رواية ليته يعود فيوز وادهم كاملة جميع الفصول بقلم عهد عامر
رواية ليته يعود فيوز وادهم كاملة جميع الفصول هى رواية من تأليف المؤلفة المميزة عهد عامر رواية ليته يعود فيوز وادهم كاملة جميع الفصول صدرت لاول مرة على فيسبوك الشهير رواية ليته يعود فيوز وادهم كاملة جميع الفصول حققت نجاحا كبيرا في موقع فيسبوك وايضا زاد البحث عنها في محرك البحث جوجل لذلك سنعرض لكم رواية ليته يعود فيوز وادهم كاملة جميع الفصول
رواية ليته يعود فيوز وادهم كاملة جميع الفصول
_ يا فيروز عشان خاطرى قابلى العريس ولو مرة واحدة، عايزة البس فستان سواريه.
فيروز: اه عشان تلبسى انتى فستان لمدة ساعة البس انا العمر كله صح؟ انسى يا حور
حور: ادينى سبب يخليكى ترفضى ده لقطة
فيروز: بسيطة، حلال عليكى يا قلبى
حور: يا رب صبرنى
سبتها ومشيت وانا مش قادرة افكر حتى ليه محدش قادر يستوعب اللى مريت بيه، ليه مش قادرين يفهموا ان فيروز حياتها وقفت من وقت ما هو مشى منها.
دخلت البيت وسبت المفتاح على الترابيزه ودخلت اوضتى خدت شاور رايق وعملت سكين كير وصليت وقريت قرآن وعملت اندومى وشغلت بودكاست وعى وهو بيحكى قصة سيدنا يوسف وانعزلت عن الدنيا وانا بسمعه وبعدها نمت بدون م ابذل مجهود ان حتى افكر فى اى حاجة.
صحيت تانى يوم صليت ونزلت الشغل وقابلت حور وفطرنا سوا وكل واحدة راحت على مكتبها.
كنت مندمجة فى شغلى وبصمم اعلان عن اكسسوارات لبنوته بتبدأ شغلها فكان لازم اساعدها بحاجة بسيطه وقررت انى اصمملها بلوجو للستور بتاعها وانزله عندى على البيدج كتشجيع ليها.
دخلت حور وقعدت قدامى ع المكتب
حور: ها، فكرتى
فيروز: انا قولت رأيي من اول م نطقتى وقولتى عريس صح
حور: صح
فيروز: يبقى اقفلى على الموضوع ده
حور: يعنى هتوقفى حياتك على واحد سايبك بعد شهرين جواز وبقاله سنتين مختفى ومفكرش حتى انه يبعتلك تستنيه ولا يبعتلك اى حاجه؟؟
فيروز: حور، لو سمحتى كفايه، لا ده مكانه ولا وقته، لو سمحتى سيبينى لوحدى.
مشيت حور على مكتبها وانا اتخنقت ومشيت روحت على الكافيه اللى متعودة اقعد فيه وطلبت الكابتشينو اللى بحبه وفضلت اكمل اللوجو.
دخلت حور وقعدت قدامى وقالت وهى بتقفل اللاب
حور: مش من حقك تسيبى اى مكان انا فيه وتمشى لمجرد انى بنصحك، انتى صحبتى واكتر من اختى انتى صعبانه عليا، صعبان عليا كل اللى بتعمليه وهو مش مقدر ولا حاسس، تقدرى تقوليلى هو فين؟ سابك من غير اى كلمه ومشى ليه؟ لو بيحبك زى م كان بيقول مكنش سابك من غير ما يقول حاجة، ونسأل وندور ومنعرفش راح فين، وف الاخر نكتشف ان البيه سافر برة مصر حتى رقم منعرفهوش ليه!
فيروز: مش قادرة اتخطاه يا حور، مش قادرة اشوف راجل تانى فى حياتى غيره، ادهم مكنش واحد والسلام، كان نصى التانى بمعنى الكلمة، بيفهمنى من غير ما اتكلم، عارف عنى اصغر التفاصيل، بحب ايه بكره ايه باكل ايه، ادهم كان انا، ازاى عايزانى انساه واتعايش وكأن مفيش حاجة؟ ازاى عايزانى انسى عمرى كله وابدأ من جديد مع شخص هظلمه اكتر م اظلم نفسى؟ انا مش كده يا حور ومش هعرف اكون كده، عارفه ان انتى وماما خايفين عليا وخايفين على مصلحتى بس انا مش شايفة غير ادهم مهما يحصل وفوق كل ده انا مش معايا ورقة طلاقى هتجوز ازاى؟!
حضنتها حور وحاولت تخفف من الجو شوية
حور: ايه الكآبة دى، قومى يا بت اطلبيلنا اكل وناخده البيت وناكله ونسمع المسلسل نزلت حلقة منه انهارده
فيروز: بس انتى اللى عليكى البيبسى والاندومى
حور: خلصانة.
جبنا اكل واتمشينا سوا لحد البيت وطلعنا غيرنا هدومنا وشغلنا المسلسل وفضلنا نسمعه وناكل وقضينا وقت لطيف مع بعض، اكتشفت ان الحياة من غير حور ملهاش طعم بجد.
حور: هتعملى ايه لو رجعلك بعد كل السنين دى؟
فيروز: تصدقى مش عارفه! ، خايفة اخد موقف ضده يبقى مظلوم، وخايفة اسيبه يتمادى ويتعود على البعد، انا مش عارفه اعمل ايه بجد، بس هو يرجع يا حور، يرجع.
حور: طول الوقت كنت واخده علاقتكم رمز كده فى حياتى، بكل المحبه اللى كانت بينكم، لمعة عيونه وهو بيبصلك مش بالساهل تلاقيها، كل م تحصل مشكله بينكم ومامتك تتدخل يقولها حماااتى فيروزة قلبى تعمل اللى يعجبها.
فيروز بضحك: فاكره لما ماما حبستنى ف الاوضه عشان خلصت باقة النت على المسلسل ومذاكرتش، وقتها فضل يحدف طوب على البلكونه واما فتحتله وانا فى ايدى الساندوتش قالى دانا فاكرك منهاره ومقضياها عياط اتاريكى بتاكلى؟
قولتله اكتئاب يعنى اكل معروفه
حور: وقتها قالك البسى واستأذن من طنط وخدك خرجك وجابلك شاورما
فيروز: والمطر نزل علينا انا وهو وفضلت اجرى ويقولى الهطلة اللى هتاخد منى برد اهى، وحماتى تيجى تقولى منك لله يا ادهم تعبتلى البت وفضل يقلد ماما وكلامها.
فضلنا نضحك سوا على كل الذكريات دى
فيروز: تصدقى وحشنى، ولو شوفته قدامى مش هيهمنى اى حاجة غير انه بخير، هو بس يطمنى عليه، يا ريته يرجع.
قطع كلامنا وصول مسدج على فونى فتحتها لقيتها من رقم غريب مبعوت منه فيديو؟!
فتحته لقيته….. لقيته فيديو لفرح كنت هقفل بس ايه ده؟ ده ده ادهم!
قومت من ع السرير بفزع وانا باصه على الموبايل ومش بعمل حاجة غير انى مركزه فيه
حور: مالك يا فيروز ايه اللى حصل؟
فيروز وهى بتعيط: ادهم اتجوز؟ ط طب وانا؟
حور: اتجوز ايه، ايه الهبل اللى بتقوليه ده
وريتها الفيديو وسمعته مره واتنين وعشرة وهى مصدومه.
فيروز: لا اكيد كذب، ادهم مش هيضحى بكل اللى بينا بالسهوله دى ويسيبنى
كملت بانهيار: نهى كل اللى بينا بكلمه كتبهالى على جواب انتى طالق ومشى، وفضلت عايشه السنين دى كلها على امل انه يرجعلى واشوفه وف الاخر اكتشف انه اتجوز؟ لا لا اكيد فيه حاجه غلط ايوه، ادهم حبيبى مش هيعمل كده
ادهم طول عمره بيحب فيروز ومستحيل يسيبها ولو لآخر يوم ف عمره هو قالى كده يا حور قالى كده
حضنتنى حور وفضلت تهدينى ودخلت ماما الاوضه علينا وعرفت اللى حصل وفضلت تهدينى مع حور لغايه م نمت.
♕♕♕♕♕♕♕♡♡♡
صحيت تانى يوم ولبست وخرجت للشغل كلمت واحده صحبتى فى شركه الاتصالات وعرفت تجيبلى صاحب الرقم واللى طلع واحده قريبه ادهم….
روحتلها من غير تردد وخبطت على بيتها
نسمه بتوتر: ف فيروز؟
فيروز: ايه الفيديو اللى بعتيه امبارح ده؟
نسمه: فيديو ايه؟ انتى بتتكلمى عن ايه؟
فيروز: فين ادهم يا نسمه؟
نسمه: م معرفش
فيروز: انا جبت كل بينات الخط من الشركه وانتى صحبه الخط لاخر مره هسألك بالذوق، ادهم فيين؟
نسمة: ادهم فى دهب مع مراته بيقضى شهر العسل
فيروز بوجع: م مراته مين؟
نسمة: مرام اللى كانت شغاله معاه ف الشركه قبل م يسافر.
سبتها ومشيت ف الشارع وانا تايهه ومش عارفه اعمل ايه وقفت على الكوبرى وفضلت افتكر كل حاجه بينا
ادهم: انا بحبك يا فيروز
ادهم: فيروز روح ادهم وادهم ميعرفش يعيش من غير روحه
ادهم: السما فيها نجوم كتير وف قلبى نجمة واحده
ادهم: تعرفى انا نفسى ف ولد وبنت واخدهم كل يوم احكيلهم ازاى ابوهم عشق امهم، وازاى داب فيها وف كل تفاصيلها
ادهم: مستحيل ابعد عنك الموت بس اللى هيفرقنا
فيروز بوجع ودموع مش بتقف: بعدت…. وبعدك وجعنى وكسرنى يا ادهم، مش مسمحاك.
روحت بيتها ودخلت اوضتها قفلت على نفسها ومكلمتش حد ورفضت ترد على حور ومامتهاا.
مسكت الفون وفضلت اتفرج على كل صورنا اللى كانت عليه، وكل لحظة كانت بينا ازاى قدر يستغنى عن كل ده؟
طيب لو هو مش بيحبنى او كان بيمثل عليا الحب ليه علقنى بيه، انا حبيته ليه يا ادهم ليييييه
طلعت بوكس كبير من دولابها وفتحته واول حاجة مسكتها كانت سلسله
flash back..
ادهم: فيروز، انزلى قابلينى ع الكوبرى دلوقتى
فيروز: انت اتجننت يا ادهم، الساعه 1 ماما هتعمل مننا بطاطس محمرة
ادهم: استاذنتها الاه، وبعدين انتى مراتى اغنيهالك؟!
فيروز: الله يهديك، تعالى طيب البيت وقولى عايز ايه
ادهم: قولى انك مكسلة
فيروز: بصراحه اه، وكمان الجو تلج وانا مش قادره
ادهم: افتحى الباب يا هادمة الملذات انتى
جريت فتحت الباب وكان ادهم قدامى وماسك ف ايده شنطتين خدنى من ايدى وسلم على ماما ودخلنا الاوضه
ادهم: غمضى عنيكى
فيروز: م انت اكيد مش ساحبنى سحبة حرامى الغسيل دى عشان تقولى غمضى عنيكى، ادهم الكليه عامله الواجب وزياده معايا لخص
ادهم: تصدقى انى غلطان انا ماشى
مسكت ايده وانا بضحك: خلاص يا عم القفوش اهو غمضت عنيا
ادهم: فتحى بقى
فتحت لقيت ادهم مخرج الحاجه من الشنط وفاردهم ع المكتب، كان جايبلى بوكسين شاورما وبيبسى وورد وشيكولاته وكوكيز كتييير.
فيروز بعيون بتلمع: الله يا ادهم ايه الجمال ده.
ادهم: مهو بصراحه صعبتى عليا اما عيطتى من الماده وقولت لا مش ماده اللى تنكد على روزة قلبى، ف كان لازم انقذ الموقف واجبلك اللى ينسيكى اسمك مش الماده بس.
حضنته فيروز: انا بحبك اوى
ادهم وهو بيبوس دماغها: وانا كمان يا فيروزتى، تعالى يلا ناكل الشاورما عشان ندخل ع المادة بقلب جامد
فيروز: ده يا ويل المادة منى انهارده
ضحكوا سوا وكلوا وخلصوا اكل
ادهم: قومى بقى هاتيلى الكتاب اللى هناك ده
جابته فيروز وقعدت جنبه ع المكتب وفتحت الكتاب اول صفحة لقيت جواه سلسله
فيروز بخضة: ادهم…. دى دى
ادهم بحب: السلسله اللى كنتى مشيراها وعايزاها
فيروز: جبتها ازاى
ادهم وهو بيلبسهالها: يعنى عايزه فيروز يبقى نفسها ف حاجة وادهم ميحققهاش طيب والله عيب
جريت فيروز وقفت قدام المرايا وشافتها فى رقبتها
جه ادهم وقف وراها وهو بيعدل شعرها وقال: بحبك.
فيروز بحب:
يُهديك أحدهم عالم ملئ بالنُّجوم
ثم يخبرك
بأنَّ لا نجمة غيرك تُضئ عالمه. “♥
ادهم: م دى حقيقة، انتى نجمتى انا وبس.
حضنته فيروز بحب وسعادة.
فاقت من سرحاانها على صوت مسدج على الفون
فتحته وكانت فويس نوت من نسمة
نسمه: لو عايزه تروحى لادهم هو نازل فى فندق **** فى دهب، ولو عايزه نصيحتى بلاش تروحى
قفلت فيروز الموبايل وقامت جهزت شنطتها وقررت تروحله.
طلعت بره لقيت ماما وحور واقفين قدام الباب
ماما: رايحه فين؟
فيروز: مسافرة دهب اغير جو
حور: تغيرى جو ولا تروحى لادهم
فيروز: وانتى عرفتى منين؟
حور: نسمة كلمتنى وقالتى
فيروز: طيب تمام، انا رايحه
مامتها بحده: اقعدى هنا مفيش روح ولا جى، فوقى لنفسك ده واحد رماكى ومسألش فيكى سابك من غير م يفكر لحظة واحدة فى كلام الناس عنك وعن سمعتك وانتى عروسة مكملتيش الشهرين ورجعتى بيت ابوكى تانى
فيروز: كفايا يا ماما ارجوكى انا معتش قادره، كفاااية
مامتها: لا مش كفاية لازم افوقك، بتجرى وراه ليه تانى؟ عايزه منه ايه؟!
فيروز: عايزة افهم سابنى ليه، عايزه افهم ليه علقنى بيه لما هو من الاول عايز يبعد؟ عايزه اعرف خلانى احبه ليه، اهتم بتفاصيلى وعيشنى معاه احلى سنين عمرى، عرف عنى كل حاجه، اتعلقت بيه، روحى اتعلقت بيه يا ماما، قلبى من وقت م مشى وهو مش عارف يطمن ولا يرتاح عشان بعيد عنه، مبقتش عارفه انام عشان مش بعرف انام غير وانا بكلمه ومعاه، فيروز رجعت لخوفها تانى بعد م كانت مقوية قلبها ع الدنيا بيه يا ماما، ادهم مكنش جوزى وبس كان كل حياتى كان حبيبى وصحبى وابويا واخويا، ادهم كان النفس اللى بتنفسه، عمره م قسى عليا ولو اتخاصمنا كان بيصالحنى حتى لو انا اللى غلطانه، قلبى مدقش الا ليه، معرفتش يعنى ايه راجل ويعنى ايه حب وسند غير مع ادهم يا ماما، ازاى عايزانى اتخطى كل ده وانساه؟ ازاى عايزانى اعيش عادى واعمل مش فارقلى حاجه وانا روحى راحت من وقت م سابنى؟!
وعدنى انه مش هيسيبنى مهما يحصل وف ثانيه خالف كل وعوده وكسرنى وسابنى، عايزه افهم ليه عمل ف قلبى كده لما هو ناوى م الاول على كل ده
قالت جملتها بصراخ واغمى عليها مكانها
جريت عليها حور ومامتها وحاولوا يفوقوها معرفوش طلبوا الاسعاف ليها بسرعه وجت خدتها على المستشفى.
••••••••••••••••••••••••••••••••••
تانى يوم الصبح….
فتحت عنيا شوفت طيف ادهم واقف قصادى
فيروز بتوهان: ادهم؟
مسك ايدها وباسها: فوقى يا فيروز انا ادهم معاكى بجد.
حاولت استوعب انه بجد معايا وف نفس الوقت مكنتش عارفه افوق من كل اللى انا فيه
فيروز بعياط: استنيتك كتير، ليه سبتنى، احتاجتك فى حاجات كتير فى حياتى وملقيتكش
ادهم: انا اسف، كان غصب عنى والله انا اسف
فيروز وهى بتروح ف النوم: مش مسمحاك
قام ادهم وسابها وطلع بره يكلم الدكتور
مامة فيروز: اللى بنتى فيه ده بسببك، انت عايز منها ايه تانى، ابعد عن حياتنا بقى واياك اشوفك عندها تانى سامع
ادهم بدموع: اللى جوه دى روحى اللى مستحيل ابعد عنها مهما يحصل كفايه اللى حصلنا انا وهى واللى انتى متعرفيش عنه حاجه، ارجوكى سيبينى معاها، ارجوكى
بعدت عنه مامتها وقعدت على الكرسى قدام الاوضة بتاعه فيروز وكله بيدعى انها تفوق
الدكتور: وجودكم ملوش داعى المريضه تحت تأثير نسبة كبيره من المهدئات مش هتفوق دلوقتى
ادهم: انا مش همشى واسيبها
الدكتور: صدقنى لو هتفوق هقولك بس هى مش هتفوق، حضرتك المريضه داخله عندها انهيار عصبى تام، الطبيعى اننا نخليها تنام اطول فتره عشان تفصل عن كل حاجه لحد م نعرضها على دكتور نفسى يعالجها، احنا نحمد ربنا انها مفقدتش النطق بكل اللى كانت جاية بيه المستشفى.
سابه ومشى وادهم بص لمامتها وقال
ادهم: انتى السبب، لو فيروز حصلها حاجه انا مش هسامحك عمرى كله.
وسابها ودخل اوضه فيروز قعد جنبها ومسك ايدها وهو بيعتذر منها.
♡♡♡♡♡♡♡♡♡♡
عدى اسبوع وفيروز تحت المهدئات اللى بتاخدها وادهم الوحيد اللى بيبات جنبها ودايما بتفوق تعاتبه وتنام تانى
الدكتور: انا هبدا امنع عنها المهدئات بالتدريج هى دلوقتى بقيت احسن شوية
ادهم بلهفة: يعنى هتفوق؟
الدكتور: ايوه طبعا وهتتكلم معاكم، بس فيه حاجه لازم انبه عليها لازم فيروز تبعد عن اى ضغط او اى توتر يحصلها
ادهم: حاضر، مش هنخليها تتعرض لاى حاجه ولا تتأذى
فى اليوم التانى فيروز فاقت وكانت حور ومامتها جنبها
فيروز: انا شوفت ادهم، هو كان هنا صح؟ انا مكنتش بتخيل؟؟
حور: اه كان هنا يا فيروز ومشى من شوية اما الدكتور قال انك هتفوقى
فيروز: ليه؟
مامتها: عشان حالتك مترجعش للصفر تانى احنا مصدقنا
فيروز: عايزه اشوفه ولو مره واحده، ارجوكى يا ماما عشان خاطرى
حور: انا هطلع اناديه
مامتها: لا يا حور
فيروز: عشان خاطرى يا ماما مره واحده بس
خرجت حور لقيت ادهم قاعد قدام الاوضه وطلبت منه يدخلها وخرجت هى ومامة فيروز
دخل ادهم عليا وحسيت ان روحى ردتلى من تانى كل العتاب اللى جوايا اختفى مبقتش عارفه اتكلم كل اللى عايزاه انى اشوفه قدامى واحس بوجوده وبس
ادهم: ح حمدلله على سلامتك يا فيروز.
فيروز: ليه؟
ادهم بصلها بعدم فهم؟!
فيروز: ليه سبتنى؟ ليه اتخليت عنى بالسهوله دى وطلقتنى؟!
ادهم: انا مطلقتكيش يا فيروز
فيروز: يعنى ايه
ادهم: يعنى الورقة اللى كانت مكتوبه ليكى كانت مطبوعه مش انا اللى كتبها
فيروز: مين اللى هيعمل كده؟!
ادهم: مرام
فيروز: مرام؟ ليه؟! مصلحتها ايه فى كل ده؟!
ادهم: قبلها بيوم مرام قابلتنى فى الشركة وقالتلى انها بتحبنى وعايزانى فى حياتها وانا صديتها لانى بحبك ومش شايف غيرك، وقتها استغلت علاقاتها وان المدير يبقى والدها وهددتنى بفصلى من الشركه وانا وافقت وقدمت استقالتى ومشيت
وقتها عملت عليا خطة واكتشفت بعدين انها كانت مخططالها هى ونسمه مع بعض وعلاقات مرام ساعدتها فى كده.
فيروز: خطة ايه؟
flash back…..
مرام: اسمع يا ادهم انا مقولتش انك تطلق فيروز بس حياة فيروز قصاد جوازك منى
ادهم: انتى اتجننتى ولا ايه؟ اتجوز من مين؟!
مرام: اللى سمعته
وطلعت فونها واتصلت بشخص وخلته يفتح الفون فيديو وكان الكول عبارة عن شخص فى العماره قصاد شباك ادهم موجه مسدس ناحية فيروز اللى واقفه بتسقى الورد فى البلكونه
مرام: ها يا نجم، نتجوز ولا ينفذ؟!
ادهم بخوف: مرام بطلى جنان. هتعملى بيا ايه؟ خدى اللى من سنك احسن، خدى واحد ملوش تجارب قبلك انا بحب مراتى ليه تدمرى بيتى، انتى لو اتجوزتينى مش هتدمرينى انا بس انتى هتدمرى فيروز وتخربى بيتى!
مرام: يا عينى! اسمع يا ادهم كلمه واحده هتتجوزنى ولا ينفذ؟!
فضل ادهم يبص على فيروز بدموع واللى متأكد ان مرام اكيد هتأذى فيروز لو مش دلوقتى ف بعدين!
مرام: اخلص
ادهم: موافق اتجوزك
مرام: حلو اوى، ارجع مكانك انت
وقفلت الفون ورنت على والدها اللى فهمته ان ادهم جاى يخطبها برضاه
روح ادهم البيت وهو شارد ازاى يعمل كده فى فيروز
ادهم: دى فيروز يا ادهم؟ ازاى هتسمح انك تأذيها بالشكل ده، ازاى هتستحمل تشوف دموعها ووجعها لما تعرف؟!
انا لازم الاقى حل
وقتها كل اللى فكرت فيه اننا نبعد عن شقتنا دى ونروح عند مامتك بحجة انها وحشتنى واعايز اقضى معاها كام يوم وفعلا روحنا وطنشت مرام ومروحتش المعاد، بس اللى معملتش حسابه ان نسمه تشاركها فى اللى حصل؟!…..
↚
فيروز: ازاى
ادهم: فاكره لما كنت عاملك مفاجأة ف بيت ماما بمناسبة عيد ميلادك وقتها حور كانت مسافره ومكنش قدامى حد يساعدنى غير نسمه لان ماما هى اللى كانت هتلهيكى، وقتها اشترينا الحاجة واديتها المفتاح تروح تظبط الدنيا لغايه م اجيب الحلويات التورتة وارجع، وفعلا عملت كل حاجه وجيت حطيت التورته وهى قالت انها لازم تمشى واتحججت انها مناسبة عائلية ومشيت، وقتها بقى الهانم طلعت نسخه على مفتاح البيت واليوم الى اخدتك فيه نقعد عند طنط مرام اتأجرت بلطجية جم هجموا على البيت كان هدفهم انتى عشان تلوى دراعى بيكى، لكن اللى حصل انك وقتها كنتى نايمه مع طنط ف الاوضه اما تعبت بليل وانا ف اوضتك كلموا مرام وانا سامعهم وهما بيقولوا ملقيناش غيره قالت خدروه وهاتوه، فتحت عينى ومسكت واحد منهم من رقبته كنت بخنقه جه التانى وضربنى على دماغى من ورا محستش بحاجة غير وانا ف اوضه تانيه ومرام قدامى
flash back
ادهم بدأ يفوق لقى مرام قدامه
ادهم: انتى ايه اللى جابك هنا؟
مرام بسخرية: هه انت فى بيتى يا بشمهندس لو مش واخد بالك يعنى
ادهم بص حواليه وايقن انه ف بيتها فعلا
حاول يقوم لقى نفسه مربوط من كل ناحية
مرام: تؤ تؤ تؤ متحاولش يا حبيبى، انت هنا ف ضيافتى
ادهم: فكينى يا مرام وبطلى الجنان الى بتعمليه ده، هتستفادى ايه؟!
مرام: هستفاد انى هبقى معاك يا ادهومتى
ادهم بقرف: ابو شكلك لابو دلعك زباله زيك.
مرام: وبعدين بقى! بص يا عسل عشان نخلص من الليله دى كلها، تتجوزنى هسيبك وافكك وتعيش حياتك، هتعند معايا هعند مع اهلك وانا مستبيعه اصلا
ادهم: انتى ازاى كده؟ مش انتى مرام اللى اتعرفت عليها ف الشركه وكانت لو حد بصلها بصة غلط تعيط وتخرب الدنيا، واضح انى كنت مخدوع فيكى بس اعلى ما فى خيلك اركبيه وخلينا قاعدين كده حتى قعدة مريحه تصدقى
مرام: اممممم انا كنت عامله حسابى برضو عشان كده عملتلك مفاجأة
ادهم بصلها وهى راحت جابت اللاب وفتحت فيديو عليه كان تسجيل كاميرا هى زرعتها ف اوضه فيروز
صحيت فيروز ودخلت الاوضه تصحى ادهم ملقيتهوش ولا لقيت حتى هدومه
فيروز: ادهم، ادهم انت في…
مكملتش جملتها لقيت ورقه على السرير فتحتها لقيتها مكتوب فيها ( فيروز، انا اسف فى اللى هقوله بس انتى طالق)
فيروز فضلت باصه للورقه بصدمه ومش عارفه تنطق دخلت عليها والدتها لقيتها ماسكه ورقة وبتعيط قرأتها منها وفجاة فيروز وقعت من طولها ومامتها صرخت باسمها.
عند ادهم
كان باصص عليها وهو بيموت وفضل يصرخ
ادهم: انتى مجنونه، انتى عملتى ايه، كاتبالها ايه ف الورقه دى؟؟ انطقى
مرام: ههههه براحه يا كتكوت مش كده، كل الحكاية انى كاتبالها انك طلقتها يعنى كاتبه على لسانك انتى طالق
ادهم: انتى مريضه، والله العظيم مريضه على كل اللى بتعمليه ده، اخرجى بره غورى.
طلعت مرام وسابته جوه وهو مش عارف يعمل حاجه
ادهم: حقك عليا يا فيروز، حقك عليا يا حبيبتى والله هاخد حقك.
تانى يوم دخلت مرام لقيت ادهم ساكت واول م دخلت بصلها بابتسامه
مرام: صباح الخير يا بشمهندس
ادهم: صباح الجمال، ايه الحلويات دى
↚
مرام: دى انا؟!
ادهم: شايفه حد غيرك حواليكى؟!
مرام: لا
ادهم: طيب يبقى انتى
مرام: لا بقى انا عايزه اعرف ايه اللى اتغير؟
ادهم: ولا حاجه يا ستى فكرت وعرفت مصلحتى مع مين وطلع معاكى بس عندى شرط
مرام: قولى يا حبيبى
ادهم: نتنقل. فرع الشركه اللى ف دهب ومنرجعش هنا تانى
مرام: هكلم بابى فى الموضوع ده، بس وفيروز؟
ادهم: خليها بقى فاكره انها اتطلقت
مرام: تمام، هفكك دلوقتى وخد دوش حلو والبس عشان نفطر ونروح نقابل بابى
ادهم: وماله.
back…
ادهم: بعدها اتفقت مع ابوها على كل حاجه وسافرنا دهب وكنت كل يوم بأجل موضوع الفرح واقول انى عايز ابنى نفسى هنا الاول لولا م اتجوزها، اكتشفت ان الشركة كل شغلها شمال، والانيل من كده انى اكتشفت ان فيه صفقات مخدرات بتدخل وتخرج م الشركه بعلم مرام وابوها.
وقتها قابلت يوسف صاحبى الضابط والى كان انتقل هناك ورسمنا عليهم خطه عشان يثقوا فيا اكتر وهو اللى منعنى انى ابعتلك حتى رسالة واقولك فيها اللى حصل لانها اكيد هتشك فيا، فضلت معاها لحد م وقعناهم يوم الفرح اللى نسمه بعتتلك فيديو منه واتقبض عليهم تالت يوم وسبت كل حاجه ورجعتلك على طول.
فيروز: انا مش عارفه ارد عليك واقولك ايه، انت مش متخيل انا كنت حاسه بايه وقت غيابك عنى، كنت كل يوم احس ان روحى بتتسحب منى بالبطئ، كنت بدور عليك فى كل مكان، وكل شوية اروح شقتنا واقول اكيد هييجى واقعد واستناك، مفيش حاجه كانت مصبرانى على بعدك عنى غير حبة الذكريات اللى عملناهم سوا، كنت بفتقدك كل ثانيه يا ادهم، كنت اصحى من عز نومى وانا بموت عشان انت مش معايا، ومليون تفكير وتفكير بييجى فى دماغى من كل حاجه الا انك تكون طلقتنى بجد او انك بعدت عنى، كل يوم بدعى من ربنا انك ترجعلى وتقولى ليه حصل كده؟
كل م امى او حور يجيبولى عريس ببقى هموت واصرخ واقولهم انى متجوزه وادهم بيحبنى، وبعد كل ده يتبعتلى فيديو فرحك، كنت وصلت لاقصى درجات تحملى ومقدرتش اقاوم بعد كده، انت وحشتنى اوى يا ادهم.
ضمها ادهم لحضنه وشدد عليه وكأن روحه بتشبع من وجودها
فيروز: متبعدش عنى تانى ي ادهم
ادهم: مستحيل ده يحصل تانى يا قلب ادهم.
دخلت والده فيروز عليهم ومعاها حور
حور: فيروز الدكتور عايز يطمن عليكى
دخل الدكتور وكشف عليها وطمنهم انها بخير وتقدر تخرج بكره
♡♡♡♡♡♡♡♡♡♡
تانى يوم خرجت فيروز من المستشفى على بيتها هى وادهم بعد اقناع لوالدتها ان ادهم مظلوم وحكالهم كل حاجه
دخلت فيروز الشقة ووراها ادهم
فيروز بتفاجؤ: ايه ده؟؟
ادهم: مكنش ينفع تدخلى الشقة وانتى معايا بعد الوقت ده كله من غير مفاجأة تليق برجوعك لحضنى.
كان مزين الصاله بطريقة خرافيه وجايب تورتة عليها صورتهم سوا.
ادهم: ودلوقتى تتفضلى جوه تلبسى الفستان اللى جايبهولك واخرجيلى.
جريت فيروز ع الاوضه واتفاجات بالفستان اللى ادهم جابهولها هديه ولبسته وسرحت شعرها فردته وحطت توكه بسيطه على شكل فراشة ولبست شوز رقيق وخرجت
ادهم: وبعدين ف البت اللى كل م تبعد تحلو دى
ضحكت فيروز بكسوف ووقفت جنبه قطعوا التورتة سوا وادهم طلع علبة من جيبه كان فيها هديه
فتحتها فيروز ولقيت جواها سلسلة على شكل فراشة رقيقة
ادهم بحب: انا شايفك زى الفراشة دى بالظبط
ولبسهالها وحضنها وقال: ودلوقتى بقيتى فراشة لابسة فراشة يا فراشتى♥️.
( اوفر دوز حب يخلينى ادخل انكد على خطيبى داحين) 😂😂
ونقول بعد مرور سنتين…………
فيروز وهى بتجرى ورا يزن ابنها
فيروز: وحياة امك يا يزن لو م جيت هنا لموتك ، خد يالااااا
جرى يزن على ادهم اللى شاله على كتفه
ادهم: هدى اعضاءك يا وحش ماله عملك ايه؟
فيروز: مش راضى ياكل يا ادهم انا تعبت معاه بقى
ادهم: طيب هاتى أاكله انا وروحى انتى شوفى نيروز.
دخلت فيروز لنيروز بنتها اللى عندها ست شهور وشالتها وطلعت بيها لقيت ادهم بيأكل يزن وهو ساكت
فضلت فيروز تتامل فيهم بابتسامة، قطع سرحانها ادهم وهو واقف جنبها وشايل يزن
ادهم: الجميل سرحان ف ايه؟
فيروز: مين كان يصدق بعد كل ده نتجمع تانى ويبقوا عيالنا ف حضننا.
ادهم: ده عشان انتى جميلة، واستنتينى ورفضتى تكذبى كل اللى حواليكى
وصدقتى قلبك بس وانى راجع، وادينى رجعت واتلمينا من تانى ف بيت واحد، وبقى معانا قردين.
فيروز: انا بحبك اوى
ضمها ادهم ليه وباس راسها: وانا كمان بحبك يا فيروزة قلبى.
تمت………….