رواية انت منزلي يوسف وملك كاملة جميع الفصول بقلم بسملة محمد
رواية انت منزلي يوسف وملك كاملة جميع الفصول هى رواية من تأليف المؤلفة المميزة بسملة محمد رواية انت منزلي يوسف وملك كاملة جميع الفصول صدرت لاول مرة على فيسبوك الشهير رواية انت منزلي يوسف وملك كاملة جميع الفصول حققت نجاحا كبيرا في موقع فيسبوك وايضا زاد البحث عنها في محرك البحث جوجل لذلك سنعرض لكم رواية انت منزلي يوسف وملك كاملة جميع الفصول
رواية انت منزلي يوسف وملك كاملة جميع الفصول
_أوضة يوسف بيه تتنضف كويس مش عايزة ذرة تراب عايزاه يرجع بكرا يلاقي كل حاجة تمام مفهوم
=مفهوم يا هانم
_ومتقربيش من أوضة المكتب عشان مبيحبش حد يقرب منها مفهوم
=مفهوم يا هانم
_يلا روحي شوفي شغلك وابعتيلي دادة فاطمة عشان اقولها ع الاكل اللي بيحبه يوسف
=حاضر يا هانم
"روحت المطبخ وقولت لدادة فاطمة ان" مريم" هانم عايزاها وطلعت لاوضة يوسف بيه عشان ابدأ انضفها... اسمي ملك عندي 20 سنة في كلية علوم..بابا مات وانا عندي 10 سنين وماما كانت بتشتغل عشان تجيب مصاريف دراستي لكن ماتت من شهرين واضطردت من البيت واتبهدلت واضطريت اشتغل عشان مصاريف دراستي...النهاردة تاني يوم ليا هنا في الشغل لازم كل حاجة تبقى تمام انا ماصدقت ومريم هانم وافقت تشغلني.. دخلت أوضة يوسف بيه وكانت متبهدلة جدا وكل مكان فيها مليان تراب... اللي عرفته انه من يوم ما والدة يوسف بيه اتوفت وهو حزين وقرر يسافر يكمل دراسته برا بس مرجعش بقاله ٨ سنين ومن يوم ما سافر و الأوضة دي مقفولة هي واوضة مكتب والده ومحدش بيقرب ليهم ابدا مريم هانم تبقى بنت عمه وعايشة معاهم هي ووالدتها لكنها مسافرة مع اصحابها وراجعة بعد يومين وكتر خيرها وافقت تشغلني هنا.. بدأت انضف الأوضة واروقها وفتحت الشبابيك اللي بقالها سنين متفتحتش.. معرفش بقالي قد ايه بنضف الأوضة بس بصراحة اخدت وقت كبير خلصت ووقفت اتفرج وانا حاسة اني عملت انجاز كبير.. خرجت من الأوضة ونزلت تحت ومكنتش قادرة أقف ودادة فاطمة قالتلي ان كلهم ناموا بدري عشان يروحوا يستقبلوا يوسف بيه في المطار ودخلت تنام.. دخلت اوضتي وخدت شاور وقعدت على السرير ونمت على طول...صحيت على صوت في المطبخ لأن اوضتي قريبة منه خرجت اشوف فيه ايه لاقيت واحد فاتح التلاجة وواقف بياكل منها وشافني واقفة لسة هصوت لاقيته قرب مني وحط ايده على بوقي"
_ششششش اسكتي يخربيتك
هشيل ايدي بس متتكلميش تمام..
" هزيت راسي بمعنى تمام واول ما شال ايده ضربته بركبتي في بطنه وصوتت وجريت مسكت السكنية وقربتها منه.. وطبعا البيت كله صحي على صوتي"
مريم هانم دخلت المطبخ وهي بتجري واول ما شافته اتصدمت وجريت عليه حضنته وهي بتقول:انا مش مصدقة انت هنا بجد
ملك:أستاذة مريم ده حرامي انا شوفته في المطبخ كان بيسرق اكل
مريم:انتي عبيطة ولا ايه ده يوسف بيه يا غبية
ملك بصدمة:انا كدة ضمنت اني مرفودة
↚
ملك بصدمة:انا كدة ضمنت اني مرفودة
يوسف:حصل خير
مريم بصت ليوسف بحب وهي بتقول:وحشتني اوي يا يوسف البيت وحش من غيرك اوي
يوسف:وانتوا كمان وحشتوني اوي يا مريم
اومال فين طنط منال وجدو
مريم:ماما سافرت مع اصحابها الساحل تغير جو وجدو هيخلص شغله وهيرجع بكرا من لندن
مقولتش ليه انك جاي بدري كنا جينا
يوسف:كنت حابب اخليها مفاجأة
ملك:حمدلله على السلامه يا يوسف بيه
مريم بصت لملك بقرف وقالت:انتي لسة واقفة هنا بتعملي ايه... اتفضلي روحي نامي
"خرجت ملك وفضلت تشتم نفسها على غبائها"
يوسف بزهق:احرجتيها ليه هي معملتش حاجة غلط
مريم بقرف:متقلقش انا عارفة انا بعمل ايه وعارفة اتعامل مع الناس دي ازاي
يوسف:انا هطلع اوضتي ارتاح شوية عشان جاي من السفر تعبان
"مستناش ردها وطلع اوضته عشان ينام...تاني يوم صحي بدري ونزل يتمشي شوية في الشوارع...رجع البيت وسمع صوت حد بيغني جاي من المطبخ والصوت كان جميل لدرجة انه مشي ورا الصوت ودخل المطبخ لقى ملك اللي بتغني وهي مندجمة في الطبخ وقف يسمعها وهي بتغني لحد ما لفت فجأة وشافته.. اتخضت والطبق وقع من ايدها اتكسر"
يوسف:ايه يا بنتي شوفتي عفريت
ملك بتوتر:لا بس حضرتك خضتني
يوسف:انا اسف... صوتك حلو اوي على فكرة
ملك:شكرا
يوسف:العفو...ممكن تعمليلي قهوة مظبوطة
ملك:بس حضرتك لسة مأكلتش حاجة وكدة غلط
يوسف وهو مركز على عينيها الزرقاء:خلاص خليها بعد الفطار
ملك بأبتسامة:تمام
"قطع كلامهم صوت حد بيزعق برا خرج يوسف بسرعة يشوف فيه ايه كانت واحدة واقفة بتزعق لمريم واول ما شافت يوسف هديت شوية"
مريم:دي ماما يا يوسف رجعت لما عرفت انك هنا
منال بتكبر:ازيك يا يوسف مقولتش ليه انك جاي كنا استقبلناك بطريقتنا
يوسف بزهق:كنت عايز اخليها مفاجأة
" خرجت ملك من المطبخ وهي بتحاول تفهم ايه اللي بيحصل لكن اول ما شافتها منال اتصدمت وقالت بصوت واطي وهي مصدومة:ليلي!!
↚
" خرجت ملك من المطبخ وهي بتحاول تفهم ايه اللي بيحصل لكن اول ما شافتها منال اتصدمت وقالت بصوت واطي وهي مصدومة:ليلي!!
مريم بصت لملك وقالت:انتي واقفة كدة ليه روحي جهزي السفرة يلا
ملك:حاضر يا هانم
يوسف:هطلع اخد شاور لحد ما الفطار يجهز
مريم:تمام
منال بتوتر:مين البنت دي يا مريم
مريم:دي ملك بتشتغل هنا بقالها يومين
منال:طب أهلها مين ولا جاية منين دي
مريم بزهق:هو تحقيق يا مامي معرفهاش زيها زي اي حد بيشتغل هنا
منال بغضب:خلاص امشي من قدامي دلوقتي
مريم:استنى يا مامي عايزة اتكلم معاكي شوية
منال:عايزة فلوس؟؟
مريم:لا انا عايزة اتكلم معاكي في موضوع يوسف
منال:طب تعالي معايا نتكلم في اوضتي احسن
"طلعوا أوضة منال وقفلوا الباب.. قعدت مريم وهي بتقول:انا عايزة اتجوز يوسف
منال:هو فتح معاكي موضوع الجواز
مريم:لا
منال:طب لمحلك انه عايز يتجوزك
مريم:لا
منال:لما هو لا هتتجوزيه ازاي يا هبلة
مريم:معرفش يا مامي معرفش... انا خايفة يكون مبقاش يحبني زي الاول
منال:طب انا هعملك ايه يعني
مريم بخبث:يا مامي ده انتي اكتر واحدة نفسك اتجوز يوسف النهارده قبل بكرا كمان عشان الفلوس والورث اللي جدو هيكتبه ليه كله... يعني احنا مصلحتنا واحدة انتي هتستفادي وانا كمان
منال:قصدك ايه يابت
مريم:قصدي انك تفكري كدة وتشوفي حل للموضوع ده وجدو كدة كدة راجع بكرا بالكتير اوي
منال:طب خلاص اطلعي برا وانا هتصرف في الموضوع ده
"خرجت مريم وقفلت الباب وراها واول ما خرجت طلعت منال تليفونها واتصلت برقم"
منال:الو يا حسن... اسمعني كويس انا عايزاك في خدمة... عايزاك تروح تسأل في ملجئ*** عن بنت اسمها ملك كانت موجودة هناك من 20 سنة عايزاك تعرف حصلها ايه وتجبلي كل المعلومات عنها في أقرب وقت من غير ما حد يعرف... سلام
_________________عند ملك في المطبخ____________
"كانت في المطبخ بتعمل كيكة وبحطها في الفرن... قعدت على الترابيزة وفتحت الكتاب وبدأت تذاكر لحد ما الكيكة تستوي....دخل يوسف المطبخ لقاها قاعدة وراح قعد جنبها"
يوسف:ايه الريحة الحلوة دي
↚
ملك:بعمل كيكة
يوسف:ريحتها حلوة جدا شكلك شاطرة في الطبخ
ملك:ماما الله يرحمها هي اللي علمتني اعملها ازاي
يوسف:الله يرحمها... ااه بتعملي ايه
ملك:بذاكر
يوسف بأندهاش:ايه ده انتي بتدرسي.. في كلية ايه بقي
ملك:انا في كلية علوم
يوسف:بجد... ممكن أسألك سؤال
ملك:اتفضل يا بيه
يوسف:لا بلاش بيه دي مبحبهاش قوليلي يوسف بس لو سمحتي... هو انتي ايه اللي خلاك تشتغلي يعني
ملك كانت لسة هتجاوب لكن مريم دخلت فجأة وهي متعصبة وقالت:ايه ده انتوا بتعملوا ايه..وانتي سايبة شغلك وقاعدة ترغي قومي يلا شوفي شغلك
يوسف بغضب:انا كنت بتكلم معاها بس ومالكيش حق انك تزعقيلها بالشكل ده وياريت متتكررش تاني
مريم بصدمة:انت بتزعقلي انا عشان دي يا يوسف.. للدرجة دي
يوسف:انا بفهمك بس ان اللي عملتيه ده غلط مش اكتر
مريم وهي بتخرج بعصبية:ماشي يا يوسف براحتك
يوسف بأحراج:انا اسف على اللي حصل يا ملك هي مريم بس عصبية شوية
ملك بحزن:ولا يهمك
"خرج يوسف من المطبخ وملك قعدت تكمل مذاكرة"
_عند منال_
منال:ها يا حسن عملت ايه
حسن:..
↚
منال:ها يا حسن عملت ايه
حسن:عرفت من صاحبة الملجئ ان البنت في واحد اسمه محمد منصور اتبناها من هناك هو ومراته وهي عندها سنة و معايا عنوانهم دلوقتي وهروح اسأل عليهم
منال:اوعي يكون حد شك فيك
حسن:لا يا هانم متقلقيش كل حاجة تمام
منال:تمام هبعتلك صورة للبنت وهستني منك باقي الاخبار.. سلام
_____________في الجنينة____________
ملك بضحك:مش قادرة بجد هموووت... كمل بجد ايه اللي حصل بعد كدة
يوسف:ولا حاجة بعد ما اكتشفنا اننا مش معانا فلوس وقفنا كلنا مرة واحدة وطلعنا نجري في الشارع وصاحب المطعم يجري ورانا.. بس طبعا بعدها جبناله فلوسه واعتذرنا منه والحمدلله عدت على خير
ملك:انا كل ما اتخيل شكلك وانت بتجري بموت من الضحك بجد
يوسف:اضحكي ياختي اضحكي ما انا اللي استاهل عشان بحكيلك
ملك:طب خلاص هسكت اهو خلاص...تشرب قهوة
يوسف:ياريت والله انتي القهوة بتاعتك دي رهيبة
ملك بأبتسامة:ثواني وتكون جاهزة
"دخلت ملك ويوسف متابعها بعينه بأبتسامة وجواه احساس غريب بس حاسس انه مبسوط... مريم كانت واقفة بتراقبهم من اول الحوار وهي متغاظة من ملك... دخلت ملك المطبخ وبدأت تحضر القهوة وهي مبسوطة.. دخلت مريم المطبخ وقالت"
مريم بأستهزاء:لو عايزة تكملي هنا يا شاطرة يبقى تبعدي عن يوسف خالص
لفت ملك لمريم وقالت:قصدك ايه
مريم:بلاش تعملي الشويتين دول عليا عشان انا اكتر واحدة فاهمة انتي عايزة ايه
ملك:حضرتك انا مش فاهمة منك حاجة خالص
مريم بعصبية:متستهبليش يابت انتي... انا فاهمة كويس اوي انك طمعانة في قرشين من يوسف بس ده بعينك ف ابعدي كدة احسنلك وشوفي حد تاني تضحكي عليه
يوسف حس انها اتأخرت فقام يشوفها وسمع كلام مريم ليها.. دخل بعصبية وقال:مررريم
مريم اتنفضت بخوف ولقت يوسف وراها فكمل كلامه وقالها:اعتذري حالا من ملك
مريم بصدمة:اعتذر من دي!!! يوسف انت بتقول ايه
يوسف ببرود:انتي غلطتي ولازم تعتذري حالا
مريم:انت عايزني اعتذر من البتاع دي بجد
يوسف بغضب:لآخر مرة هحذرك يا مريم
↚
مريم بعصبية:تاني مرة تزعقلي عشانها وانا مش هسكت يا يوسف وهتشوف
"خرجت مريم من المطبخ وهي متعصبة.. بص يوسف لملك اللي عينيها كانت مليانة دموع وقال:انا اسف يا ملك متزعليش.. انا مش عارف هي بتعمل كدة ليه
ملك بصتله بدموع وقالت:هي بتعمل كدة عشان بتحبك
يوسف بصدمة:هي قالتلك كدة
ملك:باين جدا من تصرفاتها
يوسف:انا كنت متخيل انها هتكون نسيت او اعتبرتها مشاعر طفولة زي وخلاص لكن دلوقتي لازم اتكلم معاها وافهمها انها زي اختي وبس
"خرج يوسف من المطبخ وراح أوضة مريم خبط على الباب وبعدها بثواني فتحت مريم الباب بعصبية واول ما شافته هديت وفكرت انه جاي يعتذر.. دخل يوسف وقعد على الكرسي"
يوسف:عايز اتكلم معاكي شوية
مريم:عايز ايه
يوسف:بصي يا مريم انتي عارفه انك غالية عندي جدا واني بعتبرك زي اختي واكتر كمان
قاطعته مريم بصدمة:اختك!!
يوسف:ايوة يا مريم اختي وبس وعشان كدة انتي لازم تعتذري من ملك وكمان..
مريم:اطلع برا
يوسف بصدمة:نعم
مريم بصراخ:اطلع برااا
"خرج يوسف من اوضتها ودخل اوضته وقرر انه ينام... مريم اتجننت اكتر من كلامه وبدأت تفكر انها لازم تبعد ملك من البيت وطبعا محدش هيساعدها غير مامتها...قررت انها لازم تتصرف"
____________عند منال__________
منال:ها عملت ايه يا حسن
حسن:روحت بيتها ولكن مكانوش هناك عرفت من الجيران ان أهلها متوفيين وانها سابت البيت عشان الإيجار ولما شافوا صورتها قالوا انها هي
منال:يعني ايه اكيد فيه حاجة غلط مش بعد كل اللي عملته هتيجي هي تاخد كل حاجة انا ما صدقت خلصت من امها زمان تطلعلي هي كمان
:هي مين دي اللي خلصتي منها
↚
منال:يعني ايه اكيد فيه حاجة غلط مش بعد كل اللي عملته هتيجي هي تاخد كل حاجة انا ما صدقت خلصت من امها زمان تطلعلي هي كمان
:هي مين دي اللي خلصتي منها
منال بصدمة وتوتر:مريم.. انتي هنا من امتي
مريم:انا سمعت كل حاجة من الاول ياريت تحكيلي كدة بهدوء ايه الحوار احسن ما انزل تحت واحكي ليوسف كل اللي سمعته وهو يتصرف بقي
منال بغضب:انتي بتهددي امك يابت
مريم:انا مش بهددك بس لو انتي عايزاه تهديد نمشيها كدة ها قولتي ايه
منال:تصدقي فعلا انا دلعتك زيادة عن اللزوم
مريم:لا انتي شكلك مش هتقولي حاجة وهتتعبيني معاكي انا هنزل احكي ليوسف وخلاص
منال بخوف:استنى يابت اقعدي وانا هحكيلك
مريم وهي بتقعد:يلا وانا سمعاكي
منال:قبل ما اتجوز ابوكي كنت بحب ماهر
مريم بصدمة:انتي بتقولي ايه
منال:مش انتي عايزة تسمعي الحقيقة يبقى تسكتي ومتقاطعينيش...كنت بحبه اوي وكنت مستعدة اعمل اي حاجة عشان يحبني.. لحد ما قررت اني اعترفله بحبي وروحت قولتله اني بحبه بس كان رده اسوء من ما تخيلت.. قالي انه بيعتبرني اخته وبس.. حسيت اني اتكسرت اوي وروحت بيتي اليوم ده وانا منهارة وحاولت انساه...وقتها اتقدملي ابوكي على كان شخص طيب فكرت كتير قبل ما أوافق لكن في الاخر وافقت كنت فاكرة اني كدة هنسي ماهر لكن معرفتش انساه.. لحد ما خلفتك انتي وبعدها ب سنة على مات...عرفت بعد فترة ان ماهر اتجوز واحدة اجنبية وانهارت اكتر.. اتقدملي بعدها بشهور محمود اخو ماهر وقالي انه كان بيحبني من قبل ما اتجوز ابوكي... محمود مكانش زي ماهر ابدا.. كان مستهتر وضعيف ومش بيفكر في الشغل.. عشان كدة مكانش ليه اي أملاك والشغل كله كان في ايد ماهر واخوهم التالت سيف بس ده كان مسافر هو ومراته... وافقت بس علشان اكون جنب ماهر وابعده عن مراته اللي خدته مني... وفعلا اتجوزنا وعشت معاهم في نفس البيت ده.. مانكرش ان مراته كانت أجمل مني بكتير وكان باين في عينه انه بيحبها وهي كمان.. لحد ما في يوم عرفنا ان مراته حامل وعدت الشهور وجه يوم الولادة...اتفقت مع الدكتور ودفعتله مبلغ كبير عشان يقول ان البنت ماتت وعمل كدة فعلا بدلنا البنت واخدت بنتهم رميتها قدام دار أيتام وسيبتها...كلهم كانوا فاكرين انها ماتت.. كنت فاكرة انه هينسي مراته بعد ما فكر انه بنته ماتت بس لاقيتهم اتعلقوا ببعض اكتر قررت اتكلم معاه تاني.. وقولتله اني لسة بحبه وهقبل انه يفضل مع مراته بس يتجوزني لكن المرة دي هزقني وجرحني اكتر.. كل ده بسببها هي هي اللي خدته مني وبعدته عني.. كانت مسافرة لأهلها فترة وراجعة...خليت حد يبوظ فرامل العربية بتاعتها.. كملت بعياط:مكنتش اعرف انه ماهر هيروح معاها ومحمود كمان هيروح معاهم.. العربية اتقلبت بيهم وماهر ومراته ماتوا ومحمود فضل في المستشفي فترة ومات.... "فجأة سمعتوا صوت حاجة اتكسرت طلعوا بسرعة يشوفوا مين اللي كان واقف لكن مالقوش حد غير دادة فاطمة اللي كانت معدية والفازة ع الارض مكسورة"
منال بغضب:ايه انتي مابتشوفيش
دادة فاطمة:انا اسفة يا هانم والله يمكن خبطتها ومخدتش بالي
منال:طب امشي من هنا يلا
ادخلي اوضتك يا مريم نكمل كلامنا بعدين
مريم بتوتر:حاضر
" دخلوا كلهم اوضهم وبعدها بثواني خرجت ملك من المكان اللي كانت مستخبية فيه وطلعت تجري على اوضتها"
ملك:يلاهوي انا كان ايه اللي جابني هنا بس.. دول لو عرفوا اني سمعتهم هيقتلوني.. ده ايه العيلة دي بس انا لازم امشي من هنا في أسرع وقت
"كانت لسة بتفتح الدولاب عشان تلم هدومها وتهرب سمعت خبط على باب اوضتها اتخضت وخافت يكونوا عرفوا انها سمعتهم بس هديت لما سمعت صوت يوسف وهو بينده عليها وراحت فتحت الباب"
يوسف:ايه يا بنتي انتي موتى ولا ايه
ملك:انا كنت هموت بجد
يوسف:ايه
ملك:بقولك تشرب شاي
يوسف:لا مش عايز انا كنت هقولك تعالي نلعب بلاي ستيشن
ملك:نلعب ايه يا عنيا.. انت طفل يابني ولا ايه
يوسف:اه صح انا اللي طفل وانا اللي كنت بلعب ع المرجيحة الصبح زي العيال الصغيرة
ملك:هنلعب كورة ولا مصارعة
↚
يوسف:ايوة كدة اتلمي
هنلعب كورة احسن واللي يكسب يطلب من التاني اي حاجة
ملك:طبعا معروف اني هكسب بس ماشي موافقة
يوسف:اما نشوف يلا
"بعد نص ساعة"
ملك:على فكرة بقى انت غشاش
يوسف:غشاش ايه ده انا جايب 22 وانتي3
ملك:لا انا مش لاعبة معاك تاني ياعم انت غشاش اوي
يوسف:لا متحاولش عشان برضوا هنفذ اتفاقنا
ملك:انت هتذلني يعني اخلص عايز ايه
يوسف:هنخرج بكرا اليوم كله برا
ملك:نخرج فين.. والشغل اللي ورايا ده
يوسف:ياستي انا اديتك اجازة يلا قومي اتخمدي بقى عشان هنبدأ اليوم من بدري
ملك:يا اخي حسبي الله حتى النوم مش هعرف اتنيل
يوسف:بطلي صياح وقومي نامي يا ملك
تصبحي على خير
"سابها وطلع اوضته وهو مبسوط وبيفكر هيروحوا فين بكرا وبيتخيل اليوم... ملك دخلت اوضتها وهي بتفتكر كلام منال وبنتها.. للحظة حست انها ممكن تكون البنت دي بس بعدها ضحكت بسخرية على تفكيرها ونامت... تاني يوم صحيت على صوت خبط الباب بصت في الساعة لقتها 7 الصبح فتحت الباب بعصبيه"
ملك:في حد عاقل يصحى حد الساعة 7 الصبح حرااام
يوسف:انا قولتلك هننزل بدري قومي تجهزي بقى بسرعة قبل ما حد يقفشنا
ملك:خلاص استنى برا جتك القرف
يوسف:قولتي ايه
ملك:قولت استنى برا وانا جاية يلا
"دخلت ملك اوضتها وجهزت نفسهاوخرجت ليوسف"
يوسف:اخيرا خلصتي.. يلا بقى عشان نمشي قبل ما يصحوا ويقرفونا
"فتح يوسف باب الفيلا وفجأة وقف مصدوم"
يوسف بصدمة:...
↚
فتح يوسف باب الفيلا وفجأة وقف مصدوم"
يوسف بصدمة:جدي!!!ايه اللي جابك قصدي جيت امتي
الجد:انا لسة جاي من المطار دلوقتي..انت كنت خارج
يوسف بص لملك وقال في سره:ما خلاص باظت
لا يا جدي انا لسة جاي من برا.. حمدلله على السلامه
الجد:الله يسلمك يا حبيبى... بص لملك بتركيز وصدمة وبعدين قال:سبحان الله...لو كانت ليلى عايشة كنت فكرتها انتي...اسمك ايه يابنتي
ملك كانت هترد لكن قاطعتها منال اللي اتفجأت بوجود الجد وقالت:عمي انت رجعت.. حمدلله على السلامه
الجد:الله يسلمك يا منال.. اومال فين مريم
منال:لا مريم نايمة في اوضتها
الجد:طب هطلع انا ارتاح شوية من السفر
"طلع اوضته وبعدين منال بصت لملك بحقد وطلعت اوضتها تاني"
ملك:طب اروح انام انا بقي
يوسف:اه طبعا اتفضلي روحي نامي يا ملك بس خليكي فاكراها
ملك:الله وانا مالي جدك اللي بوظ الخروجة
يوسف:طب امشي من قدامي بقي
"ضحكت ملك وطلعت عشان تروح اوضتها عدت من قدام أوضة منال وسمعتها بتكلم مريم الفضول خلاها تسمع بيقولوا ايه"
ملك:سامحني يارب بس هموت واعرف الحرباية دي وبنتها بيقولوا ايه
__________في اوضة منال_________
مريم:انا مش قادرة افهم ازاي عملتي كدة بجد
منال:انتي لازم تساعديني عشان نخلص من ملك دي خالص
مريم:ملك ايه علاقتها باللي انتي بتقوليه ده
منال:عشان ملك تبقى بنت ماهر وليلي
مريم بصدمة:انتي متأكدة
منال بغل:للأسف... عشان كدة لازم تموت
"ملك كانت واقفة سامعة كل كلامهم وعينيها مليانة دموع كانت هترجع اوضتها لكن اول ما لفت لقت يوسف واقف في وشها مصدوم من اللي سمعه شدها بسرعة من ايدها ودخل اوضته وقفل الباب...فضلوا ساكتين لفترة طويلة لحد ما ملك قالت"
ملك:انت كنت عارف
يوسف:تفتكري انا لو كنت اعرف هخبي حاجة زي دي ليه
ملك:يمكن عشان بتفكر زي منال وبنتها
يوسف بصدمة:انتي بتقولي ايه... انا بفكر في الفلوس!!!
الفلوس دي اللي خلت ابويا يسيب البلد كلها لجدي عشان يتجوز الانسانة اللي بيحبها؟ ولا الفلوس اللي خلت جدي يحس بالندم بعد ما ابويا مات وهما متخاصمين؟؟انا لولا اني عارف انك مصدومة كان هيبقى لينا كلام تاني
ملك بعياط:انت عايزني اعمل ايه يعني..لما ابقى عايشة طول حياتي مع ناس فاكراهم اهلي وبحبهم وبيحبوني وفجأة اكتشف اني من عيلة غنية بس كل اللي في العيلة دي بوشين وعايزين يقتلوها عشان الفلوس عايزني اعمل ايه هاا رد عليا
يوسف بجمود:انا هقولك نعمل ايه بس لازم تبقى قوية عشان اللي جاي تقيل..واثقة فيا؟
ملك:انت الوحيد اللي ممكن اثق فيه في البيت ده
يوسف:حلو يبقى تركزي معايا بقى عشان نبدأ من بكرا.....
__________في اوضة منال__________
مريم:قتل!!! لا طبعا انا لا يمكن اعمل كدة
منال بخبث:ومين قالك ان احنا هنعمل حاجة اصلا.. انا عندي اللي يعرفوا يخلصوا الموضوع ده في ثواني
مريم بتفكير:لا برضوا مينفعش نقتلها اكيد في حل تاني
منال بغضب:ويا ترى ايه الحل التاني ده يا هانم... انا كل اللي بعمله ده لمصلحتك وانتي في الاخر تقولي لا
مريم:يوووه خلاص اعملي اللي انتي عايزاه انا ماليش دعوة
منال:ما انا هعمل اللي انا عايزاه طبعا يلا روحي على اوضتك
____________بالليل__________
"كانوا قاعدين كلهم على السفرة بيتعشوا وملك كانت في المطبخ بتفكر في الخطة اللي يوسف قال عليها...خلصوا عشاء وقعدوا كلهم مع بعض"
الجد:انا عايز اتكلم معاكوا كلكوا في موضوع مهم
منال:خير يا عمي
الجد:انا خلاص كبرت ومحدش ضامن عمره.. عشان كدة انا فكرت كتير وكلمت المحامي وكتبت ثروتي واملاكي كلها ليوسف...
↚
الجد:انا خلاص كبرت ومحدش ضامن عمره.. عشان كدة انا فكرت كتير وكلمت المحامي وكتبت ثروتي واملاكي كلها ليوسف
منال بصدمة:ازاي الكلام ده يحصل انتوا كدة بتاكلوا حقنا
الجد بعصبية:منااال.. ماتنسيش نفسك واوعى صوتك يعلي كدة تاني.. وبعدين حق ايه اللي بتتكلمي عليه هو انتي تعرفي يعني ايه حق.. انتي مالكيش حاجة عندي خالص جوزك الله يرحمه مكانش يملك اي شئ وبعدين ده مالي وانا حر فيه وانا بقى شايف ان يوسف اكتر واحد هيحافظ عليه
منال بغضب:ماشي يا عمي براحتكوا
"طلعت منال اوضتها بعصبية وطلعت و وراها مريم بسرعة... بعد شوية خرجت ملك من المطبخ بسرعة"
يوسف:تفتكر صدقوا
الجد:عيب عليك يا ولا جدك ممثل عبقري
يوسف:انا متشكر جدا يا جدي انا مش عارف كنا هنعمل ايه من غيرك
الجد بص لملك بحب وقال:انت بتشكرني على ايه يا ابني ده انا اللي بشكرك عشان فوقتني من اللي كنت فيه وادتني فرصة تانية أصلح اللي دمرته... يلا يا ملك روحي مكانك واجهزوا بقى عشان اهم جزء في الخطة بكرا
"دخلت ملك اوضتها وهي بتفتكر اتفاقه مع يوسف وكلامها مع جدها
يوسف:انا عارف انك مصدوم وممكن متصدقناش بس د...
قاطعه الجد وقام حضن ملك وهو بيعيط وبيقول:انا كنت حاسس... شبهه والدتك في كل حاجة تعالي هفرجك على ألبوم العيلة ومن النهاردة مش هتفارقيني ثانية واحدة
يوسف:بس قبل كل ده لازم تعرف احنا اتفقنا على ايه... "
_____________في اوضة منال____________
"كانت بتلف في الاوضة بعصبية وهي بتفكر هتتصرف ازاي"
مريم:انا مش فاهمة انتي معصبة نفسك كدة ليه يا مامي اهدي شوية وهنلاقي حل
منال بغضب:طبعا ما انتي مفيش حاجة على بالك ولا همك حاجة
مريم:عايزانى اعمل ايه يعني يا ماما
منال:مش عايزة اسمع صوتك لحد ما الاقي حل للمصيبة دي
" سكتت شوية وهي بتفكر وبعدين ابتسمت بخبث وقالت"
منال:لسة عايزة تتجوزي يوسف
مريم بفرحة:اكيد طبعا يا مامي
منال:خلاص يبقى تسمعي كلامي وتركزي معايا عشان مفيش حد غيري هيساعدك
مريم:موافقة
↚
"ثاني يوم"
الجد:صباح الخير يا مريم
مريم:صباح الخير يا جدو اومال فين يوسف
الجد:معرفش اكيد لسة نايم.. هو الفطار لسة مجهزش ولا ايه
مريم:مش عارفة.. انا هروح اشوف يوسف وبعدين اشوف الفطار اتأخر ليه
"راحت مريم ل أوضة يوسف وخبطت الباب لكن محدش رد فضلت تخبط على الباب وبعدين دخلت مالقتش يوسف في الاوضة دورت عليه في كل مكان مكانش ليه أثر حتى هدومة واخد معظمها وشنطة السفر مش موجودة.. نزلت جري وهي بتنادي على جدها"
مريم:الحقني يا جدو يوسف مش موجود
الجد:مش موجود ازاي يعني
مريم:معرفش دخلت الاوضة مالقيتهوش وواخد معظم هدومه وشنطة السفر
الجد:هيكون راح فين يعني
منال:شوفت ادي اخرتها اخذ كل حاجة وهرب.. استغل انك بتثق فيه وخد كل حاجة وهرب مبسوط دلوقتي
الجد:انتي تخرسي خالص لحد ما نعرف الولد راح فين
"فجأة دخل يوسف الفيلا ومعاه ملك وماسك ايدها ومبتسمين وقال"
يوسف:ايه يا جماعة فيه ايه
منال:كنت فين يا استاذ
يوسف بص لملك وقال:مفيش مبروك انا وملك اتجوزنا...
↚
منال:كنت فين يا استاذ
يوسف بص لملك وقال:مفيش مبروك انا وملك اتجوزنا
"اتصدموا كلهم وفضلوا ساكتين للحظات وفجأة مريم فضلت تضحك بصوت عالي وبعدين قالت"
مريم:لا لا يا يوسف هزارك بايخ جدا دول شكلهم صدقوا بجد مش عارفة ازاي
يوسف ببرود:ومين قال اني بهزر..انا وملك اتجوزنا وهنسافر بكرا تركيا عشان ده اكتر مكان ملك بتحبه"خدوني معاكوا ومش هتكلم".. مش كدة يا حبيبتي
ملك بأبتسامة:ايوة يا حبيبي
الجد بخبث:والله يا ولاد لو انتو بتحبوا بعض ومبسوطين كدة يبقى الف مبروك يا ولاد اجلوا السفر دلوقتي وانا هعملكوا احلى فرح
مريم بصراخ:كدااب.. انت بتقول ايه.. انت عايز تفهمني انك اتجوزت خدامة
قرب منها يوسف بعصبية وضربها بالقلم وقال:اخرسي.. اوعي تتكلمي عنها بالطريقة دي مرة تانية.. ملك مراتي واللي مش عاجبه الباب عنده اهو وبالسلامة
مريم بعصبية:انت بتضربني عشان دي
يوسف:لأخر مرة هحذرك متعليش صوتك عليا ولا تتكلمي بالاسلوب ده معايا
منال فاقت من صدمتها وقربت من يوسف و ابتسمت وقالت:الف مبروك يا ابني ربنا يهنيكوا
بصت لملك وقالت وهي بتحضنها:الف مبروك يا حبيبتي ربنا يخليكوا لبعض... مريم مش هتباركي للعرسان ولا ايه
"مريم بصت لمامتها بصدمة وسابتهم وطلعت اوضتها ويوسف وملك كانوا مستغربين رد فعل منال.. قعدوا على السفرة وبدأو يفطروا ومنال كانت بتهزر وتضحك معاهم لدرجة انهم خافوا منها وبيحاولوا يعرفوا بتفكر في ايه... خلصوا اكل وكل واحد طلع اوضته"
____________في اوضة يوسف_________
ملك:شوفت ضحكلتي وسلمت عليا ازاي...دي مش بوشين بس لا دي بمليون وش
يوسف:انا متأكد انها بتفكر هتقتلك ازاي من غير ما حد يشك فيها
ملك بصدمة:تقتلني!! طب استأذن انا بقي
يوسف:خدي هنا رايحة فين
ملك:بتقول هتقتلني هكون رايحة فين يعني...انا هبلة والله ايه اللي دخلني في الحوارات دي كلها
يوسف:انتي رغاية كدة ليه اسكتي شوية عايز افكر
________في اوضة منال_______
"دخلت مريم بعصبية وقفلت الباب جامد وهي بتقول:ممكن افهم ايه اللي انتي عملتيه تحت ده
منال ببرود:عملت ايه يعني...كل ده عشان قولت مبروك
مريم:لازم تقتليها النهاردة يا مامي انا مش هستني اكتر من كدة
منال:اصبري عشان انتي هتدمري اللي انا ببنيه
مريم:هصبر لحد امتى بقى انا تعبت اتصرفي بسرعة
منال بعصبية:بقولك ايه انتي متدخليش في اي حاجة انتي فاهمة.. روحي اوضتك يلا
"خرجت مريم ودخلت اوضتها وهي بتفكر"
مريم:مامي كدة مش هتساعدني انا لازم اتصرف بنفسي والنهاردة
________بالليل______
"كانوا قاعدين كلهم ع السفرة بيتعشوا ومنال بتبتسم وتهزر وكلهم مستغربين منها ماعدا مريم اللي كانت بتبص لملك بنظرات كره وحقد...خلصوا اكل وطلعوا اوضهم عشان يناموا"
__________في اوضة يوسف________
ملك:انت هتنام فين
يوسف:ايه السؤال الغريب ده اكيد هنام على سريرى
ملك:تمام وانا هنام ع الكنبة
يوسف:وتنامي ع الكنبة ليه
ملك:طب روح نام يا شاطر ومتهزرش معايا تاني
" تليفون يوسف رن ف رد عليه بزهق وقال"
يوسف:ألوو... دلوقتي.... طب مينفعش يتأجل للصبح.... خلاص انا جاي.. سلام
ملك:ايه فيه حاجة
يوسف:قالولي اروح الشركة ضروري.. عايزة حاجة اجبها وانا جاي
ملك:اه هات معاك شوكولاتة كتير وشيبسي وبيبسي وانا هحاول منامش ونتفرج على فيلم عشان اخاف انام منال تقتلني
يوسف:لا هخليها تقتلك احسن يا ماما.. انا خارج
"خرج يوسف وملك فضلت قاعدة بتحاول تسلي نفسها في اي حاجة لحد ما زهقت وقررت تنام وقفلت النور ونامت... شوية ودخلت مريم الأوضة بهدوء ووقفت قدام ملك وطلعت سكينة وهي بتقول"
مريم:مش هسمحلك تدمري كل اللي بعمله.. انتي لازم تموتي
↚
مريم:مش هسمحلك تدمري كل اللي بعمله.. انتي لازم تموتي
"كانت لسة بترفع ايدها عشان تضربها بالسكينة فجأة باب الأوضة اتفتح ودخل الجد"
الجد بصدمة:مريم انتي بتعملي ايه هنا
مريم بتوتر:م...مفيش
الجد:سيبي السكينة اللي في ايدك دي واعقلي
"ملك بدأت تصحى على صوتهم واستغربت لما شافتهم في اوضتها وقالت"
ملك:فيه ايه بتعملوا ايه هنا
مريم بغل:انا خلاص مبقاش فارق معايا حاجة وهقتلك يعني هقتلك
" رفعت مريم السكينة عشان تقتل ملك والجد قرب منها ومسك ايديها وهو بيحاول ياخدها منها لكن السكينة جت في الجد ووقع في الارض"
ملك بدموع:جدو لا ماتسبنيش انا ما صدقت اتجمعنا
"دخلت منال على صوتهم واتصدمت من المنظر... مريم كانت واقفة مصدومة من اللي حصل ووقعت السكينة من ايدها وطلعت تجري من الفيلا كلها وخدت العربية ومشيت...ملك كلمت الإسعاف واتصلت بيوسف حكتله اللي حصل وبعدها بفترة الإسعاف وصلوا واخدوه المستشفي"
_____________في المستشفى_________
"دخل يوسف وهو بيجري وشاف ملك واقفة بتعيط ومنال واقفة جنبها...حضنها وهو بيهديها وبعدها بفترة الدكتور خرج وطمنهم ان الجرح مش عميق ومفيش خطر عليه لكنه لسة مفاقش ويقدروا يشوفوه لما يفوق...فضلوا واقفين برا فترة لحد ما لقوا أصوات عالية ودكاترة بيجروا في الممرات بسرعة"
ملك:هو فيه ايه
يوسف:مش عارف شكلها حادثة ولا حاجة
" فجأة لقوا مريم داخلة المستشفى على السرير المتحرك ومتبهدلة... منال اتصدمت لما شافت بنتها وجريت عليها وهي بتصوت"
↚
منال:بنتي.. بنتي حصلها ايه قومي يا حبيبتي قومي
الممرضة:لو سمحتي ابعدي لازم ندخلها العمليات فورا حالتها خطيرة
"دخلوا أوضة العمليات ومنال قعدت على الأرض وفضلت تصوت وتقول"
منال بصراخ:انا السبب.. انا اللي قتلت بنتي.. انا السبب
يوسف:انتي بتقولي ايه
منال بدموع:انا اللي خليت حسن يعطل العربية.. كنت فاكرة انك انت اللي هتركبها.. انا السبب انا اللي قالت بنتي
يوسف بصدمة:عايزة تموتيني انا!! طب ليه.. عملتلك ايه عشان كل ده.. انتي ايه الغل والحقد اللي جواكي ده
"خرج الدكتور من أوضة العمليات وقال بأسف"
الدكتور:البقاء لله
منال بصدمة:انت بتقول ايه.. اكيد لا مش بنتي انا لاااااا
ملك كانت بتعيط وهي مصدومة ويوسف كان بيحاول يهدي منال لحد ما ادولها حقنة مهدئ ونامت... عدت فترة والجد خرج من المستشفى ومنال كانت تعبانة نفسيا ومش بتتكلم مع حد وطول الوقت في اوضتها ماسكة صورة بنتها وبتكلمها وتعيط لحد ما في يوم رمت نفسها من شباك اوضتها وماتت.. سابت رسالة ل ملك بتطلب منها انها تسامحها على كل اللي عملته"
__________بعد 3 سنين_________
"الفيلا كلها متزينة ب انوار جميلة وهادية..والجنينة كلها كراسي متنظمة والورد في كل مكان وناس كتير قاعدين في الجنينة...بتخرج ملك بفستانها الأبيض الرقيق ويوسف بينبهر بجمالها وبيخرجوا الجنينة والناس كلها بتسقف ليهم وفرحانين وبدأو يرقصوا والجد واقف سعيد بيهم"
ملك:هتوديني تركيا
يوسف:ايه
ملك:هتوديني تركيا
يوسف:هوديكي تركيا
ملك:هتجبلي شوكولاتة كتير وتتفرج معايا على كارتون
يوسف:وتعملي فشار بالكراميل ويلزق منك في الحلة
ملك:لس على فكرة كان طعمه حلو كفاية اني حاولت
يوسف:بحبك على فكرة
ملك:هتوديني تركيا امتى؟
أشعر بروحك تلامس قلبي كلما اقتربت منك، وكلما أردت أن ابتعد عنك دائما ما يناديك قلبي♥️