رواية بيني وبينك كاملة جميع الفصول بقلم ايمان السيد
رواية بيني وبينك كاملة جميع الفصول هى رواية من تأليف المؤلفة المميزة ايمان السيد رواية بيني وبينك كاملة جميع الفصول صدرت لاول مرة على فيسبوك الشهير رواية بيني وبينك كاملة جميع الفصول حققت نجاحا كبيرا في موقع فيسبوك وايضا زاد البحث عنها في محرك البحث جوجل لذلك سنعرض لكم رواية بيني وبينك كاملة جميع الفصول
رواية بيني وبينك كاملة جميع الفصول
طلقني يا ياسين لو سمحت .
انت طالق يا إيمان .
بصيت ليه بعتاب دخلت اوضتي اخدت شنطتي روحت بيت اهلي .
خلاص يا إيمان هسيبك لوحدك بس افتكري أن مهما حصل فهو بيحبك.
ملك لو سمحتي دي حياتي وانا حرة عارفة انا بعمل اي كويس لو سمحتي متشغليش بالك بالموضوع.
ماشي يا إيمان ربنا يهديكي .
ملك خرجت حضنت مخدتي وفضلت اعيط ومېت سؤال في راسي فيها أي يعني لما اقول اني عاوزة اعيش لوحدي!
مش عاوزة حد يعرفَِِ اسرار بيتي!
مش عاوزة حد يدخل في حياتي وبروح فين ومبروحش فين !
ربنا أمرني اخد أذن جوزي مش إذن امه
صدقيني يا إيمان أمي بتحبك أنت فاهمة غلط بتمنى تراجعي نفسك تاني .
شوفت الماسدج دي وانا في قمة الإستغراب!
هو متخيل أن بعد اللي عملته دا وعاوزني افكر مجرد تفكير أنها ممكن تكون بتحبني !
اللي بيحب حد عمره ما يإذيه يا ياسين وانا أتأذيت بسببها كتير صدقني .
بعت الماسدج وسبت التليفون ودخلت اتوضيت وصليت علشان أفطر دخلت المطبخ علشان اجهز فطار افتكرت موقف حصل بيني وبين مامت ياسين حماتي .
صباح الخير ياماما .
ناموسيتك كحلي اي ماما دي ! انا مخلفتش بنات ياقمر .
حضرتك ام جوزي فالطبيعي هتبقي زي امي.
ولا زي امك ولا زي خالتك ويلا علشان تحضري فطار.
بصيت ليها بحزن ! مش عارفة هي بتعاملني كده ليه ! أنا مأذتهاش ليه الحموات مفكرين أن مرات ابنهم دي عدوة ليهم! ليه بيعاملوها اكنها خدامة أو واحدة خطفت ابنهم منهم ! ليه مش بيعاملوها بما يرضي الله ويتقوا ربنا فيها!
رديت بصوت هادي
حاضر ياطنط هروح اجهز فطار .
دخلت المطبخ اجهز فطار حاولت مزعلش من كلمها مهما كانت ست كبيرة زي والدتي جهزت فطار والعيلة اتلمت علشان تفطر فالحقيقة ياسين وحيد امه واأبوه فمفيش غيري انا وياسين وحماتي وحمايا.
استغفر الله اي الارف دا اهلك معلموكيش تطبخي !
قالت كدة حماتي وهي بتسيب العيش من اديها وبتبعد طبق الملوخية.
مالها ياطنط فيها شيئ ناقص
ناقص ! قولي فيها شيئ أصلا .
بصت لياسين وبعدين كملت
مش عارفة يابني إي اللي لمك علي واحدة زي دي كنت اتجوزت بنت خالتك ست بيت شاطرة وهتشيلك.
بصيت لياسين ولحمايا والدموع علي حافة عيني سبت الأكل وطلعت شقتي .
مش متخيلة ازاي قدرت تقول الكلام دا قدامي!
مش معني اني بعاملها بإحسان وبطبخ ليها يبقى تهني بالشكل دا .
فات ربع ساعة وانا قاعدة اعيط ياسين طلع عارفة كويس هو هيقول اي !
نفس الكلام بتاع كل مرة نفس الحجة وأنها ست كبيرة ولازم نستحمل .
ياسين لو سمحت انا مش هنزل تاني انا اخدت إهانة تكفيني طول عمري مش عارفة هي بتعاملني كد لي اصلا طالما كانت عاوزك تتجوز بنت خالتك جت معاك تخطبني ليه! ياسين صدقني انا تعبت
↚
جه قعد جمبي مسك ايدي وبصلي بهدوء
طب اهدي أول حاجة انا اتجوزتك انت علشان بحبك أنت وبعدين لو علي ماما فهي والله طيبة بس هي لسه متعودتش عليكي .
سنتين سنتين يا ياسين ولسه متعودتش ! لا هي اتعودت اتعودت علي انها تهني وانا اسكت ومتكلمش ليه ! علشان هي ست كبيرة وزي امي ولازم استحمل! .
اتنهدت تنهيدة طويلة وكملت
ياسين لو سمحت انا مش مجبرة انزل اعملها اكل ولا اشتري طلبات بيتها انا متجوزاك انت مش هي .
بصلي بقلة حيلة
يا إيمان صدقيني هي هتحبك محتاجة مسئلة وقت بس .
عاندت كتير .. لكن في النهاية اخترت اني ارجع اساعدها تخيلت أمي لو كانت مكنها ! اكيد مش هتعامل مرات ابنها بالشكل دا بس مامت ياسين مهما كانت ست كبيرة ومحتاجة حد يساعدها .
فوقت من سرحاني وانا بضحك علي غبائي ازاي رغم كل اللي كانت عملته ووافقت انزل تاني اهو رجعت تاني للعذاب رجعت تاني للإهانة .
خلصت فطار ودخلت اكلم ملك .
عاوزة اخرج .
وانا مش عاوزة .
ملك !
خلاص خلاص نخرج .
تمام هستناكي .
جهزت هدومي اللي هخرج بيها وللحظة رجعة زكرياتي تلاحقني من تاني .
ياسين عاوزة اخرج .
انا مليش مزاج .
بس انا ليا وبجد هزعل لو مخرجتش .
بصلي ومردش فكملت
ياسين ياسين ياسين ياسين ياس
↚
خلاص خلاص قومي اجهزي هنخرج وأمري لله .
كنت ساعتها مبسوطة جدا بعد شهر روتيني ممل اخيرا هخرج لبست ونزلت انا وياسين نزلنا شقة بابا ياسين علشان نعرفهم علشان ميقلقوش علينا.
كانت بنت خالته معاهم شافتني بصتلي من فوق لتحت بقرف اكني عدوة ليها ! مش عارفة ليه هي كد مصرة تحسسني اني سړقت حقها ! مش فاهمة ليه ان كل انسان بياخد نصيبة ! وياسين مش نصيبها .
ياسين ماما انا خارج انا وإيمان مش هنتأخر لو في اي شيئ رني عليا .
ريم بنت خالته بصت لمامت ياسين وبعدين بصتلي .
مفهمتش اي الغرض من نظرتها لكن بعدين فهمت لما مامت ياسين طلبت منه أن ريم تيجي معانا.
طب يا ياسين خد بنت خالتك معاك بقالها كتير مخرجتش خدها معاك تفك جو شوية .
بصيت ليها وبعدين بصيت ليه !
بجد ريم ممكن توافق أنها تيجي تمشي مع واحد ومراتة خارجين يتمشوا لوحدهم سوا !
ياسين حاضر يأمي تعالي ياريم .
بصتله بقلة حيلة خرجنا وروحنا نتمشى كنت مخططة في دماغي خروجة تكون لطيفة ! لكن هتكون لطيفة ازي بوجود واحدة بتتعامل مع جوزي اكنه جوزها وبتتعامل اكني ضرتها!
خلصت الخروجة وانا مش طايقة نفسي مش فاهمة ليه هي بتتعامل معايا بالبشاعة دي ليه مصرة تجرحني بالكلام وليه ياسين مصر يعدي الموضوع علشان امه متزعلش !
اول ما وصلنا البيت طلعت شقتي رزعت الباب ورايا وقعدت علي اعصابي قاعدة اهبد برجلي
↚
في الأرض .
ياسين طلع بصتله بعصبية ورجعت صرفت نظري .
أنا عارف اني غلطان اني وفقت أنها تخرج معانا بس..
بس كان لازم أوافق علشان ارضي مامتي ازعل مراتي واهد بيتي علشان مامتي اللي هتكون السبب في خړاب بيتي صح.
قال بزعيق
إيمان أنا مسمحلكيش تتكلمي عن أمي بالشكل دا فاهمة .
وتسمحلها هي تتكلم عني بأي شكل صح !
تسمح لبنت خالتك تتكلم عليا برضوا صح ياسين طلقني طلقني.
اخد نفس طويل كنوع من التهدئة لعصبيته بصلي جامد وسابني ومشي .
فضلت اعيط كتير مش عارفة عملت اي في حياتي علشان دا كله يحصلي عملت اي علشان حياتي تبقى سيئة بالشكل دا !
فوقت من زكرياتي وانا بعيط مسحت دموعي ولبست وخرجت مع ملك .
فات 25 يوم علي طلاقي من ياسين لسه مطلقناش رسمي حاول كتير يرجعني يجي ويكلمني وانا بصده انا بحبه لكن مش حمل إهانة تاني .
إيمان هاجي بكره بتمنى تراجعي نفسك تاني وتطلعي تقابليني ارجوكي اسمعيني المرة دي بس
شوفت الماسدج ومردتش كد احسن كل واحد يشوف حياته بعيد عن التاني حسيت بشيئ سخن علي وشي
أيوة دموعي اكنها اختارت تنزل دلوقت علشان تقولي أن طلاقي انا وياسين مش الاحسن مش الأفضل مش احسن شيئ انا محتاجة عاوزه جنبي علشان بحبه لكن مش هقدر اشوف غيري بتشاركني فيه .
مع كل دمعة كانت بتنزل من عيوني كنت بفتكر موقف حصل موقف إهانة ليا وهو مكنش واقف جنبي فيه مكنش بيدافع عني كان كل همه خاطر أمه لكن أنا
انا فين من كل دا !
انا فين لما كان بيخطب بنت خالتة !
مفكرش فيا !!
مفكرش في مشاعري مفكرش انا هحس بإية !
اخر دمعة نزلت لما افتكرت اخر مشهد مكنش متخيلة في يوم أنه يحصل
↚
كان بالنسبالي من سابع المستحيلات !
وفجاءة صار حقيقة!!
قصدك اي ياسين !
صدقيني ڠصب عني يا إيمان أمي تعبانة مش هقدر أرفض ليها طلب صدقيني لو رفضت هتتعب مش هستحمل اشوفها تعبانة!
يعني هي هتشفى لما تتجوز هتشفى لما اتعب انا !
إيمان انا بحبك صدقيني بس بحب امي كمان إيم
طلقني يا ياسين طلقنييي .
إيمان بس اسمعيني..
اسمعك اجي ألاقي جوزي خطب وتقولي اسمعك !
إيمان والله ان
طلقني لو سمحت يا ياسين .
انت طالق يا إيمان .
مسحت دموعي قومت اتوضيت وصليت عيطت ودعيت ربنا كتير لو بس كان وقف معايا اخر مرة لو بس كان حسسني اني مهمة عنده !
نمت لأول مرة انام وأحس إني مش عاوزة اصحى تاني متلغبطة مش فاهمة عاوزة اي عاوزة ارجع عاوزة اشوفه من تاني لكن ... كرامتي ! كل الإهانة مش نسيها.
ياسين مستنيكي بر بيقولك مش هيمشي قبل مايشوفك .
اترددت للحظات قبل مأطلع اشوفه صراع بين قلبي وعقلي محستش بنفسي غير لما شوفته قدامي ساعتها عرفت أن
↚
قلبي اللي فاز وأدركت إني لسه بحبه لسه ريداه حتى بعد كل اللي حصل .
نعم !
انا فركشت مع ريم .
وه وعصيت كلام امك لا براڤو .
ايوة يا إيمان عصيت كلام أمي علشان .. علشان بحبك علشان مش عارف اعيش بدونك !
لوهلة قلبي ضحك والشمس دخلت يومي لأول مرة من سنتين .
لكني عندت مش من أول كلمة ادوس علي كرامتي وأقوله تمام هاجي معاك .
قولت كل اللي عندك
إيمان !
إيمان اتحملت كتير اټأذت كتير مش حمل ۏجع تاني مش حمل أذى تاني مش حمل إهانة تاني الرابط اللي بينا انت قطعته لما لقيتك بعيد في اكتر وقت كنت محتاجلك فيه ! بعد اذنك يا ياسين .
سبته ودخلت رغم اني مكنتش عاوزة اقول كد أو اسيبه كنت عاوزة اخده في حضڼي واقوله وحشتني بس كبريائي منعني .
خمس أيام متواصلين بيجي وانا مبخرجش اشوفه خمس أيام في صراع بين عقلي وقلبي خمس أيام بفكر فيه .. بياكل اي
عايش ازاي
بيروح شغله
مامته.. مامته بخير
في حد بيساعدها!
بتقدر تقوم تطبخ !
ياهه رغم كل دا ولسه خاېفة عليها !
مامت ياسين بر وعاوزاكي.
اټصدمت للحظات !
جايه ليه !
ياسين حصله حاجة !
↚
لبست إسدال بسرعة وجريت عليها اول ماشافتني فتحت حضنها.
مفهمتش هي عاوزة اي ! لكني اترميت في حضنها لقيتها بټعيط .
في أي ياطنط ياسين حصله حاجة
مسحت دموعها وبصتلي
ياسين مش بخير أبدا يا إيمان مش بخير من أول ماسبتيه وهو مش بخير انا اسفة يابنتي كنت بحسب إن اللي بعمله هو الصح لكني مكنتش واخده بالي اني كده بخرب بيت ابني كان نفسي يتجوز بنت
خالته لكن فضلك عنها علشان كد كنت بأخدك بذنب اختياره ليكي صدقيني أنا عمري ماكرهتك بتمنى تسامحيني .
سمعت كلامها وحضنتها
مسمحاكي يا أمي مسمحاكي .
قالت بين دموعها
ياسين بيحبك انا كنت بجبره يعمل حاجات مش عاوزها كل دا على حساب مرضي بتمنى ترجعيله.
بصيت ليها من غير ما اتكلم الكلمات اختفت للحظات مش عارفة أقول اي ولا اعمل اي كل اللي عرفاه اني ارتحت من جبل كان علي قلبي وجه جبل مكانه .
سابتني ومشيت وسابت معايا هموم وأسئلة ملهاش جواب !
تلت أيام فاتوا عايشة بدون روح بدون أمان بدون راحة بدون ياسين !
إيمان إيمان..
نعم في أي.
مامت ياسين ماټت ...
صوت العالم هدي مرة واحدة صوت دقات قلبي اللي كانت مسموعة الدنيا لفت بيا مشوفتش شيئ قدامي مقدرتش اتحكم في رجلي اللي كانت بتجري
↚
هدفها تروح لياسين .
دخلت البنت ريحته اختفت مفيهوش صوت بس مفيش هدوء لأول مرة احس ان البيت غريب مفيهوش راحة
البيت بدون ست قبر مش بيت !
البيت بدون ست زي الحديقة بدون ورد !
دخلت البيت مع كل خطوة بحس بقلبي بيقف مرة واحدة .
حسيت بطيف ياسين دورت عليه بعيوني عيوني
وقفت لما لمحته قاعد طاوي ضهره وباصص للاشيئ .
ياسين .
بصلي بدموع مبتسم ابتسامة بيداري بيها وجعه رد بصوت مبحوح
وحشتيني .
جريت عليه مسكت إيده
انت بخير !
هكون بخير ازاي واللي كنت موقف حياتي عليها راحت .
قدر نصيبها كد .
بصلي وبعدين بص في الأرض مكنتش عارفة اعمل اي مكنتش قادرة اعمل شيئ .
الأعمار بيد الله يا ياسين كلنا لها .. بتمنى تقوم تقف علي رجلك من تاني مامتك لو كانت موجودة مكنتش هتحب تشوفك تاني .
سبت إيده اتجهت للباب علشان امشي وقفني صوته المهزوز
إيمان .
غمضت عيوني اخدت نفس لفيت ليه
نعم !
انت كمان هتسبيني وتمشي .
كانت نظرة عيونه كفيلة تخليني اسيب كل شيئ في حياتي علشانه لكن قاومت احساسي وبصتله
كل شيئ قسمة ونصيب يا ياسين حكايتنا انتهت خلاص .
لاء لسه فيها أمل لسه منتهتش .
لفيت وشي ناحية الباب تاني ورجعت بصتله
↚
ربنا يقدم اللي فيه الخير .
رجعت بيتي بس سبت روحي معاه مع ياسين اخدت شاور بارد طلعت قعدت شوية في البلكونة صحيت علي صوت العصافير صوت خمسة قاعد يتردد في دماغي مش فاهمة ليه الرقم دا قاعد يتردد بالشكل دا!
مش ناوية تعقلي بقى يا إيمان وترجعي لجوزك قبل ما أيام العدة تخلص
اټخضيت للحظات ! هي أيام العدة ممكن تخلص فعلا ومش هعرف اشوف ياسين تاني !
فكرة انه هيكون غريب عني كانت محاوطني لبست بسرعة اخدت شنطتي وخرجت مش عارفة راحة فين لكن كل اللي عرفاه أنه واحشني واحشني جدا .
نزلت من العربية قدام المقاپر اټخضيت للحظات لما شوفتها .. معقول نهاية الإنسان تحت الأرض
طب لما هي دي النهاية ليه بنعمل في بعض كد ليه الحبيب مش بيفضل ضامم حبيبه وليه الناس پتكره بعضها كد.
انا معرفش إي اللي جابني هنا لكن مشيت ورا قلبي ولأول مرة احس انه صح .
ياسين .
كان واقف بيقراء قرآن اول ماشافني ابتسم والمرادي ابتسامة سعادة ابتسامة انتصار اكنه كان عارف اني همشي ورا قلبه اكنه متأكد أن قلبي عمره ماهيختار غيره .
وحشتيني .
انت بخير .
انا بخير طول مانت معايا .
لفيت وش
الناحية التانية ابتسمت .
قال بصوت مبحوح
هتسبيني !
لفيت وشي ليه
هسيب العالم علشانك .
ولو خيروني بين هذا العالم وبين عالمك انت لخترت البقاء معك بعيدا عن هذا العالم
إيمان السيد.