رواية عواصف الحوريه هشام وحوريه كاملة جميع الفصول بقلم زهرة الربيع

رواية عواصف الحوريه هشام وحوريه كاملة جميع الفصول هى رواية من تأليف المؤلفة المميزة زهرة الربيع رواية عواصف الحوريه هشام وحوريه كاملة جميع الفصول صدرت لاول مرة على فيسبوك الشهير رواية عواصف الحوريه هشام وحوريه كاملة جميع الفصول حققت نجاحا كبيرا في موقع فيسبوك وايضا زاد البحث عنها في محرك البحث جوجل لذلك سنعرض لكم رواية عواصف الحوريه هشام وحوريه كاملة جميع الفصول

رواية عواصف الحوريه هشام وحوريه كاملة جميع الفصول

نتيجة فحص DNA متطابقه يعني الولد ابنك يا هشام باشا

ابتسم بسعاده وقال...انتي متأكده يا دكتوره

الدكتوره قالت..ده مش كلامي التحاليل بتقول كده 

قاعده بنت في العشرينات وشايله طفل عمره شهور ودموعها على خدها وقفت وقالت...شكرا يا دكتوره يا ريت بقى تكتبيلي تقرير بكل الي حصل من اول ما جينالك هنا..مرفق بطلب هشام بيه..لاني محتاجه التقرير ده علشان ارفع عليه قضيه طلاق

هشام بصلها وبلع ريقه بزهول وقال..انتي بتقولي ايه يا

حوريه لا لا استني استني هنتفاهم ارجوك استني بس حوريه شالت ابنها ومشيت وهي بتقول بصوت عالي التقرير يا دكتوره وبصت لها بتحذير وقالت ولو تم التلاعب باي حاجه فيه هطالبك بالشهاده في المحكمه

قالت كده وطلعت وهي مچروحه جدا هشام جري وراها وطلع لقاها بتشاور لتاكس بسرعه مسكها من ايدها وقال... استني وبلاش جنان انتي رايحه فين دلوقتي بصتله وقالت پغضب رايحه على المكان اللي المفروض مكنتش امشي منه خصوصا مع واحد زيك راجعه المزرعه عند جدي

وبقت تشاور تاني للتاكس..هشام حاول يهدى وقال تمام تمام يا حوريه ..انا غلطت غلطت قوي وعارف انها غلطه ما تتغفرش بس ارجوكي اديني فرصه اشرح لك اللي حصل وليه فكرت كده

لكن قاطعته پغضب وقالت اخرس يا هشام اخرس انا ما بقتش طايقه اسمعك مفيش اي مبرر يخليك تعمل اللي انت عملته ما فيش عارف انت عملت ايه انت اتهمتني بشرفي فهمتيني اني رخيصه اتهمت مراتك بكده ما هو لو انا كده يبقى انت كمان كده يا هشام

هشام بلع ريقه بحزن وقال معاكي حق و انا بقول لك اهو انا اسف 

بصتلو سخريه وقالت ..لا والله بجد اسف هو انت ليه محسسني انك دوست على جزمتي وانت معدي لا يا هشام ما ينفعش اسفك بعد ما جبتني اعمل تحليل علشان تتأكد اذا كنت بخونك او لا ما فيش اسف بعد ما شككت في نسب ابنك انا راجعه عند جدي وورقتي توصلني على هناك يا هشام بدل ما اقسم بالله هرفع عليك قضيه طلاق وهنسى اي حاجه كانت بينا

قالت كده وطلعت بالتاكس رغم محاولاته انه يوقفها بس ماقدرش

وقبل ما التاكس يمشي بصتلو من شباك العربيه وقالت ..اه صحيح نسيت ليك حاجه معايا مأخدتهاش وقلعت دبلتها ورمتها من االشباك عند رجلو

هشام بص للدبله بزهول ونزل على الأرض مسكها وغمض عنيه پألم وهو بيسمع صوت العربيه بيتحرك

فضل واقف يبص للدبله بدموع وهو شايف العربيه بتبعد وفرصة رجوعها ليه بتبعد معاها نزلت دمعه من عينه وهو پيلعن نفسو وپيلعن غبائو على الي عملو

وهو واقف جالو تليفون بص لاسم المتصل پغضب ورد وقال..عايزه ايه..عايزه تطمني مش كده لا اطمني وافرحي براحتك صحيح مازن طلع ابني..بس اخسرتها مشيت ورمتلي الدبله..الي انتي عيزاه تم..بس انا مش هقدر ارمي الغلط عليكم ..انا الي غلطت لما سمعتلكم وشكيت في مراتي انا الغلطان

قال كده وقفل التليفون وحاول يتمالك نفسو وطلع بالعربيه وراها 

الست اللي بتكلموا كانت قاعده في فيلا جميله وقاعد قصادها راجل في ال 50 قال بضيق شديد والله حرام عليكي اللي عملتيه ده..يعني لو اتطلقوا هتقدري تشيلي ذنبهم

بصت له بغيظ وقالت..ده يوم المنى يوم ما يطلقو دي حتت واحده مش من مستوانا اصلا لو كان اتجوز بنتي مكانش حصل كل ده من الاول وبعدين ده ابن اخوك يعني انت عمه وبنتنا اولى من اللي جابها لنا دي..كلها يومين وينساها متحطش في بالك

اما حوريه فكانت قاعده وحاضنه ابنها وبتعيط

↚

جامد ومش راضيه تسكت

قاعد قصاده راجل في ال 70 من العمر ده عبد الصمد جدها بص لها بحزن وقال يا بنتي حرام عليكي قطعتي قلبي من اول ما ډخلتي وانتي بټعيطي طب قوليلي عمل ايه.. هشام ده زي ابني انا مربيه على اديا قوليلي لو عمل حاجه واخليه يجي يبوس على راسك كمان بس هدي نفسك شويه

حوريه بصتلو بدموع وقالت...الي عملو ميتحكيش يا جدي وووووو

٢٠٧ ٣٠٠ م Alaa Hosny كانت عايزه تتكلم وتحكي له اللي حصل بس سكتت ومقدرتش ابدا تقوله اللي عمله لانه بيحب هشام جدا وكمان علشان جدها راجل كبير في العمر خاېفه عليه من الانفعال .. مسحت دموعها بعد حزن شديد وقالت النصيب خلص لحد هنا يا جدي

جدها بصلها بزهول وقال نصيب ايه اللي خلص بالسهوله دي ..ده انتو روحكم في بعض طب حتى فكري في حتت اللحمه الحمراء اللي على كتفك ده

حوريه حضنت ابنها جامد وقالت ما حدش ليه دعوه بيه ومحدش هيقدر ياخده مني ده ابني انا وبس... انا تعبانه وعايزه انام يا جدي عن اذنك

قالت كده وسابته قاعد يبص لطيفها حزن وحيره ومش عارف ايه اللي حصل 

بعد شويه كان هشام وصل المزرعه بتاعة جدها و دخل لها لقى جدها قاعد بحزن..ارتبك جدا وخاف لا تكون حوريه حكيتله على اللي حصل قال بحرج السلام عليكم

عبد الصمد اتنهد ورد التحيه وهشام راح قعد جنبه وقال جدي حوريه هنا مش كده

عبد الصمد قال بحزن هتكون فين غير هنا ممكن بقى تحكيلي ايه اللي حصل بينكم لدرجه انها تيجي لحد هنا لوحدها لانها منشفه دماغها ورافضه تحكيلي اي حاجه

هشام اتنهد بارتاح وقال ..ابدا يا جدي ما فيش ابدا اتخانقنا عادي انت عارف انا ببقى عصبي شويه بس انا هصالحها والله

عبد الصمد بص للخدم علشان يطلعو 

وفعلا طلعو وهو بص لهشام وقال اسمع يا هشام انت سامع نفسك طبعا بتناديني بايه بتقولي يا جدي وانا فعلا بعتبرك من اولادي ...انا ربتك مع ابوك الله يرحمو كتف في كتف صاحنا كنا زي الاخوات ولولا اني بحبك للدرجه دي مكنتش اقبل اجوزك حوريه وتسافر بيها ولا استامنك عليها بالطريقه دي ...لكن دي كمان بنت ابني اللي ربيتها على اديا وحوريه ما ترجعش كده لوحدها الا اذا كان في مشكله كبيره مش مجرد خڼاقه عاديه فاحكيلي علشان اساعدك

هشام اتنهد بحزن و نزل راسه في الارض وقال قلت لك ما فيش صدقني... ممكن اطلب منك طلب

عبد الصمد اتنهد وقال اتفضل

هشام قال بحرج... ممكن اقعد في ضيافتك لحد ما اهديها شويه اعتبروني ضيف

عبد الصمد اتنهد وقال..انا بعتبرك صاحب مكان بس الموضوع ده بما انكم مټخانقين اكيد هيتضايقها مع ذلك ما اقدرش ارفض طلبك انك تقعد في ضيافتي البيت بيتك

هشام ابتسم بسعاده وقال ...شكرا يا جدي انا هصلح كل حاجه اوعدك ..هيه فين دلوقتي

عبد الصمد قال ..في اوضتها اطلع لها وحاول تصلح اللي عملته ..انتم معاكم طفل صغير

هشام طلع على اوضه حوريه و اخذ نفس عميق ويحاول يهدى علشان يعرف يكلمها ويسيطر عليها وكان الباب مفتوح شويه فدخل وقفلو وراه بص في الاوضه كانت حوريه مش موجوده وكان ابنهم على السرير قرب منه بابتسامه وقال ازيك يا بطلي انا اسف على اللي عملته معاك ..بس انت كمان غلطان يعني جاي شبه امك الخالق الناطق كونت جيب اي ملامح مني يعني

في الوقت ده خرجت حوريه من الحمام

↚

بحزن شديد وهي بتنشف شعرها بس اټصدمت لما شافت هشام قدامها وقالت پغضب..انت ايه اللي جابك هنا ولك عين تيجي ورايا كمان.. امشي اطلع بره امشي اطلع بره حالا

هشام بصلها بدموع وقال حوريه خلينا نتفاهم انا عارف اني غلطت حقك عليا

حوريه قالت ڠضب شديد .. انت لو ما طلعتش من هنا انا هنزل لجدي واقوله على كل حاجه هاقوله على اللي انت عملته معايا ابقى وريني ازاي هتقدر تتأسفلو هو كمان

قرب عليها وقال بدموع..حوريه انا ما ليش غيرك انت عارفه كده كويس انا اخيرا بقالي دنيا من بعد ما انت ډخلتي حياتي ما ترجعينيش مشرد تاني حاولي تنسي اللي حصل كانه ما حصلش اصلا هنعيش من اول وجديد هنربي ابننا حوريه ده ابننا اللي حلمنا بيه سنتين

بصتله پغضب شديد ودموع وقالت...كنت قول لنفسك الكلام ده قبل ما تقول عليه مش ابنك قبل ما تصدق ناس انت عارف كويس هما عايزين ايه

اتنهد وقال انتي مش هتقدري اللي انا حسيت بيه احنا بقالنا سنتين بنحاول نجيب طفل ومش عارفين تقومي تسيبي البيت وتسافر وتغيبي تسع شهور وترجعي بطفل وتقولي لي ده ابنك يعني طبيعي اشك و

بس قاطعتو وقالت بسرعه.. لا لا لا مش طبيعي لا مش طبيعي ابدا وانت اصلا مشكتش لوحدك كده تمام .. قبل ما نرجع بيتكم قضينا ثلاث شهور سوا في الجونه فاكر ولا لا كانو اجمل ثلاث شهور في حياتنا وكنت مبسوط وطاير بمازن الشك بقى يا حبيبي ابتدا لما رجعنا بيتكم..عرفت بقى فجاه ممكن يكون الطفل ده مش ابنك وطبعا بسبب مرات عمك الحربايه الي انت عارف كويس قوي انها عايزه اتجوزك بنتها وپتكرهني من اول يوم دخلت فيه البيت.. قالت لك خد هنا يا هشام تعالى معقوله مراتك اللي ما بتخلفش .. فجاه كده تيجي من عند امها تقولك ده ابنك تقوم تصدق ...ونزلت دموعها بحسره وقالت يقوم جوزي الي بيوثق فيا وبيحبني يقول لها تمام يا مرات عمي هتاكد بنفسي واعمل تحليل ابوه للطفل هتاكد من الطفل واشكك في امه مش ده اللي حصل يا هشام بيه

نزلت الدموع من عينه وقال لا لا مش بالظبط مش بالظبط انا ما انكرش تمام هي فعلا قالتلي احتمال الولد يكون مش ابنك ..بس انا فكرت من نفسي يعني احنا ما كناش بنخلف يا حوريه ورحنا دكاتره كتير وانتي لما مشيتي كنتي زعلانه مني ومشيتي من غير ما تعرفيني مكانك كنت باتصل عليكي وما كنتيش بتردي وما عرفتش اوصل لك خالص لما رجعتيلي و معاكي مازن وقولتيلي انك كنتي عند والدتك و انك عرفتي بحملك بعد ما مشيتي فرحت جدا ومفكرتش في اي حاجه و زي ما انتي قولتي عدوا علينا ثلاث شهور كانوا اجمل ثلاث شهور في حياتي كنت مبسوط بيكي وبمازن

وبعد عنها شويه وقال بدموع..بس بعد كده لما هيه قالتلي انا..انا فكرت انو مستحيل تعملي كده..بس كمان الشيطان لعب بدماغي وبقيت افكر ليه ما اتصلتيش بيا وقولتي لي انك طلعتي حامل ليه استنيتي لحد ما ولدتي في 1000 سؤال اتكرر في دماغي ما عرفتش الاقي سبب مقنع

بس حوريه قالت بدموع..السبب الوحيد للي حصل ان انت ما حبتنيش اصلا لو كنت حبتني كنت اتيقنت اني مستحيل اعمل حاجه زي دي سواء متجوزه او مش متجوزه ...ولازم تعرف سواء انت او مرات عمك او بنت عمك او كلكم على

↚

بعض كده مش فارقينلي خالص انا دلوقتي هعيش علشان اربي ابني يا ريت يا ريت كده اتمنى منك انك تروح تشوف مصالحك وتشوف شغلك اللي وراك وما اشوفش وشك هنا تاني ابدا لان فكره اني ارجع لك انساها شيلها من دماغك

هشام اتنهد بياس منها وقال ..بس انا مش هسيبك يا حوريه انت مراتي ومش عايز غيرك من الدنيا انتي وابني ومش هسيبك تغلطي زي ما انا غلطت وتهدي بيتنا

قالت بسخريه شديده... بيتنا ده ابقى افتكر ديما ان انت اللي هديته وافكر وقت ما خدتني علشان نعمل التحليل.. افتكر انك قولتلي لو موافقتش نعمله ابقى باثبتلك انه مش ابنك واني خاېفه.... يلا يا هشام باشا روح شوف اهلك البشوات وعيلتك المرموقه خلاص كده الف مبروك عليكم ..انا خلاص من انهارده مش مراتك الطفل ده انت مش هتشوفه علشان ده مش ابنك انا بعترف لك اهو ده مش ابنك ما تصدقش التحاليل

قالت كده وفتحت الباب وقالت..اتفضل عايزه اريح

هشام اتنهد بحزن شديد ووقف قصادها بالظبط وقال انا غلطت قوي بس ندمت ومستحيل اكرر الغلط.. طلاق مش هطلق ..وكمان مش همشي من هنا انا ضيف جدك اذا حابه تتعبيه وتحكيله الي حصل روحي انا مش همنعك

قال كده ولسه هيطلع مسكت ايده بسرعه وقالت پغضب يعني ايه انت بتمسكني من ايدي اللي بتوجعني

بصلها وابتسم بغمزه وقال لا انت اللي ماسكاني من ايدي بس انا مسكتك مش بتوجعني بتولعني

بصتلو پغضب وسابت ايده وقالت هشام امشي من هنا بالذوق 

قرب اكتر لحد ما بقت بينو وبين الباب وقال مقدرش ياحوريتي ما اقدرش اعملها لو حلفتلك انو حتى لو طلع مازن مش ابني ما كنتش هقدر اعملها هتصدقيني .. لو كنت قټلت نفسي ما كنتش هقدر ابعد عنك

نزلت دموعها وهي بتبص لعيونه وقالت بكسره ..انت قتلتني انا...مش هنسى اللي عملته يا هشام لو سمحت اخرج

هشام حس بخنجر اتضرب في قلبه من الحسره اللي في كلامها والالم الي في عينيها وشاف انه مش هيقدر يتكلم معاها خالص دلوقتي طلع بحزن شديد وهيه قفلت الباب بسرعه وبقت تبكي جامد

بعد ساعه كانو على الغدا وكانت حوريه في قمة الڠضب وقالت لجدها..جدي هو انا جايه اقعد عندك ليه..علشان تجبهولي في وشي طب مكنتش جيت وتعبت نفسي

الجد لسه هيتكلم هشام قال بسرعه..معاكي حق مكانش فيه داعي تيجي اصلا ...انا شايف بقى انك تصلحي غلطتك ويلا بينا

حوريه بصتلو پغضب وقالت انا بكلم جدي انت ما تتكلمش خالص

عبد الصمد اتنهد وقال يا اولاد عيب عليكو كده بدل اللي انتم بتعملوه كده وشغل الاطفال الصغيرين احكولي ايه اللي حصل خلينا نحل الموضوع احسن ما يتعقد اكتر من كده

حوريه قالت الموضوع اتعقد والي حصل حصل يا جدي وانت اذا عايز توقف جنبي يبقى هو لازم يمشي من هنا

هشام قالت بتطرديني من بيتكم ولا ايه ده بيت جدي عبد الصمد هو رباني قبل ما يربيكي واكيد مش هيمشيني علشانك

عبد الصمد بقى في موقف محرج جدا وبص لحوريه وقال يا حوريه يا بنتي عقلي وقوليلي ايه اللي حصل

حوريه بصت لهشام وقالت پغضب تحب اقوله ايه اللي حصل ولا تمشي من سكات

هشام بقى ياكل ببرود وقال لا احب قوليله عادي ما فيش مشكله

حوريه بصتلو بغيظ وقالت.. انا شبعت يا جدي هقعد في اوضتي لحد ما تمشي ضيفك

طلعت على اوضتها و عبد الصمد قال لا حول ولا قوه الا بالله 

هشام بصلو وقال

↚

ما تقلقش يا جدي انا هصلح كل حاجه وطلع وراها 

عبد الصمد كان متفاجئ جدا من اللي بيحصل وقال هو في ايه بالظبط

حوريه مشيت پغضب على اوضتها ولسه هتقفل الباب حط ايده بيمنعها تقفله وقال...يعني هفضل اتحايل عليكي كده كتير

حوريه بصتلو بغيظ وسابت الباب ودخلت وقالت پغضب ..انت الي حابب تتحايل وتهين نفسك ..انا قولتلك مش هرجع معاك ما تتعبش نفسك وتضيع وقتك

كانت باصه بعيد عنه ومكتفه اديها پغضب فقرب عليها وقال.. حقك علي انشاله يا رب اموت لو ما سامحتيني الاهي يفرمني قطر لو زعلتك تاني ان شاء الله يا رب تترملي قبل ما تطلقي لو كنت كداب

حوريه كانت عايزه تبتسم على كلامه الاهبل واتنهدت وقالت...متفتكرش ان بالي بتقوله ده هتصعب عليا ..احسن انشاله

هشام قال... من قلبك الكلام ده

حوريه قالت بكذب.. اه ..اه من قلبي

هشام لفها ليه وبص لعيونها وقال ...بس دقاته بتقول غير كده دقاته اللي بتدق في نفس الوقت مع دقات قلبي كانهم مربوطين ببعض بتقولي بعيد الشړ عليك

حوريه فضلت بصالو بدموع ..وهشام قال.. هتسيبيني يا حوريه سيبيني بعد كل اللي بينا هتقدري تنسي ان كان في حياتك حد اسمه هشام قبل كده

حوريه قالت بدموع.. هنساك يا هشام هانساك زي ما انت نسيت كل الحلو اللي بينا وشكت فيا.. اتفضل اخرج من هنا حالا

ولسه هتحرك شدها عليه بقوه وقال وحشاني قوي وحشاني كل حاجه فيكي كل كلمه وكل لمسه وبص لعيونها الي بيفضحوا عشقها ومش قادرين يخبوا وقال.. العيون دول عمرهم ما كدبوا عليا

حوريه قالت بدموع..ما انت كذبتهم قبل كده

هشام قال بالم شديد ..اه كذبتهم واكدولي تاني انهم عمرهم ما يكدبوا غلطت غلطه عمري ومستحيل اكررها وعيونك بتقولي انك لسه عايزاني بتقول خليك جنبي ....مش هسيبك ابدا يا حوريه انا اموت من غيرك

حوريه غمضت عينيها واتنهدت ودفعته قالت

للمره الالف هقولك خليك بعيد عني انت ما بتفهمش

هشام قال بانفعال..يعني هتفضلي كده لامتى انا اعمل ايه ماشي انا غلطت بس اديني بترجاكي سامحيني اعمل ايه تاني .. بصي اعتبريني زي مازن...هو مازن لو في يوم غلط في حقك هتخاصميه طول العمر يعني ..لازم في النهايه هتسامحيه صح ...يعني هو يفرق عني ايه ولا الصغير ده هتفضليه عليا

حوريه كانت عايزه تضحك على كلامه الغريب وقالت.. اه هفضله عليك لان ده ابني تمام..وبعدين ما تقلقش انا هربي ابني كويس علشان لا يأذيني ولا يأذي اي حد زي ما انت اذيت

هشام قال پغضب شديد طب انا مش همشي يا حوريه ولما اشوف هتفضلي راكبه دماغك كده لامتى..ولازم تعرفي اني بحايلك عشان انا حاسس اني غلطت ..بس انتي كمان غلطك اكبر من غلطي تمام

حوريه بصتلو بدهشه وقالت...ده اللي هو ازاي ان شاء الله

هشام قال بعصبيه ايوه غلطتي.. غلطتي لما سبتي بيتك ومشيتي ومرضيتيش حتى تعرفيني مكانك غلطتي لما اختفيتي تسع شهور وكل يوم اجي هنا يمكن اعرف عنك حاجه حتى جدك رفضتي تخليه يعرفني مكانك مفيش واحده تعمل في جوزها اللي انت عملتيه ده مفيش.. اي واحد مكاني كان هيشك

حوريه بصتلو بزهول وقالت وانت ما تعرفش انا مشيت ليه ما سمعتش مرات عمك قالت ايه وقدامك و انت وقفت ساكت.. قالت اني مانفعكش واني ارض بور وانك لازم تتجوز وتخلف كل ده وفضلت ساكت ..وانا فضيت لك المجال وكنت ماشيه ومش راجعه تاني لولا مازن فكرت وقلت عشان ابنك يتربى في حضنك ونعوض الايام

↚اللي اتمنيناها بس يا ريتني ما رجعت..لو كنت فاكره اني هرجع علشان تقولي ده مش ابني وجبتيه منين ما كنتش رجعت

هشام اتنهد وقال بحزن.. يا حوريه انا دورت عليكي كتير حاولت اوصلك حاولت اكلمك ما قدرتش ابدا فقدت الامل انك ترجعيلي ما خليتش مكان ما دورتش فيه وانتي بره مصر ومش عايزه تقوليلي حتى على مكانك... طيب الي حصل حصل وانا والله غلطان واسف وندمان سامحيني بقى انا من وقت ما جيت وانا بتحايل عليكي كفايه كده انا هحلف لك اهو انا مستعد اعمل اي حاجه علشان تسامحيني ..اي حاجه انتي اطلبي اتمني اي حاجه عايزاها اي ضمان يضمن لك اني مش هاشك فيكي ثاني اي حاجه انا موافق

قعدت على السرير وبصتلو شويه بسخريه..انا مش عايزه املاك ولا ضمانات.. انا عايزه اتاكد بس انك فعلا ندمان ومستعد تعمل اي حاجه علشان نرجع

هشام قال بلهفه...وانا موافقه هعمل اي حاجه بصي موافق قبل ما تشرطي قولي كل شورطك وانا موافق عليها

حوريه وقفت وقالت ..تمام..شوف يا سيدي احنا هنا زي ما مرات عمك على طول بتقول ريفيين كل حياتنا معتمده على شغلنا الي انت عارفه كويس ... الزراعه والحصد وكمان بنقطع الحطب وبيتباع خشب ده شغلنا

هشام قال بعدم فهم.. ايوه ما انا عارف حكيتي لي عن الموضوع ده بس ده ډخله ايه بموضوعنا

حوريه قالت شوف يا ابن الباشا هتنزل الارض زيك زي اي عامل من العمال اللي تحت هتزرع وتقلع ..وتقطع الشجر ده هيبقى شغلك لو قدرت تعمل كده اسبوع واحد علشاني يا ابن السيوفي هرجع معاك بس لو قبل اسبوع بيوم واحد ما قدرتش تستحمل تاخد بعضك وتمشي من سكات

هشام بصلها بزهول وقال انتي بتقولي ايه انا عمري ما اشتغلت الحاجات دي هشتغلها ازاي اصلا ..وبعدين ده دخلو ايه بموضوعنا

حوريه قالت...ده موضوعنا يا غالي الي بيتاخد بسهوله بيروح بسهوله ولما عاملناك بطيبه وقلنالك ماشي على كل حاجه فكرت ان دي بنت غلبانه ريفيه مش هتقول لك غير ايوه وحاضر وبس وتقدر تدوس عليها وتقدر لما مرات عمك تقول لك الولد ده مش ابنك تقوم تتاكد ايه يعني اروح واتاكد افرض طلع ابني هاقول لها خلاص يا بيبي وترجع معايا لا يا حبيبي مش انا ..على فكره ممكن احكم عليك بحاجات اكتر من كده بكثير بس علشان العيش والملح والايام الجميله اللي عشناها مع بعض هكتفي بكده ...عايزاك 24 ساعه تبقى شغال قدام عينيا كده ما تقفش روح فكر في الموضوع واديني ردك

حوريه كانت متاكده انه مش هيوافق وهيرفض طبعا بتاتا ..بس فاجئها بشده لما قال... ماشي يا حوريه هعمل كده علشانك...وكمل وهو متغاظ جدا وهينفجر من الڠضب وقال ...بس بقى لو اي حاجه باظت انا ما ليش دعوه هتواجهي جدك بقى لاني انا اول مره اشتغل الشغل ده

حوريه كانت عايزه تضحك على اسلوب وشكله المتغاظ وقالت لا عادي خد راحتك بوظ براحتك يلا اتفضل

اتنهد ومش ناحيه الباب بغيظ بس وقف وقال بقول لك ايه طيب عايز حاجه تحفيزيه يعني عشان اقدر ابتدي

حوريه بصتلو باستغرب وقالت مش فاهمه يعني عايز ايه يمكن هديك فلوس مثلا

هشام قال.. ومتدينيش ليه انا هاشتغل زيي زي الناس اللي تحت دي

حوريه اتفاجأت بس ضحكت وقالت.. حاضر هديلك الفلوس اللي انت عايزها وجابت شنطتها بس لسه هتفتحها حط ايده على ايدها وقال ..بس انا مش عايز فلوس

حوريه اتنهدت وقالت..امال

↚

عايز ايه مش فهماك

بس شهقت لما شدها وبص لعيونها وقال عايز دوايا اكسير الحياه بتاعي

حوريه فهمتو على طول اول ما قال كده واتسعت عينيها وقالت بسرعه.. هشام لو حاولت ها...

بس مكملتش واندمج معاها في لحظه اشتاق لها قوي

حوريه حاولت تبعده ومقدرتش بعد شويه وقال بهمس كده الواحد يشتغل بنفس ده انا مش هخلي شجره غير لما اقطعها

حوريه بصتلو بغيظ شديد وقالت ..ماشي يا هشام انا هوريلك على الحركات دي

هشام ابتسم وقال ايه ما عجبتكيش ولا ايه ..لو مش عجباكي اغيرهالك وقرب منها تاني بس دفعته وقالت بغيظ...امشي اطلع بره

هشام ابتسم وقال ماشي هاطلع بره بس يكون في علمك ده حساب كل يوم مش هشتغل بلاش.. يعني كل يوم واحده والاسبوع ب 10

حوريه رفعت حاجبها وقالت... لما يبقى كل يوم واحده يبقى في الاسبوع 10 اي اسبوع ده فيه 10ايام

هشام قال ما ليش دعوه هو الاسبوع ب 10 ما لكيش دعوه انتي انا هوصلهم يا ستي ما تقلقيش من الموضوع ده

ولسه هيطلع بس بصلها وقال...بقول ايه ما تسبيني اجي ابات هنا بالليل

حوريه مسكت الدبدوب وحذفته عليه وقالت امشي اخرج بره

هشام طلع وهو بيضحك ورجع فتح الباب ثاني وقال طب تعالي انتي واهو نسيب الاوضه دي لمازن ياخد راحته يمكن هيجيب حد من صحابو

حوريه قالت بزعيق.. بقول لك بره

هشام ضحك ومشي و هيه قعدت على السرير وابتسمت لا اراديا وهيه بتفتكر جنانو معاها وحركاتو اللي بتعشقها نامت جنب ابنها وقالت ايه رايك انت اصالحه

الطفل كان بيبتسم ..قالت انت كمان عايزني اصالحه يا جميل انت..بس مش قبل ما اربيه عشان يعرف يربيك

تاني يوم كان شغال في الارض وبيقطع الحطب وايده وجعتو جدا جدا من اول نص ساعه شغل وبقى يحركها بالم ومش قادر يمسك الفاس

حوريه كانت متابعاه بنظرها وصعبان جدا عليها

وقف جمبها جدها و قال عاجبك البهدله الي حطتيه فيها دي انتي لو تقوليلي عمل ايه وتريحي قلبي

حوريه اتنهدت و قالت ابدا يا جدو خڼاقه عاديه والله انا هاروح اوديله ميه اهو روح برضه

قالت كده وراحتلو وكان يا دوب عمل شويه شغل قليلين 

حوريه ضحكت وقالت..هما دول اللي عملتهم من الصبح وايدك ۏجعتك

هسام بصلها وقال وهو بينهج بتعب... ايدي وجعتني من الفاس وعبوني وجعتني من التراب ودماغي وجعتني من الشمس..بس مش قد ۏجع قلبي من بعدك

حوريه ابتسمت وقالت ..مش جديده عليك طول عمرك استاذ في التثبيت كلام وبس

لسه هتمشي شدها عليه وقال ايه يا بت كلامك و بس دي انا من امتى كنت معاكي بتاع كلام متخلينيش اوريكي الافعال دلوقتي حالا هنا

حوريه ضحكت وبعدت عنه وقالت هنا تشتغل وبس الرجاله حواليك بطل قله ادب.. ده طبعا لو لسه عند كلامك اما لو تعبت براحتك

بص لعيونها بعشق وقال...انا اعبر المحيط علشان عيونك

فضلت باصه لعيونه بتوهان ..وبعدتو بخفه وقالت...براحتك بس خد بالك لټغرق

قالت كده وسابته واقف بابتسامه ومسك الفاس تاني وقال يا قوي قوينا

ضحكت و دخلت البيت وجابت التليفون بتاعها وصورته فيديو هو بيقطع الخشب وهيه بتبتسم بخبث..وبعتته لمرات عمه وكتبت تحته جوزي حبيبي بيشتغل في الارض علشان يرضيني واوافق اسامحه بس مش عارفه اوافق ولا لا تنصحيني بايه يا طنط

عند مرات عمه كانت قاعده مبسوطه وجاتها رسالة حوريه.. اول ما شافت الرساله اندهشت جدا وفتحت الفيديو وكانت هتتشل من الصدمه لما شافته بيشتغل في الارض وبيقطع الخشب

وقفت بغيظ وبقت رايحه جايه بتفكر هتعمل ايه ..و

↚

اتصلت بشخص وقالت عايزاك في موضوع مهم جدا بس مش انهارده اسبوع كده وتسافر الفيوم هتجيب لي طفل من هناك ايوه هتخطفه

عند حوريه عدوا عليها كام يوم حلوين اوي وهي شايفه هشام بيتعب جدا في الارض ومصر يكمل علشانها ..كانت بتروح تودي له الاكل ويقعدوا يتكلموا سوا

هشام كان شايل مازن وبيلعبوا وقال...حوريه تعالي خديه علشان هكمل التقطيع

حوريه ضحكت ومسكت الولد منه وقالت شايفاك مبسوط بالشغل

هشام ابتسم وقال حلو قوي الجو هنا جميل..الأجمل انك مبسوطه ..يعني بعد ما ربنا يكرمنا ونصتلح نبقى نيجي هنا شويه او حتى نفضل هنا على طول

حوريه ضحكت وقالت معقوله ابن السيوفي هيعرف يعيش هنا

هشام مسك ايدها وقال ابن السيوفي هيبقى مبسوط في اي مكان تكوني انتي مبسوطه فيه

حوريه ابتسمتلو وقالت لما نبقى نصتلح ابقى افكر

لسه هتمشي شدها عليه وقال هو احنا لسه هنصتلح مش انا قلتلك قبل كده عينيكي عمرها ما كدبت عليا

حوريه ابتسمت وهيه بين ايديه وقالت ةعينيا قالت لك ايه بقى

هشام ابتسم وهو بيبصلها بعشق وقال... قالت الي لسانك مش قادر يقول قالت حالي من حال عينيك عشقانه ودايبه فيك

حوريه ابتسمت وقالت.. يا سلام شاعر حضرتك

هشام قال ..اي حد يقف قدامك يبقى شاعر ...يلا بقى قولي انك سامحتيني خلينا ننبسط ونعيش حياتنا من جديد

حوربه ابتسمت ودفعته بخفه وقالت لسه بدري عليك يا باشا ..اشتغل اشتغل ربنا يعينك

قالت كده وطلعت على البيت وهو فضل باصص لطفها بابتسامه وبقى يكمل شغله

بالليل حضرت العشا وكانت مستنياه زي العاده يطلع يتعشى بس ما طلعش بصت لجدها وقالت غريبه يعني هشام من ساعه ما دخل في العصر وهو ما طلعش ثاني ابدا مش من عوايده

جدها بصلها وابتسم وقال..وانا اش عرفني جوزي ولا جوزك روحي شوفيه

حوريه قعدت وقالت..وانا مالي ان شاء الله عنه ما اكل بس مفيش دقايق و قالت....احم بس مش هينفع برده حرام يمكن جعان انا هقول له واجي على طول

راحت وقعت تخبط على باب الاوضه بس ما حدش فتح كان الباب مش مقفول كويس فتحته شويه وقالت هشام العشا جاهز ..بس بردو ما ردش عليها لسه هتمشي سمعت صوت تمتمه غريب في الاوضه بتبص لقيته نايم على السرير وبيرتجف جامد وبيهلوس بكلام مش مفهوم

قربت عليه باستغراب وبقت تصحيه وقالت هشام..هشام مالك.. بس اتفاجئت بيه حرارته عاليه جدا ويهلوس حطيت ايدها على دماغه بلهفه وبقت تصحيه وتقول هشام هشام حبيبي مالك بس كان برده بيهلوس ومش بيرد عليها ابدا

طلعت جري عند جدها وقالت له يجيب دكتور ورجعت ثاني لهشام وبقت تغطيه علشان يهدى شويه بس كان تعبان جدا

بعد شويه جيه الدكتور وكشف عليه وقال انه اخذ ضربه شمس شديده وادالو حقنه و كتب له على شويه ادويه ومشي

حوريه قعدت جنبه و هي حاسه جدا بالذنب نزلت دموعها بحزن وقالت .. حقك عليا يا حبيبي حقك عليا يا هشام

هشام كان ابتدى يفوق من الحقنه اللي اخدها من الدكتور بصلها بتوهان وقال انا بردان قوي قوي يا حوريه

حوريه جريت وحطت عليه غطاء تاني وقالت طب ودلوقتي كويس يا حبيبي

هشام بصلها وابتسم وقال ..هو ما ينفعش تقولي لي يا حبيبي غير وانا تعبان كده

حوريه ابتسمت بدموع وقالت انت في ايه ولا في ايه يا هشام..و لسه هتمشي مسك ايدها وشدها عليه وقال بردان قوي يا حوريه

حوريه قالت بدموع..مش هينفع تتغطى اكتر من كده استحمل شويه يا هشام

هشام شدها عليها وقال وهو

↚

بيبصلها جامد..انا استحمل اي حاجه الا بعدك..خليكي جمبي..دفيني بقربك يا حوريتي

حوريه قربت منو بتردد وقالت بدموع..انا جمبك...جمبك يا هشام

هشام شدها عليه اكتر لحد ما راح في النوم وهيه بين اديه

تاني يوم قامت من النوم ملقتهوش قامت بسرعه تشوفو فين ولسه هتطلع من الاوضه سمعت صوته مع الرجاله في الارض

اتنهدت وهزت راسها بيأس من عناده وطلعت لقت مازن مع جدها اخدتو وراحتلو الأرض

هشام اول ما شافها ابتسم وقال..صباح القمر كلو

حوريه حطت ابنها في العربيه الصغيره بتاعته وقربت من هشام وقالت بضيق...انت مچنون يا هشام..انت كنت بټموت امبارح ايه نزلك تاني

هشام قال بابتسامه..عمر الشقى بقي وبعدين احنا بنا اتفاق

ضحكت وقالت اتفاق ايه يا بطه طريه انتي..ده انت كنت هتفلسع من شويه شمس

هشام شدها ليه بقوه وقال ...اكيد الشمس مش هتتعبني قد عنيكي وبستحملهم عادي..وبعدين انا مستعد اتعب كل يوم لو هنام نومة امبارح في الاخر

حوريه نزلت عنيها بكسوف وقالت...خۏفت عليك قوي

هشام ابتسم بسعاده وقال..بجد

حوريه هزت راسها بكسوف وقالت..اه..افرض مت بسببي اعيش ازاي بعدها

هشام بصلها بزهول وقال...هو عادي اموت يعني لو مش بسببك..على العموم ما علينا مش هسمحلك تبوظي اللحظه الرومانسيه دي

حوريه ضحكت وقالت..سبني طيب 

هشام قال..اسيبك ازاي...وحشاني قوي

حوريه قالت بارتباك...يا هشام احنا في الارض احسن حد يشوفنا

بس قرب وقال انا هتجنن خلي اللي يشوف يشوف

ولسه هيقربها ليه..اټصدم بشده وفضل واقف باصص بعيد بذهول

حوريه استغربت وقالت مالك يا هشام وبصت مكان من ببص و اټصدمت براجل من اللي كانوا شغالين في الارض شايل ابنهم الصغير ومداريه بالشامله بتاعته وبيجري بيه

حوريه صړخت وهشام جري بسرعه وراه وهو ماسك الفاس وبيزعق على الراجل وبينادي عليه وبيقول... استنى عندك

بس الراجل ما كانش بيقف وقرب يطلع من الارض راح هشام رما الفاس بسرعه اتخبطت في رجل الراجل وقع على الارض هو والولد

حوريه جربت على ابنها وشالته وهيه پتبكي پخوف بس لحسن الحظ وقع فوق الراجل وكان كويس

هشام نزل فيه ضړب في الخاطف بقوه وقال انت مين اخدتو ليه انت مين يا حيوان انطق

الراجل قال بړعب وخوف انا مليش دعوه ما ليش دعوه صفاء هاني مرات عمك هي اللي بعتتني

هشام اټصدم ووقف بزهول شديد وڠضب

عبد الصمد اول ما سمعو قال كده امر مجموعه من رجالته ياخدوا الراجل ده لحد ما يشوفوا حكايته ايه

حوريه كانت بتحضن ابنها پخوف وپتبكي وجدها وقف جمبها وقل...قدر ولطف يا حبيبتي قدر ولطف

هشام قرب عليها ولسه هيكلمها وهو بيبصلها بدموع بس اتفاجئ لما قربت منو وهي شايله ابنها وبقت تبكي وتتخبى فيه... وقالت الحمد لله انك هنا الحمد انك معايا وبقت تبكي بشده

هشام ابتسم وبقى يقربها ليه ويبوس راسها هي والولد وقال طول عمري معاكي انتي وحبيبنا الصغير ومش هبعد عنكم ابدا ربنا ما يفرقنا يا قلبي

جدهم ابتسم بسعاده وقال الحمد لله ودخل وسابهم

حوريه قالت بدموع ..ليه مش عايزيننا نكون مبسوطين سوا انا حاسه ان عمرنا ما هنشوف السعاده ابدا ولا الراحه

هشام قال بحنيه ..لا يا قلبي...ان شاء الله مش هنشوف غير السعاده من هنا ورايح اوعدك...سامحيني يا حوريتي انا اسف يا قلب هشام

حوريه ابتسمت وقالت بدموع انا مش عايزه غير اني اكون معاك يا هشام...صحيح الي عملته كان تقيل على قلبي بس فراقك اتقل بكثير

هشام ابتسم وقال...هنسيكي كل ده يا حوريه..هخليكي تضحكي من قلبك مش هسمح لاي حد يدخل بنا تاني مستحيل اخسرك يا قلبي

وقعد و عند شجره وهي لسه يبين اديه وحط راسها

على كتفه وايده على ايدها اللي شايله بيها ابنها

حوريه بصتلو بحب وقالت...انا عايزه افضل جمبك كده ديما..عايزاك تطمني بوجودك معايا

هشام ابتسم وقال...انا اصلا مش بلاقي راحتي غير وانتي بين اديا ربنا بقدرني اخليكي مبسوطه ديما يا حورية قلبي 

تعديل المقال