رواية راقصة واربع ضباط كاملة جميع الفصول بقلم نوران احمد
رواية راقصة واربع ضباط كاملة جميع الفصول هى رواية من تأليف المؤلفة المميزة نوران احمد رواية راقصة واربع ضباط كاملة جميع الفصول صدرت لاول مرة على فيسبوك الشهير رواية راقصة واربع ضباط كاملة جميع الفصول حققت نجاحا كبيرا في موقع فيسبوك وايضا زاد البحث عنها في محرك البحث جوجل لذلك سنعرض لكم رواية راقصة واربع ضباط كاملة جميع الفصول
رواية راقصة واربع ضباط كاملة جميع الفصول
نرمين : يلا يا سلوى نمرتك يا اختي الناس في الصاله بتقطع بعضها عليك يلا بسرعه ما تتاخريش عليهم انا ما جاهز الاغنيه وانت سخني وسطك كده بقول لك ايه صحيح الزبون بتاع كل مره لسه موجود
سلوي : ييييي هو برده هو ما فيش فايده هو الراجل ده ما بيزهقش المشكله ان هو جاي مخصوص ليا انا وبيقول لي كلام غريب اوي مش قادره افهمه
نرمين : المهم يا اختي ما تتاثريش بكلامه لان لو اتاثرتي بكلامه مش هتلاقي المام عشان تاكلي ركزي في كلامي اوي بقى يا حلو عشان شكلك كده دماغك بدات تميل ويلا انجزي فقرتك بدأت
نزلت سلوى كالعاده ترقص وتبسط الناس في الكباريه وكان نفس الشيخ اللي بيجي ليها كل مره قاعد على اول ترابيزه بيبص عليها وهو حزين ومتضايق انه بقى له شهر كامل كل شويه يجيلها وهي لحد دلوقتي ما تاثرتش وقبل ما يمشي المره دي جه واحد وحاول يقرب من سلوى وطلع سلاح وخلص علي واحد عشان ياخدها انهارت سلوي وفضلت تعيط وهي بتتمني حد ينقذها بسرعه
سلوي : الحقيني يا نرمين الحقوني يا ناس ده بيخطفني يانهار اسود محدش بيتحرك ليه يااارب ساعدني يارب انا غلطانه بس بس مليش غيرك
كل الناس بعدت عنها ومحدش حاول يساعدها الا الشيخ اللي ضربه بحاجه علي رأسه ووقفها وطلعو يجرو
الشيخ : شفتي بقى يا بنتي شفتي ان الناس قد ايه وحشه وان كل واحد بيدور على مصلحته شفت لما استنجدتي بكل الناس ما حدش وقف جنبك لما قلتي يا رب حصل ايه رغم انك انتي اللي وحشه وبتغضبي ربنا في كل حركه بتعمليها بس ربنا عمره ما بينسى عباده عمره ما هينساكي ادم قلتي يا رب ومؤمنه بالله عمره ما هينساكي ربنا ليه نعم كبير قوي عليكي واكبر نعمه دي انه بعتني لك انت بالذات عشان فيكي بذره صالحه ومش هتكملي في الطريق ده انت كويسه يا بنتي حاولي تشوفي شغلانه شريفه محترمه بدل القرف ده وقتها ربنا هيقف معاكي وهيفضل جنبك
سلوي : المشكله يا سيدنا الشيخ انا مليش حد لا قريب ولا غريب ولا ليا اي حد ما حدش هيشغل عنده رقاصه ولا يساعدني.
الشيخ : لو عزمتي التوبه انا هساعدك بس توعديني عمرك ما ترجع لي القرف ده تاني وانا هبعتك لفيلا راجل كبير اوي محتاج داده لعياله عنده اربع اولاد وده اختبار اختبار ليكي من ربنا واختبار ليكي بردو مني عشان اعرف واشوف انت بجد ناويه تتوبي ولا لا ومتقلقيش فلوسه هتبقى حلوه اوي هتعيشك مرتاحه انا هديلك شويه كتب تقرايها عشان تعرفي اصول دينك اكثر وهكلم ليكي الراجل ولو كده بعد بكره تروحيله ولا بكره تروحيله يا بنتي وتبداي شغل
سلوى : يا ريت يا سيدنا الشيخ تبقى عملت لي مصلحه كبيره اوي وعمري ما هنساك فيها وهكيشك برده بقرشين عشان جدعنتك معايا
ابتسم الشيخ وقال : الله يجازيكي يا شيخه تكيشيني لا يا ستي مش محتاج تكييش هدفي بس تتوبي وترجعي لربنا وابعدي عن الطريق اللي انت ماشيه فيه ده ربنا سترها المره دي مش عارفين هيحصل اي المره الجايه
سلوي : والله يا سيدنا الشيخ اتعلمت وحرمت واصلا كلامك كان بيدور في دماغي بقاله فتره وكنت حاسه ان انا مش قادره اكمل في الشغل ده بس مش مهم انا هشتغل اي شغلانه تجيبها لي ان شاء الله حتى خدامه في البيوت انا همشي بقا وبكره ان شاء الله ابقا تعالا قابلني في نفس المكان ده ونروح للراجل عن اذنك
رجعت سلوى البيت وهي بتفكر في كل الاحداث اللي فاتت وازاي كان كل يوم الشيخ ده مصمم يجيلها ويعدي عليها ويفضل ينصحها وبعد ما تخلص فقرتها في الرقص يدخل اوضتها ويفضل يكلمها عن الدين والايمان وربنا وان اللي بتعمله ذنب كبير اوي ولازم ترجع عنه وان هي بنت حلال عشان كده ربنا بعت لها انذار افتكرت كل القصص اللي حصلت معاها في الكباريه وقامت غسلت وشها وتوضت وصلت ودخلت تنام ثاني يوم الصبح قامت سلوى صلت وحضرت فطار ليها وطلعت على المكان اللي اتفقت فيه مع الشيخ فضلت مستنياه فتره طويله لحد ما جه اول ما جه
الشيخ : كلمت لك الحج عثمان ده باشا كبير اوي وراجل محترم وكان عايز يعني اي حد يعلم عياله الادب يعني زي دادا كده وانا واثق فيكي وقلت له ان انتي هتعرفي ازاي تتصرفي معاهم عشان كده انا هاخدك دلوقتي نروح ما توطيش راسي
هزت راسها وابتسامه
سلوي : يا حلاوه يا حلاوه فيلا مره واحده شكلها كده هتروق وتحلو ولا ايه يا بنت يا سلوى
الشيخ : المهم نكون محترمين هناك في بيت الناس يا بنت يا سلوى انا اللي موصي بيكي ما تخليش حد يقول لي كلمه ما لهاش لازمه يا بنتي
سلوي : ما تقلقش انا هعرف اربيهم له كويس انا هعرف ازاي اتصرف مع العيال دي واديني انت بس وما لكش دعوه
خدها الشيخ وقفوا تاكسي ووصلها لحد باب الفيلا اللي اول ما دخلتها اتصدمت وفضلت تبص حواليها على الجمال والحلاوه دخلت جوه وقبلت راجل سمح بشوش شكله جميل
عثمان : اهلا اهلا يا سلوى يا بنتي الشيخ عرفني كل الحكايه بتاعتك وانا ما امنش ابدا لولادي المفروض مع واحده زيك بس انا واثق من اختيار الشيخ ليكي عشان كده حابب اقول لك انك هتفضلي تحت المراقبه الفتره اللي انت هتشتغلي فيها هنا ما تقلقيش من الفلوس وهتباتي معانا هنا في اوضه خاصه
سلوي : الله يخليك يا باشا والله ثقتك دي ما هتضيع ابدا هتشوف قول لي بس انت عايزني اعلمهم ايه وانا هعلمه لهم على طول وهتلاقي يعني هتلاقيهم كويسين قوي ما تقلقش
عثمان : حلو برافو عليكي انا عندي اربع ولاد مراد الكبير بس شخصيته صعبه ودائما متعصب ومتضايق مش طبيعي وممكن يكسر البيت كله ممكن يكسر اخواته في وقت غضبه وما بيهموش حد وعندي مازن وده في حاله بيحب يقرا كتب ويقعد على جنب لو اخوه بيموت قدامه ما بيسالش لو ده بيضرب ده ما بيهتمش لو بيحصل ايه ما حدش بيتحرك وعندي ماجد وماجد دوت بقى اكثر واحد فيهم وبيراعي بيتم باخواته كويس ومحترم بس الفتره اللي فاتت ديت بدا يخيب ويبقى بارد زيهم ويتعامل زيهم والاخير واخر العنقود وهو ماهر وده بقى مقضيها كباريهات وصرمحه وقله ادب وسهر ومعرفه بنات يعني من الاخر شاب بايظ
سلوي : ما شاء الله كل دول عيالك وجابو الاخلاق دي كلها منين بقا دول عيال جاحده يا خويا
ابتسم عثمان وكمل وقال : مهمتك بقى يا بنتي انا عايزهم يشيلوا المسؤوليه يقدروا نعمل اللي هم فيها يخلوا بالهم من بعض ويتمسكوا ببعض ويحبوا بعض مش اي حاجه وعاملين حسابهم في كل مره هتيجي داده تنظف وتروق مكانهم مهمتك عايز حل العيال دي تتصلح خدي وقتك والفلوس اللي هتطلبيها تكون عندك ابداي شغل وانا مسافر فتره طويله على امريكا هتصل بيكي كل شويه اه صح جبت لك التليفون ده هتصل بيه كل شويه اعرف الاخبار لحظه بلحظه وكاميرات البيت كله موصله بالشاشه عندي يعني اكون شايف كل حاجه بتحصل فما تكدبيش عليا بحرف واحد عشان ما ازعلكيش اتفضلي على شغلك
خرجت سلوي وهي بتقول : ده اي العيله القهر دي انا عرفت العيال دي طالعين مش متربيين لمين ده انا همرمطكم علي معامله ابوكم ليا يا شويه صراصيرر هعلقكم مكان البراويز دول بس اصبرو عليا يا عرر
ماجد : انتي بتتكلمي عن مين اللي هتعملي فيهم كل ده وانتي مين اي قصتك
سلوي : بتكلم عن الأربع قرود قرود اي اربع حشرات هنفخهم هنا قلالات التربيه اطفال اخر زمن مهزقين وانا الداده الجديده هنا وقال اي ابوهم بيهددني انا هعمل اي في عياله يعني هبلعهم حاجه زفت شكلي هعيد فيلم الدادا دودي ولا اي لا بس انا مسيطره بردو
فضل ماجد يضحك جدا : انتي اتجننتي قبل ما تشتغلي يا عيني بس متقلقيش مش هتعيشي الفيلم ده انتي هتعيشي فيلم رعب لأن شكلك لسه متعرفيش الحقيقه ربنا معاكي سلام
سلوي : خد هنا يا اسمك اي يا استاذ لو سمحت عشان اكون عارفه الدنيا هنا
ماجد : اه صح انا ماجد تفتكري اسمي ميلفتش نظرك لاي حاجه خالص يعني ممكن تكون غلط
سلوي : لفت طبعا ده نفس اسم الولد التالت الراجل اللي جوه ده اكيد بيحبوك عشان كدا سمو ابنهم علي اسمك
ماجد : اه انتي متخلفه رسمي بقا عن اذنك عشان ورايا حاجات لازم اخلصها شويه ونازل علي طول اكيد مش هفوت المسرحيه اللي هتحصل هنا كمان شويه سلام
سلوي : اي عيله المجانين اللي وقعت فيها دي يا ربي حتي الخدام بيتكبر عليا اصبرو عليا يا شويه اطفال اوباش
↚
سلوي : اي عيله المجانين اللي وقعت فيها دي يا ربي حتي الخدام بيتكبر عليا اصبرو عليا يا شويه اطفال اوباش
خرج الشيخ وقال : هسيبك بقا يا بنتي خلي بالك من نفسك كويس ويارب ربنا يقدرك وتكوني قد المهمه
سلمت سلوي علي الشيخ بابتسامه وودعت عثمان ودخلت للبيت لقت ماجد نازل ومعاه كتاب بابتسامه وقعد علي جنب وبدات هي تنادي
سلوي : انت يلا ياللي اسمك مراد تعالالي والمهزق اللي اسمه ماهر ده يجيلي جري اي يا شويه عيال عاملين دوشه ليه
ماجد : نسيتي ماجد والواد مازن كمان ده شقي اوي متعرفيهوش شكلك لسه مش عارفه الاسماء ف بقولك بس كملي حضرتك
لسه سلوي بتكمل لقت شاب قوي بعضلات نازل وعلى وشه معالم الغضب وهو بيقول
مراد بضيق : انا سمعت صوت حيوان بيتكلم مين ده اللي نادا وقال يا مراد
ماجد : اسف اني بقاطع كلامك بس للتوضيح هي قالت انت يلا ياللي اسمك مراد التفاصيل دي بتفرق حضرتك اي ده بتبص ليا كدا ليه بص دي اللي كانت بتتكلم هناك اهي
قرب مراد من سلوي اللي كانت بترجع بقلق
سلوي : والله حضرتك يا فندم الموضوع مش زي ما انت فاهم خالص هما قالوا لي مراد ده ولد صغير وانا وانا الداده بتاعته بس ما اعرفش انه حضرتك اكيد اهدي يا وحش محصلش حاجه
مراد : انا العقيد مراد عثمان العشري انا مسؤول عن كتيبه كامله في الجيش ورجل المهمات الصعبه دي حته بت زيك تقولي يلا ده انا ممكن احبسك
سلوي : لا لا لا لا لا لا لا يا باشا ما ما ما لوش لازمه حضرتك تقطع عيشي يعني انا لسه مش فاهمه سوء تفاهم بسيط
بص لها مراد بصه تحذيريه ومشي اما ماجد فكان قاعد ومش قادر ياخد نفسه من ضحك
ماجد : كان نفسي تشوفي شكلك وانت نافشه عضلاتك وجايه تتكلمي ونفسي تشوفي شكلك قوي اول ما اقرب منك كانك شفتي اسد جاي يفترسك شكلك بشع بشع
سلوي : هو بما ان يعني مراد طلع بالمنظر اللي انا شفته دوت واتصدمت وكرامتي باظت هل انت بقى
ماجد وهو بيضحك : ايوه ايوه انا انا نفس الشخص الطفل انا الابن الثالث معلش بقى خيبت توقعاتك اصل كنتي داخله متحمسه قوي وكنت عايز اشوف شكل وشك بس
سلوي : ماشي ماشي عادي علي فكرة مردوده ليك انت وأخواتك العرر بس اصبر
نزل مازن ببرود : سمعت صوت عالي وعرفت انك المفروض الداده المسؤوله عننا فين الفطار جعان
سلوي : هو انت من عالم موازي يا ابني انت مسمعتش صوت اخوك اللي عامل زي الرعد يا جدعان لو كان حصلي حاجه بس كنتم هتعملو اي هتساعدوني ازاي
ماجد : ربنا يديكي الصحه ويسترك ويصبرك يا بنتي انا مش فاضي سلام
مازن : وانا جعان بردو مين هيعمل الاكل انتي لو سمحتي هو الفطار هيكون جاهز كمان قد اي بالضبط
سلوي : ياربي ارحمني دول مفيش فيهم امل خالص هدخل المطبخ اهو يا حبيبي هعمل لك تاكل اصل انا هنا بقيت مرضعه استغفر الله العظيم يا رب لو موديني سجن مش هتعامل المعامله دي
دخلت سلوي عملت الاكل وقعد مازن ياكل ببرود
شويه ودخل ماهر بيطوح مش حاسس بالدنيا وقلع التيشيرت واترمي علي اول كنبه قابلته
اتضايقت سلوي جدا وجابت جردل ميه ملته وغرقت ماهر بيه اللي فضل يصرخ بصوت عالي
ماهر : انتي حماره غبيه مبتفهميش متعرفيش انا ممكن اعمل فيكي اي يا جربوعه انتي وفجاه سكت وقال لولو حبيبتي يعني اسيبك في الكباريه امبارح اجي الاقيكي هنا معقول وحشاني اوي وجايه في وقتك محتاجك اوي يا قلبي ضربته قلم علي وشه جامد
سلوي : فوق يا حيوان انت في بيتك مش في القرف اللي بتروحه وانا مش بنت رخيصه عشان تقولي الكلام ده يا زباله واعمل حسابك انا ومراد اخوك مرتبطين ولو عرف بالكلام اللي انت قولته ليا ده هيكسر عضمك ومش بس كدا لو عرف بقا انك بتاع كباريهات وسخنه من ناحيتك وابقا وريني وشك ده لو بقي عندك وش اصلا بعدها
ماهر : لا بقولك اي احب علي يدك يا ست سلوي هانم اوعي تعرفيه ده مبيهزش متخلفه وبعدين ازاي واحد زيه يرتبط بيكي متاكده أنه مش حوار عليا مراد يعرف انك رقاصه
سلوي : اه طبعا عارف عني كل حاجه واحب اقولك بقا أن من هنا ورايح في قوانين في البيت ده وانا اللي هتصرف مع اللي يخالفها اولا مفيش سهر بره البيت بعد الساعه 11 ثانيا ممنوع تشرب اي زفت كحل بره البيت ولا تدخل البيت وريحتك كدا فيها حاجه غلط ثالث حاجه هتنام كل يوم في سريرك في ميعادك وتلتزم بشغلك والا انا اللي هعاقبك بنفسي وهتشوف
ماهر : اهدي اهدي جري اي يا لولو اول مره اعرف انك شرسه اوي كدا حوار اخويا ده مش مصدقه بس هبلعلك الحوار أما نشوف هتعملي اي سلام يا قطه
سلوي : لا يا بابا رايح فين انت هتلبس عشان تنزل شغلك اتفضل يلا بره البيت
خلته يلبس بسرعه وطردته بره البيت اضطر أنه يروح ينام في مكتبه اتصل بيه مراد
↚
ماهر : جاي في وقتك بقولك اي يا كبير ما تشوفلي حد كدا من الكبار اللي تعرفهم ينقلوني لقسم الاداب احب انا الاداب وهخدم فيها بضمير اوي
مراد : مبحبش الكلام اللي ملوش لازمه هو سؤال انت كنت في كباريه امبارح واتخانقت مع حد
ماهر : اه حاجه بسيطه كدا عيل طري عرفته مقامه متقلقش كله تحت السيطرة
مراد : جميل اوي الكلام ده تمام ارجع الساعه 5 من الشغل الاقيك في البيت مستنيني في كلام كتير اوي عايز اقوله
ماهر : تمام يا بوص بس تبقا تشوفلي حوار الاداب ده الله يباركلك الواحد تعباااان يا ابو صلاح
اتفاجا أن الفون اتقفل في وشه مستغربش لانه متعود وكمل نوم
أما في البيت خبطت سلوي علي اوضه مازن واذن ليها تدخل
سلوي : ممكن اعرف انت مالك كدا ليه دايما في اوضتك ووحيد وبعيد عن كل حاجه
مازن : الدنيا وحشه اوي والقسم اللي انا فيه في الشرطه وحش وتعبت نفسيا ونفسي اهرب لعالم تاني محدش هنا بيفهمني ولا بيحبني عشان كدا انا عايز اهرب من العالم ده بالكتب
سلوي : بس ده مش حل انت تقدر بايدك تخلي حياتك روايه انت بتحبها تقدر تغير كل حاجه عارف انا كنت بحاول اهرب من حياتي كتير ومعنديش اخوات ولا صحاب ولا أهل يعني وحيده جدا عشان كدا كنت بضطر اشتغل واتعب اما انت حتي لو قررت متشتغلش اخواتك مش هيسيبوك احمد ربنا أن عندك اخوات وحاول تقرب منهم وتعرفهم خليك شخص مهم في البيت الكل محتاجك بعدك عن الكل ده وحش اوي صدقني واسمع كلامي مش هتندم
ابتسم مازن : انا موافق انا معاكي وهحاول بكل الطرق بس لو منفعش اي حاجه هرجع تاني لحياتي دي ومحدش هيمنعني
سلوي : اتفقنا انا واثقه ان نظرتك لكل حاجه هتتغير واوعدني تدخل نفسك في حياه اخواتك وتفهمهم اوعي تفضل واقف ساكت حتي العالم ده متاكده انك مش هتعرف ترجع ليه ممكن بقا تنزل تساعدني في ترويق البيت والغداء يلا بسرعه
مازن : اوعدك تمام 5 دقائق وهنزل معاكي بعد ما اخلص الروايه دي تقدري تنزلي الاول
نزلت سلوي وبدأت ترتب البيت وبعدها نزل مازن وساعدها في الغدا وكان مبسوط جدا وروق معاها دخل ماجد
ماجد : حلو اوي اوي الجو ده المتوحد بتاعنا نزل اخير وبيبتسم وبيتكلم وبيعمل حاجه مفيده
سلوي : اهلا بالمتنمر بتاعنا اللي بدل ما يقول لأخوه كلمه حلوه بيتريق اللي بيسيب الناس تغرق ويفضل يبص عليهم من بعيد ها
ماجد : اي ده هو انا مش اعتذرت ليكي علي العموم اسف بجد بس شكلك كان فعلا بيضحك اوي مقدرتش افوت الفرصه دي بس كويس البيت كويس واول يوم ليكي حلو اوي شكله
سلوي : الله اكبر من عينك ربنا يستر وتعدي علي خير مازن لو سمحت اتصل باخواتك شوفهم هييجو أمتي عشان الغدا واسال ماجد يومه كان عامل ازاي النهار ده واتكلم معاه هناك يلا
مازن : كلمتهم وبيقولو نص ساعه وجايين اي يا عم ماجد اي اخبارك والدنيا ماشيه معاك ازاي
ماجد : زي ما انا شغلي في القسم زي الفل بس دخلت عليا بنت زي القمر بتترعش وخايفه وبتعيط في واحد خبط عربيتها وخدها القسم وهي خايفه شوفت عيونها يا مازن نسيت الدنيا والناس وكل حاجه حواليا وكنت عايز بس اطمنها اخدها في حضني بس مينفعش بقا قربت منها واتكلمت معاها برقه واتعرفت عليها اسمها سما وهي صافيه وجميله زي السما فعلا وخدت رقمها وشكلي كدة وقعت في قصه حب تفتكر هتحبني
↚
مازن بحماس وهو فرحان ومبتسم : قصه جامده جدا يعني اعتقد كدا قريب اوي هنفرح بيك بجد مبسوط اوي بس لازم بقا تشغلها يا جدع جيب ورد اطلب منها تخرجوا كدا لحد ما بابا ييجي وتتقدم ليها لحد ما بابا ييجي هعرفك علي شويه افكار جامد تخطف بيها قلبها من خبرتي في الروايات الرومانسيه
ماجد : ايوه بقا اول مره احس اني بجد اتكلمت مع الشخص الصح اي حاجه تحصل هعرفك بيها وابقا فيديني بقت اتعامل معاها ازاي شكرا يا مازن حبيت وجودك معايا بجد
دخل ماهر مع ابتسامه : انا واقع جوع اظن جيت بدريه يا سياده النظره بعد ما خليتيني انام في المكتب وكنت هزق القاعده بسببك
سلوي : احسن عشان تتربي وتتلم شويه اعرف دينك واهتم بشغل واعرف ربنا بقا وبطل قرف
قرب منها ماهر بخبث وحاول يلمسها في داخله مراد الي شاف ده ولقي سلوي ضربته بقلم قوي علي وشه
بصو الشباب ناحيه الصوت اتعصب ماهر وقرب يضربها لقي اللي ماسكه من قفاه ونازل فيه ضرب
حاول مازن يدخل بس معرفش يعمل اي
ماجد : بص انا همسك مراد وانت حاول تمسك ماهر
كانت سلوي بتحاول تبعدهم بكل الطرق مش عارفه
ماهر بعصبية : بقا بتضربني عشان واحده زباله زي دي راميه نفسها في الكباريهات مش عيب عليك يا سيادة العقيد تحب رقاصه رخيصه زباله زي دي
مراد : اخرس يا وسخ يا بتاع الكباريهات بقا بتتخانق مع حد من قرايب اللواء سمير اللي عايرني بأن عندي اخ زباله زيك
زق مراد ماجد ونزل ضرب في ماهر وزنقه في الحيطه ومسكه من رقبته
سلوي وهي بتعيط وماسكه ايد مراد : سيب اخوك كفايه كدا اخوك هتخلص عليه حرام عليك ابعد عنه حرام عليك اخوك زق دراعه وبعدها عنه وقعت سلوي علي الارض واتجرحت
سلوي بصوت عالي : كفايه كدا ابعد عنه وقامت ضربت ايد مراد لحد ما ساب ماهر اللي وقع مش قادر ياخد نفسه وقف جنبه مازن وراح جاب ليه ميه
فضل مراد سرحان وهو باصص لسلوي اللي واقفه قدامه بتحدي من غير خوف هي دي نفس البنت اللي قابلتها الصبح اللي خافت من مجرد صوتي بتتجرا وبتمد أيدها عليا عيونها فيها تحدي غريب بيشدني ليها
ماجد : اهدي بس يا مراد حصل اي اي اللي عمله المتخلف ده انت عارف انه متهور ومش عارف حاجه فهمه براحه مش بالشكل ده
سلوي : اقعدو كلكم هنا عشان نتكلم شويه لأن البيت ده من هنا ورايح في حاجات هنلتزم بيها اتفضلوا
قعدوا كلهم
مازن : حصل اي يا مراد احنا سامعينك وبص لماهر اللي بيعيط ووشه كله متجرح
مراد : الاستاذ ضرب واحد قريب لواء عندي وعرف أنه اخويا وعمل اجتماع يستهزئ بيا فيه أن عندي اخ بلطجي وسمعته وحشه وأنه بيفكر يوقف ظابط فاسد زيه عن العمل وبدأو يتكلمو عليا لاني اخوه ومعرفش حاجه عنه ولا عرفت اربيه مقدرتش اسكت علي الكلام اللي اتقال عليه وعلي اخويا وبدأت أتكلم عن أن لو حد من الصحافه عرفو ان ابن اللواء بتاع كباريهات اكيد هيقولو بيت فاسد بما فيه اللواء نفسه وبالتالي هيتم ايقالته من العمل ويشوفو واحد نضيف اكتر
وافقو علي كلامي الكل ومن وقتها اللواء ده حاططني في دماغه ومش هسمح أنه ييجي علي اي حد من اخواتي وضربي ليه دلوقتي خوف عليه مش عايز حد يمسك عليه حاجه وهو حيوان مبيفهمش في الشرطه تعابين كتير حواليه
وده ضارب الدنيا طناش خالص
سلوي : انا اسفه اني مديت ايدي عليك بس انت مكنتش في وعيك واخوك كان هيحصله حاجه قوم يا ماهر اعتذر واحضن اخوك
قام ماهر حضن اخوه بحب
ماهر : متزعلش مني هحاول أرتب حياتي اكتر واخد بالي كويس وبما أن بكرا عيد الشرطه وهنكون اجازه عايزين نقضي اليوم مع بعض اي رايكم
سلوي : حلو اوي الكلام ده هنقوم نتغدا دلوقتي وعملت ليكم انا ومازن كيك وبكرا بما أنه اجازه ومفيش خدامين هتساعدوني هنغسل السجاد ونمسح وكلنا مع بعض محدش هيهرب وهجيبكم والكلام ليك يا مراد انت كمان يلا اتفضلو
↚
بعد الغدا قفلت سلوي كل الابواب اللي بره البيت وجوه البيت عشان محدش يعرف يخرج
ماجد : افهم بقا اي اللي انتي بتعمليه دلوقتي الوقت لسه بدري اللي عايز يخرج يخرج اي المشكله عندك
سلوي : بصو يا شباب لازم كل يوم علي الأقل نقعد مع بعض ساعه واحده نعرف اخبار بعض اكتر اي حد عنده اخبار عايز يحكيها
ماهر : بصراحه قابلت بت في الكباريه إنما اي وتكه بس لما قربت منها ضربتني بالقلم وهي بتقول انها متعرفش اي المكان المقرف ده وان صاحبها هما اللي جابوها وعايزه تروح وملهاش حد وبدأت تعيط صعبت عليا انتم عارفين قلبي الحنين وروحت اوصلها حاولت اقرب منها ضربتني بالقلم بردو وهي دي نفس البنت اللي ابن اللواء ده قرب منها وكان باين عليها بجد بريئه متعرفش حاجه ف ساعدتها وروحتها ودخلت دماغي اوي براقبها وجمعت كل المعلومات عنها وممكن افكر كدا اتهد واستقر معاها يعني بس لسه بفكر
مازن : يعني كلهم داخلين قصه حب حلوه إلا انا ومراد الغلابه اللي في البيت ده
ماجد : لا ما انا واخدك معايا بكرا اقابل سما اللي قولت ليك عليها وهتجيب معاها بنت خالتها قمر يعني تقعد معاها عشان منبقاش لوحدنا
مراد : وانا هفضل هنا بقا صايع كدا موارييش حاجه ناويين تهربو بكرا من التنضيف ولا اي عايز افهم
سلوي : لا يا حبيبي منك ليه انتم كلكم هتساعدوني ولما تخلصو تبقو تروحو اي مكان انتم عايزين بس متتاخروش عن الساعه 12 أقصي حاجه الله يبارك ليكم
ماهر : وانا كمان هخرج بكرا اقابل نسمه البنت اللي قابلتها وهمس بصوت واطي لمراد وهنسيبك مع سلوي استغل الفرصه بقا وظبط حالك معايا يا برنس باين انك مهتم بيها
بصله مراد بصدمه وسكت
سلوي : يلا نقوم نصلي العشا جماعه مع بعض قامو الكل صلو وسهرة مع بعض علي التليفزيون شويه ونامو تاني يوم صحيو من بدري كل واحد بشرط وفلنه وعمالين يمسحو وينضفو ويساعدو بعض كانت سلوي بتوجههم وبتضحك عليهم كل شويه لما حد يقع وجه الليل وكلهم لبسو وخرجو الا مراد وسلوي
في كافيه
ماهر : جري يا بنتي في اي كل ده عشان تقبلي بس تقعدي معايا وتكلميني انتي هتافوري ولا اي
نسمه : بص انا بشكرك جدا علي تصرفك معايا بس بجد مش متعوده اقرب من اي شاب ولا اتكلم مع ولاد ولا اقعد معاهم وبابا لو عرف هتبقا مشكله كبيره جيت اشكرك وامشي بسرعه بس غير كدا لا
ماهر : طب عايز رقم بابا ممكن ولا بردو مينفعش انا جبتك هنا عشان اسالك لو اتقدمت ليكي هترفضيني لشخصي ولالا
نسمه بابتسامه كسوف : الراي راي بابا انا مليش دعوه وده رقم بابا سلام
ومشيت بسرعه
في مطعم
سما : ماجد انا انا بجد مش عارفه اشكرك ازاي علي اللي عملته وفي نفس الوقت مش عارفه ممكن اعرف قابلك ولالا
ماجد : بصي بقا من الاخر انا عايز رقم ابوكي واول ما والدي ييجي هتقدم ليكي موافقه
سما بكسوف : طبعا موافقه انت شخص محترم وجميل وعندك شغلانه وبيت ومرتاحه معاك في الكلام
مازن : احلفي تعرفي كتب اسامه المسلم ده جامد كل رواياته بجد تحفه
قمر : اكتر روايه حبتها جدا كانت خوف ييي تحفه مكنتش متوقعه ابدا أننا هنكون قريبين وأفكارنا واحده زي بعض
أما في البيت
كان مراد قاعد بتوتر وهو بيبص لسلوي
مراد : من اول يوم جيتي فيه غيرتي البيت كله وغيرتينا وقربتينا اكتر من بعض حياتنا كلها بقت حلوه لما دخلتي ولفتي نظري وأعجبت بتصرفاتك
سلوي : بشكرك مستغربه ازاي ظابط كبير زيك يعجب بمجرد بنت وكانت رقاصه
مراد : اكيد ظروف حياتك مكنتش سهله وهي اللي خلتك كدا اتمني في يوم من الايام تحكيلي قصتك والحلو انك رجعتي عن الطريق ده
وفجاه دخل عثمان
↚
عثمان : بشكرك يا سلوي علي كل حاجه عملتيها لينا تعبتي وهبعتلك المرتب بتاعك وزياده كمان شكرا مهمتك خلص وتقدري تمشي
ابتسمت سلوي وقالت : شكرا عيال حضرتك غيروني قبل ما اغيرهم بشكركم كلكم
مشيت سلوي علي بيتها ولقت شغل في مطعم وحياتها ارتاحت بس قلبها وعقلها فضلو مشغولين بواحد بس
في كافيه
مازن : اول مره اشوف حد مهتم بالروايات اوي كدا زيي بس هقولك علي سر صغير ليا بصراحه انا كمان كاتب مشهور بس بحط اسم مستعار ليا
قمر : وااااو بتهزر انا بحب اوي الحاجات دي انت مين قولي اي كتاب أو عمل ليك دقيقه واحده احنا من ساعه ما قعدنا وانت مش بتتكلم غير عن الروايات انت اي شغلك الاصلي
مازن : انا ظابط حاجه مختلفه خالص عن الروايات بس كنت في مهمه مره و شوفت كل اللي تحت ايدي صحابي وزمايلي راحو اللي خلقهم ف اكتئبت وخدت اجازه بدون مرتب وبقالي فتره طويله منعزل في اوضتي بقرا روايات وبكتب روايات بس لحد ما جت ملاك خلتني ارجع للحياه تاني واقرب من الكل واتفائل واجي اشوفك دلوقتي
قمر : شكل حياتك مكنتش سهله ابدا بس هي مين دي لو مكنتش هضايقك بسؤالي ممكن تجاوب هو هو احنا بقينا صحاب صح
مازن : اكيد طبعا احنا بقينا صحاب وفرصه سعيده جدا يا انسه قمر عن اذنك بقا لازم نروح للاتنين اللي قاعدين دول الوقت سرقنا واتاخرنا
أما عند ماجد
سما : هو انت بجد معجب بيا اصل ازاي يعني انت مش شوفتني الا مره واحده حاسه الموضوع غريب شويه حتي انك تطلب انك تكلم بابا ده مش شايف أنه تسرع منك ممكن تندم عليه بعدين يعني أن لازم نعرف بعض ونتأكد اكتر أننا عايزين نرتبط وبعدين يبقا في حاجه رسمي ولا اي
ماجد : هو معاكي حق بس انا مبحبش الف وادور واعمل حاجه في الضلمه من غير ما حد يكون عارف انا راجل دغري عشان كدا بقولك انا بدخل البيت من بابه ومعتقدش اني هندم ابدا
سما بابتسامه : بصراحه بقا انا شايفه بلاش تدخل في حاجه رسمي كدا علي طول ويتحسب عليك خطوبه علي الفاضي
ماجد : من الاخر انتي مش بتحبيني ومش عايزه اتقدم ومكسوفه ترفضيني
سما : لا طبعا انا معجبه بيك وموافقه بس عايزين شويه صبر بس اي رايك بس انا زيك والله مش بحب اعمل اي حاجه من وري اهلي عشان كدا بصراحه انا حكيت لبابا علي كل حاجه حصلت وحتي الخروجه دي وهو جه معانا يشوفنا من بعيد وبيسمع كلامنا كمان عشان يطمن
ماجد بصدمه وهو بيبص حواليه : انتي بتهزري فين ده يخربيتك يا مجنونه مش كدا هو فين اطلبي منه ييجي ونقعد نتكلم مع بعض شويه
جه مازن عليهم : اي مش كفايه كدا يا عصافير عايزين نتكل علي الله ورانا اشغال بكرا وبعدين متهدش حياك من تنضيف البيت وشيل السجاجيد عشان عيون ست سلوي
ماجد : يا غبي اخرس شويه فضحتنا ازاي تكون كتاب مفتوح كدا وانت ظابط يا اهبل
سما : هي مين سلوي دي يا ماجد انت عملت كدا بجد النهارده بابا جاي اهو
مازن بصدمه : بابا مين اهرب بسرعه اخلع انت بتدبس يا ابو الصحاب اجري
ماجد : اخرس شويه الراجل سامع كل كلمه بنقولها من البدايه خلينا نقعد نتكلم شويه شكله اوبن اوي
سيد : عاملين اي يا ولاد انا سيد بابا سما متقلقش ولا تستغربو انا ربيت بنتي لوحدي عشان كدا معودها علي الصراحه واننا صحاب وكل حاجه بتحكيهالي حتي لو غلط بس من اللي شوفته النهارده انا مطمن أن بنتي مع راجل بجد مش غاوي لعب وخصوصا بعد موقف الجدعنه اللي عملته معاها في القسم وطلبك رقمي في أول قاعده ليكم ده يخليني فخور بيك يا ابني
ماجد : الله يخليك يا عمي اتشرفت بمعرفه حضرتك طبعا والله زي ما حضرتك شوفت انا مبحبش اعمل حاجه من وري الأهل
سما : بس انا يا بابا بصراحه مرتاحه وحاسه اني موافقه وفي نفس الوقت خايفه تتحسب عليا خطوبه ونطلع مش متفاهمين
↚
سيد : مفيش مشكله ممكن لما تروح تشرفني بمكالمه من والد حضرتك وتقعدو تتكلمو وتشوفو بعض لمده شهر وبعد الشهر تقررو تكملو خطوبه ولالا اي رايكم يا ولاد
مازن بصوت واطي : اي الراجل ده ده لو بنتي قالت ليا كدا كنت كسرت رقبتها اه يتكلمو بس قدامي ولو عايز يشوفها يكون قدامي أم سيد في الطراوه اوي وميعرفش حاجه شكله من الزمن القديم يا جدع
ماجد بصوت واطي : مش قولتلك اخرس شويه وكمل كلامه بصوت عالي معنديش مانع طبعا أن شاء الله والدي اول ما يرجع من السفر هيكلم حضرتك وان شاء الله خير الوقت اتاخر اتفضلو اوصلكم
سيد : لالالا مفيش داعي يا ابني العربيه بالسواق بتاعنا مستني تحت اتفضل انت يا حبيبي اه صحيح متعرفتش عليا يا استاذ
مازن : مازن اخوه وقعدت مع قمر واحنا صحاب بس مفيش اي حاجه ما بينا حضرتك
ضحك سيد : لالالا متقلقش مش هدبسك فيها كفايه علينا واحد دلوقتي بس مسير ييجي يومك ونبقا نشوف وقتها بس هتعمل اي
استاذن ماجد ومازن ومشيو
في مكان تاني علي النيل
ماهر : ايوه يعني وبعدين مش فاهم انتي عايزه اي موافقه ولالا وعايز اعرف اي حوار الكباريه والقرف اللي كنتي فيه ده
نسمه : هو انت بتتكلم معايا كدا ليه اصلا علي فكره لحد دلوقتي احنا مفيش بينا اي حاجه ومش من حقك تتكلم معايا كدا انت فاهم
ماهر : بصي يا نسمه انا لفيت وجبتها شرقها غربها وعارف البنات وكنت ومازلت صايع ف عشان كدا مش اي حد هروح اقوله انا عايز اتقدم ليكي بصراحه الحوار اصلا مكنش في دماغي لأن في نظري كل البنات وحشه بس انتي غيرتيلي فكري عن كل حاجه ومن ناحيه بقا الارتباط ف احب اعرفك من دلوقتي انا بغير جدا وكل حاجه تكوني معرفاني بيها عنك انتي فاهمه
نسمه : علي فكرة انت بتتكلم بدري اوي مش لما اوافق عليك الاول ليه بتتكلم أننا خلاص اتجوزنا شويه وهتقول اسماء عيالنا هو في اي انا عايزه امشي من هنا لو سمحت عن اذنك
ماهر : اقعدي هنا رايحه فين انا هوصلك واعملي حسابك خلال الاسبوع ده انا جاي اخطبك ومتأكد انك هتوافقي يلا اوصلتك
نسمه بخوف وتوتر : لا انا انا هروح لوحدي لو حد شافني معاك هتكون مشكله كبيره ومش هعرف اقول حاجه لبابا
ماهر : الوقت اتاخر لازم اوصلك يلا قدامي ومش عايز كلام كتير
مشيت معاه نسمه بخوف وركبوا العربيه ووصلها
نزلت نسمه بتترعش للبيت
عوض : كنتي فين كل ده يا مقصوفه الرقبه ما تنطقي ولا تحبي اجيب الكرباج زي كل مره
نسمه بدموع : واللهي واللهي انا انا كنت رايحه لواحده صاحبتي كانت عايزه مني خدمه عن عن عن الأماكن الكويسه عشان عشان بتجهز وهتتجوز
عوض : حلو اوي القطه بقت بتعرف تتكلم وتكدب كمان مين الواد اللي نازله معاه من العربيه يا بت فكراني مختوم علي قفايا ومش عارف يا بليه هات الكرباج من عندك شكلك عايزه تتربي وتتعلمي الادب عشان بعد كدا متفكريش بس تكدبي
نسمه بدموع : لالا عشان خاطري يا بابا والله ما هعمل كدا تاني انا اسفه بلاش الكرباج عشان خاطري بلاش ضرب انا اسفه انا غلطانه مش هعمل كدا تاني
جاب عوض الكرباج ونزل فيها ضرب وهي بتردد نفس الكلام وهي بتترعش لحد ما نامت علي الارض
في قصر عثمان
دخل ماجد وهو بيضحك كل ما يفتكر كلام مازن
مازن : بطل تضحك عليا عادي تصرفي طبيعي انا مش هدبس ولا انا مش كتاب مفتوح والفاصل بينا سلوي يا سلوي تعالي احكيلك حصل اي في الخروجه
ماجد : لا واضح جدا انك مش كتاب مفتوح داخل علي طول علي سلوي المفروض هي اللي تحاول تاخد منك الكلام يا اهبل
↚
ماجد : لا واضح جدا انك مش كتاب مفتوح داخل علي طول علي سلوي المفروض هي اللي تحاول تاخد منك الكلام يا اهبل
مازن : تعرف تخليك في حالك انت واحد متدبس دلوقتي متتكلمش معايا هي فين سلوي دورت عليها في كل مكان مش موجوده اي يا مراد قاعد ساكت ليه من اول ما جينا
دخل ماهر وهو بيقول : تملي معاك ولو هقدر يا روح قلبي اكون وياااااك ياااه علي الروقان يا جدع
مازن : نفسي تكمل اغنيه صح في حياتك مالك بقا اي حوار الخروجه بتاعتك احكيلي
ماهر : ليه حاسس انك متقمص دور الست اللتاته ابعد عني ياض انت مش فاضيلك اي يا عم مراد مالك اول مره تكون صامت كدا
عثمان : اهلا بالظباط المحترمين اللي جايين متأخر واحد خمرجي وفاشل في شغله والتاني فاشل في حياته الاجتماعيه وفي شغله وانت يا ماجد اللي قولت عليك غيرهم حصلك اي
ماهر : في اي يا حج داخل علينا سخن كدا مالك كانك اول مره تتعرف علي عيالك مثلا على فكره كلنا اتغيرنا واتصلح حالنا وبدانا نفكر صح ومشينا في الطريق الصح وبنفكر ازاي نكون مسؤولين عن بيت واسره لسه كنت داخل اكلمك اني قررت اتجوز وهيتصلح حالي وهلتزم ومفيش اي حاجه غلط هعملها تاني
مازن : اولا حمدالله على سلامه حضرتك يا عثمان بيه ثانيا معتقدش أن ده الوقت المناسب اللي تتكلم فيه في الحاجات دي لما تشوف حد فينا غلطان أو في مشكله اتكلم راقب تصرفاتنا لو معجبتكش يبقا فيها كلام تاني
ثالثا المفروض نحتفل برجوع حضرتك بالسلامه وتعزمنا علي اكله حلوه كدا وتروق علينا لازم تكون صاحبنا يا بابا اكتر من كدا احنا بعاد اوي عنك
ماجد : بما أن ماهر اتكلم في موضوع الجواز انا كمان عايز اتكلم مع حضرتك عن ده بس مفيش حاجه رسمي حاليا هنتعرف علي بعض بس لو حضرتك سمحت ممكن تكلم والد البنت تقترح عليه التعارف لمده شهر ولو في راحه نكمل
عثمان : والله وكبرتم يا ولاد وبقيتو عارفين مصلحه نفسكم لا والاخرس اتكلم وبقا يديني نصائح هاخد بنصيحتك يا مازن وهكون صاحبكم أما نشوف هتوصلو بينا لفين يا ولاد عثمان
مراد : بما انك صاحبنا اتكلم معاك بصراحه بقا انت كل ده كنت بترقبنا كويس اوي واعتقد انت عارف ماجد ومازن وماهر كانو فين واي اللي حصل معاهم وعارف بردو كل تفصيله حصلت في البيت ده مش كدا يا سياده اللواء عثمان حسب ما عرفت أن سلوي كانت اقتراحك عشان تغيرنا ولما نجحت ولقيت عيالك اتغيرو ولقيتني انا بالذات اتغيرت واهتميت بيها قلقت قلقت اكون حبيت واحده من مستوي وضيع زي ما بتقول ف قولت تبعدها وتطردها بالطريقه البشعه اللي حصلت دي مع انها بنت والوقت متأخر لو اعتبرتها بنتك لثانيه واحده مكنتش هتقبل عليها كدا صح كلامي مش كدا
عثمان : صح كلامك طول عمري شايفك الذكي الوحيد اللي فيهم وعشان كدا انا مش عايزك تلوث نفسك بمستنقع قذر مع البت دي واحده رخيصه ملهاش لازمه
مازن بعصبية : مسمحلكش تتكلم بالطريقه دي محدش فينا اختار يتولد فقير ومحدش فينا اختار ظروفه ترميه علي اختيارات مش بإرادتنا كلنا بنغلط بس المهم نتعلم ونفوق ومنرجعش للغلط ده ربنا كريم وبيسامح
عثمان : وانا مش كريم ولا ربنا عشان اسامح واوافق بواحده زي دي في بيتي
ماهر : لو كنت بتتكلم عن المستوي والفقر فأحب اقولك اني اللي هتجوزها فقيره ومعنديش مشكله اخسر اي شخص بتفكير عقيم زيك علشان الصالح ليا همشيها بأسلوبك بقا مش دي طريقتك يا عثمان بيه
ماجد : كنت في نظري حاجه كبيره اوي بجد مكنتش متوقع انك بتشوف الحياه بالطريقه دي البنت دي هي اللي أنقذت عيالك من مشاكل كتير جايه كان ممكن تخسرهم واي يعني لو ابنك حبها مراد عمره ما طلب منك حاجه ولا حب طول عمره قاسي وبارد وبيعمل كل اللي نفسك فيه اي المشكله لما تحقق ليه حاجه واحده هو عايزها ده بافتراض أنه بيحبها زي ما بتقول
مازن : احنا كلنا بنحبها واعتبرناها اخت وام لينا بدل اللي راحت انت شاطر في انك تاخد مننا اي حاجه ممكن تسعدنا وتفرحنا
عثمان : انا مصدوم البت دي خليت عيالي كلهم يقفو في وشي ويتكلموا كدا
مراد : دي الحقيقه حاول تغير من نفسك عشان متخسرت كل حاجه حوالين ماهر اول كلمه قالها أنه هيمشي بأسلوبك وبكدا هو ممكن يخسرك ويبعد عنك ويكمل اسره لواحده والكل هنا هيكون شايفه صح ومش بعيد كلنا نعمل كدا يا بابا وفي نهايه الطريق هتفضل لواحدك فكر في افعالك واقوالك عادي كدا أننا نتعلم من بعض ونعلم بعض وعشان بنحبك بنفوقك وبنعرفك اي اللي ممكن يحصل
ماجد : حضرتك هتكلم والد سما مش كدا يا بابا
ماهر : اي يا حج هتيجي معايا نتقدم لنسمه اللي من مستوي قذر ومش مستوانا ولا اي
عثمان : كلنا ولاد تسعه يا ولاد عثمان ولحد دلوقتي انتم قفلتوها عليا مقدرش اقول اي كلمه
فرحو الولاد وحضنو ابوهم بفرحه
مازن : يعني هترجع سلوي يا بابا ولا اي وفعلا هتكون موافق ان مثلا لو حبيتها وطلبت الجواز هتوافق
↚
بصله مراد بغضب كبير خاف منه مازن
عثمان : سيبني افكر في الموضوع ده يا مازن لسه شويه هرتب أفكاري واقولكم قراري
ماهر : لا تفكير اي انا اديت البت كلمه احنا رايحين ليها بكرا نتقدم وفكرت كويس ومش هندم خلاص بقا اتفقنا شكلك موافق عن اذنك بقا أرتب نفسي لبكرا تصبحو علي خير
ماجد : ممكن حضرتك تكلم ابو سما الله يباركلك ويجوزلك عيالك وتفرح بيهم وتشوف احفادك قريب
عثمان : خلاص خلاص انت بتشحت هات الرقم بس مش شايف ان الوقت متاخر شويه
مازن : لا عادي دي راجل اوبن خالص ده هتلاقيه بياكل ايس كريم وبيتفرج علي فيلم السهره عادي كان نفسي يكون عندي اب فرفوش زي ده يا لهوي كنا هنعمل مصايب
عثمان : تقصد اي يا حيوان انت خد الرقم واتصل بوالد سما
مازن : ولا حاجه يا حبيبي بص خد قلبي اهو مع ان انا مش عايزك تكلم ليا حد
عثمان : السلام عليكم معاك اللواء عثمان الديب والد ماجد كنت عايز اتشرف بزياره حضرتك عشان نتكلم ونتعرف اكتر علي بعض وفي نفس الوقت ننفذ الاتفاق اللي حصل بينكم أن يبقا في تعارف لمده شهر وبعدها الجواز أن شاء الله اه ايوه يا فندم خير البر عاجله واحنا عايزين نفرح ونشوف احفادنا بسرعه ولا اي يا سيد بيه ههههه خلاص يبقا اتفقنا مع الف سلامه
حضنه ماجد بفرحه كبيره ومشي
مازن : يااااه يا عثمان الولاد فعلا بيكبرو وكبروك يا راجل يا شايب وهتبقا جد
بصله عثمان بغضب جري مازن علي اوضته
وفي حاره كانت ماشيه سلوي بحزن وراحت مقابر أهلها
سلوي : كنت بحسب حياتي هتتحسن والدنيا بدأت تضحك ليا معقول كدا يا ماما الغلبان ملوش حظ ولا نسيب في الدنيا دي طول عمري نفسي يكون عندي اخوات ولاد ولما لقيتهم وحبيتهم اوي يحصل كدا انا اللي غبيه اكيد نسيت نفسي ونسيت اني جايه لمهمه محدده وبس هكمل طريقي ومش هغلط تاني واكيد ربنا شايل ليا الاحسن متقلقيش عليا
شافت زي شال أو ملايا واقفه علي شكل راجل
سلوي : اسفه يا عم الحج دخلت كدا وازعجتك اكيد كنت نايم صح مش انت امين المقبره بردو ولا اي انت مش بترد ليه
وفجاه طارت الملايا وملقتش حد صوتت وطلعت تجري بره المكان بسرعه وروحت بيتها
جرثومه : جري اي يا حته مش ناويه تيجي بقا وحشاني بقالي كتير مشوفتكيش وبعدين الشارع ساكت وهس هس مش ناويه تيجي وتحني عليا عبسطك اوي يا ست البنات
سلوي : بقولك اي يا شبح دي مش سكتي يا زميلي ابعد عني بدل ما اعمل العوق معاك وانت عارفني ممكن اعمل اي
قرب منها جرثومه اترعبت جابت ازازه من علي الارض وكسرتها علي دماغه وطلعت تجري
تاني يوم
صحيت سلوي تدور علي شغل في المطاعم والكافيهات
أما في قصر عثمان
لبس ماهر بدله جميله جدا وطلع مع أبوه علي بيت نسمه في حاره شعبيه
سنجه : رايح فين يا شبح ما هتدخل الا لما ترمي بياضك الاول يلا ياض قب باللي معاك
مسك ماهر أيده وكسرها بسرعه وربطه في عمود
ماهر : ورايا مشوار مهم ومش عايز اوسخ نفسي دلوقتي يا اما البوكس هييجي ياخدك يا اما وانا نازل هاخدك في طريقي يا حيلتها وبص لابوه بابتسامه وقال اتفضل يا عثمان بيه تحب افرشلك الارض ورد
عثمان : احب تخرس أما نشوف القرف اللي داخلين عليه بسببك ربنا يستر
طلعو وخبطو وطلع ليهم راجل شكله غريب جدا
ماهر : مش ده بيت الحج عوض والد نسمه ولا اي يا شبح
عوض : انت الواد اللي كانت راجعه معاه امبارح مش كدا تعالا يا كوتو موتو ادخل واخلص قولي عايز اي
اول ما دخل عثمان لقي دخان ورجاله كتير بتشرب
↚
اول ما دخل عثمان لقي دخان ورجاله كتير بتشرب
عثمان : احيه احيه وانا اللي كنت رافض سلوي دي طلعت أرقي بكتير من المستنقع الخرا ده خليني وراك أما نشوف هتوصلنا لفين
ماهر : متقلقش متقلقش انا معاك وهتصرف مع شويه الاشكال الوسخه دي وبعدين البت بجد كويسه جدا وانا هخليها ان شاء الله تقطع علاقتها بالعيله الزفت دي بس اول مره اشوفك بتقول ألفاظ سوقيه يا عثمان بيه
بقولك اي يا حج عوض انا جاي اطلب ايد نسمه اي الكلام
عوض : هتدفع كام فيها هتخلص فيها بكام يعني يا حلو وقولي هترجعها بعد قد اي
ماهر : لا انا اللي احيه بجد اي يا راجل الرخص اللي انت فيه ده طب ما تناديها طيب اسالها رأيها
عوض : مفيش بت هنا بتقول رأيها بس قول بقا انك عايز تعاين البضاعه
ماهر بصوت واطي وعصبيه : اقسم بالله صابر بالعافيه نفسي اخلص علي الراجل ده بس الصبر
ودخلت نسمه بدموع اول ما شافها ماهر اتجنن
ماهر بعصبية : اي اللي عمل فيها كدا ليه شكلها كدا انت عملت فيها اي يا متخلف انت بقولك اي انت هتكتب كتابي عليها دلوقتي والفلوس اللي عايزها هديهالك واخلص
كتبوا الكتاب وطلب ماهر الشرطه تيجي تاخدهم كلهم بالعيل المربوط تحت وخد نسمه ومشي
ماهر : اي اللي عمل فيكي كدا انا عايز اعرف وبتعيطي ليه ما تنطقي انتي مكنتيش عايزه تتجوزيني علي فكرة أنا ممكن اطلقك لو انتي عايزه ده
نسمه : انا كنت خايفه اوي بس مش عارفه ليه اول ما شوفتك حاسيت بالامان بس خايفه تعمل فيا زي ما ابويا بيعمل وتضربني أو تزعق ليا
حضنها ماهر : عمري ما همد ايدي عليكي ابدا وبعدين لو عملتها هتلاقي تلت وحوش نفخيني اخواتي هيكونو اخواتك وخصوصا الواد مازن هتجبيه اوي واكيد مراتات اخواتي هيكونو صحابك وأخواتك مش هتكوني وحيده ابدا وعمري ما هزعلك
وصلو القصر
مازن : يا بنتي في اي كنت في الحمام حصل اي لكل ده 28 مكالمه ليه و 65 رساله عندك وقت تكتبي كل ده في اي الدنيا حصل فيها اي دخلت الحمام ربع ساعه بس بس
قمر : اصل اصل قلقت عليك يعني يا مازن وخوفت تكون زعلان مني أو لو مشغول بتكلم حد المفروض تعرفني
مازن : لا بقولك اي انا مش ناقص عته في حياتي انصرفي دلوقتي سلام
ماهر : مالك اول مره اشوفك كدا بس مش مهم فين مراد
مازن : راح يجيب سلوي حبيبه قلبي وحشتني اوي
ماهر : اه لو سمعك يا مازن هتروح للي خلقك في ثانيه احب اعرفك ب نسمه مراتي
مازن : لا ما شاء الله زي القمر وقعت واقف ياض يا ماهر الرقه دي وافقت بيك ازاي انت اللي الكل قال عليك اخر واحد هتتجوز لانك الصغير وانت اول واحد اتجوزت شوفت الدنيا والزمن
مسكه ماهر من قفاه : اقسم بالله يا مازن لانفخم لو اتكلمت عليها تاني انت فاهم اخرس وخدها ومشي
في حي شعبي
سلوي : ايوه مين دقيقه واحده جايه ياللي علي الباب اي يا عم اهدي شويه الباب هيتكسر في ايدك هو في اي اول ما فتحت اتصدمت
مراد : اي ليه الصدمه دي كلها شكلك حلو اوي النهار ده حتي وانتي ملغبطه كدا
قفلت الباب في وشه ودخلت تلبس حاجه حلوه وهو فضل يخبط
سلوي : نعم حضرتك عايزني في حاجه انا مهمتي خلصت زي ما الباشا قال جاي ليه
غمز ليها مراد وهو بيقول : الشوق اللي جابني ووداني اعمل اي بقا وحشتيني قولت لازم اشوفك
سلوي بارتباك : هو انت كويس عينك تعبتك ولا حاجه في اي حركاتك مش مريحاني بص يا باشا انا اه اشتغلت رقاصه بس محدش لمس مني شعره واحده وانسي اللي بتفكر فيه ده يا اخويا خيبت ظني وانا اللي بحسبك مؤدب طلعت قليل الادب
مراد : بعيدا انك اصلا دخلتيني في حوار مش في دماغي اصلا انا جاي اقولك أن عثمان باشا عايزك معانا في البيت يعني كملي شغل موافقه ولا اي وبعدين هو في احلي من قله الادب
اتكسفت سلوي : انا انا مش عارفه يعني هشوف كدا اصل اصل اشتغلت في شغل تاني مش هعرف ارجع اصلا معنديش وقت خالص حضرتك
↚
جرثومه : طب ما انتي حلوه اهو ولا ليكي في الشباب بتاعه العضلات اللي معبيه هوا دول لو نفخت فيهم يا بت يقعو ويعيطو ما تيجي معايا سكه وهبسطك اوي سيبك من الشغل العالي ده هديكي فلوس كتيره اوووي
بصت سلوي بخوف لمراد اللي عيونه اسودت ونزل في جرثومه ضرب ومسكها من أيدها وسحبها وراه
سلوي : اه ايدي يا مراد انت ساحب جاموسه في اي مبحبش الطريقه دي سيبني الناس بتتفرج علينا هيقولو عليا اي دلوقتي
ركبها العربيه وركب وطلع بسرعه
مراد : مين الحيوان اللي كان فوق ده كان بيتعرضلك قبل كدا ما تنطقي في اي
سلوي : لا بقولك اي يا باشا انا مش عيله صغيره زي بتوع اليومين دول لا انا ب 100 راجل والجو بتاعك ده ميشغلنيش خليك سكه ودوغري كدا وقولي عايز مني اي من الاخر
مراد : بحبك وهتجوزك يا سلوي ومش راجعه الحاره تاني وهتفضلي في البيت عندي لحد ما يتم الفرح امين
بصت له باعجاب وسكتت
وصلو القصر اول ما دخلت قرب منها مازن بسرعه
مازن : عارفه لو كان ينفعك ومش الوحش ده جنبك كنت حضنتك دلوقتي وحشتيني يا سوسو
سحبه مراد من قفاه ومشي بيه نزلت نسمه
سلوي : انتي مين يا قمر شكلك حلو اوي بجد حبيبه حد من الشباب ها
نسمه بهدوء : مرات ماهر انتي سلوي الكل هنا بيحبك وبيقولو عليكي كلام حلو خالص
دخلت سما : انتي بقا سلوي ده زهقني بيكي يا ستي كل شويه كلام عنك اول مره اشوفك يا نسمه بس انتي جميله اوي ليه حق ماهر يقع علي بوزه
قمر : بقولك اي يا عسليه ما تساعديني أوقع الواد مازن ليا ده تقيل اوي
سما وسلوي :عليكي وعلي الغيره خليه يغير
بصو لبعض وفضلو يضحكوا دخلو الشباب
ماهر : بقولكم اي انا هعمل فرح ليا انا ونسمه الخميس الجاي مناسب معاكم
مراد : حلو اوي معاد مناسب وبالمره اعمل فرحي معاكم انا وسلوي
اتصدمت سلوي والكل فرح ليها وبارك ليها
ماجد : لا بقولكم اي احنا اخوات وعلي الحلوه والمره معاكم فرحي انا وسما
سما : نعم يا خويا لا مش اتفقنا بابا مش هيوافق وانا مش موافقه انت بتقرر علي اي اساس المفروض الكبار هما اللي يقررون
ماجد : مالكيش دعوه انا هقنع الكل وهنتفق والفرح الخميس الجاي يا سما ومسمعش كلمه
قمر بتوتر : ممكن اكون معاكم بردو فرحي بس هشوف امجد هيقول اي أصله متقدم ومستعجل علي الجواز متهيقلي هيوافق
مازن : نعم يا روح امك وده من أمتي ده ومتكلمتيش ولا حكيتي عنه ليه انتي بتستهبلي
قمر : انت مالك انت يا بارد وليه اقولك علي خصوصياتي ملكش دعوه
مازن : لا ليا دعوه غصب عن عينك انتي وابوكي واللي يتشددلك كمان قرفاني مكالمات ورسائل وبعد ده كله هتتجوزي غيري بعينك يا اختي
ضحكو الكل عليه
وليد : افهم من كدا انك بتتقدم لبنتي دلوقتي ولا اي يا استاذ مازن
مازن بتوتر : حضرتك مين هو الكل مجمع هنا ليه محدش قالي ليه أن في عزومه في البيت
وليد : انا اللي كنت لسه بتتكلم عنه وبتقول غصب عن عين ابوكي انا ابوها بقا
مازن : انا بعتذر جدا يا عمي والله بنتك اللي بنت كلب مستفزه اعمل اي سامحني
ماجد : يخربيتك يا غبي جيت تكحلها عمتها اللي يخربيت غباء اهلك ده
وليد : انا مش موافق علي الواد ده وابقي تفي علي وشي لو اتجوزتيه علي اخر الزمن بقيت كلب كمان
ويوم الخميس
كانو قاعدين في الكوشه وحلوين
عثمان بضحك : تفت علي وشك ولا لسه يا وليد
وليد : احم لولا أنه عيط مكنتش وافقت ابدا علي فكرة
سيد : الولاد زي القمر ما شاء الله ربنا يحميهم الناس كلها مبسوطه
وفجاه النور قطع واختفو العريس والعرائس
عثمان بضحك : عملتوها يا ولاد عثمان خطفو مراتاتهم ومشيو متقلقش علي عيالكم
وفي الفندق كل واحد دخل عروسته وغمزو لبعض ودخلو وعاشوا حياه سعيده وكدا تكون خلصت قصتنا
استنونا في روايه جديده مع السلامه #بقلمي_نوران_احمد_مليجي
النهايه
تمت