رواية دليل خيانتي كاملة جميع الفصول بقلم محمد مالك
رواية دليل خيانتي كاملة جميع الفصول هى رواية من تأليف المؤلفة المميزة محمد مالك رواية دليل خيانتي كاملة جميع الفصول صدرت لاول مرة على فيسبوك الشهير رواية دليل خيانتي كاملة جميع الفصول حققت نجاحا كبيرا في موقع فيسبوك وايضا زاد البحث عنها في محرك البحث جوجل لذلك سنعرض لكم رواية دليل خيانتي كاملة جميع الفصول
رواية دليل خيانتي كاملة جميع الفصول
دخل المستشفي مسرعا وهو في حالة من الارتباك والخوف يتوجه نحو الريسبشن ليسأل عن زوجته مريم التي تعرضت لحادث سير مروع وتم نقلها الي المستشفي بين الحياة والموت
وائل .. لو سمحتي الحادثة بتاعة المقطم فين دلوقتي ؟
موظفة الريسبشن .. تقصد الحادثة بتاعة مدام مريم حضرتك ؟
وائل .. ايوة انا وائل جوزها
موظفة الريسبشن .. حضرتك المدام دلوقتي في اوضة ٣٠٢ الدور التاني
يصعد وائل السلم مسرعا ولا ينتظر الاسانسير
موظفة الريسبشن لزميلتها .. يا حرام .. شايفة شكلة عامل ازاي ؟!
زميلتها .. مش مصدق طبعا اللي حصل .. ربنا يلطف بيها
يتوجه وائل نحو الغرفة فيجد والد ووالدة مريم والحزن يكسو ملامح وجوههم
وائل .. خير يا عمو ايه اللي حصل ل مريم ؟!
والد مريم .. عملت حادثة يابني وهي ماشية بالعربية .. بيقولوا عربية نقل ظهرت فجأة في الطريق المعاكس واصطدمت بيها .. اللي معاها مات وهي بين الحياه والموت
وائل .. اللي معاها ؟!! مين ده اللي كان معاها ؟!!
والد مريم .. صدقني معرفش .. بس اكيد حد من زمايلها في الشركة
ويخرج الطبيب من الغرفة
والدة مريم .. طمني يا دكتور .. بنتي حالتها ايه دلوقتي
الطبيب بكل اسي .. مخبيش عليكم .. الحالة حرجة جداا ولازم تدخل عمليات دلوقتي فيه نزيف حاد ع المخ .. محتاجة دعواتكم .. ربنا كبير ان شاء الله وقادر ينجيها .. بعد اذنكم
الام تنهار تماما بعد سماع تلك الكلمات وياتي ضابط شرطة ويدعي النقيب صلاح
النقيب صلاح .. مساء الخير .. انا النقيب صلاح رئيس مباحث قسم الهرم
وائل .. اهلا وسهلا بحضرتك
صلاح .. اهلا بيك .. حضراتكم طبعا تقربوا للأستاذة مريم ابو الفتوح ؟
وائل .. اه .. انا جوزها .. ودي مامتها وده باباها
صلاح مندهشا .. جوزها ؟!!
وائل .. حضرتك مندهش ليه كده ؟! ايوه انا جوزها
صلاح .. ممكن بعد اذنك كلمتين علي انفراد ؟
وائل .. اه .. تحت امرك .. اتفضل
صلاح .. بعد اذنكم
وبعد ان يذهبا بعيدا
وائل .. خير يا افندم ؟
صلاح يتنهد .. بص انا عارف ان الوقت مش مناسب بس لازم طبعا تعرف اللي حصل بالظبط لأني محتاج اعرف ايه تعليقك
وائل .. اتكلم حضرتك انا سامعك
صلاح .. اولا .. انت عارف طبعا ان المدام مكنتش لوحدها في العربية وانه كان معاها شخص تاني وان الشخص ده اتوفي للأسف وقت الحادث
وائل .. اه عرفت من باباها وتقريبا ده حد من زمايلها في الشركة
صلاح .. امممم .. جايز .. بس اللي متعرفهوش اكيد ان الشخص ده جوزها !!
وائل .. مندهش .. جوزها ؟!! ازاي يا افندم .. انا جوزها حضرتك
صلاح .. طيب .. شوف دي كده
وائل ينظر فيجد عقد زواج عرفي
وائل .. مش معقول .. ده عقد مزور بالتأكيد .. لا يمكن العقد ده يكون صحيح .. اولا لأن مراتي ست متزوجة .. ثانيا .. انا زوجتي اشرف وانبل انسانه علي وجه الارض
صلاح .. احنا لقينا العقد ده في طابلوه العربية والتحريات بتقول ان الشخص اللي اسمه في العقد ده هو اللي كان معاها وقت الحادث !! طيب انت تعرف ان زوجتك واللي معاها كانوا عريانين تماما ومن غير هدوم خالص وقت الحادث ؟!
وائل .. ايه !! انت بتقول ايه ؟!
يتبع
↚
وائل .. مش معقول .. ده عقد مزور بالتأكيد .. لا يمكن العقد ده يكون صحيح .. اولا لأن مراتي ست متزوجة .. ثانيا .. انا زوجتي اشرف وانبل انسانه علي وجه الارض
صلاح .. احنا لقينا العقد ده في طابلوه العربية والتحريات بتقول ان الشخص اللي اسمه في العقد ده هو اللي كان معاها وقت الحادث !! طيب انت تعرف ان زوجتك واللي معاها كانوا عريانين تماما ومن غير هدوم خالص وقت الحادث ؟!
وائل .. ايه !! انت بتقول ايه ؟!
صلاح .. للأسف ده اللي اكتشفناه عند معاينة الحادث وتقريبا كده كانوا مخمورين لأننا لقينا زجاجات خمرة في العربية
وائل .. انا مراتي عمرها ما شربت خمرة !! دي بتصلي الفرض بفرضة وحجت بيت ربنا ٥ مرات .. الكلام ده كله مش مظبوط .. انت كداب ؟!!
صلاح .. ياريت تتمالك اعصابك شوية من فضلك ولاحظ انك بتتكلم مع ضابط شرطة وجاي يحقق في حادثة وكل اللي انا بقوله ده لحضرتك حقايق وواقع وجدناه وقت معاينة الحادث ومليش مصلحة مطلقا اني اكدب عليك !!
وائل مندهشا .. طب ازاي؟!! .. حضرتك متأكد من اللي بتقوله ده ؟!
صلاح ..صدقني انا مقدر موقفك .. بس دي الحقيقة اللي محتاجة تفسير
وائل .. مش معقول .. مش معقول
صلاح .. استاذ وائل حضرتك عندك اولاد طبعا ؟
وائل .. ايوة .. ولد وبنت
صلاح .. طيب احنا لقينا الاعتراف ده في شنطة مدام مريم وتقريبا نفس الشخص اللي كان معاها في العربية بيعترف فيه ان محمد وشيماء ولاده
وائل .. وريني الجواب ده
صلاح .. اتفضل ..
وائل يقرأ الجواب وهو في قمة الغضب والدهشة ويقول
وائل .. مش معقول .. مش معقول
ثم يترك صلاح ويتوجه مسرعا نحو مريم ويدخل غرفتها التي تمكث بها حيث يتم تجهيز غرفة العمليات ويحاول التمريض منعه ولكن يدفع الممرضة بعيدا فتسقط علي الارض ويدخل علي مريم حيث تلتقط انفاسها بصعوبة والجروح منتشرة علي وجهها وجسدها بالكامل وتنزف منها الدماء وتفتح عينها فتجد وائل
مريم بصوت خافت .. وائل
وائل .. عارفة من حسن حظي انك مموتيش .. لأنك لو كنتي موتي قبل ما اعرف حقيقتك كنت هاتعذب طول عمري لحد ما اعرف الحقيقة وممكن مكنتش هاوصل للحقيقة
مريم .. حقيقة ايه ؟!
وائل .. حقيقة خيانتك ليا .. اخر حاجة كنت اتوقعها انك تخونيني يا مريم !! انا اللي حبيتك حب مفيش انسان في الدنيا حبه لواحدة ..
مريم ترتعش بشدة وتنازع الموت
وائل .. لا .. اوعي تموتي دلوقتي الا لما تقوليلي الحقيقة كاملة يا خاينة .. عاوز اعرف مين ده اللي كان معاكي في العربية وازاي كنتي متجوزاه وانتي علي ذمتي ؟! ومحمد وشيماء فعلا ولاده ؟! انطقي يا سافلة .. اتكلمي
مريم تبتسم مندهشة .. وانت صدقت الكلام ده يا وائل ؟!
وائل .. اه .. هتمثلي بقي دور الشريفة والمجني عليها !! .. لا خلاص مبقاش الكلام ده ياكل معايا .. انتي انفضحتي خلاص يا مدام !! وربنا كشف سترك .. وانا اللي طول عمري واثق فيكي وبحلف بحياتك ووفائك واخلاصك وانتي اقذر وانجس انسانه علي وجه الارض!! .. يلا اتكلمي وقولي الحقيقة .. اتكلمي يا فاجرة
مريم تنظر اليه وعيناها تدمع ثم تقول
مريم .. حاضر هاقول الحقيقة يا وائل بس مش عارفة اذا كنت هاتصدقني ولا لا
وائل .. اصدقك بقي او مصدقكيش مبقتش تفرق خلاص .. قولي بسرعة
وفجأة يدخل الاطباء والتمريض ويحاولون اخراجة بالقوة
الطبيب .. انت ازاي تدخل هنا والمريضة في الحالة الحرجة دي ؟! المريضة دلوقتي داخلة عمليات .. اتفضل برة لو سمحت
وائل .. لا مش هامشي غير لما اسمع منها الخاينة.. واعرف الحقيقة
الطبيب .. انت بتقول ايه .. طلعوة بره
ويخرج امن المستشفي والتمريض وائل من الحجرة بالقوة رغم مقاومته .. ودخلت مريم العمليات ...............
↚
مريم تخضع لجراحة خطيرة في المخ وبعد خروجها من غرفة العمليات يتم نقلها الي العناية المركزة والاب والام يقفون امام باب الغرفة ينتظرون خروجها بفارغ الصبر
الام بلهفة وقلق .. خير يا دكتور طمني ارجوك
الطبيب .. احنا عملنا اللي علينا والباقي علي ربنا .. مخبيش عليكم الحالة حرجة جداا ولو ال ٤٨ ساعة الجايين دول عدوا علي خير يبقي فيه امل ان شاء الله .. والامل في ربنا كبير ادعولها انتوا بس .. بعد اذنكم
الام تبكي بشدة .. بنتي هتروح مني يا راجح وانا مش عارفة اعملها حاجة .. يارب نجيها من اللي هي فيه .. يارب خد من عمري واديها يااارب
الاب .. اهدي شوية يا نوال .. بنتك هتبقي زي الفل ان شاء الله.. قادر ربنا ينجيها برحمته
الام برجاء وتوسل .. يارب .. يارب
ويعود وائل الي فلته حزينا مهموما وفي ذهول شديد .. لا يصدق ما حدث وكأنه كابوس مزعج ثم تأتي اليه دادا ثنية
ثنية .. حمدالله ع السلامة يا بيه .. احضر لحضرتك العشا
وائل .. لا .. ماليش نفس .. الولاد فين ؟
ثنية .. في اوضتهم فوق .. يا عيني نيمتهم بالعافية زعلانين اوي ع الست مريم .. هي اخبارها ايه يا بيه ؟
وائل .. ان شاء الله مش هتموت .. هتعيش يا دادا .. ادعي انها تعيش يا دادا ..ادعي من كل قلبك .. عشان دي لو ماتت انا مش عارف ايه اللي ممكن يحصلي بعدها !!
دادا بثينة .. عارفة انك بتحب ست مريم اوي .. وان شاء الله ربنا هيقومها بالسلامة وترجع لبيتها ولولادها قادر يا كريم .. انا هاروح اعمل لحضرتك فنجان قهوة
وائل لنفسه .. بحبها !! ده انا طلعت مغفل كبير اوي
ثم يصعد الي الطابق الاعلي ويمر بجوار غرفة الاولاد وكان يعتاد يوميا عند عودته في المساء ان يدخل الغرفة ويطمئن عليهم ويقبلهم ويمسك وائل بمقبض الباب ويتردد في فتح الباب ثم يفتحه في النهاية وينظر اليهم من بعيد ثم يهم بغلق الباب ولكن فجأة ينادي محمد قائلا
محمد .. بابا
وائل يتردد في اجابته ولكن في النهاية يفتح الباب مرة اخري وينظر اليه
محمد .. بابا .. انا خايف اوي يا بابا
وائل يقترب من محمد ببطء ويجلس بجوارة علي السرير
وائل .. خايف من ايه ؟
محمد .. خايف علي ماما اوي .. هي ماما هتبقي كويسة .. مش صح يا بابا ؟
وائل .. ان شاء الله .. نام انت دلوقتي عشان عندك مدرسة الصبح
محمد .. هو انا ممكن اطلب من حضرتك طلب ؟
وائل يهز رأسه بمعني نعم
محمد .. ممكن حضرتك تنام جمبي ع السرير انهارده ؟
وائل .. انت بقيت كبير خلاص ومش عاوزك تخاف من حاجة ابدا .. ماما ان شاء الله هتبقي كويسة .. يلا تصبح علي خير
ثم ينهض من ع السرير ليغادر الغرفة وينادي عليه محمد
محمد .. بابا
↚
وائل يلتفت اليه
محمد .. متعود دايما تبوسني في راسي قبل ما تمشي
وائل يقترب منه ويقبلة ومحمد يحضنه بقوة
محمد .. بحبك اوي يا بابا .. بحبك انت وماما
وائل .. وانا كمان ... بحبك .. تصبح علي خير .
محمد .. وانت من اهله يا بابا
وائل يغادر غرفة الاولاد ويذهب الي غرفته ويتذكر كل الكلام الذي قاله له النقيب صلاح وفي اليوم التالي تفيق مريم وتطلب مقابلة وائل علي وجه السرعة .ويذهب اليها وائل مسرعا ويدخل العناية المركزة حيث تمكث مريم ويبدوا انها في اللحظات الاخيرة من حياتها
مريم ترفع ماسك الاكسجين عند رؤية وائل قائلة
مريم بصوت خافت .. تعالي يا وائل
وائل .. ايه ناوية تقولي الحقيقة ؟!
مريم .. انا عاوزة اقولك حاجة واحدة بس .. سامحني يا وائل وعاوزة اوصيك ع الولاد خلي بالك منهم يا وائل
وائل غاضب بشدة .. وانا عاوز اعرف الحقيقة .. انتي خونتيني ولا لا ؟! اتكلمي يا مريم .. الكلام اللي انا قولتهولك امبارح صح ولا لا ؟ اتكلمي يا مريم
مريم تنتفس بسرعة ولا تستطيع الكلام ..
وائل يشعر ان مريم بدأت تفارق الحياة
وائل منزعجا .. اتكلمي بسرعة ارجوكي .. انتي خونتيني يا مريم ولا لا ؟!
مريم تبكي ثم تقول .. سامحني يا وائل .. ارجوك تسامحني
بعدها تفارق الحياة مباشرة وتصفر الاجهزة الموصولة بها وتدخل الممرضة مسرعة تحاول انقاذها وتطلب من وائل مغادرة الغرفة
الممرضة .. من فضلك اطلع برة لو سمحت
ويدخل الطبيب يحاول انقاذ مريم مستخدما جهاز الصدمات ووائل يراقب الموقف في ذهول ولسان حالة يقول يارب تعيش ..ويحاول الاطباء انعاش قلبها ولكن دون جدوي .. ويخرج الجميع من الغرفة وهم في حالة من الحزن والاسي وتدخل الام والاب يصرخون ويولولون علي موت مريم
وائل .. ليه بس يا مريم تعملي فيا كدا ؟! ليه تموتي قبل ما تقوليلي الحقيقة .. ليه ؟!
ومن هنا تبدأ رحلة وائل في
البحث عن الحقيقة .. انتظروني
↚
وائل حزين جداا لا يغادر عرفته ابدا وفجأة يُطرق باب الغرفة والطارق صديقة وشريكة نادر
وائل .. مين ؟
نادر .. انا نادر يا وائل
وائل .. ادخل يا نادر
نادر مندهش لرؤية منظر وائل حيث يبدوا عليه الحزن الشديد وشعر ذقنه اصبح كثيف
نادر .. ايه يا عم هو انت معتكف هنا ولا ايه ؟!!
وائل .. تعالي يا نادر
نادر يجلس بجوارة ع السرير
نادر .. ايه يا عم وائل الحكاية ؟! هنفضل ع الحال ده لحد امتي ؟! فوق بقي احنا ورانا اشغال ومصالح ناس بقالها اسبوعين متعطلة !!
وائل .. صدقني ماليش نفس لأي حاجة ولا عايز اشوف حد ولا عايز حد يشوفني
نادر .. وده اكتئاب يعني ولا ايه ؟!
وائل .. سميه زي ما تسمية
وائل يشعل سيجارة ويسحب نفس عميق ويخرجه من انفه ونادر مندهش
نادر .. الله .. ده احنا كمان بقينا ندخن سجاير اهوه!! وياتري سيجارة محشية ولا سادة ؟!!
وائل .. يعني ايه ؟!
نادر .. انا عاوز اعرف ايه اللي شقلب حالك بالشكل ده ؟! هتقولي عشان المرحومة مراتك .. هاقولك امك ماتت من سنه وبعد يومين نزلت الشغل عادي ولا عاوز تفهمني ان مراتك اغلي عندك من امك ؟!
وائل .. الموضوع مش كده خالص يا نادر
نادر .. اومال ازاي ؟! فهمني
وائل .. انت فاهم كل حاجة !!
نادر .. قصدك الكلام اللي اتقال ساعة الحادثة دي ؟؟ عادي جداا اعتبر نفسك مسمعتوش يا اخي
وائل .. يعني ايه اعتبر نفسي مسمعتوش ؟! طيب والعقد العرفي اللي انا شفته بعنيا ؟! والاعتراف المكتوب ؟! ولا انت كمان عاوزني اعتبر نفسي مشفتهومش ؟!
نادر .. شوف يا نادر علي ما اعتقد انت عارف ومتأكد من اخلاق مريم كويس وانها مش ممكن ابدا تعمل حاجة زي دي .. انا اللي مش جوزها ومعاشرتهاش زيك مش مصدق انها تعمل حاجة زي دي اصلا !!
وائل .. ما هو ده اللي هايجنني !! ان مريم ازاي تعمل حاجة زي دي .. ازاي ؟!
نادر .. انت بتتكلم زي ما تكون اتأكدت ان الكلام ده مظبوط وحصل فعلا ؟!!
وائل .. نفسي اتأكد بس مش عارف ازاي؟ واللي مخليني هاتجنن اني لما واجهتها بالكلام ده لا هي انكرت ولا حتي اقرت !!
نادر .. ربنا وحده يعلم بالحالة اللي كانت عليها وقتها شكلها ايه ؟! يابني المرحومة كانت طالعة من حادثة كبيرة وعملتلها نزيف في المخ .. دي ممكن تكون اصلا مكنتش واعية لكلامك ولا واخدة بالها انت بتقول ايه !! وبعدين لو لا قدر الله الكلام ده كان مظبوط مع اني استبعد ده تماما .. هي دلوقتي عند ربنا ومتجوزش عليها غير الرحمه واهي اخدت عقابها .. بص بقي لولادك وشغلك وعيش حياتك
وائل .. يعني ايه ؟! مريم تخوني انا وعايزني انسي الموضوع بالساهل كده ؟! لا يا نادر مينفعش الموضوع ده يعدي ببساطة كده .. لازم اعرف مريم خانتني فعلا ولا لا
نادر .. وهتعرف ازاي ؟!
وائل .. انا قررت اعمل DNA للولاد
نادر .. يخرب بيتك .. انت اتجننت رسمي خلاص ؟!!
وائل .. ما انا لازم اعرف دول ولادي انا ولا ولاده هو زي ما بيقول في الاعتراف اللي كاتبة بخط ايده
نادر .. اممم .. طيب ولو طلعوا ولادك هتعمل ايه بعد كده ؟
وائل .. هعمل ايه ازاي يعني مش فاهم ؟!!
نادر .. يعني هتقفل الموضوع ده وتشيله بقي من دماغك !!
↚
وائل .. مش عارف صدقني
نادر .. لا ما انت لازم تحدد موقفك من دلوقتي بصراحة بقي انا مش فاضي للتفاهات دي
وائل .. تفاهات ؟!!
نادر .. ايوه تفاهات .. لأن انا واثق ومتأكد زي ما انت واثق ومتأكد تماما ان مريم مراتك اشرف انسانه علي وجه الارض
وائل .. ولما هي شريفة زي ما انت بتقول .. مين ده اللي كان معاها في العربية ؟!!
نادر .. يا اخي زميل ليها او عميل عندها في الشركة انت ناسي ان مراتك مهندسة ديكور وعندها عملا كتير اوي ومعظمهم رجالة كمان
وائل .. والزميل ده او العميل زي ما انت بتقول .. كانوا جوا العربية عريانين ملط ليه ؟!! وازايز الخمرة كانت بتعمل ايه جوة العربية؟!! والعقد العرفي والاعتراف اللي بأسمه ؟!! انت بتتكلم عشان مش حاسس بالنار اللي انا فيها لأن مراتك بكل بساطة ست نضيفة
نادر .. ومريم كمان نضيفة يا وائل ..صدقني هي دي الحقيقة .. ولا المنطق ولا العقل يقولوا ان واحدة حجت بيت ربنا خمس مرات تعمل المصايب دي كلها!! وقبل كل ده مريم كانت بتحبك حب جنون دي كانت بتغير عليك من الهوا الطاير .. بتغير عليك حتي من نفسك !! ازاي بس تفكر مجرد تفكير انها تخونك في يوم من الايام
وائل .. اتمني بجد ان دي تكون الحقيقة ..
نادر .. طيب احنا هنعمل DNA وانا متأكد انه هيطلع سلبي
وائل .. يارب يا نادر ياارب .. مش عاوز اكره الولاد .. دول لو مطلعوش ولادي فعلا انا مش عارف ممكن اعمل ايه ساعتها
نادر .. هيطلعوا ولادك يا وائل .. انا متأكد ان شاء الله
وفي اليوم التالي يتم استدعاء وائل الي قسم الشرطة لمقابلة النقيب صلاح
وائل .. خير يا افندم ؟
صلاح .. اخبارك ايه يا استاذ وائل ؟
وائل .. الحمد لله ع كل حال
صلاح يتنهد ويبدوا انه متردد ووائل يلاحظ ذلك فينزعج
وائل .. هو فيه حاجة حصلت تاني ولا ايه ؟!
صلاح .. شوف يا استاذ وائل .. تقرير الطب الشرعي المبدئي بيقول ان مدام مريم والشخص اللي كان معاها كانوا فعلا مخمورين
وائل .. ايه ؟!! يعني كانوا شاربين خمرة تقصد ؟!
صلاح .. ايوه
وائل .. معرفتوش مين اللي كان معاها في العربية ؟
صلاح .. التحريات بتقول انه مهندس بترول وشغال في الخليج واسمه طبعا انت عارفة .. اسمه عزت محمد الشربيني .. هو انت تعرف حد بالاسم ده ؟
وائل .. لا .. هما كانوا فعلا عريانين في العربية وقت الحادث ؟
صلاح .. اه .. ما انا قولتلك ع الحكاية دي قبل كده
وائل .. تمام
صلاح .. والتحريات كمان بتقول انهم اتقابلوا اكتر من مرة قبل كده وكان بيتردد عليها كتير في الشركة بتاعتها وانها كانت بتخرج معاه كتير
وائل .. بتخرج معاه فين ؟!!
صلاح .. لا .. دي لسه بقي منعرفهاش .. تشرب ايه ؟
وائل .. ولا حاجة
صلاح .. انا هاشرب قهوة .. تشرب قهوه معايا ؟
وائل .. ماشي
صلاح يضغط الجرس فيدخل العسكري
صلاح .. اتنين قهوه يابني ..
العسكري .. تمام يا افندم
صلاح .. انت عارف ان تقرير الطب الشرعي بيقول حاجة كمان
وائل .. بيقول ايه ؟!
صلاح .. بيقول ان المرحومة كانت حامل في ٣ شهور
الكلمات تنزل كالصاعقة ع وائل ويبدأ يعرق
↚
صلاح .. ايه مالك عرقت ليه كده ؟!
وائل مرتبك .. لااا ..لا لا .. لا مفيش انا لازم امشي دلوقتي
صلاح .. انت لسه مشربتش القهوة وبعدين لسه مكلملناش كلامنا
وائل .. معلش خليها حضرتك وقت تاني .. انا حاسس اني تعبت فجأة ولازم امشي
صلاح .. لا الف سلامة .. تمام زي ما تحب نتكلم بعدين .. اتفضل
وينصرف وائل وبعد خروجه من القسم يحادث نفسه قائلا .. الخاينة بنت الكلب !!
ويعود مسرعا الي الفيلا وتقابلة دادا بثينة
بثينة .. احضرلك الغدا يا بيه ؟
وائل .. مش عاوز اتسمم .. الولاد فين ؟!
بثينه .. فوق في اوضتهم
ويصعد وائل الي الغرفة مسرعا وهو في حالة من الغضب الشديد ويدخل علي الاولاد غرفتهم باندفاع شديد ويجدهم ينظرون الي البوم صور لأمهم ويبكون حزنا علي فقدانها
وائل .. انتوا بتعملوا ايه
محمد .. بنتفرج علي صور ماما الله يرحمها
وائل .يمسك بالصور ويقطع بعضها ويلقي بالبعض الاخر ع الارض
محمد .. بابا انت بتعمل ايه ؟!
وائل .. مش عاوز اشوف صور للست دي هنا في بيتي تاني .. انت فاهم ؟؟
شيماء .. بابا .. انت بتعمل ليه كده ؟!
وائل .. اخرسي خالص مش عاوز اسمع صوت حد فيكم وقوموا البسوا هدومكم بسرعة عشان هنوصل مشوار مع بعض .. يلا هستناكم تحت
وبعد ان ينصرف
محمد مندهش .. اول مرة بابا يعاملنا بالطريقة دي ؟!
شيماء .. لا وقطع صور ماما كمان ؟! هو بابا ماله يا محمد ؟!
محمد .. مش عارف !!
ويذهب وائل بالاولاد الي المعمل لأخذ عينه لفحصها ل DNA ثم يعود الي المنزل حزينا يفكر في كلام صلاح الاخير
[بخصوص زوجته مريم وبينما وهو غارق في بحر في التفكير يرن تليفونه المحمول والمتصل سلمي صديقة مريم الانتيم وتقريبا تعرف عنها كل شئ .. وائل يرد
وائل .. الو
سلمي .. ازيك يا وائل .. اخبارك ايه ؟ .. البقية في حياتك
وائل .. مين معايا ؟
سلمي .. انا سلمي صاحبة المرحومة مريم .. انت نسيت صوتي ولا ايه ؟
وائل .. لا معلش مش واخد بالي.. حياتك الباقية
سلمي .. لا ولا يهمك .. انا مقدره الموقف اللي انت فيه .. بجد اللي حصل ده صدمه لينا كلنا .. بس ده قضاء ربنا في الاول وفي الاخر ولازم نرضي بيه
وائل .. الحمد لله ع كل حال
سلمي .. بقولك ايه .. انا عارفة ان الوقت طبعا مش مناسب بس انا كنت قريت كده كلام في الجرايد عن الحادثة ومتأكده ان الكلام ده شاغلك دلوقتي وعاوز تتأكد هل الكلام ده صح ولا لا .. مظبوط كلامي ؟
وائل .. كلام ايه ؟!!
سلمي .. شوف انا صريحة جدا وبحب اجيب من الاخر وعشان ملفش ولا ادور هاقولك الخلاصة .. انت عاوز تعرف مريم خانتك ولا لا ومين ده اللي كان معاها في العربية وقت الحادثة وهل فعلا كانت متجوزاه عرفي ولا لا ومحمد ومريم ولادك ولا ولاده هو ؟ مش دي الاسئلة اللي بتدور في دماغك دلوقتي وعاوز تعرف اجابتها ؟
وائل .. انتي عرفتي منين الكلام ده كله ؟! الصحافة متعرفش الكلام ده كله ؟!!
سلمي تضحك .. ههههههه .. صحافة مين يا عم وائل .. انا المعلومات اللي عندي محدش يعرفها غيري انا والمرحومة مريم وبس .. انتي ناسي انها كانت صحبتي الانتيم ومفيش كبيرة ولا صغيرة الا وكنت اعرفها عنها
وائل .. يعني اجابات الاسئلة دي كلها هلاقيها عندك ؟!
سلمي .. طبعا وبالادلة كمان .. بس قبل ما اجاوبك ع اسئلتك انا ست بحب البيزنس وبيزنس اذ بيزنس
وائل .. مش فاهم ؟!!
سلمي .. مليون جنية وانا هاجاوبك ع اسئلتك واريحك ع الاخر وهاقولك كل حاجة
وائل .. مريم كانت دايما تقول ان مادية وانتهازية وبتحبي الفلوس !!
سلمي تضحك .. ههههه .. عندها حق .. الحياه فرص يا صديقي والجدع اللي ينتهز اي فرصة تجيلة ويستفاد منها صح
وائل .. وانا ايه اللي يأكدلي ان اجاباتك دي هتكون صح ؟! مش جايز تكوني بتستغلي الموقف لمصلحتك وانتي اصلا معندكيش ادني معلومه عن الموضوع
سلمي .. انت لسه من شوية بتقول انتي عرفتي الحاجات دي منين وان الصحافة متعرفش الحاجات دي !! صدقني كل كلمه هاقولهالك معاها دليل مادي وانت بنفسك هتسمع وتشوف وتحكم .. اتفقنا؟
وائل .. اتفقنا
سلمي .. طيب هنتظرك بكره في شقتي الساعة ٩ بالليل .. العنوان هبعتهولك ع الواتساب .. متتأخرش .. سلام
ثم تغلق الخط.. وفي اليوم التالي يذهب وائل في الموعد المحدد لمقابلة سلمي وبمجرد ان يصل الي باب الشقة يجده مفتوحا فيندهش ثم يضغط علي جرس الباب ولكن لا احد يجيب فيقرر الدخول ويسير ببطء داخل الشقة وينظر يمينا ويسارا وينادي قائلا
وائل .. مدام سلمي .. انا جيت في الميعاد
ثم يسمع صوت انين امرأة تحاول ان تصرخ ولكن لا تستطيع فيركز مع الصوت فيحدد مكانه وهو غرفة النوم الخاصة ب سلمي فيتوجه نحو الباب المغلق ويضع اذنه علي الباب فيتأكد بالفعل ان هذا الصوت يصدر من تلك الحجرة فيفتح الباب فيصعق عندما يجد سلمي مكبلة الايدي والارجل وعلي فمها شريط لاصق
↚
طيب هنتظرك بكره في شقتي الساعة ٩ بالليل .. العنوان هبعتهولك ع الواتساب .. متتأخرش .. سلام
ثم تغلق الخط.. وفي اليوم التالي يذهب وائل في الموعد المحدد لمقابلة سلمي وبمجرد ان يصل الي باب الشقة يجده مفتوحا فيندهش ثم يضغط علي جرس الباب ولكن لا احد يجيب فيقرر الدخول ويسير ببطء داخل الشقة وينظر يمينا ويسارا وينادي قائلا
وائل .. مدام سلمي .. انا جيت في الميعاد
ثم يسمع صوت انين امرأة تحاول ان تصرخ ولكن لا تستطيع فيركز مع الصوت فيحدد مكانه وهو غرفة النوم الخاصة ب سلمي فيتوجه نحو الباب المغلق ويضع اذنه علي الباب فيتأكد بالفعل ان هذا الصوت يصدر من تلك الحجرة فيفتح الباب فيصعق عندما يجد سلمي مكبلة الايدي والارجل وعلي فمها شريط لاصق والدماء تحيط بها من كل مكان فيتوجه نحوها بسرعه وينزع الشريط اللاصق فإذ بها تلفظ بالجزء المقطوع من لسانها من فمها وتصرخ وهي لا تستطيع التحدث وترتعش بالكامل من الخوف والالم وتشاور علي لسانها المقطوع ووائل بقف في ذهول ويعرف انها تعرضت لحادث بشع وان لسانها تعرض للقطع ثم يلاحظ مقص ع السرير بجوارة ورقة مطوية فيفتح الورقة فيجد مكتوب فيها عبارة ( متحاولش تدور علي الحقيقة .. امضاء فاعل خير ) .........
ثم تتوقف سيارة امام معمل التحاليل الذي ذهب اليه وائل واولاده لعمل تحليل DNA ثم ينزل منها نادر صديق وائل وشريكه ويصعد الي المعمل ويقابل الطبيب المختص
نادر .. طمني التحليل اخبارة ايه ؟
الطبيب .. للأسف يا استاذ نادر التحليل بيؤكد ان الولاد دول مش ولاد وائل فعلا !!
نادر .. طيب بقولك ايه .. انا مش عاوز يعرف وائل يعرف حاجة عن الموضوع ده وعاوز التحليل يقول ان الولاد دول ولاده فعلا
الطبيب .. ازاي ؟! دي مش الحقيقة يا استاذ نادر !!
نادر .. تاخد كام وتكون دي الحقيقة ؟
الطبيب .. لا انت فاهمني غلط ع فكرة !! .. ده معمل محترم حضرتك ؟!
نادر .. ده شيك بربع مليون جنية والتحليل يقول ان الولاد دول ولاد وائل .. وانا عارف ومتأكد ان ده معمل محترم ومحترم جداا كمان وعشان كده في حملة دعائية للمعمل عن طريق شركتنا لمدة شهر وبالمجان .. اتفضل الشيك
الطبيب متردد ولكن في النهاية يأخذ الشيك .. ياتري ايه اللي حصل بعد كده؟ وايه اللي خلي وائل يتجنن لما عرف ان مريم كانت حامل في ٣ شهور؟ ومين اللي عمل في سلمي كده ؟ ده اللي هنعرفة ان شاء الله في الحلقة الجاية ..
↚
وينهض الاطفال خائفين ويصطحبهم وائل الي السيارة ويقود بهم بسرعة جنونية ترعب الاطفال طوال الطريق حتي ينتهي الي حافة جبل في الصحراء فينزل من السيارة ويترك الاولاد بالداخل ثم يغلق السنتر لوك بريموت السيارة حتي لا يستطيعوا فتح الابواب
شيماء .. بابا .. انت هتسيبنا هنا ولا ايه ؟! بابا انا خايفة اوي
وائل يتحرك خلف السيارة ثم يشعل سيجارة ويبدوا انه يفكر في امر ثم يدفع السيارة بقدمه من علي حافة الجبل والاطفال يستغيثون ويتوسلون لأبيهم ..وبعد ان بدأ وائل في دفع السيارة لكي تسقط من اعلي حافة الجبل يتوقف فجأة قبل ان تسقط السيارة من اعلي وهو ينظر الي وهم في حالة يرثي لها من الفزع والخوف الشديد ويبدوا انه قد تراجع عن ذلك وتأثر شديدا بمنظر الاولاد لدرجة ان دموعه بدأت تتساقط
وائل .. لا حوة ولا قوة الا بالله العلي العظيم .. استغفر الله العظيم.. استغفر الله العظيم ..
ثم ينزل الي الارض ويجلس علي ركبتية وهو يبكي ويقول
وائل .. ليه يا مريم تعملي فيا كده ؟! ليه ؟! ده انا كنت بحبك حب ميتوصفش !! دا انتي كنتي كل حاجة في حياتي !! ليه حرام عليكي .. ليه ؟!
ثم يترجل الاولاد ويتوجهون نحو وائل .. محمد يربط علي كتف والده .. وائل يرفع رأسه لينظر الي محمد ويفاجأ ان الابن قد بال علي نفسه من الخوف وهول الموقف ثم يقول له الابن
محمد .. بابا انت بتعيط ؟!
وائل يمسح دموعه بيده قائلا
وائل .. لا مش بعيط
محمد .. لا حضرتك بتعيط !!
شيماء .. بابا انت متضايق مننا في حاجة ؟! احنا عملنا حاجة تضايقك
وائل يصمت برهه ثم يقول .. لا
شيماء .. طيب حضرتك ليه بقيت تعاملنا وحش كده بعد ما ماما ماتت ؟! انا حاسة انك بقيت تكرهنا ؟!!
وائل .. يلا بينا نمشي من هنا
ثم يعود وائل مع الاولاد الي المنزل وفي اليوم التالي يحضر الجد والجدة من ناحية الام لزيارة الاولاد وينزل اليهم وائل لمقابلتهم
والد مريم .. ايه يا عم وائل من ساعة ما المرحومة مريم ماتت وانت لا بتتصل ولا بتسأل ولما ارنلك عشان اطمن عليك وع الولاد متردش !!.. ايه الحكاية عاوز افهم؟
وائل .. مفيش حكاية ولا حاجة .. انا بس مشغول شوية
والد مريم .. مشغول في ايه يا تري .. انت حتي بطلت تروح الشركة وحابس نفسك في اوضتك ليل ونهار !
وائل مندهش .. وانت عرفت منين ؟!
والد مريم .. من صاحبك نادر .. ما هو لما كنت برنلك وانت مبتردش كلمت نادر عشان يطمني عليك فقالي كده .. انا عارف انك حزين طبعا علي مريم
وائل يقاطعه غاضبا ..انا لا حزين ولا يفرق معايا اصلا
ام مريم مندهشة .. ايه اللي انت بتقوله ده ؟! موت بنتي ميفرقش معاك ؟! انت اتجننت يا وائل !!
وائل .. ايوه ميفرقش معايا وبصراحة بقي كويس انها ماتت لأنها لو كانت عايشة وعرفت اللي انا عرفته ده كنت هاقتلها بنفسي
↚
والد مريم .. اوعي تكون صدقت كلام المباحث ولا كلام الجرايد واللي بيقولوه علي مريم بنتي .. لا فوق انت عارف كويس اوي مريم دي تبقي مين وبنت مين .. اصحي وفوق يا اخ وائل انت بتتكلم عن مريم بنت راجح المنفلوطي ..
وائل بسخرية ..مريم بنت راجح المنفلوطي اللي حضرتك بتتكلم عنها طلعت للأسف انسانه خاينة وحقيرة !!
والدة مريم .. اخرص قطع لسانك .. انا بنتي اشرف من الشرف
والد مريم .. عارف انا لولا مقدر الظرف اللي انت فيه انا كان هيبقي ليا معاك تصرف تاني كان هيزعلك جدا
وائل .. طيب اتفضلوا بقي من غير مطرود
ام مريم مندهشة .. انت بتطردنا ؟!
وائل .. ايوه
ام مريم .. لا انت بقيت انسان مش طبيعي .. انا بصراحة خايفة لا تعمل حاجة في الولاد !!
وائل بسخرية .. اهم عندك .. عاوزاهم خديهم معاكي وانتي ماشية
والد مريم .. معقول ؟! وائل ده اللي واقف بيتكلم قدامي
وائل .. وانتوا لسه شفتوا مني حاجة .. وحيات اخلاصي كل السنين اللي فاتت دي لبنتك.. وحياة كل كلمة حب طلعت من جوة قلبي بصدق لبنتك!! وطلعت في الاخر خاينة !! لاندمكم ع اليوم اللي عرفتوني فيه
والد مريم .. انا مش هارد عليك دلوقتي ولا هاعتبر نفسي سمعت كلامك ده من الاساس .. يلا يا نوال
وبعد ان ينصرف والد مريم ووالدتها يبصق عليهم وائل
ثم يصعد وائل الي غرفته ويمر علي غرفة كانت تستغلها مريم في الصلاة والعبادة وقرأة القرآن . وائل يقف امام تلك الغرفة يفكر قليلا ثم يفتح الباب ويضئ نور الغرفة ويشتم رائحة المسك التي تفوح منها كالعادة فما زالت تلك الرائحة موجودة حتي الان رغم مرور اسبوعين علي وفاة مريم ثم ينظر في ارجاء الغرفة ويشاهد علي الارض السجادة التي كانت تصلي عليها والمصحف التي كانت تقرأ فيه اثناء قيام الليل وصورها المعلقة علي الحائط بملابس الاحرام ثم يدخل الي الغرفة ويجلس علي الارض ويمسك بالمصحف التي كانت تقرأ فيه ويقول لنفسه
وائل .. عرفتي تخدعيني يا مريم .. وهمتيني انك انسانه صالحة وتقية وتعرفي ربنا وانتي في الحقيقة ...!! روحي يا شيخه منك لله ..
ثم يقبل المصحف واثناء ذلك تسقط ورقة من بين صفحات المصحف لتستقر علي الارض دون ان يشعر بها وائل ويقول
وائل .. يارب ساعدني اوصل للحقيقة يارب انا جوايا نار محدش يعلم بيها غيرك .. يارب اهديني للحق
ثم يترك المصحف ويطفئ الانوار ويغادر الغرفة .
وبعد خروجه من الغرفة يتصل به النقيب صلاح ويبدوا انه غاضب بشدة ..
وائل .. الو
صلاح بغضب ونبرة حادة .. انت بتشتغلني يا جدع انت ؟!
وائل مندهش .. في ايه سعتك ؟!
صلاح .. انت مطلق مريم من سنتين وجاي تقول مراتي وعلي ذمتي ؟!! تجيلي المكتب دلوقتي حالا
ثم يغلق الخط
↚
ويذهب وائل لمقابلة الضابط صلاح وصلاح يعرض عليه قسيمة الطلاق
صلاح .. شوف دي كده
وائل ينظر اليها مندهشا ثم يقول .. دي قسيمة طلاق!!
صلاح .. ما انا عارف انها قسيمة طلاق .. بتاعتك انت ومريم ولا مش بتاعتك ؟
وائل .. بتاعتي
صلاح .. يعني انت طلقت مراتك فعلا من سنتين ؟!
وائل .. ايوة
صلاح .. يعني هي لحد ما ماتت مكنتش مراتك ؟
وائل .. لا كانت مراتي طبعا .. انا فعلا طلقت مريم من سنتين بس رجعتها تاني لعصمتي في اقل من شهر من الطلاق
صلاح .. اه .. يعني انت رديتها تاني لعصمتك بعد الطلاق ده ؟
وائل .. ايوه .. دي كانت طلقة رجعية وكانت تحت ضغط نفسي شديد وقتها بسبب مشكلة كده والمشكلة اتحلت في اقل من شهر ورجعنا لبعض تاني .. بس انا عاوز اعرف حضرتك جبت صورة القسيمة دي منين ؟!
صلاح .. ده واحد جه الصبح هنا وكان عاوز يقابلني وانا مكنتش موجود وسابلي مع العسكري ظرف جواة صورة القسيمة دي !!
وائل .. غريبة .. وايه الهدف من انه يسيبلك ظرف جواة صورة قسيمة طلاق ؟! عادي ناس كتير بتتجوز وبتتطلق وبترجع لبعضها تاني
صلاح .. وليه قسيمة طلاقك انت ومريم وفي الوقت ده بالتحديد ؟!!
وائل .. فعلا .. ليه ؟!
صلاح .. الشخص ده قاصد يوصلي رسالة معينة
وائل .. ايه هي ؟!
صلاح .. مش عارف !! قولي يا وائل .. انت كنت بتحب مريم ؟
وائل .. للأسف .. كنت بحبها حب جنوني
صلاح .. وليه بتقول للأسف ؟!
وائل .. لأني اكتشفت انها متستاهلش الحب ده
صلاح .. اممممم .. طيب وهي ؟
وائل .. هي ايه ؟
صلاح .. كانت بتحبك ؟
وائل .. كانت بتقول انها بتحبني لكن بعد اللي حصل اكتشفت انها كانت اكبر كدابة عرفتها في حياتي واني طول السنين اللي فاتت كنت عايش في وهم وخداع!!
صلاح .. قبل الحادثة مكنتش ملاحظ عليها اي تغير من ناحيتك مشكتش فيها ولو للحظة ؟
وائل .. بالعكس قبل الحادثة بيوم كنت محتفل انا وهي بعيد جوازنا العاشر وكان يوم في قمة السعادة والرومانسية وفي اليوم ده جددت وعودها ليا انها هتفضل تحبني وتخلصلي لآخر العمر ولأني كنت مغفل ومغيب بأسم الحب كنت بصدق الوعود المزيفة دي !!
صلاح ..امممم .. طيب .. انت طبعا عارف ان اللي كان مع مريم وقت الحادثة ده مهندس بترول اسمه عزت محمد الشربيني
وائل .. حضرتك قولتلي ع المعلومة دي قبل كده
صلاح .. التحريات الاخيرة ان عزت ده شاب عمره حوالي ٣٥ سنه بيشتغل في الكويت من خمس سنين ورجع مصر واشتري شقة في المعادي عشان يتجوز فيها لأنه خاطب بنت عمته وان اللي كان بيعمله الديكور بتاع الشقة كانت المرحومة مريم مراتك وانها راحت معاه الشقة اكتر من مرة عشان تعاين وتشوف الشغل المطلوب وتعمله
وائل .. وبعدين
↚
صلاح .. الغريب ان التحريات مبينتش اي علاقة غير طبيعية بين مراتك والشخص ده !! احنا قابلنا خطيبته وامه والجيران اللي حواليه كلهم اجمعوا علي حسن سيرة وسلوكه وانه كان شاب مهذب وعلي قدر كبير من التدين
وائل .. ما هو شئ طبيعي ان اي علاقة محرمة بتكون في الخفاء واصحابها دايما بيظهروا للناس الطهارة والنقاء
صلاح .. بس خطيبة عزت قالت انها قابلت مريم قبل كده وشكرت فيها جداا وانها لاحظت اكتر من مرة ان مريم مراتك مبتدخلش شقة عزت الا في وجود البواب او اي حد من اهله وانها قبل كده راحت مع عزت الشقة بحكم شغلها وكان البواب مش موجود وعزت كان لوحده الوقت رفضت انها تطلع الشقة واجلت الزيارة وقت تاني !!
وائل .. هو حضرتك عاوز تقول ايه بالظبط ؟! ان مريم شريفة مثلا ؟! طيب ولما هي بتتكسف انها تكون معاه في الشقة بتاعته لوحدهم زي ما خطيبته بتقول !! اومال كانوا ازاي مع بعض عريانين في العربية وسكرانين كمان ؟!! انا زي ما قولت لحضرتك مريم دي ممثلة كبيرة عرفت تخدع خطيبة اللي اسمه عزت ده زي ما خدعتني تمام
صلاح .. احنا لما روحنا عشان نعاين شقة عزت لقينا مجموعة صور منهم الصورة دي
وائل ينظر الي الصورة
صلاح .. طبعا انت عارف مين اللي مع عزت في الصورة ؟
وائل يمسك بالصورة ويدقق النظر ثم يندهش بشدة .. ده نادر شريكي في الشركة !!
صلاح .. واضح انهم كانوا يعرفوا بعض لأن الصورة تقريبا في نادي
وائل .. غريبة !! انا كل اصحاب ومعارف نادر انا اعرفهم كويس جدا مفهمش الشخص ده ابدا !!
صلاح .. جايز هو يعرفة بس انت متعرفهوش .. ع العموم انا هبعتله واسأله ع فكرة احنا بعتنا الاعتراف وعقد الجواز العرفي لخبير الخطوط عشان نتأكد اذا كان الاعتراف ده بخط عزت وتوقيعه ولا لا وفيه حاجة كمان احتمال تتعمل بس دي ما يجي تقرير خبير الخطوط ونشوف هايقول ايه
وائل .. ايه الحاجة دي ؟!
صلاح .. ممكن اسألك سؤال وتجاوبني بكل صراحة ؟
وائل .. اتفضل
صلاح .. انت ما بعد شوفت عقد الجواز العرفي والاعتراف اللي بيقول ان محمد وشيماء ولاده مشكتش فعلا ان ممكن يكونوا فعلا مش ولادك ؟! انا عارف ان السؤال محرج بس الاجابة مهمه جداا بالنسبة لي
وائل .. ارجوك تعفيني من الاجابة عن السؤال ده دلوقتي
صلاح .. زي ما تحب .. وانا عندي احساس كبير جداا ان خلال فترة قريبة الحقيقة هتبان وهنعرف كل حاجة
وائل .. اتمني ذلك
ويخرج وائل من عند صلاح مهموما حزينا ويحاول الاتصال ب نادر عدة مرات ليعرف منه حقيقة الامر وطبيعة علاقته بالمدعو عزت ولكن تليفون عزت غير متاح فيقرر نادر الذهاب الي منزله ظنا منه انه بالمنزل وربما يكون نائم لأن هذه هي عادته عندما يكون بالمنزل ونائم يغلق هاتفه المحمول وعندما يصل الي شقة نادر تقابلة زوجته سوسن
وائل .. مساء الخير يا سوسن
سوسن .. وائل ازيك اخبارك ايه؟ اتفضل
وائل يدخل الشقة ..
سوسن .. اخيرا جيت زورتنا !! خطوة عزيزة يا وائل بيه والله
وائل .. الله يعزك .. اومال فين نادر ؟
سوسن .. نادر في الشركة
وائل .. اصل برن عليه تليفونه مقفول ففكرت انه نايم في البيت
سوسن .. يمكن فصل شحن ولا حاجة
وائل .. طيب استأذن انا بقي .. انا هاوصلة الشركة
سوسن .. لا تستأذن ايه !! انت هتتعشي معانا انهارده
وائل .. لا خليها وقت تاني مش هينفع صدقيني
↚
سوسن .. وايه قلة نفعة ؟! لا طبعا انت مش هتمشي من هنا الا لما تتعشي معانا الاول واصلا نادر علي وصول هو قالي مش هيتأخر انهارده
وفجأة يرن تليفون سوسن
سوسن .. اهو نادر بيتصل اهوه .. ايوه يا نادر انت فين ؟
نادر .. انا في الشركة يا سوسن معلش هتأخر شوية عشان عندي شوية شغل
سوسن .. طيب حذر فزر مين واقف قدامي دلوقتي ؟
نادر .. مين ؟
سوسن .. وائل صاحبك يا عم .. كلمه بقي عشان بقوله يقعد يتعشي معانا وهو عاوز يمشي !!
وائل .. الو انت فين يا جدع انت ؟!
نادر .. انا في الشركة يا عم
وائل .. تليفونك مقفول ليه انا فكرتك في البيت !
نادر .. فصل شحن من غير ما احس والله .. عارف انا دلوقتي هطلع التليفون وابوسة مليون بوسة واقوله الف شكر انك فصلت شحن وخليت وائل يخرج من العزلة اللي هو فيها ويشرفني بالزيارة في البيت .. بقولك ايه انت هتتعشي معانا انهارده اوعي تتحرك من عندك انا حالا اجيلك اخلص بس مع الوفد الصيني .. استناني ماشي باي
سوسن .. ايه هتتعشي معانا ولا هتتعشي ولا هتتعشي معانا بردوا .. اختارلك حاجة من الاتنين .. ههههه
وائل يبتسم .. هتعشي معاكم وامري لله
سوسن .. ع فكرة الولاد هيفرحوا اوي انك جيت انهارده
وائل .. هما فين ؟
سوسن .. في اوضة الذكريات بتاعتك انت ونادر .. قالولي يا ماما نفسنا ذكريات بابا وهو صغير
وائل .. طيب انا هاروحلهم
سوسن .. وانا هاروح اشوف العشا .. تحب تشرب حاجة ؟
وائل .. فنجان قهوة لو سمحتي
ويدخل وائل غرفة الذكريات حيث يوجد بها اولاد نادر .. شيرين ووائل
وائل الصغير .. عمو وائل !! ازيك وحشتنا اوي
وائل الكبير .. وانتوا كمان وحشتوني اوي .. ازيك يا شيرين ؟
شيرين .. كويسة يا عمو .. تحب تلعب معانا ؟
وائل .. العب معاكم
وائل الصغير .. عمو هي فعلا الاوضة دي فيها حاجات ليكم انت وبابا لما كنتوا صغيرين ؟
وائل الكبير .. اه فعلا .. مثلا الكورة دي كنا بنلعب انا وباباك لما كنا في سنك كده .. ولعبة الشطرنج دي كمان ياما علبت باباك فيها
وائل .. طيب والصندوق ده فيه ايه ؟! بابا مش عاوز يفتحه خالص !!
وائل الكبير .. الصندوق ده فيه صور باباك معايا ومع اصحابنا واحنا صغيرين وفيه ذكريات حاجات كتير اوي
وائل الصغير .. طيب انا عاوز اشوفها وبابا مش عاوز يفتحه وقالي متلعبش فيه خالص
وائل .. ليه يعني .. هو شايل فيه دهب ولا ايه ؟!! ثواني انا معايا المفتاح بتاعة تقريبا .. اهوه لقيته يا عم وائل وهنفتح الصندوق
وائل الصغير فرحا .. هيييييه
ويفتح وائل الصندوق فيجد العابا وملابس والبومات صور
وائل .. زي ما قولتلك .. دي حاجتنا انا وباباك واصحابنا واحنا صغيرين .. مثلا الساعة دي .. اول ساعة لبسها باباك وهو في سنك او اكبر منك شوية وانا اللي جيبتهاله في عيد ميلاده ..
وائل الصغير .. وريني كده يا عمو .. الله حلوة الساعة دي اوي .. انا هالبسها
وائل الكبير .. ودي لعبة السلم والتعبان .. ههههه .. ايام والله .. ودي ..
وائل يلمح ملابس غريبة فيمسك بها ويتفحصها جيدا
وائل مندهش .. ايه ده ؟! دي هدوم مريم اللي خرجت بيها يوم الحادثة !! ايه اللي جابها هنا ؟!!
يفكر قليلا ثم ينطلق مسرعا
وائل في قمة الغضب يقتحم مكتب صديق عمره وشريكه نادر بدون استئذان ويبدوا انه ينوي به شرا
نادر مندهشا .. وائل ؟! اهلا اهلا .. ايوه كده يا راجل نورت شركتك .. انا مبسوط جداا انك نزلت الشركة انهارده..بس انا قولتلك استناني في البيت حالا اجيلك .. مش مشكلة نروح مع بعض .. اتفضل اقعد واقف ليه
وائل بتهكم وسخرية .. بصراحة الفضل يرجع ليك يا صديق عمري وشريكي .. ما هو لولا مجهودك الجبار في انك تخبي عني الحقيقة طول الفترة اللي فاتت دي كلها وانك تعمل المستحيل عشان معرفش اوصلها انا مكنتش جيت انهارده
نادر مندهشا ومرتبك .. حقيقة ايه انا مش فاهم حاجة ؟!
وائل .. الحقيقة اللي انت حبيت تخبيها عني بكل الطرق بس للأسف عرفت اوصلها برضوا !
نادر .. حقيقة ايه اللي انت بتتكلم عنها يا وائل وضح كلامك ؟!
وائل .. انك مش بس شريكي في الشركة دا انت طلعت شريكي في مراتي وفي ولادي كمان !!
ثم يشهر مسدسه في وجه نادر
وائل .. اه يا ندل يا خثيث
نادر بخوف وتوسل .. انت هاتعمل ايه ؟! اعقل يا نادر
↚
وائل
ونادر يجلسان مع بعضهما في كوفي شوب ووائل تبدوا عليه مشاعر الندم والحزن ونادر يبدوا انه مستاء جدا
نادر .. انا مش قادر اصدق ابدا اللي حصل !! انت يا وائل تشك فيا وعاوز كمان تقتلني ؟!
وائل بصوت حزين .. معلش يا نادر سامحني انا اعصابي تعبانه جداا اليومين دول ومش قادر اتحكم في انفعالاتي ولا في تصرفاتي !!
نادر .. بس مش لدرجة انك تشك في صديق عمرك وعاوز تقتله ؟! انا بجد في ذهول
وائل .. خلاص بقي يا نادر قولتلك معلش انا فعلا اتهورت بس انت عارف الضغط النفسي الرهيب اللي انا بمر بيه دلوقتي .. انا في دوامة وحيرة يا نادر
نادر .. يعني لولا سوسن مراتي هي اللي عارفة حكاية الهدوم دي انا كان زماني دلوقتي مع الاموات وبإيد مين ؟! صديق عمري وشريكي كمان !!
وائل .. خلاص بقي يا عم انت مابقولك اعصابي تعبانه واللي انا فيه مش قليل حط نفسك مكاني وانت تعرف حجم العذاب اللي انا فيه
نادر .. انت اللي معذب نفسك بنفسك وماشي تدور ورا اوهام في دماغك
وائل بغضب .. مش اوهام !! للأسف طلع حقيقة
نادر مرتبك .. ايه هو ده اللي طلع حقيقة ؟!
وائل .. محمد وشيماء مطلعوش ولادي !
نادر .. ازاي ؟! يابني انت مش عملت التحليل واتأكدت انهم ولادك ؟!
وائل .. انا عدت التحليل تاني في فرنسا وطلعوا مش ولادي للأسف يعني الاعتراف فعلا حقيقي ودول ولاد الكلب اللي كان معاها في العربية ؟!
نادر .. انت هتجنني يا جدع انت ؟! انت مش لسة قايل ان الظابط صلاح بيمدح في الاخ اللي كان مع مراتك في العربية وقت الحادثة وان التحريات اثبتت ان مفيش بينهم اي علاقة
وائل .. وانت مصدق التحريات دي ؟!
نادر .. وليه مصدقهاش ؟! ايه مصلحتهم انهم يداروا عنك الحقيقة ؟!
وائل .. وليه ميكونوش اصلا معرفوش يوصلوا للحقيقة ..وان اللي وصلوله ده مش هي الحقيقة .. صح ولا لا ؟!
نادر .. انا مش عارف اقولك ايه بصراحة
وائل .. مش عاوزك تقول حاجة خالص لأني مش هسمع لأي صوت غير الصوت اللي جوايا انا وبس .. بس انت متأكد انك متعرفش عزت ده ؟
نادر .. هترجع تشك فيا تاني ؟! ما انت عارف اصحابي كلهم وانا قولتلك ان ده صاحب محمود وجه معاه النادي سعتها وطلب انه يتصور معايا باعتباري رجل اعمال مهم ومعروف وفيه حاجة كمان مش جايز يكون التحليل اللي انت عملته في فرنسا مش مظبوط ؟
وائل .. جايز اه وجايز لا .. ع العموم انا هاعيده تاني وكويس اني ما اتسرعتش وقتلت الولاد
نادر مصدوم ..يخرب بيتك .. انت كنت هتقتل الولاد ؟!
وائل .. ايوه
نادر .. انت مجنون يابني انت ؟! حد يقتل ولاده ؟! وبفرض انهم مش ولادك زي ما بتقول هما ذنبهم ايه ؟!
وائل .. ذنبهم انهم ولاد مريم .. الانسانه الوحيدة اللي انا حبيتها في حياتي واخلصت ليها وفي المقابل هي خدعتني
نادر .. بس انت لحد دلوقتي متأكدتش انها خدعتك فعلا او لا .. بقولك ايه العيال من انهارده يجوا يباتوا عندي مع ولادي ميستنوش معاك تاني ونصيحة مني سافر كده كام يوم بره مصر غير جو لأن فعلا اعصابك تعبانه وبقيت تتصرف تصرفات مش طبيعية .. بقولك ايه روح اليونان خدلك اسبوع هناك ولا اسبوعين
وائل .. انا مش هسافر ولا هسيب هنا غير لما اوصل للحقيقة ولو عاوز الولاد خدهم اشبع بيهم انا اصلا مبقتش طايقهم
وائل ينصرف ويترك نادر بمفرده ونادر يحادث نفسه قائلا
نادر .. شكلك مش عاوز تجيبها لبر !! انت حر يا عم وائل !
↚
ونذهب الي الظابط صلاح حيث ورد تقرير خبير الخطوط يثبت ان الخط الموجود في الاعتراف وعقد الزواج العرفي هو فعلا خط عزت وايضا اسم مريم علي عقد الزواج هو توقيعها وخط يدها
صلاح يقرأ التقرير ويقول .. الحكاية كل شوية عماله تتعقد وشكلنا هناخد وقت لحد ما نوصل للحقيقة !!
ثم يدخل العسكري ويقول .
العسكري .. في واحدة بره عاوزة تقابل سيادتك يا فندم
ثم يعطيه البطاقة وصلاح ينظر في البطاقة ثم يقول
صلاح .. خليها تتفضل
وتدخل اسراء خطيبة المرحوم عزت اللي كان مع مريم في العربية وقت الحادثة
اسراء .. صباح الخير يا فندم
صلاح .. صباح النور .. اتفضلي اقعدي
اسراء .. شكرا .. طبعا حضرتك عارفني ؟
صلاح .. اكيد .. انتي خطيبة المرحوم عزت
اسراء .. ايوه انا
صلاح .. تحت امرك
اسراء .. انا كنت جاية لحضرتك عشان اقول علي حاجات غريبة حصلت مع عزت في اخر كام يوم قبل الحادثة
صلاح .. زي ايه ؟! ياريت تحكي بالتفصيل
اسراء .. انا هاقول لحضرتك كل حاجة بالتفصيل
ونذهب الي سوسن حيث عاد نادر الي المنزل ويبدوا عليها الغضب الشديد
سوسن .. تعالي بقي فهمني ايه حكاية هدوم مريم دي ؟! وايه اللي جابها عندنا في الشقة وحطها جوة الصندوق ؟! اظن انت وعدتني هاتقول الحقيقة بعد ما خلتني كدبت علي صاحبك وائل وقولت انها جت عندي واصرت تغير هدومها بعد ما عاجبها فستان من فساتيني وحبت تلبسه وتخرج بيه !!
نادر يقبل يدها .. انا مش هنسالك الموقف ده ابدا يا حبيبتي .. انا لولاكي كان زمان وائل قتلني
سوسن .. بقولك ايه مش هتعرف تبلفني المرة دي قول الحقيقة احسنلك لأني انا ناويالك بجد
نادر .. طبعا يا قلبي وانا اقدر اخبي عنك حاجة يا مراتي يا حبيبتي.. تعالي اقعدي جمبي كده وانا هاقولك كل حاجة
ونذهب الي وائل حيث ذهب الي منزل محمود ليسأله عن عزت وتقابلة زوجته حنان
وائل مندهش.. متعرفيش راح فين بالظبط ؟
حنان قلقة .. معرفش هو جاله تليفون ونزل بعدها علطول وكان مستعجل لدرجة انه مكملش فنجان الشاي بتاعة
وائل .. وجاله تليفون من مين ؟
حنان .. معرفش .. مقاليش نزل جري وما ادانيش فرصة حتي اسأله في ايه !!
وائل .. طيب لما يرجع خليه يكلمني ضروري
حنان .. حاضر .. بس انا قلقانه اوي خايفة يكون حصله حاجة .. اول مرة يغيب بالطريقة دي من غير ما بطمني عليه وتليفونه يفضل مقفول بالطريقة دي
وائل .. ان شاء خير متقلقيش
ونذهب الي قبر مريم حيث ذهب ابوها وامها لزيارة قبرها فوجدوا التربي منزعج جداا
والد مريم .. في ايه يا عم محروس ؟!
محروس .. الحقني يا سعت البية .. جثة الست مريم اتسرقت !!
والد مريم .. ايه ؟!!
ام مريم .. يا لهوي ؟؟؟؟!!
يتبع ....
↚
سوسن بتعجب شديد .. انا مش مصدقة اللي بسمعه ده ؟! لا يا نادر انت بتكدب عليا مش دي الحقيقة
نادر .. معذورة انك متصدقيش انا نفسي مش مصدق اللي حصل بس هي دي الحقيقة للأسف وعشان تصدقي انا هنده وائل ابننا واسأليه وهو هايحكيلك اللي حصل لأنه شاف بعينه مريم وهي طالعة عندي الاوضة هنا بعد ما قلعت كل هدومها وشافها كمان وهي خارجة بعد ما طردتها ورفضت اني اخونك معاها
سوسن .. لا طبعا متندهش الولد انا مش عاوزاه يفتكر المناظر الصعبة دي .. طيب لما طردتها ما لبستش هدومها ليه تاني ؟! ازاي تخرج الشارع بالمنظر ده ؟!
نادر .. لا ما هي لبست الفستان بتاعك اللي كان ع السرير مش معقول كانت هتخرج قدام الولاد بالمنظر ده وخصوصا بعد ما صحيوا علي صوت الزعاق بتاعي معاها وانا بزعق واقولها انتي انسانه مش محترمه !! ازاي عاوزاني اخون صديق طفولتي وكمان ازاي عاوزاني اخون مراتي حبيبتي ام ولادي اللي يستحيل ابدا افكر بس مجرد تفكير ان ابص مجرد نظرة لواحدة تاني غيرها
ثم يقبل يدها
سوسن .. معقول !! مريم العابدة الزاهدة اللي بتصلي الوقت بوقته يطلع منها ده كله ؟! انا هاتجنن يا ناس
نادر .. عابدة مين وزاهده مين بس يا سوسن !! قولي فاجرة قولي قادرة .. قولي شيطان رجيم !! .. ده حتي لو جينا نقارن بينها وبين الشيطان تكسب بنت الرفدي !! وانا بصراحة مرضتش اقول ل وائل ساعتها عشان ماخربش عليها قولت كفاية الاهانه اللي اخدتها مني وكمان عشان مخسروش واكسره قدامي ده صديق عمري يا ناس اللي ماليش في الدنيا غيره .. وانتي عارفة ان وائل حساس جدا .. الله يرحمها بقي ويستر علينا وعليها
سوسن .. لا وقال ايه جاي يمسك فيك انت وعاوز يقتلك !! ميعرفش ان مراته هي اللي حرباية وتعبان !!
نادر .. يا ستي ربنا يسامحه ومهما عمل فيا بردوا صاحبي ولازم استحمله
سوسن .. انت انسان نادر جداا يا نادر وانا حقيقي فزت بيك
نادر .. ده انا اللي فزت بيكي يا اجمل وارق والطف انسانه قابلتها في حياتي .. بحبك
سوسن يبدوا عليها الكسوف وتبتسم .. وانا كمان بحبك اوي يا نادر ...
↚
اسراء خطيبة المرحوم عزت في مكتب النقيب صلاح
صلاح .. لا استني بقي يا انسة اسراء .. عاوزك تعيدي اللي قولتية تاني بس واحدة واحدة كده وبهدوء .. انتي بتقولي انك قبل الحادثة ب ٣ ايام عزت كلمك في التليفون وقالك تعاليلي الشقة عشان ياخد رأيك في حاجة بخصوص الديكور ؟
اسراء .. ايوه .. بالظبط كده
صلاح .. وبعدين ؟
اسراء .. انا روحت فعلا
صلاح .. كان بالليل ولا بالنهار الكلام ده ؟
اسراء .. لا بالنهار .. حوالي الساعة ٣ العصر
صلاح .. اها .. وبعدين كملي
اسراء .. فانا اول ما خرجت من باب الاسانسير وروحت ناحية الشقة سمعت صوت خناق جامد اوي طالع من الشقة ف بصيت لقيت فعلا كان فيه راجل في الشقة وكان هو وعزت بيزعقوا مع جامد جداا
صلاح .. ومين الراجل ده ؟!
اسراء .. معرفوش
صلاح .. اوصفيلي شكلة
اسراء .. للأسف كان واقف مديني دهره بس هو تقريبا طويل وشعره كثيف وتقريبا ناعم وفيه ابيض كتير وكان لابس بدلة رمادي
صلاح يعرض عليها صورة عزت ونادر
صلاح .. هو ده الراجل اللي في صورة مع عزت ؟
اسراء تنظر للصورة
اسراء .. بصراحة هو اللي في الصورة مع عزت نفس الشعر تقريبا بس بردوا مقدرش اجزم هو ولا لا لأن زي ما قولت لحضرتك كان مديني دهره ووشه ناحية عزت
صلاح .. تمام .. وايه اللي حصل بعد كده ؟
اسراء .. عزت اول ما شافني نطق اسمي وطبعا بطلوا يزعقوا مع بعض
صلاح .. طيب مش فاكرة كانوا بيزعقوا مع بيض بيقولوا ايه او عزت مقالكيش ايه سبب المشكلة ؟
اسراء .. لا انا ما اخدتش بالي من كلامهم مع بعض بس انا سألت عزت بعدها قالي ان ده زميل بيشتغل معاه في الكويت وفيه مسكلة حصلت معاه هناك وعزت كان بيعاتبوا لأنه سبب فيها او حاجة زي كده
صلاح .. تمام وايه تاني لاحظتية علي عزت في اخر فترة في حياته وكان شئ مش طبيعي او غريب عليه ؟
اسراء .. مرة كنا قاعدين بالليل في مطعم كان عازمني ع العشا ده كان بالظبط قبل الحادثة بيوم جاله تليفون وهو مرديش يرد بص لما بص للفون ارتبك واتضايق وانا لاحظت ده فسألته مين ده يا عزت ومش عاوز ترد ليه ع الفون ؟ فقالي ده صديق رزل ولو رد مش هيخلص انهارده بس الشخص ده فضل يرن عليه كتير وفي الاخر بعتله مسدج وعزت قراها بعدها لاحظت انه اتعصب جامد لدرجة انه خبط الفون في الارض طبعا انا اندهشت من رد فعل عزت وقولتله ايه الحكاية بالظبط ده مش موضوع صاحب رزل !! انت اكيد مخبي عني حاجة .. فقالي لا ابدا واصر انه يمشي فورا وميستناش اننا نتعشي مع بعض وطبعا في الوقت ده كان الفون اتدشدش ميت حته فقام اخد منه الشريحة وقام رميه ع الطربيزة فقومت انا واخدة الفون ودي كانت اخر مقابلة بيني وبين عزت بعدها تاني يوم عرفت بالحادثة بس امبارح بقي انا روحت لمحل موبيلات في وسط البلد وطلبت منه انه يصلح الفون وياخد اللي هو عاوزة وبالفعل صلحه ولما اشتغل عرفت اخر نمرة اتصلت ب عزت لما كنا قاعدين في المطعم وكمان الرسالة اللي جاتله وقتها
صلاح .. وريني كده
صلاح يقرأ رقم الفون بصوت مرتفع
صلاح .. تعرفي صاحب الرقم ده ؟
اسراء .. لا وكمان حاولت اجيبة من ع التروكولر معرفتش
صلاح يقرأ الرسالة بصوت عال
(( عاوزك دلوقتي حالا يا اما انت عارف ايه اللي ممكن يحصل هتلاقيني منتظرك دلوقتي في المكان بتاعنا .. مستنيك ))
صلاح يبدوا عليه الدهشة .. اها .. تمام .. التليفون ده طبعا هاحرزه لأنه هيبقي دليل من ادلة القضية .. ف طبعا مش هتاخديه تاني
اسراء .. مفيش مشكلة بس انا عندي احساس كبير ان صاحب الرقم ده ليه يد في الحادثة بتاعة عزت والمهندسة مريم وتقريبا هو نفس الشخص اللي انا قابلته مع عزت في الشقة .. احساسي بيقولي كده
صلاح .. قوليلي يا انسة اسراء .. انتي كنتي واثقة بدرجة كبيرة في اخلاق عزت خطيبك ؟
اسراء .. بالتأكيد الا مكنتش ارتبطت بيه
صلاح .. يعني مش ممكن يبقي فيه احتمال حتي لو واحد في الميه انه يبقي فيه علاقة بينه وبين المهندسة مريم ؟
اسراء .. لا اطلاقا .. انا عارفة اخلاق عزت كويس وكمان واثقة ومتأكده ان المهندسة مريم الله يرحمها انسانه ذو خلق ومتدينة جداا وبتحب جوزها جدا جدا جدا ولايمكن ابدا تفكر انها تخونه في يوم من الايام .. بالتأكيد فيه حاجة غلط ..
صلاح .. بس تقرير خبير الخطوط بيقول ان الخط في الاعتراف والتوقيع علي عقد الجواز العرفي ده خط عزت خطيبك !!
اسراء .. ما انا بقول لحضرتك اهوه .. في حاجة غلط مش مفهومه
صلاح .. ع العموم انا هاشوف مين صاحب النمرة دي فيه حاجة تاني عاوزة تقوليها ؟
اسراء .. لا يا افندم
صلاح .. طيب خلينا علي اتصال .. شرفتي
↚
اسراء .. شكرا يا افندم .. سلاموا عليكم
صلاح .. وعليكم السلام ورحمة الله وبركاته..
وبعد ان تنصرف يقول ..
صلاح .. هي الحكاية نقصاكي انتي كمان !!
ونذهب الي والد ووالدة مريم
والد مريم بانفعال شديد .. انت بتقول ايه يا متخلف انت يعني ايه جثة بنتي اتسرقت ؟!
محروس التربي .. معرفش والله يا باشا انا روحت امبارح البلد وجيت انهارده الصبح لقيت المقبرة مفتوحة ببص فيها ملقتش جثة الست مريم الله يرحمها
والدة مريم .. يعني ايه الكلام ده يا راجح ؟! البنت اتسرقت ازاي ؟!
والد مريم .. اهدي بس يا نوال لما نشوف ايه الحكاية .. وانت يا جدع تعالي وريني ايه اللي حصل
محروس .. اتفضل يا سعت البية
وبعد ان يصل راجح وزوجته الي المقبرة وينظر بداخلها فلا يجد جثة مريم ينزعج ويغضب قائلا
والد مريم.. فعلا جثة البنت مش موجودة في المقبرة ؟!
والدة مريم تبكي وتولول .. يا لهوي خدوا جثة البنت ؟! طيب هيعملوا بجثتها ايه ؟! انا عازة جثة بنتي يا راجح اطلب البوليس بسرعة يجي يشوف ايه الحكاية
والد مريم .. انا هوديك في ستين داهية يا جدع انت
محروس .. وانا عملت ايه بيه ؟!
والد مريم.. عشان تسيب المقبرة لوحدها وتنزل البلد وانا قايلك عينك متغفلش عن المقبرة لحظة
محروس .. قراية فاتحة بتي كانت امبارح ولازمن اكون موجود .. ده انا ابوها يا بيه ودي اول فرحتي !!
والد مريم.. الله يحرقك انت وبنتك في يوم واحد
ثم يتصل علي الضابط صلاح
والد مريم.. الو .. ايوه يا صلاح باشا تعالي الحقني ارجوك .. جثة البنت مش لاقينها في المقبرة !! .. انا في انتظارك
محروس .. اهدي يا بيه ان شاء الله هنلاقوها
والد مريم.. عارف لو جثة البنت مرجعتش انا هادفنك مكانها بإيدي امشي هات كرسيين خلينا نقعد عليهم
محروس .. حاضر يا بيه
صلاح يحادث نفسه قائلا .. جثة مريم اختفت ؟! هو ايه اللي بيحصل بالظبط ؟!
صلاح يأخذ المسدس والجهاز اللاسلكي ويغادر المكتب مسرعا
ونذهب الي وائل الذي لا زال حزينا في فيلته ويتصل ب حنان زوجة صديقة محمود
وائل بصوت حزين وضعيف .. الو .. طمنيني ايه الاخبار ؟
حنان منزعجة وتبكي .. محمود مرجعش لدلوقتي يا استاذ وائل !! انا قلقانه عليه اوي .. اكيد كده حصله حاجة
وائل .. انا بحاول الاتصال بيه تليفونه لسه مقفول !!
حنان .. ومش هيفتح لأنه عندي احساس كبير انه محمود حصلة حاجة دي اول يغيب كده ومن غير ما يتصل يطمني عليه
وائل .. الافضل انك تعملي محضر في قسم الشرطة وانا من ناحيتي هحاول اتصل بكل اصحابنا ممكن نعرف معلومة توصلنا لمكانه
حنان .. يارب يا استاذ وائل يكون محمود بخير انا خايفة اوي
وائل .. ان شاء الله خير متخافيش
ونذهب الي نادر حيث ذهب بسيارته مساء الي مكان مهجور ويبدوا انه مخزن قديم ثم ينزل من السيارة وينظر يمينا ويسارا ويرفع باب المخزن ويتوجه الي الداخل فنجد محمود مقيد اليدين والقدمين جالسا علي كرسي خشب وعلي فمه شريط لاصق وامامه يقف حارس من رجال نادر
نادر يسال الحارس .. ايه الاكل زي ما هو يعني ؟!
الحارس .. رافض ياكل او حتي يشرب !
نادر .. ايه جاي يموت هنا ولا ايه ؟!
ثم يشد الشريط اللاصق من علي فم محمود
نادر .. ايه يا عم محمود مش عاوز تاكل وتشرب ليه ؟ ايه الاكل مش عاجبك ؟! اجبلك ايه قول انا تحت امرك انا ممكن اجبلك اكل من احسن مطاعم في فرنسا وبالطيارة ودلوقت حالا بس انت تلين دماغك معايا شوية !!
محمود ينظر اليه نظرة استحقار .. انا مش مصدق ان اللي واقف قدامي ده نادر دياب ؟! ملعون ابو الفلوس اللي تغير المبادئ والاخلاق يا اخي وتخلي الصاحب يعمل كده في صاحبه!!
نادر .. هههههه .. سيبك بس من المبادئ والاخلاق لأنها دلوقتي بقت موضة قديمة وعار علي صاحبها وبطل عند خليك تروح لبيتك ومراتك وتحت باطك قرشين حلوين كمان
محمود .. اسف مش انا اللي اخدع صاحبي واكدب عليه انا مش واطي زيك وبعدين تعالي هنا انت ايه مصلحتك ان اقول ل وائل اني اعرف اللي اسمه عزت ده !! تكونش انت اللي ورا حادثة مراته ؟! ما انت واطي وتعملها
نادر يضحك بسخرية .. هههههه .. عارف طول عمري بقول انك انت الصاحب الوحيد اللي فاهمني وقارش ملحتي .. عشان كده دايما واخد حذري منك
محمود .. لأنك للأسف بقيت زي الحرباية بميت وش ولون .. وللأسف وائل مخدوع جداا وياما حذرته منك لكن مسمعنيش !!
↚
نادر يقاطعه .. ولا عمره هايسمعك .. عارف ليه ؟ .. لأن بكل بساطة وائل زي الخاتم في صباعي .. يمين يمين .. شمال .. شمال
محمود .. ههه .. مسيرك تتفضح قدامه ويعرف حقيقتك وصدقني ساعتها وائل مش هيرحمك
نادر .. سيبك انت بس من وائل وخلينا في موضوعنا هتعمل اللي قولتلك عليه ولا لا ؟
محمود .. لا طبعا مش انا يا نادر قولتلك اللي يخدع واحد صاحبه .. يا اخي ده المفروض نواسيه ونساعده يوصل للحقيقة مش نضلله ونضحك عليه !!
نادر .. اممم.. براحتك شكلك مش عاوز تروح من هنا .. انت حر .. حط البلاستر علي بقه يابني .. انا هاجيلك بكره زي دلوقتي واتمني تكون غيرت رأيك لأني ماظنش اني هافضل حنين معاك كده كتير .. فاهمني طبعا ؟ سلام يا صاحبي.. هههههههههه
نادر ينصرف ومحمود يبصق عليه
ونذهب الي اسراء حيث ذهبت مع وائل الي شقة عزت التي كانت مريم تشرف علي اعمال الديكور الخاص بها
وائل .. بصي يا انسة اسراء انا عاوزك تحكيلي كل حاجة عن خطيبك عزت .. الصغيرة قبل الكبيرة
اسراء .. انا تحت امرك .. وصدقني مش هاخبي عنك اي حاجة
اسراء تفتح الشقة
اسراء .. اتفضل .. دي الشقة اللي كان المفروض هنتجوز فيها انا وعزت الله يرحمه
وائل يدخل الشقة وينظر في مكان
وائل .. الديكورات دي هي اللي عملتها مريم ؟
اسراء .. ايوه .. شوف اد ايه جميلة ورقيقة !! بصراحة مراتك دي ست فنانه وعبقرية يا بختك بيها بجد .. ربنا يرحمها برحمته هي وعزت
وائل ساخرا .. يا بختي بيها !!
اسراء تدرك انه يسخر من قولها ولكنها لا تعقب وتكتفي بالصمت
وائل .. وياتري مريم جت هنا كام مرة ؟
اسراء .. علي ما اعتقد مش كتير .. هما ٣ او اربع مرات لأنها كانت مجرد مشرفة علي التنفيذ وبس والعمال اللي تحت ايديها كانوا هما اللي بيعملوا كل حاجة
وائل .. وياتري كانت بتيجي هنا لوحدها ولا كانت بتيجي مع خطيبك في العربية ؟
اسراء .. عمرها ما ركبت معاه العربية ولا مرة جت هنا الا في حضور البواب او انا او اي حد من اهل عزت
وائل .. وده دفاع عنها ولا ايه ؟!
اسراء .. بالعكس دي الحقيقة .. استاذ وائل ممكن اسألك سؤال وتجاوبني بصراحة ؟
وائل .. قولي
اسراء .. انت كنت بتحب المهندسة مريم وبتثق فيها ولا لا ؟
وائل .. ايوه .. كنت
اسراء .. بس دي مش تصرفات واحد كان بيحب مراته وبيثق فيها .. انت بتدور علي دليل ادانتها بأي طريقة !! اظن فعلك مناقض تماما لكلامك !!
وائل .. انا عاوز افهم انتي منتظرة ايه من واحد فجأة جم قالوله مراتك عملت حادثة مع واحد انا معرفهوش وكانوا عريانين سوا ومخمورين كمان لا وايه يلاقوا اعتراف بخط ايد خطيبك انه ابو ولادي ومتجوز مراتي وعرفي كمان !! بعد ده كله منتظرة رد فعلي يكون ايه .. هاا؟
اسراء ..ع فكرة اللي كان مع مراتك ده خطيبي وكان ممكن اشك فيه زيك كده .. بس عارفة ومتأكده ان عزت لا يمكن يعمل كده لأني واثقة فيه جداا وفي اخلاقه زي ما انا عارفة ومتأكدة ان الحكاية دي مدبرة وبفعل فاعل
وائل ساخرا .. اسمحيلي دي سذاجة زياده عن اللزوم !
اسراء .. وليه متقولش اني واثقة من الانسان ده كويس وعارفة هل ممكن يعمل ده او لا
وائل .. شوفي يا انسة اسراء .. احنا مش عاوزين نخرج بره الموضوع انا كل اللي عاوزة منك كام سؤال وتجاوبيني عليهم بكل صراحة
اسراء .. اتفضل
وائل يخرج علبه السجائر من جيبة ويشعل سيجارة ويرمي عود الكبريت مولع ع الارض
اسراء .. حاسب السجادة تتحرق
وائل .. انا اسف ..
ثم ينزل الي الارض ويمسك العود وفجأة يلمح فردة حلق فيمسك بها ويعاينها فيندهش قائلا
وائل .. ده حلق مريم !!
ثم يتذكر موقف حدث بينه وبين مريم ؟؟؟؟؟؟؟
↚
اسراء .. حلق مريم مراتك ؟!
وائل .. ايوه
اسراء .. ممكن يكون وقع منها عادي يعني لما كانت بتيجي هنا
وائل ينظر اليها ويبدوا عليه الغضب ولا يعلق
صلاح وصل للمدافن بصحبة رجاله من الشرطة
صلاح ل راجح والد مريم .. ايه الحكاية يا راجح بي ؟!
راجح .. احنا جينا نزور بنتنا فوجئنا بإن التربي محروس بيقولنا ان لقي المقبرة مفتوحة وجثة مريم مش موجودة
صلاح ل محروس .. صحيح الكلام ده يا جدع انت ؟!
محروس .. ايوه يا باشا صحيح انا روحت البلد امبارح عشان فاتحة بتي عقبال ولدك ان شاء الله وجيت تاني يوم الصبح ببص لقيت التربة مفتوحه وجثة ست مريم مش فيها
صلاح ينزل ويعاين التربة
صلاح للتربي .. اوعي كده
وبعد المعاينة يقول .. دا انت وقعتك سوده معايا !!
محروس .. ليه يا سعت البية هو انا عملت ايه ؟
صلاح .. عملت ايه ؟! خدوه ع البوكس .. وانت يا راجح بيه محتاجك تيجي معايا القسم عشان نعمل محضر بالواقعة
راجح .. وبعد المحضر ؟!
صلاح .. هنعمل تحرياتنا ونشوف ايه اللي حصل بالظبط
راجح .. هو مش كان المفروض يا حضرة الظابط تعينوا حراسة علي مقبرة بنتي وخصوصا ان فيه شبهه جنائية دلوقتي وانها ممكن تكون اتقتلت ؟!
صلاح .. والله انا كنت معتمد علي التربي ده اللي اسمه محروس ووصيته ميتحركش من هنا ابدا مهما كانت الاسباب وانه لازم يكلمني الاول وياخد الاذن مني
راجح .. واهو اتحرك من غير ما يكلم حصرتك وجثة البنت اختفت ايه الحل دلوقتي ؟!
نوال .. انا جثة بنتي تيجي دلوقتي يا حضرة الظابط ما هو مش تتظلم وهي حيه وهي ميته كمان !!
صلاح .. يا جماعة اهدوا واتفضلوا معايا وان شاء الله مش هيعدي انهارده الا لما جثة المرحومة تبات في مكانها ده وعد مني
نوال .. اما نشوف !!
ونذهب الي سوسن مرات نادر حيث تجلس تشاهد التلفاز ومعها ابنها وائل وبنتها شيرين
وائل .. ماما هو طنط مريم عند ربنا فوق ؟!
سوسن مندهشة .. اه يا حبيبي عند ربنا فوق
وائل .. يعني مش هتنزل ابدا وتيجي تزورنا اصلها وحشتني اوي
سوسن .. مش هينفع تيجي يا حبيبي اللي بيطلع عند ربنا مش بينزل تاني وبعدين الست وحشة متجيبش سيرتها تاني يا وائل
وائل .. وحشة ليه يا ماما ؟! ده حتي طنط مريم كويسة اوي وبتحب ربنا
سوسن مندهشة وغاضبة .. واللي عملته مع بابا وانت شوفته يا حبيبي ده كان يرضي ربنا ؟! لا طبعا يبقي ست وحشة وبلاش نجيب سيرتها
وائل .. عملت مع بابا انا مش فاهم ؟!
سوسن .. هي مش جت يا حبيبي وانا مش موجودة وطلعت ل بابا اوضة وكانت اااا وكانت عريانه وانت شوفتها وبابا زعق فيها وطردها ؟!
وائل .. لا محصلش طبعا الكلام ده .. هو بابا قالك كده ؟!
سوسن .. اه يا حبيبي وقال انت شوفتها انت وشيرين وقعدتوا تخبطوا علي باب الاوضة بعد ما سمعتوهم وبابا بيزعق فيها
شيرين .. لا محصلش يا ماما الكلام ده
سوسن .. يعني ايه محصلش ابوكم بيكدب عليا ولا ايه ؟!!
ونذهب الي محمود نراه يجلس مع نادر في مطعم ويبدوا عليه اثار البهدله والتعذيب
نادر .. انا عاوزك تطلب اللي نفسك فيه مش عاوزك تتكسف خالص .. كل يا صديقي الغالي
محمود ينظر اليه باشمئزاز
نادر .. تاني البصة دي ؟! انا مش عارف انت قارش ملحتي ليه مع اني بحبك يا اخي لله في لله ؟!
محمود .. انت مش بتحب غير نفسك يا نادر .. ولو عرفت تخدع وائل مش هتعرف تخدعني مهما حاولت .. اخلص وهات من الاخر انت عاوزني اقول ايه ل وائل بالظبط عشان بصراحة مش طايق اشوف خلقتك قدامي وعاوز امشي من هنا
نادر .. مش طايق تشوف خلقتي ؟! الله يسامحك يا عم محمود .. بص يا سيدي انا هاقولك تقول ايه ل وائل بالظبط بس خلي بالك هنزود كلمه او هنقص كلمة هزعل انا علطول وانت عارف زعلي وحش جداا
↚
محمود يرتجف ويتحسس وجهه والاصابات التي فيه من اثار التعذيب
وائل في فيلته يتذكر موقف حدث مع مريم عندما عادت الي المنزل متأخرة وكان وائل في انتظارها
وائل .. مريم اتأخرتي ليه كده ؟!
مريم مرتبكة .. معلش يا حبيبي كان عندي شغل كتير انهارده
وائل يجد ملابس مريم ممزقة وعليها اثار تراب
وائل .. ايه يا مريم ده ؟ ايه اللي عمل فيكي كده ؟!
مريم مرتبكة بشدة .. ده ؟! ده ده .. ده انا اصلي وانا نازلة من ع سلم الشركة وقعت ع الارض
وائل منزعجا .. الف سلامه عليكي يا حبيتي .. طيب حصلك حاجة اوديكي المستشفي ؟
مريم .. وائل انا كويسة متقلقش
وائل يلاحظ اذن مريم يسيل منها دم وفردة الحلق اختفت ..
وائل .. انتي كمان ودنك اتعورت
مريم .. اه ما انا وقعت علي جنبي اليمين .. الحمد لله جت سليمة
وائل ..بس ودنك اتعورت جامد !! انتي متأكده انك كويسة يا مريم ومش محتاجة دكتور ؟
مريم .. صدقني انا كويسة ومش محتاجة اي حاجة .. كل اللي محتاجاه بس شاور سخن واكل عشان انا بصراحة هموت من الجوع
وائل .. علي بال ما تاخدي الدش هاكون حضرتك الاكل
مريم .. هاتحضر الاكل بنفسك طيب ما تصحي دادا بثينه
وائل .. لا خليها نايمة احسن .. وبعدين انا اطول احضر العشا لمراتي حبيبتي
وائل يمسك يدها الاثنتان ويقبلهم
مريم .. عارف يا وائل علي اد التعب والالم اللي انا فيه دلوقتي بس اول ما شوفتك وسمعت كلامك ده كل اللي انا فيه راح وحاسة اني طايرة في السما كمان .. انا بحبك اوي يا وائل .. انت احلي حاجة حصلت في حياتي
وائل .. وانا كمان يا حبيبتي بحبك موت وربنا ما يحرمني منك ابدا
مريم .. ربنا مايحرمناش من بعض ابدا يا وائل
وائل .. يارب
وائل يعود الي الواقع ويبدوا عليه الغضب الشديد وينظر الي فردة الحلق ثم يضرب كوب الماء الذي امامه بيده وهو يقول .. خاينة !!
ونذهب الي راجح والد مريم حيث يتصل به احد الاشخاص ويقول
الشخص .. اه يا باشا .. احنا نقلنا الجثة المكان اللي قولت عليه وفي انتظار تعليمات سيادتك
راجح .. احرق الجثة
الشخص مندهش .. ايه يا باشا .. بتقول نحرق الجثة ؟!
راجح .. ايوه .. كلامي واضح نفذ بسرعة
ثم يغلق الخط والشخص الاخر مندهش ويقول لنفسة .. الراجل ده اتجنن ولا ايه ؟! عاوزني احرق جثة بنته !!🙊🙊🙊🙊🙊
يتبع .....