رواية حب مختلف ولكن حماده وليلي كاملة جميع الفصول بقلم مجهولة

رواية حب مختلف ولكن حماده وليلي كاملة جميع الفصول هى رواية من تأليف المؤلفة المميزة مجهولة رواية حب مختلف ولكن حماده وليلي كاملة جميع الفصول صدرت لاول مرة على فيسبوك الشهير رواية حب مختلف ولكن حماده وليلي كاملة جميع الفصول حققت نجاحا كبيرا في موقع فيسبوك وايضا زاد البحث عنها في محرك البحث جوجل لذلك سنعرض لكم رواية حب مختلف ولكن حماده وليلي كاملة جميع الفصول

رواية حب مختلف ولكن حماده وليلي كاملة جميع الفصول

كل مااتجوز عريس الشقه تولع بينا ليله الدخله

وقبل ما نبدا الحكايه اعرفكم بنفسي انا ليلي

عندي 30 سنه وفي يوم كنت وافقه بلبس قدام

المرايا ولقيت عمتي داخله

العمه

ايه سمعت ان فرحك الاسبوع الجاي هو انت ناويه تكمليه على خير ولا ايه يا بت حرام عليك بقى ارحمي الناس ان انتي بتتجوزيهم دول

ليلي

قصدك ايه بالكلام ده يا عمتي وانا كان ذنبي ايه يعني غصب عني والله اللي بيحصل ده

هو بمزاجي يعني

العمه

اتجوزتي سته يا مفتريه وكل مره الشقه تولع بيكم يوم الدخله المهم ناويه ترجعي حقي اللي اكلتيه ولا ايه

ليلي

تاني بتتكلمي في الحوار ده هو انت ايه ما بتزهقيش منه خالص ولا ايه والله العظيم بابا قبل ما يموت مقالش ان ليكي اي فلوس عندو

العمه

عشان كان حرامي زيك كده بالظبط وانتي شايفه اللي بيحصلك ده عادي ده اكيد عقاب من ربنا علشان خاطر اللي انتي اللي كنتي بتعمليه انتي وابوك

ليلي

انتي جايه عايزه ايه انتي عايزه اي مشاكل وخلاص بالله عليك ارحميني بقى من اللي انتي بتعمليه ده وبعدها دخلت خالتي وقالت

محاسن

هو انت عايزه ايه يا عزه انت كل يوم جايه تنكدي على البت كده ما ترحميها بقى في ايه

عزه

ليكي حق تقولي كده يا حبيبتي

مانتي اكيد عايشه علي مالها اللي بتخديه منها

محاسن

بقولك اي امشي اطلعي برا ومش عايزه

اشوف وشك هنا تاني وبعدها خرجت ونادت

علي ام ادهم الشغاله

محاسن

انتي يا زفته الطين ازاي دي تدخل هنا

واحنا مقولناش ليكي

الشغاله

والله غصب عني حقك عليا انا اسفه

محاسن

اتفضلي يلا روحي علي شغلك وبعدها خرجت

ليلي

انا مش عايزه اتجوز يا خالتي والله انا نفسيتي

بقت وحشه بسبب الحوار ده

محاسن

اوعي تقولي كده تاني ي حبيبي ده كل شي

قسمه ونصيب والله وربنا هيكرمك انا راي

نروح للشيخ اللي قولتك عليه والله هيحل

ليكي الحوار ده

↚

ليلي

تاني يا خالتو ارجوكي بقي بطلي

الحوار ده عن اذنك انا نازله وبعدها نزلت

وفي شقه حماده خطيبي

حماده

مالك يا ماما وافقه ليه كده لو هتتكلمي في نفس الحوار ياريت مش تتكلمي فيه احسن لاني خلاص واخد القرار

الام

يا ابني انت ليه عايز تتجوز واحده زي دي

انت مش اتجوزت قبل كده تتجوز واحده زي دي

ليه بقا دي مش بيعيش لها عرسان ياحبيبي وانا خايفه عليك

حماده

لو بتحبيني بجد يا ماما ما تتكلميش في الحوار ده تاني انا عارف مصلحتي كويس اوي وعارف انا بعمل ايه وبعدين انا بحب ليلى ومش هتخلي عنها

الام

يابني انا علشان بحبك والله بكلمك بس اللي انت عايزه اعمله خلاص بس لو حصل اللي بيحصل

كل مره انا بجد هخليك تطلقها

حماده

خلاص يا ماما بقي وبعدها خرجت وكانت رحاب

بنت خالته وافقه وقالت له

رحاب

يعني انت برضه مصمم انك تتجوز البت دي والله نهايتك هتكون علي أيدها يا حماده

الام

تفي من بوقك ياختي اي الكلام اللي انتي بتقولي ده حرام عليكي هو انتي جايه عشان تدعي عليه ولا ايه

رحاب بعياط

والله البت دي هتوديك في داهيه ارجوك ابعد

عنها لو خايف علي نفسك ابعد عنها

الام

بقولك اي ابعدي انتي عنه لو انتي فاكره أنه

ممكن يتجوزك تبقي عبيطه مش علشان

انتي عايشه معانا وبنت اختي انا هكون معاكي

انا بحب ابني واي حاجه تسعد ابني انا معاه

فيها

رحاب

اللي انت عايزة بس اللي هيحصل ليك مش كويس ابدا يا حماده وافتكر كلامي كويس وبعدها نزلت

الام

ايه البت دي ياساتر بقولك ايه سيبك منها دي عبيطه والله يا حبيبي وانا مش هكون معاها انا معاك في اللي انت عايزة

حماده

ربنا يسترها بس مش عارف ليه خوفتني البت رحاب دي هو ايه اللي ممكن يحصل ياماما انا مش عارف

الام

بص يا حماده انا قولت لك ياحبيبي بلاش الجوازة ولقيتك مصمم بس انا عندي سؤال هو انت بتحبها بجد ولا بتحب فلوسها اصل انا عارفه انها معاه فلوس كتير اوي

حماده

ومن امتى ابنك بيفكر في الماديات دي يا ماما انا بحب ليلى لشخصها وهي كمان يعني احنا الاتنين عايزين بعض وخلاص من غير اي حاجة

الام

انا بس بقيت بخاف من كتر اللي بسمعه على العموم طالما انت نيتك سليمة يا حبيبي ان شاء الله ربنا هيكرمك اخر كرم في الجوازه دي انا بس عايزاك تشد حيلك كده وتملي لي البيت عيال ماشي

حمادة

ايوه بقا هي دي الدعوات اللي تفرح القلب مش القافله اللي قفلتها لي البت بنت اختك دي

وبعدها عدت الايام وجه يوم الفرح وسامح صاحب حمادة كان بيلبسه البدله وقاله

↚

سامح

نياااله ياصاحبي بقولك ايه يا ميدو هي العروسة معندهاش اخت تكون حلوه كده انا بجد نفسي اتأهل واتجوز بقا انا كمان

حماده

للأسف العروسة وحيدة يا صاحبي ومالهاش اخوات بس ممكن اشرح لك واحده بس نكدية هتنكد عليك ها ايه رايك

سامح

طيب ولما هي نكدية عايزني اتجوزها ليه ياعم روح هو انا ناقص نكد ده كفايه النكد اللي في حياتي من ابويا اللي ليل نهار يحاسبني رايح فين وجاي منين ده

حماده

ههههه هو انت لسه ابوك بيقعد لك ورا الباب

سامح

ايوه اومال انت فاكر ايه استني بقا لما اظبط لك الكرافتة وبعدها خلصو ونزلوا عشان ياخدوني من الكوافير وبعدها عملنا الفرح ورحنا الشقه وحماده قالي

حماده

اتفضلي يا عروسة ادخلي بقا برجلك اليمين ياقمر

ليلى

شكرا ياحماده هو انت صحيح بتحبني ياحماده ومستعد تعمل اي حاجة عشاني

حمادة

طبعا يا ليلي انتي عندي اغلى حاجة في الدنيا انتي متتصوريش انا بحبك اد ايه بجد طيب عارفه انا اختارتك من وسط كام واحدة يلا بقا عشان نغير هدومنا وبعدها غيرنا وبقينا مع بعض وعدي وقت وحمادة في الحمام وانا في الاوضة وقولت لنفسي

ليلى

الحمد لله محصلش حاجة يارب كمل الليلادي على خير يارب انا قلقانة اوي استرها والنبي وحماده خرج من الحمام وقالي

حماده

ايه يا ليلي امتى بتكلمي نفسك يا حبيبتي ولا ايه مالك كده في ايه

ليلى

ابدا يا حبيبي بس كنت بدعي ربنا ان الليلادي تعدي والدنيا تبقى تمام

حمادة

ماهو الحمد لله الدنيا تمام وكل حاجة في السليم اهيه انتي خايفه ليه بقا ياقلبي ان شاء الله كل اللي جاي هيبقا احسن

ومره واحده النور قطع والدنيا ضلمت ولقينا الشقه بتولع وحماده قال

حمادة

ينهار اسود الحقي يا ليلي الشقة بتولع تعالي يلا بسرعه وجرينا على الصاله نشوف في ايه وفجأه النار مسكت في حماده وانا سرخت وقولت

ليلى

حمااااده الحقووونا الحقووونا

والناس اتلمت وحاولوا يطفو النار وبعدها روحنا المستشفى والدكتور قال

الدكتور

اطمنو ان شاء الله خير هو بس الحرق طلع خفيف الحمد لله ومش هيسيب أثر اوي اطمنو ياجماعه

ليلى

الحمد لله يارب ان حماده بخير الحمد لله ياخالتي بصي انا هبات معاه هنا في المستشفى مش هسيبه

ردت حماتي وقالت

↚

الحما

تفضلي مع مين يا حبيبتي لا لا انتي تاخدي بعضك وترجعي بيتكم وانا لما ابني يفوق من اللي هو فيه ده انا هخليه يبعت لك ورقة طلاقك ااه ما أنا مش هستنا ابني يروح مني

الخاله

ايه الكلام اللي انتي بتقوليه ده يا ام حماده ما انتي سمعتي الدكتور وهو بيقول ان حماده الحمد لله بخير وكلها يومين ويخرج بالسلامة ايه بقا لازمة كلامك ده

الحما

لازمتة ان ابني كان هيروح مني وربنا سترها معاه المره ياعالم بقا المره الجايه ايه اللي هيحصلة تاني

وفي الوقت ده جات رحاب بنت خالت حماده وامها وقالت لحماتي

الخاله

خير يا فادية ابنك مالة وايه اللي حصله ده طيب هو كويس ولا ايه طمنيني عليه

الحما

ابني الحمد لله يا كريمة الدكتور طمني عليه دلوقتي وقال إن الحرق معملش حاجة خطيرة بس انا قلقانة اوي عليه يا كريمة ادعي له

كريمة

والله يا فادية ابنك ده غلطان ما احنا حذرناه من الجوازه السوده دي لكن هو اللي صمم عليها يلا اهو نصيبة بقا وربنا يشفيه يارب

رحاب

فعلا يا ماما حصل انا فعلا حذرتة من اللي هيحصله وهو برضو مفيش فايدة فيه صمم على الجوازة الشوم دي اللي جات عليه باللي جرا له ده

ردت خالتي عليهم وقالت لهم بزعيق

الخاله

الله جرا ايه ياختي منك ليها هو احنا اللي كنا عملنا كده في ابنهم ده هو اللي نصيبة كده الله طيب ما هي بنتنا هي كمان تعبانة قدامكم اهيه يعني مش هو لوحده

الحما

ازاى يعني يحصل اللي حصل ونقول نصيبة ماهو لو كان أول جوازه ليها ويحصلها كده كنا قولنا ماشي انما دي متجوزه قبلة كذا جوازه وكلهم بيحصل فيهم كده

ردت خالتة وقالت

والله انا اول لما ابني اختي يقوم بالسلامة هنخليه اول حاجة يعملها انه يطلقك ويرميكي وياريت بقا تبطلي جواز كفايه عليكي كده رجاله ضيعتيهم

ليلى بانيهار

ياجمااااعة حرااام عليكم بقا كفااايه كده انا مش عايزة اسمع صوت حد ارجوكم ارحموني انا فيا اللي مكفيني وبعدين انا هستنا هنا مع جوزى ومش همشي

رحاب

انتي شكلك يابت انتي شكلك مش عايزة تجبيها لبر مش كده برضو شوفي يا خالتي الحوار خلينا نخلص

الحما

احنا نستنى لما ابني يتعافى وهو بقا اللي يقول كلمتة في الحكاية دي وانا واثقه انه مش هيخليها على ذمتة بعد اللي حصل ده ويلا ياكريمة انا وانتي ورحاب هندخل نبات مع حماده لحد لما يفوق ويلاقينا حواليه

ودخلو عنده وسابوني انا وخالتي بره وخالتي قالت لي

الخاله

يعني انتي عجبك اللي بيحصل ده يا ليلي دي الوليه امه دي طلعت عقربة كبيرة ولا خالتة وبنتها عاملين زي العقارب

ليلى

اصل بنت خالته دي اللي كانت عايزة تتجوزة ياماما وهو سابها عشاني

الخاله

أها عشان كده بقا طيب انتي ناوية على ايه يا ليلي يا حبيبتي هتكملي معاه ولا هتطلقي

ليلى

لا طبعا انا هو هكمل مع حماده ومش هتخلي عنه ابدا يا خالتي بس يفوق بس واطمن عليه الأول

الخاله

ربنا يسترها ياحبيبتي بس انا دلوقتي بقولك احنا لازم نروح لشيخ عشان نعرف فيه ايه بالظبط واسمعي كلامي بقا وبعدها تاني يوم فاق حماده وقال لأمه اللي كانت معاه في الاوضة

حماده

↚

ليلى ليلى انتي فين يا ليلي

الام

حمد الله على السلامة يا حبيبي الحمد لله انك بقيت كويس ياحبيب قلب امك انا كنت قلقانة عليك اوي يابني

حماده بيبص حواليه وقال

حماده

فين ليلى يا ماما هي راحت فين اوعي تقولي انها سابتني ومجاتش

رحاب

اه قاعده بره ومش راضية تدخل هنا يا حماده الصراحة قليلة الأصل جدا يعني انا مشوفتش كده

حماده

معقوله ليلى تعمل كده انا لا يمكن أصدق ابدا انها تتخلي عني

الخاله

ليه يا حبيبي ومالك واثق فيها كده ليه يعني هي وعدتك انها مش هتسيبك اهي سبتك

حماده

ما تردي يا ماما وتقولي ليلى فين قولي الحقيقه هي فين هي فعلا مجاتش تشوفني

الام

الشهادة لله يابني ليلى مراتك بره من امبارح ومن لحظة انت جيت فيها هنا وهي مرضتش تروح البيت وبايتة على الكراسي بره

حماده.

اومال ليه خالتي وبنتها بيكدبو وفهموني انها اتخلت عني لو سمحتي يا ماما عايز اشوف مراتي

الام

حاضر يا ابني انا هطلع انادي عليها حالا واجيبها

الخاله

بقا بعد اللي حصلك بسببها ده وانت لسه متمسك بيها يا حماده والله عال اوي البت دي شكلها عامله لك عمل

رحاب

انا ياما حذرتك لكن انت مفيش فايدة وعايز برضو تكمل معاها خليك معاها ياسي حماده لحد المره اللي جايه شوف ايه اللي هيحصلك

حماده

لو سمحتي يا خالتي ممكن تاخدي رحاب وتخرجو بره وشكرا على الزيارة يلا افتضلوا

وانا دخلت وقولت له

ليلى بلهفه

حماده الف سلامة عليك يا حبيبي الف سلامة الحمد لله انك بخير الف حمد وشكر ليك يا رب

حماده

اطمني يا حبيبتي انا بخير والله مفيش حاجة ابدا اطمني المهم انتي كويسه

ليلى

انا الحمد لله ياحبيبي

رحاب

والنبي ايه يعني بعد ما تعملي المصيبة اللي هو فيها دي جايه قال وقلقانة عليه وانتي اوص المصايب كلها وفي الاخر بيطردنا من هنا بسببك

حمادة

بطلي كلامك ده يا رحاب لو سمحتي عشان ليلى دي مراتي واغلى حاجة في حياتي وانا مش هتخلي عنها مهما حصل انتي سامعه

رحاب

اعمل اللي انت عايزة بس المره الجايه بقا لما ترجع معاها البيت ابقي خاف على نفسك عشان ممكن يحصل لك اي حاجة اكتر من كده يلا بينا يا ماما

قالت كلامها وجات تمشي وحماتي قالت لها

الحما

جرا ايه يا رحاب ما تهدي كده وبعدين هو ايه الكلام اللي انتي بتقوليه ده ماتشوفي بنتك يافاديه وتخليها تهدي عن اللي بتقوله ده الله

فاديه

بلا تهدأ بلا ماتهداش يا كريمة احنا كده كده ابنك طردتنا من هنا وانتي بره فاحنا هنمشي بكرمتنا احسن عن اذنكم

وبعدها مشيو وحماده قال لمامته

حماده

شوفتي اختك وبنتها بيعملو ايه معقوله اللي بيحصل منهم ده معقول

الام

معلش يا حبيبي سيبك منهم ما انت عارف ان خالتك وبنتها كانو عايزينك تتجوز رحاب بقولك ايه يا ليلي خليكي بقا مع جوزك وانا هرجع البيت اعمله لقمة وارجع ومشيت حماتي وانا فضلت مع حماده وبعدها خرجنا من المستشفى وحماتي قالت

الحما

اسمعي يا ليلي انتي هتيجي عندي انتي وجوزك هتقعدو عندي اصل كمان الشقة عايزة تتوضب شوية

حماده

ليه هي الشقه جرا فيها ايه يا ماما اتبهدلت اوي ولا اي

↚

ليلى

انت عارف يا حماده من بعد اللي حصل وفيها أثر وكده فلازم اننا نوضبها ونخليها كويسة زي الاول

الحما

بس انتو برضو هتفضل عندي هنا اصل بصراحة كده انا روحت لشيخ وقالي ممكن يكون معمولك عمل في الشقه بتاعتك فبلاش بقا تروحو الشقه خليكم معايا هنا

حماده

يا ماما هو انتي بتصدقي في التخاريف دي وبعدين عمل ايه بس وكلام فارغ ايه بس عشان نريحك احنا هنفضل هنا في شقتك ماشي يا ليلي

ليلى

طبعا موافقه يا حبيبي انا اي مكان انت هتبقا موجود فيه انا فيه ومش هسيبك ابدا لوحدك وهفضل خدامة تحت رجليك

الام

والنبي يا ليلي انتي شكلك أصيلة وبنت ناس يا حبيبتي بس انا نفسي اعرف مين المؤذي اللي بيعمل فيكي كده بس

حماده

مش عارف انا ليه شاكك في رحاب من خالتي يا ماما مش فاكرة لما قالت لي انها خايفه عليا من اللي هيجرا لي مش فاكرة

الام

لا لا يا حبيبي مش للدرجة دي يا حماده لا رحاب بنت خالتك ولا امها هيفكرو في حاجة زي دي لا لا اكيد مش هما

ليلى

بص يا حماده هو انا شاكة في عمتي اخت ابويا الله يسامحها بقا لو كانت هي

حماده

طيب وعمتك هتعمل فيكي ليه كده بس يا ليلي وايه غرضها يعني عشان تعملك عمل يخليكي كل لما تتجوزي واحد يحصله اللي حصلي ده

ليلى

اصل انت عارف يا حماده اني انا الوحيده لبابا الله يرحمة وهو سايب لي ورث كبير اوي وهي كل شوية تبجي تقولي أن بابا كان مستلف منها فلوس وبابا عمره ما استلف منها حاجة بس هي كانت عايزة تورث في بابا بس اكتشفت انه كتب لي كل حاجة

الحما

ياساتر هي الفلوس ممكن تخلي عمتك اخت ابوكي تعمل فيكي كده معقوله طيب ليه ده والله حرام عليها كده

ليلى

اعمل ايه بقا نصيبي كده يا حماتي يلا الحمد لله انها جات على اد كده وحماده بخير على العموم احنا هنفضل هنا عندك في الشقه وياريت يا حماده تركب لنا كاميرات في شقتنا ياريت

حماده

انا ناوي اعمل كده لاني مركب كاميرات مراقبة في الشقه بتاعت ماما هنا وتاني يوم خالتي جات لي عند حماتي وقالت لي

الخاله

هو انتي لسه هنا عند حماتك ليه يا ليلي مطلعتيش شقتكم ليه يا حبيبتي هي مش خلاص خلصت توضيب وكده

ليلى

ايوه يا خالتو خلصنا فيها فعلا بس الصراحة انا عجبتني القاعده عند حماتي هنا وكده وبعدين هو في حاجة ولا ايه انتي بتسالي ليه

الخاله

لا ابدا مفيش حاجة انا بس بطمن عليكي يا ليلي بشوفك مبسوطة مع حماتك ولا لا يا حبيبتي انتي عارفه انتي غاليه عندي اوي

ليلى

طبعا يا خالتي عارفه نسيت اقولك مش حماتي راحت لواحد شيخ وقالها اني معمول لي عمل في شقتي وعشان كده بيحصلنا اللي بيحصل ده وانا الصراحة شاكة في عمتي انتي عارفه انها متضايقه عشان فلوس بابا

الخاله

تصدقي يا ليلي اكيد فعلا هي اللي ممكن تعمل فيكي كده ماهي كانت كل يوم والتاني تيجي نتخانق عشان فلوس اخوها وليه سوو بصحيح احنا بقا لازم نروح لشيخ يفك لك العمل ده

ليلى

والله يا خالتو انا بقول بلاش نظلمها احسن بقولك ايه انا هدخل اعملك حاجة تشربيها واجي لك دلوقتي

الخالة

طيب يا حبيبتي الا صحيح هي حماتك فين مش، موجودة ولا ايه

ليلى

لا دي راحت لاختها اصل اختها دي مش عايزة تيجي هنا طول ما انا هنا قال ايه مش بتقبلني لا هي ولا بنتها ياشيخة يروحو في داهيه هو انا ناقصه انا هدخل المطبخ عن اذنك يا خالتو وبعدها عدي اليوم خالتو مشيت واخر اليوم لقيت حماده بيقولي

حماده

الحقي يا ليلي تعالي لما اوريكي حاجة مهمة حصلت تعالي بسرعه

↚

ليلى

في ايه يا حبيبي ايه اللي حصل ولقيته بيوريني فيديو الكاميرا صورته لخالتي لما كانت عندي وهي بتسرق المفاتيح بتاعت الشقة بتاعت حماتي

ليلى

يلهوي هو ايه اللي خالو بتعمله ده يا حماده هي بتاخد المفاتيح ليه هتعمل بيها ايه

حماده

تعرفي يا ليلي ان ممكن يكون اللي في بالي صح

ليلى

اللي هو ايه يا حماده اللي في بالك بالظبط ما تفهمني بدال ما أنا عامله زي الهبلة كده

حماده

هي مش خالتك كانت بيبقا معاها مفاتيح الشقه بتاعتك

ليلى

ايوه بس برضو ده عادي انها تاخد المفاتيح انا مش شايفه انه فيها حاجة يعني يا حماده انت تقصد ايه وبعدها سكت شوية وقولت له

ليلى

اوعي تكون عايز تقول ان خالتي هي اللي بتدخل الشقه لما انا وعريسي بندخل الاوضة وتطفي النور وتولع في الشقه

حماده

انتي لسه عندك شك يا ليلي طيب اسمعي احنا الليلادي هنثبت كل الكلام اللي بيدور في دماغنا ده استعدي بقا

وعند خالتي في بيتها اتصلت بالراجل اللي هو بيساعدها وقالت له

محاسن

اسمع يا فوزي احنا هنفذ النهاردة

فوزي

ازاى ياست محاسن انتي مش بتقولي أن الست ليلى قاعده في شقة حماتها احنا بقا هنعمل ايه دلوقتي

محاسن

لا ماهو انا اخدت مفاتيح الشقه بتاعت حماتها وهي معايا اهي وزي ما كنا بندخلنا شقة ليلى هنعرف ندخل شقة حماتها ها قولت ايه جاي ولا اشوف راجل غيرك

فوزي

الا هو انتي ليه بتعملي فيها كده ياست محاسن ها ليه انا نفسي اعرف اوي ليه بتعملي كده مع ان المفروض ان الست ليلى معيشاكي معاها وبتصرف عليكي كل فلوسها ليه بقا

محاسن

عشان انا حلفت اني مش هخلي بنت اختي تتهني ولا تشوف يوم واحد حلو بعد اللي امها عملته فيا

فوزي

طيب وهي عملت ايه يا محاسن عشان تعملي كده

محاسن

عملت اللي عملته جرا ايه يا فوزي الله انت عمال تسأل في اللي ملاكش فيه ليه اقفل دلوقتي وجهز نفسك لبليل بقا يلا سلام

وقفلت في وشه الخط وافتكرت ايام زمان لما كان بابا رايح يتقدم لها وشاف امي واعجب بيها

#فلاش باك

محاسن

يلا بسرعه يا فاطمة حطي لي الميكب بقا خليني اطلع لمختار حبيبي هو بابا قاعد معاه مش كده طيب هما اتكلموا في حاجة ولا لسه

فاطمة

في ايه يا محاسن ما تهدي كده يا حبيبتي مالك كده مسروعة على الجواز ليه كده

↚

محاسن

. اصلك انتي متعرفيش مختار ده حبيبي ازاى انتي عارفه يا فاطمة ده معاه فلوس بالهبل وهيعيشني عيشة مكنتش بحلم بيها

فاطمة

وهو انتي عايزاه عشان الفلوس بس يا محاسن ولا عشان انتي بتحبيه

محاسن. هو الصراحة كده عشان الاتنين يا فاطمة انا بحبه وبحب فلوسه الاتنين مع بعض ههههه وفي اللحظه ده باباهم قال لهم

الاب

فين القهوة يا فاطمة مش تقدمي القهوة للضيف يابنتي وبعدين لما نتفق يبقا شربات

فاطمة

حاضر يابابا هو كلم حضرتك في حاجة ولا لسه

الاب

في الحقيقه لسه هو عمال بيكلمني عن العيلة بتاعته وكده ده طلع من عيلة كبيرة اوي يا فاطمة يلا بقا اعملي لي لك همة شوية وروحي اعملي القهوة

وخرج بابا وماما راحت عملت له القهوة وخرجت له ولما شافها مختار قال لها

مختار

هو حضرتك اخت محاسن ولا ايه انا الصراحة اول مره اشوف واحده بالجمال ده هو انتي اسمك ايه ياقمر

فاطمة

انا أسمي فاطمة يا استاذ مختار عن اذنك بابا جاي لحضرتك حالا دلوقتي

وسابته وخرجت بره ودخل جدي وبابا قاله

مختار

في الحقيقة انا كنت جاي عشان اتقدم للأنسة فاطمة وعايز اتجوزها هي

الاب

بس انا كنت سامع انك جاي المحاسن مش لفاطمة

مختار

في الحقيقه انا اتلغبط بينهم يا عمي انا كنت فاكر محاسن دي واحده تاني لكن في الحقيقه انا معجب بفاطمة وعايزها هي

الاب

خلاص يابني يبقا على بركة الله يبقا نقرا الفاتحة ولما محاسن عرفت فضلت تصوت وتطلم وقالت

محاسن

بقا كده يا فاطمة بقا بتخطفي مني عريسي بقا كده ده انتي طلعتي واطية

فاطمة

وانا مالي بس يا محاسن انا عملت ايه ده هو اللي طلب أيدي من بابا وبعدين انا شايفه ان هو شاب كويس هو مكنش جاي لك انتي في الأول يا محاسن افهمي بقا

محاسن

. ماشي يافاطمة انا هسيبه ليكي ومش عايزاه بس والله يافاطمة انا مش، هخليكي تتهني معاه ابدا واي حاجة انا هنكد عليكي ولو خلفتي انا هوركي ولادك السواد ماشي

وبعدها مختار اتجوز فاطمة وجابو ليلى

#بااااااااااااااك

ورجعت من تفكيرها وقالت لنفسها

محاسن

وانا لسه عند وعدي يافاطمة انتي رحتي اه لكن انا مش هسيب بنتك تتهني ابدا في حياتها

وفي الليل كانت خالتي بتفتح باب الشقه ودخلت وراحت علي الكهربا عشان تفصلها هي والراجل اللي معاها وفجأة انا وحماده وحماتي والبوليس نورنا النور وانا قولت لها

ليلى

بقا كده يا خالتي بقا انتي اللي كنتي بتعملي فيا ده كله وانا اللي كنت عايشة معاكي بعاملك زي ماما الله يرحمها تقومي تطلعي انتي اللي بتاذيني

فوزي

والله يا ست ليلى انا مليش دعوة بحاجة انا الست محاسن بتقولي على اللي هي عايزاه وانا بنفذ وبس

↚

حماده

احنا عايزين نعرف انتي ليه بتعملي كده في ليلى ليه بتدخلي شقتها بعد ما تتجوز وتعملي كده

محاسن

ادوقك من اللي امك عملته فيا بعد ما اخدت الراجل الوحيد اللي حبيته ده انا لحد دلوقتي متجوزتش لاني مرضتش ادخل راجل تاني في حياتي من بعده

وبعدها حكت لنا كل حاجة حصلت زمان معاها هي وبابا واتقبض على خالتي بس انا بفكر اني اخرجها وبعدين رحت لعمتي وقولت لها

ليلى

خودي يا عمتي انا جبت لك شنطة الفلوس دي عشان تكوني راضية عني انا والله محبش اكل عليكي مليم واحد لانك اصلا ملكيش حاجة بس دي عشان بحبك

العمة

ياحبيبتي يا ليلي يا بنت اخويا يا غاليه يابنت الغاليين منحرمش منك ابدا بقولك ايه ابقي تعالي علطول عشان اشوفك

ليلى

حاضر يا عمتي وانتي كمان ابقي تعالي يلا بينا يا حماده نمشي مع السلامة ياعمتي

ورجعت البيت انا وحماده وقالي

حماده

اظن بقا هرجع شقتنا ونخلف عيال براحتنا يا لولو مش، كده ولا ايه

ليلى

يلا بينا يا حبيبي على شقتنا وبعدها رجعنا انا وحماده شقتنا وعشنا فيها اسعد ايام حياتي وانا دلوقتي حامل

وبكدة تكون خصلت حكايتي

تعديل المقال