رواية ملاذ قلبي الابدي كاملة جميع الفصول بقلم بسنت اشرف
رواية ملاذ قلبي الابدي كاملة جميع الفصول هى رواية من تأليف المؤلفة المميزة بسنت اشرف رواية ملاذ قلبي الابدي كاملة جميع الفصول صدرت لاول مرة على فيسبوك الشهير رواية ملاذ قلبي الابدي كاملة جميع الفصول حققت نجاحا كبيرا في موقع فيسبوك وايضا زاد البحث عنها في محرك البحث جوجل لذلك سنعرض لكم رواية ملاذ قلبي الابدي كاملة جميع الفصول
رواية ملاذ قلبي الابدي كاملة جميع الفصول
_ عروستك عندي هي من الصعيد بس هي دي اللي هتصون عرضك يا ولدي
_ من الصعيد!!
_ ايوا يا ادم أنتَ نسيت أننا صعايدة ولا أي
وبعدين دي يعتبر بنت عمتك
_ مش فاهم يا جدي ازاي بنت عمتي وبابا معندهوش اخوات بنات؟!!
_ هي بنت بنت اخويا ولأن حضرتك مش بتيجي معانا الصعيد ابدًا علشان كده متعرفهاش
_ اها فهمت يا جدي اللي فيه الخير يقدمة ربنا
_ ماشي يا ادم بأذن الله هنسافر الصعيد في اقرب وقت
_بأذن الله يا جدي عن اذنك هطلع ارتاح شوية علشان عندي مهمة
_ماشي يا ادم
خرج ادم من حيث كان يجلس هو وجده وصعد للأعلىٰ حيث تكمن شقتهم
فهم يعيشون في منزل كبير لكل اسرة من أُسَرْ ابناء الجد "يونس" طابق يخصه هو واولاده ولكنهم يحبون بعضهم كثيرًا لذلك دائمًا ما يجتمعوا عند والدهم "يونس"
ــ حمدلله علىٰ سلامتك يا ادم وحشتني اوي
اردفت بها والدة ادم والتي تدعىٰ " رجاء " وهي تحتضنه وعينيها تفيض بالدموع
_وأنتِ وحشتيني اكتر يا ماما والله
اهدي بقىٰ لي الدموع دي كلها؟؟
_قولتلك كتير يا ادم متدخلش شرطة عاجبك حالي دلوقت وأنا حاطة ايدي علىٰ قلبي كل ما تطلع مهمة؟؟
_يوه يا ماما حصل خير خلاص قولتلك متقلقيش عليَّ ابنك مش اي حد يماااا
_اي ده اي ده كل الحب للأستاذ ادم لكن أنا ولا كأني ابنك
_بس يولا يا يوسف، اخوك متغرب لكن أنتَ مرزوع معايا علطول
_احم أنا هسكت بكرامتي احسن يا ماما
_ايوا كده خليك في حالك
ثم اكمل بتساؤل
_اومال بابا فين؟؟
_بيصلي يا حبيبي
_أبيه ادم أنتَ جيت وحشتني اوي
قالتها تمارا وهي تتعلق بأحضان اخيها بفرحة شديدة
_توتا وحشتيني اوي
_وأنتَ اكتر بكتير يا ابيه واللهِ
انضم إليهم والدهم والذي يدعىٰ " رأفت "
_ خلاص بقىٰ يا بابا متزعلش حقك علىٰ رأسي
رأفت بزعل مصطنع
_لا يا ادم علشان تتأخر علينا كده تاني
_خلاص واللهِ مش هتأخر تاني صدقوني
واكمل حديثة بمرح
_خلاص بقىٰ يا حج وبعدين أنا قررت أتجوز اهو علشان ترتاحوا
لم يكمل حديثة لأ والدتة انطلقت بالزغاريط بصوت عالي
أردف رأفت بفزع
_ما براحة يا رجاء فزعتينا يا حبيبتي
_يوه يا رأفت مبسوطة ده أنا أمنيه حياتي أشوف ادم عريس
قال يوسف بعبث
_ وأنا كيس جوافة صح؟؟
_بس يا ولا اخوك هو الكبير
اكملوا حديثهم في جو مليء بالألفة والحب
في الطابق الذي يلي عائلة رأفت
يسكن الابن الثاني ليونس وهو "وائل"
يعيش هو وزوجتة "اسماء" ولم يرزقة الله سوىٰ ثلاثة بنات "ورد وسما وفريدة" ولكنهم تاج فوق رأسة كما يقول هو
_أنا مش عايزة اتجوز يا بابا
_ لي يا دكتورة ورد يا عاقلة يا كبيرة
_ماما لو سمحتِ استني
_ يا دكتورة ورد
ده دكتور وراجل كويس أنا مقولتش اتجوزية
أنا بقول نشوفة ونسأل عنه واللي فيه الخير يقدمه ربنا
_ حاضر يا بابا لو ده هيريحكم انا موافقة
هكذا اردفت ورد بدموع
احتضنها والدها وهو يقول
_خلاص يا حبيبة بابا طالما أنتِ مش عايزة مش هنجبرك علىٰ حاجة
_أنا موافقة يا بابا بس لو مرتاحتش خلاص اوك
_اوك
_ هتفضل تدلعهم كده لحد امتىٰ يا وائل؟؟
_ هفضل ادلعهم لغاية ما اموت يا اسماء دول بناتي لو أنا مدلعتهمش مين هيدلعهم!!
احتضنتا كلًا من ورد وسما وفريدة طوالدها
_ربنا يباركلنا فيك يا بابا يا غالي
في الطابق الذي يليه يسكن الابن الثالت ل "يونس" وهو "وليد" لديه ثلاثة ابناء
اكبرهم "ياسين" ويليه "يامن" ويليهما "يزيد" وتليهما "يقين"
_مرات عمي الجامدة جموده
_ ادخلي يا فريدة روحي صحي ياسين كأني بعتاكِ
_طول عمري بقول أن انتِ اللي فيهم
اردفت نورا بحب
_روحي يا فريدة ربنا يجعلكم من نصيب بعض يا حبيبتي
تحركت فريدة من المطبخ متجهة إلىٰ غرفة ياسين حب طفولتها وشبابها وقبل أن تقرع الباب خرج ياسين
_في حاجة يا فريدة؟؟
_لا ده بس هو
_في أي يا بنتي براحة
_ لا هو طنط بعتتني علشان اصحيك
_ماشي
تركها واتجة ناحية المطبخ فتمكن منها فضولها فدلفت إلىٰ غرفته وهي تطلع في جميع الانحاء وعلىٰ صوره بحب شديد
_ياااااه بحبه اووي ابن القمرر ده
_أي الكلام اللي بتقولية ده؟؟
اردفت فريدة بتوتر
_ مفيش
_هعتبر أني مسمعتش حاجة يا فريدة لأنك مش اكتر من اختي فياريت دماغك متروحش بعيد علشان لو سمعت الكلام ده تاني هضطر اقول لعمي بعد كده
_ بس أنا بحبك يا ياسين
_وأنا مش بحبك يا فريدة أنتِ اختي وأنا هتجوز بعد كده فياريت متفكريش في الكلام ده تاني
خرجت فريدة من الغرفة ودموعها تسبقها
اردفت "نورا" بخوف عليها
_فريدة مالك يا حبيبتي
لم تتوقف فريدة بل اكملت سيرها وهي تنزل إلىٰ الأسفل لتدلف إلىٰ غرفتها وهي تبكي بشدة
متنساش ان الرواية موجودة كاملة في قناة التلجرام والواتساب
للانضمام لقناة التلجرام اضغط هنا
لقراءة الفصل التالي اضغط علي السهم الموجود في جهة اليسار و لقراءة الفصل السابق اضغط علي السهم الموجود في جهة اليمين
لقراءة الفصل التالي اضغط علي السهم الموجود في جهة اليسار و لقراءة الفصل السابق اضغط علي السهم الموجود في جهة اليمين
↚
_ هي دي العروسة؟!
أردف بهذه الجملة "ادم" وهو يتحدث بصدمة
وهو ينظر إلىٰ القابعة امامه
_ في أي يا ادم ايوا هي العروسة
_لا مفيش يا بابا بس أنا قصدي مش هشوف وشها يعني
أردف "بدري" جد حوَّاء العروسة
_ وه يا ولدي عاد كيف عايز تشوف وشها ميصحش هي منتقبة
_لا عادي بس المفروض دي الرؤية الشرعية وشيء مسموح أني اشوف وشها!!
_وأحنا مش عايزينك تشوفها يا ولد ولد اخوي
احنا حريمنا مش بتتكشف علىٰ رجالة
أردفت فريدة بهمس ل تمارا
_ اي الغباء ده، هيتجوها ازاي وهو مشفهاش؟؟
_اسكتِ يا بت عييييب لحسن حد يسمعنا
قال "يونس" وهو يتحدث إلىٰ ادم
_خلاص يا أدم متمسكش في التافهة، وبعدين حوَّا جميلة أنا شوفتها وامك برضوا
_لا يا جدي احنا مش هنعمل حاجة غلط يعني
_ادم الكلام خلص خلاص وهتشوف عروستك بعد كتب الكتاب
_ماشي يا جدي
بعد فترة من الكلام كانوا قد اتفقوا علىٰ كل شيء وتحديد "كتب الكتاب" في اليوم التالي
وبعد ذلك يتم تحديد "الفرح"
_مبارك يا قلب امك عروستك زي القمر
_الله يبارك فيكِ يا ماما
بعد فترة كان الجميع مجتمع علىٰ سفرة الطعام ليتناولوا وجبة العشاء النساء في جانب والرجال في جانب آخر
قالت "رجاء"
_اومال عروسة ولدي مش قاعدة معانا لي؟؟!
ردت "سعدية" زوجة عم حواء
_ علشان تاخدوا راحتكم هي هتاكل فوق
_لا معلش ناديها تقعد معانا
_ماشي
وبعد فترة اتت حواء ولكنها لم تكن تتحدث كثيرًا ولا تقترب من احد وكذلك لم ترفع نقابها
فريدة وهي تحاول جذبها للحديث معهم
_صحيح يا حوَّا أنتِ خلصتي كلية
ردت حوَّاء بهدوء
_ أنا كملت لغاية الثانوية وبعدها بابا وماما اتوفوا فمكملتش
تحدثت تمارا بعبث قائلة
_يبختك أنا طول عمري بقول الست ملهاش غير بيت جوزها
وظلوا فتره يتجاذبوا الحديث إلىٰ أن خلد الجميع إلىٰ النوم
في اليوم التالي كانت التجهيزات علىٰ قدم وساق إلىٰ أن نطق الحديث بجملتة المعتادة
"بارك الله لكما وبارك عليكما وجمع بينكما
في خير" ♡
واتجه الجميع لتهنئتم إلىٰ أن انتهىٰ الحفل بسلام
في غرفة ما يجلس ادم وبجانبة حواء تجلس بتوتر وهي تفرك يديها ببعضهم
_احم طيب مش هترفعي النقاب؟؟
_ ح حاضر
رفعت النقاب بهدوء وادم ينظر لها بصدمة
_ اي ده؟!!
ردت بتساؤل
_أي؟؟
رد بصدمة وهو يشير إلىٰ وجهها الذي يمتليء بالكدمات
_أي اللي في وشك ده؟؟
ردت بتوتر شديد
_ و وقعت عادي
رد ادم بانفعال
_أنتِ بتكلمي عيل صغير؟؟
أي اللي عمل فيكِ كده؟؟
ردت هي بدموع ورجفة
_م محدش أنا و وقعت ع عادي
عندما رأىٰ منظرها وهي تكاد تموت خوفًا ورجفة جسدها ودموعها جذبها إلىٰ احضانة بهدوء وهو يمسح دموعها بحنان
_ خلاص متعيطيش اهدي كده خلاص مصدقك بس اهدي
_ م متسبنيش هنا خدني معاك ارجوك متسبنيش
يا الله اقسم بداخلة من هذه اللحظة أن يجعلها بجانبة دائمًا ولن يتركها ولو دقيقة في هذا المكان فهو ليس غبي حتىٰ يصدق أن هذه اثار وقعة
رد عليها بحنان
_اششش اهدي أنتِ وأنا مش هسييك ولا ثانية في البيت ده
ردت بخوف ودموع
_ متقولش أني أنا اللي قولتلك تاخدني معاك قولهم أن أنتَ اللي عايز كده
رد بهدوء وحنان حتىٰ يبث الطمأنينة في قلبها
_ اشش أنتِ خلاص بقيتي مراتي وعلىٰ اسمي مش عايزك تخافي من حاجة تاني نهائي أنا هفضل جمبك وهحميكِ وعمر ايدي ما هتسيب ايدك ابدًا
يالله لو يعلم ماذا فعل بقلبها يقرع كالطبول
لأول مرة منذ وفاة والديها تشعر بالامان والحنان حقًا لا تريد ترك يده ولو لثوانٍ
امسك يدها وهو يمسك نقابها وينزله علىٰ وجهها بعدما مسح دموعها وقبل جبهتها بحنان شديد خرجوا من تلك الغرفة ويداهم متشابكة
وارواحهم متصلة وقلوبهم تقرع كالطبول
_ معلش يا عمي بس أنا هاخد مراتي معايا
_ وه اي عاد الحديت ده احنا متفچين علىٰ كل حاجة وبنتنا مش هطلع من إهنه غير بعد الفرح
_وهو الجواز اي غير اشهار وانتوا ما شاء الله عليكم اشهرتوا الدنيا كلها النهاردة في كتب الكتاب والفرح احنا هنعمله في القاهرة الفرح مش هيتعمل هنا ومراتي هاخدها معايا
_چول لولد ولدك حاجة عاد يا يونس
_ والله يا بدري هي دلوقت بقيت مراتة ويقدر يعمل اللي هو عايزة معاها احنا ملناش دعوة
_ بچىٰ إكده الحديت
طلچها دلوقت حالًا
تمسكت حواء بيد ادم بشده وهي تهز رأسها بالرفض وبالمقابل شدد ادم علىٰ يدها حتىٰ يطمئنها أنه لن يتركها
_وانا مش هطلق يا حج بدري وفي نفس الوقت هاخد مراتي معايا برضوا
_هنزعل من بعض چوي بسبب ولد ولدك يا يونس
_ معلش يا حج بدري مفيش حاجة تزعل دي مراته وده حقه
_ واحنا كنا متفچين اتفاچ رجالة ميرجعش عنيه غير العيال
_ حضرتك بتغلط فينا بس انا هحترمك لأنك كبير في السن وأنك جد مراتي غير كده مكنتش هسكت
يلا يا حوَّا اطلعي هدومك علشان أنا عايز امشي دلوقت
_ احنا هنسيبكم بس علشان أنتَ جوزها وتچدر تتحكم فيها براحتك غير إكده كنا چطعنا رچبتك چبل ما تطلع من إهنه بس أنا عامل حساب لاخوي
_وده العشم برضوا يا بدري يا اخويا وبأذن الله بنت بنتك هيتعملها احسن فرح في الدنيا وانتوا هتيجوا وهتحضروا
وهتفضل في الحرص والصون متقلقش عليها
في ذلك الوقت كانت حواء في غرفتها لا تصدق أنها ستتخلص من هذا السجن والضرب والاهانة حقًا جاء من يحميها ويدافع عنها
لا تصدق ما يحدث حولها ولكنها تشعر بالفرح لأنها ستترك ذلك المكان
قطع عليها تفكيرها زوجة عمها وهي تدلف إلىٰ الغرفة بغضب
_ بچىٰ أنتِ يا بت روحتي حكتيله برضوا عايزة تخلي سمعتنا في الأرض؟؟
ردت حواء برعب
_ لا يا مرات عمي أنا واللهِ مقولتش حاجة
قولتله زي ما أنتِ قولتيلي بالظبط
بس هو اللي قال انه عايز ياخدني معاه
_ عارفة لو كنتِ بتكدبي هعمل فيكِ اي؟؟
هزت رأسها بالنفي مرات عديدة
_ لا واللهِ مقولتش ومش هقول
_ ايوا إكده تبچي جدعة
تركتها زوجة عمها وخرجت وهي في الغرفة تموت رعبًا
جهزت شنطتها بسرعة كبيرة وهي تضع اشياء بسيطة تجهزت ونزلت وهي تقف بجانب ادم وتهمس له بهدوء
_ أنا خلصت
_ ماشي يا حوَّا خليكِ جمبي وشوية وهنتحرك
اومأت له بهدوء وهي تتمسك بذراعة حتىٰ تطمئن نفسها أنه بجانبها وأن كل شيء بخير
بعد فترة خرج الجميع إلىٰ سياراتهم
لم تترك حواء ادم وهي متمسكة به بشده لذلك لن يستطيع القيادة لذا ركب يوسف من اامام ليقود هو السيارة وبجانبة تمارا ومن الخلف ادم وبجانبة حواء
انطلقت السيارات وحواء تنظر خلفها لا تصدق انها تركت ذلك المكان الذي تبغضة وبشدة
تركت لدموعها العنان
شعر بها ادم لذلك احتضنها بحنان شديد ورقة
_ كل حاجة بخير وأنا معاكِ ومش هسيبك ابدًا افتكري كلامي دايمًا
دثرت نفسها داخل احضانة وهي تستسلم للنوم في احضانة لأول مرة وهي تشعر بالأمان ولا تخف شيئًا فهو اصبح سندها وحصنها المنيع الذي يحميها ويدافع عنها
اصبح لها كل شيء
من اللحظة التي امسك بها كفها اقسمت بداخلها أن الأمان اصبح متجسد في ضمة كفه لكفها
متنساش ان الرواية موجودة كاملة في قناة التلجرام والواتساب
للانضمام لقناة التلجرام اضغط هنا
لقراءة الفصل التالي اضغط علي السهم الموجود في جهة اليسار و لقراءة الفصل السابق اضغط علي السهم الموجود في جهة اليمين
لقراءة الفصل التالي اضغط علي السهم الموجود في جهة اليسار و لقراءة الفصل السابق اضغط علي السهم الموجود في جهة اليمين
↚
يعني أي حوَّاا مش موجودة هتكون راحت فين يا تمارا متجننيش
كان يتحدث ادم بانفعال والغضب والقلق يتمكنان منه
_واللهِ يا ادم ما اعرف أنا دخلت الأوضة بتاعتها علشان اناديها علشان ننزل نتغدا سوا فملقيتهاش
_ خليكِ هنا يا تمارا ومتقوليش قدام حد وأنا هطلع اشوفها
_ماشي يا ادم متتأخرش وطمني علىٰ حوَّاا
خرج ادم من منزل جده فهذه عادتهم منذ خلقوا وهم يتناولوا الطعام جميعًا في منزل جدهم " يونس" في الأسفل حيث يجتمع الجميع "رأفت" وابناءة و "وائل" وبناتة و
"وليد "وابناءة
فهم كبروا علىٰ محبتهم ودعهمهم لبعض
صعد ادم لأعلىٰ حيث شقة والدة ودلف إلىٰ غرفة شقيقتة فوالدتة اصرت علىٰ أن تبيت حواء مع شقيقتة تمارا إلىٰ حين اقامة الفرح
_حوَّاا يا حوَّاا أنتِ فين؟؟
لم يأته رد فأقترب من باب الحمام وهو يدق عليه بهدوء
_حوَّاا أنتِ جوا؟؟
مرت دقيقة اثنان ثلاثة تم انفتح الباب ولم يشعر بشيء إلا وحوَّاا بداخل احضانة وهي تشهق من شدة بكائها
انقبض قلبه فور رؤيتها كذلك
_حوَّاا اهدي!!
اي اللي حصل طيب؟!!
طيب فهميني براحة؟
لم ترد عليه ولكنها تبكي بعنف بداخل احضانة
_اششش كفاية وفهميني في اي
حد عملك حاجة طيب؟؟
لم يسمع منها اي رد لذا فَضَّل السكوت إلىٰ أن تهدء
مرت أكثر من ربع ساعة وهي تبكي داخل احضانة دون ملل او كلل
وبعد فترة هدأت قليلًا لذا جذبها ادم من احضانة ودلف بها إلى المرحاض وقام بغسل وجهها بهدوء شديد وخرج بها وجفف وجهها وبعد ذلك اجلسها علىٰ الفراش وركع علىٰ ركبتيه وهو يمسك كفيها بين راحتيه
_ طيب ممكن اعرف دموعك الغالية دي كانت نازلة لي؟؟
_ ع علشان انتوا كلكم مكنتوش هنا وانا كنت ب بحسب إنك سبتني أنتَ ك كمان ومشيت زي بابا وماما ما مشيوا
_ يا حوَّاا أنتِ غبية؟؟
عايز افهمك انك بقيتي مراتي وعلىٰ اسمي ويستحيل اسيبك دلوقت نهائي
_معرفش انا معرفش انا بس خايفة
_ثقي فيا يا حوَّاا وصدقيني أنا يستحيل اخزلك!
_ماشي
_بس تمارا طلعتلك وأنتِ مكونتيش موجودة صح؟؟
_أنا قومت ملقيتش حد فيكم فطلعت فوق ادور عليك وبرضوا مكنش في حد خالص فنزلت تاني
_خلاص خليكِ أنتِ بس واثقة فيا وفي أني مش هسيبك وحاولي تتخلصي من الخوف المتملك منك ده!!
_مش بأيدي!
_ عارف وعلشان كده أنا هساعدك إنك تتخلصي من خوفك بس الأول احكيلي أي اللي حصل معاكِ وصلك للدرجة دي من الرهبة؟؟
ردت حواء بخوف وارتباك
_ قولتلك مش حاجة خلاص مفيش
_لا يا حوَّاا حاجة وأنا لازم اعرف أي هي ودلوقت كمان
ردت برعشى
_ م مفيش مفيش قولتلك
_حوَّاا انتِ لازم تبقي جريئة طريقتك دي متنفعش نهائي
_أنا كويسة كده بالله عليك خلاص
تنهد باستسلام
_يلا بينا ننزل
_لا لاا أنا مش عايزة انزل خلينا قاعدين هنا
_لا يا حوَّاا لازم ننزل علشان احنا بنجتمع تحت في اغلب الاوقات عند جدي يونس كلنا فَ يلا ننزل علشان تاخدي علىٰ الجو تحت
_ لا بالله عليك يا ادم مش عايزة انزل
_حوَّاا مش لسة بقولك لازم نتخلص من الخوف والرهبة اللي عندك دي تجاة الناس صح؟؟
_صح
_طيب اومال في اي!!
يلا بيناا
ردت بخفوت
_حاضر
امسك كفها وهو يشدد عليه بدعم
_بنوتي الشاطرة يلا بينا
في الأسفل كانوا جميعًا مجتمعين وهم يتناولوا الشاي
_بالمناسبة الحلوة دي كنت عايز اقول حاجة
تحدث وليد فرد عليه الجد "يونس"
_ يامن بقالة فترة بيزن عليَّ علشن اتكلم معاك يا وائل
رد وائل بانتباه
_اتكلم يا وليد هير أن شاء الله في اي؟؟!
_بصراحة كده يامن كان عايز يطلب ايد سما بنتك وانا عمَّال اقوله ينتظر لما اخوه الكبير يتجوز بس هو رافض خايف لحد يتقدملها وأنتَ توافق
لم يستمع احد منهم إلىٰ قلب ياسين الذي تحول إلىٰ فتات فهو يحب ابنه عمه وكان ينتظر الوقت المناسب حتىٰ يتحدث مع والدة في الموضوع
ولكن يالسخرية القدر فشقيقة يحب حبيبتة
لم يستمع إلىٰ حديثهم فكان في عالم آخر
لم يفق إلىٰ علىٰ صوت يامن
_ ياسيين روحت فين
_ في أي!
_بقولك اي رأيك
_في أي؟؟
_لا أنتَ شكلك مش مركز معانا اصلا وبعدين يا جدي متقلقش يعني لو سما وافقت هتبقىٰ خطوبة وكتب كتاب وفرحنا بعد ياسين بأذن الله
رد عليه وائل
_اللي فيه الخير يقدمة ربنا يا يامن أنا هكلم سما وردها هيوصلكم بأذن الله
في جانب اخر يجلس ادم وبجانبة حواء تتمسك بذراعة وكأنها ستخطف
_ يا بنتي أنتِ لو هتتخطفي مش هتمسكِ فيا كدة!!
_لا اسكت انتَ
_حاضر خرست ياريت ترتاحي دلوقت وقومي اقعدي مع البنات عادي
_لا أنا مرتاحة كدهوون
_كدهون!!
_ايوا يا ادم متبقاش رخم
_حاضر يا ست بس قومي اقعدي مع البنات يلا علشان أنا هدخل اقعد مع الرجالة مش هتنفع قعدتي جمبك دي
تمسكت بذراعة اكثر
_لا خليك قاعد هنا متقومش وتسيبني معاهم لوحدي
_متخافيش يا ست حوَّاا مش هيعضوكِ واللهِ؟؟
_لا قولتلك مش هتسيبني معاهم لوحدي ده امر مش طلب
_واللهِ؟؟
_ادم ارجوك
_خلاص يلا نقوم نقعد مع البنات مع بعض
_لا عيب أحنا مرتاحين هنااا
_حاضر لما نشوف اخرتها معاكِ يا ست حوَّاا
مرَّ الوقت وصعد كل شخص إلىٰ شقته
في الطابق الثالث حيث منزل "وائل"
_لا طبعًا يامن ده حتة عيل سما أي اللي ياخدها أنا مش موافقة
تفوهت اسماء بتلك الكلام وهي معترضة
_أي اللي بتقولية ده؟؟
يامن ابن اخويا بميت راجل واحنا كلنا عارفين كده وواخد كلية وبيشتغل محاسب في البنك وأنا مش هلاقي احسن من يامن اطمن علىٰ سما معاه
_وأنا مش موافقة يا وائل أنتَ رفضت طاهر ابن اخويا يبقىٰ متديهاش لابن اخوك
ولا هو اخوك احسن من اخويا
_اخرسي خالص يا اسماء مش عايز اسمع صوتك وكلامك التافهة ده ياريت متقزليهوش تاني علشان لو سمعت الكلام ده تاني متعرفيش اللي هيحصل اما بالنسبة ل يامن لو سما موافقة فأنا برضوا موافق
انهىٰ كلامه وهو يتجة إلىٰ غرفة بنته
_حبيبة بابا بتعمل أي
_بذاكر يا بابا علشان الفاينل
_بالتوفيق يا روح بابا كنت عايزك في موضوع مهم
تركت سما ما بيدها فهي طالبة سنتها الاخيرة في كلية "الصيدلة"
جلست بجانب والدها بتركيز
_اتفضل يا بابا
_يامن ابن عمك
_ماله يا بابا؟؟
_طالب ايدك
_ايدي؟؟
هيعمل بيها أي يا بابا؟؟
_بتت متبقيش غبية
طالب ايدك للجواز يا دكتورة
_طيب
_اي هو اللي طيب بس؟؟
ردت بخجل
_مش عارفة يا بابا
_اي اللي مش عارفاه؟
_مش عارفة اقول اي!
_طيب يا حبيبتي فكري براحتك وردي عليا
_هو يعني يا بابا يامن كويس وكده بس أنا هصلي استخارة وارد عليك
_ماشي يا سما ماشي ياروحي اللي فية الخير يقدمة ربنا
_بأذن الله يا حبيبي
متنساش ان الرواية موجودة كاملة في قناة التلجرام والواتساب
للانضمام لقناة التلجرام اضغط هنا
لقراءة الفصل التالي اضغط علي السهم الموجود في جهة اليسار و لقراءة الفصل السابق اضغط علي السهم الموجود في جهة اليمين
لقراءة الفصل التالي اضغط علي السهم الموجود في جهة اليسار و لقراءة الفصل السابق اضغط علي السهم الموجود في جهة اليمين
↚
في صباح يوم جديد مليء بالبهجة علىٰ بعضهم والحزن علىٰ البعض الآخر
_ لا يا ادم بالله عليك متروحش المهمة دي وتسيبني هنا لوحدي
_ يا حوَّاا يا حبيبتي أنا لازم اروح
الشغل مفيهوش كلام مينفعش مروحش المهمة
_لا يا ادم طيب بص خدني معاك
_اخدك معايا فين يا ماما هو أنا رايح الملاهي
تمردت دمعة ونزلت من عيونها وهي تقول
_طيب خلاص براحتك
مسح دمعتها بكف يده بهدوء وهو يقبل وجنتها
_ لي الدموع دي طيب؟؟
_مفيش دموع مفيش
_ لا في دموع في
_يوه يا ادم أنتَ رخم اوي
_ خلاص يا ستي اطمني أنا مش هتأخر عليكِ والله هرجعلك في اقرب وقت بأذن الله وبعدين أنا مش هسيبك لوحدك معاكِ ماما وتمارا وبنات عمامي وجدي يونس وبابا يا ستِ زي والدك واللهِ يعني مش هتكوني لوحدك
_بس انا هبقىٰ وحيد طول ما أنتَ مش موجود أنا مش عايزاهم كلهم أنا عايزاك أنتَ وبس يا ادم
_ يا عيون ادم أنتِ واللهِ
بس ده شغلي يا حوَّاا فاهمة وأنا بوعدك اني مش هتأخر عليكِ كمان علشان بأذن الله لما ارجع نعمل فرح كبير لأجمل عروسة في الدنيا
حاولت ألا تبكي وهي تقول
_ خلاص يا ادم ماشي براحتك أنا مش زعلانة اهو
عانقها بهدوء وهو يجلس وهي داخل احضانة
_ واللهِ أنا لو عليَّ مش عايز امشي واسيبك وأنتِ زعلانة كده بس هعمل أي حكم القوي
_هستناك لغاية ما تيجي متتأخرش عليَّ
_اوعدك أني مش هتأخر يا حوَّاا
يلا بينا ننزل تحت بقىٰ
_حاضر هقوم ادخل الحمام متنزلش وتسيبني
_منتظرك يا حوائي
دلفت إلىٰ المرحاض وهي تبكي فهي اعتادت علىٰ وجود ادم بجانبها ولم تعتاد علىٰ البقية فكيف لها أن تجلس معهم بدونه؟؟
غسلت وجهها ثم جففته وهي تضع نقابها ثم خرجت إليه
_يلا بينا
_يلا يا حرمي المصون
في الأسفل
_مالك يا أسماء ياختي قاعدة لاوية بوزك لي؟؟
تفوهت "نورا " زوجة "وليد" بهذا الكلام فردت عليها اسماء بعصبية
_ في أي يا نورا مليش ما أنا كويسة اهو
قاطعتها رجاء
_براحة يا اسماء هي بتسألك عادي واخده الكلام بعصبية لي؟؟
_هوف منكم هو انتوا هتاخدوني في تحقيق أنا حره
_براحتك ياختي أحنا ملناش دعوة بيكِ تاني وانا غلطانة اني بسألك من الأول
قالت رجاء بعقلانيه فهي اكبرهم واكثرهم حكمة
_ خلاص يا نورا حصل خير هي اسماء شكلها متعصبة مش اكتر علشان كده بتتكلم بالطريقة دي واحنا اخوات ومش بنزعل من بعض صح يا نورا
_صح يا ام ادم عن اذنكم هروح اشوف وليد علشان بينادي عليَّ
تركتهم ودلفت لترىٰ زوجها ففوجئت به يسحبها إلىٰ احد الارجاء
_ زعلانة لي يا نورا سامع صوتك عالي
_ مفيش يا حبيبي أنا كنت بتكلم أنا واسماء عادي
_ اتمنىٰ لأني ملاحظ طريقة اسماء من امبارح معانا مش كويسة مش عارف لي؟
_متقولش كده وليد ما هي كويسة عادي وبعدين هي اسماء كده علطول
_ماشي يا قلب وليد هنفضل ماشيين ورا قلبك الابيض ده لما نشوف اخرتها اي
_اخرتها فل يا ابو العياال
_قلب ابو العيال واللهِ أنا مش عارف بحبك اوي كده لي؟
_ الله يا وليد عييب اسكت احنا مش لوحدنا لحد يشوفناا
_وهو أنا شاقطك ده أنتِ مراتي ومخلفين اربع عيال كمان
_اشش اسكت
أنتَ كنت عايز اي؟؟
_كنت عايز اعرف مين اللي مزعل حبيبي
_محدش يا اخويا عن اذنك
تركته وهي تضحك وهو ينظر لأثرها بحب فمهما مرت السنين بينهم يظل يحبها وكأنهاا قامت بسحره فلا ينظر لغيرها ولا يدق قلبه إلا بوجودها
علىٰ الجانب الآخر يجلس الجد يونس وبجانبة ابناءه واحفاده
جلس وليد وهو يوجة حديثة إلىٰ اخيه "وائل"
_ها يا وائل يا اخويا مرديتش علينا لغاية دلوقت
_انتوا مستعجلين اوي؟؟
_يامن قرفني وعايز يعرف ردها مش صابر
تفوه وائل بضحك
_طيب يا سيدي متقلقش سما موافقة
رد يامن بسعادة كبيرة وحماس
_يعيش عميي وائل يعيش
واللهِ أنتِ اللي ليَّ فيهم هات بوسة يا راجل يا سكر
_ اقعد يولا اتقل شوية
_حاضر يا عمي حاضر هقعد
هنكتب الكتاب امتىٰ بقىٰ؟؟
_الله أنتَ مش قولت امبارح خطوبة بس يا عمي والفرح بعد ياسين ومش عارف اي
_أنا قولت كده
ما تقول حاجة يا حج يونس يرضيك لسة هنعمل خطوبة اللي هي فتره التعارف علىٰ اساس أننا منعرفش بعض
احنا نكتب الكتاب علطول
_اهدىٰ يا يامن شوية هو مش سلق بيض
_لا يا جدي أنا مُصِر علىٰ كتب الكتاب مش هتنازل
_حاضر يا يامن حاضر يا ابن اخويا اهدىٰ شوية
_خلاص يا عمي انتوا حرين أنا هاخد بعضي واروح شغلي يلا عن اذنكم علشان ياسين بيرن عليَّ
تركهم وخرج وهو يحدث شقيقة علىٰ الهاتف
_أنا مش مصدق نفسي يولا يا ياسين
اجابه من علىٰ الناحية الآخرىٰ
_احترمني شوية يا زفت قال ولا قال
_خلاص يا سيدي متزعلش بس ده من فرحتي
_ربنا يجعلك دايمًا مبسوط
بس خير يا يامن مبسوط اوي لي؟؟
_علشان سما بنت عمك وافقت عليَّ
صُدِم من علىٰ الناحية الآخرىٰ ولكنه تمالك نفسة
_مبارك يا يامن
_الله يبارك فيكِ شد حيلك واتجوز بقىٰ علشان انا عايز اتجوز بسرعة
_ااه ااه ان شاء الله يلا سلام علشان ورايا شغل
_سلام
مرَّ شهر وفي ذلك الوقت سافر ادم لاداء مهمته
اما عن حواء فهي تنتظره كل يوم
تريد مهاتفته ولكنها لا تستطيع فهي. لا تمتلك هاتف وتخجل أن تطلب من أحد فهي ليست معتاده علىٰ التعامل معهم
كل يوم تنتظر مجيئة او حتىٰ مهاتفته لها
_يلا يا حواء نطلع عند ورد بنت عمي علشان عريسها هييجي النهاردة
_لا أنا مش هطلع اطلعي انتِ يا تمارا
تفوهت رجاء بحنان وهي تربت علىٰ كتفها
_قومي يا حبيبتي انزلي مع تمارا يلا متقلقيش من حاجة
ردت بخفوت
_حاضر يا طنط
صعدوا لاعلىٰ معًا وكان البنات جميعهم مجتمعين
تفوهت ورد وهي توجه حديثها ل حواء
_مش بتتكلمي خالص يا حوَّاا باين انك مأخدتيش علينا لسة
_ لا هو مش كده يعني عادي
_براحة يا ستي وبعدين متقلقيش مننا احنا ابسط مننا متلاقيش وبنحب بعض جامد وبنحبك انتِ كمان لأنك مرات ادم وبعدين انا شكلي مش هقعد هنا كتير
_لا عادي انا بحبكم برضوا
دلفت اسما للداخل وهي تحدث ورد
_ يلا يا ورد تعالي علشان ننزل علشان العريس جه تحت
_حاضر يا ماما خمس دقايق وهخرج وراكِ وننزل
_ماشي وياريت يا بنات محدش ينزل فيكم تحت غير لما الناس يمشوا
_حاضر يا مرات عمي
خرجت أسماء من الغرفة وورد نظرت لنفسها في المرآه نظرة راضية فهي كانت ترتدي ادناء باللون "الهافان" وتحته جيب اسود وترتدي خمار باللون الاسود وحذاء باللون الابيض
وتضع اشياء بسيطة من مساحيق التجميل كالروج والكحل والكونسيلر
نزلوا جميعًا لاسفل فقد نزلت اسماء ومعها ررود فقط لمنزل الجد يونس أما باقي البنات فظلوا في شقة عمهم "رأفت"
في الأسفل تمت الرؤية الشرعية وقد كان العريس معيد في الكلية التي تدرس بها ورد
وكان من اسرة بسيطة ميسورة الحال
ارتاحت لهم ورد قليلًا ولكنها لم تعطيهم رد إلا بعد أن تصلي "صلاة الاستخارة"
في الاعلىٰ حيث شقة "وليد"
_هتفضل تاعب قلبي وياك يا ياسين ده اخوك الصغير هيخطب وأنتَ هتفضل كده أنا نفسي افرح بيك واشوف عيالك
_حاضر يا ماما بأذن الله
_لا يا ياسين أنتَ كل مرة بتقولي كده وبتطلع واخدني علىٰ قد عقلي مش اكتر
_لا يا ماما واللهِ
_خلاص يا ياسين الكلام خلص لو أنتَ مش حاطط عينك علىٰ بنت معينة فأنا عندي عروستك
_لا يا ماما مش حاطط عيني
_خلاص فريدة بنت عمك
_نعااااام!!
_ في أي يا ياسين وأنتَ تطول تاخد فريدة
فريدة مفيش حد في جمالها ولا اخلاقها حتىٰ
_لا يا مانا فريدة أنا مش بشوفها اكتر من عيله مطووره خالص
مش قد أنها تتجوز وتشيل بيت ومسؤلية وعندها عيال لا فريدة لا
_ لا يا ياسين انتَ متعرفش فريدة
فريدة مش زي ما أنت مفكرها نهائي
واللهِ فريدة زي القمر لو أنتَ مش عايزها يا ياسين أنا اجوزها لاخوك يزيد لكن أنا مش هتنازل عن أني اخد فريدة لحد من عيالي
_يووه يا ماما هو ان مكنش انا يبقىٰ يزيد
_انتَ اللي هتاخدها يا ياسين وخلص الكلام
_حاضر يا ماما أنا اللي هاخدها وخلص الكلام
متنساش ان الرواية موجودة كاملة في قناة التلجرام والواتساب
للانضمام لقناة التلجرام اضغط هنا
لقراءة الفصل التالي اضغط علي السهم الموجود في جهة اليسار و لقراءة الفصل السابق اضغط علي السهم الموجود في جهة اليمين
لقراءة الفصل التالي اضغط علي السهم الموجود في جهة اليسار و لقراءة الفصل السابق اضغط علي السهم الموجود في جهة اليمين
↚
في صباح جديد بعد مرور شهران تمت فيهما خطبة ورد علىٰ المدعوّ "مدحت"
اما عن يامن وسما فسيتم عقد قرءانهم عقب رجوع ادم من مهمته اما عن ياسين فمازال مجروح من فكرة زواج محبوبتة من شقيقة ولكن مع اصرار والدته علىٰ زواجه من فريدة فقد وافق وتحدث والده مع شقيقة
اما فريدة فلم تصدق نفسها كيف ل ياسين أن يتقدم لها وهو يحب غيرها كادت تجن ولكن مع حبها الشديد ل ياسين وافقت
في صباح جديد ومع انتشار نسمات الهواء الطلق كانت تقف حواء في الخارج وهي ترتدي ادناؤها ونقابها ولا يظهر منها شيء سوىٰ يديها كانت تحمل برواز بداخلة صورة لِ "ادم" قد اخذتها من غرفتة وكانت هي رفيقتها طوال الشهور الذي مرت قاطع شرودها صوت تمارا وهي تصرخ عاليًا
_ادم جه يا حوًاا تعالي ننزل بسرعة يلاا
هبت من مكانها سريعًا وهي تركض خارج الغرفة واردفت بتساؤل وامل فهي قد اشتاقت له كثيرًا
_ادم جه بجد؟؟
_ايوا واللهِ يلا ننزل بسرعة
_هو مش هيطلع
_هيطلع بس الكل تحت فَ هيسلم عليهم الأول
_طيب
_اتلحلحي يلا خلينا ننزل علشان ادم وحشني اوي
_ ماشي يلا
نزلوا لأسفل ودلفوا إلىٰ منزل جدهم في ذلك الوقت كانوا جميعهم مجتمعين لاستقبال ادم بالاحضان فهو تأخر كثيرًا لذا اشتاق له الجميع
_يااه واللهِ كلكم وحشتوني جامد
_اتأخرت علينا اوي يا ادم مينفعش الغيبة دي كلها
كان هذا رد والدتة لذا اتجة ناحيتها وهو يقبل جبينها وكفيها
_حقك عليَّ يا ست الكل متزعليش
_مش زعلانة يا حبيبي ربنا يوفقك في شغلك يارب
تفوهت تمارا وهي تقاطع حديثهم
_ادم وحشتني اوي
_وأنتِ كمان يا مضروبة وحشتيني
_تعالي يا حوًاا سلمي علىٰ جوزك
اقتربت منه بخجل من الجميع وهو تقول بخفوت
_حمدلله علىٰ السلامه
امسك كفيها بين يديه وهو يقبلهما
_الله يسلمك يا حوائي
واكمل حديثة للجميع
_احم استاذنكم اطلع ارتاح شوية
تفوهت فريدة بسرعة
_ من امتىٰ ده ان شاء الله ولا أنتَ عايز تستفرد بمراتك من ورانا يا خبيث
زفر ياسين بداخله وهو يستمع لحديثها فهو لا يطيق طريقتها علىٰ الإطلاق
رد ادم عليها بمرح
_ملكيش دعوه أنتِ واقعدي علىٰ حيلك كده
يلا عن اذنكم
تركهم وهو يخرج هو وحواء متشابكان الاصابع
صعد لأعلىٰ ودلف إلىٰ شقة والدة ثم إلىٰ غرفتة
وجلس علىٰ سريره وسحن حواء لاحضانه بشوق كبير
_وحشتيني اويييي
نزلت دموعها وهي تحتضنه بقوة
_وأنتَ وحشتني جدًا كل يوم بنتظرك بس أنتَ اتأخرت علىَّ جامد
_غصب عني يا حوائي والله بس ده شغل
_شغلك اهم مني؟
_مفيش مقارنة بينكم ابدًا
أنتِ مراتي وحبيبتي واختي وصاحبتي وام عيالي في المستقبل واهم من كل ده أنا بحسك بنتي اوي في نفسك كده
_بتحس مش متأكد؟
_لا أنا متأكد تعرفي لي؟؟
ردت بتساؤل
_لي؟!
_لأنك فعلًا مسؤلة مني ومكتوبة علىٰ اسمي وطيبتك وطريقتك معايا بتخليني اعتبر أنك بنتي الصغير وأني لازم ادلعك واحافظ عليكِ واتقي ربنا فيكِ
_ادم انتَ ممكن تيجي في يوم وتأذيني؟
_قولتلك ثقي فيَّ وعلشان اطمنك يا ستي
هوعدك دلوقت أني عمري ما هأذيكِ في يوم
انتوا خلقتوا علشان تُصانوا مش تتهانوا او تتأذوا، انتوا مكانتكم عظيمة
انتن المؤنسات الغاليات يا حوَّاا
_هي دي مثالية
وبعد ما نتجوز هتتغير؟!
_مين قال كده؟
_محدش أنا اللي بسألك دلوقت
_انا مش هتغير معاكِ ابدًا يا حوَّاا بل بالعكس هحبك اكتر وهدلعك اكتر برضوا
انهىٰ كلماتة بغمزة مشاكسة
فتوردت وجنتي حواء وهي تدفعة بعيدًا عنها
_ابعد عني ياللي مش محترم
_شكرًا يا ستي ده من زوقك واللهِ
وبعدين مش تشوفي جبتلك اي معايا
_جبت أي؟
اخرج شيء ما من حقيبتة وهو يقول
_دي علشا تلبسيهالي بعد ما نتجوز متأكد أنك هتكوني قمر
توردت وجنتي حواء فور رؤيتها لما اخرجة من حقيبتة
_طيب واللهِ أنتَ قليل الادب وانا خارجة
_استني يا حوحو مش تشوفي الباقي
تنغصت ملامحها وهي ترد
_حوحو!!
_ايوا يا حبيبتي حوحو
بدلعك يا حوائي الله!
_بالله عليك يا ادم متقولش الاسم ده علشان وحش
_مين قال كده اي دلع يخص اسم حبيبي قمر زيهه
_مش بعرف آخد معاك لا حق ولا باطل
دايمًا بتضحك عليَّ بكلامك ده!!
_اشش يا ست كفاية رط وتعالي شوفي جبتلك اي تاني
_لا يا ادم بالله عليكِ مش عايزة اشوف حاجة تانية
_تؤ تؤ يا حوائي هتشوفي برضوا مشحوار
انهىٰ كلامة وهو يخرج علبه صغيرة بداخلها هاتف
_جبتلك ده علشان اعرف اكلمك واطمن عليكِ لما مكونش موجود
ردت بسعادة
_شكرًا جدًا جدًا جدًا يا ادم أنا كان نفسي اكلمك اوي وأنتَ مسافر بس كنت مكسوفة آخد الفون من حد
اقترب منها وقبل جبينها
_مفيش بينا شكر يا حوائي أنا وأنتِ واحد
علىٰ الناحية الآخرىٰ في شقة "وائل" تجلس ورد علىٰ سريرها وهي تتحدث في الهاتف مع خطيبها "مدحت"
_ مدحت لو سمحت أنا قولتلك مينفعش نتجاوز نهائي في كلامنا احنا مجرد مخطوبين
_يا ست ورد هو أنا قولت حاجة أنا بقولك وحشتيني
_لا يا مدحت مينفعش برضوا احنا كلامنا دلوقت مينفعش
عايز تكلمني يكون في وجود بابا افضل
احنا لازم نلتزم بضوابط الخطوبة
_ماشي يا دكتورة ورد عن اذنك
اغلقت الهاتف وهي تتنهد براحة فهي لا تحب التجاوزات التي تحدث في فترة الخطوبة
لذلك هي قررت في داخلها العمل بضوابط الخطوبة حتىٰ يرضىٰ الله عنهم وعن علاقتهم ويبارك في زيجتهم فيما بعد
_مالك يا ورد
_مليش يا سما
قوليلي أنتِ اخترتي الفستان اللي هتحضري بيه كتب كتابك؟
_لا بس هو يعني يامن بعتلي ديزاين حلو فهفصل زيه أنا وفريدة هنجيب شبه بعض
_حلو يا روحي ربنا يتمملك علىٰ خير
_يارب يا ورد ونفرح بيكِ أنتِ ومدحت
علىٰ ناحية آخرىٰ في شقة "وليد"
تجلس فريدة مع نورا وهما يتحدثون في عدة امور
_أنا مش مصدقة نفسي يا مرات عمي واللهِ!
_لا صدقي يا ديدا وهتبقي مرات ابني اخيرًا ابسط يا معلم
_واللهِ انا بحس نفسي بنتك اوي في نفسي
_أنتِ فعلًا بنتي يا ديدا انتِ زيك زي يقين بالظبط
_ربنا يديم وجودك في حياتنا يارب يا مرات عمي يا قمر أنتِ
إلا علىٰ سيرة يقين هي مش بتبان نهائي لي!
_واللهِ يا ديدا حالها مقلوب بقالها اسبوع ما اعرف مالها بقت عصبية بزيادة وخست يا عين امها ووشها بقىٰ زي اللمونة من كتر الصفار وتحت عنيها مسود مش عارفة أي اللي قلب حالها
_ربنا يصلح حالنا وحالها يارب يا مرات عمي
بس ممكن يكون إجهاد او ممكن يكون عندها عذر مخليها كده أنتِ اكيد فهماني
_أنا مبقتش فاهمة حاجة نهائي يا فريدة واللهِ
اصل يقين طول عمرها لما بيجيلها عُذر مش بتتعب كده ابدً أكيد في حاجة حاصلة معاها وهي اللي وصلتها لكده
لو تريحني بس وتحكيلي!
_متقلقيش يا مرات عمر أن شاء الله كل حاجه هتكون بخير
_يارب يا فريدة يسمع من بوقك ربنا
بعد مرور عدة ايام تمت فيهم التجهيزات علىٰ خير لاتمام زواج آدم وحواء
وفي اليوم المميز للعروسين حدث ما لا يتوقعة الجميع
متنساش ان الرواية موجودة كاملة في قناة التلجرام والواتساب
للانضمام لقناة التلجرام اضغط هنا
لقراءة الفصل التالي اضغط علي السهم الموجود في جهة اليسار و لقراءة الفصل السابق اضغط علي السهم الموجود في جهة اليمين
لقراءة الفصل التالي اضغط علي السهم الموجود في جهة اليسار و لقراءة الفصل السابق اضغط علي السهم الموجود في جهة اليمين
↚
تمت التجهيزات علىٰ خير لاتمام زواج آدم وحواء
وفي اليوم المميز للعروسين حدث ما لا يتوقعة الجميع فقد آتت لآدم مهمة جديدة ومهمة لا يمكن أن يعتزر عن ادائها فهو يعمل عليها منذ فترة وهي قضية "تهريب مخدرات"
_ازاي يا آدم مش هينفع طبعًا النهاردة الفرح وعزمنا الناس ميصحش انك تمشي النهاردة
_مش عارف يا جدي دي قضية مهمة جدًا
_أي حد يروح مكانك يا آدم أنتَ اتجننت يا ابني
_ لازم أنا يا جدي مينفعش حد يروح مكاني
_وأنتَ هتقدر تكسر فرحة مراتك وتسيبها النهاردة؟؟
_لا يا جدي
احم أنا همشي بعد الفرح وهرجع علطول مش هتأخر
_يا خيبتي في واد ولدي اللي هيكسفنا ليلة دخلته!
_ اي الكلام اللي بتقوله ده يا جدي
بس ده شغلي ودي حياة ناس مرهونة في اي. ينل
_اللي تشوفه صح اعمله يا آدم بس اتمنىٰ متعملش حاجة تجرح مراتك بيها
لأن حوَّاا شافت في حياتها كتير ومش هتستحمل مراتك ضعيفة يا آدم
_مقدرش اجرحها يا جدي
أنتَ متعرفش حوَّاا بالنسبالي حياتي
يمكن اعرفها من فترة قليلة
بس الحب بس بالايام ولا السنين
_ربنا يسعدكم يارب يا آدم ويرزقكم بالذرية الصالحة
في قاعة من أكبر القاعات مقام العرس علىٰ الطريقة الصحيحة حيث كان "فرح اسلامي"
حيث النساء في طرف والرجال في طرف آخر كلاهما بعيد عن الآخير
مر الوقت والجميع في سعادة شديدة وبعد فترة وجيزة انفض العرس سريعًا لحاجة آدم في الذهاب لاداء مهمته
عندما علمت حواء بتلك المهمة اللعينة تحطم قلبها بشدة وكُسِرَت سعادتها
فَ كيف له أن يتركها في مثل هذا اليوم
هل عمله اهم منها؟؟
نفضت افكارها فكيف تقارن نفسها بعمله
فكرت بعقلها قليلًا وعلمت أن عمله مهم جدًا بالنسبة له ويجب عليه أن يؤديه علىٰ الوجة الأكمل
دلفت إلىٰ شقتها والتي تكمن امام شقة والدية
غيرت ملابسها بعد معاناة كبيرة في خلعه
جلست علىٰ الاريكه وهي مستاءه من مجيء آدم اليوم فالمؤكد أنه سيتأخر
غفت مكانها وهي تفكر ولم تشعر بشيء آخر
في الشقة المقابلة لهم
_يعني ينفع اللي ابنك عمله النهاردة ده يا رأفت
_هو مينفعش بس هنعمل أي ده شغله
_يولع شغله يا شيخ يعني مفيش إلا هو هو
مفكرش في مراته وشعورها لما سابها ليله دخلتها
_رجاء اهدي كده واستهدي بالله
ومراته متفهمة واكيد مش هتزعل
_حتىٰ لو كانت متفهمة قد اي
بس برضوا من حقها تزعل وتتقهر لما جوزها يسيبها ويمشي يروح شغله ليلة دخلتهم
_سيبها علىٰ ربنا يا رجاء
يلا تصبحي علىٰ خير
تركها ودلف إلىٰ غرفتهم اما عنها هي فجلست وهي تندب حظها في ابنها
اما عند آدم كانت الساعة اوشكت علىٰ الخامسة بعد الفجر بعدما آتم مهمته وقد صُدِمَ بعدما علم من هم تجار السلاح لكنه لم يتمكن من القبض عليهم مُتلبسين وتوعد لهم بالكثير والكثير في الايام المُقبله
نفض افكاره ولم يهتم كثيرًا فقد ذهب متعجلًا إلىٰ منزله حتىٰ يرىٰ زوجته وهو يلعن حظه مما يحدث معه
فتح شقته بمفاتحه وهو يدخل متعجلًا لرؤية حواء
دلف إلىٰ غرفة النوم فرأها تجلس علىٰ الاريكة وقد غفت مكانها
فأتجة إليها وعلىٰ وجهه ابتسامة حملها واتجه بها ناحية الفراش ليدثرها جيدًا بالغطاء وهو يقبل رأسها ووجنتيها بحنان شديد
ثم دلف إلىٰ المرحاض واغتسل وغير ملابسة وخرج متجهًا نحو الفراش ليغفو قليلًا كي يرتاح
اقترب كثيرًا من حواء وعانقها وقد غلب عليه النوم وهي باحضانه
في اليوم التالي
سقط الضوء علىٰ عينيها ليجعلها تفيق من نومتها وهي تنظر بخجل فقد كان يعانقها آدم بشدة
سحبت نفسها قليلًا من جانبه وهي تهرج من الغرفة حتىٰ تتركة نائم ولا تزعجة
نظرت في هاتفها لترىٰ أن الساعة العاشرة صباحًا فأتجهت نحو المرحاض وتوضأت وارتدت اسدالها وهي لتؤدي "صلاة الضحىٰ" وهي صلاة الاوابين
فصلاه الضحىٰ احد انواع النوافل وهي سُنة مؤكده عند الجمهور
واقلها ركعتين، واوسطها اربع ركعات، وافضلها ثمانِ ركعات، واكثرها اثنتا عشر ركعة
انتهت من صلاتها وهي تتجة نحو المطبخ لتقوم بأحضار وجبة الافطار
انتهت واتجهت نحو الغرفة
_آدم قوم علشان نفطر مع بعض يلا
يا آدم اخلص يلا
نظر لها آدم بحب يشع من عينيه
_صباح الخير يا قلب آدم
آحمرت وجنتيها وهي ترد عليه
_صباح النور يلا قوم علشان نفطر مع بعض
_ماشي يا حوَّاا هدخل التوالت وجاي وراكِ
_اشطا هنتظرك
بعد فترة قليلة جلسوا الاثنان لتناول الافطار
فتحدث آدم بخجل
_احم اسف علىٰ امبارح يعني بس كان لازم امشي
_اشش متعتذرش عادي أنا مزعلتش اصلا
_لا بتكلم جد
_عارفة واللهِ بس أنا فعلًا زعلت شوية صغننين بس ودلوقت مش زعلانة
_زعلتِ شوية صغننين!
_ايوا
_بتتكلمي زي الاطفال اوي
_لا علفكرا بقىٰ أنا كبيرة وعندي 20 سنة
_يااه يا بنتي ده أنتِ في دور عيالي اوي
_ لي أنتَ عندك كام سنة!
_كتيير مش بعد بصراحة
_آدم بطل بواخة بقىٰ وقول
_حاضر يا ست حوَّاا
انا عندي 29 سنة
_يا شيخ خضتتي أنا قولت عندك خمسين سنة
_لو كنت كبير كنت هتطلقي؟!!
_لا طبعًا ولا يحصل في حياتي حتىٰ لو عندك قد اي مكنتش هسيبك طبعًا
_اصيله يا ام رحاب
_رحاب مين!
_بنتنا يا ست حوَّاا
_لا طبعًا أنا مش هسمي بنتنا رحاب
_اومال هتسميها اي
سعاد!
_آدم أنتَ ناوي تشلني قريب صح؟!
_بعد الشر عليكِ يا روحي وأنا اعيش ازاي من غيرك وبعدين انا بهزر ولادنا هنسميهم مع بعض بأذن الله
_أن شاء الله يا دومي
_طب اي
_اي؟!
_مش هنجيب رحاب!
_بس يا دومي عيب بقىٰ
_يختييي هو بعد دومي دي في كلاام تاني
أقترب منها آدم بحب شديد وهمس لها بحبه وكلماتة المعسوله وسحبها في طوفان عشقه وأصبحت زوجته أمام الله.......
علىٰ الناحية الآخرىٰ في شقة وليد
_أنا جبت آخري منك يا يقين حالك ميعجبش حد في اي احكيلي انا امك اكتر حد عايزة مصلحتك
_يووه أنتِ عايزة اي منيي ابعدي عني ياريت
_اي يا بت قلة الادب اللي بقيتي فيها دي
_بصي ياريت تسيبيني في حالي أنا مش فايقالك
_هقول لابوكِ يا يقين علىٰ حركاتك دي وهقول لاخواتك وهما يشوفوا حل معاكِ
_قولي للي تقوليلوا هو أنا هخاف ولا أي
انا مش فارق معايا حد
دلف ياسين لغرفة اخته وهي يردف بتساؤل
_في أي صوتكم عالي كده لي؟؟
_مفيش يا حبيبي
_لا في أنتَ تخلي الوليه دي تبعد عني احسن
_وليه أي يا يقين أنتِ اتجنيتي في دماغك بتكلمي امك كده لي
_يوه انا زهقت منكم اوعوا كده خلوني اخرج اقابل صاحبتي
_اهي صاحبتها دي اللي قلبت حالها من وقت ما عرفتهاا
_مفيش طلوع يا يقين وهتفضلي في اوضتك لغاية ما أعرف أي اللي قلب حالك كده
خرج هو ووالدته وهو يغلق الباب من الخارج وهي تصرخ بهم من خلف الباب
_هو أي اللي بيحصل يا ماما
_واللهِ ما أنا عارفة يا ياسين هي باين كده اتجننت ولا اي
_لا هي فعلًا مش طبيعية يقين عمرخا ما كانت كده
_أنا خايفة ليكون حصلتلها حاجة كده او كده
_بأذن الله خير متقلقيش انا هعرف كل حاجة
بس كنت عايز اقولك حاجة
_قول يا حبيبي
_اصل بصراحة انا كنت عايزة اعمل دخلة علطول مفيش داعي اني اعمل كتب كتاب لوحده وفرح لوحده الوقت بيجري بينا وكل حاجة جاهزة
_يوم المنىٰ يا ياسين يا حبيبي
كلم جدك وعمك واللي فيه الخير يقدمه ربنا
أما عند آدم وحواء
_صباحية مباركة يا عيوني
_الله يبارك فيك يا دومي
_قلب دومك واللهِ
_بس بقىٰ متكسفنيش
_مش بكسفك بس انا بحبك
_وأنا بحبك اوي اوي يا دومي ربنا يباركلي فيك يارب
_ويباركلي فيكِ يا حوائي ونجيب ولاد كتير
قاطعهم جرس الباب
_دول اكيد اهلك
اصفر وجهها وهي ترد
_عايزين اي؟؟
_النهاردة الصباحية يا حوائي اطمني ومتخافيش انا معاكِ
_ماشي
تحرك وهو يتجة للدولاب وأخرج ملابسه وارتدىٰ بسرعة وخرج ليستقبل الضيوف
اما حواء فأرتدت ادناء باللون الاوف وايت ذات جيبة باللون الزيتي وخمار زيتي ونقاب اوف وايت
كادت أن تخرج لولا دخول آدم للغرفة
_حبيبي مرات عمك عايز تدخلك
ردت بتوتر
_عايزة اي مني؟؟
_هتطمن يا حبيبتي متخافيش وبعدين انا برة متقلقيش خالص
_ماشي
خرج آدم ودلفت زوجة عمها
_ هااه يا بت كل حاجة تمام ولا اي طمنيني
_ اهاا
_طيب ياختي هخرج انا
ذهبت وورائها حواء اتجهت إلىٰ المطبخ لتضع العصير في الاكواب وخرجت لتقديمه
وبعد فترة قليلة ذهبوا اهلها
_ياااه كويس انهم مشيوا
_فعلًا انا هدخل انام شوية علشان بعد كده ننزل تحت
_طيب
متنساش ان الرواية موجودة كاملة في قناة التلجرام والواتساب
للانضمام لقناة التلجرام اضغط هنا
لقراءة الفصل التالي اضغط علي السهم الموجود في جهة اليسار و لقراءة الفصل السابق اضغط علي السهم الموجود في جهة اليمين
لقراءة الفصل التالي اضغط علي السهم الموجود في جهة اليسار و لقراءة الفصل السابق اضغط علي السهم الموجود في جهة اليمين
↚
_يقين بتتعاطىٰ!!
أنتِ متأكدة يا ماما؟؟
ردت نورا ببكاء
_ايوا واللهِ متأكدة أنا سمعتها وهي بتكلم صاحبتها منها لله هي السبب
_اهدي يا ماما وأن شاء الله كل حاجة هتكون بخير
_يارب يا ياسين يارب
_اهدىٰ بالله عليكِ ما تعيطي كفاية
_مش قادرة اصدق اللي سمعته
_اطمني يا ماما يقين هتكون بخير ومش هتحصلها حاجة ابدًا بس ياريت محدش يعرف حاجة وباللذات بابا
وأنا هتصرف بعد فرحي
_ماشي يا ياسين
ذهب ياسين وهو مصدوم من حديث والدته
فَ كيف لاخته أن تتعاطىٰ هل جنت؟!
لكنها لم تكن كذلك في حياتها
دعىٰ لها بصلاح الحال وهو يمسك هاتفة ويطلب رقم ما
_محتاج مساعدتك
_براحة يا بني طب سلم الاول حتىٰ
_مفيش وقت للكلام ده أنتَ لازم تساعدني
_شكل الموضوع كبير
_هو من ناحية كبير فهو كبير اوي
_في أي يا ياسين
_يقين اختي
_مالها يقين؟!
_بتتعاطىٰ
_بتتعاطىٰ!!
أنتَ بتقول أي يا ياسين
_بقولك اللي فيها وأنتَ لازم تساعدني
_محدش من العيله عرف صح؟
_محدش عرف ومحدش هيعرف انا كلمتك أنتَ علشان واثق فيك ومتأكد من أنك هتساعدني
_هساعدهها طبعًا هي دي فيها كلام أنا متأكد أن اللي حصل ده غصب عنها
_صح وأنا متأكد من كده لأني عارف اختي كويس لكن هي بعد ما تتعالج وترجعلنا بالسلامة هتكون محرجة من الكل لو عرفت ان حد فيهم عرف اكيد فاهمني يا يوسف
_فاهمك طبعًا يا ياسين وانا برضوا عارف يقين كويس دي بنت عمي
أنا هشوف دكتور كويس بأذن الله
_ متأكد من كده يا دكتور يلا مع السلامة
_سلام
علىٰ الناحية الآخرىٰ اغلق يوسف الخط مع ابن عمه وهو حزين علىٰ ما وصلت إليه ابنه عمه الحبيبة وصديقته المفضلة فهو يحبها منذ الصغر تقدم إليها من قبل ولكنها لم توافق عليه واخبرته انها لا تعتبره سوىٰ اخ لها لذلك ابتعد عنها جدًا ولا يتحدث إليها إلا قليلًا في التجمعات العائلية لم يكن يتوقع ان يصل بها الحال إلىٰ ذلك ولكنه عزم علىٰ معالجتها مهما كلفه الأمر
علىٰ صعيدٌ آخر في منزل آدم وحواء كان قد مرَّ علىٰ زواجهم ثلاثة أشهر علىٰ زواجهم
وكانت اسعد ثلاثة أشهر في حياة حواء
فآدم يعاملهاا كالملكات فقد عشقته في تلك الفترة
_ يلا يا حوائي هنتاخر الفرح قرب يخلص
_شوية صغننين بس واكون خلصت استنىٰ
_حاضر يا ست حوَّاا منتظرين
بعد فترة قليلة خرجت حواء من الغرفة
_ ما شاء الله تبارك الخَّلاق فيما خلق
أي القمر ده يا حبيبي
_بس يا دومي علشان بكسف
_يلا يا قلب دومي نزلي نقابك ويلا بينا
_اشطا يا دومي يلا بينا
في قاعة كبيرة مُقام عرس "ياسين وفريدة"
_يووه يا ياسين متبقاش خنيق كده يا راجل وسيبني ارقص
_لما يطلعلي قرنين يا ست فريدة ابقىٰ وقتها قومي ارقصي قدام الناس دي كلهاا
_خنيق طول عمرك انا اعرف أي اللي خلاني احبك
رمقها بغضب وهو يمسك يدها بشده حتىٰ لا تفاجأه بشيء من جنونها
_خلاص سيبني أنتَ مش ماسك حرامي
_لا يا فريدة انا مش واثق فيكِ بصراحة
_هووف مكناش عملنا فرح احسن
_ياريت
في إحدىٰ الاماكن يجلس يوسف وبجانبة يقين
_عايز اي مني
نعم اتفضل
_اي الطريقة الزفت دي ما تتكلمي كويس
_أنتَ السبب انا مش مسمحاك
رد عليها باستنكار وهو يشير علىٰ نفسة
_أنا السبب!!
أي الكلام ده
_ايوا الحقيقة ان انتَ السبب يبقىٰ تبعد عني
انا عارفة انك شمتان فيا دلوقت
_يقين انتِ وحياة ربنا مش بتفهمي وهبلهههه
_شكرًا بس انتوا ابعدوا عني كلكم وسيبوني براحتي أنا حرة
_لا مش حرة يا يقين
أنتِ ازاي تعملي حاجة زي دي
أنتِ مفكرتيش في جدك او ابوكِ او حتىٰ عمامك لما يعرفوا
سيبك من كده مفكرتيش في حالة امك دلوقت هي وياسين
انتِ هتفضلي طول عمرك انانية ومش بتفكري غير في نفسك
_أنا مش انانية وبكرهك يا يوسف
ايوا انا بكرهك ومتفكرش اني ممكن احبك في يوم فياريت تبعد احسن
_مش هبعد يا يقين وهتشوفي وهفضل وراكِ لغاية ما تروقي وترجعي زي الأول
بعد فترة انفض العرس وعاد كل منهم لبيته
في شقة ياسين وفريدة في الطابق الخامس فوق الطابق الذي تسكن به عائلة ياسين
_اتفضلي يا عروسة متتكسفيش
_مش مكسوفة يا ياسو وهو في حد بيتكسف من روحه برضوا
_يخربيت الجراءة انتِ ازاي جريئة كده؟
_زي السكر في الشاي يا ياسو
دلفوا للداخل وفور اغلاق ياسين للباب اردف قائلًا
_بصي يا ست فريدة انتِ تروحي دلوقتي تغيري الفستان القمر ده وتتوضي علشان نصلي
_اشطا يا ياسو هوا واكون عندك
بعد فترة خرجت وهي ترتدي اسدالها وصلت هي وياسين ليبدوأ حياتهم بم يرضي ربهم لتصبح زوجته أمام الله
بعد مرور عدة ايام سعيدة علىٰ البعض وتعيسة علىٰ البعض الآخر
_يووه يا فريدة قولتلك مفيش حاجة ياريت تبعدي عني
_لا يا ياسين في حاجة انا متاكد
واكملت بلطف وهي تعانقة
_احكيلي يا ياسين انا مراتك وحقي اني اعرف واخفف عنك حتىٰ لو بالكلام
بادلها العناق ولم يتحدث ولكنة فكر في فريدة فكيف تستطيع ان تحتويه هكذا لم يكن يتوقع أنها تمتلك تلك الكم من الحنان فهنيئًا له علىٰ هذه الزيجة
_خلاص يا حبيبي لو مش هتقدر تتكلم دلوقت عادي لما تحب تحكي أنا موجودة في أي وقت
_ربنا يديم وجودك يا فيري
في شقة آدم وحواء
_برضوا هتمشي تاني
_يا حبيبتي بقالي 3 شهور قاعد جمبك
خلاص اجازتي خلصت ولازم اروح شغلي
_ماشي
_حبييتي قموصة يا نااس
_حبيبي رخم يا نااس
_بتقلديني!
_عندك مانع؟
_لا طبعًا هو انا اقدر
هكلملك تمار تيجي تبات معاكِ لغاية ما ارجع
_هتتأخر؟
_لا هما يومين بالظبط وهرجع
_ربنا يستر عليك يا دومي
_هتوحشيني يا قلب دومك
عانقته مطولًا وهي تقبله وبعد فترة خرج وهو يودعها
في شقة وائل
_مدحت عايز يكتب الكتاب خلال الاسبوع ده والفرح بعد شهرين
_عادي يا بابا انا معنديش مشكلة اهم حاجة رأي حضرتك
_علىٰ بركة الله يا وردتي ربنا يتمملك علىٰ خير
مرت عده ايام والجميع مشغول في التجهيز إلىٰ كتب كتاب ورد ومدحت
وآتىٰ اليوم الموعود والجميع سعيد
وآدم عاد من عمله
"بارك الله لكما وبارك عليكما وجمع بينكما في خير"
انطلقت الزغاريط والتهاني علىٰ كل من مدحت وورد
وبعد فترة طلب منهم مدحت أن يخرج مع ورد قليلًا فوافقوا
_هو انا كده ينفع اتكلم معاكِ عادي ولا ممنوع
_احم لا عادي انتَ دلوقتي بقيت جوزي
_طيب الحمدلله
قبل يدها وهو يقول
_انا بحبك اوي يا وردتي
من اول مرة عيني وقعت عليكِ وأنا حبيتك
ادبك واخلاقك وطريقتك وكل حاجة فيكِ
خجلت وهي ترد
_شكرًا
_شكرًا!!
_ايوا اومال اقول اي
_لا متقوليش
جبيلي شلل بس
_بعد الشر عليك يا مدحت
_خايفة عليَّ يا قلب مدحت
_طبعًا مش جوزي
_جوزك بس؟؟
_وهو في اكتر من كده
_حبيبك مثلًا
_مثلًا مثلًا
_ورد يلا نرجع قبل ما اتشل هنااا
متنساش ان الرواية موجودة كاملة في قناة التلجرام والواتساب
للانضمام لقناة التلجرام اضغط هنا
لقراءة الفصل التالي اضغط علي السهم الموجود في جهة اليسار و لقراءة الفصل السابق اضغط علي السهم الموجود في جهة اليمين
لقراءة الفصل التالي اضغط علي السهم الموجود في جهة اليسار و لقراءة الفصل السابق اضغط علي السهم الموجود في جهة اليمين
↚
مرت الأيام سريعًا والجيمع يعيشون في سعاده ما عدا يوسف الذي يتوجع علىٰ وجع محبوبته التي لا تبالي به ولا بقلبه
_عمي أنا جيت لتاني مرة وبطلب ايد يقين من حضرتك
_ بس يا ابني
رد ياسين سريعًا
_مبسش يا بابا هو ده اللي المفروض يحصل
_انتَ بتقول اي يا ياسين أنتَ عايزني نجبر اختك علىٰ حاجة مش عايزاها
_لا انا مقولتش كده بس يوسف كلمني الاول وانا كلمت يقين وهي موافقة
اردف الجد "يونس" بتفاجأ
_ أنتَ بتتكلم جد دي يقين كانت رافضة جدًا المرة اللي فاتت
_علشان كانت صغيرة يا جدي لكن هي دلوقت كبرت وعارفة كل حاجة
_طيب يا ابني اللي فيه الخير يقدمه ربنا
_يارب يا جدي وبم أن يقين موافقة واكيد محدش فيكم عنده اعتراض
فبعد اذنكم طبعًا أنا عايزة اعمل الفرح خلال الأسبوع ده ومحدش يقولي استعجال
لأني فعلًا مستعجل علشان لازم اسافر دبي عندي مؤتمر طبي هناك وبالمرة نعمل شهر العسل هناك
_ اي يا يوسف ده مش هنلحق نعمل حاجة نهائي
_معلش يا عمي بس لازم نتصرف لأنه مؤتمر مهم
_خلاص خلي الفرح لما ترجع
_مش هينفع يا عمي ارجوك قدر موقفي
_هشوف يقين وارد عليك
_يقين موافقة يا بابا أنا اتكلمت معاها في كل حاجه
_ده انتوا مظبطينها من ورانا بقىٰ
_اللي حصل بقىٰ يا عمي أنا ما صدقت بنتك وافقت
_واقع اوي يا يوسف
_احم متكسفنيش يا بابا بس دي الحقيقة
علىٰ الناحية الآخرىٰ يجلس آدم وبداخل احضانه حواء وهما يتحدثون
_بس برضوا لازم نروح للدكتور أنتِ مش شايفة شكلك بقيتي عامله ازاي وشك مصفر اوي
_يا دومي متقلقش عليَّ انا بخير وده دور برد بسيط هاخد علاج وهبقىٰ كويسه
_تؤ تؤ هنروح للدكتور يا حوَّاا مش هستنىٰ لما تتعبي اكتر
_يووه عنيد اوي أنتَ يا دومي
_لازم اطمن عليكِ يا حوَّاا
أنتِ روحي يا حوَّاا
_ربنا يديمك يا دو....
لم تكمل كلامها وهي تشعر بانقلاب معدتها وأنها علىٰ وشك التقيء لذلك دلفت سريعًا إلىٰ المرحاض وهي تخرج ما في جوفهاا
وبعد فتره بسيطة خرجت وهي تشعر بالدوار يداهمها وفور خروجها عانقها آدم بحب وهي يحملها وجلس بها علىٰ الأريكة
_احسن دلوقت
_ااه الحمدلله بس عندي دوخة بسيطة
_خلاص مفيش كلام تاني قومي البسي يلا
_هبقىٰ كوي.....
_اسكتِ يا حوَّاا مش عايز اسمع صوتك
يلا قومي البسي
_مش قادرة أنا دايخة اوي لو قومت هقع
_معلش يا حبيبي قومي وأنا هساعدك
ساعدها آدم علىٰ ارتداء ملابسها بحب وكانها آبنته وليست زوجته
_يلا بينا
_آدم لو موت متتجوزش غيري
_آخرسييي يا حوَّاا
لو سمعت الكلام دهههه تاني هقطعلك لسانك من لغلوغه
_خلاص سكت اهوو
_ايوا كدهههه
علىٰ صعيد آخر يجلس ياسين وهو غاضب بشدة وبجانية فريدة تبكي
_خلاص اسكتييييي مش عايز اسمع صوتك
فزعت من طريقته وازداد بكاؤها ولم ترد عليه
_لما اقول كلمهه تتسمع مش ناقصة دلع هي
هتفضلي طول عمرك مدلعهه كدههه خلاص انسي الدلع اللي كان عند ابوكِ أنتِ دلوقت ولية متجوزة وشايلة مسؤلية بيت خفي دلعك ده شويه
بكت اكتر وهي تستمع لحديثه
اقترب منها فخافت ووضعت يديها امام وجهها خوفًا من أن يضربها واردفت بخوف
_خلاص بالله عليك سكت اهو
كانت تتحدث بشهقات وهي تحاول كبح دموعها
اما ياسين فقد صُدم من خوفها فهو لن يضربها مهما حدث
_اهدي يا فريدة
_حاا ضر س سكت اهو بس متضربنيش
_أنا اسف اني خوفتك كده بس واللهِ العظيم ما كنت هضربك اصلا
_م ماشي
عانقها فضمته أكثر وهي تبكي وتشهق وهو يهدئها بكلماته المعسوله
خلاص بقىٰ يا فيري غرقتيني من كتر العياط
اي ماسورة وانفجرت
_انتَ السبب زعقتلي اوي وعلطول متعصب عليا من غير سبب وبحسك بتكرهني علطول ومن وقت ما اتجوزنا عمرك ما حسستني إنك بتحبني نهائي
_أنا مش بكرهك يا فريدة
_ومش بتحبني يا ياسين
انتَ لما بتقرب مني مش بحس بحبك نهائي
بحس ان ده واجب عليك بتعمله وما بتصدق تخلص علشان تقوم
لم يستطلع الرد عليه فكل كلامها صحيح
اكملت هي برجاء
_قولي إنك بتحبني يا ياسين طمني إنك هتفضل معايا علطول هاا قول
_فريدة
_خلاص يا ياسين ردك وصلني
انا عايزة اعرف بس أنتَ اتجوزتني لي
طالما مش بتحبني
لي توجع قلبي كده يا ياسين
حرام عليك والله
_اهدي طيب يا فريدة
_ابعد عني يا ياسين مش عايزة اشوف وشك
ابعد عني ارجوك
دلفت للغرفة وهي تتحسر علىٰ ما وصلت إليه مع زوجها التي تعشقه فها هو يحب آخرىٰ فهي تعلم من قبل زواجهم ولكنها لم تكن تتوقع ان يتزوجها وهو يحب آخرىٰ فقد ظنت أنه لا يحب اخرىٰ ولكنه في هذه اللحظة تكره اليوم الذي تزوجته به
في الجامعة وبالتحديد في كلية الطب
تجلس ورد في المدرج قبل بدأ المحاضره فسمعت همس احد زملاؤها
_انا معرفش الدكتور مدحت ماشاء الله عليه أي اللي عجبه في دي محظوظة بنت الأيه يبختها
_اسكتِ يا زفتههه لحسن تسمعنا وتقول للدكتور
_ياختي بلا خيبة ناس محظوظة مش زينا موكوسين
_لا يا ماما قولي علىٰ نفسك بس انا جوزي ماشاء الله عليه
_واللهِ محسساني انك واخده واحد وكيل وزرا
ده حيالله حتة محامي
_وهما مالهم المحامين يا ست سُمية
وبعدين ملكيش دعوة بجوزي انا اديني بقول
أنا لو لفيت الدنيا كلها مش هلاقي زيه
لم تقصد ورد سماعهم ولكنهم جالسات قريبًا منها مرت فترة قصيرة وهي تفكر في حديثهم ولكن قاطعها دخول الدكتور لتبدأ محاضرتهم
وبعد أن انتهت انتظرها مدحت وخرجوا سويًا
_مراتي حبيبتي عاملة اي؟
_ بخير بوجودك
_يااه ده احنا اتطورنا اوي كده
_خلاص مش هتكلم تاني
_لي بس ده أنا بقول اتطورنا
_طبعًا أنا في التطور معنديش يماا ارحميني يا دوك
_قلب الدوك يا نااس
_بس خلاص اسكتت
_حبيبي بيكثف يانااس
متنساش ان الرواية موجودة كاملة في قناة التلجرام والواتساب
للانضمام لقناة التلجرام اضغط هنا
لقراءة الفصل التالي اضغط علي السهم الموجود في جهة اليسار و لقراءة الفصل السابق اضغط علي السهم الموجود في جهة اليمين
لقراءة الفصل التالي اضغط علي السهم الموجود في جهة اليسار و لقراءة الفصل السابق اضغط علي السهم الموجود في جهة اليمين
↚
تجلس حواء في منزلها بسعادة كبيرة وهي تحسس علىٰ بطنها فهي لا تصدق حتىٰ الآن أنها تحمل داخل احشائها ثمرة حبها هي وآدم
فعندما ذهبوا إلىٰ الطبيب قام بالعديد من الفحوصات والتحاليل وقد اظهر التحليل انها حامل في شهر ونصف
دخل آدم من الخارج وهو يحتضنها من الخلف
_مبارك علينا يا حبيبي
_أنا مبسوطة اوي يا آدم انا مش مصدقة نفسي
_لا صدقي يا حوائي
_انا بحبك اوي ربنا يديمك ليَّ يارب
_يارب يحبيبي وتقومي بالسلامه
أنا مش عارف هنتظر ازاي لغاية ما ييجوا علىٰ الدنيا بخير
_هييي يا دومي الأيام بتجري وانتَ هتبقىٰ احلىٰ بابا في الدنيا
_حبيبتي ياناس هاتي بوسة
_تؤ تؤ انتَ مسمعتش الدكتورة قالت اي؟
_حبيبتي أنتِ تقريبًا حافظة مش فاهمة
ردت عليه بضحكة بسيطة
_باين كده
_هبلة ياناس
علىٰ الناحية الآخرىٰ يجلس يوسف وهو يرتدي بدلته فاليوم عقد قراءنة علىٰ ابنة عمة فقد مرَّ ثلاثة ايام وها هو اليوم الذي سيتم فيه اتمام زواجهم
_يا ابني انتَ متأكد من اللي بتعمله ده
بصراحة كده انا مش برتاح لبنت عمك دي نهائي
_يوه يا ماما أي اللي بتقولية ده بس
_دي الحقيقة يا يوسف
_بصي يا ماما واللهِ يقين بنت عمي طيبة جدًا
_خلاص براحتك يا يوسف عادي انتَ حر
_الله
يعني انتِ مش راضية عني كده
_مقدرش يا يوسف يعلم ربنل راضية عليكم كلكم وبدعيلكم في كل فرض ف
_ربنا يباركلنا فيكِ يا ست الكل
_ويصلح حالك ويهديك ويوفقك يا حبيب قلب امك
عند فريدة كانت ترتدي ملابسها ووجهها شاحب وتتحرك بصعوبة وياسين يحاول مساعدتها ولكنها ترفض ان تظهر ضعفها امامة فمنذ ما حدث وهي لا ترفض الحديث معه
_هو احنا هنفضل كده كتير
لم ترد عليه فهي تشعر بالغثيان
_فريدة لما اكلمك تردي عليَّ
ردت عليه بخفوت ووهن شديد
_نعم
_مالك يا فريدة حاسس إنك تعبانة
_مليش انا كويسه اهو
_فريدة متكدبيش
_ياسين لو سمحت سيبني في حالي
_يووه دي مبقتش عيشه معاكِ
أنا خارج وانتِ ابقىٰ انزلي روحي مع اي حد تاني
_براحتك يا ياسين انزل أنا مش فارق معايا اصلًا
فور خروجة من الشقة اجهشت في بكاء مرير وهي تحاول كتم شهقاتها ولكن دون ارادتها ارتفع صوت بكاؤها أما هو في الخارج يستمع إلىٰ صوت بكاؤها والالم يعتصر قلبه مما يسببه لها
اراد ان يدلف إليها ولكنه قرر تركها حتىٰ تهدأ
علىٰ الناحية الآخرىٰ في صالون التجميل
كانت تجلس كلًا من "يقين وسما" فاليوم عرسهما معًا
اردفت ورد بابتسامة
_قمر يا بنات ما شاء الله عليكن
ردت عليها سما بخجل
_ تسلميلي يا وردة أنتِ اللي قمر واللهِ
اما يقين فلم ترد فهي لا تريد الزواج من يوسف وكأن اليوم قد حكموا عليها بالاعدام
رن هاتف ورد فخرجت لترد
_الو ازيك يا مدحت
_الحمدلله يا قلبه جهزتِ نفسك
_ايوا خلصت اهو وبعد شوية هييجوا يوسف ويامن وهنطلع علىٰ القاعة هتيجي مش كده
_ايوا طبعًا مقدرش اعدي اليوم ده من غير ما اشوف حرمي المصون
_بتحب تكسفني اوي انتَ
_ما تبعتيلي صورتك اشوفك طيب
_تؤ تؤ هتشوفني في القاعة علىٰ الحقيقة يا قرة عيني
_وأنا لسة هصبر يا قلب قرة عينك أنتِ
_ايوا لازم تصبر شوية صغننين وبعدين هنتقابل
_طيب يروحي اديني صابر
ردت عليه بمرح
_صابر ولا مدحت؟
_نينيني دمك خفيف يلا يا بت باي علشان اروح اجهز نفسي كده
_اوك باي
اغلقت معة ودلفت مرة آخرىٰ للفتاتان
وبعد فترة وجيزة كان الجميع في القاعة وتم كتب الكتاب
_مش قولتلك هتبقي مراتي في يوم من الأيام
_يوسف ياريت متكلمنيش علشان انا مبقتش اطيقك اصلا
_كدابة انتِ بتحبيني بس بتكابري
_يووووه منك انا مش هرد عليك
_ما تفردي وشك شوية بدل ما الناس تحسب أننا جابرينك علىٰ الجوازة
_ما انتوا جابريني علىٰ الجوازة فعلًا
_لا يا قطة أنتِ اللي جبرتينا نعمل كده فـَ خلي الطبق مستور احسن
نظرت له ولم ترد والدموع تتجمع في عينيها
تنهد يوسف بغضب من نفسة لأنه ازعجها
_خلاص متزعليش
_لا ما أنا زعلت
_حقك علىٰ راسي يا ستي متزعليش
_خلاص مش زعلانة
_طيب هاتي بوسة علشان اصدق
_ عيييييب اسكتت
علىٰ صعيد آخر يجلس يامن وهو ممسك بكف سما بفرحة شديدة
_أنا مبسوط اوي يا روحي
_وانا كمان
_يااه يا سما أنتِ بالنسبالي كنتِ حلم بعيد مش مصدق انه اتحقق
_لا صدق يا يامن اهو اتحقق
_ربنا يديمك ليَّ يا روح الروح
علىٰ أحدىٰ المقاعد يجلس الجميع ملتفين حول بعضهم بفرحة وود
اردف ياسين قائلًا
_ فريدة فين؟
_ هي مش معاك!
_لا مش معايا قالت أنها هتنزل وهتروح معاكم
_ازاي احنا نحسبها معاك يا ياسين!!
_خلاص يجماعهه خير انا هشوفها
_بس انا رنيت عليها مردتش فكنت بحسبها معاك
_خلاص يا وردة أنا هشوفها متقلقوش
_طيب يا ياسين روح وتعالىٰ طمني علىٰ مراتك
_ماشي يا ماما
ذهب ياسين سريعًا وهو يحارب الزمن يود لو ان له جناحين حتىٰ يصل إلىٰ زوجتة سريعًا
ومرت ساعة ونصف في المواصلات إلىٰ ان وصل أخيرًا
دلف سريعًا للمنزل وهو يبحث عنها في ارجاء الشقة واخيرًا دلف إلىٰ غرفة النوم وصُدم مما رأىٰ