رواية خذلان ولكن عمرو واروي كاملة جميع الفصول بقلم شروق حسام
رواية خذلان ولكن عمرو واروي كاملة جميع الفصول هى رواية من تأليف المؤلفة المميزة شروق حسام رواية خذلان ولكن عمرو واروي كاملة جميع الفصول صدرت لاول مرة على فيسبوك الشهير رواية خذلان ولكن عمرو واروي كاملة جميع الفصول حققت نجاحا كبيرا في موقع فيسبوك وايضا زاد البحث عنها في محرك البحث جوجل لذلك سنعرض لكم رواية خذلان ولكن عمرو واروي كاملة جميع الفصول
رواية خذلان ولكن عمرو واروي كاملة جميع الفصول
” أنس انا مش عايزة أخلف ”
أنس بعدم اهتمام وهو مركز في الماتش ” بطلي هزار يا أروى ده مش وقت هرموناتك خالص ”
أروى بجدية ” انا مش بهزر يا أنس انا مش عايزة اخلف ”
أنس قفل الشاشة وبصلها بتركيز ” اللي هو ازاي يعني معلش احنا بقي لنا 3 سنين متجوزيين وكل شوية تقولي لي نأجل الخلفة وانا بعمل اللي انتي عايزاه ”
_” يا أنس افهمني بس انا مش عايزة اخلف ابن او بنت ويطلع متعقد زيي او يطلع مريض نفسي لو اهملته او مقدرش اديله الحب والحنان الكافي ”
_” ده طبيعي يا أروى اي واحدة بتفكر زيك كده ”
_” حاول بس تفهمني الخلفة مش سهلة وتربية العيال مش سهلة زي ما انت فاكر ”
أنس بعصبية ” انتي هتفضلي لحد امتي كده انتي بتتحججي عشان منخلفش اصحي يا أروى اصحي انا واحد غيري مكنش استحملك كل السنين دي بجد انا تعبت وقرفت ”
أروى بصدمة ” انا بتحجج يا أنس انا انتي ليه مش قادر تسمعني انتي ليه مش عايز تديني راحتي انا بقولك دي حاجة غصبا عني مش قادرة استحمل ان ابني او بنت يطلع شبههي ”
أنس بقسوة ” وانا مليش فيه انا عايز اخلف وانا هديكي راحتك خالص ومعاهم حريتك كمان انتي طالق يا أروى لمي هدومك وروحي علي بيت اهلك وورقة طلاقك هتوصلك ”
……………
_” يعني ايه اتطلقتي انتي لازم ترجعي تتأسفي لأنس عشان يرجعك وتقولي له انك موافقة تخلفي ”
أروى بصدمة ” انتي بجد يا ماما شايفة ان ده الصح انتي ليه مش حاسة بالمعاناة اللي بعيشها ”
رنا خالتها برفعة حاجب ” هنحس قصدك شايفين خيبتك السودا انتي بس لو صبرتي كنتي هتبقي عايشة متستتة ومعاكي عيلين زي البت زينب بنتي ”
_” اه زينب زينب اللي جوزها بيضربها وبيشم اللي كل ما تيجي تستنجد بيكي تقولي لها جوزك ويعمل اللي هو عايز زينب اللي كانت هتمو*ت نفسها بسببك زينب اللي حالتها النفسية بقت زيرو بسبب معاملتك انتي وجوزك ”
_” انا طلقت وده الحل الأنسب هو عايز عيال يروح يتجوز واحدة تانية ويخلف منها انا مش جاهزة وكمان احنا مكناش بنحب بعض ده كان جواز صالونات وكان بردوه بسببك يا خالتي ”
_” بت اخرسي خالص هو عشان جوزناكي وسترنا عليكي يبقي ده جزائنا ده البنات بتتجوز من وهي 16 سنة وانا جوزتك وانتي 19 سنة فاحمدي ربك علي النعمة ”
_” بجد يا ماما النقاش معاكم بيبقي عقيم ”
كملت بحدة وهي حاسة بتعب ” اللي هيفتح الموضوع ده تاني هيشوف حاجة عمره ما شافها ولا هتعجبه ولو حد فكر مجرد تفكير يعملي حاجة أقرب مركز شرطة وهبلغ عنه”
رحمة مامتها جت تضربها بالقلم جرس الباب رن
راحت أروى تفتح الباب لقت واحد واقف
_” نعم حضرتك عايز حاجة ”
_” انا جاركم لسه ناقل هنا من 3 شهور وكنت نازل الشغل بس سمعت صوت عالي كنت بحسب حصل حاجة ”
أروى ركزت في اللبس اللي هو لابسه لقته ظابط
أروى بصوت عالي ” ايوه يا حضرة الضابط فيه مشكلة “
↚
رحمة بسرعة وخوف ” مفيش يا حضرت أروى بس بتحب تهزر مش كده يا أروى ”
رحمة بصت لها بترجي عشان توقف اللي هي بتعملي
أروى بسماجة ” اه بهزر يا حضرة الظابط ”
كملت بهمس ليه ” المرة دي مش بهزر بس عديت والمرة الجاية هبلغ عليهم بجد فاستناني تمام ”
يحي بحماقة وعدم استيعاب ” اه اه تمام هستناكي ”
خلص كلامه ومشي وخالتها وامها استلموها
رحمة بغضب ” بقي هي دي اخرى تربيتي ليكي عايزة تبلغي علينا اتفو علي تربيتك الو*سخة ”
_” هو انتي ربتيني اصلا هو بالنسبة لك دي تربية الاهانة والشتيمة والضرب والزعيق وعدم الاهتمام بالنسبة لك تربية لا تبقي انتي غلطانة ده انتي جبتي لي عقدة نفسية من كل حاجة من الجواز ومن الخلفة ومن حياتي كلها بجد تعبت تعبت بسببك وبسبب قلة اهتمامك واسلوبك انتي متأكدة انك مش مرات ابويا ”
رنا برفعة حاجب ” بت لمي نفسك وبطلي قلة أدب واتكلمي مع امك بأسلوب احسن من كده ”
_” انتي بالذات متتكلميش يا خالتي انتي اصلا من زمان مش بتحبيني ولا عمرك هتحبيني ودايما بتوسوسي وبتحرضي ماما عليا ”
رحمة بحدة وقسوة ” من الآخر عايزة ايه يعني لو مش متحملين ولا متحملة العيشة غوري اطلعي برا ”
_” ما انا فعلا هطلع وهعيش لوحدي ومش عايزة حد يجي يسأل عليا ”
رنا بقرف ” غوري ولا اصلا هنسأل ويلا برا من غير حتي شنطة هدومك يلا براااا ”
أروى مدعية القوة ” هاخد حاجتي اللي ابويا جابها لي بتعبه قبل ما يموت ومحدش هيقدر يمنعني ”
أروى دخلت وخدت شنطة هدومها اللي كانت لسه مفضتهاش وبعدين سابت البيت كله وخرجت
………………
_” ابوس ايدك يا علي متضربنيش ابعد عني طب حتي عشان العيال ”
علي وهو حاضنها بس مش في عقله بسبب المخدر*ات والخ*مر اللي بيشربه ” بتت هتشربي معايا ولا اضربك ما هو ما هو مش معقولة افضل اعمل في مزاج لوحدي تعالي بس جربي معايا وهيعجبك اوي صدقيني ”
زينب حاولت تبعد عنه وتزقه في صدره بس هو مش بيتحرك
_” خلاص خلاص هجرب بس هغير هدومي الأول ”
كملت بغمزة ” عشان يبقي المزاج عالي يا حبيبي ”
_” هههه ايوه كده احبك وانت بتسمع الكلام يا جميل يلا خشي بسرعة ومتتأخريش ”
_” فوريرة وهبقي هنا ”
↚
زينب دخلت اوضتها وهي عمالة تفكر تعمل ايه في المصيبة اللي برا بصت حواليها لحد ما عيونها وقعت علي الدولاب راحت ناحيته بسرعة ولبست هدوم الخروج وعليهم الروب وحطت كل الفلوس والذهب بتاعها في شنطة وجهزت شنطة صغيرة ليها وللعيال
وبعدين خرجت برا
علي بعدم تركيز ” كده يا زيزي تتأخري كل ده ”
زينب وهي بتديله بملة السرير علي دماغه ” معلش بس خد ”
علي بوجع وهو بيحط ايده علي راسه اللي بتجيب دم ” اه يا بنت ال ”
مكملش كلام وهوب أغمي عليه
زينب شافت كده قلعت الروب وراحت بسرعة ناحية اوضة الولاد وصحتهم وهربت بسرعة بيهم من البيت
………….
بعد نص ساعة
_” زينب بتعملي ايه في الوقت ده برا مع العيال ”
زينب بانفاس متقطعة ” كنت علي هربت راحة لماما ”
أروى بقلق وحنان ” اهدي بس وحاولي تظبطي نفسك ”
لحظات وكانت زينب خدت انفاسها واتكلمت بخوف ” كنت راحة لماما يا أروى انا عايزة اطلق مبقتش مستحملة العيشة معاه تخيلي النهاردة كان عايز يشممني من القرف اللي بياخده وعايزني اشرب كمان ”
أروى وهي بتضرب علي صدرها ” يلهوووتي مخدر*ات ”
كملت بصرامة ” بس هو انتي ايه معندكيش كرامة بعد كل اللي حصل ولسه عايزة ترجعي لها احب اقولك انها هترجعك ليه تاني دي محرجة ماما عليا من زمان واديني اهو في هعيش لوحدي عشان مشتني من البيت افهمي بقي احنا مولودين بين ناس تفكيرهم قديم اهم حاجة عندهم البنت تكون متجوزة مش بقي اذا كان جوزها بيضربها ولا لأ الله يرحمك يابابا لو كنت عايش مكنتش شوفت الذل ده ”
أروى اتنهدت بعمق وبعدين كملت بأمل ” تعالي نسافر ونبعد عن هنا ”
زينب بصدمة ” نسافر نروح فين وبعدين هو أنس هيرضي يخليكي تسافري ”
_” مبقاش ليه حكم عليا انا خلاص اتطلقت منه ”
_” يا بختك نفسي انا كمان اتطلق واخلص ”
كملت بحزن ” بس عندك حق في اللي قولتيه ها معرفش احنا ليه حياتنا عاملة كده ”
_” ربنا مخبي لنا الأحسن وأنا متأكدة “
↚
عدي سنة
وكنت بحسب انِ هكون مبسوطة وهحقق اللي انا عايزاه بس للأسف حتي دي اتخذلت فيها وبقيت متمرمطة وزينب مستحملتش المرمطة دي ورجعت لعلي جوزها اللي اتجوز بعد ما هربت واحدة تانية وبقت عايشة في مرار بس مستحملة عشان متتمرمطش وتفضل في الشارع هي وولادها
أروى بتعب ” انا خلصت يا ست هانم تؤمري بحاجة تانية ”
مرفت بتكبر وعجرفة ” لا وخدي فلوسك اهي وامشي ”
أروى مسكت الفلوس ولقتهم 100 جنيه فبصت لها بصدمة
_” بس يا هانم انا متفقة معاكي انِ هاجي انضف الفيلا كلها وهأخد 600 جنيه وده ميجيش نصف الفلوس حتي ”
_” احمدي ربنا غيرك مش لاقي الفلوس اللي في ايدك دي ولا لاقيين حتي ربعها ”
أروى بصت لها بقهر ومرار وفضلت تحسبن عليها في سرها
_” حسبي الله ونعم الوكيل حسبي الله ونعم الوكيل احتسبت تعبي عند ربنا عارفة انه هيجيب لي حقي ”
……………
عدي اليوم
وأروى روحت بعد ما نضفت 4 فلل وكل واحد من صحاب الفلل ظلمها وبهدلها بطريقة شكل بس استحملت عشان تحاول تلم فلوس إيجار الشقة اللي هي واخداها قبل ما صاحب البيت يطردها منها
كانت لسه هتفرش حاجة علي الأرض وتنام لقت الباب بيخبط بقوة
_” حاضر حاضر مين اللي بيخبط ”
لبست الطرح بسرعة وراحت فتحت لقته صاحب البيت
_” نعم يا عم فؤاد حصل حاجة ولا ايه في آخر الليل كده ”
_” بصي يا أروى انتي تفضي الشقة علي بكرا الصبح بالكتير ”
أروى بخضة ” ليه بس ما انا قولتلك اديني يومين وهديك الإيجار اللي انت عايزه ”
_” العمارة كلها بتتكلم عليكي انك راحة وجاية وعمالة تتسرمحي وحابة والشارع كله هيتكلم فأنا مش ناقص وجع دماغ ”
أروى بغضب كبير وراه قهر ” قطع لسان اللي يقول كده لو شافوا نص البهدلة اللي بتبهدلها في الشغل كانوا اتخرسوا وحطوا لسانهم في بؤهم و شقتهم بكرا قبل الساعة 9 الصبح هكون سايباها وعقد الإيجار تديهوني اشحال ما انا قاعدة فوق السطوح و ب 2000 جنيه ”
جيه يتكلم أروى سبقته ” انا هدخل انام دلوقتي وبكرا الشقة هتفضل واشبع بيها انت واللي في العمار حسبي الله ونعم الوكيل حسبي الله ونعم الوكيل ”
قفلت الباب وهي حاسة بوجع معقولة يحصل لها كده للدرجة دي الناس بقت وحشة بصت حواليها علي الشقة الفاضية اللي مفيهاش حتي كنبة او سرير ولا حتي بوتاجاز
أروى بقهر ” حتي الشقة الفاضية دي مستخسرينها فيا ”
اتنهدت بحيرة ودموع ” يارب انا هروح فين بس دلوقتي مليش مكان اروحه ”
فضلت تفكر كتير لحد ما نامت مكانها من التعب
↚
صحيت أروى الصبح وراحت خدت شنطة هدومها القديمة وجت تفتح الباب عشان تمشي لقت ورقة وقعت فجأة علي الأرض جت فتحتها لقته عقد الإيجار راحت مسكته قطعته وسابت المكان ومشيت وراحت ناحية محطة القطر وهي مش عارفة هتسافر فين
_” يا آنسه يا آنسه ياااا آنسه ”
أروى بخضة ” بسم الله الرحمن الرحيم حصل ايه فيه حاجة حصلت ”
_” انتي معطلة الطابور قولي عايز تذكرة القطر لفين الناس واقفة من بدرس مستنية تخلصي ”
أروى بعدم اهتمام ” أي حاجة اقطع لي اي تكت عشوائي ”
_” لا حول ولا قوة الا بالله العلي العظيم تمام براحتك اتفضلي كده 100 ”
ادته أروى الفلوس بهدوء وخدت الباقي وراحت قعدت علي المقعد بشرود مستني معاد القطر
أروى في نفسها ” عجبك حالتك دي يا أروى متمرمطة يمين وشمال واللي يسوي واللي ميسواش بيتكلم عليكي بالباطل ”
_” مش كنتي رضيتي بالأمر الواقع وعملتي اللي أنس عايزه وخلفتي ساعتها كنتي هتبقي مستورة في بيتك بدل الشحططة دي ”
عدت لحظات وهي بتفكر وبعدين كلمت نفسها بصوت واضح نسبيا ” لا انتي مغلطيش انتي الوحيدة اللي اتاذيتي لو هو باقي عليا مكنش طلقني وكان حاول علي الاقل بس هو مقدرش حالتي ولا حد يقدر حالتي ده ”
_” الكل بيحسبني بتدلع وبرفس النعمة بس مش عارفين الإنسان لما يكون مريض نفسي نظرته لكل حاجة بتبقي عاملة ازاي ”
_” يا الله انت عالم بالحال وعالم قد ايه اتعذبت وكل يوم كنت بنام معيطة وبدعي ابقي انسانة سوية عشان اعيش حياتي طبيعي بس للأسف مفيش حد فاهمني ولا هيفهمني ”
_” يااا من سنة بس قولت هسافر وابعد بس مكنش معايا حتي جنيه في جيبي ودلوقتي بعد كل المدة دي هسافر هو اه بمبلغ بسيط بس الحمد لله وأنا متأملة انه هيكون بداية جديدة لحياتي ”
…………….
بعد 10 دقايق
موبايل أروى الصغير رن
_” الو ”
_” الو يا هانم انتي فين كل ده مش بتردي ليه عمالة ارن ارن ارن ومفيش رد ااايه حصل ايه ”
أروى اتنهدت بوجع وبدأت تحكي لها كل حاجة حصلت
مريم بغضب ” اه يا ولاد ال.. مش عايزة اشتم هي العالم دي حسبي الله ونعم الوكيل في اي حد اتكلم عليكي بالباطل ”
_” انتي فين دلوقتي وايه الأصوات دي كلها ”
↚
_” في محطة القطر يا مريم مسافرة ”
مريم بصدمة ” مسافرة راحة فين يا أروى ”
_” معرفش معرفش انا خدت تكت لقطر بس معرفش هو رايح علي فين ”
مريم بأمر ” طب شوفيه رايح فين ”
أروى بتنهيدة وهي بتبص للتذكرة ” الإسماعيلية ”
مريم بفرحة ” طب حلو اوي كويس ”
_” هو ايه اللي حلو مش فاهمة ”
_” يابنتي كويس انك راحة الإسماعيلية بعد ما سيبت البلد شافت علي هناك و نزلت شغل في فندق هناك شفت صباحي وبليل بشتغل في فيلا لناس كبار اوي بهتم بالحجة الكبيرة اللي هناك ”
_” فلو كده هسأل لك في الفندق لو فيه شغل وهسأل بردوه في الفيلا لو قبلوا هيكون ليكي اوضة في الفيلا تقدري تقعدي فيها ”
أروى بفرحة ” بجد يا مريم طب شوفي كده الف حمد وشكر ليك يا رب الف حمد وشكر ليك طب شوفي كده وقوليلي ”
_” حاضر يا قلبي عقبال ما توصلي هكون سألت وهبقي اكلمك عشان اعرفك تركبي ايه عشان تجي لي معلش مش هعرف اجي اخدك لانِ في الشغل وبتكلم من غير ما حد يعرف هههه ”
_” هههه مش مشكلة تسلمي لي يا مريم شكرا ربنا يخليكي ليا ”
_” مفيش شكر بين الأخوات يا رورو ”
…………….
بعد كام ساعة
أروى نزلت من القطر وقعدت تبص حواليها بانبهار كأنها في بلد اجنبية هي اول مرة تسافر فعشان كده حاسة بشعور لذيذ
فضلت تبص حواليها وطلعت برا المحطة وهي عمالة تحاول ترن علي مريم بأي طريقة بص رصيدها كان خلصان بصت حواليها تشوف لو فيه ماركت او محل موبايلات تشحن منه ملقتش
وقفت واحدة من اللي ماشين وسألتها فدلتها علي المكان عدت الطريق وجت تكمل مشي فجأة وفي ثواني لقت موتوسيكل واخد شنطتها فمن الخضة موبايلها وقع علي الأرض اتكسر
_” يلهوووي الموبايل طب انا هكلم مريم ازاي طب الشنطة مفيهاش غير طقمين اتنين وبس والفلوس الحمدلله دايما بحطها في جيبي بس الموبايل هعمل ايه دلوقتي ياربي هعمل ايه “
↚
_” أروى انتي قاعدة هنا ليه ”
رفعت أروى رأسها اللي كانت سانداها علي ايديها وبصت للي قدامها بدموع
_” مررريم ”
مريم بخضة وخوف ” بتعيطي ليه انتي كويسة حصل لك حاجة ”
أروى قامت بسرعة وحضنتها بقوة ” انا…انا كنت خايفة…. أوي لوحدي ومكنتش عارفة…..اعمل ايه ربنا بعتك ليا ”
مريم تبطبطت عليها وحاولت تفهم منها ايه اللي حصل
_” رورو حصل ايه يا قلبي انا بقي لي فترة بحاول ارن عليكي تليفونك مغلق فقلقت فاستأذنت من الشغل وجيت ادور عليكي احكي لي حصل ايه ”
أروى بدموع ” الموبايل اتكسر و… خدت منه الشريحة…بس…بس معرفتش اعمل ايه ….وانا مش حافظة …..رقمك…فمعرفتش….اكلمك وشنطتي اتسرقت برا المحطة…. ولما معرفتش ….اروح…..اروح فين دخلت…..جوا تاني…..انا…كنت خايفة اوي ”
_” اهدي يا حبيبتي خلاص انا جيت حصل خير يلا نروح للفيلا البشمهندسة بنت الحجة وفقت عليكي ”
_” بجد ”
_” بجد يا نور عيني ”
…………
بعد فترة
كانوا وصلوا قدام الفيلا وأروى بصت لها بإنبهار
_” بسم الله ما شاء الله جميلة جدا ”
_” نفس اللي قولته اول ما شوفتها هههه يلا ندخل ”
بصت لها أروى بإبتسامة وكملت مشي معاها بهدوء لحد ما دخلت جوا الفيلا
_” مساء الخير يا تيتا عاملة ايه دلوقتي ”
سعاد بتعجب وعجرفة ” تيتا مين انا سعاد هانم يا شوية اغبية وكمان انتي مين يا بت انتي وهي وايه اللي دخلكم هنا ازاي الحرس يدخلوا الأشكال دي ده انا هرفدهم كلهم ”
مريم بضحكة ” يووه يا تيتا رجعتي نستيني تاني ”
أروى بهمس ” هي مش عايزاني ولا ايه ”
مريم بهمس ” لا مش كده بس تيتا عندها زهايمر وبتنسي كتير بس هي طيبة اوي والله وبكرا تحبيها ”
_” مريم جيتي وحشتيني يا بت ”
_” وانتي كمان يا تيتا اتغديتي ”
_” لا لسه انا جعانة اوي هي ياسمين لسه مجتش من الشغل ”
_” لا البشمهندسة لسه مجتش ”
أروى بصت لها بصدمة من تغيرها السريع هي مقدرة حالتها بس هي اول مرة تشوف حد عنده زهايمر
_” مين القمر دي يا مريومة عسل اوي هجوزها الواد عمرو ”
أروى بصدمة وهمس ” هي بتقول ايه ومين عمرو ده ”
↚
سعاد بمقاطعة ” حرامية بتعملوووا ايه هنا اععععع الحقوووني حرامية ”
مريم بصت لها بضحكة وشدت الكرسي المتحرك ناحية اوضتها وقعدتها علي السرير وراحت عشان تحضر لها الأكل
_” ههه عسل تيتا بكرا هتتعودي عليها ”
_” ههههه فعلا الزهايمر مش سايبها في حالها الله يكون في عونها ”
_” يارب ”
_” مقولتيش …..”
_” مريم انتي فين ايه اللي جابني هنا ”
أروى بحزن ” هي حالتها كده دايما ”
مريم بتعجل ” اه للأسف انا هروح اغديها بسرعة وجاية لك اوضتك اللي هناك دي علي اليمين ”
مريم خلصت كلامها وسابتها ومشيت
………….
بعد فترة في أوضة أروى
بصت أروى للمكان حواليها بإنبهار اللي كان عبارة عن أوضة متوسطة الحجم فيها سرير حجمه كويس ودولاب صغير وحمام
أروى رمت نفسها علي السرير وفضلت تبص للسقف بفرحة
لحظات كانت نامت مكانها وبعد 5 ساعات صحيت علي صوت زعيق عالي
_” انتي مش بتفهمي يا ياسمين دي فلوسي وانا حر فيها وانا اللي تعبت فيها كل السنين دي مش انتي ”
_” ساعتها كنت حاجة ودلوقتي بقيت حاجة تانية ”
_” انااا مليش فييه فلوسي واعمل فيها اللي انا عايزه مين اداكي الحق انك توقفي بطاقة البنك بتاعتي هو انتي متخلفة ”
ياسمين بحدة ” اتكلم عدل يا عمرو انا اختك الكبيرة مش صاحبتك انا ”
_” اختي ولا مش اختي مليش فيه مين وقت ما انتي عملتي اللي في دماغك وانتي موتي بالنسبة لي ”
ياسمين بحزن ” يا عمرو انا اتاسفت لك كتير وقولتلك مش قصدي كنت بحسبها كويسة بس طلعت بتمثل ”
عمرو بغضب ” اسفك ده هيفيد بأيه هيرجع لي حبيبتي اللي خلاص اتجوزت ونسيتني عشان سبتها هاااا انطقي ولا اتخرستي دلوقتي ”
أروى بخوف وهي جسمها كله بيرتعش من صوتهم اللي كان عالي بطريقة أوفر وهي بتخاف من الأصوات العالية
_”….
↚
_” انتم بتتخانقوا ليه …. صوتكم عالي…وانا…انا…خايفة ”
عمرو بحدة ” وانتي مالك ايه اللي حشرك وكمان انتي مين اول مرة اشوفك هنا لتكوني الخدامة الجديدة ما هو ده اللي ناقص ”
ياسمين بغضب ” عمرو احترم نفسك ”
كملت بحنان وهي بتقرب منها بتحاول تهديها بعد ما شافت خوفها ” أنتي اروي مش كده ”
أروى بصت لها بدموع هزت لها رأسها بنعم
_” اهلا يا حبيبتي سيبك من عمرو هو طيب بس بيعك في الكلام مش كده يا عمرو ”
ياسمين بصت له بتحذير
عمرو بخبث وفيه أفكار شيطانية جات له فجأة ومسيطؤة علي تفكيره ” اه طبعا مقصدش المكان مكانك حقك عليا يا أروى ”
أروى بإبتسامة مرتجفة وهي بتمسح دموعها ” مش..مشكلة انا …بس مش ..بحب الصوت العالي وبخاف منه ”
عمرو بإبتسامة لعوبة ” خلاص يبقي من النهاردة مش هعلي صوتي تمام ”
_” تمام ”
ياسمين فضلت مراقبة اللي بيحصل وهي شايفة اخوها اللي اسلوبه اتغير فجأة وحاسة انه ناوي علي حاجة كبيرة بس حاولت تطمن نفسها ان اخوها طيب ومستحيل يعمل حاجة تأذي حد
……………..
عدي فترة حوالي 5 شهور
وعمرو بقي دايما قاعد في الفيلا ومبقاش زي الأول يقعد كام دقيقة ويكمل سهر برا وبدأ يقرب من أروى ويتكلم معاها كتير وبيجبلها هدايا وهي مش فاهمة هو عايز منها ايه وليه بيعمل كل ده أخر ما زهقت راحت عنده
_” أستاذ عمرو ”
_” نعم يا أروى حصل حاجة ”
أروى بخجل من اللي هتقوله ” هو حضرتك ليه بتتكلم معايا كتير انت متعرفنيش كويس ورغم كده بتتكلم معايا كل يوم حرفيا فحضرتك بتعمل كده ليه ”
بدر بخبث لانه وأخيرا جيه الوقت المناسب
_” من غير لف ودوران انا بحبك يا أروى وحبيتك من أول مرة شوفتك فيها وكنت بكلمك كتير عشان انتي شدتيني ليكي وكنت عايز اقرب منك اكتر واعرف كل حاجة عنك ”
أروى بصدمة ” أروى مين أنا انت شكل حضرتك بتهزر ”
_” لا مش بهزر بتكلم بجد وعايز نتجوز الشهر ده انا بحبك ومش هقدر ابعد عنك اكتر من كده عايزك مراتي في اسرع وقت ”
_” أنا آسفه مش موافقة ومش عايزة اتجوز انت متعرفش حاجة عن حياتي ولا عني ولا علي اللي حصلي واللي بيحصلي وبعانيه ……”
عمرو بحب مزيف ” اشششش متكمليش مش مهم اي حاجة ومش مهم الماضي اهم حاجة الحاضر والمستقبل الماضي خلاص عدي وراح ومش هيرجع ”
كمل وهو بيركع علي ركبته وبيطلع من جيبه علبة فيها خاتم سيلفر
_” كنت عايز اجيب لك حاجة أعلي من كده بس لما شوفت الخاتم ده افتكرتك وافتكرت بساطك اللي حبتها انتي اغلي واثمن من الخاتم ده وكنوز الدنيا متجيش حاجة جنبك انتي اغلي منهم ودلوقتي يا أروتي تقبلي تتجوزيني ”
_” لو سمحت افهمني في حاجات كتير انت متعرفهاش وحتي لو وافقت لازم تعرف عني كل حاجة …. ”
_” قولتلك مش مهم مش عايز اسمع حاجة غير موافقتك موافقة ”
أروى بتردد ” موافقة ”
عمرو لبسها الخاتم وقالها بتحذير ” خلي ده مفاجأة يا أروى ماشي ياسمين وماما عايزين يفرحوا بيا فعايز اخليهالهم مفاجأة في يوم الفرح ”
أروى بخوف داخلي ” تمام مش هقول حاجة ”
………….
↚
بعد شهر
ياسمين بجنون وهي بتكسر كل حاجة حواليها ” يعني ااااايه اتجووووزت انت اتجننت ويوم ما تتجووز تتجوز واااحدة اقل منك ”
عمرو ببرود وهو قاعد علي الكنبة وبيحط رجل علي رجل ومن جواه مستمتع جدا بغضبها ” عادي يا ياسو ما ساندي كانت من نفس مستوايا وكنتي رفضاها وبسببك اتجوزت واحد غيري ”
_” وأروى عوضتني عنها وعن كل حاجة ”
ياسمين بغضب وهي بتروح ناحيته وبتقومه من مكانه ” انت فاهم عملت ايه انت فضحتنا الاسم اللي بنحاول نبني فيه سنين هيتخرب بسبب غبائك لو كنت عايز تتجوز كنت قولت لي وكنت نقيت لك عروسة مناسبة مش الخدامة اللي كانت شغال عندنا بتنظف الفيلا وبتمسح الحمامات ”
_” الإعلام والناس كلهم بقوا يتكلموا علينا ”
بدر بعدم اهتمام ” الاسم ده انا اللي بنيته ومن حقي اهدمه وقت ما انا عايز وكمان قولتلك انا بحب أروى وهكمل معاها باقي حياتي ”
ياسمين بغضب ” انت تطلقها حالا وانا هديها المبلغ اللي هي عايزاه وتغور في داهية ”
عمرو بسخرية ” طول عمرك كده بتحبي تساعدي الناس بس تكرهي ان حد غني يتجوز واحدة فقيرة وبتحتقري كده انا عارفك اكتر من نفسك ”
كمل بعند ” وانا مش هطلقها هي مراتي وعلي اسمي وهتيجي تعيش معانا هنا ”
_” مش هتعرف وبرا انت وهي انت نسيت وصية بابا ولا ايه ”
_” هو انا انسي حاجة زي كده بردوه بس انتي نسيتي حاجة مهمة انه محددش اتجوز كام واحدة أو اتجوز مين هو كل اللي حدده ثلاث سنين عشان اخلف فيهم وكل نصيبي هينتقل للعيل اللي جاي ”
_” متنساش ان كل حاجة في أيدي ”
_” اوووه بخصوص كده يا ياسو انا خدت توكيل من ماما وبقي عندي صلاحيات أعلي منك واقدر اعمل اللي انا عايزه مش معني ان بعد موت بابا الله يرحمه وماما جالها زهايمر وادتك كل الصلاحيات تبقي كده مش بتحبني هي بتحبني جدا علي فكرة عشان كده ادتني توكيل اتصرف في كل حاجة حتي ممكن اطردك من الشركة ”
ياسمين بغضب وصراخ ” اعععع امشي اطلع برا مش عايزة أشوف وشك ”
_” ولا انا الصراحة انا رايح شهر العسل سلام يا اختي يا حبيبتي ههههه ”
عمرو سابها ومشي هو عارف اخته كويس وعارف ازاي يحرق دمها وزي ما هي خسرته حاجات كتير هو هيدوقها شوية من اللي عملته حبها بدا يقل يقل يقل بسبب اسلوبها الاستفزازي والتحكمي واسلوبها ده خلاه يتجنن ويطلع عن شعوره وبدأ يكرهها
هو عارف قد ايه بتهتم بفرق الطبقات وبتهتم بالمظاهر مع انها بتقدم مساعدات خيرية كتير وتساعد الناس هي شخصية من الشخصيات المتناقضة في كل حاجة
…………..
في الطيارة
أروى بقلق ” هو البشهمندسة عاملة ايه هي زعلانة او حاجة ”
بدر بضحكة ” هههه متقلقيش هي كويسة خااالص ركزي بس في شهر عسلنا اللي جاي ”
أروى بخوف وهي بتعك في الكلام ” انا مش عايزة اسافر انا عايزة اروح وكمان انا مش عايزة اتجوز انت اللي اجبرتني ”
_” ههههه متخافيش يا رورو مش هأكلك وكمان احنا خلاص اتجوزنا ومفيش رجوع ”
_” انبسطي في كل حاجة في ايطاليا وباقي الدول هنقضي شهر العسل كل أسبوع في مكان شكل ”
بصت له وهزت راسها وهي حاسة بخوف كبير جواها هي حاولت تقوله كتير انها كانت متجوزة قبل كده بس هو مسمعهاش ومش راضي يديها فرصة تتكلم
………….
عدي شهر
وأروى وبدر سافروا كذا مكان إيطاليا وسويسرا وألمانيا وكندا وزاروا أماكن كتير وفي الشهر ده حاول يقرب منها بس هي كانت بتبعد عنه
وآخر مرة حاول يقرب منها عيطت فبعد عنها هو عارف انها لسه عروسة وبتخاف زيها زي اي واحدة لسه أول مرة بتتجوز
وده كان آخر يوم في شهر العسل في ألمانيا
عمرو بحنان ” حبيبتي مش ناوية تديني فرصة ولا اي احنا بقي لنا شهر متجوزين وبتخافي انِ اقرب منك ليه كده ”
أروى بلجلجة ” أنا….أنا بس …بص عايزة اقولك ….حاجة ضروري ”
_” اششش اديني فرصة بس ”
وفي لحظات كانت مراته قولا وفعلا
↚
” متوترة ليه يا أروى اهدي عادي فيه حالات زي كده بتحصل مع بنات كتير فاهدي هنروح لدكتورة عشان تشوفك لما نرجع ”
أروى بخوف وتوتر وهي جسمها كله بيرتعش ” عمرو…..انا عايزة اقولك….. حاجة ضروري …و…وحاولت احكي لك كتير بس انت…انت مدتنيش فرصة ومكنتش عايز تسمعني ”
عمرو بإبتسامة وهو بيحط ايده علي بؤها وبيمنعها تكمل ” سيبك من كل ده لما نرجع ابقي احكي لي علي كل حاجة انتي عايزة تقوليها دلوقتي قومي غيري هدومك عشان نرجع لمصر ”
أروى قامت بهدوء ونفذت كلامها وهي عمالة تفكر كتير في اللي هيحصل هو مش مديها فرصة تتكلم او تشرح اي حاجة ودايما مانعها تتكلم هي حاسه نفسها خدعته بس في نفس الوقت حاولت تشرح ليه كتير قبل ما يتجوزه بس لا حياة لمن تنادي
……………
بعد فترة طويلة
كانوا رجعوا من السفر وعمرو اول ما دخل اوضته رمي نفسه علي السرير من التعب
أروى بتوتر وهي بتفرك ايديها في بعض” اسمعني بقي دلوقتي ”
عمرو بتعب ” مش دلوقتي يا أروى انا تعبان وعايز انام ”
أروى بغضب وصوت عالي ” لااا اسمعني دلوقتي مش كل شوية توقفني ايه انا زهقت انا دايما حاسة بالذنب بسببك ”
عمرو اتعدل وبص لها بصدمة ” حصل ايه لكل ده ”
أروى استغلت انه سامعها وقالت كلامها بسرعة ” انا كنت متجوزة قبل كده واتطلقت ”
عمرو بضحكة ” أروى بطلي هزارك ده بايخ اوي ”
_” لا مش بهزر بتكلم بجد حتي ممكن اوريك ورقة الطلاق ”
عمرو بغضب ” يعني ايه اللي حصل ده كان عشان انتي كنتي متجوزة بقي استغفلتيني ”
أروى بدموع ” يا عمرو افتكر كام مرة حاولت اكلمك فيها وانت منعتني وقولت لي انسي الماضي ومش عايز اسمع حاجة ”
عمرو بغضب وهو بيكسر كل حاجة حواليه ” يعنييي ايه انااا اتجوز واحد مطلقة بقي بتخدعيني يااا أرووى كان ممكن تحاولي تاااني بسس انتي طماعة وفلوسي عموا عيونك مش كده انتي مكنتيش ناوووية تعرفيني من الاووول ”
أروى سكتت ومعرفتش تتكلم هو عنده حق كان ممكن تحاول مرة واتنين وثلاثة وعشرة وتفضل تحاول لحد ما تقوله ومكنتش وافقت تتجوزه قبل ما تقوله كل ماضيها هي وافقت عليه عشان حست انه هيعوضها عن كل الوجع اللي شافته وقالت انه بيحبها فليه متديش ليه ولنفسها فرصة
أروى بخفوت ” عندك حق أنا اللي غلطانة مش انت وانا عايزة اطلقك ”
عمرو بغضب ” مش بالسهولة دي اطلقك انا هوريكي الذل الأول قبل ما اطلقك ”
أروى بوجع من كلامه ” اللي عايزه اعمله ”
عمرو مسك نفسه انه يكسرها هو مش من شيمه انه يمد ايد علي واحدة خرج بسرعة برا الفيلا وراح للمكان اللي كان دايما بيلجأ له وقت الحزن
…………..
_” ايه يا أروى مش هتسلمي عليا هو جوازك من عمرو بيه خلاكي تنسيني ”
أروى بدموع ” انا مش قادرة اتكلم دلوقتي يا مريم انا تعبانة اوي ”
مريم بحقد اول مرة تظهر لحد ” هو شكل بجد نستيني اتجوزتي واحد متريش وطلعت من الذل والبهدلة اللي كنتي فيهم ”
أروى بصدمة ودموع زي الشلال ” انتي بتقولي ايه ”
كملت بصراخ ” انتي مين هااا انتي مين انتي مستحيل تكوني مريم صاحبتي انتي الحقد عمي عيونك ”
مريم بصوت عالي ” بطلي تمثيل ودموع التماسيح دي انا بجد ندمانة انِ جبتك هنا وندمانه انِ عرفت واحدة زيك ”
خلصت مريم كلامها وسابتها وخرجت من الأوضة هي مش كده بس هي كانت معجبة بعمرو ولما أروى اتجوزته اتضايقت وزعلت وحقدت عليها
أروى بجنون ” اعععع هههه انتي مفكرررة ايه يا أروى مفكرة انك بقيتي مبسوطة وكويسه واحسن من الأول وبقي عندددك نااس تحبك هههه الكل عمال يخذلك ويسيبك واحد ورا التاني كلمك انااانين ومش بحبوااا غير نفسهم حتي مررريم سابتني هههه سابتني طلعت مش بتحبني ”
↚
أروى فضلت تكلم نفسها كتير لحد ما غرقت في النوم ومصحيتش غير علي صوت عمرو اللي كان عالي نسبيا
طلعت برا الأوضة عشان تشوفه هو فين
_” عمرو انت رجعت ”
كملت بصدمة ” مين اللي معاك دي ”
عمرو بضحكة وهو بيطوح يمين وشمال ” نورسين نور حبيبتي يلا نطلع فوق يا بيبي سيبك من المتخلفة دي ههه سهرتنا طويلة ”
أروى بغيرة وغضب ” عمرو انت اتجننت مين دي ”
نورسين بدلع ” انا نور اتعرفت علي عموري في ال night club بالصدفة وكانت احلي صدفة في حياتي ”
أروى بإبتسامة شريرة ” اه احلي صدفة ماشي يا حبيبتي ”
كملت بغضب وهي بتشدها بعيد عن عمرو وبتطلعها برا ” طب يلا يا ماما برااا ومش عايزة أشوف خلقتك هنا تاني ”
نورسين فضلت تنادي علي عمرو عشان يدخلها تاني بس عمرو كان مش في وعيه ومش قادر يركز
عمرو بإبتسامة ” نورسين يلا يا بيبي علي فوق ”
أروى بضيق وهي بتسنده ” يلا ”
طلعته الأوضة وحاولت تغير له هدومه علي قد ما تقدر وبعدين نيمته علي السرير ونامت جنبه وهي بتحضنه بقوة هي عايزة تحس بدفا ومش عايزة تفكر في حاجة غير النوم وبس
…………..
تاني يوم قبل الظهر
صحي من النوم وهو حاسس بتعب وصداع فظيع بص حواليه لقي الأوضة فاضية وفي جنبه علي الكوميدينو كوباية عصير ليمون وبرشام للصداع
اتعدل وخد برشامتين وبعدين بدأ يشرب العصير وعيونه بتدور علي أروى
خلص وقام خد شاور وطلع ولسه بدأ يغير هدومه سمع صوت عالي جاي من تحت وصت أروى بتستنجد بيه
_” قولتلكم ااااابعدوا عنييي عمرو الحقني “
↚
_” انتم مين وماسكين مراتي كده ليه ابعدوا عنها ”
رحمة بسخرية ” انا امها يا حيلتها وانا جاية عشان ارجعها لجوزها ”
أروى بدموع ” كدب يا عمرو انا اتطلقت ”
رحمة بغضب ” جوزك وعايز يرجعك اهو علي الأقل هتهتمي بابنه اللي جاي مفيهاش حاجة يعني ”
عمرو بحدة وهو بيشد أروى ناحيته وبيراجعها ورا ظهره ” لا فيها أروى مراتي ومش هتروح في حته هي اتطلقت من زمان وورقة الطلاق وصلت لها وكمان للدرجادي عايز تبيعي بنتك بالرخيص يعني عايزة ترجعيها عشان تبقي زي الدادا لا انتي بجد ام مفيش اسوء منها ”
رنا بقرف ” بتدافع عنها هههه باعت لك نفسها بكام الو*سخة ها قول لعبت عليك عشان تتجوزها مش كده ”
أروى بقهر وصوت عالي ” بطلي بقي بطلي انتي اااايه مش بترحمي ارحمواااا من في الأررض يرحمكم من في السماء انتي بطعتنيني في شرفي انتي مخلوقة من ايه من ناار ”
_” انتم اصلا عرفتوا مكاني منين ”
رنا بسخرية ” طول عمرك قليلة الرباية لو كانت بس رحمة شدت عليكي اكتر كان زمانك اتظبطي واتكلمتي بإحترام وعلي ازاي جينا فصورك يا سنيورة مالية الاخبار ما انتي وقعتي الراجل وخلتيه زي الخاتم في صباعك واستغلتيه ما انا عرفاكي ”
رنا بحشرجة ” انتي مش عارفاني ولا عمرك هتعرفيني ”
عمرو صعبت عليه أروى من معاملة اهلها شاف قد ايه هي تعبانة فاتكلم بحدة ” يلا برا من غير مطرود ”
رحمة بحدة ” انت بتقول ايه مش همشي من غيرها ”
عمرو بقسوة ” انتي جاية دلوقتي تسألي عليها وعايزاها اطلعوا برا احسن ما انادي الأمن اللي حسابهم معايا هيكون تقيل انهم دخلوكم هنا ”
_” يلاااا براااا ”
رحمة ورنا خافوا منه ومن صوته فخرجوا برا بسرعة لف لأروى لاقاها تعبانة وحاسة بصداع ودوخة فراح شالها ووداها أوضتهم
كل ده تحت نظرات ياسمين اللي كانت بتراقب الحوار بغيظ وغضب
…………..
بعد فترة
كان عمرو حط أروى علي السرير عشان تنام وهو نام جنبها عشان يطمن عليها
مرت دقايق كتير لحد ما فاق علي صوت همهمات
_” بابا انا بحبك متسبنيش وتمشي ماما مش بتحبني بابا متسبنيش ”
_” أروى أروى اصحي يا أروى اصحي ”
أروى بخضة وهي بتحط ايديها علي وشها بخوف ” انا آسفه خلاص متضربنيش أنا آسفه هقوم انضف اهو ”
عمرو حضنها وهو حاسس بكسرة من جواه ” اهدي اهدي انتي بتحلمي بكابوس مش حلو مش كده متقلقيش مش هيرجع تاني الكابوس ده ”
كمل بمرح ” يلا قومي عشان نأكل سوا عصافير بطني بتهوهو مش بتصوصو بس ”
أروى بصت له وهزت راسها بإيجاب وهي ملهاش نفس حتي تأكل
……………
_” انت عايز مني ايه يا عمرو وليه بتتعامل معايا كده مش كنت امبارح مش طايقني ”
عمرو بتنهيدة وهو بيسيب الاكل ” مش عارفة اجيبهالك ازاي بصي يا أروى انا لما فكرت فيها النهاردة لقيت ان الحق كله مش عليكي الحق عليا أنا عشان كنت عايز …. ”
ياسمين بسخرية من وراه ” يستغلك عشان مصلحته وعشان يخلف منك وبعدين يرميكي برا حياته مش كده ولا ايه يا عمورة ”
عمرو بص لمراته بتوتر وهو مش عارف يقول ايه
أروى بهدوء ” مش مشكلة يعمل اللي هو عايزه كده كده عارفة وهو قال لي من فترة قبل ما نتجوز مش كده يا حبيبي ”
عمرو بصدمة وعدم استيعاب ” اه يا حبيبتي ”
_” يلا نطلع اوضتنا انا خلصت اكل الحمد لله ”
أروى قامت وطلعت علي الأوضة تحت نظرات الصدمة من ياسمين وعمرو
………………
في الأوضة
↚
عمرو بصدمة وهو بيقفل الباب ” انتي عرفتي ازاي يا أروى احكي لي ”
أروى ببرود ” عادي فاكر يوم فرحنا لما انت قولت لي استنيني في العربية وقتها لقيتك اتأخرت اوي فدخلت اشوفك فين ساعتها سمعت صوتك العالي انت واختك وعرفت انك استغلتني بس ما اتكلمتش عشان خلاص كنا اتجوزنا وقولت ادي لجوازنا فرصة وقولت انك اكيد هتتغير ”
عمرو بتنهيدة ” بما انك سمعتي جزء كبير من الكلام فمن حقك تسمعي الباقي ”
_” انا كنت بحب واحدة اسمها ساندي وكانت حب طفولتي ومراهقتي وشبابي وكانت حلمي الوحيد في الدنيا بس انا خذلتها واتضطريت اتجوز واحدة غيرها بعد اصرار من ياسمين بعد ما قالت لي ان الشركة هتفلس ومحتاجين شريك معانا وفيه واحد هيدخل معانا شراكة شرط اننا نبقي نسايب اتجوزتها وطلعت بني ادمه متتعشرش بس استحملت قولت عشان الشركة وعشان اقدر ارجع لساندي اللي اتكسرت بسببي بس بعدين سمعتها وهي بتكلم باباها علي خطة ياسمين انها تجوزنا وقتها بس عرفت انِ اكبر مغفل في الدنيا وانِ اتضحك عليا من اختي كل ده عشان مش بتحب ساندي ومش عايزاها معايا لما سمعت كده اتجننت وروحت واجهتها وهي اعترفت بصعوبة وفضلت مقاطعها فترة طويلة ومش بكلمها ولازلت مش بكلمها ورزان طلقتها بعد ما عدي فترة علي جوازنا عشان محدش يتكلم عليها جيت بعدها عشان اصلح اللي اقدر اصلحه مع ساندي بس هلاص كانت اتجوزت يلا كل ده بقي من الماضي وانا خلاص اتجوزت وطبعا الباقي انتي عارفاه ”
أروى اتنهدت بوجع وبدأت تحكي هي كمان كل حاجة عن حياتها من اول موت باباها ومعاملة مامتها معاها وطلاقها الاولاني لحد جوازها منه
عمرو اتكلم بعد تفكير عميق ” المرة دي من غير كدب ولا خداع تقبلي تكملي حياتك معايا واحنا الاتنين هنروح نتعالج سوا عن دكتور نفسي ولو منجحناش ساعتها هنعالج بعض بنفسنا موافقة ”
أروى بصت له بتردد وهزت له رأسها بالموافقة
………………….
عدي سنة
وكانت أصعب سنة بالذات علي أروى اللي كانت دايما بتحلم بكوابيس كتير ومع الوقت قلت الكوابيس دي ومبقتش تحلم بيهم غير كل فين وفين
_” حبتيه ولا لسه يا أروى ”
أروى بتنهيدة ” قلبي مش قادر يحب قلبي لسه بيتعالج هو مقفول ومش متقبل حد يا دكتور ”
دكتور ماجد بهدوء ” طب ما تحاولي تفتحي قلبك ليه ”
_” انا اتعودت عليه ومبقتش اقدر اعيش من غيره بس مش حاسة بحاجة مش حاسة بأي مشاعر مميزة حاسة بأنِ عادي”
المؤقت رن بصوت عالي بيعلن ان الوقت انتهي
_” ههه شكل الوقت خلص ”
الدكتور بتنهيدة ” فعلا معاد الجلسة خلص اشوفك الجلسة الجاية ”
أروى اتعدلت وجت تمشي وقفها صوت الدكتور ” مش انا اللي هعالجك او اعالجه انتم اللي هتعالجوا بعض حاولي بس افتحي قلبك ”
……………
عمرو بإبتسامة ” خلصتي بسرعة يا حبيبتي ”
_” هههه انت بس اللي هتلاقيك كنت سرحان ”
_” ممكن … تيجي نتمشى علي البحر ”
أروى مسكت في ذراعه بمعني موافقة وراحوا علي هناك
_” عارف انا عاملة زي السمكة اللي متقيدة حريتها السمكة اللي مش بتقدر تبعد شوية عن المياه ”
_” سمك بلطي ولا ماكريل ههههه ”
_” هههههه مكرونة ”
_” واه علي فكرة انا حامل فاهتم بيا كتير ”
عمرو بص لها بإبتسامة وحط ايده علي بطنها ” بجد ”
_” بجد يا حبيبي ”
الاتنين بصوا لبعض وكملوا مشي لحد ما روحوا
عدي وقت كبير جدا حوالي 4 سنين حاولوا يحبوا بعض فيه لحد ما نجحوا وبقوا بدل ما هم عايشين مع بعض عشان يعالجوا بعض بقوا بيحبوا بعض ونسيوا أي حاجة حصلت وبقوا عايشين في سعادة مع بنتهم الكبيرة سهيلة وابنهم اللي جاي في الطريق
تمت