رواية المتعة الحرام سامي وشاهي الجزء الثالث كاملة جميع الفصول بقلم عادل عبدالله

رواية المتعة الحرام سامي وشاهي الجزء الثالث كاملة جميع الفصول هى رواية من تأليف المؤلفة المميزة عادل عبدالله رواية المتعة الحرام سامي وشاهي الجزء الثالث كاملة جميع الفصول صدرت لاول مرة على فيسبوك الشهير رواية المتعة الحرام سامي وشاهي الجزء الثالث كاملة جميع الفصول حققت نجاحا كبيرا في موقع فيسبوك وايضا زاد البحث عنها في محرك البحث جوجل لذلك سنعرض لكم رواية المتعة الحرام سامي وشاهي الجزء الثالث كاملة جميع الفصول

رواية المتعة الحرام سامي وشاهي الجزء الثالث كاملة جميع الفصول

تذكير بأحداث نهاية الجزء الثاني

مرت الايام وكانت تتذكر عايدة دائما ادعائها لاصابتها لهذا المرض عندما ارادت تضليل سهام !!! وها هي تصاب به بالفعل !!!

حاولت عايدة التقرب من ربها لعله يشفيها .

تذكرت عايدة انانيتها التي جعلتها تخدع الجميع وتنسج خيوط خطة محكمة للاستيلاء علي زوج صديقة عمرها حتي وصل بها الحال لأن اوصلته لتطليقها !!!

شعرت عايدة بالندم الشديد علي افعالها حتي قررت اصلاح جميع افعالها وابراء ذمتها امام ربها وامام الجميع مهما كلفها ذلك حتي ولو انهارت حياتها التي حلمت بها كثيرا كليا .

وذات يوم انتظرت عايدة رجوع سامي من عمله ثم قالت له : تعالي يا سامي عايزة اقولك كلام مهم اوي .

سامي : خير يا عايدة مالك فيه اي ؟؟

ثم حكيت له عايدة كل ما دبرته وخططت له من بداية طلاقها من صلاح وتفكيرها بالارتباط به و حتي رجوع سهام حتي تدبير لقاء مزيف بين سهام وبين وائل واقسمت له ان كل ما فعلته كان بسبب حبها الشديد له واقسمت بأن سهام بريئة تماما وان خطئها الوحيد كان انها تعرفت علي وائل ولقائه مرة واحدة فقط وانها لم تخونه ابدا .

سامي شعر بالظلم الذي وقع علي سهام وفي نفس الوقت بالشفقة علي عايدة المريضة التي تحاول ابراء ذمتها قبل لقاء ربها او لعلها تنال الشفاء .

سامي : بصي يا عايدة انا وانتي دلوقتي لازم نروح لسهام ونصلح اللي حصل علشان نرفع الظلم عنها .

عايدة : ياريت يا سامي ، نفسي احس اني صلحت كل الاخطاء اللي اخطأتها .

سامي : طيب يلا قومي البسي ويلا نروحلها دلوقتي حالا .

اتفاجئت سهام بزيارة سامي وعايدة لها في منزل والدتها !!

وشعرت بعودة كرامتها وحقها المسلوب لها بعد رفع الظلم عنها .

تذكرت سهام بداية كل تلك الكوارث التي اصابتها بسبب لحظة ضعف شعرت فيها باهمال زوجها لها فاندفعت دفعا بحثا عن المتعة الحرام في طريق شؤم كل خطوة فيه كانت تخطوها علي الاشواك .

وبعد عدة اشهر شعرت سهام ببعض الالام فذهبت للطبيب وهناك علمت بأنها حامل !!

عندما اخبرت سامي وعايدة بحملها ضحك سامي وقالها : المرة دي نفسي في بنت جميلة زيك يا سهام علشان يبقي عندي ولدين وبنتين .

باركت عايدة لسهام حملها وسط سعادة بالغة من الجميع .

الجزء الثالث

للكاتب عادل عبد الله

الحلقة الاولي

مرت شهور الحمل وأنجبت سهام بنت جميلة كما تمني سامي واسماها ” سالي ” لتكتمل امبراطورية حرف السين ” سامي وسهام و سلمي وسليم واخيرا سالي ” .

وتواعدت سهام مع سامي علي عدم فتح الحديث في احداث الماضي وكأنها لم تكن ليكملوا حياتهم في هدوء .

وفي هذا الوقت كان المرض يزداد قسوة علي عايدة حتي صعدت روحها الي خالقها وفارقت الحياة بعد أن تابت و ندمت علي كل اخطائها .

وبالرغم من قسوة صدمة سهام من خيانة صديقتها عايدة لها ألا انها حزنت بشدة عند وفاتها .

وأخذ سامي ابنه ادهم ليعيش مع سهام وباقي ابناؤه .

أخذت سهام ادهم وبدأت بالاعتناء والاهتمام به مثل بنتها سالي تماما .

وكان جود طفلين صغيرين ” سالي وادهم ” في سن الطفولة المبكرة بالاضافة لأولادها سليم وسلمي ضاعف من المسئولية الملقاه علي عاتق سهام .

أخذ الأبناء كل وقت و اهتمام سهام وبدأت في اهمال نفسها شيئا فشئ وبالتالي قل اهتمامها بزوجها حتي اهملته كليا !!

شعر سامي بالضجر الشديد بسبب اهمال سهام له ولنفسها ، وحاول لفت انتباهها اكثر من مرة ، حتي جاء يوم وأعلن لها عن ضجره وقال لها …

: سهام ، انا كده مش موجود في حياتك نهائي !!!!!

سهام : ازاي يا حبيبي تقول كده ؟!! ده انت حياتي كلها .

: ده كلام بس يا سهام ، انما الحقيقة انا بقيت مش موجود ، انتي مش واخده بالك أنك اهملتيني نهائي كأني مش موجود فعلا ؟؟

: معلش يا حبيبي اعذرني ، الولاد لسه صغيرين وطلباتهم كتير اوي لدرجة أني كتير مش بعرف انام ساعتين علي بعضهم .

: وانا فين يا سهام ؟ انا بقيت حاسس نفسي اني عايش عازب مش متجوز .

: معلش يا حبيبي ، بكره يكبروا وافضالك ونعيش شهر عسل جديد ، فرفش بقي مش بحب اشوفك متضايق كده .

: معقول كل الستات اللي عندهم عيال بيهملوا اجوازهم كده وبيهملوا نفسهم بالشكل ده ؟!!!! بصي كده في المرايا شوفي شكلك بقي ازاي ؟!!

: خلاص يا سامي اوعدك ههتم بيك وبنفسي اكتر من كده .

: ياريت يا سهام ، لأني مش قادر اتحمل اكتر من كده بجد .

: حاضر يا حبيبي ، اضحك بقي علشان خاطري .

مرت ايام كثيرة وزاد اهمال سهام الغير متعمد لزوجها .

وأصبح يشعر سامي بالوحدة !! عندما يعود لمنزله كانت سهام دائما مشغولة مع الاولاد فيجلس يلعب معهم قليلا ثم يبدأ مشواره مع الوحدة فيتنقل ما بين هاتفهه والتليفزيون حتي ينام !!!

ومرت الايام حتي جاء يوم لتشاهد سهام سيارة كبيرة لنقل الموبيليا تقف امام العمارة ويبدأ العمال في نقل الموبيليا والمنقولات الي الشقة الملاصقة لشقة سامي وسهام .

سهام وقفت في النافذة وتتابع بشغف !!!

سامي : في ايه يا سهام بتعملي ايه ؟

سهام : الشقة اللي جنبنا شكلها سكنت وجالنا جيران جديدة .

سامي : وعرفتي ازاي ؟

سهام : شايفة ناس بيطلعوا عفشهم في العمارة .

سامي : الواحد زهق كل سنة او سنتين نلاقي جيران جديدة ، صاحب الشقة بيأجرها لمدة سنة وبالكتير سنتين ويمشي السكان ويجيب سكان جديدة مكانهم !!!

سهام : فعلا يا سامي احنا سكن جنبنا جيران كتير اشكال والوان ، استني بقي لما اشوف الجيران الجداد شكلهم ايه ؟

وبعد دقايق ….

: تعالي يا سامي ، تعالي بسرعة .

: في ايه ؟

: تعالي شوف جارتنا الجديدة شكلها ايه !!!

: ماله شكلها ؟ وانا هعمل ايه بشكلها !!

: بس تعال بص بسرعة .

: انتي شايفاني مجنون زيك !! يلا اقفلي الشباك وادخلي وبطلي هبل .

: علشان خاطري تعالي بص .

سامي شعر بوجود شئ غير طبيعي ، قام وقف جنبها وسألها : في ايه ؟ قومتيني ليه ؟

: بص تحت قدام العمارة .

: بصيت اهو ، فيه ايه بقي ؟؟

: شايف جارتنا الجديدة ؟ اهي اللي لابسة نضارة شمس وشعرها اصفر .

” شعر سامي بالصدمة ولم يصدق عينيه !! الجارة الجديدة جمالها لا يوصف !!! جميلة جدا حرفيا !!

طويلة ممشوقة القوام ، انيقة ، شعرها ناعم ، اصفر وطويل ، شقراء ، جمال خيالي يشبه نجمات السينما العالمية !! ”

سامي : مين اللي قالك أن دي جارتنا الجديدة ؟

سهام : ماهو باين اهو ، بتكلم العمال وتقولهم يحرصوا علي العفش وبتحذرهم ان اي حاجة تتكسر منهم .

سامي : وفين جوزها واولادها ؟

سهام : جوزها اللي واقف بعيد ده ومعاه ولد وبنت صغيرين .

سامي : ده شكله طيب و باين عليه محترم .

سهام : ايوه ، بس مراته شكلها شخصيتها قوية ومسيطرة عليه .

سامي : كل ده عرفتيه من قبل حتي ما يدخلوا العمارة ؟!!!!

سهام : ايوه طبعا ، ما انت عارف مراتك بتعرف كل حاجة بسرعة ، بس اوعي يا سامي تبصلها !! هدبحك !!!

سامي : لا يا حبيبتي متخافيش ، ما انتي عارفة انتي مالية عينيا وكل دنيتي ومش ممكن ابص لغيرك ابدا .

: بطل تضحك عليا يا سامي بكلامك ده ، ومش عاوزين نفتح في اللي فات ولا نسيت عايدة ؟ !!!

: الله يرحمها ، دي كانت ظروف وعدت .

: اه الله يرحمها ، بس خلي بالك يا سمسم الست جارتنا دي شكلها مش سهلة ، لو شوفتك بصتلها هنزعل مع بعض !!

ضحك سامي وقالها : متخافيش يا حبيبتي مش هبصلها ، ولو شوفتها بالصدفة كمان هغير وشي للناحية التانية .

: بطل هزار ، انا بتكلم جد .

: حاضر يا حبيبتي ، انا كمان بتكلم جد ، متخافيش انا وعدتك .

تاني يوم رجع سامي من الشغل لقي سهام بتمسكه من ايده وبتقوله : تعالي أقعد احكيلك اللي عرفته .

: خير يا سوسو ، عرفتي ايه ؟

: شاهي كانت هنا النهاردة .

: شاهي مين ؟

: شاهي جارتنا الجديدة .

: هي اسمها شاهي ؟

: ايوه ، ما انا عرفت عنهم كل حاجة .

: ازاي ؟

: مش انا لسه بقولك انها كانت هنا النهاردة يا حبيبي !!

سامي كاد أن يجن جنونه من كلامها وقالها : من اول يوم دخلتيها شقتنا يا سهام ؟!! مش احنا اتفقنا قبل كده ان مش يكون لنا اختلاط بالجيران ونعيش في حالنا !!

: اصل انا ..

: من غير ما تقولي أي حجج فارغة ، انا قولتلك يا سهام مش عايزك تروحي شقة حد ولا تدخلي حد شقتنا !! حصل الكلام ده ولا لأ ؟؟!!

: يا سمسم يا حبيبي ده انا كنت بتعرف عليها بس علشان أعرف جيرانا الجداد شكلهم ايه ، والحمد لله عرفت عنهم كل حاجة .

سامي ” متهكما ” : طيب مبروك يا ستي ، انا بقي مش عايز اعرف عنهم حاجة ، يلا بقي بعد اذنك قومي جهزي الغدا علشان هموت من الجوع .

: انا عرفت ان اسمها شاهي و بتشتغل تلي سيلز من البيت عندها ٢٧ سنة ومتجوزة نشأت جوزها ده من ه سنين شغال مهندس ميكانيكا معدات وعندهم لوجي ورامي اولادهم لسه في الحضانة .

: يا سهام بقولك مش عايز اعرف عنهم حاجة .

: شاهي اساسا امها اوكرانية وابوها مصري لكن اتولدت وعاشت في مصر طول عمرها ، علشان كده طالعة حلوة اوي زي مامتها ، بيضا اوي زي الأجانب ، عارف ده انا اللي اسمي ست شوفت دراعها اتهبلت !!! دي تلاقي جسمها من جوه ابيض زي الشمع ، هما الاجانب كده حلاوتهم زيادة اوي .

: طيب كفاية !!! كده عيب الكلام اللي بتقوليه ده يا بنتي ، يلا قومي هاتي الغدا انا راجع من الشغل واقع من الجوع .

بمجرد ان انتهت سهام من كلامها استيقظ الشيطان النائم في رأس سامي !! واصبح لديه شغف قوي ان يري جارته الحسناء شاهي عن قرب ويتحدث معها .

كان للفتور العاطفي الذي يعيشه نتيجة انشغال سهام عنه بالاولاد واهمالها له بالغ الأثر عليه .

بدأ يحاول يراقب شاهي عن بعد !!

غرفة نومه كانت ملاصقة تماما لشقة الجيران لا يفصلهم الا الحائط !!

انتظر حتي غرقت سهام في نوم عميق وكان مازال سهران ، قام و خرج الي البلكونة ليقف قليلا لعل جارته الجديدة الحسناء تظهر !!

ولكن كانت بلكونتها مغلقة ، اشعل سيجارة ووقف يدخنها.

وبعد دقايق خرجت الجارة الحسناء الي البلكونة لثواني وكانت ترتدي شئ ما يظهر اذرعها !!! لكنه لم يستطيع تحديد ما ترتديه بدقة لشدة الظلام .

لكن ايديها كانت بيضاء لدرجة انه تخيل انها تشع نور في الظلام !!!

وقفت جارته لثواني ونظرت ناحيته ودخلت بسرعة واغلقت البلكونة .

انتهي سامي من سيجارته واغلق البلكونة ودخل ينام بجانب سهام .

كانت مازالت شاهي التي لم يحدد ملامحها بدقة بعد مازالت في خياله . سامي اغمض عينيه ونام ، وبدأ يتخيلها …

استيقظ من نومه صباحا كعادته وسهام جهزت له الطعام وارتدي ملابسه وخرج الي عمله .

وطوال اليوم كان يفكر في جارته الجميلة ويتمني رؤيتها عن قرب وان يتكلم معها ، وكأنه شعر بنفسه انه قد عاد مراهق من جديد !!

ومر أكتر من يوم وكل يوم كان يعود سامي من عمله ويستمع لكلام سهام وحكاياتها عن جارته الجديدة .

: شوفت يا سامي .

: ايه يا سوسو ؟

: كلامي طلع صح زي ما توقعت بالظبط .

: كلام ايه ؟؟

: شاهي جارتنا طلعت شخصيتها قوية ومسيطرة ، انما نشأت جوزها طلع عديم الشخصية فعلا .

: عادي يا حبيبتي ، كل اتنين حياتهم بتمشي حسب شخصياتهم وحسب اتفاقهم و راحتهم مع بعض .

: ايوه ، تعرف اني معجبة بشخصيتها اوي .

: ليه بقي ؟

: الست دي حلوة في كل حاجة ، جميلة ومهتمة بنفسها ، وفي نفس الوقت مش بتضيع وقت وبتستفيد بوقتها في شغلها .

: طيب ما تحاولي تفهمي منها طبيعة شغلها ، ولو قدرتي تعملي زيها يبقي كويس جدا .

: بجد يا سامي ؟؟

: ايوه ، ما دام هتعملي شغلك من البيت انا مش عندي مانع .

تاني يوم الصبح سامي كان خارج ذاهبا الي عمله وبمجرد أن نزل بالاسانسير اتفاجئ بشاهي واقفة امامه !!!

: صباح الخير .

: صباح النور .

: انا جارك سامي اللي في الشقة اللي جنبك .

: ايوه انا عارفة حضرتك وعارفة انك جوز سهام .

: حضرتك نازلة بدري كده ليه ؟!! فيه حاجة ؟ ممكن اساعدك ؟

: لا ابدا دا انا كنت بوصل الاولاد للحضانة .

: تمام ، عموما احنا جيران ولو احتجتي اي حاجة في اي وقت انا تحت امرك .

: ربنا يخليك ، كلك ذوق .

: انا حظي حلو اوي اني اشوف الجمال ده علي الصبح .

: ربنا يخليك .

: استأذنك انا بقي علشان ألحق شغلي ، مع السلامة يا مدام .

: الله يسلمك .

تركها وانصرف ثم عاد ونظر خلفه فكانت مازالت عينيها معلقة به !!!

تعلق سامي بها وبنظرة عينيها !!

كانت فيها شئ يجذب عين اي رجل !! بل تخطف قلبه بكل سهوله ويسر .

عرف ان موعد نزولها باولادها للحضانة يوميا قريب جدا من ميعاد نزوله للعمل ، فقال في نفسه ” اكيد انه سعيد الحظ لأنه ستتاح له فرصة رؤيتها كل يوم صباحا !! ” .

وطوال الوقت كان يفكر فيها وفي جمالها الذي لم يري مثله ابدا .

عيونها الملونة التي لم يري في جمالها ابدا ، ونظرتها المثيرة المشتعلة التي تخطف القلوب جعلته أسيرها بلا مقاومة !!

وحين عودته من عمله كان يخرج يقف في البلكونة علي فترات لعله يصادف وأن يراها .

في اليوم التالي رتب سامي موعد نزوله علي نفس موعدها بالدقيقة .

بمجرد أن شاهدها ابتسمت له وقالت : صباح الخير يا استاذ سامي .

: احلي صباح ده ولا ايه !! انا كده اكيد حظي حلو اني اشوفك يومين ورا بعض في نفس الميعاد .

: ده انا اللي حظي احلي يا استاذ سامي ، تقريبا كده هنتقابل كتير في نفس الوقت ده .

: ما بلاش كلمة استاذ دي وقوليلي سامي علطول أحنا جيران .

: ماشي يا سامي ، انت اتعرفت علي جوزي نشأت ولا لسه ؟

: بصراحة لسه .

: طيب ما تبقي تجيب سهام مراتك و تشرفونا و تقعدوا معانا شوية وتتعرفوا علي بعض ؟

: يا ريت ، لكن انا مش عارف مواعيد جوزك .

: هو بيخرج يروح الشغل قبل دلوقتي بنص ساعة وبيرجع حوالي الساعة ٦ اخر اليوم ، ممكن تشرفونا حوالي الساعة ٨ كده كويس جدا .

ضحك وقال لها : تمام اوي ، انا كده هستني الساعة ٨ من دلوقتي .

ضحكت وقالت : واحنا كمان .

↚

: طيب ما تبقي تجيب سهام و تشرفونا و تقعدوا معانا شوية وتتعرفوا علي بعض ؟

: يا ريت ، لكن انا مش عارف مواعيد جوزك .

: هو بيخرج قبل دلوقتي بنص ساعة وبيرجع حوالي الساعة ٦ اخر اليوم ، ممكن تشرفونا حوالي الساعة ٨ كده كويس جدا .

ضحك وقال : تمام اوي ، انا كده هستني الساعة ٨ من دلوقتي .

ضحكت وقالت : واحنا كمان !!

اتصل سامي اثناء اليوم ب سهام وسألها : انتي عملتي ايه مع جارتنا الجديدة في موضوع الشغل ؟

: بحاول افهم منها طبيعة الشغل ، لكن اللي فهمته لحد دلوقتي انه سهل لكن محتاج تدريب شوية .

: طيب ابقي خليها تدربك لما تكوني فاضيه .

: انت يا سامي مش كنت رافض اننا نختلطت بالجيران !! ولا غيرت رأيك ؟

: مادام في شغل وأكل عيش مفيش مانع .

: طيب ماشي يا سامي ، علشان كنت تسمع كلامي لما كنت بقولك ان احنا مش هينفع نعيش وحدنا .

: فعلا انتي عندك حق ، بالمناسبة بقي انا شوفتها وانا نازل النهاردة الصبح و عزمتني انا وانتي عندهم النهاردة .

: وانت عايزنا نروح عندهم ؟

: وفيها ايه !! علشان اتعرف علي جوزها ، وانتي تفهمي منها الشغل اكتر لغاية ما تفهمي منها الشغل كويس .

سهام ردت بعصبية : مش انا قولتلك مش عاوزاك تبصلها ؟؟

: انا مش بصيت لها ، احنا اتقابلنا صدفة وانا نازل للشغل الصبح واتكلمنا عادي ، وبعدين يا قلبي قولتلك مليون مرة مفيش داعي للغيرة الاوفر بتاعتك دي .

: غيرتي الأوفر !!! وانت نسيت اللي حصل من عايدة ؟؟

: بعد اذنك مش عايزين نفتح في القديم زي ما اتفقنا قبل كده علشان ولا انا ازعل ولا انتي تزعلي ، اللي فات مات خلاص .

: ياريت يا سامي ، بس ياريت بردو تحترم رغبتي ومش تبصلها تاني .

: ممكن افهم بقي دي غيرة ولا عدم ثقة في نفسك ؟

: لا يا حبيبي انا واثقة في نفسي كويس جدا .

: طيب خلاص مادام واثقة في نفسك مفيش داعي تزوديها للدرجادي وتنكدي علينا .

: انت مصمم تضايقني يا سامي ؟؟

: لا يا قلب سامي ، بس مادام واثقة في نفسك وواثقة فيا وشايفة انها انسانة محترمة لازمتها ايه بقي الغيرة الأوفر دي ؟!

: ماشي يا سامي مش هزودها وهنروح عندهم النهاردة كمان علشان تتعرف يا حبيبي علي جوزها زي ما بتقول ، بس اعمل حسابك لو لعبت بديلك هقطعهولك . سامع يا سامي ؟ لو لعبت بديلك هقطعهولك .

: متخافيش يا قلبي خلي عندك ثقة فيا وفي نفسك .

: ماشي يا سامي ، لما اشوف اخرتها معاك .

عاد سامي من عمله وكله حماس وشغف أنه لأول مرة سيدخل شقة جارته المثيرة ويجالسها لفترة طويلة ويشاهد جمالها عن قرب .

تناول سامي وسهام الغداء سريعا ثم ذهبوا لجيرانهم .

دخل سامي مع سهام عند جيرانهم وكان في منتهي السعادة ، واستقبلهم جاره نشأت وزوجته الجميله بالترحاب وجلسوا جميعا في جلسة عائلية جميلة .

اكثر ما لفت انتباه سامي ملابس جارته ، بالرغم من انها كانت ملابس غير عارية و لكنها كانت ضيقة ومثيرة !! اما زوجها فكان متقبل ذلك بشكل عادي بالرغم وجود رجل غريب بينهم !!!

زال تعجبه حين لاحظ ان زوجها ضعيف الشخصية جدا امامها ، وانها تقريبا مسيطرة عليه سيطرة شبه كاملة .

استمرت جلستهم العائلية الودودة قرابة الساعتين .

كانت فيها عيون سامي تسترق النظرات طوال الوقت لجارته المثيرة !!

وقبل انصرافهم بادلوهم الدعوة باستضافتهم عندهم يوم اجازتهم الاسبوعية .

تبادلوا الزيارات لمدة حوالي اسبوعين تقريبا وكل يوم كان اعجاب سامي بها يزيد وكان يقارن بينها وبين زوجته سهام بعدما اصابها الاهمال والذبول !!

لكنه كان يحاول عدم اظهار ذلك امام سهام وامام نشأت زوج شاهي .

ما زاد من تشجيعه انه لاحظ اهتمام و ربما اعجاب شاهي به ايضا !!

وكان دائما يلاحظ انها تختلق الاسباب والحجج الواهية لتدخل عندهم اثناء وجوده في المنزل !!

أراد سامي أن يصرح لها بأعجابه بها وتفكيره فيها ليل ونهار لكنه كان مازال متردد وخائف !!

لم تكن خشيته من ردة فعلها او حتي من زوجها ، لكن كانت خشيته من سهام !! لأنه يعرف انها لو علمت بذلك ستكون ردة فعلها صعبة جدا !!

وذات ليلة خرج سامي الي البلكونة بعد نوم سهام واشعل سيجارته ووقف يدخنها وفجأة خرجت شاهي من بلكونتها وابتسمت وقالت له

: انت لسه صاحي يا سامي ؟

: ايوه ، اصل انا بحب السهر ومش بعرف انام بدري .

: يا بختها بيك .

: هي مين ؟

: سهام مراتك طبعا .

: متشكر اوي ، لكن ليه بتقولي كده ؟

: تعرف يا سامي ان نشأت جوزي بقي يوم ما يشوف الساعة ١٠ بالليل يقول انا كده سهرت اوي وعايز انام .

: ممكن يكون مش بيحب السهر .

: هو مش بيحب أي حاجة ابدا ،، بعدها تنهدت وسألته …. اومال فين سهام ؟

ضحك وقالها : نامت هي كمان .

ضحكت بشدة وقالت له : أحسن ، خليهم يشبعوا نوم بقي ، استني انا معايا لب وسوداني جوه هدخل اجيبلك شوية نتسلي مادام هنسهر .

: وانا كمان هدخل اعمل قهوة ، اعملك معايا ؟؟

: ماشي .

وبعد دقايق عادوا مرة اخري وكانت المسافة بينهم قريبة ، اخد منها اللب والسوداني واعطاها القهوة ، تمني في نفسه لو أمسك بيدها لكنه لم يستطيع !!

ظلوا يتحدثون وبعد حوالي ساعتين من الكلام قال لها : تعرفي ان في حاجة نفسي اقولهالك لكن متردد اوي؟

: ايوه عارفة .

: بجد ؟!!

: ايوه طبعا .

↚

: طيب كنت هقولك اي ؟؟

: هتقولي انك معجب بيا .

: يخربيتك ، انتي مشكلة !! وعرفتي ازاي ؟؟

: باين في عينيك يا بني .

: وانتي اخدتي بالك من عينيا ازاي ؟

: عادي ، انا من اول يوم وانا واخدة بالي من كل حاجة .

: يعني عارفة اللي جوايا ؟

: اكيد طبعا .

: وانتي ؟؟

: انا لازم ادخل انام دلوقتي علشان اعرف اصحيهم و اجهزلهم الفطار الصبح قبل ما يخرجوا .

دخل سامي ايضا ولكن بقدر سعادته انه استطاع اخراج احساسه ومصارحتها باعجابه لكن كان حزين لأنها هربت وتركته في حيرة !!

وظل يخاطب نفسه ….

” يا سامي انت عايز منها ايه ؟؟

دي ست حلوة اوي يعني هتلاقي ألف واحد معجب بيها غيري مش انا بس !! وكمان دي مهما كانت دي ست متجوزة وعندها اطفال ، يعني حتي لو بادلتني نفس الشعور هيكون بدون فايدة . ”

دخل لينام ولأنه مازال يفكر فيها حلم بها .

لم تكن المرة الاولي التي يحلم بها فيها ، لكنه حلم بها كتيرا .

استيقظ من اجمل حلم علي سهام توقظه ليذهب لعمله صباحا .

قام من النوم ودخل اخد شاور وجلس يتناول طعام الافطار سريعا وسمع اثناء ذلك باب شقتها وعرف أن زوجها خرج الي عمله .

وبعدها بدقايق سمع باب شقتها مرة اخري وعلم انها خارجة باولادها لتوصلهم للحضانة .

قام ارتدي ملابسه بسرعة وهو يشرب القهوة ونزل بسرعة كي يراها مثل كل يوم .

نزل وقابلها امام الاسانسير وهي عائدة مثل كل يوم .

: صباح الخير يا سامي .

: احلي صباح في الدنيا علي احلي عيون .

ابتسمت وقالت له : انت رايح شغلك دلوقتي ؟

: ايوه .

: كنت عايزة اطلب منك طلب .

: انتي تؤمري يا قمر .

: عايزة رقم تليفون اي كهربائي تعرفه .

: ليه ؟

: لمبة الحمام عندي محتاجة تتغير وعالية اوي مش هعرف اغيرها .

: دي مش محتاجة كهربائي ، لما يرجع نشأت جوزك يبقي يغيرها .

: نشأت !! مش بيعرف ” وضحكت اوي ” .

: طيب اطلع معاكي اغيرهالك انا ؟؟؟

: ياريت بس مش عايزة اعطلك عن شغلك .

: لا ابدا مش هتاخد وقت خالص .

: طيب يلا .

ركب معها الاسانسير وصعدا معا والشيطان يلعب في راسه انه سيكون وحده مع هذه المرأة المثيرة في شقتها !!

وقبل خروجهم من الاسانسير قال لها : اخرجي انتي الاول واتأكدي أن سهام مش فاتحة الباب علشان دي بتغير عليا اوي .

ضحكت شاهي وقالت له : حاضر .

شاهي خرجت وأطمأنت ان سهام بابها مغلق ثم فتحت باب شقتها وأشارت له بالخروج من الاسانسير .

خرج سامي سريعا ودخل شقتها وهو خائف .

↚

وقبل خروجهم من الاسانسير قال لها : اخرجي انتي الاول واتأكدي أن سهام مش فاتحة الباب علشان دي بتغير عليا اوي .

ضحكت شاهي وقالت له : حاضر .

شاهي خرجت وأطمأنت ان سهام بابها مغلق ثم فتحت باب شقتها وأشارت له بالخروج من الاسانسير .

خرج سامي سريعا ودخل شقتها وهو خائف .

بمجرد دخول سامي شقتها ، شاهي قفلت الباب سريعا وضحكت وقالت له : مكنتش اعرف انك بتخاف من مراتك للدرجادي !!

: اصل هي لو عرفت هتعمل مشكلة ونكد وغم ، و انا مش بحب وجع الدماغ ، بحب الروقان والهدوء .

: طيب كويس الجو رايق و هادي اهو ، يلا بقي علشان تغير اللمبة .

: هي مكانها فين ؟

ضحكت وقالت له : في الحمام ، تعالي ورايا .

وطبعا كان الشيطان ثالثهما !!!!!

فهم سامي منها اثناء ذلك الوقت أنها كانت تبادله نفس الاعجاب مثله تماما من اليوم الاول !!!

استمرا سويا في لقاء طويل حتي قاربت الساعة الواحدة ظهرا !!

شعر سامي بأنه كان وقت في منتهي السعادة والجمال وشعر بأنها كانت مختلفة عن سهام زوجته في كل شئ .

فوق جمالها الذي يذهب العقل واعتنائها بنفسها كانت دلوعة خفيفة الظل ولطيفة جدا ولم يشعر مطلقا بمرور الوقت معها .

مرت الخمس ساعات كأنهم خمس دقايق !!

اما الموبايل فقد اغلقه سامي حتي لا يزعجه أحد .

شاهي قالت له : انا لازم انزل دلوقتي علشان اجيب الاولاد من الحضانة .

دخلوا اخدوا شاور وكان لابد من انصرافه من الشقة !!

لكنه واجه ازمة في كيفية خروجه من شقة شاهي خوفا من اكتشاف سهام له ؟!!

كما ان الوقت مازال مبكرا علي موعد رجوعه من عمله !!!

خرجت هي من شقتها اولا ثم خرج سامي خلفها ونزل من العمارة وجلس علي كافيه كي يمر الوقت ويعود للمنزل في موعده الطبيعي .

وفعلا اضاع وقت طويل حتي وقت رجوعه من العمل ورجع البيت كأنه عائد من الشغل بشكل طبيعي تماما .

طوال هذا الوقت كان يفكر فيما حدث !!!

ضميره كان يؤلمه فوقوعه في الخطيئة سبب له ألم نفسي وتأنيب للضمير .

وعند عودته دخل سامي الشقة وفوجئ بشاهي تجلس مع سهام !!!

حين رأهم هما الاثنتين معا ، انقبض قلبه وشعر حينها بأنه بخطأه في حق سهام عندما خانها مع جارتها وصديقتها !!

لكنه عاد ونظر لهما هما الاثنتين وقارن بينهما في تفكيره …

الحقيقة ان جمال شاهي لا يقارن ابدا بسهام !!

واهتمامها بنفسها لا يقارن ابدا بأهمال سهام لنفسها !!

وايضا خفة ظلها ودلعها !! كل ما فيها كاد ان يذهب عقله !!

سهام : مالك يا سامي واقف بتبصلنا كده ليه ؟

: لا ابدا اصل انا نسيت حاجة في الشغل و افتكرتها دلوقتي .

شاهي : واخبار الشغل النهاردة معاك كان ايه ؟

: تمام جدا ، الشغل النهاردة كان زي الفل ، ممتاز .

شاهي ” تضحك ” : يارب دايما .

سهام : ومادام الشغل كان ممتاز وزي الفل راجع متلخبط كده ليه ؟!!

: بقولك يا حبيبتي اني نسيت اعمل حاجة في الشغل ، عادي بقي متشغليش بالك .

شاهي : طيب انا هقوم ادخل شقتي بقي واسيبكم علي راحتكم .

مشيت شاهي وكان واضح عليها انها اتضايقت من شئ ما !!!

قامت سهام وجهزت الغداء و تناولوا الغداء مع الاولاد .

وكلما نظرت سهام له كان يخاف ويخشي ان تكون عرفت شى عما حدث مع جارتهم !!!

كانت اول خيانه من سامي لها ، وفلم يفكر ابدا في خيانتها قبل أن يري جارته المثيرة .

وبعد اقل من نص ساعة جرس الباب رن !! فتحت سهام الباب دخلت شاهي وكانت متعصبة جدا !!!

سهام : مالك يا شاهي يا حبيبتي ؟ فيه ايه ؟

شاهي : انا ونشأت اتخانقنا .

سهام : هو رجع من الشغل بدري ؟

شاهي : لأ لسه ، احنا اتخانقنا في التليفون .

↚

سهام : طيب اقعدي معنا واهدي بس دلوقتي ، تحبي تشربي قهوة معايا انا وسامي ولا اعملك ليمون ؟

شاهي : اعمليلي قهوة معاكم علشان دماغي هتموتني من الصداع .

دخلت سهام تعمل القهوة .

قربت شاهي من سامي وقالت له : اوعي اسمعك تقولها كده تاني .

: اقول ايه ؟ مش فاهم !!

: لما قولتلها ” يا حبيبتي ” .

: اااه ، ده هزار .

: لأ ، من النهاردة اوعي تقولها كده تاني سواء جد او هزار ، انت بتاعي انا ، انت فاهم ؟؟

: بتغيري عليا يا شوشو ؟

: طبعا يا قلب شوشو .

: طيب ابعدي ابعدي شوية لسهام تشوفك وتبقي مصيبة !!

ضحكت شاهي : ده انت بتخاف منها اوي بجد .

رجعت سهام بالقهوة وجلسوا جميعا يتحدثون وبعدها بوقت بسيط عاد نشأت وعندما علم من اولاده ان زوجته عند سهام وسامي ذهب اليهم .

دخل نشأت وجلسوا جميعا وأصلح سامي وسهام بينهم وعاد نشأت وشاهي الي شقتهم .

سهام : انا مش عارفة اعمل معاك ايه ؟!

: مالك يا سوسو ؟

: لما الهانم جارتنا دخلت وقعدت فضلت قاعد معنا ليه ؟

: وفيها ايه يا حبيبتي؟ كانت جاية زعلانة قعدت معاكم وصالحناها علي جوزها ، ايه اللي حصل بقي ؟!

: قلبك طيب اووووي يا حبيبي !!!

: قلبي ده ملكك لوحدك يا حبيبتي .

: طيب علشان خاطري لما الهانم دي تيجي عندنا وانت موجود هنا ابقي اقعد لوحدك وبلاش تقعد معانا .

: يا سوسو يا حبببتي انا عايزك تثقي فيا وفي نفسك اكتر من كده ، وعلي العموم حاضر يا قلبي هعمل اللي انتي عايزاه .

نامت سهام مبكرا كعادتها وجلس سامي سهران يلعب في الموبايل وينتظر ظهور شاهي علي الواتساب ليتكلموا .

تأخرت قليلا لكن في النهاية ظهرت !!

: كنتي فين يا شوشو ؟

: كنت بتعشي مع نشأت .

: كل ده ؟؟ ده الساعة ١١ دلوقتي !! مش هو بينام قبل كده ؟!

: النهاردة كان مصحصح ومش نام علطول .

: وايه اللي حصل قبل ما ينام ؟

: ولا حاجة .

: بجد ؟؟

ضحكت شاهي بدلع : انت بتغير عليا يا سمسم ؟؟

: طبعا مش من حقي ولا ايه ؟؟

: من حقك يا قلبي ، علشان تبقي تعذرني لما اغير عليك من سهام .

: طيب يلا اخرجي البلكونة عايز اشوفك حالا ، انتي وحشتيني اوي .

: بلاش علشان الجيران ، خايفة حد يشوفنا .

: مفيش حد له عندنا حاجة .

: انت ازاي تقول كده ؟!! انت ناسي أني ست ولي سمعتي .

: طيب اخرجي نتكلم ربع ساعه بس وادخلي تاني .

: لا بلاش مش هينفع ، بص يا سامي ايه رأيك بكره الصبح تيجي زي النهارده ونقعد مع بعض براحتنا ؟

: خلاص ماشي ، بس علفكرة هتوحشيني اوي من دلوقتي للصبح .

: وانت كمان يا قلبي ، يلا اقفل بقي علشان ننام ونصحي فايقين .

: حاضر يا حبي ، تصبحي علي خير .

استيقظ سامي مبكرا وكان واضح عليه السعادة لدرجة ان سهام سألته : مالك يا حبيبي قايم مبسوط وفايق النهارده عكس كل يوم !! كنت بتصحي مكشر ومش قادر تفتح عينيك !!

: يعني انتي عايزاني اكشر ؟!!

: لا يا حبيبي ربنا يفرحك دايما .

: طيب يلا بقي نفطر علشان صاحي جعان اوي .

تناولوا الافطار ثم سمع سامي صوت باب جيرانهم اثناء نزول نشأت في موعده كالعادة وبعده بدقايق نزلت جارتهم لتوصل اولادها للحضانة .

دخل سامي وارتدي ملابسه و خرج كعادته مثل كل يوم .

نزل بالاسانسير لكن فوجئ ان شاهي غير موجودة !!!

كاد أن يجن !!! اخرج الموبايل بسرعة وكلمها علي الواتس …

: انتي فين يا شوشو ؟

: انا فوق في الشقة .

: انتي مش وصلتي اولادك الحضانة زي كل يوم ؟

: وصلتهم ورجعت ووقفت دقيقتين استناك قدام الاسانسير وانت اتأخرت ، وحسيت اني شكلي وحش فطلعت وقولت اكيد انت هتكلمني .

: طيب ايه الكلام ؟

: ايه ؟

: مش احنا اتفقنا البارح اننا هنتقابل النهاردة ؟؟

: ايوه ، ما انا قاعدة اهو مستنياك .

: طيب انا طالع حالا ، بس خلي بالك من باب شقتنا علشان سهام .

ضحكت شاهي وقالت : حاضر .

طلع سامي في الاسانسير ودخل الي شقتها بسرعة .

بمجرد ما دخل شقتها ..

↚

: مش احنا اتفقنا البارح اننا هنتقابل النهاردة ؟؟

: ايوه ، ما انا قاعدة اهو مستنياك .

: طيب انا طالع حالا ، بس خلي بالك من باب شقتنا علشان سهام .

ضحكت شاهي اوي وقالت : حاضر .

طلع سامي في الاسانسير ودخل الي شقتها بسرعة .

بمجرد أن دخل شقتها شعر بالروعة !!! جو رومانسي خيالي !!!

كانت لابسه لانجيري اخر دلع وكأنها عروسة يوم زفافها ، وميكاب وبيرفن ، وقافلة الستاير والاضاءة خفيفة وموسيقي هادية بصوت منخفض .

الجو كان رومانسي أخر حاجة !!

استمر اللقاء مثل اليوم السابق ايضا حوالي ٥ ساعات ، ولكن تلك الساعات كانت اجمل من اليوم السابق له .

وقبل نزول سامي اقتربت منه شاهي وتعلقت في رقبته وقالت له : انا بحبك اوي يا سمسم .

: وانا كمان بحبك اوي يا قلب سمسم .

: اوعي تبعد عني يا حبيبي .

: ابعد عنك ازاي يا قلبي !! ده انا مش بحبك بس ، ده انا بموت فيكي .

: هنتقابل بكره يا حبببي ؟

: بكره !!!

: ايوه بكره .

: انا من يومين مش بروح الشغل !! مش هينفع بكره كمان اغيب عن الشغل !!

: يبقي انت مش بتحبني وبتضحك عليا !!

: لا يا قلبي ، ده انا حبيتك اوي ونفسي نبقي مع بعض علطول .

: يبقي نتقابل بكره .

: نتقابل بس نشوف وقت تاني لأني لازم اروح الشغل بكره .

: انا اهم ولا الشغل ؟؟

: انتي طبعا ، لكن معلش نحاول نشوف وقت تاني .

: وقت تاني أمتي ؟

: معرفش ، شوفي الوقت المناسب بالنسبالك امتي ؟

: مفيش الا في الساعة اللي بعد رجوعك من شغلك وقبل رجوع نشأت .

: ياريت ، تمام حلو اوي .

: لكن الولاد هعمل فيهم ايه ؟

: حاولي تنيميهم في الوقت ده .

: طيب هحاول .

: اخرجي انتي الاول وشوفي اذا كانت سهام فتحة الباب ولا لأ .

خرج سامي من شقتها وخرج من العمارة وذهب و جلس في كافية حتي موعد عودته المعتادة من عمله .

اصبح سامي دائم الاتصال بها عبر الواتس بينما سهام كانت مشغولة مع ابنائها ولكنها بدأت تلاحظ عليه انشغاله الدائم بهاتفهه !!

في اليوم التالي نزل سامي الي عمله في نفس الموعد و بمجرد خروجه من الاسانسبر وجد شاهي امامه !!

: صباح الهنا والسعادة علي عيونك يا حبيبتي .

: صباح الفل يا حبيبي ، رايح الشغل دلوقتي ؟؟

: ايوه .

: تعرف ان انت وحشتني اوي .

: وانتي كمان .

: بلاش تمشي و تعالي نطلع فوق ؟؟

: لا مش هينفع علشان الشغل زي ما قولتلك ، انا هحاول ارجع بدري من الشغل وأجيلك علطول زي ما اتفقنا .

: ماشي يا حبيبي بس اوعي تتأخر عليا .

: طبعا مش هتأخر ، تعالي بقي هقولك حاجة .

: قول .

: لأ تعالي هقولك في الاسانسير ، مش هينفع هنا .

وبعد دقيقتين سامي قالها : لا كده مش هينفع ، تعالي نطلع فوق .

ضحكت شاهي وعلقت عينيها به بنظرة مثيرة وقالت له : مش انا قولتلك من الاول .

طلعا سويا الي شقتها ولم يذهب سامي الي عمله لليوم الثالث !!

وحين جاء موعد ذهاب شاهي لحضانة ابنائها قالت لسامي : يلا بقي يا حبيبي انزل علشان اروح اجيب الولاد من الحضانة .

: لسه مش شبعت منك .

: معلش يا حبيبي احنا بنتقابل كل يوم .

: طيب انا هقعد هنا ، وانتي هاتي الولاد دخليهم اوضتهم وتعالي نقفل الاوضة علينا انا وانتي .

ضحكت شاهي : انت مجنون !! لا طبعا مش هينفع ، يلا بقي علشان الولاد زمانهم خرجوا من الحضانة .

وفجأة رن جرس الباب !!!!

حين نظرت شاهي من العين السحرية للباب قالت بارتباك شديد

: دي سهام مراتك !!!

سامي ارتبك وقالها : وهنعمل ايه دلوقتي ؟

: ادخل انت جوه دلوقتي لما اشوفها عايزة ايه .

دخل سامي الغرفة واغلق بابها وفتحت شاهي باب الشقة لسهام .

سهام : انتي فين يا شوشو من كام يوم وانتي مش باينة ليه ؟!!

شاهي : انا تعبانة ولما الولاد بينزلوا الصبح بنام لحد ميعاد رجوعهم من الحضانة وانزل اجيبهم وانام تاني ، دا انا حتي اتأخرت عليهم النهاردة .

سهام : انا قلقت عليكي لما اختفيتي فجأة كده !!

شاهي : متشكرة يا حبيبتي ربنا يخليكي ليا .

↚

: مالك يا شوشو انتي تعبانه من حاجة ؟ وشك احمر اوي وشكلك زي ما تكوني متوترة زيادة عن اللزوم !!

: ايوه يا حبيبتي ، مش بقولك اني تعبانه من كام يوم .

: ومتوترة كده ليه ؟

: علشان اتأخرت عن الولاد في الحضانة .

سهام : انتي هتنزلي دلوقتي تجيبي الاولاد ؟

: ايوه ، مش هقدر اتأخر عليهم اكتر من كده .

: طيب يلا ننزل سوا ، انا كمان عايزة اشتري شوية طلبات .

اضطرت شاهي تنزل مع سهام وتركت سامي وحده في المنزل !!

سامي كان داخل الغرفة ومرعوب ان سهام تشك في وجوده !!

بعد نزول شاهي وسهام انتظر سامي لدقائق قليلة حتي يخرجوا من العمارة ثم خرج من شقة شاهي بترقب خوفا من ان يفاجئ بسهام أمامه !!

نزل ببطئ مترقبا خوفا من أن تراه سهام حتي خرج من العمارة وذهب الي كافية ليقضي فيه بعض الوقت حتي موعد عودته من عمله !!

اثناء جلوسه جاء اتصال من احد الزملاء في العمل …

: انت فين يا سامي ؟ غايب من ٣ ايام ليه ؟

: تعبان شوية ومش قادر انزل للشغل .

: المدير سأل عليك البارح والنهاردة سأل عليك تاني .

: انا بكره جاي الشغل وال٣ ايام اعملهم اجازة مرضية .

: طيب اعمل حسابك لازم تيجي بكره لأن المدير هيحطك في دماغه انت عارف انه مش بيحب الغياب كتير .

: ماشي خلاص انا جاي بكره الشغل .

سامي كلم شاهي في الفون وقالها : عملتي ايه يا حبيبتي مع سهام ؟

: مراتك دي !!!

: مالها ؟

: قعدت تحقق معايا وتسألني مش ظاهرة ليه ؟؟؟ و مالك مرتبكة ليه ؟؟؟ واسئلة كتير مش لها لازمة !!

ضحك سامي وقالها بسخرية : بتحبك يا شوشو .

: لا يا حبيبي مش عاوزاها تحبني ، كفاية انت بتحبني .

: طبعا يا حبيبتي بحبك وبموت فيكي كمان .

: وانت مش خوفت انها تمسكك عندي ؟؟

: اكيد طبعا .

: ولو كانت مراتك مسكتك عندي كنت هتعمل ايه يا سامي ؟

: اكيد كنا هنتطلق .

: وانت بتحبها للدرجادي ومش عايز تطلقها ؟؟

: مش مسألة حب ، لكن الخوف الأكبر من الفضيحة ، وكمان علشان الاولاد .

: طيب ابقي خلي بالك بقي كويس بعد كده .

: حاضر يا قلبي ، المهم زمايلي في الشغل اتصلوا بيا وبكره لازم اروح الشغل .

: يا خسارة !!

: ليه ؟

: هتوحشني اوي .

: وانتي كمان .

: تعرف اني من حبي فيك بستني كل يوم الوقت يعدي علشان انام وأصحي الصبح ونتقابل !!

: للدرجادي بتحبيني ؟؟

: ايوه يا حبيبي بحبك اوي ، انت مش عارف ولا ايه ؟

: طيب بكره هنتقابل بس في الميعاد اللي قولتلك عليه ، بعد رجوعي من الشغل وقبل رجوع جوزك .

: ماشي يا حبببي ، اتفقنا .

في اليوم التالي ذهب سامي الي عمله وقام مديره بتوبيخه وتحذيره بسبب احتياج العمل له خلال هذه الفترة وحذره من تكرار غيابه عن العمل !!!

وبعد ان قضي سامي يوم عصيب في العمل عاد الي المنزل .

واثناء عودته قام بالاتصال بشاهي ..

: ايوه يا حبيبتي بتعملي ايه ؟

: قاعدة مستنياك ، بلاش تتأخر علشان الوقت .

: وولادك فين ؟

: نايمين من ربع ساعة ، بس انا خايفة اوي .

: متخافيش ، عشر دقايق وهكون عندك ، بس خلي بالك من سهام .

: حاضر يا سامي ، متتأخرش علشان خاطري .

: حاضر يا روحي ، دقايق وهكون عندك .

وبعد اقل من ربع ساعة اتصل بشاهي وقالها : انا طالع في الاسانسير ، شوفي سهام لتاخد بالها !!

: الولاد نايمين ، وسهام قافله الباب ، يلا بسرعة نشأت باقي له ساعة وييجي .

: طيب افتحي الباب انا خارج من الاسانسير .

دخل سامي الي شقة شاهي سريعا ودخلا غرفتها واغلقا الباب .

شاهي : انا خايفة اوي .

: من ايه يا قلبي ؟

: خايفة الولاد يصحوا او نشأت ييجي قبل انت ما تمشي !!!

: طيب يلا بقي مش عايزين نضيع الوقت في الخوف .

وبعد مرور قليل من الوقت فوجئت شاهي وسامي بمن يطرق باب الغرفه

↚

 دخل سامي الي شقة شاهي سريعا ودخلا غرفتها واغلقا الباب .

شاهي : انا خايفة اوي .

: من ايه يا قلبي ؟

: خايفة الولاد يصحوا او نشأت ييجي ويشوفنا !!!

: متخافيش ، يلا بقي مش عايزين نضيع الوقت في الخوف .

وبعد مرور بعض من الوقت فوجئت شاهي وسامي بمن يطرق باب الغرفة !!

استوعبت شاهي المفاجئة ثم قالت : مين ؟

رد ابنها من خلف الباب المغلق : افتحي يا ماما انا رامي .

: روح نام دلوقتي يا رامي انا نايمة .

: ياماما خلي لوجي تسكت ، عمالة تضربني وانا مش عملتلها حاجة .

: قولها لما ماما تصحي هتضربك ، يلا بقي روح نام .

: افتحي الباب يا ماما هقولك حاجة .

: لو فتحت الباب دلوقتي هضربك انت واختك يا رامي ، يلا روح دلوقتي ولما اصحي نبقي نتكلم .

انصرف رامي وهو يبكي الي غرفته بينما كان سامي في قمة الخوف و التوتر !!!

شاهي : مالك !! في ايه يا حبيبي ؟

سامي : انا اترعبت ، افتكرت أن جوزك رجع .

شاهي : لأ ، انا زيك اتخضيت في الاول لكن عرفت انه حد من الولاد .

: طيب يلا يا قلبي .

: لا كده نشأت ممكن يطب علينا فعلا ، يلا بقي امشي قبل ما نتكشف وتبقي مصيبة .

: ماشي يا شوشو ، تعرفي ان رامي ابنك ده بارد اوي .

: ايوه ، طالع بارد زي ابوه .

: انا كده مش شبعت منك النهاردة ، اعملي حسابك بكره هرجع بدري من الشغل علشانك يا روح قلبي .

: لالاااا ، انا حرمت خلاص ، انا قولتلك الوقت ده مش مناسب ابدا ، حاول تشوف وقت تاني .

: طيب هنتقابل امتي ؟

: امشي دلوقتي ونتكلم علي الواتس .

: ماشي يا قمر ، يلا افتحي الباب واقفلي الباب علي ولادك علشان اعرف اخرج بدون ما يشوفوني .

وبصعوبة استطاع سامي الخروج من شقة شاهي دون ان يراه احد ، وذهب اتجاه باب شقته واذا به يفاجئ بنشأت خارج من الاسانسير !!

ارتبك سامي قليلا ثم ابتسم لنشأت وقال له : مساء الخير يا نشأت .

: مساء النور يا سامي ، انت لسه راجع من شغلك دلوقتي ؟؟

: ايوه ، اتأخرت شوية النهاردة في الشغل .

: ربنا يقويك ، طيب تعالي اتفضل نتغدا سوا .

: شكرا يا حبيبي ، بألف هنا وشفا .

: لو فاضيين النهاردة يا سامي هات المدام وتعالوا نقعد شوية مع بعض .

: طيب هشوف سهام كده وارد عليك .

دخل سامي شقته وكانت سهام قاعدة مشغولة بالاولاد !!!

نظر لها سامي وقال في نفسه ” انتي مفيش فايدة فيكي ، تستاهلي بجد اني اخونك ” .

سامي كان بيحاول يلاقي مبرر لضعفه وخيانته لها !!

سألته سهام : اتأخرت ليه النهارده يا سامي في الشغل ؟

: كان عندنا شغل كتير واتأخرنا شوية .

: طيب اقعد وانا ثواني وهجهزلك الغداء.

وبعد ان تناولوا الطعام قال لسهام : علفكرة انا قابلت نشأت جارنا وانا جاي وعزمنا نروح نقعد معاهم شوية .

: دي مراته تعبانه ، ازاي يعزمنا ومراته تعبانه ؟!

: معرفش بقي ، المهم هنروح ولا لأ ؟

: ماشي هنيم ادهم وسالي واطمن علي سلمي وسليم انهم بيذاكروا ونروحلهم .

: وبعد حوالي ساعة سامي اخد سهام وذهبوا لشقة جيرانهم .

بمجرد ان دخلوا شقتهم فوجئت سهام بأن شاهي ترتدي ملابس مثيرة جدا !!! مما أشعل نار الغيرة داخلها .

بينما لم يستطع سامي السيطرة علي عينيه التي لاحقتها في كل لحظة .

لاحظت سهام نظرات سامي لجارتهم المثيرة !!

لم تستمر الجلسة سوي وقت قصير حتي قامت سهام وقالت : انا مضطرة امشي لأني حاسة اني تعبانة جدا .

سامي : مالك يا سهام ؟ ما انتي كنتي كويسة دلوقتي !!!

: تعبت فجاة ، فيها حاجة دي ؟!!

: لا ابدا مفيش حاجة .

شاهي : طيب انتي حاسة بايه يا حبيبتي ؟

سهام ” بعصبية ” : حاسة أن ضغطي عالي .

شاهي : ألف سلامة عليكي ، استني هجيبلك برشامة ضغط .

سهام : لا ملوش لزوم انا هدخل انام وهكون كويسة .

نشأت : طيب اطلب لك الدكتور ؟ انا اعرف دكتور كويس جدا .

سهام : لا شكرا يا نشأت ملوش لزوم .

سامي : طيب بعد اذنكم يا جماعة ، كان نفسنا نقعد معاكم اكتر من كده .

سهام : لو عايز تفضل قاعد معاهم خليك انت .

نظرت شاهي لسامي وسهام بتعجب !!!

سامي : لا خلاص انا هدخل معاكي .

↚

انصرف سامي وسهام الي شقتهم وبمجرد دخولهم انفجرت سهام في كيل السباب والشتائم عن جيرانهم .

سهام : معقول في ناس بالشكل ده ؟ انا مش شوفت ناس ….. زيهم !!

سامي : في ايه يا حبيبتي ؟ انا مش فاهم حاجة !!

: انت مش شوفت الهانم اللي كنا عندها كانت لابسة ازاي ؟!!

: عادي يا سهام ماله لبسها ؟

: دي لبسها اخر قلة أدب !!

: وفيها ايه ؟! مش قاعدة في بيتها !!! تلبس زي ماهي عايزة .

: لا يا حبيبي ، المفروض لما يكون عندهم ضيوف تلم نفسها وتلبس حاجة محترمة .

: انتي عايزاها تقعد في بيتها مبهدلة زيك ؟!

: يعني انا مبهدلة في نفسي يا سامي ؟؟

: مش قصدي .

: لأ ، انت تقصد .

: يا سهام ، انا كتير قولتلك اهتمي بنفسك شوية وانتي مفيش فايدة !!

: وانا كتير قولتلك انا مش فاضية للدلع ده ، لما الولاد يكبروا هبقي ألبسلك هدوم كلها دلع .

: خلاص انتي حرة في نفسك وهي كمان حرة في نفسها ، انتي زعلانة ليه بقي ؟!

: الغريب كمان أن جوزها بالنسبة له شايفها كده ومش بيتكلم !!!

: فرحان بمراته يا ستي ، انتي مزعله نفسك ليه ؟!

: خلاص مش زعلانة ، بس دي أخر مرة نروح نقعد مع الناس دي .

: خلاص براحتك ، طيب وموضوع الشغل هتعملي فيه ايه ؟؟

: خلاص مش عايزة اشتغل ، انا مش فاضية أتلفت جنبي ، هشتغل ازاي !!

: ماشي اللي تشوفيه يا حبيبتي .

عدا اليوم وسهام في منتهي العصبية ، وسامي قعد وحده ومسك الموبايل وبدأ يكلم شاهي علي الواتس .

: منك لله يا شوشو ، خليتي سهام تتجنن .

: ليه ؟ انا عملتلها حاجة ؟

: لما شافتك وشافت هدومك كانت هتتجنن .

: سيبك منها ، دي غيرة نسوان !! هي اتضايقت بس علشان غيرانه مني علشان انا احلي منها وفيا انوثة عنها .

: الصراحة لبسك كان أوفر اوي يا شوشو .

: المهم عجبتك ولا لأ ؟

: أنتي علطول عجباني يا قلبي .

: هسألك سؤال وتجاوب بصراحة ، انا احلي ولا سهام مراتك ؟

: دي مش محتاجة سؤال يا قمر ، انتي طبعا احلي واجمل بكتير ، المهم اعملي حسابك بكره هرجع من الشغل بدري علشانك .

: ماشي يا حبيبي .

في اليوم التالي وبعد وصول سامي الي عمله بحوالي ساعتين اتصلت به سهام علي غير عادتها !!

تعجب سامي ورد عليها : ايوه يا سهام ، بتتصلي دلوقتي ليه فيه حاجة ؟؟

: سامي ، ماما تعبانه اوي واتنقلت للمستشفي وانا لازم اروح لها حالا .

: الف سلامة عليها طيب والولاد هتاخديهم معاكي ولا هتسيبيهم في البيت ؟

: انا هسيب سلمي وسليم في الشقة وهقول لشاهي تاخد بالها منهم علي ما ارجع وهاخد سالي وادهم معايا .

: طيب روحي انتي وانا كمان شوية هاخد اذن من الشغل واجيلك المستشفي .

بعد ساعة سامي اخد اذن من الشغل وانصرف وذهب الي المستشفي .

وفي الطريق اتصل بشاهي وقالها : معلش يا قلبي انا استأذنت من الشغل ومشيت ورايح المستشفي علشان حماتي تعبانه ، للأسف مش هنعرف نتقابل النهاردة .

: خلاص ولا يهمك يا حبيبي ، مراتك قالتلي اتابع سلمي وسليم واخلي بالي منهم علي ماهي ترجع ثم ضحكت ” كان نفسي اخلي بالي كمان من ابوهم ” .

ضحك سامي : ربنا يخليكي ليا يا قمر ، انا هقفل بقي لأني وصلت المستشفي ، هنتكلم مع بعض علي الواتس بقي .

: ماشي يا سامي ، خلي بالك من نفسك .

ذهب سامي الي المستشفي واتفاجئ بسهام واقفة بتبكي !!

: فيه ايه يا سهام اتكلمي ؟؟

: ماما تعبانه اوي يا سامي ، انا خايفة عليها اوي .

: متخافيش ، هي بتشتكي من ايه ؟؟

: لغاية دلوقتي مش عارفين ، لكن هي في غيبوبة والدكاترة بيحاولوا يفوقوها من اكتر من ساعة ومفيش فايدة .

: طيب اهدي ومتخافيش وان شاء الله هتفوق وتبقي كويسة .

خرج الاطباء بعد نص ساعة وقالوا ان حالتها خطيرة و لازم تتحجز في الرعاية المركزة !!

زاد خوف سهام وبكائها وقعد سامي معها طول اليوم يحاول طمأنتها .

وفي العاشرة مساء قالها : يلا بينا نروح ننام في البيت و الصبح نرجع تاني .

سهام : انت اتجننت يا سامي !! انا مستحيل امشي من هنا الا وماما معايا .

: يا حبيبتي وجودنا هنا مش هيفيدها بحاجة ، وانتي لازم ترتاحي علشان مش عارفين هي هتفضل هنا في المستشفي كام يوم .

: امشي انت يا سامي روح علشان سلمي وسليم ، انما انا مستحيل امشي من هنا الا وماما معايا .

: وانا كمان مستحيل اسيبك هنا لوحدك .

: متخافش عليا ، انا اخويا معايا هنا انما الولاد هيباتوا لوحدهم في البيت ازاي ؟! لازم انت تكون معاهم .

: لا انا هفضل معاكي ، وهكلم نشأت وشاهي ياخدوا الولاد يباتوا عندهم .

: لا مش هينفع ، مش عاوزين جمايل من حد .

: خلاص يا سهام اللي تشوفيه ، انا ماشي وهبقي معاكي علي التليفون لحد الصبح لغاية لما الولاد يروحوا المدرسة و ارجعلك .

↚

: خلاص يا سهام اللي تشوفيه ، انا ماشي وهبقي معاكي علي التليفون لحد الصبح لغاية لما الولاد يروحوا المدرسة وارجعلك .

عاد سامي للمنزل واطمئن علي الاولاد ونام حتي الصباح .

وبعد شروق الشمس بدقائق استيقظ سامي علي تليفون سهام وهي تبكي بأنهيار لتخبره بأن أمها ماتت !!

قام سامي سريعا وارتدي ملابسه ثم ايقظ ابناؤه سلمي وسليم وأعد لهم الفطور سريعا وقال لهم : مش لازم تروحوا المدرسة النهاردة علشان تيتا توفيت و انا رايح المستشفي دلوقتي علشان اكون مع ماما هناك وتخليكم قاعدين من غير شقاوة .

سلمي : حاضر يا بابا .

: مش عايز شقاوة من حد فيكم ، انتم كبار مش صغيرين ، ماشي ؟؟

سليم : حاضر يا بابا .

نزل سامي بسرعة وذهب الي المستشفي واخد يحاول تهدئة سهام التي كانت منهارة تماما !!

وبعد انتهاء مراسم الدفن والعزاء عادت سهام الي شقة والدتها !!

حاول سامي ان يأخذها الي شقتها ولكنها اصرت ان تقيم في شقة والدتها طيلة ايام تلقي العزاء .

عاد سامي الي منزله ليلا ووجد جارته شاهي جالسة مع اولاده سلمي وسليم !!

قدمت شاهي واجب العزاء لسامي الذي كان في قمة التعب والارهاق و قدم لها الشكر علي اهتمامها بأبناؤه اثناء غيابه وغياب امهم عنهم .

وقبل انصراف شاهي الي شقتها همست له في أذنه ” وحشتني ” .

ابتسم سامي وقد استطاعت شاهي بهذه الكلمة البسيطة أن تزيل عنه كل المشاعر السلبية التي عاني منها طيلة اليوم !!

استيقظت داخله كل المشاعر الدافئة فقال لها : سهام هتبات عند اهلها لحد العزاء ما ينتهي ، ايه رأيك ؟

شاهي : رأيي في أيه ؟

: تباتي هنا معايا النهاردة .

: انت مجنون يا سامي ؟ نشأت جوه !!

: حطي له منوم في الشاي ولما ينام تعالي .

ضحكت شاهي : هو مش محتاج منوم ، هو كده كده هينام كمان نص ساعة بالكتير .

: طيب كويس اوي ، لما ينام تعالي .

: لأ طبعا مش هينفع .

: علشان خاطري .

: مش هينفع يا سامي ، خلينا بعقلنا بدل ما نتهور ونروح في داهية .

: انتي وحشاني اوي .

: بكره الصبح تعالي نقضي اليوم مع بعض ، ده احسن وقت .

: بكره للأسف لازم اروح الشغل .

: هتروح الشغل وعندك عزاء ؟

: المدير في الشغل عمل لي اجازة يوم واحد بس ومش هقدر اغيب تاني .

: المدير بتاعكم ده رخم اوي ومش عنده دم .

: هحاول ارجع بدري يا شوشو .

: طيب وانا هستناك يا حبيبي .

انصرفت شاهي الي شقتها ودخل سامي ونام بعد تعب طوال اليوم .

وفي الصباح استيقظ وقام بتوصيل اولاده الي مدرستهم ثم ذهب الي عمله ، وهناك وبعد ساعتين من العمل حاول الانصراف بحجة عزاء حماته ولكن مديره في العمل قام بتوبيخه وتعنيفه بشدة نتيجة تكرار غيابه عن العمل وكثرة استأذانه في الانصراف المبكر !!!

حدثت مشادة شرسة بين سامي ومديره كانت نتيجتها توجيه انذار أخير لسامي بالفصل عن العمل !!!

كان سامي طيلة اليوم في أوج غضبه و عصبيته مع الجميع .

مرت أيام العزاء الثلاث ثم طلب سامي من سهام العودة الي المنزل : يلا يا حبيبتي علشان نرجع البيت .

سهام : لا يا سامي معلش سيبني هنا كام يوم .

: العزاء خلاص انتهي ولازم ترجعي علشان سلمي وسليم .

سهام ” ببكاء ” : انا عايزة انام في سرير ماما ، انا لسه شمة ريحتها فيه لحد دلوقتي .

: مامتك الله يرحمها ، وسلمي وسليم محتاجين لك .

: سلمي وسليم مش صغيرين ، وعموما كلها يوم ولا اتنين وارجعلهم .

: خلاص يا حبيبتي اللي تشوفيه .

عاد سامي الي منزله بينما رسائل الحب والغرام الحارة مع جارته الجميلة لا تنقطع واتفقا علي اللقاء في اليوم التالي .

في صباح اليوم التالي ذهب سامي الي عمله ثم انصرف في منتصف اليوم بحجة مرضه !!

وعاد سريعا الي المنزل لمقابلة جارته الحسناء !!

↚

مر الوقت سريعا بينما كان سامي مع جارته عاد نشأت من عمله قبل موعده !!

شعرت شاهي بدخول زوجها الي المنزل فقالت لسامي : هاراسود ، نشأت رجع !!!

سامي : بتقولي ايه ؟؟؟

: والله انا سمعت صوته بره !!!

: وبعدين هنعمل ايه ؟؟

: مش عارفة !! روحنا في داهية !!!

: اهدي بس علشان نعرف نفكر .

وفجأة حاول نشأت فتح باب الغرفة فوجدها مغلقة بالمفتاح من الداخل !!

نشأت : شوشو .. يا شوشو .. انتي قافلة الباب عليكي ليه ؟؟

سامي وضع يده علي فمها وقال لها : اعملي نفسك نايمة وانا هدخل استخبي في الدولاب ، بس اهم حاجة تخليه ينزل بسرعة علشان اعرف اخرج .

اشارت شاهي له برأسها بالايجاب .

دخل سامي في دولاب الملابس سريعا ، ثم ردت شاهي علي نشأت : ايوه يا نشأت انا قايمة اهو .

قامت ثم فتحت الباب له فقال لها : انتي قافلة الباب عليكي بالمفتاح ليه ؟

: كنت نايمة والولاد كل شوية يصحوني فقفلت الباب علشان اعرف انام .

: انتي مالك ؟؟ شكلك متغير كده ليه ؟

: تعبانة من الصبح مش عارفة مالي !!

: الف سلامة عليكي ، طيب نامي وارتاحي انتي وانا هدخل اخد شاور واجهز لنفسي الغدا .

: لا يا حبيبي ، خد شاور انت وانا هجهزلك الغدا.

دخل نشأت للحمام واستطاعت شاهي اخراج سامي من شقتها بأعجوبة !!

التقطت شاهي انفاسها وتنفست الصعداء بعد خروج سامي وحاولت محو اي اثر لوجوده في منزلها .

خرج نشأت من الحمام بينما اعدت له شاهي الطعام وجلسا يتناولاه معاه .

لاحظت شاهي ان نشأت شارد الذهن ولا يتكلم فحاولت معرفة السبب .

: مالك يا نشأت ؟ انت سرحان في ايه ؟؟

: لا ابدا مفيش حاجة .

: لأ ، انت شكلك بيقول فيه حاجة !!

: انا مش عايزك تقفلي الباب علي نفسك بالمفتاح بالشكل ده تاني .

: بس كده يا حبيبي ؟!! هو ده اللي مزعلك ؟!!

: يا ريت بعد اذنك متتكررش تاني .

: حاضر يا حبيبي من عينيا .

ثم صمت نشأت قليلا وقال لها : انتي روحتي عزيتي سهام جارتنا ؟

: ايوه روحتلها اول يوم ، بتسأل ليه ؟ للكاتب عادل عبد الله

: انا كمان كنت عايز أعزيها واعزي سامي جوزها لكن سألت عليه اكتر من مرة واولاده يقولولي انه مش موجود .

: روح عزيه هو جوه دلوقتي .

: وانتي عرفتي ازاي انه جوه دلوقتي ؟؟؟؟؟

ارتبكت شاهي وقالت له : سمعته داخل من شوية .

: اذا كنت انا لسه سأل عليه اولاده وبنته سلمي قالتلي انه لسه مش رجع من الشغل !!! وبعدين سمعتيه ازاي ؟؟ انتي مش كنتي نايمة !!!

ارتبكت شاهي بدرجة اكبر وقالت له : لأ ، انا سمعته داخل شقته بعد رجوعك وانت في الحمام .

نظر لها نشأت نظرة شك وريبة جعلت ارتباكها يزيد فقامت وقالت له : انا هقوم اعملك الشاي .

قامت تعمل الشاي بينما عيون نشأت تراقبها في صمت .

وعندما احضرت الشاي قال لها نشأت : انا مش هعزيه ولا هعزي مراته .

: ليه كده ؟ ده انت طول عمرك بتعرف الاصول وده واجب ؟!!

: احنا عايزين نقطع علاقتنا بالناس دي .

: ليه ؟

: من غير ليه ، انا عايز كده وخلاص ، مش عايزك تكلميه ولا تكلمي مراته .

: رغم اني مش فاهمة حاجة لكن حاضر يا نشأت ، اللي تشوفه .

سادت حالة من الصمت حتي موعد نوم نشات الذي دخل نام في صمت .

ثم امسكت شاهي هاتفها وبدأت في محادثة سامي عبر الواتساب .

: انا خايفة اوي يا سامي !!

: ليه ؟ خايفة من ايه ؟؟

: حاسة أن نشأت حاسس بحاجة .

: ليه بتقولي كده ؟؟

: كلامه معايا النهاردة كله شك ، وبعدين قالي اقطع كلامي معاك ومع سهام مراتك !!!

: معقول !!!

: ايوه ، زي ما بقولك كده ، ده حتي قالي انه مش هيعزيك ولا هيعزي مراتك !!

: معني الكلام ده انه فعلا بدأ يشك في حاجة !!

: ايوه ، ماهو ده اللي راعبني ومخوفني

↚

شاهي : كلامه معايا النهاردة كله شك ، وبعدين قالي اقطع كلامي معاك ومع سهام مراتك !!!

سامي : معقول !!!

شاهي : ايوه ، قالي كده ، ده حتي قالي انه مش هيعزيك ولا هيعزي مراتك في وفاة والدتها !!

سامي : معني الكلام ده انه فعلا بدأ يشك في حاجة !!

: ايوه ، ماهو ده اللي راعبني ومخوفني .

: يبقي احنا لازم مش نتقابل ولا نتكلم الفترة دي خالص .

: ايوه صح انت عندك حق .

: ولا حتي نتكلم علي الفيس او الواتس .

: وانت هتقدر ؟؟

: سيبك من الكلام ده دلوقتي يا شوشو ، احنا فعلا لازم نقطع اي اتصال بينا لغاية ما الشك اللي في دماغه يروح خالص .

وفعلا بدأ انقطاع اي اتصال بينهم ، و في نفس الوقت عادت سهام لبيتها .

كانت ومازالت سهام غارقة في احزانها واستمرت في حالة عزلة ووحدة لعدة ايام .

وفي نفس ذلك الوقت كان ابتعاد سامي عن شاهي وقطع اي اتصال بها فرصة لمراجعة نفسه !!

شعر سامي بأنه قد سقط في بئر الرذيلة مع هذه الجارة الجريئة التي استغلت اعجابه بها واسقطته في قاع بئر الرذيلة .

مر حوالي اسبوعين وكان نشأت يراقب تصرفات زوجته شاهي في صمت حتي بدأت شكوكه تتلاشي .

عندما شعرت شاهي بذلك عادت و حاولت الاتصال بسامي عدة مرات ولكنه تجاهل اتصالاتها به .

ازدادت نار الشوق عندها فأغمرته بالرسائل المليئة بالحب والغرام و التي تطالبه بمعاودة العلاقة بينهما .

وسط كل ذلك كان سامي في صراع داخلي بين الانغماس في بحر الشهوات مع جارته الحسناء وبين تأنيب الضمير الذي لازمه نتيجة هذه العلاقة المحرمة .

حتي فاجئته شاهي عند خروجه للعمل صباحا ذات يوم ووجدها واقفة امامه مباشرة في انتظاره !!

: صباح الخير .

: صباح النور يا سامي ، عامل ايه ؟

: الحمد لله تمام .

: كنت فاكراك اول ما تشوفني هتقولي اني وحشتك !!

: طيب ممكن نأجل الكلام لبعدين علشان عندي شغل دلوقتي ؟

: لأ ، انت لازم تكلمني زي ما بكلمك ، انا مش لعبة في ايديك لعبت بها ولما زهقت منها ترميها .

: لا طبعا ، مين قال كده ؟!!

: تصرفاتك وافعالك كلها بتقول كده يا سامي .

: هنتكلم صدقيني بس مش دلوقتي علشان أتأخرت علي الشغل .

: مش هاخد من وقتك الا دقايق ، رد وقولي انا وحشتك ولا لا ؟؟

: بلاش الكلام ده علشان نشأت جوزك ، واوعي تنسي ان لولا ستر ربنا كان زمانه عرف واتفضحنا ، والله اعلم كان حصل ايه كمان .

: خلاص نشأت فهم ان شكوكه مش في محلها لما بعدنا عن بعض ، يعني دلوقتي ممكن نرجع نتكلم زي الاول عادي .

: لا بلاش .

: بلاش ايه ؟؟ انت مش عايز ترجعلي ؟؟!!

: احنا ضعفنا وغلطنا وربنا سترها معنا ، كفاية لحد كده علشان الامور مش تطور اكتر من كده ونرجع نندم في الأخر .

: انا عايزة اعرف منك حاجة واحدة بس ، انت بتحبني ولا لأ ؟

: وهيفيد بأيه ؟؟

: هيفيد كتير اوي ، علي الاقل قلبي يرتاح .

: اللي لازم تعرفيه أن احنا غلطنا يا شاهي لأننا مش ملك نفسنا ونسينا أن في ناس تانيين لهم حق علينا .

: ناس مين ؟

: جوزك واولادك ومراتي واولادي ، ولا انتي ناسياهم !!

: يعني انت كنت ناسيهم ودلوقتي افتكرتهم !!

: مهما تقولي يا شاهي مش هيغير من الحقيقة .

: حقيقة ايه ؟

: انت انتي ملك جوزك مش ملك نفسك ولا ملكي انا .

: انا زهقت منه ومن عيشته وقريب اوي لازم اتطلق منه .

: بعد أذنك انا لازم امشي دلوقتي اتأخرت علي الشغل اوي .

: مش هتفرق دقايق بس !!

: وخلي بالك ان اللي بنعمله ده حرام وربنا هيحاسبنا عليه و خليكي فاكرة كمان اننا مش عايزين حد يشوفنا .

: انت بتعقدها ليه يا سامي ؟

: مش بعقدها ولا حاجة لكن دي الحقيقة .

: هنتكلم تاني يا سامي ؟؟

↚

: ربنا يسهل .

: يعني ايه ؟ هتكلمني تاني ولا لأ ؟

: سلام يا شاهي دلوقتي .

انصرف سامي ذاهبا الي عمله بينما كانت شاهي تكاد أن تموت غيظا !!

بدأت شاهي في رسم مخطط للطلاق من نشأت الذي كانت تشعر بالضجر منه .

عاد سامي من عمله كالعادة وجلس مع اسرته وبعد مرور بعض الوقت سمع صوت شجار عالي صادر من شقة شاهي ونشأت !!

تعجبت سهام وقالت لسامي : انا اول مرة اسمع صوتهم بيتخانقوا كده !!!

سامي : واحنا مالنا ، خلينا في حالنا .

سهام : المفروض نروح نشوف فيه ايه ونهديهم شوية .

سامي : ملناش دعوة بيهم ، مادام هما اخدوا جنب مننا يبقي خلينا في حالنا ، وبلاش تنسي ان انتي كمان كنتي عايزانا نقطع علاقتنا بهم .

: لكن ده صوتهم عالي اوي والمفروض نروح نهدي بينهم شوية .

: لأ خلينا في حالنا وهما هيتخانقوا شوية وهيسكتوا .

وفعلا بعد مضي بعضا من الوقت اختفي صوتهم .

ولمدة عدة ايام متتالية تكرر نفس الأمر !!!

حاولت شاهي افتعال الخلافات مع زوجها حتي تنال طلاقها منه حتي انها طلبتها صراحة منه .

شاهي : نشأت طلقني .

نشأت : لأ مش هطلقك .

: انا مش عايزة اعيش معاك ، هتعيش معايا غصب عني ؟

: انا مش هطلقك لسببين الاول اني بحبك والتاني علشان الاولاد .

:الاولاد كده او كده هيتربو متخافش عليهم ، لكن انا مستحيل اعيش معاك تاني .

: وانا مستحيل اطلقك .

: يعني ايه !! مش هتطلقني ؟؟

: لأ .

: ده اخر كلام عندك ؟

: ايوة وبعد اذنك متفتحيش الموضوع ده معايا تاني .

في اليوم التالي اخذت شاهي اولادها وذهبت الي منزل اخيها .

حاولت شاهي التواصل مع سامي عبر الرسائل والاتصالات ولكنه تجاهلها تماما !!

وبعد عدة محاولات من زوجها عادت شاهي مرغمة الي منزلها بعد ايام !!!

تكاد النار أن تحرق قلبها بسبب فشل مخططها !!

ظلت شاهي تطارد سامي عبر رسائلها علي أمل أن يستجيب وتعود علاقتهما الي سابق عهدها .

**********

وفي صباح احد الايام فوجئ سامي بسهام تقول له : انا النهاردة رايحة المحكمة .

سامي : المحكمة !!! ليه ؟ خير فيه ايه ؟

: رايحة انا واخويا هنعمل اعلام وراثة .

: ليه ؟ هي حماتي الله يرحمها كان عندها ورث ؟

: ايوه ، ماما كان عندها ارض كبيرة .

سامي ” متهكما ” : ارض كبيرة قد ايه يعني ؟ قيراطين مثلا ؟!!!

: انت بتتريق ؟؟ ماما الله يرحمها كان عندها ٥ فدان ارض زراعية واكتر من فدان داخل كردون مباني من زمان .

: انتي بتتكلمي بجد ؟

: اومال يعني بهزر !! ايوه بتكلم جد .

: انتي تعرفي أن الارض دي قيمتها ملايين .

: ايوه انا عارفة .

: وازاي كانت حماتي عايشة حياة بسيطة وهي عندها الفلوس دي كلها ؟! للكاتب عادل عبد الله

: هي عمرها ما فكرت تبيع الارض ، حتي لما كانت بتمر علينا ظروف صعبة عمرها ما فكرت تبيعها .

: وانتي ناوية تعملي ايه ؟

↚

: وازاي كانت حماتي عايشة حياة بسيطة وهي عندها الفلوس دي كلها ؟!

: هي عمرها ما فكرت تبيع الارض ، حتي لما كانت بتمر علينا ظروف صعبة عمرها ما فكرت تبيعها .

: وانتي ناوية تعملي ايه ؟

: هعمل زي ماما طبعا وعمري ما هفكر ابيعها .

: عموما ده ورثك وفلوسك وانتي حرة فيهم .

: ينفع تيجي معايا المشوار ده يا سامي ؟

: ايوه طبعا لازم اروح معاكي .

ذهب معها سامي للمحكمة وقاموا بعمل اجراءات اعلام الوراثة .

وكان ذهابه معها وتغيبه عن العمل السبب في فصله من العمل !!

حين ذهب في اليوم التالي فوجئ سامي بأنه تم فصله من العمل .

حاول سامي تبرير سبب تغيبه عن العمل لمديره ولكن دون جدوي .

عاد سامي مهموم الي منزله وفوجئت سهام بروجعه المبكر !!

سهام : ايه ده ؟ رجعت بدري ليه من الشغل ؟؟

سامي : انفصلت عن العمل .

سهام : بتقول ايه ؟

سامي : بقولك المدير رفدني من الشغل .

سهام : ليه ؟ ايه اللي حصل ؟؟

سامي : علشان غيبت عن الشغل .

سهام : طيب وفيها ايه ؟

سامي : ما انتي عارفة القطاع الخاص مش بيرحم ، و هو الراجل ده كان بيتلكك علشان يمشيني .

سهام : وليه يعمل معاك كده ؟

سامي : من زمان وهو مش بيطيقني واخدها فرصة اني غيبت عن الشغل كذا يوم ورفدني .

سهام : غيبت عن الشغل كذا يوم !!! امتي ده ؟؟؟

سامي ” بارتباك شديد ” : ده من حوالي اسبوعين واحد صاحبي كانت والدته محتاجة تبرع بالدم وروحت اتبرعتلها ومرة تانية بعدها بكام يوم والدته توفيت وروحنا دفناها .

نظرت سهام نظرة شك وارتياب في سامي ثم قالت : طيب وبعدين هتعمل ايه دلوقتي ؟؟

سامي : هدور علي شغل تاني ، هعمل ايه يعني ؟!!

شعرت سهام بأن سامي يكذب عليها ولكنها لا تعلم السبب !!

بدأ سامي في عمل اتصالات ببعض اصدقاؤه للبحث عن عمل جديد .

ولكن طالت المدة وبدأت اعصابه ترهق من التفكير واصبح شديد العصبية .

وذات يوم فوجئوا بشاهي تدق جرس الباب علي عجل !!!

فتحت لها سهام فقالت لهم : ألحقوني !!

سهام : فيه ايه ؟

شاهي : نشأت تعبان اوي ومش عارفة اعمل ايه ؟

سهام : طيب ثواني هقول لسامي جوزي .

دخلت سهام وقالت لسامي : نشأت جارنا تعبان اوي ومراته جت بتستنجد بينا !! هنعمل ايه ؟؟

نشأت : الجيران لبعضها طبعا ، ثواني اتصل بالدكتور .

اتصل سامي بطبيب واعطاه العنوان ثم قال لسهام : روحي اقفي معاها يمكن تكون محتاجة حاجة .

عادت سهام بعد دقائق وقالت له : الدكتور بيقول لازم جوزها يتنقل للمستشفي فورا .

سامي : طيب استني ألبس هدومي بقي علشان اروح معاهم ، وتعالي انتي كمان معانا .

اتصل سامي واحضر سيارة اسعاف وذهب وزوجته مع شاهي للمستشفي .

واثناء وجودهم في الانتظار قالت سهام له : انا حاسة أن شاهي بتمثل .

سامي : بتمثل ازاي مش فاهم ؟؟

سهام : شكلها مش زعلانة علي تعب جوزها وبتمثل انها زعلانة .

سامي : حرام عليكي ، يعني انتي كنتي دخلتي جوه ضميرها علشان تعرفي اذا كانت بتمثل ولا لأ ؟!!

سهام : احنا ستات زي بعض ونفهم بعض كويس .

سامي : بلاش الظن في الناس ، حرام عليكي ، اسكتي بقي علشان هي جاية .

عادت شاهي ووقفت بجوارهم وهي تبكي .

سامي : الدكتور بيقول ايه ؟

شاهي : بيقول انه عنده تسمم .

سهام : طيب يا حبيبتي اهدي كده وان شاء الله هيبقي كويس .

وغمزت سهام لسامي بأن بكاء شاهي ما هو الا تمثيل !!

↚

بعد حوالي ساعتين اخبرهم الطبيب بأن الحالة بدأت في الاستقرار ولكنه يجب أن يوضع تحت الملاحظة الطبية ما لا يقل عن ٤٨ ساعة .

عادت سهام مع سامي الي منزلهم وتركوا شاهي في المستشفي .

واثناء عودتهم كانت تبدو علي ملامح سهام الحيرة والتفكير العميق فسألها سامي : مالك يا حبيبتي بتفكري في ايه ؟

سهام : مندهشة ازاي يكون جوزها تعبان للدرجة دي وتكون شاهي مش زعلانة عليه وبتمثل كده !!!

سامي : انتي بردو لسه مصممة انها بتمثل ؟

سهام : ايوه يا حبيبي ده واضح جدا ، انت ازاي مش واخد بالك ؟!

سامي : لأني مش مشغول بها بالدرجة دي علشان اركز معها .

سهام : ايوه ايوه انا عارفة ، علفكرة واضح ان شاهي مش بتحب جوزها خالص .

سامي : ما تسيبك بقي منها ومن جوزها ، انا مش بحب اجيب سيرة الناس وخصوصا لما يكونوا غايبين ومش موجودين .

سهام : ماشي يا سامي ، هنروح نشوف نشأت في المستشفي الصبح ولا لأ ؟

سامي : انا من رأيي بلاش ، احنا كده عملنا اللي علينا وزيادة كمان ، هما كانوا مقاطعينا ورغم كده لما احتاجولنا وقفنا معاهم .

سهام : انا كمان رأيي من رأيك .

وبعد يومين خرج نشأت من المستشفي وعاد للمنزل وبمجرد رجوعة فوجئت سهام به يأتي ليزورهم !!!

نشأت : انا مش عارف اقولك ايه يا استاذ سامي انت ومدام سهام ؟ لولاكم كان زماني ميت .

سامي : لا شكر علي واجب يا استاذ نشأت ، احنا جيران والجيران لبعضها .

نشأت : انا متأسف ليكي يا مدام سهام .

سهام : ليه بتقول كده ؟

نشأت : علشان مش عزيتك في وفاة والدتك ، حقك عليا انا اسف .

سهام : ولا يهمك يا استاذ نشأت مفيش داعي للأسف .

نشأت : طيب لو فعلا مفيش حاجة ياريت ترجعوا تشرفونا نتعشا مع بعض في اي يوم .

سامي : ااا…..

سهام : لا يا استاذ نشأت متأسفين اوي ، الاولاد بيذاكروا ولما مش بنكون جنبهم بيلعبوا ويسيبوا المذاكرة .

نشأت : يبقي لسه في حاجة في قلبك من ناحيتنا .

سهام : لا ابدا مفيش حاجة ابدا لكن علشان مذاكرة الاولاد .

نشأت : طيب انا مش هغصب عليكم ، شقتي مفتوحة لكم في اي وقت وبيتي هو بيتكم وبردو مش هقدر ارد جميلكم معايا .

انصرف نشأت الي شقته بينما سأل سامي زوجته سهام : انتي رفضتي دعوة الراجل ليه ؟؟

سهام : لاسباب كتير اوي .

سامي : ممكن اعرفها ؟؟

سهام : اولا احنا مش علي قد ايديهم يبعدوا عننا وقت ما يحبوا ويقربوا وقت ما يحبوا ، ثانيا انا قولتلك ان الناس دي اخلاقهم غير اخلاقنا ولازم نبعد عنهم ثالثا متنساش ان معني ان نقبل عزومتهم اننا لازم نرد العزومة وانت عارف طبعا الظروف الايام دي بعد ما قعدت من شغلك مش هنقدر نعزمهم .

نظر اليها سامي بأعجاب وقال لها : مفيش ولا كلمة قولتيها غلط ، برافو عليكي بجد ، بالمناسبة صحيح انا بكره رايح اقدم علي شغل جديد أدعيلي ربنا يكرمني فيه .

سهام : أن شاء الله ربنا هيكرمك .

في اليوم التالي عاد سامي في الظهيرة وواضح عليه معالم الحزن !!

سهام : مالك يا سامي ؟

سامي : مفيش حاجة .

سهام : قدمت في الوظيفة الجديدة ؟

سامي : روحت وياريتني ما روحت .

سهام : ليه كده ؟

سامي : وظيفة تعبانة ومرتبها ضعيف ومش هنعرف نعيش به .

سهام : طيب كنت اشتغلت فيها مؤقتا علي ما تشوف وظيفة احسن .

سامي : ونرجع تاني للمرتب الضعيف والفلوس اللي مش بتكفي وللمشاكل دي !! ولا نسيتي ؟؟

سهام : انت لسه فاكر !!! لا يا سامي بعد اللي حصل ده كله انا تفكيري اتغير كتير اوي عن الاول .

سامي : بردو يا سهام الوظيفة دي مش هتنفعنا .

سهام : طيب ناوي تعمل ايه ؟؟ الفلوس اللي معانا قربت تخلص !!

وقف سامي يفكر قليلا وقال : انا فكرت كتير لقيت فكرة جميلة جدا ممكن تخلينا نعيش عيشة ممتازة لكن عارف انك هترفضي .

سهام : ايه هي الفكرة دي ؟؟

سامي :

↚

 سامي : بردو يا سهام الوظيفة دي مش هتنفعنا .

سهام : طيب ناوي تعمل ايه ؟؟ الفلوس اللي معانا قربت تخلص !!

وقف سامي يفكر قليلا وقال

: انا فكرت كتير لقيت فكرة جميلة جدا ممكن تخلينا نعيش عيشة ممتازة لكن عارف انك هترفضي .

سهام : ايه هي الفكرة دي ؟؟

سامي : انك تبيعي الارض وبفلوسها نعمل مشروع كبير نعيش منه .

سهام : أبيع الارض ؟!!!!

سامي : ايوه هو ده الحل الوحيد يا حبيبتي .

سهام : مستحييييييل .

سامي : مستحيل ليه يا سهام ؟

سهام : علشان دي ارض ماما وهي كانت رافضة طول عمرها تبيعها .

سامي : لكن مامتك الله يرحمها توفيت دلوقتي ، وانتي و يسري اخوكي اللي ورثتوا الارض ، وانتوا احرار فيها تبيعوها او لأ .

سهام : لا طبعا ، الارض اللي ماما عاشت طول عمرها محافظة عليها مش ممكن افرط فيها بسهولة وابيعها .

سامي : يا حبيبتي هو انتي هتبيعيها وتصرفي فلوسها علي الاكل والفسح ؟!! ده انتي هتبيعيها وهنعمل مشروع بفلوسها ، وهنعيش من ارباح المشروع والمشروع مسيره يكبر وهتلاقي حياتنا بقيت في حتة تانية .

سهام : يا حبيبي دي احلام مش اكتر ، انت بتحلم انك تعمل مشروع ويكسب ويكبر انما الحقيقة غير كده .

سامي : ايه هي الحقيقة يا سهام ؟

سهام : الحقيقة انك لما تعمل مشروع معرض للنجاح او الفشل ، للمكسب او الخسارة ، يعني ممكن بردو المشروع يفشل .

سامي : بلاش تكسري احلامي وتهدديني بالفشل ، ان شاء الله هننجح مادام بنعمل كل اللي علينا ونتوكل علي ربنا وندعيه يوفقنا .

سهام : المشكلة الاساسية مش في ان المشروع ينجح او يفشل .

سامي : اومال المشكلة في ايه ؟

سهام : المشكلة ان مبدأ بيع الارض نفسه مرفوض .

سامي : خلاص يا سهام انتي حرة ، مش هجبرك علي حاجه انتي رفضاها .

انتهت المناقشة بين سامي وسهام ولكن استمر سامي في غضبه !!

حاولت سهام تبرير موقفها برفضها بيع الارض عدة مرات ولكن سامي كان يري ان بيع الارض وعمل مشروع خاص هو السبيل لحياة افضل .

واستمرت رحلة بحث سامي عن عمل من جديد ولكن بلاجدوي !!

عادت شاهي لمحاولة الاتصال ومراسلة سامي !!

ومع تكرار رسائلها المستمرة رد عليها سامي : عايزة ايه يا شاهي ؟

شاهي : انت عارف يا قلب شاهي ، عايزاك ترجع تحبني زي الاول .

سامي : وانا قولتلك اني خلاص ندمت علي الغلطة اللي غلطناها .

شاهي : بتسمي حبنا غلطة ؟!

سامي : طبعا غلطة واكبر غلطة كمان واكبر حرام وربنا يغفرلنا ويسامحنا علي اللي حصل بقي .

شاهي : انت ليه عايز تعذبني ؟!

سامي : انا مش بعذبك ، انا بس بفوقك من تفكيرك الغلط .

شاهي : انا هقولك حاجة يا سامي وافهمها زي ما تحب ، انا عمري ما حبيت حد زي ما حبيتك علشان كده عمري ما هسيبك ولا هبعد عنك ابدا .

سامي : وليه انا ؟ اشمعني انا ؟! انتي متجوزة ، ممكن تحبي جوزك !! ولو مش بتحبيه وعايزة تعيشي قصة حب في الحرام انتي جميلة جدا واكيد كتير معجبين بيكي ولو عايزة تحبي ممكن تحبي الف واحد غيري !!

شاهي : انا حبي ليك نساني كل حاجة ومش بقي يفرق معايا اي حاجة في الدنيا الا انك تكون جنبي مهما حصل ، وانا عارفة انك انت كمان نفسك تكون قريب مني .

سامي : مين اللي قالك كده ؟

شاهي : شايفة ده في عينيك .

سامي : لأ ، مش حقيقي .

شاهي : لأ يا سامي حقيقي اوي كمان ، بأمارة لما وقفت جنبي لما نشأت كان تعبان .

سامي : لأ ، انا عملت كده بحكم الجيرة مش اكتر ، وبالمناسبة بقي انتي كان واضح عليكي اوي في المستشفي انك مش زعلانة علي تعب جوزك .

شاهي : مين اللي قال كده ؟

سامي : انا اخدت بالي وسهام كمان اخدت بالها اوي .

شاهي : سهام مراتك دي مش سهلة ، انا مش عارفة انت متحملها ازاي ؟!

سامي : سيبك من سهام دلوقتي و ركزي في حياتك .

شاهي : انا مش هركز الا معاك انت .

سامي : طيب اقفلي يا شاهي دلوقتي علشان انا في البيت وسهام بتبص عليا اوي وعايزة تعرف انا بكلم مين .

سهام : انت بتكلم مين يا سامي ؟

سامي : لا ابدا ، ده واحد صاحبي كان بعتلي رسالة وبيسألني اذا كنت لقيت شغل ولا لسه .

سهام : بمناسبة الشغل ناوي تعمل ايه ؟

سامي : اهو لسه بدور علي شغل .

سهام : الفلوس اللي معانا تقريبا خلصت مش هتكفينا لغاية اخر الاسبوع .

سامي : وانا اعمل ايه ؟

سهام : اتصرف يا سامي ، يعني انا اللي هقولك تعمل ايه !!!

سامي : مفيش قدامي الا اني استلف اي مبلغ من اي حد نمشي نفسنا لغاية ما الاقي شغل مناسب .

سهام : ياااه للدرجادي ؟!! الكاتب عادل عبد الله

سامي : طيب وهعمل ايه ؟ انا قولتلك علي الحل اللي يحل كل مشاكلنا وانتي اللي مصممة علي اللي في دماغك !!!

سهام : تاني يا سامي !! هنتكلم في نفس موضوع الارض تاني ؟؟

سامي : خلاص يا سهام ، مش هنتكلم في حاجة ، سبيني بقي علشان افكر اشوف استلف من مين فلوس نمشي نفسنا بها .

جلس سامي يخاطب ضميره ويقول لنفسه ” شوفت يا سامي أخرة القذارة اللي عملتها مع الست دي وصلتك لفين ؟! سيبت شغلك و صابك الفقر ومش لاقي تصرف علي بيتك و بتدور علي حد تستلف منه فلوس تأكل عيالك منها !! ”

ثم عاود الرد علي نفسه ” بس يا واد يا سامي دي كانت ست اخر دلع !! رهيبة كلها جمال وانوثة عمرك ما شوفتهم قبل كده !! ”

ثم قال لنفسه ” يخربيت تفكيري !! لسه لغاية دلوقتي بتفكر في الارف ده ؟! المفروض تكون اتعلمت من اللي فات ، مش ترجع تفكر فيها تاني !!! ”

واثناء ذلك قاطعت سهام تفكيره وقالت له : ايه رأيك تشتغل تلي سيلز زي شاهي جارتنا ؟؟

↚

واثناء ذلك قاطعت سهام تفكيره وقالت له : ايه رأيك تشتغل تلي سيلز زي شاهي جارتنا ؟؟

سامي نظر لها فوجد في عينيها انها تريد اختباره !!!

رد سامي : معرفش حاجة عن الشغل ده .

سهام : ممكن نقول لشاهي تعلمك وتدربك .

ايقن سامي انها تريد اختبار ردة فعله رد عليها : لا يا سهام احنا اتفقنا اننا مش عايزين اي اختلاط بالناس دي ، مش عايزين نغير كلامنا تاني .

سهام : علشان ظروفنا يا سامي .

سامي : لأ بردو ، مش عايزين نختلط بيهم تاني .

سهام : خلاص يا سامي براحتك اعمل اللي يعجبك .

في اليوم التالي خرج سامي كعادته للبحث عن عمل وعاد بلا جديد !!

جلس في غرفته وحيد يفكر في سبيل للخروج من هذا المأزق فللبيت طلبات هو ملزم بها وقد طالت عطلته عن العمل فكيف سيلبي لاسرته كل طلباتهم .

وفي نفس الوقت كان يشعر بأن زوجته سهام هي من تملك المفتاح السحري لحل أزمته ببيع ارضها ولكنها تبخل عليه به .

شعور قلة الحيلة الذي يعاني منه وفي نفس الوقت احساسه بأن حل جميع مشاكله اصبح الان في يد سهام زاد من سوء حالته !!

جلس سامي تملؤه مشاعر الغضب الممزوجة بالحزن وبدأت مشاعر الاكتئاب تسيطر عليه !!

كانت اخر الخيارات المتاحة له هو بيع سيارته .

وبالفعل فوجئت سهام بسامي ذات يوم يخبرها بأنه باع سيارته .

سهام : بعيت العربية يا سامي ؟!!!

سامي : ايوه .

سهام : ليه كده يا سامي ؟

سامي : اتصرفت زي ما انت قولتيلي الفلوس خلصت واتصرف .

سهام : انا كان قصدي احفزك تشوف شغل بسرعة مش تبيع العربية !!!

سامي : انا بدور علي شغل من فترة ومفيش فايدة !! كنت هعمل ايه ؟؟

سهام : كنت شوف اي حل تاني غير بيع العربية .

سامي : انتي بتقولي اي كلام وخلاص ، صحيح اللي ايده في الميه مش زي اللي ايده في النار .

سهام : قصدك ايه يا سامي ؟

سامي : قصدي انك مش حاسة بأي حاجة وبالنسبالك كل حاجة سهلة ، سهل اني الاقي شغل !!! و سهل انه يكون كويس بمرتب كبير !!! وسهل الفلوس اللي تطلبيها تبقي موجودة !!! وسهل كل حاجة !!! لكن الحاجة الوحيدة الصعبة والمستحيلة انك تبيعي ورثك في الارض ونعمل مشروع يخلينا نعيش عيشة محترمة !!!!!

سهام : ياااه للدرجادي شايفني ست مش حسة بيك ومش يهمني الا مصلحتي وبس !!!

سامي : من فضلك يا سهام اللي حصل حصل والعربية انا بيعتها خلاص ، اتفضلي الفلوس دي خليها معاكي اصرفي منها علي ما الاقي شغل ، ومن فضلك مش عايز كلام في الموضوع ده تاني .

: ببساطة كده ؟!! كلامك اللي بتقوله ده معناه انك بتتهمني اتهامات انا مش اقبل بيها .

سامي : تقبلي او مش تقبلي انتي حرة ، من فضلك بقي عايز اقعد لوحدي في هدوء ومش عايز اي حد يكلمني .

اصبح سامي اكثر عزلة داخل المنزل وحاولت سهام اخراجه من هذه العزلة ولكن دون جدوي .

وذات يوم كان سامي نازل من المنزل فوجد جاره نشأت ولاحظ عليه شحوب وجهه وتبدو عليه مظاهر الاعياء !!!

فسأله : مالك يا استاذ نشأت ؟ انت شكلك تعبان !!!

نشأت : الحمد لله ، فعلا انا تعبان شوية .

سامي : مالك ؟ حاسس بأيه ؟

نشأت : والله يا استاذ سامي انا مش عارف انا فيا ايه !! ارهاق مستمر ومغص معوي علطول وضغط الدم عندي مضطرب بشكل غريب بيرتفع جدا واحيانا بينخفض جدا !! ولحد دلوقتي مش عارف انا فيا أيه ؟!

سامي : ومش كشفت ليه ؟

نشأت : كشفت كتير ولسه مفيش فايدة ، كلام الدكاترة مش محدد ومش قادرين يوصلوا لتشخيص دقيق .

سامي : طلبوا منك اشاعات او تحليل ؟

نشأت : ايوه طلبوا تحاليل كتير وعملتها كلها وبردو مفيش فايدة .

سامي : الف سلامة عليك يا استاذ نشأت ، وانت بتروح الشغل ولا في اجازة ؟

نشأت : لأ انا في اجازة مرضية ، هروح الشغل ازاي انا مش بقدر اتحرك الا بصعوبة ، دا انا النهاردة حسيت اني بقيت كويس علشان كده نزلت اجيب الدوا من الصيدلية .

سامي : الف سلامة عليك يا استاذ نشأت ، لو احتجت اي مساعدة في اي وقت انا تحت امرك .

نشأت : الصراحة الحاجة الوحيدة اللي عايز اطلبها منك وخايف تحرجني اني عايزك انت والمدام ترجعوا تزورونا وتودونا تاني .

سامي : اللي فيه الخير يقدمه ربنا .

نشأت : الصراحة انا حاسس اني هموت قريب علشان كده عايزكم تكونوا جنب شاهي والاولاد علشان مش لهم اي حد ، حتي اخو شاهي الوحيد شخص لا يعتمد عليه بالمرة .

سامي : يا عم ايه اللي انت بتقوله ده !! انت في عز شبابك وبعدين هو كل واحد تعب يومين يبقي هيموت ، ربنا يبارك في عمرك وتربي اولادك .

نشأت : متشكر يا استاذ سامي ، بس يا ريت تشوف الموضوع ده .

↚

سامي : حاضر يا استاذ نشأت .

دخل سامي وعلي وجهه علامات الذهول والتفكير فسألته سهام : مالك يا سامي فيه ايه ؟

سامي : نشأت جارنا .

سهام : ماله ؟

سامي : عيان وبيقولي انه حاسس انه هيموت قريب وبيوصيني انا وانتي نرجع نقرب منهم تاني علشان خايف علي مراته وعياله !!

سهام : سيبك منه ، هو فيه حد بيعرف هيموت امتي !!

سامي : لا طبعا ده شئ في علم الله .

سهام : طيب خلاص انا هنفضل زي ما احنا .

سامي : وهنعمل ايه في وصية الرجل ده ؟؟

سهام : سامي لما الراجل يموت نبقي نخلي بالنا منهم ، ولا انت عايز تبقي حجة ليك ؟؟؟

سامي : قصدك ايه يا سهام ؟

سهام : قصدي انت عارفه كويس .

سامي : لأ معرفوش ، وضحي كلامك بعد اذنك .

سهام : قصدي انك عينك من مراته .

سامي : انا ؟؟؟

سهام : ايوه انت ، وهي كمان عينيها تدب فيها رصاصة ، ست مش محترمة .

سامي : انا قولتلك كتير ان مفيش حاجة من اللي في دماغك دي حقيقة ، وكلها مجرد اوهام .

سهام : اوهام ولا حقيقة الناس دي مش لنا علاقة بهم نهائي .

سامي : خلاص يا سهام ، اقفلي الكلام في الموضوع ده احسن .

سهام : ماشي يا سامي ، قولي عملت ايه لقيت شغل ولا لسه ؟

سامي : لقيت شغل كاشير في سوبر ماركت ب ٢٥٠٠ جنية .

سهام : بس ؟؟؟

سامي : ايوه .

سهام : وهتشتغل ؟؟

سامي : ما باليد حيلة ، مفيش حاجة تانية قدامي .

سهام : مواعيد الشغل من كام لكام ؟

سامي : من الساعة ٤ العصر للساعة ١ بعد نص الليل .

سهام : طيب ما تحاول تشوف شغل غيره ؟

سامي ” بعصبية ” : انا مش عارف ارضيكي ازاي ؟؟ لو رضيت بشغل زي ده تقولي شوف حاجة غيره ولو مش رضيت به تقوليلي اي شغل مؤقت لغاية ما تشوف شغل كويس !!!!! انا مش عارف ارضيكي ازاي .

ترك سامي سهام زوجته غاضبا و دخل غرفته واغلقها عليه .

وبعد مرور اكثر من ساعة دخلت سهام لزوجها سامي الذي كان يجلس

في حزن وجلست بجواره ثم ابتسمت وقالت له :

↚

وبعد مرور اكثر من ساعة دخلت سهام لزوجها سامي الذي كان يجلس

في حزن وجلست بجواره مباشرة ثم ابتسمت وقالت له : انا موافقة اني ابيع الارض .

نظر لها سامي باندهاش : بتتكلمي بجد ؟؟

سهام : ايوه .

اخذها سامي في احضانه وقال لها : يا حبيبتي … انا بحبك اوووي .

سهام : بس مش كلها .

سامي : يعني ايه ؟

سهام : يعني هنشوف المشروع اللي انت عايز تعمله هيتكلف كام ونبيع جزء من الارض علي قد الفلوس اللي محتاجها ، وهنسيب باقي الارض مش هنبيعها .

سامي : انا مش مصدق !! انتي بتتكلمي بجد ؟؟

سهام : ايوه يا حبيبي ، يلا بقي قولي مشروع ايه اللي عايز تعمله وعايز كام ؟

سامي : انا عايز افتح شركة ديكورات و تشطيبات هندسية .

سهام ” بتعجب ” : وانت تفهم حاجة فيها ؟؟

سامي : لا ، لكن انتي فاكرة مروان صاحبي ؟

سهام : مروان مين ؟

سامي : مروان صاحبي اللي زارنا يباركلنا هو ومراته في اول جوازنا .

سهام : ايوه افتكرته .

سامي : هو مهندس ديكور ، وكلمني اكتر من مرة اننا نعمل شركة مع بعض وكنت بتهرب منه ومكسوف اقوله اني مش معايا فلوس .

سهام : لكن انت مش بتفهم حاجة في الشغل ده يا سامي !!

سامي : انا هتولي الامور المالية و الادارية وهو هيتولي الامور الفنية والهندسية وان شاء الله ربنا يكرمنا .

سهام : الصراحة انا مش مقتنعة ، لكن مش عايزة ازعلك يا حبيبي !! ما تحاول تشوف اي مشروع تاني بتفهم فيه يكون احسن .

سامي : المشروع ده حلو جدا ومكسبه مضمون ، ده مروان دلوقتي ما شاء الله ربنا فتحها عليه وبقيت حالته المادية مرتاحة جدا .

سهام : وهو لما حالته المادية مرتاحة مش عمل الشركة دي لوحده ليه ؟

سامي : هو فعلا عنده مكتب كبير لكن هو عايز يحوله لشركة ومحتاج لحد زيي معاه يكون شريك له و مضمون .

سهام : طيب يا سامي اللي تشوفه صح اعمله ، وفلوسي وفلوسك واحد ، في الاخر هي فلوس اولادنا ، شوف محتاج فلوس قد ايه و بلغني .

بعد عدة ايام سامي قال لسهام انا عازم مروان صاحبي ومراته عندنا .

سهام : ليه يا سامي ؟

سامي : مش قولتلك هعمل معاه شركة ؟! لازم نقرب من بعض ويبقي فيه علاقات بين الاسرتين ده هيفيدنا في شغلنا جدا ويوطد العلاقة بينا .

سهام : والله يا سامي انا مش شوفت من ورا العلاقات اللي بالشكل ده الا المشاكل والهم .

سامي : مين اللي بيقول كده ؟؟ معقول سهام اللي بتقول كده !!!

سهام : ايوه انا اللي بقول كده ، مستغرب ليه ؟ مفيش حد بيتعلم من اخطاؤه ولا ايه ؟؟

سامي : لا يا حبيبتي اكيد الواحد كل يوم بيتعلم حاجة جديدة وخصوصا لما بيغلط ويتعلم من غلطته ، لكن ده صاحبي من زمان اوي يعني زي اخويا وانتي شوفتيه هو ومراته قبل كده ، يعني مش ناس غريبة عننا .

↚

سهام : علي العموم اعمل اللي انت عايزه وانا معاك .

سامي : تسلميلي يا حبيبتي .

سهام : طيب كنا عزمتاهم بره البيت احسن ، مفيش داعي لعزايم البيوت .

سامي : عزومة بره هتتكلف كتير اوي والظروف دلوقتي مش حلوة زي ما انتي عارفة ، ولا ايه رأيك ؟

سهام : رأيي من رأيك يا سامي شوف انت عايز تعمل ايه .

سامي : يبقي نعزمهم يوم الجمعة الجاية علي الغداء .

سهام : طيب ايدك بقي يا سمسم هات فلوس نشتري فراخ ولحمة و باقي طلبات العزومة .

سامي : معلش يا قلبي خليها عليكي اتصرفي انتي دلوقتي من معاكي وانا هبقي ارجعلك اللي هتصرفيه اول ما يكون معايا فلوس .

ضحكت سهام : ماشي يا سمسم انا وانت واحد مفيش فرق بينا .

سامي كلم مروان صاحبه وعزمه والمدام علي الغداء يوم الجمعة .

حضر مروان وزوجته مروة لمنزل سامي وسهام .

استقبلتهم سهام بالترحاب ولكنها لاحظت تغير كبير في مروان وزوجته عن سابق عهدهم بها !!!

فقد اصابهم الغرور بشكل ملحوظ خاصة زوجته مروة التي وضح عليها علامات الثراء والغرور بصورة مبالغ فيها !!!

حاولت سهام استيعاب غرور الضيوف حتي تناولوا الغداء وبدأ سامي في الحديث مع مروان حول امكانية بداية مشروعهم الذي يحلمون به .

فاجئتهم مروة بكلام مثل طلقات الرصاص فقالت : سوري يا سامي المشروع ده هيتكلف مبلغ كبير اوي وانا شايفة أن ظروفكم اكيد مش هتسمح تدبروا المبلغ المطلوب !!!

قاطعتها سهام بحدة : فلوس كتير ايه يا حبيبتي اللي بتتكلمي عنها ، احنا علفكرة نعمة ربنا مغرقانه ومعانا اي فلوس ممكن تتخيليها .

مرورة ” بارتباك ” : انا اسفة مقصدش حاجة ، ربنا يذيدكم يا حبيبتي ، لكن مشروع زي ده علشان يبدأ مش عايز اقل من ٢ مليون جنية .

سهام : اعتبري المليون حصتنا في الشركة موجودين دلوقتي ، لكن انا الأول كنت عايزة أسألك سؤال .

مروة : يا تري انتي بتفهمي في الشغل ده علشان تقولي المشروع يتكلف قد ايه ؟

مروان : يا مدام سهام مروة مراتي مهندسة ديكور زيي بالظبط وبتشتغل معايا في المكتب وعندها خلفية تامة عن كل شغلي .

سهام : انا كنت بسأل بس مش أكتر ، وعلي العموم اعتبروا الفلوس موجودة لكن كنا عايزين دراسة جدوي للمشروع علشان اعرضها علي ابن عمي لانه متخصص في عمل دراسات الجدوي للمشاريع اللي بالشكل ده ، ولو مفيش دراسة جدوي معاكم ممكن اقوله يعمل دراسة جدوي للمشروع بالكامل وفي وقت قياسي .

مروة : ماشاء الله يا مدام سهام ، شكلك بتفهمي في المشاريع والاعمال .

قاطعها سامي : سهام مراتي بكالوريوس تجارة شعبة ادارة اعمال ، لكن هي حبت تتفرغ ليا و للبيت ولتربية الاولاد .

مروان : مدام سهام حضرتك ممكن تعرفينا بابن عمك ونقعد معاه ونكلمه في كل تفاصيل المشروع وهو يجهزلنا دراسة جدوي زي ما قولتي .

وفجأة يقطع حديثهم صراخ صادر من شقة جيرانهم فيندهشوا جميعا وبعد لحظات يفاجئوا بشاهي تدق عليهم باب الشقة بلهفة شديدة وعندما فتحت سهام الباب صرخت شاهي في وجههم جميعا : ألحقوني نشأت مات !!!!

↚

جري سامي وسهام ومعهم الضيوف مروان وزوجته مروة ودخلوا ليستطلعوا الأمر !!!

اتصل سامي بالاسعاف سريعا وبعد دقائق حينما وصلت سيارة الاسعاف ابلغوهم أن نشأت مات بالفعل !!!

كانت صدمة موت نشأت قوية علي الجميع !!!

وكان من بين اكثر المصدومين بموته سهام التي كادت الغيرة أن تقتلها .

وبعد انتهاء العزاء نظرت سهام لزوجها وقالت : مش كفاية كده بقي ؟

سامي : كفاية ايه ؟ مش فاهم !!

سهام : جارنا نشأت مات والعزاء خلص ، كفاية بقي كلام مع مراته .

سامي : وهنتكلم معاها في ايه تاني ؟ احنا وقفنا جنبها بحكم الجيرة ودي الاصول والواجب .

سهام : تمام يا سامي ، بس كده كفاية اوي ، مش عايزة اشوفك بتكلمها تاني ، ولا انت عايز تنفذ وصية المرحوم ؟!

سامي : قصدك ايه ؟

سهام : قصدي انت فاهمه كويس يا سامي .

سامي : طيب خلاص يا سهام انا فعلا مش بتكلم معها الا علشان اجراءات الدفن والعزاء وعموما حاضر مش هكلمها تاني يا سوسو .

سهام : ماشي يا سامي لما نشوف ، قولي عملت ايه في المشروع مع مروان ؟

سامي : هنروح لابن عمك بكره يعملنا دراسة جدوي للمشروع وبعد كده نحدد هنحتاج فلوس قد ايه وهنبدأ امتي .

سهام : طيب انا كمان هتكلم مع يسري اخويا النهاردة وهعرفه اني هبيع جزء من الارض علشان لو عايز يشتريه هو أولي من الغريب .

بعدها اتصلت سهام بأخيها يسري وعندما اخبرته برغبتها في بيع جزء من الارض استشاط غضبا وقال لها : انت اتجننتي يا سهام ؟؟ هتبيعي ايه ؟؟

سهام : هبيع جزء من الارض علشان نعمل مشروع نعيش منه انا وسامي .

يسري : لا انتي كده اكيد اتجننتي !! انتي مش عارفة ان امك الله يرحمها كانت رافضة فكرة بيع الارض دي نهائي ؟!!

سهام : ايوه عارفة ، لكن انا بقولك هبيع جزء من الارض بس مش كلها .

يسري : ولا تبيعي منها متر واحد .

سهام : يعني ايه ؟؟

يسري : يعني علي جثتي يا سهام انك تبيعي متر واحد من الارض .

سهام : ليه كده يا يسري ؟ ده حقي وانا حرة التصرف فيه ، وانا بقولك علشان لو عندك النية تشتري مني انت اولي من الغريب .

يسري : اولا انا مش معايا فلوس اشتري ، ثانيا مفيش حد هيدوس ارض امي برجليه طول ما انا عايش .

سهام : انت بتعقد الامور بالشكل ده كده ليه يا يسري ؟

يسري : مش بعقدها ولا حاجة ، لكن هو ده اللي هيحصل يا سهام ، انا مش هسمح لحد غريب يشتري ارض امي .

سهام : وانا لازم ابيع جزء منها لأني محتاجة فلوسه .

يسري : مش انتي علي ذمة راجل ؟ هو يتكفل باحتياجاتك ، ولا هو طمع في ورثك لما عرف ان عندك ورث ؟!!

سهام : لا يا يسري بعد اذنك انا مسمحش لك انك تتكلمي بالطريقة دي عن سامي جوزي .

يسري : كلامك معناه كده يا اختي ، وعلشان مش نتكلم كلام كتير ملوش لزوم اقفلي علي الموضوع ده مفيش ارض هتتباع .

سهام : وانا بقولك يا يسري شوف نفسك لو عايز تشتري الارض انت اولي من الغريب لأن كده او كده انا هبيع جزء منها .

يسري : يعني بعد كل الكلام ده لسه مصممة علي كلامك ؟!!

سهام : ايوه علشان دي ظروف وانا مضطرة اعمل كده .

يسري : لو بيعتي الارض يا سهام لا انتي اختي ولا اعرفك وهتفتحي علي نفسك بوابة جهنم .

انتهت المكالمة مع اخيها وجلست سهام تبكي .

عاد سامي ولاحظ بكاء سهام فسألها في شغف : مالك يا سهام ايه اللي حصل ؟ بتعيطي ليه ؟

سهام : مفيش حاجة .

سامي : مفيش ازاي وانتي مموته نفسك من العياط كده !!

سهام : يسري اخويا .

↚

سامي : ماله ؟

سهام : رافض اني ابيع الارض وبيقولي علي جثته اني ابيعها .

سامي : وهو ايه دخله بأنك تبيعي الارض او لأ ؟ انتوا قسمتوا الورث وكل حد فيكم اخد نصيبه وهو حر فيه .

سهام : لأ ، هو بيقولي الارض اللي امنا فضلت محافظة عليها طول عمرها مستحيل يقبل اني ابيعها .

سامي : لا بقي معلش ، هو ملوش دخل بحاجة زي كده ، كل واحد حر في الحاجة اللي يملكها ، وبعدين يا ستي اعرضي عليه يشتريها مادام رافض أن حد غريب يشتريها .

سهام : انا فعلا عرضت عليه يشتريها لكنه قالي انه مش معاه فلوس يشتري ورافض اني ابيعها سواء له او للغريب .

سامي : طيب خلاص سبيني انا هتكلم مع يسري واحاول اقنعه بهدوء .

سهام : بلاش يا سامي ، انت ويسري مش بتتفقوا مع بعض وكتير بتتخانقوا ، و اكيد هتشدوا قصاد بعض ، والموضوع ده حساس وخايفة تحصل بينكم مشكلة كبيرة .

سامي : لأ ، انا هحاول اتمالك اعصابي وانا بكلمه و بأذن الله هقدر اقنعه .

سهام : ولو مش اقتنع يا سامي هتعمل ايه ؟؟

سامي : احنا كده او كده هنبيع الارض برضاه او بدون رضاه ، انا هحاول اقنعه بس علشان خاطرك وعلشان مش تزعلوا من بعض ، انما هو ملوش حاجه عندنا علشان نستأذنه وناخد موافقته .

سهام : انا مش عارفه اقولك ايه يا سامي خايفة اقولك نلغي او نأجل المشروع دلوقتي تزعل مني .

سامي : انتي بتقولي ايه ؟! بعد ما اتفقت مع الناس ارجع في كلامي ؟!

سهام : خلاص يا سامي انا هتكلم تاني مع يسري .

سامي : لأ انا اللي هروح اتكلم معاه النهاردة .

سهام : علشان خاطري يا سامي حاول تتفاهم معاه بالراحة .

ارتدي سامي ملابسه وهم بالنزول فقالت له سهام : استني يا سامي انا جاية معاك .

سامي : ليه ؟ انتي بردو خايفة تحصل مشكلة كبيرة ؟

سهام : بصراحة ايوه .

سامي : انا قولتلك مش هيحصل حاجة وعلي العموم تعالي معايا مفيش مشكلة ، بس ياريت بقي بسرعة .

نزل سامي وسهام وذهبوا ليسري وبمجرد ان شاهدهم يسري عرف سبب مجيئهم معا في هذا الوقت !!

فاشتاط غضبا وقال لها : ما دام جيتي ومعاكي جوزك يبقي عايزين تتكلموا في نفس الموضوع !!!

سامي : طيب نقعد الاول وبعدين نتكلم يا يسري .

يسري : اتفضلوا اقعدوا واتكلموا في اي موضوع ماعدا موضوع الارض .

سامي : واذا كان موضوع الارض هو الموضوع اللي جايين نتكلم فيه !!

يسري : وانت يخصك في ايه انك تتكلم في ارض امي ؟؟

سامي : دي ارض سهام مراتي وانا وهي واحد.

يسري : دلوقتي بتقول انت وسهام واحد !!! مش سهام دي اللي انت اتجوزت عليها اعز صاحبة لها ؟!!

سامي : احنا قفلنا علي كل المواضيع القديمة دي ودلوقتي احنا بنتكلم في موضوع الارض .

يسري : موضوع الارض ده شئ يخصني انا واختي انت ملكش دخل به .

↚

يسري : دلوقتي بتقول انت وسهام واحد !!! مش سهام دي اللي انت اتجوزت عليها اعز صاحبة لها ؟!!

سامي : احنا قفلنا علي كل المواضيع القديمة دي ودلوقتي احنا بنتكلم في موضوع الارض .

يسري : موضوع الارض ده شئ يخصني انا واختي انت ملكش دخل به .

سامي : ازاي مش ليا دخل به ؟ دي مراتي !!

يسري : يعني انت طمعان في فلوس مراتك ؟

سامي : انا مسمحلكش تتكلم معايا بالاسلوب ده .

قاطعتهم سهام : طيب خلاص يا جماعة بعد اذنكم كفاية ، انتوا هتتخانقوا ولا ايه ؟!! يا يسري يا اخويا احنا ظروفنا حكمت علينا نبيع جزء من الارض ، انت محكم رأيك ليه بقي ؟؟ لو مش عايز حد غريب يدخل الارض اشتريها انت .

يسري : انا قولتلك اني مش معايا فلوس .

سهام : طيب يا يسري انا برضو هرضيك علشان احنا اخوات واشوف خالك او اي حد من قرايبنا يشتري الأرض ويبقي مفيش حد غريب اشتري الارض .

انتهي الكلام الي هنا واتصلت سهام بخالها واخبرته بالمشكلة الواقعة بينها وبين اخيها بسبب بيع الارض .

وعرضت عليه شراء جزء منها .

وبالفعل استطاعت سهام الخروج من هذا المأزق وباعت جزء من الارض لخالها واصبح معها أكثر من اتنين مليون جنية !!!

بدأ سامي وشريكه مروان بالبدء في تأسيس مشروعهم الجديد .

وانشغل سامي لعدة ايام مع مروان في اعداد مقر الشركة الجديدة وعمل الدعاية والاعلان اللازمين لمشروعهم .

وذات يوم عاد سامي من عمله متأخرا ليلا ولكنه عندما دخل الي منزله فوجئ بالهدوء يعم المنزل بالكامل !!

تعجب بشدة ثم دخل غرفة اولاده ووجدهم نائمين في هدوء فعلم أن زوجته سهام بالتأكيد نائمة !!

دخل سامي لاعداد بعض الطعام لنفسه .

فتحت سهام باب غرفتها قليلا حتي لا يراها سامي وبدأت في مراقبتة وهو يعد الطعام لنفسه وظلت تضحكت وتبتسم في صمت !!

انتظرت سهام حتي انتهي من تناول طعامه ثم قام للدخول الي غرفته .

وبمجرد أن فتح سامي الغرفة اصابه الذهول !!!

لم يصدق ما تراه عينيه فقد كانت سهام في ابهي صورة لم يراها عليها منذ بداية زواجه !!

سامي : ايه ده ؟ ايه اللي انا شايفه قدام عينيا ؟؟ انا مش مصدق !!

سهام ابتسمت : فيه ايه ؟

سامي : انتي مين ؟؟ انتي سهام مراتي ؟؟

سهام : انت شايف ايه ؟

سامي : انا شايف اجمل ست في الدنيا .

سهام : بجد ؟؟ يعني انا كده عجبتك ؟؟

سامي : اكيد ، لازم تعجبيني طبعا .

سهام : يعني انا كده فعلا حلوة في عينيك ؟؟

سامي : يا بنتي انتي متسأليش سؤال زي ده .

سهام : ليه بقي ؟

سامي : بصراحة انا مش مصدق اللي انا شايفه ، قوليلي انتي عملتي في نفسك كده أمتي ؟؟

سهام : النهاردة .

سامي : ازاي ؟ انتي اتحولتي ١٨٠ درجة في أقل من ١٢ ساعة !!!!

سهام : انا كنت حاجزة في بيوتي سنتر من الاسبوع اللي فات ومن يومين وانا بروح هناك اعمل حاجات خفيفة كده وارجع بس انت مش اخدت بالك ، النهاردة بقي خلصت كل حاجة وبقيت زي ما انت شايف .

سامي : انتي يا حبيبتي حلوة من غير اي حاجة .

سهام : يا سلام !! ما انا كنت مش عجباك وكنت بتقولي اهتمي بنفسك شوية !!

سامي : ايوه فعلا قولتلك كده ، شوفي انتي دلوقتي ازاي وكنتي ازاي لما كلمتك !!! دا انتي كمان غيرتي لون شعرك للون اللي انا بحبه !!

سهام : يا حبيبي انا اعمل اي حاجة علشان ارضيك المهم مش تبص لست غيري .

↚

سامي : يا حبيبتي ازاي تبقي معايا حورية جميلة زيك وابص لغيرها ؟!! بس قوليلي بقي ايه سر التغيير الرهيب ده بقي ؟؟

سهام : يا قلبي انا كان غصب عني مشغولة بالاولاد ، انا عارفة انك كان لك حق في كلامك لكن كان غصب عني .

سامي : ويعني هما الولاد كبروا ؟! ماهم لسه صغيرين !!

سهام : ايوه بس لما بقي فيه فلوس معانا كتير ليه مش نتمتع بيها ؟!!

سامي : اوعي يا سهام تضيعي الفلوس علي الكوافيرات والهدوم والحاجات دي !! استني شوية لما المشروع نكسب منه ونبقي نعمل كل اللي نفسنا فيه .

سهام : طيب كنت عايزة اخد رأيك في حاجة بمناسبة الفلوس .

سامي : قولي ، ربنا يستر .

ضحكت سهام : متخافش ، كنت عايزة اقولك اني نفسي انا كمان اعمل مشروع .

سامي : مشروع ايه ؟؟

سهام : كان نفسي اعمل مشروع خيري ، دار ايتام او مستشفي للفقراء .

ضحك سامي : انتي طيبة اوي يا سهام !! يا حبيبتي اللي بتقولي عليه ده محتاج فلوس كتير جدا اكتر من فلوسك بكتير .

سهام : ليه تحبطني كده يا سامي ؟!

سامي : يا حبيبتي مش بحبطك ولا حاجة انا بقولك الحقيقة .

سهام : انا كنت عايزة مادام ربنا وسعها علينا نعمل حاجة لله .

سامي : جميل جدا ، مادام عايزة تعملي حاجة لله نعمل حاجة في حدود امكانياتنا دلوقتي ولما ربنا يوسعها علينا اكتر نبقي نعمل اللي بتقولي عليه .

سهام : طيب هنعمل ايه دلوقتي ؟

سامي : ممكن تتبرعي بمبلغ لدار ايتام او لدار مسنين او للمستشفيات اللي بتحتاج تبرعات علشان تتوسع .

سهام : ايوه حلو اوي ده .

سامي : طيب نأجل الكلام ده للصبح ودلوقتي تعالي بقي علشان نعمل حاجة مهمة جدا .

سهام : هنعمل ايه ؟

سامي : اطفي النور وتعالي وانا هقولك .

وقبل طلوع الشمس بدقائق قالت سهام : انا بحبك اوي يا سامي .

سامي : وانا كمان يا قلب سامي بموت فيكي .

سهام : انا حاسة زي ما يكون انت كنت غايب عني كتير اوي واخيرا رجعتلي !!

سامي : يا قلبي ، انا جنبك علطول لكن انتي اللي كنتي مشغولة عني .

سهام : انا خلاص مذ هنشغل عنك تاني ، وانت كمان اوعدني انك مش تنشغل عني تاني ابدا .

سامي : يا قلبي مش هنشغل عنك ابدا ، انا مفيش في حياتي الا انتي والاولاد والشغل .

سهام : حتي الشغل مش يشغلك عني .

سامي : لازم انشغل بشغلي طبعا ، ولا انتي عايزة المشروع يفشل ؟؟

سهام : لا يا حبيبي ان شاء الله مش هيفشل ، اهتم بشغلك بس المهم شغلك مش ياخد كل وقتك !! يعني خلي ليا جزء كبير من وقتك مع شغلك علشان مفيش حاجة تبعدنا عن بعض تاني .

سامي : حاضر يا حبيبتي ، ننام بقي شوية .

سهام : ايه رأيك نعمل شهر عسل جديد ؟؟

سامي : والعيال هنعمل فيهم ايه ؟؟

سهام : مش عارفة !!!

سامي : يا حبيبتي احنا ممكن حياتنا تبقي كلها عسل في عسل مش شهر بس نهتم ببعض شوية .

انتهت الليلة السعيدة واستيقظ سامي قرب الظهيرة وتناول افطاره سريعا ونزل لمتابعة العمل في تأسيس شركته الجديدة .

واثناء وجوده في العمل فوجئ سامي بشاهي تتصل به اتصالات متتالية !!

تجاهلها وترك هاتفهه ثم وجد منها رسالة تقول ” كلمني ضروري جدا حالا ” !!

↚

واثناء وجوده في العمل فوجئ سامي بشاهي تتصل به اتصالات متتالية !!

تجاهلها وترك هاتفهه ثم وجد منها رسالة تقول ” كلمني ضروري جدا دلوقتي حالا ” !!

رد سامي عليها برسالة ” عايزة ايه مني ؟ ”

فاتصلت به شاهي مرة اخري !!

سامي : ايوه خير ؟؟

شاهي : انت بتكلمني كده ليه يا سامي ؟؟

سامي : مش موضوعنا ، قوليلي انتي دلوقتي عايزة ايه ؟؟

شاهي : تاني يا سامي ؟؟ انت بتكلمني كأني بشحت منك !!!

سامي : لا مش بتشحتي ، لكن احنا كنا اتفقنا اننا نقفل علي كلامنا مع بعض وكل واحد يشوف حياته ، معرفش انتي دلوقتي بتكلميني تاني ليه ؟

شاهي : لأ متفقناش علي كده .

سامي : لأ اتفقنا علي كده بأمارة لما قولتلك اننا غلطنا غلطة وكويس اوي ان ربنا سترها معنا و مش لازم الموضوع يتطور اكتر من كده .

شاهي : انت قولت لكن انا موافقتش .

سامي : وانا مالي توافقي ولا متوافقيش ، دي حاجة ترجعلك .

شاهي : لا طبعا ، مالك ونص كمان .

سامي : يعني ايه ؟؟

شاهي : يعني انت متعرفش انا عملت ايه علشان خاطرك .

سامي : مش عايز اعرف .

شاهي : لأ لازم تعرف .

سامي : مش عايز اعرف حاجة .

شاهي : لازم تعرف اني قتلت جوزي علشانك .

سامي : بتقولي ايه ؟؟؟؟؟؟

شاهي : بقولك انا موتت نشأت علشان نبقي انا وانت لبعض .

سامي : يا نهارك اسود !!! انتي بتقولي ايه ؟

شاهي : زي ما سمعت كده .

سامي : طيب اقفلي اقفلي دلوقتي .

اغلق سامي هاتفهه ووضع يده علي رأسه غير مستوعب لما قالته شاهي !! وظل يفكر في هذه الكارثة التي لم يتوقعها ابدا !!!

ظل سامي يفكر لساعات في كيفية التصرف .

فكر سامي بأحتمالية ان تكون شاهي تدعي ذلك حتي تحكم سيطرتها عليه ، فعاود الاتصال بها وسألها : انتي الكلام اللي قولتيه دي حقيقي ولا بتقولي كده علشان ارجعلك ؟

شاهي : وهو معقول اني هقول علي نفسي كده وهو مش حقيقي ؟!

سامي : ولما كلامك حقيقي فعلا ازاي مفيش حد اكتشف كده ؟

شاهي : مين اللي هيكتشف ؟

سامي : الدكتور اللي اخرج له شهادة الوفاة مثلا .

شاهي : نشأت مات بطريقة مش ممكن تظهر ابدا .

سامي : ازاي ؟

شاهي : ازاي دي بتاعتي انا بقي ، المهم دلوقتي خلي في علمك اني بعد ما عملت اللي عملته مش هسمحلك تبعد عني .

سامي : انتي مفيش قدامك غيري ؟!!! ده الف واحد يتمني منك نظرة بس اشمعني انا اللي متمسكة بيا بالشكل ده ؟!

شاهي : انا مليش دعوة بألف واحد ولا حتي مليون واحد انا مش عايزة غيرك انت .

سامي : ليه ؟

شاهي : القلب وما يريد بقي .

سامي : وانا قولتلك قبل كده وهقولك تاني انها كانت غلطة وربنا سترنا ومش هكررها تاني .

شاهي : حتي بعد ما عرفت اللي انا عملته علشانك ؟

سامي : انا مليش دعوة بالمصيبة دي !! انا من قبل ما تعملي كده بفترة طويلة وانا بقولك ابعدي عني ، مش يخصني بقي تكوني قتلتي جوزك ولا لأ !! ده شئ يخصك لوحدك !!!

شاهي : ده اخر كلام عندك يا سامي ؟

سامي : ايوه اخر كلام وبعد اذنك تمسحي رقمي من تليفونك ومسمعش صوتك ولا اشوف رسايلك تاني .

شاهي : ماشي يا سامي ، هتندم انك قولتلي كده ، سامع ؟؟ هتندم .

فوجئ مروان بسامي متوتر بشكل غير طبيعي فسأله : مالك يا سامي ؟ شكلك متوتر اوي كده ليه ؟!

سامي : لا ابدا ، مشكلة صغيرة .

مروان : لا شكلها مش صغيرة ابدا !! لو مش عندك مانع احكيلي يمكن اساعدك .

سامي : صدقني مشكلة صغيرة في البيت ، مش مستاهلة .

مروان : طيب ياريت تنسي مشاكلك دي بقي مادام مش مستاهلة علشان بكره هنبدأ شغلنا اللي بجد بقي وهنوقع عقد مهم اوي مع شركة كبيرة هناخد شغل مدته مش اقل من ست شهور .

سامي : ما شاء الله ، ربنا يبارك .

↚

مروان : وشك حلو عليا يا سامي الشغل ده حجمه كبير ومكنتش اقدر اخد شغل زي ده بمكتبي الصغير .

سامي : ان شاء الله هيكون وشنا حلو علي بعض ونكبر شغلنا طول ما نيتنا خير بس انت قول يارب .

عاد سامي من عمله وفي الطريق كان تفكيره كله في كلام شاهي له !!

خطر في باله أن يقوم بأبلاغ الشرطة عنها حتي يقتص منها القانون ولكنه عاد وخاف من أن تورطه معها في جريمتها لو ادعت أنه شريكا لها !!!

لا يعلم كيفية التصرف معها خاصة بعد تهديدها له بأنها ستجعله يندم !!

وخاصة بعد ان عزم علي عدم العودة للخطيئة مرة اخري !!

حتي وصل الي المنزل وصعد الي شقته وهو يكاد يخاف أن يقابلها ولو حتي صدفة كما كان يحدث من قبل !!

تعجب في خاطره وقال لنفسه ” شوف يا سامي الست اللي كنت بتتمني تشوفها صدفة او تقف تتكلم معها دلوقتي بقيت خايف تشوفها ولو حتي صدفة !!! شوف افعالك وصلتك لفين ؟!! شوف لحظة ضعف عملت فيك ايه ؟! بقيت تطلع بيتك وانت خايف !!!! وكل ده كان ليه ؟؟ علشان متعة مؤقته حرام !!! والله اعلم هيحصلك ايه تاني !! ” .

دخل شقته والهم واضح جلي علي مظهره !!!

بمجرد ان شاهدته سهام سألته في تعجب : مالك يا سامي ؟؟

ابتسم سامي ابتسامة مصطنعة قائلا : لا ابدا يا قلبي مفيش حاجة .

سهام : ازاي مفيش حاجة ؟!! ده انت واضح عليك انك حزين اوي او مهموم اوي !!! فيه ايه يا سامي ؟

سامي : صدقيني مفيش حاجة ، انا بس حاسس اني تعبان شوية .

سهام : طيب نروح نكشف احسن .

سامي : لا لا ملوش لزوم مش للدرجادي .

سهام : طيب يا سمسم مش عايزة اشوفك كده .

سامي : طيب نتغدا واشرب قهوة من ايديكي الحلوين واكيد هبقي كويس .

قعد سامي أكل مع سهام والاولاد وحاول تناسي مشكلة شاهي ومرت الساعات وذهب الابناء الي فراشهم للنوم بينما دخل سامي وسهام غرفتهم .

سهام : مالك يا سامي شكلك مش طبيعي !!

سامي : ما انا قولتلك اني تعبان شوية .

سهام : مش موضوع تعب يا سامي ، انت شكلك فيه حاجة مضيقاك !!

سامي ” ابتسم ” : لا مفيش حاجة ، معقول اتضايق والقمر ده جنبي ؟!!

سهام : يعني بجد مفيش حاجة انت مخبيها عليا ؟؟

سامي : لا يا قلبي وهو انا اقدر اخبي حاجة عن قلبي !!

سهام : ايه الكلام الجميل ده ؟؟

سامي : لما مراتي حبيبتي تبقي جميلة يبقي لازم كلامي يكون جميل .

سهام : طيب هقولك حاجة ، اخرج افتح التليفزيون اتفرج علي اي حاجة وبعد نص ساعة تعالي .

سامي : ليه ؟

سهام ” تضحك ” : اسمع الكلام بقي ، عايزة افرفشك .

سامي : طيب ما تخليني هنا احسن .

سهام : لأ ، يلا بقي مش عايزين نضيع وقت .

سامي : حاضر يا قلبي .

خرج سامي وفتح التلفاز وامسك بهاتفهه يلعب به وهو يشاهد الافلام حتي مرت النصف ساعة ثم دخل الي الغرفة وقال ” ضاحكا ” : بسم الله ماشاء الله ، والله انا امي دعيالي اني اتجوز واحدة بالجمال ده كله .

سهام : انت بتتريق ؟؟

سامي : والله بتكلم جد .

سهام : طيب انا احلي ولا شاهي ؟

اتعصب سامي وتغيرت ملامحه : احنا مالنا دلوقتي بزفته دي !!! ما تخلينا في نفسنا لازم تعكنني عليا ؟!

سهام : وانت اتعكننت ليه لما جيبت سيرتها ؟؟

سامي : علشان دايما حاطها قدامك في كل حاجة !! يا سوسو انسيها الغيها خالص من تفكيرك .

سهام : طيب خلاص اضحك بقي ، مش عايزين ننام زعلانين ، عايزاك تنام وانت فريش .

سامي : خلينا في نفسنا وبلاش نجيب سيرة حد وانا هبقي فريش .

سهام : طيب خلاص بقي يا قلبي .

وبعد اقل من عشر دقايق فوجئ سامي وسهام بجرس باب الشقة بيرن !!

سامي ” بتعجب ” : مين اللي جاي في الوقت ده ؟؟

سهام : مش عارفة ، هقوم اشوف مين .

سامي : لأ خليكي انتي هتفتحي وانتي كده ؟!! انا هقوم اشوف مين ؟

قام سامي يرتدي ملابسه وذهب ونظر من العين السحرية للباب فوجد شاهي !!

سامي ” بتعجب ” : مين اللي جاي في الوقت ده ؟؟

سهام : مش عارفة ، هقوم اشوف مين .

سامي : لأ خليكي انتي هتفتحي وانتي كده ؟!! انا هقوم اشوف مين ؟

قام سامي يرتدي ملابسه وذهب ونظر من العين السحرية للباب فوجد شاهي !!

↚

سهام : مش عارفة ، هقوم اشوف مين .

سامي : لأ خليكي انتي هتفتحي وانتي كده ؟!! انا هقوم اشوف مين ؟

قام سامي يرتدي ملابسه وذهب ونظر من العين السحرية للباب فوجد شاهي !!

فقال لسهام ” بصوت منخفض ” : ايه قلة الذوق دي !! في حد بيروح لحد في الوقت ده !!! مش نرد عليها وتعالي ندخل ننام .

سهام : لأ مينفعش ، استني انا هشوفها عايزة ايه .

فتحت سهام الباب وسألت شاهي : خير يا شاهي فيه ايه ؟؟

شاهي : اسفة يا حبيبتي اني جيت في وقت مش مناسب ولا ايه ؟!

سهام : لا يا شاهي ، بيتك يا حبيبتي ، اتفضلي .

شاهي : لمبة الحمام عاملة ماس وبتكهرب وعايزة سامي جوزك ييجي يصلحها .

نظرت سهام لها بغيظ وقالت : استني للصبح وشوفي كهربائي .

شاهي : مش هينفع اقعد من غيرها للصبح علشان الحمام .

سهام : سامي مش هيعرف يصلحها .

شاهي : لأ ، بيعرف ، هو صلحها قبل كده .

نظر لها سامي وسهام تسأله وتكاد تنفجر غيظا : انت دخلت عندها قبل كده وصلحتلها اللمبة ؟

سامي : نشأت الله يرحمه كان طلب مني من فترة وطلعت معاه صلحتها له .

سهام : نشأت ؟!!

سامي : ايوه .

ردت شاهي : ايوه نشات الله يرحمه فعلا قال لاستاذ سامي في مرة وهو طلع معاه صلحها ، معلش هي بتعطل كتير .

سهام : طيب اتفضلي انتي وكمان خمس دقايق هنيجي انا وسامي علشان يصلحها .

قفلت سهام الباب ثم امسكت بسامي وقالت له : انت دخلت عند الست دي من غير ما اعرف ؟؟

سامي : ده هي مرة واحدة لما نشأت طلب مني .

سهام : وانت من امتي بتصلح الكهرباء يا سامي ؟!

سامي : يا حبيبتي الموضوع بسيط مش محتاج كهربائي وشوفت نشأت الله يرحمه مرتبك ومش عارف يتصرف ، ولما طلب مني مش رضيت احرجه وطلعت عملتها وهو كان واقف معايا .

سهام : اوعي تكون بتكدب عليا يا سامي ؟ اوعي يكون في بينك وبين الست دي حاجة من ورايا ؟!

سامي : يا حبيبتي اطمني مفيش حاجة .

سهام : طيب يلا تعالي معايا نروحلها علشان نخلص وندخل ننام .

سامي : زي ما تحبي لكن انا كنت مش عايز اعملها .

سهام : لا خلاص مادام وعدناها يلا بينا .

بعدما عادوا من عند جارتهم كانت سهام في قمة غضبها وقالت له : الست دي مستفزة وحركاتها مستفزة اكتر !!

سامي : ما انا قولتلك بلاش !!

سهام : الظاهر اني كنت غلطانة ، الست دي لو كلمتني بعد كده مش هرد عليها وهقاطعها نهائي ، لازم نقطع علاقتنا بها نهائي ولا حتي كلمة صباح الخير .

سامي : كده احسن فعلا ، نغير الموضوع بقي احسن ، عايز اقولك خبر حلو .

سهام : خير ؟

سامي : بكره هنوقع عقد شغل مهم جدا وهناخد نشغل لمدة ست شهور .

سهام : الف مبروك يا حبيبي ، هو ده الكلام .

سامي : ادعيلنا ربنا يوفقنا ونكبر مشروعنا .

سهام : يارب تكبر يا حبيبي وتبقي قد الدنيا كلها .

في اليوم التالي عاودت شاهي الاتصال بسامي مرة اخري فتجاهلها سامي فارسلت له رسالة تهديد ” انا البارح كنت ممكن اقول لمراتك علي كل حاجة لكن لما شوفتك خوفت وقولت انك طلعت شقتي مع جوزي مرة واحدة مش حبيت اطلعك كداب لو مش هترد عليا مفيش قدامي حل الا اني اقولها علي كل حاجة ” .

رد عليها سامي ” نأجل الكلام لبكره علشان عندي عقد عمل مهم هنوقعه النهارده في الشركة ” .

شاهي ” لو مش كلمتني بكره هقولها ” .

سامي : حاضر اوعدك هنتكلم بكره .

شعر سامي بخطر شديد يهدد حياته وهو لا يستطيع مقاومته !!!

وبعد ان انهي عمله جلس وحيدا في الشركة حتي يصل للقرار الصواب .

عندما شاهده شريكه مروان سأله : مالك يا سامي ؟ شكلك متضايق !! في حاجة في الشغل مضيقاك ؟

سامي : لا ابدا بالعكس .

مروان : المفروض تكون فرحان بالعقد اللي وقعناه النهاردة !!

سامي : ايوه طبعا الحمد لله ، انا مشغول بموضوع تاني بعيد عن الشغل .

مروان : يعني ممكن اساعدك فيه لو مش عندك مانع .

ابتسم سامي ” ابتسامة مصطنعة ” : لا لا الموضوع مش مستاهل .

مروان : ماشي يا سامي علي راحتك ، هتمشي دلوقتي ولا هتفضل قاعد ؟؟

سامي : لا انا همشي .

↚

مروان : طيب يلا علشان اوصلك في طريقي .

سامي : ماشي يا مروان .

مروان : انت صحيح مش ناوي تشتري عربية بدل اللي بعتها ؟

سامي : هشتري ان شاء الله بس مش دلوقتي .

مروان : طيب ما تاخد جزء من الفلوس اللي اخدناها النهاردة وتشتري اللي انت عايزه !!

سامي : لا انا مأجل موضوع العربية دي كام شهر كده انما دلوقتي في حاجة اهم هعملها بالفلوس .

مروان : حاجة ايه ؟

ابتسم سامي : لا دي بقي خليها مفاجأة .

وقبل منزله بمسافة نزل سامي من سيارة مروان فسأله مروان : هتنزل هنا ليه ؟ خليك اوصلك لحد البيت .

سامي : لا انا هنزل هنا علشان رايح مشوار .

مروان : ماشي يا حبيبي ، عايز حاجة ؟

سامي : لا يا حبيبي شكرا ، سلام .

وبعد عدة ساعات عاد سامي الي منزله فسألته سهام : عملت ايه يا حبيبي ؟

تعجب سامي من سؤالها وقالها : في ايه ؟

سهام : عملت ايه في عقد الشغل اللي كنتوا هتعملوه النهاردة ؟

ابتسم سامي : ايوه الحمد لله تمام .

سهام : بالتوفيق ان شاء الله ، اومال مالك كده شكلك مشغول بحاجة !!!

سامي : لا ابدا مفيش حاجة ، يلا جهزي الاكل علشان جعان جدا .

في اليوم التالي نزل سامي لعمله صباحا ثم اتصلت به شاهي !!

امسك سامي بهاتفهه ونظر فيه لثواني ثم رد عليها …

سامي : ايوه يا شاهي .

شاهي : اسمها صباح الخير، في حد بيرد علي حد الصبح ويقوله ايوه !!

سامي : معلش لسه مش شربت القهوة بتاعتي ومش مركز .

شاهي : طيب عملت ايه في الشغل بتاع البارح ؟

سامي : تمام الحمد لله .

شاهي : يعني ممكن نتكلم النهاردة ؟

سامي : ماشي يا شاهي نتكلم .

شاهي : طيب هنتكلم فين ؟

سامي : زي ما تحبي .

شاهي : تحب نتقابل بره وتيجي نقعد نتكلم عندي ؟

سامي : خليها بره في اي مكان احسن ؟

شاهي : طيب ما تيجي في شقتي احسن ؟

سامي : ما بلاش يا شاهي ؟؟

شاهي : علشان خاطري .

سامي : طيب ماشي ، هجيلك امتي ؟

شاهي : في اي وقت ، بس قولي قبلها بساعة علشان ارتب نفسي .

سامي : خلاص متفقين .

↚

سامي : ما بلاش يا شاهي ؟؟

شاهي : علشان خاطري .

سامي : طيب ماشي ، أجيلك امتي ؟

شاهي : في اي وقت ، بس قولي قبلها بساعة علشان ارتب نفسي .

سامي : خلاص متفقين .

وفي نهاية اليوم اتصل سامي بها وقال لها عن وصوله بعد ساعة .

وبعد حوالي ساعة ذهب اليها سامي واستقبلته شاهي بفرحة شديدة !!

فسألها : اومال ولادك فين ؟

شاهي : عند واحدة صاحبتي ؟

سامي : تمام ، عايزة نتكلم في ايه بقي ؟

شاهي : يعني انت مش عارف يا قلبي ؟

سامي : عارف ايه ؟

شاهي : عارف اني بحبك وبموت فيك يا سمسم .

سامي : يا شاهي اللي انت بتقوليه ده غلط .

شاهي : يعني ايه غلط ؟؟

سامي : يعني اللي في دماغك ده مش هينفع .

شاهي : مش هينفع ليه ؟

سامي : لاسباب كتير جدا اولها انه حرام ده غير اني متجوز واسباب تانية كتير .

شاهي : اذا كان علي نقطة الحرام ممكن نتجوز زي ما تحب عرفي او رسمي زي ما انت عايز انا موافقة ، المهم عندي نكون مع بعض .

سامي : هنتجوز ازاي وانا متجوز اصلا يا شاهي ؟

شاهي : انا موافقة ومش عندي اي مانع اننا نتجوز وسهام تفضل علي ذمتك يعني تجمع ما بينا احنا الاتنين .

سامي : مش هينفع يا شاهي .

شاهي : يعني بعد كل اللي عملته ده علشانك تقولي مش هينفع !!!

سامي : كل ما اكلمك تقوليلي بعد اللي عملتيه علشاني !! عملتي ايه ؟

شاهي : انا قولتلك اني موتت نشأت علشانك .

سامي : وهو انا طلبت منك كده ؟؟

شاهي : لا مش طلبت مني كده ، لكن كان مفيش قدامي حل تاني ، انا طلبت منه الطلاق كتير وهو رفض !!

سامي : وده سبب انك تموتيه ؟

شاهي : علشان اوصلك كنت لازم اعمل اي حاجة ممكن او مش ممكن تتخيلها .

سامي : لكن انا مش طلبت منك انك تعملي كده !!

شاهي : اللي حصل بقي يا سامي ، تفكيري هو اللي وصلني اعمل كده .

وهنا دخل ضباط المباحث فجأة !! وقال رئيس المباحث : تفكيرك هو اللي وصلك لحبل المشنقة يا مدام !!

نظرت لهم شاهي بكل خوف وفزع غير مصدقة لما تراه عينيها !!!

ثم نظرت لسامي وقالت له بصوت يملؤه الحسرة : ايه اللي انت عملته ده ؟؟ بلغت عني يا سامي !! هو ده جزاء حبي لك ؟!

سامي : كنت لازم ابلغ عنك علشان تاخدي جزائك .

شاهي : وانت كمان لازم تاخد جزائك .

سامي : في فرق كبير بين واحد يضعف ويغلط غلطة وبعدها يفوق من غلطته ويندم عليها ويتوب ويصلح نفسه وبين واحد يغلط ويتمادي في غلطه لغاية ما غلطه يكبر ويزيد ويتضخم ويوصل انه يبقي مجرم زي ما انتي عملتي كده .

شاهي : يعني غلطتي اني حبيتك ؟

سامي : غلطتك اللي هتتحاسبي عليها دلوقتي انك موتي جوزك انما غلطك الاساسي انك رغم كونك متجوزة سمحتي لنفسك وفكري انك تحبي راجل تاني غير جوزك ؟! وحتي لو علي افتراض انها لحظة ضعف مريتي بيها ليه تتمادي فيها لغاية ما غرقتي في الوحل ؟!

هنا قاطعهم الضباط قائلين لهم : خلاص كفاية كده ، متشكرين يا استاذ سامي انك ساعدتنا علشان ناخد منها اعتراف مسجل وبشهادة الشهود علي جريمتها ، ودلوقتي اتفضلي يا مدام ادخلي غيري هدومك علشان تتفضلي معانا .

سارت شاهي بخطي بطيئة ناحية غرفتها ودموع الندم تتساقط علي وجنتيها ونظرات الحسرة تصوبها تجاه سامي !!

كل ذلك وسهام تقف خلف قوة الشرطة عند الباب تستمع لهذا الحوار وتنظر لسامي بنظرات تملؤها الحيرة والحسرة !!!

نزلت شاهي مع رجال الشرطة ونزل معهم سامي لاستكمال اقواله باعتباره شاهد اثبات ضد المتهمة !!

دخلت سهام شقتها وجلست وسط ابنائئها وفي رأسها أسئلة كثيرة تحاول الأجابة عنها بلا جدوي حتي عاد سامي الي المنزل .

بمجرد وصول سامي قالت سهام لسلمي وسليم : ادخلوا جوه يا حبايبي واقفلوا الباب .

ثم اجلست الطفلين ادهم وسالي بعيدا واشارت لسامي ثم قالت له : انا عايزة افهم ايه اللي حصل النهاردة ده ؟؟

سامي : ال….

↚

سهام : قبل ما تنطق كلمة واحدة بعد اذنك عايزة الحقيقة كاملة بدون كدب او تغيير وانا هتقبل الحقيقة أيا ما كانت ، المهم عندي اعرف الحقيقة .

سامي : الحقيقة يا سهام اللي انتي شوفتيها بعينيكي .

سهام : يعني ايه ؟ ليه هي بتحبك بالطريقة دي ؟!

سامي : وانا مالي ؟! هو انا قولتلها تحبني ؟

سهام : لا لكن اكيد حصلت بينكم حاجة وصل حبها ليك للدرجة دي !!

سامي : أظن انا بحبها او لو شاهي لها عندي أي مكانة في قلبي كنت اكيد مش هبلغ عنها واوصلها لحبل المشنقة بأيدي !!

سهام : اومال معني الكلام اللي قالته الست دي ايه ؟؟

سامي : يا حبيبتي صدقيني مفيش اي حاجة من اللي في دماغك ، هي اللي كانت بتطاردني وانا كنت بتهرب منها لغاية لما اعترفت لي بجريمتها وحاولت تقنعني انها فكرت فيها ونفذتها علشاني ، وقتها حسيت اني لازم ابلغ عنها علشان تاخد جزائها .

سهام : وهي كانت بتطاردك بالشكل ده ليه ؟ اوعي تكون فاكر نفسك رشدي اباظة ولا حاجة !!

ضحك سامي : انتي مش عارفة قيمة جوزك ولا ايه ؟؟

ضحكت سهام : عارفة يا حبيبي ، لكن انت مش قولتلي ليه ؟!

سامي : كنت مش عايز اعمل مشكلة لكن لما شوفت الموضوع اتطور ووصل للدرجة دي كان لازم اتصرف ، وياريت خلاص كفاية كلام بقي في الموضوع ده .

سهام : صعبان عليا عيالها اوي !!

سامي : اللي خلقهم يتولاهم .

سهام : هيتربوا ايتام اب وام !!

سامي : اذا كانوا مش صعبوا علي امهم !!! وعموما ياما اطفال اتربوا ايتام واصبحوا احسن من اللي اتربوا بين ابوهم وامهم واصبحوا نجوم مجتمع واحيانا اسماء لامعة في التاريخ .

سهام : عندك حق ، لكن اللي انا نفسي اعرفه واوعدك اني هسامحك ولأخر مرة اسألك انت لما كانت هي بتطاردك كنت مش بتتجاوب معها ابدا ولا تجاوبت معها ؟؟

سامي : من الاخر يا سهام مفيش حاجة حصلت معها من اللي في دماغك .

سهام : ازاي يا سامي وانا شوفتك وانت عينك هتطلع عليها ؟!!!

سامي : انا مش هنكر اني كأي رجل بيشوف ست جميلة ممكن انبهر بجمالها وبردو مش هنكر أن حصل كلام بينا لكن الأمور مش اتطورت اكتر من كده .

سهام : يعني انت كنت ممكن تخوني يا سامي ؟

سامي : انا لسه متكلم قدامك عن الفرق بين الانسان اللي بيضعف ويرجع يندم و يفوق وبين الانسان اللي بيغلط ويتمادي في الغلط ، واكيد انتي سمعتي كلامي .

مرت الأيام والشهور وتعاقدت شركة سامي ومروان عدة تعاقدات زادت من حجم الشركة واعمالها واصبح النجاح حليف لهم وبدأ سامي في جني ثمار تعبه .

وفي يوم قال مروان لسامي : ايه يا عم سمسم انت لسه مش ناوي تشتري عربية ولا ايه ؟ انت بتحتاج عربية كتير في تنقلاتنا .

سامي : ان شاء الله قريب لكن الاول في حاجة لازم اعملها . للكاتب عادل عبد الله

مروان : ايوه انت كنت قولتلي كده فعلا قبل كده ، هتعمل ايه ؟

ابتسم سامي : هطلع اعمل عمرة ان شاء الله الشهر الجاي .

مروان : برافو عليك يا سامي ماشاء الله ربنا يكتبهالك ويكتبهالنا .

سامي : يارب .

مروان : بس اوعي تنسي تدعيلي دعوتين حلوين هناك .

سامي : بأذن الله .

عاد سامي من عمله مبتسما فسألته سهام : يارب دايما اشوفك فرحان ومبسوط ، خير يا حبيبي فيه ايه ؟

سامي : انا نويت اطلع عمره بأذن الله الشهر الجاي .

سهام : بتتكلم جد ؟

سامي : ايوه .

سهام : طيب اروح معاك يا سامي علشان خاطري .

سامي ابتسم : وانا فعلا كنت عامل حسابي انك لازم تكوني معايا .

تمت .

تعديل المقال