رواية جميلة كما انا رعد وغزل كاملة جميع الفصول بقلم اماني سيد

رواية جميلة كما انا رعد وغزل كاملة جميع الفصول هى رواية من تأليف المؤلفة المميزة اماني سيد رواية جميلة كما انا رعد وغزل كاملة جميع الفصول صدرت لاول مرة على فيسبوك الشهير رواية جميلة كما انا رعد وغزل كاملة جميع الفصول حققت نجاحا كبيرا في موقع فيسبوك وايضا زاد البحث عنها في محرك البحث جوجل لذلك سنعرض لكم رواية جميلة كما انا رعد وغزل كاملة جميع الفصول

رواية جميلة كما انا رعد وغزل كاملة جميع الفصول

غزل : بنت فقيره ذات جمال داخلى تبلغ ٢١ عام عايشه مع والدتها عيونها خضراء لكن نظرها ضعيف وترتدى نضاره كبيره محجبه وجميله لكن بسبب ظروفها لايظهر جمالها 

رعد وشهاب او شهاب ورعد اخوات من الاب 

شهاب : يبلغ من العمر ٣٠ عام متزوج من ابنه مرات ابوه اسمها ايه وهى ايه  ولكن لم يرزق باطفال بعد

رعد : يبلغ من العمر ٢٨ عام يهتم بالشكل والمظهر يحب السفر والخروجات ولكن جاد بعمله لا يربط الشغل بالحياة الخاصه خاطب بنت رجل اعمال اسمها كيان بعد قصه حب 

صباح: مرات ابو شهاب ورعد سيده طيبه تزوجها والدهم بعد وفاه زوجته قامت بتربيه شهاب ورعد كامهم ولها ابنتان جنه وجنان لكن جنان ماتت في حادث 

ناديه : والده غزل سيده فقيره تحب ابنتها وزوجها المتوفى فهى تزوجت والد غزل بعد قصه حب ووالد غزل كان موظف حكومى وهى تنفق من معاش زوجها 

كيان  وجنه هنتعرف عليهم في الاحداث هما دول اهم الشخصيات 

ها عرفتوا مين البطل الرئيسى 

رعد _ شهاب

الفصل الاول

انا لست قبيحه 

تجلس سيده في منتصف العقد الخامس تدعو لابنتها واثناء دعائها تستيقظ بطلتنا 

غزل: صباح الفل يا ماما ما صحتنيش ليه

الام : صباح الخير يا حبيبتي معلش كنت عارفه انك هتصحي لوحدك ميعادك امتى في الانترفيو

غزل : المفروض الساعه 9:00

الام : طيب تمام لسه قدامك وقت كتير ادخلي اتوضي وصلي الفجر وانا هحضر لك الفطار

غزل: لا ريحي انت يا ماما انا هدخل اخد شاور واتوضا واصلي واحضر لك الفطار ارتاحى انتى ما تقوميش 

صح يا ماما انت اخدتي العلاج بتاعتك

الام : لسه يا بنتي هاخده دلوقتي اهو ما تقلقيش عليا

غزل : يا ماما بالله عليكى ما تنسيهوش تاني وكل ما تنسي او ما تاخدهوش عشان توفريلي تمن فلوسه افتكري ان ما ليش حد غيرك في الدنيا 

الام : ليه يا حبيبتي بتقولي كده ما انت عندك خلانك واعمامك

غزل : ماما ربنا يبارك لك مش عايزين ننكد على بعض على الصبح احنا مش هنضحك على بعض وعارفين اللي فيها بلاش السيره دي تاني واهم حاجه يا ماما في الدنيا افتكريها انك تاخذي العلاج وتحافظي على مواعيده صحتك اهم من اى حاجه حافظى عليها 

الام : حاضر يا حبيبتي حاضر هسمع الكلام وهاخده في مواعيده ومش هقصر فيه ثاني ويلا انتى الحقي خدي الشاور وصلي عشان نفطر عشان ما تتاخريش

غزل : راحت باست دماغ مامتها ودخلت اخذت الشاور وصلت فرضها وحضرت الفطار وفطرت مع مامتها 

الام : غزل يا حبيبتي ما تاخدي الفلوس من اللي احنا محوشينها دي وهاتيلك طقمين حلوين كده ولما تشتغلي باذن الله ابقي رجعيهم ثاني 

غزل لا يا ماما الفلوس دي هنزودها مش هناخد منها حاجه ابدا وانا بقدم فى الشغل بمؤهلاتي اللي انا حاصله عليها وامكانياتي العلميه والعمليه مش بجسمي وشكلي

الام : بس برده يا حبيبتي المظهر مهم وعلي عامل كبير يا غزل

غزل: سيبيني على راحتى يا ماما 

على الجانب الاخر ده في الفيلا فى كومباوند مشهور

شهاب : صباح الخير يا ماما وباس راسها

صباح : صباح الفل يا حبيبي امال فين جنه

شهاب: نازله ورايا وباشا مصر راح فين لسه نايم

صباح: لا يا حبيبي بعتله الشغاله عشان تصحيه لقيته صاحي

رعد : شوف دايما ظالمني ازاي انا جاهز من النجمه

جنه : وهي نازله صباح الخير جميعا وانت يا رعد اهدى شويه على شهاب بلاش تفضل تعصبه هو يهمه مصلحتك 

رعد : حاضر يا سياده المحاميه عقبال ما اتجوز انا كمان والاقي اللي يحاميلى كده

شهاب: انزل افطر يلا وبطل رغى هتاخرنا على الشغل المفروض ان احنا النهارده عندنا انترفيو للموظفين الجداد

رعد : انا جاهز اهو من بدرى وظابط نفسي ما تقلقش

شهاب: نعم 

رعد : انت دماغك راحت فين يا شيبو انا اقصد مجهز نفسي كويس عشان الاسئله اللي هسالها ليهم انا ليا نظره برده

بس بقول لك ايه اهم حاجه يكونوا حلوين مزز كده عشان المفروض ان دي السكرتيره الخاصه بسيادتك يعني في الداخله والخارجه هشوفها في وشي

جنه : رعد انت اتجننت اللي بتقوله ده عيب كده وبعدين يا شهاب ما تسمعش كلامه هو انت رايح تشتغل ولا تعلق يا رعد 

رعد : يا بنتي الوجه الحسن مهم برده يفتح نفس الواحد للشغل

جنه : شهاب اوعى تسمع كلامه

شهاب: مين قالك بس يا حبيبتي ان انا هسمع كلامه وانت يا رعد عارف طول ما في انترفيو بيتعمل مش عايز اشوف وشك خالص المكان اللي انا فيه

رعد : خلاص خلاص هاجي ومش هتدخل في حاجه هفضل قاعد ساكت

شهاب: يلا يا رعد وما اشوفكش في المكان اللي انا بعمل فيه انترفيو عشان لو شفتك هيبقى انت اللي جبته لنفسك وهكلم كيان اقول لها على كلامك 

رعد: خلاص خلاص يا سيدي هاجي ومش هدخل مكتبك اصلا 

شهاب .باس راس جنه مع السلامه يا حبيبتي عايزين حاجه اجيبهالكم وانا جاي محتاجين حاجه

جنه : سلامتك يا حبيبي وما تتاخرش عليا انا واثقه فيك الله يكون فى عونك يا كيان 

وصلوا الشركه وكانت السكرتيره القديمه لشهاب موجوده

هي حامل وهتمشي عشان هتاخد اجازه وضع 

شهاب: صباح الخير يا نجوى

نجوى : صباح الخير يا مستر شهاب

شهاب : بقولك يا نجوى الايميلات ابعتيها كلها لرعد هو هيراجعها ودخلي اللي هيعملوا الانترفيو واحده واحده وكفايه اللي بره وما تاخديش اي ابلكيشن تانيه من حد 

نجوى: تمام يا مستر شهاب

عند رعد اتصل بكيان خطيبته

رعد : صباح النور على البنور

كيان: صباح الفل عامل ايه

رعد : بخير يا حبيبتي انت عامله ايه وحشتيني قوي

كيان: انا كويسه الحمد لله

رعد: بقول لك ايه ما تيجي نخرج نتعشى سوا النهارده

كيان: تمام ما فيش مشكله طب ما تخليها غدا ونخرج بعد كده بدل ما نتعشى ونروح

رعد: اصل شهاب يا ستي النهارده بيعمل الانترفيو بنفسه وبيفضل يختبر اللي بيقدمه فبياخد وقت طويل وانا بقوم بكل الشغل لوحدي عشان كده مش هلحق اتغدى معاكي 

كيان: اه تمام طيب ما حضرتش معاه ليه

رعد : دي السكرتيره بتاعته وهو حر بقى وبعدين هو اللي هيقيم اللي يناسبه على حسب احتياجاته في الشغل

كيان: طيب تمام ايه رايك نتقابل على الساعه 6:00 حلو

رعد: حلو اوى يا حبيبتى مع السلامه

عند شهاب جه دور غزل

غزل دخلت المكتب وهى باصه فى الارض وشهاب كان قاعد مركز فى ملامحها 

شهاب : اتفضلي ومد ايده وغزل اديته الملف بتاعها

شهاب : ممممم واخده كورس الماني و كورسات في البرمجه وانجليزي حلو قوي بس كلهم مش معتمدين واخداهم كلهم اون لاين ممكن اعرف السبب 

غزل: انا الكورسات دي اخذتها في وقت الدراسه بتاعتي فكنت باخدها اون لاين عشان تتناسب مع مواعيدي وبرضه لما بكون في البيت بيكون اامن وغير كده بيكون عليها عروض فانا باخذ افضلهم اون لاين

شهاب : طيب تمام اتفضلى ترجمى الايميل ده 

غزل .قامت بترجمه الايميل بسهوله وبدون اخطاء 

شهاب: تمام يا انسه غزل اقدر اقولك مبروك اتقبلتي معانا في الشغل

غزل بفرحه : الله يبارك في حضرتك وشكرا جدا ليك

شهاب انتتظرى وقام باستدعاء نجوى : مدام نجوى انسه غزل اتقبلت معانا وهتبدا من اول بكره عايزك تفهميها الشغل عامل ازاي وانتى يا انسه غزل اتفضلي مع مدام نجوى 

بعد خروج غزل شهاب فتح ملفها وركز جدا في الصوره والملامح وقال فى سره

( سبحان الله نفس الملامح والروح ) 

واثناء سرحانه رعد دخل عليه المكتب

رعد : ايه يا شيبو خلاص اخترت السكرتيره انا كنت معدى وشايف شويه صورايخ 

شهاب باقتضاب : اه خلاص اخترت

رعد: اخد السى فى وبص على الصورة ايه ده 

شهاب : فى ايه

رعد : انا عايزه اعرف انت ازاي تقبل سكرتيره بالشكل ده

شهاب: مالها بقى السكرتيره دي ان شاء الله

رعد: انت بتسال ده شكل برضو من قله البنات اللي قدمت دا في بنات مقدمه ومؤهلاتها اعلى منها اشمعنا دي شهاب

شهاب: انت مالك بشكلها انت ليك شغلها ومؤهلاتها هي اللي احنا طالبينها

رعد : كورساتها كلها اون لاين وغير معتمده يعني ممكن تكون مضروبه

شهاب: وانا عملتلها تست بنفسي ونجحت يا رعد بامتياز

رعد: خلاص هاتها وحطها في اي مكتب ثاني وهات مكانها واحده ثانيه حلوه وواجهه ليك على الاقل

شهاب: هو انت فاكر نفسك في هبه رجل الغراب وعلى فكره هي حلوه بس هي اللي مش مهتميه بنفسها

رعد : هههههههههههه انت مشغلها عشانها عشان شبهها وواضح انك مركز فى الملامح 

شهاب : انت الكلام معاك صعب واعمل حسابك ان دي اللي اتقبلت وهتبدا كمان من بكره

رعد : ويا ترى اسمها ايه البرنسيسه اصل انا شفت الصوره قفلت ما بصيتش على الاسم

شهاب: اسمها غزا 

رعد : كمان طب ازاي غزل دي حد يتغزل فيها ازاي بس

شهاب : طيب يا رعد ويا ريت تبعد عنها وما اسمعش موضوع التشبيه ده في البيت نهائي

رعد : ماشي يا شهاب انا خارج مع كيان عايز حاجه

شهاب: سلملى عليها 

رعد لنفسه : ما ينفعش يا شهاب عشان ما نخسرش بعض ما ينفعش البنت دي تفضل موجوده

يا ترى غزل شبهه مين ؟ 🤔🤔🤔

يا ترى البطل شهاب ولا رعد ؟؟

↚

      عند كيان ورعد 

كيان: مالك يا رعد سرحان فى ايه 

رعد : بقولك يا كيان انا عايز نسرع شويه في موضوع الجواز ده

كيان: ايه اللي غير رايك كده

رعد: عادي انا شايف ان ملوش لازمه التاخير وكده كده هنتجوز فهناخر ليه الجواز

كيان: طيب كلم بابا وقول له بس انت لسه ما جهزتش المكان اللي هنتجوز فيه

رعد: الفيلا موجوده وانا ليا جناح كامل فيها من بكره لو تحبي نتكلم مع مهندس ديكور ويجي يغير لك اللي انتى عايزاه فيها

كيان: انت جاي ومرتب نفسك على كل حاجه

رعد : اصل شايف ان ما لوش لازمه اننا نتاخر اكثر من كده

كيان: انت عندك حق خلاص يا حبيبي كلم بابا وانا موافقه

           عند شهاب 

جنه : ايه يا حبيبي شكلك تعبان احضرلك العشا انا ما تعشيتش مستنياك نتعشى مع بعض 

شهاب: يا ريت يا حبيبتي احسن انا هموت من الجوع

جنه : اخترت السكرتيره الجديده

شهاب: هههههههههههه شايف ان كلام رد اثر عليكى اه يا حبيبتي اخترتها وبنت عاديه جدا

جنه : وانا واثقه فيك يا حبيبي بس فضول مش اكتر

  تانى يوم الصبح عند غزل 

غزل : صباح الخير يا ست الكل يلا عشان نفطر قبل ما انزل

ناديه: صباح الفل يا حبيبتي 

بقولك يا حبيبتي ممكن تنزلي تجيبيلك فستانين حلوين كده او طقمين تروحي بيهم الشغل وسط زمايلك  عليهم القيمه كده بدل القمصان والبناطيل اللى مش بتقلعيها دى

غزل : حاضر يا ماما لما اقبض 

ناديه : يا حبيبتي انا نفسي اشوفك زي البنات اللي في سنك ليه يا  غزل بتعملي في نفسك كده انتى حلوه يا حبيبتي اهتمي بنفسك شويه 

غزل : مش هنعيده تاني يا ماما ورغم كده قلتلك حاضر هنزل اجيب لبس بس لما اقبض 

ناديه: اسمعي بقى لو ما اخذتيش فلوس ونزلتي جبتيلك طقمين حلوين كده انا هعمل في علاجي وذنبي هيكون في رقبتك 

غزل : ايه اللي بتقوليه ده يا ماما بس ايه علاقه ده ب ده

ناديه: اديكى سمعتي انتى شغاله في شركه كبيره ولما مظهرك يبقى كويس تهتمي بنفسك  كويس عمرهم ما يستغنوا عنك  انا يا بنتي بحزن عليكى لما بشوفك كده اللي فات فات  بقى عيشي حياتك

غزل بقله حيله : حاضر يا ماما خلاص لما اجي النهارده هنزل اشتريلي طقمين

ناديه: وانا هنزل معاكي بنفسي عشان انقيهم

غزل : حاضر يا ماما اهم حاجه تلتزمي بالعلاج

     عند شهاب ورعد 

جنه : صباح الخير يا شيبو

شهاب: صباح الخير يا جنتي

جنه : بقولك يا حبيبي النهارده ميعاد الدكتوره هتيجي معايا

شهاب: اه طبعا يا حبيبتي معادها الساعه كام 

جنه : معادها الساعه 8:00 هتشوف نتيجه التحاليل وتقرر هنعمل ايه 

شهاب: تمام يلا نفطر دلوقتي وبالليل نروحلها سوا ومش عايزك تتوترى خالص كل شيء بتاع ربنا وانا راضي يا جنه

نزلوا سوا 

رعد : صباح الخير على عصافير الكناريا عقبالي كده

شهاب: جنه ما فيش اتنين زيها هي واحده بس

جنه: بيسه شهاب من خده تسلم يا حبيبي وانا كمان  عمري ما  هلاقي واحد زيك ابدا

رعد: انا فطرت خلاص هقوم بقى اروح الشركه عشان ما ابقاش عامل زي العزول كده

شهاب: استنى انا جاي معاك

وصل شهاب ورعد الشركه وكل واحد راح مكتبه شهاب دخل كانت نجوى بتعلم غزل الشغل بيمشي ازاي

نجوى: دلوقتي بقى يا غزل هتاخدي الايميلات اللي انتى طبعتيها دي وتدخليها لمستر شهاب جوه وتكتبي الملاحظات اللي هو عايزها  

غزل اخذت الايميلات ودخلت بيها عند شهاب

شهاب : تمام يا غزل هاتي الملفات انا هرجعها وابعتلك الرد عشات تترجميه وترجعي تبعتيه تاني

غزل : تمام عن اذن حضرتك

خرجت غزل من عند شهاب ولقت رعد قدامها

رعد بصلها بقرف  : انت بقى سكرتيره الجديده

غزل : اه انا 

رعد : بصلها من فوق لتحت ودخل مكتب شهاب

غزل لنجوى : هو ماله ده في ايه

نجوى: ما تاخديش في بالك ممكن يكون متضايق

غزل : ربنا يستر انا ما صدقت الاقي شغل زي ده

نجوى: ما تقلقيش يا حبيبتي انتى شغلك مع مستر شهاب وهو طيب ومستر رعد برده دمو خفيف وبيهزر بس مش عارفه ماله النهارده

رعد خرج من عند شهاب ووجه كلامه لغزل

انت يا بتاعه انتى  تجيبيلي نسخه من الايميلات عندي في المكتب دلوقتي 

غزل : اسمى غزل 

رعد : افندم انت هتعدلي لي عليا انت تنفذي اللي انا بقولهولك  من سكات 

غزل : من فضلك يا مستر رعد انا معدلتش عليك انا بعرفك اسمي وما تعدتش حدودي معاك بس حضرتك بتعملنى  باسلوب سيء جدا من ساعه ما شفتني 

رعد بينيه وبين نفسه انا لسه ما عملتش حاجه بس وجودك خطر ولازم تمشي

رعد : بقولك ايه انا ما بحبش الرغي الكتير ومين انتى عشان احطك في دماغي واعاملك وحش انت نفذي الكلام وانتى ساكته

غزل عينيها اتملت دموع وصعبت عليها نفسها وهو بصلها بقرف وقبل ما يمشي قال لها خمس دقائق والاقي الايميلات قدامي

دخل رعد مكتبه واتفاجئ بكيان قدامه

رعد : ايه ده معقول استاذه كيان في نفسها صاحيه بدري وجيالى 

كيان: شفت بقى بس انا مطبقه من امبارح لسه ما نمتش

رعد: طيب ممكن اعرف سبب الزياره الكريمه دي ايه

كيان: ابدا يا بيبي انا عارفه ان عينك زايغه فقلت اجي اشوف السكرتيره الجديده بنفسي

رعد: هههههههههههه بقى جايه عشان كده ماشي يا ستي زمانها جايه بالايميلات دلوقتي ما تشوفيش وحش

اثناء حديثهم دخلت غزل 

رعد: بقره حطي الايميلات وامشي

غزل: بصيتله وبصت لكيان وحطت الملفات وخرجت وهي خارجه سمعت كيان بتتريق عليها

كيان: مش مصدقه ان مشواري طلع اونطه انا كنت جايه خايفه عليك من دي

رعد : هههههه شفتي بقى مجيتك ملهاش لازمه ازاي انا ما اعرفش شهاب شغل واحده زي دي ازاي

غزل مشيت على مكتب شهاب وهي منهاره من العياط وكتبت استقالتها ودخلتها للشهاب 

شهاب : ايه ده وفى ايه مالك 

غزل استقالتى 

شهاب : ليه حد ضايقك

غزل : حكتله كل اللي حصل من رعد

شهاب : ما تزعليش يا غزل حقك عليا وقطعي الورقه دي وانا اوعدك اني هتصرف معاه وما فيش حد هيضايقك تاني ولازم تثقي في نفسك اكثر من كده وبعدين انت شغاله معايا مش معايا

هديت غزل وراحت على شغلها على وعد من شهاب انه هيتصرف

شهاب راح عند رعد وكانت كيان مشيت من عنده

شهاب : ليه يا رعد من امته بتستقوى على الاضعف منك

رعد: مش حابب وجودها شكلها مضايقني

شهاب : البنت غلبانه عشان خاطري ابعد عنها تجاهلها  خالص عايز حاجه اطلبها مني انا

رعد : حاضر يا شهاب هبعد عنها

عدى اليوم بدون احداث جديده

جنه : شهيب انا لبست يلا بقى عشان نلحق الدكتوره

شهاب : جنه قبل ما نروح للدكتوره عايزك تعرفي اني بحبك والموضوع ده مش هيغير احساسي ناحيتك ابدا

جنه : تمام يا حبيبي يلا بينا

           وصلوا عند الدكتورة

الدكتوره : اهلا اهلا يا مدام جنه اتفضلي عملتى التحاليل

جنه : اه يا دكتوره اتفضلي واتمنى يكون خير

الدكتوره: طيب تمام بصي يا جنه واضح كده اننا لازم نعمل العمليه وفي اقرب وقت فى مستشفى في المانيا حلوه قوي نسبه نجاح العمليه هناك هتكون مضمونه اكثر من هنا 

شهاب : تمام يا دكتوره المفروض نسافر امتى

الدكتوره: خلال الاسبوع ده لازم تكون عملتها عشان نقدر ناخد البويضه

شهاب : تمام يا دكتوره ابداي الاجراءات واحنا جاهزين

الدكتوره: تمام يا استاذ شهاب هبعت لهم وهحدد الميعاد معاهم وهبعتلك ونسافر ان شاء الله نعملها  وانا هسافر  معاكم

شهاب : تمام على خيره الله يلا بينا يا جنه

وهما في الطريق 

شهاب : جنه لما نروح عايزك تجهزي الشنط عشان نكون مستعدين للسفر في اي وقت

جنه : انا خايفه قوي يا شهاب

شهاب : ما تخافيش يا حبيبتي انا معاكي ولو لا قدر الله ما حصلش نصيب برضه هفضل معاكي وعمري ما هسيبك

وصلوا البيت لقوا رعد قاعد ومعاه كيان ومعاهم صباح 

شهاب: السلام عليكم ازيك يا كيان

الجميع وعليكم السلام

شهاب: رعد انا هسافر في اي وقت في خلال الاسبوع ده

رعد : ربنا معاك سافر وما تقلقش خير ان شاء الله

شهاب : بقولك يا رعد عايز بكره اقعد معاك عشان اضم الصفقات بتاعتي مع الصفقات بتاعتك عشان تمسكهم كلهم لحد مارجع 

رعد : ما تشيلش هم حاجه تروح وتيجي بالسلامه واهم حاجه نفرح بيكم

صباح: طب بقولكم ايه انا لازم اجي معاكم

شهاب:  حاضر يا ماما مسافر احنا الاول ونظبط المكان اللي هنقعد فيه وهبعتلك تجيلنا 

استاذنكم بقى هطلع انا وجنه نريح شويه ونجهز الشنط خدوا راحتكم البيت بيتك يا كيان طبعا عن اذنكم 

كيان: ولا يهمك يا شهاب تروحوا وتيجوا بالسلامه وإن شاء الله نسمع اخبار كويسه قريب 

    عند غزل وامها 

ناديه:كده برضو يا غزل ضحكتى عليا ومنزلناش 

غزل : معلش يا ماما انا كنت جايه تعبانه وكان عندى شغل كتير خلينا ناجلها للاجازه 

ناديه: ماشى يا غزل هستنى للاجازه . المهم انتى يا حبيبتي مبسوطه فى الشغل ده ولا حد بيضايقك 

غزل بتصنع الضحكه : اه يا ماما مبسوطه اوى وأستاذ شهاب محترم جدا 

ناديه: ربنا يجبلك اللى فيه الخير يا بنتى ويصلحلك الحال ويحبب فيكى خلقه قلبى وربى راضيين عنك 

تانى يوم الصبح

فى الشركة

شهاب دخل المكتب ومعاه رعد وغزل دخلت وراهم 

شهاب : غزل انا مسافر ومش عارف هاجى امته ورعد هيكون مكانى 

شهاب: رعد نجوى مشيت وغزل هتكون السكرتيره بتاعتك لحد  ما اجى من السفر 

اتمنى الشغل يمشى بشكل ممتاز زى مانا كنت موجود 

رعد : تسافر وترجع بالسلامه يا حبيبي

غزل وشها قلب وقالت : 

ياترا غزل هتعمل ايه هتوافق 

ها نجماتى عرفتوا مين البطل ولا لسه

↚

غزل وشها قلب . طيب حضرتك مسافر ورعد بيه هيمسك مكانك ممكن ينقل السكرتيره بتاعته معاه وانا اروح مكانها لحد ما حضرتك ترجع وارجع مكانى تانى اكيد هى واخده على طريقته في الشغل اكتر 

شهاب : للاسف ماينفعش لان فى حد هيمسك مكان رعد الفتره دى ولازم السكرتيره تفضل مكانها زى ماهى + انها مش بتعرف المانى وانتى بتعرفى المانى فرعد هيحجتاجك هنا 

ومتقلقيش محدش هيضايقك خالص سواء انا هنا او مش هنا

غزل : طيب تمام عن ازنكم اشوف شغلى 

شهاب : اتفضلى 

رعد : انا مش عارف هي بتتنك على ايه امال لو كانت حلوه شويه كانت هتعمل ايه

شهاب بصله بطرف عينه : هو انا بقولك حبها يا رعد او اتجوزها شيلها من دماغك اعتبرها راجل قدامك 

رعد : وانا هجطها فى دماغى ليه انا هعتبرها راجل فعلا هى اللى مفرقها عننا الحجاب 

شهاب : تمام يبقى سبها في حالها وخلى علاقتك بيها شغل بس 

رعد: شهاب هو انت بتحب جنه 

شهاب : انت شايف ايه 

رعد : انا بسالك بس 

شهاب : ريح نفسك يارعد انا بحب جنه وماحبتش حد ادها 

رعد : تمام وإن شاء الله تكون سفريه وشها حلو عليك 

شهاب: امين يارب

فى نص اليوم جنه اتصلت بشهاب 

شهاب : الو يا حبيبتي

جنه : بقولك يا حبيبي الدكتوره اتصلت بيا وقالتلى انها حجزت في المستشفى بعد بكره

شهاب: طيب تمام انا هحجزلنا اول رحله على المانيا ولو ملقتش حجز هحجز طياره خاصه متشليش هم حاجه خالص 

بقولك صحيح هتاخر انهارده فى الشغل عشان هراجع مع رعد كل الصفقات

جنه : تمام وانا هنزل اشترى لينا شويه حاجات هنحتاجها هناك 

شهاب : تمام يا قلبى مع السلامه

واتصل على رعد : رعد تعالى عايزك ضروى

رعد دخل المكتب على شهاب وحاولش يضايق غزل نهائى عشان شهاب يسافر وهو مطمن

شهاب : اقعد يا رعد عشان هراجع معاك كل الصفقات عشان مش هاجى من اول بكره 

رعد : حددتوا المعاد خلاص 

شهاب : اه بعد بكره وبكره هخلص اجراءات السفر 

رعد : تمام طيب سيبهم وانا هتعامل

شهاب : لا هراجعهم معاك عشان اسافر وانا مطمن على الشغل 

خلص شهاب ورعد كل الشغل وكانت غزل معاهم بتسجل ملاحظات رعد والوقت اتاخر بيهم

شهاب : الوقت اتاخر اوى اننى ساكنه فين يا غزل

غزل ساكنه في المقطم 

شهاب : طيب تعالى نوصلك فى سكتنا 

رعد بتتريقه : انت خايف على ايه دانت تخاف على الناس منها وهى دى منظر حد يبصله أصلا

شهاب : رعد انا قلت ايه 

رعد : خلاص خلاص يا شهاب انا بهزر يلا يا انسه غزل عشان نوصلك مش انسه برضو 

غزل : لا حضرتك  ممكن تمشوا وانا هتصرف 

رعد بنرفزه : جنان بطلى جنان هتمشى ازاى لوحدك دلوقتي في حته مقطوعة زى دى 

غزل : انا غزل ومش مجنونه وعادى هتصرف 

رعد اتضايق وسبهم ومشى من غير كلام 

شهاب: اتفضلي يا انسه غزل وهنزلك فى اقرب مكان تقدرى تركبى منه مايصحش اننا نسيبك لوحدك فى حته مقطوعة زى دى 

غزل : تمام يا مستر شهاب وانا هنزل فى اقرب موقف 

شهاب : تمام اتفضلى

نزل شهاب وغزل وملقاش رعد كان روح وسابهم وشهاب وصل غزل لاقرب مكان من بيتها 

وصل شهاب الفيلا 

شهاب: سلام عليكم

جنه وعليكم السلام

شهاب: هو رعد مجاش 

جنه : لأ لسه انتوا اتخانقتوا. ولا ايه 

شهاب بتنهيده لأ

جنه : امال ايه اللي حصل

شهاب حكلها كل حاجه من اول دخول غزل الشركة ومضايقات رعد ليها 

جنه : غريبه اوى اول مره اشوف رعد بيعامل حد كده 

طيب لو هى وحشه اوي كده ومش متقبل وجودها يتجاهلها ومايتعاملش معاها إنما كده حرام عليه بجد 

شهاب : انا بدات اشك انه شايفها وحشه اصلا لانه اتلغبط فى اسمها وناداها بجنان 

جنه : غريبه اوى طيب يتلغبط فى اسمها بجنان ليه 

شهاب : بتردد لاحظته جنه اصل فيها شبه من جنان اختك الله يرحمها 

جنه . بصتله باستغراب: شبهها ازاى مش انت بتقول وحشه وجنان كانت جميله كانت اجمل منى انا شخصياً وهو عكره ما كره جنان ولا زعلها ابدا انا اوقات كنت بشك انه بيحبها 

شهاب: مابقتش عارف بصراحه هو بيفكر فى ايه 

جنه : شهاب انا عايزه اشوفها 

شهاب : هى فرجه وهتستفادى ايه لما تشوفيها 

جنه : معلش يا شيبو عشان خاطرى عندى فضول اشوفها 

شهاب : خلاص لما نيجى بالسلامه ابقى شوفيها براحتك 

جنه : وافرض طفشها وانت مسافر 

شهاب : هو وعدنى انه هيسبها فحلها

جنه : مهو وعدك وبرضو ضايقها قبل ماتمشوا عشان خاطري بقى انا هشوف حجه اروح بيها وهما ١٠ دقايق بس مش هيعطلونا فى حاجة

شهاب .باستسلام : امرى لله يا ستى ١٠ دقايق بس

وصل رعد البيت متاخر كان الكل نام دخل مجهد واخد شاور واخد حبايه منوم ونام عشان مايفكرش فى حاجه 

عند غزل روحت البيت واتعشت مع مامتها واخدت شاور وفضلت تفكر في رعد وأنها مش هتسمحله يضايقها تانى وزى ما تيجى بقى يا هيبطل يضايقها يا هتسيبله الشركه وتمشى وتشوف شركة تانيه وابتدا كلام مامتها انها تهتم بنفسها ياثر عليها وتقتنع بيه 

تانى يوم الصبح صحى رعد ولبس ونزل يفطر معاهم وراح الشركة ودخل على مكتب شهاب بدون اى كلام مع غزل و غزل جهزت الميلات زى ماتعودت وخبطت الباب ودخلت زى ما كانت متعوده مع شهاب 

رعد : هو انا قلتلك تدخلى 

غزل :  انا خبطت على فكره قبل مادخل 

رعد : وانا مسمحتش ليكى انك تدخلى 

غزل : مستر شهاب كان بيسمحلنا نخبط وندخل على طول وبعدين أنا جايبه الميلات وداخله المكتب مش غرفه حضرتك والايملات دى مهمه ولازم تشوفها ضرورى عشان ابعت الرد 

رعد: سبيهم انا هراجعهم وعايز فنجان قهوه ساده

↚

غزل : الفراش اجازه انهارده

رعد : اتصرفى اعمليها انتى 

غزل : اولا مش شغلتى انى اعمل قهوه 

ثانيا : انا مبعرفش اعمل قهوه 

رعد : اتصرفى هموت من الصداع محتاج فنجان قهوه ضرورى

غزل : طالما محتاجلى يبقى تكلمنى باسلوب احسن من كده طوال الفترة اللى هنشتغلها مع بعض

رعد : حاضر يا انسه غزل ممكن بعد إذن حضرتك لو مكنتش هتعب سيادتك تعمليلى فنجان قهوه ساده 

غزل : تمام يا فندم انا هتصرف 

راحت غزل البوفيه وفتحت اليوتيوب وجابت طريقه عمل القهوه وعملتها ودخلتها لرعد وحطتهاله على المكتب ومعاها برشام مسكن وهى خارجه من عنده قابلت جنه فى وشها 

جنه : صباح الخير انتى انسه غزل

غزل : صباح النور اه انا اتفضلي مين حضرتك

جنه : انا جنه مرات شهاب . شهاب كان ناسى الجاكت بتاعه هنا وفيه ورق مهم كنت محتاجاه عشان السفر 

غزل : اعلا اهلا بحضرتك طيب تحبى تشربى حاجه على منلاقى الجاكيت

جنه : لا حبيبتي تسلمي

غزل : طيب مستر رعد جوه تحبى تبلغه

جنه : بلغيه وانا هدخله 

جنه : ازيك ياورعد 

رعد: ازيك يا جنه هو فعلا شهاب باعتك عشان الجاكيت

جنه : اه عنده مشاوير كتير بيخلصها وطلب منى اجبهوله 

بس واضح انه مش هنا انت عارف الجاكيت ده عزيز عليه ازاى وبيتفائل بيه 

رعد: مش ده كان هديه من جنان الله يرحمها

جنه : اه ده كان اخر هديه من جنان وانت عارف هو كان بيحبها اد ايه 

رعد : بصدمه: وانتى عادى عندك كده ومش زعلانه 

جنه : اه طبعا عادى شهاب طول عمره بيحب جنه على اساس اخته الصغيره ودايما كان متعاطف معاها 

رعد : اه منا عارف. قصدى انتى عمرك ما فكرتى تغيرى منها عشان كانوا قريبين من بعض وكده 

جنه : بالعكس جنان كانت محتاجه اخ لانها كانت حساسه ومكنتش بتاخد على حد بسهوله وكانت بتخاف من الناس وانا فرحت لما شهاب قرب منها وقدر يخرجها من القوقعه بتاعهتا وخلاها تاخد عليه بسرعه وهى كانت بتحبه اوى الله يرحمها 

رعد : الله يرحمها عندك حق 

جنه : المهم انا همشى عشان عندى حاجات مهمه اد كده ومحتاجه اعملها قبل ما اسافر

رعد : طيب تحبى اوصلك 

جنه : لا شكرا معايا السواق بالعربية

رعد: تمام. لو احتاجتوا اى حاجه كلمينى على طول

جنه : حاضر مع السلامه

وهى خارجه عدت على غزل 

جنه : مبسوطه معانا في الشغل 

غزل: اه الحمد لله واستاذ شهاب محترم جدا وبحترم موظفينه 

جنه : طيب ورعد 

غزل سكتت وماتكلمتش وده خلى جنه تضحك عليها 

جنه : بصى يا غزل ايه رايك نبقى صحاب انا معنديش صحاب كتير او معنديش اصلا 

غزل : ده شئ يشرفني طبعا

جنه : وبما اننا بقينا اصدقاء فعايزه اقولك رعد من الناس اللى بتسوق فيها لما حد بيسكتله وهو مش هيقدر يمشيكى من هنا عشان خاطر شهاب وغمزتلها 😉😉😂

غزل ضحكتلها وفهمت تقصد ايه وقالتلها حاضر وفهمت انها ماشيه صح وانها مش هتسكتله واكبر دليل اللى حصل الصبح 

جنه : ضحكتك حلوه اوي اوي يا غزل واسمك جميل وباقل مجهود هتبقى احلى بنت 

غزل : فرحت اوى بكلام جنه واداها ثقه زياده في نفسها 

عدى اليوم من غير ما رعد يضايق غزل وبيطلب الحاجه بأدب وفى اخر اليوم جت كيان لرعد  عشان تاخدوا ويخرجوا 

كيان: انتى يا بتاعه انتى 

غزل بصتلها من فوق لتحت ومردتش 

كيان : انتى مش سمعانى يا بتاعه انتى 

غزل : اولا انا اسمى انسه غزل لما تحبى تكلميني

ولما تبقى تكلمينى كويس ابقى ارد عليكى 

كيان: انتى ازاى تكلمينى كده انتى مش عارفه انا مين انا خطيبه رعد 

غزل : ايا كان مين تكونى ده مايدكيش مبرر انك تحاولى تهينينى او تكلمينى كده 

كيان: تصدقى انك واحده قليله ادب يعنى وحشه وبيئه وبومه وكمان مش متربيه 

غزل بنرفزه : لا انا محترمه جدا واهلى عرفزا يربونى عشان كان عندهم وقت يربونى لكن واضح انك انتى اللى مكنش حد فاضى عشان يربيكى ويعلمك تتكلمى مع الناس ازاى 

خرج رعد بسبب صوتهم العالى 

رعد : ايه ده فى ايه وصوتكوا عالى ليه كده 

كيان جريت على رعد : تعالى شوف البومه دى بتقولى ايه بقى انا مش محترمه ومكنش حد فاضى يربينى 

رعد اتصدم وبص بصدمه لغزل مكنش متخيل ابدا انها بالجرأة دى 

يا ترا رعد هيعمل ايه ؟

ها عرفتوا مين البطل ؟ 

عرفتوا غزل بقى تبقى شبهه مين ويا ترا ايه السر ورا كره رعد لغزل 

يلا يا نجماتى عايزه اسمع تخميناتكم

↚

غزل: وانا مش بومه يا بلياتشو

كيان: سمعت بودانك يا رعد البت دي بتقول ايه انت لازم ترفدها

رعد: غزل عيب اللي بتقوليه ده لازم تعتذري من كيان

غزل: لا مش هعتذر هي اللي غلطت فيا الاول وهي اللي لازم تعتذر

كيان: انا ما غلطتش فيها وبعدين عايزاني انا اعتزرلك انتى 

غزل: انتى كدابه انتى داخله تقوليلى يا بتاعه انتى وانا قلت لك انا ليا اسم

رعد: خلاص خلاص انتوا الاتنين وانتى يا كيان اتفضلي معايا على المكتب وانتى يا انسه غزل اتفضلي كملي شغل

كيان: بعد ما دخلت المكتب انت هتسكت لها بعد اللي عملته معايا

رعد: للاسف مش هقدر اعمل لها حاجه لان شهاب مش هنا وشهاب سايبها معايا امانه زي الشركه

كيان: بس انت ماسك مكان شهاب  دلوقتي وممكن تمشيها

رعد: لا لاني وعدت شهاب ما اعملهاش حاجه انا عايز اقولك اني حاولت كثير اطفشها لكن ما عرفتش وشهاب دايما واقف فى صفها وبيدافع عنها لانه شايفها واحده غلبانه ومحتاجه شغل 

كيان: وهي بعد كل اللي قالته ده غلبانه امال لو مش غلبانه كانت عملت ايه كانت جابتني من شعري ومسحت بيا الشركه بقى

رعد: انا ما تخيلتش لحظه ان هي ممكن تعمل كده انا كنت فاكرها غلبانه وهاديه لكن واضح انى حسبتها غلط قالها بسرحان 

كيان: طيب مش هتيجي معايا عشان نتغدى سوا

رعد: معلش يا حبيبتي عندي شغل كثير محتاج اخلصه لان شهاب زي ما انتىح عارفه سايب لي كل حاجه على دماغي

كيان: تمام يا حبيبي هستناك تكلمني عشان نخرج سوا صحيح كلمت مهندس الديكور ولا لسه

رعد: لا لسه لو في حد تعرفيه وشغله حلو كلميه وانا ما عنديش مشكله

كيان: تمام يا حبيبي يلا باي

سرح رعد موقف بينو وبين جنان لما كانت لسه جايه الفيلا جديد هي واختها وهو ما كانش بيحبهم ساعتها وكان خايف باباه يحبهم اكثر منه هو واخوه

رعد بزعيق : انت يا بنت انتى بتعملي ايه هنا

جنان بخوف : بلعب بالمرجيحه

رعد : وانت استاذنتي من مين عشان تلعبي بيها

جنان: بعياط قلت لابيه وهو قالي العبي براحتك وكانت بتتكلم بخوف وعياط 

رعد: بقول لك ايه يا بنت انتى ما تجيش هنا تاني وما تلعبيش في حاجه مش بتاعتك انتى سامعاني

جنان: فضلت ساكته وعماله تعيط ومش عارفه ترد عليه لحد ما جه شهاب

شهاب: بحنيه ايه ده في ايه بتعيطي ليه يا جنان وراح حاضنها وطبطب عليها وهنا رعد اتحرق دمه

رعد : سيبها ما تحضنهاش تاني دي جايه تاخد بابانا مننا زي ما امها عملت

شهاب: طيب يا جميل روحي اوضتك دلوقتي وما تعيطيش انا موجود

جنان: حاضر يا ابيه وسابتهم ومشيت

شهاب : عيب يا راضي الكلام ده المفروض انك راجل وكبير يعني انت اللي تدافع عنها وبعدين يا رعد بابا احنا بنكون ولاده من دمه يعني مهما حب حد او قرب من حد هنفضل احنا اغلى الناس عنده ده اولا 

ثانيا. هو متجوزهاش  وماما عايشه ما تنساش ان ماما كانت مريضه وماتت بسبب المرض وهو ما سابهاش لحظه بلاش تبقى اناني يا رعد وسيب بابا يفرح من حقه يعيش مع واحده تفهمه خصوصا انه لسه صغير وبعدين يا رعد انت اخويا وانا بحبك اكثر من اي حد في العالم انت مش لوحدك واوعى تفكر كده طول ما انا عايش

رعد حضن شهاب ومن ساعتها بطل يضايقهم بس واخد موقف منهم ومش بيتعامل معاهم ولا مقرب منهم زي شهاب

لحد ما جه يوم ورعد تعب وسخن جدا وباباه ساب الشغل ووداه المستشفى وشاف صباح ازاي اهتمت بيه وسهرت بالليل معاه عشان تعمل له كمادات واهتمت بيه وباكله لحد ما بقى كويس وكانت جنه كل شويه تدخل تنكشه لكن جنان فضلت واخده جنب منه وخايفه منه وفاق من سرحانه على خبط الباب

غزل : مستر رعد انا شغلي خلص خلاص النهارده وده ميعاد المرواح حضرتك محتاج حاجه قبل ما امشي

رعد: لا تقدري تمشي

راجل نفسه واضح ان التاريخ بيعيد نفسه اه الملامح متقاربه جدا من بعض بس الطباعه مختلفه ورجع بضهره على الكرسي وغمض عينيه

      عند شهاب وجنه

شهاب : برده نفذتى اللي في دماغك ورحتيى 

جنه : اه يا شهاب وشفتها وفعلا فيها شبه كبير من جنان في الشكل بس واضح ان الطباع مختلفه كثير

شهاب: ما اقدرش احكم عليها في حاجه زي دي لاني ما تعاملتش معاها بالشكل الكافي اللي يخليني احكم بده بس انا مستغرب من الشبه الكبير اللي بينهم ده انتى اللى اختها مش شكلها كده هههههههههههه

جنه : عندك حق المهم يلا ننام بدري عشان نلحق نرتاح ومنتاخرش على الطياره

عند غزل 

ناديه: اتاخرتي ليه يا غزل

غزل: عديت على دكتور العيون

ناديه: ليه يا حبيبتي عينك مالها

غزل: لا يا ماما انا هشيل النضاره واحط مكانها

ناديه: برافو عليكى يا غزل والله فكره حلوه قوي بس اعمليها نفس لون عينك 

غزل : هعملها شفافه يا حبيبتي انا بس النضاره بقت بتضايقني في الشغل

ناديه: وهتجيبيها امتى

غزل : كمان يومين كده

تاني يوم الصبح في الشركه

غزل : جهزت  الملفات واللي محتاج ترجمه ترجمته ودخلت اتفضل دي الايميلات بتاعه النهارده ودي اللى  ترجمتها

رعد : تمام حطيهم وانا هراجعهم. الفراش رجع ولا لسه

غزل : اه موجود 

رعد: طيب لو سمحت خليه يعمل لي فنجان قهوه ساده ودخليه هنا بنفسك لو سمحت

غزل : تمام يا فندم

رعد كان بيراجع الملفات وغزل دخلت عليه بفنجان القهوه وجت عشان تروح مكتبها لكن رعد وقفها استني يا غزل لو سمحت

غزل : افندم يا استاذ رعد

رعد: انت رجعتى المواعيد دي

غزل : اه رجعتها يا فندم

رعد: طب الجدول النهارده المفروض في معادين ميعاد مع شركه هنا هتاخد الحاجه اللي احنا هنستوردها وفي نفس الوقت في ميعاد ثاني مع الشركه الالمانيه عشان نتمم معاهم الصفقه تقدري تحليها معايا دي

غزل: قبل ما ادخل لحضرتك بالقهوه كلمت الشركه الالمانيه واجلت معاهم الميعاد كمان يومين

رعد: طيب ممتاز عملتيها ازاي دي

غزل: وضحت لهم ان حضرتك اللي هتتمم الصفقه وحجزتلهم في فندق يقضوا في يومين بحجه انهم  يرتاحوا من السفر

رعد: ممتاز يا جنان 

غزل : غزل يا فندم

رعد : تمام يا غزل تقدري تمشي دلوقتي وانا كده كده ماشي عشان هروح الميعاد مع الشركه اللي هنا

عند غزل ومامتها 

ناديه: بقول لك ايه بكره اجازه تعالي يلا ننزل نتغدى بره وبالمره نشتريك شويه حاجات كده بتاعه بنات

غزل : انتى ناويه نصرف  الفلوس كلها ولا ايه هنصرف اه بس بحدود

ناديه: هو انت ليه محسساني انك انتى اللي امي مش انا اللي امك وعموما انا كده كده عامله لك مفاجاه

غزل : طب يلا فرحيني وقوليلي المفاجاه الاول

ناديه: من سنه ونص كده كنت داخله جمعيه ب 500 جنيه على 20 شهر وقبضتها الاسبوع اللي فات 10000 جنيه هنشيل منهم 5000 ونصرف  في ال 5000 ايه رايك بقى

غزل: ايوه كده هي دي الاخبار اللي تفتح النفس اذا كان كده بقى احنا هنتدلع تحبى ناكل فين 

ناديه: تعالي ننزل ونتفسح ونتفرج على المحلات والمطاعم كده والاكل اللي نفسنا فيه ندخل ناكله على طول ايه رايك 

غزل : ايوه بقى يلا بينا

نزلت غزل مع مامتها واشترت ثلاث بناطيل كلاسيك وعليهم ثلاث بليزرات عشان الشغل وطرح اشكالها حلوه واشترت جزمتين وكوتشين وفستانين وراحوا الكوافير واهتموا بنفسهم واشترت عبايه وصندل لمامتها وشويه كريمات وماسكات وبعدين روحوا على البيت

( الناس اللي هتقول لي كل ده من 5000 جنيه هقول لك اه المناطق الشعبيه تجيب اكثر من كده بالخمسه كمان) 

غزل : بس بقول لك ايه جامده العبايه اللي انت جبتيها دي يا نودي

ناديه: ما كانش له  لزوم العبايه انا كده كده مش بخرج انتى كنت اولى تجيبي لك بفلوسها حاجه

غزل : لا يا ماما كان لازم تجددي برده عشان الفرحه تكمل

ناديه: انا كده كده يا حبيبتي فرحتي كامله بيكي

بقول لك بقى كل شهر ننزل نخرجلنا خروجه حلوه كده ايه رايك 

غزل : ونجيبلنا منين كل شهر 5000 جنيه عشان نبعزئهم كده  

ناديه: لا يا حبيبتي ما احنا مش هنشتري الحاجه دي كلها يعني شهر هتجبيلك  بنطلون شهر هتشتري فستان كده كل شهر حاجه عشان ماتهمليش فى نفسك كده تانى وانا هاخد نص المرتب ادخل بيه جمعيات عشان جهازك يا حبيبتي 

غزل : حلوه الافكار بتاعتك دي النهارده يا نودي خلاص انا موافقه يا ستي طول ما انت بتاخدي علاجك انا موافقه على اي حاجه هتقوليها اه صحيح الدكتور كلمني انهارده وهروح بكره استلم العدسات 

تاني يوم غزل راحت استلمت العدسات ولبستها وعنيها اخذت عليها بسرعه وعدى اليومين الاجازه ونزلت غزل الشغل

مع بدايه اليوم غزل لبست بنطلون اسود وبيزك اسود وبليزر اصفر وغيرت لفه الطرحه وحطت كحل بسيط معاه مسكره وزبده كاكاو وراحت الشغل

اول ما دخلت جهزت الايميلات زي ما هي متعوده وجهزت ملف الصفقه الالماني اللي رعد هيتممه النهارده

رعد جه ودخل على مكتبه زي العاده من غير ما يبص عليها وبعدها غزل دخلتله  الملفات والايميلات زى ما بتعمل كل يوم 

رعد رفع عينه واتصدم 

رعد : ..........

↚

رعد بصلها بصدمه . جنات 

غزل : افندم هو ايه اللي جنان 

رعد : فاق لنفسه لا متاخديش فى بالك

غزل : باكد عليك معاد الوفد الالمانى انهارده هيتعمل فى فندق (....) 

رعد : طيب اقعدى عشان نراجع البنود والشروط

غزل : تمام انا جاهزه يلا نبدأ

رعد وغزل رجعوا كل البنود والشروط رعد كان كل شويه يبص لغزل ويركز في ملامحها

رعد: بقول لك ايه يا غزل النهارده هتحضري معايا الاجتماع بتاع الوقت الالماني

غزل : تمام وانا عامله حسابي عشان عارفه ان حضرتك ما بتعرفش تتكلم الماني واكيد هتحتاجني في الاجتماع طبعا

رعد: يعني انت عامله اللوك ده بقى عشان الاجتماع الوقت

غزل: لا طبعا التغيير ده عشان نفسي

رعد : يعني ايه 

غزل : يعني حاجه شخصيه هي اللي خلتني اعمل كده حاجه في نفس يعقوب

رعد: طيب يا غاليه شوفي هانم يلا بينا عشان نلحق

غزل: تمام يلا بينا

خرج رعد وركب العربيه وغزل ركبت  جنبه وراحوا الفندق وغزل كانت بتترجم الالماني بطلاقه والالمان كانوا معجبين بمستوى تركيزها والمامها بكل البنود  ورعد كان معجب جدا بطلاقتها في الترجمه واسلوبها في الكلام وما كانش شايف وقتها ملامح جنان رعد وقتها اكتشف ان في خلاف كبير جدا ما بين غزل وجنان

غزل رغم فقرها لكن معتزه بنفسها جدا وجريئه جدا وبتقدر تاخد حقها عنيها بلون البحر صافي فيروزى ووقت الغضب بتبقى زي الموج في شهر ديسمبر

لكن جنان كانت جميله كانت زي البسكوته الهشه اقل كلمه بتدوبها وتخليها تعيط ما كانتش بتقدر تدافع عن نفسها او تاخذ حقها عيونها كانت خضراء اه في ملامح مشتركه بس شتان ما بين الشخصيتين شبه الميه والنار غزل زي النار لكن جنان شبه الميه العذبه

انتهى الاجتماع و تتموا  الصفقه وهما خارجين الالمان ابدوا  اعجابهم بغزل وطريقتها في اداره الحوار ومستوى اللغتين عندها 

واستعد رعد وغزل للخروج مع بعض بعد انتهاء الاجتماع

رعد: ما كنتش متخيل انك متمكنه للدرجه دي فى الالماني

غزل : اي خدمه 

وبعدين وهم خارجين يتفاجئوا بكيان قاعده مع شخص غريب

غزل : مستر رعد مش اللي قاعده هناك دي كيان خطيبتك

رعد : فين دي

غزل : عند الترابيزه القريبه من البار

رعد : اه تمام شفتها بقولك ايه يا غزل خدي المفتاح ده واستنيني في العربيه

غزل : لا شكرا احنا لسه بالنهار وانا سهل ان الاقي مواصلات واقدر اروح لوحدي

رعد: غزل اسمعي الكلام وغير كده انا عايزك في حاجه مهمه

غزل : طيب تمام واخذت المفتاح من رعد وراحت قعدت في العربيه وانتظرته

راح رعد مكان ما كيان قاعده مع الشاب و كيان شافته وهو مقرب منها ووقفت كلام مع الشاب ده ورعد ما سمعش حاجه وقرب منها 

رعد : ازيك يا كيان مش تعرفينا 

كيان: ده كان صاحبي يا رعد من ايام الكليه

رعد: طيب مش هتعرفي عليا

كيان: ماجد دا رعد خطيبي وده ماجد يا رعد  صاحبي من ايام  الكليه 

رعد : صاحبك. مممممم تمام وابوكى عارف ان حضرتك خارجه مع صاحبك

ماجد: يا رعد ما تكبرش الموضوع احنا اصحاب من زمان ومش اول مره نخرج مع بعض

كيان: وغير كده يا رعد ما حدش سالني على حاجه

رعد : طيب ما اتصلتيش بيا ليه تعرفيني انك خارجه

كيان: عادي يا رعد نسيت يعني مش مشكله

رعد: طيب تمام كملي قعدتك براحتك خالص انا ماشي

وسابها رعد ومشي بدون اي كلام تاني

غزل بصيت له باستغراب لانه مش باين عليه اي زعل فخمنت ان اللي ممكن يكون قاعد معاها ده اخوها او قريبها ورعد عارفه

غزل : حضرتك قلتلي انك عايزني في حاجه مهمه

رعد : كنت عايز اوصلك

غزل : ليه ده انا اخوف بلد والناس تخاف تقرب مني

رعد : هههههههههههه 🤣🤣🤣🤣🤣🤣 من عشان خايف على الناس منك قررت اوصلك حفاظا على حالات الزعر 

غزل : بصتله بطرق عنيها بصه بقرف وقالتله دمك مش خفيف

رعد : ضحك اكتر 😂😂😂 تعرفي ان انت الوحيده اللي قلتي عليا كده

غزل : طبعا دنجوان كليه تجاره هيبقى دمه تقيل 😒😒😏😏😏 دى حتى تبقى عيبه  في حقك

رعد : ايه ده انت طلعتي معرفه قديمه بقى

غزل: ومين ما يعرفش رعد بيه دنجوان كليه التجاره اللي كان خاربها وكان بياخد السنه في اثنين

كنت انا ساعتها في سنه اولى وانت في سنه رابعه

انا تخرجت فعلا وانا عندي 24 سنه

ما انا قابلتك اول يوم ليه في الكليه وانت كلمتني ساعتها

رعد : اشك لان انتى بالذات لو شفتك مره مستحيل انساكى

غزل: لا شفتني وكلمتني كمان

رعد : انا . طيب فكرينى 

غزل : كان اول يوم في الكليه وكنتم عاملين حفله وجايبين فوم اللى بترش والوان وعمالين ترشوا وانا ساعتها كنت معديه وكنت انت بتهزر مع اصحابك ورشيته عليا فوم والوان وانا ساعتها وقفت وزعقتلكم لان نظارتي وقعت على الارض وانا مش بشوف من غيرها وقتها حد من صحابك الولاد جاب لي النظاره وكان هيديها لي بس انت اخذتها منه ولبستهالي ساعتها  انا اتنرفزت اكتر و مشيت بعد ما اخذت النضاره

رعد : هو انتى البنت دي تعرفي ان انا قلبت عليكى الدنيا

غزل : شفت بقى الدنيا صغيره ازاي بس قلبت عليا الدنيا ليه ساعتها

رعد : ساعتها اخذت منه النظاره ولبستهالك انا بس انا دورت عليكى في الكليه وما قدرتش اوصلك عشان كنت عايز اعتذرلك

غزل : طيب اعتذر بجمله الحاجات اللى المفروض تعتذر مني فيها انا كده ليا عندك اعتذرات كثير

رعد وقف العربيه مره واحده وغزل سافت لا يرجع يتخانق معاها تانى

رعد: انا اسف يا غزل اسف على كل مره ضايقتك فيها بقصد او من غير قصد

غزل : اتصدمت وسكتت ما بقتش عارفه ترد ورعد كمل 

ووعد من يا غزل انى مش هضايقك تانى ولا هسمح لحد انه يضايقك 

غزل : تمام انا موافقه انا فى الاول والاخر انا مش جايه عشان اتخانق او اعمل مشاكل انا جايه عشان اشتغل

رعد: تمام يبقى اتفقنا تعالي بقى اعزمك على كوبايه قهوه فى on the run بمناسبه الصلح وكمان احط بنزين ومش هقبل اعتراض

غزل: تمام موافقه وبالمره اهي غرامه ليك 

عند شهاب وهنا 

جنه عملت العمليه وكانت الاوضه وابتدت تفوق

شهاب : جنه حبيبتي الف سلامه 

جنه : الله يسلمك يا حبيبي طمني الدكتوره قالتلك ايه

شهاب : العمليه الحمد لله نجحت بس لازم تفضلي نايمه اول اربع شهور  على ظهرك لحد ما الحمل يثبت

جنه : كثير قوي يا شهاب

شهاب: معلش يا حبيبتي استحملي عشان حلمنا قرب يتحقق وانا هبعت اجيب مامتك تقعد معانا وتطمن عليكى ونسليكي احنا الاثنين

جنه : على كده بقى احنا هنطول هنا

شهاب : اهم حاجه انت والاطفال وانا هكلم رعد وابااشر معاه الشغل من عن طريق التليفون

وعلى فكره يا حبيبتي الدكتوره حقنتلك طفلين عشان لو واحد نزل يبقى الثاني موجود

جنه: طيب الحمد لله يا رب يا رب يتم على خير ورعد عامل ايه مع غزل

شهاب: مش هتصدقي بيشكر فيها

جنه: هههههههههههه مش سهله غزل برده 😂😂

عند رعد بعد ما وصل غزل اقرب مكان عشان تقدر تروح منه لانها عايشه في منطقه شعبيه وما يقدرش يدخلها جوه وصلها وبعد كده روح على الفيلا واتصل بجمال والد كيان

جمال : الو ازيك يا رعد يا حبيبي عامل ايه

رعد: انا بخير الحمد لله يا جمال بيه انت عامل ايه

جمال: بخير الحمدلله

رعد : بقولك ايه يا جمال بيه كل شيء قسمه ونصيب

جمال : يعني ايه هو لعب عيال وبعدين مش انتم الاثنين كنتوا واخدين بعض عن حب ايه اللي حصل

رعد : لان واضح ان انا مش مالي عين بنتك عشان لو انا مالي عينها ما كانتش خرجت مع صاحبها اول ما انشغلت عنها يومين راحت دورت على حد تاني يعوض مكاني ويخرجها

جمال : ايه الكلام اللي بتقوله ده يا رعد عيب كده

رعد : عندك بنتك لما تيجي اسالها كانت فين وبالنسبه للهدايا انا مش عايز حاجه خليهلها مع السلامه

وقلع دبلته ورماها في الدرج

وقعد يفتكر ووقفه مع جنان 

Flash back

رعد : جنان

جنان : نعم 

رعد: لسه زعلانه منى 

جنان بتوتر : لا ابدا انا مش زعلانه ابيه شهاب وضحلى كل حاجه

رعد : طيب اتفضل 

جنان: ايه ده 

رعد : خدى البوكس ده وافتحيه في اوضتك وكليه براحتك 

جنان : اخدت البوكس بكسوف وطلعت غرفتها

فتحت البوكس و فرحت قوي من  اللي جواه ولقت بوكس مليان شيكولاتات من كل الانواع حطت الشيكولاتات في التلاجه الصغيره اللي في غرفتها وفضلت محتفظه بالبوكس ومن ساعتها كل ما تشوف رعد تبتسمله  

فى يوم رغد كان قاعد بيفطر ونزلت جنه ترخم عليه 

جنه : ايه يا رعد بيه  حن على الناس الغلابه بعد اذنك 

رعد : بضحك وهو فاهم قصدها عايزه ايه يعنى 

جنه : عايزه بوكس زي اللي جبته لجنان

رعد : ليه 

جنه : اشمعنى هى وانا لأ انا كده هغير 

رعد : خلاص تعالي ازعقاك واجيب لك بوكس

جنه : انا موافقه لو هتجيبلي بوكس زي ده انا موافقه يلا زعلني انا مستعده يلا 

شهاب نزل على صوتهم 

ايه فى ايه صوتكم جايب اخر الشارع بتوع الامن كلمونى افتكروا فى حرامى 😂😂😂

جنه : رعد جاب  لجنان بوكس شوكليت وانا لا

شهاب: بس كده احلى بوكس لاحلى جنه هانم اي طلبات تانيه ومن غير ما نزعلها كمان

جنه : ربنا يخليك ليا يا شيبو وطلعت لسانها الرعد

رعد : امال جنان فين 

جنه : قاعده فى اوضتها فوق بتقرا كتاب 

رعد : طيب اطلعى ناديها 

جنه طلعت نادت اختها ونزلوا هما الاثنين

رعد: ازيك يا جنان عامله ايه

جنان بابتسامة وعيون لامعه الحمدلله يا رعد

رعد : عجبك الحاجه اللى فى البوكس 

جنان : جدا شكرا ليك اوى

رعد : طيب تعالى معايا عايز اوريكى حاجه تانيه هتعجبك

خرج رعد وكان عامل مفاجاه لجنان  وجايب لها مرجيحه كبيره بدل الثانيه اللي بقت صغيره اللي كانت بتلعب بيها وهي صغيره وزعقلها عليها زمان 

جنان: بصت بفرحه لرعد وعيون مدمعه دى ليا 

رعد : اه ليكي وبطلي تحبسي نفسك في الاوضه تاني واخرجي منها ايه رايك تحبي نخرج كلنا او نسافر

جنان بفرحه : موافقه رتب مع ماما وجنه وابي شهاب وانا موافقه

رعد تمام هظبط وابلغك 

ثاني يوم كان داخل رعد المكتب  عشان يظبط مع شهاب الخروجه عشان شهاب يبلغ باباهم وهو داخله المكتب سمع شهاب بيكام جنان 

↚

توجه رعد بحماس لغرفه المكتب كي يتحدث مع ابيه  وشهاب بخصوص السفر لكن تفاجا بشهاب وجنان في المكتب وسمع شهاب وجنان بيقولوا 

شهاب: ليه يا جنان يا حبيبتي خايفه انا هفضل معاكي على طول مش هسيبك

جنان: بجد يعني بذمتك مش هتنساني في يوم

شهاب: بذمتك انا اقدر انساكى لا طبعا ومش عايزك تقلقي وتاكدي ان انا بحبك

رعد بصدمه قفل الباب ومشي قبل ما يسمع باقي الكلام وفهم ان شهاب وجنان مرتبطين بعلاقه حب ومن ساعتها بعد عن جنان لان قلبه كان متعلق بيها وخاف انه يخون اخوه فرجع يتعامل معاها زي الاول في حدود وده خلاهم كلهم استغربوا لحد ما في يوم كان والد شهاب واخد جنان كانوا عايزين يشتروا هديه لجنه وشهاب

( هنعرف في الاحداث ليه منستعجلش ) 

والد شهاب وهو ماشي بالعربيه وكان متحمس جدا العربيه بتاعته اتخبطت في عربيه نقل والاثنين راحوا المستشفى بس للاسف ما قدروش ينقذوهم وماتوا  وبعدها بست شهور شهاب اتجوز جنه ورعد فهم ان شهاب اتجوز من جنه عشان تبقى اخت جنان 

بس معلقش لانه كان بيعتبر جنه اخته 

End flash back

( الناس اللى هتقول فى حاجة ناقصه عارفه نتقل بس شويه وواحده واحده هنفهم كل حاجه بس بجد عايزه اعرف تخميناتكم ) 

رعد لنفسه لو فعلا شهاب كان حب جنان يا ترى ايه اللي خلاه يتجوز جنه بسرعه كده وازاي قدر يحبها في الفتره البسيطه دي وينسى اختها طب يا ترى هيحب غزل عشان شبه جنان .  بس غزل مش شبهها قوي كده انا لازم اعيد تفكير تانى 😴😴

تانى يوم

غزل لبست فستان اوف وايت وعليه جاكيت جينز قصير وطرحه ملونه وكومفيرس جينز فى  رجليها وراحت الشغل وراح رعد الشغل وقابل غزل وعلى غير العاده رعد صباح عليها

رعد: صباح الخير يا غزل عامله ايه

غزل : بخير الحمد لله اتفضل حضرتك الايميلات دي راجعها ودي ملفات محتاجه مراجعه وامضا

رعد: حاضر هاتي يا ستي بقولك يا غزل فطرتي ولا لسه

غزل : لا لسه ميعاد البريك ما جاش

رعد: طيب بقولك ايه شوفي مطعم حلو كده وهاتيلنا فطار دسم ليا انا وانتى

غزل : شكرا جدا يا فندم انا شبعانه بس هطلب لحضرتك 

رعد: مش وقت كسوف يا غزل يلا غرميني يا ستي هسيب عليكى اختيار المطعم انا باكل اى حاجه

غزل : خلاص بتحب تشرب حاجه معينه عشان الغرامه تبقى كبيره

رعد : هههههههههههه راح فين شبعانه عموما يا ستي معاكي ميزانيه مفتوحه اصرفي زي ما انتى عايزه

غزل : مممممم تمام

اتصلت غزل على مطعم فول وطعميه شهير طلبت سندوتشات فول وطعميه وبطاطس وكانز بيبسي وانتظرت الطعام واستلمته وحاسبت عليه ودخلت عشان يفطروا 

رعد : يلا عشان نفطر

غزل : لا انا هفطر بعدين في البريك افطر حضرتك

رعد : يلا يا غزل هنفطر سوا انا مش بعرف افطر لوحدي وكلهم سافروا فحضرتك لحد ما يجوا من السفر هتفطري و  هتتغدي كل يوم معايا اعملي حسابك على كده

غزل : ده استغلال بقى يا مستر رعد

رعد: اعتبريه كده

غزل : طيب فطار ماشي انما الغدا لا عشان باكل مع ماما

رعد: نطلبلها معانا الاكل وتاكلي هنا ولما تروحي تكملي معاها تاني

غزل : بس كده كتير  اوي يا مستر رعد

رعد : لا ابدا انا مش بحب اكل لوحدي اتفضلي اقعدي بقى قبل الاكل ما يبرد انا فكرتك انا فكرتك هتفطرينا كباب وكفته وانت عماله تتكلمي عن الميزانيه والتكلفه طلع في الاخر كله طعميه وبطاطس وكانز بيبسي

غزل : هههههههههههه طب لما نفطر كباب وكفته هنتغدى ايه جمبري واستاكوزا وكابوريا

رعد : هو انت مفيش حاجه ما تعرفيش ما ترديش عليها

غزل :  والله بحاول كتير اقفل بقي بس ما بعرفش

رعد : ما انا خدت بالي

بعد الفطار رعد كان قاعد يراجع الملفات وهو سرحان وكان عمال يرسم بقلم الازرق شكل عين وكاتب تحتيها

( لا أنكر اعجابى بعينيك فإعجابى بعينيك قديم )

افتكر في الكليه لما كان واقف بيهزر مع اصحابه وشايفه بنت واقفه غضبانه وسط اصحابه كان باصصلها ومركز جامد في عينيها الاول كان فاكرها تبعهم لكن لما شافها غضبانه ومتنرفزه عرف انها مش ضمن الشله  ولما شاف النضاره بتاعتها واقعه كان رايح ياخدها عشان يديهالها وتفاجئ بصاحبه اخذها ورايحلها بيها عشان يلبسها لها فاخدها من صاحبه ولبسهالها هو وشها ما كانش باين من الالوان هو كان شايف بس عينيها وغضبها اللي باين من عينيها ومره واحده بصتله بنرفزه ومشيت وهي متنرفزه 

ومدتوش فرصه يتكلم وفضل يدور عليها فى وش كل بنات الجامعه وملاقهاش هو مش عارف شكلها هو عارف بس كل عنيها من غير نضاره 

فى ألمانيا عند شهاب وجنه 

جنه : صحيح يا شهاب الدكتوره حقنت بنت ولا ولد احنا مقلنلهاش

شهاب : حقنت بنت وولد قالت لو نزل واحد يفضل التانى 

جنه  : الولد هنسميه ادهم 

شهاب : والبنت هنسميها جنات

جنه : لسه فاكر جنان يا شهاب 

شهاب: طبعا صعب تتنسي وصعب انك تلاقي روح الطفوله في انسانه ناضجه زي جنان 

جنه : تفتكر ليه رعد رجع يتجنب جنان تاني بعد ما كان بيقرب منها

شهاب : حقيقي ماعرفش ولما سالته قالي اصلى مشغول وما كانش مبين حاجه

جنه : ربنا يرحمها هى واونكل 

شهاب . آمين: بقولك ايه نامي بقى على ما اروح اجيب ماما من المطار عشان خلاص طيارتها على وصول

جنه: تمام يا حبيبي تروح وتيجي بالسلامه

بعد يومين

رعد وغزل كانوا كل يوم يقربوا من بعض ورعد شاف غزل بشكل مختلف نهائي عن اول يوم جت فيه الشغل شايف واحده واثقه من نفسها مش بيهمها راي الناس هدفها في الحياه انها تنجح في الحاجه اللي بتعملها بغض النظر ايه هي الحاجه دي المهم انها تنجح فيها وخلاص

عند غزل 

ابتدت تشوف رعد انسان ازاي جد في عمله وطموح ودمه خفيف بس في حاجه محيراها مين دي جنان اللي كان بيتلخبط في اسمها الاول ويناديها بيها 

وقررت انها تساله وتشوف رد فعله وتعرف ليه كان بيتلخبط في اسمها

فاقت من سرحانها على صوت رعد 

رعد : صباح الخير يا غزل

غزل : صباح النور يا مستر رعد

رعد: هتفطرينا وتغدينا ايه النهارده

غزل :  النهارده انا عازماك

رعد : ايه ده قررت تضحي وتعزميني طب عزماني على ايه

غزل : سندوتشات حلاوه بالقشطه ومربى بالقشطه وجبنه رومي وجبت لبن وهعملنا كوبايتين شاى بلبن

رعد: اووووو جوعتينى طيب يلا وانا مستنيكى

غزل جائزه الحاجه ودخلت تفطر مع رعد

غزل : اليوم النهارده ما فيهوش اي اجتماعات ولا ايميلات

رعد : تفتكري شهاب هيكون رد فعله ايه على اخر صفقه اخذناها

غزل: هو معرفش 

رعد : لسه ما قلتلوش عملها له مفاجاه

غزل : هي صفقه ممتازه مستر شهاب هيفرح بيها قوي

رعد : بقولك يا غزل انا بفكر افصل عن شهاب وافتح شركه تانيه ليا منفصلة

غزل : كده ممكن مستر شهاب يزعل

رعد : ما افتكرش انا عارف شهاب هيفرحلى 

المشكله عندي اني لو فتحت شركه هتاخد السيوله اللي معايا كلها والسوق غدار

غزل: طب انا عندي فكره

رعد : ايه هى 

غزل : هقول لك عليها بعد الغدا

رعد: فينا من كده يعني

غزل : اه

سابته غزل وخرجت تشوف شغلها وهو قاعد يراجع كل الحسابات القديمه لحد وقت الغدا

جهزت غزل طبقين طبق ليها وطبق لرعد كانت عامله محشي بتنجان وممبار وورق عنب وكرونب  وفراخ بانيه

رعد بصلها بزهول انتى عارفه لو حد دخل علينا دلوقتي هيقول علينا ايه

غزل: هيقولك هات صباع وبعدين في انا حكاها فى علب زي اللانش بوكس يعني لو في اي عميل جه اقفل العلبه وحطها في الدرج 

رعد : طيب مافيش ملوخيه بقى 

غزل : هههههههههههه لا دى صعبة بقى 

رعد داق الاكل وعجبه جدا 

رعد : الاكل تحفه انتى اللى عاملاه ولا مامتك 

غزل : انا وماما انا كنت فاضيه امبارح بالليل فقمت عملته وجهزته وصحيت الفجر سويته وماما حشت معايا

رعد : بجد تسلم ايدك

غزل : قلت ارد لك العزايم بس بطريقتي لان اكل بره مش حلو وغير كده بيتعب المعده هو انا بصراحه بطني وجعتني منه

رعد: الف سلامه عليك

غزل : ممكن اسالك على حاجه

رعد: اتفضلي

غزل بتردد . مين جنان 

رعد وقف اكل وبصلها 

غزل : لو زعلت من السؤال اعتبرنى مسالتش

رعد : لا عادي لو سالتني السؤال ده من اسبوع كنت زعلت انما دلوقتي لا جنان دي تبقى اخت جنه مرات شهاب

غزل : طيب ايه اللي يزعل لما اسال عليها

رعد : اصلها ماتت

غزل : الله يرحمها كنت بتحبها

رعد : كان فيها ملامح كثير منك

غزل : كان !؟

رعد: كنت فاكركم شبه بعض لكن كنت غلطان

غزل : طيب انت كنت بتعملني وحش عشان انا شبهها

رعد: حاجه زى كده

غزل : كنت بتحبها

رعد سكت 

غزل : كنت بتحبها 

رعد : ليه مصممه تعرفى 

غزل : فضول مش عايز تجاوب براحتك 

رعد سكت 

غزل : طيب انت بقيت تعاملني حلو ليه

رعد : عشان بقيت شايفك غزل غزل وبس المهم ما قلتليش اقتراحك ايه

غزل : انك تفتح فرع جديد الشركه يكون تحت ادارتك انت

رعد قام من مكانه وقرب منها

رعد : وتشتغلي معايا في الفرع الجديد

غزل : انا مرتاحه هنا

رعد : عشان انا ماسك هنا

غزل : بصتله  بتفكير وفضلوا بصين لبعض

مره واحده ودخلت منه كيان

كيان : ما تحضنوا وتبوسوا بالمره ما هى مابقتش شركه بقى  هي دي اللي سبتني عشانها مش دي البنت السكرتيره

رعد : كيان احترمي نفسك وشوفي بتتكلمي ازاي

كيان : هي مش محتاجه تفسير اكل وشرب ونظرات وتسبيل  محتاجه افهم ايه ماهى كل حاجه باينه

رعد : انا اصلا مش محتاج ابررلك حاجه فهمتى صح فهمتي غلط ما يخصنيش انا خلاص سبتك ومش ناوي ارجع تاني

غزل كانت واقفه مصدومه لانها ما كانتش تعرف ان رعد سابها وما كانتش عارفه تبرر ايه لان فعلا الوضع ما كانش طبيعي فحاولت تنسحب من وسطهم 

وهي خارجه كيان شدتها من ذراعها جامد وفضلت تهزها بقى انت ة يا حتت شحاته عماله ترسمي عليه وتعمليله اكل عشان توقعيه اوعي تكوني فاكره ان ممكن يبص لك انت اخرك تشتغلي خدامه عندي تطبخي وتمسحي

رعد: كيان ايه الهبل اللي بتقوليه ده سيبيها وابعدى عنها كلميني انا واحترمي نفسك انت عارفه انا سبتك ليه

كيان: هو انت فاكرني مصدقه اللي قلته لبابا ده مش دي برده اللي كانت لابسه نظاره قعر الكوبايه ولابسه مهلهل ايه عملت اللوك ده وقلعت النضاره ليه اكيد راسمه على كبير 

غزل : احترمي نفسك انا ما اسمح لكيش تكلميني كده وسيبيني بقى

كيان : بقت تضغط على اديها اكتر مين انتى عشان تسمحي ولا ما تسمحيش

رعد : قرب منهم عشان يفصلهم لكن كيان فضلت مثبته في غزل وعماله تعلي صوتها لحد ما الموظفين اتلموا عليها ورعد خاف على سمعت غزل من كلام الموظفين انه يضايقها وغزل بصت الموظفين ليها وجعتها

رعد: سيبيها يا كيان غزل بتكون خطيبتي

كيان : ثابت غزل مره واحده وبصيتله بصدمه انت بتقول ايه

رعد : بقول لك انا وغزل مخطوبين وفرحنا قريب اعتقد ان كده خلاص الشو ده خلص وتقدري تمشي وكل واحد يلا يروح على مكتبه

غزل بقت واقفه مصدومه ومش فاهمه حاجه ومش عارفه ترد

كيان: بقى كده يا رعد هتندم صدقني هتندم

وسابته ومشيت 

بعد خروج كيان غزل بصت لرعد وقربت منه

غزل : ايه اللى قلته ده 

رعد ساكت 

غزل : سكت ليه تعرف دلوقتي لما الناس تعرف انك كذبت عليهم هيبصوا لي ازاي وهيتكلموا عني يقولوا ايه

رعد : غزل انا 

غزل : انت ايه 

رعد : انا عايز اخطبك 

غزل : نعم 

رعد : اللي سمعتيه يا غزل انا عايز اخطبك

غزل : .....

يا ترا رد فعل غزل ايه 

↚

غزل : ونتخطب دلوقتي وبعديها نسيب بعض والناس غبيه بقى مش هتاخد بالها ويفهموا اننا كنا بنمثل عليهم وساعتها الكلام هيزيد

رعد : ومين قال لك اني عايز اخطبك سوري انا عايز اجي اقابل اهلك واطلب ايدك منهم وبعدين نتجوز زي اي اتنين

غزل : ليه 

رعد: ليه ايه 

غزل : ليه دلوقتي عشان نصلح موقف اتفهم غلط نعيش مع بعض من غير مشاعر

رعد: هو انتى في حد في حياتك او مرتبطه بحد

غزل : لا مافيش 

رعد : طيب ندي نفسنا فرصه يمكن يبقى في مشاعر

غزل: الارتباط مش لعبه وتجربه عشان نمشي فيها ويا صابت يا خابت 

رعد : افرضي اننا بنحب بعض واتجوزنا عن حب مش وارد اننا ما ننجحش وما نكملش ونسيب بعض برضو 

غزل : بس في حالتنا دي يبقى احنا بنغامر

رعد: ومين كان يصدق اننا بنفطر ونتغدى كل يوم مع بعض ومش بس كده ده انا بقيت كمان اخد رايك في المشاريع اللي عايز اعملها

غزل : بس انت ما تعرفش عني حاجه

رعد : عرفيني عن نفسك عرفيني اللي انت عايزاني اعرفه

غزل : مش عارفه متلغبطه

رعد: هههههههههههه للدرجادى صعب تحكى عن نفسك 

غزل انا ما يهمنيش اي حاجه عنك مستواكى الاجتماعي او مستوى عيلتك او مستوى تعليمها كل ده ما يفرقش معايا المهم انتى وانا شايف انك مناسبة

غزل : على فكره بقى انا من عيله غنيه جدا اهل بابا اغنيه وليه خال

رعد : طيب هما فين

غزل : بعد موت بابا رفضوا يدوني ورثي لحد متجوز حد من ولاد عمامي وانا رفضت مش متقبله فكره انى اتجوز بالاجبار شبه اللي بيحصلى دلوقتي

رعد: غزل انا مش بجبرك على حاجه انا عايزك تدينا فرصه وانا هروح لاهلك كلهم اطلبك منهم مش هكذب عليكى واقولك اني بحبك بس انا حاسس اني مشدود ليكي ولو ادينا نفسنا فرصه ممكن نحب بعض ويبقى في بيننا مشاعر 

غزل : طيب وكيان 

رعد: لو انا بحبها كنت هبقى عليها مش من اول غلطه اسبها ومبصش ورايا لحظه واحده حتى اراجع نفسى فيها

غزل تعالي ندي نفسنا فرصه صدقيني احنا نستاهل الفرصه دي

غزل : طيب ايه موضوع جنان ده هو انت عايزنا نقرب من بعض عشان انا فيا شبه منها وبفكرك بيها 

رعد: صدقيني ده موضوع مقفول من قبل حتى ما يبدا وما يخصنيش لوحدي عشان اتكلم فيه اساليني عن اي حاجه تخصني انا وانا هجاوبك عليها

غزل : حايا معنديش اساله 

رعد: خلاص بلغي مامتك انى عايز اقابلها وحدديلي معاد معاها وانا اجي ازورها واطلبك منها

غزل : حاضر انا امهد لها الموضوع واخذ رايها وارد عليك

عدى اليوم بدون احداث جديده وروحت غزل اتفاجئت بخالها في البيت بيزورهم 

عماد : اهلا اهلا بالهانم اللي ما لهاش حاكم

غزل : اللي بيصرف عليا حاجه يجي يحاسبني عليها

عماد : عاجبك كده يا ناديه هي دي تربيتك بتكلم خالها بالشكل ده

ناديه: هى متقصدش

غزل : بقول لك ايه يا عماد انت هنا ضيف عايز تيجي تزور اختك اهلا وسهلا تشرب كوبايه الشاي بتاعتك وتتكل على الله غير كده ما لكش حاجه عندي

عماد : عاجبك كده يا ناديه بنتك بتطردني من البيت

غزل: ليه هو انت نسيت لما انا وماما لجأنالك بعد موت بابا وانت خفت لتصرف علينا وطردتنا ساعتها وقفلت الباب في وشنا وقلتلنا امشوا مش عايز مصايب من وراكي نسيت ايه كنت خايف لناكل لقمه زياده عندك  بعد ما عرفت ان جدى اخد كل حاجه حتى لو كنت هتعمل كده نسيت ان الشقه اللي انت قاعد فيها دي بابا الله يرحمه هو اللي جابها لك وياما ساعدك 

عماد: هو انتى بتفتحى في المواضيع دى ليه 

غزل : هى ماتقفلتش عشان افتحها 

عماد : بقول لك ايه يا غزل انسي القديم وتعالي نفتح صفحه جديده وانا جايب لك عريس انما ايه لقطه هينسيكى القديم والجديد ويعيشك ملكه

ناديه: عريس ايه ده وبيشتغل ايه 

غزل : ماما انتى مصدقاه هى الحدايه هترمى كتاكيت وبعدين ريح نفسك يا عماد وقفل بقى على المصلحة اللى انت عايز تعملها دى لانى اتقرا فتحتى وهتخطب قريب شوفلك حد تانى واعمل من وراه مصالح

عماد : كده مره واحده اتخطبتي وبعدين هو انتى مالكيش اهل تاخدي رايهم

غزل : لا ما ليش وما يخصكش  هو مين او بيشتغل ايه والناس اللي زيك انا متبريه منهم

عماد : بقى كده طيب يا غزل ابقي وريني بقى هتقولي ايه لجدك واعمامك لما يعرفوا

ناديه: اهدوا يا جماعه الكلام مش كده

غزل : قولي لاخوكى يلم نفسه وما يتدخلش في حياتي واعلى ما في خيره يركبه عشان ما اوريلوش الوش الثاني والجدع اللي يضحك في الاخر

ناديه: عيب يا غزل كده ده  في الاول وفي الاخر يبقى خالك

غزل : ماما اركني المسميات دي على جنب عمل لنا ايه الخال ده في اول زنقه في حياتنا قفل الباب في وشنا وطردنا بقولك ايه انا داخله انام وياريت لما اصحى يكون مشى

عماد : بقى كده يا بنت ناديه حاضر وسابهم ومشى 

غزل سابته ودخلت غرفتها ومامتها دخلت وراها

ناديه: اهدي يا بنتي بلاش تاخدي كل حاجه على اعصابك كده وبعدين ايه حكايه العريس اللي انت قلتي لخالك عليه ده

غزل : ده مستر رعد اخو مستر شهاب مديرى في الشغل 

ناديه: بسم الله ماشاء الله وده بقى حكتيله حاجه عنك وعن عيلتك تبقى مين 

غزل : لا لسه محكتش حاجه

ناديه: لا يا غزل لازم تعرفيه عشان هو هيجي ويقابلهم ويقابل جدك واعمامك ويقعد معاهم ويتفقوا وهما كمان يسالوا عنه 

غزل : بس انا مكنتش عايزه اقولهم حاجه

ناديه: عيب يا غزل ماسمعكيش بتقولى كده وترخصى نفسك سمعانى 

غزل : بقله حيله .خلاص اعملى اللى انتى عايزاه

ناديه: طيب انا هكلم جدك واقول له وبعدين هقول لك احنا اتفقنا على ايه

غزل اتصلت برعد وحكتله 

رعد : طيب تمام يا غزل انا ما عنديش مشكله اقعد مع جدك او اعمامك اول ما يحددوا ميعاد عرفيني وانا جاهز للمقابله

غزل : انت متعرفش حاجه عن جدى وعمامى 

رعد : واضح من كلامك انهم عيله كبيره يا غزل بس انا مستغرب ازاي هم عيله كبيره وانتى و مامتك عايشين في مكان شعبي زى ده 

غزل : انا جدى اسمه غانم الغرباوى من اعيان الغربيه كان بابا ماسك شغل جدى هنا فى القاهرة وجدى كان عامله مرتب زيه زى  اى موظف وكان عامل لعمامي كلهم كده برضو ما فيش اي حد من عمامي او بابا ليه اي حاجه باسمه ولما بابا مات من ست سنين جدي اشطرت اني اتجوز ابن عمي الكبير عشان يصرف علينا ويدينا نصبنا وطبعا انا كنت قاصر لسه فكان هيبقى جواز عن طريق محامي لحد ما اتم السن القانوني ويوثقوا الجواز طبعا رفضت جدا خصوصا ان ابن عمي كان بيحب بنت خالته وقاري فتحتها ولما رفضت جدي حكم عليا اني مش هاخد اي حاجه من ورث بابا وهيسيبلنا  معاشه زينا زي الغرب عشان ناكل ونشرب منه كأن اللي مات ده موظف عادي مش ابنه وانا حفيدته 

ورفض ان اي حد من عمامي يساعدنا باي شيء ولما انا وماما روحنا لخالي عشان يساعدنا ونسكن جنبه وناخد رايه ويقف معانا ساعتها رفض وطردنا فى عز الليل وماما ساعتها تعبت وقبلها وجعها ووقعت فى الشارع والناس ودوها المستشفى ومن كتر الحزن قبلها تعبها وعايشه على الأدوية مع ان الشقه اللى خالى قاعد فيها دى بابا اللى دفعله المقدم وجبهالوا ولما اتزنق فى الاقساط بابا هو اللى سددهالوا  لان بابا كان مرتبه كبير وكان بياخد نسبه من الصفقات الجديدة لانه الوحيد في اخواته اللى كان بيتكلم المانى كويس وهو اللى حببنى فى الالمانى وخلانى اتكلمه بطلاقه

طبعا ماما ماحبتش اننا نعقدفى الشقه دى لوحدنا عشان مش امان رحنا اشترينا شقه جديده فى منطقة شعبيه عشان امان بالنسبالنا ومحدش يعرف عنوانها غير خالى وماجرين شقتنا القديمه على معاش بابا على القرشين بتوع بابا اللى قدرنا ناخدهم وعايشين كويسين الحمدلله 

ومن ساعتها طبعا رفهيات كتير اتنازلنا عنها عشان المستوى الجديد زى اللبس وقلعت اللينسس ولبست نضاره عشان ماتعرضش لمضايقات تانى لان ازل ما جينا كانوا الشباب بيضايقونى كتير وانا كنت ساعتها صغيره واضعف من كده

رعد : طيب تفتكرى جدك هيوافق ولا لسه عايز يجوزك بن عمك 

غزل : مش عارفه بعد اخر مشكله بنا و مافيش بينا اى تواصل 

رعد: وانا مش هسيبك يا غزل ومش هزهق وهفضل وراه لحد مقنعه يلا تصبحي على خير واشوفك بكره في الشغل

غزل : وانت من اهل الخير مع السلامه

عند ناديه وناس اول مره هنقابلهم 

ناديه: السلام عليكم يا عمى ازيك 

غانم : وعليكم السلام ورحمه الله وبركاته ازيك يا ناديه يا بنتي عامله ايه

ناديه: بخير يا عمي طول ما حسك في الدنيا كنت عايزه اكلمك في موضوع فاضي ولا اكلمك مره تانيه

غانم : فاضي يا مرتي الغالي ولو مش فاضي افضالكم

ناديه: بقول لك يا عمي في عريس متقدم لغزل

غانم: تمام ابن مين ومن عيله مين واسمه ايه

ناديه: اسم رعد واخوه اسمه شهاب صاحب شركه ( .....) 

غانم: طيب تمام يا ناديه انا هسال عليهم الاول ولو طلعوا اولاد ناس محترمين يبقى على خيره الله واوعوا يا ناديه تكلميها او تطمنيها بحاجه ولا لسانك يفلت بكلمه كده ولا كده

ناديه: ما تقلقش يا عمي بس هنفضل كده لحد امتى

غانم : لحد ما اديها نصيبها واضمن سلامتها وسلامت

ناديه: ربنا يخليك لينا يا عمى 

غانم : محتاجه فلوس تاني او اي حاجه يا ناديه

ناديه: ربنا يخليك يا عمي الفلوس اللي انت بعتها لي اخر مره اخدنا منها جزء وغزل نزلت اشترت الحاجات اللي محتاجاها والباقيين شلناهم 

غانم : وقلتلها الفلوس دة جبتيها منين 

ناديه: قلتلها كنت عامله جمعيه كبيره وقبضتها في الاخر

غانم : تمام يا ناديه وانا كمان هبعتلك فلوس ثاني عشان لو محتاجين حاجه تخليها معاكي زياده ضمان ولو حبت غزل تشترى حاجه يبقى معاها اللى يكفيها 

ناديه: حاضر يا عمي تعيشلنا يا رب

غانم : يلا يا بنتي تصبحي على خير

ناديه: وانت من اهل الخير يا عمي مع السلامه

فى مكان اول مره نروحله 

غانم بعت لابنه الكبير جمال عشان يكلمه 

جمال : خير يا بوى محتاج حاجه

غانم : اقعد يا ولدي محتاج اكلمك في موضوع

غزل بنت اخوك جميل متقدم لها عريس هديك اسمه واسم شركته وانت تروح تسال عليه وتجيب لي كل حاجه تخصه والبيانات دي عايزها بكره

جمال : امرك يا ابويا وغزل وامها عاملين ايه

غانم : هما بخير يا ابنى 

جمال: مش ناوي تجيبهم هنا

غانم : هناك المنلهم عشان اخوك الصغير مش هيسكت ولا هو ولا مرته وانا خايف عليهم طول ما هما بعيد عنه هما في امان والبنت لما تتجوز وتبقى فى عصمه راجل شديد ساعتها هبعتلها ورثها كله فلوس واكتب لها حتت ارض باسمها كمان هديه جواز 

جمال: طيب وامها 

غانم : لساك رايدها 

جمال سكت 

غانم : بلاش تحلم بحاجه صعبه وسيب كل حاجه في وقتها يا ولدي 

اهم حاجه دلوقتي بكره تكون جايب لي كل حاجه عن الناس دول وكمان عايزك تحط فى حساب ناديه 20 الف جنيه على الفيزا الثانيه مش الفيزا اللي بتقبض بيها غزل اللي اخوك مراقبها

جمال : حاضر يا ابوي اللي انت رايده هيكون

عند رعد اتصل بشهاب 

رعد : الو يا شهاب عامل ايه وجنه وماما صباح

شهاب: كلنا بخير الحمد لله انت عامل ايه والشغل اخباره ايه

رعد: الشغل ماشي زي الساعه ما تقلقش وكمان اخذنا صفقه جديده تبع (.....) 

شهاب : بجد طيب حلو قوي ما شاء الله

رعد: بقول لك ايه يا شهاب انا عايزك في موضوعين مهمين

الاول ./ انا ناوي افتح فرع جديد للشركه بتاعتنا وهنزود فيه شويه مشاريع ( واتكلم معاه في التفاصيل) 

شهاب : حلو قوي يا رعد  فكره هايله وممكن كمان تبني الشركه دي في الارض بتاعت اكتوبر

رعد : لا انا لقيت المكان في شركه معروضة للبيع هشتريها ده اسهل من البنى وهكلم شركه ديكورات تبدا توضبهالنا ونبدا شغل على طول 

شهاب: تمام على خيره الله والموضوع التاني ايه

رعد : انا ناوي اخطب

شهاب: مش انت خاطب كيان

رعد : لا سيبنا بعض من زمان اسلوب حياتها ولبسها مختلف تماما عني وهي رافضه ان هي تلتزم وبتتصرف من ورايا

شهاب: بصراحه ما كانتش عجباني لبسها ولا طريقتها ولا كلامها الحمد لله انك راجعت نفسك .

طيب مين بقى سعيده الحظ العروسه الجديده

رعد : غزل اللى كانت السكرتيره بتاعتك قبل ما تسافر

شهاب بصدمه وقام وقف : نعم مين مستحيل

رعد : ......

↚

شهاب : بصدمه مستحيل طبعا يا رعد 

رعد : ليه يا شهاب مستحيل اعتقد ان المستوى الاجتماعي مش بيفرق معاك

شهاب: انت عايز تتجوزها ليه يارعد انت ما كنتش بتسيب فرصه الا وكنت بتجرحها فيها وبتحاول تقلل منها ايه احلوت في عينك مره واحده

رعد: اه يا شاب احلوت وحلوت قوي كمان في عيني

شهاب: وانت هتتجوزها بقى عشان احلوت ولا عايز تتجوزها ليه

رعد: لا عشان انا شايفها مناسبه ليا وعندك كيان ما هي كانت حلوه وبرغم كده انا سبتها 

شهاب: رعد غزل بنت طيبه وغلبانه بلاش تتسلى بيها

رعد: وانت تعرف عني كده يا شهاب صدقني انا مشدود ليها من زمان

شهاب ؛ طيب انت كلمتها وهي وافقت

رعد : اه كلمتها وهي كلمت مامتها واتفقت ان هي هتكلم اهلها ويحددوا ميعاد على فكره يا شهاب غزل طلعت من عيله كبيره قوي في الصعيد

وبعدين يا شهاب غزل مين دي اللي غلبانه ده انا كنت حاسس ان انا اللي شغال عندها مش هي اللي شغال عندي انت ما شفتش لما كان كلمتها مره وحش عملت فيها ايه دى شويه وكانت هتضربنى انا وهى 

شهاب: هههههههههههه هى دى اللى هتنفع معاك عموما يا رعد اول ما يحددوا معاد كلمني وعرفني  المعاد امته 

مر بقيت اليوم بدون احداث جديده

            تانى يوم 

رعد وغزل راحوا الشركه وتعاملوا عادي جدا

رعد: صباح الخير انسه غزل جميل 

غزل : صباح الخير يا مستر رعد

رعد: بقول لك يا غزل انا جايبلك فطار معايا النهارده على ذوقي بقى

غزل : لا شكرا كفايه اللي حصل

رعد: وهو ايه اللي حصل هو احنا كنا بنعمل حاجه غلط

غزل : اه وقعدنا مع بعض لوحدنا ده مصدر للشبهات وما اجتمع رجل وامراتان الا وكان الشيطان ثالثهما واحنا كنا فطار وغداء لوحدنا كل يوم ويمكن ده كان سبب اننا نتفهم غلط اننا فتحنا على نفسنا من الاول باب للشبهات على الرغم اننا ما عملناش حاجه عيب او حرام

رعد : طيب انا هقعد على الكنبه اللي هناك جوه مكتبي دي افطر وهفتح باب المكتب وانتى اقعدي مكانك وافطري اظن كده كل واحد هيفطر  لوحده اهو ويلا بقى اختاري انا جبت دونتس وايس كوفي شوفي انتى بتحبي ايه 

غزل : طيب تمام اذا كان كده ماشي

رعد: على فكره انا كلمت شهاب امبارح بخصوص اني افتح فرع جديد لشركتنا وهو رحب جدا بالفكره

غزل : طيب حلو ولقيت مكان 

رعد: اه وكنت عايزك تيجي معايا تعين الشركه الجديده

غزل: طيب الشركه دي فاضيه ولا فيها ناس ومكانها فين

رعد: الشركه شغاله يا غزل وفيها ناس بيشتغلوا وغير كده انا واخد ميعاد مع صاحب الشركه هيكون هناك

غزل : طب انت عايزني اجي معاك بصفتي ايه

رعد: خطيبتي المستقبليه

غزل: لا طبعا دي حاجه في علم الغبب ولسه ما اخذناش فيها اي قرار

رعد: خلاص يا ستي تعالي معايا بصفتك السكرتيره بتاعتي مش انت برضو السكرتيره

غزل : مممممم تمام هنروح امتى بس مش بعد الشغل عشان لو روحنا بعد الشغل يبقى هنتاخر وانا مش هينفع اتاخر

رعد: لا ما تقلقيش هنقابله الساعه 3:00

وعلى فكره يا غزل انا كلمت شهاب في موضوعنا وقلتله  ان انا عايزه اخطبك وهو مرحب جدا وفرح كمان

      فى نص اليوم في الغربيه

جمال دخل المكتب على باباه 

غانم : هاي يا جمال عملت ايه في الموضوع اللي وصيتك عليه

جمال: جبتلك كل الاخبار عنه هو من عيله كويسه وكبيره واخوه الكبير الكل بيحلف باخلاقه ومتجوز كمان بنت مرات ابوه انما رعد ده شجي شويتين

غانم : كيف يعني مشوي بطال بيعمل حاجات شينه يعني حرام

جمال: مش لدرجه شينه يابا هو خروج وهزار وضحك وسفر وكان خاطب واحده وسابها لاسباب غير معروفه انما وقت الشغل بيكون جد وبيفصل بين شغله وحياته

غانم : عادي يا جمال شاب وطبيعي يكونله مغامرات هو واد مش بنت وبعدين انا واثق ان غزل هتكرهه في صنف الحريم وهتخليه يبطل يبص يمين او شمال

جمال: هههههههههههه عندك حق يابا 

غانم : غزل شديده وعودها قوي دمنا بيجري في دمها صوح بتفكرني بنفسي وانا في سنها بس هي متهوره شويه ولسانها متبري منها

جمال : معلش يابا هي وقتها برده كانت عيله صغيره ما تاخدش على كلامها

غانم: عندك حق انما دلوقتي هي كبرت ولازم تتعلم تمسك لسانها وتاخد بالها من كلامها  انا دلوقتي هكلم ناديه تحدد لنا ميعاد مع الجدع واهله

جمال: زين يا ابوي انا خارج اشوف الشغل تؤمرني بحاجه تاني

غانم : ما يامرش عليك ظالم يا ولدي وجهز نفسك يوم الجمعه عشان هنروحلهم وما تقولش لحد هنفاجئهم يوم الجمعه اننا مسافرين

جمال: حاضر يا ابويا يلا سلام عليكم

       غانم اتصل بناديه

غانم: السلام عليكم ورحمه الله وبركاته

ناديه: وعليكم السلام يا عمي ازيك وصحتك عامله ايه

غانم: بخير يا بنتي بقولك جمال سال على الجدع واهله وطلعوا كويسين حددي ميعاد معاه يوم السبت الجاي وانا وجمال ابني هنجلكم يوم الجمعه نتغدى معاكم ونبات في الشقه القديمه ونيجي ناني يوم السبت نقابل العريس واهله

ناديه: بفرحه يعني الواد واهله يا عمي ناس كويسين كده

غانم: ايوه يا ناديه اطمني انا مش هرمي حفيدتي اياك

ناديه: حاضر يا عمي ربنا يبارك لنا في عمرك

غانم: بقولك يا ناديه انا خليت جمال يحول لك 20000 جنيه اشتري كل اللي انت محتاجاه انت وبنتك ما تخليش نفسها في حاجه واعملي اكل زين قدام الجدع واهله مش عايزين نبان قليلين قدامهم وهاتى حلويات ومشاريب 

ناديه: حاضر يا عمي حاضر كل تؤمر بيه هيتنفذ

              فى ألمانيا

شهاب: ايه يا قلبي عامله ايه النهارده

جنه : بخير يا حبيبي بس زهقت من القعده

شهاب: استحملي يا حبيبتي استحملي عشان تفرحي الفرحه الكبيره

على فكره يا حبيبتي رعد ساب كيان

جنه : ايه ده ليه كده

شهاب: ما قالش تفاصيل كتير كل اللي قاله مختلفين عن بعض

جنه: بصراحه عنده حق هي متحرره زياده عن اللازم وكانت بتهوده وبعد الجواز كانت هتتعبه جامد كويس ان هم سابوا بعض من دلوقتي

شهاب: مممممم طب خدي المفاجاه دي رعد هيخطب تاني

جنه : هههه هو لحق اكيد بيهزر 

شهاب: لا بيتكلم بجد ومش هتصدقي مين هي العروسه

جنه : حد نعرفه

شهاب: يعني وانتى اتعاملتي معاها قبل كده

جنه : غزل صح

شهاب: يا بنت اللذينه عرفتي منين

جنه : هههههههههههه قدرات 

شهاب: لا بجد عرفتى ازاي انا قلت انك مش هتصدقي اصلا

جنه : على فكره بقى غزل اكثر حد مناسب لرعد

شهاب: بس هو كان بيكرهها وبيضايقها وبيعملها وحش

جنه : على فكره يا شهاب هو كان عايز يبعدها عنك وعنه انما هو مكانش بيكرهها ابدا

شهاب: طيب ليه هو عايز يعمل كده

جنه : انا شاكه في حاجه بس ما احبش تكون صح

شهاب: خير يا جنه شكه في ايه

جنه: بعدين

شهاب: لا عرفيني انا مش عايز اقبل زي الاطرش في الزفه

جنه : على فكره يا شهاب رعد كان فاكر انك بتحب جنه

شهاب: ده اللي هو ازاي يعني انا عمري ما عملت حاجه تخليهم يفتكروا كده

جنه : زي ما بقول لك كده

شهاب: ايه اللي خلاك تفكري في كده

جنه حكيتله على الكلام اللي قالهلها رعد في المكتب اخر مره

شهاب: طب ايه اللي يخليه يفكر في حاجه زي كده هو انا عملت ايه عشان يفكر كده لو كان معجب بيها او بيحبها ما جاش كلمني ليه انا كنت هفرح انه بيحب جنان

جنه : كل الاسئله دي ما حدش هيجاوبك عليها غير رعد نفسه

شهاب: طيب يا حبيبتي ماما صباح معاكي وانا يوم لما رعد  هيتقدم لغزل لازم انزل واكون معاه طبعا انا مطمن عليكى عشان ماما معاكي ومش هتكوني لوحدك لكن برضه ما اقدرش اسيب رعد في يوم زي ده لوحده

جنه : اه طبعا يا حبيبي حقك وحقه هو كمان في الاخر انتوا اخوات مالكوش غير بعض

شهاب: يسلملي هالفهمان

جنه : وكلمه يا شهاب ما تسيبش الموضوع عايم كده لان واضح ان الموضوع ده لسه جواه مانسيهوش

شهاب: عندك حق واضح اننا محتاجين قاعده كبيره

       فى نص اليوم عند رعد وغزل 

      غزل مامتها اتصلت بيها 

ناديه: الو يا غزل يا حبيبتي

غزل : الو يا ماما انتى عامله ايه كويسه في حاجه

ناديه: اطمني يا حبيبتي انا بخير بقولك جدك جاي يوم الجمعه وعايز يقعد يتكلم مع رعد يوم السبت هو وعيلته 

غزل : حاضر يا ماما هبلغه

ناديه: بقولك كمان عايزاكي تاخدي اجازه بكره

غزل : ليه يا ماما

ناديه: عشان هننزل نشتري كام حاجه جديده نحطها في الشقه وانتى تشتريلك فستان حلو جديد تلبسيه

غزل : وماله ونصرف بقى كل الفلوس اللي حوشناها

ناديه بعصبيه : غزل بقولك ايه مش عايز اسمع منك ولا كلمه غير حاضر وطيب سمعاني ولما جدك وعمك يجوا عندنا تتكلمي معاهم بادب اوعي تغلطي بكلمه زي ما عملتى زمان مش عايزاهم يقولوا ناديه ما عرفتش تربي ولما جدك يدخل تسلمي عليه وتبوسي ايده وراسه

غزل : ليه ده كله كانوا عملوا لنا ايه عشان اعملهم كده

ناديه: كل حاجه هتعرفيها في اونها يا غزل المهم تسمعي كلامي وتنفذيه كويس سامعه

غزل : حاضر يا ماما

دخلت غزل لرعد وهى مكسوفه 

غزل :  مستر رعد

رعد : 😂😂😂😂نعم يا انسه غزل

غزل بتوتر : ماما كلمتني وجدي حدد الميعاد يوم السبت ان شاء الله

رعد : النهارده التلات طيب تمام حلو الميعاد بلغيهم ان انا جاهز

غزل : مش حاسس انك متسرع او عايز تتراجع

رعد: لا يا غزل مش حاسس بكده حاسس اني عايز اكمل

غزل بتهرب : طيب المهم يلا بينا عشان نلحق الميعاد مع صاحب الشركه

خرجت غزل ورعد عشان يروحوا يشوفوا الشركه الجديده وكانت غزل ماشيه مع رعد وهي مصدومه من الشركه الجديده اللي رعد عايز يشتريها

غزل : رعد انت تعرف صاحب الشركه دي مين او عايز يبعها ليه

رعد: لا ما اعرفش تفاصيل هو عارض على سعر مناسب وانا شاري

غزل فضلت ماشيه مع رعد وهي ساكته وفجاه شافت قدامها اخر حد ممكن تكون حابه تقابله دلوقتي

( ياترا غزل قابلت مين وايه اللى خلاها مصدومه طول الوقت كده )

↚

غزل ماشيه مع رعد وهي مصدومه من المكان وفجاه شافت قدامها عمها جندي عمها الصغير كان اخر حد تحب تشوفه 

غزل : عمى جندى 

جندى : بصلها بتشبيه غزل 

رعد : ايه ده انتوا تعرفوا بعض 

جندى : هي مش قايلالك هي من عيله مين وبعدين انتى جايه معاه ليه وتعرفيه منين

غزل بزهق : ده مستر رعد وانا سكرتيره الشركه بتاعته وجايه هنا عشان شغل . مستر رعد ده عمي جندي 

رعد هنا فهم ان الشركة دى بتاعت باباها اللى كان ماسكها عشان كده هى مصدومه

رعد: حب يخفف الجو . طب يا جماعه مش يلا عشان نتفرج على الشركه يا جندى بيه

جندى بيبص لغزل ببرود يلا بينا واخدهم وفرجهم على الشركه ودخلهم مكتب باباها وجه تليفون لعمها وسابهم وطلع يرد على التليفون وجنه افتكرت زكرياتها مع باباها 

Flash back

غزل : الله يا بابا مكتبك حلو اوى

جميل : انتى احلى يا اجمل غزل 

غزل: بابا انا عايزه اشتغل معاك هنا

جميل : اتخرجي انتى بس وانا هشغلك معايا على طول وهعملك مكتب احلى من ده كمان

غزل : بجد يا بابا 

جميل: انا عمري ضحكت عليك

غزل : بصراحه لا

جميل: ادخلي كليه حلوه وكبيره واتخرجي بتقدير كبير وكل ما تقديرك  يكبر مرتبك هيكون كبير

غزل : بجد يا بابا انا بحبك اوى 

End flash back

رعد : ايه يا غزل رحتى فين

غزل : تعرف ان ده كان مكتب بابا الله يرحمه

رعد : بجد

غزل : اه و كان بيوعدني اني اول ما اتخرج هشتغل معاه

رعد : خلاص يا غزل اعتبري باباكي نفذ وعده واول ما اشتري الشركه المكتب ده هيكون مكتبك وظبطيه براحتك

غزل : لا انا عايزاه كده 

رعد : اللى انتى عايزاه

وهما بيتكلموا دخل عليهم جندى وكان خلص المكالمه

جندى : ها يا رعد بيه الشركة عجبتك 

رعد : اه تمام على خيرت الله شوف فاضي امتى وانا الفلوس جاهزه عندي ونروح الشهر العقاري ونخلص

جندى : تمام اول الاسبوع الجاي باذن الله

رعد: تمام على خيره الله نستاذن احنا بقى 

وعدى اليوم بدون احداث جديده وعند رعد اتصل بشهاب وبلغوا بالميعاد يوم السبت وشهاب ما قالوش ان هو هينزل يحضر معاه الاتفاق عشان عاملها له مفاجاه

     غزل اتصلت برعد عشان نسيت تقوله انها مش هتروح الشغل بكره

رعد : ألو يا غزل عامله ايه

غزل : بخير الحمدلله بقولك ايه انا مش هقدر اجى الشغل بكره 

رعد : خير يا غزل تعبانه او حاجه اجى اوديكى للدكتور 

غزل : لا ابدا بس ماما عايزامى معاها بكره فى كذا مشوار ضرورى 

رعد: طيب تعالي وامشي بدري

غزل : طب لازمتها ايه بقى انى اجي

رعد : اتعودت عليكى ان كل يوم الصبح اشوفك وافطر معاكى 

غزل : معلش يا رعد اوعدك بكره بس اللى هغيب 

رعد بضيق : ماشى يا ستى بس بكره بس 

عدى بقيت اليوم بدون احداث جديده

تاني يوم الصبح

ناديه: صباح الخير يا غزل

غزل : صباح الخير يا ست الكل

ناديه: قومى يلا عشان نفطر ونكتب الحاجه اللى محتاجنها عشان نلحق اليوم من اوله 

غزل : حاضر هدخل اصلى واحضر الفطار وانتى اكتبى اللى انتى محتاجاه 

ودخلت غزل صلت وجهزت الفطار 

ناديه: بصى احنا محتاجين ستاير وبياضات جديده للانتريه ومفرش حلو للسفره وسجاده جديده للصالون 

وانتى كمان محتاجه فستان حلو كده بطرحه وشوز عليه 

وعشان جدك بقى والضيوف محتاجين نزود في الاكل شويه 

غزل بصه لمامتها بصدمه والاكل ايه بقى 

ناديه: بصى يا ستى هعمل بطايه وطاجن رز معمر ومحاشى ورقاق ومكرونه بشاميل وكام جوز حمام وفرختين شمرت 

غزل : 😲😲😲😱😱 ومنين كل ده بقى ومين هيلحق يجهز ده كله في يومين 

ناديه: مالكيش فيه 

غزل : يعنى ايه ماليش فيه انا عايزه اعرف

ناديه: بعدين يا غزل قومى يالا عشان نلحق نشترى الفرش واللبس.

والاكل انا كلمت واحده فلاحه هتحضره هتقور البتنجان وتنضف البطه وتسلق الكرمب واحنا نحشى ماتشغليش بالك انا مرتبه كل حاجه 

نزلت غزل ومامتها اشتروا الاول لبس ليهم واكسسوار وبعدين اشتروا كل لوازم البيت 

       عند رعد 

كان قاعد متضايق وحاسس ان اليوم ناقصه حاجه كبيره

والوقت مش عايز يمشى وقرر انه يتصل بغزل 

رعد: الو

غزل : الو 

رعد: عامله ايه

غزل : الحمد لله

رعد : انتى فى الشارع ولا ايه 

غزل : اه خرجت انا وماما نشترى طلبات

رعد : بقولك ايه يا غزل اعملي حسابك ما فيش غياب ثاني

غزل : ليه بقى ده ظلم

رعد : الظلم الاحساس اللي انا حاسه دلوقتي على فكره بقى انتى وحشتيني جدا انا ما وحشتكيش

غزل : هو انا فاضيه ابص جنبي انا مع ماما من الصبح مش سايباني خالص حتى مش عارفه اشرب بق ميه

رعد : على فكره انتى فصيله عمك كلمني وهننزل بكره نخلص الورق بتاع الشركه واستلمها اعملي حسابك تستلميها معايا

غزل : مبروك عليك ربنا يجعلها وش السعد

رعد : عرفتي مامتك

غزل: لا ما حبتش اضايقها

رعد: تمام احسن برضو

تانى يوم رعد وغزل وجندي راحوا خلصوا اجراءات النقل ورعد استلم الشركه وسلم غزل  مكتب باباها زي ما كان متفق معاها وده بسط غزل جدا عشان بيفكرها بباباها 

ووافقت انها تمسك مع رعد الفرع الجديد 

عدى باقي الايام بدون احداث جديده سوى  تجهيز ناديه الشقه واستقبال الضيوف ووصول شهاب يوم الجمعه مصر وعملها مفاجاه لرعد

يوم الجمعه الصبح رعد كان نايم وفجاه صحي على زجاجه ميه ساقعه بتنزل على وشه وهو نايم وقام بفزع لقى شهاب قدامه واقف بيضحك وقام  فضل يجري وراه لحد ما مسكه واول ما مسكه راح شهاب حاضن رعد

شهاب : وحشتني قوي قوي يا رعد

رعد: وانت كمان وحشتني قوي ما قلتليش ليه انك نازل اجي اخدك من المطار 

شهاب: حبيت اعملهالك مفاجأة

رعد : طيب جنه وماما صباح جم معاك ولا جيت لوحدك

شهاب : لا جيت لوحدى جنه ماينفعش تيجى لان الدكاترة مانعنها من الحركه 

رعد : طيب ليه سبتهم وجيت 

شهاب: انت عبي.ط ياد دانت ابنى مش اخويا واللحظه دى انا بتمناها من زمان

رعد : ما انت حضرتها قبل كده في كيان

شهاب: لا كيان من الاول وانا عارف انها ما تنفعكش وعارف ان كده كده ما كنتوش  هتكملوا اصلا

رعد: ربنا يخليك ليا يا حبيبي يا رب

شهاب : معادك بكره الساعه كام

رعد : معادي بكره الساعه 8:00 اكون هناك

شهاب : طيب جهزت الحاجه اللي هتاخدها معاك

رعد : حاجه ايه 

شهاب : انا عارف انك خيبه يعني علبه شوكولاته بوكيه ورد هديه حلوه كده تاخدها معاك

رعد: لا لسه ما عملتش اي حاجه

شهاب: طيب جهزت البدله يا عريس اهلها اول مره يشوفوك

رعد: لا برضو 

شهاب: خبط رعد بكتفه قال له امال هتروح بايه ايه الخيابه دي يلا نفطر وننزل نتفق على حاجه اللي هناخدها معانا بكره وننزل نشتري بدله عشان تلبسها بكره قدام اهلها

نزل رعد وشهاب عشان يفطروا وشهاب كان بيحاول يفتح مع رعد كلام عشان يعرف اللي بيفكر فيه زي ما جنه قالتله

شهاب : على فكره يا رعد جنه حامل في بنت وولد جنه هتسمي الولد ادهم على اسم بابا

وانا هسمي البنت جنان على اسم جنان الله يرحمها

رعد بص لشهاب بغموض طيب وجنه وافقت 

شهاب: اه طبعا وفرحت جدا كمان لانها كانت عايزه تعمل كده عارف يا رعد انا وجنه مرتبطين من امتى

رعد: من بعد موت جنات بكام شهر

شهاب: لا انا وجنه مرتبطين من اول ماجت جنه هنا مع مامتها انا اول ما شفتها حبيتها وهي كمان وما كانش ينفع اتكلم وقتها عشان ما يبعدوناش عن بعض لاننا كنا لسه صغيرين

رعد: طيب ليه ما عرفتنيش

شهاب: هتفرق في ايه وقتها وبعدين ما حبتش شكلها يكون وحش وانا عارف موقفك منهم كان عامل ازاي ولو كنت قلت لك ساعتها كنت هتقول الام رسمت على الاب والبنت رسمت على الابن 

رعد : يعني انت ما كنتش بتحب جنان 

شهاب : لا طبعا كنت بحبها زي اختي جنه طلبت مني اني اهتم بها اكثر لانها كانت انطوائيه زياده عن اللازم وكنت دايما بحاول اديها ثقه في نفسها انا وجنه عشان كده يبان اني بهتم بيها اكثر وجنه كانت عارفه ده وبتساعدني فيه

رعد : بس انا مره سمعتك بتقولها انا بحبك ومش هسيبك وحكاله الموقف اللي هو سمعه بالغلط

شهاب : انت ليه سطحي كده يا رعد طيب ليه ما جيتش تسالني وتفهم مني او ليه ما سمعتش بقيت الحوار للاخر 

بصي يا رعد  انا وجنه شفناك بتحاول تقرب من جنان وفرحنا عشان لما نقول على خبر ارتبطنا جنان ما تتاثرش وفعلا جنه راحت لها وعرفتها اننا هنرتبط رسمي وجنان خافت اننا نتجوز ونسيبها لوحدها فجنه اتكلمت معاها و طمنتها ولقيتها جايالي المكتب عشان تتاكد وتطمن اكثر اننا مش هنسيبها

Flash back

جنان: ابيه شهاب انت فاضي

شهاب : اه يا حبيبتي تعالي

جنان : على فكره كان حكيت لي على انك كلمت باباك وخلاص هتعلنوا في البيت انكم مرتبطين

شهاب: اه يا ستي كده هتبقي اختي رسمي

جنان : طيب انت وجنه هتمشوا من البيت وتتجوزوا في مكان تاني وتسيبوني لوحدي وانا خايفه ابقى لوحدي بعيده عنك انت وجنه

شهاب : ليه يا جنان يا حبيبتي خايفه انا هفضل معاكي على طول مش هسيبك ابدا

جنان: يعني بذمتك مش هتنساني

شهاب : بذمتك انا اقدر انساكي لا طبعا ومش عايزك تقلقي وتتاكدي ان انا بحبك 

واقولك على حاجه كمان اول بنت هخلفها هسميها جنان عشان تبقى حلوه شبهك كده

جنان : انا خلاص كده اطمنت انا بحبكم قوي ومليش حد في الدنيا دي غيركم وراحت جنان لادهم جوز مامتها

جنان : بابا ادهم حضرتك فاضي

ادهم : تعالي يا حبيبتي ده انا لو مش فاضي افضلك مخصوص جنه حضنته بحب

جنان : حضرتك عرفت ان ابيه شهاب وجنه هيتخبوا صح

ادهم : اه 

جنان: طيب انا عايزه اعملهم مفاجاه

ادهم : ايه هى يا ترا 

جنان : ممكن حضرتك تنزل معايا ونجيب لهم الدبل ونعملهالهم مفاجاه وانا عارفه مقاس جنه لان مقاسنا واحد وحضرتك ايدك مقاربه لايد شهاب

ادهم : فكره حلوه بكره باذن الله ننزل نجيب الدبل ونعملها مفاجاه

End flash back

شهاب: والباقي انت عارفه

رعد بصدمه : طيب ليه ما عرفتنيش

شهاب : وانت ليه ما سالتنيش

رعد : طيب شهاب انا طالع دلوقتي اوضتي ارتاح شويه سيبني لوحدي حبه لو سمحت

↚

طلع رعد غرفته وفضل  يفكر هل هو كده يبقى ظلم جنان بس هو ما عشمهاش بحاجه هل هو كان بيحبها بالشكل الكافي اللي يحارب عشانها او يحاول يقرب منها طيب هو معجب بغزل عشان شخصها ولا عشان قرب الملامح ولما افتكر غزل سرح بخياله وقال ( اه من غزل) 

وافتكر مشاكستها وردها الدبش احيانا وكسوفها وافتكر لما جنان كانت بتبعد او ما كانش بيشوفها الايام ما كانش بيحس بفراغ انما لما غزل غابت يوم واحد بس حس بفراغ كبير ووحده

برغم انه كان حاسس ان شهاب ممكن يكون معجب بغزل هو قرب منها عكس جنان بعد فورا عنها

رعد لنفسه: كده انا عرفت انا عايز ايه انا عمري ما حبيت جنان يمكن كنت معجب بيها انما غزل لا حاله خاصه بتعملها جوايا لما بشوفها فمش عايز انزل عيني من عليها

     فى الجهه الاخرى عند غزل 

وصل جد غزل وعمها جميل ومحملين من خيرات ربنا فاكهه وفراخ وبط ورومى ولحوم  وطلعوها عند غزل

ناديه: اهلا اهلا يا عمي نورت القاهره

جمال: القاهره منوره باهلها يا ام غزل

ناديه: اهلا يا جمال ازيك عامل ايه واولادك عاملين ايه ومراتك

جمال: كلهم بخير الحمدلله

غانم: وانت عامله ايه يا ناديه وغزل عامله ايه هي فينها مش شايفها ليه

ناديه: حالا يا عمي هعرفها انك جيت هي بس كانت بتصلي العصر اتفضلوا اتفضلوا

دخل غانم وجمال وقعدوا في الصالون وخرجت عليهم غزل وغانم اول ما شافها فتحلها دراعاته وهي جريت عليه وحضنته جامد وعيطت وجمال شدها من حضن  جدها وحضنها جامد و سلم عليها

جمال: وحشتيني اوي يا بنت اخويا 

غزل مسحت دموعها وانت كمان يا عمي انا ما كنتش عايزه فلوس انا كنت عايزه حبكم وخوفكم عليا

غانم : على عيني بعدك عني يا غزل يا بنت الغاليين بس بعدك ده كان خوف عليكى

غزل : من مين يا جدي خايفين عليا من نفسكم

الجد : من اقرب الناس ليكى يا غزل

غزل: وحشتني قوي يا جدي انا ما وحشتكش

الجد : وحشتيني قوي يا غزل دانتى اكتر واحده تشبهني في احفادي وعلى طول بكلم امك واعرف اخبارك

غزل : وما كنتش بتكلمني انا ليه على طول

الجد : عشان لو كلمتك كنت هضعف وهرمي بكل حاجه عرض الحائط وهاجيلك او اجيبك عندي لكن بعدك عني حمايه ليكى 

ناديه: خليها تعرف يا عمي من حقها

غزل : أعرف ايه 

ناديه: تعرفي جدك عمل ايه عشانك وليه بيعمل كده

الشقه القديمه يا غزل زي ما هي مش متاجره ولا حاجه وجدك كل شهر هو اللي بيدفع لنا الفلوس اللي انت فاكراها فلوس الايجار انا معايا فيزا تانيه جدك دايما يحطلي عليها فلوس عشان لو احتاجتي اي حاجه اجبهالك غير الفيزا اللي معاكي اللي بتقبضي بيها جدك كان بيحميكى من عمك جندي جدك يا غزل باعتلي اول امبارح 20 الف جنيه عشان اي حاجه محتاجاها اجيبها لك وما اخليش نفسك في حاجه وهو اللي اداني 10000 اول ما اشتغلتي عشان اجيب لك لبس فاكره الكورسات اللي كنت برفض انك تنزلي تاخديها وكنت بدفعهالك  انا وبعملهالك مفاجاه اني دفعتهالك جدك هو اللي كان بيدافعهالك يا غزل 

غزل : بصدمه طيب ليه خفيتوا عني كل ده وليه احنا قاعدين هنا وليه ما قلتليش ان هم بيعملوا معاياكده وسبتيني فاهماهم غلط وشايله منهم 

غانم : كده حمايه ليكي من عمك طول ما هو فاكر اني رميت طوبتكم  وانكم مش هتورثوا حاجه انتم كده في امان وهو مش هيفكر ياذيكم ابدا . وورثك  يا غزل محفوظ اللي انت اتهمتيني اني هاكله عليكى  فاكره

غزل : طيب ليه ربطت اكاديمي لورسي بجوازي من ابن عمي الكبير

غانم : كنت عايز احميكي وتبقي في عصمه راجل وابن عمك وعمك جمال كانوا هيحابوا عليكى بضلهم   وعمك جندي كان هيخاف من عمك جمال ومن ولاده انه يقرب لك عشان ما يقفش في وشهم لكن طول ما انت لوحدك هتبقي صيده سهله ليه

غزل : طيب ايه اللي غير الوضع دلوقتي

غانم : حاجات كتير اولهم ان عمك جندي باع الشركه اللي هنا اللي ابوكي الله يرحمه كان ماسكها وطبعا الفلوس هتتوزع ونصيبك مش هيتوزع من ضمن الفلوس دي يا غزل ومن غير ما تتسرعي كل حاجه هتفهميها في وقتها

وخدي الورق ده ده ورق بيع مني ليكي ب 10 فدادين والورق اهو  باسمك وتقدري تتصرفي فيهم

جمال: هو صحيح يا غزل ان اللي اشترى الشركه مش رعد  برضه

غزل : اه يا عمي هو اللي اشتراها عشان تبقى فرع تانى  لشركته

غانم : تمام يا غزل انا مش عايزك تشيلي هم حاجه وسيبي كل حاجه زي ما هي ولما جندي يعرف انك هتتجوزي واحد زي رعد مش هيغامر ابدا ويقف في وشك عشان هو مش يقدر يقف قصاد واحد زى رعد واخوه لواحده لانى عارف انى مش هقف معاه لا انا ولا اخوه

غزل : طيب انت عرفت منين ان عمي ناوى على الشر

غانم : امك سمعته وانا ما صدقتهاش وبعدين عمك جمال سمعه واكد لي كلام امك

       عند شهاب ورعد

شهاب : ايه يا ريدو انت فرحان

رعد : الحمدلله بقولك نبدأ منين لحسن مش عارف حاجه المره اللى فاتت صباح وجنه هما اللي عملوا كل حاجه

شهاب: ما تشغلش بالك انت سيب كل حاجه عليا فكر بس في الهديه اللي انت هتجيبها لها

خرج رعد وشاب وراحوا لمحل زهور واتفقوا على شكل البوكيه وانهم هيستلموه بكره وراحوا اشتروا علبه شوكولاته من افخم الانواع ورعد اشترى سلسله ذهب هديه لغزل عباره عن عين وفيها فص بنفس لون عيون غزل

        عند غزل

غانم: بصي يا غزل انا كل اللي طالبه منك دلوقتي انك تفضلي زي ما انتى ومش عايزك تشغلي بالك بحاجه وما تشيليش هم بكره او اي حاجه سيبي كل حاجه عليا وعلى عمك جمال خلينا بقى في الجد

غزل: اتفضل يا جدى 

غانم : ممكن تسيبوني انا وغزل لوحدينا

خرجت ناديه ومعاها جميل وقاعدوا في الصاله

الجد : كلميني بصراحه يا غزل ومش عايزك تخجلي مني الحاجات دي ما فيهاش كسوف الجدع ده انت بتحبيه وريداه  ولا عايزاه عشان معاه فلوس وانت ظروفك مش احلى حاجه فشايفه انه هيعوضك 

غزل بكسوف : لا يا جدي اني ريداه  ومن زمان بس هو ما كانش شايفني ولما اشتغلت معاه غصب عني لقيتني بتشد ليه وبعجب بيه اكثر بس دايما ما كانش ينفع اظهر ده وبداري جوايا و كنت بقول لنفسي اذا كان اهلي رموني هو هيبصلي على ايه

غانم : لا يا غزل اوعي تبصي لنفسك كده تاني انتى كبيره وغاليه وكبيره قوي كمان المهم كملي وبعدين 

غزل ما قلتوش ان هو كان بيضايقها عشان جدها ما ياخدش موقف منه

: المهم اني اشتغلت الاول سكرتيره عند اخوه مستر شهاب وكان محترم جدا معايا ولما مستر شهاب سافر شغلي اتنقل مع رعد  لان هو اللي ماسك الشغل مكان اخوه وبقينا نتكلم في الشغل كتير وهو معجب بقدراتي في الشغل لحد ما مره واحده لقيته جه يتقدملي ساعتها انا ما كنتش مصدقه نفسي بس كنت خايفه جدا ليكون مش واخدها جد

غانم: طيب دلوقتي

غزل: اصراره على انه يجبى يتقدم خلانى احس ان هو واخدها جد بس انا قلقانه ومتوتره هل ده طبيعي

غانم: طبيعي يا عروسه المهم يا بنتي انتى مش لوحدك انت وراك عيله كامله بتحبك وبتخاف عليكى

غزل : انا بحبك قوي يا جدي ما تزعلش مني على اي حاجه قلتهالك قبل كده حقك عليا وقامت باست راسه 

الجد : ما اقدرش ازعل منك يا غزل ده انت الغاليه بنت الغاليين

        عند جمال وناديه 

جمال: ازيك يا ام غزل عامله ايه

ناديه: انا بخير يا جميل وانت ومراتك عاملين ايه كويسين وعيالك وابنك الكبير اتجوز وخلف ولا لسه

جمال: كلنا بخير ابني الكبير اتجوز وخلف ولد اتجوز بنت خالته اللي كان متكلم عليها والصغير اتجوز واحده كانت زميلته في الجامعة وهى حامل دلوقتي

ناديه: ومراتك عامله ايه

جمال: زي ما هي لسه حاشره نفسها في كل حاجه

ناديه: هههههههههههه عيب كده يا جمال انتوا كبرتوا 

جمال: لا انا لسه شباب وبدور على عروسه كمان هي اللي كبرت

ناديه: طول عمرك دمك خفيف يا جمال 

جمال: وانتى يا ناديه لما غزل ان شاء الله تتجوز وتشوف حياتها انتى ناويه تعملي ايه هتعيشي لوحدك

ناديه: مش هعمل حاجه هفضل زي ما انا كده وهي برضو مش هتسبنى  وهتجيلي من وقت للتاني

جمال: طب بدل الوحده دي ماكتب عليكى و تيجي تعيشى  وسطينا

ناديه : ايه يا جمال اللي بتقوله ده لا طبعا مستحيل انت راجل كبير ومتجوز واولادك كمان مخلفين يعنى جد وانا بنتي هتتجوز وان شاء الله تخلف و انا كمان ابقى جده  وانت جايلى بعد السن ده وبعد كل اللي انا قلته ده وتقول لي نتجوز لا طبعا مستحيل 

جمال: ايه اللي بتقوليه ده يا ناديه ما تنسيش ان احنا كلنا متجوزين صغيرين ده اول حاجه ثاني حاجه هو الجواز دلوقتي بقى ليه سن معين ال 50 وال 60 دلوقتي حرام يتجوزوا ولا ايه انا مش بقولك تعالي نعمل حاجه حرام او عيب  انا بقولك احنا هنتجوز على سنه الله ورسوله

ناديه: فرضا انا وافقت مراتك وعيالك هيوافقوا ده مراتك ممكن تطخني عيارين تجيب اجلي

اثناء حديثهم خرج الجد وغزل ووقف جمال وناديه عن الكلام

جمال لناديه : كلامنا ما انتهاش يا ناديه هنكمل كلامنا بعدين

ناديه : بقولك يا عمي هقوم انا وغزل نغرفلكم بقى دلوقتي عشان ايه نتغدى

ناديه وغزل غرفوا الاكل وكلهم اكلوا في جو هادي ودافئ وعدى اليوم في ضحك وهزار سواء عند غزل واهلها او عند  رعد وشهاب

        اخر اليوم عند غزل 

غانم : نستاذن احنا بقى يا ناديه وهانيجيلكم بكره ان شاء الله

ناديه : طب ما تباتوا يا عمي بدل المشوره

غانم : ما يصحش يا ناديه عشان جمال كمان ياخد راحته وبعد اذنك هنبات في شقتكم التانيه 

ناديه: انت تؤمرني يا عمي ودخلت جابتله المفتاح

وعدى بقيه اليوم بدون احداث جديده وثاني يوم ناديه جابت اتنين يساعدوها في الاكل وتوضيب  الشقه وخلصوا كل حاجه بدري وغزل لبست فستان بيبى بلو وعليه طرحه بيضا وشوز ابيض بكعب عالى وحطت كحل ازرق ظهر اكتر جمال عنيها 

دخل رعد وشهاب وقعدوا مع الجد وعمها وبداوا يتكلموا وطلبوا ايد غزل للزواج

غانم : بص يا رعد يا ابني انت شخص كويس وانا موافق عليك مبدئيا بس انا عرفت انك انت اشتريت الشركه من جندي عم غزل صح

رعد : صح يا حاج عشان تبقى فرع تاتى لينا وانا اللى هاديروا

الجد : انا عايز غزل تدخل شريكه معاك في الشركه الجديده دي بنسبه 30%

غزل وكل اللى قاعدين اتصدموا من طلب الجد 

يا ترا رعد هيوافق هو وشهاب متحمسه اسمع رايكم نجماتى

↚

الجد : بص يا رعد يا ابني غزل هتدخل شريكه معاكوا بنسبه 30% وانا هحولك الفلوس لحسابك ونسجل العقود في الشهر العقاري في يوم كتب الكتاب ها قلت ايه

رعد: بص للشهاب انا عن نفسي موافق كده كده غزل هتبقى مراتي بس مش هقدر اخد القرار ده لوحدي لان شهاب هو اخويا الكبير ومش بس كده وشريك معايا وهو اللي ماسك اداره الفرع الرئيسي

شهاب: بص يا حاج غانم المثل بيقول خد الاصيله ولو مهرها غالي واحنا راضيين والنسبه ال 30% دي مهرها

الجد : لا يا ابني الفلوس دي حقها وورثها وانا عايز احافظلها عليه ومش هلاقي اامن من جوزها يشاركها ويحافظلها على مالها

رعد : خلاص يا حاج جاني نخلي نسبه غزل 40% هي هتدخل 30% و 10 منهم انا هدفعهم لها مهر والفيلا موجوده انا شاريها وقافلها هي هتيجي بس تختار العفش والديكور اللي يعجبها انا عايزها بشنطه هدومها

الجد : بصي يا رعد يا ابني احنا بنفهم في الاصول وبنتنا هنفرش لها احلى واغلى فرش

الحاج غانم وشهاب ورعد وجمال كانوا بيتفقوا على الاساسيات بتاعه الجواز وغزل وامها ناديه كانوا قاعدين مصدومين ومش قادرين يتكلموا من الصدمه وغزل حاسه انها بتحلم عاشت ست سنين ظالمه جدها وهو كل ده كان بيحافظ عليها وعلى مالها ست سنين كانت مشيله نفسها الهم بدون داعي وشايله هم بكره وكانت بتخاف تصرف وما كانتش بتسمع كلام مامتها وكانت حرمه نفسها من اللبس والخروج وانها تعمل صداقات في الجامعه زي بقيه البنات بسبب اوهام في دماغها ومره واحده بقت شريكه في الشركه اللي بتشتغل فيها بنسبه كبيره زي دي لا وبدل ما كانت قاعده في شقه وحاره هتقعد في فيلا كبيره وهتفرشها كمان على ذوقها يا الله سبحان مغير الاحوال 

غانم : تمام يا ولدى كده اتفقنا على كل حاجه فاضل الميعاد 

رعد : نقرا الفاتحه دلوقتي والخطوبه الجمعه الجايه

جمال : على خيره الله يلا نقرا الفاتحه

بص غانم على غزل : ها ايه رايك يا بنتى 

غزل بخجل : اللى تشوفه يا جدى 

قروا الفاتحه تحت زغاريط من ناديه

ناديه بحب : يلا بقى عشان نتغدى مع بعض وناكل عيش وملح وراحوا كلهم على السفره

رعد: بسم الله ما شاء الله كل ده عيش وملح ههه وكلهم ضحكوا معاه 

ناديه: بالف هنا على قلوبكم من النهارده انت وشهاب زي ولادي بالظبط وغزل اختكم

رعد : زي ولادك اه انما شهاب بس اللي زي اخته انما انا لا مش زي اخوها ابدا

 وكلهم ضحكوا عليه وعدى الوقت ما بين ضحك وهزار وحب ولمه حلوه

وبعد الغداء غزل دخلت عملتهم عصير وشاي عشان يشربوه وقدمت لهم حلويات وقدمتلهم كلهم الاول ورعد كان اخر واحد واول ما وصلت عنده راح مطلع لها الهديه وادهالها

رعد: اتفضلى دى هديه بسيطه ليكى يارب تعجبك 

غزل : بصت غزل لجدها وجدها شاور لها بدماغه ان هي تاخدها وقبلت غزل الهديه وفرحت بيها جدا لانها كانت مميزه

رعد: بكره باذن الله هننزل نجيب الشبكه

الجد : طيب هتنزل امتى وغزل وامها عشان انا مسافر بكره الصبح ان شاء الله

جمال: لا يا ابويا انا هقعد لحد يوم الخطوبه سافر انت وانا هستنى هنا في القاهره الاسبوع ده وهنزل بكره معاهم وهما بيجيبوا الشبكه

الجد : خلاص انا هسافر وابلغهم في البلد عشان يعملوا حسابهم

رعد: تمام وجنينه الفيلا كبيره ممكن اجيب فيها مهندس ديكور نظبطها ونعمل الخطوبه هناك

الجد : تمام على خيره الله

واثناء كلامهم ناديه دخلت جاهزت اطباق اكل لجمال ورعد وشهاب ولعمها

رعد: ايه ده كله مالوش لازمه خيرك سابق

ناديه: لا ده عشان تتعشوا بيهم لان اكلتكم ما عجبتنيش

شهاب: تسلم ايدك يا ماما ربنا يخليك لينا

واخذوا الاكل ومشيوا و

رعد  قال لها بصراحه الاكل بتاعك لا يعلى عليه ويا ترى بقى غزل بتعرف تطبخ زيك هي كمان

ناديه: غزل دي استاذه من وهي صغيره كنت بوقفها معايا في المطبخ وكانت بتعمل معايا الاكل خطوه خطوه واتعلمت مني كل حاجه

رعد: طيب الحمد لله الواحد ضمن  مستقبله كده 

مشيوا  كلهم من عند ناديه وغزل

ناديه: ايه اللي حصل ده يا غزل انا مش مصدقه

غزل : وانا كمان انا حاسه ان انا بحلم ولسه بحلم لحد دلوقتي اقرصيني كده عشان اتاكد ان انا صاحيه

ناديه وغزل فضلوا يزقوا بعض ويضحكوا ويهزروا ويجروا ورا بعض

غزل : هو في كده

ناديه: تصدقى طلع فيه ههههه لسه برده هتفضلي محرصه على القرش كده وكل لما اقول لك هاتي حاجه او اعملي حاجه تحسسيني ان القيامه هتقوم مش هتقعد

غزل : اخشوشنوا يا ناديه يعنى نحرص ونعمل حساب اليوم الاسود في اليوم الابيض د انا كنت عايزه احوش فلوس لاي ظرف يحصل  افرضي لا قدر الله كنتى تعبتى مني ولا حصل حاجه كنت هعمل ايه ساعتها وانا مكنتش فاهمه حاجه 

ناديه: اوفر انت يا غزل لازم يا بنتي تثقى في ربنا اكتر من كده

غزل : ونعم بالله انت عندك حق فعلا يا ماما بقول لك ايه انا ادخل انام انه كان يوم طويل ومرهق جدا

        عند شهاب ورعد 

رعد : بجد يا شهاب انت مقتنع في موضوع الشراكه ده

شهاب: طبعا وعلى فكره الناس دي سمعتها زي الفل وانت لما كلمتني عليهم انا بعت ناس سالوا عنهم والكل شكر فيهم ما فيش غير عمها جندي اللي طماع ولعبى شويه

وغير كده المبلغ اللي هيطلعوه برده مش قليل خد بالك ممكن بيه نوسع الشركه ونعمل فرع تالت 

رعد : بس انا مستغرب انهم عايشين في مكان زي ده وغزل كانت بتلبس بالشكل ده اول ما اشتغلت وهم من عيله كبيره زي دي وليه كانت بتقولي ان جدها واعمامها واكلين حقها واللي انا شايفه عكس كده ما فيش  غير عمها جندي بس اللي انا ما ارتحتلوش وكان شكله ان هو كمان مش بيحبها انما جدها وعمها جمال واضح ان هم بيحبوها وعايزين يحفظولها على حقها

شهاب: ممكن يكون كان في سوء تفاهم بينهم وراح لحاله عموما ابقى اسالها 

رعد : بكره لما اشوفها انا هسالها بس بقولك ايه طبقك معاك و طبقي معايا اوعى تفكر تيجي جنب طبقي ساعتها هنسى انك اخويا

شهاب: ههه انت اللي ما تفكرش تيجي جنب طبقي اخويا اه انما في الحاجات دي لا

               تانى يوم الصبح فى الشركة

رعد : صباح الخير على احلى عروسه

غزل : بخجل صباح النور يا رعد

رعد: هننزل النهارده بعد الشغل

غزل : اه بإذن الله

رعد: خلاص هنروح سوا النهارده ناخد مامتك ونروح بعدها للجواهرجى 

غزل : طيب وعمى جمال 

رعد: لو موجود يجي معانا او يسبقنا على هناك

بس شكلهم بيحبوكي قوي يا غزل

غزل: بصراحه اليومين اللي فاتوا دول فاجئوني بحاجات كثير قوي انا ما كنتش عارفاها

رعد: حاجات زى ايه 

غزل حكتله كل حاجه جدها وعمها قالوهالها

رعد : مش عارف اقول ايه بس واضح ان جدك بيحبك قوي وخايفه عليكى 

عند شهاب وجنه 

شهاب: عامله ايه يا جنه وماما صباح

جنه : الحمد لله احنا بخير والدكتوره كمان جت النهارده وطمنتني وقالت لي اني اقدر اتحرك عادي بس بسيط وخليتني كمان انزل اتمشى في الجنينه وقالتلي لو استمريتي بالنمط ده ممكن جدا على الرابع او الخامس اقدر اتعامل عادي زي اي واحده حامل طبيعي وممكن كمان اسافر

شهاب : طيب زي الفل ده احلى خبر سمعته ربنا يقومك بالسلامه يا رب

على فكره انا هاجي نص الاسبوع الجاي عشان اخر الاسبوع ده خطوبه رعد وبجهز له

جنه : طيب الحمد لله احكي لي بقى بالتفصيل ايه اللي حصل 

شهاب حكى لجنه كل حاجه حصلت في القاعده وحكهالها كمان موقف رعد من جنان وانه فاكر انهم كانوا مرتبطين 

جنه : طيب الحمد لله ان سوء التفاهم زال بس واضح قوي ان اخوك واقع على شوشته

شهاب: باين كده بس هو مش عايز يوضح فضل شهاب وجنه يتكلموا شويه وبعدين قفل معاها واتصل بمهندس الديكور عشان يجي يظبطلهم الجنينه بتاعت الفيلا

عند رعد وغزل 

جمال : الو يا غزل انتى فين 

غزل : فى الشركه وهننزل دلوقتي اهو هعدى على ماما ناخدها ونروح للجواهرجى

جمال: طيب هاتى رعد 

بقولك يا رعد ادينى العنوان بتاع الجواهرجى عشان اجيلكم على هناك دلوقتي

رعد ادي له العنوان لعمها وبعدين خرجوا من الشركه وعدوا على مامت غزل وبعد كده راحوا على الجواهرجي اللي بيتعاملوا معاه و غزل اختارت طقم دهب عباره عن اسوره ودبله ورعد اختاراها خاتم ماس هديه وعمها جاب لمامتها طقم دهب هديه وكانت معترضه جدا انها تاخده لكن مع اصراره اخذته وكمان اشتري لغزل اسوره هديه

وخرجوا كلهم وبعدين راحوا على مطعم عشان يتغدوا وطلب جمال من رعد انه يقعد مع غزل على ترابيزه لوحدهم عشان هو محتاج يتكلم مع ناديه شويه وبعد اصرار منه وافقوا على طلبه

ناديه: ينفع اللى عملته ده يا جمال 

جمال:اه ينفع انا مبعملش حاجه غلط 

ناديه: يا جمال انت جد وانا قريب هبقى جده اللى بتقوله ده ما ينفعش

جمال: بالعكس بقى ده اكتر سن مناسب لاننا بنكون محتاجين في الونس

ناديه: نتونس باحفادنا

جمال: الكل هيتلي في حياته والعيال هيكبروا وهيدخلوا المدارس واحنا هنبقى لوحدنا

ناديه: طيب ومراتك 

جمال: انا ومراتى عايشين زى الاخوات من ١٠ سنين حاولت كتير انى اقرب واصلح لكن هى رافضه ولما جيت أطلقها رفضت هى عايزه تتحكم فى حياه عيالها والبيت وتشترى دهب تخزنه وانا اخر اهتمامتها وانا اصلا مش فارق معاها فى حاجة ولا جوازى منك هيأثر معاها فى شئ وانا عارف هقنعها ازاى 

ناديه : طيب عمى وغزل وولادك 

جمال سيبى كل حاجه عليا ومتشغليش بالك بحاجه

ها نجماتى 

تفتكروا رد ناديه ايه

↚

ناديه: بصي يا جمال مش هقدر اديك كلمه غير لما اتاكد ان الكل موافق على موضوع جوازنا غير كده لا

جمال: تمام يا ناديه يبقى على خيره الله عشان انا واثق ان ما حدش هيعترض ومش بس كده ده انا هخلي كمان عواطف هي اللي تيجي تطلبك بنفسها

           عند رعد وغزل

رعد: على فكره يا غزل واضح جدا ان عمك بيحب امك وعايز يتجوزها

غزل : بس مستحيل ماما توافق

رعد: هي مزمزقه اه بس شكلها في النهايه هتنخ وتوافق على فكره

طب افرضي انه طلب يتجوزها وهي كمان وافقت على طلبه انتى رد فعلك هيكون ايه

غزل : اللي فيه مصلحتها انا معاها فيه وهأبدها فيه ماما تستحق كل حاجه حلوه لانها ضحت عشانى كثير

بعد فتره من الكلام انضم لرعد وغزل عمها ومامتها واتفق معاهم انه هيجي قبل الخطوبه بيوم هو وباباه وباقي العيله وعدى اليوم بدون احداث جديده وثاني يوم الصبح سافر جمال الصعيد عشان يكلم ابوه ومراته فى موضوع جوازه 

غانم : حمد لله على السلامه يا جمال هو انت مش كنت قلت هتيجي بعد الخطوبه وانك هتقعد الاسبوع ده في القاهره

جمال : اه بس حاسه الموضوع كده خلاني اجى 

غانم : خير موضوع ايه

جمال: انا كلمت ناديه في موضوع الجواز وهى علقت موافقتها عليكم

غانم: انا عن نفسي موافق بس انت هتقدر تقنع ولادك ومراتك 

جمال: اه يا بوى ماتقلقش انا عارف انا هقنعهم ازاى

غانم: يبقى على خيره الله يا ولدي

طلع جمال غرفته وبعت لمراته عواطف 

عواطف: شيري يا جمال باعتلي ليه

جمال: وهو بيطلع سلسله كبيره خير يا عواطف ما فيش حمد لله على السلامه

عواطف شافت السلسلة. الله يسلمك يا ابو عيالي حمد لله على السلامه ايه الحاجات الحلوه دي

جمال: دي هديه ليكي وانا عندي اغلى منك اهاديه

عواطف اخدت منه السلسلة باستعجال وبتتفرج عليها  : تسلم ما جايبك يا اخويا وجت تمشي جمال راح نادي عليها

جمال: تعالي يا عاطف انا عايزك في موضوع

عواطف: خير يا جمال في حاجه

جمال: الكلام اللي هقوله ده سر اوعاكي يطلع بره الباب ده ساعتها هتكوني طالق بالتلاته يا عواطف

عواطف: يا حوستي في ايه يا جمال خضتني

جمال: تعرفي احنا كنا فين في مصر

عواطف: اه بتتابعوا مصالحكم هناك

جمال: لا كنا عند ناديه وبنتها ابويا راح وتراضى معاها وهيديهم ورثهم

عواطف: نهار اسوح وانت بقى نصيبك هيبقى فين

جمال: نصيبي هيكون محفوظ وبزياده شويه لو انا عملت اللي في دماغي

عواطف: وايه بقى اللي في دماغك

جمال: هتجوز ناديه وفي الحاله دي ورثها وورث بنتها كله هيكون معايا وساعتها انا اللي هكون الوصي على فلوسهم كلها خصوصا ان غزل جايلها عريس وهتتجوز

عواطف: هي غزل هتتجوز

جمال: اه ومش اي حد ده راجل اعمال كبير قوي وغني قوي قوي هو وعيلته كلها وما يقلش حاجه عننا لا في النسب ولا في فلوس

عواطف: طيب انت كده هتستفاد ايه

جمال: اولا لا ناديه ولا بنتها هيعرفوا يشرفوا على فلوسهم اللي هنا تمام ثاني حاجه انا لما اتجوزها وناديه حصل لها حاجه انا هورث فيها وانا اللى هكون مسئول عن املاكهم فهمتى بقى 

عواطف: طب وانا اقدر اساعدك ازاي وطبعا ليا الحلاوه

جمال: اولا جندي ما يعرفش حاجه خالص عن موضوع الورث ده او عن اني عايز اتجوز ناديه لحد ما الموضوع يتم عشان ما يروحش يسبق ويحاول يلين دماغها ناحيته ثاني حاجه لما اعرف اولادك تفهميهم انك موافقه وما عندكيش اي مشكله وثالث حاجه ودي الاهم

عواطف: ايه هى

جمال: ناديه تفهميها ان الموضوع مش فارق معاكي نهائي بالعكس انك مرحبه كمان بالجوازه واوعي تجيبي سيره ورث او فلوس ليها ولا اي حاجه سامعه عواطف كانك مش فاهمه حاجه

عواطف: عيب عليك دي ناديه دي حبيبتي من زمان وضحك ضحكه خبيثه

جمال ؛ تمام جهزي نفسك بقى عشان الخطوبه الجمعه الجايه واحنا هنسافر قبليها الصبح

عواطف: حاضر يا اخويا وسابته ومشي وهو اتصل باولاده وعرفهم ان هيتجوز ناديه واعرفهم ان خطوبه غزل الجمعه الجايه وانهم كلهم لازم يسافروا الخميس عشان يحضروا الخطوبه واولاده وافقوا وموضوع الجواز مش فارق معاهم لانهم عارفين طبع مامتهم واطمنوا اكثر لما عرفوا ان امهم موافقه وما عندهاش مشكله هات ايه ده

عدى الاسبوع بدون احداث جديده سوى مكالمات جمال لناديه وعرفها ان خلاص كلهم وافقوا وتجهيز شهاب ورعد لجنينه الفيلا ونزول شهاب الشركه ومتابعه الاعمال

شهاب : برافو عليك يا رعد انا مبسوط منك قوي

رعد: طيب الحمد لله

شهاب: انا واثق ان شركه الجديده دي هتكون قدم خير لينا كلنا باذن الله ودخول غزل معانا هيخلي في سيوله كويسه نقدر نفتح بيها مصنع لقطع الغيار هنا في مصر بدل ما بنستوردها

رعد: فعلا فكره حلوه ايه رايك نبني ارض اكتوبر مصنع لصناعة قطع الغيار

شهاب: انا بفكر في كده بعد كتب الكتاب نبدا بقى نجهز المصنع تكون السيوله زادت معانا وغطت كمان

رعد: صحيح انا كلمت خلانك وخالاتك وعماتك واعمامك واولادهم كلهم على الخطوبه

شهاب : تمام

رعد: واول لما الفيلا تخلص نعمل كتب كتاب ودخله على طول

شهاب: مستعجل انت

رعد : أوى بصراحه ههههههه

شهاب: بركاتك هلت يا ست غزل 

خلال الاسبوع عند جزر وناديه نقلوا حاجتهم شقتهم القديمه وجابوا ناس نظفوا الشقه وجهزوها لاستقبال الضيوف

غزل: الشقه يا ماما زي ما هي اللي يشوفها ما يقولش انها بقالها ست سنين مقفوله

ناديه: كل شهر جدك كان بيبعت ناس ينضفوها ويغيروا الفرش ولو في حاجه محتاجه تتصلح كان بيبعت حد يصلحها

غزل: جدو ده احلى جد في العالم انا بجد ندمانه جدا اني ظنيت فيه كده

ناديه: وهو بيحبك يا غزل وبيخاف عليك قوي ومش زعلان منك

غزل : صحيح يا ماما هتعملي ايه مع عمو جمال هتوافقي عليه

ناديه: موافقتي قدامه موافقتهم كلهم وهو كلمني واكد عليا انهم كلهم موافقين ومرحبين كمان ودي حاجه انا مستغرباها جدا

غزل : وانا كمان يا خبر بفلوس يوم الخطوبه هيبقى ببلاش

قبل الخطوبه بيوم وصلوا اهل غزل عندهم البيت وسلموا عليهم وعواطف اتعاملت مع غزل وناديه بود زياده عن اللزوم وده خلي ناديه وغزل يستغربوا اكثر وفضلوا يتكلموا مع بعض والرجاله راحوا شقه غزل وامها اللي في الحاره عشان يباتوا فيها والستات كلهم قضوا اليوم وباتوا عند ناديه

         يوم الخطوبه غزل بلغت رعد انهار هتروح بيوتى سنتر عشان الشقه زحمه ومافيش مكان تعمل في اللى هى عايزاه لكن رعد رفض جدا وبلغها انه هيجهزلها جناحه في الفيلا تقدر تيجى فيه وتجيب اللى هى عايزاه 

وفعلا غزل اقتنعت بكلامه واخذت بنت عمها معاها وابن عمها ومعاه مراته ووصلها وقضا بقيت اليوم مع رعد واتعرف عليه 

والميك اب ارتست راحت لها على الفيلا وجهزت غزل ولبست فستان دهبي وطرحه وشوز نحاسي وكانت جميله فوق الوصف وعملت ميك اب رقيق وهادي لدرجة انه بقى يلفت النظر من جماله 

حضر الجميع بحفل الخطوبه من العيلتين وبعض الاصدقاء وكان من ضمن الحاضرين كيان

دخل رعد وغزل معا الحفله تحت تصفيق وزغاريد من الحاضرين وسعاده جد واعمام غزل وامها وجلس رعد وبجانبه غزل وعرف رعد غزل لاهله وغزل عرفت رعد على اهلها وجت كيان تسلم على رعد

كيان: الف الف مبروك يا رعد بقى هي دي اللي انت فضلتها عليا حته السكرتيره دي

رعد ببرود: الله يبارك فيكى واه هي دي اللي انا حبيتها وفضلتها عليكى

كيان: انا ما كنتش مصدقه انك بتتكلم جد وفعلا هتتجوزها انا كنت فاكره انك بتقول كده عشان تداري على الموقف اللي حصل والفضيحه 

غزل ضحكت جامد : اه هو خاطبنى اهو وهيتجوزنى  قريب وكمان بيموت فيا ها في حاجه تانيه حابه تقوليها

كيان: ويا ترى بقى الصحافه والاعلام عرفوا يا ترى هيبقى شكلك ايه قدامهم لما يعرفوا انك هتتجوز حته سكرتيره

رعد: انا بنفسي هعزمهم فى الفرح ولا تحبى اسبلك المهمه دي وتجبيهم انتى اصلى عايز اعزم كل الصحافه والاعلام

كيان بصتلهم بغيظ ومكنتش عارفه ترد وسابتهم ومشيت 

غزل : على فكره يا رعد كان مش ناويه على خير

رعد : سيبك منها انا عارف بس تعالي هنا مين اللي قال لك اني بموت فيك

غزل باحراج: كنت حابه اغظها هو انت اتضايقت 

رعد: لا بس انا عايز اعرفك ان فعلا بموت فيك وبحبك وبعشقك كمان

غزل وشها احمر جامد وسكتت ومكنتش عارفه ترد 

رعد : احمرتى  قوي كده ليه  الناس هتقول عليا بقول لك ايه عموما انا هسكت لحد ما نبقى لوحدنا عشان محدش يفتكر انى بقولك كلام عيب 😂😂😒😒 

  عند ناديه وجمال

جمال: ايه الجمال ده اللي يشوفك استحاله يصدق انك تبقي ام غزل فاكرينك اختها

ناديه بكسوف : شكرا ده من زوقك 

جمال:  انا نفذت وعدى اهو وخليتهم كلهم يوافقوا

ناديه: وانا موافقه بس مش هسيب بنتي واسافر 

جمال: هنبقى ما بين هنا وهناك لان كده كده انا همسك الفرع الجديد اللي هنا بدل جندي وجندي هيفتح فرع في محافظه ثانيه وكمان هجيب فيلا لان احتمال ابنى الصغير يجى يقعد هنا لانه شغله الأساسي هنا وهو متشحطت مابين هنا وهناك وابنى الكبير ماسك الأراضي هناك مع جده

ناديه: تمام على خيره الله انا هكلم غزل بعد الخطوبه واقول لها بس ما فيش جواز غير لما هى تتجوز الاول 

جمال: خلاص هانت اهي وجت عليهم عواطف وهما بيتكلموا

عواطف: مبروك يا ناديه هنبقى ضراير بس ماتخافيش انا هبقى طيبه 

ناديه: 

↚

ناديه: يعني انت مش متضايقه ولا زعلانه يا عواطف

عواطف: لا خالص هو الشرع محلله اربعه وانا خالف الشرع يعني ده حتى يبقى حرام عليا

ناديه: اهم حاجه انك تكوني راضيه ويكون الكلام من قلبك

عواطف: اه راضيه ما تشغليش بالك بقول لكم ايه هسيبكم انا بقى تكملوا كلامكم واروح اشوف حاجه اكلها

جمال: هاي يا ستي قلبك اطمن

ناديه: طيب عمي واولادك

جمال: ابويا كان نفسه بكده من اول ما اخويا مات وولادي مش فارق معاهم اصلا وانتى غزل رايها ايه

ناديه: اجازه برده مش ممانعه من جوازي منك خصوصا انها بتحبك ومحتاجه اب وسند ليها

جمال: خلاص يا ناديه يوم كاتب كتاب غزل يبقى نفس يوم كده كتابنا

ناديه: ايه الكلام ده لا طبعا خلينا بعديها الناس تقول ايه البنت وامها بيتجوزوا في نفس اليوم لا صعب قوي

جمال: ملكيش دعوه انا هتصرف سيبيلي انا الموضوع ده

اما شهاب اتصل بجنه فيديو كول وفرجها على الفرح وخلاها تكلم غزل ورعد تباركلهم

رعد: ازيك يا جنه عامله ايه الخطوبه ناقصاكى

جنه: ازيك انت يا رعد انا بخير الحمد لله والف الف مبروك على الخطوبه عقبال الجواز اديني جزر بقى عشان اباركلها 

جنه : ازيك يا غزل عامله ايه والف مبروك يا حبيبتي على الخطوبه انا مبسوطه عشانك قوي قوي وكان نفسي احضر بس للاسف الظروف تمنع

جنه : ولا يهمك يا حبيبتي ان شاء الله تتعوض في الفرح اهم حاجه انت تقوملنا بالسلامه

جنه : طيب كلمى ماما عايزه تباركلكم

صباح: ازيك يا غزل عامله ايه يا حبيبتي معلش انا عارفه اني مقصره بس اول ما انزل ان شاء الله هعوضكم

وخدي بالك من الواد رعد ده ولو زعلك قوليلي وانا هقرصلك  ودانه

غزل : توصلي بالسلامه وربنا يطمننا على جنه وخدي رعد معاكي اهو عايز يسلم عليك

رعد: ازيك يا صبوحه عامله ايه

صباح: ازيك انت يا حبيبي انا قلبي فرحان قوي قوي النهارده يا رعد كان نفسي اكون معاك ربنا يتمم لك على خير يا حبيبي واحنا في اقرب فرصه هنيجي ان شاء الله

رعد : توصلوا بالف سلامه

بعد ما قفلوا مع جنه ومامتها جه عم غزل جندي عشان يسلم عليها وهو من جواه فرحان قوي لانه معتقد ان بجوازها من رعد انها كده مش هتطالب بورثها مايعرفش ان جدها دخلها شريكه مع رعد وكمان بالنسبه له ان رعد وعيلته نسب يشرف وممكن من وراه يعمل صفقات كبيره

جندى : الف الف مبروك يا غزل انا فرحتلك قوي

غزل: الله يبارك فيك يا عمي عقبال بناتك

جندى: تعالي في حضن عمك يا حبيبتي عايزين بمناسبه الفرحه الحلوه دي ننسى القديم ونبدا مع بعض من جديد

غزل: ان شاء الله يا عمي اكيد هننسى اللي فات اهم حاجه في المستقبل

جندي: وانت يا رعد ما قلتليش ليه انك متكلم على غزل لما قابلتكم في الشركه

رعد: جدها حب يعملها مفاجاه ولما كنت في المكتب ما كنش لسه في حاجه رسم تخليني اعرف نفسي عليك فيها

جندى : ادينا اهو خلاص بقينا نسايب وقريب لازم تيجوا البلد عشان تتعرفوا علينا قريب

رعد: ان شاء الله طبعا ويكونلى الشرف 

وعدى يوم الخطوبه بدون احداث جديده وثاني يوم رعد كان اجازه واتصل على غزل واخدها وخرجوا 

رعد : مبسوطه يا غزل 

غزل كانت مكسوفه ومش بترد فسالته انت مبسوط

رعد : ما ترديش على سؤالي بسؤال انا مش عايزك تسكتي وتتكسفي يا غزل احنا المفروض بنجهز لجوزنا وبقينا مخطوبين ومحتاج اعرف مشاعرك ناحيتي

غزل: اه مبسوطه بس مش هقدر اقول اكثر من كده بس وعد بعد الجواز هقول لك كل حاجه نفسي فيها وهتفرحك

رعد فرح لانه اتاكد انها بتحبه بس برضو حب يصارحها بمشاعره 

رعد: فاكره يا غزل لما سالتيني عن جنان و ما كنتش عايزه اجاوبك وتوهت بعد كده الكلام

غزل: اه فاكره ومش حابه اضغط عليك عشان تحكي لي حاجه

رعد: لا انا عايز احكيلك كل حاجه وفعلا كان صريح معاها وحكالها كل حاجه

غزل: بغيره افهم من كده انك بتحبها

رعد: لا بعد ما حبيتك عرفت انه ما كنتش حب  ابدا لاني كنت بقعد بالايام من غير ما اشوفها وما كانش بيكون فارق معايا ولا بكون متضايق او حاسس بوحده زي معاكي انت لما غبتي يوم انا كنت هتجنن كنت حاسس بوحده و فراغ كبير قوي لما كنت خاطب كيان كنت دايما بأجل الجواز حاجه جوايا ما كانتش عايزه اني اكمل الجوازه دي ويوم ما شفتك في الصوره بتاعه السي في كنت هتجنن كنت عايزه امشيكي باي شكل

غزل : ليه بقى المفروض انك كنت تخليني قدامك على الاقل كنت هفكرك بيها

رعد: كنت خايف اني شهاب يحبك او يعجب بيكي لاني كنت فاكر انه بيحب جنان قبل ما يحكي لي قصته هو وجنه وحكلها كل حاجه شهاب قالهاله

غزل: طيب افرض جنان رجعت ظهرت تاني

رعد : مش هتكون بالنسبالي اكثر من اخت

يمكن قبل ظهورك كان ممكن افكر فيها او اتجوزها لكن دلوقتي صعب لاني عرفت يعني ايه حب واحساسي من ناحيتها كان اعجاب مش اكتر من كده

غزل : يعني افهم من كلامك انك بتغير عليا من قبل ما تشوفني

رعد: اه لانك لفتى نظرى وخصوصاً ثقتك فى نفسك اللى محدش قدر يهزها ونظره عينك اللى غصب عنى بتخلينى ابصلها ومش قادر ابعد عينى عنها 

غزل : ضحكت على كلامه لان هي كمان بتحبه ومن زمان كمان بس هي قررت تقول له بعد الجواز انها كانت بتحبه من ايام الكليه

رعد : بقولك صحيح مهندس الديكور هيجي بكره الشركه عشان يعمل التعديلات اللي محتاجنها فى الشركه الجديده وطبعا لازم تكوني موجوده يا شريكه 

غزل : هههههههههههه حاضر : بس انا عايزه مكتب بابا يكون زي ما هو من غير تعديلات انا بس هكون محتاجه حاجات بسيطه

رعد: بس كده انت تؤمري

عند جمال وناديه

ناديه: ينفع كده نبقى عاملين زي المراهقين اللي بيخرجوا ثاني يوم الخطوبه

جمال: احنا مخطوبين دلوقتي وانا عايز اتعرف عليك اكتر وبعدين انتة مش اقل من بنتك اللي خطيبها خرجها

ناديه: هههه ماشي يا جمال هعديهالك بس احكيلي عرفت تقنع مراتك ازاي بجوازنا

جمال: مراتى طماعه وانا دخلتلها من السكه دى 

ناديه: يا لهوي طب افرض عرفت الحقيقه وان اصلا غزل كل نصيبها هي اللي هتديره بنفسها مع جوزها في الشركه الجديده

جمال: عواطف تفكيرها اقل من كده هي يهمها الفلوس وانا كل فتره هديها مبلغ تحطه في البنك باسمها وهي في الاول وفي الاخر مراتي هي اهم حاجه عندها انها ترازى فى  مراتات ولادها وتعمل الكبيره عليهم وانا سايبها

وهما عارفين بيتعاملوا معاها ازاى 

ناديه: طلعت مش سهل يا جمال 

جمال: عشان خاطرك اعمل اى حاجه انا بحبك من زمان اوى يا ناديه وبعدت واتقيت ربنا عشان انتى مرات اخويا وماينفعش ابصلك 

ناديه: من زمان ؟

جمال: اه من زمان وكنت عايز اتجوزك بس النصيب غلاب وادينا فى الاخر مع بعض اهو 

وصل رعد غزل دي بيتها الجديد وبعدين روح عشان يلحق يوصل شهاب المطار وهما في الطريق

شهاب : صحيح يا رعد ليه ما وضبتش جناحك اللي في الفيلا واتجوزت فيه ليه عايز تبعد

رعد: اولا انا مش هبعد لان الفيلا في نفس المكان ثانيا انا اه بعتبر ماما صباح زي امي بس هي مش امي وبعتبر جنه زي اختي بس هي مراتك ومحتاجه خصوصيه وتاخد راحتها اكتر ثالثا انا انا برده حابب ان يكون عندي مساحه خاصه اكثر من كده حتى الشغالين مش هخليهم يباتوا وهيكون ليهم وقت معين يجوا ويمشوا فيه فهمت قصدي انا بصراحه نفسي في خصوصيه وحياه خاصه وانا الفيلا واخدها جنبك هنا على طول هي اه صغيره ومحندقه بس انا بحبها

شهاب: اللي يسعدك يا رعد اعمله انا اهم حاجه يا حبيبي انك تكون مبسوط ومرتاح انا هسافر دلوقتي وانت خد بالك من نفسك وانا في اقرب وقت هاجي

عدى على ابطالنا اربع شهور كان فيهم رعد بيقرب من غزل وزاد من حبه ليها وحبها ليه وجمال جاب بيت في القاهره وخلي ناديه تفرشوا على ذوقها وغزل اتفقت مع مهندس ديكور على الديكورات والعفش اللي هي عايزه تعمله في الفيلا بتاعتها وجهزت مكتبها بشركه رعد الجديده وشركه باباها القديمه وكانت مبسوطه جدا وكانت جنه بتتحسن والدكتوره سمحت لها اخيرا بالسفر والحركه

بعد اربع شهور نزل شهاب وجنه وصباح وعملوها مفاجاه لرعد ووصلوا الفيلا على اذان العشاء ودخلوا ورعد كان قاعد في الصاله بيتكلم مع غزل في التليفون ومره واحده لقى اللي بيشد منه التليفون وكانت جنه اللي شدت منه التليفون وكملت هي كلام مع غزل ورعد اتفاجئ بيهم وفرح قوي وسلم عليهم كلهم وحضنهم

رعد: ايه المفاجاه الحلوه دي يا شهاب مش تقولوالي كنت اجي اخدكم من المطار

صباح: كنا عايزين نفاجئك انت عامل ايه يا حبيبي وحشتني قوي

صباح لجنه : هاتي يا جنه التليفون اما اكلم غزل واعزمهم بكره عشان اتعرف عليهم

جنه اديتها التليفون

صباح: ازيك يا غزل يا حبيبتي عامله ايه وماما عامله ايه

غزل: الحمد لله يا طنط احنا بخير وحمد لله على سلامه حضرتك وعلى سلامه جنه وان شاء الله تقوم بالسلامه

صباح: الله يسلمك يا حبيبتي ممكن تديني ماما عشان اكلمها واعزمها على الغداء عندي بكره وانتى معاها

غزل : طب ليه ما ناجلها تكوني حضرتك ارتحتي من السفر

صباح: لا يا حبيبتي انا نفسي اتعرف عليكم انا حبيتكم من كلام رعد وشهاب ونفسي اشوفكم قوي انا لولا الشديد كنت حضرت خطوبتكم وغزل اديت مامتها التليفون واتفقوا انهم هيروحوا يتغدوا بكره عندهم وثاني يوم راحت ناديه وغزل واتعرفزا  على صباح وجنه وكانوا مبسوطين قوي وحبوا بعض وغزل وجنه كانوا اصحاب جدا لان هما الاثنين ما كانش عندهم صحاب

رعد: بقولك يا غزل الفيلا جهزت خلاص وكل حاجه بقت تمام انا هكلم جدك واحدد معاه ميعاد الفرح

صباح: واحنا كلنا موجودين وهي فرصه عشان نفرح كلنا مع بعض واعوض عدم حضوري للخطوبه

ناديه: خلاص على خيره الله كلم جدها وان شاء الله نعمله في اقرب وقت

عدت الايام تساعد على الجميع وقبل كتب الكتاب تمت الشراقه رسمي بين غزل ورعد وشهاب وثاني يوم تم كتب كتاب غزل ورعد وجمال وناديه وتم في الصعيد عند اهل غزل والفرح اتعمل هنا في القاهره وحضر فيه العيلتين والصحاب ورجال الاعمال وبعض الصحفيين

وجد كيان ومعاها صحفيين عشان تحضر الفرح وتحاول تحرج غزل قدامهم لكن رعد سبق وعرفهم على غزل وانها شريكته الجديده وعرفهم كمان على عيلتها وده خلى كيان تتصدم وتمشي لانها ما عرفتش تنفذ القطه بتاعتها اللي كانت عايزه تعملها

بعد الفرح

ناديه وجمال راحو على فندق وسابوا البيت بتاعهم عشان العيله بتاعه جمال كانت بايته فيه وهو كان عايز ياخد راحته مع ناديه و وكان محضر لها مفاجاه ان هو كان حاجز سفر عشان يعملوا عمره

عند جنه وشهاب كانوا مبسوطين عشان خاطر غزل ورعد وكانت جنه فى الشهر السادس وحملها ماشى بشكل جميل

عند رعد وغزل

رعد: اخيرا انا مش مصدق نفسي بجد انك خلاص بقيتي معايا في بيتي

غزل : وانا كمان مش مصدقه ان حلم عمري من ساعه ما دخلت الكليه اتحقق

رعد: بجد 

غزل : اه يا رعد من اول مره شفتك فيها في الكليه لما لبستني النضاره وانا كنت معجبه بيك وغصب عني بعد كده لقيتني حبيتك وكنت براقبك من بعيد لبعيد واتصدمت لما جيت شفتك في الشركه وعرفت ان انت اخو شهاب وحزنت لما لقيتك خاطب واحده زي كيان وكنت بحزن اكثر لما كنت بتعاملني بالطريقه اللي كنت بتعملني بيها دي

رعد مسك ايديها وباسها : حقك عليا كانت غيرتى اللى بتحركنى كنت عايز ابعدك واخبيكى

انا بجد مبسوط اوى اول مره اكون مبسوط كده انا بحبك اوى يا غزل لا انا عديت مرحله الحب دى يا غزالتى

وتوته توته خلصت الحدوته مش لازم نبقى اغنيه  عشان نبقى حلوين ونتم بنفسنا نحاول ندور على اللي بيبسطنا 

فى كل حاجه حولينا بلاش نفتح باب للحزن عشان لو فتحناه صعب نقفله 

في مليون طريقه لاخذ الحق مش لازم دم وسرعات عشان ناخد حقنا اخذ الحق صنعه لازم نتعلمها

لازم نثق في نفسنا وان احنا حلوين ساعتها كل الناس هتشوفنا حلوين حتى لو احنا مش حلوين

اتمنى اكون خفيفه على قلوبكم نجماتى وتكون الرواية عجبتكم وتوقعاتكم كانت صح بخصوص جمال 

تمت بحمدلله

تعديل المقال