رواية لن اعيش قي الظل كاملة جميع الفصول بقلم سوما العربي

رواية لن اعيش قي الظل كاملة جميع الفصول هى رواية من تأليف المؤلفة المميزة سوما العربي رواية لن اعيش قي الظل كاملة جميع الفصول صدرت لاول مرة على فيسبوك الشهير رواية لن اعيش قي الظل كاملة جميع الفصول حققت نجاحا كبيرا في موقع فيسبوك وايضا زاد البحث عنها في محرك البحث جوجل لذلك سنعرض لكم رواية لن اعيش قي الظل كاملة جميع الفصول

رواية لن اعيش قي الظل كاملة جميع الفصول

فى ليله من اليالى كنت راجعه من عند صحبتي كانت عزامنى على عيد ميلاد ابنها وكان معايا ابني ورجعين مبسوطين وبنضحك وبنهزر ولما وصلنا لشقتنا ودخلت جوزى قال لى دخلى سيف ابننا غرفته وتعالى عشان عاوز اتكلم معاكى فى موضوع

قولت له خير يا حسام فى ايه 

قال لسيف ادخل ياحبيبي غرفتك دخل سيف غرفته 

وقال تعالى ندخل نتكلم فى غرفتنا 

دخلنا وقولت ليه فى ايه ياحسام اتكلم قلقتنى 

وقف ساكت لحظات ومدينى ظهره وفجأه قال لى انا هتجوز ياسلمى 

انا ماصدقتش وداني وافتكرت انى سمعت غلط 

قولت انت قولت ايه ما سمعتش 

حسامبقولك انا هتجوز 

انا امال انا ابقى ايه لما انت لسه هتتجوز 

حسامانتى مراتى طبعا بس انا هتجوز تانى

اناانت قادر تصرف على بيت لما عاوز تفتح بيت تانى طب كفينا انا وابنك وامك الاول دا انا عايشه وصابره وشغاله خدامه ليك انت وابنك وامك اخرتها عاوز تتجوز عليا انت ايه معندكش ډم ولا احساس 

حسام انا هتجوز بنت خالى عشان هو شرط عليا ان عشان يدينا ورث امى انى اتزوج بنته عشان يتطمن عليها لان ماحدش اتقدم ليها وخاېف لتعنس وكمان عشان يضمن ان الورث ما يرحش لحد تانى 

انابس انا مش عاوزه ورث ولا فلوس وانا راضيه بالعيشه دى وبعدين ورث امك خده بالمحاكم مادام هو مش عاوز يديه لوالدتك

حسامبس انا عاوز الورث انا مش هفضل كده طالع عينى عشان الفلوس ومش قادر اصرف عليكم ووالدتى مش راضيه بموضوع المحاكم ده وغير كده وكده معظم الورث خالى حاطط ايده عليه وفى حاجات كتير مش مثبوته باوراق وفى اللى جدى كان عامل له توكيل بيه نقل ملكيته له يعنى حتى لو روحنا لطريق المحاكم مش هينوبنا الا البسيط من الورث وبعد وقت طويل 

انابس انا مش موافقه على الزواج ده وماتنساش ان سبت اهلى وورثى واختارتك انت دلوقتى جيه دورك انت تختار

حسامقال لى انتى حره انا قولتلك وخلاص وسبني وخرج 

وانا فضلت فى غرفتى ابكى و افتكر اول يوم شوفت فيه حسام لما كنت نازله من البيت ورايحه لصحبتى وهو فضل

ماشي ورايه طول الطريق من غير ما يحاول انه يكلمنى وكرر الموضوع ده اكثر من مره لحد ما فى يوم وقفنى وقال لى انا كنت عاوز اجى اتقدملك بس حبيت قبل ما ادخل الباب من بيته اعرف رايك مبدئيا الاول 

قولت له انت تعرفنى عشان تيجى تتقدم لى 

قال لى اه انا من شهر شوفتك مع صحبتك اللى فى شارعنا وخليت اختى سألتها عنك وعرفت انك مش مرتبطه ومن يومها وصورتك ما فرقتش بالى ومشيت مره وراكى وانتى راجعه من عندها وعرفت بيتك و بقالى اسبوع كل يوم رايح جى وراكى وبقيتى انتى شغلى الشاغل ما بتفرقيش بالى لا ليل ولا نهار وكنت محرج اكلمك بس صعبت نفسي عليا فقررت اكلمك عشان قلبى مش قادر يتحمل اكتر من كده 

انابس انا لسه معرفكش ولا انت تعرفنى كويس

حساملا انا اعرفك كويس اوى بس انا عاوزك ما تخديش قرار متسرع

فلو تدينا فرصه نتعرف على بعض اكتر قبل ما تاخدى قرار يبقى دا اسعد يوم فى حياتى 

ومن يومها وانا بقيت اشوفه كل يوم وحبه ليا خلانى اتعلقت بيه وحبيته 

وفعلا جه اتقدم لى ورغم ان عائلة والده كانت عائله اقل منا بكتير ولما جه اتقدم لى والدى ما كنش موافق وانا وقتها اللى صممت عليه وكنت ھموت نفسي عشانه لدرجة ان والدى يومها قال لى لو صممتى على الجواز منه انا هكتب كل حاجه باسم اخوكى صحيح انا كنت فكره انه مجرد ټهديد وانه بيخوفنى عشان اتراجع بس بردوا انا فضلت مصممه على الزواج منه وفعلا لما اتزوجت منه فجأت ان والدى فعلا كتب كل حاجه باسم اخويا 

وفضلت معاه عايشه وراضيه رغم انخفاض مستوى العيشه اللى انا فيه معاه بس كنت راضيه بعيشتى وابنى اللى ربنا رزقنى بيه وحمده ربنا جى النهارده وعاوز يتجوز عليا والحد الوقت ده وانا كنت فاكره انه لسه بيحبنى ومش معقوله يعملها فعلا ويتجوز عليا اكيد كان بيشوف رد فعلى بس ولما يحس انى هضيع من ايده هيتراجع عن الفكره 

لحد ما فى

ليله لقيته داخل عليا وفى ايده بنت خاله وهى لبسه فستان فرح وانا اول ما شوفتها وكأنى ما كنش عندى اى فكره لانى بجد ما كنتش مصدقه ان ممكن يعملها فعلا الضغط علي عليا واغمى عليا ووقعت على الارض وما فوقتش الا وانا على السرير وهو ووالدته واقفين امامى وهو اول ما فوقت قال لوالدته الحمدلله اهى بقت كويسه اروح انا اشوف عروستى وخليكى معاها يا امى 

ركزت شويه وقالت له انت رايح فين طلقنى الاول ما تمشيش وتسبني وتروح ليها قبل ما تطلقنى 

سابنى وخرج ووالدته قربت منى اهدى يابنتى واستهدى بالله دا متجوزها ڠصب مش حبا فيها ولا نقص فيكى يعنى كنتى عوزاه يضحى بالفلوس دى كلها وانتوا مش لاقين تاكلوا 

اناما انا ضحيت بكل حاجه عشانه ضحيت برضى والدى وورثي حتى تعليمى اللى كنت اتفقت معاه انى هكمله وانا معاه ولما الظروف ما سامحتش فضلت ااجل سنه ورا سنه ومكملتش كل ده مش تضحيات وفين حبه راح دا كان ھيموت لما كنت هروح من اديه ووالدى ماوفقش وفضلت شيلاه وشيله ابنه وشيلاكى انتى كمان ولا نسيتى وخلاص بنت اخوكى جت وهتنسي كل خدمتى ليكى حرام عليكم تعملوا فيا كده ليه انا عملت فيكم ايه 

حاولت امه تهدى فيا بس انا كنت خلاص قربت اټجنن ومش طايقه اقعد فى البيت وهو فى غرفه جنبى مع واحده غيري قومت لمېت هدومى وقولت لوالدته قولى ليه يبقى يبعت لى ورقة طلاقى وصحيت ابنى عشان اخده معايا 

جريت والدته عليه عشان تعرفه انى همشي وهسيب البيت 

طلع لى وحاول يهدى فيا وان اقعد لحد بكره وهيعمل اللى هطلبه بس انا قولت ليه تطلقنى دلوقتى قال لى مش هطلقك رحت سيباه وماشيه وقالت له تطلق ما تطلقش انا ماشيه ومش هتشوف وشي تانى لا انا ولا ابنك واخدت ابنى فى ايدى ومشيت 

وقفت فى الشارع والوقت كان متأخر والفلوس اللى معايا قليله ومش عارفه اروح فين وانا ماكنش لى غير والدى واخويا ووالدى اتوفى الله يرحمه واخويا باع البيت

ما هو مكتوب باسمه زى كل حاجه وزوجته مش مخليه حاجه معاه بتاخد منه اللى تقدر عليه اول باول قولت اروح لاخويا مع ان انا عارفه زوجته كويس مش طايقانى لا فى سما ولا فى ارض من يوم ما رحت واتخنقت مع اخويا عشان اخد كل الميراث وما اعطنيش اى حاجه ويومها زوجته هيا اللى اتصدرت لى وكانت خڼاقه كبيره وقالت لى انتى عاوزه ايه انتى ما لكيش حق تطلبي منه اي حاجه لان والدك كتب كل حاجه ليه بيع وشراء والحاجه دى كلها ملك اولادى دلوقتى وانسي ان اسيب اخوكى يديكى اى حاجه حتى لو هو فكر فى كده واخويا واقف دون

↚

ان يتكلم غير بجمله واحده انتى مالكيش حاجه عندى كل حاجه باسمى ويومها مشيت من عندهم وانا مكسوره ومعرفتش اخد معاهم لا حق ولاباطل معقوله ارجع ليهم تانى بعد ده كله ووقفت ابكي فى الشارع وابنى يبص عليا وبقول پتبكي ليه ياماما واحنا ليه واقفين كده فى الشارع ما تيجى نطلع شقتنا عند بابا 

بصيت ليه والدموع فى عينى ومش عارفه اقول ليه ايه وافهمه ازاى وقولت فى بالى اروح لاخويا ويمكن لما يعرف اللى حصل لى قلبه يحن ويرق لى اكيد عمر الډم ما يبقى مياه 

فقولت لابنى احنا هنروح نقعد عند خالك شويه واخدته من ايده ومشيت قاصده اخى واول ما وصلت خبطت على الباب والوقت كان متاخر فتح لى اخويا وهو مڤزوع وزوجته وراه 

اخويا فى حاجه ولا ايه وايه الشنطه دى ايه اللى حصل

قولت ايه هنتكلم واجنا واقفين على الباب ولا ايه 

زوجته وهو فى حد يجى يتكلم مع حد فى وقت زى ده فزعتينا ياشيخه انتى مش شايفه وجه شاحب ومصفر ازاى مم الفزعه 

اخوياادخلى 

دخلت وقولت معلش انا عارفه ان الوقت اتأخر بس انا كنت فى الشارع والوقت متأخر ومش عارفه اروح فين انا وابني وقولت مافيش غير اخويا اللى هيوقف جنبى ان ما كنش هو هيقف جنبى مين هيقف جنبي 

زوجتهياسلام على السهوكه دلوقتى عرفتى انه اخوكى

امال لما جيتى فضحتيه وفضحتينا فى العماره ما كنش اخوكى انا مش عارفه ايه البجاحه دى

اخويا استني بس لما نعرف منها ايه اللى حصل 

اناجوزى اتزوج عليا بنت خالته عشان ياخد ورث امه وجبها وداخل عليا بيها مالقتش امامى الا انى اسيب ليه البيت واطلب الطلاق واجيلك تشوف صرفه معاه عشان مش راضي يطلقنى 

اخوياوليه ده كله وايه ياعنى اتزوج عليكى ما قال ليكى عشان الميراث ارجعى لبيت جوزك وعيشي لا انتى اول واحده يتجوز جوزها عليها ولا اخر واحده قومى ياشيخه على بيت جوزك ولا اقولك بيتى النهارده والصبح تروحى لجوزك 

وبص لزوجته وقال ليها شوفى هتبيت فين النهارده 

انا من غيظى منه ومن كلامه ان كل اللى همه انه يخلص منى ومن مشاكلى قومت وقفت وقولت انت رايك انى ارجع لجوزى وارضى مش كده عندك حق ما الظاهر انى ماليش غيره ارجع ليه وبصيت لزوجته وقولت ليها ما تتعبيش نفسك انا راجعه لجوزى دلوقتى واخدت ابنة ونزلت وانا مش عارفه هروح فين ودموعى على خدى 

واخويا كل اللى عمله انه وقف وقال طب خليكى للصبح ولا استنى اجى اوصلك عشان الوقت متأخر سبته ونزلت ومردتش عليه ووقفت امام العماره ومش عارفه اروح على فين وابني بيقول لى واقفه ليه ياماما انا عاوز اروح عاوز انام شيلته على كتفى وقولت له نام ياحبيبي وفضلت ابكي اروح فين بس ياربى قولت اتصل هلى صحبتي الوحيده بس الوقت متأخر اعمل ايه

المهم قررت اتصل عليها وفعلا اتصلت رد وهى مفزوعه ايه يا حبيبتى خير يارب

انا انا اسفه يانسمه انى اتصلت عليكى فى وقت زى ده 

نسمه صحبتى لا عادى ياسلمى بس انا اټخضيت عليكى اصل اكيد اتصالك فى وقت زى ده اكيد فى حاجه خير طمنينى انتى بخير 

انااه بخير بس مرميه فى الشارع ومش عرفه اروح فين 

نسمهوليه كده سبتي بيتك ليه 

اناحسام اتجوز عليا يانسمه وانا سبت ليه البيت وطلبت الطلاق ورحت لاخويا يقول لى ارجعى لجوزك هو ده اللى قدر عليه تخيلي 

سلمى طب تعالى يانسمه بييتى عندى لحد

ما نشوف صرفه انا مستنياكى 

قفلت معاها ورحت على شقتها واول ما فتحت اترميت فى وانا شايله ابنى وفضلت ابكي اخدت منى ابنى ودخلت نيمته على السرير فى الغرفه اللى فضت لى سرير فيها عشان ابيت فيها ودخلت ابن من ابنائها ينام معاهم فى غرفتهم اصل الشقه غرفتين وصاله وهى عندها ثلاث ابناء ورجعت لى وقالت اقعدى استريحي 

اناشوفتى يانسمه جوزى اللى ضحيت بكل حاجه عشانه يروح يتجوز عليا ويجبها لى تعيش فى البيت 

نسمهوازاى ده حصل وليه 

اناقال ايه خاله شرط عليه عشان يدى ليه ورث امه يتجوز بنته 

وحسام ماصدق ما كدبش خبر بعدها بكام يوم لقيته داخل بيها البيت شوفتى الندل 

نسمهطب واخوكى عمل ايه لما عرف 

انااخويا ده مش راجل ماهو اللى تمشيه مراته وتمشي كلمتها عليه وعلى اخته يبقى مش راجل قال ايه يقول لى وايه المشكله لما يتجوز عليكى لا اول ولا اخر واحده يتجوز عليها جوزها كل اللى همه ان ابعد عنه وخلاص ولو حتى ھموت 

نسمهاخوكى ده اسمحى لى انانى و...

اناومش راجل زى ما قولت قولى ماكسوفه ليه ما دى الحقيقه 

نسمهادخلى طب دلوقتى استريحى والصباح رباح

دخلت الغرفه عشان انام دا ان جانى نوم 

وفضلت قاعده على السرير وبنظر لابنى طب انا وبدفع ثمن اختيارى الغلط طب انت ذنبك ايه وهربيك ازاى وفين وهعمل انا ايه ومن كتر التفكير والارهاق نمت دون ان اشعر بنفسي 

وفى الصباح صحيت على صوت نسمه وجوزها وهو بيقول ليها معرفتش انام طول الليل من ابنك هو السرير ناقص زنقه دا يدوب مكفينا احنا الاثنين هى صحبتك دى ناويه على ايه اوعى يكون ناويه تبلط هنا 

ونسمه عماله تقول له وطى صوتك لحسن تصحى وتسمعك حرام عليك هى مش ناقصه كفايه اللى هى فيه 

جوزها لا بقولك ايه مش جوزها واخوها مايسألوش فيها ويرموها وانا اللى هشيل همها انا ارجع من الشغل يكون شوفتى ليها صرفه سلام

قعدت نسمه على كرسي وحطت ايدها على خدها وبتسأل نفسها اعمل ايه انا دلوقتى 

انا عملت نفسي ما سمعتش حاجه وقومت وطلعت ليها وقولت

صباح الخير يانسمه 

نسمهصباح النور ادخلى انتى ياسلمى الحمام ولما تطلعى صحي ابنك عقبال ما احضر الفطار اكيد انتى جعانه من امبارح دخلت الحمام وبالى مشغول هروح فين ما انا مش هقعد لحد ماخرب بيتها هيا كمان وهى ملهاش ذنب على راي جوزها لما جوزى واخويا مسألوش فيا ذنبهم ايه هما يشيلوا همى وبعد ما فطرنا 

وانا حسه ان نسمه عاوزه تقول لى على اللى جوزها قاله بس محرجه وعشان اخرجها من الورطه اللى هي حسه انها واقعه فيها بسببي لقتنى بقول ليها انا فكرت كويس طول الليل انا قررت هرجع لجوزى واعيش معاه وايه يعنى اتجوز عليا اهو نصيبي هعمل ايه ياعنى 

نسمه بتقول على استحياء ما تفكرى كويس الاول ياسلمى ودورى على شغل بدل ما ترضى بالامر ده وتبقى مكسوره من جواكى 

انا انا فكرت كويس يانسمه انا هلاقى شغل فين وامتى انتى ناسيه انى حتى تعليمى ماكملتوش هما اللى كملوا تعليمهم لقين شغل لما انا هلاقى هتبهدل وهبهدل ابني معايا ويمكن ماتحملش وارجع تانى له يبقى ليه ارجع من دلوقتى احسن حتى عشان خاطر الغلبان ابنى 

نسمهوانتى اللى هترجعى كده لوحدك طب وكرامتك 

اناكرامت ايه اللى بتتكلمى عنها كرامتى دى نستها من وقت ما اخويا اللى من دمى ولحمى اتخلى عنى وسبنى انزل فى وسط الليل انا فكرت خلاص وكررت 

وفعلا اخدت نفسي ورجعت على شقتى ووقفت امام الباب ايدى مش

↚

مطاوعانى اخبط على الباب لحد ما ابنى قال فى ايه ياماما وراح مخبط هو على الباب واول من ابوه فتح اترمى فى وانا دخلت مذلوله ووجهى فى الارض من غير ما اتكلم

سمعته بيقول ما كان من الاول 

دخلت وماردتش عليه وكانت مراته الثانيه واقفه فقالت ايه يعنى رجعت تانى يا حسام امال كانت عمله فيها ان كرمتها تعباها اوى ليه سهوكت ولئم ستات دخلت على غرفتى ومش مصدقه وبسال نفسي هو ده حسام مش معقوله معقوله الفلوس بتغير فى الناس كده اكيد ما كنش بيحبنى ولا حاجه اكيد كان متجوزنى عشان فلوس ابويا

وماكنش مصدق انه هيحرمنى من ورثي ولما حصل شاف مصدر غيري وفضلت ابكي

بس حلفت بينى وبين نفسي انى لازم انتقم من كل اللى ظلمنى واتخلى عنى بس ازاى انتقم ازاى لحد ما جه فى بالى فكرة شياطين وقررت انفذها انى اخلى جوزى يشك فى زوجته التانيه وكمان زوجة اخويا تشك فى اخويا وده عن طريق انى هجيب رقم تليفون جديد واراسل اخويا ولو وصلت انى اكلمه واغير صوتى بأى طريقه واحاول افهمه انى واحده معجبه بيه وافضل اشغل فيه لحد ما يطلب انه يشوفنى وفى نفس الوقت بنفس الرقم هدخل لزوجة جوزى التانيه وافضل ابعت ليها رسايل على النت مره ورسائل على الخط مره واحاول اوهمها انى شخص بحبها من زمان وانى متيم بيها وانى اعرف عنها كل حاجه ونفسي اشوفها واكلمها من زمان وهنتظر الوقت اللى تكون فيه لوحدها واضع ليها هدايا وورد امام الباب وارن الجرس وامشي لحد ما اقدر اميل دماغها ولو وصلت بى ان ااجر راجل يكلمها هشوف حد يكلمها ولو طلبت صورتى هبعت ليها صورة اخويا و هبعت صورتها لاخويا والحمدلله ان كان خال جوزى كان مقاطعهم وقت جوازنا ومحضروش فرحنا وقتها واخويا ومرات جوزى التانيه عمرهم ماشافوا بعض وانا فى نفس الوقت هحاول اشغل جوزى عنها الفتره اللى هيكون فيها فى البيت وهو كده كده مشغول طول اليوم فى شغله وبيرجع على النوم ولما اتاكد من انها مالت واخويا بردو مال وان الخطه نجحت هظبط بينهم ميعاد واخليهم يقابلوا بعض وفى الوقت ده هبلغ جوزى ومرات اخويا بالميعاد اللى هيتقبلوا فيه وبكده ابقى انتقمت من الاثنين مع بعض بس الموضوع عاوز منى مجهود كبير وتخطيط دقيق واعرف هى بتحب ايه وپتكره ايه لازم تحس ان الشخص ده مچنون بيها ولو ما استجبتش هأجر الشخص ده يعمل ليها اى ڤضيحه المهم اوقع بينها وبين جوزى وفعلا بدات فى تنفيذ خطتتى وبدات احاول اشغل جوزى عنها فى معظم الوقت اللى بيكون فيه فى البيت وكانت الظروف

مناسبه لان جوزى بيتاخر فى الشغل وحماتى ست كبيره نايمه معظم الوقت وهى كانت بدات تحس بالملل وكانت مياله لاى كلمه حلوه واخترت الوقت المناسب اللى بدات ابعت ليها رسايل حب وكلام ناعم وهدايه وانى شخص بيحبها ومتيم بيها وبجمالها وطبعا بحكم قعدتنا فى بيت واحد بعرف احولها كويس واحسسها انى حاسس بيها وانى كل املى انها بس تسمح لي اعبر ليها عن اللى جوايه وانى مش عاوز اكتر من ان اقدر اسعدها ولو بكلمه وطبعا فى الاول كان ردها انت مين وتعملى حذر وكنت برجع اجيب خط تانى لحد ما مره لقتها بعتت لى رساله على الماسنجر بتقول لى انت عاوز منى ايه فقولت ليها انا عاوز اتكلم معاكى وتكلمينى وافضفض ليكى وتفضفضي ليا انا بحبك من زمان فقالت بس انا متجوزه فقولت اه ما انا عرفت انك اتجوزتى بس عرفت بردوا ان جوزك كان متجوز قبلك فقالت ولسه على ذمته فقولت طب ليه ترضي لنفسك تكونى زوجه تانيه فقالت ولما انت بتحبني من زمان كنت فين اشمعنا فكرت تكلمنى دلوقتى فقولت اصل كنت مسافر وقولت لما اكون نفسي اقدر ادخل بيتك اطلب ايدك ولما رجعت اټصدمت انك اتجوزتي بس لما عرفت انك اتجوزتى عرفت ان جوزك كان متجوز قبلك فقلبى حن وقولت ليه ترضى تكونى زوجه تانيه وفى حد بېموت فيكى ونفسه تكونى ليه ولما بدات تتجاوب معايا بدات نفس الامر مع اخويا ارسلت ليه رساله من رقم من الارقام الجديده وكنت من وقت للتانى كنت باخد تليفون مرات جوزى التانيه من غير ما تحس واكلم بيه اخويا واراسله ولبعت ليه فيديوهات خاصه بيها من على تليفونها وامسح الرسايل والمكالمات وارجع اعمله حظر عشان مايتصلش عليها وقولت ليه انا واحده معجبه بيك واعرفك كويس فى اول الامر خاف لاكون حد بيعمل فيه مقلب ولا مراته بتختبره فرد وقال انا راجل متجوز وما بكلمش حد فبعت ليه انت فاكرنى مراتك ولا ايه يا ابنى بقولك انا اعرفك كويس واعرف

شقاوتك تيجى تقول لى ما بكلمش بنات صحيح انت ماتعرفنيش بس انت كنت بتكلم صحبتي وانا كان نفسي اعرفك بنفسي بس اتحرجت ان انا اللى اجى اكلمك وانا كنت بتجنن لما بشوفك بتتكلم معاها افكرك ولا نسيت فاكر كذا بس انا لما عرفت انك اتجوزت وفقت على اول عريس اتقدم لى بس ما طولناش مع بعض عشان ما كنتش بحبه واتطلقنا فلقيت نفسي بدور عليك على الفيس وفرحت اوى لما عرفت اوصل لحسابك وقررت اراسلك رغم ان كنت خاېفه تكسفنى 

وشويه شويه بدا يتجاوب معايا وبعت له صورة مرات جوزى

بعت لى بس انا اول مره اشوفك قولت ليه ايوه اكيد مش هتفتكر شكلى لان احنا ما تعرفناش على بعض انا اللى كنت بركز معاك انما انت ما كنتش بتاخد بالك منى هتفتكر شكلى ازاى ومشيت الخطه زى المطلوب تماما وبدا الكلام يزيد وعلقتهم ببعض رغم ان مافيش حد فيهم يعرف التانى الا من خلال الصوره لحد ما اخويا طلب انى اكلمه فيديو قولت له مش هينفع عشان بعد ما اتطلقت رجعت قعدت عند والدى ووالدتى ومعظم الوقت بيبقى اخواتى قعدين معايا ولو كلمتك فيديو هلفت النظر انى بكلم راجل بس اقولك ايه رايك اشوف وقت مناسب ونتقابل 

فقال ياريت دا انا ياما طلبت منك وانتى كنت بترفضى فقولت له اصلك وحشتنى ونفسي اشوفك بس اصبر عليا يومين ولا ثلاثه لحد ما اظبط امورى لحسن اخواتى بيعدوا عليا الخطوه اعمل ايه اكمنى متطلقه فقال براحتك ياقمر انا فى الانتظار وفعلا قفلت معاه وبقى فاضل النصف التانى والاصعب ان اقنع مرات جوزى الثانيه ان توافق انها تقابلنى هى كمان واشتغلت على كده وفضلت الح عليها انى محتاج بجد انى اقابلها يا اما هتجنن وهتلاقينى عند البيت وواقف مستنيها تحت قالت لى انت مچنون قولت ليها اه مچنون بحبك ودى حاجه تزعلك قالت اه تزعلنى انك عاوز تفضحنى فقولت اعمل ايه وحشتينى وهتجنن واشوفك فبعد الحاح طويل قالت خلاص هقابلك بس مش هنطول قولت ليها

يكفينى ولو خمس دقائق وحددت معاها المكان والميعاد وكلمت اخويا واخبرته بنفس

↚

الميعاد والمكان بس فى اخر لحظه غيرت الخطه فكرت مش هستفاد حاجه من فضيحتهم صحيح هما هيتضروا انما انا الفائده هتكون قليله بالنسبه لى ففكرت اصورهم الاثنين مع بعض واستغل الصور فى الضغط عليهم وتهديدهم فى انهم ينفذوا طلباتى ولو ما نفذوش ابعتها لجوزها ولمرات اخويا وفضلت متابعه معاهم لحد ما اتقبلوا وصورتهم وهما قاعدين اخر انس والغريب انهم ما لحظوش تغير الصوت ولا انهم مكلموش بعض قبل كده يمكن لان مرات جوزى قامت علطول زى ما اتفقت معاه ولما انا لحظت انهم ما كشفوش اللعبه كملت فى الخطه اكتر لحد ما اخدت الصور اللى عوزاها والرسائل اللى المفروض بعتنها لبعض عملت منها اسكرين شوت وعملت فيل تحفه مسبوك على الاخر وكله تمام وبدات المساومه والټهديد مع مرات جوزى التانيه 

استنيت ان لما جوزى راح الشغل وحماتى نايمه ورحت خبطت على غرفتها فتحت الباب وقالت لى خير مش من عادتك تيجى لحد غرفتى وعاوزه تتكلمى معايا خير

اناهو من حيث خير فهو خير اوى اوى ورحت مطلعه صورها وهى مع اخويا ومحادثتهم مع بعض 

وببص لوجهها اللى بقى زى الليمونه وما بقتش قادره تبلع ريقها زلا قادره تنطق اول ماشافت الصور 

قولت ليها ايه رايك تسيبي لى جوزى وتطلبى الطلاق من نفسك كده زى الشاطره ولا تحبى تطلقى بفضيحه دا ان مكسرش رقبتك هو وابوكى واخواتك 

مرات جوزى انت جبتى الصور دى منين والمحادثات دى جبتيها ازاى 

اناانا ممكن اقول ليكى مش شغلك جبتها ازاى بس انا هريحك انا شوفتكم اول مره بالصدفه وصورتكم واخدتهم ومشيت ورا حبيب القلب اللى كان معاكى لحد ما عرفت بيته وفضلت متابعكم طول الفتره اللى فاتت دى وواخدت الصور ورحت له شقته وهددت بيها حبيب قلبك اللى طلع جبان وقال لى اللى عوزاه هعمله ليكى بس ما تفضحنيش انا راجل متجوز فاخدت منه اسكرين شوت لمحادثتكم مع بعض وحكى لى كل حاجه مقابل انى ما اقولش لمراته شوفتى

هو طلع جدع ازاى وسمع الكلام علطول واشترى نفسه بدل الڤضيحه ياترى انتى هتطلعى شاطره زيه وتسمعى كلامى ولا ناويه على الفضايح 

مرات جوزى وانتى عاوزه ايه 

اناابدا حاجه بسيطه تسبينى انا وجوزى وتكتبى تنازل بالمؤخر اللى كتبه والدك على جوزى عشان يضمن انه ميطلقكيش بعد ما اخد ميراثه قولتى ايه 

مرات جوزى وانا هقول له يطلقنى ليه وهقول لولدى ايه 

اناوالله مش شغلى اتصرفى ولا شاطرين بس تفكروا تخربوا بيوت الناس ازاى 

مرات اخويا ارجوكى بلاش فضايح وانا حرمت ومش هشوفه تانى 

اناتشوفيه ولا ما تشفهوش ده ما يخصنيش انتى فكرانى محروقه انك بتخونى جوزى لا يا حببتي يستاهل انه ساب بنت الاصول وراح لل ولا بلاش قدامك يومين تفكرى بعد كده ما تلوميش غير نفسك

لا بعدها علطول لقيت مرات جوزى بعتت لى رساله على الماسنجر بس على الرقم اللى بكلمها منه على انى حبيب قلبها وبتقول لى ازاى تعمل كده ازاى تدى لضرتى محادثتنا مع بعض اهى ناويه تفضحنى وتخرب بيتى قولت ليها اعمل ايه بس ياحبيبتى ما هى صورتنا وهددتنى تفضحنى ناويه تعملى معاها ايه 

قالت طبعا هنفذ ليها اللى عوزاه

ورجعت قالت ليه صحيح ماقولتش لى انك متجوز وبتكلمنى ليه اصلا لما انت متجوز كنت عاوز منى ايه خربت بيتى الله ېخرب بيتك وراحت عمله لى حظر 

قولت كده خلصت من النص الاول من الخطه لسه النص التانى اخويا ابن امى وابويا ومراته اللى حرقه دمى

ورحت بعت لاخويا صوره مع مرات جوزى على الماسنجر عنده وقولت له ايه رايك فى الصوره دى

شويه ولقيته اتصل عليا بيقول لى انتى جبتي الصوره دى منين 

فقولت له اللى يهك جبتها منين ولا هبعتها لمين 

اخوياقصدك ايه ياسلمى مش فاهم

اناقصدى يعنى مثلا احړق بيها ډم مرتك دا ان كان عندها ډم يتحرق اصلا

اخوياانا مش مصدق اللى بسمعه انتى سلمى اخوتى فعلا 

انااه تخيل سلمى اختك اللى ماختش بالك انها اختك وحته منك الا دلوقتى 

اخوياوانا زعلتك فى ايه ياسلمى عشان ده كله 

انالا ابدا اخدت ميراثى وسبت زوجتك تشتمنى وتبهدلنى وانت واقف زى ...ولا

بلاش 

وحتى لما جوزى اتحوز عليا جيت استنجد بيك زى ما اى اخت طبيعي انها تستنجد باخوها كان هاين عليك تطردنى وتقول لى هو انا ناقص ۏجع دماغ وسبتنى ارجع لجوزى مذلوله وفى عز الليل ماحسستنيش لحظه انك اخويا وخاېف عليا كل اللى همك نفسك وزجتك واولادك وبس 

بس انا بقى هحرمك منهم كيدا فيك يا اخويا وفى العقربه اللى عندك دى

اخوياانتى اتغيرتى خالص ياسلمى عمرك ما كنتى كده ايه اللى حصلك

اناظلمكم ليا انى اكون مرميه فى الشارع انا وابنى وعمال يبكى على ايدى والدنيا ليل وباب اخويا مقفول فى وشي وجوزى اللى ضحيت بكل حاجه عشانه بعنى فى اقرب فرصه لا بس انا هعرف اخد حقى كويس اوى انا مش ضعيفه 

اخوياوهتاخدى حقك من مين انتى ليكى عندى حقوق 

انامش هقولك حقى عليك كأخ لانك شكلك نسيت ان اختك اصلا 

انما انا عاوزه نصيبى كن الورث 

اخويابس دا والدك كتب كل حاجه باسمى يبقى حقك ازاى

اناكان المفروض كأخ ليا لما تلاقى والدى عمل حاجه زى كده فى وقت ڠضب كنت ترفض وتقول له لا اما ماقدرش اخد حق اختى او كنت انت رجعت اتنزلت عنه ليا انما انت ماصدقت والله واعلم يمكن تكون انت اللى كبرتها فى دماغه خلاصت الكلام انا مش هقولك عاوزه حقى كله انا عاوزه الشقه القديمه بتاعتنا اللى مأجرها انتى دلوقتى ومبلغ صغير اودعه بالبنك امان ليا لبكره قولت ايه ولا عاوز مراتك تعرف علاقتك بالسنيوره خد بالك فى صور ومحادثات تانيه بنكم اللى بعته ده عينه صغيره وهبعتلك حاجه تانيه تخليك تفكر وتاخد قرار بسرعه سلام يا اخويا وقفلت الخط

وسبت الاثنين على ڼار واللى حصل من مرات جوزى حصل من اخويا شويه واتصل على الرقم اللى كنت بكلمه منه على انى واحده بتحبه وغيرت صوتى وقال لى انت تعرفى اختى سلمى وقولت له لا ولا عمرى شوفتها اشمعنا 

لقيته سكت شويه وفجأه قال لى هو مين معايا قولت ليه مين معاك ايه مالك فى حاجه ولا ايه قال لى انتى صوتك

فى تليفون مش زى الحقيقه ليه ممكن افهم انتى مين وايه الحكايه انتى سلمى صح 

حسيت انه حس انى وراء الموضوع وانه كشفنى وحاولت انى استعبط فقولت ليه انت مالك انت بتتكلم بجد ولا بتهظر سلمى مين 

قال لى سلمى اختى 

قولت له ياابنى انت اللى متصل عليا شوف انت اتصلت على مين وابقى ارجع كلمنى انا مش فاهمه حاجه ورحت قفلت الخط عشان اهرب من الموقف 

اتصل تانى بس عليا وقال لى خلاص ياسلمى انا عرفت انتى عرفتى منين وجبتى الصور دى منين 

قولت عرفت ايه مش فاهمه 

قال انتى اللى سلتطليها عليا صح عشان تصورنى معاها وتصورى محادثاتى معاها عشان تهددينى بيها بس انتى كده هتخربى بيتى

انا لما لقيت ان مافيش فايده من الانكار قولت ايوه انا اللى عملت

↚

كده عشان اخد حقى منك المهم ناويت على ايه 

قال انتى مش اختى سلمى اللى اعرفها دا انتى ابليس فى صورة اختى عاوزه تخربي بيتى ياسلمى انتى عارفه انتى لو قدامى دلوقتى انا كنت موتك بايدى وان شاء الله هعملها 

انابقولك ايه سيبك من الكلام ده انت تقدر ټموت فرخه وبعدين بدل ما تتشطر عليا اتشطر على اللى عندك اللى ممشيك وخلتك كلت حق اختك وبهدلتها وهى بهدلتها قدامك ولا فتحت فمك 

واخر حاجه خلتك ترميها فى اخر الليل فى الشارع وهى اللى كانت جيه ليك تتسند عليك كاخ بس اقولك اختك دلوقتى مسنوده على نفسها مش محتاجاك فى حياتها وقول لى فكرت ولا لسه اقولك هديك فرصه لبكره لو مردتش عليا كل حاجه هتوصل لمراتك وهو حتى ابقى حړقت ډمها زى ما حړقت دمى سلام وقفلت الخط و انا مش عارفه انا جبت الجرائه اللى اتكلمت معاه بيها دى منين صحيح الظلم وحړقة القلب يخلوا القلب حجر 

وتانى يوم اتفاجئت وانا ماشيه فى الشارع ومعايا شنطتى اللى شايله فيها كل حاجه خاصه بيهم من صور ومحادثات عشان بخاف اسيب اى حاجه منهم فى البيت لتقع فى ايد جوزى ولقيت حد جه من خلفى بموتوسيكل وشد الشنطه من على

كتفى لدرجة انى وقعت على الأرض واخد الشنطه وجرى بالموتوسيكل والناس اتكلمت حواليه وبيقومونى وبيقولوا لى معلش الحراميه كترت اليومين دول ربنا يعوض عليك المهم انتى كويسه قومت وانا مذهوله من الخضه وزعلانه على حاجتى اللى فى الشنطه وناسيه خالص ان كل حاجه كنت هاخد حقي بيها راحت وشويه افتكرت بس قررت انى استمر فى الموضوع وكأن الصور والمحادثات لسه معايا وفعلا رجعت روحت ومرحتش حتى المشوار اللى كنت ريحاه من الزعل وبهدلت الوقعه اللى وقعتها واول ما رجعت البيت دخلت الحمام اخدت شاور وغيرت ملابسي وكل اللى فى بالى ان ارجع الخط واشترى تليفون زى اللى ضاع عشان ما حدش فى البيت يعرف ان شنطتى اتسرقت وتعرف ضرتى ان الحاجه ضاعت منى بس المشكله هجيب الفلوس منين وازاى ولسه قاعده بفكر ومحتاره وسمعت صوت جوزى بره واول ما دخل ضرتى قالت له عوزاك فدخل معاها غرفتهم وشويه سمعت صوتوا وهو بيزعل وبيقول انتى بينك اتجننتى طلاق ايه اللى عاوزاه ليه حصل ايه 

وهى تقول له عاوزه اتطلق وخلاص انا مش قادره اعيش ضره لحد انا عاوزه اكون الزوجه الأولى وليا شقه ليا لوحدى وجوزى ليا الوحدى

فقال ليها وانتى لسه عارفه دلوقتى انى متجوز وانك ډخله على زوجه انتى بتستعبطى 

قالت كنت عبيطه ومغيبه لما وافقت بس ادينى فوقت ورجعت وعاوزه اتطلق انت ايه مزعلك ما عندك زوجتك واحنا ولا عندنا اولاد ولاغيره وانا مش عاوزه افضل زوجه تانيه وعاوزه اتطلق

فقال ليها انا كلامى مش معاكى كلامى مع ابوكى لحسن انتى بينك اتجننتى 

قالت له انا عاوزه اتطلق وانا عارفه انت ليه مش راضى عشان المؤخر صح 

اخر ما زهق منها قال اه عشان المؤخر 

فقالت انا هبقى ابعتلك تنازل عن المؤخر بس طلقنى وارحمنى

والدته سمعت زعيقهم فخرجت تشوف فى ايه سمعت حسام وهو بيقول ليها

هطلقك بس انا مش مقتنع بكلامك انك مش مرتاحه انك زوجه تانيه اكيد فى حاجه تانيه ووالدك مش هيسكت 

والدت حسام فى ايه يابنتى طلاق ايه اللى عاوزاه استهدى بالله

وقولى فى ايه مالك اكيد فى حاجه تانيه غير اللى سمعته مخلياكى عاوزه تطلقى فى ايه ياحسام انت عملت ليها ايه

ردت هيا وقالت لا تانيه ولا تالته ايه مش من حقى يكون ليا راجل لوحدى انا كنت فاكره ان مراتك هتطلق منك وتبقى ليا لوحدى بس ماحصلش يبقى اتطلق انا ووالدى لازم يفهم كده بردو 

فقال ليها انتى حره 

والدته لسه هتتكلم 

حسامسبيها يا امى براحتها ولما نبقى نشوف خالى رأيه ايه فى الكلام الغريب ده 

وراحت واخده شنطتها اللى كانت مجهزاها وماشيه وقالت له ابقى ابعتلي ورقة طلاقى ومشيت فعلا

وبكده خلصت منها زى ما فهمت 

وشويه ودخل حسام عليا الغرفه 

فعملت نفسي مسمعتش حاجه وقولت له ايه كنت پتزعقوا بره فى حاجه ولا ايه

قال دى بينها اټجننت قال افتكرت دلوقتى أنها زوجه تانيه وعاوزه تطلق 

فقولت وايه انت مس قادر تستغنى عنها ولا ايه ماتغور فى دهيه

فقال انا بس اللى كان شاغلني المؤخر اللى كانوا كتبينوا عليا وهى بتقول هتتنازل رغم انى مستغرب من موقفها ده بس هى حره بقى ديور وزن على خړاب عشه 

انا ومالك زعلان كده روخ بوس ايدها احسن خليها ترجع ليك انا عارفه رجالة ايه دى رجالة اخر زمن 

لما لقتها مشيت اتطمنت ان لو قولت ليه ان موبيلي اتسرق هى مش هتعرف وانا لازم اجيب موبيل بسرعه واجيب شريحه بدل اللى اتسرقت لحسن اخويا يتصل على تليفونى ويعرف انه مش معايا ولا حاجه فقولت لجوزى موبيلى اتسرق واتا بره النهارده وعاوزه فلوس اجيب موبيل غيره 

فقال لى ماشي لما اسحب فلوس من البنك عشان ماعيش دلوقتى 

وانا بكلمه لقيت جوزى بيبص فى تليفونه وبيقول غريبه دى 

فقولت فى ايه ايه اللى غريبه 

قال اخوكى بيتصل عليا دا من امتى ده دا عمره ما عملها دا انا ما افتكرش انى شوفته رن عليكى انتى يرن عليا 

فتح ورد ايوه خير عاش من سمع صوتك 

سمعته بيرد عليه انا مش عاوزك انت ادينى سلمى عشان تليفونها مقفول 

حسام مد ايده بالتليفون وقال لى خدى عاوزك هيفضل طول عمره قليل الذوق كده

اخدت

منه التليفون ومش عاوزه ارد الا لما جوزى يمشي هنا ولا هنا 

فجوزى قال مالك ماتردى على المحروس 

فقولت الو ايوه 

وكانت المفاجأه انه بيقول لى اخبار تليفونك والصور اللى عليه ايه 

انا اتلخبطت وقولت مالهم ما انا قولت ليك على اللى عوزاه مقابلهم 

اخويالا ماخلاص وصلوا ليا فعلا 

اناازاى هو انت إلى سلطت عليا الحرامى 

اخويا ايوه انا وبطلى الجحد والطمع اللى انتى فيه ده ازاى عاوزة تاخدى حاجه مش حقك ما قولنا مائة مره والدنا وكتب لى كل حاجه وفى حياته وبمزاجه من غير اى ضغط وخلصنا ليه انتى مش قادره تصدقى ان ملكيش اي حاجه عندى اقولك انا بقى انسي ان ليكى اخ اصلا سلام يا اخوتى 

وقفل السكه 

جوزى سمع وانا بقول لاخويا هو انت اللى سلطت عليا الحرامى

فقال لى يعنى ايه اخوكى اللى سلط عليكى الحرامى 

اخوكى هو اللى سرقك انا مش فاهم حاجه ايه الكلام الغريب ده 

انا سكت وماكنتش عارفه ارد و جعت قولت ليه هقولك اصل مره شوفته قاعد مع واحده غير زوجته فصورته وكنت بضغط عليه بالصور دى انى اعرف اخد اى حاجه من حقي اللى خده بس ابن الايه سرق التليفون والشنطه باللى فيهم

جوزىايه يابنتى شغل العصاپات ده دا انا كنت واخدك قطه مغمضه وبنت ناس ايه اللى جرالك 

انا معلش اصل ماحدش بيحس بنفسه ولا باللى بيعمله فى غيره واديك انت بنفسك بتقول كنت واخدنى بنت ناس واتغيرت وانا معاك شوف انت بقى مين السبب

جوزى قصدك انا اللى حولتك كده

↚

تشكرى يابنت الأصول وسابنى وخرج راح ينام فى الغرفه التانيه 

اتا فضلت قاعده افكر فى اللى حصل واللى عملته وقولت صحيح يا أين قادم اجرى جرى والۏحش غير رزقك لن تنول واديني خسړت الورث واخويا للأبد يعنى بقيت مقطوعه من شجره صحيح كان وجوده دون فائده بس اهو كان موجود

ربنا يستر بقى ومالقيش والد ضرتى مرجعها لجوزى 

وتانى يوم لقيت والد ضرتى جى لوحده لجوزى وبيقول له حصل ايه انت عملت ايه فى البنت 

جوزىانا اللى عاوز اعرف ايه اللى حصل انا فجأه بعد

ما رجعت من الشغل قالت لى عوزاك دون اى مقدمات قولت ليها خير قالت لى انا عاوزه اتطلق انا عاوزه اكون متجوزه واحد ليا انا بس وكلام غريب كده مافهمتش منه حاجه وحسيت انه تلاكيك وخلاص 

والد ضرتىانت عاوز تفهمني اللى بنتي فيه ده من غير ما تعمل ليها اى حاجه يابنى اما سايبها فى البيت مش عاوزه تتكلم مع حد وقفله باب غرفتها عليها وعماله تبكى البنت نفسيته تعبانه خالص 

جوزى صدقنى ياخال ده اللى حصل وانا كنت فاكر انك اللى هتقول لى على السبب 

والد ضرتى طب بس يا حسام سيبك من كلامها وموضوع الطلاق ده وسبها عندى كده كام يوم لحد ما نفسيتها ترتاح شويه يمكن تتراجع عن الكلام الغريب ده لان دلوقتى مش هينفع لا اتكلم معاها ولا اضغط عليها لان البنت نفسيتها متدمره خالص مش عارف من ايه اكيد فى حاجه غلط كل اللى عليها انا عاوزه اتطلق ومحدش يسألني ليه ولو حد حاول يفتح معاها اى كلام تصرخ فيه وتقول ارحمونى بقى واخر حاجه قفلت باب غرفتها عليها 

خلاص ياحسام 

حسامخلاص اللى انت عاوزه ياخال

قام والد ضرتى ومشي 

انا كتت وقفه سامعه كل حاجه بس من غير ما يشوفني 

ورجعت غرفتى وقولت فى ايه معقوله ممكن يضغطوا عليها ويرجعوها 

كام يوم وعرفت انها نفسيتها تعبانه جدا من ضغطهم عليها انها ترجع ودخلت فى حالة اكتئاب وانها حابسه نفسها فى غرفتها وما بتخرجش منها ولا بتكلم حد 

وبعد كام يوم اتفاجئنا بوالدت ضرتى جت لجوزى وقالت له انت عملت ايه فى البنت منك لله انا بنتى اتبدلت خالص دى مش طايقاك ولا طايقه سيرتك ولا بقت طايقه حد يفتح معاها الموضوع ده خالص بقولك ايه انت تطلقها انا مش هفضل ماشيه ورا ابوها لما تروح منى و الحمدلله ان لا فى عيل بنكم ولاغيرو طلقها وسبها وليها ربنا انا بس نفسي افهم ايه اللى حصل ليها وانتم عملتوا فيها ايه يمكن تكون مراتك عملت ليها عمل ولا حاجه ما هو اصل اللى بنتى فيه

ده مش طبيعى 

جوزى والله يامرات خالى انا زى زيك مش فاهم اي حاجه الدنيا كانت عادى جدا ولا كان حتى بنا اى زعل ولو بسيط واتفجئت انها اتبدلت كده وطلبت الطلاق ليه معرفش وانا هتجنن زيكم بردوا 

ومراتى ماتعرفش حاجه عن الأعمال والكلام الفاضي ده وبعدين أعمال ايه وكلام فاضي ايه اللى يعملوا فى حد كده اكيد فى سبب احنا مش عارفينه بس ياترى ايه هو

والدت ضرتى واحنا لو استنينا لحد ما نعرف بنتى هتضيع منى دا احنا جبنا دكتور ليها قال هى متعرضه لضغط نفسي واعصابها تعبانه لازم تشوفوا ايه اللى تاعب اعصابها وتبعدوه عنها بدل ما يحصل مضاعفات 

وانا مش شايفه غيرك اللى تاعب اعصابها طلقها واحنا مش عاوزين لا مؤخر ولا غيره اللى حاسه انك عامل فيها كده عشانه وانك تعذبها وتبهدلها عشان هى اللى تطلب الطلاق تتنازل عن المؤخر 

جوزىانا هعمل كده فى بنت خالى ومراتى 

والدت ضرتى مالوش لازمه الكلام انت لازم تطلقها خد تنازل اهو عن المؤخر ابقى ابعت ليها ورقة طلاقها 

جوزىخلاص اللى انتوا عاوزينه 

وفعلا طلقها وبعت ليها ورقة طلاقها والحمدلله رجع لى بيتى وجوزى من تانى 

والمفاجأه الأكبر انى لما رجعت الخط واشتريت تليفون حد قال لى من اللى فى المحل لما سمع منى بقول ان تلفوني اتسرق وعليه صور مهمه وزعلانه عليها 

قال لى فى تليفونات بتعمل نسخ احتياطى على جوجل ولو انتى كنتى رسلاهم او مستقبلهم على النت فى برامج بتقدر تعمل ليهم استيراد وانتى وحظك افتكرت وقتها ان صحبتى وانا قاعده معاها فى مره بقولها مركزه كده ليه فى التليفون وسيبانى بتعملى ايه قالت لى انا بعمل نسخه احتياطى لصورى وملفاتى على النت عشان لو تليفونى ضاع اعرف اجبهم تانى وقتها ادتها التليفون وقولت ليها اعمليها عندى انا كمان فقولت للى فى المحل كده فقال لى خلاص اصبري اشغلك التليفون واظبطه واجرب كده وفعلا بعد ما ظبط التليفون وجرب يعمل استيراد للصور من النسخه الاحتياطيه قدر يرجع القليل من الصور بس اهم حاجه ان من ضمنهم

صورتين لاخويا ومرات اخويا بصراحه ما كنتش مصدقه نفسي وكنت طايره من الفرحه واخدت التليفون ورجعت على البيت وانا حاسه ان ربنا بيرجع لى حقى وكنت ناويه اول ما ارجع البيت اكلم اخويا بس اول ما رجعت على البيت لقيت جوزى حد جيبه من الشغل وهو تعبان ودرجة حرارته مرتفعه جدا ومش قادر يتنفس ولا يتكلم جبنه ليه دكتور وقال انه محتاج راحه ورعايه وكتب له على ادويه وقال انه اټصاب بفيروس من الجو ومأثر على الرئه والتنفس واتلهيت فى تعب جوزى كام يوم عن ان اتصل على اخويا وفى يوم جرس الباب رن ورحت افتح الباب عشان اتفاجىء باخويا أمامى بصراحه ما كنتش مصدقه ولا فاهمه ايه سبب مجيته بس اللى لحظته شكله المخطۏف ووجه الشاحب وطريقة كلامه وهو بيقول ايه مش هتقولى لاخوكى يدخل ولا هتسبيه واقف على الباب كده 

فقولت وهو فين اخويا ده وكنت لسه هقول له على انى عرفت ارجع الصور بس هو سبقنى 

وقال انا جى ليكى بنفسي لحد عندك عشان اقولك سامحينى وهرجعلك ميراثك اللى انا استغلت مرض والدك وضغطت عليه وقولت ليه انت لازم تعمل زى ماقولت انك تكتب لى كل حاجه عشان ما فيش حاجه تروح لحد غريب وهو كان فكر ماينفذش ټهديدو ليكى بأن يحرمك من ميراثك بس انا حضرت الاوراق كلها واستغلت مرضه وضغطت عليه لحد ما وقع عليهم وجبت ليه موظف بدفتر التسجيل لحد عنده لظروف مرضه وظبطت الموظف طبعا

اناوانت بقى بعد كل اللى عملته ده ايه صح ضميرك ومخليك جى لحد عندى ولوحدك عشان تقول لى الكلام ده رغم انى حولت معاك بكل الطرق انى اخد منك حقى بس انت كنت رافض تماما

راح بكى وقال انا كان ضميرى بيأنبنى بس كنت حاسس ان ده حقى ما ابوكى هو اللى قال انه هيكتب كل حاجه بأسمى بس رجع ضعف وكان عاوز يرجع فى كلامه وانا الطمع عمى عينى رغم انى كنت بصحى كل يوم على كابوس وماكتتش بعرف انام كنت

ديما بحلم ان والدى جى عليا وهو بيدعى عليا ويقول لى منك لله وبياخدنى من ايدى وبيدخلنى مكان مرعب وبقوم وانا مڤزوع ولما

↚

حكيت لشيخ الکابوس ده قال لى واضح انك انت ووالدك اشتركتوا فى ظلم حد وانت اللى عنته على كده لازم يا ابنى تشوف ايه المظلمه دى وتردها قبل فوات الأوان بس انا كنت بأوح وبقنع نفسي ان اللى اخدته منك ده حقى بس الظاهر ان الشيخ كان عنده حق وكان لازم اجى ارد المظلمه قبل فوات الأوان 

ورجع بكى تانى وقال ابنى هيروح منى ياسلمى ابنى عمل حاډثه وهو ماشي مع أمه خبطتهم سياره و راقد هو وأمه بس ابنى اللى الخبطه وقعته واټصدم براسه فى الأرض ودخل فى غيبوبه والدكاترة بيقولوا ان حالته خطيره وانا وأمه ھنموت عليه واول حاجه جت فى بالى لما سمعت كلام الدكاتره كلام الشيخ لما قال لى لازم ترد المظلمه قبل فوات الأوان ماكنتش اعرف ان الأوان هيجى بسرعه كده وانا دلوقتى جى ارد المظلمه ولو عاوزه تاخدى كل فلوسي خديها بس سامحينى وادعى لابنى ربنا يقومو لي بالسلامه انا ھموت لو ابنى ماټ ياسلمى انا ماقدرش اعيش ثانيه من غيره دا هو كل حياتى هو انا كنت واخد الفلوس دي ما عشان أأمن مستقبله واعيشه احسن عيشه يجى هو عاوز يسبنى وقرب منى ابوس ايدك ياسلمى سامحينى وادعى لابنى ارجوكى انتى ماتعرفيش غلاوته عندى قد ايه دا هو بالنسبه لى الحياه 

ساعتها فعلا عرفت ان العبد بيتعب نفسه بالتفكير والرب هو اللى بيدبرها لوحده وفعلا الحمدلله رجع لى حقى كله وفضلت وقفه معاه فى المستشفى لحد ما اتطمنت عليه وربنا قومو ليهم بالسلامه ويوم خرجوا من المستشفى واحنا ماشين قربت من اخويا وقولت له تعرف انى لسه معايا صور من اياها 

فقال لى قلبك ابيض بس بقولك ايه انتى كان ممكن تخربى بيتى فعلا 

فقولت انت ما تعرفش الاحساس بالظلم وان الكل جى عليك ممكن يعمل فيم ايه ويخليك تعمل ايه 

فقال وانتى ماتعرفيش احساس اللى بيظلم عامل ازاى وضميره بيعمل فى ايه ولا الكوابيس اللى بيشوفها ولا اڼتقام ربنا منه ربنا يعفينا يارب وراح واخد ابنه فى وقال ربنا يخليك ليا من هنا ورايح عمرى ما اصرف عليه جنيه واحد مشكوك فيه انه حلال وبعد فتره عرفنا ان اللى كانت ضرتى اتحسنت حالتها وان حد من قريبها زوجته كانت متوفيه اتجوزها والحمدلله رجعت حياتى استقرت ورجعت علاقتى باخويا كاخ حقيقى هو بس اللى مش قادره انساه لحوزى انه اتجوز عليا حتى بعد طلاقها بس يالا اهو المسامح كريم .تمت .سلام

تعديل المقال