رواية عالم افتراضي كاملة جميع الفصول بقلم ايمان شلبي
رواية عالم افتراضي كاملة جميع الفصول هى رواية من تأليف المؤلفة المميزة ايمان شلبي رواية عالم افتراضي كاملة جميع الفصول صدرت لاول مرة على فيسبوك الشهير رواية عالم افتراضي كاملة جميع الفصول حققت نجاحا كبيرا في موقع فيسبوك وايضا زاد البحث عنها في محرك البحث جوجل لذلك سنعرض لكم رواية عالم افتراضي كاملة جميع الفصول
رواية عالم افتراضي كاملة جميع الفصول
كانت فاتحه الواتس وهي واقفه في الشارع مستنيه صاحبتها تنزل عشان يروحوا الكليه سوا
اتفاجئت بالماسدج الغريبه ديه!
بصت علي الفستان الاسود اللي كانت لبساه وحطت ايديها علي بوقها وهي بتضحك برقه
لفت يمين وشمال يمكن تلاقي صاحب الماسدج لكن مشافتش حد
” هظهر بس مش دلوقتي ”
بعت ماسدج تانيه خلتها ترفع حاجبها الشمال باستغراب
هو شايفها ؟!
” انت مين ؟!”
ابتسم بهدوء وهو بيسند ظهره علي الكرسي ورجله الاتنين علي سور البلكونه
” واحد ”
هي برفعه حاجب واستنكار
” بجد كنت مفكراك واحده!! ”
” وكمان دمك خفيف ”
” طب غو”ر بقي بخفه د*م اهلك اللي علي الصبح ديه”
قالت جملتها واخدت نفس طويل وهي بتعمل بلوك للرقم بغي*ظ اصل هي خلقها في ذ*مه الله ومش ناقصه وجع دم*اغ
– ايه ده مالك مك”شره ليه علي الصبح
قالتها صاحبتها وهي بتقرب منها باستغراب
– واحد بعتلي ماسدج بيقولي الفستان الاسود احلي عليكي
صاحبتها برفعه حاجب :
– ايوه فين المشكله ؟؟
– بقوله انت مين بيقولي واحد لا برو*ح خالته كنت مفكراه واحده ظريف البيه
صاحبتها وهي بتضحك عليها بقوه :
– وطبعا كالعاده اتر*زع بلوك
هزت راسها بفخر وكأنها عملت إنجاز :
– ومش بس كده لا وكمان بوشكاش محفوظ بيضحي وش*تمته
ضربت صاحبتها رأسها بيأس من تصرفاتها الم*ج*نونه والع*نيفه مع كل الشباب وكأنهم بالنسبالها وح*وش كل ما حد يقرب يتفاجئ برفض وبلوكات ومش بعيد ضر*ب !
– يابنتي انتي مش هتبطلي حركاتك المج*نونه مع كل الشباب ديه ؟!
– توء
– هتعنسي جنب امك
رفعت حاجبها باستنكار :
– ياسلام وهي كل بنت مش بتكلم شباب بتعنس ؟!
– لا يا نيره بس انتي حرفيا معاملتك مع أي شاب صعبه فيها ايه يعني لو كان لينا صحاب شباب ؟!
– فيها أنه حرام يا سجي
– احنا مش بنعمل حاجه غلط كل حاجه بحدود
– حتي لو كان بحدود حرام برضو كنت بفكر زيك لحد فتره قريبه اوي لحد ما بابا قالي أنه حتي لو بتتعاملي بحدود ممكن مع الوقت تحبي اللي قدامك ساعتها الحدود هتتشال ساعتها ممكن تعملي اي حاجه حتي لو كانت غل*ط لأن مشاعرك هي اللي بتحركك اكتر من عقلك ودينك وعادتك …انا مش ملاك لكن بحاول ،بحاول ابعد عن حاجات كتير كنت بعملها زمان يمكن ربنا يهديني للطريق الصحيح
هزت سجي رأسها بالرغم انها مكانتش مقتنعه بكلام نيره بس حاولت تبان مقتنعه لحد ما وصلوا للكليه …
سجي وهي بتفرك ايديها بتوتر :
– ا احم تعالي يانيره نسلم علي زمايلنا ونمشي علي طول
بصت نيره علي التجمع اللي كان مكون من شباب وبنات وهزت رأسها برفض وحزم :
– لا ياسجي مش هروح لو عايزه تروحي انتي روحي
– بس …
– لو سمحتي ياسجي متض*غطيش عليا
سجي وهي بتهز رأسها بضيق :
– طيب استني هروح اسلم عليهم وجايه
– تمام
” كل مره بيزيد احترامي ليكي عن الاول حقيقي انا محظوظ أن انتي هتكوني من نصيبي ”
بصت للماسدج اللي بعتها فون لأنها عملت بلوك علي الواتس وعقدت ما بين حواجبها باستغراب !!
كان جواها فضول تعرف مين اللي مراقبها ومراقب تصرفاتها
كان عندها فضول تعرف ليه مش بيظهر قدامها ويقول الكلام ده بنفسه ؟!
يمكن خاي*ف منها ، في الحقيقه من حقه يخ*اف لانه لو ظهر وقال الكلام ده قدامها مش بعيد ترتكب جنءايه
هي مش معقده زي ما الكل بيقول عنها لكن هي عارفه حدودها كويس اوي
عارفه دينها وبتحاول تطبقه ،يمكن هي مش ملاك يمكن بتعمل حاجات كتير غلط مخالفه لتعاليم الدين
يمكن لبسها مش اللبس الشرعي المطلوب ،يمكن لسه في عادات مسيطره علي قلبها ومشاعرها لكن بتحاول هي دائما بتحاول تكون افضل حتي لو مش هتكون مثاليه لكن علي الاقل بتحاول وهي عارفه ومتأكده أن ربنا هيقف معاها هينور قلبها للطريق الصحيح الطريق اللي آخره جنه
اتنهدت بضيق وهي بتمسح الماسدج وبتستغفر ربنا في سرها وهي واقفه حاطه وشها في الأرض عشان عينيها متجيش في عين شاب بالغ*لط
هي عارفه أن كل اللي بتعمله مش بيعجب حد بس احنا مش جاين الدنيا عشان تصرفاتنا تعجب الناس احنا جاين عشان نرضي ربنا
” اتمني تمسحي الروج اللي انتي حطاه شكلك من غير حاجه حلو ”
حطت ايديها علي بوقها بصدمه وبرقت عينيها وهي بتشتم نفسها في سرها
انها نست تمسحه من ليله امبارح لأنها بتحب تحطه في البيت لكن هي بقالها فتره كبيره مش بتحط ميك اب في الشارع !
↚
جرت على الحمام من غير حتي ما تستني سجي اللي كانت نسياها تماماً وواقفه تهزر مع صحابها
دخلت الح*مام واول ما دخلت حمدت ربنا أن مكانش فيه حد طلعت منديل وفضلت تمسح الروج بقوه وهي بتستغفر ربنا وبتدعي علي الشاب اللي ظهرلها من العدم :
– كشفت راسي ودعيت عليك يا اخي انا مش فاهمه ظهرتلي منين يابني آدم برأس بخ*اخه انت ،ايه ياخويا جو الروايات ده والفستان الاسود احلي عليكي نينينيني وقال ايييييه محظوظ انك هتكوني من نصيبي نصيب ايه يابو نصيب ليبيه هو انا يوم ما اتجوز هتجوز واحد زيك
” وماله طيب اللي زي ده انا حتي حلو وبسمسم ”
– احي*يييه هو عف*ريت ولا ايه نهار اس*ود
قالتها وهي بتلطم علي خدها وبتلف يمين وشمال بتوتر وخ*وف وهي بتقرأ ايه الكرسي ونست انها في الحمام من الاساس
” لا لا متخافيش انا مش عفريت ولا حاجه ”
جس*مها كله اترعش وقالت بنبره صوت أوشكت علي البكاء :
– هش انصرف انصرف هشش هشش
” نيره حبيبتي انا مش عفريت بقولك انا جوزك ”
نيره وهي بتلطم زي المجنونه :
– ياختااااااي ياختااااااي ده طلع ج*ن عاش*ق ياختااااي وكمان اتجوزني من غير موافقتي يالهوووووي يالهوووووي ياختااااي ياني ياني ياحوستي السو*ده يانا يامااا
” هههههههه كمان ج”ن عاشق يابنتي انا بني آدم طبيعي زي زيك والله ”
كانت بتتنفس بسرعه وهي حاطه ايديها علي قلبها وبتلف يمين وشمال بخ*وف
بدء الخوف ينهش قلبها ودموعها نازله علي خدها مش قادره تستوعب ايه اللي بيحصل ومين الشخص اللي محاوطها من كل مكان ده
مين اللي قادر يشوفها بالرغم من أنها لوحدها في الح*مام !
ياتري هو عفر*يت ولا بني آدم
” بتعيطي ليه يانيره ”
حست بهمسه في ودنها فمسكت في الفستان بتاعها وهي بتقول بتوتر ورع*ب :
– ا انت مين
-لفي وانتي تعرفي
↚
لفت ببطئ وهي بتترعش ومغمضه عينيها بقوه واول ما لفت وفتحت عينيها برقت بصدمه وهي بتقول :
– لؤي
يُتبع
#إيمان_شلبي#عالم_افتراضي
#البارت_التاني
-لؤي!
– وحشتيني
– ا ازاي ا انت مي*ت ازاي
– مين قال كده انا عايش
– لؤي انت ليه وشك مش واضح اوي
– يمكن محتاج مساعدتك
– مش فاهمه !!
قرب منها وهمس في ودنها :
– ساعديني أظهر للدنيا وليكي من تاني
قال جملته واختفي وهي واقفه جس*مها كله بيترعش ،عيونها بتدور عليه في كل ركن بلهفه ،قلبها بيدق بلهفه اكبر زي اول مره عيونهم اتلاقت قلبها دق ومن وقتها مبطلش يدق مبطلش يطلب منها قربه اللي بيحيه
– لؤي انت روحت فين لؤي أظهر
متبعدش يالؤي أنا ما صدقت اشوفك
لؤي ع عشان خاطري اظهر انت وحشتني
كانت بتلف عليه في كل ركن زي المجنونه ،دموعها نازله علي خدها زي الشلال وهي بتنده بأسمه بكل قوتها
– لؤؤؤي لؤؤي متمشيش تاني عشان خاطري يالؤي مش بعد ما لقيتك تمشي لؤؤي أظهر ياحبيبي أظهر مش بعد ما روحي ترجعلي تاخدها معاك تاني حرام عليك أظهر بقي اظهررررر بقي
– لؤي لؤؤي لؤؤي لا متمشيش لا
– نيره نيرره اصحي مالك في ايه
اتنفضت من مكانها وهي بتفتح عينيها وبتلف يمين وشمال وجسم*ها كله عرق
دموعها علي خدها ،ضربات قلبها سريعه وكأنها كانت في سباق مش في حلم !
قولتي حلم ؟!
يعني هي كانت بتحلم كل ده ،يعني لؤي مش موجود في الحقيقه
لؤي مش عايش ،لؤي ميت ،لؤي مجرد روح بتظهر في أحلامها
غمضت عينيها بألم لحظه إدراكها أن اللي حصل كان مجرد حلم
لحظه إدراكها أنه مبقاش موجود وأنه مي*ت من سنه فاتت !
سنه مرت عليها كأنها عمر بحاله
سنه اخدت من طاقتها وعمرها اخدت من شبابها وحيويتها اخدت منها كل حاجه حلوه واولها هو
– نيره حبيبتي مالك انتي كويسه ؟!
بصت لمامتها وهي بتقول بشرود :
– لؤي ياماما
قربت منها مامتها وهي بتمسح دموعها بحنان :
↚
– ادعيله بالرحمه ياحبيبتي
هزت راسها اكتر من مره وهي بتقول بلهفه وأمل ظهر في نبره صوتها :
– لؤي عايش ياماما هو قالي كده هو قالي انا عايش
مامتها وهي بتبصلها بدموع :
– نيره حبيبتي حرام تقولي كده لؤي ما*ت فوقي
قامت من مكانها وهي بتصرخ بصوت عالي في مامتها :
-بقولك لؤي عايش هو بنفسه اللي قالي كده قالي انا عايش
ق قالي ساعديني أظهر للدنيا
اكيد ده مش مجرد حلم ده رؤيه ياماما
ل لؤي كان عايز يوصل رساله بس بس انا مقدرتش افهمها ،ماما ساعديني ارجوكي
س ساعديني ندور علي لؤي هو محتاجني محتاج مساعدتي
كانت مامتها قاعده تبصلها بدموع وهي شايفه الحاله اللي وصلت ليها من بعد موته
كل يوم حالتها تسوء عن اليوم اللي قبله كل يوم تقوم من نومها تقولها نفس الكلام
ديه مش اول مره تشوف الحلم ده كل مره تشوفه وتقوم بالحاله ديه لدرجه الكل قال بقت مريض*ه نفسياً محتاجه دكتور نفسي عشان تقدر تتجاوز صدمه مو*ته اللي لحد دلوقتي مش قادره تستوعبه !
نيره وهي بتقرب من مامتها بدموع :
– ماما ا انا مش مري*ضه زي ماهما بيقولوا عليا و والله انا بشوف لؤي
ه هو كل مره يقولي نفس الكلام ،ل لؤي كان بيحبني اوي و وانا كمان ياماما ا انا كمان بحبه
ع عشان كده هو بيجيلي في الحلم ع عارف اني مش هتأخر في مساعدته
م ماما صدقيني ا انا حاسه ان لؤي عايش و والله حاسه أنه عايش ،م مش انتي قولتيلي أن هما لحد دلوقتي ملقوش جث*ته بعد ما الطياره وقعت في المياه ؟!
صح مش انتي قولتي كده صح ياماما ردي عليا عشان خاطري ردي عليا
شدتها مامتها بحضنها وهي بتقول بدموع :
– ايوه ياحبيتي ايوه انا مصدقاكي وهساعدك
نيره بلهفه ودموع :
– بجد
هزت راسها بابتسامه حزينه وهي بتضمها لصدرها وبترفع رأسها لفوق بتدعي بقلبها قبل لسانها أن ربنا يريح قلبها وان يكون كلامها حقيقي
دقائق وحست بأنتظام أنفاسها بعدتها عنها برقه كانت غرقانه في النوم وهي ماسكه فيها زي الاطفال ودموعها مازالت متعلقه في عينيها
مسحت دموعها بكل حنيه ورقه وهي بتبعدها عنها ببطئ وبتسند رأسها علي السرير وبتبوس خدها بعمق وحنان ام وبتقفل النور وتخرج وتسيبها وهي بتدعي ربنا يريح قلبها وبالها
…………………………………………………………………
– يعني المخروبه كليتنا عامله رحله لاسوان ؟!
– بصي هي رحله بس مش رحله
نيره وهي بتحط ايديها علي خدها بسخريه :
– وديه فزوره؟!
سجي بضحك :
– يابنتي لا بصي ياستي احنا بما اننا تاريخين …
– تا ايه ياعنيا ؟!
سجي بضيق :
– تاريخين يعني بتوع تاريخ وفي كليه اداب تاريخ وكده
– اه كملي
سجي وهي بتكمل كلامها بجديه وكأنها عالمه آثار:
– بما اننا تاريخين والمفروض نشوف المواقع اللي بندرسها فقد قررت كليتنا العظيمه أنها تطلعنا اسوان لمده يومين نشوف المواقع الآثريه اللي هناك وندرسها ويا كأننا هنبقي علماء آثار في المستقبل
نيره وهي بتمسح علي وشها بضيق :
– يالهوي علي الق*رف اللي انا فيه يعني يوم ما اروح اسوان اللي هموت واروحها يبقي عشان ادرس مواقع آثريه ياشيخه حسبي الله ونعم الوكيل كشفت راسي ودعيت عليكي ياكليه أداب تاريخ
” وديه دعوه مني ككتابه عشان الكليه دايسه علي وشي بجد مش هزار 😂🙂”
وفعلا تاني يوم سافروا لاسوان تحت تذمر نيره من كل حاجه بتحصل من دفعتها كرتونه البيض المسلوق وده كنايه عن دفعتي انا ككاتبه برضو😂
” كنت مستنيكي من زمان ”
كانت واقفه تتكلم مع صحباتها وفجأه اتبعتت ماسدج علي الواتس فتحت لقت رقم غريب لاول مره تشوفه وشافت الماسدج الغريبه ديه !
– ايه ده ؟؟
سجي باستغراب :
-مالك في ايه ؟؟
نيره وهي بتمط شفايفها بجهل :
– معرفش واحد باعتلي ماسدج بيقولي
” كنت مستنيكي من زمان ”
سجي باستغراب:
-ده مين ده
– معرفش رقم غريب
– امممم ممكن يكون باعت الماسدج بالغلط
– ممكن فكك فكك انا مش هرد
هزت سجي رأسها وكملت نيره كلام مع صحابها بالرغم من أن الماسدج كانت شاغله بالها إلا أنها حاولت تتجاهل فضولها وكملت يومها
– انا هروح اشتري مايه حد عايز حاجه معايا ؟؟
– لا يانيرو شكرا
راحت السوبر ماركت ودخلت كان زحمه جدا
حست بعيون بتراقبها فضلت تلف يمين وشمال بتوتر لدرجه خبطت في شخص
– اسفه بجد انا اسفه جدا جدا
قالت جملتها وهي بتوطي تجيب الحاجات اللي وقعت منه لما خبطت فيه
– ا اتفض..ل لؤي
قرب منها وهو بيهمس في ودنها:
– كنت عارف ان مفيش غيرك هيقدر يساعدني
↚
قال جملته وثواني واختفي من المكان
ثانيه اتنين تلاته وهي مش مستوعبه اللي بيحصل
– لؤي لؤؤي استني متمشيش لؤؤؤي
كانت بتدور عليه في كل مكان بتدور في وشوش كل اللي واقفين عنه بلهفه ودموع
– في حاجه يا انسه
نيره بدموع :
– لؤي ه هو كان هنا انا شوفته بعيني ل لؤي ارجع عشان خاطري كفايه كده كفايه أنا تعبت
الشخص بشفقه :
– لا حول ولا قوه الا بالله لؤي مين ده يابنتي قوليلي يمكن اقدر اساعدك
نيره بلهفه وصوت متقطع من كتر العياط :
– ل لؤي ج جوزي ج جوزي ه هو كان هنا والله كان هنا انا شوفته ه هو مم*اتش و والله انا حاسه بيه حاسه أنه عايش
– لؤؤؤؤؤي يالؤؤي حرام عليك بقي مش كل مره تمشي وتسيبني لوحدي ارجع بقي ارجع عشان خاطرري
– لؤؤؤي لؤلؤي ارجع عشان خاطري انت فين
– نيره نيرره فوقي بقي يانيره فووووقي لؤي مات لؤؤي م*ااااا*ت
فتحت عينيها وهي بتتنفس بسرعه وبتدرك للحظه اللي مش عارفه عددها كام انها كانت في حلم شيفاه سامعه صوته شامه ريحته لكن مش قادره تلمسه زي ما بيظهر فجأه بيختفي فجأه وكأنه سراب
اتعدلت في مكانها وهي بتقول بهدوء مُريب :
– أنا هسافر
مامتها باستغراب:
– هتسافري ؟؟
نيره وهي بتبص لمامتها بابتسامه هادئه وبتقول بغموض :
– رايحه اسوان ادور علي لؤي هو هناك
يُتبع
#إيمان_شلبي#عالم_افتراضي
#البارت_الثالث
-يابنتي فوووقي بقي فوقي من اوهامك لؤي م*ات خلاص مااا**ات
قالتها مامتها بأنهيار وهي بتهز فيها
اما عن نيره كانت بتبص قدامها بشرود وبتقول بهمس :
– بس انا حاسه بيه حاسه أنه عايش هو ليه مفيش حد عايز يصدقني
مامتها وهي بتحاوط وشها وبتبص في عيونها وبتقول بكل قوه :
– مفيش لؤي خلاص يانيره مفيييش لؤي تاني لؤي م*ات الله يرحمه
أنا عارفه أنه صعب عليكي تسمعي الكلام ده بس انتي لازم تفوقي يابنتي
↚
اللي م*ات مش بيرجع تاني ولؤي مش راجع
نيره وهي بت*زق ايد مامتها وبتقول بأصرار :
– لؤي راجع وقريب اوي كمان
هزت مامتها رأسها بيأس وخرجت من الأوضه وهي بتحاول تكتم صوت عياطها وانهيارها
اتنهدت بحزن وقله حيله وقعدت علي اقرب كرسي وهي بتحط وشها بين ايديها وبتدعي أن ربنا يريح قلب بنتها وقلبها هي كمان
هي عذراها محدش يقدر يحس بيها قدها لأنها مجربه احساس فق*دان اقرب الناس ليها فق*دان جوزها وحبيبها ورفيق الكفاح ابو نيره اللي ما”ت من خمس سنين بالتقريب ومن وقتها وهي مش هي !
م*وت حد عزيز بيق..تل كل شيئ جوانا بيخلي جزء مننا حزين طول الوقت مهما مرت الايام أو الشهور أو حتي السنين مهما نبين أننا بخير مهما نبين أن احنا عايشين وبنتأقلم علي حياتنا الجديده من غير وجودهم إلا أن في شيئ جوانا مف*قود حزين ضع*يف مشتاق مشاعر كتير متلغبطه مهما حكينا عنها مش هنقدر نوصفها لحد💔
فاقت من شرودها ونيره بتخرج من الأوضه وهي بتجر شنطه سفر
انتفضت وهي بتصرخ بفزع :
– انتي اتج*نن*تي هو انتي مسافره بجد ؟!
نيره وهي بتتنهد بضيق :
– اه مسافره بجد مسافره ارجع لؤي
مامتها بجنون وهي بت*زعق في وشها:
– مفيش سفر انتي سامعه مفيش سفررر لؤي ما*ت بقي م**ااات حرام عليكي اللي بتعمليه فيا وفي نفسك
نيره بعصبيه ودموع :
– حرام عليكي انتي بقي حرام عليكي محدش عايز يصدقني ليه لؤي مم*ات*ش انا اكتر واحده بتحس بيه
أنا حبيبته ومراته وأمه واخته وكل دنيته
لؤي لو م”ات يبقي ده كمان ي**موت معاه
قالت جملتها وهي بتض*رب علي قلبها بقوه وبت*صرخ بهستريه :
– سيبني اسافر ابعدي عني سيبيني ارجع حبيبي لحضني انتوا ليه مستكترين عليا الامل ليه مستكترين عليا الفرح سيبوني في حالي بقي سيبووووووني
كانت منهاره بالمعني الحرفي وهي بتكسر اي حاجه قدامها ومامتها واقفه تبصلها بخوف علي الحاله اللي لاول مره توصل ليها
حاولت تقرب منها لكن نيره بعدت خطوه لورا وهي بترفع صباعها في وش مامتها علامه عن التحذير :
– ابعدي متقربيش مش كل مره هتاخديني علي قد عقلي مش كل مره هتوقفيني عن اللي عايزه اعمله
أنا هسافر ياماما سامعه انا هسافر وهرجع وانا معايا لؤي
قالت جملتها وجرت شنطتها وخرجت
أما عن مامتها رفعت سماعه الفون وهي بترن علي رقم ثواني ورد بمرح كعادته :
– سوزي لا اوعي تقولي عامله مكرونه بشاميل
سوزي بدموع :
– الحقني يا آسر
آسر وهو بيتنفض بفز*ع:
– في ايه ياخالتو نيره جرالها حاجه ؟؟
سوزي بانهيار :
– ل لا ب بس قامت من نومها فجاه و وقالتلي انا هسافر اسوان ادور علي لؤي ح حاولت امنعها بس مقدرتش ارجوك يا آسر الحقني
آسر وهو بيقوم من مكانه بسرعه :
– طب حاضر انا مسافه السكه وهكون عندك
سوزي برفض :
– لا لا روح موقف العربيات اكيد هي هناك حاول تمنعها ارجوك يا آسر هي مش بتسمع كلامه حد غيرك ارجوك بنتي بتضيع مني
آسر بحنان :
– اهدي ياسوزي بس متقلقيش والله نيره قويه انا عارف اختي كويس هتبقي بخير
↚
سوزي بدموع :
– يارب يااارب
قفل الفون وركب عربيته وهو بيسوق بأقصي سرعه نحيه موقف العربيات
بالرغم من هدوئه وملامحه اللي ميبنش عليها أي قلق ألا أنه كان مرعوب من جواه
خا*يف يحصلها حاجه وهو مش معاها ،خايف يخ*لف بوعده وميحافظش عليها زي ما وعد باباها قبل ما ي*م*وت
خايف أخته تضيع منه ،بالرغم أنهم مولودين في نفس الشهر وقد بعض إلا أنه بيحس نفسه مسؤول عنها
هو معندوش اخوات بنات بس بيعتير نيره أخته وصاحبته هي الوحيده اللي معاها كل أسراره هو قدامها كتاب مفتوح وهي كذلك
مينكرش ابدا حزنه علي لؤي لما م*ات
لؤي كان أقرب صديق ليه شاف نيره مره وهي معاه اعجب بيها قرر يتقدم وبالرغم من رفض نيره لاي عريس إلا أنها وافقت علي لؤي بدون مجهود منه
يفتكر وقتها نيره وهو بيسألها عن رأيها قد ايه كانت متوتره وشها احمر قد ايه كانت بتحكي بشغف عن ارتياحها مع لؤي وقد ايه كانت مبسوطه أن جالها الشخص المناسب اللي كانت بتتمناه
يفتكر قد ايه كانت مبسوطه فتره الخطوبه وقد ايه كانت عندها طاقه لكل حاجه واي حاجه يفتكر ابتسامتها يفتكر اعترافها بأنها حبت لؤي
يفتكر يوم كتب الكتاب لما كانت طايره زي الفراشه
هو فعلا لؤي كان كل حاجه بالنسبه ليها ،كان الاخ والحبيب والصديق والاب كان بيحاول يعوضها فقدان باباها بكل الطرق بالرغم أن مفيش حد يقدر يعوض فقدان الاب أو الأم محدش يقدر يعوض مكان التاني
لكن علي الاقل كان بيحاول !
كان ونعم الاخ والاب والصديق والزوج
كانوا اسعد اتنين لحد ما في يوم وقبل فرحهم بيومين كل حاجه اتغيرت أحلامها مستقبلها حياتها حتي هي اتغيرت لما سمعت خبر أن الطياره اللي كان مسافر بيها اختفت كل ال”ج*ثث اللي كانت في الطياره مات*وا وفي ناس اختفت ومحدش لاقي ج*ثت*ها زي لؤي
من وقتها وهي عندها أمل ان لؤي ممكن يكون عايش !!
اتنهد بحزن وهو بيفوق من شروده لما شافها واقفه في الموقف بتسال الناس ازاي توصل آسوان
قرب منها بالعربيه وهو بيخرج رأسه من العربيه وبيقول بمرح :
– سمعت أن في كتكوته هتسافر اسوان لوحدها
نيره وهي بتنفخ بضيق:
– كملت
بص يا آسر لو ماما مامتك عشان ترجعني فأنا مش هرجع تمام؟!
انا مسافره اسوان يعني مسافره ومحدش هيمنعني
آسر وهو بيهز كتفه :
– ومين قال كده؟ ده انا كنت مسافر اسوان اصلا قولت اخدك في طريقي بالمره
نيره وهي بتقفل عينيها نص قفله بشك:
– ده بجد ولا تريقه ؟!
آسر :
– والله ابدا انا مسافر ايه رأيك تيجي
نيره بشك:
– آسر لو …
آسر :
– اقسم بالله مش هرجعك علي البيت هسافر معاكي اسوان علي فكره انا مصدقك
نيره ببراءه ودموع :
– ب بجد يا آسر م مصدقني م مصدق ان لؤي عايش
آسر وهو بيبتسم بهدوء :
– انتي مصدقه ؟!
نيره وهي بتهز رأسها بلهفه :
– اوي
آسر بحنان :
– يبقي انا كمان مصدق وهسافر معاكي ندور عليه يالا اركبي
نيره وهي بتفتح الباب وبتركب بلهفه :
– طب يالا بسرعه بسرررعه
آسر بمرح :
– مستعده ؟!
نيره بفرحه :
-جداا جدا ربنا يخليك ليا يارب
آسر وهو بيغمزلها بمشاكسه:
– لا معلش انا مش هقبل باقل من صينيه بسبوسه بالقشطه
نيره :
– حاضر وعد لو رجعنا ومعانا لؤي هعملك وليمه
آسر بمرح:
– اشطا انا بحب كده
ضحكت ضحكه صغيره وهي بتبص من الازاز وبتتنهد تنهيده كلها أمل بأنها هترجع ومعاها لؤي
دقايق وغمضت عينيها مع نسمه الهواء اللي بتخبط في وشها وراحت في النوم في عالمها الخاص الافتراضي اللي بتشوف فيه الامل بأنه مازال علي قيد الحياه
………………………………………………………………….
كانت قاعده في الكافيه المفضل بتاعها قدامها فنجان قهوه مظبوطه
حاطه الهاند فري في ودنها بتدندن اغنيتها المفضله بكل رقه ودلال
– نيره مش معقوووله
لفت لمصدر الصوت باستغراب وثواني وصر*خ*ت بفرحه وهي بتقوم تحضن صاحبتها اللي مشافتهاش من فتره كبيره جدا
-ميررووو وحشتيني اوي
ميار وهي بتحضنها بفرحه :
– يخرب عقلك انا معرفتكيش غير لما لؤي شبه عليكي
بعدت عنها ببطئ وهي بتهمس بصدمه :
– ل لؤي
ميار وهي بتشدها :
– ايوه يابنتي لؤي صاحب جوزي وصاحبنا اللي كان في الكليه تعالي سلمي عليه
شدت نيره اللي كانت ماشيه معاها بشرود وصدمه ووصلت لطربيزه كان عليها شخصين جوزها ولؤي
ميار بفرحه :
– نيره ياعيال فاكرينها
↚
جوز ميار بلهفه :
– ازيك يانيرووو ليكي وحشه
نيره مكانتش مركزه مع حد كانت باصه لنقطه معينه وهي مش قادره تصدق عينيها
– ل لؤي
قام وقف وقرب منها وهو بيميل بنص ج*سمه وبيهمس في ودنها :
” وحشتيني الن”هايه قربت وهشوفك خلاص”
قال جملته واختفي كالعاده هو وكل الموجودين
– لؤي لؤلؤي طب استني لؤؤؤي قولي طب انت فين لؤي اسمعني لؤؤي
– نيره نيررره
انتفضت من مكانها وهي بتفتح عينيها وبتبص يمين وشمال وبتدرك للمره المليون بالتقريب انها كانت في حلم جديد ورساله جديده بيحاول يوصلها لؤي
غمضت عينيها وهي بتتنهد وبتفكر في اللي ممكن يحصل
خايفه يطلع كل ده سراب
خايفه تتفاجئ بالحقيقه المره اللي مش قادره تستوعبها لحد اللحظه ديه
خايفه يكون ما*ت واتد*فن في التراب
– نيره مالك
– هه م مفيش هو احنا فاضلنا قد ايه ؟!
– امممم ساعتين أن شاء الله ونوصل
نيره بتنهيده:
– فكرك هلاقيه
آسر بابتسامه صغيره :
– أن شاء الله
نيره بدموع :
– آسر هو انت مش مصدقني زيهم ؟؟
آسر وهو بيهز رأسه بنفي :
– لا مصدقك
نيره بتوتر :
– ط طب هنعمل ايه لما نوصل
آسر بهدوء:
– هنروح ل لؤي
نيره باستغراب وبلاهه:
– نعم مش فاهمه
آسر بغموض :
– لما نوصل هتفهمي كل حاجه مستعجليش
يُتبع
# إيمان_شلبي#عالم_افتراضي
#البارت_الرابع
– انت اتج*نن*ت ياآسر ازاي تجيبها لحد هنا ؟
آسر بهمس :
– بس وطي صوتك وبعدين اعمل اي يعني هي اللي أصرت
↚
– ليه مش فاهم ؟!
اتنهد آسر بحزن وهو بيفرد ظهره علي السر*ير :
– عشان هي بتحلم بيك كل يوم وانت جيتلها في الحلم وكل يوم بتجيلها بماسدج مختلفه آخر مره كانت في اسوان وانت قولتلها كنت مستنيكي من زمان عشان كده أصرت تيجي علي هنا تدور عليك لانها مش قادره تستوعب لحد دلوقتي انك م*يت
اتنهد بحزن وهو بيقعد علي طرف السرير وبيحط وشه بين ايديه وبيقول بنبره صوت كلها وج*ع :
– انا اسف يانيره اسف ياحبيتي غصب عني
آسر وهو بيطبطب علي كتفه :
– كل حاجه هتتحل في اقرب وقت وهترجع
لؤي بقله حيله :
– اتمني العمليه خطي*ره اخ*طر مما تتخيل عشان كده كان لازم الكل يعرف اني مي*ت حتي هي
لازم تبان بالضعف ده قدامهم ،تفتكر انا كده ظالم*ها ؟؟
آسر بحيره :
– مش عارف بس اعتقد لو كنت مكانك كنت هعمل كده عشان احميها
لؤي وعيونه مليانه دموع :
– صعب عليا اشوفها كده صعب عليا اشوف دموعها صعب عليا اشوفها بتدور زي المج*نو*نه علي اي دليل اني عايش
آسر بحزن :
– بس انت بتعمل كل ده عشان تحميها وفي النهايه انت راجع
لؤي:
– راجع بعد ايه ؟ بعد ما خليتها زي الورده الدبلانه بسبب خبر مو*تي
كان لسه هيتكلم بس الباب خبط علي آثره اتنفض لؤي وآسر
آسر بصوت مهزوز:
– م مين
– انا نيره يا آسر
آسر بهمس :
– ادخل استخبي في الحمام لحد ما اشوفها عايزه ايه
هز لؤي رأسه ودخل الحمام أما عن آسر اخد نفس عميق وراح يفتحلها الباب
– تعالي يانيرو
نيره وهي بتمسح دموعها :
– م ممكن ننزل بقي
آسر بفزع:
– بتعيطي ليه طيب ؟!
نيره بشه*قات:
– ل لؤي ل لؤي وحشني اوي يا آسر ع عارف ل لما يكون حد واحشك اوي نفسك تحضنه بس مش عارف في حاجه منعاك تقرب
ل لؤي عايش يا آسر صدقني انا من اول ما رجلي خطت المكان ده و وانا شامه ريحته ا انا اكتر واحده حاسه بيه ح حاسه أنه هنا
ارجوك يا آسر ص صدقني ارجوك ا انزل ندور علي لؤي ارجوك
قالت جملتها الآخيره بأنهيار و آسر واقف يبصلها بحزن لدرجه عينه دمعت ،ثواني وسح*بها لحضنه وهو بيحاول يهديها من نوبه البكاء اللي استحوزت عليها من وقت ما وصلوا أسوان
أما عن لؤي كان واقف ساند رأسه علي الباب سامع صوت عياطها اللي بيشق قلبه لنصين
نفسه يخرج يضمها لقلبه يطمنها يمسح دموعها يقولها انا هنا اهو انا عايش يقولها انا اسف سامحيني نفسه يقولها وحشتيني ووحشتني كلامك وحشتني ضحكتك
غمض عينه بقوه وهو بيمنع نفسه يخرج من الح*مام ويكشف السر يبوظ خطته اللي بيخططها بقاله سنه بالتقريب عشان يخلص البشريه من شويه مج*رمين بيعملوا كل حاجه غل*ط بيضيعوا شباب وبنات بيض*يع*وا اجيال
بعدت نيره فجأه عن آسر وهي بتحط ايديها علي قلبها اللي دق بسرعه رهيبه
آسر باستغراب :
– في ايه !!
نيره وهي بتدور بعينيها في الأوضه :
– لؤي لؤي هنا
آسر وهو بيبلع ريقه بتوتر :
↚
– ه هنا فين بس
نيره بتوهان :
– قلبي يا آسر قلبي اول مره يدق بالشكل ده من وقت ما ما*ت ا انا حاسه بيه هنا قلبي بيقولي أنه هنا
آسر بارتباك:
– ط طب بصي ياحبيبتي روحي دلوقتي ريحي شويه وبكره أن شاء الله اول ما نصحي هننزل ندور سوا تمام ؟!
نيره وهي بتهز رأسها برف*ض وهس*تريه وبتقول بلهفه قبل ما تتحرك من قدام آسر:
– لؤي هنا في الفندق
قالت جملتها وراحت تخبط علي كل باب في الفندق وهي بتصرخ بأسمه بلهفه
– لؤي لؤؤؤي حبيبي انت انت هنا صح لؤؤؤي انا جيت اهو ياحبيبي مش انت كنت مستنيني لؤؤؤي ياحبيبي رد عليا أنا نيرو حبيبتك لؤي رد عليا لو سمحت
كان الكل واقف يبص علي نيره اللي كانت بتتحرك في كل مكان بجنون وهستريه وهي بتصرخ بأسمه
أما عن آسر كان بيجري وراها بيحاول يلحق خطواتها
– نيره اقفي عندك انتي بتعملي ايه نيررره
نيره بدموع :
– لؤي هنا يا آسر لؤي هنا
آسر وهو بيقف قدامها يعترض طريقها وبيصرخ في وشها لاول مره في حياته :
– فوقي بقي فووووقي لؤي م*ات خلاص ما**ااات لؤي مش هنا ولا هناك لؤي مش موجود في أي مكان خلاااص فووقي يانيره
كانت واقفه تسمعه بشرود وتوهان وهي بتتنفس بسرعه مع كل حقيقه بيقولها ،دموع عينيها مش بتجف
ثانيه اتنين تلاته من الصمت وهي بتبص علي الكل اللي كانوا واقفين يتفرجوا بشفقه علي الحاله اللي وصلت ليها
بيضربوا كف فوق التاني ،قلوبهم ب*تدمع قبل عيونهم
واقفين يدعولها بالصبر
– يعني هو خلاص ما*ت
قالتها بهمس وهي بتسند علي باب من الأبواب وبتقعد علي الارض بضعف وتعب
آسر وهو بيقعد قدامها علي ركبته وبيحاوط وشها برقه :
– م”ات يا نيره خلاص لؤي م*ات
سندت رأسها علي الباب وهي بتغمض عينيها وبتستسلم للنوم بتستسلم لغيبوبه هتدوم لفتره طويله وبأرادتها
لحظه إدراكها أن الأمل اللي جواها أصبح سراب
قرب منها آسر وهو بيهزها بقلق :
– نيره نيرره فوقي نيررره
كانت سامعه كل حاجه حاسه بكل حاجه لكن رافضه تفتح عينيها رافضه ترجع للواقع اللي كله تعب وحيره وعذاب
رافضه تصدق الحقيقه ،رافضه تعيش من غيره
لو كان عالم الاحلام هو اللي هيجمعهم فهي مستعده تعيش عمرها كله بتحلم بيه
بتشوفه،بتسمع همسه
بتشم ريحته ،تتمني تقدر تلم*سه توصل لحضنه ومتخرجش تتمني لو تفضل في حضنه لآخر عمرها
بعد مرور ساعه
– ها يادكتور طمنا
هز الدكتور رأسه بحزن
– للاسف دخلت في غيبوبه
آسر بصدمه :
– ايه ط طب وهتفوق أمتي
الدكتور بجهل :
– مفيش وقت محدد للاسف لازم رعاية طبيه ربنا يشفيها عن اذنكم
قال جملته وخرج اما عن لؤي كان واقف يسمع كلام الدكتور بصدمه وذهول
قرب منها ببطئ
قعد علي طرف السرير وهو بيسحب ايديها وبيغطيها بأيده
– ن نيره حبيبتي ف فوقي ا انا اسف و والله غصب عني فوقي عشان خاطري ط طب فوقي وانا مش هختفي تاني
ه هظهر ح حتي لو حياتي اتعرضت لخطر هظهر ع عشان خاطري فوقي
…………………………………………..
– نيره
كانت واقفه في مكان كله زرع يشبه الجنه في جماله
مكانتش فاهمه هي هنا ليه
كانت بتتلفت يمين وشمال لمصدر الصوت اللي بيهمس في ودنها وبيختفي
– م مين ا انت مين
– مش عارفه صوتي
↚
نيره وهي بتبلع ريقها بتوتر :
– ل لؤي انت فين
– انا هنا بس للاسف مش قادر أظهر
– ليه ع عشان خاطري انا تعب”ت أظهر بقي ريحني ريح قلبي
– انا اسف كان غصب عني
لفت ببطئ لمصدر الصوت واللي كان قريب منها وبيهمس في ودنهاوهي بتحاول تتنفس بسرعه ورعب
– ل لؤي
مسك ايديها الاتنين وهو بيبوسهم برقه :
– وحشتيني
نيره وهي بتحاوط وشه بلهفه :
– ا انت عايش ا انت عايش
لؤي وهو بيبوس جبينها برقه :
– انا اسف
قال جملته واختفي من قدامها وهي بتتلفت يمين وشمال بلهفه اكبر
– لؤي لؤي انت فين اختفيت تاني ليه لؤؤؤؤي
لؤي انت بتعمل فيا كده ليه حرام عليك حرام عليك ليه بتظهر وتختفي تاني ،انا تعبت حرام عليك
الناس كلها بتقول عليا مجنونه ،ا أظهر أظهر عشان اثبتلهم أن احساسي صح ا أظهر لؤي عشان خاطري اظهر
– لؤي ل لؤي لا متمشيش
– نيره حبيبتي نيره افتحي عينك انا هنا اهو نيره
فتحت عينيها وهي بتنهج بسرعه وبتبص يمين وشمال
برقت بصدمه وهي بتفرك عينيها اكتر من مره لما شافته قاعد قدامها
– ل لؤي
لؤي وهو بيبلع ريقه بتوتر :
– ل لؤي مين ا انا الدكتور زاهر ح حمد لله علي سلامتك يا انسه
قال جملته وقام يخرج من الأوضه ولسه هيخرج أتصدم لما …….
يُتبع ❤️
#إيمان_شلبي#عالم_افتراضي
#البارت_الخامس
قال جملته ولسه هيخرج أتصدم لما آسر اتكلم بهدوء :
– لؤي كفايه لحد كده
لف لؤي وهو بيبرق بتحذير ل آسر اللي قرب منه وهو بيحط أيده علي كتفه
– انا اسف يالؤي بس اختي متد*مره كفايه كذ”ب لحد كده
قولها الحقيقه ريحها وريح قلبها
عن اذنكم انا خارج برا
قال جملته وخرج وسابهم
كانت قاعده علي طرف السرير باصه عليه ،والدموع متعلقه في عينيها ،مش قادره تستوعب وجوده
معقوله ؟!
معقوله احساسها طلع صح ولؤي عايش ،معقوله بعد كل التعب اللي شافته في السنه ديه يطلع عايش !
ولما هو عايش ليه اخترع كذ*به م*وته اللي دمر*تها
اللي كانت بتم*و*تها كل دقيقه وكل ثانيه بتمر عليها
ليه مرح*مهاش ،ليه مرح*مش قلبها ،ليه مرحم*ش عينيها اللي دموعها مكانش بتجف وهي مستنيه في أي وقت يخبط عليها الباب ويقولها انا هنا اهو انا عايش
↚
ليه قلبه كان قا”سي عليها للدرجه ديه لدرجه أصبحت فيها مري*ضه نفسيه
قامت وقفت وهي بتقرب منه ببطئ ،اشتياق ،خو*ف
خوف يطلع كل اللي هي فيه حلم زي كل مره
خوف أنه يختفي فجأه وكأنه سراب !
ومع كل خطوه رعشه قلبها بتكون اقوي
روح*ها بتتسحب ،دموعها بتزيد لحد ما وصلت قدامه
رفعت راسها تبص في عيونه واول ما عيونهم اتلاقت حست برجفه ،كه*ربا في ج*سم*ها
في الوقت ده أدركت أنها مش في حلم ،ادركت انه قدامها وأنها خطوه وتقدر تلم*سه من غير ما يختفي ويصبح سراب
قربت ايديها اللي كانت بتترعش من وشه واول ما لم*سته شه*قت وهي بتبعد خطوه لورا وبتتنفس بسرعه
جس*مها كله جاب عرق ،هزت رأسها بهستريه وهي حاطه ايديها علي بوقها
– لا لا م مش معقوله لا
قرب منها لؤي خطوه فبعدت خطوتين وهي مش قادره تستوعب أنه واقف قصادها
لوهله افتكرت نفسها بتتخيل وجوده
غمضت عينيها بقوه وهي حاطه ايديها علي ودنها وكأنها بتحاول تمنع أي صوت يوصلها !
أما عن لؤي قرب منها وهو بيشيل ايديها من فوق ودنها وبيهمس برقه :
– وحشتيني
وعلي عكس توقعاته زق*ته وهي بترفع ايديها وبت*ضربه كف
ك*ف قوي غير متوقع صوت صداه رن في الأوضه
ومن بعده كان في صمت !
ثواني من الصمت والنظرات اللي خارجه من عين كل واحد فيهم
نظراتها اللي كأنها سه*ام بتخرج لقلبه مباشره ،وفي المقابل نظراته البارده الخاليه من اي تعبير
قعدت علي الكرسي بضعف وهي بتقول بتوهان:
– ل ليه
كان لسه هيفتح بوقه بس هي كملت كلامها بدموع
– ليه عملت فيا كده ؟ انا عملت فيك ايه ،ليه عملت فيا كده ،ل ليه تعيشني سنه سنه كامله بدور عليك سنه بدور في وشوش كل الناس عليك ،سنه بحلم بيك وأقوم اقول للكل انك عايش
د د ده الناس افتكرتني مري*ض*ه نفسياً ،د ده ماما جابتلي دكتور في البيت عشان يعالجني ع عشان اقدراتجاوز صدمه مو*تك ،ليه عملت فيا كده ؟؟
قالت جملتها الآخيره وهي بترفع رأسها وبتسأله بعتاب ليه ؟!
وفجأه صر*خت وهي بتقوم وبتش*ده من قميصه وب*تهز فيه بكل قوتها
– رد عليا عملت فيا كده ليه ؟ عملت فيك ايه عشان تم*وتني بالبطئ ،اذيتك في ايه عشان تعمل فيا كده ،رد عليا ساكت ليه اتكلم قول اي حاجه ريح قلبي أطفي الن*ار اللي جوايا رد علياااااا رد عليااااا حرام عليك
– عشان كان لازم اعمل كده كان لازم اخترع كذ*به مو*تي عشانك عشان احميكي
قال كلامه وهو بيصرخ في وشها بكل قوته
بعدت خطوه وهي بتهمس بصوت يكاد يكون مسموع :
– ت تحميني ؟!
لؤي وهو حاطط وشه في الأرض :
– ايوه يانيره عشان احميكي ،انا عملت كل ده عشانك
من سنه اللواء كلفني بمهمه كبيره كلفني ادخل وسط عصا*به خط*يره واشتغل معاهم اكسب ثقتهم عشان نقدر نجمع اكبر قدر من المعلومات ،الع*صابه دي هنا ،رئيس العص*ابه حبني و وثق فيا لكن للأسف مكنتش عارف اجمع اي ادله ضد*هم بنت رئيس الع*صابه شافتني حاولت ت*ت*قرب مني بس انا كنت بتهرب لحد ما جاتلي عرضت عليا نتجوز انا رفضت قولتلها انا بحب واحده وهنتجوز مقولتش هي مين كنت خايف عليكي كان في الفتره اللي كنت بختفي فيها كتير قبل خبر م*وتي ه*د*دتني وقالتلي سيبها يأما هعرف هي مين وصدقني ه*أذيها مش بعيد اق*تلها عشان انت ملكي
و وقتها مكنتش عارف اعمل ايه ،كنت محتار وخايف تأ*ذ*يكي مكنتش عارف ازاي هروح اقولك نسيب بعض مكنتش هقدر اواجهك خططت اخترع كذ*به م$وتي وقتها روحت حكيت لآسر كل حاجه قولتله لو جرالي اي حاجه خلي بالك منها أنا آسف يا نيره كل اللي عملته عشانك ،سامحيني ،نيره انا خلاص قدرت اجمع كل الادله فاضل بس دليل وكل حاجه هتنتهي وهنرجع زي الاول واحسن
سامحيني يانيره انا اس..
قطع جملته وهي بتترمي في حضنه وبتعيط بح*رقه
– و وحشتني اوي يالؤي ا أو اوي ا انا كنت بم*وت كل ثانيه وانت بعيد عني
ت تعرف ت تعرف انك كنت بتجيلي في الاحلام ؟!
ك كنت كل حلم تقولي جمله وتمشي ،ك كان بيبقي نفسي احضنك يالؤي ك كل ما اقرب منك عشان احضنك تختفي ،ك كل ما يتسرب الامل لقلبي اني خلاص لقيتك بتختفي بتتحول احلامي من حلم جميل لكاب*وس
ا انا مش قادره اصدق حاسه اني في حلم يالؤي ح حاسه انك ثواني وهتختفي زي كل مره
ضمها لقلبه وهو بي*دف*ن رأسها في صدره وبيغمض عينه بو*جع :
↚
– انا هنا يانيره خلاص مش هختفي تاني انا جنبك لآخر نفس فيا انا اسف
قال جملته وهو بيبوس رأسها برقه
أما عنها فغمضت عينيها وهي بتتنهد براحه كبيره لاول مره من وقت خبر موته
– يعني بقالي ساعه بدور عليك وفي الآخر اشوفك بالمنظر ده استغفر الله العظيم يارب لا لا ده احنا انح*رفنا
لف لؤي لمصدر الصوت في اللحظه اللي بعدت نيره عنه بفزع وهي بتبلع ريقها بخوف
لؤي وهو بيتنهد براحه:
– منك لله فزع*تي*ني
نيره وهي بتوزع نظراتها بينها وبين لؤي بتساؤل ؟!
لؤي :
– ا احم اعرفك يانيرو رنا انا وهي دراع كامل اليمين
رنا وهي بتقفل عينيها نص قفله :
– نيرو كمان لا ده ان”حرف بجد شربت بان”جو ولا لسه يالؤي !!
لؤي بضحك :
– ههههه ديه نيره يارنا مراتي
رنا بفرحه ولهفه :
– وحياه امك انت عرفتها انك عايش
لؤي وهو بيحط أيده علي كتفها وبيضمها بحب :
– هي اللي عرفت لوحدها
رنا ببلاهه:
– ازاي ؟!
لؤي وهو بيتنهد:
– بعدين المهم بتدوري عليا ليه في حاجه ؟؟
رنا بلهفه :
– نهار اس*ود نسيتني علي المغربي هاج*م علي الفيله عشان اكتشف أن كامل اللي ح**رق المصنع بتاعه والدنيا خ*ربانه وفي سيل من الاعترافات وشكلها النهايه والكل بيدور عليك وانا قولتلهم هروح اجيبك يالا بسرعه مفيش وقت للتفسير
لؤي بلهفه :
– ايه طب يالا بسرعه
نيره بخوف :
– هتروح فين
لؤي وهو بيحاوط وشها برقه :
– راجعلك متخافيش خلي بالك من نفسك تمام ؟!
نيره وهي بتمسك ايديه بين ايديها وبتقول بدموع :
– متتأخرش عليا لسه مشبعتش منك
رنا وهي بتل*طم علي خدها :
– اختاااااه الهي تنستري سيبي الواد يشوف شغله هنتعلق انا وهو في ميدان عااام
لؤي وهو بيبعد عنها بسرعه :
– خلي بالك من نفسك
نيره بدموع : و وانت كمان متسبنيش تاني
هز رأسه بابتسامه صغيره وخرج وهو بيجري هو ورنا
ثواني ودخل آسر الاوضه وهو حاطط وشه في الأرض بخجل
نيره بدموع :
– ك كده يا آسر
آسر بلهفه :
– انا اسف حقك عليا والله غصب عني
نيره وهي بتتنهد :
– المهم انه بخير يارب يارب رجعهولي بالسلامه
بعد مرور يومين
كان قاعد علي السرير بعد ما اتحسن بسبب الط*لقه اللي أخدها في دراعه يوم المهمه
↚
كان ساند رأسه ومغمض عينه بتعب
فتحها لما سمع صوت جزمه بكعب بترن في الأوضه
– انتي ؟!
قربت منه بمي*اعه وهي بتسحب كرسي وبتقعد علي الكرسي اللي قدام السرير وبتحط رجل علي رجل ببرود
– بس برافو بجد لعبتها صح
لؤي ببرود اكبر :
– انتي ايه اللي جابك
هي بسخريه :
– ايه جايه اتطمن علي جوزي
لؤي بابتسامه خبيثه :
– لا هو انا مقولتلكيش ؟ مش جوازنا با*طل
اه والله زي ما بقولك كده انا وانتي جوازنا با*طل اصل انا اسمي لؤي مش عماد ههههههههه معلش بقي ياحلوه تعيشي وتاخدي غيرها
هي بغضب :
– ب*تستغ*فلني ياح*يوان انا هو*ريك
لؤي :
– اللي عندك اعمليه اه صحيح نسيت اقولك ابوكي اخد حكم خمسه وعشرين سنه سجن لو عايزه تحصليه انا معنديش مانع
عندي أدله كتيره جدا توديكي ورا الشمس بس رفقا بيكي عشان انتي ست وكده قولت متكلمش بس لو عايزاني اتكلم انا معنديش مانع !
هي بتوتر وخوف :
– ا انت …
– انا مش عايز اشوف وشك هنا تاني تاخدي بعضك وتغ*وري قبل ما نيره توصل لأنها لو شافتك صدقيني مش هترح*مك ابدا علي اللي حصل فيها بسببك وانا بصراحه هكون اكتر من مبسوط لو شوفتها بتف*رمك تحت رجلها
– وانا ميرضنيش متكونش مبسوط يالولي انا هحققلك حلمك وحالا
لؤي وهو بيبص علي الباب وعلي نيره اللي كانت واقفه وفي دخان طالع من عينيها فهز رأسه بحزن مصطنع
– خساره عينك الخضراء يالا مش مهم فداها عيشي ياقلبي
ومع آخر جمله قالها انق*ضت عليها نيره وهي بتض*ربها بع*نف بأقوي ما عندها
كانت بتصرخ وب*تعيط بتقول كلام مش مفهوم لدرجه البنت كانت هتمو*ت في أيديها
– ليه عملتي كده ؟ حرام عليكي حرام عليكي انتي مش بني ادمه انا بكر**ررهك بكررر**رررر**ررهك ياحق*يره ياحقي*ررره
كانت من*هاره بالمعني الحرفي ،شكلها مرع*ب وهي ماسكه البنت من ش*عرها وب*تهز فيها بكل ق*وتها
انت*فض لؤي من السرير وهو شايف حالتها وهي بت*صرخ بهستر*يه
قرب منها حاول ي*شدها من عليها بدراعه السليم لكن مقدرش كانت ماسكه فيها بكل ق*وتها بتخ*بط دم*اغها في الحيطه بت*خر*بش وشها بع*”نف علي وشك تقت*لها بدون ما تحس
اتجمع عدد من الممرضات علي صوت ص*راخ البنت وحاولوا يبعدوها وآخيرا وبعد معاناه قدروا يبعدوا نيره اللي كانت بتتحرك ب*عن*ف وه*ستريه أما عن البنت فهربت بر*عب
– سبووووني سبووووني امو*ت*ها ديه قهرتني قه*رتني اكتر من سنه قه**ره قلبي كنت ب*موت كل يوم بالبطئ بسببها سبوووني
– خلاص سبوها بعد اذنكم
قالها لؤي للممرضات اللي بعدوا عنها وخرجوا من الأوضه وهي واقفه حاطه وشها بين ايديها وبتعيط بح*رقه
قرب منها لؤي وهو بيبعد ايديها عن وشها وبيهمس برقه :
– بس خلاص اهدي خلاص
نيره بشهقات:
– ق ق”هره قلبي يالؤي ا ا انا مش مسامحاها ابدا م مش مسامحاها علي قه*ره قلبي
لؤي وهو بيضمها لقلبه :
– بعد الشر عنك من ق*هره القلب
ضمه نفسها لحضنه ب*قوه وهي بتغمض عينيها بتعب ،ضعف، راحه ،فرحه مشاعر كتيره متلغبطه لكن في النهايه لطيفه
لؤي وهو بيبعدها عنه برقه وبيمسح دموعها :
– كفايه دموع انا قدامك اهو
هزت راسها بابتسامه صغيره وهي بتحضنه للمره اللي مش عارفه عددها لحد دلوقتي
– لؤي
– همممم
– بحبك اوي اوعي تسيبني تاني
لؤي وهو بيبو*س رأسها بحب:
– وانا بحبك اكتر
يا متربيه عفه وذوق
تبصي لفوق وايه يعني
ما حقك تبقى باصه لفوق
مادمت معاكي خدي راحتك
وطيري واجري ف مساحتك
فصوص الماس تراب تحتك
وقلب الناس رصيد مس*روق
مابعد سنين من التوهة
ومن قلة أمل خدني
يشاء ربك يعوضني
وتيجي حياتي تمليها امل وحنان
ياأجمل خطوة بابدأها
ياقصة مش مصدقها لحد الآن
بقى انتي يانجمة يا نقيه
يا عاليه ياصعبه ياعصية
بقا انتي تفكري فيا ..؟ ❤️’
تمت