رواية جبل لا ينهار دياب وروتانا كاملة جميع الفصول بقلم زهرة الربيع

رواية جبل لا ينهار دياب وروتانا كاملة جميع الفصول هى رواية من تأليف المؤلفة المميزة زهرة الربيع رواية جبل لا ينهار دياب وروتانا كاملة جميع الفصول صدرت لاول مرة على فيسبوك الشهير رواية جبل لا ينهار دياب وروتانا كاملة جميع الفصول حققت نجاحا كبيرا في موقع فيسبوك وايضا زاد البحث عنها في محرك البحث جوجل لذلك سنعرض لكم رواية جبل لا ينهار دياب وروتانا كاملة جميع الفصول

رواية جبل لا ينهار دياب وروتانا كاملة جميع الفصول

اجنبيه يا جدتي دي هقعدها هنه كيف في الجبل وسط الديابه والهجامه ده الرجاله هنا ممكن يقطعوها احميها كيف يعني 

جدته وقفت تتكأ على عصايه وقالت..ولو محمتهاش انت مين ممكن يعمل كده يا دياب...ده انت كبير الجبل كله 

دياب قال بسرعه..ايوه يا جدتي ماشي بس العيال هنه الي مبرشم والي خمورجي ومفيش حد واعي للي بيعمله..ودي اجنبيه يعني فيها سين وجيم ليه الورطه دي من اساسها 

جدته قالت...يا ولدي المحافظ بذات نفسه كلمني.. البنيه جايه تعمل بحث عن الجبال وحياتها..هتاخد شوية صور وتعاود..واختارولها المكان ده علشان وجودك فيه متصغرناش عاد..نقولهم ايه مهنقدرش 

دياب قعد بضيق واتنهد وقال..لا يا جدتي اكيد نقدر...وربنا يستر..هيه هتاجي ميته 

جدته قالت بابتسامه..زمانها على وصول 

دياب بصلها بغيظ وقال..ده انتي حازمه امرك يا جدتي... زمانها على وصول ويادوب بتقوليلي يعني تحصييل حاصل 

جدته ضحكت وقالت...هتكبر على جدتك ولا ايه..ده انا اللي علمتك كيف تكون جبل ساكن جبل ...ولا عندك رأي تاني 

دياب ابتسم وهز راسو بيأس وباس ايدها وقال..معنديش يا ياريسه حليمه..معنديش..انا هطلع اتكلم مع الرجاله وافهمهم..واحاول معاهم انهم يتسترو لما تاجي 

جدته ضحكت وهو طلع 

وقف قصاد الرجاله وبقى يلف قداامهم وهو بيوجهه لهم التعليمات

قال بحزم..لو اي واحد منكم هوب ناحيتها بس..واو فكر يدوس على ضلها حتى هيبقى بيقف قصادي انا..فهمتو 

الرجاله قالو بصوت واحد..فهمنا يا ريس دياب 

دياب قال بحرج...وكمان ..احم...هتلاقوها واقفه كده ولا كده...فيه حاجه وهيه مستعجله نسيت ما تلبسها...ملناش دعوه..سايحه وبتسيح من الشمس وضروري تخفف هدومها فهمنا

بقلم....زهرة الربيع

قالو بصوت واحد..فهمنا يا ريس دياب 

دياب قال ...لو لاقدر الله بقى هيه جاتها ضربة شمس في نفوخها وعجبها واحد منكم وكلمته هيعمل ايه...نعمل كيف ما عمل سيدنا يوسف 

الرجاله قالو بصوت واحد..هو عمل ايه يا ريس 

دياب بصلهم بدهشه وقال..عمل ايه يا ريس...كلكم معارفينش عمل ايه..لا دي قصه طويله ..المهم لو هيه ذودتها واتمايعت على واحد منكم يسترجل كده ويلم نفسو ويوقف صنم لا يهاجم ولا يوقف جون فهمتو..انا واثق فيكم رجالة الجبل رجالة وسمعتهم سبقاهم وانا متأكد مهتصغروناش مع الاجانب كل اللي ساكنين الجبل انا ضامنهم برقبتي و 

بس قطع كلامو لما شافو شاب في العشرينات بلبس مختلف عنهم وجاي جري وقال برعب..الحقوني..الحقوني يا جماعه...الحقوني اخدوها اخدوها 

دياب قال باستغراب..انت مين يا جدع انت ووصلت هنه كيف..ومين اخد مين 

الشاب قال بزعر...روتانا روتانا خدوها 

دياب قال باستغراب..روتانا..روتانا دي مش قناه في التلفزيون باين 

الشاب قال بسرعه..تلفزيون ايه روتانا دي ماي فرند جايه علشان تصور هنا ومقطوعين الجبل مسكوها واخدوها مني  

دياب اتسعت عنيه بصدمه وقال..الاجنبيه ووووو 

الكبير ضامن رجالة الجبل برقبتو وطبعا واضح جدا البنوته اتخطفت من اول يوم😂🙆‍♀️

↚

المطاريد خطفو  البت الاجنبيه اللي جايه تصور في الجبل انت متأكد ان اللي خطفوها من الجبل مين بالظبط  اللي وقفكم 

الشاب قال جماعه معاهم واحد بيقولوا له الريس وفدي وقفونا واخذوا روتانا وقالوا المكنه دي تلزمنا مع اننا ما كانش معانا مكن خالص 

دياب شد سلاحه واتنهد بغيظ وقال ..وفدي مش هيجيبها لبر يا جدتي انا هروح اشوف الموضوع ده 

جدته مسكت ايده وقالت بقلق... البت امانه عندنا يا دياب خد بالك 

دياب هز راسه ومشي بسرعه مع الشاب اخذه على مكان روتانا 

اول ما وصلوا شاف رجالة وفدي من بعيد كانو متجمعين وبيضحكوا واقفين كلهم محاوطين بنت وبيلمسوها وهيه بتصرخ وبتدفعهم 

دياب قرب شويه وشاف البنت من بعيد كانت بنت جميله جدا بملامح اجنبيه وجاذبيه عربيه ولابسه لبس ميتسماش لبس اصلاا  قصير جدا ومفتوح 

دياب بلع ريقه بارتباك من شكلها وقال... ما انت معاك مكنه اها بتكذب ليه... وضربه على قفاه 

الشاب فرك قفاه وقال بألم ...ليه كده حضرتك وبعدين فين المكن ده دي روتانا 

دياب قال بزهق منه  اقفل خشمك خالص بلا روتانا بلا بتنجانه وقال بصوت عالي وهو نازل من على المنحدر... وفدي همل المكنه ...قصدي همل البت 

رجالة  وفدي سابوا البنت بسرعه بخوف وهيه بقت تبص  لشاب اللي جاي عليهم باعجاب كان طويل وسماره جميل وملامحه رجوليه تخطف العين 

وفدي بصله بغيظ وقال ...عايز ايه يا دياب انا لقيتها قبلكم 

دياب قرب عليه وشد سلاحه وقال ...انت مش قد المشاكل معايا يا وفدي .... البت دي ضيفه عندي ..و الجبل كله عارف يعني ايه ضيفه تكون عند دياب الجمال 

وفدي قال بغضب ....انا ايش ضمني انها ضيفه عندك مش يمكن عايز تاخدها منينا 

دياب قال بمنتهى البرود  ...معنديش ضمانات اديها لك بس هحذرك تحذير انا لو شديت اجزاء سلاحي ما بنزلهوش على الفاضي وانت عارف كده زين

بقلم......زهرة الربيع

وفدي قال بتوتر ..وانا مش خايف منك يا ولد الجمال ورجالتي في ظهري 

دياب بصلو بسخريه وقال....هما فين رجالتك دول 

وفدي  التفت وراه وما لقاش ولا راجل من رجالته كلهم مشيوا بمجرد ما دياب سحب سلاحه قال بغضب..يا ولاد الجبانه 

دياب  شد البنت عليه بقت في حضنه و ساوى شنبه بايده وهو بيبص لها باعجاب وقال ...مش ليقالك يا وفدي ..ده مكن غالي يلزمه ضغط عالي 

البنت ضحكت على كلامه وهو اتنهد وقال ...دلوقتي بس عرفت روتانا ليه بتقول.. مش هتقدر تغمض عينيك 

وشد البنت ومشي بيها ووفدي كان متضايق جدا وهيتجنن من دياب ومن رجالته اكتر 

بعد شويه وصلوا عند بيتهم ودياب قال نورتي...احم  ده المكان اللي هتقعدي فيه وده .. 

بس اتفاجئ بيها طلعت الكاميرا وبدأت تصور في كل حته وبتصورو هو اكثر من صوره 

دياب مسك الكاميرا وشدها منها بغضب وقال... ايه اللي بتهببيه ده.. بتصوري ليه 

روتانا قالت بزهول من عصبيته.... انا جايه علشان اصور اصلا 

دياب حط الكاميرا في ايدها بغضب وقال ...ما تصوريش ناس صوري اماكن بس 

روتانا  هزت راسها بخوف وبقت تصور البيوت والاماكن ودياب وقف بعيد و كانت عينه عليها مع كل تفصيله وكل حركه 

روتانا وطت وبقت تصور العشش القصيره ودياب نزل راسه معاها في نفس الوقت بس حس بحد وراه بيبص لقى الرجاله كلهم متجمعين وراه واقفين وبيبصوا لها هياكلوها بعنيهم 

دياب قال بارتباك ...احم ايه يا رجاله ايه  اول مره نشوف بت ولا ايه... لا احنا جامدين... وبقى يبص لها وقال هو الموضوع صعب... بس احنا قدها ..احنا ايه 

فخدها يا كبير... كانت دي جمله خرجت بسرعه من واحد واقف وراه مباشره 

دياب التفتله وضربه برجله جامد وقال..فخدها ايه  يا عجل يا تور...بقول قدها قدها ...غور من هنه لما انت اللي متجوز بتقول كده سبت ايه للغلابه اللي مش متجوزين 

↚

قال بسرعه... وهو انا متجوز يا كبير اذا ده مره تبقى اللي  في البيت ده  مش مره مهم الاثنين ولا يمكن يكونوا من نفس العينه 

دياب بص لروتانا وقال.. معاك حق يا جعيدي في دي معاك حق فيه اختلاف حضارات واضح وااااااضح ..بس ارضى بقسمتك يلا روح ربي عيالك ربي عيالك غور 

ولسه يبص لها بس اتفاجئ بيها قلعت قميص كانت لابساه و فتحت قزازه الميه وبقت تكبها عليها من الحر 

دياب بلع ريقه بارتباك وقال ...وبعدين بقى في الوقعه المهببه دي ...واتقدم عليها وقال.... عدم المؤاخذه يعني لو ما فيهاش مضايقه 

روتانا بصتلو وقالت..نعم 

دياب حمحم بحرج وقال..احم الرجاله هنه ساكنين الجبل من زمان..و...و دمهم حامي شويتين يعني مش زي الرجال اللي بتقابليهم يعني كيف ما بقول لك دمهم حامي ...وقرب عليها قوي وقال بمعاكسه ...بيغلي بيغلي لو واخده بالك 

روتانا ضحكت برقه وقالت.. مش فاهمه يا كبير 

دياب اتنهد وقال..يعني قصدي  لو تتكرمي تلبسي لك حاجه انا فاهم ان الجو حر..بس صدقيني الحر احسن من حاجات كتير ممكن تحصل 

روتانا بصت لنفسها وقالت باستغراب ... طب ما انا لابسه اهو 

دياب قال... انتي لابسه كده 

روتانا ضحكه وقالت ...اه لابسه يا كبير 

دياب قرب اكتر وقال... ده انت اللي كبير.... وبقى يبص لها من فوق لتحت باعجاب شديد 

روتانا ابتسمت وقالت...في حاجه يا كبير...ممكن  اكمل شغل 

دياب بلع ريقه وقال ...اه....كملي كملي الله يسترها علينا 

روتانا ضحكت وبقت تكمل تصوير وفضلت طول اليوم تشتغل هيه والشاب اللي معاها  ...لحد ما دخلوا البيت بالليل واتعشو سوا وروتانا دخلت الاوضه اللي مجهزينها ليها علشان تنام و كل واحد راح اوضته ونام فيها 

في نص الليل دياب طلع من اوضته وهو بيتسحب بالراحه ودخل عند روتانا وقفل الباب وقرب منها

وبقى يبصلها وقعد جمبها على السرير وبقى يبعد خصلات شعرها من على وشها ويتأمل ملامحها ...ومشى  ايده على بشرتها وقال ...معاك حق والله يا جعيدي دي مش حرمه..دي شاورما 

و استقرت عيونه على شفايفها اللي مجننينه من ساعه ما جت بقى يبصلهم  بتردد بس ما فيش ثواني وهجم عليها وبقى يبو،،سها بقوه 

روتانا صحيت بفزع وبقت تحاول تبعده عنها وتحاول تصرخ واول ما سابها 

  قالت بخوف وغضب ... انت بتعمل ايه سيبني 

دياب سند جبينه على جبينها وقال... ما تخافيش محدش هيدرى واصل ولا حتى جدتي ...انا بس مش قادر حاولت انام ومعرفتش ..انتي متعرفيش اللي عملتيه فيا من ساعه ما جيتي 

روتانا دفعته ووقفت وقالت بغضب... انا كنت فاكراك محترم على فكره 

دياب وقف وقال ... طب ما انا  محترم... معنى اني ما جبتكيش من شعرك قدام الناس كلها بره وكسرت عضمك  بين ايديا وقطعت شفايفك دي اللي وقعت  قلبي في رجليا... ابقى محترم قوي 

روتانا اتنهدت بغضب وقالت.... اطلع بره يا دياب بيه لو سمحت بدل ما اعمل لك فضيحه هنا 

دياب  قال بدهشه ...غريبه انا كنت فاكرك يعني.. 

روتانا  قالت بمقاطعه.....فاكر ايه ... علشان جايه من بلاد بره هبقى صيده سهله ليك ولامثالك لا فوق لنفسك  انا متربيه كويس وعارفه الصح والغلط ويستحيل حد يلمسني الا اذا كنا بنحب بعض وهنرتبط 

دياب اتسعت عنيه  بدهشه وقال بضحك....بتحبو بعض وهترتبطوا ...لا ونعم التربيه ...طب بقول لك ايه ماتحبيني ليله كده على الماشي 

روتانا قالت بغيظ منه... انت هتطلع ولا اعلي صوتي والم عليك كل اللي في الجبل 

دياب ضحك وقال.... لا هطلع ميرضينيش الاحبال الصوتيه العسل دي تتعب 

ولسه هيخرج قالت.. دياب بيه

دياب  بصلها وقال ....اؤمريني 

↚

روتانا قالت بابتسامه ...شكرا لانك انقذتني  انا ومولتي من المطاريد

بقلم...زهرة الربيع

دياب بصلها باستغراب  وقال.... مولتك مين ده 

روتانا قالت باستغراب ...مولتي الشاب اللي جيه معايا 

دياب بص لها بدهسه  وقال... هو اسمه مولتي 

قالت باستغراب..اه 

دياب قال ..اه ايه...طب متقوليش الاسم ده قدام الرجاله انا بالعافيه اقنعتهم انو راجل  ....قال كده وخرج 

وروتانا قعدت  على السرير وحطت ايدها على

شفايفها وهيه مش مصدقه الجنان اللي عمله 

في صباح يوم جديد كانت جدته بتحضر الفطار ومعاها بنت في العشرين لابسه عبايه ورابطه طرحه على شعرها وبتقول انا مليت ياجدتي كل يوم يتقدم لي عريس وارفضه مستنياه يجي يتقدم بس هو ولا حاططني في باله 

جدته اتنهدت وقالت... معلش يا رجاء الصبر طيب يا بتي 

رجاء لسه هترد خرجت روتانا من الاوضه وهي لابسه لبس يشبه لبس امبارح بس بشكل مختلف ولون مختلف بس كان مفتوح بنفس الطريقه وقالت...صباح الخير يا تيته حليمه 

حليمه ابتسمت وقالت... صباح الخير يا بتي 

رجاء بصت لها بزهول وقالت ....هي دي ضيفتكم اللي قاعده معاكم 

روتانا شاورت لها بايدها  وقالت.... ايوه انا هاي 

رجاء ضربت على صدرها بزهول وقالت...يا مراري

جدته ارتبكت وقالت ... ادخلي يا روتانا يا بتي قولي لدياب يطلع يفطر 

روتانا راحت بلا مبالاه وقالت... اوكي 

رجاء قالت بزهول.... تروح فين ...استني هنه 

واتقدمت على روتانا بغضب وقالت.....انتي رايحه فين بلبسك ده...ولو اني مشيفاش لبس اصلا 

روتانا بصتلها باستغراب وقالت....انتي بتكلميني انا

رجاء قالت بغضب وسخريه ..لاه بكلم امي 

روتانا بصت حواليها وقالت..اوكي...بس  فين مامتك دي 

رجاء قالت بغضب...بقولك ايه يا بت انتي شغل الخوجات ده مياكلش معاي واصل اتعدلي كده وكلميني زين...ولو عايزه تقعدي هنه البسيلك خلقات بدل لبس الغوازي ده بلاش مياعه 

روتانا بصتلها بغضب وقالت...اسمعي انا صحيح مش فاهمه نص كلامك ومش فاهمه بعني ايه خلقات ولا غوازي ولا مياعه حتى لكن متأكده انك بتشتمي صح انتي بتشتمي مش كده 

رجاء قالت بغضب..ايوه بشتمك ..ده مش شكل واحده جايه تصور وقربت منها وقالت بتحذير..لو الرجالة اتعدمت عندكم وجايه تصتاديلك راجل لاقي واحد غير دياب..فهمتي كده 

روتانا اتسعت عنيها بزهول ووووو 

↚

لو جاية تصتاديلك راجل من هنه لاقي حد غير دياب..فهمتي كده 

روتانا اتسعت عنيها بزهول وقالت ...نعم...معلش توضحي لان مستحيل يكون اللي وصلي صح 

رجاء لسه هتتكلم  حليمه مسكتها من ايدها وقالت بسرعه..ابدا يا بتي متقصدش حاجه هيه رجاء غلبانه ومبتاخدش بالها لكلامها....يلا يلا بقى علشان خاطر جدتك حليمه روحي صحي دياب انتي وتعالو افطرو 

روتانا بصت لرجاء بضيق بس سكتت علشان حليمه ودخلت تصحي دياب 

رجاء قالت بغيظ..انني هتهمليها تروحلو بلبسها ده ولسه هتمشي وراها شدتها عليها وقالت  ....رجاء اهمدي انا  عايزاكي 

روتانا بقت تخبط على اوضة دياب  بس ما حدش فتح... فتحت الباب بالراحه وبقت تقول... دياب بيه 

بس ملقتوش في الاوضه و سمعت صوت الميه من الحمام فهمت انه في الحمام قربت على الباب وخبطت خبطتين وقالت دياب بيه تيته حليمه مستنياك على الفطار 

دياب اول ما سمع صوتها ابتسم بخبث وقال بسرعه ...طب لافيني بشكير من الدولاب 

روتانا قالت باستغراب... بشكير.... يعني ايه 

دياب  ضحك وقال ....فوطه..فوطه اتنشف بيها 

روتانا قالت.... اه اوكي.. حاضر ...وراحت جابت فوطه 

دياب فتح الباب بالراحه هياخدها منها بس شقت بزهول لما شدها بقوه دخلها جوه الحمام 

روتانا صرخت بزهول وغمضت عينيها بقوه

دياب  حط ايده على بقها علشان ما تصرخش وقال بضحك...فتحي عنيكي انا لابس اكيد مش هدخلك علي وانا عر،،يان يعني 

روتانا  فتحت عيونها لقيته لابس فعلا اتنهدت بارتياح 

دياب شال ايده من على بقها وهيه قالت.... انت ايه اللي انت عملته ده مجنون انت 

دياب حاوطها عند الحيط وقال ... انا اللي مجنون...انتي اللي دخلتي اوضتي 

روتانا  قالت بغضب منه.... تيته حليمه هي اللي بعتتني علشان تفطر.... لكن صحيح زي ما بيقولوا الخير تعمله ما تلاقيهوش تقريبا 

دياب ضحك جامد وقال.... خيرا تعمل شرا تلقى 

روتانا قالت بسرعه... اه هي دي 

دياب قرب عليها اكتر وقال... بس انا الخير كله لو مش واخده بالك...هو انا مش عاجبك يا بت ولا ايه 

روتانا اتنهدت  وقالت .الحقيقه انت حلوه جدا..بس  انا مش زي ما انت حاطط في دماغك

بقلم...زهرة الربيع

دياب  قرب منها اكتر وقال بهمس عند شفايفها... مين قال لك اني بفكر فيكي بنيه عاطله ...كل الحكايه اني اول مره واحده تحركني للدرجه دي 

روتانا  ابتسمت وشاورت على نفسها وقالت ....ده السبب...علشان شكلي ولبسي وستايلي جديد عليك مجرد رغبه مش اكثر 

دياب ابتسم على كلامها وشدها عليه بقت بين ايديه وقال بهمس.... امبارح اديتك حاجه متبقيش بخيله ورديها لي 

روتانا بصتلو باستغراب وقالت.... حاجه ايه دي 

دياب قرب منها  بسرعه وانقض على شفا،،يفها بقوه هو بيضمها عليه 

روتانا كانت هتقع من الميه اللي في الحمام فتعلقت في رقبته بسرعه 

بعد شويه بعد عنها وهو بيبص لعيونها وقال ...عليكي شفتين ولا اجدع فيتامين 

روتانا بصتلو بغيظ ودفعته وطلعت جري واول ما خرجت  ابتسمت بكسوف وارتباك وهيه مش مصدقه اللي بيحصل 

دياب ابتسم وقلبو بيدق بعنف... وطلع وراها لبس جلابيته فوق لبس البيت بتاعو وطلع  بسرعه 

بعد شويه قعدو على الفطار ورجاء حطت لهم الاكل وقالت بغيظ من روتانا ....انا شايفه انك تلبسي لك  شويه خلقات لاحسن  هوا الجبل بيلفح لفح تجيكي سكه برد ولا حاجه 

روتانا  خدت بالها من نظراتها للدياب ومن كلامها اللي قالتو وتلميحاتها دي فهمت انها غيرانه عليه قالت بضيق.... شكرا .. انا متعوده على اللبس ده  ما تقلقيش نفسك عليا 

دياب حمحم وقال وهو بياكل.... اقعد افطري معانا يا رجاء 

رجاء قالت بخنقه من معاملته الناشفه... شكرا يا ولد العم اكلت قبل ما اجي.... انا ماشيه يا خاله حليمه عايزه حاجه 

حليمه ابتسمت وقالت ....شكرا يا بتي 

رجاء مشيت وروتانا بقيت تفطر هي ودياب وكانت عيونه ما اتشالتش من عليها وبيبص لها بنظرات وترتها  جدا خصوصا في وجود حليمه اللي خدت بالها جدا لنظراتهم لبعض 

روتانا اخدت  الكاميرا بتاعتها وقالت... انا هطلع ابتدي تصوير يا تيته 

دياب  وقف وقال بسرعه... انا هاجي معاكي احسن حد يضايقك 

و لسه هيمشي حليمه مسكت ايده وقالت...فيه حاجه ضروريه  هقولها لك وحصلها 

↚

روتانا ابتسمت و طلعت

وحليمه بصت له وقالت... مش من توبنا ...لا شكلها شكلنا ولا لبسها لبسنا ولا تقدر تتحمل طبعنا يا ولدي 

دياب اتنهد بضيق وقال...ايه  لزوم الكلام ده يا جدتي 

حليمه  وقفت وبصيت له وقالت... انت خابرني زين وعارف اني ما ليش في اللف والدوران انا شايفه البنت جات يوم واحد لخبطت كيانك ومشلتش عينك من عليها ...هيه صوح البت حلوه ولبسها قصير حبتين بس مش اللي تاثر في دياب...ما احنا ياما جم عندنا بنات من البندر وكانوا لابسين انيل من كده ولا مره شوفتك مدلوق كده ... لدرجه انك تتسحب في انصاص الليالي وتروح لها 

دياب اتصدم ان جدته شافته ومبقاش عارف ينطق ولا يقول اي حاجه 

بره روتانا كانت واقفه مع مولتي وبيصوروا و بيضحكوا سوا ومبسوطين جدا 

جات رجاء قربت عليها وقالت.... عايزاكي في كلمتين 

روتانا قربت منها بخنقه وقالت.... نعم  عايزه ايه تاني 

رجاء قالت بسرعه... نفس الأولاني ...هملي دياب في حاله  انت هتاخديلك  يومين وماشيه ...بلاش تخليه يتعلق بيكي على الفاضي... دياب بيحبني وهنتجوز 

روتانا  ضحكت وقالت...ولما انتي واثقه انو  بحبك وهتتجوزيه خايفه يتعلق بيا ليه 

رجاء بصت لها بغيظ وقالت ....انا قلت لك اللي فيها عشان ما تتعبيش نفسك على الفاضي ....انا ودياب بنحب ببعض ومش هسيبهولك ..ولو خايفه على روحك خليكي بعيد عنيه...ومشيت وسابتها 

دياب كان متوتر من كلام جدته وقال... كانت غلطه يا جدتي مش هكررها تاني 

جدته  ابتسمت وقالت... اتمنى يا دياب اتمنى يا ولدي 

دياب اتنهد وطلع وراها واتتفاجئ بيها واقفه مع مولتي وبيضحكوا سوا وبيهزروا قرب عليها بغضب وقال... ما ابتديتيش شغل ليه ولا لازم  تقعدينا لنصاص الليالي 

روتانا بصتلو باستغراب من عصبيته وقالت...فيه  حاجه ولا ايه كنت هبدا حالا 

دياب بص لمولتي من فوق لتحت وقال... انت جنسك ايه ياض انت ايه بالظبط 

مولتي  قال ...انا شاب يا كبير في حاجه ولا ايه 

دياب بصلو  بضيق وقال... ما باينش واصل... روح العب مع العيال اللي هناك دي لو احتاجنا لك هناديك 

مولتي مشي بخوف منه وروتانا ضحكه بشده وقالت... ايه اللي عملته ده 

دياب قرب منها وقال...لو  معاكي اي حاجه قولي لي انا... انا حابب  بجد اقضي الوقت اللي هتاخديه كله هنا معاكي... يعني هساعدك في اي حاجه 

روتانا ابتسمت وقالت... وانت بتفهم في التصوير 

دياب  قال بسرعه ....انا بعون الله افهم في اي حاجه ...وافهم في العيون كمان  بالذات عيون الغزلان 

روتانا ابتسمت ونزلت عيونها بكسوف وقالت.... دياب بيه حبيبتك زعلانه انا مش عايزه اعمل مشاكل ما بينكم

بقلم...زهرة الربيع

دياب قال باستغراب... حبيبتي.. حبيبتي مين 

روتانا قالت بضيق.... رجاء قالت انكم بتحبوا بعض وهتتجوزوا وشكلها متضايقه مني وحقها شايفه انك مديني مساحه من حياتك زياده انا ما احبش اضايقكم مع بعض....ولسه هتمشي مسك ايدها وشدها عليه وقال... انا لا بحب ولا خاطب.... بس معجب معجب قوي وقلبي مشدود على الاخر 

روتانا  رفعت عيونها ليه و هو كمل وقال بابتسامه جميله... معجب بالكاميرا والقنوات..وكل  النايل سات 

روتانا ضحكت جامد وديتب لسه هيتكلم اتفاجأ بجعيدي واقف وراه وبيبصلها جامد وبيضحك 

دياب سابها وبصلو وقال..احم..فيه حاجه يا جعيدي 

جعيدي قال وهو متنح فيها..مفيش يا كبير..كمل...انا عسمعكم اها

دياب قال بغضب..وتسمعنا ليه..بنخطبو الجمعه اياك..غور من هنه متطلعنيش من خلقاتي 

جعيدي قال  وهو اسه مثبت نظره على روتاني..لا يا كبير ماعاش اللي يطلعك من خلقاتك هيه تطلع من خلقاتها انت لاه يا كبير 

دياب ضربو برجله بقوه وقال..غور من هنه بدل ما اطلعك من الدنيا كلها وارتاح ..غور 

جعيدي مشي بالعافيه وروتانا ضحكت جامد على كلامه 

دياب اتنهد وقال...بتضحكي..الحال ده منافعش لازم تتقلي خلقك حبه 

روتانا ضحكت وقالت...هتقله حاضر...يلا بقى مش هتيجي معايا تفرجني على الجبل 

دياب  ابتسم ومسك ايدها وطلعوا مع بعض وهم بيتكلموا وبيهزروا سوا  وطلعو على الجبل وبقت تصور كل جزء فيه وهو بيوصف لها بالظبط حكايته ومين ساكن فيه 

بالليل كانوا قاعدين على تله عاليه بيشاور لها على الاماكن ويوصفها و قال بابتسامه ....والمكان ده بقى بنسميه مكان العشاق 

روتانا ابتسمت وقالت..الله رومانسي الجو ده بتسموه كده ليه بقى 

دياب ابتسم وقال....لان في واحد قتل حبيبته هنا 

روتانا اتسعت عنيها بصدمه وقالت ..قتلها..قتلها خالص  ووووو 

↚

قتلها..قتلها خالص  وبتسموه مكان العشاق 

دياب ابتسم على خوفها وقال... اصل احنا لينا طريقه خاصه في الحب واعره قوي ...دول كانو  بيحبو بعض وحاول يتجوزها 1000 مره بس ابوها كان يرفضه  لانه على خلاف مع عيلته... بعدها اتقدم لها عريس وابوها وافق واصر يجوزها له ... الشاب حاول كتير مع ابوها وبقى يسوقله ناس  لغايه يوم الفرح 

اول ما عملو الفرح  هربها من بيت ابوها بس اهلها طاردوه  واول ما وصل للتله دي كانوا خلاص وصلوا لهم وما كانش فيه قدامه غير يسلمها للعريس 

بس البنت حضنتو ومسكت فيه وهو مكانش قادر  يسيبها لغيره ...كانو حاوطوه خلاص وهياخدوها بس  طلع الخنجر بتاعه وضربها بيه ...اول ما وقعت قدامه ما قدرش يستحمل يشوفها بتموت ورمي نفسه من على التله دي 

روتانا  نزلت دموعها وقالت... حرام عليهم ليه كده ليه ما سابهمش مع بعض 

دياب اتنهد بحزن وقال.... مش كل حاجه حلوه بنشوفها لازم ناخدها ...التله دي من يوم اتسمت تله العشاق...و قرب منها وحط ايده ورا شعرها وقال بهمس عند شفايفها... وتقريبا كل اللي بيقعدوا عليها عشاق 

روتانا بصت لعيونه وقالت.....العشق  مش بالسهوله دي ما بيجيش من يوم وليله 

دياب ابتسم وهو بيقرب منها اكتر وقال ....العشق ممكن يجي بنظره واحده 

روتانا بصت له بابتسامه وقرب اوي وباسها برقه

ولسه هيقرب تاني 

حست باللي بيعمله دفعته بسرعه وجريت بعيد عنه

دياب اتفاجأ و جري وراها ومسك ايدها وقال ...اهدي يا بت رايحه فين 

روتانا قالت بغيظ منه... رايحه في اي حته بعيده عنك وهقول لتيته تخليني في مكان يكون انت مش موجود فيه 

بقلم...زهرة الربيع

ولسه هتجري شدها من وسطها بايده وقال وهو بيبص لعيونها... ليه ما قادراش على قربي 

روتانا قالت بارتباك ...سيبني يا دياب 

دياب ابتسم وقال....حلوه قوي دياب من خشمك 

روتانا بصتلو بدهشه وقالت ....ايه خشمك دي 

دياب ضحك وقال... خشمك يعني بوقك يعني شفايفك اللي قتلوني دول 

روتانا  ضحكت ودفعته وجريت وقالت... انت مجنون والله مجنون وانا هرجع لوحدي مبقعدش مع مجانين 

دياب كان بيجري وراها وهو بيضحك وكانو مبسوطين جدا 

في اليوم التاني كانت راكبه على الجمل وكان واقف معاها وبيتمشى جنب الجمل وهو بيتكلم معاها وهي بتصور المكان قالت بابتسامه.... قولي بقى انتوا ليه مش بتنزلوا من على الجبل وبتفضلوا هنا دايما 

دياب ابتسم وقال ....احنا اتولدنا هنا وكبرنا لقينا نفسنا هنا حلوه العزله احنا وحبايبنا وبس 

روتانا ابتسمت وقالت... مش بتحسو انكم عايزين تعيشوا في المدينه تزوروا اماكن بدل عيشه البدائيات دي 

دياب ابتسم وقال...اديكي قولتيها البدائيات ...يعني البدايه كانت من العيشه دي ليه نهملها بقى 

روتانا ابتسمت وقالت ....افكارك غريبه قوي يا دياب... يلا نزلني بقى 

دياب  مد ايده ليها وشالها من على الجمل نزلها على  الارض بقت بين اديه ومحاصر وسطها بايده وقال... انا عندي سؤال ممكن 

روتانا بصتله وقالت...اه طبعا... قول 

دياب اتنهد وقال بحرج...احم..هو  انا ما اعرفش الصراحه اسالك كيف بس هقول وخلاص.. انتي لساتك بت صوح 

روتانا قالت باستغراب... طبعا انا بنت امال انا راجل 

دياب ضحك بخفه وقال.... لا ما قصديش يعني انت من بلاد بره ..يعني ما فيش حد لمسك يعني انتي عذراء ولا لا 

روتانا بصتله بدهشه من سؤاله ونزلت عيونها بكسوف وقالت ...ايه السؤال ده 

دياب  رفع وشها ليه وقال ...السؤال ده يهمني قوي 

روتانا قالت بحرج ...لسه 

دياب ابتسم  بسعاده وقال... لسه ليه 

روتانا  قالت بتوتر ..ملقتش  انسان مناسب ممكن اجازف معاه و 

بس قاطعها لما  ضربها على خدها بالراحه وقال بغيظ... تجازفي ده  ايه ما تتنيليش مع اي شاب غير لما تتجوزيه العوايد اللي انتي متعوده عليها دي حرام مش انتي مسلمه 

روتانا ضحكت جامد ودفعته وقالت...طبعا مسلمه..بس على ذكر الحرام .. لما تبوسني حرام ..ولما تقرب لي كده حرام يا بتاع الحرام 

دياب ضحك وقال... والله اهيك عارفه كل حاجه 

روتانا  ابتسمت وقالت.... طبعا عارفه انا بابي مصري ومامي المانيه 

دياب  ضحك وقال... هجين يعني 

روتانا قالت باستغراب ...يعني ايه الكلمه دي 

دياب ابتسم وقال...لا دي  قصه طويله احكيهالك واحنا بنتمشو

وبقم  يتكلموا مع بعض حتى انها بقت تصوره اكثر من صوره ومش بيمنعها زي الاول 

↚

قال بابتسامه ممكن نتصور سوا

روتانا  ضحكت بسعاده وثبتت الكاميرا ووقفت تتصوره معاه واتصورو صور جميله اوي مع بعض 

و عدت الايام وكانو دياب وروتانا  بيقربو من بعض اكتر ..كانو ياخدو  اليوم كله مع بعض  فسح وكلام وهزار ومبسوطين جدا سوا 

روتانا بقيت تلبس زيهم هناك هدوم جابها لها دياب وكانت مبسوطه جدا بلبسها ...ودياب مبسوط جدا بيها  رغم ان جدته حذرته لكن مكانش قادر يمنع نفسه كانت اجمل لحظات حياته بيقضيها معاها 

في يوم كان في فرح على الجبل ومجتمعين وبيرقصوا ويغنوا مع بعض 

روتانا كانت بتعمل قهوه جميله للناس 

ودياب قعد جنبها وقال...حلوه قوي القهوه  من يدك 

روتانا بصتلو  ابتسامه وقالت... ده من حلاوه الشفايف اللي بتذوقها 

دياب بص لعيونها وقال... اخ ليه بس الكلمه دي في مجمع الناس دي كلها 

روتانا  ضحكت جامد وقالت...علشان ابقى في امان من حركاتك 

بس شهقت لما شدها بسرعه ودخل بيها بيت مش بيتهم جنب المكان ده على طول وحاوطها عند الحيط وقال... عشان تعرفي ان ما فيش امان مع دياب 

روتانا حاوطت رقبته بايديها وبصت لعيونه وقالت... انا ما شوفتش الامان غير مع دياب... انت الامان كله 

دياب  ابتسم وقرب لشفايفها ولسه هيبوسها سمع صوت ست كبيره بتقول من جوه ...مين عند الباب 

دياب ضحك وقال ده انا يا خاله رتيبه ما تخافيش دياب 

قالت باستغراب..خير يا دياب يا ولدي 

دياب قال بابتسامه... لا ما تقلقيش هاخد دكه من المندره وارجعها لك ثاني 

روتانا كانت عايزه تضحك 

ودياب ابتسم وقرب منها وقال و هو تايه في عيونها...مش عارف امتى اتعودت عليكي كده ومبقتش عايز غيرك. ... عايزك معايا طول العمر 

ولسه هيقرب من شفايفها بس منعته وقالت بارتباك ....انا ازاي ما فكرتش في اللي انت قولته ده 

دياب بصلها باستغراب وقال... اللي هو ايه 

روتانا  قالت بدموع ...احنا هافضل سوا ازاي يا دياب .... انا بكره المفروض امشي معقوله كده مش هشوفك تاني يا دياب 

بقلم...زهرة الربيع

دياب ابتسم وهو  بيبص لعيونها وقال...لا طبعا انا مش هسيبك خلاص انتي هتفضلي وياي على طول 

روتانا قالت بدموع....مينفعش...انا..انا مش هقدر اعيش هنا ابدا  انا عندي حياتي وشغلي مستقبلي ما اقدرش اعيش العيشه اللي انتو عايشينها هنا دي 

دياب اتصدم وحس بالدموع لاول مره بتملى عيونه وقال بارتباك.... ولا علشاني ما تقدريش تفضلي هنا علشاني 

روتانا قالت بحزن... انت تقدر تيجي هناك علشاني يا دياب..طبعا مهتقدرش  لان دي حياتك انا زيك و 

دياب قاطعها وقال بغضب... لا انتي مش زيي يا روتانا ...انا مسؤول على الناس اللي هنا دي كلها..انا كبيرهم وامان البلد..وجدتي مره كبيره مش هعرف اخدها معايا ولا اسيبها في حاجات كتير تفرق 

روتانا قالت بدموع... انا مش هقدر اقعد هنا يا دياب مش هقدر اسيب حياتي وافضل هنا 

دياب  بعد عنها وقال بوجع... بس تقدري تسيبيني عادي..على العموم حصل خير...هما شويه مشاعر ملهمش لزوم من اساسه..ربنا معاك

ومشي بسرعه وروتانا  بقت تنادي عليه بس مردش عليها 

رجاء شافتهم واتضايقت جدا ...وراحت نادت للريس وفدي اللي كان حاضر الفرح وقالت ...ريس وفدي عايزاك على جنب لو سمحت 

وفدي راح لها باستغراب شديد وقال..خير يا ست رجاء 

رجاء قالت بسرعه.. البت الالمانيه سمعت انك كنت عايزها انت ورجالتك لو لسه عايزها انا اقدر  اطلعهالك بره مكان الفرح وتاخدها بس المره دي ما تخليش دياب يلاقيكم المره اللي فاتت الواد العبيط ده قاله بس دلوك مهيعرفش 

وفدي ابتسم وقال... تبقي عملتي لي خدمه 

رجاء  قالت بضيق... استناني بعد خمس دقائق 

روتانا كانت بتجري ورا دياب ولسه هتدخل وراه البيت وقفت قدامها رجاء وقالت ...الحقي صاحبك الواد الطري دي وقع في حفره ومش عارف يطلع منها وعمال ينادي عليكي 

روتانا قالت بزهول... يا خير مولتي... تعالي وريني مكانه 

رجاء اخذتها على مكان بعيد من الفرح وقالت لها عند  الشجره اللي هناك دي 

روتانا جريت ناحيه الشجره بس اتصدمت بحد حط ايده على بقها من ورا واخدها معاه ووووو 

↚

روتانا اتصدمت بحد حط ايده على بقها من ورا واخدها معاه

 اما دياب كان قاعد في الاوضه بحزن شديد ومتضايق انها هتمشي قال بغيظ شديد... حتى ما جاتش ورايا واطيه قوي..واتنهد بحزن وقال... انا اعيش كيف من غيرك يا روتانا ازاي بعد ما اتعودت عليك كده...و واقف وقال بغضب.... بس مش بكيفك لو مش هتقعدي بكيفك هتقعدي غصب

 وطلع من البيت بغضب شديد ولقى مولتي في وشه وقال ...روتانا فين

 مولتي قال باستغراب ...انا كنت جاي اسالك عليها انا مش لاقيها في اي مكان

دياب استغرب و راح ناحيه البيت اللي كانوا واقفين فيه وبرده ما لقيهاش بقى يدور عليها في كل حته بس ملقهاش خالص طلع جري يدور حوالين المكان وهو هيتجنن من الخوف خصوصا لما لقى وفدي  كمان مش موجود سأل الرجاله عليه في واحد قال له ان رجاء نادت له ووقفو لوحدهم

دياب اول ما سمع كده  احتدت عنيه بغضب شديد لانه عارف رجاء ونواياها جري على بيتهم وضرب الباب برجله كسرو ودخل

عمو ومراته بصوا له بزهول وهو فورا سحب سلاحه وحطه  في دماغ رجاء وقال بغضب.... كلمه واحده كدب وهطير راسك يا رجاء البت فين

 رجاء  اترعبت من شكله وهو شد اجزاء السلاح وقال البت فين دي عهده عندي انطقي

رجاء  قالت بدموع... عهده عندك ولا علشان بتحبها

دياب قال بغضب شديد.... لا لا انها عهده عندي...طمني بالك هيه بكره ماشيه لو صبر القاتل على المقتول

رجاء ا تسعت عينيها بدهشه وقالت ..هتمشي يعني مهتتجوزهاش

دياب قال بنفاذ صبر ....انطقي بقولك مترغيش وضرب رصاصه جمب رجل امها

رجاء صرخت وقالت بسرعه...وفدي وفدي خدها ما بقالوش كثير تقدر تحصله 

دياب بص لها بحقد وقال... راجع لك.... لما ارجع 

واخد رجالته ومشي بسرعه ناحيه الجبل هو عارف وفدي ورجالته بيتخبوا فين

اول ما مشي مولتي مسك التليفونواتصل بشخص  وقال برعب..  الحقونا روتانا اتخطفت اتخطفت من على الجبل تعالوا خذونا من هنا 

دياب طلع على مكان  وفدي ورجالته واول ما شافوهم رجاله وفدي اترعبو ووفدي قال بغضب...يا رجاء يا بنت الكلب ومسك روتانا وحط السلاح في دماغها وقال ....خليك مكانك لو ضربت طلقه واحده هطيرلك دماغها... ارجع من مكان ما جيت

بقلم...زهرة الربيع 

روتانا  كانت بتبكي برعب وبتبص لدياب وهي مرعوبه وهو كان خايف جدا وقال... ما تخافيش يا روتانا انا هنا انا معاكي  

وبص لوفدي وقال...  البنت امانه عندنا على الجبل يعني امانه عند الكل عيب عليك الحركات دي

وفدي  ضحك وقال... دلوك بتتكلم زين...لاكن مش هتستفاد المزه دي تلزمني...روح وانا هرجعهالك كمان يومين  ده لو عايزها ترجع سليمه و تبقى رجاله الجبل عند كلمتها يلا نزل سلاحك

دياب اتنهد وقال....تمام تمام ...هنزل السلاح اها 

ووطى علشان يحطه على الارض بس سرعه البرق ضرب رصاصه على رجل وفدي وقع على الارض

وبدأ اطلاق النار من الجهتين وروتانا صرخت وحطت ايديها على ودانها 

دياب شدها بسرعه من بين ضربات النار وطلع بيها قعدها عند شجره وقال... انتي كويسه يا حبيبتي رد عليا يا روتانا 

روتانا بصت له بدموع وقالت... حبيبتك

 دياب قال وهو بيبص لعيونها .....طبعا حبيبتي وضي عيني وكل ما لي في الدنيا دي ..انا مش بس اتعودت عليك انا ما بقيتيش عايز غيرك يا روتانا ومش وقت محن خليني الحق الرجاله

روتانا ضحكت وحضنته بقوه  وهي بتبكي بين ايديه وهو بقى يحضنها جامد وبيشبع من قربها بقت تقول ببكا...انا كمان بحبك كثير يا ريت كنت اقدر اكون ليك يا ريت كنا نقدر نكون سوا 

دياب بص لعيونها وقال... خلينا نحاول يا روتانا خلينا نجرب و

بس قطع كلامه على وصول مولتي ومعاه رجاله من الامن

 العام اللي كانو مساولين عن رحلتها 

 جريوا عليها وقالوا... روتانا هانم.. انتي كويسه السفاره مقلوبه من ساعه الاتصال اللي جانا

روتانا  قالت.... ما فيش حاجه يا فندم  ده كان موضوع كده ودياب بيه حلو انا محدش قدر يقربلي في وجوده

 الراجل ابتسم وسلم على دياب وشكره

 واتكلم مع روتانا وقال...انتي رحلتك بكره نقدر ناخدك معانا دلوقتي يا هانم لو تحبي 

دياب  اتصدم وبقى يبص لها وبيتمنى ترفض 

بس روتانا اتنهدت وهزت  راسها بالموافقه وقالت.... بس اخذ هدومي واسلم على تيته حليمه

↚

الراجل اخذها على البيت ودياب كان واقف مكانه متجمد جري ناحيه البيت علشان يمنعها 

وهيه اخذت هدومها وسلمت على حليمه اللي كانت زعلانه جدا على مشيتها بعد ما اتعودوا عليها جدا...و الكل بقم يسلموا عليها وهما زعلانين انها هتمشي الا رجاء طبعا

ولسه هتمشي دياب وقف قدامها وقال بسرعه ...ما تسيبنيش انا عمري ما اتحايلت على حد ما تاخديش روحي وتروحي لو ليه خاطر عندك 

بقلم...زهرة الربيع 

روتانا نزلت دموعها بغزاره وقربت حضنته قدام الكل وقالت بدموع.... اشوف وشك بخير يا دياب 

دياب هز راسو بالرفض وبعدت عنه ومشيت بسرعه ودموعها بتنزل بحزن

 دياب كان قلبو حرفيا بينزف واول ما شافها بتبعد  وقعت دموعه لاول مره 

 حليمه قربت من دياب عايزه تكلمه بس هو مشي بسرعه مش عايز حد يشوف دموعه ولا حزنه طلع الجبل وقعد على تله العشاق وفضل يفكر فيها وفي كل اللحظات اللي عدت ما بينهم لحد ما راح في النوم

 بعد فتره فاق من النوم على ايد بتصحيه لقيها قدامه بتقول بخضه دياب...دياب حبيبي 

دياب بصلها بزهول وهو بيفرك في عينيه ومش مصدق انها قدامه وقال.... انتي هنا ولا انا بتهيألي

روتانا حضنته بسرعه وقالت.... انا معاك انا جنبك يا حبيبي بلاش تعمل كده يا دياب اوعى  تن،،تحر علشاني او علشان اي واحده ما فيش اي واحده تستاهل صدقني يا قلبي كويس اني لحقتك يا حبيبي

دياب بصلها بزهول وهو مش فاهم حاجه وقال... انتي بتقولي ايه 

روتانا قالت بدموع .. احنا  وفي العربيه مولتي على اخر لحظه قال لي انك اعترفت له لو مشيت هترمي نفسك من على جبل العشاق زي العاشق لما قتل نفسه علشان حبيبته ...يا قلبي انا ما استاهلش كل الحب ده 

دياب كان بيبصلها بصدمه بس ما صدق انها رجعت وقال ...يعني عايزاني اعمل ايه ...اعيش كيف من غيرك ده انا ما اعرفتش طعم النوم من وقت ما مشيتي

روتانا ضربته في كليته بغيظ وقالت بسخريه... لا والله..اولا انا سايباك بقالي ساعه واحده يعني لولا انك حلوف مكنتش لحقت فكرت في النوم...ثانيا لو واخد بالك انا لسه مصحياك من النوم  ثالثا بقى وده الاهم مولتي ما قاليش اي حاجه يا كذاب انا ما قدرتش امشي ما قدرتش ابعد واسيبك... حتى لو العيشه هنا هتبقى صعبه...في بعدك هتبقى اصعب وحشتني اوي في الشويه دول

دياب شدها لحضن وبقى يحضنها ويلف بيها في المكان بزهول وهو مبسوط جدا ومش مصدق

روتانا قالت بخوف.... بالراحه بالراحه لنقع من هنا خلينا ننفذ الرومانسيه دي في مكان تاني المكان ده مشؤوم

دياب  ضحك جامد وقال وهو بيبص لعيونها ....المكان ده هيشهد على حبنا طول العمر بحبك قوي عشقتك من اول يوم 

روتانا ابتسمت وقالت...  انا كمان بحبك يا دياب عشقتك قوي يا كبير الجبل ...وعشقت المكان ده بعيونك

دياب ابتسم بسعاده وضمها لقلبه وهما واقفين على التله بسعاده وقال...كبير الجبل حبك يا قمر ..وربنا يديني طولة العمر معاكي ونعمرو المكان ده ونخلوه اجمل من المدن كفايه انك فيه ❤️

تعديل المقال