روايات حصرية
0

رواية قلب بلا ذنب كاملة جميع الفصول بقلم لوريتا يونس

ahmed
اخر تحديث :

رواية قلب بلا ذنب كاملة جميع الفصول بقلم لوريتا يونس

رواية قلب بلا ذنب كاملة جميع الفصول هى رواية من تأليف المؤلفة المميزة لوريتا يونس رواية قلب بلا ذنب كاملة جميع الفصول صدرت لاول مرة على فيسبوك الشهير رواية قلب بلا ذنب كاملة جميع الفصول حققت نجاحا كبيرا في موقع فيسبوك وايضا زاد البحث عنها في محرك البحث جوجل لذلك سنعرض لكم رواية قلب بلا ذنب كاملة جميع الفصول

رواية قلب بلا ذنب بقلم لوريتا يونس

رواية قلب بلا ذنب كاملة جميع الفصول

_ يعني انت عاوز اي مش فهمه 
= يعني انا عايز اتجوزك يا منى 
' فضل الصمت بينهم خمس ثواني لحد ما قطعه صوت ضحكتها '
باستغراب: هوا حضرتك بتضحكِ على اي 
_ هقولك بضحك على اي ....
..ووقفت في نص الجامعه واتكلمت بصوت عالي خلى كل طلاب الجامعه ينتبهُ لها ..
_ شايفين ابو قميص اخضر يلي واقف هناك ده ...بيقول أنه بيحبني ... وكملت بسخريه ..وقال اي طالبني للجواز مفكر اني هوافق ...على ايه ..على نضارته الكعب كوباية ...ولا على بنطلونه الساقط 
' صوت ضحكات '
_ بقى انا منى رحيم بنت صاحب اكبر محل عطور في مصر هبصلك انت يلي مش لاقي تاكل ...قبل ما تيجي تتكلم مع اسيادك ...تبص لنفسك ولمقامك ...ولو لمحتك بس فتحت معايا الموضوع ده تاني يا عمر ...وديني لاقول ابويا يرفضك من الجامعه دي كلها ...بقى على اخر الزمن منى تتجوز ..اهبل 
..سمع صوت قلبه وهوا بيتكسر من البنت يلي بيحبها ..
...فاق من ذكرياته على صوت مامته 
ام عمر : اي يلي واخد عاقلك ...اوعا تكون لسا بتفكر فيها 
عمر ببرود : مبفكرش في حد الموضوع عدى عليه تلت سنين ..انا عندي حجات اهم بعملها دلوقتي 
ام عمر : اه حجات مهمه...الحجات المهمه يلي هيا الكباريه والمسخره...يعني يوم ما يكون معاك فلوس بعد شقر تروح تفتح بيهم القذاره والقرف ده 
عمر ببردو : ده مش كباريه مبدأيا ...ده مكان الناس بتسهر فيه وبتفرفش عن نفسها شويه ..ويلي عنده حفله بيعملها هناك عادي 
ام عمر بغضب: بس فيه خمره ورقص وقله ادب ...ليه كدا يبني بس ..يوم ما يكون معاك قرشين بدل ما تكبرهم في حاجه مفيدة ...تشيل الناس ذنوب ..انت عارف انت اخدت ذنب كام واحد راح هناك ..فوق يبني من السكه يلي انت ماشي فيها ...هتندم والوقت هيكون فاتك
..على الجانب الآخر 
بطلتنا نيرة كانت بتدور على شغل تساعد بيه ابوها المريض ..
نيرة : لو سمحت مش محتاج موظفين 
: فيه وظيفه لكن مرتبها قليل شوية 
نيرة : ماشي مش مشكله ..بس هوا اي نوع الوظيفه يلي هشتغلها 
: احنا عايزين حد ينضف المخذن والمكاتب يلي هنا ..بمرتب ٥٠ جنيه يوميه ..موافقه 
..سكتت شوية بس قررت توافق لأنها مقدمهاش خيار تاني 
نيرة : تمام حضرتك ابدأ الشغل من امتى 
: من دلوقتي لو حبة ..روحي نضفي المكتب بتاعي 
نيرة بابتسامه : تمام ماشي 
وراحت تنضفه وقف يبصلها بنظرات قذره وقال في سره شكلنا هنستمتع سوا 
..وقرب منها جامد ..لفت وشها بخضه ووو....
يتبع 
وقرب منها لفت وشها بخَضه 
نيرة بخوف : هوا ..هوا حضرتك بتعمل اي يا استاذ عادل 
عادل بتوتر : احم لا ولا حاجه كنت عايز اساعدك بس ..براحتك
..جه مُنتصف الليل ونيره تعبت خالص من كتر الشغل
نيرة بتعب : لو سمحت يا استاذ عادل ممكن اروح انا بشتغل بقالي خمس ساعات ...انا نضفت الشركه كلها ..والموظفين مشيو ..عايزه اروح ونبي
عادل بغضب : قولتلك لا كملي تنضيف لو عايزه تاخدي فلوس ...يا اما كدا تغوري 
نيرة بدموع : حاضر  ..انا اسفة 
عادل بخبث وهوا بيقرب عليها : بس لو عايزه متشتغليش وتاخدي مرتب اكتر من كدا ...انا موافق ..بس تبسطيني 
نيرة بخوف وعياط : لا لا ابعد عني خلاص مش عايزه اشتغل ...ابعد 
..عادل زقها على الارض وقرب منها ..وهيا بتحاول تزقه بس مش قادره لانه كان اقوى منها 
وفِ نفسي اللحظه كان عمر ماشي وسمع صوت من جوا الشركه وفضل يخبط على الباب جامد 
عمر بزعيق : افتح الباب ...بقولك افتح الباب بدل ما اكسره على دماغك
..نجحت في انها تزقه بعيد عنها وجريت فتحت الباب واستخبت ورا عمر
نيرة بخوف وعياط وهيا ماسكه في هدومه : انقذني ونبي ..ع ..عايز يغتص.بني ..عشان خاطري ساعدني 
...طلع مسد.سه وحطه على راس عادل واتكلم بنبره ارعبته : احسنلك تمشي من وشي دلوقتي بدل ما اقسم بالله أفرغ المسد.دس ده كل في دماغك
...خاف منه عادل وطلع يجري ...عمر شاف نيرة بتعيط وجسمها بيترعش 
عمر : اهدي اهدي انتي كويسه ..متخافيش انتي في امان  
نيرة بعياط : انت لو كُنت مجتش كنت هروح فيها ...شكرا بجد ليك 
عمر : هوا انتي كنتي بتعملي اي جوا واي يلي يدخلك هناك وليه لبسك متبهدل كدا 
نيرة بدموع : انا ابويا مريض ..ونزلت اشتغل عشان اساعده ملقتش شغل غيره هنا ..وخلاني انضف الشركه كلها ولما قلتله عايزه امشي ...حاول انه يت.حرش بيا
...زعل عمر جداً على حالتها وقرر انو يساعدها 
عمر : طب تشتغلي عندي 
نيره وهيا بتمسح دموعها : بجد ..طب هتشغلني فين 
عمر : ديسكو ...انتي هتشتغلي هناك جرسونة ..وبمرتب ٤الاف جنيه في الشهر قولتي اي 
..حست نيرة بخيبه امل وقالتله 
: حضرتك مش هينفع اشتغل في مكان زي ده انا اسفه 
..كانت هتمشي لكنه مسك ايديها 
عمر :  في قسمين القسم الاول للعصاير.والاكل والقسم التاني المشروب.. هخليكِ تجبيلهم عصير ..وتغسلي الكوبايات ..والاطباق وكدا...هبعدك تماما عن اي حاجه فيها شبهة ..وكمان ساعات مش طويلة ..قولتي اي
...فكرت شويه ملقيتش قدامها حل عشان تصرف على اهلها وقررت انها توافق 
نيره : تمام ماشي ...طب ابدأ الشغل من امتى ؟ او قصدي يعني اوصل المكان ازاي م عارفه 
عمر : طب انتي ساكنه فين 
نيره : ساكنة في....
عمر : تمام ماشي انا قريب من بيتك هقفلك هنا ...ده رقمي سجليه عندك وبكره على الساعه ٧ بليل هاخدك ماشي..
نيرة : ماشي ...شكرا اوي بجد مكنتش عارفه هعمل اي من غير حضرتك بجد ممنونه ليك 
..ابتسم لها عمر : ولا يهمك ...صح انتي اسمك اي
نيرة بابتسامه : نيرة ..اسمي نيرة 
..مد ايده عمر ليها وقالها : وانا عمر 
...حطت ايديها في ايده وابتسمو لبعض بعدين سابته نيرة ومشيت ..ورجعت بيتها وهيا مبسوطه لانها اخيرا هتشتغل بس قررت انها مش هتعرف اهلها .
...رن عليها وبالفعل نزلتله وركبت معاه العربيه ووصلوا المكان 
..اترددت شوية تدخل ..بس بعدين دخلت ولقت بنات عماله ترقص مع ولاد وشرب ..اشمئزت جدا من شكلهم بس قررت متركزش معاهم 
عمر : روحي غيري لبسك وشوفي طلبات الناس اي ومتخافيش انا هتابعك من بعيد 
نيرة : حاضر 
عند اهل نيرة 
ابو نيرة : هيا بنتك مقالتلكيش لقت شغل فين 
ام نيرة : هيا قالتلي هشتغل جرسونه في مطعم اكل 
ابو نيرة بزعل : انا زعلان اوي يا ام نيرة حاسس نفسي عاجز ..مشيل بنتي حمل البيت كله 
ام نيرة : ليه بس بتقول كدا يا ابو نيرة يلي انت فيه ده مش بايدك احمد ربنا على يلي انت فيه ..فيه ناس غيرك سليمة وبتشحت ..انما انت عاجز وبتعافر وبتشقى عشانا ..وبنتك بتحاول تساعدك مفيهاش حاجه لا عيب ولا حرام ..متزعلش نفسك يا اخويا بكره كل حاجه تتحل 
عند عمر ونيرة 
...كان باصص على نيره ماتبعها وهيا بتشتغل محسش بنفسه الا وهوا بيبستم بس بسرعه ابتسامته اختفى لما شاف قدامه 
يتبع ..
كان بيبصلها وهوا بيتسم بس بسرعه ابتسامته اختفت لما شاف قدامه منى مع جوزها جايين المكان 
...وقعت عيون منى عليه واستغربت جدا من شكله كان لابس جاكت جلد اسود وتيشرت اسود وسلسله وشايل نضارته وقالت في نفسها : معقوله هوا دا يلي كنت بتنمر عليه ايام الجامعه ورفضت اني اتجوزه ...طول عمري حظي هباب
...بصلها بعدم اهتمام ورجع يبص على نيرة تاني ..وهيا لاحظت كدا واتغاظت جدا انو مدلهاش اهتمام وبسرعه قربت من نيرة 
منى باحتقار : بقولك اي يبتاعه انتِ هاتيلي واحد ويسكي 
نيرة : لا حضرتك الويكسي في القسم التاني انما القسم ده في عصاير بس 
منى بعصبية : انتي هتعلميني اعمل اي ومعملش اي بقولك هاتيه يلا 
نيرة : لا حضرتك انا مش قصدي انا بس بقولك 
منى بغضب : انتي بتردِ عليا كمان 
....اخدتها من ايديها ووديتها لعمر 
منى بعصبية : ياريت تعلم الناس يلي بتشتغل عندك الاحترام ومتجبش اي حد من الشارع يشتغل عندك ،البنت دي مش محترمه ولسانها طويل كمان وياريت تطردها باسرع وقت
..نيره كانت دموعها بتنزل في صمت ،وعمر شاف دموع نيرة واتعصب جدا 
عمر بحده :انا الناس يلي بتشتغل عندي محترمة ومتربيه وجاية من بيت محترم مش من الشارع زي ما بتقولي ولو عندك مشكله ..تقدري بكل سهولة توريني عرض كتافك ومتجيش هنا تاني 
..اتعصبت جدا منى من طريقته ونادت على جوزها : محمود يا محمود 
محمود : في اي يا منى مالك 
منى بغضب : الاستاذ بيتكلم مع مراتك بطريقه وحشه اتفضل رد عليه وخدلي حقي 
عمر بهدوء : حضرتك مراتك غلطت في موظفه عندي واهانتها قالت انها جاية من الشارع تفتكر بقى انا معايا حق اني ارد عليها ولا لا 
محمود : معاك حق طبعا انا اسف بالنيابه عن مراتي ..اسف جدا يا انسه ..حقكم عليا 
..واخدها من ايديها ومشيو 
منى : ممكن افهم اي يلي انت عملته ده ...انت ازاي تحرجني قدامه بالشكل ده 
محمود : يشيخه متبطلي بقى تتكبري على الناس ..هيا البنت جت جمبك بتقول معندهاش ويسكي ..تقومي تقولي عليها جاية من الشارع ....يا شيخه احمدي ربنا انو مطردكيش من المكان
منى بعصبيه : اوففف انا بجد زهقت منك ومن عمايلك
....مشيت وسابته وهوا اتنهد بضيق ومشي وراها 
عند عمر ونيرة
عمر : خلاص بقى دافعت عنك بتعيطي ليه 
نيرة بدموع :والله العظيم ما عملتلها حاجه قولتلها تجيب المشروب من القسم التاني مش عارفه شتمتني ليه
...عمر زعل اوي وحس انو مضايق وهوا شايفها بتعيط ،قرب منها ومسحلها دموعها بحنية ،وبص في عينيها وقالها : مش عايز اشوفك بتعيطي تاني ماشي  ، وأي حد يضايقك في اي حاجه قوليلي وانا هاخُدلك حقك 
..ابتسمتله وبعدها بصت في الأرض بكسوف 
عمر بابتسامه: يلا روحِ شوفي شغلك وانا هفضل ماتبعك ماشي 
نيرة بابتسامة : ماشي 
..مشيت وسابته، وحطت ايديها على وشها يلي لمسه بفرح 
...خلصت شغلها وكانت هتمشي وقفها صوته
عمر : نيرة ..انتي مروحه
نيرة :اه ..مروحه ، محتاج حاجه مني حضرتك 
عمر : هوا انتي تعرفي الطريق اصلا 
نيرة بغباء :لا
عمر  : انتي مجنونه يبنتي هتروحي ازاي طب ،خليكي انا هوصلك 
نيرة بابتسامه : مش عايزة اتعب حضرتك معايا يعني 
عمر بابتسامه  : ولا وتعب ولا حاجه انا بيتي قريب من بيتك هوصلك على طريقي
..ركب العربية وركبت جمبه 
نيرة  : ينفع اشغل اغاني
عمر :  اه طبعا ..اشغلك اي
نيرة بحماس : ينفع تشغلي هنيالك بتاعت مُسلم ، انا بحبها اوي 
عمر بحب: ماشي من عيوني .
نيرة بفرحه : شكرا اوي
...شغلها الأغنية وفضلت تغني معاها بفرحه 
وكأني من حَقي احضُنك وسط الشوراع يا ليل ✨
وكأني لما اقول بحبك كل واحد يبقى سامع ✨
والبرد يبقالي هنيالك ♥️.
انا البكا حالي وأنتِ الغُنا حالك ..هَنيالك ..أه هَنيالك ♥️.
..كان شايفها وهيا بتغني ابتسم عليها وعلى لطافتها ..ولاحظت ده واتوترت وقالت باحراج : احم شكلي اتحمست شويتين تلاته 
عمر بضحك : ولا يهمك البيت بيتك.
..وصلها البيت ونزلت من عربيته وشافها ابوها وووو
..طلعت نيرة شقتها لقت ابوها جه عليها وضربها بالقلم 
نيرة بصدمة :بابا
ابو نيرة بعصبية وزعل : انتي خليتي فيها بابا ...مين يلي كنت نازله من عربيته ..بتتسرمحي مع مين وبتقولي انك بتشتغلي انطقي يبت 
ام نيرة : أهدى بس يا اخويا 
ابو نيرة بغضب : ملكيش دعوة انتي ...قوليلي مين ده انطقي
نيرة بدموع: يا بابا ..ده صاحب المطعم 
ابو نيرة : صاحب المطعم يوصلك بتاع اي
نيرة : هوا بيته قريب من بيتي وعرض عليا أنه يوصلني..مش اكتر من كدا 
..بعد عنها ومسح على وشه بضيق 
نيره : صدقني يا بابا انا عمري ما اخون ثقتك ابدا ..مش عارف انت ليه فكرت فيا كدا ، للدرجادي انت شايفيني كدا يبابا ..انت مش واثق في تربيتك ليا ، بعد كل يلي انا بعمله عشانكو وبردو محدش بيقدرني
ابو نيرة : يا نيرة افهمي العالم برة مش برئء زيك كدا الناس كلها خطر ومؤذيه ،ومُمكن حد فيهم يستَغلك في حاجه مش كويسه. 
نيرة : متخافش عليا يا بابا ..انا واثقه في الناس يلي بشتغل معاها ،انا مش عيله صغيرة يابابا 
ام نيرة بمزاح: منكو لله خربتو المفاجأة اللحظه دا انا كنت عاملة صنية بسبوسة تستاهل بقكو ..بمناسبة أن بنتي حبيبتي لقيت شغل ،بس بعد جو أمينة رزق ده اتقفلت وهروح ارميها
نيرة بلهفه : لا لا يا ست الكل،يرضيك كدا يا بابا هترمي نعمه ربنا 
ابو نيرة بضحك : خلاص خلاص روحِ حطلنا حتة 
ام نيرة بابتسامه : من عنيا
نيرة بابتسامه: خلاص بقى يا حج فرفش كدا مالك زعلان ليه 
ابو نيرة : خلاص يحببتي مش زعلان منك يا نور عيوني ..بس انا واثق فيكي اوعي في يوم من الايام تخوني الثقه دي يا نيرة ...هتبقي لا بنتي ولا اعرفك 
نيرة : متخافش يا بابا اطمن...يلا بقى ناكل البسبوسة
تاني يوم
عمر : الو ..الو يا نيرة منزلتيش ليه
نيرة وهيا بتخفض صوتها : ايوا يا عمر بيه معلش ينفع تمشي من تحت البيت قصدي يعني تقف في حتى بعيدة شوية ،عشان بابا بيزعق لما بركب مع حضرتك
عمر : تمام ماشي 
...نزلتله وراحت الحته يلي وقف فيها 
نيرة : معلش انا اسفه بجد بس بابا بيزعق 
عمر : هوا انتي مش معرفاه انك بتشتغلي معايا 
نيرة بزعل : لا لو عرف مش هيرضى يخليني اشتغل معاك تاني وانا مصدقت ،اقصد يعني عشان مش لاقيه شغل وكدا 
عمر : يلا طب عشان الزابين قربت تيجي 
نيرة : حاضر 
..وقفت واشتغلت كعادتها وجت بنت قربت منها وقالت : لو سمَحتي عايزة عصير اورنج 
نيرة : تحت امرك يا فندم 
..اخدت شنتطت نيرة من غير ما تاخد بالها وحطت ازازة الخمرة بتاعتها
..واتكلمت بصوت عالي وشدتها جامد من دراعها والكوباية يلي في ايديها اتكسرت على رجلها 
نيرة بوجع : اه..رجلي
البنت بعصبيه : اه اي انتي هتمثلي يا حرامية ازازة الخمرة بتاعتي بتعمل اي عندك ..رُدي يا زباله بدل ما احبسك
نيرة بدموع : والله العظيم ما اعرف جت في شنتطتي ازاي والله ما سرقت حاجة
البنت بزعيق :فين مدير المكان
عمر : في اي حضرتك بتزعقي ليه ؟وليه ماسكاها بالطريقة دي !
..طلعت من شنطة نيرة ازازه الخمره وحطيتها قدام عمر 
: انا لقيت دي في الشنطه بتاعتها ومكتوب عليها اسمي كمان تقدر تفسرلي اي ده
نيرة بدموع : يفندم والله 
عمر بعصبيه : بس خلاص ...انتي مطرودة
يتبع ..
عمر بعصبية : انتِ مطرودة 
..اتصدمت نيرة وعيطت جامد ، وقربت البت منها بخبث واتكلمت بهمس 
: قبل ما تلعبي مع اسيادك ،خدي بالك اوي عشان يلي زيك بيتداسو بالرجل يا سنيورة
...سابتها ومشيت ..وكانت لسا نيرة هتمشي ..وقفها صوت عمر 
عمر : رايحه فين 
نيرة بدموع : حضرتك طردتني ، انا ماشية ... بس والله العظيم انا ما حرامية انا لو كنت بنت وحشة كنت قبلت اني اشتغل عند استاذ عادل مقابل طلبه ، انت فاهم غلط والله انا عمري ما اكون كدا ..
عمر بحنية وحط أيده على خدها : ششش ..انا مصدقك 
...قالت بابتسامة ما بين دموعها : بجد 
عمر : ايوا بجد ..انا شوفتها وهيا بتحطها في شنتطك اكيد  في حد يلي باعتها تعمل كدا ،انا عملت كدا قدامها عشان تقول يلي مشغلها اني طردتك فعلا 
نيرة بفرحة : يعني انت مش هتمشيني 
عمر بابتسامه: لا مش همشيكي 
..لاحظ ان رجلها بتنز.ف حطها بسرعة على الكرسي وجبلها مرهم وحطه على الجرح 
عمر بقلق : اي يلي حصلك 
نيرة بزعل : لما شدتني الكوباية يلي كنت مسكاها وقعت على رجلي 
عمر بغضب : متقلقيش انا هدفهم التمن غالي اوي 
نيرة : حضرتك مش مضطر تدافع عني وتوقع نفسك في مشاكل هما ممكن يأذوك وو..
عمر : انا محدش يقدر يعملي حاجة ..انا اقتل اي حد يفكر يأذيكي ..انتِ متعرفيش انتِ غَالية عندي ازاي يا نيرة..
..ابتسمت نيرة بسعادة كبيرة بسبب كلامه 
.عالج جراحها،وقالها بابتسامة : بصي انا هروحك دلوقتي عشان شكلك تعبانة وبكرة ابقي تعالي بدري 
نيرة : حاضر 
..جت تمشي كانت هتقع بس هوا مسكها بسرعة ..وشالها بين ايديه 
نيرة بتوتر وخجل : بتعمل اي يفَندم ميصحش كدا 
عمر بضحك على شكلها : يبنتي بساعدك الله ! هتمشي ازاي وانت رجلك كدا 
نيرة ووشها احمر من كتر الخجل : بس كدا ميصحش 
عمر بمزاح: لا يصح عادي ...اسكتي بقى صدعتيني 
..حطها في العربية براحة،وساق عربيته ووصل قبل شقتها بشوية 
عمر بقلق عليها: هتعرفِ تمشي ازاي 
نيرة : متقلقش هيا حتى صغيرة ،عشان لو بابا بس شافني مَعاك هتحصل مُشكله كبيرة.
عمر : طب خلي بالك من نفسك 
نيرة بابتسامة : حاضر  
..طلعت شقتها وامها خدت بالها من الجرح يلي في رجليها 
ام نيرة بخوف وقلق : ايه دا يا نيرة ! اي يلي حصلك بس يبنتي 
نيرة : كنت بغسل كوباية في المطعم ووقعت على رجلي ، بس متقلقيش يا ماما انا بقيت كويسة 
ام نيرة : طب ازاي بس يبنتي هتروحي بكرة شغلك وانتي بالمنظر ده 
نيرة : خلاص بقى يا ماما احنا محتاجين كل قرش ..انا خلاص بقيت كويسة متخافيش عليا يا ست الكل ، انا هخش انام بقى عشان تعبانة تصبحي على خير 
دخلت اوضتها حاولت تنام معرفتش ، فضلت تفكر في عمر وتلقائي ابتسمت وقامت تكتب مذكراتها كعادتها 
 ...وعلى الجانب الآخر عمر حاول ينام بردو معرفش ، لقى نفسه بيمسك تليفونه وبيرن عليه 
..رن تليفون نيرة وقلبها دق جامد اول ما شافت اسمه وردت : الو 
عمر ابتسم اول ما سمع صوتها : ازيك يا نيرة عاملة اي 
نيرة بخجل : الحمدلله يا عمر بيه ، في حاجه حضرتك حصلت ولا اي 
عمر : لا لا بس انا مكنتش عارف انام وملقيتش حد أكلمه غيرك ..انا صحيتك من النوم ولا حاجه ؟
نيرة : لا لا حضرتك مفيش اي مشكلة انا كمان حاولت انام ومعرفتش 
عمر بابتسامه: تيجي نلعب
نيرة باستغراب : نلعب 
عمر بابتسامه: اه نلعب اصل انا بصراحة زهقان يعيني نلعب لعبة اسئلة مثلا اهو بالمرة نتعرف على بعض 
نيرة بحماس :ماشي 
نيرة بحماس : ماشي 
عمر : هبدأ انا ..اي لونك المفضل 
نيرة : البني ..وانت اكيد الاسود صح 
عمر بضحك : اكيد عرفتي من لبسي 
نيرة بضحك : صح ..طب بتحب الروايات 
عمر : كنت بحبها اوي زمان بس دلوقتي لا 
نيرة باستغراب : ليه بس ..دي جميلة اوي بحسها بتوديك لعالم تاني كدا 
عمر بحزن : تعرفي أن دا كان كلامي من ٣ سنين بس ..بس بعديها كل حاجة تغيرت ..مبقاش عندي شغف لأي حاجة 
نيرة بحماس : تيجي معايا بكرة 
عمر بتساؤل : اجي معاك فين 
نيرة بابتسامه : نجيب لبس ..انا معنديش صحاب كدا زيك ..فا لو انت معندكش صحاب وانا كمان يبقى ننزل مع بعض ..عشان خاطري يا عمر بيه 
عمر : طب بشرط 
نيرة بلهفة : شرط اي 
عمر : بلاش تقوليلي يا عمر بيه تاني ..قوليلي يا عمر بس  بلاش القاب
نيرة بفرجة : ماشي ، بكرة هرن عليك وتيجي معايا نجيب لبس ماشي 
عمر بابتسامه: ماشي ..تصبحي على خير يا يورا 
نيرة بخجل: وانت من اهل الخير 
..قفلت معاه وهيا في قمة سعادة مش قادرة تفسر سببها اي ، نامت وهيا بتفكر فيه صحيت على مكالمته 
..ونزلت من بيتها واول ما نزلت الدنيا مطرت جامد 
نيرة بزعل : يوه هوا دا وقته هنُخرج ازاي كدا 
عمر بابتسامه: متزعليش مش مشكلة نخرج بردو ..دي الخروجة مبتحلاش إلى بالمطر بالله عليكي مش شايفة حلو ازاي 
نيرة بابتسامه: هوا انت بتحب المطر يا عمر 
عمر بسعادة : اوييي انتي تعرفي يمكن كل حاجة فيا تغَيرت الا حبي للمطر ..بحس أنه بيرجعني طفل تاني ..انت تعرفي حاجة انا ببان غامض وشكلي مخيف بس انا اصلا تافه 
نيرة بضحك : طب يلا يعم التافه عشان المحلات هتقفل 
عمر بضحك : خدتي عليا اوي ..تعالي يلا 
..................
نيرة : اي رأيك في ده هيطلعك جود بوي اوي ..بدل ما انت شكلك زي قتا.لين القت.له كدا 
عمر : تعرفي انتي لو جبتيلي اللبس ده من ٣ سنين كنت هلبسه وش ..أما أنا دلوقتي حاسس اني هرجع وانا بتفرج عليه 
نيرة : حرام عليك دا حتى شكله كيوت اوي لونه اصفر كدا حلو 
عمر بشمئزاز : اصفر ! اصفر ليه يا نيرة يحببتي حد قالك اني موزة ..هاتيلي يا ستي حاجة من اللون الاسود 
نيرة بغضب مصتنع : اسود اسود ! كل حاجة اسود في اي يبني البس كدا حاجة فرايحي اي الالوان دي بالله عليك 
عمر بفرحة : بصي كدا وراكي 
..نيرة بصت وراها لقيت جاكت جلد بني 
نيرة بقلة حيلة : تاني يبني ارحمني من الجواكت الجلد دي شوية جرب البس قمصان طب تيشرتات اي حاجة 
عمر : لا انا عاجبني ده هشتريه ..تعالي بقى نجبلك حاجة 
.............
نيرة بسعادة : الله ، بُص يا عمر حلو ازي البنطلون ده 
عمر بغضب طفيف : نعم يختي دا ديق 
نيرة : وفيها اي يعمر ونبي عشان خاطري سيبني اجيبه 
عمر : بقولك ديق لا ..اقولك البسي فساتين هتطلع عليكي تحفة 
نيرة باستغراب : بس انا حتى مش محجبة البس ازاي فساتين 
عمر بابتسامة : مش لازم تبقي محجبة عشان تلبسي فساتين يا نيرة ...تعالي يلا اجبلك واحد هدية 
................
عمر : بصي دا جامد ازاي هيطلع عليكي حلو اوي خشي البسيه كدا 
...لبسته وطلعت هيا بتلف حوالين نفسها بسعادة 
نيرة بفرحة : شكلي حلو ؟
عمر وهوا بيشيل خصله مش شعرها ورا ودنها وقال بابتسامة : احلى من القمر يا يورا 
...بصت في الأرض بكسوف ووشها بقى احمر
عمر بضحك : ليه كل ما بقولك كلمة حلوة وشك بيحمر كدا 
نيرة وهيا بتخفي زعلها بابتسامه: يمكن عشان عمر ما حد قالي كلمة حلوة قبل كدا ..فا بيبقى الموضوع غريب عليا شوية
عمر وهوا بيتكلم بصوت واطي : دا انتي طلعتي نفس معاناتي 
نيرة : بتقول حاجة يا عمر 
عمر : ها ..لا ولا حاجة يا نيرة تعالي بقى نحاسب ونمشي 
نيرة : ماشي 
...خرجوا من المكان ..وقعدو في حتة بعيدة وشغلو نار وسط الشتا 
نيرة بحماس : تعالى بقى نكمل اللعبة بتاعت امبارح 
عمر بابتسامة : ماشي يا يورا 
نيرة : عمرك حبيت يا عمر 
..عمر وشه انقلب وافتكر منى ويلي عملته فيه ..ومردش علي نيرة 
نيرة بزعل : انا اسفة لو ضايقتك ..خلاص مش مشكلة هسأل....
عمر : لا هجاوبك احنا صحاب والصحاب مينفعش يخبو على بعض حاجة ..انا يا ستي كنت بحب
يتبع ...
عمر : انا يستي كنت بحب منى منى يلي شتمتك في الديسكو وقالت انك رديتي عليها 
نيرة بصدمة : ازاي معقولة ..طب حتى دا مشوفتش في عينيها نظرة اشتياق ليك ، معقولة دي كانت في يوم من الايام بتحبك !
عمر بسخرية : حبتني ! لا ابدا يا نيرة انا يلي كنت بحبها ولما جيت اعترفتلها قالت عليا اني اهبل وسط الجامعه كلها ورفضتني وكسرت قلبي ، ساعتها قررت اني ابقى غني واثبتلها اني هبقى انجح منها وبالفعل ده يلي حصل 
نيرة : بس يا عمر ..في مليون طريقه تاني غير الحرام ، كان ممكن تثبتلها انك احسن في اجتهادك وفي شغلك الناجح ...
يعني انت شخصيتك اتغيرت بسببها 
عمر  : أيوة ..بس تعرفي حاجة انا ببقى معاكي بحس اني عمر بتاع زمان ،انتي بترجعيلي روحي القديمة بكون على طيبعتي ومرتاح معاكي مش عارف ليه مع اني عارفك بقالي كام يوم بس 
نيرة بابتسامه: انا كمان بحس معاك اني على طيبعتي ومش بخاف منك مع اني معظم البشر بخاف منهم 
...قفلت كلامها بحزن وبصلها عمر باستغراب وقالها : بتخافي من البشر ليه ؟
نيرة بحزن : عشان هما مؤذيين اوي يعمر الإنسان بيأذيك من غير اي سبب بيحولك من انسان سعيد وبتحب الدنيا لإنسان مكسور ومنطفي..انت عارف حاولت انت.حر اكتر من مرة بس كل مرة كنت بفشل اتاري ربنا كان بيديني انذار اني متخلاش عن حياتي بالسهولة ...
عمر :انتي حلوة اوي يا نيرة حلوة وتستاهلي كل حلو انتي الدنيا لما كسرتك كافحتي وعافرتي عشان ترجعي مبسوطة من تاني ..أما أنا اتحولت لشخص مؤذي بيأذي الناس من غير سبب 
نيرة باستغراب : هوا انت أذيت حد قبل كدا يعمر 
عمر  : لا بس انا خايف أاذي حد في المستقبل
 ....وبصلها بنظره مش مفهومة مقدرتش تفسرها 
نيرة : هوا احنا مش اتاخرنا ولا اي 
عمر : ايوا صح تعالي يلا 
...رجع البيت وهوا بيفتح المسايدج يلي وصلتله امبارح من منى 
_ انا عارفة اني لسا في قلبك وانك لسا بتحبني ...ومش هتقدر تحب غيري ..انا موافقة اني أطلق من جوزي وارجعلك ،انا بجد بحبك اوي يا عمر 
= هوا انتي فاكرة الكلمتين الهبلين دول دخلو دماغي ..لا يحببتي انتي مش رجعالي عشان حبتيني ، انتي رجعالي عشان فلوس فوقي ماشي الحركات الوسخة دي تمشي على اي حد غيري متمشيش عليا انا
_ بقى ده اخر كلام عندك يا عمر 
= ايوا ومستحيل ارجع احبك من تاني ولو في احلامك ..
_ ماشي يا عمر هتلف تلف وهترجعلي في الاخر ..عشان لو انت فاكر اني في واحدة غيري اصلا هتحبك ولا هتبص في خلقتك ..فوق يا عمر حبة النضافة يلي انت فيها متخليهاش تنسيك اصلك ..هتفضل طول عمرك في نظري ..عمر الاهبل 
قفل التليفون بضيق وقال في نفسه : انا اسف يا نيرة هتضطر اوقعك في حبي واستغلك عشان اثبت لمنى اني تخطيتها وأنه فيه غيرها يتمناني, اسف بس انا مضطر أضحي بيكي ...
..تاني يوم 
: لو سمحتي صبيلي كاس 
نيرة : في القسم التاني يفندم 
: تمام ماشي 
....كانت بتعمل شغلها كعادتها.. بس الغريب انها مكنتش شايفة عمر في اي حتة ،عدا الوقت وفترة الشغل خلصت وروحت نيرة بيتها وفضلت تفكر ليه عمر مجاش ..ايوا هيا تعلقت بيه في الفترة الصغيرة دي ومبقاش يومها يعدي من غير ما تشوفه ، فا قررت انها هتتصل بيه 
عمر : الو ..ايوا يا نيرة 
نيرة : ايوا يعمر ..هوا انت ليه مجتش النهاردة انت كويس صح 
عمر : معلش كنت تعبان بس شوية 
نيرة بقلق : طب طب انت كويس صح دلوقتي ..لسا تعبان حاسس بحاجة 
عمر: متخافيش عليا بقيت كويس دلوقتي بكره إن شاء الله هاجي ، تصبحي على خير 
نيرة بحزن : وانت من اهل الخير 
...قفلت معاه التليفون وهيا في قمة حزنها وقالت في نفسها : دا حتى مطمنش عليا ولا سألني عملت اي في يومي ، الظاهر أنه هوا كمان مل مني ، وانا يلي كنت مفكرة انو بدأ يتشد ناحيتي ، هتفضلي طول عمرك مغفله يا نيرة ...
........
تاني يوم 
..جالها اتصال من امها وردت عليها 
نيرة : ايوا يا ماما ....
....وقع تليفون نيرة بصدمة وووو
يتبع...
وقعت على الأرض بصدمه من مكالمه امها ..
عمر بخضه : نيرة نيرة انتي كويسة 
نيرة بصدمة ودموع : بابا ، بابا مات يا عمر ..
........
في المستشفى 
نيرة بصريخ : لا لا بابا عايش بابا عايش ...ابعدو عني ..بابا مماتش لااا ..لا سيبوني انا عايزة اشوفه 
ام نيرة بعياط : خلاص يا نيرة ..ابوكي مشي ، سابنا ومش هيرجع يا نيرة 
نيرة بعياط : لا لا متقوليش هوا اكيد عايش ..هوا بس بيحب يهزر ..هوا دايما وانا صغيرة كان بيعمل فيا مقالب عشان يشوف ردة فعلي هوا اكيد عايش هوا بيهزر معايا انا عارفه 
عمر : طب حضرتك يا دكتور انت متأكد أن المريض فارق الحياة ، يمكن في غلطة ولا حاجة ..أتاكد تاني حضرتك
الدكتور بحزن : للاسف يا فندم احنا متأكدين للاسف المريض كان في آخر أيام حياته بس هوا محبش يقول خوفا على أسرته لما تعرف الخبر ، انا اسف مبقاش في حاجة بأدينا 
نيره وهيا بتفقد وعيها : لا بابا عايش بابا عايش ..عايش عاي....
عمر بخضة : نيره، نيره ..فتحي عينك
................
ام نيرة بدموع : كدا بردو يا نيرة تقلقيني عليكي يبنتي 
نيرة بعياط : مش قادره اصدق يا ماما بابا خلاص مش هيبقى معانا تاني بابا خلاص سابنا في الدنيا لوحدنا ، احنا ملناش في الدنيا دي سند غيره ..هنعيش ازاي يا ماما ولمين 
عمر بحزن : ممكن يا طنط تسبيني اتكلم شوية بس 
ام نيرة وهيا بتمسح دموعها : ماشي يبني 
...قعد عمر جنبها ومسك وشها بين أيديه
نيره بعياط : بابا راح يا عمر 
عمر بابتسامه بيداري بيها حزنه :ومين قالك انو راح ، انتي تعرفي اصلا انه شايفنا دلوقتي وسامعنا ، واكيد هيبقى زعلان منك اوي عشان انتي بتعيطي ..يرضيكي ابوكي يكون زعلان يا نيره 
هزت رأسها بمعنى لا ...
عمر : طب خلاص بقى دام انك مش عايزاه يكون زعلان يبقى تبطلي عياط وتكوني قوية عشان مامتك ..مامتك يلي ملهاش غيرك في الدنيا دلوقتي مفروض تخففي عنها مش تقلقيها اكتر 
نيره بدموع : مش قادرة يعمر ....غصب عني والله ، انا مش معرفة ليه داري علينا حاجة زي كدا ، ملحقتش اشبع منه يعمر والله ملحقت ، خلاص كدا مش هيبقى ليا ضهر  في الدنيا دي 
عمر بصدق : وانتي مين يلي قالك كدا ، مل انا بعمل اي طيب ..انا هبقى سندك وضهرك يا نيره صدقيني 
نيره : لا يعمر لا انت هتبقى ضهري وسندي ازاي انا مجرد واحده شغاله عندك ، وعمري ما هبقى أقل ولا اكتر من كدا 
عمر بتلقائية : لا يا نيرة انتي مش مجرد واحده شغاله عندي انتي حبيبتي كمان ... ايوا يا نيره انا بحبك ..انا بحبك اوي
نيره بصدمة : ايي
عمر وهوا بيمسح دموعها : ايوا يا نيره انا بحبك ، بحبك ومحبتش في الدنيا غيرك ...انا عارف أن الوقت مش مناسب بس صدقيني ..انا فعلا بحبك من كل قلبي 
نيرة بدموع : عمر 
عمر بحنيه ودموع : عيونه 
نيرة بدموع: مش هتسبني زي ابويا صح 
...حضنها عمر وقالها : هفضل جنبك ومعاكي لحد اخر نفسه هتنفسـه ..بحبك
... ظل يملس على شعرها بحنان والاخرى غرقت في النوم بين احضانهُ ، بعدها عنه وظل يفكر لماذا قال لها هكذا ..هل هوا كان هدفه يواسيها ولا لانه بالفعل احبها ...تعب من كثرة التفكير وخرج من منزلها بعد ما اطمئن على امها 
....ومرت شهور كثيره وكان حُب نيره يزداد اكثر فأكثر ل عمر نعم فالفتره القصيره هذه هيا احبته، بل لا هيا عشقته ولا تعلم كيف او متى ! ولكنها لا تريد اي شئ من هذه الحياه الا انها تبقى بجانبه وقلبها بجانب قلبُـه ❤️.
وعلى الجانب الآخر عمر الذي كان فيه حيره هل هوا احبها ولا انه يشفق عليها فقط ...
يتبع ..
نيره باستغراب : يعني اي يعمر مشتغلش تاني
عمر : يا نيره افهمي مينفعش تكون حبيبتي وفي نفس الوقت بتشتغلي عندي الناس هتقول عليا اي ، وبعدين لو على الفلوس يا ستي انا هديهوملك 
نيره : ازاي يعني يعمر بصفتك اي هتديني الفلوس 
عمر بهدوء: قولتلك يا نيره اني هتقدملك في الوقت المناسب فا مفيهاش حاجة لو اديتك فلوس كانك لسا بتشتغلي عندي
نيره بقلق : احنا بسرعه مكنش ينفع نعرف حد انا احنا مرتبطين ماما كل يلي تعرفه عنك انك مدير المطعم يلي بشتغل فيه ، لو حد بقى قالها انك اصلا صاحب ديسكو وانا ماشيه معاك مش بعيد تقت.لني 
عمر : اطمني لو حصل اي حاجة انا هتصرف متخافيش 
بعد أيام ..
عمر : اعرفك يا نيره ده يوسف صاحبي من ايام الجامعه ودي نور مراته 
يوسف بابتسامه : أزيك يا نيره 
نيره بابتسامه : الحمدلله 
يوسف : مقولتليش هيا تقربلك اي 
عمر وهوا بيحط أيده على كتف نيره : صحاب
نور بضحكه خبيثه : صحاب بردو 
...ضحكت نيره بخجل وقالت : صحاب بقى على ما ربنا يفرجها 
يوسف : تعالى انت يعمر نتكلم مع بعض وسيب البنات لوحدهم 
عمر : تعالى 
...مشيو عمر ويوسف ، اول ما مشيو اتقلبت ملامح نور وقربت من نيره وقالت 
: خلي بالك على نفسك 
نيره باستغراب : مش فاهمه ، اخلي بالي على نفسي من مين 
نور : من عمر ، احنا كنا مع بعض في الجامعه كان شخص بريء وطيب بس مكنش حد بيحب يصاحبه وكان كله بيتنمر عليه ، ولما جه يعترف للبنت يلي بيحبها رفضته قدام الناس كلها وقالت إنها مستحيل تتجوز واحد اهبل ..ومن ساعتها عمر بقى شخص مؤذي بيأذي كل يلي حاوليه 
نيره بابتسامه : انا عارفه أنه عمر اتغير بسبب منى بس صدقيني هوا مبقاش مؤذي خالص بالعكس أنا لولاه مكنتش اعرف هيحصلي ايه، ده انقذني وشغلني عنده صدقيني ده عمر ده مفيش أطيب منه والله
نور بسخريه : والله ما في أطيب منك انتي ...بكره الايام هتثبتلك يا نيره انتي حُره 
...لم تهتم نيره بكلام نور وقالت في نفسها هيا تريد أن تزرع الشك في قلبي اتجاه عمر ليس اكتر 
...جاء عمر ويوسف وأخذ يوسف نور وذهبوا من المكان ..
عمر : هيا نور كانت بتقولك اي 
نيره بكذب : ها ، لا ولا حاجة هيا كانت بتتعرف عليا مش اكتر ...هيا شكلها بنت طيبه اويي
عمر : اممم ..طب يلا عشان اوصلك 
نيره : طيب 
تاني يوم ...
...كانو عمر ونيره يجلسون مع بعضهم كعادتهم ..فا برغم من أن عمر لا يحس بمشاعر من ناحيتها لكنه تعود عليها ولا يريد أن يبتعد عنها ولو للحظه واحده ...هل يا ترى هذا حب واعجاب ام تعلق فقط ؟
نيره : عمر 
عمر : اممم
نيره : هوا انت مش هتعرفني على أهلك 
عمر بتوتر : اكيد ..لما يجي الوقت المناسب هعرفك عليهم 
نيره : امتى الوقت المناسب يعمر ، يعني انت ما شاء الله عندك فلوس وجاهز من كل حاجة ايه يلي يخليك مش عايز تاخد خطوه في علاقتنا
عمر : أنا مش فاهم انتي مستعجله ليه يعني 
نيره بغضب : مل المفروض استنى اكتر من كدا اي احنا مع بعض بقالنا ٩ شهور ، وانت مش راضي تاخد اي خطوه في علاقتنا انا بجد  بقيت بحس اني مش مرغوب فيا واني واقعه عليك انا بقيت بحس اني حبك ليا مش حقيقي
عمر : والله ..يعني انتي شايفه اني مش بحبك 
نيره بدموع : لو عايز تأكد حبك ليا انت لازم تقدم يا خطوه يا اما كدا كل واحد يشوف طريقه 
...ذهبت نيره من المكان بأكمله وظل عمر يفكر بحديثها ..فا هوا لحد هذه اللحظه لم يتأكد من مشاعره اتجاهه !
: قولتلك قبل كدا مهما تلف مش هتلاقي حد يحبك 
عمر بغضب : انتي بتعملي اي هنا وبأي عين توريني خلقتك بعد يلي عملتيه وبكل بجاحه جايه المكان بتاعي 
منى وهيا يتقرب منه : قولتلك قبل كدا حتى لو لقيت حد يحبك قلبك هيفضل متعلق بيا انا ..عشان انت بتحبني 
عمر بسخرية : بحبك ! ضحكتيني هوا انتي يماما بتغني وتردي على نفسك 
منى بدلع : انا عارفه انك بتحبني ولسا قلبك معايا ..عشان كدا انا هطلق وهرجعلك .. اديني بس فرصه وانا مستحيل اخيب ظنك 
عمر بغضب : انا مستحيل احبك ولا افكر اني ارجعلك ويلا ماما من هنا بدل ما امشيكي بفضيحه 
...بصت منى وراه وقالتله وهيا بتحط ايديها على رقبته : خلاص انا موافقه اني اديك فرصه بس هتعمل اي مع نيره ...اي دا نيره 
...بص عمر وراه وشاف نيره يلي غرقانه في دموعها وبتبصله بصدمه وو
يتبع ...
بص وراه لقى نيره يلي غرقانه في دموعها وبتبصله بصدمه سابته ومشيت وهوا جري وراها ..
عمر : نيره يا نيره اسمعيني انتي فاهمه غلط 
نيره بدموع : فاهمه غلط ..دا انا سمعاها بوداني وهيا بتقولك انا موافقه اني اديك فرصه تانيه ..لا وانا يلي كنت جايه اصالحك ، طلعت انت مصدقت اني امشي عشان يخلالك الجو مع السنيوره 
عمر : لا يا نيرة وربنا انتي فاهمه غلط دي هيا يلي جات وقعدت تقولي اديني فرصه وخلينا نرجع لبعض وانا يلي رفضت وهيا اول ما شافتك، قعدت تقولي موافقه اني اديك فرصه كأني انا يلي بقولها نرجع وانا اصلا وكتاب الله ما كنت طابق ابص في وشها 
نيره بدموع وسخريه : اه بقى وانا الهبله العبيطه يلي هتصدق كل كلامك ...وانا عماله اقول لنفسي طب هوا ليه مش عايز يعرفني على أهله ولا حتى راضي يعرف امي باللي بينا ، طلع أنه اصلا بيتسلى بيا وبيخدعني ..طب ليه عملت فيك عشان تعمل فيا كدا ، دا انا حبيتك من كل قلبي طب ليه وعدتني انك هتفضل معايا ومش هتسبني ؟
...فضل عمر ساكت وباصص في الأرض ومش قادر يرد عليها 
نيره بعياط :  خلتني احاسب على غلط انا مرتكبتهوش ليه ، منك لله يا عمر روح ربنا يكسر قلبك زي ما كسرت قلبي 
...مشيت نيره من قدامه وهيا منهاره من العياط وطلعت شقتها 
امها بقلق : مالك يا نيره بتعيطي ليه يحببتي 
نيره وهيا بتمسح دموعها : انا اترفدت من الشغل يا ماما 
ام نيره بصدمه : اترفدتي!! ازاي معقوله عمر يرفدك ده واد طيب وعمرنا ما شوفنا منه غير كل خير وهوا يلي فضل وقف معانا من ساعه ما ابوكي ما.ت ، ازاي يعمل كدا انا هتصل بيه استفسر منه اي الحكايه
نيره : لا يا ماما لا متتصليش بيه ، انا من بكره هروح اقدم على شغل تاني مفيهاش حاجه 
ام نيره بقلق : طب يبنتي فهميني انتي عملتي حاجة خلتيه يزعل منك ويرفدك متقوليلي يبنتي اي اللي حصل مش فاهمه حاجة 
نيره بتنهيده : خلاص بقى ياماما مش لازم قولتلك بكره هشوف شغل وخلاص ...انا تعبانه ومحتاجه انام يا ماما عشان بكره هصحى بدري ، تصبحي على خير 
ام نيره بحزن: وانتي من اهله يبنتي ربنا معاكي يارب ومشوفش فيكي حاجة وحشه 
..قبلت رأس امها وذهبت إلى فراشها تنام أو بمعنى أصح تهرب من واقعها ..
...صباح اليوم التالي 
نيره بابتسامه : صباح النور يماما 
ام نيره بابتسامه : صباح النور يحبيبتي ، كنت عايزه اتكلم معاكي في موضوع مهم 
نيره : قولي يا ماما خير 
ام نيره :.........
عند عُمر 
...مسك تلفونه واتفاجا ب نيره يلي عملتله بلوك 
عمر بخذلان : معقول يا نيره جالك قلب تطلعيني من حياتك بسهوله كدا 
قلبه : كنت عايزها تعمل اي ، انت كسرتها افهم 
عقله: لا انا مكسرتش حد ..انا بس مكنتش عايز اتسرع زي ما عملت مع منى وكانت نتيجتها اي قلبي اتكسر وانا مش عايز اتوجع تاني 
قلبه :خايف على قلبك يتكسر فا تقوم تكسر قلب البنت الوحيده يلي حبيتك ، مش انت وعدتها انك عمرك ما هاسيبها ...راح فين كلامك ووعودك دي 
عقله : بس انا عملت كدا عشان غرضي اواسيها هيا يلي صدقت مشكلتها مش مشكلتي 
قلبه : صح ازاي تصَدق لا ملهاش حق تصدقك لما تقولها اني عمري ما هسيبك يوم مو.ت ابوها! ..قد اي هيا مغفله بجد 
عقله : افهم بقى انا مش عايز اتجرح للمره التانيه 
قلبه : ومين قالك انك هتتجرح انت حتى مدتهاش فرصه تشوف هتحافظ على قلبك ولا لا ...الحق نيره الحقها يعمر قبل ما الوقت يفوتك وساعتها انت يلي هتندم 
..فاق من تفكيره على صوت تليفونه يلي رن
عمر : الو 
علي : ايوا عمر ازيك انا علي صاحب يوسف 
عمر : اه افتكرتك ..ازيك يا علي عامل اي 
علي : الحمدلله بخير كنت جاي اقولك أن خطوبتي الاسبوع الجاي هفرح جدا لو جيت 
عمر : اه طبعا هاجي ..الف مبروك 
علي بابتسامة: الله يبارك فيك هستناك ماشي 
عمر بابتسامه: إن شاء الله.... مع السلامه 
...عدا اسبوع وكان عمر حزين جدا مكانش قادر حتى يوصل لنيره عشان يعتذرلها  وكان حاسس بالذنب جدا من ناحيتها ...وجه يوم خطوبه علي 
عمر بابتسامه: الف مبروك يا عريس 
علي بابتسامة: الله يبارك فيك.. اعرفك عروستي المستقبليه إن شاء الله 
...بص عمر قدامه  بصدمه لما لقى ....
يتبع ..
علي بابتسامة: ده عمر صاحبي يا نيره وفي مقام اخويا سلمي عليه
..نيره كانت بصاله بدموع وعمر مش عارف ينطق من صدمته 
علي : نيره ..انا بكلمك 
نيره بلغبطه : م معلش مكنتش مركزه ..اهلا يعمر 
عمر بحزن بيحاول يداريه : اهلا ..يا خطيبة اخويا ..الف مبروك 
علي بضحكه : الله يبارك فيك يا صاحبي ..عقبالك
عمر : إن شاء الله 
...عملو الخطوبه ولبسو لبعض الدبل كل ده تحت نظرات عمر الحزينه 
وقفت نيره بعيده عن الناس ودموعها بتنزل اتخضت لما لقت حد بيشدها من دراعها 
عمر بعصبية : ممكن افهم اي يلي بيحصل ده 
نيره بغضب : اوعى ايدك كده ..انت عايزني كنت اعمل وانا بشوفك بتبعني عشان واحده تانيه ..كان لازم اشوف مستقبلي 
عمر بغضب : قولتلك 100 مره انا مبعتكيش انتي حتى مدتنيش فرصه اثبتلك وعلطول عملتيلي بلوك وروحتي اتخطبتي لحد تاني !!
نيره ببرود : والله اظن ان دي حاجة تخصني متخصش حد تاني 
عمر : لا يخصني يخصني عشان أنا بحبك افهمي بقى يا غبية انا بحبك 
نيره بغضب : لا ده مش حب ، دا غرور وامتلاك ..ازاي كانت حاجة بتحبك وبتنفذلك كل أوامرك راحت من ايدك وبقت لحد تاني ، عشان كدا انت عايز ترجعها مش مهم تحافظ عليها بس المهم تبقى في ايدك وخلاص ..مش هوا دا تفكيرك فيا يا استاذ عمر ولا انا بقول حاجة غلط ؟
عمر بحزن : معقوله انتي شيفاني كدا يا نيره!! حرام عليكي انا يلي جوايا ده قلب مش حجر ولو في يوم من الايام غلطت ومشوفتكيش فا انا ندمت ونفسي تديني فرصه 
نيره بدموع: انا اديتك فرصه قبل كدا يعمر وكانت نتيجتها اي ! يوم ما انت اعترفتلي ب حبك كان عشان تغيظ بيا منى مش اكتر عشان هيا قالتلك أن مستحيل حد غيري يحبك وقلبك هيفضل معايا انا ....عشان كدا انت استخدمتني كا عبرة ليها مش كدا ؟
...بصلها عمر بصدمه : ه ..هوا انتي مين يلي قالك كل ده 
نيره بعياط : مش مهم مين يلي قالي المهم أن هيا دي الحقيقه ...وهقولهالك لاخر مره يعمر ملكش دعوه بيا تاني وسيبني في حالي ابعد عني بقى 
...جت تمشي عمر مسكها من ايديها 
عمر بحزن : نيره نيره عشان خاطري اسمعيني انا اسف 
نيره بغضب ودموع وهيا بتزقه: بقولك ابعد ابعد ...عني انا بكرهك ...
....سمع صوت قَلبـهُ وهوَ يتفتت للمره الثانيـه ..بعد عنها وهوا ينظُر إليها بصدمه والدموع تتجمع في عَينيه 
...مشيت وسابته وهيا بتمسح دموعها عشان محدش من أهلها يلاحظ لاكن حدث لم يكن في الحسبان ..
علي بابتسامه : اهلا اهلا يا سمسم مش هتسلم على عمو ولا اي
سليم ببراءه : ازيك يعمو 
علي: الحمدلله يقلب عمو 
سليم ببراءه : هيا العروسه كمان بتلبس زيك كدا 
علي بضحك : لا يحبيبي دي بدله العروسه بتلبس فستان 
سليم : يعني هوا يلي بيلبس فستان يبقى عروسه 
علي بابتسامه : ايوا طبعا 
سليم : اصل انا شوفت بنت كبيره لابسه فستان واقفه مع ولد 
علي باستغراب : واقفه مع ولد واقفه مع ولد ازاي !!
سليم ببراءه : ايوا شوفتها مع ولد كنت انت سلمت عليه من شويه 
علي بصدمه : عمر 
سليم : ايوا كان اسمه عمر 
علي بابتسامه : طب يحبيبي خد المصاصه دي وهروح العب مع العيال 
...مشي سليم وراح علي عند نيره ومسكها من دراعها جامد 
نيره بغضب : ابعد ايدك عني كده انت مجنون 
علي بحده : كنتي واقفه مع عمر بتعملي اي 
نيره بتوتر : انا .. انامكنتش واقفه مع عمر اصلا ..وبعدين اقف معاه بتاع اي هوا انا اعرفه 
علي بعصبيه : بقولك كنتي واقفه معاه بتعملي اي 
نيره  بغضب: بقولك موقفتش مع حد عايز تصدق انت حر مش عايز دي مشكلتك مش مشكلتي
علي : ماشي يا نيره هصدق ..بس قسما عظما لو عرفت أن انتي بس شوفتيه بالصدفه مش هيحصل خير 
...تركها وذهب وركضت الي غرفتها تبكي على حالها وظلت تتردد كلمات اغنيه اليسا في أذنيها 
..وساعات بنشوف الحُب وهوا ميشوفناش 
..وساعات يقابلنا الحُب ويمشي معرِفناش 
..وساعات يجينا الحُـب ويمشي كأنهُ مجاش 
..وكـتير بيسبنا الحُب وجـَرحه مبيسـبناش !! ✨
نيره بانهيار  : مش قادره ..قلبي وجعني اوي يابابا ، سبتني ليا يا بابا انا اتبهدلت من بعدك من يا بابا ..ارجعلي يابابا بنتك محتاجاك اوي..
..رجع عمر بيته وهوا مكسور 
ام عمر بحزن : مالك بس يا حبيبي قولي مالك في اي
عمر : .....
ام عمر بعياط : ونبي قولي مالك متوجعش قلبي عليك يا ضنايا 
عمر : ....
ام عمر بدموع : يبني رد متبقاش ساكت كدا .. قول اي حاجة طب 
عمر بتوهان ودموع : انا وحش اوي يماما ..انا ضيعت كل حاجة حلوه من ايدي
ام عمر بدموع : ليه يحبيبي بتقول كدا بس ..طب فهمني في اي متقلقنيش 
عمر بدموع : انا ضيعت كل حاجه حلوه مني ، انا مستاهلش اني اعيش ..
ام عمر بعياط : لا متقولش كدا على نفسك إن شاء الله انا وانت لا يبني 
...حضنته وهيا بتبكي : بس.. بس يبني.. بس ...ونبي متوجع.. قلبي عليك 
...عدا ٣ شهور وعمر قفل الديسكو بتاعه وقرر انو مش هيفتحه تاني وعلي ونيره اتحدد معاد كتابهم بعد كام يوم ..
نيره بغضب : يعني اي يعني يماما.. هوا انا عيله صغيره عشان تاخدي قرار عني 
ام نيره : بقولك اي يا نيره انا عارفه مصلحتك اكتر منك انا ام واكيد مش هضرك 
نيره بغضب: ازاي يماما وانتي عايزه تجوزيني بالسرعه دي وبعدين انا اصلا حاسه اني اتسرعت في الموافقه علي علي
ام نيره بعصبيه : يعني اي اتسرعتي ..هوا لعب عيال ..انا خلاص اتفقت ومش هعرف ارجع في قراري كتب كتابك بعد اسبوع وخلص الكلام
نيره : يماما بس 
ام نيره : مفيش بس انا قولت كلامي وخلاص 
..دخلت نيره اوضتها وفضلت تفكر في عمر يلي أخباره اتقطعت وقالت في نفسها : معقوله هوا حتى محاولش تاني يرجعني ليه ....انتي عبيطه يا نيره هوا انتي كنتي مستنياه يرجعك ليه اصلا ..اتلاقيه خلاص شاف مستقبله مع غيري 
نزلت دمعه من عينها ومسحتها : وانا كمان هشوف مستقبلي واركز في حياتي وفي خطيبي.. خلاص يا نيره الحكايه خلصت زي اي حكايه غيرها ..
..عدا الوقت وجه يوم كتب الكتاب لبست نيره فستانها والدموع في عينيها ..سمعت صوت تليفونها بيرن 
نيره : الو 
المتصل :.....
وقع التليفون من نيره بصدمه  وبسرعه فتحت الشباك وربطت حبل ووو ..
يتبع ...
وقع التليفون من نيره بصدمه وفتحت الشباك وربطت حبل وهربت بفستان فرحها وجريت على بيت عمر 
..فتحتلها ام عمر وهيا بتعيط 
نيره بدموع : هوا فين فين يا عمر يا طنط 
ام عمر وهيا بتمسح دموعها : جوا في الاوضة
..جريت نيرة ل اوضة عمر بسرعة واتصدمت لما لقيته واقف بيضحك  
نيره بغضب : انت واحد مريض ومتخلف بجد 
..جت تمشي ومسكها بسرعة وسحبها في حضنه 
نيره وهيا بتزقه : ابعد عني بقولك ابعد يا عمر 
..فضلت تزق فيه وهوا ماسك فيها ومش راضي يسيبها : انا اسف ..انا اسف بعترف اني غلطت ،واستغليتك بس صدقيني ، وربنا انا مقولت لمنى اني ارجعلها خالص، انا بحبك انتي، ولو كنت مرضيتش اعرفك على اهلي دا عشان  مكنتش متأكد من مشاعري ليكي ، إنما دلوقتي بحبك ومستحيل اسيبك لحد غيري ولو انتي مفكره أن دا هوس يبقى معاكي حق انا فعلا مهووس بيكي عارفه ليه عشان أنا بحبك وبعشقك يا يورا 
...فضلت دقايق تستوعب يلي قاله ..رفعت ايديها وبادلته الحضن لانها فعلا حست أن كلامه من قلبه وأنه مش بيضحك عليها 
بعد عنها بفرحه : يعني معنى كدا انك مصدقاني صح 
نيرة بابتسامه : هصدقك يا عمر بس بشرط 
عمر بلهفة : شرط اي 
نيرة بفرحه : تجري تجيب المأذون دلوقتي 
عمر بفرحه : فوريرة 
....دخلت ام عمر وحضنت نيرة وهيا مبسوطة 
ام عمر بابتسامة ودموع : انا مش هلاقي احسن منك لابني ، انتي رجعتيلي عمر القديم رجعتي الفرحه لقلبه ...مش عرفة اشكرك ازاي 
نيره بابتسامه: متقوليش كدا يطنط حضرتك زي امي بالظبط ، بس هوا حكالك عني امتى ؟
ام عمر : اول ما انتي سبتيه كان زي العيل الصغير بالظبط يلي فقد الحاجة يلي بتفرحه  ، فضلت وراه لحد ما قالي كل حاجة ولقيت أنه فعلا غلطان ، بس عشان يقدر يرجعك اتفقت معاه أنه يقولك أنه هينت'حر عشان اتاكد انك لسه بتحبيه وفعلا انتي جيتي جري تلحقيه 
نيرة بغضب مصتنع : يعني كان بيضحك عليا ماشي يتقفل علينا باب واحد بس وانا هخليه يلف حاولين نفسه 
ام عمر بضحك : ايوا كدا خليكي جدعه طالعه لحماتك 
...جاب عمر المأذون واتكتب كتابه على نيرة وكانت الفرحه ماليه البيت 
في بيت نيرة 
علي بزعيق : يعني اي هربت
ام نيرة بدموع : والله ما اعرف انا دخلت اوضتها ملقيتهاش فا لقيت الشباك مفتوح وفيه حبل فا عرفت انها هربت ..انا عايزة بنتي هاتلي بنتي يا علي 
علي بسخرية : وانا اجبلك بنتك منين يا اختي ..انا شكي طلع في محله بنتك دي ماشيه على حل شعرها والله اعلم بقى هربت مع مين 
ضربه ابوه بالقلم : اخرس يا قليل الادب احنا ربيناك على كده 
علي بغضب : لا مش هخرس وانا عارف هيا هربت مع مين هربت مع عمر 
ام نيرة بصدمة : عمر !! اكيد لا احنا علاقته اتقطعت بينا من زمان وهوا كان مدير بنتي مش اكتر ومكنش فيه ما بينهم اي حاجة 
ابو علي : خلاص احنا نروح بيت عمر ونعرف إذا كان نيره هناك ولا لا 
...ركبو العربية واتجهو لبيت عمر 
ام عمر : حاضر يلي بتخبط ...انتو مين!!
ام نيرة : بنتي فين يا نيرة يا ن..
..نظرت إليهم نيرة بصدمة لا تقل عن صدمة عمر ، جريت عليها وضربتها بالقلم 
علي بسخرية : شوفتو مش قولتلكو هيا أنها معاه 
عمر  بحده : والله انا شايف أن احنا معملناش حاجة غلط احنا اتجوزنا على سنه الله ورسوله عكس حضرتك بقى يلي كنت عايز تتجوزها بالغصب ..
ام نيرة بغضب : اخرس متتكلمش ولا كلمه ولا اقولك العيب مش عليك العيب على بنت بطني يلي ودت وشي في الأرض ..هيا دي تربيت ابوكي ليكي يا محترمه ردي عليا 
نيرة بعياط : كفاية بقى حرام عليكي من يوم ما بابا مات وانتي مشياني على مزاجك جوزتيني لواحد انا مش طيقاه عشان حضرتك شيفاه مناسب ليا ..طب وانا انا اي رأيي في الموضوع انا من ابسط حقوقي اختار الشخص يلي انا قلبي حبه وهوا عمر ..عمر يلي هيحافظ عليا مش علي عمر يلي هيثق فيا مش علي انا معملتش حاجة غلط يماما مش من حقك تتدخلي في حياتي انا اسفه..
علي : يلا يا بابا يلا ماما الظاهر احنا اتهانا جامد هنا وانا وعلفكرة ميشرفنيش اتجوز وحده شبهك اصلا 
...جه عمر يضربه مسكته نيره بسرعه ، وخرجو من البيت هما وام نيره 
..عدا الشهور ونيره وامها اتصالحو وعمر ونيرة خلفو بنت وسموها سليمة ..وتوتة توت.....لا مخلصتش الحدوته 
تمت بحمدلله

تعديل المقال
الأقسام

مقالات قد تهمك

تعليقات



    حجم الخط
    +
    16
    -
    تباعد السطور
    +
    2
    -