رواية قلب احب امراتين رعد ورهف كاملة جميع الفصول بقلم شروق حسام
رواية قلب احب امراتين رعد ورهف كاملة جميع الفصول هى رواية من تأليف المؤلفة المميزة شروق حسام رواية قلب احب امراتين رعد ورهف كاملة جميع الفصول صدرت لاول مرة على فيسبوك الشهير رواية قلب احب امراتين رعد ورهف كاملة جميع الفصول حققت نجاحا كبيرا في موقع فيسبوك وايضا زاد البحث عنها في محرك البحث جوجل لذلك سنعرض لكم رواية قلب احب امراتين رعد ورهف كاملة جميع الفصول
رواية قلب احب امراتين رعد ورهف كاملة جميع الفصول
_” أحمد حبيبي اصحي يا روحي مش هتروح الشغل ”
أحمد بنعاس ” سيبيني شوية يا رهف انا تعبان صاحب الشغل إمبارح بهدلني ”
_” عارفة يا حبيبي الله يكون في عونك عارفة انك بتتعب عشانِ انا و بنتنا ”
أحمد قام من مكانه وهو بيبتسم لها بحب ” تعبي وحياتي فداكم يا حبيبتي صباح الورد الأول ”
_” صباح الورد والفل والياسمين يا حودة ”
_” حبيبتي أنا هدخل أخد شاور والبس عشانزالنهاردة يوم مهم جدا وصاحب الشغل طالبنا من بدري الله يستر بقي ”
_” ماشي يا حبيبي بس متتأخرش اووي عشان نتعشا سوا ”
أحمد بتنهيدة ” علي حسب الظروف بقي يا حبيبتي هحاول متاخرش ”
أحمد خلص كلامه ودخل التويلت خد شاور ولبس هدومه وراح الشغل
ورهف اتصلت علي صاحبتها نورا
_” الو بووز الاخس مشي مش بتعبريني غير لما يمشي يا واطية واكل عقلك هو ”
_” يابنتي أحمد كويس وطيب معرفش انتي لسه مش بطيقيه ”
نورا بحزم ” اه مش برتاح له احنا مش عارفيين اصلا هو مين هو ظهر فاجأة قدامك من 4 سنين بعد ما عمل حادثة وانتي لحقتيه وودتيه المستشفي وعالجتيه بكل الفلوس اللي كنتي محوشاها عشان تكملي دراستك واهو مكملتهاش بسببه ده غير انه قالك انه يتيم ومعندهوش اهل ده غير الاكل الغالي اللي بيجيبه والحلويات واللبس ولما تسأليه جايبه منين يقولك حجج وحوارات كتير كتير وانتي كل ده ولا علي بالك ”
رهف بثقة وحب وعقلها مسلوب منها ” يا نورا بطلي تقولي الكلام ده أحمد بيحبني بجد وانا عارفة كده كويس وواثقة انه عمره ما هيخدعني او يغشني فياريت متزعلنيش منك احنا صحاب وعشرة سنين ”
_” خليكي متسمعيش كلامي كده لحد ما يحصل حاجة مش هتحبيها ولا انا هحبها وساعتها انا هكسر نفوخه ”
كملت بهمس ” وده هيحصل قريب جدا ”
رهف جت تتكلم نورا قاطعتها بسرعة ” سيبك من كل ده النهاردة فرح رجل أعمال كبير وتقيل اوي في البلد وعايزين حد يخدم علي المعازيم ايه رأيك تيجي معايا انا قولتلهم عليا وعليكي عشان لو وافقتي تروحي ”
_” حلو اوي ده وبالمرة اساعد أحمد بالمصاريف ”
نورا بجمود وغموض ” متقوليلهوش حاجة ”
_” لييه ”
_” هتعرفي لما نروح هاتي بس سما حبيبة قلبي اخليها عند ماما عقبال ما نروح ونيجي ”
رهف بتنهيدة ” حاضر ”
نورا بهمس ” مكنتش عايزة اعرفك بالطريقة دي بس انتي مش هتصدقي غير لما تشوفي بعنيكي الحقيقة ”
……………
بعد ساعة
في قاعة أفراح من أغلي وأكبر قاعات الأفراح في مصر كان الكل مبسوط وبيبارك لرجل الأعمال ومراته علي فرحهم اللي كان بعد حب سنين
في الوقت ده كانت رهف بتقدم العصير للمعازيم لحد ما شافته شافت جوزها واقف مع العروسة وهو لابس بدلة شيك ومصفف شعره بطريقة خلته وسيم اكتر
رهف بصدمة ” أ..أحمد ”
أحمد مخدتش باله منها وكان مشغول مع مراته جاسمين اللي عمال يهمس في ودنها بكلام غزل وهي بتضحك بخجل واضح للكل
نورا جت من وراها وخدتها من ايديها وطلعتها برا القاعة
رهف بعدم استيعاب ” يلا يا نورا عايزة اروح زمان أحمد رجع مستنيني ”
_” يابنتي فوقي بقي فوووقي هو ضحك عليكي افهمي بقي انا شوفت صورته من يومين علي الصحف وان جوازه هيبقي النهاردة وبالصدفة لقيتهم محتاجيين حد يضيف المعازيم عشان كده بس خدتك معايا عشان تشوفي الحقيقة بعينك اللي مش راضية تصدقيها مهما قولتلك ”
رهف بدموع متحجرة ” يعني انا هههه مراته في السر وهي في العلن يا نورا انا مجرد واحدة بيتسلي بيها شوية طب طب وبنتنا حبه ليها كان كذب ههههه ”
كملت وهي بتحاول تهدي نفسها ” بصي انا مش قادرة اتكلم اروح الأول وبعدين هبقي اكلمك هقولك اعمل ايه ومعلش خلي سما عندكم النهاردة ”
_” تمام سما في بيتها دي زي بنتي واكتر وبحبها ويلا عشان اوصلك البيت الأول ”
رهف هزت لها رأسها وهي مش قادرة تنطق حرف نورا وقفت تاكسي عشان يروحوا بسرعة رغم انهم كانوا اخر فلوس معاها بس صاحبتها اغلي من اي فلوس في الدنيا وهي حاسة بيها وعارفة هي حاسة وبتفكر في ايه دلوقتي
يتبع….
↚
روحت اترميت علي الكنبة وببص للسقف مش مستوعبة أي حاجة حصلت كل اللي عايزاه أنام واصحي الاقيني كنت بحلم
لكن فجأة لقيت الباب بيتفتح وأحمد داخل بإبتسامة وفي ايديه شنط كتير
_” رهوفة يا قلبي انا جيت يا حبيبتي ”
رهف بجمود غير واضح وهو بتقوم من مكانها ” حمد الله علي السلامة يا أحمد ”
أحمد بحب وهو مش ملاحظ جمودها ” الله يسلمك يا حبيبتي انا هدخل أخد شاور عقبال ما تجهزي السفرة نأكل سوا الحمد لله ربنا كرمني او في الشغل النهاردة ”
_” الحمد لله حصل ايه بقي احكي لي ”
أحمد بتنهيدة ” مفيش يا ستي كل الحكاية اننا كنا عارفيين انه فرحه النهاردة فهو خلانا احنا نشتغل بدال العمال علي آخر لحظة عشان نسترزق والحمد لله طلعت بقرشيين حلويين وقولت اشبرق بيها عليكي وعلي سما ”
كمل بإشتياق ” ابقي صحيها عشان تأكل جايب لها لبن وموز اللي بتحبه وحشتني جامد القردة دي ”
رهف ببرود ” سما مش هنا عند نورا ”
_” نورا ”
_” اه نورا عايزاها معاها النهاردة عشان وحشتها ”
أحمد بحنان وهو بيملس علي خدها ” مش مشكلة خليها عندها النهاردة وكمان عشان اخد راحتي معاكي عارف ان بقي لنا فترة بنخرج ولا بنقعد مع بعض ”
كمل بتنهيدة ” بس أكل العيش مر الحمد لله ”
رهف بسخرية ” هو فعلا مر اوي كمان الحمد لله على كل حال ربنا يرزقنا ويبقي معانا فلوس ”
كملت بحزن مصطنع ” بس ساعتها متجوزش عليا زي ما الكل بيعمل ”
أحمد بتوتر وهو حاسس انه قلبه هيخرج من مكانه وخايف انه يتكشف ” لا لا طبعا يا روحي مستحيل اعملها انتِ حياتي ونصي التاني وام بنتي ”
رهف برفعة حاجب وضحك ” هنشوف يا حبيبي هنشوف ”
_” فرفش كده كنت بهزر معاك متبقاش قفوش ”
أحمد بتوتر وهو بيبوسها علي خدها ” هههههه انا داخل اخد شاور 10 دقايق وهكون خلصت تمام ”
رهف بصت له بإبتسامة وشاورت له بايديها بمعني ok
رهف بقرف وهي بتمسح خدها بقوة ” مقرف وكداب الله يأخدك ”
قلبها ” متدعيش عليه اكيد انتي غلطانة حرام عليكي ده بيحبك ”
عقلها ” دي الحقيقي وبطل تعيش نفسك في الأوهام هي صح ودي الحقيقي ”
_” اسكت انت انت ايه اللي هيفهمك في الحب والكلام ده وانت طول عمرك ماشي بالمنطق ”
العقل بسخرية ” اخرس ينفع تخرس طول عمرك غبي وخلتها غبية زيك لو هي حست نفسها غلطانة عينيها مستحيل تكون شافت غلط ”
_” انت …”
رهف بإقتناع ” ايوه فعلا اخرس بقي انت غبي وهو ده سبب كل مصايبي هو معاه حق في كل كلمة قالها ”
قلبها بتبرير ” طب حاولي تدي له فرص واحكي له خليه يشرح لك كل حاجة ”
عقلها بسخرية ” وهي لما تقوله يا أحمد يا حبيبي انا شوفتك بتتجوز النهاردة اشرح لي ايه اللي حصل وايه اللي انا شوفته ده فاكر كده هيقولها معلش يا حبيبتي غصب عني كدبت عليكي وانا مش فقير وكمان خونتك واتجوزت عليكي فاكر هيقولوا كده تبقي غلطان هيكدب عليها ويوهمها من جديد وهتفضل طول عمرها مخدوعه ”
القلب ورهف بإقتناع ” معاك حق ”
قطع كلام رهف مع نفسها صوت اشعارات موبايل أحمد اللي سابه مكانه وهو مطمن انها مش هتعرف تفتحه
مسكت رهف الموبايل وجت تشوف ايه اللي مبعوت لقته مغير الباسورد وقافل الاشعارات من علي السطح
_” مغير الباسورد لا برافو بس غبي وملحظتش انِ حطيت بصمتي وانت مش واخد بالك ”
دخلت رهف بصمتها وفي لحظات الموبايل فتح وشافت الرسايل من برا من غير ما تفتحها ودي كانت الصدمة اللي خلتها تتأكد بجد انها مش في حلم وان عقلها كان صح في كل كلمة قالها
↚
_” حبيبي روحت ”
_” انت فين ”
_” مش بترد ليه ”
_” وحشتني ”
_” هو كان لازم تمشي النهاردة احلي يوم في حياتنا ومستنيونه من زمان ”
_” حمودي ايه رأيك نروح اسبوع عسل كده واتحجج بأي حجة عايزة اشوفك واشبع منك ”
_” متقربش منها النهاردة ولا تقرب منها تاني انا عايزة ابقي الوحيدة في حياتك ”
_” شكلك نمت يابيبي تصبح علي خير واحلامك تبقي أنا ”
رهف قفلت الموبايل وحطته مكانها وكلمت نفسها بسخرية ” يااا بيضحك عليا من زمان لا وكمان مسميها نصي التاني ههه لا وبيقولي انتي نصي التاني كداب وطلعت انا المغفلة ”
أحمد من وراها بإستغراب ” فيه ايه يا حبيبتي سرحان في إيه ”
_” مفيش يلا ناكل ”
_” تمام ”
بعد فترة كانوا خلصوا أكل وكل ده رهف كانت بتراقب باتسامة اللي شاقة وشه وهو بيبص في الموبايل رهف قامت و خلصت تنظيف ودخلت نامت علي السرير من غير اي كلمة وهو راح وراها وجيه يحضنها بعدت عنه بقرف
أحمد بصدمة ” رهف انتي بجد قرفانه مني ”
رهف بحزن وخجل مزيف ” مش كده يا حمودي انا بس تعبانة شوية انت عارف بقي مش لازم اقول ”
أحمد بتنهيدة ” طالما كده سماح مش مشكلة ”
كمل بقلق ” معدتك وجعاكي حاجة وجعاكي اجيب لك مسكن ”
_” لا مش عايزة حاجة غير انِ أنام ”
أحمد فتح ايده الاتنين بحب ” تعالي نامي في حضني ”
رهف بقرف خفي ” حاضر ”
رهف نامت في حضنه وقالت بهمس غير واضح ” كتك القرف في شكلك الحمد لله جت في الوقت ده ”
_” أحمد ”
_” امممم ”
_” أنا عايزة اشتغل ”
_” نامي يا حبيبتي مفيش شغل ”
رهف بدلع وهي حاسة بإشمئزاز ” لو سمحت وافق يا بيبي ”
أحمد بنوم ” ماشي يا حبيبتي اعملي اللي انتي عايزاه ”
_” ربنا يخليك ليا يا أحمد ”
_” ويخليكي ليا يا رهفي ”
رهف جواها ” الله ياخدك ”
أحمد راح في النوم بسرعة من التعب
ورهف بعدت عنه وفضلت صاحية بتفكر في أول خطوة هتعملها عشان تنتقم منه وبعدين تطرده برا حياتها
↚
عدي شهر ورهف بدأت تشتغل خدامة في فيلا جوزها وكل ما تروح الشغل تسيب بنتها مع نورا وكل ده وأحمد عارف انها بتشتغل بس هو مش عرف هي بتشتغل ايه هو مش باله غير جاسمين اللي واكلة عقله وشاغلة كل تفكيره وهو عايز يقضي معاها أكبر وقت ممكن قبل ما يرجع تاني لرهف لأنه بيعشقها لا هو بيعشقهم هم الاتنين وعايز يقضي أكبر قدر ممكن مع كل واحدة فيهم
_” وردة يااا وردة ”
_” نعم ياست هانم تؤمري بحاجة ”
فيروز والدة أحمد بتكبر ” حضري 5 فناجين قهوة وهاتي شوكليت عشان الضيوف ”
_” حاضر يا هانم تؤمري بحاجة تانية ”
فيروز بتكبر وهي بتشاور لها بايديها انها تمشي ” No يا خدامة روحي كملي شغلك ”
بصت لفيروز بهدوء وسابتها وراحت تحضر اللي طلبته منها
_” يا الله ايه العيلة دي بجد محدش فيهم عدل انا كنت عايزة اقولها الحقيقة بس بأسلوبها ده لو قولتها مش هتصدقني ”
خلصت القهوة وهي عمالة تفكر كتير في اللي هيحصل هي بتفكر تسيب الشغل وتطلب الطلاق بس هي مش عايزة كده هي عايزة تذل جوزها الأول
خرجت الصالون وهي شايلة الصنية وجت تحطها ايديها ارتعشت فوقعت القهوة علي رجل فيروز
_” ااااااه يا غبية ااااه ”
رهف بخوف ” انا آسفه مكنتش أقصد ”
رهف ساعدت فيروز تروح التويلت وفيروز زقتها بحدة ودخلت حطت مياه باردة مكان القهوة وحطت مرهم ومرطبات كتير وغيرت هدومها وخرجت بغضب وهي بتدور علي رهف
_” وردة انتي فيييين يا ززفتة تعالي هناااا حالًا ”
رهف جات بسرعة وهي بتدعي في سرها ان الموضوع يعدي علي خير
رهف وقفت قدامها وهي باصة لها في عيونها
فيروز بغضب ” بصي في الأرض فااااهمة انتي بتبصي لأسيادك في عيونهم يا حيو*انة بتتمردي وتتنمردي ”
رهف حطت عينيها في الأرض واتكلمت بسرعة ” مش قصدي يا هانم حقك عليا أنا آسف ”
فيروز بشر وحقد ” آسفه صح ”
وفي لحظات كان فيه قلم نزل علي وش رهف جت تستوعب لقت قلم تاني وتالت نزل علي وشها وفيروز مسكت شعرها وفضلت تجرجرها علي الأرض لحد ما وصلت أوضة قديمة عاملة زي المخزن
فيروز زقتها جوا الأوضة وقفلت الباب وفضلت تضرب فيها وقطعت شعرها بين ايديها وبضوافرها خربشت وشها
رهف حاولت تدافع عن نفسها عشان فيروز أزيد منها في الوزن حوالي 80 أو 85 كيلو
فيروز ماقامتش من عليها غير لما تعبت بعدين بصت لها بغضب وحدة
_” مش فيروز هانم اللي تيجي واحدة وتعمل فيها كده وتسكت لها اللي اتعمل فيكي ده قليل ”
فيروز بصت لها بقرف وبصقت عليها ومشيت
رهف حاولت تقوم من مكانها بس مقدرتش جسمها كله متكسر ومش قادرة حتي تحرك رأسها
ففضلت مكانها لحد ما نامت وجسمها كله بيآن من التعب
……………….
عدي يومين
ورهف فضلت محبوسة في الأوضة من غير أكل ولا شرب هي فضلت مكانها اليومين دول وهي مش قادرة تتحرك
فضلت باصة للسقف وهي شاردة فيروز دخلت عليها الأوضة وحدفت عليها جردل مياه مليان تلج
رهف قامت بخضة وهي بتقاوم الوجع بصت حواليها تشوف المياه دي جت منين لقتها فيروز
رهف برعشة واسنانها بتضغط علي بعض بقوة ” ف..فيه ايه …ايه ياست هانم سامحيني ….غلطة ومش هتتكرر ”
فيروز قربت منها وحطت ايديها علي وشها وهي بتلمس مكان الضرب اللي ضربتهولها
_” تؤ تؤ تؤ مين اللي عمل فيكي كده يا وردة ”
رهف برعشة ” محدش محدش عمل فيا كده ”
_” شطوووورة هسيبك تمشي بس الأول ”
فيروز رفعت ايدها وجت عشان تضربها تاني وقفها كلام رهف اللي حاطة ايديها علي وشها عشان تحميه من اي ضربة
رهف بسرعة ودموع ” انا مرات ابنك حرام عليكي والله مراته ”
فيروز قامت ووقفت قدامها بجبروت وسخرية ” ابني مين يا حلوة انا معنديش غير هو ابن واحد وهو راكان ولسه متجوز مبقلهوش شهرين ”
_” أنا قصدي عليه احنا متجوزين بقي لنا 4 سنين صدقيني حتي ممكن تسأليه ”
_” امممم جواز عرفي هههه راكان بيحب يتسلى فعادي ”
_” لا متجوزين رسمي وعلي سنة الله ورسوله وكملن معانا بنت ”
فيروز مركزتش علي حاجة غير كلمه بنت
فيروز بعيون بتلمع ” بنت ”
_” اه صدقيني ”
_” أنا عايزة اشوفها ولو كلامك صح هيكون ليا تصرف تاني ”
↚
_” ايه اللي بيحصل هنا ”
فيروز بحنان ” اوووه ركان حبيبي انت جيت وحشتني ”
جيه يرد عليها بس اتصدم لما شاف رهف
_” رهف انتي بتعملي ايه هنا وايه اللبس اللي انتي لبساه ده هو انتي بتشتغلي هنا ”
فيروز بقرف ” دي الخدامة يا حبيبي واسمها وردة ”
_” لا دي رهف مراتي ”
جاسمين بصدمة من وراه مراتك ” يعني كل الإشاعات اللي كانت بتتقال عليك طلعت صح انت متجوز عليا يا راكان ”
راكان راح لعنده وحضنها بحب واتكلم بهمس ” اهدي بس وانا هقولك كل حاجة انا متجوزها عشان العيال فاكرة من كام سنة لما عملنا تحليل وطلع انك مش بتخلفي ”
_” اه فاكرة ”
_” ساعتها خدت قرار انِ لازم اتجوز واجيب عيل صغير عشان يونسنا ”
جاسمين برفعة حاجب ” يعني كل ده كنت بتفكر فيا ومش عايز تجرحني ”
_” اه يا حبيبتي ”
_” انت بتحبها ”
_” اه بحبها وبموت فيها وبعشقك انتي كمان ”
بعد عنها وقوم رهف من علي الأرض ” دي رهف مراتي متجوزين من 4 سنين ودي جاسمين يارهف لسه متجوزين جديد ”
رهف بصت له بصدمة من وقاحته ” انت ازاي اتجوزتني باسم أحمد ”
راكان بعدم اهتمام ” عادي انتي ساعتها مكنتيش مركزة فالاسم كان راكان عادي ”
رهف بصت له بصدمة وافتكرت ساعتها انها سمعت اسم راكان بس هي من فرحتها مهتمتش وحست انه بيتهيألها
_” عارف انِ كدبت عليكي بس أنا حبيتك من ساعة ما انتي انقذتي حياتي ”
كمل بإبتسامة واسعة ” انا بحبكم انتم الاتنين نفس الحب ومش هقدر اعيش من غير واحدة فيكم ومقدرش اختار واحدة فيكم وابعد عن التانية ”
جاسمين بغضب ” هو انت كده بتبرر غلطتك يعني قولت عشان الاطفال وماشي اما بتحبنا احنا الاتنين يعني ايه ده ان شاءالله ”
_” اهدي بس يا جيسي هبقي افهمك كل حاجة بالتفصيل بعدين ”
رهف نزلت رأسها لتحت بدموع وغضب في نفس الوقت وهي بتهمس ” الراجل ده مجنون وأكيد مش في عقله ”
_” انا كنت بحسبه واحد طيب وحنون وبيحبني ”
_” بس طلع بيوزع حنانه وحبه علي الكل بشكل عشوائي ”
_” انا اتخدعت منه ضحك عليا واستغفلني ”
فيروز بأمر ” راكان خد جاسمين فيه شوية حاجات هنتناقش فيها انا ورهف وكمان هنروح نجيب بنتك ”
_” حاجات ايه ”
_” حاجات بنات يا راكاني ”
راكان بإبتسامة ” تمام يا فيروزة اعملي اللي انتي عايزاه وكويس انك هتجيب سما من المكان المقرف اللي كنت عايش فيه مش معقولة مرات وبنت راكان دويدار يفضلوا عايشين هناك تاني ”
_” حاضر ياحبيبي هجيبها وارجع بسرعة ”
راكان بص لها بإبتسامة وراح ناحية رهف وباسها من خدها وبعدين بعد عن وخد ايد جاسمين وسابهم ومشي
فيروز بتمثيل ” انا آسفه يا حبيبتي حقك عليا لو كنت اعرف انك مرات ابني مكنتش عملت فيكي كده ”
_” انتي من هنا ورايح مش بس مرات ابني لا وبنتي كمان قوليلي يا ماما ”
رهف بصت لها بعدم تصديق وهي مش مطمنة لكلامها ” بجد ”
_” اه وكمان انا عايزة أشوف حفيدتي الصغننة انا هطلب منهم يحضروا أوضة هنا في الفيلا مخصوص ليها ومليان العاب وحاجات حلوة للأمير الصغيرة ”
رهف بصت لها بتفكير وقالت بينها وبين نفسها ” هنا سما هتعيش حياة أحسن بدل البهدلة اللي كنا فيها وهيجي لها كل اللي هي عايزاه وزيادة وكمان انا هفضل معاها فعرف اهتم بيها كويس حتي لو مش بطيق اللي اسمه راكان بس هفضل عايشة هنا بس عشان سما ”
_” ها قولتي ايه موافقة ”
_” موافقة ”
………………
بعد فترة كانت العربية وصلت قدام بيت نورا
نزلت رهف وفيروز اللي بتبص للمكان بقرف وإشمئزاز طلعوا للشقة ورهف خبطت علي الباب
_” ميييين ”
_” أنا يا نورا افتحي ”
نورا فتحت الباب وهي عمالة تكلم سما اللي شايلاها وعمالة تتحرك كتير
_” بس يا سمسمة اهو ماما جت والعبي معاها براحتك ”
نورا فتحت الباب واتصدمت من اللي هي شايفاه
_” مين دول يا رهف ”
فيروز مدتش لنورا مجال للكلام وراحت شالت سما اللي هي نسخة مصغرة من أبوها نفس الشعر البني والعيون العسلية
فيروز شاورت بعينيها للحرس وسابتهم ومشيت تحت صرخات رهف
↚
رهف اتصدمت من اللي هي شايفاه شايفة بنتها بتروح من ايديها وهي مش عارفة تعمل حاجة لأن الحرس مانعينها
شاورت بسرعة بعنيها لنورا عشان تتصرف
نورا بصراخ ” اععععع الحقووووني اعععع فااااااار ”
الحرس جريوا عليها بسرعة يشوفوا في ايه فرهف استغلت الفرصة وحاولت تلحق فيروز اللي مكملتش 30 ثانية نازلة
رهف جريت بسرعة علي تحت وشافت فيروز شايلة بنتها وبتركب العربية فراحت بسرعة ووقفت قدامها
رهف بصراخ ودموع ” هاتيلي بنتي حرام عليكي ”
فيروز بصت لها ببرود وأمرت السواق يشغل العربية ويسوق بس مقدرش يعمل كده لأنها واقفة قدام العربية فيروز اتعصبت فراحت جايبة العكاز بتاعها وضغطت بيه علي البنزين وزودت سرعة العربية فرهف رجعت مرة واحدة ورا وهي مش عارفة تتحكم في اتزانها فالعربية خبطتتها ووقعت علي الطريق غرقانة في د*مها
…………
علي الناحية التانية
الحرس بصوا لبعض بصدمة لما لقوا رهف اختفت حاولوا يدورو عليها بس ملقوش ليها أي أثر وهنا بس حسوا بالرعب من اللي فيروز هتعملوا فيهم
…………
بعد 5 سنين
كان راكب عربيته وهو راجع من الشغل تعبان وكان بيفكر فيها بقي لها 5 سنين مختفية وميعرفش راحت فين كل اللي يعرفه انها اختفت وسابته وسابت بنتهم لوحدها
اتنهدت بحزن وقال ” عارف انك زعلانة عشان كدبت عليكي بس ارجعي وانا هحبك اكتر من الأول وهعدل بينك وبين جاسمين ”
_” بقي لك 5 سنين مختفية ولولا جاسمين مكنتش هعرف اعيش بس ده مش معناه انها خدت مكانتك في قلبي يا رهفي هي في واخدة جزء وانتي واخدة الجزء التاني ”
_” انا حاسس بفراغ كبير ومفيش حد غيرك هيقدر يملي الفراغ ده ”
وقف مرة واحدة قبل ما يخبط البنت اللي طلعت فجأة قدام عربيته
نزل بسرعة وكان هيتعصب عليها بس اتصدم لما شافها هي ايوه هي رهف مراته
_” رهف رهف حبيبتي أخيرا لقيتك يا عمري وحشتيني ”
_” رهف مين يا أستاذ انا اسمي براءة ”
_” رهفي انتي نسيتيني انا راكان جوزك ”
جيه صوت حاد من وراها ” براءة بتعملي ايه مش قولتلك قبل كده متقفيش مع أي حد غريب ومتعديش الطريق لوحدك هو مفيش سمع كلام ”
براءة وهي ترمش بعيونها كذا مرة ” آسفه يا حيدر حقك عليا متزعلش أول وآخر مرة ”
_” سماح المرة دي يا حجة ”
راكان بصدمة ” انت انت بتعمل ايه مع مراتي وانتي يا رهف ازاي تكلميه وتهزري معاه كده ”
حيدر برفعة حاجب ” مرات مين دي خطيبتي وفرحنا قرب ”
راكان بص له واتصدم وهو بيطلع موبايله من جيبه وبيوريه صورة رهف
_” بص واتأكد بعينك ”
حيدر وهي بصوا للصورة وقالوا بصدمة ” اااايه ده دي مين دي ”
حيدر بحيرة ” دي شبهك اوي يا براءة ”
_” بقولك دي مراتي والدليل ان هي عندها وحمة في كتفها ”
براءة بصدمة ” فعلا بس انا معرفكش دي اول مرة اشوفك ”
حيدر بعصبية وغيرة ” مش هنفضل نتكلم في الشارع كده كتير ”
_” عادي الشارع أصلا فاضي يا حيدر صح مش ده اسم ”
حيدر وهو بيضغط علي اسنانه ” اه ”
راكان مسك ايد رهف وشدها لحضنه ” يلا يا حبيبتي هنروح بيتنا وبعدها هتحكي لي كل حاجة مش عايزة تشوفي بنتنا ولا ايه ”
حيدر اتعصب والغيرة ولعت فيه فمسك راكان وقعه علي الأرض وطحنه ضرب بالمعنى الحرفي
↚
عدي شهر
من وقت ما حيدر ضرب راكان
_” هتعملي ايه بعد كده يا براءة ”
_” 30% من الخطة نجحت ناقص 70 % وال 70% دول هيعتمدوا عليك يا حيدر ”
_” احب المغامرات أنا ”
_” هههه مش هقولك مهمتك تفلس شركتهم وكده لأن ثروتهم كبيرة أنا عايزة يتعملهم فضحية تتهز ليها مصر كلها ”
_” الله يستر منك بجد أنا بدأت أخاف ايه رأيك تنسي كل حاجة وتبدأي من جديد مع بنتك ”
_” تؤ تؤ تؤ مش هنسي ازاي اضربت واتهنت وبنتي اتأخدت مني بالقوة مش هنسي خداعه وخيانته وكدبه عمري ماهنساهم ”
حيدر بتنهيدة ” أنا معاكي في كل حاجة من أول ما قبلت فمش هاجي دلوقتي وأسيبك في نص الطريق ”
بصت له وسرحت في الوقت اللي فيروز خطبتها بيه في العربية واللي لحقها ساعتها كان حيدر ومحدش كان راضي يساعدها عشان ميروحش في داهية
وداها المستشفي وعالجها ووداها بيته وعرفها علي مامته وباباه اللي حبوها واعتبرها زي بنتهم وأكتر
وافتكرت قد ايه كان بيشجعها وبيحفزها وحولها من بني آدمه كانت مكتئبة وفاقدة الأمل والشغف لإنسانة قوية
اتنهدت وبصت له بإبتسامة ” بجد شكرا يا حيدر معرفش من غيرك كنت هعمل ايه ”
حيدر بضيق ” كله هيطلع عليكي بعدين يا براءة بسبب الكلام اللي بتقوليه ده ”
_” مع ان عدي وقت كبير لسه بتقولي يا براءة عمرك ما نادتني بإسمي الحقيقي ”
حيدر بغمزة ” بحب الإسم وهو لايق عليكي يا براءة الأطفال انتي ”
رهف بجدية ” المهم اسمعني كويس عشان ميحصلش أي حركة غلط ”
رهف بدأت تحكي له خطتهم وهيعملوا ايه وهو كان بيسمع لها بتركيز
……………..
بعد يومين
في فيلا دويدار
كانت قاعدة في الصالون وهي حاطة رجل علي رجل وجنبها حيدر اللي بيبص للمكان بقرف
فيروز نزلت من علي السلم وهي بتنادي علي الخدامة تحضر لها القهوة بس اتصدمت لما لقت رهف قدامها
_” انتي انتي بتعملي ايه هنا ايه اللي جابك مش كنتي موتي ”
رهف بإبتسامة وهي بتروح ناحيتها وبتحضنها وهي متجاهلة كلامها ” أكيد انتي فيروز حماتي عسل أوي يا روزا ”
رهف بهمس ” شيطانة ياروزا بس هعملك الأدب اصبري بس عليا ”
فيروز جت تتكلم بس قاطعها نزول راكان الفرحان انه شاف مراته قدامه
_” رهفي جيتي يا حبيبتي ”
_” اه يا راكان عرفت ان كلامك صح وانِ فعلا مراتك أنا من حوالي 5 سنين كنت عملت حادثة فيه عربية خبطتني وجريت وسابتني مرمية علي الأرض وحيدر هو اللي جيه ساعدني ”
كملت بتمثيل الحزن ” بس للأسف مش فاكر أي حاجة غير انِ فوقت في المستشفي مش فاكرة حتي اسمي ”
_” بتكلم مين يا راكاني ”
راكان بتوتر ” دي رهف يا جاسمين مراتي مش فاكراها ”
جاسمين بغيرة وغضب ” طبعا فاكراها وهو دي حاجة تتنسي ”
رهف بدهشة مصطنعة ” مين دي يا حبيبي ”
راكان بتوهان من كلمة حبيبي اللي اشتاق يسمعها منها ” دي دي جاسمين … ”
جاسمين بغيرة ” قول يا حبيبها أنا مين ”
_” جاسمين مراتي التانية ”
↚
رهف بصدمة ” ايه بقي انت متجوز عليا وعايزني أرجعلك عشان ايه أرجعلك ان شاء الله ده كفاية انِ مش فاكرة حاجة يعني كنت هترجعني علي عمايا يعني لولا انها جت وسألتك هي مين مكنتش هتقولي انك اتجوزت تاني ”
راكان بسرعة ” لا مش كده حاولي تفهميني ”
كمل بكدب ” انتي اللي قولتي لي اتجوز تاني عشان انتي خلفتي سما ومخلفتيش تاني فالموضوع أثر في نفسيتك وطلبتي انِ اتجوز تاني عشان اجيب الولد اللي كان نفسي فيه رغم انِ حاولت معاكي كتير بس انتي أصريتي وكنتي هتطلبي الطلاق ”
رهف بصت لحيدر بصدمة وهو بص لها بنفس الصدمة من كمية الكدب اللي سامعينه
جاسمين جت تتكلم وقفها صوت بنوتة صغيرة بتنادي عليها
_” مامااااا ”
جاسمين بإبتسامة ” تعالي يا ياسمينا صحيتي من النوم ”
رهف بصت لهم بجمود بس من جواها قلبها اتكسر مليون حته ماما بتقول جاسمين ماما هي الوحيد اللي ليها الحق تنادي بالإسم ده لا ومن براحتهم مغيرين اسم بنتها من سما لياسمينا عشان يبقي شبه اسم جاسمين
رهف بإبتسامة مصطنعة ” مين دي ”
راكان بحب ” دي سما بنتنا ”
_” أومال ليه قالت لها ياسمينا ”
_” ده اسم الدلع بس اصل جاسمين بتحب سما أوي عشان كده بتقولها يا ياسمينا عشان قريب من اسمها ”
_” امممم علي كده بقي بعد ما اتجوزت تاني جبت الولد اللي كنت بتحلم بيه ”
راكان بص لها بتوتر وفضل يتلعثم في الكلام ” بس..هو…أصل ….”
جاسمين بحدة ووجع ” لا معندناش عيال ارتاحي بقي ”
خلصت كلامها وسابتهم وطلعت علي اوضتها وكلمت نفسها بوجع ودموع هي ليه بيحصل لها كده ليه حب عمرها يطلع كده
↚
عدي شهر ورهف استقرت في فيلا دويدار هي وحيدر اللي مرضاش يسيبها غير لما يتأكد ان كل حاجة تمام وان هي هتبقي مرتاحة وراكان وافق غصب عنه عشان لو مكنش وافق كان هيأخد رهف منه تاني عقله بقي ملغي وهو مبقاش يفكر في حاجة غيرها هي وبس لدرجة انه أهمل جاسمين ومبقاش يهتم بيها وهنا بس
أنا كشروق أحب أقول فين العدل اللي انت قولت عليه يا أستاذ أنا مش مرتاحة لك علي فكرة
وجاسمين بقت واخدة ركن لوحدها في أوضتها قلبها بيتقطع علي اللي بيحصل واللي بتشوفه
جاسمين بدموع ” عادي يا جاسمين دي مش غلطته ههه دي…دي غلطتك انتي …انتي لما عرفتي انه…م..متجوز قبل كده كنتي طلبتي الطلاق ”
كملت بقهرة ” طلاق طلاق ايه بس ….وأنا ….وأنا بحبه وبعشقه هي دي آخرى حبي ليه حبها وخلف منها وفي…. الآخر جاي يتحجج …..ومطلعني ان انا زي الشوكة في حياتهم ومنغصة عليهم عيشتهم ههه بيقول لها انه اتجوز عليها عشان الأولاد مرعاش حتي مشاعري ”
فضلت تكلم نفسها كتير حابة تعاتبها وحابة تشكي لها بقهرة هي معندهاش حد تكرمي في حضنه وتفضفض له مشاكلها مامتها ماتت وهي في ثانوي وباباها دلوقتي مسافر برا مصر في شغل ومش هيرجع غير بعد أسبوع
اتنهدت بحسرة وقامت خدت شاور بارد وخرجت لبست ونزلت علي تحت وياريتها مانزلت
جاسمين فضلت واقفة علي السلم وهي بتبص لهم بصدمة وقهر ” طلع فعلا ناسيكي يا جاسمين انتي خلاص بقيتي كارت محروق صفحة واتقفلت من حياته ”
راكان كان قاعد علي السفرة وعلي رجله بنته اللي أصلا مكنش بيهتم بيها بعد غياب رهف بس دلوقتي كل حاجة اتغيرت بعد ما رجعت
ورهف كانت قاعدة جنبه بإبتسامة واسعة وهو شوية بيأكلها وشوية بيأكل سما
جاسمين مااتكلمتش وطلعت برا علي الجنينة متجاهلة راكان اللي بينادي عليها بعد ما لمحها خارجة
……………
عدي الوقت لحد ما جيه الليل
وجاسمين لسه قاعدة مكانها ومتحركتش هي كل ده عمالة تتأمل السما وبتفكر كل حاجة عيشتها في حياتها
_” انتي كويسة قاعد هنا لحد دلوقتي ليه ”
جاسمين بخضة ” حيدر خضتني يا بني ”
حيد بضحكة ” ابنك طب ماشي يا ماما ”
جاسمين بقهر ” حتي دي مش راضية تيجي ”
_” قصدك ايه ”
جاسمين بتوهان وكأنها أخيرا لقت الفرصة عشان تخرج اللي جواها ” ماما يا حيدر ماما عايزة اسمعها أنا بجد نفسي أخلف نفسي أجيب بيبي صغير أفضل اشم في ريحته وأبوسه وألعب معاه وأهتم بيه أكله واشربه وكمان أحضنه ولما يكبر أوديه المدرسة بنفسي كل يوم ولما يعمل مشاكل أروح أحلها له ولما يكبر ويتخرج أفضل واقفة قريبة منه وبشجعه يكمل ولما يجي يخطب أعمل دور الحما علي خطيبته ونفضل ننكش في بعض ولما يتجوز لما يتجوز لا مش هيتجوز هو هيفضل جنبي ومستحيل أسيبه ”
↚
كملت بإبتسامة حزينة ” بس ده مستحيل لأنِ عقيم ”
_” عارف من بعد رجوع رهف مش من بعد رجوعها بس من قبلها بكتير بعد ما اكتشفت انه متجوز قبلي بقيت أحس انِ مليش لازمة زي قلم الألوان الأبيض بقي كل تفكيرها فيها هي وأزاي يلاقيها وأنا كان بيقعد معايا ساعة واحدة بس كل يوم وكان بيجي يقولي عندي شغل عندي صفقة ولازم اسافر عندي عندي عندي وحجج كتير هنا بس عرفت انه كان بيحاول يعوض غياب رهف بوجودي شهر واحد بس جت فيه وقلبت موده 360 درجة وركني علي الرف ”
حيدر بص لها بتفهم هي اتظلمت زي رهف الاتنين وقعوا مع بني آدم مش سوي
حيدر بإبتسامة ” عارفة يا جاسمين انتي بس محتاجة تلاقي حد بيحب يرسم علي الورق الأسود اللون الأبيض ممكن ميكونش ليه لازمة وسط ألوان كتير بس ممكن يكون اللون الوحيد لشخص مش عايز غير اللون الأبيض ورغم كونه جرب كل الألوان علي الورق الأبيض الا انه فضل الورقة السوداء عشان يختارك انتي فاهماني يا جاسمين فهتكتشفي ان اختلاف هو الدافع الوحيد اللي هيوديكي لشخص هيقدرك وان ممكن وجودك في المكان الغلط واللي بيحسسك انك ملكيش لازمة أو يحسسك بقهر ووجع الإحساس ده هيخليكي تدوري علي الورقة السوداء عشان تلاقي نفسك اختاري القلب الصح اللي يحبك فاهماني ”
جاسمين بإبتسامة واسعة ” فاهماك يا حيدر بجد شكرا ليك لولاك مكنتش هفوق ”
راكان بغضب من وراهم ” تفوووقي من ايه يا هاااانم ”
_” وانت يا افندي بتعمل ايه مع مراتي في وقت متأخر زي ده ”
جاسمين بجمود ” عادي قاعديين وبنتكلم ما انت أصلا ناسيني وعايز تعرف هفوق من ايه هفوق من الوهم اللي انت معيشني فيه ”
راكان بقلق وخوف ” قصدك ايه ”
_” طلقني مش عايزة أفضل معاك أكتر من كده ”
حيدر بص لها بصدمة ده مكنش جزء من خطته هو ورهف أصلا
راكان بصدمة وجنون ” انتي بتقولي ايه انا مستحيل أسيبك انا بحبك ”
جاسمين بجمود ” يبقي تختار واحدة يا أنا يا هي ”
راكان اتخرس وكأن قطة بلعت لسانه
جاسمين ببرود ” أنا استحق حد يقدرني يا راكان حد يحبني انا بس أنا استحق حد يهتم بأدق أدق تفاصيلي ”
راكان بغيرة وجنون وهو مش في وعيه بيقرب منها وبيحضنها ” والحد ده مين حيدر مش كده انتي عايزة تسيبيني عشان تروحي له انتي بتحبيه بقي بتخونيني يا جاسمين ”
وفي لحظة وهو مش في وعيه مسكها من رقبتها وفضل يخنقها وحيدر حاول يبعده عنها بس هو كان متبت فيها
حيدر بعصبية ضربه في ركبته بقوة خلته يقع علي الأرض
_” قولتلك ابعد عنها انت اتجننت ”
حيدر مسك جاسمين اللي أغمي عليها من قلة الأكسجين ولولا ان حيدر لحقها كان زمانها راحت في خبر كان
حيدر حط جاسمين علي الكنبة الكبيرة اللي في الجنينة ورجع لراكان وفضل يضرب فيه
حيدر بعصبية شديدة وهو بيضربه ” انت شكلك متعلمتش من آخر مرة يا حيوان بقي بتمد ايدك علي واحدة والواحدة دي مراتك يا عديم النخوة والرجولة عايز تموتها يامريض شكل الست الوالدة فيروز مكلفتش نفسها تربيك يا زبالة ”
راكان بعصبية وغيرة عمياء وهو بيحاول يصد ضربات حيدر ” مراتي وأنا حر فيها اضربها اموتها براحتي هي زي اللعبة في أيدي واعمل فيها اللي انا عايزه ”
حيدر سمع كده اتعصب أكتر وضربه أكتر ” انت مريض نفسي انا هأخد براءة ومستحيل اسيبها مع واحد مريض زيك اتفو عليك واحد قذر ”
حيدر سابه مرمي علي الأرض وشال جاسمين وحطها في العربية ودخل جاب رهف وسما وركبهم العربية وساب المكان ومشي
↚
_” ينفع تفهمني حصل ايه لكل ده يا حيدر ”
حيدر بعصبية وهو بيدور في الأوضة كلها ” الزفت ده مش سوي نفسيا واحد مريض لازم يدخل مستشفي الأمراض العقلية ”
_” اهدي بس وفهمني كل حاجة وفهمني انت ليه جبت جاسمين معانا هنا انت عارف ان الشقة دي محدش يعرف عنها حاجة غيري أنا وأنت ”
حيدر بعصبية أشد ” كان هيموتها يا رهف كان هيموتها شوفته وهو بيخنقها الحيوان كل ده عشان وقفت أتكلم معاها شوية البت حالتها النفسية صفر بسببه وبقت حاسة بإكتئاب انتي ازاي كنت عايشة مع البني آدم ده للدرجادي كان معيشك في وهم للدرجادي كنتي غبية مش ملاحظة تلاعبه بيكي وكدبه انا هتجننننن ”
رهف بخبث ” وانت متعصب ليه ان شاء الله ”
حيدر بتنهيدة ” صعبانه عليا أوي مش بحب اشوف الظلم قدامي يابراءة أنا بجد بكره انِ أشوف حد واقع في مشكلة قدامي ومساعدهوش بحس بالذنب ”
رهف بمرح ” يعني انت حاسس بالذنب ناحيتي ”
حيدر برفعة حاجب ” لا والله طب بطلي هزار بقي ”
رهف بجدية ” بص يا حيدر انا مش راضية اتكلم بس انت كدا هتضيع كل حاجة عملناها وبنعملها ”
حيدر بضيق ” وأنا عملت ايه يا براءة ”
_” معملتش بس هتعمل انت عارف احنا رجعنا هنا تاني ليه ”
حيدر بتنهيدة ” عشان نرجع سما لحضنك وتدوقي الزفت المر ”
_” الله ينور عليك وانا قولت لك تحاول تكلم جاسمين في انها تسحب اسهمها من شركة راكان لأن ثروته كبيرة وأبوها شريك معاه وحضرتك عملت ايه في الآخر”
حيدر بتوتر ” معملتش ومكلمتهاش أصلا ”
_” يبقي مين اللي هيودينا في داهية ”
حيدر بإبتسامة سمجة ” أنا ”
رهف بتنهيدة ” بص يا حيدر انت اخويا الكبير ومكانتك كبيرة أوي عندي انت شوفت اللي كنت بعانيه كل السنين دي وانت كنت معايا في كل لحظة كنت بتعالج نفسيا فيها ده غير رجلي وايدي اللي اتكسروا وكانوا متجبسين ده غير النزيف الداخلي ”
_” أنا كان ممكن أعمله فضيحة بس مستحرمة عندي خطط كتير وكنت أقدر أدمره من زمان من أول ما عرفتم وأنت ساعدتني بس زي ما قولتلك مستحرمة عشان كده حبيت ان حد تاني يعمل كده ”
جاسمين بسخرية ” والحد ده أنا مش كده صح ”
_” انتي زكية واخترتي الشخص الصح لأنِ مش برحم اللي قدامي ولا بهتم هو مين لولا أن حيدر فوقني من الوهم اللي كنت عايشاه كان مستحيل أوافق علي أي حاجة بيطلبها هو اه راكان استغفلني مرة بس مش معني كده انِ مغفلة وغبية ”
رهف برفعة حاجب ” يعني هتساعديني ”
_” ده أكيد واهو هيسلي وقتي شوية قبل ما أسيبه ما أنا مضيعتش سنين عمري عليه وفي الآخر يرجع لك ويسيبني ”
_” صريحة أوي ”
_” جدا علي فكرة وفين ياسمينا عايزة أحضنها وحشتني ”
رهف بغيرة ” اسمها سما سمااااا ”
جاسمين ما ادتهاش أي اهتمام وبعدين دخلت علي أول أوضة شافتها لقيتها نايمة علي السرير وكانت شبه الملاك خدتها في حضنها وفضلت تبوسها في شعرها كتير لحد ما راحت في النوم
وكل ده ورهف وحيدر بيبصوا لها حيدر بحزن علي أمومتها ورهف بغيرة وحزن في نفس الوقت
………………
بعد أسبوع
_” راكان أنا عايزاك تتجوز الثالثة ”
راكان بصدمة ” انتي بتقولي ايه يا ماما أنا مستحيل أعمل كده ”
_” لا هتتجوز يعني هتتجوز وإلا هغضب عليك أنا نفسي يكون عندي حفيد يورث كل ثروتنا دي ”
_” فيه سما ”
_” قولت حفيد مش حفيدة هي آخرها هتخلص تعليمها وهتتجوز ومش هتهتم غير بجوزها أما حفيدي هيفضل يكبر في إمبراطوريتنا ويهتم بيها ”
_” والاتنين اللي أنت اتجوزتهم واحدة فيهم مش فاكرة حاجة أصلا وكمان منعرفش حصل لها ايه في كل السنين دي والتانية أرض بور و أنا مش هفضل مستنية كتير عايز أشوف ابنك قبل ما أموت ”
↚
_” وياسيدي مش هيبقي رسمي عرفي وطلقها وقت ما تحب وقول ان العيل ابنك من رهف أو من جاسمين اللي أنت عايزه براحتك بقي ساعتها فكر وخد قرارك ”
خلصت كلامها وسابته ومشيت وهو فضل يفكر في كلامها كتير وبدأ يتخيل فعلا كل اللي قالته وان خلاص بقي عنده عيل صغير هو أناني اه أناني هو عايز كل حاجة تحت رجليه من غير ما يهتم بالعواقب
…………….
بعد يومين
كان خبر جوازه انتشر زي النار في الهشيم وكل مصر عرفته حتي الصحافة وده سبب ان اسهمه تنزل بالذات بعد ما اتقال انه هيتجوز رقاصة في كبارية ودي حاجة خلته يتصدم
راكان بجنون وهو بيكلم نفسه ” عادي جدا أنا هعمل مؤتمر وهنفي كل ده ”
كمل وهو بيشد في شعره ” بس الصور اللي نزلت هكدبها أزاي وهي حقيقية ااااه أنا هتجننن بس رقاصة هههه بيطلعوا عليا أنا إشاعات انِ هتجوز رقاصة ”
في لحظات كان موبايله رن وهنا بس كانت الصدمة
_” يعني ايه هاااا قوللللي يعني ايه سحب شراكته ”
الموظف حاول يبرر عشان يتفادي غضبه بس هو مستحملش كلمة ومسك الفون وبكل قوته خبطه في الحيطة فوقع متكسر
راكان بجنون وهو حاسس انه لحظات وقلبه هيقف ” جااااااااسميننن جاااااااسمين ”
جت ببرود وقعد علي الكنبة قدامه وهي بتحط رجل علي التانية
_” بتهوهو ليه يا ريكو ”
راكان بعصبية شديدة ” ايه اللي حصل ده فعلا باباكي سحب كل الأسهم ”
_” اه عادي وده حقه ”
_” يعنيييي ايه حقه جاااي بعد شررررراكة سنين ويقوووول حقه تعبيييي هيروووح بسببه أنا قربت أفلس ”
_” لا صحح غلطك قصدك تعب بابا وتعبي في الشركة دي ”
كملت وهي بتمد له ايدها بظرفين ” و اه خد ”
_” ااايه دههه كمااان ”
مسك الظرفين وفتحهم بنرفزة وأول ما قرأ اللي فيهم اتصدم ورقتين خلع من رهف ومنها وبقي الدوبل مخلوع هو حقق الرقم القياسي
راكان رفع رأسه ليها وقرب منها بهدوء ما قبل العاصفة ” ليه ”
_” ليه يا زمن ليه ”
_” بقووووولك ليييييييه ”
_” هو أنت حبتني يا راكان أصلا أنت من ساعة ما هي دخلت حياتك وأنت اتشقلبت 360 درجة وأنا بقيت مركونة علي الرف أنت كنت واخدني كوبري عشان الشغل ”
راكان قرب أكتر منها وحسس علي رقبتها بهدوء ” أنا بعشقككككك يا جاسمين مش هنكر وبعشق رهف جداااااا بس انتم خونة وأنا بكره الخاينين والكدابين ”
رهف بسخرية وهي بتدخل من باب الأوضة ” ملك الكدب والخيانة بيتكلم ”
_” هوووو أنا عملت لكم اااااايه لكل دهههه حراااااام عليكم حرررررام ”
جاسمين بجمود ” بص يا ريكو عشان خاطر بس البت اللي هناك دي اللي بتستحرم تعمل حاجة غلط وبتخاف جدا من ربنا بص بقي أنا خدت كل الأملاك من الست الوالدة وخدت حقي بس وسيبت لكم نصيبكم اللي هو ميجيش 30 % من الفلوس كلها ولا حتي كمان 10 % ومن الفلوس بتاعتكم جبت لكم بيت إيجار في منطقة شعبية أبقي انبسط فيه انت وفيروز ”
كملت بغمزة ” دي كانت قرصة ودن بس يا طليقي العزيز ”
↚
راكان محسش بنفسه غير وهو فيه مصحة بعد ما جاسمين اتهمته في الشروع بالقتل وبدأ يفتكر كل اللي حصل وان هي بعد ما خلصت كلامها قرب منها ووقعها علي الأرض وفضل يخنقها بكل قوته ويضرب فيها
ودلوقتي هو في مصحة بعد حكم القاضي
راكان بصراخ وجنون ” طلعوووووني من هناااااا انتم متعرفووووووش اناااا مين أنا راكان دويدار اااااااهه ”
فضل يصرخ ويصرخ بس مفيش حد رد عليه
………………
_” بت يا جاسمين أنا كده معملتش حاجة ولا خدت انتقامي انتي اللي عملتي كل حاجة وكنتي هتموتي فيها ”
_” لا يا رهف أنتي انتقامتي وزيادة ظهورك بس في حياته من جديد ده لوحده انتقام ”
_” مش حاسة بس ماشي ”
رهف بتنهيدة ” هتعملي ايه تاني ”
_” مش هعمل هحذف كل الإشاعات اللي حصلت وكمان هدي عيلة دويدار نصيبهم في الشركة مع انهم ميستحقوش ”
_” بس أكتر حد ساعدنا فيروز اللي مشيت ورا قلبها ورغبتها ومستخدمتش عقلها بكلمتين بس منك اتضحك عليها ”
الاتنين بصوا لبعض واتنهدوا بتعب
……………
بعد 6 شهور
علي واحدة من شواطئ مطروح
_” مش هتدي الراجل فرصة ”
_” يابنتي قولت لك هفكر ”
_” لسه هتفكري ده بيحبك وشاريكي وبيموت في دباديبك ”
جاسمين بتنهيدة ” مش قادرة أفتح قلبي لحد تاني سيبيني أفكر براحتي يا رهف لو سمحتي ”
_” تمام ”
سما كانت نايمة في حضن جاسمين وحيدر كان بيعوم شوية وأول ما خلص وطلع جذب أنظار الكل حواليه
جاسمين قامت وقفت بسرعة واتكلمت بغيرة ” خدي ياسمينا شيليها أنا غيرت رأيي الراجل ملهوش غير بيت مراته وأنا هلمه ”
جاسمين راحت بسرعة ناحية حيدر ورهف فضلت قاعدة مكانها وبتراقبهم من بعيد وهي بتضحك هي بقت تعتبر جاسمين زي أختها وبتتمني لها الخير هي وحيدر في حياتهم سوا
بصت لبنتها وباستها في خدها واتنهدت بحب
تمت
↚
_” بتعيطي ليه يا حبيبتي ما أنا قولتلك قبل كده مش عايز غيرك ”
_” عارفة بس أنا نفسي في بيبي العلاجات مش جايبة مفعول احنا بقي لنا 6 سنين متجوزين ”
حيدر بحنان وهو بيحضنها ” أديكي قولتي 6 سنين مش كتير يعني لسه العمر قدامنا طووويل وبإذن الله هنخلف بدل العيل دستة وساعتها هتبقي عايزة تتبري منهم وكمان سما لوحدها صداع ”
_” فعلا دي روح قلبي وبنتي البكرية بس أنا عايزة أجيب لها أخت البت مش هتفضل وحيدة كتير ده غير إن رهف مش عايزة تتجوز تاني فليه نسيب سمسمتي وحيدة ههههه ”
_” أوعدني إن عمرك ما هتفكر تسيبني يا حيدر أموت لو عملت كده ”
_” مستحيل يا جوجو ده أنا طلع عيني علي ما حضرتك أتكرمتي وأعترفتي لي بحبك ”
جاسمين بخجل ” حقك عليا بقي حايدرو ”
حيدر مسك خدودها الاتنين وبقي يشدهم ” حايدرو ايه يا حجة بتخترعي الأسماء الغريبة دي ازاي هههه حايدرو ”
ساب خدودها وباسها علي خدها مكان الاحمرار
حيدر بتذكر وضيق ” هي براءة مكلمتكيش ”
جاسمين بغيرة ” بتسأل ليه يا افندي هااا أنا أكلمها أنت لأ فاهم ولا لازم أفهمك ”
حيدر بص لها بتفهم هو عارف انها بتحب رهف وبتعتبرها زي أختها بس هي بتغير عليه حتي من والدته
حيدر ضربها بخفة علي رأسها ” أختي وعايز أطمن عليها ده غير إنها بقي لها فترة مش بتكلمني ”
جاسمين بصت له بإبتسامة وهي من جواها حاسة بقلق وتوتر هي عرفت من فترة انها كانت بتأخد موانع حمل وهي مش عارفة وطلع راكان هو السبب واكتشفت الموضوع لما راحت عند دكتورة تكشف وقالت لها أنها كانت بتأخد موانع حمل علي مدار سنين وده كان هيسبب لها عقم دائم وطلع موضوع ان هي ما بتخلفش مش حقيقي هي كانت تقدر تخلف عادي بس التحاليل اتبدلت مع حد تاني وراكان عرف الموضوع بس استغل الحوار عشان يخليها جنبه ويضمن ان هي مستحيل تسيبه لأن مين هيرضي يعيش مع واحدة عاقر
( مش بقول واحد مريض )
……………
في فيلا أهل حيدر
كانت قاعدة بتذاكر لبنتها اللي عمالة تفرك كتير ومكسلة تذاكر
_” يا بنتي بقي إمتحاناتك قربت وأنتِ بلاطة ده المدرسين بيشتكوا منك ”
سما بصدمة مصطنعة ” مين أنا ! لا دول بيضحكوا عليكي يا مامي ”
_” طب يا ستي صدقتك قولي لي بقي ال 9 في 8 بكام وده سؤال تافه البيبي يقدر يجاوبه ”
_” مش للدرجادي بس المجموع هيبقي 17 ”
_” إيه عيدي تاني ”
_” بقولك أنا جعانة ”
رهف بتنهيدة ” مفيش حد هيقدر عليكي غير جاسمين ده أنتِ طلعتي عيني في المذاكرة ”
_” اه صح يا مامي هو بابا ومامي جايين أمتي وحشوني ”
رهف بهمس ” في شهر عسل جديد كالعادة ”
_” عندهم شغل ومش راضية أكلمهم عشان يخلصوا شغل ويجوا بسرعة ”
سما بعدم إقتناع ” تمام يا أختي هعمل نفسي مصدقة ”
رهف بصدمة ” بت أنتِ عفريتة ”
سما بغرور مصطنع ” أعلم أعلم تشكرات ”
_” سما تاعبة أمك ليه ”
↚
سما بأعين متسعة ” أنا يا جدو لا جدو إيه أنا يا عبعال ”
_” عبعال إسمها عبد العال يا فاشلة ”
_” إخس عليك إخس يا ناصف أنا فاشلة ده أنا الكل يشهد بشطارتي”
ناصف بضحكة ” أنتي هتقولي لي ”
سما بهمس ” أقف في صفي المرة دي وإلا هقول لفراولتك إنك هارون الرشيد وبتخونها ”
ناصف برفعة حاجب ” لا والله وأنتي بتحسبيها هتصدق الكلمتين دول ”
روان بدهشة ” هصدق إيه يا ناصف ”
ناصف بشر ” البت سما بتقول إنها عايزة تجرب الكوسة من إيدك ”
سما بفزع ” كوسة أنت بتقول إيه يا جدو بقي خلاص أنا آسفه كله إلا الكوسة ”
خلصت كلامها وجريت علي أوضتها بخوف من إنها تأكل الأكلة دي بالذات
( والله يا بنتي وأنا كمان مش بتقبلها وعمري ما أقرب منها )
رهف بتنهيدة ” شقية ”
روان بحب ” جدااا ”
ناصف برفعة حاجب ” وأنتي يا هانم مش ناوية تخليني أفرح بيكي زي التاني اللي بقي له 6 سنين في شهر العسل ”
روان بفرحة ” أيون أيون أيون لازم تتجوزي بقي وتجيبي لسما أخوات عايزة أشوف حفيدي ”
_” أنا كنت عايزة أجوزك حيدر بس هو إتجوز خلاص وبيحب مراته وأنتي وهو بتعتبروا بعض إخوات ”
_” أديكي قولتي إخوات وبعدين أنا مش هتجوز جاسمين إن شاء الله هتحمل وتجيبلكم الحفيد أنا مستكفية بحياتي البسيطة دي ”
ناصف بضيق ” رهف أنتي تسكتي أنا لولا جيبتك هنا بالغصب مكنتيش فضلتي هنا وكنتي هتبعدي عني أنا وأمك ”
_” خلاص بقي ميبقاش قلبك أسود كده يا بابا أنسي بقي ”
_” هنسي بس قابلي العريس اللي جايلك حاجة أدب وأخلاق وإحترام وعارفه من وهو في اللفة وكبر لحد ما بقي شريكي في الشركة بعد ما أبوه إتقاعد ”
رهف بعدم إهتمام ” أعمل اللي تعمله كده كده هيترفض ”
_” كنت عارف إنك هتوافقي أنا إديته معاد وجاي النهاردة بعد العصر روحي إجهزي بقي عايزك تبقي وردة مفتحة ”
خلص وسابها ومشي وهي بصت لآثره بصدمة
………………..
علي الناحية التانية
في إحدي الحارات الشعبية
_” عايز ب 5 فول وب 10 طعمية وب 5 مسقعة وحط لي معاهم ميه سلطة عايز كيسين ”
_” أقل حاجة ب 7 فول ومسقعة ”
_” تمام هات ”
_” معلش بقي يا حج أنت عارف إن الأسعار شعللت ”
_” عارف يا صلاح يابني ده ال 100 جنيه بقت تتصرف بس علي الفطار الحمد لله على كل حال ”
_” الحمد لله واد يا هنداوي ”
_” نعم يا معلم ”
_” ظبط الحج منعم ”
_” من عينيا يا يا كبير ”
إتنهد وهو بيعبي طلبات الزباين اللي يشوفوا دلوقتي وهو بيبيع أكل شعبي ميشفهوش من كل سنة وهو كان رجل أعمال وصاحب شركات بس هو اللي خسر كل حاجة من غبائه رغم إنه فاق متأخر بس فاق
↚
الساعة واحدة جت وقدرة الفول خلصت وكل الأكل اللي علي العربية خلص
أدي لهنداوي يوميته وهو طلع علي بيته اللي يعتبر في نفس الحي
فتح الباب لقي والدته نايمة علي سجادة الصلاة قرب منها وحط إيده علي كتفها بهدوء
_” ماما حبيبتي قومي يلا نامي جوا الأرض ساقعة ”
_” ماما ! مامااااا ”
فضل يهزها كتير لكن مفيش رد
دمعة يتيمة نزلت من عينيها وحط إيده علي رقبتها عشان يشوف نبضها لقاه واقف
دموعه نزلت بغزارة أكتر وحضنها
_” ماماااا قووومي وحياتي قومي حرام ليه عايزة تسيبيني بعد ما بقيت إنسان أحسن عايزة تسيبيني طب خديني معاكي خديني معاكي خديني معاكي ”
فضل يردد نفس الجملة كتير لدرجة إن قلبه كان هيقف
↚
عدي الوقت
وفيروز إتغسلت وأدفنت وصلاح حبس نفسه في أوضة والدته ومكنش عايز يشوف حد ولا يتكلم مع حد
كان قاعد علي سرير وهو ضامم نفسه بقوة وباصص قدامه وبدأ يفتكر اللي عمله في رهف وجاسمين ودخوله المصحة اللي فضل فيها حوالي 3 سنين وبعدين خرج بعد ما القاضي شاف إنه بقي سوى نفسيًا وإنسان أحسن وبقي نسخة أفضل من نفسه وبعد خروجه غير إسمه من راكان لصلاح وراكان بقي ماضي وبقي طي النسيان
وأفتكر قد إيه كان صعب عليه يعيش في الحارة الشعبية دي وإن الفلوس اللي جاسمين أدتها لوالدته كانت بتصرف منها لحد ما خلصت ومبقاش معاهم جنيه واحد يجيبوا بيه رغيف عيش
وأفتكر بهدلته لمدة سنتين في شغل من هنا لهنا شوية بيساعد الناس مقابل مبلغ بسيط وشوية ميكانيكي وشوية بتاع صيانة أجهزة فضل علي الحال ده بيتنقل من شغل لشغل لحد ما جمع مبلغ حلو بس مكنش كبير وقرر إنه يفتح عربية أكلات شعبية فول وفلافل
وهو اللي بني العربية بإيده هو اللي إشتري الخشب وهو اللي ركبه هو اللي عمل كل حاجة بنفسه لحد ما بقي ليه إسم في المنطقة ورزقه زاد
صلاح بآلم ” ده ذنبهم ذنب وبيخلص ربنا مش بيسيب حق حد مهما الوقت عدي يارب كنت خدتني أنا ولا خدتها طب كنت خدتني معاها ”
_” ليه لما بقيت كويس بقت كل حاجة تروح من إيدي ليه ”
_” هي الوحيدة اللي كانت باقية لي بس والله هي بقت كويسة وأحسن من أول ”
_” يارب أنا مش بعترض علي قضاءك أنا عارف إن هي في مكان أحسن دلوقتي دايما بيقولوا إن الناس الصالحة بتروح عندك بسرعة ”
صلاح بدموع ” اللهم لا إله إلا أنت سبحانك إنِ كنت من الظالمين ”
_” بسم الله الرحمن الرحيم { وَبَشِّرِ الصَّابِرِينَ الَّذِينَ إِذَا أَصَابَتْهُمْ مُصِيبَةٌ قَالُوا إِنَّا لِلَّهِ وَإِنَّا إِلَيْهِ رَاجِعُونَ } ”
_” إن لله وإن إليه راجعون ”
فضل يردد نفس الجملة لحد ما نام مكانه وهو حاضن المخدة اللي كانت بتنام عليها فيروز
……………..
علي الناحية التانية
عند رهف كانت جهزت نفسها وبصت عي نفسها في المرايه
رهف بتنهيدة ” من زمان وأنا ملبستش فساتين يلا بقي ”
كملت بضيق ” كده كده هيطفش بمزاجه أو غصب عنه وهستعمل شغل الروايات الفكسانة اللي مش بحبها ”
_” هو فيه كذا طريقة للتطفييش اعمل فيها صنم أقعد ساكتة ولا بتكلم ولا بعبر وكأنِ في عزاء ومعملش أي ردة فعل ولما يجي يتكلم أكلمه برخامة ”
_” طريقة الأراجوز وأفضل بقي أتكلم بصوت عالي وأحرك إيدي كتير وأخلي شكلي مسخرة كأنِ بالعة راديو لا مش حلو الطريقة دي ”
_” طريقة المحقق شينتشي كودو المحقق كونان أفضل أسئله أسئلة كتير لحد ما يزهق ”
_” طريقة أعمل نفسي هبلة وأفضل أضحك علي أي حاجة زي العبيطة عشان يحس إنِ تافهه بس بردوه الطريقة دي مش حلوة ”
_” طريقة الفلوس هخليه يحس إنِ بحب الخروجات وإنِ مش صالحة أبقي ست بيت وكل فلوسي بصرفها علي الشوبينج ”
_” الطريقة الأخيرة المقارنات أقارن بينه وبين اللي خطبوني قبل كده بس أنا متخطبتش قبل كده أصلا الطريقة دي فكسانة هي كمان ”
_” هي طريقة الروايات أحسن طريقة ”
إتنهدت وخرجت برا وروان أدتها صينية العصير ورهف إبتسمت بسماجة وعملت نفسها مكسوفة وبدأت تقدم العصير ومبصتش حتي علي العريس
وبعد كلام كتير قرروا يسيبوهم مع بعض يتكلموا وناصف بص لرهف بتحذير
_” أحم أزيك يا رهف ”
_” رهف !! من غير ألقاب كده ”
_” عادي بقي بخلي البساط أحمدي ”
_” أهااا قولت لي بساط وأحمدي تمام أوي ”
_” أنا طبعا عارف عنك كل حاحة من عمو ناصف فلو عايزة تسأليني أي حاجة أنا مستعد أجاوبك وبكل صراحة ”
↚
_” تمام أول سؤال من في بحر ويحبه كل الناس ”
_” سبونج بوب سكوير بانتس ”
_” روبنزول دلدلي …. ”
_” شعرك ”
_” اللي ضربته روبنزول إسمه إيه ”
_” فليين رايدر ”
_” طب أنت شغال إيه ”
_” بسبس مان ”
رهف بصدمة ” بسبس ”
_” بسبس بس بس ”
_” عندك أسئلة تانية عشان تطفشيني بيها ”
رهف بإحراج إنه كشفها ” هو …بس ….أنا ”
_” أنا هنادي علي عمي ”
_” أستني بس …. ”
_” تعالوا يا جماعة تعال يا عمو ناصف رهف وافقت عليا ”
رهف بصدمة وصوت عالي ” ده كداب أنا مقولتش حاجة بطل كدب ”
رفعت نظرها ليه لقته شاب وسيم مش الوسامة الأوفر بس وسامة عادية بشرته سمرا وشعره أسود عنده عضلات بس مش الأوفر العادية
_” شوفت يا عمي بتتغرغر فيا بعد ما خدت اللي هي عايزاه ”
_” بت إيه بتغرغر ”
_”أهدي بس يا عمير يا بني هي لازم تصلح غلطتها وهي موافقة وجوازكم هيبقي كمان 4 شهور والخطوبة آخر الأسبوع ده ”
رهف بصت لهم بصدمة وبعدين إنفجرت من الضحك علي التمثيلية اللي بيعملوها
عمير بمرح ” ضحكت يعني قلبها مال والفرق ما بينا إتشال إتشال ”
_” يلا يا جماعة نقرأ الفاتحة ”
رهف بصت له بتردد ورجعت بصت لناصف اللي هز لها رأسه بمعني إنها توافق
وبالفعل سمعت كلامه وقرأوا الفاتحة وإتفقوا علي معاد الخطوبة
…………………
بعد ساعتين
_” يعني إيه تتفقوا علي كل حاجة من غير ما تقولوا لي وأنتي يا هانم إيه مستخسرة ترني علي أخوكي تقولي له ”
_” يا حيدر أفهمني بس كل حاجة جت بسرعة ”
جاسمين خدت منه اللابتوب وكلمتها
_” سيبك يا رهف هو متعصب أصلا لوحده كبري دماغك أنتي عاقلة ”
حيدر بصدمة ” أنتم عالم مجانين ومش عايز أكلم واحدة فيكم أشبعوا ببعض وخلي الأستاذ اللي انتي إتخطبتي له ينفعك يا هانم ”
جاسمين بإبتسامة ” لسه قراية فاتحة مش خطوبة ”
_” أيًا يكن ومش عايز أكلم حتي ناصف هو وروان أنا ماشي ”
_” ولد عندك ”
حيدر بخضة ” نعم مين ”
_” أبوك يا روح أمك بطل التمثيل ده يلا وإتلم وأقعد جنب مراتك هو أنت بتحسب عشان كبرت هتتعصب وتعمل االي أنت عايزه ”
حيدر بص له في شاشة اللابتوب من طرف عينيه وقعد جنب جاسمين وهو مقموص
فضلوا يتكلموا كلهم مع جاسمين وهو كان زي ما هو زعلان ومتضايق
_” والله يا حيدر كله جيه بسرعة حقك عليا ”
حيدر بتنهيدة ” مش زعلان يا رهف ”
_” متأكد ”
_” اه ”
_” متأكد ”
_” ااااه ”
_” متأااااكد ”
جاسمين بصراخ ” متأااكد اااااه متأكد اااااه جننتوني ”
الكل إنفجر من الضحك علي عصبيتها وفضلوا ينكشوا في بعض لمدة ساعتين كمان
……………..
بعد شهرين وقبل الخطوبة بيومين
كان صلاح واقف قدام الفيلا اللي عرف مكانها من الصحف والأخبار والحرس كانوا مانعينوه يدخل
_” قول بس لرهف إن عايز أشوفها وأكلمها في موضوع ضروري ”
ناصف بدهشة ” أنت مين وعايز إيه من رهف ”
الحارس بتعجب ” ناصف باشا أنت جيت ”
_” اه لسه مخلص جري ورجعت الأستاذ عايز إيه ”
صلاح بسرعة ” عايز أشوف رهف ”
_” عايزها ليه وتعرفها منين أصلا ”
صلاح بتردد ” أنا…أنا راكان ”
إبتسمت علي ملامح ناصف معالم الغضب وكان هيتعصب عليه بس حاول يتحلي بالهدوء
_” جيت ليه بعد كل السنين دي ”
_” عايز أشوفها وأعتذر لها ولو ينفع عايز أشوف جاسمين أعتذر لها هي كمان ”
ناصف بتنهيدة ” تمام أدخل ”
……………..
بعد ربع ساعة
كان قاعد في الصالون بإحراج وحيدر كان بيبص له بحدة وكان عايز يقوم يهجم عليه بس نظرات أبوه الحادة منعته
↚
زمرد أخت عمير كانت بتبص للعرض الصامت ده ببلاهة هي مش فاهمة فين يودي علي مين
رهف جت وقعدت قدام راكان علي الكنبة اللي قدامه
_” عايز إيه ”
_” ينفع نتكلم لوحدنا ”
حيدر جيه يقوم عشان يضرب ناصف منعه وشده من إيده وشاور لزمرد تيجي وراه وبقوا كلهم واقفين في زاوية بعيدة شوية
_” أنا آسف سامحيني يا رهف وسامحي امي بالله عليكي ”
رهف برفعة حاجب ” وإيه اللي يجبرني يخليني أسامحكم ”
صلاح بآلم ” أمي ماتت يا رهف بعد كل السنين دي ماتت وسابتني لوحدي ومبقاش معايا حد غير ربنا حاولت كتير توصلك عشان تطلب منك السماح بس معرفتش ”
_” أنا عرفت العنوان بالصدفة من الأخبار ”
بدأ يحكي لها كل حاحة حصلت من اول ما كان في المصحة لحد ما خرج
رهف بصت له بشفقة وإتكلمت بطيبة ” وأنا مسامحاك ومسامحاها ”
جيه يتكلم سمع صوت جاسمين من وراه
_” يا ياسمينا بقي هقول لأبوكي يعلقك تعالي هنا وهاتي قلم الروج ”
سما بمرح ” لأ يعني لأ بابا هو اللي قايل لي أصلا أعمل كده ”
جاسمين بصدمة وصوت عالي ” حييييييدر أنت هتبات النهاردة برا الفيلا مش برا الأوضة بس ”
حيدر بتوعد ” دايما بتتكلمي في الوقت الغلط يا هبلة أنا غلطان إنِ قطعت شهر العسل عشان أجي الخطوبة دي ”
جاسمين بدهشة ” إيه ده عندنا ضيوف غير البت زمرد مين ليكون عمير بس مش معقولة يجي دلوقتي ”
جاسمين راحت وقفت قدامه علي مسافة بعيدة وإتصدمت لما لقته هو
سكتت للحظات وبعدين إتكلمت ” جاي ليه بعد كل ده جاي وطلب السماح ولا جاي عشان إيه ”
_” أنا آسف سامحيني ”
خلص كلامه وقام وكان هيمشي بس شاف بنته بص لها بألم وقرب منها وحضنها
رهف راحت ناحيته ومدت إيدها بكارت دعوة
_” أبقي تعال أنا خلاص سامحتك وأنت في الأول وفي الآخر أبو بنتي ”
بص لها بإمتنان وخد الكارت وبعد سما عن حضنه وساب المكان ومشي
وجاسمين كانت مستغربة من اللي بيحصل الكل إتجمع ورهف بدأت تحكي لهم كل حاجة قالها وجاسمين قررت تسامحه
وزمرد سمعت الكلام ده وحست بوجع من حكايته رغم كل اللي تعرفه عنه
……………
بعد يومين
كانت الخطوبة تمت وصلاح كان حاضر وكان مبسوط من كل قلبه عشانها
…………….
بعد 3 سنين
كان واقف قدام باب التويلت بقلق وقلبه عمال ينبض بعنف
خرجت وهي باصة للأرض
_” متزعليش يا حبيبتي انا مش عايز عيال خلاص كفايا علينا ياسمينا ورعد ”
جاسمين بفرحة وهي بتفرح إختبار الحمل ” حييييادرووووو أنا حاااامل يا بيبي هيجي لنا نونو صغنن ”
حيدر بص لها بصدمة وحضنها بعدم تصديق
_” أخيييرا أخييرا حلمك إتحقق يا جيجي وحلمي كمان ”
_” أنا عايز أشيلك وألف بيكي بس مينفعش عشان النونو حبيب قلب بابا بصي أنتي ترتاحي خالص وشوية وهجيب لك الدكتورة تتأكد من صحتك ”
هزت رأسها بفرحة وهو شالها بين إيديه وحطها علي السرير بهدوء وراح إتصل بأهله كلهم وعرفهم بالخبر وبعدين إتصل بالدكتور اللي جت وطمنته علي جاسمين والبيبي
بعد ما الدكتورة مشيت نام جنبها علي السرير وحضنها وعينيه بتدمع أخيرا بعد إنتظار 9 سنين ربنا عوضه هو ومراته أخيرا هيجي العيل اللي كانوا بيحملوا فيه صوت بكاه أرتفع وفضلت يشكر ربنا علي نعمته وجاسمين فضلت تطبط عليه وتحاول تهديه بس معرفتش وبدأت تعيط هي كمان والإتنين بقوا عمالين يحاولوا يهدوا بعض
( ربنا يرزق كل مشتاق اللهم آميين يارب العالمين ”
……………..
_” بابا تعال روحني بقي ”
_” ليه بس ملحقتش أشبع منك ”
_” عايزة أشوف ماما جاسمين ماما لسه مكلماني وقالت لي إنها كلمتهم وإنها حامل عايز أروح أشوفها بسرعة ”
صلاح بإبتسامة ” طالما كده تمام هروحك ”
_” لا تقلق يا حبيبي جاي تاني بكرا فين مراتك أسلم عليها اللي مش معبراني ”
_” هويدا يا هويدا يا ماما انتي فين نعم يا زقردة ”
↚
_” هاتي بوسة قبل ما أمشي ”
_” ليه أنتي راحة فين ”
_” ماما حامل هروح أحتفل وأجي جوجو زمانها طايرة من الفرحة ”
هويدا سلمت عليها وحضنتها بقوة وبعدين سما مشيت مع صلاح عشان يوصلها
إتنهدت بتعب وهي بتمشي إيديها علي بطنها وبتدعي ربنا إنه يحفظهم
صلاح بعد سنتين من جواز رهف قابل هويدا اللي كانت فتحت كوافير عندهم في الحارة بعد ما إتطلقت من جوزها اللي كانت معاملته ليها قاسية وهي لما زهقت طلبت الطلاق
وكانت دايما بتجيب من عند صلاح الفطار فشافها وأعجب بيها وسأل عليها ولاقي سمعتها طيبة فراح إتقدم لها وبعد الجواز حبته وهو بدأ يحبها ومن حبها ليه حبت سما كأنها بنتها
……………….
_” ررررعد حرام عليك يا جدع وشي راح بسببك أنت ليه مش هادي زي أختك ها ليه ليه مش هادي زيي شقي زي أبوك المجنون حتي نسخة من حيدر في الجنان أخ مجنون وزوج مجنون ”
كملت بعتاب ” وشي بقي كله واوا وخرابيش ينفع كده ”
رعد ضحك بصوت عالي وطفولية ورهف أول ما شافته كده عينيها لمعت بحب وبدأت تبوسه وتزغزغه
_” خووووانة بتضحكوا من غيري ”
رهف بصدمة بعدت لورا وهي شايلة رعد
_” لا مكناش بنضحك ولا بنعمل حاجة أرجع ورا بس كده ”
عمير قرب منها بشر ووقعها علي السرير براحة ونزل فيهم وفي إبنهم زغزغة ورهف مكنتش قادرة من كتر الضحك هو لما بيبدأ زغزغة مش بيبطل
تمت