رواية قلوب متسلطة كاملة جميع الفصول بقلم مروه حمدي

رواية قلوب متسلطة كاملة جميع الفصول بقلم مروه حمدي

رواية قلوب متسلطة كاملة جميع الفصول هى رواية من تأليف المؤلفة المميزة مروه حمدي رواية قلوب متسلطة كاملة جميع الفصول صدرت لاول مرة على فيسبوك الشهير رواية قلوب متسلطة كاملة جميع الفصول حققت نجاحا كبيرا في موقع فيسبوك وايضا زاد البحث عنها في محرك البحث جوجل لذلك سنعرض لكم رواية قلوب متسلطة كاملة جميع الفصول

رواية قلوب متسلطة بقلم مروه حمدي

رواية قلوب متسلطة كاملة جميع الفصول

قاعده على الكنبه في وسط البيت مسكه طرحتها اللي على كتفها طرف في ايدها اليمين والتاني في الشمال وبتعدد وتنوح وبتقول خربتها وقعدت على تلها جيت اطلق مرات ابني اطلقت انا فضلت هي قاعده ومشيت انا.
قاعدين بصين عليها في اللي كاتم الضحكة وفي الشمتان وفي اللي بيدور على حاله وناعي همها.
واول وحده جنبها طبطبت على كتفها وقالت وهي بتحرك بقها يمين وشمال براحة ياخيتي دا ميقدرش يستغني عنك هبابه وتلجيه جاي ياخدك.

ضرتها التانيه قربت منها وقالت بهمس في ودنها اومال الزغاريت اللي مش مبطله من ساعة ما طلعت من دارها وجتلنا زى العمل الرضي.
الضرة التالته هما عندهم فرح واحنا المېت عندنا والمعددتيه عندنا.
ضحكوا التلاته راحت بصت ليهم وقالت شوف حريمك ياخوي بدل ما يوسوني وياخدوا بخاطري قاعدين
يضحكوا.
جوزهم بيبص عليهم بغيظ وقال ليهم بتضحكوا علي اي ياحزانه ارقعوا بالصوت دا احنا عندنا الجته كلها.
وبيقول في نفسهدا وهي عيله مصدقنا نخلص من همها دلوقتي وهي جده ولسانها اطول منها هجبها تقعد مع نسواني التلاته بدل ما تبقي تلات مصايب وعيالهم تجي الکاړثة وتخربها زي مخربت بيتها بنفسها الله يرحمك يامه ياريتك قعدتي عليها وبططيها زي مكنتي بتتمنى
دايما كنتى بتقولي عليها زمان خيتك دي بومه ومتعمرش بيوت اهي زى ما قلتي وجوز اختك دى ربنا يكون في عونه امانه عليك ياولدي الشوال اللي ببعته لداره ماتقطعه وكل شهر توديه في نفس المعاد ده ياولدي تعويض ليه على البلوه اللي بليناه بيها جيه ياخد بخطرنا ويواسينا في مۏت ابوك مشي من عندنا مدبس في جوازتها وامانه تانيه ياولدي تكسيه وسجايرة اللي بيدخنها عشان يطلع فيها غلبه متقطعهاش عنه ابدا وكل سبوع جيبه يوم عندك زى اجازة يرتاح منها بدل ما يطب ساكت وتلبس فيها انته كفايه هي وجرايرها.
جات بنته الصغيرة تجري على امها وبتقول يامه يامه اطلع الفطير من الفرن.
وقفت تلطم على صدرها وتبص ليهم وهي مبحلقه وبتقول بصړيخ وكمان عاملين فطير.
البنت الصغيرة نعمه قالت وعسل ابيض وعسل اسود ومربي وحلاوة طحنية
وبفرحه كملت وسلجين بييييييض وجبنه خضرة ومش يستاهل بقك ياعمتي.
لطمت على صدرهاورجعت قاعدت على الكنبه وهي بتقول حريم اخويه شمتنين فيه.
حطت الطرحه على عنيها وبتعيط وبتقول فينك يامه.
اخوها بعويل وهو قاعد جنبها وبيقول
كان قلبها حاسس الله يرحمها ماټت وارتاحت وسبتلي انا الهم متعبي اكوام اكوام بص لحريمه وقال جولوا بوه يامرة منك ليها.
التلاته بوهههههه
البنت الصغيرة وقفت تبص بذهول وقربت من ابوها بوهه يابه بس على منين.
ابوها وهوبيبص على اخته وقال على ابوكي وستك يا ضنايه كانت شايله عني كتييير.
عمتها قالت للبنت تعالي يابت يانعمه جربي حداي.
البنت پخوف قالت ليها نعم ياعمتي.
عمتها قالت ليها شجة فطير احشهالي مربه ومعلقتين عسل ابيض ومتنسيش ترسي الحلاوة الطحنيه وهاتهالي جوام
البنت جريت وقفتها وهي بقول ليها... استني يانعمه متنسيش الجشطة
قاعدة على الكنبه وحطت اديها على راسها وقالت.... الاه اهبط منيكم من الصبح ما حطتش الزاد في خشمي والظهر على أذان
الاربعه بصوا عليها وقالوا.. قولي يارب.
البنت الصغيرة بصت لعمتها وبعدين رفعت عنيها ناحيه السماء وقالت وهي بتشاور.... لسه بدري على الضهر لما يأدن ياعمتي.
ابوها قال للبنت دى عينه من اللي هنشوفه ياقلب ابوكي دا عند جوز عمتك عيد دلوقتي دا ما صدق كان بيستلف من يوم تلاته في الشهر.
علت صوت الزغاريت
قرب من الباب وقال وبصوت عالي حقك ياخوي والله ما قادر الومك بس كنت كملت جميلك واحتسبته اجر تاخد فيا ثواب عند ربنا..
ابنه جه يجري من المدرسه فرحان وماسك في ايده حلويات رفعها لابوه وقال ياباه ياباه هو في اي عند دار عمتي عم حسين واقف في الرهبه بيوزع شربات وحلاوة على الرايح والجاي وهو بيرقص.
بعويل وكانه بيعيط من حقه ياولدي دا واخد افراج بعد تلاتين سنه حبس.
الولد باستغراب بص لابوه وه وتهمته ايه.
ابوه بص بغل عليها وهي ماسكه الفطير وبتاكل وقال اهي قاعدة بتلغ جوه اهي الفطيرة بتزحلق من الفرن على زورها زحليق

قامت وقفت وهي بتاكل اخر حتت فطيرة ملت بقها مسكه طرحتها تداري وشها كانها بټعيط وبتقول لابنها اللي داخل من الباب.
هو فاكر معنديش اهل وسند.
وقف اخوها ورم نفسه على الكنبه وراه وقال عندهم الضغط والقلب وعيانين وبرجله زق بنته ... هوي يابت عمتك كتمت على مراوحي
ابنها وهو موطي راسه بكسوف من كلامها وبنفس الوقت كاتم ضحكته وهو شيفها بتاكل وبقها مليان اكل.
وااخوها اول ما شافه مسك ايد بنته اللي بتهوي عليه وهو بيقول هلو هلو السماء بدءت تندع
الولد قرب منها وبصوت واطي قال لها.
بلاش فضايح يامه وسط الخلج قاعده كده ولمه الخلق عليكي مايصحش هيقولوا ايه علينا
اخوها اتعدل في قاعدته وقال اسمعي كلام ولدك يا خيتي.
الولد قال ليها برجاء.. همي معايا على درنا يامه انتي اصلا مكنش ينفع تمشي وترمحي وتسيبي الدار بعد ما الشيخ قال تقعدي تلات شهور في دارك متمشيش منها.
اخوها والنبي عاقل وراسي وبتفهم يابن اختي الوحيد اللي في عيالها نبيه طالع لخالك.
الولد وهو بيبص لخاله وحريم خاله اللي لبسين اسود وجعدين كانهم في عزاء... قرب من امه مرة تانيه... وقال يااامه دا من طلع من داره انجل مقدارة.
هي بنفخه وغرور انا جاعدة دار ابوي واخوي ان شاله يخليه ليا يشلني العمر كله.
اخوها وهو بيضرب كف بكف وقال بحزن... هو هيبقي في العمر بقيه
الولد قال ليها انا مخبرش حصل ايه في الدار علي الصبح وصل الامور لكده.
هي كله من مرتك.
مرتي ماله ياماي دي مداس في رجلك پتخاف منك وبتعملك الف حساب اكتر مني.
هي محصلش دي جويه ومفترية وبتمثل عليكم.
الولد... ياماه دا انا جيت لقيتك مڼحله رسها ووخداها جوزين اقلام البنيه بعد دا كله انتي صعبانه عليها وبتبكى عليكى.
اخوه الصغير من وراه قاله... تلجي مرتك خاېفه من اللي هيجرها امك وهي مشيه شورتلها على رجبتها لبشتها مع كل زغروطه تطلع من عماتك والجيران مرتك ترقع قبلهم بالصوت.
الخال قال... مراتك غلبانه ياولدي وزنبها في رجبتك وديها لشيخ يقرلها كفاية الفزعه اللي صبتها..
الولد.... هو دا اللي هيحصل ياخال وحياتك عندي دي نايمه جاري طول الليل تنفض وتحلم بامي.
امه... ليه وانا كنت بعبعب.
اخوها العن وحياتك ياخايتي. دا انا من ساعة ما ډخلتي عليا وانا جالي تبول لا ارادي
الواد الصغير من وراه.... تستاهل ياخوي مسمعتش كلام اخوك الكبير ومعملتش كيفه وخدت مرتك وياك ورمحت على بحري في مكان بعيد امك ما تعرفش تدله فيه.
الولد بص لاخوه وبحصرة... كنت رايد ابقي بار لما طلعت حمار.
امه بغيظ من الواد الصغير... كله منك انت ياسهن انت اللي رمحت على ابوك وجبته وقولتله الحق
الواد الصغير... البنيه كانت هتفرفر في اديكي المرة دي.
ابنها الكبيربعتب ولوم.... هي مرتي عملت معاكي اي ياماه دا حتي لو عملت اي بالذي
جوليلي وانا اجيبلك حقك ولا اوديها لناسها يربوها من اول وجديد بدل ما طلعتني عيل صغير قدام الخلق.
ابنها الصغير... اهو دا الحديت اللي بوك قاله وعين ما تشوف الاه النور ابوك مبقاش عارف يصد خشمها ولا اديها.
خاله بحيره... اي اللي جد المرة دى ما طول عمر ابوك امك وخداه غسيل ومكوه.
هي بتغمز لابنها الصغير يسكت الولدمفهمش حركتها قرب من خاله وقال بصوت واطي وهو عينه على حريم خاله قالتله... اصلك مش راجل
الود الكبير... واه ياماه وصلت بيك لاكده طيب دلوقتي بعد الكلام دا هقنع ابويا يردك كيف.
خاله... يابني والله ومن غير الكلام ده لو رحت لابوك وقولت امك رجعه على كده هيجيله توحد على مكبر.

الواد الكبير... حقه ياخال دا انا غلب حماري وانا بفكر اجبهاله ازاي.
خاله... لاء ياولدي دي ما تجلش هو يروح يلجيها في وشه على طول وفي سره كمل ياعاش يامات ويبق ربنا رحمه.
الواد الصغير.. وجدي ياخال هنجبهاله ازاي.
خاله... ماله جدك ياولدي الراجل مستكن في اوضته لحاله باصص للسقف لابينطق ولا بيتحرك ليه عشر سنين على كده.
الواد الصغير وهو بيحرك بقة يمين وشمال... اهي اختك مشت إكده وجدي لبس الحته الزفره والعبايه رفع العمة وماشي بالخرزانه و يخبط على البيوت يخطب لابوي وحالف لا يجوزه اربعه مرة واحده وهيعمله فرح متعملش في الجهه كليتها.
امه وهي بتبص لابنها بغيظ...
رجل بوء طول عمره بيكرهنى وانا ال قيداله صوابعي العشرة شمع ظهرت الصحة دلوكيت وهو مسطوح بالاربعه بالسنين وانا خدماه وشيلاه وجوه عيونى حطاه..
كله بصله باستغراب وعيالها الاتنين فى نفس الوقت امتى ده! ده الرجل بيتئناب على الصبحية ويتقل بيه الظهرية وفى العشا ينام خفيف علشان يكمل الكم يوم ال ليه فى الدنيا ديه.
بدرية انتوا عيال ابوكم لاففكم تحت باطه مهمها اعمل وحشة انا ماليش غير بناتى جاين ومطلعني غلطانه وسيبين ابوكم ال رمى اليمين بعد سنين جواز تلاتين سنه ما افتكرليش يوم حلو وهو واقف فى نص البلد يرقص ويوزع حلاوة على الخلج ال رايحه وال جاية والرجل الكبير طالما فيه صحه يروح ويجى كان عقل ولده قاله لأجل بناتك حتى لأجل يستروا عند رجليتهم ومحدش يقولهم ياولاد المطلقة لكن فكرتوش غير ان امكم عفريت وبعبع ويبقى من كرم أخلاق ابوك لو ردنى بس لا لا يا خلفة بطنى انتوا زى ما انا طلعت ماليش عازة معاكم ولا تعوزينى وابوكم هاخد حقى من حشاءه لا هخلى وراه ولا قدامه مش لجوزاه لا ده لا هيعرف ياكل ولا ينام روحو ارجعوا لابوكم قلبى وربى غضبانين عليكم
اخوها بضيق وعصبية انتى ايه يا شيخه قلبك ده ايه حجر صوان لا يمكن ده الحجر يلين عنك ايه يا شيخه ده تكدبى الكدبة وتصدقيها طب حتى استحى منى ومن عيالك ال حافظينك وعارفينك وقولى الكلام ده لحد غيرنا.
حتى انت يا واد ابوى ياللى بقول عليك ظهرى وسندى جاى علي.
ظهرك وسندك جوزك ال كسرتى شوكته قدام نفسه قبل عياله افتكرتى علشان سكتلك من اول مرة انه رجل ضعيف فسقتى فيها واتمرعتى والرجل الغلبان كان عامل خاطر لية وللمرحوم ابوكى والتزم بوعده لأمك كان بيسكت ويقول بكرة تكبر وتعقل لكن انت مفيش فايده فيكى حتى بناتك شربوا منك طبعك وعلمتيهم ان البت سلاحھا فى لسانها لحد ما اتجوزوا وبقوا يبدلوا مع بعض كل شهر وحده فيهم تجيكى زمجانه لا علمتيهم يستروا رجلتهم كيف
ولا يحترموا اهل اجوازتهم بس هتعليمهالهم كيف دى باللى عملاه فى حماكى.
بعصبية ازاى وقفتى فى وش الرجل ال لو كان ابوكى لسه عايش كان زمانه أصغر منه تردى عليه كلمه بكلمه تصغريه قدام عيال ولده تخليه بطيب خاطر يحبس نفسه فى اوضته لأجل ما يوريكى وشه ولا يسمع منك كلمه زيادة تقل منه.
بدرية بلجلجه اوعى لحديتك يا سيد تنساش انى خيتك الكبيرة فمتعليش صوتك علي قصاد عيالى.
اااه يعنى ۏجعتك علايه الصوت يبقى كيف حال الرجل وابوه ال مسحتى بيهم الأرض ومالك يختى محموقة ليه وانتى بتقولى الكبيرة الكبير كبير عقل وكل ما كبر عقلك علا مقامك

قوليلى ليه مستقويه القلب على عيالك وحريمهم فى حين ان اجواز بناتك لما بيجوا بتشليهم من على الأرض شيل بكون مستعجب وانا شايفك رامحه يمين وشمال معرفاش تراضيهم كيف ولا كيف.
هي شايلين عارى وحامينه.
اخوها وحريم ولادك هما ال فاتحين البيت ومعمرينه.
هى ازاى وواحد اول ما قال يا جواز خدها بعيد عنى والتانى واقف وشويه هيضرب نفسه بجذمه انه معملش زيه وناوى عليها باينه فى عنيه.
ولدها الصغير ياما اذا كان مرات اخويا الكبير مكنتيش تحمليها فى زيارتهاوتطلقى عليها خياتى تعاركوها على أقل سبب وفى اخر مرة فى العيد طلعتوها حرمية حتى اخويا مبقناش نشوفه وبيكلمنا على التليفون ومرات اخويا التانى ال قايمه بالبيت وبينا سلماش منك على الطلعة والنزلة تسمى بدنها ولو المسكينه وجعت تحت يدك بنسحبوهابالعافية ده انا فى مرة اخدت عنها ضربه فى دراعى قعد تلات ايام مزرق مخدول قدرش احركه.
بغيظ حد كان قالك حوش ماهى ال غلطانه سابت اللبن لحد ما فار واتكب نصه.
الواد واهى هتريحك خالص انا كنت سايبها بتلم خلجاتها وبتقول راجعه دار ابوي وجيت وراء اخوي علشان يلحقها.
الولد الكبير ووه بيتى هيخرب بس دى لو راحت صوح دار ابوها بأى وش ارجعها وانا مش رجل لا قصاد نفسى ولا قصادهم بيتى خلاص خرب قبل ما يعمر وولدى ولا بتى ال جاين مهيتربوش فى حضنى ليه كده ياما ده جزاتى.
بدرية بعيون واسعه هى حبلة.
لسه عارفين الصبحيه قالتلى هتقولك وانا روحت على اشغالى.
بدرية لا تخافش العيل مصيره لابوه فى الاول والاخر ورك ما تولد انا هاخده واربيه على ايديا.
خاله انتى مافيش فايده فيكى ال جواكى ده ايه يا شيخه صوت ولدك وهو بيتكلم يوجع القلب الحسړة فى صوته والدمعه فى عينه موجعوكيش .
الواد الصغير ياما تعالى ارجعى البيت وطيبى خاطرها وهى غلبانه وبت حلال وهتسمع منك وهتقعد.
اذا ابوك وجدك ما اجوش لحد عندى يحبوا على رجلى انا ما راجعه.
اخوها قام بنفضه مسكها من يدها هووس ولا كلمه تانى انتى صوح مالكيش رجعه غير فى حالة وحده لما تتربى وتربيتك دى على ايدى وال معملتهوش امك وندمت عليه انا هعمله وهتكفل بيه روح يا بدر الحق مرتك راضيها وانت يا عماد قوم
روح لابوك وقوله انت محلول من وعد جدتى وخالى بيقولك اتجوز لو رايد بس لاجل بناتها احفظلها اوضتها لما تعرف قيمتك وقيمه دارها بيدى هرجعها ليك يا بن الأصول.
هي هتمسكلى العصاية ياك.
بعصبية خلتها تخاف منه لأول مرة والبلغة لو حكمت يا بت ابوى.
بص لحريمه ال اتودودوا ال عندها كلمه توفرها واللي مش عاجبها الباب يفوت جمل.
كل واحده بعد ما كانت بتبص للتانية وبتحرك ايدها خافوا وسكتوا
بايده زاحها بالراحه عليهم هتاخدوها معاكم على جوه وزعوا الشغل عليكم.
لسه هتتكلم
ولا كلمه ايدك بايدهم ولو هما جم عليكى قوليلى وانا كفيل بيهم
ورجع بص عليهم ولو هى جات عليكم قولولى وانا كفيل بيها.
روحوا يا عيال وانتوا على جوه حضروا الغدا انا مستنى ضيوف وعايز حاجه تشرف.
مشى بدر وأخوه ولسه نعمه بتقفل الباب لقت ال بيزقوه برجلهم وداخلين ينوحوا ويبكوا جات تطلع ليهم لقته واقف فى وشها.
على فين خشى جوه.
دول بناتى يا اخويا.
انا قولت كلمه وحده ادخلى جوه.
بناتى عايز تحرمني منهم كمان!
ادخلى بدل ما اډفنك فى أرضك واخلى نواحهم ده حقيقى.
ماشى يا سيد الحساب يجمع
هو في ايه يا خال بتعمل فى أمى كده ليه وانتى ياما رايحه فين

بدرية كله من بت العياش.
الفت وحياتك لاروح واخلى ال مايشتري يتفرج عليها.
هند عاملة نفسها وحده ال ما نظفت غير لما دخلت دارنا.
اتنفضوا على صوت جاى من وراهم.
احترمى نفسك منك ليها
هندالفت ابوى
قربوا منه بقا كده يابه تعمل فى أمنا اكده وتشمت فيها الناس وعلشان مين علشان بت العياش.
جاى خالهم يتكلم وقفه بايده لا يا صاحبى بناتى تربيتهم عندى انا وردهم عندى ما انا ال قصرت وتركتهم لامهم قولت البت لامها وكفاية عليهم حنيتى ودلعى.
بص لبناته كلمه وحده تحطوها حلقة فى ودانك داركم اولى بيكم وكل واحده على دارها.
الفت يابه احنا في ايه ولا اي
بعصبيه هوص ولا كلمه شاور ليهم هم الاتتين وقال... ازاى يا مقصوفة الرقبة منك ليها تطلعى وتسيبى داركم ورجلاتكم مش موجوده .
هندالفت جاين لامنا.
خالها مالها امك رجعت دار ابوها معززة مكرمه لا هى اول ولا اخر وحده تتطلق.
البنات ماهو جاى على هواك ما انت راجل زيك زيه.
ابوهم بعصبية لولا العيبة ومش عوزكم ترجعوا داركم مضروبين والناس تستوطا حيطكم لفشفش عضمكم واعلمكم ازاى تردوا على خالكم يا قليلة الرباية منك ليها بس ملحوقة كل وحده على دار راجلها تعيش بما يرضى الله وتحط لسانها جوه خشمها واعملوا حسابكم لو فى يوم وحده جات زمجانه وكانت هى السبب ولسانها الزفر السبب ما هى راجعة بيتها تانى وانا بنفسى لاخطب لراجلها خدوا من ال حصل لامكم عبرة.
رفع رأسه لسيد اعذرنى يا سيد.
عذرك معاك يا صاحبى ماهو البنى آدم طاقة برضه وانت فاض بيك لحد ما كليت وانا كنت متأكد انك هتيجى اول ما يبلغك ولدك.
انا ال حازز فى نفسى وعدى للحجه.
انا حليتك منه
شوف حياتك يا اخوي ويشهد عليا انا بنفسى هرجعها الدار لو لقيتها تستاهلك.
هند كيف يا خال تقبل كده على خيتك.
بعد اذنك يا سيد دول ال محتاجين ربايه بجد همى منك ليها على دارنا وحضر نفسك بعد المغرب احنا ال هنخطبوا لرجالتهم
البنات بصوا لبعض وجريوا على ابوهم يبوسوا ايده
لا يا ابويا احنا راجعين دارنا حرمنا نعم وحاضر وبس.
انا عايزكم تعيشوا بما يرضى الله وما يتقلش عليكم قوله مكفرات العشير.
واعرفوا ان الحياة مشاركة وتعاون بين الرجل والست مش فرد عضلا ت ومين كلامه يمشى وحطوها حلقة فى ودنكم عمر الحق ما يجي بطولة اللسان.
البنات هزوا رأسهم ومشى من سكات وراهم ابوهم بعد ما استأذن وقفته بصوتها ولأول مرة يشوف دموعها فى عنيها من بعد ۏفاة امها.
حسين ماشى ومش هتاخدنى معاك.
اخوها بمكر وهوعينه على حسين جوزها وتعبير وشه المتأثرة... انت ازاي تطلعي عاد من غير ما أذنلك بتكسري كلامي وكييف تقفي كده وهو مطلقك خلاص شكلك كده ناويه يكون دا اخر
يوم ليكي على وش الدنيا.
بدريه پخوف... مش كسر كلامك ياخوي بس مقدرتش اسمع حس حسين ومطلش عليه قلبي فز من مكانه وانا شيفاه رامح من غيري.
السيد بنفس المكر هوص لا كلمة زيادة .
رفع ايده لفوق اتفأجأبحسين واقف قدامه ماسك ايده فوف
حسين سيد انت اجنيت بترفع يدك على مرتي وأنا واقف.
سيد... مبقتش مرتك ياحسين. قالهاسيد وشد بدريه يدخلها جوه البيت بدريه جريت ناحيه حسين واتحامت فيه.
سيد بمكر سبتى اخوكى واتحاميتى فى طليقك.
ده رجلى ابو عيالى صح هو نطقها بلسانه بس انا متأكده ان قلبه منطقهاش.
والحلاوة ال اتوزعت على العيال الصغيرة.

حسين بغيظ بصله هو كان لازم تفكرها ماهى ماكنت ماشية زين.
دى حسابه وياه بعدين ولولا انى متأكده انه بيكيدنى كان هيبقى وضع تانى.
حسين وضع ايه تانى يا بدرية.
سكتت ومقدرتش تتكلم من نظرة حسين ال بتعاتبها ومن كلام اخوها لما قال.
سبهالى يا حسين اصل ال فيه طبع روح انت دارك وانا اولى بيها ولتانى مرة اقولهالك اعمل ال يريحك وانا معاك 
بدريه جايب القسۏة دى كلها منين يا ولد ابوي وانت يا حسين اهون عليك برضه هتهون عليك العشرة.
هانت عليكى قبل منى واستوطيتى حيطى افتكرتى سكوتى وحبى ضعف منى فى الاول كنت بقول لسه صغيرة بكرة تكبر وتعقل وخصوصى انك يتيمه محرومه دلع الاب وانا اخدتك بنت ليا تطلب تجاب بس لا فهمتى ده غلط وسقتى فيها واضطريت اسكت واعدى لأجل عيالنا لحد مابقوا يتسرسبوا من يدنا واحد وراء التانى
جيت اخد خطوة وارجع ألمهم حوالينا وقفتى انتى وبناتك وسودتى وشى مع ابنك ونسايبه قولت خليه بعيد احسن فضلت احادى على التانى والم وراكى لحد اخر مشكلة وقفت اطبطب بدالك والم علشان الموضوع ما يوسعش عملتى ايه قليتى منى قدام نفسى وعيالك والغريبة مرات ولدك ولا همك.
وبعتاب وحزن فى صوته بقا بعد العمر ده كله وبعد ال عملته بأعلى حس فيكى تقولى عليا مش راجل
بص ليها بحزن وكمل
الرجل لما بيتوجع فى كرامته ورجولته بيدوس على قلبه مهما كان بيحب كله بيروح.
توبه سامحنى هعيش خدامه تحت رجليك.
بعد ايه بعد النفس ما طابت.
طلع من البيت بعيون مدمعه وبدرية بتبكى وبتنادى عليه جه اخوها وقف جنبها.
بقولك يا بت ابوي الرجل ده لو وصل بيتهم وانتى مش فى يده عمرك ماانتى داخلة داره حتى لو فيها مۏته.
اعمل ايه يا أخوى.
عايزاه!
بدرية وهى بتجرى وراء حسين ومسكته من طرف جلبته ومشت وراه زى العيلة الصغيرة ال خاېفة تتوه من ابوها فى السكة وهو شافها ومقدرش يمنع ابتسامته ال وسعت اكتر وهى بتشاور وبحس عالى بتقول لاخوها ده عمرى كله حداه
واخد من الجيران شافهم وهما ماشين سوا ناحية دارهم صحيح يا اولاد القط ما يحبش الا خناقة.
تمت
تعليقات



حجم الخط
+
16
-
تباعد السطور
+
2
-