رواية عزيمة لا تنكسر كاملة جميع الفصول بقلم سوليه نصار

رواية عزيمة لا تنكسر كاملة جميع الفصول هى رواية من تأليف المؤلفة المميزة سوليه نصار رواية عزيمة لا تنكسر كاملة جميع الفصول صدرت لاول مرة على فيسبوك الشهير رواية عزيمة لا تنكسر كاملة جميع الفصول حققت نجاحا كبيرا في موقع فيسبوك وايضا زاد البحث عنها في محرك البحث جوجل لذلك سنعرض لكم رواية عزيمة لا تنكسر كاملة جميع الفصول

رواية عزيمة لا تنكسر كاملة جميع الفصول

-انا جاية اخد جوزك منك يا ابتهال !

قالتها لي كده وببساطة ...كانت بتبتسم بثقة

..كانت عارفة أنها هتكسب عشان أنس بيحبها ...ميادة رجعت وبته*دد حياتي مع أنس ...انس بيكون ابن خالتها كانوا بيحب بعض أو انس اللي كان بيحبها...اتقدملها وخطبها وراح يسافر عشان يشتغل ويجيب فلوس ويتجوزها بس اتفاجئ في يوم أنها فسخت الخطوبة واتجوزت مديرها في الشغل ...أنس وقتها انه*ار وفضل برا بيشتغل رفض يرجع ...فضل سنين يشتغل لحد ما حالته المادية اتحسنت خالص ورجع وكان أن الأوان أنه يتجوز ومش هيلاقي غيري انا ابتهال بنت خاله وصاحبة ميادة واللي كنت بحبه من زمان ...اتقدملي واتجوزنا بقالنا سنة ...وفي السنة دي كنت اسعد إنسانة في العالم ...ولكن السعادة مش بتدوم خصوصا أن ميادة اتطلقت من جوزها من خمس شهور وراجعة ترجع اللي فكراه حقها ..بس ميادة متعرفنيش...متعرفش اني هح*ارب عشان جوزي ...هحا*رب عشان ابني اللي في بطني ...مش هخلي واحدة فلتا*نة زيها تاخده مني .. ابتسمت لميادة وقولت:

-جوزي مش لعبة عشان تاخديها يا ميادة ده انسان انتي اللي خو*نتيه الاول واتجوزتي واحد ناق*ص مسح بيكي الأرض فمتجيش تبكي دلوقتي عشان اتجوز غيرك ...انس يبقي جوزي وأبو ابني...مكانه هنا معايا وانتي ملكيش مكان لا في حياته ولا في قلبه حتي الراجل الحقيقي مبيحبش الست الخا*ينة ...

وشها جاب الوان بس تماسكت وقالت:

-هو بيحبني انا وهيرجعلي وصدقيني ساعتها هخليه يطر*دك من البيت ...

ابتسمت وقولت:

-واضح انك انتي اللي هتتط*ردي من البيت النهاردة ...

ضحكت وقولت:

-صباح الخير حبيبي ...

بص انس لميادة اللي قاعدة عندنا بدهشة بس ودا وشه الناحية التانية فقولت:

-ميادة جات تباركلي لما عرفت اني حامل بس للاسف قالت هتمشي دلوقتي ...يالا يا ميدا عشان متتأخريش علي معادك ...

بصتلي ميادة بصدمة بس مقدرتش تتكلم بس عرفت من لمعة عينيها أن الموضوع مخلصش ...

مشيت ميادة وانا قعدت للحظات خايفة من اللي ناوية عليه ...أنا صحيح عمري ما اتخلي عن أنس بس افرض هو اللي اتخلي عني ...افرض هو كان لسه بيحبها ..ايه هيكون وضعي ...أنا عارفة أنه لسه محبنيش لحد دلوقتي بس انا هحاول ...هحاول عشان خاطر بيتي ...هحا*رب ميادة لآخر نفس ....

.....

مرت الايام من غير مشاكل ...انس شخص مريح وبيحترمني بس ده مكانش كفاية أنا كنت عايزة قلبه وهأخده.....بس اللي مكنتش عاملة حساب اللي هيحصل ...

كنا في تجمع عائلي ولقيت فجأة ميادة واهلها جم ...بصيت لانس اللي كان متوتر...ضحكت ميادة ليا بإنتصار ...كان فيه حاجة بتحصل أنا مكنتش فهماها...ابتسامة ميادة دي وراها حاجة وانا لازم افهمها كويس ...فجأة بدأ حمايا يتكلم ...كان متردد اوووي وهو بيقول:

-ابتهال يا بنتي فيه حاجة كنا حابين نقولك عليها ...

بلعت ريقي واتماسكت فكمل هو:

-احنا قررنا أن أنس يتجوز ميادة!!

متنساش ان الرواية موجودة كاملة في قناة التلجرام والواتساب

للانضمام لجروب الواتساب اضغط هنا

للانضمام لقناة التلجرام اضغط هنا
لقراءة الفصل التالي اضغط علي السهم الموجود في جهة اليسار و لقراءة الفصل السابق اضغط علي السهم الموجود في جهة اليمين

↚

-وانا مش موافقة ..

قولتها ببرود وبصيت لميادة ...كنت عارفة خطتها كويس ...هي استغ*لت المشاكل اللي عندها عشان تاخد جوزي ...كنت عارفة أنها هتعمل كده لان دي ورقتها الوحيدة .. متعرفش الغب*ية أنها ادتني فرصة كبيرة ...

بصلي خالي بصدمة فقومت وقولت:

-انا مقبلش القرار ده ولا اقبل ض*رة يا خالي ...

بصيت لأنس وقولت:

-ما دام عايز تتجوزها خلاص المأذون اللي يجوزكم هو هو اللي يطلقنا يا أنس ومتقلقش هخليك تشوف ابنك و....

قاطعني انس وهو بيمسك أيدي وهز رأسه وقال:

-مستحيل ده يحصل لا فيه جواز هيحصل ولا طلاق ...

بص لأبوه وقال:

-اظن لما عرضت عليا الموضوع يا بابا قولتلك اني هفكر في حل تاني لأن ميادة بنت خالتي ...بس انت كده بتخر*ب بيتي ...لاني ...

رفع رأسه ومسك أيدي وقال:

-انا بحب مراتي ...

بهت ...مكنتش مصدقة ...أنس بيحبني ...

بصتلنا ميادة بصدمة فكمل :

-انا مراعي ان بنت خالتي عندها ظروف ق*هرية وعارف ان جدي كلمك عشان اتجوزها واحميها من جن*ان جوزها القديم اللي مس*وء سمعتها في كل مكان وبيبت*زها بس انا مش هخ*رب بيتي عشانها ..خصوصا اني مش مستعد اخ*سر مراتي يا بابا ...

بصله خالي بغضب وقال:

-يعني هترضي مراتك علي حسابي ...هتع*صي أوامر ابوك عشان واحدة ست !!!..

-الست دي تبقي مراتي اللي وقفت جمبي مش اللي رم*ت دبلتي لما لقت الاغني مني ...

عيون ميادة دمعت وبصت للأرض ...أنا ابتسمت بتش*في فيها لان لعبتها اتقلبت ضدها بس للاسف خالي كان في صفها فقال بغضب :

-يبقي خلاص اختار يا أنس أما تتجوز ميادة ومتسمعش لكلام مراتك او لا انت ابني ولا اعرفه ...

الموضوع بقا اصعب كده ...خالي واقف جمب ميادة بشكل غريب ...ازاي قدرت تقنعه بده ...أنس أتوتر وهو بيبص لأبوه ...أبوه كان بيتكلم بجد ...هيقا*طع ابنه عشان ميادة ...بصتلنا ميادة وهي مبتسمة بإنتصار فتدخلت أنا وقولت:

-يعني هتجوز ابنك بالغصب يا خالي ...وطب ده ينفع يعني ميادة هترضي بواحد مش طاي*قها اصلا ..دي تبقي معندهاش كر*امة ..

-انا عارف يا بنتي اني باجي عليكي بس دي واحدة غلبانة طليقها مبهد*لها وعايزة راجل يحميها ...

-ويعني هما الرجالة خلصوا مفاضلش الا جوزي يا خالي أنا مش موافقة وزي ما قولت اللي هيكتب عليهم يطلقني من ابنك أنا مقبلش شريك ليا ولا اقبل اكون نمرة تانية ...وخلص الكلام ...

وبعدين مشيت وانا بنهي الحوار ...بيقولوا الز*ن علي الودان أمر من السح*ر ...مشكلة خالي أنه طيب وميادة خبي*ثة قدرت تكسب تعاطفه معاها ...لكن لا أنا مش هسيب جوزي ليها ....

مرت الايام وخالي مقاطعنا انا وجوزي كنت شايفة أنس متضايق ...دلوقتي بقت المشكلة الأكبر أن خالي مخد*وع فيها ...أنا كنت فاكرة انس هيحنلها لكن طلع عاقل وهي مس*تغلتش أنس بس استغ*لت عاطفة جدي وخالي وهما تعاطفوا معاها ونسيوا اللي عملته في أنس ...

....

في يوم روحت لأنس وقولت:

-انا مقدرش اخلي فيه مشاكل بين الأب وابنه عشان كده انا معنديش مانع تتجوز ميادة !!!

متنساش ان الرواية موجودة كاملة في قناة التلجرام والواتساب

للانضمام لجروب الواتساب اضغط هنا

↚

-انا مبسوط انك عقلتي يا بنتي

قالها خالي بحب وهو بيحضني ...شوفت من بعيد وش ميادة مصدوم ...ابتسمت وقربت منها ومسكت ايديها وقولت ؛

-انا اسفة يا ميدا كنت أنا*نية ...مشوفتش معا*ناتك وموثقتش في نفسي ...أنا عارفة أن أنس بيحبني وان بس هيتجوزك شفقة بس رغم كده كونت أنا*نية ...كان مفروض أنا اللي اقف جمبك اصلا ...بص خلاص أنا عرفت غلطتي يا حبيبتي وهقف جمبك ...أنس حبيبي هيتجوزك وكمان هنعملك فرح محدش هينساه ابدا وانا اللي هختارك الفستان بإيدي كمان ...

كانت فعلا مصدومة ...ابتسمت ليها وحضنتها وقولت:

-انتي اختي يا هبلة مش هنخ*سر بعض عشان حاجات زي دي ...مش هخ*سر صحبتي عشان انان*يتي ..

بعدين بعدت عنها وبصيت لخالي وقولت:

-اسفة يا خالي اني عار*ضتك ...نسيت أن بعد وفاة اهلي انت اللي ربتني ...أنا بجد كنت معمية...بس دي غير*ة ستات فارغة وانت عارف ...أنا من النهاردة اللي هشرف علي جواز أنس وميادة بنفسي ....

.....

مرت الايام وانا بساعد اللي هتبقي ضرتي بمنتهي الطيبة ...أنا اللي لفيت معاها عشان اختارلها فستان الفرح ...اختارتلها الميكب واللبس وكل حاجة ...ميادة كانت مصدومة من تصرفي وكذا مرة تسألني ليه اتغيرت كنت برد أن مهما حصل أننا كنا أصحاب وكتير قولتلها أن مفيش راجل هيفرقنا ...من ناحية تانية أنا وانس علاقتنا بتتطور ...مواعيد الدكاترة كلها بيروحها معايا ومطنش اللي هتبقي مراته ...الحاجة الوحيدة اللي مضايقاه أنه أج*برته يتجوزها...اصلي طيبة ومسمحش أن واحدة ست تتع*ذب بالشكل ده ..قرب معاد كتب الكتاب وانا كنت مجهزة نفسي اووي ...اشتريت فستان مناسب ليا كانت لسه بطني مطلعتش فطلع جميل عليا .....كنت بستعد بحماس ليوم كتب الكتاب كأني أنا اللي هتجوز. مش ميادة ...طبعا مش فرح جوزي حبيبي علي ميادة حبيبتي ؟!!...

.......

جه يوم كتب الكتاب وجدي عمل حفلة وعزم قرايينا وده عشان أنا اصريت ....كنت في اوضتي بلبس وبعد ما خلصت بصيت علي نفسي وانا بصفر وبقول:

-والله أنا خسارة في البلد دي ....

لبست الطرحة وضبطت نفسي وكنت احلي من العروسة ذات نفسها ...دخل عليا أنس وصفر وقال:

-ما نلغي كتب الكتاب ده انا معايا ست زي القمر طيب ...

-ميصحش يا حبيبي نك*سر قلب ميدا ..يالا عشان نمشي ...

مسكت أيده بحب وقولت:

-شكرا عشان وقفت معايا ...

باس أيدي وقال:

-بردلك جزء بسيط من جمايلك وبعدين أنا ضع*يف قدام الناس اللي بحبها يا أبتهال وانا بحبك اوووي

-وانا كمان يا حبيبي ...

.....

بعد نص ساعة وصلنا لبيت جدي الكبير ...كنت شايفة ميادة من بعيد مبتسمة بإنتصار وهي متشيكة ...يالا هتكون اخر ابتسامة إن شاء الله ...

قعد أنس جمب المأذون عشان يكتب الكتاب ولسه هيبدأ قولت:

-معلش قبل كتب الكتاب حابة اسمع العيلة كلها تسجيل لطيف لميدا وهي بتتفق مع طليقها أنها تتجوز أنس عشان تأخد فلوسه بعد ما طليقها فلس !!!

يتبع

متنساش ان الرواية موجودة كاملة في قناة التلجرام والواتساب

للانضمام لجروب الواتساب اضغط هنا

↚

-ايه اللي انتي بتقوليه ده يا ابتهال ؟!

قالها خالي بصدمة فابتسمت وانا بقول :

-ده حقيقة ميادة يا خالي ..متستغربش ميادة خد*عتكم كلكم ...طليقها لا بيع*ذبها ولا بيهد*دها هو بس مبيصرفش عليها زي ما عايز حتي هي لما لقيته فل*س اتطلقت منه واتفقوا انها تتجوز انس وتحاول تضحك عليه وتأخد فلوسه ...

بصيت لميادة المصدومة وابتسمت وانا بشغل التسجيل ...

بعد عشر دقايق كان الكل مصدوم وهو سامع تسجيل ميادة اللي بتتفق فيه مع طليقها انها هتتجوز أنس مؤقتا عشان فلوسه ...وفي التسجيل قالت انها هتس*تغفل خالي وتقنعه انها مظل*ومة ...التسجيل صدم الكل حتي هي ...كانت بتفكر أنا ازاي حصلت عليه ...ابتسمت بإنتصار وانا بشوف جدي بيقرب منها وفجأة بدأ يضر*بها جامد وهي بتصر*خ ....انس وقف جمبي وشه جامد ...كان الكل بيراقبها وهي بتتض*رب ومحدش فكرة يساعدها... الكل كان كار*هها مفيش الا خالي وجدي اللي كانوا مصدقينها واتكشفت ليهم حقيقتها ...

....

مرت الايام وميادة داقت الذ*ل وبالأخير جدي اجبرها ترجع لجوزها القديم عشان يتخلص منها ...حاولت تترجاه انها مش هتقدر تعيش في مستوي غير المستوي ده وان مستوي جوزها المادي مش كويس لكن جدي مسمعش كلامها واجب*رها ترجع وفعلا رجعت والعيلة قاطعتها ومحدش فكر يساعدها وهي عاشت تعيسة مع جوزها ...هو صحيح مكانش بيضربها بس بسبب حالته المادية كانت بتعاني وكانت بتحصل بينهم مشاكل كتير ...بس دي ميادة ...طول عمرها مادية بتحب الفلوس قد عينيها عمرها ما حبت لا انس ولا جوزها ...أنا كنت عارفة كده وعشان كده قررت اركز معاها واكتشفت الصدمة انها لسه بتقابل طليقها عشان كده قررت اوافق علي جوازها من أنس...لسه فاكرة شكل أنس لما قولتله يتجوز ميادة ...

......

-انا مش هقدر اشوف مشا*كل بين اب وابنه يا انس اتجوز ميادة

قولتها بهدوء فرد بعصبية:

-انتي أكيد مج*نونة صح ؟!! عايزاني اتجوز عليكي ازاي ...ازاي تد*مري حياتنا وإن كان علي ابويا يا ستي أكيد هيجي يوم ويكلمني لكن مش هه*دم حياتي وحياتك وحياة ابني بالشكل ده وإن كان علي ميادة أنا هلاقي ليها حل انتي متقلقيش ...

مسكت ايده وقولت :

-افهمني يا أنس احنا لازم تعمل كده ...لازم تكشف ميادة لجدي وخالي ...

بصلي بحيرة فقولت:

-كل اللي حكيته ميادة عن طليقها غلط أنا شوفتها امبارح لما قابلته ...كنت شاكة فمشيت وراها ...

اتصدم انس فكملت:

-خالي هو اللي رباني يا أنس أنا بعتبره ابويا ومش هقدر اخس*ره ومقدرش اسيبه مخدو*ع ...

...

رجعت من شرودي وانا ببتسم ...أنس وافق علي لعبتي دي ووافق يساعدني وانا قررت ابدأ أقرب منها صحيح هي كانت حريصة بس مش لدرجة ترفض هدية قلم كتب الكتاب اللي جبتهولها واللي كان فيه مكرفون واللي بعد ما قضيت غرضي اخدته من اوضتها ...مشكلة ميادة انها بتقبل أي هدية وخلاص ...صحيح طم*اعة بس غب*ية ....يالا هي اللي جن*ت علي نفسها مكانش لازم تتحداني قولتها اني محار*بة وهح*ارب عشان جوزي وابني وبيتي لاخر نفس ...ودلوقتي أنا اللي كسبت ثقة ورضا العيلة وحب جوزي وهي مدف*ونة في حياة مع واحد بخ*يل مبيصرفش عليها وبيخو*نها وبيطلعها تشتغل عشان هي اللي هتصرف علي البيت ...

.....

بعد شهور ...

دموعي نزلت وانا بشيل بنتي رحمة كانت صغيرة اووي وجميلة اووي ..العيلة كلها كانت محاوطاني كانوا فرحانين بولادة بنتي ..كان انس قاعد جمبي وهو حاطط ايده علي كتفي ...كنت فرحانة وانا بشوف العيلة اللي حا*ربت عشانها وفي الاخر قدرت اكسب...كسبت لاني محاولتش اخد حاجة مش بتاعتي ...كسبت لاني اتمسكت بحقوقي ...ابتسمت لأنس وانا ببصله ...فقال بصوت واطي :

-بحبك يا مح*اربة ♥️

-وانا كمان ♥️

قولتها بهمس وانا مبسوطة ...

العيلة اهم حاجة في حياتنا ...العيلة هما أول الناس اللي لازم نحار*ب عشانهم وانا ابتهال هحا*رب دوما عشان عيلتي لاخر نفس♥️

متنساش ان الرواية موجودة كاملة في قناة التلجرام والواتساب

للانضمام لجروب الواتساب اضغط هنا

تعديل المقال

نجوم الروايات

رواية عزيمة لا تنكسر كاملة جميع الفصول بقلم سوليه نصار

رواية عزيمة لا تنكسر كاملة جميع الفصول بقلم سوليه نصار