رواية مرادي في روحي كاملة جميع الفصول بقلم نور الامل
رواية مرادي في روحي كاملة جميع الفصول هى رواية من تأليف المؤلفة المميزة نور الامل رواية مرادي في روحي كاملة جميع الفصول صدرت لاول مرة على فيسبوك الشهير رواية مرادي في روحي كاملة جميع الفصول حققت نجاحا كبيرا في موقع فيسبوك وايضا زاد البحث عنها في محرك البحث جوجل لذلك سنعرض لكم رواية مرادي في روحي كاملة جميع الفصول
رواية مرادي في روحي كاملة جميع الفصول
_ماما انا وقعت دبلتي!
_ازاي ووقعت فين
_وانا بغسل المواعين وقعت غصب عني عشان واسعه ووقعت في الفتحه بتاعت الحوض
_طيب رني على ياسين عرفيه ولو زعل انا هبقا اجيب غيرها
_تمام
دخلت البلكونه رنيت عليه اكتر من مره ومردش في المره الاخيره كان رد بزعيق وهو بيقول:
_في أي يا روز رن رن رن مردتش يبقا مشغول افهمي بقا هفهمك لحد امتا
_ياسين انا بس كنت عايزه اقولك إن دبلتي وقعت مني
_انتي بتهزري ازاي تقع منك يعني ده إستهتار انتي واحده مستهتره وانا مش هجيب غيرها ولو جبت هتكون صيني
_وانا مش عايزه غيرها
قولتها وقفلت معاه ودخلت اوضتي اعيط فضلو يقولو خدي اللي يحبك متاخديش اللي بتحبيه ودي النتيجه!
تقريبآ حلاوة البدايات دي كل حاجه فيها بتكون مزيفه الضحكه الاهتمام الكلام الحلو ازاي الرجاله وحشين اوي لدرجة انهم يزيفو مشاعرهم!
بعد ما خلصت عياط فتحت الفيسبوك اقراء اسكريبت افصل بيه عن زعلي ووانا بقلب في الفيسبوك لقيت إعلان ل روف في وسط البلد اسمه "كرافتيد هوم"
حبيت الصور اللي في المكان وقرارت اني هلبس وانزل اشم هوا وافصل من كل حاجه شويه
قومت لبست الجيبه الي طالعه تريند جيبة عباد الشمس اللي فيها ورد ابيض كتير دي وعليها بلوزه سوده وطرحه بيضه والقليل من الميكب كنت جميله برغم دموع عيني اللي خبيتها ب الميكب وقبل ما انزل رنيت عليه عشان اعرفو اني نازله رد عليا وهو بيقول:
_خير يا روز وقعتي اي تاني؟
_موقعتش حاجه انا نازله
_لاء مفيش نزول
_محتاجه اخرج عايزه اشم هوا
_لاء قولت لاء
_تمام سلام
قولتها وقفلت معاه وطبعآ هنزل من وقت ما اتخطبت ليه وانا حاسه كأني عصفوره كانت على الشجره وهو خد العصفوره دي حطها في قفص
طلبت اوبر ونزلت كان وصل قربت من العربيه وانا بقول:
_اوبر صح؟
كان بيتكلم في التيلفون بص ليا شويه بعدين قال:
_ايوا صح ده صح جدآ
ركبت وانا مستغربه شويه بس ماهتمتش كمل كلام في الفون وهو بيقول:
_خلاص بقا يا أحمد متنزلش عندي رحله.. يا ابني...
كان بيتكلم في التيلفون بص ليا شويه بعدين قال:
_ايوا صح ده صح جدآ
ركبت وانا مستغربه شويه بس ماهتمتش كمل كلام في الفون وهو بيقول:
_خلاص بقا يا أحمد متنزلش عندي رحله.. يا ابني افهم بقولك رحله طالع رحله سلام
↚
قالها وبص ليا وهو بيقول:
_معلش بس هو الموبيل فصل شحن حضرتك كنتي عايزه تروحي فين بظبط؟
_وسط البلد
_تمام
قالها وبداء يسوق كنت طول الطريق سرحانه في ياسين ومعاملته ليا حاسه اني عايزه اسيب كل ده وامشي كل حاجه بالمعنى الحرفي البيت وأهلي وياسين عايزه اخد بريك من كل حاجه في حياتي
في وسط مانا سرحانه جالي مكالمه من رقم غريب رديت عليه والاغرب انه كان سواق الاوبر!
_حضرتك فين انا تحت البيت
_حضرتك مين معلش
_انتي طلبتي اوبر يا فندم
_نعم!!
_حضرتك طلبتي اوبر ل وسط البلد يا فندم
_ثانيه واحده معلش
بصيت للشاب اللي سايق وانا بقول:
_انت مين؟
_سواق الاوبر
_امال اللي على الموبيل ده مين؟
_ماهو احم احم حضرتك طلبتي مرتين تقريبآ
_معتقدش اني طلبت مرتين
_غالبآ ده اللي حصل عمومآ احنا كلها عشر دقايق ونكون في وسط البلد تقدري تلغي الرحله مع الكابتن التاني وهيكون في غرامه بسيطه!
_تمام
اعتذرت من الشاب التاني وقفلت معاه وبعد شويه كنت وصلت وسط البلد بعد ما شكيت في الشاب الي معايا انه هيخطفني حاسبته ونزلت
وبعد ما توهت في بعض الشوارع لقيت الروف وطلعت كان لطيف قمة الطافه
الامكان لذيذه اوي وديكورات الذ امكان ل تصوير جميله اختارت اني اقعد في البلكونه عشان اكون على راحتي اكتر
طلبت ايس كوفي وفتحت الفيسبوك على اسكريبت اقراءه شويه ونزلي الايس كوفي وبعد القليل من الصمت قطع الصمت والهدوء اللي في المكان صوت بنت وشاب بيتخانقو كان بيقولها:
_انتي زودتيها اوي على فكره
قالها وضربها ب القلم قومت من مكاني مخضوضه من اللي حصل هاين عليا اروح اديلو نفس القلم
البنت عيطت ضربته في دراعه رفع إيديه عليها مره تانيه وكان هيضربها ولاكن الغير متوقع ان الشاب بتاع الاوبر جيه ومسك إيده قبل ما يضربها وخده بعيد عن البنت
جريت انا على البنت حضنتها وانا بقول:
_حقك عليا انا يا حبيبتي حقك عليا
كانت بتعيط بشحتفه طلعت ليها المنديل ومسحت دموعها وانا بقول:
_حصل اي لكل ده؟
_ده خطيبي وعرف اني نزلت من غير ما اقولو وجيه ورايا لحد هنا واتخناقنا زاي ماشوفتي
فضلت ساكته شويه وفي لحظه اترعبت جسمي قشعر مش كان ممكن اكون انا هي والشاب الي ضربها يبقا ياسين
↚
رديت عليه بجمود وانا بقول:
_اللي زاي ده لازم يتساب واللي زاي ياسين برضو لازم يتساب
_ده اكيد مش هكمل ده همجي ومتوحش
_بظبط لازم تختاري واحد متفتح هو اللي يطلب منك انه يجيبك هنا مش تيجي من وراه
_اتخطبت ليه غصب عني عشان عديت العشرين
بصيت ليها وفضلت ساكته شويه فكرتني بيا حكايتها نفس حكايتي تقريبآ رديت وانا بقول:
_بعض حمير القاهره يعتقدون ان البنت عندما تتخطى العشرون عام قطار الزواج يفوتها ولاكن الحقيقه مليون قطر جواز يفوت ولا جوازه واحده تبقا غلط
_عندك حق ومتشكره اوي على اهتمامك وشكرا ان خطيبك لحقني قبل ما يضربني تاني
_بس ده مش..
_معلش انا لازم امشي
قالتها وسابتني ومشيت ورجعت انا ل مكاني تاني قعدت في إيدي الايس كوفي والاسكريبت اللي بقراء فيه دقايق وظهر الشاب بتاع الاوبر
قعد في تربيزه قدامي طلب قهوه عينه منزلتش من عليا فضلت دقايق بفكر مع نفسي
معقول ده يكون سواق اوبر؟
طب سايب شغله ليه؟
طب طريقة لبسو شيك كدا ليه؟
كان لابس شيميز ابيض على بنطلون اسود وفاتح زراير القميص لابس ساعه ونضارة شمس حاولت مفكرش كتير وكملت في الاسكريبت
وبعد شويه قطعني الشاب ده وهو بيقول:
تسمحيلي اقعد معاكي؟
بصيت ليه شويه بعدين قولت:
_اتفضل
معرفش قولت كدا ليه بس الاكيد اكيد إن عندي شوية اسأله هو عنده الاجابت بتاعتها
قعد وهو مبتسم وبيقول:
_متشكر انك قبلتي اني اقعد معاكي
_اكيد فيه حاجه عايز تقولها!
_اه بصراحه انا مكنتش سواق الاوبر
_حسيت على فكره
_كنت مكشوف صح؟
_تقريبآ اه
_طيب انا كذبت وانا مبحبش الكذب عشان كدا جيت اقولك
_طب وكذبت ليه؟
_عشان عينيكي
_نعم؟
_معرفش الحقيقه كنت منتظر صحبي تحت بيته ولما لقيتك حسيت ب حاجه بتقولي متضيعهاش من إيدك
_امم
_مش عارف هتصدقيني ولا لاء بس فعلآ ده اللي حصل اتشديت ليكي ول ملامحك ل طريقة لبسك حتى زوقك في المكان اتشديت ليه ريحة برفانك كل حاجه عايزه قلب تاني يحبها
_شوية إعجاب ويروح ل حالو
↚
_لاء مش إعجاب ومش هيروح ل حالو قوليلي بيتكم فين وانا اجي اطلب إيدك
ضحكت وقولت:
_معلش وقتك خلص ممكن تقوم؟
_اديني فرصه اثبتلك فيها ان انتي اللي بدرو عليها
_زاي ما قولتلك والله ده إعجاب
_انتي مش فاهمه حاجه وده مش إعجاب
_امال ده اي؟
_ده حب من النظره الاوله
_شكلك بتتفرج على افلام كتير
_اه زاي مانتي بتقراي روايات كتير
_وعرفت منين
_مش مهم عرفت منين المهم ان فيه حاجه اسمها الحب الاول وده بيحصل من اول نظره الانسان بيحس انه متخدر كدا او في عالم تاني بنبقا نفسنا الوقت يقف في الحظه دي
فضلت ساكته شويه بستوعب كلامو اللي في الاغلبيه صح كمل وقال وهو باصص على إيدي:
_باين إن كان في إيدك دبله وقلعتيها عارفه قلعتيها ليه؟
_ليه ياريت تقولي
_عشان هو الاختيار الغلط لاكن دبلتي انا بقا هتشيليها في كبدك عارفه ليه
ضحكت وانا بقول:
_ليه؟
_عشان انا الاختيار الصح
_واثق من نفسك
_لاء بس دي الحقيقه يعني
_معلش ممكن كفايه لحد كدا؟
_حاضر بس مش هسيبك تضيعي من إيدي
قالها وقام رجع مكانه حاولت اكمل في الاسكريبت ولاكن معرفتش كلامو كان بيتردد في دماغي ازاي بيعرف يقول كلام معسول كدا؟
قام من مكانو راح للشاب اللي واقف وطلب منو يشغل اغنيه معينه بعد دقايق كان اشتغلت اغنيه ل عمرو دياب وهو بيقول:
||..من غير ما قول من غير ما قولها هتعرفي احساسي اي من قلبي لو هتقربي هتحسي بيه وتصدقيه..وحياة عينيكي انتي اللي عاش قلبي انا يدور عليه وخلاص لقيت كل اللي ياما حلمت بيه في الحظه دي وحياتي خليكي مع قلبي ده دايب فيكي وليل نهار بيقول يا حبيبي..||
ابتسمت وفهمت ان الكلام عليا طلع التلميح ب الاغاني حلو اوي!
شويه وياسين رن رديت عليه واتخضيت من صوته وهو بيقول:
_برضو نزلتي مع اني قولت لاء
↚
_اه نزلت عشان كنت محتاجه انزل يا ياسين
_طيب لو مروحتيش في خلال عشر دقايق كل واحد يروح ل حالو يا روز
_ياسين كل شيء قسمه ونصيب انت كنت الاختيار الغلط انا خسرت اني ضيعت وقتي معاك وانت خسرتني عشان ضيعتني
_طب والدبله؟
اتصدمت شويه بعدين قولت:
_كل حاجتك وهداياتك تعالى خدهم
_تمام
قولتها وقفلت معاه وانا مش مستوعبه ازاي فيه كدا بجد جيه الشاب بتاع الاوبر تاني وهو بيقول:
_الايس كوفي خلص تسمحيلي اعزمك على واحد تاني
اتكلمت وانا بحاول امسك دموعي وقولت:
_ارجوك امشي انا مش طايقه نفسي
شد كرسي وقعد بخضه وهو بيقول:
_مالك حصل اي
مردتش فضلت ساكته وبحاول معيطش كمل هو وقال:
_اكيد اللي مزعلك ذكر شرقي متخلف
ضحكت غصب عني من كلامو كمل هو وقال:
_اعتبريه خط ايلاينر ومسحتيه ب منديل مبلل بعدين انتي زعلانه ليه ده ربنا بعتلك العوض اهو
قام طلب ليا ايس كوفي تاني ورجع قعد وهو بيقول:
_متعيطيش عشان والله العظيم اروح اجيب الشله بتاعتي ونضربو علقة مoت
فضلت ساكته مش بتكلم وانا وشي الناحيه التانيه من الكسوف وفي نفس الوقت حاجه قالتلي مقولش ليه يمشي خليه انا محتاجه وجوده!
بص ليا بعد شويه وقال:
_تقومي تتصوري اكيد بتحبي الصور والاوتفيت جامد اي رايك اكون الفوتوغراف بتاعك؟
بصيت ليه شويه بعدين ابتسمت وهزيت راسي بمعنى موافقه
قومت واتصورت في امكان كتيره جدآ اتصورت على المرجيحة واتصورت عند المرايا اللي بتنور كان فيه عصفير وقفت العب معاهم
اتصورت كتير اوي والغريبه انه مزهقش بالعكس كان مبسوط جدآ بعد ما خلصت قعدت معاه وانا مبسوطه شويه ب الصور اللي اتصورتها اتكلم هو وقال:
_يوسف وانتي؟
_روز
_زاي ما توقعت ورده وجيتي هنا غلط
ابتسمت وقولت:
_غالبآ اه
_طيب ارن على صحابي اقولهم اني لقيتها ولا اي؟
ضحكت وانا بقول:
_يا ابني انت فيه حاجه في دماغك؟
_اه انتي
ضحكت وفضلت ساكته اتكلم هو وقال:
_انا قتيل هنا يا هنتفق على خطوبه يا على جواز يا على ارتباط يا على صداقه وانا ابقا اقنعك بيا بعدين
ضحكت وانا بقول:
_ولو محصلش اي حاجه من دول؟
_هعمل كاتنج في خدودي
ضحكت بصوت عالي بص ليا وهو مبتسم فضل باصص ليا ب ابتسامه اكتر من خمس دقايق وديت وشي الناحيه التانيه قام من مكانو راح ل ركن في الروف بتاع هدايا جاب معاه حاجه وادهالي وهو بيقول:
_ممكن تكوني قصة الحب دي؟
↚
خدتها منو كان عباره عن بوكس صغنن متغلف ب ورق قديم عليه صورة ممثلين من بتوع الأبيض واسود مكتوب عليه "هتفضل أجمل قصة حب انا عشقتها"
ابتسمت ليه وقولت:
_نسمي ده اي؟
_حب من اول نظره زاي مصطفى قمر لما شاف منى ذكي في فيلم الحب الاول واتشد ليها وفضل وراها لحد ما حبيته ولو مش بتأمني ب الحب فيه حاجه تانيه
_واي هي بقا؟
_الصدفه زاي ما عبد الحليم حافظ ما بيقول:
"كان يوم حبك أجمل صدفه لما قابلتك مره صدفه يالي جمالك أجمل صدفه يالي دلالك أجمل صدفه كان يوم حبك.. صدفه"
ابتسمت ليه وقولت:
_يوسف انا لسه خارجه من علاقه توكسيك حالآ
_يالهوي على اسرع عوض وموف اون في الدنيا مفيش سرعه كدا
_بتكلم بجد على فكره
_وانا كمان بتكلم بجد انا العوض انا واثق بصراحه انا شايف اني خير ليكي انا عارف مصلحتك اكتر منك
_ولو دبلتي ضاعت مني في يوم من الايام هتعمل اي؟
_فداكي مليون الف دبله محلات الدهب كلها تحت رجلك
_ولو نزلت من وراك في يوم من الايام هتعمل اي؟
_مش هتنزلي من ورايا عشان هكون صحبك قبل ما اكون خطيبك يا هننزل سوا حتى لو هاجي معاكي وانتي بتشتري هدوم وميكب ولو مش عايزني عادي خدي صحبتك
_ولو عطلتك عن شغلك هتعمل اي؟
_شغلي الي هيعطلني عنك انتي بتهزري
_ولو رنيت كتير عليك هتعمل اي؟
_مش هترني كتير عشان انا هكلمك ال٢٤ ساعه فا مش هلحق اوحشك
_بس انا مبعرفش اعمل الاكل غير الاندومي
_أجمل اكله في الدنيا وياسلام بقا لو ب الخضار وعليه لمونه
ضحكت وانا بقولو:
_مبعرفش اعمل قهوه
_بسيطه هعملها لنفسي
_بنام متأخر وبصحى ٧ المغرب
_الصحيان ٧ المغرب ليه عشر فوائد
ضحكت وانا بقول:
_مفيش فايده
_هتدبسي يعني هتدبسي
_تقريبآ كدا هديك فرصه
_يعني اجري اجيب ورقه وقلم ونشارك في ترند الحب اللي هناك ده
شاور على مكان فيه ورق كتير قومت اشوف اي ده واتضح انها لوحه خشب كل اتنين أصحاب او اتنين مرتبطين كاتبين عليها حاجه ومعلقينها في الوحه دي حبيت الفكره لذيذه!
ابتسمت ليه وقولت:
"كان يوم حبك أجمل صدفه..
اتمنى أن تجده روز الخاصه بكم"
ابتسمت وعلقنا الورقه سوا بص ليا وقال:
_العيد الجاي إن شاء الله اجي اتغدا عند حماتي واخدك ونيجي هنا نكتب ورقه زاي دي بس وقتها يكون دبلتك في إيدي
ابتسمت وتقريبا كدا عبد الحليم عنده حق كان يوم حبه أجمل صدفه!
"الثامنه مساء في كرافتيد هوم وسط البلد تم إيجاد العوض والاختيار الصح والشخص اللي هشيل دبلته في كبدي قصدي في قلبي"