رواية سواق اوبر كاملة جميع الفصول بقلم هويدا زغلول
رواية سواق اوبر كاملة جميع الفصول هى رواية من تأليف المؤلفة المميزة هويدا زغلول رواية سواق اوبر كاملة جميع الفصول صدرت لاول مرة على فيسبوك الشهير سواق اوبر كاملة جميع الفصول حققت نجاحا كبيرا في موقع فيسبوك وايضا زاد البحث عنها في محرك البحث جوجل لذلك سنعرض لكم رواية سواق اوبر كاملة جميع الفصول
رواية سواق اوبر كاملة جميع الفصول
وقبل ما نبدأ حكايتنا اعرفكم على بطل قصتنا النهاردة وهو سمير شاب عنده 35 سنة متجوزة ومش بيشتغل وفي يوم مراتة قالت له
هو انت هتفضل قاعد لي علطول كده في البيت ياسمير انا تعبت وقرفت بقا انا كل يوم اروح استلف من امي استلف من اختي عشان نعيش انا بصراحة كده جبت أخرى
سمير
يعني اعملك ايه هو انا لقيت شغل ومشتلغتش يعني ماهو الحال واقف اهو ومفيش اي حاجة مش لاقي يا فايزة ارحميني بقا شوية ياولية من زنك ده
فايزة
زني ااه ما انت مفيش عندك ريحة الډم قاعد في البيت عواطلي ولا شغله ولا مشغله وشاطر بس تاخد مني الفلوس اللي ياخدها من امي عشان تجيب سجاير لنفسك
سمير
انتي هتذلني بقا عشان امك اللي بتدي لك الفلوس اللي بنعيش بيها طب وحياة امك او لما اشتغل بس هديك كل مليم امك صرفته علينا
فايزة
هاها ابقي تعالي قابلني ياسمير ان شاء الله بقا لما تلاقي
سمير
استغفر الله العظيم انتي عايزة ايه ياوليه دلوقتي انا مش فاهم انتي وجعتي لي دماغك الله يخربيت بوزك ده كل مادخل البيت تنكدي عليا
فايزة
ااه وهفضل انكد عليك لحد متلاقي حل لمشاكلنا دي وتتعدل وتشتغل وتبقى راجل زي الرجاله
سمير
ينهارك مش فايت يعني انا مش راجل ياولية طيب والله ما انتي قاعده فيها ونزل سمير علي مراتة ضړب وطردتها من البيت وراحت لأمها وقالت لها
الموكوس طردتك من البيت ماهو انتي اللي غلطانة ياختي كل شوية هاتي ياما هاتي ياما لحد مارماكي اهو خدتي ايه بقا منه
فايزة
خلاص بقا ياما انتي قولي لخالي خليه يطلقني منه انا لايمكن اعيش معاه تاني
وبعدها بفترة سمير طلع مراتة وكان قاعد في إيجار والراجل صاحب البيت طردته عشان معرفش يدفع الإيجار ونزل راح لواحد صاحبه اسمة جمال وقاله
تعالي ياسمير ادخل بيت اخوك ياحبيبي انت هتعقد معايا هنا اليومين دول لحد مدبر حالك وتشوف لك سكن
سمير
والله ياجمال انا مش عارف اقول لك ايه بس على اللي انت بتعمله معايا ده بصراحة لو اخويا مش هيعمل كده
جمال
متقولش كده ياسمير ياخويا انت طبعا اخويا المهم بس انت دلوقتي ملقتش شغل
سمير
والله مالقيت ياجمال مش عارف اروح فين ولا اشتغل ايه انا تعبت من الحوار ده
جمال
طيب معلش بكرة تفرج وانا هكلم لك ناس معرفه يشوفو لك شغلانه تاكل منها لقمة عيش المهم دلوقتي ادخل ريح جسمك وحظك ان الجماعه مش هنا دواخده العيال وراحت البلد عند اهلها يومين بيني وبينك احلى حاجة العيشه كده ههههه يلا اسيبك تنام
↚
وبعد يومين جمال قال لسمير
انا لقيت لك شغلانة حلوه ياسمير هي يعني مش اد كده بس اهي حاجة تسد وان شاء الله ربنا يكرمك
سمير
شغلانة ايه دي ياجمال
جمال
في قهوة على ناصية الشارع هي كافتيريا بس حلوه ونضيفه صاحبتها ست كبيرة في السن يعني مش كبيرة بس كانت طالبه واحد يشتغل يعني ينزل طلبات للزباين وكده ايه رايك
سمير
معنديش مشكله ياجمال اروح اشتغل فيها ومالو المهم اني الاقي شغل وخلاص لحسن انا زودتها اوي وتقلت عليك ياصاحبي
جمال
ياعم ماتقولش كده انت اخويا ياسمير
وراح سمير عشان يقابل الست صاحبت الكافتيريا اسمها نادية وقال لها
انا ان شاء الله هعجبك في الشغل اوي انتي جربيني ياست الكل وانا مش هخذلك ابدا
نادية
والله انت شكلك ابن ناس ياسمير ويجي منك وانا يعجبني الراجل اللي بيبقا عايز يشتغل ويجيب فلوس ويجتهد وانا كل لما ابقي مبسوطة منك ازودك في الفلوس
سمير
ربنا يخليكي ياست الكل والله
ناديه
جمال
حكي
↚
لي عنك كتير وبيشكر فيك اوي وهو اللي اقنعني اني اقبل بيك مع انيمش بشغل اي حد عندي ااه ياخويا انت عارف اني ست ومعرفش مين ده اللي جاي عليا
سمير
حقك ياست الكل وانا والله هتلاقيني تحت امرك ورهن أشارتك بس انااا ليا طلب عندك ياست الكل
نادية
خير ياسمير قول طلب ايه ده
سمير
ياريت لو تسبيني ابات هنا في الكافيه لما نقفل بالليل انا اصلي معنديش سكن وكده فانا هكون شاكر ليكي اوي ياست الناس
نادية
بس انا معنديش حد يبات في الكافيه علي العموم انا عندي اوضة فوق السطوح تقدر تطلع تقعد فيها هي اوضة كده مش اد المقام بس اهي حاجة تقضي الغرض لحد ربنا ما يكرمك وتلاقي حاجة نضيفه
سمير
ده مفيش احلى من كده انت كتر خيرك والله ربنا يكرمك ياست الكل انا مش عارف اقول لك ايه على الواجب ده ربنا يقدرني ورد لك جمايلك دي
واخر اليوم طلع سمير الاوضة وفضل ينفض فيها ويروقها طول الليل لحد ماخلص نام ومحسش بنفسه والصبح لقى الباب بيخبط فتح ولاء قالت
صباح الخير انا جبت لك فطار عشان تفطر
فضل سمير باصص لها ومش بيتكلم وهي قالت
يووه جرا ايه يافندي انت هتسبني واقفه على الباب كده كتير شكلك بخيل
رد سمير وقال
ااه ااه اتفضلي اهلا وسهلا بس متعرفناش حضرتك تبقى مين
ولاء
حضرتي تبقا ولاء بنت الحجة ناديه صاحبة الكافيه انا بقا بنتها الوحيدة
سمير
ايه ده بجد اهلا وسهلا طيب والست ناديه عارفه انك طالعه لي هنا معلش يعني لامؤاخذه في السؤال يأست الكل
ولاء
عادي ياخويا ولا يهمك على العموم اتفضل كولومبيا الاكل قبل مايبرد
سمير
الف شكر ياست الكل ربنا يزيدكم من نعيمة
ونزلت ولاء عند امها وقالت لها
ها يابت شوفتي الجدع اللي فوق
ولاء
ايوه ياما شوفته هو شكله حليوه بس عيبة انه مش لاقي ياكل هنعمل ايه انا وهو ده
نادية
سيبك من الموضوع ده يابنت المهم بس انك تعجبيه ويتجوزك الا من يوم انتي ماتطلقتي وانا شايله الهم بسببك
ولاء
↚
وشايله الهم ليه بقا ياما هو انا اول واحده اتطلق ولا اول واحده اتطلق انا مش عارفه انتي متسربعه على ايه ياما في جوازي بس
نادية
نفسي اشيل عيالك ياولاء الموكوس الاولاني طلقك وسابك من خير عيال يمكن الأمل في الموكوس ده المره دي ويظبط الدنيا يامسهل يارب
ونزل سمير الكافيه وفضل يشتغل كتير اوي وطلع اخر النهار هلكان وطلعت له ولاء بصنية الاكل بس كانت لابسه هدوم على جسمها ودخلت وقالت
انت جيت ياسي سمير ده انا لما شوفتك طالع قولت اجيب لك لقمة تأكلها اصل زمانك على لحم بطنك من الصبح
سمير
في الحقيقه ايوه والله ياست ولاء انا فعلا مكالتش حاجة من الصبح بس الحمد لله ربنا بيبعت كتر خيرك وتسلم ايدك
ولاء
هو انت لسه دوقت ياخويا مش تدوق الأول وبعدين تقول تسلم ايدك يمكن اكلي ميعجبكش
سمير
ازاى بقا ميعجبنيش ده كفايه ريحة والله لوحدها تفتح النفس
وفضل ياكل سمير وولاء فضلت تدلع قدامة وهو كان هياكلها بعينه وعدت الايام على كده كل يوم ولاء تطلع له الاكل وهو بيبص عليها وبس
وفي يوم كلمته نادية وقالت له
بقولك ياسي سمير انا قولت لولاء بلاش تطلع لك فوق السطوح تاني بدل ماهي عماله تطلع كل يوم كده انا بصراحة خلاص قولت لها تبطل تطلع عندك عشان كلام الناس ياخويا احنا ولايه ولوحدنا وانت ميرضكش الناس تتكلم علينا
سمير
معاش ولا كان ياست الكل اللي يجيب سيرتكم بكلمة وحشة انتي والست ولاء ناس زي الفل وسمعتكم زي
الجنية الدهب
نادية
انشالله
↚
تسلم ياخويا بس برضك اللي مايعرفش يقول عدس وانا مايرضنيش الناس تتكلم عن بنتي نص كلمة
سمير
حقك يا ست الكل بس شوفي ايه اللي يرضيكي وانا اعمله
نادية
انت عارف ان ولاء مطلقه صح وانت كمان مطلق يعني انتو الاتنين في الهوا سوا زي مابيقرلو
سمير
ايوه عندك حق
نادية
ايه رايك نوفق راسين في الحلال يعني تكتب عليها وتتجوزها
سمير
ايون ياست الناس بس انتي عارفه العين بصيرة واليد قصيرة ومعنديش شقه هسكنها معايا فوق السطوح ده اسمة كلام برضو ده انا مرضاش كده لست ولاء
نادية
خلاص يا سمير انا عندي حل انت تكتب عليها وتيجي تعيش معانا انا وهي في شقتنا اهي كبيرة وواسعه وتساع من الحبايب
سمير
بس الست ولاء هتوافق بيا شوفيها الأول يمكن مترضاش بيا ياست نادية
ناديه
انا هتكلم معاها واقول لها انك اتقدم لها خلاص بقا ملكش دعوة بالباقي سيبو عليا انا
وفعلا طلعت نادية وقالت لولاء اللي فرحت وقالت
بجد والنبي ياما دنا فرحت اوي والله
نادية
اسمعي يابت هو اه على اد حاله بس انتي بقا تفضلي تقنعيه بأنه يشوف له شغلانة كويسه اه مانا مش هفضل فاتحة الكافتيريا كده ليه علطول انا عايزة جوزك يبقا حاجة
ولاء
حاضر ياماما انا هفضل اكلمة وازن عليه بس انتي قولي يارب
وفعلا سمير كتب كتاب ولاء وعاش معاها في شقة نادية وفضل مع بعض والأمور ماشية تمام لحد ما ولاء خلفت العيل الاولاني وبعدها قالت لسمير
بقولك ايه يابو سمره ياحبيبي انت لازم تشوف لك شغلانه عدله بقا بدل شغلانه الكافتيريا دي انا نفسي انك تبقى حاجة كبيرة
سمير
انا كل يوم بدور على شغل ياولاء وبسال هنا وهنا ومفيش خالص بصراحة زهقت اوي من كتر مابسال ومفيش
ولاء
معلش ياحبيبي تعالي على نفسك شوية عشان خاطر ابننا ده اللي عايز مصاريف كتيرة اوي ده كل ما بيكبر كل حاجه تبكبر معاه مانت عارف ياخويا
سمير
حاضر ياولاء ربنا يسهل ادعي لي انتي بس ياحبيبتي وان شاء الله تسلك
وعدت الايام ومفيش جديد وولاء قالت لسمير وبعدها لك بقا ياسمير انا تعبت من كتر مابتكلم معاك في موضوع الشغل
سمير
↚
وانا كمان ياولاء الصراحة ومش عارف اعمل ايه بقولك انا نازل احسن عشان مش عايز نكد
وخرجت نادية من جوه وقالت له
مش عايز نكد ليه ياخويا وهي بنتي اللي بتنكد عليك ولا ايه ها انت تحمد ربنا اني جوزتك بنتي وانت اصلا مش لاقي تاكل انا اللي باكلك وبشربك ياضنيا
نادية
وهو انا مش شغال عندك وباخد آجره على شغلي ده يعني مش باكل وبشرب ببلاش
نادية
ااه بس برضو انت كده عايش من خيري وانا اللي بصرف عليك انت تروح تشوف لك شغل ياعنيا انا مش فتحها تكية انا
سمير
حاضر ياحماتي ان شاء الله هدور على شغل تاني خلاص بقا كفايه تعايريني كل شويه
نادية
وانا بعايرك ليه ياسمير ان شاء الله مش عشان انت قاعد ومبلط في الخط انا عايزاك تتلحلح كده
ونزل سمير وراح يقابل جمال علي القهوه وقاله
عامل ايه ياصاحبي مع مراتك وابنك عامل ايه
سمير
اسكتي ياجمال حكم انا قرفان قرف ياعم
جمال
الله مالك بس يامعلم في ايه هو برضو نكد هنا كمان ولا ايه
سمير
نكد وانهو نكد ياجمال دي حماتي مطلعه عيني انا واللي جابوني ومش عارف اعملها ايه
جمال
هي عايزة منك ايه يعني
سمير
عايزاني انزل ادور على شغل برة وقال ايه عشان بنتها متلقش بيها شغلانة القهوجي دي
جمال
الله وانت اصلا هتشتغل ماهي مجوزاك بنتها وانت عندها وعارفه ان ده إمكانيات ايه اللي خلاها ترجع في كلامها
سمير
والله مانا عارف ياخويا دي
وليه ياستر منها
↚
انا مش عارف اعمل معاها ايه بس
جمال
معلش ياسمير بص انا هاقول لك على مشروع جميل وهتاكل منه الشهد بس المشكله انه عايز فلوس
سمير
مشروع ايه ده ياجمال ماتقولي عليه كده
جمال
مشروع عربية أوبر هما طالبين ناس كتير بس كل واحد بعربيتة
سمير
ماترسني على الحوار ده طيب
جمال
الموضوع انك بتروح تشتري عربية بس تكون اخر موديل او سنه جديده وبعد كده يامعلم بتدخلها في شركة أوبر بيقولك الشركة دي شغاله نااار ليا واحد صاحبي فيها ومش عايز اقولك كل يوم يروح لعياله وجيبه مليان
سمير
طيب انت بتقول لازم اشتري عربيه وانت عارف اني مش حلتي حاجة عشان اشتري عربية يبقا اعمل ايه ياصاحبي
جمال
ياعم ميل على حماتك وخود منها قرشين واشتري بيهم العربيه دي على قلبها فلوس اااد كده ده غير الدهب اللي عندها
سمير
بقولك حماتي كل يوم نتخانق معايا عشان خاطر انزل اشتغل اروح اقول لها هاتي فلوس ياعم انت غلبان اوي ياجمال
جمال
خلاص قول لمراتك تكلمها اظن خلاص اتحلت اهيه جرب مش هتخسر حاجة ياسمير
ورجع سمير البيت واتكلم مع ولاء وقال لها
بقولك ايه يا لولو كنت عايز اطلب منك طلب كده بس انتي توافقي
ولاء
خير ياسمير في ايه
سمير
انا عايزك تكلمي امك انها تسلفني مبلغ كده اشتري بيه عربيه اشغلها في أوبر بيقولو بتكسب حلو اوي الشغلانة دي
ولاء
وانت عرفت منين بقا ياسمير الموضوع ده وبعدين أوبر دي بتوصل حريم كتير وانت بقا عايز توصل الستات ياسمير
سمير
ياولاء هو ده وقت غيرة ياحبيبتي بقول لك احنا عايزينها عشان امل عيش مش تقوليلي بقا نسوان وغيرة
ولاء
طيب افرض قولت لأمي وهي مش وافقت يبقا ايه الحل بقا واكيد عربيه يبقا عايز مبلغ كبير
سمير
يعني هي امك مش معاها مبلغ كبير ياولاء انتي بس اتكلمي معاها وهي بتحبك وبتسمع كلامك يلا ادخلي عندها اتكلمي معاها بس متخرجيش من عندها غير وانتي جايبه منها الموافقه تمام يا لولو
ولاء
ماشي ياسمير لما اشوف اخرتها معاك ايه
ودخلت ولاء لأمها وقالت لها وامها قالت
يجيب عربيه منين ياولاء ده اكيد عايز مبلغ وقدره هنجيبه منين بقا ده
ولاء
↚
ياماما مانتي معاكي المبلغ وأكتر كمان وبعدين ده جوزي اللي انتي جوزتيهولي وكمان عايزاه يروح يدور على شغل كويس قوم لما يلاقي تتخلي عنه كده لا لا يا نادية انا زعلانه منك
نادية
والله انتي شكلك انتي اللي هتغرقينا ماشي انا موافقه ادي له الفلوس بس بشرط يكتب لي وصل أمانة بالمبلغ ولا اقولك هو يكتب العربية باسمي انا عشان لو حب يعمل عليا ناصح ومدفعش الفلوس
وفعلا قالت لسمير على موضوع العربية يبقا باسمها وقال
ماهو لازم العربية تتكتب باسمي انا ياحماتي عشان انا اللي هشتغل عليها
نادية
طيب ماتبقى باسمي وتشتغل عليها ياضنايا هو مش اللي بيشتغل على تاكسي مش بيبقا هو صاحب التاكسي ومش باسمة يعني عادي متعملش عليا ناصح ياسمير
سمير
خلاص ياحماتي اللي تشوف بس اهم حاجة اننا ننزل نشتري بكرة علطول عشان الحق ادخلها الشركة واشتغل عليها
نادية
ماشي الفلوس هتكون حاضرة بكره الصبح ونروح نجيبها انا وانت ومراتك
سمير
اللي تشوفيه ياحماتي
وبعدها بيومين سمير جاب العربية ودخل بيها شركة أوبر واشتغل فيها واول واحده طلبتة كانت ست شكلها مش مظبوط وقالت له
انت أوبر ياخويا
سمير
تحت امرك يافندم
وركبت معاه وقعدت جنبه وكانت زي ماتكون سكرانه ومش مظبوطة وقالت له
اطلع ياخويا على المقطم كده اصل عندي ميعاد هناك وعايزة الحقه بسرعه الهي يسترك
سمير
حاضر يافندم
ومشي سمير وبص عليها لاقها ماسكة المرايه وعماله تحط روج وراحت قالت له
ايه انا عجبتك ايه رايك
فيا
سمير بكسوف
انتي مشاء
↚
الله عليكي يافندم ست حلوه وجميلة
الست
ااه بس مليش حظ ياعنيا مع الرجاله كل راجل اتجوزه ياخد اللي ياخده مني ويطلقني بعد كام شهر
سمير
على كده بقا انتي اتجوزتي كام مره
الست
هيهيهي مبعدش ياجيمي هيهي ده انا دوبتهم كتيشير اوي يلا بلا هم كتهم نيلة الا قولي انت متجوز
سمير
احم ايوه الحمد لله
الست
امممم ومعاك عيال بقا وكده
سمير
ااه معايا ولد صغير لسه بيرضع
الست
اممممم ربنا يخلي بس انت شكلك صغير اويوقالت
وحليوه وأمور كده يابختها بيك المدام
سمير اتكسف وقال لها
احم انا ااا متشكر يافندم كلك زوق والله على فكرة احنا وصلنا المكان اللي انتي رايحاه
الست
ايه ده بسرعه كده يااه ده انا محستش بالوقت معاك يا كابتن سمير مش كده
سمير
ايوه يافندم تحت امرك
الست
طيب اتفضل حسابك اهو ياخويا وشكرا على التوصيلة العسل دي ياعسل انت يلا باي
ونزلت من العربية وسمير قال ايه النسوان بتاعت اخر الليل دي بس الشغلانة طلعت حلوه وفيها نسوان حلوه شكلها هتعلب معاك ياض ياسمير
وبعد شوية لقى رساله وحد عايز توصيلة راح المكان لاقي واحده شايله شنطة هدوم وبتعيط و ركبت وقالت له
اطلع على العنوان اللي كنت بعته في الابلكيشن
سمير
تحت امرك يافندم
واتكلمت في التليفون وقالت
ايوه ياعبده شوفتي الواطي جوزي نزلني دلوقتي في نص الليل بشنطة هدومي وقالي اروح بيت ابويا عشان قال ايه بيشك فيا شوفت ااه انا كنت ماسحة من على التليفون كل المحادثات اللي بينا معرفش بقا ايه اللي خلاه يشك كده
يلهوي اجي لك طيب افرض اتصل بابويا وساله عليا هعمل ايه ساعتها ااه تصدق فكرة انا لو حصل كده وابويا اتصل بيا هاقوله اني رحت عند البت شرين صاحبتي خلاص ياحبيبي انا جيالك
وقفلت مع اللي كانت بتكلمة وقالت لسمير
بقولك ايه ياكابتن انا عايزة اغير الرحلة بتاعتي وهروح مشوار تاني ممكن
سمير
والمشوار ده فين يافندم و لازم تبعتي على الابلكيشن انك غيرتي الرحلة
الست
↚
بس كده حاضر هغيرها حالا وفعلا عملت كده واتصلت بواحدة وقالت لها
بقولك ايه يابت يا شرين انا بايتة عندك عشان لو ابويا اتصل وسال عليا ااه قوليلو جات ونامت اصل الموكوس طردني في نص الليل وانا هاروح عند واحده قربتي ومش عايزة اعرف ابويا يلا سلام ياواطيه ههههه
سمير
اتفضلي يافندم انزلي
الست
أنزل فين ده لسه المكان في قلب الحارة من جوه
سمير
ماهو للأسف الحارة ضيقه من جوه ولو دخلت بالعربية يبقا مش هعرف اخرج منها فلو سمحتي ممكن تنزلي هنا
الست
استغفر الله العظيم انا لو نزلت هنا همشي لحد جوه ازاى وانا اصلا مش عايزة حد يشوفني
سمير
طيب وانا ذنبي ايه يافندم ارجوكي العربية ممكن تبوظ
الست
طيب اديني نازله اهو اصتبر على رزقك كده يووه
سمير
حاضر اديني صابر
وبص سمير عليها لاقها طلعت نقاب من الشنطة ولبستة وبص لها باستغراب وقال لنفسه هي ليلة باينة من اولها
ونزلت الست ومشيت وسمير قال
انا كفاية عليا كده في الليله الغريبة دي واروح احسن
ورجع البيت وقال لولاء اعملي لي حاجة أكلها لحسن انا واقع من الجوع
ولاء
حاضر ياسمير صحيح امي كانت بتسأل عليك انت مش عديت عليها ولا ايه
سمير
لا معدتش وبعدين هي عايزاني ليه ياولاء بس هو انا بقيت فاضي لأمك دي خالص
ولاء
ياسلام دلوقتي مش فاضي لأمي ده المفروض انها خيرها عليك ياسمير ومش ينفع انك تقول عليها كده انت بتاكل وتنكر ولا ايه
سمير
بقا انا باكل وبنكر ياولاء بقا دي اخرتها من يوم ماتجوزتك وانا شغال مرمطون عند امك وكانت تهزق فيا وكنت بستحمل عشان بحبك ومش
قادر استغني عنك ودلوقتي بتقولي عني كده لا ياولاء
↚
امك غيرتك من ناحيتي
ولاء
انا امي مش غيرتني ولا حاجة ياسمير انا امي عايزة مصلحتي انا وانت وبعدين لما اقولك انها عايزاك يبقا تسيب اللى في ايدك وتروح تشوفها مفيهاش حاجة يعني وبعدين دي في اوضة جنبنا في عماره تانيه
سمير
حاضر يالولو بس اكل لقمة بس لقمة بقولك ماكلتش من الصبح ارحميني
وبعدها عدت ايام وكل يوم سمير يشوف ناس أشكال وألوان وفي ستات بتاعت ليل وستات وقرر بقا انه يتعرف ويجرب
واحدة طلبته وراح لها وركبت وقالت بدلع
كابتن سمير مش كده برضو
سمير
تحت امرك يافندم
الست
اتفضل وصلني العنوان اللي بعتهولك في الليكشن ومشي سمير وبص للست في المرايه وقالت له
جرا ايه ياكابتن ماتبص قدامك ولا انا عجباك ولا ايه
سمير
احم انا باصص قدامي اهو يافندم
الست
انت عارف اني اتعس واحدة في العالم ده كله اوعي تكون فاكر يعني عشان شوية الميكب والروج دول يخدعوك وتقول اني سعيده وكده لا لا انا حزينة اوي
سمير
ليه بس يافندم بعد الشړ على حضرتك وايه اللي مزعلك بس
الست
جوزي الواطي تصور ادخل عليه الشقه الاقيه معاه نسوان وقال ايه ميعرفش دول جم منين كان بيمثل عليا ابن الواطيين
سمير
ياساتر بقا في حد يسيب القمر ده ويبص لحد تاني غيرة لا لا ملوش حق ابدا
الست
مش كده برضو انا قولت عليه واطي والله ياكابتن سمير انا مبقتش طيقاه من ساعت ماعمل كده وخاني بفكر اطلب منه الطلاق وارميه بره ماهي الشقه باسمي انا
سمير
طيب دي حاجة كويسة خلاص اطلقي منه وخليه يمشي من شقتك خالص طالما باسمك انتي يعني محلوله اهي
الست
انا عارف برغم انك راجل زيه بس قولت الكلام المفيد هو انت عمرك خونت مراتك في مره ولا حاجة
سمير
↚
لا لا يافندم محصلش الكلام ده ابدا الحمد لله انا بحب مراتك
الست
يبقا مسيرك هتخونها اصل مفيش راجل بيفضل ماشي على الصراط علطول ماهو جوزي ده كان بيمشي ميبصش غير في الأرض دلوقتي عيونة فتحت على النسوان ماهو مفيش راجل بيفضل عدل علطول
سمير
ااه بس انا لا يافندم على فكرة احنا وصلنا
الست
ايه ضاااه بسرعة كده طب تصدق ان الوقت عدي معاك بسرعه اوي ياسمير تسمحلي اقولك ياسمير
سمير
تحت امرك يافندم مع السلامه
ونزلت من العربيه وهو قال
ده ايه الناس دي
وعدت الايام وسمير كان قاعد مع جمال وقاله
ايه الاخبار يامعلم طمني عليك اخبار الشغل معاك ايه الدنيا ماشية
سمير
الحمد لله ياجمال اهي ماشيه اه بيطلع لي قرشين حلوين كل اخر شهر والحمد لله بس شغلانة غريبة وعجيبة ياجدع كل يوم بقابل ناس اشكال والوان
جمال
زي إيه كده احكي لي ياعم احكي ادينا فاضين من ورانا حاجة
سمير
يعني زي اللي جوزها خاڼها واللي هي بتخون جوزها واللي حماتها مطلعه عنيها واللي جوزها ضاړبها وحاجة في المهلبية خالص ياعم جمال
جمال
ههههه ده انت بتشوف عجايب بقا على كده فعلا
سمير
هعمل ايه يعني ياجمال رفضت طبعا اني اروح معاها البيت وخليتها ترجع قفاها يقمر عيش ياعم انا ناقص هم انا مليش في الكلام ده خلينا ماشين جنب الحيط اصلا انا بخاف
جمال
ياعم انت فقري ليه بس ياسمير كده ماتجرب كده
سمير
بس ياعم جمال انا اخاڤ ماهو مش كل مره تسلم الجره والموضوع يعدي بالساهل كده انت عارف لو اتكشف هتبقا مشكلة جامده
جمال
ماشية معاك ياعم سمير طيب خود صاحبك معاك يمكن يطلع له مصلحة من الموضوع ده
سمير فضل يفكر في كلام جمال وقال لنفسه
طيب مانا اجرب كده يمكن انبسط ولا حاجة يلا لما اروح اشوف اللي
عايزة رحلة للمقاپر دي
ومشي سمير وركب معاه اتنين ستات واحده
↚
بټعيط وقالت
مش انت ياخويا بتاع الشركة السخامه دي أوبر
سمير
ههههه ايوه ياحجة تحت امرك اتفضلي
الست
ودينا ياخويا المقاپر عايزة اروح المرحوم جوزي لسه مټوفي من اسبوعين راح وسابني لوحدي
الست التانية ردت عليها وقالت
معلش يافهيمة قدرة وعمره ياختي وحدي الله
فهيمة
لا اله الا الله ياعفاف ده الراجل كان مالي عليا البيت ده كان جبل يا عفاف والنبي راح وخد كل حاجة حلوه معاه اهئ اهئ
عفاف
معلش يافهيمة وبعدين ياختي بكرة هتتعودي على عدم وجوده في البيت ما انا قدامك اهو ارمله بقالي خمس سنين وبقيت عادي خالص
سمير
بس معلش ياحجة برضو وجود الراجل في البيت مهم جدا مش كده ولا ايه
فهيمة
ايوه والله يابني ده لو حتى كان عضم في قفه زي ما بيقولو يلا الله يرحمك ياحج اسماعيل وينور قپرك يارب
عفاف
يارب ياختي يارب
فهيمة
بس عارفه ياعفاف الوحده وحشة خصوصا لو العيال كل واحد ملهي في حياته ومش بيسال
سمير
لا ملهومش حق ياحجة ازاى يسبوكي كده لوحدك ده انا بتمني امي تكون عايشه وانا كنت اروح اترمي تحت رجليها
فهيمة
والله يابني كل واحد ملهي في الدنيا ربنا يعين كل واحد على حاله يابني
سمير
احنا وصلنا ياحجة اهو المقاپر اهيه
وبعدها سمير جات له رسالة انه في ناس عايزين توصيله ووصل عندهم ولقي واحد واقف وماسك واحده بټعيط وقال له
انت أوبر ياعم
سمير
ايوه يافندم تحت امرك اتفضل
وركبو والست قالت للراجل
والنبي ياسامي تسبني ارجع البيت انا مش عايزه اروح المشوار ده رجعني والنبي
سامي
اسكتي يابت مش عايز اسمع صوتك خالص انتي سامعه ولا لا
الست
حاضر بس انا مش عايزة اروح انا معملتش حاجة عشان اروح المكان ده صدقني انا ظلمني خالص
سامي
اخرسي بقولك مش فضايح قدام الناس انا بقولك اهو يابت انتي ايامك هتبقا سوده على دماغ اللي جابك
ووصل العنوان ونزلوا وسمير قال
ده ايه الراجل الغريب العجيب ده انا مش فاهم هو ايه علاقته بالست اللي معاه وانا مالي انا بالحوار ده هما احرار بقا
وجه الليل وكان بيفكر في كلام جمال وبعدها واحده طلبته وقالت له يروح ياخدها عشان يوديها مكان وراح وركبت الست ومشي سمير
وسمير قال في المرايه
هو لامؤخذه حضرتك مضايقه من حاجة انا حاسه مضايقه من حاجة قولي لي لو حاجة اقدر اساعدك بيها
الست اتنهدت وقالت
هو انا بصراحة محتاجة اوي اللي يساعدني انت عارف ياكابتن انا عمري ماشوفت يوم حلو طول عمري كنت عايشه من غير مشاعر حاسه ان جسمي بلا روح
سمير
سلامتك الف سلامه عليكي ياقمر بس هو في قمر كده يبقا حزين ومهموم ارمي ورا ضهرك ياقمر مفيش حاجة مستهله والله
الست
عندك حق والله انا لازم اشوف نفسي احسن هو انت اسمك سمير مش كده انا قرأت اسمك على الابلكيشن
سمير
ايوه يافندم
الست
انا أسمي هيام ايه رايك في أسمي عجبك
سمير
اسم جميل جدا وبصراحة انتى تجنني
هيام
هيهيهي والله انت شكلك بتفهم في الزوق ياسمير
طيب ما يلا احنا وصلنا اهو يلا
الزوج
جرا ايه يابت انتي كنتي عايزاني اتأخر عليكي ولا ايه بقولك ايه تعالي معايا عشان عايزك جوه وانتي جاهزه اهو لوحدك يلا بينا
ودخلو جوه الاوضة وسمير اتسحب ولبس هدومة بسرعه ونزل جري مشي وراح علي جمال وحكي له جمال قال
هههههههههه بقا كنت هتتقفش يخربيت فقرك ياسمير
سمير
↚
اقعد ساكت ياعم جمال مش دي كانت شورتك المهببه اديني
كان زماني مقتول دلوقتي لولا ستر ربنا
جمال
ياعم انت اللي كروديا بس معرفتش تسلك امورك معايا يلا حصل خير يمكن المره الجايه تظبط
سمير
هي فيها مره جايه لا ياعم كفايه كده عليا اوي الكلام وبس
جمال
انت شكلك بتاع كلام وبس
ياعم سمير ههههه
سمير
ماتلم نفسك ياعم جمال ايه اللي انت بتقوله ده بس بقولك ايه انا مروح لحسن انا مش عارف اتلم على اعصابي يلا سلام
ورجع البيت وولاء قالت له
انت جيت بدري ليه كده ياحبيبي ايه هي الدنيا كانت نايمة النهارده ولا ايه
سمر
ايوه يا ولاء كانت نايمة في حاجة عايزة حاجة مني انا عايز انام شوية وسابها ودخل
ولاء قالت لنفسها ياختي وده مالو ده
وخرجت امها من جوه وقالت لها هو الموكوس جوزك اللي جه ياولاء ولا ايه
ولاء
ايوه ياماما ودخل قال عايز ينام قال
نادية
ااه ده شكله كده مفالحش النهاردة سبيه نوم الظالم عباده
وتاني يوم نزل سمير وركب بعربيتة ومشي بيها وجاله رساله وراح عشان يعمل التوصيلة وكانت بنت حلوه وركبت وقال لها
صباح الخير ياجميل ايه الحلاوه دي هو في حلاوه كده تمشي لوحدها
البنت مسكت الموبايل وفتحت الكاميرا وقالت له
انت بتعاكسني بقا ولا ايه
سمير
لا مش بعاكس بس ببدي اعجابي بيكي ياقمر هو الجميل رايح المشوار ده لوحده ليه كده
البنت
رايحة مشوار كده وراجعه تاني هو يخصك تعرف
سمير
لا ابدا مايخصنيش انتي تعرفي انا مراتي وامها منكدين عليا نكد مفيش بعد كده
البنت
انت بقا مستحمل النكد ليه ماتطلقها وتخلص
سمير
للأسف عندي منها عيل صغير لسه بيرضع بس انتي برضو مقولتيش رايحة فين
زعقت فيه البنت وقالت له
انت عمال تسالني رايحة فين وجايه منين انت مالك انت حشري كده ليه
سمير
ياستي انا بتفضفض معاكي عشان الطريق يقصر بس مش اكتر فقولت نتكلم
البنت
انت متتكلمش معايا ملكش حق انك تكلمني اصلا تنزلني هنا يلا نزلني
سمير
لسه موصلناش احنا طيب
البنت
نزلي هنا وانا هكمل بتاكسي يلا بلاقرف
ودي كانت حكاية من حكايات سواقين أوبر اللي محتاجين بتعملو الادب من اول وجديد
وبكده تكون خلصت حكايتنا