رواية بكل تفاصيل بحبك زين وروح كاملة جميع الفصول بقلم مارينا يوسف
رواية بكل تفاصيل بحبك زين وروح كاملة جميع الفصول هى رواية من تأليف المؤلفة المميزة مارينا يوسف رواية بكل تفاصيل بحبك زين وروح كاملة جميع الفصول صدرت لاول مرة على فيسبوك الشهير رواية بكل تفاصيل بحبك زين وروح كاملة جميع الفصول حققت نجاحا كبيرا في موقع فيسبوك وايضا زاد البحث عنها في محرك البحث جوجل لذلك سنعرض لكم رواية بكل تفاصيل بحبك زين وروح كاملة جميع الفصول
رواية بكل تفاصيل بحبك زين وروح كاملة جميع الفصول
شمس انا قررت اهرب من البيت
انتي متخلفه بتقولي اي انتي دول لو مسكوكي هتروحي فيها!!!
كده او كده هروح فيها مش فارقه كتير المهم هتسعديني
ياروح انا خاېفه عليكي!!!
متخفيش وبعدين انتي يرضيكي اتجوز الشمام ابن عمي دهيرضيكي افضل متبهدله وسطيهم وضړب وقله قيمه ومحسسني اني خدامه عندهم!!!
لا ياروح ميرضينيش بس خاېفه عليكي!!
متخفيش هيا مۏته وله اكتر ياستي المهم احكي لامك كل حاجه وخليها تشوفلي حل واروح فين وكلميني بس قبلها ابعتي كلمتنا عشان تتاكدي الفون معايا وله مع المقطيع
حاضر خلي بالك من نفسك ومترديش عليهم كتير لحد منتصرف
علي الله يلا باي
مشيت وسبتها وكنت بفكر وسرحانه طول مانا ماشيه لو هربت فعلا ممكن يبقي ليا حياه تانيه!! ممكن انجح وافتح المشروع بتاعي!!ممكن اشوف ناس جديده واتعلم حاجات جديده بدل الذل الي انا فيه! فضلت سرحانه لحد موصلت البيت الي بنسبالي چحيم واستنيت لحد بليل وشمس كلمتني
عايشه
لسه عايشه
يبقي روح المهم امي موافقاكي علي قرارك وعيزاكي تمشي فعلا عشان تنجدي نفسك
كنت متاكده أن طنط هتعمل كده
وعيزاكي تروحي علي اسكندريه ومن هناك لو حد وصلك هتوديكي علي شرم ومش هيوصلولك بس اسكندريه امان
طب اعمل اي اتحرك امته واخد اي وكل ده!!
جهزي هدومك الليله دي ولو عرفتي تتحركي بعد مينامو تعالي علي بيتنا هنديكي كام حاجه وتمشي
تمام اوي هقوم احضر شويه حاجات اخدها وهجيلك لما يتخمدو
قفلت معاهم وفتحت دولابي بدأت اخد كام طقم ف شنطتي الضهر وبدأت ابص لكل ركن ف الاوضه بحزن قد اي كنت طفله مدلعه بوجود بابا ومن بعد مااتوفي حياتي انقلبت بسببهم جتلي لحظه ادارك لو قفشوني هعمل ايه!!! بس قولت ھيموتوني وهخلص ودعيت وقولت يارب لو قراري غلط سد الطريق ف وشي
شمس كلهم نامو ولبست وجهزت هتحرك
ركزي عشان خطړي وخدي بالك ليكون حد صاحي
علي الله متخفيش لو طلعت من البيت بخير هرن عليكي
ربنا يستر مستنياكي
قفلت وفتحت باب الاوضه بهدوء اطمنت أنهم نايمين وكان المفتاح ف الباب الحمدلله فتحت براحه وبصيت ع البيت بحزن لآخر مره وقفلت بهدوء نزلت السلم جري وفضلت اجري ف الشارع وانا مش مصدقه اني بره جريت لحد موصلت لبيت شمس الي كان بعدينا ب اربع شوارع بظبط طلعت
ياحبيبتي وشك اصفر ادخلي ادخلي
دخلت وشربت مياه وطنط حضنتني وادتني فلوس تكفيني لمده كويسه ونبهتني اخد بالي من الي حوليا وادتني مفتاح لشقه ليهم هناك!!!! كنت بعيط من اهتمامهم بيا واني هفتقدهم بجد بعد عياط واحضان مشيت ونزلت ع الموقف زي مطنط قلتلي وركبت اتوبيس لسكندريه
بعد اربع ساعات وصلت كانت الساعه 6 الصبح الموبايل لسه مرنش لغيت الموقع بتاعي عشان ميلقونيش واشتريت خط جديد اول منزلت كلمت شمس وطنط طمنتهم وخدت تاكسي بعنوان الشقه ووصلت كانت العماره ع البحر دخلت وطلعت الدور التالت وقبل مفتح سمعت صوت خضني
انتي مين
بسم الله ف فزعتني يااخ!!
اخانتي مين بقولك ومعاكي المفتاح ازاي دي شقه طنط حنان
ما اصل انا بنت اختها وجايه هقعد هنا
بنت اختها
ا اه انت مين
زين المقدم زين
مقدمظابط يعني
عليكي نور اه وبعدين انتي اا
ملحقش يكمل لقيت تلفوني بيرن وطلعت شمس رديت بسرعه
روح اهلك عرفوا وقلبين عليكي القاهره
ينهار اسود يشمس هما لحقو طب جولك البيت طنط قلتلهم اي و
اهدي خالص دلوقتي وركزي هما جم فعلا وانا مسحت الشات واتاكدو اننا اخر مره اتكلمنا كان من يومين وأننا منعرفش بس مستحلفينلك لو حصل جديد هنقولك اقفلي الباب كويس ومتفتحيش ل اي مخلوق انتي فاهمه!!
ح حاضر حاضر هتابع معاكي بردو سلام دلوقتي
قفلت ونسيت اني بتكلم وهوا ورايا
هما مين الي قلبين عليكي الدنيا
ها
تلفونك كان عالي انتي مين وجايه هنا ليه
يتابع
↚
الفصل الثاني
تلفونك كان عالي انتي مين وجايه هنا ليه
م ملكش دعوه هيا الشقه ب اسمك وانا معرفش
طيب عمتآ انا عيني عليكي ولو مسكت عليكي حاجه هوديكي ف داهيه تمام
بصيتله من فوق لتحت ودخلت الشقه ورزعت الباب ف وشه ماحنا مش ناقصين مصايب!!!! دخلت الشقه وانبهرت بيها قد ايه دافيه وهاديه دخلت غيرت وبدأت انضف فيها واحده واحده
يختييي اخيرا خلصت دانا ضهري بيصوت بس والله تسلم ايدك يابت ياروح يارب خليها سهله المرادي انا تعبت و
لقيت التلفون رن فتحت لقيتها شمس
مصېبه صح
مقدمين بلاغ انك متغيبه ياروح وبيدورو ف كل حته
انا تعبت بجد امو ت نفسي واخلص
ششش يخربيتك بس هبل دانتي ربنا نجدك الشمام الي كان هيخطبك ده ف عز مابيدورو عليكي ماشي يبصبص للبنات
مهو شمام هنستنا منه ايه بس!! شمس
ايه يحبيبي
م ماما كويسه
لسه بتسالي عليها بعد كل ده
طمنيني بس
بعد رغي كتير انا وهيا قفلت وبدأت اتفرج علي اسكندريه من البلكونه ولبست وقولت هنزل اشتري شويه حاجات
انتي تاني
طب بالمناسبه متعرفش سوبر ماركت قريب
ماشي ياستي تعالي انا اصلا نازل هناك
شكرا و احم اسفه ع الطريقه الي كلمتك بيها الصبح
وله يهمك ياستي المره الجايه هحبسك بس
ضحكت وقلتله يلا اهو السچن امان شويه مفرقتش
بصلي ب استغراب وقلي انتي ايه حكايتك وظهورك الغريب ده!!
اتوترت فاجأه وقلتله ب بهزر في ايه مبتعرفش تهزر يحضره الظابط
وصلنا السوبر ماركت وهوا بيبصلي ب شك كده دخلنا واشتريت شويه اكل وقهوه ونسكافيه اهم من الاكل والله واستنيته عشان نمشي سوا مانا نسيت الطريق ههه
ايه كل ده انتي هتعتكفي وله اي
ماالشقه فاضيه بقا هعمل ايه خليك جدع وشيل معايا بقا
للاسف انا مش جدع
اخص بقا هوا ده الي الشرطه ف خدمه الشعب!
شعار قديم شويتين ده اتحيلي عليا وانا هشيل
ونبي يباشا شيل معايا والله يخويا ضهري وجعني من التنضيف وبجري ورا عيال يتامه شاله يسترك وي
ششششش اييييه ياوليا انتي بتشحتي
مانا مش حافظه غير دول اصلا
ضحك وشال معايا فعلا وبدنا نتمشي واحنا بنرغي وبنضحك سوا وصلت وقبل مقفل قولتله
شكرا يحضره الظابط ليك عندي كبايه قهوه مش هتشرب زيها تاني
العفو يا اسمك ايه صحيح
روح
روح!!! العفو ياروح هستنا القهوه الي مش هشرب زيها دي
غمزلي ودخل شقته وانا دخلت وضحكت وربنا مش ظابط لا رتبت حجاتي وحطيت الاكل ف التلاجه ورصيت بقيت الحاجات ودخلت عملت قهوه وخرجت ع البلكونه شويه الهوا الي كانو بيطيرو شعري حسسوني اني عايشه لاول مره
انتي خمامه خدي بالك
بسم الله فزعتني بتخرج منين انت!
ساكن جمبك والبلكونه لازقه فيكي عايزه ايه تاني
استنا بقا أما ادخل اعملك قهوه معايا
ضحكلي ودخلت فعلا عملتله وخرجت
شكرا ياست روح بس مسالتيش سكري كام
مانا توقعت انها ساده زي بتعتي وكده
مممم واحده كتكوته زيك كده بتشرب قهوه ساده ليه بقا
بعيدا عن كتكوته دي بس اهو بحب مرارتها بقا نعمل ايه!!
ايه الي رماكي علي اسكندريه ياروح!!
الدنيا الدنيا دايما بتحدفنا ف طرق عمرها متخطر علي بالنا
اهلك فين
م معنديش أهل غير امي وعايشه ف القاهره
وسبتيها ليه
ظروف بقا ياسيدي
واحنا بنتكلم رفعت ايدي عشان الم شعري لورا والتيشرت نزل لتحت ودراعي ب الزرقان الي في بان كنت بتعمد البس كم طويل عشان الضړب الي ف ايدي ميبانش بس نسيت واهو بأن!
ايه كل الزرقان ده
زرقان ايه
انتي حد ضړبك ياروح
جتلي لحظه ادارك ودريت دراعي بسرعه وفنفس الوقت
↚
شمس رنت
ثانيه الو
وعد اقفلي علي نفسك ومتفتحيش ل اي حد
ولو عرفتي تمشي من الشقه امشي بسرعه
امشي امشي اروح فين ياشمس في ايه
اهلك عرفوا المكان من اخر حته رميتي فيها الخط وجينلك علي اسكندريه
ينهار اسود اقفلي اقفلي
قفلت وجريت علي جوه الم الهدوم ولقيت الباب بيخبط
م مين
انا زين ياروح افتحي
زين مين
جارك ياروح اخلصي وافتحي
في ايه كمان
انتي الي في ايه وجريتي علي جوه كده ليه و
مش وقته والله ماوقته لازم امشي دلوقتي
تمشي فين وانتي متعرفيش حاجه هنا!!!
م مش عارفه بس لازم مفضلش ف الشقه دي
دخل وقفل الباب ومسكني من ايدي وبدأ يسالني عن كل حاجه وحكيتله جزء صغير اني هربانه منهم عشان هيجوزوني وبتاع وبس
طيب لمي حاجتك وهتقعدي ف شقتي لحد مايجو ويمشو
لا طبعا مينفعش
امي واختي جوه متخفيش لمي حاجتك كلها عشان ميفهموش انك هنا يلا مفيش وقت
لمېت كل حاجه وفصلت التلاجه وخدت كل حاجه حرفيا ودخلت شقه زين اول مقفل الباب سمعت صوتهم بره
يارب يارب مش هقدر ارجع معاهم اتصرف عشان خطړي!!!!
متخفيش محدش هيقدر يخدك طول مانا هنا
يتابع
الفصل الثالث
متخفيش محدش هيقدر يخدك طول مانا هنا
مش عايزه ارجع عشان خطړي!!
قفل باب شقه بلمفتاح وبدأ يرقبهم من العين السحريه ومامته واخته خرجوا من اوضهم علي صوت الدوشه الي بره وقلهم
امي دي روح جارتنا وبنت اخت طنط حنان معاها مشكله دلوقتي خديها وادخلي الاوضه واياكي تفتحي لحد غيري تمام
طنط خدتني من ايدي وقعدتني ف اوضتها وقفلت الباب علينا
انتي مين يابنتيحنان معندهاش اخوات
ه ها
شكلك بنت ناس وطيبه احكيلي ياحبيبتي في اي انا زي مامتك وايه جايبك لوحدك وايه الي بيحصل بره!!!
بصتلها وانا عيني كلها دموع مش فاهمه المفروض احكيلها اي وله ايه!! وقبل مفكر لقيتها بتحضني! محستش بنفسي غير وانا مكلبشه ف حضنها وبدأت انهار اڼهيار كنت بحاول اخبي واعمل نفسي مش مهتمه بكل الي بيحصل وبعد وقت معرفش قد ايه بدأت احكيلها
لما بابا كان عايش كنت دلوعه البيت دايما اي حاجه روح عيزاها وبتشاور عليها ابوها مبيستناش وبيجبها بس دايما اخويا وامي كانو كرهين ده وشايفين انو مينفعش ندلع البنت كده ومينفعش نعملها كل الي تعوزه بس بابا كان دايما ف صفي لحد مدخلت كليه هندسه الي مكنش حد مقتنع بيها غير بابا كانو شايفين اني مينفعش اكمل جامعه ولازم اتجوز وبابا وقف ف وشهم وقدملي ف الجامعه بعد سنه واحده بس ابويا تعب وقتها عرفت أن خلاص مش هيكمل كان باين عليه من وصيته ليا اني اكمل تعليمي واشتغل وأنهم لو ضغطو عليا امشي من البيت وهوا هيفضل فخور بيا
كنت بعيط وانا بتكلم وبفتكر كل الاحداث الي حصلت ورا بعض
بعدها بابا اټوفي و وهما مصدقو سحبو الملف بتاعي من الكليه وبدأو يعملوني ك خدامه عندهم ولو معملتش الي بيقولو علي باخد اجمل مكافئة باكل شويه ضړب مخدهمش عسكري هربان ضحكت وقولتلها اخر مره ضړبني دراعي اتكسر وكنت بصوت من الۏجع وبقوله الحقني ياعمرو دراعي هيموتني ضحك وقلي تستاهلي عشان تسمعي كلامي
مسحت وشي من العياط وكملتلها
كنت راضيه وبسكت عشان معنديش اوبشن تاني لحد ماقررو يجوزني لواحد شمام اسمو سيف ابن خالتي بالمناسبه ولما موفقتش ضړبوني لمجرد اني موفقتش ضحكت بسخريه بس يومها قررت انو خلاص لازم امشي وإلا ھيموتوني بجد وشمس بنت طنط حنان صحبتي وعارفين كل ده وطنط صممت اني امشي واجي هنا عشان ميصلوليش بس اهو وصل
بعد مخلصت وفوقت من سرحاني لقيت طنط وبنتها بصينلي بنظره حزن وطنط ف وقتها شدتني لحضنها تاني
حقك عليا يابنتي حقك عليا منهم لله لحد يبهدل ضناه كده!!!
انا مش هسيب حد يخدك ولما يغورو من هنا هتقدمي ف الكليه تاني انتي فاهمه!!!
هزيت دماغي وانا ف حضنها وفضلت حضناني كتير لحد مانمت منغير قصد
ماما افتحي انا زين
↚
افتحي لاخوكي يامريم
اي دههيا نامت!!!!
من نص ساعه نامت ف حضڼي زي متكون مصدقت تلاقي حته فيها امان
انتي معيطه ياامي
ل لا ياحبيبي المهم المقاطيع مشيو
اه اقنعتهم أن محدش بيجي هنا غير واحده بتنضف الشقه عشان صاحبها موصيها عليها واني ظابط ولو جت هنا هعمل بلاغ
بعد وقت مش كبير صحيت علي كابوس كالعاده وهما كانو قاعدين معايا اول مفتحت لقيتهم
بسم الله عليكي ياحبيبتي اهدي احنا معاكي
انتي كويسه
انا كويسه اسفه اني نمت معرفش حصل ازاي عملت ايه يازين
متخفيش ياستي كله تحت السيطره مهي الشرطه ف خدمه الشعب بقا
غمزلي تاني
علي فكره ياطنط ابن حضرتك جدا
جيبلي الكلام دايما ياروح هوا بعيد عنك
كمان حته عمو زيو!
يابنتي داحنا لينا الجنه بسببهم وربنا
بردو وربنا يامريميبنتي طالعه سرسجيه لمين
ياطنط سرسجيه اي بس دي عسل ودي لغه الجيل
ضحكنا كلنا وقومت دخلو معايا الشقه وظبطنا كل حاجه انا وطنط ومريم وبعدها زين جبلنا اكل وقعدنا ناكل وانا وسطهم كنت حسه ب احساس دافئ بقالي كتير اوي محستهوش احساس العيله ولمه العيله والأمان كل ده محستوش غير وسطهم خلصنا وعملت شاي وبعدها مشيو
روح
ها
متخفيش طول مانا موجود
شكرا علي كل حاجه اليوم عدا بوجودكو حوليا بجد
يلا ادخلي واقفلي علي نفسك كويس
دخلت وقفلت الباب وكلمت شمس حكيتلها كل حاجه ونمت وصحيت تاني يوم واليوم خلص بهدوء واليوم الي بعده بنفس الهدوء المرعب لحد ما
شمس الحقيني
في ايه يابنتي
الشمام قصدي سيف بعتلي مسدج ع الخط الجديد بيهددني هوا جاب رقمي منين!!!!
ينهار اسود ياروح ده كده ممكن يكون عارف مكانك
طب اعمل ايه وله اهبب ايه دلوقتي!
بصي اهدي وتعملي بلوك وله اكينك شوفتيها
حاضر و
ملحقتش اكمل لقيت رقم غريب بيرن
ا الو
اسمعي بقا يا حلوه لو فاكره انك ذكيه واني معرفش مكانك تبقي عبيطه لا انا عارف مكانك وعارف ننوس عين ماما الي هربتي عشان تعيشي معاه ده وديني يا روح لهجيبك وهطلع عليكي قديم وجديد
طب اسمع انت بقا ياسيف انا مش خاېفه منك واعلي مافخيلك اركبو اصل للاسف يحبيبي معنديش حاجه اخسرها ومبقتش بخاف منكو ياكش ټولعو نفر نفر
ده شكل زين باشا مقوي قلبك بقا
قطع لسانك قبل متفكر تتكلم عليا ب الأسلوب ده انا انضف منك ومن عشره زيك
تمام ياخطيبتي تمام اوي حسابك بيتقل ف خدي بالك سلام يا يا قطه واه قبل مقفل اتبسطيلك يومين قبل مااجي اخد روحك منك
قفلت معاه ودخلت حدفت التلفون على الأرض وبدأت ازعق ڠصب عني لحد مهديت وبدأت اقول
اهدي ياروح الي جاي مش اسوء من الي فات وممكن يكون بيهددني وخلاص بس لا شكلو عرف مكاني ده عرف زين!!
منغير مفكر طنشت الي حصل ودخلت عملت قهوه وطلعت ملف الكليه وبدأت ادور علي اقرب كليه هندسه ف اسكندريه عشان اقدم فيها وزي متيجي تيجي الترم الاول لسه مبدأش حته وانا بشرب القهوه ف البلكونه زين طلعلي
متجيبي شفطه الله يسترك
خد شفطه ياعم
بلمناسبه انا سمعت كل الي حصل ومستني سيف حبيبي يجيلك هنا عشان اروقهولك
سمعت منين
ياست فوقي بقا مقولنا الشقتين لازقين ف بعض وانتي صوتك عالي اوريدي
احم كده كده مش فارقه فكك انا عايزه انزل اقدم
↚
ف الكليه
اهو ده الكلام بقااا ماشي ياستي تعالي بكره انزل معاكي
وحياه امك
وحياه امي اه قهوتك
خطيره زيك خدي بالك
غمزلي ودخل هوا في ايه بقااااا ضحكت ودخلت ظبط شويه حاجات وجهزت لبس بكره ونمت وصحيت لبست بنطلون وتيشرت عادي علي كوتش ابيض وسيبت شعري زي مهوا وخرجت اشرب قهوتي ف البلكونه
طب مش تعملي حسابي طيب
هديلك شفطه وله تزعل
بس ايه الشياكه دي
شاله يسترك ياحضره الظابط
يسترنيياستي خلي يفضحني بس بطلي الدعوه دي
ضحكنا ونزلنا فعلا قدمت ف هندسه ديكور زي ماكنت وزي مابحلم وعزمني علي قهوه وبدأنا نتمشي علي البحر واحنا بنتكلم وبنضحك حكالي عن نفسو وحكيت شويه لحد موصلنا وكلعاده خوزيقي بتحب تجيلي وانا رايقه زي محصل كده
حبيبت قلب سيف بتعمل ايه مع راجل غريب
محستش بنفسي غير وانا بمسك ف دراع زين من الخضه ولقيته رجعني ورا ضهرو
مين الي قال إني غريب يقلبي دانا حته ف مقام خطيبها وله ايه ياروح
يتابع
الفصل الرابع
مين الي قال إني غريب يقلبي دانا حته ف مقام خطيبها وله ايه يا روح
لا مش خطيبتك وله خطيبتو والي عندك ياسيف اعملو
مش خطيبتي مين ياروحي امال اتفاقي انا واهلك يبقي ايه
مكنش اتفاق انتو مهددني وفوق لنفسك بقا وحل عني ياأخي
طب يلا عشان هترجعي معايا
شدني من ايدي وكان هينزلني بصيت لزين وبصيتله وفاجاه لفيت لسيف ومحستش بنفسي وانا بضربه ب القلم
كفايه بقا كفايه عك وابعد عني انت اي مبتفهمش عمرو وامي وامك بيستغلوك زي ماكانو مستغليني ومشغلينك مرمطون عندهم حته تعليمك مكملتهوش وماشي ورا كلامهم زي العبيط استرجل لمره واحده ف حياتك وفوق وابعد عني روح شوف حياتك ياسيف وكمل تعليمك مجموعك مكنش قليل مش كان حلمك تبقي ظابطمش بابا كان دايما بيشجعك ويقولك يابني سيبك منهم وكمل
لقيت ملامحو اتغيرت زي مايكون بيستوعب كلامي وكملت
انا مسمحاك علي كل حاجه بس سبني ف حالي وروح شوف حالك بعيد عني متجربش ورا كلامهم احنا كنا اكتر من الاخوات بس انت الي جربت وراهم وخربت كل حاجه روح شوف هتصلح نفسك ازاي ولما تفوق وتبقي راجل ليك كلمه وليك قرار ابقا تعاله كلمني غير كده سبني ف حالي انا عايزه ابني مستقبلي هنا عشان خطړي ابعد عن طريقي وكفايه عك ف حياتي وحياتك
كفايه ياروح اسمع ياسيف انت شكلك متربي وانا بقولك اسمع كلامها وامشي وأقسم بالله لو فكرت تيجي وتعمل المهرجان ده تاني هحبسك انت فاهم
متوقعتش رد فعله بصلي ب نظره قديمه انا عارفاها نظره سيف القديم الي هيبدا يفوق وسبني ومشي بعدها زين شدني
بقا مقولتيش انك خطيبتي ها
صدقني لو كنت قولت مكنش هيحصل خير وانا مش عايزه اضرك ب اي شكل كفايه انك واقف معايا لحد دلوقتي بجد
ياستي ماشي هعديهالك لحد متبقي خطيبتي
خطيبتك ايه ياباير
انا بايردانا البنات بتحدف نفسها عليا يابت فوقي
واضح اه خليهم ينفعوك
لا بس عجبني رد فعلك والقلم الي الواد خدو ده
يارب يفوق يازين خساره بجد سيف كان شاطر اوي وبابا كان بيحبو اوي بس هما زي السم دخلو دماغو وخربوها
ياكش يفوق عشان لو فكر يجي هنا تاني مش هعمل حساب لحد ويلا يعسل ادخلي شقتك واقفلي الباب عايزين نتخمد شويه
طب متزقش بس وشكرا يحضره الظابط ها شكرا
ادخلي طيب بدل مفجرلك دماغك
دخلت وقفلت الباب وانا بضحك كلمت شمس حكيتلها وغيرت هدومي وعملت اكل وبدأت ادور علي شغل الفلوس الي معايا قربت تخلص لبست ونزلت فعلا مشيت لآخر الشارع ولقيت كافيه كاتب انو محتاج حد يعمل قهوه والحاجات دي ف دخلت
مساء الخير انتو طالبين حد يشتغل
مساء النور يافندم طلبين اه بس شباب
طب مانا بعرف اعمل الي طلبينه متقلقش هظبطلك الدنيا
هتقفي كاشير تخدي الطلبات وتعمليهم
ايوا متقلقش الموضوع مش صعب
طيب اي رائيك نجربك اسبوع عشان نتأكد واهو اعتبري تدريب
موافقه طبعا
متفقين اشوفك بكره الساعه 10 الصبح
تمام
خرجت بره وانا مبسوطه بدأت اتمشي علي البحر وانا حسه بتوهان مش عارفه هنزل الكليه امته وهتابع ف الشغل امته وهعمل ايه ف الي بيدورو عليا دول لحد ما
الو
حبيبت قلب اخوها
يوووه هوا كل محد يتصل يهددني هيقول حبيبت قلبييااخي اومال لو مش حبيبت قلبك كنت هتعمل ايه
ھقتلك ياروحي اوعي تكوني فاكره الڤضيحه الي عملتيها دي هتعدي ب السهل وهتعيشي حياتك وكده توء توء انتي لسه مشوفتيش عموره وهوا قالب بجد
↚
تصدق ب ايهمبقتش بخاف منك اصل هشوف منك ايه تاني
هتشوفي كتير وجهزيلي نفسك عشان مش هتتهني ب حياتك
وانا من امته اتهنيت بيها من وقت مابابا ماټ
عارف ياض ياعموره قبل مابابا ېموت كان بيقولي اخد بالي عشان انت هتقلب عليا وهتعمل وهتسوي عارف قولتله ايه وقتها
ارغي
قولتله لا يبايا عموره ده حبيبي ده اخويا وصاحب عمري وهيسندني فكل حاجه
وانا بتكلم عيني بدأت تدمع وقفت قدام البحر وبدأت اكمل لما سمعت تنهيده خرجت منو
لما كنا صغيرين والعيال ف المدرسه كانت بديقني اول مكنت بقولهم هجبلكو عمر كانو بېخافو مني وبيبعدو وقتها كنت بحس ب انتصار كده
ايوا مانتي كنتي بتعملي المصېبه وتلبسيهالي
ضحكت بحماس وقولتله فاكر ياض لما كسرت الخمس بيضات وماما كانت جايه ب الشبشب عشان تضربني وانت جريت عليا وقلتلها انك انت الي كسرتهم
يومها قرصتني قرصه يابت ياروح عليا الطلاق لسه بتوجع لما بفتكرها
وليا مفتريه بس بتحبك ورجعت صلحتك يانصاب
ليه بتعمل فينا كده ياعمر ليه وصلتنا للنقطه دي!! مش انا كنت الدلوعه بتعتك واحنا صغيرينلقيت بقيت حد مرعب ومبيحسش لدرجه دي
لما بابا ماټ كنت مستنيه حضنك اوي كنت مستنيه اعيط وأمسك فيك واقولك اني خاېفه من كل الي جاي خاېفه من حياتنا الي هضلم والبيت الي هينكد وخاېفه عشان هشيل مسؤوليت نفسي وخاېفه منك!!
انتي انتي فكرك كده هتصعبي عليا
مين قال مين قال اني عايزه اصعب عليك دانا مكنتش بصعب عليك وانت بتضربني هصعب عليك ب كلمتين
واخرتها بردو
اخرتها اني مش هرجع ياعمر ولو فكرت تيجي وتقرب مني ھموت نفسي وقتها بس ابقا أشبع ب كلام امك وخلي الشړ الي زرعتو ف قلبك ينفعك واعرف اني عمري مهسمحك علي مستقبلي الي بيضيع بسببك واني لوحدي دلوقتي ومتسوحه ومتبهدله بسببك
قفلت ف وشو وبصيت للبحر وانا بعيط
اشمعنا انا الي بيحصلي كل ده ايه الۏحش الي عملته يوصلني لكده يارب ليه كل الي بحبهم مصممين يقلبو عليا وليه مصعب الدنيا كده ليه مصمم تخليني امشي كل الطرق لوحدي ومتسندش علي حد
يمكن عشان شايفك قويه وتقدري تشيلي مسؤوليه نفسك
بصيت لقيته زين قعد جمبي وهوا ف ايدو كوبايتين قهوه
الحياه مش عادله ياروح وبترازي فينا كل مابتزهق وانتي دورك تستحملي وتكملي عشان نفسك
مانا علطول مستحمله ومبشتكيش بس كده كتير انا مفرهده من الجري عايزه ارتاح وعايزه ارمي كل الشيله دي علي حد!!
طب متيجي نتجوز وترميها عليا
ونبي مش وقته هزار يازين
مبهزرش ياستي وربنا مبهزرششش
يتابع
الفصل الخامس
طب متيجي نتجوز وترميها عليا
ونبي مش وقته هزار يزين
مبهزرش ياستي وربنا مبهزرششش
لا بتهزر وروق كده ها رووووق
فصيله اقسم بالله غورييي
قومنا عشان نمشي واحنا بنهزر وبننشك ف بعض
مد شويه
↚
يعسل جعانههه
بت انتي بتودي الاكل ده فيندانتي كلك علي بعضك 50 كيلو
لو سمحت 56 اه
بنت وبتقول وزنها
يعني هوا وزن الاميره
اليزابيث يخويا
اخوكي اه طب اكمتي بقا شويه ها اكتميييي
ضحكت وكملنا مشي وطلعت الشقه قفلت الباب وغيرت وبدأت أرتب هعمل اي بكره ونمت وانا سرحانه
صحيت 9 لبست الاوتفيت المفضل ليا توب اسود علي شميز وبنطلون اسود وكوتشي ابيض وسبت شعري ونزلت جري
صباح الفل ع المواعيد المظبوطه
هبهررك
طب تعالي ياستي بقا عشان اوريكي شويه حاجات ف الشغل
دخلت وعلمني شويه حاجات كده ولبست تيشرت الشغل وحاجه ف منتهي العسل اخدت كام اوردو معظمهم كان ايس كوفي وقهوه وبعد فرهده كتيره ف نص اليوم عملت لنفسي ايس كوفي وحطيت حسابو ف الخزنه
بتعملي ايييه انتي
خضتني ياحمزه
حمزه اه ضحك وقلي يبنتي انتي من التيم بتاعنا وبقيتي صحبه مكان يعني المشاريب بتعتك فور فري الطم
لا ده خم ده انا لسه تحت التدريب ووارد مكملش ف مينفعشش
لا مانتي طلعتي سريعه وشغلك حلو ف للاسف بقيتي من التيم وورك بتاعنا يستي وبداتي من النهارده كمان
وحياه امك
وحياه امي ياستي
كنت مبسوطه بطريقه لا توصف حبيت المكان بكل حاجه عدا اسبوع وانا ف الشغل ومسحوله وسطهم الناس بقت عرفاني وعملت صحاب من اول اسبوع الدنيا بدأت تضحك ف وشي وعرفتهم اني ف هندسه ديكور وهنزل الجمعه تلت ايام قلولي موفقين وكله زي الفل
اتنين قهوه سوده ياعسل
حضره الظابط بنفسه جاي ياخد قهوه
شوفتي بقا
مختفي بقالك اسبوع يعني يباشا
مشاغل بقا يبنتي وبجري علي عيالي وبتاع
يراااااجل عيالك اه
وحشتيني
ش شغلك بقا عامل ايه
كويس وحشتيني
و احم امك امك ومريم عاملين ايه
عملين بشاميل وجلاش وحشتييينييي
خلاااااص يانجم خلاص وحشتك عقربه
اجمل وارق عقربه والله
ده مدح وله زم يغالي
حب ياغاليه تسمعي عنه وله البعيده بغله
بغله طبعا امسك القهوه والتانيه دي لمين
ليكي ياعسلويه
عسلويه
ضحكنا سوا واحنا بنشرب القهوه بدأت أحس أن قلبي بيتبسط لما بشوفه ازاي انسان قادر يلعب ف دقات قلب انسان تاني وهما لسه عارفين بعض من اسبوعين بس!
حد من أهلك كلمك أو الواد سيف ده كلمك تاني
لالا الحمدلله الأمن مستتب لحد دلوقتي و ياريتك جبت ف سيره ربع جنيه
لقيت عمرو بيتصل كنسلت عشان مش وقته عكننه ودخلت غيرت يونيفورم الشغل ولبست لبسي العادي عشان خلصت الشفت وخرجت انا وزين اتمشينا سوا لحد البيت وكلعاده زي متعودنا خوزيقي بتيجي ف الوقت المناسب الي ببقا مبسوطه في
بتكنسلي عليا
عمرانت انت عرفت مكاني منين و
شششش مش وقته مين الاستاذ الي راجعه معاه ده
ده ده
المقدم زين وجارها ف الشقه دي
شاور ع الشقه وهوا بيضحكله ضحكه صفره كده
اتشرفنا قدامي علي الشقه لينا كلام سوا
ماشي ياعمر اتفضل ادخل
روح انا قدامك اهو ف الشقه لو حصل حاجه اندهي بس تمام
ابتسمتله متقلقش
عمر بصلنا بصه مريبه وفتحت ودخلنا فعلا اول مقفلت شدني من ايدي
بتعملي ايه مع الراجل ده
زعقتله وشديت ايدي ميخصكش وتتكلم منغير مد ايد انت فاهم
الاه دانتي طلعلك صوت اهو هوا مقوي قلبك وله ايه
وحياه ربنا ياعمر لو محترمتش نفسك هطردك انت فاه
قبل مكمل الجمله ضړبني ب القلم وشفايفي اتعورت ف وقتها
انت فاكر نفسك كده راجلهااا شايف نفسك راجل عشان مبتتكلمش غير ب مد الايد
ايوا راجل وڠصب عنك ولو حبه تتاكدي اكتر ممكن اكسرلك عضمك وله يفرقلي
مانت حيوان وتعملها زقيته ف صدره بعصبيه
انتي ايه يابت انتي مبتحرميش
انت الي ايه ياأخي انت الي ايييه وبتعمل كل ده ليه
زقيته للمره التانيه بعصبيه وبدأت اتكلم وانا عيني بدمع واحده واحده
بدأت اتكلم ب زعيق وعتاب ليه مصمم تأذينيليه مصمم متشوفنيش مبسوطه مستكتر عليا كل حاجه ليه
انا دايما كنت ف ضهرك وكنت بدافع عنك قدام بابا رغم انك پتكرهني كنت دايما بأمن بيك وانك شاطر وناجح وبقوله يابابا عمر مفيش زيو وانت ف الخلفيه كنت پتكرهني وبتخطط انت وامك ازاي تكرهو بابا فيا كنت عملتلك ايه عشان الكره ده
متردد ساكت ليهكلامي بيحرقك صح
مسحت وشي ب ايدي وكملت
لما كنت بخرج وبشوف البنات مع اخواتها الولاد بيعملوهم ازاي عيني كانت بدمع كنت بقول اشمعنا انا معنديش كده!! كنت بشوف صور صحابي مع إخواتهم وبشوف بيعملو بعض ازاي وبفتكرك بستغرب الجحود الي انت في وليه واشمعنا!
↚
كل طموحي كان حضڼ منك نخرج ننزل سوا نقعد نحكي واقولك أسراري واسعدك ف اختيار هدومك قبل متنزل نقعد نضرب ف بعض نسهر بليل نطلب اكل من ورا ماما عشان متفتكرش أن اكلها وحش نقعد نرازي ف بعض كل الحاجات العاديه دي انت كنت مخليها امنيات عبيطه بنسبالي
روح انا
انت ايه ياعمر انت ايه وله ايه وله ايه كل مره كنت بتضربني وبتمد ايدك عليا وبتحايل عليك واقولك كفايه تعبت تقولي عشان تتعلمي مترديش وتسمعي كلامي والخ يوم مكسرتلي دراعي كنت بصوت من الۏجع وانت تقولي تستاهلي!!!
تفتكر كل ده ولسه ليك عين تمد ايدك عليا
امشي وسبني ف حالي انا مرتاحه وانا بعيد عنكو ومتخفش اوي كده انا عارفه حدودي فين وزين جاري وبس ومامته واخته عايشين معاه انا متربيه وعارفه حدودي
اه وبالنسبه لجمله اني عملتلكو ڤضيحه لا يحبيبي اطمن مفيش فضايح اقل حاجه ترد بيها ع الي يسالك عليا هتقوله بتدرس ف كليه هندسه ف اسكندريه كليه هندسه الي خرجتوني منها
ابتسمتله ب استهزاء ودخلت المطبخ عملت قهوه
انت لسه واقف مكانك
انا اسف
استوعبت الكلمه وبدأت اضحك ضحك هستيري لدرجه ان عيني دمعت من الضحك
هديت من الضحك وقلتله امشي ياعمر امشي وسبني ف حالي ابوس ايدك امشي ومتقربش مني لأي سبب كفايه!!!!
فتح باب الشقه ونزل قبل مقفل لقيت زين خارج هوا ومريم وجم عليا
انتي كويسه ياروح ايه الي ف وشك ده
الحيوان ده مد ايدو عليكي صح اقسم بالله مهسيبو
كان هينزل ورا وجريت مسكتو انا ومريم
خلاص يازين مبقتش تفرق المهم انو مشي
حقك عليا حقك عليا انا
احنا سمعنا صوتك والي قولتي وحقيقي حقك علينا كلنا
خلاص يجماعه اي الدرامه دي انا زي الفل تعالو تعالو هعملكو قهوه
دخلتهم وهما بيبصولي ب استغراب علي سكوتي عملت قهوه ليهم وخرجنا البلكونه
انتي كويسه بجد
زي الفل يامريومه
روح
كويسه صدقوني انا ارتحت لما قولتله كل الي ف قلبي وخلاص الي حصل حصل
انا
قبل ميكمل تلفوني رن وفتحت لقيته رقم عمر
انت مش لسه ماشي من هنا
ياانسه الشب ده عمل حاډثه وانتي اخر رقم كان مطلعو
ح حدثه اي انت بتقول اي
تعالي اخر شارعبسرعه لو تعرفي
جايه انا جايه حالا
لبست الكوتشي ونزلت جري وهما ورايا اول موصلت اخر الشارع لقيته مرمي ع الأرض والناس حوليه بدأت اعيط ڠصب عني
عمر عمر انت سمعني رد عليا
ر روح
انا هنا انا هنا يحبيبي متخفش كل حاجه هتبقي كويسه اطلبوا الإسعاف يازين اطلب الإسعاف ونبيي
اهدي جايين متخفيش
ر روح انا اسف انا اس
شششش مش وقته مش وقته انت هتبقي كويس فاهم
عمر عمر رد عليا عمررر
يتابع
الفصل الثامن
عمر عمر رد عليا ياعمر
دوشه كتير كل حاجه بتحصل بسرعه حسيت الدنيا بتلف بيا وعمري كله بيعدي قصادي من اول مره شوفت فيها عمر واول خطوه خطيتها وهوا ماسك ايدي
↚
لحد منزلنا المستشفي وبعد وقت معرفش قد ايه الدكتور طلع
مين فيكو روح
انا انا روح
انتي مراتو
لا اختو
بيهلوس ب اسمك من اول مدخل متقلقيش هوا كويس
حصلو كسر ف رجلو وكدمه ف قفصه الصدري هيحتاج فتره راحه مش اقل من شهر
تمام تمام يادكتور شكرا هينفع ندخلو
اه اكيد بس متتكلموش كتير عشان ميتعبش وحمدالله علي سلامته
بصيت لزين وقبل مدخل لسيف قولتله
عايزه ادفع حساب المستشفي
محلوله متشليش هم وال
لا يازين انا الي هدفع فلوس اخويا كفايه تعبك لحد كده
ابتسملي وطبطب علي كتفي ودخلت الاوضه لعمر
انت كويس
انا اسف
في حاجه ۏجعاك
حقك عليا انا
مش وقته ياعمر المهم انك كويس دلوقتي
عايز ارجع القاهره كفايه بهدلتك معايا لحد كده
ترجع فين وانت مدشمل كده بس اتوكس وبعدين متخفش مش هضربك يعني
كلمي حد يبعتلي عربيه وكفايه كده بجد
انا مش هحذرك تاني يحيوان وهترجع معايا علي شقتي
سكت وانا سكت وزين جاب عربيته وجه سندو ونزلنا سوا ودخلنا علي شقتي حطيته علي السرير وهما مشيو
هيا دي صورتنا وله متهيقلي
صوره ايه
الي ع التربيزه دي
ضحكت ب سخريه وقلتله
مش صورتنا لا دي صورتي انا واخويا
انتي هطله وله عندك اخوات غيري
توء واحد واسمه عموره انما انت معرفكش
بصلي ب حزن وسبتو ينام ونزلت اشتريتله اكل وطلعت عملته الاكل ودخلتله
عمر قوم عشان تاكل
عدلته ف قعدته وبدأت ااكلو
بتعملي كل ده ليه
يعني بكسب ثواب فيك
يشيخه
وانا ماشي كلامك كان بيرن ف مخي وحسيت اني زباله ومفهمتش امك كانت لاعبه ف مخي ازاي كده وفجأة محستش غير بحاجه بټضرب فيا وقتها بس اتمنيت انك تسمحيني مش اكتر حقك عليا ياروح
سكت وانا سرحانه قومت من قدامه ودخلت نمت بكل هدوء وصحيت تاني يوم لبست ودخلتله
صباح الفل
صباح النور يحبيبتي رايحه فين
عندي شغل اخر الشارع ده ف كافي لو احتجت حاجه رنلي تمام
تمام خ احم
كان هيقول حاجه بس سكت سبتو وكنت خارجه واول مجيت عند باب الاوضه سمعتو بيقولي
خلي خلي بالك من نفسك ها
ابتسمت وبصيتله وهزيت دماغي ومشيت وانا ماشيه رجعتلي احداث السنين الي فاتت لورا وقد ايه كنا قريبين من بعض واحنا صغيرين في حته من قلبي كانت بتقولي متنسيش ومتسمحيش بس الحته الأكبر ف قلبي كانت بتأكد عليا أنه اخويا وكلنا بنغلط دخلت الشغل بنفس السرحان وبدأت اشتغل وفنص اليوم زين جه
الباشا وخدك مننا ها
حضره الظابط زتونه ليك وحشه والله
ونبي محد وحشني غي نعم يختي زتونه مين
ايه يازين بدلعك
يريتك مدلعتيني يختي جتك وكسه
فضلنا نرغي شويه وكمل معايا بقيت الشفت ومشينا سوا لحد موصلنا عند باب الشقه سلمت عليه ودخلت لعمر عملت اكل وقعدنا ناكل سوا وسط ضحك وهزار كنت محتجالو بقالي سنين خلص اليوم وعدا اليوم الي بعده بهدوء وعدا اسبوعين قربنا فيهم انا وعمر من بعض بشكل مريب مكنتش مصدقه أن علاقه الاخوه الي بينا هترجع ب الشكل ده والسرعه دي وكان بيكلم ماما اوقات يطمنها وبعد تلت اسابيع كانت رجلو بدأت اخف وبيتحرك ونزلت يوم طبيعي ف الشغل و
وحشتيني ياهانم
زتوونه باشا مختفي يعني
يعني شحط قدي وظابط والناس بتخف مني وانتي ياشبر ونص تقوليلي زتونه
برحتشي مختفي ليه بردو
اشغال بقا يبنتي وبتاع طمنيني انتي اي اخبارك
كله زي الفل
عملتي اي مع عموره!
تعالي تعالي اما احكيلك
حكيتله كل حاجه وقد اي قربنا من بعض وبتاع وخلصت الشغل وهوا معايا ومشينا لحد باب الشقه وقلي انو عايز يقعد مع عمر استغربت بس دخلتو
عمووووور في حد جالك
جاي ياروح ثانيه
زين قعد وانا دخلت عملت قهوه لينا احنا ال وطلعت لقيتهم قاعدين سوا بيهزرو! حسيت بملل وانا وسطيهم ف رنيت علي مريم اخت زين وجت
حبيبت قلب ماميييي
وحشتيني ياست كوخه
والله طالع عين امي ادخلي ادخلي هحكيلك
↚
اول مدخلنا وسلمت عليهم وفضلنا نرغي اخدت بالي أن عمر مشلش عينو من علي مريم ف ضحكت
المهم بقا ياض ياعمر ناوي ترجع القاهره تاني وله هتكمل مع روح
والله يازين مش عارفه يعني قبل متيجو كنت بفكر ارجع دلوقتي بفكر استقر
ضحكت بخبث وقلتله اشمعنا يعموره انت معجب ب زين وله ايه
ديق عينه وبصلها وقال مبلاش انتي يواطيه
وله يازين انا وانت قعدين زي الاطرش ف الزفه كده ليه
انا حاسس كده يمريم يحبيبتي اننا بنتقرطس
ضحكنا كلنا ودخلت انا ومريم نعمل شاي ولقيتتها بتقولي
اسكتي ياوعد الاكس بتاعت زين بقالها كام يوم بتكلمو وحقيقي معصباني
الاكس بتاعت مين ياعنيا
ز زين انتي هتبلعيني وله ايه
حطيت ايدي ف وسطي وقلتلها ودي بتكلمو ليه دي انشاء الله
والله معر ايه ده انتي محموقه كده ليه يبت انتي
ه هاهتحمق ليه يختي انا مالي انجري قدامي نطلع الشاي
طلعنا الشاي وانا حسه ان وداني بتصفر من العصبيه بس ويت ويت انا مټعصبه ليه انا مال اهلي
وانتي بقا يمريم بتدرسي ايه
لا استني يامريم انت مالك بختي ياض
الاه احنا فينا من كده يزتونه
ز ايه ياروح امكوحياه امك ياروح ماشي
انت بتستحلفلها وانا قاعد يزينانت هتصاحبها وله ايه
لا هتجوزها يحبيب قلب زين
شرقت وانا بشرب الشاي وبرقتلهم وقلهم برقولي و
يتابع نيهاهاهاها
الفصل الثامن
لا هتجوزها يحبيب قلب زين
شرقت وانا بشرب المايه وبصتلهم
علي بركه الله يزين يخويا انا كده كده حبيتك
ايوا يازين انا موفقه يلا ونبي وروح تعيش معانا ونبي ونبي
كبرتو الموضوع والله ياشباب انا مش مستني موفقتكو وله موافقتها انا اوريدي متجوزها ف دماغي
فضلت متنحه لحد اخر جمله وبدأت اضحك وكلهم بيضحكو علي ضحكي وعلي اخر جمله
والله دمك يلطش
واضح من ضحكك يقلبي اه
قلبك اه
قلبو اه
قلبك اه
بغبغانات اه المهم يعني عايز اتجوزها خلصونا
انا هقوم اعملنا شويه قهوه عشان زين شكلو مچنون دلوقتي
جريت ع المطبخ وشغلت ام كلثوم جمبي وقبلتك انت لقيتك بتغير كل حياتي معرفش ازاي حبيتك معرفش ازاي ياحياتي!!! فضلت اغني معاها ولقيت صوته ورايا
وانا كمان
اتكلمت وانا باصه للقهوه ومدياله ضهري وانت كمان ايه يغالي
معرفش ازاي حبيتك!
انت لسه مچنون
انا بحبك ياروح ومش عارف امته وازاي وفين بس الي متاكد منه اني بحبك بجد!! بحب عشوائيتك وكركبتك وبحب دماغك الي عارفه تحسبها صح امته وأمته بتقرر تكرف لكل حاجه حته لو حاجه كبيره بحبك بكل عبثك وواقع فيكي من اول مره قفشتك عند الباب وانتي متوتره زي الحراميه
لفيته وانا مدمعه وضحكت هوا كلام يحترم وعيني دمعت وكل حاجه بس ده مدح وله زم يابو عمو
الاتنين والله ياست احسان
احسان دي تبقا خالتك اطلع برا ياض
طب بالنسبه لبحبك وشويه المشاعر الي حدفتهم عليكي طيب
اطلع بره عشان هنرش ميه نااااار
طب ومشاعري يافنانه
قرقشتها هيخوهيخو
بصلي بقرف وخرج بره والقهوه شبه فارت شبه اي هيا فارت فعلا ابو شكلك يازين عملت غيرها وانا سرحانه وقلبي بيدق وأقسم بالله هوا لو دق الدقه الي ف بالي لأكون طرباه ب الجزمه
ايوا جاااي اربعه قهوه وصحبووو
صحبومش كانت صبحو وله غيروها
غمزتله وقلتله ششش اعمل نفسك مسمعتش
غمز هوا كمان وقلي عنينا ليك ياعسل
متحرش ف صاله بيتي ارحمنا يااااارب
واحنا بنهزر خدنا بالنا أن مريم وعمر مش مركزين معانا اصلا ومندمجين ف الكلام مۏت يعني محسسنا اننا شفافين
ولا يازتونه هناك قصه حب تحت الانشاء تحدث ف صاله بيتي
هيا تحت الانشاء
↚
وهتنتهي حالا يقلب زتونه
قبل مركز هوا هيعمل اي لقيته قام فاجأه وزعق
مهو بصوا بقا مبدئيا كده اقسم بالله الجموسه دي لو متجوزتنيش قصه حبك انت وهيا محكوم عليها ب الفشل من دلوقتي استبينا
طبعا كلنا عارفين انو شاور عليا ف حتت الجموسه
حبيب قلبي رومانسيي مۏت
بعيدا عن قطعه الخلف الي قطعتهالنا بصوتك العالي ده ف قصه حبي انا ومريم نشأت النهارده ومش هتنتهي يروح امك
بصينا انا ومريم لبعض واتفتحنا ف الضحك مره واحده وقومنا انا وهيا سوا
اضربي كف علي كف يابنتي ده شكلهم علي الله خالص
انا اول مره اشوف تخلف كده قومي قومي
دخلنا البلكونه سوا واحنا بنضحك وبدأنا نتكلم علي كلياتنا وهنهمل اي وبتاع لحد م
بتحبي زين صح
بتحبي متمثليش عليا ياواطيه
والله يمريم مش عارفه احدد حسه اننا بنجري يعني لسه بدري علي الحب والهبل ده بس
بس
اخدت نفس وسندت ب ايدي علي سور البلكونه واتكلمت ب سرحان بس برتاح ف وجوده وبحب عبطو ف الكلام هوا اه حيوان ومتحرش ومش متربي ومبيفهمش وهمجي بس تلقائيته شداني حنيته الي بتبان ف عينو قبل كلامو بتشدني ڠصب عني نحيتو حسه انو انتشر ف حياتي فاجأه بلا مقدمات ودي حاجه تخوف بس بتطمن ف نفس الوقت فهماني
دانتي واقعه بقا
لا مش لدرج مريم انتي صوتك تخن كده ليه
صوتي تخن اه
لفيت بسرعه وبخضه لقيته زين وواقف جمب مريم وحضنين بعض
بالله عليكو لتتجوزو انا عيني دمعت
ونبي تتجوزيني ياابله انا كمان عيني دمعت
طب ونبي انتو فهموني حضنين بعض كده ليه
اتاثرنا باين اوعي كده يبت
زق مريم وخرجت ووقفنا سوا نضحك تحت توتري عشان سمع العبث بتاعي وبعد شويه خد مريم ومشيو سهرنا شويه انا وعمر فضلنا نتكلم عليهم شويه وبعدها نمنا وعدا اسبوعين بعد الكلام ده فكينا جبس عمر فيهم وبقينا بنتجمع كتير احنا ال وطنط مامات زين مكنتش طايقه عمر بأي شكل من الأشكال تحت حكم الي عمله فيا بس بعد معرفتو واخدت عليه ولحظت انو حنين بجد وكان ملعوب ف دماغو حبتو اكتر مني تقريبا حياتي فاجأه اختلفت من أيام مقرفه ل ايام حلوه ودافيه فيها حنيه وبحقق جزء من احلامي فيها
انا لازم اسافر ياروح هشوف ماما وهرتب دنيتي وشكلي كده شكلي هرجع استقر هنا
لازم تسافر
ڠصب عني
عمر اوعا تروح وترجعلي متغير تاني انا مصدقت رجعتك ليا تان
ششش انا عمري مهرجع للشخص الزباله ده تاني متخفيش
عمر مشي وانا حطه ايدي علي قلبي ليسبني ويرجع متغير عدا شهر بظبط وعمر مبيكلمنيش فهمت نسبيا أن ماما لعبت ف دماغو تاني ورجعت قلقانه كملت ف شغلي ودراستي ونزلت تدريب تبع الشغل وقربت انا وزين من بعض بزياده كنت بطمن ف وجوده دايما اكتر من اي حاجه كنت بدخل اقعد عندهم مببقاش عايزه امشي من كتر مانا مرتاحه لحد منزلت الشغل ف يوم ورجعت انا وزين
يلا ياعم بيتك بيتك بقا
بقا كده يعني
↚
ايوا يعسل كده ونص
قبل مندخل لقينا باب شقته بيتفتح وعمر خارج من عندهم!!
ع عمر انت بتعمل اي هنا وجيت امته و
بس بس وحدي الله وخدي نفسك في ايه جيت من سعتين ياستي وطنط حنان مخلتنيش ادخل غير لما ترجعي
بصيتله ب نص عين كده انت كويس
زي الفل
بتعمل اي ف بيتنا بردو
ابدا اختك كانت وحشاني ف قولت اطمن عليها
لقيت زين مسكو من لياقه القميص
وحشتك عقربه متتلم وتظبط نفسك بدل مظبطك
طب متيجي نتفق انا اجوزك اختي وانت تجوزني اختك ونبقا استبينا
زين ساب عمر وبصلي وبص لمريم ولطنط وقال
ثفقه مربحه الحقيقه يلا علي بركه الله
اي العبث ده انا مش موفقه
الفصل الأخير
ثفقه مربحه الحقيقه
يلا علي بركه الله
ايه العبث ده انا مش موفقه !!!
جء شهر وزين استيل مختفي ومحدش بيجيب سيرتو لحد مقررت اكلمو
الو
زين انا روح
زين مش موجود انا صحبو وحاليا احنا ف مأمورية
سمعت الكلمتين وقفلت من سكات زين مختفي الوقت بيعدي وعدا علي المكالمه دي بظبط خمس شهور ف الخمس شهور حصل احداث كتير من ضمنهم اختفاء زين مامتو تعبت ومسبتهاش انا وعمر ونزلت تدريب ف الكليه والسربرايز اني اجرت مكتب ب اسمي للديكور وجالي اول طلب اني اجهز خطوبه ع البحر وكان طلب محبب لقلبي جدا خطوبه وع البحر ياالللهه
مريم محتجاكي معايا
تحت امرك يهندسه
انا جالي اول عرض شغللللل هنعمل خطوبه لحد علي البحر
اوعا وووووشك
بصي بقا عايزه انزل اجيب الحاجات الي هتلزمني واكلم الناس الي هتركب كل ده و هوا زين لسه مرجعش يمريم
محدش فينا بيعرف يوصله هوا كان قايلنا ع المأموريه دي بس متوقعناش تيجي بسرعه
سكت تاني وزعلت عشان مقليش جبت الشغل الي هيلزمني وكلمت الي هيظبطو الديكور وكلمت العريس قولتله التفاصيل وصورتله كل حاجه طلبت منه كذا صوره لي هوا والعروسه عشان اعلقهم بس رفض وقلي عشان السربرايز متبوظش!!!! العريس كان مجهول بنسبالي مشفتهوش ظبط كل حاجه ونزلت المكان اعمل اخر تظبيطات في
تحفه ياجماعه بجد مش عارفه اشكركو ع المجهود ده قد ايه!!
شكرت العمال الي معايا وبصيت ع المكان اخر بصه ونزلت اشتريت ورد احمر عشان اعلقو بنفسي جبت كميه لذيذه كنت حسه ان المكان محبب لقلبي عشان اول مره اشتغل بنفسي علقت الورد ورشيت ورد ع الأرض عشان الخطوبه كانت النهارده المكان كان خيالي كل حاجه مظبوطه ب الشعره والغريبه اني اتمنيت المكان ده يكون مكاني انا وزين
الو
مساء الخير ياانسه روح
مساء النور ياعريسنا المكان عجبك
جدا تسلم ايدك انا بكلمك بنفسي عشان اعزمك انتي لازم تيجي
صدقني كان نفسي بس عندي مشاو
لالا مش هقبل اعتذارات دانتي لازم تحضري بجد ولازم كل الناس تشوف مين صحبه المجهود الجبار ده هستناكي الساعه 8 بليل
معرفتش اهرب منو طلعت دريس بسيط يليق ب أجواء المكان لبست دريس اسود هادي وحطيت ميكب خفيف وسبت شعري مفرود وخرجت البلكونه علي امل الاقي زين!!! وكلعاده ملقتهوش نزلت واتحركت ع المكان ضربات قلبي كانت سريعه بلا سبب وصلت والمكان كان فاضي!!!
انا جيت بدري وله ايه
كنت بكلم نفسي وببص حوليا المكان فاضي والورد بيطير حوليا فين المعازيم يجدعان متهزروش فضلت واقفه ببص علي البحر ومديه ضهري للمكان وانا وقفه ف النص وفاجاه حسيت بحد ورايا حد البرفيوم بتاعو مش غريب عليا حد بيزود ضربات قلبي لمجرد احساسي بأنه ف نفس المكان الي انا في
وحشتيني
لفيت بسرعه وانا مخضوضه من صوته
زين!!!
↚
قلبو
انت ازاي و امته و انا كلمتك كتير واستنيتك و
حقك عليا مكنش في وقت اكلمك بس كنت بطمن عليكي من مريم لما بكلمهم
جيت امته
امبارح و
استنا بس انت بتعمل ايه هنا
الاه مانا لازم ابقا هنا
ي يعني ايه
فضل باصص عليا لفت نظري البدله السوده الي هوا لابسها وفاجاه طلع حاجه من جيبو ونزل علي الارض واحيه!!!
انا مش عارف انتي ډخلتي حياتي امته وازاي وشقلبتي كل الموازين دي منغير مجهود منك ازاي!! كل الي اعرفو اني بحبك وبحب كل الاوقات الي بتبقي جمبي فيها ولو موفقتيش تتجوزيني هحبسك عمتآ
عيني كانت بتلمع من الدموع مش قادره احدد
احساسي كان بيقول اي غير أن قلبي بيرقص لأول مره احس اني عايشه وباخد حاجه بحبها
انت فصيل علي فكره
طب هاا هتتجوزيني وله احبسك
هتجوزك يابن العبيطه
لبسني الخاتم ومحستش بنفسي غير
وانا بحضنو لاول مره بعد وقت طويل اوي احس اني مطمنه ومرميه ف حضڼ حد شايل كل حاجه ومقسمني كل حاجه احساس انك ف حضڼ حد
بتحبو ده الذ واجمل واطعم احساس ف الدنيا وفاجاه وهوا حضڼي سمعت تسقيف
اي ده اي دددده
ابدا يحبيبتي دي خطوبتنا بس
ضحكت ضحك هستيري لما لقيت صحابو وصحابي ومريم وعمر وطنط جريو عليا وحضنوني وبدأت المبركات والكلام ده وبعدها الاغاني اشتغلت وبدأنا نرقص كلنا تحت أجواء من الانبساط الغير عادي وسط ناسك وصحابك الي اقل ميقال عنهم اهلك مش صحابك جو خالي من التنشنه يوم انبساط وبس
وشوشت زين وقولتله بحبك علي فكره
بمۏت فيكي علي فكره
تمت