رواية هوية غامضة كاملة جميع الفصول بقلم نعمه احمد
رواية هوية غامضة كاملة جميع الفصول هى رواية من تأليف المؤلفة المميزة نعمه احمد رواية هوية غامضة كاملة جميع الفصول صدرت لاول مرة على فيسبوك الشهير رواية هوية غامضة كاملة جميع الفصول حققت نجاحا كبيرا في موقع فيسبوك وايضا زاد البحث عنها في محرك البحث جوجل لذلك سنعرض لكم رواية هوية غامضة كاملة جميع الفصول
رواية هوية غامضة كاملة جميع الفصول
"صحيت من النوم دماغى مصدعه جدا "
قومت وانا ماسكه دماغى من الألم:آااه يا دماغى
ببص حواليا لقيتنى فبيت غير بيتنا واوضه غير اوضتى بعد شويه لقيت الباب بيتفتح حطيت ايدى على شعرى تلقائيا وببص حواليا عشان الاقى الخمار والنقاب الباب اتفتح ودخل احمد ابن عمى اول ما شوفته غطيت نفسي
بصدمه:ايه اللى انتى عاملاه فنفسك ده يا بنتى
=انت ازاى تدخل عليا كده من غير ولا احم ولا دستور،اطلع بره لو سمحت
_اطلع بره ايه يا بنتى انتى مجنو*نه
=اطلع بره يا احمد عشان مفرجش عليك أمة لا اله الا الله انا مش لابسه النقاب
_عادى يعنى ايه اللى فيها
=عادى !!عادى ايه وانا من امتى بخليك تشوفنى من غير نقاب يعنى عشان افهم !!
_ماشي ده كان الاول بس انا دلوقتي جوزك
=ضحكت بتريقه:طب اطلع بس ونشوف الموضوع ده بعدين
_ولا بعدين ولا قبلين نزلى الغطا ده من على وشك يلا عشان تفطرى وتاخدى الدوا
=اتكلمت بعصبية:اطلع بره عشان مناديش بابا واقوله عاللى بتعمله
حسيت بيه بيقعد عالسرير:قوليله وانا مش ماشي هااه أما نشوف بقا
لا ده انت اتخطيت مرحله البجاحه بكتير
"قومت من عالسرير وانا عليا الغطا وكنت عامله زى الشبح كده"
فجأه شدنى من ايدى لدرجه انى لزقت فيه والغطا نزل من على وشي
اتكلم بعصبيه:هوا فيه بقا انا زهقت
اتكلمت:انت اللى فيه ايه عمال تقول كلام غريب من ساعه ما دخلت
_فين الغريب اللى قولته ،كل اللى قولته انى جوزك
بتريقه :ويا ترى اتجوزنا بقالنا قد ايه
_تلات شهور ، لحقتى تنسي
=متهزرش يا احمد ارجوك
_بالله عليكى ده منظر واحد بيهزر
=اتكلمت بتوتر :طب ورينى قسيمه الجواز
بإستغراب :طيب
جابها ورهالى:اهي
_اتكلمت بعياط :اومال انا ليه مش فاكره حاجه
طبطب عليا :انا عارف ان كل حاجه جت بسرعه بس مش لدرجه انك تنسي كل حاجه
قعدت فالارض بإنهيار:ممكن تسيبنى لوحدى
_طب انتى كويسه
=آه ، سيبنى لوحدى ارجوك
بعدما طلع م الاوضه حسيت الدنيا بتلف بيا وفجأه....
متنساش ان الرواية موجودة كاملة في قناة التلجرام والواتساب
للانضمام لقناة التلجرام اضغط هنا
لقراءة الفصل التالي اضغط علي السهم الموجود في جهة اليسار و لقراءة الفصل السابق اضغط علي السهم الموجود في جهة اليمين
لقراءة الفصل التالي اضغط علي السهم الموجود في جهة اليسار و لقراءة الفصل السابق اضغط علي السهم الموجود في جهة اليمين
↚
حسيت دماغى بتلف بيا فجأه دماغى وجعتنى جدا وشوفت نفسي قدامى:
=فيه عريس متقدملك
_بس انا مش موافقه
=هوا ايه اللى مش موافقه
قعدت عالكرسي بكل هدُوء:ايه المشكله دلوقتِ
عشان افهم
=لا مفيش اى مشكله نهائي،لما ترفضى عرسان
ميترفضوش عشان حاجات لا تُذكر يبقى مفيش مشكله صح
_قومت وقفت بعصبيه:هوا كون انى بحط مواصفات لشريك حياتى اللى هعيش معاه بقية حياتى دى بقت مشكله
=يا حبيبتى لو انتى بترفضى عشان اسباب تستاهل محدش هيمانعك ، طب قوليلي كده اخر سبب رفضتى عريس عشانه كان ايه
_قعدت بتوتر:عادى يعنى مكنش حافظ البيت الالف ف ألفيه ابن مالك
=وحياة ماما
_بتجيبي سيرة امى على لسانك ليه دلوقتى امى دى ست كُمل مفيش زيها .
=بت انتى انا جبت أخرى منك
_اتكلمت بجدية:يا ماما يا حبيبتى افهمينى انا لما احس ان الشخص اللى قدامى مناسب ليا مش هتردد علطول
=وياترى بقا يا أميره يا حبيبتى بتحددى الشخص ده من ألفيه بن مالك
_ايش عرفك انتى يا ماما انا ليا اساليبي الخاصه
=ماشي يا اميره ماشي أما نشوف اخرتها معاكى
دخلت جرى عالاوضه وقعدت عالسرير وحطيت ايدى على قلبي واتنفست بسرعه: الحمد لله
خلِصت ، قومت وقفت بتعب
_حاسه دماغى هتنفجر يارب انت عالم أنى صبرت كتير ،انا بحبه اوى وانت عالم يارب ارزقنى بيه يارب
"بعدين حطيت دماغى عالمخده وروحت فالنوم"
فوقت وحسيت دماغى تقيله جدا وحاسه انى مش فاهمه حاجه ضغطت على نفسي وقومت روحتله
_احمد
جالى صوته من المطبخ :نعم
_روحتله :ممكن أسألك سؤال
=ساب اللى ف أيده وبصلى:اتفضلى
_هوا انت بتحبنى !!؟
=بصراحه
_هزيت راسي ب آه
=لا
_بصدمه:.......
متنساش ان الرواية موجودة كاملة في قناة التلجرام والواتساب
للانضمام لقناة التلجرام اضغط هنا
لقراءة الفصل التالي اضغط علي السهم الموجود في جهة اليسار و لقراءة الفصل السابق اضغط علي السهم الموجود في جهة اليمين
لقراءة الفصل التالي اضغط علي السهم الموجود في جهة اليسار و لقراءة الفصل السابق اضغط علي السهم الموجود في جهة اليمين
↚
_هو انت بتحبنى!!؟
=بصراحه
هزيت راسي ب آه
_لا
=بصدمه:اومال اتجوزتنى ليه وانا ازاى وافقت اصلا
خدنى من ايدى وطلعنا عالبلكونه
=هوريكى حاجه
"شاور ب أيده على راجل وست باين عليهم كبار فالسن"
=شايفه دول
_اه
=بصلى جامد:شكلهم بيحبو بعض من زمان اوى صح
بصيتلهم وكانو قاعدين على كرسي فالجنينه:اه حلوين اوى ، عارف انا كان نفسي لما اتجوز واحد يفضل يحبنى لحاااد ما اكبر واعجز، بس معتقدش أن الدنيا فيها من الوفاء ما يكفى أن ده يحصل
=مسك ايدى جامد:بس انا مستعد أفضل معاكى لحاااد ما اموت
_هوا انا اعرفك يابنى اصلا ،انا واحده صحيت من النوم لقيت نفسي متجوزه بقالى تلات شهور وانا اخر حاجه فكراها أنى اتخانقت مع ماما عشان رفضت عريس
ضحكت بسخريه:عشان كنت بحب واحد جوايا على امل أنه يجى يتقدملى بس القدر ليه رأى تانى
سيبت أيده ولفيت عشان امشي شدنى جامد ليه
:صدقيني مش كل حاجه بتحصل فحياتنا لازم ليها تفسير في حاجات بتحصل مش بنكون فاهمينها بس بتكون حلوه
بصيتله بإقتناع:هي حلوه..
_خلاص عيشيها
بعدين خدنى الناحيه التانيه فالبلكونه :شايفه الاتنين دول
"كان راجل ومراته ومعاهم عيالهم بس الست كانت بتزعق لعيالها بعصبية بعدين جوزها قال حاجه للولد ف راح الولد باس مامته واعتذرلها وبعدين ضحكت تانى ولا كأن حاجه حصلت"
_ضحكت انا كمان :لُطاف اوى
=باين عليهم بيحبو بعض صح
_جداً
=انتى سألتينى سؤال وانا هجاوبك عليه ، انتى لما شوفتى الراجل العجوز ومراته بيتهيقلى شوفتى الحب اللى بينهم بعينك وتقولى كده أنهم متجوزين بقالهم عُمر بس الحقيقه أنهم متجوزين بقالهم عشر سنين بس
بصيت له بصدمه: بجد
_ضحك:بجد
طب شوفتى الست اللى كانت بتزعق لعيالها
_اه
=تخيلى أنهم متجوزين بقالهم اكتر من عشرين سنه ، بس ربنا رزقهم بأطفال من قريب
_بصيتلهم بحب:بس اللى يشوفهم يقول إنهم لسه متجوزين عالحب اللى بينهم
مسك ايدى الاتنين وبصلى جامد:اللى عاوز اوصلهولك ان الحب مش بالعمر ولا بالسن ولا بيتحدد مقداره من طول مدته لا خالص الحب اكبر من ده كله ، واللى بينى وبينك مقدرش اسميه حب لكن انا متأكد أنه حاجه حلوه
ابتسم وبصلى نظره عمرى ماهنساها وشاور على قلبي:اسمعى كلامه وهترتاحى صدقينى
قرب من ودنى وهمس:بحبك على فكره
بص عالساعه :اوف انا لازم انزل المسجد عشان اجهز لصلاة العصر ماشي
_تجهز لها ازاى يعنى
=تعرفى ، فكرى فاللى قولتهولك يلا سلام
"فضلت كتبها من البلكونه لحد ما دخل المسجد"
قعدت عالارض وانا بتكلم بصوت مسموع:يارب انت عالم أنى كنت بحبه عشان كده كنت برفض كتير عشانه انا بس لقيت نفسي فجأه واحده معرفهاش ،انا آه مع اللى بحبه واستنيته كتير بس ازاى وأمته وفين انا معرفش
بصيت السما وابتسمت:بس انا هسمع كلامه ومش هقدر فحاجه
"قومت وقفت عشان اتوضى بما أن الآذان قرب يأذن وفجأه سمعت..."
متنساش ان الرواية موجودة كاملة في قناة التلجرام والواتساب
للانضمام لقناة التلجرام اضغط هنا
لقراءة الفصل التالي اضغط علي السهم الموجود في جهة اليسار و لقراءة الفصل السابق اضغط علي السهم الموجود في جهة اليمين
لقراءة الفصل التالي اضغط علي السهم الموجود في جهة اليسار و لقراءة الفصل السابق اضغط علي السهم الموجود في جهة اليمين
↚
قومت وقفت عشان اتوضى بما أن الآذان قرب يأذن فجأة سمعت صوت الآذان ، بس كان حلو اوى وقفت بتاع خمس دقايق كده سرحانه وبعدين دخلت اتوضيت وصليت
بعد شويه سمعت صوت الباب بيتفتح جريت عليه
_احماااد
=خير ، يارب استر
_هوا صوت مين القمر اللى كان بيأذن ده هاا
بغيرة:نعم ياختى
بهزار:فيه اى يا نجم بهزر متبقاش قفوش
=نعم!!؟
_خليك فرفوش
=نعم!
_هو انا كل ما اقول كلمه تقول نعم !!؟
"سابنى ومشي وهو بيعدى من جمبى خبطنى فكتفى "
_آااه ، كتفى ياعم
"دخلت وقفت فالبلكونه وعدي وقت كتير محستش بيه غير لما جوعت"
_دخلت وانا بنادى بصوت عالى:احماااد ياحمااااد
"سمعت صوته جاى من الاوضه وبمجرد ما قربت من الاوضه وسمعت صوته وهو بيقرأ قرآن وانا حسيت انى دخلت فعالم تانى ، نسيت حتى انى جعانه، فضلت واقفه قدام الاوضة حوالى نص ساعه كده وكنت متأثره جدا من قراءته وصوته اللى يخلى الحجر يبكى وكنت بعيط على عياطه فجأه الباب اتفتح "
هز راسه:بتعملى ايه هنا
مسحت دموعى بسرعه:كنت جايه اقولك انى جعان..
قاطعنى:انتى كنتى بتعيطى!!؟
_وهعيط ليه يعنى على حياتى اللى اتشقلبت مثلا ، لا ابداً
لفيت وكنت همشي شدنى ليه جامد
_انتِ ليه مصممه تبوظى حياتك حتى وهيا معدوله
=حط نفسك مكانى ، أنا واحده صحيت من النوم لقيت نفسى فمكان غريب وحياتى متشقلبه فوق على تحت ،كأنى ف حلم
_طب ما تعيشي الحلم
=خايفه لتعود على حياتى دى واحبك
_وايه!!
=وأحبها ،الضمير يعود عالحياه
_ماشي يا اميره ماشي ، كل اللى عاوز اقولهولك
أنه حتى لو ده حلم عيشيه ، حسيه بكل تفاصيله كأنه واقع ،فيه احلام كتير بنشوفها بس بتفضل جوانا وجوا قلوبنا مبتتنسيش وبنكون شايفينها قدام عيوننا كأنها حقيقة ونفضل عايشين على امل انها ممكن فيوم تتحقق
بصيت له :يمكن كلامك يكون صح ،بقولك ايه
_نعم
=فيه هنا بطاطس
_بطاطس!!؟
_اه بطاطس ،عاوزه احمر عشان جعانه
=اه فيه فالمطبخ اكيد ، مش انتى اخر مره جبتى قبل ما تتعبي
_بقولك يا سَيدى انا نمت وصحيت لقيت نفسي فالبيت الغريب ومع راجل غريب بيقول أننا متجوزين، اكيد مش هفتكر يعنى انا جبت بطاطس ولا لأ ، الا صحيح هو انا كنت تعبانه عندى ايه
=اعصابك تمام ، هتستحملى يعنى
_فيه ايه يبنى ،هوا انا هموت ولا اى
=لا مش هتموتى ولا حاجه بس انتى حامل
_بصدمه:نعاااام
متنساش ان الرواية موجودة كاملة في قناة التلجرام والواتساب
للانضمام لقناة التلجرام اضغط هنا
لقراءة الفصل التالي اضغط علي السهم الموجود في جهة اليسار و لقراءة الفصل السابق اضغط علي السهم الموجود في جهة اليمين
لقراءة الفصل التالي اضغط علي السهم الموجود في جهة اليسار و لقراءة الفصل السابق اضغط علي السهم الموجود في جهة اليمين
↚
_لا مش هتموتى ولا حاجه بس انتى حامل
بصدمه:نعاااام
_بهزر بهزر ، دول شوية سخونيه عادى
=آه بحسب ، بقولك صحيح هوا انت اللى كنت بتأذن فالمسجد صح !؟
_اه
=الله صوتك حلو اوى بجد ، تعرف أنى كان نفسي اوى اتجوز واحد صوته حلو عشان يقرأ لي قرآن
_واهو ربنا حققلك حلمك واتجوزتى عبد الباسط عبد الصمد زمانك
=طب يلا يا حلو
_يلا ايه؟
=يلا عشان تقرأ ليا سورة يوسُف
_اشمعنا سوره يوسُف ؟
=بحبها عشان بتطمنى دايما أن مهما طال الابتلاء ف الفرج جاى جاى وبطريقه احسن من اللى كنت تتمناها وعشان علمتنى أنى متعلقش بحد غير ربنا ولا اخلى فقلبي غيره عشان ربنا بيغير على عبده ف لو خليت فقلبي غيره ممكن يبتلينى بفقده ، ممكن تقرأ بقا يلا
_طب قومى جيبي المصحف
"قومت جيبت المصحف"
=اتفضل ، ادخل جوا شويه عشان اقعد جمبك
_للدرجادى مش قادره تبعدى عنى
=لا يا نجم فهمت غلط ،عشان استشعر القراءه بس مش اكتر
_ماشي يختى
"حطيت راسي على كتفه وبدأ يقرأ وانا روحت فعالم تانى "
معرفش عدى من الوقت قد اى بس صحيت لقيتنى لسه نايمه على كتفه وهوا جمبي والساعه غالبا كانت واحده او اتنين بليل
صحيته براحه:احمد يا احمد ، قوم نام فالاوضه
فجأة لقيته مسك ايدى جامد وقالى:متسبنيش يا اميره انا بحبك
استغربت بس جاريته :مش هسيبك متخافش
_اوعدينى مهما حصل مش هتسيبينى
حطيت ايدى على راسه:شكله بيهلوس ده ولا ايه
اتكلمت :اوعدك ، قوم بقا يلا متقرفنيش
"سندته ودخلته فالاوضه وانا روحت اتوضى عشان أصلى ،لقيت الفون بتاعه بعت رساله ،معرفش ايه اللى خلاني امسكه لقيت الرساله ظاهره من بره ومكتوب فيها «مش هتخلص اللعبه دى بقى يا احمد وتطلقها انا زهقت»
وقعت عالارض بإنهيار وقعدت اعيط بصوت مسموع ،لقيته طلع من الاوضه وجه عليا
اتكلم بخضة وقرب منى :فيه ايه يا اميره مالك
بصيتله بحزن :ليه كده يا احمد
بعدم فهم:ليه ايه؟
وريتله الرساله واتكلمت بزعيق وعياط:ليه تعمل فيا كده ، لو انت مش بتحبنى اتجوزتنى ليه يا اخى
بسخريه :ولا صح ممكن يكون كل اللى الحوار اللى عملته ده تمثيليه ، قعدت تقولى يا اميره عيشي الحلم. يا اميره متبوظيش حياتك يا اميره يا اميره ، سمعت كلامك وحبيتك وانت فالاخر طلعت بتضحك عليا
اتكلم :يا اميره افهمينى ،انا بحبك والله انتى مش فاهمه انا فعلاً اتجوزتك وانا مش بحبك بس انا حبيتك والله واللى بعتت الرساله دى خطيبتى القديمه وانا كنت نهيت كل حاجه و..
اتكلمت بهدوء عكس اللى جوايا:طلقنى يا احمد ارجوك كفايه
_طب ادينى فرصه اشرحلك
=صدقنى يا أحمد اللى بيحصل من الاول كان غلط ، ده الحل الأسلم ليا وليك
بحزن:مكنتش حابب أن قصتنا تخلص كده
=مش دايما كل النهايات لازم تكون سعيده ،ممكن تكون قاسيه وبتوجع بس لازم تنتهى كده
_اتكلم بحزن بعد سكوت طويل :أنتِ طالق يا اميره
متنساش ان الرواية موجودة كاملة في قناة التلجرام والواتساب
للانضمام لقناة التلجرام اضغط هنا
لقراءة الفصل التالي اضغط علي السهم الموجود في جهة اليسار و لقراءة الفصل السابق اضغط علي السهم الموجود في جهة اليمين
لقراءة الفصل التالي اضغط علي السهم الموجود في جهة اليسار و لقراءة الفصل السابق اضغط علي السهم الموجود في جهة اليمين
↚
_اتكلم بعد سكوت طويل:أنتِ طالق يا اميره
شوفت دموعه وقام من جنبى ، بعد شويه واتكلم وهو مدينى ضهره :انتى مش مضطره تمشي خليكى هنا عالاقل فترة العده لحد ما نشوف هنقول لأهلنا ايه
=طيب
"تانى يوم روحت لماما حسيت انى محتاجه اتكلم معاها"
_ماما
فتحتلى دراعها وروحت حضنتها هو انا كده كل ما الدنيا تديق عليا اروحلها علطول
=مالك يا حبيبتى
_مش عارفه يا ماما ،حاسه انى متدايقه اوى
=الموضوع ليه علاقه ب احمد
_ايوه ، مبقتش عارفه انا صح ولا غلط ، مبقتش عارفه اتعامل معاه
=انتى بتحبيه ؟
بصيت لها بتفكير:بردو مش عارفه
=لا انتى عارفه كل حاجه يا اميره كل الموضوع وما فيه انك مش عاوزه تصارحى نفسك بس ، كل اللى عاوزه اقولهولك متضيعيش الفرصه من ايدك عشان وسوسة شيطان ، فكرى فحياتك من غيره لو لقيتى نفسك قادره تعيشي عادى يبقى انتى صح لكن لو لقيتى نفسك تايهه ومش لاقيه نفسك يبقى انتى غلط ولازم تراجعى نفسك قبل ما الوقت يضيع ، ربنا يهديكى يا بنتى ويدلك عالطريق الصح.
_مشيت من عند ماما وأنا شبه مقرره أنا هعمل ايه
"دخلت البيت ولقيته واقف فالمطبخ
اتكلمت: وبعدين!
بص لي :وبعدين ايه!؟
_يعنى هنفضل كده كتير
=عاوزه ايه دلوقتى مش فاهم
مسكت أيده :عاوزه نكمل الحلم للآخر
بصلى بحب وابتسم :هيا دى اميره اللى اعرفها
سمعت صوت مش غريب عليا
_ايه الصوت ده؟!!
=مش عارف
"فجأة سمعت صوت ماما وهيا بتقول:يا اميره يا اميره قومى يلا عشان تروحى الجامعه والمنبه بيرن"
فتحت عينى ولقيت نفسي على سريري فبيتنا
روحت لماما:انا ايه اللى جابنى هنا ،فين احمد
=احمد مين يا بت عالصبح
_مش انا متجوزه احمد يا ماما انتى فقدتى الذاكره ولا ايه
=لا ده انتى اللى شكلك منمتيش كويس ، هوا انا مش اخر كلامى معاكى لما قولتلك أنه متقدملك وانتى مرضيتيش
ماما طلعت وانا قعدت عالسرير عشان استوعب اللى بيحصل:يعنى ده كله كان حلم!!!؟طب ازاى
"عدت الايام وانا كنت بحاول استوعب انى كنت فحلم وماما وبابا مستنين ردى عشان أقابل احمد وانا وافقت"
_عامله ايه
=الحمدلله ، تمام
_بقالى كام يوم حاسس بحاجات غريبه
انتبهت ويصيتله:غريبه ازاى يعنى
_يعنى بشوفك ف احلامى كتير وفمواقف كتير واخر حاجه شوفتها أننا....وسكت
كملت انا:متجوزين صح
بصلى بصدمه:عرفتى منين
=ياااه دى قصه طويله اوى
_المهم آخرها ايه
ابتسمت:واحد اعرفه قالى قبل كده عيشي الحلم،حسيه بكل تفاصيله كأنه واقع ،فيه احلام كتير بنشوفها بس بتفضل جوانا وجوا قلوبنا مبتتنسيش وبنكون شايفينها قدام عيوننا كأنها حقيقة ونفضل عايشين على امل انها ممكن فيوم تتحقق
ابتسم:يلا نعيش الحلم
ابتسمت:يلا نعيشه