رواية الخير يعود لصاحبه كاملة جميع الفصول بقلم مجهول
رواية الخير يعود لصاحبه كاملة جميع الفصول هى رواية من تأليف المؤلفة المميزة مجهول رواية الخير يعود لصاحبه كاملة جميع الفصول صدرت لاول مرة على فيسبوك الشهير رواية الخير يعود لصاحبه كاملة جميع الفصول حققت نجاحا كبيرا في موقع فيسبوك وايضا زاد البحث عنها في محرك البحث جوجل لذلك سنعرض لكم رواية الخير يعود لصاحبه كاملة جميع الفصول
رواية الخير يعود لصاحبه كاملة جميع الفصول
في البداية عايزة اقول أن السمنة دي فعلا مرض وشيء متعب جدا وهحكيلكم قصتي واللي عملته هكيلكم بالتفصيل يمكن تكون حكايتي عظة لبعض الناس وأن الكلام اللي بنقنع بيه نفسنا ونرضى بشكلنا أي كان هو مجرد كلام ووهم أولا أنا شهد وزني كان ١ كيلو الوزن ده مجاش مرة واحدة ولا كان بسبب تعب أو مرض بعاني منه في طفولتي كنت بنت جميلة بتجري وبتتنطط زي كل الأطفال وسنة ورا سنة مقدرتش اتحكم في شهيتي ووزني وحكايتي ابتدت يوم عيد ميلادي ال ٢٣ لما مكنتش لاقية حاجة مناسبة البسها كل ما اروح محل وأشوف اللبس الاقيه كله ضيق واللي على مقاسي مش مناسب خالص لسني اشتريت فستان مكنتش راضية خالص وشكله عليا كان صعب جدا بس هو مناسب اكتر من كل اللي شوفته وقيسته وكنت محرجة وأنا بقابل الضيوف خصوصا مع نظرات الي حواليا ليا والكلام اللي كنت بسمعه واللي كله تريقة وسخرية على مظهري بس اللي مكنتش عاملة حسابه ولا كان في توقعاتي خالص أن واحدة قريبتي كانت جيبالي عريس في اليوم ده كان اخو جوزها وخليته يجي معاها عشان يشوفني وياريتها اكتفت بكده وبس كان الموقف عدى من غير ما اعرف واتجرح واتهان بالشكل ده دي كانت متفقة مع ماما أني أنا وهو نقعد نتكلم شوية لوحدنا بعد ما الضيوف يمشوا ويكون شافني وخد فكرة عني قبل ما نقعد مع بعض ولحد هنا انا كنت بتعامل عادي مع كل الضيوف الا شخص واحد كان باصصلي طول الوقت باحتقار وبصاته كانت واضحة للكل لدرجة اني كنت كل شوية اروح اشوف في المراية في حاجة غلط في شكلي ولا لأ وبعدم ما دخلت اوضتي ودقايق وخرجت مالقيتهوش لا هو ولا قريبتي وحسيت بالراحة جدا ولقيت فجأة طفل صغير بيعيط فسألته وقالي ان اللعبة بتاعته ضاعت ودور عليها في كل حتة مالقيهاش الا اوضة الصالون فدخلت ادور على لعبته في الصالون وانتهبت لصوت جاي من البلكونة روحت اشوف في ايه لقيت الشخص ده مع قريبتي وبيزعقلها وبيقول
_ بقا هي دي شهد اللي حسستيني انها ملكة جمال ومش هلاقي ضفرها بقا ده منظر عروسة تختريهالي ولا هي عشان قريبتك عايزاني البس بقا البلوة دي العمر كله ده انا لو مشيت معاها في طريق هستخبى لحد يعرفني يشوف المنظر البشع ده معايا ردت عليه قريبتي وقالتله
_ وطي صوتك لحد يسمعنا انا مكدبتش لأن البنت فعلا جميلة جدا كفاية أخلاقها وادبها وانها بنت ناس محترمين وبعدين يعني لو تخينة شوية خليها انت تخس محلولة ليه مصعبها بس رد وقالها بعصبية وبصوت عالي _ لأ انتي كدبتي لا هي جميلة ولا فيها ريحة الجمال ده غير منظرها المستفز وتخنها البشع والاخلاق والادب لوحدهم مش كفاية بالنسبالي انا مش مستعد اضحي الټضحية دي عشان خاطرك أنا اسف انا سمعت الكلام ده ودموعي نزلت من غير ما احس بيها بس برضه الڠضب ملأ قلبي وحسيت اني عايزة اردله الاھانة وحالا دخلت عليهم وانا بعيط وبزعقله _ وأنت مين فهمك اني هرضى بانسان قليل الذوق والادب والاخلاق زيك انت جاي بيوت الناس عشان تهينهم وتتكلم عليهم كده ! انت لو كنت انسان محترم حتى لو أنا مش عجباك مكنتش هتتكلم عليا بالشكل ده بقا أنا بلوة وهتضحي لو اتجوزتني! اطلع برا قبل ما انده على
أهلي يطردوك بصلي
↚
نفس بصة الاحتقار وطلع وهو بيزعق لقريبتي ومشي بسرعة وهي جريت وراه وتأسفت لماما قبل ما تمشي والکاړثة انه وضح للكل سبب مجيته ورأيه فيا يعني مكنش كفاية عليا الاھانة اللي سمعتها بودني لا ده كمان أهاني قدام كل الضيوف جريت على اوضتي وقفلتها عليا وفضلت اعيط مقدرتش اشوف حد ولا ابص في عيون أهلي والغريبة ان محدش منهم حاول يكلمني خالص يومها سابوني لوحدني وحمدت ربنا انهم عملوا كده وتاني يوم الصبح خرجت اغسل وشي لقيت ماما حضرت الفطار هي وأخواتي قعدت معاهم على السفرة وانا بهرب من نظراتهم وهنا استغربت لاني محستش منهم أي عطف لحد ما بابا قام وقال وهو متعصب _ انتي لازم تخسي انا حاولت افهمك كده كتير وانصحك لكن انتي عنيدة وشايفة انك مافكيش غلطة لأن تخنك بالشكل ده غلط واكبر غلط مش بس بسبب اللي حصل امبارح واللي ممكن يحصل تاني عشان صحتك ونفسيتك انتي مابتقدريش تتحركي كتير ولو اتحركتي مابتقدريش تاخدي نفسك من اقل مجهود لا عارفة تشتغلي بشهادتك ورميتي احلامك وطموحاتك بسبب كده ولا عارفة تلبسي كويس وكل مرة بتخرجي تشتري لبس بترجعي نفسيتك تعبانة وبصات الناس ليكي اللي كلها تريقة وتنمر انتي مستنية ايه تاني عشان تاخدي خطوة وتخسي بصيت في الارض وانا بعيط بحړقة انا فعلا كنت عنيدة وبابا كلامه مضبوط طول الوقت وانا بقعد اتكلم واقول ان لازم الكل يتقبلني زي ما أنا وليه أخس طالما عاجبني شكلي كده ومش هامنني كلام الناس بس الحقيقة ان ده كله غلط السمنة اثرت على حياتي وصحتي وحتى احلامي وطموحاتي فعلا والاكتر اثرت على نفسيتي وكنت طول الوقت بكدب على نفسي كام مرة عجبني فستان ومعرفتش اجيبه بسبب مقاسي كام مرة الدكتور نصحني اخس عشان صحتي احلامي وشهادتي اللي رميتهم لاني ببساطة مش
↚
بقدر اتحرك كتير انا مش بقول ان كل التخان مش بيقدرو يتحركوا زيي بس اكيد السمنة مسببلهم مشاكل تانية كتيرة ودخلت اوضتي وقفلت عليا الباب وفضلت اعيط وانا جوايا قرار اني اخس واكسب نفسي وثقتي وصحتي ومن كتر الخنقة اللي انا فيها قومت من سريري وبدأت اعمل شوية تمارين ومن اول دقيقتين مابقتش قادرة اخد نفسي ونهجت جامد نفسيتي اټدمرت وحسيت بالفشل واني عمري ما هخس ودموعي بقت نازلة معرفش ازاي فضلت ساكتة وانا حاسة بأحباط شديد لحد ما لقيت تليفوني بيرن واللي بيتصل كان بنت خالتو حاولت ما ابينش اني مضايقة بس هي حست من صوتي ان في حاجة غلط او يعني فهمتني كده بس انا شاكة ان ماما كلمتها عشان كده اتصلت بيا ورغم اني بدأت اتأكد من ظني لكن مرفضتش اقتراح بنت خالتوا لما عزمتني اروح اقضي الصيف معاهم وخالتوا اتصلت بماما واكدت عليها انا عارفة أن ده كله بترتيب من ماما وخالتوا بس انا فعلا محتاجة ابعد عن البيت شوية خصوصا أن ياسمين بنت خالتوا صاحبتي وبعتبرها زي أختي بالضبط وسافرت لاسكندرية وقضيت اول اسبوع في بيت خالتي مش بخرج خالص وحكيت لياسمين كل اللي حصل ولقيتها بتضحك ! اتضايقت منها اوي وحسيت اني عايزة اعيط لحد ما قالتلي طب مش تعرفي الاول انا بضحك ليه ! بضحك لإن مشكلتك مش بالصعوبة اللي انتي متخيلاها حتى لو محتاجة شوية ارداة وصبر بس مش صعب وبعدين بضحك عليه هو كمان
غبي ومابيشوفش وخسارة فيه القمر
↚
بتاعنا خصوصا بقا لما تخسي هيبان جمالك اكتر بكتير قولتلها بيأس _ مش لما اخس الاول يا ياسمين انا عملت تمارين لمدة دقيقتين كنت ھموت فيها ! ضحكت ياسمين تاني وبصراحة ضحكت معاها طريقتها بتخليني احس ان كل شيء وليه حل وأن الحياة مش بالصعوبة اللي احنا متخيلنها وقالتلي _ طب جربي تروحي معايا للجيم وشوفي هيحصل ايه انا اتفقت مع مامتك انك هتقعدي معانا كام شهر كده هنروح الجيم مع بعض ونيجي مع بعض وهنخرج وهنتفسح في كل حتة في اسكندرية هخليكي تعرفي ان الحكاية دي ابسط مما تتخيلي وفي اول شهر بصراحة كنت تعبانة جدا بمجرد ما روحت الجيم مع ياسمين ولقيت ليا برنامج اكل معين وتمارين معينة لوقت محدد وحكاية كبيرة اوي ده انا كنت بفكر ارجع بيتنا وياسمين كانت مرقباني وخاېفة اسافر بجد بس من تاني شهر كنت بدأت اتعود شوية بشوية وبعد ٤ شهور كنت نزلت ١٥ ك واللي حمسني ان شكلي بان عليه أوي رغم ان النزول مكنش كبير وماما وبابا جهم زاروني في بيت خالتي واتفاجئو من نفسيتي ومظهري اللي اتحسنوا جدا ولأن بابا كان خاېف أن لما ارجع القاهرة ابطل اروح الجيم واسيب التمارين وافق على تصميم خالتي وبنتها اني اقعد معاهم كمان كام شهر وبعد خمس شهور كمان نزلت ٢ كيلو بالنسبالي كانت صدمة انزل الوزن ده كله ووصلت من وزن ١ ل٦٥بالرياضة والريجيم بس الحقيقة أن خالتي وبنتها كان ليهم الفضل بعد ربنا دلوقتي لما بقف قدام المراية بفتكر كلام ياسمين وان
↚
فعلا السمنة كانت ډافنة جمالي وشبابي والحكاية مكنتش بالصعوبة اللي كنت متخيلاها ومشكلتي اتحلت في كام شهر صبرت فيهم واتحملت شوية اتحمل شوية جوع وتعب الرياضة احسن ما اتحمل الاھانة والتجريح والتنمر على شكلي ولما رجعت القاهرة حسيت اني اتولدت من جديد ومكنتش حابة ارجع اقعد في البيت تاني دورت على شغل واشتغلت وفي يوم وانا راجعة من شغلي لقيت ماما بتقولي اللي صدمني فيها وفي اللي قالته الجزء الثاني ولقيتها بتقولي _ حضري نفسك يا حبيبتي عشان فرح ندى قريبتنا خلاص بعد أسبوع والمفروض نكون معاها من بكرا هي اتصلت بيا واكدت أني اروحلها انا وأنتي وأخواتك ونكون معاها بصيت لماما وكنت مستغربة من الهدوء اللي بتتكلم بيه لإن ندى دي تبقى أخت عبير قريبتنا اللي جابتلي عريس لا ومش بس كده ده بيتها في نفس شارع بيت العريس ده ورغم أني قدرت اتخطى اللي حصل في اليوم ده لكن حسيت بخنقة بمجرد ما تخيلت اني هشوف البني آدم ده تاني واظاهر أن ماما عرفت أنا بفكر في ايه طبطبت عليا وقالتلي _ ندى والدتها الله يرحمها كانت اقرب صديقة ليا ومقدرش أخذل البنت بعد ما اعتبرتني في مكانة أمها وكمان عشان تغيري جو حتى لو هتاخدي اجازة من الشغل كام يوم وضحتلها عشان ما تفهمنيش غلط _ أنا ما قولتش حاجة يا ماما بس الحقيقة أنتي عارفة ان احتمال اشوف البني ادم ده تاني وانا ما صدقت نسيت الموقف ده فلو عايزة تروحي اتفضلي روحي انتي وأخواتي انا مش هزعل طبعا لكن مش حابة اروح ردت ماما عليا وقالتلي _ بالعكس يا حبيبتي أنتي بالذات لازم تروحي وتفرحي وتنبسطي مع البنات لو ما روحتيش الكل هيفتكر انه بسبب الموضوع ده وانه لسه ماثر فيكي
وبعدين أنتي
↚
بقيتي واحدة تانية مش البنت اللي السمنة والدهون كانت ډافنة جمالها ورقتها تعالي معايا ولا كأن حصل حاجة وكملت كلامها وقالت _ وبعدين ندى ماذنبهاش حاجة ولا حتى أختها عبير ذنبها حاجة لو رفضتي تيجي هضايق منك أوي وهتأكد أن كلامك كڈب وانك ما نستيش ولا حاجة الحقيقة كلام ماما شجعني وكان صح الموقف اللي حصل العيلة كلها عرفت بيه فلو ما روحتش مش هخلص من الكلام هروح وأمري لله وأهو يومين هستحملهم وهيعدوا حضرنا حاجتنا وروحنا لبيت ندى كانت مبسوطة بينا أوي وطايرة من الفرحة بس المضحك ان هي وأخواتها معرفونيش وكانوا فاكريني أختي الصغيرة واتصدموا لما عرفوا أني شهد انا ما استغربتش لأني فعلا اتغيرت وملامحي اتغيرت بعد ما خسيت للأحلى طبعا وده اللي خلاني ابقى هتجنن لو حسيت اني زدت ولو كيلو واحد وعبير حسيت انها محرجة جدا مني وبتحاول تتكلم معايا بس مش لاقية فرصة مناسبة وانا كمان مكنتش حابة افتح الموضوع اياه تاني واتمنيت تنساه زي ما نسيته وفعلا ماما كان عندها حق لأن يوم الحنة كنت مع ندى أنا وأخواتي حواليها بنضحك وبنطط كأنها أختنا ويوم الحنة بليل خرجت اجيب طلب لماما من السوبر ماركت اللي قريب من بيت ندى وبعد ما اشتريت اللي انا عايزاه بلف عشان أمشي لقيتني خبطت في واحد واللي في ايدي وقع
↚
على الارض جابلي اللي وقع وفضل يتأسفلي كتير أوي لدرجة أني اتكسفت من كتر ما اتأسف وأخدت حاجتي ومشيت على طول ويوم الفرح فضلت مع الميكب ارتيست انا وأخواتي البنات وهي بتجهز ندى وجهزت أنا كمان وعربية العريس وصلت عشان ياخد عروسته لقاعة الفرح و العربية اللي المفروض هتنقلنا أنا وأخواتي للقاعة مش عارفة مجتش ليه اتصلت على ماما قالتلي السواق في الطريق بس هو اتأخر أوي وندى مشيت من نص ساعة تقريبا وانا مش عارفة مكان القاعة بالضبط بس لاحظت حاجة غريبة جدا أن الشاب اللي خبطني امبارح واتأسفلي واقف جنب عربية تقريبا عربيته وشكله مستني حد وفجأة لقيت رقم غريب بيتصل عليا ولما رديت لقيتها ندى بتتصل من تليفون جوزها واټخضيت ليكون حصل حاجة بس لقيتها بتقولي _ هشام صاحب جوزي واقف عندك بعربيته خليه يوصلك انتي وأخواتك للقاعة يا شهد هو اتصل بمعتز جوزي دلوقتي وقاله الحمد لله اني حافظة رقمك خليه يوصلك بدل ما تفضلي مستنية عم محمود السواق وده باله طويل وهتتستني كتير انا مابقتش فاهمة حاجة مين هشام وعرف منين اني مستنية عربية ! بس ثواني والشاب ده جالي وقالي _ أنا هشام صاحب معتز عريس صاحبتك اكيد المكالمة دي كانت تخصني ممكن تتفضلي معايا أنتي وأخواتك أوصلك طبعا رفضت مستحيل اركب مع حد غريب عربيته حتى لو مش هحضر الفرح خالص وأخواتي اتغاظوا مني بس صممت على رأيي فلقيته مبتسم ولا كأني رفضت طلبه وقالي _ خلاص تمام هضطر افضل معاكم لحد ما السواق يوصل ماينفعش اسيبكم لوحدكم اتغظت منه بس من جوايا كانت في حاجة بتضحك والسواق
وصل فعلا متأخر وبعد ما وصلت للفرح أنا وأخواتي هشام تقريبا مشالش عنيه من عليا طول الفرح واللي غاظني منه اوي بقا أني بعدت عن ماما شوية ولما رجعتلها لقيته واقف معاها بيضحكوا وكأنهم أم وأبنها قعدت ساكتة
وفضلت افكر سبب تصرفاته دي ايه ! وبعد الفرح العروسة طبعا عريسها خدها وراحوا بيتهم
↚
وأنا وماما وأخواتي رجعنا لبيت ندى عشان نرتاح شوية ونبات الليلة دي والصبح نرجع بيتنا بس عبير أخت ندى شدتني في الشارع قبل ما ندخل البيت وقالتلي _تعالي معايا نجيب حاجة من شقتي ونرجع لهنا انا رفضت طبعا بس السبب اني فعلا كنت مرهقة جدا فقالتلي وهي بتضحك وبتشاور على وليد وهو واقف بعيد عننا بشوية _ اسكتي وليد هيتجنن من ساعة ما شافك وعايز يتقدملك وانا ماقولتلهوش انك انتي اللي ومكملتش باقي كلامها وسكتت وبعدين قالت باعتذار _ انا اسفة مكنتش اقصد والله بس انا من صدمتي في اللي بيحصل مقدرتش اقوله انتي مين عايزة اشوف صډمته وانتي بنفسك بتقوليله هو عايز يتكلم معاكي شوية قبل ما يتقدم لاهلك وحسيت من كلام قريبتي انها عايزاني اخد حقي بنفسي وارد اعتباري وانها زي ما كانت السبب ان الشخص ده يهني هتكون السبب في اني اردهاله بنفسي هي ماقالتليش كده مباشرة بس حسيت ان ده قصدها وقولتلها بصوت عالي عشان يسمعني _ روحي قوليله اني مش موافقة من قبل حتى ما اتكلم معاه مافيش داعي للكلام وانا اصلا مش قابلة لقيته جالي وقالي _ طب مش اتقدم ونقعد ونتكلم الاول وبعدين تقرري مش يمكن لما تلاقيني محترم وابن حلال تغيري رأيك فيا ! كان ممكن اقول كلام كتير اوي جه على بالي وقتها بس حسيت ان الدرس الحقيقي اللي ممكن اعلمهوله في اللحظة دي اني اعرفه حقيقته وقولتله _ لأ أنا عارفة كويس حضرتك تبقى ايه لا أنت محترم ولا مؤدب ولا أنت الشخص اللي
↚
ممكن اطمن على نفسي معاه كان ليا موقف سابق معاك وحقيقتك ظهرت للكل ابقى خلي عبير تفكرك بيه ومشيت وسيبته مصډوم وكنت متخيلة ان بعد ما يعرف أنا مين هيتكسف من نفسه ومش هيوريني وشه تاني بس الغريب انه اتقدملي خمس مرات في اسبوعين واترفض حاول بكل الطرق وكلم ناس كتير عشان يقنعوا بابا يوافق بس كلنا كنا رافضين رفض قاطع وبعدها بكام يوم ماما فتحتني في موضوع مش هنكر أنه خلاني مبسوطة وطايرة من الفرحة هشام اتقدم وكلم ماما وبابا ولما قابلته وهو جاي مع أهله وقعدنا واتكلمنا حبيته أكتر وخطوبتنا مطولتش خالص ٤ شهور وكنا في بيت واحد والنهاردة عيد جوازي الرابع اربع سنين فهمت فيهم يعني ايه شريك حياة يكون سند وزوج بمعنى الكلمة وفهمت ارادة ربنا في الموقف اللي حصلي وجرحني أيام كتيرة أوي بالموقف ده فوقت لنفسي وعرفت أني غلطانة في حق نفسي أني اوصل للوزن ده وأرضى وبالموقف ده عرفت أن في شړ ممكن يبعد عننا بطريقة توجعنا بس لو مكنش بعد وفضل كان هيوجعنا العمر كله لذلك لازم دايما نقول الحمد لله في كل موقف لإن رب الخير لا يأتي إلا بالخير