱ ﺑﻨﺖ ﺧﺎﻟﺘﻚ

ﻣﺪ ﺻﻔﻮﺕ ﻳﺪﻩ ﺑﻬﺎﺗﻔﻪ ﺇﻟﻰ ﻋﻠﻲ ﻭﻗﺎﻝ ﺑﻨﻔﺎﺫ ﺻﺒﺮ :

- ﺍﺗﻔﻀﻞ ﺗﻠﻴﻔﻮﻧﻲ ﺁﻫﻮﻩ ﻛﻠﻤﻬﺎ ﻣﻨﻪ

ﺍﻣﺘﺪﺕ ﻳﺪﻩ ﻟﻴﺄﺧﺬ ﺍﻟﻬﺎﺗﻒ ﻭﻫﻮ ﻳﻘﻮﻝ :

- ﻃﻴﺐ ﻭﻟﻴﻪ ﻣﻦ ﺗﻠﻴﻔﻮﻥ ﺣﻀﺮﺗﻚ ? ﻣﺎﺍﻧﺎ ﺣﺎﺳﺠﻞ ﺍﻟﻨﻤﺮﺓ ﻋﻨﺪﻱ ﻭﺍﻛﻠﻤﻬﺎ ﻣﻦ ﺗﻠﻴﻔﻮﻧﻲ

- ﻣﺶ ﺣﻴﻨﻔﻊ ﻣﺶ ﺣﺘﺮﺩ ﻋﻠﻴﻚ

- ﻋﻠﻰ ﺑﺪﻫﺸﺔ : ﻟﻴﻪ ﻳﺎ ﻋﻤﻲ ?

- ﻷﻧﻬﺎ ﻣﺎﺑﺘﺮﺩﺵ ﻋﻠﻰ ﺃﺭﻗﺎﻡ ﻏﺮﻳﺒﺔ ... ﻓﻬﻤﺖ ? ﺍﺗﻔﻀﻞ ﺑﻘﻰ ﻋﻠﻰ ﻣﻜﺘﺒﻚ ﻛﻠﻤﻬﺎ ﻭﺑﻠﻐﻨﻲ ﻫﻴﺎ ﻗﺎﻟﺘﻠﻚ ﺇﻳﻪ ?

- ﺣﺎﺿﺮ ﻳﺎ ﻋﻤﻲ ... ﻋﻦ ﺇﺫﻥ ﺣﻀﺮﺗﻚ

ﺫﻫﺐ ﻋﻠﻲ ﺇﻟﻰ ﻣﻜﺘﺒﻪ ﻭﺍﺗﺼﻞ ﺑﻨﻮﺭﺍ ﻣﻦ ﻫﺎﺗﻒ ﻭﺍﻟﺪﻫﺎ ﻟﻴﺄﺗﻴﻪ ﺻﻮﺗﻬﺎ ﻗﺎﺋﻠﺔ :

- ﺍﻟﺴﻼﻡ ﻋﻠﻴﻜﻢ ﻳﺎ ﺑﺎﺑﺎ

- ﻭﻋﻠﻴﻜﻢ ﺍﻟﺴﻼﻡ ﻭﺭﺣﻤﺔﺍﻟﻠﻪ ﺑﺲ ﺍﻧﺎ ﻣﺶ ﺑﺎﺑﺎ

- ﺗﻔﺎﺟﺄﺕ ﻧﻮﺭﺍ ﻟﺴﻤﺎﻉ ﺻﻮﺗﻪ ﻓﻘﺎﻟﺖ ﻣﺘﻌﺠﺒﺔ : ﻋﻠﻲ !

- ﻛﻮﻳﺲ ﺍﻧﻚ ﻋﺮﻓﺘﻴﻨﻲ

- ﺍﺟﺎﺑﺖ ﻗﺎﺋﻠﺔ ﺑﺘﻬﻜﻢ : ﻣﺎﺗﺨﺎﻓﺶ ... ﺃﻧﺎ ﺻﺤﻴﺢ ﻣﺎﺳﻤﻌﺘﺶ ﺻﻮﺗﻚ ﻣﻦ ﻣﺪﺓ ﻭﺻﺤﻴﺢ ﺍﻥ ﺩﻱ ﺍﻭﻝ ﻣﺮﺓ ﺍﺳﻤﻌﻪ ﻓﺎﻟﺘﻠﻴﻔﻮﻥ ﺑﺲ ﻟﺴﻪ ﻓﺎﻛﺮﺍﻩ ﻛﻮﻳﺲ

ﺷﻌﺮ ﺑﺎﻟﻀﻴﻖ ﻟﻨﺒﺮﺓ ﺍﻟﺴﺨﺮﻳﺔ ﻓﻲ ﺣﺪﻳﺜﻬﺎ ﻭﻟﻜﻨﻪ ﺗﺠﺎﻫﻞ ﺫﻟﻚ ﻗﺎﺋﻼ :

- ﻓﺎﻛﺮﺓﻣﻦ ﺍﻣﺘﻰ ... ﻣﻦ ﻳﻮﻡ ﻣﺎﺳﻴﺒﺘﻴﻨﻲ ﻭﻣﺸﻴﺘﻲ ﻭﺍﻧﺎ ﺑﻜﻠﻤﻚ ﻳﻮﻡ ﻋﺰﻭﻣﺔ ﻧﺠﻴﺐ ﺍﻟﺤﺴﻴﻨﻲ

- ﻣﻌﻠﺶ ﻳﺎ ﻋﻠﻲ ﺍﺻﻞ ﻣﺶ ﺩﺍﻳﻤﺎ ﺑﻴﺒﻘﻰ ﻋﻨﺪﻱ ﻧﻔﺲ ﺍﻟﻘﺪﺭﺓ ﻋﻠﻰ ﺍﻹﺣﺘﻤﺎﻝ ... ﺑﺲ ﺧﻴﺮ ﻳﺎﺗﺮﻱ ﺇﻳﻪ ﺍﻟﻠﻲ ﺧﻼﻙ ﺗﺘﻨﺎﺯﻝ ﻛﺪﻩ ﻭﺗﻜﻠﻤﻨﻲ ﻗﺎﻟﺘﻠﻴﻔﻮﻥ ﻷﻭﻝ ﻣﺮﺓ

- ﻋﻤﻲ ﻃﻠﺐ ﻣﻨﻲ ﺍﻧﻲ ﺍﻛﻠﻤﻚ ....

ﻗﺎﻃﻌﺘﻪ ﻧﻮﺭﺍ ﻗﺎﺋﻠﺔ :

- ﺩﻱ ﺣﺎﺟﺔ ﺍﻧﺎ ﻣﺘﺄﻛﺪﺓ ﻣﻨﻬﺎ

- ﻋﻠﻲ ﺑﺪﻫﺸﺔ : ﻫﻴﺎ ﺇﻳﻪ ﺩﻱ ?

- ﺍﻧﻚ ﻣﺶ ﻣﻤﻜﻦ ﺗﻜﻮﻥ ﻋﻤﻠﺖ ﻛﺪﻩ ﻣﻦ ﻧﻔﺴﻚ ﻻﺯﻡ ﻳﻜﻮﻥ ﺣﺪ ﻃﻠﺐ ﻣﻨﻚ ... ﻳﻌﻨﻲ ﺣﻴﻜﻮﻥ ﺻﻮﺗﻲ ﻭﺣﺸﻚ ﻣﺜﻼ ﻓﺤﺒﻴﺖ ﺗﺴﻤﻌﻪ

- ﻃﺐ ﺇﻳﻪ ﺭﺃﻳﻚ ﺇﻧﻪ ﻭﺣﺸﻨﻲ ﻓﻌﻼ ... ﺑﺼﺮﺍﺣﺔ ﺍﻧﺘﻲ ﻛﻠﻚ ﻋﻠﻰ ﺑﻌﻀﻚ ﻭﺣﺸﺘﻴﻨﻲ

- ﺍﺟﺎﺑﺖ ﻗﺎﺋﻠﺔ ﺑﺈﻗﺘﻀﺎﺏ : ﻣﺘﺸﻜﺮﺓ

- ﻫﻮ ﺇﻳﻪ ﺍﻟﻠﻲ ﻣﺘﺸﻜﺮﺓ ... ﺍﻗﻮﻟﻚ ﻭﺣﺸﺘﻴﻨﻲ ﺗﻘﻮﻟﻴﻠﻲ ﻣﺘﺸﻜﺮﺓ

- ﻋﺎﺩﺓ ﻳﻌﻨﻲ ﺑﻴﺮﺩﻭﺍ ﻋﻠﻰ ﺍﻟﻤﺠﺎﻣﻼﺕ ﺑﻜﻠﻤﺔ ﺷﻜﺮﺍ ﺃﻭ ﻣﺘﺸﻜﺮﺓ

- ﻭﺍﻧﺘﻲ ﺑﻘﻰ ﺷﺎﻳﻔﺔ ﺇﻧﻲ ﺑﺎﺟﺎﻣﻠﻚ

- ﺍﻧﺎ ﻣﺶ ﺑﺲ ﺷﺎﻳﻔﺔ ... ﺩﻩ ﺍﻧﺎ ﻣﺘﺄﻛﺪﺓ ﻣﻦ ﻛﺪﻩ

ﺷﻌﺮ ﺑﺄﻧﻪ ﺻﺒﺮﻩ ﻗﺪ ﺑﺪﺃ ﺑﺎﻟﻨﻔﺎﺫ ﻣﻦ ﻫﺬﻩ ﺍﻟﻤﻜﺎﻟﻤﺔ ﺍﻟﺴﺨﻴﻔﺔ ﻭﻫﺬﻩ ﺍﻟﻔﺘﺎﺓ ﺍﻟﻤﺴﻤﺎﺓ ﺑﺰﻭﺟﺘﻪ ﻭﺍﻟﺘﻲ ﻻ ﻳﺮﺿﻴﻬﺎ ﺃﻱ ﺷﺊ ... ﻗﺮﺭ ﺍﻥ ﻳﺘﺤﺪﺙ ﻓﻲ ﺍﻟﻤﻮﺿﻮﻉ ﺍﻷﺻﻠﻲ ﻭﺍﻟﺬﻱ ﺍﺗﺼﻞ ﺑﻬﺎ ﻣﻦ ﺍﺟﻠﻪ ﻓﻘﺎﻝ ﺑﺤﺪﺓ :

- ﺍﻧﺎ ﻛﻨﺖ ﺑﺘﺼﻞ ﻋﺸﺎﻥ ﺍﻗﻮﻟﻚ ﺍﻥ ﻋﻤﻲ ﺣﺪﺩ ﻓﺮﺡ ﻧﺎﺩﻳﺔ ﺑﻌﺪ ﺃﺳﺒﻮﻋﻴﻦ ﻭﻣﻌﺎﻩ ﻛﻤﺎﻥ ﻓﺮﺡ ﺍﺣﻤﺪ ﻭﻟﺒﻨﻰ ﻓﻨﻔﺲ ﺍﻟﻴﻮﻡ

- ﻣﺎﻫﻲ ﻟﺒﻨﻰ ﻗﺎﻟﺘﻠﻲ ﺍﻣﺒﺎﺭﺡ ﺍﻥ ﺍﺣﻤﺪ ﺣﻴﻜﻠﻢ ﺑﺎﺑﺎ ﻓﺎﻟﻤﻮﺿﻮﻉ ﺩﻩ ...

- ﻣﺎﻫﻮ ﺍﺣﻤﺪ ﻛﻠﻤﻪ ﻭﻋﻤﻲ ﻭﺍﻓﻖ ﻭﺣﻴﺘﺼﻞ ﺑﺎﺣﻤﺪ ﻳﺒﻠﻐﻪ

- ﺭﺑﻨﺎ ﻳﺴﻌﺪﻫﻢ ... ﻫﻤﺎ ﺍﻻﺗﻨﻴﻦ ﻳﺴﺘﺎﻫﻠﻮﺍ ﻛﻞ ﺧﻴﺮ

- ﻃﻴﺐ ﻭﺍﺣﻨﺎ ﻳﺎ ﻧﻮﺭﻫﺎﻥ ?

- ﺍﺣﻨﺎ ﺇﻳﻪ ﻳﺎ ﻋﻠﻲ ?

- ﻣﺶ ﻏﻴﺮﺍﻧﺔ ﻣﻦ ﺻﺎﺣﺒﺘﻚ ﻭﻋﺎﻳﺰﺓ ﺗﻌﻤﻠﻲ ﺯﻳﻬﺎ ?

- ﻻ ﻣﺶ ﻋﺎﻳﺰﺓ ﺍﻋﻤﻞ ﺯﻱ ﺣﺪ

- ﺑﺲ ﻋﻤﻲ ﻛﺎﻥ ﺑﻴﻘﺘﺮﺡ ﺍﻥ ﻓﺮﺣﻨﺎ ﺍﺣﻨﺎ ﻛﻤﺎﻥ ﻳﻜﻮﻥ ﻣﻌﺎﻫﻢ ﺯﻱ ﻛﺘﺐ ﻛﺘﺎﺑﻨﺎ ﺑﺮﺿﻪ ﻣﺎﻛﺎﻥ ﻣﻌﺎﻫﻢ

ﺗﻨﻬﺪﺕ ﺛﻢ ﻗﺎﻟﺖ ﺑﻀﻴﻖ :

- ﻋﻤﻚ ﺑﻴﻘﺘﺮﺡ ... ﻭﺍﻧﺖ ﻃﺒﻌﺎ ﻭﺍﻓﻘﺖ ﻋﺸﺎﻥ ﺧﺎﻃﺮ ﻋﻤﻚ ﺑﻴﻘﺘﺮﺡ ... ﻣﺶ ﻋﺸﺎﻥ ﺍﻧﺖ ﻋﺎﻳﺰ ﻛﺪﻩ ... ﺑﺲ ﺍﻧﺎ ﻛﻤﺎﻥ ﻣﺶ ﻋﺎﻳﺰﺓ ﻛﺪﻩ ﻳﺎ ﻋﻠﻲ ... ﻭﻣﺶ ﻣﻮﺍﻓﻘﺔ ﺍﻧﻨﺎ ﻧﺘﺠﻮﺯ ﺩﻟﻮﻗﺘﻲ

*********************************

ﻳﻌﻨﻲ ﺇﻳﻪ ﻣﺶ ﻣﻮﺍﻓﻘﺔ ... ﺑﻼﺵ ﻛﻼﻡ ﻓﺎﺭﻍ ﻭﺩﻟﻊ ﺑﻨﺎﺕ ... ﻫﻴﺎ ﺣﺘﻤﺸﻲ ﻛﻼﻣﻬﺎ ﻋﻠﻴﻨﺎ ﻭﻻ ﺇﻳﻪ ? ﺍﻧﺎ ﻣﻮﺍﻓﻖ ﻭﺍﻧﺖ ﻣﻮﺍﻓﻖ ﻳﺒﻘﻰ ﺧﻼﺹ ﺧﻠﺼﺖ ﻭﻣﺎﻓﻴﺶ ﻧﻘﺎﺵ ﻓﺎﻟﻤﻮﺿﻮﻉ ﺩﻩ ﻣﺮﺓ ﺗﺎﻧﻴﺔ ﻭﺍﻋﻤﻞ ﺣﺴﺎﺑﻚ ﺍﻥ ﻓﺮﺣﻚ ﺑﻌﺪ ﺍﺳﺒﻮﻋﻴﻦ

ﺣﺎﻭﻝ ﻋﻠﻲ ﺃﻥ ﻳﻬﺪﺉ ﻣﻦ ﺛﻮﺭﺓ ﻋﻤﻪ ﺍﻟﺘﻲ ﺍﻋﻘﺒﺖ ﻋﻠﻤﻪ ﺑﺮﻓﻀﻬﺎ ﻟﻔﻜﺮﺓ ﺗﻘﺪﻳﻢ ﻣﻮﻋﺪ ﺍﻟﺰﻭﺍﺝ ﻓﻘﺎﻝ ﺑﺠﺪﻳﺔ :

- ﻳﺎ ﻋﻤﻲ ﺑﻌﺪ ﺇﺫﻥ ﺣﻀﺮﺗﻚ ﺃﻧﺎ ﺑﺎﻗﻮﻝ ﻣﺎﻓﻴﺶ ﺩﺍﻋﻲ ﺍﻥ ﺣﻀﺮﺗﻚ ﺗﻀﻐﻂ ﻋﻠﻴﻬﺎ ... ﻣﺎﺩﺍﻡ ﻫﻴﺎ ﺭﻓﻀﺖ ﻳﺒﻘﻰ ﻣﺎﻋﻨﺪﻫﺎﺵ ﺇﺳﺘﻌﺪﺍﺩ ﻧﻔﺴﻲ ﻟﻠﻤﻮﺿﻮﻉ ﺩﻩ ﻓﻲ ﺍﻟﻮﻗﺖ ﺍﻟﺤﺎﻟﻲ

ﻣﻄﺖ ﺷﻔﺘﻴﻪ ﻗﺎﺋﻼ ﻓﻲ ﺇﺳﺘﻴﺎﺀ :

- ﺑﻼﺵ ﺍﻟﻜﻼﻡ ﺍﻟﻜﺒﻴﺮ ﺩﻩ ﻳﺎ ﻋﻠﻲ ﺍﻟﻠﻪ ﻳﺨﻠﻴﻚ ... ﺇﺳﺘﻌﺪﺍﺩ ﻧﻔﺴﻲ ﺇﻳﻪ ﻭﻛﻼﻡ ﻓﺎﺭﻍ ﺇﻳﻪ ? ﺃﻧﺎ ﺍﻟﻠﻲ ﺃﻗﻮﻟﻪ ﻳﺘﻨﻔﺬ ﻣﻦ ﺳﻜﺎﺕ ... ﻭﻻ ﺑﻨﺖ ﺻﻔﻴﺔ ﻓﺎﻛﺮﺓ ﻧﻔﺴﻬﺎ ﺣﺘﻤﺸﻲ ﻛﻼﻣﻬﺎ ﻋﻠﻴﺎ ... ﻃﺐ ﺃﻧﺎ ﺑﻘﻰ ﻛﺒﺮﺕ ﻓﺪﻣﺎﻏﻲ ﻭﻓﺮﺣﻜﻮﺍ ﺑﻌﺪ ﺃﺳﺒﻮﻋﻴﻦ ﻳﻌﻨﻲ ﺑﻌﺪ ﺍﺳﺒﻮﻋﻴﻦ

- ﻃﻴﺐ ﺣﻀﺮﺗﻚ ﺑﺲ ﻫﺪﻱ ﻧﻔﺴﻚ ﻭﺍﻟﻠﻲ ﺍﻧﺖ ﻋﺎﻳﺰﻩ ﺣﻴﺘﻨﻔﺬ ﺇﻥ ﺷﺎﺀﺍﻟﻠﻪ ... ﺍﺩﻳﻨﻲ ﺑﺲ ﻓﺮﺻﺔ ﺍﺗﻜﻠﻢ ﻣﻌﺎﻫﺎ ﻭﺍﻋﺮﻑ ﻫﻴﺎ ﺭﺍﻓﻀﺔ ﻟﻴﻪ ﻭﺍﺣﺎﻭﻝ ﺍﻗﻨﻌﻬﺎ

- ﺻﻔﻮﺕ ﺑﺈﻧﻔﻌﺎﻝ : ﺑﺮﺿﻪ ﺣﻴﻘﻮﻟﻲ ﺍﻗﻨﻌﻬﺎ ... ﻣﺎﺷﻲ ﻳﺎ ﻋﻠﻲ ... ﺍﻣﺎ ﺍﺷﻮﻑ ﺁﺧﺮﺗﻬﺎ ﻣﻊ ﺑﻨﺖ ﺻﻔﻴﺔ ﺇﻳﻪ ?

ﻳﺘﺒﻊ

↚

- ﺑﺮﺿﻪ ﺣﻴﻘﻮﻟﻲ ﺍﻗﻨﻌﻬﺎ .... ﻣﺎﺷﻲ ﻳﺎ ﻋﻠﻲ ... ﻟﻤﺎ ﺍﺷﻮﻑ ﺁﺧﺮﺗﻬﺎ ﻣﻊ ﺑﻨﺖ ﺻﻔﻴﺔ ﺇﻳﻪ ?

- ﻃﻴﺐ ﻫﻮ ﻟﻴﻪ ﺣﻀﺮﺗﻚ ﻣﺴﺘﻌﺠﻞ ﻋﻠﻰ ﻣﻮﺿﻮﻉ ﺍﻟﺠﻮﺍﺯ ﺩﻩ ﻟﻴﻪ ? ﺍﻧﺎ ﺷﺎﻳﻒ ﻳﻌﻨﻲ ﺍﻥ ﻧﻮﺭﻫﺎﻥ ﻣﻦ ﺣﻘﻬﺎ ﺍﻧﻬﺎ ﺗﻜﻤﻞ ﺗﻌﻠﻴﻤﻬﺎ ﻗﺒﻞ ﺍﻟﺠﻮﺍﺯ ﺧﺼﻮﺻﺎ ﻳﻌﻨﻲ ﺍﻥ ﺩﺭﺍﺳﺘﻬﺎ ﻣﺶ ﺳﻬﻠﺔ

- ﻳﺎ ﺍﺑﻨﻲ ﺍﻧﺎ ﻋﺎﻳﺰ ﺃﺟﻮﺯﻫﻢ ﻭﺍﺧﻠﺺ ﻣﻦ ﻣﺴﺌﻮﻟﻴﺘﻬﻢ ﺑﻘﻰ ... ﺃﻧﺎ ﻣﻦ ﺳﺎﻋﺔ ﺍﻟﻠﻲ ﺣﺼﻞ ﻟﻨﺎﺩﻳﺔ ﻭﺍﻧﺎ ﻣﺶ ﺑﻌﺮﻑ ﺍﻧﺎﻡ ﻣﻦ ﺍﻟﻘﻠﻖ ﻭﻣﺶ ﻋﺎﺭﻑ ﻟﻮ ﻣﺎﻛﻨﺎﺵ ﻗﺪﺭﻧﺎ ﻧﻠﻢ ﺍﻟﻤﻮﺿﻮﻉ ﻛﺎﻥ ﺇﻳﻪ ﺍﻟﻠﻲ ﻣﻤﻜﻦ ﻳﺤﺼﻞ ... ﺍﻧﺎ ﺧﺎﻳﻒ ﺍﻱ ﺣﺎﺟﺔ ﺗﺤﺼﻞ ﻗﺒﻞ ﺍﻟﻔﺮﺡ ﻭﺗﻠﺨﺒﻂ ﺣﺴﺎﺑﺎﺗﻨﺎ ... ﻋﺎﻳﺰ ﺍﻃﻤﻦ ﻋﻠﻴﻬﻢ ﻗﺒﻞ ﻣﺎﻳﺠﺮﺍﻟﻲ ﺣﺎﺟﺔ ﻭﺍﺷﻮﻑ ﻛﻞ ﻭﺍﺣﺪﺓ ﻓﻴﻬﻢ ﻓﺒﻴﺖ ﺟﻮﺯﻫﺎ ﻭﻣﺴﺌﻮﻟﻴﺘﻬﺎ ﺗﺘﺸﺎﻝ ﻣﻦ ﻋﻠﻰ ﻛﺘﺎﻓﻲ ... ﺍﻧﺎ ﺗﻌﺒﺖ ﺑﻘﻰ ﻭﻣﻦ ﺣﻘﻲ ﺍﻧﻲ ﺍﺭﺗﺎﺡ ... ﺍﻧﺎ ﻣﺎﺭﺿﺘﺶ ﺍﺗﺠﻮﺯ ﺑﻌﺪ ﺻﻔﻴﺔ ﻣﺎ ﻣﺎﺗﺖ ﻭﺍﺗﻔﺮﻏﺘﻠﻬﻢ ... ﻣﺶ ﻣﻦ ﺣﻘﻲ ﺩﻟﻮﻗﺘﻲ ﺍﻧﻲ ﺍﺭﺗﺎﺡ ... ﺍﻟﻌﻤﺮ ﻣﺎﺑﻘﺎﺵ ﻓﻴﻪ ﺍﺩ ﺍﻟﻠﻲ ﺭﺍﺡ ﻳﺎ ﻋﻠﻲ .

- ﺑﻌﺪ ﺍﻟﺸﺮ ﻋﻠﻴﻚ ﻳﺎ ﻋﻤﻲ ﻣﺎﺗﻘﻮﻟﺶ ﻛﺪﻩ ... ﺭﺑﻨﺎ ﻳﺪﻳﻚ ﻃﻮﻟﺔ ﺍﻟﻌﻤﺮ ... ﺑﺲ ﻓﻴﻪ ﺣﺎﺟﺔ ﺣﻀﺮﺗﻚ ﻣﺶ ﻭﺍﺧﺪ ﺑﺎﻟﻚ ﻣﻨﻬﺎ ... ﺃﻧﺎ ﻟﺴﻪ ﻣﺎﺟﺒﺘﺶ ﺍﻟﺸﻘﺔ ﺍﻟﻠﻲ ﺣﻨﺘﺠﻮﺯ ﻓﻴﻬﺎ ... ﻭﻣﺶ ﻣﻌﻘﻮﻝ ﺣﺎﻟﺤﻖ ﺍﺟﻴﺐ ﺷﻘﺔ ﻭﺍﻓﺮﺷﻬﺎ ﻭﺍﺣﺠﺰ ﻗﺎﻋﺔ ﻭﺍﻋﻤﻞ ﻛﻞ ﺩﻩ ﻓﺎﺳﺒﻮﻋﻴﻦ

- ﻣﺎﻫﻮ ﺩﻩ ﺍﻟﻤﻮﺿﻮﻉ ﺍﻟﺘﺎﻧﻲ ﺍﻟﻠﻲ ﻛﻨﺖ ﻋﺎﻳﺰ ﺍﺗﻜﻠﻢ ﻣﻌﺎﻙ ﻓﻴﻪ ... ﺍﻧﺖ ﻣﺶ ﺣﺘﺠﻴﺐ ﺷﻘﺔ ﻭﻻ ﺣﺎﺟﺔ ... ﺍﻧﺖ ﺣﺘﺴﻜﻦ ﻣﻌﺎﻳﺎ ﻓﺎﻟﻔﻴﻼ

- ﻋﻠﻲ ﺑﺪﻫﺸﺔ : ﺍﺳﻜﻦ ﻣﻊ ﺣﻀﺮﺗﻚ !

- ﺍﻳﻮﻩ ﻳﺎ ﻋﻠﻲ ... ﺍﻧﺎ ﻛﻨﺖ ﻧﺎﻭﻱ ﺍﻛﻠﻤﻚ ﻓﺎﻟﻤﻮﺿﻮﻉ ﺩﻩ ﻭﻗﺘﻬﺎ ... ﺍﻧﺎ ﺑﻌﺪ ﻣﺎ ﺍﻟﺒﻨﺎﺕ ﻳﺘﺠﻮﺯﻭﺍ ﻣﺶ ﻣﻌﻘﻮﻝ ﺣﺎﻗﻌﺪ ﻓﺎﻟﻔﻴﻼ ﺍﻟﻄﻮﻳﻠﺔ ﺍﻟﻌﺮﻳﻀﺔ ﺩﻱ ﻟﻮﺣﺪﻱ ... ﻋﺸﺎﻥ ﻛﺪﻩ ﻋﺎﻳﺰﻛﻮﺍ ﺗﻌﻴﺸﻮﺍ ﻣﻌﺎﻳﺎ ﺍﻧﺖ ﻭﻧﻮﺭﺍ ... ﺍﻧﺎ ﻃﺒﻌﺎ ﻣﺎﻗﺪﺭﺵ ﺍﻃﻠﺐ ﺍﻟﻄﻠﺐ ﺩﻩ ﻣﻦ ﺍﺑﻦ ﺍﻟﺤﺴﻴﻨﻲ ... ﻟﻜﻦ ﺍﻧﺖ ﺍﺑﻦ ﺍﺧﻮﻳﺎ ﻭﻣﺶ ﻣﻌﻘﻮﻝ ﺣﺘﺮﻓﺾ ﻃﻠﺒﻲ ﻭﺗﻜﺴﻔﻨﻲ

ﺗﻨﻬﺪ ﻋﻠﻲ ﻭﻗﺎﻝ ﻓﻲ ﺣﻴﺮﺓ :

- ﻫﻮ ﺣﻀﺮﺗﻚ ﻣﺶ ﺷﺎﻳﻒ ﺍﻧﻚ ﻓﺎﺟﺌﺘﻨﻲ ﺍﻟﻨﻬﺎﺭﺩﺓ ﺍﻛﺘﺮ ﻣﻦ ﻣﻔﺎﺟﺄﺓ ﻣﺎﻛﻨﺘﺶ ﻋﺎﻣﻞ ﺣﺴﺎﺑﻬﻢ .... ﻣﻤﻜﻦ ﺗﺪﻳﻨﻲ ﻓﺮﺻﺔ ﺍﻓﻜﺮ ﻭﺍﺭﺩ ﻋﻠﻰ ﺣﻀﺮﺗﻚ

- ﺻﻔﻮﺕ ﺑﻀﻴﻖ : ﻭﻫﻴﺎ ﺩﻱ ﻣﺤﺘﺎﺟﺔ ﺗﻔﻜﻴﺮ ﺑﺮﺿﻪ ... ﺍﻧﺎ ﺯﻱ ﻣﺎﻗﻠﺘﻠﻚ ﻣﺎﻳﻨﻔﻌﺶ ﺍﻃﻠﺐ ﺍﻟﻄﻠﺐ ﺩﻩ ﻣﻦ ﺍﺑﻦ ﺍﻟﺤﺴﻴﻨﻲ ... ﻟﻜﻦ ﻭﺍﺿﺢ ﻛﺪﻩ ﺍﻧﻲ ﺑﺎﺿﻐﻂ ﻋﻠﻴﻚ ﻓﺤﺎﺟﺎﺕ ﻛﺘﻴﺮ

ﺣﺎﻭﻝ ﻋﻠﻲ ﺍﻥ ﻳﺴﺘﺮﺿﻲ ﻋﻤﻪ ﻗﺎﺋﻼ :

- ﺍﺭﺟﻮﻙ ﻳﺎ ﻋﻤﻲ ﺍﻧﺎ ﻣﺶ ﻋﺎﻳﺰ ﺣﻀﺮﺗﻚ ﺗﺰﻋﻞ ﻣﻨﻲ ... ﻭﻋﻤﻮﻣﺎ ﺇﺫﺍ ﻛﺎﻥ ﺩﻱ ﺣﺎﺟﺔ ﺗﺴﻌﺪ ﺣﻀﺮﺗﻚ ﻭﺗﺮﺿﻴﻚ ﻓﺎﻧﺎ ﻣﺎﻋﻨﺪﻳﺶ ﻣﺎﻧﻊ

- ﻳﺒﻘﻰ ﻋﻠﻰ ﺑﺮﻛﺔ ﺍﻟﻠﻪ ... ﺍﻧﺎ ﺣﺎﻛﻠﻢ ﺍﺣﻤﺪ ﻳﺒﻌﺖ ﺍﺣﺴﻦ ﺍﻭﺿﺔ ﻧﻮﻡ ﻋﻨﺪﻩ ﻓﺎﻟﻤﻌﺮﺽ ﻭﺍﺟﻬﺰﻟﻜﻮﺍ ﺍﻭﺿﺔ ﻣﻦ ﺍﻭﺽ ﺍﻟﻨﻮﻡ ﺍﻟﻜﺒﻴﺮﺓ ﻓﺎﻟﻔﻴﻼ ﻭﺍﻓﺮﺷﻬﺎ ... ﻭﺍﻧﺖ ﺑﻘﻲ ﺟﻬﺰ ﻧﻔﺴﻚ ﻭﺍﺗﻔﻖ ﻣﻊ ﻭﺍﻟﺪﺗﻚ ﻭﺍﺧﺘﻚ

ﻗﺎﻡ ﺻﻔﻮﺕ ﻣﻦ ﻣﻜﺎﻧﻪ ﻭﺍﺗﺠﻪ ﻧﺤﻮ ﺍﻟﺨﺰﺍﻧﺔ ﺍﻟﻤﻮﺿﻮﻋﺔ ﺑﺠﻮﺍﺭ ﻣﻜﺘﺒﻪ ﺛﻢ ﻓﺘﺤﻬﺎ ﻭﺍﺧﺮﺝ ﻣﻨﻬﺎ ﻣﺒﻠﻐﺎ ﻣﻦ ﺍﻟﻤﺎﻝ ﻭﻣﺪ ﻳﺪﻩ ﺑﻪ ﺇﻟﻰ ﻋﻠﻲ ﻗﺎﺋﻼ :

- ﺍﻣﺴﻚ ﻳﺎ ﻋﻠﻲ ﺍﻟﻔﻠﻮﺱ ﺩﻱ ﺍﺩﻳﻬﺎ ﻟﻠﺒﻨﻰ ﻭﻗﻮﻟﻬﺎ ﻋﻤﻚ ﺑﻴﻘﻮﻟﻚ ﻟﻮ ﺍﺣﺘﺎﺟﺘﻲ ﺍﻱ ﺣﺎﺟﺔ ﻣﺎﺗﺘﺮﺩﺩﻳﺶ ﺍﻧﻚ ﺗﻄﻠﺒﻴﻬﺎ ﻣﻨﻪ ... ﺍﻧﺎ ﻋﺎﻳﺰﻫﺎ ﺧﻼﻝ ﺍﺳﺒﻮﻋﻴﻦ ﺗﺠﻴﺐ ﻛﻞ ﺍﻟﻠﻲ ﻫﻴﺎ ﻋﺎﻳﺰﺍﻩ ﻭﻣﺎﻳﻜﻮﻧﺶ ﻧﺎﻗﺼﻬﺎ ﺍﻱ ﺣﺎﺟﺔ

- ﻣﺎﻟﻮﺵ ﻟﺰﻭﻡ ﻳﺎ ﻋﻤﻲ

- ﻫﻮ ﺍﻳﻪ ﺍﻟﻠﻲ ﻣﺎﻟﻮﺵ ﻟﺰﻭﻡ ... ﺩﻭﻝ ﻫﺪﻳﺘﻲ ﻟﻠﺒﻨﻰ ... ﻭﺑﻌﺪﻳﻦ ﻟﺒﻨﻰ ﺩﻱ ﺑﻨﺘﻲ ﺯﻳﻬﺎ ﺯﻱ ﻧﺎﺩﻳﺔ ﻭﻧﻮﺭﺍ ﺑﺎﻟﻈﺒﻂ .... ﻭﺍﻟﻠﻲ ﺑﻌﻤﻠﻪ ﺩﻩ ﻣﺶ ﻓﻀﻞ ﻣﻨﻲ ﺩﻩ ﺩﻳﻦ ﻋﻠﻴﺎ ﻷﺑﻮﻛﻮﺍ ﺍﻟﻠﻪ ﻳﺮﺣﻤﻪ ... ﺍﺑﻜﻮﺍ ﺍﻗﻒ ﺟﻨﺒﻲ ﻓﺎﻛﺘﺮ ﻭﻗﺖ ﻛﻨﺖ ﻣﺤﺘﺎﺟﻠﻪ ﻓﻴﻪ ... ﻋﺸﺎﻥ ﻛﺪﻩ ﺍﻧﺎ ﺍﺧﺪﺕ ﻋﻬﺪ ﻋﻠﻲ ﻧﻔﺴﻲ ﺇﻥ ﻭﻻﺩﻩ ﻳﻜﻮﻧﻮﺍ ﻭﻻﺩﻱ ﻣﻦ ﺑﻌﺪﻩ ...

- ﺍﺣﻨﺎ ﻛﻤﺎﻥ ﻳﺎ ﻋﻤﻲ ﺑﻨﻌﺘﺒﺮ ﺣﻀﺮﺗﻚ ﻣﻜﺎﻥ ﻭﺍﻟﺪﻱ ﺍﻟﻠﻪ ﻳﺮﺣﻤﻪ

- ﺭﺑﻨﺎ ﻳﺒﺎﺭﻛﻠﻲ ﻓﻴﻜﻮﺍ ﻳﺎ ﺍﺑﻨﻲ ... ﺍﺳﻤﻊ ﺑﻘﻰ ... ﺍﻧﺎ ﻋﺎﻳﺰﻙ ﺗﻨﺰﻝ ﺑﻨﻔﺴﻚ ﺗﻠﻒ ﻋﻠﻰ ﺍﻟﻘﺎﻋﺎﺕ ﻭﺗﺸﻮﻑ ﻗﺎﻋﺔ ﺗﻜﻮﻥ ﻛﺒﻴﺮﺓ ﻭﻛﻮﻳﺴﺔ ﻭﺍﻧﺎ ﺍﻟﻠﻲ ﺣﺎﺗﻜﻔﻞ ﺑﻜﻞ ﺍﻟﻤﺼﺎﺭﻳﻒ

- ﺑﺲ ﻳﺎ ﻋﻤﻲ ﻛﺪﻩ ﻛﺘﻴﺮ ﺍﻭﻱ

- ﺍﻧﺘﻮﺍ ﻛﻠﻜﻮﺍ ﻭﻻﺩﻱ ﻳﺎ ﻋﻠﻲ ... ﺳﻮﺍﺀ ﻧﺎﺩﻳﺔ ﻭﻧﻮﺭﺍ ﺍﻭ ﺍﻧﺖ ﻭﻟﺒﻨﻰ ﻭﺍﺣﻤﺪ ﺍﻧﺘﺎ ﺍﻟﺨﻤﺴﺔ ﻭﻻﺩﻱ ... ﻭﺍﻥ ﻛﺎﻥ ﻋﻠﻰ ﺍﺑﻦ ﺍﻟﺤﺴﻴﻨﻲ ﻓﻜﻠﻪ ﻋﺸﺎﻥ ﺧﺎﻃﺮ ﻧﺎﺩﻳﺔ ... ﻳﻼ ﺍﺗﻔﻀﻞ ﺑﻘﻰ ﻋﻠﻰ ﻣﻜﺘﺒﻚ ﻋﺸﺎﻥ ﺗﺨﻠﺺ ﻛﻞ ﺍﻟﺸﻐﻞ ﺍﻟﻠﻲ ﻭﺭﺍﻙ ﻗﺒﻞ ﻣﺎﺗﺎﺧﺪ ﺍﺟﺎﺯﺓ ﺷﻬﺮ ﺍﻟﻌﺴﻞ

- ﺣﺎﺿﺮ ﻳﺎ ﻋﻤﻲ ﻋﻦ ﺇﺫﻥ ﺣﻀﺮﺗﻚ

&&&&&&&&&&&&&&&&&&&&&&&&&

ﻛﺎﻥ ﻋﻠﻲ ﻳﺘﺤﺪﺙ ﻓﻲ ﺍﻟﻬﺎﺗﻒ ﻣﻊ ﺍﺣﻤﺪ ﻭﻳﻘﻮﻝ ﻓﻲ ﻋﺼﺒﻴﺔ :

- ﺍﻧﺖ ﻟﻴﻪ ﻣﺎﻗﻠﺘﻠﻴﺶ ﻗﺒﻞ ﻣﺎ ﺗﻜﻠﻢ ﻋﻤﻲ ﻋﻠﻰ ﺣﺎﺟﺔ ﺯﻱ ﺩﻱ

ﺗﻌﺠﺐ ﺍﺣﻤﺪ ﻣﻦ ﻟﻬﺠﺘﻪ ﺍﻟﺤﺎﺩﺓ ﻭﺍﻟﺘﻲ ﻻ ﻳﺠﺪ ﻣﺒﺒﺮﺍ ﻟﻬﺎ ﻓﻘﺎﻝ ﺑﻬﺪﻭﺀ :

- ﻭﻓﻴﻬﺎ ﺇﻳﻪ ﻳﻌﻨﻲ ﻳﺎ ﻋﻠﻲ ? ﻣﺎ ﺍﻧﺎ ﺳﺒﻖ ﻭﺧﻄﺒﺘﻬﺎ ﻣﻨﻪ ﻗﺒﻞ ﻣﺎ ﺍﻗﻮﻟﻚ ... ﻭﺑﻌﺪﻳﻦ ﻣﺎ ﺍﻧﺎ ﻗﻠﺖ ﺍﻥ ﺧﺎﻟﻲ ﺣﻴﻘﻮﻟﻚ ﻓﻌﺎﺩﻱ ﻳﻌﻨﻲ ... ﻫﻮ ﺍﺣﻨﺎ ﻛﻨﺎ ﺣﻨﺘﺠﻮﺯ ﻣﻦ ﻭﺭﺍﻙ ﻭﻻ ﺣﺎﺟﺔ !?

- ﻣﺎﺳﻴﺎﺩﺗﻚ ﺍﺗﻔﻘﺖ ﻣﻊ ﻟﺒﻨﻰ ﻭﺧﺎﻟﻚ ﻭﺳﺎﻳﺒﻨﻲ ﺁﺧﺮ ﻣﻦ ﻳﻌﻠﻢ

- ﺍﻧﺎ ﻣﺶ ﻓﺎﻫﻢ ﻓﻴﻪ ﺇﻳﻪ ﻟﻜﻞ ﺩﻩ ﻳﺎ ﻋﻠﻲ ?

- ﻓﻴﻪ ﺍﻥ ﺳﻴﺎﺩﺗﻚ ﺣﻄﻴﺘﻨﻲ ﻓﻮﺭﻃﺔ ﻣﺎﻋﺮﻓﺘﺶ ﺍﺧﺮﺝ ﻣﻨﻬﺎ ﺍﺯﺍﻱ

- ﻃﻴﺐ ﺇﻫﺪﻱ ﺑﺲ ﻭﻓﻬﻤﻨﻲ ﺇﻳﻪ ﺍﻟﻠﻲ ﺣﺼﻞ ﻭﺧﻼﻙ ﻣﻨﻔﻌﻞ ﺑﺎﻟﺸﻜﻞ ﺩﻩ

- ﺍﻟﻠﻲ ﺣﺼﻞ ﻳﺎ ﺳﻴﺪﻱ ﺍﻥ ﺧﺎﻟﻚ ﻃﻠﺐ ﻣﻨﻲ ﺍﻋﻤﻞ ﻓﺮﺣﻲ ﺍﻧﺎ ﻭﻧﻮﺭﺍ ﻣﻌﺎﻛﻮﺍ ﻓﻨﻔﺲ ﺍﻟﻴﻮﻡ ﺯﻱ ﻛﺘﺐ ﺍﻟﻜﺘﺎﺏ ﺑﺮﺿﻪ

- ﻃﻴﺐ ﺩﻱ ﻓﻴﻬﺎ ﺇﻳﻪ ? ﻣﺎﺍﻧﺖ ﻛﻨﺖ ﻛﺪﻩ ﻭﻻ ﻛﺪﻩ ﺣﺘﺘﺠﻮﺯ ... ﻭﻻ ﺍﻧﺖ ﻛﻨﺖ ﻣﺘﻔﻖ ﻋﻠﻰ ﻛﺘﺐ ﻛﺘﺎﺏ ﺑﺲ

- ﻻ ﻳﺎ ﻇﺮﻳﻒ ﺍﺣﻨﺎ ﻛﻨﺎ ﺣﻨﺘﺠﻮﺯ ﺑﺲ ﺑﻌﺪ ﺳﻨﺔ ﺑﻌﺪ ﻣﺎ ﻧﺎﺧﺪ ﻋﻠﻰ ﺑﻌﺾ ﻭﺍﺣﺲ ﺇﻧﻲ ﺑﺤﺒﻬﺎ ﺯﻱ ﻣﺎﺑﺘﺤﺒﻨﻲ ... ﻟﻜﻦ ﺩﻟﻮﻗﺘﻲ ﺣﻨﺘﺠﻮﺯ ﺍﺯﺍﻱ ﻭﺍﺣﻨﺎ ﻣﺶ ﻃﺎﻳﻘﻴﻦ ﺑﻌﺾ ﺑﺎﻟﺸﻜﻞ ﺩﻩ ? ﺩﻱ ﺣﺘﻲ ﻫﻴﺎ ﻛﻤﺎﻥ ﺭﻓﻀﺖ ﻭﻋﻤﻚ ﻣﺼﻤﻢ ﻳﻨﻔﺬ ﺍﻟﻠﻲ ﻓﺪﻣﺎﻏﻪ

- ﻛﻨﺖ ﻗﻮﻟﻪ ﺍﻧﻚ ﻣﺶ ﻣﻮﺍﻓﻖ ﻣﺎﻓﻴﻬﺎﺵ ﺣﺎﺟﺔ ﻳﻌﻨﻲ

- ﻳﺎ ﺳﻼﻡ ﺑﺎﻟﺒﺴﺎﻃﺔ ﺩﻱ ﻋﺎﻳﺰﻧﻲ ﺍﻗﻮﻟﻪ ﻣﺶ ﻋﺎﻳﺰ ﺍﺗﺠﻮﺯ ﺑﻨﺘﻚ ﺩﻟﻮﻗﺘﻲ

ﺍﺟﺎﺑﻪ ﺍﺣﻤﺪ ﻗﺎﺋﻼ ﺑﺤﺪﺓ :

- ﺁﻩ ... ﻓﺎﻧﺖ ﻃﺒﻌﺎ ﻗﻮﻟﺘﻠﻪ ﺍﻧﻚ ﻣﻮﺍﻓﻖ ﻭﺳﻴﺒﺘﻬﺎ ﻫﻴﺎ ﺍﻟﻠﻲ ﺗﻘﻮﻝ ﻷ ﻭﺗﺒﻘﻰ ﻓﻮﺵ ﺍﻟﻤﺪﻓﻊ ﻣﻊ ﻋﻤﻚ ... ﻭﺍﻧﺖ ﻋﺎﺭﻑ ﺍﺳﻠﻮﺑﻪ ﻣﻌﺎﻫﺎ ﻋﺎﻣﻞ ﺍﺯﺍﻱ ... ﺍﻟﻤﻬﻢ ﺍﻧﺖ ﺗﺤﺴﻦ ﺻﻮﺭﺗﻚ ﺍﺩﺍﻣﻪ ﻭﺗﺒﻘﻰ ﺍﻟﻤﻄﻴﻊ ﺍﻟﻠﻲ ﺑﻴﺴﻤﻊ ﻛﻼﻡ ﻋﻤﻪ ... ﻟﻮ ﻛﺎﻥ ﻋﻨﺪﻙ ﺍﻟﺸﺠﺎﻋﺔ ﻛﻨﺖ ﻗﻠﺖ ﺍﻧﻚ ﺍﻧﺖ ﺍﻟﻠﻲ ﻣﺶ ﻣﻮﺍﻓﻖ ﻣﺶ ﺗﺠﻴﺒﻬﺎ ﻓﻨﻮﺭﺍ ﻭﺗﺒﻘﻰ ﺍﻧﺖ ﻣﺎﻋﻤﻠﺘﺶ ﺣﺎﺟﺔ ... ﺑﻘﻰ ﻫﻴﺎ ﺩﻱ ﺍﻟﺮﺟﻮﻟﻪ ﻳﺎ ﻋﻠﻲ ?

- ﺍﻧﺖ ﻣﺶ ﺣﺘﺒﻄﻞ ﺍﺳﻠﻮﺑﻚ ﺍﻟﻤﺴﺘﻔﺰ ﺩﻩ ﻣﻌﺎﻳﺎ

- ﺩﻩ ﺑﺪﺍﻝ ﻣﺎ ﺗﺤﻤﺪ ﺭﺑﻨﺎ ﺍﻥ ﻋﻨﺪﻙ ﺻﺎﺣﺐ ﺯﻳﻲ ﻛﺪﻩ ﺑﻴﺮﺟﻌﻚ ﻟﻠﺤﻖ ﺑﺪﺍﻝ ﻣﺎﻳﻌﻴﻨﻚ ﻋﻠﻰ ﺍﻟﻐﻠﻂ

- ﻭﺍﻟﻠﻪ ﻳﺎ ﺍﺣﻤﺪ ﺍﻧﺎ ﻣﺎﻓﻜﺮﺗﺶ ﻓﻴﻬﺎ ﻛﺪﻩ ... ﺍﻧﺎ ﺧﻔﺖ ﺍﻗﻮﻝ ﺍﻳﻮﻩ ﻫﻴﺎ ﺗﻜﻮﻥ ﻣﺶ ﻣﻮﺍﻓﻘﺔ ﺑﺴﺒﺐ ﺍﻟﺼﺪﺍﻣﺎﺕ ﺍﻟﻠﻲ ﺑﺘﺤﺼﻞ ﺑﻴﻨﺎ ﻣﻦ ﺍﻭﻝ ﺍﻟﺨﻄﻮﺑﺔ ... ﻭﻓﻨﻔﺲ ﺍﻟﻮﻗﺖ ﺧﻔﺖ ﺍﺭﻓﺾ ﻫﻴﺎ ﺗﻌﺮﻑ ﻭﺗﻔﺘﻜﺮ ﺇﻧﻲ ﻣﺶ ﻋﺎﻳﺰﻫﺎ ... ﻭﺍﻟﻠﻪ ﺍﻧﺎ ﻋﻤﻠﺖ ﻛﺪﻩ ﻋﺸﺎﻧﻬﺎ ... ﻣﺎﻓﻜﺮﺕﺵ ﻓﺎﻟﻠﻲ ﺍﻧﺖ ﺑﺘﻘﻮﻟﻪ ﺩﻩ ... ﺍﻧﺎ ﻣﺶ ﻧﺪﻝ ﺍﻭﻱ ﻛﺪﻩ ﻳﺎ ﺍﺣﻤﺪ

- ﻭﻫﻴﺎ ﻣﺶ ﺩﻱ ﺍﻟﺤﻘﻴﻘﺔ ﻳﺎ ﻋﻠﻲ ... ﻭﻫﻮ ﺍﻧﺖ ﻋﺎﻳﺰﻫﺎ ﻳﻌﻨﻲ ?

↚

ﻇﻞ ﻋﻠﻲ ﺻﺎﻣﺘﺎ ﻟﻔﺘﺮﺓ ﻭﺍﺣﻤﺪ ﻳﻨﺘﻈﺮ ﻣﻨﻪ ﺟﻮﺍﺑﺎ ﻟﺴﺆﺍﻟﻪ ﺣﺘﻲ ﻧﻄﻖ ﺍﺧﻴﺮﺍ ﻗﺎﺋﻼ :

- ﺍﻳﻮﻩ ﻋﺎﻳﺰﻫﺎ ﻳﺎ ﺍﺣﻤﺪ ﻋﺎﻳﺰﻫﺎ ﺍﺭﺗﺤﺖ ﻛﺪﻩ

ﺍﺑﺘﺴﻢ ﺍﺣﻤﺪ ﻗﺎﺋﻼ :

- ﻃﺐ ﻭﻣﺎﻟﻚ ﺑﺘﻘﻮﻟﻬﺎ ﻛﺪﻩ ﻟﻴﻪ ? ﻃﻴﺐ ﺍﻣﺎﻝ ﺇﻳﻪ ﺍﻟﻠﻲ ﻗﻮﻟﺘﻪ ﻣﻦ ﺷﻮﻳﺔ ﺩﻩ ﻭﺍﻧﻚ ﻣﺶ ﻋﺎﻳﺰ ﺗﺘﺠﻮﺯ ﺩﻟﻮﻗﺘﻲ

ﻣﺴﺢ ﻋﻠﻲ ﻋﻠﻰ ﻭﺟﻬﻪ ﻭﺍﺧﺬﻧﻔﺴﺎ ﻋﻤﻴﻘﺎ ﻗﺒﻞ ﺍﻥ ﻳﺠﻴﺒﻪ ﻗﺎﺋﻼ :

- ﺷﻮﻑ ﻳﺎ ﺍﺣﻤﺪ ... ﻫﻴﺎ ﻓﻴﻬﺎ ﺷﻮﻳﺔ ﺣﺎﺟﺎﺕ ﻛﺪﻩ ﺑﺘﻀﺎﻳﻘﻨﻲ ﻣﻨﻬﺎ ﻟﻜﻦ ﺩﻩ ﻣﺶ ﻣﻌﻨﺎﻩ ﺍﻧﻲ ﻣﺶ ﻋﺎﻳﺰ ﺍﺗﺠﻮﺯﻫﺎ ... ﻭﺩﻩ ﻏﻴﺮ ﺇﻧﻲ ﻣﺶ ﻗﺎﺩﺭ ﺍﺣﺪﺩ ﻣﺸﺎﻋﺮﻱ ﻣﻦ ﻧﺎﺣﻴﺘﻬﺎ ﻋﺎﻣﻠﺔ ﺍﺯﺍﻱ ﻟﺤﺪ ﺩﻟﻮﻗﺘﻲ ... ﺑﺺ ﻳﺎ ﺍﺣﻤﺪ ﺍﻧﺎ ﻣﺘﻠﻐﺒﻂ ﺍﻭﻱ ﻭﻣﺶ ﻋﺎﺭﻑ ﺍﻧﺎ ﻋﺎﻳﺰ ﺇ ﻳﻪ ﺑﺠﺪ ... ﻓﺎﻛﺮ ﻟﻤﺎ ﻗﻠﺘﻠﻚ ﺍﻧﺎ ﺑﺤﺲ ﺍﻧﻬﺎ ﺯﻱ ﺍﺧﺘﻲ ... ﻟﺤﺪ ﺩﻟﻮﻗﺘﻲ ﺣﺎﺳﺲ ﺇﻧﻲ ﻣﺶ ﻗﺎﺩﺭ ﺍﺗﻐﻠﺐ ﻋﻠﻰ ﺇﺣﺴﺎﺳﻲ ﺩﻩ

ﺷﻌﺮ ﺍﺣﻤﺪ ﺑﻤﺎ ﻳﻌﺘﻤﻞ ﺩﺍﺧﻞ ﺻﺪﺭﻩ ﻓﺮﺃﻯ ﺍﻥ ﺫﻟﻚ ﻟﻴﺲ ﺍﻟﻮﻗﺖ ﺍﻟﻤﻨﺎﺳﺐ ﻟﻤﻤﺎﺭﺳﺔ ﺍﻟﻤﺰﻳﺪ ﻣﻦ ﺍﻟﻀﻐﻮﻁ ﻋﻠﻴﻪ ﻓﻘﺎﻝ ﺑﻬﺪﻭﺀ :

- ﺍﺗﺠﻮﺯﻫﺎ ﻳﺎ ﻋﻠﻲ ... ﺍﺗﺠﻮﺯﻫﺎ ﻭﺣﺎﻭﻝ ﺗﺘﻜﻠﻢ ﻣﻌﺎﻫﺎ ﺑﻬﺪﻭﺀ ﻋﻦ ﺍﻟﺤﺎﺟﺎﺕ ﺍﻟﻠﻲ ﺑﺘﻀﺎﻳﻘﻚ ﻣﻨﻬﺎ ... ﺳﺎﻣﻌﻨﻲ ﺑﻬﺪﻭﺀ ... ﺑﻼﺵ ﺗﺒﻘﻲ ﻣﺪﺏ ﺯﻱ ﻋﺎﺩﺗﻚ ... ﻭﺍﻛﻴﺪ ﻳﻌﻨﻲ ﻟﻤﺎ ﺗﺘﺠﻮﺯﻭﺍ ﻭﺗﺒﻘﻮﺍ ﻣﻊ ﺑﻌﺾ ﺍﻛﻴﺪ ﻳﻌﻨﻲ ﺣﺘﻨﺴﻰ ﺣﻜﺎﻳﺔ ﺍﺧﺘﻚ ﺩﻱ ﻭﺍﻇﻦ ﺍﻧﻚ ﻓﺎﻫﻤﻨﻲ ﻛﻮﻳﺲ

ﺑﺪﺍ ﻋﻠﻴﻪ ﺍﻹﻗﺘﻨﺎﻉ ﻭﻫﻮ ﻳﺠﻴﺒﻪ ﻗﺎﺋﻼ :

- ﻃﻴﺐ ﻭﺍﺗﺠﻮﺯﻫﺎ ﺍﺯﺍﻱ ﺇﺫﺍ ﻛﺎﻧﺖ ﻣﺶ ﻃﺎﻳﻘﺔ ﺗﺒﺺ ﻓﻮﺷﻲ ﻓﺎﻟﻮﻗﺖ ﺍﻟﺤﺎﻟﻲ

- ﺍﻧﺖ ﻋﺎﺭﻑ ﻛﻮﻳﺲ ﺍﻧﻬﺎ ﺑﺘﺤﺒﻚ ﻭﺍﻥ ﺍﻟﻜﻼﻡ ﺩﻩ ﻣﻦ ﻭﺭﺍ ﻗﻠﺒﻬﺎ ... ﺍﻭ ﻳﻤﻜﻦ ﻋﺎﻳﺰﺓ ﺗﺴﻤﻌﻬﺎ ﻣﻨﻚ ﺍﻧﺖ ﻭﺗﺤﺲ ﺍﻧﻚ ﻋﺎﻳﺰﻫﺎ ﻓﻌﻼ ... ﻗﺮﺏ ﻣﻨﻬﺎ ﻳﺎ ﻋﻠﻲ ﻭﻗﻮﻟﻬﺎ ﺍﻟﻜﻠﻤﺔ ﺍﻟﻠﻲ ﻧﻔﺴﻬﺎ ﺗﺴﻤﻌﻬﺎ ﻣﻨﻚ ﺣﺘﻰ ﻟﻮ ﻣﺶ ﺣﺎﺳﺴﻬﺎ ﻓﻌﻼ ﻳﺠﻮﺯ ﺍﻟﻜﺬﺏ ﻋﻠﻰ ﺍﻟﺰﻭﺟﺔﻳﺎ ﺁﺧﻲ ... ﺻﺪﻗﻨﻲ ﻣﻤﻜﻦ ﺳﺎﻋﺘﻬﺎ ﺗﻼﻗﻴﻬﺎ ﻫﻴﺎ ﺍﻟﻠﻲ ﺑﺘﻘﻮﻟﻚ ﺗﻌﺎﻟﻰ ﻧﺘﺠﻮﺯ ﺩﻟﻮﻗﺘﻲ ... ﻭﻟﻮ ﺇﻧﻲ ﻋﺎﺭﻑ ﺍﻥ ﺑﻨﺖ ﺧﺎﻟﻲ ﻣﺤﺘﺮﻣﺔ ﻭﻣﺶ ﻣﻤﻜﻦ ﺗﻘﻮﻝ ﻛﺪﻩ

ﺷﻌﺮ ﻋﻠﻲ ﺑﺎﻟﻐﻴﺮﺓ ﻣﻦ ﻛﻠﻤﺎﺕ ﺍﺣﻤﺪ ﺭﻏﻢ ﻋﻠﻤﻪ ﺑﻤﻘﺼﺪﻩ ﻣﻨﻬﺎ ﻓﻘﺎﻝ ﻣﺤﺎﻭﻻ ﺗﻐﻴﻴﺮ ﺍﻟﻤﻮﺿﻮﻉ :

- ﻣﺎﺷﻲ ﻳﺎ ﺍﺧﻮﻳﺎ ... ﻛﻔﺎﻳﺔ ﻛﻼﻡ ﺑﻘﻰ ﻋﻦ ﺑﻨﺖ ﺧﺎﻟﻚ ﻭﻗﻮﻟﻲ ﻧﺎﻭﻱ ﺗﻌﻤﻞ ﺇﻳﻪ ﻓﺎﻷﺳﺒﻮﻋﻴﻦ ﺍﻟﻠﻲ ﺑﺎﻗﻴﻴﻦ ﺩﻭﻝ ?

ﺍﺧﺬ ﺍﺣﻤﺪ ﻳﻘﺺ ﻋﻠﻰ ﻋﻠﻲ ﻣﺎ ﻳﻨﺘﻮﻱ ﻓﻌﻠﻪ ﻓﻲ ﺍﻷﻳﺎﻡ ﺍﻟﻤﻘﺒﻠﺔ ﻭﺍﻧﻪ ﺳﻮﻑ ﻳﺤﻀﺮ ﺇﻟﻰ ﺍﻟﻘﺎﻫﺮﺓ ﺑﺼﺤﺒﺔ ﺷﻘﻴﻘﺘﻪ ﺃﻣﻨﻴﺔ ﻟﻴﺼﺤﺒﺎ ﻟﺒﻨﻰ ﻟﻜﻲ ﺗﻘﻮﻡ ﺑﺸﺮﺍﺀ ﺍﻟﺸﺒﻜﺔ ﻭﻓﺴﺘﺎﻥ ﺍﻟﺰﻓﺎﻑ ... ﻭﺍﺧﺒﺮﻩ ﺍﻧﻪ ﻗﺪ ﺍﻧﺘﻬﻰ ﺗﻤﺎﻣﺎ ﻣﻦ ﺇﻋﺪﺍﺩ ﺍﻟﺸﻘﺔ ﻭﺗﻐﻴﻴﺮ ﺩﻳﻜﻮﺭﺍﺗﻬﺎ ﻓﺴﺄﻟﻪ ﻋﻠﻲ ﻣﺘﻌﺠﺒﺎ :

- ﺍﻧﺖ ﺍﺯﺍﻱ ﻟﺤﻘﺖ ﺗﺨﻠﺺ ﺍﻟﺸﻘﺔ ﻓﺸﻬﺮﻳﻦ ﺍﺗﻨﻴﻦ

- ﺍﻳﻪ ﻳﺎ ﻋﻢ ... ﻫﻮ ﺍﻧﺖ ﻓﺎﻛﺮ ﺍﻥ ﺍﻧﺖ ﻟﻮﺣﺪﻙ ﺍﻟﻠﻲ ﻣﻬﻨﺪﺱ ﺩﻳﻜﻮﺭ ﺷﺎﻃﺮ ﻭﻻ ﺇﻳﻪ

ﺍﺧﺒﺮﻩ ﻋﻠﻲ ﺑﻄﻠﺐ ﻋﻤﻪ ﺍﻥ ﻳﺒﺤﺚ ﻋﻦ ﻗﺎﻋﺔ ﺟﻴﺪﺓ ﻟﻴﻘﺎﻡ ﻓﻴﻬﺎ ﺣﻔﻞ ﺍﻟﺰﻓﺎﻑ ﻭﺍﻧﻪ ﺳﻴﻘﻮﻡ ﺑﺘﺤﻤﻞ ﻛﺎﻓﺔ ﺍﻟﺘﻜﺎﻟﻴﻒ ... ﺍﻷﻣﺮ ﺍﻟﺬﻱ ﺭﻓﻀﻪ ﺍﺣﻤﺪ ﻗﺎﺋﻼ ﺑﺈﻋﺘﺮﺍﺽ :

- ﻻ ﻃﺒﻌﺎ ﺃﻧﺎ ﻣﺶ ﻣﻮﺍﻓﻖ ﻋﻠﻰ ﺣﺎﺟﺔ ﺯﻱ ﻛﺪﻩ

- ﻣﺎﻓﻴﻬﺎﺵ ﺣﺎﺟﺔ ﻳﺎ ﺍﺣﻤﺪ ... ﺩﻩ ﺧﺎﻟﻚ ﻭﻋﻤﻲ ﺍﻧﺎ ﻭﻟﺒﻨﻲ ﻭﻧﺎﺩﻳﺔ ﻭﻧﻮﺭﻫﺎﻥ ﺩﻭﻝ ﺑﻨﺎﺗﻪ .... ﻋﺎﺩﻱ ﻳﻌﻨﻲ ... ﻳﺎ ﺳﻴﺪﻱ ﺍﻋﺘﺒﺮﻫﺎ ﻫﺪﻳﺔ ﺍﻟﻔﺮﺡ ... ﻣﺶ ﻛﻔﺎﻳﺔ ﺍﻧﻚ ﺭﻓﻀﺖ ﺗﺎﺧﺪ ﻣﻨﻪ ﺍﻟﺸﻘﺔ ﻭﺻﻤﻤﺖ ﺍﻧﻚ ﺗﺸﺘﺮﻳﻬﺎ

ﺍﺧﺬ ﺍﺣﻤﺪ ﻳﺸﺮﺡ ﻟﻌﻠﻲ ﻭ ﺟﻬﺔ ﻧﻈﺮﻩ ﻗﺎﺋﻼ :

- ﺍﻧﺎ ﻛﺎﻥ ﻻﺯﻡ ﺍﻋﻤﻞ ﻛﺪﻩ ﻃﺒﻌﺎ ... ﺍﻧﺎ ﻣﺎ ﺍﻗﺒﻠﺶ ﺍﻧﻲ ﺍﺳﻜﻦ ﻣﺮﺍﺗﻲ ﻓﺸﻘﺔ ﻣﺶ ﺟﺎﻳﺒﻬﺎ ﻣﻦ ﻋﺮﻗﻲ ﻭﺗﻌﺒﻲ ﺣﺘﻰ ﻟﻮ ﻛﺎﻧﺖ ﻣﻦ ﺧﺎﻟﻲ ﺍﻟﻠﻲ ﻫﻮ ﻋﻤﻬﺎ

- ﺍﻣﺎﻝ ﺣﺘﻘﻮﻝ ﻋﻠﻴﺎ ﺇﻳﻪ ﻟﻤﺎ ﺗﻌﺮﻑ ﺍﻥ ﻋﻤﻚ ﻋﺎﻳﺰﻧﺎ ﻧﺴﻜﻦ ﻣﻌﺎﻩ ﺑﻌﺪ ﻣﺎ ﻧﺘﺠﻮﺯ ﻋﺸﺎﻥ ﻣﺎﻳﺒﻘﺎﺵ ﻓﺎﻟﻔﻴﻼ ﻟﻮﺣﺪﻩ ﺑﻌﺪ ﺑﻨﺎﺗﻪ ﻣﺎﻳﺘﺠﻮﺯﻭﺍ

- ﻻ ﻳﺎ ﺣﺒﻴﺒﻲ ﺍﻟﻮﺿﻊ ﻣﺨﺘﻠﻒ ... ﻧﻮﺭﻫﺎﻥ ﺩﻱ ﺑﻨﺘﻪ ﻳﻌﻨﻲ ﻣﺎﻓﻴﻬﺎﺵ ﺣﺎﺟﺔ

- ﻃﻴﺐ ﺳﻼﻡ ﺑﻘﻰ ﻳﺎ ﺍﺧﻮﻳﺎ ﻋﺸﺎﻥ ﺍﻟﺤﻖ ﺍﺭﻭﺡ ﻋﻨﺪ ﻋﻤﻲ ﻭﺍﺗﻜﻠﻢ ﻣﻊ ﻧﻮﺭﻫﺎﻥ ﻭﺍﺣﺎﻭﻝ ﺍﻗﻨﻌﻬﺎ ﺑﻤﻮﺿﻮﻉ ﺍﻟﺠﻮﺍﺯ ﻋﺸﺎﻥ ﻣﺎﺗﻌﻤﻠﺶ ﻣﺸﻜﻠﺔ ﻣﻊ ﺧﺎﻟﻚ

&&&&&&&&&&&&&&&&&&&&&&&&&&&&&&

ﻛﺎﻥ ﺻﻔﻮﺕ ﻳﺘﺤﺪﺙ ﻣﻊ ﻧﻮﺭﺍ ﻓﻲ ﺃﻣﺮ ﺯﻭﺍﺟﻬﺎ ﺣﻴﻦ ﺍﺧﺒﺮﺗﻪ ﺑﺮﻓﻀﻬﺎ ﻭﺻﻤﻤﺖ ﻋﻠﻴﻪ ﻗﺎﺋﻠﺔ :

- ﻳﺎﺑﺎﺑﺎ ﺑﻌﺪ ﺇﺫﻥ ﺣﻀﺮﺗﻚ ﺩﻩ ﺭﺃﻳﻲ ﻭﺍﻧﺎ ﻣﺶ ﺣﺎﻏﻴﺮﻩ

ﺍﺷﻌﻞ ﺭﺩﻫﺎ ﻓﺘﻴﻞ ﻏﻀﺒﻪ ﻓﺎﺟﺎﺑﻬﺎ ﺑﺈﻧﻔﻌﺎﻝ :

- ﺍﻧﺘﻲ ﺑﺘﺘﺤﺪﻳﻨﻲ ﻳﺎ ﺑﻨﺖ ... ﻳﻌﻨﻲ ﺇﻳﻪ ﻣﺶ ﻋﺎﻳﺰﺓ ﺗﺘﺠﻮﺯﻱ ﺩﻟﻮﻗﺘﻲ ? ﻫﻮ ﻟﻌﺐ ﻋﻴﺎﻝ

- ﻳﺎﺑﺎﺑﺎ ﺍﻧﺎ ﻣﺶ ﻋﺎﻳﺰﺓ ﺍﺗﺠﻮﺯ ﻏﻴﺮ ﻟﻤﺎ ﺍﺧﻠﺺ ﺩﺭﺍﺳﺘﻲ ﺍﻷﻭﻝ ﺍﻇﻦ ﺩﻩ ﻣﻦ ﺣﻘﻲ ... ﻭﻣﺶ ﻣﻌﻨﻰ ﺍﻥ ﻟﺒﻨﻰ ﻭﺍﻓﻘﺖ ﻳﺒﻘﻰ ﺍﻧﺎ ﻛﻤﺎﻥ ﻻﺯﻡ ﺍﻭﺍﻓﻖ

- ﺍﺳﻤﻌﻴﻨﻲ ﻛﻮﻳﺲ ﻋﺸﺎﻥ ﺍﻟﻜﻼﻡ ﺩﻩ ﺣﺎﻗﻮﻟﻪ ﻷﺧﺮ ﻣﺮﺓ ... ﺍﻧﺎ ﺍﺗﻔﻘﺖ ﻣﻊ ﻋﻠﻲ ﺍﻥ ﺍﻟﻔﺮﺡ ﺣﻴﻜﻮﻥ ﻣﻊ ﻓﺮﺡ ﺍﺧﺘﻚ ﻭﺑﻨﺖ ﻋﻤﻚ ﻭﻛﻠﻤﺔ ﺯﻳﺎﺩﺓ ﻓﺎﻟﻤﻮﺿﻮﻉ ﺩﻩ ﻣﺶ ﻋﺎﻳﺰ ﺍﺣﺴﻦ ﻣﺎ ﺗﺒﻘﻲ ﺍﻟﺠﺎﻧﻴﺔ ﻋﻠﻰ ﺭﻭﺣﻚ

ﻟﻢ ﺗﺠﺪ ﻧﻮﺭﺍ ﺑﺪﺍ ﻣﻦ ﺃﻥ ﺗﺮﻣﻲ ﺑﻮﺭﻗﺘﻬﺎ ﺍﻷﺧﻴﺮﺓ ﻓﻘﺎﻟﺖ :

- ﻳﺎﺑﺎﺑﺎ ﺣﻀﺮﺗﻚ ﺳﺒﻖ ﻭﺍﺗﺠﻮﺯﺕ ﻏﺼﺐ ﻋﻨﻚ ﻭﻛﺎﻧﺖ ﺍﻟﻨﺘﻴﺠﺔ ﺍﻟﻠﻲ ﺍﺣﻨﺎ ﻓﻴﻪ ﺩﻟﻮﻗﺘﻲ ... ﻳﻌﻨﻲ ﺍﻟﻤﻔﺮﻭﺽ ﺍﻥ ﺣﻀﺮﺗﻚ ﺗﺤﺘﺮﻡ ﺭﻏﺒﺘﻲ ﻭﻣﺎﺗﻀﻐﻄﺶ ﻋﻠﻴﺎ ﺍﻛﺘﺮ ﻣﻦ ﻛﺪﻩ

ﺃﻟﺠﻤﺘﻪ ﺍﻟﻤﻔﺎﺟﺄﺓ ﻭﻟﻢ ﻳﺘﻮﻗﻊ ﺍﻥ ﺗﺮﺩ ﻋﻠﻴﻪ ﻧﻮﺭﺍ ﺑﻬﺬﺍ ﺍﻟﺮﺩ ﺍﻟﺤﺎﺳﻢ ﺍﻟﺬﻱ ﻛﺎﻥ ﻳﺮﻯ ﺍﻧﻬﺎ ﻣﺤﻘﺔ ﺑﻪ ﺗﻤﺎﻣﺎ ... ﻟﻢ ﻳﺠﺪ ﺍﻟﻜﻠﻤﺎﺕ ﺍﻟﻤﻨﺎﺳﺒﺔ ﻟﻠﺮﺩ ﻋﻠﻴﻪ ﻓﻘﺮﺭ ﺍﻥ ﺗﻜﻮﻥ ﻳﺪﻩ ﻻ ﻟﺴﺎﻧﻪ ﻫﻲ ﺍﻟﻤﺠﻴﺒﺔ ... ﻓﺎﻗﺘﺮﺏ ﻣﻨﻬﺎ ﻭﺍﻣﺘﺪﺕ ﻳﺪﻩ ﻟﺘﺠﺬﺑﻬﺎ ﻣﻦ ﺧﺼﻼﺕ ﺷﻌﺮﻫﺎ ﺍﻟﺤﺮﻳﺮﻱ ﺍﻟﻤﻨﺴﺪﻝ ﺧﻠﻒ ﻇﻬﺮﻫﺎ ﻭﻫﻮ ﻳﺤﺮﻛﻬﺎ ﻳﻤﻨﺔ ﻭﻳﺴﺮﺓ ﺻﺎﺭﺧﺎ ﺑﺈﻧﻔﻌﺎﻝ :

- ﺍﻟﻈﺎﻫﺮ ﻛﺪﻩ ﺍﻧﻲ ﻣﺎﻋﺮﻓﺘﺶ ﺍﺭﺑﻴﻜﻲ ﻛﻮﻳﺲ ﻗﺒﻞ ﻛﺪﻩ ﻋﺸﺎﻥ ﺗﻘﻔﻲ ﻭﺗﺮﺩﻱ ﻋﻠﻴﺎ ﺑﺎﻟﺸﻜﻞ ﺩﻩ .... ﻭﻳﻈﻬﺮ ﻛﻤﺎﻥ ﺍﻧﻚ ﻋﺎﻳﺰﺓ ﺗﺘﺮﺑﻲ ﻣﻦ ﺍﻭﻝ ﻭﺟﺪﻳﺪ

ﺍﻏﻤﻀﺖ ﻋﻴﻨﻴﻬﺎ ﻣﺘﺄﻟﻤﺔ ﻭﻫﻲ ﺗﺮﺟﻮﻩ ﺃﻥ ﻳﺘﺮﻙ ﺷﻌﺮﻫﺎ ﻗﺎﺋﻠﺔ ﺑﺄﻟﻢ :

- ﺷﻌﺮﻱ ﻳﺎ ﺑﺎﺑﺎ ﺷﻌﺮﻱ ... ﺛﻢ ﻓﺠﺄﺓ ﺷﻌﺮﺕ ﺑﻴﺪ ﻗﻮﻳﺔ ﺗﻀﻤﻬﺎ ﻭﺍﺷﺘﻤﺖ ﺭﺍﺋﺤﺔ ﻋﻄﺮ ﺭﺟﺎﻟﻲ ﺟﺬﺍﺏ ﺗﻌﻠﻢ ﺟﻴﺪﺍ ﺑﺎﻟﻄﺒﻊ ﻟﻤﻦ ﺗﻜﻮﻥ ... ﻓﺘﺤﺖ ﻋﻴﻨﻴﻬﺎ ﻟﺘﺠﺪ ﻋﻠﻲ ﺍﻟﺬﻱ ﻟﻢ ﻳﻨﺘﺒﻪ ﺃﻳﺎ ﻣﻨﻬﻤﺎ ﺇﻟﻴﻪ ﻋﻨﺪﻣﺎ ﻃﺮﻕ ﺍﻟﺒﺎﺏ ﻟﺘﻔﺘﺢ ﻟﻪ ﺍﻟﺨﺎﺩﻣﺔ ﺛﻢ ﻳﺪﺧﻞ ﻟﻴﻔﺎﺟﺊ ﺑﻬﺬﺍ ﺍﻟﻤﺸﻬﺪ ﺍﻣﺎﻣﻪ ﻭﻫﻮ ﻳﻀﻤﻬﺎ ﺑﺈﺣﺪﻱ ﻳﺪﻩ ﻭﺑﺎﻟﻴﺪ ﺍﻷﺧﺮﻯ ﻳﺤﺎﻭﻝ ﺗﺤﺮﻳﺮ ﺧﺼﻼﺕ ﺷﻌﺮﻫﺎ ﻣﻦ ﻗﺒﻀﺔ ﻋﻤﻪ ﻭﻫﻮ ﻳﻘﻮﻝ ﺑﺮﺟﺎﺀ :

- ﻳﺎﻋﻤﻲ ﻟﻮ ﺳﻤﺤﺖ ﻣﺎﻓﻴﺶ ﺩﺍﻋﻲ ﻟﻠﻲ ﺣﻀﺮﺗﻚ ﺑﺘﻌﻤﻠﻪ ﺩﻩ ... ﺍﺩﻳﻨﻲ ﻓﺮﺻﺔ ﺑﺲ ﺍﺗﻜﻠﻢ ﻣﻌﺎﻫﺎ ﻭﺍﻧﺎ ﺣﺎﻗﻨﻌﻬﺎ

ﻧﺠﺢ ﻋﻠﻲ ﺃﺧﻴﺮﺍ ﻓﻲ ﻣﻬﻤﺘﻪ ﺑﻌﺪ ﺍﻥ ﺗﺮﻛﻬﺎ ﺻﻔﻮﺕ ﻗﺎﺋﻼ ﺑﻠﻬﺠﺔ ﺣﺎﺩﺓ :

- ﺍﻟﺒﻨﺖ ﺩﻱ ﻋﺎﻳﺰﺓ ﺩﻣﺎﻏﻬﺎ ﺗﺘﻜﺴﺮ ﻋﺸﺎﻥ ﺗﺤﺮﻡ ﺗﺮﺩ ﻋﻠﻴﺎ ... ﻭﺗﻘﻨﻌﻬﺎ ﺍﻭ ﻣﺎ ﺗﻘﻨﻌﻬﺎﺵ ﺍﻧﺎ ﻗﻠﺖ ﻛﻠﻤﺔ ﻭﻣﺶ ﺭﺍﺟﻊ ﻓﻴﻬﺎ

- ﺍﻭﻋﺪﻙ ﺍﻧﻬﺎ ﺗﻌﻤﻞ ﺍﻟﻠﻲ ﺣﻀﺮﺗﻚ ﻋﺎﻳﺰﻩ ﺑﺲ ﺍﺩﻳﻨﻲ ﻓﺮﺻﺔ ﺑﺲ ﺍﺭﺟﻮﻙ

- ﺍﻧﺎ ﻃﺎﻟﻊ ﺍﻭﺿﺘﻲ ﺩﻟﻮﻗﺘﻲ ﻭﺍﻣﺎ ﺍﺷﻮﻑ ﻛﻼﻡ ﻣﻴﻦ ﺍﻟﻠﻲ ﺣﻴﻤﺸﻲ

ﺻﻌﺪ ﺻﻔﻮﺕ ﺇﻟﻰ ﻏﺮﻓﺘﻪ ﻓﻘﺎﻝ ﻋﻠﻲ :

- ﺗﻌﺎﻟﻲ ﻧﻘﻌﺪ ﺑﺮﻩ ﻓﺎﻟﺠﻨﻴﻨﺔ ﻭﻧﺘﻜﻠﻢ ﺑﺮﺍﺣﺘﻨﺎ

↚

ﺍﻣﺘﺜﻠﺖ ﻧﻮﺭﺍ ﻟﻄﻠﺒﻪ ﻓﺎﻣﺴﻚ ﻋﻠﻲ ﺑﻴﺪﻫﺎ ﻭﺧﺮﺟﺎ ﻣﻌﺎ ﺇﻟﻰ ﺍﻟﺤﺪﻳﻘﺔ ﺛﻢ ﺟﻠﺲ ﻋﻠﻰ ﺍﺣﺪ ﺍﻷﺭﺍﺋﻚ ﻭﺍﺟﻠﺴﻬﺎ ﺇﻟﻰ ﺟﻮﺍﺭﻩ ﺩﻣﻮﻋﻬﺎ ﺗﺸﻖ ﻭﺩﻳﺎﻧﺎ ﻋﻠﻰ ﺧﺪﻳﻬﺎ ... ﺷﻌﺮ ﻋﻠﻲ ﺑﺈﺭﺗﺠﺎﻓﺔ ﺟﺴﺪﻫﺎ ﻓﻀﻤﻬﺎ ﻣﺠﺪﺩﺍ ﻭﻫﻮ ﻳﻤﺴﺢ ﻋﻠﻰ ﺷﻌﺮﻫﺎ ﺑﺤﻨﺎﻥ ﻗﺎﺋﻼ :

- ﺧﻼﺹ ﺇﻫﺪﻱ ﺑﻘﻲ ﻋﺸﺎﻥ ﺧﺎﻃﺮﻱ ... ﺃﻧﺎ ﺍﺳﻒ ﺇﻧﻲ ﻛﻨﺖ ﺍﻟﺴﺒﺐ ﺍﻧﻚ ﺍﺗﻌﺮﺿﺘﻲ ﻟﻠﻤﻮﻗﻒ ﺩﻩ ... ﺣﻘﻚ ﻋﻠﻴﺎ

ﻣﺪ ﻋﻠﻲ ﻳﺪﻩ ﻓﻲ ﺟﻴﺐ ﺳﺘﺮﺗﻪ ﻭﺍﺧﺮﺝ ﻣﺤﺮﻣﺎ ﻭﺭﻗﻴﺎ ﻭﻣﺪ ﻳﺪﻩ ﺑﻪ ﺇﻟﻰ ﻧﻮﺭﺍ ﻗﺎﺋﻼ :

- ﺍﻣﺴﺤﻲ ﺩﻣﻮﻋﻚ ﺩﻱ ﻋﺸﺎﻥ ﻧﻌﺮﻑ ﻧﺘﻜﻠﻢ

ﺍﺧﺬﺗﻪ ﻣﻨﻪ ﺛﻢ ﺟﻔﻔﺖ ﺩﻣﻮﻋﻬﺎ ﻓﻘﺎﻝ ﻫﻮ ﺑﺈﺑﺘﺴﺎﻣﺔ :

- ﻫﻮ ﺍﻟﻤﻨﺪﻳﻞ ﺩﻩ ﻣﺶ ﺑﻴﻔﻜﺮﻙ ﺑﺤﺎﺟﺔ ?

ﻟﻢ ﺗﻔﻠﺢ ﺩﻋﺎﺑﺘﻪ ﻓﻲ ﻣﺤﻮ ﺳﺤﺎﺑﺔ ﺍﻟﺤﺰﻥ ﺍﻟﺘﻲ ﻇﻠﻠﺖ ﻋﻴﻨﻴﻬﺎ ﻓﻘﺎﻝ ﺑﻤﺰﺍﺡ :

- ﻳﺎﺍﺍﻩ ... ﺩﻩ ﺍﻧﺎ ﻳﻈﻬﺮ ﺍﻥ ﺩﻣﻲ ﺗﻘﻴﻞ ﺍﻭﻱ

ﻭﺿﻊ ﻋﻠﻲ ﻳﺪﻩ ﺍﺳﻔﻞ ﺫﻗﻨﻬﺎ ﻭﺭﻓﻊ ﻭﺟﻬﻬﺎ ﺇﻟﻴﻪ ﻭﻧﻈﺮ ﺇﻟﻰ ﻋﻴﻨﻴﻬﺎ ﻗﺎﺋﻼ :

- ﻣﻤﻜﻦ ﺍﻋﺮﻑ ﻣﺶ ﻋﺎﻳﺰﺓ ﺗﺘﺠﻮﺯﻳﻨﻲ ﻟﻴﻪ ?

ﺧﻔﻀﺖ ﺭﺃﺳﻬﺎ ﻭﻗﺎﻟﺖ ﻓﻲ ﺍﺳﻰ :

- ﻋﻠﺸﺎﻥ ﺍﻧﺖ ﻛﻤﺎﻥ ﻣﺶ ﻋﺎﻳﺰ ﺗﺘﺠﻮﺯﻧﻲ ﻳﺎ ﻋﻠﻲ

- ﻣﻴﻦ ﻗﺎﻟﻚ ﻛﺪﻩ ﺑﺲ ?

- ﺗﺼﺮﻓﺎﺗﻚ ﻛﻠﻬﺎ ﺑﺘﻘﻮﻝ ﻛﺪﻩ ﻳﺎ ﻋﻠﻲ ... ﺩﻩ ﺣﺘﻰ ﺑﺎﺑﺎ ﻫﻮ ﺍﻟﻠﻲ ﻃﻠﺐ ﻣﻨﻚ ﺍﻥ ﻓﺮﺣﻨﺎ ﻳﻜﻮﻥ ﻣﻌﺎﻫﻢ ﻳﻌﻨﻲ ﺩﻱ ﻣﺶ ﺭﻏﺒﺘﻚ ﺍﻧﺖ

.. ﻟﻮ ﻣﺎﻛﺎﻧﺘﺶ ﺩﻱ ﺭﻏﺒﺘﻲ ﺍﻧﺎ ﻛﻤﺎﻥ ﻣﺎﻛﻨﺘﺶ ﻭﺍﻓﻘﺖ ﻋﻠﻰ ﻃﻠﺐ ﻋﻤﻲ

- ﺍﻓﻬﻢ ﻣﻦ ﻛﺪﻩ ﺍﻧﻚ ﻋﺎﻳﺰﻧﺎ ﻧﺘﺠﻮﺯ ﺩﻟﻮﻗﺘﻲ ?

- ﻭﺍﻟﻠﻪ ﻟﻮ ﺭﻓﻀﻚ ﺩﻩ ﺳﺒﺒﻪ ﺇﻧﻚ ﻓﺎﻛﺮﺓ ﺍﻥ ﺩﻩ ﻋﻠﻰ ﻏﻴﺮ ﺭﻏﺒﺘﻲ ﻳﺒﻘﻰ ﻋﺎﻳﺰ ﻧﺘﺠﻮﺯ ﺩﻟﻮﻗﺘﻲ ... ﻟﻜﻦ ﻟﻮ ﺭﻓﻀﻚ ﺩﻩ ﺳﺒﺒﻪ ﺍﻧﻚ ﻋﺎﻳﺰﺓ ﺗﺨﻠﺼﻲ ﺩﺭﺍﺳﺘﻚ ﺍﻷﻭﻝ ﻓﺎﻛﻴﺪ ﻣﺴﺘﻘﺒﻠﻚ ﻳﻬﻤﻨﻲ ... ﻭﺳﺎﻋﺘﻬﺎ ﺍﻧﺎ ﺣﺎﺩﺧﻞ ﻟﻌﻤﻲ ﺍﻗﻮﻟﻪ ﺇﻧﻲ ﻣﺶ ﻋﺎﻳﺰ ﺍﺗﺠﻮﺯ ﺩﻟﻮﻗﺘﻲ ﻭﺍﺧﻠﻴﻬﺎ ﺗﻴﺠﻲ ﻣﻨﻲ ﺃﻧﺎ

- ﻋﻠﻲ ﺍﻧﺎ ﻋﺎﺭﻓﺔ ﻛﻮﻳﺴﺔ ﻭﻣﺘﺄﻛﺪﺓ ﺍﻥ ﺟﻮﺍﺯﻱ ﻣﻨﻚ ﻋﻤﺮﻩ ﻣﺎ ﺣﻴﻌﻄﻠﻨﻲ ﻭﻻ ﺣﻴﻜﻮﻥ ﻋﻘﺒﺔ ﻓﻄﺮﻳﻖ ﻣﺴﺘﻘﺒﻠﻲ ... ﻭﺍﻧﺖ ﻋﺎﺭﻑ ﺍﻥ ﺩﻱ ﻣﺠﺮﺩﺣﺠﺔ ﻛﻨﺖ ﺑﺎﺗﺤﺠﺞ ﺑﻴﻬﺎ

- ﻋﻠﻲ ﺑﺈﺑﺘﺴﺎﻣﺔ : ﻧﻮﺭﻫﺎﻥ ﺍﺣﻨﺎ ﻓﻌﻼ ﻣﺤﺘﺎﺟﻴﻦ ﻧﺘﺠﻮﺯ ﻋﺸﺎﻥ ﻧﻘﺮﺏ ﻣﻦ ﺑﻌﺾ ﺍﻛﺘﺮ ﻭﻛﻞ ﻭﺍﺣﺪ ﻓﻴﻨﺎ ﻳﻌﺮﻑ ﺍﻟﺤﺎﺟﺎﺕ ﺍﻟﻠﻲ ﺑﺘﻀﺎﻳﻖ ﺍﻟﺘﺎﻧﻲ ﻭﻳﺒﻄﻞ ﻳﻌﻤﻠﻬﺎ

- ﻣﺶ ﺩﻩ ﻟﻤﺎ ﻳﻜﻮﻥ ﺍﻟﺤﺐ ﻣﻮﺟﻮﺩ ﺍﻷﻭﻝ ﻋﺸﺎﻥ ﻳﺒﻘﻰ ﻛﻞ ﻭﺍﺣﺪ ﻓﻴﻨﺎ ﻋﻨﺪﻩ ﺇﺳﺘﻌﺪﺍﺩ ﻳﺘﻐﻴﺮ ﻋﺸﺎﻥ ﺍﻟﺘﺎﻧﻲ

- ﻭﻣﻴﻦ ﻗﺎﻟﻚ ﺇﻧﻪ ﻣﺶ ﻣﻮﺟﻮﺩ ﺑﺲ ?

ﺛﺒﺘﺖ ﻧﻮﺭﺍ ﻧﻈﺮﻫﺎ ﻋﻠﻰ ﻋﻴﻨﻴﻪ ﻭﻛﻠﻬﺎ ﻟﻬﻔﺔ ﻟﻤﻌﺮﻓﺔ ﺇﺟﺎﺑﺔ ﺳﺆﺍﻟﻬﺎ ﺍﻟﺘﺎﻟﻲ :

- ﻳﻌﻨﻲ ﺍﻧﺖ ﺑﺘﺤﺒﻨﻲ ﺑﺠﺪ ﻳﺎ ﻋﻠﻲ ? ﺭﻳﺤﻨﻲ ﻭﻗﻮﻟﻲ ﺍﻟﺤﻘﻴﻘﺔ ﻳﺎ ﻋﻠﻲ ﺣﺘﻰ ﻟﻮ ﻛﺎﻧﺖ ﻷ ... ﺑﺲ ﻋﻠﻰ ﺍﻷﻗﻞ ﻫﺒﻘﻰ ﻋﺮﻓﺖ ﺍﻟﻠﻲ ﻓﻴﻬﺎ ﻭﺍﺭﺗﺤﺖ

ﻇﻞ ﺻﺎﻣﺘﺎ ﻟﻔﺘﺮﺓ ﻳﺘﺄﻣﻠﻬﺎ ﻓﺎﺭﺩﻓﺖ ﻗﺎﺋﻠﺔ ﺑﺤﺰﻥ :

- ﻫﻮ ﺍﻟﺴﺆﺍﻝ ﺻﻌﺐ ﺍﻭﻱ ﻟﻠﺪﺭﺟﺔﺩﻱ ?

ﺍﺯﺩﺭﺩ ﻟﻌﺎﺑﻪ ﻭﺍﺟﺎﺑﻬﺎ ﻗﺎﺋﻼ ﺑﺼﺖ ﻳﺸﺒﻪ ﺍﻟﻬﻤﺲ :

- ﺍﻛﻴﺪ ﺑﺤﺒﻚ ﻳﻌﻨﻲ ﺍﻣﺎﻝ ﺣﺘﺠﻮﺯﻙ ﻟﻴﻪ ﺑﺲ

ﻇﻠﺖ ﻋﻴﻨﺎﻫﺎ ﻣﻌﻠﻘﺔ ﺑﻌﻴﻨﻴﻪ ﺗﺤﺎﻭﻝ ﺃﻥ ﺗﺴﺘﺸﻒ ﻣﺪﻯ ﺻﺪﻗﻪ ﻣﻨﻬﻤﺎ ... ﻟﻜﻢ ﺗﻌﺸﻖ ﺗﻠﻚ ﺍﻟﻌﻴﻨﻴﻦ ﺭﻏﻢ ﺫﻟﻚ ﺍﻟﻐﻤﻮﺽ ﺍﻟﺬﻱ ﻳﻜﺘﻨﻔﻬﻤﺎ ... ﺇﻻ ﺃﻥ ﺍﻟﺴﺤﺮ ﺍﻟﻤﻄﻞ ﻣﻨﻬﻤﺎ ﻳﻔﻮﻕ ﺫﻟﻚ ﺍﻟﻐﻤﻮﺽ ﺑﻜﺜﻴﺮ ... ﺍﺑﺘﺴﻢ ﻣﺤﺎﻭﻻ ﺇﺧﻔﺎﺀ ﺗﻮﺗﺮﻩ ﻓﺒﺎﺩﻟﺘﻪ ﺍﻹﺑﺘﺴﺎﻣﺔ ﻗﺎﺋﻠﺔ :

- ﻃﻴﺐ ﻧﻔﺴﻲ ﺍﺳﻤﻌﻬﺎ ﻣﻨﻚ

ﺍﻣﺴﻚ ﻋﻠﻲ ﺑﻴﺪﻳﻬﺎ ﻭﻭﺿﻌﻬﻤﺎ ﺑﻴﻦ ﻛﻔﻴﻪ ﻭﻗﺎﻝ ﺑﺘﺮﺩﺩ ﺟﺎﻫﺪ ﻛﺜﻴﺮﺍ ﺍﻥ ﻳﺨﻔﻴﻪ :

- ﺑﺤﺒﻚ ... ﺑﺤﺒﻚ ﻳﺎﻧﻮﺭﺍ

ﺟﺬﺑﺖ ﻳﺪﻳﻬﺎ ﻭﻭﺿﻌﺘﻬﻤﺎ ﻋﻠﻰ ﺻﺪﺭﻫﺎ ﻗﺎﺋﻠﺔ ﺑﻔﺮﺣﺔ :

- ﺑﺎﻟﺮﺍﺣﺔ ﻋﻠﻴﺎ ﺃﺑﻮﺱ ﺇﻳﺪﻙ ... ﻣﻔﺎﺟﺌﺘﻴﻦ ﻓﺠﻤﻠﺔ ﻭﺍﺣﺪﺓ ... ﺑﺤﺒﻚ ﻭﻳﺎ ﻧﻮﺭﺍ ... ﺩﻩ ﺍﻧﺎ ﻛﺪﻩ ﻣﻤﻜﻦ ﻳﺠﺮﺍﻟﻲ ﺣﺎﺟﺔ

- ﻻ ﺑﻌﺪ ﺍﻟﺸﺮ ﻋﻠﻴﻜﻲ ... ﻣﺶ ﻛﻨﺘﻲ ﻋﺎﻳﺰﺍﻧﻲ ﺍﻗﻮﻟﻚ ﻳﺎ ﻧﻮﺭﺍ ... ﻣﻦ ﻫﻨﺎ ﻭﺭﺍﻳﺢ ﻣﺶ ﺣﺎﻧﺎﺩﻳﻜﻲ ﻏﻴﺮ ﺑﺎﻹﺳﻢ ﺍﻟﻠﻲ ﺑﺘﺤﺒﻴﻪ ... ﻣﺒﺴﻮﻃﺔ ﻳﺎ ﺳﺘﻲ ?

- ﻣﺒﺴﻮﻃﺔ ﺑﺲ ... ﺩﻩ ﺍﻧﺎ ﺣﺎﺳﺔ ﺇﻧﻲ ﻃﺎﻳﺮﺓ ﻣﻦ ﺍﻟﻔﺮﺣﺔ ... ﻋﻦ ﺇﺫﻧﻚ ﺑﻘﻲ ﺣﺎﻃﻠﻊ ﺍﺗﺄﺳﻒ ﻟﺒﺎﺑﺎ ﻭﺍﻗﻮﻟﻪ ﺇﻧﻲ ﻣﻮﺍﻓﻘﺔ ﺧﻼﺹ ﻋﻠﻰ ﺍﻟﺠﻮﺍﺯ

- ﻃﻴﺐ ﻗﺒﻞ ﻣﺎﺗﻤﺸﻲ ﺍﺑﻘﻲ ﺍﻋﻤﻠﻲ ﺣﺴﺎﺑﻚ ﻋﺸﺎﻥ ﻧﻨﺰﻝ ﺳﻮﺍ ﺑﻜﺮﺓ ﺍﻭ ﺑﻌﺪﻩ ﻧﺸﺘﺮﻱ ﺍﻟﺸﺒﻜﺔ ﻭﻓﺴﺘﺎﻥ ﺍﻟﻔﺮﺡ

ﺃﻭﻣﺄﺕ ﺑﺮﺃﺳﻬﺎ ﻣﻮﺍﻓﻘﺔ ﻗﺒﻞ ﺍﻥ ﺗﻨﻄﻠﻖ ﻣﺴﺮﻋﺔ ﺇﻟﻰ ﺍﻟﺪﺍﺧﻞ ﻫﻲ ﺗﻜﺎﺩ ﺗﻄﻴﺮ ... ﺑﻴﻨﻤﺎ ﺍﻏﻤﺾ ﻋﻠﻲ ﻋﻴﻨﻴﻪ ﻗﺎﺋﻼ :

- ﻳﺎﻩ ﻳﺎ ﻧﻮﺭﺍ ... ﻣﻌﻘﻮﻝ ﻛﻠﻤﺔ ﺻﻐﻴﺮﺓ ﺯﻱ ﺩﻱ ﺗﻌﻤﻞ ﻓﻴﻜﻲ ﻛﻞ ﺍﻟﻠﻲ ﺍﻧﺎ ﺷﺎﻳﻔﻪ ﺩﻩ ... ﻣﻌﻘﻮﻝ ﺍﻟﺤﺰﻥ ﺍﻟﻠﻲ ﻛﺎﻥ ﻣﺎﻟﻲ ﻋﻨﻴﻜﻲ ﺍﺗﺤﻮﻝ ﻟﻠﻔﺮﺣﺔ ﺩﻱ ﻛﻠﻬﺎ ﻓﺜﻮﺍﻧﻲ ... ﻳﺎﺭﺏ ﺍﺯﺭﻉ ﺣﺒﻬﺎ ﻓﻘﻠﺒﻲ ﻭﻗﺪﺭﻧﻲ ﺇﻧﻲ ﺍﺳﻌﺪﻫﺎ

&&&&&&&&&&&&&&&&&&&&&&&&&&&

ﻧﺎﺩﻳﺔ : ﺃﻧﺎ ﻣﺶ ﺣﺎﺭﻭﺡ ﻣﻌﺎﻙ ﻓﺄﻱ ﺣﺘﺔ ﻭﻣﺶ ﺣﺄﺷﺘﺮﻱ ﻣﻌﺎﻙ ﺃﻱ ﺣﺎﺟﺔ ... ﺭﻳﺢ ﻧﻔﺴﻚ

ﺳﺎﻣﺢ ﺑﻀﻴﻖ : ﺍﻧﺘﻲ ﺣﺮﺓ ... ﺍﻧﺎ ﻋﻤﻠﺖ ﺍﻟﻠﻲ ﺑﺎﺑﺎ ﻃﻠﺒﻪ ﻣﻨﻲ ﻭﺧﻼﺹ ... ﺣﺎﺭﻭﺡ ﺍﻗﻮﻟﻪ ﺍﻧﻚ ﺭﻓﻀﺘﻲ ﻫﻮ ﺑﻘﻰ ﻳﻜﻠﻢ ﺑﺎﺑﺎﻛﻲ ﻳﺘﻔﺎﻫﻢ ﻣﻌﺎﻩ

- ﺃﻧﺖ ﺑﺘﻬﺪﺩﻧﻲ ﻭﻻ ﺇﻳﻪ ? ﻣﺶ ﻧﺎﺩﻳﺔ ﺻﻔﻮﺕ ﺍﻟﻠﻲ ﺗﺘﻬﺪﺩ ﻳﺎ ﺑﺎﺑﺎ ... ﺍﺗﻜﻠﻢ ﻋﻠﻰ ﺍﺩﻙ ﻳﺎ ﺍﺳﻤﻚ ﺇﻳﻪ ﺍﻧﺖ

- ﻗﺴﻤﺎ ﺑﺎﻟﻠﻪ ﻳﺎ ﻧﺎﺩﻳﺔ ﻟﻮ ﻣﺎ ﺍﺗﻌﺪﻟﺘﻲ ﻣﻌﺎﻳﺎ ﻟﺘﺸﻮﻓﻲ ﻣﻨﻲ ﺃﻳﺎﻡ ﺳﻮﺩﺓ

- ﺗﺼﺪﻕ ﺧﻮﻓﺘﻨﻲ ... ﻟﻤﺎ ﻧﺸﻮﻑ ﺑﻘﻰ ﻣﻴﻦ ﺍﻟﻠﻲ ﺣﻴﻮﺭﻱ ﻣﻴﻦ

- ﺍﻟﻠﻬﻢ ﻃﻮﻟﻚ ﻳﺎ ﺭﻭﺡ ... ﺍﻗﻮﻟﻚ ﻋﻠﻰ ﺣﺎﺟﺔ ... ﺇﻥ ﺷﺎﺀﺍﻟﻠﻪ ﻣﺎﻋﻨﻚ ﺭﻭﺣﺘﻲ ﻭﻻ ﺍﺷﺘﺮﻳﺘﻲ ﻭﻻ ﺍﺗﺠﻮﺯﺗﻲ ﻣﻦ ﺍﺻﻠﻪ

ﺍﻧﻬﻰ ﺳﺎﻣﺢ ﺟﻤﻠﺘﻪ ﺍﻷﺧﻴﺮﺓ ﺛﻢ ﺍﻏﻠﻖ ﺍﻟﻬﺎﺗﻒ ﻓﻲ ﻭﺟﻪ ﻧﺎﺩﻳﺔ ﺍﻟﺘﻲ ﺍﺳﺘﻔﺰﺗﻬﺎ ﻓﻌﻠﺘﻪ ﻓﺼﺮﺧﺖ ﻗﺎﺋﻠﺔ :

- ﺁﻩ ﻳﺎ ﺍﺑﻦ ﺍﻝ ..... ﻣﺎﺷﻲ ﻳﺎ ﺳﺎﻣﺢ ﺑﻘﻰ ﺍﻧﺎ ﺗﻘﻔﻞ ﺍﻟﺴﻜﺔ ﻓﻮﺷﻲ ... ﻭﺍﻟﻠﻪ ﻻﻭﺭﻳﻚ

&&&&&&&&&&&&&&&&&&&&&

ﻛﺎﻥ ﺻﻔﻮﺕ ﻳﻠﻮﻡ ﻧﺎﺩﻳﺔ ﻋﻠﻰ ﺗﺼﺮﻓﻬﺎ ﻣﻊ ﺳﺎﻣﺢ ﻗﺎﺋﻼ ﺑﺤﺪﺓ :

- ﻛﺪﻩ ﺑﺮﺿﻪ ﻳﺎ ﻧﺎﺩﻳﺔ ... ﻫﻮ ﺩﻩ ﺍﻟﻠﻲ ﺍﺣﻨﺎ ﺍﺗﻔﻘﻨﺎ ﻋﻠﻴﻪ ... ﻣﺶ ﻗﻮﻟﻨﺎ ﺗﻬﺪﻱ ﺍﻟﻠﻌﺐ ﻣﻌﺎﻩ ﺷﻮﻳﺔ ﻟﺤﺪ ﻣﺎ ﺍﻟﻔﺮﺡ ﻳﻌﺪﻱ ﻋﻠﻰ ﺧﻴﺮ

- ﻳﺎ ﺑﺎﺑﺎ ﻳﺮﺿﻴﻚ ﻳﻌﻨﻲ ﻳﻘﻔﻞ ﺍﻟﺴﻜﺔ ﻓﻮﺷﻲ

- ﻳﺎ ﺑﻨﺘﻲ ﻣﺶ ﺍﻧﺘﻲ ﺍﻟﻠﻲ ﺍﺳﺘﻔﺰﻳﺘﻴﻪ ﻓﺎﻟﻜﻼﻡ ﻭﺭﻓﻀﺘﻲ ﺗﺮﻭﺣﻲ ﻣﻌﺎﻩ ... ﻋﺎﻳﺰﺍﻩ ﻳﻌﻤﻞ ﺇﻳﻪ ﻳﻌﻨﻲ ?

- ﻳﻌﻨﻲ ﻳﺎ ﺑﺎﺑﺎ ﺇﻳﻪ ﺍﻟﻤﻄﻠﻮﺏ ﻣﻨﻲ ﺩﻟﻮﻗﺘﻲ ?

- ﺍﻟﻤﻄﻠﻮﺏ ﺍﻧﻚ ﺗﻜﻠﻤﻴﻪ ﻭﺗﺘﻔﻘﻲ ﻣﻌﺎﻩ ﻋﻠﻰ ﻣﻌﺎﺩ ﺗﻨﺰﻟﻮﺍ ﻓﻴﻪ ﺗﺸﺘﺮﻭﺍ ﺍﻟﺸﺒﻜﺔ ﻭﻓﺴﺘﺎﻥ ﺍﻟﻔﺮﺡ

- ﻻ ﻃﺒﻌﺎ ... ﺍﻧﺎ ﻻ ﻳﻤﻜﻦ ﺍﻛﻠﻤﻪ ﺑﻌﺪ ﻣﺎﻗﻔﻞ ﺍﻟﺴﻜﺔ ﻓﻮﺷﻲ ... ﺛﻢ ﺍﻧﺎ ﻣﺶ ﻋﺎﻳﺰﺓ ﺍﺭﻭﺡ ﻣﻌﺎﻩ ﻓﺎﻱ ﺣﺘﺔ

- ﺧﻼﺹ ﺍﻧﺎ ﺣﺎﻛﻠﻢ ﻭﺍﻟﺪﻩ ﻋﺸﺎﻥ ﻳﺨﻠﻴﻪ ﻳﺘﺼﻞ ﺗﺎﻧﻲ ﺑﺲ ﺍﺑﻘﻲ ﺍﺗﻜﻠﻤﻲ ﻣﻌﺎﻩ ﻛﻮﻳﺲ ... ﻟﻮ ﻣﺶ ﻋﺎﻳﺰﺓ ﺗﻨﺰﻟﻲ ﻣﻌﺎﻩ ﻟﻮﺣﺪﻛﻮﺍ ﺧﺪﻱ ﺍﺧﺘﻚ ﻣﻌﺎﻛﻲ

- ﻧﻮﺭﺍ ﻣﺶ ﺣﺘﻮﺍﻓﻖ ﺗﻴﺠﻲ ﻣﻌﺎﻧﺎ ... ﻭﻟﻮ ﻭﺍﻓﻘﺖ ﺍﻛﻴﺪ ﻋﻠﻲ ﻫﻮ ﺍﻟﻠﻲ ﺣﻴﺮﻓﺾ

ﺻﺮﺥ ﻓﻴﻬﺎ ﺻﻔﻮﺕ ﻗﺎﺋﻼ ﺑﺈﻧﻔﻌﺎﻝ :

- ﺍﻧﺘﻮﺍ ﻋﺎﻳﺰﻳﻦ ﺗﺠﻨﻨﻮﻧﻲ ﺍﻧﺘﻮﺍ ﺍﻻﺗﻨﻴﻦ ... ﺍﺧﻠﺺ ﻣﻦ ﻭﺍﺣﺪﺓ ﺗﻄﻠﻌﻠﻲ ﺍﻟﺘﺎﻧﻴﺔ ... ﺍﻟﺤﻤﺪ ﻟﻠﻪ ﺍﻧﻜﻢ ﺣﺘﺘﺠﻮﺯﻭﺍ ﻭﺍﺧﻠﺺ ﻣﻨﻜﻮﺍ ... ﺍﻧﺎ ﻣﺶ ﻓﺎﻫﻢ ﺍﻧﺎ ﻓﺤﻀﺎﻧﺔ 2 ﻫﻨﺎ ﻭﻻ ﺇﻳﻪ ? ﺍﻧﺎ ﻃﺎﻟﻊ ﺍﻧﺎﻡ ﺍﺣﺴﻦ ﻣﺎﻳﺠﺮﺍﻟﻲ ﺣﺎﺟﺔ ﺑﺴﺒﺒﻜﻮﺍ

ﺻﻌﺪ ﺻﻔﻮﺕ ﺇﻟﻰ ﻏﺮﻓﺘﻪ ﺑﻴﻨﻤﺎ ﺑﻘﻴﺖ ﻧﺎﺩﻳﺔ ﻭﻫﻲ ﺗﺘﻤﺘﻢ ﻗﺎﺋﻠﺔ :

- ﻭﺍﻟﻠﻪ ﻷﻭﺭﻳﻚ ﻳﺎ ﺳﺎﻣﺢ ﻋﺸﺎﻥ ﺧﻠﻴﺖ ﺑﺎﺑﺎ ﻳﺰﻋﻞ ﻣﻨﻲ ........

ﻳﺘﺒﻊ

↚

ﺍﻛﺘﻈﺖ ﺍﻟﻘﺎﻋﺔ ﺑﺎﻟﻤﺪﻋﻮﻳﻦ ﻣﻦ ﺭﺟﺎﻝ ﺃﻋﻤﺎﻝ ﻭﺍﻗﺎﺭﺏ ﻭﺃﺻﺪﻗﺎﺀ ﻛﻞ ﻣﻦ ﺳﺎﻣﺢ ﻭﻋﻠﻲ ﻭﺍﺣﻤﺪ ﻭﺻﺪﻳﻘﺎﺕ ﻧﺎﺩﻳﺔ ﻭﻧﻮﺭﺍ ﻭﻟﺒﻨﻰ ﻭﺟﻠﺴﺖ ﻛﻞ ﻋﺮﻭﺱ ﺇﻟﻰ ﺟﺎﻧﺐ ﻋﺮﻳﺴﻬﺎ ... ﻛﺎﻧﺖ ﻧﺎﺩﻳﺔ ﺗﺤﺎﻭﻝ ﺃﻥ ﺗﺮﺳﻢ ﺍﻟﺒﺴﻤﺔ ﻋﻠﻰ ﺷﻔﺘﻴﻬﺎ ﻭﻫﻲ ﺗﺠﻠﺲ ﺇﻟﻰ ﺟﻮﺍﺭ ﺳﺎﻣﺢ ﺣﺘﻰ ﻻ ﻳﻼﺣﻆ ﺍﺣﺪ ﻣﺎﺑﻬﺎ ... ﺗﺨﻠﻞ ﺍﻟﺤﻔﻞ ﺑﻌﺾ ﺍﻷﺣﺎﺩﻳﺚ ﺍﻟﺠﺎﻧﺒﻴﺔ ﻛﺬﻟﻚ ﺍﻟﺬﻱ ﺩﺍﺭ ﺑﻴﻦ ﺍﻟﻔﺖ ﻭﺳﻤﻴﺔ ﻭﻫﻲ ﺗﻮﺻﻴﻬﺎ ﺑﻠﺒﻨﻰ ﻗﺎﺋﻠﺔ :

ﺧﺪﻱ ﺑﺎﻟﻚ ﻣﻨﻬﺎ ﻳﺎ ﺍﻟﻔﺖ ... ﻭﺧﻠﻴﻬﺎ ﺗﺬﺍﻛﺮ ﻛﻮﻳﺲ ﻟﻤﺎ ﺍﻟﺪﺭﺍﺳﺔ ﺗﺒﺘﺪﻱ ﻣﺶ ﻋﺎﻳﺰﺓ ﺗﻌﺐ ﺍﻟﺴﻨﻴﻦ ﺍﻟﻠﻲ ﻓﺎﺗﺖ ﻳﺮﻭﺡ ﻋﻠﻰ ﺍﻟﻔﺎﺿﻲ

ﺃﺟﺎﺑﺘﻬﺎ ﺃﻟﻔﺖ ﻣﻌﺎﺗﺒﺔ :

- ﻣﻌﻘﻮﻝ ﻳﺎ ﺳﻤﻴﺔ ﺗﻮﺻﻴﻨﻲ ﺑﺮﺿﻪ ﻋﻠﻲ ﺑﻨﺖ ﺃﺧﻮﻳﺎ ... ﺩﻱ ﻓﻌﻨﻴﺎ ﺍﻻﺗﻨﻴﻦ ... ﻭﺑﻌﺪﻳﻦ ﺍﻃﻤﻨﻲ ﺍﺣﻤﺪ ﻋﻤﺮﻩ ﻣﺎ ﺣﻴﺨﻠﻴﻬﺎ ﺗﻬﻤﻞ ﻓﻤﺬﺍﻛﺮﺗﻬﺎ

ﺑﻌﺪ ﻗﻠﻴﻞ ﺍﺳﺘﺄﺫﻥ ﺍﺩﻫﻢ ﻗﺎﺋﻼ ﻟﻮﺍﻟﺪﺗﻪ :

- ﻣﺎﻣﺎ ﺃﻧﺎ ﺧﺎﺭﺝ ﺑﺮﻩ ﺍﺷﻢ ﺷﻮﻳﺔ ﻫﻮﺍ ... ﺑﻌﺪ ﺇﺫﻧﻜﻮﺍ

- ﺍﺗﻔﻀﻞ ﻳﺎ ﺍﺑﻨﻲ

******************************

ﻣﺎﻟﺖ ﻟﺒﻨﻰ ﻋﻠﻰ ﺃﺫﻥ ﺍﺣﻤﺪ ﻗﺎﺋﻠﺔ ﺑﻬﻤﺲ :

- ﺍﺣﻤﺪ ﺍﺣﻨﺎ ﻣﺶ ﺣﻨﺮﻗﺺ ﺳﻠﻮ ﻣﻊ ﺑﻌﺾ ﻭﻻ ﺇﻳﻪ

ﺭﻓﻊ ﺍﺣﻤﺪ ﺣﺎﺟﺒﻴﻪ ﻗﺎﺋﻼ ﺑﺈﺳﺘﻨﻜﺎﺭ :

- ﻧﻌﻢ ﻳﺎ ﺍﺧﺘﻲ ! ﺍﻧﺘﻲ ﺑﺎﻳﻦ ﻋﻠﻴﻜﻲ ﺍﺗﻬﺒﻠﺘﻲ ﻳﺎ ﻟﺒﻨﻰ ... ﺍﻧﺘﻲ ﻋﺎﻳﺰﺍﻧﻲ ﺍﺧﺪﻙ ﻭﻧﻘﻮﻡ ﻧﺮﻗﺺ ﺍﺩﺍﻡ ﺍﻟﻨﺎﺱ ... ﺍﻧﺘﻲ ﺗﺤﻤﺪﻱ ﺭﺑﻨﺎ ﺇﻧﻲ ﻭﺍﻓﻘﺖ ﺍﺣﻀﺮ ﺍﻟﻔﺮﺡ ﺃﺳﺎﺳﺎ .

- ﻻ ﻭﺍﻟﻠﻪ ﻓﻌﻼ ﻛﺘﺮ ﺧﻴﺮﻙ ﺍﻧﻚ ﻭﺍﻓﻘﺖ ﺗﺤﻀﺮ ﻓﺮﺣﻚ

- ﺑﺘﺘﺮﻳﻘﻲ ﻋﻠﻴﺎ ﻳﺎ ﻟﺒﻨﻰ ... ﻣﺎﺷﻲ ﻣﻘﺒﻮﻟﻪ ﻣﻨﻚ ... ﺑﺲ ﺍﺷﻤﻌﻨﺎ ﺍﺣﻨﺎ ﻳﻌﻨﻲ ... ﻣﺎﻛﻞ ﺍﻟﻠﻲ ﺣﻮﺍﻟﻴﻦ ﻗﺎﻋﺪﻳﻦ ﺳﺎﻛﺘﻴﻦ ﺁﻫﻮ ... ﻣﺶ ﺍﺣﺴﻦ ﻳﺒﻘﻰ ﺯﻳﻨﺎ ﺯﻱ ﺍﻟﻌﺎﻟﻢ ﺍﻟﻠﻲ ﺣﻮﺍﻟﻴﻨﺎ ﺍﻟﻠﻲ ﻳﺴﺪﻭﺍ ﺍﻟﻨﻔﺲ ﺩﻭﻝ

- ﺧﻼﺹ ﻳﺎ ﺣﺒﻴﺒﻲ ﺍﻟﻠﻲ ﺗﺸﻮﻓﻪ

*****************************

ﺳﺎﻣﺢ : ﻣﺶ ﻋﺎﻳﺰﺓ ﺗﻘﻮﻣﻲ ﺗﺮﻗﺼﻲ ﻭﻻ ﺇﻳﻪ ?

ﺭﻣﻘﺘﻪ ﻧﺎﺩﻳﺔ ﺑﻨﻈﺮﺓ ﺣﺎﺩﺓ ﺛﻢ ﺍﺷﺎﺣﺖ ﺑﻮﺟﻬﻬﺎ ﺑﻌﻴﺪﺍ ﻓﻲ ﺇﺷﻤﺌﺰﺍﺯ ﻓﺎﺭﺩﻑ ﻗﺎﺋﻼ :

- ﺑﺮﺍﺣﺘﻚ ... ﺍﻧﺎ ﻗﻠﺖ ﺃﻋﻤﻞ ﺑﺄﺻﻠﻲ ... ﻋﺸﺎﻥ ﺑﺲ ﻣﺎﺗﻘﻮﻟﻴﺶ ﺇﻧﻲ ﺣﺮﻣﺘﻚ ﻣﻦ ﺣﺎﺟﺔ

************************

ﻛﺎﻥ ﻋﻠﻲ ﻳﺤﺎﻭﻝ ﺟﺎﻫﺪﺍ ﺃﻥ ﻳﺮﺳﻢ ﺍﻟﺒﺴﻤﺔ ﻋﻠﻰ ﺷﻔﺘﻴﻪ ﺧﺸﻴﺔ ﺃﻥ ﺗﻼﺣﻈﻪ ﻧﻮﺭﺍ ﺃﻭ ﺍﺣﺪﺍ ﻏﻴﺮﻫﺎ .... ﻓﻠﻢ ﻳﻜﻦ ﻟﻴﺘﺮﻙ ﻟﻬﺎ ﺫﻛﺮﻯ ﺳﻴﺌﺔ ﺍﺧﺮﻯ ﻓﻲ ﺫﻟﻚ ﺍﻟﻴﻮﻡ ﺃﻳﻀﺎ . ﻓﻠﻢ ﺗﻐﺐ ﺗﻠﻚ ﺍﻟﺒﺴﻤﺔ ﺍﻟﻤﺼﻄﻨﻌﺔ ﻋﻦ ﺷﻔﺘﻴﻪ ﻃﻴﻠﺔ ﺍﻟﻮﻗﺖ ... ﺳﻮﻯ ﻓﻲ ﺑﻌﺾ ﺗﻠﻚ ﺍﻷﻭﻗﺎﺕ ﺍﻟﺘﻲ ﻳﺸﺮﺩ ﺑﻬﺎ ﻗﻠﻴﻼ ... ﺇﻻ ﺃﻥ ﺍﺣﻤﺪ ﺻﺪﻳﻘﻪ ﺍﻟﻤﻘﺮﺏ ﻭﺷﻘﻴﻘﺘﻪ ﻟﺒﻨﻲ ﻛﺎﻧﺎ ﻳﺸﻌﺮﺍﻥ ﺑﺬﻟﻚ ﺍﻟﺠﻬﺪ ﺍﻟﺬﻱ ﻳﺒﺬﻟﻪ ﻟﻴﺒﺪﻭ ﺳﻌﻴﺪﺍ ... ﻭﺑﺎﻟﺮﻏﻢ ﻣﻦ ﻣﺤﺎﻭﻻﺗﻪ ﺍﻟﻤﺴﺘﻤﻴﺘﺔ ﻛﺎﻧﺖ ﻧﻮﺭﺍ ﺗﺸﻌﺮ ﺑﺬﻟﻚ ﺍﻟﻀﻴﻖ ﺍﻟﺬﻱ ﻳﻌﺘﺮﻳﻪ ﺍﺣﻴﺎﻧﺎ ﺩﻭﻥ ﺳﺒﺐ ﻭﺍﺿﺢ ... ﻧﻈﺮﺕ ﺇﻟﻴﻪ ﻗﺎﺋﻠﺔ ﺑﺈﺑﺘﺴﺎﻣﺔ :

- ﻣﺎﻟﻚ ﻳﺎ ﻋﻠﻲ ? ﻓﻴﻪ ﺣﺎﺟﺔ ﻣﻀﻴﻘﺎﻙ ?

ﺗﺼﻨﻊ ﺍﻹﺑﺘﺴﺎﻣﺔ ﻭﻫﻮ ﻳﺠﻴﺒﻬﺎ ﻗﺎﺋﻼ :

- ﻻ ﻳﺎ ﺣﺒﻴﺒﺘﻲ ﻣﺎﻓﻴﺶ ﺣﺎﺟﺔ ﻛﻞ ﺍﻟﺤﻜﺎﻳﺔ ﺇﻧﻲ ﻣﺮﻫﻖ ﺷﻮﻳﺔ ﻋﺸﺎﻥ ﺍﻟﻴﻮﻣﻴﻦ ﺍﻟﻠﻲ ﻓﺎﺗﻮﺍ ﻛﺎﻥ ﻋﻨﺪﻱ ﻓﻴﻬﻢ ﺿﻐﻂ ﺷﻐﻞ ﻛﺒﻴﺮ ﺍﻭﻱ ... ﻛﺎﻥ ﻓﻴﻪ ﺷﻐﻞ ﻛﺘﻴﺮ ﻻﺯﻡ ﺍﺧﻠﺼﻪ ﻗﺒﻞ ﻣﺎ ﺍﺧﺪ ﺍﻷﺟﺎﺯﺓ ﻭﻧﺴﺎﻓﺮ

- ﺍﻟﻒ ﺳﻼﻣﺔ ﻋﻠﻴﻚ ﻳﺎ ﺣﺒﻴﺒﻲ

- ﺍﻟﻠﻪ ﻳﺴﻠﻤﻚ

**********************

ﺍﻧﺘﻬﻰ ﺣﻔﻞ ﺍﻟﺰﻓﺎﻑ ﻭﺻﻌﺪ ﻛﻞ ﻣﻦ ﻋﻠﻲ ﻭﻧﻮﺭﺍ ﻭﺍﺣﻤﺪ ﻭﻟﺒﻨﻰ ﺇﻟﻰ ﻏﺮﻓﻬﻢ ﺍﻟﺘﻲ ﺗﻢ ﺣﺠﺰﻫﺎ ﺑﺎﻟﻔﻨﺪﻕ ﺍﻟﺬﻱ ﺃﻗﻴﻢ ﺑﻪ ﺣﻔﻞ ﺍﻟﺰﻓﺎﻑ ﻟﻴﺒﻴﺘﻮﺍ ﻟﻴﻠﺘﻬﻢ ﺑﻬﺎ ﻗﺒﻞ ﺃﻥ ﻳﺴﺎﻓﺮﻭﺍ ﻓﻲ ﺍﻟﻐﺪ ﺇﻟﻰ ﻣﺮﺳﻰ ﻣﻄﺮﻭﺡ ﻟﻘﻀﺎﺀ ﺃﺳﺒﻮﻋﻴﻦ ﺑﺎﻟﺸﺎﻟﻴﻪ ﺍﻟﺬﻱ ﻳﻤﻠﻜﻪ ﺻﻔﻮﺕ ... ﺑﻴﻨﻤﺎ ﺗﻮﺟﻪ ﺳﺎﻣﺢ ﻭﻧﺎﺩﻳﺔ ﺇﻟﻰ ﺷﻘﺘﻬﻢ ﺍﻟﺘﻲ ﺳﻴﻐﺎﺩﺭﺍﻫﺎ ﻓﻲ ﺍﻟﺼﺒﺎﺡ ﻣﺘﺠﻬﻴﻦ ﺇﻟﻰ ﺍﻟﻤﻄﺎﺭ ﻟﻠﺴﻔﺮ ﺇﻟﻰ ﺑﺎﺭﻳﺲ ﺣﻴﺚ ﺳﻴﻘﻀﻴﺎﻥ ﺍﺳﺒﻮﻋﻴﻦ ﻛﻬﺪﻳﺔ ﻣﻦ ﻧﺠﻴﺐ ﻭﺍﻟﺪ ﺳﺎﻣﺢ ﺇﻟﻰ ﻭﻟﺪﻩ ﻭﻋﺮﻭﺳﻪ ... ﻭﻟﺠﺖ ﻧﺎﺩﻳﺔ ﺇﻟﻰ ﺍﻟﺪﺍﺧﻞ ﺛﻢ ﺃﺧﺬﺕ ﺗﺒﺤﺚ ﺑﻴﻦ ﺍﻟﻐﺮﻑ ﻋﻦ ﻏﺮﻓﺔ ﺍﻟﻨﻮﻡ ﺣﺘﻰ ﻭﺟﺪﺗﻬﺎ ﻓﺪﺧﻠﺖ ﻟﺘﻘﻮﻡ ﺑﺘﺒﺪﻳﻞ ﻣﻼﺑﺴﻬﺎ ﻓﺘﺒﻌﻬﺎ ﺳﺎﻣﺢ ﺇﻟﻰ ﺍﻟﺪﺍﺧﻞ ﻓﺼﺮﺧﺖ ﻓﻴﻪ ﻗﺎﺋﻠﺔ :

- ﺗﺴﻤﺢ ﺗﺨﺮﺝ ﺑﺮﻩ

- ﺳﺎﻣﺢ ﺑﺈﺳﺘﻴﺎﺀ : ﻟﻴﻪ ﺑﻘﻰ ﺇﻥ ﺷﺎﺀﺍﻟﻠﻪ ?

ﻭﺿﻌﺖ ﻧﺎﺩﻳﺔ ﺫﺭﺍﻋﻴﻬﺎ ﻓﻲ ﺧﺼﺮﻫﺎ ﺛﻢ ﺯﻓﺮﺕ ﻗﺎﺋﻠﺔ ﺑﻀﻴﻖ :

- ﻋﺎﻳﺰﺓ ﺍﻏﻴﺮ ﻫﺪﻭﻣﻲ

- ﺳﺎﻣﺢ ﺑﺒﺮﻭﺩ : ﺗﺼﺪﻗﻲ ﺿﺤﻜﺘﻴﻨﻲ ... ﺍﻧﺘﻲ ﺻﺪﻗﺘﻲ ﻧﻔﺴﻚ ﺇﻧﻚ ﻋﺮﻭﺳﺔ ﺑﺠﺪ ﻭﻻ ﺇﻳﻪ ? ﺍﻣﺎﻝ ﻟﻮ ﻣﺎﻛﻨﺎﺵ ﺩﺍﻓﻨﻴﻨﻪ ﺳﻮﺍ ﻭﻭﺍﺧﺪﻳﻦ ﻓﻴﻪ ﺍﻟﻌﺰﺍ ﻛﻤﺎﻥ

ﺍﻏﻤﻀﺖ ﻋﻴﻨﻴﻬﺎ ﻟﺒﺮﻫﺔ ﻭﻫﻲ ﺗﺤﺎﻭﻝ ﺃﻥ ﺗﺤﺎﻓﻆ ﻋﻠﻰ ﺭﺑﺎﻃﺔ ﺟﺄﺷﻬﺎ ﻭﺗﻔﻮﺕ ﻋﻠﻴﻪ ﺃﻱ ﻓﺮﺻﺔ ﻹﺳﺘﻔﺰﺍﺯﻫﺎ ﺛﻢ ﻗﺎﻟﺖ :

- ﻣﺎﺗﺰﻋﻠﺶ ﻧﻔﺴﻚ ﺍﻧﺎ ﺍﻟﻠﻲ ﺳﻴﺒﺎﻫﺎﻟﻚ

ﺣﻤﻠﺖ ﻣﻼﺑﺴﻬﺎ ﻭﺧﺮﺟﺖ ﺇﻟﻰ ﻏﺮﻓﺔ ﺍﻟﻨﻮﻡ ﺍﻟﺼﻐﻴﺮﺓ ﻭﺍﺑﺪﻟﺖ ﻣﻼﺑﺴﻬﺎ ﺑﻤﻼﺑﺲ ﻟﻠﻨﻮﻡ ﺛﻢ ﺍﻏﻠﻘﺖ ﺍﻟﺒﺎﺏ ﻣﻦ ﺍﻟﺪﺍﺧﻞ ﺑﺎﻟﻤﻔﺘﺎﺡ ﻭﺗﻤﺪﺩﺕ ﻋﻠﻰ ﺍﻟﻔﺮﺍﺵ ﻓﻔﻮﺟﺌﺖ ﺑﻄﺮﻗﺎﺕ ﻋﻠﻰ ﺑﺎﺏ ﺍﻟﻐﺮﻓﺔ ﻭﺳﺎﻣﺢ ﻳﺴﺘﺤﺜﻬﺎ ﻗﺎﺋﻼ ﺑﺼﻮﺕ ﻋﺎﻝ :

- ﻣﺶ ﻛﻔﺎﻳﺔ ﻛﺪﻩ ﺑﻘﻰ ﻛﻞ ﺩﻩ ﺑﺘﻐﻴﺮﻱ ﻫﺪﻭﻣﻚ ?

ﺍﺟﺎﺑﺘﻪ ﻗﺎﺋﻠﺔ ﺑﺘﺄﻓﻒ ﻭﻫﻲ ﺗﺴﺤﺐ ﺍﻟﻐﻄﺎﺀ ﻟﺘﺘﺪﺛﺮ ﺑﻪ ﺟﻴﺪﺍ :

- ﻧﻌﻢ ﻋﺎﻳﺰ ﺇﻳﻪ ? ﺍﺗﻔﻀﻞ ﺷﻮﻑ ﻭﺭﺍﻙ ﺇﻳﻪ ﻋﺸﺎﻥ ﺍﻧﺎ ﺣﺎﻧﺎﻡ ﻫﻨﺎ

ﺣﺎﻭﻝ ﺳﺎﻣﺢ ﺃﻥ ﻳﻔﺘﺢ ﺍﻟﺒﺎﺏ ﻓﻮﺟﺪ ﺃﻥ ﻧﺎﺩﻳﺔ ﻗﺪ ﺃﻭﺻﺪﺗﻪ ﻣﻦ ﺍﻟﺪﺍﺧﻞ ﻓﺼﺮﺥ ﻓﻴﻬﺎ ﻗﺎﺋﻼ :

- ﻭﻛﻤﺎﻥ ﻗﺎﻓﻠﺔ ﻋﻠﻲ ﻧﻔﺴﻚ ﺑﺎﻟﻤﻔﺘﺎﺡ

ﺃﺗﺎﻩ ﺻﻮﺗﻬﺎ ﻣﻦ ﺍﻟﺪﺍﺧﻞ ﻭﻫﻲ ﺗﺠﻴﺒﻪ ﻗﺎﺋﻠﺔ ﺑﻼ ﻣﺒﺎﻻﺓ :

↚

- ﻭﺍﻧﺖ ﻣﺎﻟﻚ ﺍﺻﻼ ﺍﻗﻔﻞ ﻭﻻ ﺍﻓﺘﺢ ... ﺩﻩ ﺷﺊ ﻣﺎ ﻳﺨﺼﻜﺶ

- ﺍﻓﺘﺤﻲ ﻳﺎ ﻧﺎﺩﻳﺔ ﺍﺣﺴﻨﻠﻚ

ﺍﺟﺎﺑﺖ ﻗﺎﺋﻠﺔ ﺑﺘﺤﺪﻱ :

- ﻣﺶ ﺣﺎﻓﺘﺢ ﻭﻭﺭﻳﻨﻲ ﺣﺘﻌﻤﻞ ﺇﻳﻪ

- ﻣﺎﺷﻲ ﻳﺎ ﻧﺎﺩﻳﺔ ... ﺑﺲ ﺧﻠﻴﻜﻲ ﻓﺎﻛﺮﺓ ﺍﻧﻚ ﺍﻧﺘﻲ ﺍﻟﻠﻲ ﺍﺑﺘﺪﻳﺘﻲ ﻭﺍﻟﺒﺎﺩﻱ ﺃﻇﻠﻢ

***********************

ﺩﺧﻞ ﺃﺣﻤﺪ ﺇﻟﻰ ﺍﻟﻐﺮﻓﺔ ﺣﺎﻣﻼ ﻟﺒﻨﻰ ... ﺍﻏﻠﻖ ﺍﻟﺒﺎﺏ ﺑﻘﺪﻣﻪ ﺛﻢ ﻭﺿﻌﻬﺎ ﻋﻠﻰ ﺣﺎﻓﺔ ﺍﻟﻔﺮﺍﺷﺔ ﻭﻗﺎﻝ ﺑﺈﺑﺘﺴﺎﻣﺔ :

- ﻣﺒﺎﺭﻙ ﻋﻠﻴﻨﺎ ﻳﺎ ﺣﺒﻴﺒﺘﻲ

ﺍﻋﺘﺪﻟﺖ ﻟﺒﻨﻰ ﻓﻲ ﺟﻠﺴﺘﻬﺎ ﻭﻗﺎﻟﺖ ﺑﺨﺠﻞ :

- ﺍﻟﻠﻪ ﻳﺒﺎﺭﻙ ﻓﻴﻚ ﻳﺎ ﺍﺣﻤﺪ

ﺍﻣﺴﻚ ﺍﺣﻤﺪ ﺑﻴﺪﻫﺎ ﻭﻗﺒﻠﻬﺎ ﻗﺎﺋﻼ ﺑﻬﻴﺎﻡ :

- ﻣﺎﺗﺘﺼﻮﺭﻳﺶ ﺃﻧﺎ ﺑﺤﻠﻢ ﺑﺎﻟﻴﻮﻡ ﺩﻩ ﻣﻦ ﺍﻣﺘﻰ ... ﻣﻦ ﺳﻨﻴﻦ ﻃﻮﻳﻠﺔ ﺍﻭﻱ ... ﻣﻦ ﻭﺍﻧﺘﻲ ﻟﺴﻪ ﻋﻴﻠﺔ ﺻﻐﻴﺮﺓ ﺑﻀﻔﺎﻳﺮ ﻭﺍﻧﺎ ﻛﻨﺖ ﺑﺂﺟﻲ ﺍﺯﻭﺭﻛﻮﺍ ﻓﺒﻴﺖ ﺍﻟﻌﻴﻠﺔ ﻣﻊ ﻣﺎﻣﺎ ... ﻭﺍﻟﺤﻤﺪ ﻟﻠﻪ ﺍﻥ ﺍﻟﻴﻮﻡ ﺍﻟﻠﻲ ﺣﻠﻤﺖ ﺑﻴﻪ ﺃﺧﻴﺮﺍ ﺟﻪ ... ﻋﺸﺎﻥ ﻛﺪﻩ ﺍﺣﻨﺎ ﺣﻨﻐﻴﺮ ﻫﺪﻭﻣﻨﺎ ﻭﻧﺼﻠﻲ ﺭﻛﻌﺘﻴﻦ ﻣﻊ ﺑﻌﺾ ﻋﺸﺎﻥ ﻧﺒﺪﺃ ﺣﻴﺎﺗﻨﺎ ﺑﻄﺎﻋﺔ ﻭﺑﻌﺪﻳﻦ ﺃﻧﺎ ﺣﺎﺻﻠﻲ ﺭﻛﻌﺘﻴﻦ ﺷﻜﺮ ﻟﻠﻪ ﻋﺸﺎﻥ ﺣﻘﻘﻠﻲ ﺃﻏﻠﻰ ﺃﻣﻨﻴﺔ ﻓﺤﻴﺎﺗﻲ ... ﺛﻢ ﻗﺎﻡ ﺣﻤﻞ ﻣﻼﺑﺴﻪ ﻭﻗﺎﻡ ﻣﺘﺠﻬﺎ ﻧﺤﻮ ﺍﻟﺤﻤﺎﻡ ﻗﺎﺋﻼ :

- ﻳﻼ ﻏﻴﺮﻱ ﻫﺪﻭﻣﻚ ﻋﻠﻰ ﻣﺎ ﺍﻏﻴﺮ ﺍﻧﺎ ﻛﻤﺎﻥ ﻭﺍﺗﻮﺿﻰ ﻭﺍﺭﺟﻌﻠﻚ

**************************

ﺑﻌﺪ ﺃﻥ ﻓﺮﻍ ﺍﺣﻤﺪ ﻭﻟﺒﻨﻰ ﻣﻦ ﺃﺩﺍﺀ ﺻﻼﺗﻬﻤﺎ ﺳﻤﻌﺎ ﻃﺮﻗﺎ ﻋﻠﻰ ﺑﺎﺏ ﺍﻟﺠﻨﺎﺡ ﺍﻟﺨﺎﺹ ﺑﻬﻤﺎ ﻓﻘﺎﻟﺖ ﻟﺒﻨﻰ ﺑﺈﻧﺪﻫﺎﺵ :

- ﺇﻳﻪ ﺩﻩ ... ﻣﻴﻦ ﺍﻟﻠﻲ ﺑﻴﺨﺒﻂ ﻋﻠﻴﻨﺎ ﺩﻟﻮﻗﺘﻲ ?

- ﺣﻴﻜﻮﻥ ﻣﻴﻦ ﻳﻌﻨﻲ ... ﺍﻛﻴﺪ ﺍﻟﺮﻭﻡ ﺳﻴﺮﻓﺲ ﺟﺎﻳﺒﻠﻨﺎ ﺍﻟﻌﺸﺎ ... ﺍﻧﺎ ﺣﺎﻃﻠﻌﻠﻪ ﻭﺭﺍﺟﻌﻠﻚ ﻋﻠﻄﻮﻝ ﺍﻥ ﺷﺎﺀﺍﻟﻠﻪ

ﻓﺘﺢ ﺍﺣﻤﺪ ﺑﺎﺏ ﺍﻟﺠﻨﺎﺡ ﺍﻟﺨﺎﺹ ﺑﻬﻤﺎ ﻟﻴﺪﺧﻞ ﺃﺣﺪ ﻋﻤﺎﻝ ﺍﻟﻔﻨﺪﻕ ﻭﻫﻮ ﻳﺪﻓﻊ ﺃﻣﺎﻣﻪ ﺇﺣﺪﻱ ﺍﻟﻌﺮﺑﺎﺕ ﺍﻟﺘﻲ ﺗﺤﻤﻞ ﻃﻌﺎﻡ ﺍﻟﻌﺸﺎﺀ ﻗﺎﺋﻼ ﻷﺣﻤﺪ :

- ﺍﻟﻒ ﻣﺒﺮﻭﻙ ﻳﺎ ﻓﻨﺪﻡ

- ﺍﻟﻠﻪ ﻳﺒﺎﺭﻙ ﻓﻴﻚ ... ﻣﺘﺸﻜﺮﺍﻭﻱ

ﻭﺿﻊ ﺍﻟﻌﺎﻣﻞ ﺍﻟﻄﻌﺎﻡ ﻋﻠﻰ ﺍﻟﻄﺎﻭﻟﺔ ﺛﻢ ﺍﻧﺼﺮﻑ ﻣﻐﺎﺩﺭﺍ ﺍﻟﻐﺮﻓﺔ ﻓﻌﺎﺩ ﺃﺣﻤﺪ ﺇﻟﻰ ﻟﺒﻨﻰ ﻭﻗﺎﻝ ﺑﺈﺑﺘﺴﺎﻣﺔ :

- ﺯﻱ ﻣﺎ ﻗﻠﺘﻠﻚ ﺩﻩ ﺍﻟﻌﺎﻣﻞ ﺑﺘﺎﻉ ﺍﻟﺮﻭﻡ ﺳﻴﺮﻓﺲ ﺟﺎﻳﺐ ﺍﻟﻌﺸﺎ ﻭﺑﻴﻘﻮﻟﻲ ﻣﺒﺮﻭﻙ ... ﺑﻴﻨﻲ ﻭﺑﻴﻨﻚ ﺃﻧﺎ ﻛﻨﺖ ﻋﺎﻳﺰ ﺍﺷﺮﺣﻠﻪ ﺍﻟﻔﺮﻕ ﺑﻴﻦ ﻣﺒﺮﻭﻙ ﻭﻣﺒﺎﺭﻙ ﺑﺲ ﻗﻠﺘﻪ ﻣﺶ ﻭﻗﺘﻪ ﺑﻘﻰ ﺧﻠﻴﻬﺎ ﻭﻗﺖ ﺗﺎﻧﻲ

ﻋﻘﺪﺕ ﻟﺒﻨﻰ ﺫﺭﺍﻋﻴﻬﺎ ﺍﻣﺎﻡ ﺻﺪﺭﻫﺎ ﻭﻗﺎﻟﺖ ﺑﺘﻬﻜﻢ :

- ﻟﻴﻪ ﻣﺎﻟﻜﺶ ﺣﻖ ﻣﺎﻛﻨﺖ ﺗﻘﻌﺪ ﺗﺸﺮﺣﻠﻪ ﺑﺎﻟﻤﺮﺓ

ﺍﻗﺘﺮﺏ ﻣﻨﻬﺎ ﺍﺣﻤﺪ ﻗﺎﺋﻼ ﺑﺈﺑﺘﺴﺎﻣﺔ :

- ﻣﺶ ﻭﻗﺘﻪ ﺑﻘﻰ ... ﺃﺻﻞ ﺑﺼﺮﺍﺣﺔ ﻭﺭﺍﻳﺎ ﺣﺎﺟﺎﺕ ﺃﻫﻢ

ﺭﻓﻌﺖ ﻛﺘﻔﻴﻬﺎ ﻗﺎﺋﻠﺔ ﺑﻼﻣﺒﺎﻻﺓ :

- ﺑﺮﺍﺣﺘﻚ ﻭﻻ ﻳﻬﻤﻨﻲ ... ﺗﻘﺪﺭﻱ ﺗﻨﺎﺩﻱ ﻋﻠﻴﻪ ﻭﺗﺸﺮﺣﻠﻪ ﺍﻟﻠﻲ ﺍﻧﺖ ﻋﺎﻳﺰﻩ

- ﻃﻴﺐ ﺑﺎﻟﻠﻪ ﻋﻠﻴﻜﻲ ﺩﻱ ﻛﻠﻤﺔ ﻣﺎﺗﺴﺘﺤﻘﻴﺶ ﺗﺘﻌﺎﻗﺒﻲ ﻋﻠﻴﻬﺎ ﻭﻋﻘﺎﺏ ﻣﻀﺎﻋﻒ ﻛﻤﺎﻥ

ﺟﺮﺕ ﻟﺒﻨﻰ ﺑﻌﻴﺪﺍ ﻭﻫﻲ ﺗﻀﺤﻚ ﻗﺎﺋﻠﺔ :

- ﺧﻼﺹ ﻳﺎ ﺍﺣﻤﺪ ﺣﺮﻣﺖ ﻭﺍﻟﻠﻪ

- ﺍﺑﺪﺍ ﻻ ﻳﻤﻜﻦ ... ﺍﻧﺴﻲ ﻳﺎ ﻣﺎﻣﺎ

ﺍﺳﺮﻉ ﺍﺣﻤﺪ ﺧﻠﻔﻬﺎ ﺛﻢ ﺍﻣﺴﻚ ﺑﻬﺎ ﻗﺎﺋﻼ :

- ﺩﻟﻮﻗﺘﻲ ﺗﻌﺮﻓﻲ ﻋﻘﺎﺏ ﺍﻟﻠﻲ ﺗﺰﻋﻞ ﺟﻮﺯﻫﺎ ﺇﻳﻪ

ﺣﻤﻠﻬﺎ ﺍﺣﻤﺪ ﻭﻭﺿﻌﻬﺎ ﻋﻠﻰ ﺍﻟﻔﺮﺍﺵ ﺛﻢ ﺍﻣﺘﺪﺕ ﻳﺪﻩ ﻟﻴﻄﻔﺊ ﺍﻷﻧﻮﺍﺭ ﻟﺘﻐﺮﻕ ﺍﻟﻐﺮﻓﺔ ﻓﻲ ﻇﻼﻡ ﺗﺎﻡ

***************************

ﺃﻣﺎﻡ ﺑﺎﺏ ﺍﻟﺠﻨﺎﺡ ﺍﻟﺨﺎﺹ ﺑﻌﻠﻲ ﻭﻧﻮﺭﺍ ﻭﻗﻔﺖ ﻧﻮﺭﺍ ﻣﺘﺮﺩﺩﺓ ﻓﻲ ﺍﻟﺪﺧﻮﻝ ﻓﺤﺜﻬﺎ ﻋﻠﻲ ﻗﺎﺋﻼ :

- ﺇﻳﻪ ﻭﻗﻔﺘﻲ ﻋﻨﺪﻙ ﻟﻴﻪ ?

ﻓﺮﻛﺖ ﻛﻔﻴﻬﺎ ﻓﻲ ﺗﻮﺗﺮ ﻭﻗﺎﻟﺖ ﺑﺨﺠﻞ :

- ﻋﺎﻳﺰﺓ ﺍﻃﻠﺐ ﻣﻨﻚ ﻃﻠﺐ ﺑﺲ ﺑﺼﺮﺍﺣﺔ ﻣﻜﺴﻮﻓﺔ

- ﻻ ﻳﺎ ﺳﺘﻲ ﻣﺎ ﺗﺘﻜﺴﻔﻴﺶ ﻋﺎﻳﺰﺓ ﺇﻳﻪ ?

- ﺍﺟﺎﺑﺖ ﺑﺘﺮﺩﺩ : ﻋﺎﻳﺰﺍﻙ ﺗﺸﻴﻠﻨﻲ ﻟﺤﺪ ﺟﻮﻩ

ﺑﺪﺍ ﻋﻠﻴﻪ ﺍﻟﺘﺬﻛﺮ ﻭﻫﻮ ﻳﻔﺮﻙ ﺟﺒﻬﺘﻪ ﺑﻴﺪﻩ ﻗﺎﺋﻼ :

- ﺁﻩ ﺻﺤﻴﺢ ﺩﻩ ﺍﻧﺎ ﺍﻟﻤﻔﺮﻭﺽ ﺃﺷﻴﻠﻚ ... ﻣﻌﻠﺶ ﺑﻘﻰ ﺃﺻﻠﻲ ﺃﻭﻝ ﻣﺮﺓ ﺍﺗﺠﻮﺯ ﺑﺼﺮﺍﺣﺔ

ﺍﺑﺘﺴﻤﺖ ﻧﻮﺭﺍ ﻭﺧﻔﻀﺖ ﺑﺼﺮﻫﺎ ﺍﺭﺿﺎ ﻓﺎﻗﺘﺮﺏ ﻣﻨﻬﺎ ﻋﻠﻲ ﻭﺣﻤﻠﻬﺎ ﺇﻟﻰ ﺍﻟﺪﺍﺧﻞ ﻭﺍﻏﻠﻖ ﺍﻟﺒﺎﺏ ﺧﻠﻔﻪ ﺛﻢ ﻭﺿﻌﻬﺎ ﻋﻠﻰ ﺍﻟﻔﺮﺍﺵ ﻭﻗﺎﻝ ﺑﺈﺑﺘﺴﺎﻣﺔ : ﻣﺒﺮﻭﻙ

- ﺍﻟﻠﻪ ﻳﺒﺎﺭﻙ ﻓﻴﻚ

- ﻳﻼ ﻗﻮﻣﻲ ﻏﻴﺮﻱ ﻫﺪﻭﻣﻚ ﻋﺸﺎﻥ ﻧﺼﻠﻲ ﺳﻮﺍ

ﻭﺑﺎﻟﻔﻌﻞ ﺍﺑﺪﻝ ﺍﻟﻺﺛﻨﺎﻥ ﻣﻼﺑﺴﻬﻤﺎ ﻭﺍﻧﺘﻬﻴﺎ ﻣﻦ ﺃﺩﺍﺀ ﺍﻟﺼﻼﺓ ﻟﻴﺤﻀﺮ ﻋﺎﻣﻞ ﺍﻟﻔﻨﺪﻕ ﺍﻟﻌﺸﺎﺀ ﺑﻌﺪﻫﺎ ﺑﻘﻠﻴﻞ ...

- ﻋﻠﻲ ﻟﻨﻮﺭﺍ : ﺍﻟﻌﺸﺎ ﻭﺻﻞ ﻟﻮ ﻛﻨﺘﻲ ﻋﺎﻳﺰﺓ ﺗﺎﻛﻠﻲ

- ﻫﻮ ﺍﻧﺖ ﻣﺶ ﺣﺘﺎﻛﻞ ﻣﻌﺎﻳﺎ ﻭﻻ ﺇﻳﻪ ?

- ﻻ ﺍﻧﺎ ﻣﺎﻟﻴﺶ ﻧﻔﺲ ﺍﻧﺎ ﻣﺮﻫﻖ ﻭﻋﺎﻳﺰ ﺍﻧﺎﻡ ... ﻛﻠﻲ ﺍﻧﺘﻲ ﺑﺎﻟﻬﻨﺎ ﻭﺍﻟﺸﻔﺎ

- ﻻ ﺍﻧﺎ ﺧﻼﺹ ﻣﺶ ﻋﺎﻳﺰﺓ ... ﺃﻧﺎ ﻛﻨﺖ ﺣﺎﻛﻞ ﺑﺲ ﻋﺸﺎﻥ ﺧﺎﻃﺮﻙ

ﺍﻗﺘﺮﺏ ﻣﻨﻬﺎ ﻋﻠﻲ ﻭﻗﺒﻞ ﺟﺒﻴﻨﻬﺎ ﻗﺎﺋﻼ :

- ﺧﻼﺹ ﺗﺼﺒﺤﻲ ﻋﻠﻰ ﺧﻴﺮ

ﺛﻢ ﺍﺗﺠﻪ ﻧﺤﻮ ﺍﻟﻔﺮﺍﺵ ﻭﺗﻤﺪﺩ ﻋﻠﻴﻪ ﻭﺍﻏﻤﺾ ﻋﻴﻨﻴﻪ ﺇﺳﺘﻌﺪﺍﺩﺍ ﻟﻠﻨﻮﻡ ﺑﻴﻨﻤﺎ ﻧﻮﺭﺍ ﺗﺸﻴﻌﻪ ﺑﻨﻈﺮﺍﺗﻬﺎ ﻭﻟﻢ ﻳﻜﻦ ﻣﻨﻬﺎ ﺇﻻ ﺍﻥ ﻗﺎﻟﺖ ﻣﻦ ﻭﺳﻂ ﺩﻫﺸﺘﻬﺎ : ﻭﺍﻧﺖ ﻣﻦ ﺃﻫﻠﻪ ﻳﺎ ﻋﻠﻲ

********************************

ﺍﺷﺮﻗﺖ ﺷﻤﺲ ﺍﻟﻴﻮﻡ ﺍﻟﺘﺎﻟﻲ ﻭﻣﺮﺕ ﺑﻀﻊ ﺳﺎﻋﺎﺕ ﺑﻌﺪﻫﺎ ﻭﻧﻮﺭﺍ ﻻ ﺗﺰﺍﻝ ﻧﺎﺋﻤﺔ ﺑﻔﺮﺍﺷﻬﺎ ﺇﻻ ﺃﻥ ﺍﺳﺘﻴﻘﻈﺖ ﻋﻠﻰ ﻳﺪ ﺗﻬﺰﻫﺎ ﺑﺮﻓﻖ ﻓﺘﻤﻠﻤﻠﺖ ﻓﻲ ﻓﺮﺍﺷﻬﺎ ﻭﻗﺎﻟﺖ ﺩﻭﻥ ﺃﻥ ﺗﻔﺘﺢ ﻋﻴﻨﻴﻬﺎ :

- ﺃﻳﻮﻩ ﻳﺎ ﺣﺒﻴﺒﻲ ﺃﻧﺎ ﻗﺎﻳﻤﺔ ﺁﻫﻮﻩ ... ﻟﺘﺠﺪ ﺻﻮﺕ ﺃﺧﺮ ﻳﺠﻴﺒﻬﺎ ﻗﺎﺋﻼ :

- ﻻ ﻳﺎ ﺣﻨﻴﻨﺔ ﺃﻧﺎ ﻣﺶ ﺣﺒﻴﺒﻚ ... ﻓﻮﻗﻲ ﻛﺪﻩ ﻭﺷﻮﻓﻲ ﺑﺘﻜﻠﻤﻲ ﻣﻴﻦ

ﻓﺘﺤﺖ ﻧﻮﺭﺍ ﻋﻴﻨﻴﻬﺎ ﺑﺒﻂﺀ ﻟﺘﻔﺎﺟﺄﺑﻠﺒﻨﻰ ﺗﺠﻠﺲ ﺇﻟﻰ ﺟﻮﺍﺭﻫﺎ ﻋﻠﻲ ﺍﻟﻔﺮﺍﺵ ﻓﻘﺎﻟﺖ ﺩﻭﻥ ﺃﻥ ﺗﺘﺨﻠﺺ ﻣﻦ ﺃﺛﺎﺭ ﺍﻟﻨﻮﻡ :

- ﻟﺒﻨﻰ ... ﺇﻳﻪ ﺍﻟﻠﻲ ﺟﺎﺑﻚ ﻫﻨﺎ ﻳﺎ ﺑﻨﺘﻲ ! ﻫﻮ ﻋﻠﻲ ﻓﻴﻦ ﺍﺻﻼ ... ﻫﻮ ﺳﺎﻓﺮ ﻭﺳﺎﺑﻨﻲ ﻭﻻ ﺇﻳﻪ ?

ﻭﺿﻌﺖ ﻟﺒﻨﻰ ﻳﺪﻫﺎ ﻋﻠﻰ ﺧﺪﻫﺎ ﻭﻗﺎﻟﺖ ﺳﺎﺧﺮﺓ :

- ﻭﻓﻴﻬﺎ ﺇﻳﻪ ﻳﻌﻨﻲ ? ﻫﻮ ﺳﺎﻓﺮ ﻳﻘﻀﻲ ﺷﻬﺮ ﺍﻟﻌﺴﻞ ﺑﺘﺎﻋﻪ ﺩﻟﻮﻗﺘﻲ ﻭﺍﻧﺖ ﺑﻘﻰ ﺑﺮﺍﺣﺘﻚ ﻟﻤﺎ ﺗﺼﺤﻲ ﺇﺑﻘﻲ ﺭﻭﺣﻲ ﻗﻀﻲ ﺷﻬﺮ ﺍﻟﻌﺴﻞ ﺑﺘﺎﻋﻚ ﺑﺮﺿﻪ

ﺍﻋﺘﺪﻟﺖ ﻧﻮﺭﺍ ﻓﻲ ﻓﺮﺍﺷﻬﺎ ﻭﻗﺎﻟﺖ ﺑﻤﻠﻞ :

- ﺑﻄﻠﻲ ﻏﻼﺳﺔ ﺑﻘﻰ ... ﻣﻤﻜﻦ ﺍﻋﺮﻑ ﺍﻧﺘﻲ ﺟﺎﻳﺔ ﻟﻴﻪ ﻉ ﺍﻟﺼﺒﺢ ﻛﺪﻩ

ﺍﺳﺘﻄﺮﺩﺕ ﻟﺒﻨﻰ ﺩﻭﻥ ﺃﻥ ﺗﻔﺎﺭﻕ ﻧﺒﺮﺓ ﺍﻟﺴﺨﺮﻳﺔ ﺻﻮﺗﻬﺎ ﻗﺎﺋﻠﺔ :

- ﺻﺒﺢ ! ﺻﺒﺢ ﻣﻴﻦ ﻳﺎ ﺑﺮﻧﺴﻴﺴﺔ ? ﺑﺼﻲ ﻛﺪﻩ ﻓﺎﻟﺴﺎﻋﺔ ﺷﻮﻓﻲ ﺍﻟﺼﺒﺢ ﺍﻟﻠﻲ ﺑﺘﺘﻜﻠﻤﻲ ﻋﻨﻪ ﺩﻩ ﺍﻟﺴﺎﻋﺔ ﻛﺎﻡ

ﺍﻣﺴﻜﺖ ﻧﻮﺭﺍ ﺑﻬﺎﺗﻔﻬﺎ ﻭﻧﻈﺮﺕ ﺇﻟﻰ ﺷﺎﺷﺘﻪ ﺛﻢ ﺍﻧﺘﻔﻀﺖ ﻗﺎﺋﻠﺔ ﺑﻔﺰﻉ :

- ﻳﺎﺧﺒﺮ ﺍﺑﻴﺾ ... ﻣﻌﻘﻮﻟﺔ ﺃﻧﺎ ﻧﻤﺖ ﻛﻞ ﺩﻩ ! ﺩﻱ ﺍﻟﺴﺎﻋﺔ ﺩﺍﺧﻠﺔ ﻋﻠﻰ ﻭﺍﺣﺪﺓ ﺍﻟﻀﻬﺮ

- ﻧﺎﻣﻮﺳﻴﺘﻚ ﻛﺤﻠﻲ ﻳﺎ ﻋﺮﻭﺳﺔ ... ﺍﺗﻔﻀﻠﻲ ﻗﻮﻣﻲ ﺧﺪﻱ ﺷﺎﻭﺭ ﻭﺍﻟﺒﺴﻲ ﻭﺻﻠﻲ ﻋﺸﺎﻥ ﻣﺎﻧﺘﺄﺧﺮﺵ ﻋﻠﻰ ﻣﻌﺎﺩ ﺍﻟﻄﻴﺎﺭﺓ

- ﻃﻴﺐ ﻫﻮ ﻋﻠﻲ ﻓﻴﻦ ?

↚

- ﻳﻌﻨﻲ ﺣﻨﻜﻮﻥ ﺧﻄﻔﻨﺎﻩ ﻣﺜﻼ ... ﺍﻃﻤﻨﻲ ﻣﺎﺑﻨﺨﻄﻔﺶ ﻋﺮﺳﺎﻥ ﺍﺣﻨﺎ ... ﻋﻠﻲ ﻗﺎﻋﺪ ﺑﺮﻩ ﺑﻴﺘﻔﺮﺝ ﻋﻠﻰ ﺍﻟﺘﻠﻔﺰﻳﻮﻥ ... ﺍﻧﺎ ﺟﻴﺖ ﺍﺷﻮﻓﻜﻮﺍ ﺻﺤﻴﺘﻮﺍ ﻭﻻ ﻟﺴﻪ ﻋﺸﺎﻥ ﻣﻌﺎﺩ ﺍﻟﻄﻴﺎﺭﺓ .. ﻟﻘﻴﺘﻪ ﻗﺎﻋﺪ ﺑﺮﻩ ﻭﻟﻤﺎ ﺳﺄﻟﺘﻮﺍ ﻋﻠﻴﻜﻲ ﻗﺎﻝ ﺍﻧﻚ ﻟﺴﻪ ﻧﺎﻳﻤﺔ ﻭﺇﻧﻪ ﻣﺎﺭﺿﻴﺶ ﻳﺼﺤﻴﻜﻲ ﻓﺪﺧﻠﺖ ﺃﻧﺎ ﻋﺸﺎﻥ ﺍﺻﺤﻴﻜﻲ

- ﻣﺘﺸﻜﺮﻳﻦ ﻳﺎ ﺳﺘﻲ ... ﺍﻧﺎ ﻗﺎﻳﻤﺔ ﺁﻫﻮﻩ ﻋﺸﺎﻥ ﻣﺎﺗﺰﻋﻠﻴﺶ ﻧﻔﺴﻚ

ﺣﺎﻭﻟﺖ ﻧﻮﺭﺍ ﺍﻥ ﺗﻨﻬﺾ ﻓﺎﻣﺴﻜﺘﻬﺎ ﻟﺒﻨﻰ ﻣﻦ ﺫﺭﺍﻋﻬﺎ ﻗﺎﺋﻠﺔ :

- ﻗﻮﻟﻴﻠﻲ ﺍﻷﻭﻝ ﻗﺒﻞ ﻣﺎ ﺗﻘﻮﻣﻲ ... ﻋﺎﻣﻠﺔ ﺇﻳﻪ ﻣﻊ ﻋﻠﻲ ?

- ﻭﺍﻧﺘﻲ ﻣﺎﻟﻚ ﻳﺎ ﺣﺸﺮﻳﺔ ... ﺧﻠﻴﻜﻲ ﻓﺤﺎﻟﻚ ﺍﺣﺴﻦ

- ﻛﺪﻩ ﺑﺮﺿﻪ ﻳﺎ ﺳﺖ ﻧﻮﺭﺍ ﺧﻨﺨﺒﻲ ﻋﻠﻰ ﺑﻌﺾ ﻣﻦ ﺃﻭﻟﻬﺎ ﻛﺪﻩ

- ﻫﻮ ﺍﻧﺎ ﻛﻨﺖ ﺳﺄﻟﺘﻚ ﻋﺎﻣﻠﺔ ﺇﻳﻪ ﻣﻊ ﺃﺣﻤﺪ ?

- ﻃﺐ ﻣﺎﺗﺴﺄﻟﻴﻨﻲ ﻭﺃﻧﺎ ﺍﻗﻮﻟﻚ ... ﻋﺎﺭﻓﺔ ﻳﺎ ﻧﻮﺭﺍ ... ﺃﻧﺎ ﻣﺎﻛﻨﺘﺶ ﺍﻋﺮﻑ ﺍﻥ ﺍﺣﻤﺪ ﻃﻴﺐ ﺍﻭﻱ ﻛﺪﻩ ﻭﺣﻨﻴﻦ ﺍﻭﻱ ﻛﺪﻩ ﻭﺑﻴﺤﺒﻨﻲ ﺍﻭﻱ ﻛﺪﻩ ﻭﺍﻧﺎ ﻛﻤﺎﻥ ﺑﺤﺒﻪ ﺍﻭﻱ ﺍﻭﻱ ﻛﺪﻩ

ﺷﺮﺩﺕ ﻧﻮﺭﺍ ﻗﻠﻴﻼ ﻓﻲ ﻛﻼﻡ ﻟﺒﻨﻰ ﺛﻢ ﻗﺎﻟﺖ ﺑﺄﺳﻰ :

- ﺁﻩ ... ﺍﺻﻞ ﻫﻮ ﻭﻋﻠﻲ ﺃﺧﻮﻛﻲ ﻗﺮﺍﻳﺐ ﻭﺻﺤﺎﺏ ﻭﺩﻓﻌﺔ ﻭﺍﺣﺪﺓ ﻻﺯﻡ ﻳﻜﻮﻥ ﺍﺗﻌﻠﻢ ﻣﻨﻪ

- ﻳﻌﻨﻲ ﺍﻧﺘﻲ ﻣﺒﺴﻮﻃﺔ ﻳﺎ ﻧﻮﺭﺍ ?

- ﺍﻛﻴﺪ ﻣﺒﺴﻮﻃﺔ ... ﻣﺶ ﺍﺗﺠﻮﺯﺕ ﺍﻹﻧﺴﺎﻥ ﺍﻟﻠﻲ ﺑﺤﺒﻪ ﻳﺒﻘﻰ ﻻﺯﻡ ﺍﻛﻮﻥ ﻣﺒﺴﻮﻃﺔ

- ﻋﺎﺭﻓﺔ ﻳﺎ ﻧﻮﺭﺍ ﻭﺍﻧﺎ ﺩﺍﺧﻠﺔ ﻋﻨﺪﻛﻮﺍ ﻛﻨﺖ ﻣﻜﺴﻮﻓﺔ ﺍﻭﻱ ﺍﺑﺺ ﻓﻮﺵ ﻋﻠﻲ ﺃﺧﻮﻳﺎ ﻛﺈﻧﻲ ﻋﺎﻣﻠﺔ ﻋﻤﻠﺔ ... ﺣﺘﻰ ﻗﺒﻞ ﻣﺎ ﺁﺟﻲ ﻗﻠﺖ ﻷﺣﻤﺪ ﻛﺪﻩ ﻗﺎﻟﻲ ﻣﺎﺣﺪﺵ ﺍﺣﺴﻦ ﻣﻦ ﺣﺪ

ﺗﻨﻬﺪﺕ ﻧﻮﺭﺍ ﺛﻢ ﻗﺎﻟﺖ ﺑﺠﺪﻳﺔ :

- ﺑﺎﻗﻮﻟﻚ ﺇﻳﻪ ﻳﺎ ﻟﺒﻨﻰ ? ﺍﻧﺘﻲ ﻣﺶ ﻣﻼﺣﻈﺔ ﺍﻧﻚ ﻛﺪﻩ ﻣﻌﻄﻼﻧﻲ ... ﺍﺗﻔﻀﻠﻲ ﺑﻘﻰ ﻭﺍﻧﺎ ﺣﺎﺧﻠﺺ ﻭﺍﺣﺼﻠﻚ

ﺍﻧﺘﻬﺖ ﻧﻮﺭﺍ ﻣﻦ ﺇﺭﺗﺪﺍﺀ ﻣﻼﺑﺴﻬﺎ ﻭﺻﻠﺖ ﻣﺎﻓﺎﺗﻬﺎ ﻣﻦ ﺻﻠﻮﺍﺕ ﺛﻢ ﺧﺮﺟﺖ ﻟﺘﺠﺪ ﺍﻟﺠﻤﻴﻊ ﺑﺈﻧﺘﻈﺎﺭﻫﺎ ... ﺣﻤﻞ ﺍﺣﻤﺪ ﻭﻋﻠﻲ ﺍﻟﺤﻘﺎﺋﺐ ﻭﺍﻧﻄﻠﻘﻮﺍ ﺟﻤﻴﻌﺎ ﻓﻲ ﻃﺮﻳﻘﻬﻢ ﺇﻟﻰ ﺍﻟﻤﻄﺎﺭ ﻟﻴﺴﺘﻘﻠﻮﺍ ﺍﻟﻄﺎﺋﺮﺓ ﺍﻟﻤﺘﺠﻬﺔ ﺇﻟﻰ ﻣﺮﺳﻰ ﻣﻄﺮﻭﺡ

****************************

- ﺳﺎﻣﺢ : ﻳﻌﻨﻲ ﺇﻳﻪ ﻣﺶ ﻣﺴﺎﻓﺮﺓ ... ﻃﺐ ﻭﺍﻟﺘﺬﺍﻛﺮ ﺩﻱ ﺍﻋﻤﻞ ﺑﻴﻬﺎ ﺇﻳﻪ ﺇﻥ ﺷﺎﺀﺍﻟﻠﻪ ?

- ﻧﺎﺩﻳﺔ ﺑﺘﻬﻜﻢ : ﺍﻟﺘﺬﺍﻛﺮ ﺩﻱ ﺗﺒﻠﻬﺎ ﻭﺗﺸﺮﺏ ﻣﻴﺘﻬﺎ ... ﺑﻴﻘﻮﻟﻮﺍ ﺍﻟﻤﻴﺔ ﺑﺘﺎﻋﺘﻬﺎ ﻣﻔﻴﺪﺓ ﺍﻭﻱ ... ﻟﻜﻦ ﺃﻧﺎ ﻣﺶ ﺣﺎﺭﻭﺡ ﻣﻌﺎﻙ ﻓﺄﻱ ﺣﺘﺔ

- ﺻﺪﻗﻴﻨﻲ ﻳﺎ ﻧﺎﺩﻳﺔ ﻟﻮ ﺣﺘﺪﺧﻠﻲ ﻣﻌﺎﻳﺎ ﻓﺪﻭﺭ ﻋﻨﺪ ﺣﺘﺒﻘﻲ ﺍﻧﺘﻲ ﺍﻟﺨﺴﺮﺍﻧﺔ ... ﻛﻔﺎﻳﺔ ﺍﻟﻠﻲ ﻋﻤﻠﺘﻴﻪ ﻣﻌﺎﻳﺎ ﺇﻣﺒﺎﺭﺡ ... ﺃﻧﺎ ﻟﺴﻪ ﻣﺎﻋﺪﻳﺘﻬﻮﺵ

- ﻭﺃﻧﺎ ﻋﻤﻠﺖ ﺇﻳﻪ ﻳﻌﻨﻲ ? ﺃﻧﺎ ﻟﺴﻪ ﻣﺎﻋﻤﻠﺘﺶ ﺣﺎﺟﺔ

- ﻭﺍﻟﻠﻪ ... ﻣﺶ ﻛﻔﺎﻳﺔ ﺍﻧﻚ ﺭﻭﺣﺘﻲ ﻧﻤﺘﻲ ﻟﻮﺣﺪﻙ ﻭﻗﻔﻠﺘﻲ ﻋﻠﻰ ﻧﻔﺴﻚ ﻭﺳﻴﺒﺘﻴﻨﻲ ﺍﻛﻠﻤﻚ ﻣﻦ ﺑﺮﻩ

- ﻭﺩﻱ ﺣﺎﺟﺔ ﻣﻀﻴﻘﺎﻙ ﺍﻭﻱ ? ﻛﻮﻳﺲ ﺍﻧﻚ ﻗﻮﻟﺘﻠﻲ ﻋﺸﺎﻥ ﺍﺑﻘﻰ ﺍﻋﻤﻠﻬﺎ ﻋﻠﻄﻮﻝ

- ﺍﻧﺘﻲ ﻧﺎﺳﻴﺔ ﺇﻧﻚ ﻣﺮﺍﺗﻲ ﺩﻟﻮﻗﺘﻲ ﻳﻌﻨﻲ ﻟﻴﺎ ﻋﻠﻴﻜﻲ ﺣﻘﻮﻕ

ﺍﻃﻠﻘﺖ ﻧﺎﺩﻳﺔ ﺿﺤﻜﺔ ﻣﺪﻭﻳﺔ ﺛﻢ ﻗﺎﻟﺖ ﺑﺘﻬﻜﻢ :

- ﺣﻘﻮﻕ ! ﺣﻘﻮﻕ ﺇﻳﻪ ﻳﺎ ﺍﺑﻮ ﺣﻘﻮﻕ ﺍﻧﺖ ! ﺍﻧﺎ ﺑﺼﺮﺍﺣﺔ ﻋﻤﺮﻱ ﻣﺎﺷﻮﻓﺖ ﺑﺠﺎﺣﺔ ﺑﺎﻟﺸﻜﻞ ﺩﻩ ... ﺍﻧﺖ ﻣﺎﻟﻜﺶ ﺃﻱ ﺣﻘﻮﻕ ﻋﻨﺪﻱ ... ﺣﻘﻚ ﺍﻟﻠﻲ ﺍﻧﺖ ﺑﺘﺘﻜﻠﻢ ﻋﻨﻪ ﺩﻩ ﺍﻧﺖ ﺍﺧﺪﺗﻪ ﻣﻦ ﺯﻣﺎﻥ ﺍﻭﻱ ﻣﻦ ﻗﺒﻞ ﺣﺘﻰ ﻣﺎﻳﺒﻘﻰ ﺣﻘﻚ

- ﻟﻮ ﻋﺎﻳﺰﺓ ﺗﺘﻜﻠﻤﻲ ﻓﺎﻟﻠﻲ ﻓﺎﺕ ﺃﻧﺎ ﻣﺎﻋﻨﺪﻳﺶ ﻣﺎﻧﻊ ﺑﺲ ﺻﺪﻗﻴﻨﻲ ﺣﺘﺴﻤﻌﻲ ﻛﻼﻡ ﻣﺶ ﺣﻴﻌﺠﺒﻚ ﻭﻻ ﺣﺘﺴﺘﺤﻤﻠﻴﻪ ... ﻭﻻﺯﻡ ﺗﻔﻬﻤﻲ ﻛﻮﻳﺲ ﺍﻥ ﺍﻟﻠﻲ ﻓﺎﺕ ﻣﺎﻟﻮﺵ ﻋﻼﻗﺔ ﺑﺎﻟﻠﻲ ﺟﺎﻱ ... ﻭﺍﺳﻤﻌﻴﻨﻲ ﺑﻘﻰ ﻛﻮﻳﺲ ... ﺣﻘﻲ ﺃﻧﺎ ﺣﺎﺧﺪﻩ ﻓﻲ ﺍﻟﻮﻗﺖ ﺍﻟﻠﻲ ﻳﻌﺠﺒﻨﻲ ﺑﻤﺰﺍﺟﻲ ﻳﻌﻨﻲ ... ﻭﺇﺑﻘﻲ ﻭﺭﻳﻨﻲ ﻛﺪﻩ ﺣﺘﻤﻨﻌﻴﻨﻲ ﺇﺯﺍﻱ

- ﻟﻤﺎ ﺗﺠﺮﺏ ﺣﺘﺒﻘﻰ ﺗﺸﻮﻑ ﺃﻧﺎ ﺣﺎﻋﻤﻞ ﺇﻳﻪ

- ﺳﺎﻣﺢ ﺑﺘﺤﺪﻱ : ﺑﻘﻰ ﻛﺪﻩ ﻳﺎ ﻧﺎﺩﻳﺔ ... ﻃﻴﺐ ﻭﺭﻳﻨﻲ ﺑﻘﻰ ﺣﺘﻌﻤﻠﻲ ﺇﻳﻪ

ﺍﻗﺘﺮﺏ ﺳﺎﻣﺢ ﻣﻨﻬﺎ ﻭﺷﺮﻉ ﻓﻲ ﻓﻚ ﺃﺯﺭﺍﺭ ﻗﻤﻴﺼﻪ ﻓﺘﺮﺍﺟﻌﺖ ﻟﻠﺨﻠﻒ ﻭﻫﻮ ﻳﺘﻘﺪﻡ ﻧﺤﻮﻫﺎ ﺣﺘﻰ ﺍﻟﺘﺼﻘﺖ ﺑﺎﻟﺤﺎﺋﻂ ... ﺗﻤﻜﻦ ﺍﻟﺨﻮﻑ ﻣﻨﻬﺎ ﻟﻠﺤﻈﺎﺕ ﻭﻟﻜﻨﻬﺎ ﺃﻗﺴﻤﺖ ﺑﻴﻨﻬﺎ ﻭﺑﻴﻦ ﻧﻔﺴﻬﺎ ﺃﻥ ﺗﻘﺎﻭﻣﻪ ﺣﺘﻰ ﺍﻟﻨﻬﺎﻳﺔ ... ﺟﺬﺑﻬﺎ ﺳﺎﻣﺢ ﻣﻦ ﻳﺪﻫﺎ ﻭﺍﻭﻗﻌﻬﺎ ﻋﻠﻰ ﺍﻟﻔﺮﺍﺵ ﻭﻣﺎ ﺍﻥ ﺍﻗﺘﺮﺏ ﻣﻨﻬﺎ ﺣﺘﻰ ﻧﺸﺒﺖ ﺃﻇﺎﻓﺮﻫﺎ ﻓﻲ ﺟﺴﺪﻩ ﺍﻟﻌﺎﺭﻱ ﻟﻴﺼﺮﺥ ﺳﺎﻣﺢ ﻣﺘﺄﻟﻤﺎ ﻭﻫﻲ ﺗﺠﺮﻱ ﺑﻌﻴﺪﺍ ﻋﻨﻪ ... ﻧﻈﺮ ﺇﻟﻰ ﺍﻟﺨﺪﻭﺵ ﺍﻟﺘﻲ ﺧﻠﻔﺘﻬﺎ ﺃﻇﺎﻓﺮﻫﺎ ﺑﺠﺴﺪﻩ ﻭﺻﺮﺥ ﻓﻴﻬﺎ ﻗﺎﺋﻼ ﺑﺈﻧﻔﻌﺎﻝ : ﻳﺎ ﺑﻨﺖ ﺍﻟﻤﺠﻨﻮﻧﺔ ... ﻃﺐ ﻭﺭﺣﻤﺔ ﺃﻣﻲ ﻣﺎ ﺃﻧﺎ ﺳﺎﻳﺒﻚ ﻳﺎ ﻧﺎﺩﻳﺔ

ﻭﺑﻌﺪ ﻣﻌﺮﻛﺔ ﺍﻧﺘﻬﺖ ﺑﺎﻟﻄﺒﻊ ﻟﺼﺎﻟﺤﻪ ﺍﺭﺗﺪﻯ ﺳﺎﻣﺢ ﻣﻼﺑﺴﻪ ﻭﻏﺎﺩﺭ ﺍﻟﻤﻨﺰﻝ ﺑﺎﻟﻜﺎﻣﻞ ﺗﺎﺭﻛﺎ ﻧﺎﺩﻳﺔ ﺗﺒﻜﻲ ﺑﺸﺪﺓ ﻭﻫﻲ ﺗﺠﻤﻊ ﻟﻴﺲ ﻣﻼﺑﺴﻬﺎ ﻓﻘﻂ ﻭﺃﻧﻤﺎ ﺗﺠﻤﻊ ﺃﻳﻀﺎ ﺷﺘﺎﺕ ﻧﻔﺴﻬﺎ ﺍﻟﻤﻤﺰﻗﺔ ﻭﻛﺮﺍﻣﺘﻬﺎ ﺍﻟﺠﺮﻳﺤﺔ ﻭﻫﻲ ﺗﺘﻮﻋﺪ ﺳﺎﻣﺢ ﺑﺎﻹﻧﺘﻘﺎﻡ ... ﻭﺭﺑﻤﺎ ﻛﺎﻥ ﺫﻟﻚ ﺣﺼﺎﺩ ﻣﺎﺟﻨﺘﻪ ﻳﺪﺍﻫﺎ ... ﺃﻭ ﺑﻌﻀﺎ ﻣﻤﺎ ﺃﺫﺍﻗﻪ ﺻﻔﻮﺕ ﻟﺼﻔﻴﺔ ﻟﻴﻌﻮﺩ ﺇﻟﻴﻪ ﻭﻟﻜﻦ ﻓﻲ ﺇﺑﻨﺘﻪ ﺍﻟﺤﺒﻴﺒﺔ ... ﻓﻤﺎ ﺃﺻﻌﺐ ﺃﻥ ﺗﺮﺗﺪ ﻋﻠﻴﻨﺎ ﺃﻓﻌﺎﻟﻨﺎ ﻓﻴﻤﻦ ﻫﻢ ﺃﺣﺐ ﻟﻨﺎ ﻣﻦ ﺃﻧﻔﺴﻨﺎ ... ﺇﻧﻬﻢ ﺑﺎﻟﻄﺒﻊ ﻓﻠﺬﺍﺕ ﺃﻛﺒﺎﺩﻧﺎ .

**********************

ﻋﻠﻰ ﻣﻘﻌﺪﻳﻦ ﻣﺘﺠﺎﻭﺭﻳﻦ ﻓﻲ ﺍﻟﻄﺎﺋﺮﺓ ﺍﻟﻤﺘﺠﻬﺔ ﺇﻟﻰ ﻣﺮﺳﻰ ﻣﻄﺮﻭﺡ ﺟﻠﺴﺎ ﻣﻌﺎ ﻭﻗﺪ ﺗﺸﺎﺑﻜﺖ ﺃﻳﺪﻳﻬﻤﺎ ... ﻭﻣﺎﻝ ﻛﻞ ﻭﺍﺣﺪ ﻣﻨﻬﻤﺎ ﺑﺮﺃﺳﻪ ﻧﺤﻮ ﺍﻷﺧﺮ ﻳﺘﺤﺪﺛﺎﻥ ﺑﻬﻤﺲ ﺑﻴﻨﻤﺎ ﻳﻌﻠﻮ ﺻﻮﺕ ﺿﺤﻜﺎﺗﻬﻤﺎ ... ﺑﻴﻨﻤﺎ ﻭﻋﻠﻰ ﻣﻘﺮﺑﺔ ﻣﻨﻬﻤﺎ ﺟﻠﺲ ﻋﻠﻲ ﻋﻠﻰ ﺍﻟﻤﻘﻌﺪ ﺍﻟﻤﺠﺎﻭﺭ ﻟﺸﺒﺎﻙ ﺍﻟﻄﺎﺋﺮﺓ ﻭﻗﺪ ﺍﻧﺸﻐﻞ ﺑﺎﻟﻨﻈﺮ ﻣﻨﻪ ﺩﻭﻥ ﺍﻥ ﺗﺤﻴﻦ ﻣﻨﻪ ﺇﻟﺘﻔﺎﺗﻪ ﻧﺤﻮ ﻧﻮﺭﺍ ﺍﻟﺠﺎﻟﺴﺔ ﺇﻟﻰ ﺟﻮﺍﺭﻩ ﻭﻫﻲ ﺗﺮﺍﻗﺐ ﺍﺣﻤﺪ ﻭﻟﺒﻨﻰ ﻭﺍﻟﺴﻌﺎﺩﺓ ﺍﻟﺘﻲ ﻳﺒﺪﻭﺍﻥ ﻋﻠﻴﻬﺎ ... ﻛﺎﻧﺖ ﺗﺸﻌﺮ ﺑﺎﻟﺴﻌﺎﺩﺓ ﻣﻦ ﺍﺟﻞ ﺍﺑﻨﺔ ﻋﻤﻬﺎ ﻭﺻﺪﻳﻘﺘﻬﺎ ﻭﻟﻜﻨﻬﺎ ﻟﻢ ﺗﺴﻊ ﺍﺑﺪﺍ ﻟﻠﻤﻘﺎﺭﻧﺔ ﻫﺬﻩ ﺍﻟﻤﺮﺓ ﺑﻴﻦ ﺣﺎﻟﻬﺎ ﻭﺣﺎﻝ ﻟﺒﻨﻰ ... ﻓﻔﻲ ﻛﻞ ﺍﻟﻤﺮﺍﺕ ﺍﻟﺴﺎﺑﻘﺔ ﻟﻢ ﺗﻜﻦ ﺍﻟﻤﻘﺎﺭﻧﺔ ﺍﺑﺪﺍ ﻓﻲ ﺻﺎﻟﺤﻬﺎ

**********************

ﺍﺳﺪﻝ ﺍﻟﻠﻴﻞ ﺳﺘﺎﺋﺮﻩ ﺍﻟﺴﻮﺩﺍﺀ ﻋﻠﻰ ﻣﺤﺎﻓﻈﺔ ﻣﺮﺳﻰ ﻣﻄﺮﻭﺡ ﻋﻨﺪﻣﺎ ﻭﺻﻞ ﺍﻟﺠﻤﻴﻊ ﺇﻟﻰ ﺍﻟﺸﺎﻟﻴﻪ ﺍﻟﺬﻱ ﻳﻤﺘﻠﻜﻪ ﺻﻔﻮﺕ ﻭﺍﻟﺬﻱ ﻳﺘﻜﻮﻥ ﻣﻦ ﻃﺎﺑﻘﻴﻦ ... ﺍﺧﺘﺎﺭ ﺍﺣﻤﺪ ﻭﻟﺒﻨﻰ ﺍﻟﺪﻭﺭ ﺍﻷﻭﻝ ﻟﻠﻤﻜﻮﺙ ﻓﻴﻪ ﺑﻴﻨﻤﺎ ﺑﻘﻲ ﻋﻠﻲ ﻭﻧﻮﺭﺍ ﻓﻲ ﺍﻟﺪﻭﺭ ﺍﻟﻌﻠﻮﻱ ... ﻭﺍﺗﻔﻘﺎ ﻋﻠﻰ ﺃﻥ ﻳﺴﺘﺮﻳﺢ ﺍﻟﺠﻤﻴﻊ ﻗﻠﻴﻼ ﻣﻦ ﻋﻨﺎﺀ ﺍﻟﺴﻔﺮ ﺛﻢ ﻳﻘﻀﻮﻥ ﺳﻬﺮﺗﻬﻢ ﻣﻌﺎ ﻋﻠﻰ ﺃﻥ ﻳﺨﺮﺟﻮﺍ ﻟﻠﺘﻨﺰﻩ ﻓﻲ ﺍﻟﺼﺒﺎﺡ ... ﺩﺧﻞ ﺍﺣﻤﺪ ﻭﻟﺒﻨﻰ ﺇﻟﻰ ﺍﻟﻐﺮﻓﺔ ﺍﻟﺨﺎﺻﺔ ﺑﻬﻤﺎ ... ﺍﻗﻨﻊ ﺍﺣﻤﺪ ﻟﺒﻨﻰ ﺍﻟﺘﻲ ﻛﺎﻧﺖ ﺗﺮﻏﺐ ﺑﺎﻟﺨﺮﻭﺝ ﺑﺎﻟﺒﻘﺎﺀ ﻓﻲ ﺍﻟﺸﺎﻟﻴﻪ ﻫﺬﺍ ﺍﻟﻤﺴﺎﺀ ﻓﻮﺍﻓﻘﺖ ﻋﻠﻰ ﻣﻀﺾ ﻓﺎﻗﺘﺮﺏ ﻣﻨﻬﺎ ﺍﺣﻤﺪ ﻗﺎﺋﻼ ﺑﺈﺑﺘﺴﺎﻣﺔ :

- ﺁﻫﻮ ﻛﺪﻩ ﺗﺒﻘﻲ ﺍﻧﺘﻲ ﻟﺒﻨﻰ ﻣﺮﺍﺗﻲ ﺣﺒﻴﺒﺘﻲ ﺍﻟﺸﻄﻮﺭﺓ ﺍﻷﻣﻮﺭﺓ ﺍﻟﻠﻲ ﺑﺘﺴﻤﻊ ﻛﻼﻡ ﺟﻮﺯﻫﺎ ﺣﺒﻴﺒﻬﺎ

ﺍﺑﺘﻌﺪﺕ ﻟﺒﻨﻰ ﻗﻠﻴﻼ ﻭﻗﺎﻟﺖ ﺑﺘﺬﻣﺮ :

- ﺇﻳﻪ ﻋﺎﻳﺰ ﺇﻳﻪ ? ﺍﻧﺖ ﻣﺶ ﻟﺴﻪ ﻗﺎﻳﻞ ﺍﻧﻚ ﺗﻌﺒﺎﻥ ﻭﻋﺎﻳﺰ ﺗﺴﺘﺮﻳﺢ ﻣﻦ ﺍﻟﺴﻔﺮ

- ﺇﺧﺺ ﻋﻠﻴﻜﻲ ﻳﺎ ﻟﺒﻨﻰ ... ﺍﻧﺘﻲ ﻣﺶ ﻋﺎﺭﻓﺔ ﺍﻥ ﺍﻧﺘﻲ ﺩﻭﺍﻳﺎ ﻭﻻ ﺇﻳﻪ ?

ﺭﻓﻌﺖ ﺣﺎﺟﺒﻴﻬﺎ ﻭﻗﺎﻟﺖ ﻓﻲ ﺩﻫﺸﺔ : ﻻ ﻳﺎ ﺭﺍﺟﻞ !

- ﻃﻴﺐ ﺟﺮﺑﻲ ﻛﺪﻩ ﺗﺎﺧﺪﻳﻨﻲ ﻓﺤﻀﻨﻚ ﻭﺗﻘﻮﻟﻴﻠﻲ ﺳﻼﻣﺘﻚ ﻳﺎ ﺍﺣﻤﺪ ﻳﺎ ﺣﺒﻴﺒﻲ ﺣﺘﻼﻗﻴﻨﻲ ﺧﻔﻴﺖ ﻋﻠﻄﻮﻝ

- ﻻ ﻳﺎ ﺭﺍﺟﻞ !

- ﺇﻳﻪ ﻳﺎ ﻟﺒﻨﻰ ﺍﻧﺘﻲ ﺍﺗﺒﺮﻣﺠﺘﻲ ﻭﻻ ﺇﻳﻪ ? ﺇﻳﻪ ﺣﻜﺎﻳﺔ ﻻ ﻳﺎ ﺭﺍﺟﻞ ﺩﻱ ... ﻋﻤﻮﻣﺎ ﺟﺮﺑﻲ ﻛﺪﻩ ﻭﺍﻧﺘﻲ ﺗﺸﻮﻓﻲ ﺍﻟﻨﺘﻴﺠﺔ ﺑﻨﻔﺴﻚ

ﺍﻗﺘﺮﺑﺖ ﻣﻨﻪ ﻟﺒﻨﻰ ﻭﻟﻔﺖ ﺫﺭﺍﻋﻴﻬﺎ ﺣﻮﻝ ﺭﻗﺒﺘﻪ ﻭﻗﺎﻟﺖ ﺑﺪﻻﻝ :

- ﻭﻣﺎﻟﻪ ﻧﺠﺮﺏ ﻣﺶ ﺣﻨﺨﺴﺮ ﺣﺎﺟﺔ

**********************

ﺑﻌﺪ ﺣﻮﺍﻟﻲ ﺛﻼﺙ ﺳﺎﻋﺎﺕ ﻛﺎﻧﺖ ﻟﺒﻨﻰ ﺗﺠﻠﺲ ﻣﻊ ﻧﻮﺭﺍ ﺑﻐﺮﻓﺘﻬﺎ ﺑﺎﻟﻄﺎﺑﻖ ﺍﻷﻋﻠﻲ ﺑﻴﻨﻤﺎ ﻛﺎﻥ ﻋﻠﻲ ﻳﺠﻠﺲ ﻣﻊ ﺍﺣﻤﺪ ﺑﺎﻷﺳﻔﻞ ... ﻗﺎﻣﺖ ﻟﺒﻨﻰ ﻣﻦ ﻣﻜﺎﻧﻬﺎ ﻭﻧﻈﺮﺕ ﺇﻟﻰ ﻧﻮﺭﺍ ﻗﺎﺋﻠﺔ :

- ﺑﺎﻗﻮﻟﻚ ﺇﻳﻪ ... ﺍﻧﺎ ﻋﺎﻳﺰﺓ ﺍﺷﺮﺏ ﻛﺎﺑﺘﺸﻴﻨﻮ ﺗﺸﺮﺑﻲ ﻣﻌﺎﻳﺎ ?

ﺍﻭﻣﺄﺕ ﻧﻮﺭﺍ ﺑﺮﺃﺳﻬﺎ ﻣﻮﺍﻓﻘﺔ : ﻣﺎﺷﻲ ﻣﺎﻓﻴﺶ ﻣﺎﻧﻊ

- ﻃﻴﺐ ﺃﻧﺎ ﻧﺎﺯﻟﺔ ﺍﻋﻤﻠﻪ ﻓﺎﻟﻤﻄﺒﺦ ﺗﺤﺖ ﻭﺭﺟﻌﺎﻟﻚ ﻋﻠﻄﻮﻝ

ﺍﻭﻗﻔﺘﻬﺎ ﻧﻮﺭﺍ ﻗﺎﺋﻠﺔ :

- ﺍﺳﺘﻨﻲ ﺃﻧﺎ ﺟﺎﻳﺔ ﻣﻌﺎﻛﻲ ﻋﺸﺎﻥ ﺍﺳﻠﻴﻜﻲ ﻭﺍﻧﺘﻲ ﺑﺘﻌﻤﻠﻴﻪ

- ﺍﻭﻙ ... ﻳﻼ ﺑﻴﻨﺎ

ﻧﺰﻟﺖ ﺍﻷﺛﻨﺘﺎﻥ ﺍﻟﺪﺭﺝ ﻭﺍﺗﺠﻬﺘﺎ ﺇﻟﻲ ﺍﻟﻤﻄﺒﺦ ﻹﻋﺪﺍﺩ ﺍﻟﻜﺎﺑﺘﺸﻴﻨﻮ ﻓﻘﺎﻟﺖ ﻟﺒﻨﻰ ﻟﻨﻮﺭﺍ ﺑﻌﺪ ﻗﻠﻴﻞ :

- ﺑﺎﻗﻮﻟﻚ ﺇﻳﻪ ﻳﺎ ﻧﻮﺭﺍ ... ﺍﻧﺎ ﺣﺎﻋﻤﻞ ﺍﻟﻜﺎﺑﺘﺸﻴﻨﻮ ﻭﺍﻧﺘﻲ ﺭﻭﺣﻲ ﺍﺳﺄﻟﻲ ﻋﻠﻲ ﻭﺍﺣﻤﺪ ﻟﻮ ﻳﺤﺒﻮﺍ ﻳﺸﺮﺑﻮﺍ ﺣﺎﺟﺔﻫﻤﺎ ﻛﻤﺎﻥ ... ﻋﻨﺪﻙ ﻫﻤﺎ ﻗﺎﻋﺪﻳﻦ ﻓﺎﻟﻠﻴﻔﻨﺞ ﻣﻊ ﺑﻌﺾ

- ﻣﺎﺷﻲ ﻳﺎ ﺳﺘﻲ ﻣﻦ ﻋﻨﻴﺎ

ﺧﺮﺟﺖ ﻧﻮﺭﺍ ﻣﻦ ﺍﻟﻤﻄﺒﺦ ﻭﺍﺗﺠﻬﺖ ﺇﻟﻰ ﺍﻟﻐﺮﻓﺔ ﺍﻟﺘﻲ ﻳﺠﻠﺲ ﺑﻬﺎ ﻛﻞ ﻣﻦ ﻋﻠﻲ ﻭﺍﺣﻤﺪ ﻭﻣﺎ ﺇﻥ ﺍﻗﺘﺮﺑﺖ ﻣﻦ ﺑﺎﺑﻬﺎ ﻭﻫﻤﺖ ﺃﻥ ﺗﻄﺮﻗﻪ ﺣﺘﻰ ﺗﻨﺎﻣﻰ ﺇﻟﻰ ﻣﺴﺎﻣﻌﻬﺎ ﺻﻮﺕ ﺃﺣﻤﺪ ﻭﻫﻮ ﻳﻮﺑﺦ ﻋﻠﻲ ﻗﺎﺋﻼ :

- ﻳﺎ ﺁﺧﻲ ﺍﺗﻘﻲ ﺍﻟﻠﻪ ... ﺩﻱ ﺑﻘﺖ ﻣﺮﺍﺗﻚ ﺧﻼﺹ ﻭﻟﻴﻬﺎ ﻋﻠﻴﻚ ﺣﻘﻮﻕ ﺩﻟﻮﻗﺘﻲ

ﺍﺷﺎﺡ ﻋﻠﻲ ﺑﻴﺪﻩ ﻗﺎﺋﻼ ﺑﻼﻣﺒﺎﻻﺓ :

- ﻣﺎﻗﺪﺭﺗﺶ ﻭﻣﺎﺣﺎﻭﻟﺘﺶ ﺍﺻﻼ ... ﻭﺑﻌﺪﻳﻦ ﻋﺎﺩﻱ ﻳﻌﻨﻲ ... ﻫﻤﺎ ﺃﻱ ﺍﺗﻨﻴﻦ ﺑﻴﺘﺠﻮﺯﻭﺍ ﻻﺯﻡ ﻳﺤﺼﻞ ﺑﻴﻨﻬﻢ ﺣﺎﺟﺔ ﻣﻦ ﺍﻭﻝ ﻳﻮﻡ .. ﻣﺶ ﺷﺮﻁ ﻳﻌﻨﻲ ... ﻭﺑﻌﺪﻳﻦ ﻣﺶ ﻗﻠﺘﻠﻚ ﺣﺎﺿﺮ ﺧﻼﺹ .

- ﺗﺼﺪﻕ ﻳﺎ ﻋﻠﻲ ... ﺃﻧﺎ ﺯﻫﻘﺖ ﻣﻦ ﺍﻟﻜﻼﻡ ﻣﻌﺎﻙ ... ﺑﻴﺘﻬﻴﺄﻟﻲ ﺇﻧﻲ ﻟﻮ ﺑﻜﻠﻢ ﻟﻮﺡ ﺗﻠﺞ ﻛﺎﻥ ﺯﻣﺎﻧﻪ ﺍﺗﺤﺮﻙ ﻋﻦ ﻛﺪﻩ ... ﺍﻧﺎ ﻣﺶ ﻓﺎﻫﻢ ﻭﺍﻟﻠﻪ ... ﻟﻤﺎ ﺃﻧﺎ ﺯﻫﻘﺖ ﺑﺲ ﻣﻦ ﻣﺠﺮﺩ ﺍﻟﻜﻼﻡ ﻫﻴﺎ ﺑﻘﻰ ﺗﻌﻤﻞ ﺇﻳﻪ ? ﺍﻟﻠﻪ ﻳﻜﻮﻥ ﻓﻌﻮﻧﻬﺎ ﺑﺼﺮﺍﺣﺔ

- ﺗﺼﺪﻕ ﺍﻥ ﺃﻧﺎ ﺍﻟﻠﻲ ﺯﻫﻘﺖ ﻣﻨﻚ ﻭﻣﻦ ﺍﺳﻠﻮﺑﻚ ﺍﻟﻤﺴﺘﻔﺰ ﺩﻩ

- ﻋﻠﻲ ﻗﻮﻟﻲ ﺑﺼﺮﺍﺣﺔ ... ﺍﻧﺖ ﻟﺴﻪ ﺑﺘﺤﺐ ﻧﺎﺩﻳﺔ ﻭﺑﺘﻔﻜﺮ ﻓﻴﻬﺎ ?

- ﻳﺎﻋﻢ ﻧﺎﺩﻳﺔ ﺇﻳﻪ ﺑﺲ ﺩﻱ ﺍﻟﻠﻲ ﺣﺎﻓﻜﺮ ﻓﻴﻬﺎ ... ﻧﺎﺩﻳﺔ ﺩﻱ ﺩﻟﻮﻗﺘﻲ ﺑﻘﺖ ﺳﺖ ﻣﺘﺠﻮﺯﺓ ... ﻭﺍﺳﺎﺳﺎ ﻧﺎﺩﻳﺔ ﺩﻱ ﻛﺎﻧﺖ ﻓﺘﺮﺓ ﻓﺤﻴﺎﺗﻲ ﻭﺭﺍﺣﺖ ﻟﺤﺎﻟﻬﺎ ... ﻛﻞ ﺍﻟﺤﻜﺎﻳﺔ ﺇﻧﻲ ﻃﻮﻝ ﻋﻤﺮﻱ ﺑﺘﻌﺎﻣﻞ ﻣﻊ ﻧﻮﺭﺍ ﻋﻠﻰ ﺇﻧﻬﺎ ﻭﺍﺣﺪﺓ ﻣﻦ ﺇﺧﻮﺍﺗﻲ ﻓﺠﺄﺓ ﻛﺪﻩ ﻟﻘﻴﺖ ﻣﻔﺮﻭﺽ ﻋﻠﻴﺎ ﺇﻧﻲ ﺍﺣﺒﻬﺎ ﻭﺍﺗﺠﻮﺯﻫﺎ ... ﺍﻓﻬﻢ ﺑﻘﻰ ﻳﺎ ﺁﺧﻲ

ﺗﻮﻗﻒ ﻋﻠﻲ ﻋﻦ ﺍﻟﻜﻼﻡ ﺇﺛﺮ ﺳﻤﺎﻋﻪ ﻟﺼﻮﺕ ﺇﺭﺗﻄﺎﻡ ﻗﻮﻱ ﺑﺎﻷﺭﺽ ﻓﺨﺮﺝ ﻣﺴﺮﻋﺎ ﻫﻮ ﻭﺍﺣﻤﺪ ﻟﻴﺠﺪﺍ ﻧﻮﺭﺍ ﻭﻗﺪ ﺳﻘﻄﺖ ﻣﻐﺸﻴﺎ ﻋﻠﻴﻬﺎ ﺃﻣﺎﻡ ﺑﺎﺏ ﺍﻟﻐﺮﻓﺔ ﺍﻟﺬﻱ ﻇﻠﺖ ﻭﺍﻗﻔﺔ ﺍﻣﺎﻣﻪ ﺣﺘﻲ ﺍﺳﺘﻤﻌﺖ ﺇﻟﻰ ﺣﺪﻳﺜﻬﻢ ﻛﺎﻣﻼ ... ﺷﻌﺮ ﻋﻠﻲ ﺑﺎﻟﻔﺰﻉ ﻋﻨﺪ ﺭﺅﻳﺘﻬﺎ ﻋﻠﻰ ﻫﺬﻩ ﺍﻟﺤﺎﻟﺔ ﻓﺠﺜﺎ ﻋﻠﻰ ﺭﻛﺒﺘﻴﻪ ﻭﺣﻤﻠﻬﺎ ﻣﺴﺮﻋﺎ ﺇﻟﻰ ﺍﻷﻋﻠﻰ ﻭﻫﻮ ﻳﺼﺮﺥ ﺑﺎﺣﻤﺪ ﻗﺎﺋﻼ :

- ﺍﺗﺼﺮﻑ ﻳﺎ ﺍﺣﻤﺪ ﻭﺷﻮﻑ ﺩﻛﺘﻮﺭ ﺑﺴﺮﻋﺔ ﺍﻟﻠﻪ ﻳﺨﻠﻴﻚ

************************

ﺑﻌﺪ ﻋﺪﺓ ﻣﺤﺎﻭﻻﺕ ﻧﺠﺢ ﻋﻠﻲ ﻭﻟﺒﻨﻰ ﻓﻲ ﺇﻓﺎﻗﺘﻬﺎ ... ﻭﻣﺎ ﺇﻥ ﻓﺘﺤﺖ ﻋﻴﻨﻴﻬﺎ ﺣﺘﻰ ﻗﺎﻟﺖ ﻟﺒﻨﻰ ﺑﺈﺭﺗﻴﺎﺡ :

- ﺍﻟﺤﻤﺪ ﻟﻠﻪ ﺁﻫﻲ ﻓﺎﻗﺖ ﺁﻫﻴﻪ ... ﺣﻤﺪﺍﻟﻠﻪ ﻋﻠﻰ ﺳﻼﻣﺘﻚ ﻳﺎ ﻧﻮﺭﺍ ... ﺣﺎﺭﻭﺡ ﺃﻧﺎ ﺑﻘﻰ ﺍﻃﻤﻦ ﺍﺣﻤﺪ

ﺧﺮﺟﺖ ﻟﺒﻨﻰ ﻣﻦ ﺍﻟﻐﺮﻓﺔ ﻓﺠﻠﺲ ﻋﻠﻲ ﺇﻟﻰ ﺟﻮﺍﺭﻫﺎ ﻣﺤﺎﻭﻻ ﺟﻌﻠﻬﺎ ﺗﺘﺤﺪﺙ ... ﺍﻣﺎ ﻫﻲ ﻓﻜﺎﻧﺖ ﺗﻨﻈﺮ ﺇﻟﻰ ﺍﻟﻔﺮﺍﻍ ﺍﻣﺎﻣﻬﺎ ﺩﻭﻥ ﺍﻥ ﺗﺮﻣﺶ ﻋﻴﻨﺎﻫﺎ ﺣﺘﻰ ﺷﻌﺮ ﻋﻠﻲ ﺑﺎﻟﻘﻠﻖ ﻓﺎﺧﺬ ﻳﻤﺴﺢ ﻋﻠﻰ ﺷﻌﺮﻫﺎ ﻗﺎﺋﻼ ﺑﻘﻠﻖ :

- ﻧﻮﺭﺍ ﻋﺸﺎﻥ ﺧﺎﻃﺮﻱ ﺍﺗﻜﻠﻤﻲ ﻗﻮﻟﻲ ﺃﻱ ﺣﺎﺟﺔ ... ﺇﻧﺸﺎﻟﻠﻪ ﺣﺘﻲ ﺗﺸﺘﻤﻴﻨﻲ ... ﺑﺲ ﺑﻼﺵ ﺗﺴﻜﺘﻲ ﻛﺪﻩ ﺍﺑﻮﺱ ﺇﻳﺪﻙ ... ﻃﻴﺐ ﻋﻴﻄﻲ ﺣﺘﻰ ... ﺍﻧﺎ ﻛﺪﻩ ﺣﺎﻣﻮﺕ ﻣﻦ ﺍﻟﻘﻠﻖ ﻋﻠﻴﻜﻲ

ﺷﻌﺮ ﺑﺤﺮﻛﺔ ﺷﻔﺘﻴﻬﺎ ﻓﺤﺜﻬﺎ ﻗﺎﺋﻼ :

- ﺍﻳﻮﻩ ﻳﺎ ﻧﻮﺭﺍ ﺍﺗﻜﻠﻤﻲ ﻋﺎﻳﺰﺓ ﺗﻘﻮﻟﻲ ﺇﻳﻪ ?

ﺍﻧﺴﺎﺑﺖ ﺩﻣﻮﻋﻬﺎ ﻓﻲ ﺻﻤﺖ ﺛﻢ ﺍﻏﻤﻀﺖ ﻋﻴﻨﻴﻬﺎ ﻭﺳﺤﺒﺖ ﻧﻔﺴﺎ ﻋﻤﻴﻘﺎ ﺛﻢ ﻗﺎﻝ ﺑﺠﺪﻳﺔ ﻣﻤﺰﻭﺟﺔ ﺑﺎﻷﺳﻰ :

- ﻃﻠﻘﻨﻲ ﻳﺎ ﻋﻠﻲ .....

↚

ﺇﺫﻫﺐ ﻛﻤﺎ ﺗﺮﻳﺪ ....... ﻭﺍﻣﺾ ﻛﻤﺎ ﺗﺸﺎﺀ

ﻻ ﺗﻜﺜﺮ ﺍﻟﻮﻋﻴﺪ ........ ﻻ ﺗﺘﻌﺐ ﺍﻟﺠﻔﺎﺀ

ﺇﺫﻫﺐ ................... ﺇﺫﻫﺐ ﻛﻤﺎ ﺗﺮﻳﺪ

ﻭﺍﻣﺾ .................. ﻭﺍﻣﺾ ﻛﻤﺎ ﺗﺸﺎﺀ

ﻛﻢ ﺧﻠﺘﻨﻲ ﺃﺯﻳﺪ .......... ﻝﻟﻴﻠﻨﺎ ﺍﻟﻀﻴﺎﺀ

ﻟﺤﻠﻤﻨﺎ ﺍﻟﺴﻌﻴﺪ .......... ﻓﻴﻀﺎ ﻣﻦ ﺍﻟﻬﻨﺎﺀ

ﻭﻛﻨﺖ ﻟﻲ ﺗﺸﻴﺪ ......... ﺻﺮﺣﺎ ﻣﻦ ﺍﻟﺸﻘﺎﺀ

ﻣﺎﻧﻔﻌﻬﺎ ﺍﻷﺳﺎﻭﺭ .......... ﻭﺍﻟﻮﺭﺩ ﻭﺍﻟﻤﺮﺍﻳﺎ

ﻭﻣﺨﻤﻞ ﺍﻟﺴﺘﺎﺋﺮ .......... ﻳﺮﺍﻗﺺ ﺍﻟﺰﻭﺍﻳﺎ

ﻭﺻﻤﺘﻚ ﺍﻟﻤﻨﺎﻭﺭ ............. ﻳﺴﻠﺒﻨﻲ ﺻﺒﺎﻳﺎ

ﻭﻗﻠﺒﻚ ﺍﻟﻤﻐﺎﻣﺮ ............... ﻳﺴﻜﻨﻪ ﺳﻮﺍﻳﺎ

ﺧﺬ ﻗﺼﺮﻙ ﺍﻟﺠﻤﻴﻞ ............. ﻭﺍﻟﺠﺎﻩ ﻭﺍﻟﺒﻬﺎﺀ

ﻭﺍﻟﻤﺮﻣﺮ ﺍﻷﺻﻴﻞ ................ ﻭﻭﺣﺸﺔ ﺍﻟﻤﺴﺎﺀ

ﻗﻨﻌﺖ ﺑﺎﻟﻘﻠﻴﻞ .................. ،،ﺍﻟﺢﺏ ﻭﺍﻟﻮﻓﺎﺀ

ﺍﺭﺗﺴﻤﺖ ﻣﻌﺎﻟﻢ ﺍﻟﺬﻫﻮﻝ ﻭﺍﻟﺼﺪﻣﺔ ﻋﻠﻲ ﻭﺟﻬﻪ ... ﻓﻘﺪ ﻛﺎﻧﺖ ﻫﺬﻩ ﺃﺧﺮ ﻛﻠﻤﺔ ﻳﺘﻮﻗﻊ ﺃﻥ ﻳﺴﻤﻌﻬﺎ ﻣﻨﻬﺎ ﻓﻲ ﻳﻮﻡ ﻣﻦ ﺍﻷﻳﺎﻡ ... ﻃﻠﺐ ﻣﻨﻬﺎ ﺃﻥ ﺗﻌﻴﺪ ﺗﻜﺮﺍﺭ ﻛﻠﻤﺘﻬﺎ ﺍﻷﺧﻴﺮﺓ ﻓﺄﻋﺎﺩﺗﻬﺎ ﻭﺑﻜﻞ ﺗﺼﻤﻴﻢ ﺛﻢ ﻣﺎﻟﺒﺜﺖ ﺃﻥ ﺍﻧﻬﺎﺭﺕ ﻭﺃﺧﺬﺕ ﺗﻠﻜﻤﻪ ﻓﻲ ﺻﺪﺭﻩ ﻟﻜﻤﺎﺕ ﻣﺘﺘﺎﻟﻴﺔ ﻭﻫﻮ ﻳﺤﺘﻀﻨﻬﺎ ﺧﻮﻓﺎ ﻋﻠﻴﻬﺎ ﻭﻫﻲ ﺗﺒﻜﻲ ﻭﺗﺸﺎﻫﻖ ﺻﺎﺭﺧﺔ ﺑﻪ :

- ﺑﺎﻗﻮﻟﻚ ﻃﻠﻘﻨﻲ ﻃﻠﻘﻨﻲ ... ﻣﺶ ﻋﺎﻳﺰﺓ ﺃﻋﻴﺶ ﻣﻌﺎﻙ ﺛﺎﻧﻴﺔ ﻭﺍﺣﺪﺓ ﻭﻻ ﻋﺎﻳﺰﺓ ﺃﺷﻮﻑ ﻭﺷﻚ ﺣﺘﻰ ... ﺍﻧﺎ ﻻ ﻳﻤﻜﻦ ﺍﻋﻴﺶ ﻣﻊ ﺑﻨﻲ ﺍﺩﻡ ﻛﺪﺍﺏ ﺯﻳﻚ ...

ﻇﻠﺖ ﺫﺭﺍﻋﻴﻪ ﻣﻠﺘﻔﺔ ﺣﻮﻟﻬﺎ ﻭﻫﻮ ﻳﺠﻴﺒﻬﺎ ﻗﺎﺋﻼ :

- ﺃﺿﺮﺑﻴﻨﻲ ﻛﻤﺎﻥ ﻟﻮ ﺩﻩ ﺣﻴﺮﻳﺤﻚ ﺑﺲ ﻋﺸﺎﻥ ﺧﺎﻃﺮﻱ ﺇﻫﺪﻱ ﻭﻣﺎﺗﻌﻤﻠﻴﺶ ﻓﻨﻔﺴﻚ ﻛﺪﻩ ... ﻧﻮﺭﺍ ﺃﻧﺎ ﻣﺶ ﺣﺎﻗﺪﺭ ﺃﺷﻮﻓﻚ ﻓﺎﻟﺤﺎﻟﺔ ﺩﻱ

- ﺑﺲ ﺑﻘﻰ ﺑﺲ ﻛﻔﺎﻳﺔ ﻛﺪﺏ ﻟﺤﺪ ﻛﺪﻩ

- ﺃﻧﺎ ﻛﺪﺍﺏ ﻳﺎ ﻧﻮﺭﺍ ?

- ﻛﺪﺍﺏ ﻭﻏﺸﺎﺵ ﻛﻤﺎﻥ ... ﺍﻧﺎ ﻻ ﻳﻤﻜﻦ ﺃﺳﻤﺤﻠﻚ ﺗﻜﺪﺏ ﻋﻠﻴﺎ ﺃﻛﺘﺮ ﻣﻦ ﻛﺪﻩ ... ﻓﺎﻫﻢ ﻭﻻ ﻷ ?

ﺃﻓﺎﻗﺖ ﻗﻠﻴﻼ ﻣﻦ ﺗﻠﻚ ﺍﻟﺤﺎﻟﺔ ﺍﻟﺘﻲ ﺍﻧﺘﺎﺑﺘﻬﺎ ﻟﺘﺠﺪﻩ ﻳﻄﻮﻗﻬﺎ ﺑﺬﺭﺍﻋﻴﻪ ﻓﺪﻓﻌﺘﻪ ﺑﻌﻨﻒ ﺑﻌﻴﺪﺍ ﻋﻨﻬﺎ ... ﻭﺍﺑﺘﻌﺪﺕ ﻫﻲ ﺍﻷﺧﺮﻯ ﺑﺪﻭﺭﻫﺎ ﻗﺎﺋﻠﺔ ﺑﻀﻴﻖ :

- ﻣﺶ ﻋﺎﻳﺰﺍﻙ ﺗﻘﺮﺏ ﻣﻨﻲ ﺗﺎﻧﻲ ﺍﻓﻬﻢ

ﺃﻟﺠﻤﺘﻪ ﺍﻟﻤﻔﺎﺟﺄﺓ ﺃﻟﻬﺬﻩ ﺍﻟﺪﺭﺟﺔ ﺣﻘﺎ ﻟﻢ ﺗﻌﺪ ﺗﻄﻴﻘﻪ ... ﺳﺄﻟﻬﺎ ﻗﺎﺋﻼ :

- ﻳﺎﺍﺍﻩ ... ﻟﻠﺪﺭﺟﺔﺩﻱ ﻣﺶ ﻃﺎﻳﻘﺔ ﺣﺘﻰ ﻟﻤﺴﺘﻲ ... ﻳﺎ ﻧﻮﺭﺍ ﻭﺍﻟﻠﻪ ﺃﻧﺘﻲ ﻓﺎﻫﻤﺔ ﻏﻠﻂ ... ﻭﺍﻟﻠﻪ ﺍﻧﺎ ...

ﻟﻢ ﺗﻌﻄﻪ ﺍﻟﻔﺮﺻﺔ ﻹﺗﻤﺎﻡ ﻛﻼﻣﻪ ﻓﻘﺎﻃﻌﺘﻪ ﻗﺎﺋﻠﺔ ﺑﺤﺪﺓ :

ﻛﺪﺍﺏ ... ﺍﻧﺖ ﻛﺪﺍﺏ ﻭﺍﻱ ﺣﺎﺟﺔ ﺣﺘﻘﻮﻟﻬﺎ ﺣﺘﺒﻘﻰ ﻛﺪﺏ ... ﻭﻟﻮ ﻣﺎﺧﺮﺟﺘﺶ ﺑﺮﻩ ﺩﻟﻮﻗﺘﻲ ﺣﺎﺧﺮﺝ ﺃﻧﺎ ﻭﺍﺳﻴﺒﻬﺎﻟﻚ

- ﻃﻴﺐ ﺧﻼﺹ ﺇﻫﺪﻱ ﻭﺍﻧﺎ ﺧﺎﺭﺝ ﺁﻫﻮﻩ

ﺧﺮﺝ ﻋﻠﻲ ﺗﺎﺭﻛﺎ ﺍﻟﻐﺮﻓﺔ ﻭﺍﺗﺠﻪ ﺇﻟﻰ ﺍﻷﺳﻔﻞ ﺣﻴﺚ ﻳﻮﺟﺪ ﺍﺣﻤﺪ ﻭﻟﺒﻨﻰ ... ﺗﻮﺟﻪ ﺑﺎﻟﺤﺪﻳﺚ ﺇﻟﻰ ﻟﺒﻨﻰ ﻗﺎﺋﻼ ﺑﺮﺟﺎﺀ :

- ﻟﺒﻨﻰ ﻋﺸﺎﻥ ﺧﺎﻃﺮﻱ ﺍﻃﻠﻌﻲ ﺍﺗﻜﻠﻤﻲ ﻣﻌﺎﻫﺎ ﻭﺣﺎﻭﻟﻲ ﺗﻬﺪﻳﻬﺎ ... ﺃﻧﺎ ﻋﺎﺭﻑ ﺍﻧﻬﺎ ﺑﺘﺤﺒﻚ ﻭ ﺑﺘﺴﻤﻊ ﻛﻼﻣﻚ ... ﺍﻃﻠﻌﻴﻠﻬﺎ ﻋﺸﺎﻥ ﺧﺎﻃﺮﻱ ﻭﺗﻌﺎﻟﻲ ﻃﻤﻨﻴﻨﻲ

ﺭﺑﺘﺖ ﻟﺒﻨﻰ ﻋﻠﻰ ﻳﺪﻩ ﻭﻗﺎﻟﺖ ﻣﺤﺎﻭﻟﺔ ﻃﻤﺄﻧﺘﻪ :

- ﺣﺎﺿﺮ ﻳﺎ ﻋﻠﻲ ... ﺑﺲ ﺍﻧﺖ ﺇﻫﺪﻱ ﺑﺲ ﻭﺇﻥ ﺷﺎﺀﺍﻟﻠﻪ ﻛﻞ ﺣﺎﺟﺔ ﻫﺘﺒﻘﻲ ﻛﻮﻳﺴﺔ

- ﺩﻱ ﻋﺎﻳﺰﺍﻧﻲ ﺍﻃﻠﻘﻬﺎ ﻳﺎ ﻟﺒﻨﻰ ... ﺩﻱ ﻣﺶ ﻃﺎﻳﻘﺔ ﺣﺘﻰ ﺍﻧﻬﺎ ﺗﺸﻮﻓﻨﻲ

ﺟﺬﺑﻪ ﺍﺣﻤﺪ ﻣﻦ ﻳﺪﻩ ﻭﻗﺎﻝ ﺑﺠﺪﻳﺔ :

- ﺗﻌﺎﻟﻰ ﺑﺲ ﻳﺎ ﻋﻠﻲ ﺍﻗﻌﺪ ﻭﻟﺒﻨﻰ ﺣﺘﻄﻠﻊ ﺗﻬﺪﻳﻬﺎ ﻭﺗﺘﻜﻠﻢ ﻣﻌﺎﻫﺎ ... ﺍﻃﻠﻌﻲ ﺍﻧﺘﻲ ﻳﺎ ﻟﺒﻨﻰ

ﺻﻌﺪﺕ ﻟﺒﻨﻰ ﺇﻟﻰ ﺍﻷﻋﻠﻰ ﻭﺩﺧﻠﺖ ﻟﺘﺠﺪﻫﺎ ﺟﺎﻟﺴﺔ ﻋﻠﻰ ﻓﺮﺍﺷﻬﺎ ﻭﻫﻲ ﺗﻀﻢ ﺭﻛﺒﺘﻴﻬﺎ ﺇﻟﻰ ﺻﺪﺭﻫﺎ ﻭﻗﺪ ﺍﻧﺪﻓﻌﺖ ﻓﻲ ﺑﻜﺎﺀ ﻣﺮﻳﺮ ... ﺟﻠﺴﺖ ﻟﺒﻨﻰ ﺇﻟﻰ ﺟﻮﺍﺭﻫﺎ ﻭﺍﺣﺘﻀﻨﺘﻬﺎ ﺛﻢ ﺍﺧﺬﺕ ﺗﺮﺑﺖ ﻋﻠﻰ ﻇﻬﺮﻫﺎ ﻣﺤﺎﻭﻟﺔ ﺗﻬﺪﺋﺘﻬﺎ

- ﺧﻼﺹ ﻳﺎ ﻧﻮﺭﺍ ... ﺇﻫﺪﻱ ﻳﺎ ﺣﺒﻴﺒﺘﻲ ... ﺇﻫﺪﻱ ﻋﺸﺎﻥ ﺧﺎﻃﺮﻱ

- ﻧﻮﺭﺍ ﻣﻦ ﺑﻴﻦ ﺩﻣﻮﻋﻬﺎ : ﺧﻠﻴﻪ ﻳﻄﻠﻘﻨﻲ ﻳﺎ ﻟﺒﻨﻰ ... ﺧﻠﻴﻪ ﻳﻄﻠﻘﻨﻲ ﺃﻧﺎ ﺧﻼﺹ ﺑﻜﺮﻫﻪ ... ﺑﻜﺮﻫﻪ ﻣﻦ ﻛﻞ ﻗﻠﺒﻲ ... ﺭﺑﻨﺎ ﻳﺴﺎﻣﺤﻪ ﻋﻠﻰ ﺍﻟﻠﻲ ﻋﻤﻠﻪ ﻓﻴﺎ ... ﻳﺎﺧﺴﺎﺭﺓ ﻛﻞ ﻟﺤﻈﺔ ﺣﺒﻴﺘﻪ ﻓﻴﻬﺎ ... ﻟﻤﺎ ﻫﻮ ﺑﻴﺤﺐ ﻧﺎﺩﻳﺔ ﻣﺎ ﺍﺗﺠﻮﺯﻫﺎﺵ ﻟﻴﻪ ? ﻭﻻ ﻋﺸﺎﻥ ﺍﻟﻠﻲ ﺣﺼﻠﻬﺎ ﻣﺎﺑﻘﺎﺵ ﻳﻨﻔﻊ ... ﻓﻘﺎﻝ ﺑﻘﻰ ﺍﻥ ﺍﻟﻤﻮﺟﻮﺩ ﻳﺴﺪ ﻭﺧﻼﺹ

- ﻟﺒﻨﻰ ﺑﺪﻫﺸﺔ : ﻫﻮ ﺇﻳﻪ ﺩﻩ ﺍﻟﻠﻲ ﺣﺼﻠﻬﺎ ?

ﺍﻧﺘﺒﻬﺖ ﻧﻮﺭﺍ ﻟﻜﻼﻣﻬﺎ ﻓﺎﺳﺮﻋﺖ ﺗﺘﺪﺍﺭﻙ ﺍﻟﻤﻮﻗﻒ ﻗﺎﺋﻠﺔ :

- ﺍﻗﺼﺪ ﻳﻌﻨﻲ ﺍﻧﻬﺎ ﻃﻠﻌﺖ ﺑﺘﺤﺐ ﺳﺎﻣﺢ ﻭﺍﺗﺨﻄﺒﺘﻠﻪ ... ﻃﻴﺐ ﻟﻴﻪ ﻛﺪﺏ ﻋﻠﻴﺎ ﻭﻗﺎﻟﻲ ﺇﻧﻪ ﺑﻴﺤﺒﻨﻲ ... ﻛﺎﻥ ﻗﺎﻟﻲ ﺍﻟﺤﻘﻴﻘﺔ ﻭﻗﺘﻬﺎ ﻛﺎﻥ ﺣﻴﺒﻘﻲ ﺃﻫﻮﻥ ﻋﻠﻴﺎ ﻣﻦ ﺇﻧﻲ ﺃﻋﺮﻓﻬﺎ ﺑﺎﻟﻄﺮﻳﻘﺔ ﺩﻱ

- ﺻﺪﻗﻴﻨﻲ ﻳﺎ ﻧﻮﺭﺍ ... ﻭﺍﻟﻠﻪ ﻋﻠﻲ ﺷﺎﻝ ﻣﻮﺿﻮﻉ ﻧﺎﺩﻳﺔ ﺩﻩ ﻣﻦ ﺩﻣﺎﻏﻪ ﻣﻦ ﺯﻣﺎﻥ ﺍﻭﻱ ﺣﺘﻰ ﻣﻦ ﻗﺒﻞ ﻛﺘﺐ ﻛﺘﺎﺑﻜﻮﺍ ... ﻫﻮ ﺣﺘﻰ ﺍﻟﻠﻲ ﻗﺎﻟﻨﺎ ﺇﻥ ﻧﺎﺩﻳﺔ ﻋﻤﻠﺖ ﺍﻟﻠﻲ ﻗﺘﻞ ﺣﺒﻬﺎ ﻓﻘﻠﺒﻪ ﺑﺲ ﻣﺎﻗﺎﻟﺶ ﺇﻳﻪ ﻫﻮ

ﺭﻓﻌﺖ ﻧﻮﺭﺍ ﺭﺃﺳﻬﺎ ﻭﻧﻈﺮﺕ ﺇﻟﻴﻬﺎ ﺛﻢ ﻗﺎﻟﺖ ﻣﻌﺎﺗﺒﺔ :

- ﺃﻧﺎ ﺯﻋﻼﻧﺔ ﻣﻨﻚ ﺍﻧﺘﻲ ﻛﻤﺎﻥ ﻋﻠﻰ ﻓﻜﺮﺓ ... ﻭﻣﺶ ﺍﻧﺘﻲ ﻭﺑﺲ ... ﺍﻧﺘﻲ ﻭﺧﺎﻟﺘﻮ ﺳﻤﻴﺔ ﻭﻟﻤﻴﺎ ﻭﻛﻠﻜﻮﺍ

- ﻭﺍﺣﻨﺎ ﻋﻤﻠﻨﺎ ﺇﻳﻪ ﺑﺲ ﻳﺎ ﻧﻮﺭﺍ ?

- ﻋﺸﺎﻥ ﻛﻨﺘﻮﺍ ﻋﺎﺭﻓﻴﻦ ﺇﻧﻪ ﻣﺶ ﺑﻴﺤﺒﻨﻲ ﻭﺳﻴﺒﺘﻮﻧﻲ ﺍﺗﺠﻮﺯﻩ ... ﻫﻮﻧﺖ ﻋﻠﻴﻜﻮﺍ ﻟﻠﺪﺭﺟﺔﺩﻱ ?

- ﻣﺎﻫﻲ ﻣﺎﻣﺎ ﻛﺎﻧﺖ ﺭﺍﻓﻀﺔ ﻋﺸﺎﻥ ﻛﺪﻩ ﺑﺲ ﻋﻠﻲ ﺍﻛﺪﻟﻬﺎ ﺇﻧﻪ ﻋﻤﺮﻩ ﻣﺎ ﺣﻴﻈﻠﻤﻚ ﻭﻗﺎﻟﻬﺎ ﺇﻧﻪ ﻣﺘﺄﻛﺪ ﺇﻧﻪ ﻟﻤﺎ ﻳﻘﺮﺏ ﻣﻨﻚ ﺣﻴﺤﺒﻚ ﻭﻋﺸﺎﻥ ﻛﺪﻩ ﻭﺍﻓﻘﺖ

ﻓﺠﺄﺓ ﺍﻧﺘﺒﻬﺖ ﻧﻮﺭﺍ ﻟﺸﺊ ﻣﺎ ﻓﻲ ﻛﻼﻡ ﻋﻠﻲ ‏( ﻓﺠﺄﺓ ﻟﻘﻴﺖ ﻧﻔﺴﻲ ﻣﻔﺮﻭﺽ ﻋﻠﻴﺎ ﺇﻧﻲ ﺍﺣﺒﻬﺎ ﻭﺍﺗﺠﻮﺯﻫﺎ ‏) ... ﻓﺈﺫﺍ ﻛﺎﻧﺖ ﺳﻤﻴﺔ ﺗﺮﻓﺾ ﺍﻟﺰﻳﺠﺔ ﻓﻤﻦ ﺍﻟﺬﻱ ﻓﺮﺽ ﻋﻠﻴﻪ ﺇﺫﺍ ﺃﻥ ﻳﺘﺰﻭﺟﻬﺎ ?

ﻧﻈﺮﺕ ﺇﻟﻰ ﻟﺒﻨﻰ ﻗﺎﺋﻠﺔ ﺑﺸﻚ :

↚

- ﻳﻌﻨﻲ ﺇﻳﻪ ﻟﻘﻰ ﻧﻔﺴﻪ ﻣﻔﺮﻭﺽ ﻋﻠﻴﻪ ﺇﻧﻪ ﻳﺤﺒﻨﻲ ﻳﺎ ﻟﺒﻨﻰ ? ﻭﻣﻴﻦ ﺍﻟﻠﻲ ﻓﺮﺽ ﻋﻠﻴﻪ ﺇﺫﺍ ﻣﺎﻛﺎﻧﺘﺶ ﺧﺎﻟﺘﻮ ﺳﻤﻴﺔ ? ﻓﻴﻪ ﺇﻳﻪ ﺃﻧﺎ ﻟﺴﻪ ﻣﺎ ﺍﻋﺮﻓﻬﻮﺵ ﻳﺎ ﻟﺒﻨﻰ ?

ﺍﺷﺎﺣﺖ ﻟﺒﻨﻰ ﺑﻮﺟﻬﻬﺎ ﺣﺘﻰ ﻻ ﺗﻼﺣﻆ ﻧﻮﺭﺍ ﺫﻟﻚ ﺍﻹﺭﺗﺒﺎﻙ ﻓﻲ ﻋﻴﻨﻴﻬﺎ ﻭﻗﺎﻟﺖ ﺑﺘﻠﻌﺜﻢ :

- ﺣﻴﻜﻮﻥ ﻓﻴﻪ ﺇﻳﻪ ﺗﺎﻧﻲ ﻳﺎ ﻧﻮﺭﺍ ﺑﺲ ? ﺻﺪﻗﻴﻨﻲ ﻣﺎﻓﻴﺶ ﺣﺎﺟﺔ

ﺍﻣﺴﻜﺖ ﻧﻮﺭﺍ ﺑﻮﺟﻬﻬﺎ ﻭﺍﺩﺍﺭﺗﻪ ﺇﻟﻴﻬﺎ ﻭﻗﺎﻟﺖ ﺑﺈﺻﺮﺍﺭ :

- ﻗﺴﻤﺎ ﺑﺎﻟﻠﻪ ﻳﺎ ﻟﺒﻨﻰ ... ﻟﻮ ﻣﺎﺧﺮﺟﺘﻲ ﻣﻦ ﺍﻷﻭﺿﺔ ﺩﻱ ﻣﻦ ﻏﻴﺮ ﻣﺎ ﺗﻘﻮﻟﻴﻠﻲ ﺍﻟﻠﻲ ﺗﻌﺮﻓﻴﻪ ... ﻻ ﺣﺘﺒﻘﻲ ﺑﻨﺖ ﻋﻤﻲ ﻭﻻ ﻋﺎﻳﺰﺓ ﺃﻋﺮﻓﻚ ﺑﻌﺪ ﺍﻟﻨﻬﺎﺭﺩﺓ ... ﺍﺗﻜﻞﻣﻲ ﻳﺎ ﻟﺒﻨﻰ ﻭﻗﻮﻟﻴﻠﻲ ﻣﻴﻦ ﺍﻟﻠﻲ ﻓﺮﺿﻨﻲ ﻋﻠﻰ ﺃﺧﻮﻛﻲ

ﺧﻔﻀﺖ ﻟﺒﻨﻰ ﺭﺃﺳﻬﺎ ﻭﻗﺎﻟﺖ ﺑﺄﺳﻒ :

- ﺑﺼﺮﺍﺣﺔ ﻛﺪﻩ ﻳﺎ ﻧﻮﺭﺍ ... ﻋﻤﻲ ﺻﻔﻮﺕ ﻫﻮ ﺍﻟﻠﻲ ﻃﻠﺐ ﻣﻦ ﻋﻠﻲ ﺇﻧﻪ ﻳﺘﺠﻮﺯﻙ

- ﻧﻮﺭﺍ ﺑﺼﺪﻣﺔ : ﺑﺎﺑﺎ ! ﻃﺐ ﻟﻴﻪ ?

- ﻣﺎ ﺍﻋﺮﻓﺶ ... ﺍﻟﻠﻲ ﺍﻋﺮﻓﻪ ﻗﻮﻟﺘﻬﻮﻟﻚ ﻭﺧﻼﺹ ... ﻋﻤﻲ ﻃﻠﺐ ﻣﻨﻪ ﻭﻋﻠﻲ ﻭﺍﻓﻖ

ﺍﻏﻤﻀﺖ ﻧﻮﺭﺍ ﻋﻴﻨﻴﻬﺎ ﻭﺗﻨﻬﺪﺕ ﺑﺤﺴﺮﺓ ﻗﺎﺋﻠﺔ :

- ﺑﺮﺿﻪ ﻣﺼﻤﻢ ﻳﻈﻠﻤﻨﻲ ﻟﻸﺧﺮ ... ﻟﻴﻪ ﻳﻔﺮﺿﻨﻲ ﻋﻠﻴﻪ ﻭﻳﻈﻠﻤﻨﻲ ﻭﻳﻈﻠﻤﻪ ﻣﻌﺎﻳﺎ ﻟﻴﻪ ﻧﻔﺴﻲ ﺍﻓﻬﻢ ?

- ﺷﻮﻓﻲ ﻳﺎ ﻧﻮﺭﺍ ﻣﺶ ﺩﻩ ﺍﻟﻤﻬﻢ ﺩﻟﻮﻗﺘﻲ ... ﻧﻮﺭﺍ ﺍﻧﺎ ﺣﺎﻛﻠﻤﻚ ﺑﺼﺮﺍﺣﺔ ... ﺃﻧﺘﻲ ﻋﺎﺭﻓﺔ ﻛﻮﻳﺲ ﺍﻥ ﻋﻤﻲ ﺻﻔﻮﺕ ﻻ ﻳﻤﻜﻦ ﻳﻮﺍﻓﻖ ﻋﻠﻰ ﺣﺎﺟﺔ ﺯﻱ ﺩﻱ ... ﺩﻩ ﻏﻴﺮ ﺇﻧﻪ ﻣﺎﻳﻨﻔﻌﺶ ﺍﻧﻜﻮﺍ ﺗﺘﺠﻮﺯﻭﺍ ﺇﻣﺒﺎﺭﺡ ﻭﺗﻄﻠﻘﻮﺍ ﺍﻟﻨﻬﺎﺭﺩﺓ ... ﻭﻛﻤﺎﻥ ﻣﺎﺗﻨﺴﻴﺶ ﻣﺎﻣﺎ ﻭﺇﻳﻪ ﺍﻟﻠﻲ ﻣﻤﻜﻦ ﻳﺤﺼﻠﻬﺎ ﻟﻮ ﺳﻤﻌﺖ ﺧﺒﺮ ﺯﻱ ﺩﻩ ... ﺍﻧﺎ ﻣﺶ ﺣﺄﻗﻮﻟﻚ ﺳﺎﻣﺤﻴﻪ ﻋﺸﺎﻥ ﻫﻮ ﺃﺧﻮﻳﺎ ... ﻟﻜﻦ ﻋﺸﺎﻥ ﺃﻧﺎ ﻋﺎﺭﻓﺔ ﺍﻧﻚ ﺑﺘﺤﺒﻴﻪ ... ﻭﺍﻟﺤﺎﺟﺔ ﺍﻟﻠﻲ ﺃﻧﺎ ﺑﻘﻴﺖ ﻣﺘﺄﻛﺪﺓ ﻣﻨﻬﺎ ﺩﻟﻮﻗﺘﻲ ﺇﻧﻪ ﻫﻮ ﻛﻤﺎﻥ ﺑﻴﺤﺒﻚ ... ﺑﺲ ﻫﻮ ﻃﻮﻝ ﻋﻤﺮﻩ ﻣﺶ ﺑﻴﺤﺐ ﻳﻌﻤﻞ ﺣﺎﺟﺔ ﻏﺼﺐ ﻋﻨﻪ ﻋﺸﺎﻥ ﻛﺪﻩ ﺑﻴﻌﺎﻧﺪ ﻧﻔﺴﻪ

- ﺍﻧﺘﻲ ﺑﺘﻀﺤﻜﻲ ﻋﻠﻴﺎ ﻭﻻ ﻋﻠﻰ ﻧﻔﺴﻚ ﻳﺎ ﻟﺒﻨﻰ ?

- ﻻ ﻳﺎ ﺣﺒﻴﺒﺘﻲ ﺃﻧﺎ ﺑﺎﻗﻮﻟﻚ ﺍﻟﺤﻘﻴﻘﺔ ﺍﻟﻠﻲ ﺷﻮﻓﺘﻬﺎ ﺑﻌﻨﻴﺎ ﻣﻦ ﺷﻮﻳﺔ ... ﺍﻧﺘﻲ ﻟﻮ ﺗﺸﻮﻓﻲ ﺣﺎﻟﺘﻪ ﺑﺮﻩ ﻋﺎﻣﻠﺔ ﺍﺯﺍﻱ ﻛﻨﺘﻲ ﺍﺗﺄﻛﺪﺗﻲ ﺑﻨﻔﺴﻚ ﻣﻦ ﺍﻟﻠﻲ ﺑﺎﻗﻮﻟﻪ ﺩﻩ ... ﺩﻩ ﺣﻴﺘﺠﻨﻦ ﻣﻦ ﻟﻬﻔﺘﻪ ﻭﺧﻮﻓﻪ ﻭﻗﻠﻘﻪ ﻋﻠﻴﻜﻲ .

- ﻧﻮﺭﺍ ﺑﺘﻬﻜﻢ : ﻭﺍﻟﻤﻄﻠﻮﺏ ﻣﻨﻲ ﺇﻳﻪ ﺑﻘﻰ ? ﺍﺭﻭﺡ ﺃﻗﻮﻟﻪ ﺍﻧﺎ ﻣﺴﻤﺤﺎﻙ ﻳﺎ ﻋﻠﻲ ﻭﻣﺎﺣﺼﻠﺶ ﺣﺎﺟﺔ

- ﻻ ﻳﺎ ﻧﻮﺭﺍ ﺍﻧﺎ ﻣﺎﻗﻠﺘﺶ ﻛﺪﻩ ... ﺷﻮﻓﻲ ﻳﺎ ﻧﻮﺭﺍ ... ﺍﻭﻋﻲ ﺗﺼﺪﻗﻲ ﺃﻱ ﺣﺪ ﻳﻘﻮﻟﻚ ﺇﻥ ﻣﺎﻓﻴﺶ ﻛﺮﺍﻣﺔ ﺑﻴﻦ ﺍﺗﻨﻴﻦ ﺑﻴﺤﺒﻮﺍ ﺑﻌﺾ ... ﺍﻟﻠﻲ ﻳﺤﺐ ﺣﺪ ﻻﺯﻡ ﻳﺤﺎﻓﻆ ﻋﻠﻰ ﻛﺮﺍﻣﺘﻪ ﻭﻳﺼﻮﻧﻬﺎ ... ﻃﻴﺐ ﻋﺎﺭﻓﺔ ﺍﻟﺤﺐ ﺍﻟﻠﻲ ﺃﻧﺎ ﺑﺤﺒﻪ ﻷﺣﻤﺪ ﺩﻩ ﻛﻠﻪ ... ﻟﻜﻦ ﻟﻮ ﻓﻜﺮ ﻣﺮﺓ ﺇﻧﻪ ﻳﺪﻭﺱ ﻋﻠﻰ ﻛﺮﺍﻣﺘﻲ ... ﺃﻧﺎ ﻛﻤﺎﻥ ﺣﺎﺩﻭﺱ ﻋﻠﻰ ﻗﻠﺒﻲ ﻭﻣﺶ ﺣﺎﺳﻤﺤﻠﻪ ﺑﻜﺪﻩ ... ﻋﺎﺭﻓﺔ ﺍﻧﺘﻲ ﻣﺸﻜﻠﺘﻚ ﻣﻊ ﻋﻠﻲ ﺇﻳﻪ ? ﻣﺸﻜﻠﺘﻚ ﺍﻧﻚ ﺿﻌﻴﻔﺔ ﺍﺩﺍﻣﻪ ... ﺑﺘﺤﺒﻴﻪ ﻭﺑﺘﺨﻠﻴﻪ ﻳﺤﺲ ﺑﺎﻟﺤﺐ ﺩﻩ ﻣﻦ ﻏﻴﺮ ﺃﻱ ﺗﻌﺐ ﺍﻭ ﻣﺠﻬﻮﺩ ﻣﻨﻪ ﺑﺎﻟﻤﻘﺎﺑﻞ ﻭﺑﺘﺘﻨﺎﺯﻟﻲ ﻛﺘﻴﺮ ﻋﺸﺎﻥ ﺧﺎﻃﺮﻩ ... ﺃﻧﺎ ﺑﻘﻰ ﻋﺎﻳﺰﺍﻛﻲ ﺗﺮﺟﻌﻴﻠﻪ ﺑﺲ ﺑﻌﺪ ﻣﺎ ﺗﺤﺴﺴﻴﻪ ﺍﻧﻚ ﺍﻧﺘﻲ ﺍﻟﻄﺮﻑ ﺍﻷﻗﻮﻯ ﻓﺎﻟﻌﻼﻗﺔ ﺩﻱ ... ﺗﺤﺴﺴﻴﻪ ﺇﻧﻪ ﻣﺎﺑﻘﺎﺵ ﻓﺎﺭﻕ ﻣﻌﺎﻛﻲ ﺧﻼﺹ ... ﻭﻛﻮﻳﺲ ﺍﻧﻚ ﻃﻠﺒﺘﻲ ﺍﻟﻄﻼﻕ ﻣﻨﻪ ... ﻋﺎﻳﺰﺍﻛﻲ ﺗﻌﻤﻠﻲ ﻧﻔﺴﻚ ﻣﺼﻤﻤﺔ ﻋﻠﻰ ﻣﻮﺿﻮﻉ ﺍﻟﻄﻼﻕ ﺩﻩ ... ﻭﺳﺎﻋﺔ ﻣﺎﺗﺤﺴﻲ ﺍﻧﻪ ﺧﻼﺹ ﻣﺎﺑﻘﺎﺵ ﻗﺎﺩﺭ ﻳﺴﺘﻐﻨﻰ ﻋﻨﻚ ... ﺍﺭﺟﻌﻴﻠﻪ ﻭﺣﺒﻴﻪ ﺑﺲ ﺑﻜﺮﺍﻣﺔ ﻳﺎ ﻧﻮﺭﺍ ... ﻭﻋﺸﺎﻥ ﺧﺎﻃﺮﻱ ﻣﺎﺗﺰﻋﻠﻴﺶ ﻣﻦ ﻛﻼﻣﻲ ﺩﻩ ... ﺃﻧﺎ ﺑﺎﻗﻮﻟﻚ ﻛﺪﻩ ﻋﺸﺎﻥ ﺧﺎﻃﺮﻙ ﺍﻧﺘﻲ ... ﻻﺯﻡ ﺍﻷﻭﻝ ﻗﺒﻞ ﻣﺎ ﺗﺴﺎﻣﺤﻴﻪ ﺗﺤﺎﺳﺒﻴﻪ ﻋﻠﻰ ﺍﻟﻠﻲ ﻓﺎﺕ ﻭﻣﺎﺗﻌﺪﻳﻬﻮﺵ ﺑﺎﻟﺴﺎﻫﻞ ﻛﺪﻩ ... ﻓﻜﺮﻱ ﻛﻮﻳﺲ ﻓﻜﻼﻣﻲ ﺩﻩ ﻳﺎ ﻧﻮﺭﺍ ... ﻭﺻﺪﻗﻴﻨﻲ ﻭﺍﻟﻠﻪ ﻋﻠﻲ ﺑﻴﺤﺒﻚ ... ﻭﺍﻧﺎ ﻣﺘﺄﻛﺪﺓ ﺇﻧﻪ ﺣﻴﻴﺠﻲ ﺍﻟﻴﻮﻡ ﺍﻟﻠﻲ ﻳﻌﺘﺮﻓﻠﻚ ﻓﻴﻪ ﺑﺪﻩ ... ﻗﻠﺘﻲ ﺇﻳﻪ ﻳﺎ ﻧﻮﺭﺍ ?

ﻃﺎﻝ ﺻﻤﺘﻬﺎ ﻟﻔﺘﺮﺓ ﻣﻤﺎ ﺍﻋﺘﺒﺮﺗﻪ ﻟﺒﻨﻰ ﻣﻮﺍﻓﻘﺔ ﺿﻤﻨﻴﺔ ﻋﻠﻰ ﻛﻼﻣﻬﺎ ﻓﺎﺭﺩﻓﺖ ﻗﺎﺋﻠﺔ :

- ﻧﻮﺭﺍ ﺍﻧﺎ ﺣﺎﻧﺰﻝ ﺩﻟﻮﻗﺘﻲ ﻭﺍﺑﻌﺘﻠﻚ ﻋﻠﻲ ... ﻭﺯﻱ ﻣﺎ ﺍﺗﻔﻘﻨﺎ ... ﺑﺲ ﺑﺎﻗﻮﻟﻚ ﺇﻳﻪ ... ﻣﺎﺗﺰﻭﺩﻳﻬﺎﺵ ﻣﻌﺎﻩ ﺍﻭﻱ ﻳﻌﻨﻲ ... ﻣﺎﺗﻨﺴﻴﺶ ﺑﺮﺿﻪ ﺇﻧﻪ ﺃﺧﻮﻳﺎ ﻭﻣﺎﻳﻬﻮﻧﺶ ﻋﻠﻴﺎ ... ﺍﻧﺎ ﺑﺲ ﻋﺎﻳﺰﺍﻩ ﻳﻌﺮﻑ ﻗﻴﻤﺘﻚ ﻛﻮﻳﺲ ﻳﺎ ﻧﻮﺭﺍ ... ﻭﻳﺤﺲ ﺍﻧﻚ ﻟﻮ ﺿﻴﻌﺘﻲ ﻣﻨﻪ ﺣﻴﺨﺴﺮ ﺣﺎﺟﺔ ﻛﺒﻴﺮﺓ ﺍﻭﻱ ... ﻋﻦ ﺇﺫﻧﻚ ﺑﻘﻲ ﻟﻤﺎ ﺍﻧﺰﻟﻪ ﻭﺍﻓﻬﻤﻪ ﺍﻧﻚ ﻣﺼﻤﻤﺔ ﻋﻠﻰ ﺍﻟﻄﻼﻕ ﻭﺍﻥ ﺃﻧﺎ ﻣﺎﻗﺪﺭﺗﺶ ﺍﺃﺛﺮ ﻋﻠﻴﻜﻲ

*******************************

ﻛﺎﻥ ﻋﻠﻲ ﻳﺰﺭﻉ ﺍﻟﻐﺮﻓﺔ ﺫﻫﺎﺑﺎ ﻭﺇﻳﺎﺑﺎ ﻭﻫﻮ ﻳﻀﺮﺏ ﻛﻔﻴﻪ ﺑﺒﻌﻀﻬﻤﺎ ﻓﻲ ﻗﻠﻖ ... ﻧﻈﺮ ﺇﻟﻴﻪ ﺍﺣﻤﺪ ﻭﻗﺎﻝ ﻣﺘﻌﺠﺒﺎ :

- ﺳﺒﺤﺎﻥ ﺍﻟﻠﻪ ... ﺍﻟﻠﻲ ﻳﺸﻮﻓﻚ ﺩﻟﻮﻗﺘﻲ ﻭﺍﻧﺖ ﻗﻠﻘﺎﻥ ﻋﻠﻴﻬﺎ ﻛﺪﻩ ... ﻣﺎﻳﺸﻮﻓﻜﺶ ﻭﺍﻧﺖ ﺑﺘﻘﻮﻝ ﺍﻟﻜﻼﻡ ﺍﻟﻠﻲ ﻧﻮﺭﺍ ﺳﻤﻌﺘﻪ ﺩﻩ

ﺍﺳﺘﺪﺍﺭ ﺇﻟﻴﻪ ﻋﻠﻲ ﻗﺎﺋﻼ :

- ﻣﺎﻛﻨﺘﺶ ﻋﺎﺭﻑ ﺇﻧﻲ ﺑﺤﺒﻬﺎ ﻛﺪﻩ ... ﺻﺪﻗﻨﻲ ﻣﺎﻛﻨﺘﺶ ﻋﺎﺭﻑ

ﺣﺪﻕ ﻓﻴﻪ ﺍﺣﻤﺪ ﺑﺪﻫﺸﺔ ﺛﻢ ﻗﺎﻝ ﺑﻠﻮﻡ :

- ﻛﺎﻥ ﻻﺯﻡ ﻳﺤﺼﻞ ﻣﺼﻴﺒﺔ ﺍﻷﻭﻝ ﻋﺸﺎﻥ ﺗﻌﺘﺮﻑ ﻳﻌﻨﻲ

- ﻭﺍﻟﻠﻪ ﻣﺎ ﻛﻨﺖ ﻋﺎﺭﻑ ﻛﺪﻩ ... ﻣﺎﺣﺴﺘﺶ ﺑﺪﻩ ﻏﻴﺮ ﻟﻤﺎ ﺷﻮﻓﺘﻬﺎ ﻓﺎﻟﺤﺎﻟﺔ ﺍﻟﻠﻲ ﻛﺎﻧﺖ ﻋﻠﻴﻬﺎ ﻣﻦ ﺷﻮﻳﺔ ﺩﻯ ... ﻟﻤﺎ ﻗﺎﻟﺘﻠﻲ ﻃﻠﻘﻨﻲ ﺣﺴﻴﺖ ﺇﻧﻲ ﻓﻌﻼ ﺑﺤﺒﻬﺎ ﻭﺇﻧﻲ ﻣﺶ ﻋﺎﻳﺰﻫﺎ ﺗﺒﻌﺪ ﻋﻨﻲ ... ﻃﻴﺐ ﻓﺎﻛﺮ ﻟﻤﺎ ﻗﻠﺘﻠﻲ ﺍﻛﺪﺏ ﻋﻠﻴﻬﺎ ... ﻭﺍﻟﻠﻪ ﻟﻤﺎ ﻗﻮﻟﺘﻠﻬﺎ ﻛﺪﻩ ﻣﺎﻛﻨﺘﺶ ﺑﻜﺪﺏ ... ﻛﻨﺖ ﺣﺎﺳﺲ ﺇﻥ ﺍﻟﻜﻼﻡ ﺩﻩ ﻃﺎﻟﻊ ﻣﻦ ﻗﻠﺒﻲ ﻓﻌﻼ

- ﺧﻼﺹ ﻳﺎ ﻋﻠﻲ ... ﺣﺎﻭﻝ ﺃﻧﻚ ﺗﻔﻬﻤﻬﺎ ﺑﻬﺪﻭﺀ ﻭﺗﺴﺘﻌﻴﺪ ﺛﻘﺘﻬﺎ ﻭﺣﺒﻬﺎ ﻣﻦ ﺗﺎﻧﻲ ... ﺣﺎﻭﻝ ﺗﻌﻮﺽ ﺍﻟﻠﻲ ﻓﺎﺕ ﻳﺎ ﻋﻠﻲ ... ﻭﺍﺛﺒﺘﻠﻬﺎ ﺍﻧﻚ ﺑﺘﺤﺒﻬﺎ ﻓﻌﻼ

- ﺗﻔﺘﻜﺮ ﺍﻧﻬﺎ ﻣﻤﻜﻦ ﺗﺴﺎﻣﺤﻨﻲ ﻳﺎ ﺍﺣﻤﺪ ﺑﻌﺪ ﺍﻟﻠﻲ ﺳﻤﻌﺘﻪ ?

- ﺍﻧﺎ ﻣﺘﺄﻛﺪ ﺍﻧﻬﺎ ﺣﺘﺴﺎﻣﺤﻚ ... ﻧﻮﺭﺍ ﻗﻠﺒﻬﺎ ﻛﺒﻴﺮ ... ﺑﺲ ﺍﻧﺖ ﺑﻘﻰ ﻻﺯﻡ ﺗﺴﺘﺤﻤﻠﻬﺎ ﻓﺄﻱ ﺣﺎﺟﺔ ﺗﻌﻤﻠﻬﺎ ﺃﻭ ﺗﻘﻮﻟﻬﺎ ... ﻣﺎﺷﻲ

ﻓﻲ ﻫﺬﻩ ﺍﻷﺛﻨﺎﺀ ﻛﺎﻧﺖ ﻟﺒﻨﻰ ﺗﻬﺒﻂ ﺍﻟﺪﺭﺝ ﻭﻗﺪ ﺭﺳﻤﺖ ﺧﻴﺒﺔ ﺍﻷﻣﻞ ﻋﻠﻰ ﻭﺟﻬﻬﺎ ﺑﺈﺗﻘﺎﻥ .. ﺍﻗﺘﺮﺏ ﻣﻨﻬﺎ ﻋﻠﻲ ﻗﺎﺋﻼ ﺑﻠﻬﻔﺔ :

- ﻫﺎ ﻳﺎ ﻟﺒﻨﻰ ﻋﻤﻠﺘﻲ ﺇﻳﻪ ?

ﻫﺰﺕ ﻟﺒﻨﻰ ﺭﺃﺳﻬﺎ ﻭﻗﺎﻟﺖ ﺑﺄﺳﻒ :

- ﻟﻸﺳﻒ ﻳﺎ ﻋﻠﻲ ﻣﺼﻤﻤﺔ ﻋﻠﻰ ﻣﻮﻗﻔﻬﺎ ﻭﺭﺍﻓﻀﺔ ﺃﻱ ﻣﻨﺎﻗﺸﺔ ﻓﺎﻟﻤﻮﺿﻮﻉ ﺩﻩ ﻭﺑﺘﻘﻮﻟﻲ ﻣﺶ ﺣﺄﻗﺒﻞ ﻏﻴﺮ ﺑﺎﻟﻄﻼﻕ

- ﺃﻧﺎ ﻻ ﻳﻤﻜﻦ ﺍﻃﻠﻘﻬﺎ ... ﺃﻧﺎ ﺣﺎﻃﻠﻊ ﺍﺗﻜﻠﻢ ﻣﻌﺎﻫﺎ ﻭﺍﻗﻮﻟﻬﺎ ﺇﻧﻲ ﺑﺤﺒﻬﺎ

ﺻﻌﺪ ﻋﻠﻰ ﻣﺴﺮﻋﺎ ﺇﻟﻰ ﺍﻷﻋﻠﻰ ﻭﺩﺧﻞ ﻟﻴﺠﺪﻫﺎ ﻋﻠﻰ ﻧﻔﺲ ﺍﻟﺤﺎﻟﺔ ... ﻣﺎ ﺇﻥ ﺭﺃﺗﻪ ﻧﻮﺭﺍ ﺣﺘﻰ ﻗﺎﻟﺖ ﺑﺈﻧﻌﺎﻝ :

- ﺇﻳﻪ ﺍﻟﻠﻲ ﺟﺎﺑﻚ ﻫﻨﺎ ? ﻣﺶ ﻗﻠﺘﻠﻚ ﻣﺶ ﻋﺎﻳﺰﺓ ﺃﺷﻮﻓﻚ

- ﺍﺣﻨﺎ ﻻﺯﻡ ﻧﺘﻜﻠﻢ ﻳﺎ ﻧﻮﺭﺍ

- ﺍﺣﻨﺎ ﻣﺎﺑﻘﺎﺵ ﻓﻲ ﺑﻴﻨﺎ ﻛﻼﻡ ﺧﻼﺹ ... ﻣﺶ ﺑﺎﻗﻲ ﻣﺎﺑﻴﻨﺎ ﻏﻴﺮ ﻛﻠﻤﺔ ﻭﺍﺣﺪﺓ ﻋﺎﻳﺰﺓ ﺍﺳﻤﻌﻬﺎ ﻣﻨﻚ ﻭﻛﻞ ﻭﺍﺣﺪ ﻓﻴﻨﺎ ﺑﻌﺪﻫﺎ ﻳﺮﻭﺡ ﻟﺤﺎﻟﻪ ... ﻭﺍﻭﻋﺪﻙ ﺍﻧﻚ ﺣﺘﻔﻀﻞ ﺑﺮﺿﻪ ﺍﺑﻦ ﻋﻤﻲ ﻭﺍﺑﻦ ﺧﺎﻟﺘﻲ ﻣﻬﻤﺎ ﺣﺼﻞ ... ﻭﻣﺎﻓﻴﺶ ﺍﻱ ﺣﺪ ﺣﻴﻌﺮﻑ ﺃﻱ ﺣﺎﺟﺔ ﻭﻛﻔﺎﻳﺔ ﺍﺣﻤﺪ ﻭﻟﺒﻨﻰ ﻋﺎﺭﻓﻴﻦ

- ﻳﺎ ﻧﻮﺭﺍ ﻭﺍﻟﻠﻪ ﺍﻧﺎ ﺑﺤﺒﻚ ﻭﻣﺶ ﻋﺎﻳﺰ ﺍﻃﻠﻘﻚ ... ﺍﺭﺟﻮﻛﻲ ﺍﺩﻳﻨﻲ ﻓﺮﺻﺔ ﺗﺎﻧﻴﺔ ﺍﺻﻠﺢ ﻓﻴﻬﺎ ﺍﻟﻠﻲ ﻋﻤﻠﺘﻪ ... ﻭﺍﻭﻋﺪﻙ ﺍﻧﻚ ﻣﺶ ﺣﺘﻨﺪﻣﻲ ﺑﻌﺪﻫﺎ ... ﻳﺎ ﺳﺘﻲ ﺍﻋﺘﺒﺮﻳﻨﻲ ﻛﻨﺖ ﺃﻋﻤﻰ ﻭﻓﺘﺤﺖ

- ﺍﺳﻤﻊ ﻳﺎ ﻋﻠﻲ ... ﺍﻧﺖ ﻣﻤﻜﻦ ﺗﻜﻮﻥ ﻣﻌﺬﻭﺭ ﻋﺸﺎﻥ ﺑﺎﺑﺎ ﻫﻮ ﺍﻟﻠﻲ ﻃﻠﺐ ﻣﻨﻚ ﺗﺘﺠﻮﺯﻧﻲ ... ﻟﻜﻦ ﻣﺶ ﻣﻌﺬﻭﺭ ﺍﺑﺪﺍ ﻹﻧﻚ ﻛﺪﺑﺖ ﻋﻠﻴﺎ ... ﺍﻧﺖ ﻣﺎﺗﻌﺮﻓﺶ ﺍﻧﺖ ﻛﻨﺖ ﺑﺎﻟﻨﺴﺒﺎﻟﻲ ﺇﻳﻪ ﻳﺎ ﻋﻠﻲ ? ﺍﻧﺖ ﻛﻨﺖ ﺍﻟﺤﻠﻢ ﺍﻟﻠﻲ ﺑﻘﺎﻟﻲ ﺳﻨﻴﻦ ﻣﺴﺘﻨﻴﺔ ﺍﻟﻴﻮﻡ ﺍﻟﻠﻲ ﻳﺘﺤﻘﻖ ﻓﻴﻪ ... ﻛﻨﺖ ﺑﻜﺮﺓ ﺍﻟﻠﻲ ﻣﺎﺍﺗﺨﻴﻠﺘﺶ ﻧﻔﺴﻲ ﻓﻴﻪ ﻏﻴﺮ ﻭﺍﻧﺎ ﻣﻌﺎﻙ ... ﻛﻨﺖ ﺑﺎﻟﻨﺴﺒﺎﻟﻲ ﺍﻟﺒﺤﺮ ﻭﺍﻧﺎ ﺍﻟﺴﻤﻜﺔ ﺍﻟﻠﻲ ﻟﻮ ﺑﻌﺪﺕ ﻋﻨﻪ ﺛﺎﻧﻴﺔ ﺣﺘﻤﻮﺕ ... ﺷﻮﻑ ﺑﻘﻰ ﻟﻤﺎ ﻛﻞ ﺩﻩ ﻳﻨﻬﺎﺭ ﻓﺠﺄﺓ ﻛﺪﻩ ﻭﺍﻷﻗﻲ ﻧﻔﺴﻲ ﺑﻘﻴﺖ ﺣﺪ ﻣﺶ ﻣﺮﻏﻮﺏ ﻓﻴﻪ ﻓﺤﻴﺎﺗﻚ ... ﺻﺪﻗﻨﻲ ﻳﺎ ﻋﻠﻲ ﺍﻟﺴﻤﻜﺔ ﺃﺧﺘﺎﺭﺕ ﺍﻧﻬﺎ ﺗﺒﻌﺪ ﻋﻦ ﺍﻟﺒﺤﺮ ﺣﺘﻰ ﻟﻮ ﻓﻴﻪ ﻣﻮﺗﻬﺎ

ﺍﻏﻤﺾ ﻋﻴﻨﻴﻪ ﻭﻗﺎﻝ ﺑﺄﻟﻢ :

- ﻳﺎﻩ ﻳﺎ ﻧﻮﺭﺍ ﻛﻼﻣﻚ ﺩﻩ ﺑﻴﻮﺟﻌﻨﻲ ﺍﻭﻱ

- ﻣﻌﻠﺶ ﻳﺎ ﻋﻠﻲ ... ﻣﺎ ﺍﻧﺎ ﻳﺎﻣﺎ ﺍﺗﻮﺟﻌﺖ ﻣﻦ ﻗﺒﻠﻚ ... ﻣﺎﻓﻴﻬﺎﺵ ﺣﺎﺟﺔ ﻟﻤﺎ ﺗﺨﻠﻴﻬﺎ ﻋﻠﻴﻚ ﺍﻟﻤﺮﺓﺩﻱ

- ﻳﻌﻨﻲ ﻣﺎﻓﻴﺶ ﺃﻣﻞ ﺍﻧﻚ ﺗﺴﺎﻣﺤﻴﻨﻲ ?

- ﺃﺭﺟﻮﻙ ﻃﻠﻘﻨﻲ ﺑﻘﻰ ... ﻛﻔﺎﻳﺔ ﻛﺪﻩ ﺍﻧﺎ ﺗﻌﺒﺖ

- ﻋﻠﻲ ﺑﺈﺳﺘﺴﻼﻡ : ﺧﻼﺹ ﻳﺎ ﻧﻮﺭﺍ ... ﻃﺎﻟﻤﺎ ﺩﻩ ﺍﻟﻠﻲ ﺣﻴﺮﻳﺤﻚ ﺍﻧﺎ ﺍﻭﻋﺪﻙ ﺇﻧﻲ ﺣﺎﻃﻠﻘﻚ

- ﻃﻴﺐ ﻭﻣﺴﺘﻨﻲ ﺇﻳﻪ ?

- ﻣﺶ ﻣﻌﻘﻮﻝ ﻳﺎ ﻧﻮﺭﺍ ﻧﻄﻠﻖ ﺍﻟﻨﻬﺎﺭﺩﺓ ﻭﺍﺣﻨﺎ ﻓﺮﺣﻨﺎ ﻛﺎﻥ ﺍﻣﺒﺎﺭﺡ ... ﺍﺳﺘﻨﻲ ﺣﺘﻰ ﺷﻬﺮﻳﻦ ﺗﻼﺗﺔ ﻛﺪﻩ ﻟﺤﺪ ﻣﺎ ﻧﻘﺪﺭ ﻧﻘﻨﻊ ﺍﻟﻠﻲ ﺣﻮﺍﻟﻴﻨﺎ ﺍﻧﻨﺎ ﻣﺎ ﺍﺗﻔﻘﻨﺎﺵ ﻭﻧﻘﺪﺭ ﻧﻄﻠﻖ ﺑﻌﺪﻫﺎ

- ﻫﻮ ﺷﻬﺮ ﻭﺍﺣﺪ ﻣﺶ ﺣﺎﺳﻤﺢ ﺑﺎﻛﺘﺮ ﻣﻨﻪ ... ﻭﺑﻌﺪﻩ ﻋﻠﻄﻮﻝ ﻧﻄﻠﻖ

- ﺍﻟﻠﻲ ﺗﺸﻮﻓﻴﻪ ﻳﺎ ﺑﻨﺖ ﻋﻤﻲ

***********************************

ﺳﺎﻣﺢ : ﺍﻧﺎ ﺣﺎﻛﻠﻤﻚ ﺑﺼﺮﺍﺣﺔ ﻳﺎ ﻧﺎﺩﻳﺔ ... ﺃﻧﺎ ﺻﺤﻴﺢ ﻛﺎﻥ ﻧﻔﺴﻲ ﺍﻭﻱ ﺇﻧﻲ ﺍﻛﺴﺮ ﻏﺮﻭﺭﻙ ﺩﻩ ﻭﺃﺷﻮﻑ ﺩﻣﻮﻋﻚ ﺍﺩﺍﻡ ﻋﻴﻨﻲ ... ﺑﺲ ﺑﺼﺮﺍﺣﺔ ﻟﻤﺎ ﺷﻮﻓﺘﻬﺎ ﺻﻌﺒﺘﻲ ﻋﻠﻴﺎ ... ﻋﺮﻓﺖ ﺍﻧﻚ ﺃﺿﻌﻒ ﺑﻜﺘﻴﺮ ﻣﻦ ﺍﻟﺤﺎﻟﺔ ﺍﻟﻠﻲ ﺑﺘﺤﺎﻭﻟﻲ ﺗﺼﻮﺭﻱ ﻧﻔﺴﻚ ﻋﻠﻴﻬﺎ ... ﺷﻮﻓﻲ ﻳﺎ ﺑﻨﺖ ﺍﻟﻨﺎﺱ ... ﺍﺣﻨﺎ ﺇﺳﺘﺤﺎﻟﺔ ﻧﻘﺪﺭ ﻧﻜﻤﻞ ﻣﻊ ﺑﻌﺾ ﺑﻌﺪ ﻛﻞ ﺍﻟﻠﻲ ﺣﺼﻞ ﺑﻴﻨﺎ ... ﻭﺑﺼﺮﺍﺣﺔ ﺍﻛﺘﺮ ﺃﻧﺎ ﻣﺶ ﻋﺎﻳﺰ ﻣﺸﺎﻛﻞ ﻭﻭﺟﻊ ﺩﻣﺎﻍ ... ﻋﺸﺎﻥ ﻛﺪﻩ ﺍﻧﺎ ﻣﺎﻋﻨﺪﻳﺶ ﻣﺎﻧﻊ ﺍﻃﻠﻘﻚ ﺯﻱ ﻣﺎ ﺍﻧﺘﻲ ﻋﺎﻳﺰﺓ ... ﺇﻥ ﺷﺎﻟﻠﻪ ﺩﻟﻮﻗﺘﻲ ﻟﻮ ﺣﺒﻴﺘﻲ ... ﺑﺲ ﻓﻜﺮﻱ ﻓﻴﻬﺎ ﻛﻮﻳﺲ ﻛﺪﻩ ... ﻭﺷﻮﻓﻲ ﺇﺫﺍ ﻛﺎﻥ ﻋﻨﺪﻙ ﺇﺳﺘﻌﺪﺍﺩ ﺗﺮﺟﻌﻲ ﻟﺒﻴﺖ ﺃﺑﻮﻛﻲ ﻣﻄﻠﻘﺔ ﺗﺎﻧﻲ ﻳﻮﻡ ﺟﻮﺍﺯﻙ ﻭﻻ ﻷ ... ﺑﻴﺘﻬﻴﺄﻟﻲ ﺍﻧﻜﻮﺍ ﻋﻤﻠﺘﻮﺍ ﻛﻞ ﺩﻩ ﻋﺸﺎﻥ ﺍﻟﻔﻀﺎﻳﺢ ﻓﻤﺶ ﻣﻌﻘﻮﻝ ﺗﻔﻀﺤﻮﺍ ﻧﻔﺴﻜﻮﺍ ﺑﺮﺿﻪ ﻓﺎﻷﺧﺮ ...

- ﻧﺎﺩﻳﺔ ﺑﺈﻧﻔﻌﺎﻝ : ﺁﻩ ﻳﺎ ﻧﺪﻝ ﻳﺎ ﺟﺒﺎﻥ ﻳﻌﻨﻲ ﺍﻧﺖ ﺑﺘﺴﺘﻐﻞ ﺍﻟﻈﺮﻭﻑ

- ﺍﻧﺎ ﻛﺪﻩ ﻭﻻ ﻛﺪﻩ ﻣﺶ ﺧﺴﺮﺍﻥ ﺣﺎﺟﺔ ... ﺍﻧﺎ ﺭﺍﺟﻞ ﻣﺎﺣﺪﺵ ﺣﻴﺘﻜﻠﻢ ﻋﻨﻲ ﻧﺺ ﻛﻠﻤﺔ ﻟﻮ ﺍﻃﻠﻘﻨﺎ ﺩﻟﻮﻗﺘﻲ ... ﻟﻜﻦ ﺍﻟﺪﻭﺭ ﻭﺍﻟﺒﺎﻗﻲ ﻋﻠﻴﻜﻲ ﺍﻧﺘﻲ ﺍﻟﻠﻲ ﺍﻟﻨﺎﺱ ﺣﺘﻘﻮﻝ ﺍﻃﻠﻘﺖ ﺗﺎﻧﻲ ﻳﻮﻡ ﺟﻮﺍﺯﻫﺎ ﻟﻴﻪ ... ﻋﺸﺎﻥ ﻛﺪﻩ ﺍﻧﺎ ﺣﺎﻋﺮﺽ ﻋﻠﻴﻜﻲ ﻋﺮﺽ ﻛﻮﻳﺲ ... ﻫﻮ ﺷﻬﺮ ﻧﻘﻀﻴﻪ ﻣﻊ ﺑﻌﺾ ﻭﺑﻌﺪﻳﻦ ﻧﻄﻠﻖ ﻭﻛﻞ ﻭﺍﺣﺪ ﻳﺮﻭﺡ ﻟﺤﺎﻟﻪ ... ﻓﺨﻼﻝ ﺍﻟﺸﻬﺮ ﺩﻩ ﻣﺎﺣﺪﺵ ﻓﻴﻨﺎ ﻟﻴﻪ ﺩﻋﻮﺓ ﺑﺎﻟﺘﺎﻧﻲ ... ﻭﻻ ﻛﺄﻧﻨﺎ ﻋﺎﻳﺸﻴﻦ ﻣﻊ ﺑﻌﺾ ... ﻭﺍﻧﺎ ﻣﺶ ﻋﺎﻳﺰ ﻣﻨﻚ ﺣﺎﺟﺔ ... ﺍﻧﺘﻲ ﺍﺻﻼ ﻣﺎﺑﻘﻴﺘﻴﺶ ﺗﻠﺰﻣﻴﻨﻲ ... ﺍﻧﺎ ﺑﺲ ﺣﺒﻴﺖ ﺍﻭﺭﻳﻜﻲ ﺇﻧﻲ ﺃﻗﺪﺭ ﺃﻃﻮﻟﻚ ﻓﺄﻱ ﻭﻗﺖ ﻭﻣﺎﻓﻴﺶ ﺣﺎﺟﺔ ﺗﻘﺪﺭ ﺗﻤﻨﻌﻨﻲ ﻋﻨﻚ ... ﻭﻋﻤﻮﻣﺎ ﺷﻬﺮ ﻣﺶ ﻛﺘﻴﺮ ﻳﻌﻨﻲ ... ﺍﺳﺘﺤﻤﻠﻴﻪ ﺑﺎﻟﻄﻮﻝ ﻭﻻ ﺑﺎﻟﻌﺮﺽ ... ﻭﺍﻧﺎ ﺍﺳﺎﺳﺎ ﺣﺎﻧﺰﻝ ﺍﻟﺸﻐﻞ ﻣﻊ ﺑﺎﺑﺎ ﻛﻤﺎﻥ ﻛﺎﻡ ﻳﻮﻡ ... ﻳﻌﻨﻲ ﻣﺶ ﺣﺘﺸﻮﻓﻴﻨﻲ ﻛﺘﻴﺮ ﻹﻧﻲ ﺣﺎﺭﺟﻊ ﻋﻠﻰ ﻣﻌﺎﺩ ﺍﻟﻨﻮﻡ ... ﺑﺲ ﺑﺎﻗﻮﻟﻚ ﺇﻳﻪ ... ﻣﺶ ﻣﻌﻨﻰ ﻛﺪﻩ ﺍﻧﻚ ﺗﺪﻭﺭﻱ ﻋﻠﻰ ﺣﻞ ﺷﻌﺮﻙ ﻭﺗﻌﻤﻠﻲ ﺍﻟﻠﻲ ﺍﻧﺘﻲ ﻋﺎﻳﺰﺍﻩ ... ﻣﺎﺗﻨﺴﻲﺵ ﺍﻧﻚ ﺍﺩﺍﻡ ﺍﻟﻨﺎﺱ ﻣﺮﺍﺗﻲ ﺑﺮﺿﻪ ... ﻗﻮﻟﺘﻲ ﺇﻳﻪ ﺑﻘﻰ ﻓﺎﻟﻌﺮﺽ ﺩﻩ ?

ﺻﻤﺘﻬﺎ ﻛﺎﻥ ﺩﻟﻴﻼ ﻋﻠﻰ ﻗﺒﻮﻟﻬﺎ ﺑﺎﻷﻣﺮ ﺍﻟﻮﺍﻗﻊ ﻓﻴﺒﻮ ﺍﻥ ﻛﻼﻡ ﺳﺎﻣﺢ ﺑﻪ ﻧﺴﺒﺔ ﻛﺒﻴﺮﺓ ﻣﻦ ﺍﻟﺼﻮﺍﺏ ... ﻓﻜﻴﻒ ﻟﻬﺎ ﺃﻥ ﺗﻌﻮﺩ ﺇﻟﻰ ﺑﻴﺖ ﺃﻫﻠﻬﺎ ﻣﻄﻠﻘﺔ ﻭﻟﻢ ﻳﻤﺮ ﻋﻠﻰ ﺯﻭﺍﺟﻬﺎ ﺳﻮﻯ ﻳﻮﻡ ﻭﺍﺣﺪ ... ﻟﺬﻟﻚ ﻓﻘﺪ ﻗﺮﺭﺕ ﺍﻥ ﺗﻨﺘﻈﺮ ﺣﺘﻰ ﻳﻤﺮ ﺫﻟﻚ ﺍﻟﺸﻬﺮ ﻟﺘﺼﺒﺢ ﺣﺮﺓ ﺑﻌﺪﻫﺎ

*******************************

ﺑﻌﺪ ﻋﻮﺩﺗﻪ ﻣﻦ ﺍﻟﻘﺎﻫﺮﺓ ﺑﻘﻠﻴﻞ ﻛﺎﻥ ﻳﻘﻒ ﺍﻣﺎﻡ ﺷﻘﺔ ﺻﺪﻳﻘﻪ ﺍﻟﺬﻱ ﺻﻤﻢ ﻋﻠﻰ ﺣﻀﻮﺭﻩ ﻫﺬﻩ ﺍﻟﻠﻴﻠﺔ ﺭﻏﻢ ﻋﻮﺩﺗﻪ ﻣﺘﺄﺧﺮﺍ ﻣﻦ ﺣﻔﻞ ﺯﻓﺎﻑ ﺷﻘﻴﻖ ﺯﻭﺟﺘﻪ ... ﻃﺮﻕ ﺍﻟﺒﺎﺏ ﻭﺍﻧﺘﻈﺮ ﻗﻠﻴﻼ ﺣﺘﻰ ﻓﺘﺢ ﻟﻪ ﻭﺭﺣﺐ ﺑﻪ ﻣﺨﺒﺮﺍ ﺇﻳﺎﻩ ﺑﺄﻧﻪ ﻗﺪ ﺍﺣﻀﺮ ﻟﻪ ﻣﻔﺎﺟﺄﺓ ﺗﻨﺘﻈﺮﻩ ﺑﺎﻟﺪﺍﺧﻞ ... ﺩﺧﻞ ﻭﻫﻮ ﻳﻘﻮﻝ ﻣﺘﺬﻣﺮﺍ :

- ﻣﻔﺎﺟﺄﺓ ﺇﻳﻪ ﺑﺲ ﻳﺎ ﻓﺘﺤﻲ ? ﺍﻧﺎ ﺑﺎﻳﺖ ﻓﺎﻟﻘﺎﻫﺮﺓ ﻭﻟﺴﻪ ﺟﺎﻱ ﻣﻦ ﺷﻮﻳﺔ ﻭﻛﻨﺖ ﻋﺎﻳﺰ ﺍﺭﺗﺎﺡ

- ﻳﺎ ﺭﺍﺟﻞ ﺍﺻﺒﺮ ﺑﺲ ... ﺻﺪﻗﻨﻲ ﻟﻤﺎ ﺗﺸﻮﻑ ﺍﻟﻤﻔﺎﺟﺄﺓ ﺣﺘﺪﻋﻴﻠﻲ

- ﻃﻴﺐ ﻳﺎ ﺳﻴﺪﻱ ﺧﻠﺼﻨﻰ ﻭﻗﻮﻟﻲ ﻫﻴﺎ ﻓﻴﻦ ﺍﻟﻤﻔﺎﺟﺄﺓ ﺩﻱ

ﺃﺷﺎﺭ ﺇﻟﻰ ﺍﺣﺪ ﺍﻟﺰﻭﺍﻳﺎ ﻗﺎﺋﻼ :

- ﺑﺺ ﻫﻨﺎﻙ ﻛﺪﻩ ﻭﺍﻧﺖ ﺗﺸﻮﻓﻬﺎ

ﻧﻈﺮ ﺟﻤﺎﻝ ﺇﻟﻰ ﺣﻴﺚ ﺃﺷﺎﺭ ﻓﺘﺤﻲ ﻟﻴﺠﺪ ﻓﺘﺎﺓ ﺗﺠﻠﺲ ﻭﻗﺪ ﺍﺭﺗﺪﺕ ﻣﻼﺑﺲ ﻋﺎﺭﻳﺔ ﺗﻈﻬﺮ ﺍﻛﺜﺮ ﻣﻤﺎ ﺗﺨﻔﻲ ﻓﻘﺎﻝ ﺑﺪﻫﺸﺔ :

- ﻣﻴﻦ ﺩﻱ ﻳﺎ ﻓﺘﺤﻲ ?

ﺍﻗﺘﺮﺏ ﻓﺘﺤﻲ ﻣﻦ ﺍﻟﻔﺘﺎﺓ ﻭﻟﻒ ﺫﺭﺍﻋﻪ ﺣﻮﻝ ﻛﺘﻔﻴﻬﺎ ﻗﺎﺋﻼ :

- ﺩﻱ ﺳﻮﺳﻮ ﺻﺎﺣﺒﺘﻲ ﺍﺗﻌﺮﻓﺖ ﻋﻠﻴﻬﺎ ﻣﻦ ﺍﻟﻔﻴﺲ

- ﺟﻤﺎﻝ ﻭﻗﺪ ﺯﺍﺩﺕ ﺩﻫﺸﺘﻪ : ﻃﺐ ﻭﺍﻧﺎ ﻣﺎﻟﻲ ﺑﻴﻬﺎ ﻳﻌﻨﻲ ?

- ﻻ ﺩﻱ ﺍﻧﺖ ﻣﺎﻟﻜﺶ ﺩﻋﻮﺓ ﺑﻴﻬﺎ ... ﺩﻱ ﺗﺨﺼﻨﻲ ﺍﻧﺎ ... ﺃﻧﺎ ﺟﺎﻳﺒﻚ ﻋﺸﺎﻥ ﻣﻴﻤﻲ

- ﻣﻴﻤﻲ ﻣﻴﻦ ﺩﻱ ﻛﻤﺎﻥ ?

- ﺩﻱ ﺻﺎﺣﺒﺔ ﺳﻮﺳﻮ ﻭﺣﺘﻼﻗﻴﻬﺎ ﻣﺴﺘﻨﻴﺎﻙ ﺟﻮﻩ ﻓﺎﻷﻭﺿﺔ

- ﺳﻮﺳﻮ ﻣﻴﻦ ﻭﻣﻴﻤﻲ ﻣﻴﻦ ... ﺑﻴﻌﻤﻠﻮﺍ ﺇﻳﻪ ﺩﻭﻝ ﻫﻨﺎ ﻳﺎ ﻓﺘﺤﻲ ? ﻭﻣﺴﺘﻨﻴﺎﻧﻲ ﻟﻴﻪ ﺇﻥ ﺷﺎﺀﺍﻟﻠﻪ ?

- ﻭﺍﻧﺎ ﺍﻟﻠﻲ ﺑﺎﻗﻮﻝ ﻋﻠﻴﻚ ﻛﻠﻚ ﻣﻔﻬﻮﻣﻴﺔ ﻭﺣﺘﻔﻬﻤﻬﺎ ﻭﻫﻴﺎ ﻃﺎﻳﺮﺓ ... ﺣﻴﻜﻮﻧﻮﺍ ﺟﺎﻳﻴﻦ ﻟﻴﻪ ﻳﻌﻨﻲ ﻳﺎ ﺃﺳﺘﺎﺫ ﺍﻷﺳﺎﺗﺬﺓ ... ﻛﻠﻚ ﻧﻈﺮ ﻳﺎ ﺟﻴﻤﻲ

ﺍﺩﺭﻙ ﺟﻤﺎﻝ ﻣﺎ ﻳﻌﻨﻴﻪ ﻓﺘﺤﻲ ﻓﺼﺎﺡ ﺑﻪ ﻗﺎﺋﻼ ﺑﺈﻧﻔﻌﺎﻝ :

- ﺍﺳﺘﻐﻔﺮ ﺍﻟﻠﻪ ﺍﻟﻌﻈﻴﻢ ... ﺍﻧﺖ ﺑﺎﻳﻦ ﻋﻠﻴﻚ ﺍﺗﺠﻨﻨﺖ ﻳﺎ ﻓﺘﺤﻲ ... ﺍﻧﺎ ﻻ ﻳﻤﻜﻦ ﺍﻋﻤﻞ ﺣﺎﺟﺔ ﺯﻱ ﻛﺪﻩ ... ﺍﻧﺎ ﺃﺧﺮﻱ ﺍﺗﻔﺮﺝ ﺑﺲ ﻟﻜﻦ ﺍﻋﻤﻞ ﻛﺪﻩ ﻟﻴﻪ ... ﺍﻧﺎ ﺭﺍﺟﻞ ﻣﺘﺠﻮﺯ ﻭﻋﻨﺪﻱ ﺳﺖ ﺗﺤﻞ ﻣﻦ ﻋﻠﻰ ﺣﺒﻞ ﺍﻟﻤﺸﻨﻘﺔ ... ﺇﻳﻪ ﺍﻟﻠﻲ ﻳﺨﻠﻴﻨﻲ ﺍﺑﺺ ﻟﻠﺴﺘﺎﺕ ﺍﻟﻜﺴﺮ ﺩﻭﻝ ... ﺍﺫﺍ ﻛﺎﻥ ﺭﺑﻨﺎ ﺣﺮﻣﻪ ﻋﻠﻰ ﺍﻟﻠﻲ ﻣﺎ ﺍﺗﺠﻮﺯﻭﺵ ... ﺍﻗﻮﻡ ﺍﻧﺎ ﺍﻟﻠﻲ ﻣﺘﺠﻮﺯ ﺍﻋﻤﻞ ﻛﺪﻩ

ﺗﺤﺪﺛﺖ ﺍﻟﻔﺘﺎﺓ ﺍﻟﺠﺎﻟﺴﺔ ﺇﻟﻰ ﺟﻮﺍﺭ ﻓﺘﺤﻲ ﻗﺎﺋﻠﺔ ﺑﻤﻴﻮﻋﺔ :

- ﺟﺮﻱ ﺇﻳﻪ ﻳﺎ ﺗﻮﺣﺔ ... ﻫﻮ ﺻﺎﺣﺒﻚ ﺧﺎﻳﻒ ﺍﺣﺴﻦ ﻣﻴﻤﻲ ﺗﺎﻛﻠﻪ ﻭﻻ ﺇﻳﻪ ?

ﺛﻢ ﺍﻃﻠﻘﺖ ﺿﺤﻜﺔ ﻋﺎﻟﻴﺔ ﻟﻴﺮ ﺩ ﻋﻠﻴﻬﺎ ﻓﺘﺤﻲ ﻗﺎﺋﻼ :

- ﺳﻴﺒﻚ ﻣﻨﻪ ﻳﺎ ﺳﻮﺳﻮ ... ﺍﺻﻠﻪ ﺑﻌﻴﺪ ﻋﻨﻚ ﺭﺍﺟﻞ ﻣﺘﺠﻮﺯ ... ﺛﻢ ﻧﻈﺮ ﺇﻟﻲ ﺟﻤﺎﻝ ﻭﻗﺎﻝ ﺑﺘﻬﻜﻢ :

- ﻭﻳﻈﻬﺮ ﻛﺪﻩ ﺇﻧﻪ ﺧﺎﻳﻒ ﺍﺣﺴﻦ ﻣﻴﺲ ﺃﻣﻴﺮﺓ ﺗﻤﺪﻩ ﻓﺎﻟﻄﺎﺑﻮﺭ ﺍﺩﺍﻡ ﺍﻟﻌﻴﺎﻝ

ﺍﻗﺘﺮﺏ ﻣﻨﻪ ﺟﻤﺎﻝ ﻭﺍﻣﺴﻜﻪ ﻣﻦ ﺗﻼﺑﻴﺐ ﻣﻼﺑﺴﻪ ﺻﺎﺭﺧﺎ ﻓﻴﻪ :

- ﻣﺎﺗﺤﺘﺮﻡ ﻧﻔﺴﻚ ﻳﺎ ﻓﺘﺤﻲ ... ﻭﻻﺯﻡ ﺗﻔﻬﻢ ﻛﻮﻳﺲ ﺇﻧﻲ ﻣﺎﺑﺨﺎﻓﺶ ﻣﻦ ﺣﺪ

ﻧﻈﺮ ﻟﻪ ﻓﺘﺤﻲ ﻭﻗﺎﻝ ﺑﺘﺤﺪﻱ :

- ﻃﺐ ﻣﺎ ﺗﺜﺒﺖ ﺍﻧﻚ ﻣﺶ ﺧﺎﻳﻒ ... ﻳﻼ ﻳﺎ ﺑﻄﻞ ... ﺍﻟﻤﻠﻌﺐ ﺍﺩﺍﻣﻚ ﻭﺍﻟﺠﻤﻬﻮﺭ ﻭﺍﻗﻒ ﺑﻴﺸﺠﻊ ﻭﺭﻳﻨﻲ ﺑﻘﻰ ﺍﻟﺸﻄﺎﺭﺓ ... ﻭﻻ ﺍﻧﺖ ﺣﺮﻳﻒ ﻓﺎﻟﻜﻼﻡ ﻭﺑﺲ ... ﻏﻴﺮ ﻛﺪﻩ ﺑﻘﻰ ﺣﺎﺑﻘﻰ ﺍﺗﺄﻛﺪﺕ ﺍﻧﻚ ﺧﺎﻳﻒ ﻓﻌﻼ ... ﻭﺍﻟﻈﺎﻫﺮ ﻛﺪﻩ ﺇﻧﻲ ﻛﻨﺖ ﻣﺨﺪﻭﻉ ﻓﻴﻚ ... ﻛﻨﺖ ﻓﺎﻛﺮ ﺭﺍﺟﻞ ﻣﺨﻠﺺ ﻣﺎﺑﺘﺨﺎﻓﺶ ﻣﻦ ﺣﺪ ... ﻃﻠﻌﺖ ﺟﺒﺎﻥ ﻭﺑﺘﺨﺎﻑ ﻣﻦ ﻣﺮﺍﺗﻚ

ﺑﺎﺩﻟﻪ ﺟﻤﺎﻝ ﻧﻈﺮﺗﻪ ﺍﻟﻤﺘﺤﺪﻳﺔ ﻭﻗﺎﻝ ﺑﺠﺪﻳﺔ :

- ﻣﺎﺷﻲ ﻳﺎ ﻓﺘﺤﻲ ... ﺃﻧﺎ ﺑﻘﻰ ﺣﺎﺛﺒﺘﻠﻚ ﺇﻧﻲ ﻣﺎﺑﺨﺎﻓﺶ ﻣﻦ ﺣﺪ

ﺍﺑﺘﺴﻢ ﻓﺘﺤﻲ ﻗﺎﺋﻼ ﺑﺨﺒﺚ :

- ﺁﻫﻮ ﻛﺪﻩ ﺗﻌﺠﺒﻨﻲ

ﺩﺧﻞ ﺟﻤﺎﻝ ﺇﻟﻰ ﺍﻟﻐﺮﻓﺔ ﻓﺎﻟﺘﻔﺖ ﻓﺘﺤﻲ ﺇﻟﻰ ﺍﻟﻔﺘﺎﺓ ﻗﺎﺋﻼ :

- ﺍﺗﺄﻛﺪﺗﻲ ﺍﻥ ﻛﻠﻪ ﺗﻤﺎﻡ

- ﻣﺎﺗﻘﻠﻘﺶ ﺗﻠﻤﻴﺬﺗﻚ ... ﺑﺲ ﻣﺎ ﻗﻮﻟﺘﻠﻴﺶ ﻳﺎ ﻓﺘﺤﻲ ... ﺣﺘﻌﻤﻞ ﺇﻳﻪ ﺑﺎﻟﻔﻴﺪﻳﻮ ﺍﻟﻠﻲ ﺣﺘﺼﻮﺭﻩ ﺩﻩ ?

- ﻭﺩﻱ ﺑﺮﺿﻪ ﻋﺎﻳﺰﺓ ﺳﺆﺍﻝ ... ﻃﺒﻌﺎ ﺣﺎﺑﻌﺘﻪ ﻟﻤﻴﺲ ﺃﻣﻴﺮﺓ ﺗﺴﻠﻲ ﺑﻴﻪ ﻧﻔﺴﻬﺎ ﻓﺄﻱ ﺣﺼﺔ ﻓﺎﺿﻴﺔ ﻛﺪﻩ

*********************************

ﺑﺘﺜﺎﻗﻞ ﺷﺪﻳﺪ ﻓﺘﺢ ﺑﺎﺏ ﺳﻴﺎﺭﺗﻪ ﻭﺟﻠﺲ ﺑﺪﺍﺧﻠﻬﺎ ﻣﺴﺘﻨﺪﺍ ﺑﺮﺃﺳﻪ ﻋﻠﻰ ﻣﻘﻮﺩ ﺍﻟﺴﻴﺎﺭﺓ ﻭﻫﻮ ﻳﺒﻜﻲ ﺑﺤﺮﻗﺔ ﻭﻳﻠﻮﻡ ﻧﻔﺴﻪ ... ﻓﺈﻥ ﻛﺎﻥ ﻻ ﻳﺨﺸﻰ ﺯﻭﺟﺘﻪ ﻓﻬﻞ ﻧﺴﻲ ﺃﻥ ﻟﻪ ﺭﺑﺎ ﻳﺠﺐ ﺃﻥ ﻳﺨﺸﺎﻩ ﺍﻛﺜﺮ ﻣﻦ ﺧﺸﻴﺘﻪ ﺍﺣﺪﺍ ﻣﻦ ﺍﻟﺒﺸﺮ ... ﻭﻛﺄﻧﻪ ﺷﻌﺮ ﺃﻥ ﺍﻟﺪﻣﻮﻉ ﺭﺑﻤﺎ ﺗﻐﺴﻞ ﺫﻧﺒﻪ ﻓﺴﻜﺐ ﺍﻟﻤﺰﻳﺪ ﻣﻨﻬﺎ ... ﻟﻢ ﻳﻜﻦ ﻟﺴﺎﻧﻪ ﻳﺮﺩﺩ ﺳﻮﻯ ﺟﻤﻠﺘﻴﻦ ﻓﻘﻂ ‏( ﺍﺳﺘﻐﻔﺮ ﺍﻟﻠﻪ ﺍﻟﻌﻈﻴﻢ ... ﻣﻨﻚ ﻟﻠﻪ ﻳﺎ ﻓﺘﺤﻲ ‏) ... ﺷﻌﺮ ﺃﻧﻪ ﺑﺤﺎﺟﺔ ﺇﻟﻰ ﺃﻥ ﻳﺴﺘﻤﻊ ﺇﻟﻰ ﺑﻌﺾ ﻣﻦ ﺃﻳﺎﺕ ﺍﻟﻘﺮﺁﻥ ﺍﻟﻜﺮﻳﻢ ﻟﻌﻠﻬﺎ ﺗﺨﻔﻒ ﻋﻨﻪ ﺑﻌﻀﺎ ﻣﻦ ﺇﻧﻘﺒﺎﺽ ﺻﺪﺭﻩ ﻭﺿﻴﻖ ﻧﻔﺴﻪ ... ﺃﺩﺍﺭ ﻣﺆﺷﺮ ﺍﻟﺮﺍﺩﻳﻮ ﺑﺴﻴﺎﺭﺗﻪ ﻋﻠﻰ ﺇﺫﺍﻋﺔ ﺍﻟﻘﺮﺁﻥ ﺍﻟﻜﺮﻳﻢ ﻟﻴﺄﺗﻴﻪ ﺻﻮﺕ ﺍﻟﻘﺎﺭﺉ ﻭﻫﻮ ﻳﻔﺘﺘﺢ ﻗﺮﺍﺀﺓ ﺳﻮﺭﺓ ﺍﻟﻨﻮﺭ ... ﻛﺎﻧﺖ ﺩﻣﻮﻋﻪ ﺗﺰﺩﺍﺩ ﻣﻊ ﺇﺳﺘﻤﺎﻋﻪ ﻟﻸﻳﺎﺕ ﺇﻟﻰ ﺃﻥ ﻭﺻﻞ ﺇﻟﻰ ﻗﻮﻟﻪ ﺗﻌﺎﻟﻰ ‏( ﺍﻟﺰﺍﻧﻲ ﻻ ﻳﻨﻜﺢ ﺇﻻ ﺯﺍﻧﻴﺔ ﺃﻭ ﻣﺸﺮﻛﺔ ﻭﺍﻟﺰﺍﻧﻴﺔ ﻻ ﻳﻨﻜﺤﻬﺎ ﺇﻻ ﺯﺍﻥ ﺃﻭ ﻣﺸﺮﻙ ﻭﺣﺮﻡ ﺫﻟﻚ ﻋﻠﻰ ﺍﻟﻤﺆﻣﻨﻴﻦ ‏) ... ﺷﻌﺮ ﻭﻛﺄﻥ ﺍﻟﺪﻧﻴﺎ ﻗﺪ ﺗﻮﻗﻔﺖ ﻣﻦ ﺣﻮﻟﻪ ﻓﺠﺄﺓ ... ﻭﻛﺄﻥ ﺃﺫﻧﻴﻪ ﺻﻤﺖ ﻋﻦ ﺳﻤﺎﻉ ﺃﻱ ﺷﺊ ﺳﻮﻱ ﻫﺬﻩ ﺍﻷﻳﺔ ... ﺍﺗﺴﻌﺖ ﻋﻴﻨﺎﻩ ﺑﺸﺪﺓ ﻭﺧﻔﻖ ﻗﻠﺒﻪ ﻭﻫﻮ ﻳﻘﻮﻝ ﻓﻲ ﺫﻫﻮﻝ :

- ﻣﻌﻘﻮﻝ ﺃﻣﻴﺮﺓ ﻫﻴﺎ ﻛﻤﺎﻥ ﺗﻜﻮﻥ .........

ﻳﺘﺒﻊ

↚

ﺭﺑﻤﺎ ﻛﺎﻥ ﻣﻦ ﺍﻷﻓﻀﻞ ﻟﺒﻌﻀﻨﺎ ﺃﻥ ﻳﻌﺘﺮﻑ ﺑﺄﺧﻄﺎﺋﻪ ﺃﻭ ﺇﻥ ﺷﺌﺘﻢ ﻓﻘﻮﻟﻮﺍ ﺧﻄﺎﻳﺎﻩ ... ﻭﻳﺤﺎﻭﻝ ﺃﻥ ﻳﺘﻮﺏ ﻋﻨﻬﺎ ﺑﺪﻻ ﻣﻦ ﺇﻟﻘﺎﺀ ﺍﻟﺘﻬﻢ ﺟﺰﺍﻓﺎ ﻋﻠﻰ ﺍﻷﺧﺮﻳﻦ ... ﻓﻬﺎ ﻫﻲ ﺃﻣﻴﺮﺓ ﺍﻟﺘﻲ ﻳﻈﻦ ﺑﻬﺎ ﺯﻭﺟﻬﺎ ﻇﻦ ﺍﻟﺴﻮﺀ ﻭﺍﻟﺘﻲ ﻗﺮﺭ ﺃﻥ ﻳﺮﺍﻗﺒﻬﺎ ﺣﺘﻰ ﻳﺘﺨﻠﺺ ﻣﻦ ﺷﻜﻮﻛﻪ ... ﺗﺠﻠﺲ ﻓﻲ ﺇﻧﺘﻈﺎﺭﻩ ﻗﻠﻘﺔ ﻣﻦ ﻏﻴﺎﺑﻪ ﺣﺘﻰ ﻫﺬﻩ ﺍﻟﺴﺎﻋﺔ ... ﺗﻔﻜﺮ ﻓﻲ ﺣﺎﻟﻬﻤﺎ ﻣﻌﺎ ﻭﻓﻲ ﻣﺎ ﺁﻟﺖ ﺇﻟﻴﻪ ﺣﻴﺎﺗﻬﻤﺎ ﻓﻲ ﺍﻷﻭﻧﺔ ﺍﻷﺧﻴﺮﺓ ... ﻭﺗﺘﺴﺎﺋﻞ ﻋﻤﺎ ﻳﺤﻤﻠﻪ ﺍﻟﻤﺴﺘﻘﺒﻞ ﻟﻬﻤﺎ ... ﺗﺴﺘﺮﺟﻊ ﺫﻛﺮﻳﺎﺕ ﺍﻟﻤﺎﺿﻲ ﻋﻨﺪﻣﺎ ﺍﻧﺘﻘﻞ ﺟﻤﺎﻝ ﻟﻠﻌﻤﻞ ﺑﻨﻔﺲ ﺍﻟﻤﺪﺭﺳﺔ ﺍﻟﺘﻲ ﺗﻌﻤﻞ ﺑﻬﺎ ... ﻭﻛﻴﻒ ﺃﻋﺠﺐ ﻛﻞ ﻣﻨﻬﻤﺎ ﺑﺎﻷﺧﺮ ﺫﻟﻚ ﺍﻹﻋﺠﺎﺏ ﺍﻟﺬﻱ ﺗﺤﻮﻝ ﻓﻴﻤﺎ ﺑﻌﺪ ﺇﻟﻰ ﺣﺐ ﻛﺒﻴﺮ ... ﻛﺎﻥ ﺯﻭﺟﻬﺎ ﻣﻀﺮﺏ ﺍﻷﻣﺜﺎﻝ ﻓﻲ ﺧﻠﻘﻪ ﻭﺇﻟﺘﺰﺍﻣﻪ ... ﻭﻟﻜﻦ ﺫﻟﻚ ﻛﻠﻪ ﺗﺤﻮﻝ ﺇﻟﻰ ﺍﻟﻨﻘﻴﺾ ﻣﻨﺬ ﺗﻌﺮﻑ ﺇﻟﻰ ﺫﻟﻚ ﺍﻟﻤﺪﻋﻮ ﻓﺘﺤﻲ ... ﻗﻄﻊ ﺗﻔﻜﻴﺮﻫﺎ ﺻﻮﺕ ﻫﺎﺗﻔﻬﺎ ﻣﻌﻠﻨﺎ ﻋﻦ ﻗﺪﻭﻡ ﺭﺳﺎﻟﺔ ... ﺍﻣﺴﻜﺖ ﺑﺎﻟﻬﺎﺗﻒ ﻭﻫﻲ ﺗﺨﺸﻰ ﺃﻥ ﺗﻔﺘﺤﻬﺎ ﺣﺘﻰ ﻻ ﺗﻜﻮﻥ ﻛﺴﺎﺑﻘﺘﻬﺎ ... ﻓﻘﺪ ﺟﺎﺀﺗﻬﺎ ﻣﻦ ﻧﻔﺲ ﺍﻟﺮﻗﻢ ﺍﻟﻤﺠﻬﻮﻝ ﺍﻟﻬﻮﻳﺔ ... ﺑﻌﺪ ﺗﺮﺩﺩ ﻓﺘﺤﺘﻬﺎ ﺍﺧﻴﺮﺍ ﻟﺘﺸﻌﺮ ﺑﻌﺪﻫﺎ ﺃﻥ ﻗﻠﺒﻬﺎ ﻳﻜﺎﺩ ﻳﺘﻮﻗﻒ ﻋﻦ ﺍﻟﻨﺒﺾ ... ﻟﻢ ﺗﻔﻖ ﻣﻦ ﺻﺪﻣﺘﻬﺎ ﺑﻌﺪ ﺣﺘﻰ ﺍﻋﻠﻦ ﻫﺎﺗﻔﻬﺎ ﺍﻟﺮﻧﻴﻦ ﻟﺘﺠﺪﻩ ﻧﻔﺲ ﺍﻟﺮﻗﻢ ... ﺑﺄﻳﺪ ﻣﺮﺗﻌﺸﺔ ﻓﺘﺤﺖ ﺍﻟﺨﻂ ﻟﻴﺄﺗﻴﻬﺎ ﺻﻮﺗﻪ ﺍﻟﻜﺮﻳﻪ ﻗﺎﺋﻼ ﺑﺘﻬﻜﻢ :

- ﻣﺶ ﻗﻠﺘﻠﻚ ﻗﺒﻞ ﻛﺪﻩ ﻭﺍﻧﺘﻲ ﻣﺎﺻﺪﻗﺘﻴﺶ ﻛﻼﻣﻲ ... ﻭﻻ ﻛﺎﻥ ﻻﺯﻡ ﻳﻌﻨﻲ ﺗﺸﻮﻓﻲ ﺑﻌﻨﻴﻜﻲ ﻋﺸﺎﻥ ﺗﺼﺪﻗﻲ ﻭﺗﻌﺮﻓﻲ ﻣﻴﻦ ﻋﺪﻭﻙ ﻭﻣﻴﻦ ﺣﺒﻴﺒﻚ

- ﺍﻣﻴﺮﺓ ﺑﺤﺰﻡ : ﺍﻧﺖ ﻣﻴﻦ ﻭﻋﺎﻳﺰ ﻣﻨﻲ ﺇﻳﻪ ﺑﺎﻟﻈﺒﻂ ?

- ﺃﻧﺎ ﻣﻌﺠﺐ .. ﻭ . ﻣﻌﺠﺐ ﻣﻦ ﺯﻣﺎﻥ ﻛﻤﺎﻥ ... ﻭﺑﺼﺮﺍﺣﺔ ﻣﺴﺘﺨﺴﺮﻙ ﻓﺮﺍﺟﻞ ﺯﻱ ﺟﻮﺯﻙ ﺩﻩ ... ﻣﺶ ﻣﻘﺪﺭ ﻗﻴﻤﺔ ﺍﻟﻨﻌﻤﺔ ﺍﻟﻠﻲ ﻓﺈﻳﺪﻩ ... ﺑﻴﻤﻮﺕ ﻓﺎﻟﺮﻣﺮﻣﺔ ﻧﻘﻮﻝ ﺇﻳﻪ ﺑﺲ

- ﺍﻧﺖ ﻟﻮ ﻣﺎﻗﻠﺘﺶ ﺍﻧﺖ ﻣﻴﻦ ﻭﻋﺎﻳﺰ ﺇﻳﻪ ﺩﻟﻮﻗﺘﻰ ﺣﺎﻻ ﺣﺎﻗﻔﻞ ﺍﻟﺴﻜﺔ ﻓﻮﺷﻚ

- ﻣﺎﻗﻠﺘﻠﻚ ﺃﻧﺎ ﻣﻌﺠﺐ ... ﻭﻋﺎﻳﺰ ﺇﻳﻪ ﻓﺄﻧﺎ ﻋﺎﻳﺰﻙ ﺍﻧﺖ ﻳﺎ ﺟﻤﻴﻞ ... ﻭﻟﻮ ﺑﺘﺤﺒﻴﻪ ﻭﺑﺎﻗﻴﺔ ﻋﻠﻴﻪ ﺍﻭﻱ ﻳﺒﻘﻰ ﺗﻠﺤﻘﻴﻪ ﻗﺒﻞ ﻣﺎ ﻓﻀﻴﺤﺘﻪ ﺗﺒﻘﻰ ﺑﺠﻼﺟﻞ ... ﺍﺻﻞ ﺑﺼﺮﺍﺣﺔ ﺍﻧﺎ ﻧﺎﻭﻱ ﺍﻧﺰﻟﻪ ﻓﻴﻠﻢ ﺟﺎﻣﺪ ﺍﻭﻱ ﻋﻠﻰ ﺍﻟﻴﻮﺗﻴﻮﺏ ... ﺍﻧﺘﻲ ﺣﺘﻲ ﺷﻮﻓﺘﻲ ﻣﺸﻬﺪ ﻣﻨﻪ ... ﻣﺶ ﻋﺎﺭﻑ ﺭﺃﻳﻚ ﻓﻴﻪ ﺑﺼﺮﺍﺣﺔ ... ﺑﺲ ﺃﻧﺎ ﻟﺴﻪ ﻋﻨﺪﻱ ﻣﺸﺎﻫﺪ ﺗﺎﻧﻴﺔ ﺇﻧﻤﺎ ﺇﻳﻪ ﺣﺘﻌﺠﺒﻚ ﺍﻭﻱ ... ﻧﻤﺮﺓ ﺗﻠﻴﻔﻮﻧﻲ ﻣﻌﺎﻛﻲ ... ﻓﻜﺮﻱ ﻛﻮﻳﺲ ﻓﻜﻼﻣﻲ ﻭﺍﻧﺎ ﻣﺴﺘﻨﻲ ﻣﻨﻚ ﺗﻠﻴﻔﻮﻥ ﻓﺄﻱ ﻭﻗﺖ ﺍﻧﺎ ﺗﺤﺖ ﺃﻣﺮﻙ ... ﻟﻮ ﻣﺎ ﺍﺗﺼﻠﺘﻴﺶ ﺣﺎﻋﺮﻑ ﺍﻧﻚ ﻛﺪﻩ ﻣﺶ ﺑﺘﺤﺒﻴﻪ ﻭﻻ ﻳﻔﺮﻕ ﻣﻌﺎﻛﻲ ... ﺳﻼﻡ ﻳﺎ ﻗﻄﺔ

**********************

ﺩﻟﻒ ﻋﻠﻲ ﺇﻟﻰ ﺩﺍﺧﻞ ﺍﻟﻐﺮﻓﺔ ﻓﻮﺟﺪ ﻧﻮﺭﺍ ﺗﻀﻊ ﺑﻌﺾ ﺍﻟﻮﺳﺎﺋﺪ ﻭﺍﻷﻏﻄﻴﺔ ﻋﻠﻰ ﺍﻷﺭﺽ ﺇﺳﺘﻌﺪﺍﺩﺍ ﻟﻠﻨﻮﻡ ﻓﻨﻈﺮ ﺇﻟﻴﻬﺎ ﻗﺎﺋﻼ ﺑﺪﻫﺸﺔ :

- ﺑﺘﻌﻤﻠﻲ ﺇﻳﻪ ﻳﺎ ﻧﻮﺭﺍ ?

ﺃﺟﺎﺑﺘﻪ ﻧﻮﺭﺍ ﻭﻫﻲ ﺗﻌﻴﺪ ﺗﺮﺗﻴﺐ ﺗﻠﻚ ﺍﻷﺷﻴﺎﺀ ﻗﺎﺋﻠﺔ ﺩﻭﻥ ﺃﻥ ﺗﻨﻈﺮ ﺇﻟﻴﻪ :

- ﺑﻴﺘﻬﻴﺄﻟﻲ ﺍﻧﺖ ﺷﺎﻳﻒ ﺃﻧﺎ ﺑﺎﻋﻤﻞ ﺇﻳﻪ

- ﺃﻧﺎ ﺷﺎﻳﻒ ﺑﺲ ﻣﺶ ﻓﺎﻫﻢ

- ﺣﺎﻧﺎﻡ ﻋﻨﺪﻙ ﻣﺎﻧﻊ

- ﺣﺘﻨﺎﻣﻲ ﻋﻠﻰ ﺍﻷﺭﺽ ﻟﻴﻪ ?

- ﻹﻥ ﺯﻱ ﻣﺎ ﺍﻧﺖ ﺷﺎﻳﻒ ﺍﻷﻭﺿﺔ ﻣﺎﻓﻴﻬﺎﺵ ﻏﻴﺮ ﺳﺮﻳﺮ ﻭﺍﺣﺪ ﻭﻣﺎﻓﻴﺶ ﺣﺘﻰ ﻛﻨﺒﺔ ﺍﻧﺎﻡ ﻋﻠﻴﻬﺎ

- ﻃﻴﺐ ﻭﻟﻴﻪ ﻣﺎﺗﻨﺎﻣﻴﺶ ﻋﻠﻰ ﺍﻟﺴﺮﻳﺮ ?

- ﻹﻧﻚ ﺣﺘﻨﺎﻡ ﻋﻠﻴﻪ

- ﻭﻓﻴﻬﺎ ﺇﻳﻪ ﻳﻌﻨﻲ ?

- ﻓﻴﻬﺎ ﺍﻧﻚ ﺗﺤﻤﺪ ﺭﺑﻨﺎ ﺇﻧﻲ ﻭﺍﻓﻘﺖ ﺇﻧﻲ ﺍﻧﺎﻡ ﻣﻌﺎﻙ ﺗﺤﺖ ﺳﻘﻒ ﻭﺍﺣﺪ ... ﻟﻜﻦ ﺍﻛﺘﺮ ﻣﻦ ﻛﺪﻩ ﻣﺎﺗﺤﻠﻤﺶ

ﺍﻧﻬﺖ ﻧﻮﺭﺍ ﻋﺒﺎﺭﺗﻬﺎ ﺍﻷﺧﻴﺮﺓ ﺛﻢ ﺗﻤﺪﺩﺕ ﻋﻠﻰ ﺍﻷﺭﺽ ﻭﺳﺤﺒﺖ ﺍﻟﻐﻄﺎﺀ ﻟﺘﻐﻄﻲ ﺑﻪ ﺟﺴﺪﻫﺎ ﻛﺎﻣﻼ ... ﺟﻠﺲ ﻋﻠﻲ ﻣﻔﺘﺮﺷﺎ ﺍﻷﺭﺽ ﺇﻟﻰ ﺟﻮﺍﺭﻫﺎ ﻭﺳﺤﺐ ﺍﻟﻐﻄﺎﺀ ﻗﺎﺋﻼ ﺑﻬﺪﻭﺀ :

- ﻧﻮﺭﺍ ... ﻣﺎﻳﻨﻔﻌﺶ ﺍﻟﻠﻲ ﺍﻧﺘﻲ ﺑﺘﻌﻤﻠﻴﻪ ﺩﻩ ... ﻭﻋﻤﻮﻣﺎ ﻳﺎ ﺳﺘﻲ ... ﺇﺫﺍ ﻛﻨﺘﻲ ﻣﺼﻤﻤﺔ ﺗﻨﺎﻣﻲ ﺑﻌﻴﺪ ﻋﻨﻲ ﻳﺒﻘﻰ ﺍﻃﻠﻌﻲ ﻧﺎﻣﻲ ﺍﻧﺘﻲ ﻋﻠﻰ ﺍﻟﺴﺮﻳﺮ ﻭﺃﻧﺎ ﺍﻟﻠﻲ ﺣﺎﻧﺎﻡ ﻫﻨﺎ ﻋﻠﻰ ﺍﻷﺭﺽ

- ﻣﺎﺗﻌﻤﻠﺶ ﻧﻔﺴﻚ ﻗﻠﺒﻚ ﻋﻠﻴﺎ ﺍﻭﻱ

- ﻋﻠﻲ ﺑﻀﻴﻖ : ﻻ ﺣﻮﻝ ﻭﻻ ﻗﻮﺓ ﺍﻻ ﺑﺎﻟﻠﻪ ... ﺑﺮﺿﻪ ﻣﺶ ﺣﺎﻳﺄﺱ ﻳﺎ ﻧﻮﺭﺍ ﻣﻬﻤﺎ ﻋﻤﻠﺘﻲ ... ﻣﺶ ﺣﺎﻳﺄﺱ ﺍﻧﻚ ﺗﺴﺎﻣﺤﻴﻨﻲ ﻭﺗﻘﺒﻠﻲ ﺗﻜﻤﻠﻲ ﻣﻌﺎﻳﺎ ﻣﺸﻮﺍﺭ ﺣﻴﺎﺗﻚ

- ﺍﺣﻨﺎ ﻣﺶ ﺧﻼﺹ ﺍﺗﻔﻘﻨﺎ ﻋﻠﻰ ﺍﻟﻄﻼﻕ ... ﻟﺰﻭﻣﻪ ﺇﻳﻪ ﺑﻘﻰ ﺍﻟﻜﻼﻡ ﺩﻩ ?

- ﻭﻣﻴﻦ ﻗﺎﻟﻚ ﺇﻧﻲ ﺣﺎﻃﻠﻘﻚ ﺍﺻﻼ

- ﻳﻌﻨﻲ ﺇﻳﻪ ? ﻫﻮ ﻟﻌﺐ ﻋﻴﺎﻝ ﻭﻻ ﺇﻳﻪ ? ﺍﺣﻨﺎ ﻣﺶ ﻛﻨﺎ ﺍﺗﻔﻘﻨﺎ ﺧﻼﺹ ... ﺇﻳﻪ ﺍﻟﻠﻲ ﺧﻼﻙ ﺗﺮﺟﻊ ﻓﻜﻼﻣﻚ ?

ﺍﻣﺘﺪﺕ ﻳﺪﻩ ﻟﺘﻤﺴﺢ ﻋﻠﻰ ﺷﻌﺮﻫﺎ ﺑﺤﻨﺎﻥ ﻗﺎﺋﻼ ﺑﺈﺑﺘﺴﺎﻣﺔ :

- ﺃﻧﺎ ﻗﻠﺖ ﻛﺪﻩ ﺑﺲ ﻋﺸﺎﻥ ﺗﻬﺪﻱ ﺳﺎﻋﺘﻬﺎ ... ﻟﻜﻦ ﺃﻧﺎ ﻋﻤﺮﻱ ﻣﺎ ﺣﺎﻃﻠﻘﻚ ﻣﻬﻤﺎ ﻋﻤﻠﺘﻲ

ﺩﻓﻌﺖ ﻧﻮﺭﺍ ﻳﺪﻩ ﺑﻌﻴﺪﺍ ﻋﻨﻬﺎ ﻭﻗﺎﻟﺖ ﺑﻀﻴﻖ :

- ﻟﻮ ﺳﻤﺤﺖ ﺍﺑﻌﺪ ﺇﻳﺪﻙ ﺩﻱ ﻋﻨﻲ ... ﺳﺒﻖ ﻭﻗﻠﺘﻠﻚ ﺇﻧﻲ ﻣﺶ ﻃﺎﻳﻘﺔ ﺣﺘﻰ ﻟﻤﺴﺘﻚ ﺩﻱ

- ﺃﻧﺎ ﻣﺶ ﻣﺼﺪﻕ ﺍﻧﻚ ﻛﺮﻫﺘﻴﻨﻲ ﺑﺎﻟﺴﻬﻮﻟﺔ ﺩﻱ ... ﻣﻌﻘﻮﻝ ﺍﻟﺤﺐ ﻳﺘﺤﻮﻝ ﻟﻜﺮﻩ ﺑﺎﻟﺒﺴﺎﻃﺔ ﻭﺍﻟﺴﺮﻋﺔ ﺩﻱ

- ﻋﺎﺩﻱ ﺟﺪﺍ ... ﻟﻤﺎ ﻳﻜﻮﻥ ﺍﻟﻄﺮﻑ ﺍﻟﺘﺎﻧﻲ ﻣﺎﻳﺴﺘﺎﻫﻠﺶ ﺍﻟﺤﺐ ﺩﻩ ﻳﺒﻘﻰ ﻻﺯﻡ ﻳﺘﺤﻮﻝ

ﺗﻨﻬﺪ ﻋﻠﻲ ﻗﺎﺋﻼ ﺑﺄﺳﻰ :

- ﺃﻧﺎ ﻣﺶ ﻓﺎﻫﻢ ﺍﻧﺘﻲ ﺑﺘﺤﺎﺳﺒﻴﻨﻲ ﻋﻠﻰ ﺇﻳﻪ ﺑﺎﻟﻈﺒﻂ ? ﻋﻠﻰ ﻣﺸﺎﻋﺮ ﻣﺎﻛﺎﻧﺘﺶ ﺑﺈﻳﺪﻱ ﻭﺍﺗﺨﻠﺼﺖ ﻣﻨﻬﺎ ﻗﺒﻞ ﻣﺎ ﺍﺗﺠﻮﺯﻙ ... ﻭﻻ ﻋﻠﻰ ﺇﻧﻲ ﻭﺍﻓﻘﺖ ﺇﻧﻲ ﺍﺗﺠﻮﺯﻙ ﻭﺷﻮﻓﺖ ﺍﻧﻚ ﺣﺘﻜﻮﻧﻲ ﺍﻟﺰﻭﺟﺔ ﺍﻟﻤﻨﺎﺳﺒﺔ ﺍﻟﻠﻲ ﺍﻗﺪﺭ ﺍﻛﻤﻞ ﻣﻌﺎﻫﺎ ﺣﻴﺎﺗﻲ

- ﻻ ﺩﻩ ﻭﻻ ﺩﻩ ... ﺍﻧﺎ ﺑﺤﺎﺳﺒﻚ ﻋﻠﻰ ﺍﻧﻚ ﻛﺪﺑﺖ ﻋﻠﻴﺎ ﻟﻤﺎ ﺳﺄﻟﺘﻚ ﺇﺫﺍ ﻛﻨﺖ ﺑﺘﺤﺒﻨﻲ ﻭﻻ ﻷ ... ﻭﺑﻌﺪﻳﻦ ﻣﻴﻦ ﻗﺎﻝ ﺇﻧﻲ ﺑﺤﺎﺳﺒﻚ ... ﺍﻧﺎ ﺑﺲ ﺑﺎﺣﺎﻭﻝ ﺍﺳﺎﻋﺪﻙ ﺍﻧﻚ ﺗﺘﺨﻠﺺ ﻣﻦ ﺟﻮﺍﺯﺓ ﺍﺗﻔﺮﺿﺖ ﻋﻠﻴﻚ

- ﺃﻧﺎ ﻋﻤﺮﻱ ﻣﺎﻛﺪﺑﺖ ﻋﻠﻴﻜﻲ ﻳﺎ ﻧﻮﺭﺍ ... ﺍﻧﺎ ﻟﻤﺎ ﻗﻠﺘﻠﻚ ﻛﺪﻩ ﻛﻨﺖ ﺣﺎﺳﺲ ﺍﻟﻜﻼﻡ ﺩﻩ ﻓﻌﻼ ... ﺑﺲ ﻛﻨﺖ ﺑﺎﻛﺪﺏ ﻧﻔﺴﻲ ... ﻭﺍﻗﻮﻝ ﺣﺒﻴﺘﻬﺎ ﺍﻣﺘﻰ ﻭﺍﺯﺍﻱ ... ﻭﺑﻌﺪﻳﻦ ﺍﻧﺘﻲ ﻏﻠﻄﺎﻧﺔ ﻳﺎ ﻧﻮﺭﺍ ... ﺍﻧﺘﻲ ﻣﺎ ﺍﺗﻔﺮﺿﺘﻴﺶ ﻋﻠﻴﺎ ﻭﻻ ﺣﺎﺟﺔ ... ﺩﻩ ﺟﻮﺍﺯ ﻳﺎ ﻧﻮﺭﺍ ﻳﻌﻨﻲ ﻋﻤﺮﺑﺤﺎﻟﻪ ﺣﻨﻘﻀﻴﻪ ﻣﻊ ﺑﻌﺾ ... ﻳﻌﻨﻲ ﻟﻮ ﻣﺎﻛﻨﺘﺶ ﻣﻮﺍﻓﻖ ﻛﻨﺖ ﻗﻠﺖ ﺩﻩ ﺑﺼﺮﺍﺣﺔ ﻟﻌﻤﻲ

- ﻧﻮﺭﺍ ﺑﺘﻬﻜﻢ : ﻋﻤﺮ ﺑﺤﺎﻟﻪ ... ﺍﻧﺖ ﺑﺎﻳﻦ ﻋﻠﻴﻚ ﺑﺘﺤﻠﻢ

- ﻋﻠﻲ ﺑﺈﺻﺮﺍﺭ : ﻭﻣﺎﻟﻪ ... ﻛﻞ ﺣﺎﺟﺔ ﺣﻠﻮﺓ ﺍﺑﺘﺪﺕ ﺑﺤﻠﻢ ... ﻭﺍﻧﺎ ﻣﺘﺄﻛﺪ ﺇﻧﻪ ﺣﻴﻴﺠﻲ ﺍﻟﻴﻮﻡ ﺍﻟﻠﻲ ﺣﻠﻤﻲ ﻳﺘﺤﻘﻖ ﻓﻴﻪ

ﺍﻧﻬﻲ ﻋﻠﻲ ﺟﻤﻠﺘﻪ ﺍﻷﺧﻴﺮﺓ ﻭﺗﻤﺪﺩ ﻋﻠﻰ ﺍﻷﺭﺽ ﺑﺠﻮﺍﺭﻫﺎ ﺛﻢ ﺳﺤﺐ ﺍﻟﻐﻄﺎﺀ ﻟﻴﺘﺪﺛﺮ ﺑﻪ ﻓﺎﻋﺘﺪﻟﺖ ﻧﻮﺭﺍ ﻓﻲ ﺟﻠﺴﺘﻬﺎ ﻭﻗﺎﻟﺖ ﺑﺪﻫﺸﺔ :

- ﺍﻧﺖ ﺑﺘﻌﻤﻞ ﺇﻳﻪ ?

- ﻋﻠﻲ ﺑﻼ ﻣﺒﺎﻻﺓ : ﺯﻱ ﻣﺎ ﺍﻧﺘﻲ ﺷﺎﻳﻔﺔ ... ﺇﺫﺍ ﻛﻨﺘﻲ ﺍﻧﺘﻲ ﻣﺶ ﻋﺎﻳﺰﺓ ﺗﻄﻠﻌﻲ ﺗﻨﺎﻣﻲ ﺟﻨﺒﻲ ﺃﻧﺎ ﺑﻘﻰ ﺣﺎﻧﺰﻝ ﺃﻧﺎﻡ ﺟﻨﺒﻚ

ﻗﺎﻣﺖ ﻧﻮﺭﺍ ﻣﻦ ﻣﻜﺎﻧﻬﺎ ﻭﺍﺗﺠﻬﺖ ﺇﻟﻰ ﺍﻟﻔﺮﺍﺵ ﻭﺟﻠﺴﺖ ﻋﻠﻴﻪ ﻗﺎﺋﻠﺔ :

- ﻣﺶ ﺍﻧﺖ ﻋﺠﺒﺎﻙ ﻧﻮﻣﺔ ﺍﻷﺭﺽ ﺩﻱ ... ﺧﻼﺹ ﺧﻠﻴﻬﺎﻟﻚ

ﺿﺤﻚ ﻋﻠﻰ ﻗﺎﺋﻼ : ﺷﻮﻓﺘﻲ ﺑﻘﻰ ﺧﻠﻴﺘﻚ ﺗﻨﺎﻣﻲ ﻋﻠﻰ ﺍﻟﺴﺮﻳﺮ ﺍﺯﺍﻱ ﺑﺮﺿﻪ

ﺗﻤﺪﺩﺕ ﻧﻮﺭﺍ ﻋﻠﻰ ﺍﻟﻔﺮﺍﺵ ﻭﺃﻭﻟﺘﻪ ﻇﻬﺮﻫﺎ ﺣﺘﻰ ﻻ ﻳﺮﻯ ﺗﻠﻚ ﺍﻹﺑﺘﺴﺎﻣﺔ ﺍﻟﺘﻲ ﺍﺭﺗﺴﻤﺖ ﻋﻠﻰ ﺷﻔﺘﻴﻬﺎ

******************************

↚

- ﻋﻠﻲ ﺑﻀﻴﻖ : ﻳﺎ ﻧﻮﺭﺍ ﻋﺸﺎﻥ ﺧﺎﻃﺮﻱ ﺑﻼﺵ ﺍﻟﻌﻨﺪ ﺩﻩ

- ﺍﺳﻔﺔ ﻣﺶ ﻋﺎﻳﺰﺓ ﺍﺧﺮﺝ ﻣﻌﺎﻙ ﻓﺤﺘﺔ ... ﻣﺶ ﻋﺎﻳﺰﺓ ﺍﺗﻔﺴﺢ ﻳﺎ ﺳﻴﺪﻱ ﻫﻴﺎ ﺍﻟﻔﺴﺢ ﻛﻤﺎﻥ ﺑﺎﻟﻌﺎﻓﻴﺔ

ﻋﻘﺪ ﺫﺭﺍﻋﻴﻪ ﺍﻣﺎﻡ ﺻﺪﺭﻩ ﻭﻗﺎﻝ ﺑﻨﻔﺎﺫ ﺻﺒﺮ :

- ﻳﺎ ﻧﻮﺭﺍ ﺍﺣﻤﺪ ﻭﻟﺒﻨﻰ ﻣﺴﺘﻨﻴﻴﻦ ﺗﺤﺖ ... ﻋﺎﻳﺰﺍﻧﻲ ﺃﻗﻮﻟﻬﻢ ﺇﻳﻪ ﺑﺲ ?

ﺻﻤﺘﺖ ﻧﻮﺭﺍ ﺑﺮﻫﺔ ﻟﺘﻔﻜﺮ ﺛﻢ ﻗﺎﻟﺖ ﺑﺠﺪﻳﺔ :

- ﻣﺎﺷﻲ ﺃﻧﺎ ﺟﺎﻳﺔ ﻣﻌﺎﻙ

ﺍﺑﺘﺴﻢ ﻋﻠﻲ ﻓﺎﺭﺩﻓﺖ ﻗﺎﺋﻠﺔ :

- ﻣﺎﺗﻔﺮﺣﺶ ﺍﻭﻱ ﻛﺪﻩ ... ﺍﻧﺎ ﺟﺎﻳﺔ ﺑﺲ ﻋﺸﺎﻥ ﺧﺎﻃﺮ ﺍﺣﻤﺪ ﻭﻟﺒﻨﻰ ﻣﺶ ﻋﺸﺎﻧﻚ ... ﺣﺮﺍﻡ ﻧﻀﻴﻊ ﻋﻠﻴﻬﻢ ﺷﻬﺮ ﺍﻟﻌﺴﻞ ﺑﺘﺎﻋﻬﻢ ... ﻫﻤﺎ ﻣﺎﻟﻬﻤﺶ ﺫﻧﺐ ﻓﺤﺎﺟﺔ ... ﻣﺎﻓﻴﺶ ﺩﺍﻋﻲ ﻧﻨﻜﺪ ﻋﻠﻴﻬﻢ

ﺯﻓﺮ ﻋﻠﻲ ﺑﺸﺪﺓ ﺛﻢ ﻗﺎﻝ ﺑﻤﺸﺎﻏﺒﺔ :

- ﻭﺃﻧﺎ ﺍﻟﻠﻲ ﻛﻨﺖ ﻓﺎﻛﺮﻙ ﻃﻴﺒﺔ ... ﺍﺗﻀﺢ ﺍﻥ ﻣﺎﻓﻴﺶ ﺣﺪ ﻃﻴﺐ ﻓﺎﻟﺰﻣﻦ ﺩﻩ

- ﻭﺍﻟﻠﻪ ﺇﺫﺍ ﻛﺎﻥ ﻋﺎﺟﺒﻚ

ﺍﺳﺮﻉ ﻳﺠﻴﺒﻬﺎ ﻋﻠﻰ ﺍﻟﻔﻮﺭ ﻗﺎﺋﻼ :

- ﻋﺎﺟﺒﻨﻲ ﻳﺎ ﺳﺘﻲ ﻋﺎﺟﺒﻨﻲ ... ﻭﺇﻥ ﺟﻴﺘﻲ ﻟﻠﺤﻖ ﻋﺎﺟﺒﻨﻲ ﺍﻭﻱ ﻛﻤﺎﻥ ... ﺑﺲ ﻳﻼ ﺑﻴﻨﺎ ﺑﻘﻰ

******************************

ﻛﺎﻧﺖ ﺃﻣﻴﺮﺓ ﺗﺠﻠﺲ ﻣﻊ ﺷﻘﻴﻘﺘﻬﺎ ﺃﻣﻨﻴﺔ ﻟﺘﻘﺺ ﻋﻠﻴﻬﺎ ﺗﻔﺎﺻﻴﻞ ﻣﺎﺣﺪﺙ ﻭﻫﻲ ﺗﺴﺘﻤﻊ ﺇﻟﻴﻬﺎ ﺑﺈﻫﺘﻤﺎﻡ ﻭﺫﻫﻮﻝ ﻣﻤﺎ ﺗﺴﻤﻊ ... ﺍﻧﺘﻬﺖ ﺃﻣﻴﺮﺓ ﻣﻦ ﻛﻼﻣﻬﺎ ﻗﺎﺋﻠﺔ ﺑﺤﻴﺮﺓ :

- ﻗﻮﻟﻴﻠﻲ ﻳﺎ ﺃﻣﻨﻴﺔ ﺍﻋﻤﻞ ﺇﻳﻪ ﻭﺍﺗﺼﺮﻑ ﺍﺯﺍﻱ ... ﺃﻧﺎ ﺧﻼﺹ ﺩﻣﺎﻏﻲ ﻗﺮﺑﺖ ﺗﻨﻔﺠﺮ ﻣﻦ ﺍﻟﺘﻔﻜﻴﺮ

ﻗﺎﺳﻤﺘﻬﺎ ﺃﻣﻨﻴﺔ ﺣﻴﺮﺗﻬﺎ ﻭﻫﻲ ﺗﺠﻴﺒﻬﺎ ﻗﺎﺋﻠﺔ :

- ﻭﺍﻟﻠﻪ ﻣﺎ ﺃﻧﺎ ﻋﺎﺭﻓﺔ ﻳﺎ ﺃﻣﻴﺮﺓ ﺍﻗﻮﻟﻚ ﺇﻳﻪ ? ﻭﺍﻟﻤﺸﻜﻠﺔ ﻛﻤﺎﻥ ﺍﻥ ﺍﺣﻤﺪ ﻣﺴﺎﻓﺮ ﻋﺸﺎﻥ ﻛﻨﺖ ﺍﻗﻮﻟﻚ ﺧﻠﻲ ﺍﺣﻤﺪ ﻳﺘﺼﺮﻑ ﻣﻌﺎﻩ

- ﻳﻌﻨﻲ ﺍﻧﺘﻲ ﺭﺃﻳﻚ ﺃﻭﺍﺟﻬﻪ ﻭﺍﻃﻠﺐ ﺍﻟﻄﻼﻕ ﻭﻻ ﺍﺳﺘﻨﻰ ﺷﻮﻳﺔ ﻟﺤﺪ ﻣﺎ ﺍﺗﺄﻛﺪ

- ﻭﺍﻟﻠﻪ ﻳﺎ ﺃﻣﻴﺮﺓ ﻗﺒﻞ ﺍﻟﻤﻜﺎﻟﻤﺔ ﺍﻟﻠﻲ ﺟﺎﺗﻠﻚ ﺩﻱ ﻛﻨﺖ ﺣﺎﻗﻮﻟﻚ ﻃﺒﻌﺎ ﻻﺯﻡ ﺗﻮﺍﺟﻬﻴﻪ ﻭﺗﻄﻠﺒﻲ ﺍﻟﻄﻼﻕ ﻭﺑﺪﻭﻥ ﺗﺮﺩﺩ ... ﻟﻜﻦ ﺑﻌﺪ ﺍﻟﻤﻜﺎﻟﻤﺔ ﺍﻗﻮﻝ ﺍﻟﻤﻔﺮﻭﺽ ﺗﺴﺘﻨﻲ ﻟﻤﺎ ﺗﺘﺄﻛﺪﻱ ﻭﺗﻌﺮﻓﻲ ﻣﻴﻦ ﺍﻟﺒﻨﻲ ﺍﺩﻡ ﺩﻩ ﻭﻋﺎﻳﺰ ﻣﻨﻚ ﺇﻳﻪ ... ﻣﺶ ﻳﻤﻜﻦ ﻳﻜﻮﻥ ﺍﻟﻠﻲ ﺷﻮﻗﺘﻴﻪ ﺩﻩ ﻣﺶ ﺣﻘﻴﻘﻲ ﻭﻳﻜﻮﻥ ﺍﻟﺒﻨﻰ ﺍﺩﻡ ﺩﻩ ﻫﻮ ﺍﻟﻠﻲ ﻣﻔﺒﺮﻛﺔ ﻓﻌﻼ ﻋﺸﺎﻥ ﻳﻄﻠﻘﻚ ﻣﻦ ﺟﻮﺯﻙ

- ﻭﻟﻮ ﻛﺎﻧﺖ ﺣﻘﻴﻘﺔ ﻓﻌﻼ ... ﺍﻋﻤﻞ ﺇﻳﻪ ﺳﺎﻋﺘﻬﺎ ?

- ﺗﺒﻘﻲ ﺳﺎﻋﺘﻬﺎ ﻣﺎﻇﻠﻤﺘﻴﻬﻮﺵ ﻭﺗﻘﺪﺭﻱ ﺗﻄﻠﺒﻲ ﺍﻟﻄﻼﻕ ﺯﻱ ﻣﺎ ﺍﻧﺘﻲ ﻋﺎﻳﺰﺓ

- ﺍﻧﺎ ﺣﺎﺗﺄﻛﺪ ﺑﻨﻔﺴﻲ ﺍﻥ ﺍﻟﻜﻼﻡ ﺩﻩ ﺻﺤﻴﺢ ﻭﻻ ﻷ ... ﻭﻟﻮ ﻃﻠﻊ ﻣﻈﺒﻮﻁ ﻳﺒﻘﻰ ﺳﺎﻋﺘﻬﺎ ﻃﺒﻌﺎ ﺣﺎﻃﻠﺐ ﺍﻟﻄﻼﻕ ﺑﺲ ﻣﺶ ﻗﺒﻞ ﻣﺎ ﺃﻋﺮﻓﻪ ﺟﺰﺍﺀ ﺍﻟﺨﻴﺎﻧﺔ ﺇﻳﻪ ? ﻟﻜﻦ ﺍﻟﻠﻲ ﺍﻧﺎ ﺧﺎﻳﻔﺔ ﻣﻨﻪ ﺍﻥ ﺍﻟﺒﻨﻰ ﺍﺩﻡ ﺩﻩ ﻳﻨﺸﺮ ﺍﻟﺼﻮﺭ ﺩﻱ ﻓﻌﻼ

- ﻣﺎ ﺍﻋﺘﻘﺪﺵ ﺍﻧﻪ ﻣﻤﻜﻦ ﻳﻌﻤﻞ ﻛﺪﻩ ... ﺍﺻﻼ ﻳﺒﻘﻰ ﻏﺒﻲ ﻓﻌﻼ ﻟﻮ ﻋﻤﻞ ﻛﺪﻩ ... ﺍﻧﺎ ﺍﻋﺘﻘﺪ ﺍﻧﻬﺎ ﻭﺳﻴﻠﺔ ﺿﻐﻂ ﻋﻠﻴﻜﻲ ﻣﺶ ﺍﻛﺘﺮ ... ﻫﻮ ﻣﻤﻜﻦ ﻳﻔﺘﻜﺮ ﺍﻧﻚ ﻣﻤﻜﻦ ﺗﻮﺍﻓﻘﻲ ﻋﻠﻰ ﺍﻟﻠﻲ ﻫﻮ ﻋﺎﻳﺰﻩ ﻋﺸﺎﻥ ﺣﺘﺨﺎﻓﻲ ﻣﻦ ﺍﻟﻔﻀﺎﻳﺢ ... ﻟﻜﻦ ﻟﻮ ﻧﺰﻝ ﺍﻟﺼﻮﺭ ﻓﻌﻼ ... ﻣﺶ ﺣﻴﺒﻘﻰ ﻋﻨﺪﻩ ﺣﺎﺟﺔ ﻳﻀﻐﻂ ﻋﻠﻴﻜﻲ ﺑﻴﻬﺎ .... ﺍﻋﺘﻘﺪ ﺇﻧﻪ ﻣﺶ ﻣﻤﻜﻦ ﻳﻌﻤﻞ ﻛﺪﻩ ...

- ﻣﻨﻚ ﻟﻠﻪ ﻳﺎ ﺟﻤﺎﻝ ﻋﺸﺎﻥ ﺍﻧﺖ ﺍﻟﻠﻲ ﺣﻄﺘﻨﻲ ﻓﺎﻟﻤﻮﻗﻒ ﺩﻩ ... ﺑﺲ ﺻﺪﻗﻨﻲ ﻟﻮ ﻛﺎﻥ ﺩﻩ ﺻﺤﻴﺢ ﺍﻧﺎ ﺣﺎﻋﺮﻑ ﺍﺯﺍﻱ ﺍﻧﺪﻣﻚ ﻋﻠﻴﻪ

- ﺃﻣﻨﻴﺔ ﺑﻘﻠﻖ : ﺍﻧﺘﻲ ﻧﺎﻭﻳﺔ ﻋﻠﻰ ﺇﻳﻪ ﺑﺎﻟﻈﺒﻂ ﻳﺎ ﺍﻣﻴﺮﺓ ?

- ﺍﺗﺄﻛﺪ ﺍﻷﻭﻝ ﻭﺑﻌﺪﻳﻦ ﺣﺘﺸﻮﻓﻲ ﺍﻧﺎ ﺣﺎﻋﻤﻞ ﺇﻳﻪ

****************************

ﻛﺎﻥ ﺻﻔﻮﺕ ﻳﺠﻠﺲ ﺑﻐﺮﻓﺔ ﻣﻜﺘﺒﻪ ﺣﻴﻦ ﺩﺧﻠﺖ ﺳﻜﺮﺗﻴﺮﺗﻪ ﺗﺨﺒﺮﻩ ﺑﻮﺟﻮﺩ ﺷﺨﺺ ﺑﺎﻟﺨﺎﺭﺝ ﻳﺮﻏﺐ ﻓﻲ ﻣﻘﺎﺑﻠﺘﻪ ﺩﻭﻥ ﻭﺟﻮﺩ ﻣﻮﻋﺪ ﻣﺴﺒﻖ .

- ﻣﺎﻗﺎﻟﻜﻴﺶ ﺇﺳﻤﻪ ﺇﻳﻪ ?

- ﻻ ﻳﺎ ﻓﻨﺪﻡ ... ﻫﻮ ﻛﻞ ﺍﻟﻠﻲ ﻗﺎﻟﻪ ﺇﻧﻪ ﻳﺒﻘﻰ ﺻﺪﻳﻖ ﺣﻀﺮﺗﻚ ﻭﻣﺎﺷﻮﻓﺘﻮﺵ ﻣﻦ ﺣﻮﺍﻟﻲ ﻋﺸﺮﻳﻦ ﺳﻨﺔ ... ﻭﺭﻓﺾ ﻳﻘﻮﻝ ﺇﺳﻤﻪ ﻋﺸﺎﻥ ﻋﺎﻳﺰ ﻳﻌﻤﻠﻬﺎ ﻣﻔﺎﺟﺄﺓ ﻟﺤﻀﺮﺗﻚ

ﺍﺧﺬ ﺻﻔﻮﺕ ﻳﻔﻜﺮ ﻟﺒﺮﻫﺔ ﻓﻲ ﻛﻴﻨﻮﻧﺔ ﺫﻟﻚ ﺍﻟﺼﺪﻳﻖ ﺍﻟﺬﻱ ﻟﻢ ﻳﺮﻩ ﻣﻨﺬ ﻋﺸﺮﻳﻦ ﻋﺎﻣﺎ ﺣﺘﻰ ﺍﺑﺘﺴﻢ ﻓﺠﺄﺓ ﻗﺎﺋﻼ :

- ﻣﻌﻘﻮﻝ ﻳﻜﻮﻥ ﻫﻮ ?

ﻧﻈﺮ ﺇﻟﻰ ﺍﻟﺴﻜﺮﺗﻴﺮﺓ ﻗﺎﺋﻼ :

- ﻗﻮﻟﻴﻠﻪ ﻳﺘﻔﻀﻞ ﻟﻤﺎ ﻧﺸﻮﻑ ﻫﻮ ﻣﻴﻦ ... ﻭﻻ ﺍﻗﻮﻟﻚ ﺍﻧﺎ ﺟﺎﻱ ﻣﻌﺎﻛﻲ ﺍﺷﻮﻓﻪ ﻣﻴﻦ

- ﺗﺤﺖ ﺃﻣﺮ ﺣﻀﺮﺗﻚ

ﺧﺮﺟﺖ ﺍﻟﺴﻜﺮﺗﻴﺮﺓ ﺛﻢ ﺗﺒﻌﻬﺎ ﺻﻔﻮﺕ ﻟﻴﺠﺪﻩ ﺟﺎﻟﺴﺎ ﻭﻗﺪ ﺃﻭﻻﻩ ﻇﻬﺮﻩ ﻓﻘﺎﻝ ﻣﺤﺪﺛﺎ ﺇﻳﺎﻩ :

- ﻣﻴﻦ ﺣﻀﺮﺗﻚ ?

ﺍﻟﺘﻔﺖ ﺍﻟﺮﺟﻞ ﻗﺎﺋﻼ ﺑﻮﺩ :

- ﺍﺯﻳﻚ ﻳﺎ ﺻﻔﻮﺕ ?

ﻋﻠﺖ ﺛﻐﺮﻩ ﺇﺑﺘﺴﺎﻣﺔ ﻋﺮﻳﻀﺔ ﻭﻫﻮ ﻳﻘﻮﻝ ﺑﺪﻫﺸﺔ :

- ﻣﻌﻘﻮﻝ ﺍﻟﻠﻲ ﺃﻧﺎ ﺷﺎﻳﻔﻪ ﺩﻩ ? ﺳﻌﻴﺪ ﺷﻜﺮﻱ ﻓﻤﻜﺘﺒﻲ ... ﺑﺎﻟﺤﻀﻦ ﻳﺎ ﺳﻌﻴﺪ .......

ﻳﺘﺒﻊ

↚

ﻗﻠﻴﻠﻮﻥ ﻫﻢ ﻓﻲ ﺣﻴﺎﺗﻨﺎ ﺃﻭﻟﺌﻚ ﺍﻷﺷﺨﺎﺹ ﺍﻟﺬﻳﻦ ﻳﻈﻠﻮﻥ ﻓﻲ ﺫﺍﻛﺮﺗﻨﺎ ﻣﻬﻤﺎ ﺭﺣﻠﻮﺍ ﺃﻭ ﺍﺑﺘﻌﺪﻭﺍ

ﻛﺎﻥ ﺻﻔﻮﺕ ﻳﺠﻠﺲ ﺑﻐﺮﻓﺔ ﻣﻜﺘﺒﻪ ﻭﺇﻟﻰ ﺟﻮﺍﺭﻩ ﺳﻌﻴﺪ ﻳﻘﺺ ﻛﻞ ﻣﻨﻬﻤﺎ ﻋﻠﻰ ﺍﻷﺧﺮ ﺃﺧﺮ ﺃﺧﺒﺎﺭﻩ ﻭﻣﺴﺘﺠﺪﺍﺕ ﺣﻴﺎﺗﻪ ... ﺣﻜﻰ ﻟﻪ ﺻﻔﻮﺕ ﻛﻞ ﻣﺎ ﻣﺮ ﺑﻪ ﻣﻦ ﺃﺣﺪﺍﺙ ﻃﻴﻠﺔ ﺍﻟﻌﺸﺮﻳﻦ ﻋﺎﻣﺎ ﺍﻟﺘﻲ ﻏﺎﺑﻬﺎ ﺳﻌﻴﺪﺍ ﻣﻬﺎﺟﺮﺍ ﺇﻟﻰ ﺃﻣﺮﻳﻜﺎ ﺑﻌﺪ ﺭﺣﻴﻞ ﺯﻭﺟﺘﻪ ... ﺑﻌﺪ ﺍﻥ ﺍﻧﺘﻬﻰ ﺻﻔﻮﺕ ﻣﻦ ﺣﺪﻳﺜﻪ ﺗﻨﻬﺪ ﺳﻌﻴﺪ ﻗﺎﺋﻼ ﺑﺄﺳﻰ :

- ﺇﻧﺎ ﻟﻠﻪ ﻭﺇﻧﺎ ﺇﻟﻴﻪ ﺭﺍﺟﻌﻮﻥ ... ﻳﻌﻨﻲ ﻋﺰﺕ ﻣﺎﺕ ﻭﺻﻔﻴﺔ ﻭﻛﻤﺎﻥ ﻓﺮﺩﻭﺱ ... ﺍﻟﻠﻪ ﻳﺮﺣﻤﻬﻢ ﺟﻤﻴﻌﺎ

ﺃﻃﺮﻕ ﺻﻔﻮﺕ ﺑﺮﺃﺳﻪ ﻭﻗﺎﻝ ﺑﺘﺄﺛﺮ :

- ﺍﻳﻮﻩ ﺍﻟﻠﻪ ﻳﺮﺣﻢ ﺍﻟﺠﻤﻴﻊ .... ﻭﺍﻧﺎ ﺩﻟﻮﻗﺘﻲ ﺯﻱ ﻣﺎﻗﻠﺘﻠﻚ ﺑﻘﻰ ﻋﻨﺪﻱ ﺑﻨﺘﻴﻦ ... ﺍﻧﺖ ﻋﺎﺭﻑ ﻧﻮﺭﺍ ﻃﺒﻌﺎ ... ﻭﻧﺎﺩﻳﺔ ﺑﻨﺖ ﻓﺮﺩﻭﺱ ﺍﻛﺒﺮ ﻣﻨﻬﺎ ﺑﺴﻨﺔ ... ﻟﻮ ﻛﻨﺖ ﺟﻴﺖ ﻣﻦ ﺗﻠﺖ ﺍﻳﺎﻡ ﺑﺲ ﻛﻨﺖ ﺣﻀﺮﺕ ﻓﺮﺣﻬﻢ ﺍﻻﺗﻨﻴﻦ ... ﺍﻟﻤﻬﻢ ﻗﻮﻟﻲ ﺍﻧﺖ ﺑﻘﻰ ... ﺇﻳﻪ ﺍﻟﻠﻲ ﺭﺟﻌﻚ ﻣﺼﺮ ﺗﺎﻧﻲ ﻓﺎﻟﻮﻗﺖ ﺩﻩ ... ﺩﻩ ﺍﻟﻠﻲ ﻓﻤﺼﺮ ﺩﻟﻮﻗﺘﻲ ﺑﻴﺴﻴﺒﻮﻫﺎ ﻭﻳﻤﺸﻮﺍ ﻳﺎ ﺭﺍﺟﻞ

- ﻭﺍﻟﻠﻪ ﺣﺎﺟﺎﺕ ﻛﺘﻴﺮ ﺍﻭﻱ ﻳﺎ ﺻﻔﻮﺕ .

- ﻗﻮﻟﻲ ﺍﻷﻭﻝ ﺇﺑﺮﺍﻫﻴﻢ ﺍﺑﻨﻚ ﺃﺧﺒﺎﺭﻩ ﺇﻳﻪ ?

- ﺑﺨﻴﺮ ﺍﻟﺤﻤﺪ ﻟﻠﻪ ... ﺩﻟﻮﻗﺘﻲ ﺑﻘﻰ ﺭﺍﺟﻞ ﻭﻣﻌﺎﻩ ﺩﻛﺘﻮﺭﺍﻩ ﻓﻲ ﺇﺩﺍﺭﺓ ﺍﻷﻋﻤﺎﻝ ﻛﻤﺎﻥ ﻣﻦ ﺍﻣﺮﻳﻜﺎ

- ﻣﺎﺷﺎﺀ ﺍﻟﻠﻪ ... ﻃﻴﺐ ﻭﻫﻮ ﻓﻴﻦ ﻣﺎﺟﺎﺵ ﻣﻌﺎﻙ ﻟﻴﻪ ﻋﺸﺎﻥ ﺃﺷﻮﻓﻪ ?

- ﺳﻴﺒﺘﻪ ﻓﺎﻟﻔﻨﺪﻕ ﻣﻊ ﺃﺧﺘﻪ ﻭﻗﻠﺖ ﺁﺟﻲ ﺃﺷﻮﻓﻚ

ﻗﻄﺐ ﺻﻔﻮﺕ ﺟﺒﻴﻨﻪ ﻓﻲ ﺩﻫﺸﺔ ﻗﺎﺋﻼ :

- ﺃﺧﺘﻪ ! ﺃﺧﺘﻪ ﻣﻴﻦ ? ﺍﻧﺖ ﺍﺗﺠﻮﺯﺕ ﺑﻌﺪ ﻣﺮﺍﺗﻚ ﺍﻟﻠﻪ ﻳﺮﺣﻤﻬﺎ ?

ﺍﻭﻣﺄ ﺑﺮﺃﺳﻪ ﻣﺆﻛﺪﺍ :

- ﺍﻳﻮﻩ ﺍﺗﺠﻮﺕ ﺃﻣﺮﻳﻜﻴﺔ ﻣﻦ ﺃﺻﻞ ﻟﺒﻨﺎﻧﻲ ﻭﺧﻠﻔﺖ ﺑﻨﺘﻲ ﺳﻮﺯﺍﻥ ﻭﻋﻨﺪﻫﺎ ﺩﻟﻮﻗﺘﻲ 18 ﺳﻨﺔ

- ﺭﺑﻨﺎ ﻳﺒﺎﺭﻛﻠﻚ ﻓﻴﻬﺎ ﻫﻴﺎ ﻭﺃﺧﻮﻫﺎ ... ﺑﺲ ﻫﻴﺎ ﻭﺍﻟﺪﺗﻬﺎ ﺭﺟﻌﺖ ﻣﻌﺎﻙ ﺑﺮﺿﻪ

- ﺳﻌﻴﺪ ﺑﺘﺄﺛﺮ : ﻭﺍﻟﺪﺗﻬﺎ ﻣﺎﺗﺖ ﺍﻟﻠﻪ ﻳﺮﺣﻤﻬﺎ ﻣﻦ ﻛﺎﻡ ﺷﻬﺮ ﻛﺪﻩ ... ﻭﺍﻧﺎ ﻗﻮﻟﺖ ﺍﺭﺟﻊ ﻣﺼﺮ ﻋﺸﺎﻥ ﺍﺑﻌﺪﻫﺎ ﺷﻮﻳﺔ ﻋﻦ ﺫﻛﺮﻳﺎﺗﻬﺎ ﻣﻊ ﻭﺍﻟﺪﺗﻬﺎ ﻭﻛﻤﺎﻥ ﻋﺸﺎﻥ ﺗﺸﻮﻑ ﺑﻠﺪﻫﺎ ﻭﺗﺘﻌﺮﻑ ﻋﻠﻴﻬﺎ ... ﻭﺇﺑﺮﺍﻫﻴﻢ ﻫﻮ ﻛﻤﺎﻥ ﻗﺮﺭﺕ ﺇﻧﻲ ﺃﺟﻮﺯﻩ ﻓﻘﻠﺖ ﺃﺭﺟﻊ ﻋﺸﺎﻥ ﺃﺷﻮﻓﻠﻪ ﻋﺮﻭﺳﺔ ﺑﻨﺖ ﺑﻠﺪﻩ ﻭﻫﻮ ﻛﻤﺎﻥ ﺩﻱ ﺭﻏﺒﺘﻪ ... ﻭﻧﻮﻳﺖ ﺍﻓﺘﺢ ﺷﺮﻛﺔ ﻭﺍﺧﻠﻲ ﺇﺑﺮﺍﻫﻴﻢ ﻳﺘﻮﻟﻲ ﺇﺩﺍﺭﺗﻬﺎ ﻭﺑﻤﺠﺮﺩ ﺑﺲ ﻣﺎﻧﺨﻠﺺ ﻣﻨﻬﺎ ﻭﺍﻭﺿﺎﻋﻨﺎ ﺗﺴﺘﻘﺮ ﺣﺎﺩﻭﺭﻟﻪ ﻋﻠﻰ ﻋﺮﻭﺳﺔ ﻋﻠﻄﻮﻝ ... ﻭﺍﺳﺘﻘﺮ ﺑﻘﻰ ﻓﺒﻠﺪﻱ ﻭﺍﻗﻀﻲ ﺍﻟﺸﻮﻳﺔ ﺍﻟﻠﻲ ﺑﺎﻗﻴﻴﻦ ﻣﻦ ﻋﻤﺮﻱ ﻓﻴﻬﺎ ... ﻭﺍﻟﻠﻪ ﻳﺎ ﺻﻔﻮﺕ ﺍﻟﻮﺍﺣﺪ ﻣﺶ ﺑﻴﺤﺲ ﺑﻘﻴﻤﺔ ﺑﻠﺪﻩ ﺇﻻ ﻟﻤﺎ ﻳﺒﻌﺪ ﻋﻨﻬﺎ

- ﺭﺑﻨﺎ ﻳﺪﻳﻚ ﻃﻮﻟﺔ ﺍﻟﻌﻤﺮ ﻳﺎ ﺳﻌﻴﺪ ... ﻳﺎﺭﺍﺟﻞ ﺩﻩ ﺃﻧﺎ ﻣﺎﺻﺪﻗﺖ ﺷﻮﻓﺘﻚ ﺑﻌﺪ ﺍﻟﺴﻨﻴﻦ ﺩﻱ ﻛﻠﻬﺎ ... ﺑﺲ ﻗﻮﻟﻲ ﺑﻘﻰ ... ﻧﻮﻳﺖ ﺗﻔﺘﺢ ﺍﻟﺸﺮﻛﺔ ﺩﻱ ﻫﻨﺎ ﻓﺎﻟﻘﺎﻫﺮﺓ ﻭﻻ ﻓﺪﻣﻴﺎﻁ ?

- ﺳﻌﻴﺪ ﺑﺤﻴﺮﺓ : ﻭﺍﻟﻠﻪ ﻣﺶ ﻋﺎﺭﻑ ﻳﺎ ﺻﻔﻮﺕ ... ﺃﻧﺎ ﻛﻨﺖ ﻋﺎﻳﺰ ﺍﻓﺘﺤﻬﺎ ﻓﺪﻣﻴﺎﻁ ﻭﺍﺳﺘﻘﺮ ﻫﻨﺎﻙ ﻭﺳﻂ ﺃﻫﻠﻲ ... ﻟﻜﻦ ﻟﻸﺳﻒ ﻣﺶ ﺣﻴﻨﻔﻊ ﻋﺸﺎﻥ ﺳﻮﺯﺍﻥ ﺑﻨﺘﻲ ﺣﺘﺪﺧﻞ ﺍﻟﺠﺎﻣﻌﺔ ﺍﻷﻣﺮﻳﻜﻴﺔ ﻫﻨﺎ ﻓﺎﻟﻘﺎﻫﺮﺓ ... ﻓﻼﺯﻡ ﺍﺳﺘﻘﺮ ﻫﻨﺎ ﺍﻟﻔﺘﺮﺓ ﺩﻱ ﻋﻠﻰ ﺍﻷﻗﻞ ﻟﺤﺪ ﺳﻮﺯﺍﻥ ﻣﺎﺗﺨﻠﺺ ﺩﺭﺍﺳﺘﻬﺎ ﺍﻷﻭﻝ ﻭﺑﻌﺪﻳﻦ ﺍﻧﻘﻞ ﺍﻟﺸﺮﻛﺔ ﻟﺪﻣﻴﺎﻁ ﻭﺍﺭﺟﻊ ﺃﻋﻴﺶ ﻫﻨﺎﻙ ... ﺑﺲ ﺍﻧﺎ ﻛﺎﻥ ﻟﻴﺎ ﻋﻨﺪﻙ ﺧﺪﻣﺔ

- ﺍﻧﺖ ﺗﺆﻣﺮﻧﻲ ﻳﺎ ﺳﻌﻴﺪ ... ﺩﻩ ﺟﻤﻴﻠﻚ ﻓﺮﻗﺒﺘﻲ ﻃﻮﻝ ﺍﻟﻌﻤﺮ

- ﻳﺎﺭﺍﺟﻞ ﻭﺍﻧﺎ ﻋﻤﻠﺖ ﺇﻳﻪ ﻳﻌﻨﻲ ?

- ﺍﻧﺖ ﻧﺎﺳﻲ ﺍﻧﻚ ﻛﻨﺖ ﺍﻟﺸﺎﻫﺪ ﺍﻟﺘﺎﻧﻲ ﻣﻊ ﻋﺰﺕ ﺍﺧﻮﻳﺎ ﻋﻠﻰ ﻋﻘﺪ ﺟﻮﺍﺯﻱ ﻣﻦ ﻓﺮﺩﻭﺱ ... ﻳﻌﻨﻲ ﺍﻟﻠﻲ ﺍﻧﺖ ﻋﻤﻠﺘﻪ ﻣﻌﺎﻳﺎ ﻣﺎﻋﻤﻠﻮﺵ ﻣﻌﺎﻳﺎ ﻏﻴﺮ ﻋﺰﺕ ﺃﺧﻮﻳﺎ

- ﻳﺎﺳﻴﺪﻱ ﺭﺑﻨﺎ ﻳﺪﻳﻢ ﺍﻟﻤﻌﺮﻭﻑ ... ﺃﻧﺎ ﺑﻘﻰ ﻋﺎﻳﺰﻙ ﺗﺸﻮﻓﻠﻲ ﻓﻴﻼ ﺻﻐﻴﺮﺓ ﻛﺪﻩ ﺃﺷﺘﺮﻳﻬﺎ ﻋﺸﺎﻥ ﺍﺳﻜﻦ ﻓﻴﻬﺎ ﺃﻧﺎ ﻭﻭﻻﺩﻱ ... ﻭﺣﺘﺔ ﺍﺭﺽ ﺍﻋﻤﻞ ﻋﻠﻴﻬﺎ ﺍﻟﺸﺮﻛﺔ ... ﻗﻠﺖ ﺇﻳﻪ ?

- ﺑﺲ ﻛﺪﻩ ... ﻏﺎﻟﻲ ﻭﺍﻟﻄﻠﺐ ﺭﺧﻴﺺ ... ﺑﺎﻟﻨﺴﺒﺔ ﻟﻠﻔﻴﻼ ﺩﻱ ﺃﻣﺮﻫﺎ ﺳﻬﻞ ... ﻭﺑﺎﻟﻨﺴﺒﺔ ﻟﻠﺸﺮﻛﺔ ... ﻓﺄﻧﺎ ﺍﻋﺮﻑ ﺷﺮﻛﺔ ﺧﺴﺮﺍﻧﺔ ﻭﺻﺎﺣﺒﻬﺎ ﻋﺎﺭﺿﻬﺎ ﻟﻠﺒﻴﻊ ﻭﻧﺎﻭﻱ ﻳﺴﺎﻓﺮ ... ﺍﺣﻨﺎ ﻣﻤﻜﻦ ﻧﺮﻭﺡ ﺳﻮﺍ ﻭﻧﺘﻔﺎﻭﺽ ﻣﻌﺎﻩ ﻭﺗﺸﺘﺮﻳﻬﺎ ﻣﻨﻪ ... ﺇﻳﻪ ﺭﺃﻳﻚ ﺑﻘﻰ ?

ﺃﺟﺎﺑﻪ ﺳﻌﻴﺪ ﻭﻫﻮ ﻳﻨﻬﺾ ﻣﻦ ﻣﻜﺎﻧﻪ ﺇﺳﺘﻌﺪﺍﺩﺍ ﻟﻠﺮﺣﻴﻞ :

- ﻋﻠﻰ ﺑﺮﻛﺔ ﺍﻟﻠﻪ ... ﺍﺩﻳﻨﻲ ﺑﻘﻰ ﻧﻤﺮﺓ ﺗﻠﻴﻔﻮﻧﻚ ﻋﺸﺎﻥ ﺍﺑﻘﻰ ﺍﺗﺼﻞ ﺑﻴﻚ

- ﺍﻧﺖ ﺭﺍﻳﺢ ﻓﻴﻦ ﺑﺲ ?

- ﻣﻌﻠﺶ ﺍﻧﺎ ﻣﻀﻄﺮ ﺃﻣﺸﻲ ﻋﺸﺎﻥ ﺍﻷﻭﻻﺩ ﻭﻛﻤﺎﻥ ﻣﺶ ﻋﺎﻳﺰ ﺍﻋﻄﻠﻚ ... ﺍﺩﻳﻨﻲ ﻧﻤﺮﺓ ﺍﻟﺘﻠﻴﻔﻮﻥ ﺑﺲ ﻭﺍﻧﺎ ﺣﺎﺗﻮﻛﻞ ﻋﻠﻰ ﺍﻟﻠﻪ ... ﻭﺑﻌﺪﻳﻦ ﺍﺣﻨﺎ ﺣﻨﺮﻭﺡ ﻣﻦ ﺑﻌﺾ ﻓﻴﻦ ?

- ﻣﺎﺷﻲ ... ﺍﻋﻤﻞ ﺣﺴﺎﺑﻚ ﺍﻧﻚ ﻣﻌﺰﻭﻡ ﻋﻨﺪﻱ ﻋﻠﻰ ﺍﻟﻐﺪﺍ ﺍﻧﺖ ﻭﻭﻻﺩﻙ ﺑﺲ ﺍﻟﺒﻨﺎﺕ ﻳﺮﺟﻌﻮﺍ ﻣﻦ ﺷﻬﺮ ﺍﻟﻌﺴﻞ ... ﻭﺍﻧﺎ ﺣﺎﺗﻔﻖ ﻣﻌﺎﻙ ﻋﻠﻰ ﺍﻟﻤﻌﺎﺩ

ﺍﻧﺼﺮﻑ ﺳﻌﻴﺪ ﺑﻌﺪ ﺍﻥ ﺗﺒﺎﺩﻻ ﺃﺭﻗﺎﻡ ﺍﻟﻬﻮﺍﺗﻒ ﻭﻭﻋﺪ ﻣﻨﻪ ﺑﻘﺒﻮﻝ ﺩﻋﻮﺓ ﺻﻔﻮﺕ ﻋﻠﻰ ﺍﻟﻐﺪﺍﺀ ﻓﻲ ﻣﻨﺰﻟﻪ

&&&&&&&&&&&&&&&&&&&&&&

ﻣﺎ ﺇﻥ ﺩﺧﻠﺖ ﺃﻣﻴﺮﺓ ﺇﻟﻰ ﻣﻨﺰﻟﻬﺎ ﺣﺘﻰ ﻭﺿﻌﺖ ﺍﺑﻨﺘﻬﺎ ﻓﻲ ﻓﺮﺍﺷﻬﺎ ﻭﺩﺛﺮﺗﻬﺎ ﺟﻴﺪﺍ ﺛﻢ ﺟﻠﺴﺖ ﺇﻟﻲ ﺟﻮﺍﺭﻫﺎ ﻭﺍﻧﺪﻓﻌﺖ ﻓﻲ ﺍﻟﺒﻜﺎﺀ ... ﻭﺑﻴﻨﻤﺎ ﻫﻲ ﻋﻠﻰ ﺗﻠﻚ ﺍﻟﺤﺎﻟﺔ ﺇﺫ ﻓﺎﺟﺄﻫﺎ ﺻﻮﺕ ﻫﺎﺗﻔﻬﺎ ﻳﻌﻠﻦ ﻋﻦ ﻗﺪﻭﻡ ﺇﺗﺼﺎﻝ ﻟﻢ ﻳﻜﻦ ﺑﺎﻟﻄﺒﻊ ﺳﻮﻯ ﻣﻦ ﻓﺘﺤﻲ ... ﻛﻔﻜﻔﺖ ﺩﻣﻮﻋﻬﺎ ﺳﺮﻳﻌﺎ ﻭﻗﺮﺭﺕ ﺍﻟﺒﺪﺀ ﻓﻲ ﺗﻨﻔﻴﺬ ﻣﺎ ﻋﺰﻣﺖ ﻋﻠﻴﻪ ... ﺃﺟﺎﺑﺘﻪ ﻭﺑﻜﻞ ﻫﺪﻭﺀ ﻗﺎﺋﻠﺔ :

- ﻧﻌﻢ ﻋﺎﻳﺰ ﺇﻳﻪ ?

- ﺑﻴﺘﻬﻴﺄﻟﻲ ﺍﻥ ﺍﻟﻠﻲ ﺍﻧﺎ ﻋﺎﻳﺰﻩ ﻗﻮﻟﺘﻪ ﻳﺎ ﺟﻤﻴﻞ ﻭﻻ ﺍﻧﺘﻲ ﻧﺴﻴﺘﻲ ? ﺩﻩ ﺃﻧﺎ ﻗﻮﻟﺖ ﺍﻛﻴﺪ ﻓﻜﺮﺗﻲ ﻓﺎﻟﻤﻮﺿﻮﻉ ﻛﻮﻳﺲ ﻓﻘﻠﺖ ﺍﺗﺼﻞ ﻭﺍﻋﺮﻑ ﺭﺩﻙ ?

- ﺃﻣﻴﺮﺓ ﺑﺤﺰﻡ : ﺃﻳﻮﻩ ﻓﻜﺮﺕ ﻭﻣﻮﺍﻓﻘﺔ ﻋﻠﻰ ﺍﻟﻠﻲ ﺍﻧﺖ ﻋﺎﻳﺰﻩ

ﻟﻢ ﻳﺴﺘﻄﻊ ﺇﺳﺘﻴﻌﺎﺏ ﻣﺎ ﺳﻤﻌﺘﻪ ﺃﺫﻧﺎﻩ ﻣﻨﺬ ﻗﻠﻴﻞ ﻓﺴﺄﻟﻬﺎ ﻣﺠﺪﺩﺍ ﻓﻠﻢ ﻳﺠﺪ ﻣﻨﻬﺎ ﺳﻮﻱ ﺍﻟﺘﺄﻛﻴﺪ ﻋﻠﻰ ﻣﺎ ﻗﺎﻟﺘﻪ ﻣﺴﺒﻘﺎ ﻭﻟﻜﻨﻬﺎ ﺃﺭﺩﻓﺖ ﻗﺎﺋﻠﺔ :

- ﺑﺲ ﺑﺸﺮﻁ ﻭﺍﺣﺪ

- ﺍﻧﺖ ﺗﺆﻣﺮ ﻳﺎ ﺟﻤﻴﻞ ﻭﺃﻧﺎ ﻋﻠﻴﺎ ﺍﻟﺘﻨﻔﻴﺬ

- ﻣﺶ ﻗﺒﻞ ﻋﺸﺮﺓ ﺍﻳﺎﻡ ... ﺣﺎﺗﺼﻞ ﺑﻴﻚ ﺑﻌﺪﻫﺎ ﻭﺍﻗﻮﻟﻚ ﺣﺎﻗﺎﺑﻠﻚ ﻓﻴﻦ ... ﻭﻃﺒﻌﺎ ﻣﺎﺗﻨﺴﺎﺵ ﺣﺘﺪﻳﻨﻲ ﺍﻟﺸﺮﻳﻂ ﺍﻟﻠﻲ ﻋﻨﺪﻙ ﺑﻌﺪﻫﺎ

- ﻛﺘﻴﺮ ﻳﺎ ﺟﻤﻴﻞ ﻭﺃﻧﺎ ﺻﺒﺮﻱ ﻗﻠﻴﻞ .

- ﻫﻮ ﺩﻩ ﺷﺮﻃﻲ ﺍﻟﻮﺣﻴﺪ ﻟﻮ ﻣﻮﺍﻓﻖ ﻳﺒﻘﻰ ﺍﺗﻔﻘﻨﺎ ... ﻣﺶ ﻣﻮﺍﻓﻖ ﻳﺒﻘﻰ ﺧﻼﺹ ﺍﻟﻠﻲ ﻳﺮﻳﺤﻚ

- ﻫﻮ ﺇﻳﻪ ﺍﻟﻠﻲ ﻣﺶ ﻣﻮﺍﻓﻖ ... ﻣﻮﺍﻓﻖ ﻃﺒﻌﺎ ﻭﺑﺎﻟﺜﻠﺚ ﻛﻤﺎﻥ

- ﻭﻳﺎ ﺭﻳﺖ ﻣﺎﺗﺘﺼﻠﺶ ﺗﺎﻧﻲ ﺑﻴﺎ ﻟﺤﺪ ﻣﺎﻳﻌﺪﻭﺍ ﺍﻟﻌﺸﺮ ﺍﻳﺎﻡ

- ﻣﺎﺷﻲ ﻳﺎ ﺟﻤﻴﻞ ... ﻭﺍﻧﺎ ﻣﺴﺘﻨﻲ ﻋﻠﻰ ﻧﺎﺭ ﺍﻟﺸﻮﻕ ... ﻭﺭﺑﻨﺎ ﻳﻘﺮﺏ ﺍﻟﺒﻌﻴﺪ

ﺍﻏﻠﻘﺖ ﺃﻣﻴﺮﺓ ﺍﻟﻬﺎﺗﻒ ﻭﻫﻲ ﺗﺰﻓﺮ ﻗﺎﺋﻠﺔ ﺑﻀﻴﻖ :

- ﺭﺑﻨﺎ ﻳﺎﺧﺪﻙ ﻳﺎ ﺑﻌﻴﺪ ... ﺑﻘﻰ ﺍﻧﺖ ﺗﻌﺮﻑ ﺭﺑﻨﺎ ... ﺭﺑﻨﺎ ﻳﺠﻴﺒﻚ ﺑﺎﻟﺴﻼﻣﺔ ﻳﺎ ﺃﺣﻤﺪ ﻳﺎ ﺃﺧﻮﻳﺎ ﻭﻳﻘﺪﺭﻧﻲ ﻭﺃﺭﺑﻲ ﺍﻟﺤﻴﻮﺍﻥ ﺍﻟﺘﺎﻧﻲ ﺍﻟﻠﻲ ﺣﻄﻨﻲ ﻓﺎﻟﻤﻮﻗﻒ ﺩﻩ ... ﺛﻢ ﻧﻈﺮﺕ ﺇﻟﻰ ﺍﺑﻨﺘﻬﺎ ﺍﻟﻨﺎﺋﻤﺔ ﺇﻟﻰ ﺟﻮﺍﺭﻫﺎ ﻭﻗﺎﻟﺖ ﺑﺤﺰﻥ :

- ﻣﺎﺣﺪﺵ ﺻﻌﺒﺎﻥ ﻋﻠﻴﺎ ﺍﺩﻙ ﺍﻧﺘﻲ ﻳﺎ ﺣﺒﻴﺒﺘﻲ ... ﻋﺎﺭﻓﺔ ﻫﻮ ﻣﺎﺑﻘﺎﺵ ﻳﻔﺮﻕ ﻣﻌﺎﻳﺎ ﻳﺘﻔﻀﺢ ﻭﻻ ﻳﺮﻭﺡ ﻓﺴﺘﻴﻦ ﺩﺍﻫﻴﺔ ﺣﺘﻲ ... ﺑﺲ ﻓﺎﻷﻭﻝ ﻭﻓﺎﻷﺧﺮ ﺍﺳﻤﻪ ﺑﺎﺑﺎﻛﻲ ﻭﺍﻟﻔﻀﻴﺤﺔ ﺣﺘﻄﻮﻟﻚ ﺍﻧﺘﻲ ﻛﻤﺎﻥ

ﺑﻌﺪ ﻗﻠﻴﻞ ﻛﺎﻥ ﺟﻤﺎﻝ ﻳﺪﻟﻒ ﺇﻟﻰ ﺩﺍﺧﻞ ﺍﻟﻤﻨﺰﻝ ﻭﻣﺎ ﺍﻥ ﺳﻤﻌﺖ ﺃﻣﻴﺮﺓ ﺻﻮﺕ ﺻﺮﻳﺮ ﺍﻟﺒﺎﺏ ﺣﺘﻰ ﺍﻣﺴﻜﺖ ﺑﻬﺎﺗﻔﻬﺎ ﻭﻭﺿﻌﺘﻪ ﻋﻠﻰ ﺃﺫﻧﻬﺎ ﻭﺗﻈﺎﻫﺮﺕ ﺑﺎﻟﺤﺪﻳﺚ ﻭﺍﻟﻀﺤﻚ ﺣﺘﻰ ﺩﺧﻞ ﺟﻤﺎﻝ ﺍﻟﻐﺮﻓﺔ ﻓﺎﻏﻠﻘﺘﻪ ﺳﺮﻳﻌﺎ ﻭﻭﺿﻌﺘﻪ ﺇﻟﻰ ﺟﻮﺍﺭﻫﺎ ... ﻧﻈﺮ ﺇﻟﻴﻬﺎ ﺟﻤﺎﻝ ﺑﺮﻳﺒﺔ ﻭﻗﺎﻝ ﺑﺸﻚ :

- ﻛﻨﺘﻲ ﺑﺘﻜﻠﻤﻲ ﻣﻴﻦ ﻓﺎﻟﺘﻠﻴﻔﻮﻥ ?

- ﺃﻣﻴﺮﺓ ﺑﻼﻣﺒﺎﻻﺓ : ﻛﻨﺖ ﺑﺎﻛﻠﻢ ﺃﻣﻨﻴﺔ ﺣﺎﻛﻮﻥ ﺑﻜﻠﻢ ﻣﻴﻦ ﻳﻌﻨﻲ ?

- ﻭﻗﻔﻠﺘﻲ ﻟﻴﻪ ﺃﻭﻝ ﻣﺎ ﺷﻮﻓﺘﻴﻨﻲ ?

- ﻋﺎﺩﻱ ... ﺍﻟﻤﻜﺎﻟﻤﺔ ﺧﻠﺼﺖ ﻓﻘﻔﻠﺖ ... ﻓﻴﻬﺎ ﺣﺎﺟﺔ ﺩﻱ ?

ﻟﻢ ﺗﻌﺠﺒﻪ ﻃﺮﻳﻘﺘﻬﺎ ﻓﻲ ﺍﻟﺤﺪﻳﺚ ﻭﻟﻜﻨﻪ ﺗﺠﺎﻫﻞ ﺫﻟﻚ ﻭﻫﻮ ﻳﺴﺄﻟﻬﺎ ﻗﺎﺋﻼ :

- ﻭﺑﺘﻜﻠﻤﻲ ﺃﻣﻨﻴﺔ ﻟﻴﻪ ? ﻣﺶ ﺍﻟﻤﻔﺮﻭﺽ ﺍﻧﻚ ﻛﻨﺘﻲ ﻋﻨﺪﻫﺎ ﻭﻟﺴﻪ ﺟﺎﻳﺔ ... ﻭﻻ ﻣﺎﺧﻠﺼﺘﻮﺵ ﻛﻼﻡ ﻛﻞ ﺩﻩ ? ﻭﻻ ﺍﻧﺘﻲ ﻣﺎﻛﻨﺘﻴﺶ ﻋﻨﺪﻫﺎ ﺍﺻﻼ ?

ﻧﺰﻋﺖ ﺃﻣﻴﺮﺓ ﺣﺠﺎﺑﻬﺎ ﻭﻭﺿﻌﺘﻪ ﺇﻟﻰ ﺟﻮﺍﺭﻫﺎ ﻭﺍﻣﺴﻜﺖ ﺑﺈﺣﺪﻱ ﺧﺼﻼﺕ ﺷﻌﺮﻫﺎ ﺗﻠﻔﻬﺎ ﺣﻮﻝ ﺇﺻﺒﻌﻬﺎ ﻭﺗﻤﺪﺩﺕ ﻋﻠﻰ ﺍﻟﻔﺮﺍﺵ ﻭﻫﻲ ﺗﻬﺰ ﻗﺪﻣﻴﻬﺎ ﻗﺎﺋﻠﺔ ﺑﻼ ﻣﺒﺎﻻﺓ :

- ﺃﺻﻞ ﻓﻴﻪ ﺣﺎﺟﺔ ﻣﻬﻤﺔ ﻧﺴﻴﺖ ﺃﻗﻮﻟﻬﺎ ﻋﻠﻴﻬﺎ ﻭﺃﻧﺎ ﻋﻨﺪﻫﺎ ﻓﻘﻮﻟﺖ ﺍﺗﺼﻞ ﺑﻴﻬﺎ ... ﺛﻢ ﺳﺮﻋﺎﻥ ﻣﺎ ﺍﻋﺘﺪﻟﺖ ﻓﻲ ﺟﻠﺴﺘﻬﺎ ﻭﻗﺎﻟﺖ ﺑﺠﺪﻳﺔ ﺻﺎﺭﻣﺔ :

- ﻭﺑﻌﺪﻳﻦ ﺇﻳﻪ ﻧﻈﺎﻡ ﺧﺪﻭﻫﻢ ﺑﺎﻟﺼﻮﺕ ﺍﻟﻠﻲ ﺍﻧﺖ ﺩﺍﺧﻞ ﻋﻠﻴﺎ ﺑﻴﻪ ﺩﻩ ... ﻛﻞ ﺩﻩ ﻋﺸﺎﻥ ﻣﺎﺃﺳﺄﻟﻜﺶ ﻛﻨﺖ ﻓﻴﻦ ﺍﻣﺒﺎﺭﺡ ﻭﺭﺟﻌﺖ ﻭﺵ ﺍﻟﻔﺠﺮ ﻭﻛﻞ ﻳﻮﻡ ﺑﺘﺨﺮﺝ ﺗﺮﻭﺡ ﻓﻴﻦ ﻭﻣﺎﺗﺮﺟﻌﺶ ﻗﺒﻞ ﻧﺺ ﺍﻟﻠﻴﻞ ... ﻭﻻ ﺍﻧﺖ ﺧﻼﺹ ﺍﺧﺪﺕ ﻋﻠﻰ ﻛﺪﻩ ?

- ﻭﺍﻟﻠﻪ ﺍﻧﺎ ﺭﺍﺟﻞ ﻭﺍﻋﻤﻞ ﺍﻟﻠﻲ ﺍﻧﺎ ﻋﺎﻳﺰﻩ ﻃﺎﻟﻤﺎ ﻣﺶ ﺑﺎﻋﻤﻞ ﺣﺎﺟﺔ ﻏﻠﻂ ?

- ﺃﻣﻴﺮﺓ ﺑﺘﻬﻜﻢ : ﻭﺍﻧﺖ ﺑﻘﻰ ﻣﺘﺄﻛﺪ ﺍﻧﻚ ﻣﺎ ﺑﺘﻌﻤﻠﺶ ﺣﺎﺟﺔ ﻏﻠﻂ ?

- ﺟﻤﺎﻝ ﺑﻘﻠﻖ : ﺗﻘﺼﺪﻱ ﺇﻳﻪ ?

ﻋﻘﺪﺕ ﺫﺭﺍﻋﻴﻬﺎ ﺍﻣﺎﻡ ﺻﺪﺭﻫﺎ ﻭﻗﺎﻟﺖ ﺑﺠﺪﻳﺔ :

- ﺍﺳﻤﻌﻨﻲ ﻛﻮﻳﺲ ... ﺍﻟﻜﻼﻡ ﺩﻩ ﻣﻦ ﻫﻨﺎ ﻭﺭﺍﻳﺢ ﻣﺎﻳﻤﺸﻴﺶ ﻣﻌﺎﻳﺎ ... ﺍﻧﺎ ﺣﺎﻧﺎﻡ ﻓﺎﻷﻭﺿﺔ ﺩﻱ ﻫﻨﺎ ﻣﻊ ﺑﻨﺘﻲ ﻟﺤﺪ ﻣﺎ ﺗﻌﺮﻑ ﺍﻥ ﺍﻟﻠﻪ ﺣﻖ ﻭﺗﺒﻄﻞ ﺍﻟﻠﻲ ﺑﺘﻌﻤﻠﻪ ﺩﻩ ... ﺍﻣﺎ ﺑﻘﻰ ﻟﻮ ﻓﻀﻠﺖ ﻣﺼﻤﻢ ﻋﻠﻴﻪ ﻓﺎﻟﺒﻴﺖ ﻛﻠﻪ ﻣﺎﻳﻠﺰﻣﻨﻴﺶ ... ﻭﻻﺯﻡ ﺗﻌﺮﻑ ﻛﻮﻳﺲ ﺃﻥ ﺃﻱ ﺣﺎﺟﺔ ﻏﻠﻂ ﺑﺘﻌﻤﻠﻬﺎ ﻻﺯﻡ ﺗﺘﺮﺩﻟﻚ ... ﻭﻣﺎﻓﻴﺶ ﺣﺎﺟﺔ ﺑﺘﻀﻴﻊ ﻋﻨﺪ ﺭﺑﻨﺎ

ﺿﻴﻖ ﻋﻴﻨﻴﻪ ﻗﺎﺋﻼ ﺑﺤﻴﺮﺓ :

↚

- ﺍﻧﺘﻲ ﺗﻘﺼﺪﻱ ﺇﻳﻪ ﺑﺎﻟﻜﻼﻡ ﺩﻩ ?

- ﺍﻧﺎ ﻣﺶ ﺣﺎﻗﻮﻟﻚ ﻏﻴﺮ ﺣﺎﺟﺔ ﻭﺍﺣﺪﺓ ... ﻋﻔﻮﺍ ﺗﻌﻒ ﻧﺴﺎﺅﻛﻢ ﻳﺎ ﺣﻀﺮﺓ ﺍﻟﻤﺮﺑﻲ ﺍﻟﻔﺎﺿﻞ

ﺧﺮﺟﺖ ﺃﻣﻴﺮﺓ ﻭﺗﺮﻛﺖ ﺟﻤﺎﻝ ﻣﺼﺪﻭﻣﺎ ﻭﻗﺪ ﺍﺗﺴﻌﺖ ﻋﻴﻨﺎﻩ ﻣﻤﺎ ﺳﻤﻊ ... ﺷﻌﺮ ﺑﺄﻥ ﻛﻠﻤﺎﺗﻬﺎ ﺯﻟﺰﻟﺖ ﻛﻴﺎﻧﻪ ﻓﻤﺎ ﻛﺎﻥ ﻣﻨﻪ ﺇﻻ ﺍﻥ ﻗﺎﻝ ﺑﺬﻫﻮﻝ :

- ﻳﺎ ﻭﻗﻌﺘﻚ ﺍﻟﺴﻮﺩﺓ ﻳﺎ ﺃﻣﻴﺮﺓ ... ﺍﺳﺘﻐﻨﻴﺘﻲ ﻳﺎ ﺃﻣﻴﺮﺓ ﻭﻋﺎﻳﺰﺓ ﺗﻨﺎﻣﻲ ﻟﻮﺣﺪﻙ ﻭﻛﻤﺎﻥ ﺑﺘﻘﻮﻟﻴﻬﺎ ﻓﻮﺷﻲ ﻛﺪﻩ ﻋﺎﺩﻱ ﻋﻔﻮﺍ ﺗﻌﻒ ﻧﺴﺎﺅﻛﻢ ... ﻫﻮ ﺍﻟﻠﻲ ﻓﺒﺎﻟﻲ ﺣﻴﻄﻠﻊ ﺻﺢ ﻭﻻ ﺇﻳﻪ ? ﻻ ﺩﻩ ﺍﻧﺎ ﺍﻗﺘﻠﻚ ﻭﺍﺷﺮﺏ ﻣﻦ ﺩﻣﻚ

ﻛﺎﻥ ﻛﻼﻣﻬﺎ ﻣﺠﺮﺩ ﻣﺤﺎﻭﻟﺔ ﻷﻥ ﺗﻐﺮﺱ ﺑﺬﻭﺭ ﺍﻟﺸﻚ ﻓﻲ ﻗﻠﺒﻪ ﻭﻟﻢ ﺗﻜﻦ ﺗﺪﺭﻱ ﺍﻥ ﺗﻠﻚ ﺍﻟﺒﺬﻭﺭ ﻗﺪ ﺯﺭﻋﺖ ﻣﻦ ﻗﺒﻞ ﻭﺍﻧﻬﺎ ﻓﻘﻂ ﺗﺮﻭﻳﻬﺎ ﺑﻜﻠﻤﺎﺗﻬﺎ ﻟﺘﻜﺒﺮ ﻭﺭﺑﻤﺎ ﻳﺤﻴﻦ ﻗﺮﻳﺒﺎ ﺃﻭﺍﻥ ﺍﻟﺤﺼﺎﺩ

&&&&&&&&&&&&&&&&&&&

ﺍﻧﻘﻀﻰ ﺍﻷﺳﺒﻮﻋﺎﻥ ﺳﺮﻳﻌﺎ ﻭﻋﺎﺩ ﺍﺣﻤﺪ ﻭﻟﺒﻨﻰ ﺇﻟﻰ ﺩﻣﻴﺎﻁ ﺑﻴﻨﻤﺎ ﻋﺎﺩ ﻋﻠﻰ ﻭﻧﻮﺭﺍ ﺇﻟﻰ ﺍﻟﻘﺎﻫﺮﺓ ... ﺩﻟﻔﺖ ﻧﻮﺭﺍ ﻋﺒﺮ ﺑﺎﺏ ﺍﻟﻔﻴﻼ ﻟﺘﺴﺘﻘﺒﻠﻬﺎ ﺩﺍﺩﺓ ﺃﻣﻴﻨﺔ ﺗﻠﻚ ﺍﻟﻤﺮﺃﺓ ﺍﻟﻄﻴﺒﺔ ﻭﺍﻟﺘﻲ ﺗﺤﺒﻬﺎ ﻧﻮﺭﺍ ﻛﺜﻴﺮﺍ ﻭﺗﺸﻌﺮ ﺑﺄﻧﻬﺎ ﺗﺸﺒﻪ ﻭﺍﻟﺪﺗﻬﺎ ﺍﻟﺮﺍﺣﻠﺔ ﻛﺜﻴﺮﺍ ﻓﻲ ﻃﻴﺒﺘﻬﺎ ﻭﺣﻨﺎﻧﻬﺎ ﺍﻟﺬﻱ ﺗﻐﺪﻗﻪ ﻋﻠﻰ ﺍﻟﺠﻤﻴﻊ ﺑﺪﻭﻥ ﻣﻘﺎﺑﻞ ... ﺍﺳﺘﻘﺒﻠﺘﻬﺎ ﺑﺎﻟﺘﻬﺎﻧﻲ ﻭﺍﻷﺣﻀﺎﻥ ... ﻛﻤﺎ ﻫﻨﺄﺕ ﺍﻳﻀﺎ ﻋﻠﻲ ﺍﻟﺬﻱ ﺻﻌﺪ ﺇﻟﻰ ﻏﺮﻓﺘﻪ ﺛﻢ ﺗﺒﻌﺘﻪ ﻧﻮﺭﺍ ﻟﺘﺠﺪﻩ ﻗﺪ ﺃﺧﺬ ﺩﺷﺎ ﺳﺮﻳﻌﺎ ﻭﻗﺎﻡ ﺑﺘﺒﺪﻳﻞ ﻣﻼﺑﺴﻪ ﺇﺳﺘﻌﺪﺍﺩﺍ ﻟﻠﺬﻫﺎﺏ ﺇﻟﻰ ﺍﻟﺸﺮﻛﺔ ... ﺟﻠﺴﺖ ﻋﻠﻰ ﻃﺮﻑ ﺍﻟﻔﺮﺍﺵ ﻭﻇﻠﺖ ﺗﺮﺍﻗﺒﻪ ﻭﻫﻮ ﻳﻘﻒ ﺃﻣﺎﻡ ﺍﻟﻤﺮﺃﺓ ﻭﻳﻤﺸﻂ ﺷﻌﺮﻩ ﺛﻢ ﻗﺎﻟﺖ ﺑﺠﺪﻳﺔ :

- ﻳﺎﻩ ﻟﻠﺪﺭﺟﺔﺩﻱ ﻛﻨﺖ ﻛﺎﺗﻤﺔ ﻋﻠﻰ ﻧﻔﺴﻚ ... ﺍﻭﻝ ﻣﺎ ﻭﺻﻠﻨﺎ ﻛﺪﻩ ﻟﺒﺴﺖ ﻭﺧﺎﺭﺝ

ﺍﻧﺘﺒﻪ ﻋﻠﻲ ﺇﻟﻴﻬﺎ ﻓﻮﺿﻊ ﺍﻟﻔﺮﺷﺎﺓ ﻣﻦ ﻳﺪﻩ ﺛﻢ ﺫﻫﺐ ﻟﻴﺠﻠﺲ ﺑﺠﻮﺍﺭﻫﺎ ﻗﺎﺋﻼ :

- ﻟﻴﻪ ﺑﺘﻘﻮﻟﻲ ﻛﺪﻩ ﻳﺎ ﻧﻮﺭﺍ ? ﺍﻧﺎﺑﺲ ﻛﻨﺖ ﺭﺍﻳﺢ ﺍﻟﺸﺮﻛﺔ ﺃﺳﻠﻢ ﻋﻠﻰ ﻋﻤﻲ ﻭﺍﺷﻮﻑ ﺃﺧﺒﺎﺭ ﺍﻟﺸﻐﻞ ﺇﻳﻪ ... ﻟﻜﻦ ﻟﻮ ﺍﻧﺘﻲ ﻋﺎﻳﺰﺍﻧﻲ ﺃﻓﻀﻞ ﻣﻌﺎﻛﻲ ﻭﻣﺎﺭﻭﺣﺶ ﺧﻼﺹ ﻣﺎﻓﻴﺶ ﻣﺸﻜﻠﺔ ... ﻭﻋﻤﻲ ﻛﺪﻩ ﻛﺪﻩ ﺣﺎﺷﻮﻓﻪ ﻟﻤﺎ ﻳﺮﺟﻊ ﺍﻥ ﺷﺎﺀﺍﻟﻠﻪ

- ﻻ ﺑﺮﺍﺣﺘﻚ ... ﻭﺍﻧﺎ ﺣﺎﻋﻮﺯ ﻣﻨﻚ ﺇﻳﻪ ﻳﻌﻨﻲ ?

ﺍﻣﺘﺪﺕ ﻳﺪﻩ ﻟﺘﻤﺴﻚ ﺑﻴﺪﻫﺎ ﻓﺴﺤﺒﺘﻬﺎ ﺳﺮﻳﻌﺎ ﻓﻘﺎﻝ ﺑﺘﺄﺛﺮ :

- ﻣﺶ ﻛﻔﺎﻳﺔ ﻛﺪﻩ ﺑﻘﻰ ﻳﺎ ﻧﻮﺭﺍ ?

- ﻫﻮ ﺇﻳﻪ ﺩﻩ ﺍﻟﻠﻲ ﻛﻔﺎﻳﺔ ?

ﺯﻓﺮ ﺑﺸﺪﺓ ﺛﻢ ﻗﺎﻝ ﺑﻀﻴﻖ :

- ﺍﻟﻠﻲ ﺍﺣﻨﺎ ﻓﻴﻪ ﺩﻩ ﻣﺶ ﻛﻔﺎﻳﺔ ... ﺣﻨﻔﻀﻞ ﻛﺪﻩ ﻟﺤﺪ ﺍﻣﺘﻲ ?

ﺃﺟﺎﺑﺖ ﺑﺒﺮﻭﺩ ﻗﺎﺋﻠﺔ :

- ﻟﺤﺪ ﻣﺎ ﻧﻄﻠﻖ ... ﻭﻟﻮ ﺯﻫﻘﺖ ﻣﻤﻜﻦ ﺗﻄﻠﻘﻨﻲ ﺩﻟﻮﻗﺘﻲ ﻭﺗﺨﻠﺺ ﻋﺎﺩﻱ ﻳﻌﻨﻲ .

ﻗﺎﻡ ﻣﻦ ﻣﻜﺎﻧﻪ ﻭﻗﺎﻝ ﺑﺈﻧﻔﻌﺎﻝ :

- ﻳﻮﻭﻩ ... ﻫﻮ ﻛﻞ ﺷﻮﻳﺔ ﻃﻠﻘﻨﻲ ﻃﻠﻘﻨﻲ ... ﺍﺣﻨﺎ ﺑﻘﺎﻟﻨﺎ ﺃﺳﺒﻮﻋﻴﻦ ﻣﺘﺠﻮﺯﻳﻦ ﺳﻤﻌﺘﻬﺎ ﻓﻴﻬﻢ ﻛﺎﻡ ﻣﺮﺓ ﻣﻨﻚ ... ﺛﻢ ﺟﻠﺲ ﺇﻟﻰ ﺟﻮﺍﺭﻫﺎ ﻣﺠﺪﺩﺍ ﻭﻗﺎﻝ ﺑﻬﺪﻭﺀ :

- ﺍﻧﺘﻲ ﻋﺎﻳﺰﺓ ﺗﻮﺻﻠﻲ ﻹﻳﻪ ﻳﺎ ﻧﻮﺭﺍ ? ﺣﺐ ﻭﻗﻠﺘﻠﻚ ﺑﺤﺒﻚ ... ﺇﻋﺘﺬﺍﺭ ﻭﺍﻋﺘﻘﺪ ﺍﻧﻲ ﺇﻋﺘﺬﺭﺕ ﺑﻤﺎ ﻓﻴﻪ ﺍﻟﻜﻔﺎﻳﺔ ... ﻧﺎﻗﺺ ﺇﻳﻪ ﺗﺎﻧﻲ ﻋﺸﺎﻥ ﻧﻨﻬﻲ ﺍﻟﻮﺿﻊ ﺍﻟﺴﺨﻴﻒ ﺍﻟﻠﻲ ﺍﺣﻨﺎ ﻓﻴﻪ ﺩﻩ ?

- ﻣﺶ ﻧﺎﻗﺺ ﻏﻴﺮ ﺍﻧﻚ ﺗﻄﻠﻘﻨﻲ

- ﺍﻧﺎ ﻣﺎﺷﻲ ﻗﺒﻞ ﻣﺎ ﺍﻓﻘﺪ ﺃﻋﺼﺎﺑﻲ ﺍﻛﺘﺮ ﻣﻦ ﻛﺪﻩ

ﻏﺎﺩﺭ ﻋﻠﻲ ﺍﻟﻐﺮﻓﺔ ﻭﺗﺮﻙ ﻧﻮﺭﺍ ﺧﻠﻔﻪ ﺗﺘﻤﺘﻢ ﻗﺎﺋﻠﺔ :

- ﻳﺎ ﺧﻮﻓﻲ ﻳﺎ ﻋﻠﻲ ﺍﺣﺴﻦ ﺗﺰﻫﻖ ﻭﺗﻌﻤﻠﻬﺎ ﺑﺠﺪ

&&&&&&&&&&&&&&&&&&&&&

ﻓﻲ ﺍﻟﻤﺴﺎﺀ ﻛﺎﻥ ﻋﻠﻰ ﻳﺠﻠﺲ ﻣﻊ ﻋﻤﻪ ﻳﺘﺠﺎﺫﺑﺎﻥ ﺃﻃﺮﺍﻑ ﺍﻟﺤﺪﻳﺚ ﺣﻴﺚ ﻛﺎﻥ ﺻﻔﻮﺕ ﻳﺨﺒﺮﻩ ﻋﻦ ﻋﻮﺩﺓ ﺻﺪﻳﻘﻪ ﻣﻦ ﺍﻟﺨﺎﺭﺝ ﻭﻋﻦ ﺗﻠﻚ ﺍﻟﺪﻋﻮﺓ ﺍﻟﺘﻲ ﻭﺟﻬﻬﺎ ﺇﻟﻴﻪ ﺻﻔﻮﺕ ﻋﻠﻰ ﺍﻥ ﺗﻜﻮﻥ ﺑﻌﺪ ﺃﺳﺒﻮﻉ ﻣﻦ ﺍﻵﻥ ﻭﺍﻟﺘﻲ ﺍﻭﻛﻞ ﺇﻟﻰ ﻧﻮﺭﺍ ﻣﻬﻤﺔ ﺍﻟﺘﺤﻀﻴﺮ ﻟﻬﺎ ﻟﺘﺨﺮﺝ ﻓﻲ ﺻﻮﺭﺓ ﺗﻠﻴﻖ ﺑﺄﻗﺮﺏ ﺃﺻﺪﻗﺎﺋﻪ ... ﻛﺎﻧﺖ ﻧﻮﺭﺍ ﻗﺪ ﺍﺳﺘﺄﺫﻧﺖ ﻟﺘﺼﻌﺪ ﺇﻟﻰ ﻏﺮﻓﺘﻬﺎ ﺛﻢ ﺗﺒﻌﻬﺎ ﻋﻠﻲ ﺑﻌﺪ ﻓﺘﺮﺓ ﺍﻟﺬﻱ ﺍﺳﺘﺄﺫﻥ ﻋﻤﻪ ﻟﻴﺨﻠﺪ ﺇﻟﻰ ﺍﻟﻨﻮﻡ ... ﺻﻌﺪ ﻋﻠﻲ ﺍﻟﺪﺭﺝ ﺇﻟﻰ ﺍﻷﻋﻠﻰ ﻭﻃﺮﻕ ﺑﺎﺏ ﺍﻟﻐﺮﻓﺔ ﻟﻜﻨﻪ ﻟﻢ ﻳﺠﺪ ﺭﺩﺍ ﻓﻔﺘﺢ ﺍﻟﺒﺎﺏ ﻭﺩﻟﻒ ﺇﻟﻰ ﺍﻟﺪﺍﺧﻞ ﻓﻠﻢ ﻳﺠﺪ ﻧﻮﺭﺍ ... ﻃﺮﻕ ﺑﺎﺏ ﺍﻟﺤﻤﺎﻡ ﺍﻟﻤﻠﺤﻖ ﺑﺎﻟﻐﺮﻓﺔ ﻭﻟﻜﻨﻬﺎ ﻟﻢ ﺗﻜﻦ ﻣﻮﺟﻮﺩﺓ ﻫﻨﺎ ﺍﻳﻀﺎ ... ﺳﺎﻭﺭﻩ ﺷﻌﻮﺭ ﺑﺎﻟﻘﻠﻖ ﻋﻠﻴﻬﺎ ... ﺗﺮﻯ ﺃﻳﻦ ﺫﻫﺒﺖ ﻭﻗﺪ ﺍﺳﺘﺄﺫﻧﺖ ﻟﺘﺼﻌﺪ ﻟﻸﻋﻠﻰ ﻣﻨﺬ ﻣﺪﺓ ... ﺍﺗﺠﻪ ﺇﻟﻰ ﺍﻟﺤﻤﺎﻡ ﻭﺍﺧﺬ ﺩﺷﺎ ﺩﺍﻓﺌﺎ ﻭﺍﺭﺗﺪﻱ ﻣﻼﺑﺲ ﺍﻟﻨﻮﻡ ﻭﺧﺮﺝ ﻟﻴﺒﺤﺚ ﻋﻨﻬﺎ ﺑﺤﺬﺭ ﺷﺪﻳﺪ ﺧﺸﻴﺔ ﺍﻥ ﻳﺮﺍﻩ ﻋﻤﻪ ﻓﻴﻌﻠﻢ ﺍﻧﻬﺎ ﻟﻴﺴﺖ ﺑﺎﻟﻐﺮﻓﺔ ... ﺍﺗﺠﻪ ﺍﻭﻻ ﺇﻟﻰ ﻏﺮﻓﺘﻬﺎ ﺍﻟﺴﺎﺑﻘﺔ ﻭﻃﺮﻕ ﺍﻟﺒﺎﺏ ﺛﻢ ﻓﺘﺤﻪ ﻟﻴﺠﺪﻫﺎ ﻣﺴﺘﻐﺮﻗﺔ ﻓﻲ ﺍﻟﻨﻮﻡ ... ﻭﻗﻒ ﺇﻟﻰ ﺟﻮﺍﺭ ﺍﻟﻔﺮﺍﺵ ﻳﺘﺄﻣﻞ ﻣﻼﻣﺤﻬﺎ ﻭﻫﻲ ﻧﺎﺋﻤﺔ ... ﻛﺎﻧﺖ ﻣﻼﻣﺢ ﺍﻷﺳﻰ ﻣﺮﺗﺴﻤﺔ ﻋﻠﻰ ﻭﺟﻬﻬﺎ ﺑﻮﺿﻮﺡ ... ﻛﻢ ﻳﻜﺮﻩ ﻧﻔﺴﻪ ﻓﻲ ﺗﻠﻚ ﺍﻟﻠﺤﻈﺔ ﻷﻧﻪ ﻛﺎﻥ ﺳﺒﺒﺎ ﻓﻲ ﺣﺰﻧﻬﺎ ... ﻛﺎﻧﺖ ﺃﺷﺒﻪ ﺑﺎﻷﻣﻴﺮﺓ ﺍﻟﻨﺎﺋﻤﺔ ﺍﻟﺘﻲ ﺗﻨﺘﻈﺮ ﻗﺒﻠﺔ ﺍﻷﻣﻴﺮ ﻟﺘﻌﻴﺪ ﺇﻟﻴﻬﺎ ﺍﻟﺤﻴﺎﺓ ... ﻓﻠﻢ ﻳﺒﺨﻞ ﺍﻷﻣﻴﺮ ﺑﻬﺎ ﻋﻠﻴﻬﺎ .... ﻟﺘﺴﺘﻴﻘﻆ ﻧﻮﺭﺍ ﺑﻌﺪﺍﻥ ﺷﻌﺮﺕ ﺑﻪ ﻭﺍﺳﺘﻤﻌﺖ ﺇﻟﻰ ﺻﻮﺕ ﺗﻨﻔﺴﻪ ﺍﻟﻐﻴﺮ ﻣﻨﺘﻈﻢ ... ﻓﺘﺤﺖ ﻋﻴﻨﻴﻬﺎ ﻟﺘﺠﺪﻩ ﻗﺮﻳﺒﺎ ﻣﻨﻬﺎ ﺇﻟﻰ ﻫﺬﺍ ﺍﻟﺤﺪ ... ﻓﺎﻧﺘﻔﻀﺖ ﻣﻦ ﻣﻜﺎﻧﻬﺎ ﻭﻗﺎﻟﺖ ﺑﻔﺰﻉ :

- ﺍﻧﺖ ﺑﺘﻌﻤﻞ ﺇﻳﻪ ﻫﻨﺎ ?

ﺍﺯﺩﺭﺩ ﻋﻠﻲ ﻟﻌﺎﺑﻪ ﺛﻢ ﺳﺄﻟﻬﺎ ﺑﺪﻭﺭﻩ ﻗﺎﺋﻼ :

- ﺍﻟﻤﻔﺮﻭﺽ ﺃﻧﺎ ﺍﻟﻠﻲ ﺃﺳﺄﻟﻚ ﺍﻟﺴﺆﺍﻝ ﺩﻩ ... ﺍﻧﺘﻲ ﺍﻟﻠﻲ ﺑﺘﻌﻤﻠﻲ ﺇﻳﻪ ﻫﻨﺎ ?

- ﺯﻱ ﻣﺎ ﺍﻧﺖ ﺷﺎﻳﻒ ﻧﺎﻳﻤﺔ

- ﻭﻧﺎﻳﻤﺔ ﻫﻨﺎ ﻟﻴﻪ ... ﻣﺶ ﺍﺣﻨﺎ ﺑﺮﺿﻪ ﻟﻴﻨﺎ ﺍﻭﺿﺔ ﻧﻨﺎﻡ ﻓﻴﻬﺎ ﻭﻻ ﺇﻳﻪ ?

- ﻻ ﻣﻌﻠﺶ ﺍﻧﺎ ﻣﺮﺗﺎﺣﺔ ﻫﻨﺎ ﺍﻛﺘﺮ

ﺍﺟﺎﺑﻬﺎ ﻗﺎﺋﻼ ﺑﻨﻔﺎﺫ ﺻﺒﺮ :

- ﺑﻄﻠﻲ ﺷﻐﻞ ﺍﻟﻌﻴﺎﻝ ﺩﻩ ﻳﺎ ﻧﻮﺭﺍ ﻟﻮ ﺳﻤﺤﺘﻲ ... ﻳﻘﻮﻝ ﺇﻳﻪ ﻋﻤﻲ ﻟﻤﺎ ﻳﺸﻮﻓﻨﺎ ﻭﻛﻞ ﻭﺍﺣﺪ ﻓﻴﻨﺎ ﻧﺎﻳﻢ ﻓﺎﻭﺿﺔ ﻟﻮﺣﺪﻩ ﻭﺍﺣﻨﺎ ﺑﻘﺎﻟﻨﺎ ﺃﺳﺒﻮﻋﻴﻦ ﻣﺘﺠﻮﺯﻳﻦ

- ﺑﻀﻴﻖ ﺍﺟﺎﺑﺘﻪ : ﻳﻘﻮﻝ ﺍﻟﻠﻲ ﻳﻘﻮﻟﻪ ... ﻣﺶ ﻫﻮ ﺍﻟﺴﺒﺐ ﻓﺎﻟﻠﻲ ﺍﺣﻨﺎ ﻓﻴﻪ ﺩﻟﻮﻗﺘﻲ

- ﺍﺟﺎﺑﻬﺎ ﺑﺘﺬﻣﺮ : ﻣﺶ ﺣﻨﻀﻴﻊ ﺍﻟﻠﻴﻞ ﻛﻠﻪ ﻧﺘﺠﺎﺩﻝ ﻋﻠﻰ ﺣﺎﺟﺔ ﻣﻔﺮﻭﻍ ﻣﻨﻬﺎ ... ﺍﺗﻔﻀﻠﻲ ﻗﻮﻣﻲ ﻳﻼ

ﻋﻘﺪﺕ ﺫﺭﺍﻋﻴﻬﺎ ﺍﻣﺎﻡ ﺻﺪﺭﻫﺎ ﻭﻗﺎﻟﺖ ﺑﺈﺻﺮﺍﺭ :

- ﻭﺍﻧﺎ ﻗﻠﺖ ﺍﻟﻠﻲ ﻋﻨﺪﻱ ﻣﺶ ﻗﺎﻳﻤﺔ ﻳﻌﻨﻲ ﻣﺶ ﻗﺎﻳﻤﺔ

ﻟﻢ ﻳﺠﺪ ﺟﺪﻭﻱ ﻣﻦ ﺍﻟﻤﻨﺎﻗﺸﺔ ﻣﻌﻬﺎ ﻓﻤﺎﻝ ﺑﺠﺴﺪﻫﺎ ﻧﺤﻮﻫﺎ ﻭﺣﻤﻠﻬﺎ ﺑﻴﻦ ﺫﺭﺍﻋﻴﻪ ﻣﺘﻮﺟﻬﺎ ﺇﻟﻰ ﻏﺮﻓﺘﻬﻤﺎ ﻭﻫﻲ ﺗﺤﺎﻭﻝ ﺍﻟﺘﺨﻠﺺ ﻣﻦ ﻗﺒﻀﺘﻪ ﺍﻟﺘﻲ ﺍﺣﻜﻤﻬﺎ ﻋﻠﻴﻬﺎ ﺟﻴﺪﺍ ﻭﺗﻘﻮﻝ ﺑﺈﻧﻔﻌﺎﻝ :

- ﺑﺎﻗﻮﻟﻚ ﻧﺰﻟﻨﻲ ﻳﻌﻨﻲ ﻧﺰﻟﻨﻲ ... ﺍﻧﺖ ﺍﺗﺠﻨﻨﺖ ﻭﻻ ﺇﻳﻪ ? ﺍﻳﻪ ﺍﻟﻠﻲ ﺍﻧﺖ ﺑﺘﻌﻤﻠﻪ ﺩﻩ ?

ﺭﻓﺾ ﻋﻠﻰ ﺍﻹﻧﺼﻴﺎﻉ ﻟﺮﻏﺒﺘﻬﺎ ﻭﺍﺳﺘﻤﺮ ﻓﻲ ﻃﺮﻳﻘﻪ ﻧﺤﻮ ﺍﻟﻐﺮﻓﺔ ﻟﻴﻔﺎﺟﺊ ﺑﻌﻤﻪ ﺍﻟﺬﻱ ﻛﺎﻥ ﻳﺴﻴﺮ ﻓﻲ ﺍﻟﺮﺩﻫﺔ ﺍﻟﻤﻮﺻﻠﺔ ﺑﻴﻦ ﺍﻟﻐﺮﻑ ﻣﺘﺠﻬﺎ ﻧﺤﻮ ﻏﺮﻓﺘﻪ ... ﻛﻔﺖ ﻧﻮﺭﺍ ﻋﻦ ﺍﻟﻤﻘﺎﻭﻣﺔ ﺑﻴﻨﻤﺎ ﺗﺠﻤﺪ ﻋﻠﻲ ﻣﻜﺎﻧﻪ ﻭﺷﻌﺮ ﺑﺎﻟﺤﺮﺝ ﻭﺍﻹﺭﺗﺒﺎﻙ ﺍﻟﺸﺪﻳﺪﻳﻦ ﻓﻨﺰﻉ ﻳﺪﻳﻪ ﺍﻟﻠﺘﺎﻥ ﻛﺎﻧﺘﺎ ﺗﺤﻤﻼﻧﻬﺎ ﺑﺤﺮﻛﺔ ﻻ ﺇﺭﺍﺩﻳﺔ ﻟﺘﺴﻘﻂ ﻧﻮﺭﺍ ﺃﺭﺿﺎ ﻭﻫﻲ ﺗﺌﻦ ﻣﺘﺄﻟﻤﺔ ... ﻇﻞ ﻋﻠﻲ ﻣﺘﺠﻤﺪﺍ ﻓﻲ ﻣﻜﺎﻧﻪ ﻭﻫﻮ ﻳﻨﻈﺮ ﺇﻟﻰ ﻧﻮﺭﺍ ﺍﻟﻤﻠﻘﺎﺓ ﺍﺭﺿﺎ ... ﺍﺑﺘﺴﻢ ﺻﻔﻮﺕ ﻟﻬﺬﺍ ﺍﻟﻤﺸﻬﺪ ﺍﻟﺬﻱ ﻳﺮﺍﻩ ﺃﻣﺎﻣﻪ ﺛﻢ ﺩﺧﻞ ﻏﺮﻓﺘﻪ ﺩﻭﻥ ﺃﻥ ﻳﻌﻠﻖ ... ﺟﺜﺎ ﻋﻠﻲ ﻋﻠﻰ ﺭﻛﺒﺘﻴﻪ ﺑﺠﻮﺍﺭ ﻧﻮﺭﺍ ﻟﻴﻌﺘﺬﺭ ﻟﻬﺎ ﻗﺎﺋﻼ :

- ﺃﻧﺎ ﺍﺳﻒ ﺍﻭﻱ ﻳﺎ ﻧﻮﺭﺍ ﻭﺍﻟﻠﻪ ﻣﺎﻛﺎﻧﺶ ﻗﺼﺪﻱ ... ﻣﺶ ﻋﺎﺭﻑ ﺃﻗﻮﻟﻚ ﺇﻳﻪ ... ﺃﻧﺎ ﻓﺠﺄﺓ ﻟﻘﻴﺖ ﻋﻤﻲ ﺍﺩﺍﻣﻲ ﺍﺗﻠﺒﺨﺖ ﻭﺍﺗﻜﺴﻔﺖ ﻭﻣﺎﺑﻘﺘﺶ ﻋﺎﺭﻑ ﺍﻋﻤﻞ ﺇﻳﻪ

ﻭﺿﻌﺖ ﻧﻮﺭﺍ ﻳﺪﻫﺎ ﺧﻠﻒ ﻇﻬﺮﻫﺎ ﻭﻫﻲ ﺗﺘﺄﻟﻢ ﻗﺎﺋﻠﺔ :

- ﺁﻩ ﻳﺎ ﺿﻬﺮﻱ ... ﺍﻧﺎ ﻣﺶ ﻓﺎﻫﻤﺔ ﻭﺍﻟﻠﻪ ... ﻟﻤﺎ ﺍﻧﺖ ﻣﺶ ﺍﺩ ﺍﻟﺸﻴﻞ ﺑﺘﺸﻴﻞ ﻟﻴﻪ ﺑﺲ ?

ﺷﻌﺮ ﺑﺎﻟﻘﻠﻖ ﻣﻦ ﺃﺟﻠﻬﺎ ﻓﻘﺎﻝ ﺑﺠﺪﻳﺔ :

- ﻧﻮﺭﺍ ﻟﻮ ﻓﻴﻪ ﺣﺎﺟﺔ ﺑﺘﻮﺟﻌﻚ ﺍﻭﺩﻳﻜﻲ ﻟﻠﺪﻛﺘﻮﺭ ... ﺍﻧﺎ ﺍﺳﻒ ﺍﻭﻱ ﻭﺍﻟﻠﻪ

ﺃﺟﺎﺑﺘﻪ ﻗﺎﺋﻠﺔ ﺑﻬﺪﻭﺀ :

- ﻣﺎﻓﻴﺶ ﺩﺍﻋﻲ ﺗﺘﺄﺳﻒ ... ﺟﺖ ﺳﻠﻴﻤﺔ ﺍﻟﺤﻤﺪ ﻟﻠﻪ ﻣﺎﺣﺼﻠﺶ ﺣﺎﺟﺔ

- ﺍﻧﺘﻲ ﻣﺘﺄﻛﺪﺓ

- ﻣﺶ ﺍﻭﻱ ﻳﻌﻨﻲ ... ﺍﺻﻠﻲ ﺣﺎﺳﻪ ﺍﻥ ﺭﺟﻠﻲ ﺑﺘﻮﺟﻌﻨﻲ ﺷﻮﻳﺔ ﻭﻣﺶ ﻋﺎﺭﻓﺔ ﺇﺫﺍ ﻛﻨﺖ ﺣﺎﻗﺪﺭ ﺍﺩﻭﺱ ﻋﻠﻴﻬﺎ ﻭﻻ ﻷ

- ﻃﻴﺐ ﺍﺳﺘﻨﻲ ﺍﺷﻴﻠﻚ ﺍﻭﺩﻳﻜﻲ ﺍﻷﻭﺿﺔ ﻋﺸﺎﻥ ﺗﺮﺗﺎﺣﻲ ﻓﺎﻟﺴﺮﻳﺮ

ﻭﺿﻌﺖ ﻧﻮﺭﺍ ﻳﺪﻫﺎ ﺍﻣﺎﻡ ﻭﺟﻬﻬﺎ ﻭﻗﺎﻟﺖ ﺑﺮﺟﺎﺀ :

- ﻻ ﻣﺘﺸﻜﺮﺓ ﺍﻭﻱ ﻟﺤﺪ ﻛﺪﻩ ... ﺍﻧﺖ ﺑﺲ ﺍﺳﻨﺪﻧﻲ ﻭﺍﻧﺎ ﺣﺎﻣﺸﻲ ﻟﺤﺪ ﻫﻨﺎﻙ ... ﻋﺸﺎﻥ ﻛﻤﺎﻥ ﺍﻃﻤﻦ ﺍﻥ ﻣﺎﺣﺼﻠﺶ ﻓﻴﻬﺎ ﻛﺴﺮ ﻭﻻ ﺣﺎﺟﺔ

ﻟﻒ ﻋﻠﻲ ﺫﺭﺍﻋﻪ ﺣﻮﻝ ﺧﺼﺮﻫﺎ ﻭﺍﻣﺴﻚ ﺑﺬﺭﺍﻋﻬﺎ ﻭﻭﺿﻌﻪ ﺧﻠﻖ ﺭﻗﺒﺘﻪ ﺛﻢ ﺍﺳﻨﺪﻫﺎ ﺣﺘﻰ ﻭﺻﻠﺖ ﻟﻠﻔﺮﺍﺵ ﺛﻢ ﻭﺿﻌﻬﺎ ﻋﻠﻴﻪ ﻭﺍﻃﻤﻦ ﻋﻠﻰ ﺧﻠﻮ ﻗﺪﻣﻬﺎ ﻣﻦ ﺃﻱ ﺇﺻﺎﺑﺎﺕ ﺃﻭ ﻛﺴﻮﺭ ﻭﺩﺛﺮﻫﺎ ﺟﻴﺪﺍ ﺑﺎﻟﻐﻄﺎﺀ ﻭﻧﺎﻡ ﺇﻟﻲ ﺟﻮﺍﺭﻫﺎ ﺑﻌﺪ ﺍﻥ ﺃﻃﻔﺄ ﺍﻧﻮﺍﺭ ﺍﻟﻐﺮﻓﺔ

&&&&&&&&&&&&&&&&&

↚

ﻣﻨﺬ ﺍﻥ ﺧﺮﺝ ﻣﻦ ﺍﻟﻤﺪﺭﺳﺔ ﺍﻟﺘﻲ ﻳﻌﻤﻞ ﺑﻬﺎ ﻭﻫﻮ ﻳﻘﻮﺩ ﺳﻴﺎﺭﺗﻪ ﻫﺎﺋﻤﺎ ﻋﻠﻰ ﻏﻴﺮ ﻫﺪﻯ ... ﻗﺪ ﺗﻤﻜﻦ ﺍﻟﺸﻚ ﻣﻦ ﻋﻘﻠﻪ ﺇﻟﻰ ﺍﺑﻌﺪ ﺣﺪ ... ﻟﻜﻦ ﻗﻠﺒﻪ ﻳﺮﻓﺾ ﺗﺼﺪﻳﻖ ﺫﻟﻚ ﻭﻳﺤﺪﺛﻪ ﺑﺄﻧﻬﺎ ﺑﺮﻳﺌﺔ ﺩﻭﻥ ﺷﻚ ... ﻭﻟﻜﻦ ﺷﻴﻄﺎﻧﻪ ﻣﺎﻳﻠﺒﺚ ﺍﻥ ﻳﻮﺳﻮﺱ ﺇﻟﻴﻪ ﺑﺄﻧﻪ ﻛﻢ ﻣﻦ ﺍﻟﻨﺴﺎﺀ ﻳﺨﻔﻴﻦ ﺣﻘﻴﻘﺘﻬﻦ ﺧﻠﻒ ﻗﻨﺎﻉ ﻣﻦ ﺍﻟﺒﺮﺍﺀﺓ ... ﻟﻘﺪ ﺑﺪﺃ ﻣﻨﺬ ﻋﺸﺮﺓ ﺃﻳﺎﻡ ﻓﻲ ﻣﺮﺍﻗﺒﺘﻬﺎ ﻭﻻ ﻳﻮﺟﺪ ﻣﺎﻳﺆﻛﺪ ﺷﻜﻮﻛﻪ ... ﺗﺬﻫﺐ ﻓﻲ ﺍﻟﺼﺒﺎﺡ ﺇﻟﻰ ﻋﻤﻠﻬﺎ ﺑﻌﺪ ﺍﻥ ﺗﺘﺮﻙ ﺍﺑﻨﺘﻬﺎ ﻋﻨﺪ ﺃﻣﻬﺎ .... ﺛﻢ ﺗﻌﻮﺩ ﺇﻟﻰ ﺍﻟﻤﻨﺰﻝ ﻭﺇﻥ ﺧﺮﺟﺖ ﻓﺈﻣﺎ ﻟﺰﻳﺎﺭﺓ ﺷﻘﻴﻘﺘﻬﺎ ﺃﻭ ﻟﻠﺬﻫﺎﺏ ﻟﻠﺴﻮﻕ ... ﺗﺴﻴﺮ ﺣﻴﺎﺗﻬﺎ ﻃﺒﻴﻌﻴﺔ ﻻ ﺷﺊ ﻓﻴﻬﺎ ﻳﺴﺘﺤﻖ ﺍﻟﺘﻮﻗﻒ ﻋﻨﺪﻩ ... ﻭﻟﻜﻨﻬﺎ ﻻﺑﺪ ﺍﻥ ﺗﻜﻮﻥ ﻣﺬﻧﺒﺔ ... ﻓﻬﻜﺬﺍ ﻗﺎﻝ ﺍﻟﻠﻪ ﺗﻌﺎﻟﻰ ﻓﻲ ﻗﺮﺁﻧﻪ ﺍﻟﺰﺍﻧﻲ ﻻ ﻳﻨﻜﺢ ﺇﻻ ﺯﺍﻧﻴﺔ ... ﻓﻬﻞ ﻳﺼﺪﻕ ﺃﻓﻌﺎﻝ ﺯﻭﺟﺘﻪ ﻭﻳﻜﺬﺏ ﻛﻼﻡ ﺭﺑﻪ ﻭﺍﻟﻌﻴﺎﺫ ﺑﺎﻟﻠﻪ ... ﻓﺠﺄﺓ ﻗﻔﺰﺕ ﺇﻟﻰ ﺫﻫﻨﻪ ﻓﻜﺮﺓ ... ﺭﺍﻗﺖ ﻟﻪ ﺗﻠﻚ ﺍﻟﻔﻜﺮﺓ ﻓﻌﺰﻡ ﻋﻠﻰ ﺗﻨﻔﻴﺬﻫﺎ ... ﻫﺬﺍ ﻣﺎﺳﻴﻘﻄﻊ ﺍﻟﺸﻚ ﺑﺎﻟﻴﻘﻴﻦ ﻟﺪﻳﻪ ... ﺇﻣﺎ ﺍﻥ ﺗﻜﻮﻥ ﺯﻭﺟﺘﻪ ﻣﺬﻧﺒﺔ ﻓﻴﻨﺘﻘﻢ ﻣﻨﻬﺎ ﺷﺮ ﺇﻧﺘﻘﺎﻡ ... ﻭﺇﻣﺎ ﺑﺮﻳﺌﺔ ﻓﻴﻌﺘﺬﺭ ﻣﻨﻬﺎ ﻋﻠﻰ ﻛﻞ ﻣﺎﺑﺪﺭ ﻣﻨﻪ ﻓﻲ ﺣﻘﻬﺎ ﻭﻳﻄﻠﺐ ﻣﻨﻬﺎ ﺍﻟﺼﻔﺢ ﻭﺍﻟﻐﻔﺮﺍﻥ ... ﻗﺎﺩ ﺳﻴﺎﺭﺗﻪ ﻧﺤﻮ ﺃﻗﺮﺏ ﻣﺴﺠﺪ ﺛﻢ ﺍﻭﻗﻔﻬﺎ ﺍﻣﺎﻡ ﺑﺎﺏ ﺍﻟﻤﺴﺠﺪ ﻭﺩﺧﻞ ﻟﻴﺘﻮﺿﺄﺛﻢ ﺟﻠﺲ ﻓﻲ ﺇﻧﺘﻈﺎﺭ ﺃﺩﺍﺀ ﺻﻼﺓ ﺍﻟﻌﺼﺮ ... ﻭﻣﺎ ﺇﻥ ﺍﻧﺘﻬﻰ ﻣﻦ ﺃﺩﺍﺀ ﺍﻟﺼﻼﺓ ﻭﻏﺎﺩﺭ ﺍﻟﻤﺼﻠﻮﻥ ﺑﻌﺪﻫﺎ ﺣﺘﻰ ﺗﻮﺟﻪ ﻧﺤﻮ ﺇﻣﺎﻡ ﺍﻟﻤﺴﺠﺪ ﺍﻟﺬﻱ ﻭﺟﺪﻩ ﺭﺟﻼ ﺗﺒﺪﻭ ﻋﻠﻰ ﻣﻼﻣﺤﻪ ﺍﻟﺴﻜﻴﻨﺔ ﻭﺍﻟﻮﻗﺎﺭ ﻭﻃﻠﺐ ﻣﻨﻪ ﺍﻥ ﻳﺘﺤﺪﺙ ﻣﻌﻪ ﻓﻲ ﺃﻣﺮ ﻫﺎﻡ ﻋﻠﻰ ﺍﻥ ﻳﺒﻘﻰ ﻃﻲ ﺍﻟﻜﺘﻤﺎﻥ ... ﻓﻮﺍﻓﻖ ﺍﻟﺸﻴﺦ ﺑﻜﻞ ﺗﺮﺣﺎﺏ ﻟﻴﺠﻠﺲ ﺟﻤﺎﻝ ﺇﻟﻰ ﺟﻮﺍﺭﻩ ﻭﻳﻘﺺ ﻋﻠﻴﻪ ﻛﺎﻓﺔ ﺍﻟﺘﻔﺎﺻﻴﻞ ﺩﻭﻥ ﺍﻥ ﻳﺨﻔﻲ ﺷﻴﺌﺎ ﻭﺩﻣﻮﻋﻪ ﺗﺴﺒﻖ ﻛﻠﻤﺎﺗﻪ ﺣﺘﻰ ﺍﻧﺘﻬﻰ ﻗﺎﺋﻼ :

- ﻭﺍﻟﻠﻪ ﺍﻟﻌﻈﻴﻢ ﺍﻧﺎ ﻧﺪﻣﺎﻥ ﻋﻠﻰ ﺍﻟﻠﻲ ﻋﻤﻠﺘﻪ ﺩﻩ ﻭﺗﻮﺑﺖ ﻟﺮﺑﻨﺎ ﻭﻗﺮﺭﺕ ﺍﻗﻄﻊ ﻋﻼﻗﺘﻲ ﺑﺎﻟﺒﻨﻲ ﺍﺩﻡ ﺩﻩ ﺧﺎﻟﺺ ... ﺑﺲ ﺍﻟﺸﻚ ﺣﻴﻘﺘﻠﻨﻲ ﻣﺶ ﻗﺎﺩﺭ ﺍﺻﺪﻕ ﻭﻻ ﺍﺗﺨﻴﻞ ﺍﻥ ﻣﺮﺍﺗﻲ ﺗﻌﻤﻞ ﻛﺪﻩ ... ﻭﻓﻨﻔﺲ ﺍﻟﻮﻗﺖ ﻣﻦ ﺳﺎﻋﺔ ﻣﺎﺳﻤﻌﺖ ﺍﻷﻳﺔ ﺩﻱ ﻭﺍﻧﺎ ﺧﻼﺹ ﺣﺎﺗﺠﻨﻦ

ﺗﻨﻬﺪ ﺍﻟﺮﺟﻞ ﻗﺎﺋﻼ ﺑﺘﺄﺛﺮ :

- ﻻ ﺣﻮﻝ ﻭﻻﻗﻮﺓ ﺇﻻ ﺑﺎﻟﻠﻪ ﺍﻟﻌﻠﻲ ﺍﻟﻌﻈﻴﻢ ... ﻗﻮﻟﻲ ﻳﺎ ﺍﺑﻨﻲ ﺍﻧﺖ ﺑﺘﺸﺘﻐﻞ ﺇﻳﻪ ?

ﺭﻣﻘﻪ ﺟﻤﺎﻝ ﺑﺪﻫﺸﺔ ﻣﺘﻌﺠﺒﺎ ﻣﻦ ﺳﺆﺍﻟﻪ ﻭﻟﻜﻨﻪ ﺍﺟﺎﺏ ﻗﺎﺋﻼ :

- ﺍﻧﺎ ﺑﺎﺷﺘﻐﻞ ﻣﺪﺭﺱ ﺗﺎﺭﻳﺦ

- ﻭﻣﺮﺍﺗﻚ ﺑﺘﺸﺘﻐﻞ ﺇﻳﻪ ?

- ﻣﺪﺭﺳﺔ ﺇﻧﺠﻠﻴﺰﻱ ﻓﻨﻔﺲ ﺍﻟﻤﺪﺭﺳﺔ ﺍﻟﻠﻲ ﺑﺎﺷﺘﻐﻞ ﻓﻴﻬﺎ

- ﻃﻴﺐ ﻭﺍﻟﻤﺪﺭﺳﺔ ﺍﻟﻠﻲ ﺍﻧﺖ ﺷﻐﺎﻝ ﻓﻴﻬﺎ ﺩﻱ ﻳﺎ ﺍﺑﻨﻲ ﻣﺎﻓﻴﻬﺎﺵ ﻣﺪﺭﺱ ﺗﺮﺑﻴﺔ ﺩﻳﻨﻴﺔ ﺃﻭ ﺣﺘﻰ ﻣﺪﺭﺱ ﻟﻐﺔ ﻋﺮﺑﻴﺔ ?

- ﺟﻤﺎﻝ ﺑﺪﻫﺸﺔ : ﺍﻛﻴﺪ ﻓﻴﻬﺎ ﻃﺒﻌﺎ

- ﻃﻴﺐ ﻣﺎﻓﻴﻬﺎﺵ ﻣﻜﺘﺒﺔ ?

- ﻻﺯﻡ ﻃﺒﻌﺎ ﻳﻜﻮﻥ ﻓﻴﻬﺎ

- ﻃﻴﺐ ﻳﺎ ﺍﺑﻨﻲ ... ﻣﺎﻓﻜﺮﺗﺶ ﻗﺒﻞ ﻣﺎ ﺗﺮﺍﻗﺐ ﺯﻭﺟﺘﻚ ﻭﺗﻌﺬﺏ ﻧﻔﺴﻚ ﺍﻟﻔﺘﺮﺓ ﺩﻱ ﺍﻧﻚ ﺗﺴﺄﻝ ﺯﻣﻴﻠﻚ ﻣﺪﺭﺱ ﺍﻟﺘﺮﺑﻴﺔ ﺍﻟﺪﻳﻨﻴﺔ ﺍﻭ ﺍﻟﻠﻐﺔ ﺍﻟﻌﺮﺑﻴﺔ ﻋﻦ ﺍﻟﺘﻔﺴﻴﺮ ﺍﻟﺼﺤﻴﺢ ﻟﻸﻳﺔ ... ﺍﻭ ﺗﺪﺧﻞ ﺍﻟﻤﻜﺘﺒﺔ ﻭﺗﻤﺴﻚ ﺍﺣﺪ ﻛﺘﺐ ﺍﻟﺘﻔﺎﺳﻴﺮ ﻭﺗﻘﺮﻯ ﺍﻟﺘﻔﺴﻴﺮ ﺑﻨﻔﺴﻚ ﺃﻭ ﺗﻌﻤﻞ ﺯﻱ ﻣﺎﻋﻤﻠﺖ ﺩﻟﻮﻗﺘﻲ ﻛﺪﻩ ﺑﺲ ﻣﻦ ﻭﻗﺘﻬﺎ

ﻧﻜﺲ ﺟﻤﺎﻝ ﺭﺃﺳﻪ ﻭﻗﺎﻝ ﺑﺄﺳﻒ :

- ﻣﺶ ﻋﺎﺭﻑ ﻣﺎﻓﻜﺮﺗﺶ ﻟﻴﻪ ﻓﺤﺎﺟﺔ ﻣﻦ ﺩﻭﻝ ... ﻳﻤﻜﻦ ﻋﺸﺎﻥ ﻛﺎﻧﺖ ﺣﺎﺟﺔ ﻭﺍﺣﺪﺓ ﺑﺲ ﻫﻴﺎ ﺍﻟﻠﻲ ﺷﺎﻏﻠﺔ ﺗﻔﻜﻴﺮﻱ ﻭﻣﺴﺘﺤﻮﺫﺓ ﻋﻠﻴﻪ ﻓﻤﺎﻛﺎﻧﺶ ﻋﻨﺪﻱ ﻓﺮﺻﺔ ﺍﻓﻜﺮ ﻓﻐﻴﺮﻫﺎ

- ﺷﻮﻑ ﻳﺎ ﺍﺑﻨﻲ ... ﺍﻷﻳﺔ ﺍﻟﻠﻲ ﺍﻧﺖ ﺳﻤﻌﺘﻬﺎ ﺍﻟﻤﻘﺼﻮﺩ ﺑﺎﻟﻨﻜﺎﺡ ﻓﻴﻬﺎ ﻫﻮ ﺍﻟﺠﻤﺎﻉ ﻭﻟﻴﺲ ﺍﻟﺰﻭﺍﺝ ... ﻳﻌﻨﻲ ﻣﻌﻨﺎﻫﺎ ﺍﻥ ﺍﻹﻧﺴﺎﻥ ﺍﻟﺰﺍﻧﻲ ﻻ ﺗﻮﺍﻓﻖ ﻋﻠﻰ ﻣﺸﺎﺭﻛﺘﻪ ﺟﺮﻳﻤﺔ ﺍﻟﺰﻧﺎ ﺇﻻ ﺍﻣﺮﺃﺓ ﺯﺍﻧﻴﺔ ﻣﺜﻠﻪ ... ﻟﻜﻦ ﺍﻟﻤﺮﺃﺓ ﺍﻟﺤﺮﺓ ﺍﻟﺸﺮﻳﻔﺔ ﻻ ﻳﻤﻜﻦ ﺍﻧﻬﺎ ﺗﻮﺍﻓﻘﻪ ﻋﻠﻰ ﺍﺭﺗﻜﺎﺏ ﻣﺜﻞ ﻫﺬﺍ ﺍﻟﻔﻌﻞ ... ﻭﻫﻨﺎﻙ ﻭﺟﻪ ﺗﺎﻧﻲ ﻟﻠﺘﻔﺴﻴﺮ ﻭﺇﻥ ﻛﺎﻥ ﺍﻷﻭﻝ ﺍﻗﻮﻯ ﻣﻨﻪ ﺑﻴﻘﻮﻝ ﺍﻥ ﺍﻟﺸﺨﺺ ﺍﻟﻠﻲ ﺑﻴﺮﺗﻜﺐ ﺟﺮﻳﻤﺔ ﺍﻟﺰﻧﺎ ﺇﺫﺍ ﻣﺎ ﻋﺮﻑ ﻋﻨﻪ ﺫﻟﻚ ﻭﺍﻧﺘﺸﺮ ﺃﻣﺮﻩ ﺑﻴﻦ ﺍﻟﻨﺎﺱ ﻓﻠﻦ ﺗﻮﺍﻓﻖ ﻋﻠﻰ ﺍﻟﺰﻭﺍﺝ ﺑﻪ ﺇﻻ ﺍﻣﺮﺃﺓ ﺳﺒﻖ ﻭﺍﺗﺖ ﻧﻔﺲ ﺍﻟﻔﻌﻞ ... ﻓﻬﻤﺖ ﻳﺎ ﺍﺑﻨﻲ .

ﻟﻢ ﻳﺪﺭ ﺟﻤﺎﻝ ﺑﻤﺎ ﻳﺠﻴﺒﻪ ﺍﻭ ﻣﺎﺫﺍ ﻳﻘﻮﻝ ... ﻟﻢ ﻳﺴﺘﻄﻊ ﺳﻮﻯ ﺍﻥ ﻳﺘﻮﺟﻪ ﻧﺤﻮ ﺍﻟﻘﺒﻠﺔ ﻭﻳﺴﺠﺪ ﻟﻠﻪ ﺷﺎﻛﺮﺍﺛﻢ ﺭﻓﻊ ﺭﺃﺳﻪ ﻭ . ﻇﻞ ﻳﺤﻤﺪ ﺍﻟﻠﻪ ﻭﺩﻣﻮﻋﻪ ﺗﻨﻬﻤﺮ ﻋﻠﻰ ﻭﺟﻬﻪ ﻛﺎﻟﻤﻄﺮ ﺛﻢ ﺍﺳﺘﻐﻔﺮ ﺭﺑﻪ ﻋﻠﻲ ﻇﻨﻪ ﺍﻟﺴﻴﺊ ﺑﺰﻭﺟﺘﻪ

ﻭﻗﺮﺭ ﺍﻥ ﻳﺘﻮﺟﻪ ﺇﻟﻴﻬﺎ ﻣﺴﺮﻋﺎ ﻃﺎﻟﺒﺎ ﻣﻨﻬﺎ ﺍﻥ ﺗﺴﺎﻣﺤﻪ ﻋﻠﻰ ﻛﻞ ﻣﺎﻓﺎﺕ ... ﻟﻢ ﻳﻨﺲ ﻗﺒﻞ ﺍﻥ ﻳﻐﺎﺩﺭ ﺍﻥ ﻳﺸﻜﺮ ﺍﻟﺸﻴﺦ ﺍﻟﺠﻠﻴﻞ ﻋﻠﻰ ﻣﺎﻓﻌﻠﻪ ﻣﻌﻪ ﺛﻢ ﺍﻧﺼﺮﻑ ﻣﺴﺮﻋﺎ ﺇﻟﻲ ﺑﻴﺘﻪ ﻭﺩﺧﻞ ﻟﻴﺠﺪ ﺯﻭﺟﺘﻪ ﻭﻫﻲ ﺗﺨﺮﺝ ﻣﻦ ﻏﺮﻓﺔ ﻧﻮﻣﻬﺎ ﻭﺗﺠﺮ ﺧﻠﻔﻬﺎ ﺣﻘﻴﺒﺔ ﻣﻼﺑﺲ ﻛﺒﻴﺮﺓ ﺍﻟﺤﺠﻢ ﺑﻌﺪ ﺍﻥ ﻋﻠﻤﺖ ﺑﻌﻮﺩﺓ ﺍﺣﻤﺪ ﻓﺠﻤﻌﺖ ﻣﻼﺑﺴﻬﺎ ﻓﻲ ﺍﻟﺤﻘﻴﺒﺔ ﻭﻛﺎﻧﺖ ﻓﻲ ﻃﺮﻳﻘﻬﺎ ﻟﺘﻐﺎﺩﺭ ﻣﺘﺠﻬﺔ ﺇﻟﻰ ﻣﻨﺰﻝ ﻭﺍﻟﺪﻳﻬﺎ ﺑﻌﺪ ﺍﻥ ﺗﺮﻛﺖ ﺍﺑﻨﺘﻬﺎ ﻫﻨﺎﻙ ﻭﻟﻢ ﺗﺬﻫﺐ ﻹﺣﻀﺎﺭﻫﺎ ﺑﻌﺪ ﻋﻮﺩﺗﻬﺎ ﻣﻦ ﺍﻟﻤﺪﺭﺳﺔ ﻫﺬﺍ ﺍﻟﻴﻮﻡ ... ﻧﻈﺮ ﺇﻟﻴﻬﺎ ﺟﻤﺎﻝ ﻗﺎﺋﻼ ﺑﺪﻫﺸﺔ :

- ﺭﺍﻳﺤﺔ ﻓﻴﻦ ﻳﺎ ﺃﻣﻴﺮﺓ ?

ﺍﺟﺎﺑﺘﻪ ﺃﻣﻴﺮﺓ ﺩﻭﻥ ﺇﻛﺘﺮﺍﺙ :

- ﺭﺍﻳﺤﺔ ﻋﻨﺪ ﻣﺎﻣﺎ ... ﺍﺣﻤﺪ ﺧﻼﺹ ﺭﺟﻊ ﻣﻦ ﻣﺮﺳﻰ ﻣﻄﺮﻭﺡ

- ﺍﻧﺘﻲ ﺭﺍﻳﺤﺔ ﺗﺒﺎﺭﻛﻴﻠﻪ ﻫﻮ ﻭﻣﺮﺍﺗﻪ ﻳﻌﻨﻲ ? ﻃﻴﺐ ﻭﻭﺍﺧﺪﺓ ﻫﺪﻭﻣﻚ ﻣﻌﺎﻛﻲ ﻟﻴﻪ ?

- ﻋﺸﺎﻥ ﻣﺶ ﻧﺎﻭﻳﺔ ﺍﺭﺟﻊ ﻫﻨﺎ ﺗﺎﻧﻲ

- ﻟﻴﻪ ? ﺍﻧﺎ ﻣﺶ ﻓﺎﻫﻢ ﺣﺎﺟﺔ

- ﻋﺸﺎﻥ ﺍﻧﺖ ﺣﺘﻄﻠﻘﻨﻲ

- ﺍﻃﻠﻘﻚ ﻟﻴﻪ ﻳﺎ ﺃﻣﻴﺮﺓ ? ﻣﺎﺗﻔﻬﻤﻴﻨﻲ ﻓﻴﻪ ﺇﻳﻪ

ﺍﺭﺗﺴﻤﺖ ﻋﻠﻰ ﺟﺎﻧﺐ ﻓﻤﻬﺎ ﺇﺑﺘﺴﺎﻣﺔ ﺳﺎﺧﺮﺓ ﻗﺒﻞ ﺍﻥ ﺗﺠﻴﺒﻪ ﻗﺎﺋﻠﺔ :

- ﺍﻓﻬﻤﻚ ﻳﺎ ﺟﻤﺎﻝ ... ﻋﺸﺎﻥ ﺍﻧﺎ ﻣﺎﻗﺒﻠﺶ ﺇﻧﻲ ﺍﻛﻤﻞ ﺣﻴﺎﺗﻲ ﻣﻊ ﺭﺍﺟﻞ ﺯﺍﻧﻲ ﺯﻳﻚ

ﺍﺗﺴﻌﺖ ﻋﻴﻨﺎﻩ ﺑﺸﺪﺓ ﻭﻗﺎﻝ ﺑﺨﻔﻮﺕ :

- ﺍﻧﺘﻲ ﻋﺮﻓﺘﻲ ?

- ﺍﻣﻴﺮﺓ ﺑﺴﺨﺮﻳﺔ : ﺍﻳﻮﻩ ﻋﺮﻓﺖ ﻭﻛﻨﺖ ﻧﺎﻭﻳﺔ ﺍﻃﻠﺐ ﺍﻟﻄﻼﻕ ﻣﻨﻚ ﻣﻦ ﺳﺎﻋﺔ ﻣﺎﻋﺮﻓﺖ ... ﺑﺲ ﻗﻠﺖ ﻻﺯﻡ ﺍﻷﻭﻝ ﺍﺩﻓﻌﻚ ﺗﻤﻦ ﺧﻴﺎﻧﺘﻚ ... ﻛﻨﺖ ﻋﺎﻳﺰﺍﻙ ﺗﺤﺲ ﺍﻥ ﺍﻧﺎ ﻛﻤﺎﻥ ﺑﺎﺧﻮﻧﻚ ﻋﺸﺎﻥ ﺗﻌﺮﻑ ﺍﻟﺨﻴﺎﻧﺔ ﻃﻌﻤﻬﺎ ﻋﺎﻣﻞ ﺍﺯﺍﻱ ... ﺍﻟﻐﺮﻳﺒﺔ ﺍﻧﻲ ﻣﺎﻗﺪﺭﺗﺶ ﺍﻋﻤﻞ ﻛﺪﻩ ﻭﻟﻮ ﺑﺎﻟﻜﺪﺏ ... ﻣﺶ ﻋﺎﺭﻓﺔ ﺍﻧﺖ ﺍﺯﺍﻱ ﺟﺎﻟﻚ ﻗﻠﺐ ﻓﻌﻼ ﺗﻌﻤﻞ ﻛﺪﻩ ﺑﺠﺪ

- ﺍﻧﺘﻲ ﻋﺮﻓﺘﻲ ﻣﻨﻴﻦ ?

- ﻫﻮ ﺩﻩ ﻛﻞ ﺍﻟﻠﻲ ﻳﻬﻤﻚ ﻋﺮﻓﺖ ﻣﻨﻴﻦ

- ﺭﺩﻱ ﻋﻠﻴﺎ ﻳﺎ ﺃﻣﻴﺮﺓ ... ﻋﺮﻓﺘﻲ ﻣﻨﻴﻦ ﻣﻴﻦ ﺍﻟﻠﻲ ﻗﺎﻟﻚ .............

ﻳﺘﺒﻊ

↚

ﺃﻟﻘﺖ ﻋﻠﻴﻪ ﻧﻈﺮﺓ ﺳﺎﺧﺮﺓ ﻗﺒﻞ ﺍﻥ ﺗﻔﺘﺢ ﻫﺎﺗﻔﻬﺎ ﻋﻠﻰ ﺃﺧﺮ ﺭﺳﺎﻟﺔ ﺟﺎﺀﺗﻬﺎ ﻣﻦ ﻓﺘﺤﻲ ﻭﻗﺎﻟﺖ ﺑﺘﻬﻜﻢ : ﻣﺶ ﺍﻧﺖ ﻋﺎﻳﺰ ﺗﻌﺮﻑ ﺍﻧﺎ ﻋﺮﻓﺖ ﻣﻨﻴﻦ ... ﺍﺗﻔﻀﻞ ﺷﻮﻑ ﺑﻨﻔﺴﻚ ... ﻣﺪﺕ ﺃﻣﻴﺮﺓ ﻳﺪﻫﺎ ﺑﺎﻟﻬﺎﺗﻒ ﺇﻟﻰ ﺟﻤﺎﻝ ﺍﻟﺬﻱ ﺃﺧﺬﻩ ﺛﻢ ﺷﺮﻉ ﻓﻲ ﻗﺮﺍﺀﺓ ﺍﻟﺮﺳﺎﻟﺔ ... ﺭﻓﻊ ﺑﺼﺮﻩ ﺇﻟﻴﻬﺎ ﻗﺎﺋﻼ ﺑﺪﻫﺸﺔ : ﺇﻳﻪ ﺩﻩ ﻳﺎ ﺃﻣﻴﺮﺓ ... ﻣﻌﻨﺎﻫﺎ ﺇﻳﻪ ﺍﻟﺮﺳﺎﻟﺔ ﺩﻱ ﻭﻣﻴﻦ ﺍﻟﻠﻲ ﺑﺎﻋﺘﻬﺎ ?

ﺭﻣﻘﺘﻪ ﺃﻣﻴﺮﺓ ﺑﺴﺨﺮﻳﺔ ﺛﻢ ﻗﺎﻟﺖ ﺑﺠﺪﻳﺔ : ﺍﻟﻠﻲ ﺑﺎﻋﺘﻬﺎ ﺻﺎﺣﺐ ﺍﻟﺮﻗﻢ ﺩﻩ ... ﻫﻮ ﻣﻴﻦ ﺑﻘﻰ ﺍﻧﺎ ﻣﺎﻋﺮﻓﺶ ... ﺗﺤﺐ ﺗﺸﻮﻑ ﺍﻟﺮﺳﺎﻳﻞ ﺍﻟﻠﻲ ﺑﻌﺘﻬﺎ ﻗﺒﻞ ﻛﺪﻩ ... ﻭﺗﺴﻤﻊ ﻛﻤﺎﻥ ﺍﻟﻤﻜﺎﻟﻤﺎﺕ ﺍﻟﻠﻲ ﺗﻤﺖ ﺑﻴﻨﻲ ﻭﺑﻴﻨﻪ ﺍﺻﻠﻲ ﻣﺴﺠﻼﻫﺎ ﻛﻠﻬﺎ ... ﻟﻢ ﺗﻤﻬﻠﻪ ﺃﻣﻴﺮﺓ ﺣﺘﻰ ﻳﺠﻴﺒﻬﺎ ﻓﺎﺧﺬﺕ ﺗﺴﻤﻌﻪ ﺍﻟﻤﻜﺎﻟﻤﺎﺕ ﺗﺒﺎﻋﺎ ﺛﻢ ﺍﻧﺘﻘﻠﺖ ﺇﻟﻰ ﺍﻟﺮﺳﺎﺋﻞ ﻟﻴﺼﺮﺥ ﺟﻤﺎﻝ ﺍﻟﺬﻱ ﻛﺎﻥ ﻳﺴﺘﻤﻊ ﺇﻟﻴﻬﺎ ﻓﻲ ﺫﻫﻮﻝ : ﺍﻟﺤﻴﻮﺍﻥ ﻭﺍﻟﻠﻪ ﻷﺩﻓﻌﻪ ﺍﻟﺘﻤﻦ ﻏﺎﻟﻲ ... ﻫﻴﺎ ﺩﻱ ﺃﺧﺮﺓ ﺇﻧﻲ ﺃﻣﺸﻲ ﻭﺭﺍﻙ ﻭﺍﺳﻤﻊ ﻛﻼﻣﻚ ﻳﺎ ﻓﺘﺤﻲ ﺍﻟﻜﻠﺐ ﺍﻧﺖ ... ﺭﺍﻳﺢ ﺗﻔﻀﺤﻨﻲ ﻋﻨﺪ ﻣﺮﺍﺗﻲ ﻭﺗﻬﺪ ﺑﻴﺘﻲ ﺑﻌﺪ ﻣﺎﺧﻠﻴﺘﻨﻲ ﺍﻋﻤﻞ ﺍﻟﻠﻲ ﻋﻤﻠﺘﻪ ... ﻭﻛﻞ ﺩﻩ ﻋﺸﺎﻥ ﻃﻤﻌﺎﻥ ﻓﻤﺮﺍﺗﻲ ... ﺇﻥ ﻣﺎﻭﺭﻳﺘﻚ ﻳﺎﻓﺘﺤﻲ ﻣﺎﺑﻘﺎﺵ ﺃﻧﺎ

ﺍﻣﺘﺪﺕ ﻳﺪﻫﺎ ﺇﻟﻰ ﺍﻟﺤﻘﻴﺒﺔ ﻟﺘﺠﺮﻫﺎ ﻣﺮﺓ ﺃﺧﺮﻱ ﻭﻫﻲ ﺗﻘﻮﻝ ﺑﺘﻬﻜﻢ : ﻭﺍﻟﻠﻪ ﺩﻱ ﺣﺎﺟﺔ ﺗﺨﺼﻚ ﺍﻧﺖ ﻭﻫﻮ ... ﺃﻧﺎﺑﻘﻰ ﻣﺎﻟﻴﺶ ﺩﻋﻮﺓ ... ﺃﻧﺎ ﻣﺎﺷﻴﺔ ﻭﻋﺎﻳﺰﺓ ﻭﺭﻗﺔ ﻃﻼﻗﻲ ﺗﻮﺻﻠﻨﻲ ﻓﺄﺳﺮﻉ ﻭﻗﺖ ... ﻭﺑﻨﺘﻚ ﺗﻘﺪﺭ ﺗﻴﺠﻲ ﺗﺸﻮﻓﻬﺎ ﻭﻗﺖ ﻣﺎﺗﺤﺐ

ﺍﺳﺮﻉ ﺟﻤﺎﻝ ﺇﻟﻰ ﺍﻟﺤﻘﻴﺒﺔ ﻭﺣﺎﻭﻝ ﺃﻥ ﻳﺄﺧﺬﻫﺎ ﻟﺘﺘﺸﺒﺚ ﺑﻬﺎ ﺃﻣﻴﺮﺓ ﺑﻘﻮﺓ ... ﺍﺳﺘﺠﺎﺏ ﺟﻤﺎﻝ ﻟﻤﻘﺎﻭﻣﺘﻬﺎ ﻓﺘﺮﻙ ﺍﻟﺤﻘﻴﺒﺔ ﻭﺣﺎﻭﻝ ﺃﻥ ﻳﻤﺴﻚ ﺑﻴﺪﻫﺎ ﺍﻟﺘﻲ ﺗﺘﺸﺒﺚ ﺑﺎﻟﺤﻘﻴﺒﺔ ﻓﺎﺳﺮﻋﺖ ﺗﺴﺤﺐ ﻳﺪﻫﺎ ﻗﺎﺋﻠﺔ ﺑﺈﺷﻤﺌﺰﺍﺯ : ﺇﻳﺪﻙ ﺩﻱ ﻣﺎﺗﺤﻄﻬﺎﺵ ﻋﻠﻴﺎ ﻣﺮﺓ ﺗﺎﻧﻴﺔ .

ﺃﺧﺬ ﻳﻘﻮﻝ ﺑﺈﺳﺘﺠﺪﺍﺀ : ﺃﻣﻴﺮﺓ ﻋﺸﺎﻥ ﺧﺎﻃﺮﻱ ﺇﺩﻳﻨﻲ ﻓﺮﺻﺔ ﺗﺎﻧﻴﺔ ... ﻭﺍﻟﻠﻪ ﺍﻟﻌﻈﻴﻢ ﺍﻧﺎ ﻛﻨﺖ ﺟﺎﻱ ﻋﺸﺎﻥ ﺍﻋﺘﺬﺭﻟﻚ ﻭﺃﻗﻮﻟﻚ ﻧﻔﺘﺢ ﻣﻊ ﺑﻌﺾ ﺻﻔﺤﺔ ﺟﺪﻳﺪﺓ ﻭﺇﻧﻲ ﺣﺎﺑﻄﻞ ﻛﻞ ﺍﻟﺤﺎﺟﺎﺕ ﺍﻟﻠﻲ ﻛﺎﻧﺖ ﺑﺘﻀﺎﻳﻘﻚ ﻣﻨﻲ ﻭﺣﺎﺑﻌﺪ ﻋﻦ ﺍﻟﺰﻓﺖ ﺍﻟﻠﻲ ﺍﺳﻤﻪ ﻓﺘﺤﻲ ﺩﻩ ﺧﺎﻟﺺ ... ﺍﻭﻋﺪﻙ ﺇﻧﻲ ﺍﺭﺟﻊ ﺟﻤﺎﻝ ﺍﻟﻠﻲ ﺣﺒﺘﻴﻪ ﻭﺍﺗﺠﻮﺯﺗﻴﻪ ... ﺑﺲ ﻋﺸﺎﻥ ﺧﺎﻃﺮﻱ ﻣﺎﺗﺴﻴﺒﻨﻴﺶ

ﺃﻣﻴﺮﺓ ﺑﺘﺄﺛﺮ : ﺍﻧﺖ ﻻ ﻳﻤﻜﻦ ﺗﻜﻮﻥ ﺟﻤﺎﻝ ... ﺍﻧﺖ ﻣﺠﺮﺩ ﻣﺴﺦ ﻣﺸﻮﻩ ﻣﻦ ﺟﻤﺎﻝ ﺍﻟﻠﻲ ﺍﻧﺎ ﺍﺗﺠﻮﺯﺗﻪ ... ﺃﻧﺎ ﺣﺎﻭﻟﺖ ﻣﻌﺎﻙ ﻛﺘﻴﺮ ﻭﺇﺩﻳﺘﻚ ﺃﻛﺘﺮ ﻣﻦ ﻓﺮﺻﺔ ... ﺣﺘﻰ ﺍﻟﺮﺳﺎﻳﻞ ﺩﻱ ﺃﻭﻝ ﻣﺎ ﺑﺪﺃﺕ ﺗﻮﺻﻠﻨﻲ ﻃﻨﺸﺘﻬﺎ ﻭﻗﻠﺖ ﺃﺳﻴﺐ ﺍﻟﻤﺮﻛﺐ ﺗﻤﺸﻲ ... ﺍﻟﻤﺸﻜﻠﺔ ﺇﻥ ﺍﻟﻤﺮﻛﺐ ﺑﺮﺿﻪ ﻣﺎﻗﺪﺭﺗﺶ ﺗﻮﺻﻞ ﻟﻠﺒﺮ ﺑﺮﻏﻢ ﻛﻞ ﺍﻟﻠﻲ ﻋﻤﻠﺘﻪ ... ﻭﻟﻮ ﺭﺟﻌﺖ ﻣﻦ ﻣﻜﺎﻥ ﻣﺎ ﺑﺪﺃﺕ ﺣﺘﺮﺟﻊ ﺧﺴﺮﺍﻧﺔ ﻛﺘﻴﺮ ﺍﻭﻱ ﻳﺎ ﺟﻤﺎﻝ ... ﺗﻔﺘﻜﺮ ﺑﻌﺪ ﺍﻟﻠﻲ ﻋﻤﻠﺘﻪ ﺃﻧﺎ ﻣﻤﻜﻦ ﺃﻗﺪﺭ ﺃﻋﻴﺶ ﻣﻌﺎﻙ ﻭﻻ ﺍﺑﺺ ﻓﻮﺷﻚ ﺣﺘﻰ ﻣﻦ ﻏﻴﺮ ﻣﺎ ﺍﻓﺘﻜﺮ ﺧﻴﺎﻧﺘﻚ ﻭﺗﺠﺮﺃﻙ ﻋﻠﻰ ﺣﺮﻣﺎﺕ ﺭﺑﻨﺎ

ﺣﺎﻭﻝ ﺃﻥ ﻳﺪﺍﻓﻊ ﻋﻦ ﻧﻔﺴﻪ ﻓﻘﺺ ﻋﻠﻴﻬﺎ ﻛﻴﻒ ﺣﺪﺙ ﺫﻟﻚ ﻭﻛﻴﻒ ﺍﺳﺘﻄﺎﻉ ﻓﺘﺤﻲ ﺃﻥ ﻳﺴﺘﺪﺭﺟﻪ ﻓﻘﺎﻟﺖ ﺑﺘﺄﻓﻒ : ﻋﺬﺭ ﺃﻗﺒﺢ ﻣﻦ ﺫﻧﺐ ﻳﺎ ﺃﺳﺘﺎﺫ ﻳﺎ ﻣﺮﺑﻲ ﺍﻷﺟﻴﺎﻝ ... ﻣﺎﻛﻨﺘﺶ ﺧﺎﻳﻒ ﻣﻨﻲ ﻣﺎﺷﻲ ... ﻟﻜﻦ ﻣﺎﺧﻮﻓﺘﺶ ﻛﻤﺎﻥ ﻣﻦ ﺭﺑﻨﺎ ... ﻣﺎﻓﻜﺮﺗﺶ ﺍﻥ ﺩﻩ ﻣﻤﻜﻦ ﻳﺘﺮﺩﻟﻚ ... ﺗﻘﺪﺭ ﺗﻘﻮﻟﻲ ﺣﺘﻌﻤﻞ ﺇﻳﻪ ﻓﺎﻟﻔﻴﺪﻳﻮ ﺍﻟﻠﻲ ﻣﻌﺎﻩ ﻭﺍﻟﻠﻲ ﺑﻴﻬﺪﺩﻙ ﺑﻴﻪ ... ﺗﻘﺪﺭ ﺗﻘﻮﻟﻲ ﻣﻴﻦ ﻣﻦ ﺃﻭﻟﻴﺎﺀ ﺍﻷﻣﻮﺭ ﺣﻴﺄﻣﻨﻚ ﺗﺎﻧﻲ ﻋﻠﻰ ﻭﻻﺩﻩ ﻭﺑﻨﺎﺗﻪ ... ﺑﻨﺘﻚ ﻣﺎﻓﻜﺮﺗﺶ ﻓﻴﻬﺎ ﻟﻮ ﺣﺪ ﻋﺮﻑ ﺑﺎﻟﻠﻲ ﻋﻤﻠﺘﻪ ... ﻣﺎﻓﻜﺮﺗﺶ ﺍﻧﻬﺎ ﺣﺘﻌﻴﺶ ﻣﻮﺻﻮﻣﺔ ﻃﻮﻝ ﻋﻤﺮﻫﺎ ﺑﺴﺒﺐ ﺃﺏ ﺃﻧﺎﻧﻲ ﻣﺎﻓﻜﺮﺵ ﻏﻴﺮ ﻓﺮﻏﺒﺎﺗﻪ ﻭﺟﺮﻱ ﻭﺭﺍ ﻧﺰﻭﺍﺗﻪ ﻭﺑﺲ ... ﻟﻸﺳﻒ ﺍﻧﺖ ﻓﻮﻗﺖ ﻣﺘﺄﺧﺮ ﺍﻭﻱ ... ﻳﺎﺭﻳﺖ ﺗﺤﺎﻭﻝ ﺗﻠﺤﻘﻪ ﻭﺗﺎﺧﺪ ﻣﻨﻪ ﺍﻟﻔﻴﺪﻳﻮ ﻳﻤﻜﻦ ﺗﻘﺪﺭ ﺗﻨﻘﺬ ﺍﻱ ﺣﺎﺟﺔ ... ﺃﻣﺎ ﺍﻧﺎ ﺑﻘﻰ ... ﻓﺄﻧﺎ ﺣﺎﻣﺸﻲ ﻭﻣﺶ ﺣﺎﻗﻮﻟﻚ ﻏﻴﺮ ﻛﻠﻤﺔ ﻭﺍﺣﺪﺓ ﻗﺒﻠﻬﺎ ... ﺭﺑﻨﺎ ﻳﺴﺎﻣﺤﻚ ﻋﻠﻰ ﻛﻞ ﺍﻟﻠﻲ ﻋﻤﻠﺘﻪ ﻣﻌﺎﻳﺎ

ﺍﻣﺴﻚ ﺟﻤﺎﻝ ﺑﻴﺪﻳﻬﺎ ﻳﻘﺒﻠﻬﻤﺎ ﻭﻫﻮ ﻳﻘﻮﻝ ﺑﺒﻜﺎﺀ ﻭﻗﺪ ﺃﻏﺮﻗﺖ ﺩﻣﻮﻋﻪ ﻭﺟﻬﻪ : ﻋﺸﺎﻥ ﺧﺎﻃﺮﻱ ﻳﺎ ﺃﻣﻴﺮﺓ ﺳﺎﻣﺤﻴﻨﻲ ... ﺃﻧﺎ ﻣﺴﺘﻌﺪ ﻷﻱ ﻋﻘﺎﺏ ﻣﻨﻚ ﻏﻴﺮ ﺇﻧﻚ ﺗﺴﻴﺒﻴﻨﻲ ﻭﺗﻄﻠﺒﻲ ﺍﻟﻄﻼﻕ ... ﻃﺐ ﺃﻗﻮﻟﻚ ﻋﻠﻰ ﺣﺎﺟﺔ ... ﺧﻠﻴﻜﻲ ﻧﺎﻳﻤﺔ ﻓﺄﻭﺿﺔ ﺭﻭﺿﺔ ﺯﻱ ﻣﺎ ﺍﻧﺘﻲ ... ﻟﺤﺪ ﻣﺎﺗﺤﺴﻲ ﺍﻧﻚ ﺧﻼﺹ ﺳﺎﻣﺤﺘﻴﻨﻲ ... ﺑﺲ ﺑﻼﺵ ﺗﻤﺸﻲ ﻳﺎ ﺃﻣﻴﺮﺓ ... ﻃﺐ ﺑﻼﺵ ﻋﺸﺎﻥ ﺧﺎﻃﺮﻱ ﻋﺸﺎﻥ ﺧﺎﻃﺮ ﺭﻭﺿﺔ ﻳﺎ ﺃﻣﻴﺮﺓ ... ﻳﻌﻨﻲ ﺭﻭﺿﺔ ﻣﺎﺗﺴﺘﺎﻫﻠﺶ ﺍﻧﻚ ﺗﺘﻨﺎﺯﻟﻲ ﻋﺸﺎﻧﻬﺎ .

ﺩﻓﻌﺘﻪ ﺃﻣﻴﺮﺓ ﺑﻌﻴﺪﺍ ﻋﻨﻬﺎ ﻭﺍﺗﺠﻬﺖ ﻧﺤﻮ ﺑﺎﺏ ﺍﻟﻤﻨﺰﻝ ﻗﺎﺋﻠﺔ : ﻭﻣﺎﻓﻜﺮﺗﺶ ﻓﻴﻬﺎ ﻟﻴﻪ ﻭﺍﻧﺖ ﺑﺘﻌﻤﻞ ﺍﻟﻠﻲ ﻋﻤﻠﺘﻪ ﻭﻻ ﺍﻧﺎ ﺑﺲ ﺍﻟﻠﻲ ﻣﻄﻠﻮﺏ ﻣﻨﻲ ﺃﻓﻜﺮ ﻓﻴﻬﺎ

ﺧﺮﺟﺖ ﺃﻣﻴﺮﺓ ﻭﺍﻏﻠﻘﺖ ﺍﻟﺒﺎﺏ ﺧﻠﻔﻬﺎ ﻓﺠﻠﺲ ﺟﻤﺎﻝ ﺧﻠﻔﻪ ﻭﺿﻢ ﺭﻛﺒﺘﻴﻪ ﺇﻟﻰ ﺻﺪﺭﻩ ﻭﻇﻞ ﻳﺒﻜﻲ ﻭﻳﺘﻤﺘﻢ ﻗﺎﺋﻼ : ﻣﺎﺗﺴﻴﺒﻨﻴﺶ ﻳﺎ ﺃﻣﻴﺮﺓ ... ﺛﻢ ﺗﻮﻗﻒ ﻓﺠﺄﺓ ﻋﻦ ﺍﻟﺒﻜﺎﺀ ﻭﻧﻈﺮ ﺇﻟﻰ ﺍﻟﻔﺮﺍﻍ ﺃﻣﺎﻣﻪ ﻗﺎﺋﻼ ﺑﺈﺻﺮﺍﺭ : ﻭﺍﻟﻠﻪ ﻷﺩﻓﻌﻚ ﺗﻤﻦ ﺍﻟﻠﻲ ﻋﻤﻠﺘﻪ ﺩﻩ ﻏﺎﻟﻲ ﺍﻭﻱ ﻳﺎ ﻓﺘﺤﻲ ... ﺛﻢ ﺧﺮﺝ ﻫﻮ ﺍﻷﺧﺮ ﻣﺘﺠﻬﺎ ﺇﻟﻰ ﻣﻨﺰﻝ ﻓﺘﺤﻲ

&&&&&&&&&&&&&&&&&&

ﻛﺎﻥ ﺍﺣﻤﺪ ﻳﺘﺤﺪﺙ ﺇﻟﻰ ﺃﻣﻴﺮﺓ ﻗﺎﺋﻼ ﺑﺈﻧﻔﻌﺎﻝ : ﻛﺪﻩ ﺑﺮﺿﻪ ﻳﺎ ﺃﻣﻴﺮﺓ ﻛﻞ ﺩﻩ ﻳﺤﺼﻞ ﻣﻦ ﻏﻴﺮ ﻣﺎ ﺗﻘﻮﻟﻴﻠﻲ ... ﺍﻧﺎ ﻣﺶ ﺳﺄﻟﺘﻚ ﻗﺒﻞ ﻛﺪﻩ ﻭﻗﻮﻟﺘﻲ ﺍﻧﻜﻮﺍ ﻛﻮﻳﺴﻴﻦ ... ﻟﻴﻪ ﺧﺒﻴﺘﻲ ﻋﻠﻴﺎ ﻳﺎ ﺃﻣﻴﺮﺓ ?

ﻧﻜﺴﺖ ﺃﻣﻴﺮﺓ ﺭﺃﺳﻬﺎ ﻭﻗﺎﻟﺖ ﺑﺄﺳﻰ : ﻛﺎﻥ ﻋﻨﺪﻱ ﺃﻣﻞ ﺇﻧﻪ ﻳﺮﺟﻊ ﻋﻦ ﺍﻟﻠﻲ ﺑﻴﻌﻤﻠﻪ ﺩﻩ ... ﻭﻟﻤﺎ ﻭﺻﻠﺖ ﻟﻜﺪﻩ ﻗﻠﺖ ﺧﻼﺹ ﻣﺎﻓﻴﺶ ﻓﺎﻳﺪﺓ ﻣﺎﻗﺪﺭﺗﺶ ﺍﺳﺘﺤﻤﻞ ﺍﻛﺘﺮ ﻣﻦ ﻛﺪﻩ ... ﺳﻴﺒﺖ ﺍﻟﺒﻴﺖ ﻭﻃﻠﺒﺖ ﺍﻟﻄﻼﻕ ﻣﻨﻪ ... ﻟﻜﻦ ﻫﻮ ﺑﻴﻘﻮﻝ ﺍﻧﻪ ﺗﺎﺏ ﻭﺭﺟﻊ ﻋﻦ ﺍﻟﻠﻲ ﺑﻴﻌﻤﻠﻪ ﻭﻋﺎﻳﺰﻧﻲ ﺍﻓﺘﺢ ﻣﻌﺎﻩ ﺻﻔﺤﺔ ﺟﺪﻳﺪﺓ ... ﺑﺲ ﺍﻧﺎ ﺧﻼﺹ ﻛﺮﻫﺘﻪ ﻭﻣﺎﺑﻘﺘﺶ ﻃﺎﻳﻘﺔ ﺣﺘﻰ ﺃﺷﻮﻓﻪ ﺍﺩﺍﻣﻲ .

ﺟﻠﺲ ﺍﺣﻤﺪ ﺇﻟﻰ ﺟﻮﺍﺭﻫﺎ ﻭﺭﺑﺖ ﻋﻠﻰ ﻛﺘﻔﻬﺎ ﻗﺎﺋﻼ ﺑﺤﻨﻮ : ﻃﻴﺐ ﻫﺪﻱ ﻧﻔﺴﻚ ﺑﺲ ﻭﺍﻟﻠﻲ ﺍﻧﺘﻲ ﻋﺎﻳﺰﺍﻩ ﺍﻧﺎ ﺣﺎﻋﻤﻠﻬﻮﻟﻚ ... ﺑﺲ ﺑﻼﺵ ﺗﻌﻴﻄﻲ ﻋﺸﺎﻥ ﺧﺎﻃﺮﻱ ﺍﻧﺘﻲ ﻋﺎﺭﻓﺔ ﺇﻧﻲ ﻣﺎﻗﺪﺭﺵ ﺃﺷﻮﻑ ﺩﻣﻮﻋﻚ ﺍﻧﺘﻲ ﺑﺎﻟﺬﺍﺕ ... ﺍﻗﺘﺮﺏ ﻣﻨﻬﺎ ﺍﺣﻤﺪ ﻭﺿﻤﻬﺎ ﺇﻟﻴﻪ ﻓﻮﺿﻌﺖ ﺭﺃﺳﻬﺎ ﻋﻠﻰ ﺻﺪﺭﻩ ﻭﺃﺟﻬﺸﺖ ﻓﻲ ﺍﻟﺒﻜﺎﺀ ﻭﻫﻮ ﻳﻤﺴﺢ ﻋﻠﻰ ﺷﻌﺮﻫﺎ ﻗﺎﺋﻼ ﺑﺤﻨﻮ : ﺧﻼﺹ ﻳﺎ ﺃﻣﻴﺮﺓ ﺇﻫﺪﻱ ﺑﻘﻰ ﻋﺸﺎﻥ ﺧﺎﻃﺮﻱ ... ﺑﻌﺪ ﻓﺘﺮﺓ ﺍﺳﺘﻄﺎﻋﺖ ﺍﺧﻴﺮﺍ ﺍﻥ ﺗﻮﻗﻒ ﺳﻴﻞ ﺍﻟﺪﻣﻮﻉ ﺍﻟﻤﻨﻬﻤﺮ ﻣﻦ ﻋﻴﻨﻴﻬﺎ ﻓﺮﻓﻊ ﺍﺣﻤﺪ ﻭﺟﻬﻬﺎ ﺇﻟﻴﻪ ﻭﻗﺎﻝ ﺑﺠﺪﻳﺔ : ﺃﻣﻴﺮﺓ ﻗﻮﻟﻴﻠﻲ ﺑﺼﺮﺍﺣﺔ ... ﺍﻧﺘﻲ ﻓﻌﻼ ﺧﻼﺹ ﻣﺶ ﻋﺎﻳﺰﺍﻩ ﻭﻻ ﺻﻌﺒﺎﻥ ﻋﻠﻴﻜﻲ ﻧﻔﺴﻚ ﺑﻌﺪ ﺍﻟﻠﻲ ﻋﻤﻠﻪ

ﺃﺟﺎﺑﺖ ﻗﺎﺋﻠﺔ ﺑﺘﺄﺛﺮ : ﻋﺎﻳﺰﻧﻲ ﺍﺭﺟﻌﻠﻪ ﻳﺎ ﺍﺣﻤﺪ ﺑﻌﺪ ﺧﻴﺎﻧﺘﻪ ﻟﻴﺎ

ﺍﺣﻤﺪ : ﺃﻣﻴﺮﺓ ... ﺃﻧﺎ ﻣﺶ ﻋﺎﻳﺰ ﻏﻀﺒﻚ ﻟﻨﻔﺴﻚ ﻋﺸﺎﻥ ﺧﻴﺎﻧﺘﻪ ﻳﻜﻮﻥ ﺍﻛﺒﺮﻣﻦ ﻏﻀﺒﻚ ﻋﺸﺎﻥ ﺍﻧﺘﻬﻚ ﺣﺮﻣﺎﺕ ﺭﺑﻨﺎ ﻭﻋﻤﻞ ﻛﺒﻴﺮﺓ ﻣﻦ ﺍﻟﻜﺒﺎﺋﺮ .

ﺃﻣﻴﺮﺓ : ﺳﻮﺍﺀ ﻛﺎﻥ ﻛﺪﻩ ﺃﻭ ﻛﺪﻩ ﻳﻨﻔﻊ ﺑﻌﺪﻫﺎ ﺇﻧﻲ ﺃﺭﺟﻌﻠﻪ ﻳﻌﻨﻲ ?

ﺃﺣﻤﺪ : ﺃﻣﻴﺮﺓ ﻳﺎ ﺣﺒﻴﺒﺘﻲ ... ﺍﻟﺘﺎﺋﺐ ﻣﻦ ﺍﻟﺬﻧﺐ ﻛﻤﻦ ﻻ ﺫﻧﺐ ﻟﻪ ... ﻳﻌﻨﻲ ﻫﻮ ﻟﻮ ﺗﺎﺏ ﻓﻌﻼ ﻭﻧﺪﻡ ﻋﻠﻰ ﺍﻟﻠﻲ ﻋﻤﻠﻪ ﻳﺒﻘﻰ ﻛﺈﻧﻪ ﻣﺎﻋﻤﻠﺶ ﺣﺎﺟﺔ ... ﺃﻣﺎ ﺑﺎﻟﻨﺴﺒﺔ ﻹﻧﻚ ﻣﺶ ﻗﺎﺩﺭﺓ ﺗﺸﻮﻓﻲ ﻭﺷﻪ ﺩﻟﻮﻗﺘﻲ ﻓﺘﻘﺪﺭﻱ ﺗﺎﺧﺪﻱ ﻭﻗﺘﻚ ﻟﺤﺪ ﻣﺎﺗﺤﺴﻲ ﺍﻧﻚ ﺳﺎﻣﺤﺘﻴﻪ ﻭﻧﺴﻴﺘﻲ ﺍﻟﻠﻲ ﻋﻤﻠﻪ ... ﺇﻥ ﺷﺎﻟﻠﻪ ﺗﺎﺧﺪﻱ ﺳﻨﻴﻦ ﻋﻠﻰ ﻣﺎﺗﻘﺪﺭﻱ ﺗﺴﺎﻣﺤﻴﻪ ... ﻭﻳﺎﺳﺘﻲ ﻓﺮﺻﺔ ﺇﻧﻪ ﺷﻐﺎﻝ ﻣﻌﺎﻛﻲ ﻓﻨﻔﺲ ﺍﻟﻤﻜﺎﻥ ﻋﺸﺎﻥ ﺗﺮﺍﻗﺒﻴﻪ ﻛﻮﻳﺲ ﻭﺗﻘﺪﺭﻱ ﺗﻌﺮﻓﻲ ﺇﺫﺍ ﻛﺎﻥ ﺍﺗﻐﻴﺮ ﻓﻌﻼ ﻭﻻ ﻷ

ﺃﻣﻴﺮﺓ : ﺩﻩ ﺍﻧﺎ ﻛﻨﺖ ﺑﺎﻓﻜﺮ ﺇﻧﻲ ﺃﻗﺪﻡ ﻃﻠﺐ ﻧﻘﻞ ﻣﻦ ﺍﻟﻤﺪﺭﺳﺔ ﻋﺸﺎﻥ ﻣﺶ ﻋﺎﻳﺰﺓ ﺃﺷﻮﻓﻪ ﻓﻴﻬﺎ

ﺃﺣﻤﺪ : ﻻ ﻳﺎ ﺃﻣﻴﺮﺓ ﻣﺎ ﺍﻧﺼﺤﻜﻴﺶ ﺑﻜﺪﻩ ... ﻣﻤﻜﻦ ﺗﺎﺧﺪﻱ ﺍﺟﺎﺯﺓ ﻟﺤﺪ ﺃﻋﺼﺎﺑﻚ ﻣﺎﺗﻬﺪﻱ ﻭﺑﻌﺪﻳﻦ ﺗﺮﻭﺣﻲ

ﺣﺪﻗﺖ ﻓﻴﻪ ﺃﻣﻴﺮﺓ ﺛﻢ ﻗﺎﻟﺖ ﺑﺪﻫﺸﺔ : ﻣﻌﻘﻮﻝ ﻳﺎ ﺍﺣﻤﺪ ﺍﻧﺖ ﺍﻟﻠﻲ ﺑﺘﻘﻮﻝ ﻛﺪﻩ ... ﺩﻩ ﺍﻧﺎ ﻛﻨﺖ ﻓﺎﻛﺮﺍﻙ ﺃﻭﻝ ﻭﺍﺣﺪ ﺣﺘﺸﺠﻌﻨﻲ ﻋﻠﻰ ﺍﻟﻄﻼﻕ

ﺃﺣﻤﺪ ﺑﺠﺪﻳﺔ : ﺇﻥ ﺃﺑﻐﺾ ﺍﻟﺤﻼﻝ ﻋﻨﺪ ﺍﻟﻠﻪ ﺍﻟﻄﻼﻕ ﻳﺎ ﺃﻣﻴﺮﺓ ... ﻭﻣﺎﺗﻨﺴﻴﺶ ﺍﻥ ﻓﻴﻪ ﺑﻴﻨﻜﻮﺍ ﺑﻨﺖ ﺣﺮﺍﻡ ﺗﺘﺎﺧﺪ ﺑﺬﻧﺐ ﺃﺑﻮﻫﺎ ... ﻓﻜﺮﻱ ﻛﻮﻳﺲ ﻓﻜﻼﻣﻲ ﺩﻩ ﻭﻟﻮ ﺣﺴﻴﺘﻲ ﺍﻧﻚ ﻣﺶ ﺣﺘﻘﺪﺭﻱ ﺗﻌﻤﻠﻲ ﻛﺪﻩ ... ﺍﻧﺎ ﺣﺎﺭﻭﺣﻠﻪ ﻭﺍﺧﻠﻴﻪ ﻳﻄﻠﻘﻚ ... ﻭﻣﺎﻓﻴﺶ ﺣﺪ ﺣﻴﺠﺒﺮﻙ ﺍﻧﻚ ﺗﻌﻴﺶ ﻣﻊ ﻭﺍﺣﺪ ﺍﻧﺘﻲ ﻣﺶ ﻋﺎﻳﺰﺍﻩ ... ﺧﻼﺹ ﻳﺎ ﺃﻡ ﺭﻭﺿﺔ ﺍﺗﻔﻘﻨﺎ

ﺃﻭﻣﺄﺕ ﺑﺮﺃﺳﻬﺎ ﻣﻮﺍﻓﻘﺔ ﻓﺎﺭﺩﻑ ﻗﺎﺋﻼ ﺑﺈﺑﺘﺴﺎﻣﺔ : ﻳﻼ ﻧﺎﻣﻲ ﺍﻧﺘﻲ ﻭﺍﺭﺗﺎﺣﻲ ﻭﻣﺎﺗﻔﻜﺮﻳﺶ ﻓﺤﺎﺟﺔ ﺩﻟﻮﻗﺘﻲ ...

ﺗﻤﺪﺩﺕ ﺃﻣﻴﺮﺓ ﻓﻲ ﺍﻟﻔﺮﺍﺵ ﻓﺪﺛﺮﻫﺎ ﺟﻴﺪﺍ ﺛﻢ ﻃﺒﻊ ﻗﺒﻠﺔ ﻋﻠﻲ ﺟﺒﻴﻨﻬﺎ ﻭﺧﺮﺝ ﻭﺍﻏﻠﻖ ﺍﻟﺒﺎﺏ ﺧﻠﻔﻪ

&&&&&&&&&&&&&& ؛ &&&&&

ﻣﺎ ﺇﻥ ﻓﺘﺢ ﺍﻟﺒﺎﺏ ﺑﻌﺪ ﺳﻤﺎﻋﻪ ﻟﺼﻮﺕ ﺍﻟﺮﻧﻴﻦ ﺣﺘﻰ ﻓﺆﺟﺊ ﺑﻠﻜﻤﺔ ﻗﻮﻳﺔ ﺍﺳﺘﻘﺒﻠﻬﺎ ﻭﺟﻬﻪ ﻟﻴﺘﺮﻧﺢ ﻋﻠﻰ ﺃﺛﺮﻫﺎ ﻭﻳﺴﻘﻂ ﺃﺭﺿﺎ ﻟﻴﺪﺧﻞ ﺟﻤﺎﻝ ﻭﻳﻐﻠﻖ ﺍﻟﺒﺎﺏ ﺧﻠﻔﻪ ﺛﻢ ﻳﻘﺘﺮﺏ ﻣﻨﻪ ﻭﻳﻤﺴﻜﻪ ﻣﻦ ﺗﻼﺑﻴﺐ ﻣﻼﺑﺴﻪ ﻭﻫﻮ ﻳﺴﺘﻌﺪ ﻹﻋﻄﺎﺋﻪ ﻟﻜﻤﺔ ﺃﺧﺮﻱ ﻟﻜﻦ ﻓﺘﺤﻲ ﻭﺿﻊ ﻳﺪﻩ ﺃﻣﺎﻡ ﻭﺟﻬﻪ ﻭﻗﺎﻝ ﺑﺘﻮﺳﻞ : ﺍﺑﻮﺱ ﺇﻳﺪﻙ ﻳﺎ ﺟﻤﺎﻝ ﺇﺩﻳﻨﻲ ﻓﺮﺻﺔ ﺑﺲ ﺍﺗﻜﻠﻢ ﻣﻌﺎﻙ

↚

ﻟﻢ ﺗﺆﺛﺮ ﻛﻠﻤﺎﺗﻪ ﻓﻲ ﺟﻤﺎﻝ ﺍﻟﺬﻱ ﻇﻞ ﻳﻤﺴﻜﻪ ﻣﻦ ﻣﻼﺑﺴﻪ ﻭﻫﻮ ﻳﺼﻴﺢ ﻗﺎﺋﻼ ﺑﺈﻧﻔﻌﺎﻝ : ﺑﻘﻰ ﺍﻧﺖ ﺗﻌﻤﻞ ﻣﻌﺎﻳﺎ ﻛﺪﻩ ... ﺍﻧﺎ ﺗﺴﺘﻐﻔﻠﻨﻲ ﻭﺗﺨﻠﻴﻨﻲ ﺃﻣﺸﻲ ﻭﺭﺍﻙ ﺯﻱ ﺍﻟﻤﻐﻴﺐ ﻭﺗﺼﻮﺭﻧﻲ ﻭﺗﺒﻌﺖ ﺍﻟﻔﻴﺪﻳﻮ ﻟﻤﺮﺍﺗﻲ ... ﻭﻓﺎﻷﺧﺮ ﺗﻄﻠﻊ ﺑﺘﻌﻤﻞ ﻛﻞ ﺩﻩ ﻋﺸﺎﻥ ﻃﻤﻌﺎﻥ ﻓﻤﺮﺍﺗﻲ ... ﺩﻩ ﺍﻧﺖ ﻧﻬﺎﻳﺘﻚ ﺣﺘﻜﻮﻥ ﻋﻠﻰ ﺇﻳﺪﻱ ﺍﻟﻨﻬﺎﺭﺩﺓ

ﺍﺳﺮﻉ ﻓﺘﺤﻲ ﻳﺠﻴﺒﻪ ﻗﺎﺋﻼ : ﻣﺎﻓﻴﺶ ﺩﺍﻋﻲ ﺗﻀﻴﻊ ﻧﻔﺴﻚ ﻋﺸﺎﻧﻲ ﺍﻧﺎ ﻛﺪﻩ ﻭﻻ ﻛﺪﻩ ﺍﻧﺘﻬﻴﺖ ﺧﻼﺹ ﻭﺭﺑﻨﺎ ﻳﺴﺘﺮ ﻋﻠﻴﻚ ﺍﻧﺖ ﻛﻤﺎﻥ ﻭﻣﺎﻳﻜﻮﻧﺶ ﺟﺮﺍﻟﻚ ﺍﻟﻠﻲ ﺟﺮﺍﻟﻲ ... ﻭﺇﻥ ﻛﺎﻥ ﻋﻠﻰ ﺍﻟﻔﻴﺪﻳﻮ ﺃﻧﺎ ﺣﺎﺩﺧﻞ ﺃﺟﻴﺒﻬﻮﻟﻚ ﻣﻦ ﺟﻮﻩ ﻭﻛﻞ ﺍﻟﻠﻲ ﻋﺎﻳﺰﻩ ﻣﻨﻚ ﺍﻧﻚ ﺗﺴﺎﻣﺤﻨﻲ ... ﺳﺎﻣﺤﻨﻰ ﻳﺎ ﺟﻤﺎﻝ ﻭﺍﺩﻋﻴﻠﻲ ﻭﺍﻟﺤﻖ ﻧﻔﺴﻚ ﻗﺒﻞ ﻣﺎ ﻳﺠﺮﺍﻟﻚ ﺍﻟﻠﻲ ﺟﺮﺍﻟﻲ

ﻧﻈﺮ ﺇﻟﻴﻪ ﺟﻤﺎﻝ ﺑﺸﻚ ﻗﺒﻞ ﺃﻥ ﻳﻘﻮﻝ : ﻟﻌﺒﺔ ﺟﺪﻳﺪﺓ ﺑﺘﻠﻌﺒﻬﺎ ﻣﻌﺎﻳﺎ ﺩﻱ

ﺃﻓﻠﺖ ﻓﺘﺤﻲ ﻧﻔﺴﻪ ﻣﻦ ﻗﺒﻀﺔ ﺟﻤﺎﻝ ﺛﻢ ﻗﺎﻝ ﺑﺈﻧﻜﺴﺎﺭ : ﺍﺑﺪﺍ ﻭﺍﻟﻠﻪ ﻳﺎ ﺟﻤﺎﻝ ... ﺍﻗﻌﺪ ﺑﺲ ﻭﺍﻧﺎ ﺣﺎﺣﻜﻴﻠﻚ ﺍﻟﻤﺼﻴﺒﺔ ﺍﻟﻠﻲ ﺃﻧﺎ ﻓﻴﻬﺎ

ﺟﻠﺲ ﺟﻤﺎﻝ ﺛﻢ ﻗﺎﻝ ﺑﻨﻔﺎﺫ ﺻﺒﺮ : ﺍﺗﻔﻀﻞ ﻗﻮﻝ ﻭﺧﻠﺼﻨﻲ ﺑﺲ ﻟﻮ ﻃﻠﻌﺖ ﻟﻌﺒﺔ ﻣﻨﻚ ﻣﺎﺗﺴﺄﻟﻨﻴﺶ ﻋﻦ ﺍﻟﻠﻲ ﺣﺎﻋﻤﻠﻪ ﻓﻴﻚ ﺑﻌﺪﻫﺎ

ﺗﻨﻬﺪ ﻓﺘﺤﻲ ﺛﻢ ﻗﺎﻝ ﺑﺄﺳﻰ : ﻗﺒﻞ ﻣﺎ ﺃﻗﻮﻟﻚ ﻋﻠﻰ ﺍﻟﻤﺼﻴﺒﺔ ﺍﻟﻠﻲ ﺍﻧﺎ ﻓﻴﻬﺎ ﺍﺣﺐ ﺃﻗﻮﻟﻚ ﺍﻥ ﺍﻧﺖ ﺍﻟﺴﺒﺐ ﺇﻧﻲ ﻓﻜﺮﺕ ﻓﻤﺮﺍﺗﻚ ﺍﻭ ﺣﺎﻭﻟﺖ ﺍﻋﻤﻞ ﺍﻟﻠﻲ ﻋﻤﻠﺘﻪ

ﺟﻤﺎﻝ ﻣﺘﻌﺠﺒﺎ : ﺇﺯﺍﻱ ﺑﻘﻰ ﺍﻥ ﺷﺎﺀﺍﻟﻠﻪ ?

ﻓﺘﺤﻲ ﺑﺠﺪﻳﺔ : ﺍﻧﺖ ﺍﻟﻠﻲ ﻛﻨﺖ ﺩﺍﻳﻤﺎ ﺑﺘﺘﻜﻠﻢ ﻋﻨﻬﺎ ﺍﺩﺍﻣﻲ ﻭﺑﺘﺤﻜﻴﻠﻲ ﻋﻨﻬﺎ ﺣﺎﺟﺎﺕ ﺧﻠﺘﻨﻲ ﺍﺗﻌﻠﻖ ﺑﻴﻬﺎ ﻭﺍﻓﻜﺮ ﻓﻴﻬﺎ ﻟﺪﺭﺟﺔ ﺍﻧﻲ ﺭﻭﺣﺖ ﺍﺳﺘﻨﻴﺘﻬﺎ ﻳﻮﻡ ﺍﺩﺍﻡ ﺍﻟﻤﺪﺭﺳﺔ ﻟﺤﺪ ﻣﺎﺷﻮﻓﺘﻬﺎ ﻭﺳﺄﻟﺖ ﻭﻋﺮﻓﺘﻬﺎ ... ﻭﺑﻌﺪﻫﺎ ﺧﻄﻄﺖ ﻭﻧﻔﺬﺕ ﻋﺸﺎﻥ ﺃﻓﻮﺯ ﺑﻴﻬﺎ ... ﻛﻨﺖ ﺑﺤﺮﺿﻚ ﻋﺸﺎﻥ ﺗﻌﻤﻞ ﻛﻞ ﺍﻟﺤﺎﺟﺎﺕ ﺍﻟﻠﻲ ﻣﻤﻜﻦ ﺗﻜﺮﻫﻚ ﺑﺴﺒﺒﻬﺎ ﻭﺗﺨﻠﻴﻬﺎ ﺗﺒﻌﺪ ﻋﻨﻚ ... ﻛﻨﺖ ﺑﺎﻗﻮﻟﻚ ﺍﻟﺴﺘﺎﺕ ﻣﺎﺗﺠﻴﺶ ﻏﻴﺮ ﺑﺎﻟﻌﻴﻦ ﺍﻟﺤﻤﺮﺍ ﻋﺸﺎﻥ ﺗﻘﺴﻰ ﻋﻠﻴﻬﺎ ﻭﺗﻌﺎﻣﻠﻬﺎ ﻭﺣﺶ ... ﺑﺲ ﻣﺎﻛﻨﺘﺶ ﺍﻋﺮﻑ ﺍﻟﻠﻲ ﻣﺴﺘﻨﻴﻨﻲ

ﺟﻤﺎﻝ ﺑﺘﺮﻗﺐ : ﺍﻟﻠﻲ ﻫﻮ ﺇﻳﻪ ﺑﻘﻰ ?

&&&&&&&&&&&&&&&&&&&

ﻓﻲ ﺍﻟﺼﺒﺎﺡ ﻛﺎﻥ ﻭﺍﻗﻔﺎ ﺃﻣﺎﻡ ﺍﻟﻤﺮﺃﺓ ﻳﺮﺗﺪﻱ ﺳﺘﺮﺗﻪ ﺇﺳﺘﻌﺪﺍﺩﺍ ﻟﻠﺬﻫﺎﺏ ﺇﻟﻰ ﻋﻤﻠﻪ ﺣﻴﻦ ﺗﻤﻠﻤﻠﺖ ﻓﻰ ﻓﺮﺍﺷﻬﺎ ﻭﻓﺘﺤﺖ ﻋﻴﻨﻴﻬﺎ ﺑﺒﻂﺀ ﻟﺘﺠﺪﻩ ﺃﻣﺎﻣﻬﺎ ... ﺍﻧﺘﺒﻪ ﺇﻟﻰ ﺇﺳﺘﻴﻘﺎﻇﻬﺎ ﻓﺎﻟﺘﻔﺖ ﺇﻟﻴﻬﺎ ﻗﺎﺋﻼ ﺑﺈﺑﺘﺴﺎﻣﺔ : ﺻﺒﺎﺡ ﺍﻟﺨﻴﺮ ﻋﺎﻣﻠﺔ ﺇﻳﻪ ﺩﻟﻮﻗﺘﻰ ? ﻛﻮﻳﺴﺔ ﻭﻻ ﻟﺴﻪ ﻓﻴﻪ ﺣﺎﺟﺔ ﺑﺘﻮﺟﻌﻚ ?

ﺃﺟﺎﺑﺖ ﻗﺎﺋﻠﺔ ﺑﺠﺪﻳﺔ : ﺻﺒﺎﺡ ﺍﻟﻨﻮﺭ ... ﺍﻧﺎ ﻛﻮﻳﺴﺔ ﺍﻟﺤﻤﺪ ﻟﻠﻪ ... ﺛﻢ ﺍﺭﺩﻓﺖ ﻗﺎﺋﻠﺔ ﺑﺘﺮﺩﺩ : ﻫﻮ ﺃﻧﺎ ﻣﻤﻜﻦ ﺍﻃﻠﺐ ﻣﻨﻚ ﻃﻠﺐ ?

ﺭﻣﻘﻬﺎ ﺑﻨﻈﺮﺓ ﺗﺤﻤﻞ ﻣﺰﻳﺠﺎ ﻣﻦ ﺍﻟﺪﻫﺸﺔ ﻭﺍﻟﻔﺮﺡ ﻗﺒﻞ ﺃﻥ ﻳﻘﻮﻝ : ﻳﺎﺭﻳﺖ ... ﺩﻩ ﺃﻧﺎ ﻧﻔﺴﻲ ﺗﻄﻠﺒﻲ ﻣﻨﻲ ﺃﻱ ﺣﺎﺟﺔ

ﻧﻮﺭﺍ ﺑﺈﻣﺘﻨﺎﻥ : ﻣﺘﺸﻜﺮﺓﺍﻭﻱ .... ﺍﻥﺍ ﺑﺲ ﻛﻨﺖ ﻋﺎﻳﺰﺓ ﺃﺭﻭﺡ ﺍﻟﻨﻬﺎﺭﺩﺓ ﻟﺨﺎﻟﺘﻮ ﺳﻤﻴﺔ ﺃﺷﻮﻓﻬﺎ ﻋﺸﺎﻥ ﻭﺣﺸﺘﻨﻲ ﺍﻭﻱ ﻫﻴﺎ ﻭﻟﻤﻴﺎ

ﻋﻠﻲ ﺑﺈﺑﺘﺴﺎﻣﺔ :. ﺑﺲ ﻛﺪﻩ ... ﺍﻧﺎ ﺍﺳﺎﺳﺎ ﻛﻨﺖ ﺣﺎﻗﻮﻟﻚ ﺍﻋﻤﻠﻲ ﺣﺴﺎﺑﻚ ﻋﺸﺎﻥ ﻧﺮﻭﺡ ﻧﺴﻠﻢ ﻋﻠﻴﻬﻢ ﺍﻟﻨﻬﺎﺭﺩﺓ ... ﺭﻭﺣﻲ ﺍﻧﺘﻲ ﻭﺍﻧﺎ ﺣﺎﺭﺟﻊ ﻣﻦ ﺍﻟﺸﺮﻛﺔ ﻋﻠﻰ ﻫﻨﺎﻙ ﻭﻧﺒﻘﻰ ﻧﺮﻭﺡ ﺳﻮﺍ

ﻧﻮﺭﺍ : ﻣﺎﺷﻲ ﺣﺎﺳﺘﻨﺎﻙ ﻫﻨﺎﻙ ﺑﺲ ﻳﺎﺭﻳﺖ ﻣﺎﺗﺘﺄﺧﺮﺵ

&&&&&&&&&&&&&&&&&&&&

ﺍﺳﺘﻴﻘﻆ ﻣﻦ ﻧﻮﻣﻪ ﻋﻠﻰ ﺻﻮﺕ ﺭﻧﻴﻦ ﺟﺮﺱ ﻣﻨﺰﻟﻪ ... ﻓﺘﺢ ﻋﻴﻨﻴﻪ ﻟﻴﺠﺪ ﻧﻔﺴﻪ ﻗﺪ ﻧﺎﻡ ﻋﻠﻰ ﺍﻷﺭﺽ ﺍﻟﺘﻲ ﺟﻠﺲ ﻋﻠﻴﻬﺎ ﻳﺒﻜﻲ ﺑﻌﺪ ﻋﻮﺩﺗﻪ ﻣﻦ ﻣﻨﺰﻝ ﻓﺘﺤﻲ ... ﺍﺳﺮﻉ ﻳﺠﻴﺐ ﺍﻟﻄﺎﺭﻕ ﺛﻢ ﺫﻫﺐ ﺇﻟﻰ ﺍﻟﺤﻤﺎﻡ ﻟﻴﻐﺴﻞ ﻭﺟﻬﻪ ﻭﻋﺎﺩ ﻟﻴﻔﺘﺢ ﺍﻟﺒﺎﺏ ﻟﻴﺠﺪ ﺍﺣﻤﺪ ﻭﺍﻗﻔﺎ ﻗﺒﻞ ﺃﻥ ﻳﻘﻮﻝ ﺑﺼﺮﺍﻣﺔ : ﺍﻟﺴﻼﻡ ﻋﻠﻴﻜﻢ ﻭﺭﺣﻤﺔ ﺍﻟﻠﻪ

ﺭﺩ ﻋﻠﻴﻪ ﺍﻟﺴﻼﻡ ﻭﻫﻮ ﻳﺸﻴﺮ ﺇﻟﻴﻪ ﺑﺎﻟﺪﺧﻮﻝ ﻓﺪﺧﻞ ﺍﺣﻤﺪ ﻗﺎﺋﻼ : ﻛﻮﻳﺲ ﺇﻧﻲ ﻟﻘﻴﺘﻚ ﻛﻨﺖ ﺧﺎﻳﻒ ﺗﻜﻮﻥ ﻟﺴﻪ ﻣﺎﺭﺟﻌﺘﺶ ﻣﻦ ﺍﻟﻤﺪﺭﺳﺔ

ﺍﻏﻤﺾ ﻋﻴﻨﻴﻪ ﻭﻫﻮ ﻳﺘﺬﻛﺮ ﺃﺣﺪﺍﺙ ﺍﻷﻣﺲ ﺛﻢ ﻗﺎﻝ ﺑﺄﺳﻰ : ﺍﻧﺎ ﻣﺎﺭﻭﺣﺘﺶ ﺍﻟﻤﺪﺭﺳﺔ ﺍﺻﻼ ﺍﻟﻨﻬﺎﺭﺩﺓ ﻭﺗﻘﺮﻳﺒﺎ ﻣﺶ ﺣﺎﺭﻭﺡ ﺗﺎﻧﻲ

ﺍﺣﻤﺪ ﺑﺪﻫﺸﺔ : ﺍﺷﻤﻌﻨﺎ ﻳﻌﻨﻲ ?

ﺣﺎﻭﻝ ﺗﻐﻴﻴﺮ ﺍﻟﻤﻮﺿﻮﻉ ﻓﻘﺎﻝ : ﺍﺗﻔﻀﻞ ﺍﻗﻌﺪ ... ﺗﺤﺐ ﺗﺸﺮﺏ ﺇﻳﻪ ?

ﺟﻠﺲ ﺍﺣﻤﺪ ﻗﺎﺋﻼ : ﺍﻧﺎ ﻣﺶ ﺟﺎﻱ ﺃﺿﺎﻳﻒ ... ﺍﻧﺎ ﺟﺎﻱ ﺃﻗﻮﻟﻚ ﺍﻥ ﺃﻣﻴﺮﺓ ﻃﺎﻟﺒﺔ ﺍﻟﻄﻼﻕ ... ﺍﻧﺖ ﺑﻘﻰ ﻧﺎﻭﻱ ﻋﻠﻰ ﺇﻳﻪ ?

ﺧﻔﺾ ﺭﺃﺳﻪ ﻭﻗﺎﻝ ﺑﺤﺰﻥ ﻭﻫﻮ ﻳﺸﻴﺢ ﺑﻮﺟﻬﻪ ﺑﻌﻴﺪﺍ : ﻭﺍﻧﺎ ﻣﻮﺍﻓﻖ ﺍﻃﻠﻘﻬﺎ

ﻧﻈﺮ ﺇﻟﻴﻪ ﺍﺣﻤﺪ ﻗﺎﺋﻼ ﺑﺪﻫﺸﺔ : ﻳﺎﺍﺍﻩ ﺑﺎﻟﺒﺴﺎﻃﺔ ﺩﻱ ... ﻳﻈﻬﺮ ﺇﻧﻲ ﻏﻠﻄﺖ ﻟﻤﺎ ﻓﻜﺮﺗﻚ ﺍﻥ ﻟﺴﻪ ﻓﻴﻪ ﺍﻣﻞ ﻓﻴﻚ ﻭﻛﺎﻥ ﺻﻌﺒﺎﻥ ﻋﻠﻴﺎ ﺍﻟﺒﻨﺖ ﺍﻟﻤﺴﻜﻴﻨﺔ ﺍﻟﻠﻲ ﺣﺘﺘﺸﺮﺩ ﻣﺎﺑﻴﻨﻜﻢ ... ﺑﺲ ﻣﻌﻠﺶ ﻭﺍﺿﺢ ﺍﻧﻲ ﻏﻠﻄﺖ ﻓﺎﻟﻌﻨﻮﺍﻥ ... ﻓﻌﻼ ﺍﻧﺖ ﻻﺯﻡ ﺗﻄﻠﻖ ﺃﻣﻴﺮﺓ ﻹﻧﻚ ﻣﺎﺗﺴﺘﺎﻫﻠﺶ ﻭﺍﺣﺪﺓ ﺯﻳﻬﺎ ... ﺍﻧﺎ ﻣﺎﺷﻲ ﻭﺣﺎﺑﻘﻰ ﺍﺗﺼﻞ ﺑﻴﻚ ﻷﺧﺮ ﻣﺮﺓ ﻋﺸﺎﻥ ﻧﺤﺪﺩ ﻣﻌﺎﺩ ﺗﺠﻴﺐ ﺍﻟﻤﺄﺫﻭﻥ ﻭﺗﻴﺠﻲ ﻋﺸﺎﻥ ﺗﻄﻠﻖ ... ﺍﻧﻬﻲ ﺍﺣﻤﺪ ﻛﻼﻣﻪ ﻭﺍﻟﺘﻔﺖ ﻣﻐﺎﺩﺭﺍ

ﺗﻬﺎﻭﻯ ﺟﻤﺎﻝ ﺇﻟﻰ ﺍﻗﺮﺏ ﻣﻘﻌﺪ ﻭﺷﺮﻉ ﻓﻲ ﺍﻟﺒﻜﺎﺀ ﻭﻫﻮ ﻳﻀﻊ ﻳﺪﻳﻪ ﺃﻣﺎﻡ ﻭﺟﻬﻪ ﻗﺎﺋﻼ ﺑﻬﺴﺘﻴﺮﻳﺔ : ﺍﻧﺖ ﻣﺶ ﻋﺎﺭﻑ ﺣﺎﺟﺔ ﻳﺎ ﺍﺣﻤﺪ ﻣﺶ ﻋﺎﺭﻑ ﺣﺎﺟﺔ ... ﺍﻧﺎ ﺧﻼﺹ ﺍﻧﺘﻬﻴﺖ ﻳﺎ ﺍﺣﻤﺪ ﺍﻧﺘﻬﻴﺖ

ﺍﺳﺘﺪﺍﺭ ﺍﺣﻤﺪ ﻟﻴﺼﺒﺢ ﻓﻲ ﻣﻮﺍﺟﻬﺘﻪ ﻭﻗﺎﻝ ﻣﺘﻌﺠﺒﺎ : ﺃﻣﺮﻙ ﻏﺮﻳﺐ ﻓﻌﻼ ... ﻣﻨﻴﻦ ﻣﻮﺍﻓﻖ ﺍﻧﻚ ﺗﻄﻠﻘﻬﺎ ﺑﺎﻟﺒﺴﺎﻃﺔ ﺩﻱ ﻭﻣﻨﻴﻦ ﺑﺘﻌﻴﻂ ﻋﺸﺎﻥ ﺑﺎﻗﻮﻟﻚ ﻛﺪﻩ ... ﻭﺇﻳﻪ ﺣﻜﺎﻳﺔ ﺍﻧﺎ ﺍﻧﺘﻬﻴﺖ ﺩﻱ ﻛﻤﺎﻥ ?

ﻣﻦ ﺑﻴﻦ ﺷﻬﻘﺎﺗﻪ ﺃﺟﺎﺏ ﻗﺎﺋﻼ : ﺍﻧﺖ ﺍﺻﻠﻚ ﻣﺎﺗﻌﺮﻓﺶ ﺍﻟﻤﺼﻴﺒﺔ ﺍﻟﻠﻲ ﺍﻧﺎ ﻓﻴﻬﺎ ﻳﺎ ﺍﺣﻤﺪ

ﺍﺣﻤﺪ ﺑﻘﻠﻖ : ﻣﺼﻴﺒﺔ ﺇﻳﻪ ﺩﻱ ﻛﻤﺎﻥ ?

ﺭﻓﻊ ﺭﺃﺳﻪ ﻭﻧﻈﺮ ﺇﻟﻰ ﺍﺣﻤﺪ ﻗﺎﺋﻼ : ﻓﺘﺤﻲ ﻳﺎ ﺍﺣﻤﺪ ... ﻓﺘﺤﻲ ﻋﻨﺪﻩ ﺇﻳﺪﺯ ... ﻭﻣﺶ ﺑﻌﻴﺪ ﻳﻜﻮﻥ ﺟﺎﻟﻲ ﺃﻧﺎ ﻛﻤﺎﻥ .....

&&&&&&&&&&&&&&&&

ﻛﺎﻧﺖ ﺳﻤﻴﺔ ﻣﻨﻬﻤﻜﺔ ﻓﻲ ﺗﺤﻀﻴﺮ ﺍﻟﻄﻌﺎﻡ ﺑﺎﻟﻤﻄﺒﺦ ﺣﻴﻦ ﺳﻤﻌﺖ ﺻﻮﺕ ﺭﻧﻴﻦ ﺟﺮﺱ ﺍﻟﺒﺎﺏ ... ﻃﻠﺒﺖ ﻣﻦ ﻟﻤﻴﺎﺀ ﺍﻟﺘﻲ ﻛﺎﻧﺖ ﺗﺴﺎﻋﺪﻫﺎ ﺃﻥ ﺗﺬﻫﺐ ﻟﺘﻔﺘﺢ ... ﺗﺮﻛﺖ ﻟﻤﻴﺎﺀ ﻣﺎﺑﻴﺪﻫﺎ ﺛﻢ ﻓﺘﺤﺖ ﺍﻟﺒﺎﺏ ﻟﺘﺠﺪ ﻫﺎ ﻧﻮﺭﺍ ... ﺍﺣﺘﻀﻨﺘﻬﺎ ﺑﻔﺮﺣﺔ ﻭﻟﻬﻔﺔ ﻭﻫﻲ ﺗﻘﻮﻝ : ﺍﺯﻳﻚ ﻳﺎ ﻧﻮﺭﺍ ... ﺣﻤﺪﺍﻟﻠﻪ ﻋﻠﻰ ﺍﻟﺴﻼﻣﺔ ﻳﺎ ﺣﺒﻴﺒﺘﻲ ﻭﺍﻟﻒ ﻣﺒﺮﻭﻙ

ﺍﺟﺎﺑﺖ ﻧﻮﺭﺍ ﺑﺈﺑﺘﺴﺎﻣﺔ ﻭﻫﻲ ﺗﺪﻟﻒ ﺇﻟﻰ ﺍﻟﺪﺍﺧﻞ : ﺍﻟﻠﻪ ﻳﺒﺎﺭﻙ ﻓﻴﻜﻲ ﻳﺎ ﺣﺒﻴﺒﺘﻲ ... ﺃﺧﺒﺎﺭﻙ ﺇﻳﻪ ﻳﺎ ﻟﻤﻴﺎ ﻭﺃﺧﺒﺎﺭ ﺧﺎﻟﺘﻮ ﺳﻤﻴﺔ ﺇﻳﻪ ?

↚

ﺃﺷﺎﺭ ﺇﻟﻴﻬﺎ ﻟﻤﻴﺎﺀ ﻟﻜﻲ ﺗﺠﻠﺲ ﺛﻢ ﻗﺎﻟﺖ : ﺍﺣﻨﺎ ﻛﻮﻳﺴﻴﻦ ﺍﻟﺤﻤﺪ ﻟﻠﻪ ... ﺩﻱ ﺧﺎﻟﺘﻮ ﺳﻤﻴﺔ ﻧﻔﺴﻬﺎ ﺍﻭﻱ ﺗﺸﻮﻓﻚ ﻭﺑﺘﻘﻮﻝ ﺍﻧﻚ ﻭﺣﺸﺘﻴﻬﺎ ﺍﻭﻱ ... ﺛﻢ ﺍﺧﺬﺕ ﺗﻨﺎﺩﻱ ﻭﺍﻟﺪﺗﻬﺎ ﺑﺼﻮﺕ ﻋﺎﻝ ﻗﺎﺋﻠﺔ : ﻳﺎﻣﺎﻣﺎ ﻳﺎﻣﺎﻣﺎ ﺗﻌﺎﻟﻲ ﺷﻮﻓﻲ ﻣﻴﻦ ﻋﻨﺪﻧﺎ

ﺧﺮﺟﺖ ﺳﻤﻴﺔ ﻣﻦ ﺍﻟﻤﻄﺒﺦ ﻣﺴﺮﻋﺔ ﻭﻫﻲ ﺗﺠﻔﻒ ﻳﺪﻳﻬﺎ ﻗﺎﺋﻠﺔ : ﻣﻴﻦ ﻳﺎﻟﻤﻴﺎ ? ﻭﻣﺎ ﺇﻥ ﺭﺃﺕ ﻧﻮﺭﺍ ﺣﺘﻲ ﻓﺘﺤﺖ ﺫﺭﺍﻋﻴﻬﺎ ﻟﻬﺎ ﻗﺎﺋﻠﺔ ﺑﺈﺑﺘﺴﺎﻣﺔ : ﺗﻌﺎﻟﻲ ﻳﺎ ﺣﺒﻴﺒﺘﻲ ﻭﺣﺸﺘﻴﻨﻲ ﺍﻭﻱ ﺣﻤﺪﺍﻟﻠﻪ ﻋﻠﻰ ﺍﻟﺴﻼﻣﺔ

ﺍﺳﺮﻋﺖ ﻧﻮﺭﺍ ﺗﺮﺗﻤﻲ ﻓﻲ ﺃﺣﻀﺎﻧﻬﺎ ﻭﺗﻀﻤﻬﺎ ﻗﺎﺋﻠﺔ : ﻭﺣﺸﺘﻴﻨﻲ ﺍﻭﻱ ﻳﺎ ﺧﺎﻟﺘﻮ ﻭﻭﺣﺸﻨﻲ ﺍﻟﺤﻀﻦ ﺩﻩ ﺍﻛﺘﺮ

ﻣﺎﺯﺣﺘﻬﺎ ﺳﻤﻴﺔ ﻗﺎﺋﻠﺔ : ﻳﺎﺑﻜﺎﺷﺔ ... ﻳﻌﻨﻲ ﻋﺎﻳﺰﺓ ﺗﻔﻬﻤﻴﻨﻲ ﺍﻧﻚ ﻣﺎ ﺍﺳﺘﻐﻨﻴﺘﻴﺶ ﻋﻦ ﺍﻟﺤﻀﻦ ﺩﻩ ﺑﺤﻀﻦ ﺗﺎﻧﻲ

ﺃﺟﺎﺑﺘﻬﺎ ﻧﻮﺭﺍ ﻭﻫﻲ ﺗﺪﻓﻦ ﻭﺟﻬﻬﺎ ﻓﻲ ﺻﺪﺭ ﺳﻤﻴﺔ : ﺑﺮﺿﻪ ﺣﻀﻨﻚ ﺍﻧﺖ ﺣﺎﺟﺔ ﺗﺎﻧﻴﺔ ﻳﺎ ﺟﻤﻴﻞ ... ﻋﺎﺭﻓﺔ ﻳﺎ ﺧﺎﻟﺘﻮ ﻭﺍﻧﺎ ﻓﺤﻀﻨﻚ ﺩﻩ ﺑﺎﺣﺲ ﺍﻥ ﻣﺎﻣﺎ ﺍﻟﻠﻪ ﻳﺮﺣﻤﻬﺎ ﻟﺴﻪ ﻋﺎﻳﺸﺔ ... ﺭﺑﻨﺎ ﻳﺨﻠﻴﻜﻲ ﻟﻴﺎ ﻳﺎ ﺣﺒﻴﺒﺘﻲ

ﺍﺑﻌﺪﺗﻬﺎ ﺳﻤﻴﺔ ﻋﻨﻬﺎ ﻭﻧﻈﺮﺕ ﺇﻟﻰ ﻋﻴﻨﻴﻬﺎ ﺍﻟﻤﺘﺮﻗﺮﻗﺔ ﺑﺎﻟﺪﻣﻮﻉ ﻭﻗﺎﻟﺖ ﺑﻘﻠﻖ : ﻣﺎﻟﻚ ﻳﺎ ﻧﻮﺭﺍ ? ﻫﻮ ﻋﻠﻰ ﻣﺰﻋﻠﻚ ﻭﻻﺣﺎﺟﺔ ﻳﺎ ﺣﺒﻴﺒﺘﻲ ?

ﺍﺷﺎﺣﺖ ﺑﻮﺟﻬﻬﺎ ﻭﻫﻲ ﺗﺠﻴﺒﻬﺎ ﻗﺎﺋﻠﺔ : ﻻ ﺍﺑﺪﺍ ﻳﺎ ﺣﺒﻴﺒﺘﻲ ﺑﺎﻟﻌﻜﺲ ... ﺩﻩ ﺍﻧﺎ ﻭﻋﻠﻲ ﻛﻮﻳﺴﻴﻦ ﺍﻭﻱ ﻣﻊ ﺑﻌﺾ ... ﻟﻮ ﻣﺶ ﻣﺼﺪﻗﺎﻧﻲ ﺍﺳﺄﻟﻴﻪ ﺣﺘﻰ ﻟﻤﺎ ﻳﻴﺠﻲ .

ﺳﻤﻴﺔ : ﻃﻴﺐ ﻳﺎ ﺣﺒﻴﺒﺘﻲ ﺍﻧﺸﺎﻟﻠﻪ ﺩﺍﻳﻤﺎ ﻭﺍﻧﺘﻮﺍ ﻛﻮﻳﺴﻴﻦ ... ﻋﻠﻰ ﻓﻜﺮﺓ ﺍﻧﺎ ﻋﻤﻼﻟﻚ ﺍﻟﻨﻬﺎﺭﺩﺓ ﻛﻞ ﺍﻷﻛﻞ ﺍﻟﻠﻲ ﺑﺘﺤﺒﻴﻪ ﻭﺍﻟﻠﻲ ﻋﻠﻲ ﺑﻴﺤﺒﻪ

ﺿﻴﻘﺖ ﻋﻴﻨﻴﻬﺎ ﻭﻗﺎﻟﺖ ﺑﺪﻫﺸﺔ : ﻫﻮ ﺍﻧﺘﻲ ﻛﻨﺘﻲ ﻋﺎﺭﻓﺔ ﺍﻧﻨﺎ ﺟﺎﻳﻴﻦ ﺍﻟﻨﻬﺎﺭﺩﺓ ?

ﺍﻣﺴﻜﺘﻬﺎ ﺳﻤﻴﺔ ﻣﻦ ﻳﺪﻫﺎ ﻭﻗﺎﻟﺖ ﺑﺠﺪﻳﺔ : ﺗﻌﺎﻟﻲ ﻧﻘﻌﺪ ﺑﺲ ﺍﻷﻭﻝ ﻭﺍﻧﺎﺍﻗﻮﻟﻚ ... ﺟﻠﺴﺎ ﻣﻌﺎ ﻋﻠﻰ ﺍﺣﺪ ﺍﻷﺭﺍﺋﻚ ﺛﻢ ﺍﺳﺘﻄﺮﺩﺕ ﺳﻤﻴﺔ ﻗﺎﺋﻠﺔ : ﻣﺎﻫﻮ ﻋﻠﻲ ﻛﻠﻤﻨﻲ ﺍﻟﻨﻬﺎﺭﺩﺓ ﻭﻗﺎﻟﻲ ﺍﻧﻜﻮﺍ ﺟﺎﻳﻴﻦ ﻭﺑﻌﺪﻳﻦ ﺍﻧﺘﻮﺍ ﻣﺶ ﻭﺻﻠﺘﻮﺍ ﺍﻣﺒﺎﺭﺡ ﻳﺒﻘﻰ ﺍﻛﻴﺪ ﺟﺎﻳﻴﻦ ﺍﻟﻨﻬﺎﺭﺩﺓ ﻋﺸﺎﻥ ﺗﺴﻠﻤﻮﺍ ﻋﻠﻴﻨﺎ

ﺍﺧﺬﺕ ﻧﻮﺭﺍ ﺗﺴﺎﻋﺪ ﺳﻤﻴﺔ ﻭﻟﻤﻴﺎﺀ ﻓﻲ ﺗﺤﻀﻴﺮ ﺍﻟﻄﻌﺎﻡ ﺣﺘﻰ ﻋﻮﺩﺓ ﻋﻠﻲ ﻣﻦ ﻋﻤﻠﻪ ﻭﺗﻨﺎﻭﻝ ﺍﻟﺠﻤﻴﻊ ﺍﻟﻄﻌﺎﻡ ﻣﻌﺎﻓﻲ ﺟﻮ ﻣﻦ ﺍﻟﺒﻬﺠﺔ ﻭﺍﻟﺴﺮﻭﺭ ﺛﻢ ﺍﺳﺘﺄﺫﻥ ﻋﻠﻲ ﻟﻴﺼﺤﺐ ﻧﻮﺭﺍ ﺇﻟﻰ ﺍﻟﻤﻨﺰﻝ ﻓﻄﻠﺒﺖ ﻣﻨﻪ ﺳﻤﻴﺔ ﺍﻥ ﻳﺘﺒﻌﻬﺎ ﺇﻟﻰ ﻏﺮﻓﺔ ﻧﻮﻣﻬﺎ ... ﺩﺧﻠﺖ ﺳﻤﻴﺔ ﺍﻟﻐﺮﻓﺔ ﻓﺘﺒﻌﻬﺎ ﻋﻠﻲ ﻭﻗﺎﻝ ﺑﻠﻬﻔﺔ : ﺧﻴﺮ ﻳﺎ ﻣﺎﻣﺎ ﻓﻴﻪ ﺣﺎﺟﺔﻳﺎ ﺣﺒﻴﺒﺘﻲ ?

ﺳﻤﻴﺔ : ﻗﻮﻟﻲ ﻳﺎ ﻋﻠﻲ ﺑﺼﺮﺍﺣﺔ ... ﺍﻧﺖ ﻭﻧﻮﺭﺍ ﻛﻮﻳﺴﻴﻦ ?

ﻋﻠﻲ ﺑﺈﺑﺘﺴﺎﻣﺔ : ﻣﺎ ﺍﺣﻨﺎ ﺯﻱ ﺍﻟﻔﻞ ﺍﺩﺍﻣﻚ ﺁﻫﻮﻩ ... ﻭﻻ ﺍﻧﺘﻲ ﻣﺶ ﻭﺍﺧﺪﺓ ﺑﺎﻟﻚ

ﺳﻤﻴﺔ : ﻃﻴﺐ ﺍﻟﺤﻤﺪﻟﻠﻪ ﻳﺎ ﺍﺑﻨﻲ ... ﺧﻠﻲ ﺑﺎﻟﻚ ﻣﻨﻬﺎ ﻳﺎ ﻋﻠﻲ ﺩﻱ ﻳﺘﻴﻤﺔ ﻭﻏﻠﺒﺎﻧﻪ

ﻃﻤﺄﻧﻬﺎ ﻋﻠﻲ ﻗﺎﺋﻼ : ﻣﺎﺗﺨﺎﻓﻴﺶ ﻋﻠﻴﻬﺎ ﻳﺎ ﻣﺎﻣﺎ ... ﺻﺪﻗﻴﻨﻲ ﺍﻧﺎ ﺩﻟﻮﻗﺘﻲ ﺑﻘﻴﺖ ﺑﺤﺒﻬﺎ ﺍﻭﻱ ... ﻭﻋﺎﻳﺰﻫﺎ ﺗﻔﻀﻞ ﺟﻨﺒﻲ ﻷﺧﺮ ﻟﺤﻈﺔ ﻓﻌﻤﺮﻱ ... ﺍﻧﺎ ﺑﺲ ﻋﺎﻳﺰﻙ ﺗﻮﺻﻴﻬﺎ ﻫﻴﺎ ﻋﻠﻴﺎ ... ﻋﺸﺎﻥ ﻫﻴﺎ ﺍﻟﻠﻲ ﻣﺰﻋﻼﻧﻲ ﻭﻣﻐﻠﺒﺎﻧﻲ ﻛﻤﺎﻥ

ﺗﻨﻬﺪﺕ ﺳﻤﻴﺔ ﻭﻗﺎﻟﺖ ﻓﻲ ﺇﺭﺗﻴﺎﺡ : ﺍﻟﺤﻤﺪ ﻟﻠﻪ ﺍﻧﻲ ﻋﺸﺖ ﻭﺷﻮﻓﺖ ﺍﻟﻴﻮﻡ ﺩﻩ

ﻋﻠﻲ ﺑﻤﺸﺎﻏﺒﺔ : ﻛﺎﻥ ﻧﻔﺴﻚ ﺍﻭﻱ ﺗﺰﻋﻠﻨﻲ ﻟﻠﺪﺭﺟﺔ ﺩﻱ

ﺍﺑﺘﺴﻤﺖ ﺳﻤﻴﺔ ﻗﺎﺋﻠﺔ : ﻳﺎﺍﺑﻨﻲ ﻣﺎﻗﺼﺪﺵ ... ﺑﺲ ﻫﻴﺎ ﻧﻮﺭﺍ ﺑﺘﻌﺮﻑ ﺗﺰﻋﻞ ﺣﺪ ﺍﺑﺪﺍ

ﻋﻠﻲ ﺑﻤﺮﺡ : ﺁﻩ ﻳﺎﻧﻲ ﻳﺎ ﺍﻟﻠﻲ ﻣﺎﺣﺪﺵ ﺣﺎﺳﺲ ﺑﻴﺎ ﻓﺎﻟﺒﻴﺖ ﺩﻩ ... ﺧﻼﺹ ﻳﺎ ﺳﺘﻲ ﺣﻘﻚ ﻋﻠﻴﺎ ﺍﻧﺎ ﺍﻟﻐﻠﻄﺎﻥ ... ﻧﻮﺭﺍ ﺩﻱ ﺳﺖ ﺍﻟﺒﻨﺎﺕ ﺍﺭﺗﺤﺘﻲ ﻛﺪﻩ ?

ﺳﻤﻴﺔ ﺑﺮﺟﺎﺀ : ﻋﻘﺒﺎﻝ ﻣﺎ ﺍﺷﻴﻞ ﻭﻻﺩﻛﻮﺍ ﻳﺎﺭﺏ ﺍﻧﺖ ﻭﺍﺧﺘﻚ

ﻋﻠﻲ : ﺑﺎﻗﻮﻟﻚ ﺍﻳﻪ ﻳﺎﻣﺎﻣﺎ ... ﻣﺎﺗﻴﺠﻲ ﺗﺪﻋﻲ ﺍﻟﺪﻋﻮﺓ ﺩﻱ ﺑﺮﻩ ﺍﺩﺍﻡ ﻧﻮﺭﺍ ﺍﺣﺴﻦ

ﻗﻄﺒﺖ ﺟﺒﻴﻨﻬﺎ ﻭﻗﺎﻟﺖ ﻓﻲ ﺩﻫﺸﺔ : ﺍﺷﻤﻌﻨﺎ ﻳﺎ ﺍﺑﻨﻲ ﻣﺶ ﻓﺎﻫﻤﺔ

ﻋﻠﻲ ﺑﺈﺭﺗﺒﺎﻙ : ﻻ ﻳﺎ ﺣﺒﻴﺒﺘﻲ ﻣﺎﺗﺎﺧﺪﻳﺶ ﻓﺒﺎﻟﻚ ... ﻳﻼ ﺗﺼﺒﺤﻲ ﻋﻠﻰ ﺧﻴﺮ ﺑﻘﻰ ﺟﻤﻴﻞ

ﺍﻧﺘﻬﻰ ﺍﻟﺠﻤﻴﻊ ﻣﻦ ﺍﻟﺴﻼﻡ ﻋﻠﻰ ﺑﻌﻀﻬﻢ ﺍﻟﺒﻌﺾ ﻭﺍﺻﻄﺤﺐ ﻋﻠﻲ ﻧﻮﺭﺍ ﻣﻨﺼﺮﻓﻴﻦ ﻓﻲ ﻃﺮﻳﻘﻬﻢ ﺇﻟﻰ ﺍﻟﻔﻴﻼ ﻣﻊ ﻭﻋﺪ ﺑﺘﻜﺮﺍﺭ ﺍﻟﺰﻳﺎﺭﺓ ﻗﺮﻳﺒﺎ

&&&&&&&&&&&&&&&&&

ﻛﺎﻥ ﺍﺣﻤﺪ ﺟﺎﻟﺴﺎ ﻋﻠﻰ ﻓﺮﺍﺷﻪ ﻭﻫﻮ ﻳﺴﺘﺮﺟﻊ ﺗﻔﺎﺻﻴﻞ ﻟﻘﺎﺋﻪ ﺑﺠﻤﺎﻝ ﻭﺍﻟﺤﻮﺍﺭ ﺍﻟﺬﻱ ﺩﺍﺭ ﺑﻴﻨﻬﻤﺎ

" ﻓﻼﺵ ﺑﺎﻙ "

ﺍﺣﻤﺪ ﺑﺼﺪﻣﺔ : ﺍﻧﺖ ﻣﺘﺄﻛﺪ ﻣﻦ ﺍﻟﻜﻼﻡ ﺩﻩ ﻳﺎ ﺟﻤﺎﻝ

ﺟﻤﺎﻝ ﺑﺄﺳﻰ : ﺍﻳﻮﻩ ﻳﺎ ﺍﺣﻤﺪ ... ﻫﻮ ﻗﺎﻟﻲ ﺍﻧﻪ ﻣﻦ ﻓﺘﺮﺓﻛﺎﻥ ﺣﺎﺳﺲ ﺑﺸﻮﻳﺔ ﺗﻌﺐ ﻭﺍﻟﺪﻛﺘﻮﺭ ﻃﻠﺐ ﻣﻨﻪ ﺗﺤﺎﻟﻴﻞ ﻭﻟﻤﺎ ﺭﺍﺡ ﻋﺸﺎﻥ ﻳﺠﻴﺒﻬﺎ ﻓﺎﻟﻤﻌﻤﻞ ﻗﺎﻟﻮﻟﻪ ﻣﺶ ﻗﺒﻞ ﺍﺳﺒﻮﻋﻴﻦ ﻣﻊ ﺍﻧﻬﺎ ﻣﺎ ﺗﺎﺧﺪﺵ ﺍﻛﺘﺮ ﻣﻦ ﻳﻮﻣﻴﻦ ... ﺍﺗﻀﺢ ﺑﻌﺪ ﻛﺪﻩ ﺍﻧﻬﻢ ﻛﺎﻧﻮﺍ ﺷﺎﻛﻴﻦ ﻓﻴﻬﺎ ﻓﺒﻌﺘﻮﻫﺎ ﺍﻟﻘﺎﻫﺮﺓ ﻋﺸﺎﻥ ﺗﺘﺤﻠﻞ ﻫﻨﺎﻙ ﻓﻤﻌﺎﻣﻞ ﻭﺯﺍﺭﺓ ﺍﻟﺼﺤﺔ ﻭﺍﺗﺎﻛﺪﻭﺍ ﻓﻌﻼ ﻣﻦ ﺍﻟﻨﺘﻴﺠﺔ ﻭﺍﻣﺒﺎﺭﺡ ﺭﺍﺡ ﻳﺴﺘﻠﻤﻬﺎ ﻭﻋﺮﻑ ﺍﻟﻠﻲ ﻓﻴﻬﺎ ﻭﻋﺸﺎﻥ ﻛﺪﻩ ﻟﻤﺎ ﺭﻭﺣﺘﻠﻪ ﻛﺎﻥ ﻣﻨﻬﺎﺭ ﻭﺍﺩﺍﻧﻲ ﺍﻟﻔﻴﺪﻳﻮ ﺑﻤﻨﺘﻬﻰ ﺍﻟﺒﺴﺎﻃﺔ ﻭﻗﺎﻟﻲ ﺍﻋﻤﻞ ﺗﺤﻠﻴﻞ ﺍﻧﺎ ﻛﻤﺎﻥ ﻋﺸﺎﻥ ﺍﻃﻤﻦ

ﺍﺧﺬ ﺍﺣﻤﺪ ﻳﻀﺮﺏ ﻛﻔﻴﻪ ﺑﺒﻌﻀﻬﻤﺎ ﻗﺎﺋﻼ : ﻻ ﺣﻮﻝ ﻭﻻ ﻗﻮﺓ ﺍﻻ ﺑﺎﻟﻠﻪ ... ﺁﺩﻱ ﺃﺧﺮﺓ ﺍﻟﻤﺸﻲ ﺍﻟﺒﻄﺎﻝ ... ﻟﻜﻦ ﻗﻮﻟﻲ ... ﺍﻟﻤﺮﺽ ﺩﻩ ﻋﺎﺩﺓ ﻣﺎﺑﻴﺘﻨﻘﻠﺶ ﻣﻦ ﻣﺠﺮﺩ ﻋﻼﻗﺔ ﻋﺎﺑﺮﺓ ﻛﺪﻩ ﺑﺘﺤﺼﻞ ﻷﻭﻝ ﻣﺮﺓ ... ﻫﻮ ﺻﺎﺣﺒﻚ ﺩﻩ ﻣﺘﻌﻮﺩ ﻋﻠﻰ ﺍﻟﻨﻮﻉ ﺩﻩ ﻣﻦ ﺍﻟﻌﻼﻗﺎﺕ ?

ﻧﻜﺲ ﺭﺃﺳﻪ ﻭﻫﻮ ﻳﺠﻴﺒﻪ ﻗﺎﺋﻼ : ﺍﻳﻮﻩ ... ﺍﺻﻠﻪ ﻣﺶ ﻣﺘﺠﻮﺯ ﻭﻣﻘﻀﻴﻬﺎ ﻛﺪﻩ ﻋﻠﻄﻮﻝ

ﻧﻈﺮ ﺇﻟﻴﻪ ﺍﺣﻤﺪ ﻗﺎﺋﻼ ﺑﺸﻚ : ﻃﻴﺐ ﻭﺍﻧﺖ ?

ﺍﺳﺮﻉ ﻳﺠﻴﺒﻪ ﻗﺎﺋﻼ : ﻻ ﻭﺍﻟﻠﻪ ﺍﻟﻌﻈﻴﻢ ﻳﺎ ﺍﺣﻤﺪ ... ﺩﻱ ﻛﺎﻧﺖ ﺍﻭﻝ ﻭﺃﺧﺮ ﻣﺮﺓ

ﻣﺴﺢ ﺍﺣﻤﺪ ﻋﻠﻰ ﻭﺟﻬﻪ ﻭﻗﺎﻝ ﺑﻀﻴﻖ : ﺍﺳﺘﻐﻔﺮ ﺍﻟﻠﻪ ﺍﻟﻌﻈﻴﻢ ... ﺍﻧﺖ ﻻﺯﻡ ﺗﻘﻮﻡ ﺩﻟﻮﻗﺘﻲ ﻣﻌﺎﻳﺎ ﻋﺸﺎﻥ ﺗﺮﻭﺡ ﺗﻌﻤﻞ ﺗﺤﻠﻴﻞ ﻭﺗﻘﻄﻊ ﺍﻟﺸﻚ ﺑﺎﻟﻴﻘﻴﻦ

ﺟﻤﺎﻝ : ﺧﺎﻳﻒ ﻳﺎ ﺍﺣﻤﺪ ... ﺧﺎﻳﻒ ﻳﻜﻮﻥ ﻋﻨﺪﻱ ﻓﻌﻼ

ﺍﺣﻤﺪ : ﻣﺎﻓﻴﺶ ﺣﺎﺟﺔ ﺍﺳﻤﻬﺎ ﺧﺎﻳﻒ ﺍﻧﺖ ﻣﺶ ﺣﺘﻔﻀﻞ ﻋﺎﻳﺶ ﻛﺪﻩ ﻋﻠﻰ ﺃﻋﺼﺎﺑﻚ ... ﻭﺑﻌﺪﻳﻦ ﺯﻱ ﻣﺎﻗﻠﺘﻠﻚ ﻋﺎﺩﺓ ﺍﻟﻤﺮﺽ ﻣﺶ ﺑﻴﺘﻨﻘﻞ ﻣﻦ ﺍﻭﻝ ﻣﺮﺓ ﻭﻳﻤﻜﻦ ﺩﻩ ﻣﻦ ﺭﺣﻤﺔ ﺭﺑﻨﺎ ﻋﺸﺎﻥ ﻳﺪﻱ ﻓﺮﺻﺔ ﻟﻠﻲ ﺑﻴﻌﻤﻞ ﻛﺪﻩ ﻋﺸﺎﻥ ﻳﺘﻮﺏ ﻭﻳﺮﺟﻊ ﻋﻦ ﺍﻟﻠﻲ ﺑﻴﻌﻤﻠﻪ ﺩﻩ ... ﺍﻟﻠﻲ ﺍﻧﺎ ﺧﺎﻳﻒ ﻣﻨﻪ ﺍﻥ ﺍﻟﻔﻴﺮﻭﺱ ﻳﻜﻮﻥ ﻣﺶ ﺑﻴﻈﻬﺮ ﻓﺎﻟﺘﺤﻠﻴﻞ ﻏﻴﺮ ﺑﻌﺪ ﻓﺘﺮﺓ ﻣﻌﻴﻨﺔ ﻭﺳﺎﻋﺘﻬﺎ ﻣﺎﻳﻈﻬﺮﺵ ﺣﺘﻲ ﻟﻮ ﻛﺎﻥ ﻣﻮﺟﻮﺩ

ﺟﻤﺎﻝ : ﻻ ﻣﻦ ﺍﻟﻨﺎﺣﻴﺔ ﺩﻱ ﺍﻃﻤﻦ ... ﻓﺘﺤﻲ ﻗﺎﻟﻲ ﺍﻥ ﺍﻟﺪﻛﺎﺗﺮﺓ ﻗﺎﻟﻮﻟﻪ ﺍﻥ ﺍﻟﻔﻴﺮﻭﺱ ﺩﻩ ﺑﻴﺒﺎﻥ ﺑﻌﺪ ﺩﺧﻮﻟﻪ ﺍﻟﺠﺴﻢ ﺑﻴﻮﻡ ﻭﺍﺣﺪ ... ﺍﺻﻞ ﺍﻧﺎ ﻛﻤﺎﻥ ﻛﻨﺖ ﺧﺎﻳﻒ ﻣﻦ ﻛﺪﻩ ﻋﺸﺎﻥ ﻛﺪﻩ ﺳﺄﻟﺘﻪ

ﺍﺣﻤﺪ : ﻛﻮﻳﺲ ﺍﻭﻱ ... ﻳﺒﻘﻰ ﺗﻘﻮﻡ ﻣﻌﺎﻳﺎ ﺩﻟﻮﻗﺘﻲ ﺣﺎﻻ ﻋﺸﺎﻥ ﺗﻌﻤﻞ ﺗﺤﻠﻴﻞ ... ﻭﺑﻌﺪ ﺍﻟﻨﺘﻴﺠﺔ ﻣﺎﺗﻈﻬﺮ ﻧﺸﻮﻑ ﺣﻨﻌﻤﻞ ﺇﻳﻪ

ﺟﻤﺎﻝ : ﻭﺣﺎﻓﻀﻞ ﻃﻮﻝ ﺍﻷﺳﺒﻮﻋﻴﻦ ﺩﻭﻝ ﻗﺎﻋﺪ ﻛﺪﻩ ﻋﻠﻰ ﺃﻋﺼﺎﺑﻲ ﻟﺤﺪ ﻧﺘﻴﺠﺔ ﺍﻟﺘﺤﻠﻴﻞ ﻣﺎﺗﻈﻬﺮ

ﺍﺣﻤﺪ : ﺍﻋﺘﺒﺮﻩ ﻋﻘﺎﺏ ﻣﻦ ﺭﺑﻨﺎ ﻋﻠﻰ ﺍﻟﺬﻧﺐ ﺍﻟﻠﻲ ﺍﻧﺖ ﻋﻤﻠﺘﻪ ﺑﺲ ﻳﺎﺭﻳﺖ ﺗﻴﺠﻲ ﻋﻠﻰ ﺍﺩ ﻛﺪﻩ

ﺟﻤﺎﻝ ﺑﺈﻣﺘﻨﺎﻥ : ﺍﻧﺎ ﻣﺘﺸﻜﺮ ﺍﻭﻱ ﻳﺎ ﺍﺣﻤﺪ ﺑﺠﺪ ﺍﻧﺎ ﻟﻮ ﻟﻴﺎ ﺃﺥ ﻣﺎﻛﺎﻧﺶ ﺣﻴﻬﺘﻢ ﺑﻴﺎ ﻛﺪﻩ

ﺍﺣﻤﺪ : ﺍﻧﺖ ﻣﻦ ﻳﻮﻡ ﻣﺎ ﺍﺗﺠﻮﺯﺕ ﺍﺧﺘﻲ ﻭﺍﻧﺎ ﺑﻌﺘﺒﺮ ﻧﻔﺴﻲ ﺍﺧﻮﻙ ﻟﻜﻦ ﺍﻧﺎ ﻣﺶ ﻗﺎﺩﺭ ﺍﻓﻬﻢ ﻛﺎﻥ ﻋﻘﻠﻚ ﻓﻴﻦ ﻟﻤﺎ ﺻﺎﺣﺒﺖ ﺇﻧﺴﺎﻥ ﺯﻱ ﺩﻩ ﻭﺍﺧﻼﻗﻪ ﺑﺎﻟﺸﻜﻞ ﺩﻩ

ﺟﻤﺎﻝ : ﺍﻥ ﺷﺎﺀﺍﻟﻠﻪ ﻳﻜﻮﻥ ﻋﻨﺪﻱ ﻓﺮﺻﺔ ﺍﺻﻠﺢ ﺍﻟﻠﻲ ﻋﻤﻠﺘﻪ ﺑﺲ ﺍﻧﺖ ﺇﺩﻋﻴﻠﻲ ﻳﺎ ﺍﺣﻤﺪ ... ﻟﻜﻦ ﻟﻮ ﻻﻗﺪﺭ ﺍﻟﻠﻪ ﻃﻠﻌﺖ ﻓﻌﻼ ﻣﺮﻳﺾ ﺳﺎﻋﺘﻬﺎ ﺣﺎﻃﻠﻖ ﺃﻣﻴﺮﺓ ﻓﻮﺭﺍ ... ﺍﻧﺎ ﻻﺯﻡ ﺍﺗﺤﻤﻞ ﻧﺘﻴﺠﺔ ﻏﻠﻄﺘﻲ

ﺍﺣﻤﺪ : ﻃﻴﺐ ﻳﻼ ﺑﻴﻨﺎ ﻣﺶ ﻋﺎﻳﺰﻳﻦ ﻧﻀﻴﻊ ﻭﻗﺖ ﺍﻛﺘﺮ ﻣﻦ ﻛﺪﻩ

ﺟﻤﺎﻝ ﺑﺈﺳﺘﺴﻼﻡ : ﺣﺎﺿﺮ ﻳﺎ ﺍﺣﻤﺪ ﺍﻟﻠﻲ ﺗﺸﻮﻓﻪ

&&&&&&&&&&&&&&&&&

ﻛﺎﻥ ﺻﻔﻮﺕ ﻳﺤﺎﺩﺙ ﻧﺎﺩﻳﺔ ﻓﻲ ﺍﻟﻬﺎﺗﻒ ﻗﺒﻞ ﻳﻮﻡ ﻭﺍﺣﺪ ﻣﻦ ﺯﻳﺎﺭﺓ ﺳﻌﻴﺪ ﻭﺃﺑﻨﺎﺋﻪ ﻟﻴﻄﻠﺐ ﻣﻨﻬﺎ ﺍﻟﺤﻀﻮﺭ ﺑﺼﺤﺒﺔ ﺳﺎﻣﺢ ﻟﻜﻨﻬﺎ ﺭﻓﻀﺖ ﻣﺘﻌﻠﻠﺔ ﺑﺎﻟﺘﻌﺐ ﻭﺭﻏﻢ ﻣﺤﺎﻭﻻﺗﻪ ﺇﻻ ﺍﻧﻬﺎﺃﺻﺮﺕ ﻋﻠﻰ ﺍﻟﺮﻓﺾ ﻟﻴﺮﺿﺦ ﺻﻔﻮﺕ ﻟﺮﻏﺒﺘﻬﺎ ﻓﻲ ﺍﻟﻨﻬﺎﻳﺔ ﻭﻳﻐﻠﻖ ﺍﻟﻬﺎﺗﻒ ﻣﻌﻬﺎ ﻭﻫﻮ ﻳﺘﻤﺘﻢ ﻗﺎﺋﻼ ﺑﻘﻠﻖ : ﺻﻮﺗﻚ ﻛﻞ ﻣﺮﺓ ﺑﻴﻘﻠﻘﻨﻲ ﺍﻛﺘﺮ ﻣﻦ ﺍﻟﻤﺮﺓ ﺍﻟﻠﻲ ﻗﺒﻠﻬﺎ ... ﻳﺎﺗﺮﻯ ﻓﻴﻜﻲ ﺇﻳﻪ ﻳﺎ ﺑﻨﺖ ﻓﺮﺩﻭﺱ .....

ﻳﺘﺒﻊ

↚

ﻓﻲ ﻧﻔﺲ ﺍﻷﺛﻨﺎﺀ ﺍﻟﺘﻲ ﻛﺎﻧﺖ ﻧﺎﺩﻳﺔ ﺗﺤﺎﺩﺙ ﻓﻴﻬﺎ ﻭﺍﻟﺪﻫﺎ ﺑﺎﻟﻬﺎﺗﻒ ﻛﺎﻥ ﺳﺎﻣﺢ ﻳﺪﻟﻒ ﻣﻦ ﺑﺎﺏ ﺍﻟﺸﻘﺔ ﻟﻴﺴﺘﻤﻊ ﺇﻟﻰ ﺍﻟﺠﺰﺀ ﺍﻷﺧﻴﺮ ﻣﻦ ﺣﻮﺍﺭﻫﻤﺎ ... ﺍﻧﺘﻈﺮ ﺣﺘﻰ ﻓﺮﻏﺖ ﻧﺎﺩﻳﺔ ﻣﻦ ﺣﺪﻳﺜﻬﺎ ﺛﻢ ﻗﺎﻝ ﺑﺈﻫﺘﻤﺎﻡ : ﺍﻧﺘﻲ ﻣﺶ ﻋﺎﻳﺰﺓ ﺗﺮﻭﺣﻲ ﻭﺑﺘﺘﺤﺠﺠﻲ ﻭﻻ ﺍﻧﺘﻲ ﺗﻌﺒﺎﻧﺔ ﻓﻌﻼ ?

ﺃﺟﺎﺑﺖ ﻗﺎﺋﻠﺔ ﺑﺈﺳﺘﻨﻜﺎﺭ : ﻭﺍﻧﺖ ﻣﺎﻟﻚ ﺍﺻﻼ ? ﺍﻇﻦ ﺍﻥ ﺩﻱ ﺣﺎﺟﺔ ﻣﺎﺗﺨﺼﻜﺶ

ﺯﻓﺮ ﺑﻀﻴﻖ ﺛﻢ ﻗﺎﻝ ﺣﺎﻧﻘﺎ : ﺍﻟﻠﻬﻢ ﻃﻮﻟﻚ ﻳﺎ ﺭﻭﺡ ... ﺍﻇﻦ ﺍﻧﺎ ﻣﻦ ﻳﻮﻣﻬﺎ ﻭﺃﻧﺎ ﻣﺤﺎﻓﻆ ﻋﻠﻰ ﺇﺗﻔﺎﻗﻲ ﻣﻌﺎﻛﻲ ﻭﺑﺎﺗﺠﻨﺐ ﺍﻟﻜﻼﻡ ﻣﻌﺎﻛﻲ ﺧﺎﻟﺺ ﺍﻧﺘﻲ ﺑﻘﻰ ﺑﺘﺘﻜﻠﻤﻲ ﻛﺪﻩ ﻟﻴﻪ ? ﻭﻻ ﺻﻌﺐ ﻋﻠﻴﻜﻲ ﺍﻧﻚ ﺗﺘﻜﻠﻤﻲ ﺯﻱ ﺍﻟﺒﻨﻲ ﺍﺩﻣﻴﻦ ﺷﻮﻳﺔ

ﻗﺎﻣﺖ ﻧﺎﺩﻳﺔ ﻣﻦ ﻣﻜﺎﻧﻬﺎ ﻭﻗﺎﻟﺖ ﻗﺒﻞ ﺍﻥ ﺗﺘﺠﻪ ﺇﻟﻰ ﻏﺮﻓﺘﻬﺎ : ﺍﻧﺎ ﺩﺍﺧﻠﺔ ﺃﻧﺎﻡ ﺍﺣﺴﻦ

ﺟﺬﺑﻬﺎ ﺳﺎﻣﺢ ﻣﻦ ﺫﺭﺍﻋﻬﺎ ﻭﺍﺳﺘﻮﻗﻔﻬﺎ ﻗﺎﺋﻼ : ﻟﻤﺎ ﺍﻛﻮﻥ ﺑﻜﻠﻤﻚ ﻣﺎﺗﻤﺸﻴﺶ ﻭﺗﺴﻴﺒﻴﻨﻲ ﺍﻧﺘﻲ ﻓﺎﻫﻤﺔ ﻭﻻ ﻷ ?

ﻋﻘﺪﺕ ﺫﺭﺍﻋﻴﻬﺎ ﺍﻣﺎﻡ ﺻﺪﺭﻫﺎ ﻭﻗﺎﻟﺖ ﺑﺘﺄﻓﻒ : ﺍﻧﺖ ﻋﺎﻳﺰ ﺇﻳﻪ ﺩﻟﻮﻗﺘﻰ ?

ﺯﻓﺮ ﺑﺸﺪﺓ ﻭﻫﻮ ﻳﺤﺎﻭﻝ ﺿﺒﻂ ﺃﻋﺼﺎﺑﻪ ﺛﻢ ﻗﺎﻝ ﺑﻬﺪﻭﺀ : ﺍﻧﺘﻲ ﺷﻜﻠﻚ ﻓﻌﻼ ﺗﻌﺒﺎﻧﺔ ... ﻟﻮ ﻋﺎﻳﺰﺓ ﺗﺮﻭﺣﻲ ﻟﻠﺪﻛﺘﻮﺭ ﻳﺒﻘﻰ ﻳﻼ ﺑﻴﻨﺎ ... ﺍﻭ ﻣﻤﻜﻦ ﺍﺟﻴﺒﻠﻚ ﺍﻟﺪﻛﺘﻮﺭ ﻫﻨﺎ ﻟﻮ ﺣﺒﻴﺘﻲ ... ﺃﻧﺎ ﺑﺮﺿﻪ ﻋﻨﺪﻱ ﺃﺻﻞ ...

ﻣﻄﺖ ﺷﻔﺘﻴﻬﺎ ﻗﺎﺋﻠﺔ ﺑﺈﺳﺘﻴﺎﺀ : ﻻ ﻓﻴﻚ ﺍﻟﺨﻴﺮ ﺍﻭﻱ ... ﺍﻧﺎ ﻣﺶ ﻋﺎﻳﺰﺓ ﻣﻨﻚ ﺣﺎﺟﺔ ... ﺍﻧﺎ ﺩﺍﺧﻠﺔ ﺍﻧﺎﻡ

ﺳﺎﻣﺢ ﺑﻀﻴﻖ : ﻃﺒﻌﺎ ﻣﺎﻓﻴﺶ ﺃﻛﻞ ﺯﻱ ﻛﻞ ﻳﻮﻡ

ﻧﺎﺩﻳﺔ ﺑﺘﻬﻜﻢ : ﻟﻴﻪ ﻫﻮ ﺳﻴﺎﺩﺗﻚ ﻛﻨﺖ ﻓﺎﻛﺮﻧﻲ ﺍﻟﻔﻠﻴﺒﻴﻨﻴﺔ ﺍﻟﻠﻲ ﺟﺎﻳﺒﻬﺎﻟﻚ ﺑﺎﺑﺎﻙ ?

ﺳﺎﻣﺢ : ﺍﻟﻤﺸﻜﻠﺔ ﺍﻥ ﻟﺴﺎﻧﻚ ﻃﻮﻳﻞ ﻉ ﺍﻟﻔﺎﺿﻲ ... ﻭ ﺳﺎﻋﺔ ﺍﻟﺠﺪ ﻣﺶ ﺑﺘﺴﺘﺤﻤﻠﻲ ﻭﺑﺘﺮﺟﻌﻲ ﺗﻌﻴﻄﻲ

ﺟﺰﺕ ﻋﻠﻰ ﺃﺳﻨﺎﻧﻬﺎ ﻏﻴﻈﺎ ﺛﻢ ﺩﺧﻠﺖ ﻏﺮﻓﺘﻬﺎ ﻭﺗﺮﻛﺘﻪ ﻳﺤﺪﺙ ﻧﻔﺴﻪ ﻗﺎﺋﻼ : ﺍﻧﺎ ﻛﻴﻦ ﻓﻴﻦ ﻋﻘﻠﻲ ﻟﻤﺎ ﻗﻮﻟﺘﻠﻬﺎ ﺷﻬﺮ ... ﻛﺎﻥ ﻛﻔﺎﻳﺔ ﺍﻭﻱ ﺍﺳﺘﺤﻤﻠﻬﺎ ﺃﺳﺒﻮﻉ ﻣﺎﻓﻴﺶ ﻏﻴﺮﻩ ... ﺍﻧﺎ ﺣﺎﺳﺲ ﺇﻧﻲ ﻛﻔﺮﺕ ﻋﻦ ﻛﻞ ﺫﻧﻮﺑﻲ ﻗﺎﻟﺘﻠﺖ ﺃﺳﺎﺑﻴﻊ ﺩﻭﻝ

*********************

ﺑﻌﺪ ﺍﻥ ﺍﻧﺘﻬﺖ ﻧﻮﺭﺍ ﻣﻦ ﺍﻹﺷﺮﺍﻑ ﻋﻠﻰ ﺍﻟﺘﺤﻀﻴﺮﺍﺕ ﺍﻟﺨﺎﺻﺔ ﺑﺰﻳﺎﺭﺓ ﺳﻌﻴﺪ ﻭﺃﻭﻻﺩﻩ ﺻﻌﺪﺕ ﺇﻟﻰ ﻏﺮﻓﺘﻬﺎ ﻗﺒﻞ ﻣﻮﻋﺪ ﻋﻮﺩﺓ ﺻﻔﻮﺕ ﻭﻋﻠﻲ ﻣﻦ ﺍﻟﺸﺮﻛﺔ ﻟﺘﻘﻮﻡ ﺑﺘﺒﺪﻳﻞ ﻣﻼﺑﺴﻬﺎ ﺇﺳﺘﻌﺪﺍﺩﺍ ﻟﻌﻮﺩﺗﻬﻢ ﺛﻢ ﺣﻀﻮﺭ ﺍﻟﻀﻴﻮﻑ ... ﻭﻗﻔﺖ ﺃﻣﺎﻡ ﺧﺰﺍﻧﺔ ﺍﻟﻤﻼﺑﺲ ﻭﺍﻧﺘﻘﺖ ﺯﻳﺎﻣﻨﺎﺳﺒﺎ ﺛﻢ ﻭﺿﻌﺘﻪ ﺃﻣﺎﻣﻬﺎ ﻋﻠﻰ ﺍﻟﻔﺮﺍﺵ ﻭﺷﺮﻋﺖ ﻓﻲ ﺗﻐﻴﻴﺮ ﻣﻼﺑﺴﻬﺎ ﻟﺘﻔﺎﺟﺊ ﺑﺒﺎﺏ ﺍﻟﻐﺮﻓﺔ ﻭﻗﺪ ﺍﻧﻔﺘﺢ ﻓﺠﺄﺓ ﻭﺩﺧﻞ ﻣﻨﻪ ﻋﻠﻲ ﺍﻟﺬﻱ ﺷﻌﺮ ﺑﺎﻹﺭﺗﺒﺎﻙ ﻋﻨﺪﻣﺎ ﺭﺃﻫﺎ ... ﺃﻣﺎ ﻫﻲ ﻓﺎﺳﺮﻋﺖ ﺇﻟﻰ ﻣﻼﺑﺴﻬﺎ ﺍﻟﻤﻮﺿﻮﻋﺔ ﻋﻠﻰ ﺍﻟﻔﺮﺍﺵ ﻟﺘﺤﺘﻀﻨﻬﺎ ﻭﻫﻲ ﺗﺼﺮﺥ ﺑﻪ ﻗﺎﺋﻠﺔ : ﻓﻴﻪ ﺣﺪ ﻳﺪﺧﻞ ﻛﺪﻩ ﺑﺮﺿﻪ ? ﻣﺶ ﺍﻟﻤﻔﺮﻭﺽ ﺍﻧﻚ ﺗﺨﺒﻂ ﻗﺒﻞ ﻣﺎﺗﺪﺧﻞ

ﻋﻠﻲ ﺑﺈﺭﺗﺒﺎﻙ : ﺍﻧﺎ ﺃﺳﻒ ﻣﺎﻋﺮﻓﺶ ﺍﻧﻚ ﻫﻨﺎ ... ﺃﻧﺎ ﺳﺄﻟﺖ ﻋﻨﻚ ﺩﺍﺩﻩ ﺃﻣﻴﻨﺔ ﻭﻗﺎﻟﺘﻠﻲ ﺍﻧﻚ ﻓﺎﻭﺿﺘﻚ ﻓﻔﻬﻤﺖ ﺍﻧﻚ ﻓﺎﻷﻭﺿﺔ ﺍﻟﺘﺎﻧﻴﺔ

ﻧﻮﺭﺍ : ﻫﻮ ﺍﻧﺖ ﻣﺎﺗﻌﺮﻓﺶ ﺍﻥ ﺩﺍﺩﻩ ﺃﻣﻴﻨﺔ ﺑﺘﻌﺘﺒﺮ ﺍﻥ ﺩﻱ ﺃﻭﺿﺘﻲ ﻭﻻ ﺇﻳﻪ ?

ﻋﻠﻲ : ﻭﺍﻧﺘﻲ ﻳﺎ ﻧﻮﺭﺍ ... ﻣﺶ ﻧﺎﻭﻳﺔ ﺗﻌﺘﺒﺮﻳﻬﺎ ﺃﻭﺿﺘﻚ ﺍﻧﺘﻲ ﻛﻤﺎﻥ ?

ﺷﻌﺮﺕ ﻧﻮﺭﺍ ﺑﺎﻟﻀﻴﻖ ﻣﻦ ﻧﻔﺴﻬﺎ ... ﻭﺩﺕ ﻟﻮ ﺍﻧﻬﺎ ﺃﻟﻘﺖ ﻧﻔﺴﻬﺎ ﺑﻴﻦ ﺫﺭﺍﻋﻴﻪ ﻣﻌﺘﺬﺭﺓ ﻋﻦ ﻛﻞ ﻣﺎﺳﺒﻖ ﻭﻟﻜﻨﻬﺎ ﻗﺎﻟﺖ ﺑﺠﺪﻳﺔ : ﻣﻤﻜﻦ ﺗﺨﺮﺝ ﺑﻘﻰ ﻋﺸﺎﻥ ﺃﻏﻴﺮ ﻫﺪﻭﻣﻲ

ﻋﻠﻲ ﺑﺘﺄﺛﺮ : ﻧﻮﺭﺍ ﻫﻮ ﺃﻧﺎ ﻣﻤﻜﻦ ﺍﺳﺄﻟﻚ ﺳﺆﺍﻝ ﻭﺗﺠﺎﻭﺑﻴﻨﻲ ﺑﺼﺮﺍﺣﺔ ?

ﺷﻌﺮﺕ ﺑﺎﻟﻘﻠﻖ ﻣﻦ ﻧﺒﺮﺓ ﺻﻮﺗﻪ ﻓﻘﺎﻟﺖ ﺑﺠﺪﻳﺔ : ﻃﺒﻌﺎ ﺍﺗﻔﻀﻞ ﺍﺳﺄﻝ

ﺍﻗﺘﺮﺏ ﻣﻨﻬﺎ ﻋﻠﻲ ﻓﺘﺮﺍﺟﻌﺖ ﻟﻠﻮﺭﺍﺀ ﺣﺘﻰ ﺍﻟﺘﺼﻘﺖ ﺑﺨﺰﺍﻧﺔ ﺍﻟﻤﻼﺑﺲ ﻭﻫﻲ ﻣﺎﺯﺍﻟﺖ ﺗﺤﺘﻀﻦ ﻣﻼﺑﺴﻬﺎ ﻓﻮﺿﻊ ﻳﺪﻳﻪ ﻋﻠﻰ ﺍﻟﺨﺰﺍﻧﺔ ﻣﺤﺎﺻﺮﺍ ﺇﻳﺎﻫﺎ ﻓﻘﺎﻟﺖ ﺑﻘﻠﻖ : ﻫﻮ ﺍﻟﺴﺆﺍﻝ ﺩﻩ ﻣﺎﻳﻨﻔﻌﺶ ﻣﻦ ﺑﻌﻴﺪ ﻳﻌﻨﻲ ?

ﻫﺰ ﺭﺃﺳﻪ ﻧﺎﻓﻴﺎ ﻭﻗﺎﻝ ﺑﺠﺪﻳﺔ ﻣﺼﻄﻨﻌﺔ : ﻫﻮ ﺍﻧﺘﻲ ﺻﺪﻗﺘﻲ ﺍﻧﻨﺎ ﺇﺧﻮﺍﺕ ﺑﺠﺪ ﻭﻻ ﺇﻳﻪ ?

ﺍﺟﺎﺑﺖ ﻗﺎﺋﻠﺔ ﺑﻘﻠﻖ : ﺑﺎﻗﻮﻟﻚ ﺇﻳﻪ ﺍﻟﻨﺎﺱ ﺯﻣﺎﻧﻬﻢ ﻋﻠﻰ ﻭﺻﻮﻝ ﻋﻠﻰ ﻓﻜﺮﺓ ﻳﻌﻨﻲ

ﺍﺯﺍﺡ ﻳﺪﻳﻪ ﺍﻟﻠﺘﻴﻦ ﺗﺤﺼﺮﺍﻧﻬﺎ ﻭﺗﻨﻬﺪ ﻗﺎﺋﻼ : ﻣﺎﺷﻲ ... ﺍﻧﺎ ﺧﺎﺭﺝ ﺑﺲ ﻣﺎ ﺗﺘﺄﺧﺮﻳﺶ ﻋﺸﺎﻥ ﺍﻟﺤﻖ ﺃﻧﺎ ﻛﻤﺎﻥ ﺃﺧﺪ ﺩﺵ ﻭﺃﻏﻴﺮ ﻫﺪﻭﻣﻲ

ﺧﺮﺝ ﻋﻠﻲ ﺍﻟﻐﺮﻓﺔ ﻓﺎﺑﺪﻟﺖ ﻧﻮﺭﺍ ﻣﻼﺑﺴﻬﺎ ﻭﺳﻤﺤﺖ ﻟﻪ ﺑﺎﻟﺪﺧﻮﻝ ﻓﺪﺧﻞ ﺛﻢ ﻧﻈﺮ ﺇﻟﻴﻬﺎ ﺑﺈﻧﺒﻬﺎﺭ ﻭﻗﺎﻝ ﺑﺈﺑﺘﺴﺎﻣﺔ : ﺃﻗﻮﻟﻚ ﻋﻠﻰ ﺳﺮ

ﺑﺎﺩﻟﺘﻪ ﺍﻹﺑﺘﺴﺎﻣﺔ ﻗﺎﺋﻠﺔ : ﻗﻮﻝ ﻣﺎﻓﻴﺶ ﻣﺎﻧﻊ

ﻋﻠﻲ : ﺗﻌﺮﻓﻲ ﺍﻧﻚ ﺗﻨﻔﻌﻲ ﻋﺎﺭﺿﺔ ﺃﺯﻳﺎﺀ ﻣﻤﺘﺎﺯﺓ

ﻭﺿﻌﺖ ﻳﺪﻫﺎ ﻋﻠﻰ ﺻﺪﺭﻫﺎ ﻭﻫﻲ ﺗﺸﻴﺮ ﺇﻟﻰ ﻧﻔﺴﻬﺎ ﻗﺎﺋﻠﺔ ﺑﺪﻫﺸﺔ : ﺃﻧﺎ ! ﺍﺷﻤﻌﻨﺎ ﻳﻌﻨﻲ !?

ﻋﻠﻲ : ﻋﻠﻴﻜﻲ ﺟﺴﻢ ﻣﺎﺷﻮﻓﺘﻮﺵ ﻏﻴﺮ ﻋﻠﻰ ﻧﺎﻋﻮﻣﻲ ﻛﺎﻣﺒﻞ ﻓﻌﺰﻫﺎ

ﺍﺟﺎﺑﺖ ﻗﺎﺋﻠﺔ ﺑﺜﻘﺔ : ﺇﻳﺶ ﺟﺎﺏ ﻧﺎﻋﻮﻣﻲ ﻛﺎﻣﺒﻞ ﺩﻱ ﻟﻨﻮﺭﻫﺎﻥ ﺻﻔﻮﺕ ﻳﺎ ﺍﺑﻨﻲ

ﺿﺤﻚ ﻋﻠﻲ ﻗﺎﺋﻼ : ﻳﺎﺳﻼﻡ ﻋﻠﻰ ﺍﻟﺘﻮﺍﺿﻊ ... ﺍﺣﺒﻚ ﻭﺍﻧﺖ ﻭﺍﺛﻖ ﻣﻦ ﻧﻔﺴﻚ ﻳﺎﺟﻤﻴﻞ

ﺣﺎﻭﻟﺖ ﻧﻮﺭﺍ ﺇﻏﺎﻇﺘﻪ ﻗﺎﺋﻠﺔ : ﺑﺲ ﺗﺼﺪﻕ ﻓﻜﺮﺓ ﻣﻮﺿﻮﻉ ﻋﺎﺭﺿﺔ ﺍﻷﺯﻳﺎﺀ ﺩﻩ ... ﺑﺲ ﻳﻌﻨﻲ ﺍﻧﺖ ﺣﺘﺒﻘﻰ ﺳﺎﻋﺘﻬﺎ ﻣﺒﺴﻮﻁ ﻭﺍﻧﺎ ﺭﺍﻳﺤﺔ ﺟﺎﻳﺔ ﻛﺪﻩ ﻋﻠﻰ ﺍﻟﻤﺴﺮﺡ ﻭﺍﻟﻨﺎﺱ ﻋﻤﺎﻟﺔ ﺗﺎﻛﻞ ﺟﺴﻤﻲ ﺑﻌﻨﻴﻬﺎ

ﺃﻗﺘﺮﺏ ﻣﻨﻬﺎ ﻋﻠﻲ ﻗﺎﺋﻼ : ﻋﺸﺎﻥ ﻛﻨﺖ ﻗﻄﻌﺖ ﺭﻗﺒﺘﻚ ﺍﻟﺤﻠﻮﺓ ﺩﻯ

ﺩﻓﻌﺘﻪ ﻧﻮﺭﺍ ﺑﺮﻓﻖ ﻭﻗﺎﻟﺖ ﺑﺠﺪﻳﺔ : ﻃﻴﺐ ﻳﻼ ﺑﻘﻰ ﺍﺣﺴﻦ ﺍﻟﻨﺎﺱ ﺯﻣﺎﻧﻬﻢ ﻋﻠﻰ ﻭﺻﻮﻝ

ﺍﺳﺘﺪﺍﺭ ﻋﻠﻲ ﻣﺘﺠﻬﺎ ﻧﺤﻮ ﺍﻟﺤﻤﺎﻡ ﻭﻟﻜﻨﻪ ﻋﺎﺩ ﻓﺠﺄﺓ ﻗﺎﺋﻼ : ﻧﻮﺭﺍ ... ﻣﺎ ﺍﻧﺘﻲ ﺑﺘﻌﺮﻓﻲ ﺗﻀﺤﻜﻲ ﻭﺗﻬﺰﺭﻱ ﺁﻫﻮﻩ ... ﺍﻣﺎﻝ ﻛﻨﺘﻲ ﻣﺪﻳﺎﻧﻲ ﻓﻜﺮﺓ ﻋﻨﻚ ﺍﻧﻚ ﻧﻜﺪﻳﺔ ﻟﻴﻪ ﺑﺲ ?

ﻧﻮﺭﺍ ﺑﺠﺪﻳﺔ :. ﻣﺶ ﻳﻤﻜﻦ ﺍﻧﺖ ﺍﻟﻠﻲ ﻛﻨﺖ ﺑﻌﻴﺪ ﻭﻣﺎﺣﺎﻭﻟﺘﺶ ﺗﻘﺮﺏ ﻋﺸﺎﻥ ﺗﻐﻴﺮ ﺍﻟﻔﻜﺮﺓ ﺩﻱ

ﺍﻣﺴﻚ ﻋﻠﻲ ﺑﻴﺪﻫﺎ ﻭﻗﺎﻝ ﺑﺤﺐ : ﻣﻤﻜﻦ ﻓﻌﻼ ﻳﻜﻮﻥ ﻋﻨﺪﻙ ﺣﻖ ... ﺑﺲ ﺍﻭﻋﺪﻙ ﺇﻧﻲ ﻣﻦ ﻫﻨﺎ ﻭﺭﺍﻳﺢ ﺣﺎﻓﻀﻞ ﻗﺮﻳﺐ ﻋﻠﻄﻮﻝ ﻭﻣﺶ ﺣﺎﺑﻌﺪ ﺍﺑﺪﺍ

ﺧﻔﻀﺖ ﺑﺼﺮﻫﺎ ﻭﻫﻲ ﺗﺒﺘﺴﻢ ﺑﺨﺠﻞ ﺛﻢ ﺭﻓﻌﺖ ﺭﺃﺳﻬﺎ ﻓﺠﺄﺓ ﻭﻛﺄﻧﻬﺎ ﺗﺬﻛﺮﺕ ﺷﻴﺌﺎً ﻭﻗﺎﻟﺖ ﺑﻔﺰﻉ : ﻳﺎﺧﺒﺮ ﺍﻧﺖ ﻟﺴﻪ ﻫﻨﺎ ﺍﻟﻨﺎﺱ ﺯﻣﺎﻧﻬﻢ ﻭﺻﻠﻮﺍ

*****************************

ﺑﻌﺪ ﻗﻠﻴﻞ ﻛﺎﻥ ﺻﻔﻮﺕ ﻳﻘﻒ ﻓﻲ ﺇﺳﺘﻘﺒﺎﻝ ﺻﺪﻳﻘﻪ ﻭﺃﺑﻨﺎﺋﻪ ﻭﺇﻟﻰ ﺟﻮﺍﺭﻩ ﻋﻠﻲ ... ﺭﺣﺐ ﺻﻔﻮﺕ ﺑﺴﻌﻴﺪ ﺍﻟﺬﻱ ﺳﻠﻢ ﻋﻠﻴﻪ ﻭﻧﻈﺮ ﺇﻟﻰ ﺟﻮﺍﺭﻩ ﻗﺎﺋﻼ ﺑﺈﺑﺘﺴﺎﻣﺔ : ﺍﻛﻴﺪ ﺍﻧﺖ ﻋﻠﻲ ... ﻓﻴﻚ ﺷﺒﻪ ﻛﺒﻴﺮ ﻣﻦ ﻋﺰﺕ ﺍﻟﻠﻪ ﻳﺮﺣﻤﻪ

ﺻﺎﻓﺤﻪ ﻋﻠﻲ ﻗﺎﺋﻼ ﺑﻮﺩ : ﺣﻤﺪﺍﻟﻠﻪ ﻋﻠﻰ ﺍﻟﺴﻼﻣﺔ ﻳﺎ ﻋﻤﻲ ... ﺣﻀﺮﺗﻚ ﻧﻮﺭﺕ ﻣﺼﺮ

ﺳﻌﻴﺪ ﺑﺈﻣﺘﻨﺎﻥ : ﻣﻨﻮﺭﺓ ﺑﺄﻫﻠﻬﺎ ﻳﺎ ﺍﺑﻨﻲ ... ﺍﺧﺒﺎﺭﻙ ﺇﻳﻪ ﻭﺃﺧﺒﺎﺭ ﺍﻟﺴﺖ ﻭﺍﻟﺪﺗﻚ ﻭﺇﺧﻮﺍﺗﻚ ... ﻋﻤﻚ ﺻﻔﻮﺕ ﻗﺎﻟﻲ ﺍﻧﻚ ﻋﻨﺪﻙ ﺃﺧﺖ ﺍﺻﻐﺮ ﻣﻦ ﻟﺒﻨﻰ ﺍﺳﻤﻬﺎ ﻟﻤﻴﺎﺀ ﺗﻘﺮﻳﺒﺎ ... ﺍﺻﻞ ﺍﻧﺎ ﻟﻤﺎ ﺳﺎﻓﺮﺕ ﻣﺎﻛﺎﻧﺘﺶ ﻟﺴﻪ ﺍﺗﻮﻟﺪﺕ

ﻋﻠﻰ : ﺍﻳﻮﻩ ﻳﺎ ﻋﻤﻲ ﻭﻛﻠﻬﻢ ﻛﻮﻳﺴﻴﻦ ﻭﺑﺨﻴﺮ ﺍﻟﺤﻤﺪﻟﻠﻪ

ﺳﻌﻴﺪ : ﺇﺑﺮﺍﻫﻴﻢ ﺍﺑﻨﻲ ﻳﺎ ﻋﻠﻲ ﻣﺶ ﻋﺎﺭﻑ ﺣﺘﻜﻮﻥ ﻟﺴﻪ ﻓﺎﻛﺮﻩ ﻭﻻ ﻷ

ﻣﺪ ﻋﻠﻲ ﻳﺪﻩ ﻣﺼﺎﻓﺤﺎ ﺇﺑﺮﺍﻫﻴﻢ ﻭﻗﺎﻝ ﻣﺮﺣﺒﺎ ﺑﻪ : ﺁﻩ ﻃﺒﻌﺎ ﻓﺎﻛﺮﻩ ... ﺍﻧﺎ ﻛﺎﻥ ﻋﻨﺪﻱ ﺗﻤﻦ ﺳﻨﻴﻦ ﻭﻗﺖ ﺣﻀﺮﺗﻚ ﻣﺎﺳﺎﻓﺮﺕ ﻭﺳﺒﺖ ﻣﺼﺮ ... ﺍﺯﻳﻚ ﻳﺎ ﺇﺑﺮﺍﻫﻴﻢ ﺃﺧﺒﺎﺭﻙ ﺇﻳﻪ ?

ﺇﺑﺮﺍﻫﻴﻢ : ﺑﺨﻴﺮ ﻭﺍﻟﺤﻤﺪ ﻟﻠﻪ

ﺳﻌﻴﺪ ﻭﻫﻮ ﻳﺸﻴﺮ ﺇﻟﻰ ﺍﺑﻨﺘﻪ : ﻭﺩﻱ ﺳﻮﺯﺍﻥ ﺑﻨﺘﻲ ﺧﻠﻔﺘﻬﺎ ﻓﺎﻣﺮﻳﻜﺎ

ﺭﺣﺐ ﺑﻬﺎ ﻋﻠﻲ ﺛﻢ ﺳﺄﻝ ﺇﺑﺮﺍﻫﻴﻢ ﻗﺎﺋﻼ : ﻭﺍﻧﺖ ﺩﺭﺳﺖ ﺇﻳﻪ ﺑﻘﻰ ﻓﺎﻣﺮﻳﻜﺎ ﻳﺎ ﺇﺑﺮﺍﻫﻴﻢ ?

ﺇﺑﺮﺍﻫﻴﻢ : ﺍﻧﺎ ﻣﻌﺎﻳﺎ ﺩﻛﺘﻮﺭﺍﺓ ﻓﺈﺩﺍﺭﺓ ﺍﻷﻋﻤﺎﻝ ... ﻭﺍﻧﺖ ﺩﺭﺳﺖ ﺇﻳﻪ

ﺍﺳﺮﻉ ﺻﻔﻮﺕ ﻳﺠﻴﺒﻪ ﻗﺎﺋﻼ : ﻋﻠﻲ ﻣﻬﻨﺪﺱ ﺩﻳﻜﻮﺭ ﻳﺎ ﺇﺑﺮﺍﻫﻴﻢ ﻭﻫﻮ ﻧﺎﺋﺐ ﺭﺋﻴﺲ ﻣﺠﻠﺲ ﺇﺩﺍﺭﺓ ﺍﻟﺸﺮﻛﺔ ﺑﺘﺎﻋﺘﻲ ﻭﺗﻘﺪﺭ ﺗﻘﻮﻝ ﺇﻧﻪ ﺩﺭﺍﻋﻲ ﺍﻟﻴﻤﻴﻦ ﺍﻟﻠﻲ ﻣﺎﻗﺪﺭﺵ ﺍﺳﺘﻐﻨﻰ ﻋﻨﻪ ﺍﺑﺪﺍ

ﻋﻠﻲ : ﻣﺘﺸﻜﺮ ﺍﻭﻱ ﻳﺎ ﻋﻤﻲ

ﺑﻌﺪ ﻗﻠﻴﻞ ﻛﺎﻧﺖ ﻧﻮﺭﺍ ﺗﻬﺒﻂ ﺍﻟﺪﺭﺝ ﺇﻟﻰ ﺍﻷﺳﻔﻞ ﺣﻴﺚ ﺳﻠﻤﺖ ﻋﻠﻰ ﺍﻟﺠﻤﻴﻊ ﻭﺭﺣﺒﺖ ﺑﻬﻢ ﻭﺍﺳﺘﺄﺫﻧﺖ ﻟﺘﻄﻠﺐ ﻣﻦ ﺍﻟﺨﺪﻡ ﺗﺤﻀﻴﺮ ﺍﻟﻤﺎﺋﺪﺓ ... ﻭﺑﻌﺪ ﻗﻠﻴﻞ ﺍﻟﺘﻒ ﺍﻟﺠﻤﻴﻊ ﺣﻮﻝ ﻣﺎﺋﺪﺓ ﺍﻟﻄﻌﺎﻡ ﻭﺷﺮﻋﻮﺍ ﻓﻲ ﺗﻨﺎﻭﻝ ﺍﻟﻄﻌﺎﻡ ﻭﺍﻟﺘﺤﺪﺙ ﻓﻲ ﺃﻣﻮﺭ ﻋﺪﺓ ... ﺣﺘﻰ ﻭﺟﻪ ﺇﺑﺮﺍﻫﻴﻢ ﺳﺆﺍﻟﻪ ﺇﻟﻰ ﻧﻮﺭﺍ ﺍﻟﺘﻲ ﻛﺎﻧﺖ ﺗﺠﻠﺲ ﺑﺠﻮﺍﺭ ﻋﻠﻲ ﻗﺎﺋﻼ ﺑﺈﻫﺘﻤﺎﻡ : ﻭﺍﻷﻧﺴﺔ ﻧﻮﺭﺍ ﺑﺘﺪﺭﺱ ﺇﻳﻪ ?

↚

ﺳﻌﻞ ﻋﻠﻲ ﺑﺸﺪﺓ ﻋﻨﺪ ﺳﻤﺎﻋﻪ ﻟﺴﺆﺍﻝ ﺇﺑﺮﺍﻫﻴﻢ ﻓﻨﺎﻭﻟﺘﻪ ﻧﻮﺭﺍ ﻛﻮﺏ ﺍﻟﻤﺎﺀ ﺍﻟﻤﻮﺿﻮﻉ ﺇﻟﻰ ﺟﻮﺍﺭﻫﺎ ﻭﻣﺎ ﺇﻥ ﻫﺪﺃ ﻗﻠﻴﻼ ﺣﺘﻰ ﺍﻟﺘﻔﺖ ﺇﻟﻲ ﺇﺑﺮﺍﻫﻴﻢ ﻗﺎﺋﻼ : ﻛﻨﺖ ﺑﺘﻘﻮﻝ ﺇﻳﻪ ﺑﻘﻰ ﻳﺎ ﺩﻛﺘﻮﺭ ?

ﺇﺑﺮﺍﻫﻴﻢ ﺑﺪﻫﺸﺔ : ﺃﻧﺎ ﻛﻨﺖ ﺑﺴﺄﻝ ﺍﻷﻧﺴﺔ ﻧﻮﺭﺍ ﻋﻦ ﺩﺭﺍﺳﺘﻬﺎ

ﺍﻟﺘﻔﺖ ﺇﻟﻴﻪ ﺳﻌﻴﺪ ﻗﺎﺋﻼ : ﺇﻳﻪ ﺍﻟﻠﻲ ﺑﺘﻘﻮﻟﻪ ﺩﻩ ﺑﺲ ﻳﺎ ﺍﺑﻨﻲ ?

ﺍﺯﺩﺍﺩﺕ ﺩﻫﺸﺘﻪ ﻭﻫﻮ ﻳﺠﻴﺐ ﻗﺎﺋﻼ : ﺇﻳﻪ ﻳﺎ ﺟﻤﺎﻋﺔ ﺑﺘﺒﺼﻮﻟﻲ ﻛﺪﻩ ﻟﻴﻪ ? ﻫﻮ ﺍﻧﺎ ﻗﻮﻟﺖ ﺣﺎﺟﺔ ﻏﻠﻂ ?

ﺳﻌﻴﺪ : ﺍﻧﺴﺔ ﺇﻳﻪ ﺑﺲ ? ﻳﺎ ﺍﺑﻨﻲ ﻧﻮﺭﺍ ﺗﺒﻘﻰ ﻣﺮﺍﺕ ﻋﻠﻲ

ﺷﻌﺮ ﺇﺑﺮﺍﻫﻴﻢ ﺑﺎﻟﺤﺮﺝ ﺍﻟﺸﺪﻳﺪ ﻓﻨﻈﺮ ﺇﻟﻰ ﻋﻠﻲ ﻗﺎﺋﻼ : ﺃﻧﺎ ﺍﺳﻒ ﺍﻭﻱ ﻳﺎ ﺑﺎﺷﻤﻬﻨﺪﺱ ... ﻣﺎﺣﺪﺵ ﻗﺎﻟﻲ ﻭﺍﻟﻠﻪ

ﻋﻠﻲ ﺑﻀﻴﻖ : ﺧﻼﺹ ﻣﺎﺣﺼﻠﺶ ﺣﺎﺟﺔ

ﺻﻔﻮﺕ ﻹﺑﺮﺍﻫﻴﻢ : ﻛﻤﻞ ﺍﻛﻠﻚ ﻳﺎ ﺍﺑﻨﻲ ... ﻣﺎﺣﺼﻠﺶ ﺣﺎﺟﺔ ﻭﻣﺎﻓﻴﺶ ﺩﺍﻋﻲ ﻟﻸﺳﻒ

ﺍﻧﺘﻬﻰ ﺍﻟﺠﻤﻴﻊ ﻣﻦ ﺗﻨﺎﻭﻝ ﻃﻌﺎﻣﻬﻢ ﻭﺟﻠﺲ ﺻﻔﻮﺕ ﻣﻊ ﺳﻌﻴﺪ ﺑﻐﺮﻓﺔ ﻣﻜﺘﺒﻪ ﻟﻴﻌﺮﻑ ﺳﻌﻴﺪ ﻣﺎ ﺍﻧﺘﻬﻰ ﺇﻟﻴﻪ ﺻﻔﻮﺕ ﺑﺸﺄﻥ ﺍﻷﻣﻮﺭ ﺍﻟﺘﻲ ﺃﻭﻛﻠﻬﺎ ﺇﻟﻴﻪ .. ﺑﻴﻨﻤﺎ ﺍﺻﻄﺤﺒﺖ ﻧﻮﺭﺍ ﺳﻮﺯﺍﻥ ﻟﻴﺠﻠﺴﺎ ﻣﻌﺎ ﺑﺎﻟﺨﺎﺭﺝ ﻭﺑﻘﻲ ﻋﻠﻲ ﻭﺇﺑﺮﺍﻫﻴﻢ ﻣﻌﺎ ... ﻓﻲ ﺍﻟﺨﺎﺭﺝ ﺟﻠﺴﺖ ﻧﻮﺭﺍ ﺑﺼﺤﺒﺔ ﺳﻮﺯﺍﻥ ﺍﻟﺘﻲ ﻛﺎﻧﺖ ﺻﺎﻣﺘﺔ ﺃﻏﻠﺐ ﺍﻟﻮﻗﺖ ﻟﺘﺒﺎﺩﺭﻫﺎ ﻧﻮﺭﺍ ﻗﺎﺋﻠﺔ : ﺍﻧﺘﻲ ﻋﻠﻄﻮﻝ ﺳﺎﻛﺘﺔ ﻛﺪﻩ ... ﺧﻼﺹ ﺍﺗﻜﻠﻢ ﺃﻧﺎ ... ﻗﻮﻟﻴﻠﻲ ﺑﻘﻰ ﺍﺗﻌﻠﻤﺘﻲ ﻋﺮﺑﻲ ﺍﺯﺍﻱ ?

ﺿﺤﻜﺖ ﺳﻮﺯﺍﻥ ﻗﺎﺋﻠﺔ : ﻭﺍﻟﻠﻪ ﺿﺤﻜﺘﻴﻨﻲ ... ﻳﺎﺑﻨﺘﻲ ﺃﻧﺎ ﻣﺼﺮﻳﺔ ﺯﻳﻲ ﺯﻳﻚ ... ﺇﺑﺮﺍﻫﻴﻢ ﻋﻠﻤﻨﻲ ﺍﺗﻜﻠﻢ ﻣﺼﺮﻱ ﻛﻮﻳﺲ ﻭﻛﻤﺎﻥ ﺑﺎﺑﺎ ﺣﺘﻰ ﻣﺎﻣﺎ ﻫﻴﺎ ﻛﺎﻧﺖ ﻟﺒﻨﺎﻧﻴﺔ ﺻﺤﻴﺢ ﻟﻜﻦ ﻛﺎﻧﺖ ﺗﺤﺐ ﻣﺼﺮ ﻛﺘﻴﺮ ﻭﻋﺸﺎﻥ ﻛﺪﻩ ﺍﺗﺠﻮﺯﺕ ﺑﺎﺑﺎ ... ﻛﺎﻧﺖ ﺗﺘﻜﻠﻢ ﻣﺼﺮﻱ ﺯﻱ ﺑﺎﺑﺎ ﺑﺎﻟﻈﺒﻂ ... ﻫﻴﺎ ﻛﻤﺎﻥ ﻋﻠﻤﺘﻨﻲ ﻟﻬﺠﺔ ﻣﺼﺮﻳﺔ ﻭﻟﻬﺠﺔ ﻟﺒﻨﺎﻧﻴﺔ ... ﻛﺎﻥ ﻧﻔﺴﻬﺎ ﺗﻴﺠﻲ ﻣﺼﺮ ﻣﻊ ﺑﺎﺑﺎ ﻟﻜﻦ ﺍﻟﻠﻪ ﻳﺮﺣﻤﻬﺎ ﻣﺎﺗﺖ

ﻇﻬﺮ ﺍﻟﺤﺰﻥ ﺟﻠﻴﺎ ﻋﻠﻰ ﻣﻼﻣﺢ ﻭﺟﻬﻬﺎ ﺣﻴﻦ ﺟﺎﺀ ﺫﻛﺮ ﻭﺍﻟﺪﺗﻬﺎ ﺍﻟﺮﺍﺣﻠﺔ ﻓﺸﻌﺮﺕ ﻧﻮﺭﺍ ﺑﺎﻷﺳﻰ ﻣﻦ ﺃﺟﻠﻬﺎ ﻓﻘﺎﻟﺖ ﻣﻮﺍﺳﻴﺔ ﺇﻳﺎﻫﺎ : ﺍﻟﻠﻪ ﻳﺮﺣﻤﻬﺎ ... ﺗﻌﺮﻓﻲ ﺃﻧﺎ ﻛﻤﺎﻥ ﻣﺎﻣﺎ ﺍﺗﻮﻓﺖ ﻣﻦ ﺣﻮﺍﻟﻲ ﺧﻤﺲ ﺳﻨﻴﻦ ﻛﺪﻩ ... ﻭﻗﺘﻬﺎ ﻛﻨﺖ ﺯﻋﻼﻧﺔ ﺯﻳﻚ ﻛﺪﻩ ﻭﻛﻨﺖ ﻓﺎﻛﺮﺓ ﺍﻧﻬﺎ ﻧﻬﺎﻳﺔ ﺍﻟﻌﺎﻟﻢ ﻟﻜﻦ ﺁﻫﻮﻩ ﻟﺴﻪ ﻋﺎﻳﺸﺔ ﺯﻱ ﻣﺎ ﺍﻧﺘﻲ ﺷﺎﻳﻔﺔ ﻭﺍﻟﺤﻴﺎﺓ ﻻﺯﻡ ﺗﺴﺘﻤﺮ ... ﺍﻧﺎ ﻃﺒﻌﺎ ﻣﺶ ﺑﺎﻗﻮﻟﻚ ﺇﻧﺴﻴﻬﺎ ﻟﻜﻦ ﻛﻞ ﻣﺎﺗﻔﺘﻜﺮﻳﻬﺎ ﺇﺩﻋﻴﻠﻬﺎ ﺍﺣﺴﻦ ... ﻭﺍﻧﺎ ﺃﺳﻔﺔ ﺇﻧﻲ ﻓﻜﺮﺗﻚ ﺑﻴﻬﺎ

ﺳﻮﺯﺍﻥ : never mind ﺣﺒﻴﺒﺘﻲ ﻣﺎﺣﺼﻠﺶ ﺣﺎﺟﺔ ... ﻧﻮﺭﺍ ﺍﻧﺎ ﻋﺎﻳﺰﺓ ﺃﻧﺎ ﻭﺍﻧﺘﻲ ﻧﺒﻘﻰ ﺃﺻﺤﺎﺏ ... ﺍﻧﺎ ﻣﺶ ﻋﻨﺪﻱ ﺻﺎﺣﺒﺎﺕ ﻟﺴﻪ ﻓﻤﺼﺮ ... ﺗﻘﺒﻠﻲ ﺗﻜﻮﻧﻲ ﺻﺎﺣﺒﺘﻲ

ﻧﻮﺭﺍﺑﺈﺑﺘﺴﺎﻣﺔ : ﻫﻮ ﺃﻧﺎ ﺍﻃﻮﻝ ﻳﺒﻘﻰ ﻋﻨﺪﻱ ﺻﺎﺣﺒﺔ ﺯﻱ ﺍﻟﻘﻤﺮ ﻛﺪﻩ ... ﻣﻮﺍﻓﻘﺔ ﻃﺒﻌﺎ

ﺳﻮﺯﺍﻥ : thank you ﻧﻮﺭﺍ ... ﺧﻼﺹ ﺍﺗﻔﻘﻨﺎ

************************

ﺻﻌﺪﺕ ﻧﻮﺭﺍ ﺇﻟﻰ ﻏﺮﻓﺘﻬﺎ ﺑﻌﺪ ﺃﻥ ﻏﺎﺩﺭ ﺳﻌﻴﺪ ﻭﺃﻭﻻﺩﻩ ﺑﻌﺪ ﺍﻹﺗﻔﺎﻕ ﻋﻠﻰ ﺍﻥ ﺗﻜﻮﻥ ﺍﻟﺰﻳﺎﺭﺓ ﺍﻟﻘﺎﺩﻣﺔ ﻓﻲ ﺩﻣﻴﺎﻁ ﺑﻌﺪ ﺃﺳﺒﻮﻉ ﻣﻦ ﺍﻷﻥ ... ﺑﻴﻨﻤﺎ ﺑﻘﻲ ﻋﻠﻲ ﻳﺘﺤﺪﺙ ﻣﻊ ﻋﻤﻪ ﻗﺒﻞ ﺃﻥ ﻳﺴﺘﺄﺫﻥ ﻟﻴﺼﻌﺪ ﺇﻟﻰ ﻏﺮﻓﺘﻪ ... ﻣﺮ ﺍﻭﻻ ﻋﻠﻰ ﻏﺮﻓﺔ ﻧﻮﺭﺍ ... ﻟﻴﺠﺪ ﻫﺎ ﺗﺠﻠﺲ ﺃﻣﺎﻡ ﺍﻟﻤﺮﺃﺓ ﻭﻫﻲ ﺗﻤﺸﻂ ﺷﻌﺮﻫﺎ ﻭﺗﺪﻧﺪﻥ ﺑﺈﺣﺪﻯ ﺍﻷﻏﻨﻴﺎﺕ ... ﻭﻗﻒ ﻋﻠﻲ ﻋﺎﻗﺪﺍ ﺫﺭﺍﻋﻴﻪ ﺍﻣﺎﻡ ﺻﺪﺭﻩ ﻭﻗﺎﻝ ﺑﺘﻬﻜﻢ : ﻭﺍﺿﺢ ﺍﻧﻚ ﻣﺒﺴﻮﻃﺔ ﺍﻭﻱ ... ﻟﺪﺭﺟﺔ ﺍﻧﻲ ﺃﻭﻝ ﻣﺮﺓ ﺍﺳﻤﻌﻚ ﺑﺘﻐﻨﻲ

ﺍﻟﺘﻔﺘﺖ ﺇﻟﻴﻪ ﻧﻮﺭﺍ ﻗﺎﺋﻠﺔ : ﻭﺩﻱ ﺣﺎﺟﺔ ﺗﻀﺎﻳﻘﻚ ﻳﻌﻨﻲ ?

ﻋﻠﻲ : ﻣﺶ ﺍﻋﺮﻑ ﺍﻷﻭﻝ ﺳﺒﺒﻬﺎ ﺇﻳﻪ ? ﻳﻈﻬﺮ ﻛﺪﻩ ﺍﻧﻚ ﻛﻨﺘﻲ ﻣﺒﺴﻮﻃﺔ ﺍﻭﻱ ﻭﺍﻷﺳﺘﺎﺫ ﺇﺑﺮﺍﻫﻴﻢ ﺑﻴﻘﻮﻟﻚ ﻳﺎ ﺃﻧﺴﺔ ﻧﻮﺭﺍ .... ﻭﻻ ﺍﺗﺒﺴﻄﺘﻲ ﺍﻛﺘﺮ ﻭﻫﻮ ﻋﻤﺎﻝ ﻳﺴﺘﺮﺟﻊ ﺫﻛﺮﻳﺎﺕ ﺍﻟﻄﻔﻮﻟﺔ ﻭﻗﺎﻝ ﺇﻳﻪ ... ﺍﻧﺎ ﻓﺎﻛﺮﻙ ﻛﻮﻳﺴﺔ ﻭﺍﻧﺘﻲ ﻣﻮﻟﻮﺩﺓ ﻟﻤﺎ ﺟﻴﺖ ﻣﻊ ﻭﺍﻟﺪﺗﻲ ﺍﻟﻠﻪ ﻳﺮﺣﻤﻬﺎ ﻋﺸﺎﻥ ﺗﺒﺎﺭﻙ ﻟﻄﻨﻂ ﺻﻔﻴﺔ ... ﻳﻮﻣﻬﺎ ﻟﻤﺎ ﺷﻮﻓﺘﻚ ﻗﻮﻟﺘﻠﻬﺎ ﻳﺎ ﻃﻨﻂ ﺍﻧﺎ ﻟﻤﺎ ﺍﻛﺒﺮ ﺣﺎﺗﺠﻮﺯ ﺑﻨﺘﻚ ﺩﻱ ... ﻣﺶ ﻛﺪﻩ ﺑﺮﺿﻪ ... ﻋﺎﺭﻓﺔ ﻟﻮ ﻣﺎﻛﺎﻧﺶ ﺿﻴﻒ ﻋﻤﻲ ... ﺍﻧﺎ ﻛﻨﺖ ﻋﻤﻠﺖ ﻓﻴﻪ ﺇﻳﻪ ... ﺑﺲ ﻳﻈﻬﺮ ﺍﻥ ﺍﻟﻜﻼﻡ ﻛﺎﻥ ﻋﻠﻰ ﻫﻮﺍﻛﻲ

ﺣﺎﻭﻟﺖ ﻧﻮﺭﺍ ﺇﺳﺘﻔﺰﺍﺯﻩ ﻓﻘﺎﻝ ﺳﺎﺧﺮﺓ : ﻫﻮ ﻓﻴﻪ ﺍﺣﻠﻰ ﻣﻦ ﺃﻳﺎﻡ ﺍﻟﻄﻔﻮﻟﺔ ﻭﺫﻛﺮﻳﺎﺕ ﺍﻟﻄﻔﻮﻟﺔ ﻳﺎ ﻋﻠﻲ

ﻋﻠﻲ ﺑﺘﻬﻜﻢ : ﻭﺍﻟﻠﻪ ... ﻃﺐ ﻭﻣﺎﻟﻪ ﺍﻧﺎ ﻋﺮﻓﺖ ﺇﻧﻪ ﺭﺍﺟﻊ ﻣﺼﺮ ﻋﺸﺎﻥ ﻳﺘﺠﻮﺯ ... ﻭﺍﻧﺘﻲ ﺧﻼﺹ ﺣﺘﺘﻄﻠﻘﻲ ﻭﺳﺎﻋﺘﻬﺎ ﺗﻘﺪﺭﻱ ﺗﺴﺘﺮﺟﻌﻲ ﺫﻛﺮﻳﺎﺕ ﺍﻟﻄﻔﻮﻟﺔ ﺑﺮﺍﺣﺘﻚ ﺍﻧﺘﻲ ﻭﻫﻮ ... ﻣﺶ ﻛﺪﻩ ﺑﺮﺿﻪ ﻭﻻ ﺇﻳﻪ ?

ﺷﻌﺮﺕ ﺑﺒﻌﺾ ﺍﻟﺘﺴﻠﻴﺔ ﻓﻘﺮﺭﺕ ﺍﻟﺘﻤﺎﺩﻱ ﻗﺎﺋﻠﺔ : ﺗﺼﺪﻕ ﻓﻜﺮﺓ ﺑﺮﺿﻪ ... ﻫﻮ ﺍﻧﺎ ﻟﻴﻪ ﻣﺎﻓﻜﺮﺗﺶ ﻗﺒﻞ ﻛﺪﻩ ﻓﻤﺴﺘﻘﺒﻠﻲ ﺑﻌﺪ ﺍﻟﻄﻼﻕ ﺣﻴﻜﻮﻥ ﺷﻜﻠﻪ ﺇﻳﻪ ....

ﺗﻮﻗﻔﺖ ﻧﻮﺭﺍ ﻋﻦ ﺍﻟﺤﺪﻳﺚ ﺑﻌﺪ ﺃﻥ ﻓﻮﺟﺌﺖ ﺑﻪ ﻳﻘﺘﺮﺏ ﻣﻨﻬﺎ ﻭﻗﺪ ﺍﺷﺘﻌﻠﺖ ﻋﻴﻨﺎﻩ ﻏﻀﺒﺎ ﻭﺗﺤﻮﻟﺖ ﺃﺫﻧﺎﻩ ﺇﻟﻰ ﺍﻟﻠﻮﻥ ﺍﻷﺣﻤﺮ ﻭﺑﺪﺍ ﻭﻛﺄﻧﻪ ﻧﻤﺮ ﻣﺘﺤﻔﺰ ﻳﻬﻢ ﺑﺎﻹﻧﻘﻀﺎﺽ ﻋﻠﻰ ﻓﺮﻳﺴﺘﻪ ... ﺷﻌﺮﺕ ﺑﺎﻟﻔﺰﻉ ﻋﻨﺪ ﺭﺅﻳﺘﻪ ﻋﻠﻰ ﻫﺬﻩ ﺍﻟﺤﺎﻟﺔ ﻭﺗﺄﻛﺪﺕ ﺍﻧﻬﺎ ﺃﺧﻄﺄﺕ ﺑﺎﻟﻔﻌﻞ ﻋﻨﺪﻣﺎ ﻗﺒﺾ ﻋﻠﻲ ﻋﻠﻰ ﻣﻌﺼﻤﻬﺎ ﺑﻘﻮﺓ ﻭﻫﻮ ﻳﺼﺮﺥ ﺑﻬﺎ ﻗﺎﺋﻼ : ﺍﻧﺘﻲ ﻋﺎﺭﻓﺔ ﻛﻮﻳﺲ ﺍﻭﻱ ﺍﻧﻚ ﻣﺶ ﻣﺤﺘﺎﺟﺔ ﺗﻘﻮﻟﻲ ﻛﺪﻩ ﻋﺸﺎﻥ ﺗﺨﻠﻴﻨﻲ ﺃﻏﻴﺮ ﻋﻠﻴﻜﻲ ﻭﻋﺎﺭﻓﺔ ﻛﻤﺎﻥ ﺍﻥ ﺍﻟﻤﻮﺿﻮﻉ ﺩﻩ ﺑﺎﻟﻨﺴﺒﺎﻟﻲ ﺧﻂ ﺃﺣﻤﺮ ﻣﺎ ﺍﺳﻤﺤﻠﻜﻴﺶ ﺗﺘﺠﺎﻭﺯﻳﻪ ... ﺍﻧﺎ ﺳﺎﻳﺒﻚ ﺑﻘﺎﻟﻲ ﺗﻠﺖ ﺃﺳﺎﺑﻴﻊ ﻋﻠﻰ ﺭﺍﺣﺘﻚ ﻭﺑﺎﻗﻮﻝ ﻣﻌﻠﺶ ﻣﺮﺍﺗﻲ ﻭﺑﺘﺪﻟﻊ ﻋﻠﻴﺎ ﻣﺎﻓﻴﻬﺎﺵ ﺣﺎﺟﺔ ... ﻟﻜﻦ ﻣﺎ ﺗﻮﺻﻠﺶ ﺍﻧﻚ ﺗﺘﻜﻠﻤﻲ ﻋﻦ ﺭﺍﺟﻞ ﺗﺎﻧﻲ ﻭﺍﻧﺘﻲ ﻋﻠﻰ ﺫﻣﺘﻲ ... ﺍﻟﻤﻨﻄﻘﺔ ﺩﻱ ﺑﺎﻟﺬﺍﺕ ﻣﺎﺳﻤﺤﻠﻜﻴﺶ ﺍﻧﻚ ﺗﻠﻌﺒﻲ ﻓﻴﻬﺎ ﻷﻧﻚ ﺣﺘﺒﻘﻲ ﺍﻧﺘﻲ ﺍﻟﺨﺴﺮﺍﻧﺔ ... ﻭﻋﻤﻮﻣﺎ ﻣﺎﺗﻘﻠﻘﻴﺶ ﻗﺮﻳﺐ ﺍﻭﻱ ﺣﺎﺧﻠﺼﻚ ﻣﻨﻲ ﻋﺸﺎﻥ ﺗﻘﺪﺭﻱ ﺗﺸﻮﻓﻲ ﻣﺴﺘﻘﺒﻠﻚ ﺯﻱ ﻣﺎ ﺍﻧﺘﻲ ﻋﺎﻳﺰﺓ

ﻧﻮﺭﺍ ﺑﺄﻟﻢ : ﺁﻩ ﺇﻳﺪﻱ ﻳﺎ ﻋﻠﻲ ﺇﻳﺪﻱ

ﻧﻈﺮ ﺇﻟﻰ ﻋﻼﻣﺎﺕ ﺍﻷﻟﻢ ﺍﻟﺒﺎﺩﻳﺔ ﻋﻠﻰ ﻗﺴﻤﺎﺕ ﻭﺟﻬﻬﺎ ﻓﺘﺮﻛﻬﺎ ﻭﺍﺗﺠﻪ ﺇﻟﻰ ﻏﺮﻓﺘﻬﻤﺎ ﺑﻴﻨﻤﺎ ﺩﻓﻨﺖ ﻧﻮﺭﺍ ﺭﺃﺳﻬﺎ ﻓﻲ ﺍﻟﻮﺳﺎﺩﺓ ﻭﺍﻧﺪﻓﻌﺖ ﻓﻲ ﺍﻟﺒﻜﺎﺀ ... ﻟﻢ ﺗﺪﺭ ﻛﻢ ﻣﻦ ﺍﻟﻮﻗﺖ ﻣﺮ ﻋﻠﻴﻬﺎ ﻭﻫﻲ ﻋﻠﻰ ﻫﺬﻩ ﺍﻟﺤﺎﻟﺔ ... ﺗﻌﻠﻢ ﺟﻴﺪﺍ ﺍﻧﻬﺎ ﺃﺧﻄﺄﺕ ﺣﻴﻦ ﺗﻤﺎﺩﺕ ﺑﺎﻷﻣﺮ ﻣﻊ ﻋﻠﻤﻬﺎ ﺑﻐﻴﺮﺗﻪ ﺍﻟﺸﺪﻳﺪﺓ ... ﻭﻟﻜﻦ ﻫﻞ ﻳﻨﺘﻮﻱ ﺣﻘﺎ ﺗﻄﻠﻴﻘﻬﺎ ﺍﻡ ﺍﻧﻪ ﻓﻘﻂ ﻛﺎﻥ ﻳﺜﺄﺭ ﻟﻜﺮﺍﻣﺘﻪ ... ﻗﺮﺭﺕ ﺃﻥ ﺗﺬﻫﺐ ﺇﻟﻴﻪ ﻛﻲ ﺗﺴﺘﺮﺿﻴﻪ ﻃﺎﻟﻤﺎ ﻛﺎﻧﺖ ﻫﻲ ﺍﻟﻤﺨﻄﺌﺔ ... ﺍﺗﺠﻬﺖ ﻧﺤﻮ ﺍﻟﻐﺮﻓﺔ ﻭﻃﺮﻗﺖ ﺑﺎﺑﻬﺎ ﻓﻠﻢ ﻳﺠﺒﻬﺎ ﻓﺪﺧﻠﺖ ﻟﺘﺠﺪﻩ ﻣﺘﻤﺪﺩﺍ ﻋﻠﻰ ﺍﻟﻔﺮﺍﺵ ﻭﻗﺪ ﺷﺒﻚ ﻳﺪﻳﻪ ﺧﻠﻒ ﺭﺃﺳﻪ ﻭﺑﺪﺍ ﻋﻠﻴﻪ ﺍﻟﻐﻀﺐ ﺍﻟﺸﺪﻳﺪ ﻭﻣﺎ ﺇﻥ ﺭﺃﻫﺎ ﺣﺘﻰ ﺍﺩﺍﺭ ﻭﺟﻬﻪ ﺇﻟﻰ ﺍﻟﺠﻬﺔ ﺍﻷﺧﺮﻯ ﻓﺠﻠﺴﺖ ﻫﻲ ﻋﻠﻰ ﺣﺎﻓﺔ ﺍﻟﻔﺮﺍﺵ ﻭﻃﺄﻃﺄﺕ ﺭﺃﺳﻬﺎ ﻭﻫﻲ ﺗﻘﻮﻝ ﻓﻲ ﻧﺪﻡ : ﺃﻧﺎ ﺍﺳﻔﺔ ﻳﺎ ﻋﻠﻲ ... ﺃﻧﺎ ﻋﺎﺭﻓﺔ ﺇﻧﻲ ﻏﻠﻄﺖ ﻏﻠﻄﺔ ﻛﺒﻴﺮﺓ ﺍﻭﻱ ﺑﺲ ﻋﺸﺎﻥ ﺧﺎﻃﺮﻱ ﺳﺎﻣﺤﻨﻲ ﻭﺍﻭﻋﺪﻙ ﺍﻧﻬﺎ ﻣﺶ ﺣﺘﺘﻜﺮﺭ ﺗﺎﻧﻲ

ﺍﻋﺘﺪﻝ ﻓﻲ ﺟﻠﺴﺘﻪ ﻭﺍﻟﺘﻔﺖ ﺇﻟﻴﻬﺎ ﻗﺎﺋﻼ ﻫﻴﺎ ﻓﻌﻼ ﻣﺶ ﺣﺘﺘﻜﺮﺭ ﺗﺎﻧﻲ ﻷﻧﻨﺎ ﺧﻼﺹ ﺣﻨﻄﻠﻖ ... ﺍﻋﻤﻠﻲ ﺣﺴﺎﺑﻚ ﺍﻧﻨﺎ ﺣﻨﻄﻠﻖ ﺑﻌﺪ ﺃﺳﺒﻮﻉ ﻟﻤﺎ ﻧﺮﺟﻊ ﻣﻦ ﺩﻣﻴﺎﻁ ﺣﺎﺧﺘﺮﻉ ﻟﻌﻤﻲ ﺃﻱ ﺣﺠﺔ ﻋﺸﺎﻥ ﻧﻘﺪﺭ ﻧﻄﻠﻖ ﺑﻌﺪﻫﺎ ... ﻭﻣﺎﺗﺨﺎﻑﻳﺶ ﺣﺎﻗﻮﻟﻪ ﺍﻧﻚ ﺍﻧﺘﻲ ﻣﺎﻟﻜﻴﺶ ﺫﻧﺐ ﻓﺤﺎﺟﺔ ﻭﺍﻥ ﺃﻧﺎ ﺍﻟﻠﻲ ﻋﺎﻳﺰ ﻛﺪﻩ ... ﻭﻣﻌﻠﺶ ﺣﺘﻀﻄﺮﻱ ﺗﺴﺘﺤﻤﻠﻴﻨﻲ ﺍﻷﺳﺒﻮﻉ ﺩﻩ ﻷﻧﻲ ﻣﺎﻋﻨﺪﻳﺶ ﺇﺳﺘﻌﺪﺍﺩ ﺍﻃﻠﻘﻚ ﺩﻟﻮﻗﺘﻲ ﻭﺍﺭﺟﻊ ﺍﺷﻮﻓﻚ ﺑﻌﺪ ﺃﺳﺒﻮﻉ ﻭﺍﺣﻨﺎ ﻓﺪﻣﻴﺎﻁ ... ﻟﻸﺳﻒ ﻣﺶ ﺣﺎﻗﺪﺭ ﺍﺳﺘﺤﻤﻞ

ﺍﻧﻬﻲ ﻋﻠﻲ ﺣﺪﻳﺜﻪ ﺛﻢ ﺃﺧﺬ ﻫﺎﺗﻔﻪ ﻭﻣﻔﺎﺗﻴﺢ ﺳﻴﺎﺭﺗﻪ ﻭﺍﻧﻄﻠﻖ ﻣﻐﺎﺩﺭﺍ ﺍﻟﻔﻴﻼ ﺑﺎﻟﻜﺎﻣﻞ

***********************

ﻣﻨﺬ ﺫﻟﻚ ﺍﻟﻴﻮﻡ ﻭﻛﻞ ﻣﻨﻬﻤﺎ ﻳﺘﺠﻨﺐ ﺍﻟﺤﺪﻳﺚ ﻣﻊ ﺍﻷﺧﺮ ... ﺍﺻﺒﺤﺖ ﻧﻮﺭﺍ ﺗﻨﺎﻡ ﺑﺸﻜﻞ ﻳﻮﻣﻲ ﻓﻲ ﻏﺮﻓﺘﻬﺎ ﺩﻭﻥ ﺃﻥ ﻳﺤﺎﻭﻝ ﻋﻠﻲ ﺇﺳﺘﺮﺟﺎﻋﻬﺎ ... ﻭﻛﻞ ﻣﻨﻬﻢ ﻳﺨﺸﻰ ﺃﻥ ﻳﻤﺮ ﺍﻷﺳﺒﻮﻉ ﻭﻳﺄﺗﻲ ﻳﻮﻡ ﺍﻟﺨﻤﻴﺲ ﻓﻴﺤﻴﻦ ﻣﻮﻋﺪ ﺍﻟﺴﻔﺮ ﺇﻟﻰ ﺩﻣﻴﺎﻁ ... ﻣﺮﺕ ﻋﺪﺓ ﺃﻳﺎﻡ ﻋﻠﻰ ﻫﺬﺍ ﺍﻟﺤﺎﻝ ﺣﺘﻰ ﺟﺎﺀ ﻳﻮﻡ ﺍﻷﺭﺑﻌﺎﺀ ﻭﻓﻲ ﺍﻟﺼﺒﺎﺡ ﻛﺎﻥ ﻋﻠﻲ ﻳﺘﻨﺎﻭﻝ ﻃﻌﺎﻡ ﺍﻹﻓﻄﺎﺭ ﻣﻊ ﻋﻤﻪ ﺍﻟﺬﻱ ﺳﺄﻟﻪ ﻗﺎﺋﻼ : ﺍﻣﺎﻝ ﻧﻮﺭﺍ ﻓﻴﻦ ﻳﺎ ﻋﻠﻲ ? ﻣﺎﺟﺘﺶ ﺗﻔﻄﺮ ﻣﻌﺎﻧﺎ ﻟﻴﻪ ?

ﻋﻠﻲ ﺑﺈﺭﺗﺒﺎﻙ : ﺍﺻﻠﻬﺎ ... ﺍﺻﻠﻬﺎ ﻟﺴﻪ ﻧﺎﻳﻤﺔ ﻳﺎ ﻋﻤﻲ

ﺻﻔﻮﺕ ﺑﺪﻫﺸﺔ : ﻏﺮﻳﺒﺔ ﻳﻌﻨﻲ ... ﻣﺶ ﻣﻦ ﻋﺎﺩﺗﻬﺎ ﺍﻧﻬﺎ ﺗﺘﺄﺧﺮ ﻓﺎﻟﻨﻮﻡ ﻛﺪﻩ

ﻋﻠﻲ ﻭﻫﻮ ﻳﻨﻬﺾ ﻣﻦ ﻣﻜﺎﻧﻪ : ﺣﺎﻃﻠﻊ ﺍﺻﺤﻴﻬﺎ ﻭﺍﻃﻤﻦ ﻋﻠﻴﻬﺎ ﻗﺒﻞ ﻣﺎ ﺍﻣﺸﻲ

ﺻﻔﻮﺕ : ﺧﻠﻴﻚ ﻳﺎ ﺍﺑﻨﻲ ﻭﺃﻣﻴﻨﺔ ﺗﻄﻠﻊ ﺗﺼﺤﻴﻬﺎ

ﻭﺑﺎﻟﻔﻌﻞ ﻧﺎﺩﻯ ﻋﻠﻲ ﺃﻣﻴﻨﺔ ﻟﺘﺬﻫﺐ ﻹﻳﻘﺎﻅ ﻧﻮﺭﺍ ﻓﻌﺎﺩﺕ ﺑﻌﺪ ﻗﻠﻴﻞ ﻗﺎﺋﻠﺔ ﺑﻘﻠﻖ : ﻟﻮ ﺳﻤﺤﺖ ﻳﺎ ﺑﺎﺷﻤﻬﻨﺪﺱ ﻋﺎﻳﺰﺍﻙ ﻓﻜﻠﻤﺔ

↚

ﺍﺗﺠﻪ ﺇﻟﻴﻬﺎ ﻋﻠﻲ ﻗﺎﺋﻼ : ﺧﻴﺮ ﻳﺎ ﺩﺍﺩﻩ ﻓﻴﻪ ﺣﺎﺟﺔ ?

ﺃﻣﻨﻴﺔ : ﺭﻭﺣﺖ ﻋﺸﺎﻥ ﺍﺻﺤﻲ ﺍﻟﺴﺖ ﻧﻮﺭﺍ ﻟﻘﻴﺘﻬﺎ ﺗﻌﺒﺎﻧﺔ ﺍﻭﻱ ﻭﻣﺶ ﻗﺎﺩﺭﺓ ﺗﻘﻮﻡ ﻭﻛﻤﺎﻥ ﺳﺨﻨﺔ ﻣﻮﻟﻌﺔ

ﺃﺳﺮﻉ ﻋﻠﻲ ﺇﻟﻰ ﺍﻷﻋﻠﻰ ﻟﻜﻲ ﻳﻄﻤﺌﻦ ﻋﻠﻴﻬﺎ ﻓﻮﺟﺪﻫﺎ ﻧﺎﺋﻤﺔ ﻭﺍﻟﻌﺮﻕ ﻳﺘﺼﺒﺐ ﻣﻦ ﺟﺒﻴﻨﻬﺎ ﻭﻫﻲ ﺗﻬﺬﻱ ﺑﻜﻠﻤﺎﺕ ﻏﻴﺮ ﻣﻔﻬﻮﻣﺔ ﻣﻦ ﺃﺛﺮ ﺍﻟﺤﺮﺍﺭﺓ ... ﺍﻟﺘﻔﺖ ﻋﻠﻲ ﺇﻟﻰ ﺃﻣﻴﻨﺔ ﻗﺎﺋﻼ ﺑﻠﻬﻔﺔ : ﺩﻱ ﺳﺨﻨﺔ ﺍﻭﻱ ﻳﺎ ﺩﺍﺩﺓ ... ﺍﻧﺎ ﺣﺎﻃﻠﺐ ﺍﻟﺪﻛﺘﻮﺭ ﻳﻴﺠﻲ ﻳﺸﻮﻓﻬﺎ ﻭﻟﻮ ﺳﻤﺤﺘﻲ ﻫﺎﺗﻲ ﻓﻮﻃﺔ ﻭﻣﻴﻪ ﻋﺸﺎﻥ ﺍﻋﻤﻠﻬﺎ ﻛﻤﺎﺩﺍﺕ

ﺍﻟﺘﻔﺘﺖ ﺃﻣﻴﻨﺔ ﺇﻟﻴﻪ ﻗﺎﺋﻠﺔ : ﺑﻼﺵ ﺗﻌﻄﻞ ﻧﻔﺴﻚ ﺍﻧﺖ ﻳﺎ ﺍﺑﻨﻲ ... ﺯﻣﺎﻥ ﺻﻔﻮﺕ ﺑﻴﻪ ﻣﺴﺘﻨﻴﻴﻚ ... ﺭﻭﺡ ﺍﻧﺖ ﺷﻮﻑ ﺷﻐﻠﻚ ﻭﺍﻧﺎ ﺣﺎﻋﻤﻠﻬﺎ ﺍﻟﻜﻤﺎﺩﺍﺕ

ﻋﻠﻲ ﺑﺈﺻﺮﺍﺭ : ﺍﻣﺸﻲ ﺍﺯﺍﻱ ﻭﺍﺳﻴﺒﻬﺎ ﻭﻫﻴﺎ ﺗﻌﺒﺎﻧﺔ ﻛﺪﻩ ... ﻟﻮ ﺳﻤﺤﺘﻲ ﺭﻭﺣﻲ ﺍﻧﺘﻲ ﺑﺲ ﻗﻮﻟﻲ ﻟﻌﻤﻲ ﺍﻧﻲ ﺣﺘﺄﺧﺮ ﺷﻮﻳﺔ ﻟﺤﺪ ﺍﻟﺪﻛﺘﻮﺭ ﻣﺎﻳﻴﺠﻲ ﻭﺍﻃﻤﻦ ﻋﻠﻰ ﻧﻮﺭﺍ ﻭﻫﺎﺗﻲ ﺍﻟﻠﻲ ﻗﻮﻟﺘﻠﻚ ﻋﻠﻴﻪ

ﺃﻣﻴﻨﺔ ﺑﺈﺫﻋﺎﻥ : ﺣﺎﺿﺮ ﻳﺎ ﺍﺑﻨﻲ ... ﺍﺗﺠﻬﺖ ﺃﻣﻴﻨﺔ ﻟﺘﻐﺎﺩﺭ ﻭﻣﺎ ﺇﻥ ﺧﻄﺖ ﺑﻌﺾ ﺧﻄﻮﺍﺕ ﺣﺘﻰ ﻋﺎﺩﺕ ﻣﺮﺓ ﺃﺧﺮﻱ ﻗﺎﺋﻠﺔ : ﻗﻮﻟﻲ ﻳﺎ ﺑﺎﺷﻤﻬﻨﺪﺱ ... ﻫﻴﺎ ﺍﻟﺴﺖ ﻧﻮﺭﺍ ﺇﻳﻪ ﺍﻟﻠﻲ ﻧﻴﻤﻬﺎ ﻫﻨﺎ ﻓﺎﻷﻭﺿﺔ ﺩﻱ ?

ﻟﻢ ﻳﺠﺪ ﺇﺟﺎﺑﺔ ﻣﻘﻨﻌﺔ ﻓﻘﺎﻝ ﺑﺠﺪﻳﺔ ﺑﺎﻗﻮﻟﻚ ﺇﻳﻪ ﻳﺎ ﺩﺍﺩﺓ ... ﻣﻤﻜﻦ ﺗﺮﻭﺣﻲ ﺗﻌﻤﻠﻲ ﺍﻟﻠﻲ ﻗﻮﻟﺘﻠﻚ ﻋﻠﻴﻪ ﻟﻮ ﺳﻤﺤﺘﻲ

ﺃﻣﻨﻴﺔ : ﺣﺎﺿﺮ ﻳﺎ ﺑﺎﺷﻤﻬﻨﺪﺱ

ﻏﺎﺩﺭﺕ ﺃﻣﻴﻨﺔ ﺍﻟﻐﺮﻓﺔ ﻓﻮﺿﻊ ﻋﻠﻲ ﻳﺪﻩ ﻋﻠﻰ ﺟﺒﻬﺘﻬﺎ ﺛﻢ ﺃﺧﺬ ﻳﻤﺴﺢ ﺣﺒﺎﺕ ﺍﻟﻌﺮﻕ ﺍﻟﻤﺘﺴﺎﻗﻄﺔ ﺑﻐﺰﺍﺭﺓ ﺑﻌﺪ ﺃﻥ ﻫﺎﺗﻒ ﺍﻟﻄﺒﻴﺐ ﻟﻴﺤﻀﺮ ﻟﺘﻮﻗﻴﻊ ﺍﻟﻜﺸﻒ ﺍﻟﻄﺒﻲ ﻋﻠﻴﻬﺎ ... ﻛﺎﻧﺖ ﻻ ﺗﺰﺍﻝ ﺗﻬﺬﻱ ﺑﺼﻮﺕ ﺧﻔﻴﺾ ﻓﻮﺿﻊ ﻋﻠﻲ ﺃﺫﻧﻪ ﺑﺎﻟﻘﺮﺏ ﻣﻦ ﺷﻔﺘﻴﻬﺎ ﻟﻴﺴﻤﻌﻬﺎ ﻭﻫﻲ ﺗﻘﻮﻝ : ﺑﺤﺒﻚ ﻳﺎ ﻋﻠﻲ ... ﻋﺸﺎﻥ ﺧﺎﻃﺮﻱ ﻣﺎ ﺗﻄﻠﻘﻨﻴﺶ ... ﺛﻢ ﺃﺧﺬﺕ ﺗﻌﻴﺪﻫﺎ ﻣﺮﺍﺭﺍ ﻓﺎﺑﺘﺴﻢ ﻋﻠﻲ ﻭﻫﻮ ﻳﻤﺴﺢ ﻋﻠﻰ ﺷﻌﺮﻫﺎ ﺑﺤﻨﺎﻥ ﻗﺎﺋﻼ : ﻣﺎﺗﺨﺎﻓﻴﺶ ﻳﺎ ﻧﻮﺭﺍ ﻣﺶ ﺣﺎﺳﻴﺒﻚ ﺍﺑﺪﺍ ... ﺃﻧﺎ ﺟﻨﺒﻚ ﺁﻫﻮﻩ ﻳﺎ ﺣﺒﻴﺒﺘﻲ ﻭﻣﺶ ﺣﺎﺑﻌﺪ ﻋﻨﻚ ﺍﺑﺪﺍ

ﻟﻢ ﺗﻜﻦ ﻧﻮﺭﺍ ﺗﺴﺘﻤﻊ ﺇﻟﻰ ﻣﺎﻳﻘﻮﻝ ﻣﻤﺎ ﺷﺠﻌﻪ ﻋﻠﻰ ﺍﻹﺳﺘﺮﺳﺎﻝ ﺑﺎﻟﺤﺪﻳﺚ ﺣﺘﻰ ﺣﻀﺮﺕ ﺃﻣﻴﻨﺔ ﻭﻣﻌﻬﺎ ﺍﻷﺩﻭﺍﺕ ﺍﻟﻤﻄﻠﻮﺑﺔ ﻓﺸﺮﻉ ﻋﻠﻰ ﻓﻲ ﻋﻤﻞ ﺍﻟﻜﻤﺎﺩﺍﺕ ﺛﻢ ﺍﻟﺘﻔﺖ ﺇﻟﻰ ﺃﻣﻴﻨﺔ ﻗﺎﺋﻼ : ﺑﺎﻗﻮﻟﻚ ﺇﻳﻪ ﻳﺎ ﺩﺍﺩﺓ ... ﻣﻤﻜﻦ ﺗﺸﻮﻓﻲ ﻟﻮ ﻓﻴﻪ ﺩﻭﺍ ﺧﺎﻓﺾ ﻟﻠﺤﺮﺍﺭﺓ ﺗﺎﺧﺪ ﻣﻨﻪ ﻋﻠﻰ ﻣﺎ ﺍﻟﺪﻛﺘﻮﺭ ﻳﻮﺻﻞ ﻳﻜﻮﻥ ﺍﺣﺴﻦ

ﺃﻣﻴﻨﺔ : ﻻ ﻳﺎ ﺍﺑﻨﻲ ... ﺍﻷﺣﺴﻦ ﺍﻧﻨﺎ ﻧﺴﺘﻨﻰ ﻟﻤﺎ ﺍﻟﺪﻛﺘﻮﺭ ﻳﻴﺠﻲ ... ﺍﻓﺮﺽ ﻛﺎﻧﺖ ﺣﺎﻣﻞ ﻭﻻ ﺣﺎﺟﺔ ... ﻳﺒﻘﻰ ﻣﺎﻳﻨﻔﻌﺶ ﺗﺎﺧﺪ ﺃﻱ ﺩﻭﺍ

ﺗﻨﻌﺪ ﻋﻠﻰ ﻗﺎﺋﻼ ﺑﻀﻴﻖ : ﺭﻭﺣﻲ ﻳﺎ ﺩﺍﺩﺓ ﺍﻟﻠﻪ ﻳﻜﺮﻣﻚ ﻫﺎﺗﻲ ﺍﻟﺪﻭﺍ

ﺃﻣﻴﻨﺔ ﺑﺈﺻﺮﺍﺭ : ﻳﺎ ﺍﺑﻨﻲ ﻣﺎﻳﻨﻔﻌﺶ ﺻﺪﻗﻨﻲ ... ﻛﺪﻩ ﻏﻠﻂ ﻋﻠﻰ ﺍﻟﺒﻴﺒﻲ

ﻋﻠﻲ ﺑﻨﻔﺎﺫ ﺻﺒﺮ : ﺑﻴﺒﻲ ﺇﻳﻪ ﺑﺲ ﻳﺎ ﺩﺍﺩﺓ ... ﺭﻭﺣﻲ ﺍﻟﻠﻪ ﻳﻬﺪﻳﻜﻲ ﻫﺎﺗﻲ ﺍﻟﺪﻭﺍ .

ﺃﻣﻴﻨﺔ ﺑﺈﺳﺘﺴﻼﻡ : ﺧﻼﺹ ﻳﺎ ﺇﺑﻨﻲ ﺍﻧﺖ ﺣﺮ ... ﻫﻮ ﺍﺑﻨﻲ ﻭﻻ ﺍﺑﻨﻚ ... ﺍﻧﺎ ﻣﺎﻟﻲ ﺍﻧﺎ

ﺑﻌﺪ ﻓﺘﺮﺓ ﻛﺎﻥ ﺍﻟﻄﺒﻴﺐ ﻗﺪ ﺍﻧﻬﻰ ﻋﻤﻠﻪ ﻭﻏﺎﺩﺭ ﺑﻌﺪﻫﺎ ﻟﻴﺘﺒﻌﻪ ﻋﻠﻲ ﻗﺎﺋﻼ ﻷﻣﻴﻨﺔ : ﺍﻧﺎ ﺭﺍﻳﺢ ﺃﺟﻴﺐ ﺍﻟﻌﻼﺝ ﻳﺎ ﺩﺍﺩﻩ ﺧﻠﻲ ﺑﺎﻟﻚ ﻣﻨﻬﺎ ﻟﺤﺪ ﻣﺎ ﺍﺭﺟﻊ

ﺧﻄﻰ ﻋﻠﻲ ﺑﻀﻊ ﺧﻄﻮﺍﺕ ﻟﻠﺨﺎﺭﺝ ﺛﻢ ﻋﺎﺩ ﻣﺮﺓ ﺍﺧﺮﻱ ﻟﻴﻘﻮﻝ : ﻣﺶ ﺣﺎﻣﻞ ﻳﺎ ﺩﺍﺩﻩ ... ﻣﺎﺷﻲ ﻣﺶ ﺣﺎﻣﻞ

ﺃﻣﻴﻨﺔ ﻣﺘﻌﺠﺒﺔ : ﻭﻣﺎﻟﻚ ﻳﺎ ﺍﺑﻨﻲ ﻓﺮﺣﺎﻥ ﺍﻭﻱ ﻛﺪﻩ ﻟﻴﻪ ?

*******************

ﻓﻲ ﺻﺒﺎﺡ ﺍﻟﻴﻮﻡ ﺍﻟﺘﺎﻟﻲ ﻛﺎﻧﺖ ﻧﻮﺭﺍ ﻗﺪ ﺗﻤﺎﺛﻠﺖ ﻟﻠﺸﻔﺎﺀ ﻗﻠﻴﻼ ... ﻓﺪﺧﻞ ﺇﻟﻴﻬﺎ ﻋﻠﻲ ﻟﻴﻄﻤﺌﻦ ﻋﻠﻴﻬﺎ ﻗﺒﻞ ﺃﻥ ﻳﻐﺎﺩﺭ ﺇﻟﻰ ﻋﻤﻠﻪ ﻭﻣﺎ ﺇﻥ ﺭﺃﺗﻪ ﺣﺘﻰ ﺍﻋﺘﺪﻟﺖ ﻓﻲ ﻓﺮﺍﺷﻬﺎ ﻗﺎﺋﻠﺔ : ﻣﺘﺸﻜﺮﺓ ﺍﻭﻱ ﻋﻠﻰ ﺍﻟﻠﻲ ﻋﻤﻠﺘﻪ ﻣﻌﺎﻳﺎ ... ﺩﺍﺩﻩ ﺃﻣﻴﻨﺔ ﺣﻜﺘﻠﻲ ﻛﻞ ﺣﺎﺟﺔ

ﺗﺠﺎﻫﻞ ﺣﺪﻳﺜﻬﺎ ﻗﺎﺋﻼ : ﺍﻟﻤﻬﻢ ﺍﻧﺘﻲ ﻋﺎﻣﻠﺔ ﺇﻳﻪ ﺩﻟﻮﻗﺘﻰ ?

ﻧﻮﺭﺍ : ﻛﻮﻳﺴﺔ ﺍﻟﺤﻤﺪ ﻟﻠﻪ

ﻋﻠﻲ : ﻳﻌﻨﻲ ﺣﺘﻘﺪﺭﻱ ﺗﺴﺎﻓﺮﻱ ﺩﻣﻴﺎﻁ ﺃﺧﺮ ﺍﻟﻨﻬﺎﺭ ﺍﻥ ﺷﺎﺀﺍﻟﻠﻪ ?

ﺳﻘﻂ ﻗﻠﺒﻬﺎ ﻓﻲ ﻗﺪﻣﻴﻬﺎ ﻋﻨﺪ ﺳﻤﺎﻋﻬﺎ ﻟﻬﺬﻩ ﺍﻟﻌﺒﺎﺭﺓ ﻓﺄﻭﻣﺄﺕ ﺑﺮﺃﺳﻬﺎ ﻣﻮﺍﻓﻘﺔ ﺩﻭﻥ ﺍﻥ ﺗﺘﺤﺪﺙ ﻓﺎﺳﺘﻄﺮﺩ ﻋﻠﻲ ﻗﺎﺋﻼ : ﺍﺑﻘﻲ ﺧﻠﻲ ﺑﺎﻟﻚ ﻣﻦ ﻧﻔﺴﻚ ﺑﻌﺪ ﻛﺪﻩ ﻭﻣﺎ ﺗﻨﺎﻣﻴﺶ ﻭﺗﺴﻴﺒﻲ ﺍﻟﺘﻜﻴﻴﻒ ﺷﻐﺎﻝ ﻋﺸﺎﻥ ﻣﺎ ﺗﺎﺧﺪﻳﺶ ﺑﺮﺩ ﻭﺗﺴﺨﻨﻲ ... ﻭﻟﻮ ﺍﻧﻚ ﻟﻤﺎ ﺑﺘﺴﺨﻨﻲ ﺑﺘﻘﻮﻟﻲ ﻛﻼﻡ ﺣﻠﻮ ﺍﻭﻱ

ﻧﻈﺮﺕ ﺇﻟﻴﻪ ﺑﺈﻧﺪﻫﺎﺵ ﻗﺒﻞ ﺃﻥ ﺗﻘﻮﻝ : ﻛﻼﻡ ﺇﻳﻪ ﺩﻩ ﺍﻟﻠﻲ ﺍﻧﺎ ﻗﻮﻟﺘﻪ ﻭﺃﻧﺎ ﺳﺨﻨﺔ ?

ﺭﻓﻊ ﻛﺘﻔﻴﻪ ﻗﺎﺋﻼ : ﻭﺃﻧﺎ ﻣﺎﻟﻲ ﻳﺎ ﺍ ﺧﺘﻲ ﺩﻱ ﺃﺳﺮﺍﺭ ﻣﺎﻗﺪﺭﺵ ﺃﻗﻮﻟﻚ ﻋﻠﻴﻬﺎ

6

ﻧﻮﺭﺍ ﺑﻀﻴﻖ : ﺑﺠﺪ ﻳﺎ ﻋﻠﻲ ﺍﻧﺎ ﻗﻮﻟﺖ ﺇﻳﻪ ? ﻭﻋﻤﻮﻣﺎ ﺃﻧﺎ ﻛﻨﺖ ﺗﻌﺒﺎﻧﺔ ﻳﻌﻨﻲ ﻛﻼﻣﻲ ﺩﻩ ﻛﺎﻥ ﺗﺨﺎﺭﻳﻒ ﻣﺶ ﺍﻛﺘﺮ

ﻋﻠﻲ : ﻫﻮ ﺍﻧﺘﻲ ﻣﺎﺗﻌﺮﻓﻴﺶ ﺍﻥ ﺍﻟﻠﻲ ﻓﺎﻟﻘﻠﺐ ﺑﻴﻄﻠﻊ ﻓﺎﻟﻠﺤﻈﺎﺕ ﺍﻟﻠﻲ ﺯﻱ ﺩﻱ ....

ﻧﻮﺭﺍ : ﻟﻴﻪ ﻫﻮ ﺍﻧﺎ ﻗﻮﻟﺖ ﺇﻳﻪ ﺑﺎﻟﻈﺒﻂ ?

ﻋﻠﻲ : ﺍﺣﻠﻰ ﻛﻼﻡ ... ﻋﺎﻳﺰﺓ ﺗﻌﺮﻓﻲ ﺍﻧﺘﻲ ﻗﻮﻟﺘﻲ ﺇﻳﻪ ﻣﺎﻋﻨﺪﻳﺶ ﻣﺎﻧﻊ ﺑﺲ ﺑﺸﺮﻁ

ﺣﺪﻗﺖ ﻓﻴﻪ ﺑﺪﻫﺸﺔ ﺗﺤﺜﻪ ﻋﻠﻰ ﺇﺳﺘﻜﻤﺎﻝ ﺣﺪﻳﺜﻪ ﻓﻘﺎﻝ ﺑﺠﺪﻳﺔ : ﺗﻘﻮﻟﻴﻠﻲ ﺳﺎﻣﺢ ﻗﺎﻟﻚ ﺇﻳﻪ ﻳﻮﻡ ﻛﺘﺐ ﻛﺘﺎﺑﻨﺎ ﺃﻗﻮﻟﻚ ﻗﻮﻟﺘﻲ ﺇﻳﻪ ﻭﺍﻧﺘﻲ ﺑﺘﺨﺮﻓﻲ

ﻧﻮﺭﺍ ﺑﻀﻴﻖ : ﻛﺪﻩ ﺑﺮﺿﻪ ﻳﺎ ﻋﻠﻲ ... ﻃﺐ ﺍﻧﺎ ﺑﻘﻰ ﻣﺶ ﻋﺎﻳﺰﺓ ﺃﻋﺮﻑ ﻭﻣﺶ ﺣﺎﻗﻮﻟﻚ ﺑﺮﺿﻪ ﺳﺎﻣﺢ ﻗﺎﻟﻲ ﺇﻳﻪ

ﻋﻠﻲ ﺑﺈﺑﺘﺴﺎﻣﺔ : ﺑﺮﺍﺣﺘﻚ ... ﺑﺲ ﻳﺎﺭﻳﺖ ﺑﻌﺪ ﻛﺪﻩ ﻟﻤﺎ ﻣﺎﺗﺒﻘﻴﺶ ﺍﺩ ﺍﻟﻜﻼﻡ ﻣﺎﺗﺒﻘﻴﺶ ﺗﻘﻮﻟﻴﻪ ... ﻗﺎﻝ ﺇﻳﻪ ... ﻃﻠﻘﻨﻲ ﻃﻠﻘﻨﻲ ... ﺍﻟﺴﻼﻡ ﻋﻠﻴﻜﻢ ﺑﻘﻰ ﻋﺸﺎﻥ ﻋﻨﺪﻱ ﺷﻐﻞ

ﻧﻮﺭﺍ : ﺍﻧﺖ ﻓﻌﻼ ﻧﺎﻭﻱ ﺗﻄﻠﻘﻨﻲ ﻟﻤﺎ ﻧﺮﺟﻊ ﻣﻦ ﺩﻣﻴﺎﻁ ?

ﻋﻠﻲ : ﻣﺶ ﺩﻩ ﺍﻟﻠﻲ ﺍﻧﺘﻲ ﻋﺎﻳﺰﺍﻩ .... ﺍﻧﻨﺎ ﻧﻄﻠﻖ

ﺧﻔﻀﺖ ﺭﺃﺳﻬﺎ ﻭﻗﺎﻟﺖ ﺑﺄﺳﻰ : ﺁﻩ ﻓﻌﻼً ... ﺩﻩ ﺍﻟﻠﻲ ﺍﻧﺎ ﻋﺎﻳﺰﺍﻩ ﺑﺎﻟﻈﺒﻂ

ﻋﻠﻲ : ﻃﻴﺐ ﻋﻦ ﺇﺫﻧﻚ ﺑﻘﻲ

ﺧﺮﺝ ﻋﻠﻲ ﻭﺍﻏﻠﻖ ﺍﻟﺒﺎﺏ ﺧﻠﻔﻪ ﻭﻭﻗﻒ ﻭﺭﺍﺀﻩ ﻳﻘﻮﻝ : ﻣﻌﻠﺶ ﺑﻘﻰ ﻳﺎ ﺣﺒﻴﺒﺘﻲ ﻣﻀﻄﺮ ﺍﺳﻴﺒﻚ ﻋﻠﻰ ﺃﻋﺼﺎﺑﻚ ﻟﺤﺪ ﺑﻜﺮﺓ ... ﻟﻜﻦ ﺍﻛﻴﺪ ﻟﻤﺎ ﺗﻌﺮﻓﻲ ﺍﻟﻤﻔﺎﺟﺄﺓ ﺍﻟﻠﻲ ﻣﺤﻀﺮﻫﺎﻟﻚ ﺍﻛﻴﺪ ﺣﺘﺴﺎﻣﺤﻴﻨﻲ .......

ﻳﺘﺒﻊ

↚

ﻛﺎﻥ ﻭﺍﻗﻔﺎ ﺃﻣﺎﻡ ﺍﻟﻤﺮﺃﺓ ﻳﺮﺗﺪﻱ ﻣﻼﺑﺴﻪ ﺇﺳﺘﻌﺪﺍﺩﺍ ﻟﻠﺨﺮﻭﺝ ... ﺍﻗﺘﺮﺑﺖ ﻣﻨﻪ ﻟﺒﻨﻰ ﻗﺎﺋﻠﺔ ﺑﺪﻫﺸﺔ : ﺍﻧﺖ ﺑﺘﻐﻴﺮ ﻫﺪﻭﻣﻚ ﻭﺭﺍﻳﺢ ﻓﻴﻦ ﻛﺪﻩ ﻳﺎ ﺃﺣﻤﺪ ?

ﺍﻟﺘﻔﺖ ﺇﻟﻴﻬﺎ ﺍﺣﻤﺪ ﻗﺎﺋﻼ ﺑﺠﺪﻳﺔ : ﻣﺸﻮﺍﺭ ﻣﻬﻢ ﻳﺎ ﺣﺒﻴﺒﺘﻲ ﻻﺯﻡ ﺃﺭﻭﺣﻪ ﺩﻟﻮﻗﺘﻲ

ﻟﺒﻨﻲ : ﻣﺸﻮﺍﺭ ﺇﻳﻪ ﺑﺲ ﻳﺎ ﺍﺣﻤﺪ ... ﺩﻩ ﺍﻟﺠﻤﺎﻋﺔ ﺯﻣﺎﻧﻬﻢ ﻋﻠﻰ ﻭﺻﻮﻝ

ﺭﺑﺖ ﺍﺣﻤﺪ ﻋﻠﻰ ﻭﺟﻨﺘﻬﺎ ﻗﺎﺋﻼ : ﻣﻌﻠﺶ ﻳﺎ ﻟﺒﻨﻰ ﺯﻱ ﻣﺎﻗﻠﺘﻠﻚ ﻣﺸﻮﺍﺭ ﻣﻬﻢ ﻭﺍﻥ ﺷﺎﺀﺍﻟﻠﻪ ﻣﺶ ﺣﺎﺗﺄﺧﺮ ... ﺑﺲ ﺍﻧﺘﻲ ﺍﺩﻋﻲ ﺇﻧﻪ ﻳﻌﺪﻱ ﻋﻠﻰ ﺧﻴﺮ

ﻟﺒﻨﻰ ﺑﻘﻠﻖ : ﺍﺣﻤﺪ ﺍﻧﺖ ﻗﻠﻘﺘﻨﻲ ... ﻣﺸﻮﺍﺭ ﺇﻳﻪ ﺩﻩ ﺑﺲ ?

ﺗﻨﻬﺪ ﺍﺣﻤﺪ ﻗﺎﺋﻼ : ﻻﺣﻈﻲ ﺍﻧﻚ ﻛﺪﻩ ﻣﻌﻄﻼﻧﻲ ... ﺍﻧﺎ ﻣﺎﺷﻲ ﺑﻘﻰ ﻳﺎ ﺣﺒﻴﺒﺘﻲ ﻳﻼ ﺳﻼﻡ

**********************

ﺍﻧﻘﻀﻰ ﺍﻷﺳﺒﻮﻋﺎﻥ ﺳﺮﻳﻌﺎ ﻭﻟﻜﻨﻬﻤﺎ ﻣﺮﺍ ﻋﻠﻴﻪ ﻛﺪﻫﺮ ﻃﻮﻳﻞ ... ﻣﻨﺬ ﺫﻟﻚ ﺍﻟﻴﻮﻡ ﻭﻫﻮ ﻳﻤﻜﺚ ﺑﻤﻨﺰﻟﻪ ﻻ ﻳﻐﺎﺩﺭﻩ ﻷﻱ ﺳﺒﺐ ... ﺃﻫﻤﻞ ﻋﻤﻠﻪ ﻭﻟﻢ ﻳﻌﺪ ﻳﺬﻫﺐ ﺇﻟﻰ ﺍﻟﻤﺪﺭﺳﺔ ﺑﻞ ﺇﻧﻪ ﻟﻢ ﻳﻌﺪ ﻳﺮﻏﺐ ﺑﺎﻟﺒﻘﺎﺀ ﻋﻠﻰ ﻗﻴﺪ ﺍﻟﺤﻴﺎﺓ ... ﺭﻥ ﺟﺮﺱ ﻣﻨﺰﻟﻪ ﻓﺘﻮﺟﺲ ﺧﻴﻔﺔ ... ﻓﻠﻢ ﻳﺰﺭﻩ ﺃﺣﺪ ﺗﻘﺮﻳﺒﺎ ﻣﻨﺬ ﻏﺎﺩﺭﺕ ﺃﻣﻴﺮﺓ ... ﺣﺘﻰ ﻫﺎﺗﻔﻪ ﺃﻏﻠﻘﻪ ﺗﻤﺎﻣﺎ ﻟﻌﺪﻡ ﺭﻏﺒﺘﻪ ﻓﻲ ﺗﻠﻘﻲ ﺃﻱ ﺇﺗﺼﺎﻻﺕ ... ﺍﺗﺠﻪ ﻧﺤﻮ ﺍﻟﺒﺎﺏ ﻳﻔﺘﺤﻪ ﺑﺘﺮﺩﺩ ﻟﻴﺠﺪ ﺃﺣﻤﺪ ﻭﺍﻗﻔﺎ ﻭﻫﻮ ﻳﺤﻤﻞ ﻓﻲ ﻳﺪﻩ ﻣﻈﺮﻭﻓﺎ ... ﺭﺛﻰ ﺃﺣﻤﺪ ﻟﺘﻠﻚ ﺍﻟﺤﺎﻟﺔ ﺍﻟﺘﻲ ﺭﺃﻩ ﻋﻠﺒﻬﺎ ... ﻓﻘﺪ ﻛﺎﻧﺖ ﻣﻼﺑﺴﻪ ﻣﺘﺴﺨﺔ ﻭﻏﻴﺮ ﻣﻬﻨﺪﻣﺔ ﻛﻤﺎﻧﺒﺘﺖ ﻟﻪ ﻟﺤﻴﺔ ﻛﺜﻴﻔﺔ ﻭﺑﺪﺍ ﺷﺎﺣﺐ ﺍﻟﻮﺟﻪ ﺇﻟﻰ ﺟﺎﻧﺐ ﺍﻟﻬﺰﺍﻝ ﺍﻟﺬﻱ ﺃﺻﺎﺏ ﺟﺴﺪﻩ ﻛﻤﻦ ﻟﻢ ﻳﺘﻨﺎﻭﻝ ﻃﻌﺎﻣﺎ ﻣﻨﺬ ﺃﻳﺎﻡ ... ﻧﻈﺮ ﺇﻟﻴﻪ ﺍﺣﻤﺪ ﻗﺎﺋﻼ ﺑﺈﺷﻔﺎﻕ : ﺍﺯﻳﻚ ﻳﺎ ﺟﻤﺎﻝ ?

ﺟﻤﺎﻝ ﺑﻮﻫﻦ : ﺯﻱ ﻣﺎ ﺍﻧﺖ ﺷﺎﻳﻒ ﻛﺪﻩ ... ﻋﺎﻳﺶ ﻭﻣﻴﺖ ﻓﻨﻔﺲ ﺍﻟﻮﻗﺖ

ﺍﺣﻤﺪ : ﺍﺳﺘﻐﻔﺮ ﺭﺑﻨﺎ ﻳﺎ ﺟﻤﺎﻝ ﻭﻗﻮﻝ ﺍﻟﺤﻤﺪ ﻟﻠﻪ ﻓﻜﻞ ﺍﻷﺣﻮﺍﻝ ... ﺍﻧﺖ ﺍﺣﺴﻦ ﺑﻜﺘﻴﺮ ﻣﻦ ﻏﻴﺮﻙ

ﺟﻤﺎﻝ ﺳﺎﺧﺮﺍ : ﺗﻔﺘﻜﺮ ﻏﻴﺮﻱ ﺩﻩ ﻣﻤﻜﻦ ﻳﻜﻮﻥ ﻋﻨﺪﻩ ﺇﻳﻪ ﻋﺸﺎﻥ ﺃﻧﺎ ﺃﻛﻮﻥ ﺍﺣﺴﻦ ﻣﻨﻪ

ﺍﺣﻤﺪ : ﺍﺳﺘﻐﻔﺮ ﺍﻟﻠﻪ ﺍﻟﻌﻈﻴﻢ ... ﻻ ﺣﻮﻝ ﻭﻻ ﻗﻮﺓ ﺍﻻ ﺑﺎﻟﻠﻪ ... ﻃﻴﺐ ﺍﻧﺎ ﺣﺎﺣﻜﻴﻠﻚ ﺣﻜﺎﻳﺔ ﺻﻐﻴﺮﺓ ﻛﺪﻩ ﺑﺲ ﺍﻷﻭﻝ ﺗﺴﻤﺤﻠﻲ ﺃﺩﺧﻞ

ﺟﻤﺎﻝ ﺑﺈﺭﺗﺒﺎﻙ : ﺁﻩ ﺻﺤﻴﺢ ﺃﻧﺎ ﺍﺳﻒ ﻧﺴﻴﺖ ﺃﻗﻮﻟﻚ ﺍﺗﻔﻀﻞ

ﺩﻟﻒ ﺍﺣﻤﺪ ﺇﻟﻰ ﺍﻟﺪﺍﺧﻞ ﻭﺍﺗﺨﺬ ﻟﻪ ﻣﻘﻌﺪﺍ ﻓﺠﻠﺲ ﺟﻤﺎﻝ ﻋﻠﻰ ﺍﻟﻤﻘﻌﺪ ﺍﻟﻤﺠﺎﻭﺭ ﻗﺎﺋﻼ : ﺣﻜﺎﻳﺔ ﺇﻳﻪ ﺩﻱ ﺑﻘﻲ ﻳﺎ ﺳﻴﺪﻱ

ﺑﺪﺃ ﺍﺣﻤﺪ ﻳﺴﺮﺩ ﻋﻠﻴﻪ ﺍﻟﻘﺼﺔ ﻗﺎﺋﻼ : ﺷﻮﻑ ﻳﺎ ﺳﻴﺪﻱ ... ﻛﺎﻥ ﻓﻴﻪ ﻣﺮﺓ ﻣﻮﺍﻃﻦ ﺻﻴﻨﻲ ﺭﺍﺡ ﻟﻠﺤﺎﻛﻢ ﻳﺸﺘﻜﻴﻠﻪ ﻣﻦ ﻣﺸﻜﻠﺔ ﻛﺒﻴﺮﺓ ﻋﻨﺪﻩ ﻭﻛﺎﻥ ﻓﺎﻛﺮ ﺍﻥ ﻣﺎﻓﻴﺶ ﺣﺪ ﻋﻨﺪﻩ ﻣﺸﻜﻠﺔ ﺍﻛﺒﺮ ﻣﻨﻬﺎ ﻭﺑﻌﺪﻳﻦ ﺍﻟﺤﺎﻛﻢ ﻃﻠﺐ ﻣﻨﻪ ﻳﻜﺘﺐ ﻣﺸﻜﻠﺘﻪ ﻓﻮﺭﻗﺔ ﻭﻋﻤﻞ ﺻﻨﺪﻭﻕ ﻛﺒﻴﺮ ﻟﻠﺸﻜﺎﻭﻯ ... ﻛﻞ ﻭﺍﺣﺪ ﻋﻨﺪﻩ ﺷﻜﻮﻯ ﻳﻜﺘﺒﻬﺎ ﻭﻳﺤﻄﻬﺎ ﻓﺎﻟﺼﻨﺪﻭﻕ ... ﻭﺑﻌﺪ ﺃﺳﺒﻮﻉ ﻃﻠﺐ ﻣﻦ ﺍﻟﺮﺍﺟﻞ ﺍﻧﻪ ﻳﺮﻭﺡ ﻟﻠﺼﻨﺪﻭﻕ ﻭﻳﺨﺘﺎﺭﻣﻨﻪ ﺃﻱ ﻭﺭﻗﺔ ... ﺍﻟﺮﺍﺟﻞ ﻃﻠﻊ ﺃﻭﻝ ﻭﺭﻗﺔ ﻭﺑﺺ ﻓﻴﻬﺎ ﻭﺑﻌﺪ ﻣﺎ ﺷﺎﻑ ﺍﻟﻤﺸﻜﻠﺔ ﺍﻟﻠﻲ ﻓﻴﻬﺎ ﺣﻄﻬﺎ ﺟﻨﺒﻪ ﻭﻃﻠﻊ ﻭﺭﻗﺔ ﺗﺎﻧﻴﺔ ﻭﺑﻌﺪﻳﻦ ﺣﻄﻬﺎ ﺟﻨﺐ ﺍﻟﻮﺭﻗﺔ ﺍﻷﻭﻟﻰ ﻭﻗﺎﻝ ﻟﻠﺤﺎﻛﻢ ... ﺃﻧﺎ ﻋﺎﻳﺰ ﺍﻟﻮﺭﻗﺔ ﺑﺘﺎﻋﺘﻲ ﺍﺣﺴﻦ

ﻧﻈﺮ ﺇﻟﻴﻪ ﺟﻤﺎﻝ ﻗﺎﺋﻼ ﺑﻠﻬﻔﺔ : ﺃﻣﻴﺮﺓ ﻋﺎﻣﻠﺔ ﺇﻳﻪ ﻳﺎ ﺍﺣﻤﺪ ?

ﺣﺎﻭﻝ ﺍﺣﻤﺪ ﺗﻐﻴﻴﺮ ﺍﻟﻤﻮﺿﻮﻉ ﻓﻘﺎﻝ ﺑﺠﺪﻳﺔ : ﺟﺒﺖ ﻧﺘﻴﺠﺔ ﺍﻟﺘﺤﺎﻟﻴﻞ ﻭﻻ ﻟﺴﻪ ?

ﻧﻜﺲ ﺭﺃﺳﻪ ﻭﻗﺎﻝ ﺑﺘﺄﺛﺮ : ﻟﺴﻪ ... ﻭﻣﺶ ﻋﺎﺭﻑ ﺇﺫﺍ ﻛﻨﺖ ﺣﺎﻗﺪﺭ ﺍﺭﻭﺡ ﺍﺻﻼ ﻭﻻ ﻷ

ﺗﻨﻬﺪ ﺍﺣﻤﺪ ﻗﺎﺋﻼ : ﻛﻨﺖ ﻣﺘﺄﻛﺪ ﺍﻧﻚ ﻣﺶ ﺣﺘﺮﻭﺡ ﻋﺸﺎﻥ ﻛﺪﻩ ﺭﻭﺣﺖ ﺃﻧﺎ ﻭﺟﺒﺘﻬﺎ

ﺭﻓﻊ ﺑﺼﺮﻩ ﺇﻟﻴﻪ ﻭﻋﻴﻮﻧﻪ ﺗﻨﻄﻖ ﺑﺎﻟﻠﻬﻔﺔ ﻟﻤﻌﺮﻓﺔ ﻣﺎﺳﻴﻘﻮﻟﻪ ﺍﺣﻤﺪ ﻭﻟﻜﻨﻪ ﻟﻢ ﻳﺠﺮﺅ ﻋﻠﻰ ﺳﺆﺍﻟﻪ ﻓﺘﺤﺪﺙ ﺍﺣﻤﺪ ﻗﺎﺋﻼ : ﻳﺎﺭﻳﺖ ﻳﻜﻮﻥ ﺩﻩ ﺩﺭﺱ ﻟﻴﻚ ﻭﺍﺗﻌﻠﻤﺖ ﻣﻨﻪ ... ﺍﺗﻤﻨﻰ ﺍﻧﻚ ﺗﺘﻘﻲ ﺭﺑﻨﺎ ﺑﻌﺪ ﻛﺪﻩ ﻓﻜﻞ ﺗﺼﺮﻓﺎﺗﻚ ﻭﺗﻔﺘﻜﺮ ﻛﻮﻳﺲ ﺍﻥ ﺍﻟﻤﺮﺀ ﻋﻠﻰ ﺩﻳﻦ ﺧﻠﻴﻠﻪ ﻭﺗﺘﻌﻠﻢ ﺗﺨﺘﺎﺭ ﺃﺻﺤﺎﺑﻚ ﺻﺢ

ﺟﻤﺎﻝ ﺑﺈﺑﺘﺴﺎﻣﺔ : ﺍﻓﻬﻢ ﻣﻦ ﻛﺪﻩ ﺇﻧﻪ ....

ﻗﺎﻃﻌﻪ ﺍﺣﻤﺪ ﻗﺎﺋﻼ ﺑﺈﺑﺘﺴﺎﻣﺔ ﻣﻤﺎﺛﻠﺔ : ﺍﻟﺤﻤﺪ ﻟﻠﻪ ﺍﻟﺘﺤﻠﻴﻞ ﻣﺎﻓﻴﻬﻮﺵ ﺣﺎﺟﺔ ... ﻭﻋﻠﻲ ﻓﻜﺮﺓ ﺍﻟﺘﺤﺎﻟﻴﻞ ﺩﻱ ﻧﺘﻴﺠﺘﻬﺎ ﻗﻄﻌﻴﺔ ﻳﻌﻨﻲ ﺍﻧﺖ ﺍﻛﻴﺪ ﻣﺎﻋﻨﺪﻛﺶ ﺣﺎﺟﺔ ... ﺑﺲ ﻣﻦ ﺑﺎﺏ ﺍﻟﺤﺮﺹ ﺣﺘﻌﻴﺪ ﺍﻟﺘﺤﻠﻴﻞ ﺩﻩ ﺗﺎﻧﻲ ﺑﻌﺪ ﺗﻠﺖ ﺷﻬﻮﺭ ﺍﻥ ﺷﺎﺀﺍﻟﻠﻪ

ﻗﻔﺰ ﺟﻤﺎﻝ ﻣﻦ ﻣﻜﺎﻧﻪ ﺑﺴﻌﺎﺩﺓ ﻭﺍﺗﺠﻪ ﺇﻟﻰ ﺍﺣﻤﺪ ﻭﺍﺣﺘﻀﻨﻪ ﻗﺎﺋﻼ ﺑﻔﺮﺣﺔ : ﺃﻧﺎ ﺑﺤﺒﻚ ﺍﻭﻱ ﻳﺎ ﺍﺣﻤﺪ ﺑﺤﺒﻚ

ﺩﻓﻌﻪ ﺍﺣﻤﺪ ﺑﺮﻓﻖ ﻗﺎﺋﻼ ﺑﺈﺑﺘﺴﺎﻣﺔ : ﺗﺤﺒﻨﻲ ﻣﻴﻦ ﻳﺎ ﻋﻢ ﺃﻧﺎ ﺭﺍﺟﻞ ﻣﺘﺠﻮﺯ ... ﻭﻋﻦ ﺇﺫﻧﻚ ﺑﻘﻰ ﻋﺸﺎﻥ ﺍﺭﻭﺡ ﻟﻤﺮﺍﺗﻲ .... ﻭﺍﺗﻔﻀﻞ ﺍﻟﺘﺤﺎﻟﻴﻞ ﺑﺘﺎﻋﺘﻚ ﺁﻫﻴﻪ ...

ﺟﻤﺎﻝ ﺑﺠﺪﻳﺔ : ﻃﻴﺐ ﻭﺃﻣﻴﺮﺓ ﻳﺎ ﺍﺣﻤﺪ ﻣﺶ ﺣﺘﺮﺟﻌﻬﺎﻟﻲ

ﺍﺣﻤﺪ ﺑﺘﻬﻜﻢ : ﺍﺭﺟﻌﻬﺎﻟﻚ !

ﺟﻤﺎﻝ : ﻗﺼﺪﻱ ﻳﻌﻨﻲ ﺗﺨﻠﻴﻬﺎ ﺗﺴﺎﻣﺤﻨﻲ ﻭﺗﻮﺍﻓﻖ ﺗﺮﺟﻌﻠﻲ

ﺍﺣﻤﺪ : ﺍﻟﻜﻼﻡ ﺩﻩ ﻟﻤﺎ ﺗﺜﺒﺖ ﺍﻧﻚ ﺟﺪﻳﺮ ﺑﻴﻬﺎ ﻓﻌﻼ ﻭﺗﺴﺘﺤﻖ ﺍﻧﻬﺎ ﺗﺴﺎﻣﺤﻚ

ﺟﻤﺎﻝ ﺑﺈﺻﺮﺍﺭ : ﺧﻼﺹ ﻳﺎ ﺍﺣﻤﺪ ﺗﻮﺑﺔ ﻭﺍﻟﻠﻪ ... ﺣﺎﺛﺒﺘﻠﻬﺎ ﺍﻧﻲ ﺍﺗﻐﻴﺮﺕ ﻭﺣﺎﻋﻤﻞ ﺍﻟﻤﺴﺘﺤﻴﻞ ﻋﺸﺎﻥ ﺗﻮﺍﻓﻖ ﺗﺮﺟﻌﻠﻲ

ﺍﺑﺘﺴﻢ ﺍﺣﻤﺪ ﻭﻗﺎﻝ ﺑﻤﺸﺎﻏﺒﺔ : ﺑﺮﻳﺤﺘﻚ ﺩﻱ ﺃﺷﻚ ... ﺍﻧﺖ ﺁﺧﺮ ﻣﺮﺓ ﺍﺳﺘﺤﻤﻴﺖ ﻛﺎﻧﺖ ﺇﻣﺘﻰ ?

ﺟﻤﺎﻝ ﺑﺤﺮﺝ : ﺁﻩ ﺻﺤﻴﺢ ﺗﺼﺪﻕ ﻣﺶ ﻓﺎﻛﺮ ﺍﻣﺘﻰ ... ﺧﻼﺹ ﺣﺎﻻ ﺣﺎﺭﻭﺡ ﺍﺳﺘﺤﻤﻰ

ﺍﺣﻤﺪ : ﺭﻭﺡ ﺍﻧﺖ ﺍﺳﺘﺤﻤﻰ ﻭﺍﻧﺎ ﺑﻘﻰ ﻣﺎﺷﻲ ... ﺍﻟﺴﻼﻡ ﻋﻠﻴﻜﻢ

ﺍﺳﺘﻮﻗﻔﻪ ﺟﻤﺎﻝ ﻗﺎﺋﻼ ﺑﺈﻣﺘﻨﺎﻥ : ﺃﻧﺎ ﻣﺘﺸﻜﺮ ﺍﻭﻱ ﻳﺎ ﺍﺣﻤﺪ ... ﻭﺍﺣﺪ ﻏﻴﺮﻙ ﻣﺎﻛﺎﻧﺶ ﻳﺒﺺ ﻓﻮﺷﻲ ﺑﻌﺪ ﺍﻟﻠﻲ ﻋﻤﻠﺘﻪ ﻣﻊ ﺃﺧﺘﻪ

ﺍﺣﻤﺪ : ﺍﻧﺎ ﻣﺎﻋﻤﻠﺘﺶ ﺣﺎﺟﺔ ﺗﺴﺘﺤﻖ ﺍﻟﺸﻜﺮ ... ﺍﻧﺖ ﺇﻧﺴﺎﻥ ﻛﻨﺖ ﻓﻤﺤﻨﺔ ﻭﻛﺎﻥ ﻻﺯﻡ ﺃﻗﻒ ﺟﻨﺒﻚ ﺑﺼﺮﻑ ﺍﻟﻨﻈﺮ ﻋﻦ ﺃﻱ ﺣﺎﺟﺔ ﺗﺎﻧﻴﺔ ... ﺍﻧﺎ ﻣﻀﻄﺮ ﺃﻣﺸﻲ ﺑﻘﻰ ﻋﺸﺎﻥ ﺟﺎﻳﻠﻲ ﺿﻴﻮﻑ

ﺟﻤﺎﻝ : ﻣﻊ ﺃﻟﻒ ﺳﻼﻣﺔ ﻳﺎ ﺍﺣﻤﺪ

********************

ﺣﻞ ﺍﻟﻤﺴﺎﺀ ﻭﺗﻸﻷﺕ ﺍﻟﻨﺠﻮﻡ ﻓﻲ ﺍﻟﺴﻤﺎﺀ ﻭﺑﻌﺪ ﺍﻥ ﻭﺻﻞ ﺍﻟﺠﻤﻴﻊ ﺇﻟﻰ ﺩﻣﻴﺎﻁ ﻭﺍﺳﺘﺮﺍﺣﻮﺍ ﻗﻠﻴﻼ ﻣﻦ ﻋﻨﺎﺀ ﺍﻟﺴﻔﺮ ﺟﻠﺴﻮﺍ ﻣﻌﺎ ﻓﻲ ﺣﺪﻳﻘﺔ ﺍﻟﻤﻨﺰﻝ ﻳﺘﺴﺎﻣﺮﻭﻥ ﺑﺈﺳﺘﺜﻨﺎﺀ ﺻﻔﻮﺕ ﺍﻟﺬﻱ ﺃﺛﺮ ﺍﻟﻨﻮﻡ ﻣﺒﻜﺮﺍ ﺇﻟﻰ ﺟﺎﻧﺐ ﻧﻮﺭﺍ ﻭﻟﺒﻨﻲ ﺍﻟﻠﺘﻴﻦ ﺟﻠﺴﺘﺎ ﻣﻌﺎ ﺩﺍﺧﻞ ﺍﻟﻤﻨﺰﻝ ﺗﺘﺤﺪﺛﺎﻥ ﻓﻲ ﻏﺮﻓﺔ ﺍﻹﺳﺘﻘﺒﺎﻝ ﺑﺸﻘﺔ ﺃﻟﻔﺖ .

ﻟﺒﻨﻰ : ﻭﺣﺸﺘﻴﻨﻲ ﺍﻭﻱ ﻳﺎ ﻧﻮﺭﺍ ..

↚

ﻧﻮﺭﺍ : ﻭﺍﻧﺘﻲ ﻛﻤﺎﻥ ﻭﺍﻟﻠﻪ ﻭﺣﺸﺘﻴﻨﻲ ... ﻣﻴﻦ ﻛﺎﻥ ﻳﺼﺪﻕ ﺑﻌﺪ ﻣﺎﻛﻨﺎ ﺑﻨﺸﻮﻑ ﺑﻌﺾ ﻛﻞ ﻳﻮﻡ ﻣﻦ ﻫﻨﺎ ﻭﺭﺍﻳﺢ ﺣﻨﺸﻮﻑ ﺑﻌﺾ ﻣﺮﺓ ﻛﻞ ﺷﻬﺮ

ﻟﺒﻨﻰ : ﺍﻟﻤﻬﻢ ﻗﻮﻟﻴﻠﻲ ﺍﻧﺘﻲ ﻋﺎﻣﻠﺔ ﺇﻳﻪ ﻣﻊ ﻋﻠﻲ ... ﺃﺧﺒﺎﺭﻛﻮﺍ ﺇﻳﻪ ?

ﺗﻨﻬﺪﺕ ﻧﻮﺭﺍ ﻭﻧﻈﺮﺕ ﺇﻟﻰ ﺍﻟﻔﺮﺍﻍ ﺃﻣﺎﻣﻬﺎ ﻗﺎﺋﻠﺔ ﺑﺄﺳﻰ : ﺍﻧﺎ ﺧﻼﺹ ﻗﺮﺭﺕ ﺍﻃﻠﻖ ﻓﻌﻼ ﻣﻦ ﺃﺧﻮﻛﻲ ... ﻛﻔﺎﻳﺔ ﺑﻘﻰ ﻟﺤﺪ ﻛﺪﻩ

ﻟﺒﻨﻰ ﺑﻘﻠﻖ :. ﻟﻴﻪ ﺑﺲ ﻳﺎ ﺣﺒﻴﺒﺘﻲ ﺇﻳﻪ ﺍﻟﻠﻲ ﺣﺼﻞ ... ﻣﺶ ﺍﻧﺘﻲ ﺃﺧﺮ ﻣﺮﺓ ﻛﻠﻤﺘﻴﻨﻲ ﻣﻦ ﻛﺎﻡ ﻳﻮﻡ ﻗﻮﻟﺘﻴﻠﻲ ﺍﻧﻜﻢ ﺑﻘﻴﺘﻮﺍ ﻛﻮﻳﺴﻴﻦ ... ﺍﻳﻪ ﺍﻟﻠﻲ ﺣﺼﻞ ﺗﺎﻧﻲ

ﻧﻮﺭﺍ ﺑﻨﻔﺎﺫ ﺻﺒﺮ : ﺍﻧﺎ ﺯﻫﻘﺖ ﻣﻦ ﻟﻌﺒﺔ ﺳﻴﺐ ﻭﺃﻧﺎ ﺍﺳﻴﺐ ﺩﻱ ... ﺧﻼﺹ ﺑﻘﻰ ﻣﺶ ﻫﻮ ﻋﺎﻳﺰ ﻳﻄﻠﻘﻨﻲ ﻳﺒﻘﻰ ﻳﻄﻠﻘﻨﻲ ﺧﻼﺹ ﻣﺶ ﻓﺎﺭﻕ ﻣﻌﺎﻳﺎ

ﻟﺒﻨﻰ : ﻧﻌﻢ ﻳﺎ ﺃﺧﺘﻲ ﺗﻄﻠﻘﻲ ﻣﻦ ﻣﻴﻦ ﺍﻥ ﺷﺎﺀﺍﻟﻠﻪ ? ﺍﺳﺘﻬﺪﻱ ﺑﺎﻟﻠﻪ ﻳﺎ ﻧﻮﺭﺍ ... ﻭﺑﻌﺪﻳﻦ ﺍﻧﺘﻲ ﻋﺎﻳﺰﺓ ﺗﻄﻠﻘﻲ ﻭﺍﻧﺘﻲ ﻟﺴﻪ ﺑﻨﺖ ﻋﺎﻳﺰﺓ ﺗﺠﻴﺒﻲ ﻷﺧﻮﻳﺎ ﻓﻀﻴﺤﺔ ﻭﻻ ﺇﻳﻪ ? ﺷﻮﻓﻲ ﻣﻴﻦ ﺍﻟﻠﻲ ﺣﻴﻘﻒ ﻓﺼﻔﻚ ﺑﻘﻰ ﻣﻦ ﻫﻨﺎ ﻭﺭﺍﻳﺢ

ﻧﻮﺭﺍ : ﻛﺪﻩ ﺑﺮﺿﻪ ﻳﺎ ﻟﺒﻨﻰ ﺑﺘﺒﻴﻌﻴﻨﻲ ... ﻣﺎﺷﻲ ﺍﻟﻠﻪ ﻳﺴﺎﻣﺤﻚ

ﺍﻣﺴﻜﺖ ﻟﺒﻨﻰ ﺑﻴﺪﻫﺎ ﻭﻗﺎﻟﺖ : ﺑﺎﻗﻮﻟﻚ ﺇﻳﻪ ﻳﻼ ﺑﻴﻨﺎ ﺑﻘﻰ ﻧﻄﻠﻊ ﻧﻘﻌﺪ ﻣﻌﺎﻫﻢ ﺑﺮﻩ ﻓﺎﻟﺠﻨﻴﻨﺔ ﻋﺸﺎﻥ ﻣﺎﻣﺎ ﻭﻟﻤﻴﺎ ﻭﻋﻠﻲ ﻛﻠﻬﻢ ﻭﺣﺸﻮﻧﻲ ﺍﻭﻱ ... ﻭﺍﺧﺰﻱ ﺍﻟﺸﻴﻄﺎﻥ ﻛﺪﻩ ﻭﺑﻼﺵ ﺗﺠﻴﺒﻲ ﺳﻴﺮﺓ ﺍﻟﻄﻼﻕ ﺩﻱ ﻋﻠﻰ ﻟﺴﺎﻧﻚ ﻣﺮﺓ ﺗﺎﻧﻴﺔ

ﻗﺎﻣﺖ ﻧﻮﺭﺍ ﻣﻦ ﻣﻜﺎﻧﻬﺎ ﻗﺎﺋﻠﺔ ﻣﻌﺎﻛﻲ ﺣﻖ ﻳﻼ ﺑﻴﻨﺎ ﻧﺨﺮﺟﻠﻬﻢ

ﺃﺳﺮﻉ ﺍﺩﻫﻢ ﺍﻟﺬﻱ ﻛﺎﻥ ﻳﻘﻒ ﺑﺎﻟﻘﺮﺏ ﻣﻦ ﺍﻟﺒﺎﺏ ﺧﺎﺭﺝ ﺍﻟﻐﺮﻓﺔ ﻳﺘﻮﺍﺭﻯ ﻋﻦ ﺍﻷﻧﻈﺎﺭ ﺑﻌﺪ ﺃﻥ ﺍﺳﺘﻤﻊ ﺇﻟﻰ ﺣﺪﻳﺜﻬﻢ ﻛﺎﻣﻼ ﻓﻘﺪ ﻛﺎﻥ ﻳﺘﺘﺒﻊ ﻧﻮﺭﺍ ﻓﻲ ﻛﻞ ﺗﺤﺮﻛﺎﺗﻬﺎ ... ﺍﻷﻣﺮ ﺍﻟﺬﻱ ﺃﺷﻌﺮﻩ ﺑﺎﻹﺭﺗﻴﺎﺡ ﻭﻣﻨﺤﻪ ﺑﻌﺾ ﺍﻷﻣﻞ ﻣﺠﺪﺩﺍ ﻓﻲ ﺃﻥ ﻳﻈﻔﺮ ﺑﻨﻮﺭﺍ ﺑﻌﺪ ﺍﻥ ﺗﺤﺼﻞ ﻋﻠﻰ ﺣﺮﻳﺘﻬﺎ ... ﺑﻌﺪ ﻗﻠﻴﻞ ﺍﻧﻀﻢ ﺍﺩﻫﻢ ﺇﻟﻰ ﺍﻟﺠﻤﻴﻊ ﻓﻲ ﺍﻟﺨﺎﺭﺝ ﻋﻠﻰ ﻧﻔﺲ ﺍﻟﻄﺎﻭﻟﺔ

ﺳﻤﻴﺔ : ﻋﺎﻣﻠﺔ ﺇﻳﻪ ﻳﺎ ﻟﺒﻨﻰ ... ﻃﻤﻨﻴﻨﻲ ﻋﻠﻴﻜﻲ ﻳﺎ ﺣﺒﻴﺒﺘﻲ .

ﻟﺒﻨﻰ : ﻣﺎﺗﻘﻠﻘﻴﺶ ﻳﺎ ﻣﺎﻣﺎ ... ﺃﻧﺎ ﻛﻮﻳﺴﺔ ﺍﻭﻱ ﻭﺯﻱ ﺍﻟﻔﻞ

ﺗﺪﺧﻞ ﺍﺣﻤﺪ ﻓﻲ ﺍﻟﺤﺪﻳﺚ ﻟﻴﺠﻴﺒﻬﺎ ﻗﺎﺋﻼ : ﻣﺎﺗﻘﻠﻘﻴﺶ ﻋﻠﻴﻬﺎ ﻳﺎ ﻃﻨﻂ ... ﻟﺒﻨﻰ ﻓﻌﻨﻴﺎ

ﺳﻤﻴﺔ : ﺃﻧﺎ ﻋﺎﺭﻓﺔ ﻳﺎ ﺣﺒﻴﺒﻲ ﺍﻧﻲ ﻣﺠﻮﺯﺍﻫﺎ ﺭﺍﺟﻞ ﻳﻌﺘﻤﺪ ﻋﻠﻴﻪ ... ﺭﺑﻨﺎ ﻳﺨﻠﻴﻚ ﻟﻴﻬﺎ ﻭﻣﺎﻳﺤﺮﻣﻜﻮﺵ ﻣﻦ ﺑﻌﺾ

ﺍﻟﻔﺖ : ﻋﻘﺒﺎﻝ ﻣﺎﻧﺸﻴﻞ ﻭﻻﺩﻫﻢ ﺍﻧﺎ ﻭﺍﻧﺘﻲ ﻳﺎ ﺳﻤﻴﺔ

ﺳﻤﻴﺔ : ﻳﺎﺭﺏ ﻳﺎ ﺃﻟﻔﺖ ﻳﺴﻤﻊ ﻣﻨﻚ ﺭﺑﻨﺎ

ﺃﻟﻔﺖ : ﻭﻋﻘﺒﺎﻟﻚ ﺍﻧﺘﻲ ﻛﻤﺎﻥ ﻳﺎ ﻧﻮﺭﺍ ﺍﻧﺘﻲ ﻭﻋﻠﻲ

ﻧﻈﺮ ﺇﻟﻴﻬﺎ ﺍﺩﻫﻢ ﻗﺎﺋﻼ : ﻻ ﺳﻴﺒﻚ ﻣﻦ ﻧﻮﺭﺍ ﻳﺎﻣﺎﻣﺎ ... ﻣﺶ ﻳﻤﻜﻦ ﺗﻜﻮﻥ ﻫﻴﺎ ﻭﻋﻠﻲ ﻣﺶ ﻣﺮﺗﺎﺣﻴﻴﻦ ﻣﻊ ﺑﻌﺾ ﻭﻻ ﺣﺎﺟﺔ ... ﻭﻻ ﺟﺎﻳﺰ ﻳﻜﻮﻧﻮﺍ ﺣﻴﻄﻠﻘﻮﺍ ﻗﺮﻳﺐ

ﺗﻮﺟﻪ ﻋﻠﻲ ﻧﺤﻮ ﺍﻟﻤﻘﻌﺪﺍﻟﺬﻱ ﻳﺠﻠﺲ ﻋﻠﻴﻪ ﺍﺩﻫﻢ ﻭﺍﻣﺴﻜﻪ ﻣﻦ ﻣﻼﺑﺴﻪ ﺻﺎﺭﺧﺎ ﺑﺈﻧﻔﻌﺎﻝ : ﺍﻧﺖ ﺇﻳﻪ ﺍﻟﻠﻲ ﺑﺘﻘﻮﻟﻪ ﺩﻩ ... ﺍﻧﺖ ﺑﺎﻳﻦ ﻋﻠﻴﻚ ﺍﺗﺠﻨﻨﺖ ﻭﻻ ﺇﻳﻪ

ﺃﻟﻔﺖ ﺑﻔﺰﻉ : ﺧﻼﺹ ﻳﺎ ﻋﻠﻲ ﻋﺸﺎﻥ ﺧﺎﻃﺮﻱ ﺍﻧﺎ ﻳﺎ ﺣﺒﻴﺒﻲ ﺳﻴﺒﻪ

ﻋﻠﻲ : ﻣﺶ ﺳﺎﻣﻌﺔ ﺍﻟﻠﻲ ﺑﻴﻘﻮﻟﻪ ﻳﺎ ﻋﻤﺘﻲ ?

ﻭﻗﻒ ﺍﺣﻤﺪ ﺣﺎﺟﺰﺍ ﺑﻴﻨﻬﻤﺎ ﺑﻌﺪ ﺍﻥ ﻗﺎﻡ ﺑﺘﺨﻠﻴﺺ ﺍﺩﻫﻢ ﻣﻦ ﻳﺪﻱ ﻋﻠﻲ ﻭﻗﺎﻝ ﻣﺤﺎﻭﻻ ﺗﻬﺪﺋﺔ ﺛﻮﺭﺗﻪ : ﺧﻼﺹ ﻳﺎ ﻋﻠﻲ ﺣﻘﻚ ﻋﻠﻴﺎ ﺃﻧﺎ ﻣﻌﻠﺶ ... ﺍﻗﻌﺪ ﺍﻧﺖ ﺑﺲ ﻭﻣﺎﺗﻀﺎﻳﻘﺶ ﻧﻔﺴﻚ

ﺳﻤﻴﺔ : ﺧﻼﺹ ﻳﺎ ﻋﻠﻲ ﻋﺸﺎﻥ ﺧﺎﻃﺮﻱ ﺍﻧﺎ ﻳﺎ ﺍﺑﻨﻲ ﻭﻋﺸﺎﻥ ﺧﺎﻃﺮ ﻋﻤﺘﻚ

ﺍﺫﻋﻦ ﻋﻠﻲ ﻟﻜﻼﻣﻬﻢ ﻓﻌﺎﻭﺩ ﺍﻟﺠﻠﻮﺱ ﻋﻠﻰ ﻣﻘﻌﺪﻩ ﻭﻫﻮ ﻳﺼﻮﺏ ﻧﻈﺮﺍﺗﻪ ﺍﻟﻨﺎﺭﻳﺔ ﻧﺤﻮ ﻧﻮﺭﺍ ﺍﻟﺘﻲ ﺗﻔﺎﺟﺄﺕ ﺑﻤﺎ ﻳﺤﺪﺙ ﻭﺍﺷﻌﺮﺗﻬﺎ ﻧﻈﺮﺍﺕ ﻋﻠﻲ ﺑﺎﻹﺭﺗﺒﺎﻙ ﻭﺍﻟﺨﻮﻑ ..

ﺍﺣﻤﺪ : ﺗﻌﺎﻟﻰ ﻣﻌﺎﻳﺎ ﻳﺎ ﺍﺩﻫﻢ ﺃﻧﺎ ﻋﺎﻳﺰﻙ

ﺩﻟﻒ ﺍﺣﻤﺪ ﺇﻟﻰ ﺩﺍﺧﻞ ﺍﻟﻤﻨﺰﻝ ﻭﺗﺒﻌﻪ ﺍﺩﻫﻢ ... ﻇﻞ ﺍﺣﻤﺪ ﻣﺤﺪﻗﺎ ﻓﻴﻪ ﻟﻔﺘﺮﺓ ﻗﺒﻞ ﺍﻥ ﻳﻘﻮﻝ : ﻣﻤﻜﻦ ﺍﻓﻬﻢ ﺇﻳﻪ ﺍﻟﻜﻼﻡ ﺍﻷﻫﺒﻞ ﺍﻟﻠﻲ ﻗﻮﻟﺘﻪ ﻣﻦ ﺷﻮﻳﺔ ﺩﻩ ?

ﺍﺷﺎﺡ ﺑﻴﺪﻩ ﻗﺎﺋﻼ ﺑﺈﻋﺘﺮﺍﺽ : ﺍﻧﺎ ﻣﺎﻗﻠﺘﺶ ﺣﺎﺟﺔ ﻏﻴﺮ ﺍﻟﺤﻘﻴﻘﺔ ... ﺻﺪﻗﻨﻲ ﻳﺎ ﺍﺣﻤﺪ ... ﻫﻴﺎ ﻭﻋﻠﻲ ﻧﺎﻭﻳﻴﻦ ﻳﻄﻠﻘﻮﺍ ﻓﻌﻼ

ﺿﻴﻖ ﺍﺣﻤﺪ ﻋﻴﻨﻴﻪ ﻗﺎﺋﻼ ﺑﺸﻚ : ﻭﺍﻧﺖ ﻋﺮﻓﺖ ﻣﻨﻴﻦ ﺑﺤﺎﺟﺔ ﺯﻱ ﺩﻱ ?

ﻧﻜﺲ ﺭﺃﺳﻪ ﻭﻗﺎﻝ ﺑﺨﺠﻞ : ﺳﻤﻌﺘﻬﺎ ﻭﻫﻴﺎ ﺑﺘﻜﻠﻢ ﻟﺒﻨﻰ ﻭﺑﺘﻘﻮﻟﻬﺎ ﺍﻧﻬﻢ ﺣﻴﻄﻠﻘﻮﺍ ﻭﻋﺮﻓﺖ ﻛﻤﺎﻥ ﺍﻥ ....

ﺍﺣﻤﺪ : ﺇﻥ ﺇﻳﻪ ﻳﺎ ﺍﺩﻫﻢ ﻣﺎﺗﻜﻤﻞ

ﺍﻧﺪﻓﻊ ﺍﺩﻫﻢ ﻗﺎﺋﻼ : ﺍﻥ ﻋﻠﻲ ﻣﺎﻗﺮﺑﺶ ﻣﻨﻬﺎ ﻃﻮﻝ ﺍﻟﻤﺪﺓ ﺩﻱ ... ﻳﻌﻨﻲ ﻟﻤﺎ ﺗﻄﻠﻖ ﺍﻗﺪﺭ ﺍﺗﺠﻮﺯﻫﺎ ﻋﺎﺩﻱ

ﺯﻓﺮ ﺍﺣﻤﺪ ﻗﺎﺋﻼ ﺑﻀﻴﻖ : ﻳﺎ ﺍﺑﻨﻲ ﺍﻓﻬﻢ ... ﻧﻮﺭﺍ ﻭﻋﻠﻲ ﺑﻴﺤﺒﻮﺍ ﺑﻌﺾ ﻭﻣﺶ ﺣﻴﻄﻠﻘﻮﺍ ... ﻫﻤﺎ ﺻﺤﻴﺢ ﻛﺎﻥ ﻓﻴﻪ ﺑﻴﻨﻬﻢ ﻣﺸﻜﻠﺔ ﺑﺲ ﺧﻼﺹ ﺍﺗﺤﻠﺖ ﻭﻟﻌﻠﻤﻚ ﺑﻘﻰ ﻋﻠﻲ ﻣﺤﻀﺮﻟﻬﺎ ﻣﻔﺎﺟﺄﺓ ﺑﻜﺮﺓ ﺍﻥ ﺷﺎﺀﺍﻟﻠﻪ ﻭﺍﻧﺎ ﺑﻨﻔﺴﻲ ﺍﻟﻠﻲ ﺳﺎﻋﺪﺗﻪ ﻓﻴﻬﺎ ... ﻭﺍﻟﻤﻔﺎﺟﺄﺓ ﺩﻱ ﻋﺸﺎﻥ ﻳﺼﺎﻟﺤﻬﺎ ﻭﻳﺒﺪﺀﻭﺍ ﺣﻴﺎﺓ ﻃﺒﻴﻌﻴﺔ ﻣﻊ ﺑﻌﺾ ... ﻭﺑﻌﺪﻳﻦ ﺍﻧﺖ ﺍﺯﺍﻱ ﺗﺴﻤﺢ ﻟﻨﻔﺴﻚ ﺗﺘﺠﺴﺲ ﻋﻠﻴﻬﻢ ﻭﻫﻤﺎ ﺑﻴﺘﻜﻠﻤﻮﺍ ﻣﻊ ﺑﻌﺾ ... ﻫﻴﺎ ﺩﻱ ﺃﺧﻼﻗﻨﺎ ﺑﺮﺿﻪ ﻳﺎ ﺍﺩﻫﻢ ... ﻭﻻ ﺗﻜﻮﻥ ﻣﺶ ﻋﺎﺭﻑ ﺍﻥ ﺩﻩ ﺣﺮﺍﻡ

ﺍﺩﻫﻢ ﺑﺄﺳﻰ : ﻏﺼﺐ ﻋﻨﻲ ﻳﺎ ﺍﺣﻤﺪ ﻭﺍﻟﻠﻪ ﻏﺼﺐ ﻋﻨﻲ ..

ﺍﻗﺘﺮﺏ ﻣﻨﻪ ﺍﺣﻤﺪ ﻭﺍﻣﺴﻚ ﻭﺟﻬﻪ ﺑﻴﻦ ﻛﻔﻴﻪ ﻭﻗﺎﻝ ﺑﺠﺪﻳﺔ : ﺍﻧﺖ ﻣﺶ ﻛﻨﺖ ﻭﻋﺪﺗﻨﻲ ﺗﻨﺴﻰ ﺍﻟﻤﻮﺿﻮﻉ ﺩﻩ ﺧﺎﻟﺺ ﻭﺗﺒﻄﻞ ﺗﻔﻜﺮ ﻓﻴﻬﺎ ... ﺇﻳﻪ ﺍﻟﻠﻲ ﺧﻼﻙ ﻋﻤﻠﺖ ﻛﺪﻩ ﺩﻩ ﺇﺗﻔﺎﻗﻨﺎ ﺑﺮﺿﻪ ... ﻳﻨﻔﻊ ﺍﻟﻜﻼﻡ ﺍﻟﻠﻲ ﺍﻧﺖ ﻗﻮﻟﺘﻪ ﺑﺮﻩ ﺩﻩ ... ﺑﺼﺮﺍﺣﺔ ﻋﻠﻲ ﻛﺎﻥ ﺣﻴﺒﻘﻲ ﻣﻌﺎﻩ ﺣﻖ ﻟﻮ ﻗﺘﻠﻚ ﺣﺘﻰ

ﺍﺩﻫﻢ ﺑﻨﺪﻡ : ﻭﺍﻟﻠﻪ ﻳﺎ ﺍﺣﻤﺪ ﻣﺎﺍﻋﺮﻑ ﺍﻧﺎ ﻗﻮﻟﺖ ﻛﺪﻩ ﺍﺯﺍﻱ

ﺍﺣﻤﺪ : ﻃﻴﺐ ﻳﻼ ﺍﻃﻠﻊ ﻋﺸﺎﻥ ﺗﺘﺄﺳﻒ ﻟﻌﻠﻲ ... ﺭﺑﻨﺎ ﻳﺴﺘﺮ ﻭﻣﺎﺗﺤﺼﻠﺶ ﻣﺸﻜﻠﺔ ﺑﻴﻨﻪ ﻭﺑﻴﻦ ﻧﻮﺭﺍ ﺑﺴﺒﺒﻚ ... ﻭﺗﻀﻴﻊ ﺍﻟﻤﻔﺎﺟﺄﺓ ﻋﻠﻰ ﺍﻟﻔﺎﺿﻲ

ﺍﺩﻫﻢ : ﺣﺎﺿﺮ ﻳﺎ ﺍﺣﻤﺪ ﺣﺎﻃﻠﻊ ﺍﺗﺄﺳﻔﻠﻪ

↚

ﺍﺣﻤﺪ : ﺍﻳﻮﻩ ﻛﺪﻩ ﻳﺎ ﺍﺩﻫﻢ ﺭﺑﻨﺎ ﻳﻬﺪﻳﻚ ... ﻋﺎﺭﻑ ﺍﻧﺖ ﺣﻠﻚ ﺍﻟﻮﺣﻴﺪ ﺇﻳﻪ ?

ﺍﺩﻫﻢ ﺑﺤﻴﺮﺓ : ﺇﻳﻪ ﻳﺎ ﺍﺣﻤﺪ

ﺍﺣﻤﺪ ﺑﺠﺪﻳﺔ : ﺍﻧﻚ ﺗﺘﺠﻮﺯ ﻳﺎ ﺍﺩﻫﻢ

************************

ﻣﻤﻜﻦ ﺍﻓﻬﻢ ﺍﻧﺘﻲ ﻗﻮﻟﺘﻲ ﺇﻳﻪ ﺑﺎﻟﻈﺒﻂ ﻷﺩﻫﻢ ﻋﻦ ﻋﻼﻗﺘﻨﺎ ﺑﺒﻌﺾ

ﻧﻄﻖ ﻋﻠﻲ ﺑﻬﺬﻩ ﺍﻟﻌﺒﺎﺭﺓ ﻣﻮﺟﻬﺎ ﺣﺪﻳﺜﻪ ﻟﻨﻮﺭﺍ ﺑﻌﺪ ﺍﻥ ﺍﺳﺘﺄﺫﻥ ﺍﻟﺠﻤﻴﻊ ﻟﻴﺼﻌﺪﺍ ﻣﻌﺎ ﺇﻟﻰ ﻏﺮﻓﺘﻬﻤﺎ ﺑﺸﻘﺔ ﻋﻤﻪ

ﺍﺟﺎﺑﺘﻪ ﻧﻮﺭﺍ ﻗﺎﺋﻠﺔ ﺑﺘﻮﺗﺮ : ﻭﺍﻧﺖ ﻣﺘﺨﻴﻞ ﺇﻧﻲ ﺣﺎﻗﻮﻟﻪ ﺇﻳﻪ ﻳﻌﻨﻲ ?ﺣﺎﺭﻭﺡ ﺍﻗﻮﻟﻪ ﺍﺑﻦ ﺧﺎﻟﻚ ﻣﺶ ﻃﺎﻳﻘﻨﻲ ﻭﻧﺎﻭﻱ ﻳﻄﻠﻘﻨﻲ ... ﺍﻧﺎ ﻃﺒﻌﺎ ﻣﺎﻗﻮﻟﺘﻠﻮﺵ ﺣﺎﺟﺔ ﻭﻣﺎﻋﺮﻓﺶ ﺇﺫﺍ ﻛﻨﺖ ﺣﺘﺼﺪﻗﻨﻲ ﻭﻻ ﻷ

ﻋﻠﻲ ﺑﺘﻬﻜﻢ : ﻭﺍﺿﺢ ﺍﻥ ﻣﻌﺠﺒﻴﻨﻚ ﻛﺘﺮﻭﺍ ﺍﻭﻱ ﻳﺎ ﺃﻧﺴﺔ ﻧﻮﺭﺍ

ﻧﻮﺭﺍ : ﺃﻧﺎ ﻣﺎﻋﺮﻓﺶ ﻫﻮ ﻗﺎﻝ ﻛﺪﻩ ﻟﻴﻪ ﻣﻦ ﺍﺻﻠﻪ ... ﻭﻻ ﺍﻋﺮﻑ ﻫﻮ ﻋﺮﻑ ﻣﻨﻴﻦ ﺍﻧﻚ ﺣﺘﻄﻠﻘﻨﻲ

ﺍﻗﺘﺮﺏ ﻣﻨﻬﺎ ﻋﻠﻲ ﻭﺍﺣﺎﻁ ﺧﺼﺮﻫﺎ ﺑﺬﺭﺍﻋﻴﻪ ﻭﻗﺎﻝ ﺑﻬﻤﺲ : ﻭﻣﻴﻦ ﻗﺎﻟﻚ ﺍﺻﻼ ﺇﻧﻲ ﺣﺎﻃﻠﻘﻚ ?

ﺍﺑﺘﺴﻤﺖ ﻗﺎﺋﻠﺔ ﺑﺨﺠﻞ : ﺑﺠﺪ ﻳﺎ ﻋﻠﻲ ... ﻃﻴﺐ ﺍﻧﺖ ﺭﺟﻌﺖ ﻓﻜﻼﻣﻚ ﻟﻴﻪ ?

ﻋﻠﻲ ﺑﺈﺑﺘﺴﺎﻣﺔ ﻣﻤﺎﺛﻠﺔ : ﻋﺸﺎﻥ ﺑﺤﺒﻚ ﻳﺎ ﺣﻤﺎﺭﺓ ... ﻭﻣﺶ ﻗﺎﺩﺭ ﺍﺑﻌﺪ ﻋﻨﻚ ﺃﻛﺜﺮ ﻣﻦ ﻛﺪﻩ

ﻧﻮﺭﺍ : ﺑﺠﺪ ﻳﺎ ﻋﻠﻲ ?

ﻋﻠﻲ : ﺑﻜﺮﺓ ﺍﻥ ﺷﺎﺀﺍﻟﻠﻪ ﺣﺘﺘﺄﻛﺪﻱ ﺑﻨﻔﺴﻚ ﻟﻤﺎ ﺗﻌﺮﻓﻲ ﺍﻟﻤﻔﺎﺟﺄﺓ ﺍﻟﻠﻲ ﺍﻧﺎ ﺣﻀﺮﺗﻬﺎﻟﻚ

ﻟﻔﺖ ﺫﺭﺍﻋﻴﻬﺎ ﺣﻮﻝ ﺭﻗﺒﺘﻪ ﻭﻗﺎﻟﺖ ﺑﻔﻀﻮﻝ : ﻃﺐ ﻣﺶ ﺣﺘﻘﻮﻟﻲ ﻋﻠﻴﻬﺎ ﺩﻟﻮﻗﺘﻲ ?

ﻋﻠﻲ : ﻭﻫﻮ ﺍﻧﺎ ﻟﻮ ﻗﻠﺘﻠﻚ ﻋﻠﻴﻬﺎ ﺩﻟﻮﻗﺘﻲ ﺗﺒﻘﻰ ﻣﻔﺎﺟﺄﺓ ﻭﺑﻌﺪﻳﻦ ﺩﻱ ﻣﺎﺗﺘﻘﺎﻟﺶ ﺩﻱ ﻻﺯﻡ ﺗﺘﺸﺎﻑ ... ﻟﻤﺎ ﺗﺸﻮﻓﻴﻬﺎ ﺑﻜﺮﺓ ﺍﻥ ﺷﺎﺀﺍﻟﻠﻪ ﺣﺘﻌﺠﺒﻚ ... ﻧﺎﻣﻲ ﺩﻟﻮﻗﺘﻲ ﻭﺍﻟﺼﺒﺢ ﻳﺤﻠﻬﺎ ﺭﺑﻨﺎ ﺑﺈﺫﻥ ﺍﻟﻠﻪ

ﻧﻮﺭﺍ : ﺭﺑﻨﺎ ﻳﺼﺒﺮﻧﻲ ﻣﻦ ﻫﻨﺎ ﻟﺤﺪ ﺑﻜﺮﺓ ﺍﻟﺼﺒﺢ

**********************

ﻛﺎﻥ ﻋﺎﺋﺪﺍ ﺇﻟﻰ ﻣﻨﺰﻟﻪ ﻛﻌﺎﺩﺗﻪ ﻛﻞ ﻟﻴﻠﺔ ﻳﺘﻤﺎﻳﻞ ﻳﻤﻨﺔ ﻭﻳﺴﺮﺓ ﺑﻌﺪ ﺃﻥ ﻟﻌﺒﺖ ﺍﻟﺨﻤﺮ ﺑﺮﺃﺳﻪ ﻭﺍﻓﻘﺪﺗﻪ ﺗﻮﺍﺯﻧﻪ ... ﻭﻋﻨﺪﻣﺎ ﺩﻟﻒ ﺇﻟﻰ ﺍﻟﺪﺍﺧﻞ ﻟﻢ ﻳﺠﺪ ﻧﺎﺩﻳﺔ ﻓﻲ ﺃﻱ ﻣﻦ ﻏﺮﻑ ﺍﻟﻤﻨﺰﻝ ... ﻓﺸﻌﺮ ﺑﺎﻟﻘﻠﻖ ﻹﺧﺘﻔﺎﺋﻬﺎ ﻭﺗﻮﺟﻪ ﻧﺤﻮ ﺍﻟﺤﻤﺎﻡ ﻟﻴﻐﺴﻞ ﺭﺃﺳﻪ ﻟﻌﻞ ﺍﻟﻤﺎﺀ ﻳﻤﻨﺤﻪ ﺑﻌﻀﺎ ﻣﻦ ﺍﻟﻴﻘﻈﺔ ﻭﺍﻹﻧﺘﺒﺎﻩ ... ﻭﻟﻜﻨﻪ ﻣﺎ ﺇﻥ ﻓﺘﺢ ﺍﻟﺒﺎﺏ ﺣﺘﻰ ﻭﺟﺪ ﻧﺎﺩﻳﺔ ﻣﻠﻘﺎﺓ ﻋﻠﻰ ﺍﻷﺭﺽ ﻭﻗﺪ ﻓﻘﺪﺕ ﻭﻋﻴﻬﺎ ... ﺟﺜﺎ ﻋﻠﻰ ﺭﻛﺒﺘﻴﻪ ﺑﺠﻮﺍﺭﻫﺎ ﺛﻢ ﺣﻤﻠﻬﺎ ﻣﺴﺮﻋﺎ ﻭﻭﺿﻌﻬﺎ ﻓﻲ ﺍﻟﻔﺮﺍﺵ ﺛﻢ ﻗﺮﺏ ﻣﻦ ﺍﻧﻔﻬﺎ ﺯﺟﺎﺟﺔ ﻋﻄﺮ ﻣﺤﺎﻭﻻ ﺇﻓﺎﻗﺘﻬﺎ ﻟﺘﺴﺘﺠﻴﺐ ﻓﻲ ﺍﻟﻨﻬﺎﻳﺔ ﻟﻤﺤﺎﻭﻻﺗﻪ ﻟﺘﻔﺘﺢ ﻋﻴﻨﻴﻬﺎ ﺑﺒﻂﺀ ... ﺗﻨﻔﺲ ﺃﺧﻴﺮﺍ ﺑﺈﺭﺗﻴﺎﺡ ﻗﺎﺋﻼ : ﻳﺎ ﺷﻴﺨﺔ ﻭﻗﻌﺘﻲ ﻗﻠﺒﻲ ... ﺇﻳﻪ ﺍﻟﻠﻲ ﺣﺼﻠﻚ ﻳﺎ ﻧﺎﺩﻳﺔ ﻭﻋﻤﻞ ﻓﻴﻜﻲ ﻛﺪﻩ ?

ﺍﺧﺬﺕ ﻧﺎﺩﻳﺔ ﺗﻔﺮﻙ ﺟﺒﻬﺘﻬﺎ ﺑﻴﺪﻫﺎ ﻣﺤﺎﻭﻟﺔ ﺍﻟﺘﺬﻛﺮ ﻗﺒﻞ ﺍﻥ ﺗﻘﻮﻝ : ﻣﺶ ﻓﺎﻛﺮﺓ ... ﺍﻟﻠﻲ ﺍﻧﺎ ﻓﺎﻛﺮﺍﻩ ﺇﻧﻲ ﻛﻨﺖ ﻓﺎﻟﺤﻤﺎﻡ ﺑﺎﺭﺟﻊ ﻭﺑﻌﺪﻳﻦ ﺩﻭﺧﺖ ﻭﻭﻗﻌﺖ ﺗﻘﺮﻳﺒﺎ ... ﺛﻢ ﺍﻧﺖ ﻣﺎﻟﻚ ﺍﻧﺖ ﺍﻳﻪ ﺍﻟﻠﻲ ﺟﺮﺍﻟﻲ ... ﻭﻗﺎﻋﺪ ﻫﻨﺎ ﺃﺻﻼ ﺑﺘﻌﻤﻞ ﺇﻳﻪ ? ﺍﺗﻔﻀﻞ ﺍﻃﻠﻊ ﺑﺮﻩ ﻳﻼ

ﺳﺎﻣﺢ : ﻻ ﺍﻧﺎ ﻛﺪﻩ ﺍﻃﻤﻨﺖ ﻋﻠﻴﻜﻲ ... ﻣﺎﺩﺍﻡ ﺭﺟﻌﺘﻲ ﻟﻄﻮﻟﺔ ﻟﺴﺎﻧﻚ ﻭﻗﻠﺔ ﺃﺩﺑﻚ ﻳﺒﻘﻰ ﺑﻘﻴﺘﻲ ﻛﻮﻳﺴﺔ ... ﺑﺲ ﺃﻧﺎ ﺑﺮﺿﻪ ﺣﺎﻛﻠﻢ ﺍﻟﺪﻛﺘﻮﺭ ﺑﺘﺎﻉ ﺍﻟﻌﻴﻠﺔ ﻋﺸﺎﻥ ﻳﻴﺠﻲ ﻳﻜﺸﻒ ﻋﻠﻴﻜﻲ ... ﺑﻌﺪﻳﻦ ﻳﺠﺮﺍﻟﻚ ﺣﺎﺟﺔ ﻭﺃﺑﻮﻛﻲ ﻳﻘﻮﻝ ﺍﻧﻨﺎ ﺍﻟﺴﺒﺐ ﻭﻻ ﺣﺎﺟﺔ

*********************

ﺩﺧﻞ ﺳﺎﻣﺢ ﺇﻟﻰ ﺍﻟﻐﺮﻓﺔ ﻣﺴﺮﻋﺎ ﻭﺟﻠﺲ ﻋﻠﻰ ﺍﻟﻔﺮﺍﺵ ﺇﻟﻰ ﺟﻮﺍﺭ ﻧﺎﺩﻳﺔ ﻗﺎﺋﻼ ﺑﺴﻌﺎﺩﺓ : ﻣﺒﺮﻭﻙ ﻳﺎ ﻧﺎﺩﻳﺔ ... ﺍﻟﺪﻛﺘﻮﺭ ﺑﻴﻘﻮﻝ ﺍﻧﻚ ﺣﺎﻣﻞ ... ﻳﻌﻨﻲ ﺍﻧﺘﻲ ﺣﺘﺒﻘﻲ ﺃﻡ ﻭﺃﻧﺎ ﺣﺎﺑﻘﻰ ﺃﺏ

ﻟﻢ ﺗﻜﻦ ﻗﺪ ﺍﺳﺘﻮﻋﺒﺖ ﺑﻌﺪ ﻣﺎﻗﺎﻟﻪ ﺍﻟﻄﺒﻴﺐ ﺣﺘﻰ ﺃﻋﺎﺩﻩ ﺳﺎﻣﺢ ﻋﻠﻰ ﺃﺫﻧﻴﻬﺎ ﻓﺼﺮﺧﺖ ﻓﻴﻪ ﻗﺎﺋﻠﺔ : ﻫﻤﺎ ﻣﻴﻦ ﺩﻭﻝ ﺍﻟﻠﻲ ﻳﺒﻘﻮﺍ ﺃﻡ ﻭﺃﺏ ...

ﺳﺎﻣﺢ ﺑﺪﻫﺸﺔ : ﺩﻭﻝ ﺃﻧﺎ ﻭﺍﻧﺘﻲ ﻳﺎ ﻧﺎﺩﻳﺔ

ﻧﺎﺩﻳﺔ ﺑﺘﺤﺪﻱ : ﺗﺒﻘﻰ ﺑﺘﺤﻠﻢ ﻟﻮ ﻓﻜﺮﺕ ﺍﻥ ﺩﻩ ﻣﻤﻜﻦ ﻳﺤﺼﻞ .......

ﻳﺘﺒﻊ

↚

ﻧﻈﺮ ﺇﻟﻴﻬﺎ ﺳﺎﻣﺢ ﻗﺎﺋﻼ ﺑﺪﻫﺸﺔ : ﻃﺐ ﻣﺎﻫﻲ ﺣﺼﻠﺖ ﺧﻼﺹ ﻳﺎ ﻧﺎﺩﻳﺔ ﻣﺶ ﻟﺴﻪ ﺣﺘﺤﺼﻞ ... ﺍﻧﺘﻲ ﺩﻟﻮﻗﺘﻲ ﺣﺎﻣﻞ ﻓﻌﻼ ﻭﺍﻟﻜﻼﻡ ﺩﻩ ﺑﻘﻰ ﺃﻣﺮ ﻭﺍﻗﻊ

ﻧﻈﺮﺕ ﺇﻟﻴﻪ ﻭﺍﻟﻐﻀﺐ ﻳﻌﺰﻑ ﺳﻴﻤﻔﻮﻧﻴﺘﻪ ﻋﻠﻰ ﻭﺟﻬﻬﺎ ﻭﻗﺎﻟﺖ ﺑﺈﺳﺘﻨﻜﺎﺭ : ﺍﻓﻬﻢ ﻣﻦ ﻛﺪﻩ ﺍﻧﻚ ﺭﺟﻌﺖ ﻓﻜﻼﻣﻚ ﻭﻣﺶ ﻧﺎﻭﻱ ﺗﻄﻠﻘﻨﻲ

ﺳﺎﻣﺢ : ﻭﺍﻃﻠﻘﻚ ﻟﻴﻪ ﻳﺎ ﻧﺎﺩﻳﺔ ?

ﻧﺎﺩﻳﺔ : ﻣﺶ ﺩﻩ ﻛﺎﻥ ﺇﺗﻔﺎﻗﻨﺎ

ﺳﺎﻣﺢ : ﺑﺲ ﺩﻟﻮﻗﺘﻲ ﻓﻴﻪ ﻇﺮﻭﻑ ﺟﺪﺕ ... ﺩﻟﻮﻗﺘﻲ ﺑﻘﻰ ﻓﻴﻪ ﻃﻔﻞ ﻣﺎﺑﻴﻨﺎ ﻳﻌﻨﻲ ﻻﺯﻡ ﻋﻠﻰ ﺍﻷﻗﻞ ﻧﺴﺘﺤﻤﻞ ﺑﻌﺾ ﻋﺸﺎﻧﻪ ... ﺃﻇﻦ ﺍﻧﺘﻲ ﺟﺮﺑﺘﻲ ﻣﺮﺍﺕ ﺍﻷﺏ ﻭﺃﻧﺎ ﻛﻤﺎﻥ ﺟﺮﺑﺘﻬﺎ ... ﻋﺸﺎﻥ ﻛﺪﻩ ﻣﺶ ﻋﺎﻳﺰ ﺇﺑﻨﻲ ﻳﺤﺲ ﺑﻨﻔﺲ ﺍﻹﺣﺴﺎﺱ ﻭﻻ ﻳﻌﻴﺶ ﻧﻔﺲ ﺍﻟﺘﺠﺮﺑﺔ ﻻﻣﻊ ﻣﺮﺍﺕ ﺃﺏ ﻭﻻ ﻣﻊ ﺟﻮﺯ ﺃﻡ

ﻧﺎﺩﻳﺔ ﺑﺘﺴﺮﻉ : ﺍﻃﻤﻦ ﻣﺶ ﺣﻴﻌﻴﺶ

ﻧﻈﺮ ﺇﻟﻴﻬﺎ ﺳﺎﻣﺢ ﻗﺎﺋﻼ ﺑﺮﻳﺒﺔ : ﻳﻌﻨﻲ ﺇﻳﻪ ﻣﺶ ﺣﻴﻌﻴﺶ ﻳﺎ ﻧﺎﺩﻳﺔ ?

ﻧﺎﺩﻳﺔ ﺑﺈﺭﺗﺒﺎﻙ : ﺃﻗﺼﺪ ﺇﻧﻪ ﻣﺶ ﺣﻴﻌﻴﺶ ﻻﻣﻊ ﻣﺮﺍﺕ ﺍﺏ ﻭﻻ ﺟﻮﺯ ﺃﻡ ... ﻭﺑﻌﺪﻳﻦ ﺍﻧﺖ ﻋﺎﻳﺰ ﻃﻔﻞ ﺗﺮﺟﻌﻠﻪ ﻛﻞ ﻟﻴﻠﺔ ﺳﻜﺮﺍﻥ ﻭﺑﺘﺘﻄﻮﺡ ﻳﻤﻴﻦ ﻭﺷﻤﺎﻝ ﻭﻫﻮ ﻟﻤﺎ ﻳﺸﻮﻓﻚ ﺑﺎﻟﺸﻜﻞ ﺩﻩ ﺑﻌﺪ ﻛﺪﻩ ﻟﻤﺎ ﻳﻜﺒﺮﻫﻮ ﺣﻴﻌﻤﻞ ﺇﻳﻪ

ﺳﺎﻣﺢ : ﻧﺎﺩﻳﺔ ﺍﻧﺘﻲ ﻣﻌﺎﻛﻲ ﺣﻖ ﻓﺎﻟﻜﻼﻡ ﺍﻟﻠﻲ ﺑﺘﻘﻮﻟﻴﻪ ﺩﻩ ... ﺃﻧﺎ ﻓﻌﻼ ﺑﺎﻟﺸﻜﻞ ﺩﻩ ﻣﺎ ﺍﺻﻠﺤﺶ ﺃﻛﻮﻥ ﺃﺏ ... ﻟﻜﻦ ﺃﻧﺎ ﺍﻭﻋﺪﻙ ﻟﻮ ﻭﺍﻓﻘﺘﻲ ﺍﻧﻚ ﺗﻜﻤﻠﻲ ﻣﻌﺎﻳﺎ ﻭﻧﺮﺑﻲ ﺍﺑﻨﻨﺎ ﺍﻭ ﺑﻨﺘﻨﺎ ﻭﺳﻄﻴﻨﺎ ... ﺍﻭﻋﺪﻙ ﺇﻧﻲ ﺍﺗﻐﻴﺮ ﻭﺍﺑﻄﻞ ﻛﻞ ﺍﻟﺤﺎﺟﺎﺕ ﺍﻟﻠﻲ ﺑﺘﻀﺎﻳﻘﻚ ﻣﻨﻲ ... ﻋﺎﺭﻓﺔ ﺣﺎﻟﺘﺰﻡ ﻓﺎﻟﺸﻐﻞ ﻣﻊ ﺑﺎﺑﺎ ﺍﻛﺘﺮ ﻣﻦ ﻛﺪﻩ ... ﻭﺍﻟﺨﻤﺮﺓ ﺩﻱ ﻣﺶ ﺣﺎﻗﺮﺑﻠﻬﺎ ﺗﺎﻧﻲ ﺍﺑﺪﺍ ... ﻭﺣﺎﺑﻄﻞ ﺳﻬﺮ ﻟﻮﺵ ﺍﻟﻔﺠﺮ ... ﺣﺎﻛﻮﻥ ﺃﺏ ﻣﺤﺘﺮﻡ ﻳﺎ ﻧﺎﺩﻳﺔ ﺻﺪﻗﻴﻨﻲ

ﻧﺎﺩﻳﺔ ﺑﺠﺪﻳﺔ : ﻭﺗﺮﺿﻰ ﻹﺑﻨﻚ ﺑﺄﻡ ﻣﺴﺘﻬﺘﺮﺓ ﺯﻳﻲ ... ﻭﻻ ﺍﻧﺖ ﻧﺎﺳﻲ ﺇﻧﻲ ﺭﻭﺣﺖ ﻣﻌﺎﻙ ﺷﺎﻟﻴﻪ ﻣﺎﻓﻴﻬﻮﺵ ﺣﺪ ﻏﻴﺮﻧﺎ ﻣﻦ ﻏﻴﺮ ﺟﻮﺍﺯ ... ﺗﻀﻤﻦ ﻣﻨﻴﻦ ﺑﻘﻰ ﺇﻧﻲ ﻣﺎﻋﻤﻠﺘﺶ ﻛﺪﻩ ﻣﻊ ﻏﻴﺮﻙ ?

ﻧﻈﺮ ﺇﻟﻴﻬﺎ ﺳﺎﻣﺢ ﻣﺬﻫﻮﻻ ﻣﻤﺎﺗﻘﻮﻝ ﺛﻢ ﻗﺎﻝ ﺑﺠﺪﻳﺔ : ﻧﺎﺩﻳﺔ ﺃﻧﺎ ﻋﺎﺭﻑ ﺍﻧﻚ ﻋﻤﻠﺘﻲ ﻛﺪﻩ ﻭﻗﺘﻬﺎ ﻋﺸﺎﻥ ﻛﻨﺘﻲ ﺑﺘﺤﺒﻴﻨﻲ ... ﻭﺑﻌﺪﻳﻦ ﺍﻧﺘﻲ ﺍﺻﻼ ﻣﺎﻛﻨﺘﻴﺶ ﺭﺍﺿﻴﺔ ﺗﺪﺧﻠﻲ

ﻭﺿﻌﺖ ﻧﺎﺩﻳﺔ ﺇﺣﺪﻱ ﺳﺎﻗﻴﻬﺎ ﻓﻮﻕ ﺍﻷﺧﺮﻯ ﻭﺃﺧﺬﺕ ﺗﻬﺰﻫﻤﺎ ﻗﺎﺋﻠﺔ ﺑﺈﺳﺘﻔﺰﺍﺯ : ﻷ ... ﺃﻧﺎ ﻋﻤﻠﺖ ﻛﺪﻩ ﻋﺸﺎﻥ ﺃﻧﺎ ﻭﺍﺣﺪﺓ ﻣﻨﺤﻠﺔ ﻭﻣﺶ ﻣﺘﺮﺑﻴﺔ ﻭﻣﺎﻋﻨﺪﻳﺶ ﺃﺧﻼﻕ ... ﻭﻣﻤﻜﻦ ﺯﻱ ﻣﺎﻋﻤﻠﺖ ﻛﺪﻩ ﻣﻌﺎﻙ ﺍﻛﻮﻥ ﻋﻤﻠﺘﻪ ﻣﻊ ﻏﻴﺮﻙ

... ﺗﻀﻤﻦ ﻣﻨﻴﻦ ﺑﻘﻰ ﺍﻥ ﺩﻩ ﻳﻜﻮﻥ ﺇﺑﻨﻚ ﺍﻧﺖ

ﻟﻢ ﻳﻜﻦ ﺭﺩﻩ ﻋﻠﻴﻬﺎ ﺳﻮﻯ ﺻﻔﻌﺔ ﻣﺪﻭﻳﺔ ﺗﻠﻘﺘﻬﺎ ﻭﺟﻨﺘﻬﺎ ﻗﺒﻞ ﺍﻥ ﻳﺼﺮﺥ ﺑﻬﺎ ﻗﺎﺋﻼ : ﺍﻧﺖ ﻻ ﻳﻤﻜﻦ ﺗﻜﻮﻧﻲ ﺇﻧﺴﺎﻧﺔ ﻃﺒﻴﻌﻴﺔ ... ﺍﻧﺖ ﺍﻛﻴﺪ ﻣﺶ ﻓﻮﻋﻴﻚ

ﺻﺮﺧﺖ ﻓﻴﻪ ﻗﺎﺋﻠﺔ ﺑﺈﻧﻔﻌﺎﻝ : ﻣﻦ ﺍﻵﺧﺮ ﻛﺪﻩ ﺇﻧﺴﻰ ﺍﻧﻲ ﺍﺣﺘﻔﻆ ﺑﺠﻨﻴﻦ ﺗﻜﻮﻥ ﺍﻧﺖ ﺃﺑﻮﻩ ... ﺍﻧﺖ ﻓﺎﻫﻢ ﻭﻻ ﻷ ?

ﺳﺎﻣﺢ : ﻃﺐ ﺍﺳﻤﻌﻴﻨﻲ ﺑﻘﻰ ﻳﺎ ﻧﺎﺩﻳﺔ ... ﻗﺴﻤﺎ ﺑﺎﻟﻠﻪ ﺍﻟﻌﻈﻴﻢ ﻟﻮ ﻓﻜﺮﺗﻲ ﺍﻧﻚ ﺗﻌﻤﻠﻲ ﺣﺎﺟﺔ ﻓﺈﺑﻨﻲ ﻷﻛﻮﻥ ﻣﺪﺧﻠﻚ ﺍﻟﺴﺠﻦ ﻭﻣﻨﻴﻤﻚ ﻋﻠﻰ ﺍﻟﺒﺮﺵ ﺯﻱ ﺍﻟﺤﺮﺍﻣﻴﺔ ﻭﺍﻟﻤﺠﺮﻣﻴﻦ ﺑﺲ ﺑﻌﺪ ﻣﺎ ﺃﺧﺪ ﺣﻖ ﺍﺑﻨﻲ ﻣﻨﻚ ... ﻭﻃﻼﻕ ﻣﺶ ﺣﺎﻃﻠﻘﻚ ﻳﺎ ﻧﺎﺩﻳﺔ ... ﻭﻭﺭﻳﻨﻲ ﺑﻘﻰ ﺣﺘﻌﻤﻠﻲ ﺇﻳﻪ

ﻏﺎﺩﺭ ﺳﺎﻣﺢ ﺍﻟﻤﻨﺰﻝ ﺑﻌﺪ ﺍﻥ ﻭﺟﻪ ﺗﻬﺪﻳﺪﻩ ﻟﻨﺎﺩﻳﺔ ﺍﻟﺘﻲ ﻟﻢ ﺗﺒﺎﻟﻲ ﺑﻪ ﻭﻗﺎﻟﺖ ﻓﻲ ﺗﺤﺪﻱ : ﺍﻣﺎ ﻧﺸﻮﻑ ﻛﻼﻡ ﻣﻴﻦ ﺍﻟﻠﻲ ﺣﻴﻤﺸﻲ ﻓﺎﻷﺧﺮ ﺍﻟﻤﺮﺓﺩﻱ ﻛﻤﺎﻥ ﻳﺎ ﺳﺎﻣﺢ

&&&&&&&&&&&&&&&&&&&&&&

ﺗﺴﻠﻠﺖ ﺃﺷﻌﺔ ﺍﻟﺸﻤﺲ ﻟﺘﺪﺍﻋﺐ ﺑﺨﻴﻮﻃﻬﺎ ﺍﻟﺬﻫﺒﻴﺔ ﻧﺎﻓﺬﺓ ﻏﺮﻓﺘﻬﻤﺎﻣﻌﻠﻨﺔ ﺑﺪﺀ ﻳﻮﻡ ﺟﺪﻳﺪ ... ﺍﺳﺘﻴﻘﻆ ﻋﻠﻲ ﺍﻭﻻ ﻭﻓﺘﺢ ﻋﻴﻨﻴﻪ ﺑﺒﻂﺀ .. . ﻻﺣﺖ ﻋﻠﻰ ﺷﻔﺘﻴﻪ ﺇﺑﺘﺴﺎﻣﺔ ﻭﻫﻮ ﻳﻨﻈﺮ ﺇﻟﻰ ﻧﻮﺭﺍ ﺍﻟﻨﺎﺋﻤﺔ ﺑﺠﻮﺍﺭﻩ ... ﺍﻗﺘﺮﺏ ﻣﻨﻬﺎ ﻭﻣﺴﺢ ﻋﻠﻰ ﺷﻌﺮﻫﺎ ﺑﺮﻗﺔ ﻣﺤﺎﻭﻻ ﺇﻳﻘﺎﻇﻬﺎ ﻭﻫﻮ ﻳﻘﻮﻝ ﺑﻬﻤﺲ : ﻧﻮﺭﺍ ... ﺇﺻﺤﻲ ﺑﻘﻰ ﻳﺎ ﺣﺒﻴﺒﺘﻲ ... ﻋﺎﻳﺰﻳﻦ ﻧﻠﺤﻖ ﺍﻟﻴﻮﻡ ﻣﻦ ﺃﻭﻟﻪ

ﺃﺧﺬﺕ ﺗﻔﺮﻙ ﻋﻴﻨﻴﻬﺎ ﻗﺒﻞ ﺍﻥ ﺗﻔﺘﺤﻬﻤﺎ ﻭﺗﺒﺘﺴﻢ ﻭﻫﻲ ﺗﻨﻈﺮ ﺇﻟﻴﻪ ﻗﺎﺋﻠﺔ : ﺻﺒﺎﺡ ﺍﻟﺨﻴﺮ ﻳﺎ ﻋﻠﻲ

ﺑﺎﺩﻟﻬﺎ ﻋﻠﻰ ﺍﻹﺑﺘﺴﺎﻣﺔ ﻗﺎﺋﻼ : ﻳﺎ ﺻﺒﺎﺡ ﺍﻟﺠﻤﺎﻝ ... ﻳﻼ ﺍﺗﻔﻀﻠﻲ ﻗﻮﻣﻲ ﺧﺪﻱ ﺷﺎﻭﺭ ﻭﺍﻟﺒﺴﻲ ﻋﺸﺎﻥ ﺣﻨﺨﺮﺝ

ﻋﻘﺪﺕ ﺣﺎﺟﺒﻴﻬﺎ ﻭﻗﺎﻟﺖ ﻓﻲ ﺩﻫﺸﺔ : ﻧﺨﺮﺝ ﻧﺮﻭﺡ ﻓﻴﻦ ﻳﺎ ﻋﻠﻲ ?

ﻋﻠﻲ : ﻣﻊ ﻋﻠﻲ ﻣﺎﺗﻔﻜﺮﻳﺶ ﻭﻣﺎ ﺗﺴﺄﻟﻴﺶ ... ﺗﺴﻤﻌﻲ ﺍﻟﻜﻼﻡ ﻭﺑﺲ

ﻧﻮﺭﺍ : ﻃﻴﺐ ﻣﺶ ﺣﺘﻘﻮﻟﻲ ﺭﺍﻳﺤﻴﻦ ﻓﻴﻦ

ﻋﻠﻰ : ﺗﻘﺪﺭﻱ ﺗﻘﻮﻟﻲ ﻛﺪﻩ ﺍﻧﻚ ﻣﺨﻄﻮﻓﺔ ﺍﻟﻨﻬﺎﺭﺩﺓ ... ﻳﻼ ﻗﻮﻣﻲ ﺑﻘﻰ ﺑﻼﺵ ﻛﺴﻞ

ﺍﺟﺎﺑﺖ ﻭﻫﻲ ﺗﺰﻳﺢ ﺍﻟﻐﻄﺎﺀ ﻟﺘﻨﻬﺾ ﻣﻦ ﺍﻟﻔﺮﺍﺵ : ﺃﻣﺮﻱ ﻟﻠﻪ ﻟﻤﺎ ﺃﺷﻮﻑ ﺃﺧﺮﺗﻬﺎ ﻣﻌﺎﻙ

&&&&&&&&&&&&&&&&&

ﻓﻲ ﺍﻟﺴﻴﺎﺭﺓ ﻛﺎﻧﺖ ﻧﻮﺭﺍ ﺗﺤﺪﺙ ﻋﻠﻲ ﻗﺎﺋﻠﺔ : ﻋﻠﻲ ﺍﺣﻨﺎ ﻣﺸﻴﻨﺎ ﻛﺪﻩ ﻣﻦ ﻏﻴﺮ ﻣﺎ ﻧﻘﻮﻝ ﻟﺤﺪ ﺧﺎﻟﺺ ﺑﻌﺪﻳﻦ ﻳﻘﻠﻘﻮﺍ ﻋﻠﻴﻨﺎ

ﻋﻠﻲ : ﻣﺎﺗﻘﻠﻘﻴﺶ ﻋﻤﻲ ﺻﻔﻮﺕ ﻭﺍﺣﻤﺪ ﻋﺎﺭﻓﻴﻦ ﺍﺣﻨﺎ ﻓﻴﻦ

ﻧﻮﺭﺍ ﺑﺪﻫﺸﺔ : ﺑﺎﺑﺎ ﻛﻤﺎﻥ ﻋﺎﺭﻑ ﺍﺣﻨﺎ ﺭﺍﻳﺤﻴﻦ ﻓﻴﻦ

ﻋﻠﻲ : ﻳﻌﻨﻲ ﻣﺶ ﺑﺎﻟﻈﺒﻂ ... ﺑﺼﻲ ﺑﻌﺪﻳﻦ ﺣﺘﻔﻬﻤﻲ

ﻧﻮﺭﺍ ﺑﻔﻀﻮﻝ : ﻳﻌﻨﻲ ﺑﺮﺿﻪ ﻣﺶ ﺣﺘﻘﻮﻟﻲ ﺍﺣﻨﺎ ﺭﺍﻳﺤﻴﻦ ﻓﻴﻦ

ﻋﻠﻲ : ﺑﺼﻲ ﺑﻤﺎ ﺇﻧﻨﺎ ﺧﻼﺹ ﻗﺮﺑﻨﺎ ﻧﻮﺻﻞ ﻓﺎﻧﺎ ﺧﻼﺹ ﺣﺄﻗﻮﻟﻚ ... ﺍﺣﻨﺎ ﻳﺎ ﺳﺘﻲ ﺭﺍﻳﺤﻴﻦ ﺭﺍﺱ ﺍﻟﺒﺮ

ﻧﻮﺭﺍ ﺑﺪﻫﺸﺔ : ﺭﺍﺱ ﺍﻟﺒﺮ ! ﺍﺷﻤﻌﻨﺎ ﻳﻌﻨﻲ ?

ﻋﻠﻲ : ﻋﺸﺎﻥ ﻧﻌﻮﺽ ﺷﻬﺮ ﺍﻟﻌﺴﻞ ﺍﻟﻠﻲ ﺿﺎﻉ ﻣﻨﻨﺎ

ﺗﻨﻬﺪﺕ ﻧﻮﺭﺍ ﻭﻗﺎﻟﺖ ﺑﻤﺰﺍﺡ : ﺁﻩ ﺻﺤﻴﺢ ... ﻓﺎﻛﺮ ﺷﻬﺮ ﺍﻟﻌﺴﻞ ... ﺍﻟﻌﺴﻞ ﺍﻷﺳﻮﺩ ﻗﺼﺪﻱ

ﻋﻠﻲ : ﻳﺎ ﺳﺎﺗﺮ ﻋﻠﻴﻜﻲ ... ﺍﻟﻌﺴﻞ ﻫﻮ ﺍﻟﻠﻲ ﺍﺳﻮﺩ ﺑﺮﺿﻪ ﻭﻻ ﻗﻠﺒﻚ ﻫﻮ ﺍﻷﺳﻮﺩ

ﺭﻓﻌﺖ ﻛﺘﻔﻴﻬﺎ ﻭﻗﺎﻟﺖ ﻓﻲ ﺗﻐﻨﺞ : ﻣﺎ ﺗﻔﺮﻗﺶ ﺍﻧﺎ ﻭﺍﻟﻌﺴﻞ ﻭﺍﺣﺪ ... ﻭﻻ ﻋﻨﺪﻙ ﺇﻋﺘﺮﺍﺽ

ﺭﻓﻊ ﻋﻠﻲ ﺣﺎﺟﺒﻴﻪ ﻓﻲ ﺩﻫﺸﺔ ﻭﻗﺎﻝ ﺑﺈﺑﺘﺴﺎﻣﺔ : ﻭﺃﻧﺎ ﺍﻗﺪﺭ ﺍﻋﺘﺮﺽ ﺑﺮﺿﻪ ﻳﺎ ﺟﻤﻴﻞ ... ﺛﻢ ﺗﻨﻬﺪ ﻗﺎﺋﻼ : ﺗﻌﺮﻓﻲ ﻳﺎ ﻧﻮﺭﺍ ... ﺍﻧﺎ ﺣﺎﺳﺲ ﺇﻧﻲ ﻟﺴﻪ ﺑﺘﻌﺮﻑ ﻋﻠﻴﻜﻲ ... ﻛﺎﻧﻚ ﻃﻮﻝ ﺍﻟﻌﻤﺮ ﺍﻟﻠﻲ ﻓﺎﺕ ﺩﻩ ﻣﺎﻛﻨﺘﻴﺶ ﺑﻨﺖ ﻋﻤﻲ ﻭﺑﻨﺖ ﺧﺎﻟﺘﻲ ﻭﻻ ﻛﺎﻧﻨﺎ ﻣﺘﺮﺑﻴﻴﻦ ﻣﻊ ﺑﻌﺾ ﻓﺒﻴﺖ ﻭﺍﺣﺪ ﻟﺤﺪ ﻣﺎﻛﺎﻥ ﻋﻨﺪﻙ 16 ﺳﻨﺔ

ﻧﻜﺴﺖ ﺭﺃﺳﻬﺎ ﻭﻗﺎﻟﺖ ﺑﺄﺳﻰ : ﺍﻧﺖ ﺑﺲ ﻣﺎﻛﻨﺘﺶ ﻭﺍﺧﺪ ﺑﺎﻟﻚ ﻣﻨﻲ ... ﻋﺸﺎﻥ ﻗﻠﺒﻚ ﻛﺎﻥ ﻣﺸﻐﻮﻝ ﺑﻐﻴﺮﻱ

ﺍﻭﻗﻒ ﻋﻠﻲ ﺳﻴﺎﺭﺗﻪ ﺛﻢ ﺍﻣﺘﺪﺕ ﻳﺪﻩ ﻟﻴﺮﻓﻊ ﻭﺟﻬﻬﺎ ﺇﻟﻴﻪ ﺑﺮﻓﻖ ﻗﺎﺋﻼ : ﻣﺶ ﺍﺣﻨﺎ ﺧﻼﺹ ﺧﻠﺼﻨﺎ ﻣﻦ ﺍﻟﻤﻮﺿﻮﻉ ﺩﻩ ... ﺑﻜﺮﺓ ﺍﻷﻳﺎﻡ ﺗﺜﺒﺘﻠﻚ ﺇﻧﻪ ﻛﺎﻥ ﻣﺎﺿﻲ ﻭﺍﻧﺘﻬﻰ ... ﺍﺣﻠﻔﻠﻚ ﺑﺈﻳﻪ ﻳﺎ ﻧﻮﺭﺍ ... ﺍﻥ ﻣﺎﻓﻴﺶ ﺣﺪ ﺩﻟﻮﻗﺘﻲ ﻓﻘﻠﺒﻲ ﻏﻴﺮﻙ ﺍﻧﺘﻲ ﻳﺎ ﺣﺒﻴﺒﺘﻲ

ﺍﺑﺘﺴﻤﺖ ﻗﺎﺋﻠﺔ : ﺧﻼﺹ ﻳﺎ ﻋﻠﻰ ... ﺍﻧﺖ ﻣﺶ ﻣﺤﺘﺎﺝ ﺗﺤﻠﻔﻠﻲ ﻋﺸﺎﻥ ﺃﺻﺪﻗﻚ ... ﺑﺲ ﻣﺎ ﻗﻮﻟﺘﻴﻠﻴﺶ ﺍﻧﺖ ﻭﻗﻔﺖ ﻟﻴﻪ ?

ﻋﻠﻲ : ﻋﺸﺎﻥ ﺑﺒﺴﺎﻃﺔ ﺍﺣﻨﺎ ﻭﺻﻠﻨﺎ ﺧﻼﺹ ... ﻳﻼ ﺑﻴﻨﺎ ﺍﺗﻔﻀﻠﻲ ﺍﻧﺰﻟﻲ

ﺗﺮﺟﻠﺖ ﻧﻮﺭﺍ ﻣﻦ ﺍﻟﺴﻴﺎﺭﺓ ﻭﺃﺧﺬﺕ ﺗﺘﻠﻔﺖ ﺣﻮﻟﻬﺎ ﺛﻢ ﻗﺎﻝ ﺑﺪﻫﺸﺔ : ﻫﻮ ﺍﺣﻨﺎ ﺟﺎﻳﻴﻦ ﻫﻨﺎ ﻟﻴﻪ ?

ﺍﺷﺎﺭ ﻋﻠﻲ ﺇﻟﻰ ﺃﺣﺪ ﺍﻟﻴﺨﻮﺕ ﺍﻟﺘﻲ ﺗﺮﺳﻮ ﺑﺎﻟﻘﺮﺏ ﻣﻦ ﺍﻟﺸﺎﻃﺊ ﻭﻗﺎﻝ ﺑﺈﺑﺘﺴﺎﻣﺔ : ﺷﺎﻳﻔﺔ ﺍﻟﻴﺨﺖ ﺍﻟﻠﻲ ﻫﻨﺎﻙ ﺩﻩ ?

↚

ﻧﻈﺮﺕ ﺇﻟﻰ ﺣﻴﺚ ﺃﺷﺎﺭ ﻋﻠﻲ ﻭﻗﺎﻟﺖ : ﻣﺎﻟﻪ ﺍﻟﻴﺨﺖ ﺩﻩ

ﻋﻠﻲ : ﻫﻮ ﺇﻳﻪ ﺍﻟﻠﻲ ﻣﺎﻟﻪ ... ﺍﻟﻴﺨﺖ ﺩﻩ ﻳﺎ ﺳﺘﻲ ﺃﻧﺎ ﻣﺄﺟﺮﻩ ﻣﺨﺼﻮﺹ ﻛﺎﻡ ﺳﺎﻋﺔ ﻋﺸﺎﻧﻲ ﺍﻧﺎ ﻭﺍﻧﺘﻲ ﻭﺑﺲ

ﻧﻮﺭﺍ ﺑﺴﻌﺎﺩﺓ : ﻫﻴﺎ ﺩﻱ ﺍﻟﻤﻔﺎﺟﺄﺓ ﺍﻟﻠﻲ ﻗﻮﻟﺘﻠﻲ ﻋﻠﻴﻬﺎ

ﻋﻠﻲ : ﺗﻘﺪﺭﻱ ﺗﻘﻮﻟﻲ ﺩﻩ ﻧﺼﻬﺎ ﺑﺲ

ﻧﻮﺭﺍ : ﺑﺲ ﺍﻧﺖ ﺃﺟﺮﺗﻪ ﺍﻣﺘﻰ ﺩﻩ ? ﺍﻧﺖ ﺟﻴﺖ ﺩﻣﻴﺎﻁ ﻣﻦ ﻭﺭﺍﻳﺎ

ﺃﺟﺎﺑﻬﺎ ﻭﻫﻮ ﻳﻤﺪ ﻳﺪﻩ ﺇﻟﻴﻬﺎ ﻗﺎﺋﻼ : ﺍﻟﺒﺮﻛﺔ ﻓﺎﺣﻤﺪ ﻳﺎ ﺳﺘﻲ ... ﻳﻼ ﺑﻘﻰ ﻫﺎﺗﻲ ﺇﻳﺪﻙ ﻋﺸﺎﻥ ﻣﺎﻧﻀﻴﻌﺶ ﻭﻗﺖ ﺍﻛﺘﺮ ﻣﻦ ﻛﺪﻩ

ﻭﺿﻌﺖ ﻧﻮﺭﺍ ﻳﺪﻫﺎ ﻓﻲ ﻳﺪﻩ ﻗﺎﺋﻠﺔ : ﻳﻼ ﺑﻴﻨﺎ

&&&&&&&&&&&&&&&&&&&&&

ﻛﺎﻧﺖ ﻧﻮﺭﺍ ﺗﻘﻒ ﻋﻠﻰ ﺳﻄﺢ ﺍﻟﻴﺨﺖ ﻭﻫﻲ ﺗﻨﻈﺮ ﺇﻟﻰ ﺍﻟﻤﻴﺎﻩ ﺑﺴﻌﺎﺩﺓ ﻭﺗﺴﺘﻨﺸﻖ ﺍﻟﻬﻮﺍﺀ ﺍﻟﻤﺸﺒﻊ ﺑﺮﺍﺋﺤﺔ ﺍﻟﻴﻮﺩ ﺣﻴﻦ ﺃﻗﺘﺮﺏ ﻣﻨﻬﺎ ﻋﻠﻲ ﺑﻌﺪ ﺍﻥ ﺍﻭﻗﻒ ﺍﻟﻴﺨﺖ ﻭﻃﻮﻕ ﺧﺼﺮﻫﺎ ﺑﺬﺭﺍﻋﻴﻪ ﻣﻦ ﺍﻟﺨﻠﻒ ﻭﻫﻮ ﻳﻘﻮﻝ ﺑﻬﻤﺲ : ﺑﺘﻔﻜﺮﻱ ﻓﺈﻳﻪ ?

ﻧﻮﺭﺍ : ﻋﺎﺭﻑ ﻓﻴﻠﻢ ﺗﻴﺘﺎﻧﻴﻚ ?

ﻋﻠﻲ ﺑﺪﻫﺸﺔ : ﺍﻳﻮﻩ ﻃﺒﻌﺎ ﻋﺎﺭﻓﻪ ... ﺑﺲ ﺇﻳﻪ ﺍﻟﻠﻲ ﻓﻜﺮﻙ ﺑﻴﻪ ﺩﻟﻮﻗﺘﻲ ?

ﻧﻮﺭﺍ ﺑﺠﺪﻳﺔ : ﻣﺮﺓ ﻭﺍﻧﺎ ﻓﻔﺘﺮﺓ ﺍﻟﻤﺮﺍﻫﻘﺔ ﺑﺘﺎﻋﺘﻲ ﺍﺗﻔﺮﺟﺖ ﻋﻠﻰ ﺍﻟﻔﻴﻠﻢ ﺩﻩ ﻭﺍﺗﺨﻴﻠﺖ ﻧﻔﺴﻲ ﻣﻜﺎﻥ ﺍﻟﺒﻄﻠﺔ ﻭﻫﻴﺎ ﻭﺍﻗﻔﺔ ﻋﻠﻲ ﺳﻄﺢ ﺍﻟﺴﻔﻴﻨﺔ ﻭﻓﺎﺭﺩﺓ ﺇﻳﺪﻳﻬﺎ ﻭﺍﻟﺒﻄﻞ ﻭﺍﻗﻒ ﻭﺭﺍﻫﺎ ﻭﻓﺎﺭﺩ ﺇﻳﺪﻳﻪ ﻫﻮ ﻛﻤﺎﻥ ﻭﺍﻳﺪﻳﻪ ﺣﺎﺿﻨﺔ ﺇﻳﺪﻳﻬﺎ ... ﺍﺗﻤﻨﻴﺖ ﺳﺎﻋﺘﻬﺎ ﺍﻧﻲ ﺍﻋﻤﻞ ﻛﺪﻩ ﻓﻌﻼ ﻓﻮﻗﺖ ﻣﻦ ﺍﻷﻭﻗﺎﺕ

ﻋﻠﻲ : ﻳﺎ ﺳﻼﻡ ... ﻭﻛﻨﺘﻲ ﺑﺘﺘﺨﻴﻠﻲ ﻣﻴﻦ ﺍﻟﺒﻄﻞ ﺑﻘﻰ ﺇﻥ ﺷﺎﺀﺍﻟﻠﻪ ?

ﺍﺳﺘﺪﺍﺭﺕ ﻧﻮﺭﺍ ﻟﺘﺼﺒﺢ ﻓﻲ ﻣﻮﺍﺟﻬﺘﻪ ﻭﻗﺎﻟﺖ ﺑﻮﻟﻪ : ﺗﺼﺪﻗﻨﻲ ﻟﻮ ﻗﻠﺘﻠﻚ ﺇﻧﻲ ﺍﺗﺨﻴﻠﺘﻚ ﺍﻧﺖ ﻭﻗﺘﻬﺎ ﻣﻜﺎﻧﻪ ... ﺍﻧﺎ ﻋﻤﺮﻱ ﻣﺎ ﺍﺗﺨﻴﻠﺖ ﻧﻔﺴﻲ ﻣﻊ ﺣﺪ ﻏﻴﺮﻙ ﻳﺎ ﻋﻠﻲ ... ﺃﻧﺎ ﻓﺘﺤﺖ ﻋﻨﻴﺎ ﻟﻘﻴﺘﻨﻲ ﺑﺤﺒﻚ ... ﻣﻦ ﺍﻣﺘﻰ ﻣﺎﻋﺮﻓﺶ ... ﻛﻞ ﺍﻟﻠﻲ ﺍﻋﺮﻓﻪ ﺍﻧﻲ ﻣﺶ ﻋﺎﻳﺰﺓ ﻣﻦ ﺍﻟﺪﻧﻴﺎ ﺣﺪ ﻏﻴﺮﻙ ﺍﻧﺖ ﻭﺑﺲ ... ﺍﻧﺎ ﻣﺎﻛﻨﺘﺶ ﻧﺎﻭﻳﺔ ﺃﻗﻮﻟﻚ ﺍﻟﻜﻼﻡ ﺩﻩ ﻟﻜﻦ ﻣﺶ ﻋﺎﺭﻓﺔ ﻟﻴﻪ ﻣﺎﻗﺪﺭﺗﺶ ﺍﻣﻨﻊ ﻧﻔﺴﻲ ﺇﻧﻲ ﺃﻗﻮﻟﻪ

ﺍﻣﺴﻚ ﻋﻠﻲ ﻭﺟﻬﻪ ﺑﻴﻦ ﻛﻔﻴﻪ ﻭﻧﻈﺮ ﺇﻟﻰ ﻋﻴﻨﻴﻬﺎ ﻗﺎﺋﻼ : ﺗﻌﺮﻓﻲ ﺍﻧﻚ ﺟﻤﻴﻠﺔ ﺍﻭﻱ ﻳﺎ ﻧﻮﺭﺍ ... ﻣﺶ ﻋﺎﺭﻑ ﺍﺯﺍﻱ ﻣﺎﻛﻨﺘﺶ ﻭﺍﺧﺪ ﺑﺎﻟﻲ ﻣﻦ ﻟﻤﻌﺔ ﻋﻨﻴﻜﻲ ﻟﻤﺎ ﺑﺘﻔﺮﺣﻲ ... ﺃﻧﺎ ﺣﺎﺳﺲ ﺍﻧﻚ ﻛﺘﻴﺮ ﻋﻠﻴﺎ ﺑﺠﺪ

ﻭﺿﻌﺖ ﻧﻮﺭﺍ ﻳﺪﻫﺎ ﻋﻠﻰ ﺷﻔﺘﻴﻪ ﻗﺎﺋﻠﺔ : ﻣﺎﺗﻘﻮﻟﺶ ﻛﺪﻩ ﺗﺎﻧﻲ ﻣﻦ ﻓﻀﻠﻚ

ﻗﺒﻞ ﻋﻠﻲ ﻳﺪﻫﺎ ﺍﻟﻤﻮﺿﻮﻋﺔ ﻋﻠﻰ ﺷﻔﺘﻴﻪ ﻓﺎﺑﻌﺪﺗﻬﺎ ﺳﺮﻳﻌﺎ ﻓﺎﺳﺘﻄﺮﺩ ﻗﺎﺋﻼ : ﺗﻌﺮﻓﻲ ﺍﻥ ﺍﻟﻬﻮﺍ ﺍﻟﻨﻀﻴﻒ ﺩﻩ ﻓﺘﺢ ﻧﻔﺴﻲ ﻋﻠﻲ ﺣﺎﺟﺎﺕ ﻛﺘﻴﺮ ﺍﻭﻱ

ﻧﻮﺭﺍ : ﺯﻱ ﺇﻳﻪ ?

ﻋﻠﻲ : ﺃﻭﻻ ﻓﺘﺢ ﻧﻔﺴﻲ ﻋﻠﻰ ﺍﻷﻛﻞ ﻋﺸﺎﻥ ﻛﺪﻩ ﺣﺎﺳﺲ ﺇﻧﻲ ﺟﻌﺎﻥ ﺟﺪﺍ

ﺿﺤﻜﺖ ﻧﻮﺭﺍ ﻗﺎﺋﻠﺔ : ﻃﺐ ﻭﺛﺎﻧﻴﺎ

ﺍﺑﺘﺴﻢ ﻟﻬﺎ ﻗﺎﺋﻼ : ﻧﺨﻠﺺ ﺑﺲ ﻣﻦ ﺍﻭﻻ ﻭﺑﻌﺪﻳﻦ ﺃﻗﻮﻟﻚ ﻋﻠﻰ ﺛﺎﻧﻴﺎ ... ﺍﺣﻨﺎ ﺣﻨﺮﻭﺡ ﻣﻦ ﺑﻌﺾ ﻓﻴﻦ ... ﺍﺭﺑﻌﺔ ﺍﻳﺎﻡ ﻣﻌﺎﻛﻲ ﺣﻨﻌﻤﻞ ﻓﻴﻬﻢ ﻛﻞ ﺍﻟﻠﻲ ﻋﺎﻳﺰﻳﻨﻪ

ﻧﻮﺭﺍ : ﺍﺭﺑﻌﺔ ﺍﻳﺎﻡ ﺯﻱ ﻣﺎﻫﻤﺎ

ﺃﻭﻣﺄ ﻋﻠﻲ ﺑﺮﺍﺳﻪ ﻣﺆﻛﺪﺍ : ﺁﻩ ﺍﺭﺑﻌﺔ ﺍﻳﺎﻡ ... ﺧﺪﺗﻬﻢ ﻣﻦ ﺃﺑﻮﻛﻲ ﻋﺎﻓﻴﺔ ... ﻣﺎﻛﺎﻧﺶ ﻣﻮﺍﻓﻖ ﻋﺸﺎﻥ ﻓﻴﻪ ﺷﻐﻞ ﻣﻬﻢ ﻣﺤﺘﺎﺟﻨﻲ ﻓﻴﻪ ... ﺑﺲ ﺍﻧﺎ ﺑﻘﻰ ﺧﺪﺗﻬﻢ ﻭﺿﻊ ﻳﺪ ... ﻣﺶ ﺑﺎﻗﻮﻟﻚ ﻋﻤﻲ ﻋﺎﺭﻑ .

ﻧﻮﺭﺍ : ﻭﺍﺣﻨﺎ ﺣﻨﻘﻀﻲ ﺍﻻﺭﺑﻌﺔ ﺍﻳﺎﻡ ﻫﻨﺎ ﻋﻠﻰ ﺍﻟﻴﺨﺖ

ﻋﻠﻰ : ﻷ ﻃﺒﻌﺎ ﺍﻧﺎ ﻣﺶ ﻗﺎﻳﻠﻚ ﺇﻧﻲ ﻣﺄﺟﺮﻩ ﻛﺎﻡ ﺳﺎﻋﺔ ﺑﺲ ... ﺣﻨﺮﻭﺡ ﻣﻜﺎﻥ ﺗﺎﻧﻲ ﺑﺲ ﺧﻠﻲ ﻛﻞ ﺣﺎﺟﺔ ﻓﻮﻗﺘﻬﺎ ... ﻳﻼ ﺑﻴﻨﺎ ﺑﻘﻰ ﻧﻨﺰﻝ ﺗﺤﺖ ﻋﺸﺎﻥ ﻧﺎﻛﻞ ﻭﻧﺨﻠﺺ ﻣﻦ ﺍﻭﻻ ﻋﺸﺎﻥ ﻧﻔﻀﻰ ﺑﻘﻰ ﻟﺜﺎﻧﻴﺎ

ﻧﻮﺭﺍ : ﻃﻴﺐ ﻭﺑﺎﻟﻨﺴﺒﺔ ﻟﺘﻴﺘﺎﻧﻴﻚ ﻭﻛﺪﻩ ﻳﻌﻨﻲ ?

ﻋﻠﻲ : ﺷﻮﻓﻲ ﻳﺎ ﺣﺒﻴﺒﺘﻲ ... ﻫﻨﺎ ﻋﻠﻲ ﺳﻄﺢ ﺍﻟﻴﺨﺖ ﻣﺶ ﺣﻴﻨﻔﻊ ... ﻣﺎﺣﺪﺵ ﺿﺎﻣﻦ ﺍﻟﻈﺮﻭﻑ ... ﺣﺪﻳﺸﻮﻓﻨﺎ ﻳﻘﻮﻝ ﺍﺗﻬﺒﻠﻮﺍ ﺩﻭﻝ ﻭﻻ ﺇﻳﻪ ... ﺍﻧﻤﺎ ﻓﺄﻭﺿﺔ ﺍﻟﻨﻮﻡ ﺍﻟﻠﻲ ﺗﺤﺖ ﻣﺎﻋﻨﺪﻳﺶ ﻣﺎﻧﻊ ﺃﻣﺜﻠﻚ ﺗﻴﺘﺎﻧﻴﻚ ﻣﺸﻬﺪ ﻣﺸﻬﺪ ... ﻣﺎﻋﺪﺍ ﻣﺸﻬﺪ ﻭﺍﺣﺪ ﺑﺲ

ﻧﻮﺭﺍ ﺑﺪﻫﺸﺔ : ﻣﺸﻬﺪ ﺇﻳﻪ ﺩﻩ ?

ﻋﻠﻲ : ﻣﺸﻬﺪ ﺍﻟﻐﺮﻕ ﻃﺒﻌﺎ ﻳﺎ ﺣﺒﻴﺒﺘﻲ ... ﺍﻧﺎ ﺭﺍﺟﻞ ﻟﺴﻪ ﻋﺎﻳﺰ ﺍﺩﺧﻞ ﺩﻧﻴﺎ ﻭﺍﻧﺘﻲ ﻋﺎﻳﺰﺓ ﺗﺨﺮﺟﻴﻨﻲ ﻣﻨﻬﺎ

ﺍﺳﺮﻋﺖ ﻧﻮﺭﺍ ﺗﺠﻴﺒﻪ ﻋﻠﻰ ﺍﻟﻔﻮﺭ : ﻻ ﻳﺎ ﺣﺒﻴﺒﻲ ﺑﻌﺪ ﺍﻟﺸﺮ ﻋﻨﻚ ﻣﺎﺗﻘﻮﻟﺶ ﻛﺪﻩ

ﻋﻠﻲ : ﻃﻴﺐ ﻣﺶ ﻳﻼ ﺑﻴﻨﺎ ﺑﻘﻰ

ﺣﻤﻞ ﻋﻠﻲ ﻧﻮﺭﺍ ﺑﻴﻦ ﺫﺭﺍﻋﻴﻪ ﻭﻫﺒﻂ ﺑﻬﺎ ﺍﻟﺪﺭﺝ ﻣﺘﺠﻬﺎ ﺇﻟﻰ ﺍﻷﺳﻔﻞ ﻭﻫﻲ ﺗﻀﻊ ﺭﺃﺳﻬﺎ ﻋﻠﻰ ﺻﺪﺭﻩ ﻭﺗﻄﻮﻕ ﺭﻗﺒﺘﻪ ﺑﺬﺭﺍﻋﻴﻬﺎ

&&&&&&&&&&&&&&&&&

ﻋﺎﺩ ﺻﻔﻮﺕ ﻭﺍﺣﻤﺪ ﻭﺧﺎﻟﺪ ﻣﻌﺎ ﻣﻦ ﺍﻟﻤﺴﺠﺪ ﺑﻌﺪ ﺃﺩﺍﺀ ﺻﻼﺓ ﺍﻟﺠﻤﻌﺔ ﻭﺗﻮﺟﻪ ﺍﺩﻫﻢ ﺇﻟﻰ ﻣﻨﺰﻝ ﺍﺣﺪ ﺃﺻﺪﻗﺎﺋﻪ ﻋﻠﻰ ﺍﻥ ﻳﻌﻮﺩ ﻓﻲ ﻣﻮﻋﺪ ﺍﻟﻐﺪﺍﺀ ... ﺗﻌﺠﺐ ﺻﻔﻮﺕ ﻣﻦ ﻏﻴﺎﺏ ﺟﻤﺎﻝ ﻓﺴﺄﻝ ﺍﻟﻔﺖ ﻗﺎﺋﻼ : ﺍﻣﺎﻝ ﻓﻴﻦ ﺟﻤﺎﻝ ﻳﺎ ﺃﻟﻔﺖ ... ﻣﺶ ﺷﺎﻳﻔﻪ ﻳﻌﻨﻲ ?

ﻇﻬﺮ ﺍﻟﺤﺰﻥ ﺟﻠﻴﺎ ﻋﻠﻰ ﻭﺟﻪ ﺃﻣﻴﺮﺓ ﺣﻴﻦ ﺳﻤﻌﺖ ﺇﺳﻤﻪ ﻓﻘﺎﻟﺖ ﺃﻟﻔﺖ : ﻭﺍﻟﻠﻪ ﻳﺎ ﺃﺧﻮﻳﺎ ﻣﺎ ﺍﻧﺎ ﻋﺎﺭﻓﺔ ﺍﻗﻮﻟﻚ ﺇﻳﻪ ?

ﺻﻔﻮﺕ ﺑﻘﻠﻖ : ﺧﻴﺮ ﻳﺎ ﺍﻟﻔﺖ ... ﻓﻴﻪ ﺣﺎﺟﺔ ﺣﺼﻠﺖ ﺍﻧﺎ ﻣﺎﻋﺮﻓﻬﺎﺵ ?

ﺗﺤﺪﺛﺖ ﺍﻣﻴﺮﺓ ﻗﺎﺋﻠﺔ : ﺍﺻﻞ ﻳﺎ ﺧﺎﻟﻲ ﺣﺼﻠﺖ ﻣﺸﻜﻠﺔ ﻛﺒﻴﺮﺓ ﻛﺪﻩ ﺑﻴﻨﻲ ﻭﺑﻴﻨﻪ ﻭﺍﻧﺎ ﻃﺎﻟﺒﺔ ﺍﻟﻄﻼﻕ

ﺻﻔﻮﺕ : ﻃﻼﻕ ... ﻋﺎﻳﺰﺓ ﺗﻄﻠﻘﻲ ﻟﻴﻪ ﺑﺲ ﻳﺎ ﺑﻨﺘﻲ ... ﻟﻠﺪﺭﺟﺔﺩﻱ ﻳﻌﻨﻲ ﺍﻟﻤﻮﺿﻮﻉ ﻛﺒﻴﺮ

ﺻﻤﺘﺖ ﺃﻣﻴﺮﺓ ﻭﻟﻢ ﺗﺮﺩ ﻓﺎﺟﺎﺑﺖ ﺍﻟﻔﺖ ﻗﺎﺋﻠﺔ : ﺗﻘﺪﺭ ﺗﻌﺮﻑ ﻣﻦ ﺍﺣﻤﺪ ... ﻫﻤﺎ ﺍﻻﺗﻨﻴﻦ ﺳﺮﻫﻢ ﻣﻊ ﺑﻌﺾ ... ﻭﺍﻣﻴﺮﺓ ﻣﺶ ﺑﺘﺨﺒﻲ ﻋﻨﻪ ﺣﺎﺟﺔ

ﺻﻔﻮﺕ : ﻣﺎﺷﻲ ﻳﺎ ﺃﻣﻴﺮﺓ ... ﺍﻧﺎ ﺣﺎﺣﺘﺮﻡ ﺭﻏﺒﺘﻚ ﺍﻧﻚ ﻣﺶ ﻋﺎﻳﺰﺓ ﺗﺘﻜﻠﻤﻲ ... ﻭﻋﻤﻮﻣﺎ ﺭﺑﻨﺎ ﻳﺼﻠﺤﻠﻚ ﺍﻟﺤﺎﻝ ... ﻭﺍﻧﺎ ﻣﺘﺄﻛﺪ ﺍﻥ ﺍﺣﻤﺪ ﺣﻴﻌﺮﻑ ﻳﻌﺎﻟﺞ ﺍﻟﻤﻮﺿﻮﻉ ﻛﻮﻳﺲ

ﺑﻌﺪ ﻗﻠﻴﻞ ﺣﻀﺮ ﺳﻌﻴﺪ ﻣﻊ ﺍﺑﻨﺎﺋﻪ ﻭﻗﺎﻡ ﺻﻔﻮﺕ ﺑﻤﻬﻤﺔ ﺗﻌﺮﻳﻔﻬﻢ ﺇﻟﻰ ﺑﻌﻀﻬﻢ ﺍﻟﺒﻌﺾ ... ﺑﻌﺪ ﻓﺘﺮﺓ ﺍﺳﺘﺄﺫﻧﺖ ﺳﻮﺯﺍﻥ ﻟﺘﺨﺮﺝ ﺇﻟﻰ ﺣﺪﻳﻘﺔ ﺍﻟﻤﻨﺰﻝ ﺗﺘﻤﺸﻰ ﺑﻬﺎ ﻗﻠﻴﻼ ﺑﻤﻔﺮﺩﻫﺎ ﺑﻌﺪ ﺃﻥ ﻓﻮﺟﺌﺖ ﺑﻐﻴﺎﺏ ﻧﻮﺭﺍ ... ﻭﺫﻟﻚ ﺭﻏﻢ ﺑﻮﺍﺩﺭ ﺍﻟﺼﺪﺍﻗﺔ ﺍﻟﺘﻲ ﻧﺸﺄﺕ ﺑﻴﻨﻬﺎ ﻭﺑﻴﻦ ﻟﻤﻴﺎﺀ ﻧﻈﺮﺍ ﻟﺘﻘﺎﺭﺑﻬﻤﺎ ﺑﺎﻟﻌﻤﺮ ... ﺇﻻ ﺍﻧﻬﺎ ﺃﺛﺮﺕ ﺍﻹﻧﻔﺮﺍﺩ ﺑﻨﻔﺴﻬﺎ ﻗﻠﻴﻼ ﻟﺘﺴﺘﺮﺟﻊ ﺫﻛﺮﻳﺎﺗﻬﺎ ﻣﻊ ﻭﺍﻟﺪﺗﻬﺎ ﺍﻟﺮﺍﺣﻠﺔ ... ﺗﺼﺎﺩﻑ ﺧﺮﻭﺟﻬﺎ ﻣﻊ ﺩﺧﻮﻝ ﺍﺩﻫﻢ ﻋﺎﺋﺪﺍ ﻣﻦ ﺯﻳﺎﺭﺓ ﺻﺪﻳﻘﻪ ﺍﻟﺬﻱ ﻣﻦ ﺇﻥ ﺭﺃﻫﺎ ﺣﺘﻰ ﺗﺠﻤﺪ ﻓﻲ ﻣﻜﺎﻧﻪ ﻭﻗﺎﻝ ﺑﺈﻧﺒﻬﺎﺭ : ﻳﺎ ﻧﻬﺎﺭ ﺍﺑﻴﺾ ... ﻣﻴﻦ ﺩﻱ ? ﻫﻮ ﺍﻟﻘﻤﺮ ﻧﺰﻝ ﻣﻦ ﺍﻟﺴﻤﺎ ﻭﺑﻴﺘﻤﺸﻰ ﻋﻠﻰ ﺍﻷﺭﺽ ﺍﻟﻴﻮﻣﻴﻦ ﺩﻭﻝ ... ﻷﻭﺳﺎﺏ ﺍﻟﺪﻧﻴﺎ ﻛﻠﻬﺎ ﻭﺍﺧﺘﺎﺭ ﺟﻨﻴﻨﺔ ﺑﻴﺘﻨﺎ ﻳﺘﻤﺸﻰ ﻓﻴﻬﺎ

ﺍﺳﺮﻉ ﺍﺩﻫﻢ ﺇﻟﻰ ﺍﻟﺪﺍﺧﻞ ﻟﻴﻨﺎﺩﻱ ﺍﺣﻤﺪ ﺛﻢ ﻋﺎﺩ ﻣﻌﻪ ﻭﻫﻮ ﻳﺸﻴﺮ ﺇﻟﻰ ﺳﻮﺯﺍﻥ ﺍﻟﺘﻲ ﻛﺎﻧﺖ ﺗﺘﺄﻣﻞ ﺍﻟﻮﺭﻭﺩ ﻣﻦ ﺣﻮﻟﻬﺎ ﻭﻫﻲ ﺷﺎﺭﺩﺓ ﻭﻟﻢ ﺗﻨﺘﺒﻪ ﺇﻟﻰ ﻭﺟﻮﺩﻫﻤﺎ

ﺍﺩﻫﻢ : ﻣﻴﻦ ﺍﻟﺼﺎﺭﻭﺥ ﺩﻱ ﻳﺎ ﺍﺣﻤﺪ ?

ﺍﺣﻤﺪ : ﺍﺩﻫﻢ ... ﺍﺣﺘﺮﻡ ﻧﻔﺴﻚ ﻋﺸﺎﻥ ﺩﻭﻝ ﺿﻴﻮﻑ ﺧﺎﻟﻚ

ﺍﺩﻫﻢ : ﻳﺎﻋﻢ ﻭﻫﻮ ﺃﻧﺎ ﺟﻴﺖ ﺟﻨﺒﻬﺎ ? ﺍﻧﺎ ﺑﺎﺳﺄﻝ ﺑﺲ ﻣﻴﻦ ﺩﻱ

ﺍﺣﻤﺪ : ﺩﻱ ﺑﻨﺖ ﻋﻤﻚ ﺳﻌﻴﺪ ﺷﻜﺮﻱ ... ﺻﺎﺣﺐ ﺧﺎﻟﻚ ﺻﻔﻮﺕ ﺍﻟﻠﻲ ﻛﺎﻥ ﻋﺎﻳﺶ ﻓﺎﻣﺮﻳﻜﺎ ﻭﺍﺳﻤﻬﺎ ﺳﻮﺯﺍﻥ ... ﺍﻱ ﺧﺪﻣﺔ ﺗﺎﻧﻴﺔ

ﺍﺩﻫﻢ ﺑﺘﺬﻛﺮ : ﺁﻩ ﺍﻟﻠﻲ ﻋﻤﻚ ﺳﻌﻴﺪ ﺧﻠﻔﻬﺎ ﻓﺎﻣﺮﻳﻜﺎ

ﺍﺣﻤﺪ : ﺁﻩ ﻳﺎ ﺍﺧﻮﻳﺎ ﻫﻴﺎ

ﺍﺩﻫﻢ : ﻃﺐ ﻭﻣﺎﻟﻬﺎ ﺣﻠﻮﺓ ﺍﻭﻱ ﻛﺪﻩ ﻟﻴﻪ ?

ﺍﺣﻤﺪ : ﻳﺨﺮﺏ ﻋﻘﻠﻚ ﺍﻳﻪ ﺍﻟﻠﻲ ﺍﻧﺖ ﺑﺘﻘﻮﻟﻪ ﺩﻩ ?

ﺍﺩﻫﻢ ﻭﻫﻮ ﻣﺎﺯﺍﻝ ﻳﺼﻮﺏ ﻧﻈﺮﺍﺗﻪ ﻧﺤﻮﻫﺎ : ﻻ ﺑﺠﺪ ... ﻛﻞ ﺩﻩ ﻋﺸﺎﻥ ﺍﺗﻮﻟﺪﺕ ﻓﺎﻣﺮﻳﻜﺎ ... ﻫﻴﺎ ﺍﻣﻬﺎ ﺍﻣﺮﻳﻜﻴﺔ ﻣﺶ ﻛﺪﻩ ?

↚

ﺍﺣﻤﺪ : ﻳﺎ ﺳﻼﻡ ﻋﻠﻰ ﺍﻟﻨﺒﺎﻫﺔ ... ﺍﻳﻮﻩ ﻳﺎ ﺳﻴﺪﻱ ... ﺍﻣﻬﺎ ﻟﺒﻨﺎﻧﻴﺔ ﺍﻣﺮﻳﻜﻴﺔ

ﺍﺩﻫﻢ : ﺁﻩ ﻗﻮﻟﺘﻠﻲ ﺑﻘﻰ ... ﺍﻧﺎ ﻛﺪﻩ ﻓﻬﻤﺖ ... ﻫﻴﺎ ﻟﺒﻨﺎﻥ ﺩﻱ ﻃﻮﻝ ﻋﻤﺮﻫﺎ ﻛﺪﻩ ﻗﺎﻋﺪﺓ ﺻﻮﺍﺭﻳﺦ

ﺿﺮﺏ ﺍﺣﻤﺪ ﻛﻔﻴﻪ ﺑﺒﻌﻀﻬﻤﺎ ﻭﻗﺎﻝ ﺑﺠﺪﻳﺔ : ﺍﻋﻘﻞ ﺷﻮﻳﺔ ﻳﺎ ﺍﺩﻫﻢ ... ﻭﺑﻌﺪﻳﻦ ﺩﻱ ﻣﺼﺮﻳﺔ ﻭﺃﺑﻮﻫﺎ ﻋﻤﻚ ﺳﻌﻴﺪ ﺷﻜﺮﻱ

ﺍﺩﻫﻢ : ﻻ ﺑﺲ ﻭﺍﺿﺢ ﺍﻥ ﻋﻤﻚ ﺳﻌﻴﺪ ﺩﻩ ﻛﺎﻥ ﺑﻴﺤﺐ ﻣﺮﺍﺗﻪ ﺍﻭﻱ

ﺍﺣﻤﺪ ﺑﺪﻫﺸﺔ : ﻭﺍﻧﺖ ﺇﻳﻪ ﺍﻟﻠﻲ ﻋﺮﻓﻚ ?

ﺍﺩﻫﻢ : ﻣﺶ ﺷﺎﻳﻒ ﺑﻨﺘﻪ ﻃﺎﻟﻌﺔ ﺷﺒﻪ ﻣﺎﻣﺘﻬﺎ ﺍﺯﺍﻱ

ﺯﺍﺩﺕ ﺩﻫﺸﺘﻪ ﻭﻫﻮ ﻳﺠﻴﺒﻪ ﻗﺎﺋﻼ : ﻭﺍﻧﺖ ﺷﻮﻓﺖ ﺍﻣﻬﺎ ﻓﻴﻦ ?

ﺍﺩﻫﻢ : ﺍﻟﻌﺮﻕ ﺍﻟﻠﺒﻨﺎﻧﻲ ﻭﺍﺿﺢ ﻋﻠﻴﻬﺎ ﺍﻭﻱ ... ﻣﺶ ﺑﺎﻗﻮﻟﻚ ﻟﺒﻨﺎﻥ ﺩﻱ ﻗﺎﻋﺪﺓ ﺻﻮﺍﺭﻳﺦ ... ﺑﺎﻗﻮﻟﻚ ﺇﻳﻪ ﻳﺎ ﺍﺣﻤﺪ ... ﺍﻧﺎ ﺧﻼﺹ ﻗﺮﺭﺕ ﺍﺗﺠﻮﺯ ... ﻧﻔﺴﻲ ﺍﺗﻔﺘﺤﺖ ﻋﻠﻰ ﺍﻟﺠﻮﺍﺯ ﺍﻭﻱ ﺩﻟﻮﻗﺘﻲ ﻣﺶ ﻋﺎﺭﻑ ﻟﻴﻪ ?

ﺍﺣﻤﺪ : ﺍﻧﺖ ﺑﺘﺘﻜﻠﻢ ﺟﺪ ﻳﺎ ﺍﺩﻫﻢ ?

ﺍﺩﻫﻢ : ﻭﻫﻴﺎ ﺍﻟﺤﺎﺟﺎﺕ ﺩﻱ ﻳﻨﻔﻊ ﻓﻴﻬﺎ ﻫﺰﺍﺭ ﺑﺮﺿﻪ ? ﺑﺘﻜﻠﻢ ﺟﺪ ﻃﺒﻌﺎ ... ﻣﺶ ﺍﻧﺖ ﺃﺧﻮﻳﺎ ﺍﻟﻜﺒﻴﺮ ﺭﻭﺡ ﻛﻠﻢ ﺧﺎﻟﻚ ﺻﻔﻮﺕ ﻳﺨﻄﺒﻬﺎﻟﻲ ﻣﻦ ﺍﺑﻮﻫﺎ

ﺍﺣﻤﺪ ﻣﺤﺬﺭﺍ ﺇﻳﺎﻩ : ﺍﺩﻫﻢ ... ﺍﻟﺮﺍﺟﻞ ﺻﺎﺣﺐ ﺧﺎﻟﻚ ﻭﻣﺶ ﻋﺎﻳﺰﻙ ﺗﺴﻮﺩ ﻭﺵ ﺧﺎﻟﻚ ﻣﻌﺎﻩ ... ﺍﻧﺖ ﺑﺘﺘﻜﻠﻢ ﺟﺪ ﺍﻛﻴﺪ ﻳﻌﻨﻲ ?

ﺍﺩﻫﻢ : ﺗﺤﺐ ﺍﺣﻠﻔﻠﻚ ﻋﻠﻰ ﻣﺼﺤﻒ

ﺍﺣﻤﺪ : ﺑﺲ ﻳﻌﻨﻲ ﻳﺎ ﺍﺩﻫﻢ ﺩﻱ ﻣﺎﻣﺘﻬﺎ ﻟﺒﻨﺎﻧﻴﺔ ﻭﻣﺶ ﻋﺎﺭﻓﻴﻦ ﻳﻌﻨﻲ ﺗﻜﻮﻥ ﻣﺮﺑﻴﺎﻫﺎ ﺍﺯﺍﻱ ﻭﻛﺪﻩ ... ﻣﻤﻜﻦ ﻣﺎﺗﻜﻮﻧﺶ ﻋﺎﺭﻓﺔ ﺣﺎﺟﺔ ﻋﻦ ﻃﺒﺎﻋﻨﺎ ﻭﻋﺎﺩﺗﻨﺎ ... ﻳﻌﻨﻲ ﻣﻤﻜﻦ ﺗﻜﻮﻥ ﻟﺒﻨﺎﻧﻴﺔ ﺍﻛﺘﺮ ﻣﻨﻬﺎ ﻣﺼﺮﻳﺔ ... ﺍﻧﺖ ﻋﺎﺭﻑ ﺍﻥ ﺍﻷﻡ ﺩﺍﻳﻤﺎ ﺑﻴﻜﻮﻥ ﻟﻴﻬﺎ ﺍﻟﺪﻭﺭ ﺍﻷﺳﺎﺳﻲ ﻓﺎﻟﺘﺮﺑﻴﺔ

ﺍﺩﻫﻢ ﻣﻌﺘﺮﺿﺎ : ﻳﺎﻋﻢ ﻟﺒﻨﺎﻧﻴﺔ ﻣﻴﻦ ... ﺩﻱ ﻣﺼﺮﻳﺔ ﻭﺃﺑﻮﻫﺎ ﻋﻤﻚ ﺳﻌﻴﺪ ﺷﻜﺮﻱ

ﺍﺑﺘﺴﻢ ﺍﺣﻤﺪ ﻗﺎﺋﻼ : ﺑﺲ ﺩﻱ ﻟﺴﻪ ﺻﻐﻴﺮﺓ ﻳﺎ ﺍﺩﻫﻢ ... ﻭﻟﺴﻪ ﺍﺩﺍﻣﻬﺎ ﺍﺭﺑﻊ ﺳﻨﻴﻦ ﺩﺭﺍﺳﺔ

ﺍﺩﻫﻢ ﺑﺈﺻﺮﺍﺭ : ﺣﺴﺘﻨﺎﻫﺎ ﻭﻟﻮ ﻛﺎﻧﻮﺍ ﺍﺭﺑﻌﻴﻦ ﺳﻨﺔ ... ﻳﺎﻋﻢ ﺑﻘﻮﻟﻚ ﺍﻳﻪ ... ﻫﻴﺎ ﺩﺧﻠﺖ ﺩﻣﺎﻏﻲ ﻭﺧﻼﺹ ﺣﺘﺠﻮﺯﻫﺎ ﻳﻌﻨﻲ ﺣﺘﺠﻮﺯﻫﺎ .

ﺍﺣﻤﺪ : ﺳﺒﺤﺎﻥ ﺍﻟﻠﻪ ... ﺍﻧﺖ ﻳﺎ ﺍﺑﻨﻲ ﺍﺯﺍﻱ ﺑﺘﻘﻠﺐ ﻓﺜﺎﻧﻴﺔ ﻛﺪﻩ ... ﺍﻣﺒﺎﺭﺡ ﻛﻨﺖ ﺯﻋﻼﻥ ﺍﻭﻱ ﻋﺸﺎﻥ ﻧﻮﺭﺍ ... ﻭﺍﻟﻨﻬﺎﺭﺩﺓ ﻋﺎﻭﺯ ﺗﺘﺠﻮﺯ ﺳﻮﺯﺍﻥ .

ﺍﺩﻫﻢ : ﺍﻣﺮﻙ ﻏﺮﻳﺐ ﻳﺎ ﺍﺣﻤﺪ ... ﻣﺶ ﺍﻧﺎ ﺣﺎﻋﻤﻞ ﺑﻨﺼﻴﺤﺘﻚ ﺁﻫﻮﻩ ... ﻭﺑﻌﺪﻳﻦ ﻣﺶ ﻋﻠﻲ ﻭﻧﻮﺭﺍ ﺑﻴﺤﺒﻮﺍ ﺑﻌﺾ ﻭﻣﺨﺘﻔﻴﻴﻦ ﺍﻟﻨﻬﺎﺭﺩﺓ ﻭﺍﺿﺢ ﻛﺪﻩ ﺍﻧﻬﻢ ﺑﻴﺼﻠﺤﻮﺍ ﺍﻟﻌﻼﻗﺎﺕ ﻣﺎﺑﻴﻨﻬﻢ ... ﺧﻼﺹ ﻳﺎ ﻋﻢ ﺍﻟﻠﻪ ﻳﺴﻬﻠﻬﻢ

ﺍﺣﻤﺪ : ﻃﺐ ﻓﻜﺮ ﻛﻮﻳﺲ ﺍﻻﻭﻝ ﻭﺻﻠﻲ ﺇﺳﺘﺨﺎﺭﺓ ﻭﺑﻌﺪﻳﻦ ﻗﺮﺭ

ﺍﺩﻫﻢ : ﺍﺧﻄﺒﻬﺎﻟﻲ ﺍﻷﻭﻝ ﻭﺑﻌﺪﻳﻦ ﺍﻓﻜﺮ ﻭﺍﺻﻠﻲ ... ﻭﻋﻦ ﺇﺫﻧﻚ ﺑﻘﻰ

ﺍﺣﻤﺪ : ﺭﺍﻳﺢ ﻓﻴﻦ ?

ﺍﺩﻫﻢ : ﺭﺍﻳﺢ ﺍﺗﻜﻠﻢ ﻣﻌﺎﻫﺎ ... ﺍﻣﺎﻝ ﺣﺘﺠﻮﺯﻫﺎ ﻋﻤﻴﺎﻧﻲ ﻛﺪﻩ ... ﺭﻭﺡ ﺍﻧﺖ ﺑﺲ ﺍﺗﻜﻞ ﻋﻠﻰ ﺍﻟﻠﻪ ﻭﻛﻠﻢ ﺧﺎﻟﻚ ﻭﺍﻧﺎ ﺍﻭﻋﺪﻙ ﺇﻧﻲ ﻣﺶ ﺣﺎﺿﺎﻳﻘﻬﺎ .. ﺍﻋﺘﺒﺮﻫﺎ ﻳﺎ ﺳﻴﺪﻱ ﺭﺅﻳﺔ ﺷﺮﻋﻴﺔ ﻛﻮﻳﺲ ﻛﺪﻩ

ﺩﻟﻒ ﺍﺣﻤﺪ ﺇﻟﻰ ﺍﻟﺪﺍﺧﻞ ﻭﺍﺗﺠﻪ ﺍﺩﻫﻢ ﻧﺤﻮ ﺍﻟﻤﻜﺎﻥ ﺍﻟﺬﻱ ﺗﺠﻠﺲ ﺑﻪ ﺳﻮﺯﺍﻥ ﻭﻗﺎﻝ ﺑﺈﺑﺘﺴﺎﻣﺔ : ﺍﺯﻳﻚ ﻳﺎ ﺍﻧﺴﺔ ﺳﻮﺯﺍﻥ ... ﺍﻧﺎ ﺍﺩﻫﻢ ﺍﺑﻦ ﻃﻨﻂ ﺃﻟﻔﺖ ﺍﺧﺖ ﻋﻤﻚ ﺻﻔﻮﺕ ﺻﺎﺣﺐ ﺑﺎﺑﺎﻛﻲ ... ﻓﻬﻤﺘﻲ ﺣﺎﺟﺔ ?

ﺳﻮﺯﺍﻥ hllo: ﺍﺩﻫﻢ

ﺍﺩﻫﻢ : ﺑﺼﻲ ﻳﺎ ﺑﻨﺖ ﺍﻟﻨﺎﺱ ... ﻫﻮ ﻟﻮ ﻋﻠﻰ ﺣﺪ ﻫﺎﻟﻮ ﺩﻱ ﺳﻬﻠﺔ ... ﺍﻧﻤﺎ ﺍﻧﺘﻲ ﻟﻮ ﻓﻀﻠﺘﻲ ﺗﺘﻜﻠﻤﻲ ﻣﻌﺎﻳﺎ ﺇﻧﺠﻠﻴﺰﻱ ﻛﺘﻴﺮ ... ﺍﻟﻜﻠﻤﺘﻴﻦ ﺍﻟﻠﻲ ﺍﻧﺎ ﻓﺎﻛﺮﻫﻢ ﻣﻦ ﺃﻳﺎﻡ ﺍﻟﻤﺪﺭﺳﺔ ﻣﺶ ﺣﻴﺼﻤﺪﻭﺍ ﻛﺘﻴﺮ ﻳﻌﻨﻲ ... ﻭﺑﻌﺪﻳﻦ ﺍﺣﻨﺎ ﻟﺴﻪ ﺍﺩﺍﻣﻨﺎ ﻋﻤﺮ ﻃﻮﻳﻞ ﺣﻨﻌﻴﺸﻪ ﻣﻊ ﺑﻌﺾ ﺍﻥ ﺷﺎﺀﺍﻟﻠﻪ ﺣﻨﺘﻔﺎﻫﻢ ﺍﺯﺍﻱ ﻃﻴﺐ ? ﻭﺑﻌﺪﻳﻦ ﻟﻮ ﺍﻧﺎ ﻋﺮﻓﺖ ﺍﺗﻔﺎﻫﻢ ﻣﻌﺎﻛﻲ ﺍﻟﻔﺖ ﺑﻘﻰ ﺣﺘﻌﻤﻞ ﺇﻳﻪ ?

ﺭﻣﻘﺘﻪ ﺳﻮﺯﺍﻥ ﺑﺪﻫﺸﺔ ﺛﻢ ﻗﺎﻟﺖ ﺑﺠﺪﻳﺔ : ? are you creazy

ﺍﺩﻫﻢ : ﻻ ﻋﻨﺪﻙ ﺣﺎﺳﺒﻲ ... ﻛﺮﻳﺰﻱ ﺩﻱ ﺑﺎﻟﺬﺍﺕ ﺍﻧﺎ ﻓﺎﻛﺮﻫﺎ ﻛﻮﻳﺲ ﺍﻭﻱ .. ﻭ . ﻓﺎﻛﺮ ﺍﻧﻬﺎ ﻛﺎﻧﺖ ﺷﺘﻴﻤﺔ ... ﻭﻋﻴﺐ ﺍﻭﻱ ﺗﺸﺘﻤﻲ ﺍﻟﺮﺍﺟﻞ ﺍﻟﻠﻲ ﺣﻴﺒﻘﻰ ﺟﻮﺯﻙ

ﻭﻗﻔﺖ ﺳﻮﺯﺍﻥ ﻣﻦ ﻣﻜﺎﻧﻬﺎ ﻭﻗﺎﻟﺖ ﺑﺠﺪﻳﺔ sorry: ﺍﺩﻫﻢ ... ﺍﻧﺎ ﻻﺯﻡ ﺍﻣﺸﻲ

ﺗﺮﻛﺘﻪ ﺳﻮﺯﺍﻥ ﻭﺍﺗﺠﻬﺖ ﻧﺤﻮ ﺍﻟﺪﺍﺧﻞ ﻓﺸﻴﻌﻬﺎ ﺍﺩﻫﻢ ﺑﻨﻈﺮﺍﺗﻪ ﻗﺎﺋﻼ ﺑﺈﺑﺘﺴﺎﻣﺔ : ﻃﺐ ﻭﺭﺑﻨﺎ ﻷﺗﺠﻮﺯﻙ ﺑﺮﺿﻪ .... ،

ﻳﺘﺒﻊ

↚

ﻛﺎﻥ ﺍﺣﻤﺪ ﺟﺎﻟﺴﺎ ﻣﻊ ﺻﻔﻮﺕ ﺑﻐﺮﻓﺔ ﺍﻹﺳﺘﻘﺒﺎﻝ ﺑﻤﻨﺰﻝ ﺃﻟﻔﺖ ﻭﻫﻮ ﻳﺨﺒﺮﻩ ﺑﺮﻏﺒﺔ ﺍﺩﻫﻢ ﻓﻲ ﺍﻹﺭﺗﺒﺎﻁ ﺑﺴﻮﺯﺍﻥ .... ﺍﻷﻣﺮ ﺍﻟﺬﻱ ﻓﺎﺟﺄﺻﻔﻮﺕ ﻭﺍﺷﻌﺮﻩ ﺑﺎﻟﺪﻫﺸﺔ ... ﻓﻜﻴﻒ ﻷﺩﻫﻢ ﺍﻥ ﻳﺮﻳﺪ ﺍﻹﺭﺗﺒﺎﻁ ﺑﻔﺘﺎﺓ ﻻ ﻳﻌﻠﻢ ﺃﻱ ﺷﺊ ﻋﻨﻬﺎ ﻭﻟﻢ ﻳﺮﻫﺎ ﺳﻮﻯ ﻟﻤﺮﺓ ﻭﺍﺣﺪﺓ ﻭﺫﻟﻚ ﺑﺎﻟﺮﻏﻢ ﻣﻦ ﺍﻧﻬﺎ ﺇﺑﻨﺔ ﺻﺪﻳﻘﻪ ﺍﻟﺬﻱ ﻳﺜﻖ ﺑﻪ ﺗﻤﺎﻣﺎ ﻭﺑﻄﺮﻳﻘﺘﻪ ﻓﻲ ﺗﺮﺑﻴﺔ ﺃﺑﻨﺎﺋﻪ ... ﻃﻠﺐ ﻣﻦ ﺍﺣﻤﺪ ﺃﻥ ﻳﺤﻀﺮ ﺍﺩﻫﻢ ﻟﻴﺘﻨﺎﻗﺶ ﻣﻌﻪ ﻓﻲ ﻫﺬﺍ ﺍﻷﻣﺮ ... ﻭﻟﻜﻨﻪ ﻭﺑﻌﺪ ﺍﻟﺤﺪﻳﺚ ﻣﻊ ﺍﺩﻫﻢ ﻭﺫﻟﻚ ﺍﻹﺻﺮﺍﺭ ﺍﻟﺬﻱ ﻭﺟﺪﻩ ﻣﻨﻪ ﻋﻠﻰ ﺍﻹﺭﺗﺒﺎﻁ ﺑﻬﺎ ﻗﺮﺭ ﺃﻥ ﻳﺘﺤﺪﺙ ﻣﻊ ﺻﺪﻳﻘﻪ ﺑﻬﺬﺍ ﺍﻟﺸﺄﻥ ﻋﻠﻰ ﺍﻥ ﺗﻜﻮﻥ ﻓﺘﺮﺓ ﺍﻷﺭﺑﻊ ﺳﻨﻮﺍﺕ ﻓﺘﺮﺓ ﺧﻄﺒﺔ ﻳﺘﻌﺮﻑ ﻛﻞ ﻣﻨﻬﻤﺎ ﻓﻴﻬﺎ ﺇﻟﻰ ﺍﻷﺧﺮ ... ﻭﺑﻌﺪ ﺃﻥ ﺗﺤﺪﺙ ﺍﺩﻫﻢ ﻣﻊ ﻭﺍﻟﺪﺗﻪ ﺍﻟﺘﻲ ﻟﻢ ﺗﻤﺎﻧﻊ .... ﺟﻠﺲ ﻛﻞ ﻣﻦ ﺻﻔﻮﺕ ﻭﺍﺣﻤﺪ ﻭﺍﺩﻫﻢ ﻭﺍﻟﻔﺖ ﻣﻊ ﺳﻌﻴﺪ ﻟﻴﻌﺮﻓﻮﺍ ﺭﺃﻳﻪ ﺑﺸﺄﻥ ﺇﺭﺗﺒﺎﻁ ﺍﺩﻫﻢ ﺑﺴﻮﺯﺍﻥ ﺑﻌﺪ ﺍﻥ ﻃﻠﺐ ﺍﺣﻤﺪ ﻣﻦ ﻟﻤﻴﺎﺀ ﺃﻥ ﺗﺼﻄﺤﺐ ﺳﻮﺯﺍﻥ ﺇﻟﻰ ﺍﻟﺤﺪﻳﻘﺔ ﺣﺘﻰ ﻳﺴﺘﻄﻴﻌﻮﺍ ﺍﻟﺤﺪﻳﺚ ﺑﺄﺭﻳﺤﻴﺔ ﻓﻲ ﻏﻴﺮ ﻭﺟﻮﺩﻫﺎ ... ﺗﻔﺎﺟﺊ ﺳﻌﻴﺪ ﻣﻦ ﻃﻠﺐ ﺻﺪﻳﻘﻪ ﺣﺘﻰ ﺍﻧﻪ ﺑﺪﺍ ﻷﻭﻝ ﻭﻫﻠﺔ ﻏﻴﺮ ﻣﺴﺘﻮﻋﺐ ﻗﺒﻞ ﺃﻥ ﻳﻨﻄﻖ ﻗﺎﺋﻼ : ﺃﻧﺎ ﻣﺶ ﻋﺎﺭﻑ ﺃﻗﻮﻟﻚ ﺇﻳﻪ ﺑﺲ ﻳﺎ ﺻﻔﻮﺕ ... ﺑﺼﺮﺍﺣﺔ ﺍﻧﺖ ﻓﺎﺟﺌﺘﻨﻲ ﺑﻄﻠﺐ ﺯﻱ ﺩﻩ ... ﻭﺑﻌﺪﻳﻦ ﻣﻊ ﺇﺣﺘﺮﺍﻣﻲ ﻟﻴﻜﻢ ﻛﻠﻜﻢ ... ﻫﻮ ﺍﺩﻫﻢ ﻳﻌﺮﻑ ﺳﻮﺯﺍﻥ ﻣﻨﻴﻦ ﻋﺸﺎﻥ ﻳﻄﻠﺐ ﻳﺘﺠﻮﺯﻫﺎ ... ﺩﻩ ﻟﺴﻪ ﺍﻟﻨﻬﺎﺭﺩﺓ ﻳﺎﺩﻭﺏ ﺃﻭﻝ ﻳﻮﻡ ﻳﺸﻮﻓﻬﺎ ﻓﻴﻪ ... ﺛﻢ ﺍﻥ ﺑﻨﺘﻲ ﻟﺴﻪ ﺍﺩﺍﻣﻬﺎ ﺍﺭﺑﻊ ﺳﻨﻴﻦ ﻋﻠﻰ ﻣﺎﺗﺘﺨﺮﺝ

ﺍﺳﺮﻉ ﺍﺩﻫﻢ ﻳﺠﻴﺒﻪ ﻗﺎﺋﻼ : ﻣﺎ ﺃﻧﺎ ﺣﺎﺳﺘﻨﺎﻫﺎ ﻳﺎ ﻋﻤﻲ ﻟﺤﺪ ﻣﺎ ﺗﺨﻠﺺ ﺩﺭﺍﺳﺘﻬﺎ ... ﻭﺃﻋﺘﺒﺮ ﺍﻟﻔﺘﺮﺓ ﺩﻱ ﻓﺮﺻﺔ ﺍﻧﻨﺎ ﻧﺘﻌﺮﻑ ﻋﻠﻰ ﺑﻌﺾ ﻓﻴﻬﺎ ... ﺍﻧﺖ ﺑﺲ ﺍﺳﺄﻟﻬﺎ ﻭﺷﻮﻑ ﺭﺃﻳﻬﺎ ﺇﻳﻪ ... ﺻﺪﻗﻨﻲ ﻳﺎ ﻋﻢ ﺳﻌﻴﺪ ﺩﻩ ﺃﻧﺎ ﻋﺮﻳﺲ ﻟﻘﻄﺔ ... ﻣﻦ ﺍﻟﺒﻴﺖ ﻟﻠﺸﻐﻞ ﻟﻠﺠﺎﻣﻊ ... ﻻ ﺑﺮﻭﺡ ﻳﻤﻴﻦ ﻭﻻ ﺷﻤﺎﻝ ... ﺣﺘﻲ ﺍﺳﺄﻝ ﺍﺣﻤﺪ ﺍﺧﻮﻳﺎ ﻭﻫﻮ ﻳﺸﻬﺪﻟﻲ

ﻭﺿﻊ ﺍﺣﻤﺪ ﻳﺪﻩ ﻋﻠﻰ ﺻﺪﺭﻩ ﻛﺈﺷﺎﺭﺓ ﺇﻟﻰ ﻧﻔﺴﻪ ﻭﻗﺎﻝ ﺑﻤﺰﺍﺡ : ﺃﻧﺎ ... ﺃﻧﺎﻻ ﻳﻤﻜﻦ ﺍﺷﻬﺪ ﺯﻭﺭ ﺍﺑﺪﺍ

ﻧﻈﺮ ﺇﻟﻴﻪ ﺍﺩﻫﻢ ﻭﻗﺎﻝ ﻣﻌﺎﺗﺒﺎ : ﻛﺪﻩ ﺑﺮﺿﻪ ﻳﺎ ﺍﺣﻤﺪ ... ﺩﻩ ﺃﻧﺎ ﺍﺧﻮﻙ ﺣﺒﻴﺒﻚ ... ﻃﺐ ﺍﺳﺄﻝ ﺧﺎﻟﻲ ﺻﻔﻮﺕ ﻭﻫﻮ ﻳﻘﻮﻟﻚ

ﺍﺑﺘﺴﻢ ﺻﻔﻮﺕ ﻗﺎﺋﻼ ﺑﻤﺰﺍﺡ : ﻋﻠﻲ ﻳﺪﻱ ... ﻓﻌﻼ ﺍﻟﻜﻼﻡ ﺩﻩ ﻣﻈﺒﻮﻁ ... ﺍﺳﺄﻟﻨﻲ ﺃﻧﺎ

ﺍﺩﻫﻢ ﺑﻠﻬﻔﺔ : ﺷﻮﻓﺖ ﺑﻘﻰ ﻳﺎ ﻋﻢ ﺳﻌﻴﺪ .. ﺍﻫﻮ ﺧﺎﻟﻲ ﻗﺎﻟﻚ ﺁﻫﻮﻩ ... ﺟﻮﺯﻫﺎﻟﻲ ﺑﻘﻰ

ﺳﻌﻴﺪ ﺑﺪﻫﺸﺔ : ﻳﺎ ﺍﺑﻨﻲ ﺍﻷﻣﻮﺭ ﻣﺎ ﺗﺘﺎﺧﺪﺵ ﻛﺪﻩ ... ﺩﻩ ﺟﻮﺍﺯ ﻣﺶ ﺳﻠﻖ ﺑﻴﺾ ... ﺍﻧﺎ ﺍﺳﺎﺳﺎ ﻣﺎﻗﺪﺭﺵ ﺃﻓﺎﺗﺢ ﺑﻨﺘﻲ ﻓﻤﻮﺿﻮﻉ ﺯﻱ ﺩﻩ ﻓﺎﻟﻮﻗﺖ ﺍﻟﺤﺎﻟﻲ

ﺍﺩﻫﻢ ﺑﻀﻴﻖ : ﻟﻴﻪ ﺑﺲ ﻳﺎ ﻋﻢ ﺳﻌﻴﺪ ?

ﺳﻌﻴﺪ ﺑﺠﺪﻳﺔ : ﻳﺎ ﺍﺑﻨﻲ ﺃﻧﺎ ﺑﻨﺘﻲ ﻭﺍﻟﺪﺗﻬﺎ ﺍﺗﻮﻓﺖ ﻣﻦ ﺳﺖ ﺷﻬﻮﺭ ﺑﺲ ﻭﻫﻴﺎ ﻟﺤﺪ ﺩﻟﻮﻗﺘﻲ ﺣﺰﻳﻨﺔ ﻋﻠﻴﻬﺎ ﻭﺍﻧﺎ ﺟﻴﺖ ﻣﺼﺮ ﻋﺸﺎﻥ ﺑﻨﺘﻲ ﺗﻘﺪﺭ ﺗﻨﺴﻰ ﻭﺗﺒﻌﺪ ﺷﻮﻳﺔ ﻋﻦ ﺟﻮ ﺍﻟﺤﺰﻥ ﺍﻟﻠﻲ ﻛﺎﻧﺖ ﻓﻴﻪ ... ﻣﺶ ﻣﻌﻘﻮﻝ ﻭﻫﻴﺎ ﻓﺎﻟﺤﺎﻟﺔ ﺩﻱ ﺍﻛﻠﻤﻬﺎ ﻓﺠﻮﺍﺯ ﻭﺇﺭﺗﺒﺎﻁ ... ﻣﺎﻗﺪﺭﺵ ﺍﻋﻤﻞ ﻛﺪﻩ ﺍﺑﺪﺍ

ﺍﺩﻫﻢ : ﺑﺲ ﺍﻧﺖ ﻭﺍﻓﻖ ﻋﻠﻰ ﺍﻟﺠﻮﺍﺯ ﻭﺍﻧﺎ ﺍﻭﻋﺪﻙ ﺇﻧﻲ ﺍﻋﻤﻠﻬﺎ ﺃﺭﺍﺟﻮﺯ ﺣﺘﻲ ﻟﺤﺪ ﻣﺎ ﺃﻗﺪﺭ ﺍﻧﺴﻴﻬﺎ ﻭﺍﺧﺮﺟﻬﺎ ﻣﻦ ﺍﻟﺤﺰﻥ ﺍﻟﻠﻲ ﻫﻴﺎ ﻓﻴﻪ

ﻭﺿﻌﺖ ﺃﻟﻔﺖ ﻳﺪﻫﺎ ﻋﻠﻰ ﺧﺪﻫﺎ ﻭﻗﺎﻟﺖ ﺑﺄﺳﻰ : ﻓﻴﻪ ﺣﺪ ﺑﻴﻨﺴﻰ ﺃﻣﻪ ﺑﺮﺿﻪ ﻳﺎ ﺍﺩﻫﻢ ? ﻋﻠﻰ ﻛﺪﻩ ﺑﻘﻰ ﺃﻧﺎ ﻟﻮ ﺟﺮﺍﻟﻲ ﺣﺎﺟﺔ ﺣﺘﻨﺴﺎﻧﻲ ﺑﺎﻟﺴﺮﻋﺔ ﺩﻱ

ﺍﻟﺘﻔﺖ ﺇﻟﻴﻬﺎ ﺍﺩﻫﻢ ﻗﺎﺋﻼ : ﺑﺄﻗﻮﻟﻚ ﺇﻳﻪ ﻳﺎ ﺃﻟﻔﺖ ... ﻋﻠﻰ ﻓﻜﺮﺓ ﺩﻩ ﻣﺶ ﻭﻗﺘﻚ ﺧﺎﻟﺺ ﻭﺑﻌﺪﻳﻦ ﻣﺶ ﺗﺨﻠﻴﻜﻲ ﻣﺤﻀﺮ ﺧﻴﺮ ﺍﺣﺴﻦ

ﺳﻌﻴﺪ : ﺑﻘﻰ ﻓﻴﻪ ﺣﺪ ﻳﻜﻠﻢ ﻭﺍﻟﺪﺗﻪ ﺑﺎﻟﻄﺮﻳﻘﺔ ﺩﻱ ﺑﺮﺿﻪ ﻳﺎ ﺍﺩﻫﻢ ... ﺍﻧﺎ ﻛﺪﻩ ﺣﺎﺧﺪ ﻋﻨﻚ ﻓﻜﺮﺓ ﻭﺣﺸﺔ ..

ﺃﺟﺎﺑﻪ ﺍﺩﻫﻢ ﻗﺎﺋﻼ : ﻻ ﻳﺎ ﻋﻢ ﺳﻌﻴﺪ ﻣﺎﺗﻔﻬﻤﺶ ﻏﻠﻂ ... ﺩﻱ ﺃﻟﻔﺖ ﺩﻱ ﺣﺒﻴﺒﺘﻲ ... ﺩﻩ ﺃﻧﺎ ﻭﻫﻴﺎ ﺃﺻﺤﺎﺏ ﻣﻦ ﺯﻣﺎﻥ ﺣﺘﻰ ﺷﻮﻑ

ﺃﺳﺮﻉ ﺍﺩﻫﻢ ﻧﺤﻮ ﻭﺍﻟﺪﺗﻪ ﻭﺍﻣﺴﻚ ﺑﺮﺃﺳﻬﺎ ﻳﻘﺒﻠﻬﺎ ﻗﺎﺋﻼ : ﻋﺮﻓﺖ ﺑﻘﻰ ﺍﻧﻬﺎ ﺣﺒﻴﺒﺘﻲ ... ﻣﺶ ﻛﺪﻩ ﻭﻻ ﺇﻳﻪ ﻳﺎ ﺃﻟﻔﺖ ... ﻣﺎﺗﻘﻮﻟﻲ ﺣﺎﺟﺔ

ﺍﺑﺘﺴﻤﺖ ﺃﻟﻔﺖ ﻗﺎﺋﻠﺔ : ﻻ ﻭﺍﻟﻠﻪ ﻳﺎ ﺃﺳﺘﺎﺫ ﺳﻌﻴﺪ ﻣﻦ ﺍﻟﻨﺎﺣﻴﺔ ﺩﻱ ﻣﺎﺗﻘﻠﻘﺶ ﺧﺎﻟﺺ ... ﺍﻧﺎ ﻭﻻﺩﻱ ﻛﻠﻬﻢ ﺍﻟﺤﻤﺪ ﻟﻠﻪ ﺑﺎﺭﻳﻦ ﺑﻴﺎ ﻭﺍﺩﻫﻢ ﺩﻩ ﺑﺎﻟﺬﺍﺕ ﺃﺧﺮ ﺍﻟﻌﻨﻘﻮﺩ ﺣﺒﻴﺐ ﺃﻣﻪ ﺭﺑﻨﺎ ﻣﺎﻳﺤﺮﻣﻨﻴﺶ ﻣﻨﻪ

ﻫﺰ ﺳﻌﻴﺪ ﺭﺃﺳﻪ ﻗﺎﺋﻼ ﻓﻲ ﺍﺳﻒ : ﻭﺍﻟﻠﻪ ﻳﺎ ﺟﻤﺎﻋﺔ ﺃﻧﺎ ﻳﻌﺰ ﻋﻠﻴﺎ ﺍﺭﻓﻀﻠﻜﻢ ﻃﻠﺐ ... ﻟﻜﻦ ﺯﻱ ﻣﺎ ﻗﻠﺖ ﺃﻧﺎ ﻣﺎﻗﺪﺭﺵ ﺍﺗﻜﻠﻢ ﻣﻊ ﺑﻨﺘﻲ ﻓﻤﻮﺿﻮﻉ ﺯﻱ ﺩﻩ ﻓﺎﻟﻮﻗﺖ ﺍﻟﺤﺎﻟﻲ ﻭﻛﻤﺎﻥ ﺣﻜﺎﻳﺔ ﺍﺭﺑﻊ ﺳﻨﻴﻦ ﺧﻄﻮﺑﺔ ﺩﻱ ﻛﺘﻴﺮ ﺍﻭﻱ

ﺍﺩﻫﻢ ﺑﺤﺰﻥ : ﻳﻌﻨﻲ ﻣﺎﻓﻴﺶ ﺃﻣﻞ ﺍﻥ ﺣﻀﺮﺗﻚ ﺗﻐﻴﺮ ﺭﺃﻳﻚ ... ﻃﻴﺐ ﻋﻠﻰ ﺍﻷﻗﻞ ﺍﺩﻳﻨﻲ ﻭﻋﺪ ﺍﻧﻬﺎ ﺗﻜﻮﻥ ﻟﻴﺎ ﻭﺍﻧﺎ ﺣﺎﺳﺘﻨﺎﻫﺎ ﻃﻮﻝ ﺍﻟﻔﺘﺮﺓ ﺩﻱ .

ﺷﻌﺮ ﺳﻌﻴﺪ ﺑﻨﺒﺮﺓ ﺍﻟﺤﺰﻥ ﻓﻲ ﺻﻮﺗﻪ ﻓﺎﺭﺍﺩ ﺍﻟﺘﺨﻔﻴﻒ ﻋﻨﻪ ﻟﻴﻘﻮﻝ ﺑﺠﺪﻳﺔ : ﺧﻼﺹ ﻳﺎ ﺍﺑﻨﻲ ... ﺍﻭﻋﺪﻙ ﺇﻧﻲ ﺍﺗﻜﻠﻢ ﻣﻌﺎﻫﺎ ﻭﺍﺷﻮﻑ ﺭﺃﻳﻬﺎ ﺇﻳﻪ ﻭﻟﻮ ﻭﺍﻓﻘﺖ ﻣﺎﻋﻨﺪﻳﺶ ﺃﻱ ﻣﺎﻧﻊ ... ﺑﺲ ﺇﺩﻳﻨﻲ ﺷﻮﻳﺔ ﻭﻗﺖ ﺍﻣﻬﺪﻟﻬﺎ ﺍﻟﻤﻮﺿﻮﻉ ﺑﺎﻟﺮﺍﺣﺔ ﻭﻭﺍﺣﺪﺓ ﻭﺍﺣﺪﺓ

ﺻﻔﻮﺕ : ﺧﻼﺹ ﺑﻘﻲ ﻳﺎ ﺍﺩﻫﻢ ﺍﻟﺮﺍﺟﻞ ﻭﻋﺪﻙ ﺁﻫﻮﻩ

ﺍﺩﻫﻢ ﺑﻀﻴﻖ : ﺧﻼﺹ ﻳﺎ ﺧﺎﻟﻲ ﺍﻟﻠﻲ ﺗﺸﻮﻓﻮﻩ ... ﻋﻦ ﺇﺫﻧﻜﻮﺍ ﺍﻧﺎ ﺭﺍﻳﺢ ﺃﻭﺿﺘﻲ

&&&&&&&&&&&&&&&&&&&&&&&&&

ﺑﻌﺪ ﻗﻠﻴﻞ ﻛﺎﻥ ﺃﺣﻤﺪ ﻳﺪﻟﻒ ﺇﻟﻰ ﻏﺮﻓﺔ ﺍﺩﻫﻢ ﻟﻴﺠﺪﻩ ﺷﺎﺭﺩﺍ ﻳﺒﺪﻭ ﺍﻟﻀﻴﻖ ﻋﻠﻰ ﻣﻼﻣﺢ ﻭﺟﻬﻪ ﺇﻟﻰ ﺍﺑﻌﺪ ﺣﺪ ... ﺣﺎﻭﻝ ﺍﻟﺘﺨﻔﻴﻒ ﻋﻨﻪ ﻓﺎﻗﺘﺮﺏ ﻣﻨﻪ ﻗﺎﺋﻼ ﺑﻤﺰﺍﺡ : ﺇﻳﻪ ﻳﺎ ﻋﻢ ﺍﻟﺤﺒﻴﺐ ... ﻣﺎﻟﻚ ﺳﺮﺣﺎﻥ ﻓﺈﻳﻪ

ﻛﺎﻥ ﻳﺨﺸﻰ ﺍﻥ ﻳﻜﻮﻥ ﺳﻌﻴﺪ ﻗﺪ ﺭﻓﻀﻪ ﺑﺎﻟﻔﻌﻞ ﻭﻟﻢ ﺗﻜﻦ ﻛﻠﻤﺎﺗﻪ ﺗﻠﻚ ﺳﻮﻯ ﻣﺤﺎﻭﻟﺔ ﻟﻠﺘﺨﻔﻴﻒ ﻋﻦ ﺍﺩﻫﻢ ... ﻻ ﻳﺪﺭﻱ ﺣﻘﻴﻴﻘﺔ ﻣﺎﻫﻴﺔ ﺷﻌﻮﺭﻩ ﻧﺤﻮﻫﺎ ... ﻓﻬﻞ ﻳﻌﻘﻞ ﺍﻥ ﻳﻘﻊ ﺑﻐﺮﺍﻣﻬﺎ ﺑﻬﺬﻩ ﺍﻟﺴﺮﻋﺔ ... ﻟﻢ ﻳﻜﻦ ﺟﻤﺎﻟﻬﺎ ﺍﻟﻮﺍﺿﺢ ﻟﻠﻌﻴﺎﻥ ﻫﻮ ﻓﻘﻂ ﻣﺎﻟﻔﺖ ﺇﻧﺘﺒﺎﻫﻪ ... ﻓﻘﻂ ﺑﺮﺍﺋﺘﻬﺎ ﻭﻟﻤﻌﺔ ﺍﻟﺤﺰﻥ ﻓﻲ ﻋﻴﻨﻴﻬﺎ ﺍﻟﺒﻨﻴﺘﻴﻦ ﻫﻮ ﻣﺎﺟﺬﺑﻪ ﺇﻟﻴﻬﺎ ﺍﻛﺜﺮ ... ﺭﺑﻤﺎ ﻟﻮ ﺍﺭﺍﺩ ﺃﻥ ﻳﻄﻠﻖ ﻋﻠﻴﻬﺎ ﺇﺳﻤﺎ ﺃﺧﺮ ﻷﺳﻤﺎﻫﺎ ﺍﻟﺠﻤﺎﻝ ﺍﻟﺤﺰﻳﻦ ... ﻣﺠﺮﺩ ﺩﻗﺎﺋﻖ ﻗﻠﻴﻠﺔ ﺭﺃﻫﺎ ﺑﻬﺎ ﺑﺪﻟﺖ ﺣﺎﻟﻪ ﺑﺸﻜﻞ ﻻ ﻳﺴﺘﻄﻴﻊ ﻫﻮ ﺗﻔﻬﻤﻪ ... ﻓﻤﺎﺫﺍ ﺇﺫﺍ ﻋﻦ ﺣﺒﻪ ﻟﻨﻮﺭﺍ ? ﺃﻛﺎﻥ ﻭﻫﻤﺎ ﺭﺳﻤﻪ ﻟﻨﻔﺴﻪ ﻭﻋﺎﺵ ﺑﺪﺍﺧﻠﻪ ﺃﻳﺎﻣﺎ ﻭﻟﻴﺎﻟﻲ ?

ﻃﺎﻝ ﺷﺮﻭﺩﻩ ﻓﺎﺳﺘﻄﺮﺩ ﺍﺣﻤﺪ ﻗﺎﺋﻼ : ﺍﻧﺖ ﺣﺘﻌﻤﻞ ﻧﻔﺴﻚ ﻣﺼﺪﻭﻡ ﺻﺪﻣﺔ ﺷﻜﺮﻱ ﺳﺮﺣﺎﻥ ﻓﺮﺩ ﻗﻠﺒﻲ ﻛﺪﻩ ﻟﻴﻪ ? ﻣﺎﻫﻮ ﺭﻓﻀﻪ ﺩﻩ ﻛﺎﻥ ﻣﺘﻮﻗﻊ

ﺭﻓﻊ ﺍﺩﻫﻢ ﺭﺃﺳﻪ ﻭﻧﻈﺮ ﺇﻟﻴﻪ ﻗﺎﺋﻼ ﺑﺄﺳﻰ : ﺭﻓﻀﻪ ﻛﺎﻥ ﻣﺘﻮﻗﻊ ﻟﻴﻪ ﻳﺎ ﺍﺣﻤﺪ ? ﻓﻴﺎ ﺇﻳﻪ ﻏﻠﻂ ﻳﺨﻠﻲ ﻧﻮﺭﺍ ﺗﻔﻀﻞ ﻋﻠﻲ ﻋﻠﻴﺎ ﻭﺗﺤﺒﻪ ﻫﻮ ﻭﺃﻧﺎ ﻷ ... ﻭﻳﺨﻠﻲ ﻋﻤﻚ ﺳﻌﻴﺪ ﻳﺮﻓﺾ ﻳﺠﻮﺯﻧﻲ ﺑﻨﺘﻪ ... ﺩﻩ ﺃﻧﺎ ﺍﺩﻫﻢ ﻓﺎﺿﻞ ﺍﻟﻠﻲ ﺍﻟﺒﻨﺎﺕ ﻛﺎﻧﺖ ﺑﺘﺘﺮﻣﻲ ﺗﺤﺖ ﺭﺟﻠﻴﺎ ﻣﺴﺘﻨﻴﻴﻦ ﻣﻨﻲ ﻧﻈﺮﺓ ﺭﺿﺎ .

ﺟﻠﺲ ﺍﺣﻤﺪ ﺇﻟﻰ ﺟﻮﺍﺭﻩ ﻭﺭﺑﺖ ﻋﻠﻰ ﻛﺘﻔﻪ ﻗﺎﺋﻼً : ﻣﺶ ﻳﻤﻜﻦ ﻳﻜﻮﻥ ﻫﻮ ﺩﻩ ﺍﻟﺴﺒﺐ ﻳﺎﺍﺩﻫﻢ ... ﻭﺍﻧﺖ ﻣﺶ ﻭﺍﺧﺪ ﺑﺎﻟﻚ ... ﻣﺶ ﻳﻤﻜﻦ ﻳﻜﻮﻥ ﺫﻧﺐ ﺍﻟﺒﻨﺎﺕ ﺍﻟﻠﻲ ﻋﻤﻠﺖ ﻓﻴﻬﻢ ﻛﺪﻩ ﻭﺭﺑﻨﺎ ﺑﻴﺨﻠﺼﻪ

↚

ﺍﺩﻫﻢ : ﺍﻧﺎ ﻋﻤﺮﻱ ﻣﺎﻋﺸﻤﺖ ﻭﺍﺣﺪﺓ ﻓﻴﻬﻢ ﺑﺤﺎﺟﺔ ... ﺍﻧﺎ ﻛﻨﺖ ﺑﺎﻗﻮﻟﻬﻢ ﻣﻦ ﺍﻷﻭﻝ ﺍﻧﻲ ﻣﺶ ﺑﺘﺎﻉ ﺟﻮﺍﺯ ﻭﻫﻤﺎ ﺍﻟﻠﻲ ﻛﺎﻥ ﺑﻴﺒﻘﻰ ﻋﻨﺪﻫﻢ ﺍﻣﻞ ... ﻭﺍﻟﻤﻮﺿﻮﻉ ﻋﻤﺮﻩ ﻣﺎ ﺗﻌﺪﻯ ﺍﻟﻀﺤﻚ ﻭﺍﻟﻬﺰﺍﺭ ﻭﺍﻟﺨﺮﻭﺝ ﻭﺍﻟﻔﺴﺢ ﻣﻊ ﺑﻌﺾ ... ﺍﻧﺎ ﻋﻨﺪﻱ ﺇﺧﻮﺍﺕ ﺑﻨﺎﺕ ﻛﻨﺖ ﺑﺨﺎﻑ ﻳﺘﺮﺩﻟﻲ ﻓﻴﻬﻢ

ﺗﻨﻬﺪ ﺍﺣﻤﺪ ﻗﺎﺋﻼ : ﻣﺎﻫﻮ ﺍﺗﺮﺩ ﻓﻌﻼ ... ﻭﺑﻌﺪﻳﻦ ﻳﺎ ﺳﻴﺪﻱ ﺍﻟﺮﺍﺟﻞ ﻣﺎﺭﻓﻀﺶ ﻭﻻ ﺣﺎﺟﺔ ... ﻫﻮ ﻗﺎﻝ ﻣﺤﺘﺎﺝ ﺷﻮﻳﺔ ﻭﻗﺖ ﺑﺲ ﻳﻤﻬﺪ ﻟﺒﻨﺘﻪ ... ﻭﻣﺘﻬﻴﺄﻟﻲ ﺩﻩ ﺣﻘﻪ ... ﺛﻢ ﺍﻥ ﺍﺣﻨﺎ ﻏﻠﻄﻨﺎ ﻟﻤﺎ ﻓﺎﺗﺤﻨﺎﻩ ﻓﻤﻮﺿﻮﻉ ﺯﻱ ﺩﻩ ﻭﻫﻮ ﺿﻴﻔﻨﺎ ... ﻛﺎﻥ ﺍﻟﻤﻔﺮﻭﺽ ﻧﺤﺪﺩ ﻣﻌﺎﻩ ﻣﻌﺎﺩ ﻧﺮﻭﺣﻠﻪ ﻓﻴﻪ ﺑﻴﺘﻪ ﻭﻧﻄﻠﺒﻬﺎ ﻣﻨﻪ ... ﺑﺲ ﺍﻧﺖ ﺑﻘﻰ ﺍﻟﻠﻪ ﻳﺴﺎﻣﺤﻚ ﻣﺎﻋﻨﺪﻛﺶ ﺻﺒﺮ ... ﺍﻧﺎ ﺣﺎﺳﺲ ﺍﻧﻨﺎ ﺍﺣﺮﺟﻨﺎ ﺍﻟﺮﺍﺟﻞ

ﺍﺩﻫﻢ ﺑﻠﻬﻔﺔ : ﻃﻴﺐ ﻭﺍﻟﺤﻞ ﻳﺎ ﺍﺣﻤﺪ ?

ﺍﺣﻤﺪ : ﺍﺣﻨﺎ ﻧﺴﺘﻨﻰ ﺷﻮﻳﺔ ﻛﺪﻩ ﻭﺑﻌﺪﻳﻦ ﻧﺸﻮﻑ ﻫﻮ ﺣﻴﻌﻤﻞ ﺇﻳﻪ ... ﻣﺎﻛﺎﻧﺶ ﻛﺪﻩ ﻧﺨﻠﻲ ﺧﺎﻟﻚ ﻳﺤﺪﺩ ﻣﻌﺎﻩ ﻣﻌﺎﺩ ﻭﻧﺮﻭﺣﻠﻪ ﺑﻴﺘﻪ ﻭﻧﻄﻠﺒﻬﺎ ﻣﺮﺓ ﺗﺎﻧﻴﺔ ﻓﻲ ﺑﻴﺖ ﺃﻫﻠﻬﺎ ﺯﻱ ﺍﻷﺻﻮﻝ ﻣﺎﺑﺘﻘﻮﻝ

ﻧﻈﺮ ﺇﻟﻰ ﺍﻟﻔﺮﺍﻍ ﺃﻣﺎﻣﻪ ﻭﻗﺎﻝ ﺑﻀﺠﺮ : ﻣﺎﺷﻲ ﻧﺴﺘﻨﻰ ﻟﻤﺎ ﻧﺸﻮﻑ ﺃﺧﺮﺗﻬﺎ ﺇﻳﻪ

&&&&&&&&&&&&&&&&

ﺑﻌﺪ ﺍﻥ ﻏﺎﺩﺭ ﺳﻌﻴﺪ ﻭﺃﺑﻨﺎﺅﻩ ﻭﺩﺧﻞ ﺍﻟﺠﻤﻴﻊ ﺇﻟﻰ ﻏﺮﻓﻬﻢ ﻃﻠﺒﺎ ﻟﻠﻨﻮﻡ ﺑﻘﻴﺖ ﺃﻣﻴﺮﺓ ﺗﺤﺪﺙ ﺍﺣﻤﺪ ﻗﺎﺋﻠﺔ : ﺍﺣﻤﺪ ﻫﻮ ﺍﻧﺖ ﻛﻠﻤﺖ ﺟﻤﺎﻝ ﻭﻗﻠﺘﻠﻪ ﺍﻥ ﺃﻧﺎ ﻋﺎﻳﺰﺓ ﺍﻃﻠﻖ ﻭﻻ ﻷ ...

ﺍﺣﻤﺪ ﺑﺠﺪﻳﺔ : ﺁﻩ ﻗﻮﻟﺘﻠﻪ

ﺃﻣﻴﺮﺓ ﺑﻠﻬﻔﺔ : ﻭﻗﺎﻟﻚ ﺇﻳﻪ ?

ﺍﺑﺘﺴﻢ ﺍﺣﻤﺪ ﻗﺎﺋﻼ ﺑﻤﺮﺍﻭﻏﺔ : ﻗﺎﻟﻲ ﺍﻥ ﻣﺎﻋﻨﺪﻭﺵ ﻣﺎﻧﻊ ﻳﻄﻠﻖ

ﻟﻤﻌﺖ ﻋﻴﻨﺎﻫﺎ ﺑﺎﻟﺪﻣﻮﻉ ﻭﻫﻲ ﺗﺠﻴﺒﻪ ﻗﺎﺋﻠﺔ : ﻳﺎﺍﺍﻩ ... ﺑﺎﻟﺒﺴﺎﻃﺔ ﺩﻱ ﻭﺍﻓﻖ

ﺭﻓﻊ ﺣﺎﺟﺒﻴﻪ ﻗﺎﺋﻼ ﻭﻫﻮ ﻳﺤﺎﻭﻝ ﺇﺧﻔﺎﺀ ﺇﺑﺘﺴﺎﻣﺘﻪ : ﻫﻮ ﻣﺎﻛﺎﻧﺶ ﻣﻮﺍﻓﻖ ﺑﺲ ﺃﻧﺎ ﻗﻠﺘﻠﻪ ﺍﻥ ﺩﻱ ﺭﻏﺒﺘﻚ ﻭﺍﻧﻚ ﻣﺼﻤﻤﺔ ﻋﻠﻴﻬﺎ ﻓﻮﺍﻓﻖ

ﺍﻣﻴﺮﺓ ﺑﺈﻧﻔﻌﺎﻝ : ﻭﻣﺴﺘﻨﻲ ﺇﻳﻪ ﻣﻦ ﻳﻮﻣﻬﺎ ﻟﺤﺪ ﺩﻟﻮﻗﺘﻲ ... ﻣﺎﺑﻌﺘﻠﻴﺶ ﻭﺭﻗﺘﻲ ﻟﻴﻪ ?

ﻛﺎﻥ ﻳﺮﺍﻗﺐ ﺇﻧﻔﻌﺎﻻﺗﻬﺎ ﻭﺗﻌﺒﻴﺮﺍﺕ ﻭﺟﻬﻬﺎ ﻭﻫﻲ ﺗﺘﺤﺪﺙ ﻓﻘﺎﻡ ﻣﻦ ﻣﻜﺎﻧﻪ ﻗﺎﺋﻼ ﺑﺈﺑﺘﺴﺎﻣﺔ ﻣﺎﻛﺮﺓ : ﻣﺶ ﺍﻧﺘﻲ ﺭﺍﺟﻌﺔ ﺍﻟﻤﺪﺭﺳﺔ ﻳﻮﻡ ﺍﻟﺤﺪ ... ﺗﻘﺪﺭﻱ ﺗﺴﺄﻟﻴﻪ ﺑﻨﻔﺴﻚ

ﺍﻣﻴﺮﺓ : ﻃﻴﺐ ﻣﺎﺗﻌﺮﻓﺶ ﻫﻮ ﻋﻤﻞ ﺇﻳﻪ ﻓﻤﻮﺿﻮﻉ ﺍﻟﻔﻴﺪﻳﻮ ?

ﺿﻴﻖ ﻋﻴﻨﻴﻪ ﻗﺎﺋﻼ ﺑﺠﺪﻳﺔ : ﻳﻬﻤﻚ ﺍﻭﻱ ﺗﻌﺮﻓﻲ

ﺍﻣﻴﺮﺓ ﺑﺈﺭﺗﺒﺎﻙ : ﻣﺶ ﺍﺑﻮ ﺑﻨﺘﻲ ... ﻭﺣﺎﺟﺔ ﺯﻱ ﺩﻱ ﺣﺘﻮﺻﻤﻬﺎ ﻃﻮﻝ ﺍﻟﻌﻤﺮ ﻋﺎﻳﺰﺓ ﺍﻃﻤﻦ ﻋﻠﻰ ﺑﻨﺘﻲ ﻣﺶ ﺍﻛﺘﺮ

ﺍﺣﻤﺪ ﻭﻫﻮ ﻳﻬﻢ ﺑﺎﻟﻤﻐﺎﺩﺭﺓ ﻣﺘﺠﻬﺎ ﺇﻟﻰ ﺍﻷﻋﻠﻰ : ﺑﺮﺿﻪ ﺗﻘﺪﺭﻱ ﺗﺴﺄﻟﻴﻪ ﻟﻤﺎ ﺗﺸﻮﻓﻴﻪ ﻳﻮﻡ ﺍﻟﺤﺪ ﺍﻥ ﺷﺎﺀﺍﻟﻠﻪ ... ﻳﻼ ﺗﺼﺒﺤﻲ ﻋﻠﻰ ﺧﻴﺮ

ﺻﻌﺪ ﺍﺣﻤﺪ ﻭﺗﺮﻛﻬﺎ ﻓﻲ ﺣﻴﺮﺓ ﻣﻦ ﺃﻣﺮﻫﺎ ... ﻭﺇﻥ ﻛﺎﻧﺖ ﺑﺎﻟﻄﺒﻊ ﻟﻦ ﺗﺴﺘﻄﻊ ﺍﻥ ﺗﺴﺄﻟﻪ ... ﻭﺳﺘﻨﺘﻈﺮ ﺍﻥ ﺗﻜﻮﻥ ﺍﻟﻤﺒﺎﺩﺭﺓ ﻣﻨﻪ ﻫﻮ

&&&&&&&&&&&&&&&&

ﻛﺎﻥ ﻋﻠﻲ ﻳﺪﻳﺮ ﺍﻟﻤﻔﺘﺎﺡ ﻟﻴﻨﻔﺘﺢ ﺑﺎﺏ ﺍﻟﻐﺮﻓﺔ ﺍﻟﺘﻲ ﺍﺳﺘﺄﺟﺮﻫﺎ ﻓﻲ ﺃﺣﺪ ﺍﻟﻔﻨﺎﺩﻕ ﻟﻴﻘﻀﻲ ﺑﻬﺎ ﺍﻷﺭﺑﻌﺔ ﺍﻳﺎﻡ ﺍﻟﺘﻲ ﺳﻴﻤﻜﺜﻬﺎ ﺑﺼﺤﺒﺔ ﻧﻮﺭﺍ ... ﺩﻟﻒ ﺇﻟﻰ ﺍﻟﺪﺍﺧﻞ ﻃﺎﻟﺒﺎ ﻣﻦ ﻧﻮﺭﺍ ﺃﻥ ﺗﺘﺒﻌﻪ ... ﺩﺧﻠﺖ ﻭﻫﻲ ﺗﺠﻮﻝ ﺑﺒﺼﺮﻫﺎ ﻓﻲ ﺃﻧﺤﺎﺀ ﺍﻟﻐﺮﻓﺔ ﻭﻗﺪﻋﻠﺖ ﺷﻔﺘﻴﻬﺎ ﺇﺑﺘﺴﺎﻣﺔ ﺳﺎﺣﺮﺓ ... ﻧﻈﺮﺕ ﺑﺈﻧﺒﻬﺎﺭ ﺇﻟﻰ ﺍﻭﺭﺍﻕ ﺍﻟﻮﺭﻭﺩ ﺍﻟﻤﻮﺯﻋﺔ ﺑﻌﻨﺎﻳﺔ ﻓﺎﺋﻘﺔ ﻋﻠﻰ ﺍﻟﻔﺮﺍﺵ ﻭﺇﻟﻰ ﺍﻟﺸﻤﻮﻉ ﻭﺍﻟﺒﺎﻟﻮﻧﺎﺕ ﺍﻟﺤﻤﺮﺍﺀ ﺍﻟﺘﻲ ﺗﻤﺘﻠﺊ ﺑﻬﻢ ﺍﻟﻐﺮﻓﺔ ﻭﻗﻔﺰﺕ ﻣﻦ ﻣﻜﺎﻧﻬﺎ ﻭﻫﻲ ﺗﻘﻮﻝ ﺑﺴﻌﺎﺩﺓ : ﻛﻞ ﺩﻩ ﻋﺸﺎﻧﻲ ﺃﻧﺎ ﻳﺎ ﻋﻠﻲ

ﺍﻗﺘﺮﺏ ﻣﻨﻬﺎ ﻗﺎﺋﻼ ﺑﺈﺑﺘﺴﺎﻣﺔ : ﻣﺎﻓﻴﺶ ﺣﺎﺟﺔ ﺗﻐﻠﻰ ﻋﻠﻴﻜﻲ ﻳﺎ ﺣﺒﻴﺒﺘﻲ

ﺍﺳﺮﻋﺖ ﻧﻮﺭﺍ ﺗﻠﻒ ﺫﺭﺍﻋﻴﻬﺎ ﺣﻮﻝ ﺭﻗﺒﺘﻪ ﻭﺗﺸﻜﺮﻩ ﻋﻠﻰ ﻣﺎﻓﻌﻠﻪ ﻣﻦ ﺍﺟﻠﻬﺎ ﻟﻴﻠﻒ ﺫﺭﺍﻋﻴﻪ ﻫﻮ ﺍﻷﺧﺮ ﺑﺪﻭﺭﻩ ﺣﻮﻝ ﺧﺼﺮﻫﺎ ﻭﻳﺪﻭﺭ ﺑﻬﺎ ﻗﺎﺋﻼ : ﺭﺑﻨﺎ ﻳﻘﺪﺭﻧﻲ ﻭﺍﺧﻠﻲ ﺍﻟﻔﺮﺣﺔ ﺩﻱ ﻋﻠﻄﻮﻝ ﻓﻌﻨﻴﻜﻲ

ﻧﻮﺭﺍ ﺑﺪﻫﺸﺔ : ﺑﺲ ﻗﻮﻟﻲ ﻣﻴﻦ ﺍﻟﻠﻲ ﻋﻤﻞ ﺍﻟﺤﺎﺟﺎﺕ ﺩﻱ ﻛﻠﻬﺎ ... ﻭﺍﻭﻋﻰ ﺗﻘﻮﻟﻲ ﺍﺣﻤﺪ

ﻋﻠﻲ ﻧﺎﻓﻴﺎ : ﻻ ﻳﺎ ﺣﺒﻴﺒﺘﻲ ﻣﺶ ﺍﺣﻤﺪ ... ﺍﻧﺎ ﺟﺒﺖ ﻧﻤﺮﺓ ﺍﻟﻔﻨﺪﻕ ﻣﻦ ﻋﻠﻰ ﺍﻟﻨﺖ ﻭﺍﺗﺼﻠﺖ ﺑﻴﻬﻢ ﺣﺠﺰﺕ ﻭﻗﻮﻟﺘﻠﻬﻢ ﺍﻥ ﺍﺣﻨﺎ ﻋﺮﺳﺎﻥ ﻭﺟﺎﻳﻴﻦ ﻧﻘﻀﻲ ﻛﺎﻡ ﻳﻮﻡ ﻋﻨﺪﻫﻢ ﻭﻃﻠﺒﺖ ﻣﻨﻬﻢ ﻳﺠﻬﺰﻭﺍ ﺍﻟﺤﺎﺟﺎﺕ ﺍﻟﻠﻲ ﺍﻧﺘﻲ ﺷﺎﻳﻔﺎﻫﺎ ﺩﻱ

ﻧﻮﺭﺍ : ﺑﺲ ﻳﺎ ﻋﻠﻲ ﻓﻴﻪ ﺣﺎﺟﺔ ﻣﻬﻤﺔ ﺍﻧﺖ ﻧﺴﻴﺘﻬﺎ

ﻋﻠﻲ ﺑﺤﻴﺮﺓ : ﺣﺎﺟﺔ ﺇﻳﻪ ﺩﻱ ?

ﻧﻮﺭﺍ ﺑﺠﺪﻳﺔ : ﻫﺪﻭﻣﻨﺎ ﻳﺎ ﻋﻠﻲ ... ﺣﻨﻔﻀﻞ ﺑﺎﻟﻬﺪﻭﻡ ﺩﻱ ﻃﻮﻝ ﺍﻷﺭﺑﻊ ﺍﻳﺎﻡ ... ﻣﺎ ﺍﻧﺖ ﻟﻮ ﻛﻨﺖ ﻗﻮﻟﺘﻠﻲ ﻛﻨﺖ ﻋﻤﻠﺖ ﺣﺴﺎﺑﻲ ﻭﺟﺒﺖ ﻫﺪﻭﻡ ﻣﻌﺎﻳﺎ

ﺍﺑﺘﺴﻢ ﻗﺎﺋﻼ : ﻋﻴﺐ ﻋﻠﻴﻜﻲ ﺩﻱ ﺣﺎﺟﺔ ﺗﻔﻮﺗﻨﻲ ﺑﺮﺿﻪ ... ﺷﻨﻄﺔ ﺍﻟﻬﺪﻭﻡ ﺍﻟﻠﻲ ﺟﺒﺘﻴﻬﺎ ﻣﻌﺎﻛﻲ ﻣﻦ ﺍﻟﻘﺎﻫﺮﺓ ﺗﺤﺖ ﻓﺎﻟﻌﺮﺑﻴﺔ ﺣﺎﻧﺰﻝ ﺃﺟﻴﺒﻬﺎ ... ﺍﻧﺎ ﻟﻄﺸﺘﻬﺎ ﻣﻦ ﺍﻷﻭﺿﺔ ﻗﺒﻞ ﻣﺎ ﻧﺨﺮﺝ ﻋﻠﻄﻮﻝ ﻭﺣﻄﻴﺘﻬﺎ ﻓﺎﻟﻌﺮﺑﻴﺔ ﻭﺣﻄﻴﺖ ﻓﻴﻬﺎ ﻫﺪﻭﻣﻲ ﺍﻧﺎ ﻛﻤﺎﻥ ... ﺣﺎﺟﻴﺒﻬﺎ ﻭﺍﺭﺟﻌﻠﻚ ﻋﻠﻄﻮﻝ ﻋﺸﺎﻥ ﺗﺎﺧﺪﻱ ﺷﺎﻭﺭ ﻭﺗﻐﻴﺮﻱ ﻫﺪﻭﻣﻚ ﻭﺑﻌﺪﻳﻦ ﺣﺎﻃﻠﺐ ﺍﻟﺮﻭﻡ ﺳﻴﺮﻓﺲ ﻳﺒﻌﺘﻮﻟﻨﺎ ﻋﺸﺎ ... ﻭﺑﻌﺪ ﺍﻟﻌﺸﺎ ﺑﻘﻰ ﻋﺎﻳﺰﻳﻦ ﻧﻜﻤﻞ ﻛﻼﻣﻨﺎ ﻓﺎﻟﻤﻮﺿﻮﻉ ﺍﻟﻠﻲ ﺑﺪﺃﻧﺎﻩ ﻓﺎﻟﻴﺨﺖ

ﻧﻮﺭﺍ ﻣﻌﺘﺮﺿﺔ : ﻻ ﺑﺎﻗﻮﻟﻚ ﺇﻳﻪ ﺍﻧﺎ ﺗﻌﺒﺎﻧﺔ ﻭﻋﺎﻳﺰﺓ ﺍﻧﺎﻡ ... ﺍﻟﻤﻮﺿﻮﻉ ﺩﻩ ﻧﻜﻤﻞ ﻛﻼﻣﻨﺎ ﻓﻴﻪ ﺑﻜﺮﺓ ﺍﻥ ﺷﺎﺀﺍﻟﻠﻪ

ﺗﺤﺪﺙ ﻋﻠﻲ ﻗﺎﺋﻼ ﺑﺘﺄﺛﺮ ﻣﺼﻄﻨﻊ : ﺑﻘﻰ ﺩﻱ ﺃﺧﺮﺗﻬﺎ ﺑﺮﺿﻪ ﻳﺎ ﻧﻮﺭﺍ ... ﺑﻘﻰ ﺑﻌﺪ ﻣﺎﻭﺛﻘﺖ ﻓﻴﻜﻲ ﻭﺣﺒﻴﺘﻚ ﻋﺎﻳﺰﺓ ﺗﺮﻣﻴﻨﻲ ﺑﻌﺪ ﻣﺎ ﺍﺧﺪﺗﻲ ﻏﺮﺿﻚ ﻣﻨﻲ ﻣﺎﻛﺎﻧﺶ ﺍﻟﻌﺸﻢ ﻳﺎ ﻧﻮﺭﺍ

ﺍﺑﺘﺴﻤﺖ ﻧﻮﺭﺍ ﻗﺎﺋﻠﺔ ﺑﺨﻀﺔ : ﺍﻧﺖ ﺣﺘﺠﻴﺒﻠﻲ ﻣﺼﻴﺒﺔ ﻭﻻ ﺇﻳﻪ ? ﻫﻮ ﺍﻧﺎ ﻋﻤﻠﺘﻠﻚ ﺣﺎﺟﺔ

ﻋﻠﻲ : ﻭﻛﻤﺎﻥ ﺑﺘﻨﻜﺮﻱ ... ﺍﺳﻤﻌﻲ ﻳﺎ ﻧﻮﺭﺍ ... ﺍﻧﺘﻲ ﻻﺯﻡ ﺗﺴﺘﺮﻱ ﻋﻠﻴﺎ ﻭﺗﺘﺠﻮﺯﻳﻨﻲ ﺩﻟﻮﻗﺘﻲ ﺣﺎﻻ

ﻧﻮﺭﺍ ﻭﻫﻲ ﺗﻘﻮﻝ ﻓﻲ ﻻﻣﺒﺎﻻﺓ : ﺍﻭﻋﺪﻙ ﺍﻟﺼﺒﺢ ﺍﻥ ﺷﺎﺀﺍﻟﻠﻪ ﺣﺎﺗﺠﻮﺯﻙ

ﺣﻤﻠﻬﺎ ﺑﻴﻦ ﺫﺭﺍﻋﻴﻪ ﻣﺘﻮﺟﻬﺎ ﻧﺤﻮ ﺍﻟﻔﺮﺍﺵ ﻭﻫﻮ ﻳﻘﻮﻝ ﺑﻤﺸﺎﻏﺒﺔ : ﺩﻭﺭﻱ ﺑﻘﻰ ﻋﻠﻰ ﺍﻟﻠﻲ ﺣﻴﺴﺘﻨﻰ ﻟﻠﺼﺒﺢ

&&&&&&&&&&&&&&&&&&&

ﻓﻲ ﻃﺮﻳﻖ ﺍﻟﻌﻮﺩﺓ ﻣﻦ ﺩﻣﻴﺎﻁ ﺇﻟﻰ ﺍﻟﻘﺎﻫﺮﺓ ﻛﺎﻥ ﻳﺠﻠﺲ ﻓﻲ ﺍﻟﻤﻘﻌﺪ ﺍﻷﻣﺎﻣﻲ ﺇﻟﻰ ﺟﻮﺍﺭ ﺇﺑﻨﻪ ﺍﻟﺬﻱ ﻛﺎﻥ ﻳﻘﻮﺩ ﺍﻟﺴﻴﺎﺭﺓ ... ﺑﻴﻨﻤﺎ ﻧﺎﻣﺖ ﺇﺑﻨﺘﻪ ﻓﻲ ﺍﻟﻤﻘﻌﺪ ﺍﻟﺨﻠﻔﻲ ﻟﻠﺴﻴﺎﺭﺓ ... ﺣﺎﻧﺖ ﻣﻨﻪ ﺇﻟﺘﻔﺎﺗﺔ ﻟﻠﺨﻠﻒ ﻟﻴﻠﻘﻲ ﻋﻠﻴﻬﺎ ﻧﻈﺮﺓ ﻣﺘﺄﻣﻠﺔ ﺛﻢ ﻳﺒﺘﺴﻢ ﺑﺘﻠﻘﺎﺋﻴﺔ ... ﻳﻔﻜﺮ ﺑﻴﻨﻪ ﻭﺑﻴﻦ ﻧﻔﺴﻪ ... ﻫﻞ ﻳﻜﻮﻥ ﺍﻟﺰﻭﺍﺝ ﺃﻭ ﻋﻠﻰ ﺍﻷﺻﺢ ﺍﻟﺨﻄﺒﺔ ﻃﺮﻳﻘﺎ ﻟﻠﺨﺮﻭﺝ ﻣﻦ ﺃﺣﺰﺍﻥ ﻓﻘﺪ ﻭﺍﻟﺪﺗﻬﺎ ﺍﻟﺮﺍﺣﻠﺔ ... ﺃﻡ ﺃﻥ ﺍﻟﻮﻗﺖ ﻏﻴﺮ ﻣﻼﺋﻢ ﻟﻠﺤﺪﻳﺚ ﻓﻲ ﻣﺜﻞ ﻫﺬﻩ ﺍﻷﻣﻮﺭ ... ﻗﺮﺭ ﺃﻥ ﻳﺄﺧﺬ ﺑﺮﺃﻱ ﻭﻟﺪﻩ ﻟﻌﻠﻪ ﻳﺠﺪ ﻓﻴﻪ ﺇﺟﺎﺑﺔ ﺷﺎﻓﻴﺔ ... ﺍﻟﺘﻔﺖ ﺇﻟﻴﻪ ﻭﻗﺺ ﻋﻠﻰ ﻣﺴﺎﻣﻌﻪ ﻣﺎﻛﺎﻥ ﻣﻦ ﺃﻣﺮ ﺧﻄﺒﺔ ﺍﺩﻫﻢ ﻟﺸﻘﻴﻘﺘﻪ ﻭﻛﻴﻒ ﺃﺟﺎﺑﻪ ﻃﺎﻟﺒﺎ ﻣﻬﻠﺔ ﻹﻗﻨﺎﻋﻬﺎ ... ﺍﺑﺘﺴﻢ ﺑﺪﻫﺸﺔ ﺛﻢ ﻗﺎﻝ ﺑﻀﻴﻖ : ﻟﻴﻪ ﺣﻀﺮﺗﻚ ﻗﻮﻟﺘﻪ ﻷﺑﺲ ﻳﺎ ﺑﺎﺑﺎ ?

ﺃﺟﺎﺑﻪ ﻣﺘﻌﺠﺒﺎ : ﺇﺯﺍﻱ ﺑﺲ ﻋﺎﻳﺰﻧﻲ ﺍﻭﺍﻓﻖ ﻋﻠﻰ ﺣﺎﺟﺔ ﺯﻱ ﺩﻱ ﻭﺃﺧﺘﻚ ﻓﺎﻟﻈﺮﻭﻑ ﺍﻟﻠﻲ ﻫﻴﺎ ﻓﻴﻬﺎ ﺩﻱ

ﺇﺑﺮﺍﻫﻴﻢ ﺑﺠﺪﻳﺔ : ﻳﺎﺑﺎﺑﺎ ﺍﻋﺘﻘﺪ ﺍﻥ ﺩﻱ ﻛﺎﻧﺖ ﻓﺮﺻﺔ ﻛﻮﻳﺴﺔ ﻋﺸﺎﻥ ﺗﻨﺴﻰ ﻭﺗﺨﺮﺝ ﻣﻦ ﺍﻟﺤﺎﻟﺔ ﺍﻟﻠﻲ ﻫﻴﺎ ﻓﻴﻬﺎ ﺩﻱ ... ﺑﻴﺘﻬﻴﺄﻟﻲ ﻛﻔﺎﻳﺔ ﺍﻭﻱ ﺳﺖ ﺷﻬﻮﺭ ﻭﻫﻴﺎ ﺣﺰﻳﻨﺔ ﺑﺎﻟﺸﻜﻞ ﺩﻩ

ﺑﺪﺍ ﻋﻠﻴﻪ ﺍﻹﻗﺘﻨﺎﻉ ﻭﻫﻮ ﻳﺠﻴﺒﻪ ﻗﺎﺋﻼ : ﻣﻌﺎﻙ ﺣﻖ ﻳﺎ ﺍﺑﻨﻲ ... ﻋﻤﻮﻣﺎ ﺍﻧﺎ ﻃﻠﺒﺖ ﻣﻬﻠﺔ ﺍﻣﻬﺪﻟﻬﺎ ﻓﻴﻬﺎ ﻭﺍﻋﺮﻑ ﺭﺃﻳﻬﺎ ﻓﻤﻮﺿﻮﻉ ﺍﻟﺠﻮﺍﺯ ... ﺑﺲ ﺑﺮﺿﻪ ﺑﻴﻨﻲ ﻭﺑﻴﻨﻚ ﺍﻧﺎ ﻣﺴﺘﻜﺘﺮ ﺍﻷﺭﺑﻊ ﺳﻨﻴﻦ ﺧﻄﻮﺑﺔ ... ﻛﺘﻴﺮ ﺍﻭﻱ ﻳﺎ ﺍﺑﻨﻲ ﺑﺮﺿﻪ

ﺗﻨﺤﻨﺢ ﺇﺑﺮﺍﻫﻴﻢ ﻗﺎﺋﻼ ﺑﺨﻔﻮﺕ : ﻫﻮ ﺍﻟﻜﻼﻡ ﺩﻩ ﻳﻨﻄﺒﻖ ﻋﻠﻴﺎ ﺃﻧﺎ ﻛﻤﺎﻥ ﺑﺮﺿﻪ ?

ﻋﻘﺪ ﺟﺒﻴﻨﻪ ﺩﻫﺸﺔ ﻗﺒﻞ ﺍﻥ ﻳﻘﻮﻝ : ﻳﻌﻨﻲ ﺇﻳﻪ ﻣﺶ ﻓﺎﻫﻢ ? ﺍﻧﺖ ﻧﺎﻭﻱ ﺗﺨﻄﺐ ﺍﺭﺑﻊ ﺳﻨﻴﻦ ﺍﻧﺖ ﻛﻤﺎﻥ ?

ﺇﺑﺮﺍﻫﻴﻢ ﺑﺘﻠﻌﺜﻢ : ﺍﺻﻞ ﺑﺼﺮﺍﺣﺔ ﻛﺪﻩ ﻳﺎ ﺑﺎﺑﺎ ﺍﻧﺎ ﺑﻴﺘﻬﻴﺄﻟﻲ ﺇﻧﻲ ﻟﻘﻴﺖ ﺍﻟﻌﺮﻭﺳﺔ ﺍﻟﻠﻲ ﺑﺪﻭﺭ ﻋﻠﻴﻬﺎ ... ﺑﺲ ﺍﻟﻤﺸﻜﻠﺔ ﺍﻥ ﻫﻴﺎ ﻛﻤﺎﻥ ﺍﺩﺍﻣﻬﺎ ﺍﺭﺑﻊ ﺳﻨﻴﻦ ﻋﻠﻰ ﻣﺎﺗﺘﺨﺮﺝ

ﺿﺮﺏ ﻛﻔﻴﻪ ﺑﺒﻌﻀﻬﻤﺎ ﻭﻗﺎﻝ ﺑﺪﻫﺸﺔ : ﻳﺎ ﺍﺑﻨﻲ ﺍﻧﺖ ﺑﺘﻬﺰﺭ ? ﺍﻧﺖ ﻋﺎﻳﺰﻧﻲ ﺍﺳﺘﻨﻰ ﺍﺭﺑﻊ ﺳﻨﻴﻦ ﻋﻠﻰ ﻣﺎ ﺍﺟﻮﺯﻙ ... ﻫﻮ ﺩﻩ ﻣﺶ ﻛﺎﻥ ﻭﺍﺣﺪ ﻣﻦ ﺃﺳﺒﺎﺏ ﺭﺟﻮﻋﻨﺎ ﻟﻤﺼﺮ ﺍﻧﻚ ﺗﺘﺠﻮﺯ

ﺇﺑﺮﺍﻫﻴﻢ ﺑﺠﺪﻳﺔ : ﻳﺎﺑﺎﺑﺎ ﻳﺎ ﺣﺒﻴﺒﻲ ... ﻣﺎ ﺍﻧﺎ ﻟﺴﻪ ﺍﺩﺍﻣﻲ ﻭﻗﺖ ﺑﺮﺿﻪ ﻋﻠﻰ ﻣﺎﻧﺴﺘﻠﻢ ﺍﻟﺸﺮﻛﺔ ﻭﻧﺠﻬﺰﻫﺎ ﻭﻧﺒﺘﺪﻱ ﺍﻟﺸﻐﻞ ﻭﻧﻌﻤﻞ ﻟﻨﻔﺴﻨﺎ ﺍﺳﻢ ﻓﺎﻟﺴﻮﻕ ﻭ ﺍﻗﺪﺭ ﺍﺛﺒﺖ ﻧﻔﺴﻲ ... ﻣﺶ ﻛﻞ ﺩﻩ ﻣﺤﺘﺎﺝ ﻭﻗﺖ ... ﻭﺑﻌﺪﻳﻦ ﺍﺣﻨﺎ ﻣﻤﻜﻦ ﻧﺘﻔﺎﻭﺽ ﻣﻊ ﻋﻤﻲ ﺻﻔﻮﺕ ﻋﺸﺎﻥ ﻳﺨﻔﺾ ﻟﻨﺎ ﺍﻟﻤﺪﺓ ﺷﻮﻳﺔ ﻳﻌﻨﻲ

ﺳﻌﻴﺪ ﺑﺪﻫﺸﺔ : ﻟﻴﻪ ﻳﺎ ﺍﺑﻨﻲ ? ﻫﻮ ﺍﻧﺖ ﺣﺎﻃﻂ ﻋﻴﻨﻚ ﻋﻠﻰ ﻣﻴﻦ ﺑﺎﻟﻈﺒﻂ ?

ﺇﺑﺮﺍﻫﻴﻢ ﺑﺈﺭﺗﺒﺎﻙ : ﻟﻤﻴﺎﺀ ﻳﺎ ﺑﺎﺑﺎ ... ﺑﻨﺖ ﺃﺧﻮ ﻋﻤﻲ ﺻﻔﻮﺕ ﻭﺃﺧﺖ ﺍﻟﺒﺎﺷﻤﻬﻨﺪﺱ ﻋﻠﻲ .

ﺳﻌﻴﺪ : ﻭﺃﻧﺎ ﺍﻟﻠﻲ ﻛﻨﺖ ﺑﺎﻗﻮﻝ ﻋﻠﻰ ﺍﺩﻫﻢ ﻣﺘﺴﺮﻉ ... ﻃﻠﻊ ﺍﺑﻨﻲ ﺍﻛﺘﺮ ﻣﻨﻪ

ﺇﺑﺮﺍﻫﻴﻢ ﺑﺠﺪﻳﺔ : ﻳﺎﺑﺎﺑﺎ ﺃﻧﺎ ﺭﺍﺟﻞ ﻋﻤﻠﻲ ﻣﺎﺑﺤﺒﺶ ﺃﺿﻴﻊ ﻭﻗﺖ ... ﺃﻧﺎ ﻛﻨﺖ ﺑﺪﻭﺭ ﻋﻠﻰ ﻋﺮﻭﺳﺔ ... ﺷﻮﻓﺖ ﻭﺍﺣﺪﺓ ﻋﺠﺒﺘﻨﻲ ... ﺍﺗﻜﻠﻤﺖ ﻣﻌﺎﻫﺎ ﻟﻤﺎ ﻛﺎﻧﺖ ﻗﺎﻋﺪﺓ ﻣﻊ ﺳﻮﺯﺍﻥ ﺑﺮﻩ ﻓﺎﻟﺠﻨﻴﻨﺔ ... ﻭﻋﺠﺒﺘﻨﻲ ﺍﻭﻱ ﻃﺮﻳﻘﺔ ﺗﻔﻜﻴﺮﻫﺎ ... ﺗﺤﺲ ﺍﻧﻬﺎ ﺇﻧﺴﺎﻧﺔ ﻧﺎﺿﺠﺔ ﻭﻋﺎﻗﻠﺔ ﺟﺪﺍ ﺑﺎﻟﺮﻏﻢ ﻣﻦ ﺻﻐﺮﺳﻨﻬﺎ ... ﺃﻫﻠﻬﺎﺣﻀﺮﺗﻚ ﻋﺎﺭﻓﻬﻢ ﻛﻮﻳﺲ ﻭﻭﺍﺛﻖ ﻓﻴﻬﻢ ... ﻳﺒﻘﻰ ﻓﻴﻦ ﺍﻟﻤﺸﻜﻠﺔ ﺑﻘﻰ ﺇﻧﻲ ﺍﺗﺠﻮﺯﻫﺎ

↚

ﺳﻌﻴﺪ ﺑﻘﻠﺔ ﺣﻴﻠﺔ : ﻭﺍﻟﻠﻪ ﻳﺎ ﺍﺑﻨﻲ ﻣﺎ ﺍﻧﺎ ﻋﺎﺭﻑ ﺃﻗﻮﻟﻚ ﺇﻳﻪ ﺑﺲ ?

ﺇﺑﺮﺍﻫﻴﻢ ﺑﺈﺑﺘﺴﺎﻣﺔ : ﺗﻘﻮﻟﻲ ﻣﺒﺮﻭﻙ ﻳﺎ ﺇﺑﺮﺍﻫﻴﻢ ... ﻭﺗﺘﻜﻠﻢ ﻣﻊ ﺳﻮﺯﺍﻥ ﻭﺗﺤﺎﻭﻝ ﺗﻘﻨﻌﻬﺎ ﺑﺎﻟﻤﻮﺿﻮﻉ ﺍﻭ ﺗﺴﻴﺒﻨﻲ ﺍﻧﺎ ﺍﻛﻠﻤﻬﺎ ﻟﻮ ﺣﻀﺮﺗﻚ ﻣﺎﻋﻨﺪﻛﺶ ﻣﺎﻧﻊ ... ﻭﺑﻌﺪﻳﻦ ﻟﻮ ﻭﺍﻓﻘﺖ ﺗﺒﻠﻎ ﻋﻤﻲ ﺻﻔﻮﺕ ﺑﻤﻮﺍﻓﻘﺘﻬﺎ ﻭﺗﻄﻠﺐ ﻣﻨﻪ ﺇﻳﺪ ﻟﻤﻴﺎ ﺑﻨﺖ ﺃﺧﻮﻩ ... ﻭﻧﻌﻤﻞ ﺧﻄﻮﺑﺘﻨﺎ ﺍﺣﻨﺎ ﺍﻷﺗﻨﻴﻦ ﻓﻨﻔﺲ ﺍﻟﻴﻮﻡ ... ﺇﻳﻪ ﺭﺃﻳﻚ ﺑﻘﻰ ﻓﺎﻟﻔﻜﺮﺓ ﺩﻱ ?

ﺳﻌﻴﺪ : ﻳﻌﻨﻲ ﺍﻧﺖ ﺷﺎﻳﻒ ﻛﺪﻩ

ﺇﺑﺮﺍﻫﻴﻢ : ﺣﻀﺮﺗﻚ ﻟﻴﻚ ﺭﺃﻱ ﺗﺎﻧﻲ

ﺗﻨﻬﺪ ﺳﻌﻴﺪ ﻗﺎﺋﻼ : ﻧﺸﻮﻑ ﺍﻷﻭﻝ ﺃﺧﺘﻚ ﺣﺘﻘﻮﻝ ﺇﻳﻪ ﻭﺑﻌﺪﻳﻦ ﻳﺤﻠﻬﺎ ﺭﺑﻨﺎ

&&&&&&&&&&&&&&

ﻓﻲ ﺍﻟﺼﺒﺎﺡ ﻭﺑﻌﺪ ﻣﻐﺎﺩﺭﺓ ﺳﺎﻣﺢ ﻣﺘﺠﻬﺎ ﺇﻟﻰ ﻋﻤﻠﻪ ﻭﺻﻮﺕ ﻃﺮﻗﺎﺕ ﻋﻠﻰ ﺑﺎﺏ ﺷﻘﺔ ﻧﺎﺩﻳﺔ ﺗﻨﺒﺄ ﺑﻘﺪﻭﻡ ﺯﺍﺋﺮ ﺟﺪﻳﺪ ﺃﻭ ﺯﺍﺋﺮﺓ ﺑﺎﻟﻤﻌﻨﻰ ﺍﻷﺩﻕ ... ﻓﺘﺤﺖ ﻧﺎﺩﻳﺔ ﺍﻟﺒﺎﺏ ﺑﺴﺮﻋﺔﻭﻛﺄﻧﻬﺎ ﻛﺎﻧﺖ ﺗﻨﺘﻈﺮ ﻗﺪﻭﻣﻬﺎ ﻋﻠﻰ ﺃﺣﺮ ﻣﻦ ﺍﻟﺠﻤﺮ ... ﺭﺣﺒﺖ ﺑﻬﺎ ﻭﺍﺣﺘﻀﻨﺘﻬﺎ ﺑﺤﺮﺍﺭﺓ .. ﻓﻬﻲ ﺍﻟﺼﺪﻳﻘﺔ ﺍﻟﻮﺣﻴﺪﺓ ﺍﻟﺘﻲ ﺣﺼﻠﺖ ﻋﻠﻴﻬﺎ ﻧﺎﺩﻳﺔ ﻃﻮﺍﻝ ﺳﻨﻮﺍﺕ ﻋﻤﺮﻫﺎ ... ﺟﻠﺴﺖ ﺭﺷﺎ ﻋﻠﻰ ﺃﺣﺪ ﺍﻷﺭﺍﺋﻚ ﻭﻫﻲ ﺗﺴﺄﻝ ﻧﺎﺩﻳﺔ ﻋﻦ ﺃﺣﻮﺍﻟﻬﺎ ﻭﺃﺣﻮﺍﻝ ﺳﺎﻣﺢ ﺻﺪﻳﻖ ﺍﻟﺪﺭﺍﺳﺔ ﺍﻟﻤﺸﺘﺮﻙ ﻟﻜﻠﺘﻴﻬﻤﺎ ... ﺑﻌﺪ ﻗﻠﻴﻞ ﻛﺎﻧﺖ ﻧﺎﺩﻳﺔ ﺗﺴﺄﻟﻬﺎ ﻭﺑﻠﻬﻔﺔ ﻗﺎﺋﻠﺔ : ﻫﺎ ﺟﺒﺘﻲ ﺍﻟﻠﻲ ﻗﻮﻟﺘﻠﻚ ﻋﻠﻴﻪ ﺇﻣﺒﺎﺭﺡ ﻓﺎﻟﺘﻠﻴﻔﻮﻥ ﻭﻻ ﻷ ?

ﺍﻣﺘﺪﺕ ﻳﺪﻫﺎ ﺇﻟﻰ ﺣﻘﻴﺒﺘﻬﺎ ﻭﻓﺘﺤﺘﻬﺎ ﻟﺘﻌﻄﻲ ﻧﺎﺩﻳﺔ ﻣﺎﻃﻠﺒﺖ ﻣﻨﻬﺎ ﺇﺣﻀﺎﺭﻩ ﺛﻢ ﻗﺎﻝ ﻣﻌﺎﺗﺒﺔ : ﺷﻮﻓﻲ ﺃﻧﺎ ﺟﺒﺘﻠﻚ ﺍﻟﻠﻲ ﻃﻠﺒﺘﻴﻪ ﻣﻊ ﺇﻧﻲ ﻣﺶ ﻣﻮﺍﻓﻘﺔ ﻋﻠﻰ ﺍﻟﻠﻲ ﺍﻧﺘﻲ ﻋﺎﻳﺰﺓ ﺗﻌﻤﻠﻴﻪ ﺩﻩ ﻳﺎ ﻧﺎﺩﻳﺔ

ﺍﺧﺬﺗﻪ ﻣﻨﻬﺎ ﻧﺎﺩﻳﺔ ﻭﺇﺑﺘﺴﺎﻣﺔ ﻧﺼﺮ ﺗﻌﻠﻮ ﺷﻔﺘﻴﻬﺎ ﻭﻫﻲ ﺗﻘﻮﻝ ﺑﻐﻞ : ﻟﻤﺎ ﻧﺸﻮﻑ ﻛﻼﻡ ﻣﻴﻦ ﺍﻟﻠﻲ ﺣﻴﻤﺸﻲ ﻳﺎ ﺳﻲ ﺳﺎﻣﺢ

ﺭﺷﺎ ﻣﺘﻌﺠﺒﺔ : ﺑﺲ ﻟﻮ ﺗﻔﻬﻤﻴﻨﻲ ﺍﻧﺘﻲ ﻟﻴﻪ ﻋﺎﻳﺰﺓ ﺗﺠﻬﻀﻲ ﻧﻔﺴﻚ ... ﻣﺶ ﺳﺎﻣﺢ ﺩﻩ ﺍﻟﻠﻲ ﻛﻨﺘﻲ ﺑﺘﺘﻤﻨﻲ ﻧﻈﺮﺓ ﻣﻨﻪ ﺑﻘﻰ ﻣﻐﻀﻮﺏ ﻋﻠﻴﻪ ﺩﻟﻮﻗﺘﻲ ? ﻭﺑﻌﺪﻳﻦ ﺍﻟﻠﻲ ﺣﺘﻌﻤﻠﻴﻪ ﺩﻩ ﺣﺮﺍﻡ ﻳﺎ ﻧﺎﺩﻳﺔ

ﺍﺷﺎﺣﺖ ﺑﻴﺪﻫﺎ ﻗﺎﺋﻠﺔ ﺑﺈﻋﺘﺮﺍﺽ : ﺍﻧﺘﻲ ﺣﺘﻌﻤﻠﻴﻠﻲ ﻓﻴﻬﺎ ﺳﺘﻨﺎ ﺍﻟﺸﻴﺨﺔ ... ﻫﻮ ﺍﻧﺘﻲ ﻓﺎﻛﺮﺓ ﺇﻧﻲ ﻣﺎﻛﻨﺘﺶ ﺃﻗﺪﺭ ﺃﺟﻴﺒﻪ ﻳﻌﻨﻲ ? ﻛﻞ ﺍﻟﺤﻜﺎﻳﺔ ﺇﻧﻲ ﻗﻠﺖ ﺍﻥ ﺑﻨﺖ ﺧﺎﻟﺘﻚ ﺩﻛﺘﻮﺭﺓ ﺻﻴﺪﻻﻧﻴﺔ ﻳﻌﻨﻲ ﺣﺘﻜﻮﻥ ﻋﺎﺭﻓﺔ ﺍﻷﻧﻮﺍﻉ ﺍﻟﻜﻮﻳﺴﺔ ﺍﻟﻠﻲ ﺑﺘﺠﻴﺐ ﻧﺘﻴﺠﺔ ﺳﺮﻳﻌﺔ

ﺭﺷﺎ : . ﺳﻤﺎﺡ ﻗﺎﻟﺘﻠﻲ ﺍﻥ ﺍﻟﻨﻮﻉ ﺩﻩ ﻛﻮﻳﺲ ﺍﻭﻱ ﻭﻣﻔﻌﻮﻟﻪ ﺳﺮﻳﻊ ... ﺣﺘﺎﺧﺪﻱ ﺣﺒﺎﻳﺔ ﻭﺗﺴﺘﻨﻲ ﺗﻠﺖ ﺍﻳﺎﻡ ... ﻟﻮ ﻣﺎﺟﺎﺑﺶ ﻧﺘﻴﺠﺔ ﺗﺎﺧﺪﻱ ﻭﺍﺣﺪﺓ ﺗﺎﻧﻴﺔ ﺑﻌﺪ ﺍﻟﺘﻠﺖ ﺍﻳﺎﻡ .. ﺑﺲ ﻋﺸﺎﻥ ﺃﻛﻮﻥ ﺧﻠﺼﺖ ﺿﻤﻴﺮﻱ ... ﺳﻤﺎﺡ ﻗﺎﻟﺘﻠﻲ ﺍﻥ ﺍﻟﺤﺒﻮﺏ ﺩﻱ ﻟﻮ ﻣﺎﻋﻤﻠﺘﺶ ﺇﺟﻬﺎﺽ ... ﺣﺘﻌﻤﻞ ﺗﺸﻮﻫﺎﺕ ﺟﺎﻣﺪﺓ ﺍﻭﻱ ﻟﻠﺠﻨﻴﻦ ﻳﻜﻮﻥ ﻓﻌﻠﻤﻚ

ﻧﺎﺩﻳﺔ ﺑﻀﻴﻖ : ﻳﺎ ﺷﻴﺨﺔ ﻓﺎﻝ ﺍﻟﻠﻪ ﻭﻻ ﻓﺎﻟﻚ

ﺭﻣﻘﺘﻬﺎ ﺭﺷﺎ ﺑﺘﻌﺠﺐ ﻭﻗﺎﻟﺖ ﺑﺤﻴﺮﺓ : ﺃﻣﺮﻙ ﻏﺮﻳﺐ ﻳﺎ ﻧﺎﺩﻳﺔ ... ﻣﻨﻴﻦ ﺧﺎﻳﻔﺔ ﻋﻠﻴﻪ ﻳﺘﺸﻮﻩ ﻭﻣﻨﻴﻦ ﻋﺎﻳﺰﺓ ﺗﻨﺰﻟﻴﻪ ?

ﻧﺎﺩﻳﺔ ﻣﻮﺿﺤﺔ : ﻻ ﻳﺎ ﺣﺒﻴﺒﺘﻲ ﺃﻧﺎ ﻣﺶ ﺑﺘﻜﻠﻢ ﻋﻦ ﺍﻟﺘﺸﻮﻫﺎﺕ ... ﺍﻧﺎ ﺑﺘﻜﻠﻢ ﻋﻦ ﺇﻧﻪ ﻣﺎﻳﻨﺰﻟﺶ ... ﻭﻋﻤﻮﻣﺎ ﻳﺎ ﺳﺘﻲ ﺃﻧﺎ ﻣﺘﺸﻜﺮﺓ ﺍﻭﻱ ﻭﻧﺨﺪﻣﻚ ﻓﺎﻷﻓﺮﺍﺡ ﺍﻥ ﺷﺎﺀﺍﻟﻠﻪ ... ﺛﻢ ﻧﻈﺮﺕ ﺇﻟﻰ ﺍﻟﻔﺮﺍﻍ ﺃﻣﺎﻣﻬﺎ ﻭﻗﺎﻟﺖ ﺑﺘﺤﺪﻱ : ﺍﺑﻘﻰ ﻭﺭﻳﻨﻲ ﺑﻘﻰ ﺣﺘﻌﻤﻞ ﺇﻳﻪ ﻳﺎ ﺍﺑﻦ ﻧﺠﻴﺐ ﺍﻟﺤﺴﻴﻨﻲ

&&&&&&&&&&&&&&&&&&&

ﻓﻲ ﻧﻔﺲ ﺍﻟﻴﻮﻡ ﺍﻟﺬﻱ ﻛﺎﻧﺖ ﻧﻮﺭﺍ ﺗﺴﺘﻌﺪ ﻟﻠﺮﺣﻴﻞ ﺑﺼﺤﺒﺔ ﻋﻠﻲ ﻭﻣﻐﺎﺩﺭﺓ ﺍﻟﻔﻨﺪﻕ ﻋﺎﺋﺪﻳﻦ ﺇﻟﻰ ﺍﻟﻘﺎﻫﺮﺓ ﻛﺎﻧﺖ ﻧﺎﺩﻳﺔ ﻣﺘﻮﺍﺟﺪﺓ ﺑﺎﻟﻤﺸﻔﻰ ﺍﻟﺬﻱ ﻧﻘﻠﻬﺎ ﺳﺎﻣﺢ ﺇﻟﻴﻪ ﺑﻌﺪ ﺇﺻﺎﺑﺘﻬﺎ ﺑﻨﺰﻳﻒ ﺣﺎﺩ ﻟﺘﻔﻘﺪ ﻋﻠﻰ ﺇﺛﺮﻩ ﺟﻨﻴﻨﻬﺎ ... ﺑﺪﺍ ﺍﻷﻣﺮ ﻃﺒﻴﻌﻴﺎ ﺑﺎﻟﻨﺴﺒﺔ ﻟﻜﻞ ﻣﻦ ﺻﻔﻮﺕ ﻭﻧﺠﻴﺐ ﺍﻟﻠﺬﻳﻦ ﺣﻀﺮﺍ ﺇﻟﻰ ﺍﻟﻤﺸﻔﻲ ﻟﻺﻃﻤﺌﻨﺎﻥ ﻋﻠﻰ ﻧﺎﺩﻳﺔ ... ﺇﻻ ﺃﻥ ﻭﺍﺣﺪﺍ ﻓﻘﻂ ﻛﺎﻧﺖ ﺗﺴﺎﻭﺭﻩ ﺍﻟﺸﻜﻮﻙ ﻓﻲ ﺃﻥ ﻳﻜﻮﻥ ﻣﺎﺣﺪﺙ ﻣﻦ ﺗﺪﺑﻴﺮﻫﺎ ... ﻭﺣﺘﻰ ﻳﻘﻄﻊ ﺍﻟﺸﻚ ﺑﺎﻟﻴﻘﻴﻦ ﺧﺮﺝ ﻣﺴﺮﻋﺎ ﻣﻦ ﺍﻟﻤﺸﻔﻰ ﻭﺭﻛﺐ ﺳﻴﺎﺭﺗﻪ ﻣﻨﻄﻠﻘﺎ ﺑﻬﺎ ﻧﺤﻮ ﻣﻨﺰﻟﻪ ﻭﻣﺎ ﺇﻥ ﺩﺧﻠﻪ ﺣﺘﻰ ﺩﻟﻒ ﺇﻟﻰ ﺣﺠﺮﺓ ﻧﻮﻣﻬﺎ ﻭﺃﺧﺬ ﻳﻌﺒﺚ ﺑﻤﺤﺘﻮﻳﺎﺗﻬﺎ ﻟﻌﻠﻪ ﻳﺠﺪ ﺑﺎﻟﻔﻌﻞ ﻣﺎ ﻳﺆﻛﺪ ﺷﻜﻮﻛﻪ ... ﻟﻢ ﻳﺴﺘﻐﺮﻕ ﺑﺤﺜﻪ ﻭﻗﺘﺎ ﻃﻮﻳﻼ ﻓﻘﺪ ﻭﺟﺪﻩ ﺑﺎﻟﻔﻌﻞ ﻣﻮﺟﻮﺩﺍ ﺩﺍﺧﻞ ﺧﺰﺍﻧﺔ ﻣﻼﺑﺴﻬﺎ ﻣﺪﻓﻮﻧﺎ ﺑﻴﻦ ﻗﻄﻊ ﺍﻟﻤﻼﺑﺲ ... ﻭﺿﻌﻪ ﻓﻲ ﺟﻴﺒﻪ ﻭﺍﻧﻄﻠﻖ ﻋﺎﺋﺪﺍ ﺇﻟﻰ ﺍﻟﻤﺸﻔﻰ ﻟﻴﻌﺮﺿﻪ ﻋﻠﻰ ﺍﻟﻄﺒﻴﺐ ﺍﻟﺬﻱ ﺗﻔﺤﺼﻪ ﺛﻢ ﻧﻈﺮ ﺇﻟﻰ ﺳﺎﻣﺢ ﻗﺎﺋﻼ ﺑﺠﺪﻳﺔ : ﺩﻩ ﻧﻮﻉ ﻣﻦ ﺍﻟﺤﺒﻮﺏ ﺑﻴﺘﺼﺮﻑ ﻓﺤﺎﻟﺔ ﺍﻟﺮﻏﺒﺔ ﻓﻲ ﺇﺟﻬﺎﺽ ﺍﻟﺠﻨﻴﻦ ﺧﻼﻝ ﺍﻭﻝ ﺳﺖ ﺃﺳﺎﺑﻴﻊ ﻣﻦ ﺍﻟﺤﻤﻞ ... ﻭﻛﻤﺎ ﺗﻮﻗﻊ ﺗﻤﺎﻣﺎ ... ﻓﻌﻠﺘﻬﺎ ﻧﺎﺩﻳﺔ ﺇﺫﺍ

ﺧﺮﺝ ﻣﻦ ﺣﺠﺮﺓ ﺍﻟﻄﺒﻴﺐ ﻣﺘﺠﻬﺎ ﻧﺤﻮ ﺍﻟﻐﺮﻓﺔ ﺍﻟﺘﻲ ﺗﺘﻮﺍﺟﺪ ﺑﻬﺎ ﺑﺼﺤﺒﺔ ﻭﺍﻟﺪﻫﺎ ﻭﻭﺍﻟﺪﻩ ﻭﺍﻗﺘﺮﺏ ﻣﻦ ﺍﻟﻔﺮﺍﺵ ﺻﺎﺭﺧﺎ ﻓﻴﻬﺎ ﺑﻜﻞ ﺇﻧﻔﻌﺎﻝ : ﻋﻤﻠﺘﻴﻬﺎ ﺑﺮﺿﻪ ﻳﺎ ﻧﺎﺩﻳﺔ ... ﻧﻔﺬﺗﻲ ﺍﻟﻠﻲ ﻓﺪﻣﺎﻏﻚ ﻭﻣﻮﺗﻲ ﺍﺑﻨﻲ ... ﺍﻭﻋﻲ ﺗﻔﻜﺮﻱ ﺍﻧﻚ ﺣﺘﻨﻔﺪﻱ ﺑﻌﻤﻠﺘﻚ ﺩﻱ ... ﻭﺭﺣﻤﺔ ﺃﻣﻲ ﻷﺳﺠﻨﻚ ﻳﺎ ﻧﺎﺩﻳﺔ

ﺍﺳﺘﺪﺍﺭ ﺻﻔﻮﺕ ﻟﻴﺼﺒﺢ ﻓﻲ ﻣﻮﺍﺟﻬﺘﻪ ﻭﻗﺎﻝ ﺑﺬﻫﻮﻝ : ﺇﻳﻪ ﺍﻟﻠﻲ ﺍﻧﺖ ﺑﺘﻘﻮﻟﻪ ﺩﻩ ? ﺍﻧﺖ ﺍﺗﺠﻨﻨﺖ ? ﺍﺯﺍﻱ ﺗﻜﻠﻤﻬﺎ ﺑﺎﻟﻄﺮﻳﻘﺔ ﺩﻱ ﺍﺩﺍﻣﻲ

ﺍﻣﺴﻜﺖ ﻧﺎﺩﻳﺔ ﺑﻴﺪ ﻭﺍﻟﺪﻫﺎ ﺍﻟﺠﺎﻟﺲ ﺇﻟﻰ ﺟﻮﺍﺭﻫﺎ ﻭﻗﺎﻟﺖ ﺑﺈﺳﺘﻜﺎﻧﺔ : ﻃﻠﻘﻨﻲ ﻣﻨﻪ ﻳﺎ ﺑﺎﺑﺎ ... ﻟﻮ ﺳﻤﺤﺖ ﺧﻠﻴﻪ ﻳﻄﻠﻘﻨﻲ

ﻭﻗﻒ ﻧﺠﻴﺐ ﺇﻟﻰ ﺟﻮﺍﺭ ﻭﻟﺪﻩ ﻭﻗﺎﻝ ﺑﺪﻫﺸﺔ : ﻣﻌﻨﺎﻩ ﺇﻳﻪ ﺍﻟﻜﻼﻡ ﺍﻟﻠﻲ ﺑﺘﻘﻮﻟﻪ ﺩﻩ ﻳﺎ ﺳﺎﻣﺢ ?

ﺳﺎﻣﺢ ﻭﻫﻮ ﻳﺤﺎﻭﻝ ﺟﺎﻫﺪﺍ ﺃﻥ ﻳﻜﻈﻢ ﻏﻴﻈﻪ : ﻛﻼﻣﻲ ﻭﺍﺿﺢ ﻳﺎ ﺑﺎﺑﺎ ... ﺍﻟﻬﺎﻧﻢ ﺍﺧﺪﺕ ﺣﺒﻮﺏ ﻋﺸﺎﻥ ﺗﻌﻤﻠﻬﺎ ﺇﺟﻬﺎﺽ ... ﻳﻌﻨﻲ ﻫﻴﺎ ﺍﻟﻠﻲ ﻣﻮﺗﺖ ﺇﺑﻨﻲ ﻳﺎ ﺑﺎﺑﺎ

ﺍﻟﺘﻔﺖ ﺻﻔﻮﺕ ﺇﻟﻰ ﻧﺎﺩﻳﺔ ﻗﺎﺋﻼ : ﺻﺤﻴﺢ ﺍﻟﻜﻼﻡ ﺍﻟﻠﻲ ﺑﻴﻘﻮﻟﻪ ﺩﻩ ﻳﺎ ﻧﺎﺩﻳﺔ ?

ﺍﻋﺘﺪﻟﺖ ﻓﻲ ﺟﻠﺴﺘﻬﺎ ﻭﺩﻓﻨﺖ ﺭﺃﺳﻬﺎ ﻓﻲ ﺻﺪﺭ ﻭﺍﻟﺪﻫﺎ ﻭﻫﻲ ﺗﺼﻄﻨﻊ ﺍﻟﺒﻜﺎﺀ ﻗﺎﺋﻠﺔ : ﺍﻳﻮﻩ ﺻﺤﻴﺢ ﻳﺎ ﺑﺎﺑﺎ ... ﺍﻧﺖ ﻣﺎﺗﻌﺮﻓﺶ ﻫﻮ ﻋﻤﻞ ﻣﻌﺎﻳﺎ ﺇﻳﻪ ﻃﻮﻝ ﺍﻟﻔﺘﺮﺓ ﺍﻟﻠﻲ ﺍﺗﺠﻮﺯﺗﻪ ﻓﻴﻬﺎ ... ﺩﻩ ﺑﻬﺪﻟﻨﻲ ﻭﺿﺮﺑﻨﻲ ﻭﻛﻤﺎﻥ ﺑﻴﻌﺎﻣﻠﻨﻲ ﺃﺳﻮﺃ ﻣﻌﺎﻣﻠﺔ ... ﺩﻩ ﺃﻧﺎ ﺍﺳﺘﺤﻤﻠﺖ ﻛﺘﻴﺮ ﺍﻭﻱ ﻳﺎ ﺑﺎﺑﺎ ... ﺧﻠﻴﻪ ﻳﻄﻠﻘﻨﻲ ﻳﺎ ﺑﺎﺑﺎ ﻋﺸﺎﻥ ﺧﺎﻃﺮﻱ

ﺭﺑﺖ ﺻﻔﻮﺕ ﻋﻠﻰ ﻇﻬﺮﻫﺎ ﻭﻫﻮ ﻳﺤﺎﻭﻝ ﺗﻬﺪﺋﺘﻬﺎ ﻗﺎﺋﻼ : ﺇﻫﺪﻱ ﺑﺲ ﻳﺎ ﺣﺒﻴﺒﺘﻲ ﻭﺍﻧﺎ ﺣﺎﻋﻤﻠﻚ ﺍﻟﻠﻲ ﺍﻧﺘﻲ ﻋﺎﻳﺰﺍﻩ ... ﺍﻧﺎ ﻗﻠﺒﻲ ﻛﺎﻥ ﺣﺎﺳﺲ ﻓﻌﻼ ﺇﻥ ﻓﻴﻪ ﺣﺎﺟﺔ ﻣﺶ ﻃﺒﻴﻌﻴﺔ ... ﻟﻜﻦ ﺍﻧﺘﻲ ﻏﻠﻄﺎﻧﺔ ﻳﺎ ﻧﺎﺩﻳﺔ ... ﺇﻳﻪ ﺍﻟﻠﻲ ﺧﻼﻛﻲ ﺗﺴﺘﺤﻤﻠﻲ ﻛﻞ ﺩﻩ ﻭﺗﺴﻜﺘﻲ ... ﻟﻴﻪ ﻣﺎﻗﻮﻟﺘﻠﻴﺶ ﻣﻦ ﺑﺪﺭﻱ ﻭﺃﻧﺎ ﻛﻨﺖ ﺍﺗﺼﺮﻓﺖ ﻣﻌﺎﻩ ﻭﻃﻠﻘﺘﻚ ﻣﻨﻪ

ﻧﺎﺩﻳﺔ : ﻋﺸﺎﻥ ﻣﺎﻛﺎﻧﺶ ﻳﻨﻔﻊ ﺍﻃﻠﻖ ﺑﻌﺪ ﻓﺮﺣﻲ ﺑﺄﻳﺎﻡ ... ﺍﻟﻨﺎﺱ ﻛﺎﻧﺖ ﺣﺘﻘﻮﻝ ﺇﻳﻪ ﺑﺲ ... ﻭﻫﻮ ﻋﺮﻑ ﻳﺴﺘﻐﻞ ﺍﻟﻨﻘﻄﺔ ﺩﻱ ﻛﻮﻳﺲ ﺍﻭﻱ ... ﻋﺸﺎﻥ ﻛﺪﻩ ﻳﺎ ﺑﺎﺑﺎ ﺍﻧﺎ ﻣﺶ ﻋﺎﻳﺰﺓ ﺍﻓﻀﻞ ﻋﻠﻰ ﺫﻣﺘﻪ ﺩﻗﻴﻘﺔ ﻭﺍﺣﺪﺓ

ﻧﺠﻴﺐ ﻣﺤﺪﺛﺎ ﺳﺎﻣﺢ ﺑﺈﻧﻔﻌﺎﻝ : ﺍﻧﺖ ﺍﻟﻈﺎﻫﺮ ﻣﺎﻓﻴﺶ ﻓﺎﻳﺪﺓ ﻓﻴﻚ ﺍﺑﺪﺍ ...

ﺳﺎﻣﺢ : ﻳﺎﺑﺎﺑﺎ ﺩﻱ .... ﺩﻱ ﻛﺪﺍﺑﺔ ﻣﺎﺗﺼﺪﻗﻬﺎﺵ ... ﺩﻱ ...

ﻗﺎﻃﻌﻪ ﺻﻔﻮﺕ ﻗﺎﺋﻼ ﺑﺤﺪﺓ : ﺍﻧﺖ ﺗﻄﻠﻘﻬﺎ ﺩﻟﻮﻗﺘﻲ ﺣﺎﻻ ﻭﺇﻻ ﻣﺶ ﺣﻴﺤﺼﻠﻚ ﻃﻴﺐ

ﺳﺎﻣﺢ ﺑﺤﺪﺓ ﻣﻤﺎﺛﻠﺔ : ﺃﻧﺎ ﻣﺶ ﺣﺎﺳﻴﺒﻬﺎ ﻏﻴﺮ ﻟﻤﺎ ﺃﺧﺪ ﺣﻖ ﺍﺑﻨﻲ

ﺃﺟﺎﺑﻪ ﻧﺠﻴﺐ ﻗﺎﺋﻼ ﺑﺼﺮﺍﻣﺔ : ﺧﻼﺹ ﺧﻠﺼﻨﺎ ... ﺍﻧﺖ ﺍﻟﻠﻲ ﻏﻠﻄﺖ ﻣﻦ ﺍﻟﺒﺪﺍﻳﺔ ﻭﺩﻱ ﻛﺎﻧﺖ ﻧﺘﻴﺠﺔ ﻏﻠﻄﺘﻚ ﻭﺍﻟﺘﻤﻦ ﺍﻟﻠﻲ ﻛﺎﻥ ﻻﺯﻡ ﺗﺪﻓﻌﻪ ... ﺍﺣﻨﺎ ﻋﺎﻳﺰﻳﻦ ﻧﺨﻠﺺ ﻣﻦ ﺍﻟﻤﻮﺿﻮﻉ ﺩﻩ ﺧﺎﻟﺺ ... ﺍﺗﻔﻀﻞ ﺍﺭﻣﻲ ﻋﻠﻴﻬﺎ ﻳﻤﻴﻦ ﺍﻟﻄﻼﻕ ﻭﺧﻠﺼﻨﺎ ﺑﻘﻰ ﻣﻦ ﺍﻟﺤﻜﺎﻳﺔ ﺍﻟﺴﺨﻴﻔﺔ ﺩﻱ

ﺳﺎﻣﺢ ﺑﺈﺻﺮﺍﺭ : ﻣﺶ ﺣﺎﻃﻠﻘﻬﺎ ... ﺃﻧﺎ ﻣﺶ ﻟﻌﺒﺔ ﻓﺈﻳﺪﻳﻜﻮﺍ .. ﺍﺗﺠﻮﺯﻫﺎ ﻳﺎ ﺳﺎﻣﺢ ﺃﺗﺠﻮﺯﻫﺎ ... ﻃﻠﻘﻬﺎ ﻳﺎ ﺳﺎﻣﺢ ﺍﻃﻠﻘﻬﺎ ... ﻃﻼﻕ ﻣﺶ ﺣﺎﻃﻠﻖ ... ﻭﺭﺣﻤﺔ ﺃﻣﻲ ﻣﺎ ﺣﺎﻃﻠﻖ

ﻟﻢ ﻳﺴﺘﻄﻊ ﺃﻱ ﻣﻨﻬﻢ ﺍﻥ ﻳﺠﻴﺒﻪ ﻓﻘﺪ ﺍﻧﺪﻓﻊ ﻣﻐﺎﺩﺭﺍ ﺍﻟﻐﺮﻓﺔ ﺩﻭﻥ ﺇﻧﺘﻈﺎﺭ ﺍﻥ ﻳﺴﻤﻊ ﺟﻮﺍﺑﺎ ﻣﻦ ﺍﺣﺪ ... ﻭﻟﻜﻦ ﺻﻔﻮﺕ ﺣﺪﺙ ﻧﺠﻴﺐ ﻗﺎﺋﻼ : ﻳﺎﺭﻳﺖ ﻧﺨﻠﺺ ﻣﻦ ﺍﻟﻤﻮﺿﻮﻉ ﺩﻩ ﻓﺄﻗﺮﺏ ﻭﻗﺖ ... ﻭﺑﻼﺵ ﻳﻀﻄﺮﻧﺎ ﺍﻧﻨﺎ ﻧﺮﻓﻊ ﻗﻀﻴﺔ ﺧﻠﻊ ... ﺍﻧﺎ ﺑﻨﺘﻲ ﻻﻳﻤﻜﻦ ﺗﺴﺘﻨﻰ ﻋﻠﻰ ﺫﻣﺘﻪ ﺑﻌﺪ ﺍﻟﻨﻬﺎﺭﺩﺓ

ﻧﺠﻴﺐ ﻣﻄﻤﺌﻨﺎ ﺇﻳﺎﻩ : ﻣﺎﺗﻘﻠﻘﺶ ﺣﻀﺮﺗﻚ ... ﺍﻧﺎ ﺣﺎﻋﺮﻑ ﺃﻗﻨﻌﻪ ﺇﻧﻪ ﻳﻄﻠﻘﻬﺎ ﻭﻛﻔﺎﻳﺔ ﺍﻭﻱ ﻟﺤﺪ ﻛﺪﻩ ﺍﻟﻠﻲ ﺣﺼﻞ ﻣﻨﻪ ﻭﻣﻨﻬﺎ ... ﻋﻦ ﺇﺫﻧﻜﻮﺍ

&&&&&&&&&&&&&&&&&

ﻛﺎﻥ ﻋﻠﻲ ﻭﻧﻮﺭﺍ ﻗﺪ ﻋﺎﺩﺍ ﺇﻟﻰ ﺍﻟﻔﻴﻼ ﻟﺘﺨﺒﺮﻫﻤﺎ ﺃﻣﻴﻨﺔ ﺑﻤﺎﺣﺪﺙ ﻟﻨﺎﺩﻳﺔ ... ﻓﺎﺳﺮﻋﺎ ﻣﻌﺎ ﻣﺘﺠﻬﻴﻦ ﻧﺤﻮ ﺍﻟﻤﺸﻔﻰ ﺍﻟﻤﻮﺟﻮﺩ ﺑﻪ ﻧﺎﺩﻳﺔ ﻟﻺﻃﻤﺌﻨﺎﻥ ﻋﻠﻴﻬﺎ ... ﻭﻓﻲ ﺍﻟﻤﺴﺎﺀ ﻏﺎﺩﺭ ﺍﻟﺠﻤﻴﻊ ﺍﻟﻤﺸﻔﻰ ﻋﺎﺋﺪﻳﻦ ﺇﻟﻰ ﺍﻟﻔﻴﻼ ﺑﻌﺪ ﺃﻥ ﻃﻤﺄﻧﻬﻢ ﺍﻟﻄﺒﻴﺐ ﻋﻠﻰ ﺇﺳﺘﻘﺮﺍﺭﺣﺎﻟﺘﻬﺎ ... ﺃﻣﺎ ﻋﻦ ﺳﺎﻣﺢ ﻓﻘﺪ ﻛﺎﻥ ﺟﺎﻟﺴﺎ ﻣﻊ ﺗﺎﻣﺮ ﻓﻲ ﻣﺠﻠﺴﻬﻤﺎ ﺍﻟﻤﻌﺘﺎﺩ ﻭﺳﺎﻣﺢ ﻳﺘﺠﺮﻉ ﻛﺌﻮﺱ ﺍﻟﺨﻤﺮ ﻭﺍﺣﺪ ﺗﻠﻮ ﺍﻷﺧﺮﻯ ﻭﺗﺎﻣﺮ ﻳﺤﺎﻭﻝ ﻣﻮﺍﺳﺎﺗﻪ ﻭﺍﻟﺸﺪ ﻣﻦ ﺃﺯﺭﻩ ﻭﻫﻮ ﻳﺒﻜﻲ ﻗﺎﺋﻼ : ﻋﺮﻓﺖ ﺗﻜﺴﺮﻧﻲ ﺑﻨﺖ ﺍﻟﺪﻣﻴﺎﻃﻲ ... ﻋﺮﻓﺖ ﺗﻼﻗﻲ ﺍﻟﺴﻼﺡ ﺍﻟﻠﻲ ﺗﺤﺎﺭﺑﻨﻲ ﺑﻴﻪ ... ﻟﻜﻦ ﻭﺭﺣﻤﺔ ﺃﻣﻲ ﻻﺯﻡ ﺍﺩﻓﻌﻬﺎ ﺍﻟﺘﻤﻦ ﻏﺎﻟﻲ ﺍﻭﻱ

ﺗﺎﻣﺮ : ﻣﺎﻋﺎﺷﺖ ﻭﻻﻛﺎﻧﺖ ﺍﻟﻠﻲ ﺗﻜﺴﺮﻙ ﻳﺎﺑﺮﻧﺲ ... ﻣﺎﺗﻔﻜﻚ ﻣﻨﻬﺎ ﻳﺎﺑﺮﻧﺲ ﻭﺗﻄﻠﻘﻬﺎ ﻭﺗﺘﺠﻮﺯ ﻭﺍﺣﺪﺓ ﺗﺎﻧﻴﺔ ﺗﺪﻟﻌﻚ ﻭﺗﺨﻠﻔﻠﻚ ﺍﻟﻮﺍﺩ ﺍﻟﻠﻲ ﻧﻔﺴﻚ ﻓﻴﻪ

ﺳﺎﻣﺢ ﺑﺈﺻﺮﺍﺭ : ﻣﺶ ﻗﺒﻞ ﻣﺎ ﺍﺧﺪ ﺣﻘﻲ ﻣﻨﻬﺎ ﺍﻷﻭﻝ ﻭﺣﻖ ﺍﺑﻨﻲ ﻭﺍﺭﻣﻴﻬﺎ ﻓﺎﻟﺴﺠﻦ ... ﺍﻟﺼﺒﺢ ﺣﺎﺭﻭﺡ ﺍﻗﺪﻡ ﻓﻴﻬﺎ ﺑﻼﻍ ﻭﻣﺶ ﺣﺎﺳﻴﺒﻬﺎ ﻏﻴﺮ ﻟﻤﺎ ﻳﺴﺠﻨﻮﻫﺎ

ﺍﻣﺘﺪﺕ ﻳﺪﻩ ﺇﻟﻰ ﺟﻴﺐ ﺑﻨﻄﺎﻟﻪ ﻟﻴﺨﺮﺝ ﻣﻨﻪ ﻛﻴﺴﺎ ﺑﻪ ﺑﻌﻀﺎ ﻣﻦ ﻣﺴﺤﻮﻕ ﺍﻟﻬﻴﺮﻭﻳﻦ ... ﻓﻐﺮ ﺗﺎﻣﺮ ﻓﺎﻩ ﻣﻦ ﺍﻟﺼﺪﻣﺔ ﻭﻗﺎﻝ ﺑﺬﻫﻮﻝ : ﺇﻳﻪ ﺩﻩ ﻳﺎ ﺑﺮﻧﺲ ... ﻣﻦ ﺍﻣﺘﻰ ﻭﺍﻧﺖ ﻟﻴﻚ ﻓﺎﻟﺸﻢ ?

ﺍﺟﺎﺑﻪ ﺳﺎﻣﺢ ﻭﻫﻮ ﻳﻨﺜﺮ ﻣﺤﺘﻮﻳﺎﺕ ﺍﻟﻜﻴﺲ ﻋﻠﻰ ﻇﻬﺮ ﻳﺪﻩ : ﻣﻦ ﻫﻨﺎ ﻭﺭﺍﻳﺢ ﻟﺤﺪ ﻣﺎ ﺍﻧﺴﻰ ﺍﻟﻠﻲ ﻋﻤﻠﺘﻪ ﻓﻴﺎ ﺑﻨﺖ ﺍﻟﺪﻣﻴﺎﻃﻲ

ﺗﺎﻣﺮ ﺑﻘﻠﻖ : ﻃﺐ ﻛﻔﺎﻳﺔ ﻛﺪﻩ ... ﻛﺪﻩ ﻛﺘﻴﺮ ﺍﻭﻱ ﻭﺃﻧﺎ ﺧﺎﻳﻒ ﻋﻠﻴﻚ ﻳﺎﺑﺮﻧﺲ ... ﻣﺎ ﺗﻨﺴﺎﺵ ﺍﻥ ﺩﻱ ﺍﻭﻝ ﻣﺮﺓ ... ﻭﺑﻌﺪﻳﻦ ﺩﻱ ﻣﺎﺗﺴﺘﺎﻫﻠﺶ ﺗﻀﻴﻊ ﻧﻔﺴﻚ ﻋﺸﺎﻧﻬﺎ

ﻟﻢ ﻳﺠﺒﻪ ﺳﺎﻣﺢ ﻭﻟﻜﻨﻪ ﺍﻏﻤﺾ ﻋﻴﻨﻴﻪ ﻭﺍﺳﻨﺪ ﺭﺃﺳﻪ ﺇﻟﻰ ﺍﻟﻤﻘﻌﺪ ﺷﺎﻋﺮﺍ ﺑﻠﺬﺓ ﻭﻫﻤﻴﺔ ﺳﺮﻋﺎﻥ ﻣﺎﺗﺘﺤﻮﻝ ﺇﻟﻰ ﺃﻟﻢ ﻗﺎﺗﻞ

&&&&&&&&&&&&&&&&&&&&

ﻓﻲ ﺍﻟﺼﺒﺎﺡ ﻛﺎﻥ ﻛﻞ ﻣﻦ ﺻﻔﻮﺕ ﻭﻋﻠﻲ ﻭﻧﻮﺭﺍ ﻳﺠﻠﺴﻮﻥ ﺇﻟﻰ ﻣﺎﺋﺪﺓ ﺍﻹﻓﻄﺎﺭ ﺇﻟﻰ ﺟﻮﺍﺭ ﻧﺎﺩﻳﺔ ﺍﻟﺘﻲ ﺻﻤﻢ ﻭﺍﻟﺪﻫﺎ ﺃﻥ ﺗﻨﺰﻝ ﻟﺘﺘﻨﺎﻭﻝ ﺇﻓﻄﺎﺭﻫﺎ ﻣﻌﻬﻢ ﺣﺘﻰ ﻻ ﻳﺘﺮﻛﻬﺎ ﺑﻤﻔﺮﺩﻫﺎ ﻓﺮﻳﺴﺔ ﻟﻠﻮﺣﺪﺓ ... ﻛﺎﻥ ﻋﻠﻲ ﻳﺘﻨﺎﻭﻝ ﻗﻬﻮﺗﻪ ﺍﻟﺼﺒﺎﺣﻴﺔ ﻭﻳﺘﺼﻔﺢ ﺑﻌﺾ ﺍﻟﺼﺤﻒ ﻣﻄﻠﻌﺎ ﻋﻠﻰ ﺃﻫﻢ ﺍﻷﺧﺒﺎﺭ ﺣﻴﻦ ﻟﻔﺖ ﻧﻈﺮﻩ ﺧﺒﺮ ﺟﻌﻠﻪ ﻳﺘﺴﻤﺮ ﻣﻜﺎﻧﻪ ﻣﻦ ﺃﺛﺮ ﺍﻟﻤﻔﺎﺟﺄﺓ ... ﻻﺣﻈﻪ ﺻﻔﻮﺕ ﺍﻟﺬﻱ ﻛﺎﻥ ﻳﺘﺤﺪﺙ ﺇﻟﻰ ﻧﺎﺩﻳﺔ ﻗﺎﺋﻼ : ﺍﻟﻨﻬﺎﺭﺩﺓ ﺇﻥ ﺷﺎﺀﺍﻟﻠﻪ ﺣﺎﺗﻜﻠﻢ ﻣﻊ ﺍﻟﻤﺤﺎﻣﻲ ﻋﺸﺎﻥ ﻧﺸﻮﻑ ﻣﻮﺿﻮﻉ ﻗﻀﻴﺔ ﺍﻟﺨﻠﻊ ﺍﻟﻠﻲ ﻧﺎﻭﻳﻴﻦ ﻧﺮﻓﻌﻬﺎ ... ﺍﻟﺘﻔﺖ ﺇﻟﻴﻪ ﻋﻠﻲ ﻗﺎﺋﻼ ﺑﺠﻤﻮﺩ ﻭﺑﻮﺟﻪ ﺧﺎﻝ ﻣﻦ ﺃﻱ ﺗﻌﺒﻴﺮﺍﺕ : ﺃﻧﺎ ﺷﺎﻳﻒ ﺍﻥ ﻣﺎﻓﻴﺶ ﺩﺍﻋﻲ ﻟﻤﻮﺿﻮﻉ ﺍﻟﻘﻀﻴﺔ ﺩﻩ ﻳﺎ ﻋﻤﻲ

ﺻﻔﻮﺕ ﺑﺪﻫﺸﺔ : ﻟﻴﻪ ﻳﺎ ﻋﻠﻲ ? ﻋﺎﻳﺰﻫﺎ ﺗﻔﻀﻞ ﻋﻠﻰ ﺫﻣﺘﻪ ﺑﻌﺪ ﺍﻟﻠﻲ ﻋﻤﻠﻪ ?

ﻣﺪﻋﻠﻲ ﻳﺪﻩ ﺑﺎﻟﺼﺤﻴﻔﺔ ﺇﻟﻰ ﻋﻤﻪ ﺍﻟﺬﻱ ﺍﻣﺴﻜﻬﺎ ﻭﺃﺧﺬ ﻳﻘﺮﺃ ﻋﻨﻮﺍﻥ ﺍﻟﺨﺒﺮ ﺍﻟﺬﻱ ﺍﺳﺘﻮﻗﻒ ﻋﻠﻲ ﻗﺎﺋﻼﺑﺼﻮﺕ ﻋﺎﻝ : ﻣﺼﺮﻉ ﻧﺠﻞ ﺭﺟﻞ ﺍﻷﻋﻤﺎﻝ ﻧﺠﻴﺐ ﺍﻟﺤﺴﻴﻨﻲ ﺇﺛﺮ ﺗﻨﺎﻭﻟﻪ ﺟﺮﻋﺔ ﻣﺨﺪﺭﺍﺕ ﺯﺍﺋﺪﺓ

ﺟﺤﻈﺖ ﻋﻴﻨﺎﻩ ﻭﻫﻮ ﻳﺘﻤﺘﻢ ﻗﺎﺋﻼ ﺑﺬﻫﻮﻝ : ﻣﻌﻘﻮﻝ ﺩﻩ

ﺷﻬﻘﺖ ﻧﻮﺭﺍ ﺑﻔﺰﻉ ﻗﺎﺋﻠﺔ : ﺳﺎﻣﺢ ﻣﺎﺕ !

ﺗﻨﻬﺪﺕ ﻧﺎﺩﻳﺔ ﻗﺎﺋﻠﺔ ﺑﺸﻤﺎﺗﺔ : ﻳﻼ ... ﻓﺴﺘﻴﻦ ﺩﺍﻫﻴﺔ ....

ﻳﺘﺒﻊ

↚

ﻇﻞ ﻳﺤﺪﻕ ﺑﻬﺎ ﻟﻔﺘﺮﺓ ﻏﻴﺮ ﻣﺴﺘﻮﻋﺐ ﻟﻤﺎ ﻗﺎﻟﺘﻪ ... ﻫﻞ ﺗﻠﻔﻈﺖ ﺣﻘﺎ ﺑﻤﺎ ﺳﻤﻌﺘﻪ ﺃﺫﻧﺎﻩ ﻣﻨﺬ ﻗﻠﻴﻞ ... ﻟﻢ ﻳﺴﺘﻄﻊ ﺗﻤﺎﻟﻚ ﺃﻋﺼﺎﺑﻪ ﻓﺄﺟﺎﺑﻬﺎ ﺑﺈﻧﻔﻌﺎﻝ : ﺍﻧﺘﻲ ﻭﺍﻋﻴﺔ ﻟﻠﻜﻼﻡ ﺍﻟﻠﻲ ﺑﺘﻘﻮﻟﻴﻪ ﺩﻩ ... ﺍﻧﺘﻲ ﺑﺠﺪ ﺷﻤﺘﺎﻧﺔ ﻓﻤﻮﺗﻪ ?

ﻟﻮﺕ ﺷﻔﺘﻴﻬﺎ ﻗﺎﺋﻠﺔ ﺑﺈﺳﺘﻴﺎﺀ : ﻛﻞ ﻭﺍﺣﺪ ﺑﻴﺎﺧﺪ ﺍﻟﺠﺰﺍﺀ ﺍﻟﻠﻲ ﻳﺴﺘﺤﻘﻪ

ﺍﺳﺘﻄﺮﺩ ﺑﻨﻔﺲ ﺍﻹﻧﻔﻌﺎﻝ : ﺩﻩ ﻋﻠﻰ ﺃﺳﺎﺱ ﺃﻧﻪ ﻫﻮ ﻟﻮﺣﺪﻩ ﺍﻟﻠﻲ ﺣﻴﻤﻮﺕ ... ﻭﻻﻋﻠﻰ ﺃﺳﺎﺱ ﺍﻥ ﺳﻴﺎﺩﺗﻚ ﻣﻼﻙ ﺑﺠﻨﺎﺣﺎﺕ ?

ﺍﻟﺘﻔﺖ ﺇﻟﻴﻪ ﺻﻔﻮﺕ ﻗﺎﺋﻼ ﺑﺤﺪﺓ : ﺟﺮﻯ ﺇﻳﻪ ﻳﺎ ﻋﻠﻲ ? ﺍﻧﺖ ﺍﺯﺍﻱ ﺗﻜﻠﻤﻬﺎ ﺑﺎﻟﻄﺮﻳﻘﺔ ﺩﻱ ﺍﺩﺍﻣﻲ ?

ﻣﺮﺭ ﻳﺪﻩ ﺑﻴﻦ ﺧﺼﻼﺕ ﺷﻌﺮﻩ ﻣﺤﺎﻭﻻ ﺍﻟﻬﺪﻭﺀ ﻭﻗﺎﻝ ﻣﻌﺘﺬﺭﺍ : ﺃﻧﺎ ﺍﺳﻒ ﻳﺎ ﻋﻤﻲ ... ﺑﺲ ﺣﻀﺮﺗﻚ ﻣﺶ ﺳﺎﻣﻊ ﺍﻟﻠﻲ ﻗﺎﻟﺘﻪ ﻣﻦ ﺷﻮﻳﺔ ?

ﺍﻟﺘﻔﺖ ﺇﻟﻴﻬﺎ ﺻﻔﻮﺕ ﻭﻗﺎﻝ ﺑﻠﻮﻡ : ﻋﻠﻲ ﻣﻌﺎﻩ ﺣﻖ ﻳﺎ ﻧﺎﺩﻳﺔ ... ﻓﻴﻪ ﺣﺪ ﻳﺸﻤﺖ ﻓﺎﻟﻤﻮﺕ ﺑﺮﺿﻪ ﻳﺎ ﺑﻨﺘﻲ

ﻗﺎﻣﺖ ﻣﻦ ﻣﻜﺎﻧﻬﺎ ﻭﻗﺎﻟﺖ ﺑﺠﻤﻮﺩ : ﺍﻧﺘﻮﺍ ﺃﺻﻠﻜﻮﺍ ﻣﺎﺗﻌﺮﻓﻮﺵ ﻫﻮ ﻋﻤﻞ ﻓﻴﺎ ﺇﻳﻪ .

ﺟﺮﺕ ﻧﺎﺩﻳﺔ ﻣﺴﺮﻋﺔ ﺇﻟﻰ ﺍﻷﻋﻠﻰ ﻭﺍﻟﺠﻤﻴﻊ ﻳﺸﻴﻌﻮﻧﻬﺎ ﺑﻨﻈﺮﺍﺗﻬﻢ ... ﺑﻴﻨﻤﺎ ﺍﻟﺘﻔﺖ ﻋﻠﻲ ﻧﺤﻮ ﻋﻤﻪ ﻗﺎﺋﻼ : ﺍﺣﻨﺎ ﺍﻟﻤﻔﺮﻭﺽ ﻧﺮﻭﺡ ﺍﻟﻌﺰﺍ ﻳﺎ ﻋﻤﻲ ... ﻣﺶ ﻛﺪﻩ ﻭﻻ ﺇﻳﻪ ?

ﺃﻭﻣﺄ ﺑﺮﺃﺳﻪ ﻣﻮﺍﻓﻘﺎ ﺛﻢ ﻗﺎﻝ ﺑﺠﺪﻳﺔ : ﻃﺒﻌﺎ ﻳﺎ ﺍﺑﻨﻲ ﺩﻩ ﻭﺍﺟﺐ ... ﺍﻋﻤﻞ ﺣﺴﺎﺑﻚ ﻧﺮﻭﺡ ﺃﻧﺎ ﻭﺍﻧﺖ ﺑﺎﻟﻠﻴﻞ ﺳﻮﺍ

ﻋﻠﻲ ﺑﺠﺪﻳﺔ : ﻃﺐ ﻭﻧﺎﺩﻳﺔ ﻳﺎ ﻋﻤﻲ ... ﻣﺶ ﺍﻟﻤﻔﺮﻭﺽ ﺗﺮﻭﺡ ﻫﻴﺎ ﻛﻤﺎﻥ

ﺻﻔﻮﺕ ﺑﺪﻫﺸﺔ : ﺗﺮﻭﺡ ﺍﺯﺍﻱ ﺑﺲ ﻳﺎ ﺍﺑﻨﻲ ?

ﻋﻠﻲ : ﻳﺎﻋﻤﻲ ﺩﻩ ﺍﻟﻤﻔﺮﻭﺽ ﺍﻧﻬﺎ ﻫﻴﺎ ﺍﻟﻠﻲ ﺗﺎﺧﺪ ﺍﻟﻌﺰﺍ ﺑﻨﻔﺴﻬﺎ ... ﺣﻀﺮﺗﻚ ﻧﺎﺳﻲ ﺍﻧﻬﺎ ﻣﺮﺍﺗﻪ

ﺃﺟﺎﺑﻪ ﻭﻫﻮ ﻳﻨﻬﺾ ﻣﻦ ﻣﻜﺎﻧﻪ ﻣﻐﺎﺩﺭﺍ : ﻛﻔﺎﻳﺔ ﺃﻧﺎ ﻭﺍﻧﺖ ﺑﺲ ... ﻳﻼ ﺍﻧﺎ ﻣﺎﺷﻲ ﻭﺍﻧﺖ ﺍﺑﻘﻰ ﺣﺼﻠﻨﻲ ﺑﺮﺍﺣﺘﻚ

ﻋﻠﻲ ﺑﺈﺫﻋﺎﻥ : ﺣﺎﺿﺮﻳﺎﻋﻤﻲ

ﻏﺎﺩﺭ ﺻﻔﻮﺕ ﻓﺎﻟﺘﻔﺖ ﻋﻠﻲ ﺇﻟﻰ ﻧﻮﺭﺍ ﻗﺎﺋﻼ : ﺳﻤﻌﺘﻲ ﺍﻟﻜﻼﻡ ﺍﻟﻠﻲ ﻗﺎﻟﺘﻪ ﺃﺧﺘﻚ ﻣﻦ ﺷﻮﻳﺔ ﺩﻩ ? ﺩﻱ ﺑﻨﻲ ﺍﺩﻣﺔ ﻏﺮﻳﺒﺔ ﺍﻭﻱ

ﺣﺎﻭﻟﺖ ﻧﻮﺭﺍ ﺗﻬﺪﺋﺘﻪ ﻓﻘﺎﻟﺖ ﺑﺠﺪﻳﺔ : ﻣﺎﺗﺰﻋﻠﺶ ﻧﻔﺴﻚ ﺍﻧﺖ ﻳﺎ ﺣﺒﻴﺒﻲ ... ﺗﺼﺪﻕ ﺃﻧﺎ ﻣﺶ ﻋﺎﺭﻓﺔ ﺍﻟﻤﻔﺮﻭﺽ ﺃﻭﺍﺳﻴﻬﺎ ﻭﻻ ﺍﻋﻤﻞ ﺇﻳﻪ ﺑﺎﻟﻈﺒﻂ ﻓﺎﻟﻈﺮﻭﻑ ﺩﻱ

ﻋﻠﻲ ﺑﺘﻬﻜﻢ : ﺗﻮﺍﺳﻲ ﻣﻴﻦ ﻳﺎ ﺣﺒﻴﺒﺘﻲ ... ﺩﻱ ﻭﻻﻋﻠﻲ ﺑﺎﻟﻬﺎ ﺃﺻﻼ

ﻧﻮﺭﺍ : ﺑﻴﺘﻬﻴﺄﻟﻚ ﻳﺎ ﻋﻠﻲ ... ﺃﻧﺎ ﻣﺘﺄﻛﺪﺓ ﺍﻧﻬﺎ ﻣﻦ ﺟﻮﺍﻫﺎ ﺯﻋﻼﻧﺔ ﻭﻣﺼﺪﻭﻣﺔ ﺭﻏﻢ ﺍﻟﻜﻼﻡ ﺍﻟﻠﻲ ﻗﺎﻟﺘﻪ ... ﺑﺲ ﻫﻴﺎ ﻛﺪﻩ ﻣﺎﺑﺘﺤﺒﺶ ﺗﺒﻴﻦ

ﻋﻠﻲ ﺑﺈﻧﻔﻌﺎﻝ : ﻧﻮﺭﺍ ... ﻣﺎﺗﺠﻨﻨﻴﻨﻴﺶ ﺍﻧﺘﻲ ﻛﻤﺎﻥ ... ﺑﻘﻰ ﺩﻩ ﺷﻜﻞ ﻭﺍﺣﺪﺓ ﻣﺼﺪﻭﻣﺔ ﺩﻩ ... ﺩﻩ ﻛﺎﻥ ﻓﺎﺿﻠﻬﺎ ﺷﻮﻳﺔ ﻭﺗﻘﻮﻡ ﺗﺘﺤﺰﻡ ﻭﺗﺮﻗﺺ

ﺍﺑﺘﺴﻤﺖ ﻧﻮﺭﺍ ﺭﻏﻤﺎ ﻋﻨﻬﺎ ﺛﻢ ﺍﻗﺘﺮﺑﺖ ﻣﻦ ﻋﻠﻲ ﻭﺭﺑﺘﺖ ﻋﻠﻰ ﺫﺭﺍﻋﻪ ﻗﺎﺋﻠﺔ ﺑﺮﻗﺔ : ﻃﻴﺐ ﻋﺸﺎﻥ ﺧﺎﻃﺮﻱ ﺑﺲ ﻫﺪﻱ ﻧﻔﺴﻚ ... ﻭﺻﺪﻗﻨﻲ ﺍﻧﺎ ﻋﺎﺭﻓﺔ ﻛﻮﻳﺲ ﺑﺎﻗﻮﻟﻚ ﺇﻳﻪ ... ﺩﻱ ﺃﺧﺘﻲ ﻭﺃﻧﺎ ﻋﺎﺭﻓﺎﻫﺎ

ﻧﻬﺾ ﻋﻠﻲ ﻣﻐﺎﺩﺭﺍ ﻭﻃﺒﻊ ﻋﻠﻰ ﺟﺒﻴﻨﻬﺎ ﻗﺒﻠﺔ ﺻﻐﻴﺮﺓ ﻗﺒﻞ ﺍﻥ ﻳﻘﻮﻝ : ﻃﻴﺐ ﺃﻧﺎ ﻣﺎﺷﻲ ﺑﻘﻰ ... ﻣﺶ ﻋﺎﻳﺰﺓ ﺣﺎﺟﺔ ﻳﺎ ﺣﺒﻴﺒﺘﻲ ﻗﺒﻞ ﻣﺎ ﺍﻣﺸﻲ

ﻧﻮﺭﺍ ﺑﺈﺑﺘﺴﺎﻣﺔ : ﺳﻼﻣﺘﻚ ﻳﺎ ﺣﺒﻴﺒﻲ ... ﺧﺪ ﺑﺎﻟﻚ ﻣﻦ ﻧﻔﺴﻚ

ﻋﻠﻲ : ﻳﻼ ... ﺳﻼﻡ ﻋﻠﻴﻜﻢ

ﻧﻮﺭﺍ : ﻭﻋﻠﻴﻜﻢ ﺍﻟﺴﻼﻡ ﻭﺭﺣﻤﺔ ﺍﻟﻠﻪ

&&&&&&&&&&&&&&&&&&

ﻓﻲ ﻏﺮﻓﺘﻬﺎ ﺟﻠﺴﺖ ﻧﺎﺩﻳﺔ ﻭﻫﻲ ﺗﻤﺴﻚ ﺑﺼﻮﺭﺓ ﺗﺠﻤﻌﻬﺎ ﺑﺴﺎﻣﺢ ﺗﺨﺺ ﻳﻮﻡ ﻣﻴﻼﺩﻫﺎ ﺣﻴﻦ ﺗﻘﺪﻡ ﻃﺎﻟﺒﺎ ﺍﻟﺰﻭﺍﺝ ﻣﻨﻬﺎ ... ﻛﺎﻧﺖ ﺗﻨﻈﺮ ﺇﻟﻰ ﺍﻟﺼﻮﺭﺓ ﻭﺩﻣﻮﻋﻬﺎ ﺗﺘﺴﺎﻗﻂ ﻓﻲ ﺗﺘﺎﺑﻊ ... ﻇﻠﺖ ﻣﺤﺪﻗﺔ ﺑﻬﺎ ﻟﻔﺘﺮﺓ ﺛﻢ ﺃﺧﺬﺕ ﺗﺤﺪﺙ ﺻﻮﺭﺗﻪ ﻗﺎﺋﻠﺔ ﻭﺩﻣﻮﻋﻬﺎ ﺗﺤﻔﺮ ﻭﺩﻳﺎﻧﺎ ﻋﻠﻰ ﻭﺟﻬﻬﺎ : ﺍﻭﻋﻰ ﺗﺼﺪﻕ ﺇﻧﻲ ﺷﻤﺘﺎﻧﺔ ﻓﻤﻮﺗﻚ ﺑﺠﺪ ... ﺍﻧﺖ ﻋﺎﺭﻑ ﻛﻮﻳﺲ ﺃﻧﻚ ﺍﻟﺮﺍﺟﻞ ﺍﻟﻮﺣﻴﺪ ﺍﻟﻠﻲ ﺣﺒﻴﺘﻪ ﻓﺤﻴﺎﺗﻲ ﺑﻌﺪ ﺑﺎﺑﺎ ... ﻛﺎﻥ ﻧﻔﺴﻲ ﺃﻋﻴﺶ ﻣﻌﺎﻙ ﺃﺣﺎﺳﻴﺲ ﺟﻤﻴﻠﺔ ﺑﺲ ﺍﻧﺖ ﺣﺮﻣﺘﻨﻲ ﻣﻨﻬﺎ ... ﻛﺎﻥ ﻧﻔﺴﻲ ﺃﺟﺮﺏ ﺣﻀﻨﻚ ﻳﺎ ﺳﺎﻣﺢ ... ﻛﺎﻥ ﻧﻔﺴﻲ ﺍﺣﻂ ﺩﻣﺎﻏﻲ ﻋﻠﻰ ﺻﺪﺭﻙ ﻭﺍﻏﻤﺾ ﻋﻨﻴﺎ ﻭﺃﻧﺎ ﻣﻄﻤﻨﺔ ﻷﻧﻚ ﺟﻨﺒﻲ ... ﻟﻜﻦ ﻓﺎﻟﻮﻗﺖ ﺍﻟﻠﻲ ﺍﻧﺎ ﻛﻨﺖ ﺑﻔﻜﺮ ﻓﻴﻪ ﺑﺎﻟﻄﺮﻳﻘﺔ ﺩﻱ ... ﺍﻧﺖ ﻛﻨﺖ ﺑﺘﻔﻜﺮ ﺍﺯﺍﻱ ﺗﺬﻟﻨﻲ ﻭﺑﺲ ... ﻛﻨﺖ ﻋﺎﻳﺰ ﺗﻜﺴﺮﻧﻲ ﻳﺎ ﺳﺎﻣﺢ ﻭﻧﺎﺩﻳﺔ ﺻﻔﻮﺕ ﻣﺎﺑﺘﺘﻜﺴﺮﺵ ... ﺍﻧﺖ ﺍﻟﻠﻲ ﻏﻠﻄﺖ ﻳﺎ ﺳﺎﻣﺢ ﻭﺧﻨﺖ ﺛﻘﺘﻲ ﻓﻴﻚ ... ﻭﺃﻧﺎ ﻗﻠﺘﻠﻚ ﻣﻦ ﺍﻭﻝ ﻣﺎ ﻋﺮﻓﺘﻚ ... ﺍﻭﻋﻰ ﺗﻔﻜﺮ ﺗﻐﻠﻂ ﻳﺎ ﺳﺎﻣﺢ ... ﻋﺸﺎﻥ ﻧﺎﺩﻳﺔ ﺻﻔﻮﺕ ﻣﺎﻓﻴﺶ ﻓﻘﺎﻣﻮﺳﻬﺎ ﻻ ﺳﻤﺎﺡ ﻭﻻﻏﻔﺮﺍﻥ ... ﻭﺍﻟﻠﻲ ﺑﻴﻐﻠﻂ ﻋﻨﺪﻱ ﻣﺎﻟﻮﺵ ﻓﺮﺻﺔ ﺗﺎﻧﻴﺔ ... ﻭﺍﻧﺖ ﻏﻠﻄﺖ ﻭﺍﺗﻤﺎﺩﻳﺖ ﻓﺎﻟﻐﻠﻂ ﻓﻜﺎﻥ ﻻﺯﻡ ﺗﺘﻌﺎﻗﺐ ﻳﺎ ﺳﺎﻣﺢ ... ﺑﺲ ﻣﺎﻛﻨﺘﺶ ﺍﻋﺮﻑ ﺍﻧﻚ ﺿﻌﻴﻒ ﻛﺪﻩ ﻭﻣﺶ ﺣﺘﺘﺤﻤﻞ ﻋﻘﺎﺑﻲ ﻟﻴﻚ ... ﺻﺪﻗﻨﻲ ﻣﺎﻛﻨﺘﺶ ﺍﻋﺮﻑ ... ﻟﻜﻦ ﺍﻧﺎ ﻣﺶ ﺿﻌﻴﻔﺔ ﺯﻳﻚ ﻳﺎ ﺳﺎﻣﺢ ... ﺍﻧﺎ ﻗﻮﻳﺔ ﻭﻻﺯﻡ ﺍﻓﻀﻞ ﻗﻮﻳﺔ ﻣﻬﻤﺎ ﺣﺼﻞ ... ﺍﻟﺪﻧﻴﺎ ﻣﺎﻓﻴﻬﺎﺵ ﻣﻜﺎﻥ ﻟﻠﻀﻌﺎﻑ ﻳﺎ ﺳﺎﻣﺢ ... ﻓﻴﻬﺎ ﻣﻜﺎﻥ ﺑﺲ ﻟﻠﻲ ﺯﻱ ﺟﺪﻱ ﺣﺎﻣﺪ ... ﻟﻜﻦ ﺍﻟﻀﻌﺎﻑ ﺍﻟﻠﻲ ﺯﻱ ﺃﻣﻲ ﻣﺼﻴﺮﻫﻢ ﺍﻟﻄﺮﺩ ﻭﺍﻟﺤﺮﻣﺎﻥ ... ﻋﺸﺎﻥ ﻛﺪﻩ ﻋﻤﺮﻱ ﻣﺎﺣﺎﻛﻮﻥ ﺿﻌﻴﻔﺔ ﻳﺎ ﺳﺎﻣﺢ ..

ﺍﺧﺬﺕ ﺗﺠﻔﻒ ﺩﻣﻮﻋﻬﺎ ﻭﻫﻲ ﺗﻜﺮﺭ ﺟﻤﻠﺘﻬﺎ ﺍﻷﺧﻴﺮﺓ ... ﻋﻤﺮﻱ ﻣﺎ ﺣﺎﻛﻮﻥ ﺿﻌﻴﻔﺔ ﻳﺎ ﺳﺎﻣﺢ

&&&&&&&&&&&&&&&&&&

ﻣﻨﺬ ﺃﻥ ﻏﺎﺩﺭ ﻋﻠﻲ ﻭﻫﻲ ﺗﺠﻠﺲ ﺑﻐﺮﻓﺘﻬﺎ ﺷﺎﺭﺩﺓ ﻭﻗﺪ ﺍﺳﺘﺒﺪ ﺑﻬﺎ ﺍﻟﻘﻠﻖ ﻣﻦ ﻋﻮﺩﺓ ﻧﺎﺩﻳﺔ ﻟﺘﻌﻴﺶ ﻣﻌﻬﻢ ﻣﺮﺓ ﺍﺧﺮﻯ ﻭﻟﻜﻦ ﻓﻲ ﻭﺟﻮﺩ ﻋﻠﻰ ﻫﺬﻩ ﺍﻟﻤﺮﺓ ... ﻛﺎﻧﺖ ﺗﻨﻈﺮ ﺇﻟﻰ ﺻﻮﺭﺗﻬﺎﺍﻟﻤﻨﻌﻜﺴﺔ ﺑﺎﻟﻤﺮﺁﺓ ﻭﺗﺘﺤﺪﺙ ﻗﺎﺋﻠﺔ ﺑﻘﻠﻖ : ﻳﺎﺗﺮﻯ ﻳﺎ ﻧﺎﺩﻳﺔ ﺭﺟﻮﻋﻚ ﺩﻩ ﻣﻤﻜﻦ ﻳﺼﺤﻲ ﺍﻟﺤﺐ ﺍﻟﻘﺪﻳﻢ ﻓﻘﻠﺐ ﻋﻠﻲ ... ﻭﻻ ﺧﻼﺹ ﻋﻠﻲ ﺍﺗﺨﻠﺺ ﻣﻨﻪ ﻟﻸﺑﺪ ... ﻭﻻ ﺟﺎﻳﺰﻳﻜﻮﻥ ﻣﺎﻣﺎﺗﺶ ﺍﺻﻼ ... ﻛﺎﻧﺖ ﺗﺘﺤﺪﺙ ﻭﺗﺠﻴﺐ ﻧﻔﺴﻬﺎ ﺍﻳﻀﺎ ﻗﺎﺋﻠﺔ : ﻷ ... ﺃﻧﺎ ﻣﺘﺄﻛﺪﺓ ﺇﻧﻪ ﺩﻟﻮﻗﺘﻲ ﺑﻴﺤﺒﻨﻲ ﺃﻧﺎ ... ﺍﻳﻮﻩ ﺑﻴﺤﺒﻨﻲ ... ﻣﺶ ﻣﻌﻘﻮﻝ ﻳﻜﻮﻥ ﻛﻞ ﺩﻩ ﺗﻤﺜﻴﻞ ... ﺃﻳﻮﻩ ﺍﻟﺤﺐ ﺍﻟﻠﻲ ﺷﻮﻓﺘﻪ ﻓﻌﻨﻴﻪ ﻭﺍﺣﻨﺎ ﻣﻊ ﺑﻌﺾ ﻓﺎﻟﻔﻨﺪﻕ ﺩﻩ ﻻ ﻳﻤﻜﻦ ﻳﻜﻮﻥ ﺗﻤﺜﻴﻞ ... ﺍﻣﺴﻜﺖ ﺑﺘﻠﻚ ﺍﻟﻘﻼﺩﺓ ﺍﻟﺬﻫﺒﻴﺔ ﺍﻟﺘﻲ ﺗﻠﺘﻒ ﺣﻮﻝ ﺟﻴﺪﻫﺎ ﻭﺿﻤﺘﻬﺎ ﺑﻴﻦ ﺍﺻﺎﺑﻌﻬﺎ ﺑﻘﻮﺓ ﻭﻗﺎﻟﺖ ﺑﺘﺄﺛﺮ : ﻭﺍﻟﺴﻠﺴﻠﺔ ﺩﻱ ﻭﺍﻟﻜﻼﻡ ﺍﻟﻠﻲ ﻗﺎﻟﻪ ﻭﻗﺘﻬﺎ ... ﻣﺶ ﻣﻌﻘﻮﻝ ﻳﻜﻮﻥ ﻛﻞ ﺩﻩ ﻛﺪﺏ ... ﺛﻢ ﺷﺮﺩﺕ ﻭﻫﻲ ﺗﺘﺬﻛﺮ ﺛﺎﻧﻲ ﺃﻳﺎﻣﻬﻤﺎ ﻣﻌﺎ ﺑﺎﻟﻔﻨﺪﻕ ﺣﻴﻦ ﺍﻫﺪﺍﻫﺎ ﻋﻠﻲ ﺗﻠﻚ ﺍﻟﻘﻼﺩﺓ

" ﻓﻼﺵ ﺑﺎﻙ "

ﻛﺎﻧﺖ ﺟﺎﻟﺴﺔﺍﻣﺎﻡ ﺍﻟﻤﺮﺁﺓ ﺗﻤﺸﻂ ﺷﻌﺮﻫﺎ ﺣﻴﻦ ﺍﻗﺘﺮﺏ ﻣﻨﻬﺎ ﻋﻠﻲ ﻭﻃﺒﻊ ﻋﻠﻰ ﺟﻴﺪﻫﺎ ﻗﺒﻠﺔ ﺷﻐﻮﻓﺔ ﻭﻗﺎﻝ ﺑﺤﺐ : ﻧﻮﺭﺍ ... ﺃﻧﺎ ﺟﺒﺘﻠﻚ ﻫﺪﻳﺔ ﺍﺗﻤﻨﻰ ﺍﻧﻬﺎ ﺗﻌﺠﺒﻚ

ﺍﻟﺘﻔﺖ ﺇﻟﻴﻪ ﻗﺎﺋﻠﺔ ﺑﺈﺑﺘﺴﺎﻣﺔ : ﺃﻱ ﺣﺎﺟﺔ ﻣﻨﻚ ﺑﺘﻌﺠﺒﻨﻲ ﻳﺎ ﻋﻠﻲ

ﺍﻟﺘﻔﺖ ﻳﺪﻩ ﺣﻮﻝ ﺟﻴﺪﻫﺎ ﻟﻴﻠﺒﺴﻬﺎ ﺗﻠﻚ ﺍﻟﻘﻼﺩﺓ ﺛﻢ ﺍﺯﺍﺡ ﺧﺼﻼﺕ ﺷﻌﺮﻫﺎ ﻭﻫﻮ ﻳﻐﻠﻘﻬﺎ ﺑﺈﺣﻜﺎﻡ ﻗﺎﺋﻼ : ﺇﻳﻪ ﺭﺃﻳﻚ ﺑﻘﻰ ?

ﻋﺎﻭﺩﺕ ﺍﻟﻨﻈﺮ ﺇﻟﻰ ﺍﻟﻤﺮﺁﺓ ﻟﺘﺸﺎﻫﺪ ﻗﻼﺩﺓ ﻋﻠﻰ ﺷﻜﻞ ﻗﻠﺐ ﺗﺘﺪﻟﻰ ﻋﻠﻰ ﺻﺪﺭﻫﺎ ﻓﻘﺎﻟﺖ ﺑﺴﻌﺎﺩﺓ ﻭﻗﺪ ﺍﻋﺠﺒﻬﺎ ﺷﻜﻠﻬﺎ ﺑﺸﺪﺓ : ﺟﻤﻴﻠﺔ ﺍﻭﻱ ﻳﺎ ﻋﻠﻲ ... ﺗﺴﻠﻢ ﺇﻳﺪﻙ

ﺍﻣﺴﻚ ﻳﺪﻫﺎ ﻳﻘﺒﻠﻬﺎ ﺑﺤﺐ ﻗﺎﺋﻼ : ﺗﺴﻠﻤﻴﻠﻲ ﻳﺎ ﺣﺒﻴﺒﺘﻲ ... ﺩﻩ ﻗﻠﺒﻲ ﻳﺎ ﻧﻮﺭﺍ ... ﻋﺎﻳﺰﻙ ﺗﺨﻠﻲ ﺑﺎﻟﻚ ﻣﻨﻪ ﻛﻮﻳﺲ ﻭﺗﺤﺎﻓﻈﻲ ﻋﻠﻴﻪ ... ﺍﺗﻔﻘﻨﺎ

ﺃﻭﻣﺄﺕ ﺑﺮﺃﺳﻬﺎ ﻗﺎﺋﻠﺔ ﺑﺈﺑﺘﺴﺎﻣﺔ : ﺍﺗﻔﻘﻨﺎ ﻃﺒﻌﺎ ﻫﻴﺎ ﺩﻱ ﻋﺎﻳﺰﺓ ﻛﻼﻡ

ﻋﻠﻲ ﺑﻬﻴﺎﻡ : ﻭﺍﻧﺎ ﻛﻤﺎﻥ ﺍﻭﻋﺪﻙ ﺇﻧﻲ ﺃﺣﺎﻓﻆ ﻋﻠﻰ ﻗﻠﺒﻚ ﻣﻬﻤﺎ ﺣﺼﻞ ... ﺑﺲ ﺃﻧﺎ ﻣﺒﺴﻮﻁ ﺍﻧﻬﺎ ﻋﺠﺒﺘﻚ ... ﺭﻏﻢ ﺍﻥ ﺍﻟﺴﻠﺴﻠﺔ ﺑﺘﺎﻋﺘﻲ ﺃﺣﻠﻰ ﺑﺮﺿﻪ

ﻧﻮﺭﺍ ﻣﺴﺘﻔﻬﻤﺔ : ﻳﻌﻨﻲ ﺇﻳﻪ ﺍﻟﺴﻠﺴﻠﺔ ﺑﺘﺎﻋﺘﻚ ?

ﻋﻠﻲ ﺑﺠﺪﻳﺔ : ﺍﻟﺴﻠﺴﻠﺔ ﻳﺎ ﻧﻮﺭﺍ ... ﺍﻟﺤﻠﻢ

ﻧﻮﺭﺍ ﺑﻌﺪﻡ ﻓﻬﻢ : ﻣﺶ ﻓﺎﻫﻤﺔ ... ﺣﻠﻢ ﺇﻳﻪ ﺩﻩ ?

ﻋﻠﻲ ﺑﺪﻫﺸﺔ : ﻏﺮﻳﺒﺔ ... ﺍﻧﺘﻲ ﻣﺎﺗﻌﺮﻓﻴﺶ ﻣﻮﺿﻮﻉ ﺍﻟﺴﻠﺴﻠﺔ ﺍﻟﻠﻲ ﻛﺎﻧﺖ ﻓﺎﻟﺤﻠﻢ ?

ﻧﻮﺭﺍ : ﻷ ﻣﺎﻋﺮﻓﺶ ﺍﻧﺖ ﺑﺘﺘﻜﻠﻢ ﻋﻦ ﺇﻳﻪ ﺑﺎﻟﻈﺒﻂ

ﻋﻠﻲ : ﻣﻌﻘﻮﻝ ﻣﺎﻣﺎ ﻭﻟﺒﻨﻰ ﻣﺎﺣﺪﺵ ﻓﻴﻬﻢ ﺣﻜﺎﻟﻚ ﻣﻮﺿﻮﻉ ﺍﻟﺤﻠﻢ ﺩﻩ ... ﻃﻴﺐ ﺗﻌﺎﻟﻲ ﻳﺎ ﺳﺘﻲ ﺍﻗﻌﺪﻱ ﻭﺃﻧﺎ ﺣﺎﺣﻜﻴﻠﻚ

ﺍﻣﺴﻚ ﻋﻠﻲ ﺑﻴﺪﻫﺎ ﺛﻢ ﺟﻠﺲ ﻭﺍﺟﻠﺴﻬﺎ ﺇﻟﻰ ﺟﻮﺍﺭﻩ ﻭﺑﺪﺃ ﻳﺤﻜﻲ ﻗﺎﺋﻼ : ﺷﻮﻓﻲ ﻳﺎ ﺳﺘﻲ ... ﻟﻤﺎ ﻛﺎﻧﺖ ﺧﺎﻟﺘﻲ ﺻﻔﻴﺔ ﺍﻟﻠﻪ ﻳﺮﺣﻤﻬﺎ ﺣﺎﻣﻞ ﻓﺴﻴﺎﺩﺗﻚ ... ﻣﺎﻣﺎ ﺷﺎﻓﺖ ﺣﻠﻢ ... ﺷﺎﻓﺖ ﺧﺎﻟﺘﻲ ﺻﻔﻴﺔ ﺑﺘﺪﻳﻬﺎ ﺳﻠﺴﻠﺔ ﻭﺑﺘﻘﻮﻟﻬﺎ ﺇﺩﻱ ﺍﻟﺴﻠﺴﻠﺔ ﺩﻱ ﻟﻌﻠﻲ ... ﻣﺎﻣﺎ ﻣﺴﻜﺖ ﺍﻟﺴﻠﺴﻠﺔ ﻓﺈﻳﺪﻫﺎ ﻭﻗﺎﻟﺘﻠﻬﺎ ... ﺑﺲ ﺍﻟﺴﻼﺳﻞ ﺩﻱ ﺑﺘﺎﻋﺔ ﺍﻟﺒﻨﺎﺕ ﻋﻠﻲ ﺣﻴﻌﻤﻞ ﺑﻴﻬﺎ ﺇﻳﻪ ? ﺧﺎﻟﺘﻲ ﺻﻔﻴﺔ ﻗﺎﻟﺘﻠﻬﺎ ﺍﺩﻳﻬﺎ ﺑﺲ ﻟﻌﻠﻲ ﻭﻗﻮﻟﻴﻠﻪ ﺧﺎﻟﺘﻚ ﺻﻔﻴﺔ ﺑﻌﺘﺎﻟﻚ ﺩﻱ ﻭﺑﺘﻘﻮﻟﻚ ﺣﺎﻓﻆ ﻋﻠﻴﻬﺎ ﻭﺍﻭﻋﻰ ﺗﻀﻴﻌﻬﺎ ... ﺩﻱ ﻭﺻﻴﺔ ﺧﺎﻟﺘﻚ ﻟﻴﻚ ﻳﺎ ﻋﻠﻲ ... ﻭﺍﺣﺪﺓ ﺳﺖ ﺟﺎﺭﺗﻨﺎ ﺍﻃﻮﻋﺖ ﻭﻓﺴﺮﺕ ﺍﻟﺤﻠﻢ ﺩﻩ ... ﺍﻥ ﺧﺎﻟﺘﻲ ﺣﺘﺠﻴﺐ ﺑﻨﺖ ﻭﺃﻧﺎ ﺣﺘﺠﻮﺯﻫﺎ ... ﻳﻌﻨﻲ ﺍﻟﺴﻠﺴﻠﺔ ﺩﻱ ﺗﺒﻘﻰ ﺣﻀﺮﺗﻚ ... ﻋﺮﻓﺘﻲ ﺑﻘﻰ ﺍﻥ ﺍﻟﺴﻠﺴﻠﺔ ﺑﺘﺎﻋﺘﻲ ﺍﺟﻤﻞ ﺑﻜﺘﻴﺮ

ﺍﻧﻌﻘﺪ ﺣﺎﺟﺒﺎﻫﺎ ﺩﻫﺸﺔ ﻗﺒﻞ ﺍﻥ ﺗﻘﻮﻝ : ﺍﻭﻝ ﻣﺮﺓ ﺍﺳﻤﻊ ﺍﻟﺤﻜﺎﻳﺔ ﺩﻱ ... ﺑﺲ ﺍﻧﺖ ﻳﻌﻨﻲ ﻗﺒﻞ ﻛﺪﻩ ﻛﻨﺖ ﻧﺎﺳﻲ ﻣﻮﺿﻮﻉ ﺍﻟﺤﻠﻢ ﺩﻩ ﻟﻤﺎ ﻛﻨﺖ ....

ﻓﻬﻢ ﻋﻠﻲ ﻣﺎﺗﻌﻨﻴﻪ ﻧﻮﺭﺍ ﻓﻘﺎﻝ ﺑﻤﺰﺍﺡ : ﺗﻘﺪﺭﻱ ﺗﻘﻮﻟﻲ ﻛﺪﻩ ﻛﻨﺖ ﻓﺎﻛﺮﻫﺎ ﺃﺿﻐﺎﺙ ﺃﺣﻼﻡ

ﻋﻘﺪﺕ ﻧﻮﺭﺍ ﺫﺭﺍﻋﻴﻬﺎ ﺍﻣﺎﻡ ﺻﺪﺭﻫﺎ ﻭﻗﺎﻟﺖ ﺑﻀﻴﻖ ﻣﺼﻄﻨﻊ : ﻛﺪﻩ ﺑﺮﺿﻪ ... ﻃﺐ ﺃﻧﺎ ﺯﻋﻼﻧﺔ ﻣﻨﻚ ﻭﻣﺶ ﺣﺎﻛﻠﻤﻚ ﻛﻤﺎﻥ

ﺣﻤﻠﻬﺎ ﻋﻠﻲ ﺑﻴﻦ ﺫﺭﺍﻋﻴﻪ ﻗﺎﺋﻼ : ﻭﺍﻧﺎ ﺑﻘﻰ ﻋﺎﺭﻑ ﺣﺎﺻﺎﻟﺤﻚ ﺍﺯﺍﻱ

" ﺑﺎﻙ "

↚

ﻧﻮﺭﺍ : ﺍﻛﻴﺪ ﻛﻞ ﺩﻩ ﻣﺎﻛﺎﻧﺶ ﻛﺪﺏ ... ﺛﻢ ﺗﻨﻬﺪﺕ ﻗﺎﺋﻠﺔ ﺑﻘﻠﻖ : ﺭﺑﻨﺎ ﻳﺴﺘﺮ ﻣﻦ ﺍﻟﻠﻲ ﺟﺎﻱ

&&&&&&&&&&&&&&&&

ﻓﻲ ﺍﻟﻤﺴﺎﺀ ﻛﺎﻥ ﺻﻔﻮﺕ ﻭﻋﻠﻲ ﻳﺘﻮﺍﺟﺪﺍﻥ ﺑﺴﺮﺍﺩﻕ ﺍﻟﻌﺰﺍﺀ ﺍﻟﺨﺎﺹ ﺑﺴﺎﻣﺢ ... ﺑﻌﺪ ﻓﺘﺮﺓ ﺍﺗﺠﻬﻮﺍ ﺇﻟﻰ ﺣﻴﺚ ﻳﻘﻒ ﻧﺠﻴﺐ ﻭﻭﻟﺪﻩ ﺳﻤﻴﺮ ﻭﻗﺎﻣﺎ ﺑﺘﻘﺪﻳﻢ ﺍﻟﺘﻌﺎﺯﻯ ... ﺗﻘﺒﻞ ﻧﺠﻴﺐ ﺗﻌﺎﺯﻳﻬﻢ ﺑﻴﻨﻤﺎ ﺭﻓﺾ ﺳﻤﻴﺮ ﺍﻥ ﻳﻤﺪ ﻳﺪﻩ ﺇﻟﻴﻬﻢ ﻗﺎﺋﻼ ﺑﻠﻬﺠﺔ ﺣﺎﺩﺓ : ﻳﻘﺘﻠﻮﺍ ﺍﻟﻘﺘﻴﻞ ﻭﻳﻤﺸﻮﺍ ﻓﺠﻨﺎﺯﺗﻪ ﺻﺤﻴﺢ

ﻧﻬﺮﻩ ﻧﺠﻴﺐ ﻗﺎﺋﻼ ﺑﺤﺪﺓ : ﺇﻳﻪ ﺍﻟﻠﻲ ﺑﺘﻘﻮﻟﻪ ﺩﻩ ﻳﺎ ﺳﻤﻴﺮ ?

ﺻﻔﻮﺕ : ﺳﻴﺒﻪ ... ﺍﻧﺎ ﻣﻘﺪﺭ ﺍﻟﺤﺎﻟﺔ ﺍﻟﻠﻲ ﻫﻮ ﻓﻴﻬﺎ ... ﻭﻋﺸﺎﻥ ﻛﺪﻩ ﻣﺶ ﺯﻋﻼﻥ ﻣﻨﻪ ... ﺍﻟﺒﻘﻴﺔ ﻓﺤﻴﺎﺗﻜﻮﺍ ﻣﺮﺓ ﺗﺎﻧﻴﺔ ﻭﻋﻦ ﺇﺫﻧﻜﻮﺍ

&&&&&&&&&&&&&&&&

ﺑﻌﺪ ﺇﻧﺘﻬﺎﺀ ﻣﺮﺍﺳﻢ ﺍﻟﻌﺰﺍﺀ ﻋﺎﺩ ﻧﺠﻴﺐ ﻭﻭﻟﺪﻩ ﺇﻟﻰ ﻣﻨﺰﻟﻬﻤﺎ ... ﻭﻣﺎﺇﻥ ﺩﻟﻒ ﻧﺠﻴﺐ ﺇﻟﻰ ﺍﻟﺪﺍﺧﻞ ﺣﺘﻰ ﺍﻧﻬﺎﺭ ﺗﻤﺎﺳﻜﻪ ﺍﻟﻤﺰﻳﻒ ﻭﺍﻧﺪﻓﻊ ﻳﺒﻜﻲ ﻭﻟﺪﻩ ﺍﻟﺮﺍﺣﻞ ... ﺍﻗﺘﺮﺏ ﻣﻨﻪ ﺳﻤﻴﺮ ﻗﺎﺋﻼ ﺑﺼﺮﺍﻣﺔ : ﺍﺣﻨﺎ ﺣﻨﺴﻴﺐ ﺍﻟﻠﻲ ﻋﻤﻠﺖ ﻛﺪﻩ ﻓﺄﺧﻮﻳﺎ ﻳﺎﺑﺎﺑﺎ ﺗﻌﻴﺶ ﻭﺗﺘﻬﻨﻰ ﻭﻛﺄﻧﻬﺎ ﻣﺎﻋﻤﻠﺘﺶ ﺣﺎﺟﺔ

ﺭﻓﻊ ﺭﺃﺳﻪ ﻭﻧﻈﺮﺇﻟﻴﻪ ﻗﺎﺋﻼ : ﻫﻴﺎ ﻣﻴﻦ ﺩﻱ ﻳﺎ ﺳﻤﻴﺮ ﺍﻟﻠﻲ ﻋﻤﻠﺖ ﻛﺪﻩ ?

ﺳﻤﻴﺮ : ﺣﻴﻜﻮﻥ ﻣﻴﻦ ﻳﻌﻨﻲ ﻏﻴﺮ ﺍﻟﺴﺖ ﻧﺎﺩﻳﺔ ﻫﺎﻧﻢ

ﻭﺿﻊ ﺭﺃﺳﻪ ﺑﻴﻦ ﻛﻔﻴﻪ ﻭﻗﺎﻝ ﺑﺄﺳﻰ : ﺃﺧﻮﻙ ﻫﻮ ﺍﻟﻠﻲ ﻋﻤﻞ ﻛﺪﻩ ﻓﻨﻔﺴﻪ ﻳﺎ ﺍﺑﻨﻲ ﺑﺈﺳﺘﻬﺘﺎﺭﻩ ﻭﻋﺪﻡ ﺗﺤﻤﻠﻪ ﻟﻠﻤﺴﺌﻮﻟﻴﺔ ﻣﻦ ﺍﻟﺒﺪﺍﻳﺔ ... ﻭﺍﻧﺎ ﻛﻤﺎﻥ ﺷﺎﺭﻛﺖ ﻓﺎﻟﺠﺮﻳﻤﺔ ﺩﻱ ﺑﺈﻫﻤﺎﻟﻲ ... ﻟﻮ ﻓﻴﻪ ﺣﺪ ﻻﺯﻡ ﻳﺘﺤﺎﺳﺐ ﻳﺒﻘﻰ ﺍﻧﺎ ﻳﺎ ﺳﻤﻴﺮ ... ﺍﻧﺎ ﺍﻟﻠﻲ ﺳﻴﺒﺘﻪ ﻳﺴﻘﻂ ﺳﻨﺔ ﻭﺭﺍ ﺳﻨﺔ ﻓﺎﻟﻜﻠﻴﺔ ﻭﻣﺎ ﺍﻫﺘﻤﺘﺶ ... ﺍﻧﺎ ﺍﻟﻠﻲ ﺳﻴﺒﺘﻪ ﻳﺴﻬﺮ ﻛﻞ ﻳﻮﻡ ﻟﻮﺵ ﺍﻟﻔﺠﺮ ﻭﻣﺎﺳﺄﻟﺘﺶ ... ﺃﻧﺎ ﺍﻟﻠﻲ ﺳﻴﺒﺘﻪ ﻳﻌﻤﻞ ﻛﻞ ﺍﻟﻠﻲ ﻓﻨﻔﺴﻪ ﻣﻦ ﻏﻴﺮ ﻣﺎﺍﻗﻮﻟﻪ ﺣﺮﺍﻡ ﻭﻋﻴﺐ ﻭﻣﺎﻳﺼﺤﺶ ... ﺍﻧﺎ ﺍﻟﻠﻲ ﻻﺯﻡ ﺍﺗﺤﺎﺳﺐ ﻳﺎ ﺳﻤﻴﺮ ﻣﺶ ﻧﺎﺩﻳﺔ ... ﺍﺣﻨﺎ ﻣﺎﻧﻌﺮﻓﺶ ﺇﻳﻪ ﺍﻟﻠﻲ ﺧﻼﻫﺎ ﺗﻌﻤﻞ ﻛﺪﻩ ... ﻭﻻ ﺇﻳﻪ ﺍﻟﻠﻲ ﺣﺼﻞ ﺑﻴﻨﻬﺎ ﻭﺑﻴﻦ ﺃﺧﻮﻙ ... ﺍﻧﺎ ﻛﻞ ﺍﻟﻠﻲ ﺣﺎﻋﻤﻠﻪ ... ﺇﻧﻲ ﺣﺎﺩﻋﻲ ﺭﺑﻨﺎ ﻟﻮ ﻛﺎﻧﺖ ﻇﻠﻤﺘﻪ ﺍﻥ ﺭﺑﻨﺎ ﻳﻨﺘﻘﻢ ﻣﻨﻬﺎ ﻣﺶ ﺍﻛﺘﺮ ﻣﻦ ﻛﺪﻩ

ﺳﻤﻴﺮ ﺑﺈﻧﻔﻌﺎﻝ : ﺑﺲ ﺃﻧﺎ ﺑﻘﻰ ﻣﺶ ﺣﺎﺳﻜﺖ ﻳﺎﺑﺎﺑﺎ ﻭﺣﻖ ﺃﺧﻮﻳﺎ ﻻﺯﻡ ﺍﺭﺟﻌﻪ

ﺍﺳﺮﻉ ﻧﺠﻴﺐ ﻳﺠﻴﺒﻪ ﻗﺎﺋﻼ ﺑﻔﺰﻉ : ﻻ ﻳﺎ ﺍﺑﻨﻲ ﺍﺑﻮﺱ ﺇﻳﺪﻙ ﺍﻭﻋﻰ ﺗﻌﻤﻞ ﺣﺎﺟﺔ ﺗﺤﺮﻕ ﻗﻠﺒﻲ ﻋﻠﻴﻚ ﺍﻧﺖ ﺍﻟﺘﺎﻧﻲ ... ﻣﺶ ﻛﻔﺎﻳﺔ ﻋﻠﻴﺎ ﻧﺎﺭ ﻓﺮﺍﻕ ﺃﺧﻮﻙ ... ﻋﺎﻳﺰ ﺗﻀﻴﻊ ﻣﻨﻲ ﺍﻧﺖ ﻛﻤﺎﻥ ﻳﺎ ﺳﻤﻴﺮ ... ﺍﻗﺘﺮﺏ ﻣﻨﻪ ﻧﺠﻴﺐ ﻭﻭﻗﻒ ﻣﻤﺴﻜﺎ ﺑﻮﺟﻬﻪ ﺑﻴﻦ ﻛﻔﻴﻪ ﻭﻗﺎﻝ ﺑﺮﺟﺎﺀ : ﺍﻭﻋﺪﻧﻲ ﻳﺎ ﺍﺑﻨﻲ ﺍﻧﻚ ﻣﺶ ﺣﺘﻌﻤﻞ ﺣﺎﺟﺔ ﺗﻀﻴﻌﻚ ﻣﻨﻲ ﻭﺗﺤﺮﻣﻨﻲ ﻣﻨﻚ ﻳﺎ ﺳﻤﻴﺮ ... ﻋﺸﺎﻥ ﺧﺎﻃﺮﻱ ﻳﺎ ﺍﺑﻨﻲ ﻋﺸﺎﻥ ﺧﺎﻃﺮﻱ ﺑﻼﺵ ﺗﺘﻬﻮﺭ ﻭﺍﻧﺴﻰ ﻧﺎﺩﻳﺔ ﺩﻱ ﺧﺎﻟﺺ ﻛﺄﻧﻬﺎ ﻣﺎﺩﺧﻠﺘﺶ ﺣﻴﺎﺗﻨﺎ ﻣﻦ ﺃﺳﺎﺳﻪ ... ﺍﻧﺖ ﺃﻫﻢ ﻋﻨﺪﻱ ﻣﻦ ﺃﻱ ﺇﻧﺘﻘﺎﻡ ... ﺍﻭﻋﺪﻧﻲ ﻳﺎ ﺍﺑﻨﻲ

ﻧﻜﺲ ﺭﺃﺳﻪ ﻭﻗﺎﻝ ﺑﺨﻔﻮﺕ : ﺍﻭﻋﺪﻙ ﻳﺎ ﺑﺎﺑﺎ ﺇﻧﻲ ﻣﺶ ﺣﺎﻋﻤﻠﻬﺎ ﺣﺎﺟﺔ

ﺟﺬﺑﻪ ﻧﺠﻴﺐ ﺇﻟﻰ ﺃﺣﻀﺎﻧﻪ ﻭﺿﻤﻪ ﺑﺸﺪﺓ ﻗﺎﺋﻼ : ﺭﺑﻨﺎ ﻳﺤﻤﻴﻚ ﻳﺎ ﺍﺑﻨﻲ ... ﻭﻳﺮﺣﻤﻚ ﻭﻳﺴﺎﻣﺤﻚ ﻳﺎ ﺳﺎﻣﺢ

&&&&&&&&&&&&&&&&&

ﻃﺮﻗﺎﺕ ﻋﻠﻰ ﺑﺎﺏ ﻏﺮﻓﺘﻬﺎ ﺗﻨﺒﺄ ﺑﻘﺪﻭﻡ ﺍﺣﺪﻫﻢ ... ﺳﻤﺤﺖ ﻟﻠﻄﺎﺭﻕ ﺑﺎﻟﺪﺧﻮﻝ ... ﻓﺄﻃﻞ ﺇﺑﺮﺍﻫﻴﻢ ﺑﺮﺃﺳﻪ ﻗﺎﺋﻼﺑﺈﺑﺘﺴﺎﻣﺔ : ﺍﻟﺠﻤﻴﻞ ﻓﺎﺿﻲ ﻭﻻ ﻣﺸﻐﻮﻝ ... ﺍﺻﻠﻲ ﻋﺎﻳﺰﻩ ﻓﻤﻮﺿﻮﻉ

ﺍﺯﺍﺣﺖ ﺣﺎﺳﺒﻬﺎ ﺍﻟﻤﺤﻤﻮﻝ ﺑﻌﻴﺪﺍ ﻭﻗﺎﻟﺖ ﺑﺈﺑﺘﺴﺎﻣﺔ ﻣﻤﺎﺛﻠﺔ : ﻭﻟﻮ ﻣﺶ ﻓﺎﺿﻲ ﻳﻔﻀﻰ ﻋﺸﺎﻥ ﺧﺎﻃﺮﻙ

ﺩﺧﻞ ﺇﺑﺮﺍﻫﻴﻢ ﻭﺟﻠﺲ ﻋﻠﻰ ﺍﻟﻔﺮﺍﺵ ﺇﻟﻰ ﺟﻮﺍﺭﻫﺎ ﻗﺎﺋﻼ : ﻣﻤﻜﻦ ﺍﺗﻜﻠﻢ ﻣﻌﺎﻛﻲ ﻛﻠﻤﺘﻴﻦ ﻣﻬﻤﻴﻦ ﺑﺲ ﻣﻦ ﻏﻴﺮ ﻣﺎﺗﺰﻋﻠﻲ ﻣﻨﻲ ﺃﻭ ﺗﻀﺎﻳﻘﻲ

ﺍﻋﺘﻠﺖ ﺍﻟﺪﻫﺸﺔ ﻗﺴﻤﺎﺕ ﻭﺟﻬﻬﺎ ﻗﺒﻞ ﺍﻥ ﺗﻘﻮﻝ : ﻓﻴﻪ ﺇﻳﻪ ﺇﺑﺮﺍﻫﻴﻢ ﻗﻠﻘﺘﻨﻲ

ﺇﺑﺮﺍﻫﻴﻢ ﺑﺠﺪﻳﺔ : ﺍﻷﻭﻝ ﻗﻮﻟﻴﻠﻲ ... ﺇﻳﻪ ﺭﺃﻳﻚ ﻓﺎﻟﻌﻴﺸﺔ ﻓﻤﺼﺮ ... ﻣﺶ ﺍﺣﺴﻦ

ﺳﻮﺯﺍﻥ : yes,it's too nice .

ﺇﺑﺮﺍﻫﻴﻢ : ﻛﻮﻳﺲ ﺍﻭﻱ ... ﻣﻤﻜﻦ ﺑﻘﻰ ﺍﻋﺮﻑ ﻟﺤﺪ ﺍﻣﺘﻰ ﺣﺘﻔﻀﻠﻲ ﺣﺰﻳﻨﺔ ﻛﺪﻩ ? ﺑﻘﺎﻟﻚ ﺳﺖ ﺷﻬﻮﺭ ﻋﻠﻰ ﺍﻟﺤﺎﻟﺔ ﺩﻱ ﻭﺍﺧﺮﺗﻬﺎ ﻳﺎ ﺳﻮﺯﻱ ?

ﺳﻮﺯﺍﻥ : ﺇﺑﺮﺍﻫﻴﻢ , don't worry , ﺇﻥ ﺷﺎﺀﺍﻟﻠﻪ ﻟﻤﺎ ﺗﺒﺪﺃ ﺍﻟﺪﺭﺍﺳﺔ ﺍﻛﻴﺪ ﺣﺘﺸﻐﻞ ﺑﻴﻬﺎ ﻭﺍﺭﻛﺰ ﻓﺎﻟﻤﺬﺍﻛﺮﺓ ... ﻭﻣﺶ ﺣﻴﻜﻮﻥ ﻋﻨﺪﻱ ﻭﻗﺖ ﺍﻓﻜﺮ ﻓﺤﺎﺟﺔ

ﺇﺑﺮﺍﻫﻴﻢ : ﻛﻮﻳﺲ ﺍﻭﻱ ... ﻳﻌﻨﻲ ﺃﻧﺎ ﻣﻤﻜﻦ ﺍﺗﺸﺠﻊ ﻭﺃﻗﻮﻟﻚ ﺇﻧﻲ ﻟﻘﻴﺖ ﺍﻟﻌﺮﻭﺳﺔ ﺍﻟﻠﻲ ﺑﺪﻭﺭ ﻋﻠﻴﻬﺎ ﻭﻋﺎﻳﺰ ﺍﺗﻘﺪﻣﻠﻬﺎ ﺑﺲ ﺧﺎﻳﻒ ﺗﺰﻋﻠﻲ

ﺑﺈﺑﺘﺴﺎﻣﺔ ﻣﻤﺰﻭﺟﺔ ﺑﺎﻟﺪﻫﺸﺔ ﺃﺟﺎﺑﺘﻪ : !really ﺍﻧﺖ ﻟﻘﻴﺖ ﻋﺮﻭﺳﺔ ! I'm very glad for you

ﺇﺑﺮﺍﻫﻴﻢ : ﺑﺠﺪ ﻣﺒﺴﻮﻃﺔ ﻋﺸﺎﻧﻲ ﻭﻣﺶ ﻣﻀﺎﻳﻘﺔ ?

ﺳﻮﺯﺍﻥ ,sure: ﺑﺲ ﻣﻴﻦ ﻫﻴﺎ ﺩﻱ

ﺇﺑﺮﺍﻫﻴﻢ : ﻟﻤﻴﺎﺀ ... ﻓﺎﻛﺮﺍﻫﺎ ﺑﻨﺖ ﻋﻢ ﻧﻮﺭﺍ

ﺍﻭﻣﺄﺕ ﺑﺮﺃﺳﻬﺎ ﻗﺎﺋﻠﺔ : ﺍﻳﻮﻩ ﻓﻜﺮﺍﻫﺎ ﻃﺒﻌﺎ ... ﺍﻧﺎ ﻭﻫﻴﺎ ﺑﻘﻴﻨﺎ ﺍﺻﺤﺎﺏ ﻭﻣﻌﺎﻳﺎ ﻧﻤﺮﺓ ﺗﻠﻴﻔﻮﻧﻬﺎ ﻛﻤﺎﻥ ... ﻗﻮﻟﻲ ﺣﺘﺮﻭﺡ ﺗﺨﻄﺒﻬﺎ ﺍﻣﺘﻲ ?

ﺇﺑﺮﺍﻫﻴﻢ : ﺣﺎﺧﻠﻲ ﺑﺎﺑﺎ ﻳﻜﻠﻢ ﻋﻤﻬﺎ ﺍﻷﻭﻝ ﻭﻳﺤﺪﺩ ﻣﻌﺎﻩ ﻣﻌﺎﺩ ﻋﺸﺎﻥ ﻧﺨﻄﺒﻬﺎ .

ﻗﺒﻠﺘﻪ ﻣﻦ ﻭﺟﻨﺘﻪ ﻗﺎﺋﻠﺔ ﺑﻔﺮﺣﺔ : ﻣﺒﺮﻭﻙ ﺇﺑﺮﺍﻫﻴﻢ ... ﻟﻤﻴﺎﺀ ﺑﻨﺖ ﻛﻮﻳﺴﺔ ... ﺍﻧﺖ ﻛﻤﺎﻥ ﺗﺴﺘﺎﻫﻞ ﻛﻞ ﺧﻴﺮ

ﺇﺑﺮﺍﻫﻴﻢ : ﻣﺘﺸﻜﺮ ﺍﻭﻱ ﻳﺎ ﺣﺒﻴﺒﺘﻲ ... ﺍﻧﺎ ﻛﻨﺖ ﻣﺘﺄﻛﺪ ﺍﻧﻚ ﺣﺘﻔﺮﺣﻲ ﻋﺸﺎﻧﻲ ... ﺑﺲ ﺑﺎﻗﻮﻟﻚ ﺇﻳﻪ ... ﻣﺶ ﻧﻔﺴﻚ ﺗﻜﻮﻥ ﺧﻄﻮﺑﺘﻨﺎ ﺃﻧﺎ ﻭﺍﻧﺘﻲ ﻓﻴﻮﻡ ﻭﺍﺣﺪ ?

ﻗﻄﺒﺖ ﺟﺒﻴﻨﻬﺎ ﺩﻫﺸﺔ ﻓﺎﺭﺩﻑ ﻗﺎﺋﻼ : ﺍﻧﺎ ﺑﺘﻜﻠﻢ ﺟﺪ ... ﺇﻳﻪ ﺭﺃﻳﻚ ﻧﻌﻤﻞ ﺧﻄﻮﺑﺘﻨﺎ ﺍﻧﺎ ﻭﺍﻧﺘﻲ ﻓﻴﻮﻡ ﻭﺍﺣﺪ

ﺳﻮﺯﺍﻥ : ﺧﻄﻮﺑﺘﻲ ﺍﻧﺎ ... ﻟﻤﻴﻦ ?

ﺇﺑﺮﺍﻫﻴﻢ : ﻓﺎﻟﺤﻘﻴﻘﺔ ﺍﻧﺘﻲ ﺟﺎﻳﻠﻚ ﻋﺮﻳﺲ ... ﻭﻫﻮ ﺷﺎﺏ ﻛﻮﻳﺲ ﺟﺪﺍ ... ﻭﺍﻧﺎ ﻭﺑﺎﺑﺎ ﻣﺎﻋﻨﺪﻧﺎﺵ ﻣﺎﻧﻊ ... ﻣﺶ ﻓﺎﺿﻞ ﻏﻴﺮ ﻣﻮﺍﻓﻘﺘﻚ ﺍﻧﺘﻲ

ﺳﻮﺯﺍﻥ ﺑﻀﻴﻖ : ﺇﺑﺮﺍﻫﻴﻢ ﺍﻧﺖ ﺑﺘﻘﻮﻝ ﺇﻳﻪ ? ﺛﻢ ﻣﻴﻦ ﺩﻩ ﻭﺷﺎﻑ ﺃﻧﺎ ﻓﻴﻦ ?

ﺍﺑﺘﺴﻢ ﺇﺑﺮﺍﻫﻴﻢ ﻗﺎﺋﻼ : ﺷﺎﻑ ﺍﻧﺘﻲ ﻟﻤﺎ ﻛﻨﺎ ﻓﺪﻣﻴﺎﻁ

ﺳﻮﺯﺍﻥ ﺑﺪﻫﺸﺔ : ﻣﻴﻦ ﺩﻩ ﺇﺑﺮﺍﻫﻴﻢ ?

ﺇﺑﺮﺍﻫﻴﻢ : ﺩﻩ ﺍﺩﻫﻢ ﺍﺑﻦ ﺍﺧﺖ ﻋﻤﻮ ﺻﻔﻮﺕ ..

ﻻﺣﺖ ﻋﻠﻲ ﺷﻔﺘﻴﻬﺎ ﺇﺑﺘﺴﺎﻣﺔ ﺭﻏﻤﺎ ﻋﻨﻬﺎ ﻭﻫﻲ ﺗﺼﻴﺢ ﻗﺎﺋﻠﺔ : ﺍﻟﻤﺠﻨﻮﻥ !

ﺇﺑﺮﺍﻫﻴﻢ ﺑﺪﻫﺸﺔ : ﻣﺠﻨﻮﻥ ... ﺍﺩﻫﻢ ﻣﺠﻨﻮﻥ ! ﻃﺐ ﺍﺯﺍﻱ ?

ﺳﻮﺯﺍﻥ ﻣﺆﻛﺪﺓ ,sure: ﻣﺠﻨﻮﻥ ... ﻭﺑﻌﺪﻳﻦ ﺍﻧﺖ ﻋﺎﻳﺰ ﺍﻧﺎ ﺍﺗﺠﻮﺯ ﺍﻟﻤﺠﻨﻮﻥ ﺩﻩ ! No way , ﻻ ﻃﺒﻌﺎ ... ﺑﻌﺪﻳﻦ ﺍﻧﺎ ﻟﺴﻪ ﺍﺩﺍﻣﻲ ﺍﺭﺑﻊ ﺳﻨﻴﻦ ﺩﺭﺍﺳﺔ

ﺇﺑﺮﺍﻫﻴﻢ : ﻫﻮ ﻋﻨﺪﻩ ﺇﺳﺘﻌﺪﺍﺩ ﻳﺴﺘﻨﺎﻛﻲ ﻟﺤﺪﻣﺎ ﺗﺨﻠﺼﻲ

ﺳﻮﺯﺍﻥ : ﻣﺶ ﺑﺄﻗﻮﻟﻚ ﻣﺠﻨﻮﻥ ... ﺣﺪ ﻳﺴﺘﻨﻰ ﺍﺭﺑﻊ ﺳﻨﻴﻦ ﺧﻄﻮﺑﺔ ... ﻭﻛﻤﺎﻥ ﺣﺪ ﻳﺨﻄﺐ ﺣﺪ ﺍﻭﻝ ﻣﺮﺓ ﻳﺸﻮﻓﻪ

ﺇﺑﺮﺍﻫﻴﻢ : ﻋﻠﻰ ﻓﻜﺮﺓ ﻟﻤﻴﺎﺀ ﻫﻴﺎ ﻛﻤﺎﻥ ﺍﺩﺍﻣﻬﺎ ﺍﺭﺑﻊ ﺳﻨﻴﻦ ﻓﺎﻟﻜﻠﻴﺔ ... ﻳﻌﻨﻲ ﺍﻧﺎ ﻟﻮ ﺍﺳﺘﻨﻴﺘﻬﺎ ﺍﻷﺭﺑﻊ ﺳﻨﻴﻦ ﺩﻭﻝ ﺍﺑﻘﻰ ﻣﺠﻨﻮﻥ ﺑﺮﺿﻪ ?ﻭﻋﻠﻰ ﻓﻜﺮﺓ ﺍﻧﺎ ﻛﻤﺎﻥ ﺑﺮﺿﻪ ﺷﻮﻓﺘﻬﺎ ﻣﺮﺓ ﻭﺍﺣﺪﺓ ﺑﺲ

ﺳﻮﺯﺍﻥ : ﺇﺑﺮﺍﻫﻴﻢ ... ﺍﻧﺴﻰ ﺍﻟﻤﻮﺿﻮﻉ ﺩﻩ ﺧﺎﻟﺺ , ,please ﻭﻣﺎﺗﺘﻜﻠﻤﺶ ﻣﻌﺎﻳﺎ ﻓﻴﻪ ﺗﺎﻧﻲ ، ok

ﺗﻨﻬﺪ ﺇﺑﺮﺍﻫﻴﻢ ﻗﺎﺋﻼ : ﺑﺮﺍﺣﺘﻚ ﻳﺎ ﺳﻮﺯﻱ ... ﺍﻟﻠﻲ ﺗﺸﻮﻓﻴﻪ ... ﺩﻱ ﺣﻴﺎﺗﻚ ﻭﺍﻧﺘﻲ ﺣﺮﺓ ﻓﻴﻬﺎ

&&&&&&&&&&&&&&&&&&

ﻛﺎﻥ ﺟﺎﻟﺴﺎ ﻋﻠﻰ ﻓﺮﺍﺷﻪ ﻳﻤﺴﻚ ﺑﺤﺎﺳﺒﻪ ﺍﻟﻤﺤﻤﻮﻝ ﻟﻴﻨﻬﻲ ﺑﻌﺾ ﺍﻷﻣﻮﺭ ﺍﻟﻤﺘﻌﻠﻘﺔ ﺑﻌﻤﻠﻪ ... ﻭﻳﻄﻠﻊ ﻋﻠﻰ ﺃﺣﺪﺙ ﺻﻴﺤﺎﺕ ﺍﻟﺪﻳﻜﻮﺭ ... ﺣﻴﻦ ﺍﻗﺘﺮﺑﺖ ﻣﻨﻪ ﻟﺒﻨﻰ ﻗﺎﺋﻠﺔ ﺑﺨﻔﻮﺕ : ﺍﺣﻤﺪ ... ﻓﻴﻪ ﺣﺎﺟﺔ ﻣﻬﻤﺔ ﻋﺎﻳﺰﺓ ﺃﻗﻮﻟﻚ ﻋﻠﻴﻬﺎ ... ﻣﻤﻜﻦ ﺗﺴﻴﺐ ﺍﻟﻠﻲ ﻓﺈﻳﺪﻙ ﻭﺗﺒﺼﻠﻲ

ﺭﻓﻊ ﺍﺣﻤﺪ ﺑﺼﺮﻩ ﺇﻟﻴﻬﺎ ﻗﺎﺋﻼ ﺑﺠﺪﻳﺔ : ﺧﻴﺮ ﻳﺎ ﻟﺒﻨﻰ ... ﺣﺎﺟﺔ ﺇﻳﻪ ﺩﻱ ?

ﻇﻠﺖ ﺗﻔﺮﻙ ﻛﻔﻴﻬﺎ ﻓﻲ ﺗﻮﺗﺮ ﺩﻭﻥ ﺃﻥ ﺗﺠﻴﺐ ﻓﺎﺭﺩﻑ ﻫﻮ ﻗﺎﺋﻼ : ﺍﻧﺎ ﺳﻴﺒﺖ ﺍﻟﻠﻲ ﻓﺈﻳﺪﻱ ﻭﺭﻏﻢ ﻛﺪﻩ ﻣﺎ ﺳﻤﻌﺘﺶ ﺣﺎﺟﺔ ﻳﻌﻨﻲ

ﺍﺟﺎﺑﺖ ﻗﺎﺋﻠﺔ ﺑﺨﺠﻞ : ﺍﺻﻞ ﺃﻧﺎ ..... ﺃﻧﺎ ﺣﺎﻣﻞ ﻳﺎ ﺍﺣﻤﺪ ...........

ﻳﺘﺒﻊ

↚

ﻛﺎﻥ ﺟﺎﻟﺴﺎ ﻋﻠﻰ ﻓﺮﺍﺷﻪ ﻳﻤﺴﻚ ﺑﺤﺎﺳﺒﻪ ﺍﻟﻤﺤﻤﻮﻝ ﻟﻴﻨﻬﻲ ﺑﻌﺾ ﺍﻷﻣﻮﺭ ﺍﻟﻤﺘﻌﻠﻘﺔ ﺑﻌﻤﻠﻪ ... ﻭﻳﻄﻠﻊ ﻋﻠﻰ ﺃﺣﺪﺙ ﺻﻴﺤﺎﺕ ﺍﻟﺪﻳﻜﻮﺭ ... ﺣﻴﻦ ﺍﻗﺘﺮﺑﺖ ﻣﻨﻪ ﻟﺒﻨﻰ ﻗﺎﺋﻠﺔ ﺑﺨﻔﻮﺕ : ﺍﺣﻤﺪ ... ﻓﻴﻪ ﺣﺎﺟﺔ ﻣﻬﻤﺔ ﻋﺎﻳﺰﺓ ﺃﻗﻮﻟﻚ ﻋﻠﻴﻬﺎ ... ﻣﻤﻜﻦ ﺗﺴﻴﺐ ﺍﻟﻠﻲ ﻓﺈﻳﺪﻙ ﻭﺗﺒﺼﻠﻲ

ﺭﻓﻊ ﺍﺣﻤﺪ ﺑﺼﺮﻩ ﺇﻟﻴﻬﺎ ﻗﺎﺋﻼ ﺑﺠﺪﻳﺔ : ﺧﻴﺮ ﻳﺎ ﻟﺒﻨﻰ ... ﺣﺎﺟﺔ ﺇﻳﻪ ﺩﻱ ?

ﻇﻠﺖ ﺗﻔﺮﻙ ﻛﻔﻴﻬﺎ ﻓﻲ ﺗﻮﺗﺮ ﺩﻭﻥ ﺃﻥ ﺗﺠﻴﺐ ﻓﺎﺭﺩﻑ ﻫﻮ ﻗﺎﺋﻼ : ﺍﻧﺎ ﺳﻴﺒﺖ ﺍﻟﻠﻲ ﻓﺈﻳﺪﻱ ﻭﺭﻏﻢ ﻛﺪﻩ ﻣﺎ ﺳﻤﻌﺘﺶ ﺣﺎﺟﺔ ﻳﻌﻨﻲ

ﺍﺟﺎﺑﺖ ﻗﺎﺋﻠﺔ ﺑﺨﺠﻞ : ﺍﺻﻞ ﺃﻧﺎ ..... ﺃﻧﺎ ﺣﺎﻣﻞ ﻳﺎ ﺍﺣﻤﺪ ...........

ﻇﻠﺖ ﺍﻟﺼﻤﺖ ﻣﻄﺒﻘﺎ ﻋﻠﻰ ﺍﻟﻐﺮﻓﺔ ﻟﻠﺤﻈﺎﺕ ﻭﺍﺣﻤﺪ ﻳﺤﺪﻕ ﺑﻬﺎ ﺑﺪﻫﺸﺔ ﻣﻤﺰﻭﺟﺔ ﺑﺎﻟﻔﺮﺡ ﺣﺘﻰ ﻗﻄﻊ ﻫﺬﺍ ﺍﻟﺼﻤﺖ ﻗﺎﺋﻼ : ﺍﻧﺘﻲ ﺑﺘﺘﻜﻠﻤﻲ ﺑﺠﺪ ?

ﻟﺒﻨﻰ : ﻭﻫﻴﺎ ﺍﻟﺤﺎﺟﺎﺕ ﺩﻱ ﻓﻴﻬﺎ ﻫﺰﺍﺭ ﺑﺮﺿﻪ ﻳﺎ ﺍﺣﻤﺪ ? ﺍﻧﺖ ﻛﻨﺖ ﺷﺎﻛﺔ ﻣﻦ ﻛﺎﻡ ﻳﻮﻡ ﻛﺪﻩ ﻓﺎﻟﻤﻮﺿﻮﻉ ﺩﻩ ... ﻭﺍﻟﻨﻬﺎﺭﺩﺓ ﻋﻤﻠﺖ ﺇﺧﺘﺒﺎﺭ ﻭﻃﻠﻊ ﺇﻳﺠﺎﺑﻲ

ﺍﻗﺘﺮﺏ ﻣﻨﻬﺎ ﺍﺣﻤﺪ ﻭﺿﻤﻬﺎ ﺇﻟﻴﻪ ﺑﺸﺪﺓ ﻭﻫﻮ ﻳﺘﻤﺘﻢ ﻗﺎﺋﻼ : ﺍﻟﻒ ﺣﻤﺪ ﻭﺷﻜﺮ ﻟﻴﻚ ﻳﺎﺭﺏ ... ﺍﻟﺤﻤﺪ ﻟﻠﻪ ... ﻣﺎﺗﺘﺼﻮﺭﻳﺶ ﺃﻧﺎ ﻓﺮﺣﺎﻥ ﺍﺯﺍﻱ ﻭﻣﺶ ﻣﺼﺪﻕ ﻧﻔﺴﻲ ... ﺛﻢ ﺍﺑﻌﺪﻫﺎ ﻋﻨﻪ ﻭﻧﻈﺮ ﺇﻟﻴﻬﺎ ﻗﺎﺋﻼﺑﺪﻫﺸﺔ : ﺑﺲ ﺍﻧﺘﻲ ﻣﺎﻟﻚ ﺑﺘﻘﻮﻟﻴﻬﺎ ﻭﺍﻧﺘﻲ ﺧﺎﻳﻔﺔ ﻭﻣﺘﻮﺗﺮﺓ ﻭﻣﻜﺴﻮﻓﺔ ﻭﻗﻠﻘﺎﻧﺔ ﻛﺪﻩ ﻟﻴﻪ ?

ﻟﺒﻨﻲ ﺑﻘﻠﻖ : ﺍﻧﺖ ﺑﺘﻘﻮﻝ ﻓﻴﻬﺎ ... ﺃﻧﺎ ﻓﻌﻼ ﻛﻞ ﺩﻭﻝ ﻓﺒﻌﺾ ... ﻣﺶ ﻋﺎﺭﻓﺔ ﺍﺻﻼ ﺣﻮﺭﻱ ﻭﺷﻲ ﻟﻠﻨﺎﺱ ﺍﺯﺍﻱ

ﺗﺤﺪﺙ ﻗﺎﺋﻼ ﺑﻌﺪﻡ ﺇﺳﺘﻴﻌﺎﺏ : ﺗﻮﺭﻱ ﻭﺷﻚ ﻟﻠﻨﺎﺱ ﺍﺯﺍﻱ ! ﻟﻴﻪ ﻋﺎﻣﻠﺔ ﻋﻤﻠﺔ ﻭﻻ ﺇﻳﻪ ?

ﻟﺒﻨﻰ : ﺗﺼﺪﻕ ... ﺃﻧﺎ ﺣﺎﺳﺔ ﺑﻜﺪﻩ ﻓﻌﻼ

ﺯﻡ ﺣﺎﺟﺒﻴﻪ ﻓﻲ ﺩﻫﺸﺔ ﺛﻢ ﻗﺎﻝ ﻣﺸﺎﻛﺴﺎ ﺇﻳﺎﻫﺎ : ﻣﻌﺎﻛﻲ ﺣﻖ ﻓﻌﻼ ... ﻣﺘﺠﻮﺯﺓ ﻭﺣﺎﻣﻞ ... ﺩﻱ ﻣﺼﻴﺒﺔ ... ﺍﻭﻋﻲ ﺗﺴﻜﺘﻲ ﻋﻠﻰ ﻧﻔﺴﻚ ... ﻻﺯﻡ ﺗﺸﻮﻓﻲ ﺣﻞ ﻟﻠﻤﻮﺿﻮﻉ ﺩﻩ ﺑﺴﺮﻋﺔ

ﻭﺿﻌﺖ ﺫﺭﺍﻋﻴﻬﺎ ﻓﻲ ﺧﺼﺮﻫﺎ ﻭﻗﺎﻟﺖ ﺑﻠﻮﻡ : ﺑﺘﺘﺮﻳﻖ ﻋﻠﻴﺎ ﻳﺎ ﺍﺣﻤﺪ ... ﻫﻴﺎ ﺩﻱ ﺃﺧﺮﺗﻬﺎ ... ﻣﺎﺷﻲ ﺍﻟﻠﻪ ﻳﺴﺎﻣﺤﻚ ... ﺃﻧﺎ ﻣﺶ ﻋﺎﺭﻓﺔ ﺣﺎﻗﻮﻝ ﺍﻟﺨﺒﺮ ﺩﻩ ﺍﺯﺍﻱ ﻟﻤﺎﻣﺎ ﺣﺘﻰ

ﺍﺣﻤﺪ ﻭﻫﻮ ﻳﺤﺎﻭﻝ ﻛﺘﻢ ﺿﺤﻜﺘﻪ : ﻷ ﻭﻟﺴﻪ ﻟﻤﺎ ﻋﻠﻲ ﻛﻤﺎﻥ ﻳﻌﺮﻑ .

ﻟﺒﻨﻰ ﺑﻘﻠﻖ : ﻣﺎﻫﻮ ﺩﻩ ﺍﺻﻼ ﺍﻟﻠﻲ ﺃﻧﺎ ﻋﺎﻣﻠﺔ ﺣﺴﺎﺑﻪ ... ﺩﻩ ﻏﻴﺮ ﺍﻟﻜﻠﻴﺔ ﺍﻟﻠﻲ ﻟﺴﻪ ﻓﺎﺿﻠﻲ ﻓﻴﻬﺎ ﺳﻨﺔﺣﺎﻋﻤﻞ ﻓﻴﻬﺎ ﺇﻳﻪ ﻫﻴﺎ ﻛﻤﺎﻥ ... ﺃﻧﺎ ﻏﻠﻄﺎﻧﺔ ﺍﻧﻲ ﺳﻤﻌﺖ ﻛﻼﻣﻚ ﻭﻭﺍﻓﻘﺖ ﺍﺗﺠﻮﺯ ﻗﺒﻞ ﻣﺎ ﺍﺧﻠﺺ ﺩﺭﺍﺳﺘﻲ ﺍﻷﻭﻝ

ﺍﺑﺘﺴﻢ ﻗﺎﺋﻼ ﺑﻤﺸﺎﻏﺒﺔ : ﺍﻋﻤﻠﻚ ﺇﻳﻪ ﺑﻘﻰ ... ﻣﺶ ﺍﻧﺘﻲ ﺍﻟﻠﻲ ﻛﻨﺘﻲ ﺣﺘﻤﻮﺗﻲ ﻋﻠﻴﺎ ﻭﻣﺎﺻﺪﻗﺘﻲ ﻗﻠﺘﻠﻚ ﻧﺘﺠﻮﺯ ... ﻗﻠﺘﻲ ﻣﻮﺍﻓﻘﺔ ﻋﻠﻄﻮﻝ ... ﺍﻧﺎ ﺑﻘﻰ ﻗﻠﺖ ﺍﻛﺴﺐ ﻓﻴﻜﻲ ﺛﻮﺍﺏ ﻭﺍﺗﺠﻮﺯﻙ ﻭﺍﻣﺮﻱ ﻟﻠﻪ

ﻇﻬﺮ ﺍﻟﻀﻴﻖ ﺟﻠﻴﺎ ﻋﻠﻰ ﻣﻼﻣﺢ ﻭﺟﻬﻬﺎ ﻭﻗﺎﻣﺖ ﻣﻦ ﻣﻜﺎﻧﻬﺎ ﻣﺴﺮﻋﺔ ﻭﻟﻜﻨﻪ ﻛﺎﻥ ﺃﺳﺮﻉ ﻣﻨﻬﺎ ﻓﺠﺬﺑﻬﺎ ﻣﻦ ﺫﺭﺍﻋﻬﺎ ﻭﺿﻤﻬﺎ ﺇﻟﻴﻪ ﻭﻫﻮ ﻳﺤﺎﻭﻝ ﺗﻬﺪﺋﺘﻬﺎ ﻗﺎﺋﻼ : ﺍﺳﺘﻨﻲ ﺑﺲ ﻳﺎﺣﺒﻴﺒﺘﻲ ... ﻫﻮ ﺍﻧﺘﻲ ﺩﺍﻳﻤﺎ ﻋﺼﺒﻴﺔ ﻭﻧﺮﻓﻮﺯﺓ ﻛﺪﻩ ... ﻛﺪﻩ ﻣﺶ ﻛﻮﻳﺲ ﻋﺸﺎﻥ ﺍﻟﺒﻴﺒﻲ ﻋﻠﻰ ﻓﻜﺮﺓ ... ﺃﺧﺬ ﻳﻤﺴﺢ ﻋﻠﻰ ﺷﻌﺮﻫﺎ ﺑﺤﻨﺎﻥ ﻗﺎﺋﻼً : ﺇﻫﺪﻱ ﺑﺲ ﻭﺍﺳﻤﻌﻴﻨﻲ ... ﻣﺶ ﻣﻌﻘﻮﻝ ﺣﻨﺒﺘﺪﻳﻬﺎ ﺣﺴﺎﺳﻴﺔ ﻣﻦ ﺍﻭﻟﻬﺎ ﻛﺪﻩ ... ﺩﻩ ﺍﺣﻨﺎ ﻟﺴﻪ ﺍﺩﺍﻣﻨﺎ ﻛﺎﻡ ﺷﻬﺮ ... ﻗﻮﻟﻴﻠﻲ ﺇﻳﻪ ﺍﻟﻠﻲ ﻳﺮﻳﺤﻚ ﻭﺃﻧﺎ ﺍﻋﻤﻠﻬﻮﻟﻚ ... ﺗﺤﺒﻲ ﺃﺃﺟﻠﻚ ﺍﻟﺴﻨﺔ ﺩﻱ ﻋﻠﻰ ﻣﺎﺗﻘﻮﻣﻲ ﺑﺎﻟﺴﻼﻣﺔ ﺍﻥ ﺷﺎﺀﺍﻟﻠﻪ ﺍﻧﺘﻲ ﻭﺍﻟﺒﻴﺒﻲ ... ﻭﻻ ﺗﺮﻭﺣﻲ ﺍﻟﺴﻨﺔ ﺩﻱ ﻭﺗﺨﻠﺼﻲ ﻣﻦ ﻣﻮﺿﻮﻉ ﺍﻟﺪﺭﺍﺳﺔ ﺩﻩ ... ﻭﺍﻧﺎﻋﻦ ﻧﻔﺴﻲ ﺷﺎﻳﻒ ﺍﻥ ﺩﻩ ﺍﻟﺤﻞ ﺍﻷﺣﺴﻦ ... ﻻﻥ ﺍﻟﻮﺍﺩ ﻳﻮﺳﻒ ﻟﻤﺎ ﻳﻴﺠﻲ ﺍﻛﻴﺪ ﻣﺶ ﺣﻴﺨﻠﻴﻜﻲ ﺗﻌﺮﻓﻲ ﺗﺬﺍﻛﺮﻱ ... ﻭﺍﻧﺎ ﺍﻭﻋﺪﻙ ﻳﺎ ﺳﺘﻲ ﺇﻧﻲ ﺍﻛﻮﻥ ﺟﻨﺒﻚ ﻭﺍﺳﺎﻋﺪﻙ ﻓﺄﻱ ﺣﺎﺟﺔ ﺗﻄﻠﺒﻴﻬﺎ ... ﻭﺣﺎﻭﺻﻠﻚ ﺍﻟﻜﻠﻴﺔ ﻛﻞ ﻳﻮﻡ ﺑﻨﻔﺴﻲ ﻭﺍﺭﺟﻌﻚ ﻛﻤﺎﻥ ﺑﻨﻔﺴﻲ ﺍﻥ ﺷﺎﺀﺍﻟﻠﻪ ... ﻭﺑﻌﺪﻳﻦ ﻣﺎﻫﻲ ﻋﻤﺘﻚ ﺃﻟﻔﺖ ﻣﻮﺟﻮﺩﺓ ﺁﻫﻴﻪ ﻭﺣﺘﻜﻮﻥ ﺟﻨﺒﻚ ﻭﺑﻌﺪﻳﻦ ﺩﻱ ﻣﺎﺣﺘﺼﺪﻕ ... ﻭﺍﻧﺎ ﻣﺘﺄﻛﺪ ﺍﻧﻬﺎ ﺣﺘﻔﺮﺡ ﺍﻭﻱ ﻟﻤﺎ ﺗﻌﺮﻑ ﺑﺤﺎﺟﺔ ﺯﻱ ﺩﻱ

ﻟﺒﻨﻰ ﺑﺨﺠﻞ : ﺍﻧﺖ ﺑﺮﺿﻪ ﻣﺼﻤﻢ ﺗﻘﻮﻟﻬﻢ

ﺗﻨﻬﺪ ﺍﺣﻤﺪ ﻗﺎﺋﻼ ﺑﻨﻔﺎﺫ ﺻﺒﺮ : ﺻﺒﺮﻧﻲ ﻳﺎ ﺭﺏ ... ﻣﺎﺗﻘﻠﻘﻴﺶ ﻳﺎ ﻟﺒﻨﻲ ... ﺍﻟﻘﺴﻴﻤﺔ ﻣﻮﺟﻮﺩﺓ ﻭﺣﺎﺑﻘﻰ ﺍﻭﺭﻳﻬﺎ ﻟﻌﻠﻲ ﻟﻤﺎ ﻳﻌﺮﻑ ... ﺗﺼﺒﺤﻲ ﻋﻠﻰ ﺧﻴﺮ

&&&&&&&&&&&&&&&

ﻋﻠﻰ ﻣﺎﺋﺪﺓ ﺍﻹﻓﻄﺎﺭ ﺯﻑ ﺍﺣﻤﺪ ﺇﻟﻰ ﻭﺍﻟﺪﺗﻪ ﻭﺃﺷﻘﺎﺋﻪ ﺍﻟﺨﺒﺮ ﺍﻟﺴﺎﺭ ... ﺍﻗﺘﺮﺑﺖ ﺃﻟﻔﺖ ﻣﻦ ﻟﺒﻨﻲ ﻭﺍﺣﺘﻀﻨﺘﻬﺎ ﻣﻬﻨﺌﺔ ﺇﻳﺎﻫﺎ ﻭﺳﻌﺎﺩﺗﻬﺎ ﺗﻜﺎﺩ ﺃﻻ ﺗﻮﺻﻒ ... ﻭﻛﺬﻟﻚ ﻓﻌﻠﺖ ﺃﻣﻴﺮﺓ ﺍﻟﺘﻲ ﻛﺎﻧﺖ ﺗﺮﺗﺪﻱ ﻣﻼﺑﺴﻬﺎ ﺇﺳﺘﻌﺪﺍﺩﺍ ﻷﻭﻝ ﻳﻮﻡ ﻣﺪﺭﺳﻲ ﺑﻌﺪ ﺇﻧﺘﻬﺎﺀ ﺇﺟﺎﺯﺗﻬﺎ ... ﻛﻤﺎ ﻫﻨﺄ ﺍﺩﻫﻢ ﺷﻘﻴﻘﻪ ﻭﺯﻭﺟﺘﻪ

ﺍﺣﻤﺪ : ﻛﻮﻳﺲ ﻳﺎ ﺃﻣﻴﺮﺓ ﺍﻧﻚ ﻗﺮﺭﺗﻲ ﺃﺧﻴﺮﺍ ﺗﺮﻭﺣﻲ ﺍﻟﻤﺪﺭﺳﺔ ... ﺍﻧﺎ ﻣﺶ ﻓﺎﻫﻢ ﺍﻧﺘﻲ ﻟﻴﻪ ﻣﺪﻳﺘﻲ ﺍﻷﺟﺎﺯﺓ ﺍﺳﺒﻮﻉ ﻛﻤﺎﻥ ﺑﻌﺪ ﻣﺎﺧﻠﺼﺖ

ﺃﻣﻴﺮﺓ : ﻋﺎﺩﻱ ﻳﺎ ﺍﺣﻤﺪ ... ﺍﺣﻨﺎ ﻛﺪﻩ ﻛﺪﻩ ﻓﺎﺟﺎﺯﺓ ... ﻳﻌﻨﻲ ﻣﺎﻓﻴﺶ ﺩﺭﺍﺳﺔ ﻭﺍﺣﻨﺎ ﺑﻨﺮﻭﺡ ﻛﺪﻩ ﺑﺸﻜﻞ ﺭﻭﺗﻴﻨﻲ ﻭﺧﻼﺹ ﻭﻣﺶ ﺑﻨﺮﻭﺡ ﻛﻞ ﻳﻮﻡ ﻛﻤﺎﻥ ... ﻭﺑﻌﺪﻳﻦ ﻛﻠﻬﺎ ﺳﺎﻋﺘﻴﻦ ﺗﻼﺗﺔ ﻭﺭﺍﺟﻌﺔ ﺍﻥ ﺷﺎﺀﺍﻟﻠﻪ

ﺍﺣﻤﺪ ﺑﺤﻨﻮ : ﻣﺎﺷﻲ ﻳﺎ ﺣﺒﻴﺒﺘﻲ ﺧﻠﻲ ﺑﺎﻟﻚ ﻣﻦ ﻧﻔﺴﻚ

ﺃﻣﻴﺮﺓ : ﻣﺎﺷﻲ ﻳﺎ ﺣﺒﻴﺒﻲ ... ﻣﺒﺎﺭﻙ ﻣﺮﺓ ﺗﺎﻧﻴﺔ ... ﻳﻼ ﺳﻼﻡ ﻋﻠﻴﻜﻢ

ﺍﻟﺠﻤﻴﻊ : ﻭﻋﻠﻴﻜﻢ ﺍﻟﺴﻼﻡ ﻭﺭﺣﻤﺔ ﺍﻟﻠﻪ

&&&&&&&&&&&&&&&&&&

ﻓﻲ ﻣﻜﺘﺐ ﻣﺪﻳﺮﺓ ﺍﻟﻤﺪﺭﺳﺔ ﻛﺎﻧﺖ ﺃﻣﻴﺮﺓ ﺗﺠﻠﺲ ﺑﻌﺪ ﺍﻥ ﺍﺭﺳﻠﺖ ﺍﻟﻤﺪﻳﺮﺓ ﻓﻲ ﻃﻠﺒﻬﺎ ... ﻭﺗﻮﺟﻬﺖ ﺑﺎﻟﺤﺪﻳﺚ ﺇﻟﻴﻬﺎ ﻗﺎﺋﻠﺔ : ﺃﻣﻴﺮﺓ ... ﺍﻧﺎ ﻋﺮﻓﺖ ﻣﻦ ﺃﺳﺘﺎﺫ ﺟﻤﺎﻝ ﺍﻥ ﻓﻴﻪ ﻣﺸﻜﻠﺔ ﻛﺒﻴﺮﺓ ﺣﺼﻠﺖ ﻣﺎﺑﻴﻨﻜﻢ ﻭﺍﻧﻚ ﻃﻠﺒﺘﻲ ﺍﻟﻄﻼﻕ ... ﻭﻫﻮ ﺍﻟﺤﻘﻴﻘﺔ ﻃﻠﺐ ﻣﻨﻲ ﺍﺗﻮﺳﻄﻠﻪ ﻋﻨﺪﻙ ﻋﺸﺎﻥ ﺗﻮﺍﻓﻘﻲ ﺗﻘﻌﺪﻱ ﻭﺗﺘﻜﻠﻤﻲ ﻣﻌﺎﻩ ﻋﺸﺎﻥ ﻋﺎﺭﻑ ﻣﻌﺰﺗﻲ ﻋﻨﺪﻙ ... ﻭﺭﺑﻨﺎ ﻳﻌﻠﻢ ﺍﻥ ﺍﻧﺎ ﻛﻤﺎﻥ ﺑﻌﺘﺒﺮﻙ ﺯﻱ ﺑﻨﺘﻲ ... ﻋﺸﺎﻥ ﻛﺪﻩ ﻣﻤﻜﻦ ﺗﻮﺍﻓﻘﻲ ﻋﺸﺎﻥ ﺧﺎﻃﺮﻱ ﺍﻧﻚ ﺗﻘﻌﺪﻱ ﻣﻌﺎﻩ ﻭﺗﺴﻤﻌﻴﻪ ...

↚

ﺃﻣﻴﺮﺓ ﺑﻀﻴﻖ : ﺑﺲ ﺍﺻﻞ ﺃﻧﺎ ....

ﻗﺎﻃﻌﺘﻬﺎ ﻗﺎﺋﻠﺔ ﺑﺠﺪﻳﺔ : ﺃﻣﻴﺮﺓ ... ﺍﻧﺎ ﻣﺶ ﺑﺎﻗﻮﻟﻚ ﺍﺭﺟﻌﻴﻠﻪ ﻳﺎ ﺣﺒﻴﺒﺘﻲ ﻹﻧﻲ ﻣﺎﻋﺮﻓﺶ ﻃﺒﻴﻌﺔ ﺍﻟﻤﺸﻜﻠﺔ ﺍﻟﻠﻲ ﺣﺼﻠﺖ ﻣﺎﺑﻴﻨﻜﻢ ﻭﺣﺠﻤﻬﺎ ... ﺍﻧﺎ ﺑﺎﻗﻮﻟﻚ ﺑﺲ ﺍﺳﻤﻌﻴﻪ ﻭﺷﻮﻓﻲ ﻫﻮ ﻋﺎﻳﺰ ﻳﻘﻮﻟﻚ ﺇﻳﻪ ... ﻭﻣﺎﺗﻨﺴﻴﺶ ﺍﻥ ﻋﻨﺪﻛﻮﺍ ﺑﻨﺖ ﻻﺯﻡ ﺍﻧﺘﻮﺍ ﺍﻻﺗﻨﻴﻦ ﺗﻔﻜﺮﻭﺍ ﻓﻤﺼﻠﺤﺘﻬﺎ ﻗﺒﻞ ﻣﺎﺗﻔﻜﺮﻭﺍ ﻓﻨﻔﺴﻜﻮﺍ ... ﺍﻧﺘﻲ ﻋﺎﺭﻓﺔ ﻛﻮﻳﺲ ﺣﺠﻢ ﺍﻟﻤﺸﺎﻛﻞ ﺍﻟﻠﻲ ﺑﺘﺤﺼﻞ ﻟﻸﻃﻔﺎﻝ ﻧﺘﻴﺠﺔ ﺇﻧﻔﺼﺎﻝ ﺃﺑﺎﺋﻬﻢ ﻭﺃﻣﻬﺎﺗﻬﻢ ... ﻓﺎﻛﺮﺓ ﺍﻟﻄﺎﻟﺒﺔ ﺍﻟﻠﻲ ﺍﺗﻜﻠﻤﺖ ﻣﻊ ﺍﻷﺧﺼﺎﺋﻴﺔ ﺍﻹﺟﺘﻤﺎﻋﻴﺔ ﻭﺍﺷﺘﻜﺖ ﺍﻥ ﺟﻮﺯ ﻭﺍﻟﺪﺗﻬﺎ ﺑﻴﺘﺤﺮﺵ ﺑﻴﻬﺎ ﻭﻫﻴﺎ ﻣﺶ ﻋﺎﺭﻓﺔ ﺗﺘﺼﺮﻑ ﺍﺯﺍﻱ ... ﺗﺮﺿﻲ ﻟﺒﻨﺘﻚ ﺗﺘﺤﻂ ﻓﻨﻔﺲ ﺍﻟﻤﻮﻗﻒ ﻟﻤﺎ ﺗﻜﺒﺮ

ﺍﺳﺮﻋﺖ ﺃﻣﻴﺮﺓ ﺗﺠﻴﺒﻬﺎ ﻗﺎﺋﻠﺔ : ﻻ ﻃﺒﻌﺎ ﺑﻌﺪ ﺍﻟﺸﺮ ... ﺑﺲ ﺍﻧﺎ ﻣﺶ ﻧﺎﻭﻳﺔ ﺍﺗﺠﻮ ﺯ ﺗﺎﻧﻲ ... ﺍﻧﺎ ﺟﺮﺑﺖ ﺣﻈﻲ ﻣﺮﺓ ﻭﺍﺣﺪﺓ ﻭﺧﻼﺹ ﺍﻛﺘﻔﻴﺖ ﺑﻜﺪﻩ

ﺍﻟﻤﺪﻳﺮﺓ : ﻳﻌﻨﻲ ﺍﻧﺘﻲ ﻋﺎﻳﺰﺓ ﺗﻘﻨﻌﻴﻨﻲ ﺍﻥ ﻭﺍﺣﺪﺓ ﺯﻳﻚ ﺣﻠﻮﺓ ﻭﺻﻐﻴﺮﺓ ﻭﻓﻌﺰ ﺷﺒﺎﺑﻬﺎ ﺣﺘﻘﻌﺪ ﻛﺪﻩ ﻣﻦ ﻏﻴﺮ ﺟﻮﺍﺯ ... ﻓﻴﻦ ﺍﻟﻤﺠﺘﻤﻊ ﺍﻟﻠﻲ ﺣﻴﺴﻤﺤﻠﻚ ﺑﻜﺪﻩ ... ﻟﻮ ﻟﻴﺎ ﺧﺎﻃﺮ ﻋﻨﺪﻙ ﺍﻗﻌﺪﻱ ﻣﻌﺎﻩ ﻭﺍﺳﻤﻌﻲ ﻣﻨﻪ ... ﺍﻧﺎ ﺣﺎﺳﺔ ﺍﻧﻪ ﻧﺪﻣﺎﻥ ﻓﻌﻼ ﻭﻋﻨﺪﻩ ﺭﻏﺒﺔ ﺻﺎﺩﻗﺔ ﻓﺈﻧﻪ ﻳﺮﺟﻌﻠﻚ ... ﺍﺣﻨﺎ ﻣﺶ ﺣﻨﻘﺪﺭ ﻧﺠﺰﻡ ﺇﻧﻪ ﺍﺗﻐﻴﺮ ﻓﻌﻼ ﻭﻻ ﻷ ﺇﻻ ﺑﻌﺪ ﺑﺪﺍﻳﺔ ﺍﻟﺪﺭﺍﺳﺔ ﻭﻋﻠﻰ ﺍﺳﺎﺱ ﺗﻌﺎﻣﻠﻪ ﻣﻊ ﺍﻟﻄﺎﻟﺒﺎﺕ ﺣﻨﻘﺪﺭﻧﺤﻜﻢ ﻋﻠﻴﻪ ... ﻗﻮﻟﺘﻲ ﺍﻳﻪ ﻳﺎ ﻣﻴﺲ ﺃﻣﻴﺮﺓ ?

ﺧﻔﻀﺖ ﺭﺃﺳﻬﺎ ﻭﻗﺎﻟﺖ ﺑﻬﻤﺲ : ﻋﺸﺎﻥ ﺧﺎﻃﺮ ﺣﻀﺮﺗﻚ ﺑﺲ ﺍﻧﺎ ﻣﻮﺍﻓﻘﺔ ﺍﺗﻜﻠﻢ ﻣﻌﺎﻩ

ﻛﺎﺫﺑﺔ ﺍﻧﺘﻲ ﻳﺎ ﺃﻣﻴﺮﺓ ... ﻓﻠﻜﻢ ﺍﺷﺘﺎﻗﺖ ﺍﻷﻣﻴﺮﺓ ﺇﻟﻰ ﺃﻣﻴﺮﻫﺎ ﺍﻟﺬﻱ ﺟﺎﺀ ﺍﻟﻴﻮﻡ ﺧﺼﻴﺼﺎ ﺑﻌﺪ ﺍﻥ ﻋﻠﻢ ﺑﺤﻀﻮﺭﻫﺎ ... ﻭﻣﺎ ﺇﻥ ﺃﻃﻞ ﻋﻠﻴﻬﺎ ﻭﺩﺧﻞ ﻣﻐﻠﻘﺎ ﺍﻟﺒﺎﺏ ﺧﻠﻔﻪ ﺣﺘﻰ ﺗﺴﺎﺭﻋﺖ ﺩﻗﺎﺕ ﻗﻠﺒﻬﺎ ﻣﻦ ﻓﺮﻁ ﺍﻟﻠﻬﻔﺔ ... ﻭﻟﻢ ﻳﻜﻦ ﻫﻮ ﺑﺎﻟﻄﺒﻊ ﺑﺄﻓﻀﻞ ﻣﻨﻬﺎ ﺣﺎﻻ ... ﺍﻗﺘﺮﺏ ﻣﻨﻬﺎ ﻗﺎﺋﻼ ﻭﺍﻟﺸﻮﻕ ﻳﻘﻄﺮ ﻣﻦ ﻛﻠﻤﺎﺗﻪ : ﺍﺯﻳﻚ ﻳﺎ ﺃﻣﻴﺮﺓ ... ﺃﺧﺒﺎﺭﻙ ﺇﻳﻪ ?

ﻛﺎﻧﺖ ﺗﻔﺮﻙ ﻛﻔﻴﻬﺎ ﻓﻲ ﺗﻮﺗﺮ ﻭﻫﻲ ﺗﺠﻴﺒﻪ ﻗﺎﺋﻠﺔ : ﺑﺨﺒﺮﻭ ﺍﻟﺤﻤﺪ ﻟﻠﻪ

ﺍﻗﺘﺮﺏ ﺍﻛﺜﺮ ﻣﻦ ﻣﻜﺎﻥ ﻭﻗﻮﻓﻬﺎ ﻭﻗﺎﻝ ﺑﻠﻬﻔﺔ : ﻭﺣﺸﺘﻴﻨﻲ ﺍﻭﻱ ﻳﺎ ﺃﻣﻴﺮﺓ ... ﺍﻟﺒﻴﺖ ﻣﻦ ﻏﻴﺮﻙ ﺍﻧﺘﻲ ﻭﺭﻭﺿﺔ ﻋﺎﻣﻞ ﺯﻱ ﺍﻟﻘﺒﺮ ... ﻣﺎﻓﻴﻬﻮﺵ ﺣﻴﺎﺓ ﻭﻻ ﺣﺮﻛﺔ ... ﺍﻟﺪﻧﻴﺎ ﻛﻠﻬﺎ ﻣﺎﻟﻬﺎﺵ ﺃﻱ ﻃﻌﻢ ﻣﻦ ﻏﻴﺮﻛﻢ ... ﺻﺤﻴﺢ ﺍﻟﻮﺍﺣﺪ ﻣﺎﺑﻴﻌﺮﻓﺶ ﻗﻴﻤﺔ ﺍﻟﻨﻌﻤﺔ ﻏﻴﺮ ﻟﻤﺎ ﺗﺮﻭﺡ ﻣﻦ ﺇﻳﺪﻩ

ﺍﺟﺎﺑﺘﻪ ﻗﺎﺋﻠﺔ ﺑﺈﻗﺘﻀﺎﺏ : ﻣﻌﻠﺶ ﺭﺑﻨﺎ ﻳﺼﺒﺮﻙ ... ﻣﻤﻜﻦ ﺍﻋﺮﻑ ﺍﻧﺖ ﻟﻴﻪ ﻣﺎﻃﻠﻘﺘﻨﻴﺶ ﻟﺤﺪ ﺩﻟﻮﻗﺘﻲ ?

ﺟﻤﺎﻝ ﺑﺈﻧﻜﺴﺎﺭ : ﺃﻧﺎ ﻣﺎﻗﺪﺭﺵ ﺍﻃﻠﻘﻚ ﻳﺎ ﺃﻣﻴﺮﺓ ... ﻋﺎﺭﻓﺔ ﻟﻴﻪ ...? ﻧﻈﺮﺕ ﺇﻟﻴﻪ ﺗﺤﺜﻪ ﻋﻠﻰ ﺇﺳﺘﻜﻤﺎﻝ ﺣﺪﻳﺜﻪ ﻓﺎﺭﺩﻑ ﻗﺎﺋﻼ : ﻋﺸﺎﻥ ﺍﻧﺘﻲ ﺭﻭﺣﻲ ... ﻭﻣﺎﻓﻴﺶ ﺣﺪ ﺑﻴﻌﻴﺶ ﺟﺴﻢ ﻣﻦ ﻏﻴﺮ ﺭﻭﺡ ﻳﺎ ﺃﻣﻴﺮﺓ

ﺳﺄﻟﺘﻪ ﺑﻔﻀﻮﻝ ﻗﺎﺋﻠﺔ : ﻋﻤﻠﺖ ﺇﻳﻪ ﻣﻊ ﺍﻟﻠﻲ ﺍﺳﻤﻪ ﻓﺘﺤﻲ ﺑﺨﺼﻮﺹ ﺍﻟﻔﻴﺪﻳﻮ ?

ﺍﺑﺘﺴﻢ ﺳﻌﻴﺪﺍ ﻹﻫﺘﻤﺎﻣﻬﺎ ﺑﺄﻣﺮﻩ : ﻣﺎﺗﻘﻠﻘﻴﺶ ﻣﻦ ﺍﻟﻨﺎﺣﻴﺔﺩﻱ ... ﻓﺘﺢ

ﻱ ﺍﺩﺍﻧﻲ ﺍﻟﺸﺮﻳﻂ

ﺃﻣﻴﺮﺓ ﺑﺘﻬﻜﻢ : ﺑﺎﻟﺒﺴﺎﻃﺔ ﺩﻱ ?

ﺟﻤﺎﻝ ﺑﺠﺪﻳﺔ : ﺍﻳﻮﻩ ... ﺍﺻﻠﻚ ﻣﺎﺗﻌﺮﻓﻴﺶ ﺍﻟﻠﻲ ﺣﺼﻠﻪ ...

ﺃﻣﻴﺮﺓ ﺑﻔﻀﻮﻝ : ﻫﻮ ﺇﻳﻪ ﺑﻘﻰ ﺍﻟﻠﻲ ﺣﺼﻠﻪ ?

ﺟﻤﺎﻝ ﺑﺘﺄﺛﺮ : ﺍﺻﻠﻪ ﻃﻠﻊ ﻋﻨﺪﻩ ﺇﻳﺪﺯ ﺍﻟﻠﻬﻢ ﺍﺣﻔﻈﻨﺎ .

ﺍﻣﻴﺮﺓ : ﻻﺣﻮﻝ ﻭﻻ ﻗﻮﺓ ﺇﻻ ﺑﺎﻟﻠﻪ

ﻇﻬﺮ ﺍﻟﻔﺰﻉ ﻋﻠﻰ ﻣﻼﻣﺢ ﻭﺟﻬﻬﺎ ﻭﻫﻲ ﺗﻨﻈﺮ ﺇﻟﻴﻪ ﺧﺸﻴﺔ ﺃﻥ ﻳﻜﻮﻥ ﻗﺪ ﺃﺻﺎﺑﻪ ﻣﺎ ﺃﺻﺎﺏ ﻓﺘﺤﻲ ... ﺷﻌﺮ ﺑﻤﺎ ﻳﻌﺘﻤﻞ ﺩﺍﺧﻞ ﺻﺪﺭﻫﺎ ﻓﻘﺎﻝ ﺑﺈﺑﺘﺴﺎﻣﺔ : ﻣﺎﺗﻘﻠﻘﻴﺶ ﺃﻧﺎ ﻋﻤﻠﺖ ﺗﺤﻠﻴﻞ ﻭﻃﻠﻊ ﻣﺎﻋﻨﺪﻳﺶ ﺣﺎﺟﺔ ﺍﻟﺤﻤﺪﻟﻠﻪ ... ﺷﻮﻓﺖﻱ ﺭﺑﻨﺎ ﺳﺒﺤﺎﻧﻪ ﻭﺗﻌﺎﻟﻰ ﺍﺩﺍﻧﻲ ﻓﺮﺻﺔ ﺗﺎﻧﻴﺔ ﺍﺯﺍﻱ ... ﺍﻧﺘﻲ ﺑﻘﻰ ﻣﺶ ﻧﺎﻭﻳﺔ ﺗﺪﻳﻨﻲ ﻓﺮﺻﺔﺍﻧﻲ ﺍﺛﺒﺘﻠﻚ ﺇﻧﻲ ﺭﺟﻌﺖ ﺟﻤﺎﻝ ﺍﻟﻠﻲ ﺣﺒﺘﻴﻪ ﻭﺍﺗﺠﻮﺯﺗﻴﻪ ... ﺍﻟﻤﺤﻨﺔ ﺩﻱ ﻋﻠﻤﺘﻨﻲ ﻛﺘﻴﺮ ﺍﻭﻱ ﻳﺎ ﺃﻣﻴﺮﺓ ... ﺍﻷﺳﺒﻮﻋﻴﻦ ﺍﻟﻠﻲ ﻗﻀﻴﺘﻬﻢ ﻓﺈﻧﺘﻈﺎﺭ ﻧﺘﻴﺠﺔ ﺍﻟﺘﺤﻠﻴﻞ ﻣﺎﺗﺘﺼﻮﺭﻳﺶ ﺃﺛﺮﻭﺍ ﻓﻴﺎ ﺍﺯﺍﻱ ... ﻃﺐ ﺃﻗﻮﻟﻚ ﻋﻠﻰ ﺣﺎﺟﺔ ... ﺍﻧﺎ ﺍﺑﺘﺪﻳﺖ ﺍﺣﻀﺮ ﺩﺭﻭﺱ ﺩﻳﻨﻴﺔ ﻓﺎﻟﺠﺎﻣﻊ ﺍﻟﻠﻲ ﺟﻨﺐ ﺍﻟﺒﻴﺖ ... ﻭﺍﺷﺘﺮﻳﺖ ﻛﻤﺎﻥ ﻣﺠﻤﻮﻋﺔ ﻛﺘﺐ ﺩﻳﻨﻴﺔ ﺑﺮﺿﻪ ﻋﺸﺎﻥ ﺍﺗﻌﻤﻖ ﺍﻛﺘﺮ ﻓﻤﻌﺮﻓﺔ ﺍﻣﻮﺭ ﺩﻳﻨﻲ ... ﻭﺑﺎﻟﺬﺍﺕ ﻛﺘﺐ ﺗﻔﺴﻴﺮ ﺍﻟﻘﺮﺁﻥ ﺍﻟﻜﺮﻳﻢ ﻋﺸﺎﻥ ﺍﻋﺮﻑ ﺍﻟﺘﻔﺴﻴﺮ ﺍﻟﺼﺤﻴﺢ ﻟﻜﻞ ﺁﻳﺔ ... ﺍﺻﻞ ﺍﻟﻤﻮﺿﻮﻉ ﺩﻩ ﻃﻠﻊ ﻣﻬﻢ ﺍﻭﻱ ... ﻣﺎﺗﺘﺼﻮﺭﻳﺶ ﺍﺯﺍﻱ ... ﻗﻮﻟﺘﻲ ﺍﻳﻪ ﻳﺎ ﺃﻣﻴﺮﺓ ... ﻣﻮﺍﻓﻘﺔ ﺗﺤﻄﻲ ﺇﻳﺪﻙ ﻓﺈﻳﺪﻱ ﻭﻧﻌﻴﻦ ﺑﻌﺾ ﻋﻠﻰ ﺍﻟﻄﺎﻋﺔ

ﺷﻌﺮ ﺑﺘﺮﺩﺩﻫﺎ ﻭﺇﺭﺗﺒﺎﻛﻬﺎ ﻓﺄﺧﺬ ﻳﺴﺘﺤﺜﻬﺎ ﻗﺎﺋﻼ : ﺍﻧﻄﻘﻴﻬﺎ ﻳﺎ ﺃﻣﻴﺮﺓ ... ﻗﻮﻟﻴﻬﺎ ﻭﺍﺣﻠﻔﻠﻚ ﺑﺈﻳﻪ ﻋﻤﺮﻙ ﻣﺎﺣﺘﻨﺪﻣﻲ ... ﻟﻌﻠﻤﻚ ﺍﻧﺎ ﻓﺎﺿﻠﻲ ﺷﻮﻳﺔ ﻭﺍﺗﺠﻨﻦ ﻣﻦ ﺍﻟﻮﺣﺪﺓ ...

ﻃﺄﻃﺄﺕ ﺭﺃﺳﻬﺎ ﻭﻗﺎﻟﺖ ﺑﻬﻤﺲ : ﺍﻭﻋﺪﻙ ﺇﻧﻲ ﺍﻓﻜﺮ ﻭﺃﺻﻠﻲ ﺇﺳﺘﺨﺎﺭﺓ ﻭﺑﻌﺪﻫﺎ ﺃﻗﺮﺭ ﺣﺎﻋﻤﻞ ﺇﻳﻪ

ﺗﻨﻔﺲ ﺍﻟﺼﻌﺪﺍﺀ ﺍﺧﻴﺮﺍ ﻗﺎﺋﻼ ﺑﺈﺑﺘﺴﺎﻣﺔ : ﺍﺷﻬﺪ ﺃﻥ ﻻ ﺇﻟﻪ ﺇﻻ ﺍﻟﻠﻪ ... ﻭﺍﺷﻬﺪ ﺃﻥ ﻣﺤﻤﺪﺍ ﺭﺳﻮﻝ ﺍﻟﻠﻪ

ﺍﺳﺮﻋﺖ ﺗﻘﻮﻝ ﺑﺠﺪﻳﺔ : ﺍﻧﺎ ﻣﺎﻗﻠﺘﺶ ﺇﻧﻲ ﻣﻮﺍﻓﻘﺔ ... ﺍﻧﺎ ﻗﻠﺖ ﺣﺎﻓﻜﺮ

ﺍﺑﺘﺴﻢ ﻗﺎﺋﻼ : ﻣﺎﺩﺍﻡ ﻧﻮﻳﺘﻲ ﺗﺼﻠﻲ ﺇﺳﺘﺨﺎﺭﺓ ﺍﻧﺎ ﻣﺘﺄﻛﺪ ﺍﻧﻚ ﺣﺘﻮﺍﻓﻘﻲ ... ﻷﻥ ﺭﺑﻨﺎ ﺳﺒﺤﺎﻧﻪ ﻭﺗﻌﺎﻟﻰ ﻫﻮ ﺍﻟﻠﻲ ﻋﺎﻟﻢ ﺑﺼﺪﻕ ﺗﻮﺑﺘﻲ ... ﻭﺍﻧﺎ ﻭﺍﺛﻖ ﺇﻧﻪ ﺣﻴﺨﻠﻴﻜﻲ ﺗﺴﺎﻣﺤﻴﻨﻲ ﻭﺗﺮﺟﻌﻴﻠﻲ ... ﺑﺲ ﻛﺎﻥ ﻟﻴﺎ ﻋﻨﺪﻙ ﻃﻠﺐ ﺻﻐﻴﺮ ... ﻣﻤﻜﻦ ﺁﺟﻲ ﺍﻟﺒﻴﺖ ﻋﻨﺪﻛﻮﺍ ﺑﻜﺮﺓ ﺃﺷﻮﻑ ﺭﻭﺿﺔ ﻋﺸﺎﻥ ﻭﺣﺸﺘﻨﻲ ﺍﻭﻱ ﻭﺍﻋﺮﻑ ﻗﺮﺭﺗﻲ ﺇﻳﻪ ?

ﺃﻣﻴﺮﺓ : ﺧﻠﻴﻬﺎ ﺑﻌﺪ ﻳﻮﻣﻴﻦ ﺗﻼﺗﺔ ﻋﺸﺎﻥ ﺍﻛﻮﻥ ﺃﺧﺪﺕ ﻭﻗﺘﻲ ﻭﻓﻜﺮﺕ

ﺟﻤﺎﻝ ﺑﺈﺑﺘﺴﺎﻣﺔ : ﻣﺎﺷﻲ ﺑﺮﺍﺣﺘﻚ ... ﻣﺪﻳﺪﻩ ﻣﺼﺎﻓﺤﺎ ﺇﻳﺎﻫﺎ ﻭﻫﻮ ﻳﻘﻮﻝ ﺑﺮﺟﺎﺀ : ﻣﺶ ﺣﺘﺴﻠﻤﻲ ﻋﻠﻴﺎ ﻗﺒﻞ ﻣﺎ ﺍﻣﺸﻲ ... ﻣﺪﺕ ﻳﺪﻫﺎ ﺇﻟﻴﻪ ﻟﺘﺼﺎﻓﺤﻪ ﻓﻤﺎ ﻛﺎﻥ ﻣﻨﻪ ﺇﻻ ﺍﻥ ﺟﺬﺑﻬﺎ ﺇﻟﻲ ﺍﺣﻀﺎﻧﻪ ﻗﺎﺋﻼ ﺑﺸﻮﻕ ﻭﻟﻬﻔﺔ : ﻭﺣﺸﻨﻲ ﺣﻀﻨﻚ ﺍﻭﻱ ﻳﺎ ﺃﻣﻴﺮﺓ

ﺩﻓﻌﺘﻪ ﺃﻣﻴﺮﺓ ﺑﻌﻴﺪﺍ ﻋﻨﻬﺎ ﻭﻫﻲ ﺗﺤﺎﻭﻝ ﺍﻟﺘﻤﻠﺺ ﻣﻦ ﻗﺒﻀﺘﻪ ﺍﻟﺘﻲ ﺍﺣﻜﻤﻬﺎ ﺣﻮﻝ ﺧﺼﺮﻫﺎ ﺇﻹ ﺍﻥ ﻧﺠﺤﺖ ﺍﺧﻴﺮﺍ ﻭﻫﻲ ﺗﻬﺘﻒ ﺑﻪ ﻗﺎﺋﻠﺔ : ﺍﻧﺖ ﺍﺗﺠﻨﻨﺖ ... ﺍﻧﺖ ﻧﺎﺳﻲ ﺍﺣﻨﺎ ﻓﻴﻦ ﻫﻨﺎ ?

ﺟﻤﺎﻝ ﺑﺠﺪﻳﺔ : ﺃﻧﺎ ﺁﺳﻒ ... ﻣﺎﻗﺪﺭﺗﺶ ﺍﻣﻨﻊ ﻧﻔﺴﻲ ﺇﻧﻲ ﺍﻋﻤﻞ ﻛﺪﻩ ... ﺍﺻﻠﻚ ﻭﺣﺸﺘﻴﻨﻲ ﺍﻭﻱ ... ﻭﺑﻌﺪﻳﻦ ﻣﺎﺗﻘﻠﻘﻴﺶ ﺍﻧﺎ ﻗﻔﻠﺖ ﺍﻟﺒﺎﺏ ﻭﺍﻧﺎ ﺩﺍﺧﻞ ... ﻭﻋﻤﻮﻣﺎ ﻟﻮ ﺇﻋﺘﺮﺍﺿﻚ ﺍﻟﻮﺣﻴﺪ ﻋﻠﻰ ﺍﻟﻤﻜﺎﻥ ﻣﻤﻜﻦ ﻧﺮﻭﺡ ﺑﻴﺘﻨﺎ ﺩﻟﻮﻗﺘﻲ ﻋﺎﺩﻱ ﻳﻌﻨﻲ

ﺍﻣﻴﺮﺓ ﺑﺠﺪﻳﺔ : ﺍﻧﺖ ﺑﺘﺴﺘﻬﺒﻞ ... ﻣﺶ ﻛﺪﻩ ﺑﺮﺿﻪ ? ﻳﺎ ﺇﻣﺎ ﺍﺗﺠﻨﻨﺖ ﻓﻌﻼ ﺯﻱ ﻣﺎﺑﺘﻘﻮﻝ

ﺟﻤﺎﻝ ﻭﻫﻮ ﻳﺴﺘﻌﺪ ﻟﻠﻤﻐﺎﺩﺭﺓ : ﺃﺷﻮﻓﻚ ﻋﻠﻰ ﺧﻴﺮ ﺑﻌﺪ ﻳﻮﻣﻴﻦ ﺍﻥ ﺷﺎﺀﺍﻟﻠﻪ

&&&&&&&&&&&&&&&&

ﺃﻧﺎ ﺍﺳﻒ ﺍﻭﻱ ﻳﺎ ﺻﻔﻮﺕ ... ﺍﻧﺎ ﻣﺎﻛﻨﺘﺶ ﺍﻋﺮﻑ ﺑﺤﺎﺟﺔ ﺯﻱ ﺩﻱ ... ﻭﻟﻮ ﻛﻨﺖ ﺍﻋﺮﻑ ﻣﺎﻛﻨﺘﺶ ﻓﺎﺗﺤﺘﻚ ﻓﻤﻮﺿﻮﻉ ﺯﻱ ﺩﻩ ﻃﺒﻌﺎ

ﻛﺎﻥ ﺳﻌﻴﺪ ﻳﻨﻄﻖ ﺑﻬﺬﻩ ﺍﻟﻜﻠﻤﺎﺕ ﺑﻌﺪ ﺍﻥ ﺃﺧﺒﺮﻩ ﺻﻔﻮﺕ ﺑﻮﻓﺎﺓ ﺳﺎﻣﺢ ﺯﻭﺝ ﺍﺑﻨﺘﻪ ... ﻓﻴﻤﺎ ﻛﺎﻥ ﺳﻌﻴﺪ ﻗﺪ ﺟﺎﺀﻩ ﻃﺎﻟﺒﺎ ﺗﺰﻭﻳﺞ ﻟﻤﻴﺎﺀ ﺍﺑﻨﺔﺷﻘﻴﻘﻪ ﻹﺑﻨﻪ ﺇﺑﺮﺍﻫﻴﻢ .

ﺣﺎﻭﻝ ﺻﻔﻮﺕ ﺍﻥ ﻳﺮﻓﻊ ﻋﻨﻪ ﺍﻟﺤﺮﺝ ﻓﻘﺎﻝ ﺑﺠﺪﻳﺔ : ﻭﺍﻧﺖ ﻛﻨﺖ ﺗﻌﺮﻑ ﻣﻨﻴﻦ ﺑﺲ ﻳﺎ ﺳﻌﻴﺪ ? ﻭﺑﻌﺪﻳﻦ ﺍﻟﺒﻨﺖ ﺍﺳﺎﺳﺎ ﻛﺎﻧﺖ ﻃﺎﻟﺒﺔ ﺍﻟﻄﻼﻕ ﻣﻨﻪ ﻗﺒﻞ ﻣﺎﻳﻤﻮﺕ ﺍﻟﻠﻪ ﻳﺮﺣﻤﻪ ﺑﻘﻰ ... ﻳﻌﻨﻲ ﺍﻟﻤﻮﺿﻮﻉ ﻣﺶ ﺯﻱ ﻣﺎ ﺍﻧﺖ ﻓﺎﻫﻢ ... ﻭﺍﻥ ﻛﺎﻥ ﻋﻠﻰ ﻟﻤﻴﺎﺀ ﻳﺎ ﺳﻴﺪﻱ ﺃﻧﺎ ﺣﺎﻃﻠﺐ ﻋﻠﻲ ﻳﻴﺠﻲ ﻭﻧﺸﻮﻑ ﺭﺃﻳﻪ ﺇﻳﻪ ﻓﺎﻟﻤﻮﺿﻮﻉ ﺩﻩ ﺑﺼﻔﺘﻪ ﺃﺧﻮﻫﺎ ﺍﻟﻜﺒﻴﺮ ... ﻭﺍﻧﺎ ﺑﻨﻔﺴﻲ ﺣﺎﺗﻜﻠﻢ ﻣﻊ ﺍﻟﺒﻨﺖ ﻭﺍﺷﻮﻑ ﺭﺃﻳﻬﺎ ﺇﻳﻪ ... ﺑﺲ ﺍﻧﺖ ﻣﺎﻗﻠﺘﻠﻴﺶ ﺑﻨﺘﻚ ﻗﺎﻟﺖ ﺇﻳﻪ ﻓﻤﻮﺿﻮﻉ ﺍﺩﻫﻢ ... ﻭﻻ ﺍﻧﺖ ﻟﺴﻪ ﻣﺎ ﺍﺗﻜﻠﻤﺘﺶ ﻣﻌﺎﻫﺎ

ﻫﺰ ﺭﺃﺳﻪ ﻗﺎﺋﻼ ﻓﻲ ﺍﺳﻒ : ﻭﺍﻟﻠﻪ ﺍﻧﺎ ﺧﻠﻴﺖ ﺇﺑﺮﺍﻫﻴﻢ ﻳﺘﻜﻠﻢ ﻣﻌﺎﻫﺎ ﺑﺲ ﻫﻴﺎ ﺭﺍﻓﻀﺔ ﺍﻟﻔﻜﺮﺓ ﻣﻦ ﺍﺳﺎﺳﻬﺎ

ﺻﻔﻮﺕ ﺑﻀﻴﻖ : ﺧﺴﺎﺭﺓ ... ﺍﺩﻫﻢ ﺣﻴﺰﻋﻞ ﺍﻭﻱ ﻟﻤﺎ ﻳﻌﺮﻑ ... ﻋﻤﻮﻣﺎ ﺃﻧﺎ ﻣﺶ ﺣﺎﺑﻠﻐﻪ ﺑﺤﺎﺟﺔ ﻓﺎﻟﻮﻗﺖ ﺍﻟﺤﺎﻟﻲ ﻟﻤﺎ ﻧﺨﻠﺺ ﻣﻦ ﻣﻮﺿﻮﻉ ﺇﺑﺮﺍﻫﻴﻢ ﻭﻟﻤﻴﺎ ﻧﺒﻘﻰ ﻧﺒﻠﻐﻪ .

ﺳﻌﻴﺪ ﺑﺈﺫﻋﺎﻥ : ﺧﻼﺹ ﺍﻟﻠﻲ ﺗﺸﻮﻓﻪ ﻳﺎ ﺻﻔﻮﺕ

ﺻﻔﻮﺕ : ﺧﻼﺹ ﺍﻧﺎ ﺣﺎﺑﻌﺖ ﺍﺟﻴﺐ ﻋﻠﻲ ﻭﺍﻧﺖ ﺗﺘﻜﻠﻢ ﻣﻌﺎﻩ ﻭﺗﺸﻮﻑ ﺭﺃﻳﻪ

&&&&&&&&&&&&&&

ﻋﻠﻲ : ﻻ ﺍﻧﺎ ﻣﺶ ﻣﻮﺍﻓﻖ ﺇﻧﻪ ﻳﺘﺠﻮﺯ ﺃﺧﺘﻲ

↚

ﻧﻮﺭﺍ ﺑﺪﻫﺸﺔ : ﻟﻴﻪ ﺑﺲ ﻳﺎ ﻋﻠﻲ ... ﻋﻴﺒﻪ ﺇﻳﻪ ﺇﺑﺮﺍﻫﻴﻢ ﺑﺲ ... ﺩﻩ ﺭﺍﺟﻞ ....

ﻗﺎﻃﻌﻬﺎ ﻋﻠﻲ ﻗﺎﺋﻼ ﺑﻐﻀﺐ : ﺍﻳﻮﻩ ... ﺭﺍﺟﻞ ﻣﺎﻟﻪ ﺑﻘﻰ ?

ﺗﻮﻗﻔﺖ ﺍﻟﻜﻠﻤﺎﺕ ﻓﻲ ﺣﻠﻘﻬﺎ ﺑﻌﺪ ﺍﻥ ﻓﻬﻤﺖ ﺳﺒﺐ ﻏﻀﺒﻪ ﻓﻘﺎﻟﺖ ﺑﺨﻔﻮﺕ : ﻣﺎﻟﻮﺵ ﺭﺍﺟﻞ ﺯﻱ ﺑﻘﻴﺔ ﺍﻟﺮﺟﺎﻟﺔ ... ﺣﻴﻜﻮﻥ ﻣﺎﻟﻪ ﻳﻌﻨﻲ ?

ﻋﻠﻲ : ﺁﻩ ﺑﺤﺴﺐ ... ﺑﺲ ﺑﺮﺿﻪ ﻣﺶ ﺣﺠﻮﺯﻩ ﺃﺧﺘﻲ ... ﻋﺸﺎﻥ ﻳﺒﻘﻰ ﻳﻌﺮﻑ ﻳﻘﻮﻟﻚ ﻳﺎ ﺃﻧﺴﺔ ﻧﻮﺭﺍ ﻛﻮﻳﺲ ﺑﻌﺪ ﻛﺪﻩ

ﻋﻼ ﺻﻮﺕ ﺿﺤﻜﺘﻬﺎ ﻭﻫﻲ ﺗﺠﻴﺒﻪ ﻗﺎﺋﻠﺔ : ﺍﻧﺖ ﻟﺴﻪ ﻓﺎﻛﺮ ... ﺣﺮﺍﻡ ﻋﻠﻴﻚ ﻳﺎ ﻋﻠﻲ ... ﻫﻮ ﻛﺎﻥ ﻳﻌﺮﻑ ﻣﻨﻴﻦ ﺑﺲ ﺇﻧﻲ ﻣﺮﺍﺗﻚ ?

ﻋﻠﻲ ﺑﺘﺼﻤﻴﻢ : ﺃﻧﺎ ﻗﻠﺖ ﻷﻳﻌﻨﻲ ﻷ .

ﻧﻮﺭﺍ : ﺍﺗﻜﻠﻢ ﺟﺪ ﺷﻮﻳﺔ ﺑﻘﻰ ... ﺍﺗﻔﻘﺖ ﻣﻊ ﺑﺎﺑﺎﻩ ﻋﻠﻰ ﺇﻳﻪ ﺍﻧﺖ ﻭﺑﺎﺑﺎ ?

ﻋﻠﻲ ﺑﺠﺪﻳﺔ : ﺍﺗﻔﻘﻨﺎ ﺍﻥ ﺍﻧﺎ ﻭﻋﻤﻲ ﺣﻨﺮﻭﺡ ﺍﻟﺒﻴﺖ ﻋﻨﺪ ﻣﺎﻣﺎ ﺑﻜﺮﺓ ﺍﻥ ﺷﺎﺀﺍﻟﻠﻪ ﻭﻋﻤﻲ ﺣﻴﺘﻜﻠﻢ ﻣﻊ ﻟﻤﻴﺎ ﻭﻳﺸﻮﻑ ﺭﺃﻳﻬﺎ ﺇﻳﻪ ... ﻭﺭﺑﻨﺎ ﻳﻘﺪﻡ ﺍﻟﻠﻲ ﻓﻴﻪ ﺍﻟﺨﻴﺮ ... ﻣﺎﻗﻮﻟﺘﻴﻠﻴﺶ ﻧﺎﺩﻳﺔ ﺃﺧﺒﺎﺭﻫﺎ ﺇﻳﻪ ?

ﻧﻈﺮﺕ ﺇﻟﻴﻪ ﺑﺮﻳﺒﺔ ﺛﻢ ﺳﺄﻟﺘﻪ ﻣﺴﺘﻔﺴﺮﺓ : ﻭﺑﺘﺴﺄﻝ ﻋﻠﻴﻬﺎ ﻟﻴﻪ ?

ﺍﺟﺎﺏ ﺑﻼﻣﺒﺎﻻﺓ : ﻋﺎﺩﻱ ﻳﻌﻨﻲ ... ﺍﺻﻠﻲ ﻣﺎﺷﻮﻓﺘﻬﺎﺵ ﻣﻦ ﺳﺎﻋﺔ ﺧﺒﺮ ﻣﻮﺕ ﺳﺎﻣﺢ

ﻧﻮﺭﺍ : ﺍﺻﻠﻬﺎ ﺣﺎﺑﺴﺔ ﻧﻔﺴﻬﺎ ﻓﺎﻭﺿﺘﻬﺎ ﻭﺣﺘﻰ ﺍﻷﻛﻞ ﺑﺪﺧﻠﻪ ﻋﻨﺪﻫﺎ ﻓﺎﻷﻭﺿﺔ ﻭﺳﺎﻋﺎﺕ ﺗﺎﻛﻞ ﻭﺳﺎﻋﺎﺕ ﻷ

ﻋﻠﻲ : ﺭﺑﻨﺎ ﻳﻬﺪﻳﻬﺎ

&&&&&&&&&&&&&&

ﻭﻓﻲ ﺍﻟﻴﻮﻡ ﺍﻟﺘﺎﻟﻲ ﻛﺎﻥ ﺻﻔﻮﺕ ﻳﺠﻠﺲ ﻣﻊ ﻟﻤﻴﺎﺀ ﺑﺤﻀﻮﺭ ﻋﻠﻲ ﻭﺳﻤﻴﺔ ﻟﻴﺨﺒﺮﻫﺎ ﺑﺸﺄﻥ ﺧﻄﺒﺘﻬﺎ ﻹﺑﺮﺍﻫﻴﻢ ... ﺍﻷﻣﺮ ﺍﻟﺬﻱ ﻛﺎﻧﺖ ﺗﺮﻓﻀﻪ ﻟﻤﻴﺎﺀ ﺑﺸﺪﺓ ﻣﺼﻤﻤﺔ ﻋﻠﻰ ﺍﻥ ﺗﺴﺘﻜﻤﻞ ﺗﻌﻠﻴﻤﻬﺎ ﻓﻲ ﺍﻟﺒﺪﺍﻳﺔ ﻗﺒﻞ ﺍﻟﺤﺪﻳﺚ ﻋﻦ ﺃﻱ ﺇﺭﺗﺒﺎﻁ ... ﺍﻟﺘﻔﺖ ﺻﻔﻮﺕ ﺇﻟﻰ ﺳﻤﻴﺔ ﻗﺎﺋﻼ : ﻣﺎﺗﺤﻀﺮﻳﻨﺎ ﻳﺎ ﺃﻡ ﻋﻠﻲ ... ﺭﺃﻳﻚ ﺇﻳﻪ ﻓﺎﻟﻤﻮﺿﻮﻉ ﺩﻩ ?

ﺗﻨﻬﺪﺕ ﺳﻤﻴﺔ ﻗﺎﺋﻠﺔ ﺑﻬﺪﻭﺀ : ﻭﺍﻟﻠﻪ ﺻﺎﺣﺒﺔ ﺍﻟﺸﺄﻥ ﺍﺩﺍﻣﻚ ﺁﻫﻴﻪ ... ﻟﻮ ﻣﻮﺍﻓﻘﺔ ﻳﺒﻘﻰ ﺃﻧﺎ ﻣﺎﻋﻨﺪﻳﺶ ﻣﺎﻧﻊ ... ﻭﻋﻤﻮﻣﺎ ﺍﻟﻮﻟﺪ ﺃﻧﺎ ﺷﻮﻓﺘﻪ ﻟﻤﺎ ﻛﻨﺎ ﻓﺪﻣﻴﺎﻁ ﻭﻭﺍﺿﺢ ﺇﻧﻪ ﺷﺎﺏ ﻛﻮﻳﺲ ﻭﺃﺧﻼﻗﻪ ﻣﻤﺘﺎﺯﺓ .... ﻭﺍﻧﺖ ﻋﻤﻬﺎ ﻭﺍﻛﻴﺪ ﻣﺶ ﺣﺘﺨﺘﺎﺭﻟﻬﺎ ﺣﺪ ﻣﺶ ﻛﻮﻳﺲ ... ﻭﻛﻤﺎﻥ ﻋﻠﻲ ﺑﻴﻘﻮﻝ ﺇﻧﻪ ﻣﻮﺍﻓﻖ ... ﻟﻜﻦ ﻃﺒﻌﺎ ﺍﻟﺮﺃﻱ ﺍﻷﻭﻝ ﻭﺍﻷﺧﻴﺮ ﻟﻠﻤﻴﺎ

ﺻﻔﻮﺕ : ﻫﺎﻳﺎ ﻟﻤﻴﺎ ﻗﻮﻟﺘﻲ ﺇﻳﻪ ﻳﺎﺣﺒﻴﺒﺘﻲ ?

ﻟﻤﻴﺎﺀ ﺑﺤﺮﺝ : ﻭﺍﻟﻠﻪ ﺣﻀﺮﺗﻚ ﻋﻤﻲ ﻭﻛﻼﻣﻚ ﻋﻠﻲ ﺭﺃﺳﻲ ﻣﻦ ﻓﻮﻕ ... ﺑﺲ ﺯﻱ ﻣﺎﻗﻠﺖ ﻟﺤﻀﺮﺗﻚ ﺍﻧﺎ ﻋﺎﻳﺰﺓ ﺍﺧﻠﺺ ﺩﺭﺍﺳﺘﻲ ﺍﻷﻭﻝ ﻗﺒﻞ ﻣﺎ ﺍﻓﻜﺮ ﻓﻤﻮﺿﻮﻉ ﺍﻟﺠﻮﺍﺯ ﺩﻩ

ﺻﻔﻮﺕ : ﻳﻌﻨﻲ ﺍﻧﺘﻲ ﺍﻋﺘﺮﺍﺿﻚ ﺍﻟﻮﺣﻴﺪ ﻋﻠﻰ ﺍﻟﻨﻘﻄﺔ ﺩﻱ ... ﻣﺶ ﻋﻠﻰ ﺍﻟﺸﺨﺺ ﻧﻔﺴﻪ

ﻟﻤﻴﺎﺀ : ﺍﻛﻴﺪ ﻳﺎ ﻋﻤﻲ ... ﻫﻮ ﺍﻧﺎ ﺍﻋﺮﻓﻪ ﻣﻨﻴﻦ ﺍﺻﻼ ﻋﺸﺎﻥ ﺍﻋﺘﺮﺽ ﻋﻠﻴﻪ ... ﺩﻱ ﻫﻴﺎ ﻣﺮﺓ ﻭﺍﺣﺪﺓ ﺍﻟﻠﻲ ﺷﻮﻓﺘﻪ ﻓﻴﻬﺎ

ﺻﻔﻮﺕ ﺑﺮﺟﺎﺀ : ﻃﻴﺐ ﺇﻳﻪ ﺭﺃﻳﻚ ﺗﻘﻌﺪﻱ ﻣﻌﺎﻩ ﻭﺗﺘﻔﺎﻫﻤﻮﺍ ﻋﻠﻰ ﺍﻟﻨﻘﻄﺔ ﺩﻱ ... ﺑﻤﺎ ﺇﻥ ﻳﻌﻨﻲ ﻣﺎﻋﻨﺪﻛﻴﺶ ﺇﻋﺘﺮﺍﺽ ﻋﻠﻰ ﺷﺨﺼﻪ ... ﻭﺍﻟﻠﻲ ﺗﺘﻔﻘﻮﺍ ﻋﻠﻴﻪ ﻫﻮ ﺍﻟﻠﻲ ﺣﻴﻤﺸﻲ

ﻟﻤﻴﺎﺀ ﺑﺤﺮﺝ : ﺃﻧﺎ ﺷﺎﻳﻔﺔ ﺇﻧﻪ ﻣﺎﻟﻮﺵ ﻟﺰﻭﻡ ﻳﻌﻨﻲ

ﺻﻔﻮﺕ : ﻃﻴﺐ ﻭﻋﺸﺎﻥ ﺧﺎﻃﺮ ﻋﻤﻚ ?

ﺍﻭﻣﺄﺕ ﺑﺮﺃﺳﻬﺎ ﻣﻮﺍﻓﻘﺔ ﻭﻗﺎﻟﺖ ﺑﺨﻔﻮﺕ : ﺧﻼﺹ ﺍﻟﻠﻲ ﺣﻀﺮﺗﻚ ﺗﺸﻮﻓﻪ ﻳﺎ ﻋﻤﻲ

ﺍﺑﺘﺴﻢ ﺻﻔﻮﺕ ﻗﺎﺋﻼ : ﺧﻼﺹ ﻳﺒﻘﻰ ﻋﻠﻰ ﺑﺮﻛﺔ ﺍﻟﻠﻪ

ﺗﺪﺧﻠﺖ ﺳﻤﻴﺔ ﻗﺎﺋﻠﺔ : ﺑﺲ ﺍﻧﺘﻮﺍ ﺷﺎﻳﻔﻴﻦ ﻳﻌﻨﻲ ﺍﻥ ﺍﻟﻜﻼﻡ ﺩﻩ ﻳﻨﻔﻊ ﻭﻧﺎﺩﻳﺔ ﻓﺎﻟﻈﺮﻭﻑ ﺍﻟﻠﻲ ﻫﻴﺎ ﻓﻴﻬﺎ ﺩﻱ ?

ﺻﻔﻮﺕ ﺑﻼﻣﺒﺎﻻﺓ : ﻻ ﻣﻦ ﺍﻟﻨﺎﺣﻴﺔﺩﻱ ﻣﺎﺗﻘﻠﻘﻴﺶ ﺧﺎﻟﺺ ... ﺃﻧﺎ ﺣﺎﻛﻠﻢ ﻋﻤﻚ ﺳﻌﻴﺪ ﻳﻴﺠﻲ ﺑﻌﺪ ﺑﻜﺮﺓ ﺍﻥ ﺷﺎﺀﺍﻟﻠﻪ ﻭﻣﻌﺎﻩ ﺇﺑﺮﺍﻫﻴﻢ .. ﺇﻳﻪ ﺭﺃﻳﻚ ﻳﺎ ﻟﻤﻴﺎ ?

ﻗﺎﻣﺖ ﻣﻦ ﻣﻜﺎﻧﻬﺎ ﻭﻗﺎﻟﺖ ﻓﻲ ﺧﺠﻞ : ﺍﻟﻠﻲ ﺗﺸﻮﻓﻮﻩ ﻳﺎ ﻋﻤﻲ ... ﻋﻦ ﺇﺫﻧﻜﻮﺍ ... ﺍﻧﻄﻠﻘﺖ ﻣﺴﺮﻋﺔ ﺇﻟﻰ ﻏﺮﻓﺘﻬﺎ ﺑﻴﻨﻤﺎﺍﺳﺘﺄﺫﻥ ﺻﻔﻮﺕ ﻭﻋﻠﻲ ﻓﻲ ﺍﻟﺮﺣﻴﻞ ﻋﻠﻰ ﺃﻥ ﻳﺤﻀﺮﺍ ﺑﻌﺪ ﻏﺪ ﻭﺑﺼﺤﺒﺘﻬﻤﺎ ﺳﻌﻴﺪ ﻭﻭﻟﺪﻩ

&&&&&&&&&&&&&&&&

ﻓﻲ ﻏﺮﻓﺔ ﺍﻹﺳﺘﻘﺒﺎﻝ ﺑﺸﻘﺔ ﺳﻤﻴﺔ ﻛﺎﻧﺖ ﻟﻤﻴﺎﺀ ﺗﺠﻠﺲ ﺑﺼﺤﺒﺔ ﺇﺑﺮﺍﻫﻴﻢ ﺑﻌﺪ ﺃﻥ ﺍﻧﺼﺮﻑ ﺍﻟﺠﻤﻴﻊ ﻣﻔﺴﺤﻴﻦ ﻟﻬﻤﺎ ﺍﻟﻤﺠﺎﻝ ﻟﻠﺤﺪﻳﺚ ﺑﺤﺮﻳﺔ ﻭﺃﺧﺮﻫﻢ ﺑﺎﻟﻄﺒﻊ ﻋﻠﻲ ﺍﻟﺬﻱ ﻣﺎﻝ ﻋﻠﻰ ﺃﺫﻥ ﺷﻘﻴﻘﺘﻪ ﻗﺎﺋﻼ ﻗﺒﻞ ﺍﻥ ﻳﻐﺎﺩﺭ : ﻣﺎﺗﻄﻮﻟﻮﺵ ... ﻫﻤﺎ ﻛﻠﻤﺘﻴﻦ ﻭﺭﺩ ﻏﻄﺎﻫﻢ ... ﺍﻳﻮﻩ ﺍﻳﻮﻩ ﻻﻷ ... ﻣﺎﺷﻲ .?

ﻃﻤﺄﻧﺘﻪ ﻟﻤﻴﺎﺀ ﻗﺎﺋﻠﺔ : ﻣﺎﺗﻘﻠﻘﺶ ﻳﺎ ﻋﻠﻲ ﻭﺭﺍﻙ ﺭﺟﺎﻟﺔ

ﻋﻠﻲ ﺑﻬﻤﺲ : ﻃﺐ ﻭﻃﻲ ﺻﻮﺗﻚ ﺍﺣﺴﻦ ﺍﻟﺮﺍﺟﻞ ﻳﺴﻤﻌﻨﺎ ﺑﻼﺵ ﻓﻀﺎﻳﺢ

ﻏﺎﺩﺭ ﻋﻠﻲ ﻓﺒﺎﺩﺭ ﺇﺑﺮﺍﻫﻴﻢ ﺑﺎﻟﺤﺪﻳﺚ ﻣﺤﺎﻭﻻ ﺍﻟﺘﺨﻔﻴﻒ ﻣﻦ ﺫﻟﻚ ﺍﻟﺘﻮﺗﺮ ﺍﻟﺬﻱ ﻳﺒﺪﻭ ﻣﻠﺤﻮﻇﺎ ﻋﻠﻴﻬﺎ ﻓﻘﺎﻝ ﺑﺈﺑﺘﺴﺎﻣﺔ : ﺍﺯﻳﻚ ﻳﺎ ﺃﻧﺴﺔ ﻟﻤﻴﺎﺀ

ﻟﻤﻴﺎﺀ ﺑﺨﺠﻞ : ﺍﻟﺤﻤﺪ ﻟﻠﻪ

ﺳﺎﺩ ﺍﻟﺼﻤﺖ ﻣﺮﺓ ﺍﺧﺮﻱ ﺑﻴﻨﻬﻤﺎ ﻓﻘﺎﻝ ﺇﺑﺮﺍﻫﻴﻢ ﺑﻤﺰﺍﺡ : ﻃﻴﺐ ﻫﻮ ﺍﻧﺘﻲ ﺣﺘﻔﻀﻠﻲ ﺳﺎﻛﺘﺔ ﻛﺪﻩ ﻛﺘﻴﺮ ?

ﻟﻤﻴﺎﺀ ﺑﺪﻫﺸﺔ : ﻫﻮ ﺃﻧﺎ ﺍﻟﻤﻔﺮﻭﺽ ﺃﻗﻮﻝ ﺇﻳﻪ ﻳﻌﻨﻲ ?

ﺇﺑﺮﺍﻫﻴﻢ : ﻣﺶ ﺍﻟﻤﻔﺮﻭﺽ ﺍﻧﻚ ﻃﻠﺒﺘﻲ ﺗﻘﻌﺪﻱ ﻣﻌﺎﻳﺎ ﻋﺸﺎﻥ ﺗﺴﺄﻟﻴﻨﻲ ﺷﻮﻳﺔ ﺃﺳﺌﻠﺔ ... ﻣﺎﺳﻤﻌﺘﺶ ﻣﻨﻚ ﻭﻻ ﺳﺆﺍﻝ ﻳﻌﻨﻲ

ﻟﻤﻴﺎﺀ : ﺍﺗﻔﻀﻞ ﺣﻀﺮﺗﻚ ﻗﻮﻝ ﺍﻟﻠﻲ ﺍﻧﺖ ﻋﺎﻳﺰ ﺗﻘﻮﻟﻪ

ﺗﻨﻬﺪ ﺇﺑﺮﺍﻫﻴﻢ ﻗﺎﺋﻼ : ﺃﻧﺎ ﻋﺮﻓﺖ ﻋﻨﻚ ﻛﻞ ﺍﻟﻠﻲ ﻋﺎﻳﺰ ﺍﻋﺮﻓﻪ ... ﺍﻧﺘﻲ ﺑﻘﻰ ﻋﺎﻳﺰﺓ ﺗﺴﺄﻟﻲ ﻋﻦ ﺇﻳﻪ ?

ﻟﻤﻴﺎﺀ ﺑﺠﺪﻳﺔ : ﻣﻤﻜﻦ ﺍﻋﺮﻑ ﺭﺃﻱ ﺣﻀﺮﺗﻚ ﻓﻤﻮﺿﻮﻉ ﻋﻤﻞ ﺍﻟﻤﺮﺃﺓ ?

ﻗﻄﺐ ﺟﺒﻴﻨﻪ ﻗﺎﺋﻼ ﻓﻲ ﺩﻫﺸﺔ : ﻫﻮ ﺃﻧﺎ ﺟﺎﻱ ﻫﻨﺎ ﺃﺧﻄﺐ ﻭﻻﺩﺍﺧﻞ ﻧﺪﻭﺓ ﻋﻠﻰ ﻫﺎﻣﺶ ﻣﻌﺮﺽ ﺍﻟﻜﺘﺎﺏ ﻭﺍﻧﺎ ﻣﺎﺍﻋﺮﻓﺶ ?

ﻧﻈﺮﺕ ﺇﻟﻴﻪ ﻭﻗﺎﻟﺖ ﺑﻀﻴﻖ : ﺍﻟﻮﺍﺿﺢ ﺍﻥ ﺣﻀﺮﺗﻚ ﺟﺎﻱ ﺗﻬﺰﺭ

ﺍﺑﺘﺴﻢ ﻗﺎﺋﻼ ﺑﻤﺰﺍﺡ : ﻃﺐ ﻫﻮ ﺍﻧﺘﻲ ﻋﻠﻲ ﻃﻮﻝ ﻭﺍﺧﺪﻫﺎ ﺟﺪ ﻛﺪﻩ ?

ﺭﻣﻘﺘﻪ ﺑﺈﺳﺘﻬﺠﺎﻥ ﻓﺎﺭﺩﻑ ﻗﺎﺋﻼ : ﻃﺐ ﺧﻼﺹ ﻣﺎﺗﺰﻋﻠﻴﺶ ... ﺍﻓﻬﻢ ﻣﻦ ﺳﺆﺍﻟﻚ ﺩﻩ ﺍﻧﻚ ﻋﺎﻳﺰﺓ ﺗﺸﺘﻐﻠﻲ ﺑﻌﺪ ﺍﻟﺠﻮﺍﺯ ?

ﻟﻤﻴﺎﺀ ﻣﺆﻛﺪﺓ : ﻃﺒﻌﺎ ... ﻭﺩﻩ ﻋﻨﺪﻱ ﻣﻮﺿﻮﻉ ﻣﺶ ﻗﺎﺑﻞ ﻟﻠﻨﻘﺎﺵ

ﺇﺑﺮﺍﻫﻴﻢ ﺑﺠﺪﻳﺔ : ﻭﺃﻧﺎ ﻣﺎﻋﻨﺪﻳﺶ ﻣﺎﻧﻊ

ﻧﻈﺮﺕ ﺇﻟﻴﻪ ﺑﺮﻳﺒﺔ ﻓﻘﺎﻝ ﻣﺘﻌﺠﺒﺎ : ﻣﺎﻟﻚ ﺑﺘﺒﺼﻴﻠﻲ ﻛﺪﻩ ﻟﻴﻪ ? ﺩﻩ ﺃﻧﺎ ﻗﻠﺖ ﻣﻮﺍﻓﻖ ﺣﺘﻰ

ﻟﻤﻴﺎﺀ : ﻣﺎﻫﻮ ﺩﻩ ﺍﻟﻠﻲ ﻗﻠﻘﻨﻲ

ﺇﺑﺮﺍﻫﻴﻢ ﺑﺴﺨﺮﻳﺔ : ﻳﻌﻨﻲ ﻗﻠﺖ ﻣﺎﺷﻲ ﻣﺶ ﻋﺎﺟﺒﻚ ﻭﻟﻮ ﻛﻨﺖ ﻗﻠﺖ ﻷﺑﺮﺿﻪ ﻣﺎﻛﺎﻧﺶ ﺣﻴﻌﺠﺒﻚ ... ﻃﺐ ﺇﻳﻪ ﺍﻟﻤﻄﻠﻮﺏ ﻣﻨﻲ ﺑﺎﻟﻈﺒﻂ ?

ﻟﻤﻴﺎﺀ : ﺍﺻﻞ ﻓﺎﻟﺤﻘﻴﻘﺔ ﺩﻱ ﻛﺎﻧﺖ ﺣﺎﺟﺔ ﻣﻦ ﺍﻟﻠﻲ ﻛﻨﺖ ﻋﺎﻳﺰﺓ ﺃﺳﺄﻝ ﺣﻀﺮﺗﻚ ﻋﻨﻬﺎ ... ﺍﺻﻞ ﺃﻧﺎ ﺧﺎﻳﻔﺔ ﺍﻥ ﻋﻴﺸﺘﻚ ﻓﺄﻣﺮﻳﻜﺎ ﻃﻮﻝ ﺍﻟﻤﺪﺓ ﺩﻱ ﺗﻜﻮﻥ ﺧﻠﺖ ﺃﻓﻜﺎﺭﻙ ﺗﺤﺮﺭﻳﺔ ﺷﻮﻳﺔ ... ﻭﺍﻟﺪﻟﻴﻞ ﻋﻠﻰ ﻛﺪﻩ ﺍﻧﻚ ﻭﺍﻓﻘﺖ ﻋﻠﻰ ﻣﻮﺿﻮﻉ ﺍﻟﺸﻐﻞ ﺑﺎﻟﺒﺴﺎﻃﺔ ﺩﻱ

ﺗﻔﻬﻢ ﺇﺑﺮﺍﻫﻴﻢ ﻃﺒﻴﻌﺔ ﻣﺨﺎﻭﻓﻬﺎ ﻓﻘﺎﻝ ﺑﺠﺪﻳﺔ : ﻣﻦ ﺍﻟﻨﺎﺣﻴﺔﺩﻱ ﺍﻃﻤﻨﻲ ... ﻛﻞ ﺍﻟﺤﻜﺎﻳﺔ ﺇﻧﻲ ﻣﺆﻣﻦ ﺍﻥ ﺍﻟﺴﺖ ﻣﻦ ﺣﻘﻬﺎ ﺗﺸﺘﻐﻞ ﻭﺗﺜﺒﺖ ﺫﺍﺗﻬﺎ ﺯﻳﻬﺎ ﺯﻱ ﺍﻟﺮﺍﺟﻞ ﺑﺎﻟﻈﺒﻂ ... ﻭﺑﻌﺪﻳﻦ ﺑﺎﻟﻠﻪ ﻋﻠﻴﻜﻲ ﻟﻮ ﺍﻧﺎ ﺃﻓﻜﺎﺭﻱ ﺗﺤﺮﺭﻳﺔ ﺑﺮﺿﻪ ﻛﻨﺖ ﺍﺧﺘﺮﺕ ﺇﻧﻲ ﺍﺭﺟﻊ ﻣﺼﺮ ﻭﺍﺩﻭﺭ ﻋﻠﻰ ﻋﺮﻭﺳﺔ ﺣﻠﻮﺓ ﻭﺟﺪﻋﺔ ﻣﻨﻬﺎ ﻋﺸﺎﻥ ﺍﺗﺠﻮﺯﻫﺎ ... ﻭﺍﺳﻴﺐ ﺑﻨﺎﺕ ﺍﻣﺮﻳﻜﺎ

ﺧﻔﻀﺖ ﺑﺼﺮﻫﺎ ﻭﻗﺎﻟﺖ ﻓﻲ ﺧﺠﻞ : ﻟﻮ ﺳﻤﺤﺖ ﺧﻠﻴﻨﺎ ﻓﻤﻮﺿﻮﻋﻨﺎ

ﺇﺑﺮﺍﻫﻴﻢ : ﻳﺎﺳﺘﻲ ﻭﺍﻟﻠﻪ ﻗﻠﺘﻠﻚ ﻣﻮﺍﻓﻖ ﺍﻧﻚ ﺗﺸﺘﻐﻠﻲ ... ﺑﺲ ﻃﺒﻌﺎ ﺑﺸﺮﻁ ﻭﺍﺣﺪ ... ﺭﻓﻌﺖ ﺭﺃﺳﻬﺎ ﻭﻧﻈﺮﺕ ﺇﻟﻴﻪ ﺑﺘﺮﻗﺐ ﻓﺎﺳﺘﻄﺮﺩ ﻗﺎﺋﻼ : ﺇﻧﻪ ﻣﺎﻳﺄﺛﺮﺵ ﻋﻠﻲ ﺑﻴﺘﻚ ﻭﺟﻮﺯﻙ ... ﻳﻌﻨﻲ ﻣﺶ ﻋﺎﻳﺰ ﺣﺪ ﻳﺘﺼﻞ ﺑﻴﻜﻲ ﻧﺺ ﺍﻟﻠﻴﻞ ﻣﺜﻼ ﻭﻳﻘﻮﻟﻚ ﺗﻌﺎﻟﻲ ﺍﻟﺤﻘﻴﻨﺎ ﺍﺣﺴﻦ ﻓﻴﻪ ﺟﺎﻣﻮﺳﺔ ﺑﺘﻮﻟﺪ ﻭﻻ ﺣﺎﺟﺔ

ﺍﺑﺘﺴﻤﺖ ﻟﻤﻴﺎﺀ ﺑﺨﺠﻞ ﻓﻘﺎﻝ : ﺍﻟﻠﻪ ... ﻃﺐ ﻣﺎ ﺍﻧﺘﻲ ﺑﺘﻌﺮﻓﻲ ﺗﻀﺤﻜﻲ ﺁﻫﻮﻩ ﺯﻱ ﺍﻟﻨﺎﺱ ﻋﺎﺩﻱ ﻳﻌﻨﻲ ... ﺍﻣﺎﻝ ﻓﻴﻪ ﺇﻳﻪ ﺑﺲ

ﻋﺎﺩﺕ ﻣﻼﻣﺤﻬﺎ ﻟﺘﺘﺨﺬ ﻭﺿﻊ ﺍﻟﺠﺪﻳﺔ ﻭﻗﺎﻟﺖ ﺑﺼﺮﺍﻣﺔ : ﻃﻴﺐ ﻓﻴﻪ ﺣﺎﺟﺔ ﺍﺣﺐ ﺍﻗﻮﻟﻚ ﻟﺤﻀﺮﺗﻚ ﻋﻠﻴﻬﺎ ... ﺍﻧﺎ ﻣﺶ ﻧﺎﻭﻳﺔ ﺍﺗﺠﻮﺯ ﻗﺒﻞ ﻣﺎ ﺍﺧﻠﺺ ﺩﺭﺍﺳﺘﻲ ... ﻋﻨﺪﻙ ﺇﺳﺘﻌﺪﺍﺩ ﺗﺴﺘﻨﻰ ﺍﺭﺑﻊ ﺳﻨﻴﻦ ?

ﺇﺑﺮﺍﻫﻴﻢ ﺑﺘﺴﻠﻴﺔ : ﻃﺐ ﻣﺎﻓﻴﺶ ﺧﺼﻢ ﻭﻻ ﺗﺨﻔﻴﻀﺎﺕ ﻭﻻ ﺣﺎﺟﺔ ﻣﻦ ﺩﻱ ﻋﻨﺪﻙ ?

ﻟﻤﻴﺎﺀ ﺑﺤﺰﻡ : ﺁﺳﻔﺔ ... ﺍﻧﺎ ﻣﺎﻋﻨﺪﻳﺶ ﺇﺳﺘﻌﺪﺍﺩ ﺍﻋﻤﻞ ﺯﻱ ﻟﺒﻨﻰ ﺃﺧﺘﻲ ... ﻟﻤﺎ ﻭﺍﻓﻘﺖ ﺗﺘﺠﻮﺯ ﻭﻓﺎﺿﻠﻬﺎ ﺳﻨﺔ ﻓﺎﻟﻜﻠﻴﺔ ﻭﺩﻟﻮﻗﺘﻲ ..... ﺷﻌﺮﺕ ﺑﺎﻟﺨﺠﻞ ﻣﻦ ﺃﻥ ﺗﺴﺘﻜﻤﻞ ﻋﺒﺎﺭﺗﻬﺎ ﻓﻘﺎﻝ ﺑﺘﺮﻗﺐ : ﻭﺩﻟﻮﻗﺘﻲ ﺇﻳﻪ ?

ﻟﻤﻴﺎﺀ : ﻣﺶ ﻣﻬﻢ ﺩﻟﻮﻗﺘﻲ ﺇﻳﻪ ? ﺍﻟﻤﻬﻢ ﺇﻧﻲ ﻣﺶ ﺣﺎﻋﻤﻞ ﺯﻳﻬﺎ ﻭﺧﻼﺹ ... ﻗﻠﺖ ﺇﻳﻪ ?

ﺗﻨﻬﺪ ﻗﺎﺋﻼ : ﺃﻧﺎ ﺷﻜﻠﻲ ﺣﺎﺗﻌﺐ ﻣﻌﺎﻛﻲ ﺍﻭﻱ ... ﻣﻮﺍﻓﻖ ﻳﺎ ﺳﺘﻲ ﺣﺎﺳﺘﻨﺎﻛﻲ ﻭﺃﻣﺮﻱ ﻟﻠﻪ ... ﻫﺎ ﻧﻘﻮﻝ ﻣﺒﺮﻭﻙ ﺑﻘﻰ ﻭﻻ ﻟﺴﻪ ?

ﺷﺒﻜﺖ ﺃﺻﺎﺑﻌﻬﺎ ﻭﻗﺎﻟﺖ ﻓﻲ ﺗﻮﺗﺮ : ﻟﺴﻪ ﺃﻫﻢ ﺣﺎﺟﺔ ... ﻫﻮ ﺣﻀﺮﺗﻚ ﺻﻠﻴﺖ ﺇﺳﺘﺨﺎﺭﺓ ﻗﺒﻞ ﻣﺎﺗﻴﺠﻲ ﻫﻨﺎ ﻭﻻ ﻷ ?

ﻓﻬﻢ ﺇﺑﺮﺍﻫﻴﻢ ﺍﻟﻤﻐﺰﻯ ﻣﻦ ﻭﺭﺍﺀ ﺳﺆﺍﻟﻬﺎ ﻓﻘﺎﻝ ﺑﺠﺪﻳﺔ : ﻣﻦ ﺍﻟﻨﺎﺣﻴﺔﺩﻱ ﺍﻃﻤﻨﻲ ﻳﺎ ﺃﻧﺴﺔ ﻟﻤﻴﺎﺀ ... ﻣﺶ ﻣﻌﻨﻰ ﺇﻧﻲ ﻋﺸﺖ ﺑﺮﻩ ﻣﺼﺮ ﺍﺑﻘﻰ ﺑﻌﺪﺕ ﻋﻦ ﺩﻳﻨﻲ ... ﺍﻟﻠﻲ ﻣﺎﺗﻌﺮﻓﻴﻬﻮﺵ ﺇﻥ ﻭﺍﻟﺪﻱ ﻛﺎﻥ ﺣﺮﻳﺺ ﺍﻭﻱ ﺍﻥ ﺍﻟﻐﺮﺑﺔ ﻣﺎﺗﺨﻠﻴﻨﺎﺵ ﻧﻨﺴﻰ ﺩﻳﻨﻨﺎ ... ﻋﺸﺎﻥ ﻛﺪﻩ ﻛﺎﻥ ﺑﻴﻮﺩﻳﻨﺎ ﻧﺤﻔﻆ ﻗﺮﺁﻥ ﻭﻧﺘﻌﻠﻢ ﺃﻣﻮﺭ ﺩﻳﻨﻨﺎ ﺻﺢ ﻓﻤﺮﻛﺰ ﺇﺳﻼﻣﻲ ﻛﺒﻴﺮ ﻓﺎﻟﻮﻻﻳﺔ ﺍﻟﻠﻲ ﻛﻨﺎ ﻋﺎﻳﺸﻴﻦ ﻓﻴﻬﺎ ... ﻟﺴﻪ ﻓﻴﻪ ﺣﺎﺟﺔ ﺗﺎﻧﻴﺔ ﻋﺎﻳﺰﺓ ﺗﺴﺄﻟﻲ ﻋﻨﻬﺎ ?

ﺍﻭﻣﺄﺕ ﺑﺮﺃﺳﻬﺎ ﻧﺎﻓﻴﺔ ﻓﻘﺎﻝ ﺑﺈﺑﺘﺴﺎﻣﺔ : ﻳﻌﻨﻲ ﺃﻗﻮﻝ ﻣﺒﺮﻭﻙ ?

ﻗﺎﻣﺖ ﻣﻦ ﻣﺠﻠﺴﻬﺎ ﻭﻗﺎﻟﺖ ﺑﺨﺠﻞ ﻗﺒﻞ ﺍﻥ ﺗﺠﺮﻱ ﻣﺴﺮﻋﺔ ﺇﻟﻰ ﺍﻟﺨﺎﺭﺝ : ﺭﺩﻱ ﺣﺘﻌﺮﻓﻪ ﻣﻦ ﻋﻤﻲ ﻭﺃﺧﻮﻳﺎ ... ﻋﻦ ﺇﺫﻧﻚ

ﺍﺑﺘﺴﻢ ﺇﺑﺮﺍﻫﻴﻢ ﻗﺎﺋﻼ ﻭﻫﻮ ﻳﺸﻴﻌﻬﺎ ﺑﻨﻈﺮﺍﺗﻪ : ﺷﻜﻠﻨﺎ ﻛﺪﻩ ﺣﻨﻘﻮﻝ ﻣﺒﺮﻭﻙ ....

ﻳﺘﺒﻊ

↚

ﻓﻲ ﺍﻟﻤﻮﻋﺪ ﺍﻟﻤﺤﺪﺩ ﻛﺎﻥ ﺟﻤﺎﻝ ﻳﻄﺮﻕ ﺑﺎﺏ ﻣﻨﺰﻝ ﻭﺍﻟﺪﺓ ﺯﻭﺟﺘﻪ ... ﻓﺘﺢ ﻟﻪ ﺍﺣﻤﺪ ﺛﻢ ﺭﺣﺐ ﺑﻪ ﻭﺩﻋﺎﻩ ﺇﻟﻰ ﺍﻟﺪﺧﻮﻝ ﻭﺫﻫﺐ ﻹﺣﻀﺎﺭ ﺭﻭﺿﺔ ﺑﻌﺪ ﺍﻥ ﺃﺟﻠﺴﻪ ﻓﻲ ﻏﺮﻓﺔ ﺍﻹﺳﺘﻘﺒﺎﻝ ﺑﺈﻧﺘﻈﺎﺭ ﻗﺪﻭﻡ ﺃﻣﻴﺮﺓ ﻭﺭﻭﺿﺔ ... ﻭﻟﻜﻨﻪ ﻓﺆﺟﺊ ﺑﻘﺪﻭﻡ ﺍﺣﻤﺪ ﺣﺎﻣﻼ ﺭﻭﺿﺔ ﻓﻘﻂ ﺩﻭﻥ ﻭﺟﻮﺩ ﺃﻣﻴﺮﺓ ... ﺍﻗﺘﺮﺏ ﻣﻨﻪ ﺟﻤﺎﻝ ﺛﻢ ﺍﻣﺘﺪﺕ ﻳﺪﺍﻩ ﻟﺘﺄﺧﺬ ﻣﻨﻪ ﺭﻭﺿﺔ ﺍﻟﺘﻲ ﺍﻓﺘﻘﺪﻫﺎ ﺑﺸﺪﺓ ... ﻗﺒﻠﻬﺎ ﺟﻤﺎﻝ ﺛﻢ ﺃﺟﻠﺴﻬﺎ ﻋﻠﻰ ﻗﺪﻣﻴﻪ ﻭﻋﻴﻨﺎﻩ ﺗﻨﻄﻘﺎﻥ ﺑﺎﻟﻠﻬﻔﺔ ﻟﻤﻌﺮﻓﺔ ﺳﺒﺐ ﻋﺪﻡ ﻗﺪﻭﻡ ﺃﻣﻴﺮﺓ ... ﻟﻜﻨﻪ ﻟﻢ ﻳﺠﺮﺅ ﻋﻠﻰ ﺳﺆﺍﻝ ﺍﺣﻤﺪ ﻋﻨﻬﺎ ... ﺷﻌﺮ ﺍﺣﻤﺪ ﺑﻤﺎ ﻳﺸﻐﻠﻪ ﻓﻘﺎﻝ ﺑﺠﺪﻳﺔ : ﺍﻛﻴﺪ ﺍﻧﺖ ﻃﺒﻌﺎ ﻣﻨﺘﻈﺮ ﺗﻌﺮﻑ ﺭﺩ ﺃﻣﻴﺮﺓ ﻋﻠﻰ ﻃﻠﺒﻚ ﺇﻳﻪ ... ﺍﺻﻐﻰ ﺇﻟﻴﻪ ﺟﻤﺎﻝ ﺑﺈﻧﺘﺒﺎﻩ ﻟﻴﻘﻮﻝ ﺍﺣﻤﺪ : ﺃﻣﻴﺮﺓ ﻣﻮﺍﻓﻘﺔ ﺗﺮﺟﻌﻠﻚ ﻳﺎ ﺟﻤﺎﻝ

ﺗﻬﻠﻠﺖ ﺃﺳﺎﺭﻳﺮﻩ ﺑﺸﺪﺓ ﺛﻢ ﻗﺎﻝ ﺑﺤﺒﻮﺭ : ﺑﺠﺪ ﻳﺎ ﺍﺣﻤﺪ

ﺗﻨﻬﺪ ﻗﺎﺋﻼ ﺑﺘﺄﺛﺮ : ﺑﺠﺪ ﻳﺎ ﺟﻤﺎﻝ ... ﻟﻜﻦ ﻓﺎﻟﺤﻘﻴﻘﺔ ﻫﻴﺎ ﻣﺶ ﻧﺎﻭﻳﺔ ﺗﺮﺟﻌﻠﻚ ﻓﺎﻟﻮﻗﺖ ﺍﻟﺤﺎﻟﻲ

ﺗﺠﻬﻢ ﻭﺟﻬﻪ ﻓﺠﺄﺓ ﻭﺷﻌﺮ ﻭﻛﺄﻥ ﻗﺒﻀﺔ ﺑﺎﺭﺩﺓ ﺍﻋﺘﺼﺮﺕ ﻗﻠﺒﻪ ﺑﺸﺪﺓ ﻓﻘﺎﻝ ﺑﺤﺰﻥ : ﻟﻴﻪ ﺑﺲ ﻳﺎ ﺍﺣﻤﺪ ? ﻣﺎﺩﺍﻡ ﻭﺍﻓﻘﺖ ﺍﻧﻬﺎ ﺗﺴﺎﻣﺤﻨﻲ ﻭﺗﺮﺟﻌﻠﻲ ... ﻳﺒﻘﻰ ﻟﻴﻪ ﻣﺶ ﺩﻟﻮﻗﺘﻲ ?

ﺍﺣﻤﺪ : ﻫﻴﺎ ﺑﺘﻘﻮﻝ ﺍﻧﻬﺎ ﻣﺤﺘﺎﺟﺔ ﻭﻗﺖ ﻋﺸﺎﻥ ﺗﻘﺪﺭ ﺗﻨﺴﻰ ﺍﻟﻠﻲ ﺣﺼﻞ ...

ﺟﻤﺎﻝ : ﻃﺐ ﻣﺎﺗﺤﺎﻭﻝ ﻣﻌﺎﻫﺎ ﻳﺎ ﺍﺣﻤﺪ ... ﺍﻧﺎ ﻋﺎﺭﻑ ﺍﻧﻬﺎ ﺑﺘﺤﺒﻚ ﻭﺣﺘﺴﻤﻊ ﻛﻼﻣﻚ

ﺍﻏﻤﺾ ﻋﻴﻨﻴﻪ ﺛﻢ ﺯﻓﺮ ﻗﺎﺋﻼ : ﻭﺍﻟﻠﻪ ﻳﺎﺟﻤﺎﻝ ﺍﻧﺎ ﺣﺎﻭﻟﺖ ﻣﻌﺎﻫﺎ ﻛﺘﻴﺮ ... ﻭﻗﻠﺖ ﺯﻳﻚ ﻛﺪﻩ ﺑﺎﻟﻈﺒﻂ ... ﻣﺎﺩﺍﻡ ﻣﻮﺍﻓﻘﺔ ﻳﺒﻘﻰ ﺇﻳﻪ ﻟﺰﻭﻡ ﺍﻟﺘﺄﺧﻴﺮ ... ﻫﻴﺎ ﻗﺎﻟﺘﻠﻲ ﺍﻟﻜﻼﻡ ﺍﻟﻠﻲ ﻗﻮﻟﺘﻬﻮﻟﻚ ﺩﻩ ... ﻭﺍﻧﺎ ﻃﺒﻌﺎ ﻣﺎﻗﺪﺭﺵ ﺍﺿﻐﻂ ﻋﻠﻴﻬﺎ ... ﻗﺮﺍﺭ ﺭﺟﻮﻋﻬﺎ ﻻﺯﻡ ﻳﻜﻮﻥ ﺑﺈﺧﺘﻴﺎﺭﻫﺎ ﻭﺇﺭﺍﺩﺗﻬﺎ ... ﻋﺸﺎﻥ ﻣﺎﺗﺮﺟﻌﺶ ﻫﻨﺎﻣﺮﺓ ﺗﺎﻧﻴﺔ ﺑﺸﻨﻄﺔ ﻫﺪﻭﻣﻬﺎ ... ﻹﻥ ﺍﻟﻤﺮﺓ ﺍﻟﺘﺎﻧﻴﺔ ﺣﺘﻜﻮﻥ ﺍﻟﻤﺮﺓ ﺍﻷﺧﻴﺮﺓ ﻟﻸﺳﻒ ... ﻭﻻ ﺍﻧﺖ ﺷﺎﻳﻒ ﺇﻳﻪ ?

ﺟﻤﺎﻝ ﺑﺈﻧﻜﺴﺎﺭ : ﻃﻴﺐ ﻣﻤﻜﻦ ﻟﻮ ﺳﻤﺤﺖ ﺗﺨﻠﻴﻬﺎ ﺗﻴﺠﻲ ﺗﺘﻜﻠﻢ ﻣﻌﺎﻳﺎ ﻭﺍﻓﻬﻢ ﻣﻨﻬﺎ ﺳﺒﺐ ﺍﻟﺘﺄﺟﻴﻞ ﺩﻩ ﺇﻳﻪ

ﺍﺷﻔﻖ ﺍﺣﻤﺪ ﻋﻠﻰ ﺣﺎﻟﻪ ﻓﻘﺎﻝ ﺑﺈﺫﻋﺎﻥ : ﺣﺎﺿﺮ ﻳﺎ ﺟﻤﺎﻝ

ﺑﻌﺪ ﻗﻠﻴﻞ ﻋﺎﺩ ﺍﺣﻤﺪ ﻭﻣﻌﻪ ﺃﻣﻴﺮﺓ ﺍﻟﺘﻲ ﺟﻠﺴﺖ ﺑﻌﺪ ﺃﻥ ﺻﺎﻓﺤﺘﻪ ﻓﺎﺳﺘﺄﺫﻥ ﺍﺣﻤﺪ ﻣﻐﺎﺩﺭﺍ ... ﺳﺎﺩ ﺍﻟﺼﻤﺖ ﺑﻴﻨﻬﻤﺎ ﻟﻠﺤﻈﺎﺕ ﻻ ﻳﺠﺮﺅ ﺃﺣﺪﻫﻤﺎ ﻋﻠﻰ ﺷﻘﻪ ... ﺇﻻ ﺃﻥ ﻗﻄﻌﻪ ﺟﻤﺎﻝ ﺃﺧﻴﺮﺍ ﻗﺎﺋﻼ : ﻣﻤﻜﻦ ﺍﻋﺮﻑ ﺭﻓﻀﺘﻲ ﻟﻴﻪ ﺗﺮﺟﻌﻲ ﻣﻌﺎﻳﺎ

ﺃﻣﻴﺮﺓ : ﺷﻮﻑ ﻳﺎ ﺟﻤﺎﻝ ... ﺍﻧﺎ ﺣﺎﻛﻠﻤﻚ ﺑﻜﻞ ﺻﺮﺍﺣﺔ ... ﺍﻧﺎ ﺍﺑﻘﻰ ﻛﺪﺍﺑﺔ ﻟﻮﻗﻠﺘﻠﻚ ﺍﻧﻚ ﻛﺮﻫﺘﻚ ﺃﻭ ﺇﻧﻲ ﻣﺶ ﻋﺎﻳﺰﺓ ﺍﺭﺟﻌﻠﻚ ... ﻭ ﺍﻧﺎ ﺧﻼﺹ ﺳﺎﻣﺤﺘﻚ ﻋﻠﻰ ﺍﻟﻠﻲ ﻋﻤﻠﺘﻪ ﻣﻌﺎﻳﺎ ... ﻟﻜﻦ ﺻﺪﻗﻨﻲ ﺍﻧﺎ ﻣﺤﺘﺎﺟﺔ ﺷﻮﻳﺔ ﻭﻗﺖ ﻋﺸﺎﻥ ﺍﻗﺪﺭ ﺍﻧﺴﻰ ﻛﻞ ﺍﻟﻠﻲ ﺣﺼﻞ ﺍﻟﻔﺘﺮﺓ ﺍﻟﻠﻲ ﻓﺎﺗﺖ ﺩﻱ ... ﻟﺴﻪ ﻣﺎﻋﻨﺪﻳﺶ ﺍﻹﺳﺘﻌﺪﺍﺩ ﺍﻟﻨﻔﺴﻲ ﺍﻧﻨﺎ ﻧﺮﺟﻊ ﺯﻭﺝ ﻭﺯﻭﺟﺔ ﻣﻦ ﺗﺎﻧﻲ ... ﻟﻮ ﺣﺎﻭﻟﺖ ﺍﻧﻚ ﺗﻠﻤﺴﻨﻲ ﺣﺎﻓﺘﻜﺮ ﺍﻥ ﺇﻳﺪﻙ ﺩﻱ ﻟﻤﺴﺖ ﺑﻴﻬﺎ ﺳﺖ ﻏﻴﺮﻱ ﻭﻓﺎﻟﺤﺮﺍﻡ ... ﻣﺶ ﻣﻌﻘﻮﻝ ﻛﻞ ﺩﻩ ﺣﻴﺘﻤﺤﻲ ﻣﻦ ﻋﻘﻠﻲ ﺑﻴﻦ ﻳﻮﻡ ﻭﻟﻴﻠﺔ ﻭﺧﺼﻮﺻﺎ ﺇﻧﻲ ﺷﻮﻓﺘﻪ ﺑﻌﻴﻨﻲ ... ﺍﺭﺟﻮ ﺍﻧﻚ ﺗﻜﻮﻥ ﻓﻬﻤﺘﻨﻲ ﻳﺎ ﺟﻤﺎﻝ

ﻟﻢ ﻳﺴﺘﻄﻊ ﺍ ﻥ ﻳﻘﺎﻭﻡ ﻭﺧﺰﺍﺕ ﺍﻟﺪﻣﻮﻉ ﻓﻲ ﻋﻴﻨﻴﻪ ﻓﺘﺮﻛﻬﺎ ﻟﺘﻨﺴﺎﺏ ﻋﻠﻰ ﻭﺟﻨﺘﻴﻪ ﻗﺎﺋﻼ : ﻟﻠﺪﺭﺟﺔﺩﻱ ﻣﺎﺑﻘﺘﻴﺶ ﻃﺎﻳﻘﺎﻧﻲ ﻳﺎ ﺃﻣﻴﺮﺓ

ﺍﻣﻴﺮﺓ : ﺍﺭﺟﻮﻙ ﻣﺎﺗﻔﻬﻤﻨﻴﺶ ﻏﻠﻂ ... ﺻﺪﻗﻨﻲ ﻳﺎ ﺟﻤﺎﻝ ﺍﻧﺎ ﺣﺎﺭﺟﻊ ﺍﻥ ﺷﺎﺀﺍﻟﻠﻪ ... ﻟﻜﻦ ﻟﻤﺎ ﺍﺣﺲ ﺍﻥ ﺍﻟﻮﻗﺖ ﻣﻨﺎﺳﺐ ... ﻭﺑﻌﺪﻳﻦ ﺍﻧﺖ ﺗﻘﺪﺭ ﺗﻴﺠﻲ ﺗﺸﻮﻑ ﺑﻨﺘﻚ ﻓﺄﻱ ﻭﻗﺖ ... ﻭﺍﺣﻨﺎ ﺣﻨﺸﻮﻑ ﺑﻌﺾ ﻓﺎﻟﻤﺪﺭﺳﺔ ﺍﻥ ﺷﺎﺀﺍﻟﻠﻪ ... ﻭﺣﻨﺘﻊﺍﻣﻞ ﻋﺎﺩﻱ ﺍﺩﺍﻡ ﺯﻣﺎﻳﻠﻨﺎ ﻭﺍﻟﻄﺎﻟﺒﺎﺕ ﺑﺘﻮﻉ ﺍﻟﻤﺪﺭﺳﺔ ... ﻟﺤﺪ ﻣﺎﺗﻼﻗﻴﻨﻲ ﻳﻮﻡ ﺟﺎﻳﺔ ﺑﺎﻗﻮﻟﻚ ﺍﻧﺎ ﺣﺎﺭﻭﺡ ﻣﻌﺎﻙ ﺍﻟﻨﻬﺎﺭﺩﺓ ﻳﺎ ﺟﻤﺎﻝ ﺍﻥ ﺷﺎﺀﺍﻟﻠﻪ

ﻫﺰ ﺭﺃﺳﻪ ﻗﺎﺋﻼﻓﻲ ﺃﺳﻰ : ﺍﻟﻠﻲ ﺗﺸﻮﻓﻴﻪ ﻳﺎ ﺃﻣﻴﺮﺓ

&&&&&&&&&&&&&&&&&&

ﺑﻌﺪ ﻣﺮﻭﺭ ﺃﺳﺒﻮﻉ ﻭﺗﺤﺪﻳﺪﺍ ﺩﺍﺧﻞ ﺇﺣﺪﻯ ﺍﻟﻘﺎﻋﺎﺕ ﺣﻴﺚ ﻳﻘﺎﻡ ﺣﻔﻞ ﺧﻄﺒﺔ ﺇﺑﺮﺍﻫﻴﻢ ﻭﻟﻤﻴﺎﺀ ... ﻛﺎﻥ ﺇﺑﺮﺍﻫﻴﻢ ﻳﺘﺤﺪﺙ ﺇﻟﻴﻬﺎ ﻗﺎﺋﻼ : ﺃﻟﻒ ﻣﺒﺮﻭﻙ ﻳﺎ ﺣﺒﻴﺒﺘﻲ

ﻟﻤﻴﺎﺀ ﺑﺤﺪﺓ : ﺍﺣﻨﺎ ﺍﺗﻔﻘﻨﺎ ﻋﻠﻰ ﺇﻳﻪ ?

ﺗﻨﻬﺪ ﺇﺑﺮﺍﻫﻴﻢ ﻗﺎﺋﻼ ﺑﻨﻔﺎﺫ ﺻﺒﺮ : ﺍﺗﻔﻘﻨﺎ ﺍﻥ ﻣﺎﻓﻴﺶ ﻛﻼﻡ ﻣﻦ ﺩﻩ ﻏﻴﺮ ﺑﻌﺪ ﻛﺘﺐ ﺍﻟﻜﺘﺎﺏ ... ﺍﺳﻒ ﻧﺴﻴﺖ ﺍﻣﺸﻲ ﻋﻠﻰ ﺍﻟﻜﺘﺎﻟﻮﺝ ﺍﻟﻤﺮﺓﺩﻱ

ﻟﻤﻴﺎﺀ ﻣﺤﺬﺭﺓ ﺇﻳﺎﻩ : ﻃﻴﺐ ﻟﻮ ﺳﻤﺤﺖ ﻣﺎﺗﻨﺴﺎﺵ ﻣﺮﺓ ﺗﺎﻧﻴﺔ

ﺇﺑﺮﺍﻫﻴﻢ : ﻟﻤﻴﺎﺀ ﺍﻧﺘﻲ ﻣﺘﺄﻛﺪﺓ ﺍﻥ ﺧﻄﻮﺑﺘﻨﺎ ﺍﻟﻨﻬﺎﺭﺩﺓ ﺍﻛﻴﺪ ﻳﻌﻨﻲ ? ... ﻫﻮ ﺃﻧﺎ ﺣﺎﻓﻀﻞ ﻓﺎﻟﻬﻢ ﺩﻩ ﺍﺭﺑﻊ ﺳﻨﻴﻦ ﻟﺴﻪ ? ﺃﻧﺎ ﺷﻜﻠﻲ ﻛﺪﻩ ﺣﺎﺗﺮﺑﻰ ﻣﻦ ﺃﻭﻝ ﻭﺟﺪﻳﺪ

ﺍﺑﺘﺴﻤﺖ ﻟﻤﻴﺎﺀ ﻗﺎﺋﻠﺔ : ﻭﺍﻟﻠﻪ ﺇﺫﺍ ﻛﺎﻥ ﻋﺎﺟﺒﻚ ﺑﻘﻰ

ﺑﺎﺩﻟﻬﺎ ﺍﻹﺑﺘﺴﺎﻣﺔ ﻗﺎﺋﻼ : ﻋﺎﺟﺒﻨﻲ ﻭﻧﺺ ... ﺑﺲ ﻓﻜﻴﻬﺎ ﺷﻮﻳﺔ ﻋﺸﺎﻥ ﺧﺎﻃﺮﻱ

ﻟﻤﻴﺎﺀ : ﺍﻭﻋﺪﻙ ﺇﻧﻲ ﺍﻓﻜﺮ .

&&&&&&&&&&&&&&&&&

ﻋﻠﻰ ﺇﺣﺪﻯ ﺍﻟﻄﺎﻭﻻﺕ ﺣﻴﺚ ﻳﺠﻠﺲ ﺻﻔﻮﺕ ﻭﺳﻌﻴﺪ ... ﺍﻗﺘﺮﺏ ﻣﻨﻬﻤﺎ ﺍﺩﻫﻢ ﻣﺘﺤﺪﺛﺎ ﻣﻊ ﺳﻌﻴﺪ ... ﺍﻟﺬﻱ ﺃﺑﻠﻐﻪ ﺑﺮﻓﺾ ﺇﺑﻨﺘﻪ ﻟﻔﻜﺮﺓ ﺍﻹﺭﺗﺒﺎﻁ ﻓﻲ ﺍﻟﻮﻗﺖ ﺍﻟﺤﺎﻟﻲ ... ﺍﻷﻣﺮ ﺍﻟﺬﻱ ﺃﺣﺰﻧﻪ ﺑﺸﺪﺓ ... ﻭﻟﻜﻨﻪ ﻟﻢ ﻳﻔﻘﺪ ﺍﻷﻣﻞ ﺑﻌﺪ ... ﻋﻨﺪﻣﺎ ﺭﺃﻫﺎ ﺗﻐﺎﺩﺭ ﺍﻟﻘﺎﻋﺔ ﺇﻟﻲ ﺍﻟﺨﺎﺭﺝ ﺃﺳﺮﻉ ﻧﺤﻮ ﻭﺍﻟﺪﻫﺎ ﻗﺎﺋﻼ : ﻋﻢ ﺳﻌﻴﺪ ﺗﺴﻤﺤﻠﻲ ﺍﺗﻜﻠﻢ ﻣﻌﺎﻫﺎ ﻛﻠﻤﺘﻴﻦ ﻷﺧﺮ ﻣﺮﺓ ﻭﺍﻭﻋﺪﻙ ﺍﻧﻬﺎ ﻟﻮ ﺻﻤﻤﺖ ﻋﻠﻰ ﺭﻓﻀﻬﺎ ﺃﻧﺎ ﻣﺶ ﺣﺎﺿﺎﻳﻘﻬﺎ ﻭﻻ ﺃﺿﺎﻳﻘﻚ ﻣﺮﺓ ﺗﺎﻧﻴﺔ ... ﻣﻤﻜﻦ ?

ﺳﻌﻴﺪ : ﺧﻼﺹ ﻳﺎ ﺍﺑﻨﻲ ... ﻣﺎﻋﻨﺪﻳﺶ ﻣﺎﻧﻊ

ﺍﺳﺮﻉ ﺍﺩﻫﻢ ﻳﻐﺎﺩﺭ ﺍﻟﻘﺎﻋﺔ ﺧﻠﻔﻬﺎ ﻭﻣﺎ ﺇﻥ ﺧﺮﺝ ﺣﺘﻰ ﻭﺟﺪﻫﺎ ﺗﻘﻒ ﺑﺎﻟﺨﺎﺭﺝ ﻭﻗﺪ ﺃﺧﺬ ﻣﻨﻬﺎ ﺍﻟﺸﺮﻭﺩ ﻣﺒﻠﻐﻪ ... ﺍﻗﺘﺮﺏ ﻣﻨﻬﺎ ﻗﺎﺋﻼ ﺑﺮﻗﺔ : ﺍﺯﻳﻚ ﻳﺎ ﺃﻧﺴﺔ ﺳﻮﺯﺍﻥ ?

ﻧﻈﺮﺕ ﺇﻟﻴﻪ ﺳﻮﺯﺍﻥ ﻗﺎﺋﻠﺔ ﺑﺪﻫﺸﺔ : ﺃﻫﻼ ﺍﺩﻫﻢ ... ﻣﺶ ﺍﺩﻫﻢ ﺻﺢ ?

ﺃﻭﻣﺄ ﺑﺮﺃﺳﻪ ﻣﺆﻛﺪﺍ ﻭﻗﺎﻝ ﺑﺄﺳﻰ : ﻣﻤﻜﻦ ﺍﻋﺮﻑ ﺍﻧﺘﻲ ﻟﻴﻪ ﺭﻓﻀﺘﻲ ﻣﻮﺿﻮﻉ ﺍﻟﺨﻄﻮﺑﺔ ?

ﺯﻓﺮﺕ ﻗﺎﺋﻠﺔ ﺑﻀﻴﻖ : ﺍﺩﻫﻢ ... ﺍﻋﺘﻘﺪ ﺃﻧﺎ ﻣﻦ ﺣﻘﻲ ﺃﻗﺒﻞ ﺃﻭ ﺍﺭﻓﺾ

ﺍﺩﻫﻢ ﺑﺤﺪﺓ : ﻭﺃﻧﺎ ﻣﻦ ﺣﻘﻲ ﺍﻋﺮﻑ ﺭﻓﻀﺘﻴﻨﻲ ﻟﻴﻪ

ﺳﻮﺯﺍﻥ ﺑﺠﺪﻳﺔ : ﺍﺩﻫﻢ ... ﺍﻧﺎ ﻟﺴﻪ ﺍﺭﺑﻊ ﺳﻨﻴﻦ ﺩﺭﺍﺳﺔ

ﺍﺩﻫﻢ ﺑﺈﺻﺮﺍﺭ : ﻗﻠﺖ ﺇﻧﻲ ﺣﺎﺳﺘﻨﺎﻛﻲ ... ﺩﻱ ﻣﺶ ﺣﺠﺔ ... ﻃﺐ ﻣﺎﻫﻮ ﺇﺑﺮﺍﻫﻴﻢ ﺣﻴﺴﺘﻨﻰ ﻟﻤﻴﺎ ﺍﺭﺑﻊ ﺳﻨﻴﻦ ﻫﻮ ﻛﻤﺎﻥ ﻣﻊ ﺇﻧﻪ ﺍﻛﺒﺮ ﻣﻨﻲ .

ﺳﻮﺯﺍﻥ : ﺍﺩﻫﻢ ﺍﻧﺎ ﻣﺎﻣﺎ ﻣﺎﺗﺖ ﻣﻦ ﻓﺘﺮﺓ ﺑﺴﻴﻄﺔ ... ﺍﻧﺎ ﻟﺴﻪ ﺣﺰﻳﻨﺔ ﻋﺸﺎﻧﻬﺎ

ﺍﺩﻫﻢ : ﺍﻧﺘﻲ ﻣﺤﺴﺴﺎﻧﻲ ﺍﻧﻨﺎ ﺣﻨﺘﺠﻮﺯ ﺑﻜﺮﺓ ... ﻳﺎﺳﺘﻲ ﻣﺎ ﺍﺣﻨﺎ ﻟﺴﻪ ﺍﺩﺍﻣﻨﺎ ﺍﺭﺑﻊ ﺳﻨﻴﻦ ﻋﻠﻰ ﻣﺎﻧﺘﺠﻮﺯ

ﺳﻮﺯﺍﻥ ﺑﺪﻫﺸﺔ : ﺍﺩﻫﻢ ﺍﻧﺖ ﺷﻮﻓﺖ ﺃﻧﺎ ﻛﺎﻡ ﻣﺮﺓ ?

ﺍﻗﺘﺮﺏ ﺍﺩﻫﻢ ﻣﻨﻬﺎ ﻗﺎﺋﻼ : ﺻﺪﻗﻴﻨﻲ ﻫﻴﺎ ﻣﺮﺓ ﻭﺍﺣﺪﺓ ﺑﺲ ﺷﻘﻠﺒﺘﻲ ﻓﻴﻬﺎ ﺣﺎﻟﻲ ... ﻣﻦ ﺳﺎﻋﺘﻬﺎ ﻭﺍﻧﺎ ﻣﺶ ﻋﺎﺭﻑ ﻣﺎﻟﻲ ... ﻣﺶ ﺑﺎﺑﻄﻞ ﺗﻔﻜﻴﺮ ﻓﻴﻜﻲ ﻻ ﻟﻴﻞ ﻭﻻ ﻧﻬﺎﺭ ... ﻣﺶ ﻋﺎﻳﺰ ﺣﺎﺟﺔ ﻣﻦ ﺍﻟﺪﻧﻴﺎ ﻏﻴﺮ ﺇﻧﻚ ﺗﻜﻮﻧﻲ ﻣﻌﺎﻳﺎ ﻭﺑﺲ ... ﻃﻴﺐ ﺟﺮﺑﻲ ﺍﻧﺘﻲ ﺑﺲ ﺗﻘﺮﺑﻲ ﻣﻨﻲ ﻭﺍﻧﺘﻲ ﺗﻌﺮﻓﻲ ﺑﻨﻔﺴﻚ ﺍﻧﺎ ﺣﺒﻴﺘﻚ ﺍﺩ ﺇﻳﻪ

ﺑﺪﺍ ﻋﻠﻴﻬﺎ ﺍﻟﺘﺄﺛﺮ ﺟﺮﺍﺀ ﻛﻠﻤﺎﺗﻪ ﻓﻘﺎﻝ ﺑﺠﺪﻳﺔ : ﺍﺩﻫﻢ ... ﺍﻧﺎ ﺍﻭﻋﺪﻙ ﺑﻌﺪ ﺍﺭﺑﻊ ﺳﻨﻴﻦ ﺍﻥ ﺷﺎﺀﺍﻟﻠﻪ ... ﺍﻧﺎ ﻣﻤﻜﻦ ﺍﻓﻜﺮ ﻓﺎﻟﻤﻮﺿﻮﻉ ﺩﻩ

↚

ﺷﻬﻖ ﻗﺎﺋﻼ ﺑﺴﺨﺮﻳﺔ : ﻧﻌﻢ ﻳﺎ ﺍﺧﺘﻲ ! ﻋﺎﻳﺰﺓ ﺗﻠﻄﻌﻴﻨﻲ ﺟﻨﺒﻚ ﺍﺭﺑﻊ ﺳﻨﻴﻦ ﻭﺑﻌﺪ ﻛﺪﻩ ﺗﺸﻮﻓﻲ ﺇﺫﺍ ﻛﻨﺘﻲ ﺣﺘﺘﻜﺮﻣﻲ ﻭﺗﻮﺍﻓﻘﻲ ﻭﻻ ﻷ ... ﺍﺳﻤﻌﻲ ﺑﻘﻰ ... ﺃﻧﺎ ﺑﻜﻠﻤﻚ ﻣﻦ ﺳﺎﻋﺘﻬﺎ ﺑﺎﻟﺬﻭﻕ ﻭﻋﻤﺎﻝ ﺍﺳﺒﻞ ﻋﻨﻴﺎ ﻭﺍﺗﻨﻬﺪ ﻭﻋﺎﻣﻠﻚ ﻓﻴﻠﻢ ﺭﻭﻣﺎﻧﺴﻲ ﻭﺍﻧﺘﻲ ﺑﺮﺿﻪ ﻣﻨﺸﻔﺔ ﺩﻣﺎﻏﻚ ... ﻣﻦ ﺍﻵﺧﺮ ﻛﺪﻩ ﺃﻧﺎ ﻧﻮﻳﺖ ﺍﺗﺠﻮﺯﻙ ﻳﻌﻨﻲ ﺣﺎﺗﺠﻮﺯﻙ ... ﻭﻟﻌﻠﻢﻙ ﻫﻨﺎ ﻓﻤﺼﺮ ﻛﻠﻤﺔ ﺍﻟﺮﺍﺟﻞ ﻫﻴﺎ ﺍﻟﻠﻲ ﺑﺘﻤﺸﻲ ﻭﺍﻧﺎ ﺑﻘﻰ ﻛﻠﻤﺘﻲ ﻻﺯﻡ ﺗﻤﺸﻲ ... ﺳﻤﻴﻬﺎ ﺩﻳﻜﺘﺎﺗﻮﺭﻳﺔ ... ﺳﻢﻳﻬﺎ ﺃﻧﺎﻧﻴﺔ ... ﺳﻤﻴﻪ ﻣﺠﺘﻤﻊ ﺫﻛﻮﺭﻱ ... ﺑﺮﺿﻪ ﻛﻼﻣﻲ ﺍﻟﻠﻲ ﺣﻴﻤﺸﻲ ... ﺇﻳﻪ ﺭﺃﻳﻚ ﺑﻘﻰ ?

ﺍﺑﺴﻤﺖ ﻗﺎﺋﻠﺔ ﺑﺘﻌﺠﺐ : ﻣﺶ ﺑﺄﻗﻮﻟﻚ ﻣﺠﻨﻮﻥ ?

ﺍﺑﺘﺴﻢ ﻫﻮ ﺍﻷﺧﺮ ﺑﺪﻭﺭﻩ ﻗﺎﺋﻼ : ﺍﻧﺎ ﻟﻮ ﻣﺠﻨﻮﻥ ﺻﺤﻴﺢ ﻳﺒﻘﻰ ﻣﺠﻨﻮﻥ ﺑﻴﻜﻲ ... ﻗﻮﻟﺘﻲ ﺍﻳﻪ ﺑﻘﻰ ?

ﺧﻔﻀﺖ ﺑﺼﺮﻫﺎ ﻭﺍﺑﺘﺴﻤﺖ ﺩﻭﻥ ﺃﻥ ﺗﺠﻴﺒﻪ ﻓﺎﺳﺘﻜﻤﻞ ﺣﺪﻳﺜﻪ ﻗﺎﺋﻼ : ﻓﻤﺼﺮ ﻋﻨﺪﻧﺎ ﺑﻴﻘﻮﻟﻮﺍ ﺍﻟﺴﻜﻮﺕ ﻋﻼﻣﺔ ﺍﻟﺮﺿﺎ ... ﻓﺄﻣﺮﻳﻜﺎ ﺑﻘﻰ ﺑﻴﻘﻮﻟﻮﺍ ﺇﻳﻪ ?

ﺳﻮﺯﺍﻥ : ,really ﻣﺶ ﻋﺎﺭﻓﺔ ﺍﻗﻮﻟﻚ ﺇﻳﻪ

ﺍﻗﺘﺮﺏ ﺍﺩﻫﻢ ﻣﻨﻬﺎ ﻭﺍﻣﺴﻚ ﺑﻴﺪﻫﺎ ﻭﺳﺎﺭ ﻣﺴﺮﻋﺎ ﻓﻲ ﺇﺗﺠﺎﻩ ﺍﻟﻘﺎﻋﺔ ﺩﻭﻥ ﺃﻥ ﻳﻌﻄﻴﻬﺎ ﻓﺮﺻﺔ ﻟﻠﺘﺨﻠﺺ ﻣﻦ ﻗﺒﻀﺘﻪ ﻭﻫﻮ ﻳﻘﻮﻝ : ﺍﻧﺘﻲ ﻟﺴﻪ ﺣﺘﻘﻮﻟﻲ ﻳﻼ ﺑﻴﻨﺎ ﺑﺴﺮﻋﺔ ﻋﻠﻰ ﻋﻢ ﺳﻌﻴﺪ ﻧﻘﺮﺍ ﺍﻟﻔﺎﺗﺤﺔ

ﻧﺰﻋﺖ ﻳﺪﻫﺎ ﻭﻗﺎﻟﺖ ﺑﻀﻴﻖ : ﺍﺩﻫﻢ wait...

ﺍﻟﺘﻔﺖ ﺇﻟﻴﻬﺎ ﻗﺎﺋﻼ ﺑﺒﺮﺍﺀﺓ : ﺇﻳﻪ ... ﻣﺶ ﺣﺎﻓﻈﺔ ﺍﻟﻔﺎﺗﺤﺔ ?

ﺍﺑﺘﺴﻤﺖ ﺭﻏﻤﺎ ﻋﻨﻬﺎ ﻭﻗﺎﻟﺖ ﺑﺠﺪﻳﺔ : ﻻﺯﻡ ﺗﻌﺮﻑ ﺇﻧﻪ ﻣﺶ ﺣﻨﻌﻤﻞ ﺧﻄﻮﺑﺔ ﺍﻭ ﺃﻱ ﺣﺎﺟﺔ ﻗﺒﻞ ﺍﺭﺑﻊ ﺳﻨﻴﻦ .

ﺍﺩﻫﻢ ﺑﺼﺪﻣﺔ : ﺇﻳﻪ ﺩﻩ ﺑﻘﻰ ! ﺩﻩ ﺍﻧﺎ ﻛﻨﺖ ﻋﺎﻳﺰ ﺃﻗﻮﻟﻚ ﻧﻜﺘﺐ ﺍﻟﻜﺘﺎﺏ ﺑﺎﻟﻤﺮﺓ ... ﺍﻧﺘﻲ ﻋﺎﻳﺰﺓ ﻧﻘﻀﻴﻬﺎ ﺍﺭﺑﻊ ﺳﻨﻴﻦ ﺧﻄﻮﺑﺔ ﻋﻠﻰ ﺍﻟﻨﺎﺷﻒ ﻛﺪﻩ ?

ﺑﺪﺍ ﻋﻠﻰ ﻣﻼﻣﺤﻬﺎ ﻋﺪﻡ ﺍﻟﻔﻬﻢ ﻭﻫﻲ ﺗﺠﻴﺒﻪ ﻗﺎﺋﻠﺔ : ﺇﻳﻪ ﻋﻠﻰ ﺍﻟﻨﺎﺷﻒ ﺩﻱ ﺍﺩﻫﻢ ?

ﺍﺑﺘﺴﻢ ﻗﺎﺋﻼ ﺑﺒﻼﻫﺔ : ﺇﻳﻪ ﺩﻩ ﺍﻧﺘﻲ ﻣﺶ ﻓﺎﻫﻤﺔ ﻋﻠﻰ ﺍﻟﻨﺎﺷﻒ ﺩﻱ ... ﻭﺍﺿﺢ ﺍﻥ ﺍﻟﻠﻲ ﻋﻠﻤﻚ ﻣﺼﺮﻱ ﻣﺎﻋﻨﺪﻭﺵ ﺿﻤﻴﺮ ... ﺑﺲ ﺗﺼﺪﻗﻲ ﺍﻟﺠﻬﻞ ﺳﺎﻋﺎﺕ ﺑﻴﺒﻘﻰ ﻧﻌﻤﺔ ﺑﺮﺿﻪ ... ﻳﻌﻨﻲ ﺍﻧﺎ ﺩﻟﻮﻗﺘﻲ ﻟﻮ ﻗﻠﺘﻠﻚ ﻳﺎ ﻣﺰﺓ ... ﻣﺶ ﺣﺘﻔﻬﻤﻲ ﺍﻧﺎ ﻗﻠﺖ ﺇﻳﻪ ... ﻣﺶ ﻛﺪﻩ ﺑﺮﺿﻪ ?

ﻗﻄﺒﺖ ﺟﺒﻴﻨﻬﺎ ﻗﺎﺋﻠﺔ ﻓﻲ ﺩﻫﺸﺔ : ﺇﻳﻪ ﻣﺰﺓ ﺩﻱ ﺍﺩﻫﻢ ?

ﺍﺩﻫﻢ : ﻗﺸﻄﺔ ... ﻫﻴﺎ ﺍﻟﻤﺰﺓ ﻣﺎﻭﺻﻠﺘﺶ ﻋﻨﺪﻛﻢ ﺃﻣﺮﻳﻜﺎ ... ﺩﻩ ﺍﻧﺎ ﻛﺪﻩ ﺍﺧﺪ ﺭﺍﺣﺘﻲ ﻋﻠﻰ ﺍﻵﺧﺮ ... ﺗﻌﺎﻟﻲ ﺑﺲ ﻧﺪﺧﻞ ﺟﻮﻩ ﻭﺍﺷﺮﺣﻠﻚ ﻳﻌﻨﻲ ﺇﻳﻪ ﻣﺰﺓ ... ﻭﻓﻲ ﻃﺮﻳﻘﻬﻤﺎ ﻧﺤﻮ ﺍﻟﺪﺍﺧﻞ ﻛﺎﻥ ﺍﺩﻫﻢ ﻳﺸﺮﺡ ﻗﺎﺋﻼ : ﺍﻟﻤﺰﺓ ﺩﻱ ﻳﺎ ﺳﺘﻲ ﺣﺎﺟﺔ ﻛﺪﻩ ﺷﺒﻬﻚ ... ﻭﻻ ﺍﻗﻮﻟﻚ ﺑﻌﺪﻳﻦ ﺑﻌﺪﻳﻦ ....

&&&&&&&&&&&&&&&&&&&

ﺍﻗﺘﺮﺏ ﺍﺩﻫﻢ ﻣﻦ ﺳﻌﻴﺪ ﻗﺎﺋﻼ ﺑﻠﻬﻔﺔ : ﻋﻢ ﺳﻌﻴﺪ ﺃﻧﺎ ﺟﺒﺘﻠﻚ ﺳﻮﺯﺍﻥ ﺁﻫﻴﻪ ﻭﻣﻮﺍﻓﻘﺔ ﻛﻤﺎﻥ ... ﻳﻼ ﺑﻘﻰ ﻧﻘﺮﺍ ﺍﻟﻔﺎﺗﺤﺔ ﻗﺒﻞ ﻣﺎ ﺗﺮﺟﻊ ﻓﻜﻼﻣﻬﺎ

ﺍﻟﺘﻔﺖ ﺳﻌﻴﺪ ﺇﻟﻰ ﺍﺑﻨﺘﻪ ﻗﺎﺋﻼ : ﺻﺤﻴﺢ ﺍﻟﻜﻼﻡ ﺩﻩ ﻳﺎ ﺳﻮﺯﺍﻥ ?

ﺻﻤﺘﺖ ﺳﻮﺯﺍﻥ ﻭﻟﻢ ﺗﺠﻴﺐ ﻓﻘﺎﻝ ﺍﺩﻫﻢ : ﺁﻫﻴﻪ ﻗﺎﻟﺘﻠﻚ ﺍﻧﻬﺎ ﻣﻮﺍﻓﻘﺔ ﺁﻫﻴﻪ ... ﻳﻼ ﺑﻘﻰ ﻧﻘﺮﺍ ﺍﻟﻔﺎﺗﺤﺔ

ﺻﻔﻮﺕ : ﻳﺎ ﺍﺑﻨﻲ ﻫﻴﺎ ﻧﻄﻘﺖ ﻟﺴﻪ ?

ﺍﺩﻫﻢ : ﺟﺮﻯ ﺇﻳﻪ ﻳﺎ ﺧﺎﻟﻲ ... ﺍﻧﺖ ﻣﻌﺎﻳﺎ ﻭﻻ ﻣﻌﺎﻫﻢ ?

ﺻﻔﻮﺕ ﻟﺴﻮﺯﺍﻥ : ﻗﻮﻟﻲ ﻳﺎ ﺑﻨﺘﻲ ﺑﺼﺮﺍﺣﺔ ... ﺍﻧﺘﻲ ﻓﻌﻼ ﻣﻮﺍﻓﻘﺔ ?

ﺍﺑﺘﺴﻤﺖ ﻗﺎﺋﻠﺔ ﺑﺨﺠﻞ : ﺍﻧﺎ ﻭﺍﻓﻘﺖ ﺇﻧﻲ ﺃﺣﻄﻪ ﺗﺤﺖ ﺍﻹﺧﺘﺒﺎﺭ ... ﻳﻌﻨﻲ ﻣﻮﺍﻓﻘﺔ ﻣﺒﺪﺋﻴﺎ ﻟﺤﺪ ﻣﺎ ﺍﺗﻌﺮﻑ ﻋﻠﻴﻪ ﻛﻮﻳﺲ

ﺻﻔﻮﺕ : ﻣﺎﺩﺍﻡ ﻛﺪﻩ ﻳﺒﻘﻰ ﺃﻟﻒ ﻣﺒﺮﻭﻙ ﻭﻧﻘﺮﺍ ﺍﻟﻔﺎﺗﺤﺔ ... ﺭﻭﺡ ﻳﺎ ﺍﺩﻫﻢ ﻧﺎﺩﻱ ﺃﺧﻮﻙ ﻭﺟﻮﺯ ﺍﺧﺘﻚ ﻭﺍﺑﻦ ﺧﺎﻟﻚ ﻋﺸﺎﻥ ﻧﻘﺮﺍ ﺍﻟﻔﺎﺗﺤﺔ

ﺍﺩﻫﻢ ﻭﻗﺪ ﺑﺎﻏﺘﺘﻪ ﻓﻜﺮﺓ ﻣﺠﻨﻮﻧﺔ ﻛﺄﻓﻌﺎﻟﻪ : ﺛﺎﻧﻴﺔ ﻭﺍﺣﺪﺓ ﻳﺎ ﺧﺎﻟﻲ ... ﺩﻩ ﺍﻧﺎ ﺣﺎﺧﻠﻲ ﻛﻞ ﺍﻟﻨﺎﺱ ﺍﻟﻠﻲ ﻓﺎﻟﻘﺎﻋﺔ ﺩﻱ ﺗﻘﺮﺍ ﻣﻌﺎﻧﺎ ﺍﻟﻔﺎﺗﺤﺔ

ﺍﺗﺠﻪ ﺍﺩﻫﻢ ﺇﻟﻰ ﻣﻜﺎﻥ ﺍﻟﻔﺮﻗﺔ ﺍﻟﻤﻮﺳﻴﻘﻴﺔ ﻭﺍﻣﺴﻚ ﺑﻤﻜﺒﺮ ﺍﻟﺼﻮﺕ ﻟﻴﻌﻠﻢ ﺍﻟﺠﻤﻴﻊ ﺑﻨﺒﺄﺧﻄﺒﺘﻪ ﻟﺴﻮﺯﺍﻥ ﻭﻳﻄﻠﺐ ﻣﻦ ﺍﻟﺤﻀﻮﺭ ﺟﻤﻴﻌﺎ ﻣﺸﺎﺭﻛﺘﻬﻢ ﻓﻲ ﻗﺮﺍﺀﺓ ﺍﻟﻔﺎﺗﺤﺔ ... ﻟﺘﻀﺞ ﺍﻟﻘﺎﻋﺔ ﺑﺎﻟﺘﺼﻔﻴﻖ ﺛﻢ ﻳﺒﺪﺃ ﺍﻟﺠﻤﻴﻊ ﻓﻲ ﻗﺮﺍﺀﺓ ﺍﻟﻔﺎﺗﺤﺔ ﻣﻌﻠﻨﻴﻦ ﺧﻄﺒﺔ ﺍﺩﻫﻢ ﻭﺳﻮﺯﺍﻥ

&&&&&&&&&&&&&&&&&&

ﺑﻌﺪ ﻣﺮﻭﺭ ﻳﻮﻣﻴﻦ ﻭﻋﻠﻰ ﻣﺎﺋﺪﺓ ﺍﻟﻐﺪﺍﺀ ﻛﺎﻧﺖ ﻧﺎﺩﻳﺔ ﺗﺠﻠﺲ ﻓﻲ ﺇﻧﺘﻈﺎﺭ ﻗﺪﻭﻡ ﻭﺍﻟﺪﻫﺎ ﺇﻟﻰ ﺟﺎﻧﺐ ﻋﻠﻲ ﻭﻧﻮﺭﺍ ... ﺑﻌﺪ ﺩﻗﺎﺋﻖ ﻛﺎﻥ ﺻﻔﻮﺕ ﻳﺸﺎﺭﻛﻬﺎ ﺍﻟﻤﺎﺋﺪﺓ ﻭﻳﺴﺘﻔﺴﺮ ﻋﻦ ﺳﺒﺐ ﻏﻴﺎﺏ ﻋﻠﻲ ﻭﻧﻮﺭﺍ ﻟﺘﻘﻮﻝ ﺃﻣﻴﻨﺔ : ﺍﻟﺒﺎﺷﻤﻬﻨﺪﺱ ﻋﻠﻲ ﺑﻠﻐﻨﻲ ﻣﺎﻋﻤﻠﺶ ﺣﺴﺎﺑﻪ ﻫﻮ ﻭﺍﻟﺴﺖ ﻧﻮﺭﺍ ﻓﺎﻟﻐﺪﺍ ... ﻗﺎﻝ ﺍﻧﻬﻢ ﻣﺶ ﺟﻌﺎﻧﻴﻴﻦ ﺩﻟﻮﻗﺘﻲ ﻭﻟﻮ ﺟﺎﻋﻮﺍ ﺣﻴﺒﻘﻮﺍ ﻳﻄﻠﺒﻮﺍ ﻣﻨﻲ ﺍﻃﻠﻌﻠﻬﻢ ﺍﻷﻛﻞ ﻓﺎﻭﺿﺘﻬﻢ ﻓﻮﻕ

ﻧﻈﺮﺕ ﺇﻟﻴﻬﺎ ﻧﺎﺩﻳﺔ ﻭﻗﺎﻟﺖ ﺑﺈﺳﺘﻨﻜﺎﺭ : ﺇﻳﻪ ﺍﻟﻜﻼﻡ ﺍﻟﻔﺎﺭﻍ ﺩﻩ ?

↚

ﺻﻔﻮﺕ ﺑﺪﻫﺸﺔ : ﺇﻳﻪ ﺍﻟﻠﻲ ﻣﻀﺎﻳﻘﻚ ﺑﺲ ﻳﺎ ﻧﺎﺩﻳﺔ ?

ﻧﺎﺩﻳﺔ ﺑﺈﻧﻔﻌﺎﻝ : ﻳﻌﻨﻲ ﺇﻳﻪ ﻣﺶ ﻋﺎﻳﺰﻳﻦ ﻳﺎﻛﻠﻮﺍ ﺩﻟﻮﻗﺘﻲ ... ﻳﻌﻨﻲ ﺍﺣﻨﺎ ﻧﻘﻌﺪ ﻧﺴﺘﻨﺎﻫﻢ ﻭﻫﻤﺎ ﻓﺎﻷﺧﺮ ﻳﻘﻮﻟﻮﺍ ﺍﻧﻬﻢ ﻣﺶ ﺣﻴﺎﻛﻠﻮﺍ

ﺻﻔﻮﺕ : ﻫﻤﺎ ﺍﺣﺮﺍﺭ ﻳﺎ ﺑﻨﺘﻲ ... ﻫﻮ ﺍﺣﻨﺎ ﺣﻨﺰﻏﻄﻬﻢ ﺑﺎﻟﻌﺎﻓﻴﺔ ﺯﻱ ﺍﻟﺒﻂ ... ﻭﺑﻌﺪﻳﻦ ﻣﺎﻫﻮ ﻋﻠﻲ ﺑﻠﻐﻬﺎ ﻣﻦ ﺑﺪﺭﻱ ﺁﻫﻮﻩ ... ﻭﺍﺣﻨﺎ ﻣﺶ ﻣﺴﺘﻨﻴﻴﻦ ﺣﺪ

ﻧﺎﺩﻳﺔ : ﻣﻨﻴﻦ ﺑﻘﻰ ﻣﺶ ﻋﺎﻳﺰﻳﻦ ﻳﺎﻛﻠﻮﺍ ﻭﻣﻨﻴﻦ ﻋﺎﻳﺰﻳﻦ ﺍﻷﻛﻞ ﻓﻮﻕ ﻓﺎﻭﺿﺘﻬﻢ ?

ﺻﻔﻮﺕ : ﻳﺎ ﺑﻨﺘﻲ ﻭﻟﻮ ﺑﺮﺿﻪ ... ﻫﻤﺎ ﻣﻦ ﺣﻘﻬﻢ ﺷﻮﻳﺔ ﺧﺼﻮﺻﻴﺔ ﻓﺤﻴﺎﺗﻬﻢ ... ﺍﻧﺎ ﻟﻤﺎ ﻃﻠﺒﺖ ﻣﻦ ﻋﻠﻲ ﺍﻧﻬﻢ ﻳﺴﻜﻨﻮﺍ ﻣﻌﺎﻳﺎ ﺑﻌﺪ ﻣﺎ ﻳﺘﺠﻮﺯﻭﺍ ﻛﺎﻥ ﻋﺸﺎﻥ ﻣﺎ ﺍﺑﻘﺎﺵ ﻟﻮﺣﺪﻱ ... ﻣﺶ ﻋﺸﺎﻥ ﺍﻛﺒﺲ ﻋﻠﻰ ﻧﻔﺴﻬﻢ ﺍﻭ ﺍﺣﺪ ﻣﻦ ﺣﺮﻳﺘﻬﻢ ... ﻭﺍﺣﺪ ﻭﻣﺮﺍﺗﻪ ﻫﻤﺎ ﺍﺣﺮﺍﺭ ﻣﻊ ﺑﻌﺾ ... ﺍﻧﺎ ﺑﺠﺪ ﻣﺶ ﻓﺎﻫﻢ ﺇﻳﻪ ﺍﻟﻠﻲ ﻣﻀﺎﻳﻘﻚ ﻓﻤﻮﺿﻮﻉ ﺯﻱ ﺩﻩ

ﺯﻓﺮﺕ ﻗﺎﺋﻠﺔ ﺑﻀﻴﻖ : ﺧﻼﺹ ﻳﺎ ﺑﺎﺑﺎ ﻣﺎﻓﻴﺶ ﺣﺎﺟﺔ

&&&&&&&&&&&&&&&

ﻓﻲ ﺍﻟﻤﺴﺎﺀ ﻭﺑﻌﺪ ﺃﻥ ﺗﻨﺎﻭﻝ ﻋﻠﻲ ﻭﻧﻮﺭﺍ ﻃﻌﺎﻣﻬﻤﺎ ﻛﺎﻧﺎ ﻳﺠﻠﺴﺎﻥ ﻣﻌﺎ ﺑﺤﺪﻳﻘﺔ ﺍﻟﻔﻴﻼ ... ﺣﻴﺚ ﺟﻠﺴﺖ ﻧﻮﺭﺍ ﻋﻠﻰ ﺃﺣﺪ ﺍﻷﺭﺍﺋﻚ ﻭﺗﻤﺪﺩ ﻋﻠﻲ ﻭﺍﺿﻌﺎ ﺭﺃﺳﻪ ﻋﻠﻰ ﻗﺪﻣﻴﻬﺎ ﻭﻗﺪ ﺍﻏﻤﺾ ﻋﻴﻨﻴﻪ ﻭﻧﻮﺭﺍ ﺗﻌﺒﺚ ﺑﺨﺼﻼﺕ ﺷﻌﺮﻩ

ﻗﺎﻝ ﻭﻗﺪ ﺷﻌﺮ ﺑﺎﻹﺳﺘﺮﺧﺎﺀ : ﻳﺎﺍﺍﻩ ... ﻣﺎﺗﺘﺼﻮﺭﻳﺶ ﺍﻟﻨﻬﺎﺭﺩﺓ ﻛﻨﺖ ﺭﺍﺟﻊ ﻣﺮﻫﻖ ﺍﺯﺍﻱ ﻣﻦ ﺍﻟﺸﻐﻞ ... ﺍﻟﻴﻮﻣﻴﻦ ﺩﻭﻝ ﺑﻨﺤﻀﺮ ﻟﺼﻔﻘﺔ ﻣﻬﻤﺔ ﻭﺍﻟﺸﻐﻞ ﻓﻮﻕ ﺩﻣﺎﻏﻲ ... ﺑﺲ ﻛﺪﻩ ﺍﺑﺘﺪﻳﺖ ﺍﺣﺲ ﺑﺎﻟﺮﺍﺣﺔ ... ﺧﻠﻲ ﺇﻳﺪﻙ ﻓﺸﻌﺮﻱ ﺷﻮﻳﺔ ﻛﻤﺎﻥ

ﻇﻠﺖ ﺗﻤﺮﺭ ﻳﺪﻳﻬﺎ ﺑﻴﻦ ﺧﺼﻼﺕ ﺷﻌﺮﻩ ﻭﻫﻮ ﻳﻐﻠﻖ ﻋﻴﻨﻴﻪ ﻓﻲ ﻫﺪﻭﺀ ﻟﻢ ﻳﺪﻡ ﻃﻮﻳﻼ ﺑﻔﻌﻞ ﺍﻟﻌﺎﺻﻔﺔ ﺍﻟﺘﻲ ﺟﻠﺒﺘﻬﺎ ﻧﺎﺩﻳﺔ ﺑﻘﺪﻭﻣﻬﺎ ﻟﺘﺼﺮﺥ ﺑﻬﻤﺎ ﻗﺎﺋﻠﺔ : ﻣﻤﻜﻦ ﺍﻓﻬﻢ ﺇﻳﻪ ﺍﻟﻤﺴﺨﺮﺓ ﺍﻟﻠﻲ ﺑﺘﺤﺼﻞ ﻫﻨﺎ ﺩﻱ ?

ﺍﻧﺘﻔﻀﺖ ﻧﻮﺭﺍ ﻣﻦ ﻣﻜﺎﻧﻬﺎ ﻭﺍﻋﺘﺪﻝ ﻋﻠﻲ ﻗﺎﺋﻼ ﺑﺪﻫﺸﺔ : ﻓﻴﻪ ﺇﻳﻪ ﻳﺎ ﻧﺎﺩﻳﺔ ? ﻣﺴﺨﺮﺓ ﺇﻳﻪ ﺩﻱ ﺍﻟﻠﻲ ﺑﺘﺘﻜﻠﻤﻲ ﻋﻨﻬﺎ ?

ﻋﻘﺪﺕ ﺫﺭﺍﻋﻴﻬﺎ ﺍﻣﺎﻡ ﺻﺪﺭﻫﺎ ﻭﻗﺎﻟﺖ ﺑﺤﺪﺓ : ﺍﻟﻤﺴﺨﺮﺓ ﺍﻟﻠﻲ ﺍﻧﺖ ﻭﺍﻟﻬﺎﻧﻢ ﻋﺎﻣﻠﻴﻨﻬﺎ ﺩﻱ ... ﺣﻀﺮﺗﻚ ﻧﺎﻳﻢ ﻭﺍﻟﻬﺎﻧﻢ ﻋﻤﺎﻟﻪ ﺗﻠﻌﺐ ﻓﺸﻌﺮﻙ ... ﺍﻧﺘﻮﺍ ﻓﺎﻛﺮﻳﻦ ﻧﻔﺴﻜﻮﺍ ﻋﺎﻳﺸﻴﻦ ﻫﻨﺎ ﻟﻮﺣﺪﻛﻮﺍ ﻭﻻ ﺇﻳﻪ ? ﺍﻇﻦ ﺍﻧﺘﻮﺍ ﻟﻴﻜﻮﺍ ﺃﻭﺿﺔ ﺗﻘﺪﺭﻭﺍ ﺗﻌﻤﻠﻮﺍ ﻓﻴﻬﺎ ﺍﻟﻤﺴﺨﺮﺓ ﺩﻱ ﺑﺮﺍﺣﺘﻜﻮﺍ

ﺍﺟﺎﺑﻬﺎ ﻋﻠﻲ ﺑﺤﺪﺓ ﻣﻤﺎﺛﻠﺔ : ﺍﻟﺰﻣﻲ ﺣﺪﻭﺩﻙ ﻳﺎ ﻧﺎﺩﻳﺔ ... ﻭﺍﻋﺮﻓﻲ ﺍﻧﺘﻲ ﺑﺘﻘﻮﻟﻲ ﺇﻳﻪ ﻛﻮﻳﺲ ... ﻭﺑﻌﺪﻳﻦ ﻣﺎ ﺍﺣﻨﺎ ﺳﺎﻳﺒﻴﻨﻠﻚ ﺍﻟﻔﻴﻼ ﻛﻠﻬﺎ ﻭﻗﺎﻋﺪﻳﻦ ﺑﺮﻩ ﺁﻫﻮﻩ ... ﻋﺎﻳﺰﺓ ﺇﻳﻪ ﺍﻧﺘﻲ ? ﺛﻢ ﺍﻧﺘﻲ ﻣﺎﻟﻚ ﺍﺳﺎﺳﺎ ?

ﺭﻣﻘﺘﻬﻤﺎ ﺑﻨﻈﺮﺓ ﻣﺸﻤﺌﺰﺓ ﻗﺒﻞ ﺃﻥ ﺗﻌﻮﺩ ﺃﺩﺭﺍﺟﻬﺎ ﺇﻟﻰ ﺍﻟﺪﺍﺧﻞ ﻟﻴﺴﺘﺪﻳﺮ ﻋﻠﻲ ﺇﻟﻰ ﻧﻮﺭﺍ ﻗﺎﺋﻼ : ﻫﻮ ﻓﻴﻪ ﺇﻳﻪ ﺑﺎﻟﻈﺒﻂ ﻳﺎ ﻧﻮﺭﺍ ? ﺍﻧﺘﻲ ﻓﺎﻫﻤﺔ ﺣﺎﺟﺔ ?

ﻧﻮﺭﺍ : ﺍﺑﺪﺍ ﻭﺍﻟﻠﻪ ﻳﺎ ﻋﻠﻲ

ﻋﻠﻲ ﺑﺈﺳﺘﻨﻜﺎﺭ : ﻫﻴﺎ ﻇﺒﻄﺘﻨﺎ ﺑﻔﻌﻞ ﻓﺎﺿﺢ ﻭﻻ ﺣﺎﺟﺔ ?

ﻧﻮﺭﺍ : ﺍﻧﺎ ﻣﺶ ﻓﺎﻫﻤﺔ ﻫﻴﺎ ﺟﺮﺍﻟﻬﺎ ﺇﻳﻪ ﺍﻟﻴﻮﻣﻴﻦ ﺩﻭﻝ

ﻋﻠﻲ : ﺑﺄﻗﻮﻟﻚ ﺇﻳﻪ ﻳﺎ ﻧﻮﺭﺍ ... ﺍﺑﺘﺪﻳﺖ ﺍﺣﺲ ﺇﻧﻲ ﻣﺨﻨﻮﻕ ﻭ ﻣﺶ ﻣﺮﺗﺎﺡ ﻫﻨﺎ ﻣﻦ ﺳﺎﻋﺔ ﻧﺎﺩﻳﺔ ﻣﺎ ﺭﺟﻌﺖ ﺗﻌﻴﺶ ﻣﻌﺎﻧﺎ ... ﻭﺑﻔﻜﺮ ﺃﻗﻮﻝ ﻟﻌﻤﻲ ﺍﻧﻲ ﺣﺎﺩﻭﺭ ﻋﻠﻰ ﺷﻘﺔ ﻧﻌﻴﺶ ﻓﻴﻬﺎ

ﻧﻮﺭﺍ : ﺑﺲ ﺑﺎﺑﺎ ﻛﺪﻩ ﻣﻤﻜﻦ ﻳﺰﻋﻞ ﻳﺎ ﻋﻠﻲ .

ﺗﻨﻬﺪ ﻗﺎﺋﻼ ﺑﻀﻴﻖ : ﻣﺎﻫﻮ ﺩﻩ ﺑﺲ ﺍﻟﻠﻲ ﻣﺴﻜﺘﻨﻲ ... ﺍﻧﻲ ﻣﺶ ﻋﺎﻳﺰ ﻋﻤﻲ ﻳﺰﻋﻞ ... ﻟﻜﻦ ﻟﻮ ﻓﻀﻠﺖ ﻋﻠﻰ ﻛﺪﻩ ﻣﺎ ﺍﺿﻤﻨﺶ ﻣﻤﻜﻦ ﺍﻋﻤﻞ ﺇﻳﻪ

ﺭﺑﺘﺖ ﻧﻮﺭﺍ ﻋﻠﻲ ﻳﺪﻩ ﻗﺎﺋﻠﺔ ﺑﺮﺟﺎﺀ : ﻣﻌﻠﺶ ﻳﺎ ﻋﻠﻲ ... ﺍﺳﺘﺤﻤﻠﻬﺎ ﻋﺸﺎﻥ ﺧﺎﻃﺮﻱ ﻭﺧﺎﻃﺮ ﺑﺎﺑﺎ

ﺛﺒﺖ ﻋﻠﻲ ﻧﻈﺮﻩ ﻋﻠﻴﻬﺎ ﻭﻫﻮ ﻳﺤﺪﺙ ﻧﻔﺴﻪ ﻗﺎﺋﻼ : ﻳﺎﺗﺮﻯ ﻳﺎ ﻧﻮﺭﺍ ﻟﻮ ﻫﻴﺎ ﺍﻟﻠﻲ ﻛﺎﻧﺖ ﻣﻜﺎﻧﻚ ﻭﺍﻧﺘﻲ ﻣﻜﺎﻧﻬﺎ ﻛﺎﻧﺖ ﺣﺘﻄﻠﺐ ﻣﻨﻲ ﺍﺳﺘﺤﻤﻠﻚ ﺑﺮﺿﻪ ... ﺍﺷﻚ ......

ﻳﺘﺒﻊ

↚

ﻇﻞ ﻳﺮﻧﻮ ﺇﻟﻴﻬﺎ ﺑﺒﺼﺮﻩ ﻭﺫﻫﻨﻪ ﻳﻌﻘﺪ ﻣﻘﺎﺭﻧﺔ ﺳﺮﻳﻌﺔ ﻣﺘﺨﻴﻼ ﻣﺎ ﻳﻤﻜﻦ ﺍﻥ ﻳﺤﺪﺙ ﻓﻲ ﺣﺎﻝ ﺗﻢ ﺗﺒﺎﺩﻝ ﺍﻷﺩﻭﺍﺭ ﺑﻴﻦ ﻛﻠﺘﻴﻬﻤﺎ ... ﺭﻓﻌﺖ ﺣﺎﺟﺒﻴﻬﺎ ﻭﻗﺎﻟﺖ ﻓﻲ ﺩﻫﺸﺔ : ﻣﺎﻟﻚ ﺑﺘﺒﺼﻠﻲ ﻛﺪﻩ ﻟﻴﻪ

ﺃﻓﺎﻕ ﻣﻦ ﺷﺮﻭﺩﻩ ﻋﻠﻰ ﺻﻮﺗﻬﺎ ﻓﻘﺎﻝ ﺑﺈﺑﺘﺴﺎﻣﺔ ﻟﻄﺎﻟﻤﺎ ﺳﺤﺮﺗﻬﺎ ﻭﺃﻭﻗﻌﺘﻬﺎ ﺃﺳﻴﺮﺓ ﺣﺒﻪ : ﺃﺻﻠﻲ ﺍﻛﺘﺸﻔﺖ ﺇﻧﻲ ﺑﺤﺒﻚ ﺍﻭﻱ

ﺃﺟﺎﺑﺖ ﻗﺎﺋﻠﺔ ﺑﺘﻬﻜﻢ : ﻳﺎ ﺳﻼﻡ ! ﻭﺩﻩ ﺣﺼﻞ ﻓﺠﺄﺓ ﻛﺪﻩ ?

ﺍﺟﺎﺏ ﺩﻭﻥ ﺍﻥ ﺗﻔﺎﺭﻗﻪ ﺇﺑﺘﺴﺎﻣﺘﻪ : ﺑﺎﻗﻮﻟﻚ ﺇﻳﻪ ... ﻣﺎﺗﻴﺠﻲ ﻧﺴﻤﻊ ﻛﻼﻡ ﻧﺎﺩﻳﺔ ﻭﻧﻄﻠﻊ ﻧﻜﻤﻞ ﻓﻮﻕ ﻓﺎﻭﺿﺘﻨﺎ .

ﺃﺟﺎﺑﺖ ﻗﺎﺋﻠﺔ ﺑﺘﻐﻨﺞ : ﻻ ﺃﻧﺎ ﺷﺎﻳﻔﺔ ﺍﻧﻚ ﺩﻟﻮﻗﺘﻲ ﺑﻘﻴﺖ ﻛﻮﻳﺲ ... ﻳﻌﻨﻲ ﻣﺎﻓﻴﺶ ﺩﺍﻋﻲ ﻧﻜﻤﻞ ﻭﻻ ﺣﺎﺟﺔ

ﺃﺟﺎﺏ ﺑﺈﺻﺮﺍﺭ : ﺍﺳﻤﻌﻲ ﺍﻟﻜﻼﻡ ﺑﺲ ... ﺩﻩ ﺃﻧﺎ ﻋﻨﺪﻱ ﺇﺳﺘﻌﺪﺍﺩ ﺃﺷﻴﻠﻚ ﻟﺤﺪ ﻣﺎ ﻧﻮﺻﻞ ﺃﻭﺿﺘﻨﺎ

ﺍﺳﺮﻋﺖ ﺗﺠﻴﺒﻪ ﺑﺘﻮﺳﻞ ﻗﺎﺋﻠﺔ : ﻻ ﺍﺑﻮﺱ ﺇﻳﺪﻙ ... ﺍﻟﺤﻤﺪ ﻟﻠﻪ ﺍﻟﻤﺮﺓ ﺍﻟﻠﻲ ﻓﺎﺗﺖ ﻋﺪﺕ ﻋﻠﻰ ﺧﻴﺮ ... ﻣﺎ ﺍﺿﻤﻨﺶ ﺍﻟﻤﺮﺓﺩﻱ ﺇﻳﻪ ﺍﻟﻠﻲ ﻣﻤﻜﻦ ﻳﺤﺼﻞ ... ﻣﺶ ﺑﻌﻴﺪ ﻧﻘﺎﺑﻞ ﺑﺎﺑﺎ ﻭﻻ ﻧﺎﺩﻳﺔ ﻓﻄﺮﻳﻘﻨﺎ ... ﺑﻌﺪﻳﻦ ﺗﻨﺴﻰ ﻧﻔﺴﻜﻮﺗﺴﻴﺒﻨﻲ ﺃﻗﻊ ﻋﻠﻰ ﺟﺪﻭﺭ ﺭﻗﺒﺘﻲ

ﺿﺤﻚ ﻣﻘﻬﻘﻬﺎ ﻗﺒﻞ ﺃﻥ ﻳﻘﻮﻝ : ﺍﻧﺘﻲ ﻟﺴﻪ ﻓﺎﻛﺮﺓ ... ﻣﺶ ﺑﺎﻗﻮﻟﻚ ﻗﻠﺒﻚ ﺍﺳﻮﺩ ... ﺗﻌﺎﻟﻲ ﺑﺲ ﻭﻣﺎﺗﺨﺎﻓﻴﺶ ... ﻭﻻ ﺃﻗﻮﻟﻚ ﺑﻼﺵ ... ﺍﺣﺴﻦ ﺑﻌﺪﻳﻦ ﻧﺎﺩﻳﺔ ﺃﺧﺘﻚ ﺗﻄﻠﺒﻠﻨﺎ ﺑﻮﻟﻴﺲ ﺍﻷﺩﺍﺏ ﺍﻟﻤﺮﺓﺩﻱ ... ﺧﻠﻴﻨﺎ ﻧﻄﻠﻊ ﺑﻜﺮﺍﻣﺘﻨﺎ ﺍﺣﺴﻦ

ﻧﻮﺭﺍ : ﺍﻧﺎ ﺑﺮﺿﻪ ﺑﺎﻗﻮﻝ ﻛﺪﻩ

ﻓﻲ ﻏﺮﻓﺘﻬﺎ ﻛﺎﻧﺖ ﻧﺎﺩﻳﺔ ﺗﺰﺭﻉ ﺍﻟﻐﺮﻓﺔ ﺫﻫﺎﺑﺎ ﻭﺇﻳﺎﺑﺎ ﻭﻫﻲ ﺗﻔﺮﻙ ﻛﻔﻴﻬﺎ ﺑﺒﻌﻀﻬﻤﺎ ﻭﻗﺪ ﺍﻧﺘﻔﺨﺖ ﺃﻭﺩﺍﺟﻬﺎ ﻭﻫﻲ ﺗﻘﻮﻝ : ﻫﻴﺎ ﺍﺣﺴﻦ ﻣﻨﻲ ﻓﺈﻳﻪ ﻳﻌﻨﻲ ? ﻓﻴﻬﺎ ﺇﻳﻪ ﺯﻳﺎﺩﺓ ﻋﻨﻲ ﻋﺸﺎﻥ ﺭﺑﻨﺎ ﻳﻮﻋﺪﻫﺎ ﺑﺰﻭﺝ ﻳﺤﺒﻬﺎ ﻭﺗﺤﺒﻪ ﺑﺎﻟﺸﻜﻞ ﺩﻩ ... ﻭﺍﻧﺎ ﺍﻹﻧﺴﺎﻥ ﺍﻟﻮﺣﻴﺪ ﺍﻟﻠﻲ ﺣﺒﻴﺘﻪ ﻳﻄﻠﻊ ﻧﺪﻝ ﻭﻓﺎﻷﺧﺮ ﻳﻤﻮﺕ ... ﻋﻤﻠﺖ ﺇﻳﻪ ﻋﺸﺎﻥ ﻳﺤﺼﻞ ﻣﻌﺎﻳﺎ ﻛﺪﻩ ... ﻭﻫﻴﺎ ﻋﻤﻠﺖ ﺇﻳﻪ ﻋﺸﺎﻥ ﻳﺤﺼﻞ ﻣﻌﺎﻫﺎ ﻛﺪﻩ ? ﻭﺑﻌﺪﻳﻦ ﺑﻘﻰ ﻫﻮ ﺍﻧﺎ ﺣﺎﻓﻀﻞ ﻓﺎﻟﻨﺎﺭ ﺩﻱ ﻛﺘﻴﺮ ?

ﺍﺳﺘﻄﺎﻉ ﺍﺩﻫﻢ ﺑﻌﺪ ﻣﺤﺎﻭﻻﺕ ﻋﺪﻳﺪﺓ ﺃﻥ ﻳﻘﻨﻊ ﺳﻮﺯﺍﻥ ﺑﺈﻗﺎﻣﺔ ﺣﻔﻞ ﺧﻄﺒﺔ ﺑﺴﻴﻂ ﻳﻘﺘﺼﺮ ﻓﻘﻂ ﻋﻠﻰ ﺃﻗﺎﺭﺑﻪ ﻭﺃﻗﺎﺭﺑﻬﺎ ﻓﻲ ﺍﻟﻔﻴﻼ ﺍﻟﺘﻲ ﺃﺷﺘﺮﺍﻫﺎ ﻭﺍﻟﺪﻫﺎ ﺑﺎﻟﻘﺎﻫﺮﺓ ﻟﻺﻗﺎﻣﺔ ﺑﻬﺎ ... ﻭﺑﻴﻨﻤﺎ ﻛﺎﻥ ﻋﻠﻲ ﻭﻧﻮﺭﺍ ﻭﺻﻔﻮﺕ ﻗﺪ ﺍﻧﺘﻬﻮﺍ ﻣﻦ ﺇﺭﺗﺪﺍﺀ ﻣﻼﺑﺴﻬﻢ ﻭﻭﻗﻔﻮﺍ ﺑﺈﻧﺘﻈﺎﺭ ﻧﺎﺩﻳﺔ ﺍﻟﺘﻲ ﻟﻢ ﺗﻜﻦ ﻗﺪ ﺍﻧﺘﻬﺖ ﺑﻌﺪ ﻣﻦ ﺇﺭﺗﺪﺍﺀ ﻣﻼﺑﺴﻬﺎ ... ﺑﻌﺪ ﻓﺘﺮﺓ ﺧﺮﺟﺖ ﻧﺎﺩﻳﺔ ﻣﻦ ﻏﺮﻓﺘﻬﺎ ﻟﺘﺼﺤﺒﻬﻢ ﺇﻟﻰ ﻓﻴﻼ ﺳﻌﻴﺪ ﺣﻴﺚ ﺗﻘﺎﻡ ﺍﻟﺨﻄﺒﺔ ... ﺃﻟﻘﻰ ﻋﻠﻲ ﻧﻈﺮﺓ ﻣﺴﺘﻨﻜﺮﺓ ﻋﻠﻰ ﻓﺴﺘﺎﻧﻬﺎ ﺍﻟﺬﻱ ﻛﺎﻥ ﻳﻜﺸﻒ ﻋﻦ ﺟﺰﺀ ﻣﻦ ﺳﺎﻗﻴﻬﺎ ... ﺛﻢ ﺣﺎﻧﺖ ﻣﻨﻪ ﻧﻈﺮﺓ ﺃﺧﺮﻯ ﻧﺤﻮ ﺷﻌﺮﻫﺎ ﺍﻟﺬﻱ ﺭﻓﻌﺘﻪ ﺇﻟﻰ ﺃﻋﻠﻰ ﻭﺍﺧﺬ ﻳﻔﻜﺮ ﺑﻴﻨﻪ ﻭﺑﻴﻦ ﻧﻔﺴﻪ ﻭﻳﺘﺴﺎﺀﻝ ﻣﺘﻌﺠﺒﺎ ... ﻛﻴﻒ ﻣﺮ ﻋﻠﻴﻪ ﻭﻗﺖ ﻣﻦ ﺍﻷﻭﻗﺎﺕ ﻭﻫﻮ ﻳﻔﻜﺮ ﺑﻬﺎ ﻭﻳﺘﻤﻨﺎﻫﺎ ﻛﺰﻭﺟﺔ ... ﻛﻴﻒ ﻟﺮﺟﻞ ﻏﻴﻮﺭ ﻣﺜﻠﻪ ... ﻳﻐﺎﺭ ﻋﻠﻰ ﺯﻭﺟﺘﻪ ﻣﻦ ﺍﻟﻬﻮﺍﺀ ﺇﺫﺍ ﻣﺎ ﻣﺲ ﺟﺰﺀﺍ ﻣﻦ ﺷﻌﺮﻫﺎ ... ﺍﻥ ﻳﻔﺘﺘﻦ ﺑﺄﻣﺮﺃﺓ ﺗﻄﻠﻖ ﺍﻟﻌﻨﺎﻥ ﻟﺸﻌﺮﻫﺎ ﺳﺎﻣﺤﺔ ﻟﻠﻬﻮﺍﺀ ﺃﻥ ﻳﺘﻼﻋﺐ ﺑﻪ ﻛﻴﻒ ﻳﺸﺎﺀ ... ﻭﻟﻴﺖ ﺍﻷﻣﺮ ﻳﻘﺘﺼﺮ ﻋﻠﻰ ﺫﻟﻚ ... ﻓﻠﻦ ﻳﺨﻠﻮ ﺍﻷﻣﺮ ﻗﻄﻌﺎ ﻣﻦ ﻧﻈﺮﺍﺕ ﺑﻌﺾ ﺍﻟﻤﺘﻄﻔﻠﻴﻦ .... ﻻﺣﻈﺖ ﻧﺎﺩﻳﺔ ﻧﻈﺮﺍﺗﻪ ﻓﻈﻨﺘﻬﺎ ﺇﻋﺠﺎﺑﺎ ﻣﻨﻪ ﺑﻤﻼﺑﺴﻬﺎ ﻭﻃﺮﻳﻘﺔ ﺗﺼﻔﻴﻒ ﺷﻌﺮﻫﺎ .... ﻓﺎﺑﺘﺴﻤﺖ ﻗﺎﺋﻠﺔ : ﻣﻌﻠﺶ ﺑﻘﻰ ﺍﺿﻄﺮﻳﺖ ﺍﺗﺄﺧﺮ ﻋﻠﻴﻜﻮﺍ ... ﺍﺻﻞ ﺍﻟﺤﺎﺟﺎﺕ ﺩﻱ ﺑﺘﺎﺧﺪ ﻭﻗﺖ ﻃﻮﻳﻞ ﺍﻭﻱ ﻋﻠﻲ ﻣﺎ ﺧﻠﺼﺖ ﻭﻃﻠﻌﺖ ﺑﺎﻟﻨﺘﻴﺠﺔ ﺍﻟﻠﻲ ﺗﺮﺿﻴﻨﻲ ... ﺗﺒﺎﻃﺄﻋﻠﻲ ﺫﺭﺍﻉ ﻧﻮﺭﺍ ﻭﻫﻮ ﻳﺤﺪﺙ ﻋﻤﻪ ﻗﺎﺋﻼ : ﻋﻦ ﺇﺫﻥ ﺣﻀﺮﺗﻚ ... ﺍﻧﺎ ﻭﻧﻮﺭﺍ ﺣﻨﺴﺒﻘﻜﻮﺍ ﺑﻌﺮﺑﻴﺘﻲ

ﺃﻭﻣﺄ ﺻﻔﻮﺕ ﻣﻮﺍﻓﻘﺎ ﻭﻗﺎﻝ ﺑﺠﺪﻳﺔ : ﻣﺎﺷﻲ ﻳﺎ ﻋﻠﻲ ... ﺭﻭﺣﻮﺍ ﺍﻧﺘﻮﺍ ﻭﻧﺎﺩﻳﺔ ﺣﺘﺮﻛﺐ ﻣﻌﺎﻳﺎ ﺃﻧﺎ

ﺧﺮﺝ ﻋﻠﻲ ﻣﺘﺠﻬﺎ ﻧﺤﻮ ﺳﻴﺎﺭﺗﻪ ﻭﺇﻟﻰ ﺟﻮﺍﺭﻩ ﻧﻮﺭﺍ ﺑﺰﻳﻬﺎ ﺍﻟﻤﺤﺘﺸﻢ ﺛﻢ ﺍﻟﺘﻔﺖ ﺇﻟﻴﻬﺎ ﻗﺎﺋﻼ : ﺑﺎﻟﻠﻪ ﻋﻠﻴﻜﻲ ﺩﻩ ﺷﻜﻞ ﻭﻻ ﻟﺒﺲ ﻭﺍﺣﺪﺓ ﺟﻮﺯﻫﺎ ﻣﻴﺖ ﻭﻟﺴﻪ ﻓﻔﺘﺮﺓ ﺍﻟﻌﺪﺓ ?

ﺭﺑﺘﺖ ﻧﻮﺭﺍ ﻋﻠﻰ ﺫﺭﺍﻋﻪ ﻗﺎﺋﻠﺔ ﺑﺮﻗﺔ : ﻋﺸﺎﻥ ﺧﺎﻃﺮﻱ ﻣﺎﺗﺮﻛﺰﺵ ﻣﻌﺎﻫﺎ ﻳﺎ ﻋﻠﻲ ﻋﺸﺎﻥ ﻣﺎﺗﺘﻌﺒﺶ ... ﺍﻧﺎ ﺭﻛﺰﺕ ﻣﻦ ﻗﺒﻠﻚ ﻭﻣﺎﻣﺎ ﻣﻦ ﻗﺒﻠﻲ ﻭﻣﺎ ﺟﺎﺑﺶ ﻧﺘﻴﺠﺔ ﺑﺮﺿﻪ .

ﺯﻓﺮ ﻗﺎﺋﻼ ﺑﻀﻴﻖ : ﺍﻧﺘﻲ ﻋﺎﺭﻓﺔ ... ﺍﻧﺎ ﺍﻛﺘﺸﻔﺖ ﺍﻥ ﺳﺎﻣﺢ ﺩﻩ ﻛﺎﻥ ﺑﻄﻞ ﺍﻟﻠﻪ ﻳﺮﺣﻤﻪ ﺑﻘﻰ

ﻧﻮﺭﺍ ﺑﺪﻫﺸﺔ : ﺍﺷﻤﻌﻨﺎ ﻳﻌﻨﻲ ?

ﻋﻠﻲ : ﻋﺸﺎﻥ ﺍﺳﺘﺤﻤﻞ ﻳﻌﻴﺶ ﻣﻊ ﺃﺧﺘﻚ ﺩﻱ ﺷﻬﺮ ﺑﺤﺎﻟﻪ

ﺍﺑﺘﺴﻤﺖ ﻧﻮﺭﺍ ﻗﺎﺋﻠﺔ : ﻃﺐ ﺑﺲ ﻭﻃﻲ ﺻﻮﺗﻚ ﻭﻳﻼ ﺑﻴﻨﺎ ﻋﺸﺎﻥ ﻛﺪﻩ ﺍﺗﺄﺧﺮﻧﺎ

ﻓﻲ ﻓﻴﻼ ﺳﻌﻴﺪ ﺣﻴﺚ ﺃﻗﻴﻢ ﺣﻔﻞ ﺍﻟﺨﻄﺒﺔ ﻛﺎﻧﺖ ﺳﻮﺯﺍﻥ ﺗﺤﺪﺙ ﺍﺩﻫﻢ ﻗﺎﺋﻠﺔ : ﺍﻧﺎ ﻣﺶ ﻓﺎﻫﻤﺔ ﺍﻧﺖ ﺍﺯﺍﻱ ﻗﺪﺭﺕ ﺗﻘﻨﻊ ﺃﻧﺎ ﺑﻤﻮﺿﻮﻉ ﺍﻟﺨﻄﻮﺑﺔ ﺩﻩ ?

ﺍﺑﺘﺴﻢ ﺍﺩﻫﻢ ﻗﺎﺋﻼ ﺑﺰﻫﻮ : ﻳﺎ ﺣﺒﻴﺒﺘﻲ ﻣﺎﻓﻴﺶ ﺑﻨﺖ ﺗﻘﺪﺭ ﺗﻘﺎﻭﻡ ﺳﺤﺮ ﺍﺩﻫﻢ ﻓﺎﺿﻞ ... ﻛﺎﻥ ﻏﻴﺮﻙ ﺃﺷﻄﺮ

ﺳﻮﺯﺍﻥ : ﻣﺶ ﻛﻔﺎﻳﺔ ﻣﺠﻨﻮﻥ ﻛﻤﺎﻥ ﻣﻐﺮﻭﺭ ... ﻻ ﻛﺪﻩ ﻛﺘﻴﺮ ﺑﺠﺪ

ﻏﻤﺰ ﻟﻬﺎ ﺍﺩﻫﻢ ﺑﻌﻴﻨﻪ ﻭﻗﺎﻝ ﺑﺎﺑﺘﺴﺎﻣﺔ : ﺍﻧﺘﻲ ﻟﺴﻪ ﺷﻮﻓﺘﻲ ﺣﺎﺟﺔ ... ﺩﻩ ﺃﻧﺎ ﺣﺎﺩﻫﺸﻚ ... ﺑﺲ ﺍﻧﺘﻲ ﺍﺳﺘﻨﻲ ﻋﻠﻴﺎ ﺑﺲ

ﻧﻈﺮﺕ ﺇﻟﻰ ﻋﻴﻨﻪ ﻭﻗﺎﻟﺖ ﺑﺪﻫﺸﺔ : ﺍﺩﻫﻢ ﺍﻧﺖ ﻟﻴﻪ ﺑﺘﻌﻤﻞ ﻛﺪﻩ ? ﻋﻴﻨﻚ ﺑﺘﻮﺟﻌﻚ ?

ﺍﺩﻫﻢ ﺑﺘﻬﻜﻢ : ﺍﻧﺘﻲ ﻣﺘﺄﻛﺪﺓ ﺍﻧﻚ ﻛﻨﺘﻲ ﻋﺎﻳﺸﺔ ﻓﺄﻣﺮﻳﻜﺎ ? ﺩﻩ ﺍﻧﺘﻲ ﻛﺪﻩ ﻣﺤﺘﺎﺟﺔ ﺗﻌﻠﻴﻢ ﻛﺘﻴﺮ ﺍﻭﻱ ... ﺑﺲ ﻭﻻ ﻳﻬﻤﻚ ... ﺍﻧﺘﻲ ﻣﻌﺎﻛﻲ ﺃﺳﺘﺎﺫ ﻭﺭﺋﻴﺲ ﻗﺴﻢ ﻛﻤﺎﻥ

ﻋﻠﻰ ﺇﺣﺪﻯ ﺍﻟﻄﺎﻭﻻﺕ ﺣﻴﺚ ﻳﺠﻠﺲ ﻛﻞ ﻣﻦ ﺍﺣﻤﺪ ﻭ ﺃﻣﻴﺮﺓ ﻭﺃﻣﻨﻴﺔ ﻭﺧﺎﻟﺪ .... ﻛﺎﻧﺖ ﺃﻣﻨﻴﺔ ﺗﺒﺪﻭ ﺷﺎﺣﺒﺔ ﺍﻟﻮﺟﻪ ﺇﻟﻰ ﺣﺪ ﻛﺒﻴﺮ ﻛﻤﺎ ﺑﺪﺍ ﻋﻠﻴﻬﺎ ﺍﻹﻋﻴﺎﺀ ﺑﺸﺪﺓ ... ﻣﺎﻟﺖ ﺃﻣﻴﺮﺓ ﻋﻠﻰ ﺃﺫﻧﻬﺎ ﻗﺎﺋﻠﺔ ﺑﻬﻤﺲ : ﺃﻣﻨﻴﺔ ﻳﺎ ﺣﺒﻴﺒﺘﻲ ﺍﻧﺘﻲ ﻟﺴﻪ ﺗﻌﺒﺎﻧﺔ ﺑﺮﺿﻪ ? ﺍﻧﺘﻲ ﻻﺯﻡ ﺗﺮﻭﺣﻲ ﻟﻠﺪﻛﺘﻮﺭ ﺿﺮﻭﺭﻱ

ﺃﺟﺎﺑﺘﻬﺎ ﻗﺎﺋﻠﺔ ﺑﻮﻫﻦ : ﻣﺎﻫﻮ ﺃﻧﺎ ﻛﻨﺖ ﻣﺴﺘﻨﻴﺔ ﺑﻌﺪ ﺧﻄﻮﺑﺔ ﺍﺩﻫﻢ ﻋﺸﺎﻥ ﺃﺭﻭﺡ ﻟﻠﺪﻛﺘﻮﺭ ﻭﺍﺷﻮﻑ ﺣﻜﺎﻳﺔ ﺍﻟﺪﻭﺧﺔ ﻭﺍﻟﺘﺮﺟﻴﻊ ﺩﻭﻝ ﺳﺒﺒﻬﻢ ﺇﻳﻪ ... ﻭﺧﻼﺹ ﺇﻥ ﺷﺎﺀﺍﻟﻠﻪ ﺍﺭﻭﺡ ﺑﻜﺮﺓ ﻭﻻ ﺑﻌﺪﻩ ﺑﺎﻟﻜﺘﻴﺮ ... ﻭﺍﻟﻠﻪ ﺍﻧﺎ ﻣﻜﺴﻮﻓﺔ ﻣﻦ ﺳﺎﻋﺔ ﻣﺎﺟﻴﺖ ﻛﺎﻡ ﻣﺮﺓ ﺍﺩﺧﻞ ﺍﻟﺤﻤﺎﻡ ﻭﺍﺭﺟﻊ ﻋﻨﺪ ﺍﻟﻨﺎﺱ ... ﺩﻟﻮﻗﺘﻲ ﻳﻘﻮﻟﻮﺍ ﺇﻳﻪ ﺑﺲ

ﻟﻢ ﺗﻜﺪ ﺗﻨﻬﻲ ﺟﻤﻠﺘﻬﺎ ﺣﺘﻰ ﻭﺿﻌﺖ ﻳﺪﻫﺎ ﻋﻠﻰ ﻓﻤﻬﺎ ﻭﻗﺎﻟﺖ ﻭﻫﻲ ﺗﻨﻬﺾ ﻣﻦ ﻣﻜﺎﻧﻬﺎ ﻣﺴﺮﻋﺔ : ﺃﻣﻴﺮﺓ ﺍﻧﺎ ﺭﺍﻳﺤﺔ ﺍﻟﺤﻤﺎﻡ ﺗﻌﺎﻟﻲ ﻣﻌﺎﻳﺎ ... ﻟﻜﻨﻬﺎ ﻟﻢ ﺗﻜﺪ ﺗﻨﻬﺾ ﻣﻦ ﻣﻜﺎﻧﻬﺎ ﺣﺘﻰ ﺳﻘﻄﺖ ﻣﻐﺸﻴﺎ ﻋﻠﻴﻬﺎ ... ﺃﺳﺮﻉ

↚

ﺍﻟﺠﻤﻴﻊ ﻧﺤﻮﻫﺎ ﻓﻴﻤﺎ ﺟﺜﺎ ﺧﺎﻟﺪ ﻭﺍﺣﻤﺪ ﻋﻠﻲ ﺭﻛﺒﺘﻴﻬﻤﺎ ﺑﺠﻮﺍﺭﻫﺎ ﻣﺤﺎﻭﻟﻴﻦ ﺇﻓﺎﻗﺘﻬﺎ ... ﺗﺤﺪﺛﺖ ﺃﻟﻔﺖ ﻗﺎﺋﻠﺔ ﺑﺈﺭﺗﻴﺎﻉ : ﺣﺪ ﻳﻄﻠﺐ ﺍﻟﺪﻛﺘﻮﺭ ﻭﻻ ﺍﻹﺳﻌﺎﻑ ﺑﺴﺮﻋﺔ ﻳﺎ ﺟﻤﺎﻋﺔ ﺍﻟﻠﻪ ﻳﺨﻠﻴﻜﻮﺍ

ﺣﻤﻠﻬﺎ ﺧﺎﻟﺪ ﻣﺴﺮﻋﺎ ﺑﻴﻦ ﺫﺭﺍﻋﻴﻪ ﻭﻫﻮ ﻳﻘﻮﻝ ﺑﻠﻬﻔﺔ : ﻫﻮ ﺍﻧﺎ ﻟﺴﻪ ﺣﺎﺳﺘﻨﻰ ﺣﺪ ﻳﻴﺠﻲ ... ﺍﻧﺎ ﺣﺎﺧﺪﻫﺎ ﻓﺎﻟﻌﺮﺑﻴﺔ ﻋﻠﻰ ﺍﻗﺮﺏ ﻣﺴﺘﺸﻔﻲ ... ﻭﺑﺎﻟﻔﻊﻝ ﻭﺿﻌﻬﺎ ﺧﺎﻟﺪ ﻓﻲ ﺳﻴﺎﺭﺗﻪ ﻭﺍﻧﻄﻠﻖ ﻣﺴﺮﻋﺎ ﻧﺤﻮ ﺃﻗﺮﺏ ﻣﺸﻔﻰ ﻓﻴﻤﺎ ﺗﺒﻌﻪ ﺍﻟﺠﻤﻴﻊ ﺑﺴﻴﺎﺭﺍﺗﻬﻢ ﻣﻨﺘﻈﺮﻳﻦ ﺍﻹﻃﻤﺌﻨﺎﻥ ﻋﻠﻴﻬﺎ ... ﺃﺩﺧﻠﺖ ﺇﻟﻰ ﺍﺣﺪ ﺍﻟﻐﺮﻑ ﻭﺑﻘﻲ ﺍﻟﺠﻤﻴﻊ ﻓﻲ ﺍﻟﺨﺎﺭﺝ ﺑﺈﻧﺘﻈﺎﺭ ﺧﺮﻭﺝ ﺍﻟﻄﺒﻴﺒﺔ ﺍﻟﺘﻲ ﺩﺧﻠﺖ ﺇﻟﻰ ﺍﻟﻐﺮﻓﺔ ﺑﻌﺪﻫﺎ ﺑﻘﻠﻴﻞ ... ﻛﺎﻥ ﺧﺎﻟﺪ ﻳﻀﺮﺏ ﺍﻟﺤﺎﺋﻂ ﺑﻘﺒﻀﺔ ﻳﺪﻩ ﻗﺎﺋﻼ ﺑﻘﻠﻖ : ﻟﻮ ﻛﺎﻧﺖ ﺳﻤﻌﺖ ﻛﻼﻣﻲ ﻭﺭﺍﺣﺖ ﻣﻌﺎﻳﺎ ﻟﻠﺪﻛﺘﻮﺭ ﻣﻦ ﺃﻭﻝ ﻣﺎﺗﻌﺒﺖ ﻣﻦ ﻛﺎﻡ ﻳﻮﻡ ... ﻣﺎﻛﺎﻧﺶ ﻛﻞ ﺩﻩ ﺣﺼﻞ

ﺭﺑﺖ ﺍﺣﻤﺪ ﻋﻠﻰ ﺫﺭﺍﻋﻪ ﻗﺎﺋﻼ : ﻣﻌﻠﺶ ﻳﺎ ﺧﺎﻟﺪ ﺍﻥ ﺷﺎﺀﺍﻟﻠﻪ ﺍﻟﺪﻛﺘﻮﺭﺓ ﺗﺨﺮﺝ ﺩﻟﻮﻗﺘﻲ ﻭﺗﻄﻤﻨﺎ ﻋﻠﻴﻬﺎ

ﻗﺮﺏ ﺍﺩﻫﻢ ﺷﻔﺘﻴﻪ ﻣﻦ ﺃﺫﻥ ﺳﻮﺯﺍﻥ ﺍﻟﻮﺍﻗﻔﺔ ﺇﻟﻰ ﺟﻮﺍﺭﻩ ﻭﻗﺎﻝ ﺑﺼﻮﺕ ﺧﺎﻓﺖ : ﺃﻇﻦ ﻳﻮﻡ ﺧﻄﻮﺑﺔ ﻋﻤﺮﻙ ﻣﺎﻛﻨﺘﻲ ﺗﺤﻠﻤﻲ ﺑﻴﻪ ... ﻛﺎﻥ ﻳﻴﺠﻲ ﻓﺒﺎﻟﻚ ﺍﻧﻚ ﺗﻘﻀﻲ ﻳﻮﻡ ﺧﻄﻮﺑﺘﻚ ﻓﺎﻟﻤﺴﺘﺸﻔﻰ ? ﻫﻮ ﺩﻩ ﺑﻘﻰ ﺍﻟﻠﻲ ﺑﻴﺴﻤﻮﻩ ﺣﺐ ﻓﻲ ﺍﻹﻧﻌﺎﺵ

ﻧﻬﺮﺗﻪ ﺳﻮﺯﺍﻥ ﻗﺎﺋﻠﺔ : ﺍﺩﻫﻢ ﻣﺶ ﻭﻗﺖ ﻫﺰﺍﺭ ﺩﻩ

ﺍﺩﻫﻢ ﺑﺘﻬﻜﻢ : ﺑﺲ ﺳﻴﺒﻚ ﺍﻧﺘﻲ ... ﺍﻟﻔﻘﺮﻱ ﻓﻘﺮﻱ ﻣﻦ ﻳﻮﻣﻪ

ﻓﻲ ﻫﺬﻩ ﺍﻷﺛﻨﺎﺀ ﺧﺮﺟﺖ ﺍﻟﻄﺒﻴﺒﺔ ﻣﻦ ﺍﻟﻐﺮﻓﺔ ﻟﻴﺘﻘﺪﻡ ﺍﻟﺠﻤﻴﻊ ﻧﺤﻮﻫﺎ ﻣﺤﺎﻭﻟﻴﻦ ﺍﻹﻃﻤﺌﻨﺎﻥ ﻋﻠﻴﻬﺎ ... ﻛﺎﻥ ﺧﺎﻟﺪ ﺃﻭﻝ ﺍﻟﻤﺘﺤﺪﺛﻴﻦ ﻟﻴﻘﻮﻝ ﺑﻠﻬﻔﺔ : ﺧﻴﺮ ﻳﺎ ﺩﻛﺘﻮﺭﺓ ... ﻃﻤﻨﻴﻨﻲ ﻫﻴﺎ ﻋﺎﻣﻠﺔ ﺇﻳﻪ ﺩﻟﻮﻗﺘﻰ ﻭﻋﻨﺪﻫﺎ ﺇﻳﻪ ﺑﺎﻟﻈﺒﻂ ?

ﺍﻟﻄﺒﻴﺒﺔ ﺑﺠﺪﻳﺔ : ﺣﻀﺮﺗﻚ ﺟﻮﺯﻫﺎ ?

ﺃﻭﻣﺄ ﺧﺎﻟﺪ ﻣﺆﻛﺪﺍ ﻓﺎﺭﺩﻓﺖ ﺍﻟﻄﺒﻴﺒﺔ ﻗﺎﺋﻠﺔ ﺑﺈﺑﺘﺴﺎﻣﺔ : ﻣﺒﺮﻭﻙ ﺍﻟﻤﺪﺍﻡ ﺣﺎﻣﻞ ... ﺑﺲ ﻫﻴﺎ ﻣﺤﺘﺎﺟﺔ ﺗﺘﻐﺬﻯ ﻛﻮﻳﺲ ﺍﻟﻔﺘﺮﺓ ﺍﻟﻠﻲ ﺟﺎﻳﺔ ﻭﺗﻬﺘﻢ ﺑﺼﺤﺘﻬﺎ ﺍﻛﺘﺮ ﻣﻦ ﻛﺪﻩ ... ﺍﻧﺎ ﻛﺘﺒﺘﻠﻬﺎ ﻋﻠﻰ ﺷﻮﻳﺔ ﺍﺩﻭﻳﺔ ﻣﻘﻮﻳﺎﺕ ﻭ ﻓﻴﺘﺎﻣﻴﻨﺎﺕ ﻋﺸﺎﻥ ﺍﻟﺤﻤﻞ ... ﻫﻴﺎ ﺑﺲ ﺗﺮﺗﺎﺡ ﺷﻮﻳﺔ ﻭﺍﻥ ﺷﺎﺀ ﺍﻟﻠﻪ ﺣﺘﺒﻘﻰ ﺯﻱ ﺍﻟﻔﻞ ... ﺣﻤﺪﺍﻟﻠﻪ ﻋﻠﻰ ﺳﻼﻣﺘﻬﺎ ﻭﻋﻦ ﺇﺫﻧﻜﻮﺍ

ﻟﻢ ﻳﺴﺘﻤﻊ ﺧﺎﻟﺪ ﺇﻟﻰ ﺷﺊ ﻣﻤﺎ ﻗﺎﻟﺘﻪ ﺍﻟﻄﺒﻴﺒﺔ ﺳﻮﻯ ﺑﺪﺍﻳﺔ ﺣﺪﻳﺜﻬﺎ ﻟﻴﻌﺘﺮﻳﻪ ﺍﻟﺬﻫﻮﻝ ﻟﻔﺘﺮﺓ ﻟﻴﺴﺖ ﺑﺎﻟﻘﺼﻴﺮﺓ ﺣﺘﻰ ﺍﻥ ﺍﻟﺠﻤﻴﻊ ﻛﺎﻧﻮﺍ ﻳﻬﻨﺌﻮﻧﻪ ﻭﻫﻮ ﻏﻴﺮ ﻣﺪﺭﻙ ﻟﻤﺎ ﻳﺤﺪﺙ ﺣﻮﻟﻪ ... ﻓﺘﺢ ﺍﻟﺒﺎﺏ ﻭﺩﻟﻒ ﺇﻟﻰ ﺩﺍﺧﻞ ﺍﻟﻐﺮﻓﺔ ﻟﻴﺠﺪ ﺣﺎﻟﻬﺎ ﻻ ﻳﺨﺘﻠﻒ ﻛﺜﻴﺮﺍ ﻋﻦ ﺣﺎﻟﻪ ... ﺟﻠﺲ ﺇﻟﻰ ﺟﻮﺍﺭﻫﺎ ﻭﺍﻟﻔﺮﺣﺔ ﺗﺘﺮﺍﻗﺺ ﺩﺍﺧﻞ ﻋﻴﻨﻴﻪ ... ﻟﻢ ﻳﺴﺘﻄﻊ ﺳﻮﻯ ﺍﻥ ﻳﻘﻮﻝ : ﺷﻮﻓﺘﻲ ﻳﺎ ﺃﻣﻨﻴﺔ ... ﺟﺎﻟﻚ ﻛﻼﻣﻲ ﺩﻟﻮﻗﺘﻲ ? ﻣﺶ ﻗﻠﺘﻠﻚ ﺭﺑﻚ ﻟﻤﺎ ﻳﺮﻳﺪ ﻣﺶ ﺣﻨﺤﺘﺎﺝ ﻟﺪﻛﺎﺗﺮﺓ ﻭﻻ ﻏﻴﺮﻩ ... ﺷﻮﻓﺘﻲ ﺣﺴﻦ ﺍﻟﻈﻦ ﺑﺎﻟﻠﻪ ﻧﺘﻴﺠﺘﻪ ﺇﻳﻪ ? ﺃﻧﺎ ﻣﺘﺄﻛﺪ ﺍﻥ ﺩﻩ ﺛﻤﺮﺓ ﺍﻟﺼﺪﻗﺔ ﻭﺍﻹﺳﺘﻐﻔﺎﺭ ﺍﻟﻠﻲ ﻛﻨﺎ ﺑﻨﻌﻤﻠﻬﻢ ﺑﻨﻴﺔ ﺃﻥ ﺭﺑﻨﺎ ﻳﺮﺯﻗﻨﺎ ﺍﻟﺬﺭﻳﺔﺍﻟﺼﺎﻟﺤﺔ .... ﺩﻱ ﻣﺎﻣﺎ ﺣﺘﻔﺮﺡ ﺍﻭﻱ ﻟﻤﺎ ﺗﻌﺮﻑ

ﺍﻧﺘﻈﺮﺃﻥ ﻳﺴﻤﻊ ﻣﻨﻬﺎ ﺟﻮﺍﺑﺎ ﻭﻋﻨﺪﻣﺎ ﻟﻢ ﻳﺠﺪ ﺳﻮﻯ ﺩﻣﻮﻋﻬﺎ ﺗﺠﻴﺒﻪ ﻓﺎﺭﺩﻑ ﻗﺎﺋﻼ : ﻣﺒﺮﻭﻙ ﻋﻠﻴﻨﺎ ﻳﺎ ﺣﺒﻴﺒﺘﻲ .... ﻭﻣﻦ ﺛﻢ ﺃﻗﺘﺮﺏ ﻣﻨﻬﺎ ﻣﺤﺘﻀﻨﺎ ﺇﻳﺎﻫﺎ ... ﻳﺒﻜﻲ ﻛﻞ ﻣﻨﻬﻤﺎ ﻓﻲ ﺣﻀﻦ ﺍﻷﺧﺮ ﻓﻲ ﺻﻤﺖ ... ﺑﻌﺪ ﻟﺤﻈﺎﺕ ﻣﻦ ﺍﻟﺼﻤﺖ ... ﺍﺑﻌﺪﻫﺎ ﺧﺎﻟﺪ ﻗﺎﺋﻼ : ﺍﻧﺎ ﺣﺎﻓﺘﺢ ﻟﻠﻨﺎﺱ ﺍﻟﻠﻲ ﺑﺮﻩ ﻋﺸﺎﻥ ﻋﺎﻳﺰﻳﻦ ﻳﺪﺧﻠﻮﺍ ﻳﻄﻤﻨﻮﺍ ﻋﻠﻴﻜﻲ ... ﺍﺗﺠﻪ ﻧﺤﻮ ﺍﻟﺒﺎﺏ ﻭﻓﺘﺤﻪ ﻟﻴﺪﻟﻒ ﻣﻨﻪ ﺍﻟﺠﻤﻴﻊ ﺇﻟﻰ ﺩﺍﺧﻞ ﺍﻟﻐﺮﻓﺔ ... ﻛﺎﻧﺖ ﺃﻟﻔﺖ ﻫﻲ ﺃﻭﻝ ﺍﻟﻤﻬﻨﺌﻴﻦ ﻹﺑﻨﺘﻬﺎ ﺣﻴﺚ ﺍﺣﺘﻀﻨﺘﻬﺎ ﻭﻫﻲ ﺗﺒﻜﻲ ﻫﻲ ﺍﻷﺧﺮﻱ ﺑﺪﻭﺭﻫﺎ ﺗﻠﺘﻬﺎ ﺃﻣﻴﺮﺓ ﻭﺍﺣﻤﺪ ﺛﻢ ﻟﺒﻨﻰ ﻓﻨﻮﺭﺍ ﺛﻢ ﺳﻤﻴﺔ ﻭﻟﻤﻴﺎﺀ ﻟﻴﻨﺘﻬﻲ ﺍﻷﻣﺮ ﺑﺎﺩﻫﻢ ﻭﺳﻮﺯﺍﻥ ﺑﻴﻨﻤﺎ ﺑﻘﻲ ﺑﺎﻟﺨﺎﺭﺝ ﻛﻞ ﻣﻦ ﺻﻔﻮﺕ ﻭﺳﻌﻴﺪ ﻭﺇﺑﺮﺍﻫﻴﻢ ﻭﻧﺎﺩﻳﺔ ﻭﻋﻠﻲ

ﺍﺳﺘﻄﺎﻋﺖ ﺃﻥ ﺗﻨﻄﻖ ﺃﺧﻴﺮﺍ ﻗﺎﺋﻠﺔ : ﺍﻧﺘﻮﺍ ﺑﺘﺘﻜﻠﻤﻮﺍ ﺑﺠﺪ ﻳﺎ ﺟﻤﺎﻋﺔ ... ﺃﻧﺎ ﺣﺎﻣﻞ ﺑﺠﺪ ?

ﺃﻟﻔﺖ : ﻣﺶ ﻗﻠﺘﻠﻚ ﻳﺎ ﺑﻨﺘﻲ ﺭﺑﻚ ﻛﺮﻳﻢ ﻭﻣﺶ ﺣﻴﻜﺴﺮ ﺑﺨﺎﻃﺮﻙ

ﺃﻣﻨﻴﺔ ﻣﻦ ﺑﻴﻦ ﺩﻣﻮﻋﻬﺎ : ﺍﻟﺤﻤﺪ ﻟﻠﻪ ﻳﺎﺭﺏ .... ﺃﻧﺎ ﻣﺘﺸﻜﺮﺓ ﺍﻭﻱ ﻳﺎ ﺟﻤﺎﻋﺔ ... ﻭﺍﻟﻠﻪ ﻳﺒﺎﺭﻙ ﻓﻴﻜﻢ ﺟﻤﻴﻌﺎ

ﺟﻠﺲ ﺍﺩﻫﻢ ﺇﻟﻰ ﺟﻮﺍﺭﻫﺎ ﻗﺎﺋﻼ : ﻳﻌﻨﻲ ﻳﺎ ﺃﻣﻨﻴﺔ ﻳﺎ ﺃﺧﺘﻲ ﺑﻘﺎﻟﻚ ﺗﻠﺖ ﺳﻨﻴﻦ ﻭﺷﻮﻳﺔ ﻣﺘﺠﻮﺯﺓ ... ﻭﻣﺎﻓﻜﺮﺗﻴﺶ ﺍﻧﻚ ﺗﺤﻤﻠﻲ ﻏﻴﺮ ﻳﻮﻡ ﺧﻄﻮﺑﺘﻲ ... ﺃﻧﺎ ﺑﻘﺎﻟﻲ ﺍﺩ ﺇﻳﻪ ﺑﻘﻨﻊ ﻓﻴﻬﺎ ﻋﺸﺎﻥ ﺗﻮﺍﻓﻖ ... ﻭﺍﻧﺘﻲ ﻓﺎﻷﺧﺮ ﺗﻬﺪﻱ ﺍﻟﻠﻴﻠﺔ ﻋﻠﻰ ﺩﻣﺎﻏﻲ ﻛﺪﻩ

ﺃﻟﻔﺖ ﺑﺈﻣﺘﻌﺎﺽ : ﻛﺪﻩ ﺑﺮﺿﻪ ﻳﺎ ﺍﺩﻫﻢ ... ﺩﻩ ﺑﺪﻝ ﻣﺎﺗﻘﻮﻝ ﻷﺧﺘﻚ ﻣﺒﺮﻭﻙ

ﺳﻮﺯﺍﻥ : ﻳﻨﻔﻊ ﻛﺪﻩ ﺍﺩﻫﻢ ,sorry... ﺃﻣﻨﻴﺔ ... congratulations , ﺣﺒﻴﺒﺘﻲ

ﻣﺎﻟﺖ ﺃﻟﻔﺖ ﻋﻠﻰ ﺃﺫﻥ ﺃﻣﻴﺮﺓ ﺍﻟﻮﺍﻗﻔﺔ ﺇﻟﻰ ﺟﻮﺍﺭﻫﺎ ﻭﻗﺎﻟﺖ ﺑﺘﻬﻜﻢ : ﺃﻣﻴﺮﺓ ﻳﺎ ﺑﻨﺘﻲ ... ﻣﺶ ﺍﻧﺘﻲ ﻣﺪﺭﺳﺔ ﺇﻧﺠﻠﻴﺰﻱ .... ﻣﺎﺗﻘﻮﻟﻴﻠﻲ ﻳﺎ ﺣﺒﻴﺒﺘﻲ ... ﻳﻄﻠﻊ ﺇﻳﻪ ﺍﻟﻠﻲ ﻣﺮﺍﺕ ﺃﺧﻮﻛﻲ ﻗﺎﻟﺖ ﻋﻠﻴﻪ ﺩﻩ ?

ﻭﺿﻌﺖ ﺃﻣﻴﺮﺓ ﻳﺪﻫﺎ ﻋﻠﻰ ﻓﻤﻬﺎ ﺗﺪﺍﺭﻱ ﺿﺤﻜﺘﻬﺎ ﻭﻗﺎﻟﺖ ﺑﻬﻤﺲ : ﺑﺘﻘﻮﻟﻬﺎ ﻣﺒﺮﻭﻙ ﻳﺎ ﻣﺎﻣﺎ

ﻟﻮﺕ ﺃﻟﻔﺖ ﺷﻔﺘﻴﻬﺎ ﻭﻗﺎﻟﺖ ﺑﺈﺳﺘﻴﺎﺀ : ﺑﻘﻰ ﻛﻞ ﺩﻱ ﻣﺒﺮﻭﻙ ... ﻃﺐ ﻗﻮﻟﻴﻠﻬﺎ ﺑﻘﻰ ﺍﻥ ﺍﺳﻤﻬﺎ ﻣﺒﺎﺭﻙ ﻣﺶ ﻣﺒﺮﻭﻙ

ﺍﺩﻫﻢ : ﺃﻧﺎ ﺑﻬﺰﺭ ﻣﻊ ﺍﺧﺘﻲ ﺣﺒﻴﺒﺘﻲ .... ﻭﻣﻦ ﺛﻢ ﺍﺣﺘﻀﻨﻬﺎ ﻗﺎﺋﻼ : ﻣﺒﺮﻭﻙ ﻳﺎ ﺣﺒﻴﺒﺘﻲ ... ﻋﻘﺒﺎﻝ ﻣﺎﺗﻘﻮﻣﻲ ﺑﺎﻟﺴﻼﻣﺔ ﺍﻥ ﺷﺎﺀﺍﻟﻠﻪ ... ﺍﻧﺎﺑﻘﻰ ﺑﻤﺎ ﺇﻥ ﺣﻔﻠﺔ ﺍﻟﺨﻄﻮﺑﺔ ﺍﻧﻀﺮﺑﺖ ... ﺃﻧﺎ ﺣﺎﺭﻭﺡ ﺍﻃﻠﺐ ﻣﻦ ﻋﻤﻲ ﺳﻌﻴﺪ ﻳﻮﺍﻓﻖ ﺍﻧﻲ ﺍﺧﺪ ﺳﻮﺯﺍﻥ ﻭﻧﺘﻌﺸﻰ ﺑﺮﻩ ﺍﻧﺎ ﻭﻫﻴﺎ ...

ﺧﺎﻟﺪ ﻷﻣﻨﻴﺔ : ﻫﺎ ﻳﺎ ﺣﺒﻴﺒﺘﻲ ﺣﺘﻘﺪﺭﻱ ﺗﺮﻭﺣﻲ ﺩﻟﻮﻗﺘﻲ ﻋﺸﺎﻥ ﺗﺮﺗﺎﺣﻲ ﺯﻱ ﺍﻟﺪﻛﺘﻮﺭﺓ ﻣﺎ ﻗﺎﻟﺖ .

ﺃﻣﻨﻴﺔ : ﺃﻧﺎ ﺑﻘﻴﺖ ﻛﻮﻳﺴﺔ ﺍﻟﺤﻤﺪ ﻟﻠﻪ ... ﺍﻧﺎ ﺍﺳﻔﺔ ﻳﺎ ﺟﻤﺎﻋﺔ ﻟﻮ ﻛﻨﺖ ﺧﻀﻴﺘﻜﻮﺍ ... ﻭﺍﺳﻔﺔ ﻳﺎ ﺳﻮﺯﺍﻥ ﻋﻠﻰ ﺍﻟﺨﻄﻮﺑﺔ ﺍﻟﻠﻲ ﺑﺎﻇﺖ ﺑﺴﺒﺒﻲ

ﺭﺑﺘﺖ ﺳﻮﺯﺍﻥ ﻋﻠﻰ ﻛﺘﻔﻬﺎ ﻗﺎﺋﻠﺔ : ﻣﺎﺗﻘﻮﻟﻴﺶ ﻛﺪﻩ ﺣﺒﻴﺒﺘﻲ ... ﺍﻫﻢ ﺣﺎﺟﺔ ﺍﻧﺘﻲ ﻛﻮﻳﺴﺔ

ﺍﺣﻤﺪ : ﻳﻼ ﺑﻴﻨﺎ ﻳﺎ ﺟﻤﺎﻋﺔ ﻋﺸﺎﻥ ﺍﺣﻨﺎ ﻛﺪﻩ ﻛﺘﻴﺮ ﻭﻋﺎﻣﻠﻴﻦ ﺃﺯﻣﺔ ﻓﺎﻟﻤﺴﺘﺸﻔﻰ

ﻭﺑﻌﺪ ﻗﻠﻴﻞ ﻛﺎﻥ ﺍﻟﺠﻤﻴﻊ ﻳﻐﺎﺩﺭﻭﻥ ﻣﺘﺠﻬﻴﻦ ﻧﺤﻮ ﻓﻴﻼ ﺻﻔﻮﺕ ﻟﻴﺒﻴﺘﻮﺍ ﻟﻴﻠﺘﻬﻢ ﺇﺳﺘﻌﺪﺍﺩﺍ ﻟﻠﻌﻮﺩﺓ ﺇﻟﻰ ﺩﻣﻴﺎﻁ ﻓﻲ ﺍﻟﻐﺪ ... ﺗﺒﻌﻬﻢ ﻋﻠﻲ ﺑﻌﺪ ﺃﻥ ﻗﺎﻡ ﺑﺈﻳﺼﺎﻝ ﻭﺍﻟﺪﺗﻪ ﻭﺷﻘﻴﻘﺘﻪ ﻭﻋﺎﺩ ﺇﻟﻰ ﺍﻟﻔﻴﻼ ﻣﺘﺠﻬﺎ ﻧﺤﻮ ﻏﺮﻓﺘﻪ ﻟﻴﺴﺪﻝ ﺍﻟﺴﺘﺎﺭ ﻋﻠﻰ ﻫﺬﺍ ﺍﻟﻴﻮﻡ ﺑﻜﻞ ﺃﺣﺪﺍﺛﻪ ﻭﻣﻔﺎﺟﺄﺗﻪ

↚

ﺑﻌﺪ ﻣﺮﻭﺭ ﻳﻮﻣﻴﻦ ﻛﺎﻥ ﺻﻔﻮﺕ ﻋﺎﺋﺪﺍ ﻣﻦ ﻋﻤﻠﻪ ﻟﻴﻔﺎﺟﺄ ﺑﻨﺎﺩﻳﺔ ﺗﺠﻠﺲ ﻓﻲ ﺣﺪﻳﻘﺔ ﺍﻟﻔﻴﻼ ﻭﻫﻲ ﺗﺒﻜﻲ ﻭﺗﻨﺘﺤﺐ ﺑﺸﺪﺓ ... ﺍﻗﺘﺮ ﺏ ﻣﻨﻬﺎ ﺑﻌﺪ ﺃﻥ ﺗﺮﺟﻞ ﻣﻦ ﺳﻴﺎﺭﺗﻪ ﻭﺟﻠﺲ ﺇﻟﻰ ﺟﻮﺍﺭﻫﺎ ﻗﺎﺋﻼ ﺑﻘﻠﻖ ﺑﺎﻟﻎ : ﻣﺎﻟﻚ ﻳﺎ ﻧﺎﺩﻳﺔ ? ﺑﺘﻌﻴﻄﻲ ﻟﻴﻪ ﻳﺎ ﺣﺒﻴﺒﺘﻲ ? ﻓﻴﻪ ﺣﺎﺟﺔ ﺣﺼﻠﺖ ﻭﺍﻧﺎ ﺑﺮﻩ ?

ﺟﻔﻔﺖ ﺩﻣﻮﻋﻬﺎ ﻭﻧﻈﺮﺕ ﺇﻟﻴﻪ ﻗﺎﺋﻠﺔ : ﻗﻮﻟﻲ ﻳﺎ ﺑﺎﺑﺎ ... ﻫﻮ ﺃﻧﺎ ﻓﻴﺎ ﺣﺎﺟﺔ ﻏﻠﻂ ?

ﺣﺪﻕ ﻓﻴﻬﺎ ﻟﺒﺮﻫﺔ ﻣﻨﺪﻫﺸﺎ ﻗﺒﻞ ﺃﻥ ﻳﻘﻮﻝ : ﻟﻴﻪ ﻳﺎ ﺑﻨﺘﻲ ﺑﺘﻘﻮﻟﻲ ﻛﺪﻩ ? ﺇﻳﻪ ﺍﻟﻠﻲ ﺣﻴﻜﻮﻥ ﻓﻴﻜﻲ ﻏﻠﻂ ﻳﻌﻨﻲ ? ﻣﺎﺗﻔﻬﻤﻴﻨﻲ ﻳﺎ ﺣﺒﻴﺒﺘﻲ ﻓﻴﻪ ﺇﻳﻪ ﺑﺎﻟﻈﺒﻂ ?

ﻧﺎﺩﻳﺔ : ﻃﺐ ﺍﺷﻤﻌﻨﺎ ﻧﻮﺭﺍ ﺭﺑﻨﺎ ﺭﺯﻗﻬﺎ ﺑﺰﻭﺝ ﺯﻱ ﻋﻠﻲ ﺑﺘﺤﺒﻪ ﻭﻳﺤﺒﻬﺎ .... ﻭﺍﻧﺎ ﺍﻹﻧﺴﺎﻥ ﺍﻟﻠﻲ ﺣﺒﻴﺘﻪ ﻃﻠﻊ ﻧﺪﻝ ﻣﻌﺎﻳﺎ ?

ﺍﺑﺘﺴﻢ ﺑﺴﺨﺮﻳﺔ ﻗﺎﺋﻼ : ﺑﻘﻰ ﻋﻠﻲ ﺑﻴﺤﺐ ﻧﻮﺭﺍ ... ﻭﺍﻟﻠﻪ ﻳﺎ ﺑﻨﺘﻲ ﺍﻧﺘﻲ ﻃﻴﺒﺔ ﻭﻋﻠﻰ ﻧﻴﺎﺗﻚ ﺍﻭﻱ

ﻧﺎﺩﻳﺔ ﺑﺪﻫﺸﺔ : ﻟﻴﻪ ﺣﻀﺮﺗﻚ ﺑﺘﻘﻮﻝ ﻛﺪﻩ ? ﻣﺎﻫﻮ ﺍﻛﻴﺪ ﺑﻴﺤﺒﻬﺎ ... ﺍﻣﺎﻝ ﻳﻌﻨﻲ ﺍﺗﺠﻮﺯﻫﺎ ﻟﻴﻪ ?

ﺍﺟﺎﺑﻬﺎ ﻗﺎﺋﻼ ﺑﺠﺪﻳﺔ : ﻋﺸﺎﻥ ﺍﻧﺎ ﺍﻟﻠﻲ ﻃﻠﺒﺖ ﻣﻨﻪ ﺇﻧﻪ ﻳﺘﺠﻮﺯﻫﺎ

ﻧﺎﺩﻳﺔ ﺑﺬﻫﻮﻝ : ﺣﻀﺮﺗﻚ ﺑﺘﻘﻮﻝ ﺇﻳﻪ ﻳﺎ ﺑﺎﺑﺎ ?

ﺻﻔﻮﺕ ﻣﺆﻛﺪﺍ : ﺍﻟﻠﻲ ﺳﻤﻌﺘﻴﻪ ... ﺍﻧﺎ ﺍﻟﻠﻲ ﻃﻠﺒﺖ ﻣﻦ ﻋﻠﻲ ﺇﻧﻪ ﻳﺘﺠﻮﺯ ﻧﻮﺭﺍ

ﻛﺎﻧﺖ ﺗﺴﺘﻤﻊ ﺇﻟﻴﻪ ﻭﺍﻟﺬﻫﻮﻝ ﻳﺴﻴﻄﺮ ﻋﻠﻰ ﻣﻼﻣﺤﻬﺎ ... ﺍﻷﻣﺮ ﺍﻟﺬﻱ ﻻﺣﻈﻪ ﻫﻮ ﻓﺎﺭﺩﻑ ﻗﺎﺋﻼ : ﻣﺎﺗﺴﺘﻐﺮﺑﻴﺶ .... ﺍﻟﻴﻮﻡ ﺩﻩ ﻛﺎﻥ ﻋﻠﻲ ﺟﺎﻱ ﻋﺸﺎﻥ ﻳﻄﻠﺐ ﺇﻳﺪﻙ ﻣﻨﻲ ﺑﺲ ﻟﻸﺳﻒ ﺳﺎﻣﺢ ﻛﺎﻥ ﺳﺒﻘﻪ ﻭﻋﺸﺎﻥ ﺍﻧﺘﻲ ﻛﻨﺘﻲ ﻣﻮﺍﻓﻘﺔ ﻋﻠﻰ ﺳﺎﻣﺢ ﺍﻧﺎ ﺭﻓﻀﺖ ﻋﻠﻲ ... ﻭﻃﻠﺒﺖ ﻣﻨﻪ ﻳﻮﻣﻬﺎ ﺇﻧﻪ ﻳﺘﺠﻮﺯ ﻧﻮﺭﺍ ﻭﻫﻮ ﻭﺍﻓﻖ

ﺟﺤﻈﺖ ﻋﻴﻨﺎﻫﺎ ﻭﻫﻲ ﺗﺴﺘﻤﻊ ﻟﻜﻠﻤﺎﺕ ﻭﺍﻟﺪﻫﺎ ﻓﻘﺎﻟﺖ ﺑﺬﻫﻮﻝ : ﻳﻌﻨﻲ ﻋﻠﻲ ﻛﺎﻥ ﺑﻴﺤﺒﻨﻲ ﺃﻧﺎ ?

ﺃﻭﻣﺄ ﺑﺮﺃﺳﻪ ﻣﺆﻛﺪﺍ ﻓﺎﺳﺘﻄﺮﺩﺕ ﻗﺎﺋﻠﺔ : ﻃﺐ ﻟﻴﻪ ﺣﻀﺮﺗﻚ ﻃﻠﺒﺖ ﻣﻨﻪ ﻳﺘﺠﻮﺯ ﻧﻮﺭﺍ ?

ﺻﻔﻮﺕ ﺑﺠﺪﻳﺔ : ﻟﻴﻪ ﺩﻱ ﺑﻘﻰ ﺑﺘﺎﻋﺘﻲ ﺍﻧﺎ ... ﺍﻟﻤﻬﻢ ﺍﻧﺎ ﻣﺶ ﻋﺎﻳﺰﻙ ﺗﻀﺎﻳﻘﻲ ﻧﻔﺴﻚ ... ﺍﻥ ﺷﺎﺀﺍﻟﻠﻪ ﺭﺑﻨﺎ ﺣﻴﺒﻌﺘﻠﻚ ﺍﻟﻠﻲ ﻳﻌﻮﺿﻚ ﻋﻦ ﺍﻟﻠﻲ ﺷﻮﻓﺘﻴﻪ ﻣﻊ ﺳﺎﻣﺢ ... ﻳﻼ ﺑﻘﻰ ﺍﻣﺴﺤﻲ ﺩﻣﻮﻋﻚ ﻭﻣﺶ ﻋﺎﻳﺰ ﺃﺷﻮﻑ ﺍﻟﻌﻴﻮﻥ ﺍﻟﺤﻠﻮﺓ ﺩﻱ ﺑﺘﻌﻴﻂ ﻣﺮﺓ ﺗﺎﻧﻴﺔ ... ﻭﺗﻌﺎﻟﻲ ﻧﺪﺧﻞ ﺟﻮﻩ ﻋﺸﺎﻥ ﻧﺘﻐﺪﻯ ... ﺯﻣﺎﻥ ﻋﻠﻲ ﻋﻠﻰ ﻭﺻﻮﻝ ... ﻳﻼ ﻳﺎ ﺣﺒﻴﺒﺘﻲ

ﻟﻢ ﺗﻜﻦ ﻧﺎﺩﻳﺔ ﺗﺴﺘﻤﻊ ﺇﻟﻰ ﻣﺎ ﻳﻘﻮﻟﻪ ﻭﺍﻟﺪﻫﺎ ﻓﻘﺪ ﺷﺮﺩﺕ ﻭﻫﻲ ﺗﻔﻜﺮ ﻓﻲ ﻛﻠﻤﺎﺗﻪ ﻭﺗﺤﺪﺙ ﻧﻔﺴﻬﺎ ﻗﺎﺋﻠﺔ : ﻭﺍﻟﻠﻪ ﻋﺎﻝ ﻳﺎ ﺳﺖ ﻧﻮﺭﺍ ... ﻭﻣﻦ ﺍﻣﺘﻰ ﺑﻘﻰ ﺍﻥ ﺷﺎﺀﺍﻟﻠﻪ ﺍﻧﺎ ﺑﺴﻴﺒﻠﻚ ﺣﺎﺟﺔ ﺑﺘﺎﻋﺘﻲ ............

ﻳﺘﺒﻊ

↚

ﻇﻠﺖ ﻧﺎﺩﻳﺔ ﺳﺎﻫﺮﺓ ﻃﻴﻠﺔ ﻟﻴﻠﺘﻬﺎ ﺗﻔﻜﺮ ﻓﻲ ﻃﺮﻳﻘﺔ ﺗﺴﺘﻄﻴﻊ ﺑﻬﺎ ﺍﻟﺘﻘﺮﺏ ﻣﻦ ﻋﻠﻲ ﻭﺇﺳﺘﻌﺎﺩﺓ ﺣﺒﻪ ﺍﻟﻀﺎﺋﻊ ... ﻟﻢ ﺗﺬﻕ ﻃﻌﻤﺎ ﻟﻠﻨﻮﻡ ﺇﻻ ﺑﻌﺪ ﺃﻥ ﺗﻮﺻﻠﺖ ﺇﻟﻰ ﻓﻜﺮﺓ ﺳﺘﻤﻜﻨﻬﺎ ﻣﻦ ﺃﻥ ﺗﻜﻮﻥ ﺑﻘﺮﺑﻪ ﻃﻴﻠﺔ ﺍﻟﻴﻮﻡ ... ﻭﻓﻲ ﺍﻟﺼﺒﺎﺡ ﺫﻫﺒﺖ ﺇﻟﻰ ﻏﺮﻓﺔ ﻭﺍﻟﺪﻫﺎ ﻋﺎﺯﻣﺔ ﻋﻠﻰ ﺗﻨﻔﻴﺬﻫﺎ ... ﻃﺮﻗﺖ ﺍﻟﺒﺎﺏ ﻭﺩﻟﻔﺖ ﺇﻟﻰ ﺍﻟﺪﺍﺧﻞ ﺑﻌﺪ ﺃﻥ ﺟﺎﺀﻫﺎ ﺍﻹﺫﻥ ﺑﺎﻟﺪﺧﻮﻝ ... ﺍﻗﺘﺮﺑﺖ ﻣﻦ ﻭﺍﻟﺪﻫﺎ ﻭﻃﺒﻌﺖ ﻗﺒﻠﺔ ﻋﻠﻰ ﻭﺟﻨﺘﻪ ﻗﺎﺋﻠﺔ : ﺻﺒﺎﺡ ﺍﻟﺨﻴﺮ ﻳﺎ ﺑﺎﺑﺎ ﻳﺎ ﺣﺒﻴﺒﻲ .

ﻧﻈﺮ ﺇﻟﻴﻬﺎ ﻭﺇﺑﺘﺴﺎﻣﺔ ﺗﻌﻠﻮ ﺛﻐﺮﻩ ﻗﺒﻞ ﺍﻥ ﻳﻘﻮﻝ : ﺍﻧﺎ ﺷﺎﻳﻔﻚ ﺍﻟﻨﻬﺎﺭﺩﺓ ﻣﺎﺷﺎﺀ ﺍﻟﻠﻪ ﻋﻠﻴﻜﻲ ... ﻧﻔﺴﻴﺘﻚ ﺃﺣﺴﻦ ﻣﻦ ﺇﻣﺒﺎﺭﺡ ﺑﻜﺘﻴﺮ

ﺟﻠﺴﺖ ﺇﻟﻲ ﺟﻮﺍﺭﻩ ﻭﻗﺎﻟﺖ : ﻓﻌﻼ ﺣﻀﺮﺗﻚ ﻣﻌﺎﻙ ﺣﻖ ... ﺍﻧﺎ ﻓﻌﻼ ﺍﻟﻨﻬﺎﺭﺩﺓ ﺍﺣﺴﻦ ﻣﻦ ﺇﻣﺒﺎﺭﺡ ... ﻭﺣﺎﻛﻮﻥ ﺍﺣﺴﻦ ﻛﻤﺎﻥ ﻟﻮ ﻭﺍﻓﻘﺖ ﻋﻠﻰ ﺍﻟﻄﻠﺐ ﺍﻟﻠﻲ ﺣﺎﻃﻠﺒﻪ ﻣﻨﻚ ﺩﻟﻮﻗﺘﻲ

ﻧﻈﺮ ﺇﻟﻴﻬﺎ ﺑﺈﻫﺘﻤﺎﻡ ﻭﻗﺎﻝ ﺑﺠﺪﻳﺔ : ﺍﻋﺘﺒﺮﻳﻨﻲ ﻳﺎ ﺳﺘﻲ ﻭﺍﻓﻘﺖ ﻣﻦ ﻗﺒﻞ ﻣﺎ ﺍﺳﻤﻌﻪ ... ﻃﻠﺐ ﺇﻳﻪ ﺩﻩ ﺑﻘﻰ ?

ﺃﺟﺎﺑﺖ ﺑﺠﺪﻳﺔ : ﺃﺻﻞ ﺍﻧﺎ ﺑﺼﺮﺍﺣﺔ ﺯﻫﻘﺖ ﻣﻦ ﻗﻌﺪﺓ ﺍﻟﺒﻴﺖ ... ﺣﻀﺮﺗﻚ ﻭﻋﻠﻲ ﺑﺘﺮﻭﺣﻮﺍ ﺍﻟﺸﺮﻛﺔ ﻭﻧﻮﺭﺍ ﻛﻠﻬﺎ ﺃﻳﺎﻡ ﻭﺍﻟﺪﺭﺍﺳﺔ ﺣﺘﺒﺘﺪﻱ ... ﻳﻌﻨﻲ ﻫﻴﺎ ﻛﻤﺎﻥ ﺣﺘﻨﺸﻐﻞ ﻭﺃﻧﺎ ﺣﺎﻓﻀﻞ ﻓﺎﻟﻔﻴﻼ ﻟﻮﺣﺪﻱ ... ﻓﺄﻧﺎ ﺑﻘﻰ ﻓﻜﺮﺕ ﻭﻗﻮﻟﺖ ﻟﻴﻪ ﺃﻧﺎ ﻛﻤﺎﻥ ﻣﺎﺭﻭﺣﺶ ﺍﺷﺘﻐﻞ ﻣﻊ ﺣﻀﺮﺗﻚ ﻓﺎﻟﺸﺮﻛﺔ ? ﻭﺑﻜﺪﻩ ﺍﺗﻌﻠﻢ ﻭﻓﻨﻔﺲ ﺍﻟﻮﻗﺖ ﻣﺎﺑﻘﺎﺵ ﺣﺎﺳﺔ ﺑﺎﻟﻤﻠﻞ ﻓﻐﻴﺎﺑﻜﻮﺍ

ﺻﻔﻮﺕ ﺑﺪﻫﺸﺔ : ﻭﺍﻧﺘﻲ ﻳﺎ ﺑﻨﺘﻲ ﺗﻔﻬﻤﻲ ﺇﻳﻪ ﺑﺲ ﻓﺸﻐﻠﻨﺎ ?

ﻧﺎﺩﻳﺔ ﺑﺈﺻﺮﺍﺭ : ﻳﺎﺣﺒﻴﺒﻲ ﺍﻧﺖ ﻧﺎﺳﻲ ﺍﻥ ﺃﻧﺎ ﺍﺻﻼ ﺧﺮﻳﺠﺔ ﺗﺠﺎﺭﺓ ﻗﺴﻢ ﺇﺩﺍﺭﺓ ﺃﻋﻤﺎﻝ ... ﻭﺑﻌﺪﻳﻦ ﻣﺎ ﺍﻟﺒﺮﻛﺔ ﻓﻴﻚ ﺍﻧﺖ ﻳﺎ ﺑﺎﺑﺎ ﻳﺎ ﺣﺒﻴﺒﻲ ﻋﺸﺎﻥ ﺗﻌﻠﻤﻨﻲ ﻭﺗﻌﺮﻓﻨﻲ ﻛﻞ ﺣﺎﺟﺔ ﻓﺸﻐﻠﻜﻮﺍ

ﺍﺟﺎﺑﻬﺎ ﻗﺎﺋﻼ ﺑﺈﻣﺘﻌﺎﺽ : ﻳﺎ ﻧﺎﺩﻳﺔ ﻳﺎ ﺣﺒﻴﺒﺘﻲ ﺃﻧﺎ ﺩﻟﻮﻗﺘﻲ ﻛﺒﺮﺕ ﻭﻣﺎﺑﻘﺎﺵ ﻓﻴﺎ ﺩﻣﺎﻍ ﺍﻋﻠﻢ ﺣﺪ ﻭﻣﺎﻋﻨﺪﻳﺶ ﺻﺒﺮ ﺯﻱ ﺯﻣﺎﻥ

ﺭﺑﻤﺎ ﻟﻮ ﻛﺎﻥ ﻳﺤﺎﻭﻝ ﻣﺴﺎﻋﺪﺗﻬﺎ ﻓﻲ ﻣﺨﻄﻄﻬﺎ ﻟﻤﺎ ﻗﺎﻝ ﺃﻓﻀﻞ ﻣﻦ ﺫﻟﻚ ... ﻭﺟﺪﺗﻬﺎ ﻧﺎﺩﻳﺔ ﻓﺮﺻﺔ ﺫﻫﺒﻴﺔ ﻟﺘﻘﻮﻝ ﺑﺨﺒﺚ : ﺧﻼﺹ ﺑﻘﻲ ﻳﺎ ﺑﺎﺑﺎ ... ﻣﺎﻓﻴﺶ ﻏﻴﺮ ﺇﻥ ﺣﻀﺮﺗﻚ ﺗﻄﻠﺐ ﻣﻦ ﻋﻠﻲ ﺇﻧﻪ ﻫﻮ ﺍﻟﻠﻲ ﻳﻌﻠﻤﻨﻲ ﻭﻳﻔﻬﻤﻨﻲ ﻛﻞ ﺣﺎﺟﺔ ﻓﺎﻟﺸﻐﻞ ... ﻃﺎﻟﻤﺎ ﺣﻀﺮﺗﻚ ﻣﺶ ﺣﺘﻘﺪﺭ

ﺍﺳﺘﺤﺴﻦ ﺻﻔﻮﺕ ﺍﻟﻔﻜﺮﺓ ﻓﻘﺎﻝ ﻣﺆﻳﺪﺍ : ﻣﻌﺎﻛﻲ ﺣﻖ ... ﻋﻠﻲ ﻫﻮ ﺍﺣﺴﻦ ﻭﺍﺣﺪ ﻳﻌﻠﻤﻚ ﻹﻧﻪ ﻋﺎﺭﻑ ﻛﻞ ﻛﺒﻴﺮﺓ ﻭﺻﻐﻴﺮﺓ ﻓﺎﻟﺸﻐﻞ ... ﻳﻤﻜﻦ ﻛﻤﺎﻥ ﺍﻛﺘﺮ ﻣﻨﻲ ... ﺃﻧﺎ ﺣﺎﺑﻠﻐﻪ ﺍﻟﻨﻬﺎﺭﺩﺓ ﺑﺎﻟﻤﻮﺿﻮﻉ ﺩﻩ ﻭﺍﻃﻠﺐ ﻣﻨﻪ ﻳﺘﻮﻟﻰ ﺍﻟﻤﻬﻤﺔ ﺩﻱ ... ﻭﺍﻧﺘﻲ ﻣﻦ ﺑﻜﺮﺓ ﺗﻌﻤﻠﻲ ﺣﺴﺎﺑﻚ ﺗﺮﻭﺣﻲ ﻣﻌﺎﻧﺎ ﺍﻟﺸﺮﻛﺔ ... ﻭﺃﻧﺎ ﻭﺍﺛﻖ ﺍﻧﻚ ﺣﺘﺘﻌﻠﻤﻲ ﺑﺴﺮﻋﺔ

ﻧﻈﺮﺕ ﺇﻟﻰ ﺍﻟﻔﺮﺍﻍ ﺃﻣﺎﻣﻬﺎ ﻭﻗﺎﻟﺖ ﺑﺘﺤﺪﻱ : ﻣﺎﺗﻘﻠﻘﺶ ﻳﺎ ﺑﺎﺑﺎ ... ﺃﻧﺎ ﺣﺎﺛﺒﺖ ﻟﺤﻀﺮﺗﻚ ﻭﻟﻠﻜﻞ ... ﺍﻥ ﺑﻨﺘﻚ ﻣﺶ ﺟﻤﻴﻠﺔ ﻭﺑﺲ ... ﻷ ﻭﻛﻤﺎﻥ ﺫﻛﻴﺔ

ﻣﺎ ﺇﻥ ﻋﻠﻢ ﻋﻠﻲ ﻣﻦ ﻋﻤﻪ ﺑﻨﺒﺄ ﻗﺪﻭﻡ ﻧﺎﺩﻳﺔ ﻟﻠﻌﻤﻞ ﺑﺎﻟﺸﺮﻛﺔ ﺣﺘﻰ ﺃﻋﺘﺮﺍﻩ ﺿﻴﻖ ﻭﺗﻮﺗﺮ ﺷﺪﻳﺪﻳﻦ ... ﻛﺎﻥ ﻳﻮﺩ ﺃﻥ ﻳﺨﺒﺮ ﻋﻤﻪ ﺑﺮﻓﻀﻪ ﻟﻬﺬﺍ ﺍﻷﻣﺮ ... ﻭﻟﻜﻨﻪ ﺑﺎﻟﺘﺄﻛﻴﺪ ﻻ ﻳﻤﻠﻚ ﺧﻴﺎﺭﺍ ﻛﺬﻟﻚ ... ﻓﺎﻟﺸﺮﻛﺔ ﺑﺎﻟﻄﺒﻊ ﺗﺨﺺ ﻋﻤﻪ ﻭﻫﻮ ﻭﺣﺪﻩ ﺻﺎﺣﺐ ﺍﻟﺤﻖ ﻓﻲ ﺍﻟﺘﺼﺮﻑ ﺑﺸﺄﻧﻬﺎ ... ﺃﻣﺎ ﺿﻴﻘﻪ ﺍﻷﻛﺒﺮ ﻓﻜﺎﻥ ﺑﺴﺒﺐ ﺭﻏﺒﺔ ﻋﻤﻪ ﺃﻥ ﻳﺘﻮﻟﻰ ﻫﻮ ﻣﺴﺌﻮﻟﻴﺔ ﺗﻌﻠﻴﻢ ﻧﺎﺩﻳﺔ ﻭﺗﺪﺭﻳﺒﻬﺎ ... ﻭﻟﻜﻦ ﻛﻌﺎﺩﺓ ﺍﻷﻣﺮ ﺗﻨﺘﺼﺮ ﺭﻏﺒﺔ ﺻﻔﻮﺕ ﻓﺎﻟﻨﻬﺎﻳﺔ ... ﻭﺑﻴﻦﻣﺎ ﻛﺎﻥ ﻳﺰﺍﻭﻝ ﻋﻤﻠﻪ ﻓﻲ ﻣﻜﺘﺒﻪ ﺑﺎﻟﺸﺮﻛﺔ ﺇﺫ ﺳﻤﻊ ﻃﺮﻗﺎ ﻋﻠﻰ ﺑﺎﺏ ﻏﺮﻓﺘﻪ ﻓﺴﻤﺢ ﻟﻠﻄﺎﺭﻕ ﺑﺎﻟﺪﺧﻮﻝ ... ﻟﺘﺪﺧﻞ ﻧﺎﺩﻳﺔ ﻭﻫﻲ ﺗﺤﻤﻞ ﺑﻴﺪﻫﺎ ﺃﺣﺪ ﺍﻟﻤﻠﻔﺎﺕ ﻭﺗﻘﻮﻝ ﻓﻲ ﺣﻴﺮﺓ ﻣﺼﻄﻨﻌﺔ : ﻟﻮﺳﻤﺤﺖ ﻳﺎ ﻋﻠﻲ ... ﻣﻤﻜﻦ ﺗﻔﻬﻤﻨﻲ ﺍﻟﺤﺎﺟﺎﺕ ﺍﻟﻠﻲ ﻓﺎﻟﻤﻠﻒ ﺩﻩ ﻹﻧﻲ ﻓﻴﻪ ﻛﺬﺍ ﻧﻘﻄﺔ ﻣﺶ ﻓﻬﻤﺎﻫﻢ ﻭﺍﻟﺒﺮﻛﺔ ﻓﻴﻚ ﺍﻧﺖ ﺑﻘﻰ ﺗﻔﻬﻤﻨﻲ

ﺗﻨﻬﺪ ﻋﻠﻲ ﻗﺎﺋﻼ ﻓﻲ ﺿﻴﻖ ﻭﻫﻮ ﻳﻤﺪ ﻳﺪﻩ ﻟﻴﺄﺧﺬ ﺍﻟﻤﻠﻒ : ﻭﺭﻳﻨﻲ ﻳﺎ ﻧﺎﺩﻳﺔ ﻟﻤﺎ ﺃﺷﻮﻑ ﺇﻳﻪ ﺍﻟﻠﻲ ﺍﻧﺘﻲ ﻣﺶ ﻓﺎﻫﻤﺎﻩ ﺑﺎﻟﻈﺒﻂ

ﺗﺠﺎﻫﻠﺖ ﻳﺪﻩ ﺍﻟﻤﻤﺪﻭﺩﺓ ﻭﺗﻮﺟﻬﺖ ﻧﺤﻮ ﻣﻘﻌﺪﻩ ﺧﻠﻒ ﺍﻟﻤﻜﺘﺐ ﻟﺘﻀﻊ ﺍﻟﻤﻠﻒ ﺃﻣﺎﻣﻪ ﻋﻠﻰ ﺍﻟﻤﻜﺘﺐ ﺛﻢ ﻣﺎﻟﺖ ﺑﺠﺴﺪﻫﺎ ﻧﺤﻮ ﺍﻟﻤﻜﺘﺐ ﻭﻫﻲ ﺗﻨﻈﺮ ﺩﺍﺧﻞ ﺍﻟﻤﻠﻒ ﻗﺎﺋﻠﺔ : ﺗﻌﺎﻟﻰ ﺑﺺ ﻛﺪﻩ ﻭﺃﻧﺎ ﺣﺎﻭﺭﻳﻚ ﺍﻟﻨﻘﻂ ﺍﻟﻠﻲ ﻭﻗﻔﺖ ﻣﻌﺎﻳﺎ ﻓﻴﻪ ﺑﺎﻟﻈﺒﻂ

ﺗﺮﺍﺟﻊ ﻋﻠﻲ ﺑﻤﻘﻌﺪﻩ ﻗﻠﻴﻼ ﺇﻟﻰ ﺍﻟﺨﻠﻒ ﺣﺘﻰ ﻻ ﺗﺼﺒﺢ ﻗﺮﻳﺒﺔ ﻣﻨﻪ ﺇﻟﻰ ﻫﺬﺍ ﺍﻟﺤﺪ ﻭﻗﺎﻝ ﺑﺠﺪﻳﺔ ﺻﺎﺭﻣﺔ : ﻧﺎﺩﻳﺔ ... ﻣﻤﻜﻦ ﺗﻘﻌﺪﻱ ﻋﻠﻰ ﺍﻟﻜﺮﺳﻲ ﻫﻨﺎﻙ ﻭﺃﻧﺎ ﺑﺮﺿﻪ ﺣﺎﻋﺮﻑ ﺃﺷﺮﺣﻠﻚ ﺍﻟﻠﻲ ﺍﻧﺘﻲ ﻋﺎﻳﺰﺍﻩ

ﺍﺻﻄﻨﻌﺖ ﺍﻟﺤﺮﺝ ﻗﺎﺋﻠﺔ ﻭﻫﻲ ﺗﻌﺘﺪﻝ ﻓﻲ ﻭﻗﻔﺘﻬﺎ : ﻫﻮ ﺃﻧﺎ ﻛﺪﻩ ﻣﻀﻴﻘﺎﻙ ? ﺁﺳﻔﺔ ﺍﻭﻱ ﻣﺎﺧﺪﺗﺶ ﺑﺎﻟﻲ

ﺗﻮﺟﻬﺖ ﻧﺤﻮ ﺍﻟﻤﻘﻌﺪ ﺃﻣﺎﻡ ﺍﻟﻤﻜﺘﺐ ﻭﺟﻠﺴﺖ ﻋﻠﻴﻪ ﻗﺎﺋﻠﺔ : ﺃﻧﺎ ﻗﻌﺪﺕ ﺁﻫﻮﻩ ... ﺍﺗﻔﻀﻞ ﺑﻘﻰ ﺃﺷﺮﺡ

ﺃﻣﺴﻚ ﻋﻠﻲ ﺑﺎﻟﻤﻠﻒ ﻭﺃﺧﺬ ﻳﺸﺮﺡ ﻟﻨﺎﺩﻳﺔ ﻣﺤﺘﻮﺍﻩ ﻭﺑﺼﺮﻩ ﻣﺮﻛﺰ ﻋﻠﻰ ﺍﻷﻭﺭﺍﻕ ﺃﻣﺎﻣﻪ ﺑﻴﻨﻤﺎ ﻛﺎﻧﺖ ﻧﻈﺮﺍﺗﻬﺎ ﻣﺴﻠﻄﺔ ﻋﻠﻴﻪ ﻭﺇﺑﺘﺴﺎﻣﺔ ﻣﺮﺗﺴﻤﺔ ﻋﻠﻰ ﺛﻐﺮﻫﺎ ... ﺭﺑﻤﺎ ﻫﻮ ﻟﻴﺲ ﻓﻲ ﻭﺳﺎﻣﺔ ﺳﺎﻣﺢ ... ﻭﻟﻜﻨﻪ ﺑﻪ ﺭﺟﻮﻟﺔ ﺗﻔﻮﻕ ﺳﺎﻣﺢ ﺑﻤﺮﺍﺣﻞ ... ﺍﻧﺘﻬﻰ ﻋﻠﻲ ﻣﻦ ﺍﻟﺸﺮﺡ ﺍﻟﺬﻱ ﻟﻢ ﺗﺴﺘﻤﻊ ﻣﻨﻪ ﻧﺎﺩﻳﺔ ﺇﻟﻰ ﺣﺮﻑ ﻭﺍﺣﺪ ﻓﺮﻓﻊ ﺭﺃﺳﻪ ﻗﺎﺋﻼ ﺑﺠﺪﻳﺔ : ﻫﺎ ﻓﻬﻤﺘﻲ ﺍﻟﻤﻄﻠﻮﺏ ﻣﻨﻚ ﺗﻌﻤﻠﻴﻪ ﺑﺎﻟﻈﺒﻂ ?

ﺍﺗﺴﻌﺖ ﺇﺑﺘﺴﺎﻣﺘﻬﺎ ﻭﻫﻲ ﺗﺠﻴﺒﻪ ﻗﺎﺋﻠﺔ : ﺍﻧﺖ ﻟﻴﻪ ﻣﺎ ﻓﻜﺮﺗﺶ ﺗﺸﺘﻐﻞ ﺩﻛﺘﻮﺭ ﻓﺎﻟﺠﺎﻣﻌﺔ ... ﺛﻢ ﺍﺭﺩﻓﺖ ﻗﺎﺋﻠﺔ ﺑﻤﻴﻮﻋﺔ : ﺗﻌﺮﻑ ﺍﻥ ﺷﺮﺣﻚ ﺣﻠﻮ ﺍﻭﻱ

ﺯﻓﺮ ﺑﻀﻴﻖ ﺛﻢ ﻗﺎﻝ ﺣﺎﻧﻘﺎ : ﻳﺎﺗﺮﻯ ﻓﻴﻪ ﺣﺎﺟﺔ ﺗﺎﻧﻴﺔ ﻋﺎﻳﺰﺓ ﺗﺴﺄﻟﻲ ﻓﻴﻬﺎ ?

ﺍﻣﺘﺪﺕ ﻳﺪﻫﺎ ﻟﺘﻤﺴﻚ ﺍﻟﻤﻠﻒ ﻭﻫﻲ ﺗﻘﻮﻝ ﺑﻤﻜﺮ : ﻟﻮ ﻓﻴﻪ ﺣﺎﺟﺔ ﺗﺎﻧﻴﺔ ﺣﺎﺭﺟﻌﻠﻚ ﺗﺎﻧﻲ ... ﺣﺘﺮﻭﺡ ﻣﻨﻲ ﻓﻴﻦ ﻳﻌﻨﻲ ?

ﺧﺮﺟﺖ ﻧﺎﺩﻳﺔ ﻭﺃﻏﻠﻘﺖ ﺍﻟﺒﺎﺏ ﺧﻠﻔﻬﺎ ﻓﺰﻓﺮ ﻋﻠﻲ ﻗﺎﺋﻼ ﺑﻨﻔﺎﺫ ﺻﺒﺮ : ﻭﺑﻌﺪﻳﻦ ﺑﻘﻰ ...

ﻣﺮﺕ ﻋﺪﺓ ﺃﻳﺎﻡ ﻋﻠﻰ ﻋﻤﻠﻬﺎ ﺑﺎﻟﺸﺮﻛﺔ ... ﻭﻛﻞ ﻳﻮﻡ ﺗﻨﺘﻬﺰ ﻧﺎﺩﻳﺔ ﺃﻱ ﻓﺮﺻﺔ ﻟﺘﺘﻮﺟﻪ ﻧﺤﻮ ﻣﻜﺘﺐ ﻋﻠﻲ ﻣﺘﺤﺠﺠﺔ ﺑﺄﻋﺬﺍﺭ ﻭﺍﻫﻴﺔ ﻻ ﺗﺨﻔﻰ ﺑﺎﻟﻄﺒﻊ ﻋﻠﻰ ﻋﻠﻲ ... ﻭﻣﻊ ﺇﺷﺮﺍﻗﺔ ﺷﻤﺲ ﻳﻮﻡ ﺟﺪﻳﺪ ﻫﻮ ﺍﻷﻭﻝ ﻓﻲ ﺍﻟﻌﺎﻡ ﺍﻟﺪﺭﺍﺳﻲ ﺍﻟﺠﺪﻳﺪ ... ﻛﺎﻧﺖ ﺃﻣﻴﺮﺓ ﻣﺘﻮﺟﻬﺔ ﺇﻟﻰ ﺍﻟﻤﺪﺭﺳﺔ ﺣﻴﻦ ﻓﻮﺟﺌﺖ ﺑﺠﻤﺎﻝ ﻳﻌﺘﺮﺽ ﻃﺮﻳﻘﻬﺎ ﻗﺎﺋﻼ ﺑﺈﺑﺘﺴﺎﻣﺔ : ﺻﺒﺎﺡ ﺍﻟﺨﻴﺮ ﻳﺎ ﺃﻣﻴﺮﺓ ... ﻛﻞ ﺳﻨﺔ ﻭﺍﻧﺘﻲ ﻃﻴﺒﺔ

ﺑﺎﺩﻟﺘﻪ ﺃﻣﻴﺮﺓ ﺍﻹﺑﺘﺴﺎﻣﺔ ﻗﺎﺋﻠﺔ : ﺻﺒﺎﺡ ﺍﻟﻨﻮﺭ ﻳﺎ ﺟﻤﺎﻝ ﻭﻛﻞ ﺳﻨﺔ ﻭﺍﻧﺖ ﻃﻴﺐ ... ﺍﻧﺖ ﺑﺘﻌﻤﻞ ﺇﻳﻪ ﻫﻨﺎ ?

ﺟﻤﺎﻝ : ﺃﻧﺎ ﻭﺍﻗﻒ ﻣﻦ ﺷﻮﻳﺔ ﻛﺪﻩ ﻣﺴﺘﻨﻴﻴﻜﻲ ﻋﺸﺎﻥ ﻧﺪﺧﻞ ﺍﻟﻤﺪﺭﺳﺔ ﻣﻊ ﺑﻌﺾ ﻓﺄﻭﻝ ﻳﻮﻡ ﺯﻱ ﻣﺎ ﺍﺣﻨﺎ ﻣﺘﻌﻮﺩﻳﻦ ﻛﻞ ﺳﻨﺔ ... ﻭﻛﻤﺎﻥ ﺃﻧﺎ ﺟﺒﺘﻠﻚ ﻫﺪﻳﺔ ﺑﻤﻨﺎﺳﺒﺔ ﺍﻟﺴﻨﺔ ﺍﻟﺠﺪﻳﺪﺓ ﺑﺲ ﻳﺎﺭﺏ ﺗﻌﺠﺒﻚ ... ﻭﺿﻊ ﻳﺪﻩ ﻓﻲ ﺟﻴﺒﻪ ﻭﺃﺧﺮﺝ ﻋﻠﺒﺔ ﺻﻐﻴﺮﺓ ﻣﻦ ﺍﻟﻘﻄﻴﻔﺔ ﺣﻤﺮﺍﺀ ﺍﻟﻠﻮﻥ ﺛﻢ ﻓﺘﺤﻬﺎ ﻟﻴﻈﻬﺮ ﺧﺎﺗﻤﺎ ﺫﻫﺒﻴﺎ ﺭﻗﻴﻘﺎ ﻭﻣﻦ ﺛﻢ ﻗﺎﻝ : ﺇﻳﻪ ﺭﺃﻳﻚ ?

↚

ﺃﻣﻴﺮﺓ ﺑﺤﺮﺝ : ﺟﻤﻴﻞ ﺍﻭﻱ ... ﺑﺲ ﻣﺎﻛﺎﻧﺶ ﻓﻴﻪ ﺩﺍﻋﻲ ﺗﺘﻌﺐ ﻧﻔﺴﻚ ... ﻭﺑﻌﺪﻳﻦ ﺍﺣﻨﺎ ﺣﻨﻌﻴﺪ ﺃﻳﺎﻡ ﺍﻟﺨﻄﻮﺑﺔ ﻣﻦ ﺟﺪﻳﺪ ﻭﻻ ﺇﻳﻪ ?

ﺍﺑﺘﺴﻢ ﻗﺎﺋﻼ : ﻟﻮ ﺩﻱ ﺣﺎﺟﺔ ﺗﺴﻌﺪﻙ ﺃﻧﺎ ﻣﺎﻋﻨﺪﻳﺶ ﻣﺎﻧﻊ ﺍﻋﻤﻠﻬﺎ ﻋﺸﺎﻥ ﺧﺎﻃﺮﻙ

ﺧﻔﻀﺖ ﺑﺼﺮﻫﺎ ﻭﻫﻲ ﺗﺠﻴﺒﻪ ﻗﺎﺋﻠﺔ ﺑﺨﺠﻞ : ﻃﺐ ﻳﻼ ﺑﻴﻨﺎ ﺑﻘﻰ ﻋﺸﺎﻥ ﻣﺎ ﻧﺘﺄﺧﺮﺵ ﻋﻠﻰ ﺍﻟﻤﺪﺭﺳﺔ

ﺟﻤﺎﻝ : ﻣﺎﺷﻲ ﻳﻼ ﺑﻴﻨﺎ

ﻛﺎﻧﺖ ﻟﻤﻴﺎﺀ ﺗﻘﻮﻡ ﺑﺘﺤﻀﻴﺮ ﺣﻘﻴﺒﺘﻬﺎ ﺇﺳﺘﻌﺪﺍﺩﺍ ﻟﻠﺘﻮﺟﻪ ﺇﻟﻰ ﺍﻟﺠﺎﻣﻌﺔ ﻓﻲ ﺃﻭﻝ ﻳﻮﻡ ﺩﺭﺍﺳﻲ ﻭﺗﻀﻊ ﻫﺎﺗﻔﻬﺎ ﻋﻠﻰ ﺃﺫﻧﻬﺎ ﻭﺗﺴﻨﺪﻩ ﺑﻜﺘﻔﻬﺎ ﻭﻫﻲ ﺗﺤﺎﺩﺙ ﺇﺑﺮﺍﻫﻴﻢ ﺍﻟﺬﻱ ﻛﺎﻥ ﻳﻬﻨﺌﻬﺎ ﺑﻌﺎﻣﻬﺎ ﺍﻟﺠﺎﻣﻌﻲ ﺍﻟﺠﺪﻳﺪ ... ﺃﺗﺎﻫﺎ ﺻﻮﺗﻪ ﻋﺒﺮ ﺍﻟﻬﺎﺗﻒ ﻗﺎﺋﻼ : ﻛﻞ ﺳﻨﺔ ﻭﺍﻧﺘﻲ ﻃﻴﺒﺔ ﻳﺎ ﺣﺒﻴﺒﺘﻲ

ﻟﻤﻴﺎﺀ ﺑﺼﺮﺍﻣﺔ : ﺇﺑﺮﺍﻫﻴﻢ ... ﺍﺣﻨﺎ ﺍﺗﻔﻘﻨﺎ ﻋﻠﻲ ﺇﻳﻪ ?

ﺇﺑﺮﺍﻫﻴﻢ : ﻣﺎ ﺍﺣﻨﺎ ﺑﺮﺿﻪ ﺍﺗﻔﻘﻨﺎ ﺍﻧﻚ ﺣﺘﻔﻜﻴﻬﺎ ﺷﻮﻳﺔ ﻳﺎ ﻟﻤﻴﺎ

ﺍﺻﻄﻨﻌﺖ ﺍﻟﺘﻔﻜﻴﺮ ﻗﺒﻞ ﺍﻥ ﺗﺠﻴﺒﻪ ﻗﺎﺋﻠﺔ : ﺧﻼﺹ ... ﻳﺒﻘﻰ ﻭﺍﻧﺖ ﻃﻴﺐ

ﺇﺑﺮﺍﻫﻴﻢ ﺳﺎﺧﺮﺍ : ﻳﺎ ﺳﻼﻡ ... ﺩﻩ ﻛﺪﻩ ﺑﻌﺪ ﻣﺎﻓﻜﻴﺘﻴﻬﺎ ! ﻻ ﺩﻩ ﺍﻧﺘﻲ ﻛﺪﻩ ﺟﻴﺘﻲ ﻋﻠﻰ ﻧﻔﺴﻚ ﺍﻭﻱ ... ﻟﻴﻪ ﺑﺲ ﺍﻟﺘﺒﺬﻳﺮ ﺩﻩ ﻳﺎ ﻟﻤﻴﺎ ... ﺑﻌﺪﻳﻦ ﺃﺧﺪ ﻋﻠﻰ ﺍﻟﺪﻟﻊ ﺩﻩ ﻭﺍﻧﺤﺮﻑ ﻭﺃﺧﻼﻗﻲ ﺗﺒﻮﻅ

ﺍﺑﺘﺴﻤﺖ ﻗﺎﺋﻠﺔ : ﻻﺣﻆ ﺍﻥ ﺍﻧﺖ ﻛﺪﻩ ﻣﺄﺧﺮﻧﻲ ﻋﻠﻰ ﻓﻜﺮﺓ

ﺇﺑﺮﺍﻫﻴﻢ : ﺗﺤﺒﻲ ﺁﺟﻲ ﺃﻭﺻﻠﻚ

ﻟﻤﻴﺎﺀ ﺑﺠﺪﻳﺔ : ﻣﻮﺍﻓﻘﺔ ﺑﺲ ﺑﺸﺮﻁ

ﺃﺳﺮﻉ ﻳﺠﻴﺒﻬﺎ ﻗﺎﺋﻼ : ﻣﻮﺍﻓﻖ ﻣﻦ ﻏﻴﺮ ﻣﺎ ﺃﻋﺮﻓﻪ

ﻟﻤﻴﺎﺀ ﺑﺘﺼﻤﻴﻢ : ﻷ ﻻﺯﻡ ﺗﻌﺮﻓﻪ ﺍﻷﻭﻝ ... ﺑﺸﺮﻁ ﺍﻧﻚ ﺗﻜﻠﻢ ﻋﻠﻲ ﺃﺧﻮﻳﺎ ﻭﺗﺴﺘﺄﺫﻥ ﻣﻨﻪ ﻭﻛﻤﺎﻥ ﻫﻮ ﻳﻴﺠﻲ ﻣﻌﺎﻧﺎ ﻋﺸﺎﻥ ﻣﺎﻳﻨﻔﻌﺶ ﻧﺮﻛﺐ ﻟﻮﺣﺪﻧﺎ ﺃﻧﺎ ﻭﺍﻧﺖ

ﺇﺑﺮﺍﻫﻴﻢ ﺷﺎﻋﺮﺍ ﺑﺨﻴﺒﺔ ﺍﻷﻣﻞ : ﻟﻤﻴﺎﺀ ... ﺗﺮﻭﺣﻲ ﻭﺗﺮﺟﻌﻲ ﺑﺎﻟﺴﻼﻣﺔ ﻳﺎ ﺣﺒﻴﺒﺘﻲ ... ﻣﺶ ﻋﺎﻳﺰﺓ ﺣﺎﺟﺔ ﻗﺒﻞ ﻣﺎ ﺃﻗﻔﻞ

ﻟﻤﻴﺎﺀ : ﻻ ﻣﺘﺸﻜﺮﺓ ﺍﻭﻱ

ﺍﻏﻠﻘﺖ ﻟﻤﻴﺎﺀ ﺍﻟﻬﺎﺗﻒ ﻣﻊ ﺇﺑﺮﺍﻫﻴﻢ ﻭﻫﻲ ﺗﺒﺘﺴﻢ ﻗﺎﺋﻠﺔ : ﻧﺎﺱ ﻣﺎﺑﺘﺠﻴﺶ ﻏﻴﺮ ﺑﺎﻟﻌﻴﻦ ﺍﻟﺤﻤﺮﺍ ﺻﺤﻴﺢ

ﻛﺎﻧﺖ ﺗﻘﻒ ﺃﻣﺎﻡ ﺍﻟﻤﺮﺃﺓ ﻟﺘﻠﻘﻲ ﻧﻈﺮﺓ ﺃﺧﻴﺮﺓ ﻋﻠﻰ ﺷﻜﻠﻬﺎﻗﺒﻞ ﺃﻥ ﺗﺬﻫﺐ ﺇﻟﻰ ﺍﻟﺠﺎﻣﻌﺔ ﻓﺎﻗﺘﺮﺏ ﻣﻨﻬﺎ ﻋﻠﻲ ﻭﻃﺒﻊ ﻗﺒﻠﺔ ﺭﻗﻴﻘﺔ ﻋﻠﻰ ﻭﺟﻨﺘﻬﺎ ﻗﺎﺋﻼ ﺑﺤﺐ : ﻛﻞ ﺳﻨﺔ ﻭﺍﻧﺘﻲ ﻃﻴﺒﺔ ﻳﺎ ﺣﺒﻴﺒﺘﻲ

ﺍﺳﺘﺪﺍﺭﺕ ﺇﻟﻴﻪ ﻭﻗﺎﻟﺖ ﺑﺈﺑﺘﺴﺎﻣﺔ : ﻭﺍﻧﺖ ﻃﻴﺐ ﻳﺎ ﻋﻠﻲ .

ﺣﻤﻞ ﺣﻘﻴﺒﺘﻪ ﻭﻧﻈﺮ ﺇﻟﻴﻬﺎ ﻗﺎﺋﻼ : ﻳﻼ ﺑﻴﻨﺎ ﺑﻘﻰ ﻋﺸﺎﻥ ﺃﻭﺻﻠﻚ ﻗﺒﻞ ﻣﺎ ﺍﻃﻠﻊ ﻋﻠﻰ ﺍﻟﺸﺮﻛﺔ

ﻧﻮﺭﺍ ﺑﺴﻌﺎﺩﺓ : ﺑﺠﺪ ﺣﺘﻮﺻﻠﻨﻲ ﺍﻟﻨﻬﺎﺭﺩﺓ ?

ﻋﻠﻲ ﻣﺆﻛﺪﺍ : ﺇﻥ ﺷﺎﺀﺍﻟﻠﻪ ... ﺑﺲ ﻣﺎﺗﺘﻌﻮﺩﻳﺶ ﻋﻠﻰ ﺍﻟﺪﻟﻊ ﺩﻩ ... ﺍﻟﻨﻬﺎﺭﺩﺓ ﺑﺲ ﻋﺸﺎﻥ ﺃﻭﻝ ﻳﻮﻡ ﺣﺎﻭﺩﻳﻜﻲ ﻭﺍﺭﺟﻌﻚ ﻛﻤﺎﻥ ... ﻳﻼ ﺑﻴﻨﺎ ﺑﻘﻰ ﺍﺣﺴﻦ ﻛﺪﻩ ﺍﺗﺄﺧﺮﻧﺎ ﻋﻠﻰ ﺍﻟﻔﻄﺎﺭ

ﻫﺒﻂ ﻋﻠﻰ ﻭﻧﻮﺭﺍ ﺍﻟﺪﺭﺝ ﻣﻌﺎ ﻟﻴﺠﺪﺍ ﻧﺎﺩﻳﺔ ﻭﺣﺪﻫﺎﻋﻠﻰ ﻣﺎﺋﺪﺓ ﺍﻹﻓﻄﺎﺭ ... ﺳﺄﻟﻬﺎ ﻋﻠﻲ ﻋﻦ ﺳﺮ ﻏﻴﺎﺏ ﻋﻤﻪ ﻓﻘﺎﻟﺖ : ﺑﺎﺑﺎ ﺳﺒﻘﻨﺎ ﻋﻠﻰ ﺍﻟﺸﺮﻛﺔ ﻭﻗﺎﻟﻲ ﻧﺤﺼﻠﻪ ﺍﻧﺎ ﻭﺍﻧﺖ ... ﺃﺻﻞ ﺍﻧﺎ ﺍﺗﺄﺧﺮﺕ ﻭﺃﻧﺎ ﺑﺎﻟﺒﺲ ﻫﺪﻭﻣﻲ ﻭﺟﻴﺖ ﺑﻌﺪ ﻫﻮ ﻣﺎﻓﻄﺮ ... ﺑﺎﻗﻮﻟﻚ ﺇﻳﻪ ﻳﺎ ﻋﻠﻲ ... ﻫﻮ ﺃﻧﺎ ﻣﻤﻜﻦ ﺃﻏﻠﺲ ﻋﻠﻴﻚ ﺍﻟﻨﻬﺎﺭﺩﺓ ﻭﺍﻃﻠﺐ ﻣﻨﻚ ﺍﻧﻚ ﺗﺎﺧﺪﻧﻲ ﻣﻌﺎﻙ ﻓﻌﺮﺑﻴﺘﻚ ﻟﺤﺪ ﺍﻟﺸﺮﻛﺔ ?

ﺃﺟﺎﺏ ﻗﺎﺋﻼ ﺑﺘﺄﻓﻒ : ﻭﺍﻧﺘﻲ ﻋﺮﺑﻴﺘﻚ ﻓﻴﻦ ﻳﺎ ﻧﺎﺩﻳﺔ ?

ﻧﺎﺩﻳﺔ : ﺍﺻﻞ ﻋﺮﺑﻴﺘﻲ ﻋﻄﻼﻧﺔ ﻣﺶ ﻋﺎﺭﻓﺔ ﻣﻦ ﺇﻳﻪ ... ﻭﺻﻴﺖ ﺣﺪ ﻣﻦ ﺍﻷﺗﻨﻴﻦ ﺍﻷﻣﻦ ﺍﻟﻠﻲ ﻋﻠﻰ ﺍﻟﺒﻮﺍﺑﺔ ﻳﺎﺧﺪﻫﺎ ﻳﻮﺩﻳﻬﺎ ﻟﻠﻤﻴﻜﺎﻧﻴﻜﻲ ﻳﺸﻮﻑ ﻣﺎﻟﻬﺎ ... ﻣﻌﻠﺶ ﺣﺘﻀﻄﺮ ﺗﻮﺻﻠﻨﻲ ﺍﻟﺸﺮﻛﺔ ﺍﻟﻨﻬﺎﺭﺩﺓ

ﺃﺭﺍﺩ ﻋﻠﻲ ﺗﻔﻮﻳﺖ ﺗﻠﻚ ﺍﻟﻔﺮﺻﺔ ﻋﻠﻴﻬﺎ ﻓﻘﺎﻝ ﺑﺒﺮﻭﺩ : ﺃﺳﻒ ﻳﺎ ﻧﺎﺩﻳﺔ ... ﺃﻧﺎ ﻣﺶ ﺭﺍﻳﺢ ﺍﻟﺸﺮﻛﺔ ﺩﻟﻮﻗﺘﻲ ... ﺃﻧﺎ ﻟﺴﻪ ﺣﺎﻭﺻﻞ ﻧﻮﺭﺍ ﺍﻟﻜﻠﻴﺔ ﺍﻷﻭﻝ ﻭﺑﻌﺪﻳﻦ ﺍﺭﻭﺡ ﺍﻟﺸﺮﻛﺔ

ﺑﺪﺍ ﻋﻠﻰ ﻣﻼﻣﺤﻬﺎ ﺍﻟﻀﻴﻖ ﻭﻫﻲ ﺗﺠﻴﺒﻪ ﻗﺎﺋﻠﺔ : ﻭﻫﻴﺎ ﻧﻮﺭﺍ ﻣﺎﺗﻌﺮﻓﺶ ﺳﻜﺔ ﺍﻟﻜﻠﻴﺔ ﻟﻮﺣﺪﻫﺎ ?

ﻟﻢ ﻳﺴﺘﻄﻊ ﺿﺒﻂ ﺃﻋﺼﺎﺑﻪ ﻫﺬﻩ ﺍﻟﻤﺮﺓ ﻓﺎﺟﺎﺑﻬﺎ ﺑﺤﺪﺓ : ﺩﻩ ﻋﻠﻰ ﺃﺳﺎﺱ ﺍﻧﻚ ﺍﻧﺘﻲ ﺍﻟﻠﻲ ﻣﺎﺗﻌﺮﻓﻴﺶ ﻃﺮﻳﻖ ﺍﻟﺸﺮﻛﺔ ﻳﻌﻨﻲ

ﻧﻈﺮﺕ ﻧﻮﺭﺍ ﺇﻟﻰ ﺳﺎﻋﺔ ﻳﺪﻫﺎ ﻭﻗﺎﻟﺖ ﺑﻀﻴﻖ : ﻋﻠﻲ ﺍﻧﺎ ﻛﺪﻩ ﺣﺘﺄﺧﺮ ﻣﺶ ﻳﻼﺑﻴﻨﺎ

ﻧﻈﺮﺕ ﺇﻟﻴﻬﺎ ﻧﺎﺩﻳﺔ ﻭﻗﺎﻟﺖ ﺑﺈﺳﺘﻨﻜﺎﺭ : ﺩﻩ ﻋﻠﻰ ﺃﺳﺎﺱ ﺍﻥ ﺍﻟﻜﻠﻴﺔ ﺑﻴﺮﻭﺣﻮﻫﺎ ﺑﻤﻮﺍﻋﻴﺪ ﻣﺜﻼ ﻣﻦ ﺍﻭﻝ ﻳﻮﻡ ﻛﺪﻩ

ﻛﺎﺩﺕ ﺑﺮﺍﻛﻴﻦ ﻏﻀﺒﻪ ﺃﻥ ﺗﺸﺘﻌﻞ ﻣﻄﻠﻘﺔ ﺣﻤﻤﻬﺎ ﻓﻲ ﻭﺟﻪ ﻧﺎﺩﻳﺔ ﺍﻟﺘﻲ ﻧﻄﻘﺖ ﻗﺎﺋﻠﺔ ﺑﺒﺮﻭﺩ : ﺧﻼﺹ ... ﺃﻧﺎ ﺣﺂﺟﻲ ﻣﻌﺎﻛﻮﺍ ﺗﻮﺻﻞ ﻧﻮﺭﺍ ﺍﻟﻜﻠﻴﺔ ﻭﺑﻌﺪﻳﻦ ﻧﻜﻤﻞ ﺍﺣﻨﺎ ﻃﺮﻳﻘﻨﺎ ﻋﻠﻰ ﺍﻟﺸﺮﻛﺔ

ﻧﻘﻞ ﻋﻠﻲ ﺑﺼﺮﻩ ﺑﻴﻨﻬﺎ ﻭﺑﻴﻦ ﻧﻮﺭﺍ ﺍﻟﺘﻲ ﺑﺪﺍ ﺍﻥ ﺻﺒﺮﻫﺎ ﻳﻜﺎﺩ ﻳﻨﻔﺪ ﻭﻗﺎﻝ ﺑﺠﻤﻮﺩ : ﻷ ... ﺍﻧﺎ ﺣﺎﻭﺻﻠﻚ ﺍﻟﺸﺮﻛﺔ ﺍﻷﻭﻝ ﻭﺑﻌﺪﻳﻦ ﺃﻭﺻﻞ ﻧﻮﺭﺍ ﺍﻟﺠﺎﻣﻌﺔ ﻭﺍﺭﺟﻊ ﺍﻟﺸﺮﻛﺔ ﺗﺎﻧﻲ

ﺯﻓﺮﺕ ﺑﺸﺪﺓ ﺛﻢ ﻗﺎﻟﺖ ﺑﺤﻨﻖ : ﻭﻟﺰﻭﻣﻬﺎ ﺇﻳﻪ ﺍﻟﻠﻔﺔ ﺩﻱ ﻛﻠﻬﺎ ?

ﻋﻠﻲ ﺑﺒﺮﻭﺩ ﻣﺤﺎﻭﻻ ﺇﺳﺘﻔﺰﺍﺯﻫﺎ : ﻣﺰﺍﺟﻲ ﻛﺪﻩ ﻭﺇﺫﺍ ﻛﺎﻥ ﻋﺎﺟﺒﻚ ... ﺍﺻﻞ ﺑﺼﺮﺍﺣﺔ ﻓﻴﻪ ﻣﻮﺿﻮﻉ ﻣﻬﻢ ﻋﺎﻳﺰ ﺍﺗﻜﻠﻢ ﻣﻊ ﻣﺮﺍﺗﻲ ﺣﺒﻴﺒﺘﻲ ﻓﻴﻪ ﻭﺍﺣﻨﺎ ﻓﺎﻟﻄﺮﻳﻖ ... ﻋﻨﺪﻙ ﻣﺎﻧﻊ ?

ﺃﺩﺍﺭﺕ ﻧﻮﺭﺍ ﻭﺟﻬﻬﺎ ﺇﻟﻰ ﺍﻟﺠﻬﺔ ﺍﻷﺧﺮﻯ ﺣﺘﻰ ﻻ ﻳﻼﺣﻆ ﺃﻱ ﻣﻨﻬﻤﺎ ﺗﻠﻚ ﺍﻹﺑﺘﺴﺎﻣﺔ ﺍﻟﺘﻲ ﺍﺭﺗﺴﻤﺖ ﻋﻠﻰ ﺷﻔﺘﻴﻬﺎ ﺟﺮﺍﺀ ﻛﻠﻤﺎﺗﻪ ﻭﺃﺳﻠﻮﺑﻪ ﺍﻟﻤﺴﺘﻔﺰ ... ﻟﻢ ﺗﺠﺪ ﻧﺎﺩﻳﺔ ﺑﺪﺍ ﻣﻦ ﺍﻹﺫﻋﺎﻥ ﻓﻮﺍﻓﻘﺖ ﻋﻠﻰ ﻣﻀﺾ ... ﺗﺤﺪﺛﺖ ﻧﻮﺭﺍ ﻗﺎﺋﻠﺔ : ﻳﻼ ﺑﻴﻨﺎ ﺑﻘﻰ ﻳﺎ ﻋﻠﻲ

ﻫﻤﺖ ﺃﻥ ﺗﻐﺎﺩﺭ ﻭﻟﻜﻦ ﻋﻠﻲ ﺟﺬﺑﻬﺎ ﻣﻦ ﺫﺭﺍﻋﻬﺎ ﻟﻴﺴﺘﻮﻗﻔﻬﺎ ﻗﺎﺋﻼ : ﺍﻧﺘﻲ ﺣﺘﻤﺸﻲ ﻛﺪﻩ ﻣﻦ ﻏﻴﺮ ﻣﺎ ﺍﺳﻠﻢ ﻋﻠﻴﻜﻲ ... ﻭﻣﻦ ﺛﻢ ﺍﻗﺘﺮﺏ ﻣﻦ ﺷﻔﺘﻴﻬﺎ ﻭﻃﺒﻊ ﻋﻠﻴﻬﻤﺎ ﻗﺒﻠﺔ ﺗﻌﻤﺪ ﺃﻥ ﺗﻄﻮﻝ ﻟﺒﻌﺾ ﺍﻟﻮﻗﺖ ﻭﻧﻮﺭﺍ ﺗﺤﺎﻭﻝ ﺩﻓﻌﻪ ﺑﺮﻓﻖ ﺇﻻ ﺍﻥ ﺍﺑﺘﻌﺪ ﺃﺧﻴﺮﺍ ﻗﺎﺋﻼ : ﻣﻌﻠﺶ ﺃﺻﻠﻲ ﺣﺎﻗﻌﺪ ﻛﺎﻡ ﺳﺎﻋﺔ ﻣﻦ ﻏﻴﺮ ﻣﺎ ﺃﺷﻮﻓﻚ ... ﻛﺎﻧﺖ ﻋﻴﻨﺎﻩ ﻣﺜﺒﺘﺘﻴﻦ ﻋﻠﻰ ﻧﺎﺩﻳﺔ ﺍﻟﺘﻲ ﻛﺎﻥ ﻳﻌﻠﻢ ﺟﻴﺪﺍ ﺍﻧﻬﺎ ﻟﻦ ﺗﺠﺮﺅ ﻋﻠﻰ ﺍﻹﻋﺘﺮﺍﺽ ﻫﺬﻩ ﺍﻟﻤﺮﺓ ... ﻓﻬﻲ ﺗﺴﻌﻰ ﺑﻜﻞ ﺟﻬﺪﻫﺎ ﻟﻠﺘﻘﺮﺏ ﻣﻦ ﻋﻠﻲ ... ﺍﻷﻣﺮ ﺍﻟﺬﻱ ﺑﺎﺕ ﻋﻠﻲ ﻳﺪﺭﻛﻪ ﺑﺸﺪﺓ ... ﻛﺎﻥ ﺃﻗﺼﻰ ﻣﺎﻓﻌﻠﺘﻪ ﺍﻥ ﺃﺷﺎﺣﺖ ﺑﻮﺟﻬﻬﺎ ﺑﻌﻴﺪﺍ ﻋﻨﻬﻤﺎ ﻭﻫﻲ ﺗﻀﺮﺏ ﺍﻷﺭﺽ ﺑﻘﺪﻣﻬﺎ ﻓﻲ ﺣﻨﻖ ﻭﻏﻴﻆ ﺷﺪﻳﺪﻳﻦ ... ﺛﻢ ﺧﺮﺝ ﺑﻌﺪﻫﺎ ﺍﻟﺠﻤﻴﻊ ﻣﻌﺎ ﻣﺘﺠﻬﻴﻦ ﺇﻟﻰ ﺳﻴﺎﺭﺓ ﻋﻠﻲ

↚

ﻓﻲ ﺍﻟﺸﺮﻛﺔ ﻟﻢ ﻳﺨﺘﻠﻒ ﻳﻮﻣﻬﺎ ﻛﺜﻴﺮﺍ ﻋﻦ ﺳﺎﺑﻘﻴﻪ ... ﻛﺎﻧﺖ ﺗﺪﻟﻒ ﻫﺬﻩ ﺍﻟﻤﺮﺓ ﺇﻟﻰ ﺩﺍﺧﻞ ﻣﻜﺘﺒﻪ ﺑﻌﺬﺭ ﺟﺪﻳﺪ ﻟﺘﻌﻴﺪ ﻧﻔﺲ ﺣﺮﻛﺎﺗﻬﺎ ﺍﻟﺘﻲ ﺑﺎﺗﺖ ﺗﺸﻌﺮﻩ ﺑﻤﺰﻳﺪ ﻣﻦ ﺍﻟﻨﻔﻮﺭ ﻧﺤﻮﻫﺎ ... ﻫﺘﻒ ﺑﻬﺎ ﻫﺬﻩ ﺍﻟﻤﺮﺓ ﺻﺎﺭﺧﺎ : ﻧﺎﺩﻳﺔ ... ﻳﺎ ﺇﻣﺎ ﺗﻘﻌﺪﻱ ﻋﻠﻰ ﺍﻟﻜﺮﺳﻲ ﺯﻱ ﺍﻟﻨﺎﺱ ... ﻳﺎ ﺇﻣﺎ ﻣﺎ ﺗﺠﻴﺶ ﻫﻨﺎ ﺗﺎﻧﻲ ... ﺍﻇﻦ ﺍﻧﺎ ﻣﺶ ﺣﺎﻧﺒﻪ ﻋﻠﻴﻜﻲ ﻛﻞ ﻣﺮﺓ

ﺯﻣﺖ ﺷﻔﺘﻴﻬﺎ ﻓﻲ ﻣﺤﺎﻭﻟﺔ ﻣﻨﻬﺎ ﻹﺧﻔﺎﺀ ﺿﻴﻘﻬﺎ ﻭﻗﺎﻝ ﻣﺼﻄﻨﻌﺔ ﺍﻟﺤﺮﺝ : ﺃﻧﺎ ﺃﺳﻔﺔ ﺇﺫﺍ ﻛﻨﺖ ﺿﺎﻳﻘﺘﻚ ﻣﻦ ﻏﻴﺮ ﻣﺎ ﺍﻗﺼﺪ ﺍﻟﻤﺮﺓ ﺩﻯ ﻛﻤﺎﻥ

ﺃﺟﺎﺑﻬﺎ ﻭﻫﻮ ﻳﻤﺴﺢ ﺣﺒﺎﺕ ﺍﻟﻌﺮﻕ ﺍﻟﻤﺘﻨﺎﺛﺮﺓ ﻋﻠﻰ ﺟﺒﻴﻨﻪ ﻗﺎﺋﻼ ﺑﻀﻴﻖ : ﻣﺶ ﻣﻼﺣﻈﺔ ﺍﻧﻚ ﺑﻘﻴﺘﻲ ﺑﺘﺘﺄﺳﻔﻲ ﻛﺘﻴﺮ ... ﻣﻤﻜﻦ ﺗﺘﻔﻀﻠﻲ ﻋﻠﻰ ﻣﻜﺘﺒﻚ ﺩﻟﻮﻗﺘﻲ ﻹﻧﻲ ﺑﺠﺪ ﻣﺶ ﻗﺎﺩﺭ ﺃﺷﺮﺡ ﺣﺎﺟﺔ

ﻗﺎﻣﺖ ﻣﻦ ﻣﺠﻠﺴﻬﺎ ﻣﺘﺠﻬﺔ ﻧﺤﻮ ﻣﻘﻌﺪﻩ ﻭﻗﺎﻟﺖ ﺑﻠﻬﻔﺔ : ﺳﻼﻣﺘﻚ ... ﻓﻴﻪ ﺣﺎﺟﺔ ﺑﺘﻮﺟﻌﻚ ... ﺃﺟﻴﺒﻠﻚ ﺩﻛﺘﻮﺭ ?

ﺃﺟﺎﺑﻬﺎ ﻗﺎﺋﻼ ﺑﺘﺄﻓﻒ : ﺍﻟﺤﺎﺟﺔ ﺍﻟﻠﻲ ﺗﻌﺒﺎﻧﻲ ﺩﻭﺍﻫﺎ ﻣﺶ ﻋﻨﺪﻙ ﻭﻻ ﻋﻨﺪ ﺍﻟﺪﻛﺘﻮﺭ ... ﺛﻢ ﺗﺮﻛﻬﺎ ﻣﺘﺠﻬﺎ ﻧﺤﻮ ﺍﻟﺤﻤﺎﻡ ﺍﻟﻤﻠﺤﻖ ﺑﺎﻟﻐﺮﻓﺔ ﻭﻭﺿﻊ ﺭﺃﺳﻪ ﺗﺤﺖ ﺻﻨﺒﻮﺭ ﺍﻟﻤﺎﺀ ﺳﺎﻣﺤﺎ ﻟﻠﻤﺎﺀ ﺍﻟﺒﺎﺭﺩ ﺃﻥ ﻳﺘﺨﻠﻞ ﻭﺟﻬﻪ ﻭﺧﺼﻼﺕ ﺷﻌﺮﻩ ﻭﻏﺎﺩﺭ ﺑﻌﺪ ﺍﻥ ﻗﺎﻝ ﺑﺠﺪﻳﺔ : ﻧﺎﺩﻳﺔ ... ﻣﻤﻜﻦ ﺗﺒﻠﻐﻲ ﻋﻤﻲ ﺇﻧﻲ ﺗﻌﺒﺖ ﺷﻮﻳﺔ ﻭﻣﺸﻴﺖ ﺑﺪﺭﻱ ...? ﻟﻢ ﻳﺘﺮﻙ ﻟﻬﺎ ﻓﺮﺻﺔ ﻟﻠﺮﺩ ﻓﻐﺎﺩﺭ ﻣﺴﺮﻋﺎ ﻭﺭﻛﺐ ﺳﻴﺎﺭﺗﻪ ﻓﻲ ﻃﺮﻳﻘﻪ ﺇﻟﻰ ﺍﻟﺠﺎﻣﻌﺔ

ﻓﻲ ﺍﻟﺴﻴﺎﺭﺓ ﻛﺎﻧﺖ ﻧﻮﺭﺍ ﺗﺤﺎﺩﺙ ﻋﻠﻲ ﻗﺎﺋﻠﺔ : ﻣﻤﻜﻦ ﺑﻘﻰ ﺗﻔﻬﻤﻨﻲ ﺍﻧﺖ ﻟﻴﻪ ﺧﻠﺘﻨﻲ ﺃﺳﻴﺐ ﺍﻟﻤﺤﺎﺿﺮﺓ ﻭﺃﺧﺮﺝ ... ﻭﺇﻳﻪ ﺍﻟﻠﻲ ﺭﺟﻌﻚ ﻣﻦ ﺍﻟﺸﻐﻞ ﺑﺪﺭﻱ ﺍﻟﻨﻬﺎﺭﺩﺓ

ﺃﺟﺎﺑﻬﺎ ﻗﺎﺋﻼ ﺑﺄﺳﻒ : ﻣﻌﻠﺶ ﻳﺎ ﻧﻮﺭﺍ ... ﺍﻭﻋﺪﻙ ﺍﻧﻬﺎ ﺗﻜﻮﻥ ﺃﺧﺮ ﻣﺮﺓ ﺃﻋﻄﻠﻚ ﻋﻦ ﺩﺭﺍﺳﺘﻚ .... ﻭﺑﻌﺪﻳﻦ ﻫﻮ ﻓﻴﻪ ﺣﺪ ﺑﻴﺤﻀﺮ ﻣﻦ ﺍﻭﻝ ﻳﻮﻡ ﻛﺪﻩ ﻳﺎ ﻧﻮﺭﺍ ?

ﺍﺑﺘﺴﻤﺖ ﻗﺎﺋﻠﺔ : ﻃﺐ ﺍﻧﺖ ﻣﺎﻟﻚ ? ﺃﻧﺎ ﺣﺎﺳﺔ ﺍﻥ ﻓﻴﻚ ﺣﺎﺟﺔ ﻣﺘﻐﻴﺮﺓ ... ﺍﻭﻋﻰ ﺗﻜﻮﻥ ﺗﻌﺒﺎﻥ ﻭﻣﺨﺒﻲ ﻋﻠﻴﺎ

ﻧﻈﺮ ﺇﻟﻴﻬﺎ ﺛﻢ ﻋﺎﻭﺩ ﺍﻟﻨﻈﺮ ﺃﻣﺎﻣﻪ ﻗﺎﺋﻼ : ﻧﻮﺭﺍ ... ﺍﻧﺎ ﻛﻞ ﺍﻟﻠﻲ ﺃﻗﺪﺭ ﺃﻗﻮﻟﻪ ﺇﻧﻲ ﻣﺤﺘﺎﺟﻚ ﺟﻨﺒﻲ ﺍﻭﻱ ﺍﻟﻔﺘﺮﺓ ﺩﻱ ... ﻣﻤﻜﻦ ﻣﺎﺗﺒﻌﺪﻳﺶ ﻋﻨﻲ ﻟﻮ ﺳﻤﺤﺘﻲ ﻭﺗﺨﻠﻴﻜﻲ ﺟﻨﺒﻲ ﻋﻠﻄﻮﻝ

ﺭﻏﻢ ﺟﻬﻠﻬﺎ ﺑﻤﺎ ﻳﻘﺼﺪﻩ ﺇﻻ ﺍﻧﻬﺎ ﻭﺍﻓﻘﺘﻪ ﻗﺎﺋﻠﺔ : ﻣﺎﺷﻲ ﻳﺎ ﺣﺒﻴﺒﻲ ... ﺍﻭﻋﺪﻙ ﺍﻥ ﻣﺎﻓﻴﺶ ﺣﺎﺟﺔ ﺍﺑﺪﺍ ﺗﺒﻌﺪﻧﻲ ﻋﻨﻚ ... ﺩﻩ ﺍﻟﻨﻬﺎﺭﺩﺓ ﻟﺴﻪ ﺍﻭﻝ ﻳﻮﻡ ﻳﺎ ﻋﻠﻲ ... ﺑﺲ ﻣﻤﻜﻦ ﺗﻘﻮﻟﻲ ﺍﺣﻨﺎ ﺭﺍﻳﺤﻴﻦ ﻓﻴﻦ ﻹﻥ ﺩﻩ ﻣﺶ ﻃﺮﻳﻖ ﺍﻟﺒﻴﺖ

ﻋﻠﻲ : ﺍﺣﻨﺎ ﻓﻌﻼ ﻣﺶ ﺭﺍﻳﺤﻴﻦ ﺍﻟﺒﻴﺖ ... ﺃﺣﻨﺎ ﺣﻨﺮﻭﺡ ﺃﻱ ﻓﻨﺪﻕ ﻧﺤﺠﺰ ﺃﻭﺿﺔ ﻧﻘﻀﻲ ﻓﻴﻬﺎ ﺍﻟﻜﺎﻡ ﺳﺎﻋﺔ ﺩﻭﻝ ﻟﺤﺪ ﺑﺎﻟﻠﻴﻞ ﻭﻧﺒﻘﻰ ﻧﺮﻭﺡ ﻋﻠﻰ ﻣﻌﺎﺩ ﺍﻟﻨﻮﻡ ﻋﻠﻰ ﺍﻟﻔﻴﻼ ... ﻳﻌﻨﻲ ﻋﺎﻳﺰﻳﻦ ﻧﺒﻘﻰ ﻋﻠﻰ ﺭﺍﺣﺘﻨﺎ ﺷﻮﻳﺔ

ﺣﺪﻗﺖ ﻓﻴﻪ ﻟﻠﺤﻈﺎﺕ ﺛﻢ ﻗﺎﻟﺖ ﺑﻘﻠﻖ : ﻃﻴﺐ ﻟﻤﺎ ﻧﺮﻭﺡ ﺣﻨﻘﻮﻟﻬﻢ ﺍﺣﻨﺎ ﻛﻨﺎ ﻓﻴﻨﺎ ﺑﺎﻟﻈﺒﻂ ?

ﻫﺘﻒ ﻋﻠﻲ ﺻﺎﺭﺧﺎ ﺑﺈﻧﻔﻌﺎﻝ : ﺟﺮﻯ ﺇﻳﻪ ﻳﺎ ﻧﻮﺭﺍ ? ﺍﻧﺘﻲ ﻣﺶ ﻣﺎﺷﻴﺔ ﻣﻊ ﺭﺍﺟﻞ ﻭﻻ ﺇﻳﻪ ? ﻣﺎﻓﻴﺶ ﺣﺪ ﻣﻦ ﺣﻘﻪ ﻳﺴﺄﻟﻚ ﻛﻨﺘﻲ ﻓﻴﻦ ﻭﺭﺍﻳﺤﺔ ﻓﻴﻦ ﻏﻴﺮﻱ ﺃﻧﺎ ﻭﺑﺲ ... ﻭﻣﺎﺣﺪﺵ ﻟﻴﻪ ﻋﻨﺪﻧﺎ ﺣﺎﺟﺔ ... ﺍﻧﺘﻲ ﻓﺎﻫﻤﺔ ﻭﻻ ﻷ ?

ﺧﻔﻀﺖ ﺭﺃﺳﻬﺎ ﻭﻗﺎﻟﺖ ﺑﺄﺳﻰ : ﺃﻧﺎ ﺍﺳﻔﺔ ﻟﻮ ﻛﻨﺖ ﺿﺎﻳﻘﺘﻚ

ﺷﻌﺮ ﺑﺎﻟﻀﻴﻖ ﻣﻦ ﻧﻔﺴﻪ ﻓﻘﺎﻝ ﻣﻌﺘﺬﺭﺍ : ﺃﻧﺎ ﺍﺳﻒ ﻟﻮ ﻛﻨﺖ ﻋﻠﻴﺖ ﺻﻮﺗﻲ ... ﻋﺸﺎﻥ ﺧﺎﻃﺮﻱ ﻣﺎ ﺗﺰﻋﻠﻴﺶ ... ﺃﻧﺎ ﺍﻟﻨﻬﺎﺭﺩﺓ ﻣﺶ ﻣﻈﺒﻮﻁ ﺧﺎﻟﺺ

ﻧﻮﺭﺍ ﺑﻬﻤﺲ : ﺧﻼﺹ ﻣﺎﺣﺼﻠﺶ ﺣﺎﺟﺔ

ﻧﻈﺮ ﺇﻟﻴﻬﺎ ﻗﺎﺋﻼ ﺑﺈﺑﺘﺴﺎﻣﺔ : ﺭﺑﻨﺎ ﻣﺎﻳﺤﺮﻣﻨﻴﺶ ﻣﻨﻚ ﻳﺎ ﻧﻮﺭﺍ ... ﻭﻣﺎﻳﺪﺧﻠﺶ ﺃﻱ ﺷﻴﺎﻃﻴﻦ ﺑﻴﻨﺎ ﺍﺑﺪﺍ

ﻣﺴﺎﺀ ﺍﻟﻴﻮﻡ ﺍﻟﺘﺎﻟﻲ ﻛﺎﻥ ﻋﻠﻲ ﻳﺠﻠﺲ ﻣﻊ ﻧﻮﺭﺍ ﺑﺤﺪﻳﻘﺔ ﺍﻟﻔﻴﻼ ﺣﻴﻦ ﻃﻠﺒﺖ ﻣﻨﻪ ﺃﻥ ﻳﺼﻌﺪﺍ ﻣﻌﺎ ﺇﻟﻰ ﺍﻷﻋﻠﻰ ﻟﺘﺨﻠﺪ ﻟﻠﻨﻮﻡ ﺇﺳﺘﻌﺪﺍﺩﺍ ﻟﻴﻮﻡ ﺩﺭﺍﺳﻲ ﺟﺪﻳﺪ ... ﻃﻠﺐ ﻣﻨﻬﺎ ﻋﻠﻲ ﺍﻥ ﺗﺼﻌﺪ ﺑﻤﻔﺮﺩﻫﺎ ﺣﺘﻰ ﺗﺴﺘﻄﻴﻊ ﺍﻹﺳﺘﻴﻘﺎﻅ ﺑﺎﻛﺮﺍ ... ﻋﻠﻰ ﺃﻥ ﻳﺒﻘﻰ ﻫﻮ ﻗﻠﻴﻼ ﻟﻴﻔﻜﺮ ﻓﻲ ﺃﻣﺮ ﻣﺎ ﻳﺸﻐﻞ ﺑﺎﻟﻪ ... ﺍﻧﺼﺎﻋﺖ ﻧﻮﺭﺍ ﻟﻄﻠﺒﻪ ... ﻓﺼﻌﺪﺕ ﺇﻟﻰ ﻏﺮﻓﺘﻬﺎ ﻓﻴﻤﺎ ﺑﻘﻲ ﻫﻮ ﻳﻔﻜﺮ ﻗﺎﺋﻼ ﻟﻨﻔﺴﻪ : ﻭﺃﺧﺮﺗﻬﺎ ﻣﻌﺎﻛﻲ ﻳﺎ ﻧﺎﺩﻳﺔ ... ﻳﺎ ﺗﺮﻯ ﻋﺎﻳﺰﺓ ﺇﻳﻪ ﻣﻨﻲ ﺑﺎﻟﻈﺒﻂ ...? ﺃﻧﺎ ﻓﺎﻫﻢ ﻛﻮﻳﺲ ﺍﻭﻱ ﻛﻞ ﺍﻟﻠﻲ ﺑﺘﻌﻤﻠﻴﻪ ... ﻭﺃﻗﺪﺭ ﻛﻮﻳﺲ ﺍﻭﻱ ﺃﻭﻗﻔﻚ ﻋﻨﺪ ﺣﺪﻙ ﻟﻜﻦ ... ﻫﻮ ﺍﻟﻮﺣﻴﺪ ﺍﻟﻠﻲ ﻣﺎﻧﻌﻨﻲ ﻋﻨﻚ ... ﺑﺲ ﻣﺎ ﻭﻋﺪﻛﻴﺶ ﺍﻧﻲ ﺃﺻﺒﺮ ﻛﺘﻴﺮ ﺑﻌﺪ ﻛﺪﻩ

ﻛﺎﻧﺖ ﺗﺮﺍﻗﺒﻬﻤﺎ ﻣﻦ ﺷﺮﻓﺔ ﻏﺮﻓﺘﻬﺎ ﺣﻴﻦ ﺭﺃﺕ ﻧﻮﺭﺍ ﻭﻫﻲ ﺗﺼﻌﺪ ﻟﻸﻋﻠﻰ ﻓﻴﻤﺎ ﺑﻘﻲ ﻋﻠﻲ ﺑﻤﻔﺮﺩﻩ ... ﺍﺳﺮﻋﺖ ﺗﺤﺚ ﺍﻟﺨﻄﻰ ﻧﺤﻮ ﺍﻟﺤﺪﻳﻘﺔ .... ﻭﻣﺎ ﺍﻥ ﻭﺻﻠﺖ ﺇﻟﻰ ﺣﻴﺚ ﻳﺠﻠﺲ ﻋﻠﻲ ﺣﺘﻰ ﻗﺎﻟﺖ : ﻋﻠﻲ ... ﻣﻤﻜﻦ ﺍﺗﻜﻠﻢ ﻣﻌﺎﻙ ﺷﻮﻳﺔ ﻟﻮ ﺳﻤﺤﺖ

ﺗﻨﻬﺪ ﻗﺎﺋﻼ ﺑﻀﻴﻖ : ﻧﻌﻢ ﻳﺎ ﻧﺎﺩﻳﺔ ﻋﺎﻳﺰﺓ ﺇﻳﻪ ? ﺍﺻﻞ ﺃﻧﺎ ﺑﺼﺮﺍﺣﺔ ﻛﻨﺖ ﻃﺎﻟﻊ ﻋﺸﺎﻥ ﺃﻧﺎﻡ

ﺟﻠﺴﺖ ﻭﻫﻲ ﺗﻘﻮﻝ : ﺃﻧﺎ ﻣﺶ ﺣﺄﺧﺪ ﻣﻦ ﻭﻗﺘﻚ ﻛﺘﻴﺮ ﺻﺪﻗﻨﻲ ... ﺍﻧﺎ ﺑﺲ ﻛﻨﺖ ﻋﺎﻳﺰﺓ ﺍﻋﺘﺬﺭﻟﻚ ﻋﻦ ﺣﺎﺟﺎﺕ ﻛﺘﻴﺮ ﻏﻠﻄﺖ ﻓﺤﻘﻚ ﻓﻴﻬﺎ ... ﺍﺭﺟﻮﻙ ﺗﺴﺎﻣﺤﻨﻲ ﻭﺗﻨﺴﻰ ﺍﻱ ﺣﺎﺟﺔ ﻗﻮﻟﺘﻠﻬﺎﻟﻚ ﻗﺒﻞ ﻛﺪﻩ ﻭﺯﻋﻠﺘﻚ ﻣﻨﻲ ... ﺍﻭﻋﻰ ﺗﻔﺘﻜﺮ ﺇﻧﻲ ﻣﺎﻋﻨﺪﻳﺶ ﻗﻠﺐ ﻭﺇﻧﻲ ﻛﻨﺖ ﺷﻤﺘﺎﻧﺔ ﻓﻌﻼ ﻓﻤﻮﺕ ﺳﺎﻣﺢ ... ﺃﻧﺎ ﻋﻨﺪﻱ ﻗﻠﺐ ﻳﺎ ﻋﻠﻲ ﺑﺲ ﻟﻸﺳﻒ ﻟﺴﻪ ﻣﺎﻟﻘﺘﺶ ﺍﻟﺮﺍﺟﻞ ﺍﻟﻠﻲ ﻳﺴﺘﺤﻘﻪ ... ﺍﻭ ﻳﻤﻜﻦ ﻣﺎﺧﺪﺗﺶ ﺑﺎﻟﻲ ﻣﻨﻪ ﻏﻴﺮ ﻣﺘﺄﺧﺮ ﺷﻮﻳﺔ

ﻛﺎﻥ ﻳﺴﺘﻤﻊ ﺇﻟﻴﻬﺎ ﻓﻲ ﺻﻤﺖ ﻭﺑﻮﺟﻪ ﺟﺎﻣﺪ ﺩﻭﻥ ﺍﻥ ﻳﺒﺪﻭ ﻋﻠﻴﻪ ﺃﻱ ﺭﺩ ﻓﻌﻞ ﻟﻜﻠﻤﺎﺗﻬﺎ ... ﺃﻣﺎﻫﻲ ﻓﻜﺎﻧﺖ ﺗﻨﺘﻈﺮ ﻣﻨﻪ ﺭﺩﺍ ﺗﺴﺘﺸﻒ ﻣﻨﻪ ﻣﺪﻯ ﺇﺳﺘﺠﺎﺑﺘﻪ ﻟﻜﻠﻤﺎﺗﻬﺎ ... ﺇﻻ ﺍﻥ ﻧﻄﻖ ﻗﺎﺋﻼ ﺑﺤﺴﻢ : ﺷﻮﻓﻲ ﻳﺎ ﻧﺎﺩﻳﺔ ... ﺍﻧﺎ ﺣﺎﻗﻮﻟﻚ ﻛﻠﻤﺘﻴﻦ ﻳﺎﺭﻳﺖ ﺗﻔﻬﻤﻴﻬﻢ ﻛﻮﻳﺲ ... ﻣﺶ ﺩﺍﻳﻤﺎ ﺍﻟﺠﻮﻥ ﺍﻟﻠﻲ ﺑﻴﻴﺠﻲ ﻓﺎﻟﻮﻗﺖ ﺍﻟﻀﺎﻳﻊ ﺑﻴﻜﻮﻥ ﻫﺪﻑ ﺣﺎﺳﻢ ﻭﺑﻴﺠﻴﺐ ﺍﻟﻤﻜﺴﺐ ... ﺃﺣﻴﺎﻧﺎ ﺍﻟﺠﻮﻥ ﺩﻩ ﻣﺎﺑﻴﻜﻮﻧﺶ ﻟﻴﻪ ﺃﻱ ﻗﻴﻤﺔ ﺇﺫﺍ ﺍﻟﻔﺮﻳﻖ ﻛﺎﻥ ﻣﻬﺰﻭﻡ ﺑﻨﺘﻴﺠﺔ ﻛﺒﻴﺮﺓ ﻭﻣﺎﻓﻴﺶ ﺃﻣﻞ ﻓﺎﻟﻤﺒﺎﺭﺍﺓ ... ﻭﺍﻟﻬﺰﻳﻤﺔ ﺧﻼﺹ ﺑﻘﺖ ﺃﻣﺮ ﻭﺍﻗﻊ

ﺃﺟﺎﺑﺖ ﻗﺎﺋﻠﺔ ﺑﺘﺤﺪﻱ : ﺑﺲ ﻋﻠﻰ ﺍﻷﻗﻞ ﺑﻴﺤﺴﻦ ﺍﻟﺼﻮﺭﺓ ﻭﺑﻴﻘﻠﻞ ﻣﻦ ﺍﻟﻬﺰﻳﻤﺔ ... ﻭﻣﻴﻦ ﻋﺎﺭﻑ ﻣﺶ ﻳﻤﻜﻦ ﻳﻜﻮﻧﻮﺍ ﺍﻛﺘﺮ ﻣﻦ ﺟﻮﻥ ... ﻭﺳﺎﻋﺘﻬﺎ ﺍﻟﻔﺮﻳﻖ ﻣﻤﻜﻦ ﻳﻜﺴﺐ ﺃﻭ ﻋﻠﻰ ﺍﻷﻗﻞ ﺍﻟﻔﺮﻳﻘﻴﻦ ﻳﺘﻌﺎﺩﻟﻮﺍ

ﻭﻗﻒ ﺃﻣﺎﻣﻬﺎ ﻗﺎﺋﻼ ﺑﺘﺤﺪﻱ ﻗﺒﻞ ﺍﻥ ﻳﻐﺎﺩﺭ : ﺍﻟﻔﺮﻳﻘﻴﻦ ﻋﻤﺮﻫﻢ ﻣﺎ ﺣﻴﺘﻌﺎﺩﻟﻮﺍ ﻳﺎ ﻧﺎﺩﻳﺔ ... ﺩﻩ ﻟﻮ ﻋﺎﻳﺰﺓ ﺭﺃﻱ ﺍﻟﺤﻜﻢ ﻳﻌﻨﻲ ﻭﺑﺘﺎﺧﺪﻱ ﺑﻴﻪ

ﻣﺎ ﺇﻥ ﺧﻄﻰ ﺑﻀﻊ ﺧﻄﻮﺍﺕ ﻧﺤﻮ ﺍﻟﺪﺍﺧﻞ ﺣﺘﻰ ﻗﺎﻟﺖ ﺑﺈﺻﺮﺍﺭ : ﻳﻈﻬﺮ ﺍﻧﻚ ﻟﺴﻪ ﻣﺎﺗﻌﺮﻓﺶ ﺍﻥ ﻧﺎﺩﻳﺔ ﺻﻔﻮﺕ ﻟﻤﺎ ﺑﺘﺪﺧﻞ ﻣﺒﺎﺭﺍﺓ ﺇﺳﺘﺤﺎﻟﺔ ﺗﻄﻠﻊ ﻣﻨﻬﺎ ﺧﺴﺮﺍﻧﺔ

ﻟﻢ ﻳﻜﻦ ﺣﺎﻟﻬﺎ ﻳﺨﺘﻠﻒ ﻛﺜﻴﺮﺍ ﻋﻦ ﺣﺎﻝ ﻋﻠﻲ ... ﻓﻤﻨﺬ ﺻﻌﺪﺕ ﺇﻟﻰ ﻏﺮﻓﺘﻬﺎ ﻟﻢ ﺗﺬﻕ ﻟﻠﻨﻮﻡ ﻃﻌﻤﺎ ﻭﻫﻲ ﺗﻔﻜﺮ ﻓﻴﻤﺎ ﺗﻔﻌﻠﻪ ﻧﺎﺩﻳﺔ ﻭﺍﻟﺬﻱ ﺑﺎﺕ ﻻ ﻳﺨﻔﻰ ﻋﻦ ﺍﻟﻨﺎﻇﺮﻳﻦ ... ﺗﺘﻮﺟﺲ ﺧﻴﻔﺔ ﻣﻦ ﺫﻟﻚ ﺍﻹﺻﺮﺍﺭ ﺍﻟﺬﻱ ﺗﺮﺍﻩ ﺑﻌﻴﻨﻲ ﻧﺎﺩﻳﺔ ﺛﻢ ﻣﺎﺗﻠﺒﺚ ﺃﻥ ﺗﻄﻤﺌﻦ ﻭﻟﻮ ﻗﻠﻴﻼ ﺣﻴﻦ ﺗﺘﺬﻛﺮ ﺭﺩﺓ ﻓﻌﻞ ﻋﻠﻲ ﺗﺠﺎﻩ ﺗﺼﺮﻓﺎﺕ ﺷﻘﻴﻘﺘﻬﺎ ... ﻛﺎﻧﺖ ﺗﺤﺪﺙ ﻧﻔﺴﻬﺎ ﻗﺎﺋﻠﺔ : ﺃﻧﺎ ﻣﺎﺑﻘﺘﺶ ﻋﺎﺭﻓﺔ ﺍﻋﻤﻞ ﺇﻳﻪ ﺑﺎﻟﻈﺒﻂ ... ﻣﺶ ﻋﺎﺭﻓﺔ ﺍﺗﺪﺧﻞ ﻭﻻ ﺍﻗﻌﺪ ﺑﻌﻴﺪ ﺍﺗﻔﺮﺝ ﻭﺃﺳﻴﺐ ﻋﻠﻲ ﻫﻮ ﺍﻟﻠﻲ ﻳﻘﺮﺭ ﻭﻳﺘﺼﺮﻑ ... ﻭﻟﻮ ﻣﺘﺄﻛﺪ ﻣﻦ ﺣﺒﻪ ﻟﻴﺎ ﻳﺒﻘﻰ ﺍﻛﻴﺪ ﺣﻴﺨﺘﺎﺭﻧﻲ ﺃﻧﺎ ﻭﻳﺘﺼﺮﻑ ﻣﻌﺎﻫﺎ ﺃﻣﺎ ﻟﻮ .... ﻟﻢ ﻳﺴﺘﻄﻊ ﻟﺴﺎﻧﻬﺎ ﺃﻥ ﻳﻨﻄﻖ ﺑﻬﺎ ... ﻗﺮﺭﺕ ﺃﻥ ﺗﺘﺼﻞ ﺑﻠﺒﻨﻰ ﺻﺪﻳﻘﺘﻬﺎ ﺍﻟﺼﺪﻭﻕ ﻟﺘﺴﺘﺸﻴﺮﻫﺎ ﺑﺎﻷﻣﺮ ... ﻭﻣﺎ ﺇﻥ ﺣﺎﺩﺛﺘﻬﺎ ﻭﺃﺧﺒﺮﺗﻬﺎ ﺑﺎﻷﻣﺮ ﺣﺘﻰ ﺃﺗﺎﻫﺎ ﺻﻮﺗﻬﺎ ﺍﻟﻐﺎﺿﺐ ﻭﻫﻲ ﺗﻬﺘﻒ ﺑﻬﺎ ﻗﺎﺋﻠﺔ : ﻭﺣﻀﺮﺗﻚ ﺑﻘﻰ ﻗﺎﻋﺪﺓ ﺗﺘﻔﺮﺟﻲ ﻋﻠﻴﻬﺎ ﻭﻫﻴﺎ ﺑﺘﻌﻤﻞ ﻛﺪﻩ ?.

ﺗﻨﻬﺪﺕ ﻧﻮﺭﺍ ﻭﻫﻲ ﺗﺠﻴﺒﻬﺎ ﻗﺎﺋﻠﺔ : ﻃﻮﻝ ﻋﻤﺮﻫﺎ ﻣﺘﻌﻮﺩﺓ ﺗﺒﺺ ﻟﻠﻲ ﻓﺎﻳﺪﻳﺎ ﻭﺗﺎﺧﺪ ﻣﻨﻲ ﻛﻞ ﺣﺎﺟﺔ ... ﺣﺘﻰ ﻭﺃﻧﺎ ﺻﻐﻴﺮﺓ ﻛﺎﻧﺖ ﺩﺍﻳﻤﺎ ﺗﺎﺧﺪ ﻣﻨﻲ ﻟﻌﺒﻲ ﻭﺣﺎﺟﺎﺗﻲ ﻟﺤﺪ ﻣﺎ ﺍﺗﻌﻮﺩﺕ ﻋﻠﻰ ﻛﺪﻩ

ﺻﺮﺧﺖ ﺑﻬﺎ ﻟﺒﻨﻰ ﻗﺎﺋﻠﺔ : ﺩﻩ ﻋﻠﻰ ﺃﺳﺎﺱ ﺍﻥ ﺃﺧﻮﻳﺎ ﻟﻌﺒﺔ ﻣﻦ ﻟﻌﺐ ﺳﻴﺎﺩﺗﻚ ﻧﺎﺩﻳﺔ ﻃﻤﻌﺖ ﻓﻴﻬﺎ ﻓﻘﻘﺮﺭﺗﻲ ﺗﺴﻴﺒﻴﻬﺎ ﻟﻬﺎ

ﻧﻮﺭﺍ ﺑﺪﻫﺸﺔ : ﺍﻧﺘﻲ ﺑﺘﻜﻠﻤﻴﻨﻲ ﻛﺪﻩ ﻟﻴﻪ ﻳﺎ ﻟﺒﻨﻰ ?

ﻟﺒﻨﻰ ﺑﺈﻧﻔﻌﺎﻝ : ﺍﺳﻤﻌﻴﻨﻲ ﻛﻮﻳﺲ ﻳﺎ ﻧﻮﺭﺍ ... ﻗﺴﻤﺎ ﺑﺎﻟﻠﻪ ﻟﻮ ﻣﺎﻛﻨﺘﻲ ﺗﺪﺍﻓﻌﻲ ﻋﻦ ﺣﺒﻚ ﻭﺗﺘﻤﺴﻜﻲ ﺑﺄﺧﻮﻳﺎ ﻷﺧﺮ ﻟﺤﻈﺔ ﻭﺗﺒﻄﻠﻲ ﺍﻟﺴﻠﺒﻴﺔ ﺍﻟﻠﻲ ﺍﻧﺘﻲ ﻓﻴﻬﺎ ﺩﻱ ﻻ ﺣﺘﺒﻘﻲ ﺑﻨﺖ ﻋﻤﻲ ﻭﻻ ﻋﺎﻳﺰﺓ ﺍﻋﺮﻓﻚ ﺗﺎﻧﻲ ....

↚

ﻟﻢ ﺗﺬﻕ ﻧﻮﺭﺍ ﻃﻌﻤﺎ ﻟﻠﻨﻮﻡ ﻫﺬﻩ ﺍﻟﻠﻴﻠﺔ ... ﻇﻠﺖ ﺳﺎﻫﺮﺓ ﺗﻔﻜﺮ ﻭﻛﻠﻤﺎﺕ ﻟﺒﻨﻰ ﺗﺘﺮﺩﺩ ﺃﺻﺪﺍﺅﻫﺎ ﺩﺍﺧﻞ ﻋﻘﻠﻬﺎ ... ﺑﺪﺕ ﻣﻘﺘﻨﻌﺔ ﺇﻟﻰ ﺣﺪ ﻛﺒﻴﺮ ﺑﻤﺎ ﻗﺎﻟﺘﻪ ﻟﺒﻨﻰ ... ﻓﺈﺫﺍ ﻛﺎﻧﺖ ﻧﺎﺩﻳﺔ ﺗﻘﺎﺗﻞ ﺑﻤﺜﻞ ﻫﺬﻩ ﺍﻟﺸﺮﺍﺳﺔ ﺩﻭﻥ ﺃﻥ ﺗﻜﻮﻥ ﺻﺎﺣﺒﺔ ﺣﻖ ... ﻓﻤﺎﺑﺎﻟﻬﺎ ﻭﻫﻲ ﺻﺎﺣﺒﺔ ﺍﻟﺤﻖ ﺗﻘﻒ ﻣﻮﻗﻒ ﺍﻟﻤﺸﺎﻫﺪ ﻭﺍﻟﻤﺘﺎﺑﻊ ﻟﻤﺎ ﻳﺠﺮﻱ ﺩﻭﻥ ﺗﺪﺧﻞ ﻣﻨﻬﺎ ... ﺃﻻ ﻳﺴﺘﺤﻖ ﻋﻠﻲ ﺍﻟﻤﻘﺎﺗﻠﺔ ﻣﻦ ﺃﺟﻠﻪ ... ﻭﺇﻥ ﻛﺎﻧﺖ ﻧﺎﺩﻳﺔ ﻗﺪ ﺃﺧﺘﺎﺭﺗﻬﺎ ﺧﺼﻤﺎ ﻟﻬﺎ ... ﻓﻼﺑﺄﺱ ﻣﻦ ﺃﻥ ﺗﻜﻮﻥ ﺧﺼﻤﺎ ﻋﻨﻴﺪﺍ ﺻﻌﺐ ﺍﻟﻤﺮﺍﺱ ﻳﺪﺍﻓﻊ ﻋﻦ ﺣﻘﻪ ﺣﺘﻲ ﺍﻟﻨﻬﺎﻳﺔ ... ﺍﻟﺘﻲ ﺳﺘﻜﻮﻥ ﺣﺘﻤﺎ ﻟﺼﺎﺣﺐ ﺍﻟﺤﻖ ... ﻓﻬﻜﺬﺍ ﺗﺤﻜﻲ ﻛﺘﺐ ﺍﻟﺘﺎﺭﻳﺦ ﻣﻨﺬ ﻗﺪﻳﻢ ﺍﻷﺯﻝ ... ﺃﻥ ﺍﻟﺨﻴﺮ ﻻﺑﺪ ﻭﺃﻥ ﻳﻨﺘﺼﺮ ﻓﻲ ﺍﻟﻨﻬﺎﻳﺔ

ﻓﻲ ﺍﻟﺼﺒﺎﺡ ﻛﺎﻥ ﻋﻠﻲ ﻣﺘﺠﻬﺎ ﻧﺤﻮ ﺳﻴﺎﺭﺗﻪ ﻟﻴﺴﺘﻘﻠﻬﺎ ﻣﺘﻮﺟﻬﺎ ﺇﻟﻰ ﻋﻤﻠﻪ ﻟﻴﻔﺎﺟﺄ ﺑﻨﺎﺩﻳﺔ ﺗﻘﻒ ﺇﻟﻰ ﺟﻮﺍﺭﻫﺎ ﻓﺎﻗﺘﺮﺏ ﻣﻨﻬﺎ ﻗﺎﺋﻼ : ﺧﻴﺮ ﻳﺎ ﻧﺎﺩﻳﺔ ... ﻓﻴﻪ ﺇﻳﻪ ﻋﻠﻰ ﺍﻟﺼﺒﺢ ?

ﻋﻘﺪﺕ ﺫﺭﺍﻋﻴﻬﺎ ﺍﻣﺎﻡ ﺻﺪﺭﻫﺎ ﻭﻗﺎﻟﺖ ﺑﺒﺮﻭﺩ : ﺩﻩ ﺑﺪﻝ ﻣﺎﺗﻘﻮﻝ ﺻﺒﺎﺡ ﺍﻟﺨﻴﺮ ﻳﺎ ﻧﺎﺩﻳﺔ ... ﻭﺑﻌﺪﻳﻦ ﺣﻴﻜﻮﻥ ﻓﻴﻪ ﺇﻳﻪ ﻳﻌﻨﻲ ? ﺍﻟﻌﺮﺑﻴﺔ ﺑﺘﺎﻋﺘﻲ ﻟﺴﻪ ﻋﻨﺪ ﺍﻟﻤﻴﻜﺎﻧﻴﻜﻲ ... ﺣﺎﺭﻛﺐ ﻣﻌﺎﻙ ﻋﺸﺎﻥ ﺗﻮﺻﻠﻨﻲ ﺍﻟﺸﺮﻛﺔ ... ﻭﺍﻋﺘﻘﺪ ﻧﻮﺭﺍ ﻣﺎﻋﻨﺪﻫﺎﺵ ﻣﺤﺎﺿﺮﺍﺕ ﺩﻟﻮﻗﺘﻲ ﻳﻌﻨﻲ ﻣﺎﻓﻴﺶ ﻭﺭﺍﻙ ﺣﺪ ﻏﻴﺮﻱ

ﺷﻌﺮ ﺑﺎﻟﻀﻴﻖ ﻭﺍﻹﺭﺗﺒﺎﻙ ... ﻓﻜﻴﻒ ﻟﻪ ﺃﻥ ﻳﺘﺨﻠﺺ ﻣﻨﻬﺎ ﻫﺬﻩ ﺍﻟﻤﺮﺓ ﻭﻳﺒﺪﻭ ﺃﻧﻬﺎ ﻋﻠﻤﺖ ﺃﻥ ﻣﺤﺎﺿﺮﺓ ﻧﻮﺭﺍ ﻗﺪ ﺃﻟﻐﻴﺖ ... ﻻﻣﻔﺮ ﺇﺫﺍ ﻣﻦ ﺃﻥ ﻳﺼﻄﺤﺒﻬﺎ ﻣﻌﻪ ﻟﻠﺸﺮﻛﺔ ... ﺃﻧﻘﺬﺗﻪ ﻧﻮﺭﺍ ﻣﻦ ﺣﻴﺮﺗﻪ ﺣﻴﻦ ﺭﺃﻫﺎ ﺗﻘﺘﺮﺏ ﻣﻨﻬﻤﺎ ﻗﺎﺋﻠﺔ : ﻓﻴﻪ ﺣﺎﺟﺔ ﻳﺎ ﻋﻠﻲ ?

ﺃﺟﺎﺑﺖ ﻧﺎﺩﻳﺔ ﺑﺪﻻ ﻋﻨﻪ ﻗﺎﺋﻠﺔ : ﺍﺻﻠﻲ ﺭﺍﻳﺤﺔ ﺍﻟﺸﺮﻛﺔ ﻣﻊ ﻋﻠﻲ ﻋﺸﺎﻥ ﻋﺮﺑﻴﺘﻲ ﻟﺴﻪ ﻣﺎﺟﺎﺗﺶ ﻣﻦ ﺍﻟﺘﺼﻠﻴﺢ

ﺃﺟﺎﺑﺘﻬﺎ ﻧﻮﺭﺍ ﻗﺎﺋﻠﺔ ﺑﺒﺮﻭﺩ ﺣﺎﻭﻟﺖ ﺃﻥ ﺗﺘﻘﻨﻪ ﺟﻴﺪﺍ : ﺑﺄﻗﻮﻟﻚ ﺇﻳﻪ ﻳﺎ ﻧﺎﺩﻳﺔ ... ﻣﺎﺗﻘﻮﻟﻲ ﻟﺒﺎﺑﺎ ﻳﻐﻴﺮﻟﻚ ﻋﺮﺑﻴﺘﻚ ﺍﻟﻠﻲ ﺑﺪﺃﺕ ﺗﻌﻄﻞ ﺩﻱ

ﻧﺎﺩﻳﺔ ﺑﺘﻬﻜﻢ : ﻭﻟﺤﺪ ﻣﺎ ﺍﻏﻴﺮﻫﺎ ﺣﺎﻓﻀﻞ ﻭﺍﻗﻔﺔ ﻛﺪﻩ ﻳﻌﻨﻲ ?

ﺍﺟﺎﺑﺘﻬﺎ ﻧﻮﺭﺍ ﻭﻫﻲ ﺗﻤﺪ ﻟﻬﺎ ﻳﺪﻫﺎ ﺑﻤﻔﺎﺗﻴﺢ ﺳﻴﺎﺭﺗﻬﺎ : ﺃﻧﺎ ﻋﻤﻠﺖ ﺣﺴﺎﺑﻲ ... ﺩﻱ ﻣﻔﺎﺗﻴﺢ ﻋﺮﺑﻴﺘﻲ ﺗﻘﺪﺭﻱ ﺗﺮﻭﺣﻲ ﻭﺗﻴﺠﻲ ﺑﻴﻬﺎ ﺯﻱ ﻣﺎ ﺍﻧﺘﻲ ﻋﺎﻳﺰﺓ ﻟﺤﺪﻣﺎﻋﺮﺑﻴﺘﻚ ﺗﻴﺠﻲ ﺑﺎﻟﺴﻼﻣﺔ

ﺯﻓﺮﺕ ﺑﻀﻴﻖ ﻭﻫﻲ ﺗﺠﻴﺒﻬﺎ ﻗﺎﺋﻠﺔ : ﻭﺍﻧﺘﻲ ﺣﺘﺮﻭﺣﻲ ﺍﻟﺠﺎﻣﻌﺔ ﺍﺯﺍﻱ ?

ﻧﻮﺭﺍ : ﻣﺎﺗﺸﻐﻠﻴﺶ ﺑﺎﻟﻚ ﺑﻴﺎ ... ﺍﻧﺎ ﻣﺶ ﻣﺤﺘﺠﺎﻫﺎ ﺻﺪﻗﻴﻨﻲ ... ﺗﺤﺒﻲ ﺍﻛﺘﺒﻠﻚ ﺗﻨﺎﺯﻝ ﻋﻨﻬﺎ ﺧﺎﻟﺺ ﻋﺸﺎﻥ ﺗﺘﺄﻛﺪﻱ

ﻧﺎﺩﻳﺔ ﺑﺈﺻﺮﺍﺭ : ﻃﺐ ﻣﺎ ﺍﻧﺎ ﻣﻤﻜﻦ ﺍﺭﻭﺡ ﻭﺁﺟﻲ ﻣﻊ ﻋﻠﻲ ... ﻋﻠﻰ ﺍﻷﻗﻞ ﺍﺣﻨﺎ ﺍﻻﺗﻨﻴﻦ ﻃﺮﻳﻘﻨﺎ ﻭﺍﺣﺪ ... ﻟﻜﻦ ﺍﻧﺘﻲ ﺍﻟﻠﻲ ﻃﺮﻳﻘﻚ ﻣﺨﺘﻠﻒ

ﻧﻮﺭﺍ : ﺍﻧﺘﻲ ﻭﻋﻠﻲ ﻃﺮﻳﻘﻜﻮﺍ ﻣﺶ ﻭﺍﺣﺪ ﻳﺎ ﻧﺎﺩﻳﺔ ... ﺍﺻﻞ ﻋﻠﻲ ﻣﺶ ﻳﺮﺟﻊ ﻋﻠﻰ ﺍﻟﺒﻴﺖ ﺑﻌﺪ ﻣﺎﻳﺨﻠﺺ ﺷﻐﻠﻪ

ﻧﺎﺩﻳﺔ ﺑﻀﻴﻖ : ﺍﻣﺎﻝ ﺣﻴﺮﻭﺡ ﻓﻴﻦ ﻳﻌﻨﻲ ?

ﻧﻮﺭﺍ : ﻭﻟﻮ ﺍﻥ ﺩﻱ ﺣﺎﺟﺔ ﻣﺎﺗﺨﺼﻜﻴﺶ ﻟﻜﻦ ﺍﻧﺎ ﺣﺎﻗﻮﻟﻚ ... ﺍﺻﻞ ﻋﻠﻲ ﻋﺎﺯﻣﻨﻲ ﻋﻠﻰ ﺍﻟﻌﺸﺎ ﺑﺮﻩ ﺍﻟﺒﻴﺖ ﺍﻟﻠﻴﻠﺔﺩﻱ ... ﺃﻱ ﺍﺳﺘﻔﺴﺎﺭﺍﺕ ﺗﺎﻧﻴﺔ ?

ﻗﻄﺐ ﺟﺒﻴﻨﻪ ﻓﻲ ﺩﻫﺸﺔ ﻓﻠﻢ ﻳﺤﺪﺙ ﺃﻥ ﻗﺎﻡ ﺑﺪﻋﻮﺗﻬﺎ ﻟﻠﻌﺸﺎﺀ ﻫﺬﻩ ﺍﻟﻠﻴﻠﺔ ﻭﻟﻜﻦ ﻷﺑﺄﺱ ﺇﻥ ﻛﺎﻧﺖ ﺗﻠﻚ ﻫﻲ ﺍﻟﻄﺮﻳﻘﺔ ﺍﻟﻤﺜﻠﻰ ﻟﻠﺘﺨﻠﺺ ﻣﻦ ﻧﺎﺩﻳﺔ ... ﺍﺑﺘﺴﻢ ﻗﺎﺋﻼ : ﻋﻦ ﺍﺫﻧﻜﻮ ﺑﻘﻰ ﻋﺸﺎﻥ ﻋﻨﺪﻱ ﺷﻐﻞ ... ﻋﺎﻳﺰﺓ ﺣﺎﺟﺔ ﻳﺎ ﺣﺒﻴﺒﺘﻲ ﻗﺒﻞ ﻣﺎ ﺍﻣﺸﻲ ?

ﻟﻢ ﺗﺴﺘﻄﻊ ﺍﻥ ﺗﻔﻬﻢ ﻛﻴﻒ ﻭﺍﺗﺘﻬﺎ ﺍﻟﺠﺮﺃﺓ ﻟﻔﻌﻞ ﺫﻟﻚ ﻭﻟﻜﻨﻬﺎ ﺍﻗﺘﺮﺑﺖ ﻣﻦ ﻋﻠﻲ ﻭﻃﺒﻌﺖ ﻗﺒﻠﺔ ﺭﻗﻴﻘﺔ ﻋﻠﻰ ﻭﺟﻨﺘﻪ ﻭﻫﻲ ﺗﻮﺩﻋﻪ ﻗﺎﺋﻠﺔ : ﻣﻊ ﺍﻟﺴﻼﻣﺔ ﻳﺎ ﺣﺒﻴﺒﻲ .

ﺍﻣﺘﺪﺕ ﻳﺪﻫﺎ ﻟﺘﺨﺘﻄﻒ ﺍﻟﻤﻔﺎﺗﻴﺢ ﻣﻦ ﻳﺪ ﻧﻮﺭﺍ ﺑﺴﺮﻋﺔ ﺛﻢ ﺗﻮﺟﻬﺖ ﺇﻟﻰ ﺳﻴﺎﺭﺓ ﻧﻮﺭﺍ ﻭﻗﺎﺩﺗﻬﺎ ﻓﻲ ﻃﺮﻳﻘﻬﺎ ﺍﻟﻰ ﺍﻟﺸﺮﻛﺔ ﻭﻗﺪ ﻋﺰﻣﺖ ﻋﻠﻰ ﺃﻥ ﺗﻨﺘﻬﻲ ﻣﻦ ﻫﺬﺍ ﺍﻷﻣﺮ ﺍﻟﻠﻴﻠﺔ ... ﻓﻠﻢ ﺗﻌﺪ ﺗﻄﻴﻖ ﺻﺒﺮﺍ ﻋﻠﻰ ﻣﺎ ﻳﻔﻌﻠﻪ ﻛﻞ ﻣﻦ ﻋﻠﻲ ﻭﻧﻮﺭﺍ ... ﺃﻣﺎ ﻋﻠﻲ ﻓﻨﻈﺮ ﺇﻟﻰ ﻧﻮﺭﺍ ﻗﺎﺋﻼ : ﻣﺘﺸﻜﺮ ﺍﻧﻚ ﺍﻧﻘﺬﺗﻴﻨﻲ ... ﻭﻣﻌﻠﺶ ﻣﺶ ﺣﺎﻗﺪﺭ ﺍﻣﺸﻴﻠﻚ ﻣﻮﺿﻮﻉ ﺍﻟﻌﺰﻭﻣﺔ ﺩﻩ ﻋﺸﺎﻥ ﻋﻨﺪﻱ ﺷﻐﻞ ﻛﺘﻴﺮ

ﺍﻭﻣﺄﺕ ﺑﺮﺃﺳﻬﺎ ﻣﺘﻔﻬﻤﺔ ﻗﺒﻞ ﺍﻥ ﺗﻘﻮﻝ : ﻭﻻ ﻳﻬﻤﻚ ﻳﺎ ﺣﺒﻴﺒﻲ

ﺍﻣﺴﻚ ﻋﻠﻲ ﺑﻴﺪﻫﺎ ﻭﺭﻓﻌﻬﺎ ﺇﻟﻰ ﻓﻤﻪ ﻣﻘﺒﻼ ﺇﻳﺎﻫﺎ ﻭﻫﻮ ﻳﻘﻮﻝ ﺑﺠﺪﻳﺔ : ﻣﺎﺗﻘﻠﻘﻴﺶ ﻳﺎ ﻧﻮﺭﺍ ... ﺍﻧﺎ ﺣﺎﻧﻬﻲ ﺍﻟﻤﻬﺰﻟﺔ ﺩﻱ ﺍﻟﻨﻬﺎﺭﺩﺓ ﺍﻥ ﺷﺎﺀﺍﻟﻠﻪ

ﻧﻮﺭﺍ ﺑﺈﺭﺗﺒﺎﻙ : ﺍﻧﺖ ﺗﻘﺼﺪ ﺇﻳﻪ ﺑﺎﻟﻤﻬﺰﻟﺔ ?

ﻋﻠﻲ : ﺍﻧﺎ ﻣﺘﺄﻛﺪ ﺍﻧﻚ ﻓﺎﻫﻤﺔ ﻭﺣﺎﺳﺔ ﺑﻜﻞ ﺣﺎﺟﺔ ... ﺍﻧﺎ ﻛﻨﺖ ﻣﻨﺘﻈﺮ ﺍﻧﻚ ﺗﺘﺤﺮﻛﻲ ﻋﺸﺎﻥ ﺍﻧﺎ ﻛﻤﺎﻥ ﺃﺧﺪ ﺧﻄﻮﺓ ... ﻭﺍﻇﻦ ﻛﺪﻩ ﺁﻥ ﺍﻵﻭﺍﻥ ... ﻳﻼ ... ﺳﻼﻡ ﻋﻠﻴﻜﻢ

ﻧﻮﺭﺍ : ﻭﻋﻠﻴﻜﻢ ﺍﻟﺴﻼﻡ ﻭﺭﺣﻤﺔ ﺍﻟﻠﻪ

ﻏﺎﺩﺭ ﻋﻠﻲ ﻭﺗﺮﻙ ﻧﻮﺭﺍ ﺧﻠﻔﻪ ﺗﺘﻤﺘﻢ ﻗﺎﺋﻠﺔ ﺑﻘﻠﻖ : ﺭﺑﻨﺎ ﻳﺴﺘﺮ ﻳﺎ ﻋﻠﻲ

ﻓﻲ ﻏﺮﻓﺔ ﻣﻜﺘﺒﻪ ﺑﺎﻟﺸﺮﻛﺔ ﻛﺎﻥ ﻋﻠﻲ ﻳﺘﺤﺪﺙ ﻣﻊ ﺍﺣﻤﺪ ﺑﺎﻟﻬﺎﺗﻒ ﻭﻳﺨﺒﺮﻩ ﺑﻜﻞ ﻣﺎﺣﺪﺙ ﻃﺎﻟﺒﺎ ﻣﺸﻮﺭﺗﻪ ... ﻭﻛﻌﺎﺩﺗﻪ ﻟﻢ ﻳﺒﺨﻞ ﺑﻬﺎ ﺍﺣﻤﺪ ﻭﻣﻌﻬﺎ ﺑﻌﺾ ﺍﻟﺘﻘﺮﻳﻊ ﻟﻌﻠﻲ ﻟﺘﺄﺧﺮﻩ ﻓﻲ ﺇﺗﺨﺎﺫ ﺧﻄﻮﺓ ﻣﻦ ﺷﺄﻧﻬﺎ ﺍﻥ ﺗﺮﺩﻉ ﻧﺎﺩﻳﺔ ﻋﻦ ﺃﻓﻌﺎﻟﻬﺎ ﺣﺘﻰ ﺃﻧﻪ ﻛﺎﻥ ﻳﻬﺘﻒ ﺑﻪ ﻗﺎﺋﻼ ﺑﺈﻧﻔﻌﺎﻝ : ﺍﻧﺎ ﻧﻔﺴﻲ ﺍﻓﻬﻢ ﺍﻧﺖ ﻣﺴﺘﻨﻲ ﺇﻳﻪ ﻋﺸﺎﻥ ﺗﻮﻗﻔﻬﺎ ﻋﻨﺪ ﺣﺪﻫﺎ ...? ﻭﻻ ﺣﻀﺮﺗﻚ ﻓﺮﺣﺎﻥ ﺑﺪﻭﺭ ﺷﻬﺮﻳﺎﺭ ﻭﺍﻟﺴﺘﺎﺕ ﺣﻮﺍﻟﻴﻪ ... ﻭﻻ ﻋﺎﺟﺒﻚ ﻣﻨﻈﺮ ﺍﻷﺧﺘﻴﻦ ﻭﻫﻤﺎ ﻭﺍﻗﻔﻴﻦ ﻟﺒﻌﺾ ﻋﺸﺎﻥ ﺧﺎﻃﺮ ﺣﻀﺮﺗﻚ ?

ﺍﺟﺎﺑﻪ ﻋﻠﻰ ﻗﺎﺋﻼ ﺑﻨﻔﺎﺫ ﺻﺒﺮ : ﻳﺎ ﺑﻨﻲ ﺍﺩﻡ ﺍﻧﺖ ﺍﻧﺎ ﻣﺶ ﻗﺎﻳﻠﻚ ﺗﺒﻄﻞ ﻃﻮﻟﺔ ﻟﺴﺎﻧﻚ ﺩﻱ ﻣﻌﺎﻳﺎ ... ﻭﺑﻌﺪﻳﻦ ﺍﻧﺖ ﻟﻴﻪ ﻣﺶ ﻋﺎﻳﺰ ﺗﻔﻬﻤﻨﻲ ... ﻳﺎ ﺍﺣﻤﺪ ﺍﻧﺖ ﻋﺎﺭﻑ ﻛﻮﻳﺲ ﺍﻥ ﺃﻱ ﺻﺪﺍﻡ ﻣﻊ ﻧﺎﺩﻳﺔ ﻣﻌﻨﺎﻩ ﺻﺪﺍﻡ ﻣﻊ ﻋﻤﻲ ﻧﻔﺴﻪ ... ﻭﻻ ﺗﻔﺘﻜﺮ ﻋﻤﻚ ﺣﻴﻘﻒ ﻓﺼﻔﻲ ﺃﻧﺎ ﻭﻧﻮﺭﺍ ﺿﺪ ﻧﺎﺩﻳﺔ

↚

ﺍﺣﻤﺪ : ﻭﺍﻟﻠﻪ ﺍﻧﺖ ﺗﻌﻤﻞ ﺍﻟﻠﻲ ﻋﻠﻴﻚ ﻭﻻ ﻋﻤﻚ ﻭﻗﻒ ﻓﺼﻒ ﺍﻟﻐﻠﻂ ﺗﺒﻘﻰ ﻣﺸﻜﻠﺘﻪ ﻫﻮ ... ﻭﺑﻌﺪﻳﻦ ﺍﻧﺎ ﻣﻦ ﺭﺃﻳﻲ ﺗﺴﻴﺐ ﺍﻟﺒﻴﺖ ﻭﺗﺮﻭﺡ ﺗﻘﻌﺪ ﻣﻊ ﻃﻨﻂ ﺳﻤﻴﺔ ﻟﺤﺪ ﻣﺎ ﺗﻼﻗﻲ ﺷﻘﺔ ﺗﻌﻴﺶ ﻓﻴﻬﺎ ... ﺍﻭ ﺣﺘﻰ ﺗﻔﻀﻞ ﻣﻌﺎﻫﺎ ﻋﻠﻄﻮﻝ ... ﻛﺪﻩ ﻛﺪﻩ ﻟﻤﻴﺎ ﺑﻜﺮﺓ ﺗﺘﺠﻮﺯ ﺍﻥ ﺷﺎﺀﺍﻟﻠﻪ ﻭﻭﺍﻟﺪﺗﻚ ﺣﺘﺒﻘﻰ ﻟﻮﺣﺪﻫﺎ

ﻋﻠﻲ ﺑﺈﺫﻋﺎﻥ : ﻣﻌﺎﻙ ﺣﻖ ... ﻭﻟﻌﻠﻤﻚ ﺍﻧﺎ ﻛﻨﺖ ﻧﺎﻭﻱ ﺍﻭﺍﺟﻬﻬﺎ ﻓﻌﻼ ﺍﻟﻨﻬﺎﺭﺩﺓﺑﺲ ﻛﻨﺖ ﻣﺤﺘﺎﺝ ﺣﺪ ﻳﺸﺠﻌﻨﻲ ﻭﻟﻮ ﺍﻧﻲ ﻣﺎﻛﻨﺘﺶ ﺍﺣﺐ ﺍﻋﻤﻞ ﻣﺸﻜﻠﺔ ﻣﻊ ﻋﻤﻲ ... ﺍﻟﻠﻪ ﻳﺴﺎﻣﺤﻬﺎ ﺑﻘﻰ ﻧﺎﺩﻳﺔ

ﻟﻢ ﻳﻜﺪ ﻳﻨﻬﻲ ﺟﻤﻠﺘﻪ ﺣﺘﻰ ﻓﻮﺟﺊ ﺑﻄﺮﻕ ﻋﻠﻰ ﺑﺎﺏ ﺍﻟﻐﺮﻓﺔ ﺑﺎﺕ ﻳﺪﺭﻙ ﺟﻴﺪﺍ ﻣﻦ ﺻﺎﺣﺒﺘﻪ ﻓﻘﺎﻝ ﻷﺣﻤﺪ : ﺍﻟﻈﺎﻫﺮ ﺍﻧﻬﺎ ﺑﺘﻴﻴﺠﻲ ﻋﻠﻰ ﺍﻟﺴﻴﺮﺓ ... ﻳﻼ ﻣﻊ ﺍﻟﺴﻼﻣﺔ ﺍﻧﺖ ﺑﻘﻰ ... ﺍﻏﻠﻖ ﻋﻠﻲ ﺍﻟﻬﺎﺗﻒ ﻣﻊ ﺍﺣﻤﺪ ﻭﺳﻤﺢ ﻟﻬﺎ ﺑﺎﻟﺪﺧﻮﻝ ﻭﻋﻨﺪﻣﺎ ﺩﺧﻠﺖ ﻟﻢ ﻳﺠﺪ ﺷﻴﺌﺎ ﻓﻲ ﻳﺪﻫﺎ ﻫﺬﻩ ﺍﻟﻤﺮﺓ ﻓﻘﺎﻝ ﺳﺎﺧﺮﺍ : ﺟﺎﻳﺔ ﺑﺈﻳﺪﻙ ﻓﺎﺿﻴﺔ ﺍﻟﻨﻬﺎﺭﺩﺓ ﻳﻌﻨﻲ ? ﻣﺎﻓﻴﺶ ﺣﺎﺟﺔ ﻭﻗﻔﺖ ﻣﻌﺎﻛﻲ ﻭﻣﺤﺘﺎﺟﺔ ﺷﺮﺡ ﻭﻻ ﺇﻳﻪ ?

ﺍﺟﺎﺑﺖ ﻗﺎﺋﻠﺔ ﺑﻬﺪﻭﺀ ﻟﻢ ﻳﻌﺘﺪﻩ ﻓﻲ ﺻﻮﺗﻬﺎﻣﻦ ﻗﺒﻞ : ﺍﻧﺎ ﻋﺎﻳﺰﻙ ﺍﺗﻜﻠﻢ ﻣﻌﺎﻙ ﻓﻤﻮﺿﻮﻉ ﻣﻬﻢ ﺍﻭﻱ ﻳﺎ ﻋﻠﻲ ... ﻳﺎﺗﺮﻯ ﻣﻤﻜﻦ ﺗﺴﻤﻌﻨﻲ ﻭﺗﻔﻬﻤﻨﻲ ﻭﺗﺤﺲ ﺑﻴﺎ ﻭﻻ ﺣﺘﻴﺠﻲ ﻋﻠﻴﺎ ﺍﻧﺖ ﻛﻤﺎﻥ ﺯﻱ ﺍﻟﺰﻣﻦ

ﻋﻠﻲ ﺑﺘﻬﻜﻢ : ﺑﺲ ﺳﻴﺒﻲ ﺍﻟﺰﻣﻦ ﻓﺤﺎﻟﻪ ... ﻭ ﻳﺎ ﺭﻳﺖ ﺗﺴﻴﺒﻚ ﻣﻦ ﺍﻟﻔﻴﻠﻢ ﺍﻟﻠﻲ ﺑﺘﻌﻤﻠﻴﻪ ﺩﻩ ... ﻭﺗﻴﺠﻲ ﻧﻠﻌﺐ ﻋﻠﻰ ﺍﻟﻤﻜﺸﻮﻑ ﺍﺣﺴﻦ ... ﻭﻳﺎﺭﻳﺖ ﺗﺠﺎﻭﺑﻲ ﻋﻠﻰ ﺳﺆﺍﻟﻲ ﻣﻦ ﻏﻴﺮ ﻟﻒ ﻭﻻ ﺩﻭﺭﺍﻥ ... ﺍﻧﺘﻲ ﻋﺎﻳﺰﺓ ﻣﻨﻲ ﺇﻳﻪ ﺑﺎﻟﻈﺒﻂ ﻳﺎ ﻧﺎﺩﻳﺔ ?

ﺍﺑﺘﺴﻤﺖ ﻗﺎﺋﻠﺔ : ﻛﻮﻳﺲ ﺍﻭﻱ ... ﻣﺎﺩﺍﻡ ﺳﺄﻟﺘﻨﻲ ﺍﻟﺴﺆﺍﻝ ﺩﻩ ﺍﻧﺎ ﺣﺎﺟﺎﻭﺑﻚ ﺑﺼﺮﺍﺣﺔ ﻻﻧﻚ ﻭﻓﺮﺕ ﻋﻠﻴﺎ ﻛﺘﻴﺮ ... ﺃﻧﺎ ﻋﺎﻳﺰﺍﻙ ﺍﻧﺖ ﻳﺎ ﻋﻠﻲ

ﺃﻧﺘﺎﺑﻪ ﺷﻌﻮﺭ ﺑﺎﻹﺷﻤﺌﺰﺍﺯ ﻟﻮﻗﺎﺣﺘﻬﺎ ﻓﻘﺎﻝ ﺑﺈﺳﺘﻨﻜﺎﺭ : ﻣﺶ ﻓﺎﻫﻢ ﻋﺎﻳﺰﺍﻧﻲ ﺍﺯﺍﻱ ﻳﻌﻨﻲ ?

ﻧﺎﺩﻳﺔ : ﺯﻱ ﺃﻱ ﺳﺖ ﻣﺎ ﺑﺘﻌﻮﺯ ﺃﻱ ﺭﺍﺟﻞ ... ﺑﺤﺒﻚ ﻭﻋﺎﻳﺰﺍﻙ ... ﻭﺍﻋﺘﻘﺪ ﺍﻥ ﺍﻧﺖ ﻛﻤﺎﻥ ﺑﺘﺤﺒﻨﻲ ﻭﻋﺎﻳﺰﻧﻲ ﻭﺳﺒﻖ ﻭﻃﻠﺒﺖ ﺇﻳﺪﻱ ﻣﻦ ﺑﺎﺑﺎ ﻗﺒﻞ ﻛﺪﻩ ... ﻳﺒﻘﻲ ﺍﻳﻪ ﺍﻟﻤﺎﻧﻊ ﺍﻧﻨﺎ ﻧﻜﻮﻥ ﻟﺒﻌﺾ ?

ﻋﻠﻲ ﺑﺈﻧﻔﻌﺎﻝ : ﺍﻧﺘﻲ ﺍﺗﺠﻨﻨﺘﻲ ... ﻧﻜﻮﻥ ﻟﺒﻌﺾ ﺍﺯﺍﻱ ﻳﻌﻨﻲ ? ﺩﻩ ﺍﻧﺎ ﻭﺍﻧﺘﻲ ﻣﺎﻳﻨﻔﻌﺶ ﻻ ﻓﺤﺮﺍﻡ ﻭﻻ ﻓﺤﻼﻝ ... ﻳﺒﻘﻰ ﻧﻜﻮﻥ ﻟﺒﻌﺾ ﺍﺯﺍﻱ ?

ﻧﺎﺩﻳﺔ ﺑﻀﻴﻖ : ﺍﻧﺖ ﻓﺎﻛﺮﻧﻲ ﺇﻳﻪ ﻋﺸﺎﻥ ﺍﻃﻠﺐ ﻣﻨﻚ ﺣﺎﺟﺔ ﺯﻱ ﺩﻱ ﻓﺎﻟﺤﺮﺍﻡ ? ﺍﻧﺎ ﺃﻗﺼﺪ ﻃﺒﻌﺎ ﺍﻧﻨﺎ ﻧﺘﺠﻮﺯ

ﺑﻤﺰﻳﺪ ﻣﻦ ﺍﻹﻧﻔﻌﺎﻝ ﺃﺟﺎﺑﻬﺎ : ﻧﺘﺠﻮﺯ ﺍﺯﺍﻱ ﻳﺎ ﻣﺨﺒﻮﻟﺔ ﺍﻧﺘﻲ ? ﺍﻧﺘﻲ ﻧﺎﺳﻴﺔ ﺍﻧﻲ ﺟﻮﺯ ﺍﺧﺘﻚ ?

ﺍﻗﺘﺮﺑﺖ ﺑﻮﺟﻬﻬﺎ ﻣﻦ ﻭﺟﻬﻪ ﻭﻗﺎﻟﺖ ﺑﺠﺪﻳﺔ : ﺑﺈﻳﺪﻙ ﺍﻧﻚ ﺗﻔﻚ ﺍﻟﻘﻴﺪ ﺍﻟﻠﻲ ﺑﺎﺑﺎ ﻗﻴﺪﻙ ﺑﻴﻪ ... ﻭﺑﻌﺪﻫﺎ ﻧﺴﺘﻨﻰ ﻟﻤﺎ ﺗﺨﻠﺺ ﻋﺪﺗﻲ ﻭﻋﺪﺗﻚ ﻭﻧﺘﺠﻮﺯ ﻋﻠﻄﻮﻝ ... ﻗﻮﻟﺖ ﺇﻳﻪ ?

ﺃﺧﺬ ﻳﺘﻤﺎﻳﻞ ﺑﻤﻘﻌﺪﻩ ﻣﺤﺎﻭﻻ ﺍﻹﺳﺘﺮﺧﺎﺀ ﻗﺒﻞ ﺍﻥ ﻳﺠﻴﺒﻬﺎ ﻗﺎﺋﻼ : ﺑﺘﻬﻜﻢ : ﻳﺎﺍﺍﻩ ... ﺧﺮﺍﺏ ﺑﻴﺖ ﺃﺧﺘﻚ ﻋﻨﺪﻙ ﺑﺎﻟﺴﺎﻫﻞ ﻛﺪﻩ ... ﺍﻃﻠﻘﻬﺎ ﻭﺍﺗﺠﻮﺯﻙ ... ﻭﺩﻩ ﻋﺸﺎﻥ ﺇﻳﻪ ﺑﻘﻰ ﺍﻥ ﺷﺎﺀﺍﻟﻠﻪ ? ﺇﻳﻪ ﺇﻷﻭﺑﺸﻦ ﺍﻟﺰﻳﺎﺩﺓ ﺍﻟﻠﻲ ﻋﻨﺪﻙ ﻣﺶ ﻋﻨﺪ ﻧﻮﺭﺍ ? ﺇﻳﻪ ﺍﻟﻠﻲ ﻓﻴﻜﻲ ﻣﻤﻴﺰ ﻋﻨﻬﺎ ﻋﺸﺎﻥ ﺍﻃﻠﻘﻬﺎ ﻭﺍﺗﺠﻮﺯﻙ ﺍﻧﺘﻲ ‏( ﻗﺎﻟﻬﺎ ﻭﻫﻮ ﻳﺸﻴﺮ ﺑﻮﺟﻬﻪ ﻧﺤﻮﻫﺎ ﺑﺈﺷﻤﺌﺰﺍﺯ ‏)

ﻧﺎﺩﻳﺔ : ﺍﻧﺖ ﻋﺎﺭﻑ ﻛﻮﻳﺲ ﺍﻥ ﻣﻌﺎﻳﺎ ﺣﺘﻜﺴﺐ ﺍﻛﺘﺮ ... ﺍﻧﺎ ﺍﻟﻠﻲ ﺑﺈﻳﺪﻱ ﺃﺧﻠﻴﻚ ﺗﻔﻀﻞ ﻋﺎﻳﺶ ﻓﺎﻟﻨﻌﻴﻢ ﺩﻩ ... ﻭﺃﻧﺎ ﺍﻟﻠﻲ ﺑﺈﻳﺪﻱ ﺑﺮﺿﻪ ﺃﺧﺮﺟﻚ ﻣﻦ ﺟﻨﺔ ﻋﻤﻚ ﺯﻱ ﺣﻮﺍ ﻣﺎ ﺧﺮﺟﺖ ﺍﺩﻡ ﻣﻦ ﺍﻟﺠﻨﺔ

ﻗﺎﻡ ﻣﻦ ﻣﻜﺎﻧﻪ ﻭﻭﻗﻒ ﺍﻣﺎﻣﻬﺎ ﻗﺎﺋﻼ ﺑﺘﺤﺪﻱ : ﺗﻌﺮﻓﻲ ﺇﻧﻲ ﺯﻋﻼﻥ ﺍﻭﻱ ﻭﻣﻀﺎﻳﻖ ﻋﺸﺎﻥ ﻋﻨﺪﻱ ﺑﻨﺖ ﻋﻢ ﺑﺎﻟﺤﻘﺎﺭﺓ ﺩﻱ ... ﺃﺣﺐ ﺃﻗﻮﻟﻚ ﺇﻧﻲ ﻣﺎﺑﺪﻟﺶ ﺿﺎﻓﺮ ﻧﻮﺭﺍ ﺑﺮﻗﺒﺔ ﻣﻠﻴﻮﻥ ﻭﺍﺣﺪﺓ ﻣﻦ ﻋﻴﻨﺘﻚ ... ﻭﺍﺣﺐ ﺃﻗﻮﻟﻚ ﻛﻤﺎﻥ ﺃﻥ ﻣﻌﻠﻮﻣﺎﺗﻚ ﻏﻠﻂ ... ﻭﺍﻥ ﺣﻮﺍ ﻣﺶ ﻫﻴﺎ ﺍﻟﻠﻲ ﺧﺮﺟﺖ ﺃﺩﻡ ﻣﻦ ﺍﻟﺠﻨﺔ ﺯﻱ ﻣﺎ ﺍﻧﺘﻲ ﻣﺘﺼﻮﺭﺓ ... ﺍﻟﻠﻲ ﺧﺮﺝ ﺁﺩﻡ ﻫﻮ ﺍﻟﺸﻴﻄﺎﻥ ... ﻭﺍﻟﺠﻨﺔ ﺍﻟﻤﺰﻋﻮﻣﺔ ﺑﺘﺎﻋﺘﻚ ﺩﻱ ﺃﻧﺎﺳﻴﺒﻬﺎﻟﻚ ﻭﻣﺎﺷﻲ ﺑﻤﺰﺍﺟﻲ ... ﻭﻣﺶ ﺣﺴﺘﻨﻰ ﺷﻴﻄﺎﻧﺔ ﺯﻳﻚ ﺗﺨﺮﺟﻨﻲ ﻣﻨﻬﺎ ... ﻋﻦ ﺇﺫﻧﻚ ﻳﺎ ..... ﻳﺎ ﺑﻨﺖ ﻋﻤﻲ

ﺍﺧﺘﺘﻢ ﻋﻠﻲ ﻛﻼﻣﻪ ﺛﻢ ﺍﻟﺘﻘﻂ ﺳﻠﺴﻠﺔ ﻣﻔﺎﺗﻴﺤﻪ ﻭﻏﺎﺩﺭ ﺗﺎﺭﻛﺎ ﻧﺎﺩﻳﺔ ﻭﻫﻲ ﺗﻜﺎﺩ ﺗﻤﻴﺰ ﻣﻦ ﺍﻟﻐﻴﻆ ﻭ ﺗﺘﻮﻋﺪﻩ ﻗﺎﺋﻠﺔ : ﻣﺎﺷﻲ ﻳﺎ ﻋﻠﻲ ... ﺇﻥ ﻣﺎﻛﻨﺖ ﺃﻧﺪﻣﻚ ﻭﺍﺩﻓﻌﻚ ﺗﻤﻦ ﺍﻟﻠﻲ ﻗﻮﻟﺘﻪ ﺩﻩ ﻏﺎﻟﻲ ﺍﻭﻱ ... ﻣﺎﺑﻘﺎﺵ ﺃﻧﺎ ﻧﺎﺩﻳﺔ ﺻﻔﻮﺕ

ﺑﻌﺪ ﺩﻗﺎﺋﻖ ﻛﺎﻧﺖ ﻧﺎﺩﻳﺔ ﺗﻘﻒ ﺃﻣﺎﻡ ﻏﺮﻓﺔ ﻣﻜﺘﺐ ﻭﺍﻟﺪﻫﺎ ﻭﺗﺘﺤﺪﺙ ﺇﻟﻰ ﺍﻟﺴﻜﺮﺗﻴﺮﺓ ﻗﺎﺋﻠﺔ : ﺑﺄﻗﻮﻟﻚ ﺇﻳﻪ ﻳﺎ ﻫﺪﻯ ... ﺍﻧﺎ ﺣﺎﺳﺔ ﺑﺼﺪﺍﻉ ﺟﺎﻣﺪ ﺍﻭﻱ ... ﻣﻤﻜﻦ ﻟﻮ ﺳﻤﺤﺘﻲ ﺗﻌﻤﻠﻴﻠﻲ ﻓﻨﺠﺎﻥ ﻗﻬﻮﺓ ﻣﻦ ﺇﻳﺪﻳﻜﻲ ... ﺃﻧﺎ ﻋﺎﺭﻓﺔ ﻃﺒﻌﺎ ﺍﻥ ﺩﻱ ﻣﺶ ﺷﻐﻠﺘﻚ ﺑﺲ ﺃﻧﺎ ﻋﺎﻳﺰﺓ ﺃﺷﺮﺑﻪ ﻣﻦ ﺇﻳﺪﻳﻜﻲ ﺍﻧﺘﻲ ... ﻣﻤﻜﻦ ?

ﺃﻭﻣﺄﺕ ﻫﺪﻯ ﺑﺮﺃﺳﻬﺎ ﻣﻮﺍﻓﻘﺔ ﻭﻗﺎﻟﺖ ﺑﺈﺫﻋﺎﻥ : ﺣﺎﺿﺮ ﻳﺎ ﻣﺪﺍﻡ ﻧﺎﺩﻳﺔ ﻣﻦ ﻋﻨﻴﺎ

ﺍﻃﻤﺄﻧﺖ ﻧﺎﺩﻳﺔ ﺇﻟﻰ ﻣﻐﺎﺩﺭﺓ ﻫﺪﻯ ﻓﺄﺧﺬﺕ ﺗﺒﻌﺜﺮ ﺧﺼﻼﺕ ﺷﻌﺮﻫﺎ ﺑﻄﺮﻳﻘﺔ ﻋﺸﻮﺍﺋﻴﺔ ﻭ ﺗﻐﻴﺮ ﻣﻦ ﻫﻨﺪﺍﻣﻬﺎ ﺛﻢ ﺍﺻﻄﻨﻌﺖ ﺍﻟﺒﻜﺎﺀ ﻭﻫﻲ ﺗﺪﻟﻒ ﺇﻟﻰ ﺩﺍﺧﻞ ﻏﺮﻓﺔ ﻭﺍﻟﺪﻫﺎ ﻣﺴﺮﻋﺔ ﺩﻭﻥ ﺇﺳﺘﺌﺬﺍﻥ ﺛﻢ ﺍﺳﺮﻋﺖ ﻧﺤﻮﻩ ﻭﺃﻟﻘﺖ ﺑﻨﻔﺴﻬﺎ ﻓﻲ ﺃﺣﻀﺎﻧﻪ ﻗﺎﺋﻠﺔ : ﺑﺎﺑﺎ ﺍﻟﺤﻘﻨﻲ ﻳﺎ ﺑﺎﺑﺎ

ﺷﻌﺮ ﺑﺎﻟﻔﺰﻉ ﻟﺮﺅﻳﺘﻬﺎ ﻋﻠﻰ ﻫﺬﻩ ﺍﻟﺤﺎﻟﺔ ﻓﻘﺎﻝ ﺑﻘﻠﻖ : ﻣﺎﻟﻚ ﻳﺎ ﻧﺎﺩﻳﺔ ﻭﺇﻳﻪ ﺍﻟﻠﻲ ﻣﺒﻬﺪﻟﻚ ﺑﺎﻟﺸﻜﻞ ﺩﻩ ﻳﺎ ﺣﺒﻴﺒﺘﻲ

ﺃﺟﺎﺑﺘﻪ ﻭﻫﻲ ﺗﺪﻓﻦ ﻭﺟﻬﻬﺎ ﻓﻲ ﺻﺪﺭﻩ ﺣﺘﻰ ﻻ ﻳﻼﺣﻆ ﺩﻣﻮﻋﻬﺎ ﺍﻟﻤﺰﻳﻔﺔ : ﻋﻠﻲ ﻳﺎ ﺑﺎﺑﺎ ... ﻋﻠﻲ ﺑﺎﻳﻦ ﻋﻠﻴﻪ ﺍﺗﺠﻨﻦ ... ﻣﺶ ﺣﺘﺼﺪﻕ ﻫﻮ ﻋﻤﻞ ﻣﻌﺎﻳﺎ ﺇﻳﻪ

ﺃﺟﺎﺑﻬﺎ ﻗﺎﺋﻼ ﺑﺪﻫﺸﺔ : ﻋﻠﻲ ! ﻋﻠﻲ ﻫﻮ ﺍﻟﻠﻲ ﺑﻬﺪﻟﻚ ﻫﺪﻭﻣﻚ ﻭﺷﻌﺮﻙ ﺑﺎﻟﺸﻜﻞ ﺩﻩ ... ﻃﺐ ﻟﻴﻪ ?

ﻧﺎﺩﻳﺔ ﺑﺒﻜﺎﺀ ﻣﺼﻄﻨﻊ : ﺍﻧﺎ ﺑﻘﺎﻟﻲ ﻣﺪﺓﺳﺎﻛﺘﺔ ﻭﻣﺶ ﻗﺎﺩﺭﺓ ﺍﺗﻜﻠﻢ ﻭﻗﻮﻝ ﻟﺤﻀﺮﺗﻚ ﻋﻠﻰ ﺍﻟﻠﻲ ﺑﻴﻌﻤﻠﻪ ﻣﻌﺎﻳﺎ .... ﺗﺼﻮﺭ ﻳﺎ ﺑﺎﺑﺎ ... ﺑﻘﺎﻟﻪ ﻣﺪﺓ ﺑﻴﻄﺎﺭﺩﻧﻲ ﺑﻜﻼﻣﻪ ﻫﻨﺎ ﻭﻓﺎﻟﻔﻴﻼ .... ﺍﻧﺎ ﺑﺤﺒﻚ ﻳﺎ ﻧﺎﺩﻳﺔ ... ﺍﻧﺎ ﻣﺶ ﻗﺎﺩﺭ ﺍﻋﻴﺶ ﻣﻦ ﻏﻴﺮﻙ ﻳﺎ ﻧﺎﺩﻳﺔ ... ﺍﻧﺎ ﻛﻨﺖ ﻋﺎﻳﺰ ﺍﺗﺠﻮﺯﻙ ﺍﻧﺘﻲ ﺑﺲ ﻋﻤﻲ ﻫﻮ ﺍﻟﻠﻲ ﻓﺮﺽ ﻋﻠﻴﺎ ﺇﻧﻲ ﺍﺗﺠﻮﺯ ﻧﻮﺭﺍ .... ﻭﻛﻼﻡ ﻛﺘﻴﺮ ﺯﻱ ﺩﻩ ﻳﺎ ﺑﺎﺑﺎ .... ﻭﺍﻧﺎ ﺣﺎﻭﻟﺖ ﺃﺻﺪﻩ ﻛﺘﻴﺮ ﻭﺃﻗﻮﻟﻪ ﻋﻴﺐ ﻳﺎ ﻋﻠﻲ ﻣﺎﻳﺼﺤﺶ ﺩﻩ ﺍﻧﺖ ﺟﻮﺯ ﺃﺧﺘﻲ ... ﻳﻘﻮﻟﻲ ﺣﺎﻃﻠﻘﻬﺎ ﻋﺸﺎﻥ ﺧﺎﻃﺮﻙ ﺍﻧﺘﻲ ﻭﻧﺘﺠﻮﺯ ﺑﻌﺪﻫﺎ ... ﺍﻗﻮﻟﻪ ﻣﺎﻗﺪﺭﺵ ﺍﺑﻨﻲ ﺳﻌﺎﺩﺗﻲ ﻋﻠﻰ ﺗﻌﺎﺳﺔ ﺍﺧﺘﻲ ﻭﺧﺮﺍﺏ ﺑﻴﺘﻬﺎ ... ﻳﻘﻮﻟﻲ ﺍﻧﺎ ﻛﺪﻩ ﻭﻻ ﻛﺪﻩ ﻣﺶ ﻃﺎﻳﻘﻬﺎ ﻣﻦ ﺍﺻﻠﻪ ... ﻟﺤﺪ ﺍﻟﻨﻬﺎﺭﺩﺓ ﻣﺎ ﺍﺗﺠﺮﺃ ﻭﺍﺗﻬﺠﻢ ﻋﻠﻴﺎ ﻭﺃﻧﺎ ﻓﻤﻜﺘﺒﻪ ﻭﻳﻘﻮﻟﻲ ﺧﻼﺹ ﻣﺎﺑﻘﺘﺶ ﻗﺎﺩﺭ ﺍﺑﻌﺪ ﻋﻨﻚ ﺍﻛﺘﺮ ﻣﻦ ﻛﺪﻩ ﻳﺎ ﻧﺎﺩﻳﺔ ... ﺑﻘﻰ ﺍﻧﺎ ﻳﻔﻜﺮ ﻓﻴﺎ ﺑﺎﻟﻄﺮﻳﻘﺔ ﺩﻱ .... ﻳﺮﺿﻴﻚ ﻳﺎﺑﺎﺑﺎ ﺍﻟﻠﻲ ﺣﺼﻞ ﺩﻩ ?

ﻛﺎﻥ ﻳﺴﺘﻤﻊ ﺇﻟﻴﻬﺎ ﻭﻗﺪ ﺍﺭﺗﺴﻤﺖ ﻣﻌﺎﻟﻢ ﺍﻟﺬﻫﻮﻝ ﻭﺍﻟﺼﺪﻣﺔ ﻋﻠﻲ ﻭﺟﻬﻪ ... ﻇﻞ ﺻﺎﻣﺘﺎ ﻟﻔﺘﺮﺓ ﻳﺤﺎﻭﻝ ﺇﺳﺘﻴﻌﺎﺏ ﻣﺎ ﻗﺎﻟﺘﻪ ﻧﺎﺩﻳﺔ ﻟﻠﺘﻮ ... ﺑﻌﺪ ﻓﺘﺮﺓ ﻧﻄﻖ ﻗﺎﺋﻼ : ﻣﻌﻘﻮﻝ ﻋﻠﻲ ﻳﻌﻤﻞ ﺣﺎﺟﺔ ﺯﻱ ﺩﻱ

ﺃﺳﺮﻋﺖ ﺗﺠﻴﺒﻪ ﻗﺎﺋﻠﺔ : ﻟﻴﻚ ﺣﻖ ﻣﺎﺗﺼﺪﻗﺶ ﻳﺎ ﺑﺎﺑﺎ ... ﺍﻧﺎ ﻧﻔﺴﻲ ﻣﺎﻛﻨﺘﺶ ﻣﺼﺪﻗﺔ ... ﻭﻟﺤﺪ ﺩﻟﻮﻗﺘﻲ ﺑﺮﺿﻪ ﻣﺶ ﻗﺎﺩﺭﺓ ﺍﺳﺘﻮﻋﺐ ﺍﻟﻠﻲ ﺣﺼﻞ ... ﺑﺲ ﺣﻀﺮﺗﻚ ﻋﺎﺭﻑ ﺇﻧﻪ ﻛﺎﻥ ﺑﻴﺤﺒﻨﻲ ﻭﻋﺎﻳﺰ ﻳﺘﺠﻮﺯﻧﻲ ... ﻭﺑﻌﺪﻳﻦ ﺍﻧﺎ ﻣﺼﻠﺤﺘﻲ ﺇﻳﻪ ﻓﺈﻧﻲ ﺍﻛﺪﺏ ﻳﻌﻨﻲ ...

ﺭﺑﺖ ﻋﻠﻰ ﻇﻬﺮﻫﺎ ﻣﻬﺪﺋﺎ ﻭﻗﺎﻝ ﺑﺠﺪﻳﺔ : ﻣﺎ ﺗﺰﻋﻠﻴﺶ ﻧﻔﺴﻚ ﻳﺎ ﺣﺒﻴﺒﺘﻲ ... ﺍﻧﺎ ﺣﺎﻋﺮﻑ ﺷﻐﻠﻲ ﻣﻌﺎﻩ ... ﻫﻮ ﻓﻤﻜﺘﺒﻪ ﺩﻟﻮﻗﺘﻲ ?

ﻧﺎﺩﻳﺔ : ﺍﻛﻴﺪ ﻣﺸﻲ ﺑﻌﺪﺍﻟﻠﻲ ﻋﻤﻠﻪ ﻣﺶ ﺣﻴﻘﺪﺭ ﻳﻮﺭﻱ ﻭﺷﻪ ﻟﺤﻀﺮﺗﻚ

ﺍﻣﺴﻚ ﺻﻔﻮﺕ ﺑﺎﻟﻬﺎﺗﻒ ﻟﻴﻘﻮﻡ ﺑﺈﺳﺘﺪﻋﺎﺀ ﻋﻠﻲ ﻭﻟﻜﻨﻪ ﺳﺮﻋﺎﻥ ﻣﺎﺗﺬﻛﺮ ﺷﻴﺌﺎ ﻓﺎﻟﺘﻔﺖ ﺇﻟﻰ ﻧﺎﺩﻳﺔ ﻗﺎﺋﻼ : ﺍﻧﺘﻲ ﺟﻴﺘﻲ ﻟﺤﺪ ﻣﻜﺘﺒﻲ ﺑﺎﻟﺸﻜﻞ ﺩﻩ ﻳﻌﻨﻲ ﺍﻛﻴﺪ ﺍﻟﺴﻜﺮﺗﻴﺮﺓ ﺷﺎﻓﺘﻚ ﻭﺍﻧﺘﻲ ﻣﺒﻬﺪﻟﺔ ﻛﺪﻩ

ﻃﻤﺄﻧﺘﻪ ﻧﺎﺩﻳﺔ ﻗﺎﺋﻠﺔ : ﻻ ﻣﺎﺗﻘﻠﻘﺶ ﺣﻀﺮﺗﻚ ... ﻫﻴﺎ ﻣﺎﻛﺎﻧﺘﺶ ﻣﻮﺟﻮﺩﺓ ﻋﻠﻰ ﻣﻜﺘﺒﻬﺎ ﻟﻤﺎ ﺍﻧﺎ ﺟﻴﺖ ... ﻭﻋﻤﻮﻣﺎ ﺍﻧﺎ ﺍﺳﻔﺔ ﺇﻧﻲ ﻣﺎﺧﺪﺗﺶ ﺑﺎﻟﻲ ﻣﻦ ﺣﺎﺟﺔ ﺯﻱ ﺩﻱ ... ﺍﻧﺎ ﻛﻨﺖ ﻣﻨﻬﺎﺭﺓﻭﻣﺶ ﺑﻔﻜﺮ ﻏﻴﺮ ﻓﺎﻟﻠﻲ ﻋﻤﻠﻪ ﻋﻠﻲ

ﻃﻠﺐ ﺻﻔﻮﺕ ﻣﻦ ﺳﻜﺮﺗﻴﺮﺗﻪ ﺃﻥ ﺗﻘﻮﻡ ﺑﺈﺳﺘﺪﻋﺎﺀ ﻋﻠﻲ ﺇﻟﻰ ﻣﻜﺘﺒﻪ ﻭﻟﻜﻨﻬﺎ ﻣﺎﻟﺒﺜﺖ ﺍﻧﺄﺧﺒﺮﺗﻪ ﺑﻌﺪ ﻗﻠﻴﻞ ﺍﻥ ﻋﻠﻲ ﻗﺪ ﻏﺎﺩﺭ ﺍﻟﺸﺮﻛﺔ ﻣﻨﺬ ﻗﻠﻴﻞ ﻟﻴﺘﺄﻛﺪ ﻟﻪ ﻛﻼﻡ ﻧﺎﺩﻳﺔ ﺍﻟﺘﻲ ﻗﺎﻟﺖ : ﺷﻮﻓﺖ ﻳﺎ ﺑﺎﺑﺎ ﺻﺪﻗﺘﻨﻲ ... ﺁﻫﻮ ﻣﺎﻗﺪﺭﺵ ﻳﻮﺍﺟﻬﻚ ﺃﺧﺪ ﺑﻌﻀﻪ ﻭﻣﺸﻲ

ﺍﺟﺎﺑﻬﺎ ﺻﻔﻮﺕ ﻭﻫﻮ ﻳﺠﻤﻊ ﺃﺷﻴﺎﺋﻪ ﺍﻟﻤﻮﺿﻮﻋﺔ ﻋﻠﻰ ﺍﻟﻤﻜﺘﺐ ﺇﺳﺘﻌﺪﺍﺩﺍ ﻟﻠﻤﻐﺎﺩﺭﺓ : ﺗﻌﺎﻟﻲ ﻣﻌﺎﻳﺎ ﻋﻠﻰ ﺍﻟﺒﻴﺖ ﺑﺴﺮﻋﺔ

ﻛﺎﻧﺖ ﻧﻮﺭﺍ ﺗﺠﻤﻊ ﻣﻼﺑﺴﻬﺎ ﻭﻣﻼﺑﺲ ﻋﻠﻲ ﺇﺳﺘﻌﺪﺍﺩﺍ ﻟﻤﻐﺎﺩ ﺭﺓ ﺍﻟﻔﻴﻼ ﺑﻨﺎﺀ ﻋﻠﻰ ﻣﺎ ﺍﺧﺒﺮﻫﺎ ﺑﻪ ﻋﻠﻲ ﻣﻨﺬﻋﺎﺩ ﻣﻦ ﺍﻟﺸﺮﻛﺔ ﻣﺒﻜﺮﺍ ... ﻭﻋﻠﻲ ﻳﺠﻠﺲ ﻋﻠﻰ ﻓﺮﺍﺷﻪ ﻏﺎﺭﻗﺎ ﻓﻲ ﺑﺤﺮ ﺃﻓﻜﺎﺭﻩ ... ﻳﺤﺎﻭﻝ ﺃﻥ ﻳﺒﺤﺚ ﻋﻦ ﻛﻠﻤﺎﺕ ﻣﻨﺎﺳﺒﺔ ﻳﻘﻮﻟﻬﺎ ﻟﻌﻤﻪ ﻣﺒﺮﺭﺍ ﺑﻬﺎ ﺗﺮﻛﻪ ﻟﻠﻔﻴﻼ ... ﺍﻧﺘﻬﺖ ﻧﻮﺭﺍ ﻣﻦ ﺣﺰﻡ ﺍﻟﺤﻘﺎﺋﺐ ﻓﺎﻟﺘﻔﺘﺖ ﺇﻟﻰ ﻋﻠﻲ ﻗﺎﺋﻠﺔ : ﺍﻧﺎ ﺧﻼﺹ ﺧﻠﺼﺖ ﻳﺎ ﻋﻠﻲ .

↚

ﻗﺎﻡ ﻋﻠﻲ ﻣﺘﺠﻬﺎ ﻧﺤﻮﻫﺎ ﻭﺃﺣﺎﻁ ﺧﺼﺮﻫﺎ ﺑﺬﺭﺍﻋﻴﻪ ﻗﺎﺋﻼ : ﻧﻮﺭﺍ ... ﺃﻧﺎ ﻋﺎﻳﺰ ﺃﻗﻮﻟﻚ ﺍﻧﻨﺎ ﻣﻤﻜﻦ ﻧﺘﻌﺐ ﺷﻮﻳﺔ ﻓﺤﻴﺎﺗﻨﺎ ﺍﻟﻔﺘﺮﺓ ﺍﻟﻠﻲ ﺟﺎﻳﺔ ... ﺣﺘﻘﻔﻲ ﺟﻨﺒﻲ ﻭﺗﺴﺎﻧﺪﻳﻨﻲ ﻭﻻ ﻣﺎﻋﻨﺪﻛﻴﺶ ﺇﺳﺘﻌﺪﺍﺩ ﻟﻠﺘﻀﺤﻴﺔ ﺩﻱ ?

ﺃﺭﺧﺖ ﺭﺃﺳﻬﺎ ﻋﻠﻰ ﺻﺪﺭﻩ ﻗﺎﺋﻠﺔ : ﺍﻧﺖ ﻋﺎﺭﻑ ﺍﻹﺟﺎﺑﺔ ﻣﻦ ﻗﺒﻞ ﻣﺎ ﺗﺴﺄﻝ ﻳﺎ ﻋﻠﻲ ... ﺃﻧﺎ ﻣﺴﺘﻌﺪﺓ ﺍﺗﺤﻤﻞ ﺃﻱ ﺣﺎﺟﺔ ﻓﺎﻟﺪﻧﻴﺎ ﻃﺎﻟﻤﺎ ﺣﺎﻛﻮﻥ ﻣﻌﺎﻙ ﻭﺟﻨﺒﻚ ... ﺑﺲ ﺍﻧﺖ ﻧﺎﺳﻲ ﻓﻠﻮﺱ ﻣﺎﻣﺎ ﺍﻟﻠﻲ ﻓﺎﻟﺒﻨﻚ ﺗﻘﺪﺭ ﺗﺎﺧﺪﻫﻢ ﻭﺗﺒﺘﺪﻱ ﺑﻴﻬﻢ ﻣﺸﺮﻭﻉ ﺻﻐﻴﺮ ﻭﺍﻧﺎ ﻭﺍﺛﻘﺔ ﺍﻧﻪ ﺑﻜﺮﺓ ﺣﻴﻜﺒﺮ ﻭﺣﺘﺒﻘﻰ ﻭﺍﺣﺪ ﻣﻦ ﻛﺒﺎﺭ ﺭﺟﺎﻝ ﺍﻷﻋﻤﺎﻝ ﻛﻤﺎﻥ ... ﻭﺍﻟﻌﺮﺑﻴﺔ ﺑﺘﺎﻋﺘﻲ ﻫﻴﺎ ﻛﻤﺎﻥ ﻣﻦ ﻓﻠﻮﺱ ﻣﺎﻣﺎ ... ﻳﻌﻨﻲ ﺍﺣﻨﺎ ﻣﺶ ﻣﺤﺘﺎﺟﻴﻴﻦ ﺣﺎﺟﺔ ﻣﻦ ﺣﺪ

ﺿﻤﻬﺎ ﺇﻟﻴﻪ ﺍﻛﺜﺮ ﻭﻫﻮ ﻳﻘﻮﻝ ﺑﺤﺐ : ﺭﺑﻨﺎ ﻣﺎﻳﺤﺮﻣﻨﻴﺶ ﻣﻨﻚ ﻳﺎ ﺣﺒﻴﺒﺘﻲ ... ﺑﺲ ﺍﻧﺘﻲ ﻣﺘﺨﻴﻠﺔ ﺍﻥ ﺃﻧﺎ ﻣﻤﻜﻦ ﺍﻭﺍﻓﻖ ﺍﺧﺪ ﻓﻠﻮﺳﻚ ﻋﺸﺎﻥ ﺍﺑﺘﺪﻱ ﺑﻴﻬﺎ ﻣﺸﺮﻭﻉ ... ﻓﻠﻮﺳﻚ ﺩﻱ ﺣﺎﺟﺔ ﺗﺨﺼﻚ ﺍﻧﺘﻲ ﻭﺑﺲ ... ﻣﺎﺗﻘﻠﻘﻴﺶ ﺍﻧﺎ ﻣﻦ ﺑﻜﺮﺓ ﺣﺎﺩﻭﺭ ﻋﻠﻰ ﺷﻐﻞ ... ﻭﺍﻋﺘﻘﺪ ﺍﻥ ﻋﻨﺪﻱ ﺧﺒﺮﺓ ﻛﺎﻓﻴﺔ ﻷﻱ ﺷﺮﻛﺔ ﺍﻧﻬﺎ ﺗﻮﺍﻓﻖ ﺗﺸﻐﻠﻨﻲ ... ﻳﻼ ﺑﻴﻨﺎ ﺑﻘﻰ ﻋﺸﺎﻥ ﻧﻠﺤﻖ ﻧﻤﺸﻲ ﻗﺒﻞ ﻋﻤﻲ ﻣﺎ ﻳﺮﺟﻊ ﻹﻧﻲ ﺑﺼﺮﺍﺣﺔ ﻟﺴﻪ ﻣﺎﻋﻨﺪﻳﺶ ﺇﺳﺘﻌﺪﺍﺩ ﻟﻠﻤﻮﺍﺟﻬﺔ ﻣﻌﺎﻩ

ﺣﻤﻞ ﻋﻠﻲ ﻭﻧﻮﺭﺍ ﺣﻘﺎﺋﺒﻬﻢ ﻭﻫﺒﻄﻮﺍ ﺍﻟﺪﺭﺝ ﻣﺘﺠﻬﻴﻦ ﻧﺤﻮ ﺍﻟﺨﺎﺭﺝ ﻟﻜﻦ ﺩﺧﻮﻝ ﺻﻔﻮﺕ ﻭﻣﻌﻪ ﻧﺎﺩﻳﺔ ﺍﺳﺘﻮﻗﻔﻬﻢ ... ﻧﻈﺮﺍ ﺇﻟﻰ ﺗﻠﻚ ﺍﻟﺤﻘﺎﺋﺐ ﺍﻟﺘﻲ ﻳﺤﻤﻼﻧﻬﺎ ﺑﺪﻫﺸﺔ ... ﺍﻧﺘﻬﺰﺗﻬﺎ ﻧﺎﺩﻳﺔ ﻓﺮﺻﺔ ﻛﻲ ﺗﻘﻮﻝ : ﺷﻮﻓﺖ ﻳﺎ ﺑﺎﺑﺎ ... ﺟﺎﻟﻚ ﻛﻼﻣﻲ ... ﺁﻫﻮ ﻣﺎﺷﻲ ﻭﺳﺎﻳﺐ ﺍﻟﻔﻴﻼ ﻛﻤﺎﻥ ... ﻣﺎﻋﻨﺪﻭﺵ ﺇﺳﺘﻌﺪﺍﺩ ﻳﻮﺭﻱ ﻭﺷﻪ ﻟﺤﻀﺮﺗﻚ ﺑﻌﺪ ﻋﻤﻠﺘﻪ ﺍﻟﺴﻮﺩﺓ

ﺭﺃﻯ ﻋﻠﻲ ﺃﻧﻪ ﻟﻢ ﻳﻌﺪ ﻫﻨﺎﻙ ﺑﺪ ﻣﻦ ﺍﻟﻤﻮﺍﺟﻬﺔ ﻓﻮﺿﻊ ﺍﻟﺤﻘﻴﺒﺔ ﺍﻟﺘﻲ ﻛﺎﻥ ﻳﺤﻤﻠﻬﺎ ﻭﺍﻟﺘﻔﺖ ﺇﻟﻴﻬﺎ ﻗﺎﺋﻼ : ﻋﻤﻠﺔ ﺇﻳﻪ ﺩﻱ ﺍﻟﻠﻲ ﺑﺘﺘﻜﻠﻤﻲ ﻋﻨﻬﺎ ?

ﻧﻈﺮ ﺇﻟﻴﻪ ﺻﻔﻮﺕ ﻗﺎﺋﻼ : ﺗﻌﺮﻑ ﺍﻥ ﺃﻧﺎ ﻛﺎﻥ ﻋﻨﺪﻱ ﺃﻣﻞ ﺍﻥ ﻧﺎﺩﻳﺔ ﺗﻜﻮﻥ ﻓﻬﻤﺘﻚ ﻏﻠﻂ ﻟﺤﺪ ﻣﺎﻭﺻﻠﺖ ﻫﻨﺎ ﻭﺷﻮﻓﺖ ﺍﻟﺸﻨﻂ ﺩﻱ ... ﻟﻠﺪﺭﺟﺔﺩﻱ ﺍﻧﺖ ﻣﺶ ﻋﺎﻣﻠﻲ ﺃﻱ ﺇﻋﺘﺒﺎﺭ ... ﻃﺐ ﻟﻤﺎ ﺍﻧﺖ ﻣﺶ ﻋﺎﻳﺰ ﺗﺘﺠﻮﺯﻫﺎ ﻭﺍﻓﻘﺘﻨﻲ ﻟﻴﻪ ? ﻣﺶ ﺍﻧﺎ ﻭﻗﺘﻬﺎ ﻗﻮﻟﺘﻠﻚ ﻟﻮ ﻣﺶ ﻣﻮﺍﻓﻖ ﻗﻮﻟﻲ ﺑﺼﺮﺍﺣﺔ ... ﻃﺐ ﻟﻤﺎ ﺍﻧﺖ ﻣﺶ ﻋﺎﻳﺰﻫﺎ ﻭﺍﺧﺪﻫﺎ ﻣﻌﺎﻙ ﺩﻟﻮﻗﺘﻲ ﻭﺭﺍﻳﺢ ﻓﻴﻦ ? ﻭﻻ ﻋﺎﻳﺰ ﺗﻤﺜﻞ ﻋﻠﻴﻬﺎ ﺍﻧﻚ ﻣﻈﻠﻮﻡ

ﻋﻠﻲ ﺑﺪﻫﺸﺔ : ﺃﻧﺎ ﻣﺶ ﻓﺎﻫﻢ ﺣﺎﺟﺔ ... ﺣﻀﺮﺗﻚ ﺑﺘﺘﻜﻠﻢ ﻋﻦ ﺇﻳﻪ ﺑﺎﻟﻈﺒﻂ ?

ﺍﺳﺮﻋﺖ ﻧﺎﺩﻳﺔ ﺗﺠﻴﺐ ﻗﺎﺋﻠﺔ : ﻃﺒﻌﺎ ﻋﺎﻳﺰ ﺗﻨﻜﺮ ﺍﻟﻠﻲ ﻋﻤﻠﺘﻪ ﻭﺗﺒﺎﻥ ﺍﺩﺍﻣﻬﺎ ﺍﻧﻚ ﺍﻟﺒﺮﺉ ﺍﻟﻤﻈﻠﻮﻡ ﺍﻟﻤﻔﺘﺮﻯ ﻋﻠﻴﻪ

ﺻﻔﻮﺕ ﺑﺤﺪﺓ : ﻣﺎﻓﻴﺶ ﺩﺍﻋﻲ ﺗﻨﻜﺮ ﺍﻟﻠﻲ ﻋﻤﻠﺘﻪ ... ﺍﻧﺖ ﻧﺎﺳﻲ ﺍﻧﻲ ﻋﺎﺭﻑ ﺍﻧﻚ ﻛﻨﺖ ﺑﺘﺤﺒﻬﺎ ﻭﻋﺎﻳﺰ ﺗﺘﺠﻮﺯﻫﺎ .... ﻧﺎﺩﻳﺔ ﺣﻜﺘﻠﻲ ﻛﻞ ﺣﺎﺟﺔ ﻋﻦ ﺍﻟﻠﻲ ﻋﻤﻠﺘﻪ ﻣﻌﺎﻫﺎ ﻓﻤﻜﺘﺒﻚ ... ﺍﻧﺖ ﻳﺎ ﻋﻠﻲ ! ﺩﻱ ﺃﺧﺮ ﺣﺎﺟﺔ ﻛﻨﺖ ﺍﺗﻮﻗﻌﻬﺎ

ﻭﺿﻌﺖ ﻧﻮﺭﺍ ﺣﻘﻴﺒﺘﻬﺎ ﻭﺗﻘﺪﻣﺖ ﻣﻨﻬﻤﺎ ﻗﺎﺋﻠﺔ ﻭﻫﻲ ﺗﻨﻈﺮ ﻧﺤﻮ ﻧﺎﺩﻳﺔ : ﻛﺪﺍﺑﺔ .

ﻧﺎﺩﻳﺔ ﺑﺤﺪﺓ : ﻫﻴﺎ ﻣﻴﻦ ﺩﻱ ﺍﻟﻠﻲ ﻛﺪﺍﺑﺔ ?

ﺍﺳﺘﻄﺮﺩﺕ ﻧﻮﺭﺍ ﻗﺎﺋﻠﺔ ﺑﺈﺳﺘﻨﻜﺎﺭ : ﺍﻧﺘﻲ ... ﺻﺤﻴﺢ ﺃﻧﺎ ﻣﺎﻋﺮﻓﺶ ﺍﻧﺘﻲ ﻗﻮﻟﺘﻲ ﺇﻳﻪ ﺑﺎﻟﻈﺒﻂ ﻟﺒﺎﺑﺎ ... ﻟﻜﻦ ﺃﻧﺎ ﻣﺘﺄﻛﺪﺓ ﺍﻧﻚ ﻛﺪﺍﺑﺔ ﻭﺣﻘﻴﺮﺓ ﻛﻤﺎﻥ

ﻧﻘﻠﺖ ﻧﺎﺩﻳﺔ ﺑﺼﺮﻫﺎ ﺑﻴﻦ ﻧﻮﺭﺍ ﻭﺑﻴﻦ ﻭﺍﻟﺪﻫﺎ ﺛﻢ ﻗﺎﻟﺖ : ﺷﺎﻳﻒ ﻳﺎ ﺑﺎﺑﺎ ... ﺷﺎﻳﻒ ﺑﺘﻘﻮﻟﻲ ﺇﻳﻪ ... ﻭﺃﻧﺎ ﺍﻟﻠﻲ ﻛﻨﺖ ﺯﻋﻼﻧﺔ ﻋﺸﺎﻧﻬﺎ ... ﻭﻛﻨﺖ ﺧﺎﻳﻔﺔ ﻟﻤﺎ ﺗﻌﺮﻑ ﺗﺘﺼﺪﻡ ﻓﺠﻮﺯﻫﺎ

ﻧﻮﺭﺍ : ﺟﻮﺯﻱ ﺃﻧﺎ ﻭﺍﺛﻘﺔ ﻓﻴﻪ ﻛﻮﻳﺲ ... ﺯﻱ ﻣﺎ ﺍﻧﺎ ﻋﺎﺭﻓﺎﻛﻲ ﻛﻮﻳﺲ ... ﻭﻋﺎﺭﻓﺔ ﺍﻧﻚ ﺇﻧﺴﺎﻧﺔ ﺣﻘﻮﺩﺓ ﻭﺃﻧﺎﻧﻴﺔ ﻭﻃﻤﺎﻋﺔ ... ﻣﺎﺑﺘﻔﻜﺮﻳﺶ ﻏﻴﺮ ﻓﻨﻔﺴﻚ ﻭﺑﺲ ... ﻋﺎﻳﺰﺓ ﻛﻞ ﺣﺎﺟﺔ ﻟﻴﻜﻲ ... ﺍﺳﺘﻜﺘﺮﺗﻲ ﻋﻠﻴﺎ ﺇﻧﻲ ﺍﻵﻗﻲ ﺇﻧﺴﺎﻥ ﻳﺤﺒﻨﻲ ﻭﺃﺣﺒﻪ ... ﻃﻤﻌﺘﻲ ﻓﻴﻪ ﻟﻨﻔﺴﻚ ... ﻃﺐ ﻣﺎﻛﺎﻥ ﻋﻨﺪﻙ ﺍﻟﻠﻲ ﺑﻴﺤﺒﻚ ﻭﺑﺘﺤﺒﻴﻪ ﻭﺍﺗﺠﻮﺯﺗﻴﻪ ﻭﺭﺑﻨﺎ ﻛﺮﻣﻚ ﻭﻛﻨﺘﻲ ﺣﺎﻣﻞ ... ﻳﻌﻨﻲ ﻛﺎﻥ ﺣﻴﺒﻘﻰ ﻋﻨﺪﻙ ﺑﻴﺖ ﻭﺯﻭﺝ ﻭﺃﻭﻻﺩ ... ﻭﺍﻧﺘﻲ ﺍﻟﻠﻲ ﺿﺤﻴﺘﻲ ﺑﻜﻞ ﺩﻩ ... ﺟﺎﻳﺔ ﺩﻟﻮﻗﺘﻲ ﺗﻄﻤﻌﻲ ﻓﺎﻟﻠﻲ ﻓﺈﻳﺪ ﻏﻴﺮﻙ ﻟﻴﻪ ?

ﻧﺎﺩﻳﺔ ﺑﺬﻫﻮﻝ : ﺷﺎﻳﻒ ﻳﺎ ﺑﺎﺑﺎ ﺑﺘﻜﻠﻤﻨﻲ ﺍﺯﺍﻱ ?

ﺍﻟﺘﻔﺖ ﺻﻔﻮﺕ ﺇﻟﻰ ﻧﻮﺭﺍ ﻗﺎﺋﻼ ﺑﻠﻬﺠﺔ ﺻﺎﺭﻣﺔ : ﺍﻧﺘﻲ ﺍﺯﺍﻱ ﺗﻜﻠﻤﻲ ﺍﺧﺘﻚ ﺍﻟﻜﺒﻴﺮﺓ ﺑﺎﻟﻄﺮﻳﻘﺔ ﺩﻱ ﺍﺩﺍﻣﻲ ﻳﺎ ﺑﻨﺖ ... ﻭﺍﺯﺍﻱ ﺗﺘﻬﻤﻴﻬﺎ ﺑﺎﻟﺸﻜﻞ ﺩﻩ ?

ﻧﻮﺭﺍ : ﺃﻧﺎ ﻣﺎﻗﻮﻟﺘﺶ ﻏﻴﺮ ﺍﻟﺤﻘﻴﻘﺔ ﺍﻟﻠﻲ ﺍﻧﺖ ﺑﺈﻳﺪﻙ ﻭﺻﻠﺘﻨﺎ ﻟﻴﻬﺎ ... ﺍﻧﺖ ﺍﻟﺴﺒﺐ ﻳﺎ ﺑﺎﺑﺎ ﻓﻜﻞ ﺩﻩ ... ﻟﻜﻦ ﺃﻧﺎ ﺧﻼﺹ ﻣﺶ ﺣﺎﺳﻜﺖ ... ﻛﻔﺎﻳﺔ ﺑﻘﻰ ﻇﻠﻢ ﻟﺤﺪ ﻛﺪﻩ ... ﺣﺎﻓﻀﻞ ﻣﺴﺘﺤﻤﻠﺔ ﻟﺤﺪ ﺍﻣﺘﻰ ... ﺃﻣﻲ ﻭﻣﺎﺗﺖ ﺑﺤﺴﺮﺗﻬﺎ ... ﺣﺎﺳﺘﻨﻰ ﻟﻤﺎ ﺃﺣﺼﻠﻬﺎ ﺍﻧﺎ ﻛﻤﺎﻥ

↚

ﺻﻔﻮﺕ ﺑﺬﻫﻮﻝ : ﻫﻴﺎ ﻭﺻﻠﺖ ﺍﻧﻚ ﺗﻘﻮﻟﻴﻠﻲ ﺍﻧﺎ ﺍﻟﻜﻼﻡ ﺩﻩ ﻳﺎ ﺑﻨﺖ

ﻧﻮﺭﺍ ﺑﺈﺻﺮﺍﺭ : ﺣﻀﺮﺗﻚ ﺍﻟﻠﻲ ﻭﺻﻠﺘﻬﺎ ﻳﺎ ﺑﺎﺑﺎ ... ﻣﺎﻓﻜﺮﺗﺶ ﺍﻧﺖ ﺃﻭ ﺍﻱ ﺃﺏ ﺑﻴﻌﻤﻞ ﺯﻳﻚ ﻛﺪﻩ ﻭﻳﻔﺮﻕ ﺑﻴﻦ ﻭﻻﺩﻩ ﺩﻩ ﻣﻤﻜﻦ ﻳﻮﺻﻠﻬﻢ ﻹﻳﻪ ... ﻣﻤﻜﻦ ﻳﺨﻠﻴﻬﻢ ﻳﺤﻘﺪﻭﺍ ﻋﻠﻰ ﺑﻌﺾ ﺍﺯﺍﻱ ﻭﻳﻜﺮﻫﻮﺍ ﺑﻌﺾ ﺍﺯﺍﻱ ... ﻃﻮﻝ ﻋﻤﺮﻙ ﺑﺘﻔﺮﻕ ﻣﺎ ﺑﻴﻨﺎ ﻓﻜﻞ ﺣﺎﺟﺔ ... ﻃﻮﻝ ﻋﻤﺮﻙ ﻣﺤﻤﻠﻨﻲ ﺍﻧﺎ ﻭﺃﻣﻲ ﺫﻧﺐ ﺟﺪﻱ ... ﻃﻮﻝ ﻋﻤﺮﻙ ﺑﺘﺘﻌﺎﻣﻞ ﻭﻛﺄﻧﻚ ﻣﺎﺧﻠﻔﺘﺶ ﻏﻴﺮ ﻧﺎﺩﻳﺔ ﻭﺑﺲ ... ﻭﺭﻏﻢ ﺍﻥ ﺍﻟﻮﺿﻊ ﺍﻟﻤﻔﺮﻭﺽ ﻳﻜﻮﻥ ﻣﻌﻜﻮﺱ ﻭﺍﻧﺎ ﺍﻟﻠﻲ ﺍﻛﻮﻥ ﺑﺎﺣﻘﺪ ﻋﻠﻴﻬﺎ ... ﻟﻜﻦ ﺍﻧﺎ ﻋﻤﺮﻱ ﻣﺎﺣﻘﺪﺕ ﻋﻠﻴﻬﺎ ﻭﻻ ﻛﺮﻫﺘﻬﺎ ... ﻫﻴﺎ ﺍﻟﻠﻲ ﻋﻠﻄﻮﻝ ﺑﺘﻜﺮﻫﻨﻲ ﻣﻦ ﻭﺍﺣﻨﺎ ﻋﻴﺎﻝ ﺻﻐﻴﺮﻳﻦ ﻭﻛﺄﻧﻲ ﻋﺪﻭﺗﻬﺎ ... ﻭﺣﺠﺘﻬﺎ ﺍﻟﺠﺎﻫﺰﺓ ﺍﻥ ﺃﻣﻲ ﻛﺎﻧﺖ ﺍﻟﺴﺒﺐ ﻓﻄﺮﺩ ﺃﻣﻬﺎ ... ﻣﻊ ﺍﻧﻬﺎ ﻣﺎﻛﺎﻧﺘﺶ ﺗﻌﺮﻑ ﺑﻮﺟﻮﺩﻫﺎ ﻣﻦ ﺃﺳﺎﺳﻪ ... ﻃﻮﻝ ﻋﻤﺮﻫﺎ ﻣﺘﻌﻮﺩﺓ ﺗﺎﺧﺪ ﻣﻨﻲ ﻛﻞ ﺣﺎﺟﺔ ... ﻭﻳﻮﻡ ﻣﺎ ﺍﺭﺗﺒﻄﺖ ﺑﺈﻧﺴﺎﻥ ﻳﺤﺒﻨﻲ ﻭﺃﺣﺒﻪ ... ﻃﻤﻌﺖ ﻓﻴﻪ ﻟﻨﻔﺴﻬﺎ ... ﻭﺍﻟﻠﻪ ﺍﻋﻠﻢ ﺍﻓﺘﺮﺕ ﻋﻠﻴﻪ ﺑﺈﻳﻪ ... ﻟﻜﻦ ﺍﻟﻠﻲ ﺍﻧﺎ ﻭﺍﺛﻘﺔ ﻣﻨﻪ ﻛﻮﻳﺲ ﺍﻧﻚ ﻛﺪﺍﺑﺔ ﻭﺧﻠﻴﻜﻲ ﻛﺪﻩ ﻣﻮﺗﻲ ﺑﻨﺎﺭﻙ ﻭﺍﻧﺎ ﻭﻫﻮ ﺍﻥ ﺷﺎﺀﺍﻟﻠﻪ ﺣﻨﻌﻴﺶ ﺳﻌﺪﺍ ﻭﻣﺒﺴﻮﻃﻲ ... ﺑﺲ ﺑﻌﺪ ﻣﺎ ﻧﺒﻌﺪ ﻋﻦ ﺍﻟﺒﻴﺖ ﺍﻟﻠﻲ ﺍﻧﺘﻮﺍ ﻓﻴﻪ ﻭﻧﻌﻴﺶ ﻓﻤﻜﺎﻥ ﺗﺎﻧﻲ ﺍﻧﻀﻒ ﻣﻦ ﻫﻨﺎ ﺑﻜﺘﻴﺮ ... ﻣﻜﺎﻥ ﻣﺎﻳﻜﻮﻧﺶ ﻓﻴﻪ ﻇﻠﻢ ﻭﻻ ﺣﻘﺪ ﻭﻻ ﺃﻧﺎﻧﻴﺔ ... ﻣﻜﺎﻥ ﻣﺎ ﺍﺗﻌﺎﻗﺒﺶ ﻓﻴﻪ ﺑﺬﻧﺐ ﺍﻧﻲ ﺑﻨﺖ ﺻﻔﻴﺔ ... ﻣﻜﺎﻥ ﻣﺎﻳﻜﻮﻧﺶ ﻓﻴﻪ ﺃﺏ ﻇﺎﻟﻢ ﺯﻳﻚ ﻛﺪﻩ ... ﺣﺴﺴﻨﻲ ﻳﺎﻟﻴﺘﻢ ﻭﻫﻮ ﻋﻠﻰ ﻭﺵ ﺍﻟﺪﻧﻴﺎ

ﺍﻗﺘﺮﺏ ﻣﻨﻬﺎ ﺻﻔﻮﺕ ﻗﺎﺋﻼ ﻭﻫﻮ ﻳﺮﻓﻊ ﻳﺪﻩ ﻟﻴﻬﻢ ﺑﺼﻔﻌﻬﺎ : ﺇﺧﺮﺳﻲ ﻳﺎ .... ﻟﻜﻦ ﻟﺴﺎﻧﻪ ﺗﻮﻗﻒ ﻓﺠﺄﺓ ﻋﻨﺪﻣﺎ ﻭﺟﺪ ﻳﺪ ﻋﻠﻲ ﺗﻤﺴﻚ ﺑﻴﺪﻩ ﻗﺎﺋﻼ : ﺃﻧﺎ ﺃﺳﻒ ﺍﻭﻱ ﻳﺎ ﻋﻤﻲ ... ﺑﺲ ﺃﻧﺎ ﻣﺎﺳﻤﺤﺶ ﻟﺤﺪ ﻳﻤﺪ ﺇﻳﺪﻩ ﻋﻠﻰ ﻣﺮﺍﺗﻲ ﺍﺩﺍﻡ ﻋﻴﻨﻲ ﺣﺘﻰ ﻟﻮ ﻛﺎﻥ ﺍﻟﺤﺪ ﺩﻩ ﻫﻮ ﺃﺑﻮﻫﺎ ... ﻭﺧﺼﻮﺻﺎ ﻛﻤﺎﻥ ﻟﻤﺎ ﺗﻜﻮﻥ ﺣﺎﻣﻞ

ﺷﻬﻘﺖ ﻧﺎﺩﻳﺔ ﻗﺎﺋﻠﺔ ﺑﻔﺰﻉ : ﺇﻳﻪ ﺣﺎﻣﻞ !

ﺻﻔﻮﺕ ﺑﺬﻫﻮﻝ ﻣﻤﺎ ﻓﻌﻠﻪ ﻋﻠﻲ : ﺍﻧﺖ ﺍﺗﺠﻨﻨﺖ ﻳﺎ ﻋﻠﻲ ?

ﻋﻠﻲ ﺑﺤﺰﻡ : ﺃﻧﺎ ﺍﺑﻘﻰ ﻣﺠﻨﻮﻥ ﻓﻌﻼ ﻟﻮ ﺍﺳﺘﻨﻴﺖ ﺍﻧﺎ ﻭﻣﺮﺍﺗﻲ ﻓﺎﻟﺒﻴﺖ ﺩﻩ ﺩﻗﻴﻘﺔ ﻭﺍﺣﺪﺓ ... ﺛﻢ ﺍﻗﺘﺮﺏ ﻣﻦ ﺍﻟﻄﺎﻭﻟﺔ ﺍﻟﻤﻮﺿﻮﻋﺔ ﺑﺒﻬﻮ ﺍﻟﻔﻴﻼ ﻭﺗﺮﻙ ﻋﻠﻴﻬﺎ ﻣﻔﺎﺗﻴﺤﻪ ﻗﺎﺋﻼ : ﺩﻱ ﻣﻔﺎﺗﻴﺢ ﺍﻟﻔﻴﻼ ﻭﻣﻜﺘﺒﻲ ﻓﺎﻟﺸﺮﻛﺔ ﻭﻣﻌﺎﻫﻢ ﻛﻤﺎﻥ ﻣﻔﺘﺎﺡ ﺍﻟﻌﺮﺑﻴﺔ ... ﺍﻧﺎ ﻣﺶ ﻧﺎﺳﻲ ﺍﻥ ﺣﻀﺮﺗﻚ ﺍﻟﻠﻲ ﻛﻨﺖ ﺟﺎﻳﺒﻬﺎﻟﻲ ﻫﺪﻳﺔ ﺗﺨﺮﺟﻲ ﻣﻦ ﺍﻟﺠﺎﻣﻌﺔ ... ﻭﻳﺎﺭﻳﺖ ﺗﻌﺘﺒﺮ ﺃﻱ ﻣﻠﻴﻢ ﺣﻀﺮﺗﻚ ﺻﺮﻓﺘﻪ ﻋﻠﻴﺎ ﺍﻧﺎ ﺍﻭ ﺣﺪ ﻣﻦ ﺇﺧﻮﺍﺗﻲ ﺩﻳﻦ ﻋﻠﻴﺎ ﺣﺎﺳﺪﺩﻫﻮﻟﻚ ﺍﻭﻝ ﻣﺎ ﺍﺷﺘﻐﻞ ... ﺍﻧﺎ ﻗﺒﻞ ﻣﺎ ﺍﻣﺸﻲ ﻋﺎﻳﺰ ﺍﻗﻮﻝ ﻟﺤﻀﺮﺗﻚ ﻛﻠﻤﺔ ﺃﺧﻴﺮﺓ ... ﻃﻮﻝ ﻣﺎﺣﻀﺮﺗﻚ ﻣﺶ ﺷﺎﻳﻒ ﻣﻦ ﺍﻟﺪﻧﻴﺎ ﻛﻠﻬﺎ ﻏﻴﺮ ﻧﺎﺩﻳﺔ ﻭﺑﺲ ﺣﺘﺨﺴﺮﻧﺎ ﻛﻠﻨﺎ ﻭﺍﺣﺪ ﻭﺭﺍ ﺍﻟﺘﺎﻧﻲ ... ﻋﻦ ﺇﺫﻧﻚ ﻳﺎ ﻋﻤﻲ ... ﺛﻢ ﺍﻗﺘﺮﺏ ﻣﻦ ﻧﻮﺭﺍ ﺍﻟﺘﻲ ﻛﺎﻧﺖ ﺗﺒﻜﻲ ﻭﺗﻨﺘﺤﺐ ﺑﺸﺪﺓ ﻣﻨﺬ ﺍﻥ ﻓﺮﻏﺖ ﻣﻦ ﺣﺪﻳﺜﻬﺎ ﻭﻗﺒﻞ ﺭﺃﺳﻬﺎ ﻗﺎﺋﻼ : ﻛﻔﺎﻳﺔ ﻛﺪﻩ ﻳﺎ ﻧﻮﺭﺍ ... ﺍﻹﻧﻔﻌﺎﻝ ﺩﻩ ﻣﺶ ﻛﻮﻳﺲ ﻋﺸﺎﻥ ﺍﻟﺒﻴﺒﻲ ... ﻳﻼ ﺑﻴﻨﺎ ﻳﺎ ﺣﺒﻴﺒﺘﻲ

ﺣﻤﻞ ﻋﻠﻲ ﻭﻧﻮﺭﺍ ﺣﻘﺎﺋﺒﻬﻢ ﻭﺍﻧﻄﻠﻘﻮﺍ ﻣﻐﺎﺩﺭﻳﻦ ﻧﺤﻮ ﻣﻨﺰﻝ ﺳﻤﻴﺔ ﺑﻴﻨﻤﺎ ﻭﻗﻒ ﺻﻔﻮﺕ ﻣﻜﺎﻧﻪ ﻣﺬﻫﻮﻻ ﻣﻤﺎ ﻗﺎﻟﺘﻪ ﻧﻮﺭﺍ ﻭﻓﻌﻠﻪ ﻋﻠﻲ ... ﻓﻴﻤﺎ ﻛﺎﻧﺖ ﻧﺎﺩﻳﺔ ﺗﺤﺪﺛﻪ ﻗﺎﺋﻠﺔ : ﺷﻮﻓﺖ ﻳﺎ ﺑﺎﺑﺎ ... ﺷﻮﻓﺖ ﻛﺎﻧﺖ ﺑﺘﻜﻠﻢ ﺣﻀﺮﺗﻚ ﺍﺯﺍﻱ ... ﻓﻴﻪ ﺑﻨﺖ ﻣﺤﺘﺮﻣﺔ ﺗﻜﻠﻢ ﺑﺎﺑﺎﻫﺎ ﺑﺎﻟﻄﺮﻳﻘﺔ ﺩﻱ ﻭﺗﻘﻮﻟﻪ ﺍﻟﻜﻼﻡ ﺍﻟﻠﻲ ﻗﺎﻟﺘﻪ ﺩﻩ ... ﺷﻮﻓﺖ ﻋﻠﻲ ﻭﺍﻟﻠﻲ ﻋﻤﻠﻪ ﻳﺎ ﺑﺎﺑﺎ ?

ﺻﻔﻮﺕ : ﻣﻌﻘﻮﻝ ﺩﻩ ﻋﻠﻲ ﺍﻟﻠﻲ ﻣﺎﻛﺎﻧﺶ ﺑﻴﻜﺴﺮﻟﻲ ﻛﻠﻤﺔ ... ﻣﻌﻘﻮﻝ ﻳﺨﺮﺝ ﻋﻦ ﻃﻮﻋﻲ ﺑﺎﻟﺸﻜﻞ ﺩﻩ ﻭﻳﻌﻤﻞ ﺍﻟﻠﻲ ﻋﻤﻠﻪ ﺩﻩ

ﻧﺎﺩﻳﺔ ﺑﺨﺒﺚ : ﺷﻮﻓﺖ ﻳﺎﺑﺎﺑﺎ ... ﻫﻴﺎ ﺍﻟﻠﻲ ﺟﺮﺃﺕ ﻋﻠﻲ ﻋﻠﻴﻚ ﻋﺸﺎﻥ ﺑﺘﻜﺮﻫﻚ ﻭﻓﺎﻛﺮﺓ ﺍﻧﻚ ﺑﺘﻔﻀﻠﻨﻲ ﻋﻠﻴﻬﺎ .

ﺻﻔﻮﺕ ﺑﺪﻫﺸﺔ : ﺍﻟﻠﻲ ﻣﺶ ﻗﺎﺩﺭ ﺍﻓﻬﻤﻪ ﻣﻨﻴﻦ ﻗﺎﻟﻚ ﺍﻟﻜﻼﻡ ﺍﻟﻠﻲ ﻗﺎﻟﻬﻮﻟﻚ ﺩﻩ ﻭﻣﻨﻴﻦ ﻣﺘﻤﺴﻚ ﺑﻴﻬﺎ ﺑﺎﻟﺸﻜﻞ ﺩﻩ ?

ﺍﺳﺮﻋﺖ ﻧﺎﺩﻳﺔ ﺗﺠﻴﺒﻪ ﻗﺎﺋﻠﺔ : ﻣﺎﻫﻮ ﻟﻤﺎ ﻟﻘﻰ ﻧﻔﺴﻪ ﺧﻼﺹ ﺣﻴﺨﺴﺮ ﻛﻞ ﺣﺎﺟﺔ ... ﻗﺎﻝ ﻳﻌﻤﻞ ﻧﻔﺴﻪ ﺑﺮﺉ ﻭﻳﻌﻤﻞ ﺍﻧﻪ ﻣﺘﻤﺴﻚ ﺑﻴﻬﺎ ﻋﺸﺎﻥ ﻫﻴﺎ ﺗﺼﺪﻗﻪ ... ﻭﻃﺎﻟﻤﺎ ﺍﻧﺎ ﺭﻓﻀﺘﻪ ﻳﺒﻘﻰ ﺧﻼﺹ ﻣﺎﺑﻘﺎﺵ ﺍﺩﺍﻣﻪ ﻏﻴﺮﻫﺎ

ﺻﻔﻮﺕ : ﺍﻧﺎ ﻟﺤﺪ ﺩﻟﻮﻗﺘﻲ ﻣﺶ ﻗﺎﺩﺭ ﺍﺻﺪﻕ ﺍﻟﻠﻲ ﻋﻤﻠﻮﻩ ﺩﻩ ..

ﺍﺳﺮﻋﺖ ﺗﺒﺚ ﺳﻤﻮﻣﻬﺎ ﻛﺄﻓﻌﻰ ﺭﻗﻄﺎﺀ ﻭﻫﻲ ﺗﻘﻮﻝ ﺑﺪﻫﺎﺀ : ﺣﻀﺮﺗﻚ ﻣﺶ ﻻﺯﻡ ﺗﺴﻜﺖ ﻳﺎ ﺑﺎﺑﺎ ... ﻻﺯﻡ ﺗﻌﺎﻗﺒﻬﻢ ﻋﻠﻰ ﺍﻟﻠﻲ ﻋﻤﻠﻮﻩ ﺩﻩ ... ﻣﻌﻘﻮﻝ ﻳﺘﺠﺮﺃﻭﺍ ﻋﻠﻰ ﺣﻀﺮﺗﻚ ﺑﺎﻟﺸﻜﻞ ﺩﻩ ﻭﻳﻤﺸﻮﺍ ﻭﻛﺄﻥ ﻣﺎﻓﻴﺶ ﺣﺎﺟﺔ ﺣﺼﻠﺖ

ﺻﻔﻮﺕ ﺑﺪﻫﺸﺔ : ﻭﺍﻧﺎ ﺣﺎﻋﺎﻗﺒﻬﻢ ﺍﺯﺍﻱ ﺑﺲ ﻳﺎ ﻧﺎﺩﻳﺔ ?

ﻧﻈﺮﺕ ﺇﻟﻰ ﺍﻟﻔﺮﺍﻍ ﺃﻣﺎﻣﻬﺎ ﻭﻗﺎﻟﺖ ﺑﺨﺒﺚ : ﺃﻧﺎ ﺑﻘﻰ ﻋﻨﺪﻱ ﺍﻟﻄﺮﻳﻘﺔ ﺍﻟﻠﻲ ﺣﺘﺨﻠﻴﻬﻢ ﻳﺮﺟﻌﻮﺍ ﺯﺍﺣﻔﻴﻦ ﻭﻳﺒﻮﺳﻮﺍ ﺇﻳﺪ ﺣﻀﺮﺗﻚ ﻋﺸﺎﻥ ﺗﺴﺎﻣﺤﻬﻢ ﻛﻤﺎﻥ ............

ﻳﺘﺒﻊ ﺍﻷﺧﻴﺮ

↚

ﺍﻧﻄﻠﻖ ﻋﻠﻲ ﻭﻧﻮﺭﺍ ﺑﺴﻴﺎﺭﺓ ﻧﻮﺭﺍ ﻧﺤﻮ ﻣﻨﺰﻝ ﺳﻤﻴﺔ ﻭﺑﻌﺪ ﻓﺘﺮﺓ ﻛﺎﻧﺎ ﻳﻄﺮﻗﺎﻥ ﺍﻟﺒﺎﺏ ﻟﺘﻔﺘﺢ ﻟﻬﻤﺎ ﻟﻤﻴﺎﺀ ﺍﻟﺘﻲ ﺳﻌﺪﺕ ﻛﺜﻴﺮﺍ ﺑﻮﺟﻮﺩﻫﻤﺎ ﻭﺭﺣﺒﺖ ﺑﻬﻤﺎ ﺭﻏﻢ ﺩﻫﺸﺘﻬﺎ ﻣﻦ ﺭﺅﻳﺔ ﺗﻠﻚ ﺍﻟﺤﻘﺎﺋﺐ ﺍﻟﺘﻲ ﻳﺤﻤﻼﻧﻬﺎ ... ﺟﺎﺀﺕ ﺳﻤﻴﺔ ﻣﻦ ﻏﺮﻓﺘﻬﺎ ﻟﺘﺮﺣﺐ ﺑﻬﻤﺎ ﺑﺪﻭﺭﻫﺎ ﺛﻢ ﻋﻠﺖ ﻭﺟﻬﻬﺎ ﻋﻼﻣﺔ ﺇﺳﺘﻔﻬﺎﻡ ﻣﻤﺰﻭﺟﺔ ﺑﺎﻟﺤﻴﺮﺓ ﻋﻨﺪﻣﺎ ﺭﺃﺕ ﺣﻘﺎﺋﺒﻬﻤﺎ ... ﻻﺣﻆ ﻋﻠﻲ ﺫﻟﻚ ﻓﺒﺎﺩﺭ ﻗﺎﺋﻼ : ﻣﺎﻣﺎ ﺍﻧﺎ ﻭﻧﻮﺭﺍ ﺟﺎﻳﻴﻦ ﻋﺸﺎﻥ ﻧﻘﻌﺪ ﻣﻌﺎﻛﻲ ﻫﻨﺎ ﻓﺎﻟﺸﻘﺔ ﻟﻔﺘﺮﺓ ﺑﺴﻴﻄﺔ ﺑﺲ ﻋﻠﻰ ﻣﺎﻧﺠﻴﺐ ﺷﻘﺔ ﻧﻌﻴﺶ ﻓﻴﻬﺎ ... ﺩﻩ ﺑﻌﺪ ﺇﺫﻥ ﺣﻀﺮﺗﻚ ﻳﻌﻨﻲ

ﺃﺟﺎﺑﺘﻪ ﺳﻤﻴﺔ ﻗﺎﺋﻠﺔ : ﺇﺫﻥ ﺇﻳﻪ ﺑﺲ ﻳﺎ ﺍﺑﻨﻲ ... ﺍﻟﺒﻴﺖ ﺑﻴﺘﻜﻮﺍ ﻃﺒﻌﺎ ... ﺑﺲ ﻳﻌﻨﻲ .... ﺍﻧﺘﻮﺍ ﺳﻴﺒﺘﻮﺍ ﺍﻟﻔﻴﻼ ﻋﻨﺪ ﻋﻤﻚ ﻟﻴﻪ ?

ﻋﻠﻲ : ﺧﻨﺎﻗﺔ ﺻﻐﻴﺮﺓ ﻛﺪﻩ ﻳﺎ ﻣﺎﻣﺎ ... ﺗﻘﺪﺭﻱ ﺗﻘﻮﻟﻲ ﺳﻮﺀ ﺗﻔﺎﻫﻢ ﻭﺣﻴﺮﻭﺡ ﻟﺤﺎﻟﻪ ﺑﺈﺫﻥ ﺍﻟﻠﻪ

ﺳﻤﻴﺔ ﺑﺪﻫﺸﺔ : ﺧﻨﺎﻗﺔ ! ﻣﻴﻦ ﺍﺗﺨﺎﻧﻖ ﻣﻊ ﻣﻴﻦ ﻳﺎ ﺍﺑﻨﻲ ?

ﻋﻠﻲ ﺑﻀﻴﻖ : ﻳﺎ ﻣﺎﻣﺎ ﺧﻨﺎﻗﺔ ﻭﺧﻼﺹ

ﺳﻤﻴﺔ ﺑﺈﺻﺮﺍﺭ : ﻳﻌﻨﻲ ﺍﻧﺖ ﺍﺗﺨﺎﻧﻘﺖ ﻣﻊ ﻋﻤﻚ ﻭﻻ ﻣﻊ ﻧﺎﺩﻳﺔ ... ﻭﻻ ﻧﻮﺭﺍ ﺍﺗﺨﺎﻧﻘﺖ ﻣﻊ ﻧﺎﺩﻳﺔ ﻭﻻ ﺇﻳﻪ ﺑﺎﻟﻈﺒﻂ ?

ﻻﺣﻈﺖ ﻧﻮﺭﺍ ﺿﻴﻖ ﻋﻠﻲ ﻣﻦ ﻛﺜﺮﺓ ﺍﻷﺳﺌﻠﺔ ﻓﺎﻗﺘﺮﺑﺖ ﻣﻦ ﺳﻤﻴﺔ ﻗﺎﺋﻠﺔ : ﺗﻌﺎﻟﻲ ﻳﺎ ﺧﺎﻟﺘﻮ ﺍﻗﻌﺪﻱ ﻭﺍﻧﺎ ﺍﻗﻮﻟﻚ ....

ﺍﻧﺼﺎﻋﺖ ﺳﻤﻴﺔ ﻟﺮﻏﺒﺘﻬﺎ ﻓﺠﻠﺴﺖ ﺛﻢ ﺟﻠﺴﺖ ﻧﻮﺭﺍ ﺇﻟﻰ ﺟﻮﺍﺭﻫﺎ ﻗﺎﺋﻠﺔ : ﺗﻘﺪﺭﻱ ﺗﻘﻮﻟﻲ ﻛﺪﻩ ﺍﻥ ﺍﻧﺎ ﺍﺧﺪﺕ ﺣﻖ ﺻﻔﻴﺔ ﻭﺣﻘﻲ ﺍﻧﺎ ﻛﻤﺎﻥ ... ﻳﻌﻨﻲ ﻃﻠﻌﺖ ﻛﻞ ﺍﻟﻠﻲ ﻓﻘﻠﺒﻲ ﻭﻗﻮﻟﺖ ﻛﻞ ﺍﻟﻠﻲ ﻛﺎﻥ ﻓﻨﻔﺴﻲ

ﺳﻤﻴﺔ ﻣﺘﻌﺠﺒﺔ : ﻫﻮ ﺍﻧﺎ ﻛﺪﻩ ﻓﻬﻤﺖ ﺣﺎﺟﺔ ﻳﺎ ﺑﻨﺘﻲ ... ﺍﺧﺪﺗﻲ ﺣﻖ ﺻﻔﻴﺔ ﻣﻦ ﻣﻴﻦ ?

ﻋﻠﻲ : ﻣﺎﻣﺎ ﻣﻤﻜﻦ ﺑﻌﺪ ﺇﺫﻧﻚ ﻧﺪﺧﻞ ﺃﻧﺎ ﻭﻧﻮﺭﺍ ﻧﺴﺘﺮﻳﺢ ﺷﻮﻳﺔ ﻭﻟﻤﺎ ﻧﻘﻮﻡ ﺣﻨﺤﻜﻴﻠﻚ ﺍﻟﻠﻲ ﻋﺎﻳﺰﺓﺗﻌﺮﻓﻴﻪ

ﺳﻤﻴﺔ : ﻣﺎﺷﻲ ﻳﺎ ﺍﺑﻨﻲ ... ﺍﻟﻠﻲ ﺗﺸﻮﻓﻪ

ﺭﺑﺘﺖ ﻧﻮﺭﺍ ﻋﻠﻰ ﻓﺨﺬﻫﺎ ﻗﺎﺋﻠﺔ : ﻣﻌﻠﺶ ﻳﺎ ﺧﺎﻟﺘﻮ ... ﺍﺣﻨﺎ ﻓﻌﻼ ﻣﺤﺘﺎﺟﻴﻴﻦ ﻧﺮﺗﺎﺡ ﺷﻮﻳﺔ ﻭﺑﻌﺪﻳﻦ ﺍﻭﻋﺪﻙ ﺍﻧﻲ ﺍﺣﻜﻴﻠﻚ ﻛﻞ ﺣﺎﺟﺔ

ﻓﻲ ﻏﺮﻓﺔ ﻋﻠﻲ ﻛﺎﻥ ﻋﻠﻲ ﻭﻧﻮﺭﺍ ﻳﺘﻨﺎﻗﺸﺎﻥ ﺑﺸﺄﻥ ﻣﺎ ﺣﺪﺙ ﻭﻋﻠﻲ ﻳﺴﺄﻝ ﻧﻮﺭﺍ ﻗﺎﺋﻼ : ﺗﻔﺘﻜﺮﻱ ﻣﻤﻜﻦ ﺗﻜﻮﻥ ﻗﺎﻟﺖ ﺇﻳﻪ ﻟﻌﻤﻲ ﻋﻨﻲ ?

ﻣﻄﺖ ﻧﻮﺭﺍ ﺷﻔﺘﻴﻬﺎ ﻗﺎﺋﻠﺔ ﺑﺤﻴﺮﺓ : ﻣﺶ ﻋﺎﺭﻓﺔ ... ﺑﺲ ﺃﻳﺎ ﻛﺎﻥ ﺍﻟﻠﻲ ﻗﺎﻟﺘﻪ .. ﺍﻧﺎ ﻣﺒﺴﻮﻃﺔ ﺍﻧﻬﺎ ﺍﺩﺗﻨﻲ ﺍﻟﻔﺮﺻﺔ ﺩﻱ ﻋﺸﺎﻥ ﺍﺧﺮﺝ ﻛﻞ ﺍﻟﻠﻲ ﻓﻘﻠﺒﻲ

ﺑﺪﺍ ﻋﻠﻴﻪ ﻋﺪﻡ ﺍﻟﺮﺿﺎ ﻭﻫﻮ ﻳﺠﻴﺒﻬﺎ ﻗﺎﺋﻼ : ﺑﻐﺾ ﺍﻟﻨﻈﺮ ﻋﻦ ﺃﻱ ﺣﺎﺟﺔ ﺃﻧﺎ ﻣﺶ ﻣﻮﺍﻓﻖ ﻋﻠﻰ ﺍﻟﻠﻲ ﺍﻧﺘﻲ ﻋﻤﻠﺘﻴﻪ ﺩﻩ ... ﻣﺎﻛﺎﻧﺶ ﻳﺼﺢ ﺗﻜﻠﻤﻲ ﻭﺍﻟﺪﻙ ﺑﺎﻟﻄﺮﻳﻘﺔ ﺩﻱ ﻳﺎ ﻧﻮﺭﺍ ﻣﻬﻤﺎ ﻋﻤﻞ .

ﻧﻮﺭﺍ ﺑﺪﻫﺸﺔ : ﻣﻌﻘﻮﻝ ﻳﺎ ﻋﻠﻲ ﺍﻧﺖ ﺍﻟﻠﻲ ﺑﺘﻘﻮﻝ ﻛﺪﻩ

ﻋﻠﻲ ﺑﺘﺼﻤﻴﻢ : ﺍﻳﻮﻩ ﺍﻧﺎ ﺍﻟﻠﻲ ﺑﺄﻗﻮﻟﻚ ﻛﺪﻩ ﻻﻥ ﻫﻮ ﺩﻩ ﺍﻟﺼﺢ

ﺍﺑﺘﺴﻤﺖ ﻗﺎﺋﻠﺔ : ﻃﺐ ﻟﻤﺎ ﻫﻮ ﻛﺪﻩ ﺩﺍﻓﻌﺖ ﻋﻨﻲ ﻟﻴﻪ ?

ﻋﻠﻲ : ﻋﺸﺎﻥ ﻛﺎﻥ ﻻﺯﻡ ﺍﻋﻤﻞ ﻛﺪﻩ ... ﺣﻘﻚ ﻋﻠﻴﺎ ﺇﻧﻲ ﺃﺣﻤﻴﻜﻲ ﻣﻦ ﺃﻱ ﺣﺪ ﻣﻬﻤﺎ ﻛﺎﻥ ... ﻻﺯﻡ ﻳﻌﺮﻓﻮﺍ ﺍﻧﻚ ﻣﺎﺑﻘﻴﺘﻴﺶ ﻟﻮﺣﺪﻙ

ﺍﻗﺘﺮﺑﺖ ﻣﻨﻪ ﻧﻮﺭﺍ ﻭﻃﺒﻌﺖ ﻗﺒﻠﺔ ﻋﻠﻰ ﻭﺟﻨﺘﻪ ﻗﺎﺋﻠﺔ : ﺭﺑﻨﺎ ﻣﺎﻳﺤﺮﻣﻨﻴﺶ ﻣﻨﻚ ... ﻣﺎﺗﺘﺼﻮﺭﺵ ﺳﻌﺎﺩﺗﻲ ﻛﺎﻧﺖ ﺍﺩ ﺇﻳﻪ ﻟﻤﺎ ﺍﻧﺖ ﻋﻤﻠﺖ ﻛﺪﻩ ... ﺑﺲ ﺍﻧﺖ ﻟﻴﻪ ﻗﻮﻟﺘﻠﻬﻢ ﻋﻠﻰ ﻣﻮﺿﻮﻉ ﺍﻟﺤﻤﻞ ﻗﺒﻞ ﻣﺎ ﻧﺘﺄﻛﺪ ﺍﻷﻭﻝ

ﻋﻠﻲ ﺑﺈﺑﺘﺴﺎﻣﺔ : ﺍﻧﺎ ﻣﺘﺄﻛﺪ ﺍﻧﻚ ﺣﺎﻣﻞ ﺍﻥ ﺷﺎﺀﺍﻟﻠﻪ ... ﻭﺑﺼﺮﺍﺣﺔ ﻛﺪﻩ ﻛﻨﺖ ﻋﺎﻳﺰ ﺃﻏﻴﻆ ﻧﺎﺩﻳﺔ ... ﺑﺄﻗﻮﻟﻚ ﺇﻳﻪ ... ﺗﻌﺎﻟﻲ ﺑﻘﻰ ﻧﻨﺎﻡ ﺩﻟﻮﻗﺘﻲ ﻭﻧﺴﺘﺮﻳﺢ ﻋﺸﺎﻥ ﻧﻘﺪﺭ ﻧﻔﻜﺮ ﻭﻧﺸﻮﻑ ﺣﻨﻌﻤﻞ ﺇﻳﻪ ﻓﺎﻟﻠﻲ ﺟﺎﻱ

ﻓﻲ ﻏﺮﻓﺔ ﻣﻜﺘﺐ ﺻﻔﻮﺕ ﺑﺎﻟﻔﻴﻼ ﻛﺎﻧﺖ ﻧﺎﺩﻳﺔ ﺗﺨﺒﺮ ﻭﺍﻟﺪﻫﺎ ﺑﺘﻔﺎﺻﻴﻞ ﺗﻠﻚ ﺍﻟﻔﻜﺮﺓ ﺍﻟﺘﻲ ﺳﺘﻌﻴﺪ ﻋﻠﻲ ﻭﻧﻮﺭﺍ ﺇﻟﻰ ﻛﻨﻔﻪ ﻣﺮﺓ ﺃﺧﺮﻯ ﻣﻌﺘﺬﺭﻳﻦ ﻋﻠﻰ ﻣﺎﺑﺪﺭ ﻣﻨﻬﻤﺎ ... ﺇﻟﻲ ﺍﻥ ﺍﻧﺘﻬﺖ ﻗﺎﺋﻠﺔ : ﺇﻳﻪ ﺭﺃﻱ ﺣﻀﺮﺗﻚ ﻓﺎﻟﻔﻜﺮﺓ ﺩﻱ

ﺃﺟﺎﺏ ﺻﻔﻮﺕ ﻗﺎﺋﻼ ﺑﺬﻫﻮﻝ : ﺇﻳﻪ ! ﺃﻛﺘﺐ ﻛﻞ ﺛﺮﻭﺗﻲ ﺑﺈﺳﻤﻚ !

ﻧﺎﺩﻳﺔ : ﺍﻳﻮﻩ ﻳﺎ ﺑﺎﺑﺎ ﻋﺸﺎﻥ ﺗﺤﺮﻣﻬﻢ ﻣﻦ ﺍﻟﻤﻴﺮﺍﺙ ﻭﺑﻜﺪﻩ ﺣﻴﻔﻜﺮﻭﺍ ﻛﻮﻳﺲ ﻭﻳﻴﺠﻮﺍ ﻳﻌﺘﺬﺭﻭﺍ ﻟﺤﻀﺮﺗﻚ ﻋﻠﻰ ﺍﻟﻠﻲ ﻋﻤﻠﻮﻩ ﻟﻤﺎ ﻳﻼﻗﻮﺍ ﻧﻔﺴﻬﻢ ﻣﺶ ﺣﻴﻄﻮﻟﻮﺍ ﻣﻠﻴﻢ ﻭﺍﺣﺪ ﻣﻦ ﺛﺮﻭﺓ ﺣﻀﺮﺗﻚ

ﻛﺎﻧﺖ ﻣﻼﻣﺤﻪ ﺗﻮﺣﻲ ﺑﻌﺪﻡ ﺍﻹﻗﺘﻨﺎﻉ ﻭﻫﻮ ﻳﺠﻴﺒﻬﺎ ﻗﺎﺋﻼ : ﺍﻳﻮﻩ ﻳﺎ ﻧﺎﺩﻳﺔ ... ﺑﺲ ﺃﻧﺎ ﻛﺪﻩ ﻣﺶ ﺑﺄﺣﺮﻡ ﻋﻠﻲ ﻭﻧﻮﺭﺍ ﺑﺲ ﻣﻦ ﺍﻟﻤﻴﺮﺍﺙ ... ﺍﻧﺘﻲ ﻧﺎﺳﻴﺔ ﺍﻥ ﻟﻴﺎ ﻭﺭﺛﺔ ﺗﺎﻧﻴﻴﻦ ﻏﻴﺮﻙ ﺍﻧﺘﻲ ﻭﻋﻠﻲ ﻭﻧﻮﺭﺍ ... ﺛﻢ ﺍﻧﺎ ﺍﺻﻼ ﻣﺶ ﻣﻮﺍﻓﻖ ﺍﻧﻲ ﺍﺣﺮﻣﻬﻢ ﻣﻦ ﺍﻟﻤﻴﺮﺍﺙ .... ﻋﺎﻳﺰﺍﻧﻲ ﺃﺧﺎﻟﻒ ﺷﺮﻉ ﺭﺑﻨﺎ

ﻛﺎﻧﺖ ﻳﺒﺪﻭ ﺍﻥ ﻧﺎﺩﻳﺔ ﻗﺪ ﺧﻄﻄﺖ ﺟﻴﺪﺍ ﻟﻤﺎ ﺗﻘﻮﻝ ﻓﺄﺟﺎﺑﺘﻪ ﺑﺜﻘﺔ : ﻳﺎ ﺣﺒﻴﺒﻲ ﻫﻮ ﺍﻧﺖ ﺣﺘﺤﺮﻣﻬﻢ ﺑﺠﺪ ﻳﻌﻨﻲ ? ﻭﻻ ﺍﻧﺎ ﻣﻤﻜﻦ ﺍﺧﺪ ﻛﻞ ﺍﻟﻤﻴﺮﺍﺙ ﻟﻨﻔﺴﻲ ... ﻳﺎﺣﺒﻴﺒﻲ ﺑﻌﺪ ﺍﻟﺸﺮ ﻋﻨﻚ ... ﺍﻧﺎ ﻣﺶ ﻋﺎﻳﺰﺓ ﻏﻴﺮ ﺍﻥ ﺭﺑﻨﺎ ﻳﺨﻠﻴﻚ ﻟﻴﺎ ﻭﺑﺲ ﻭﻣﺶ ﻋﺎﻳﺰﺓﻣﻴﺮﺍﺙ ﻭﻻ ﻏﻴﺮﻩ ... ﺍﻧﺖ ﻟﻤﺎ ﺗﻌﻤﻞ ﻛﺪﻩ ﻫﻤﺎ ﻃﺒﻌﺎ ﺣﻴﻔﻜﺮﻭﺍ ﻭﻳﺤﺴﺒﻮﻫﺎ ﻛﻮﻳﺲ ﻭﻳﻼﻗﻮﺍ ﺍﻥ ﻣﺎﻓﻴﺶ ﺍﺩﺍﻣﻬﻢ ﻏﻴﺮ ﺍﻧﻬﻢ ﻳﻴﺠﻮﺍ ﻳﻌﺘﺬﺭﻭﺍ ﻟﺤﻀﺮﺗﻚ ﻭﻳﻄﻠﺒﻮﺍ ﻣﻨﻚ ﺍﻧﻚ ﺗﺴﺎﻣﺤﻬﻢ ... ﺳﺎﻋﺘﻬﺎ ﺑﻘﻰ ﺍﻥ ﺣﺎﺭﺟﻊ ﻟﺤﻀﺮﺗﻚ ﻛﻞ ﺣﺎﺟﺔ ﻛﺘﺒﺘﻬﺎ ﺑﺈﺳﻤﻲ ﻭﻛﺄﻥ ﻣﺎﻓﻴﺶ ﺣﺎﺟﺔ ﺣﺼﻠﺖ ... ﻗﻮﻟﺖ ﺇﻳﻪ ﻳﺎ ﺑﺎﺑﺎ ﻓﺎﻟﻔﻜﺮﺓ ﺩﻱ ?

↚

ﺻﻔﻮﺕ ﺑﺸﻚ : ﻭﺗﻔﺘﻜﺮﻱ ﺍﻥ ﻋﻠﻲ ﻭﻧﻮﺭﺍ ﺍﻟﻠﻲ ﺳﺎﺑﻮﺍ ﻛﻞ ﺣﺎﺟﺔ ﺑﺈﺭﺍﺩﺗﻬﻢ ﻭﻣﺸﻴﻮﺍ ﺣﺘﻔﺮﻕ ﻣﻌﺎﻫﻢ ﺣﻜﺎﻳﺔ ﺍﻟﻤﻴﺮﺍﺙ ﺩﻱ ? ﻟﻮ ﻛﺎﻧﺖ ﺍﻟﻔﻠﻮﺱ ﺗﻔﺮﻕ ﻣﻌﺎﻫﻢ ﻣﺎﻛﺎﻧﻮﺵ ﻣﺸﻴﻮﺍ ﻭﺳﺎﺑﻮﻫﺎ ﺑﺎﻟﺴﻬﻮﻟﺔ ﺩﻱ

ﺍﺳﺮﻋﺖ ﺗﺠﻴﺒﻪ ﻋﻠﻰ ﺍﻟﻔﻮﺭ ﻗﺎﺋﻠﺔ : ﻳﺎ ﺑﺎﺑﺎ ﻣﺎﻫﻤﺎ ﻋﺎﺭﻓﻴﻦ ﺍﻧﻬﻢ ﺣﺘﻰ ﻟﻮ ﺳﺎﺑﻮﻫﺎ ﺩﻟﻮﻗﺘﻲ ﻣﺴﻴﺮﻫﻢ ﺣﻴﺎﺧﺪﻭﻫﺎ ﺑﻌﺪ ﻋﻤﺮ ﻃﻮﻳﻞ ﺑﻌﺪ ﺍﻟﺸﺮ ﻋﻠﻴﻚ ﻳﺎ ﺣﺒﻴﺒﻲ ﻳﻌﻨﻲ ... ﻳﻌﻨﻲ ﻛﺪﻩ ﻭﻻ ﻛﺪﻩ ﺭﺟﻌﺎﻟﻬﻢ ﺗﺎﻧﻲ ... ﻭﺣﻀﺮﺗﻚ ﻣﺎﺗﻨﺴﺎﺵ ﺍﻧﻬﻢ ﻫﻤﺎ ﺍﻻﺗﻨﻴﻦ ﻣﺶ ﻣﺘﻌﻮﺩﻳﻦ ﻋﻠﻰ ﺍﻟﺒﻬﺪﻟﺔ ﻳﻌﻨﻲ ﻣﺠﺮﺩ ﻗﺮﺻﺔ ﻭﺩﻥ ﺯﻱ ﺩﻱ ﺣﺘﺮﺟﻌﻬﻢ ﻟﺤﻀﺮﺗﻚ ﻋﻠﻄﻮﻝ ... ﻭﻟﻮ ﺍﻟﺤﻜﺎﻳﺔ ﺩﻯ ﻣﺎﺟﺎﺑﺘﺶ ﻧﺘﻴﺠﺔ ﻳﺒﻘﻰ ﺑﺮﺿﻪ ﻣﺎﺧﺴﺮﻧﺎﺵ ﺣﺎﺟﺔ ... ﻭﻛﻞ ﺣﺎﺟﺔ ﺣﺘﺮﺟﻊ ﺗﺎﻧﻲ ﺑﺈﺳﻢ ﺣﻀﺮﺗﻚ ﻭﻳﺒﻘﻰ ﻳﺎ ﺩﺍﺭ ﻣﺎ ﺩﺧﻠﻚ ﺷﺮ ... ﻫﺎ ﻳﺎ ﺑﺎﺑﺎ ﻗﻠﺖ ﺇﻳﻪ ? ﺣﺘﻜﻠﻢ ﺍﻟﻤﺤﺎﻣﻲ ﻳﻴﺠﻲ ﺑﻜﺮﺓ ﺍﻟﺼﺒﺢ ﺑﺪﺭﻱ ﻳﺠﻬﺰ ﺍﻟﻌﻘﻮﺩ ﻭﺑﻌﺪﻳﻦ ﻧﻄﻠﻊ ﻋﻠﻰ ﺍﻟﺸﻬﺮ ﺍﻟﻌﻘﺎﺭﻱ ﻋﺸﺎﻥ ﻧﻮﺛﻘﻬﻢ ﻭﻻ ﻷ ?

ﺻﻔﻮﺕ ﺑﺪﻫﺸﺔ : ﻳﺎﺍﺍﻩ ... ﻭﻛﻤﺎﻥ ﺣﻨﻮﺛﻘﻬﻢ ﻓﺎﻟﺸﻬﺮ ﺍﻟﻌﻘﺎﺭﻱ ... ﻳﻌﻨﻲ ﻣﺶ ﻛﻔﺎﻳﺔ ﻣﺠﺮﺩ ﻋﻘﻮﺩ ﺇﺑﺘﺪﺍﺋﻴﺔ

ﻧﺎﺩﻳﺔ : ﻳﺎ ﺣﺒﻴﺒﻲ ﻣﺎﻫﻮ ﻋﺸﺎﻥ ﻳﺘﺄﻛﺪﻭﺍ ﺍﻥ ﺍﻟﻤﻮﺿﻮﻉ ﺑﺠﺪ

ﺻﻤﺖ ﻗﻠﻴﻼ ﻟﻴﻔﻜﺮ ﺣﺘﻰ ﺍﻥ ﻧﺎﺩﻳﺔ ﺷﻌﺮﺕ ﺑﺄﻧﻪ ﻗﺪ ﻳﺮﻓﺾ ﻃﻠﺒﻬﺎ ﻭﻟﻜﻨﻪ ﻧﻄﻖ ﺍﺧﻴﺮﺍ ﻗﺎﺋﻼ : ﺍﺩﻳﻨﻲ ﻓﺮﺻﺔ ﺍﻓﻜﺮ ﻣﻦ ﻫﻨﺎ ﻟﺒﻜﺮﺓ ﺍﻟﺼﺒﺢ ﻭﻟﻮ ﻭﺍﻗﻔﺖ ﺣﺎﺗﺼﻞ ﺑﺎﻟﻤﺤﺎﻣﻲ ﻋﺸﺎﻥ ﻳﻴﺠﻲ ﺑﻜﺮﺓ ﺍﻟﺼﺒﺢ ﺍﻥ ﺷﺎﺀﺍﻟﻠﻪ ﻋﺸﺎﻥ ﻧﻜﺘﺐ ﻋﻘﻮﺩ ﺍﻟﺒﻴﻊ ﻭﺍﻟﺸﺮﺍ ... ﺍﻧﺎ ﻃﺎﻟﻊ ﺍﻭﺿﺘﻲ ﺩﻟﻮﻗﺘﻲ ﻭﺍﻟﺼﺒﺢ ﺍﻥ ﺷﺎﺀﺍﻟﻠﻪ ﺣﺎﺑﻠﻐﻚ ﺇﺫﺍ ﻛﻨﺖ ﻛﻠﻤﺖ ﺍﻟﻤﺤﺎﻣﻲ ﻭﻻ ﻷ

ﻧﺎﺩﻳﺔ ﺑﺈﺳﺘﺴﻼﻡ : ﺣﺎﺿﺮ ﻳﺎ ﺑﺎﺑﺎ ... ﺗﺼﺒﺢ ﻋﻠﻲ ﺧﻴﺮ ﻳﺎ ﺣﺒﻴﺒﻲ

ﺻﻔﻮﺕ : ﻭﺍﻧﺘﻲ ﻣﻦ ﺍﻫﻠﻪ

ﻓﻲ ﻏﺮﻓﺘﻪ ﻇﻞ ﺳﺎﻫﺮﺍ ﻳﻔﻜﺮ ... ﻻ ﻳﺴﺘﻄﻴﻊ ﻋﻘﻠﻪ ﺃﻥ ﻳﺴﺘﻮﻋﺐ ﺃﻥ ﻋﻠﻲ ﻣﻦ ﺍﻟﻤﻤﻜﻦ ﺃﻥ ﻳﻔﻌﻞ ﺫﻟﻚ ﺍﻟﺬﻱ ﺃﺧﺒﺮﺗﻪ ﺑﻪ ﻧﺎﺩﻳﺔ ... ﻓﺈﻥ ﻛﺎﻧﺖ ﻧﺎﺩﻳﺔ ﺇﺑﻨﺘﻪ ... ﻓﻌﻠﻲ ﻫﻮ ﺇﺑﻦ ﺷﻘﻴﻘﻪ ﺍﻟﺬﻱ ﺭﺑﺎﻩ ﻣﻨﺬ ﻛﺎﻥ ﻓﻲ ﺍﻟﺜﺎﻣﻨﺔ ﻣﻦ ﻋﻤﺮﻩ ﺗﻘﺮﻳﺒﺎ ﻭﻳﻌﺮﻓﻪ ﺟﻴﺪﺍ ﻛﻤﺎ ﻟﻮ ﻛﺎﻥ ﺇﺑﻨﻪ ... ﻭﻟﻜﻦ ﻣﺎ ﺍﻟﺬﻱ ﻳﻤﻜﻦ ﺍﻥ ﻳﺪﻓﻌﻬﺎ ﻟﺘﺘﻬﻤﻪ ﺑﻤﺜﻞ ﺗﻠﻚ ﺍﻟﺘﻬﻢ ? ﺗﺮﻯ ﻫﻞ ﺗﺸﻌﺮ ﺑﺎﻟﻐﻴﺮﺓ ﻣﻦ ﻧﺠﺎﺡ ﺷﻘﻴﻘﺘﻬﺎ ﻓﻲ ﺣﻴﺎﺗﻬﺎ ? ﻭﻟﻤﺎ ﻻ ... ﺃﻟﻢ ﺗﺨﺒﺮﻩ ﺫﻟﻚ ﻫﻲ ﺑﻨﻔﺴﻬﺎ ? ﺗﺮﻯ ﻫﻞ ﻃﻤﻌﺖ ﻓﻲ ﺍﻹﺭﺗﺒﺎﻁ ﺑﻌﻠﻲ ﻛﻤﺎ ﺍﺗﻬﻤﺘﻬﺎ ﻧﻮﺭﺍ ? ﻓﺈﻥ ﻛﺎﻥ ﻋﻠﻲ ﻻ ﻳﺤﺐ ﻧﻮﺭﺍ ﻛﻤﺎ ﺃﺧﺒﺮﻫﺎ ... ﻓﻤﺎ ﺍﻟﺬﻱ ﻳﺠﻌﻠﻪ ﻳﺘﻤﺴﻚ ﺑﻬﺎ ﺇﻟﻰ ﻫﺬﺍ ﺍﻟﺤﺪ ? ﻫﻞ ﻃﻔﻠﻬﻤﺎ ﺍﻟﻘﺎﺩﻡ ﻫﻮ ﺫﻟﻚ ﺍﻟﺴﺒﺐ ﺍﻟﺬﻱ ﻳﺒﺤﺚ ﻋﻨﻪ ? ﻫﻞ ﻳﺠﺮﺅ ﻋﻠﻲ ﻋﻠﻰ ﺃﻥ ﻳﻔﻌﻞ ﺫﻟﻚ ﺍﻟﺬﻱ ﺍﺗﻬﻤﺘﻪ ﺑﻪ ﻧﺎﺩﻳﺔ ﺑﺎﻟﺸﺮﻛﺔ ﻭﻓﻲ ﻭﺟﻮﺩﻩ ? ﻋﺸﺮﺍﺕ ﺍﻷﺳﺌﻠﺔ ﺗﺘﺪﺍﻋﻰ ﺇﻟﻰ ﻋﻘﻠﻪ ﺩﻭﻥ ﻭﺟﻮﺩ ﺇﺟﺎﺑﺔ ﺷﺎﻓﻴﺔ ... ﺻﺎﺭﺕ ﻛﺎﻟﻄﻮﻕ ﺍﻟﺬﻱ ﻳﻠﺘﻒ ﺣﻮﻝ ﺭﻗﺒﺘﻪ ﻟﻴﻮﺷﻚ ﻋﻠﻰ ﺍﻹﺧﺘﻨﺎﻕ ... ﻭﻟﻜﻦ ﺣﺘﻰ ﻭﺇﻥ ﻛﺎﻥ ﻋﻠﻲ ﻣﻈﻠﻮﻣﺎ ﻓﻴﻜﻔﻲ ﻣﺎ ﻓﻌﻠﻪ ﻭﻣﺎﻗﺎﻟﺘﻪ ﻧﻮﺭﺍ ﺣﺘﻰ ﻳﺴﺘﺤﻘﺎﻥ ﺍﻟﻌﻘﺎﺏ ﻣﻦ ﺍﺟﻠﻪ ... ﻓﻘﻂ ﺳﻴﻌﺎﻗﺒﻬﻤﺎ ﺛﻢ ﻳﻌﻴﺪﻫﻤﺎ ﺇﻟﻲ ﻛﻨﻔﻪ ﻟﻴﺒﺤﺚ ﺑﻌﺪﻫﺎ ﻋﻦ ﺇﺟﺎﺑﺎﺕ ﻷﺳﺌﻠﺘﻪ ... ﻭﻟﻜﻦ ﻻﺑﺪ ﻭﺃﻻ ﻳﻤﺮ ﺍﻷﻣﺮ ﺩﻭﻥ ﻋﻘﺎﺏ ﻳﺴﺘﺤﻘﺎﻧﻪ ﻣﻦ ﻭﺟﻬﺔ ﻧﻈﺮﻩ ... ﻻ ﻳﺪﺭﻱ ﺍﻟﻈﺎﻟﻢ ﺣﻘﺎ ﺃﻥ ﻟﻠﻈﻠﻢ ﻃﻌﻤﺎ ﻣﺮﺍ ﻛﺎﻟﻌﻠﻘﻢ ﻻ ﻳﻌﺮﻓﻪ ﺇﻻ ﻣﻦ ﺳﺒﻖ ﻟﻪ ﺗﺬﻭﻗﻪ ... ﻭﻟﻜﻦ ﻣﺎﺫﺍ ﻋﻨﻪ ...? ﺃﻟﻢ ﻳﻈﻠﻤﻪ ﻭﺍﻟﺪﻩ ﺣﻴﻦ ﺃﺟﺒﺮﻩ ﻋﻠﻰ ﺍﻟﺰﻭﺍﺝ ﻣﻦ ﺃﻣﺮﺃﺓ ﻻ ﻳﺮﻳﺪﻫﺎ ﻭﺣﺮﻣﻪ ﻣﻤﻦ ﻳﺤﺐ "...? ﺻﻔﻴﺔ " ... ﺗﻠﻚ ﺍﻟﻤﺮﺃﺓ ﺍﻟﺘﻲ ﺍﻗﺘﺤﻤﺖ ﺣﻴﺎﺗﻪ ﻋﻨﻮﺓ ﺩﻭﻥ ﺇﺭﺍﺩﺗﻪ ... ﻭﺧﺮﺟﺖ ﻣﻨﻬﺎ ﺩﻭﻥ ﺇﺭﺍﺩﺓ ﻣﻦ ﺃﺣﺪ ... ﻓﻘﻂ ﺇﺭﺍﺩﺓ ﺍﻟﺴﻤﻴﻊ ﺍﻟﻌﻠﻴﻢ ﺍﻥ ﺗﻤﻮﺕ ﺻﻔﻴﺔ ﻟﻴﻌﻴﺶ ﻫﻮ ﺑﺬﻧﺒﻬﺎ ﺑﻘﻴﺔ ﺣﻴﺎﺗﻪ ... ﻳﺘﺬﻛﺮ ﺫﻧﺒﻪ ﻭﺗﻌﺬﺑﻪ ﺑﻘﺎﻳﺎ ﺿﻤﻴﺮ ﺗﺄﺑﻰ ﺃﻥ ﺗﻤﻮﺕ ﻭﺗﻨﺪﺛﺮ ﻛﻠﻤﺎ ﺭﺃﻯ ﻧﻮﺭﺍ ﻭﻣﻼﻣﺤﻬﺎ ﺍﻟﺘﻲ ﺗﺸﺒﻪ ﺻﻔﻴﺔ ﺇﻟﻰ ﺣﺪ ﻏﻴﺮ ﻣﻌﻘﻮﻝ ... ﻻ ﻫﻮ ﻟﻢ ﻳﻈﻠﻢ ﺻﻔﻴﺔ ﺑﻞ ﻫﻲ ﻣﻦ ﻇﻠﻤﺖ ﻧﻔﺴﻬﺎ ﺣﻴﻦ ﺃﺻﺮﺕ ﻋﻠﻰ ﺍﻹﺭﺗﺒﺎﻁ ﺑﺮﺟﻞ ﺃﺧﺒﺮﻫﺎ ﻣﻦ ﻗﺒﻞ ﺯﻭﺍﺟﻪ ﻣﻨﻬﺎ ﺃﻧﻪ ﻻ ﻳﺮﻳﺪﻫﺎ ﻭﻟﻜﻨﻬﺎ ﺻﻤﻤﺖ ﻋﻠﻰ ﺍﻹﺭﺗﺒﺎﻁ ﺑﻪ ﺃﻣﻼ ﻓﻲ ﺃﻥ ﺗﺠﻌﻠﻪ ﻳﺤﺒﻬﺎ ﻓﻴﻤﺎ ﺑﻌﺪ ... ﻫﻲ ﻣﻦ ﺃﻫﺎﻧﺖ ﻛﺮﺍﻣﺘﻬﺎ ﻓﻜﻴﻒ ﻟﻪ ﺃﻥ ﻳﺤﻔﻈﻬﺎ ﻫﻮ .. . ﻧﻌﻢ ﺑﺎﻟﺘﺄﻛﻴﺪ ﺻﻔﻴﺔ ﻫﻲ ﻣﻦ ﻇﻠﻤﺖ ﻧﻔﺴﻬﺎ ﻭﻟﻴﺲ ﻫﻮ ﻣﻦ ﻇﻠﻤﻬﺎ ﻭﻇﻠﻢ ﺍﺑﻨﺘﻪ ﻣﻦ ﺑﻌﺪﻫﺎ ﻛﻤﺎ ﺗﺪﻋﻲ ... ﻫﻜﺬﺍ ﺍﺧﺒﺮﻩ ﻋﻘﻠﻪ ... ﻟﺬﻟﻚ ﻻﺑﺪ ﻟﻬﺎ ﻣﻦ ﻋﻘﺎﺏ ﻳﺨﺒﺮﻫﺎ ﺑﺄﻧﻬﺎ ﺗﺠﺮﺃﺕ ﺣﻴﻦ ﺫﻛﺮﺗﻪ ﺑﺬﻧﺒﻪ ﺗﺠﺎﻩ ﺻﻔﻴﺔ ...

ﻓﻲ ﺍﻟﻴﻮﻡ ﺍﻟﺘﺎﻟﻲ ﻛﺎﻥ ﺻﻔﻮﺕ ﻭﻧﺎﺩﻳﻪ ﻋﺎﺋﺪﻳﻦ ﻣﻌﺎ ﺩﺍﺧﻞ ﺳﻴﺎﺭﺓ ﺻﻔﻮﺕ ﻣﻦ ﺍﻟﺸﻬﺮ ﺍﻟﻌﻘﺎﺭﻱ ﺑﻌﺪ ﺃﻥ ﻗﺎﻡ ﺑﻌﻤﻠﻴﺔ ﺑﻴﻊ ﻭﺷﺮﺍﺀ ﻟﺠﻤﻴﻊ ﻣﻤﺘﻠﻜﺎﺗﻪ ﻹﺑﻨﺘﻪ ﻧﺎﺩﻳﺔ ﺍﻟﺘﻲ ﻛﺎﻧﺖ ﺗﻘﻮﺩ ﺍﻟﺴﻴﺎﺭﺓ ﻭﺍﻟﺴﻌﺎﺩﺓ ﻣﺮﺗﺴﻤﺔ ﻋﻠﻰ ﻭﺟﻬﻬﺎ ﺑﻮﺿﻮﺡ ﻓﻴﻤﺎ ﻛﺎﻥ ﺻﻔﻮﺕ ﻳﺤﺪﺛﻬﺎ ﻗﺎﺋﻼ : ﺍﻋﻤﻠﻲ ﺣﺴﺎﺑﻚ ﻟﻮ ﻣﺎﺣﺼﻠﺶ ﻓﺨﻼﻝ ﺃﺳﺒﻮﻋﻴﻦ ﻭﻋﻠﻲ ﻭﻧﻮﺭﺍ ﺭﺟﻌﻮﺍ ﻳﻌﺘﺬﺭﻭﻟﻲ ﻋﻦ ﺍﻟﻠﻲ ﻋﻤﻠﻮﻩ ... ﺍﻧﺎ ﻃﺒﻌﺎ ﺣﺎﺭﺟﻊ ﻛﻞ ﺣﺎﺟﺔ ﻷﺻﻠﻬﺎ ﺯﻱ ﻣﺎ ﻛﺎﻧﺖ ﻭﻟﻮ ﺣﺼﻠﻲ ﺣﺎﺟﺔ ﺃﻧﺎ ﻭﺻﻴﺘﻲ ﻟﻴﻜﻲ ﺍﻧﻚ ﺗﺪﻱ ﻟﻜﻞ ﻭﺍﺣﺪ ﺣﻘﻪ ﻭﻗﺘﻬﺎ ﺣﺴﺐ ﺷﺮﻉ ﺭﺑﻨﺎ ... ﻓﻬﻤﺎﻧﻲ ﻳﺎ ﻧﺎﺩﻳﺔ

ﻧﺎﺩﻳﺔ : ﻃﺒﻌﺎ ﻃﺒﻌﺎ ﻳﺎ ﺑﺎﺑﺎ ﻫﻴﺎ ﺩﻱ ﻋﺎﻳﺰﺓ ﻛﻼﻡ ... ﻭﺑﻌﺪﻳﻦ ﺭﺑﻨﺎ ﻳﻄﻮﻟﻲ ﻓﻌﻤﺮﻙ

ﺻﻔﻮﺕ : ﺍﺗﻤﻨﻰ ﺍﻧﻬﻢ ﻳﻔﻜﺮﻭﺍ ﻛﻮﻳﺲ ﻭﻳﺮﺟﻌﻮﺍ ﻟﻌﻘﻠﻬﻢ ﻹﻧﻲ ﺑﺼﺮﺍﺣﺔ ﻧﻔﺴﻲ ﺍﻭﻱ ﺣﻔﻴﺪﻱ ﻳﻜﺒﺮ ﺍﺩﺍﻡ ﻋﻨﻴﺎ ﻓﺎﻟﻔﻴﻼ ﻭﺃﺷﻴﻠﻪ ﻭﺍﻓﺮﺡ ﺑﻴﻪ ... ﻟﻜﻦ ﻃﺒﻌﺎ ﻣﺎﻛﺎﻧﺶ ﻳﻨﻔﻊ ﺑﻌﺪ ﺍﻟﻠﻲ ﻋﻤﻠﻮﻩ ﺇﻧﻲ ﺍﺗﺤﺎﻳﻞ ﻋﻠﻴﻬﻢ ﺍﻭ ﺣﺘﻰ ﺍﺭﻭﺡ ﺃﺻﺎﻟﺤﻬﻢ ﻭﺍﺭﺟﻌﻬﻢ ﻭﻫﻤﺎ ﺍﻟﻠﻲ ﻏﻠﻄﺎﻧﻴﻴﻦ ... ﻋﺸﺎﻥ ﻛﺪﻩ ﻛﺎﻥ ﻻﺯﻡ ﻗﺮﺻﺔ ﺍﻟﻮﺩﻥ ﺩﻱ

ﻟﻢ ﺗﻜﻦ ﻧﺎﺩﻳﺔ ﺗﺴﺘﻤﻊ ﺇﻟﻰ ﺣﺪﻳﺚ ﻭﺍﻟﺪﻫﺎ ﺣﻴﺚ ﻛﺎﻧﺖ ﺷﺎﺭﺩﺓ ﺗﻔﻜﺮ ... ﻓﻘﺪ ﻛﺎﻥ ﺟﻞ ﻣﺎﻳﺸﻐﻠﻬﺎ ﻫﻮ ﺍﻧﻬﺎ ﺍﻷﻥ ﺗﺴﺘﻄﻴﻊ ﻣﺴﺎﻭﻣﺔ ﻋﻠﻲ ﺑﻌﺪ ﺍﻥ ﺍﺻﺒﺢ ﻛﻞ ﺷﺊ ﻓﻲ ﻗﺒﻀﺘﻬﺎ ... ﻋﻠﻰ ﺍﻟﺘﺨﻠﺺ ﻣﻦ ﻧﻮﺭﺍ ﻭﺍﻟﺰﻭﺍﺝ ﻣﻨﻬﺎ ﻟﻴﺼﺒﺢ ﻛﻞ ﺫﻟﻚ ﻣﻠﻚ ﻳﺪﻳﻪ ... ﻭﺇﻣﺎ ﺍﻥ ﻳﺼﺮ ﻋﻠﻰ ﺭﺃﻳﻪ ﻓﻴﻜﻮﻥ ﻫﻮ ﺍﻟﺨﺎﺳﺮﺑﻜﻞ ﺗﺄﻛﻴﺪ ... ﻟﻢ ﻳﻜﻦ ﺻﻔﻮﺕ ﺑﺄﻓﻀﻞ ﺣﺎﻝ ﻣﻨﻬﺎ ﻓﻘﺪ ﺷﺮﺩ ﻫﻮ ﺍﻷﺧﺮ ﻳﻔﻜﺮ ﻓﻲ ﻣﺪﻯ ﺻﺤﺔ ﻣﺎ ﺃﻗﺪﻡ ﻋﻠﻴﻪ ﻭﻫﻞ ﻳﺆﺛﺮ ﺣﻘﺎ ﻣﻊ ﻋﻠﻲ ﻭﻧﻮﺭﺍ ... ﻭﺃﺛﻨﺎﺀ ﺷﺮﻭﺩﻫﻤﺎ ﻟﻢ ﻳﻼﺣﻆ ﺃﻱ ﻣﻨﻬﻤﺎ ﺗﻠﻚ ﺍﻟﺴﻴﺎﺭﺓ ﺍﻟﺘﻲ ﺟﺎﺀﺕ ﻣﺴﺮﻋﺔ ﻓﻲ ﺍﻹﺗﺠﺎﻩ ﺍﻟﻤﻌﺎﻛﺲ ﻟﻴﺴﺘﻔﻴﻖ ﺻﻔﻮﺕ ﻣﺘﺄﺧﺮﺍ ﻓﻴﺼﺮﺥ ﺑﻬﺎ ﻗﺎﺋﻼ : ﻧﺎﺩﻳﺔ ... ﺣﺎﺳﺒﻲ ﻳﺎ ﻧﺎﺩﻳﺔ ... ﻧﺎﺩﻳﺔ ........

↚

ﺑﻌﺪ ﺃﻥ ﻋﺎﺩﺍ ﻣﻌﺎ ﻣﻦ ﺃﺣﺪ ﻣﻌﺎﻣﻞ ﺍﻟﺘﺤﺎﻟﻴﻞ ﺍﻟﻄﺒﻴﺔ ﺃﺧﺒﺮ ﻛﻞ ﻣﻦ ﻋﻠﻲ ﻭﻧﻮﺭﺍ ﺳﻤﻴﺔ ﺑﺨﺒﺮ ﺍﻟﺤﻤﻞ ﺍﻟﺬﻱ ﺳﻌﺪﺕ ﺑﻪ ﺳﻤﻴﺔ ﻛﺜﻴﺮﺍ ﻭﻛﺬﻟﻚ ﻟﻤﻴﺎﺀ ... ﺛﻢ ﺍﺗﺠﻬﺎ ﻣﻌﺎ ﺇﻟﻰ ﻏﺮﻓﺘﻬﻤﺎ ... ﻻﺣﻈﺖ ﻧﻮﺭﺍ ﺫﻟﻚ ﺍﻟﺸﺮﻭﺩ ﺍﻟﺬﻱ ﻳﺒﺪﻭ ﻋﻠﻴﻪ ﻋﻠﻲ ﻓﺎﻗﺘﺮﺑﺖ ﻣﻨﻪ ﻭﺟﻠﺴﺖ ﺇﻟﻰ ﺟﻮﺍﺭﻩ ﻭﻫﻲ ﺗﻘﻮﻝ ﻓﻲ ﺣﻨﻮ : ﻣﺎﻟﻚ ﻳﺎ ﻋﻠﻲ ? ﻫﻮ ﺍﻧﺖ ﻣﺶ ﻓﺮﺣﺎﻥ ﻭﻻ ﺇﻳﻪ ?

ﻧﻈﺮ ﺇﻟﻴﻬﺎ ﻋﻠﻲ ﻗﺎﺋﻼ ﺑﺪﻫﺸﺔ : ﻟﻴﻪ ﺑﺘﻘﻮﻟﻲ ﻛﺪﻩ ﻳﺎ ﻧﻮﺭﺍ ?

ﻧﻮﺭﺍ ﺑﺠﺪﻳﺔ : ﻳﻌﻨﻲ ... ﻣﻦ ﺳﺎﻋﺔ ﻣﺎ ﺧﺮﺟﻨﺎ ﻣﻦ ﺍﻟﻤﻌﻤﻞ ﻭﺍﻧﺖ ﺳﺎﻛﺖ ﻛﺪﻩ ﻭﺷﻜﻠﻚ ﺯﻱ ﻣﺎﺗﻜﻮﻥ ﻣﻀﺎﻳﻖ

ﺍﻣﺴﻚ ﻋﻠﻲ ﺑﻴﺪﻫﺎ ﻭﻭﺿﻌﻬﺎ ﺑﻴﻦ ﺭﺍﺣﺘﻴﻪ ﻗﺎﺋﻼ : ﺍﻭﻋﻲ ﺗﻘﻮﻟﻲ ﻛﺪﻩ ﻣﺮﺓ ﺗﺎﻧﻴﺔ ... ﺍﻧﺎ ﻃﺒﻌﺎ ﻓﺮﺣﺎﻥ ﻭﻓﺮﺣﺎﻥ ﺍﻭﻱ ﻛﻤﺎﻥ ... ﺑﺲ ﻛﻞ ﺍﻟﺤﻜﺎﻳﺔ ﺍﻥ ﺩﻟﻮﻗﺘﻲ ﺑﻘﻰ ﻓﻴﻪ ﻓﺮﺩ ﺭﺍﺑﻊ ﻣﺴﺌﻮﻝ ﻣﻨﻲ ﻏﻴﺮﻙ ﺍﻧﺘﻲ ﻭﻣﺎﻣﺎ ﻭﻟﻤﻴﺎ ... ﻋﺸﺎﻥ ﻛﺪﻩ ﻻﺯﻡ ﺍﺑﺘﺪﻱ ﻣﻦ ﺑﻜﺮﺓ ﺍﺩﻭﺭ ﻋﻠﻰ ﺷﻐﻞ ﺑﺸﻜﻞ ﺟﺪﻱ ﺷﻮﻳﺔ ...

ﻧﻮﺭﺍ : ﻋﻠﻲ ﻣﺶ ﺃﻧﺎ ﻗﻮﻟﺘﻠﻚ ﻗﺒﻞ ﻛﺪﻩ ﺍﻥ ﺍﻟﻔﻠﻮﺱ ﺍﻟﻤﻮﺟﻮﺩﺓ ﻓﺎﻟﺒﻨﻚ ﺩﻱ ﻣﻤﻜﻦ ﺗﺎﺧﺪﻫﺎ ﻭﺗﻔﺘﺢ ﺑﻴﻬﺎ ﻣﻜﺘﺐ ﺩﻳﻜﻮﺭ ﻭﺗﺒﺘﺪﻱ ﺍﻟﺸﻐﻞ ﻋﺎﺩﻱ ... ﻟﻴﻪ ﺑﻘﻰ ﻋﺎﻣﻞ ﺃﺯﻣﺔ ﻛﺪﻩ ?

ﻋﻠﻲ ﺑﺈﺻﺮﺍﺭ : ﻭﺍﻧﺎ ﺳﺒﻖ ﻭﻗﻮﻟﺘﻠﻚ ﺍﻥ ﺩﻱ ﻓﻠﻮﺳﻚ ﻭﺃﻧﺘﻲ ﺣﺮﺓ ﻓﻴﻬﺎ ﻟﻜﻦ ﺍﻧﺎ ﻣﺶ ﺣﺎﻗﺪﺭ ﺍﺧﺪﻫﺎ

ﻧﻮﺭﺍ : ﻳﺎ ﺳﻴﺪﻱ ﺍﻋﺘﺒﺮﻫﻢ ﺳﻠﻒ ﻭﺗﻘﺪﺭ ﺗﺮﺩﻫﻢ ﻟﻤﺎ ﺍﻟﻤﻜﺘﺐ ﻳﻘﻒ ﻋﻠﻰ ﺭﺟﻠﻴﻪ ﻭﻳﺸﺘﻐﻞ ... ﻫﺎ ﻳﺎ ﻋﻠﻲ ﻗﻮﻟﺖ ﺇﻳﻪ ? ﻋﺸﺎﻥ ﺧﺎﻃﺮﻱ ﺑﻘﻰ ﻭﺍﻓﻖ ﺍﻧﺎ ﻣﺶ ﻋﺎﻳﺰﺓ ﺃﺷﻮﻓﻚ ﻣﻬﻤﻮﻡ ﻛﺪﻩ

ﻋﻠﻲ : ﺧﻼﺹ ﻳﺎ ﻧﻮﺭﺍ ... ﺍﻭﻋﺪﻙ ﺇﻧﻲ ﺍﻓﻜﺮ ﻓﺎﻟﻤﻮﺿﻮﻉ ﺩﻩ

ﺍﺑﺘﺴﻤﺖ ﻗﺎﺋﻠﺔ : ﺍﻳﻮﻩ ﻛﺪﻩ ﺭﻳﺤﺘﻨﻲ .... ﺑﺎﻗﻮﻟﻚ ﺇﻳﻪ ... ﺗﺸﺮﺏ ﻣﻌﺎﻳﺎ ﻧﺴﻜﺎﻓﻴﻪ ?

ﻋﻠﻲ : ﻫﻮ ﺍﻧﺎ ﻣﻮﺍﻓﻖ ﺃﺷﺮﺏ ﻧﺴﻜﺎﻓﻴﻪ ﺑﺲ ﻣﻌﺎﻛﻲ ﺩﻱ ﻫﻴﺎ ﺍﻟﻠﻲ ﻣﺶ ﻣﻮﺍﻓﻖ ﻋﻠﻴﻬﺎ

ﻧﻮﺭﺍ ﺑﺪﻫﺸﺔ : ﺍﺷﻤﻌﻨﺎ ﻳﻌﻨﻲ ?

ﻋﻠﻲ : ﻻﻥ ﺳﻴﺎﺩﺗﻚ ﻣﺶ ﺣﺘﺸﺮﺑﻲ ﻧﺴﻜﺎﻓﻴﻪ ﺗﺎﻧﻲ ﻣﻦ ﻫﻨﺎ ﻭﺭﺍﻳﺢ ... ﺍﺗﻔﻀﻠﻲ ﺑﻘﻰ ﻫﺎﺗﻴﻠﻲ ﺍﻟﻨﺴﻜﺎﻓﻴﻪ ﻭﺗﺠﻴﺒﻲ ﻟﻨﻔﺴﻚ ﻛﻮﺑﺎﻳﺔ ﻟﺒﻦ ... ﻣﺎﺷﻲ

ﻧﻮﺭﺍ ﺑﺘﻮﺳﻞ : ﻟﻴﻪ ﺑﺲ ﻛﺪﻩ ﻳﺎ ﻋﻠﻲ ... ﻫﻮ ﺃﻧﺎ ﻋﻤﻠﺖ ﻓﻴﻚ ﺣﺎﺟﺔ ﻻﺳﻤﺢ ﺍﻟﻠﻪ ... ﻋﺎﻳﺰ ﺗﺸﺮﺑﻨﻲ ﻟﺒﻦ

ﺩﻓﻌﻬﺎ ﻋﻠﻲ ﺑﺮﻓﻖ ﻧﺤﻮ ﺍﻟﺒﺎﺏ ﻗﺎﺋﻼ : ﺍﺗﻔﻀﻠﻲ ﺭﻭﺣﻲ ﻳﻼ ﻫﺎﺗﻲ ﺍﻟﻠﺒﻦ ﻭﺗﻌﺎﻟﻲ ﻋﺸﺎﻥ ﺗﺸﺮﺑﻴﻪ ﺍﺩﺍﻣﻲ

ﻧﻮﺭﺍ ﺑﺈﺳﺘﺴﻼﻡ : ﺃﻣﺮﻱ ﻟﻠﻪ .

ﻏﺎﺩﺭﺕ ﻧﻮﺭﺍ ﺍﻟﻐﺮﻓﺔ ﺛﻢ ﻋﺎﺩﺕ ﺑﻌﺪ ﻗﻠﻴﻞ ﻭﻫﻲ ﺗﺤﻤﻞ ﻓﻲ ﻳﺪﻫﺎ ﻛﻮﺑﻴﻦ ﻭﻟﻜﻨﻬﺎ ﻓﻮﺟﺌﺖ ﺑﻌﻠﻲ ﻳﻘﻒ ﻣﺘﺠﻤﺪﺍ ﻓﻲ ﻣﻜﺎﻧﻪ ﻭﻛﺄﻧﻪ ﺗﻤﺜﺎﻝ ﻣﺼﻨﻮﻉ ﻣﻦ ﺍﻟﺸﻤﻊ ﻻﺣﻴﺎﺓ ﻓﻴﻪ ﻭﻗﺪ ﺳﻘﻂ ﻫﺎﺗﻔﻪ ﻣﻦ ﻳﺪﻩ ﻋﻠﻰ ﺍﻟﻔﺮﺍﺵ ... ﻓﺰﻋﺖ ﻧﻮﺭﺍ ﻟﺮﺅﻳﺘﻪ ﻋﻠﻰ ﻫﺬﻩ ﺍﻟﺤﺎﻟﺔ ﻓﻮﺿﻌﺖ ﻣﺎﻛﺎﻧﺖ ﺗﺤﻤﻠﻪ ﻭﺍﻗﺘﺮﺑﺖ ﻣﻨﻪ ﻗﺎﺋﻠﺔ ﺑﺠﺰﻉ : ﻋﻠﻲ ﻣﺎﻟﻚ ﻳﺎﻋﻠﻲ ﻓﻴﻚ ﺇﻳﻪ ?

ﺃﺟﺎﺑﻬﺎ ﻋﻠﻲ ﻭﻫﻮ ﻻﻳﺰﺍﻝ ﻋﻠﻰ ﺗﻠﻚ ﺍﻟﺤﺎﻟﺔ ﻣﻦ ﺍﻟﺠﻤﻮﺩ : ﻋﻤﻲ ﻭﻧﺎﺩﻳﺔ ﻋﻤﻠﻮﺍ ﺣﺎﺩﺛﺔ ﺑﺎﻟﻌﺮﺑﻴﺔ ﻭﺍﻟﻤﺴﺘﺸﻔﻰ ﺍﻟﻠﻲ ﻫﻤﺎ ﻓﻴﻬﺎ ﻟﺴﻪ ﻣﻜﻠﻤﺎﻧﻲ ﺩﻟﻮﻗﺘﻲ

ﺷﻬﻘﺖ ﻧﻮﺭﺍ ﺛﻢ ﻗﺎﻟﺖ ﺑﻔﺰﻉ : ﺑﺎﺑﺎ ﻭﻧﺎﺩﻳﺔ !

****************************

ﺃﻣﺎﻡ ﺍﻟﻐﺮﻓﺔ ﺍﻟﺘﻲ ﻳﺮﻗﺪ ﺑﻬﺎ ﺻﻔﻮﺕ ﺑﺎﻟﻤﺸﻔﻰ ﺍﻟﺬﻱ ﺗﻢ ﻧﻘﻠﻪ ﺇﻟﻴﻪ ﻫﻮ ﻭﻧﺎﺩﻳﺔ ﻛﺎﻥ ﻋﻠﻲ ﻭﻧﻮﺭﺍ ﻳﺘﺤﺪﺛﺎﻥ ﻣﻊ ﺍﻟﻄﺒﻴﺐ ﺍﻟﺬﻱ ﻛﺎﻥ ﻳﻘﻮﻝ : ﺍﻟﻤﺪﺍﻡ ﺍﻟﻠﻲ ﻛﺎﻧﺖ ﻣﻌﺎﻩ ﺗﻮﻓﺖ ﻗﺒﻞ ﻭﺻﻮﻟﻬﺎ ﺍﻟﻤﺴﺘﺸﻔﻰ ﻷﻥ ﺗﻘﺮﻳﺒﺎ ﺍﻟﺤﺎﺩﺛﺔ ﺣﺼﻠﺖ ﻓﺎﻟﻨﺎﺣﻴﺔ ﺍﻟﻠﻲ ﻛﺎﻧﺖ ﻫﻴﺎ ﻣﻮﺟﻮﺩﺓ ﻓﻴﻬﺎ ... ﺍﻣﺎ ﻫﻮ ﻓﻠﻸﺳﻒ ﺣﺎﻟﺘﻪ ﺻﻌﺒﺔ ﺟﺪﺍ ... ﺍﺣﻨﺎ ﺍﺗﺼﻠﻨﺎ ﺑﺤﻀﺮﺗﻚ ﺑﻨﺎﺀ ﻋﻠﻰ ﻃﻠﺒﻪ ﻹﻧﻪ ﻛﺎﻥ ﻋﻤﺎﻝ ﻳﻨﺎﺩﻱ ﻋﻠﻰ ﺷﺨﺺ ﺇﺳﻤﻪ ﻋﻠﻲ ﻭﻟﻤﺎ ﺑﺤﺜﻨﺎ ﻓﺘﻠﻴﻔﻮﻧﻪ ﻭﺗﻮﺻﻠﻨﺎ ﻟﻨﻤﺮﺓ ﺣﻀﺮﺗﻚ ﺍﺗﺼﻠﻨﺎ ﺑﻴﻚ ﻋﻠﻄﻮﻝ ﻹﻧﻪ ﻣﺼﻤﻢ ﻳﺸﻮﻓﻚ ﺩﻟﻮﻗﺘﻲ ... ﺣﻀﺮﺗﻚ ﺗﻘﺪﺭ ﺗﺪﺧﻠﻪ ﺑﺲ ﺃﺭﺟﻮﻙ ﺑﻼﺵ ﺗﺘﻌﺒﻪ ... ﻋﻦ ﺇﺫﻧﻜﻮﺍ

↚

ﻛﺎﻧﺖ ﻧﻮﺭﺍ ﺗﺒﺪﻭ ﻓﻲ ﺣﺎﻟﺔ ﺇﻧﻬﻴﺎﺭ ﻭﻫﻲ ﺗﺴﺘﻤﻊ ﺇﻟﻰ ﻛﻼﻡ ﺍﻟﻄﺒﻴﺐ ﻭﺗﺘﻤﺘﻢ ﻗﺎﺋﻠﺔ : ﻳﺎﺣﺒﻴﺒﻲ ﻳﺎ ﺑﺎﺑﺎ ... ﻭﻋﻠﻲ ﻳﺤﺘﻮﻳﻬﺎ ﺑﺬﺭﺍﻋﻪ ﻣﺤﺎﻭﻻ ﺗﻬﺌﺘﻬﺎ ﻗﺎﺋﻼ : ﻧﻮﺭﺍ ﺇﻫﺪﻱ ﺷﻮﻳﺔ ﻋﺸﺎﻥ ﺧﺎﻃﺮﻱ ﻳﺎ ﺣﺒﻴﺒﺘﻲ ﻭﻋﺸﺎﻥ ﺧﺎﻃﺮ ﺍﺑﻨﻨﺎ

ﻧﻮﺭﺍ ﻭﻫﻲ ﺗﺪﻓﻦ ﺭﺃﺳﻬﺎ ﻓﻲ ﺻﺪﺭﻩ : ﺩﻩ ﺑﺎﺑﺎ ﻳﺎ ﻋﻠﻲ ... ﻳﺎﺭﻳﺘﻨﻲ ﻣﺎﻗﻮﻟﺘﻠﻪ ﺣﺎﺟﺔ ... ﻳﺎﺭﻳﺘﻨﻲ ﻣﺎﺯﻋﻠﺘﻪ ﻣﻨﻲ

ﻋﻠﻲ : ﻧﻮﺭﺍ ﻟﻮ ﺣﺘﻔﻀﻠﻲ ﻋﻠﻰ ﺍﻟﺤﺎﻟﺔ ﺩﻱ ﻳﺒﻘﻰ ﺑﻼﺵ ﺗﺪﺧﻠﻲ ﻣﻌﺎﻳﺎ ﺍﺣﺴﻦ

ﻧﻮﺭﺍ ﻭﻫﻲ ﺗﺠﻔﻒ ﺩﻣﻮﻋﻬﺎ : ﺧﻼﺹ ﻳﺎ ﻋﻠﻲ ﺍﻧﺎ ﺣﺎﺳﻜﺖ ﺧﺎﻟﺺ ﺑﺲ ﻋﺸﺎﻥ ﺧﺎﻃﺮﻱ ﻻﺯﻡ ﺃﺷﻮﻓﻪ ....

ﺩﻟﻒ ﻋﻠﻲ ﻭﻧﻮﺭﺍ ﺇﻟﻰ ﺩﺍﺧﻞ ﺍﻟﻐﺮﻓﺔ ﻭﺍﻗﺘﺮﺑﺎ ﻣﻦ ﺣﻴﺚ ﻳﺮﻗﺪ ﺻﻔﻮﺕ ﻟﻴﺘﺤﺪﺙ ﻋﻠﻲ ﻗﺎﺋﻼ ﻭﻫﻮ ﻳﺤﺎﻭﻝ ﻣﻨﻊ ﺩﻣﻮﻋﻪ ﻣﻦ ﺍﻟﻬﻄﻮﻝ ﺇﺛﺮ ﺭﺅﻳﺘﻪ ﻟﺤﺎﻟﺔ ﻋﻤﻪ : ﺃﻟﻒ ﺳﻼﻣﺔ ﻋﻠﻰ ﺣﻀﺮﺗﻚ ﻳﺎ ﻋﻤﻲ

ﻧﻈﺮ ﺻﻔﻮﺕ ﺇﻟﻰ ﻧﻮﺭﺍ ﻟﻴﺠﺪﻫﺎ ﺗﺒﻜﻲ ﻭﺗﺮﻣﻘﻪ ﺑﺄﺳﻰ ﻓﻘﺎﻝ ﺑﻮﻫﻦ ﻭﺑﺤﺮﻭﻑ ﻣﺘﻘﻄﻌﺔ : ﺍﻧﺘﻲ ﺑﺘﻌﻴﻄﻲ ﻋﺸﺎﻧﻲ ﻳﺎ ﻧﻮﺭﺍ ... ﺃﻧﺎ ﻣﺎ ﺍﺳﺘﺎﻫﻠﺶ ﺩﻣﻮﻋﻚ ﺩﻱ ﻳﺎ ﺑﻨﺘﻲ ... ﺍﻧﺎ ﻋﻤﺮﻱ ﻣﺎﻛﻨﺖ ﺍﻷﺏ ﺍﻟﻠﻲ ﺗﺘﻤﻨﻴﻪ ... ﺳﺎﻣﺤﻴﻨﻲ ﻳﺎ ﺑﻨﺘﻲ

ﺟﺜﺖ ﻧﻮﺭﺍ ﻋﻠﻰ ﺭﻛﺒﺘﻴﻬﺎ ﺇﻟﻰ ﺟﻮﺍﺭ ﻓﺮﺍﺷﻪ ﻭﻗﺎﻟﺖ ﺑﻨﺤﻴﺐ : ﻣﺎﺗﻘﻮﻟﺶ ﻛﺪﻩ ﻳﺎﺣﺒﻴﺒﻲ ... ﺍﻧﺖ ﺍﻟﻠﻲ ﺣﻘﻚ ﻋﻠﻴﺎ ... ﺃﻧﺎ ﺍﻟﻠﻲ ﻣﺠﺮﻣﺔ ﻋﺸﺎﻥ ﻗﻮﻟﺘﻠﻚ ﺍﻟﻜﻼﻡ ﺩﻩ

ﺻﻔﻮﺕ : ﻻ ﻳﺎ ﺑﻨﺘﻲ ... ﺍﻧﺘﻲ ﻣﺎﻗﻮﻟﺘﻴﺶ ﻏﻴﺮ ﺍﻟﺤﻘﻴﻘﺔ ... ﻃﻮﻝ ﻋﻤﺮﻱ ﻭﻟﺤﺪ ﺃﺧﺮ ﻟﺤﻈﺔ ﻭﺍﻧﺎ ﺑﻌﻨﺪ ﻣﻊ ﻧﻔﺴﻲ ﻭﺃﻗﻮﻝ ﺇﻧﻲ ﻣﺎﻇﻠﻤﺘﺶ ﺻﻔﻴﺔ ... ﻟﻜﻦ ﺁﻥ ﺍﻷﻭﺍﻥ ﺇﻧﻲ ﺍﻋﺘﺮﻑ ﺇﻧﻲ ﻇﻠﻤﺘﻬﺎ ﻭﻇﻠﻤﺘﻚ ﺍﻧﺘﻲ ﻛﻤﺎﻥ ﻣﻦ ﺑﻌﺪﻫﺎ ... ﻭﺍﻧﺖ ﻳﺎﻋﻠﻲ ... ﺳﺎﻣﺤﻨﻲ ﻳﺎ ﺍﺑﻨﻲ ... ﻧﺎﺩﻳﺔ ﻗﺎﻟﺘﻠﻲ ﻛﻞ ﺣﺎﺟﺔ ﻗﺒﻞ ﻣﺎﺗﻤﻮﺕ ... ﻗﺎﻟﺘﻠﻲ ﻗﻮﻝ ﻟﻌﻠﻲ ﻭﻧﻮﺭﺍ ﻳﺴﺎﻣﺤﻮﻧﻲ ﻳﺎ ﺑﺎﺑﺎ ... ﻋﻠﻲ ﻣﻈﻠﻮﻡ ... ﺍﻧﺎ ﺑﺮﺿﻪ ﻛﺎﻥ ﻗﻠﺒﻲ ﺣﺎﺳﺲ ﻳﺎ ﺍﺑﻨﻲ ... ﻣﺎﻛﻨﺘﺶ ﻣﺼﺪﻕ ﺍﻧﻚ ﺗﻌﻤﻞ ﺍﻟﻠﻲ ﻧﺎﺩﻳﺔ ﻗﺎﻟﺘﻠﻲ ﻋﻠﻴﻪ ﺩﻩ ... ﻋﻠﻲ ﻓﻴﻪ ﺣﺎﺟﺔ ﻣﻬﻤﺔ ﻋﺎﻳﺰ ﺍﻗﻮﻟﻚ ﻋﻠﻴﻬﺎ ﻗﺒﻞ ﻣﺎ ﺃﻣﻮﺕ

ﻋﻠﻲ ﺑﺒﻜﺎﺀ : ﺑﻌﺪ ﺍﻟﺸﺮ ﻋﻠﻴﻚ ﻳﺎ ﻋﻤﻲ ﻣﺎﺗﻘﻮﻟﺶ ﻛﺪﻩ ... ﺍﻥ ﺷﺎﺀﺍﻟﻠﻪ ﺣﺘﺨﻒ ﻭﺗﻘﻮﻡ ﺑﺎﻟﺴﻼﻣﺔ ...

ﺻﻔﻮﺕ : ﻣﺎﺗﻀﻴﻌﺶ ﺍﻟﻮﻗﺖ ﻳﺎ ﺍﺑﻨﻲ ﻭﺍﺳﻤﻌﻨﻲ .. . ﻋﺎﺭﻑ ﻳﺎ ﻋﻠﻲ ﺃﻧﺎ ﺟﻮﺯﺗﻚ ﻧﻮﺭﺍ ﻟﻴﻪ ?

ﻋﻠﻲ : ﻣﺎﻟﻮﺵ ﻟﺰﻭﻡ ﺍﻟﻜﻼﻡ ﺩﻩ ﻳﺎ ﻋﻤﻲ

ﺻﻔﻮﺕ ﺑﺈﺻﺮﺍﺭ : ﻷ ﻟﻴﻪ ﻳﺎﻋﻠﻲ ... ﺍﻭﻋﻰ ﺗﻜﻮﻥ ﻓﺎﻛﺮﻧﻲ ﺟﻮﺯﺗﻬﺎﻟﻚ ﻋﺸﺎﻥ ﺍﻟﺴﺒﺐ ﺍﻷﻫﺒﻞ ﺍﻟﻠﻲ ﻗﻮﻟﺘﻬﻮﻟﻚ ﻭﻗﺘﻬﺎ ... ﺍﻧﺎ ﻻ ﻳﻤﻜﻦ ﻛﻨﺖ ﺍﻋﻤﻞ ﻣﻌﺎﻙ ﺯﻱ ﺟﺪﻙ ﻣﺎﻋﻤﻞ ﻣﻌﺎﻳﺎ ﻭﺣﺮﻣﻨﻲ ﻣﻦ ﻓﺮﺩﻭﺱ ﻋﺸﺎﻥ ﺍﻟﻔﻠﻮﺱ ... ﺍﻧﺎ ﺟﻮﺯﺗﻬﺎﻟﻚ ﻋﺸﺎﻥ ﺩﻱ ﻛﺎﻧﺖ ﻭﺻﻴﺔ ﺻﻔﻴﺔ ﺍﻟﻠﻪ ﻳﺮﺣﻤﻬﺎ

ﻗﻄﺐ ﻋﻠﻲ ﺟﺒﻴﻨﻪ ﻓﻲ ﺩﻫﺸﺔ ﻓﺎﺭﺩﻑ ﺻﻔﻮﺕ ﻗﺎﺋﻼ : ﻣﺎﺗﺴﺘﻐﺮﺑﺶ ﻳﺎ ﻋﻠﻲ ... ﺩﻱ ﺍﻟﺤﻘﻴﻘﺔ ﻳﺎ ﺍﺑﻨﻲ .... ﺍﻧﺎ ﻃﻮﻝ ﻋﻤﺮﻱ ﻋﺎﻳﺶ ﺑﺬﻧﺐ ﺻﻔﻴﺔ ﻭﻛﻨﺖ ﻛﻞ ﻣﺎ ﺍﺷﻮﻑ ﻧﻮﺭﺍ ﺍﻓﺘﻜﺮ ﺻﻔﻴﺔ ﻭﺍﻟﻠﻲ ﻋﻤﻠﺘﻪ ﻓﻴﻬﺎ ... ﻋﺸﺎﻥ ﻛﺪﻩ ﺣﺒﻴﺖ ﺍﻗﺪﻣﻠﻬﺎ ﺇﻋﺘﺬﺍﺭ ﺑﺴﻴﻂ ﺑﺈﻧﻲ ﺍﻧﻔﺬ ﻭﺻﻴﺘﻬﺎ ﻷﻣﻚ ﻗﺒﻞ ﻣﺎﺗﻤﻮﺕ ﺍﻟﻠﻪ ﻳﺮﺣﻤﻬﺎ ... ﻭﺃﻧﺎ ﺩﻟﻮﻗﺘﻲ ﺍﻟﻠﻲ ﺣﺎﻭﺻﻴﻚ ﻳﺎ ﻋﻠﻲ ... ﻧﻮﺭﺍ ﺃﻣﺎﻧﺔ ﻓﺮﻗﺒﺘﻚ ﺧﺪ ﺑﺎﻟﻚ ﻣﻨﻬﺎ ﻭﺍﻭﻋﻰ ﻳﺎ ﺍﺑﻨﻲ ﺗﻌﻤﻞ ﺯﻳﻲ ﻓﻴﻮﻡ ﻣﻦ ﺍﻷﻳﺎﻡ ﻭﺗﻔﺮﻕ ﺑﻴﻦ ﻭﻻﺩﻙ ... ﺃﺩﻳﻚ ﺷﺎﻳﻒ ﻧﻬﺎﻳﺘﻲ ﻛﺎﻧﺖ ﻋﻠﻰ ﺇﻳﺪ ﻧﺎﺩﻳﺔ ... ﺭﺑﻨﺎ ﻳﺴﺎﻣﺤﻬﺎ ﻭﻳﺴﺎﻣﺤﻨﻲ ﺍﻧﺎ ﻛﻤﺎﻥ

ﻛﺎﻧﺖ ﻫﺬﻩ ﺃﺧﺮ ﻛﻠﻤﺎﺕ ﻧﻄﻖ ﺑﻬﺎ ﺻﻔﻮﺕ ﻗﺒﻞ ﺃﻥ ﺗﻔﻴﺾ ﺭﻭﺣﻪ ﺇﻟﻰ ﺑﺎﺭﺋﻬﺎ ﻭﻳﺒﻜﻴﻪ ﺑﺤﺮﻗﺔ ﻛﻞ ﻣﻦ ﻋﻠﻲ ﻭﻧﻮﺭﺍ

***********************

ﺑﻌﺪ ﻣﺮﻭﺭ ﺃﺳﺒﻮﻉ ﻭﻓﻲ ﺍﻟﻔﻴﻼ ﻛﺎﻥ ﻋﻠﻲ ﻭﻧﻮﺭﺍ ﻳﺠﻠﺴﺎﻥ ﻣﻊ ﻣﺤﺎﻣﻲ ﻭﺍﻟﺪﻫﺎ ﺍﻟﺮﺍﺣﻞ ﻭﺍﻟﺬﻱ ﻛﺎﻥ ﻳﺤﺪﺛﻬﻤﺎ ﻗﺎﺋﻼ : ﺑﺎﻟﺮﻏﻢ ﻣﻦ ﺃﻥ ﺍﻟﻠﻲ ﻋﻤﻠﻪ ﺻﻔﻮﺕ ﺑﻴﻪ ﺍﻟﻠﻪ ﻳﺮﺣﻤﻪ ﻛﺎﻥ ﺍﻟﻐﺮﺽ ﺍﻷﺳﺎﺳﻲ ﻣﻨﻪ ﻫﻮ ﺣﺮﻣﺎﻥ ﺣﻀﺮﺗﻚ ﻣﻦ ﺍﻟﻤﻴﺮﺍﺙ ... ﺇﻻ ﺇﻧﻪ ﺻﺐ ﻓﻤﺼﻠﺤﺘﻚ ﻓﺎﻟﻨﻬﺎﻳﺔ ... ﻷﻥ ﺍﻟﺜﺮﻭﺓ ﻟﻮ ﻛﺎﻧﺖ ﺑﺈﺳﻢ ﺻﻔﻮﺕ ﺑﻴﻪ ﺍﻟﻠﻪ ﻳﺮﺣﻤﻪ ﻛﺎﻥ ﺣﻴﺸﺎﺭﻛﻚ ﻓﻴﻬﺎ ﻭﺭﺛﺔ ﺗﺎﻧﻴﻴﻦ ﻟﻜﻦ ﺩﻟﻮﻗﺘﻲ ﺑﺈﻋﺘﺒﺎﺭ ﺣﻀﺮﺗﻚ ﺍﻟﻮﺭﻳﺜﺔ ﺍﻟﻮﺣﻴﺪﺓ ﻟﻤﺪﺍﻡ ﻧﺎﺩﻳﺔ ﺍﻟﻠﻪ ﻳﺮﺣﻤﻬﺎ ﺍﻟﻠﻲ ﻛﻞ ﺣﺎﺟﺔ ﺑﺈﺳﻤﻬﺎ ﻓﺎﻟﺜﺮﻭﺓ ﻛﻠﻬﺎ ﺣﺘﻮﺅﻝ ﻟﺤﻀﺮﺗﻚ ﺑﺎﻟﺘﺒﻌﻴﺔ ﻣﻦ ﻏﻴﺮ ﻣﺎﻳﺸﺎﺭﻛﻚ ﻓﻴﻬﺎ ﺣﺪ

ﺃﺟﺎﺑﺘﻪ ﻧﻮﺭﺍ ﻗﺎﺋﻠﺔ ﻓﻲ ﺇﻋﺘﺮﺍﺽ : ﻭﻣﻴﻦ ﻗﺎﻝ ﻟﺤﻀﺮﺗﻚ ﺍﻥ ﺩﻱ ﺣﺎﺟﺔ ﺗﺴﻌﺪﻧﻲ ﺃﻭ ﺇﻧﻲ ﻣﻮﺍﻓﻘﺔ ﻋﻠﻴﻬﺎ ... ﺃﻧﺎ ﺑﻄﻠﺐ ﻣﻦ ﺣﻀﺮﺗﻚ ﺍﻥ ﺗﺮﻛﺔ ﺑﺎﺑﺎ ﺍﻟﻠﻪ ﻳﺮﺣﻤﻪ ﺗﺘﻮﺯﻉ ﻋﻠﻰ ﺍﻟﻮﺭﺛﺔ ﻛﻤﺎ ﻟﻮ ﻛﺎﻧﺖ ﻟﺴﻪ ﺑﺈﺳﻤﻪ ﺑﺎﻟﻈﺒﻂ ... ﻳﻌﻨﻲ ﺍﻋﺘﺒﺮ ﺣﻀﺮﺗﻚ ﺍﻥ ﻣﺎﻓﻴﺶ ﺣﺎﺟﺔ ﺍﺗﻐﻴﺮﺕ ﻭﻋﺎﻳﺰﺓ ﻛﻞ ﻭﺍﺣﺪ ﻣﻦ ﺍﻟﻮﺭﺛﺔ ﻳﺎﺧﺪ ﻧﺼﻴﺒﻪ ﺣﺴﺐ ﺷﺮﻉ ﺭﺑﻨﺎ ... ﺃﻧﺎ ﻣﺎﻋﻨﺪﻳﺶ ﺇﺳﺘﻌﺪﺍﺩ ﺃﻥ ﺣﺪ ﻳﺰﻋﻞ ﻣﻨﻲ ﺃﻭ ﻳﻜﻮﻥ ﻓﻨﻔﺴﻪ ﺣﺎﺟﺔ ﻣﻦ ﻧﺎﺣﻴﺘﻲ ﻋﺸﺎﻥ ﺷﻮﻳﺔ ﻓﻠﻮﺱ ... ﻛﻔﺎﻳﺎﻧﺎ ﺣﻘﺪ ﺑﻘﻰ ﻟﺤﺪ ﻛﺪﻩ ... ﺃﻧﺎ ﺑﺲ ﻛﻞ ﺍﻟﻠﻲ ﺑﻄﻠﺒﻪ ﻣﻦ ﺣﻀﺮﺗﻚ ﺍﻥ ﺍﻟﺸﻘﺔ ﺑﺘﺎﻋﺔ ﺑﺎﺑﺎ ﺍﻟﻠﻲ ﻓﺒﻴﺖ ﺍﻟﻌﻴﻠﺔ ﻓﺪﻣﻴﺎﻁ ﺗﻜﻮﻥ ﻣﻦ ﻧﺼﻴﺒﻲ ﻹﻧﻲ ﻧﺎﻭﻳﺔ ﺃﺩﻳﻬﺎ ﻫﺪﻳﺔ ﻷﺩﻫﻢ ﻭﺳﻮﺯﺍﻥ ﻋﺸﺎﻥ ﻳﺘﺠﻮﺯﻭﺍ ﻓﻴﻬﺎ ... ﻋﺸﺎﻥ ﺍﻟﺒﻴﺖ ﻛﻠﻪ ﻳﺒﻘﻰ ﺑﺘﺎﻉ ﻋﻤﺘﻮ ﺃﻟﻔﺖ ﻭﻭﻻﺩﻫﺎ ... ﻭﻛﻤﺎﻥ ﺣﺘﺔ ﺍﻷﺭﺽ ﺍﻟﻠﻲ ﺟﻨﺐ ﺍﻟﺒﻴﺖ ﺩﻱ ﺑﺮﺿﻪ ﻋﺎﻳﺰﺍﻫﺎ ﻣﻦ ﻧﺼﻴﺒﻲ ﻹﻧﻨﺎ ﺇﻥ ﺷﺎﺀﺍﻟﻠﻪ ﺣﻨﺒﻨﻲ ﻋﻠﻴﻬﺎ ﺑﻴﺖ ﻧﻌﻴﺶ ﻓﻴﻪ ﺃﻧﺎ ﻭﻋﻠﻲ ﻭﺧﺎﻟﺘﻮ ﺳﻤﻴﺔ ﻫﻨﺎﻙ ﻓﺪﻣﻴﺎﻁ ﺑﻌﺪ ﻃﺒﻌﺎ ﻣﺎﻧﺼﻔﻲ ﺍﻟﺸﺮﻛﺔ ﻫﻨﺎ ﻭﻧﻨﻘﻞ ﺷﻐﻠﻬﺎ ﻟﺪﻣﻴﺎﻁ ... ﻋﺎﻳﺰﻳﻦ ﻧﻌﻴﺶ ﻛﻠﻨﺎ ﺳﻮﺍ ﻣﻊ ﺑﻌﺾ ﻭﻧﺘﻠﻢ ﻫﻨﺎﻙ ﻣﻦ ﺗﺎﻧﻲ ...

ﺍﺟﺎﺑﻬﺎ ﻣﻌﺘﺮﺿﺎ ﺑﺪﻭﺭﻩ : ﺍﻳﻮﻩ ﻳﺎﺑﻨﺘﻲ ﺑﺲ ...

ﻗﺎﻃﻌﺘﻪ ﻧﻮﺭﺍ ﻗﺎﺋﻠﺔ ﺑﺈﺻﺮﺍﺭ : ﻣﺎﻓﻴﺶ ﺑﺲ ﻭﻻ ﺣﺎﺟﺔ ... ﺍﻧﺎ ﻭﻋﻠﻲ ﺧﻼﺹ ﺍﺗﻔﻘﻨﺎ ﺍﻧﻨﺎ ﻧﺮﺟﻊ ﺩﻣﻴﺎﻁ ﻭﺧﺼﻮﺻﺎ ﺍﻥ ﺇﺧﻮﺍﺗﻪ ﺍﻻﺗﻨﻴﻦ ﺣﻴﻌﻴﺸﻮﺍ ﻫﻨﺎﻙ ﻷﻥ ﻋﻤﻮ ﺳﻌﻴﺪ ﻫﻮ ﻛﻤﺎﻥ ﻧﺎﻭﻱ ﻳﺮﺟﻊ ﺩﻣﻴﺎﻁ ﺑﻌﺪ ﺳﻮﺯﺍﻥ ﻣﺎﺗﺨﻠﺺ ﺩﺭﺍﺳﺘﻬﺎ ... ﻭﺍﺣﻨﺎ ﻣﺶ ﻧﺎﻭﻳﻴﻦ ﻧﻔﻀﻞ ﻫﻨﺎ ﻟﻮﺣﺪﻧﺎ ... ﺍﻧﺎ ﺣﺘﻰ ﺧﻼﺹ ﺍﺑﺘﺪﻳﺖ ﻓﻲ ﺇﺟﺮﺍﺀﺍﺕ ﻧﻘﻞ ﻭﺭﻗﻲ ﻟﺠﺎﻣﻌﺔ ﺩﻣﻴﺎﻁ

ﺗﻮﺟﻪ ﺑﺎﻟﺤﺪﻳﺚ ﺇﻟﻰ ﻋﻠﻲ ﻣﺴﺘﻔﺴﺮﺍ : ﻭﺍﻧﺖ ﻣﻮﺍﻓﻖ ﻋﻠﻰ ﺍﻟﻜﻼﻡ ﺩﻩ ﻳﺎ ﺑﺎﺷﻤﻬﻨﺪﺱ ?

ﻋﻠﻲ : ﻫﻴﺎ ﻣﺶ ﻗﺎﻟﺖ ﻟﺤﻀﺮﺗﻚ ﺍﻧﻨﺎ ﺍﺗﻔﻘﻨﺎ ﺧﻼﺹ

ﻟﻢ ﻳﺠﺪ ﺑﺪﺍ ﻣﻦ ﺃﻥ ﻳﻘﻮﻝ : ﺧﻼﺹ ﻳﺎ ﺑﻨﺘﻲ ﺍﻟﻠﻲ ﺗﺸﻮﻓﻴﻪ ... ﺩﻩ ﻣﺎﻟﻚ ﻭﺍﻧﺘﻲ ﺣﺮﺓ ﻓﻴﻪ

***************************

↚

" ﺑﻌﺪ ﻣﺮﻭﺭ ﺃﺭﺑﻊ ﺳﻨﻮﺍﺕ ﻭﺗﺤﺪﻳﺪﺍ ﻳﻮﻡ ﺯﻓﺎﻑ ﺇﺑﺮﺍﻫﻴﻢ ﻭﻟﻤﻴﺎﺀ ﻭﺃﺩﻫﻢ ﻭﺳﻮﺯﺍﻥ "

ﻓﻲ ﺇﺣﺪﻱ ﺍﻟﻘﺎﻋﺎﺕ ﺑﺮﺃﺱ ﺍﻟﺒﺮ ﺣﻴﺚ ﻳﻘﺎﻡ ﺣﻔﻞ ﺍﻟﺰﻓﺎﻑ ﻛﺎﻥ ﺍﺩﻫﻢ ﻳﺮﺍﻗﺺ ﺳﻮﺯﺍﻥ ﻋﻠﻰ ﺃﻧﻐﺎﻡ ﺇﺣﺪﻯ ﺍﻷﻏﻨﻴﺎﺕ ﻭﻳﻀﻤﻬﺎ ﺇﻟﻴﻪ ﻗﺎﺋﻼ ﺑﺴﻌﺎﺩﺓ : ﻳﺎﺍﺍﻩ ... ﺃﻧﺎ ﻣﺶ ﻣﺼﺪﻕ ﺃﻥ ﺍﻟﻴﻮﻡ ﺩﻩ ﺟﻪ ﺃﺧﻴﺮﺍ ... ﻭﺃﺧﻴﺮﺍ ﻭﻗﻌﺘﻲ ﻓﺈﻳﺪ ﻣﻦ ﻻﻳﺮﺣﻢ ... ﺩﻩ ﺃﻧﺎ ﻧﺎﻭﻱ ﺃﻃﻠﻊ ﻋﻠﻰ ﺟﺘﺘﻚ ﺍﻟﻠﻴﻠﺔﺩﻱ ﻛﻞ ﺍﻟﻠﻲ ﻋﻤﻠﺘﻴﻪ ﻓﻴﺎ ﻃﻮﻝ ﺍﻷﺭﺑﻊ ﺳﻨﻴﻦ ﺍﻟﻠﻲ ﻓﺎﺗﻮﺍ ﺩﻭﻝ ... ﺍﺳﺘﻠﻘﻲ ﻭﻋﺪﻙ ﺍﻟﻠﻴﻠﺔﺩﻱ ﻳﺎ ﺣﻠﻮﺓ

ﺭﻓﻌﺖ ﻛﺘﻔﻴﻬﺎ ﻭﻗﺎﻟﺖ ﻓﻲ ﺩﻻﻝ : ﺑﻘﻰ ﻛﺪﻩ ... ﻭﺃﻫﻮﻥ ﻋﻠﻴﻚ ﺑﺮﺿﻪ ﻳﺎ ﺃﺩﻫﻢ ?

ﺍﺳﺮﻉ ﻳﺠﻴﺒﻬﺎ ﻗﺎﺋﻼ : ﻻ ﻻ ﻻ ﻣﺎﺗﺤﺎﻭﻟﻴﺶ ﺗﺄﺛﺮﻱ ﻋﻠﻴﺎ ... ﺇﻧﺴﻲ ﻳﺎ ﻣﺎﻣﺎ

ﻇﻬﺮ ﺍﻟﻀﻴﻖ ﻋﻠﻰ ﻣﻼﻣﺢ ﻭﺟﻬﻬﺎ ... ﺍﻷﻣﺮ ﺍﻟﺬﻱ ﻻﺣﻈﻪ ﺍﺩﻫﻢ ﻓﻘﺎﻝ ﺑﺤﻨﻮ : ﺍﻧﺘﻲ ﺯﻋﻠﺘﻲ ﻭﻻ ﺇﻳﻪ ? ... ﻳﺎ ﺣﺒﻴﺒﺘﻲ ﺩﻩ ﺃﻧﺎ ﺑﻬﺰﺭ ﻣﻌﺎﻛﻲ ﺑﺲ ... ﻳﺎﻋﺒﻴﻄﺔ ﺩﻩ ﺍﻧﺘﻲ ﺣﺘﺔ ﻣﻨﻲ ﻳﻌﻨﻲ ﻋﻤﺮﻱ ﻣﺎ ﺍﻓﻜﺮ ﺇﻧﻲ ﺃﺿﺎﻳﻘﻚ ﺃﻭ ﺍﺯﻋﻠﻚ ... ﻻﺣﻆ ﺍﺩﻫﻢ ﺇﻧﻔﺮﺍﺝ ﺃﺳﺎﺭﻳﺮﻫﺎ ﻓﺎﺭﺩﻑ ﻗﺎﺋﻼ : ﺍﻧﺘﻲ ﺻﺪﻗﺘﻲ ﻭﻻ ﺇﻳﻪ ... ﻻ ﻳﺎ ﺣﺒﻴﺒﺘﻲ ﻣﺶ ﺣﺎﺳﻴﺒﻚ ﻳﻌﻨﻲ ﻣﺶ ﺣﺎﺳﻴﺒﻚ .

ﻭﻋﻠﻰ ﺑﻌﺪ ﺧﻄﻮﺍﺕ ﻗﻠﻴﻠﺔ ﻣﻨﻬﻤﺎ ﻛﺎﻥ ﺇﺑﺮﺍﻫﻴﻢ ﻭﻟﻤﻴﺎﺀ ﻳﻔﻌﻼﻥ ﻧﻔﺲ ﺍﻟﺸﺊ ... ﻭﺇﺑﺮﺍﻫﻴﻢ ﻳﺤﺪﺛﻬﺎ ﻗﺎﺋﻼ : ﺍﻟﻠﻪ ... ﻃﺐ ﻣﺎ ﺍﻧﺘﻲ ﺑﺘﻌﺮﻓﻲ ﺗﻘﻮﻟﻲ ﻛﻼﻡ ﺣﻠﻮﺁﻫﻮﻩ .... ﺃﻣﺎﻝ ﻛﻨﺘﻲ ﻣﺨﺒﻴﺔ ﺩﻩ ﻛﻠﻪ ﻓﻴﻦ ﺑﺲ ?

ﻟﻤﻴﺎﺀ ﺑﺈﺑﺘﺴﺎﻣﺔ : ﺍﻣﺎﻝ ﻳﺎ ﺣﺒﻴﺒﻲ ... ﻋﺸﺎﻥ ﺗﻌﺮﻑ ﺍﻟﻠﻲ ﻓﻴﻬﺎ ﺑﺲ ... ﺇﻧﻤﺎ ﻛﻞ ﺷﺊ ﺑﺄﻭﺍﻥ

ﺇﺑﺮﺍﻫﻴﻢ : ﻳﺎﺍﺍﻩ ... ﺩﻩ ﺍﻧﺎ ﻛﻨﺖ ﻓﺎﻛﺮ ﺇﻥ ﺃﻭﺍﻧﻪ ﺩﻩ ﻣﺶ ﺣﻴﻴﺠﻲ ﺍﺑﺪﺍ ... ﻃﺐ ﻣﻤﻜﻦ ﺗﻘﻮﻟﻴﻬﺎ ﺗﺎﻧﻲ ﺑﺲ ﻋﺸﺎﻥ ﺧﺎﻃﺮﻱ

ﺧﻔﻀﺖ ﺭﺃﺳﻬﺎ ﻭﻗﺎﻟﺖ ﺑﺨﺠﻞ : ﺑﺤﺒﻚ

ﺇﺑﺮﺍﻫﻴﻢ : ﺍﺷﻬﺪ ﺃﻥ ﻻ ﺇﻟﻪ ﺇﻻ ﺍﻟﻠﻪ ﻭﺃﺷﻬﺪ ﺃﻥ ﻣﺤﻤﺪﺍ ﺭﺳﻮﻝ ﺍﻟﻠﻪ ... ﺑﺄﻗﻮﻟﻚ ﺇﻳﻪ ﻳﺎ ﺣﺒﻴﺒﺘﻲ ... ﺍﻧﺘﻲ ﻣﺶ ﺷﺎﻳﻔﺔ ﺍﻥ ﺍﻟﻔﺮﺡ ﺩﻩ ﻃﻮﻝ ﺍﻭﻱ ... ﺍﻧﺎ ﺑﺄﻗﻮﻝ ﻛﻔﺎﻳﺔ ﻛﺪﻩ ﻭﻳﻼ ﺑﻴﻨﺎ ﻧﻤﺸﻲ

******************

ﻛﺎﻧﺖ ﺃﺭﻭﻯ ﺇﺑﻨﺔ ﻋﻠﻲ ﻭﻧﻮﺭﺍ ﺗﻄﺎﺭﺩ ﻳﻮﺳﻒ ﺻﻐﻴﺮ ﺍﺣﻤﺪ ﻭﻟﺒﻨﻰ ﻓﻲ ﺃﻱ ﻣﻜﺎﻥ ﺩﺍﺧﻞ ﺍﻟﻘﺎﻋﺔ ﺍﻟﺘﻲ ﻳﻘﺎﻡ ﺑﻬﺎ ﺍﻟﻌﺮﺱ ... ﻻﺣﻈﺖ ﻟﺒﻨﻰ ﺫﻟﻚ ﻓﺎﻟﺘﻔﺘﺖ ﻧﺤﻮ ﻧﻮﺭﺍ ﻗﺎﺋﻠﺔ : ﻧﻮﺭﺍ ... ﺷﺎﻳﻔﺔ ﺍﻟﺒﻨﺖ ﺑﻨﺘﻚ ﻻﺯﻗﺔ ﻟﻴﻮﺳﻒ ﺇﺑﻨﻲ ﻓﻜﻞ ﻣﻜﺎﻥ ﻳﺮﻭﺣﻪ ﺍﺯﺍﻱ ?

ﻧﻮﺭﺍ : ﺁﻩ ﻓﻌﻼ ﺃﻧﺎﺑﺮﺿﻪ ﺃﺧﺪﺕ ﺑﺎﻟﻲ ... ﻭﺍﺿﺢ ﺍﻭﻱ ﺍﻥ ﺍﻟﺒﻨﺖ ﺑﺘﺤﺒﻪ ... ﻣﺎ ﺃﻭﺻﻴﻜﻴﺶ ﺑﻘﻰ ﻳﺎ ﻟﺒﻨﻰ ... ﻟﻮ ﺟﺮﺍﻟﻲ ﺣﺎﺟﺔ ﺗﺠﻮﺯﻳﻬﻢ ﻟﺒﻌﺾ

ﺍﺳﺘﻤﻊ ﻋﻠﻲ ﺍﻟﺬﻱ ﻛﺎﻥ ﻳﺠﻠﺲ ﺑﻴﻨﻬﻤﺎ ﺇﻟﻰ ﺣﺪﻳﺜﻬﻢ ﻓﻤﺎﻝ ﺑﺠﺴﺪﻩ ﻧﺤﻮ ﺍﻟﻄﺎﻭﻟﺔ ﻣﻘﺘﺮﺑﺎ ﻣﻨﻬﻤﺎ ﻭﻗﺎﻝ ﺑﻬﻤﺲ : ﺃﺑﻮﺱ ﺇﻳﺪﻳﻜﻮﺍ ﻛﻔﺎﻳﺔ ﻭﺻﺎﻳﺎ ﺑﻘﻰ ﻟﺤﺪ ﻛﺪﻩ ... ﺳﻴﺒﻮﺍ ﺍﻟﻮﻟﺪ ﻟﻤﺎ ﻳﻜﺒﺮ ﻫﻮ ﺍﻟﻠﻲ ﺣﻴﺨﺘﺎﺭ ﺑﻨﻔﺴﻪ

ﺍﺟﺎﺑﺘﻪ ﻧﻮﺭﺍ ﻗﺎﺋﻠﺔ ﺑﻀﻴﻖ : ﻳﺎﺳﻼﻡ ﻳﺎﺳﻲ ﻋﻠﻰ ... ﺁﻩ ﺻﺤﻴﺢ ... ﺍﺻﻞ ﺃﻧﺎ ﻧﺴﻴﺖ ﺃﻥ ﺍﻟﻮﺻﻴﺔ ﺩﻱ ﻫﻴﺎ ﺍﻟﻠﻲ ﻭﺭﻃﺘﻚ ... ﻣﺶ ﻛﺪﻩ

ﺍﻗﺘﺮﺏ ﻋﻠﻲ ﻣﻦ ﺃﺫﻧﻬﺎ ﻗﺎﺋﻼ ﺑﺈﺑﺘﺴﺎﻣﺔ : ﺍﻭﻋﻲ ﺗﻘﻮﻟﻲ ﻛﺪﻩ ﻣﺮﺓ ﺗﺎﻧﻴﺔ ... ﻃﺐ ﺩﻱ ﺍﻟﻮﺻﻴﺔ ﺩﻱ ﻛﺎﻧﺖ ﺃﺟﻤﻞ ﺣﺎﺟﺔ ﺣﺼﻠﺘﻠﻲ ﻓﻌﻤﺮﻱ ﻛﻠﻪ ... ﻭﺑﻌﺪﻳﻦ ﻳﺎ ﻋﺒﻴﻄﺔ ﺃﻧﺎ ﻭﺍﺛﻖ ﺇﻧﻪ ﻟﻤﺎ ﻳﺨﺘﺎﺭ ﻣﺶ ﺣﻴﺨﺘﺎﺭ ﺣﺪ ﻏﻴﺮﻫﺎ ﺑﺮﺿﻪ

ﺍﺑﺘﺴﻤﺖ ﻗﺎﺋﻠﺔ ﺑﺘﻐﻨﺞ : ﻳﺎﺳﻼﻡ ﻳﺎ ﺃﺧﻮﻳﺎ ... ﺍﺿﺤﻚ ﻋﻠﻴﺎ ﺍﺿﺤﻚ

ﺗﺤﺪﺛﺖ ﺃﻣﻨﻴﺔ ﺍﻟﺘﻲ ﺍﺳﺘﻤﻌﺖ ﺇﻟﻰ ﺣﺪﻳﺚ ﻟﺒﻨﻰ ﻭﻧﻮﺭﺍ ﻗﺎﺋﻠﺔ ﺑﺈﻋﺘﺮﺍﺽ : ﻳﺎﺳﻼﻡ ... ﻭﻟﻤﺎ ﻳﻮﺳﻒ ﻳﺘﺠﻮﺯ ﺃﺭﻭﻱ ﻣﻴﻦ ﺑﻘﻰ ﺍﻟﻠﻲ ﺣﻴﺘﺠﻮﺯ ﺳﺎﺭﺓ ﺑﻨﺘﻲ ... ﻃﺐ ﺩﻩ ﺃﻧﺎ ﻛﻨﺖ ﺑﺎﺭﺳﻢ ﻋﻠﻰ ﻳﻮﺳﻒ ﺍﺑﻦ ﺃﺧﻮﻳﺎ ﻟﺴﺎﺭﺓ

ﺃﺟﺎﺑﺘﻬﺎ ﺃﻣﻴﺮﺓ ﻗﺎﺋﻠﺔ : ﻣﺎﺗﺰﻋﻠﻴﺶ ﻧﻔﺴﻚ ﻳﺎ ﺃﻣﻨﻴﺔ ... ﺍﻧﺎ ﺣﺎﺧﻠﻲ ﺭﺍﻣﻲ ﺍﺑﻨﻲ ﻳﺘﺠﻮﺯ ﺳﺎﺭﺓ ﺑﻨﺘﻚ ... ﻣﺶ ﻫﻮ ﺃﻭﻟﻰ ﺑﺒﻨﺖ ﺧﺎﻟﺘﻪ ﺑﺮﺿﻪ

ﺃﻣﻨﻴﺔ ﺑﺈﻋﺘﺮﺍﺽ : ﻳﺎﺳﻼﻡ ﻳﺎ ﺣﺒﻴﺒﺘﻲ ... ﺃﻧﺎ ﺑﻨﺘﻲ ﻣﺎﺗﺘﺠﻮﺯﺵ ﻭﺍﺣﺪ ﺃﺻﻐﺮ ﻣﻨﻬﺎ .... ﻟﻴﻪ ﺑﺎﻳﺮﺓ ﻭﻻ ﺑﺎﻳﺮﺓ

ﺃﻣﻴﺮﺓ : ﺗﺼﺪﻗﻲ ﺃﻧﺎ ﻏﻠﻄﺎﻧﺔ .... ﺍﻟﺤﻖ ﻋﻠﻴﺎ ﺇﻧﻲ ﻛﻨﺖ ﻋﺎﻳﺰﺓ ﺃﻧﻘﺬﻫﺎﻟﻚ ﻣﻦ ﺍﻟﻌﻨﻮﺳﺔ ﻭﺍﺟﻮﺯﻫﺎ ﺇﺑﻨﻲ ...

ﺃﻣﻨﻴﺔ : ﻓﺸﺮ ﺑﻘﻰ ﺃﻧﺎ ﺑﻨﺘﻲ ﺗﻌﻨﺲ ... ﻟﻴﻪ ﺇﻥ ﺷﺎﺀﺍﻟﻠﻪ ... ﻭﺣﺸﺔ ﻭﻻ ﻭﺣﺸﺔ ... ﺩﻱ ﺃﻣﻬﺎ ﻗﻤﺮ ﻭﺃﺑﻮﻫﺎ ﻗﻤﺮﻳﻦ

ﻧﻈﺮ ﺇﻟﻴﻬﺎ ﺧﺎﻟﺪ ﻗﺎﺋﻼ ﺑﻮﻟﻪ : ﺃﻣﻬﺎ ﻣﺶ ﺑﺲ ﻗﻤﺮ ... ﺩﻱ ﺍﻟﻤﺠﻤﻮﻋﺔ ﺍﻟﺸﻤﺴﻴﺔ ﻛﻠﻬﺎ

ﺃﻣﻨﻴﺔ : ﻣﺎﺗﺤﺮﻣﺶ ﻣﻨﻚ ﺍﺑﺪﺍ ﻳﺎ ﺣﺒﻴﺒﻲ

ﺃﺣﻤﺪ : ﻣﺎﺗﺰﻋﻠﻴﺶ ﻧﻔﺴﻚ ﻳﺎ ﺃﻣﻴﺮﺓ ... ﺇﻥ ﺷﺎﺀﺍﻟﻠﻪ ﺃﻧﺎ ﻭﻟﺒﻨﻰ ﻧﺠﻴﺐ ﺍﻟﻤﺮﺓﺩﻱ ﺑﻨﺖ ﻧﺠﻮﺯﻫﺎ ﻟﺮﺍﻣﻲ ﺍﺑﻨﻚ

ﻧﻮﺭﺍ ﺑﺈﻋﺘﺮﺍﺽ : ﻳﺎ ﺳﻼﻡ ! ﺍﻣﺎﻝ ﺍﺑﻨﻲ ﺃﻧﺎ ﻭﻋﻠﻲ ﺍﻟﻠﻲ ﺟﺎﻱ ﻓﺎﻟﺴﻜﺔ ﺩﻩ ﺣﻴﺘﺠﻮﺯ ﻣﻴﻦ ﺇﻥ ﺷﺎﺀﺍﻟﻠﻪ ?

ﺃﻣﻴﺮﺓ : ﺟﺮﻯ ﺇﻳﻪ ﻳﺎ ﻧﻮﺭﺍ ? ﺍﻧﺘﻲ ﺣﺘﻜﻮﺷﻲ ﻋﻠﻰ ﻋﻴﺎﻝ ﺃﺧﻮﻳﺎ ﻛﻠﻬﻢ ﻭﻻ ﺇﻳﻪ ? ﺍﺣﻨﺎ ﺳﻴﺒﻨﺎﻟﻚ ﻳﻮﺳﻒ ... ﺣﺘﻄﻤﻌﻲ ﻓﺎﻟﻠﻲ ﺟﻮﺍ ﻛﻤﺎﻥ ... ﻭﺑﻌﺪﻳﻦ ﺍﺣﻨﺎ ﻟﺴﻪ ﻣﺎﻧﻌﺮﻓﺶ ﺇﺫﺍ ﻛﺎﻥ ﻭﻟﺪ ﻭﻻ ﺑﻨﺖ

ﻟﺒﻨﻰ : ﺍﻧﺎ ﻋﻨﺪﻱ ﺇﺣﺴﺎﺱ ﺍﻧﻬﺎ ﺑﻨﺖ ﺇﻥ ﺷﺎﺀﺍﻟﻠﻪ .. . ﻣﺎﻣﺎ ﻭﻋﻤﺘﻮ ﺃﻟﻔﺖ ﺍﻻﺗﻨﻴﻦ ﺑﻴﻘﻮﻟﻮﻟﻲ ﺍﻧﻬﺎ ﺑﻨﻮﺗﺔ

ﻋﻠﻲ : ﻳﺎ ﺟﻤﺎﻋﺔ ﺍﻧﺘﻮﺍ ﻧﺎﺳﻴﻴﻦ ﺣﺎﺟﺔ ﻣﻬﻤﺔ

ﺃﻣﻴﺮﺓ : ﺍﻳﻮﻩ ﻃﺒﻌﺎﻳﺎ ﻋﻠﻲ ... ﻧﺎﺳﻴﻴﻦ ﺭﻭﺿﺔ ﺑﻨﺘﻲ

ﻋﻠﻲ : ﻻ ﺑﻨﺘﻚ ﺩﻱ ﻟﻸﺳﻒ ﻳﺎ ﺃﻣﻴﺮﺓ ﺍﻛﺒﺮ ﻣﻨﻬﻢ ﻛﻠﻬﻢ ... ﻳﻌﻨﻲ ﺣﺘﺘﻀﻄﺮ ﺗﺘﺠﻮﺯ ﻣﻦ ﺑﺮﻩ ... ﺍﻧﺎ ﺍﻗﺼﺪ ﺍﻧﻜﻢ ﻧﺎﺳﻴﻴﻦ ﺍﻹﻧﺘﺎﺝ ﺑﺘﺎﻉ ﺍﻟﺠﻤﺎﻋﺔ ﺍﻟﻠﻲ ﺑﻴﺘﺠﻮﺯﻭﺍ ﺩﻭﻝ ... ﻧﺎﺳﻴﻴﻦ ﻭﻻﺩ ﺇﺑﺮﺍﻫﻴﻢ ﻭﻟﻤﻴﺎ ﻭﺃﺩﻫﻢ ﻭﺳﻮﺯﺍﻥ

ﺟﻤﺎﻝ : ﻻ ... ﺍﺣﻨﺎ ﻛﺪﻩ ﻣﺤﺘﺎﺟﻴﻴﻦ ﻧﻌﻴﺪ ﺍﻟﺤﺴﺒﺔ ﻣﻦ ﺍﻷﻭﻝ

ﺍﺣﻤﺪ : ﺍﺣﻨﺎ ﻛﺪﻩ ﻧﺒﻘﻰ ﻣﺶ ﺣﻨﺨﻠﺺ ... ﺃﻧﺎ ﻣﻦ ﺭﺃﻳﻲ ﻧﺴﻴﺐ ﺍﻟﻮﻻﺩ ﻟﻤﺎ ﻳﻜﺒﺮﻭﺍ ﻭﻛﻞ ﻭﺍﺣﺪ ﻳﺨﺘﺎﺭ ﺑﻨﻔﺴﻪ

ﻟﺒﻨﻰ : ﻭﺍﻟﻠﻪ ﻣﻌﺎﻙ ﺣﻖ ﻳﺎ ﺍﺣﻤﺪ ... ﺍﺣﺴﻦ ﺑﺮﺿﻪ

ﻧﻮﺭﺍ : ﻳﺎ ﺳﻼﻡ ﻛﻞ ﺩﻩ ﻋﺸﺎﻥ ﻗﻮﻟﺘﻠﻚ ﺟﻮﺯﻱ ﺃﺭﻭﻯ ﻟﻴﻮﺳﻒ ﻟﻮ ﺟﺮﺍﻟﻲ ﺣﺎﺟﺔ ... ﺧﻼﺹ ﻳﺎ ﺣﺒﻴﺒﺘﻲ ﻣﺶ ﻋﺎﻳﺰﻳﻦ

ﺧﺮﺟﺖ ﺭﻭﺿﺔ ﺇﻟﻰ ﺧﺎﺭﺝ ﺍﻟﻘﺎﻋﺔ ﺛﻢ ﻋﺎﺩﺕ ﺑﻌﺪ ﻗﻠﻴﻞ ﻭﺇﻟﻰ ﺟﻮﺍﺭﻫﺎ ﻃﻔﻞ ﻳﻤﺎﺛﻠﻬﺎ ﻓﺎﻟﻌﻤﺮ ﺗﻘﺮﻳﺒﺎ ﻭﺍﻗﺘﺮﺑﺖ ﻣﻦ ﺃﻣﻬﺎ ﻗﺎﺋﻠﺔ : ﻣﺎﻣﻲ ﻣﺎﻣﻲ

ﺃﻣﻴﺮﺓ : ﺍﻳﻮﻩ ﻳﺎ ﺭﻭﺿﺔ ﻳﺎ ﺣﺒﻴﺒﺘﻲ ... ﻋﺎﻳﺰﺓ ﺣﺎﺟﺔ

ﺍﺷﺎﺭﺕ ﺭﻭﺿﺔ ﺇﻟﻰ ﺍﻟﻄﻔﻞ ﻗﺎﺋﻠﺔ : ﻣﺎﻣﻲ ﺃﻧﺎ ﻋﺎﻳﺰﺓ ﺍﺗﺠﻮﺯ ﺍﻟﻮﻟﺪ ﺩﻩ

ﺃﻣﻴﺮﺓ ﺑﺪﻫﺸﺔ : ﺍﺷﻤﻌﻨﺎ ﺍﻟﻮﻟﺪ ﺩﻩ ﻳﺎ ﺣﺒﻴﺒﺘﻲ

ﺭﻭﺿﺔ : ﺩﻩ ﻣﺶ ﻭﻟﺪ ﻳﺎﻣﺎﻣﻲ ﻟﻮ ﺳﻤﺤﺘﻲ ﺩﻩ ﺇﺳﻤﻪ ﻣﻌﺎﺫ ... ﻭﺑﻌﺪﻳﻦ ﻣﺶ ﻋﻤﻮﻋﻠﻲ ﻗﺎﻝ ﺭﻭﺿﺔ ﺗﺘﺠﻮﺯﻣﻦ ﺑﺮﻩ ... ﺍﻧﺎ ﻟﻘﻴﺖ ﻣﻌﺎﺫ ﻭﺍﻗﻒ ﺑﺮﻩ ﻣﻊ ﻣﺎﻣﺘﻪ ﺟﻴﺒﺘﻪ ﻭﺟﻴﺖ ﻋﺸﺎﻥ ﺗﺠﻮﺯﻳﻬﻮﻟﻲ ... ﺍﻭﻛﻲ ﻳﺎ ﻣﺎﻣﻲ

ﺃﻣﻴﺮﺓ ﺑﺈﺑﺘﺴﺎﻣﺔ : ﺃﻭﻛﻲ ﻳﺎ ﺭﻭﺡ ﻣﺎﻣﻲ ... ﺛﻢ ﺍﻟﺘﻔﺘﺖ ﺇﻟﻰ ﺟﻤﺎﻝ ﻗﺎﺋﻠﺔ : ﺍﻟﺤﻖ ﻳﺎﺟﻤﺎﻝ ... ﺑﻨﺘﻚ ﺟﺎﻳﺒﺔ ﺍﻟﻮﻟﺪ ﺩﻩ ﻭﺑﺘﻘﻮﻟﻲ ﺟﻮﺯﻳﻬﻮﻟﻲ ... ﺍﻧﺖ ﺇﻳﻪ ﺭﺃﻳﻚ ﻓﺎﻟﻤﻮﺿﻮﻉ ﺩﻩ ?

ﺟﻤﺎﻝ ﺑﺘﻬﻜﻢ : ﻭﺍﻟﻠﻪ ! ﻭﺣﻴﻌﺰﻣﻮﻧﺎ ﺑﻘﻰ ﻭﻻ ﻋﺎﻣﻠﻴﻦ ﺍﻟﻔﺮﺡ ﻋﻠﻰ ﺍﻟﻀﻴﻖ ... ﺍﻧﺎ ﻣﺶ ﻋﺎﺭﻑ ﺍﻟﺒﻨﺖ ﺩﻱ ﻃﺎﻟﻌﺔ ﻣﻨﺤﺮﻓﺔ ﻣﻦ ﺻﻐﺮﻫﺎ ﻛﺪﻩ ﻟﻤﻴﻦ ?

ﺃﻣﻴﺮﺓ ﺑﺈﺑﺘﺴﺎﻣﺔ ﺳﺎﺧﺮﺓ : ﺗﺼﺪﻕ ﻭﻻ ﺃﻧﺎ ﺑﺮﺿﻪ

ﻋﻠﻲ ﻣﻮﺟﻬﺎ ﺣﺪﻳﺜﻪ ﻟﻠﺒﻨﻰ : ﺃﻧﺎ ﻣﻼﺣﻆ ﺍﻥ ﻣﺎﻣﺎ ﻣﻨﺪﻣﺠﺔ ﺍﻭﻱ ﻣﻊ ﻋﻤﺘﻮ ﺃﻟﻔﺖ ... ﺩﻭﻝ ﺣﺘﻰ ﻣﺎﺭﺿﻴﻮﺵ ﻳﻘﻌﺪﻭﺍ ﻣﻌﺎﻧﺎ ﻭﻗﻌﺪﻭﺍ ﻋﻠﻰ ﺗﺮﺍﺑﻴﺰﺓ ﻟﻮﺣﺪﻫﻢ

ﻟﺒﻨﻰ : ﺍﻧﺖ ﺑﺘﻘﻮﻝ ﻓﻴﻬﺎ ... ﻓﻌﻼ ﻣﻮﺿﻮﻉ ﺍﻟﺠﻴﺮﺓ ﺩﻩ ﻛﺎﻥ ﻓﺮﺻﺔ ﺑﺎﻟﻨﺴﺒﺔﻟﻬﻢ ﻋﺸﺎﻥ ﻳﻌﻴﺪﻭﺍ ﺃﻳﺎﻡ ﺑﻴﺖ ﺍﻟﻌﻴﻠﺔ ﻣﻦ ﺗﺎﻧﻲ ... ﺭﺑﻨﺎ ﻳﺨﻠﻴﻠﻨﺎ ﻧﻮﺭﺍ ﻭﺃﻓﻜﺎﺭﻫﺎ

ﻋﻠﻲ ﻧﺎﻇﺮﺍ ﻟﻨﻮﺭﺍ : ﺍﻟﻠﻬﻢ ﺁﻣﻴﻦ ... ﻭﻳﺪﻳﻢ ﻋﻠﻴﻨﺎ ﻟﻤﺘﻨﺎ ﺍﻟﺤﻠﻮﺓ ﺩﻱ

ﺍﻟﺠﻤﻴﻊ ﻓﻲ ﺻﻮﺕ ﻭﺍﺣﺪ : ﺍﻟﻠﻬﻢ ﺁﻣﻴﻴﻴﻴﻴﻴﻴﻴﻴﻴﻴﻴﻲﻳﻴﻴﻴﻴﻴﻴﻴﻴﻴﻴﻴﻴﻦ

ﺗﻤﺖ ﺑﺤﻤﺪ ﺍﻟﻠﻪ

تعديل المقال