رواية بداية ما بعد الالم كاملة جميع الفصول بقلم نشوه عادل
رواية بداية ما بعد الالم كاملة جميع الفصول هى رواية من تأليف المؤلفة المميزة نشوه عادل رواية بداية ما بعد الالم كاملة جميع الفصول صدرت لاول مرة على فيسبوك الشهير رواية بداية ما بعد الالم كاملة جميع الفصول حققت نجاحا كبيرا في موقع فيسبوك وايضا زاد البحث عنها في محرك البحث جوجل لذلك سنعرض لكم رواية بداية ما بعد الالم كاملة جميع الفصول
رواية بداية ما بعد الالم كاملة جميع الفصول
-فهمينى بس هتستفيدى ايه لما تقولى لجوزها انها كانت بتخونه هى خلاص ماتت يا نورهان
نورهان بغضب: هى ماتت بس اللى خانى معاها لسه عايش ولازم انتقم منه لازم اخليه يدوق النار اللى كوانى بيها يا ريم انتى مش حاسة بالوجع اللى فيا
ريم: حاسة والله وفاهمة بس بدل ما تفكرى فى الانتقام فوقى لنفسك وحياتك
نورهان: كان نفسى لكن بابا مش عاوزنى اطلق منه الا بعد الانتخابات عشان ابو جوزى حبيبى الخاين عضو امانة الحزب فأبويا عطانى ليه هدية او فدية بمعنى اصح
ريم: خلاص يا نور اصبرى لبعد الانتخابات واطلقى بدل ما تعملى حاجة ترجعى تندمى عليها
نورهان: انا هندم فعلا لو معرفتش اخد بحقى منه لازم اعرفه ان مش كل الطير يتاكل لحمه
ريم: يا سلام وده من امتى انتى عارفة كويس ان دى مش اول مرة عمر يخونك فيها
نورهان: بس المرة دى مكنتش اى واحدة دى بنت عمى المفروض انها من دمى ولحمى
ريم: طيب انتى ناوية ع ايه بس؟!
نورهان: عشان احقق انتقامى مش هعرف اعمل كده لوحدى فلما اعرف ادهم فاروق بخيانة مراته مش هيسكت اكيد
ريم: ايوة بس اللى اعرفه ان ادهم من يوم موت ساندى وهو بطل غناء وبعد عن الساحة ومدير اعماله طلع فى لقاء ع السوشيال وقال ان حالته النفسية مش مستقرة وانه مش قادر يتخطى وفاتها
نورهان: يعنى بيضيع عمره عشان واحدة متستاهلش انا بقى هفوقه من وهمه وارجعه لحياته من جديد
ريم: والله انك مجنونة وبجد انا خايفة عليكى
نورهان: متخافيش مش هيحصلى اسوء من اللى انا فيه
ريم: انتى حرة انا عملت اللى عليا ونصحتك هقوم انا اروح عشان ماما عندها ميعاد عند الدكتور
نورهان: اوك يا روحى ابقى طمنينى عليها وهاجى بكرة ازورها ان شاء الله
مشيت ريم وفضلت نورهان تفكر هتقابل ادهم ازاى مسكت فونها ورنت عليه كذا مرة لكن مردش فقررت انها تروح ليه فيلته وبالفعل وصلت ع هناك واستقبلتها الهوم سنتر
نورهان: مساء الخير استاذ ادهم موجود؟
نعمة: ايوة يا فندم بس الاستاذ مش بيقابل حد الفترة دى
نورهان: لو سمحتى بس قوليله نورهان بنت عم مدام ساندى عايزة تقابلك عشان موضوع مهم جدا
نعمة: طيب اتفضلى وانا هبلغه
طلعت نعمة وهى بتقدم رجل وبتأخر التانية لحد ما لقيت طارق مدير اعمال ادهم وصديقه المقرب خارج من عنده
نعمة: استاذ طارق مدام نورهان عاوزة تقابل ادهم بيه
طارق باستغراب: مين مدام نورهان دى؟
نعمة: بنت عم المدام الله يرحمها
طارق: طب ودى عايزة ادهم فى ايه يعنى؟
نعمة: معرفش والله بس بتقول ان الموضوع مهم جدا
طارق: طيب انزلى انتى شوفيها تشرب ايه وانا هبلغ ادهم واحاول اقنعه يقابلها
دخل طارق ع ادهم اللى كان قاعد جنب الشباك ... طارق: ادهم نورهان بنت عم ساندى الله يرحمها عاوزة تقابلك ضرورى
ادهم : وانا مش عاوز اشوف حد قابلها انت ومشيها
طارق: بس هى عاوزاك انت يا صاحبى وجات ليك لحد بيتك وعارفة انك موجود فمينفعش متقابلهاش
ادهم بغضب: انا قولت اللى عندى يا طارق مش عاوز اقابل حد انا
طارق : طب عشان خاطرى انا بس انزل قابلها وشوفها عاوزة ايه مش هتخسر حاجة يعنى
ادهم بنفخ: استغفر الله العظيم ماشى
نزل ادهم وشاف نورهان سلم عليها وقعدوا ومعاهم طارق ...نورهان: ادهم انا كنت عاوزة اتكلم معاك فى موضوع ع انفراد لو سمحت
ادهم: قولى اللى انتى عاوزاه طارق زى اخويا ومبخبيش عنه حاجة
نورهان باحراج: ايوة بس الموضوع حساس جدا مش هعرف اقوله قصاد حد لو حابب تعرفه بعد ما امشى مفيش مشكلة بس ارجوك خلينا نتكلم ع انفراد حاليا
طارق: احم طيب يا ادهم انا هقوم اخلص المشوار اللى قولتلك عليه وهرجعلك خدوا راحتكم
مشى طارق ...ادهم: اهو مشى اتفضلى اتكلمى
نورهان: انت ايه اللى انت عامله فى نفسك ده؟!
ادهم: هو ايه بالظبط؟!
نورهان: قافل ع نفسك وبعدت عن حياتك وشغلك وجماهيرك انت شايف ان كده صح!
ادهم: والله لو ده الموضوع اللى انتى جاية تكلمينى فيه فالاحسن توفرى ع نفسك الكلام واتفضلى امشى
نورهان: يا ادهم اسمعنى انت بتضيع نفسك عشان واحدة رخيصة وخاينة
ادهم بغضب: نورهاااااان الزمى حدودك ولما تتكلمى عن مراتى تتكلمى باحترام انا مراتى اشرف واحدة
نورهان بضحكة حزينة: طب متتحمقش اوى كده عشان اشرف واحدة كانت بتخونك ومش مع حد غريب كانت بتخونك مع جوزى وانا قفشتهم متلبسين وشوفتهم بعيونى الاثنين كمان
لم يتمالك ادهم نفسه امام كلمات نورهان وفجأة ضربها قلم قوى من قوته وقعت نورهان من طولها فى الارض ووووووو................
↚
-لم يتمالك ادهم نفسه امام كلمات نورهان وفجأة ضربها قلم قوى من قوته وقعت نورهان من طولها فى الارض وقف ادهم مصدوم شويه شالها حطها ع الكنبة ونده بصوت عالى: نعمة ...نعمة
نعمة بخوف: نعم يا استاذ ادهم
ادهم: هاتى مياه او برفان بسرعة اخلصى
جريت نعمة وجابت البرفان ورش منه ادهم ع انف نورهان اللى ابتدت تفتح عيونها ببطئ ... نورهان بوجع: اااه دماغى
ادهم : اهدى انتى بخير تحبى نروح لدكتور؟!
نورهان افتكرت اللى حصل وقامت اخدت شنطتها وقالت: شكرا عن اذنك
ادهم منعها من الخروج: استنى لو سمحتى انا اسف جدا ع اللى حصل ده بس الكلام اللى انتى قولتيه صعب ان اى راجل يسمعه ويتقبله
نورهان باحراج: عارفة ومقدرة بس انا جيت انورك واشيل الغشاوة من ع عيونك
ادهم: طب انا ايه يخلينى اصدقك؟!
نورهان اخرجت هاتفها وورته صور لعمر وساندى وهما مع بعض وقالت: انا مبظلمش حد
ادهم بغضب واشمئزاز من الصور: تمام
نورهان: يا ترى بقا بعد ما اتأكدت من كلامى ناوى تعمل ايه؟!
ادهم: مش هعمل حاجة
نورهان بغضب: يعنى ايه مش هتعمل حاجة بعد كل اللى عرفته ده هتعدى الموضوع كده عادى
ادهم: واذا قولتلك ان اللى خانتنى واللى خانتنى معاه الاثنين ميفرقوش معايا ما يولعوا الهانم اللى كانت ع ذمتى الموت رحمها منى خلاص
نورهان: لكن اللى خانتك معاه لسه عايش ومبسوط
ادهم: ما تجيبى اللى عندك من الاخر يا نورهان
نورهان: يعنى ايه تقصد ايه؟!
ادهم: اقصد انك لسه موجوعة وموت ساندى مش كفاية انه يشفى النار اللى جواكى فعاوزة تنتقمى من عمر بس عن طريقى انا
نورهان بدموع: ايوة عاوزة انتقم منه ع كل مرة خانى فيها ووجعنى ع انه بص لبنت عمى واللى كنت بعتبرها اختى واكتر عاوزة احرقه بالنار اللى ولعها فى قلبى وكمان انت يا اخى تنتقم لشرفك اللى مرمطته الهانم بالارض
ادهم: بلاش الاسطوانة دى بقا لان الحقيقة بقت مكشوفة ليا
نورهان : يعنى هتساعدنى ولا لا؟!
↚
ادهم بتنهيدة: روحى دلوقتى يا نور واهدى شويه وبعدين نتكلم
مشيت نورهان بغضب وهى بتعيط بحرقة ...اما ادهم قعد ع الكنبة وهو بيفتكر تصرفات ساندى الغريبة قبل الحادثة بشهور اغمض عيونه بغضب وعروقه بارزة طلع ع غرفته ومسك فونه واتصل ع شخص اسمه ابو ليلة
ابو ليلة: ايوة يا فنان وحشتنى والله
ادهم: اسمع يا ابو ليلة من غير رغى كتير هبعتلك دلوقتى صورة لواحد عاوزك تراقبه دبة النملة عاوز اعرفها عنه انت فاهم
ابو ليلة: بس كده اوامرك يا فنان
قفل ادهم فونه ورزعه بالحيطة ونزل ع غرفة الجيم كالعادة يخرج طاقته السلبية
رجع طارق من مشواره ولقى ادهم خارج عرقان مياه جرى عليه بخضة: مالك يا ابنى فى ايه؟
ادهم: مفيش حاجة انا زى الفل اهو
طارق بشك: ع طروق برضه قولى فى ايه ونورهان كانت عاوزاك فى ايه؟!
ادهم: كانت جاية عاوزانى اساعدها فى موضوع طلاقها لان ابوها مش موافق المهم دلوقتى انا عاوزك تكلم المنتج عشان نكمل الالبوم
طارق بفرحة: بجد ...بجد يا ادهم
ادهم : انا من امتى بهزر ف الشغل يا صاحبى
طارق حضنه بفرحة: واخيرا بقا هروح اعمل الاتصالات وارجعلك هوا
بعد مرور شهر انتهى ادهم من البومه الجديد اللى نزل بالسوق وحقق نجاح كبير جدا جاله اتصال من ابو ليلة عرفه معلومات كتير عن عمر بيومى زوج نورهان ابتسم ادهم وقاله: حلو عاوزك بقا تجيب الزبون ع المخزن بتاعنا الليلة
ابو ليلة: عيونى الليلة هنجيب الزبون ونقيم عليه الحفلة
قفل ادهم الفون وكان طارق قاعد جنبه بصله باستغراب : زبون ايه اللى بتتكلم عليه؟
ادهم: لا ده حوار فكسان متشغلش بالك انت
طارق: انا ملاحظ انك بقيت تخبى عنى حاجات كتير اوى يا صاحبى
ادهم: عيب عليك تقول حاجة زى كده بس فعلا الموضوع ميستحقش
طارق: اتمنى
فى الليل كان ابو ليلة ورجالته جابوا عمر ع المخزن زى ما ادهم قالهم وبعدها اتصل ادهم ع نورهان وطلب يقابلها ونزلت قابلته
ادهم: ها جاهزة ؟!
نورهان باستغراب: جاهزة لايه مش فاهمة؟!
ادهم: هتفهمى كل حاجة دلوقتى
مشى ادهم لحد ما وصل لمكان المخزن ... نورهان بخوف من المكان: ايه المكان ده يا ادهم ده ضلمة ومقطوع انت جايبنى هنا ليه هو ..هو انت خاطفنى؟
ضحك ادهم بصوت عالى وبانت غمازته وسرحت نورهان فيه شويه وفاقت وهو بيقول: يعنى انا لما احب اخطفك هتصل عليكى قبلها لا وكمان انا اللى اجى اخدك من بيتك لا حلوة دى بجد
نورهان: امال انت جايبنى هنا ليه؟
ادهم بغمزة: بيقولك يا خبر النهاردة بفلوس بكرة يبقى بلاش انما هو بعد خمس دقايق بس هيكون ببلاش
نورهان: هو ايه الالغاز دى بجد فهمنى!
ادهم: انزلى معايا بس وانتى تعرفى انتى واثقة فيا؟
نورهان هزت رأسها بأيوة ونزلت معاه دخلت ع جوة وشافت عمر مربوط ومضروب نظرت لادهم بصدمة ورجعت بصت لعمر بشماتة ودموع فى نفس الوقت
ادهم : اوووه واضح ان الرجالة وفرت عليا حاجات كتير اوى كنت هعمله
عمر بتعب واضح: ما انت لو راجل كنت جيت ليا وش بوش متحامتش فى رجالتك
ادهم: برافو عاش يا بطل ع القوة دى عجبتنى
عمر باستفزاز: ولسه هعجبك اوى لو ساندى كانت عايشة كانت قالتلك
سحب ادهم المسدس ووجهه ع عمر وقفت قصاده نورهان بسرعة: لا يا ادهم لا متعملش حاجة غلط تندم عليها بعدين هو بيستفزك متوصلوش لهدفه
نزل ادهم المسدس وراح ناحيته وفضل يضربه بكل قوته وقال: الموت لامثالك رحمة وانا بقى عاوزك تعيش عشان تتعذب واتلذذ بتعذيبك يا وا..طى
عمر: انت فعلا عذبتنى كتير يا ادهم عارف ليه لانك اخدت منى حبيبتى أيوة انا وساندى كنا بنحب بعض من قبل ما انت تتجوزها وانا اتجوز نورهان
نورهان بصدمة: ايه؟! ازاى؟ ووووووووووووووووو.........
↚
-ايه؟! ازاى يعنى كنتم بتحبوا بعض من قبل ما تتجوزنى ولو كلامك صح اتجوزتنى ليه من الاول؟!
عمر: دى الحقيقة انا وساندى كنا مع بعض فى الكلية اللى شهدت ع قصة حبنا وفى اخر سنة روحت لابويا عشان اقوله انى بحب وعاوز اخطب وقتها قالى انه هيخطبلى بس مش ساندى لكن انتى عشان المصالح اللى بينه وبين ابوكى ولما رفضت هددنى انه هيحرمنى الميراث ومش بس كده ده سفرنى كملت دراسة برة ولما رجعت عرفت ان ساندى اتجوزت من ادهم عشان تحرق قلبى بس ...بس احنا رجعنا لبعض وكنا بنتقابل كل يوم وكنا مقررين بعد الانتخابات هتطلب الطلاق من ادهم واتجوزها
ادهم بقرف: واهو الموت أخدها وريحها من اللى كنت هعمله فيها لو فضلت عايشة جه دورك انت بقا
عمر بضحك: هتعمل ايه يعنى هتضربنى ولا هتموتنى طب ياريت تموتنى عشان اروح ليها بدل ما انا عايش بتحسر ع فراقها
ادهم: الا قولى يا عمر هو البوليس ممكن يعمل ايه لو عرف انك كنت مع ساندى فى العربية وقت الحادثة؟
عمر بصدمة: وقت حادثة ايه؟!
ادهم: ايه يا عمور ما تركز معايا كده يوم الحادثة لما ساندى ماتت هى اللى كانت سايقة فعلا بس انت كنت راكب جنبها لكن الغريب بقا انك سيبتها ونزلت من العربية قبل ما تنفجر بيها هو فيه حد بيحب حد يسيبه يموت؟!
عمر: انا مسيبتهاش انا لما نزلت من العربية كانت رجلى مكسورة واتصلت بأبويا يساعدنى لما وصل كانت العربية فعلا انفجرت
ادهم: وليه ميكونش انتم اللى فجرتوها عشان تموت مع ساندى الفضيحة!
عمر: انت اكيد مجنون الكلام ده محصلش والبوليس مش قليل عشان يفرق ما بين حادث بفعل فاعل او عادى
ادهم: عاش الله ينور والله كلية الحقوق اللى درست انت فيها مضاعش مجهودك فيها ع الفاضى
عمر: ما تجيب من الاخر يا ادهم انت عاوز ايه؟!
ادهم: طلق نورهان
عمر: هطلقها بس بعد الانتخابات
ادهم: تؤ هطلقها ودلوقتى حالا كمان والا مش هتخرج من هنا لبعد الانتخابات
عمر: تمام ..انتى طالق بالتلاتة يا نورهان
نورهان بضحكة حزينة: الحمدلله انى خلصت من واحد خاين ملوش امان زيك
ادهم: من فضلك يا نورهان اخرجى استنينى بالعربية برة
خرجت نورهان ولما اتأكد ادهم انها مشيت بص لابو ليلة وقاله: روقلى ع الزبون وفك اسره الفجر
ابو ليلة: اوامرك يا فنان
خرج ادهم لكن ملقاش نورهان فى العربية راح للبودى جارد اللى ع البوابة ...ادهم: المدام اللى كانت داخلة معايا راحت فين؟!
البودى جارد: مشيت من الاتجاه ده يا باشا
ادهم بعصبية: يا بنت المجنونة
↚
بسرعة راح ركب عربيته واثناء ما هو سايق لقى تلات بلطجية محاوطينها وبيضايقوها بسرعة نزل من العربية وراح ليها واتخانق معاهم وفى اثناء الخناقة واحد من التلاتة ضرب ادهم بألة حادة فى ايده عوره وهرب بعدها هو والباقى
نورهان بخوف: ادهم ايدك بتنزف جامد لازم نروح المستشفى حالا
ادهم بغضب: اسكتى خالص سوقى انتى العربية لحد البيت
بالفعل اخدته للعربية وساقت للفيلا بتاعت ادهم وفى الطريق طلب ادهم من طارق يجيبله دكتور ع هناك ولما وصل ادهم لقى الدكتور بانتظاره
طارق بخوف: فى ايه ؟! ايه اللى عمل فيك كده انت كنت بتتخانق ؟!
ادهم: اهدى يا طارق انا بخير محصلش حاجة
طارق: محصلش حاجه ازاى يعنى انت مش شايف ايدك بتنزف ازاى ! فهمينى انتى يا مدام نورهان
ادهم: كان فيه شباب بيحاولوا يضايقوها وانا شوفتهم واتخانقت معاهم
طارق: طب مبلغتش الشرطة ليه؟!
ادهم: الموضوع مش مستاهل ده كله يا صاحبى انا زى الفل اهو اهدى بقا
انتهى الطبيب من خياطة الجرح ...نورهان: الف سلامة عليك واسفة انى كنت السبب باللى حصل وشكرا ع وقفتك جنبى
ادهم بابتسامة: انا معملتش حاجة الا واجبى
نورهان: طيب هستأذن انا
ادهم: استنى اوصلك مينفعش تمشى دلوقتى لوحدك
نورهان: مفيش داعى تتعب نفسك وانت فى الحالة دى انا هعرف اروح لوحدى
طارق: خلاص اوصلك انا
↚
ادهم: انا قولت انا اللى هوصلها يبقى انا اللى هوصلها
طارق بغمزة: طيب متزقش اطير انا سلام
خرج ادهم مع نورهان ولاحظت انه ماشى بطريق غير البيت بتاعها ....نورهان: انت رايح فين؟!
ادهم: مفاجأة
نورهان: مفاجأة ايه دى؟!
ادهم: ما انا لو قولت مش هتبقى مفاجأة ع فكرة اصبرى وانتى تعرفى
بعد مدة وصل ادهم ع مكان فيه بحيرة وضى القمر منور المكان وفيه خضرة كان مكان مريح جدا للنفس نزل من عربيته وراح وقف ادام البحيرة
نورهان: انت جايبنى هنا ليه؟!
ادهم: صرخى
نورهان باستغراب: نعم! اصرخ !
ادهم : اه صرخى وعيطى وخرجى الكبت اللى جواكى هنا واعتبرينى مش موجود اصلا وتأكدى ان محدش هيسمعك برضه ع فكرة
نظرت له نورهان باستغراب وقالت بصوت مخنوق: ومين قال انى عاوزة اعمل كده؟
ادهم: احساسى هقولك ع حاجة حلوة انا هلف وشى اهو عشان متتكسفيش
وبالفعل لف ليها ضهره قعدت نورهان ع ركبتها وصرخت بأعلى صوت ليها وهى بتشهق من العياط ومع كل صرخة كان ادهم بيغمض عيونه بوجع عليها لكن عارف ان ده هيريحها وبعد ما خلصت صريخ لف وشه ليها وراح بعد شعرها عن وشها وقربها من حضنه فاستسلمت وهديت
ادهم بعد مدة: نور انتى بخير؟!
نورهان بتعب: عاوزة انام
ادهم: انا كنت عارف ان ساندى بتخونى ع فكرة
نورهان اللى فاقت من الصدمة: ايه ...كنت عارف ازاى؟ ومن امتى وازاى كنت ساكت
ادهم: انا كنت بشك فى تصرفاتها وكذا مرة كانت تقولى انها خارجة تقابل ناس اصحابها واكتشف انهم مسافرين لحد اليوم اللى ماتت فيه قررت اراقبها بنفسى وشوفتها وهى رايحة تقابل عمر فى شقتكم كنت ناوى اخلص عليهم هما الاثنين لكن ربنا نجانى واخدها قبل ما ابعتها انا اما الكلب التانى النهاردة اخدت حقى منه ولسه هيشرف بالسجن الجاى من عمره
نورهان: سجن ؟! سجن ايه؟!
ادهم: الباشا مزور اوراق ناصب ع بنوك وسارق مليارات ومعايا الورق اللى يثبت الكلام ده وبكرة هتسمعى الكلام ده ف السوشيال عشان كده أجبرته يطلقك النهاردة
نورهان: ياااه للدرجة دى كنت مخدوعة فيه للدرجة دى كنت مغفلة وعايشة مع واحد قذر زى ده
ادهم: واديكى خلصتى منه خلاص لازم تفوقى لنفسك
نورهان: طب يلا روحنى
ادهم: اكيد
يمر الوقت وعمر يتحبس فعلا ونورهان تفتح اتليه خاص بيها وادهم يعمل فيلم جديد وينجح ويزداد تقربهم لبعض ومعاه بيتولد بينهم حب وبينتهى بانهم بيتجوزوا ويعيشوا حياة سعيدة بدون وجع ولا خيانة