رواية طريقي الابدي كاملة جميع الفصول بقلم فرح محمد
رواية طريقي الابدي كاملة جميع الفصول هى رواية من تأليف المؤلفة المميزة فرح محمد رواية طريقي الابدي كاملة جميع الفصول صدرت لاول مرة على فيسبوك الشهير رواية طريقي الابدي كاملة جميع الفصول حققت نجاحا كبيرا في موقع فيسبوك وايضا زاد البحث عنها في محرك البحث جوجل لذلك سنعرض لكم رواية طريقي الابدي كاملة جميع الفصول
رواية طريقي الابدي كاملة جميع الفصول
- اجهز النهاردة يا زين عشان هتجيب بنت عمك من المطار
- وانا هجبها ليه ما تيجى لوحدها ولا هى عيلة صغيرة هتوه
- يا ابنى البنت من زمان عايشة برا يعنى ما تعرفش حاجة هنا
زين :خلاص ابعتلها ايوب اخوها يجيبها وبعدين انت عارف ان من واحنا صغيرين لا انا بطيقها ولا هى بطيقنى هعمل بيها ايه
محمد (والد زين ):ما انت عارف ان اخوها مشغول اربعة وعشرين ساعة فى الشركة يعنى مش فاضى
زين :حاضر يا بابا ان شاء الله وست الهانم طيارتها هتوصل امتى
محمد :بعد ساعتين يعنى يا دوبك تلحق تروحلها
زين : تمام ممكن امشى ولا فى اوامر تانية
محمد :لا روح وافرد وشك شوية
بيوصل زين المطار وبيفضل مستنى لغاية ما بتطلع واحدة بتسحره بجمالها .....ايوه زى ما اتوقعتوا بظبط هيا نفس البنت اللى مستنيها
ستوب يا ابنى هنا خلينا نوصف الشخصيات 😂😂(زين السيوفى : شاب ذو ملامح رجولية عنين ضيقة لونها اخضر عليها بصة قمر جماعة تخيلوها زى ما انا متخيلاها 😂 بشرته بيضاء شعره طويل لونه بين الاصفر دهبى ودقن خفيفه وجسم رياضى طوله 185 سم عنده 20 سنة )
( كيراز كامل السيوفى هى بنت مامتها تركية بينما والدها مصرى عاشت 6 سنين فى مصر لغاية ما والدها ووالدتها انفصلوا ومامتها اخدتها وسافروا تركيا حياتها قى مصر بتتلخص انها على طول بتتخانق مع زين وحاليا هى هاترجع مصر بعد وفاة مامتها وهنعرف تفاصيل اكتر بعدين الوصف : بشرتها بيضاء وشعرها طويل لونه بنى فاتح وفى الشمس بيظهر كأنه اشقر غامق عيونها واسعة لونها بنى فاتح ورموشها طويلة عندها خدود و شفايف صغيرة لكن منفوخة ومناخير صغيرة وعود فرنساوى زى ما بيقولوا عندها 17 سنة وقصية طولها 165 سم +مش شبه باباها خالص ولا مامتها لان باباها شبه ايوب اللى هنعرف شكله بعدين ومامتها شعرها برتقالى وعنيها زرقاء(حبيت ما اخليهاش عنيها ولا شعرها ملونين عشان ابين ان فى بنات جمال من غير ما تكون عنيهم خضرا وشعرهم اصفر والكلام ده )نرجع للاحداث ..........
بتخرج كيراز وبتلاقى زين مستنيها وبتعرفه لان باباها قالها هيبقى لابس ايه
كيراز : انت زين صح
زين : ايه ده حضرتك تعرفينى يا هانم
كيراز :هانم مين يا عم انا كيراز
زين : كيراز ...كيراز بنت عمى انا 😳😳
كيراز : لا بنت عم الناس التانين
زين :يبقى انتى هيا
كيراز :ايه ده بجد ما كنتش اعرف ان انا هيا ،وعرفت منين يا خارق الذكاء انت.
زين :من رخامتك ....عرفتك من رخامتك
كيراز : عمرك ما هتتغير هتفضل رزل على طول
زين : مش انتى يا بت اديلك 11 سنة برا مصر ازاى بتعرفى تتكلمى عربى
كيراز : ليا اساليبى الخاصة اصلها قدرات يا ابنى
زين : لا بجد انا قولت مش هعرف اتواصل معاكى
كيراز : بص يا ابنى انا لما سافرت ماما كانت بتتكلم عربى فهى لما كانت بتكلمنى جوا البيت كنا بنتكلم عربى لكن كنت بتكلم تركى مع الناس العادين بقى +انى كنت مصاحبة مصرين وكنت بشوف افلام ومسلسلات انا جامدة برضوا
زين : قولتيلى بقى بس انتى شكلك اتغير احلويتى يعنى....
قاطعته كيراز : طول عمرى حلوة ها ايه تانى وعلى فكرة انت...
قاطعها زين : على فكرة انا مخلصتش كلامى كنت هقولك وانتى صغيرة كنتى سوكة العبيطة
كيراز : تصدق انك متستاهلش اللى انا كنت هقولوا عشان انت اصلا عيل عرة
زين : عيل وعرة فى نفس الجملة للدرجادى شايفانى مهزق
كيراز :طول عمرك يا بيبى
زين :يا بت انا اكبر منك ب 4 سنين
كيراز : لسه فاشل فى الرياضة زى ما انت انت اكبر منى ب 3 يا اهطل
زين : طب يلا خلصى ياختى عشان نلحق نروح قبل الغدا
كيراز :عملنلى ايه على الغدا
زين : كوسة وارز ولحمة
كيراز :هموت واعرف ليه مرات عمى متقمصة دور مرات ابويا مش الحجة ديه عارفة انى بكرهم
زين : اهم حاجة انى سجلت ريكورد وانتى بتقولى عليها مرات ابويا وحجة وانتى عارفة انها مبتحبش الكلمة ديه وعلى فكرة ديه عاملة نجرسكوا وفراخ مشوية و سلطة وكفتة لانها عارفة انك بتحبيهم بس انا هاوريها انتى بتقولى عليها ايه بقى 😈😈
كيراز : يا ابن ال ....ناس الطيبين ، بقى تعمل معايا انا كده ماشى
وطلعت كيراز تجرى ورا زين وزين بيجرى .....هوب هوب هوب
كيراز خبطت فى فى واحد طول بعرض
كيراز: ايوب !😍😍
ايوب وراحت نطت على ضهره
كيراز : وحشتنى يا ايوب وحشتنى اوى اوى عامل ايه اديلك كتير مبتكلمنيش ليه
ايوب : كيراز وحشانى يا روحى انا كويس انتى عاملة ايه معلش يا روحى انا عارف انى الفترة الاخيرة ماكنتش بكلمك بس كنت مشغول
كيراز : مشغول عنى يا ايوب ماشى لينا بيت نتكلم فيه 😂😂
ستوووووب .............(ايوب كامل السيوفى شاب طويل عنده عضلات شعره بنى غامق وعينه زرقاء زى باباه ولون بشرته قمحى عنده 23 سنة) (طبعا كلكوا بتسألوا طالما هيا اخته ماماتها ما خدتهوش معاها ليه هقولكوا لانه اخوها من الاب بس والدته لما اتوفت والده اتجوز مامة كيراز وكانت هيا وايوب متعلقين ببعض لغاية ما سافرت كان بيفضل يكلمها على طول وهنعرف تفاصيل اكتر بعدين )
ايوب : اول مرة اشوفك على الحقيقة من 11 سنة قد ايه شكلك وصوتك واحشنى وراح مسك وشها 😢
كيراز : وانت والله انا لما سبتك فقدت اغلى حاجة فى حياتى
ايوب : خلاص بقى هنقلبها حزاينى ولا ايه انا ما صدقت شوفتك وعايز اتكلم معاكى كتير اوى
كيراز راحت حضناه جامد وقالتله : سبنى شوية انا ما صدقت شوفتك تانى
ايوب عشان يفكها : بس كبرنا واحلوينا وبقينا قمرات يعنى
كيراز راحت ضرباه فى صدروا وضحكت : وانت بقيت قمر
زين :خلصتوا الفيلم العربى القديم اللى انتوا فيه ، ايوه صح ما انا نسيت ما هو استاذ ايوب نسينى اول ما شافك ...اهل مين وحبايب مين
كيراز : يا غيار باصصلى فى الثانيتين اللى قعدتهم مع اخويا من 11 سنة
زين :نعم ثانيتين ده كان كل دقيقتين يكلمك فيديو كول
ايوب : خلصتوا لعب العيال ده يلا نمشى تعالى يا جميل (قصده كيراز)
راحت كيراز طلعت لسانها لزين
ايوب : يلا يا زيزو اركب العربية معانا وانا هبعت حد ياخد عربيتك
زين طلع لسانه لكيراز
ايوب : ماشى معايا طفلين يا ربى
وركبوا العربية وبعد وقت ليس بالكثير وصلوا قدام فيلا كبيرة فيها جنينة واسعة وحمام سباحة
كيراز :وااو ده المكان لسه زى ما هو متغيرش...... ايه ده ديه المرجيحة بتاعتى لسه موجودة وجريت قعدت عليها وهى بتضحك وزين وايوب مبتسمين على طفولتها
كيراز : كل حاجة مكانها كأنى لسه سايبة المكان امبارح انا فرحانة فرحة كبيرة على قد ما ليا ذكريات وحشة كتير فى البيت ده الا انى لسه بحبه وابتسمت بوجع
راح ايوب غير الموضوع : طب مش هتروحى تسلمى على الناس جوا ولا ايه
كيراز :طبعا لازم اسلم عليهم وطلعت تجرى على جوا
اول ما دخلت لقت عمها قاعد جوا ومرات عمها وبقيت العيلة طلعت تجرى على عمها وحضنتوا وقالتلوا واحشنى يا عمو
محمد: وانتى اكتر يا بنتى
كيراز : بنتك مين بقى ده انت اصغر منى يا ميدو
محمد :هتفضلى بكاشة زى ما انتى
كيراز : بكاشة مين يا راجل انت بس اللى مش شايف يا عم ده انت اصغر من الولا زين ابنك ده لولا الملامة كنت دورتلك على عروسة عشان مراتك كبرت
بيضحك عمها وبتقولها مرات عمها : مين ديه اللى كبرت يا جزمة ماشى يا كيراز انا زعلانة منك
كيراز : وانا اقدر ازعل سوسو القمر ده انتى ست البنات يا جميل انتى
سامية (مرات عمها ): كولى بعقلى حلاوة بقى وثبتينى وانا الصراحة بتثبت بسرعة
كيراز : خلاص يا سوسو بقى قلبك ابيض
سامية : خلاص عفونا عنك 😎
كيراز: ايوه يا ولا يا جامد
وبتسلم كيراز على بنت عمها ياسمين اخت زين وعلى عمتها مريم التانية وعلى كل العيلة بتطلع اوضتها عشان ترتاح فبتتفاجأ لما بتسوف الاوضة
كيراز : اعااااااااااااااااا ايه ده .................
متنساش ان الرواية موجودة كاملة في قناة التلجرام والواتساب
للانضمام لقناة التلجرام اضغط هنا
لقراءة الفصل التالي اضغط علي السهم الموجود في جهة اليسار و لقراءة الفصل السابق اضغط علي السهم الموجود في جهة اليمين
لقراءة الفصل التالي اضغط علي السهم الموجود في جهة اليسار و لقراءة الفصل السابق اضغط علي السهم الموجود في جهة اليمين
↚
كيراز : اعااااااااااااااااا ايه ده فين اوضتى
بتشوف كيراز صورة زين فى الاوضة
كيراز :زييييييييين انت فين يا اللى اسمك زين
بيجروا كلهم عليها ما عدا ايوب وبيجرى زين هو التانى
زين : فى ايه يا بنتى بتزعقى ليه
كيراز :بزعق ليه جايب الجرأة ديه منين ، انت ازاى تاخد اوضتى وتشيل حاجتى وتحط حاجتك مكانهم .....
زين قاطعها : اخد اوضتك ايه يا بنتى
كيراز قاطعته : هتعمل فيها مش فاهم انت عارف انا بتكلم عن ايه كويس طول عمرك بتغير منى والكل عارف كده بتفضل تتخانق معايا عشان عارف انى احسن منك وانك عمرك ما هتبقى زى بس موصلتش البجاحة لانك اول ما انا اسيب البيت ترمى حاجتى و تحط حاجتك مكانها مش المفروض ديه اوضتى ايه اللى جاب حاجتك فيها
زين : خلصتى ؟؟؟
كيراز: انت جايب البرود ده منين انا مش فاهمة
راح زين شدها وراه ووداها الاوضة اللى جنبها وفتح باب الاوضة
كيراز اول ما شافت الاوضة استغربت وقالت : ازا....ازاى ؟؟؟؟مش اللى فاتت هى اللى اوض.......
قاطعها زين بزعيق: لا اللى فاتت مش اوضتك يا هانم دي اوضتك لسه زى ما هى وكل حاجة مكانها انتى عمرك ما هتتغيرى ابدا دايما فاكرة نفسك الكل فى الكل شايفة نفسك احسن واحدة لكن العكس يا كيراز انتى اللى مش هتعرفى تبقى زى عارفة ليه عشان انا احسن منك بمليون مرة ايوه يا كيراز انا اللى فضلت محافظلك على اوضتك علشان لما ترجعى نحسن علاقتنا ببعض انا اللى كنت بنضفها عشان محركش اى حاجة سم واحد انا عملت كل حاجة عشان احاول احسن علاقتى بيكى لكن انتى من اول ما جيتى وانتى مبتعمليش حاجة غير الخناق معايا لكن لا يا كيراز انا مش هعديهالك تانى وخرج برا الفيلا وقعد فى عربيتوا
عند كيراز :- عمتها مريم : اللى انتى عملتيه ده يا كيراز ؟؟هى دى شكرا بتاعتك اللى تقوليهالوا ايه اللى انتى قولتيه ده؟؟
كيراز: والله يا عمتو ما كنت اعرف انا كنت فكراها اوضتى وانتى عارفة ازاى انا بحب اوضتى وبخاف عليها يا عمتو الاوضة ديه هى اللى قضيت فيها ايام سعادتى وحزنى وانتى اكتر واحدة عارفة باللى مريت بيه
ياسمين اخت زين :يا كيراز انتى اكتر واحدة كنتى بتقعدى معاه وانتوا صغيرين وعارفة ان زين مبيحبش حد يعايره ولا يقوله ان انا احسن منك
كيراز : انا اسفة يا جماعة والله انا هروح اعتذرله بنفسى
بتنزل كيراز تحت عند زين اللى كان قافل ازاز عربيتوا ومشغل موسيقى بتخبط كيراز على الازاز
كيراز :ممكن تفتح عايزة اتكلم معاك شوية
زين بيتجاهلها ومبيرش عليها
كيراز: زين لو سمحت انا عارفة انى غلطانة بس انا مكنتش اعرف والله ان دى مش اوضتى
بيستمر زين فى تجاهلها
كيراز :يا زين انت اكتر واحد عارفنى وعارف انا بهتم بالذكريات ازاى مهما كانت حلوة او وحشة
مبيردش عليها
كيراز بتتعصب: وطى الزفت اللى شغال ده عشان تسمعنى
بيروح زين يعلى الموسيقى اكتر
كيراز :ماشى يا زين براحتك وعلى العموم انا اسفة
بيبدأ زين بالتحرك بالعربية
لكن هل تستلم تلك الصغيرة وتقف عند هذا الحد ابدا بتركب كيراز عربيتها وبتمشى ورا زين لغاية ما بتلاقيه وقف قصاد البحر فوق حاجة زى التلة الصغيرة وبتبدأ تتابعه من بعيد
عند زين كان بيتكلم بعصبية: انا بغير منك ماشى يا كيراز بس انا اللى غلطان وال ايه عايز علاقتنا ببعض تتحسن دى مش بنى ادمة ابدا ولسه هيكمل زين قاطعه صوت التيليفون
زين :الو ازيك يا روز
زين: الحمدلله وانتى عاملة ايه
كيراز قاعدة ومتابعة الموقف بس مش سامعة حاجة فقربت عشان تسمع هوا بيقول ايه
زين : تمام يا حبيبتى 5 دقايق واكون عندك
كيراز بصدمة :حبيبتك اه يا زبالة يا بتاع الستات يا معفن يا خاين ماشى
مشيت كيراز بسرعة ناحية زين وشدت التيليفون منه ورمته على الارض
زين : انتى مجنونة ايه اللى انتى هبتتيه ده
كيراز : انا مجنونة وانت العاقل بقى مين الهانم يا استاذ يا محترم اللى كنت بتكلمها
زين بعصبية:وانتى مالك
كيراز : مالى ونص كمان لما اشوفك بتضحك وبتقول حبيبتى لواحدة يبقى لازم اتدخل
زين :وانتى ايه اللى فارق معاكى
كيراز : مش فارق معايا حاجة واقولك على حاجة كمان اولع انت وهيا
ومشيت شوية ورجعت تانى
كيراز: مين الزفتة اللى كنت بتكلمها
زين بلا مبالاة : واحدة صاحبتى
كيراز : وبتقولها باستنكار كمان واحدة صاحبتى طبعا ما اكيد عند بدل الواحدة الف مكدبتش لما قولت عليك زبالة وبتاع ستات
راح زين ضربها بالقلم
زين بصوت فحيح : عارفة لو اتكلمتى تانى قسما بالله لاكون موريكى مين زين السيوفى
كيراز ضربته بالقلم هيا كمان (اليوم العالمى للضرب 😂)
كيراز : اوعى تكون فاكر انى هفضل اعيط وجو الروايات ده لا يا بابا لو انت زين السيوفى فانا كيراز السيوفى واللى يضربنى قلم اديلوا 10ومتفكرش نفسك عشان سكتالك انى خايفة منك ده بعينك
زين بعصبية: انتى شكلك نسيتى نفسك بس انا هفكرك
كيراز : لا يا بابا ده عشان انا فاكرة نفسى وعارفة انا مين استحالة اسمحلك تعمل كده وهتفكرنى هتعمل ايه يعنى هتشتكينى لعمو زى ما كنت بتعمل زمان يلا ورينى عرض كتافك
زين بخبث : لا مش هشتكيكى لبابا هعمل حاجة تانية
كيراز بلعة ريقها لانها عارفة ان نظرت زين ديه بعديها بيبقى فيه مصيبة :هتعمل ايه
زين: هعمل كده
وراح وقع كيراز فى البحر ، كيراز عمالة تحاول تطلع لكن مش عارفة لانها مبتعرفش تعوم ومرة واحدة سكتت خالص
زين : اه جو التمثيل ده ميخلش عليا مش هنزلك برضوا
لحظات صمت وبدأ زين يقلق راح نط هو كمان فى البحر وهو عمال يدور عليها ومش لاقيها فى حتة وقلبه هيقف من الخوف عليها راح طلع على البحر عند الشط لاقها قاعدة عليه وبتنفخ فى ضوافرها
كيراز : ايه رأيك عجبك البحر 😎😎
زين : اه يا بنت ال وطلع يجرى وراه لغابة ما داس على الفستان بتاعها راحوا وقعوا هما الاتنين على الارض زفضل زين سرحان فى عيونها اللى عاملة زى القهوة وهى كذلك ولكن كيراز فاقت
كيراز : زين اوعى عايزة اقوم
زين : استنى شوية
كيراز : استنى شوية مين يا عم يلا قوم فى ناس بتبص
زين اتحرج وقام وقف وهى التانية قامت وقفت فضلوا واقفين قصاد البحر
زين وهوا باصص للبحر : احم احم انا اسف
كيراز : انت بتلكمنى انا
زين : لا بكلم البحر
كيراز: وانا اسفة انا مكنتش اقصد
زين : خلاص عادى مش مشكلة
كيراز :يعنى صافى يالبن
زين : حليب يا قشطة
كيراز : طب روح هاتلنا درة بقى عشان انا قديلى كتير ما قعدتش قصاد البحر
زين : تمام شوية وهرجعلك
وجاب الدرة وقعدوا الاتنين على الشط وفضلوا يتكلموا كتير يهزروا وياكلوا فى الدرة لغاية ما ياسمين اتصلت
زين : الو ازيك يا ياسمين
ياسمين : ازيك يا زين انت فين تعالى بسرعة احنا مش لاقين كيراز وقديلها 5 ساعات برا البيت و.....
قاطعها زين : اهدى كيراز معايا انا جاى دلوقتى
وقفل معاها زين: يلا عشان الكل مستنينا
كيراز : يلا وهما رايحين ناحية العربية
كيراز :بردوا مش هتقلى مين روز اللى هتروح تقابلها ديه
زين : لا
كيراز : ده انت بارد بس ماشى انا هوريك
وروحوا البيت واول ما وصلوا
فى حرباية قصدى واحدة طلعت تجرى على زين وحضنتوا
_زين ايه كل ده كنت فين
زين زقها وقلها : كنت قاعد مع كيراز يا سارة عايزة حاجة تانى
سارة : بقى كده يا زيزو تقعد مع كيراز كل الوقت ده وانا اللى بتحايل عليك من زمان كل مرة تقولى مش فاضى
زين :ظروف يا سارة على حسب انا فاضى ولا لا
واثناء ما الحرباية ديه كانت عمالة تتسهوك فى واحدة كانت بتشيط من الغيط وبتطلع دخان من ودانها نعم هى كيراز بس ده مش لا سمح الله لانها مثلا بتغير ولا حاجة تؤتؤ عشان ابن عمها وخايفة عليه 😇
ياسمين قربت من كيراز
ياسمين : انتوا كنتوا فين واه صحيح عرفتى تصالحيه ولا لا ؟؟؟
كيراز لارد
ياسمين : كيراز يا بنتى ردى
كيراز مبتردش بردوا هى هتركز مع الحرباية ولا معاكى اعقلوا الكلام يا جماعة
ياسمين : كيراااااااااااااز
كيراز: نعم نعم فى ايه يا ياسمين مش شايفانى مشغولة
ياسمين : مشغولة فى ايه
كيراز: مين المايصة اللى هناك ديه
ياسمين : اه قصدك على سارة
كيراز: ايه ده هو كمان فيه سارة مش كانت روز ده عامل حفلة بقى
ياسمين : روز مين
كيراز متاخديش فى بالك المهم دى مين
ياسمين : دى سارة بنت صاحب اونكل محمد
كيراز اتعصبت لما شافت سارة بتمسك ايد زين وراحت بسرعة نحيتهم وعدت بينهم
سارة : انتى عميا ايه ده
كيراز : ايه ده سورى هو انا عورتك مكنش قصدى بس دى حاجة بسيطة عشان تعرفى ان كل حاجة ليها حدود بس وراحت مسكت زين تحت نظرات استغرابه
كيراز : تعالى يا زين عايزة اقولك حاجة
ولما بعدوا شوية
كيراز : ده انت عامل حفلة بقى شوية روز وشوية سارة
زين : انا مالى الله هما اللى بيجولى ما انتى عارفة بقى ماحدش يقدر يقاوم جمالى
كيراز : يا شيخ اتنيل اركن على جمب بقى
زين : انتى متأكدة انك كنتى فى تركية مكنتيش الشرابية يعنى
كيراز : تحب ارطملك تركى وده احسنلى علشان اهزقك براحتى
ورجعوا تانى
مريم ام زين : الا صحيح يا ولاد انتوا كنتوا فين وليه شعركم مبلول
كيراز : فى البحر
زين :فى المول
وهما الاتنين بصوا لبعض باستغراب ومريم رفعت حاجبها
مريم : ايوا دى اختيارات ولا ايه
كيراز : لا ماهو انا وزين روحنا المول عشان اشترى شوية حاجات وبعديها روحنا البحر عومنا
مريم :وفين الحاجات اللى اشتريتوها ، وبعدين عومتوا بهدومكوا
كيراز :لا دى اسئلة كتيرة وانا معنديش اجابات عليها
زين ضحك بتصنع عشان يدارى على الهباب اللى هى هببتوا: دى بتهزر اصل هى لما راحت المول ملاقتش الحاجات اللى عايزاها اما بالنسبة لعومنا بهدومنا فدى فكرة كيراز انتى عارفة كيراز وافكارها لمجنونة
كيراز بصدمة : انا
زين : بتموت فى الهزار كيراز طب احنا هنطلع فوق بقا .......صحيح ايوب فين ما شفتهوش من الصبح
محمد : والله ما انا عارف يا ابنى ايوب من الصبح اختفى ومظهرش بس هو لما طلع كان متعصب فقولت اسيبه لواحده لغاية ما يهدى
زين :تمام
كيراز : طب وسوسو القمر فين
محمد : سوسو راحت عند اختها يومين كده وهترجع عشان اختها تعبانة
كيراز بحزن : طيب
وطلعوا هما الاتنين فوق وكل واحد دخل اوضته
عند زين:-
-الو يا روز
-الو يا زين انت ماجيتش ليه زى ما اتفقنا
-معلش يا روز حصلت ظروف مقدرتش اجى بس اوعدك بكره هجيلك
-تمام يا زين يلا تصبح على خير
فى اوضة كيراز:-
دخلت كيراز اوضتها وهيا فرحانة لانها استاعدت كل ذكرايتها لما شافتها وشافت العابها وهى صغيرة وجت تبص على التسريحة لقت السلسلة اللى باباها كان مديهالها قبل ما تسافر على طول وهى نسيت تاخدها كانت عبارة عن قلب مكتوب عليه اسمها بس كيراز لما فضلت ماسكاه لقيت القلب بيتفتح وفى جوا كلمة غريبة مكتوبة El Alfy
كيراز : ايه ده ده مكتوب اسم الالفى طب دي معاناها ايه ..... جايز اسم الشركة اللى صنعت السلسلة خصوصا انو بخط صغير حاولت تقنع نفسها بكده لكن ما قدرتش تمنع نفسها فى انها تفكر فى الموضوع لانها كانت متأكدة ان ديه معناها مش كده هيا متأكدة ان فى حاجة غريبة فى الموضوع لان هيا عارفة باباها ان مفيش حاجة بتطلع منو غير وليها معنى وهدف واشارة واضحة وفضلت تفكر لغاية ما فى رسالة من رقم مجهول وصلتلها صدمتها
- لو عايزة تفهمى كل حاجة تعالى العنوان ده ............
طب ازاى هل يعقل ان يكون هناك من بيراقبها
كيراز :................
_______________________________________________________________________
عند ايوب :-
ايوب بعصبية : انت بتقول ايه ازاى ما اخدنهاش
قاسم : يا ايوب اهدى ما اخدنهاش عشان المساحة اللى احنا كنا عرضينها لبناء الفندق كانت اقل من المساحة اللى أركان كان عرضها
ايوب : طيب تمام روح انت وانا هشوف حل للموضوع ده
خرج قاسم برا المكتب ودخلت بنت مختمرة وجميلة بشرتها بيضاء وعيونها فيروزى وشفايفها محددة وعنيها واسعة
فيروز : فى ايه حضرتك طلبتنى يا مستر ايوب
ايوب : ايوه يا ستى طلبتك
فيروز: افندم
ايوب : امسكى اقرأى الاتفاق ده وقوليلى ردك
فيروز مسكت الورقة
فيروز بصدمة : ايه ..ايه ده ده اتفاق خطوبة لمدة 4 شهور
ايوب: ..................................
متنساش ان الرواية موجودة كاملة في قناة التلجرام والواتساب
للانضمام لقناة التلجرام اضغط هنا
لقراءة الفصل التالي اضغط علي السهم الموجود في جهة اليسار و لقراءة الفصل السابق اضغط علي السهم الموجود في جهة اليمين
لقراءة الفصل التالي اضغط علي السهم الموجود في جهة اليسار و لقراءة الفصل السابق اضغط علي السهم الموجود في جهة اليمين
↚
فيروز بصدمة : ايه ..ايه ده ده اتفاق خطوبة لمدة 4 شهور
أيوب: بظبط بس فى تصحيح فى جملتك المفروض اسمها اتفاق خطوبتنا
فيروز: هو ايه اللى اتفاق خطوبتنا
أيوب: زى ما سمعتى
فيروز: ايوه وبعدين حضرتك عايز منى ايه
أيوب: انتى غبية يا بنتى ايه اللى عاوز منك ايه عاوز ردك
فيروز: ردى فى ايه يا استاذ يا محترم هو فى حاجة اسمها اتفاق خطوبة اللى عايزنى يدخل البيت من بابه و....
قاطعها أيوب :حيلك حيلك يا شاطرة انا لا عايزك ولا حاجة انا بعمل كده عشان ليا هدف محدد
فيروز: هدف محدد ...لا والله كويس وانت بتستخدمنى كوسيلة لا يا استاذ انا مش لعبة على فكرة
أيوب : من غير كلام كتير هتمسكى الورقة دى وتمضى عليها
فيروز : ده بعدك انا استحالة اعمل كده ابدا
أيوب : يبقى انتى اللى جنيتى على نفسك والبادى اظلم
فيروز :البادى اظلم ايه انت نسيت انى مخطوبة ولا ايه ....هتخطب لاتنين فى نفس الوقت
أيوب : لا انتى هتبقى خطيبتى انا وبس بالمعنى الاصح هتسيبى خطيبك التانى
فيروز: يا سلام يعنى انت عايزنى اسيب خطيبى واجيلك عشان اتفاق خطوبة لمدة 4 شهور شكل حضرتك غلطان فى العنوان ..... وخرجت فيروز بره المكتب وبره الشركة خالص
فيروز بتتصل على خطيبها :الو يا تيام
تيام: ازيك يا روزا عاملة ايه
فيروز: الحمدلله يا تيام ....اكملت فيروز: تيام هو انت مش ناوى تيجى انت اديلك سنتين بره مصر انا نسيت ان احنا مخطوبين
تيام:فيروز انتى عارفة ان شغلى بيحتم عليا افضل مسافر
فيروز: بس انا محتجاك تكون جمبى مينفعش كده
تيام: خلاص انا هحاول آخد اجازة واجيلك وبالمرة هكلمك فى موضوع مهم
فيروز:لا انت تبقى عندى بكره
تيام : بكره ازاى يا بنتى انتى مجنونة
فيروز : ماليش دعوة يا تيام يا كده يا اما كل واحد يروح لحاله وقفلت الخط
وراحت اتصلت على صاحبتها دنيا :-
فيروز : الو يا دودى
دنيا : ازيك يا روز وحشانى عاملة ايه
فيروز: الحمدلله يا جميل تعاليلى دلوقتى عشان انا عايزة اتكلم معاكى شوية
دنيا : طيب انا جايلك ابعتيلى شير لوكيشين للعنوان
فيروز:تمام
تيك تاك تيك تاك
وصلت دنيا
فيروز: ايه كل التأخير ده يا هانم انا اديلى نص ساعة واقفة على باب الشركة
دنيا: الطريق كان زحمة والله اعمل ايه
وتابعت دنيا :صحيح ايه الموضوع اللى انتى عايزة تحكيهولى
فيروز: انا هقولك مقتطف بسيط من الموضوع وابقى اكملك بعدين ....اتنين اتورطت فيهم الأول واحد مبيهتمش بيا نهائى والمفروض انه خطيبى وكل اللى على لسانه فيروز انتى عارفة انى شغلى بيحتم عليا ابعد (وكانت بتقلد صوته وتعابير وشه )
دنيا : ههههههه يخربيتك ايه ده طيب يا ستى والتانى
فيروز : والتانى روبوت ...زى ما بقولك كده انسان آلى ماعندهوش مشاعر ولا دم كل حاجة عنده صفقات وشغل فاكر ان كل حاجة بتيجى بالفلوس شغلع نمبر وان بالنسباله ماىهمهوش هيدوس على مين المهم الشغل ....
قاطعتها دنيا: ها ....براحة براحة مش كده وبعدينا انتى عارفة مستر ايوب بيحب شغله لكنه بيعاملكوا كويس
فيروز : بيعاملنا ايه ده انسان متكبر ومتعجرف ماعندهوش ريحة الدم مناخيره فى السما تقريبا اتولد من غير قلب
دنيا : يا حبيبتى اهدى ابوس ايدك هنروح فى داهية خلاص
فيروز : انتى فكرك انى هخاف منه ولا ايه لو هو أيوب كامل السيوفى فانا فيروز عدنان الرويعى اه يا ما نفسى اشوفه كده وامسكه واولع فيه
دنيا راحت مشاورلها بعنيها ان فى حد واقف
فيروز: اوعى تقولى انه واقف جمبى
دنيا : لا مش جمبك
فيروز : يخربيتك خضتينى ... ومسكت ازازة المايه اللى فى ايد دنيا وشربت
دنيا : ده وراكى
صوت من ورا :وليه نفسك ما انا وراكى اهو
فيرروز شهقت بخضة ولفت وراه واتفووووووووو....وفى لحظة المايه كلها كانت فى وش أيوب
(نهار اسود ايه اللى هببتيه ده يا بنتى ده انتى هيتعمل منك بطاطس محمرة 😂 ....يلا سلم على الشهدا اللى معاك🙂 )
أيوب: انتى ايه اللى عملتيه ده
فيروز وكادت ان تبكى : والله العظيم ما كان قصدى وبعدين فى حد يخض حد كده
أيوب : اومال فين الاسترونج اندبدت ومان اللى كانت واقفة
فيروز: ايه ده انت متعرفش
أيوب : لا الحقيقة معرفش
فيروز : ما انا بؤ ....قصدى يعنى عيلة صغيرة وبعدين انت مالك قفوش كده ليه
أيوب : يبقى تتكلمى على قدك
فيروز : نعم نعم لا ما انا مش هسكتلك تانى على فكرة انا مرضتش اضربك بمزاجى على فكرة انا انا جامدة
أيوب قرب بعضلاته : ورينى
فيروز طلعت تجرى وركبت من دنيا ومشيو
دنيا : مافيش مخ مجنونة حرفيا ايه يا بنتى اللى بتعمليه ده
فيروز : انا اتفاجئت انتى معرفتنيش حاجة وانا كنت مندمجة اوى
دنيا : ده انا عمالة ابرقلك واقولك اهدى وانتى ولا حياة لمن تنادى
فيروز : اهو اللى حصل
ورحوا هما الاتنين وفيروز فضلت طول اليوم بتفكر فى ايوب والكلام اللى قالهولها
بينما ايوب هيبات فى الشركة من كتر التعب افتكرها فضحك
وطلعوا الاتنين دى طلعت فى البلكونة وده طلع فى حاجة شبه البلكونة بردوا بس فى المكتب وبصوا على لنجوم وقالوا فى نفس الوقت (ولكنها لا تغادر عقلى )(ولكنه لا يغادر عقلى ) وابتسموا ....
_______________________________________________________________________
عند كيراز:-
وفضلت تفكر لغاية ما فى رسالة من رقم مجهول وصلتلها صدمتها
- لو عايزة تفهمى كل حاجة قابلينى فى العنوان ده ............ بعد بكره
كيراز: انت مين ؟؟وعايز ايه؟ وافهم ايه؟؟
-مش كل الاسئلة ليها اجابات ....كل حاجة بتيجى فى اوانها
كيراز سكتت وقعدت هادية مع ان جواها مليون سؤال لكن من كتر الصدمة مافيش ريأكشنات وغطت كيراز فى نوم عميق .........وبعد فترة صحيت
كيراز واتشجعت وقالت انها هتطلب من زين انه يساعدها فى انها تعرف مين الشخص ده وراحت تخبط على باب اوضته
ولكن مافيش رد هى سامعة صوت من جوه لكن مافيش حد بيرد عليها راحت دخلت الاوضة فجأة وسمعت زين وهو بيكلم حد قربت منه
زين: حاضر يا روز هجبلك اللى انتى عايزاه وانا جاى خمس دقايق وابقى عندك فى البيت
كيراز بصوت واطى : هى مين دى اللى هيبقى عندها فى البيت ماشى يازين انا بقى هعرف مين روز دى وبترحلها بصفتك مين
خرج زين من البيت وكان لابس قميص اسود متفصل على جسمه وبنطلون ابيض وكوتشى ابيض ورافع شعره لفوق مع برفان جذاب
كيراز: وكمان متشيك وحاطط برفان بس مهما عملت هتفضل وحش .... جتك الارف فى حلاوتك يا معفن انت يا قمر
وركب زين عربيته و مشى وكيراز ركبت عربيتها وراحت وراه .....وصل زين عند عمارة ودخل وطلع الدور التالت وكانت ماشية وراه كيراز
خبط زين الاب ففتحتله واحدة شديدة الجمال شعرها برتقالى طويل وكيرلى خفيف وعيونها زرقاء وبيضاء البشرة وجسمها زى ما قال الكتاب وكانت لابسة بيجامة بيتى
كيراز شافت زين وهو بيسلم على البنت دى وبيحضنها ودخل معاها البيت
كيراز : اه يا عر*ة الرجالة يا خا*ين كلكوا مصطفى ابو حجر ماشى انا هقفشك متلبس وطبعا كيراز راحت تتصنت عليه من ورا الباب وسمعاهم بيضحكوا ويتكلموا وكانت مجهزة جمل درامية تقولها لزين
ومرة واحدة خبطت كيراز على الباب وطلع زين فتحلها
زين بصدمة : كيراز انتى ايه اللى جابك هنا
كيراز : اوعى دخلنى هى فين هى فين الحيو*انة ديه
مسكها زين : انتى ازاى تدخلى كده
كيراز: مستغرب انى دخلت وانت هنا قاعد لوحك مع بنت غريبة وعمالين تضحكوا والله اعلم عملتوا ايه انت حيو*ان اوعى من وشى وراحت ناحية روز ومسكتها من شعرها هيا دي اللى انت بتخونى معاها دى معف*نة اوى
روز: اوعى يا بت انتى اتجننتى ولا ايه
كيراز : ايوه اتجننت وهطلع جنانى كلوا عليكى بقا
راح زين شد كيراز: انتى متخ*لفة انتى ازاى تجرأتى ومديتى ايدك عليها
كيراز : طبعا خايف على حبيبت القلب
زين: انتى تخرسى خالص وتيجى معايا من سكات وشد كيرز واعتذر لروز
ركبها العربية وركب هو التانى ولما دخلها العربية بدأ يسوق بسرعة
كيراز : وطى السرعة يا مجنون
زين : انتى تخرسى خالص ايه اللى هببتيه فوق ده
كيراز : ايه غيران على موزتك
زين : موزتى مين يا حيوانى دى تبقى روز
كيراز : لا تصدق ماكنتش اعرف ان هيا روز لا ايزى يا معلم اشطا خلاص .....انت اهبل ولا حد من عيلتكم عبيط اوبس سورى اندمجت فى التمرين
زين : طب عشان قلة ادبك دى انا مش هقولك روز تبقى مين
وفضلوا ساكتين لغاية ما وصلوا البيت وزين حكى لعيلته اللى حصل بس طبعا زود التاتش بتاعه وتجنى على كيراز جامد وطبعا هما عارفين مين روز
كيراز :انت كداب اوى انا معملتش كل ده
زين : انا كداب وحتى لو معملتيش كل ده ازاى تمدى ايدك على بنت خالتى بالشكل ده
كيراز: وهى عشان بنت خالتك تحضنك وتبوسك وتدخلك البيت وهيا بالشكل ده ولا كمان تقفلوا الباب عليكوا وانتوا لوحدكوا
زين يا غبية دى اختى فى الرضاعة
كيراز : نعم ..... ان ... انا مكنتش عارفة انا آسفة والله وبعدين هيا اللى مشككة اوى فى حد يفتح الباب بالبجامة مثلا
زين : بس مسمعش صوتك تانى يا سحلية ياللى مش باينة من الارض انتى ( كيراز بتكره الكلمة دى عشان لما كانوا بيتخانقوا كان بيقولهالها)
كيراز اندفعت عشان تروح تضربه مسكها عمها محمد وياسمين ومريم
كيراز: سبوني عليه، أنا مش هضربه، أنا هعرفه غلطه بس
كلهم سابنوني فنطيت عليه في ثانية.
- تعالالي يالا، أنا شبة السحلية يا خنز*ير.
- سامع يا بابا؟ أنا مش عاوز أمد إيدي عليها علشان أنت واقف.
عمو مسكني من وسطي وشدني من عليه.
- بس يا كيراز عيب كدا.
- تمد إيدك على مين؟ دا أنت هتبات في المستشفي الليلادي.
محمد زعق - كيراز بس قولت.
اتلويت بين إيديه - محدش يمسكني، أنا لازم أجيب حقي.
قرب خطوة بتحدي - وريني يا هانم هتعملي أية.
مريم مسكته بسرعة - استهدى بالله يا زين يا بني، دا شيطان ودخل بينكم، أنت عاوز تقلبها نار!
- سيبني يا عمو بقى، هو فاكر إني ست ضعيفة ولا أية؟
- سيبها يا بابا، هتعمل أية يعني؟
محمد بصله - والله أنا ما خايف غير عليك أنت، اتهد بقى.
بصيب لعمو- انت معايا ولا معاه؟
- أنا مع الحق
- الي هو مع مين يعني؟
نفخ - معاكِ طبعا، اسكتِ أنتى كمان بقى تعبتيني.
حسيت إنه تعب فعلا فبطلت حركة وهو ساب وسطي بصيت لبعيد دقيقة اتنفس وفجأة بصيت لزين تاني :
- أنا هسكت علشان عمو لكن وربي وما أعبد لو لمحتك النهاردة في وشي قول على نفسك يا رحمن يا رحيم
وقبل ما حد يتكلم طلعت اوضتي ورزعت الباب ورايا.
حيوان، مغرور، انسان بدائي غبي، فاكر نفسه مين؟ بقى أنا يقول عليا شبه السحلية ومش باينة من الأرض ! اسما لله على العمارة الي كانت واقفة قدامي.
ضربت المخدة بعنف.. اه لو كانوا يسبوني عليه، فيها أية يعني لما اتلغبطت وقولت عليه نسواجنى وزبالة وعرة جرا حاجة والنبى ما جرا حاجة
تحت عندهم :-
محمد : يا ابنى انت غلطان انت هينتها جامد قدام روز
زين: واللى هيا عملتوا ده عادى
محمد: يا ابنى هيا ماكنتش تعرف وكانت فاكراك بتعمل حاجة غلط وكانت خايفة عليك
زين : وهيا بصفتها مين تخاف عليا ولا تحرجنى بالشكل ده
محمد : واحدة وخايفة على ابن عمها ايه يعنى وبعدين دى هيا فضلت تسأل عليك وكانت خايفة لغاية ما قررت تخبط عندك بعدها نزلت بسرعة وراك لكن هيا كانت بتقول انها عايزة تقولك حاجة مهمة
زين : وست الهانم كانت عايزة ايه
محمد : معرفش هيا قالت انها عايزاك ضرورى وبس ....اطلع صالحها البنت مكملتش يومين وانت عمال تخانق معاها
زين : يا بابا ما هي اللى بتستفزنى
محمد: وانت عصبى يا زين
زين : حاضر يا بابا اما نشوف
طلع زين ودخل لقاها قاعدة وعمالة تشتم فيه بس هيا مش واخدة بالها
زين : وايه كمان اده انتى جبتى قاموس الشتايم بتاعك وطلعتيه فيا
كيراز : انت خبطت على الباب
زين : لا
كيراز : انا سمحتلك تدخل
زين : بردوا لا
كيراز : يبقى تدخل ليه انت مش عارف انى فى بنت فى البيت ولا ايه
زين : اه عارف ياسمين وبس
كيراز : وبس
زين : وبس
كيراز : تمام انت اللى جانى ومسكت كوباية الماية اللى جمبها وكبتها فى وشوا
زين : المايه دى جرافيك ولا حقيقى
كيراز: انت شايف ايه
زين: طيب وراح مسك الماية اللى جمبوا ورماها عليها
زين : كده يبقى تعادل وماحدش ليه حاجة عند التانى
كيراز : ايه الهبل ده
زين : انا آسف انى شتمتك وشديدتك وخليت منظرك عرة قدام روز
كيراز : وانا آسفة انى دخلت عليكوا وهزأتك ومسكت روز من شعرها وخليت منظرك عرة قدامها
راحوا الاتنين ضحكوا وبعدين قال زين : صحيح قالولى انك كنتى عايزانى فى موضوع
كيراز : اه كنت بقى وكان فعل ماضى مبنى على الطوب النى
زين : اللغة العربية بتصيح فى الزاوية على فكرة ، تعالى نتكلم جد بقا كنتى عايزة ايه
كيراز : انا مش هقدر اقولك كل حاجة كل اللى عايزاك تعرفهولى مين الشخص صاحب الرقم ده ...........
زين : تمام بس ليه
كيراز : ولا حاجة انا بس قولت انك الوحيد اللى هتعرف تساعدنى
زين : وده ليه
كيراز : ها......لا عادى عشان احنا بس سننا قريب من بعض وعلى فكرة بقا انت معطلنى عن المذاكرة وانا فى تالتة ثانوى ها ركز شوية بقى وخلى عندك دم
زين : ماشى يا لمضة هعرف هاجى اقولك ومشى زين
كيراز : ما هو انا هعرف انت مين يعنى هعرف وايه اسم الألفى اللى فى السلسلة ده واشمعنى مكتوب من بره كيراز ومن جوه الالفى طب هو انا ليه حاسة ان الموضوع ده ليه علاقة باختفاء بابا
طلعت كيراز فى البلكونة بتاعت اوضتها وفضلت واقفة شوية فى الهوا لحد ما لقت شخص بيتصل عليها
كيراز : الو مين معايا
-قولتلك مش كل حاجة هتعرفيها دلوقتى واه صحيح بلاش تتعبى زين على الفاضى كده كده مش هيعرف حاجة
كيراز :انت لو مقلتش انت مين انا هيبقى ليا تصرف تانى
-ما بيجيش بالتهديد
كيراز : لا انت شكلك نسيت انا مين انا كيراز كامل السيوفى يعنى تهديدى مش كلام على الفاضى انت فاهم
-وانتى جاية المقابلة بعد بكره هاتى معاكى السلسة وهتلاقى صندوق فى اوضةباباكى القديمة فى المكتب بتاعه جوه الدرج اللى على الشمال روحى ما تنسيش تجيبيه
-وان ماجبتهوش
-يبقى انتى اللى بدأتى يا كيراز
- كيراز السيوفى مابتتدهدتش
-من غير رغى كتير احنا غيرنا المكان وعايزينك تجيلنا فى المكان ده ......... سلام يا كيراز كامل الألفى
كيراز:...................
______________________________________________________________________
فى مكان تانى :-
"سمعت الصوت ده قبل كده وعارفاه كويس ده رحيم، لفيت بهدوء انا متأكده انه مش هيعرفني لأن شكلي اتغير جدًا، وغير اللبس الولادي إلي لبساه؛ ايس كاب وسويت شيرت كبير وسويت بانتس حتى الكوتشي شبه بتاع الولاد، اكيد مش هيعرفني، هو اصلًا مفكرني ولد".
رديت وانا بحاول اغير صوتي:
_في حاجه؟
رحيم: كنت عايز اشكر حضرتك على الي عملته مع اختي، شكرًا جدًا لحضرتك.
_على ايه ده وجبي واي حد مكاني كان هيعمل كده.
شكرني كذا مره وهو كُل ده مخدش باله اني بنت أصلًا؛ عشان الشارع النور فيه مكنش قوي وانا كُنت لابسه الكابتشو بتاع السويت شيرت فـ مكنتش باينه.
وصلت البيت ودخلت قعدت في البلكونة شويه وافتكرت تسنيم حقيقي كانت وحشاني، تسنيم مش بس صحبتي هي كانت كُل حاجه ليا بجد واحنا كنا اقرب من اننا نقول أننا بعاد دلوقتي.
عند رحيم:
_الحمدالله، لولا الراجل ده مش عارف كان ممكن يحصلك ايه.
ضحكت تسنيم بصوت عالي.
سألها رحيم بأستغراب:
_في ايه يا بنتي أنتِ اتجنيتي، بتضحكي على ايه أنتِ؟
_هموووت، أنتَ معرفتش مين دي بجد؟
_مين دي ايه.!ثانيه هي دي بنت؟
_اها يبني بنت، خد التقيله كمان دي ملاك صحبتي.
بانت معالم الصدمه على وجه رحيم:..............