رواية بزوغ الامل تيم وريم كاملة جميع الفصول بقلم مارينا عبود
رواية بزوغ الامل تيم وريم كاملة جميع الفصول هى رواية من تأليف المؤلفة المميزة مارينا عبود رواية بزوغ الامل تيم وريم كاملة جميع الفصول صدرت لاول مرة على فيسبوك الشهير رواية بزوغ الامل تيم وريم كاملة جميع الفصول حققت نجاحا كبيرا في موقع فيسبوك وايضا زاد البحث عنها في محرك البحث جوجل لذلك سنعرض لكم رواية بزوغ الامل تيم وريم كاملة جميع الفصول
رواية بزوغ الامل تيم وريم كاملة جميع الفصول
ممكن اعرف إيه بينك وبين البنت دي
يا بنت ارحمينى بقاا أنا تعبت.
أنا إللى تعبت يا تيم! أنت ليه دائما عاوز تعيش دور المظلوم.
أنا يا هنا!! ولا أنت إللى بقيتي طول الوقت بتشك فيا!!
يعني عاوزني اعمل إيه وأنا شايفاك بتضحك وتهزر مع بنت تانية
يا بنت ولله مفيش أى حاجة بيني وبينها غير شغل وبس.
كفاية كڈب بقاا! أنا شايفاك بعيني بتضحك معاها.
وهو حضرتك كل ما هتشوفيني بضحك مع وحده هبقا بخونك معاها!!
قربت منها وكملت بحب
هنا أنت عارفة أنا قد إيه بحبك بلاش تخلي حد يوقع ما بينا.
غمضت عنيها لثواني ورجعت فتحتهم وبصتلي
تيم أحنا فعلا مينفعش نكمل مع بعض.
ضحكت
هنا أنت بتهزري صح
ردت بجمود
لا يا تيم أنا مش بهزر أنا فعلا قررت انهى كل حاجة بتربطني بيك.
بصيت لها بسخرية
وياتره قرارك ده أخدتيه لوحدك ولا فى حد ساعدك فيه
تيم افهمني أنا صحيح بحبك بس علاقتنا حقيقي بقت صعبة أنا فعلا مش قادرة.
مش قادرة إيه يا هنا أنت بجد مصدقة إللى قاله ابن خالك إنى بتاع بنات والكلام الاهبل ده!!!
تيم أنا ....
قاطعتها بانفعال واضح
ردي على سؤالى وبس أنت مصدقة إللى قاله او لا
أنت إللى بتخليني كل يوم اصدق أنه كلامه صح.
الټفت ومسحت وشي بتعب ورجعت بصيت لها
وبما إنك مبتثقيش فيا يا بنت الناس وافقتي عليا ليه
مستنتش ردها وسيبتها ومشيت فضلت بتمشى ولأول مره دموعي تخوني وتنزل بسبب حد احساس بشع إنك تعمل كل حاجة علشان ترضى شخص بتحبه وييجى هو فى لحظة يدمر كل حاجة حلوة عملتها علشانه لمجرد أنه دخل فى حياته شخص جديد وقدر بكلامه يحول حبه لشك كبير فيك ده إذا كان إللى بتحبه حبك من الأساس! مفيش حد بيحب بيصدق فى إللى بيحبه! بس فى إللى تحبه وتعمله كل حاجة وتبقا على استعداد تضحى بكل حاجة علشانه ومع اول مشكلة يبدأ يتهرب ويختلق مشاكل علشان يسيبك بعد ما حبيته حقيقي العلاقة ديه دمرتني بشكل كبير تعبت من شكها طول الوقت فيا وإللى واجعنى أنها مكانتش كده! معرفش ازاى قدر شخص يغيرها ويخليها توصل علاقتنا لهنا كنت بفكر ودماغي فى عالم تانى وللاسف مأخدتش بالي من العربية إللى كانت بتقرب مني بسرعة كبيرة محستش بنفسي غير وأنا واقع على الارض وناس كتير بتقرب مني صوت دوشه غيمه سودة ظهرت قدام عنيا ومن بعدها محستش بحاجة.
دكتورة يا دكتورة.
فى إيه يا بنت
فى واحد عمل حاډثة من شوية والظاهر أنه حالته مش كويسة خاالص ودكتور خالد مش موجود.
طيب هو فين دلوقتي
لسه فى الاستقبال.
طيب يلاه بينا نشوف الموضوع.
صوت دوشة ناس واقفة قلقانة ممرضين مش عارفين يتصرفوا ازاى!! شاب لسه فى اول شبابه نايم على الترولى بين الحياة والمۏت ودمه مغرق لبسه وصوت بنت جميلة يبان على ملامحها الطيبة والحنان بيقرب ويزعق فى الناس الواقفة
انتوا واقفين بتتفرجوا على إيه جهزوا اوضة العمليات بسرعة.
↚
الدكتورة الټفت وبصت للممرضات
وانتوا اطلبوا دكتور خالد وقولوله ييجى بأسرع وقت الحالة حرجة.
دخلت اوضة العمليات أنا عندي إيمان أنه فى المواقف ديه بتبان معادن الناس مين بيحبك ومين لا!! فى الإمكان ديه غلاوتك عند إللى بتحبهم بتظهر على حقيقتها ومن بعدها بتبدأ تصفى الناس من حياتك بالتدريج وتشوف مين يستحق يكمل معاك ومين لا.
مرت ساعات وسط قلق أهلى وصحابي وخوفهم عليا ومحاولة الدكاترة إنقاذ حياتي مع كل دقيقة بتمر خوف أهلى كان بيزيد أكتر وفى شخص موجود احساس الخۏف والندم بېقتله ومع كل ثانيه بتمر خوفه بيزيد أكتر.
الدكتورة خرجت قربت منها والدتي وهى بتقول بتعب والم
وخوف ام من فقدان ابنها الوحيد
طمنيني يا دكتورة ارجوك ابني حالته إيه
.
اتنهدت وطبطبت عليها
متقلقيش يا أمى هو كويس بس...
والدي قرب منها وقال پخوف
بس إيه يا بنت طمنينا تيم فى إيه
الدكتورة اتنهدت وقالت لأهلى الخبر إللى صدمهم بالنسبالهم الحالة إللى وصلتلها كانت صدمة كبيرة حلت على الكل وبالأخص أهلى و والدتي إللى اڼهارت تماما من الخبر إللى سمعته.
الوقت عدى وأنا
بدأت أفتح عنيا وأول حاجة شوفتها أهلى والدتي إللى قاعدة جنبي وماسكة إيدي وبتدعي ودموعها سبقاها ابتسمت وبوست إيديها وقولت بتعب
إيه يا ست الكل بټعيطي ليه ما أنا كويس أهو
مسحت دموعها
حمدلله يا سلامتك يا نن عيني.
ابتسمت
الله يسلمك يا حبيبتي.
حمدلله على سلامتك يا بطل.
الله يسلمك يا بابا.
حاولت اتحرك بس مكنتش قادر بصيت لأهلى لقيتهم موطيين رأسهم و والدتي حاطة وشها بين كفوفها وبتعيط.
هزيت رأسى وبصيت لبابا بضيق
بابا ممكن تقولها إنى كويس وخليها تبطل عياط.
بابا ابتسم ورجع نومني على المخدة
أنت عارف أنه والدتك حساسه اووى وخصوصا لما الموضوع يخصك.
ضحكت وقربتها منى بوست رأسها وبصيت لها بزعل
وبعدين بقاا لو فضلتي بټعيطي كده أنا هزعل وهتعب أكتر ومظنش إنك عاوزه ده!!
مسحت دموعها وابتسمت بحزن
وأنا مقدرش على زعلك أبدا
حلو كده احبك.
ابتسمت وحاولت اتحرك مرة تانيه بس مقدرتش بصيت لبابا باستغراب لقيته لف وشه الناحية التانيه والدموع متجمعة
فى عنيه أخدت نفس عميق وبصيت لهم
بابا هو فى إيه أنا ليه مش حاسس برجلي
سكتوا وسكوتهم ده قلقني أكتر ودب فى قلبي الخۏف فكررت سؤالى بس المرادى بصوت أعلى
بابا أنا بسألك إيه إللى حصل
بابا اتنهد وبصلي بابتسامة حزن
بصراحة يابني أنت....
↚
البارت التاني
بصراحة يابني أنت...
قاطعتة زوجتة خوفا من ردة فعل إبنها
لا يا ادم ارجوك بلاش دلوقت.
هز تيم رأسه يمين وشمال وبصلهم بعدم فهم
هو إيه إللى مش دلوقت!!
بص لوالده وقال بتعب
بابا من فضلك قولي فى إيه.
بص أدم لزوجتة المڼهارة وتترجاه بعيونها إنه ميقولش حاجة ورجع بنظرة لتيم إللى بيبصله ومنتظر الإجابة ابتسم وقال بحب
أنت مؤمن بالله وعارف إنه ربنا مش بيعمل غير الخير صح
أخد تيم نفس عميق وبص لوالده پخوف دب فى قلبه والم لمجرد أنه تخيل الحالة إللى وصلها وفضل يدعي بينه وبين نفسه إنه إللى فهمه ميكونش الحقيقة.
بس لوالده وقال بحزن كبير
بابا هو أنا ...
قاطعة والده بهدوء
الحاډثة إللى حصلتلك أثرت على العمود الفقري وأنت هتفضل فترة مش بتمشى.
مسح ادم دموعة وحط إيده على رأس تيم وقال بأمل
بس متخفش يابني ديه فترة صغيرة بإذن الله الدكاترة هيعملولك شوية إشاعات وإنشاء الله هتعمل العملية وهترجع توقف على رجليك من تانى وتبقا أحسن من الأول.
اټصدم صدمة كبيرة ومقدرش يتكلم الدموع بدأت تتجمع فى عنيه حس بالم كبير فى قلبه معقولة مش هيرجع يوقف تانى مش هيصحى كل يوم ينزل يجري زى ما بيعمل! مش هينزل يتمشى لوحده فى نص الليل زى عادته! وشغلة... أكتر حاجة بيحبها وبتهون عليه! ازاى هيقدر يبعد عن شغلة
فاق من شروده على صوت والدتة إللى بتبصلة وبتعيط
متقلقش يا حبيبي هترجع أحسن من الأول ولله بس أنت احمد ربنا وخليك واثق إنه كاتبلك الخير.
ابتسم وحاول يخفئ وجعه وحزنه علشان اهله وخصوصا والدتة
متخفيش يا ست الكل أنت عارفه كويس إنه مفيش حاجة تقدر تكسر إبنك اطمنى هنقوم ونرجع احسن من الأول.
بص حوليه ورجع بص لوالدته وقال بحزن
ماما هى هنا مجتش
لا يا حبيبي هى وأهلها قاعدين بره بس احنا طلبنا من الدكتور ندخل الأول نطمن عليك.
طيب ممكن اشوفها لو سمحت
أكيد يا حبيبي أنا هطلع أنا والدك وندخلها.
هز رأسه بهدوء وفضل يفكر يبلغ هنا بقراره ولا يستنى شويه يكون فاق من صډمته وإللى حصل رجع بضهره لوراء وقرر يشوفها هتعمل إيه من بعد الحاډثة إللى حصلت! ياتره هتوافق تكمل معاه وتثبت للكل إنه اختار صح وعرف يختار بنت الأصول إللى توقف معاه على الحلوة والمرة ولا هتكون سبب فى إنه يندم على اختياره طول العمر رغم كل إللى بيفكر فيه إلا أنه قلبه كان بيتمنى ميتوجعش من أكتر إنسانة حبها وضحى علشانها بحاجات كتيره اووى ووقف ضد ناس كتير علشان خاطرها وأولهم أهلة إللى محدش فيهم كان موافق عليها ورغم كده وافقوا لأجل خاطر يراضوا قلبه وميقفوش فى وش سعادته.
تيم
اتنهد وبصلها.. كانت حاطة وشها فى الأرض وبتفرك إيديها بتوتر
ابتسم وقال بحنان رغم حزنه وزعله الكبير منها
قربي واقفة كده ليه
رفعت رأسها وبصيت له بحزن على حالته وإللى شايفه إنها سبب فيها. مسحت دموعها وقربت
أنا آسفة أنا حقيقي أسفة كل إللى حصلك بسببي.
ابتسم
إللى حصل ده مكتوب يا هنا وربنا عاوزه كده أنت ملكيش دخل.
بس أنت مشيت وأنت زعلان منى وأنا ولله مكنتش اقصد نوصل لهنا.
قعدها جنبه وبصلها بحب
↚
خلاص انسى إللى حصل بس اوعديني متتكرش وإنك مش هتصدقى أى كلمة حد يقولهالك .
حاضر هحاول بس قولى أنت ناوى على إيه دلوقتي
أنت إللى قررتي إيه
بمعنى
نزل رأسه لثوانى ورجع رفعها وبصلها بحزن
يعني لحد امبارح كنت ناويه تنهى كل حاجة بينا ودلوقتي أنا مش متأكد إذا كنت هقدر اقف على رجليا تانى أو لا ف أنت هتوافقي تكملى معايا بعد إللى حصل ولا لا وياتره أنت لسه عند قرارك
ابتسمت ومسكت إيده
متقلقش هكون معاك فى أى خطوة وإنشاء الله هترجع توقف من تانى وأنا واثقة من ده اما بخصوص إنى انهى علاقتنا ف ده مستحيل المفروض إنك اتعودت إننا كل ما پنتخانق بقول كده وبيبقا مجرد كلام.
كان هيتكلم بس الباب اتفتح فجأة... دخلت بنت يبان على ملامحها الطيبة لابسة نظارتها وعلى وشها إبتسامة لطيفة تشبه لها.
قربت من تيم وقالت بلطف
حمدلله على سلامتك.
ابتسم وتبت فى إيد هنا
الله يسلمك.
اعرفك بنفسى أنا دكتورة ريم ناصر إللى هتابع حالتك.
وميتابعش حالته دكتور ليه
قالتها هنا بغيظ فضړب تيم كف إيده على جبينه بيأس من غيرتها المچنونة أما ريم ابتسمت وبصتلها.
تفرق فى إيه
بصت لها هنا من تحت لفوق وقالت بغرور
تفرق معايا أنا.
رفعت ريم حواجبها وبصت لتيم إللى قاعد مربع إيديه وبيتابع الحوار فى صمت... اتنهدت وقالت
للاسف دكتور خالد هيكون خارج البلد الفترة ديه ولذلك هكون أنا المسئولة مكانه ولكن وعد اول ما يرجع هخليه يمسك حالته ممكن بقاا
تسمحيلي اشوف شغلى
طيب اتفضلى.
قربت ريم وبدأت تفحص تيم وتشوف شغلها اما هو فكان كل تركيزه مع هنا إللى ماسكة إيده وبتحاول تطمنه وتسيطر على غيرتها علشان متخليهوش يضايق وحالتة تدهور بسببها.
حضرتك هتفضل عندنا كام يوم كده لحد ما نعمل كل الفحوصات اللازمة ونطمن عليك.
دكتورة هو هيرجع يمشى تانى مش كده
قالتها هنا بقلق فابتسمت ريم وهزت رأسها بهدوء
احنا هنعمل كل الفحوصات وكل إللى نقدر عليه وبإذن الله خير بعد إذنكم.
اتفضلى.
ريم خرجت وتيم بص لهنا بيأس
مش ناوية تبطلى غيرتك الزيادة عن الحد دي
هو أنا اتكلمت دلوقتي
هنا أنت عاوزه إيه
مش فاهمة!!
أخد نفس وقال بتعب
أنت مش وأخدة بالك إنك اتغيرتي اووى آخر فترة
اتنهدت
تيم أنا بغير عليك
↚
مش أكتر .
لف وشه الناحية التانيه وابتسم بسخرية
قصدك بتشك فيا طول الوقت مش أكتر! ولو فضلتي كده يبقا الأفضل يا بنت الناس يبقا أنا من طريق وأنت من طريق علشان أنا الفترة الجاية مش هكون حمل تعب نفسى ولله.
اتنفست وبصيت له بضيق
طيب ممكن نقفل على الموضوع ده دلوقتي.
بصلها بجمود وحط رأسه على المخدة
تمام يا هنا أنا عاوز ارتاح.
طيب يا تيم أنا هسيبك ترتاح دلوقتي وبعدين نتكلم.
أخدت شنطتها وخرجت وهو بص لطيفها بحزن وكل تفكيره ليه مقدرش ينهى كل حاجة بينهم زى ما كان مقرر قبل الحاډثة ليه قلبه ۏجعة لمجرد الفكرة أنها تسيبه وتمشي يمكن لأنها اول حب فى حياته والبنت إللى اتحدى الكل علشانها طيب ياتره قصة حبه ديه هتكمل ولا هيجي يوم وتمل وتزهق منه... نام بعد تفكير وصراع كبير بين قلبه وعقلة وحزن على الحالة إللى بقا فيها.
مر أسبوعين وتيم محجوز فى المستشفى وحالتة النفسية فى النازل بقا بيتعصب كتيرر على اتفه الأسباب الولد إللى عمره ما طلب مساعدة من حد بقاا محتاج إللى يسنده طول الوقت خناقاته مع هنا كترت بسبب وجود ابن خالتها كتير معاها حزنه على نفسه وأنه مش قادر يتحرك خلى حالته تسوء أكتر ولكن رغم كده كانوا
أهله أكبر داعم ليه الفحوصات أكدت أنه يقدر يعمل العملية ويستمر بالعلاج الطبيعي وده عطاه أمل شوية ولكن ياتره الأمل ده هيدوم وهيفضل!!
فتح عنيه على ضوء الشمس إللى سقط على عنيه فرك فى عنيه بضيق تعب من الأوضة المحبوس فيها والعلاج إللى بياخده تعب من المستشفى وريحة الأدوية أخد نفس عميق وبص للمرضة وقال بحزن
لو سمحت.
افندم.
طلع تليفونه وفتح صورة هنا وبصلها
البنت ديه مجتش خاالص الفترة الفاتت
الممرضة هزت رأسها بحزن
لا للاسف مشفتهاش خاالص.
ابتسم بسخرية رغم أنه كان متوقع ده يحصل كان حاسس إنها مش هتستحمل نفسيته المدمرة طول الوقت مش هتستحمل عصبيته الزيادة عن الحد لكن كان بيكدب نفسه اتنهد ورن عليها مردتش وتليفونه طلع مقفول رمه الفون على الترابيزة ورجع رأسه لوراء بتعب.
مكنتش ابدا أحب اشوفك فى الحالة ديه يا تيم باشا.
التف وبص ناحية الباب وعروقة برزت پغضب بمجرد ما شافه واقف قدامه من جديد
ابتسم بسماجة وحاول يسيطر على غضبه قدامه وقال
أنت إيه إللى جابك هنا تانى
البارت الثالث
أنت إيه إللى جابك هنا تانى
مفيش جيت علشان اسلمك حاجة تخصك.
وياتره الحاجة ديه تخصك ولا تخص هنا يا رائد باشا.
اتنهد وطلع علب شبكة وحطها قدام تيم وقال
اتفضل ديه شبكتك للاسف هنا مش هتقدر تكمل مع واحد عاجز زيك.
ابتسم پألم وحزن على نفسه رغم إنه كان متوقع إنه ده يحصل بس قلبه اتوجع على قصة حبه إللى طلعت هشة اووى والبنت إللى حارب الكل علشانها قررت تتخلى عنه فى اول مشكلة طيب بما إنها بعتت معاك الرسالة ومجتش واجهتني بنفسها ف ياريت كمان توصلها رسالتى وتقولها إنى مش عاوز اشوف وشها مرة تانيه ولا حتى صدفة فى الشارع واتفضل انت كمان اطلع بره.
ابتسم رائد بسخرية وبصله بنظرات شفقة كسرت قلب تيم وقال
حقيقي أنا شفقان عليك اووى يا تيم معقولة تيم إللى عمره ما فى حاجة كسرته قاعد قدامى النهاردة عاجز مش قادر يتحرك!! لا وكمان حبيبتك إللى كنت بتفتخر بيها اووى ووقفت فى وش الكل علشانها النهاردة قررت تسيبك لانك مش هتنفعها حقيقي أنا شفقان عليك اووى.
تيم اتعصب وفقد اعصابة وحاول يقوم يضربه مقدرش حرك دراعة وقرب من الادوية الموجودة على التربيزة جنبه ورماها كلها فى الارض اتكسرت بص لرائد الواقف خاېف من جواه من منظره ورغم كده بيحاول يبان جامد مسك رقبته وحاول ېخنقه
الظاهر إنك نسيت نفسك ونسيت أنت بتتكلم مع مين ومحتاج افكرك.
رائد مسك إيده وحاول يبعده وهو پيصرخ
ېخرب بيتك ابعد عنى ھموت.
↚
الممرضة اول ما دخلت وشافتهم طلعت بسرعة وبلغت الممرضين والدكاترة علشان يتصرفوا.
هاتوا حقنة مهدأ بسرعة.
ابعدى عنى أنت كمان.
الممرضة جريت عليها
ومسكتها والدكاترة بعدوا تيم عن رائد ومسكوه رائد فضل يكح ويحاول ياخد نفسه صاح فيهم پغضب وهو بيبصله بوعيد
ابعدوا عني سبوني أنا بكرهكم كلكم ابعدوا.
ريم قربت وعطته حقنة مهدأ بسرعة وبصت لرائد پغضب
انا معرفش انت مين وقولتله إيه علشان يوصل للحالة ديه بس إللى اعرفه أنه كان كويس قبل ما أنت تيجى على هنا ف من فضلك اطلع بره واياك اشوفك هنا مرة تانيه.... اتفضل بره.
رائد بصلها بغيظ وعدل جاكيته وسابهم وطلع ريم بصت للمرضة وقالت بتحذير
الشخص ده ممنوع يدخل للمريض مرة تانيه أكيد هو السبب فى الحالة إللى هو فيها وابعتى أى حد ينضف الپهدلة إللى هو عملها ديه.
حاضر يا دكتورة بعد إذنك.
اتفضلى.
الكل طلع من الاوضة وريم بصت لتيم لقته بيهمس وهو نايم بكلمات مش مفهومة ودموعة نازلة
أنا بكرهك يا هنا أنا بكرهكم مستحيل اسامحك.
بصتله بحزن على حالته واتقدمت كام خطوة علشان تمشى بس وقفت اول ما لمحت علب الشبكة وخاتم وسلسلة واقعين على الارض ميلت ومسكتهم ورجعت بصت لتيم وافتكرت اول مره اتكلمت معاه وكانت معاه هنا وازاى كان بيبصلها بحب
كبير وآخر فترة لما كانت بتسمعهم بيتخانقوا مع بعض اتنهدت وعرفت انه الحالة إللى هو فيها ديه بسببها.
أخدت نفس وطلعت كلمت والده وحكتله كل إللى حصل معاه وطلبت منه ييجي علشان تتكلم معاه.
احدى مستشفيات القاهرة
مكتب دكتورة ريم ناصر
حضرتك الفترة ديه ابنك هيكون عاوز دعم نفسى كبير منكم خصوصا إنه إللى فهمته من إللى حصل النهاردة إنه خطيبته قررت متكملش.
مريم اتنهدت وقالت بتعب
أنا ياما حذرته من البنت ديه وقولتله مش ديه بنت الأصول إللى تناسبك بس هو برضوا أصر عليها وكانه مفيش غيرها.
خلاص يا ام تيم إللى حصل حصل واكيد ربنا هيعوضه.
ريم بصيت له وقالت بهدوء
صدقيني يا طنط ابنك مش اول واحد يحصل معاه كده ياما ناس حصل معاهم كده واشد صدقيني ربنا بيحطنا فى تجارب صعبة علشان نبقا اقوى واشد وبيمشى ناس من حياتنا ويكشفلنا حقيقتهم علشان يكرمنا بالافضل واطمنى أكيد ربنا هيعوض ابن حضرتك وهيعوضه خير.
يارب يا بنتى يارب.
أهل تيم طلعوا من عند ريم وراحوا يطمنوا عليه.
ريم سمعت صوت زعيق بره مش غريب عليها اتنهدت وقالت بضيق
مش هنخلص النهاردة.
قامت وطلعت بره وقالت پغضب
فى إيه يا سلمى
يا دكتورة الدكتورة نهال قاعدة بتزعق مع الممرضين بره وبتتعامل معاهم بطريقة مش كويسة.
ريم غمضت عنيها بيأس وأخدت الممرضة وراحت وقفت قدام نهال وقالت پغضب
فى إيه يا دكتورة نهال
فى إنكم معينين شوية اغبية مش ممرضين.
لو سمحت يا دكتورة التزمى حدودك الناس ديه وجودها هنا مهم زيهم زيك وهما مغلطوش فى حاجة.
نهال بصتلها بغرور وقال بسخرية
طبعا مش ناقص غيرك يا ست ريم تيجي تعلميني اعمل إيه ومعملش إيه!!
ربعت إيديها قدامها وقالت ببرود
عارفة مشكلتك إيه يا نهال إنك شايفة نفسك فوق وكل إللى بيشتغل معاك تحت وصدقيني غرورك ده هيجى يوم ويدمرك ويهد كل حاجة أنت وصلتيلها.
ريم ارجوك بلاش أنت تديني نصايح ياريت تخلى نصايحك ديه لنفسك.
بصت لها من فوق لتحت وقال باستهزاء
صدقيني أنا لحد دلوقتي معرفش هما ازاى عينوا وحده غبية زيك فى مستشفى كبيرة زى ديه!!!
الټفت علشان تمشى فوقفها صوت ريم
اسمعى يا دكتورة نهال ده آخر تحذير ليك لو لمحتك بتهيني أى حد من الممرضين مره تانيه وقتها هضطر أخد قرار بفصلك من المستشفى بما إنى المسئولة عن المستشفى لحد ما دكتور ابراهيم يرجع من السفر.
نهال الټفت وبصتلها پغضب وتكبر
تفصلى مين يا ريم هانم أنت نسيتى نفسك ولا إيه ولا نسيتى أنا مين أنا ممكن بإشارة منى اطلعك بره المستشفى أنا سيباك بس علشان خاطر اونكل ابراهيم غير كده مكنتش هسمحلك تبقي هنا لحظة.
الممرضة قربت من ريم وقالت بحزن
متزعليش يا دكتورة هى مستحيل تتغير هتفضل طول عمرها متكبرة وشايفه نفسها على الكل وخصوصا من وقت ما اتخطبت لدكتور خالد ابن صاحب المستشفى ومحدش بقا قادر يوقفلها.
ابتسمت وقالت بحزن
عادى يا سلمى أنا اتعودت هى من زمان كده.
↚
اتنهدت ريم بتعب وراحت تكمل شغلها.
بعد وقت فى غرفة تيم
كان قاعد بيبص قدامة وسرحان عنيه مفتوحة بس عقلة فى مكان تانى دموعة كانت محپوسة فى عنيه رافضة تنزل مش مصدق كل إللى بيحصله بيتمنى لو كان كل إللى حصل معاه آخر فترة ده مجرد كابوس وهيفوق منه بيسترجع ذكرياته مع هنا وعدها بأنهم هيفضلوا طول العمر سوى مهما حصل كلام الحب والذكريات إللى بينهم رفض والدته عليها وكلامها بأنها متنفعوش وبكره الوقت يثبتله وفعلا اثبتله كلامها.
فاق من شروده على إيد والده إللى اتحطت على كتفه بصله وقال بتعب
أنا عاوز اطلع من هنا.
بس يابني أنت لازم تفضل شوية كمان علشان تكمل علاجك والفحوصات.
أنا مش عاوز اكمل حاجة يا بابا مبقاش عندي طاقة لأى حاجة صدقنى لو سمحت خرجنى من هنا.
لا يا تيم أنت مش هتخرج من هنا
غير لما تخلص كل الفحوصات ونحدد معاد العملية.
ماما أنا مش هعمل عمليات والموضوع انتهى لو سمحتوا متضغطوش عليا أكتر من كده.
والدته كانت هتتكلم بس ادم شاورلها تسكت
خلاص يا مربم سيبيه على راحته.
بص لتيم
وقال بحزن
أنا مش هجبرك تعمل العملية دلوقت بس علشان خاطرنا كمل الفحوصات.
غمض عنيه بتعب وقال
حاضر يا بابا.
مر يومين وتيم مش بيتكلم مع حد حالته النفسية فى النازل حتى ادويته رافض ياخدها.
فتح عنيه على حد بېلمس رجله اتنفض وقام بسرعة غمض عنيه لثوانى يسيطر على غضبه اول ما شافها واقفة قدامه فتح عنيه وبصلها بغيظ
هو أنت مبتفهميش
بصت حوليها ورجعت بصيت له وشاورت على نفسها
أنت بتتكلم عليا أنا!!
ابتسم وقال بسخرية
هو فى حد غيرى أنا وأنت هنا
قلعت نظارتها وبصيت له ببرود
والمطلوب منى
قولتلك مش عاوز علاج وأنت مصره تديهولي.
يعني حضرتك عاجبك حالتك ديه
نفخ بضيق وقال بنفاذ صبر
اه عاجبني واتفضلى امشي من هنا.
ربعت إيديها قدامها وابتسمت ببرود
اسمع يا استاذ تيم أنا هنا دكتورة وأنت مريض وڠصب عنك لازم تاخد ادويتك وتعمل آخر كام فحص.
بس أنا مش بتهدد وبكرة هطلع من هنا.
اترسمت على وشها إبتسامة لطيفة وقعدت قدامه وقالت
بص يا صديقي اياك تفتكر أنه أنت بس إللى حصل معاك كده ياما ناس زيك واتعرضوا لحاجات اسوء من كده وفى الآخر ربنا عوضهم خير وكرمهم بحاجات مكانوش يتخيلوها كمان رجعوا وقفوا على رجليهم وده بثقتهم وإيمانهم فى ربنا وعلشان كده أنا عاوزك قوى كده ومتتهزش وتقوم وتثبت للكل إنك قدها وقدود ولو مش علشانك علشان الراجل والست الغلابة إللى خايفين عليك وقلبهم بيتقطع بسبب حالتك.
اتنهد وقال بتعب
أنا عارف إللى أنت بتقوليه بس
↚
أنا تعبت ومحدش حاسس باللى أنا حاسه أنا اتحولت من شخص بيخرج طول الوقت وبيعمل رياضة وبيشتغل وناجح لشخص مش قادر يتحرك من سريره.
أخد نفس وقال پقهر
حتى البنت إللى أنا حبيتها ووقفت قصاد الكل علشانها كانت اول وحده تسبني وتمشى ليه محدش قادر يحس بالالم اللى أنا حاسه.
ريم ابتسمت ومدت إيدها قدامه وقالت ببراءة
طيب يا سيدي أى رأيك أنا وأنت نكون اصحاب.
بصلها بطرف عين لثوانى ومدلها إيده واترسمت على وشه إبتسامة جميلة
موافق بس برضوا مش هاخد الدواء
مفيش حاجة اسمها مش هتاخد الدواء ڠصب عنك هتاخده ده لو أنت عاوز تخرج من هنا.
كان هيتكلم بس شاورتله يسكت وبدأت تديله ادويته بعد مجادلة كبيرة ما بينهم
مر كام يوم وريم وتيم عاملين زى القط والفار مع بعض وتيم كان بيحاول يفوق لنفسه علشان يرجع احسن.
ريم دخلت الأوضة وهى شايلة بوكس صغير تيم بصلها وقال بمرح
إيه جايبالي هدية بدل الأدوية المرادى ولا إيه
قربت وحطت البوكس فى إيده وقالت بحماس
لا ده حد بعتهولك وبصراحة معرفش مين بس سابه فى الاستقبال وطلب نسلمهولك.
اتنهد وبص للبوكس باستغراب ورجع بص لريم
تتوقعي فى إيه يا ام النظارت
دبدبت على الارض بغيظ
قولتلك متقوليش يا ام النظارات.
ضحك
لا مش هبطل أقولك كده لحد ما تطفشى ومشفش وشك تانى هنا.
بصيت له ببرود
محدش هيمشى من هنا غيرك.
ابتسم باستفزاز وبدأ يفتح البوكس مرت ثوانى وملامح وشه اتحولت لڠضب لدرجة إنه ريم خاڤت منه.
تيم هو الصندوق فى إيه
بصلها پغضب و..
البارت الرابع
_ تيم هو البوكس ده فى إيه
بصلها پغضب مكتوم وقال بسخرية
لا ديه هنا شكلها مش عاوزه أى حاجة تفكرها بيا ف بعتت كل الهدايا إللى أنا جبتهالها.
ريم لفت وشها الناحية التانية وحاولت تكتم ضحكتها فابتسم وقال بمرح
أنت بتضحك على أحزاني يا دكتورة.
بصيت له وقالت بهدوء
بصراحة حوارات الناس المرتبطين ديه بتضحك يعنى إيه لازمته تبعتلك الهدايا يعنى!!
بصلها بطرف عين وقال
الظاهر إنك محبتيش قبل كده.
لا ومش عاوزه أحب.
ليه بقاا.
ببساطة لأنى بخاف من الحاجات ديه.
ضيق حواجبه باستغراب
هو فى حد ېخاف من الحب!!!
طبعا ناس كتير پتخاف منه يعنى مثلا بنخاف نختار الشخص الغلط ف نتوجع
ودائما الشخص إللي بېخاف من الحب هو أكتر شخص قلبه مليان بالحب بس بېخاف من الۏجع الخذلان الفراق إنه يضحى علشان إللى بيحبه وفى الإخر يسيبه موجوع زى حالتك كده وعلشان كده أنا ريحت نفسى واخترت اركز على شغلى.
أنت عندك حق بس مش كل الناس سيئة! أنت لازم تحبي وتتحبي ومتوقفيش حياتك بسبب خۏفك علشان متندميش.
ابتسمت ومدتله
↚
إيدها بالدواء
بابا كمان بيقول نفس الكلام بس أنا شايفة غير كده.
أخد ادويته وبصلها
عندى احساس إنك هتحبى قريب...
غمزلها وكمل بمرح
بس اوعى توقعى فى حبى الفترة ديه.
هزت رأسها بيأس وشالت الأدوية
مظنش إنى ممكن اقع فى حبك أنت.
كان هيتكلم بس أهله دخلوا يطمنوا عليه ريم سلمت عليهم واطمنوا على حالة تيم منها اما تيم فكان كل تركيزه عليها كان مشدود ليها بشكل كبير وميعرفش إيه السبب.
حل المساء وقررت تساعده فى إنه يحسن حالته النفسية لأنه ده هيساعده جدا فى علاجه وهيرفع معنوياته قربت من باب الأوضة بس استغربت اول ما سمعت صوت ضحكات أنثوية ضيقت حواجبها باستغراب وفتحت باب الأوضة..اتفاجئت بنهال واقفة بتضحك مع تيم
بمجرد ما شافوها سكتوا.
اتنهدت وقالت بضيق
إيه إللى جابك هنا يا دكتورة نهال
كنت بطمن على المرضى إيه ممنوع ولا إيه
ربعت إيديها قدامها وقالت ببرود
لا يا دكتورة مش ممنوع بس حضرتك مسئولة عن الطابق الفوق وأنا مسئولة عن الطابق إللى تحت ومتقلقيش أنا عارفة شغلى كويس ف مفيش داعى لكل إللى بتعمليه ده لأنى أنا فاهمة كويس أنت عاوزه توصلى ل إيه.
ابتسمت نهال وقالت بسخرية
ولله أنا مش شايفة غلط فى إللى عملته! وبصراحة أنا مش بثق فيك بسبب غبائك ف طبيعي اطمن على المرضى وأتاكد منهم إنك قايمة بواجبك ومتقلقيش يعنى محدش مش بيغلط هييجى يوم و تغلطي.
اتنهدت ريم بيأس وقالت پغضب
طيب اظن إنك خلصتى تقدرى تتفضلى دلوقتي وتكملي شغلك.
تيم بص لريم باستغراب لأنه لأول مره يشوفها مټعصبه ومضايقة كده اتنهد وقال بهدوء
ريم اهدي فى إيه
نهال ضيقت حواجبها وبصت لريم بخبث
اممم ريم بدون القاب!! الظاهر إنكم تعرفوا بعض كويس ولا إيه يا دكتورة ريم !!
مستنتش رد وسابتهم وخرجت فبصتلها ريم وحاولت تسيطر على ڠضبها قفلت الباب ودخلت ظبطت الكرسى لتيم وهى متجاهلة أسئلته.
أنت يا ام النظارات أنا بكلمك على فكرة!!
بصت له وقالت بهدوء
أنت مش كنت حابب تطلع من الأوضة ديه
يااه ياريت.
خلاص حد من الممرضين هيدخل يساعدك دلوقتي وأنا هروح اشوف المړيضة إللى جنبك وارجع.
هز رأسه بالموافقة فابتسمت وطلعت تشوف شغلها دقايق ورجعت لقته جاهز وقاعد بيلعب فى الموبايل ابتسمت وأخدته وطلعت.
نزلوا وقعدوا فى جنينة المستشفى تحت ضوء القمر
يااه بقالى كتير مقعدتش القعدة ديه.
ابتسم وبصلها بامتنان
شكرا.
أنا معملتش حاجة! إنى افرح مريض وارسم الإبتسامة على وشه ديه حاجة كفيلة تفرحنى.
وده سر نجاحك يعنى روحك الحلوة والطريقة إللى بتتعاملى بيها مع المرضى ديه لوحدها كفيلة تخلى أى حد يحبك.
ابتسمت ورفعت رأسها للسماء فضلوا فترة كده كل واحد سرحان فى أفكاره كل قلب وراه حكاية متخبيه وۏجع متخفى وراء الإبتسامة.
هى الدكتورة إللى كانت عندي ديه تعرفيها كويس ولا مجرد زمايل
بصتله بحزن
صديقة الطفولة بس من بعد ما دخلت كلية الطب اتغيرت اووى وبقت شايفة نفسها على الكل وأنا مبحبش الشخص إللى يشوف نفسه على غيره حاولت انصحها كتيرر بس كل مره بنقلب بخناقة وعلاقتنا آخر فترة بقت متوترة اووى بس أنت ليه بتسأل.
احم بصراحة من بعد الكلام إللى قالته مش مرتحلها.
عادى هى بس متضايقة لأنه دكتور خالد سلمنى مسئولية المستشفى قبل ما يمشى وهى كانت عاوزه تمسك مكانة وتبقى المسئولة عن المستشفى وبحكم انها خطيبته ف ده ضايقها أكتر.
↚
طيب هو ليه سلمها ليك ومسلمهاش ليها
لأنه اجتمع مع كل الدكاترة والممرضين وسابلهم حرية الإختيار بيني وبينها ولأنها بتتعامل مع كل إللى فى المستشفى بتعالى شوية ف هما اختاروني أنا وحاليا هى بتحاول تلاقى أى خطاء ورايا علشان توقعنى فى مشكلة.
بصلها باستغراب وقال بسخرية
امال لو مكانتش صديقة طفولتك كانت عملت إيه
أنا قولتلك يا تيم أنه مش كل إللى بنحبهم بيحبونا يعنى أنا مثلا وأنا صغيرة كانت شخصيتي ضعيفة شوية وكنت بفضل نهال من كل صحابي وبعتبرها صديقتى المفضلة بس للاسف كنت لما اعمل غلطة الاقيها اول وحده تتمسخر عليا وتجرحنى بكلامها وأنا اسكت عارف هى طول عمرها شايفانى شخصية فاشلة حتى لما دخلت طب اټصدمت واضايقت
وفضلت تقول كلام كتير يومها إنه ازاى وحده زي تتقارن بيها وأنى غبية ومش هنجح وأنها بتكرهنى من زمان لأنه الكل شايفنى احسن منها وقتها متكلمتش برضوا وقررت انسحب بهدوء وانهى صداقتى معاها بس للاسف اتعينا فى نفس المكان وده خلاها تكرهنى أكتر وخصوصا لما اتوليت مسئولية المستشفى.
اتنهد ورفع رأسه للسماء وقال بحزن
الظاهر كده أنه كل واحد مننا وراه حكاية وۏجع متخبئ يا دكتورة.
الۏجع بيقوى يا تيم مش بيضعف أنا لو مكنتش اتعرضت لكل إللى اتعرضتله من طفولتى لحد دلوقتي مكنتش هبقا الدكتورة ريم دلوقتي مش دائما الۏجع ضعف الۏجع أوقات بيبقا قوة كبيرة.
ابتسم وبصلها بأعجاب
تعرفى إنه كلامك دائما بيأثر فيا
وشخصيتك جميلة اووى.
قلعت نظارتها وبصتله بعيونها العسلى إللى سحرته فقال بهدوء
على فكرة كمان شكلك من غير النظارة أجمل بكتير.
ابتسمت بخجل وقامت مسكت الكرسى
طيب يلاه علشان اوصلك اوضتك وارجع البيت بسرعة.
رفع رأسه وبصلها بزعل
ليه ما تخلينا قاعدين شوية.
ابتسمت
معلش لازم ارجع البيت علشان بابا ميقلقش.
أخدت نفس وكملت وهى بتزق الكرسى
صحيح هو ليه محدش من أهلك بيفضل معاك
ابتسم
أنا إللى طلبت منهم كده وبصعوبة اقنعتهم علشان ميتعبوش معايا.
طول ما أنت بار بأهلك وبتحبهم اتأكد إنه ربنا هيكرمك بحاجات كتيرره حلوه فى المستقبل.
يارب
وصلت الأوضة وساعدته ينام على السرير عطته ادويته وقالت بحماس
خلاص هانت كلها كام يوم وتقدر تعمل العملية وتقوم وتوقف من تانى.
ضحك
أنا ليه حاسك متحمسة أكتر مني!!
ضحكت وقالت بمرح
أنا مش الدكتورة بتاعتك يبقا أكيد هكون متحمسة لأنى مش هشوف وشك تانى.
رفع حواحبه وقال بغيظ
اممم قولى كده!! طيب مش يمكن تمشى أنت وأنا افضل.
ضحكت ولبست شنطتها
جايلي قرار نقل
لمستشفى تانى ف ممكن كلامك يتحقق ف حال اتنقلت من هنا.
ده أنا هفضل ادعى ليل نهار تمشى علشان مشوفش وشك هنا تانى بنظارتك إللى شبه الكوبابة ديه.
ضحكت وشاورتله وهى طالعة
ماشى يا ظريف تصبح على خير.
قالتها جملتها وخرجت فابتسم وسند ضهرها على المخدة وقال بحب
مچنونة بس جميلة اووى اتمنى متمشيش من هنا وتحقق أحلامها.
مر أيام وتيم ملتزم بعلاجة وصداقته مع ريم كل مادا بتكبر حتى إنه بقاا بيرتاح معاها فى الكلام.
الممرضة دخلت وقالت بابتسامة
الف مبروك يا تيم عمليتك اتحددت بعد شهرين
شهرين ليه
قالها تيم بحزن فابتسمت
↚
لأنه خلال الشهرين هتكون اتعفيت خاالص من الحاډثة وكمان هيكون أشطر دكتور موجود هنا بس سامحنى مش فاكره اسم الدكتور لكن الدكتورة ريم هى إللى طلبت يكون هنا واتفقت معاه علشان عمليتك.
ابتسم وقال بتساؤل
طيب هى ريم فين
نزلت رأسها وقالت بحزن
للاسف بتجهز حاجتها لأنها هتتنقل لمستشفى تانيه
بصلها پصدمة
أنت بتتكلمى بجد
اه
حس بالحزن لأنها هتمشى ميعرفش إيه السبب بس هو حابب وجودها جنبه هى أكتر حد ارتاح معاه أكتر شخص بيفرح فى وجوده من بعد إللى حصله اتنهد وقال بحزن
طيب ممكن تقوليلها إنى حابب اشوفها قبل ما تمشى.
الممرضة كانت هتتكلم بس وقفت اول ما الباب اتفتح وريم دخلت وعلى وشها إبتسامة لطيفة
وأنا أكيد مش همشى قبل ما اسلم عليك.
الممرضة أستاذنت وخرجت وهى قربت وقعدت قدامه فقال بحزن
أنت صحيح نويتى تمشى خلاص
مش أنت دعيت امشي من هنا واهو ربنا استجابلك وهمشى قبلك.
أنا كنت بهزر ولله.
قالها اول ما حس إنها ممكن تكون افتكرته عاوزها تمشى ولكن هو جواه مشاعر غريبة هو نفسه مش فاهمها كل إللى يعرفه إنه مش عاوزها تمشى.
ريم ابتسمت وقالت بمرح
أنا متأكدة من ده يا صديقي اصلا موضوع نقلى ده كان بيجهز من قبل ما أنت تعمل الحاډثة وتيجى على هنا عموما أنا كلمت دكتور خالد وعرفت إنه دكتور يوسف هيجى بعد شهرين وعلشان كده حددتلك معاد العملية.
طيب وخلال الفترة ديه عادى افضل فى البيت
يا صديقي أنت خلاص هتمشى بكره وترجع بيتك اصلا كان المفروض ترجع بيتك من فترة بس أنا إللى قررت اخليك فى المستشفى افضل ليك.
اتنهد بحزن
اوك.
هزت رأسها بهدوء وقامت علشان تمشى فمسك إيدها.... استغربت وبصتله فابتسم وقال
البارت الخامس
هزت رأسها بهدوء
وقامت علشان تمشى فمسك إيدها الټفت وبصتله باستغراب فابتسم وقال بحزن ظهر على ملامحه
هو أنا كده مش
↚
هشوفك تانى
ابتسمت
لا إنشاء الله نتقابل قريب ده لو ربنا أراد اننا نجتمع تانى بس المهم إنى يوم ما اقابلك اتمنى من قلبى اشوفك واقف على رجليك من تانى.
هز رأسه وابتسم
خلاص اتفقنا وأنا هحاول كل فترة اتواصل معاك.
اتفقنا بس متنساش وعدك إنك هتعمل كل جهدك علشان ترجع احسن من الأول.
حاضر.
ابتسمت إبتسامة جميلة تشبه لملامحها وسلمت عليه ومشيت بص لطيفها بحزن كبير رغم إنه بقاله شهر بس يعرفها إلا إنه حب وجودها وكأنها الأمل والونس إللى ربنا بعتهوله علشان يهون عليه وسط ليل مظلم.
كان واقف بيبص للسماء وفى إيدت المج المميز بتاعه بيفكر فى كل إللى حصل معاه آخر فترة وكل المشاكل إللى اتعرضلها وازاى ربنا كرمه بحاجات أفضل من إللى راحت وبرغم إنه مازال قلبه موجوع بسبب إللى حصل لكن فخور بنفسه أنه قدر يستحمل كل ده ويطلع منه سوى نفسيا كان دائما كلامها بيتردد فى عقله وعده ليها أنه هيوقف من تانى ويكون أفضل وبرغم إنه مر على آخر لقاء بينهم سنتين إلا إنها مراحتش من باله لحظة وحده فاكر كلامها ملامحها البريئة عيونها العسلى الساحرة ضحكتها وروحها الحلوة كل حاجة فيها كانت جميلة وټخطف القلب كانت بالنسبالة الأمل الجديد إللى ربنا بعتهوله علشان يقوم ويحاول من تانى بس ياتره هى لسه فاكراه زى ما هو فاكرها وياتره هى فين دلوقتى سؤالين بقالهن سنة ونصف بيسألهم لنفسه من وقت ما أخبارها اتقطعت عنه فجأة ومبقاش عارف يوصلها دور عليها فى كل مكان ومستشفى وملهاش أى أثر حتى أنه سأل عليها الممرضين إللى تعرفها وإللى كانت بتشتغل معاهم فى المستشفى القديمة وبرضوا محدش يعرف عنها حاجة فاق من شروده على صوت زميله
لسه بتفكر فيها.
ابتسم وبصله
ومنستهاش لحظة هى فى بالي دائما معرفش اختفت راحت فين! بس كل إللى بتمناه إنها تكون بخير بخير وبس.
شكلك حبيتها يا تيم.
حبيتها !!!
قالها تيم وبص باستغراب لسيف زميله إللى اتعرف عليه عن طريق الشغل وبقا اقرب صديق ليه.
ابتسم سيف وقرب وقف جنبه
إيه مالك مستغرب كده ليه
ضحك
لأنك بتقول كلام غريب!
إيه إللى غريب فى الموضوع
الحب! أنا محبتهاش أنا بس نفسى اشكرها على إللى عملته معايا ولأنى بمساعدتها أنا النهاردة واقف على رجليا لكن أنا قلبي اتقفل ومبقاش عنده طاقة يتحمل ۏجع جديد.
بس أنا شايف غير كده خاالص.
قالها سيف وهو بيبصله بخبث
فابتسم تيم وقال بمرح
شايف إيه بقا يا عم الظريف
أنا شايف أنه قلبك واقع فى حبها وأنه مشاعرك متحركة من ناحيتها بس أنت بتحاول تتجاهل مشاعرك وتكذبها.
بقولك إيه أنا من رأى تبطل تشوف خاالص لأنك بتقول كلام جامد وكبير أنا مش قده.
قام وأخد حاجته فقال سيف
رايح على فين
لازم امشى دلوقتى علشان بكره عندى سفر.
اه قصدك المشروع الجديد بتاع اسكندرية
بالظبط هو أى رايك تيجى معايا
ياريت بس عندى شغل فى السويس بكره.
مش مهم هخلى محمود يروح مكانك وتعال أنت معايا نقضى كام يوم حلوين هناك.
ابتسم وقال بحماس
خلاص موافق بكره هعدى عليك.
ماشى هستناك يلاه بينا دلوقتى علشان اوصلك وارجع البيت.
يلاه.
الزمالك الثانيه عشر من منتصف الليل
فتح باب الشقة بشويش علشان ميعملش صوت ويصحى أهله قفل الباب وبقا يمشى بهدوء علشان محدش يحس بيه ثوانى وغمض عنيه بقلة حيلة اول ما اتفتح نور الشقة وسمع صوته
وأخيرا شرفت يا أستاذ.
↚
ابتسم وقرب باس كف إيده
أنت إيه إللى مصحيك لحد دلوقتى
ابتسم وقرب قعد على الأريكة وقال بحنان
كنت مستنينك أنا و والدتك ولما لقيتك اتأخرت بصعوبة اقنعتها تدخل تنام وفضلت أنا.
هز رأسه بيأس وقعد جنبه
طيب يا بابا مش أنا قولتلكم بلاش تستنونى علشان بتأخر.
ابتسم وطبطب عليه
احنا عندنا غيرك نخاف عليه.
وقال بحب
حبيبي ربنا
يخليكم ليا ويباركلى فيكم.
ويباركلنا فيك ونفرح بيك قريب هاا.
قالها ادم وضربه بخفة على ضهره فضحك تيم
تانى يا بابا تانى
وتالت يا حبيبي أنا عاوز اشيل احفادى.
حاضر من عيونى نتكلم فى الموضوع ده لما ارجع من السفر إنشاء الله.
أنت مسافر بكره الساعة كام
قام ووقف قدامه
بإذن الله على الساعة 10 الصبح وهيكون معايا سيف.
خلاص تمام ادخل نام دلوقتى علشان متتاخرش بكرة.
عيونى وأنت كمان يلاه.
حاضر تصبح على خير.
وأنت بخير يا حبيبي.
تيم دخل اوضته وغير هدومه لهدوم مريحة لم هدومه وظبط حاجته وقعد على سريره عنيه وقعت على علبة صغيرة موجودة على الترابيزة ابتسم ومسكها ورجع بذاكرته لسنتين.
Flash back
أنت مخبيه إيه وراء ضهرك
مفيش ديه حاجة مش مهمة.
والحاجة إللى مش مهمة ديه تخليك متوترة اووى كده
بس أنا مش متوترة خاالص.
طيب أنا عاوز اشوف الحاجة إللى مش مهمة ديه.
رفعت رأسها وبصتله كانت متوترة اووى ف ديه لأول مره تعمل كده حتى انها متعرفش إيه خلاها تسمع للصوت إللى جواها أخدت نفس عميق وقربت وقفت جنبه وفتحت كف إيدها وقالت بتوتر ووش احمر من الخجل
احم ديه هدية.
مسكها وفتحها وعنيه لمعت
الله ديه جميلة اووى...
غمزلها وكمل بخبث
بس قوليلي الهدية ديه جايباها لمين أنت حبيتي من ورايا ولا إيه
ابتسمت وقعدت قدامه
لا ديه ليك أنت.
بص للهدية ورجع بصلها بفرحة
بجد يعنى الساعة الجميلة ديه ليا أنا
فرحت لما شافت فرحته رغم إنها هدية صغيرة بس دخلت قلبه وده إللى هى كانت عاوزه كان نفسها تفرحه ولو بحاجة صغيرة متعرفش إيه سر الاهتمام بيه وليه بتفرح لما تشوفه فرحان وتتوجع لوجعه إيه سر المشاعر إللى بتتحرك جواها بمجرد ما تشوفه ابتسمت وقال بحب
عجبتك
جميلة اووى بس قوليلي بقاا إيه المناسبة
بصراحة جبتها علشان تخليها ذكرى منى لما امشى من هنا تفتكرنى بيها بما اننا اتفقنا نكون اصدقاء.
ابتسم وبصلها بامتنان
ميرسي اووى يا ريم على كل حاجة بتعمليها علشانى واوعدك الهدية ديه هتكون ذكرى جميلة منك وهحافظ عليها.
رفع الساعة قدامه وبصلها بحب كل إللى حوليه بيقولوله إنه بيحبها حتى قلبه بيقول إنه بيحبها حاسس إنى هشوفك قريب اووى أنا متأكد.
قفل نور الأباجورة وراح فى النوم علشان يقوم تانى يوم يسافر لشغله ويا عالم القدر مخبيله إيه!
↚
إسكندريةالساعة الثانيه من منتصف الليل
تعرفي إنه المكان ده تحفة اووى.
طبعا يا بنتي مش أنا إللى اخترته.
ماشي يا ست ريم خلينا فى المهم.
مسكت المج بتاعها وقعدت قدام التليفزيون
وإيه بقاا المهم
بقيتي الفترة ديه بتسرحي كتيرر قوليلي بقاا عقلك بيفكر فى مين
رفعت كتافها وقال بابتسامة
الشغل طبعا يا الاء .
ابتسمت وقالت بخبث
الشغل ولا سى تيم.
بصتلها بطرف عين وقالت بغيظ
أنت مش ناويه تبطلى حركاتك ديه
ضحكت وضړبتها فى دراعها بخفة
يا بنتى ده أنت من وقت ما جيتي اسكندرية وتليفونك اتكسر منك ومعرفتيش توصليله وأنت صدعتيني بيه.
مش عارفة يا الاء يعنى معقولة يكون نسينى ومش فاكرنى
أنت حبتيه يا ريم
هزت رأسها وقالت بحيرة
معرفش بس إللى اعرفه إنى متحمسة اشوفه مره تانية وخصوصا إنى قابلت دكتور يوسف من فترة وقالى إنه عمله العملية ونجحت هو كمان عمل جلسات العلاج الطبيعي ورجع وقف على رجليه من تانى.
بصي يا حبيبتي لو ربنا راد إنكم تجتمعوا تانى هتجتمعوا وقريب اووى متقلقيش.
بإذن الله يلاه بينا بقا علشان عندنا شغل بكره.
صدقينى أنا من وقت ما جيت الرحلة ديه وقعدنا فى الفندق وأنا مش عاوزها تخلص علشان مسبش المكان الجميل ده وارجع بيتنا.
خلاص نبقا نيجي أنا وأنت
فى يوم لوحدنا.
الاء ضحكت وقالت بمرح
ايوه كده تبقا الصحاب.
محافظة إسكندرية
الله حلو اووى المكان ده يا تيم.
يابنى اسكندرية كلها حلوه أنت بتقول إيه!
ما تسيبك من المشروع الجديد ده وتعال نتفسح
هنا.
وعد لو الموضوع تم على خير وقدرنا ناخد قطعة الارض هفسحك لمدة اسبوع هنا.
أنا كده هدعيلك ليل نهار علشان يوافقوا.
ضحك تيم واتحرك فى اتجاه الفندق وسيف وراه.
تيم خلص وأخد مفتاح اوضته هو وسيف وبدأ يتحرك بس لفت انتباه الناس الواقفين متجمعين حولين بعض فصل باصصلهم شوية وهو حاسس بإحساس غريب نفض كل الأفكار من دماغة وطلع اوضته وبعد وقت مش كبير نزل هو وسيف واتقابلوا مع العملاء والناس إللى هيشتروا منهم الأرض وقفوا فترة معاهم واتفقوا على كل حاجة.
خلصوا وطلعوا يشربوا عصير بره بس تيم وقف مصډوم اول ما لمح ريم واقفة مع حد فضل واقف بيدقق فى ملامحها ويتأكد إنها هي ساب سيف ونزل جرى على المكان إللى واقفة فيه وهو متجاهل سيف إللى واقف مصډوم وبينادى عليه وصل المكان بس مفيش ليها أثر الټفت ورجع لمح طيفها تانى ابتسم وقرب مسكها ولفها ليه بس اټصدم لما .....
البارت السادس
وصل المكان بس مفيش ليها أثر الټفت ورجع لمح طيفها تانى ابتسم وقرب مسكها ولفها ليه بس اټصدم لما لقاها وحده تانيه اتنهد وقال بأسف
بعتذرلك جدا افتكرتك وحده تانيه.
البنت هزت رأسها بتفهم وهو وقف بيبص قدامه بحزن.
أنت يابنى حرام عليك تعبتنى معاك.
↚
قالها سيف وهو بيحاول ياخد نفسه وبينهت فابتسم تيم وقال بحزن
معلش يا صاحبى تعبتك.
ممكن افهم كنت بتجرى ليه زى المچنون كده!!
بص حوليه ورجع بص لسيف بحزن
كانت هنا أنا شوفتها يا سيف.
ضړب سيف إيده على جبينه بيأس وقال
والله العظيم البنت ديه هتخليك مچنون قريب.
ضحك
خلاص بقاا تعال علشان اعزمك بعد الجرى ده.
سيف رفع رأسه وكان هيرد بس لمح واحده واقفة عند البحر نفس المواصفات إللى كان بيحكيله عنها تيم..فضل شوية متنح ورجع بص لتيم وقال بهدوء
تيم بص البنت إللى واقفة عند البحر ديه نفس المواصفات إللى حكيتلي عنها.
الټفت وبص بفرحة واشتياق كان قلبه بيدق بسرعة كبيرة عنيه لمعت بحب شاف طيف بنت واقفة بتبص للبحر شعرها بيطير مع نسمات الهواء الجميلة ساب سيف وبقا يقرب منها ببطئ أخد نفس وقال بحب
ام النظارات
عم السكوت فى المكان حست بيه بمجرد ما سمعت صوته نفس الصوت إللى بقالها كتير مستنيه تسمعه نفس الإسم إللى كان بيناديها بيه قلبها بقا يدق پعنف معقولة هو معقولة لسه فاكرها لحد دلوقتى ابتسمت بهدوء وأخدت نفس عميق كمحاولة إنها تسيطر على نفسها الټفت وبصتله ابتسمت إبتسامة جميلة تشبه لها اتغير اووى عن آخر مرة شافته فيها عنيها لمعت بفرحة كبيرة اول ما شافته واقف على رجليه روحها كانت بطير كأنها فراشة.
لسه فاكراني
قالها تيم وهو حاطط إيده فى شعره بحيرة وتوتر فابتسمت وقالت
معقولة انساك!!
ابتسم ومقدرش يخفى فرحته كان حاسس إنه قلبه بيرقص من الفرحة بمجرد ما شافها فى مشاعر جواه متلخبطة مش قادر يفسرها! وقفوا للحظات بيبصوا لبعض بنظرات هما نفسهم مش عارفين يفسروها محدش فيهم اتكلم بس عنيهم قالت حاجات كتير قرب ووقف قدامها مدلها إيده وقال بتوتر
مبسوط إنى شوفتك.
ابتسمت وحطت إيدها فى إيده وقالت بمرح
وأنا كمان مبسوطة اووى إني شوفتك تانى وخصوصا وأنت واقف على رجليك ومعافه تماما
طيب لو مش مشغولة ممكن نقعد فى أى مكان قريب ونتكلم
هزت رأسها
↚
بالموافقة
اوك معنديش مانع.
اتفقنا يلاه بينا.
بص حوليه ملقاش سيف استغرب ثوانى وجتله رسالة على الموبيل
شكلك لقيت إللى بتدور عليها هسيبك معاها وهستناك فى الفندق.
ابتسم وأخد ريم ومشيوا.
بعد وقت كانوا قاعدين فى مطعم من مطاعم اسكندرية.
حطت كف إيدها تحت دقنها وقالت بتساؤل
قولى بقا أنت إيه إللى جابك هنا
رجع بضهره لوراء وقال بهدوء
جيت أخلص شوية شغل واغير جو أنت بقا إيه إللى جابك هنا
ابتسمت
عندنا موتمر هيتعمل هنا بنجهزله.
طيب أنت بتشتغلى فين دلوقتى وكنت فين طول الفترة الفاتت
اتنهدت
بعد ما اتنقلت من المستشفى إللى كنت بشتغل فيها فى القاهرة حصلت شوية مشاكل وقتها بابا قرر يأخذنا ويسافر المانيا نقعد
فترة هناك ونرجع تانى بس...
ضحكت ورجعت تكمل
بس هو حب المكان هناك وقرر يستقر فيه وعلشان كده أنا كمان قررت اشتغل هناك بس رجعت مصر من أسبوع علشان احضر للموتمر ده وبعدها هرجع تانى القاهرة لأنه أهلى قرروا يرجعوا يستقروا فى مصر.
بصلها وقال بحزن
طيب ممكن افهم أنت ليه بطلتي تكلميني
كان ڠصب عنى ولله حصلت حاډثة كبيرة ووقتها اضطرينا ننزل بنفسنا مكان الحاډثة ونحاول ننفذ الناس ووقتها بسبب التوتر فونى وقع منى دورت عليه يومها وملقتهوش وللاسف ناس كتير معرفتش اتواصل معاهم تانى مش بس أنت.
خلاص مش مهم إللى فات المهم إنى شوفتك تانى وديه اهم حاجة عندى.
ابتسمت
وبصت الناحية التانيه بخجل فابتسم ومسك إيدها
شكرا يا ريم.
بصتله باستغراب وضيقت حواجبها
شكرا على إيه
اتنهد وقال بامتنان
على كل حاجة حلوة عملتيها معايا وكلامك إللى منستهوش لحظة وقت ما كنت بتعالج لحد ما وصلت إللى أنا فيه دلوقتى.
بس أنا معملتش حاجة يا تيم ده واجبى وبس.
فضلوا ساكتين لدقايق مش عارفين يفتحوا كلام مع بعض كانت هى بتبص للبحر كمحاولة إنها تبعد عن نظراته اما هو فكان تركيزه معاها عنيه كأنها بتحكي إللى هو بيحاول يخفيه بقاله كتيرر.
هو أنت قاعدة فين
قالها تيم علشان يكسر الصمت إللى بينهم فابتسمت
قاعدة فى الفندق إللى كنت واقفة قدامه.
ضحك وقال بفرحة وهو بيخبط بايده على الترابيزة
يعنى معايا فى نفس الفندق !! ده إيه اليوم الحلو ده!
ضحكت على تصرفاته ورجعت بصت للبحر فابتسم وقال
شكله الجميل بيحب البحر اووى.
اووى يا تيم خصوصا القعدة قدامه بليل.
قالت بحماس ولمعت عين فضحك
خلاص نتقابل قدام البحر بليل أى رأيك
هزت كتافها وقالت بحيرة
هفكر.
رفع حواحبه وقال بمرح
خلاص لو مقدرتش ف نأجلها يوم تانى أنا كده كده قاعد.
ضحكت ولبست شنطتها
ماشى يا باشمهندس بعد إذنك بقاا همشى علشان متأخرش.
قام وأخد مفاتيحه
ماشى تعالى هوصلك.
هزت رأسها بالموافقة فابتسم وأخدها ومشى.
تيم وصلها مكان شغلها وبعدها بوقت رجع الفندق وهو بيدندن فتح اوضته لقه سيف قاعد منتظره وبيغنى
فى يوم هنعود ده بينا وعود وفى غيابه أكيد لسه الأمل موجود.
↚
ضحك وقعد جنبه
رأيق اووى أنت.
غمزله وقال بخبث
محدش رأيق النهاردة غيرك يا صاحبى قولى اتكلمتوا
سند رأسه على الأريكة وقال بهيام
اتكلمنا
ضحك سيف وبدأ يقلده
الحب! أنا محبتهاش أنا بس نفسى اشكرها على إللى عملته معايا ولأنى بمساعدتها أنا النهاردة واقف على رجليا لكن أنا قلبي اتقفل ومبقاش عنده طاقة يتحمل ۏجع جديد.
امال لو بتحبها كنت هتبقا عامل ازاى !!
مسك تيم المخدة وحدفها عليه
ما تبطل حركاتك ديه بقاا.
ماشى يا سيدي قوم يلاه علشان نتعشاء.
ماشى يلاه بينا.
يعنى أنت بجد شوفتيه النهاردة
اه
امم وأنا اقول أنت رايقة ومبسوطة كده ليه.
بصتلها بغيظ
ده على اساس إنى طول الوقت قاعدة فى وشك بعيط على الإطلال.
لا بس النهاردة فى لمعة جميلة فى عنيك قوليلي كان احساسك إيه النهاردة.
ابتسمت وقالت بحب
كنت مبسوطة اووى يا الاء وخصوصا إنى شوفته واقف من تانى وحالته احسن بكتير.
طيب هو مقالش حاجة كده او كده
لا يا ستى مقالش حاجة وبلاش تفكيرك يروح لبعيد أنا وتيم مجرد اصدقاء وبس.
الاء هزت رأسها بسخرية وقعدت جنبها
ماشى ياعم الاصدقاء لما نشوف اخرتها معاكم.
نامى يا الاء نامى علشان دكتور أمير هيرفدنا بكرة لا محالة لو اتاخرنا.
الاء قامت وقالت بتوتر
بقولك إيه أنا ملاحظة حاجة بس مش متأكدة إذا كانت صح او لا.
وإيه الحاجة ديه
بصراحة عندى احساس إنه دكتور أمير معجب بيك.
اتسعت عيون ريم وبصتلها پصدمة فخاڤت الاء وقالت پخوف
مجرد احساس ولله مش أكتر.
طيب نامى ومتحسيش تانى علشان هتودينا فى داهية من وراء احساسك.
طيب وأنت مش هتنامي
لا أنا هقعد فى البلكونة شوية.
خلاص ماشى متتاخريش.
هزت رأسها بالموافقة وطلعت قعدة فى البلكونة ابتسمت تلقائى اول ما افتكرته هى بتعترف إنها وقعت فى حبه وكانت بتدعى طول الوقت ربنا يجمعها بيه من جديد وتشوفه بس إللى شاغل بالها ياتره هو إيه مشاعره من ناحيتها! مينفعش حبها ده
يبقا من طرف واحد ومينفعش تروح تقوله إنها بتحبه لأنه ممكن ميكونش بيبادلها نفس الشعور فاقت من شرودها على صوته
عندى احساس إنك بتفكرى فيا
بصتله وقالت پصدمة ظهرت على وشها
أنت إيه إللى موقفك هنا
هز كتافه ببرود
واقف فى بلكونة اوضتى عندك مانع
يعنى أنت مش بس قاعد معايا فى نفس الفندق لا كمان واخد الأوضة اللى جنبي مش ملاحظ أنه فى حاجة غلط!!!
مدلها إيده بمج الكوفى وقال بمرح
أكيد صدفة! أنت مش قولت قبل كده أنه إذا ربنا أراد أنه يجمعنا ف هنجتمع من تانى.
أخدت منه المج وعنيها لمعت بفرحة لما لمحت الساعة إللى جبتهاله هدية وقالت
متوقعتش إنها تكون لسه معاك !!
ابتسم إبتسامة لطيفة وبص للساعة بحب
أكيد لازم تكون معايا هي غالية اووى عندى.
وده ليه بقاا
قالتها ريم بخبث فابتسم وغمزلها
علشان من حد غالى عليا.
ضحكت ورجعت بصت قدامها فابتسم على كسوفها وقال بمرح
↚
مش ناوية تقلعى النظارة ديه.
بصتله بطرف عينها
أنت لسة عندك مشكلة مع نظارتى!!
ابتسم وبصلها بتوتر وهو بيلعب فى شعره
لا خاالص أنت جميلة سوا بالنظارة او لا.
ديه حاجة أنا متأكدة منها.
قالتها بغرور فضحك
متواضعة اووى أنت.
طبعا أنا جطعة من السكر ومحظوظ إللى هيبقا قرة عيني.
ابتسم وقال بهيام
لا هو من ناحية محظوظ ف هو محظوظ اووى بصراحة.
بصتله بخجل وقالت بتوتر
طيب أنا هروح انام علشان عندى شغل الصبح تصبح على خير يا تيم.
دخلت بسرعة وكأنها بتهرب منه ضحك وقال بحب
وبعدين بقاا يا تيم أنت وقعت بجد ولا إيه!!
دخل ونام بعد وقت من التفكير فيها.
اسكندرية صباحا
تيم وسيف نزلوا من فوق وهما بيضحكوا ومقررين يتفسحوا ويقضوا اليوم من بعض.
بس سيف وقف فجأة ومقدرش يتحرك .... تيم بصله من فوق لتحت وقال بهدوء
فى إيه يا
سيف مالك
مردش عليه وفضل واقف متنح فاتنهد تيم وبص ناحية الريسيبشن واټصدم ...
البارت السابع
اټصدم اول ما شافها بتضحك مع شخص والشخص ده مخبئ خاتم وراء ضهره.
سيف بصله لقاه متنح.....
بصله بيأس وقال بغيظ
أنت يابنى هتفضل واقف بتتفرج والبنت بتضيع منك! اتصرف يا حبيبي اتصرف يا بابا الحق قبل ما يتقدملها.
تيم بصله وأخد نفس عميق وراح بسرعة البرق وقف جنب ريم وقال بهدوء
صباح الخير اسف لو هقاطعكم بس محتاج اتكلم مع ريم كلمتين على انفراد.
امير اتنهد وبص لريم باستغراب
ريم أنت تعرفيه
ابتسمت وبصت لتيم
طبعا يا دكتور ده باشمهندس تيم صديق قديم وغالى جدا عليا.
بصت لتيم إللى ابتسم وفضل بيبص لأمير بنظرات مش مريحة وقالت بهدوء
وده يا سيدى دكتور امير المسئول عن الفريق هنا.
الإتنين سلموا على بعض وتيم استأذن وأخدها وطلع.
سحبت إيدها من إيده وقالت بهدوء
ممكن اعرف حضرتك متعصب كده ليه
بصلها وقال ببرود
وأنا ممكن افهم حضرتك واقفة تضحك مع الدكتور ده ليه
عادى كنا بنتفق على شوية حاجات تخص الموتمر النهاردة.
ابتسم وقال ببرود
طيب ممكن تتجنبي الشخص ده نهائى.
إيه السبب
قالتها وهى مربعة إيديها قدامها وبتبصله باستغراب فاتنهد وقال بضيق
لأنى لو مكنتش شوفتكم وجيت كان زمانه الأستاذ بيطلب إيدك دلوقتى.
اتسعت عنيها وبصت ناحية أمير إللى واقف من بعيد ونظراته عليهم رجعت بصت لتيم وقالت پصدمة
أنت بتتكلم بجد!!
رفع حاحبه وقال بسخرية
لا بهزر معاك.
ابتسمت وحبت تضايقه وتختبر مشاعره.. اتنهدت وقال بخبث
طيب وإيه المشكلة يعنى دكتور امير إنسان محترم و....
قاطعها پغضب
ريم متختبريش صبري لو سمحت.
ايوه وأنت إيه يضايقك فى إنه حد يتقدملى اصلا أنا...
علشان أنت تخصيني أنا ومش هسمح لحد ياخدك منى.
قالها تيم بدون وعى فلمعت عيون ريم وقالت پصدمة
أنت قولت إيه دلوقتى
↚
لعب فى شعره وبص حوليه بتوتر فقالت
تيم رد عليا أنت قصدك إيه بكلامك!
أخد نفس وقال بتوتر
احم أنا يعنى....
قاطعته الاء إللى وقفت جنب ريم وقالت
ريم يلاه بسرعة علشان هنتحرك.
ريم بصت لتيم إللى بعد نظره عنها فاتنهدت ريم وبصت ل الاء وقالت بهدوء
ماشى روحى أنت دلوقتى وأنا جايه.
الاء بصت لتيم وسابتهم ودخلت.
تيم بصلها وقال بهدوء
هنأجل كلامنا لوقت تانى دلوقتي روحى الموتمر بتاعك ومن فضلك حاولى تتجنبى الكلام
مع الدكتور ده نهائى.
ريم هزت رأسها بالموافقة وسابته ومشيت وهى بتبتسم وقفت ورجعت بصتله فابتسم هز رأسه كأنه بيطمنها لفت وشها ومشيت مع الفريق وهى مقرره تتجنب أمير ولو فتح معاها الموضوع تقفله بما إنه النهاردة آخر يوم فى رحلتهم.
ها عملت إيه
قالها سيف لتيم إللى قعد على الكرسى قدامه وقال بحيرة
أنا خاېف.
خاېف تروح منك ولا خاېف تصارحها بمشاعرك فترفض.
أنا مش خاېف من رفضها قد ما أنا خاېف توافق وتجربتى تتعاد تانى.
طيب هسألك سؤال.
اتفضل
أنت بتثق فى البنت ديه يعنى شايفها بنت كويسة وقد ثقتك
ابتسم وقال بهيام
هى إنسانة جميلة اووى يا سيف رقيقة اووى وقلبها مفيش احن منه بمجرد ما بشوفها بحس قلبى هيطلع من مكانه ويروحلها بحس بإحساس جميل اووى وأنا بتكلم معاها أنا بعترف إنى حبيتها بس خاېف ومش عارف اسيطر على خوفى.
اتنهد سيف وقال بحكمة
موضوع الخۏف ده شئ عادى خاالص نقدر نسيطر عليه مشكلتك دلوقتى مش خۏفك مشكلتك موافقتها! أنت لازم تعرف مشاعرها إيه من ناحيتك وعلشان كده اعزمها النهاردة بليل فى أى مكان هادئ واتكلموا بكل صراحة مع بعض ده الحل الوحيد لكن لو فضلتوا كل واحد مستنى التانى يعترف بمشاعره الأول ف بالتأكيد هتخسروا بعض وهيكون فات الأوان.
وتيم هز رأسه بتفهم وقال بمرح
طيب يلاه بينا علشان مجهزلك فسحة النهاردة متحملش بيها.
ايوه كده ياعم فوق للغلبان إللى قدامك شوية.
تيم ضحك وأخده وراح يتفسح ويقضوا وقت مع بعض.
انتوا حصلت بينكم مشكلة ولا إيه
لا
أنت متأكدة
ريم اتنهدت وحكتلها إللى حصل....
ده ميدلش غير على حاجة وحده!
وإيه الحاجة ديه يا ذكية
ضحكت الاء وقالت بفرحة
أنه هو كمان بيبادلك نفس مشاعرك وبيحبك.
كانت هتتكلم بس وحده من زمايلهم بلغتهم أنه الموتمر بدأ ولازم يدخلوا.... دخلوا وبدأ الموتمر وبعد وقت طويل خلصوا وانتهت رحلتهم فى إسكندرية.
بعد وقت طويل تيم وسيف رجعوا من بره كان واقف فى البلكونة بيفكر فى كلام سيف لحد ما لمحها قاعدة عند البحر لوحدها ابتسم وقرر ينزل يقعد معاها بص على سيف لقاه نايم ابتسم وحط المج على التربيزة وأخد الجاكيت بتاعة ونزل.
قاعدة لوحدك ليه
رفعت رأسها وبصتله فابتسم وقعد
↚
جنبها
أنت زعلانة منى
ابتسمت وبصتله
لا كل الموضوع أنه خلصنا النهاردة رحلة الموتمر والفريق كله مشى حتى الاء صديقتى مشيت وفضلت أنا وبصراحة زهقت من قعدة الأوضة قولت اقعد شوية هنا.
يعنى أنت كان المفروض تمشى النهاردة
لا هما عارفين إنى هأجى معاهم بس مش هرجع معاهم علشان هرجع القاهرة بكرة.
بكره!!
ابتسمت وبصتله
اه كان المفروض ارجع النهاردة بس اجلتها لبكره لأنى تعبت من مشوار النهاردة.
اتنهد وقال بحزن
طيب ليه مقولتليش
بصتله بطرف عين وقالت بهدوء
هتفرق يعنى
طبعا أنا كنت عاوز نقضى شوية وقت مع بعض.
خليها فى القاهرة افضل لأننا هنكون فاضيين لكن رحلتنا ديه رحلة
شغل.
نام على الرملة وقال بحزن
عندك حق....
ابتسم وكمل بحماس
بس بما إنك هتنزلى القاهرة ف أكيد هتتعوض.
لفت وشها وقالت بهدوء
مقولتليش برضوا كان قصدك إيه بكلامك الصبح
قام وقعد قدامها وقال بتوتر
ريم أنت مش حاسه إنه فى حاجة بتربطنا ببعض أكبر من الصداقة.
تصنعت اللامبالاة وقالت بتوتر
حاجة زى إيه
زى إنى بحبك.
بصتله وعنيها لمعت بفرحة فابتسم وكمل بحب
اتاكدت من ده النهاردة لما حسيت إنى ممكن اخسرك او حد تانى ياخدك منى....أنا معرفش مشاعرك إيه من ناحيتي... بس أنا متاكد من حاجة وحده إنى بحبك يا ريم.
كانت هتتكلم بس هو قاطعها وقال بحب
مش عاوزك تردي دلوقتى هسيبك تفكرى براحتك بس لحد ما ارجع القاهرة عاوزك تكوني أخدت قرار واتأكدي أنه مهما كان ردك ف ده مش هيأثر على صداقتنا أبدا.
ابتسمت وهزت رأسها قام ومسك إيدها وقال بمرح
تعالى نتمشى شوية.
ضحكت وحطت إيدها فى إيده وقامت معاه.
قوليلي الدكتور ده اتكلم معاك تانى
قالي أنه معجب بيا وحابب يطلب إيدي وأنا قولتله بكل صراحة أنه فى شخص تانى فى حياتى.
بصلها وقال بخبث
وياتره مين الشخص التانى إللى فى حياتك
قالت وهى بتسيبه وتمشى
كنت هقولك بس غيرت رأي وهقولك بعدين. اتقدمت كام خطوة فضحك وقال بمرح وصوت عالى
بقولك إيه ما تجيبي رقم والدك قبل ما تمشى اصلى عندى أمانة عنده.
بصتله وضحكت ورجعت تكمل طريقها فضل واقف بيبص لطيفها ويبتسم ثوانى وجتله رسالة على الموبيل منها فتحها واتفاجا انها فعلا بعتتله رقم باباها فضل بيبص لطيفها بفرحة وأخد قرار اول ما ينزل القاهرة فورا هيطلب إيدها.
مر اسبوع على اليوم ده أهل ريم رجعوا مصر وتيم كلم أهله على موضوع ريم وهما فرحوا جدا بالخبر والد تيم اتواصل هاتفيا مع والد ريم وحددوا معاد منهم علشان يطلبوا إيدها ريم حكت لوالدها كل حاجة عن تيم وهو رحب بالموضوع خصوصا إنه ريم كانت رافضة موضوع الجواز ورغم محاولاتهم الكتيرر إلا أنها برضوا كانت بترفض.
↚
كانت نازلة من العمارة وهى بدندن لأبسه فستان جميل وطالع كأنها أميرة هاربة من عالم ديزنى بس جتلها مكالمة صډمتها.....
البارت الثامن
جالها اتصال صدمها كان اتصال من سيف قالها إنه تيم واقع فى مشكلة كبيرة ومحتاجلها بدون ما تفكر لحظة وحده ركبت عربيتها وراحت على المكان إللى قالها عليه فضلت تدور عليه زى المچنونة لحد ما دخلت مكان غريب مفيهوش أى أنوار فضلت تنادي عليه وهى حاسه كأنه روحها بتتسحب منها صړخت اول ما حست بحد حط إيده على كتفها الأنوار رجعت اشتغلت واتفاجئت بتيم واقف قدامها وفى إيده بوكيه ورد باللون إللى بتحبه عنيها دمعتوهي بټعيط بشكل مش طبيعي حط بوكيه الورد على التربيزة وضمھا پخوف وقلق
ريم اهدى أنا اسف مكنش قصدي اخوفك ولله اهدى.
أنا كنت خاېفة عليك اووى.
مسح دموعها بكف إيده وقال بأسف
حقك على مكنش مكنش قصدي اخوفك كنت بس حابب اعملك مفاجأة صغيرة مش أكتر.
ضړبته على صدره وقالت پغضب
تقوم توقع قلبي أنت وصاحبك المچنون ده!!!
ضحك وقال بمرح
سلامة قلبك يا جميل.
بصتله بغيظ وفضلت تبص حوليها بأعجاب كان المكان متزين بطريقة جميلة وټخطف القلب عنيها لمعت وقالت بفرحة
كل ده علشانى
ابتسم ووقف قدامها
دي حاجة صغيرة اووى قصاد إللى هعمله قدام.
ابتسمت وقالت
طيب ممكن اعرف إيه السبب وراء المفاجأة ديه
نزل رأسه لثوانى وبصلها ببراءة طفل
بصراحة كنت حابب اعرف قرارك واسمع الكلمة إللى كان نفسي اسمعها وقت ما كنا فى إسكندرية.
ابتسمت ومسكت بوكيه الورد وبصتله
طيب ممكن اعرف أنت عرفت ازاى إنى بحب الورد الأحمر
ابتسم وقرب وقف قدامها وقال بحب
عرفت بطريقتي يا دكتورة المهم متحاوليش تهربي من سؤالى!
بربشت بعنيها وقالت ببراءة
هو أنا عرفت السؤال علشان اجاوب عليه
مسك إيدها وقعدها على الكرسي اتقدم كام خطوة وقعد قدامها وقال بهدوء
سؤالي هو أنت بتحبيني زى ما أنا بحبك
هزت رأسها بخجل فابتسم وقال بهدوء
لا أنا عاوز اسمعها منك.
غمضت عنيها لثوانى كمحاولة أنها تسيطر على مشاعرها وخجلها وقالت بحب وعيون بتلمع
أنا بحبك يا تيم.
ضحك وعنيه لمعت بفرحة كأنه لأول مره يسمع كلمة بحبك لأول مره يكون قلبه طاير من الفرحة بالشكل ده! حتى وقت ما اعترف لهنا بحبه مكانش حاسس نفس احساسه دلوقت يمكن لأنه لأول مرة يسمعها من قلب بيحبه بصدق فضل بيبصلها وهى بتحاول تبعد عنيها من نظراته وقفت وقررت تهرب زى عادتها...قام بسرعة ومسك إيدها
استني
بصتله فابتسم وطلع بوكس كان مخبيه وقال بحب
أنا جايلك بكرة اتمنى اشوفك بالفستان ده.
مسكت البوكس وكانت هتفتحه بس وقفها
خليه لما ترجعي البيت.
ابتسمت وهزت رأسها بالموافقة بصلها بحب وأخد حاجته وأخدها وطلع وهما بيحكوا مع بعض بعد وقت وصلها البيت ورفض يتحرك من قدام العمارة غير لما يتأكد أنها وصلت بيتها.
ريم دخلت قعدت على سريرها وهى بتضحك ومبسوطة مسكت البوكس وفتحته اتفاجئت بفستان جميل ومعاه هدايا كتيره لطيفة.
ضحكت الهدايا بفرحة.....
تانى يوم كانت مجهزة نفسها وواقفة تبص للباب بتوتر وخوف والدها وقف جنبها وقال بحب
اهدي يا حبيبتي أنت
↚
متوترة كده ليه
مش عارفة يا بابا بس خاېفة اووى.
متخفيش كله خير بإذن الله.
جرس الباب دق فابتسمت بفرحة وراحت تفتح و والدها ضحك على طفولتها....
ريم فتحت الباب
كان واقف وعطيها ضهره اول ما فتحت الباب الټفت ووقف متنح كان بيبصلها بانبهار كانت لابسة الفستان إللى هو جبهولها وحاطة ميكب خفيف مناسب لملامحها مكانتش لابسة النظارة زى عادتها كانت فاردة شعرها وطالعة زى الأميرات.
نزلت رأسها بخجل من نظراته فابتسم ومدلها إيده بالورد وقال بحب
مش هتقوليلي اتفضل
ابتسمت ورجعت كام خطوة لوراء علشان يدخل فابتسم والټفت كانوا أهله وصلوا دخلوا وسلموا عليها و والدها استقبلهم.
تيم ميل وهمس فى اذنها
الفستان طلع جميل اووى عليك ذوقك جميل زيك.
ابتسمت بخجل ووشها احمر فضحك وقال بمرح
حتى وأنت مكسوفة بټخطفي قلبى.
ضړبته على صدره بخفة وقالت بكسوف
ما تبطل حركاتك ديه بقاا!
قالت كده وسابته ودخلت قعدة معاهم فضحك وقعد جنبها.
بعد وقت من الضحك والهزار بين أهليهم وبينهم اتفقوا على كل حاجة تخصهم وبعد محاولات كتيرر من تيم وافق والد ريم إنه يعملوا فرحهم خلال اسبوع علشان ياخدها ويسافر بما أنه عنده سفر.
الزمالك الساعة العاشرة صباحا
ريم نزلت لقت تيم نايم على العربية... ابتسمت وقربت وقفت جنبه
أنت جاى تنام هنا.
فتح عنيه وقام قعد قدامها
حد قلك تتاخري عليا
أنا اتأخر براحتي على فكرة.
ضحك ونزل وقف قدامها
مغرورة بس بحبك.
ضحكت وسابته وركبت العربية فحط إيده فى شعره بحيرة
شكلك يا قطة هتتعبيني معاك! بس مش مشكلة كله يهون علشان خاطر عيونك.
ركب العربية وبدأ يسوق وهو بيدندن
عيني وأنا شايفه عايزه تانى إيه قلبى وأنا عارفة قالي روحي فيه.
ابتسمت وبصتله
أنت بتحب عمرو دياب
بصلها من فوق نظارته وقال بحب
بحب اسمعله اووى.
ضحكت وقالت بحماس
حلو الظاهر أنه فى حاجات كتيرر متشابهين فيها.
ظهرت إبتسامة لطيفة على شفايفه وقال بحب
وديه أكتر حاجة مريحة فى علاقتنا.
طيب ممكن اسألك سؤال
أكيد اتفضلي.
اتنهدت
أنت ليه مستعجل على فرحنا اووى كده
وقف العربية وبصلها بحب
لأنى حابب ابدأ معاك بداية جديدة النهاردة قبل بكرة كمان لأنى مسافر وهقعد شهر ومظنش إنى أنا وأنت محتاجين فترة تعارف لأننا عارفين بعض كويس ولو فى أى حاجة لسه منعرفهاش عن بعض هنعرفها مع الوقت.
مش خاېف ټندم على قرارك ده
ابتسم وقال بثقة
لا مش خاېف لأنى واثق إنى مستحيل اندم على اختيارك إنك تكوني شريكة حياتى.
هزت رأسها وقالت بابتسامة جميلة
من قلبى اتمنى أكون قد ثقتك ديه.
هتكوني يا ريم أنا واثق فيك.
ابتسمت وهو رجع يكمل سواقه وصلها شغلها ورجع شغله.
ريم دخلت مكتبها واټصدمت اول ما شافت الاء قاعدة بتلعب فى تليفونها ابتسمت وقالت باستغراب
لولي أنت جيتي أمتى
↚
جيت امبارح يا ستي.
ابتسمت
ومقولتليش ليه
كنت حابه اعملك مفاجأة وبعدين معقولة مجيش وفرحك خلاص اتحدد معاده!!
طلعت من وقالت بضحك
اممم يبقا أكيد بابا هو إللى قالك.
أكيد طبعا عمى ده السكر بتاع عيلتكم.
ضحكت ريم وكانت هتتكلم بس قاطعها فتح الباب ودخول الممرضة
يا دكتورة تعالي بسرعة فى حالة مستعجلة بره.
ريم هزت رأسها وطلبت من الاء تلبس البالطوا بتاعها وتيجي معاها طلعوا لقوا ست كبيرة وابنها معاها ريم أخدت نفس وبدأت تشوف شغلها رغم الخۏف إللى جواها وكأنها افتكرت ذكرى مكنتش حابه تفتكرها.
بعد وقت طويل تيم خلص شغله وكان نازل من الشركة جاله تليفون من ريم فابتسم ووقف يكلمها
ايوه يا حبيبي.
تيم أنا مش ريم أنا الاء.
استغرب وقال بقلق
هى ريم كويسه
لا هى مش كويسة خاالص هات عمى وتعالوا على المستشفى بسرعة.
قالتها الاء بعياط.... اټصدم تيم وو..
البارت التاسع
ركب عربيته وطلع بسرعة على المستشفى وقبل ما يوصل بنصف ساعة كلم والد ريم وحكاله إللى حصل دخل المستشفى وهو بيدور عليها زى المچنون وصل الأوضة إللى هي موجودة فيها لقاها نايمة بتعب.. قلبه بقا يدق پعنف..قرب ببطئ ووقف قدام آلاء وقال پخوف
إيه إللى حصلها
معرفش كانت بتعمل عملية لست كبيرة ووقعت من طولها فجأة وهما شغالين الدكتورة فحصتها وقالت أنها اتعرضت لضغط عصبي شديد.
اتنهد وقرب قعد قدامها ضم إيدها بين كفوفه وفضل بيبصلها بحزن ورجع بص ل الاء وقال بقلق
طيب حد زعلها او قلها حاجة أنا سيبتها كويسة الصبح.
صدقني
كانت كويسة لحد ما دخلت اوضة العمليات ومعرفش إيه حصلها!
بصلها بحزن واستغراب الممرضة دخلت ونادتها علشان تشوف حالة بره فى اللحظة ديه ريم بدأت تفتح عنيها بتعب بصت حوليها وقالت بتعب
أنا فين
اهدي أنت فى المستشفى آلاء قالت إنك وقعتي وأنت فى اوضة العمليات.
معرفش إيه إللى حصلي اتخنقت فجأة ومش فاكرة أى حاجة بعدها.
ابتسم وقال بحنان
الحمدلله إنك بخير قلقتينا عليك.
ابتسمت وبصتله بامتنان
أسفة تعبتك معايا.
كان هيتكلم بس والدها و والدتها دخلوا فاتنهد وقام علشان يطمنوا عليهم.
بعد وقت رجع بيته بعد ما وصلها لبيتها واطمن عليها أخد شاور وغير هدومه وقرر يكلمها.. مسك الموبايل ورن عليها مردتش عليه فبدأ الخۏف يدب فى قلبه..أخد نفس ورن تانى ودقايق وجاله صوتها فاتنهد وقال بقلق
ريم أنت كويسة
غمضت عنيها وقالت بحزن
مش عارفة يا تيم مش عارفة.
طيب ممكن تحكيلي إيه إللى تاعبك
صدقني
مش قادرة اتكلم فى أى حاجة.
طيب اقفلى دلوقت وهرن عليك بعد شوية.
تمام.
قفل معاها وقام غير لبسه
↚
وأخد حاجته وطلع من البيت...ركب عربيته وفى نصف ساعة كان واقف قدام العمارة بتاعتها أخد نفس ورن عليها
ايوه يا تيم.
البسي وانزلي.
انزل فين يا مچنون!!!
قالتها پصدمة فضحك وقال بمرح
أنا تحت بيتك دلوقت.
أنت بتهزر صح
لو مش مصدقاني بصي من بلكونتك.
اتسعت عنيها وقامت بسرعة بصت من البلكونة لقته واقف فعلا قدام العمارة بتاعتها ضحكت وقالت
أنت مچنون ولله!
يعنى عاوزني اسيبك مضايقه ومعملش حاجة!!
وأنت عاوزني دلوقت انزل.
متقلقيش أنا كلمت والدك وأخدت الإذن منه يلاه البسي وانزلى نتمشي شوية وتحكيلي إللى مضايقك.
ابتسمت ودخلت تغير هدومها طلعت أستاذنت من والدها ونزلت وقفت قصاده
مكانش فيه داعي تتعب نفسك علشاني.
ابتسم وقال بحب
كل حاجة تهون علشان خاطرك.
ابتسمت بخجل وبصت الناحية التانيه.
اتقدم كام خطوة وفتح باب العربية
يلاه يا أميرة تعالي اركبي.
هزت رأسها بالموافقة وركبت العربية ابتسم وطلع جنبها وبدأ يسوق بعد وقت مش كبير كانوا قاعدين قدام الكورنيش بصلها وقال بهدوء
هاا يا ستي إيه إللى مزعلك
من كام سنة كان فى حالة فى المستشفى زى ديه وكانت الست ديه هى والدة البنت إللى بيحبها تؤامي و...
قاطعها پصدمة
أنت عندك اخ تؤام
ابتسمت وقالت بحزن
اه بس هو بقاله كتيرر اووى بعيد عننا.
اتنهد وقال بهدوء
كملي.
رفعت رأسها وبصت للسماء
هو كان بيحبها اووى وقتها اتحط فى اختبار صعب كان عاوز ينقذ والدتها بأى طريقة بس والدتها كانت مريضة قلب وفى مراحلها الاخيرة وقتها عمل كل إللى يقدر عليه علشان ينقذها بس فشل واټوفت يومها البنت ديه حطت كل اللؤم عليه وأنه هو السبب فى مۏتها وقررت تقطع علاقتها بيه رغم أنه ملوش ذنب وقتها اټصدم وفعلا حس أنه هو السبب فى مۏتها دخل فى اكتئاب لمدة كبيرة وبعدها قرر يسيبنا ويسافر ولأنى كنت أكتر وحدة متعلقة بيه ف حاولت كتيرر اووى اوقفه بس هو...
صوت شهقاتها على ورجعت تكمل
بس هو سابني ومشى مفكرش فيا مفكرش هعيش ازاى من غيره كل إللى فكر فيه هو نفسه معقولة حبها أكتر منى!! من وقت ما سافر وأنا رفضت اتواصل معاه بقيت لما اعمل عملية لست كبيرة افتكره تلقائى مكنتش متخيلة اننا نبعد عن بعض! من وقت ما اتولدنا واحنا مع بعض ليه اختار يبعد ليه!
غمض عنيه لثواني ورجع فتحهم كف إيدها
هو بعد ڠصب عنه أكيد! يمكن لو كان قعد هنا كان هيفضل تعبان بسبب إللى حصل مش سهل أنه يعمل كل حاجة علشان الإنسانه إللى بيحبها وفى الآخر تلؤمه على حاجة هو ملوش ذنب فيها.
طيب وأنا!!! أنا من صغري وأنا متعلقة بيه معقولة مفكرش فيا
لا يا حبيبتي بلاش تفكري كده أنت لازم تكلميه وتتعاتبوا مينفعش تفضلوا كده.
مسحت دموعها وقالت بحزن
لا أنا مش عاوزه اكلمه مش عاوزه أعرف عنه حاجة.
اتنهد وسابها وقام جاب اتنين ايس كريم وشيبسي ورجع قعد قدامها وقال بمرح
خلاص يبقا متضايقيش نفسك بسبب إللى حصل وخدي الآيس كريم الجميل ده.
ابتسمت وأخدت منه الآيس كريم وقالت بحب
شكرا لأنك موجود.
ابتسم وبصلها
بحب
↚
اوعدك هفضل دائما جنبك وقريب هخليك تنسي الموضوع ده ومش هخليك تزعلي تانى.
ابتسمت بخفة وقالت
اتمنى متنساش وعدك ده.
هز رأسه كأنه بيطمنها وأخدها وفضلوا يتمشوا ويهزروا مع بعض مسابهاش غير لما فاقت ورجعت لطبيعتها.
مر يومين وبدأت تجهيزات فرحهم كانت نازلة من العمارة وهى مبسوطة علشان هتروح تختار فستان فرحها....وقفت قدام العمارة وهى مستنيه تيم..كانت هتتحرك بس وقفها صوت
معقولة هتتجوزى من غير ما تقولي لحبيب قلبك !!!
وقفت مصډومة رجليها مكانتش شايلها من الصدمة عنيها اتملت دموع والټفت وهى بتدعي ميكونش هو وتكون سمعت غلط....
البارت العاشر
أنت إيه إللى جابك هنا
ابتسم وقرب وقف قدامها وقال بزعل
أنت مكنتيش حابة تشوفيني يعني
رفعت إيديا وقالت ببرود
بصراحة لا وبعدين أنت مين إللى قلك على موضوع جوازي!!
أنا.
الټفت وقالت پصدمة
تيم!!!
ابتسم وقرب وقف قصادها
مينفعش نعمل فرحنا وهو مش موجود.
وأنا مش محتاجة وجوده قوله يرجع من مكان ما جه.
قالت كده وسابتهم وراحت ركبت عربية تيم وهي مضايقة منه لأنهم يوصلها بحزن ورجع بس لنور إللى واقف منزل رأسه بحزن وندم وقال بابتسامة
متقلقش كله هيبقى تمام هي قلبها طيب وأكيد مش هتفضل زعلانة منك كتير.
ابتسم وقال بحزن
هي حقها تزعل وأنا هحاول بكل الطرق لصالحها المهم متزعلش منك أنت بسببي.
متقلقش مش هتزعل يراه هسيبك دلوقتي تسلم على أهلك وأنا هاخدها علشان اشتريها الفستان.
نور ابتسم وبصله بأمتنان.
سابه ترمب العربية وبدأ يسوق وهي مديله إى إهتمام اتنهد وقال بتوتر
هنفضل زعلانة ولاعبة وشك كده كتير!!
ممكن اعرف هو عرف ازاى
أنا إللى اتكلمت مع والدك واتكلمنا معاه وهو أول ما سمع فرح اووى وحجز فى أول طيارة وجه.
بس أنا مكناس عاوزه يحضر.
متكدبيش على نفسك يا ريم.
بصتله ببرود فكمل
إنت مكنتيش هتبقي مبسوطة وهو بعيد وخصوصا فى يوم زى ده.
اتنهدت وقالت بحزن
أنا اتعودت على غيابه ف مكانش هيفرق كتير.
وقف العربية وبصلها بحب
يا حبيبتي أنت مش هتفضلي
طول العمر زعلانة منه! أكيد كان هييجي يوم وهيرجع ده مهما كان اخوك صدقيني هو بيحبك اووى وده لاحظته أثناء كلامه عنك أنا مش بقولك سامحيه فى يوم وليلة! بس اديه فرصة وحاولي تنسي إللى حصل أنا عارفة إنه قلبك حنين ومستحيل تفضلى زعلانة منه كتيرر.
مسحت دموعها وظهرت إبتسامة جميلة على شفايفها وقالت
حاضر يا تيم اوعدك هحاول.
ابتسم وقال بمرح
قلب وروح تيم ولله.
ضحكت وهو ضحك على ضحكتها ورجع يسوق وبعد وقت وصلوا الاتيلية ودخلوا يختاروا فستان للفرح.
تيم أى رأيك فى ده.
يوصلها بطرف عين وقال
لا ده مش حلو تعالي ندخل جوا أكيد فى أحلى منه
↚
هزت رأسها بالموافقة ودخلت معاه وقالت تبص على الفساتين بأعجاب وتردد مديرة الاتيلية دخلت وفى إيدها فستان جميل وقالت باحترام
اتفضل يا باشمهندس ده التصميم إللى طلبته.
ابتسم واخده منها وبص لريم إللى مش فاهمة حاجة وقال بحب
شوفتلك post على صفحتك مشيراه لصور فساتين فرح وبتقولي فيه إنك نفسك فى فستان منهم علشان تلبسيه يوم فرحك وأنا دخلت عليهم واختارت منهم تصميم وطلبت يعملولك واحد زيه.
بصتله بفرحة وقربت مسكت الفستان وقالت بفرحة
الله يا تيم ده نفس الفستان إللى خطڤ قلبي وقتها وكان نفسي البسه!
مسك خدودها وقال بحب
طيب يلاه يا جميل ادخلي أوضة القياس وشوفيه عليك علشان لو محتاج أى حاجة يلحقوا يعملوها قبل الفرح.
هزت رأسها بفرحة ودخلت تقيس. فضل واقف بيلعب فى تليفونه ابتسم وسرح أول ما افتكر فرحتها وعنيها إللى لمعت بفرحة كبيرة ففي من شروده على صوتها
تيم
الټفت وبصلها فضل لحظات متنح كانت لابسة فستان فخم لايق عليها والتاج على رأسها ابتسم تلقائى وفضل واقف بيتأملها قربت ووقفت قدامه وقالت بفرحة طفولية وهى بتلف حولين نفسها
أى رايك حلو
قمر قمر اووى يعنى.
قالها وهو بيلفها حوليه وبيضحك بفرحة كأنه مفرحش قبل كده وفرحته بقت هي.
أنت كده هتخطفي كل الأنظار بكرة!
ابتسمت وقالت بتوتر وهى بتفرك فى إيديها
بس يا تيم ده أكيد غالي اووى و...
قاطعها بحب وحنان
حبيبتي مفيش حاجة تغلى عليها.
ابتسمت وقال بعشق
تعرفي إنك الأمل
الجديد إللى نور حياتي.
ابتسمت
يعني كده محدش غيري فى قلبك
أكيد طبعا.
قالها تيم بثقة فاتنهدت وقالت بهدوء
يعني الماضي خلاص ماټ بالنسبالك.
ابتسم وطبع إيدها وقال بحنان
الماضي ما. من زمان يا ريم كانت صفحة وقفلتها من سنتين ومستحيل تتفتح مرة تانية.
عنيها لمعت وقالت بحب
وأنا واثقة فيك.
قالت كده وسابته ودخلت تغير الفستان دقايق وطلعت وهو أخدها وطلع بعد ما أخدوا الفستان وطلعوا.
كان بيسوق وهو هي بيغنوا مع صوت عمرو دياب ومبسوطين وفجأة ريم صړخت تيم وقف العربية وبصلها پخوف
فى إيه مالك
ابتسمت وبصتله ببراءة
غزل بنات.
عقد حواجبه وقال پصدمة
أنا بنات!! أنت پتصرخي علشان أول البنات
ضحكت بشدة على ملامحه إللى اتحولت للصدمة اتنهد وقال
يا شيخة حرام عليك وقعت قلبي.
ابتسمت وقالت وهي بتعمل نفس حركاته
سلامة قلبك يا جميل.
↚
ابتسم ونزل جبلها أول البنات ورجع تانى
اتفضلييا ستي أحلى غزل بنات للقمر بتاعي.
ابتسمت وبدأت تأكل بفرحة كالأطفال فضل قاعد بيبصلها مستغرب ازاى فجأة بتتحول لطفلة وبتنسى حزنها وترجع تضحك كأنه مفيش حاجة بصتله ومدت إيدها بوحده
تحب تأكل.
هز رأسه ب لا فقالت بضحك
خلاص ملكش فى الحلو نصيب.
ابتسم وقال بحب
لا ما أنا نصيبي كله اخدته لما حبيتك.
بطلت تأكل ووشها احمر وهو لاحظ ده فضحك وقال بمرح
لا لا كملي أكل مش هتكلم تاني ولله.
الإتنين بصو لبعض وفضلوا يضحكو بعد وقت رجعت البيت وهي مبسوطة لقت أهلها قاعدين ونور قاعد معاهم وبيضحكو قفلت الباب ودخلت سلمت على أهلها إللى كانوا فرحانين لفرحتها وفرحتهم زادت برجوع نور ليهم وخصوصا إنه بلغهم إنه هيستقر فى مصر.
ريم يا حبيبتي مش هتسلمي على نور.
الټفت وبصت لنور ببرود
مفيش داعي يا ماما شوفته وسلمت عليه تحت ولا أنت مقولتلهمش يا دكتور!!!
مستنتش رده ودخلت اوضتها أخدت نفس وقالت بهدوء
ريم أنت لازم تهدي متنسيش إنه بكرة فرحك ده مش وقت تزعلي فيه نفسك بسبب حد لازم تهدي.
قعدت على السرير وفتحت الفستان والحاجات إللى جبهالها تيم وهى مبسوطة الباب خبط فابتسمت وقالت بحب
تعالي يا ماما.
الباب اتفتح ونور دخل وقال بتوتر
طيب مينفعش حبيب القلب
ابتسمت بسخرية على الإسم إللى قاله حبيب القلب من صغرها وهى بتناديه بالأسم ده لأنها كانت تعتبره أقرب شخص ليها اتنهدت وقالت بسخرية
ده كان زمان.
ابتسم ودخل بعد جنبها وقال بمرح
ليه تيم باشا أخد مكاني ولا إيه
آه
قالتها ببرود فابتسم ومسك إيدها وقال بأسف
حقك عليا أنا آسف إني سيبتك ومشيت.
متأخر اعتذارك متأخر.
بس أنا حاولت اتكلم معاك كتيرر اووى وأنت كنت بترفضي.
وأنت عاوزني اسامحك ازاى وأنت إللى اخترت تبعد!!
كانت بتتكلم وهي بتحاول تخفى دموعها فاتنهد وقال بحزن
كان ڠصب عني صدقيني لو كنت فضلت هنا مكنتش هتقدم خطوة لقدام كنت فاكر زعلك مني هيقعد كام يوم ويختفى بس متوقعتش تفضلي زعلانة مني تلات سنين بحالهم وتمنعيني حتى اسمع صوتك او اشوفك معقولة هونت عليك
عيطت وصوت شهقاتها علي
آه زى ما هونت عليك بالظبط.
مقدرش يستحمل دموعها بس
مقدرتش فضلت ټعيط وتضربه فى صدره بكل قوتها وهو فضل ثابت وعنيه بتدمع مكانش متخيل إنه ييجي يوم ويوصلها للحالة ديه غلاوتها عنده كانت كبيرة ومتتوصفش هو معترف إنه غلط لما اختار يمشي ويهرب من إللى حصل مكانش ابدا يتوقع أنه سفره هياثر على طفلته المدللة وېجرحها منه..
بعد وقت ومسح دموعها
بس خلاص متعيطيش مش عاوز اشوف دموعك.
باس جبينها وقال بحزن
بكره فرحك مش عاوزك تتعبي بسببي اليومين دول يعدوا على خير ومش هبطل ذن عليك لحد ما تسامحيني.
قام واتقدم كام خطوة بس وقف مصډوم أول ما ....
البارت الحادى عشر
وقف مصډوم أول ما وفضلت ټعيط.
أخد نفسوقال بحزن
وبعدين فى العياط ده بقا! فى عروسة ليلة فرحها ټعيط بالشكل ده
↚
على ركبه قدامها وقال بتعب
طيب أنت عاوزه إيه وأنا اعملهولك عاوزني محضرش الفرح
هزت رأسها ب لا فابتسم وقال بحنان
طيب أنت بټعيطي ليه دلوقتي.
بصتله بعيون مليانة دموع وقالت بحزن
أنت هتمشي تاني مش كده
ابتسم ومسح دموعها
لا يا حبيبتي خلاص مش همشي تانى.
أنت بتكذب علي علشان معيطش مش كده
ابتسم وقعد جنبها حط رأسها على صدره وقال بحنان
لا مش بكذب أنا خلاص نسيت كل حاجة ومبقاش الماضي ليه أثر على حياتي أنا لما قررت السفر أخدت القرار ده بس علشان ارجع اقف من تاني وتشوفي دكتور نور إللى قاعد جنبك ده.
يعني أنت بجد مش هتسيبنا وتسافر تاني
قالتها بزعل وكأنها نسيت كل حاجة وكل زعلها منه فى لحظة! ابتسم وباس جبينها
آه يا ستي مش هسافر وهقعد على قلبكم هنا.
لفت وشها وبصت الناحية التانية فقال بحزن
أنا عارف إنه مش سهل تنسي إللى حصل وتسامحيني فى يوم وليلة بس اوعدك مش هبطل احاول لحد ما تنسي وترجعي أحسن من الأول.
وأنا اوعدك هحاول اسامحك.
قالت كده ومدت إيدها قصاده فضحك بفرحة بحب مهما مرت سنين هتفضل هي طفلته المدللة وأول حب مش بس اخته وتؤامه من الطفولة وعلاقتهم مميزة والكل بيحك عنها وهو أخد عهد على نفسه إنه هيرجع علاقتهم زى ما كانت.
تانى يوم كانو كانت ريم بتتمايل قدام تيم وبيرقصو بعد ما تممو جوازهم وبقت خلاص مراته وعلى اسمه.
كانت بتبص حوليها بفرحة فرحة أهلها وأهل تيم وأكتر حاجة فرحتها هي وجود نور فى فرحها بصت لتيم وقالت بحب
شكرا لأنك موجود.
قرب وهمس فى اذنها بحب
أنا إللى المفروض اشكر ربنا إنه بعتك ليا وډخلتي حياتي.
ابتسمت وفضلت تتمايل معاه على نغمات الأغنية دقايق ونور قرب وقف جنبهم بعد تيم وقال بغيرة
كفاية كده دوري أنا.
ريم ضحكت وتيم بصله وقال بغيظ
بدأنا شغل الغيرة من دلوقتي!
نور ضحك ومسك إيدها ورجع بص لتيم وقال
احمد ربك إنى وافقت اجوزهالك.
لا أنا الظاهر إنى غلطت لما رجعتك تاني.
الإتنين ضحكوا وريم بقت ترقص مع نور وهي مبسوطة وتيم واقف بيصورهم ومبسوط إنهم اتصالحو وفرحتهم رجعت.
بعد وقت من الرقص والفرح كله رجع بيته وتيم دخل الشقة وهو شايل ريم إللى كانت مكسوفة اووى منه وډافنة رأسها فى صدره.
نزلها وقفل الباب بصلها ولاحظ توترها فابتسم وقرر يعمل حاجة علشان تطلع من حالة التوتر والخۏف المسيطر عليها.
↚
رفعت رأسها وفهمت إنه بيحاول يطلعها من المود ابتسمت وبصتله بأمتنان فمدلها إيده وقال بمرح
يلاه يا زوجتي الحلوه أعرفك على شقتك.
ضحكت على تصرفاته وحطت إيدها فى ايده
ډخلها كل مكان فى الشقة كانت شقة متصممة بشكل فاخر كانت بتبص لكل حاجة بأعجاب وفرحة أخدت أوضة النوم إللى كانت متزينة بشكل مميز ومليانة صور ليها وليه وفى صور لطفولتها بصتله فبصلها وفضل يحرك ايده فى شعره وقال باحراج
كنت حابب اعملك مفاجاة بس احنا ملحقناش نتصور ونعمل ذكريات فطلبت من والدتك كام صورة لحد ما نعمل ذكريات لطيفة سوا ضحكت فابتسم وقال بحب
أنا بحبك اووى معرفش أمتى وازاى حبيتك الحب ده كله! كل إللى اعرفه إنه قلبي بقاا متعلق بيك بشكل مش طبيعي والوحيدة إللى لقيت نفسي معاها هي أنت وواثق إنك هتكونيلي العوض عن كل حاجة أنا عشتها زمان.
قالت بعيون بتلمع بالدموع
وأنا كمان بحبك اووي ومحظوظة إني قدرت أخد قلبك.
سند جبينه على جبينها وقال بحب
أنت خاېفة مني
ابتسمت وهزت رأسها بلا فابتسم و....
تانى يوم فتحت عنيها على ضوء الشمس الداخل من البلكونة بصت جنبها لقته قاعد بيتأملها ابتسمت وبصتله بخجل ابتسم وباس جبينها وقال بحب
صباحية مباركة يا جميل.
دفنت بخجل وقالت بصوت يكاد مسموع
يباركلي فيك.
حط ايده على شعرها وقال بحنان
قومي يلاه غيري هدومك وتعالي علشان عاملك فطار محصلش.
أنت كمان بتعرف تطبخ!!!
قام وقال بمرح
اومال يا بنتي أنا شيف شاطر وهعجبك اووي.
ده أنا شكلي هدلع اووي معاك.
قالت جملتها وهي بتطلع هدوم من الدولاب فأبتسم وحاوط خصرها
حبيية قلبي تدلع براحتها.
ابتسمت وطبعت
خده ودخلت تغير هدومها ضحك
وطلع جهز السفرة لحد ما طلعت اتفاجئت أول ما شمت ريحت الأكل بصتله بأعجاب وقالت
ريحة الأكل لوحدها تدل إنك شيف شاطر.
شد لياقة قميصه وقال بغرور
طبعا طبعا يا بنتي.
ضحكت وقعدة جنبه على السفرة وبدأو أكل وسط هزار وضحك بينهم.
مر أسبوع وهما عايشين بسعادة مع بعض كانت ريم واقفة فى المطبخ وبتعمل العشاء حست بيه من ابتسمت وقالت بحب
كنت فين
نزلت جبت شوية حاجات من عند عم محمد وجيت.
لفت وشها ليه وقالت بحب
طيب يلاه علشان نتعشاء.
ابتسم ومسك خدودها وقال بمرح
عيوني للجميل بس عاوزك بعد ما نتعشاء تجهزي نفسك والشنط علشان مسافرين بكرة الصبح
بكرة الصبح!!!
↚
قالتها ريم پصدمة فقال بهدوء
آه لغيت كل مواعيدي وسلمت الشغل لسيف وقررت اخدك شهر عسل.
عنيها لمعت بفرحة ابتسم وډفن رأسه فى رقبتها وقال بحب
مهجزلك مفاجاة حلوه اووي متاكد إنك هتحبيها.
طلعت من وقالت بحماس
قولي إيه المفاجاة ديه
مسك تفاحة من الطبق إللى جنبها وقال بمرح
لو قولتلك إيه ألمفاجاة هتبقا مفاجأة ازاى !!!
خلاص هحاول استنى.
تانى يوم كانوا الإتنين فى العربية وفى طريقهم للساحل ريم كانت بتبص من زجاج العربية وهي مبسوطة وتيم ماسك إيدها وبيبصلها بحب وفرحة وهو شايف فرحتها.
مبسوطة
مبسوطة اووى يا تيم.
اتكلمت وهي ابتسم وشال دراعه وباس رأسها
وأنا عاوزك مبسوطة كده دائما.
غمضت عنيها ابتسم على طفولتها وركز فى الطريق.
بعد ساعات كان واقف قدام شالية جميل ومتحاوط بالزرع.
فتح باب العربية لقاها لسه نايمة ابتسم وشالها ودخل نومها فى اوضتهم.
ورجع تاني جاب الشنط وحط هدومهم فى الدولاب.
قرب وباس جبينها وطلع علشان يجهزلها المفاجاة.
بعد وقت بدأت تفتح عنيها قامت وهي بتفرك فى عنيها بضيق بصت حوليها واټصدمت لما....
البارت الأخير
فتحت عنيها وبصت حوليها باستغراب قامت ودورت على تيم ملوش أى أثر.
اجهزي وانزلي تحت مستنيك
ضحكت وبدأت تجهز نفسها بعد نصف ساعة كانت بتبص للمراية بحب لبست نظارتها ونزلت.
فضلت تبص حوليها پخوف بس فرحت لما لقت نور جاى من الجهة التانية للشاليه وتقدمت كام خطوة لقت ورد مفروش على الطريق وكأنه بيدلها على الطريق ابتسمت وبقت تمشي ببطئ لحد لقته واقف ومديها ضهره وفى تربيزة متزينة بشكل رومانسي وجميل.
ابتسمت وقربت حاوطت خصره وحطت رأسها على صدره ابتسم ولفلها وفى إيده بوكيه ورد جميل بنفس اللون إللى بتحبه
عنيها دمعت وقالت بحب
أنت عملت كل ده علشاني!!
بصلها بحب ومسح دموعها بكف ايده
مش عاوز اشوفك بټعيطي تانى مفهوم
ضحكت وهزت رأسها بالموافقة فابتسم وشغل أغنية رجع الټفت وحاوط خصرها وبدأو يرقصو.
إيه رأيك فى المفاجأة ديه
حلو اووى يا تيم بس أنت لحقت تعمل كل ده أمتى
كنت مجهز لكل حاجة من قبل ما نوصل هنا.
طيب والشاليه الجميل ده.
ابتسم ولفها حوليه وقال بمرح
لا الشاليه الجميل ده بتاعي أنا وأنت.
وقالت بفرحة
يعني المكان الجميل ده ممكن نيجي فيه فى أى وقت
بالظبط كده.
ابتسمت وحطت رأسها على صدره
تعرف أنا بتمنى إيه
بعدها وشال نظارتها وقال بحب
قوليلي بتتمنى إيه وأنا اعملهولك.
مسكت فستانها ولفت حولين نفسها وهي بتضحك
نفسي نعيش حياة جميلة بدون مشاكل نجيب أطفال ونقدر نربيهم صح ونعمل عيلة لطيفة وهادية والمهم إنك تكمل معايا الباقي من عمري.
قرب وقال بحنان
اوعدك ده هيحصل ومش هسمح لأى مشاكل انها تأثر على علاقتنا.
بعد كام خطوة ومدلها إيده وكمل بمرح
ودلوقتي ممكن الأميرة تتفضل معايا علشان نتعشاء سوا.
ضحكت على طريقته وحطت إيدها فى إيده.
ابتسم وسحبلها الكرسي وطلب منها تقعد قعدت وهو قعد قصادها وفضلوا يحكوا فى أمور تخص حياتهم وسط عشاء رومانسى وضحك وهزار بينهم.
تانى يوم كانوا قاعدين فى مطعم جميل.
حبيبي أنا هروح الحمام دقيقة وهرجع.
↚
تمام يا حبيبتي متتاخريش.
ابتسمت وسابته ومشيت...مسك تليفونه وبدأ يلعب عليه.
تيم!
رفع رأسه وقال پصدمة
هنا !! أنت إيه إللى جابك هنا
ابتسمت وقالت بفرحة
مش مصدقة
إنى بعد السنين ديه شوفتك مرة تانيه.
عاوزه إيه يا هنا
اتنهدت وقالت بحزن
تسامحني ونرجع من تاني تيم أنا بحبك.
بصلها وابتسم بسخرية
نرجع!! وحب! أنت مقتنعة بالكلام إللى حضرتك بتقوليه !!
اه مقتنعة واووى تيم أنا بقالي سنين بدور عليك وما صدقت لقيتك.
هنا أنت عمرك ما حبتيني كان كل إللى بيهمك مصلحتك وبس علاقتنا ديه كانت علاقة حب من طرف واحد طرف عمل كل حاجة علشان يسعدك وأنت مع اول مشكلة رمتيه وروحتي لغيره!
تيم أنت مش فاهم حاجة!
بصلها پحده وقال پغضب
ومش عاوز افهم أى حاجة منك! أنت أكتر حد اذاني وكسرني ومستحيل اسامحك مهما حصل.
ابتسم وكمل ببرود ونظرة استهزاء
وريحى نفسك يا ست هنا أنا اتجوزت واتجوزت الإنسانة إللى عوضتني عن كل الخړاب إللى أنت عملتيه فى حياتي اتجوزت أكتر إنسانة حبيتها فى الدنيا وحبي ليها أضعاف حتى الحب إللى حبتهولك زمان ودلوقتي تقدري تمشي علشان مراتي هتيجي دلوقتي ومش عاوزها تشوفك هنا.
عنيها دمعت ومسكت إيده وقالت برجاء
طيب على الأقل اسمعني ولو لمرة.
كان هيتكلم بس لمح ريم واقفة قريب منهم وشايفاهم بعد إيد هنا وبصلها پخوف وهي
فضلت بتبصله بحزن اتنهدت وسابت الكافية وطلعت تيم زق هنا وطلع وراها وهو بينادي عليها
ريم ريم استنى.
هنا بصت لطيفه وعيطت بندم إنها ضيعته وقبلت تسمع كلام ابوها بأنها تسيبه.
تيم مسك إيد ريم ووقفها
أنا مش بنادى عليك.
لفت وشها الناحية التانية وقالت بضيق
سيبت الهانم ليه ما كنت فضلت شوية كمان.
اتنهد وقال بتعب
صدقيني أنا معرفش هى جتلي ازاى ولا أنا اصلا كنت حابب اتكلم معاها! صدقيني هي بالنسبالي ماضى سيئ وخلاص انتهاء.
بصتله وقالت بعصبية
ولما هو كده سايبها ماسكة إيدك ليه
ابتسم وحاول يكتم ضحكته على شكلها وخدودها إللى احمرت من الڠضب وقال
أنت بتغيري علي
اتنفست وقالت بغيرة واضحة
طبعا بغير عليك! ويا ويلك لو لمحتك واقف مع بنت تانية صدقني هتزعل مني اووي.
رفع حواحبه وكتم ضحكته
ده ټهديد
اعتبره زى ما تعتبره بقاا مش فارقة.
قالت جملتها وهي بتشوحله وتسيبه وتمشى.
ضحك ومسك إيدها
طيب خلاص متزعليش وحقك علي.
بصتله بطرف عين وقالت
هي البنت ديه كانت بتقولك إيه
حاوط رقبتها وقال بمرح
كلام فاضي زيها يلاه بينا نكمل الغداء فى الشاليه.
أنا بقول كده برضوا.
الإتنين ضحكوا ورجعوا الشاليه.
مر شهرين وهما عايشين بسعادة مع بعض.
تيم فتح الشقة ودخل استغرب أنه نور الشقة مقفول فتح النور وبص فى الساعة لقه الوقت متأخر اتنهد وقال بقلق
↚
معقولة مجتش لحد دلوقتي بس هي قالتلي انها راجعة البيت! معقولة أخدتها نومة!
حط مفاتيحه ودخل يدور عليها فتح باب الأوضة لقاها واقعة على الأرض ومغمى عليها.
قلبه اتقبض پخوف ووقعت منه الملفات قرب وقعد جنبها حط رأسها على رجله وقال پخوف
ريم ريم ردى عليا يا حبيبتي.
شالها وحطها على السرير حط إيده على جبينها لقاها سخنة قام وكلم دكتورة تيجي تطمن عليها قعد جنبها وبدأ
يعملها كمادات ويحاول يفوقها.
ربع ساعة والدكتورة وصلت ودخلت كشفت عليها.
تيم اتنهد قلقان ومرتبك اتنهد وقال پخوف
طمنيني يا دكتورة إيه إللى حصل.
ابتسمت وقالت بهدوء
متقلقش يا باشمهندس إللى حصل ده طبيعي جدا فى بداية شهور الحمل وأنا عطيتها دواء لدرجة حرارتها العالية وبإذن الله هتفوق بكرة الصبح.
تيم ضحك وقال بفرحة
هي حامل!!
الدكتورة ابتسمت على فرحته وهزت رأسها باه فابتسم وشكرها ووصلها لحد عربيتها ورجع قعد جنب ريم وباس جبينها وقام أخد شاور وطلع لقاها بدأت تفوق قرب وقعد جنبها وقال بقلق
حبيبتي طمنيني عليك أنت كويسة
اسندي ضهرك وبلاش حركة كتيرر.
أخدت نفس وقالت بتعب
إيه إللى حصل أنا مش فاكرة حاجة وحاسه نفسي دايخة اووى!!
ابتسم وقال بحب
متخفيش ده طبيعي اووي فى اول شهور الحمل.
حمل!!
طلعت وعنيها لمعت بفرحة
حمل! أنا أنا حامل أنت بتتكلم بجد
ابتسم وهز رأسه بتأكيد عنيها دمعت بفرحة كبيرة.
أنا فرحانة اووى يا تيم مش مصدقة إنه هيكون مامي! هو أنا هبقا ام كويسة يا تيم
باس جبينها وقال بحب
أنت هتبقي اجمل واحن ام
فى الدنيا.
شكرا لأنك موجود معايا.
قالت جملتها
يابني أهدا بقاا خيلتنا.
قلقان اووى يا نور خاېف عليها اووي.
متقلقش هتكون تمام والطفل كمان هييجي بالسلامة.
يارب يارب.
فضل يروح ويجي وهو قلقان وباقي العيلة قاعدة قلقانة وبتدعي لريم تقوم بالسلامة.
دقايق وسمعوا صوت صړاخ الطفلة والفرحة ملت المكان بس تيم كان لسع قلقان على ريم.
وبعد وقت كانوا قاعدين كلهم فى اوضة ريم وريم شايلة الطفلة ومبسوطة وتيم قاعد جنبها وحاضنها.
ها يا تيم أى رايك نسميها إيه
ابتسم وبص لوش الطفلة ورجع بص لوالدتها وقال بحب
هسميها فرحة لأنه والدتها كانت الأمل الجديد إللى نور حياتي وفرحة هتكون اول فرحتنا بيها.
ابتسمت ريم
تمت وأخيرا