رواية سجينتي كاملة جميع الفصول بقلم ايه عامر

رواية سجينتي كاملة جميع الفصول هى رواية من تأليف المؤلفة المميزة ايه عامر رواية سجينتي كاملة جميع الفصول صدرت لاول مرة على فيسبوك الشهير رواية سجينتي كاملة جميع الفصول حققت نجاحا كبيرا في موقع فيسبوك وايضا زاد البحث عنها في محرك البحث جوجل لذلك سنعرض لكم رواية سجينتي كاملة جميع الفصول

رواية سجينتي كاملة جميع الفصول

فؤاد: مش هطلقك ي ساره

ساره: انا مستحيل اعيش معاك تاني ي فؤاد... 

فؤاد: اعملي اللي تعمليه بس مش هطلق

ساره: انت متخيل انك حرامي.. انت عايز تعيشني انا وولادك بفلوس حرام.. 

فؤاد: قولتلك غلطه.. مش هتتكرر ي ساره.. بس متسبينيش.. 

ساره: لا ي فؤاد.. انا هاخد ولادي وامشي.. 

فؤاد: مش انتي اللي عايزه تطلقي يبقي ملكيش ولاد هنا 

ساره: لا طبعا انت عايزني اسيبهملك عشان يطلعو حراميه...

فؤاد: عشان العيش والملح بس اختاري ي اما يوسف..ي اما ريم..

ساره: بتغلط تاني ي فؤاد..انت عايز تفصل ولادك التؤام..انت بقيت كده ازااي 

فؤاد: ي واحد منهم ي اما مفيش حد...وانتي عارفه كويس اني اقدر امنعك عنهم...

اعمل اي دلوقتي..اختار بين ولادي ازااي..مينفعش..بس مش هقعد معااه..مش هكمل مع حرامي..مبقاش زي الاول...بقي قلبه جامد و مفتري..ودلوقتي عدي الحدود ومشي..

ساره: ريم...يلا ي بنتي..ممكن تطلقني بقي..

فؤاد: ابداا.

ساره: بس انا همشي ومش هرجع تاني..

فؤاد: انتي حره ي ساره..

..لي بيحصل معايا كده هروح فين بالبنت دي...ويوسف ابني..يعني انا كده مش هشوف ابني تااني...لا انا عايزه ابني...بس ريم مقدرش اسيبها بردو..اعمل اي دلوقتي..

انا معايا كليه تربيه...لازم ادور علي شغل..بس هنقعد فين دلوقتي..

روحت بعت الدهب اللي كنت لابساه..واجرت شقه علي قدنا واشتغلت ف مدرسه قريبه..ومحدش عرف عننا حاجه...عدي عشرين سنه وانا مشوفتش ابني فيهم..مفيش وجع اكبر من كده ي تري بقي عامل ازااي دلوقتي..اكيد بقي شاب زي القمر..ولا اي ي تري هيبقي زي ابوه..

ريم: صباح الخير ي ست الكل...

ساره: صباح الجمال ي احلي عروسه ف الدنيا...والله مش مصدقه انك اتخطبتي امبارح..

ريم: اه والله ولا انا..اتخطبت لمازن اعااا..مديري ف الشغل...بقيت خطيبه المدير...

ساره: مدير علي نفسه ي بت...هو يطول ريم ولا جمال ريم ي بت..

ريم: ايوا انا بقول كده بردو

 ساره: طيب البسي ليقولو خطيبه المدير رايحه متأخر..

ريم: تصدقي وتؤمني بالله انا م خايفه قد م انا خايفه المدير هو اللي يطردني...هقوم البس بقي...

ــــــــــــــــــــــــــــــــــــــــــــ

ريم: ي اختااي اتأخرت ومش لاقيه تاكسي....اي ده انتو مين وسع كده..وسع انتو مين..

.....: دخلوها ف العربيه...بسرعه..

ريم: انتو مين..وعايزين اي...سيبوني امشي...بتخطفوني ف عز النهار...حرام عليكو سيبوني...

.....: اقفلو بوقها عايز اكلم الريس.....تمام ي ريس..خطفناها..

الريس: ودوها علي المكان اللي اتفقنا عليه....

الخاطفين: تمام ي ريس..

مين الريس ده وعايز مني اي..مدام متفقين يبقو عارفيني اكيد عارفين ان حالتي متسمحش اني ادفع فديه...ي تري مين دول...ي رب ساعدني..

ـــــــــــــــــــــــــــــــــــــــــ

مازن: طب بس اهدي ي طنط..اكيد هترجع...

ساره: انا بنتي عمرها م اتأخرت لبعد الساعه عشره..والساعه واحده بعد نص الليل  ومظهرتش..وانت بتقولي مجاتش الشركه...

مازن: لا مجاتش..انا هبلغ البوليس..

ساره: لا ي ابني لتكون مخطوفه..ويأذوها..وبعدين البوليس هيقول اربعه وعشرين ساعه...

مازن: خلاص انا هنزل ادور عليها..وانتي رني علي صحابها يمكن تكون موجوده عند حد منهم......

ــــــــــــــــــــــــــــــــــــــــــــــــــ بعد كام ساعه..

ريم: انا فين..واي اللي ربطني هنااا...انا اتخطفت...بس انا نمت ازاااي...

الريس...لابس قناع علي وشه مش باين غير عنيه....شخص كده باين انه غامض ي تري اي حكايته

الريس: عشان احنا خدرناكي..

ريم: انت مين...عاوز مني اي...وانا فين..

الريس: انا مين ميخصكيش...عاوز اي برضو ميخصكيش..اما انتي فين ف بردو ملكيش فيه...اللي محتاجه تعرفيه..انك هتشرفي معانا هنا مده..طويله...حياتك كلها...

ريم: اي...بس لي..بالله عليك تخليني امشي..امي ملهاش غيري...بالله تخليني امشي..احنا معندناش فلوس..والله حالنا علي قدنا...مليش غير مااما بالله تسيبني...

الريس: ملكيش غير ماما...طب ومازن..

ريم: مازن! هو انا هنا عشان مازن..

الريس: انتي هنا عشان سبب انا بس اللي اعرفه وميخصكيش...

ريم: طب انت معندكش اخوات بناات...ترضي حد يعمل فيهم كده..

الريس: لا...

ريم: شوفت..

الريس: لا معنديش...الشباب بره جايبين عصير مانجا بس اي..حاجه عظمه هخليهم يبعتولك..

ريم: انا عندي حساسيه من المانجا...ممكن لو سمحت تقولي انا هنا لي..

الريس: سلام ي قطه...

ـــــــــــــــــــــــــــــــــــــــــــــــــــــ

مازن: ملقيتهاش...محدش شافها ومحدش كلمها حتي..

ساره: يعني اي بنتي ضاعت خلاص... بنتي ضاعت...انا لازم اكلمه..لازم هو هيتصرف..

مازن: هو مين ي طنط...

ساره: ابوها..

مازن: اي ابوها..ازااي هو لسه عايش..

ساره: ايوا لسه عايش..

مازن: انا مش فاهم حاجه...

ساره: ريم ابوها لسه عايش...وعندها اخر..واحنا انفصلنا بس متطلقناش..

مازن: اي الكلام ده..

ساره: مش وقته ي مازن خلينا نروحله ي ابني..

مازن: خلاص ماشي ي طنط..

ــــــــــــــــــــــــــــــــــــــــــــــــــــ

ساره: يعني اي مبقاش عايش هنا..

البواب: زي م بقولك ي ست هانم.البيه سايب البيت من يجي خمستاشر سنه..

مازن: طب متعرفش عنوانه..

البواب: اعرفه ي بيه..العنوان........

مازن: يلا بينا ي طنط..

ــــــــــــــــــــــــــــــــــــــــــــــــــ

الخدامه: ف واحده ست اسمها ساره عايزه تقابل حضرتك ي فندم...

فؤاد: ساره...خليها تستناني تحت وانا جاي حالا..

....

فؤاد: ساره!!اي اللي فكرك بيا ..انتي بتعيطي...مالك...اقعدي 

ساره: ريم..ريم مش لقياها..

فؤاد: يعني اي مش لقياها...ضيعتي البنت ي ساره..ومين ده..

مازن: انا مازن خطيبها...

ساره: بنتي اتخطفت...بنتي..ااه..ااه..

فؤاد: ساره..فوقي....

مازن: انا هتصل بدكتور يجي هناا..

ــــــــــــــــــــــــــــــــــــــــــــــــــ

الريس: كلي..اظن اكل بشوات..

ريم: مش عايزه اكل..انا عايزه امشي..

الريس: يووه انسي بقي انتي هنا سجينتي..ومش هتخرجي..مامتك هتبقي كويسه..كلها كام اسبوع وتتعود..متقلقيش..

ريم: طب لي انا..انا عمري م اذيت حد...انت حيوان معندكش احساس..

الريس: غلطتي ي ريم غلطتي...انا ماشي..

ـــــــــــــــــــــــــــــــــــــــــــــــــ

مازن: اي ي دكتور هي مالها..

الدكتور: انهيار عصبي..الظاهر في حاله من التوتر..هتبقي كويسه متقلقوش...هتنام كام ساعه بسبب العلاج..وهتتعافي بإذن الله

فؤاد: متشكرين ي دكتور..اتفضل..

يوسف: اي اللي بيحصل هنا ده 

مازن: انت..

يوسف: مازن الزيني.. انت بتعمل اي ف بيتي..

فؤاد: اهدي ي ابني وخليني اشرحلك...

ــــــــــــــــــــــــــــــــــــــــــــــ

يوسف: يعني دي امي...انت ازااي تسمحلها تدخل هناا..انا مش عايز اشوفهاا 

فؤاد: اختك مخطوفه..كانت هتلجأ لمين يعني..

يوسف: وهي تلجأ لينا وقت مصلحتها غير كده تسيبنا ي بابا..

فؤاد: طيب نلاقي اختك الاول ي ابني...وبعدين نبقي نتعاتب...شوف حل ودور عليها..استخدم معارفك ي ابني...ولا بلغ البوليس..اتصرف ي يوسف..

يوسف: حاضر ي بابا عشان خاطرك انت وبس..

ــــــــــــــــــــــــــــــــــــــــــــــــــ

ف المساء..

الريس: بردو مكلتيش ي ريم..

ريم: اي خايف عليا...وهي الحيوانات بتخاف بردو..

الريس: دي تاني مره تغلطي فيا..متخلنيش أاذيكي ي ريم..

ريم: بس انت مش هتأذيني..سمعتك وانت بتقولهم محدش يأذيهاا..اي بتحبني؟؟

↚

ريم: بس انت مش هتأذيني..سمعتك وانت بتقولهم محدش يأذيهاا..اي بتحبني؟؟

الريس: لا ده انتي زودتيها اووي بقي.. 

ريم: مش انا هفضل هنا علطول.. يبقي تفكني.. وتستحمل طريقتي... 

الريس:  وانا اي اللي يجبرني علي كده.. 

ريم:  ولا اي حاجه مش عاجبك يبقي تسيبني امشي.. وخلي بالك انا مش خايفه منك.. 

الريس: هتخاافي ي روح قلبي.... عشان مامتك.... ومازن 

ريم:  مازن الزيني... اظن انت عارف انت بتكلم عن مين.. تفتكر هيخاف منك انت... وتفتكر انه مش هيخلي باله من ماما.. تبقي عبيط.. 

الريس بكذب : عبيط.. اللي متعرفيهوش ان انا اشتري مازن الزيني بتاعك ده هو وعيلته كلها.. سلام ي قطه

ــــــــــــــــــــــــــــــــــــــــــــ

ريم «يشتري مازن.. يعني غني.. يعني مش عايز فلوس.. بس هو لي حاطط مازن ف دماغه.. وانا.. اكيد هيستخدمني عشان يساوم مازن عليااا... ي رب خرجني من هنا علي خير...»

ـــــــــــــــــــــــــــــــــــــــــ

فؤاد: انتي كويسه ي ساره...

ساره: بنتي راحت ي فؤااد...بنتي..

فؤاد: هنلاقيها...متخافيش هنلاقيهاا..هقوم اخليهم يعملولك فطار..

ساره: ابني فين؟؟عايزه اشوفه..

فؤاد: حاضر هندهولك..وهجيبلك فطار..

ــــــــــــــــــــــــــــــــــــــــ

يوسف: مش عايز اقابل حد ي بابا

فؤاد: ي ابني دي والدتك..عايزه تشوفك بعد سنين..

يوسف: انت قولتها اهوه بعد سنين...دلوقتي بس افتكرتني..بابا انا وعدتك اني الاقي بنتها عشان خاطرك انت وبس..وانا بحاول اوصلها...بس الست دي انا مش عاوز اعرفها...

فؤاد: قولتلك ميت مره مش هي اللي غلطانه...انا اللي غلطت..انا اللي حكمت انها تاخد حد منكو..

يوسف: لي مأخدتنيش اناا...اشمعنا هي..

ساره كانت واقفه وسمعتهم...حتي هي مكنتش عارفه الاجابه..بس هي كانت بتختار بين ولادها حتي لو كانت اختارت يوسف كانت هتسأل ريم لا ليه...

ساره: يوسف...

يوسف: انتي اي اللي جابك هنا..اخرجي من اوضتي..مش عاوز اشوفك..

قعد علي السرير وحط وشه ف ايديه... 

ساره: حقك عليا ي يوسف... مش عارفه اديك سبب عشان مفيش.. سامحني ي ابني.. 

وحضنته... يوسف كان نفسه ف حضنها من زمان يمكن خلاه يلين.. وينسي.. 

يوسف: كنت محتاجك وملقيتكيش.. 

ساره: صدقني منستكش ولا يوم.. دايما كنت نفسي اشوفك واسأل نفسي ي تري حياتك عامله ازااي... 

فؤاد: حقكو عليا الغلط ده غلطي انا.... صدقيني ي ساره من يوم م مشيتي وانا شغال ف الحلال وبس.. ربيته احسن تربيه.. بس هو كان زعلان منك... بس هو قلبه طيب وحضنك لين قلبه وزعله... 

يوسف: وحشتيني اووي ي امي.. 

ساره: وانت كمان وحشتني زي م انت كمان كنت محتاجه لي.. ريم كمان كانت محتاجها باباها... 

لما جت سيره ريم... عيطت ساره... وتعبت.. 

ساره: ريم.. بنتي.. 

يوسف: م تقلقيش ي ماما انا هرجعها.. 

... 

الخدامه: الاستاذ مازن مستنيكو تحت.. 

يوسف: ارتاحي انتي تعبانه وانا هتصرف.. 

↚

... 

يوسف: مين كان يصدق ان مشكلتنا تبقي واحده..

مازن: العيله تفضل عيله... خلينا ننسي اننا منافسين ف الشغل.. ونحل المشكله دي... انا بلغت البوليس.. 

يوسف: بس انا مش لسه هستني لحد م البوليس يعمل حاجه.. خلينا نسأل الناس من المنطقه اللي بتركب منها للشغل... 

مازن: يلا بينا.. 

ــــــــــــــــــــــــــــــــــــــــــــــــــــــــ

الريس: بقي هي كده.. بيبلغو البوليس.. طيب اقفلي انتي دلوقتي.. اتصلي بيا لو عرفتي حاجه..

....  : حاضر ي ابيه.. 

الريس: نفذو اللي قولتلكم عليه.. 

ريم سامعه كل اللي بيحصل.. بس مش فاهمه حاجه.. هما بلغو البوليس.. طيب بيكلم مين... وهينفذو اي.. 

ـــــــــــــــــــــــــــــــــــــــــــــــــ

فؤاد: انا جبتلك تفطري..عشان تاخدي علاجك..

ساره: مش قادره ومش عايزه حاجه..انا عايزه بنتي..

فؤاد: هترجع والله هترجع انا متأكد..مهو اكيد ربنا مش هيحرمني منها طول السنين دي ومشوفهااش..

ساره: انت اللي عملت فينا كده..

فؤاد: انا اسف...سامحيني ي ساره..

ساره: رجعلي بنتي وانا اسامحك..

فؤاد: متقلقيش..انا هكلم ناس ف الشرطه..وخليهم يلاقوها..ممكن بقي تفطري وتاخدي العلاج...

ساره: حاضر

ــــــــــــــــــــــــــــــــــــــــــــــــــــــــ

يوسف: معاك صورتها ي مازن عشان نسأل عليها.. 

مازن:  ايوا هبعتهالك.. 

يوسف: دي ريم.. 

مازن بحزن: زي القمر.. ي رب احفظها.. 

يوسف: يلا لازم نسأل كل النااس اللي هنا.. 

.....

يوسف: مازن..حااااسب..مازن انت كويس..

مازن:دراعي بيوجعني...هو اي اللي حصل..

يوسف: العربيه خبطتك..وجريت..يلا هوديك مستشفي..

....

يوسف:ها ي دكتور..

الدكتور:كسر ف دراعه هيبقي كويس..مفيش داعي للقلق..

يوسف: قلقتنا عليك ي عم مازن..

مازن:انا بخير الحمدلله..

الممرضه:في حد باعتلك الورد ده..

مازن:ورد!!!

يوسف اخد الورد ولقي رساله..

«بالشفا ي حبيبي عقبال المره الجايه..القطه بتاعتك دي تنساها احسنلك»

مازن:ريم..اكيد اللي خاطفها هو اللي باعته.

يوسف:اكيد لسه هنا..انا هلحقه..

...مازن: هاا ي يوسف لحقته.

يوسف: للاسف ملقيتش حد...بس 

مازن: بس اي

يوسف:كاميرات المراقبه...

ـــــــــــــــــــــــــــــــــــــــ

يوسف: ازااي ده يحصل...

العامل: ي يوسف بيه دي عمرها م حصلت..الكاميرات عمرها م اتعطلت..

يوسف: الظاهر انها لعبه كبيره...ومدروسه كويس..

ــــــــــــــــــــــــــــــــــــ

مازن: يعني هنعمل اي دلوقتي..

يوسف: هو عرف ازااي انك بلغت البوليس..اكيد في حد بينقله كل اللي بيحصل..لو وصلنا للشخص ده هنوصل لريم بسرعه..

مازن: بس مين هيعمل كده..

يوسف: الله اعلم..احنا لازم نفتح عنينا كويس علشان نعرف مين اللي بيخونا..

ــــــــــــــــــــــــــــــــــــــ

الريس: ولما تموتي من الجوع دلوقتي.؟؟

ريم: هبقي استريحت منك..

الريس: خطيبك حبيب قلبك..بيعمل المستحيل عشان يوصلك..

ريم:مازن..اكيد هيوصلي وهيحبسك انت وشويه الحيوانات اللي معاك دول..

الريس: طب لي الغلط..ده انتي عايشه معززه مكرمه..وبعدين هيوصلي ازااي وهو ف المستشفي..

ريم: اي مستشفي...عملت في اي..

الريس:يعني كسر بسيط ف دراعه...المره الجايه هتكون رقبته..الا لو؟؟

ريم:لو اي..

الريس: تتجوزيني؟؟

↚

الريس: تتجوزيني؟؟ 

ريم: مش قولتلك بتحبني.. 

الريس: بالعكس.. انا بكرهك.. انتي وكل عيلتك.. 

ريم: عيلتي!! انا ماليش غير امي. ولسه مخطوبه من يومين.. 

الريس: امم.. ابوكي مثلا..

ريم: استني استني.. انتو الظاهر خاطفني غلط.. انا اصلا والدي متوفي.. 

الريس: اي ي قطه الظرافه دي.. بس مش مشكله انا عارف انك متعرفيش حاجه..

ريم: معرفش اي انا مش فاهمه حااجه.. 

الريس: انا هحكيلك.. مهو خلاص بقي كلها كام ساعه ونتجوز مينفعش نخبي حاجه عن بعض.... ابوكي ي ست الكل انفصل عن والدتك من عشرين سنه كان عندك ساعتها 6 سنين تقريبا.. ومتطلقوش.. لي بقي عشان ابوكي حرااامي... كان حته سكرتير عند ابويا بس ابوكي خلاه يمضي علي عقود تخليه يبيع كل اللي حليتنا في اوراق الشغل.. ابويا الراجل المحترم كان بيثق في ابوكي ثقه عاميه.. وفي يوم اكتشف انه صفر معهووش اي حاجه.. ومستحملش وماات.. وسابني انا وامي لوحدناا.. كنت مستني اليوم اللي هرجع فيه الشركه تااني.. بس ابوكي كان غبي.. كان بيعمل كده لواحد بيكره ابويا عشان قرشين.. والراجل التاني ده معدااش كام سنه الا واعلن افلاسه... اما ابوكي فضل يعلي ويعلي ويكسب.. لحد م بقي اسم كبير... انا عرفت من زماان ان ابوكي كان عنده ولد وبنت الولد موجود بس البنت ي تري فين وعرفت كل الحكايه.. ان امك سابته وخدتك معاهاا.. 

ريم: اي يعني انا ابويا مش ميت... وليا اخ... بس لي ماما خبت عليا.. ومعقول بابا حرامي.. 

الريس: تؤتؤ.. دموعك بتأثر فيا وانا قلبي ميستحملش.. 

ريم:  يعني انت دلوقتي بتنتقم من ابويا فيا... 

الريس: شطوره.. 

ريم: هه وهو تلاقيه فاكرني اصلا.. اكيد مهو عمره م سأل عني ولا انا اعرف عنه حاجه.. 

الريس: الوالده اول م انتي اتخطفتي لجأتله هو... شكل خطيبك ميعتمدش عليه.. 

ريم: طب انا ذنبي اي ف كل ده

الريس: ذنبك انك بنته..سلام بقي ي قطه.. هروح اجهز لفرحنا... 

ــــــــــــــــــــــــــــــ

مازن: ي تري انتي فين ي ريم..

يوسف: هنلاقيها..بإذن الله هنلاقيها...

فؤاد: بس لي محدش اتصل مثلا وطلب فلووس..مين هيعمل كده فينا بس..

تلفون فؤاد بيرن..

فؤاد: ده رقم غريب

يوسف: طب رد بسرعه ي باابا..

فؤاد: الو..

الريس: حمااايا..

فؤاد: اي..مين معايا..

الريس: انا جوز بنتك...بإعتبار ما سيكون يعني..كلها كام ساعه...

فؤاد: بنتي ي حيوان..

الريس: هششش..مش عايز اسمع صوتك ورغيك ده...بنتك الاموره عندي وهتجوزها وهحرمك منها لحد اخر يوم في عمرك..راجع حسباتك واعرف انت عملت اي يوصلك لكده...مع السلامه ي حمايااا...

يوسف: راجع حسباااتك!!!اي ده 

مازن: عمي حضرتك ليك عدواات مع حد..

يوسف: اي ي بابا سكت لي..

فؤاد: كنت فاكر اني اتعقبت لما بعدو عني..طلع ده العقاب الحقيقي...ساره اللي تعبانه فووق دي..وبنتي اللي معرفش هي فين..

يوسف: اتعقبت لي..علي اي..

فؤاد: مراد عبد الله..ابن عبدالله الكاشف..الغلطه اللي بعدك عن ساره وريم...انا اللي هديت كل الكيان اللي كان عامله..كنت شايف ابنه وهو بيكبر وكنت بدعي ان ربنا يسامحني ويعوضه..بس طلع كان مستني اللحظه اللي هيهجم فيهاا..انا السبب..

↚

مازن: ممكن ي عمي تشرحلنا اي اللي حصل..وازااي نقدر نوصل ليه...

في نفس الوقت...

.....  :  ايوا ي بيه عرفوا ان انت لسه سمعااه حالا وهو بيقول اسمك...

.....  : ايواا خليهم ياكلو في نفسهم كده..كلميني لو في جديد..

طبعا دي الخداامه ي جماعه....

ــــــــــــــــــ

يوسف: خلاص ي باابا انا هروحله شركته..

فؤاد: بس في حاجه..ان مراد اتجوز من حوالي تلات شهور..

مازن: انا عندي خطه...

يوسف: اي هي..

مازن: هنخطف مراااته..وياخدها مقابل انه يرجع ريم

فؤاد: ي ابني الغلط غلطي انا...وكده انا بغلط تااني..انا اللي هروحله شركته..

يوسف: وإن موافقش..

فؤاد: ابقو اعملو اللي تشوفوه..انا هطلع اتطمن علي ساره..والصبح اروحلو

مازن: وانا همشي بقي عشان اتطمن علي والدتي لو حصل جديد كلمني..

يوسف: تمام

ــــــــــــــــــــــــــ

في بيت مراد

مي(زوجه مراد): بس انا مش موافقه علي اللي انت بتعمله ده..

مراد: بس انا لازم اعمل كده...

مي: ي حبيبي..الراجل عاش عشرين سنه من عمره وهو بعيد عن بنته..ده عقاب كبير ليه..كفايه ي مراد دايره الانتقام دي بتوسع..

مراد: مي..انا مقدر اللي انتي بتقوليه بس انا تعبت بسببه كتير اووي..

مي: بس انت ربنا عوضك..وشغلك بيكبر..

مراد: مي..هو انا مجرم؟

مي: لا 

مراد: يبقي خليكي واثقه فياا..انا مش هأذيها متقلقيش..انا بس بهوشهم..انا مش مجرم ي مي..

مي: عارفه ي حبيبي...

مراد: طيب اضحكي كده ورينا غمزاتك...ايوا كده..

ـــــــــــــــــــــ

ساره: يعني اي..انا بنتي بتتعاقب علي غلطتك انت..فؤاد..كل اللي انتي بنيته ده بالفلوس اللي انت سرقتهاا..

فؤاد: لا ي ساره..صدقيني دي كانت غلطتي وبس والفلوس انا بعتها لمراد بعد م ابوه اتوفي..بس هو ميعرفش ان انا اللي بعتها..صدقيني انا مش عارف ازااي هو عرف..انا مخدتش منهم حاجه..

ساره: بس انت ضعيتهم وانت كنت السبب في مووت ابووه...كده مصير بنتي اي..خلاص هتضيع مني..

فؤاد: مش هخليها تضيع..انا هروحله بكره الشركه بتاعته وهتفاهم معااه...

ــــــــــــــــــــ

مراد: اصحي بقي ي قطه..الساعه بقت سبعه

ريم: ابعد عني 

مراد: اممم..بقولك اي رأيك اقتل ابوكي..وانتي تمشي من هنا معززه مكرمه...

ريم:  .....

مراد: تؤتؤ بتعيطي..مترضنيش دموعك دي...متخافيش انا مش هوسخ ايدي بحد منكو..

ريم: سيبني امشي لو سمحت..وكل حاجه تتحل بالعقل..

مراد: وانتو خليتو فيا عقل...دي لسه البداايه..سلام ي قطتي..

ــــــــــــــــــــــــــــــــــــــــــــ

في شركه مرااد

مراد: كنت مستنيك..

فؤاد: بنتي ملهااش ذنب

مراد: ياااه اخيرا شوفتك مكسور..هه ولسه

فؤاد: اللي انت عايزه انا هنفذه بس بنتي لا ي مراد..

مراد: هه لي بس كده ي حمايا..الصراحه بنتك زي القمر..وانا مش هسيبها عادي كده..

فؤاد: خلينا نتفق..رجع بنتي وانا هعترف بكل حاجه..لو عايزني اسلم نفسي كمان انا موافق..بس بنتي ملهااش ذنب..

مراد: مش انت اللي هتقولي اعمل اي..وبعدين انا لسه ببدأ يعني متستعجلش لسه دورك جااي..

تلفون فؤاد بيرن..

مراد: رد رد مفاجأه هتعجبك.

فؤاد: الو ي يوسف..

يوسف: بابا..المزرعه اللي ف البلد..اتحرقت..وو.

مراد: انا السبب..كلم باابا بعدين ي حبيبي

فؤاد: مش مهم..رجعلي بنتي وخد الفلوس اللي عايزاها...خد اي حاجه..بس صدقني كل ده بتعبي انا... وابوك فلوسه رجعتلكو..انا مخدتش منكو قرش واحد..

ـــــــــــــــــــــــــــــــــــــــــ

مازن: عايز كل حاجه تخصه...لي بيت تاني غير اللي عايش فيه ولا لا..بيت قديم..مخزن اي حاجه عرفني..

شخص: تمام ي مازن بيه..

↚

يوسف: خطف اختي وحرق المزرعه...ي تري هيعمل اي تااني..

مازن: يوسف...انا بعت حد يراقب مراته وهنخطفها..وهنرجع ريم..

يوسف: مبتمشيش من غير حراسه..مراد ده شكله مش سهل..

مازن: لازم ارجع ريم بأي شكل..

ـــــــــــــــ

فؤاد: بنتي ملهاش ذنب في كل اللي حصل ده..وانا قدامك اهوه خد حقك مني..اقتلني ولا اسجني..

مراد: انا حر..اخد حقي بالطريقه اللي تعجبني..

فؤاد: تمام ي مراد باشا..بعد اذنك..

مراد: اذنك معاك ي حماايا..

ـــــــــ

شخص: ايوا ي مازن باشا زي م قولتلك كده...عنده شقه في الشرقيه..وكل المخازن موجوده هنا في القاهره بس هو بيتردد كتير علي الشقه دي..

مازن: تماام..متشكر بس لازم اقفل لان حد مهم بيتصل..ابعتلي عنوان الشقه في رساله...

شخص: تمام

مازن:  الو...

شخص2: ايوا ي مازن باشا..احنا خطفنااها..

مازن: تمام..اوعي حد يأذيها انت فاهم..سلام..

يوسف: اللعبه ابتدأت تكبر..

مازن: هو اللي بدأها وانا اللي هحط النهايه..المهم انا هروح الشرقيه..وانت روح للعنوان ده..دي شقه بتاعتي..قديمه وهما هيودوا مراته علي هنااك

يوسف: تمام..

ـــــــــــــــــ

مي: انا فين..

يوسف: انتي كويسه..

مي: انت مين...وانا اي اللي جابني هناا..

يوسف: متقلقيش احنا مش هنأذيكي..انتي هتفضلي هنا لحد م جوزك يرجع اختي..بس لو اذاها مش هيحصل طيب ابداا..

مي: مش هيأذيها..صدقني هو مش هيأذيها..والله مراد مش مجرم..هو فاهم انه كده بيرجع حقه...

يوسف: طيب وانا كمان مش هأذيكي..انتي ياااه..ده اي النيله دي..اغمي عليها...مش راضيه تفوق.. انتو ياللي بره..

....  :  ايوا ي بيه..

يوسف: شوفلنا دكتور ي ابني علي م افوقها..بس بقولك اي..مش عايز مشاكل هات حد ومش عايزكو تقولو كلمه كده ولا كده..نروح في داهيه..

....:  متقلقش ي بااشا...

....

يوسف: هاا ي دكتور..

الدوك: مفيش داعي للقلق..مبروك المدام حامل..

يوسف: حامل!!! 

↚

ريم: انت بتعيط..؟!!

مراد بزعيق: غلطو..غلطو غلطه كبيره لما فكرو مجرد تفكير فيها..

ريم: احم..هي مين؟؟

مراد: مراتي...اللي اتخطفت..ومتأكد ان ابوكي الحرامي او اخوكي..او عريس الغفله هما اللي وراها..او متفقين كلهم..

ريم ببرود: غريب ان شخص زيك بيعرف يحب...

مراد: دي حب عمري كله مقدرش اسمح انها تتأذي بسببي..بس والله مهنسي الحركه دي..

ريم: انت شخص غريب..القلوب اللي بتعرف تحب اذااي بتقدر تأذي..انا دلوقتي اتأكدت فعلا انك مش هتأذيني..

مراد: كنت..بس دلوقتي معتقدش..

ريم: انت متعصب كده لي..م انت خاطف بنتهم ولا انت عايزهم يسكتو..ولا اللي بيمشي علي الناس مبيمشيش عليك..اوعي تفكر نفسك ضحيه..

مراد: اسكتي..مش عايز اسمع صوتك..انا هرجعك لأهلك علشان الحق مرااتي...بس صدقيني لو لقيت فيها خدش هدفنكو كلكو...

ـــــــــــــــــــــــــــ

يوسف: زمانه دلوقتي عرف انها معانا بس ي مازن مراته حامل..

مازن: احنا مش هنأذيها..ومش هنتكلم كمان لحد م يرجع ريم...انا كلها ساعه واكون عندك..البيت اللي قال عليه ف الشرقيه..والدته هي اللي قاعده فيه..عشان كده بيتردد هناك كتير..

يوسف: خلاص مستنيك...

ــــــــــــــــــــ

فؤاد: ايوه...عايز اي..

مراد: خلي رجالتك يدخلوني بدل م ادفنهم هنااا...ولا مش عايز تشوف بنتك...

فؤاد: حاضر...حاضر هدخلك حالا..بس هي معاك...

مراد: ايوه معايا اخلص....

فؤاد: حاضر...

ريم: انت جايبني هنا لي..انا عايزه اروح بيتي 

مراد: مش عايز اسمع صوتك..

....

فؤاد: دخلووه...بسرعه...سااره..ريم جت

مراد: ادخلي..ابوكي الحرامي اهووه...

ريم بعياط وضعف: مااما..

ساره: ريم..حبيبتي..انتي كويسه...انا روحي كانت رايحه ي روحي...حصلك حاجه..

ريم: انا كويسه..وحشتيني ي ماما كنت فاكره اني مش هشوفك تاااني..

مراد: تعالي هنا...لسه..مراتي فين..

يوسف: مراتك في الحفظ والصون...

دخل مازن..ويوسف...اللي مكانوش مستغربين اللي بيحصل...

مراد: ترجعلي مراتك تاخد اختك..بس صدقني اللعبه لسه مخلصتش..

فؤاد: يوسف اي اللي بيحصل هنااا ده..

يوسف: احنا اضطرينا نعمل كده وإلا مكانش هيعمل كده..

مراد: غلطت ي يوسف باشاا غلطت..

مازن: وانت مغلطتش لما خطفت خطيبتي..

مراد: ابقي اسألك حمااك الحرامي..

يوسف: احترم نفسك..متنسااش انك في بيتنا

مراد: انتو هتجيبو مراتي ولا اموتها في ايدياااا.

وطلع مسدس وحطه في رأس ريم...

فؤاد: لا لا..اهدي..يوسف فين مراااته..

مازن: انا هجيبهااا..نص سااعه واكون هناا..

ـــــــــ بعد نص ساعه..

مي: مراد! مرااد...وبكت وجري عليها حضنهااا..

مراد: خوفت عليكي مقدرتش اعاند معاهم..خوفت 

مي: قولتلك دايره الانتقام دي لازم تنتهي..بس انا كويسه..خلينا نمشي من هنااا..

مراد: عايزاني اسامحهم!!! بعد كل اللي عملوه فينا

فؤاد: سامحيني ي بنتي علي اللي ابني عمله..بس كان عاوز يلحق اخته بأي شكل..

مراد: انا هخليكو تندمو

فؤاد: انا تحت امرك..عايزني اسلم نفسي موافق..بس اولادي يفضلو بعيد..

مي: انسي بقي ي مراد..الراجل اللي خلاه يعمل كده..مات بعد م افلس..وهو خسر بنته لمده عشرين سنه..كفايه ي مراد بقي..

يوسف: اتعاقبنا كلنا علي غلطه ملناش ذنب فيها..وخسرنا الحياه الطبيعيه لاي شخص..اسمع كلام مراتك..وكفايه..

خدها وعيشوا وربي ابنك في هدوء..

مي ومراد: اي..

يوسف: هو اي ده..انتو متعرفوش..لما انتي اغمي عليكي جبت الدكتور وقال انك حامل..فكرتك عارفه

مراد: انتي حامل ي مي.؟؟..

↚

مي: والله م اعرف..مش هو اللي قال..

يوسف: والله الدكتور قال حضرتك حامل..

مراد: مبارك لينا ي روحي...

مي: خلينا ننسي ونبدأ حياتنا من جديد..الموت كان قضاء وقدر وهو اتعاقب بما فيه الكفايه..اوعدني متعملش اي حاجه تاني..

مراد: انا هسيبك..كفايه احساسك بالذنب ده كفيل يموتك بالبطئ...بنتك عندك اهي...

رماها قدامهم كانت بتبكي مش من ألم قبضته عليها بس من حقيقه اللي بيحصل مصدقتش كلامه بس هتكدب عنيها...ده ابوها واقف قدامها..

مراد اخد مي..كان فرحان بيها اووي لدرجه انه شالها بين ايديه وهمسلها...

مراد: انتي من النهارده ملكه..تؤمري وانا انفذ..

مي: انا بحبك ي مرااد..بس بحب بيتنا بردو وعايزه اروح 

مراد: لا طبعا هنروح لدكتور الاول نتطمن عليكي وعلي البيبي

مي: حاضر..

ــــــــــــــ

سكوت ملي المكان ريم اللي حضن في مامتها وبتنزل دموعها...ومازن اللي جمبها بيحاول يطمنها..قلبه كان واجعه عليهاا..ويوسف اللي سند علي الحيطه وربع ايديه وهو خايف من رده فعلها..كان عايز يقولها انا كمان مليش ذنب..وفؤاد اللي جروحه كلها اتفتحت..وفعلا الاحساس بالذنب كفيل انه يموت الشخص...مكانش عاوز قد ان حياته ترجع طبيعيه..بس ي تري هو نفسه هينسي..

ريم قامت بإستسلام..مشيت لعند يوسف..وقالت بروح مرحه...

ريم: عندك حساسيه من المانجا

ابتسم يوسف وضمها بين ايديه...كأنها بنوته الصغيره..علي الرغم انهم نفس السن..وقالها بمرح..

يوسف:هو انا عندي حساسيه بس هو مش شرط يعني..

ريم: كنت هتغاظ لو مكانش عندك علفكره...

ضحك وقال

يوسف: موضوع كبير ومحتاج مناقشه كبيره..شكلك شخصيه مهمه..

ريم بضحك: ايوه..خطيبه المدير..

يوسف بهمس: خطيبك ده مكنتش بحبه اصلا بس دلوقتي بقيت اكتر عشان هياخدك مني...

قرب منهم فؤاد..وكان خايف من رده فعلهاا..وهي لحظت..وابتعدت ووجهت كلامها ليوسف..

ريم: ابقي خلينا نشوفك بقي..يلا ي ماما..يلا ي مازن

فؤاد: اسمعيني ي بنتي..

ريم: لا لا لا..انا مش عايزه اسمع اي حاجه..مفيش حاجه تتقال اصلا...

خرجت تبكي...وخرجت ساره ورااها...ومن بعدهم ماازن..

ركبو عربيه مازن...ميلت علي الشبااك وهي بتفكر في كل اللي حصل..تعمل اي..تسامح علي اي ولا اي...

ساره: ريم!! ريم..

ريم: اي ي ماما..

ساره: بقالي كتير بكلمك..يلا وصلنا..

ريم: حاضر ي ماما..

مازن: احم..لو سمحتي ي طنط ممكن اتكلم مع ريم شويه..

ساره: ماشي..متتاخريش ي ريم...

.....

ريم: اي ي مازن..

مازن: اول لما تطلعي للبيت..عاوزك تغمضي عنيكي وتناامي..متفكريش في حاجه..كل حاجه هتبقي كويسه...انا جمبك دايما..الصراع اللي انتي حاسه بيه دلوقتي مش هيفيد بحاجه..

عيطت بشكل هيستيري...كأنه حاسس بكل كلمه كانت بتفكر فيهاا..فيه حنيه في عيونه كفيله تداوي قلبها..

ريم: كان بيهددني بيك انت وماما...كنت خايفه اخسرك..كنت خايفه مرجعش..ومشوفكش تااني..كنت خايفه ارجع وملقكش..شكراا عشان  كنت معايا دايماا..

مازن: مش عايز اشوف دموعك دي..انا معاكي وهفضل جنبك وصدقيني كل حاجه هتتحل..

هديت شويه...وبدأت تحس بشويه راحه..

ريم: انا أسفه..عشان ايدك..

مازن: فداكي اي حاجه..يلا اطلعي وارتاحي..ونامي زي م قولتلك..هتهدي وهتبقي احسن..

ريم: حاضر

طلعت..وارتحت لما اتكلمت معااه..حقيقي هو احسن حاجه حصلتلي في حياااتي..هسمع كلامه وهروح اناام بس لازم اعرف كل حاجه الاول..لازم افهم..

ساره: ادخلي ارتااحي ي ريم انتي اكيد تعبانه...

ريم: ماما..

ساره: جهزتلك هدوم...خدي شاور الاول..

ريم: ماما..ارجوكي..انا محتاجه افهم كل حاجه..

ساره: حاضر..هحكيلك..

↚

سمعت كل كلامها..المفروض دلوقتي الذنب ذنب الاب اللي فرق ولاده..ولا ذنبها لانها قالتلي انه ماات..وعشت طول عمري من غير سند مع ان لياا ااتنين..بس انا كنت مقدره اللي ماما عملته عشاني...كانت عايزاني اعتمد علي نفسي ومستنااش اي حاجه من حد...التمست ليها عذر بس هو اسامحه ازااي دلوقتي..

ريم: تصبحي علي خير ي مااما..

ساره: انا اسفه ي ريم..

ريم: متقوليش كده ي ماما انا مقدره اللي انتي عمليته..بعد اذنك..

...

يااااه اوضتي وحشاني بشكل..امم الاحسن اخد شاور واناام..مش هفكر لا مش عايزه افكر..

ـــــــــــــــــــــــــ

يوسف: ي بنتي اصحي بقي..اي ده الساعه 4 العصر..

ريم: اي الصوت ده...رجاله في بيتنا..مين..

يوسف: انا يوسف ي اختي..اصحي بدل م اكسر الباب ده..

ريم: خلاص خارجه اهووه....صباااح الخير..

يوسف: قصدك مسااء الخير..

ريم: انتي بتعمل اي عندنا يلا..

يوسف: يلا..طب اعملي حساب اني راجل صاحب شركه وليا مركزي..انا هنا من بدري..وفطرنا واتغدينا انا وماما وانتي نايمه..

ساره: تعالي ي ريم..شوفي يوسف جايبلك اي..

ريم: جايب اي..

يوسف: شوفي بنفسك

ريم: ااه...اي الجماال ده..الفستاان ده عشاني..

يوسف: عشان كتب كتابك علي خطيبك الرخم..كلمني وقالي انه عايزين نعمل كتب كتاابك في حدود شهر كده..

ريم: شكراا ي يوسف..وبعدين بيكلمك ازااي ومياخدش رأيي..لازم اكلمه..

يوسف: لا ي حبيبتي ادخلي البسي يلا هاخدك افسحك..واعزمك 

ريم: الله..عايزا بيتزا وكريب وشيبسي وبيبسي..وشوكلاته...

يوسف: اي ده انتي داخله علي طمع بقي...عنيا ي ستي هجيبلك كل اللي انتي عايزااه..

خرجنا واتفسحناا..وفرحنا وضحكناا...شبه بعض اووي..في كل تصرفاتنا..وجابلي شوكلاته كتير..اخويا اووي( عقبال كل الاخوات ي رب اللهم امين)..وروحنا

ريم: ي ابني روح بقي...امي مبقتش شيفاني من ساعت م شوفتك..

ساره: انا اقدر ي روحي

ريم: كلي بعقلي حلاوه كلي...

رن جرس الباااب

ريم: انا هفتح...مين..

فؤاد: ازيك ي بنتي..

يوسف: بابا!!

↚

يوسف:  بابا!! 

ساره: اتفضل ي فؤااد.. 

ريم:  بعد اذنكو انا هدخل اوضتي عشان تعبانه.. 

دخلت اوضتي وقفلت..انا مش خايفه من المواجهه..لا انا مفييش اي طاقه ليها..

يوسف: ممكن ادخل..

ريم: اتفضل ي يوسف..

يوسف: هو بيحبك اووي علفكره..

ريم:.........

يوسف: ريم..ربنا غفور رحيم..يبقي الانسان مش هيسامح..سامحي عشان تقدري تكملي..خلاص بابا دلوقتي موجود في حياتك..

ريم: دلوقتي..موجود دلوقتي وبس كان فين من زمان لما كنت بحتاجه..ليه مكنش سند لياا..لي اتربيت من غيره..لي الانانيه ي يوسف..الشخص اللي المفروض يمسح دموعي كان هو السبب فيها

يوسف: حاسس بيكي..بس هو غلط..وعرف غلطه..وانتي بنته..وانا متأكد انك بتحبيه..وكلنا بنغلط

ريم: يوسف هو حرامي..؟؟

يوسف: صدقيني انا اللي ماسك الشغل بتاعتنا كله..بابا تعب كتير وانا كملت من بعده مفيش اي حاجه غلط او تغضب ربنا في شغلنا..وعمري م سمعت ان كان في قبل م امسك الشغل..اللي حصل كانت ساعه شيطان..غلطه..ندم عليها سنين..والظاهر ان ربنا غفرها ليه عشان كده اتجمعنا تااني..انتي كمان لازم تساامحي..وتنسي..اوعديني انك هتحاولي..

ريم: حاضر..

يوسف: امسحي دموعك دي عشان غاليه اووي..

ريم: حاضر..

فؤاد: ممكن ادخل..

ريم:  ......

فؤاد: سيبنا لوحدنا شويه ي يوسف..

يوسف: حاضر ي بابا..

فؤاد: انا عارف انك زعلانه..فاكره اني نسيتك..واني مكنتش زعلان انتي بعيده عني..

ريم ساكته..بتحاول تكون قويه ومتعيطش..بتحاول..

فؤاد: هتفضلي مترديش عليا كده..طب تعالي معااياا..يلا هاخدك مشوار..واوعي تعترضي علي كلام ابوكي (قالها بمرح..ومحاوله لتصليح الامور)...هستناكي

فكرت كتير وعزمت امري اني اسمعه..وخرجت كان قاعد مع ماما ويوسف واول م شافني ابتسم..مهو الاب مهما كان اب يعني..

فؤاد: تمام..في اقل من ساعه هنكون هنااا

يوسف: مع السلاامه..

ركبت عربيه بابا..فضلت ساكته..ومتكلمتش..بس الحقيقه كنت عايزه اتكلم واحكي كتيير..ووصلنا بيت بابا...

فؤاد: تعالي معااياا..

دخلت اوضه جميله اووي..وكان فيها كم لعب وفساتين لبناات بأعمار مختلفه..وهدايا كتير..

ريم: دول ليكي انتي...كل سنه كنت بجيب هديه ليوسف وهديه ليكي في عيد ميلادك..في كل عيد كنت بجيبلك فستاان واقول هديهولها..كنت عارف انتوو عايشين فين..عمري م اتجرأت اني ارجع لحياتك تاني..كنت غلطان..ودلوقتي ندماان..انا عايز بنتي ترجع لحضن ابوهاا تاني..اي مش هتردي بردو عليا..لو مكانش كلامي ده يهمك مكنتش دموعك دي نزلت...يلا عشان اروحك..

روحت وانا ساكته ومبتكلمش بردو..مردتش..كان عندي كلام جوايا بس مفيش طاقه اني اتكلم فيه..طلعت ودخلت اوضتي مكنتش عايزه اتكلم مع حد..لقيت رساله من 

مازن: اعتبري ربنا بيعوضك عن السنين اللي فاتت..اعترفي لنفسك انك مبسوطه انه فجاءه مبقيتيش لوحدك..وان ليكي سند وضهر..صحيح انا معاكي وهفضل دايما في ضهرك..بس وجودهم اكيد فارق بالنسبه ليكي..خليكي مع مشاعرك المره دي..

قد ايه كانت الرساله مطمئنه كانها داوت قلبي ساعتها حسيت اني اطمنت ونمت من كثر التفكير وصحيت وانا عازمه الامر اني هسامح وهانسى وابدا حياه جديده..

بس عدي الشهر المفروض ان النهارده كتب كتابي و انا ما شفتش بابا من ساعتها يا ترى هو راح فين سالت يوسف قال لي انه مسافر تبع الشغل مع ان بردو يوسف هو اللي قال لي ان هو اللي ماسك الشغل مش بابا يا ترى مش عايز يشوفني ثاني....

ـــــــــــــــــ

ماما: ما شاء الله يا ريم الفستان يجنن عليك ما شاء الله فراشه ربنا يحفظك يا بنتي..

ريم: ماما هو بابا مش هيجي النهارده كتب كتابي

ماما: صدقيني ما اعرفش يا ريم

الناس كلها وصلت اهلي وجيراني ومازن كان زي القمر يلا ما هو كتب كتابي بقى كنت مبسوطه مبسوطه جدا و يوسف كان معي في كل لحظه بس كان ناقصني حد وكان اهم حد.... لحد ما لقيت ان الباب نفتح وبابا دخل وقال لي..

فؤاد: خليني اشوف بنتي وهي عروسه حتى لو من بعيد وحتى لو هاكون زي كل ضيوف اللي جايه دي وصدقيني مش هتفسد عليكي فرحتك..( الراجل صعب عليا ي مفتريه)

بس انا انا كنت محتاجك جنبي فضلت افكر لحد ما صحيت على كلمه مين وكيل العروسه بس المره دي اتكلمت

ريم: بابا..اكيد هو وكيلي..

ابتسم و قرب مني وضمني الحضن قد ايه ان ده الامان اللي في الدنيا هو ده احلى حاجه في الدنيا سعتها حسيت بان الدنيا كلها بتطمني وحسيت بالراحه لحد ما قال لي انت اغلى حاجه في حياتي انا اسف على كل حاجه...

ريم: انا اللي اسفه انا اني ما كنتش باتكلم بس والله ما كانش قله احترام ولا اي حاجه بس انا فعلا ما كنتش قادره ان انا اتكلم وما كنتش مجمعه ولا عارفه احدد موقفي...

بابا: خلينا ننسى النهارده ونبدأ من جديد..

واتكتب كتابي علي مازن..

بارك الله لكما وبارك عليكما وجمع بينكما في خير..

ريم: اي..

مازن: بيقولو في حاجه اسمها حضن كتب الكتااب..

ريم: هما مين دول انقطع لسانهم مسمعتش الموضوع ده قبل كده..

مازن: خلاص نبدأ من عندنا احنااا...

وهمسلي..وقالي..

↚

مازن: بحبك ي مراات المدير...

ضحكنااا...وحقيقي كانت فرحه كبيره...(يلا عقبالنا)

فرحي بعد اسبوعين..وكنت عايزه اقعد مع بابا ويوسف اكتر وقت ممكن...بس كان في مشوار الاول لازم اعمله..

مازن: نعم ي اختي!!!

ريم: عايزه اشوف مرااد..

مازن: انتي بتقوليها تااني..وعايزه اي من الاستاذ مرااد..

ريم: كنت عايزه اتكلم معاه واشوفه فعلا مسامح او لا..ومراته اتطمن عليهااا وكده يعني..

مازن: ريم بلاش..خليهم بعاد عننا الله اعلم نيتهم اي..

ريم: ي مازن بقي..انا محتاجه اعمل المشوار ده..هتوديني ولا اخلي يوسف يوديكي...

مازن: والله وانا كيس جوافه مش هتاخدي رأي الكائن اللي انتي متجوزااه..

ريم: لا ي حبيبي لسه فاضل اسبوع علي الفرح...

مازن: طب اروح اجيبلها قسيمه الجواز دي ولا اعمل فيها اي..

ريم: يووه ي مازن هتوديني ولا لا...

مازن: هوديكي بس رجلي علي رجلك..

ريم: طيب..

ـــــــــ

مي: ي حبيبي مش قادره اكل اكتر من كده

مراد: لا لازم تاكلي كويس وتتغذي..

مي: مراد..

مراد: امم

مي: ربنا يخليك ليااا.

مراد: ويخليكي لياا وهتكملي اكل بقي...

بيرن الجرس..

الخادمه: في واحده بره اسمها ريم وواحد اسمه مازن الزيني..

مي: ودول عايزين اي..

مراد: مش عارف...خليهم يدخلو وانا جاااي..

...

ريم: احم..ازيك ي مرااد..

مراد: مش فااهم..

ريم: الحقيقه انا كنت جايه اعتذر عن كل اللي حصل بسببنا...انا عارفه انك شخص كويس..كنت جايه اشكرك لانك مأذتنيش..وكمان جايه اباركلك عشان البيبي..ربنا يقومها بالسلامه...

مراد: علفكره انا كنت خاطفك..

ريم: اسمع ي مراد..اللي حصل ده كلنا عانينا منه..وانا بردو..وانا مش زعلانه منك بالعكس..حابه ان نكون صداقه بينا..انت مأذتنيش علفكره انت وصلتني للحقيقه..

مراد: والله انك غريبه..

مي: خلاص بقي ي مراد قلبك ابيض..

ريم: وانا متأكده ان انا ومي هنكون اصدقااء كويسين اووي...

مازن: استاذ مراد..من الكلام اللي ريم حكتهولي..وإنك ازااي مأذيتهااش..هي فكره انك خطفتها نفسها انا مستحملتهااش..ولكن اللي حكتهولي وبعد كل الاحدااث دي حابب فعلا انه يكون في صداقه بيناا وكمان لو حابب يبقي في تعامل مهني..

مراد: والله انا اللي اسف عشان ايديك..بس مكنش عايز حد يوصل لحاجه..كانت قرصه ودن..بس طبعا قابل العرض بتاعك علي المستوي الشخصي والمهني..

مازن: خلاص بما اننا هنا بقي يبقي نعزمكو علي فرحنا الاسبوع الجااي..

مي: الف الف مبروك ربنا يتتم علي خير...

ــــــــــــ

بعد اسبووع..كان فرحي..كان حولياا اصحابي..وبابا وماما اللي رجعو لبعض اخيراا..ومراد ومي..ويوسف..

يوسف: مبارك من قلبي لروح قلبي..ايدك بس ي اخ معلشي مش عارف اسلم علي اختي..

مازن: وسع ي حبيبي ايد مراتي امسكها براحتي...

ملك(صاحبه ريم): مبرووك..ي ريم ي قلبي..

ريم: حبيبتي ي ملك عقبالك ي رب..

يوسف: ايوه عقبالنا..

↚

مازن وريم: اي..

ملك بخجل: طب بعد اذنك بقي ي ريم..

مازن: اي ي معلم..البت عجباك ولا اي..

يوسف: ريم انا معرفتكيش من زماان لي..احم..احم..لا طبعاا انا جامد جداا ولايمكن حاجه تهزني..

ـــــــــــ

بعد 7 شهور..

ريم: والله مبسوطه اووي ان مي جابت بيبي اموور كده..وكمان خلتني انا اللي اختار الاسم...والنهارده السبوع بتاعه

مازن: يونس..اسم جميل..بس اتصاحبتو اووي كده في فتره صغيره..

ريم: مي دي طيبه اووي حاجه كده زي السكر..بجد بحبهاا.

مازن: عقبال لما ربنا يقومك بالسلامه انتي كماان..كلها كام شهر ويبقي عندنا بنوته صغنونه...

ريم: امم هتسميهاا اي ي روحي..

مازن: امم اي رأيك نسميها..ساره..

ريم: اي تا اي تاا..هتسميها علي اسم ماما..انتي بتثبتني علفكره..

مازن: ايوه..احم..يلا بقي نمشي..

ريم: ي ربي علي الفصلااان..يلااا...اه صحيح..ابقي كلم يوسف الجامد جداا..يجيب ملك ونروح سواا...

مازن: ي بنتي بقي..بقالك خمس شهور من ساعه م اتقدملها وانت مسكاها عليه...

ريم: فاكر يوم الفرح لما فضل يلف وراهاا..وادته حته قلم..

مازن: ايوه كان مسخره..خلاص هكلمه...

......

ريم: اهلا ي حلوين..ماما ريم جت...

مي: ازيك ي روحي..

ريم: الحمد لله انتي عامله اي والواد يونس اخباره اي..

ملك: اي ي مي بتضحكي علي اي..

مي: تعالو معااياا..

فتحت باب اوضه الاطفال..وكان مرااد قاعد بيونس اللي عمال يعيط..

مراد: ي حبيبي الاطفال بيبقو كيووت انت مش كيوت لي..

طب بص هجيبلك لعب كتير..وحاجات حلوه..

علفكره دي مش اخلاق طفل مكملش اسبوع..

اه ي اني ي مراد..علي اللي جرالك..مش كفايه امك بقت تحبك اكتر مني.. مكنش يومك ي مرااد..

مازن: ربنا يستر..

ريم: بتقول حاجه ي حبيبي..

مازن: هه لا لا مبقولش..

وضحكوو كلهم..وقضينا وقت لطيف جدااا...وي رب ي ربنا يكبر ويبقي قدنااا..

واسمع كلام امك..متسمعش كلام ابووك..

 and they lived happily for ever...

وعاشو في سعاده للابد...لا طبعاا..واجهو مشاكل في حياتهم..بس واجهوها..بالحب..

تمت بقلمي Aya Amer..

اولا شكراا للكومنتاات الجميله..

كلمه اخيره... 

دايماا خلي لنفسك الفرصه.. انك تقول اسف... 

متتمدااش في الغلط.. لو اكتشفت انك غلط اقف وقول انا غلطاان بس انا هصلح الغلط ده.. 

.. 

انفصال الاهل ما هو الا تعب للاولاد.. وان كان لابد منه يبقي الاولاد خارج الموضوع ده بلاش نفرق الاخوات عن بعض.. 

.... 

النسياان غير المسامحه.. انا ممكن اسامح ومنساااش.. وممكن انسي وانا مش مسامحه.. بس اعمل دايما اللي تشوفه مناسب وقلبك يتحمله.. 

... 

اوعي تخلي اي حاجه في الدنيااا حتي افعالك.. تاخد منك الحق انك تقولي اهم كلمتين... انا اسف... و بحبك ❤

تعديل المقال