رواية خيار اجباري شهاب ورحمة كاملة جميع الفصول بقلم زهرة الربيع
رواية خيار اجباري شهاب ورحمة كاملة جميع الفصول هى رواية من تأليف المؤلفة المميزة زهرة الربيع رواية خيار اجباري شهاب ورحمة كاملة جميع الفصول صدرت لاول مرة على فيسبوك الشهير رواية خيار اجباري شهاب ورحمة كاملة جميع الفصول حققت نجاحا كبيرا في موقع فيسبوك وايضا زاد البحث عنها في محرك البحث جوجل لذلك سنعرض لكم رواية خيار اجباري شهاب ورحمة كاملة جميع الفصول
رواية خيار اجباري شهاب ورحمة كاملة جميع الفصول
يا بنتي ده اتطرد من بيتو سنه كامله بسببك يرجع يلاقيكي بتتجوزي يا رحمه مهو كده هتجننيه ويمكن يرجع يعمل بلوه تانيه يا بنتي
رحمه قالت بضيق..اسمعي يا ماما اولا انا يادوب بتخطب مش بتجوز الفرح لسه ..ثانيا بقى وده الاهم اللي حصلو مش بسببي لا ده بسبب جنانو ولولا اننا اهل كان ضيع نفسو واتسجن مش اطرد .... اللي فعلا اتأذى في الموضوع ده هو حسن ...وانا لازم اقف جمبو لان فعلا اللي حصلو بسببي وبسبب المجنون اللي اسمو شهاب
امها قالت...يا بنتي شهاب من يوم ما اتولد بيحبك وبيغير عليكي واللي عملو ده بدافع حبو ...دلوقتي لما يرجع يلاقيكي مخطوبه وبتساعدي حسن في كل حاجه هيتجنن اكتر وانا خايفه عليكي
رحمه قالت بسخريه..هيعمل ايه يعني هيقتلني زي ما كان هيعمل مع حسن متفرقش معايا مبقتش اخاف منو ...انا هقف جمب حسن للاخر ومش هيقدر يمنعني لانو معندوش اي صفه يمنعني بيها
امها قالت بتوتر..بس هو بيقول انك مراتو و
بس قاطعتها لما ضحكت جامد وقالت....هو الهبل اللي عملوه عمي وابويا الله يرحمهم علشان يفضلو رابطينا ببعض ده بتسميه جواز..ده مجرد كلام بينهم وانا موافقتش عليه ومن غير قبولي مفيش جواز
امها اتنهدت وقالت..بس انتي وافقتي يا رحمه
رحمه قالت بزهول...وافقت...هو انتي هتعملي زيهم ...هو انا لما اكون طفله عندها 12 سنه ويقولي خدي يا رحمه يا حببتي قولي موافقه وهشتريلك لعبه واقول موافقه انا كده وافقت..ايه الكلام ده على فكره الي بتقولوه ده غلط وضد الشرع والقانون عيب بقى متطاوعهوش في كل حاجه حتى المحرمات
بقلم...زهرة الربيع
قالت كده وطلعت وهيه مضايقه جدا وبقت تجهز لحفلة خطوبتها
امها كانت قلقانه جدا ومرعوبه من اللي هيحصل لما شهاب يعرف
بالليل كان البيت مليان معازيم لحفلة الخطوبه وكانت رحمه مبسوطه مع صحباتها وقربت من شاب قاعد على الكرسي وقالت..حسونه...تحب اجبلك عصير نشرب سوا
حسن قال بحزن..لا ..بس كنت متمني نرقص سوا في اليوم ده..انا..انا اسف حاسس انك مش مبسوطه و
رحمه قالت بسرعه..حسن..انت كويس جدا واحسن من الاول على الاقل بقيت تقدر تتحرك رجليك وقريب هتستغنى عن الكرسي بعجل انا متأكده ...والباقي ده رفاهيات مش مهمه المهم صحتك وصدقني انا مبسوطه جدا ومش عايزه اسمع الكلام ده تاني
حسن ابتسم وجات والدته ومعاها الشبكه وبقم يلبسو بعض بفرحه
في الوقت ده سمعو صوت ضرب نار ودخل شهاب بغضب وفي ايده المسدس
الناس بقت تصرخ وتجري ورحمه بلعت ريقها بتوتر
شهاب بصلها بنظرات مرعبه وقال...كده برضو موقفنلي حرس على الباب مش عايزني احضر خطوبة مراتي طب مش كفايه بتتجوز عليا
واتحولت نظراته لغضب مرعب وقال...اقلعي الدبله دي ورمهالو في وشو بدل ما اجي اقطع صباعك واديهوله يحتفظ بيه وووو
↚
اقلعي الدبله دي ورمهالو في وشو بدل ما اجي اقطع صباعك واديهوله يحتفظ بيه
رحمه بصتبو بقلق وقالت بغضب شديد ....لا بقول لك ايه شغل الجنان اللي بتمشيه على البيت كله علشان يعملوا لك اللي انت عايزه ده مش هيمشي معايا... انا خلاص اتخطبت وقريب هتجوز لاقيلك واحده تانيه تتجنن عليها علشان انا ما عنديش خلق للحركات دي
شهاب ابتسم وقرب عليهم وقال ....تمام خلصتي الجملتين الحلوين بتوعك ..يلا بقى اقلعي الدبله وارميها في وشو زي الشاطره... وزعق بصوت عالي وطريقه تخوف وقال ....اقلعيها
رحمه انتفضت بخوف وحسن قال بغضب شديد... امشي من هنا يا شهاب ولا اطلع على اوضتك احنا اتخطبنا وخلاص وفي النهايه ده نصيب
شهاب وجه المسدس عليه وقال... انا وجهت لك كلام ولا عايزني اطير رجلك الثانيه... مش عايز اسمع صوتك
حسن قال بسرعه ....رحمه خطيبتي و
بس قاطعوا شهاب وقال بحده ....رحمه مراتي انا و ما فيش واحده متجوزه بتتجوز تاني فخليك على جنب عشان انا زعلي وحش وانت عارفني ومجرب
بقلم....زهرة الربيع
حسن بلع ريقه بارتباك ووالدته بقت تتسحب بالراحه بس وقفها صوت شهاب لما قال ...مرات عمي ما تتحركيش من مكانك.. اذا رايحه عشان تقولي لجوزك فمتتعبيش نفسك لانه على بال ما وصل هخلص عليهم هم الاثنين...فنهدى كده احسن لكم
امها بصت لها بخوف وقالت... اقلعيها يا بنتي
رحمه بصت لها بدهشه وامها قالت بخوف... قولت اقلعيها يا رحمه يلااا
رحمه مكانتش خايفه على نفسها كانت خايفه على حسن ليعمل فيه حاجه ...قلعت الدبله بمنتهى الضيق وفضلت مسكاها
شهاب قال بغضب... رجعيهالو
رحمه فضلت واقفه مكانها بس شهاب اخدها منها ورماها لحسن في وشه وقال.... متفكرش في حاجه مش بتاعتك قلت لك الكلام ده قبل كده
وشد رحمه من ايدها واتقدم بيها ناحية السلم
حسن حاول يتكلم بس شهاب قال بغضب... ولا حرف مش عايز اسمع صوتك ده اخر تحذير ليك
و شد رحمه من ايدها بالعافيه وطلع بيها وهو بيقول... مراتي وحشتني يا ريت ما حدش يزعجنا
اول ما طلع بها على الاوضه حسن قال بغضب شديد...ماما اتصلي على جدي وبابا خليهم يجوا بسرعه علشان هما السبب في كل ده...احنا مستحملينه لحد انهارده بسببهم قوليلهم يجو حالا وسيبوا اي حاجه وراهم والا هاطلبلو البوليس ويعملوا اللي يعملوه وبعد كده
امه هزت راسها بالموافقه بسرعه وراحت تتصل على جده وعمو
ام رحمه قعدت على الكرسي وقالت بخوف استر يا رب
اما رحمه اول ما دخلوا الاوضه بصتلو بغضب وقالت... نعم ادينا بقينا لوحدنا ..ها عايز ايه
شهاب ابتسم وقرب عليها وقال ...بتتخطبي يا رحمه بتلبسي خاتم غير خاتمي هان عليكي كل اللي بينا
رحمه قالت بغضب شديد ...اللي بينا هان عليا من وقت ما عملت اللي عملته من وقت ما اذيت ابن عمك من غير سبب ابن عمك اللي راحت رجله وبقى عاجز بسببنا
↚
شهاب مسكها من ذراعها بغضب وقال ...انتي ليه مش عايزه تفهمي ان حسن هو اللي كان خاطفك يومها مراحش ينقذك زي ما انتي متخيله
رحمه دفعته بغضب وقالت ..بطل جنون بقى ..كنت اشوف حركاتك دي واشوفك بتضرب اي واحد يقرب مني ولا يكلمني حتى لو كان راجل كبير في السن كنت افرح وافتكرها غيره ..لكن لا دي مش غيره ... اللي يخليك تضرب على ابن عمك النار بالطريقه دي بمجرد انك شاكك ان هو اللي خاطفني ده يبقى جنون مش غيره ابدا.... مع ان حسن يومها كان جاي ينقذني وكان بيفكني وكنا هنطلع من المكان لكن لا حضرتك وصلت واجذمت انو ما كانش جاي ينقذني وان هو اللي خطفني حتى محاولتش تتاكد و ضربت عليه بالنار...حسن بقى عاجز في عز شبابو بسببك وبسببي انا كمان
شهاب اتنهد وهو بيقلع القميص بتاعه بلا مبالاه وقال .. اه فهمتك يعني بتتخطبيلو شفقه
رحمه قالت بغضب شديد ...دي حاجه ما تخصكش اتخطب ليه ولمين دي حاجه تخصني انا وبس
شهاب طلع هدوم ليه من الدولاب وقال بسخريه... اكيد تخصني انتي مراتي ولازم اخترلك عريس مناسب عايزه الناس تاكل وشي ولا ايه
رحمه قالت بسخريه.... على فكره بجد والله بتضحكني كل ما تقول مراتي دي ...انا وانت صحيح كنا هنتخطب ونتجوز لكن اللي حصل زمان بين ابوك وابويا دي عمري ما اعتبرته جواز
شهاب قرب عليها جامد وقال... بس انا اعتبرتها ..احنا قرينا سنه وانتي وافقتي.... فاكره لما كنتي صغيره وكنتي تقولي لي انا مش هتجوز غيرك يا شهاب...على فكره الموضوع مش غريب ولا جديد فيه بنات اصغر منك وبتتجوز سنه
رحمه نفخت بغضب وقالت... انا مش هاعترف بالجواز ده ولا عمري هكون ليك يا شهاب...ولو تقدر تثبت اننا متجوزين اثبت المحكمه قدامك
شهاب قرب منها وعيونه بيلمعوا بنظرات خبيثه ورحمه اتوترت وكانت لسه هترجع لورا شدها من وسطها بقوه عليه اصتدمت بصدره
و بص لعيونها وقال...انا مش هثبت للمحكمه انا هثبتلك انتي وبس.. وقبل ما تنطق حرف التهم شفايفها بقوه وهو بيضمها ليه باشتياق
رحمه اتصدمت وكانت بتحاول تبعده قبل ما تضعف بين اديه ويتمكن منها بس مش قادره عليه
بعد عنها ثواني وهي اخذت نفسها بالعافيه وقالت بغضب.... يا حيوا،،ن يا ك،،لب يا سا،،فل وبقت تضربه بايديها علشان يسبها بس شهاب مسك ايديها وقال ...في ايه زعلتي ليه مش انت اللي قولتي اثبت... عايزه اثبات اقوى من كده تحبي اثبت لك كمان قد ايه بنحب بعض... تحبي اثبت لك قد ايه بتعشقيني ومستحيل تنسيني
رحمه اتملت عيونها بدموع وهي بتبص له بغضب
شهاب بص لعيونها بقوه وقال ..انتي ليا يا رحمه... اسمي مش محفور على مجرد دبله قلعتيها اسمي محفور على قلبك ودي حقيقه مش هتقدري تغيريها ابدا
رحمه دفعته بكل قوتها وبعدت بسرعه وقالت.... انا هكلم جدي وعمي يشوفوا لهم صرفه معاك.... ولسه هتمشي مسك ايدها وقال ....عمك والبوليس والنيابه والدنيا كلها ما حدش هيقدر يغير حقيقة انك ملكي ولا حد هيعرف ياخدك مني كل ما تتاقلمي مع الفكره دي اسرع كل ما يكون احسن ليكي
رحمه سحبت ادها ولسه هتمشي قال بسرعه... استني ..اقفلي البلكونه.. لاحسن يحسدونا
رحمه بصت له باستغراب وقالت ..بلكونه ايه
شاور بعينه على هدومها من فوق... بتبص لنفسها لقت زراير بلوزتها من فوق كلها مفتوحه اتصدمت وشهقت بزهول وهي بتقفلهم بسرعه وقالت بغضب... واطي وو،،سخ ربنا يشفيك .. ونزلت بسرعه وغضب
بعد شويه كانو قاعدين مع راجل كبير في سن ال 70 ده يبقى جدهم ... وراجل في ال 50 ده يبقى والد حسن وعم رحمه وكمان عم شهاب
حسن كان بيتكلم بمنتهى الغضب وقال... انتوا ليه ساكتين عليه لحد دلوقتي ..ده ضرب عليا النار وكنت هروح فيها وبقيت عاجز بسببو . انا كنت عايز اسجنه بس انتو قولتو هتبعدوه عن البيت..واخدتوني على قد عقلي ودلوقتي رجعتوه تاني
↚
ابوه اتنهد وقال ...يا ابني انا زيك مش طايقه ..بس ده ابن عمك نرميه في السجن ازاي ابوه مات وموصينا عليه
رحمه قالت بغضب... بس ده تصرفاته بقت لا تطاق طالع يقول لي مراتي داخل يقول لي مراتي اتصرفو انتم السبب في الورطه اللي انا فيها دي
جدها قال... يا بنتي ما انتي فعلا مراته احنا قرينا سنه مع المرحوم ابوه وانتي وقتها كنتي متعلقه بيه ووافقتي
رحمه قالت بغضب شديد .. انتو عايزين تجننوني ..انا كنت صغيره
جدها ابتسم وقال... يا حبيبتي في الجواز شرعا ما فيش حاجه اسمها صغيره دي لها دخل بالقانون وبس... رسول الله عليه افضل الصلاة والسلام ... اتجوز السيده عائشه وهيه عمرها 9 سنين
رحمه قالت بذهول... يعني ايه يا جدي هو انا لو على ذمته حقيقي سايبيني اتخطب لحسن ليه
جدها اتنهد وقال... لان سواء الجواز ده حقيقي ولا مش حقيقي انتي هتطلقي منه طالما مش عايزاه وهنبقى خلصنا من الموضوع ده كله
بس اتفاجئ بصوت شهاب بيقول... ومين قال لكم بقى اني هطلق.... رحمه مراتي وهتفضل كده
رحمه وقفت وقالت بانفعال... هو بالغصب يعني
شهاب اتجاهل كلامها وراح حضن جدو جامد وقال ...وحشتني يا جدي
جدو ابتسم بدموع وهو شايف فيه صوره ابنه اللي مات وقال على الله تكون اتهديت يا شهاب والسنه اللي بعدتها عننا تكون خليتك عقلت وبطلت مشاكل
شهاب ضحك وقال ...للاسف ذادت اصل دي وراثه كان عندي عندي جد شقي...وسلم على عمه اللي كان مضايق منو علشان ابنه
جدو ابتسم وقال... المهم يا حبيبي خلينا في المهم ...انت هاتعيش هنا في البيت مع اهلك ...وحسن هيحاول يتغاضى عن اللي حصل وعفا الله وعمه سلف مقابل انت ترمي يمين الطلاق على رحمه عشان نتأكد ان مفيش اي حاجه بينكم ربنا يهديك
بقلم....زهرة الربيع
شهاب اتنهد وقال...جدي يا حبيبي انت اكتر واحد عارف ان رحمه دي حقي ...واتفقنا من واحنا صغيرين اني هتجوزها ..فاكر بابا اصر يجوزنا سنه ليه...قال شهاب مجنون بيها وخايف يغلط مع البنت فخلينا نضمن ان اي حاجه بنهم تبقى حلال
رحمه اتكسفت جدا من الاكلام االي قالو وشهاب كمل وقال...وانا مع ذلك مرضتش اتعامل معاها كزوج وكنت هتجوزها بعد ما تمت السن القانوني واعملها فرح قدام الناس علشان مألخبطش افكارها ...رغم اني كنت مدرك كويس لما اتجوزتها ..وهيه كمان كانت موافقه بارادتها.. لحد الحادثه اللي حصلت دي ولخبطت الدنيا...هي دلوقتي زعلانه مني بس مش اكتر وانا هعرف اراضيها
عمه قال... بس البنت بتقول انها مش عايزاك وعايزه تكمل مع حسن بيتهيألي كفايه لحد هنا
شهاب قال ...الموضوع مش بمزاجها هي ما تعرفش مصلحتها فين
رحمه قالت بغضب.... يا سلام وانت اللي تعرف مصلحتي شهاب قال اه انا اللي اعرف مصلحتك مصلحتك معايا مش مع
اي حد تاني
رحمه تقدمت عليه بغضب ولسه هتتكلم جدهم وقف وضرب العصايه في الارض وقال... يمكن هتتخانقوا وانا واقف وبعدين في الورطه دي ايه الحل يعني
شهاب قال بسرعه... انا عند الحل وهو انها تختار اللي عيزاه فينا
رحمه قالت بسرعه..و انا اخترت حسن
شهاب ضحك وقال.... لا مش بالبساطه دي وووو
↚
الحل انها تختار اللي عيزاه فينا سواء اختارتني او اختارتو مهيبقاش عندي مشكله
رحمه قالت بسرعه..و انا اخترت حسن
شهاب ضحك وقال.... لا مش بالبساطه دي... انا مسافر بكره شرم الشيخ سفريه شغل واستجمام في نفس الوقت هتيجي معايا هنقعد هناك اسبوع واحد ..هتعرفي قد ايه انا بحبك وما قصدتش اضايقك ابدا ....حتى بعدها تختاري .
حسن قال بغضب ...مستحيل تسافر معاك لوحدكم طبعا
جدو قال بسرعه.... انا كمان شايف ان ده حل مناسب.. انتي لازم تديه فرصه يا بنتي .. من بعد الحادث على طول مشيناه ومسمعناهوش ابدا
رحمه قالت بغضب...انا مش عايزه اسمعه ولا عايزه اروح معاه مكان
ولسه هتمشي قال بسرعه...يبقى انتي خايفه ..وكلامي حقيقي انتي لسه بتحبيني ومش قادره تفضلي معايا...بس لو جيتي معايا واثبتي العكس واخترتي حسن بردو انا هبعد عن حياتكم خالص حتى في البيت مش هتشوفيني ..وانتي عارفه ان عمري ما وعدت بحاجه واخلفت فيها
رحمه قالت بارتباك... انا مش خايفه من حاجه
حسن قال بغضب ...لا طبعا مستحيل تروح معاك وتقعدوا لوحدكم باي صفه
شهاب قال بغضب... انا جوزها وعادي تقعد معايا...بس بقى هيه اللي تختار... اذا كان عندها الشجاعه تتواجه معايا ولا لا ..واذا هيه ذيك خايفه من اي حاجه تقولها
رحمه بصت له بتحدي وقالت ....انا لا خايفه منك ولا خايفه من اي حاجه سواء هنا او هناك اختياري واحد
شهاب مد ايده وقال ...يبقى اتفقنا جهزي شنطتك
رحمه بصتلو بغضب و تحدي وقالت ...احنا اتفقنا ..اتفقنا على اننا نختلف طول العمر ...وما سلمتش عليه وبصت لحسن وقالت ....حسن ما تقلقش انا هروح معاه بس مش هسيبك ابدا هروح معاه علشان يبعد عننا وبس
وبصت لشهاب بطرف عينها وقالت..انما انا بحبك انت ومش هحب غيرك
شهاب ضم ايديه بغضب وطلع على اوضته
في اليوم التاني ودعوا الجميع وطلعوا على شرم الشيخ حسن كان بيغلي وهيتجنن ..خصوصا من جده لانه كان مبسوط وممنعش اللي بيحصل ده
شهاب ورحمه كانو على الطريق وكان شهاب مبسوط جدا وقال ..انا عندي شاليه على البحر جنان هيعجبك
قالت بضيق ..ليه منحجزش اوتيل
ابتسم وقال... لا مش هينفع نروح اوتيل عشان مش معانا قسيمه الجواز
رحمه قالت بضيق.... نقدر ناخذ كل واحد اوضه عادي
شهاب ابتسم وبص لها وقال...بس احنا اتفقنا ان الاسبوع ده هنفضل سوا ...سوا معنى سوا في كل حاجه
رحمه اتنهدت بخنقه منه ومردتش عليه
وشهاب مد ايده ومسك ايدها بس سحبتها بسرعه و قالت بغضب.... شهاب...من غير تجاوز
شهاب ضحك جامد وقال.... مسكت ايدك تجاوز ...الله يرحم ايامنا سوا يا رحمه
بقلم...زهرة الربيع
↚
رحمه قالت بضيق... اديك قولت الله يرحمها
بعد شويه نزلوا في الشاليه ودخلوا على الاوضه اللي هيقعدوا فيها وبقوا يرتبوا حاجتهم فيها رحمه كانت بترص هدومها في الدولاب ولقت اديه حاوطت وسطها بقوه وقال بهمس عند ودنها..... وحشتيني قوي... وحشتني ريحتك وقربك وحشتني لمستك قوي
رحمه غمضت عينيها بحزن وحاولت تقوى ودفعته وبصت له بغضب وقالت...انا قولتلك خليك بعيد عني صح
بص لعيونها وقال ...معقوله يا رحمه متصدقنيش للدرجه دي ده احنا كنا بنموت في بعض... وكمل بغضب وقال... معقوله حسن اعز عليكي مني
رحمه قالت بغضب شديد.... حسن رجله راحت بسببي.. وبذنب ما عملهوش..انت عارف ان عمي وجدي ليهم اعداء بالهبل.... وانا سمعت اللي خطفوني قالو انهم عملو كده علشان الصفقه حسن جيه وخاطر بحياته وكان هيتقتل علشان يطلعني..تقوم انت تيجي وتضرب عليه نار وتتهمه انو هو اللي كان خاطفني وتضيع رجله وهو في عز شبابه
شهاب قال بغضب شديد... انت ليه مش عايزه تفهمي... دي كلها خطه منه هو قاصد يخليكي تسمعي كده ...طيب هاخدك على قد عقلك لو حسن فعلا مش هو اللي خاطفك معقوله يقدر يدخل من الحرس دول كلهم ويفكك بسهوله كده... دي نمره عملها علشان يبقى البطل في عيونك
رحمه ضحكت بسخريه وقالت ...في حد يخاطر بحياته بالطريقه دي عشان يبقى بطل...طب ما انت جيت وراه علشان تطلعني ودخلت عادي
شهاب اتنهد وقال ...انا دخلت علشان هو امن المكان اللي الاول وما كانوش يقدرو يمنعوني عشان ما يتكشفوش وبعدين انا حتى لو كنت هتقتل كنت هاجي علشانك يا رحمه ..وانتي عارفه الكلام ده كويس ومش اول مره كنت اقف معاكي في وش الخطر
رحمه اتوترت من كلامه لثواني بس قالت بضيق .. مش هصدقك..و لو سمحت عايزه اغير هدومي تعبانه وعايز انام
شهاب بصلها بعدم فهم وقال ....طب ما تغيري
رحمه بصت له بدهشه وقالت ...هو ايه اللي ما اغير ..اغير ازاي وانت زي الشحط واقف قدامي
شهاب ضحك جامد وقلع قميصه وقال... كده اهو زي ما انا بغير قدامك وانتي موزه قدامي
رحمه بصتلو بغضب من وقاحته وقالت ....بطل وقاحه و اتفضل بقى اطلع خليني اغير
شهاب ابتسم وقال....غيري في الحمام
ونام على السرير وقال.... في فيلم جنان دلوقتي هيبدا هسمعه
رحمه اتنهدت بغيظ واخدت الهدوم بتاعتها وراحت على الحمام
↚
شهاب وقف عند التلفزيون وابتسم بخبث وعد لحد ثلاثه وقال بزعيق وصوت عالي.... اااااااه الحقينييييي يا رحمه الحقوني
رحمه شهقت بخضه وشدت الفوطه لفيتها عليها بسرعه وطلعت جري وقالت برعب..في ايه مالك ايه اللي حصل
شهاب بلع ريقه وهو بيبص لها من فوق لتحت وقال ...اتكهربت اتكهربت في التلفزيون
رحمه مسكه ايده وقالت بخوف...يا خبر طب نتصل بدكتور ولا ايه
شهاب شدها عليه بقوه وحط راسه في حضنها وقال.... لا بس احضنيني خمس دقائق حاسس برعشه في جسمي.... اه يانا يا قلبي.... فين ده كله كان مستخبي
رحمه ابتسمت وعضت على شفتها بكسوف ودفعته وبصيت له وقالت.... بالذمه ايه اتكهربت مش كده
شهاب ابتسم لما عرف انها فهمتو وقال ....اتكهربت بجد انتي مش مصدقاني ولا ايه
رحمه ابتسمت ابتسامه جانبيه وقالت ....اه مش مصدقاك.. بطل وقاحه بقى.... مش عيب عليك لما تخضني وتخليني اطلع بالمنظر ده
شهاب قرب منها وقال ...تفتكري ليه اتخضيتي عليا لدرجه انك تطلعي كده... هو لو كان حسن اللي نادى لك كنتي هتطلعي بالشكل ده
رحمه بلعت ريقها بارتباك وقالت..... انا كنت مخضوضه اصلا ما فكرتش في كده ويمكن لو اتخضيت زي كده كنت برده هطلع..سواء انت او حسن ما تفرقوش عن بعض بالعكس هو يهمني اكتر منك
ولسه هتمشي شدها عليه بقوه وحاوط وسطها بايده وقال ...ارفعي عيونك وانتي بتقوليلي الكلام ده... بص لعيوني وقوليلي اني ما اهمكيش و اني ما فرقش معاكي
رحمه بصت لعيونه لثواني وبقت دمعها تنزل غصب عنها ضربته في صدره بايدها وقالت ببكا....انت عايز مني ايه...ليه بتعمل كده.... انا كنت بحبك بس دلوقتي مستحيل بعد اللي حصل انت طلعت انسان قاسي وبمنتهى السهوله ممكن تعمل اي حاجه...اللي يخليك تضرب على ابن عمك اللي متربي معانا كانه اخونا ....يخليك تاذي اي حد حتى انا
شهاب ابتسم وسند جبينه على جبينها وقال بهمس قدام شفايفها... انا ممكن اضرب على نفسي عادي... بس مستحيل اذيكي...ولا ممكن افكر في اللي انتي بتقوليه ده.... انا بعشقك من طفولتنا ما قدرتش استحمل انك تتخطفي كده سامحيني ما كانش صح احطك في موقف زي ده ولا اخليكي تشوفي منظر زي ده بس ما كنتش بفكر في حاجه ما كنتش بفكر غير انك كنتي ممكن تروحي مني
بقلم....زهرة الربيع
رحمه فتحت عيونها وبصت لعيونه اللي كانوا بيلمعوا بعشق وصدق
شهاب مرر عيونه على ملامحها اللي بيعشقها واتوقف عند شفايفها و قرب وبقى يبوسها بقوه وحس باجمل شعور في الدنيا لانها مش بتمنعه ومغمضه عينيها باستسلام شديد بين ايديه
بعد عنها علشان يتنفسوا وكانت لسه مغمضه عيونها
ابتسم ابتسامه رضا وهمس بسعاده... لسه بتحبيني لسه عايزاني غرقانه في حبي وما لقيتيش اللي طلعك منو
رحمه فتحت عنبها وبصتلو بتوتر و جريت بكسوف شديد دخلت الحمام وقفلت الباب وهي وبتلعن نفسها 1000 مره
شهاب اترمي على السرير بسعاده وهو مبسوط باللحظه دي جدا وفضل مستنيها تخرج
بعد شويه خرجت وهي مش قادره تبص بقت تحط مفرش على صوفه صغيره في الاوضه و تحط عليها مخده
شهاب ابتسم وقال ....بتعملي ايه انا مستحيل اسيبك تنامي على الكنبه
رحمه قالت بابتسامه... لا دي مش علشاني دي علشانك انت انا هنام على السرير اللي عندك اتفضل قوم
شهاب اتسعه عينيه بدهشه وقال....يا سلام وكمان واثقه من نفسك.....بلاش هبل و تعالي ننام عليه سوا هو واسع اصلا
رحمه اتنهدت وبصت له وقالت بجديه..... اسمع يا شهاب انا لحد دلوقتي مش قادره اتخيل ان اللي حصل بينا ده جواز وانت عمال تتعدى حدودك معايا ...وده غلط خليك بعيد عني وتعالى نام على الكنبه من سكات
شهاب ابتسم وهو وقف وقرب منها بس شهقت بزهول وووو
↚
شهقت بزهول لما شالها وراح بيها ناحيه السرير وهي بتضربه وبتحاول تفلت من بين ايديه
شهاب نيمها على السرير وشدها عليه بقوه وحط رجله عليها علشان يثبتها وقال.... اهدي خليكي كده في حضني مش هعمل لك حاجه
رحمه قالت بغضب ....سيبني يا شهاب انت اتجننت ابعد
شهاب ابتسم وقال ....تعرفي انا كم مره اتجوزتك
رحمه عقدت حواجبها باستغراب وهي مش فاهمه بيقول ايه وهو ابتسم وقال بهمس....كل ليله كنت بتجوزك في احلامي ..يعني علشان ابقى صريح معاكي كنت بحلم باللي بعد الفرح
رحمه قالت بغيظ شديد... بطل سفاله وسيبني يا شهاب احسنلك
شهاب ضحك بخفه وقال... تعرفي كنتي بتلبسي ايه
رحمه قالت بضيق شديد.... اللهم طولك يا روح
قال بسرعه... يا رب ...يطول روحك ويطولي عمرك وتفضلي في حضني كده كمان 100سنه لقدام
رحمه ابتسمت بخفه على كلامه بس محتها بسرعه وقالت طيب خلصت جنانك سيبني بقى
شهاب قال بسرعه ....ما ينفعش والله مش هعرف انام على الكنبه اصل انا عندي وجع في جنبي مش هقدر على نومة الكنب
رحمه قالت بضيق ....يا سلام وجالك امتى ده بقى
شهاب قال بسرعه ....بعد ما سبتيني على طول....جاني وجع في جنبي.. وجرح في قلبي ...واكتئاب من كتر ما بخبي
رحمه ابتسمت على جنانه وقالت ....خلاص طب ابعد وانا هروح انام على الكنبه
شهاب شدها لحضنه جامد وقال... انتي هتنامي هنا في حضني عشان خاطري وحشاني قوي والله بس الليله دي
رحمه لسه هتتكلم باسها من شفايفها بسرعه وقال.. اي كلمه منك بواحده من دي وبراحتك بقى
رحمه اندهشت من حركاته..و غمضت عنيها بسرعه وحاولت تنام من غير اي محاوله
شهاب ضحك بخفه وفضل حاضنها بارتياح لحد ما راح في النوم
في صباح يوم جديد كانوا قاعدين سوا على البحر وبتكلموا كانت رحمه بتضحك من قلبها على كلامه وحركاته...اللي بجد رغم كل ده وحشينها جدا
شهاب كان مبسوط جدا بضحكتها وبيحكي لها عن مواقف حصلت معاه وقال.... وهم قاعدين في السهره وقامت الشرطه طبت على المكان قام شد نظاره ليليه بتاعة واحد صاحبه ولبسها ومسك في الضابط وقال ....معلش يا ابني تعديني الشارع انا مش عارف انا فين
الضابط جابه من قفاه وقال ...خد الحاج يا ابني على البوكس واهو نكسب فيه ثواب
رحمه ضحكت جامد وقالت.... والله صاحبك حسام ده مسخره كان يموتنا ضحك لما يجي ..هو اللي حكى لك الحكايه دي
شهاب قال بضحك.... لا ما انا كنت معاهم كنت جوه مع كاميليا وبعد كد.....
بس قطع كلامه لما خد باله من جملته وهي قلعت نظاره الشمس بتاعتها وبصيت له باهتمام وقالت...نعم كنت مع كاميليا ...كنت مع كاميليا فين كنت معاها في الشقه
↚
بقلم....زهرة الربيع
شهاب قال بارتباك ....احم.. انا ما قلتش كده انا بقول يعني كنت مع كاميليا في الشغل وهو اتصل عليا عشان اروح لهم
رحمه قالت بغضب... انت كذاب... هو انت لسه بتقابل كاميليا
شهاب قال بارتباك...اصل انا بعد ما عمي مشاني من البيت ما لقيتش مكان اروح عليه و
رحمه قاطعته وقالت... اااه ..ملقيتش مكان تروح عليه رحت تستخبى في حضن الست كاميليا ....ووقفت وقالت ....تعرف انا اللي غلطانه وهبله لاني كنت فاكره ان انت فعلا ندمان على علاقتنا وبتتمنى تصلحها
لسه هتبعد جري عليها ومسك ايدها وقال... يا حبيبتي ده كان زمان وبعدين انتي عارفه ان انا ما بحبش غيرك ودي مجرد تسليه
رحمه قالت بغضب...خليك بعيد عني ومشيت بسرعه
بس جري وراها وشدها بقوه وقعوا هم الاثنين في الميه رحمه شهقت بزهول وهو شدها لحضنه جامد وقال... انتي زعلتي ليه ..على فكره بقى انا ما كنتش معاهم ليلتها وانا اللي ضمنتهم يومها وطلعتهم من الحجز....وتقدري تسألي اي حد من صحابنا انتي عرفاهم.... لسه بتغيري عليا ....وحشتني قوي غيرتك
رحمه بلعت ريقها بارتباك وبصت لعيونه وقالت.. خلينا نطلع هنبرد
شهاب بص لعيونها وقال.... نبرد ازاي وانتي في حضني ده الميه هتولع حوالينا
رحمه عضت على شفتها بخجل وقالت... شهاب انا...
حط ايده على شفايفها وقال بسرعه....انتي عشقي يا رحمه انتي بتحبيني وانا بحبك... ليه نعذب نفسنا اكتر من كده وحياه عيونك انا ما كذبت عليك في حرف
رحمه قالت بدموع...مش قادره انسى اللي عملتو...خصوصا وانا شيفاه قدامي ليل ونهار قاعد على كرسي بسببي
شهاب اتنهد وقال... انسي يا رحمه ...عشان خاطري... انا مش قادره اتخطاكي ..انتي بتقتليني ببعدك
رحمه قربت منه وهيه بتبص لعيونه ونسيت الدنيا كلها في حضنه وقالت ...وحشتني يا شهاب وحشتني كل حاجه فيك
شهاب ضمها وعيونه بتلمع بسعاده وهو بيقربها ليه وباسها بقوه وهيه اتجاوبت معاه ونسيت الدنيا
رحمه بعدت بالعافيه منو وقالت بزهول.... انت بتعمل ايه احنا في البحر
بص حواليه بارتباك وشدها من ايدها وطلعوا بسرعه بص لها لقاها بتبتسم بكسوف على الموقف و ضحك هو كمان وهما ماسكين ايدين بعض بسعاده
في الاوضه بص لها وقال بسعاده ...انتي صدقتيني يا رحمه مش كده
رحمه اتنهدت وقالت....شوف يا شهاب انا ما كنتش عايزه اجي معاك هنا لاني ...لاني لسه لسه قلبي ما قدرش ينساك ما قدرش يحط غيرك بسهوله قربك مني ده بيوترني وبنسى الدنيا كلها ...اللي حصل ده حصل لاني مشاعري اخذتني بالغلط ....انما انا لسه عند موقفي ...مش هقدر اكون معاك و انا عارفه ان حسن جه علشان يطلعني وانت ضربت عليه بالنار
شهاب اتنهد وقال ... يا دي حسن... طب بصي انا هحاول اوصل للجماعه دول اللي كانوا خاطفينك وهحاول اثبت لك ان كل كلمه قولتها حقيقه
رحمه قالت بابتسامه .... انت لو عملت اللي بتقوله ده انا هبقى اسعد واحده في الدنيا دي كلها
↚
شهاب بص لعيونها وقال... اهم حاجه عندي انك تبقي مبسوطه ...انا بحبك قوي..و لسه هيقرب بعدته وقالت... خلاص بقى متسوقش فيها
شهاب ضحك وقال.... ماشي هاحاول
ومر الاسبوع بينهم كانوا بينزلوا يقعدوا على البحر ويسهروا ويتفسحوا وكانت اسعد ايام قضوها سوا
وكانت رحمه مبسوطه جدا جدا وحتى انهم مرجعوش بعد الاسبوع وفضلو سوا وكانو مبسوطين جدا
في ليله كانو قاعدين مع بعض بيتعشوا عشا رومانسي جدا في مطعم جمب الشاليه على طول
واشتغلت اغنيه جميله بيحبوها هم الاتنين ..التفتو لبعض بسرعه لانهم عارفين ان الاغنيه دي بيحبوها
شهاب مد ايده بطريقه رومانسيه شيك
رحمه ابتسمت ومسكت ايده ووقفو وبقم يرقصوا بسعاده شديده
رحمه قالت بابتسامه.... تعرف اني بعيش اجمل ايام حياتي ....السنه اللي فاتت دي قتلتني قتلت حاجات حلوه قوي جوايا
شهاب ضمها ليه وحط راسها فوق كتفه وقال... ودمرتني انا كمان هتصدقي لو قولتلك اني كنت باجي على طول عند البيت على امل اني اشوفك داخله او طالعه...كان اقصى طموحي اني المح عيونك ... انا تعبت قوي من غيرك
رحمه بصت لعيونه بابتسامه وهو تاه في عيونها وقرب منها بس الموسيقى انتهت والناس بقت تصفق لهم
اتوترو وهما بيبصو للناس اللي كانو نسيو وجودهم و قعدوا على الطاوله تاني ورحمه قالت.... احنا ما ينفعش نقعد مع بعض خالص اكتر من كده
شهاب ضحك جامد ومسك ايدها باسها وقال.. اديني ثانيه واحده ومشي من على الطاوله
رحمه كانت بتبص للمكان بانبساط بس جاتها مكالمه ردت بفرحه وقالت..الو
جالها صوت مرات عمها بتعيط وبتقول....انتي فين كل ده يا رحمه.... يا بنتي مش حرام عليك اللي عملتيه لما انتي ناويه ترجعي لشهاب وناويه تقعدي كل الفتره دي معاه كنتي بتدي حسن امل ليه ...الولد تعب جدا وجاله اكتئاب حتى الدكتوره بتاعتو بتقول انه ممكن يدخل مصحه نفسيه... هو حاسس انك صدقتي ما بعدتي عنه ورجعتي لشهاب لانه بيمشي ليه يا بنتي ده عمل كل ده علشانك ده فقد رجله في عز شبابه بسببك
رحمه وقفت بزهول وقالت... انتي بتقولي ايه يا عمتي هو حسن تعبان انتي مقولتليش ليه
مرات عمها قالت ....اقولك ايه....اقولك ان ابني ليل ونهار بيفكر فيكي وحالته بقت صعبه بسببك كان لازم تفهمي من نفسك يا رحمه ومكانش فيه داعي تضحكي عليه كده
بقلم....زهرة الربيع
رحمه اتملت عيونها دموع وقالت ....انا ما كنتش فاكره ان حصل كل ده والله ...انا هرجع حالا..وقغلت معاها بدموع وزهول ولسه هتمشي اتفاجأت بزهور بتنزل عليها من المكان والناس بتسقف وجه شهاب ومعاه علبه وقال بابتسامه....زي النهارده بالظبط قرينا كتابنا سنه...اليوم اللي انا اعتبرتك بقيتي مراتي فيه...و طلع خاتم جميل جدا وقعد على ركبتو بطريقه رومانسبه وقال.....وعلشان كده قررت يبقى يوم خطوبتنا رسمي.... ولسه هيلبسه لها سحبت ايدها بسرعه وقالت بحده ...شهاب احنا بقى لنا اكتر من اسبوع هنا عرفت توصل للناس اللي قولتلي عليهم قدرت تثبت لي ان كلامك صح وان حسن هو الغلطان
شهاب استغرب جدا ووقف وقال...ايه اللي فكرك بالموضوع ده دلوقتي
رحمه قاطعته وقالت.... انا فاكره الموضوع ده ومش هنساه تقدر تقول لي عملت ايه
شهاب اتنهد بضيق وقال... مش هكذب عليكي مقدرتش اوصل لهم
رحمه هزت راسها وقالت ...اممم تمام فهمت يعني ما قدرتش تثبت ان اي حاجه من اللي انت قولتها صح ...يعني كلام حسن صح
شهاب بصلها بدهشه وقال ....انتي بتقولي ايه هو انا عشان ما لحقتش الاقيهم يبقى كلامه صح ...هو معقوله بعد كل ده لسه مش واثقه فيا
رحمه قالت بدموع... انا هرجع القاهره الليله ..هتجوز حسن ده اللي انا متاكده منه حاليا ووووو
↚
هتجوز حسن ده اللي انا متاكده منه حاليا ومشيت بسرعه من المكان وسابته واقف بصدمه وزهول
وقع الخاتم من ايده وهو بيبص لطيفها بصدمه ...بس حاول يتمالك نفسه وجري وراها لقاها بتدخل الشاليه
شهاب راح وراها وهو مصدوم واتفاجأ انها بتلم شنطتها بصلها بصدمه وقال
..انتي بتعملي ايه.. يعني ايه اللي طالع في بالك فجاه انك تمشي
رحمه قالت بدموع... حسن تعبان من ساعه ما مشينا مامتو بتقول بيجيبولو الدكتوره كل يوم ...انا مش انانيه للدرجادي مش هقدر ابقى مبسوطه معاك وفي انسان ثاني بيتدمر.... انسان خسر كتير بسببي سيبني لو سمحت
شهاب بقى يشيل الهدوم من الشنطه وبيقول بغضب شديد.. بلاش جنان يا رحمه ده بيأفلم عليكي بيضحك عليك يا غبيه افهمي بطلي تبقي عبيطه وهبله كده واي حد يجي يضحك عليكي
رحمه قالت بغضب شديد.... شهاب اناحاسه اني بقيت عبيطه وهبله من وقت ما حبيتك الوقت اللي قضيتو معاك كلو كان عبط...حتى قراري باني اجي معاك هنا كان عبط
واخذت شنطتها وبقت تمشي بسرعه وهو وراها وبيقول ...هتروحي فين دلوقتي اقدر افهم رايحه فين
رحمه قالت بسرعه.... رايحه اشوفه واقوله اني اخترته هو
شهاب شدها عليه بكل قوته بقت في حضنه وقال بدموع وغضب .... بس انتي ما اخترتيهوش هو ..انتي قلتي لي انك اخترتيني وان قلبك مش قادر ينساني
رحمه بصت لعيونه بدموع وحطت ايديها على خدوده وقالت ....ايوه صح..وعمري ما هعشق غيرك..بس مش هقدر وحياه عيونك اللي ما عشقتش غيرهم مش هقدر... سواء انت غلطان او مش غلطان مش هحب غيرك....وسواء هو غلطان او مش غلطان مش هقدر اكون غير ليه سامحني انا هكمل مع حسن..وهطلب منه هو كمان يسامحني لاني هفضل معاه بس قلبي معاك .... وباسته من جنب شفايفه برقه ودموعها بتقع على خدودها بغزاره ومشيت وسابته واقف متجمد مكانه
بعد شويه طلع وراها جري لاقيها ركبت العربيه بتاعته ورجعت بيها قال بغضب وزعيق وهو بيجري ورا العربيه ...رحمه طب اسمعيني...رحمه...ووقف وقال بدموع...طب حتى كنتي سيبتي العربيه او اخديني معاكي هروح ازاي يا غبيه
بقلم...زهرة الربيع
↚
رحمه رجعت على الببت وطول الطريق بتبكي ولحظاتها معاه مش مفرقاها خصوصا لما فاجأها وكان هيلبسها الخاتم بقت تبكي بقر شديد
شهاب قعد على الشط بعد ما مشيت وحس انو خسر كل حاجه فجاه وبقت دموعه تخونه وهو بيفكر فيها..طلب عربيه علشان يرجع وراها وهو متدمر حرفيا وشايف انها اتخلت عنه ما اقدرش حتى يرجع على البيت
في البيت كانت رحمه مع حسن وكان تعبان جدا والدكتوره بتاعته قالت لها ان حالته النفسيه صعبه
رحمه قالتلو انها اختارتو هو وحسن انبسط جدا و حدوا ميعاد الفرح
بعد ايام كان حسن في اوضتو مبسوط جدا وجالو تليفون وكانت رحمه استغرب انها بتكلمو بالتليفون بس رد بسعاده وقال...الو يا قلبي
بس اتصدم بصوتها بتبكي وبتقول ....حسن الحقني الحقني يا حسن انا اتخطفت تاني نفس الجماعه اللي خطفوني قبل كده و
بس الخط اتقطع بسرعه
حسن اتصدم وبقى يقول بزهول رحمه حبيبتي انتي فين بس لقى التليفون اتقفل
بقى يطلب شخص بغضب وتوتر وقال.... ايوه يا حيوان انت خطفت رحمه تاني ليه.... انا اديتكم اوامر تعملوا كده
بس اتسعت عنيه بزهوله وهو بيقول ....يعني ايه ما خطفتهاش .....يعني ايه مش معاكم
بس اتصدم صدمه عمره لما اتفتح الباب ودخلت رحمه وهي ماسكه التليفون في ايدها ...وبصتلو بابتسامه جانبيه وقالت اقفل معاهم الرصيد غالي
حسن قفل التليفون بصدمه وقال بارتباك...رحمه انا هفهمك اللي حصل..انا...
رحمه قالت بدموع....مفيش داعي..انا فهمت...بس متاخر...لاني زي ما قال شهاب...عبيطه..و كل الناس عارفه الحته دي وبيستغلوها الا انا ...وبصتلو بدموع وقالت... معقوله تغير من علاقتنا انا وابن عمك للدرجه دي لدرجه تضيع نفسك وتضيع رجلك وتخطف بنت عمك وتعرضني للخطر...افرض غيروا اتفاقهم معاك و عملوا فيا حاجه ..معقوله بالسهوله دي...يا حسن ده انا لما عرفت من مامتك انك تعبان جيت جري سبت شهاب وما اهتمتش ان انا ما حبتش طول عمري غيره علشانك يا حقير
حسن لسه هيرد قاطعتو وقالت..بس عارف من وقت ما جيت وانا مش عارفه انام من كلامه عنك بيقول بكل ثقه انت اللي خطفتني ...انا ما لقيتش طريقه غير دي علشان اكشفك بيها ..للاسف وثقت في شهاب وكلامه متاخر اوي .. خساره يا حسن كان عندي استعداد اعيش عمري كامل معاك وانا مش بحبك بس ما اعرفش انك قذر للدرجادي
و طلعت جري بس اتصدمت لما مسك ايدها وهو بيقول بسرعه ودموع ....استني يا رحمه ارجوكي انا....
رحمه بصت له بصدمه شديده لما لقيته واقف على رجليه كانت هتقع من طولها ....اللي عمله كان رد فعل تلقائي انه جري علشان يوقفها ....ضحكت ودموعها بتنزل وقالت.... لا لا لا لا لا انا مش غبيه ده انا حماره ...والله حرام عليك ....حرام عليك بجد..... حرام عليك اللي انا عشته وحسيته وانا بشوفك بتتالم وحاسه انك فقدت رجلك بسببي حرام عليك يا ابن عمي
قالت كده وجريت وحسن قعد على الكرسي ودموعه بتنزل بحسره وندم وبيلعن غبائو وتسرعه
رحمه طلعت من عنده جري على شقه شهاب علشان تعتذرلو وهيه رغم كل الحزن ده لاكن مبسوطه انها هتكون مع شهاب
شهاب كان قاعد في شقته وماسك صور رحمه بيشوفها بدموع
سمع خبط على الباب فتح وكانت بنت شقره وطويله اتنهد لما شافها وقال..اهلا يا كاميليا...ودخل وساب الباب مفتوح
كاميليا دخلت وقفلت الباب وقالت ....انت هتفضل كده حابس نفسك لامتى..انت وحشتنا انا والشله بنسأل عنك
شهاب قعد بضيق وقال. ما ليش نفس
↚
كامليا قعدت جنبو ومسكت صوره رحمه وقالت بضيق....اممم انت سمعت انهم هيتجوزوا حددو الفرح بعد ايام
شهاب سكت بضيق والم ...وهي قربت منه وقالت برقه... شهاب انا بحبك اديني فرصه ارجوك
شهاب قرب منها وهيه لسه هتبوسه بس ما اقدرش ووقف بسرعه بعيد عنها
كامليا قربت منه وحضنته بسرعه وقالت.... انا بحبك يا شهاب بحبك اكتر منها
في الوقت ده رحمه فتحت الباب ودخلت من غير ما تخبط وقالت بزهول... انتوا بتعملوا ايه
بقلم...زهرة الربيع
شهاب اتفاجأ بيها وفرح جدا ولسه هيقرب منها افتكر اللي حصل وقال بغضب ....وانت مالك ايه اللي جابك هنا
كامليا قالت بضيق..اه انت مالك وماله جايه ليه مش هتتجوزي
رحمه قربت منها بغضب وقالت.... انا صحيح كنت هتجوز يا حبيبتي بس اكتشفت... اني حامل فغيرت رأيي
شهاب بص لها بصدمه وقال ...نعم حامل
رحمه قربت منو وقالت بدلال..اه حامل يا قلبي ...هجبلك نونه قمر تشبهك وتشبهني
كامليا حطت ايدها على بقها بصدمه وقالت... ايه اللي بيحصل ده ..وانا اللي فكرت ان ممكن يبقى لنا فرصه مع بعض يا شهاب
شهاب لسه هيرد رحمه قالت بسرعه.... للاسف مفيش ياريت بقى تاخدي الفرصه بتاعتك وتشوفيلك سكه تانيه
كامليا شدت شنطتها وجريت بدموع
شهاب كان بيبصلها بزهول وقال.... ايه اللي بتعمليه ده..حامل ازاي ايه الهبل ده
رحمه قربت منه وحاطه رقبته بايديها وقالت ...يعني قصدي باعتبار ما سوف يكون...انت ليه مستغرب اني حامل يعني مش مشكله الليله ننفذ
شهاب بص لها بدهشه وزهول وقال.... انت هبت منك يا رحمه ولا ايه انتي مش قولت انك....
رحمه قاطعتو وقالت.... كل كلامك طلع صح...طلع هو اللي خطفني وطلع كمان بيمشي عادي ورجلو محصلهاش حاجه من الرصاصه
شهاب بصلها بصدمه وقال ...وانتي عرفتي ازاي
رحمه قالت بدلال... يا ابني انا ذكيه ما انت عارف
شهاب كان عايز يضحك وطاير من السعاده بس قال بضيق مصتنع ....يا سلام يا ذكيه...وياترى جايه هنا ليه
ابتسمت وهيه بتقربلو وقالت...انت عارف جايه ليه خلاص بقى ميبقاش نفسك فيه ..وتقول اخيه
شهاب حاول يكتم ضحكته وقال بغضب...لا انا فعلا مش عايزك بعد اللي عملتيه وبعد الكلام اللي قولتيه وبعد ما كذبتيني وبعد ما....
لاكن قطعت جملتو بشفايفها
شهاب شدها عليه بكل قوته وبقى يبو،،سها بسعاده وشغف
بعدت عن شفايفه وقالت بهمس... بعشقك
شهاب ابتسم بسعاده و قال ...وانا لا حبيت ولا هحب قدك في حياتي
رحمه قالت بابتسامه ...يبقى تكلم الماذون علشان نكتب كتابنا رسمي علشان لما ننفذ تبقى الناس عارفه اننا متجوزين
شهاب ضحك وهو بيحضنها وبيلف بيها بسعاده وقال ....انا مش مصدق ولله الحمد لله يا رب
رحمه بصت لعيونه بدموع وقالت.... اسفه انا مش عارفه اعتذرلك ازاي
شهاب ابتسم وقال...خليكي جمبي..ده اجمل اعتذار ...ده اللي انا محتاجه وبس ومش عايز اي حاجه من الدنيا تاني انتي رحمه من ربنا لقلبي وبعيد عنك بشوف العذاب الوان❤