رواية كبريائي امام حبك نائل وفريدة كاملة جميع الفصول بقلم مجهولة

رواية كبريائي امام حبك نائل وفريدة كاملة جميع الفصول هى رواية من تأليف المؤلفة المميزة مجهولة رواية كبريائي امام حبك نائل وفريدة كاملة جميع الفصول صدرت لاول مرة على فيسبوك الشهير رواية كبريائي امام حبك نائل وفريدة كاملة جميع الفصول حققت نجاحا كبيرا في موقع فيسبوك وايضا زاد البحث عنها في محرك البحث جوجل لذلك سنعرض لكم رواية كبريائي امام حبك نائل وفريدة كاملة جميع الفصول

رواية كبريائي امام حبك نائل وفريدة كاملة جميع الفصول

-طول ماحنا في الكليه انت الدكتور بتاعي بس اوكي ؟؟

كان واقف قدام المرايه بيعدل الجرافت بتاعته وبيبصلها بكل الب*رود اللي في الدنيا

اتعصبت وقربت منه وهي بتقف قدامه وبتحط ايديها في وسطها :

– علي فكره انا بكلمك

بصلي ورد بهدوء :

– وانا سامعك

رفعت حاجبي :

– ومردتش عليا ليه؟!

لف ظهره وراح نحيه السرير واخد جاكت البدله بتاعته وهو بيرد بنفس الهدوء :

– عشان مش نائل الانصاري اللي يتأمر

– والله؟؟

– اه والله وفكره اني دكتورك وانتي الطالبه بتاعتي دي تشيليها من دماغك خالص

احنا متجوزين علي سنه الله ورسوله ليه نخبي علي الناس

هزت رجلها بعصبيه وهي مربعه ايديها :

– عشان انا فريده المهدي اللي كل الكليه بتجري وراها وبتتمني نظره منها ولسوء الحظ اتجوزت واحد زيك

لا ذوق في اللبس ولا في الأسلوب ولا في التعامل مع الليدي اللي زي

مش عايزه فض*ايح في الكليه قدام صحابي لو سمحت

ربع أيده وبصلها برفعه حاجب :

– فض*ايح؟!

ردت ببرود :

– ايوه كفايه اوي لحد كده وارجوك متحتكش بيا في الكليه خااالص

-عايزاني البس زي ولاد اليومين دول اياك؟!

نفخت بضيق :

– اهو هيرطن بالصعيدي اللي مش مفهوم كمان

– انتي عايزه اي دلوقتي

– عايزه اخلص من ام الجوازه

قرب منها وضحك بسخريه:

– وافقتي عليها من الاول ليه؟؟

ردت بقرف:

– اهو نصيب بقي غ*صب واقتدار

بصيلها بحزن وهو بيبلع ريقه :

– علي فكره لو عايزه تتطلقي هطلقك

ردت بلهفه:

– بجد؟!

سحب الفون بتاعه وشنطته من علي التسريحه وهو بيقولها قبل ما يخرج من الأوضه:

– بس بعد شهر مش دلوقتي

هبدت رجلها في الأرض وهي بت*جز علي اسنانها بغيظ:

↚

– أوووووف اووووف بجد مست”فز

بعد ربع ساعه

كان وصل نائل مكتبه وكان قاعد مع واحد زميله

نائل وهو بيحكي لزميله:

– مش عارف اعملها اي اكتر من كده عشان تحبني انا تعبت وزهقت

انا دايس علي كر*امت*ي بسببها

علي صاحبه وهو بيحط فنجان القهوه علي المكتب :

-غ*لط يا نائل

– هو ايه اللي غل*ط

– غلط انك تد*وس علي كرامتك عشان حد ي”تح*رق الحب وسوري يعني تغور فريده لو هتخليك تد*وس علي كرامتك

– بس انا بحبها ياعلي مش هقدر أطلقها

– يبقي تتغير

بصله باستغراب :

– اتغير ؟؟

-مش انت بتقول أن هي مش عاجبها الاستايل بتاعك

رد بحسره:

– ولا عاجبها اي حاجه من الاساس

– ايه رأيك لو تغير استايل لبسك وطريقه اسلوبك اهو تعمل جو كده

– ازاي ده ؟؟

رد بغموض :

– انا هقولك

وفي مكان تاني كانت قاعده فريده مع اصحابها وهي مش طاي*قه نفسها

– مالك يافيرو في ايه

فريده وهي بتبصلهم بغيظ:

– مش طايقه نفسي هطق هولع هف*رقع في مكاني

– الله ليه كل ده بس

– ربنا يسامحه بابا جوزني واحد صعيدي دماغه قفل

ده بيلبس بدله صفراء صفراء !!!

واحده من أصحابها وهي بتضحك:

– ههههههههههه صعيدي في الجامعه الامريكيه

↚

نفخت بضيق :

– ده محمد هنيدي كان شيك عنه يابنتي

واحده تانيه :

– تعرفي لو غير الاستايل بتاعه هيبقي مز اخر حاجه

– ياختي اتنيلي مز اي ماهو نفس السحنه

– بس علي فكره هو شكله حلو

ردت بضيق:

– مش بطال يعني

– لا لا هو فعلا حلو يافريده لولا بس استايله العجيب ده كان هيبقي وسيم

– اوف فضوني من السيره دي وتعالوا نشوف هنخرج فين

-هتخرجي؟؟

طب مش في واحد متجوزاه والمفروض تعرفيه انك خارجه ولا شيفاني لا مؤاخذه كيس جوافه!!

لفت لمصدر الصوت كان هو واقف وحاطط أيده الاتنين في جيبه ورافع حاجبه باستغراب

اما عنها وشها بقي احمر من كتر الإحراج وقامت من مكانها وهي بتقرب منه

رفعت وشها وهي بتهمس بعصبيه:

– انت اتج*ن*نت انت ازاي تحرجني كده قدام اصحابي ؟!

رد ببرود وهو حاطط أيده في جيبه :

– لما تبقي تحترميني وتعرفي اني جوزك ابقي احترمك قدام صحابك بس انتي طاي*حه ولا همك

ومال بنص جسمه وهو بيبص في عيونها بتحدي :

– وشغل ق*له التقدير ده وقله الا*دب اللي بتخرج من لسانك انتهي

من النهارده يافريده قسماً عظماً لو لسانك فلت منك مره تانيه صدقيني هتزعلي واوي كمان

وخروج مع اصحابك مفيش الساعه ٢ بالدقيقه تكوني في البيت

↚

واه صحيح انا مشيت الشغاله

ص-رخت بف*زع:

– اييييبه

هز رأسه بابتسامه بارده :

– زي ما سمعتي ياحياتي من النهارده انتي اللي هتقومي بدور الشغاله تمسحي تكنسي تغسلي تعملي الطبخ بمعني اصح تبقي ست بيت شاطره كده وعاقله

– استحاااااله استحاااااله اعمل كده

هز رأسه بتهديد:

– طب يافريده ابقي ارجع من الشغل ملقيش كل ده معمول

صدقيني وأقسم بالله وقتها تصرفي مش هيعجبك مسموع؟!

مردتش عليه انما كانت بتبصله بغي*ظ وهي بتج*ز علي اسنانها بعن-ف وبتهز رجلها بعصبيه

ص”رخ في وشها بحده:

– مسموووووع!!

هزت راسها بخوف وهي علي وشك تعيط من كتر الإحراج :

– ح حاضر

طبطب علي وشها بابتسامه كلها ثقه وغرور :

– برافو ياحبيبتي

قال جملته وسابهاومشي وهي واقفه كاتمه دموعها واول ما مشي انفج-رت في العياط بحرقه

– فريده مالك في ايه ؟؟

اترمت في ح-ضن صاحبتها وهي بتصرخ :

– انا بكره*ه بكرر”رهه

الساعه 2

كانت في البيت واقفه في نص المكان مش عارفه تبدء منين

البيت مكركب اوي هدوم في كل مكان اطباق هنا وهناك تراب معشش وكأنه متنضفش من سنه مع أن الشغاله لسه منضفاه امبارح تقريبا !!!

قعدت علي الارض وهي بتبص بحسره:

– ياربييي اعمل اي بس انا عمري ما نضفت بيت انا طول عمري هانم يجي الح*يوان ده يعمل فيا انا انا فريده الانصاري يحصل فيا كده!!!..

مكانش يومك يافيرو مكانش يومك ياحبيبتي ماهو مكانش ينفع برضو تفضلي ترفضي كل عريس يتقدملك عشان سي روميو بتاعك اللي سابك وراح خطب صاحبتك ياكلاون

والله انا كلاون بس عمري ما اروح اقول

ومره واحده الفون رن خلاها ت*تن*فض من مكانها

-الله حد يخض حد كده

قالتها وهي بتفتح الفون بغيظ

-مالك؟؟

ردت بغيظ:

– هيكون مالي يعني محتاسه مش عارفه اهبب اي قاعده في زريبه مش عارفه ابدء في تنضيفها ازاي

– اممممممم طب والأكل

– نعم اكل ايه

– ايه ده هو انا مقولتلكيش

– لا والله محصليش الق*رف وعرفت

– لا يبقي واجب اعرفك اصل انتي من هنا ورايح هتعملي الاكل كمان ااه انا راجل صعيدي واحب الاكل البيتي وخااصه من ايد مراتي الحلوين

ردت بتلقائية:

– اااااااه ده عند ام ترتر

– هههه عسل ياحبيبتي دم-ك شربات يالا ياروحي أنا هقفل بقي عشان ورايا شغل باااااي

– حج اسماعيل ياحج استني يا ياحج طب انا اسفه ا..

ياربي بقي ياربي اعمل ايييييه اقوم أشق هدوومي لا ما هو ده مش هيشفعلي عنده

طب اقوم اهبد دماغي في الحيطه وارتاااح اممممم برضو لا يافيرو مش كده دماغك هتوجعك وتورم يااااااي هيبقي شكلي لوكل اوي

↚

الفون بتاعها اتهز بماسدج فتحتها كانت منه

” نسيت اقولك حاجه اعملي حسابك تنضفي اوضه الضيوف عشان عروستي الجديده هتنورها النهارده “

-عروستك الجديده!!!!

قالتها وهي بتتنفض من مكانها بصدم#مه احتلت كيانها

مكانتش قادره تصدق اللي هي شيفاه دي ملحقتش تفوق من صدم#مه ان الشغاله مشت وأنها هتقوم بدورها كزوجه

ازاي تقدر تستحمل كم الص-دمات دي في يوم واحد ؟!

دموعها خانتها وقعدت علي اقرب كرسي وهي بتندب حظها

– بقي انا انا يتجوز عليا واحده جربو*عه انا فريده المهدي اللي الكل يتمني نظره مني يتعمل فيا كده

انا استحاله اوافق علي المهزله دي انا هلم هدومي وهروح علي بيت بابي وهطلب منه الطلاق

قالت جملتها ودخلت الأوضه عشان تلم هدومها وبعد ربع ساعه كانت بتفتح باب الشقه وبتخرج من البيت بعد ما كتبتله رساله وحطتها علي الطربيزه اللي في الصالون

شويه ووصلت بيت باباها ودخلت وهي بتعيط عياط هستيري مصطنع

– عااااااااا الحقني ياباااابا عااااا الحقني الح*يو*ان اللي متجوزاه اتجوز عليا واحده جر*بوع*ه من الجر*ابي*ع اللي يعرفهم

باباها وهو بينزل من فوق علي صوتها :

– ايه في ايه اللي بيحصل

قربت منه وهي بتترمي في حض-نه بعياط:

– نائل اتجوز عليا يابابا اهئ اهئ

ابراهيم بصدم#مه :

– ايه انتي بتقولي ايه ؟

– اهئ اهئ انا يتجوز عليا واحده من ال”جر*ابيع اللي يعرفهم انااا

– اهدي بس يابنتي وفهميني ايه اللي حصل انا مش فاهم حاجه

ضحكت بخب*ث وهي بتكمل تمثيل عشان يساعدها تتطلق منه :

– اهئ اهئ د ده انا كنت بدأت احبه يابابا ضحك عليا واول ما حبيته اتجوز عليا انت السبب يابابا انت السبب

ابراهيم بذهول :

– انا ؟

بعدت عنه وهي بتعيط به*س*تريه:

– ايوه انت السبب انت اللي أجبرتني اتجوزه

قولتلي ده كويس ومحترم وهتحبيه مع الوقت وعمره ما يخ*ونك ولا يفكر يزعلك في يوم

شوفت بقي أن كان عندي حق من الاول ده بني آدم مغرور عشان انا كنت رفضاه من البدايه قرر يخليني احبه عشان ين-تقم مني وبعدها يسيبني ويتجوز عليا ا…..

– انا عمري ما كنت كده انا مش ح*قير وكذ*اب زيك يافريده هانم

انتي اللي مغروره ومبتحبيش الا نفسك انتي اللي طول الوقت محسساني اني اقل منك

طول الوقت بتقولي كلام زي السم وبعدي عشان خاطر ابوكي المحترم

طول الوقت شيفاني وحش ومش زي ولاد اليومين دول اللي بيلبسوا مقطع وملون

انا مش شبه حد انا راجل صعيدي ودماغي قفل ومش هعمل شبه حد عشان اعجب حد يابنت الأكابر

قربت منه بعصبيه:

– وانت عايز تفهمني أن الصعايده كلهم بيفكروا نفس تفكيرك لا يابيه انت اللي فوق انا ياما شوفت صعايده رجاله ولبسهم حلو وشيك ويعجبوا البنات

انت اللي استايلك زي استايل الخمسينات في حد عاقل في الدنيا يلبس بدله لونها اصفر ؟

اتنهد وهو بيضغط علي أيده بغيظ:

– بعد اذنك ياعمي انا هاخد فريده وهنمشي

– استحااااله اروح معاك

– هتروحي

– مش هروح

– هتروحي

-مش هروح

– هتروحي

-مش…

↚

– فريده اسمعي كلام جوزك

بصت فريده لابراهيم والدموع لمعت في عينيها :

– يابابي ده اتجوز عليا و….

ابراهيم بقس*وه:

– حقه

ردت بذهول :

– حقه؟؟

قرب منها وشد-ها من دراعها بقوه وهو بي*ج*ز علي أسنانه :

– ايوه حقه لما مراته متلبيش طلباته كزوجه وليها واجبات وطول الوقت تقلل منه وتحسسه أنه أقل منها في كل حاجه يبقي حقه يتجوز واحده واتنين وتلاته

لما تعلي صوتها عليه وتوصل انها تهينه وتتكلم عليه قدام زمايلها ولا كأنه واحد من الشارع يبقي حقه

بس الحق مش عليكي ،الحق عليا أنا

انا اللي دلعتك زياده عن اللزوم انا اللي مفهمتكيش يعني ايه تحترمي جوزك وتقدريه من النهارده لا من دلوقتي مش عايز اشوف وشك هنا تاني غير بأذن من جوزك يالا اتفضلي معاه ومن غير اعتراض وإلا قسما ع*ظ*ما هربيكي من اول وجديد

فريده بدموع وعصبيه:

– انا مش هروح مع حد انا مش بحبه افهمني بقي افهمني انت اللي جوزتني غص*ب عني انت اللي أجبرتني اتحمل وضع مش هقدر استحمله

انا مش عايزه افضل معاه انا بكرهه بكره أسلوبه وشكله بكره يلم-س ايدي بكره اشوفه قدامي أن….

– اخرر-ررسي قلي*له الادب

قالها ابراهيم وهو علي وشك يضربها بالقلم وهي غمضت عينيها مستسلمه للق*لم اللي هينزل علي خدها بس محستش بحاجه مع أن صوت القلم رج المكان !!!

فتحت عيونها ببطئ واستغراب لقت ” نائل” واقف قدامها زي السد والقلم نزل علي وشه هو

ابراهيم بحزن :

– ليه كده يابني ليه كنت سيبني اربيها

نائل بجمود :

– انا اسف ياعمي بس فريده مراتي وانا مسمحش لحد ايا كان يمد أيده عليها

في أساليب تانيه ممكن تربيها بيها الا الض-رب ياعمي الرسول في خطبه الوداع قالنا ” واستوصوا بالنساء خيرا” وانا بعمل بوصيته وعمري ما هسمح ان فريده تت”ضرب أو عمري ه*ضر*بها ولا هغ”ص*بها علي حاجه ابدا

ولف لفريده اللي كانت واقفه تسمع كلامه باستغراب شديد وكأنها أصبحت براسين!

قرب منها وبص في عيونها بجمود :

– عايزه تتطلقي؟

بلعت ريقها بتوتر وفركت ايديها وهي بتحاول تبان شجاعه :

– ا اكيد يعني مش هفضل مع واحد زيك و….

نائل بحده :

– انا سألت سؤال وعايز جواب ب اه أو لا !

– ايوه

اتنهد وحط أيده في جيبه وهو بيبصلها بجمود وكبرياء :

– انتي طالق يافريده هانم

قال جملته ولف بظهره وهو بيقول ل ابراهيم باحترام :

– انا بعتذر ياعمي بس مش انا اللي اغص-ب حد يكون معايا ياريت حضرتك كنت عرفتني من الاول أن فريده رفضاني

وصوته اتنبح وهو بيقول بابتسامه سخريه:

– علي الاقل مكنتش هحاول اعمل اراجوز عشان اعجب ،بعد اذنك ياعمي

ولف بص لفريده وقال بسخريه

– واه صحيح انا متجوزتش ولا حاجه دي كانت لعبه يمكن كنتي تحسي وتغيري عليا وتبقي زوجه طبيعيه مكنتش اعرف ان جواكي كل الكره ده يافريده

قال جملته الاخيره بحزن وخرج من الفيله وهي واقفه تبص لاثره بجمود ودموع رافضه تنزل عشان متهزش كبريائها مين هو عشان يخلي فريده هانم المهدي تعيط علي فراقه !!

↚

مين هو عشان يأثر فيها بالكلمتين الحمضانين دول لا عاش ولا كان اللي يكس-رها

اما عند ” نائل” خرج من الفيله وركب عربيته وساقها بأقصي سرعه لحد البيت

وصل البيت واول ما دخل كانت في بنت قاعده بتفرك في ايديها بتوتر واول ما شافته قربت منه بقلق

– ها طمني حصل حاجه ؟؟

نائل بجمود :

-طلقتها

هي بصدم#مه :

– ايه ليه كده يانائل؟!

نائل بضيق:

– ريهام ارجوكي بلاش كلام في الموضوع ده انا تعبان وعايز انام

– بس

بصلها بحده:

– ريهااام

ريهام بحزن:

– طب خلاص مش هتكلم ا احم انا همشي عايز مني حاجه

– تمشي تروحي فين؟؟

– السكن بتاعي

– خليكي النهارده

– مينفعش

– علي فكره انا وانتي اخوات !

– بس محدش يعرف أننا اخوات حتي مراتك فالبتالي لو حد من الجيران شافني هتبقي كارث*ه

نائل ببرود :

– الناس بتتكلم في كل الأحوال وفريده مبقتش مراتي خلاص

قربت منه وقعدت علي طرف الكنبه وهي بتحط ايديها علي أيده بحزن :

– اعتقد انك اتسرعت في قرارك كالعاده يانائل !

نائل بضيق:

– ده كان اكتر قرار صح انا اخدته في حياتي

لفت وشه بأيديها وخلته يبص في عيونها:

– عينك بتقول غير كده

نائل بتوتر وهو بيحاول يتهرب من عيونها :

– ل لا ا انا

ريهام بهدوء :

– متحاولش انا عارفاك اكتر من اي حد

اتنهد تنهيده طويله وعيونه لمعت بالدموع :

– هي مش بتحبني ولا عمرها هتحبني ياريهام قالتها في وشي بالحرف انها مش طايق*ه تشوفني ولا طايقه تسمع صوتي ولا حتي طي*قا*ني المس ايديها !

ومش انا اللي اجبر واحده تفضل علي ذمتي وهي مش عايزاني

ريهام وهي بتطبطب علي كتفه:

– بكره ت-ندم انها ضيعتك من ايديها

نائل بلا مبالاه:

– تندم أو لا مش فارق معايا

– لا يا نائل انت لازم ت-ندمها

– وده ازاي ؟؟

ريهام بخ*بث:

– انا هقولك …..

-الله هو مش ده دكتور نائل!!!

قالتها واحده من أصحاب ” فريده” وهما قاعدين في كافيه الكليه كعادتهم

واول حد لف علي آثر جملتها كانت ” فريده” اللي متعرفش ليه كانت متشوقه تشوفه أو حتي تسمع صوته بعد فراق دام اسبوع !

في الحقيقه هي لاول مره في حياتها تحس بالفراغ ده

↚

لاول مره تحس انها ند-مانه علي قرار

كان في اعتقادها انها اول ما تاخد قرار الطلاق منه وتبقي حره هترتاح راحه ملهاش مثيل

بس اللي حصل عكس كده تماماً!!

ليه حاسه انها متضايقه ؟!

طب ليه اول ما سمعت اسمه قلبها دق بسرعه رهيبه وعينيها كانت مشتاقه تشوفه؟!

واول ما لفت شافته وياريها ما شافته

كانت صدم#مه كبيره بالنسبه ليها لما شافته بشكل مختلف تماما عن زمان

كان لابس بدله كحلي وتحتها قميص ابيض بيبرز عضلاته وشعره مرفوع بشكل يخطف القلب

لابس شنطه ولادي وساعه براند

كان شكله يخط”ف القلب والعقل وخاصه قلب المسكينه فريده !

ابتسمت بإعجاب ومالت برأسها علي كتفها وهي شايفه قدامها فارس أحلامها

الشخص اللي كانت طول العمر بتتمناه بس للاسف فاقت علي واقع أنه مبقاش معاها فاقت علي واقع م-ؤلم صعب يتصدق واقع هي اللي كتبته بأيديها وياريتها ما عملت كده

مروه صاحبتها بهيام:

– ده بقي حلو اوي

فريده بشرود:

– اه

مروه بنفس الهيام:

– وجنتل اوي

– اه

مروه :

– وعيونه حلوه اوي

فريده بشرود :

– اوي اوي

ريهام صاحبتها بتريقه :

– ماشي بمبدا سبتيني طب اهو

فريده اتضايقت من كلامها وحست انها مدلوقه عليه وعملت نفسها مش مهمته

– علي فكره عادي جدا شكله عادي

ريهام برفعه حاجب :

– والله؟؟

فريده بكبرياء ممزوج بتوتر :

– ا احم اه عادي برضو مهما عمل هو مش نوعي المفضل

مروه بسخريه:

– ليه بقى أن شاء الله علي فكره دكتور نائل شخص كامل من كل حاجه وظيفه فلوس لبسه بقي حلو شكله وسيم ورزين

بصراحه يافريده انتي كنتي غلطانه في قرار الطلاق و….

فريده بعصبيه ممزوجه بغيره:

– خلاص بقي

مروه بحقد:

– خلاص يافريده بس اما انتي غيرانه عليه اوي كده سبتيه ليه وطول الوقت كنتي تقولي مش بحبه ليه

تكونيش بتغزي العين متخافيش احنا مش هنحسدك يعني ده احنا اصحابك

فريده وهي بتبتسم بسخريه:

– هه لا ما هو واضح ياصاحبتي واضح اوي انك مش هت”حس*ديني

مروه بعصبيه:

– قصدك ايه يافريده

فريده وهي بتقوم وبتاخد شنطتها من علي الطربيزه :

– ولا قصدي ولا قصدك انا ماشيه

ريهام:

– فريده فريده استني بس

لكن فريده مسمعتش كلامها ومشت والغربيه انها راحت نحيه نائل اللي كان واقف مع شويه من الطلاب واكترهم بنات

زقت البنات اللي كانت واقفه وراحت وقفت قصاده وهي بتجز علي اسنانها بغيظ

نائل باستفزاز ورفعه حاجب :

– خير يا مدام فريده في حاجه

فريده وهي بترفع وشها بعصبيه:

↚

– انت مفكر أن انا كده هعجب بيك أو هحبك يااستاذ لا يابابا فووووق مش فريده هانم المهدي اللي…

نائل وهو بيقاطعها بحده:

– اوعي اوووعي في يوم تنسي أن انا الدكتور بتاعك وانتي مجرد طالبه عندي يافريده هانم المهدي ده اولا

وقرب وشه من وشها وهو بيبص في عيونها بتحدي:

– ثانيا انا مش مغير شكلي عشان تعجبي بيا وتطلبي ترجعيلي

ورفع رأسه بغرور وهو بيربع أيده:

– وحتي لو حصل ف احب اقولك متحاوليش لانك بصراحه مبقتيش نوعي المفضل!!

انا مغير شكلي لاني حابب كده اقولك علي الكبيره؟؟

حبيبتي الجديده غيرتني ولسه هتغيرني كتيييير وانا من ايديها دي لايديها دي

فريده بصدم#مه وهي بتبلع ريقها :

– ح حبيبتك

– اه ياقمر هو الواحد هيفضل يبكي علي الاطلال كتير ولا اي لا ياعمري محدش ضامن عمره

ليه اعيش ابكي عليكي سنه ولا اتنين واضيع وقت الوقت غالي اوي يافيرو سوري يامدام فريده الوقت غالي اوي

وق-رب منها وهمس ببرود:

– وخاصه وقتي غالي عليا اوي ولا عاش ولا كان اللي يهدره أو يخليني اضيعه في تفاهات

فريده بتوتر :

– ا ا انت ا انت ازاي تكلمني كده و….

نائل بحده:

– انا اعمل اللي انا عايزه

وبص في ساعته وهو بيقول بجمود :

– وبصراحه مش فاضي للتفاهه بتاعتك دي عندي محاضره

قال جملته وسابها ومشي وهي واقفه هتفرقع في مكانها والطلاب اللي كانوا واقفين بيبصولها

 بش*ماته وخ*بث

في الحقيقه محدش بيحبها لانها مغروره وشايفه طول الوقت انها احسن منهم كلهم

ياتري هتفضل كده ولا في حد ممكن يغيرها !!

بصتلهم باحراج حاولت تداريه بأنها تزعق أو تعمل اي حاجه

– اي في أي بتبصولي كده ليه وبتضحكوا اكونش اراجوز !!

واحد من الشباب بسخريه:

– لا بصراحه شكلك بقي وحش اوي اووووه ياه فريده هانم الانصاري في حد قدر يكس-رها اممممم بصراحه كلنا بنحسد دكتور نائل أنه نال شرف كس-رتك يابنت المهدي

وقرب منها وهو بيهمس في ودنها:

– ياحراااام شكلك بتحبيه بس هو سابك عشان شاف الاحسن منك زي ما انتي عملتي معايا زمان توء توء توء بصراحه مصعبتيش عليا خاااااالص أصله كاس وداير علي الكل ياحياتي يالا بقي انجوووووي

قال جملته وهو بيشاولها بايده وهي واقفه علي وشك تعيط من كم الإحراج اللي شافته علي أيده واللي جرأ عليها الكل

كتمت دموعها وخرجت من الكليه وركبت عربيتها واول ما ركبتها ساقت وهي منهاره في العياط

ضربت علي المقود وهي بتصرخ :

– ح**قييي*يير حقييي***ييير بك*ره*ك

بعد ربع ساعه

كان في شخص بيجري في ممر المستشفي ضربات قلبه هتوصل للسما ،العرق اتكون علي جبينه من كتر الجري وال*رع*ب ،عيونه بتلمع بالدموع

وصل قدام الاوضه اللي هي فيها واول ما وصل قرب من ابراهيم

– اي اللي حصل ياعمي

ابراهيم بحزن ودموع :

– معرفش يابني معرفش كانت بتكلمني وهي منهاره وفجأه سمعت صوت دوشه والفون اتقفل وبعد شويه لقيت رقم غريب بيرن وبيقولي أن فريده عملت حاد*ث*ه ونقلوها علي المستشفي و…

↚

كان لسه هيكمل جملته بس الدكتور خرج من اوضتها

نائل بقلق :

– ها يادكتور طمنا؟؟

الدكتور :

– انت جوزها ؟!

نائل وهو بيبلع ريقه :

-ايوه

الدكتور بأسف :

– هي جسمانيا كويسه شويه ك*سور مش خ*طي*ره بس للاسف في حاجه تانيه

نائل بقلق :

– ايه هي

الدكتور :

– المريضه فقدت الذاكره

نائل بصدم#مه :

– اييييه!!!

الدكتور وهو بيطبطب علي كتفه بحزن:

– متقلقش فقدان مؤقت انا هكتبلها علي شويه ادويه تساعدها علي رجوع الذاكره

اما بالنسبه الكس*ور فهي هتفضل معانا هنا علي الاقل شهر وربنا يكمل شفاها علي خير

نائل بحزن:

– اقدر ادخلها

الدكتور :

– اكيد بس هما خمس دقائق وبالمناسبه هي فايقه

هز راسه بابتسامه باهته :

– تمام شكرا

ابراهيم بحزن:

– لا حول ولا قوه الا بالله اللهم اني لا اسالك رد القضاء ولكني اسالك اللطف فيه يارب

نائل بشفقه:

– أن شاء الله هتبقي كويسه ياعمي

– يارب يارب يابني

– ندخلها؟!

ابراهيم وهو بيقرب منه :

– نائل ممكن اطلب منك طلب يابني

نائل وهو بيتنهد:

– متقلقش ياعمي مش هقول اني طليقها ،هعمل بأصلي وهقف جنبها لحد ما تبقي كويسه

ابراهيم بحزن :

– كتر خيرك يابني كتر خيرك

-يالا ندخل ياعمي

فتح الباب ودخل وقلبه بيدق بسرعه

مش قادر يفهم هو ليه لسه بيحبها؟؟

ليه هي من بين كل البشر اللي قلبه بيدق في وجودها ، ليه هي اللي قادره تآثر فيه وتكس*ره ؟

ليه لما ابراهيم كلمه وقاله أن هي في المستشفي حس أن روحه خرجت من مكانها !!

اتنهد ودخل واول ما دخل كانت هي نايمه علي السرير

واول ما حست بوجوده فتحت عيونها ولفت برأسها وهي بتسأل باستغراب :

– انتوا مين ؟!

ابراهيم وهو بيق-رب منها بلهفه :

– فريده حبيبتي سلامتك ياحبيبه بابا

فريده بهمس :

– انت بابا

ابراهيم وهو بيمسك ايديها وبيبو-سها بلهفه ودموع:

– ايوه ياحبيبتي انا بابا

ابتسمت ابتسامه صغيره وهي بتقول بحزن:

– متقلقش انا كويسه يابابا

نائل وهو حاطط أيده في جيبه بجديه:

– حمد لله علي سلامتك يافريده

↚

فريده باستغراب :

– انت مين

ابراهيم بتوتر :

– ا احم ده نائل جوزك ياحبيبتي

فريده بسخريه:

– جوزي!!!

نائل ببرود:

– مالك مستغربه ليه ياحبيبتي

فريده برفعه حاجب:

– وهو في واحد مراته عامله حا*دث*ه ومش فاكره حاجه يبقي واقف بالبرود ده !

ابراهيم بتوتر :

– لا لا ياحبيبتي ا انتي فاهمه غلط هو زعلان وكان منهار برا والله ب بس يعني نائل مش حابب ينهار قدامك عشان متتعبيش صح ياحبيبي !

قال جملته الاخيره وهو بيبص لنائل برجاء وتوسل

نائل وهو بيق-رب منهم وبيقعد علي ركبته قدام السرير وبيمسك ايديها بحب صادق:

– ايوه فعلا انتي مش متخيله كنت خايف عليكي قد ايه

وقرب منها وهمس في ودنها بضعف وصوت مبحوح:

– أنا لو كان جرالك حاجه كنت هموت فيها يافريده

وفي الحقيقه هو مكانش بيقول كده مجرد كلام وخلاص

هو فعلا لو كان جرالها حاجه كان ممكن ي*مو*ت فيها !

اما عن فريده غمضت عينيها وضغطت علي أيده وهي حاسه دقات قلبها هتوصل للسما من كتر التوتر وهو في قربها

حاسه انها عايزه تقوم من مكانها وتترمي في حضنه تقوله متسبنيش ،تقوله انا محتاجه وجودك في حياتي اكتر من اي وقت

عايزه تقوله انا مش فاقده الذاكره انا بس عملت كده عشان تكون معايا عشان تديني فرصه ارجع

 اللي فات وأصلح غلطتي واحبك زي ما حبتني ويمكن اكتر !!!

كانت مستغربه نفسها وفي رأسها الف سؤال وسؤال

هي فعلا حبته حتي من قبل ما تشوف شكله اللي اتغير ؟!

ولا هي حبت شكله فعشان كده أقنعت نفسها انها كانت بتحبه بس كبريئها كان مانعها تعترف بده؟!

كانت حاسه انها متلغبطه متوتره فرحانه لقربه حزينه أنه حب غيرها في اسبوع واحد كان جواها مشاعر كتير متلغبطه و*ص*راع مبينتهيش

– هو احنا متجوزين من أمتي ؟؟

سألت فريده نائل اللي كان قاعد علي الكرسي قدام السرير بتاعها بعد إصرار منه أنه يبات معاها في المستشفي

اتنهد وابتسم بحزن :

– خمس شهور

فريده وهي بتبص في عيونه:

– عن حب ولا جواز صالونات!!

مسك ايديها وقرب وشه من وشها وهو بيهمس بحب:

– عن نفسي مختارك بكامل إرادتي وقوايا العقليه

وحط ايديها علي قلبه اللي بيدق جامد :

– لان ده حبك

وبص في عيونها بحزن وهو بيهمس بنبره كلها و*جع:

– أما عنك مش قادر احدد

اتوترت من قربه ،قلبها دق ،العرق اتكون علي جبينها ،لسانها اتعقد مكانتش قادره تنطق حرف واحد !

لاول مره في حياتها تحس الاحساس الغريب ده في قربه

معقوله؟؟

معقوله تكون بتحبه

لوهله حست انها عايزه تح-ضنه وتطبطب عليه بعد ما جر*حته بالشكل ده

↚

نبره صوته الحزينه ،عيونه اللي بتلمع بدموع رافضه تنزل فتهز كبريائه كراجل

قلبه اللي كان بيدق تحت ايديها بكل قوه وكأنه بيقولها حسي بيا انا بحبك

كل دي أشياء كانت كفيله تحسسها قد ايه هي انانيه قد ايه هي معندهاش مشاعر

مع انها بس لو كانت عطته فرصه زمان مكانش كل ده حصل ابدا

– سرحانه في ايه ؟

– هه ل لا مفيش ه هو انا ممكن اسال سؤال

ابتسم بهدوء :

– اسألي

– انت حبيت فيا ايه ؟

سكت للحظه وهو بيفكر في السؤال !

في الحقيقه هو عمره ما قعد ما نفسه وسأل السؤال ده

عمره ما قدر يحدد هو حب فيها أي بالرغم أنه لو فكر بالعقل شويه مش هيلاقي شيئ يشده ليها أو بمعني تاني نظره الكره اللي في عيونها هتخليه يعد حساباته الف مره في الدقيقه

لكن هو كعاده معظم البشر لاغي عقله وبيفكر بقلبه اللي معندوش اجابه منطقيه علي سؤالها هو حبها كده وخلاص من غير سبب واضح !

فريده بحزن :

– ايه سؤالي صعب للدرجادي

نائل بحيره :

– سؤالك مُحير

– مُحير!!

– لو عندي اجابه هقولك بس للاسف قلبي معندوش اجابه

– وعقلك ؟!

ابتسم ابتسامه باهته وحزينه وهو بيبصلها:

– لو فكرت بيه معتقدش هحبك

– انا مش فاهمه حاجه انت ليه بتتكلم بالالغاز!

– عشان انتي مهما قولتلك مش هتفهميني يافريده

حطت ايديها علي أيده اللي كانت سانده علي السرير وهي بتبصله بحزن :

– مش يمكن افهمك لو حكيت

شال ايديها من فوق كفه وقام وقف وطبطب علي كفها برقه :

– انا رايح اجيب حاجه تاكليها

فريده وهي بترفع رأسها بحزن :

– نائل

نائل بجمود:

– مكانش في داعي تعملي التمثيليه ديه يافريده وتقولي انك فاقده الذاكره وقبل ما تسالي عرفت منين محدش قالي بس عيونك وتوترك واسئلتك الغريبه واضحه اوي انك عامله ك*ذبه جديده

وبصلها بقس”وه لاول مره تشوفها في عيونه:

– كده كده الوضع مش هيتغير

قال جملته وكان لسه هيخرج من الباب بس وقف مكانه بصدم#مه علي آثر جملتها

فريده بدموع خا-نتها لاول مره :

-انا عملت كده عشان بحبك ومش عايزاك تبعد عني

لف ورفع حاجبه باستغراب وسخريه:

– ديه كدبه جديده ديه كمان ؟!

فريده وهي بتهز رأسها برفض :

– لا يانائل ديه حقيقه انا فعلا حبيتك

ضحك بسخريه :

– وياتري ايه اللي غير رأيك بالسرعه الرهيبه ديه

وقرب منها بخطوات بطيئه وهو بيبصلها بكل احت*قا*ر :

– ولا انتي صعبان عليكي أن الكل يبعد عنك فقولتي تثبتي للناس اني بعد كل ده لسه بحبك وباقي عليكي و…

فريده بدموع وعصبيه :

– لا لا لااااااا انا مش كده انت وكل الناس شايفين الظاهر بس محدش يعرف اللي جوايا ايه

↚

– وايه اللي جواكي يافريده

وسكت وهو بيض-رب علي رأسه بسخريه:

سوري اقصد يافريده هانم

فريده بشرود:

– اللي جوايا عكس اللي بقوله

نائل برفعه حاجب وبرود :

– وديه فزوره وعايزاني احلها؟؟

فريده وهي بتتنهد:

– لا يانائل ديه مش فزوره ده شعور جوايا

ولفت رأسها وبصتله والدموع في عيونها:

– انا بحبك بس خايفه

– خايفه؟!

فريده :

– خايفه يكون مصيري زي ماما في يوم من الايام

نائل باستغراب :

– مش فاهم !

فريده وهي بتبلع ريقها بصعوبه:

– م ماما ما*ت*ت* منت*حره يا نائل

نائل بصدم#مه:

– منت*حره!!

فريده بنبره كلها وجع :

– بسبب بابا

– ازاي ؟؟

– بابا خ*ان ماما بعد حب ٢٥سنين خانها مع بنت صغيره قدي

حطت ايديها علي بوقها وهي بتحاول تكتم ش*ه*قتها:

– خ*انها بعد ما وقفت جنبه واتحدت الدنيا كلها عشانه

خا-نها وخيرها بين الطلاق أو أنها تتحمل فكره أنه يتجوز عليها وتفضل هي مجرد اسم في حياته وتعيش وتربيني

وقتها ماما ات*دم*رت كانت بتم*وت كل يوم ومحدش حس بيها

وبصتله بدموع :

– حتي انا يا نائل مكنتش حاسه بيها

وبلعت ريقها بصعوبه :

– انا كنت انانيه انا طول عمري انانيه ومبفكرش غير في نفسي طول عمري عايزه اعيش حياتي واعمل كل حاجه نفسي فيها

كانت دائما تقولي انتي وحشاني يافريده انتي ليه مش بتقعدي معايا ،كانت طيبه وحنينه بكلمه كنت براضيها وبرضو مش بقعد معاها

وهي مكانتش بتحب تضغطني وباب…

اقصد ابراهيم باشا مكانش يعرف عني حاجه كان مشغول مع السنيورة اللي بيحبها اللي ضحكت عليه وراحت اتجوزت واحد تاني اغني منه

ل لما ماما ما*ت”ت مكنتش بسيب اوضتها وفي مره شوفت رساله مكتوبه بخط ايديها

كانت ليا كانت بتحكيلي فيها عن وجعها من خي-انه بابا ليها ،كانت بتنصحني محبش حد واثق في حد عشان مصيري ميكونش زي مصيرها

وقتها انت اتقدمتلي كنت كارهه الرجاله كلها وحتي بابا بس مع إصراره وض-ربه ليا اضطريت اني اوافق

واتنهدت بحزن :

– اول ما شوفتك حسيت نفسي مرتاحه ،كنت شخص مريح رقيق في التعامل معايا ،كنت فيك كل حاجه حلوه كل حاجه تخليني احبك في يوم

وانا مكنتش عايزه كده يا نائل مكنتش عايزه احب ويبقي مصيري زيها

عشان كده كنت بكابر كنت بخترع الف حجه وحجه عشان تبعد عني وتك*ره*ني بس مكنتش بتعمل كده كنت كل ما اطلب منك تبعد كنت تقرب اكتر !!

↚

الحب اللي شوفته في عيونك خلاني اميل خلاني اعترف لنفسي بُحبك عشان كده انا كنت بكابر طول الوقت

او يمكن كنت عايزه اشوف قوه تحملك ؟؟

يمكن كنت عايزه اعرف هتستحملني ولا لاء ،معملتش حساب انك تسيبني

نائل وهو بيتنهد بحزن:

– انا سيبتك عشان مفيش راجل يتحمل اهانه من البنت اللي بيحبها حتي لو روحه فيها !

فريده بدموع :

– ا انا اسفه

قعد علي طرف السرير ومسك ايديها بين ايديه:

– لو كنتي بس حكيتي كل ده من الاول مكانش حصل كده

– محكتش لاني خايفه ومازلت

– انا مش ابوكي

– ممكن تكون شبه بس بطريقه مختلفه

– انا حبيتك يافريده افهمي بقي حبيييبتك برغم كل عيوبك دي

فريده وهي بتبص في عيونه وبتساله بتوتر :

– مش هتسيبني زي بابا ما عمل مع ماما

– ولا هفكر اعملها

– انت لسه بتحبني؟!

نائل بابتسامه يأس:

– معقوله بتسألي!!

فريده وهي بتضعط علي أيده :

– خايفه اقولك بحبك ابدء معاك قصه حب نهايتها الم*وت زي ماما

نائل بهدوء :

– مش كل النهايات زي بعض يافريده

وضغط علي ايديها :

– انا بحبك صدقيني

فريده وهي بتق-رب لحض-نه وبتسند رأسها علي ص-دره:

– اوعي تسيبني

نائل وهو بيتنهد براحه :

– اسيبك ازاي وانا ما صدقت لقيتك يافريده

قال جملته وهو بيضم-ها لقلبه وهي بتبتسم بحب وراحه ملهاش مثيل

انا مش قابل

اطلع من حضنك وامشي لفين ؟

القمح مالوش هجر سنابل

وانا واعدك اني هاصون عهدك

وهلازم دارك وهام*وت فيه

والأرض اللي انا فيها بلادك

والدرب اللي قصادك هامشيه

وان كانت أيامنا معانده

فافضلي على روح راجلك سانده

وكفاية خصام

السكة اللي بدونك ورطة

والضحكه بدونك تبقى ح*رام

والليل اللي مالوش صوتك ساكنه

يتحرّم على قلبي مساكنه

والوطن اللي انتي بعيد عنه

تهجرني بيوته وأماكنه ❤️

وفي الحقيقه مش كل النهايات واحده جايز تكون بدايتنا بتشبه بعض في مراحل الحب والصراع اللي مبينتهيش بين القلب والعقل بس النهايه بتختلف من شخص للتاني وده اللي حصل مع فريده كانت نهايتها افضل من نهايه مامتها 🖤

تمت

تعديل المقال