رواية رابطة دم وعشق كاملة جميع الفصول بقلم جهاد اشرف
رواية رابطة دم وعشق كاملة جميع الفصول هى رواية من تأليف المؤلفة المميزة جهاد اشرف رواية رابطة دم وعشق كاملة جميع الفصول صدرت لاول مرة على فيسبوك الشهير رواية رابطة دم وعشق كاملة جميع الفصول حققت نجاحا كبيرا في موقع فيسبوك وايضا زاد البحث عنها في محرك البحث جوجل لذلك سنعرض لكم رواية رابطة دم وعشق كاملة جميع الفصول
رواية رابطة دم وعشق كاملة جميع الفصول
=انا طاقتي خلصت
- من ايه؟
= انا عايزة اتجوز
- نعم!!!
= ما تتجوزني وهتكسب ثواب
- طب انا نازل وهجيلك لما تعقلي
= دا انا في اكتر وقت عاقلة فيه ، وهي البنت ليها ايه غير بيت جوزها
- لها...
= يعني انا هخلص الكلية وبعدين هتجوز وهيقعدني في البيت..، هل هاشتغل بكُليتي في الاخر.. طبعا لا...، فا ليه المرمطة!!
- چني فوقي انتي فاضلك امتحانين بس ويبقا فاضلك ترم وتتخرجي
اتنهدت = ما انا طاقتي خلصت..
- معلش هانت
= حياتي بقت احسن بكتير
- تصدقي إن انا غلطان، انا قاعد معاكي ليه اصلا!
= عشان ابن عمي مثلا والمفروض تخرجني من اكتئاب الامتحانات... إلا قولي يا يونس
- يا يونس
= دمك ظريف اوي.. المهم هو انت ليه مش زي ولاد العم اللي بيهونوا علي بنات عمهم في فترة الامتحانات ويجبيلهم تسالي واكل وبيبس وحاجات حلوة كتيرة، وبيشجعهم و....
- بسسسس.. ايه دا كله!! وبعدين ولاد عم مين اللي بيعملوا كدا، انا اعرف عن ولاد العم اللي بيشدوا في شعور بعض، بيقابلوا بعض في المحاكم، انما دول مسمعتش عنهم قبل كدا
= ولاد العم اللي في الروايات
قفل اللاب بتاعه - طيب انا نازل اكمل شغلي تحت لانها تقريبا رايحة منك علي الاخر
= في داهية.. انسان مهزق
نزل شقتهم وانا كمان خدت كُتبي ونزلت شقتنا ، اكيد مش هقعد لوحدي علي السطح في الوقت دا.
دخلت اوضتي وذاكرت شوية ونمت
صحيت الصبح وجهزت نفسي ومشيت علي الامتحان وكالعادة بعد كل امتحان بخرج اطبطب علي نفسي واقولها هتعوضي في الامتحان الجاي... خرجت برا الجامعة واتفجأت بيونس واقف بعربيته قدام الجامعة، روحتله
= انت بتعمل ايه هنا
- جاي عشان اخرجك واعزمك علي الغداء النهاردة، ايه رأيك!
اتفجأت بكلامه = متأكد انك يونس!
- ليه عشان هخرجك
= بقولك ايه انا مش مطمنالك اصلا.. انا هروح بيتنا اذاكر، مش عايزة اضيع وقت، عندي امتحان بعد بكرا
مشيت خطوتين وسمعت صوته
- خلاص براحتك روحي كلي سمك في البيت
رجعتله = هما عاملين سمك النهاردة
- مش كنتي مروحة!!
= قولتلي بقا هتغديني فين؟
بيسوق العربية وكل شوية اسرق نظرات له
بصلي - في ايه مالك!! بتبصيلي كدا ليه؟
= الصراحة مستغرباك
- عشان هخرجك!!
= طب انت هتخطفني!!
- تصدقي انا غلطان عشان حبيت اخرجك من جو الامتحانات شوية
بصتله بشك = انا كلامي اثر فيك بالسرعة دي
- لا انا فكرت وحسيت إن مأثر فعلا معاكي فا قررت اكون زي ولاد العم اللي في الروايات
= بس ولاد العم اللي في الروايات بيتجوزوا في الاخر
- ايه
= ايه!
انا ويونس ولاد عم حقيقين من ارض الواقع مش زي الروايات، او زي الروايات في حاجة إن انا معجبة بيه وبشخصيته، بس مستحيل اعمل حاجة عشان اخليه يحبني، يعني مثلا ليه انا احبه وافكر فيه وهو لا.. علي رأسه ريشة مثلا!! لازم هو اللي يعترفلي الاول.
خرجنا واكلنا في مطعم ولفينا شوية بالعربية ورجعنا البيت
- انزلي يلاا
= انت مش هتطلع ولا ايه
- هركن العربية وطالع
= تمام.. صح نسيت... شكرا علي خروجة النهاردة
ابتسم - انا عايزك تشكريني بطريقة تانية
استغربت = طريقة ايه
- هقولك بعدين
سبته وطلعت وكأن مقالش حاجة، ومنكرش طبعا بفرحتي بخروجة النهاردة، بس هو كلامي أثر فيه بالسرعة دي...
خلاص انا مش هفكر تاني ولا كأن حصل حاجة النهاردة ويوم زي اي يوم
نمت من كتر التفكير وصحيت تاني يوم مفيش اي جديد في حياتي بس الحلو في الموضوع إن بكرا اخر امتحان في الترم وابقا خريجة الا ترم.. ياااااه علي فرحتي
- چني، يونس برا عايزك
= طيب انا خارجة
خرجت لقيت ماما ومرات عمي قاعدين بيتكلموا وهو وامل اختي قاعدين ومركزين في الفون وتقريبا بيلعبوا
= نعم
وقف وابتسم - عاملة ايه
اول مرة في حياته يسألني عاملة ايه، انا بدأت اشك فيه
= الحمدلله بخير... كنت عايزني!!
- اه..
كان في شنطة كبيرة جمبه علي الارض مسكها واداهالي
= ايه دا
- دا شوية حاجات تتسلي فيهم وانتي بتذاكري
اتصدمت لا كدا كتير، كتير اوڤر يعني..، بصيت ناحية ماما ومرات عمي لقتهم باصين لنا ومبتسمين وعارفة تفكيرهم في اللحظة دي عبارة عن ايه.... خدت نفس بهدوء
= يونس ممكن تيجي معايا البلكونة عايزاك في كلمة
- اه طبعا.. عن اذنكوا يا جماعة
دخلنا البلكونة واول ما وقفت في وشه اتعصبت
= في ايه
- في ايه في ايه؟
= انت لو عايزهم يتأكدوا ان في بينا حاجة مش هتعمل كدا
- وفيها ايه.. اداما مفيش بينا حاجة انتي قلقانة ليه!!
= يونس انت في حد بيهددك بحاجة... مبدلينك طيب يعني انت مثلا مش ابن عمي وجايبين واحد غيرك، قولي لو في مشكلة وانا اساعدك
قاطعني - اهدي يبنتي في ايه
اتعصبت = انت اللي في ايه.. امبارح خرجتني والنهاردة جايبالي حاجات عشان اتسلي فيها وانا بذاكر... انت طبيعي بجد!!
- وفيها ايه يعني لو دلعت بنت عمي شوية
تنحت = دلعت بنت عمي!!!
بص في ساعته - انا همشي دلوقتي عشان عندي شغل وهكلمك اما اخلص وعايزك تذاكري كويس وتجيبي تقدير.. سلام
مشي وسابني واقفة مكاني بستوعب اللي بيحصل... مين ابن المجنونة دا!!
دا اكيد مش يونس، دا اكيد واحد شبهه
طب دلوقتي اخرج ازاي قدامهم!!!
زمانهم اختاروا القاعة اللي هنتجوز فيها... عديت من واحد ل ثلاثة وطلعت اجري علي اوضتي، مش عايزة حد يسألني سؤال واحد عشان انا ذات نفسي مش فاهمة في ايه!!
بصعوبة عرفت اطرد الافكار كلها وركزت في المذاكرة
خرجت من الامتحان تاني يوم ومتفجأتش المرة دي بيونس لأن بقيت متوقعة منه اي حاجة كان مركز في الفون حطيت الشنطة علي راسي وحاولت اتسحب منه عشان ميشوفنيش بس للأسف....
- چني
مش اي حاجة بنتمناها بتتحقق
وقفت واتكلمت بزهق = نعم
- بتتسحبي ليه؟ انتي مش عايزاني اشوفك؟!
= انت جاي ليه تاني النهاردة وكمان مش كفاية اللي عملته امبارح
- طب حقك عليا انا اسف، تعالي اخرجك النهاردة كاعتذار
= شوفت اهو اهو.. وكمان بتعتذر من امتي وانت بتعتذرلي ها.... لا يا يونس انت مش طبيعي بجد.. قولي لو انت في مشكلة نقدر نحلها من بدري كدا، انما بجد انا قلقانة منك ومش مطمنالك الا اما ترجع ابن عمي الحقيقي
- وهو انا فلصو!!
= بقولك ايه انا ماشية عشان تعبانة وعايزة انام...
قاطعني بقلق- تعبانة مالك!! اوديكي للدكتور
هعيط من شخصيته اللي اتحولت
= يا ماما انا بدأت اخاف.. روحني لأمي
- خلاص يا چني، تعالي اروحك ولو عايزة تعرفي ايه
اطلعي علي السطح النهاردة الساعة تمانية
روحنا من غير كلمة زيادة مني او منه مع استغرابي الشديد له... نمت وصحيت اتغديت وقعدت شوية علي الفون لحد ما لقيت رسالة منه بيقولي اطلعي.. قومت وخدت جرعة شجاعة وطلعتله لقيته قاعد علي السور وشكله سرحان.. قربت منه
= نعم
مدلي ايده بإزازة زبادو بالفراولة - عارف انك بتحبيه فاجبتلك واحدة
بصتله بشك
- متخافيش مش حاطط فيها حاجة، لسه متفتحتش اصلا
خدتها وفتحتها
- چني ممكن اطلب منك طلب
= اطلب
نزل وقف قصادي- انا.. انا عايز...
= هااا
بدأت اشرب من الازازة - تتجوزيني
في ثانية كان كل اللي شربته بقا في وشه والتشيرت بتاعه... ثواني بنستوعب اللي حصل....، غمض عينه ومسح بايده علي وشه
- اعتبر دي موافقتك يعني!!
مسحت بوقي = إن.. إنت بتقول اييه
- صدقيني هي جوازة لمدة ساعتين بس
اتصدمت = نعم!!!
- هفهمك... انتي عارفة إن مش بكلم بنات فا واحد صاحبي افتكرني معقد واتراهن معايا لو خطبت قبل جوازه هيديني 500 ج ، وجوازه بعد يومين وكنت ناسي وهو فكرني وانا معرفش حد بنات غيرك طبعا بنت عمي واختي وعشان عارف إنك تطيقي العمي ولا تطيقي تروحي افراح او تقعدي فيها حبيت اخد رضاكي عشان توافقي تروحي معايا... قولتي ايه؟
واقفة مصدومة ومتنحة من كلامه.. دا لو لاقينه علي معبد يهود مش هيفكر بالتفكير دا... اااه يا واطي يعني انت معيشني في رعب وفي الاخر تطلع لعبة بينك وبين صاحبك.. ماشي
- چني.. انتي معايا؟
بتفكير = امممم... والرهان كان علي كام!
- 500 ...
= موافقة.. بس بشرط.. انا هاخد ضعف المبلغ اللي كنت هتاخده من صاحبك
اتخض - نعممممم!! ليه دا كله؟ مش مكفيكي الخروجة اللي خرجتهالك ولا الحاجات اللي جبتها
اتنزفزت = انت كمان بتعد عليا!!.. وكمان انا مجبرتكش علي حاجة، ومفيش حاجة ببلاش واعتبر المبلغ دا تمن لعبك بيا اليومين اللي فاتوا... دا اللي عندي، فكر فيها... واتفضل الازازة بتاعتك اهي، مش عايزة منك حاجة
سبته ونزلت ومنكرش إن متعصبة منه جامد ونفسي امسك دماغه في اقرب حيطة اكسرها فيها.. انسان مهزق وواطي...
بليل كنت نايمة و بقلب في الفون بلا هدف لقيت رسالة منه إنه موافق..
عدي يومين من غير كلام بينا؛ لأن انا مش طايقاه وهو اكيد كمان مش طايقني بسبب الفلوس... باب اوضتي خبط وامل اختي دخلت
- چني، يونس مستنيكي برا
= قوليله جاية
خرجتله وانا راسمة علي وشي تكشيرة مغيرتهاش من اخر مرة شوفته فيها
= نعم
- ايه يبنتي التكشيرة دي!.. دا انتي بعد الالف جنيه اللي هتاخديهم دول المفروض تروحي الفرح بالطبل البلدي!
= بقولك ايه انا مش طايقاك بسبب الرهان الحقير بتاعك انت وصاحبك، انت عيشتني يومين خوف منك، وهتجبرني علي حاجة مش حابها، وفي الاخر كمان عايزني اضحك وكأني مفيش حاجة، يا بجاحتك!!
- انا اسف حقك عليا، اوعدك مش هدبسك في حاجة تاني بسببي.. بس ابوس ايدك افردي وشك الفرح النهاردة
= طيب، حاجة تاني
- هعدي عليكي الساعة تمانية تكوني جهزتي.. اشطا!
=تمام
دخلت قلبت في الفون شوية لحد كانت الساعة خمسة، قومت اشوف هلبس ايه ، فتحت الدولاب وفضلت اقلب في اللبس وملقتش حاجة تنفع للأفراح او المناسبات، قفلت الدولاب تاني ومسكت الفون واتصلت بيونس
- نعم
= انا مش راحة افراح
- ليه
اتكلمت بملل = معنديش حاجة مناسبة للمناسبات
- استني ساعة وجايلك
قال كدا وقفل الفون، ايه دا!
اللي اعرفه إن المفروض يبقا فرحان إن مش هروح عشان هوفر عليه الف جنية.
رميت الفون ونمت... صحيت علي امل وهي بتقولي يونس برا.. خرجتله
- انتي نايمة، والفرح!
= هو كان فرحي وبعدين قولتلك مش راحة، معندش لبس للافراح
مدلي ايده بعلبة وختها - هعدي عليكي تمانية متنسيش
اداني الفستان وسابني ومشي، دخلت فتحته، و لقيت ورقة فتحتها كان مكتوب فيها
'متأكد إن هيبقا جميل عليكي'
اول مرة اعرف إن ابن عمي رومانسي اوي كدا، كنت هرمي الورقة بس لاحظت كلمة 'اقلبي الورقة'
قلبتها 'الفستان مخصوم من الالف جنية'
واطي كان كمل رومانسية لحد الاخر، بس ازاي لازم يفصلني المهزق
لبست وخرجت لماما،
= ماما انا راحة....
قاطعتني - روحي روحي يا حبيبتي مع السلامة، ربنا يوفقكوا
في ايه!!، وايه نبرة السعادة اللي بتتكلم بيها دي!!
الباب خبط، خرجت من الشقة وقفلت ورايا
= يلاا انا جاهزة
كان لابس بنطلون ازرق وقميص ابيض وفاتح اول زرارين في القميص، بصلي من فوق لتحت وسكت... هو مش هيقولي ايه القمر دا، ولا الفستان محليكي فا مش هتخرجي، اي حاجة طيب زي الروايات مش هتبقا قرءاة علي الفاضي...
- هاتي ايدك
بصتله بإستغراب، رفعتله ايدي بتردد ، سابها ورفع ايدي اليمين، اتفجأت وهو بيلبسني خاتم صغير بفص وبعدين دبلة...
ابتسم - شكله جميل في ايدك
اتوترت = اي.. ايه دا!!
- دي دبلة عشان محدش يشك فينا
قلبي، قلبي بيدق جامد مش فاهمة ليه...، اهدي يا چني دا كله تمثيل..
= ودي بقا مخصومة من الالف جنية.
ضحك ضحكة خفيفة وكمل - دي لوحدها معدية الالف جنيه.
= اييييه!!، طب وجايبها ليه!!.
- مش يلاا عشان اتأخرنا.
اول ما نزلنا من العربية، مسك ايدي فجأة وابتسم
بصتله بغباء = ايه، هتعمل ايه تاني!!
مردش وراح حاطط ايدي تحت دراعه ومأنكچني ومشي من غير كلمة...، ايه التوتر دا، وضربات قلبي اللي زادت... انا مش فاهمة في ايه!!
يمكن عاملي مفجأة والفرح اللي جوا دا فرحنا وهدخل الاقي اهلي واهله وبيفجأني..، وفرحة ماما وهي بتقولي روحي ربنا يوفقكوا، اكيد متفق معاها... والدبلة اللي لبسهالي ، ما كان ممكن يقول قارئين فاتحة عادي صح!
مالك يا چني تفكيرك كله بقا روايات كدا ليه..
- چني چني
= ايه، نعم
- بقالي ساعة بنده عليكي، روحتي فين؟!
= موجودة، اومال اهلنا فين؟
استغرب - اهلنا ايه اللي هيجبهم هنا!!
بصيت حواليا، قاعدين علي تربيزة في قاعة والعريس والعروسة موجودين، دا معناه إن مفيش مفجأت زي الروايات ولا حاجة
- چني، مالك
= ها لا مفيش، مش هتسلم علي صاحبك
- اه تعالي
مسك ايدي وانكچني تاني، وانا في اللحظة نفسي اشدها منه واقوله قلبي بيدق يا حيوان، بس هخلي الليلة تعدي علي خير
• مكنتش متوقع انك تفوز
ضحك - اعتبر فلوس الرهان بقا نقطة ليك
ضحكوا مع بعض، صاحبه بصلي
• يبختك بيه انتي اول بنت تبقا في حياته وتدخلي قلبه، متأكد انه هيحبك ويحافظ عليكي
ابتسمتله، انا فعلا بحسد اللي هتدخل حياته لانها هتبقا اول واحدة يحبها وهيبقا حنين معاها جدا، يبختها فعلا
- چني، انتي تعبانة، نروح للدكتور
كنا ماشين في الشارع وسرحانة ووقفت علي سؤاله
= لا، ليه
- اصلك سرحانة تقريبا من ساعة ما خرجنا من البيت
= لا انا تمام.. صح فين الاف جنية بتوعي
- اومال الفستان اللي انتي لابساه دا منين
= وانا مالي،انا مقولتلكش اشتريلي حاجة،وكمان انت اللي محتاجني مش انا
- مادية حقيرة
= متعملش رهانات تاني
- اتفقنا، بس حافظي عليه هو والخاتم كمان عشان هاخدهم تاني لخطيبتي الحقيقة
= نعمممم
- متصدميش كدا، متعرفيش كلفوني كام دول، فا انا مش قاعد علي بنك عشان اجيب كل شوية فستان وخاتم بفلوس كتير
= افتح ايدك كدا
فتح ايده، قلعت الدبلة بتاعته واديتهاله بعصبية
= مش هحافظ انا لحد علي حاجة، حافظلها انت عليها
ابتسم بخبث - چني انتي بتغيري!!
فتحت بوقي وكنت لسه هتعصب وازعق بس سبته ومشيت، كنت ناقصة خطيبته اللي مظهرتش دي كمان... ما احنا كنا كويسين مع بعض.. اكيد اتحسدنا
رجعنا البيت، دخلنا شقتنا والكل كان متجمع في اوضة الصالون، اول ما شافونا قاموا حضنونا، بصيت انا ويونس لبعض بإستغراب
سأل - في ايه! ايه سبب الاحضان دي؟
• مبروك يا ولاد
اتكلمت بفرحة = انا نجحت صح..، بس النتيجة لحقت تظهر!!، انا لسه مخلصة امبارح!!
• احنا حددنا ميعاد كتب الكتاب بتاعكوا
انا وهو بصوت عالي = اييييه!!
متنساش ان الرواية موجودة كاملة في قناة التلجرام والواتساب
للانضمام لقناة التلجرام اضغط هنا
لقراءة الفصل التالي اضغط علي السهم الموجود في جهة اليسار و لقراءة الفصل السابق اضغط علي السهم الموجود في جهة اليمين
لقراءة الفصل التالي اضغط علي السهم الموجود في جهة اليسار و لقراءة الفصل السابق اضغط علي السهم الموجود في جهة اليمين
↚
• احنا حددنا ميعاد كتب الكتاب بتاعكوا
انا وهو بصوت عالي = اييييه
بصدمة - يعني ايه حددوا كتب الكتاب
مرات عمي قربت مني وحضنتني _ الحمدلله امنيتي بتتحقق قصاد عيني
= امنية مين، ثواني بس انتوا فاهمين غلط اكيد
_ يونس خلي بالك منها واوعي تزعلها منك، دي بنتي الكبيرة
= يا بابا بس...
_ طب احنا هنسيبكوا تقعدوا مع بعض شوية
= يا عمي استني،انتوا... ماما راحة فين استني
كلهم خرجوا وماما رجعتلي تاني واتكلمت جمب ودني
_ لازم تحكيلي ايه اللي حصل بالتفصيل النهاردة واعترفلك ازاي
= اعترفلي!!!
زعقت = ايه اللي بيحصل هناااا
- انتي لسه فاكرة تزعقي، خرجوا من بدري
= انت سايبني انا اللي بحاول اوضح اللي بيحصل وانت واقف بتتفرج!
بصتله بشك = انت متفق معاهم علي حاجة
- متفق معاهم علي ايه قصدك، صدقيني انا مصدوم زي زيك = انا مش فاهمة حاجة...
_ انا السبب
بصينا لمصدر الصوت واللي كانت امل اختي
سألتها بإستغراب = يعني ايه انتي السبب!!
_ كنت طالعة اندهلك تكلمي ماما وسمعت يونس وهو بيقولك تتجوزيني ونزلت قولتلهم تحت
بصيت انا يونس لبعض بصدمة، دا كله يطلع من واحدة في ستة ابتدائي...،
اتكلمت بهدوء = تعالي اقولك علي حاجة يا امل
قربت عليا، وكنت همسكها من شعرها بس جريت وجريت وراها
- اهدي يا چني بقا، هنحل الموضوع
واقفة ورا يونس ماسكة في قميصة وبتتحمي فيه
، وانا بحاول اخدها من وراها وهو ماسك فيها
= اهدي لو كانت طفلة، انما دي ولا تفكير واحدة عندها اربعين سنة
سابها وهي طلعت تجري برا الاوضة
- مش هضيعي مستقبلك عشان طفلة
- متزعليش ولا تعصبي نفسك، دي مشكلة سهلة وهنحلها
= سهلة!!
هزلي راسه باه
= تمام، حل انت بقا المشكلة السهلة دي
- وانتي راحة فين
اتكلمت ببرود وانا خارجة من الاوضة = راحة انام
قال سهلة قال، هو واخد الموضوع ببرود كدا ليه!!
طب انا هفهمهم ازاي إن دا كله سوء تفاهم... وانتي بتفكري ليه يا چني... وانتي مالك مش هو قال مشكلة سهلة يحلها هو بقا، انا هنام
قاعدين علي تربيزة السفرة بنتغدي انا وماما ومرات عمي ويونس، ماما ومرات عمي بيتكلموا في الفرح وهو مركز في الفون ومش مديهم اهتمام وانا حاطة ايدي علي خدي وباكل وببصلهم بملل مستنية الاسطوانة بتاعتهم دي تخلص
_ صح يا ولاد، نسينا ناخد رأيكو، حلو كتب الكتاب بعد اسبوعين ولا نأخره شوية!
واخيرا حد افتكرنا وخد رأينا في حاجة
اتكلمت ببرود = انا قاعدة في البيت اهو، هروح فين..، اسألي يونس، يمكن وراه حاجة
_ قولت ايه يا يونس
اتمني يقولهم علي الحقيقة ونخلص من الموضوع دا
- لا انا معنديش حاجة بعد اسبوعين
رده صدمني، هو ناوي يقولهم امتي!! اما نتجوز!!
ملقتش حاجة اعبر فيها عن غيظي منهم غير الاكل، مديت ايدي في طبق الممبار وكانت اخر واحدة متحمرة، لقيت حد مسكها معايا
بصتله = بتاعتي
- انا اللي ماسكها الاول
شديتها ناحيتي = بس اانا اللي مديت ايدي في الطبق الاول
- بس انا مكلتش
= محدش قالك تركز في الفون...
- چني
= نعم
بص في عيني - انتي حلوة كدا ليه النهاردة
اتوترت فا سبت الممبار، وهو خدها وهو بيضحك
- شكرا
قومت واتكلمت بتوتر = طب.. طب انا هقوم احمر شوية كمان، اعمل لحد معايا
- لو هيطلع حلو زيك كدا، اعمليلي معاكي
مشيت من قدامه بسرعة ودخلت علي المطبخ وانا سامعة ضحكهم برا..، وشي.. وشي بيجيب نار
هو بقا قليل الادب كدا لمين، دا مش يونس اكيد في حاجة غلط، دا لو عايز يأكدلهم إن في بينا حاجة مش هيعمل كدا، انا هخرج ازعقله، لا لا انا هخرج ازعق لمرات عمي لانها معرفتش تربيه
= هو راح فين
_ مشي وقال عنده شغل مهم
= تمام
خدت الطبق ودخلت اوضتي تاني، لما هو مش هيأكل بيخليني اعمل زيادة ليييه
- اطلعي، عرفت هنحل المشكلة ازاي
كنت قاعدة بقلب في الفون، والرسالة دي اتبعتتلي منه، قومت لبست الاسدال بتاعي بسرعة ومش فاكرة اتكعبلت كام مرة وانا طالعة علي السلم
- اهدي اهدي، طالعة بتجري ليه
اتكلمت وانا بنهج = عشان هخلص منك
- ايييه
= قصدي يعني هنخلص من المشكلة دي اخيرا
- اه، بحسب
= هتقولهم اييه بقا
- بص انا فكرت اننا ممكن نفرحهم شويه ونعملهم اللي في بالهم وهنعمل اللي عايزينه بردوا
بصتله بشك = يعني
- يعني ااحنا ممكن نتجوز فترة صغيرة خالص وبعدين نتطلق
= اه، قول كدا
- ايه رأيك!!
= لا، احنا ممكن نلحق المشكلة من اولها قبل ما نتجوز ونحب بعض وفي الاخر منطلقش
- ايه
طب افهمه ازاي دا، إن دي قصة اتعملت في مليون رواية قبل كدا
بتفكير = طب ما احنا ممكن نجيب مأذون مزيف
بتريقة - يا زكية!! وكدا مش هنضطر نمثل اننا متجوزين بردو، ونعيش في نفس البيت
= انا بفكر معاك ليه اصلا، انت مش قولت انها مشكلة سهلة وهتتحل، حلها انت بقا، انا نازلة.. سلام
قال نتجوز ونعيش فترة وبعدين نتطلق قال ، يعني بدل ما اتجوز عشان شخص يشاركني حياتي ونحب في بعض، اتجوز عشان اخرج من مشكلة واخرتها طلاق
خيانة! الحاجة الوحيدة اللي ممكن اسيبه عشانها هي الخيانة، بس دا هيخوني ازاي؟!، دا ميعرفش بنات غيري!
- خير، اشمعنا اتقابلنا هنا النهاردة!
= انت مش المفروض خطيبي، والواجب عليك تيجي تقعد معايا كل جمعة
بصلي بإستغراب - انتي كويسة؟!
بصيت حواليا اطمن ان مفيش حد وقربت منه،واتكلمت بصوت واطي
= انا عرفت طريقة نخرج بيها من المشكلة دي
- طب انتي بتوطي صوتك ليه
= كلهم قاعدين برا، وعشان محدش يسمعنا
- طب ايه هي الطريقة
= افتح تليفونك وهاته
فتح الفون واداهولي بإستغراب
= ممكن افتح الواتس!!
هزلي راسه باه بنفس علامات الاستغراب ورفعة الحاجب، فتحت الواتس، فتحت الشات بتاعي وغيرت اسمي لإسم بنت تانية ومسحت الشات كله، ورجعت كتبت كلمة بحبك ورديت عليها من عندي ب وانا كمان، سبته مفتوح علي التربيزة وطلعت قطرة وحطيت منها في عيني الاتنين وضغطت عليها جامد عشان تنزل دموع
- ممكن افهم انتي بتعملي ايه
قومت وقفت مرة واحدة وزعقت عشان يسمعوني = انت كمان ليك عين تتكلم
وقف فجأة وعلامات الصدمة كلها علي وشه، اهلنا دخلو وعمي بيتكلم
_ في ايه، في ايه يا چني بتزعقي ليه
مسكت الفون اللي كان مفتوح علي الشات، واديته لعمي
عيطت بتمثيل = اتفضل يا عمي، كنا قاعدين بنتكلم لقيته مشغول في الفون ومش مديني اهتمام ولما سألته بتعمل ايه، مردش عليا ولما خدت الفون لقيته بيخوني
ماما _ ايه اللي انتي بتقوليه دا بس يا چني، يمكن سوء تفاهم او زميلته في الشغل
خدت الفون من عمي واديته لماما = وزميلته في الشغل هتقوله بحبك!!
مرات عمي _ ما ترد يا يونس، مين دي، وبتقولك بحبك ليه
بابا زعق _ هي دي الامانة اللي امنتك عليها، شكلي كنت غلطان فعلا إن كنت هجوزك بنتي، بتخونها وانتوا لسه مخطوبين، اومال اما تتجوزو هتعمل ايه
الكل بيتكلم وهو لسه باصصلي بعلامات الصدمة والاستغراب مراحوش من وشه، غمزتله عشان يكمل معايا، ملامح وشه اتحولت من شخص مصدوم لشخص هادي مُسالم للي بيحصل ، غمض عينه واتنهد بصوت
- انا اسف إن خيبت ظنكو بيا....، انا اسف يا چني إن جرحتك واللي انتي عايزاه هعملهولك حتي... حتي لو مش هتكملي معايا
قال كدا ومشي ، شخصيته اتحولت كدا ليه!!
دا لو مدرب علي الدور وعارف اللي هيحصل مش هيتقمص دور الشخص الحزين كدا!!
ماما قربت مني _ چني...
= انا اسفة بس انا مش عايزة اتكلم في حاجة دلوقتي..، عن اذنكو
دخلت اوضتي، اتتفست براحة، واخيرا خلصنا، بس انا ليه حاسة ببعض الحقارة، كان لازم اخد رأيه في الموضوع الاول..، حاسة ان هو زعل وإن صورته كدا بقت وحشة قصادهم...، ما انا ملقتش طريقة اوضح بيها الموضوع غير كدا!!
تأنيب الضمير مود اون ناووو
عدي يومين مش بخرج من اوضتي فيهم وعاملة نفسي زعلانة فعلا ومش عايزة اكلم حد، ويونس مظهرش خالص و ببعتله رسايل يشوفها وميردش
طلعت علي السطح لقيته قاعد علي التربيزة وفاتح لابه وبيشتغل، روحت قعدت جمبه بهدوء
= احم.. يونس... يونس... يونس
مردش،
وقفت ضربت التربيزة جامد وزعقت = يونس
زعق = عايزة ايييه
بصدمة = انت بتزعقلي
- انتي اللي عاملة تندهي وانا قاعد جمبك ما تقولي عايزة ايه واخلصي
قعدت تاني، لازم استحمله، في الاول وفي الاخر يعتبر انا اللي غلطانة
= مبتردش علي رسايلي ليه
مرفعش راسه من اللاب واتكلم ببرود - مشغول
اتكلمت بحزن = بص انا عارفة اللي انا غلطانة، بس بلاش نبرة البرود دي عشان انا ممكن اعيط دلوقتي
بحب اوي شغل قلب التربيزة دا، يعني كان هو اللي زعلان، بقيت دلوقتي انا اللي زعلانة بسبب اسلوبه
اتنهد - عايزة ايه يا چني
= علي فكرة بقا انت اللي غلطان من اول الموضوع لاخره
اتكلم بنرفزة وغيظ - انا!!! انا اللي غلطان، يعني مش انتي اللي بوظتي صورتي قدامهم، لا بقيت انا اللي غلطان
اتعصبت = ايوا، انت اللي عملتلي فيها الواد الكريثيڤ اللي مفيش منه اتنين وجاي تقولي تتجوزيني لمدة ساعتين ، فيها ايه لو كنت قولتلي تعالي معايا فرح صاحبي مكانش حصل دا كله ومكانتش امل شافتنا ونزلت تقولهم، يبقي مين السبب
بعصبية - يعني دا اللي عندك، انا اللي غلطان.. ماشي يا چني ماشي
هو هيتحول ولا ايه... طب استني بس اعتذرلك
= احم احم وفي حاجة كمان... انا اسفة، عشان انا السبب في ان الكل دلوقتي مش بيكلمك وصورتك قدامهم بقت وحشة بسببي فا عشان كدا انا نازلة اقولهم الحقيقة
قومت مشيت، سمعت قفلة اللاب بتاعه بصوت عالي
- چني تتجوزيني
وقفت ورجعتله تاني بصدمة
= انت قولت ايه
وقف - تتجوزيني
= ويا تري الرهان علي كام المرة دي؟!
- المرة دي بجد... انا بحبك وعايز اتجوزك...
اتعصبت = واخيرا نطقتها ، حمدلله علي السلامة، وكنت ناوي تقولي امتي! اما نعجز!!
- الصراحة كنت فرحان بسوء التفاهم اللي حصل دا
كمل بعصبية - وانتي متعصبة ليه دلوقتي، هو دا ردك يعني
= ايوا، كان الموضوع محتاج منك بس الكلمة دي وكان زمانا متجوزين دلوقتي
- يعني انتي كمان بتحبيني،
كمل بتريقة - اومال كان ايه لازمتها الدراما وبيخوني ومش هقدر اكمل معاه وكنتِ بتدوري علي اي حاجة عشان ما نتجوزش
= يعني اما ولادي يسألوني اتجوزتي انتي وبابا ازاي، اقولهم اتدبسنا في بعض!!!
- تمام تمام، احنا ننسي اللي فات كله وننزل نفهمهم كل حاجة واطلب ايدك رسمي
= موافقة، ونتجوز قبل الاسبوع اللي بعد الجاي
بإستغراب - اشمعنا!
= عشان الترم التاني هيبدأ ومفيش وقت نضيعه
- ايوا، خايفة علي مستقبلك يعني!
= لا، عشان مكملش تعليم
اتصدم من ردي، ايواا وهي البنت في بيت جوزها هتحتاج للتعليم ليه...،من ساعة ما بقيت طالبة جامعية وانا مستنية اتجوز عشان يقعدني من التعليم،
نزلنا تحت لاقينهم قاعدين نفس القاعدة بتاعة المرة اللي فاتت، والمرة دي، شكلهم لا يُبشر بالخير
يونس بصوت واطي- انا مش بتفائل ابدا بالقاعدة دي
= انا بقا عندي فوبيا منها
- خير، قاعدين كدا ليه
_ احنا اسفين يا ولاد.... يُتبع
متنساش ان الرواية موجودة كاملة في قناة التلجرام والواتساب
للانضمام لقناة التلجرام اضغط هنا
لقراءة الفصل التالي اضغط علي السهم الموجود في جهة اليسار و لقراءة الفصل السابق اضغط علي السهم الموجود في جهة اليمين
لقراءة الفصل التالي اضغط علي السهم الموجود في جهة اليسار و لقراءة الفصل السابق اضغط علي السهم الموجود في جهة اليمين
↚
يونس بصوت واطي- انا مش بتفائل ابدا بالقاعدة دي
= انا بقا عندي فوبيا منها
- خير، قاعدين كدا ليه
_ احنا اسفين يا ولاد....، احنا كنا بنفكر بس نفرح بيكوا انتو الاتنين مع بعض بس مفكرناش انتو عايزين ايه
يونس بإستغراب - والمعني؟
بابا _ احنا فهمنا إن دا كان سوء تفاهم، وإن مش بتفكرو تتجوزو زي ما كنا فاهمين.
انا ليه حاسة إن المشهد بيتكرر بنفس الممثلين ونفس الموقع بإختلاف الحوار..، احنا هنقدم للعيلة دي في التمثيل بس اما نخرج من حفرة سوء التفاهم اللي كل شوية نقع فيها دا.
اتنهدت وكنت هتكلم، ماما قاطعتني بحزن
_ احنا رتبنا كل حاجة علي حسب فرحتنا احنا ونسينا انكوا اصحاب القرار ومسألناش علي رايكوا
_ وانت يا يونس البنت اللي بتحبها ممكن تاخدلنا ميعاد من والدها ونروح نخطبهالك
مفيش بنات اصلا غيري... بس مش مشكلة كل واحد ياخد فرصته في الكلام، بس لا انا اللي هتكلم المرة دي
= ايوا بس... ايه د، راحو فين؟
- خرجوا
= هما ليه مش بيدونا فرصة نتكلم..، عجبك اللي حصل دا؟
- انا السبب في دا كمان!!
_ انا السبب
سمعت الصوت ورايا، بصيت ليونس بشك = متقوليش إن هي تاني
هزلي راسه باه، لفتلها بغيظ
= انا اللي نفسي افهمه ازاي بيصدقو طفلة زيك؟
رفعت الفون بتوتر _ من دا... كنت طالعة اندهلكوا وصورتكو ونزلت وريتهم الفيديو!
يونس جري وراها - تعالي بقا عشان انا ساكتلك بقالي كتير
اتكلمت ببرود = هتضيع مستقبلك عشان طفلة!
سابها وخرجت، قعدت علي الكنبة بيأس، حطيت ايدي علي خدي واتكلمت بملل
= عندي اتنين وعشرين سنة، واختي اللي ممشية حياتي...، يعني كدا هضطر اكمل الترم التاني!
- عرفت هعمل ايه..، هقفل الباب الاول
= ليه
بسخرية - ليه!! دا احنا معانا مخبر يهودي في البيت..
= طب هنعمل ايه
- احنا هنعملهم مفجأة!!
اول مرة اشوف عريس يعمل لاهله واهل عروسته مفجأة،، دايما اعرف المفجأة بتبقا للعروسة!!
بصيت لنفسي في المراية بعد ما خلصت لبس، كنت لابسة فستان بيبي بلو واسع من تحت شوية ويعتبر دي تاني مرة البس من ذوق يونس...، بصيت لنفسي اخر مرة في المراية واديتها بوسة وخرجت من الاوضة...
_ چني جهزتي
= اه، انا جاهزة يا ماما
_ بقا هو يسيب القمر دا ويروح يخطب من برا...، متزعليش بكرا يجيلك احسن منه
= مش زعلانة، هو خلاص مش نصيبي
_ لو مش عايزة تروحي متروحيش واقولهم انك تعبتي شوية
= لا يا ماما، هروح احنا بردو متربين من بعض وزي الاخوات
_ ماشي يا حبيبتي.. يلاا
وصلنا المطعم كلنا وقعدنا علي تربيزة، والكل بص لبعض بإستغراب
عمي _ اومال فين اهل العروسة يبني!
يونس شاور علي بابا وماما - موجودين اهم
سكتوا وبصوا لبعض
- انا هفهمكوا..، هو كان سوء تفاهم في الاول زي ما انتوا عارفين، وكنا نازلين نوضحه واطلب ايدها رسمي بس طبعا انتم مسبتوش لحد فرصة انه يتكلم
كلهم بصوا لبعض بإبتسامة
_ طب يبني ليه جايبنا هنا، مجتش طلبتها من البيت ليه!!
- بص يا عمي في حاجتين..
- اولا: انا مش داخل البيت دا غير اما اتجوزها
- ثانيا: انا مش قايم من هنا غير اما اتجوزها بردو
_ يعني ايه
- يعني المأذون جاي في الطريق دلوقتي وبعت لاتنين اصحابي يجوا يشهدو علي الجواز
احنا متفقناش علي كدا، يعني ايه المأذون جاي دلوقتي!!!
الكل سكت وبيبصوا لبعض مستغربين ومصدومين في نفس الوقت
اتكلمت بصوت واطي= ايه اللي انت بتقوله دا، احنا متفقناش علي كدا
- اسكتي
يعني ايه اسكتي انتي
ماما بإستغراب _ يعني ايه يبني، هتتجوز من غير فرح ولا اي حاجة!!
- هي موافقة، حتي اسألوها
كلهم بصولي، سكت مش عارفة ارد اقول ايه...
بابا _ چني القرار قرارك، محدش هيدخل واللي هتقوليه هيحصل
يونس بهمس - افتكري إن في ترم تاني كمان اسبوع، لو وافقتي مش خليكي تكملي
اتكلمت بسرعة = موافقة
مرات عمي _ يبنتي مينفعش، لازم الناس حتي تعرف ونعمل فرح
يونس وقف واتكلم بصوت عالي = يا جماعة انتوا كلكو معزومين دلوقتي علي كتب كتابي وفرحي هنا في المطعم.
كل اللي في المطعم سقف، حطيت وشي في الارض من الاحراج..، انا شكلي اتسرعت فعلا من جوازي منه ابن المجانين دا.
قعد تاني - ارتحتي كدا يا ماما، هنبقا حديث السوشيال بكرا
_ يونس
بصينا ورانا لقينا اصحاب يونس والمأذون..، دا بجد!! ايه السرعة في الاداء دي...، انا عايزة طريقة اهرب بيها دلوقتي حالا من هنا...، حسيت بحد بيمسكني قلم وبيحط قدامي ورق وبيقولي امضي، خدتهم منه وانا متنحة، اتكلمت بهمس
= يونس ما تيجي نفكر في الموضوع تاني، يمكن انا منفعكش، او نعمل فترة خطوبة حتي
اتكلم بهدوء وبنبرة حب - يا حبيبتي..
= استني، انا بعد حبيبتي دي هبصملك بالعشرة..، امضي فين؟!
" بارك الله لكما وبارك عليكما وجمع بينكما في خير "
فوقت علي الجملة دي وتسقيف الناس، ومُباركات من ناس معرفهاش..، قعدت اوزع ابتسامات واحضان من البنات...
الكل رجع علي تربيزته، واهلنا رجعوا البيت عشان يسبونا مع بعض شوية
- علي فكرا انا ليا حضن كتب الكتاب
بصيت للناس حوالينا، ورجعت بصتله بشك = اكيد مش هتأخده هنا كمان صح!
ضحك - لا، بس هاخده اول ما نروح مش هسيبه.. ثواني
طلع علبة من جيبه وحطها قصادي - افتحيها
فتحتها وكان فيها الخاتم اللي لبسهولي في فرح صاحبه
ابتسمت = لسه معاك
ابتسم ومسك ايدي ولبسهولي بس المرة دي في الشمال
قاطعنا شخص بيحط تورتة علي تربيزتنا..، يونس بصله
_ دي تورتة هدية من صاحب المطعم
ابتسم - شكرا
_ الف مبروك، عن اذنكوا
اول ما مشي اتكلمت بسرعة
= احنا هناخدها معانا واحنا ماشين صح
- ايه!!
= اكيد مش هناكلها كلها هنا يعني، وهما هدونا بيها
- انتي كل اللي همك التورتة
= اكيد طبعا، ايه هيهمني غيرها يعني
- انتي مش ملاحظة اننا لسه كاتبين الكتاب من شوية واهلنا سابونا لوحدنا يعني عشان ناخد راحتنا مع بعض شوية، وانتي كل اللي همك التورتة!
= احنا هنعيش مع بعض وهتبقا معايا كل يوم، بس محدش هيديني تورتة هدية ببلاش كل يوم صح!
- قومي يا چني قومي خلينا نمشي من هنا
= والتورتة!!
- ارتحتي كدا لما ختيها وانتي ماشية
اتكلمت بفرحة = اه، جدااا
كنا ماشين في الشارع، ماسك ايدي وانا ماسكة التورتة في الايد التانية وفرحانة بيه وبالتورتة....، وصلنا قدام العمارة بتاعتنا، كنت داخلة وقفني..
= وقفت ليه
كان بيقرب عليا - ليا عندك امانة
استغربت = امانة ايه؟!
اتصدمت اما حضني فجأة، حاولت اخرج من حضنه
= يونس، احنا في الشارع
اتكلم وهو لسه حاضني - مفيش حد في الشارع، ولو في انتي بقيتي ليا لوحدي
= ماشي، بس مش في الشارع، مالك النهاردة بتعمل كل حاجة بجرأة كدا ليه!!
سابني - يمكن عشان من فرحتي بيكي مش عارف اسيطر علي نفسي
ابتسمت = وانا كمان فرحانة اووي
قرب مني وباس راسي....، يبني بقا يبني بقا حرام عليك، قلبي هيخرج من مكانه بسببك...، افتكرت حاجة فرفعت راسي له بسرعة
= يونس.. انت مش هتخليني اكمل تعليم صح!!
بعد ثلاث شهور
رميت الكُتب قصاده علي التربيزة وزعقت = انت كداب وخاين ولا يمكن اعيش معاك بعد كدا .. ف طلقني
- بسم الله... مالك يا حبيبتي
= انت مش وعدتني انك مش هتخليني اكمل الترم دا لو وافقت عليك.. فين بقا وعدك دا
- يا حبيبتي انا متجوزك بطريقة غريبة وكمان لو قعدتك من التعليم اهلك هيشكوا فيا ومش بعيد يبلغوا عني... انتي بس وريني اللي مش فهماه ونذاكره سوا
شال اللاب بتاعه بعيد، ووسعلي مكان جمبه علي الكنبة، خدني في حضنه وجاب الكتب علي رجلنا وبدأ يذاكرلي ويحاول يشرحلي اللي مش فهماه.
اخر يوم امتحانات بليل، كنت نايمة علي رجله وبيلعب في شعري وبنتفرج علي فيلم بيحكي قصته عن واحدة عملت كارير لنفسها ومحتاجتش لراجل في حياتها.. رفعت راسي ليونس
= يونس.. طلقني
وقف لعب في شعري - انتي طلعاتك دي بتخضني..، مش الامتحانات خلصت خلاص، عايزة تطلقي ليه!!
قومت اتعدلت وقعدت قصاده = ايوا طلقني عشان اعمل كارير لنفسي
- نعممم، ومين اللي كانت هتموت ومتكملش تعليم
= انا بردو... بس انت متعرفش هرمونات البنت في الدراسة والامتحانات بالذات بتبقا عاملة ازاي، يعني احنا بنيجي فترة الامتحانات عايزين نتجوز، بس في الاجازة ملناش غير نفسنا والكارير بتاعنا
- يعني انتي عايزة ايه دلوقتي
= طلقني عشان اعمل كارير لنفسي
- ومينفعش تعمليه وانتي معايا مثلا وهساعدك
= وهتضحك عليا، زي ما ضحكت عليا وخلتني اكمل تعليم.
سكت شوية وبعدين مسح وشه بنفاذ صبر - انتي هرموناتك شغالة علي طول مش في الدراسة بس
ابتسم وفتح دراعه - ايه رأيك تيجي في حضني واحكيلك بحبك من امتي
دخلت في حضنه، وخلي الكارير لناسه وخليلي انا حضنه الدافي.